Text

ff. 1b–383a · 764 folio sides

  1. 1b

    de nas musalun d+ha gang na bcom ldan 'das bzhugs pa der song ngo / / byin// nas kyang stong phrag brgyad du dang btsas pa'i lha rnams kyis / gnyis la phyag 'tshal lo//

  2. 2a

    nas bcom ldan 'das kyis mu su lun d+ha dang thabs cig tu gyur pa rnams la 'di skad ces bka' stsal te/ mu su lun d+ha bde bar 'ongs sam/ gang yang bcom ldan 'das gser thub kyi chos kyi mdo ji lta ba bzhin du rtogs sam/ ji lta ba bzhin du mu su lun dA stong phrag pas lhag par rab tu dang ba legs par skyes par gyur nas 'di

  3. 2b

    snyam du sems so/ / kye ma'o shin tu ngo mtshar ro// thams cad mkhyen pa'i ye shes shin tu phra ba'i ye shes rtogs pa la thogs pa mi mnga' ba'i gang zhig bdag la byung ba de dag rnams/ bcom ldan 'das 'dis ji lta ba bzhin du legs par mkhyen no/ / de nas gzhan yang mu su lun d+has bcom ldan 'das kyi zhabs gnyis la phyag byas nas lha stong phrag brgyad cu po rnams dang thabs cig tu gyur pas phyogs gcig tu 'khod do/ / de nas bcom ldan 'das kyis 'di skad ces bka' stsal te/ mu su lun d+has chos bshad par bya ba rnams ni/ dang por dge ba/ bar du dge ba/ tha mar dge ba/ don bzang po/ tshig 'bru bzang po

  4. 3a

    'ba' zhig pa yongs su rdzogs pa/ yongs su dag pa/ yongs su byang ba'i chos rnams ngas bshad par bya ste/ 'di lta ste/ lha'i 'gro ba rnams mngon par dga' ba zhes bya ba'i chos kyi rnam grangs yod de/ de legs par rab tu yid la bya ste nyon cig dang / ngas bshad par bya'o// / de skad ces bka' stsal pa dang / lha rnams bcom ldan 'das kyi ltar nyan pa la/ bcom ldan 'das kyis 'di skad ces bka' stsal to// dge slong ngag lha'i skye bo rnams mngon par dga' ba zhes bya ba'i chos kyi rnam grangs de dag rnams gang zhe na/ 'di ltar bcu gnyis po 'di dag ni mu su lun d+ha rnams kyi lam du gyur pa gang la mngon par zhugs te/ rab tu gnas par gyur pa'i skyes bu rnams ni lha'i yul du legs par phyin par 'gyur ro// dper na lam sa la kun nas brten zhing / lam rnams kyi rgyal pos ni 'jigs pa dang bral zhing dogs pa dang bral bas nyams pa med pas lus dang / ngag dang /

  5. 3b

    yid snyoms shing mi ngal bar skyes bu rnams grong khyer du legs par 'jug par byed pa yin la/ de bzhin du lam bcu gnyis po 'di rnams kyi bzhon pa la skyes bu dam pa rnams legs par zhon nas lha rnams kyi 'jig rten du 'gro'o/ / bcu gnyis po rnams gang zhe na/ 'di lta ste/ re zhig dang po kho nar bden pa'i lam mo// mu su lun d+ha bden pa de la yang yon tan lnga ste/ gang gi phyir bden par smra ba'i skyes bu rnams la yang skye bo thams cad kyis yid ches pa'i gnas su byed par 'gyur ro// rtag tu dbang che bar yang 'gyur ro// bzhin dang mdog kyang rtag par rab tu dang bar 'gyur ro/ / lha rnams kyis kyang spong bar mi byed do// de dag ni mthong ba'i chos kyi 'bras bu rnams yin la/ lus zhig nas bde 'gro mtho ris pa lha rnam kyi nang du skye bar 'gyur ro/ / tshigs su bcad pa yang 'di yin te/ bden par smra ba rtag tu dul// lha rnams kyis kyang yongs bskor dang // 'jig rten dga' bar 'gyur ba dang // phyi nas lha ni rangs par 'gyur/ / mu su lun d+ha 'di dag rnams ni mtho ris kyi lam dang po yin no// gzhan yang mu su lun d+ha mtho ris kyi lam rnams la 'di lta ste/ sbyin pa ma nyams pa dang / nyes pa can ma yin pa dang srid par yongs su 'jug pa ma yin pa dang / sems kyis legs par bsams pa 'di ni mtho ris kyi lam gnyis pa yin pa gang gis/ lha'i 'jig rten du skye bar 'gyur ba/

  6. 4a

    ni legs par byas pa'i las kyi mtha' la spyod pa rnams yin la/ mdor bsdu na sbyin pa'i yon tan ni rnam pa gsum ste/ 'di lta ste/ 'jig rten pa rnams 'thun par 'dzin par 'gyur ro/ / rtag tu sems bsgoms pa'i bdag nyid can yin pa'i phyir na/ sems kyis bde ba nyams su myong bar byed do// phyi mar yang longs spyod chen po dang ldan par 'gyur ro// 'di ni lha'i 'jig rten pa rnams kyi lam gnyis pa'o// 'di la yang tshigs su bcad pa/ sbyin pa sbyin pas 'thun 'gyur zhing // sems kyi rgyud kyang tshim par byed// phyis de longs spyod ldan par 'gyur/ / sbyin pa'i 'bras bu 'di 'dra yin// gzhan yang mu su lun d+ha mtho ris kyi lam gsum pa/ 'di lta ste/ bzod pa'o// bzod pa dang ldan pa'i skyes bu rnams la yon tan 'di dag rnam yin te/ 'di lta ste/ 'thab pa dang / rtsod pa dang / 'gyed par byed par mi 'gyur ro// 'di ni yon tan dang po yin no// 'di'i nor rnams dbrog par byar mi nus so// skye bo thams cad dang 'thun par 'gyur ro/ / lus zhig nas bde 'gro mtho ris kyi 'jig rten du skye'o// 'di la yang tshigs su bcad pa/ bzod pa'i spyod dang yang dag ldan// grogs ldan ces kyang 'jigs pa med/ / 'jig rten 'dir ni 'thun 'gyur zhing // phyi nas lha rnams ngag tu dga'// gzhan yang mu su lun d+ha mtho ris kyi lam rnams la bzhi pa/ 'di lta ste/ tshig snyan pa'o// snyan pa las

  7. 4b

    kyang yon tan drug tu 'gyur ba ni/ 'di lta ste/ skye bo thams cad dga' bar 'gyur ba dang / bdag nyid su la yang mi 'jigs pa dang / rtag tu bde pas dga' ba dang / rab tu dang ba dang dogs pa rnams med pa dang / nye bar sten par gyur pa dang rnams te/ yon tan drug po de dag yin no// tshig snyan par 'gyur ba 'di yang tshigs su bcad pa/ 'jig rten pa ni dgar gyur dang / / 'dir yang snyan pa mngon par 'phel// bzhin ni blta bar 'os 'gyur zhing // lha yi 'jig rten du yang 'gro// gzhan yang su su lun d+ha lha'i 'jig rten pa rnams kyi lam lnga pa/ di lta ste/ thams cad la yang de snying brtse ba dang ldan pa'o// brtse ba dang ldan pa'i skyes bu rnams ni mya ngan las 'das pa'i mthar byed par 'gyur te/ de'i nyi ma re re zhing 'khor mtha' yas pa dang yan tan tshang med par 'gyur ro/ / tshigs su bcad pa ni 'di yin te/ 'jig rten skye bo thams cad kyi// de ni pha 'dra ma 'dra nyid// rtag par snying rje rin chen ni// gang dag yid la ba pa'i mchog/ gzhan yang mu su lun d+ha lha'i lam drug pa gang dag gis/ skyes bu rnams lha'i 'jig rten du skyed mos tshal gyi ltad mo bzhin du 'gro bar 'gyur ba ni/ 'di lta ste/ sems rab tu mnyam par gzhag pa'i phyir na/ skyes bu rnams legs par bya ba rnams byed par 'gyur ba yin zhing / legs par bsams pa sems par byed pa yin/ ngag rnams legs pa

  8. 5a

    'gyur ba yin no/ / de dag rnams ni mdor bsdu na legs par sems mnyam par gzhag pa rnams kyi yon tan yin no// 'di la yang tshigs su bcad pa/ sems ni rab tu mnyam gzhag pa/ / rtag tu chos ni rjes mthong zhing // nyes pa'i dbang gis mi 'gro ste// nyi la mun pa skye min bzhin// mu su lun d+ha de dag rnams ni dge ba'i chos thams cad kyi rtsa bar gyur pa yin te/ 'di lta ste/ sems rab tu mnyam par gzhag pa'o// gzhan yang lha'i lam bdun pa rnams gang la zhugs nas skyes bu rnams lha'i 'jig rten du phyin par byed pa rnams ni/ 'di lta ste/ yang dag pa'i lta ba la gnas pa'i skyes bu rnams mya ngan las 'das pa nyid la yang gnas par 'gyur na/ lha'i 'jig rten du 'gyur ba la lta smos kyang ci dgos de'i lus dang / ngag dang / yid kyi las kyi mtha' cung zad gang byed pa de dag rnams thams cad kyang phan pa'i don kho na yin pas/ mya ngan las 'das pa rtog pa'i don du 'gyur ro// lha'i 'jig rten du skye bar yang 'gyur ro// yang 'di la tshigs su bcad par gyur pa ni/ yang dag lta bas phul byung ba// gang gi sems la 'byung 'gyur ba// khyim pa yin yang 'khor ba yi/ / 'ching ba las grol de shes bya// gzhan yang lha'i lam brgyad pa rnams/ 'di lta ste/ sdig pa'i grogs po yongs su spangs pa rnams la/ mdor bsdu na skyon

  9. 5b

    gsum mi 'byung ste/ skyes bu dam pa rnams spong bar mi 'gyur ba dang / bslab pa mtshungs pa yin zhes byas nas zhal snga nas kyis yid ches pa'i gnas su yang 'gyur ro// gzhan yang skyon khyad par can rnams 'byung bar mi 'gyur ba yin no/ / 'di la yang tshigs su bcad pa ni/ sdig pa'i grogs po mi bsten pa'i// skyes bu bde ba'i skal ldan yin// sdig pa'i grogs po legs bsten pas/ / don min kun gyi mchog tu 'gyur// gzhan yang mu su lun d+ha lam dgu pa/ 'di lta ste/ dam pa'i chos nyan par byed pa'o// dam pa'i chos nyan pa la yang mdor bsdu na yon tan bdun yod de/ 'di ltar ma thos pa rnams thos par byed/ thos pa rnams rtas par byed/ gang yang tha mal pa'i sdig par gyur pa de dag rnams spong bar byed do// 'phags pa rnams la lta ba'i rang bzhin can du 'gyur ro/ / sangs rgyas la phyir zhing nyid du rab tu dang ba bskyed par 'gyur ba yin no// de'i tshe dag kyang 'jil bar 'gyur ba yin no// lus zhig nas kyang lha rnams su skye bar 'gyur ba yin no/ / 'di ltar yin pa la yang tshigs su bcad pa/ skyes bus ma thos thos par byed// thos pa yang ni bstan par 'gyur// sdig pa spong bar byed pa yin// phyi mar lhar ni skye ba yin// gzhan yang su su lun d+ha lha'i lam bcu pa ni/ 'di lta ste/ sems 'jam por gyur pa'o// de la yang yon tan bzhino// 'di lta ste/ zhe sdang bar mi byed do//

  10. 6a

    gal te brgyal zhig byas nas yang de bstan par mi byed do// khro bas shin tu gnod par mi 'gyur ro// lus zhig nas kyang lha rnams kyi nang du skye bar 'gyur ro// tshigs su bcad pa yang 'di yin te/ sems gang dge ba dri med ldan// zhe sdang gis ni gnod byed min// brnab sems dri ma 'byung min te// lha yi 'jig rten du yang skye// gzhan yang mu su lun d+ha lha'i lam rnams las bcu gcig pa ni/ 'di lta ste/ las dang 'bras bu la dad pa'i stobs bskyed pa'o// las kyi 'bras bu rnams la dad pa'i stobs bskyed pa'i skyes bu rnams ni sdig pa thams cad rnam par spangs par 'gyur ro/ / kha na ma tho ba cung zad tsam rnams la yang 'jigs par lta bar 'gyur ro// des legs par byas pa dang / nyes par byas pa'i las rnams kyi 'bras bu yang kun nas rig par 'gyur ro/ / 'di lta ste/ 'dus byas rnams byed par mi 'gyur ro// de legs par byas pa'i las la goms pa'i dbang gis lus zhig nas bde 'gro mtho ris lha rnams kyi nang du skye bar 'gyur ro/ / tshigs su bcad pa yang 'di yin te/ gang gis las 'bras rnam smin shes// rtag tu phra mo legs mthong ba// 'di ni sdig pas gos min te/ 'jam gyi pad+ma ji bzhin no// gzhan yang mu su lun d+ha mtho ris kyi lam gang dag la mngon par zhugs nas skyes bu rnams kyi 'jig rten du skye bar 'gyur ba ni/ 'di lta ste/ dkon mchog

  11. 6b

    gsum la rab tu dang ba phyin ci ma log pa'o/ / dkon mchog gsum la rab tu dang ba phyin ci ma log pa de ni yon tan brgya phrag du ma dang ldan pa yin pa gang gi phyir na/ yon tan du ma dang ldan pa des kyang yon tan rnams zil gyis mnan nas/ rnam par rgyal bar gsal zhing mdzes so// 'di lta ste/ skyes bu de dag rnams ni mya ngan 'das pa'i mthar phyin par 'gyur ro// sngon du lha dang mi rnams kyi bde ba nyams su myong bar 'gyur te/ lam bcu gnyis po 'dis skyes bu rnams sam/ lha gang dag bag med pa dang ldan pa ma yin pa de dag rnams kyang mtho ris su 'gro'o/ / bag med pa la zhugs pa'i skyes bu rnams ni 'jig rten pa dang / 'jig rten las 'das pa'i bde ba rnams kyang mi thob pa'o// de lta bas na mu su lun d+ha ji lta bu kho nar sngon gyi drang srong gser thub des/ 'thab bral ba rnams kyi bdag po so'u myo de la chos bstan pa'i chos de nyid kho na de bzhin gshegs pa rnams thams cad kyi yin pa yang ji lta ba bzhin du khyod kyi tshe ches rgan pa rnams kyi drung nas thos pa yin no/ / 'di la yang tshigs su bcad par gyur pa ni/ dkon mchog gsum la rab dad pa// 'byung 'gyur 'bras bu du ma dang // mya ngan 'da' bar 'gyur ba ste/ / sngon du nye bar mtho ris skye// lam bcu gnyis po de dag rnams bar ma chad pas der rtag tu 'gro bar 'gyur gyi/ gzhan du ni ma yin no// de nas mu su lun d+has/ bcom

  12. 7a

    ldan 'das kyi spyan snga nas chos kyi rnam grangs 'di thos pas lha brgya stong phrag brgyad cu po rnams kyang rgyun du zhugs pa'i 'bras bu thob par gyur to/ / de nas 'thab bral ba rnams kyi mnga' bdag mu su lun d+has/ bcom ldan 'das kyi zhabs gnyis la phyag 'tshal nas/ tshigs su bcad pa 'di dag rnams te ji ltar/ de bzhin gshegs pa/ khyod drin gyis// ngan song 'dzegs las bdag bkrol ba// lha ni 'di rnams thams cad kyang // mgon po khyod kyis chos kyis bsgral// srid pa'i btson ra rgya chen pos// lha dang bcas pa rab zhugs pa// bde gshegs bstan pa gang la bdag/ bdag gi skye ba deng 'bras bcas// de skad ces smras nas/ mu su lun d+ha wA rA Na si nas 'phags nas lha'i tshogs dang bcas pa rnams nam mkha'i dkyil du 'phags te/ de rnams gang na 'thab bral ba rnams kyi sa rnams yod pa der lha de thams cad nyid rab tu zhugs nas/ de rnams re zhig gi tshe dga' mgur gyur pas kun tu spyod de/ ji srid du de dag rnams skye ba gcig gi dbang du byas pa'i tshe ma zad kyi bar du'o// de zad nas phyis kyang gang gis sdig pa'i sgo rnams bcad pa'i mi rnams su de skye'o/ / skyes nas kyang mchog tu gzhon sha chags pa dang / gzugs dang lang tsho phul du phyin pa dang 'byor cing / yang yul ljongs la dbang bar 'gyur ro//

  13. 7b

    gang dag rgyun du zhugs pa ma yin pa de dag rnams ni che 'phos nas ji ltar chos rnams kyis nye bar 'gro bar 'gyur ba dmyal ba dang / yi dgas dang / dud 'gro rnams su skye'o// de dag rnams nas 'phos nas gal te yang mi rnams dang skal ba mtshungs par mir skye na yang / de rnams de bzhin du gzhon sha can du 'gyur zhing / rgyan dang cha lugs la mchog tu dga' bar yang 'gyur te/ de'i rgyu 'thun pa'i las rnams kyis so// // gzhan yang dge slong las kyi 'bras bu rnam par smin pa shes pa de/ 'thab bral ba'i sa rnams la rnam par lta bar byed pa na/ des thos pa las byung ba'i shes rab kyis mthong bar gyur pa ni/ 'thab bral ba'i lha rnams kyis ji lta ba bzhin du yod pa gzhon pa rgya che ba la rnam par rgyu ba zhes bya ba'o/ / der yang las gang gis sems can skye bar 'gyur ba yang / des thos pa las byung ba'i shes pas mthong ste/ skyes bu dam pa gang dag gis dge ba'i bshes gnyen bdag nyid la bde legs ston par byed pas ni dpe med pa'i yul gyi yon tan dang ldan pa yang / gang kho na bdag gis gzugs mthong ba de nyid ni/ 'dod pa sdug pa yid du 'ong ba gzhan rnams dang 'dra ba ma yin pa rnams mthong ngo / / gang yang rna bas thos pa rnams ni rnam pa sna tshogs pa'i glu rnams dang / bya'i sgra dang / chu klung dang /

  14. 8a

    'bab chu dang / mdze'u la sogs pa'i sgra rnams te/ de rnams ni 'dod pa sdug pa yid du 'ong ba gzhan rnams dang mi 'dra ba/ mtshungs pa med par gyur/ pas yid tshim pa med par byed pa rnams yin no// de bzhin du bdag gi snas snom pa rnams gang yin pa de dag rnams kyang / 'dod pa sdug pa yid du 'ong ba rnam pa du mar gzhan rnams dang 'dra ba ma yin par gyur pa/ snga nas med pa bzhin yid tshim pa med par byed pa rnams bdag gis snom mo// gzhan yang bdag gi lces ro rnam pa du ma myong bar byed pa na/ de rnams kyang rnam pa du mar gzhan dang mi 'dra ba yid ngoms pa med par byed pa rnams so// gang yang bdag gis lus kyis reg bya rnams la reg par byed pa na/ rnam pa sna tshogs zhing rnam pa du mar gzhan dang mtshungs pa ma yin pa/ yul gyi bde ba gang cung zad kyang ma lus pa thams cad nags 'di dag rnams na med pa ma yin te/ lha rdzas kyi 'dod pa'i yon tan lnga po rnams/ rnam pa du mar dun sum tshogs pa rnam par brtag par bya ba du mar gzhan rnams dang mtshungs pa ma yin pa'i lha rnams su skye'o// lha rnams kyis nags rnams mthong bas ni ma yin gyi/ nags 'di dag tu zhugs pa tsam nyid na lha de khyed rnams 'dir shin tu ngo mtshar bar gyur par mthong ba yin la/ gang yang lha rnams kyi

  15. 8b

    mnga' bdag mu su lun d+ha sngon du byas nas lha 'di dag rnams nang rnams su 'jug par 'gyur ba lta smos kyang ci dgos/ de la yang bye ba stong phrag sa ya phrag dgu'i rgyan dang cha byad rnam pa sna tshogs pa'i gzugs dang / lang tsho dang / kra dang / rol mom yon tan rnams dang ldan pa'i lham ma ma'i rab tu dga' bar gyur pa'i bzhin mngon du bstan par gyur pa ba stong phrag sa la phrag dgus mngon par mchod par byed par gyur pa'i 'dod pa'i yon tan lnga phun sum tshogs pa'i dpal la spyod par byed pa rnams yin zhing / lha de dag rnams kyi mnga' bdag mu su lun d+ha de la ni ci nas kyang lha rnams kyis legs par lta bar byed pa yin te/ rgyu gang gis yin na yul rnams de'i yin pa'i phyir dang / de yang bdag cag thams cad kyi mnga' bdag tu gyur pa pha bzhin dang / ma bzhin du 'thab bral gyi sa rnams su legs pa slob par byed pa yin no// de dag rnams thos nas lha gsar du skyes pa de dag phyir yang lha'i bu mo de dag gis yongs su bskor ba'i lha nyid la lta bar byed de/ dman pa dang bar ma'i gzugs dang cha byad dang rgyan can skye'o// re re zhing 'dod pa'i yon tan dang bde ba'i zas kyis gnas pa/ 'dod pa'i yon tan lnga'i zas dang ldan pa rnams kyis/ mngon par mthong nas rtse bar byed par 'gyur ba dang / lha mo de dag rnams dang / lha gzhan rnams kyis

  16. 9a

    kyang ngag snyan pas mnyes par byed par 'gyur la/ de na yon tan stong phrag du ma dang ldan pa rin po che sna bdun gyi rang bzhin gyi ljon shing rnams kyis nye bar mdzes par gyur pa/ shing gi 'phreng ba brgya stong phrag du mas yongs su mdzes par byas pa/ dpag bsam gyi shing gi nags la gzhan rnams la/ gang dang gang dag bsams pa de dang de dag rnams dpag bsam gyi shing de rnams las 'byung ngo / / de ltar yon tan phun sum tshogs pa'i shing de dag rnams la gsar du skyes pa'i lhas shing de dag yon tan phul du byung ba/ rnam pa du mar phun sum tshogs pa'i yul gyi longs spyod rnams gang yin pa kho nas dga' ba'i nags rnams mngon par mthong nas/ mig gi rgyu ba yang phyir mi ldog pa'i shin tu bar yang dga' ba 'di dag rnams la rtag par rgyun mi 'chad par rab tu blta bar gyur pas/ de dag rnams dang bcas pa nags chen po de'i nang du legs par gzhug par byed labaza' ba dang btung ba'i chu klung brgya stong phrag mang po dang ldan pa/ kha dog sna tshogs pa'i bya rnams kyis nye 'khor na ca co'i sgra rab tu 'byin pa dang / shin tu mnyan par 'os pa'i lha mo'i tshogs kyis glu mchog gi sgra rnams kyis kun tu gang bar gyur pa'i bya'i sgra rnams dang 'dres pas yid 'phrog par byed do/ / gzhan yang lha gzhan rnams zhugs par gyur pa na

  17. 9b

    lha gsar du skyes pa des mthong ba ni/ shin tu ngo mtshar bar gyur pa'i pad+ma'i tshal ring du ni dpag tshad gsum mo// rgyar ni dpag tshad gnyis pa'i pad+ma chen po'i nags rnams ni dbyibs/ du ma dang / gzugs du mas nye bar mdzes par gyur pa la/ 'di lta ste/ ston ka'i dus na nam mkha' dri ma dang bral ba la rab tu 'bar ba'i gza' dang skar ma mdzes pa bzhin du de'i 'khor rnams na yang lha dang / lha mo'i tshogs phal che bar gyur pa brgya stong gis yongs su gang bar gyur pa dang / rab tu dga' ba'i lha dang lha mo'i tshogs rnams kyis gar rnams kyis dang rgod par byed pa rnams kyis kyang rnga sla yan lag lnga dang ldan pas phan tshun thabs cig tu dga' bar gyur zhing / phan tshun du legs par gtam 'dre bar 'byung ba'i yid can rnams phan tshun du yud tsam cig tu chags pa dang / dga' ba dang yang bral bar 'gyur ba ma yin no// de ltar gyur pa'i yid de lta bur gyur pa'i sems kyis ngal bar gyur pa yang med pa zo yang de dag smra ba'i yid des kun tu drangs pa rnams kyi nye 'khor na/ chos rab tu dga' ba'i lha'i tshogs kyis yongs su bskor ba'o// gzhan yang lha des mthong ba ni pad+ma'i nags de dag rnams na/ rnam pa sna tshogs pa'i bya rnams chu la rgyu ba dag kyang phan tshun du dga' zhing kun tu spyod par yang byed do// phan tshun du chags pa'i yid can de dag rnams kyang

  18. 10a

    bzhin du/ phan tshun du grogs kyi bya ba yang rjes su byed do// de dag rnams de bzhin du lha rnams kyi bya ba yang byed la/ lha rnams ji lta ba bzhin du de dag rnams de lta ba bzhin du/ drar pa dang / bya ka dam pa dang / bya ka ran Da bA dang / de dag rnams lhan cig tu pad+ma'i nags de la rnam pa du ma dga' 'o// de la mchog tu dga' ba'i dang bar gyur pa can gyi chu de'i 'jug ngos rnams na/ lha de rnams la la ni gser gyi 'dab ma can gyi pad+ma blangs nas/ bdud rtsi 'thung zhing glu yang len par byed do// lha mo'i tshogs rnams kyis yongs su bskor nas/ rnam pa sna tshogs pa'i lha'i bde ba rnams dang yang dag par ldan no/ / yang gzhan rnams ni dngul gyi rang bzhin gyi bdud rtsi blangs nas so// pad+ma rA ga dang mtshungs pa'i mdog can rang gi las rnams dang rjes su 'thun pa rnams 'thung bar byed do/ / dga' ba dang ldan pas ji srid du ser po rnams kyang ngo // yang lha gzhan ni shel gyi rang bzhin gyi pad+ma'i 'dab ma rnams la/ bdud rtsi mchog tu dri zhim pa dang ldan pa/ mchog tu phun sum tshogs pa/ mchog tu bsil bar gyur pa/ lhan cig spyod pa rnams dang / lhan cig tu rang gi las dang 'dra bar bdud rtsi rnams 'thung bar byed do// yang l ha gzhan rnams ni pad+ma'i nags de dag nyid kho na na blta bar bya ba'i ches mchog tu dga' ba'i yul lnga'i yon tan rnams dang yang dag par ldan pa'i in+d+ra nI la'i rang bzhin gyi mdog dang ldan pa'i

  19. 10b

    me tog pad+ma'i 'dab ma la gnas pa'i bdud rtsi rnams nas/ 'khor dga' ba rnams dang dga' bar byed do// lha gzhan rnams kyang lha'i me tog rnams kyis legs par rgyas pa/ lha'i bdud rtsi dang ldan pa'i shing rnams kyi nang du song bar gyur pa dang / rgyags shing bag med pas rnam par rgyu bas nags gzhan gyi gseb tu rnam par rgyu ba rnams sna tshogs par dga' ba'i 'khor rnams dang bcas pas/ lha rdzas kyi ro dang / dri dang / kha dog du ma phun sum tshogs pa dang ldan pa'i 'bras bu gzhibs nas de'i nang du song nas/ ro gzhan 'thung bar byed cing glu yang len par byed de/ mchog tu dga' ba'i yid dang ldan pas so// yang lha gzhan rnams ni gser dang / dngul dang / shel dang / in+d+ra nI la'i rang bzhin de dag rnams la rnam pa sna tshogs pa'i me tog gis gang bas g.yogs pa/ 'khri shing gi phug tu gyur pa las/ 'khri shing gi bla re bres pa'i khang pa la 'khor dang bcas pa rnams dga' zhing lha mo rnams dang bcas pa glu len par yang byed do/ / yang lha gzhan dag rnams ni chu klung gi 'gram rnams la brten nas byas kun tu sgra sgrogs pa dang ldan pa/ mnan na nem la bteg na 'phar ba'i sa gzhi'i cha reg na 'jam par gyur pa la skyes pa/ shing rnams kyi me tog kha dog lnga dang yang dag par ldan pa'i 'phreng bar bya ba'i 'phreng ba rnams len la/ kha cig ni sil ma dang yang dag par ldan pa'i me tog rnams yongs su blangs

  20. 11a

    nas lhan cig tu spyod pa rnams dang / bdag nyid kyang snom par byed do// lha gzhan rnams ni de dang nye ba na/ rol mo'i sgra dag byed do// yang lha gzhan dag rnams ni rnam pa sna tshogs pa'i rin po che'i rdo ba sna tshogs par gyur pa rnams la/ 'di lta ste/ in+d+ra nI la dang / shel dang / gser dang / dngul gyi rang bzhin rnams la dga' bar byed cing kun tu spyod par yang byed de/ ji srid du 'dod cing sdug la yid du 'ong bar 'gyur ba'i las byas shing bsags pa rnams zad par ma gyur gyi bar du'o// de dag rnams zad nas slar yang dmyal ba dang / yi dgas dang / dud 'gro rnams su skye ba yin no/ / de rnams nas 'phos nas lan grangs gzhan la myong bar 'gyur ba'i las rnams kyis gal te mi rnams dang skal ba mtshungs par gyur pa'i mir skyes na yang de rtag tu gzhon sha can dang / mchog tu gzugs dang lang tsho dang ldan pa dang / yid dga' ba dang / longs spyod dang / yul ljongs rnams la dbang bar 'gyur ba yin te/ las de rnams kyi rgyu 'thun pa'i dbang gis so/ / gzhan yang dge slong las kyi 'bras bu rnam par smin pa shes pa de/ 'thab bral gyi lha rnams kyi sa la rnam par lta bar byed pa na/ des thos pa las byung ba'i shes rab kyis 'thab bral ba rnams kyis rgyun gnas na rnam par rgyu ba zhes bya ba yod pa ji lta ba bzhin du mthong ngo / / der yang las gang gis sems can rnams skye bar 'gyur ba yin na/ des thos pa las

  21. 11b

    byung ba'i shes rab kyis mthong ba gang dag drang por gyur zhing drang po'i rang bzhin can dang pa'i stobs stobs can du gyur pas/ srog gcod pa dang / ma byin par len pa rnams rnam par spangs shing kun nas yongs su dag par gyur la/ 'dod pa la log par g.yem pa yang mi sten cing / goms par mi byed la/ lan mang du byed par mi 'gyur ba ni/ 'di lta ste/ bud med rnams kyi mig la brten nas ma yin zhing / mig gis gzugs la yang 'dod pa'i 'dod chags kun tu lta bar mi byed do// sems rgyud tshul bzhin ma yin pa yid la byed pas zil gyis gnon par gyur na de yang phyir spong bar byed do/ / kun tu rtog par mi byed do// dug bzhin du yongs su spong bar byed do// skyes bu dam pa de dag rnams lus zhig nas mtho ris bde 'gro'i 'jig rten rnams las 'thab bral rnams kyi nang gang na rgyun gnas na rnam par rgyu ba zhes bya ba lha de'i sar skye ba'o/ / der skyes pa 'di'i yang nyi ma dang mtshungs pa'i gzi brjid kyi dge ba shar ba'i 'bras bu la longs spyod pa dpe med pa'i bde ba dang ldan pa/ de lha rdzas kyi yul du ma nye bar bsten pa rnams te/ dang po kho na nyid du skyes pa'i sems kun tu dga' zhing rab tu dga' ba'i yid kyis ji ltar bdag gcig pu gnas zhes de'i sems bskyed pa tsam nyid na/ nags de dag rnams kyi nang kun nas 'ong ba na/ rnam pa du ma rnam pa sna tshogs pa'i rgyan dang cha byad dang ldan pa/ mgo la pad+ma'i

  22. 12a

    'phreng ba'i 'od rnam par 'bar ba rnam pa sna tshogs pa'i gos kha dog sna tshogs pa can dgos pa rnams gang na lha de yod pa der myur bar 'ong bar 'gyur ro/ / 'ongs nas kyang sgrin por gyur pa/ rgyan dang cha lugs stong phrag brgyas mngon par brgyan pa rnams lha gsar du skyes pa de dang nye bar 'ongs te/ de yongs su bskor nas rol mos brel ba'i yid can dang mchog tu glu la chags pa'i yid can gyis/ lha de nye bar bsgyur zhing rnam pa du mar yid kyis rjes su 'thun pas/ shin tu yon tan phun sum tshogs pa gzhan gyi snying dbang du 'gyur ba'i lha mchog la lha'i bu mo de dag nye bar sten par byed do/ / des kyang lha'i bu mo de dag rnams mthong ba dang / snga nas ma mthong ba'i kun tu 'dod chags pa skyes nas dpyod par byed de/ 'di dag su yin ci la 'ong zhes so/ / de nas de'i drung du 'ongs pa mngon par mthong nas/ rnam pa sna tshogs pa'i rnam par 'dod chags pa'i bag chags brgya stong phrag du ma'i rnam par rtog pa dang / rgyun rnam pa sna tshogs pa'i rnam par gsal ba'i rin po ches lus la lam mer gyur pa gser bco ma'i rna gdub kyis 'gram pa'i ngos la 'thug par gyur pa/ rnam par rtog pa du ma dang ldan pa'i rol chas lag pa brel ba rnams te/ dpe rnam pa de lta bu rnams gang yin pa de srid kyis ni sum cu rtsa gsum pa'i lang tshol bab pa'i glu mkhan ma rnams kyang dpe med pa yin na/ gang yang yon tan rnam pa gsum 'gyur

  23. 12b

    gyis yon tan dang ldan pa'i dge ba'i las du ma yongs su dag pa las legs par skyes pa'i 'thab bral gyi lha mo rnams la lta smos kyang ci dgos/ sum cu rtsa gsum pa'i lha mo rnams dang / mi rnams kyi glu mkhan gyi khyad par gang yin pas ji ltar glu len pa'i khyad par yod pa de ltar/ gzugs dang lang tsho la bab pa dang / tshad dang rol mo'i bde ba rnams dang / nags dang / nags 'dab dang / pad+ma'i bdud rtsi dang / 'bab chu dang / khang pa dang / mtshe'u dang / gzhal yas khang rnams kyis de ltar khyad par gong nas gong du 'phags pas ji srid du gzhan 'phrul dbang byed kyi lha rnams kyi gong nas gong du 'phags pa'i gzugs dang / lang tsho dang / spro ba ches dga' bar gyur pa yin no// de ci'i phyir zhe na/ las kyi 'bras bu lci bar gyur pas dang / sems dang tshul khrims dri ma med pa'i khyad par rnams las yin no/ / de ltar yin na 'thab bral gyi lha mo rnams ni dpe med pa yin no// de rnams thams cad kyang 'dir mi rtag pa 'ba' zhig gi dbang du byas pa yin la/ 'dod pa la sogs pa rnams kyi dbang du byas pa yang de dag gi bde ba'i phyogs gcig la gnas par bya ba'i don du mngon par bsngags pa yin zhing / de'i rgyus kyang gang dag blo gros dman pa rnams srid pa la mngon par zhen pas tshul khrims la spyod par byed de/ rgyu gang gis gang dag srid pa la sred pa'i blo dman pa tshul khrims la spyod la/ ji ltar tshul khrims

  24. 13a

    des bdag cag rnams lhar skye bar 'gyur ro zhes snyam pa'i blo bzlog par bya ba'i don du/ 'di dag rnams mi rtag pa dang / 'pho bar 'gyur ba dang / 'thun pa rnams dang rnam par 'bral bar 'gyur ba'i skyon rnams brjod do/ / srid pa la mngon par sred pa'i rgyu cung zad tsam po gang yin pas kyang dge ba'i chos rnams thams cad kyi bar chad byed par 'gyur ro// steng dang / 'og dang / thad kar bsdus pa ni gnas rnams na gang dag rtag pa dang / ther zug dang / rnam par mi rtog par 'gyur ba'i go skabs de ni yod pa ma yin no// rgyu 'dis kyang mtho ris 'di dag rnams kyi bsngags pa brjod kyi/ srid pa la sred pa 'ba' zhig gis ni ma yin no// de nas yang lha'i bu mo de dag lha de la nye bar brten nas rnam par rtog pa du mas glu len cing 'jo zhing sgeg par yang byed do/ / de nas gsar du skyes pas sngar ma mthong ba rnams mthong nas 'di snyam du sems par gyur te/ 'di rnams ni gang yin ci zhig rdzogs nas 'dir 'ongs te/ gang dag gis bdag la sten par byed/ de nas sems bskyed pa tsam nyid na de ltar legs par byas pa'i las kyis bskul nas gzhon nu ma des 'di skad ces smras te/ ji ltar khyod bdag cag la dbang che ba dang kha drag par yang gyur te/ gsar pa khyod la phan pa dang bde ba la gnas par bya ba'i don du rjes su spyod cing zhabs 'bring byed pa yin la/ khyod ni bdag gi jo bo yin na bdag cag ci'i phyir smra bar mi byed de/

  25. 13b

    de nas des kyang de bzhin du de dag rnams go nas smras pa/ gal te ji ltar khyed rnams ji lta ba bzhin du gal te nga'i yin par gyur na/ de dag rnams kyis cis kyang bdag nags dang nye ba'i nags kun// tu lta ba'i don du 'bad pa byed par 'gyur ba yin la/ yin pa'i rgyu mtshan yang gang yin na/ bde ba'i rgyur 'gyur bas na mtho ris kyi 'jig rten 'dir skyes pa yin no// de nas gzhon nu ma de dag gis de la rjes su 'phyangs shing 'khyud de/ rnam pa du mar nye bar bskyon nas slar yang des lha la 'di skad smra zhing gnas te/ gzhon nu nags dang nye ba'i nags rnam pa du ma dag rnams rnam pa sna tshogs pa'i lha'i tshogs kyis legs par gang ba mthong na dga' ba rnam pa sna tshogs pa dang / bya rnam pa sna tshogs pa rnams kyi sgra thos nas yid 'phrog pa dang / sna tshogs pa'i 'bab chu dang / mtshe'u phun sum tshogs pa dang ldan pas mdzes pa/ rin po che sna bdun gyi ri sna tshogs pa brgya stong gi phung po 'thon po 'bar ba dang / sman ljongs dang / ri khrod kyi cha shas mdzes pa sna tshogs pa dang / bya rnam pa sna tshogs pa'i skad kun tu 'byin pa dang / rdzing bu rnams kyi sa gzhi'i cha shas legs pa rnams dang / de dag yon tan de lta bu dang ldan pa rnams su lha khyod nyid bdag cag rnams dang lhan cig dga' zhing kun tu spyod pa dang / rnam pa du mar rgyags pas gnas pas nye bar bsten par gyis shig/ de nas gsar du skyes pa'o lha de dag rnams

  26. 14a

    kyi drung nas de ltar thos nas/ 'di skad ces smras te/ ji ltar 'dod par de dag rnams bya la rag mod/ de de skad smras nas de'i rjes la stan las langs te/ bde ba thams cad la spyad pa'i don du rang dbang du gyur pa'i lha mo de dag rnams nags dang nye ba'i nags thams cad du 'gro bar byed de/ glu dang / rnga sgra dang / rol mo sna tshogs pa lag na thogs pa bag med pa'i sa pa rnams/ bag med pa'i sa'i don du nye bar kun tu 'gro bar byed do// de nas de dag nyid kyi mngon sum du bde bas gnas pa'i dbang du byas nas 'gro bar gyur pa rnams de nas mnyam du 'grogs pa'i lha'i bu mo rnams lha mo gzhan dang lhan cig rtse bar byed la/ de dag phan tshun du brngos par gyur pas lha de dang yang phan tshun du legs par mthong nas/ lha de dga' ba nyid skyes la/ 'thun pa kun tu skye zhing de dag rnams kyang phan tshun lhan cig tu ste/ lha dang lha mo de dag kyang phan tshun lhan cig tu yid kun tu 'dres pa'i tshogs de dag thams cad ma lus pa rnams/ gang na rtse mo'i nags zhes bya ba'i nags dpag tshad stong phrag gsum yod pa der 'gro'o// nags de na yang brgya stong bye ba khrag khrig du ma'i tshogs pa rnams kyis legs par gang ba gang gi dga' ba'i khyad par gyi dbang du byas na ni/ dga' ba'i tshal zhes bya ba'i nags ches 'jigs pa'i 'brog dgon pa dang 'dra ba yin no// rgyun gnas na rnam par rgyu ba'i lha rnams kyi sa'i

  27. 14b

    rtsed mo'i nags ni de ltar dga' ba yin no/ / de nas lha de sngar ma mthong ba'i dga' ba de dag rnams dang / sngar ma mthong ba rnams dang / sngar ma thos pa rnams rnam par rtag tu med pa dang dpe med par rjes su mngon par mthong nas/ bzhin rab tu dga' ba'i mig dang ldan pa la lha gsar du skyes pa de la lha mo des smras pa/ ji ltar bdag cag lhan cig spyod pa dang bcas pa'i snga nas med pa 'di dag rnams ci yin/ gzhan yang lha de'i lha'i 'phreng ba'i mchog rnams 'chang ba/ lha rdzas kyi tsan dan gyi gzugs kyi lus nam mkha' la khang bu la lhan cig spyod pa dang bcas pas glu len par byed pa dang / rgod par gyur pa dang / 'gying bar gyur pas glu dang bcas pa rol mo'i sgra rnams byed pas gang na rgyal po mu su lun d+ha'i gnas der song ngo // gzhan yang lha gzhan rnams ni nam mkha'i khang bu'i spyod yul na/ lha rdzas kyi pad+ma lag na thogs pa/ lha rdzas kyi stan la 'dug pa/ nam mkha' la dga' bar gyur pas 'gying zhing 'gro bar byed do/ / lha gzhan dag kyang lag na pi wang thogs nas thams cad du 'gro ba dang / rgyu ba shin tu phra ba brgya phrag du ma rnams brtol zhing nyams pa med pa de dag rnams gang nas rgyal po chen po mu su lun d+ha'i gnas der rab tu dga' ba'i yid kyis legs par nye bar 'gro bar byed do/ / yang lha gzhan rnams ni nam mkha' la legs par gnas nas lha rdzas kyi

  28. 15a

    me tog gi char 'bebs shing glu len pa dang yang ldan pas lhan cig spyod pa rnams dang bcas pa gang nas mu su lun d+ha'i gnas yod pa der nye bar bde bar 'gro'o/ / de ltar rnam pa du mar yang rnam par rtog pa du ma dga' ba du ma rnams cher nye bar skyes pa mthong ba na lha gsar du skyes pa der 'gro bar byed de/ lha mo de dag gi tshogs de dag rnams dang lha du mas 'thun pa dang snyan pa'i tshig rnam pa du ma rjod par byed cing 'gro ba'o/ / de nas lha gsar du skyes pa nges shin tu ring ba nas nyi ma brgya stong dang mtshungs pa'i 'od rnams gang dag mthong ba ni/ gang dag lha yin pa de dag rnams kyis kyang mig dag gis blta bar bya mi nus pa rnams dang / mnyan par bya ba rgya chen po'i sgra rnams kyang thos par gyur te dga' ba dang / gsal ba dang / ma 'dres pa dang mtshungs pa'i sgra rnams phyogs bzhir nye bar rnyed nas lha de yid ches shin tu dga' ba des lhan cig spyod pa rnams la 'di skad ces smras so// 'dir ches lhag par dga' bar gyur pa'i gnas 'od mngon par gsal ba dang ldan par mthong ba 'di ci yin/ gang yang 'dir rnam pa 'di lta bu'i ca co rgya chen po snyan zhing snyoms la rnam par 'dres pa'i sgra'i tshogs rnams dang gar yang thos par 'gyur ro/ / de nas lhan cig spyod pa de dag gis lha de la 'di skad ces smras te/ ji ltar 'thab bral ba'i lha rnams kyi

  29. 15b

    mnga' bdag 'di ni mdun du brgya stong phrag du mas yongs su bskor nas dga' bar byed cing / pad+ma brgya phrag dang lha'i bu mo du ma'i tshigs kyis yongs su bskor nas lha'i tshogs thams cad kyis mngon par stod par byed pa ni/ dga' ldan gyi mnga' bdag rab tu zhi bo bzhin du rtse zhing dga' la kun tu spyod par yang byed do// de nas yang lha gsar du skyes pa de ngo mtshar pa gzhan yid la skyes te/ gzhan rab tu zhi ba zhes bya ba gzhan gang la rnam pa 'di lta bu'i sa dag yod par gyur pa de gang yin na zhes lha des lhan cig spyod pa de dag rnams la slar smras pa gang la rnam pa 'di lta bu'i sa yod pa'i rab tu zhi ba zhes bya ba de ni gang yin la nges par de gang na gnas pa yin/ des ni bdag cag rnams 'dir kun nas mngon par mthong ba yin la/ bdag cag gis ma mthong ngo // des tshig de dag rnams thos shing dran par yang byas nas gsar du skyes pa 'dis bdag nyid chen po ji lta ba bzhin du kun nas shes par byas nas smras par gyur pa/ rab tu zhi ba bdag cag rnams kyis blta bar bya'o// de la slar nyid bos nas 'di skad ces brjod de/ ji ltar dga' ldan zhes bya ba'i lha rnams gang dag bdag gi steng na gnas pa yin te/ gang dag khyad par gyis kyang bdag cag rnams brgya stong gi cha tsam du yang mi 'gyur zhing rim pa thams cad dang / bde ba rnams thams cad las 'bras

  30. 16a

    bu'i 'brel pa thams cad kyis kyang de 'thab bral gyi lha de rnams cung zad tsam yin no/ / 'di dag rnams kyang 'thab bral ba rnams kyi mnga' bdag pas kyang ches lhag pa'i gzi brjid can no/ / de yang bdag cag rnams kyi gong na gnas so// lha gang dag rnams sam de dag rnams kyis kyang rung / de la 'gro bar bya ba'i yul ma yin gyi/ lha gang dag gtso bor gyur pa/ shin tu stobs che ba de dag rnams las 'ga' zhig gnas der 'gro bar byed do// thams cad kyis ni gnas der 'gro nus pa ma yin no// de nas lha gsar du skyes pa de 'di snyam du sems par gyur te/ e ma bdag cag rnams kyi bde ba ni ji lta bu yin na lha de dag rnams ni 'thab bral ba'i lha rnams kyi mnga' bdag gi drung na yang bla lhag par gyur to/ / de nas de ltar 'di dag rnams yud tsam zhig bsams nas/ yang slar la g.yo ba'i sems dang ldan pa'i phyir dang / yul la shin tu kha phyogs pa'i yid kyis kyang dga' ba de dag rnams lha de dag rnams mngon par lta bar rtsom par byed pa na/ kun nas mchog tu snying ches dga' ba'i rnam pa gang dang gang gi de de ltar rnam pa thams cad mthong bar gyur pa nangal bus rim gyis yul der phyin par gyur to/ / yul gang na rgyal po mu su lun d+ha de dga' bar byed de lha brgya stong phrag bye ba du ma rnams kyis yongs su bskor ba/ pad+ma brgya phrag

  31. 16b

    dang lha'i bu mo mang po rnams kyis kyang dpal shin tu 'bar bar gyur pa/ mtshungs pa med pa'i gzugs dang cha byad dga' zhing 'tsho la gzhon pa/ gzi brjid kyi yon tan phun sum tshogs pa de bzhin du dpe med par rnam par 'bar ro/ / lha de dag rnams thams cad kyang de'i 'od kyis mngon par zil gyis gnon par byed de/ dper na nyi mas gza' dang / skar ma dang / rgyu skar thams cad kyi 'od zil gyis mnan nas rnam par snang bar byed do/ / 'thab bral gyi mnga' bdag de gzi brjid dang ldan pa'i seng ge'i khri che zhing shin tu bzang ba/ reg par 'jam par gyur pa 'od mtha' yas pa dang ldan pa'i rin po che'i rang bzhin la 'dug par gyur nas/ shin tu ngo mtshar ba'i gzugs dang / cha byad dang / gzi brjid phun sum tshogs pa'i shin tu rnar snyan par gyur pa'i glu rnams dang / rnga sgra rnams dang / 'jo sgeg gi khyad par du mas shin tu lhag par yang snying dang rna ba'i khung rgyas pas yul de na gnas pa rnams 'dod pa'i yon tan lnga la longs spyod pa'i rnam pa ji lta bu rnams ni 'ga' la yang yod pa ma yin no/ / ji ltar brgya byin gyi dpal rnams yang cung zad kyang ma yin te/ de'i lus gang yin pa las 'od zer gyi rgyal po lnga brgya kun nas 'phro bas mchog tu gsal bar byed pa dang ldan la/ brgya byin gyi ni phrag pa gnyis las mchog gnyis 'phro ba'o// de'i dbang po drug po rnams ni rigs 'thun pa

  32. 17a

    rnams su skal ba mnyam pa las dang / dge ba'i chos rnams kyi mtha' las byung ba yin pas brgya byin gyi drung na yon tan rnams brgya log tu 'gyur ro// des ni brgya byin gyis dper mi bzod do/ / de'i gzugs dang / de'i bde ba dang / de'i yul dang / de'i 'khor dpe med pa rnams yin pa'i gang dag gzi brjid dman pa'i lha de dag thams cad kyi khyad par gyis kyang brgya byin cung zad kyang ma yin na/ mu su lun d+ha ni 'od zer gyi phung po rang gi nang dang phyi rol rnams kyang mchog tu gtsang bar gyur pa de lta bu la ji ltar dper bya bar nus te mi rung ngo / / de nas lha gsar du skyes pa de'i gzugs dang / dbang phyug dang / rgyags pa dang / 'od kyi rang bzhin rnams rgyang ring ba nas dang lhan cig tu mthong ba nyid kyis de 'di ltar nyams dma' bar gyur te/ kye ma ma la bdag cag rnams la 'od yod pa 'dis ni brgya'i char yang / stong gi char yang / brgya stong gi char yang mi phod de/ mchog tu dge ba'i las kyi mtha' la spyad pa 'di ni nges pa kho nar lha rnams kyi mnga' bdag mu su lun d+ha yin no/ / 'di'i yang gzi brjid rnams 'di yin na rab tu zhi ba zhes bya ba gzhan gzi brjid mchog dang ldan pa/ gzugs phun sum tshogs pa gang yin pa bdag gis thos pa la lta smos kyang ci dgos te/ lha 'di dag rnams kyi lam gong nas gong du khyad par du 'phags pa rnams 'jug pa'i

  33. 17b

    phyir ro/ / de nas de ltar nges par bzung nas/ gzhan yang dal bus glu dang / rnga sgra dang / rol mo'i sgra sgrogs pa lhag ma rnams nyan par byed do// de nas lha gsar du skyes pa de brgya la cig yang 'thab bral gyi mnga' bdag de dang nye bar rim gyis slob par gyur pa na/ ji ltar de dag gtso bor gyur pa rnams dang / gzugs dang / cha byad dang / mdangs dang / 'od dang / tshad dang / shin tu mnyan pa bla lhag pa ji lta bu dang ldan pa'i lha'i bu mo bdun stong gis gang dang thag nye ba na lhag par snyan pa'i glu len zhing 'jo sgeg pa dang / bzhad gad dang / g.yog gi bya ba rnams kyang byed la lha'i bu mo'i tshogs gzhan rnams ni grangs yod pa ma yin no/ / shes bzhin du yang thag nye ba dang / ring ba'i yul du dga' zhing bdud rtsi rnams kyang 'thung bar byed do// phan tshun lhan cig tu rgyags pa la don gcig pa rnams thams cad kyang 'di snyam du sems te/ bdag gcig pu mu su lun d+ha dang lhan cig tu dga' bar bya'i/ gzhan rnams dang ni ma yin no// gzhan rnams 'ga' zhig gis kyang 'gal bar mi byed par bdag gcig pu kho na tshul thams cad kyis mthun par bya'o/ / ji ltar bdag gis grong pa'i chos kyi yang tha mal pa'i kun tu sbyor ba'i chos kyis 'thab bral ba'i brjod pa dang ldan pas kun tu sbyor ba thob par 'gyur na zhes rgyu 'dis lha'i bu mo rnams kun tu rtogs pas nges par 'ong bar 'gyur te/ re re zhing thams cad kyang ji ltar bdag kho nas thams cad kyi 'thun par bya'o// bdag nyid

  34. 18a

    thams cad kyis ngas lha nyid dang lhan cig tu dga' bar bya'o/ / rgyu 'dis bdag mu su lun d+ha dang lhan cig tu dga' bar bya'i/ gzhan rnams dang ni ma yin no// bdag gcig pubus sdug par lta'i/ gzhan 'ga' zhig gis kyang de ltar rjes su mthun pas ma yin no// bdag gis grong pa'i chos kyi yang tha mal pa'i kun tu sbyor ba'i chos kyis 'thab bral ba'i brjod pa dang ldan pas kun nas sbyor ba'i ji lta ba 'thob par 'gyur ba yin no/ / rgyu 'dis de dag rnams thams cad de bzhin du kun nas 'ong bar 'gyur ro// re re zhing thams cad kyang ngas 'di la 'thun pa thams cad bya'o// ngangs bdag nyid thams cad kyis lha dang gnyis rgyu 'dis lhan cig tu dga' bar bya'o// slar yang lha gsar du skyes pa de gang na mu su lun d+ha lha rnams kyi bdag po yod pa der nye bar legs par 'gro'o// de dang shin tu thag nye bar phyin nas mthong ba lha brgya stong phrag du mas yongs su bskor ba'i dbus na yang ches gsal bar gyur pa'i dpal dang ldan pa/ rnam pa du ma nas yon tan thams cad phun sum tshegs pa'i tshig rnams kyis dga' bar byed do/ / des lha rnams dang gsar du skyes pa yang mi rtogs pa ni 'ga' yang yod pa ma yin no// des brgya la zhig na lha gsar du skyes pa de mthong na gang na lha gsar du skyes pa yod pa der bzhin mngon du bsgyur nas mig gtong par byed do/ / lha gzhan rnams kyis tshig snyan pa ji lta bu dang ldan pas gsar du skyes pa'i lha de la skul bar byed de/ gzigs par

  35. 18b

    mdzad pa 'di ni ji lta ba bzhin du lha rnams kyi rgyal po yin no/ / de yin pas na phyag legs par 'tshal bar gyis shig/ de ltar de bzhin du lhagasar du skyes pa de dang nye bar song nas de'i spyan sngar rab tu leg par bskul ba dang / phyag 'tshal bar byed do// de nas des de ltar shes nas mu su lun d+has phyir la smras pa/ gsar du skyes pa jo bo khyod 'thab bral gyi lha rnams su song dang / 'thab bral gyi lha 'di rnams ni dga' bar gyur pa yin te/ ches rab tu sems dga' ba rnams dge ba'i las kyi tshogs rnams kyi las kyis 'dir skyes pa yin pas na bde bar 'ongs sam/ de ltar yin pa'ang rang gi las kyi 'bras bu longs spyod pas dus shin tu ring por bag yod pas lha'i 'jig rten 'di na gnas pa yin no/ / des na de'i dus na 'thab bral gyi mnga' bdag gis tshigs su bcad pa ji lta ba bzhin du brjod pa lha ni skyes par 'gyur ba yi/ / dga' ba gang ni skye ba des// 'chi 'pho ba yi sdug bsngal gyi// bcu drug char yang mi chog go// mnog chung 'bras bu du ma yis// rtag tu skyes bu slub po// dri zi'i' grong khyer dang 'dra ba/ / 'dod pa myang ba gtsang bzang ba'i// gang de sems can 'joms de dag/ blo ldan gyis ni yid ma rton// de ltar 'thab bral gyi bdag po des lha gsar du skyes pa de la rjod par byed do/ / de nas lha gsar du skyes pa des de la 'di skad ces smras te/ lha lags/ bdag gis 'dir nyes dmigs ji lta bar mi shes/ don dang phan tshun gyi dgos pa yang reg cing shes pa yang ma

  36. 19a

    yin pa 'di ni ji lta bar lha rnams thams cad la 'gyur ba yin la de ltar bdag kyang yin no/ / de nas 'thab bral gyi bdag po mu su lun d+has tshigs su bcad pas 'di skad ces smras pa/ ji ltar/ 'chi bdag dus ni 'byung ba ni// 'ga' zhig 'gar yang bde ba min// de bzhin du ni 'gro na yang // 'ga' zhig rjes su 'gro ba min// sems sna tshogs shing sems can gzhan khams sna tshogs dang de bzhin gzhan/ / des na rnam pa sna tshogs pa'i// srid pa'i 'ching ba'i las rnams byed// gang de skyes pa de tshe nas// mi ni 'chi bdag dbang du 'gro// sna tshogs rmongs par/ ltung ba yi// 'jigs pa de yang ma rig go// gang tshe 'chi 'pho byung ba ni// srid pa 'jigs par byed pa'i mchog/ 'jigs gang 'chi bdag che 'ongs pa// rmongs pa bdag gis de tshe rtogs// bag yod la dga' skye ba ni/ / yang dang yang du 'byung ba min// lha ni yul rnams kyis rmongs pa// yid med pas kyang rtogs pa min// yul gyi chags pas kun lta ba'i// sred pa dug gis rmongs byas pa/ rtogs mi rtag tu lha yi ni// 'chi 'pho de ni 'jigs chen yin// 'chi bas tha mar de bzhin du// sdug bsngal lus can rnams las skyed// ji ltar skyes pas lha rnams la// 'chi 'pho kun tu nges par 'byung / / las kyi rlung gis kun tu 'khor// sbyor bas kyang ni sdug bsngal nas// skyes bu ltung byed 'chi bdag dgras// sems ni kun tu bslus pa yin// pha med ma yang med pa dang //

  37. 19b

    bshes med gnyen mdun med par ni// lha gcig rang dbang med ces smra// de ltar skyes bu dus kyis bsgyur// lhan cig 'grogs min skye bo 'di// skye bo tha mal pa yis bsdus// yid kyi zhags/ pa 'ga' zhig gis// skye bo slu bar byed pa yin// skye bo rang gi skye bo 'dir// spun nam skyob byed 'ga' yod min// 'chi bdag dus ni byung ba na// rang skye'ang ji ltar skye bo yin// lha rnams gang gis mthong ba yi/ / bde ba 'di dag bde 'byung ba// de ri rab kyi shugs 'gro ba'i// 'chi bdag rgyal pos 'phrog par byed// rtag tu 'dod pa'i rjes 'gro ba// yul gyi 'khrul pas bskal pa yin/ nges par sdug bsngal chen 'byung ba// gang yang rtog par 'gyur ma yin// de ltar lha gsar du skyes pa de mu su lun d+ha des yang dag pa ji lta bas chos nyid la rjes su bzung ngo // de nas lha des de dag rnams thos nas yud tsam cig skyobs gnas par gyur nas/ phyi nas slar yang gar dang / glu dang / rgod par byed pa dang / rgyags pa rnams kyis kun nas 'khrid par byed de/ rgyu gang gi phyir na byis pa so so'i skye bo rnams thams cad kyi snying mi rtag pa yin pa'i phyir te/ khyad par du yang gang gi tshe bde bar gyur pa rnams dang / srid pa rnams kyi dbang gi rjes su 'jug par 'gyur ba de'i brgya 'gyur gyis kyang ches rtsa ba hral can du 'gyur ba yin no/ / rgyu 'di dag gis na bag med pas gnas pa'i lha rnams kyi snying la chos kyi cha shas cung zad tsam yang legs par 'jug

  38. 20a

    par mi 'gyur ro/ / de nas lha gsar du skyes pa de mu su lun d+ha'i gnas de las/ phyir yang rtsed mo'i nags su bdag nyid kyi skye bo de dag rnams nyid kun dang bcas pa rnams dang / de bzhin du gar byed par 'gyur ba dang dga' bar gyur pas/ 'dod pa'i yon tan lnga dang ldan pa'i yul gyi bde ba rnams dang yang dag par ldan pas/ de kho na bzhin du phyir yang rgyun gnas na rnam par rgyu ba'i sa de dag rnams kun tu 'gro bar byed do/ / des bde ba'i sa de dag rnams rjes su thob nas kyang / de dag nyid du lha gzhan dag rnams dang lhan cig dga' bar byed pa dang / kun tu spyod par yang byed do// de lha gzhan de dag rnams dang lhan cig dga' bar gyur pa las khyogs kyi khang bu yangs pa zhes bya ba'i skyed mos tshal gyi sa la rim gyis 'gro bar byed do// de na ni dga' ba 'di dag rnams yod de/ ji ltar khrag khrig phrag nyi shur rnam pa sna tshogs pa dang / kha dog dang / dbyibs sna tshogs pa'i skyed mos tshal dang / pad+ma'i rdzing bu dang / mtshe'u dang / nags dang / nags 'dab dang / bya'i tshogs dang / 'bab chu dang / ri'i rtse mo rin po che sna bdun gyi rang bzhin dang de 'dra ba'i rnam par rtog pa'i khyogs kyi khang bu rnams yin te/ lha de dag rnams kyis legs par byas pa'i las kyis gal te lha rnams kyis yid kyis kun tu rtog par byed pa ni/ khyogs kyi khang bu de dag dang / nags tshal dang / nags 'dab dang / mtshe'u dang bcas pa rnams ji lta ba bzhin du nam mkha'i dkyil du 'phags na ci ma rung / de dag gi sems

  39. 20b

    bskyed pa tsam nyid na/ khang bu de dag rnams dang / nags tshal dang / nags 'dab dang / mtshe'u dang / 'bab chu dang / ljon shing dang / pad+ma'i rdzing bu rnams dang yang dag par ldan pa rnams nam mkha' la kun kyang 'phags pa ni bya bzhin no/ / de nas 'di bzhin du lha rnams yid la kun tu sems par byed de/ ji ltar khyogs kyi khang pa chen po 'di dag rnams bdag cag bde bas gnas pa'i don du mi g.yo bar gnas par gyur mod/ de dag gi sems bskyed pa tsam nyid kyis de bzhin du 'gyur ro// gal te gzhan yang 'di ltar so sor kun tu rtog par byed de/ zas dang skom gyi chu bo rnam pa du ma rab tu 'bab par gyur la rag/ des de bzhin du sems bskyed pa tsam nyid kyis/ ro dang / kha dog dang / dris yongs su gang bar lha de dag rnams kyis legs par byas pa'i las kyi dbang gis 'bab par 'gyur te/ legs par byas pa'i las rnams yul du gyur pa'i mi rnams kyang rtogs par 'gyur ba ni ma yin no/ / gzhan yang gal te lha de dag rnams 'di snyam du sems par 'gyur te/ ji ltar dpag tshad brgyar yang gzhal yas khang de dag rnams kha 'bye bar 'gyur grang / de dag rnams kyi sems bskyed pa tsam kho nar kha 'byed par 'gyur te/ rnam pa du mar dga' ba'i mtshe'u spro ba dang / 'bab chu dang / chu klung dang / tshang chang dang / khang pa dang / steng khang dang bcas pa'i khang pas kyang phun sum tshogs par gyur pa dang / sna tshogs pa'i nags tshal dang / nags 'dab dang / pad+ma'i tshal rnams dang / ljon shing phun sum tshogs pa yang de bzhin du kha

  40. 21a

    'bye bar 'gyur la/ lha de dag rnams kyang ji lta ba bzhin du yid ches mchog gi rab tu dga' bar 'gyur te/ ji lta bar bde bar gnas pa rnams kyis/ bdag cag rnams kyang ji/ lta ba bzhin du yid ches mchog gi rab tu dga' bar 'gyur ba de ni/ ji ltar bde bar gnas pa rnams kyis bdag cag rnams gnas par bya'o zhes mchog tu yid rab tu dga' ba rnams lha gzhan rnams dang // lhan cig tu gang na khang bu de dag rnams yod pa la rnam pa du ma du mas bdag cag rnams dang thabs cig tu dga' bar bya'o// 'dir ni rnam pa du mar lha gang yin pa 'thab bral gyi mnga' bdag mu su lun d+ha de'i srid par rtsed mo'i nags su rnam pa du mar dga' bar byed par gyur pa'i lha de dag rnams thams cad kyang / 'dir ni khang bu 'di dag rnams su zhugs par gyur na ci ma rung / de nas sems bskyed pa tsam kho nas rgyun gyi nags na rnam par rgyu ba'i lha de dag rnams nam mkha' la rnam pa sna tshogs pa'i bzhon pa rnams kyis 'gro bar byed pa la/ 'di lta ste/ ngang pa'i bzhon pa dang / rma bya'i bzhon pa dang / khu byug gi bzhon pa dang / me tog gi bzhon pa dang / ngang ngur gyi bzhon pa dang / shang shang te'u'i bzhon pa dang / ljon shing gi bzhon pa rnams dang ste/ rnam pa de lta bu'i bzhon pas gang na khang bu yod pa der 'gro bar 'gyur/ te/ mchog tu rab tu dga' ba'i yid kyis rol mo dang / rnga sgra dang / glu rnams kyis dga' bar gyur pa/ rnam pa sna tshogs pa'i cha byad can gyi lha'i bu mo sbyin pa rnams kyis rjes su 'brang bar byed pa'i rgod par byed pa dang

  41. 21b

    'gying bar byed pa dang / do shal dang / pad+ma 'phyang ba rnams kyi mtshan khung lcong ba dang bcas pas phyi bzhin 'brang bar gyur pa/ mchog tu gzhon sha can/ mchog tu dga' ba dang ldan pas gar dang / rnga sgra dang rol cha dang / glu mchog len pa dang ldan pa'i lha'i sa pas mngon par bstod pa dang ldan pas gang na khyogs kyi khang bu yod pa der legs par nye bar 'gro ba'o// nam mkha'i dkyil du mngon par byung nas/ gang na rtse dga' chen po'i khang bu rnams legs par gnas nas/ lha rnams rtse dga' bar byed pa der 'ongs par gyur to// de nas de dag phan tshun rab tu dga' ba'i yid can rnams de ltar rtsa bar gyur pa rnams/ bag med pas gnas pa rnams/ sems rnal du mi gnas pa rnams ni bag med pas gnas pa rnams la/ 'thab bral gyi mnga' bdag mu su lun d+ha 'di ltar kun tu lta bar byed de/ lha bag med pas bag med par gnas pa rnams la ji lta ba bzhin gyi thabs su gyur pa ci zhig yod na/ gang bdag gis dman pa la kha phyogs pa bag med pas gnas pa'i lha de dag rnams la rjes su 'thun pa'i thabs gang yin pa bdag gis bya'o/ / de nas brtags pa'i blo dang ldan pa des rnam par dpyad nas/ lha gzhan rnams las gang dag de dang lhan cig rjes su spyod pa'i rgyun du zhugs pa de dag rnams dang lhan cig tu legs par 'gro bar byed de/ ji ltar lha rgyun gyi gnas na rgyu ba 'di dag rnams la ji lta ba bzhin du ji ltar phan par 'gyur ba yin/ bla na med pa'i dge ba'i chos rnams kyis ji ltar bdag dang gzhan la phan pa byas par 'gyur ba yin

  42. 22a

    @#ba dang / gang yang bdag gis par chad du mi 'gyur ba dang / khal te yang lha de dag rnams grogs po'i mchog tu 'gyur ba ni/ gang dag gis slob pa la nges par sbyor ba'o// yang gang dag gis sdig pa nye bar ston pa de dag rnams ni dgra bo yin te/ gang gis dmyal ba kun nas bsgrub pa'i las rnams byed pa'i phyir ro// lha de nyid kyis de ltar rgyun du zhugs pa rnams dang lhan cig tu gros byas nas/ gang na khyogs kyi khang bu yod pa der nye bar legs par 'gro bar byed de/ rdzu 'phrul gyi rang bzhin gyi gzhal yas khang gzhan zhig bzung ba na ni n+ya klung dang / mtshe'u dang / ljon shing dang / 'bab chu dang / nags dang / nye ba'i nags rnams mchog tu phun sum tshogs pa dga' ba/ dga' nga du ma nyid dang yang dag par ldan pa de 'dra ba'i dga' ba'i khyad par gyis/ rgyun gyi gnas na spyod pa rnams kyi rnam par gsal ba gang dag yin pa de dag rnams ni brgya'i cha dang / stong gi char yang mi phod do// de ci'i phyir zhe na/ legs par byas pa'i las can rnams kyi mnga' bdag yin pa'i phyir te/ legs par spyod pa'i las kyi mtha' la spyod pa'i 'thab bral ba'i lha rnams thams cad kyi nang na gang yang 'thab bral gyi mnga' bdag mu su lun d+ha ni legs par byas pa'i las kyi mnga' bdag yin pa'i phyir dang / gang yang legs par byas pa'i las rnams ches bla lhag par gyur pa yin pa'i phyir ro// de'i rdzu 'phrul rnams kyang lhag pa yin no// rgyu 'di dag rnams kyi phyir na/ 'thab bral ba'i gzhal yas

  43. 22b

    khang thams cad la khang bu de ni steng na dga' bas rnam par gsal te/ lham me'o// dper na nyi ma'i drung du ni gzhal yas khang thams cad kyis chur mi phod cing mdzes pa yang ma yin no// khang bu de'i khyad par rnams las ni/ khang pa gzhan de dag rnams kyis char yang mi chog go// de sna tshogs pa'i yon tan gyi rnam pa phun sum tshogs pa'i de srid pa dang ldan pa'i khang pa des/ nam mkha'i dbyings gang na rgyun gyi gnas na rnam par rgyu ba'i lha dag dga' bar byed pa der nye bar legs par 'gro bar byed pa na/ lha gang dag rgyun du zhugs pa yin pa de dag ni 'thab bral ba'i mnga' bdag legs par mngon sum du mthong nas/ bag med pa rnams la dga' ba dman par 'gyur ro// lha gang dag bag med pas bag med par rgyu ba de dag rnams ni khang pa de dag rnams su kun nas rings par zhugs nas de dag rnams gang na rgyal po mu su lun d+ha yod pa der nye bar legs par 'gro'o/ / de nas stong phrag brgyar yang de rdzu 'phrul byed par gyur te/ de ji ltar lha gang dag khang bu na zhugs pa rnams kho nas thams cad mi mthong ba nyid du byas te/ de kho na gzhal yas khang na gnas pa thams cad du yang mi mthong bar gyur to// lha nyid kyis rang gi rdzu 'phrul rnams kyis de dag rnams de ltar bkag nas phan tshun du mi mthong po/ bgad pa dang / 'jo sgeg dang / rtsed mo rtse ba rnams las cung zad tsam yang thos par mi 'gyur te/ rdzu 'phrul de dag rnams kyi mthu stobs kyis de dag rang bzhin de bzhin du gyur nas/ phan tshun du

  44. 23a

    de dag rnams de lta bur gyur te/ de dag thams cad ji ltar khang bu gang yin pa 'dir su dag lha de dag rnams ji lta bar thag nye bar gyur pa rnams dang / gang yang dag tsug dang lhun ci tugazhal yas khang 'dir zhugs par gyur pa de dag thams cad gang du song bar gyur ces thams cad du byas kyang / mthong bar ma 'gyur ba de ltar gong nas lha de gang na 'thab bral gyi bdag po su su yunA d+ha yod pa der legs par nye bar song ba nas de gcig pu zhig mthong bar gyur to/ / gang yang lha des rgyun du zhugs par gyur pa de rnams mthong bar gyur gyi/ lha gzhan rgyun du zhugs pa ma yin pa rnams phan tshun du mi mthong ngo / / de ltar rdzu 'phrul gyis bkab pas de ngo mtshar ba dang bcas shing 'jigs pa dang yang bcas par gyur nas mu su lun d+ha la 'di skad ces smras so// lha ji ltar gang dag gzhal yas khang du zhugs pa'i lha de dag rnams thams cad 'khor dang bcas pa ma mthong ba de dag rnams kar song / de nas mu su lun d+has de la 'di skad ces smras te/ lha gang dag bag med pas pag med par rgyu ba de dag rnams thams cad las kyi bya bas 'chi pho nas/ ji ltar las kyis nye bar 'gro ba kun tu byung ste/ dmyal ba dang / yi dgas dang / dud 'gro dang / mi'i 'gro ba rnams su skyes so/ / gzhan yang gang dag bag med par gyur pa rnams dang / bag med pas gnas pa rnams kyang rung ste/ de dag rnams ni phyir zhing yang bag med pas nye bar bcom par

  45. 23b

    yul rnams kyi sred pas kyang nye bar brlag par 'gyur ro/ / gang dag 'dod pa'i yon tan lnga la rab tu zhen par gyur pa rnams ni/ kun tog pa'i kyi mon gyi yul gyi me rnams kyi rang gi sems kyi srub shing las sun tra/ byung ba las/ rlung gis btab nas srid pa'i rtse mo lnga 'bar bas/ 'thab bral gyi srid pa rnams su bsags nas phyis ni rnam pa sna tshogs pa'i gzer zug gis dmyal ba rnams su sreg par byed de/ bzang po ma yin pa'i sems kyis yongs su bslus pa/ shin tu rnam par nyams pa rnams lus zhig nas der skye'o// des na de ltar bag med pa'i skyon rnams ni/ skyon thams cad kyi steng na bla lhag pa yin no// / bag med pa'i skyon gyis rnam par nyams pa'i rgyu gang gis dge ba'i chos thams cad mi mthong ba'i lha gang dag rnams kyis sems bzang pos bdag nyid 'dul bar mi byed pa de dag rnams ni rang gi sems kyis bslus nas phyi nas de ni gdung bar 'gyur ba kho na yin no/ / de nas 'thab bral gyi mnga' bdag mu su lun d+ha de'i spyan sngar des gtam de dag rnams rnyed nas lha de dag phan tshun du skyo ba dang bcas pa dang / 'jigs pa dang ldan pas 'di skad ces smras te/ lha dbang skad cig kho nA la ji ltar lha de dag dang bral zhing / thams cad 'chi 'phos te/ lha de dag rnams thams cad las 'dir ci zhig byung nas med par gyur nas/ rgyun gyi gnas na rnam par rgyu ba'i lha rnams kyis 'di dag thams cad kun tu stongs par gyur/ sdug bsngal

  46. 24a

    rnams las 'chi 'pho ba zhes bya ba'i sdug bsngal rnams ni chen po yin pas/ thabs ma yin par mi 'gyur ba gang yin pa dang / bdag cag rnams sdug bsngal/ gyi skal ba can du mi 'gyur ba dang / sdug pa rnams dang bral ba las byung ba'i sdug bsngal gyis kyang bdag cag rnams la gnod par mi 'gyur ba dang / dmyal ba rnams dang / yi dgas rnams dang / dung 'gro rnams su yang bdag cag rnams skye bar mi 'gyu ba de skal bachen po dang ldan pas nye bar bstan du gsol/ de nas de'i tshe lha rnams kyi bdag pos ji// ba bzhin du tshigs su bcad pa brjod pa/ kyog po'i lam la spyod po yi// mis ni bdabang po mthong ba min// chu ni bsrubs par gyur na yang // me ni nam yang srid bu min// rgyu med la 'bras bu ni/ / nam yang cung zad 'byung ba min// bag med yon tan gyis 'ga' zhig/ mthar thug legs par 'jug pa min// lha glang skye ba bag med pas// nye bar 'joms par 'jug byed pa/ / de ni legs byas zad nas ni// rmongs pa log par ltung bar skye// rga bar gyur pa'i 'dod pa la// gang zhig de lta'i blo skye ba// phyis de sdug bsngal dang phrad nas// rmongs pa sems ni gdung bar byed/ / 'dod pa'i me yis bsreg pa dang // yul rnams kyis ni rmongs pas kyang // gang zhig bde rnams bla na med// mthar thug bde bar 'gyur ba min// 'jig rten 'dod pas

  47. 24b

    bde gang dang / / gang yang sred byung bde bas ni// nang gi bdag nyid 'di gcig gis// bcu drug chur yang mi chog ste// chu chen shin tu sbyangs las skyes// dkar zhing 'khor ba las/ thar byed// sred zad bde ba mthong ba po// dpag med bde ba sgrub byed yin// bde ba dogs pa med pa yi// skyon med nges par sbyar ldan pa// bde gang bsam gtan las skyes yin// gang yang sred pas mi 'ching zhing // rtog pa yis kyang mi 'tshe bar// de yi ming gis smos ci dgos// de thob srid pa'i pha rol tu// rtag tu bde bar 'gyur ba yin// gang gi snying la 'dod/ gnas pas// de srid bde bar 'gyur min de// de ni sdug bsngal kun skal 'os// dmyal bar nye bar rgyug pa yin// las kyi zhags pas de drangs nas// lhan cig sbyor bar byed pa yi// sdug bsngal de las rnam grol du// skye bo 'gas kyang nus ma yin// 'khor bar 'gro dang 'ong ba rnams// mthong ba las kyi rgyu las byung // 'gro dang 'ong ba rtag tu yang // las skyes rgyu las byung ba yin/ / 'dod pa la ni chags byed pa'i// byis pas 'chi 'pho legs rtogs min// skye bo las las kun 'byung ba'i// 'chi 'pho'i mtha' de dam pas gzigs// bde bas rjes su bstan pa yis/ / byis pa rnams ni ngoms pa med// byis pa rtag tu ngoms med pas// rtag tu rang nyid 'joms su 'gro// thog ma par dang mthar dger min//

  48. 25a

    'jig rten 'dri dang phyi mar min// skyon rnams bsten pa ma rig las// kun nas rab tu 'jug par mthong // glang tshe las zad mi mthong bas// 'jig rten 'di nas 'og lhung ba/ / rmongs pa'i bdag nyid bag med pas// yul rnams bsten pas de tshe rig/ tshe 'di shin tu myur 'gro ba// byis pa rnams kyis rtogs pa min// phyi nas sdug bsnga byung ba yis/ / so sor rig 'gyur sdug bsngal bas// gal te sdug bsngal la khyod 'jigs// gal te 'chi bdag 'jigs na yang // blo ldan rtag tu dam chos gyis// de bzhin bde ba'ang 'thob par 'gyur/ / de ltar mu su lun d+ha'i kha nas brjod pa rnams lha de dag rnams kyis thos nas/ bag med par gyur pa'i dus de dag kyang 'das pa dang / gzhan yang mu su lun d+ha la de dag rnams kyis 'di skad ces slar brjod de/ lha'i dbang po ji ltar rnam pa thams cad du yang ma yin par lha rnams nyid thams cad mthong bar ma gyur lags na/ de dag rnams skad cig gcig la thams cad kyang 'chi 'phos sam/ shi bar gyur tam gzhan dag tu song bar gyur pa de ci nas kyang bdag cag rnams la lha'i dbang pos bshad du gsol/ de nas gzhan yang lha de dag rnams la mu su lun d+has phyir la smras pa/ ji lta ba bzhin du 'dir las kyi dbang gis 'ong ba de lta ba bzhin du ci nas kyang slar 'gro bar bya dgos so// las zad pa na nges par bya ba'i don yin pas na

  49. 25b

    srog chags su gtogs pa thams cad kyis phan tshun du 'dus pa dang 'bral ba las byung ba'i sdug bsngal ni nges par myong bar 'gyur ba rga ba dang / nad rnams dang / 'chi ba dang / gsum po de ngag rnams re re zhing yang phun sum tshogs par 'gyur ba rnams la 'byung bar 'gyur te/ gson pa rnams kyi srog dang / nad med pa dang / lang tsho la bab pa rnams la'o// de la gang ngag skyes bu'am/ lha rnams kyang rung ste/ bag med par ma gyur pa dang / bag med pas gnas pa ma yin pa dang / gang dag dang po nas bag med pa de dag gis gnas pa ma yin pa dang / gang dag dang po nyid nas 'jigs pa de dag rnams so sor rig par bya'o// ji ltar de dag rnams kyis gson pa dang / nad med pa dang / lang tsho rnams 'joms par byed pa nges pa kho nar 'byung ba 'gyur ro/ / ma 'ongs pa na 'chi bdag gi dus de byung bar gyur pa na/ zlog pa'i thabs ni rnam pa gsum yin pa las/ 'di lta ste/ sbyin pa dang / tshul khrims kyis dang / shes rab kyis dang ste/ bzlog pa'i thabs ni gsum blo de dag rnams so// 'jigs pa chen po rnam pa gsum po de dag rnams ni rnam par rtog pa du ma'i rnam par rtogs pa'i rang bzhin rnams rtag par rgyun du phyi bzhin rjes su 'brang ba rnams gang dag gis mi spong ba de dag rnams phyis 'chi ba'i dus su phyin pa na yongs su dag pa'i dbang po thams cad bzhin dang / mig rar por gyur pas rang gi skye bo dang /

  50. 26a

    gnyen dang / 'khor dang / sde tshan thams cad yongs su spangs nas 'chi 'pho bar 'gyur ba na/ sdug pa rnam pa du ma dang 'bral ba'i mes bsregs par gyur pas/ mchog tu sdug bsngal bar 'dri bdag gis nges par 'khrid par byed do/ / gang gi tshe 'dod pa'i yon tan lnga kun tu 'byung ba'i rnam par rtog pa du ma de dang de dag rnams kyis rab tu gar byed pa dang / rgod pa dang / 'gying bag dang / kun tu spyod pa dang / nags tshal dang / skyed mos tshal rnams kyi longs spyod bag med pa/ dug gi grogs po'i bde ba rnams kyis de dag gi tshe dgra bzhin du 'bigs par byed do/ / gang dag gi 'bras bu des phyis 'gyod pa'i mes gdung bar byed de/ ci zhig bdag gis bsgrubs par gyur na/ gang yang shes rab dang sbyin pa dka' thub kyi tshul khrims rnams kyis ni rjes su ma bsgrubs shing bag med pas bdag bag med par gnas par gyur pas mchog rnams ni rjes su ma bsgrubs so/ / rang gi skye bo dang gnyen bshes kyi tshogs rnams kyis nga gcig pu zhig spangs shing mchog tu dga' bar gyur pa/ bdag cag gi lha'i 'jig rten gyi dga' bar gyur pa'i yul du ma de dge rnams dang bdag 'bral bar 'gyur ba zhes/ de de ltar rjes su gdung bar byed do// phyi nas ji srid du stobs dang ldan pa'i 'chi bdag rgyal po gzhan 'dis/ lha rnams thams cad ba rom ring dus ma yin pa de sing du rang rnams dang / rgud pa du ma rnams nges par rtogs par byas la

  51. 26b

    ci nas kyang bag med pa gzhom par byas te/ de ltar bag med pas spangs pa rnams ni bde legs kyi mchog tu 'gyur ro// byiH'chi bdag gi dus na gdung ba'i mes bsreg par yang mi 'gyur te// rgud pa thams cad 'byung ba'i dus su lam 'di dag ni mchog tu mdzes pa'o// 'di lta ste/ sbyin pa dang / tshul khrims dang / rishes rab kyang gzhan du bsten cing bsgoms la lan mang du byas pa rnams ni dus de'i tshe na skyabs su 'gyur ro/ / ji srid du 'di slu bar mi byed pa yin pa dang / bsran mi rus pa dang thabs med par gyur pa ni skye bo thams cad kyi srog 'phrog pa'i 'chi bdag yin la/ ci'i phyir na/ de zlog pa la lha dag brtson par mi byed pa yin/ gang dag phan pa ma yin pa byed pas bzung ba g.yang sa dang / dug chen po dang / mes dang mtshungs pa yang gang bag med pa rnams yin no/ / de nas lha gzhan yang lha gang dag bag med pa'i dbang gis 'gro ba'i lha de dag rnams ni bag med pa'i dgra de shin tu legs pa'i bud med la lta ba la ched cher byed pas/ nags tshal dang / nags 'dra ba dang / mtshe'u rnams la rtse ba la ches dga' ba'i ri'i rtse mo la rnam par rgyu bar byed pa rnams ni/ dngos po thams cad mi rtag pa la rtag pa'i blo skyed par byed de/ ji ltar rtag par bdag cag lha'i bu mo 'di dag rnams dang lhan cig tu dga' bar bdag gi bya'o/ / rtag tu yang lang tsho 'di dag 'byung bar 'gyur zhing / bdag cag rnams la nam yang 'bral ba 'byung bar mi 'gyur ro//

  52. 27a

    de de ltar yul rnams kyi bde ba la shin tu 'chums pa la rtag par rab tu 'joms par byed la rnams kyi mchog thogs pa med pa'i 'gros dang ldan pa bzlog tu med pa'i 'chi bdag lhan cig tu 'byung bar 'gyur ba la/ de'i tshe lha'i bu mo rnams kyis yongs su skyob par 'gyur ba ma yin no// gang yang 'di dag rnams blos yongs su ma brtags par rtag tu mnyam par bgrod par byed la/ de'i tshe gang rjes su spyad pa gyur pa de dag thams cad ni gsog dang / gso ba dang / snying po med pa yin no// de bag med pas rnam par bcom nas dmyal ba dang / yi dgas dang / dud 'gro rnams su skye'o// gzhan yang gti mug gis bcom pa'i lha rnams thog ma med pa nas 'jug pa'i 'chi 'pho ba dang / skye ba'i sdug bsngal gyis lan cig ma yin par rab tu bcom yang blo gros med pas 'dod chags dang bral bar yang mi 'gyur ro/ / de nas lha'i rgyal po mu su lun d+has de skad ces lha rnams la chos kyi don dang yang dag par ldan pa'i tshig brjod pa de lha gang dag rang gi blo skyon med pa de dag rnams tshig gi bdud rtsi'i ro de la dmigs pas kyang rags pa dang bral ba'i blo skyes par gyur nas/ de dag gis lha'i rgyal po de la 'di skad ces gsol pa ni/ ji ltar/ phan pa gang yang de bzhin yang // gang yang rnam gsum dang ldan pa// de kho na yi tshig gang ni/ phan par mdzad pa'i lha yis gsungs// gang zhig zhi bdag 'dzir byed pa//

  53. 27b

    bde ba dam pa rab tu 'thob// bde ba las kyang rjes bde ba// nges par rtag tu 'grub par 'gyur// gang dag de las bzlog pa yang // bag med pa yis nyer bcom lha// rmongs pa yi ni/ bdag nyid de// dmyal bar skye bar 'gyur ba yin// de ltar lha des lha gzhan la brjod nas// gzhan yang lha de kun tu skyo ba'i yid kyis lha'i rgyal po de la 'di skad ces smras pa/ ji ltar lha/ dbang rnam pa thams cad du bdag cag the tsom du gyur te/ khang bur zhugs pa'i lha de rnams ci zhig nongs/ de ltar kun nas skyo ba'i yid mngon par mthong ba dang / bag yod par gnas pa yang yid kyis kun tu mthong nas/ de bzhin du rtogs pas de'i dbang du byas pa spangs te/ slar yang lha de dag nyid phan tshun du legs par ston par byed de/ de nas de dag rnams phan tshun du mngon par mthong nas rjes su 'thun par spyod pa'i tshogs kun dang / mchog tu dga' ba dang ldan par gyur to// de nas de dag nyid kho na yid rab tu dga' ba'i rnams la/ gzhan yang mu su lun d+hus brjod pa/ ji ltar lha rnams phan tshun du ma mthong ba ni nga'i rdzu 'phrul gang dag gi stobs kyis bkab par gyur pa yin la/ yang gang gi tshe shugs chen po dang ldan pa rab tu 'jigs pa/ rab tu 'joms pa'i 'chi bdag rgyal po de 'ongs par gyur nas/ dmyal ba dang / yi dgas dang / dud 'gror skye bar 'gyur ba de'i tshe/ 'ga' zhig kyang phan tshun du bskal pa bye ba phrag brgya stong du yang mi mthong ngo // de na de dag rnams

  54. 28a

    rtogs par gyis la bdag nyid bag med pas gnas par ma byed/ sems brel dog can du ma byed/ bag yod par gnas par gyis/ yul rnams la yi dmachog tu song / bar ma byed par/ de lta bu'i blos rjes su sgrub par gyis shig/ de bzhin du ji lta bar bshad pa dang / lha rab tu mang po rnams yid mchog tu skyo ba'i dbang gis rgyun du zhugs pa thob par gyur to// de nas mu su lun d+ha de ltar rig nas rab tu dga' ba'i yid kyis bya ba ni byas so zhes yid la bsams pa yongs su rdzogs nas/ slar yang rtsod mo'i nags gang na yod pa der nye bar legs par 'gro bar byed do/ / gang la rgyun gnas na rnam par rgyu ba zhes bya ba'i lha mchog tu bag med pas gnas pa rnams te/ mchog tu dge ba'i yid can ni/ gang dag de na rgyun du zhugs pa rnams gnas so/ / gang yang rnam pa thams cad du sems yang bar gyur pa/ bag med pas mchog tu bag med pa la rjes su chags pa/ bag med pas myos pa rnams de bzhin du nags dang / nye ba'i nags dang / mtshe'u dang / skyed mos tshal dang / nags khrod rnams su lhan cig spyod pa dang bcas pa rnams dga' bar byed do// 'chi bdag gi 'jigs pa rnams mi 'brang bar de dag rnams de srid du dga' bar byed cing rtse bar yang byed do/ / pad+ma'i tshal nas pad+ma'i tshal/ ri'i rtse mo'i gnas rnams nas gnas rnams su dga' zhing rtse bar yang byed de/ phan tshun lhan

  55. 28b

    cig tu rgyags pa la don mthun pas/ ji srid du 'dod pa sdug pa yang du 'ong ba byas shing bsags pa'i dge ba'i las rnams zad par ma gyur kyi bar du de srid du'o// des de dag rnams zad pa dang / gzhan yang don byas pa ma yin pa'i dmyal ba dang / yi dgas dang / dud 'gro rnams su skye'o// gal te rang las gzhan gyis mi rnams dang skal ba mthun par mir skye gyur na yang de rtag tu skyid pa chen por 'gyur ro/ / mchog tu gzugs bzang ba/ mchog tu longs spyod che ba/ skye bo thams cad dga' zhing snying du sdug la yid du 'ong ba/ rang bzhin gyis chos la dga' ba 'am yid gor dang / glu dang / 'jo sgeg dang / skye bo rnams la dga' bar gyur pas/ lha khang dang / skyed mos tshal dang / mtshe'u dang / pad+ma'i tshal rnams la spyod cing rgyu bar 'gyur ro// rgyal por gyur pa 'am/ de dag dang 'dra ba'i phun sum tshogs pa dang ldan pa dang / 'tshe ba med pa dang / thams cad du grogs po dang / gnyen bshes dang / rang gi skye bo rnams byams par yang 'gyur ro/ / rtag tu bden par smra ba dang / rtag tu sems kyi rgyud drang ba dang / rtag par yang dga' ba'i skyes bu de rnams dang lhan cig tu dga' bar 'gyur zhing / sems drang pos spyod pa thams cad ma nyams par 'gyur ro/ / yon tan thams cad phun sum tshogs pa de ltar de skal ba mthun pa rnams su 'gro ba ni// de'i rgyu mthun pa'i las kyis yin no// gzhan yang dge slong las kyi 'bras bu rnam par smin

  56. 29a

    @pa shes pa de rnams 'thab bral ba rnams kyi sa rnams la kun tu lta bar byed de/ ji ltar yod pa des thos pa las byung ba'i shes rab kyis mthong ba 'thab bral ba rnams/ kyis brtsegs pa rgyu ba zhes bya'o// der las gang gis sems can skye bar 'gyur ba yang thos pa las byung ba'i shes rab kyis de mthong ste/ ji ltar skyes bu dam pa gang dag rtag tu yang las kyi 'bras bus 'jigs par gyur pa/ drang por gyur pa/ drang po'i rang bzhin can yang dag par lta bas yang dag pa'i las byed pa/ sdig pa'i grogs po yongs su spong ba/ rtag tu yang sangs rgyas dang / chos dang / dge 'dun rnams rjes su dran pa/ kha na ma tho ba cung zad tsam yang 'jigs par lta bas srog gcod pa dang / ma byin pa len pa rnam par spangs par gyur pa rnams kyis/ 'dod pa la ldog par g.yem+ba pra yang spangs pa yin te/ de bzhin du yang ji ltar 'gro bar gyur pa na bud med rnams kyis gar dang / glu 'am/ rgyan nam/ sgra rnams thos nas myang bar byed cing tshul bzhin ma yin pa'i yid la byed pas/ de la blo rjes su song nas yang dag pa'i sems ma yin pa'i skyon de dag rnams des de bzhin du rtogs nas/ rnam pa thams cad du kun tu rtog par mi byed do/ / de de bzhin du 'dod pa la log par g.yem pa yongs su spong ba la zhugs pa rnams ni lus zhig nas mtho ris bde 'gro'i 'jig rten las brtsegs

  57. 29b

    pa rgyu ba'iri lha rnams kyi nang du skye'o/ / der skyes pa na yang 'di'i legs par byas pa'i las la spyad pas/ bde ba rgya chen po myong ba'i skal ba can rang gi 'od dang ldan pa yul lnga'i 'dod pa'i bde ba la rnam par chags pa'i klung na brtsegs pa zhes bya ba'i ri ni/ rin po che sna bdun gyi rang bzhin gyi ljon shing rnams kyi gnas la mchog tu dga' bas gang ba ni/ bya'i tshogs rtse zhing legs par rgyu ba'i rkang pa bsten par 'os pa/ spyod pa dang / chu byad dang / dbyibs du ma dang ldan pa brgya stong gis kun tu gang ba/ mchog tu blta bar dga' ba rnam pa du ma/ kha dog du ma/ spyod yul du ma/ dbyibs du ma'i ri dgas rnams kyis yongs su grang ba'i ri de mchog tu dga' bo'i 'brab chu dang / chu klung dang / tshe'u dang / tshang tshing dang / 'khri shing gi khang bu dang / 'bras bu dang / me tog gi shing gis kun tu gang zhing dpag bsam gyis shing gis nye bar mdzes par gyur pa/ nye 'khor du dpag tshad sum brgya pa/ lha dang lha mo'i tshogs rnams kyis nye 'khor kun tu gang ba/ nye 'khor na mchog tu yid 'phrog pa'i lha mchog gi tshogs rnams gnas pa'i ri de la kun tu rtog pa'i nags dang / nye ba'i nags rnams ni cha shas rnam par phye zhing rnam par bkra ba'o// ri de'i nye 'khor na rin po che sna bdun gyi gzhi rab tu rnam par bye ba/ ngos gcig ni in+di nI la'i rang bzhin te/ nye 'khor de las byung ba'i 'od rnams ni dpag tshad stong phrag drug cur nges par 'phro'o// ji ltar 'o

  58. 30a

    'byin pas nam mkha' thams cad sngon por mngon par 'gyur ro/ / sku gang dag rgyan dang dbyang rnam pa sna tshogs pa rnam pa sna tshogs pa'i rin po che la sogs pa'i cha shas rnam bar bkra ba'i lus dang ldan pa yin te/ de dag rnams nam mkha' las krung na brtsegs pa'i ringos la 'gro bar byed de/ de'i tshe de dag rnams thams cad zil gyis mnan pa'i phyin/ rnam pa tshogs par mi 'gyur ro/ / lha de dag rnams thams cad kha dog gcig pa mchog tu sngo ba'i mdog tu 'gyur ro// ri de'i ngos gcig de lta bur 'gyur ro// gzhan yang krung na brtsegs pa'i ri'i ngos gzhan gnyis pa ni/ 'di lta ste/ shel gyi rang bzhin no// de dag rnams thams cad la yang rnam pa sna tshogs rgyan dang ldan pa'i lha rnams yod do// chu shas rnam par bkra ba rnams gang gi tsher de'i logs la 'gro bar 'gyur ro/ / de'i tshe thams cad kyang shel gyi kha dog tu 'gyur te/ de dang mthun pa'i gzugs rnams dang / de dang mnyam pa'i cha shas rnams su 'gyur ro// yang krung na brtsegs pa'i ri de'i logs gzhan gsum pa ni dngul gyi rang bzhin yin te/ de'i 'od rnams ni dpag tshad lnga brgyar nges par 'phro ba'o// mchog tu dkar ba dang / mchog tu 'bar ba dang ldan pa blta bar mchog tu sdug pa'i logs de la yang lha gang dag nye bar 'gro ba rnams de kho na bzhin du rnam par bkra ba'i rgyan dang / cha byad du gyur pa'i las kha dog gcig tu 'bar te/ mchog tu

  59. 30b

    dkar ba dang / mdog mchog tu 'od gsal ba'i ri de dang kha dog mtshungs par 'gyur ro// yang de'i logs gzhan bzhi pa ni 'dzam bu chu bo'i gser gyi rang bzhin nye 'khor na nyi ma lhur snang ba/ shin tu yang gzi brjid dang ldan par de'i 'od dpag tshad stong du 'phro ba ni gcig tu 'bar zhing 'khrigs pa bzhin du ste/ des nam mkha' rnam par gsal bar byed do// lha gang yang de'i ngos kyi nam mkha' la kun nas gnas nas 'gro bar byed pa de dag thams cad de'i 'od kyis gser btso ma'i rang bzhin gyi mdog can du 'gyur ro/ / gzhan yang klun brtsegs pa'i ri de'i ngos lnga pa pad+ma rA ga'i 'od dang mtshungs par snang ba ste/ logs de'i nye 'khor rnams ni mchog tu dmar ba/ rnam par snang bar byed pas/ de'i 'od zer rnams ni dpag tshad stong du nges par 'phro ba'o// ngos de la yang lha gang dag 'gro bar byed pa de dag thams cad rnam pa sna tshogs pa'i gzugs su gyur nas kha dog shin tu dmar por snang bar 'gyur ro/ / gang yang rin po che dmar po gang dag lus la legs par btags par gyur de dag rnams ni brgya 'gyur gyis kyang ches lhag pa'i rin po che rnams su 'gyur ro/ / ri de'i logs kyi 'od kyi khyad par gyis yin no// gzhan yang ri de'i ngos drug pa ni rdo rje dang mtshungs pa'i kha dog rnams te/ de'i 'od rnams kyang dpag tshad stong du khyab par 'gro ba'o// nye 'khor kun nas kyang 'ja' tshon lta bu bye ba phrag 'phro bar 'gyur ro// ngos de la lha gang zhig 'gro bar byed

  60. 31a

    pa de dag tu de bzhin du 'ja' tshon dang mtshungs pa'i kha dog tu 'gyur te/ klung na brtsegs pa'i ride'i gzi brjid kyis yin no// gzhan yang ri de'i ngos bdun du ni rin po che gyirang bzhin yin te/ sna bdun nyid kho na'i rin po ches rnam par bkra ba'i ngos der lha gang dag 'gro bar byed pa de dag thams cad rnam pa sna tshogs pa rnams kyis lus brgyan par 'gyur ro// gos rnams kyang rnam pa sna tshogs par 'gyur ro/ / ngos de'i 'od rnams kyang dpag tshad stong du yin te/ de ltar na klung na brtsegs pa'i ri de'i nye lakhor na dpal gyis rnam par gsal ba yin no// bzhin du ri rnams kyi rgyal po steng gi ri rab lhun po yang de ltar yin la/ ri rnams kyi rgyal po ri rang lhun po des kyang ri klung na brtsegs pa'i 'od zer rnams sam/ dga' bar 'gyur ba 'am/ rin po che'i 'od rnams sam/ dga' bar 'gyur ba'i rin po che'i 'od rnams kyang rung ste/ brgya'i char yang mi phod la/ stong gi cher yang mi phod do// ring ni nga srid du dga' ba yin no// de ci'i phyir zhe na/ dge ba'i las kyi stobs kyis te/ 'thab bral ba rnams byas pa ches lhag pa dang yongs su dag pa'i las can yin pa'i phyir te/ rgyu 'dis na thams cad las nye 'khor ni kun tu ches dga' ba yin no/ / gzhan yang ri de'i nye 'khor na mchog tu rnam par dag pa'i gzi brjid mchog dang ldan pa thams cad dang bcas pas mu tig mchog gi dra bas yongs su g.yogs pa'i ri de legs par byas

  61. 31b

    pa'i las las kun tu byung ba/ mu tig gi 'phreng ba'i tshogs bres pas de bzhin du rnam par mdzes pa ni/ ji ltar yid smon gyis kun nas bsams pa'i grong khyer chen po mu tig gi 'phreng bas/ bres pa de bzhin du sgra 'byin no// dra ba de rgya chen por gyur pa'i logs la yang rnam pa sna tshogs pa'i bya'i tshogs brgya stong gnas la/ logs de la gnas pa'i bya rnams kyis kyang lha gang dag bag med par gyur pa dang / bag med par spyod pa'i lha de rnams la bya des 'bod par byed de/ bya de rnams kyang brjod pa rnam pa sna tshogs pa zhes bya ba'i tshigs su bcad pa lha de dag rnams la rjod par byed pa/ ji ltar/ rnam pa sna tshogs lngas dbang gis// 'gro ba'i skye ba 'di lhas thob// de thob gang zhig chos mi shes// phyi nas de ni gdung bar 'gyur// tshal dang skyed tshul dga' ba 'dir/ / 'khri shing stegs bu dkyil 'khor du// gang 'di 'jig rten rnam bkra ba// de kun dge ba las skyes 'bras// gang dang gang gis ji ltar yang // mdzes par 'gyur ba'i las byas pa/ / de dang de yis de bzhin du// 'bras rnams de rjes 'jug par mthong // lha rnams la ni so sor yang // dman par mchog gi bde ba mthong // gang dang gang gis byas ji ltar/ / de dang de 'bras de bzhin no// gti mug dbang gis 'gro ba'i lha// rmongs pa sna tshogs cha byad can// yid ni shin tu 'khrul pa yi// rmongs pas 'jigs chen ma mthong

  62. 32a

    rnam rmongs bag med pa yis gang / / rang la phan pa byed ma yin// 'dod dga' rnam pa sna tshogs pa'i// rnam pa sna tshogs 'bras 'dod pa// las rnams kyang ni mi byed pa'i/ / lha de'i sems ni rmongs pa yin// 'bras bu gang dag yid 'ong ba'i// sna tshogs nges par 'byung 'gyur gang // de yis mar me spangs nas ni// 'od la mchog tu lta bar byed/ / gang yang 'bras bu dang 'dra bar// 'dod pa'i lha ni dam pa mchog/ gang yang rgyu 'bras de nyid shes// bde ba yi ni skal ldan yin// sa bon med pa'i 'bras bu yin// mar me med par gang la 'od// tshul khrims med la mtho ris med// shes rab med la grol lam ci// gal te grol nA de bde yin// 'dod pa spangs pa skyob pa yin// 'dod pa'i sred las rnam grol dang / / nga yi med pa'ang blo ldan yin// gal te las skyes bde 'di rnams// de kun rnyog dang bcas pa'i yin// mthar thug pa ni gang yin pa// de kun dri ma med par dran// mi rnams bskal pa brgyar yang ni// yul gyis ngoms pa yod ma yin// bde ba gang yin de rnams la// yul rnams bsten la ngoms yod min// bsten par gyur na rtag par 'dod// phyir zhing phyir zhing 'phel bar 'gyur/ / de 'phel ba ni dug dang mtshungs// log par lta bar gyur pa yin// rgud pa la mkhas 'jigs rung ba// rtag par ltung ba'i rgyu du ma// de dag yongs ma spangs na yang

  63. 32b

    mig bral phal cher ltung ba yin/ / skyon dang yon tan yongs shes pa// de dag mkhas pa'i mtshan nyid yin// skyon yon yongs su mi shes pa// de dag rmongs pa'i byed pa yin// yon tan la ni yon tan blo/ / skyon rnams la yang de bzhin no// skyon yon de nyid shes pa de// rtag tu badre ba'i skal ldan yin// de la de dag yul rnams kyi// skyon yon shes par de 'dir 'dod// shes rab yongs su spangs nas ni/ / yul rnams lha yis ji ltar sten// de ltar bya de dag rnams mu tig gi dra ba'i gseb tu song nas phan pa'i don du rjod par byed do// lha de dag rnams nyid la phan pa'i don du'o/ gzhan yang ring nyid kyi nye 'khor gyi sten na 'od kyi 'phreng ba rnam par bkra ba'i chun po spel bar gyur pa rnams ni/ du mar mdzes pa dang / nye 'khor na 'bar ba de bzhin du steng yang gsal bar byed de/ ji ltar 'dzam bu gling bas kha dog gsum pa rnams dbang po'i gzhu zhes mngon par brjod pa yin la/ de'i logs rnams la yang gal te lha rnams lta bar byed na/ rin po che rnam pa sna tshogs pa'i 'od kyi gzi brjid kyis de la yang rab tu dga' bar 'gyur ro/ / de nas logs de dag las lha gang dag gis ri de'i logs re re zhing bltas pa na/ rin po che du ma 'od 'byin pa/ shin tu dga' ba ngo mtshar shin tu re ba rnams mthong ngo / / logs re rer lha de dag rnams logs re re zhing yang dga' bar byed de/ rnam pa du mar las sna tshogs pa byas pa'i bde ba chen po nyams su myong bar

  64. 33a

    byed do/ / ridi ni ri ba lhun po bzhin du gzhan ya nags 'di dag rnams yod de/ 'di ste/ mdzes pa'i rkyen zhes bya ba nags tshal dang / rtse mo dga' ba zhes bya ba nags tshal dang / nyin mor byed pas dga' ba zhes bya ba'i nags tshal dang / bdud rtsis mdzes pa zhes bya ba'i nags dang / nags bzhi po de rnams dang / nye ba'i nags dang / 'bab chu dang / mtshe'u dang / pad+ma'i tshal dang / chu klung dang / tshang tshong dang / khrang khrod rnams na bya rnam par sgra 'don pa dang / rnam par bkra ba'i me tog legs par bkram pa ljon shing la bya'i tshogs skad rnam par sgrogs pa dang / khang bzangs dang / khyogs kyi khang bu'i 'phreng ba rnams dang kun ldan pa yin no// ri de dang nags de dag rnams su rgyun gnas na rgyu ba'i lha de dag rnams ci nas kyang song nas 'khor dang bcas pa rnams rtag par lha rdzas kyi 'dod pa'i yon tan ldang pe med pa rnams la dga' zhing mgu bar kun tu spyod de/ nags bzhi po de dag gi nye 'khor rnams ni mchog tu dga' bar gyur pa'o/ del nags gcig ni 'dzam bu'i chu bo'i gser gyi rang bzhin te/ nags de'i 'dab ma rnamaswa ni baiDUR+Ya'i rang bzhin la/ me tog rnams kyang pad+ma rA ga'i mdog dang 'dra'o// yang nags gzhan 'di ni dngul gyi rang bzhin yin la/ de'i 'dab ma rnams ni gser bzang po'i mdog can yin zhing me tog kyang rnam pa du mar mchog tu dri zhim por gyur pa gang dag dpag tshad brgyar dri rnams 'gro bar

  65. 33b

    'gyur te/ dri rnams gang dag bsnams par gyur par lha de dag rnams de shin tu che ba'i mchog tu rab tu dga' ba lhag par 'gyur ro// nags gsum pa ni bai rgyu'i rang bzhin no// de'i lom rnams ni dngul gyi rang bzhin yin la/ me tog kyang dri du ma dang ldan pa rnam pa sna tshogs pa'i kha dog go// nags bzhi pa na rnam pa du mar 'bab chu dang / chu klung dang / rdzing bu dang / bya rnam par sgra 'byin pa stong phrag brgya'i yon tan phun sum tshogs pa'i nags de rnams na yang sna tshogs pa'i bya rnam par bkra ba rnams kun nas sgra sgrogs pa ni/ ji ltar sum cu rtsa gsum pa rnams kyi dbus kyi brgya byin bzhin te/ de ltar yang shin tu 'thab bral ba zhes bya ba ches lhag pa'i mdog dang / stobs dang / gzi brjid kyi yon tan phun sum tshogs pa/ dge ba'i las kyi mtha' du ma la spyad pa'i phyir/ mchog tu gzi brjid che ba dang ldan pa/ ri de nyid la lha brgya stong du mas yongs su bskor nus/ yul mang po'i yon tan phun sum tshogs pa rnams la/ rnam pa du mar dga' bar byed de/ lha shin tu 'thab bral ni mchog tu rdzu 'phrul che ba dang / mthu stobs mchog dang ldan pa yin no// de rang gi las kyis sprul pa'i 'dod pa'i yon tan lnga phun sum tshogs pa dga' bar gyur pa'i yul lnga po de rnams kyi dbang po drug gi bde ba la de nye bar longs spyod do/ / shin tu 'thab bral gyi lha rnams ni ches che ba yin te/ de'i legs par byas pa'i las rnams

  66. 34a

    kyis ri de rnam pa de srid du dga' bar 'gyur ba yin no/ / dga' bar 'gyur ba de dag rnams mngon par mthong nas kyang dus thams cad du rab tu dga' ba zhes bya ba'i bya'i tshogs rnam/ kyis de dag dang lhan cig skyes pa'i dbyangs las kyis byas pa'i mngon par dga' bar 'gyur ba'i tshigs su bcad pa dang ldan pas tshigs su bcad pa rnams brjod pa ni/ ji ltar/ sems ldan mi ye shes rab kyis/ / yid la smon dgu brgya yis kyang // bde de bya bar mi nus te// ji ltar las byung bdag nyid che// shin tu tshe dang mchog tu che// dga' ba las kyang mchog dga' de// rnyed pa skyes bu byed 'bras te/ / de ni tshul khrims mdzes pa yin// chu bo 'gyur ldog 'gro ba yi// yul gyi sgo yi 'gyur ldog las// gang dag 'di las sems 'dul ba'i// lha de bde ba'i skal ba yin/ / bsod nams bdag nyid kyis byas pa// bdag nyid la ni sgrub par byed// bde ba'am gal te sdug bsngal gang // bdag nyid kho nas nyer longs spyod// skyes bu rtag tu sdig byed pa/ / dgra bzhin du yang bdag nyid gnas// dge ba byed pa de bzhin du// bdag la grogs bzhin rab tu sgrub// chu bo yi ni rgyun bzhin du// skye bas skyes bu la rab 'jug gang yid tshul khrims la dga' ba/ / bsod nams gzi brjid dri med ldan/ yun tshogs bal chen la gnas nas// don min pa ni rab sgrub pa// gang zhig sdig la dga' ba'i blos//

  67. 34b

    rtag tu yul la ched cher 'dzin// yul la dga' ba'i 'gyur ldog gis// rtag tu chags pa'i rjes su 'brang // gang blo chos la mi gnas pa// mi de sdug bsngal skal ldan yin// gang phyir bde chos nye 'khor las/ / sdug bsngal bdud kyi chos 'di yin// skye bo de nyid shes pa yis// bde sdug mtshan nyid der shes bya// gang yang bde ba de 'dod pas// dam chos rjes su spyad par gyis/ / sdug bsngal gang zhig mngon zhen 'dis// chos de byed las yin par 'dod// sdug bsngal rnam pa sna tshogs dang // rgyu med bde ba mthong ba min// bde sdug tha dad gyur de ltar/ / rtsol bas rang phan chos la spyod// gang gi rnam rtog du ma dang // gang yang rnam pa du ma yi// skye ba rab tu thob pa 'di// de kun les las skyes pa'i 'bras// gang zhig chos rnams mi 'dod pa/ / skyes pa 'bras bus stong pa yin// chos kyis mtho ris dag tu 'bab// chos spyod pa ni bde dang ldan// de ltar de kun 'thod nus pa// dam chos dbang byas 'bras bu yin/ / skyes bu ngan pa chos mi 'dzin// dmyal bar nye bar 'gro ba yin// shi bar gyur pa mchog yin gyi// lus la smon pa de ltar min// chos spangs pa yi skyes bu ni// rtag tu 'khor bar la byam par 'gyur/ / chos kyi mig dang mi ldan pa'i// gti mug gis kyang non pa'i sems// sa sgren la 'bab char ji bzhin// bde bar mthong ba 'di don med// chos kyi myu gu yid zhing la/

  68. 35a

    skye ba min te sems med pas// gang gi rang bzhin blun pa'i blo// chos mini spyod pa la dga' 'o// chos min lam du brten nas ni// skye bo sdig dbang rjes su 'gro/ sems kyis yongs su dad pa ni// yun rings 'khor bar khyam pa yin// sems 'di skad cig skad cig la// rnam pa du mar yongs su 'jug/ yang mo'i rang bzhin rtsa ba hral can// sgyu ma dri za ltar snang ba// sems dang rnam shes legs bsdams pas// gang nyid 'ching ba yin par 'dod// 'ching ba ngan pa shugs chen te// rnam pa du mar yongs su rgyug/ 'dod pa dang bcas yul la yang / / sred pa'i dbang dang ldan des kyang // lha de rnams ni nges bslus so// bag med dbang du gyur pa yis// gson pa rnam par bcom nas kyang // log par ltung ba'ang ma rtogs so// rnam par 'joms dang zad pa dang / / bde ba mi rtag g.yo bar ni// de nyid thams cad gyur pa yang // rmongs pas rig pa ma yin no// sred pa rmongs pa bag med gang // ro bde rnams kyang de bzhin du// lha yi tshogs ni rnams rmongs pas// skyid nas srid par 'khyam pa yin// med gyur nas ni yod par gyur// yod pa nges par g.yo ba'ang yin// lha rnams ltung bar gyur pa yi// chos de 'di la rnam par gnas/ / zhes bya ba'o// de ltar bya de dag gis ri de la rgyu ba rnams la dam pa'i chos dang ldan pa rnam pa du mar rjod par byed do// de nas lha gang dag sngon legs par

  69. 35b

    byas pa'i las la spyad par gyur pa de dag rnams ni bya de dag gis rnam par brjod pa nye bar 'dzin no/ / nye bar bzung nas kyang yid la byed do// gang dag chos rnams la rjes su ma spyad pa de dag rnams kyis ni tshig cig kyang mi go'o/ / de'i phyir na rang la phan pa dang gzhan rnam la phan par 'dod pas brtson pa du mas kyang / ye shes kyi snang ba la ched cher 'gyur bar bya'i/ skyabs kyi rnam pa de lta bu sman rnams sam/ ngan 'gro thams cad las nges par sgrol bar 'gyur ba gzhan ni yod pa ma yin no// ye shes kyis ni ji lta ba bzhin du bde ba mchog gi sa bon du 'gyur te/ bsten pa dang / bsams pa dang / bsnyen bkur byas pa de dag gis/ shes rab de lta bu yon tan dang ldan pas na/ nges pa kho nar mya ngan las 'das pa mthar byed par 'gyur ro// lha gang dag bag med par rnam par// rgyu ba rnams kyis bya de dag rnams kyis rnam par brjod pa nye bar bzung nas/ de dag rnams yud tsam zhig bag med pa nye bar zhi bar 'gyur ro// gzhan yang lha de dag rnams de nyid kyi nags dang / zhi ba'i nags dga' ba de na rin po che du mas rnam par gsal ba'i rtse mor lha de dag 'dod pa'i yon tan lnga dang yang dag par ldan par gyur par rnam pa du mar dga' zhing kun tu yang spyod de/ ji srid du 'dod pa dang / sdug pa dang / yid du 'ong ba byas shing bsags pa'i las rnams zad par ma gyur bar du'o// des de dag rnams zad nas gzhan yang rnam par 'jug cing rab tu yang lhung ste/ ji ltar las

  70. 36a

    rnams kyis nye bar 'gro bar dmyal ba dang / yi dgas dang / dud 'gro rnams su skye'o// lhag ma rnams kyis gal te mi rnams dang skal ba mnyam par mir skyes na/ de rtag tu skyid pa'i mchog tu 'gyur ro/ / skyes pa nas bzung nas gzhan rnams kyis bka' mi bsgo ba dang / rang ci 'dod pa bzhin du byed pa dang / mchog tu longs spyod dang ldan pa dang / shes rab la mchog tu dga' ba dang / mchog tu yon tan dang / gzugs phun sum tshogs pa dang / skye bo thams cad kyis byams shing snying du sdug la yid du 'ong zhing mthun par 'dzin pa dang / skye bo thams kyi mchod par byed pa dang / dga' zhing 'dod pa'i yul rnams sam/ tshong dus sam/ grong khyer rnams su skye bar 'gyur ro// rang gi skye bo dang / grogs dang / gnyen 'dun rnams kyis kyang mchod par 'gyur ro/ / rgyal po 'am/ rgyal po'i blon po rnams su 'am/ sems drang po'i rang bzhin can chos dang ldan pa/ chos kyi rjes su 'jug pa'i yang dag pa'i lta ba can du las de'i rgyu mthun pa'i 'gyur ro/ / gzhan yang dge slong las kyi 'bras bu rnam par smin pa shes pa de 'thab bral gyi lha rnams kyis la rnam par lta bar byed pa na/ ji ltar yod pa des thos pa las byung ba'i shes rab kyis shes pa ni 'thang bral ba'i lha rnams kyis brtsegs pa rgyu ba zhes bya'o/ / sa der las gang gis sems can rnams skye bar 'gyur ba yangs des thos pa las byung ba'i shes

  71. 36b

    rab kyis mthong ba ni ji ltar gang dag gis legs par byas pa'i las kyi mtha' la spyod pa rnams/ mchog tu tshul khrims dang ldan par gyur nas/ rtag tu gzhan la gdung bar mi byed par 'gyur zhing 'phags pas bzhed pa'i tshul khrims kyi mchog byas shing bsags par gyur pa/ ma nyams pa/ skyon med pa/ ma smras pa/ brtan pa/ bde 'gro thams cad kyi sgo 'byed par byed cing ngan song gi sgo/ thams cad gcod pas/ mchog tu bsil ba'i rnam par smin pa can pa dang ma lta bur gyur pas/ shin tu bar yang skyabs 'os su gyur pas mchog tu 'jig rten la phan par gyur pa'i yon tan gsum dang ldan pas skye bar 'gyur ro/ / yon tan gsum po rnams gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa spang ba'o// de la srog gcod pa dang / ma byin par len pa ni bshad zin no// 'dod pa log par g.yem pa rnam pa 'di lta bu rnams kyang spong ste/ dper na yang ji ltar rings pa rings par 'gro bar gyur pa na/ rtsig pa'i dpag gam rab tu rgyu ba mthong ba na yang rung ste/ bud med kyi gar ram rgyan rnams kyis sgra thos nas kyang ro myang bar mi byed do// kun tu rtog par mi byed do// de la yid kyis rab tu smon par mi byed do/ / gzhan dag rnams byed pa na yang rjes su yi rang bar mi byed do// byed pa rnams kyang rab tu 'gog par byed de/ bshags su 'jug go// nyes dmigs rnams ston par byed do//

  72. 37a

    nyes dmigs rnams kyi zhing ji lta ba 'di ni/ 'di lta ste/ 'dod pa la log par g.yem pa'o// rgyu des ni sems canA dmyal bar rjes su rgyug par byed do zhes de ltar gzhan rnams legs par goms par byed cing so sor go bar byed do/ / dge ba'i las rnams kyi mtha' la spyod pa de de ltar byed par 'gyur zhing / de lta bu'i tshul khrims la rab tu g nas pas de ltar yang yongs su dag par tshangs par spyad pa spyod pa de dag rnams ni lus zhig nas bde 'gro mtho ris kyi 'jig rten las 'thab dral gyi lha'i sa brtsegs pa rgyu ba zhes bya ba der skye'o/ / der nges par skyes pa 'dri dge ba'i las kyi mtha' la spyad pas/ bde ba 'di dag rnams 'byung ste/ 'di lta ste/ brtsegs pa rgyu b.ri ni nye 'khor du dpag tshad lnga brgya'o// bya'i sgra yid du 'ong ba rnam par sgrogs par dga' bar 'gyur ba brgya phrag gis nye 'khor kun tu gang ba/ gting du song ba dang ldan pa'i nang gi ga drangs kyi sgras khyab pas/ glu nyan pa dang 'dra bar nye 'khor na rnam par gsal bar byed do/ / de yang gang gi tshe dang po kho na skye bar gyur pa na/ de rin po che sna bdun gyi rang bzhin gyi ljon shing dang nye bar skye'o// de ji ltar mi rnams gnyid log pa nyid na mtho ris kyi glu dbyangs kyis rab tu sad par byed pa de bzhin du/ de bya'i sgra thos na yid 'phrogs pas rab tu sad par byed do// ji ltar ri rnams kyi rtse mo la ston ka'i nyi ma dang po shar bar gyur pa de bzhin du/ de'i bdag

  73. 37b

    nyid kyi dngos po rnam par gsal ba yin no/ / de ltar cung zad 'dra ba tsam cig dper byas par zad do// gang gi tshe de rnam pa thams cad du blo rnyed par 'gyur ba de'i tshe/ de'i legs par byas pa'i las byas pa'i las kyi bya des dran par bya ba'i don du legs par byas pa'i las kho na'i tshigs su bcad pa brjod pa ni/ ji ltar/ 'khrul 'khor rgyas pas sbrel byas shing // bshang gci mchil ma'i sa gzhi gang / / bud med las khyod 'di nas ni// pha rol 'gro bar mi nus pas// slu byed thang gi ri bo ste// shin tu brtson pa'i khyad par gyis// rtsa ba hral shin tu sems 'khrul ba'i/ / bud med ngan la khyod ma 'khrul// rgyan rnams dang ni de bzhin sgras// rnam 'khrul shin tu 'khrul pa brjod// bud med brjod pa'i thabs lag gis// skyes bu myur du 'phrog par byed// rnam pa sna tshogs me tog la// rkang drug ji ltar rgyu byed pa// de bzhini de ni mi rnams la// bud med rnam pa du mas rgyu// ji ltar me tog rtsi 'thungs nas// me tog gzhan la 'gro bar 'gyur// de bzhin skyes pa 'thungs nas ni// bud med myur du 'gro bar 'gyur// nor dang skom la spyad pa dang // khron pa rtag tu bsten dka' ba// mi ni bslus nas myur bar yang // gzhan du yang na 'gro ba yin/ / g.yo dang sgyu dang ri dang ni// kA le ku Da'i dug dang mtshungs// bud med skyes pa'i 'joms byed yin// don min byed par rnam par gnas// ji ltar rlung dang nam mkha' dang /

  74. 38a

    me rnams mi yis sbrel mi nus// de bzhin thabs brgyas bud med rnams// mi yis bsrung bar nus pa min// don min nad dang 'chi bdag dang // nyes par byas pa'i las/ rnams kyi 'ang // rgyur 'gyur mchog ni bud med yin// thar pa'i spyod las 'ching ba yang // gang yang rnam pa du mar yang // 'jigs pa'i g.yang sa dag tu yang // mi yi 'jigs rten khrid byed pa'i// de rgyu mchog kyang bud med yin// stobs min lang tshos kyang ma yin// mkhas pas kyang ni zhi mi nus// nyi ma'i 'od zer ji lta bar/ mo rnams rtsa ba hral lhan cig skyes// mar me'i 'od rnams jiltar 'dir/ / de dag rnams kyi snying mi rtag/ de rnams zhe sdang rtag par yang // rta rnams 'thab mo ji bzhin no// nor zad nas ni chags dang bral// nor zas nas ni 'joms par byed// ji srid nor yod de srid mo/ / nor nyams bud med ga la rnyed// bsnyen dang sbyin dang nyer longs spyod// rnam pa tha dad thabs kyis kyang // sems ni 'bar ba drang mtshungs pa'i// bud med bzung bar nus min te// ji ltar skyes bu rjes thun par/ / ji lta ji ltar 'dra byed pa// de lta de ltar bud med kyis// mi de rnams ni rtag tu slu// ji ltar mi la me tog rgyan// de bzhin gzugs kyis brgyan pa yi// bud med rnams kyi sems 'di yin/ / dug gi me tog mthong ji bzhin// blta dgal ni byed ma yin no// bud med dug gi me tog mtshungs// rab tu brtson pas yongs su spongs// mi rnams blta bar 'dod pa dang // yul rnams

  75. 38b

    la yang ched cher 'dzin/ / 'jig rten 'di dang gzhan du yang // mi ni bde ba'i skal ldan min// bde la chags dang bag med gang // le lo dang ni rtsa ba hra la g.yo// sdig pa sten byed zhim po za// mis ni bzang po mthong ba min/ / sbyor ldan brtan po brtson 'grus can// chos pa bud med rnam spangs pa// mkhas pa rgyu 'bras la dad pa'i// mis ni bzang po 'thob pa yin// skyon gyi dra ba 'di dag kun/ / bud med sgyu yis sa 'dir spyod// thos ldan bud med rnam spangs pa// 'thab bral 'jig rten mnga' bdag che// de ltar lha des rmi lam gyi nang bzhin du gnyid sad pa na thos so// bya de'i/ sgra rnam par sgrog pa'i bya de ni rnam pa du mar yon tan shin tu phun sum tshogs pa/ gshog pa gnyis phan par 'gyur ba'i las byas pa'i bya de dag gis bstan par gyur pa na// lha gsar du skyes pa des thos par gyur la/ thos nas kyang lha de dag rnams yid ches pa skye ba'o// shes rab des skye ba gzhan du rjes su zhugs pa'i shes pa rnams dran par 'gyur bas/ gang yon tan gsum dang / ldan pa'i 'dod pa sdug pa yid du 'ong ba'i tshul khrims bsrungs pa de rjes su dran no// rjes su dran nas kyang tshigs su bcad pa brjod pa/ ji ltar/ gang phyir bud med rnam spangs pa// gcig las tshul khrims thams cad yin/ / bud med rnam spangs blo ldan rnams// mya ngan 'das grong 'gro ba rnams// med min mtshon chas kyang ma yin// stobs min srog chags dag gis kyang /

  76. 39a

    bud med rgyu yis 'ching ba ni// bcad par mi nus bsgrub dka' ste// de rgyu rtag tu spang ba dang // smad par yang ni brtson par gyis// de spangs pas ni 'thab bral gyi bde ba bla na med 'di thob/ / bde ba gzhan las ches bde ba// 'gyur med go 'phang nga yis thob// de ltar bya de dag rnams kyi gzugs dang rtse dga' ba mngon par mthong zhing sgra rnam par brjod pa rnams kyang / thos nas rab tu dga' ba'i yid kyis de lha'i 'jig rten rnams la mngon lta bar byed pa nA/ des mthong ba ni brtsegs pa rgyu ba de kun tu khyab par ljon shing brgya stong phrag du ma rnams 'od kyi 'phreng ba dang ldan pa rnams mthong ba dang / 'bab chubargya stong dang rab tu ldan pa bya'i tshogs rnams kyis sgra kun nas sgrogs pa'i sgra rnams thos par 'gyur ro// rnam pa sna tshogs pa'i rin po che'i sgros spras pa rnam pa sna tshogs par dga' bar gyur pa'i pad+ma'i rdzing bu brgya stong dang ldan pa la bung ba'i tshogs sgra 'byin pas nye bar mdzes par gyur pa/ sngon ma mthong ba shin tu dga' bar gyur pa'i ri gzhan dang mi 'dra ba 'thang bral gyi 'jig rten rnams des mngon par mthong nas/ de dang 'dra ba'i ngo bo'i dga' ba thob par gyur to// de shing gi drung de las langs nas/ de rang gi lus la kun tu lta'o// de legs par mngon par mthong ba ni/ rang gi 'od rnams kyis gsal bar gyur pa/ 'od zer brgya phrag du ma rnams kyis rab tu gsal bar byed pa/ mchog tu gyur pa'i dpal gyis ches snang bar

  77. 39b

    gyur pas mthong na shin tu ngo mtshar bar rang gi lus mngon par mthong nas gzugs kyi rgyags pas dregs par 'gyur ro/ / de'i rjes la rgyags pa gnyis pa 'di'i snying la 'jug par 'gyur ba ni/ 'di lta ste/ de ni 'di snyam du sems par 'gyur ro// nga lta bu 'ga' zhig yod pa ma yin zhes/ de'i sems bskyed pa tsam nyid na lha gang dag gis gang dag rnams las sems par byed pa de dag rnams nyid phun sum tshogs par 'gyur ro/ / de'i nang du yang rgyags pa gsum pa snying la 'jug par 'gyur te/ de'i rjes la 'di'i dbang po lnga yul lnga po rnams la de'i snying dang sems dga' par byed do/ / de de ltar rnam pa bdun du yid 'phrog pa gang yin pa de'i dge ba'i chos la brtson par bya ba de dag rnams thams cad kyang de bzhin du brjed par 'gyur te/ sems yang bar gyur pa'i phyir dang / bag med pa mang bar gyur pa'i phyir drang / rtag tu bag med pas bag med pas bag med gnas pa'i phyir yang ste/ yul lnga'i zhags pas bcings shing srid pa'i 'chums rdul rnams kyis kyang 'gul bar chags bar gyur bas de brtsegs pa rgyu ba'i ri dril 'khod de/ bde bas gnas bya ba'i phyir ro// ri de la yangs gsum yod do// 'og gi sa dang / steng gis yang ste/ de la 'og gi sa la nags tshal lnga yod pa rnams la/ 'di lta ste/ dri rgyu ba dang / 'od zer gyi rtse mo dang / 'od 'phro ba dang / rtag tu mngon par dga' ba dang / mtho bar brtsegs pa'o// de la dri rgyu ba'i nags na ni gang cung zad cig skye

  78. 40a

    / bde dag thams cad dri ches lhags par 'gyur ro// dri de dag kyang dpag tshad lnga stong du 'gro bar 'gyur ro// 'od zer gyi rtse mo'i nags na ni mtshungs pa med pa'i rnam pa du ma'i 'od zer/ rin po che las byung ba'i rnams kyis mngon par gsal bar gyur pa'o// nyi ma brgya stong bas lhag pa'i 'od 'phro ba'i nags na ni shin tu bar yang 'od 'bar ba dang ldan pa'i lha rnams gnas so// 'dod pa yon tan lnga phun sum tshogs pa'i rtag tu mngon par dga' ba'i nags na ni mtsho bran dang / 'bab chu rnams kyang brgya stong phrag du mar lha rdzas kyi ro dang / dri ma dang / kha dog rnams phun sum tshogs pa rnam pa du ma rnams so/ / mtho bar brtsegs pa'i nags ni mchog tu mtho ba'i rtse mo rin po che bdun gyi rang bzhin gsal bar gyur pa'i rtse mo rnams yin no// sa gnyis pa 'di dag rnams na yang rin po che bdun gyi rang bzhin du gyur pa'i steng khang brgya stong du ma yod do/ / pad+ma'i rdzing dun bya'i tshogs dga' bar 'gyur ba brgya stong dang / gzhan yang sgra dang / reg dang / ro dang / gzugs dang / dri rnams 'dod pa sdug pa yid du 'ong ba mthun pa yid rtag tu 'dre bar byed pa rnams kyis kun tu gang ba'o/ / steng gis 'dis gzhi de'i gzhi la dpag tshad brgyar lha mthu stobs che bas kun du gang ba'o// gzhi de dag la yang rin po che'i nags zhes bya ba rnam pa sna tshogs pa'i 'bab chu dang / zas kyi chu klung dang / skom gyi chu klung dang / ljon shing dang / mtshe'u dang / pad+ma'i rdzing dang / tshal dang / skyed mos tshal dang / dpag bsam gyi shing dang / lha rdzas

  79. 40b

    kyi me tog dang / 'bras bu'i yon tan lhag pa brgya stong dang ldan par gyur pa/ rab tu dga' ba'i lha dang lha mo brgya stong phrag gis kun tu gang ba de dag la song nas kyang / shin tu 'thab bral ni mu su lun d+ha dang lhan cig 'ongs nas lha rdzas kyi 'dod pa'i yon tan lnga po 'dod pa'i sgra dang / reg bya dang / ro dang / gzugs dang / dri dang yang dag par ldan pa sred pa'i me rnams skyed par byed pa la dga' zhing kun tu spyod pa yang byed do/ / de ltar lha de brtsegs pa rgyu ba'i de la rnam pa sna tshogs pa'i yul gyi bde ba'i rgyu 'bras so so rnam pa tha dad pa rnams la dga' bzhin du kun du spyod par byed do// de nas lha gsar du skyes pa de yul gyi bde bas nges par bskul nas gang na ri yod pa de dag nyid du phal che ba kho nar nye bar 'gro ba na de gcig pur mthong nas lha gzhan de dang nye bar bsten nas 'gro bar byed de/ mig dga' bas kun tu rgyas pas de'i drung du nye bar 'gro na ji ltar lha 'di ni gsar du skyes pa yin no zhes so/ / de bzhin du lha gzhan gyis kyang lha de la 'di skad ces smras te/ ji ltar gsar du skyes pa yin no zhes bya ba ji lta ba bzhin du 'di'i srid pa ji ltar shes/ de nas lha des 'di skad ces smras te/ ji ltar rtags lnga po 'di dag ni lha gsar du skyes pa de'i yin pa la/ 'di lta ste/ 'od rnams 'phro bar 'gyur ro// gos rnam ni rang gi lus las 'phros pa'i 'od zer gyis lus rnams rab tu 'gebs par 'gyur gyi/ 'di la gos ni yod pa yang ma yin no// 'di ni lha'i rtags dang po yin no// gzhan yang lha gsar du

  80. 41a

    skyes pa'i rtags/ 'di lnga ste/ ngo mtshar bar gyur pas mig gi rgyu ba kun tu gtod par byed de/ de shin tu ngo mtshar bar gyur pas nags dang / nye ba'i nags sngar ma mthong ba rnams la lta bar byed pa 'di ni gsar du skyes pa'i rgyu mtshan gnyis pa'o/ / gzhan yang gsar du skyes pa'i rgyu mtshan 'di lta ste/ bud med rnams mthong nas ngo tsha ba dang bcas par 'gyur ro// shed chung ba dang dogs pa dang bcas par 'gyur ro/ / gzhan yang gsar du skyes pa'i lha'i rgyu mtshan ni snga na med pa'i lha mthong nas/ dogs pa dang bcas pas rtsar bsnyen no// gzhan yang gsar du skyes pa'i rtags ni ji ltar nam mkha' la 'phags pa na 'jigs par 'gyur zhing nyim nga bar 'gyur ro/ / de yang cung zad dang / thu du dang / dal bus kyi dbang gis sa gzhi dang / thag nye bar gyur pas phan tshun la brten nas 'gro'o/ / rgyu mtshan lnga po de dag ni gsar du skyes pa rnams kyi yin no// de la 'dir ni rtags 'di dag rnams thams cad kyis kyang // gsar du skyes pa de la mngon par mtshon par byed do// gsar du skyes pa de bdag gis 'dir bsten par bya'o/ / de nas lha de lha de dag rnams kyis nye bar bsnyen cing yongs su bskor nas brjod pa ji lta ba bzhin du ltos dang / skal ba chen po dang ldan pa khyod nye bar skyes pa na ni rang gis byas pa'i mdzes pa'i las du ma'i tshul khrims rab tu bsrungs shing bsgoms te nyams shing smas pa dang / thun tshags ma yin pas khyod 'dir skyes so// de ltar lha gang dag shin tu bag med

  81. 41b

    pa'i yid can ma yin pa des lha de la de skad ces thams cad smras nas/ gang na brtsegs pa rgyu ba de'i sa nye bar 'phel ba der 'khod do// srid pa'i gzhi la 'dug nas kyang sna tshogs pa'i glu dang / rol mo'i sgra yis rab tu dga' ba phan tshun lhan cig rgyags pa la don gcig pa de dag mngon par mthong nas lha gsar du skyes pa de rab tu dpyod par byed de/ ji ltar bdag gcig pu ri'i gseb de dag tu zhugs par bya'o// zhes/ sa de dag rnams su yang brgyas par gyur nas gang na brtsegs pa rgyu ba'i ri yod pa der zhugs so// de nas des lha'i bu mo'i tshogs ches che ba rnams rgyan dang / cha byad du ma dang / bca' ba dar du/ mar nye bar brgyan pa rnam pa du ma'i rol mo dang / rnga sgra dang / glu dbyangs kyis rab tu dga' bar gyur pa rnams mthong ngo // de nas lha mo de dag rnams kyis lha de mngon par gsar bar mthong nas kun tu bskor nas mchog tu dga' ba mchog tu rgya che ba'i cha byad dang / rgyan can ngo mtshar bar gyur pa'i mig dag gis lha de mchod par bya'o zhes byas nas nye bar gnas par gyur to// de nas thag nye bar bsnyen te phyin nas kyang lha mo de dag rnams de dang por mthong bas tshim zhing mchog tu dga' ba'i yid kyis lha de la 'di skad ces smras so/ / ji ltar khyod nyid mthong bas ched du byas te nged 'dir 'ongs kyis rang gi las kyi 'bras bu dge ba'i 'bras bu nags dang / nye ba'i nags rnams dang / rnam pa sna tshogs pa'i ri sul dang / gang logs dang / ri zhol rnams su dga' bar mdzod/

  82. 42a

    gzhan yang mtho ris kyi gnas rin po che bdun gyi rang bzhin rnam pa sna tshogs pa'i 'od zer gyi 'phreng ba rnams dang / ri du ma rnams la rnam pa sna tshogs pa'i me tog gi shing gi tshogs kun nas 'dud pa mi g.yo ba rnams dang / ri rnams kyi nags khrod rnams la 'khri shing gi khang bu rnams dang / gzhan yang mtho ris rnams kyis phyogs rnams la yang rnam pa sna tshogs pa'i rol mo dang / rnga sgra dang / glu sgra kun nas bsgrags pa rnams dang / 'tsher ba'i gser bdun spras pas rnam par gsal ba rnams dang / gzhan yang yul phyogs gzhan rnams la 'bab chu dang / chu klung dang / tshang tshing dang / pad+ma'i tshil rnam pa du ma rnams dang / gzhan yang nam mkha'i dkyil na gzhal yas khang brgya stong dang rab tu ldan par mchog tu dga' ba rnams la bdag cag rnams dang lhan cig tu lha dga' bar mdzod// de nas dge ba'i las rnams thams cad las byung bar gyur pa'i lha des de dag rnams la 'di skad ces smras so/ / 'dod pa thams cad kyis ngoms par byed pa'i mtho ris kyi sa rnams su bdag cag rnams dang ji lta ba bzhin du dade dga' bar bya'o// de nas phan tshun lhan cig tu sna tshogs pa'i rnga sgra sgrogs par gyur pas rab tu dga' ba dang ldan pa'i yid can rnams legs par byas pa'i las ma lus pa'i 'bras bu la nye bar longs spyod par gyur pas gzhan gang dang gang na gzhanan shing rta sna tshogs pa zhes bya ba'i nags yod la/ der legs par nye bar 'gro bar byed la/ nags de na ni blta bar sdug pa'i gzugs du ma'i

  83. 42b

    yul rnams dang / de bzhin du ro rnam pa sna tshogs pa'i dga' bar 'gyur ba'i ro du ma rnams dang / de bzhin du dga' bar 'gyur ba'i dri du ma rnam pa sna tshogs pa'i dri rnams dang / de bzhin du dga' bar 'gyur ba'i reg bya du ma rnam pa sna tshogs pa mnan na nem la bteg na 'phar ba'i phyogs dang / ma btags pa'i gos 'jam zhing sra ba la tshags dam pa du ma rnams dang / de bzhin du dga' ba rnam pa du ma sna tshogs pa'i bya rnams kyi sgra dang / pheg rdob pa'i glu mkhan gyi sgra chags par 'gyur ba'i dbyangs kyi sgra du ma rnams so// de lam de nyid nas yul rnams la nye bar spyod par byed cing rgyan dang / cha byad sna tshogs pa'i lha'i bu mo rnams dang / rnam 'du mar lhan cig tu dga' bar byed do// de nas nags de dag na yon tan de dag rnams shin tu phun sum tshogs pa lha dang lha mo du mas kun nas gang ba yid shin tu ngo mtshar che ba rnams kyi dbang du gyur pas/ legs par mthong ba dang / rnam pa du mar yang mig gi rgyu ba legs par gtod par byed do// nags dang nye ba'i nags de dag rnams kyi yul phyogs rnams la ma ra ga ta'i sdong bu rnams kyi rtse mo sngon po'i 'phreng ba rnams dang / sa gzhi rnams la yang thang la rgyu ba'i bya rnam pa sna tshogs pa rnam par bkra ba/ rin po che sna bdun gyi rang bzhin gyi thig les rnam par bkra ba byas pa'i bya rnams ngan tshun lhan cig tu tshig gdangs snyan pa rnams kyis lhan cig tu dga' bar byed par mthong ngo / / de ltar thang rnams la rnam par mthong bar gyur nas de dag rnams mthong /

  84. 43a

    nas chu rnams la yang mthong ba'i rgyags pa'i kar Na ra ba dang / ngur pa dang ngang pa'i sgra'i khyad par nan mchog tu rgya che ba'i cha shas rnam pa sna tshogs pa rnams sngon po'i nags kyi 'phreng ba rnams su mig rig rig por gyur pas/ rnam par bkra ba'i gzugs rnams nye bar 'dzin no// gzhan yang 'dis rnam pa sna tshogs pa'i 'dod pa'i bde ba dang ldan pa nam mkha'i dkyil du rnam par lta bar byed pa na/ lha mo'i tshogs brgya stong du mas kun tu gang ba dang / mchog tu rnam par bkra ba'i rgyan dang cha byad can gyi lha'i bu mo'i tshogs rnams kyis nye 'khor kun tu gang ba'i de ltar rnam par bkra ba rnams des mthong ba yin te/ ji ltar kha dog rnam par bkra ba 'am/ rtsig pa'i logs sam/ tshon gyis bris pa'i thang ka bzhin du nam mkha'i dkyil 'khor de dag de bzhin du rnam par bkra ba rnams des mthong bar 'gyur ro/ / glu dang / gAr dang / rnga'i sgra kun nas sgrogs pa de dag rnams des mthong nas/ mthong ba'i skyon rnams rtsom par 'gyur te/ nam mkha' nas nam mkha' rnam par rtog pa rnam pa du mer g.yo zhing 'gyur ba'i skye gnas rgyas kyang nam mkha'i dkyil du bstan nas/ phyir yang gang na pad+ma'i tshal me tog gi tshogs rnams kyis rnam par bAr byas pa/ in+d+ra nI la dang / ser po dang / dmar po rnams kyis dbyibs sna tshogs pa gsal bar byas pas rnam par bkra bar gyur pa'i bya chu la rgyu ba rnams kyis kyang thor khor rnams yongs su bskor ba de

  85. 43b

    ngag rnams kyang lha des/ mchog tu dga' ba'i yid kyis lta bar byed do// de nas thams cad du lha'i tshogs rnams mthong ba ni/ rgyun mi 'chad par tshu la 'jug pa rnams dang / rgyun mi 'chad par rnam mkha' la rgyu ba rnams dang / rtag tu chu la rgyu ba'i bya rnams dang / lha'i tshogs rnams kyang chu'i nang du rgyu ba mchog tu dpe med pa'i gzugs rnams la lta bar byed pa dang / sngon gyi dge ba rnams yin/ par rjod par yang byed de/ de yang ji ltar/ lta byed rgya mtsho 'di la ni// gzugs kyis ngoms pa yod ma yin// de bzhin yid du 'ong ba'i ro// ros kyang ngoms pa yod ma yin// sna yang rtag tu dri yis ni/ / ngoms par 'gro ba ma yin no// reg bya ba de dang ldan pa yi// reg byas lus gang ngoms yod min// shin tu snyan zhing dga' ba'i sgras// 'di yi rna ba ngoms ldan min// yid kyang ngoms par mthong min te// de bzhin chos kyis kyang ngoms min// dbang po drug kyang 'gyur ldog gi/ thag pas bzung zhing bkris nas ni// 'dod pa'i sa la rnam mang du// rtag tu skrag cing 'khor bar byed/ / 'bar ba la ni rtswa bzhin du// lha rnams la ni ngoms yod min// mi rnams kyi ni rang bzhin 'di// gang zhig ngoms pa med pa yi// dbang po drug me gdug pa ni// rnam rtog rlung gis nga rgyal ba yin// gang yang 'jig rten 'di tshig pa/ blo gros med pas ma rig go// bag med rnams kyis 'di na// chos kyi lam la mi sten rnams// dga' ba'i

  86. 44a

    yul gyi spyod yul las/ / rang nyid bag med chags bral gyis// de ltar lha de dgra rnams kyis sngon byas pa'i rnams dran pas skye ba gzhan dran nas/ ji lta ba bzhin du tshogs su bcad pa brjod pa yin no/ / slar yang rang bzhin gyis yul rnams la sred pas 'khrid par gyur te/ 'dod pa'i yul rnams shin tu g.yo bar gyur pa'i sgra dang / reg bya dang / ro dang / gzugs dang / dri rnams yon tan du ma dang legs par ldan pa nyid nyi ma re re zhing rab tu 'phel bar gyur pa brgya phrag rnams kyis 'khrid par 'gyur la/ gzhan yang lha de dag nyid dang lhan cig tu dga' bar byed cing / 'dod pa'i yon tan lnga la rnam pa du ma dang rnam par rtog pa du mas yongs su phrogs nas kun tu spyod par yang byed do/ / gzhan yang lha du ma rnams dang lhan cig tu nags dang / nye ba'i nags khrod dang / chu bshal la bya'i tshogs brgya stong sgra 'byin pa rin po che bdun gyi khams dang ldan pa de la dga' bar byed do/ / gzhan yang dga' bar gyur pa de dag rnams gang la lha lhag ma de dag rnams dga' bar byed pa der lha'i tshogs rnams dang bcas pa dga' bas gnas par bya ba'i don du legs par nye bar 'gro ba'o/ / de dag rnams der legs par nye bar song nas/ de dag phan tshun du yang mchog tu snyan pa thos nas dga' ba dang yang dag par ldan pa smras par 'gyur zhing dus yun ring por yang brjod nas/ de dag la song ba'i yid can rnams ji ltar gnod pa med pa dang / phan tshun grogs su yang gyur pas rtse zhing 'jo sgeg go// rim pa 'di dag gis lha gang dag

  87. 44b

    thams cad pas nyung ba de dag la yang lha'i bu mo phyir 'brang bar byed pa ni stong phrag bcu yin te/ rtag tu 'dod pa la rnam par chags pa'i sems rtag tu 'dod pa'i yon tan rnams kyis mi ngoms pa/ rtag tu 'jo sgeg gis rgyu ba brgya stong du mas rtag tu sems kun tu chags pa/ de ltar rtag tu bud med rnams yul de la mchog tu dga' bar byed pa de'i rgyu gang yin/ rkyen gang yin/ gang yang mtho ris kyi 'jig rten namo rnams pha'i che bar gyur gyi/ de na skyes pa de dag rnams de na lhag ma yin zhe na/ rgyu yod pa yin te/ 'di ltar/ 'dod chags ches stobs che ba dang / bar ma rnams zhe sdang bar ma rnams dang / chung ba rnams lha'i 'jig rten du yin pas te/ de la gang dag lha'i 'jig rten du skye bar 'gyur ba ni/ srid pa bar ma do pa des srid pa bar ma do la gnas pa na 'dod pa phu sum tshogs pa'i bud med rnams mthong bar gyur la/ des kyang 'dod chags bla lhag par 'gyur zhing / de bud med rnams gtsor byed par 'gyur ro// bde ba la mngon par zhen pa'i dbang gis/ de srid pa bar ma do par gyur pa na yang de bud med rnams nye bar len par byed do/ / rgyu 'di dag gis na mtho ris na bud med rnams ches phal che'i/ skyes pa ni ma yin no// de dag rnams lha 'ga' zhig la ni stong phrag bcu yod do// 'ga' zhig la ni nyi shu'o// / 'ga' zhig la ni sum cu'o// 'ga' zhig la ni bzhi bcu'o// 'ga' zhig la ni lnga bcu'o// 'ga' zhig la ni drug cu nas// de ltar ji srid du rim pas stong phrag brgya 'am phal che la lhag pA 'gyu ro// /

  88. 45a

    bud med de rnams 'dod pa bsten pa rnams kyis ngoms pa med pa'i sa la skyes pa yin te/ grong pa'i chos rnams kyi rim pa la rgyal chen ris bzhi pa rnams ni mi rnams bzhin no// 'khrig pa rnams dang mtshungs pa ni sum cu rtsa gsum pa rnams so// 'thab bral ba rnams ni rig pas so// dga' ldan pa rnams ni smras pas so// 'phrul dga' ba rnams kyi ni bltas pas so// dri dang brjod pa rnams nyan pas te/ gal te ring ba nas dri rnams 'dzin par byed dam/ gal te yang mnyan par gyur na gzhan 'phrul dbang byed pa rnams ngoms par mi 'gyur ro// rim pa 'di dag gis lha gcig kyang lha mo rnams thams cad dang mthun par 'gyur ro/ / mang po rnams blo mthun pa dang / mig sngar sdug pa dang / lha rnams ni sha dang / rus pa dang / srin rnams dang shin tu bral ba dang / lha rnams ni ring ba dang / thung ba rnam par spangs shing stobs dang ldan pa yin no// de rtag tu yang stobs nyams pa med pa dang / pha rol gnon pa dang / gzi brjid chen por yang 'gyur ro// rim pa 'dis lhan cig kyang lha'i bu brgya stong mang po rnams dang yang 'thun par 'gyur ro/ / mdangs gsal ba rnams kyis kyang rtag tu kun nas gang bas legs par rgyu bas dang / snying la bde ba rgya chen po dang ldan pas kyang de dag rnams mtho ris der 'jug ste/ ji ltar 'dod par 'gro ba dang 'ong bar rgyu bar byed do// rim pa 'dis mtho ris kyi lha mo rnams thams cad mchog tu gyur pa gzhan dang gzhan rnams

  89. 45b

    la dga' bar byed de/ de bzhin du sems 'dod pa la dga' bar 'gyur ba yin no// gzhan yang lha de lhan cig spyod pa rnams dang 'dod pa'i 'dod pa rnams la ji ltar 'dod pa bzhin dga' mgur kun tu spyod par byed de/ rnam pa mang po dang rnam par rtog pa du mar mtho ris dang rjes su 'thun pa rnams dang / rang gi las dang 'dra ba rnams kyis brtsegs pa rgyu ba'i 'thab bral gyi sa la dus shin tu ring po rnam pa du mor 'dod pa'i yon tan lnga la dga' bar byed pa'o/ / lha dang lha mo'i tshogs kyis gang ba de/ gal te shed na kun tu rgyu ba na rlung gtum pos g.yos pa zhes bya ba'i nags der rims kyis phyin pa dang / dag bas gnas pa'i don du rtse bar gyur te/ ji srid du sngon gyi las kyi rgyu rnams kyis so// de las rnams gcig kyang ma mthong nas lha mo'i tshogs rnams kyis yongs su bskor ba las phyir la spangs par 'gyur zhing lha mo rnams kyis bor bar gyur pa dang / de'i 'chi 'pho bar 'gyur ba nad kyis gzugs su rtags 'di dag rnams 'byung ste/ 'di lta ste/ pad+ma rnams gang gis rtsar nye bar phyin pa'i pad+ma kha bye ba dang bcas pa de dag rnams kha 'dzum par 'gyur te/ de ni snga ltas rnams kyi dang po yin no// gzhan yang 'chi 'pho ba'i rtags ni pad+ma'i rdzing bu'i yul phyogs de dag rnams sam/ shing rnams kyi gseb tu nye bar phyin pa na yul de bung ba rnams kyis yongs su bor nas/ yul gzhan du 'gro bar 'gyur ba ni rtags gnyis pa'o// gzhan yang rtags gsum pa ni gang dag lha mo rnams dang lhan cig tu

  90. 46a

    rtse ba de dag gi rol mo de dag rnams la de 'dod chags dang bral bar 'gyur ro/ / gzhan yang rtags ni ljon shing gang la snyen pa'i ljon shing de'i me tog thams cad brnyings par gyur te/ de dag ni rtags bzhi pa'o// gzhan yang rtags lnga pa ni shing rta gang gis skyed mos tshal gyi ltad mo la nam mkha' nas 'gro bar byed pa na nam mkha' la 'phags par mi nus so// rtags de dag rnams ni 'thab bral ba rnams kyis yin no/ / ji ltar sum cu rtsa gsum pa rnams kyi ni mchan khung la sogs pa rnams nas rdul rgya chen por 'byung ba rnams yin te/ de las kyang nges par 'chi 'pho bar 'gyur/ ba'i rtags kyi tha ma dge ba'i las yongs su zad pa'i rjes thogs su sdig pa gang gis 'chi ba'i dus byed par gyur pa rnams yin no// de dag rnams kyang 'chi ba'i rtags chen po bcu gnyis yin la/ de'i skad cig la 'chi ba rnams rims kyis mthong bar 'gyur te/ sngon gyi rgyu dang bcas pa'i lha de mi nyid du 'chi 'pho bar 'gyur ba'i lha de myur du 'chi ba'i rtags ni/ 'di lta ste/ gang gi lus las 'od rnams 'byung bar 'gyur ba de rang gi lus kyi rjes su 'jug ste/ ji ltar nub par 'gyur ba'i nyi ma bzhin no// gzhan yang 'chi ba'i lhas yod pa ni ji ltar me tog gi 'phreng ba dang / 'bras bu rnams rab tu mi sdug par 'gyur ro// gzhan yang de'i kha na 'chi 'pho ba'i rtags su gyur pa ni/ 'di lta ste/ mgo bo la me tog gang dag btags par gyur pa de nas rab tu nyil nas 'gro'o// gzhan yang de'i dus na 'chi'i pho bar 'gyur ba'i

  91. 46b

    ltas yod pa ni/ 'di lta ste/ chu'i nang du song ba'i bdag gi gzugs brnyan gang dang gang du skye bar 'gyur ba de dag nyid kyi lus kyi gzugs brnyan mthong bar 'gyur te/ dmyal ba dang / yi dgas dang / dud 'gro dang / mi rnams kyi gzugs kyi rnam pa de srid kho nas nang du song bar bdag nyid kyi gzugs brnyan mthong bar 'gyur ro// mthong ba 'di dag ni de'i rjes la 'chi 'pho ba'i rtags lnga pa yin te/ gang dag gis de'i gzugs brnyan can rnams sam/ rnam pa de 'dra ba nyid mthong nas kyang shin tu skrag par 'gyur ro// de'i ba spu rnams kyang tsher ma ltar ldang ngo // gzhan yang de'i skad cig la 'chi 'pho ba'i rtags su 'gyur ba ni/ 'di lta ste/ gnas la rnam par 'gyur ba 'byung bar 'gyur te/ gal te bai DUR+Ya'i rang bzhin gyi stan la gnas par 'gyur ram/ gal te dngul gyi rang bzhin nam/ gal te na gser gyi ring bzhin nam/ gal te na in+d+ra nI la'i rang bzhin gyi stan de dag rnams thams cad kyang zangs mar 'gyur ro// gzhan yang de dang 'brel nas 'chi 'pho bar 'gyur ba'i lhas la/ 'di lta ste/ rlung gis 'di'i gos kun tu spyod par byed do// reg bya tsha mo rnams kyis spyan las rdo rje bab pa bzhin du tshor ro// de dag rnams kyis 'di'i yid rnam par 'gyur ba skyed do// de'i yid rnam par 'gyur bar gyur nas/ sgra dang / reg bya dang / ro dang / gzugs dang / dri 'dod pa'i ma yin pa rnams la sgrub par byed do// de'i rjes la 'di'i mi rtag pa'i me rnams nye bar 'ong bar

  92. 47a

    'gyur ro/ / de'i rjes thogs su pan tshun du 'chi 'pho ba'i rtags rab du 'byung bar 'gyur te/ bai DUng+ka'i rang bzhin gyi rdo la ji lta ba bzhin du gzhan rnams la yang mi mthong ngo // mgo bo ma lus par ltung bar mthong ngo // de'i rjes thogs la 'di nyung bar 'byung bar 'gyur te/ rnam par nga srid kyi 'chi ba'i rtags de rnams kyis 'chi ba de rab tu rtogs nas bud med rnams kyis de yongs su spong ngo / / kha drag par yang 'gyur bas de'i sems la mya ngan kun tu 'byung bar 'gyur ro// 'dus pa dang bral bas skyed pa'i mya ngan gyi rnam pa 'di lta bu dag skyes te/ gang dag gi khyad par gyis gang dag des nye bar longs spyod par de dag rnams thams cad kyis bcu drug char yang mi bde par ro/ / de'i rjes thogs la 'di'i de'i dang 'bral bar 'chi 'pho ba'i rtags bcu las 'byung ste/ 'di ltar dbang po thams cad nyams par 'gyur ro// mig la sogs pa rnams kyis kun nas 'khor ba bzhin skyes bu'i gzugs mthong ngo // de'i rjes la 'chi 'pho ba'i rtags bcu gcig pa yin te 'di lta ste/ yid kyang gnas pa med pa nyid du 'byung bar 'gyur te/ zo chun gyi 'khor lo bzhin du de gcig tu yang gnas pa mi thob bo// 'chi 'pho ba'i rang bzhin gyi sdug bsngal rnams mthong nas mchog tu g.yo ba'i yid can du 'gyur ro/ / de'i rjes thogs la 'di'i srog gi dbang po 'gags par 'gro bar 'gyur te/ de ni sdong bu zad pa dang / snum med pa dang / 'od nyams nas

  93. 47b

    'gags par 'gyur ba bzhin du/ de ltar 'gags nas 'gro bar 'gyur bar lha des mthong ngo // 'chi ma 'phos pa na yang gal te de rjes su spyod par shing ljon shing de nyid chag par 'gyur bar mngon par mthong ngo / / ji ltar bya rnams kyis kyang btang nas nags gzhan dag tu 'gro bar byed do// phyi nas kyang sngar gyi yon tan rnams mthong bar 'gyur ro// de bzhin du lha mo des lha de btang nas gzhan du 'gro ba'o/ / de nas lha de'i sems kyi thams rang rang gi rgud pa chen po mngon par mthong nas/ shin tu mi bzod pa'i yid kyis tshigs su bcad pa/ ji ltar/ ji ltar gyur pa'i mi rnams kyis/ rang gi las kyis gnas rnams dang / yul la gnas pa gtong ba dang / de tshe bud med rnams chags bral// 'gro bas 'byor pa shin tu gtong // rang gi las kyis spangs pa yi// lha mthong na ni rtsa ba hral can/ / bud med rnams ni gzhan du rgyug/ bde ba brtsog pa mi gtsang ba// rtsa ba hral sems ni mi gnas pa// bud med rnams btsog 'dod pa 'di// gnas pa med pa'i grogs de btsog/ sdug bsngal bzhi po 'di dag ni// mi yis rtag tu bsten pa yin// gang phyir yul ni mi 'drar nges// de phyir nges par rnam par spongs// las rnams kyis ni bde ba dang // sdug bsngal bar yang 'gyur ba yin/ / las rnams kyis ni srog chags khrid// las rnams kyis ni nyam thag byed// gang la yon tan lngas btang ba'i// lha rnams bde ba mchog thob pa// phyi nas

  94. 48a

    ltung 'gyur chung dbang gis/ / lha gnas skal ba nyams pa yin// sangs rgyas de nyid legs ston pa// thar pa'i lam ni ston pa po// las rnams sgyums kun blang 'di/ 'khor ba yin par yongs su bsgrags// gang zhig rtsa ba hral gyur pa dang // gang tshe gang yang skyon sgrub pa// bud med dgos pas mnyes gA shin rnams// de yi steng na legs par gnas// mun pa rnams rgyu nyi ma min// me ni grang ba'i rgyu ma yin// snying bde snying la gnas pa yang // cung zad bud med rnams la med// ji lta bzhin du sa 'di bstan// rlung ni ji bzhin rtag tu g.yo// de bzhin bud med byas shes min// skyon rnams bud med la rtag yod// skyes pas dus ring brtson pa pos// bud med bsgyur bzlog mang byas pa// sdug bsngal byung nas spong byed de// skam po'i mtshol sgreng skyes bzhin/ / gyen la chu 'gro mthong ba med// lha rgyal rtag tu 'dod pa min// ri rnams 'gro ba yod pa min// snying yang me yis bde byed min// mi rnams chos nor snyan pa yi// rtag tu gegs byed par yang dran// don min dra ba skye gnas dang // skyon rnams 'byung bar 'gyur ba yang // rdo rje yang ni 'jam 'gyur ram// mes kyang tsha ba 'dor ram ci// de yi rang bzhin khyad par can/ / g.yo ni bud med kyis spong min// spyod pa dang ni khrims kyis min// sbyin pa dag snyan bsgyur bzlog gis// sems ni 'bar ba lta bu yin// bud med dang du blang mi nus// bde

  95. 48b

    ba na ni mtshungs par 'gro/ / sdug bsngal ba ni stong par byed// phan pa rnams ni brjed gyur nas// skyon gcig pu ni dran pa yin// nags dang nye nags ri yi tshe// bde ba du ma kun spyad nas// nyam/ ngadadrag po kun 'byung nas// bud med rnams kyis yongs su 'dor// de ltar na lha des lha mo de dag rnams mngon par mthong nas lha de yongs su spangs par gyur pa na 'jig rten la spyod par rnam par spyod pas/ de ltar tshigs su bcad pa brjod do// de yang khron ma'i rang bzhin yin pas/ de'i dus nyid na de brjed nas lha gzhan la nye bar sten par byed de/ ji ltar sbrang rtsi 'dren byed kyis ba mo dang / lhogs pas bcom pa'i pad+ma 'dab ma brnyings pa yongs su spangs nas mtsho skyes gzhan rnams la sten par byed pa de bzhin du/ lha mo de dag lha de yongs su spangs nas gzhan la brten nas de slar yang yan lag lnga dang ldan pa'i rnga sgra dang yang dag par ldan pas dga' mgur kun tu spyod de nags dang / skyed mos tshal dang / mtshe'u dang / pad+ma'i tshal rnams la rnam pa sna tshogs par rnam par bkra ba'i gzugs dang / rnam pa sna tshogs pa'i bya skad rnam pa sna tshogs pa kun tu sgrogs pa/ dpag bsam gyi shing brgya stong dang ldan pa rnams la de ltar des mngon du rgyus pa'i lha dran nas bde pa nyams su myong bar 'gyur ro/ / ji ltar skyes pa brgya stong rnam par brjed cing skad cig la mig lta ba/ de ltar sngon gyi yon tan dran pa'i byas pa shes pa rnams 'joms par byed pa bud med 'di dag

  96. 49a

    rnams thams cad la mthun pa zhes bya ba'i ming can ni nges par 'ga' zhig kyang med kyi/ rdzas kyi rgyu ba'i don 'ga' zhig gam/ dgos pa gzhan gyis kyang so so la nye bar gnas/ pa dang / skyes bu 'joms par byed pa yang yin no// ngo bo nyid kyis kyang 'ga' zhig lnga yang mthar thug par gnas pa ma yin te/ gang yang 'di dag gi rang bzhin yang sngon gyi byas pa 'di dag 'ga' zhig kyong shes pa ma yin no/ / de ci'i phyir zhe na/ sems g.yo ba'i rang bzhin yin pa'i phyir zo chun 'khor mo dang / dri za'i grong khyer dang / smig rgyu dang mtshungs pa'i ngo bo ni bud med tham cad yin te/ 'di dag gi rang bzhin no// de nas lha des de ltar mngon sum nyid du lha gzhan gyi 'chi 'pho mthong nas sngon bsgoms pa'i sems kyis gzhan yang tshigs su bcad pa brjod pa ji ltar/ lha gang g.yo ba'i yid kyis ni// 'dod la longs spyod bag med pas// 'chi bdag srog gi tha ma yin// 'jigs pa drag po ma mthong ngo // gang tshe kho na lha 'gro ba// de'i tshe 'chi ba'i ngal ba nyid/ / nyin mo zad pa ji bzhin du// mtshan mo nges par 'byung ba yin// nyin mo gson par shes par bya// mtshan mo 'chi ba dang mtshungs so// de phyir de gnyis rtogs byas la// yid kyis nges par legs par gyis/ / de ltar lha des sngon gyi skye ba dran par gyur nas mi dus rtsi bas 'jal bar byed de/ de la lha rnams la ni rtag tu nyin mo nyid yin gyi/ lha rnams kyi rang gi 'od kyi mthus

  97. 49b

    mtshan mo ni yod pa ma yin pa'i rgyu gang gis lha rnams dus bgrang bar byed pa yin no/ / de nas lha des rnam pa de lta bu rnams rig nas slar lha rnams kyis rang bzhin yin pa'i phyir dang / las byas pa rnams kyi 'bras bu la nye bar longs spyod par bya ba yin pa'i gnas nyid ni nges par mi slu ba yin par 'dod dgos par byas nas/ phyis yang de nags tshal dang nye ba'i nags tshal du rtse dga' ba dang kun tu yang spyod do/ / rnga skad yan lag lnga dang ldan pas chu klung dang / tshang tshing dang / pad+ma'i tshal dang / ri rnams kyi khrod rnams la yang lha'i tshogs gzhan rnams dang lhan cig tu dga' bar byed de/ lha de dag rnams kyi yang rnam pa du ma ra gcig nas gcig brgyud pa'i 'jig rten pa'i gtam gyis bde ba nye bar ston par byed do/ / chos rnams kyi rang bzhin yang rjes su 'jug par byed do// ji srid du 'dod pa sdug pa yid du 'ong ba byas shing bsags pa'i las rnams zad par ma gyur gyi bar de srid du ste/ de dag rnams zad nas kyang lha'i ris de dag rnams nas 'chi 'pho bar 'gyur ro// 'chi 'phos nas kyang ji ltar las kyis nye bar 'gro ba'i dmyal ba dang / yi dgas dang / dud 'gro rnams su skye'o// gang yang gzhan rnams su mi rnams dang skal ba mtshungs pa'i mir skyes par gyur na yang de rtag tu skyid de bar 'gyur ro// chos dang ldan pa'i yul dang lhar skye'o/ / rig pas sbyangs pa'i blo rgyas pa dang / skye bo thams cad byams par yang 'gyur ro// rgyal po dag tu yang 'gyur ro// des brgyal pha rol gyi dpung rnams dang g.yul 'gyed par byed na yang

  98. 50a

    'di'i yul rnams su nams kyang pha rol gyi dpung gis 'jigs par mi 'gyur ro/ / mchog tu skyed pa dang 'di'i rjes su sgom pa'i rang bzhin can du yang 'gyur ro// de'i rjes su bsgom/ pas ci ste na rgyal po 'am/ rgyal po'i blon por yang 'gyur ro// las 'di'i rgyu mthun pas rtag tu skyid pa'i mchog tu yang 'gyur ro// gzhan yang dge slong las kyi 'bras bu rnam par smin pa rnams shes pa de/ 'thab bral ba'i lha rnams kyi sa la lta bar byed pa las/ des thos pa las byung ba'i shes rab kyis 'thab bral ba rnams kyis yid kyi rgyan zhes bya ba yod pa ji lta ba bzhin du mthong ngo // / der las gang gis sems can rnams skye bar 'gyur ba yang des thos pa las byung ba'i shes rab kyis mthong bas/ ji ltar dge ba'i skyes bu gang gis de blo dang ldan par gyur cing drang po drang po'i rang bzhin can yang dag pa'i lha ba can rtag tu las dang 'bras bu'i de kho na nyid shes pas/ srog gcod pa dang / ma byin par len pa phyin chad rab tu bsdams par gyur la/ sngar bzhin du 'dod pa la log bar g.yem par yang mi bgyid par 'gyur zhing yid kyis kyang de rnam par rtogs par mi byed la rjes su yi rang bar mi 'gyur ba ni/ 'di lta ste/ cung zad cig tsam yang bud med rnams la tshul bzhin du ma yin pa yid la byed par lta bar mi byed do/ / rab tu rtog par mi byed do// ro myang bar mi byed do// dga' ba'i chags pa rnam par rtog pa dang / lhan cig 'grogs par 'dod chags kyis kun nas 'ching bas de

  99. 50b

    lta bar mi byed do/ / thams cad du yang la khrig pa las byung ba'i tshul bzhin ma yin pa yid la byed pas sems par mi byed do// rab tu 'gogs par byed cing go bar byed de/ ji lta mi 'dod pa mi sdug pa yid/ du mi 'ong ba 'dod pa la log par g.yem pa 'di'i rnam par smin pa rnams yin zhes te/ de dag thams cad du rnam pa thams cad kyis bdag nyid mi byed cing / gzhan rnams la yang rjes su yi rang bar mi byed do/ / bdag gzhan thams cad la phan par byed de/ rtag tu yang nges par legs pa la zhugs pa/ sdom pa 'dzin pa chen po 'jigs par byed pa'i kun tu sbyor ba chen po las rnam par grol ba/ mchog tu dga' ba spyod pa la mchog tu 'dzin par gyur pa/ rtag tu yang dgos pa'i rjes su song ba'i dran pa can/ lus rnams la mi sdug par lta ba/ dngos po rnams la mnyam par lta ba/ rtag tu mnyam par lta ba'i dran pa can chags zhen med pa/ bud med kyi g.yo sgyu'i zhags pa las grol ba/ bud med dang skyes pa'i sgra las rab tu rgal ba// skyes po thams cad kyi blo gtad sa thams cad yid ches pa'i gnas su gyur pa tshul khrims dang ldan pa'i mthong ba'i chos kyi 'bras bu ni 'di dag rnams yin no/ / 'dod pa la log par spyod pa yang shin tu bsten cing bsgoms la mang du byas te/ yid kyis rnam par bsams pa'i 'dod pa'i me de rnams nye bar bcom pa/ mchog tu brtan par gyur pa/ mchog tu dga' bar gyur pa/ mchog tu bde bar gnas pa/ shin tu dga' bar rnam par spyod pa

  100. 51a

    yongs su dag pa'i sems can de lus zhig nas shi ba'i 'og tu mtho ris bde 'gro 'jig rten las 'thab bral ba rnams kyi nang sa yid kyi rgyan zhes bya bar skye bar 'gyur ro/ / de de la skyes pa na yang 'di'i bde ba'i las byed pa por gyur pas lha'i bde ba du mas gnas pa yin te/ sha dang / rus pa dang / chu ser rnams dang bral ba dang / rang nyid kyi 'od dang ldan pas rtag tu yang bde bar gnas so/ / 'dod pa'i yon tan rgya chen po la rtag par rgyun du 'dod pa thams cad nyams su myong ngo // des de lta bu'i yon tan dang ldan pa'i lha rdzas kyi bde ba nye bar longs spyod par gyur pa na/ lha mo brgya stong gis yongs su bskor ba ni gza' dang skar ma'i tshogs kyis ji lta bar gsal zhing 'tsher la/ ji lta ba bzhin du ri rab lhun po rnam par mdzes par 'gyur ba de bzhin du lho de legs par byas pa'i las rnams kyis sprul pa'i 'od kyi 'phreng ba rnams kyis rnam par mdzes so/ / rtag tu gcig pu mngon par gsal bar byas shing / de lha rnams kyis yongs su bskor nas dga' bar byed de/ 'dod pa'i yon tan lnga rnam pa du mar yan lag lngas yid du 'ong bar gyur pa sgra dang / reg bya dang / ro dang / gzugs dang / dri'i bde ba rnams kyis nye bar 'tsho bar byas nas de 'di snyam du sems te/ yul ches dga' ba gzhan gang dag tu bdag gis nye bar 'gro bar bya/ de'i sems bskyed pa dang dus gcig tu dge ba'i las kyis de yid song ba'i lha mo

  101. 51b

    rnams kyis mngon par mthong nas smras pa/ ji ltar lha yul cig gi bde bas nye bar gnas pa 'dir bdag cag ci la sdod/ yul gzhan rnams su 'gro bar bya ste/ mtha' yang gang khang bu stong pa zhes bya ba'i rtse mo rin po che sna tshogs kyis rnam par brgyan pa/ lha brgya stong phrag du mas bsten pa der bdag cag rnams su 'gro bar bya'o// des tshig de nye bar bzung nas dang / gang yang nye bar 'gro ba'i nags dang / gang yang des mngon par brjod pa lha de mchog tu dga' ba'i yid kyis brjod pa/ ji ltar 'dod pa de ltar bdag cag 'gro'o// de nas lha de dag nam mkha'i dkyil du 'phags nas gang na khang bu stong gi rtse mo rin po che'i khams du ma dang ldan pa/ lha mo brgya stong du ma sgra sgrogs pa gang la dpag tshad lnga brgyar shin tu dga' ba du ma'i glu snyan par len pa/ gar gyis/ chags par byed pa'i dga' ba'i rang bzhin gyi sgra thos so// nam mkha'i dkyil du song ba'i lha dang lha mo'i tshogs kyis yongs su bskor nas glu de dag len par gyur zhing rab tu dga' bar 'gyur ba'i/ yid kyis/ gang na khang bu stong pa zhes bya ba'i rtse mo der rings par gyur par nye bar 'gro ba'o// lha mo rnams kyang glu dang / gar dang / 'jo sgeg gis rnam par brgyan pa'i sgra thos nas ngo mtshar zhing rab tu dga' ba lhag pas phyi bzhin kho nar nye bar 'gro'o/ / de dag rnams gang gi tshe khang du stong gi rtse mo de'i drung du phyin par gyur pa na/ de'i tshe de'i 'byor pa du ma rnams

  102. 52a

    mthong ba la/ 'di lta ste/ rin po che bdun gyi rang bzhin can phun sum tshogs pa rnams dang / pad+ma'i rdzing bu dga' ba phun sum tshogs pa rnams dang / bya sgra snyan cing zhin blta na sdug pa de 'gro ba na phan tshun 'dri zhing gnas pa'i dga' ba phun sum tshogs pa rnams dang / 'bab chu dang / mtshe'u'i chu bsil ba'i sgra phun sum tshogs pa rnams dang / nags na sgra dang mthong na dga' ba'i bya'i rnam par 'gyur ba'i rnam pa sna tshogs phun sum tshogs pa rnams dang / rin po che bdun gyi rang bzhin rnam pa sna tshogs pa rnams dang / khang bu'i gral rims blta na sdug pa rnams dang / rin po che'i sa gzhi rnam pa sna tshogs zhing rnam pa du mar mdzes pa phun sum tshogs pa rnams dang / so sor lha dang lha mo dga' bar gnas pa'i 'dzum pas blta bar mdzes pa rnam par rgyu ba'i dga' ba phun sum tshogs pa rnams dang / ri dang / chu bshal dang / gad pa'i bang rim dang / nags kyi 'phreng ba rnam pa smra tshogs pas spras pa'i mdzes pa shin tu ngo mtshar ba du ma mthong nas mdzes pa phun sum tshogs pa rnams dang / ngang pa dang / kA ra Na ra ba dang / ngang dur tshul 'gro ba dang 'ong ba dga' zhing rmugs par 'gyur ba'i sgra 'byin pa rnam pa du ma sna tshogs pa'i dga' ba kun tu bskyed pa'i rang bzhi ni phun sum tshogs pa rnams dang / ba dan dang rgyal mtshan rnam par bkra ba du mas rnam par spras pa rlung gis

  103. 52b

    legs par bskyod pas blta na mdzes pa phun sum tshogs pa rnams dang / nam mkha' la khang bu'i 'phreng ba 'gro ba rnams thug cing 'khrigs pa'i rin po che rnams shin tu drud pa'i gzi brjid kyi ngo bo rnams kun nas blta bar mdzes pa phun sum tshogs pa rnams dang / phan tshun du reg cing skyes pa'i ca co'i sgras yongs su rgod pa'i lha'i tshogs phun sum tshogs pa rnams dang / sgra sgrogs pa mnyam pa dang mi mnyam pa'i rin po che'i gzhi la brtsegs pa'i phung po legs par tshogs pa'i dbang po'i rdo rje phal po che byung ba'i ri'i rtse mo dang / bang rim dang nye ba'i nags kyi khyad par blta na sdug pa du ma phun sum tshogs pa rnams dang / bang rim gyi me tog gi rigs brgya stong du ma dbyibs dang / kha dog dang / dri'i rigs du ma dang / 'dab ma la rnam par rgyu zhing nye bar 'gro ba bsten cing yongs su rgyug pa'i sgra phun sum tshogs pa rnams te/ khang bu stong yod pa'i ri'i rtse mo de ni de ltar phun sum tshogs pa yin no// lha dang lha mo'i tshogs rnams kyis yongs su bskor nas rnam pa du mar nam mkha' la 'gro ba nyid la yang kun tu lta bar byed do/ / rnam pa de lta bu dag gi phun sum tshogs pa de dag rnams mngon par mthong nas/ lha des rab kyi mchog tu dga' ba'i blos lha mo rnams la 'di skad ces smras so/ / khang bu stong yod pa'i rtse mo 'di la khyed rnams ji lta ba bzhin du ltos dang / rtse mo 'di ni phun sum tshogs pa chen pos dga' bar gyur pa'o zhes rnam pa de lta bu rnam pa du ma'i tshig de dag rnams

  104. 53a

    nye bar bzung nas lha mo des lha de la 'di skad ces smras so/ / bdag cag rnams kyis ni mdzes pa 'di dag rnams mthong lags kyis/ rtag par rgyun du bdag cag rnams kyis yul phyogs 'di brgya phrag dang / stong phrag dang rnam pa mang por yang mthong gis lha nyid kyis nam yang mthong ma myong bas na/ de dag rnams lhas legs par blta bar gyis shig/ de de ltar rang bzhin des rjes su zhugs te/ rang gi skye bo dang bcas pa dang / rang gi tshogs pa dang bcas pa rnams kyis kyang gzhal yas khang stong gi rtse mo de mngon par mthong bar gyur/ te/ nam mkha' la byung bar gyur nas gsar du skyes pa gang dag lhan cig na lha rnams kyi tshogs rtse ba'i phan tshun gyi ca co'i sgras mig rnam par gdangs pa dang / rab tu dga' ba'i lha des mthong nas 'ga' zhig ni lha rjes su 'ongs pa la lnga'o/ / 'ga' zhig ni 'di ni gsar du skyes pa yin zhes byas nas rab tu dga' nas des de'i mgul ba nas 'khyud par byed de/ ji ltar 'phel bas bdag cag gi phyogs rab tu mang bar gyur te/ lha'i tshogs shin tu phal rnams kyis rol mo'i sgra kun tu bsgrags pa'i rtsed mo bdag cag la 'byung bar 'gyur te/ ches mang zhing shin tu mang ba'i stobs can lha rnams kyi mnga' bdag mu su lun d+ha 'di'i spyan sngar bdag cag rtsed mo bya'o/ / de lha'i tshogs kyis yongs su bskor ba las lha gzhan gyis thag ring ba nyid nas lha de nyid mngon par mthong nas thal mo spyi bor sbyar te so so nas

  105. 53b

    mchod par byed do/ / rtse mo 'dir khyod kyis phyin gyis 'di ji lta ba bzhin du ltos dang / gang la lha shin tu 'thab bral ba dang lha'i mnga' bdag kyang lha'i tshogs du mas yongs su bskor nas rtse bar byed de/ legs par byas pa'i las kyi mtha' la spyod pa'i lha rnams pad+ma du mas yongs su bskor nas rtse bar byed de/ legs par byas pa'i las kyis rtsed mo'i nags la sogs pa'i gnas der 'ongs par gyur la/ de la lha snga nas med pa 'di rtsed mo'i don du 'ongs so zhes bya ba'i 'thab bral ba'i tshig de thos nas/ lha gsar du skyes pa de 'di snyam du sems te/ gang na 'thab bral ba rnams kyi rgyal po 'di 'dod pa'i yon tan lnga la rtsed mo rtse/ de skad ces smras nas/ des lhan cig tu zhabs 'bring byed pa la 'di skad ces bos te/ gang na rgyal po mu su lun d+ha rtsed mo rtse ba der bdag cag 'gro bar bya'o// de ltar tshig 'di bzung nas gang na rgyal po rtsed mo rtse ba der/ glu dang / rnga sgra dang / rol mo dang / rab tu dga' ba'i glu mkhan dang bcas te 'gro ba'o// de nas mu su lun d+ha ut+pal dmar po'i nang du song zhing gseb tu song ba rgyang ring po nas mthong ngo / / ut+pa la dmar po de'i mdzes pa ni 'di dag rnams yin te/ 'di lta ste/ stong phrag brgya pa'i pad+ma'i ut+pa la'i de'i 'dab ma de la phug tu zhugs pa dang 'dra ba'i khang pa ji lta bu mchog tu dri zhim pa na lha mos bya'i tshogs rnams dang lhan cig tu rtse bar byed do/ / bya'i tshogs gang dag chu'i rgyun la rgyu ba de dag rnams ni rnam pa du mar snyan pa'i sgra kun nas sgrogs so//

  106. 54a

    ya ut+pal dmar po de'i 'od ni rnam pa 'dri lta bu yin te/ rin po che rnam pa sna tshogs pa'i 'od gang dag de kun nas 'brel bar 'gyur ro// rnam pa sna tshogs pa'i 'od de dag rnams thams cad 'od des zil gyis gnon te/ ut+pa la rin po che yin pa'i phyir ro// ut+pa la de gang gis rin po che thams cad kyi 'od kyi khyad par rnams zil gyis gnon par 'gyur ba'i rnam pa de srid kyi dmar por 'gyur ro/ / rnam pa ji srid kyi mchog tu dmar ba'i pad+ma rA ga'i 'am/ ston ka'i nyi ma shar bar gyur pa yung rung ste/ rnam pa de srid kyi dmar po skyed pa bas de dag ches lhag par dmar ba yin no/ / gzhan yang ut+pa la dmar po de'i 'dab ma'i nang na lha mo de dag rnams nang du song ba'i bung ba'i tshogs dang lhan cig tu dam par 'tsher ba'i 'dab ma nang du song nas lha rdzas kyi 'dod pa'i yon tan lnga la dga' bar byed de/ u t+pa la dmar po de dag gi nang du song ba'i lha de dag rnams kyang 'di snyam du sems te/ gang chung ngu na bdag cag bdud rtsi btung bar bya'o/ / zhes de dag gi sems bskyed pa tsam nyid na 'dab ma de dag gi gseb kyi nang nas/ mchog gi dri dang reg pa bsil ba rnam pa du ma yongs su 'bab pa'o// lha de dag dang / lha rnams kyi mnga' bdag mu su lun d+ha de yang yul gyi bde ba mchog tu rgya che ba nyams su myong bar byed do/ / de dag 'di snyam du sems te/ ma la bdag cag ut+pa la'i nang du zhugs pa rnams kyi 'di lta

  107. 54b

    bu'i glu dbyangs rnams su gyur mod/ de dag gi sems bskyed pa tsam nyid na reg na bde ba'i rlung rnams rab tu 'gyur la/ rlung des rab tu btab na sems bskyed pa dang dus gcig tu u tA la dmar po de'i u t+pa la'i 'dab ma rnams phan tshun du dud pa'i sgra rnam pa 'di lta bu rab tu 'byung ste/ gang gi khyad par gyis rnga skad yan lag lnga pa de'i bcu drug char yang mi phod do// de dag gis sngar ma byung ba'i sgra thos nas/ mchog tu rab tu dga' ba'i yid kyis/ shin tu rtag par rna ba'i rnam par shes pa ut+pal dmar po'i 'dab ma'i gseb tu song bas// 'thab bral gyi mnga' bdag mu su lun d+ha dang lhan cig tu mchog tu de dag rnams dga' bar 'gyur ro/ / gzhan yang 'di lta bu'i rtsed mo rnams de dag rnams kyi sems la 'byung ste/ ma la bdag cag 'dir gnas nas rtsed mo rnam par rgyu ba rnams kyi bdag cag rnams 'di na kun nas gnas pa nyid kyis ut+pa la 'di nam mkha' la 'phags na rung / de dag rnams sems bskyed pa dang lhan cig kho nar ut+pa la de nam mkha' la kun nas ngang pa bzhin du 'phags so/ / de dag de la gnas nas mthong ba nags dang / nye ba'i nags dga' ba rnams la lha gzhan rang gi las dang 'dra ba'i longs spyod par bya ba mtshungs pa las rtse zhing nye bar longs spyod par byed do// de dag rnams de'i nang der song nas dpe med pa shin tu rnam par dag pa'i tshul khrims de'i mthus/ de ltar rgyal po mu su lun d+ha dang lhan cig tu rnam pa du ma dang / rnam par rtog pa du mar rtsi dga' zhing yongs su spyod do//

  108. 55a

    de dang mtshungs par 'bras bu la nye bar longs spyod de/ dman pa dang / 'bring dang / bar ma dang / khyad par du 'phags pa'i dbang du byas nas/ de dag nags dang / nye ba'i nags dang / mtshe ru dang / dpal phal po che de dag rnams la yun ring por de bzhin du bltas nas/ gzhan yang yid kyi rtags kyis gang yin pa de dang rtse mo khang bu stong yod pa rje mo derare nye bar 'gro ba'o/ / bsam gyis mi khyab pa'i las kyis byas pa'i sa der gsar du skyes pa des bslabs nas/ mchog tu rab tu dga' ba'i yid kyis gang la u t+pal dmar po'i ze'u 'bru'i gsab nas mu su lun d+ha song nas/ lha mo du mas yongs su bskor nas dga' zhing kun tu spyod par byed de/ gar dang / rnga sgra dang / rol mo'i sgra dang / glu nye bar len par gyur pas/ mchog tu rgya che ba 'thab bral ba rnams kyi sa la 'dod pa'i yon tan lnga phun sum tshogs pa'i yul gyi bde ba rnams nyams su myong ngo / / mu su lun d+ha de'i ut+pa la dmar po'i 'od de rnams kyang nye 'khor na mchog tu dpe med pa'i dmar pos snang ba kun nas bskor ba bzhin du snang ngo / / de ltar na ji ltar mya ngan med dmar po'i mdog kun nas 'bar bas kyang bcu drug gi char yang mi phod do// de kho na bzhin du 'di dag rnams de la rnam pa du mar lha'i bde ba nyams su myong bar byed la/ de nas slar yang lha gsar du skyes pa de gang na 'thab bral gyi mnga' bdag yod pa der lhan cig spyod pa'i 'khor dang

  109. 55b

    bcas pa rnams nye bar legs par 'gro ba'o/ / phyin nas kyang spyi bo'i steng du thal mo sbyar ba byas nas phyag 'tshal lo// de nas phyag 'tshal ba'i gsar du skyes pa de la mu su lun d+has tshigs su bcad pa smras pa/ ji ltar/ tshul khrims yon tan gsum ldan pa/ gang zhig sngon byas pa yi las// las de'i rnam par smin pa ni// bde ba 'di dag nye bar gnas// bag med dbang du 'gro ba yis/ / de zad par ni mi bya'o// phyir zhing dge ba'i las gzhan yang // rab tu brtson pas de dag bya// dge ba'i las rnams bzang po yin// mi dge ba yang spang bar bya// dge dang rjes 'brel bde ba'i mchog/ mi dges ji bzhin don min yin// stobs dang spro ba ma ldog par// mi gang dge ba'i las byed pa// de ni rtag tu bde 'gyur dang // mya ngan 'da' bar 'gro ba yang / / gang gis bag med kun rnyed nas// mi gang dge la mi 'jug pa// de ni dge ba'i las kyi mtha'// zad nas dmyal bar rgyug pa yin// rab tu brtson pas legs byas pa'i/ / dge ba shin tu rnam dag gis// gang la sdug bsngal mi dmigs pa'i// bsod nams go 'phang de thob bo// gang yang dbang rnams dbang gis dang // yul rnams la yang de bzhin te/ / 'ching nga kun gyis de bcings nas// 'khor ba'i lam du 'jug pa yin// sdig pa'i chos kyis ma gos pa'i// legs par sbyangs pa'i gser 'dra ba'i/

  110. 56a

    srid pa'i dgon pa las grol nas// de ni kun nas bde bar gnas// don min 'di rnams rtsa ba ni// gang zhig bag med rjes bsten pa'o// de nyid spangs pa mchog yin te/ / sgyid chen thams cad byed pa yin// bde dang yang dag ldan pa yi// gsar skyes de ni khyod yin pas// ji ltar tshul nya rjes 'gro// de bzhin blo yis rjes sna bsgrubs// mtho ris bgo med dbang 'gro dang // lha gang bud med dbang song ba// de na bud med mes bsregs nas// rtag tu sdug bsngal skal ldan yin// de phyir rab tu brtson pa yis// lhas ni bud med yongs spangs par/ / bya'o 'dod pa 'jig rten gyi// yid rnams 'dzin pa'i 'ching ba yin// don dang don min la rnam rmongs// chos dang chos min yang de bzhin// skyes bu skal ba chung ba la/ / mya ngan 'das pa de la ring // lci ba yang ba de nyid shes// brtags pa chos kyi spyod yul can// chos 'dod 'bras bu 'dod pa ni// bde ba de 'dra 'thob pa yin// dbang po rnams kyi rtag tu yang // 'khrid byed sems ni gdul dka' ba// legs par 'dzin byed gang 'dzin pa// brtan de pha rol 'gro ba bo// yul rnams la ni khyab pa'i yin// thag pas g.yo ba'i yid 'dzin pa// blo ldan legs par 'dzin byed gang // lha de 'jig rten mkhas pa yin// nye bar longs spyod yid dga' ba'i// bde ba du ma thob pa la// gang

  111. 56b

    zhig 'dod la chags min pa'i/ / mi des bde legs thob par 'gro// dge ba'i las de khyod kyis byas// dga' ba'i yul gyi ngam gro gra gi/ 'thab bral srid pa khyod kyis thob// yid ni bag med ma byed cig/ de ltar skyes pa de yang ni// bye brag de bzhin ther 'bum phrag/ lha gang lha mo'i tshogs nyid kyi// las 'bras skal ba dang ldan pa// sems kyis yongs su sprul pa yi/ / las kyi 'phyang mo rtogs par dwa ka'// gang la brten nas 'khor ba 'di// srog chags gti mug gis bslus so// skye dang 'chi ba'i 'khor lo ni// yan lag bcu gnyis la spyod pas/ / 'jig rten 'khor bzhi 'khor ba ste// 'khor ba 'di ni sems kyis bslus// lha rnams 'di dag thams cad ni// song zhing 'gro dang 'gro ba yin// bai DUR+Ya rtse dga' ba dang / / rtse mo dgra' ba gnas pa yin// de bzhin nags kyi 'phreng gzhan yang // ri rnams de dang 'dru ba yin// skye bo rnams ni rje bor 'gyur// tshal drang skyed tshal dga' ba dang sa gzhi sha chas thams cad ni/ / 'gyur ba med pa nyid du gnas// skye bo rnams ni bsnor ba yin// yu ba bai DUR+Ya rang bzhin// gser gyi khyad par can dag gi/ pad+ma'i rdzing rnams de kho nas/ / skye dgu rnams ni rje ba yin// mtsho dang chu klung dga' ba lo// bya yi tshogs kyis legs bsten pa// de nyid bzhin du rnam 'gyur med// skye bo 'di rnams nges par rje//

  112. 57a

    de bzhin gzhal med khang rnams dang // yang thog rje yang de bzhin du// 'gyur ba med par gnas pa nyid// skye bo rnams ni rje ba yin// rje bar byed pa'i 'phyang mo dang / / yul rnams kyis kyang bslus pa la// de myur na yang 'jig rten gyi// snying la skyo ba'i minga'i skye// 'khor ba na ni rgyu ba'i sems// goms pa'i dbang gis rtsub 'gyur ba'i/ / sdug bsngal chen po gzhan gang gis// snying gi tshor ba ma yin te// phyugs zhags khyim gyi khog rtse yi// 'ching ba ji bzhin 'gag med pas// re re zhing zhi kun gsod pa// lhag ma rnams la 'khrul pa med// ces so// de ltar mu su lun d+ha des chos kyi khad rnam pa'i yid kyis rjes su gdams so// gdams nas kyang slar yang lha brgya stong du mas rjes su 'brang bar gyur pas ut+pal dmar po de las gzhan 'jig rten thams cad pa zhes bya ba'i ri'i rtse mo der rjes su 'gro bar byed do/ / rtse mo 'jig rten thams cad pa de yang dpag tshad lnga brgyar rin po che bdun gyi rang bzhin gyi rigs dang ldan pa/ 'bab rgyu dang / mtshe'u dang / 'ad+ma'i rdzing bu dang / nags tshal dang / skyed mos tshal dang / me tog dang / bya'i tshogs rnams kyis kun tu gang ba/ yon tan du ma phun sum tshogs pa dang / ri'i yan lag dang nying lag rnams yon tan thams cad dang ldan pa/ 'bab chu dang mtshe'u du ma phun sum tshogs pa/ der mu su lun d+ha 'dis bslebs pa dang /

  113. 57b

    dga' bas rnam par rgyu bar byed do// 'jig rten thams cad kyi ri'i rtse mo de yang dpag tshad lnga brgyar dga' ba 'di lta bu rnams yod pa la/ 'di lta ste/ rtse mo de'i rtsa ba'i nye 'khor rnams/ na mthong na dga' ba zhes bya ba'i rdzing bu de rnams kyis rtse mo de yongs su bskor nas/ de'i dbus na rA bzhin du rtse mo 'di legs par gnas so// 'di la rin po che sna bdun gyi rang bzhin khor samA tu byas pa'i bang ma rnams yod no/ / des rtsa ma 'di'i mchog de gan nas snang bar 'gyur ro// rgol po kun la dpung pa ltar mthobar gyur pas lha'i 'jig rten las de pag ma brgyas mtho'o/ / rtse mo de'i nye 'khor rnams na yang stegs bdun rgyan gyi rang gi rang bzhin snang bar byas te/ brtol bar gyur nas rnam par gnas par gyur pa la/ 'di lta ste/ gser gyi/ rang bzhin gyi stegs bu dang / dngul gyi rang bzhin gyi stegs bu dang / bai DUR+Sha'i rang bzhin gyi stegs bu dang / in+d+ra nI la'i rang bzhin gyi stegs bu dang / spug gi rang bzhin gyi stegs bu dang / pad+ma rA ga'i rang bzhin gyi stegs bu dang / dbyig gi rang bzhin gyis yongs su bskor ba'i stegs bu de rnams kyis de'i nye 'khor yongs su khyab pa/ mchog tu rgya che zhing mdzes pa'i mchog tu dga' bar gyur pa'i lha dang lha mo'i tshogs kyis gang bar mthong zhing thos nas/ mchog tu yid 'phrog pa'i rin po che ni mchog dang ldan pas shin tu rnam par gsal lo//

  114. 58a

    de nas 'thab bral ba'i lha rnams kyi mnga' ba dag mu su lun d+ha gang na 'jig rten thams cad pa der lha brgya stong du mAs yongs su bskor nas song ngo // lha khrag khrig dums rtse mo kun nas mthong ngo / / mthong nas kyang 'di skad brjod do// 'thab bral 'jig rten ma lus las// dpung pa bzhin 'di mthon por snang // 'jig rten thams cad la rtag tu/ / lha tshogs 'jig rten rnams kyis bsten// rnam par snang byed ri yi mchog/ rin chen ldan pa bzhin du snang // rab tu dang ba'i chu dang ni// pad+ma'i rdzing bu yang dag ldan// nags dang nye nags dga' ba la// bya dang ri dgas dag gis bsten// dga' ldan ri phug rgya chen can// nam mkha' brtol nas mthon por gnas// lha rdzas 'phreng bas brgyan pa yi// lha rnams rtag tu sten 'gyur te// glu gar rab tu dga' ba dang // lha rnams dag ni thams cad kyis// rnga skad yan lag lnga pas ni// dga' ba bzhin du mtshon par byed// dga' ba chen po'i rtse mo 'di/ / 'od kyi 'phreng bas kun tu khyab// las rnams yon tan gsum ldan pa'i// legs par byas pa mdzes pa 'di// nye 'khor gang la kun brten nas// lha yi tshogs ni b yed par/ / bdag cag kyang ni der brten la// rnam mang bde la bdag dgar bya// 'dod ldan rnams nyid bde don du// sa 'di kun nas gnas pa yin// 'chi 'pho nyid dang skye ba rnams//

  115. 58b

    bzhin lha 'di rnams byis pa// bag med pas thogs sems can rnams// 'chi bdag shan pa'i dbang gis 'gro// nges par 'khrul pa dang bral ba// 'chib phyugs bzhin rtogs pa min/ de ltar mu su lun d+ha des 'jig rten thams cad pa'i rtse mo mthong ba dang mchog tu dga' ba'i lha dang lha mo brgya stong bye ba khrag khrig phrag du mas legs par gang ba/ yul du ma la rab tu chags pa'i yid can rnams mthong ba dang / las kyi 'bras bu'i de kho na nyid ma mthong ba'i lha rnams mthong ba dang / bag med pa'i gnas pas sred pa'i sbyor ba dang ldan pa ni/ ngoms pa med par 'dod pa'i mes tshig pa'i 'gyur ba rnams mngon par mthong nas/ thugs rjes rjes su brtse bas kyang tshigs su bcad pa rnams brjod do// brjod nas kyang phyir yang gang na 'jig rten thams cad yod pa der nye bar legs par song ngo / / yang nges pa kho nar las kyi 'bras bu la nye bar longs spyod pas/ myong bar 'gyur ba nges pas khrid nas dga' ba'i g.yo bar gyur pas/ de yang lha brgya stong du mas yongs su bskor nas gzhan yang de nyid kyi skyed mos tshal gyi ltad mo la 'jug cing / rtse mo la 'khod do// de dag rnams mthong nas kyang / lha gang dag 'dod pa'i yon tan lnga dang ldan pas de'i tshe rtsed mo de la dga' mgur kun tu spyod cing dga' ba'i zas kyis rnam par rgyu ba rnams dang / 'ga' zhig ni nam mkha'i kyil du byung nas rab tu gnas so// gzhan ni rnam pa sna tshogs pa'i 'phreng ba dang byug pas lus

  116. 59a

    byugs so/ / gzhan ni bya'i rang bzhin gyi gzhal yas khang gi nam mkha' la'o// gzhan ni lhan cig spyod pas yongs su bskor nas gang na 'thab bral gyi mnga' bdag yod pa der 'gro bar 'gyur ro/ / gzhan ni ji skad yan lag lnga pa rjes su chags pas de gang gis 'dod pa kun tu skyed pas yongs su bskor zhing / lhan cig spyod pa rnams kyang rgyan dang cha byad du ma'i gzugs 'dzin pa mang po rnams kyis yongs su bskor nas/ gang na rgyal po de 'ongs par gyur pa der 'gro bar 'gyur ro// lha gzhan ni rang nyid kho na lha'i snying po med pa me tog lha rdzas kyi me tog dri dang ldan pa'i me tog gi char 'bebs par 'gyur zhing / gang na 'thab bral ba'i mnga' bdag 'ong bar gyur pa de nye bar legs par 'gro ba'o// yang lha gzhan ni gser gyi rnga chen bopo dang / bi wa da dang / lakhar rnga dang / sil sman dang / gzhan gyi sgra snyan pa dang / glu len pa dang ldan pas gang na 'thab bral bdug po mu su lun d+ha 'ong ba der nye bar 'gro ba'o// yang l ha gzhan me tog drir ldan pa chen po'i chang gis mig rnam par 'gyur ba rnams lha rdzas kyi 'phreng ba thogs nas nam mkha' la gnas pa'i gos rlung gis rnam par g.yo bar gyur pa gang na 'thab bral gyi mnga' bdag po de yod par nye bar 'gro bar 'gyur ro/ / yang lha gzhan ni nam mkha'i dbyings su 'phags nas/ 'thab bral gyi mnga' bdag mu su lun d+ha gang na ba der 'gro ba'o// de ltar

  117. 59b

    lha du ma rnams rgyan dang cha byang du ma dang / gzugs du ma rnams kyis te/ ji ltar las dman pa dang 'bring dang khyad par du 'phags pas gzugs dang cha byad dang rgyan dang ldan pa rnams/ gang na 'a bral gyi mngar bdag de yod pa der mchod pa rnams bya ba'i rgyu mtshan gyis so so nas nye bar legs par 'gro ba'o/ / de nas lha'i rgyal po de lha'i tshogs thams cad kyis mngon par bstod par 'gyur zhing gang rtse mo de yod pa der legs par phyin no/ / rtse mo de yang phyir zhing nyid du shin tu dga' bar lha'i rgyal po des mngon par mthong bar 'gyur ro// mnga' ba dag des sems can rnams la 'dod pa'i yon tan dang ldan pa'i yul lnga'i bde ba la nye bar longs spyod par byed de/ dpe med pa rnam pa du ma'i lha rdzas rnams legs par byas pa'i las kyi mthus nyi ma re re la 'phel bar 'gyur ba'i nags dang / nye ba'i nags dang / mtshe'u dang / pad+ma'i nags la 'dod pa du ma longs spyad nas/ lha rnams dang lhan cig tu rtses par gyur pas/ 'thab bral ba'i mnga' bdag de gang na 'jig rten thams cad pa'i rtse mo'i steng gis yod pa der nye bar legs par 'gro bar 'gyur ro/ / lha'i tshogs chen pos yongs su bskor nas legs par byas pa'i las kyi stobs kyis dang / thabs ma yin pa'i sgo kun tu 'byung ba'i stobs kyis kyang ji srid kyi bar du lha'i bu mo rnams 'chi 'pho bar 'gyur ba mthong nas de dag gi snga rtags gsar par gyur pa ni//

  118. 60a

    'chi ba'i dus na/ 'di lta ste/ nu ma dag rnyed par 'gyur ro// gnyer ma skye ba'i ngo bos mtshon par byed pa dang g.yo bar gyur pas kyang / yid kyi reg pas me tog bcings pa rnam par nyil ba 'ba' zhig tu ni ma zad de/ mgo la me tog dmar po gang dag bcings nas yod pa de dag ser por 'gyur ro// gzhan yang 'chi 'pho ba'i rtags su gyur pa la/ 'di lta ste/ yang dag pa ma yin pa'i 'gro ba'o/ / gzhan yang 'chi 'pho ba'i rtags yod pa ni/ 'di lta ste/ rlung gis gos 'debs shing ma btags pa'i gos rnams kyang btags par 'gyur ba dang / reg bya rtsub par 'gyur ro/ / gzhan yang lha'i bu mo rnams 'chi 'pho ba'i rtags yod pa ni/ 'di lta ste/ nam mkha' la 'gro bar byed pa na ngal bar 'gyur ro// ji ltar chu lus kyi steng du 'byung bar byed do// rab tu dang ba yang shin tu rnyog par 'gyur ro/ / gzhan yang 'chi 'pho ba'i ltas su gyur pa ni/ dper na shing la me tog 'ga' zhig gi don du 'am/ 'bras bu'i don du nye bar reg pa na shing de shin tu rings par 'gyur ro// reg par nus pa yang ma yin no// lha gang zhig la rna ba gtod pas rjes su chags par 'gyur ba de las 'dod chags dang bral bar 'gyur ro// gzugs ngan pa yang mthong ngo // gzhan yang 'chi 'pho ba'i rtags su gyur pa ni/ lha mo'i sgra rnams rlung gis kun nas skyod par byed pa dang rtsub par 'gyur ro// 'chi 'pho ba'i rtags de dag rnams ni mi rnams kyis rtsis kyis ji srid lo stong gi bar du 'gyur ro// /

  119. 60b

    deni ni dag rnams kyis cis kyis nyim bcu'o// rdo rjes thogs su 'dri ba ba'i rtags su 'gyur ba rnams kya de dag rnams pani de nyid las nyis 'gyur du 'chi 'bo ba'i rtags gang dag gis rjes pa bar 'gyur ba de/ lha rnams rtag tu 'dod pa la shin tu rnam par chags pas yid kun tu gnas pa'i sems pa'i yid can du gyur pa rnams kyi rtags ni/ 'di lta ste/ lha de dag rnams kyi sa la 'gro ba nas rtsub par 'gyur te/ mnan na ne ma la ba teg na 'phar bar sa gzhi mi 'gyur ro// gcig pu cig mngon par dga' ba'i lha mo gnyis dang nye bar 'dre bar mi byed do// gzhan yang de'i skad cig la 'chi 'pho ba shin tu nye ba'i lhas yod de/ dper na mi 'dod bzhin du sa gzhi 'gul bar 'gyur ro// gzhan yang nye bar 'chi 'pho ba'i rtags yod de/ dper na gru rtsed kyi glu brjed pa dang ji lta ba bzhin du zhugs pa rnams 'ga' zhig kyang nye bar mthong bar mi 'gyur ro/ / glu mkhan dang / gar mkhan dang / glu rnams ji ste las kyi khyad par las lha mo rnams kyis legs par shes par gyur pa de kho na bzhin las yongs su zad pas brjed par yang 'gyur ro/ / gzhan yang de dang 'brel bar 'chi 'pho ba'i rtags su gyur pa ni/ gal te pad+ma'i rdzing bu 'am/ mtshe'u 'am/ 'bab chu la yang bsnyen pa na/ de la skye ba gang du skye bar 'gyur ba'i rnam pa de lta bu nyid kyi gzugs tshu la mthong ngo / / gzhan yang de ma thag tu 'chi 'pho ba'i ltas yod do// gang yang 'di rgyan btags par 'gyur ba rnams la dpung rgyan dang / mgul rgyan dang / rtsib logs

  120. 61a

    kyi rgyan la sogs pa kun lci bar 'gyur ro/ / gzhan yang de ma thag tu 'chi 'pho ba'i rtags yod pa la 'di ltar gang dag na 'dug pa'i stan gyi mchog de kha dog rnams nyams pa'i rnam par 'gyur ba 'byung ste/ gal te gser ram/ gal te bai DUR+Ya'i rang bzhin nam/ in+d+ra nI la'i rang bzhin yin pa laswa/ de dag thams cad shing gi rang bzhin du 'gyur ro// gzhan yang de ma thag tu 'chi 'pho ba'i mtshan mar gyur pa la/ ji ltar gser du skyes pa'i mtshe'u ni phyin ci log tu mthong ngo // gzhan yang rjes nyid du 'chi ba'i dus kyi yin pa'i 'chi 'pho bar 'gyur ba'i rtags ni mchog tu 'jigs su rung ba 'di lta ste/ rdul lus po thams cad nas 'dzag pa ni ji ltar mi rnams bzhin no// gzhan yang 'chi 'pho ba'i rtags su gyur pa la/ dper na lha'i rigs 'di dag rnams ma lus pa 'khor bar byed do// 'khor lo la zhon pa bzhin du 'khor bar gyur nas stong par mthong ngo / / dbang po rnams thams cad la yang yul des gnod par 'gyur ro// dga' ba med par yang 'gyur ba dang / snying mi dga' ba rnams la dmigs par 'gyur ro/ / 'di srog gi sgo lta bur gyur pa'i las rnams gang gi tshe yang skye ba gzhan du skye bar 'gyur ba na/ de dang rjes su 'thun pa'i snang ba yang kun tu 'byung ste sngar bzhin no// lha'i bu mo de yang sems mchog dang bcas pa'i dbang gis de bzhin du srid pa bar ma do yin te/ de ltar lha'i bu mo rnams 'chi 'pho bar mngon par mthong zhing mi chog tu yid kyang 'byung la/ lha'i bu mo dag log par ltung ba yang

  121. 61b

    mngon par mthong nas tshigs su bcad pa brjod pa ji ltar/ / bud med 'jig rten 'ching byed yin// slu byed 'thab mo 'phel byed yin// chos min log par lhung rnams kyis// skyon rnams gzhi yang rtag tu yin/ / mi rnams 'ching ba gang de rnams// bud med chags dbang 'gro bas yin// de ltar 'chi bdag dmag gi sdes// stobs rab kyi ni shin tu 'joms// 'jo sgeg sman ma bskyed sogs pas// mi rmongs mo rnams kyis bslus nas// rang gi las 'bras skal ba yin// 'ching dag dus su 'gros pa yin// pad rdzing nye nags brag rnams dang // chu klung dang ni chu bshal la// rtsed mo mang du rtses byas nas/ / bud med sdug kun de gar song // nges par yang ni 'chi ba dang // nges par yang ni rnam par 'bral// de ltar yin yang skyes bu rnams// rtag tu chags pa'i dbang gis 'gro// sred pa rnams kyis lan mang du/ / 'jig rten thams cad rnams nyams byas// gang dag bud med 'ching ba 'di// rmas chen bzod par dka' ba yin// gang yang 'jig rten 'ching ba 'di// 'dod pa'i 'dod / chags rang bzhin che// de ltar gzhan yang rtsol bas ni// rnam par dpyad na rnyed 'gyur ba// 'dod pa'i mda' yis rnam du mar// mi bcos nas ni da gar song // bud med 'dod pa'i dbang 'gro bas// rang nyid kyis ni gzhan rgyal byed/ de ltar 'thab bral gyi mnga' bdag mu su lun d+ha des mngon par mthong zhing 'chi 'pho ba'i 'jigs pa bzlog par mi nus pa du ma kha nas brjod nas nges par 'gyur ba'i

  122. 62a

    skal ba can mngon par mthong la/ gang lha de dag 'dod pa'i yon tan lnga dang ldan pa rnam pa du mar rtse dga' la 'chi 'pho ba'i 'jigs pa rtogs nas mi 'gyur ba rnams phyugs dang mtshungs par rtogs nas/ kye ma 'chi ba dang nye ba la ji ltar 'di dag rnams 'jigs pa kun tu skye bar mi 'gyur/ des de ltar yid la bsams nas/ 'jigs pa'i yid kyang drag por byas nas gzhan dag rnams la'achi 'pho ba'i 'jigs pa de go bar byed nus pa yang ma yin no/ / yul dang dus ma yin par chos bshad pa'i rgyu mtshan gyis kyang yang bar 'gyur ba'i phyir te/ lha de dag thams cad kyang yul rnams la mchog tu 'dzin pa dang / yid kyang de la song ba ste dus ma yin par de dag rnams la gzhug par bya bar mi nus pa'i phyir ro// de nas de'i nang 'jigs par byas nas/ phyir yang lha de dag rjes su 'jug par bya ba'i don du rnam pa du mar rtse dga' zhing kun tu yang spyod do/ / de nas lha de 'jig rten thams cad pa'i rtse mo de lha gang dag ches mngon par dga' bar gyur pa'i pad+ma dang / me tog gi tshal dang / nye ba'i tshal dga' bde dag la lha dang lha mo phan tshun lhan cig 'grogs par gyur pa de la song ba'i yid kyis myos pa la/ don gcig pa yul gyi sred pa'i tshogs kyis drug gi yul la ched cher 'dzin pas/ nags dang / pa'i nags dang / mtshe'u dang / sa'i cha shas la rnam pa du mar dga' ba dang / glu len pa dang / bdud rtsi yang mchog tu dri dang / reg bya phun sum tshogs pa rnams 'thung ngo // rnam par rtog pa du

  123. 62b

    mas glu'i sgras kyang dga' bar byed de/ de de ltar dga' bar gyur pas/ rtse mo de'i nang na dbus kyi stegs bu yod pa der rtsed mo dang bcas pas ril nye bar legs par 'gro'o// stegs bu de yang bai rlu 'i rang bzhin du 'gyur bar mthong ngo / / lha rnams la nyams shing rnam par 'gyur bar byed pa gang zhig skyed do// de dag rnams kyi rin po che rnam pa sna tshogs pa gang yin pa de dag thams cad bai DUR+Ya de'i 'od kyis de gcig pu sngon po'i gzugs su mngon par 'gyur ro/ / thams cad gcig tu sngon po'i tshogs su skyes so// lnga de dag gis rnam pa de lta bu'i sngon po de rnams nye bar rtogs nas/ mchog tu ngo mtshar ba skyes nas 'di skad ces brjod par gyur te/ ji ltar gzhal yas khang brgya stong mang po bdag cag gis mthong ba la bai DUR+Ya'i 'od 'di ni bdag cag gis mthong ba'i 'od rnams ma yin na/ ji ltar de dag ri 'di/ gang zhig gi gzi brjid yin par 'gyur/ de nas de dag de ltar brjod pa dag/ de las sngon gyi lha cig gis sngon thos pa'i gtam rgyud brjod pa 'di'i rgyu gang yin pa rnams ji lta ba bzhin du nyon dang / lha rnams 'od sngo zhing che ba gang yin pa 'di dang 'di lta bu'i gzi brjid kyang 'di ltar rjes su thos te/ ji ltar 'ga' zhig gis dus su yang dag par rdzogs pa'i sangs rgyas 'od srungs su grags pa la mchod pa byed nas dga' ldan gyi mnga' bdag rab tu zhi ba 'dzam bu gling du babs par gyur la/ des 'jig rten thams cad pa'i rtse mo 'di'i nor bu bai DUR+Ya 'di dag tu lha de dag rnams ngo mtshar ba dang

  124. 63a

    dga' bar gyur pa'i nor bu gcig 'dir bcug go/ / ji ltar 'di'i gzi brjid kyis 'thab bral ba rnams kyi las kyi 'bras bu lci ba nyid dang yang ba nyid shes pa dang / nga rgyal yang chag par 'gyur ro/ / gang dag gis chos kyi gshis dang ldan par 'gyur ro// 'thab bral ba rnams dang dga' ldan pa rnams kyi khyad par gang yin pa de yang 'thab bral ba rnams kyis nor bu 'dir khyad par du shes par 'gyur te/ de dag rnams rnam pa de srid kyi bde ba dang yang dag par ldan pa de dag gi khyad par gyi bdag cag rnams gang yin pa ni cung zad tsam dang / 'od kyi tshad dang / mdog dang / dbyibs shin tu chung ba dang / stobs shin tu chung ba dang / sa rnams shin tu chung ba ci yang ma yin no// las kyi mtha' rnams kyis des nor bu de'i gzi brjid nye bar dmigs nas yid mchog tu kun nas rangs par 'gyur ro// gang dag bag med pas bag med par gnas pa 'byung bar 'gyur ba de dag rgyags pa dang bral bar 'gyur ro// yang gang dag chos pa chos kyi rjes su 'jug pa 'byung bar 'gyur te/ de dag rnams phyir zhing yang de nyid kyis rigs su rje bas rje chos kyi rjes su 'jug pa'i rang bzhin du 'gyur ro/ / rgyu 'dis dga' ldan gyi mngara' bdag des nor bu 'di bcug pa yin no// de nas lha rab tu mang po de dag lha de'i drung nas tshig 'di dag rnams nye bar thos nas mchog tu rangs pa'i yid kyis nor bu de blta ba la ngo mtshar ba kun tu bskyed nas 'jig rten thams cad pa'i rtse mo de'i nye 'khor la de 'tshol lo/ / nor bu de ji lta bar phyogs gcig na

  125. 63b

    mthong ngo / / ji ltar gang gis brgya 'gyur du 'od zer kun nas spro bar byed de/ nor bu gzhan dag gzi brjid che ba de dag la yang nor bu 'dis zil gyis mnon na/ gal te gzi brjid med pa rnams la lta smos kyang ci dgos/ de nas gzhan 'thab bral nas byung ba'i nor bu gzi brjid can 'od dang ldan pa'i nor bu gang yin pa de rnams spangs nas nor bu de gcig pu nye bar len par byed do// nye bar blangs pa'i nor bu des kyang 'od kyis dpag tshad stong phrag bcu khyab par byas nas gnas so/ / 'thab bral ba rnams kyi nor bu rnams gang dang gang yin pa de dang de dag rnams thams cad 'di'i 'od kyis zil gyis gnon par 'gyur ro/ / ji ltar nyi ma shar ba'i gza' dang / skar ma dang / rgyu skar rnams kyi 'od zil gyis gnon no// de bzhin du 'thab bral ba nas byung ba'i nor bu rnams thams cad zil gyis gnon par 'gyur ro// de nas de'i gzi brjid de 'dra bar mthong nas lha de dag rnams thams cad kyi nga rgyal zhi bar 'gyur ba dang / phyir zhing 'od kyis zil gyis mnan pas dman par gyur pas lha dag nor bu rin po che nyid kho na la blta'o/ / gang yang de la chags pa dang bral bar byed pa'i tshigs su bcad pa gser bzang po'i yi ger bris pa ji ltar/ bag med pas ni mi gnas par// rnyog pa'i dri ma sbyangs pa yi// las rjes rtag tu gang 'jug pa'i/ / bde ba des ni rtag tu mthong // skyid bde ba dang sdug pa dang // 'khogs dang rtse mo lang tsho yang // 'chi bdag rgyal pos rab tu 'joms// gzugs bzang ba dang

  126. 64a

    gzugs ngan dang / / stobs ldan de bzhin stobs med dang // mgon med pa dang mgon nyams kyang // 'chi bdag rgyal pos shin tu 'joms// rgyal po rnams sam de bzhin bran/ / rang byung de bzhin khyim pa rnams// khron ma rnams sam 'jam po yang // 'chi bdag rgyal pos rab tu 'joms// dbul po min dang nor med dang // yon tan de bzhin yon tan med// bud med rnams dang skyes pa yang / / 'chi bdag rgyal pos kun tu 'joms// byes na gnas dang khyim gnas dang // chu 'am gal te thang la gnas// ri yi rtse la gnas pa yang // 'chi bdag rgyal pos rnam par 'joms/ / mnyal ba dang de bzhin zhal// za ba dang ni de bzhin 'dug/ 'jig rten thams cad rab 'joms pa// 'dri dag rgyal pos rab tu 'joms// sa gnas nam mkha'i khang bar gnas/ / dus kyis 'khor lo 'di yang ni// 'chi bdag rgyal pos rnam par 'joms// skal ldan de bzhin bzang po dang // gsod byed de bzhin chos pa dang // nad pa rang bzhin gnas lugs kyang // 'chi bdag rgyal pos rnam par 'joms// gtum po rang bzhin bzhin bzangs rnams// nor ldan de bzhin 'jungs pa dang // bag med pa dang bag yod kyang // 'chi bdag rgyal pos 'joms par byed dmyal ba de bzhin yi dgas dang / / dud 'grong bzhin mi rnams dang // stobs dang spro ba ma log pa 'am// 'chi bdag rgyal pos kun nas 'joms// lha gang 'dod pa'i khams na dang // gzugs

  127. 64b

    kyi khams na gang gnas pa/ / de kun phyir bzlog mi nus pa'i// 'chi bdag rgyal pos kun nas 'joms// gzugs yod med pa'i lha gang yang // snyoms 'jug nyer len las skyes pa// de kun phyir bzlog stobs med pa/ / 'chi bdag rgyal pos kun nas 'joms// 'dus byas cung zad gang skyes pa// rtag par yang de rnam par 'jig/ gang la 'jig pa yod min pa'i// 'dus byas cung zad ma mthong ngo / / 'chi bdag stobs 'di shes byas nas// 'dod pa'i skyon yang thams cad dang // sred pa'i slu byed rnams las dang // srid pa'i mtsho las chags bral gyis// myang bar dga' ba 'di dag kyang / / dmyal ba yi yang rgyu rnams yin// 'dod pa'i yul gyi 'gyur ldog des// ldag par byed pas sbrul dang 'dra// de la sdug bsngal 'di rtogs nas// 'chi bdag stobs las stobs med pa'i/ / sems 'di legs par 'dul bar gyis// de yis 'gro ba 'di 'khor byed// nags dang nye nags brag rnams dang // gzhal yas khang pa thams cad las// dus kyi me yis rnams lhung ba'i/ / lha rnams thams cad lhung bar 'gyur// bag med yid can rmongs pa yin// phyir zhing yul rnams dag gi sku// sred pa'i zhags pas dam bcings nas// lha rnams ngan 'gro dag tu lhung / / de nas lha de bai DUR+Ya chen po der tshigs bcad 'di dag rnams thos nas gang dge ba goms pa'i sems dang ldan pa de thos pa dang de ltar mchog tu skyo bar 'gyur ro// gang yang yul la kun tu

  128. 65a

    rmongs pa de yul de nyid kyis rmongs pas slar yang de nyid la dga' zhing kun tu spyod do/ / de nas de dag 'jig rten thams cad par song nas nor bu nye bar bskor nas gzhan yang nor bu 'di'i 'od rnam pa de srid du gyur pa la lha mchog tu ngo mtshar skyes te/ de nas lha de rnams rang bzhin kho nas bag med par gnas par gyur par yul du ma'i bde ba la rnam par rtog pa du mas rnam pa du mar dga' bar byed do// bde ba gang yin pa'i bde ba yang dpe brjod par bya bar nus pa ma yin no/ / de nas lha de dag rnams phyir yang bag med par gnas par gyur pas sna tshogs pa'i rnga sgra dang rol mo'i sgra nye bar bsgrags par gyur pas gang na nu chen po zhes bya ba'i chu klung der nye bar 'gro'o/ / bag med pa brtan po'i sred pa'i zhags pas shin tu drangs par gyur pa/ yul la lta ba brtan po thog ma med pa'i dus nas goms pa des drangs par gyur pas/ / gang na chu chen po'i klung yod pa der nye bar legs par 'gro ba rnam pa sna tshogs pa'i rnga sgra dang glus sbrel ba'i snying phan tshun lhan cig tu dga' bar byed do// chu chen po'i chu klung de yang ljon shing dang pAd+ma du mas khyab pa rnam pa sna tshogs pa'i byas sgra kun tu sgrogs pa thos na dga' ba/ pad+ma'i dri mchog gis bsgos pa'i chu'i ngogs gnyis ka na mchog tu rangs pa'i lha'i tshogs kyis glu len pas yongs su bskor nas lha de dag srid pa chung ba nas nye bar len par 'gro'o/ / de nas phan tshun lhan cig tu mchog tu dga' ba'i yid kyis de dag rnams ngos der dga' bar byed de rnga skad yan lag lnga dang ldan pa ste/ chags pa dang mtshungs

  129. 65b

    pas dang / snyan pas kyang lha de dag 'dod pa'i yon tan lngas rnam pa du mar dga' bar byed do// chu klung de yang mgyogs pa'i chu mchog tu mgyogs par 'gro ba yin no// de'i ngos gnyis ka la bya lo 'dab gzhon nu la gnas pa zhes bya ba de legs par bya ba'i las kyi 'bras bus bskul nas mchog tu dga' ba'i yid kyis lnga de dag rnams la phan pa'i don du tshigs su bcad pa brjod pa/ rig zar chu 'bab myur ba ltar// bde ba thams cad rab nyams 'gyur// bdag med dbang gis 'jug pas na// blo dang bral bas rig pa'ang min// nges par lus can rnams kyi ni// srog dang bde ba yud tsam yin// dmus long bzhin du dam pa'i lam/ / blo bral bas kyang rig pa min// mig bral long ba mchog yin gyi// 'dod pas rmongs pa ma yin no// bde ba'i rjes su 'brang byed pa'i// mi ni dmyal bar nye bar rgyug/ spyod pa dam pa dang ldan pa'i/ / mig med dmyal bar ltung ba min// de phyir mig med mchog yin gyi// 'dod dbang mi ni ma yin no// 'dod pa phan pa byed min pas// lan cig min par sems rmongs pa// 'dod pa rnams kyis rmugs pas na// rang sems skyo bar 'gyur ma yin// 'dod pa spyod pa rnams kyis ni// shes dang rnam par shes kyang med// 'dod pa las skyes sdug bsngal gang // btang nas slar yang 'dod rjes 'brangs/ / kim pa'i 'bras bu dang 'dra ba'i// 'dod pa'i dgra bo grogs po'i gzugs// 'chi bdag srid par ltung ba dang // ngan 'gror yang ni yang dang yang // rnam pa

  130. 66a

    du mar 'gro 'ong ba/ / ldog pa med pa'i chu ji ltar// de bzhin mi rnams bde ba brgyad// thams cad du ni zlog pa min// de ltar lo 'dab gzhon nu la gnas pa'i bya des yang dag pa'i las kyis bskul nas tshig bshad brjod do/ / de nas lha de dag legs par byams pa'i sems dang ldan pa des tshig bshad de thos nas mchog tu skyo ba'i yid kyis spyod par byed de/ ji ltar khyed dud 'gror gyur pa rnams la yang de lta bu'i chos kyi rjes su song ba'i blo yod na/ bdag cag rnams ni ma yin pas de lta bu la 'jug pa'i yid la ni log par ltung bar 'gyur ro// de nas de ltar lha de dag gis rigs nas 'ga' zhig gis kyang chu klung de yongs su btang nas/ phyogs gcig na 'di ltar tshigs su bcad pa 'don pa ji ltar/ lus can kun gyi gson pa ni// chu yi chu bur 'dra ba yin// chu bo'i rlabs bzhin g.yo ba yi/ / lang tsho rnams ni rnam par 'gyur// sems can lhag ma ma lus kun// 'chi bdag rgyal po'i dbang yin la// srid mthar byed pa'i thabs dag pa'i// blo snying sems kyang mi skyed do/ / ji srid lus ni ma smas shing // ji srid skye bo legs dri med// de srid chos kyi yid dang gang // ngan song rnams kyis 'jigs par gyis// de ltar lha de dag phan tshun du chos kyi rjes su 'brang/ ba'i 'dod pa dag brjod cing de ltar yud tsam cig dam pa'i chos yid la byas pas/ dbang po rnams ni bsnyen par dga' ba yin pa'i phyir na// slar yang bsam gyis mi khyab pa'i rnam pa du mar 'dod pa

  131. 66b

    sdug pa yid du 'ong ba'i yul gyi bde ba rnams mthong nas/ gang na lha de dag dga' mgu zhing kun tu yang spyod pa der dga' bas gnas par byed pas nye bar 'gro ste/ de ltar yul gyis kun tu rmongs pas nyi ma re zhing 'phel bar 'gyur te/ lha rdzas kyi 'dod pa'i yon tan lnga'i yul la kun nas 'jug pa'i rgyus mchog tu dga' ba rnams la de ji srid du 'dod pa 'dod pa sdug pa legs par byas pa'i las du ma rnams zad par ma gyur gyi bar de srid du de la dga' bar byed do/ / mchog tu dga' bar 'gyur ba'i lha rdzas kyi yul lnga dang yang dag par ldan pa de la dga' bar byed do// de zad nas slar yang las kyi dbang gis 'gro bas dmyal ba dang / yi dgas dang / dud 'gro rnams su skye ba'o// gal te yang gzhan rnams nas 'chi 'phos nas kyang / mi rnams dang skal ba mnyam pa mir skyes na yang de mchog tu longs spyod dang ldan par 'gyur ro/ / mchog tu gnod pa med pa dang / longs spyod can dang / rigs mchog tu skye ba dang / yul ljongs kyi mi thams cad dang mthun pa dang / yul ljongs kyi mi thams cad kyis mchod pa dang / 'tshe ba med pa dang / nad med pa mchog tu yid gzhungs pa dang / mchog tu yang bran po dang / bran mo dang / las byed pa dang / zho shas 'tsho ba rnams mthun par 'gyur ro// rjes su chags par 'gyur ba'i grong khyer phun sum tshogs pa dang ldan pa dang / yul ljongs su skye bar 'gyur ro// gang na chos dang chos ma yin pa mi shes pa'i kla klor gyur pa'i yul der skye bar mi 'gyur//

  132. 67a

    dbang po yongs su rdzogs par yang 'gyur ro// yid rgyas pa dang sems dang bcas pa dang / mchog tu dbang du gyur pa'i blo dang yang ldan par 'gyur te/ de yis legs par byas shing bsags pa mchog tu 'phags pa'i skye bo legs pa'i yon tan gsum dang ldan pa ni nges par lhar skye bar 'gyur ba'i las kyi rgyu mthun pas yin no/ / gzhan yang dge slong las kyi 'bras bu/ rnam par smin pa shes pa de/ 'thab bral ba rnams kyi sa la kun tu lta bar byed pa na/ des thos pa las byung ba'i shes rab kyis 'thab bral ba'i lha rnams kyis ji lta ba bzhin du yod pa mthong ba ni rgyun gyis rgyu ba zhes bya ba'o/ / der las gang dag gis sems can skye bar 'gyur ba des thos pa las byung ba'i shes rab kyis mthong ba legs par byas pa'i las kyi mtha' la spyod pa/ drang po dang drang po'i sems dang / ldan pa/ chos pa chos kyi rjes su 'brang ba/ ma nyams shing ma smas par spyod pa/ sdig pa yongs su spangs pa des 'dod pa rnams yongs su spangs pa/ dge ba'i bshes gnyen gyi sems dang ldan pa/ kha na mtho ba rdul phra rab tsam la yang 'jigs par lta ba/ yang dog pa'i lta ba sngon du byas pa/ sdig pa'i grogs po yongs su spangs pa/ rtag tu yang las dang 'bras bu la dang pa dang ldan pa/ sems shin tu mnyam par bzhag pas gang gis lus kyis legs par spyod pa dang / ngag gis legs par spyod pa byas par gyur pa/ tshul khrims yon tan gsum dang ldan pa'i tshul

  133. 67b

    khrims bsrungs par gyur pa la 'di lta ste/ srog gcod pa dang / ma byin par len pa dang / 'dod pa log par g.yem pa las// de la srog gcod pa dang / ma byin par len pa ni snga ma bzhin no// 'dod pa log par g.yem pa spangs par gyur pa yang ji ltar bud med la dar tsam cig kyang so sor lta ba dang ro myang bar mi byed la/ mtshan mo yang yid kyi mig gi gzugs dang lhan cig tu rnam par rtogs par mi byed do// 'dod pa chung bar 'gyur zhing mchog tu chog shes pa dang / nyin mo spyod pa'i sar 'gro ba na yang yid shin tu mnyam par gzhag par 'gyur ro// sems shin tu legs par gzung ba'i thag pas 'dzin pas dbang po rnams/ myur du 'dzin par byed do// lus kyi rjes su 'brang ba'i blo dang ldan par 'gyur ro// sems legs par bsrungs pa la kun nas dga' bar 'gyur ro// khams dang / skye mched dang / phung po rnams la rab/ tu dpyod pa la dga' bar 'gyur ro// tshogs pa dang 'dus pa la dga' bar mi 'gyur ro// nyi ma phyed kyang spyod yul la 'dre bar mi byed do// mi g.yon can nam/ gtum po 'am/ khyim la'ang sten par mi byed do/ / grong du 'jug pa'i rang bzhin can du mi 'gyur ro// grong khyer dang / lam po che dang / bzhi mdo rnams su 'gro ba dang 'ong ba'i ngang tshul can du mi 'gyur ro// gnyen dang grogs lta bu la brtson par mi 'gyur/ de la myur ba'i blo dang ldan par 'gyur ro// rtag tu brtson pa dang ldan par 'gyur ro// shes pa dang rnam par shes pa'i spyod yul la rtag tu brtson par 'gyur ro// tshul bzhin yid la byed pas

  134. 68a

    rtag tu yang bla ma la sten par byed do/ / rnam pa de lta bu'i tshul khrims byed pa po de lus zhig nas shi ba'i pha rol tu 'thab bral gyi lha rnams kyi sa las tshogs pa rgyun gyis rgyu ba'i lha rnams// kyi nang du skye'o// skyes pa na yang 'di ni mchog tu rol mo dang ldan pa/ mchog tu skyid par gyur pa de'i rgya'i rjes dang 'dra ba'i bde ba rnam pa du ma dang ldan par 'gyur ro// sa de yang ri gnyis dag gis yongs su bskor ba yin zhing / de la rgyun gyis rgyu ba'i ri la nags bzhi yod pa rnams la/ 'di lta ste/ grib ma sdum zhing nag pa dang / rnam pa du mar 'gro ba dang / thams cad skye ba dang / rab tu dang bar 'gro'o// de la snum zhing nag pa'i zhad can ni in+d+ra nI la 'ba' zhig dang mtshungs pa'i kha dog gi shing rnams la gser dang / dngul gyi 'dab ma can gang gi mdzes par bstan par mi nus pa'i phun sum tshogs pa gang gi yal ga dang grib ma dpag tshad lnga brgya brtol nas 'gro ste/ ches gnag pa'i char sprin bzhin no// du ma 'gro ba'i nags gzhan dang thams cad skye ba yang nags gzhan yin te/ de dag na ni shing gi rigs du ma rnams yod de/ ljon shing de rnams ni kha dog du ma dang / dbyibs du ma dang / tshad du ma dang / sdong bu du ma dang / bya'i tshigs du mas bsten par gyur po la/ 'di lta ste/ gser gyi sdong bul dngul gyi 'dab ma dang / bai DUd+ma'i sdong bu la b+hu ru'i 'dab ma dang / b+hu ru'i sdong bu la dngul gyi 'dab ma dang / 'dren ma'i sdong bu la 'dren ma'i 'dab ma dang / 'dren ma'i grib ma dang / 'khri shing gis khyab pa'i shing rnams te/ sa gzhi'i cha yang

  135. 68b

    'khri shing gi khang pas nye bar dben pa/ sa phyogs kyi cha de yang thams cad las mchog tu rgya che ba dang / mchog tu dga' ba'i bung ba'i tshogs rnams sgra 'byin pas mdzes pa dang ldan pa yin la/ rnam pa de lta bu ni nags gnyis pa yin te/ nags gzhan thams cad nges par skye ba na ni/ rnam pa du ma'i 'bab chu dang / chu klung gi sgra gyur g+ha ra'i gdangs kyi sgra rnam pa du ma dang ldan pas chu klung gi sgras sa phyogs/ kyi cha khyab par gyur ro// rma bya dang khu byug gi sgra snyan pa snyan pas kun tu gang ba'o// gzhan yang rab tu dang bar 'gro ba ni bstan par mi nus par dga' zhing gsal ba'i shing gi gzugs rnams yin te/ nags dang / nye ba'i nags dang / pad+ma'i tshal rnams kyi grib ma'i tshogs kyis tshogs pa de dag thams cad shin tu gsal bar mthong ngo // yang lha gang dag rgyun de la gnas pa 'am/ 'dre bar byed pa rnams kyang ka tsa 'am/ lhang tsher srab mos bar du chod pa'i gzugs bzhin du mthong ngo // gzhan yang ri de'i gzi brjid kyis 'chi 'pho ba'i dus su rnam pa gang gis lha rnams dus byed par 'gyur ba'i rnam pa de dang de dag nyams pa med pa dang ma lus par yang rgyun gyi ri de la mthong bar 'gyur ro/ / des 'gyur ba med par 'chi 'pho ba de mthong nas kyang srid pa la yid 'byung bar 'gyur ro// bag med par spyod par yang mi 'gyur// ro// des bdag nyid rnam par 'jig par rig par 'gyur ro// de lta bu'i yon tan dang ldan pa'i sar skye ba ni dge ba'i las rnam pa du ma rnams kyis yin no// des na der skye ba'i lha de dag rnams ni dang po kho na rgyun

  136. 69a

    gyi ril skye bar 'gyur ro/ / bag med pas gnas par yang mi 'gyur te/ bdag nyid log par ltung bas so// de gas rangadu skyes par gyur pa na nags dang / rdzing bu dang / spro ba'i bad+ma nags la rnam pa sna tshogs par mchog tu dga' ba'i 'dod pa'i yon tan lnga phun sum tshogs pas rnga sgra dang / lha'i bu mo'i tshogs kyis yongs su bskor nas dga' zhing kun tu spyod par byed de/ rnam pa dum pa rnam par rtog pa du mas rgyun gyi ri'i nags rnams la sngar bshad pa'i lha des sngon gyi dge ba'i las kyi mtha' rnams la spyad pas rnam pa du ma'i rnam par rtog pa mang po dang rang bzhin du mar yang dga' bar byed do/ / legs par byas pa'i las kyi mtha' de mchog tu stobs dang ldan pa dang / gzi brjid mchog dang ldan pa de'i 'di ltar dga' ba yin te/ ri de dag las shin tu ngo mtshar bar gyur pa'i rang bzhin gyi rgyu mtshan lnga mthong ngo / / gang dag ce na/ 'di lta ste/ skye ba gzhan gang las 'chi 'phos pa de mthong ngo // skye gzhan gyi las gang gis der skyes pa dang / lha'i ris de nas ji srid cig na 'chi bar 'gyur zhing / 'chi 'jo pa nas kyang gang du skye ba dang / der yang bde ba ji srid cig la nye bar longs spyod par byed pa'o// gzhan gyi la yang de bzhin du mthong ste/ yang lha'i ris der dus gzhan la yang ji srid du bskal pa brgya 'am/ bskal pa bye ba phrag brgyan yang skye bar 'gyur ba des mthong la ji ltar bdag lha'i ris de'i skye bar ni 'gyur gyi/ 'on kyang dus kyis 'grib pa ni ma gtogs te/ shes pas gzhal bar

  137. 69b

    mi nus pas rang bzhin yin pa'i phyir ro/ / de dag rnams ni dge ba'i las rnams kyis ri de'i gzi brjid kyis ngo mtshar ba 'di dag mthong ngo // des ngo mtshar ba rnam pa du ma yang dag par mngon du mthong nas kyang rang gis legs par byas pa'i las kyis kyang yid 'byung ngo / / skye ba dang 'chi 'pho ba'i srid pa'i ngam grog gi skyon gyis dang po kho nar bsod nams kyi las rnams la yang yid 'byung bar 'gyur ro// / gzer zug mi bzad pa rnams kyi 'jigs pa'i skyon gyis 'dren ma rnams kyis kyang yid 'byung ste/ 'dren ma srid pa'i ngam grog gi skyon rnams des de lta bu mthong nas ril song nas kyang mngon par lta bar byed do/ / slar yang de 'khor bar song ba'i 'chi 'pho ba dang / skye ba'i srid pa'i ngam grog gi skyon gyi ma grog mi zlog pa nyin mtshan du shin tu 'phel bar 'gyur bas sdug bsngal rnam pa du ma'i 'phyang mo rnams mngon par mthong bar gyur pas/ gzhan rnams la yang dga' bar mi 'gyur ro// lha rdzas kyi 'dod pa'i yon tan shin tu yid du 'ong ba sgra dang / reg bya dang / ro dang / gzugs dang / dri rnams phul du phyin pa'i 'bras chan dug dang 'dres pa ji lta ba yin pa'i phyir de'i tshe bde ba ma yin te/ de rnam pa du mas lha rdzas kyi yul gyi bde ba rnams la rab tu zhe sdang bar 'gyur ro// de ltar rab tu zhe sdang ba des lha gzhan dang gzhan rnams la yang phan pa dang bde ba 'dod pas rab tu ston par byed do/ / de la lha gang dag lus dang / ngad dang / yid bsgoms pa rnams legs par byed pa'i las can du 'gyur te/

  138. 70a

    ji ltar gang dag chos smra ba po dam pa'i ston pa des sems can gzhan dag rnams bag med pas bag med par gnas pa rnams la rnam pa du mar shin tu gsal bar sangs rgyas kyi gsung legs par ston par byed do/ / sems can bag med pa rnams kyis bag med pa la gnas pa rnams yul gyi ngam grog du mar bying bar gyur pa de dag rnams la 'jigs pa lnga ston par byed pa ni/ 'di lta ste/ skye ba'i 'jigs pa dang / rgas pa'i 'jigs pa dang / nad kyi 'jigs pa dang / 'chi ba'i 'jigs pa dang / rang gi las kyi 'jigs pa ste/ ji ltar las kyis sems can 'di dag rnams 'byung bar 'gyur ba la de'i skal ba can de lta bur 'byung bar 'gyur ro/ / mthun pa yid du 'ong ba dang 'bral ba'i 'jigs pa dang / 'dus pa dang bral ba'i 'jigs pa dang / 'jigs pa de bzhin gang dag gis rab tu ston// par byed do// 'dod pa'i sems kyis ma yin/ bsnyen bkur 'dod pa ma yin/ dregs pa dang bsgying ba'i rgyus ma yin zhing / ma 'dres par sangs rgyas kyi gsung ston no// gzhan dag gis gzhan du ma thos pa'i dpe dang ldan pa rnams thos pa nyung ba'i 'jigs pas 'dir sangs rgyas kyi gsung bag tsam zhig brjod pa yin la/ des dus 'da' bar 'gyur ba'i phyir na/ rgyu mtshan dang dpe gzhan rnams ni ma yin te/ ma thos pa rnams phyi nas rjod par byed do/ / rnam pa sna tshogs pa rnams 'dod pas ni des 'da' bar 'gyur bas na/ des de ltar chos 'chad par 'gyur ro// de'i rgyus des kyang 'chi 'pho dang skye bas byas pa'i 'jigs pa

  139. 70b

    rnams 'khor bas byas par mthong ngo / / chos bstan pa thams cad las 'bras bu mang bar 'gyur ba ni/ 'di lta ste/ ma dang / pha dang / nad pa dang / lbu ba log pa can zhi ba'i lha ba skye bar byed pa dang / 'chi ba'i yul dang dus kyis sems can rnams la chos ston par byed pa dang / gang 'dod rgyal ba rgyu med par 'khor bar 'jug par 'gyur ba rgyu med pa'i 'jug pa ni med do// chos ma thos pa rnams la ste gang gis nam yang chos thos par ma gyur pa/ 'brog dgon par zhugs pa rnams dang / lam du 'gro ba rnams dang / de yang rgya mtshor rab tu 'gro ba dang / gnas pa rnams dang / bag med pa rnams dang / rgyal po 'am/ rgyal po'i bu 'am/ lang chos bag med par 'gyur ba rnams kyi rgyags pa zhi bar byed pa dang / gang dag srog gcod pa lhag par gyur pa rnams dang / bag med pa rnams la yang srog gcod pa'i nyes dmigs ston pa'i don du chos ston par byed pa dang / des de srog gcod pa las zlog par byed do// 'khrugs pa la dga' ba'i sems can rnams mtho ris lam dang / thos pa nyams pa rnams rtag tu de la mngon par brtson par bya ba dang ste/ chos la rab tu brtson pa du mas de ltar bstan par bya'o// bud med rnams kyang phrag dog gis bcom pa dang / ser sna'i 'jigs pa'i skyon gyis ma bsgrungs pa rnams la yang ser sna dgag pa'i don du yang chos ston par byed do/ / de zlog par byed do// gang zag bcu gnyis po de dag rnams la gang gis chos bstan par 'gyur ba de

  140. 71a

    yang dag pa ji lta ba bzhin du chos ston pa po lus zhig nas 'thab bral gyi lha rnams kyis rgyun gyi sar skye'o/ / las kyis byas pa'i skye ba dang / 'chi 'pho ba 'dir mthong ngo / 'khor ba thams cad la yid 'byung bar 'gyur ro// yang gang dag gis chos bstan par ma gyur pa de dag gis ni bstan pa byas pa de thams cad ma mthong bar gyur nas/ dga' zhing kun tu spyod par yang byed de/ 'dod pa'i yon tan du ma phun sum tshogs pa rnam pa du mar 'drud pa'i dbyangs snyan pa ngal sos pa'i bya'i sgra legs par 'byin pa dril bu g.yer ka'i sgra 'byung ba sna tshogs pa'i kha dog dang / dri phun sum tshogs pa'i pad+ma'i rdzing bu la bung ba'i tshogs brgya stong phrag gi sgra'i rnam pa 'dres pa sgrogs pa rnams la dga' bar byas nas/ gzhan yang gang na rgyun gyi ri'i zhol dang / bang rims yod pa de rnams la de dga' bar byed do/ / mchog tu gzugs dang yon tan phun sum tshogs pas yon tan gyi mchog dang ldan pa'i lha'i bu mo rnams dang lhan cig tu glu len par byed/ dga' bar byed pa dang / mchog gi ro dang / dri dang / mdog phun sum tshogs pas mchog tu dga' ba skyed pa'i phyir bdud rtsi 'thung bar byed do// gang 'thungs nas yang phyis bag med par gnas pa'i lha rnams ches lhag par rgyags pa kun tu skyed do// gzhan yang rgyags pas gnas pa rnams gang na ri de'i bya rnam par dga' ba zhes bya ba'i nags nye 'khor du bai DUR+Ya'i stegs bu byi dor byas pa/ gser gyis brgyan pa'i stegs bu'i nye 'khor ni rin po che sna bdun gyis nye bar

  141. 71b

    mdzes pa de la nye bar sten par byed do/ / nye 'khor du byas bskor ba ni mchog tu mdzes pa shin tu yon tan phun sum tshogs pas yongs su bskor ba der gnas par byed do// lha de dag 'dod pa'i yon tan lngas rtse/ bar gyur pas mi ngoms pas rtag tu yang gdung ba de dag tshim pa'i mtha' 'byung ba med do// ji ltar bud med shing rlung dang rnam par 'dres pa'i me ni ngoms pa nam yang 'byung bar mi 'gyur ro// de bzhin du srid pa dang bcas pa'i byas pa nam yang tshim pa'i mtha' 'byung ba med de/ de ci'i phyir zhe na/ thog ma med pa'i dus nas bzung nas 'jug pa'i sred pas bslus pa'i byas pa so so'i skye bo'i sred pa ngoms pa med pa'i sred pas nye bar song ba'i yid dang / rang gi yul la yang ngoms pa med pa rnams bde ba'i dbang pos nam yang tshim pa skye ba ma yin no// dga' bar gyur pa'i stegs bu de la khang bu mchog tu dga' ba/ mchog tu rgya che bas dga' bar gyur pa/ mchog tu yon tan phun sum tshogs par lha de 'dod pa'i yon tan lnga la rnam pa du ma dang / rnam par rtog pa du mas 'dod pa du ma dang ldan pas lhan cig tu dga' bar byed do/ / de nas bag med pas rgyu ba de dag de ltar rjes su tshol bar gyur pa gang yin pa'i lha de dag rnams bag yod par gnas pa de dag gis de rnams mthong nas rjes su brtse bas kyang tshigs su bcad pa brjod pa/ ji lta ji ltar sems byed pa// de ltar des ni 'dod par mthong // dge ba yis ni 'dod pa 'jig/ mi dge bas ni rab tu 'phel// sems zhi ba ni yid kyis ni// 'dod pa mtshon dang dug

  142. 72a

    bzhin mthong / / blo rab ma zhi byis rnams kyis// dga' bar gyur pa mthong ba yin// dbang po rnams dang yul rnams kyang // rang sems 'di la rag las yin// sems ni kun nas 'di sbyor bas// yongs su smin par 'gro ba yin// de nyid ring bar gyur pa yis// brtan pas legs par 'ching ba yin// gzugs kyi spyi ni ma mthong na// yongs smin ji ltar so so yin/ / gzugs ci 'dra ba de 'dra kun// yul ni sems kyi rgyu las yin// sems dul ba ni rtag tu zhi// skyon dang 'dres pa rnam par smad// ji ltar chu ni gcig nyid la// mdog gzugs rnam pa tha dad yin/ / kun nyon mongs sogs sna tshogs nyid// de bzhin sems la rab tu 'jug/ gang yang bskyed pa'i dbang gis ni// phyi yi 'khrul 'khor bya ba byed// sems kyi ga/ pa de yi ngag/ 'jig rten 'di ni rab tu 'jug/ sems can bag med nyer bcom pa// 'dod pa'i ro la de mchog 'dzin// gzugs rnams la ni rtag tu chags// yongs su 'gyur ba mi shes so/ / rgyun ni grib ma'i gzugs legs pa// las kyi rnam smin gang yin pa// de ni mthong nas ji lta lta// 'dod spyod yul la dam par 'gro// gal te 'dod pa rtag yin na// de la 'bral bar 'gyur ma yin/ / de lta yin dang 'dod sred la// dam par 'gro min sbyang ba ni// dang por mi rtag sdug bsngal dang // stong dang bdag med nyid kyang ste// sdug bsngal rnam smin can de la// ji ltar

  143. 72b

    chags 'gyur blo ldan rnams/ / mtho ris las ni rab nyams nas// las kyis khrid par gyur pa yis// yul rnams kyis ni bslus pa'i yang // las de dmigs pa ma yin no// de lha de ni bag med pa ma yin/ bag med pas gnas pa ma yin pa de lha gzhan de dag la tshul du mas rjes su ston no// yang dag par gyur pa'i las kyi rang bzhin so so'i las kyis byas pa'i rang bzhin yang dag par mthong nas so so'i las kyi 'jigs pas rjes su brtse bar gyur nas 'chad par byed do/ / de ltar rgyun gyis rnam par rgyu ba'i lha rnams rgyun gyi ri la dga' bar 'gyur ro// rnam pa du mas de kho na nyid nges par byed pa mthong ngo / / gzhan yang lha gang dag rgyun gyi ri la gnas pa de dag gi nags dang / nye bar nags de dag mchog tu dga' bar gyur pa phal cher nags de dag ni bai DUR+Ya'i rang bzhin dang / dngul gyi rang bzhin yin la/ ji ltar de dag gi gtso bo rnams kyi ming du gyur pa ni/ 'di lta ste/ grib ma gcig pu pa dang / de la grib ma gcig pu pa ni grib ma med pa yin te/ de la grib ma gcig pu'i nags kyang bai DUR+Ya'i rang bzhin mchog tu dga' ba mnan na nem la/ bteg na 'phar ba'i sa'i chal bya'i tshogs kyis sgra kun tu sgrogs pa pad+ma'i rdzing bu brgya phrag dang ldan pa/ 'bab chu dang / rdzing bu dang / mtshe'u brgya phrag dang ldan pa rnams na lha de dag dga' bas gnas pas rnam pa du mar dga' bar byed do// de la grib ma gcig pu pa nyid kyi nags na rdzing chen po lnga la ngang pa dang / kA raH

  144. 73a

    Da ba dang / ngur ba rnams phan tshun du mchog tu rangs par gyur pas/ rnam pa sna tshogs pa'i skad gdangs kyi sgra thos na ches dga' ba rnam pa du mas legs par bsgos pas sgrogs pa'i sgra rnams kyis dga' bar byed de/ chu las skyes pa du ma chu las yang dag par byung ba rnams la rlung gis spyod pa'i rlabs kyis shugs chen pos 'dam gyi dri ma dang rnam par bral ba/ mchog tu dri ma med pa'i rdzing bu'i pad+ma'i khebs bu ga dang 'dab ma gzhan gyi bu ga la phan tshun cig grogs su gyur pas dga' zhing kun tu spyod par yang byed do/ / de la rdzing bu lnga po 'di rnams kyang yod de/ de bzhin du mtho na dga' ba dang / ngoms pa med pa'i chu dang / bya mngon par dga' ba dang / rtag tu kun dga' ba dang / lha rnams dga' ba'o// de dag la dbyibs du ma dang / kha dog du mar gyur pa'i bung ba brgya stong du ma bkrabs mchog tu dga' bar gyur pa'i bdud rtsi gcig tu ro la sred pa'i bung ba rnams 'thung bar byed cing mchog tu rgya che ba'i sgra 'byin par 'gyur la/ de dag der kun tu sgrogs pa thos pas yid 'phrog pa legs par mthong nas/ lha rgyun na spyod pa de rnams rab tu rgyug par byed do// rdzing bu de dag rnams kyi chu ni shin tu rab tu dang ba mdog dang / dbyibs dang / mchog tu dri zhim pa'i chu rnams lha de dag g is yang dag par mthong nas rdzing bu de dag rnams su rims kyis zhugs te lhan cig spyod pa dang bcas nas chu'i rtsed mo rnams byed par 'gyur bas 'dod pa'i yon tan lngas ches phun sum

  145. 73b

    tshogs pa nye bar longs spyod la/ de dag rnam pa de lta bu'i dga' ba yang dag par skye zhing rnam pa du mar dga' bar byas nas/ gzhan yang mchog tu yid 'phrog pa'i sgra 'byung bar 'gyur te/ rnam par 'dres par rnam pa sna tshogs pa rnams la 'di lta ste/ gru'i sgra dang / dri za'i sgra dang / chu'i sgra dang / rnam pa sna tshogs par bya ba'i sgra 'byin pa ste/ sgra de dag rnams phan tshun du rnam par 'dres pa dang / phan tshun du tshig tha mi dad pa rnams kyis dga' bar gyur pa'i tshig dang gcig tu rgyun na sgra sgrogs pa kun nas 'dres pa rnams kyang / de bzhin du mdzes pa dang / de lhan cig spyod pa dang bcas pa'i lha de dag rnams dang / bya rnam par sgra 'byin par kun tu 'dres pa rnams dang / de bzhin du de dag rnams kyi glu'i sgra du ma rnam par 'dres pa'i tshig rnams thos nas yid 'phrog pa 'byung ngo // gang dag ri'i gse ba gzhan rnams la lha rnams rtse dga' ba de dag rnams kyi don 'dod pa thams cad mchog tu phun sum tshogs pa la rtse ba rnams la gtso bor mi byed do/ / gang yang phyogs gzhan na ri dgas dang bya rnams dga' bar byed cing / rnam pa sna tshogs par mchog tu dga' bar 'gyur ba'i bza' ba gang yin pa rnams za bar byed pa de rjes su btang nas rna ba dang mig g.yo ba med par gang rnams 'dres pa'i bya'i rnam par brjod pa dang / legs par 'dres pa'i glu'i sgra rnams nyan par byed do/ / de ltar blangs pa'i mi rtag pa mchog tu dga' ba gang dag lan cig dang lan cig ma yin par yang glu'i sgra rnams nyan par byed do// de ltar glu 'di dag sgra dga' bar gyur pa

  146. 74a

    yin te/ gang las gzhan na gnas pa'i lha'i tshogs rnams kyang spro bar 'gyur ba yin no// de nas de ltar rgyun na rab tu rnam par rgyu ba'i lha rnams dus shin tu ring ba'i mchog tu dga' bar gyur pa'i gzhi'i rdzing bu lnga la bde ba la longs spyad nas/ gang na btung ba dga' ba zhes bya ba'i nags btung bas yang dag par gang ba bgrod na dga' gyur pa der 'gro'o// btung ba'i don dang rgyags pas gnas pa'i don du de gang gi tshe/ btung ba'i don du dga' ba der rims kyis phyin par 'gyur ro// de'i tshe legs par byas pa'i las kyis btung ba gzhal du med pa thams cad kyi chu klung rab tu dang ba'i tshul de dag rnams chu de'i nang du nub par zhugs so/ / mchog tu dri dang / ro dang / kha dog phun sum tshogs pa'i rtsi dag 'byung bar 'gyur ro// btung ba gang gis re zhig dri nyid kyang dpag tshad lngar 'gro bar 'gyur rjes su mthun pa dang / bzlog par yang lngas 'gro bar 'gyur ro// ji ltar yang lha rnams ji ltar yang lta ba de kho na bzhin du 'thung ba de dag rnams 'grub par 'gyur ro// rjes su chags pa'i sems kyi dbang gis mchog tu 'jigs pa rnams kyi bde ba'i rtse mo de dag rnams yin no/ / 'di lta ste/ ji ltar 'dod par gnas rnams su rgyu ba'i skyes bu ni rang gnas dang bral bar gyur na yang rang gi sems bde bar kun tu rgyu bas bde ba'i phel na gang yang 'dod pa'i yon tan lnga phun sum tshogs pa rnga skad yan lag lnga pa dang bcas pa dang / rnam pa du mar rang dbang du gyur pa rnams dga' bal lta smos kyang ci dgos/ de dag de ltar rtse bar

  147. 74b

    gyur pa rnams btung ba gang btung ba'i skyon rnams thams cad dang bral bar snying la kun nas legs par ldan pa gang yang dri zhim po phun sum tshogs pa rnams 'thung bar byed de/ rnam pa de lta bu'i dga' ba skye bar 'gyur ba ni gang brjod par yang mi nus so/ / de ltar rgyags pas rnam par rgyu ba'i lha de dag rnams bdud rtsi 'thung bar byed la/ lhan cig spyod pa dang bcas pa rnams dus yun ring du rjes su 'jug go/ sred pas rnam par zhen pa'i yid thog ma med pa'i dus na 'jug pa nyams su myong ba rnams de kho na bzhin du goms par byed pas sred pa'i dug gis rnam par rgyags pa de ltar ngoms pa med pa'i rgyun na gnas pa'i lha de dag rnams 'di snyam du sems te/ ma thang na yang bdag cag rnams rgyun gyi ri 'di'i rgyab tu mngon par 'dzegs par bya'o// zhes de ltar de dag rnams phan tshun 'dum par rjes su 'jug pa'i yid gcig pa nyid du 'dun pa skyes par gyur nas/ de ltar yin no zhes byas nas thams cad kyang yid 'thun par byas te/ gang na ri de yod par rab tu dga' ba'i yid kyis mchog tu gsal ba dang ldan pa de'i gzi brjid 'bar bar gyur pa/ rang gi las la longs spyod pas gang na rgyun gyi ri de'i steng der 'phyo ba'i sems kyis 'bab par byed do// phyin nas kyang mchog tu rdzu 'phrul che bas yan lag lnga dang ldan pa'i rnga skad dang yang dag par ldan pas phyogs 'jig par byed pa/ dri mchog gis kyang gsal bar byed do// nam mkha'i dkyil na skar ma bas ches lhag pa'i lus brtse ba dang ldan pas 'khod par byed do// 'khod nas rdzu 'phrul dang ldan

  148. 75a

    @pas mchog tu legs par byas pa'i las dang ldan pas gang nas de mthong bar 'gyur ba'i ri'i rgyab na dril bu g.yer kha rnams dang / 'bab chu dang / chu klung dang / rdzing bu dang / tshal dang 'jug ngos dang / me tog dang / bya'i sgra skad phun sum tshogs pa dang / lha rdzas mchog gi dri dang / rab tu dang ba dang / nye 'khor yang kun tu mnyam pa dang / 'od dang ldan pa'i ro de'i rgyab tu phyin nas slar nyid kyang nam mkha' la 'khod do/ / mchog tu skyid pa'i lhan cig spyod pa'i grogs rnams dang bcas pa la lha gcig ni brgya kho na'o// gzhan gyi nyis brgya'o// de ni mi rnams kyi ni sum brgya'o// de bzhin du rang gi las kyi khyad par du gyur pa yin no/ / lhan cig spyod pa'i 'khor 'phel ba dang 'grib pa ni gzhan kha cig ni stong ngo // gzhan gyi ni stong phrag gnyis so// gzhan rnams kyi ni stong phrag gsum ste/ de ltar ji srid du stong phrag nyi shur 'gyur ro// rnam pa sna tshogs pa'i gar dang rnga skad kyi sgras bsgrags par gyur pa na dga' zhing glu yang len pas nags nas nags gzhan nye bar ston to// de bzhin du pad+ma'i nags nas rtsi byed pad+ma'i nags rnams su 'gro la/ rtsi 'byung ba dang yang dag par ldan pa rnams nas rtsi'i nags su 'gro bar 'gyur te/ lha de dag rnams rnga skad yan lag lnga nye bar sgrogs par gyur pa'i ri de'i rgyab de na/ gzhan dga' ba lhag par gyur pa'i khams mchog dang rab tu ldan par gyur pa rnams la 'di lta ste/ gang dag rdo yin pa de dag rnams ni thams cad kyang / rin po che'i rang

  149. 75b

    bzhin mchog tu rnam par bkra ba'i cha shas kyi sa'i cha shas rnams yin no/ / nyi ma pas ches lhag pa'i 'od rnams dang ldan pa/ mnan na nem la bteg na 'phar ba ni/ ji ltar 'dzam bu gling pa rnams kyi go ni ka mchog tu 'jam pa'i ras bal gyis bkang ba 'am/ gang nang tshangs can du gyur pa mnan na nem la bteg na 'phar ba rnams sam/ 'jam por gyur pa gzhan yang rung ste rkang pa gzhag gam ma bzhag pa na yang nem par byed pa rnams yin no/ / de bzhin du rgyun gyi ri gang yin pa de'i rgya ba na/ gang cung zad rin po cher gyur pa 'am/ sa'i cha'am/ ljon shing gi yal ga 'am/ ri'i rtse 'am ut+pa la 'am/ nor bu'i rang bzhin rnams rung ste/ de thams cad mchog tu 'jam pa dang / mchog tu reg na bde ba dang / mchog tu mthong na yid 'phrog pas dga' ba ni ji lta ba rnam par bkra ba rnams dang / 'dra ba yin no// rnam par bkra bar gyur pa'i ri de'i rgyab tu phyin nas/ lha de rnams la dga' bar byed cing yongs su spyod do// rnam pa sna tshogs pa'i bde ba'i skal pa can rnams can cig spyod pa'i 'khor dang bcas pa phan tshun du de la rjes su song bas chags pa'i yid can 'dod pa'i yon tan thams cad phun sum tshogs pa'i reg bya'i bde ba nyams su myong bar byed do/ / rgyun gyi ri ni rgyab tu phyin nas mchog tu dga' bar gyur pa'i lha brgya stong phrag du ma'i tshogs kyis gang ba thams cad nas kyang glu dang gar mchog dang ldan pa'i lha'i bu mos yongs su bskor bas/ lha de dag lha'i yul gyi bde ba rnams nyams su

  150. 76a

    myong bar byed do/ / de dag rnams de ltar dga' bas dus yun ring por yan lag lnga dang ldan pa'i rnga skad dang yul lnga'i bde ba rnams kyang nyams su myong bar dus ring por 'das par byas nas/ tshogs pa rnams dang 'dus pa rnams dga' bar byed cing gru mchog gi sgra rnams la yang rab tu chags par gyur pa las/ nam zhig gi tshe na 'thab bral ba'i 'jig rten pa rnams kyis mthong myong ba/ lha mchog gi ming du bya ba'i 'od chen po mchog tu phal che ba gzhan zhig de dag rnams kyis mthong nas/ lha gang dag sems stobs chung ba de dag rnams las kha cig ni ma bzod par gyur pas mig gnyis lag pas bkab nas sa la 'gyel bar gyur to/ / lha gzhan kha cig ni 'od ma bzod nas/ shing gi go skabs rnams su bzha' bar 'gyur ro// rin po che'i rang bzhin gyi phug gi nang du yang lhan cig tu spyod pa'i 'khor dang bcas te gab par gyur to/ / lha gzhan gang dag sems stobs lhag par gyur pa de dag ni sems stobs dang ldan pas tshogs pa rnams de kho na bzhin du byas te/ shin tu ngo mtshar bas yid tshim par phyir nyid kyang des 'gal bar byed par yang mi rtsi bar lta bar byed par rtsom ste/ 'di ci zhig yin par gyur na/ de lta bu 'di gang gi yin/ rnam pa de lta bu 'di gang gi yin/ rnam pa de lta bu gang yin/ pa'i 'od gang gis ri 'di'i rgyab tu de lta bu'i 'od kyis dga' ba de lta bu'i rin po che dang ldan pa/ de ltar kun nas 'bar ba dang ldan par gyur ces de skad du yang brjod nas/ ji ltar bdag cag rnams kyis sngar nam yang

  151. 76b

    ma mthong ngo zhes de ltar yid la byas te/ nam mkha' la lta bar brtsams pa na/ ji srid du 'od chen por gyur pa lhung bar mthong ste/ mchog tu gyur pa'i 'od 'bar ba dang / ldan pa dang g.yo bar gyur pa nam mkha' las lhung ngo / / lhung bar gyur pa'i 'od de la kun tu lta bar byed cing / 'od ltung ba 'di'i 'od kyi tshad ni ji tsam cig yin par gyur na zhes/ de'i tshad tsam 'ba' zhig rnam par brtags pa tsam gyis bltas nas gleng brjod kyang byed de/ ji ltar dpag tshad lnga stong rnams su 'thab bral gyi nam mkha' la rab tu 'bar ba bzhin du 'od 'bab cing rab tu lhung ste/ rnam pa de lta bu'i 'od byed pa 'di gzhal bar yang mi nus so// de nas ji ltar 'od de dang nye bar gyur pa de ltar mchog tu sems stobs dang ldan par gyur pa'i lha des kyang blta bar mi nus pas mig dag 'dzums par byed do/ / de ci'i phyir zhe na/ gzi brjid gang ma bzod pas mig rnams kyis rtogs pa'i yul ma yin pa'i phyir ro/ / slar yang mig 'gebs par byed do// lag pas yud tsam cig bkab nas slar yang ca co legs par skyed pa'i yid can rnams phyir mig rnam par phye nas/ sngar yang nam mkha' de nyid la yang dag par lta bar byed do/ / de nas slar yang nam mkha' de nyid blta'o// de nas phyis yang nye bar song nas lta bar byed do// de'i tshe de ltar gyur pa'i 'od de la the tsom du gyur pa'i yid kyis phan tshun du gtam byed pa ni/ de ltar ngo mtshar skyes pas nam mkha' las rab tu lhung bar gyur pa 'di dag ci yin/ rgan pa rnams kyis kyang bzla bar nus pa ma yin pa gang gis/ lha'i 'jig rten 'dri

  152. 77a

    thams cad rab tu 'bar bar gyur pa nyid kyi rnam pa de lta bu ngo mtshar ba 'di ci yin/ de nas 'od 'bab par gyur cing / rab tu ltung bar gyur pa'i 'od de nyid shin tu ring ba na nam mkha' rab tu zhi zhing nub la nges par 'gags par gyur to/ / nam mkha' la gnas nas rab tu bab par gyur pa de legs par 'gags pa dang / de nas lha gang dag shin tu sems stobs dman par gyur pa de dag rnams de 'gags par gyur pa'i tshe na/ phyir yang phug gi sgo rnams nas byung nas rjes su spyod pa'i 'khor dang bcas pa rnams 'jigs pa dang bral nas de dag phan tshun du gtam byed pa rmad du byung bar gyur pa dang / ngo mtshar ba bskyed pa dang / bdag cag rnams 'jigs par byed pa po byung ba 'di dag ci yin zhes so// de nas de skad smras nas kyang de nas de kho na skud pan tshun du brjod kyang legs par shes pa yang ma yin no// de nas ngo mtshar ba cig byung ba de dag ci yin zhes de ltar dus ring du so sor rtogs par byed de/ cung zad cig ni ngo mtshar ba yin la/ rmad du byung ba de dag ni byung ba yin zhes de nas de ltar dus yun ring du rtogs pa cung zad cig ni 'jigs pas yin no/ / de nas de ltar rgyun gyi rgyab na gnas pa'i lha rnams dag cha ba dang / kun du spyod par yang byed pa las gzhan yang g.yo ba'i sems yin pas dang / yul gyis kun nas phrogs pa'i phyir tsam pa du mar spyod cing kun tu spyod par byed de/ rnam pa mang po dang / rnam par rtog pa du mar rnga skad yan lag lnga pas nags dang tshal rnams su dus yun ring por 'da' bar/ lha dang lha mo brgya stong phrag khrag/

  153. 77b

    khrig du mas yongs su bskor nas/ lha shin tu 'thab bral dang shin tu 'thab bral gyi mnga' bdag mu su lun d+ha rgyun gyi rgyab de nyid la gnas te/ rnga skad yan lag lnga pa nye bar sgrub par byed do// dus ring du/ 'da' bar yang lha dang lha mo khrag khrig brgya stong du mas yongs su bskor te/ lha shin tu 'thab bral yang shin tu 'thab bral gyi mnga' bdag mu su lun d+ha dang / de kho na bzhin du rgyun gyi rgyab tu gnas nas rngadza skad yan lag lnga pa bsgrags par gyur pa dang / yid kyang rab kyi mchog tu dga' bas pad+ma'i stan rnams la yang legs par gnas pa rnams la/ lha brgya stong du mas rgyan dang cha byad sna tshogs pa dang wa pa 'od zer yang du ma dang ldan pa rnams kyis glu dang rol mo brgya stong nye bar bsgrags par gyur pas mchog tu snyan par rjes su zhugs pa/ yid shin tu rab tu dga' bas ri de la rtag tu nam mkha' gang ba bzhin du ste/ de na gnas pa'i tshogs pa thams cad kyis rnam pa du ma dang / rgyan dang cha byad du ma dang / gzugs du ma dang / yon tan brgya stong du ma rnams dang ldan pa'i lha'i bu mo rnams kyis yongs su bskor te/ ri de'i rgyab na lha'i tshogs gnas nas 'dod pa'i yon tan lngas dga' bar byed pa rnams mthong ngo // de dag rnams 'thab bral gyi mnga' bdag gis mngon par mthong nas/ shin tu mchog tu rangs pas lhan cig/ rjes su spyod pa dang bcas pa rnams rings pa dang bcas pa nyid kyis tshogs pa'i rgyun gang la so sor gnas par nye bar rgyug par byed la/ de dag rnams kyis kyang mu su lun d+ha de mngon par mthong nas rings pa dang

  154. 78a

    bcas pas gang na lha'i bdag po yod pa der phyir 'brang ba'i 'khor dang bcas pa rnams nye bar rgyug par byed do/ / rol mo dang glu dang bcas pa/ klu la rab tu rjes su dga' ba yid can de dag rnams phan tshun 'dres par gyur pas gnas bzhin du rtag tu nam mkha' la dang / ri de'i rgyab la yang gar byed par 'gyur ba dang / glu len par 'gyur bas kyang mu su lun d+ha mngon par bstod par byed cing / rnga skad yan lag lnga dang legs par ldan zhing yang dag par ldan pas dus yun ring por rtsed mo du ma byed do// de dag rnams de ltar rtse bar byed pa dang / dga' bar yang byed pa las gzhan yang dus ring du 'da' bar gyur pa na rnam pa de srid kho na'i 'od kun tu byung bar gyur pa ni snga ma kho na bzhin te/ de nas gzhan yang lha rnams skyes pa ni mchog tu ngo mtshar ba yang dag par skyes pa ste/ gzhan 'ga' zhig ni shin tu 'jigs pa'i yid kyis gang na lha'i bdag po yod pa der yang dag par 'khyud par byed de/ shin tu skrag par snying la rjes su zhugs pa'i phyir ro// gzhan ni nam mkha'i dkyil du lta bar gyur pas dkyil de la ched che ba skye'o/ / gzhan 'od de lhung ba'i don gang yin pa thos pa rnams ni ltung ba de nges par shes pa po lha mu su lun d+ha la sogs pa bag med pa dang bral ba rnams de'i tshe gus pa dang ldan pas sangs rgyas la rab tu phyag 'tshal bar byed do/ / gzhan dag ni sems stobs nyams pa dang brtan par gnas pa bcom pas/ phug gi sgo dang shing gseb rnams su gab par gyur to// gzhan ni slar yang ba

  155. 78b

    na 'thab bral gyi bdag po yod pa der skyabs pa'i don du rgyug par byed de/ skyabs btsal ba'i don du'o// de dag de ltar mchog tu ngo mtshar rmad du byung ba shes pa po mngon par mthong nas/ thams cad kyis mu su lun d+ha la gsol pa/ 'od nam mkha' la gnas nas lhung ba gang yin pa de dag ji lta ba bzhin du lhas shes par mdzad du gsol/ lha legs par shes par mdzod dang rnam pa de lta bu lhung de ci lags de nas lnga de dag rnams gang yin pas mi shes pa'i don de dag rnams kyis lha'i bdag po de la 'di skad ces smras so/ / ji lta bas bdag cag rnams kyis mi 'tshal na/ lha rnams kyi bdag po ngo mtshar ba de dag ci lags/ 'di dag bdag cag gis mthong nas kyang rtogs pa ni ma lags/ rnam pa de lta bu 'di lta bu 'di ci lags/ deras lha'i tshogs thams cad 'dus pa la 'thab bral ba rnams kyi bdag pos 'di skad ces brjod do/ / rung gis gang zhig bdag nyid thams cad kho nas nam mkha' las lhung ba de dag ni/ mchog tu nges par 'bar ba gang yin pa de ni mig las 'das pas lhag par gnas pa/ khyed rnams kun nas skrag par byed pa dang / ngo mtshar bskyed par byed pa rnams nyor cig/ de nas ngo mtshar bas yid tshim pa med pa'i kun nas 'dus pa de dag rnams nyid thams cad la 'thab bral gyi bdag po des 'di skad ces brjod de/ / nyon cig dang gang yang lhung ba de dag ni rnam pa thams cad du tshad dang / mdog dang / dbyibs dang / tshe'i tshad ring ba dang so so'i las rnams kyang

  156. 79a

    re re zhing brgya 'gyur gyis lhag par gyur pa'i lha'i ris bdag cag gis steng na gnas pa na ni/ byang chub sems dpa' rnams kyis gzhal yas khang ste/ mchog tu rnam par dag pa tshul khrims rnam pa lnga ma nyams pa/ ma rdol ba/ ma zags pa/ brtan pa/ snying po dang ldan pa dang / rnam pa du mar yang ste/ mir gyur pa gang dag lus zhig nas mtho ris bde 'gro'i 'jig rten dga' ldan gyi lha zhes bya ba de dag rnams kyi nang du skye bar 'gyur ro/ / de dag gi yang rtsed mo gang yin pa dang / dga' ba gang yin pa dang / nags tshal gang yin pa dang / lha'i bu mo gang yin pa dang / 'od zer gyi rnam pa ji lta bu yin pa dang / gang yang gzugs dang gzi brjid gang yin pa dang / gang yang shes rab dang / gang yang tshe ring ba dang / ji srid du rnam pa du ma rnams dang / gang yang bde ba rnams dang / lus dang / yid dang / gang yang longs spyod dang / rnam pa ji lta bu'i gzugs kyi lha'i bu mo rnams kyi yang khyad par la 'thab bral gyi lhas bcu drug char yang mi phod do// de dag rnams kyi gzi brjid gang yin pa 'di bdag cag rnams kyis brjod par mi nus so/ / de dag rnams kyi khyad par gyis bdag cag rnams srin bu me khyer tsam du yang gzi brjid kyis mi phod la/ longs spyod kyis kyang mi chog gi/ cung zad tsam cha 'dra bar zad do// de dus ring por rnam pa du mar bde ba rnams la longs spyad nas lha'i mchog tu dga' bar gyur pa'i bde ba mchog 'dod pa'i yon tan lnga dang ldan

  157. 79b

    par gyur pa rnam pa sna tshogs pa'i yul la longs spyod pa dga' bar gyur pa ni/ 'thab bral gyi lha rnams las rim pa thams cad kyis shin tu 'das pa yin zhing dus yun ring du 'das pa'i phyir dang / de'i las rnams kyang zad pas dang / mi rtag pa'i thog nges par bab pas dang / nges par myong bar 'gyur ba yin pas te/ sems can thams cad kyis nges par myong bar 'gyur bar nges pa ni gang longs spyod dang / na tshod dang / shes pa rnams sems can thams cad kyis nges par myong bar 'gyur ba ni mi rtag pa'i dbang gis na tshe yongs su zad pas dang / legs par byas pa'i las rnams kyang yongasu zad par gyur nas 'chi 'phos nas/ dga' ldan gyi lha'i ris de las lhung ba yin no// 'byung bar 'gyur ba'i 'dus byas de ni sna tshogs pa'i bud shing dang / chu dang yang dag par ldan pas/ 'di lta ste/ skye ba dang gnas pa'i yan lag rnams kyang gar skyes pa'i 'dus byas rnams ni stobs kyis mi 'jig pa de ni khams gsum na yod pa ma yin te/ mi zad pa dang mthar thug par mi 'gyur na ni de dag rtag par 'gyur ba zhig na sems can dang bcas pa rnams la gnas skabs 'di ni dmigs pa yang ma yin te/ 'dus byas rnams ni 'jig par 'gyur ba'i ngo bo yin pa'i phyir ro// sems can nges par lhung ba'i mtha' pa yin pas/ bdag cag gi lha'i ris su de dga' ldan nas lhung ngo // de'i yang legs par byas pa'i las zad nas de'i rjes nyid la 'chi 'pho bar 'gyur ro//

  158. 80a

    dang sdong bu zad pa na sgron ma sgron ma'i yul phyogs su dus kyi rlung gis yid rnams rab tu nyams par 'gyur ro// ji ltar sa bon gyi rnam pa nyams pa'i dus kyis rjes thogs la myu gu/ skye bar 'gyur ba de bzhin du las dang bcas par lkog tu gyur pa'i tshe yongs su zad par gyur pa de dag de'i rjes la de ltar 'chi 'pho ba'o// de'i 'od de dag khyed kyis mthong bar zad do// las yongs su zad nas shi ba'i ro de'i lus rnam par nyams pa de'i 'od kyang 'di yin na/ gang yang gzhan las gcig gis yongs su sprul pa'i mchog tu rgya che bas mchog tu rgya che bar gyur pa/ nges par 'byung ba'i las kyi 'bras bu dge bas sprul pa mchog tu 'od kyi rang bzhin yin pa de'i dpe brjod pa 'dis ni kye 'thab bral ba rnams dpe brjod pa go bar gyis shig dang / gang la rnam pa 'di lta bu'i 'od yod na/ 'od dang rgyan du mas mngon par brgyan pa mchog tu yid du 'ong ba gang yin pa'i dpe brjod bya bar mi nus te/ de rnam pa 'di lta bu'i dge ba'i las kyis bzhi 'gyur du sprul pa de yang yongs su nyams par 'gyur na// sum 'gyur gyis shin tu chung ba'i las kyis sprul pa 'thab bral ba rnams su skyes pa khyed cag rnams kyis bdag gis dngos po rnyog ma dang bcas pa dman pa'i lus rnams la lta ci smos/ de nas de'i tshe mu su lun d+has tshigs su bcad pa brjod pa/ ji ltar/ mi rtag dmigs bzlog 'od kyis ni// rab tu bsregs pa dga' ldan lha// de dbang ltos nas nges par 'gag/ mar me snum ni zad//

  159. 80b

    pa bzhin// las kyi 'phen pas 'phangs pa yi// bcu gnyis rtsibs ni stobs po che// las kyi 'khor lo 'khor ba 'di// ltung zhing skye bas g.yo ba yin// rnam pa sna tshogs yul rtsom pa/ / du ma'i kha dog dang ldan pa'i// dga' ldan ltung 'gyur rang dbang med// dus kyi dbang gis 'ong ba yin// dus kyi dbang gis zhugs pa ni// ji ltar shing rnams skye ba yin// de yang dus pa/ phrad nas ni// 'od ni 'dir ni 'ongs pa yin// ji ltar dus su legs phyin nas// lha ni bde bar 'gyur ba yin// phyi nas de nyid kun btang nas// dbang dang bral bas de ltung ngo // las kyi dus kyi yongs thob nas/ / 'jig rten 'di ni yongs su 'phel// bde ldan sdug bsngal ldan 'gyur ba// dus kyi dbang gis 'ong ba yin// gal te bde 'am sdug kyang rung // 'jig rten rtag par yid brtan min// rgyu dang rkyen gyis bskyed pa yi// de sdug rnam pa tha dad de// yod ma ni bde ba 'ga' zhig ni// de dag las dbang rjes su 'gro// de ltar sdug bsngal mi 'dod kyang // skyes bu las kyi rgyu can yin// phan/ tshun 'bras bu kun byung nas// 'dus byas kun ni rab tu 'jug/ de nyid rgyur ni shes byas pa// 'phags pa'i bden pa bzhi yin te// 'phags pa'i bden pa rtogs pa yi// skyes bu rtag tu grol pa yin/ / yul la shin tu rmongs pa yi// skye dgu 'khor ba 'khor lo bzhin// don rig de nyid la mkhas pa// skye bo yang ni grol ba yin// de de ltar rtogs sems can ni// skye dgu thams cad

  160. 81a

    rtag pa yin/ / blo ldan legs par bya bar gyis// skyon rnams kyang ni spang bar gyis// de ltar 'jigs pa dang bcas pa'i 'thab bral gyi lha shin tu 'thab bral la sogs ba de dag rnams la rnam par rtog pa du mas kyang lam de ston pa chos nyid dang nye bar 'brel ba'i 'thab bral gyi mnga' bdag des chos bstan to/ / de nas lha de rnams bsam pa tha dad pa skyes pa'i yid can rnams la 'ga' zhig ni skyo bar gyur pa'i yid can du 'gyur ro/ / kha cig ni 'khor ba la mngon du phyogs par gyur pa'i yid can du gyur to// gzhan ni rab tu 'jigs pa'i yid skyes so// gzhan ni mi slu ba'i tshig thos nas slar yang 'jug par byed pa'i yid kyis yul de rnams la ched du byed pas/ nags dang nye ba'i nags dang yang dag par ldan pa'i rnam pa sna tshogs pa'i skyed mos tshal dang / 'bab chu dang / rdzing bu dang ldan pa khri shing dang ljon pas gang ba dang / rin po che'i khrod dga' ba rnams na bya'i skad rnam pa sna tshogs pa thos na yid 'phrogs pa/ pad+ma'i rdzing bu brgyas brgyan pas dga' bar gyur pa na/ rin po che sna bdun dang ldan pa de na sgra dang / reg bya dang / ro dang / gzugs dri rnams kyi yul dang glu mkhan du ma yid du 'ong bas bsten pas rgyun gyi ri'i rgyab dga' ba na rjes bzhin 'brang ba'i 'khor dang bcas pa yul la 'dzums pa skyo ba de mchog tu ma bgrangs par phyir yang dga' ba'i yul gyi dbang du gyur nas/ lhan cig spyod pa'i 'khor gyis bskor nas dga' zhing kun tu spyod do// rnam pa hA

  161. 81b

    t shogs pa'i yul gyi bde ba rnam pa du ma la brten nas bsgrub par dka' ba'i ri las gyur pa'i sems spre'u de rnam pa de lta bu'i bde ba dang yang dag par ldan pa'i lha rdzas kyi bde ba nyams su myong bar gyur pa las/ gzhan yang gang na rtsed mo'i nags legs par gnas par de dag nyid dang / mu su lun d+ha dang bcas pa rnams kha cig ni nam mkha' las so// kha cig ni bzhon pa chen po rnams kyis so// kha cig ni rnam par rtog pa du ma dang ldan pa'i shing rta'i bzhon pa la zhon pa la/ 'di lta ste/ rma bya'i rgyab tu dang / kha cig ni glang po che'i bzhon pas so// kha cig ni ngang pa'i bzhon pas so// kha cig ni ka ran Da ba'i rang bzhin gyi bzhon pas so/ / kha cig ni bud med kyi tshogs kyis yongs su bskor cing glu len par byed de/ glu dang / rnga sgra dang / rol mo sgra kun tu sgrogs pas mtho ris kyi nye ba'i nags su byed pas/ mu su lun d+ha sngun du byas nas/ gang na rtsed mo'i nags zhes bya ba'i nags mu su lun d+ha'i gnas yod pa der nye bar 'gro'o// rnam pa sna tshogs pas bskyed pa'i blos gnas pa de lha 'ga' zhig ni yid 'byung bar 'gyur ro/ / kha cig ni bag med pa la gnas pas de bzhin du dga' bar byed de/ rnam par rtog pa du mas yul gyi bde ba rnams la'o// de ltar gang rtsed mo'i nags nargyun du gnas pa'i 'thab bral gyi lha rnams dang / gzhan yang tshogs pa rgyu ba na gnas pa de dag rnams yang rgyun gyi ri'i rgyab tu rnam pa sna tshogs pa'i bsam pa can rnam pa du ma'i blo dang ldan pa rnams

  162. 82a

    dga' bar byed pa kun tu dga' bar yang byed de/ kha cig ni skyo ba'i yid can du 'gyur ro// de ltar rnam pa du ma dang / rnam par rtog pa du ma dang / yul du ma la dga' bar byed de/ rgyun na gnas pa'i lha de rnams dus de srid du dga' bar byed/ kun tu spyod par yang byed de/ ji srid du 'dod pa sdug pa yid du 'ong ba'i rgyur gyur pa'i yid du 'ong ba'i las rnams zad pa dang / rul ba dang / rnags par ma gyur kyi bar du'o// de dag de ltar yang yul du ma'i bde bas rnam par mi ngoms pa'i lha'i ris de las 'chi 'pho ba dang / 'chi 'phos nas kyang bsgrubs pa bzhin du las kyi zhags pas nye bar bcings nas dmyal ba dang / yi dgas dang / dud 'gro rnams su skye bar 'gyur ro// de dag rnams gal te gzhan du mi rnams dang skal ba mthun par mir skyes na de dag tu gzhon shacan gyi mchog tu 'gyur ro/ / dbang po ma nyams pa dang / blo dang ldan pa dang / mchog tu blo rgya che ba dang / mchog tu phun sum tshogs pa dang / yul ljongs thams cad kyis mchod par 'gyur ba dang gzugs dang ldan pa dang / 'jigs pa dang bral ba dang / rgyal po 'am/ rgyal po'i bka' blon par yang las de dag gi rgyu mthun pas 'gyur ro// gzhan yang dge slong las kyi 'bras bu rnam par smin pa rnams shes pa de/ 'thab bral gyi lha rnams kyi sa la rnam par lta bar byed pa na/ 'thab bral ba'i lha rnams kyis rgya chen po'i khor yugan rgyu ba zhes bya ba ji lta ba bzhin du yod pa des thos pa

  163. 82b

    las byung ba'i shes rab kyis mthong la/ der las gang gis sems can rnams skye bar 'gyur ba des thos pa las byung ba'i shes rab kyis mthong ba ni/ skyes bu dam pa gang gis skyes bu dam pa'i rjes su bsten pa/ las dang 'bras bu la dad pa dang ldan pa/ drang po drang po'i rang bzhin can chos kyi rjes su 'jug pa/ tshul khrims dang ldan par gyur nas dad pa'i stobs kyis rtag tu yang las rnams la sems par gyur pa yang dag pa'i lta ba can/ yang dag pa'i lta ba sngon du 'gro bas sems las su rung ba dang / rtag tu yang rgan po rnams kyi rjes su gdams par byed pa'i dge ba'i bshes gnyen la bsten pa sangs rgyas dang / chos dang / dge 'dun la rtag tu dang bar gyur pa'i rang bzhin can 'chi 'pho dang skye ba'i rgyun la dad pa dang ldan pa/ rtag par yang legs par rab tu bzung ba'i dbang po can yul rnams kyis bsdus pa'i 'khor ba'i 'jig pas 'jigs pa dang ldan pa/ rnam par 'bral ba'i sdug bsngal gsal bar shes pa skye ba dang / rgas pa dang / 'chi ba dang / mi mthun pa dang phrad pa dang / mthun pa dang bral ba'i sdug bsngal mngon par shes pa nye bar len pa'i phung po lnga'i nyes dmigs rnams shes pa/ rtag tu yang dag par brtson pas dge ba'i las rnams la spyod pa/ sdig pa'i grogs po yongs su spangs pa/ rtag tu yang dam pa'i chos nyan pa la thod par gyur pa der gtogs pa rnams la dpyod par byed pa thos pa'i don de kho na nyid la blo gzhol

  164. 83a

    ba/ de'i sgo nas de la ched cher byed par 'dod pa'i ro myang ba rnams snying po med pas shes pas rtag tu yang dbang po lnga legs par sdom par gyur nas srog gcod pa dang / ma byin par len pa spangs par gyur pa ni snga ma bzhin te/ 'dod pa la log par g.yem pa yang yongs su spangs par gyur pa ni bud med rnams dang lhan cig tu mig kyang legs par lta bar mi byed do// de dag gi gar ram/ glu 'am/ rgyan gyi sgra thos na yang ro myang bar mi byed do// cung zad tsam zhig kyang mthong ba 'am/ thos pas kyang tshul bzhin ma yin pa yid la byed pas/ lhan cig dga' bar byas nas rangs par byed pa dang / de la song bar 'gyur ba'i yid can yang ma yin no// rmi lam na yang bud med dang sten par byed pa dang / nyin mo yang rnam par zhen par byed pa dang / de la song ba'i blos tshul bzhin ma yin pa yid la byed pa yang ma yin no/ / rtag par ldan par rab tu 'jug par mi byed do// rtag par yang tshul bzhin du yid la byed pas rgyu bar byed do// dug bzhin du yang 'dod pa la log par g.yem pa yongs su spong bar byed do/ / de de lta bu'i yon tan rnams dang ldan pa de dge bar spyod pa/ rtag par yang dge ba la 'jug pa'i blo rnam pa du mar dri ma'i rnyog pa legs par sbyangs pa/ drang po drang po'i rigs can kun nas yongs su dag pa'i tshul khrims spyod par gyur pas/ lus zhig pa na mtho ris bde 'gro'i 'jig rten las 'thab bral gyi lha rnams kyis rgya che ba'i khor yug na spyod par skye'o// yon tan gsum

  165. 83b

    dang ldan pa des pasten cing bsgoms la lan mang du byas pa'i 'dod pa sdug pa yid du 'ong ba'i tshul khrims la spyad pa'i 'bras bus der skyes pa na/ lha'i bya mthong zhing sgra legs par 'don pa yang thos te mchog tu thos na yid 'phrog pa dang / mdog blta bar sdug pa dang / bya de rnams kyis kyang sdom par bya ba de dag rjes su longs spyod par byed de/ dang po kho na reg par byed pa yang mchog tu bde ba'i reg bya can bde ba byed pa'i reg bya gang yin pa sngon nam yang ma reg pa rnams so/ / yid kyang shin tu rab tu dang ba rnyog pa med pa rab kyi mchog tu rangs pa/ mchog tu yid du 'ong bar spyod pa'i yid dang yang dag par ldan pas yid rab tu rangs pa yin no/ / ro rnams kyang rnam pa sna tshogs myong bar byed do// gang yang sngon nam yang ma myangs pa de ltar rnam par shes pa drug gi tshogs rnam par chags shing dga' ba de ltar snga na med pa nye bar longs spyod par gyur pa na 'di snyam du sems te/ 'jig rten 'di ni gang yin/ gang zhig tu bdag byung bar gyur na/ de la bdag gis thams cad shin tu dga' bar gyur pa dang / 'jig rten 'di thams cad kyang 'dod pa sdug pa yid du 'ong ba'i gzugs gcig tu bdag gis mthong ngo / / gzhan yang rang gi lus kyi bkod pa mthong ba na rang gi 'od nyi ma pas ches lhag pas rnam par rgyal bar gyur pa sha dang / rus pa dang / chu ser dang bral ba/ mi gtsang ba rnams dang bral ba/ mig 'dzums pa dang 'byed pa dang bral ba/ rtsa dang rgyus pa dang rus pa rnams dang bral ba/ tshigs dang gnad pa rnams dang

  166. 84a

    de kun nas 'dzin pa dang bral ba/ sa gzhi dang grib ma dang bral ba/ rtsub mo dang bral bas lus dang yul dang yul phyogs so so shin tu 'jam pa/ rdul dang 'gro ba las kyis dub pa dang bral ba/ glon pa dang / 'dod pa'i thog brdungs dang 'gro 'ong don du gnyer bar thug brdungs dang bral ba/ chu ser rdo rje'i kyog dang phan tshun du 'gal ba'i 'khor lo spu'i kyi kyo gcig tu skyes pa'i spu dang sgra rnams dang bral ba/ pags pa dang mig gis mthong ba dang thogs pa dang bral ba/ sgra dang / reg bya dang / ro dang / gzugs dang / dri rnams kyi yul rnams la dog pa dang bral ba/ lus kyi ring ba dang / thung ba dang bral ba/ gsar pa dang / gsar pa ma yin pa las 'das pa nyid kyi lus de'i dus na bud med la lta ba'i ser sna dang / phrag dog dang / 'jigs pa dang // zhen pa dang bral ba/ 'dus pa la dga' ba dang bral ba/ spong ba don du gnyer ba'i 'jigs pa dang bral ba/ ngar 'dzin pa 'khor lo'i rdzas dang 'gro ba dang 'ong ba na phyir rgol ba'i 'jigs pa dang / sprul pa'i gnas la 'jigs pa dang / rang gis bud med yongs su 'dzin pa'i skyon rnams dang bral ba/ kha cig ni nags na kun tu rgyu ba'i 'jigs pa dang / dgra'i 'jigs pa dang bral ba/ dog pa'i 'jigs pa dang / bral ba/ yongs su mgu bar byed pa dang / rang gi lta ba dang 'dod pa nyams pa dang bral ba'o// rnam pa du ma'i lha rdzas kyi yul la bsten pas rab tu 'phel bas ched cher byed pa mngon par zhen pas bde ba

  167. 84b

    la mngon par 'chums pa/ blo dman par gyur pas 'di ltar sems kyis bsams nas rab tu rtogs par byed de/ nga ni gang yin/ gang nas 'dir 'ongs/ gnas 'di'i ming ci yin zhes de ltar de'i blos rab tu rtog par 'gyur ba ni/ dper na ra ro bar gyur pa'i skyes bu nyal ba'am/ gnyid 'gags nas thun gsum la rab tu sad pa dang yid kyis rab tu rtog par byed de/ bdag ni gang yin/ gang na gnas pa yin// ra ro ba des bsam pas bsams nas so sor shes par 'gyur ba de bzhin du/ 'dir lha gsar du skyes pa des kyang dus shin tu ring bas bsams nas so sor shes par 'gyur ba ste/ ji ltar bdag mi nas 'chi 'phos nas 'dir skyes so/ / de'i sems ci 'dra ba ni bdag mir gyur pa na ma yin la/ rnam pa de 'dra ba yin gyis bsgos pa'i rgyu can yang lha'i 'jig rten de na yod pa rnams yin no// yul lnga po rnams la 'di na zhen par byed de/ de de ltar bsgos pa'i rgyud can yin pas lha'i 'jig rten de las de so sor de kho na bzhin du mngon par zhen par 'gyur ro// sngon de'i rgyud la bsgos par gyur pas dus shin/ tu ring ba na legs par shes te/ bdag ni lha'i nang 'dir skyes te legs par byas pa'i las kyis lha'i 'jig rten du skyes so// de lta bu gang yin pa ni 'thab bral nas 'chi 'phos nas lhar skyes pa ma yin par blta ste/ des ni rnam pa de lta bu'i rol mo'i rang bzhin can yin pa'i phyir ro// ji ltar lha nyid nas 'chi 'phos nas mir skye ba ni sngon des bsgos pa'i rgyud yin pas de 'dra ba'i rang bzhin du 'gyur ro//

  168. 85a

    de bzhin du mi rnams nas 'chi 'phos nas yang / des bsgos pa'i rgyud yin pas/ de kho na 'dra ba'i rang bzhin du 'gyur ro// lhar yang rang bzhin des spyod par 'gyur te/ rang bzhin pa de lan grangs gzhan nyid la gang yin pa gang gi phyir dmyal ba rnams dmyal bar gnas nas/ dam pa'i las cung zad kyis de lan grangs gzhan la der skye bar 'gyur te/ de der skyes pa des rnam pa rda srid kyi de dang chos mthun pa'i sdug bsngal de so sor myong bar 'gyur bas rnam pa de srid nyid kyi bde ba rnams nye bar dmigs pas phyir yang yid mchog tu rangs par 'gyur ro/ / khrob ches lhag par 'gyur ro/ / ches lhag par bsil ba'i nags dang / nye ba'i nags dang / 'bab chu dang / rdzing bu la sten pa'i rang bzhin can du 'gyur ro// shin tu lhag par rnam par rgyu ba'i rang bzhin can du 'gyur ro// shin tu lhag par zas la spyod par byed par 'gyur ba'i rang bzhin can du 'gyur te/ des bsgos pa'i rgyud yin pa'i phyir ro// gal te yi dgas las 'chi 'phos pa yin na de'i spyod pa ches mang ba yin te/ des rtag tu bsgos pa'i phyir ches lhag par zas dang skom la spyod par 'gyur ro// rtag tu yang shin tu bsil ba la dga' bar 'gyur ro// bud med la sten pa ched tshor byed par 'gyur ro//

  169. 85b

    des lhag par bsgos pa'i sems dang ldan par 'gyur ro// gal te ma yin na dud 'gro rnam pa du ma rnams las 'chi 'phos nas lan grangs gzhan la myong bar 'gyur ba'i las kyis lha rnams// / su skyes na de skom dang zas la spyod pa'i rang bzhin can du 'gyur ro// de lha rnams kyi nang der skyes pa na dud 'gro'i rigs du ma yin pa'i phyir rnam pa de srid nyid du 'gyur te/ mdor bsdu na zas kyis dman pa dang mchog tu 'gyur ro/ / shin tu lhag par yang 'dod pa rnams la rmongs pa tshabs che bar 'gyur te/ rgyud des bsgos pa yin pa'i phyir ro// gal te lha rnams nas lha 'chi'i 'phos nas slar yang lha rnams nyid du skye ba rnams las/ de gal te gzugs med pa bzhi po rnams kyi snyoms par 'jug pa thob nas 'chi 'pho la/ de 'chi 'phos nas kyang de kho na de bzhin du de bsgos pa'i rgyud yin pas de kho na bzhin du 'dod pa'i sgra dang / reg bya dang / ro dang / gzugs dang / dri rnams la yang rab tu 'jug par gyur pa na shin tu bar sems rnam par g.yeng bar mi 'gyur te/ des bsgo ba'i phyir ro// / gal te gzugs la spyod pa bsam gtan dang po la kun nas rten pa nas/ ji srid du bsam gtan bzhi pa la rten pa rnams dang / ji srid du bzhi pa la rten pa'i dbang du byas te de bzhin du 'dod pa'i khams 'di skyes pa'i yang sems rgyud de bzhin dman pa dang / bar ma dang / mchog tu gyur pa bsam gtan la mos par 'gyur ro// yul rnams la dga' ba dman par gyur ro// gal te 'dod pa na

  170. 86a

    s pyod pa'i lha nyid las 'chi 'phos te 'dod pa na spyod pa nyid du skyes na brgyal na skyes nas myong bar 'gyur ba gang gis gang gi phyir lha dang mi rnams kyi 'gro ba'i rigs gnyis po dag tu dkar po byas par gyur pa'o/ / des na las rnam pa gnyis byas pa'i nye bar longs spyod pa dang / yang dag pa'i sbyor bas lha rnams thams cad lha rnams nyid du skye bar 'gyur te/ gnas gtsang na/ pa rnams ni ma gtogs pa'o// de dag rnams na ni skyes nas myong bar 'gyur ba'i las kyang med la/ lan grangs gzhan la myong bar 'gyur ba'i las kyang mi byed do// de ltar las kyi rlung gis yongs su 'khyam pa'i 'jig rten ma lus pa 'di dag yongs su la byam ste/ sna tshogs skud pa'i 'khrul 'khor de rnam pa sna tshogs pa'i zhags pas bcings nas/ sems kyi mos pa brgya phrag du ma dang ldan pa/ rnam par rtog pa du ma dang / rgyud du ma 'gro ba lngar yongs su la byam mo// rgyu 'dis lha gsar du skyes pa go bar bya ste/ de ltar so sor yid la byed pa rnams skye'o// de nas de ltar rig nas lha de ji lta ba bzhin du so sor shes par 'gyur te/ skye ba gzhan che ge mo cig nas 'chi 'phos nas 'dir skye'o// de gal te mi nyid las 'chi 'phos nas sam/ slar yang lhor skyes par gyur na yang / skyes nas myong bar 'gyur ba'i las yin no de las de rnam par shes so// gal te lan grangs gzhan la myong bar 'gyur ba'i las yin na de dag ni 'dis shes pa kho na ma yin te/

  171. 86b

    dag lnga de'i rtog pa'i yul ma yin pa'i phyir ro// lan grangs gzhan la myong bar 'gyur ba rnams ni gal te shed na bskal pa brgya rkyen dang phrad nas 'bras bu 'byin par byed do// gal te na bskal pa brgya stong na'o/ / gal te bskal pa brgya stong phrag gzhal du med pa rnams na ste/ rang nyid skye ba'i rgyu lha'i mig gis mi mthong ngo // de de ltar skye ba'i rgyu mngon par ma mthong bar gyur nas gnas par 'gyur te/ ji srid du de rjes thogs nyid la de dge ba goms pa'i yul rnam pa du ma rab tu 'byung bar 'gyur ba rnams kyang de bzhin du 'gyur ro// ji ltar bdag 'thab bral gyi lha rnams kyi nang las rgya chen po'i khor yug na spyod pa'i sa la skyes so/ / 'di'i sems bskyed pa tsam nyid na dge ba'i las kyi mthus shin tu lha'i bu mo'i tshogs shin tu mang ba rnams rab tu 'byung bar 'gyur zhing nye bar brgyugs nas 'ong ngo / / lha de'i dge ba'i rkyen gang yin pa des 'byung bar 'gyur ba yin te dus nye ba na skyes pa yin no zhes byas nas myur du rgyug pa yin la/ gang yang skyes nas ring du lon pa de dag ni rnam par 'grib pa'i phyir ro/ / de nas lha de dag gis bskor nas mchog tu yid dga' ba'i nags dang / nye bo'i nags rnams su bde ba nyams su myong bar 'gyur ro// las rnams kyi rin gyis nyos pa'i yon tan mchog dang ldan pa mchog tu dga' bar gyur pa rnams la rjes su longs spyod par byed do/ / sa de la yang ri dang / nags dang / nye ba'i nags dang / rdzing bu dang / tshang tshing dang / 'bab chu dang /

  172. 87a

    badra'i mtshe'u dang / ringos dang / nags lham me ba dang / phrug dang / ladri shing gis legs par g.yogs pa'i khang bu dang / bya'i tshogs brgya stong rnam par chags par 'gyur ba'i skad 'don pas yid dga' ba dang / ring du skyong bas dga' bar 'gyur ba'i lha'i bu mo brgya stong gis glus rnam par gsal bar byed pa dga' ba skyed pa'i gar gyis dga' bar gyur pa dang / nye ba'i nags rnams na rin po che bdun gyi rang bzhin gyis rnam par gsal zhing 'bar ba mthong na mchog tu yid 'phrog pa'i ri dgas rnams dang / rin po che bdun gyi rang bzhin gyi rdo brgya phrag 'od 'byin pa'i rtse mo rgya chen po zhes bya ba de gang yin pa'i ri de la khams du ma dang ldan pa'i rtse mo rin po ches nye bar gsal bar byed pa'i rtse mo la 'khri shing gi khang bu yod pa dang / rgya che ba'i rdos dga' ba bting ba dang / tshang tshing dang / pad+ma'i nags dang / skyed mos tshal dang / mtshe'u dang / 'bab chu dang / chu klung gi 'gram dang / ljongs dang / ri'i rtse mos kyang dbyibs dang yon tan du ma dang ldan pa rnams la dang / bsil ba'i chu rdul gyi 'bab chu stong phrag brgyar bsil ba rnams la/ lha de dge ba'i las rnam pa sna tshogs dang ldan pa'i gzugs kyis dga' bar byed/ kun tu spyod par yang byed pas/ rnam pa sna tshogs pa'i bde ba rnams nyams su myong bar byed do// lha'i tshogs de dag rnams de ltar dga' bar 'gyur zhing rtse bar gyur pa ni rnam par rtog pa du ma

  173. 87b

    rnams kyis yid la/ mdor bsdu na/ gang dag chu la rtse ba rnams la dga' ba de dag rnams ni chu la rtse bas dga' bar byed pa ste/ phal cher dmyal ba dang / yi dgas dang / dud 'gro rnams nas yin pas/ shin tu chags pa'i yid kyis lhan cig tu dga' bar byed kyi/ las legs par byas pa rnams kyang ni yongs su spyod par byed pa yang ma yin la/ lha de dag rnams kyi rang gi lus rnams dang lhan cig tu rigs thams cad la/ 'di dag gis las ngo shes par byed pa'i ming rnams legs par skye bar 'gyur ro// lha gang dag gis dang / legs par byas pa'i las gang gis dang / rnam pa ji srid gcig gis dang / tshul gang gis byas pa dang / dus nam gyi tshen byas pa dang / rkyen gang gis dang / skye ba gzhan du skyes pa gang gi tshe na byas pa dang / dman pa dang bar ma dang / khyad du 'phags pa'i zhing dang / dngos po rnams rnam pa ji snyed cig gi yon tan phun sum tshogs pas dge ba byas par gyur pa rnams de dag thams cad dus dang bcas pa/ mngon sum du shes pa dang bcas par steng du ming dang kha byang rnams kyi yi ger bris pa lhan cig tu skyes pa skye bar 'gyur ro/ / dper na basbyin pa dang mig ches rno ba'i yi ge mkhan gyis cha shes rab tu rnam par phye ba'i yi ge mngon par bris par 'gyur ba de bzhin du/ lha de yig mkhan sprang pos legs par byas pa'i las kyi rtsig pa'i logs de la legs par byas pa'i las de dag thams cad mngon

  174. 88a

    par bris par 'gyur ro/ / mchog dang kha dog gang gis mchog tu mdzes par byed pa dang / mchog tu yid 'phrog par 'gyur ba'i kha dog de legs par byas pa'i las des lha de rdzogs par byed do/ / de rnam pa sna tshogs pa dang khyad par du 'phags pa'i mtshan nyid kyi kha dog gis mngon par bris pa des brgya 'gyur du rnam par mdzes so// dper na mchog tu dga' ba lan brgya btul ba'i gser gsal ba la pad+ma rA ga nye bar bcug pa 'am/ in+d+ra nI la 'am/ mchog tu mdzes par gyur pa'i rnam pa de lta bu'i rin po che'i rigs su gyur pa gzhan yang rung ste/ de bzhin du lha de las kyis byas pa mngon sum du shes par bris pa des rnam par mdzes shing gsal lo/ / bris pa de yang rang nyid kyi mig gis mi mthong la/ rgyu gang gis mgrin pa dang / mig phor dag la de nye bar skye'o/ / brang la yang ste rgyu des na rang nyid kyis mngon par bris pa de mi mthong ngo // phan tshun du ni mthong bar 'gyur te/ gang gi tshe lha de shin tu yang bag med pa'i yid can du mi 'gyur ro// de'i tshe/ thams cad ji lta ba bzhin du mthong ngo // 'di nyid ni rgya chen po'i khor yugra na spyod pa'i lha rnams kyi sa'i mchog tu rmad du byung ba cig yin no// gzhan yang ngo mtshar bar gyur pa ni ji ltar legs par byas pa'i las kyis byas pa brang na yod pa de ltar dpral bar yang bris pa yin no/ / gang gi tshe rnam pa gang gis dus gang du 'chi 'pho bar 'gyur ba dang / 'chir 'phos nas kyang gang du cir skye bar 'gyur ba

  175. 88b

    dang / der yang dus ring du 'gro ba dang bcas pa dang / kha dog du mar 'gyur ba yang mngon par bris pa ni/ lha de dag gi ngo mtshar ba gzhan yin te/ de dag ni las kyis bskyed pa yin no// yi ge'i ' phreng ba de dag rnams de ltar rnam par bkra bas rnam par mdzes pa ches lhag pa ni ji ltar rnam pa du ma sna tshogs pa'i me tog legs par spel ba'i 'phreng ba rnams kyis sa gzhan rnams mdzes pa yin la gzhan rnams la rnam par gsal byed do/ / de bzhin du rnam par mdzes pa yin te/ de de dag gis legs par byas pa'i las gzhan byas pa lha rnams yin pa'i phyir ro// de nas lha de dag rnams de ltar rang gi las kyis lus kha byang du btab pa rnams ni rtogs pa yang ma yin par mtho ris kyi nye ba'i nags rnams la sna tshogs pa'i cha byad dang / rgyan 'chang ba rnams dang lhan cig tu rnam pa du mar dga' bar byed de/ rgya chen po'i khor yug na spyod pa'i rnams sa rnams su de de ltar dga' bar 'gyur zhing rtse bar gyur nas/ gang na dus shin tu ring bar rnam par bkra ba'i chu zhes bya ba'i chu klung ngos rnam pa sna tshogs par dga' ba rtse mo nas rtse mor 'bab pa/ rin po che'i khams rnam pa sna tshogs pa dang ldan pa'i bya'i tshogs du mas brjod pa'i sgra kun tu sgrogs pa/ shing gi tshul 'thug po dum dang ldan pa/ me tog rnam pa mang po stong phrag brgyas cha shas rnam par bkra bar byas pas rnam par bkra ba'i ngos ni lha'i bu mo'i tshogs kyis bsten pa'o// gzhan yang rnam par bkra ba'i rtse mo'i ngos kyis ngo mtshar

  176. 89a

    bar gyur pa ni rgyar ji lta bar rtse mo'i ngos nas rab tu 'bab pa'i chu klung dus shin tu ring bar rnam par bkra ba chu zhes bya ba de'i ngos gang gi tshe rab tu dang bar gyur pa dang / lha gang gI chu klung der dmyal ba nas 'chi 'phos par gyur pa chu klung de'i ngos su phyin nas de'i las kyis bskyed pa'i khyad par gyis skye ba gzhan rjes su dran no/ / des de rjes su dran nas kyang mchog tu dga' ba'i 'dod pa'i yon tan lnga phun sum tshogs pa la spyod pa/ rtag tu rab tu rangs pa'i lha dang lha mo'i tshogs kyis gang bas de ched cher rnam pa du mar rnam par chags par byas nas grangs med pa'i dus kyi bar du longs spyod par byed pa na/ sdug bsngal rnams dran par gyur nas/ bde ba de dag thams cad brjed par 'gyur ro// slar yang skyo ba dang bcas pa'i yid kyis tshigs su bcad pa brjod pa ji ltar/ rgya chen sdug bsngal chen po yi// dmyal ba'i me dang yang dag ldan// bdag gi sdig pa kun byang nus// slar yang 'jig rten 'dir 'ongs so// legs par byas pa'i 'bras bu bzang / / yon tan du ma dang ldan pa// nyes par byas 'bras sdug bsngal ni// bslub med ldan chen po yin// bde dang sdug bsngal de dag gis// srid pa'i g.yang sar 'khor 'gyur ba/ rgya mtsho'i rlabs ni ji lta bar// las kyi rlung gis kun nas bskor// byas pa'i sdig can yid kyis te// sdig la dga' ba'i mi dag ni// mi dge ba la spyad pa yis// de rgyus de ni dmyal

  177. 89b

    bar 'gro/ / de phyir yang ni mi 'grol// lha yul du ni 'gro 'gyur ba// des ni sdug bsngal de bsrings na// slar yang 'dod pa'i dbang rjes 'gro// rtsub par 'gyur ba'i sems 'dis ni/ 'byung mo 'byung min pade min pade// yul 'di rnams la yongs 'byams kyang // sdug bsngal gyis ni skyo ba med// tshu rol pha rol legs ldan pa'i// dbang po yongs su bslus pa yis skye dgu 'khor bar 'khor ba ste/ / sred pa'i zhags pa'i dbang rjes 'gro// dmyal nas yi dgas srid par skye// yi dgas las ni dud 'gror skye// klu yi srid par dud 'gro las// dmyal las phal cher bud med skye/ / de ltar las kyis yongs 'khor ba'i// 'jig rten 'khor ba 'khor lo bzhin// skyon dbang du ni mi 'gro ba'ang // goms pa'i dbang du 'gro phyir ro// klu yi srid par dga' 'gyur ba/ / bde ba ji ltar rnam smras pa// srid pa na ni spyod pa rnams// bde las bde ba yongs nyams 'gyur// sdug bsngal pad+ma stong dang ni// pad+ma bye ba brgyar yang ni// sdug bsngal yongs su longs spyad kyang / / byis rnams skyo bar yang mi 'gyur// bde ba mi dmigs srid gsum na// thams cad sdug bsngal gyis yongs baspyad// skye ba skye bar mi 'gyur la// srog chags sdug bsngal gyis gzir rnams// byis pa sdug bsngal gyis dub kyang // sdug bsngal rgyu la 'jug par byed// rgyu ring 'bras bu 'bral min te// sa bon brtan dbang 'bras

  178. 90a

    ji bzhin/ / yul rnams kyis ni yongs 'khrul yid// yid kyi shugs ni stobs po che// sems ni rje 'byung bcas 'dul ba// sras can rnams ni shrI bar 'gyur// de 'dul byed pa myur bar ni// khams rnams thams cad spyod pa ste// srid gsum thams cad bskor byas kyang // de nyid rab tu mthong ba'ang min// kun tu g.yo byed dbang gis g.yo// ji ltar 'khor ba rgya mtsho bzhin/ / sems kyi dbang phyug yang dag ldan// 'jig rten 'di ni rtag tu 'khor// bde sdug dus kyis rjes 'brel ba// srog chags srid gsum rjes su 'gro// sdug bsngal thams cad spangs pa yi/ / legs pa'i mchog tu 'bab par byed// 'khor byed rtag tu sdug bsngal gyis// de tshe lus can rnams dub 'gyur// brjed par gyur nas phyi nas kyang // rnam par gdung byed sdug bsngal spyod/ / dmyal ba'i gang tshe lus can gyis// sdug bsngal dran par gyur na ni// de tshe ma lus bde 'di rnams// rdul phran tsam du nges par gnas// de dus ji srid du rnam par bkra ba'i rtse mo'i ngos de na nye bar gnas par gyur kyi bar de srid du skye ba gzhan rjes su dran par byed do/ / gang gi tshe btang bar gyur pa de'i tshe skye ba gzhan rjes su dran pa thams cad brjed par 'gyur ro/ / de skye ba gzhan la nyams su myong ba'i sdug bsngal gzhan brjed nas brjed pas kyang phyi rol yul la 'chums pas rnam pa du mar gzhan dang mi 'dra ba dang / sdug pa'i sgra dang / reg bya dang / ro dang

  179. 90b

    gzugs dang / dri 'dod par gyur pa'i lha rdzas kyi yul rnams la lhan cig tu dga' bar byed do// de gzhan yang gang na chu klung 'od 'byin zhes bya ba'i ri yod pa der nye bar 'gro'o// ri de yang nye bar kun tu dgar/ ba'i shing mchog gis shin tu gang ba// rab tu dang ba'i chu la ngang pa dang / kA rand pa dang / dang ngur gyis yongs su gang ba/ rnam pa sna tshogs pa'i gser 'bar ba sgra'i mchog gis yid dga' ba'i chos gang ba'i chu klung 'bab par 'gyur la/ chu klung de la yang shin tu mang ba 'byung bar 'gyur ba ni stong phrag bcus legs par gang ba ste/ tshad dang / shugs dang / dbyibs rnams mtshungs pa/ shing dang bya'i tshogs kyis dga' bar gyur pa'o// rab tu mang ba byung ba de dag rnams las kyang thams cad las ched cher lhag pa'i chu klung ni bzhi yod pa la/ 'di lta ste/ mdzes par 'bab pa dang / gser gyi 'phreng ba dang / bai DUR+Ya'i chu dang / bde bar 'bab pa dang bzhi'o// de nas lha de rang gi las kyi 'bras bu la spyod pas thams cad kyang rab tu dga' ba'i yid can mchog tu rgyu che ba'i rgyun dang / cha byad dang 'phreng ba 'dzin pa rnams rtse bar gyur pas gang na mdzes par 'bab pa'i chu klung yod pa der nye bar len par 'gro bar byed do// chu klung de'i ngos na yang dga' la ring ba'i me tog gi nags chen po na dga' ba du ma zhes bya ba'i mcho de na me tog gi 'khri shing then pa mchog gis rab tu g.yengs pa/ me tog gi bye brag stong phrag rnams kyis rnam par dga' ba/ tshad dang

  180. 91a

    d byibs du ma dang ldan pa'i bya rnam pa du mas rnam pa sna tshogs pa'i rgyan dang cha byad can gyi byas sgra'i rnam pa rgya che bas legs par bsnyems par mchog tu dga' bar 'gyur ba'o/ / chu klung mdzes par 'bab pa de'i ngos gnyis pa na yang bung ba rkang drug rjes su rgyu ba zhes bya ba'i pad+ma'i rdzing bu nang bar gyi nyi ma dang mnyam pa'i 'od mchog tu dri zhim pa'i pad+mas rtag tu legs bar gang ba'i pad+ma'i rdzing bu'i nags de ni rnam pa du mar dga' ba/ ring du ni dpag tshad lnga bad+ma'i rgyar gyur pa'i ngo bo ni dpag tshad lnga'o// nye 'khor na yang mchog tu dri ma med pa'i nu ni nu skyes dang me tog gzhan gyis kyang yang dag par gang ba kha dog rnam pa sna tshogs pa'i 'dab ma rnams dri gang dag nye 'khor dpag tshad lngar 'gro bas mchog tu dri zhim pa'o/ / de nas de ji ltar 'dod pas kha cig ni nags rnams su kha cig ni pad+ma'i rdzing bur ji ltar 'dod pa rgyu bas rab tu dga' ba lha dang lha mo'i tshogs kyis gang ba rang gi gzi brjid dang ldan pa las kyis byas shing bsags pas der skye'o/ / de dag rnams dri mchog tu mdzes pa'i dri'i me tog gis mdzes par 'bab pa de mthong na ches yid spro ba'i ngos la rgyu chen po'i khor yugan rgyu ba'i lha rnams dga' bar byed la yongs su spyod par yang byed do/ / rnam pa du ma de dag gcig tu chu klung 'od 'byin gyi ri'i rtse mo la rab tu 'bab po// gzhan yang 'od 'byung gi ri yod pa la chu klung gzhan legs par 'bab ste/ gser gyi 'phreng ba zhes bya ba'i chu klung

  181. 91b

    'od 'byung yin no/ / chu klung de la brten nas chu klung de 'bab pa'o// de nyid kyi ming gis chu klung de gser gyi 'phreng ba zhes brjod de/ de na dga' ba 'di dag yod de/ chu de'i skyon rnams 'grags pas btung ba bzhin du 'gyur ro/ / shin tu dri zhim pa'i dris ji ltar 'dod pa'i ro dang / kha dog dang / dri dang / reg bya dran par gyur pas rgyags pa skye ba thams cad dang bral ba'o// de nas lha de dag gis btung paba'i khyad par de 'thungs nas kyang ches lhag par bag med pas gnas pas/ gang dag dga' bar byed do// lhan cig rgyu ba chen po dang bcas pa thams cad tshogs pa chen pos bskor ba/ yul lnga la rnam par chags pa'i yid can rnga skad yan lag lnga dang ldan par gyur pa mnyam pa dang / snyan pa dang chags pa'i sgras mchog tu rjes su mthun pa'i yang rgyan dang cha byad dang / mchog tu blta na sdug pa rnams zhabs 'bring du gyur pas/ ci dga' bar 'dod pas byas pa'i rang dbang du 'jug pa lha de dag rnams gser gyi 'phreng ba'i ngos na sna tshogs pa'i sgra dang / reg bya dang / ro dang / gzugs dang / dri yis rgyags pas rgyags pa rnams rnam pa du mar rgyu ba de chu klung mchog tu dga' ba mthong na gzugs kyi yul gyis ngoms pa med pa de yang nye bar longs spyad nas/ gzhan yang gar dang ldan pa'i glu'i sgras rnaba'i khung bu 'phrog pa'i yul lnga la mngon par tshigs pa'i yid kyis dga' bar gyur pas ri dang / ljongs nas ljongs dang / ri'i rtse mo nas ri'i rtse mo dang / chu klung gi ngos nas chu klung gi ngos dang / pad+ma

  182. 92a

    rdzing bu nas pad+ma'i rdzing bu dang / nags nas nags su dang / bang rims nas bang rim dang / shing drung nas shing drung du dga' bar gyur pas/ rnam pa sna tshogs pa'i bde ba'i rgyags pa myos pa rnams rgyu bar gyur pa na/ dus gzhan zhig gi tshe de T+Ta R+Ya'i chu zhes bya ba'i chu klung de dang nye bar rab tu dga' ba'i rgyus rnam par rgyu zhing 'gro'o// chu klung de la yang mdzes pa 'dri dag rnams yin la/ 'di lta baiDUR+Ya'i rang bzhin du gyur pa'i chu klung dri ma med pa'i chu'o/ / rdo ba rnams bai DUR+Ya'i rang bzhin no// bai DUR+Ya'i rang bzhin gyi ljon shing gis legs par gang ba/ bai DUR+Ya'i rang bzhin dang mdog mtshungs pa'i ljon shing la bya'i sgras nang na gang ba/ 'bras bu rnams blta bas ches rgod pa ltar gyur pa/ gtsa zhing dri ma med pa'i chu bde bar 'bab pa/ zab cing snyan pa'i sgra legs par byas pa'i las kyis dbang por gyur pa'i bai DUR+Ya'i chu zhes bya ba'i chu klung rab tu 'bab pa'o/ / de ltar lha de dag rnams dga' bas rgyu ba'i don du 'gro bar byed do// yul la sred pa'i sred pas rnam pa du mar rnam par zhen pas stede dag rnams rnam par rgyu'o/ / kha cig ni chu klung gi ngos dag na dga'a'o// kha cig ni chu'i nang na lhan cig spyod pa dang bcas nas so// kha cig ni mchog tu 'gying bas bya gzhan rnam kyi rgyab tu de dag mngon par zhon nas rlabs nas rlabs la 'gro'o/ / chu la dkyil li kung 'khor ba nas 'khor ba/ phyi 'khor nas phyi 'khor du/ chu mi mnyam pa nas chu mi mnyam par/ pad+ma'i stan nas pad+ma'i stan la

  183. 92b

    ut+pa la'i nags nas ut+pa la'i nags su yongs su spyod do/ / brgya phrag dang brgya stong phrag dum dpe med pa'i bde ba dang yang dag par ldan pa'i lha de dag rnams la gal te shed na legs par byas pa'i las rnams kyis dang yul rnams kyang zhi ba dang / de'i tshe bai DUR+Ya dri ma med pa la mthong ba ni gang dag tshul khrims dang shes rab kyis lhag par gyur pa de dag rnams kyis de las kyi 'bras bu'i rtags kyi gzugs brnyan mthong bar 'gyur te/ de'i rgyu gang yin pa dang / de'i gleng gzhi dang / de dang ma bral bas dang / rkyen des lha'i ris der skye bar 'gyur ba dang / 'di dag thams cad mngon sum du shes pa dang bcas pa/ dmigs pa dang bcas pa dang / sems bskyed pa'i gleng gzhi dang bcas pa/ zhing la rab tu dang bar gyur pa dang bcas pa rnams mngon par mthong nas de rnams dmigs par byas nas skye ba gzhan dran pa'i dbang du byas pa'i blo skye'o/ / kye ma dag yul gyi shugs kyi lim log can gyi chu'i rlabs skyo ba skye bar 'gyur ba'i shugs dang ldan pa'i srid pa'i chu klung gis bdag jilta bar rab tu khyer bar gyur pa/ gang gi dbang gis 'byung bar gyur pa/ log par ltung bar 'gyur ba yang bdag gis ma rtogs te/ gang gi rgyus 'di ji lta ba bzhin du mngon sum du rtogs par 'gyur ba sngon gyi dus dang ldan pa'i lo rgyus de dag rnam pa du mar mngon par bris pa'i rgyu des rnyed pas skye ba gzhan gyi lo rabs rnams bdag gis rnyed par 'gyur ro/ / legs par byas pa 'di/

  184. 93a

    rnams la longs spyod par yang byed de/ yang gang gi tshe zad par byed pa de'i tshe phyir yang rnam pa dum ldog par ltung ba lha'i ris de las 'byung bar 'gyur ro// de ltar phan tshun du brjod par 'gyur ba dang / 'gro ba lnga'i 'jigs pa'ang mthong bar gyur pas thams cad so so la brten nas skyes pa'i yid 'byung bas/ bai DUR+Ya'i chu klung gi chu 'gram de nyid na tshigs su ba# pa brjod pa/ ji ltar/ sngon dge'i las kyis byung ba gang // legs pa dang ldan che 'byung ba// mtho ris 'di de spyod byed dang // yang dang yang du zad pa dang // mtho ris legs byas las byung ba/ / de zad pas ni ltung bar mthong // mtho ris rgyu dang bcas pa ni// skad cig pa yi khyad par gyis// mi rtag 'byung gnas gtsug lag lags// thams cad 'jig par 'gyur ba yin/ / dngos gang 'dus byas mi rtag pa// de kun rnam par 'jig pa yin// skye kun rab tu rnam 'jig pa// chos nyid kyis 'di rnam par gnas// 'dod pa'i rol chags byed pa/ / byis pa blo dman rnams yin no// kim pa ka yi 'bras mtshungs pa'i// nyes dmigs go ba ma yin no// gzugs la sogs pa'i dgra 'dris kyang // sred pa'i rang bzhin phyin log skye/ / las ngan 'bras la rmongs pa yi// srog chags log pa'i dbang 'gro nyams// 'dod pa'i dug gi 'bras 'dra rnams// skyes bus ji srid myangs pa yin// de dag

  185. 93b

    nyid la ngoms med yin/ / phyir yang dmyal bar ltung ba yin// sbyin dang tshul khrims dga' spyod spel// rtag tu de la zhugs pa'i yid// rtag tu gang la de yod pa// skye bo de ni mtho ris 'gro/ / rtag tu tshul khrims bsgoms pa dang // mi dge ba yang spangs pa ni// spyang po 'od ldan brtan po ste// skye bo de ni mtho ris 'gro// dgra bo rnams la'ang rtag tu gang // 2 dang bral ba byams pa'i sems/ / rtag tu rab tu zhi ba'i yid// skye bo de ni mtho ris 'gro// yid kyi sgom pa drag po yis// sgom par byed pa'i legs pa gang // rtag tu sdom brtson cig la dga'/ / shin tu mang ba mi smra ba/ snying po snying med rnam po shes// gang de skye bo mtho ris 'gro// 'khor bar chags par gyur pa gang // rga shi dag gis bslus pa yin// rtag tu myang ngan 'das mngon dga'// 'gro 'gyur skye de mtho ris su// shing drung ngam ni dur khrod du// de bzhin nyid du ri khrod du// sbom po'i yid ldan sems dpa' de// mtho ris 'gro ba'i skye bo yin/ / tshod shes yul shes dus shes dang // sdig pa'i grogs po rnams spangs pa// gang la byams pa'i sems yod de// skye bo mtho ris 'gro ba yin// grong ldab la mi dga' zhing / / tshal dang srang du mi rgyu ba// gcig pu gnas dang zhi ba yi// skye bo de ni mtho ris 'gro// gang zhig zhi bas rtag tu lus// mi gtsang las byung lta byed pa// lus

  186. 94a

    dang sras kyi chog shes/ / glang de skye bo mtho ris 'gro// chos rnams las kyi ba ni// gang gis rnams mang skye bo mthong // 'khor ba la yang dga'ang med/ mtho ris 'gro ba skye bo de// de nyid kyang ni ji bzhin rig/ rnam pa du ma las byung ba'i// mthong yang dga' ba ma yin no// mtho ris 'gro ba'i skye bo de// skad cig pa dang sgyu ma bzhin// sgyu ma lta bu yang // gang zhig rtag tu sems 'dul ba/ skye ba ni mtho ris 'gro// de nyid skad cig la shes dang // mtshan nyid bral ba shes gang dang // bde chags kyis ni skye bo'i yid// skye bo de ni mtho ris 'gro// bud med gzhan lam bzhin dang // pa bzhin du yang lus can kun// 'jig rten mtshungs par lta byed gang // mtho ris 'gro ba'i skye bo de// rtag tu phra ma spong byed cing // sems can rnams la'ang rtag tu dga'// khro med drag por gyur pa'i yid// skye bo de ni mtho ris 'gro// thams cad shing bzhin rdo bzhin du// gzhan gyi sems la spyod pa po// rang gi sems kyis mchog shes pa/ / skye bo de ni mtho ngas 'gro// nyin dang mtshan du gang dag gis// snying la le lo ma jug pa// rtag tu brtson pas rnam par m+b+ha// gang de skye bri mthu ras 'gro// rgod dang rmugs dang gnyid dang ni/ / le lo yang ni khyad par du// spong bar byed pa rtag tu bzang // skye bo de ni mtho ris 'gro// sgo lnga las ni tshul khrims 'tshal// gcig tu yongs su 'grol ba dang /

  187. 94b

    rtag tu spong byed blo ldan pa// skye bo de ni mtho ris 'gro// nye bar len pa rnam bzhi shes// bden pa yang ni de bzhin te// chog shes pa lta bu yang // skye bo de ni mtho ris 'gro// sdug bsngal sdug bsngal rnam smin dang / / gang yang sdug bsngal 'gog pa dang // rtag tu de nyid la lta gang // skye bo de ni mtho ris 'gro// rtag tu sdug bsngal la zhugs pa// chos ni rnam par mi 'dor gang chos kyi blo ni zhi ba dang / / skye bo de ni mtho ris 'gro// ras kyang dkar dang shin tu phra// de bzhin du yang phyag dar khyod// gtum min yid ni zhi ba dang // rtag tu bsam gtan gyis gnas pa/ rtag tu nges 'byung las dga' ba'i// skye bo de ni mtho ris 'gro// zhim ma ma gal te mi zhim pa// ji ltar 'dod pa'i tshul gyis 'ongs// chog shes dang ni khro min pa'i// skye bo de ni mtho ris 'gro// gos gang 'jam zhing dkar ba dang // phyag dar khrod kyang de bzhin te// legs sdom byed pa'i cho ga shes chog/ skye bo de ni mtho ris 'gro// mal stan bzhi dang de bzhin so// khang bzangs rtse 'am de bzhin gzhan/ / dga' ba ma khro ba med pa yi// skye bo de ni mtho ris 'gro// gzugs gang mig gi yul du ni// gtogs dang gzhan du 'gyur ba yang // de kho na ni blta gang // skye bo de na mtho ris 'gro/ / snyan pa 'am ni mi snyan pa// gang gis thos nas 'khrul bral ba// mig dang blo dag ldan pa yi// skye bo de ni mtho ris 'gro// dbang po drug po thams cad dang // yul rnams kyang ni

  188. 95a

    de bzhin du/ / spong bar byed pa'i mi dga' ba// skye bo de ni mtho ris 'gro// bya ba 'di rnams don chen dang // rtag tu bde babyed pa yang // de dag thams cad chog bzhin/ pa'i skye de mtho ris 'gro// ji ltar las rnams byas pa kun// de nyid du ni khyad med par// lha byed dri bral bzang po yi// skye bo de ni mtho ris 'gro// las rnams kyi yang rnam smin des// las rnams smin gyis byas pa'i yang / / sdug bsngal rtag tu rnam par 'byed// skye de mtho ris 'gro ba'o// de ltar lha de de'i mgrin par byas pa de yang dag par mthong nas/ mchog tu skrag pa'i yid kyis tshigs su bcad pa smras te/ shin du brjod nas kyang chu klung gi 'gram du lha de dag nyid dang lhan cig tu rang bzhin yin pas slar yang bag med par rgyu bar byed do// gal te gang dag de'i mgrin pa na byas pa/ yod par gyur tu zin yang rkyen med par mi mthong ste/ gang gis rten cing 'brel par 'byung ba'i dngos po'i rkyen med par mi 'gyur la/ lha gang gi yang rang bzhin yin pas slar yang bag med par spyod pas/ gdan chu klung 'od 'byung gi ril rin po che 'od 'byin pa zhes bya ba'i ringadi yod pa der 'gro ste/ rgyan dang cha byad du mas rab tu dga' ba'i yid can yul da ltar bal chags pas kun nas khrid par gyur pas dus chod par gyur pa'i 'jigs pa yang ma brtsis pa dang / dbang po 'gyur ldog can rnams kyis kyang drangs pa dang mtho ris pa de rnams mchog tu'ang bde ba'i phyir na phyir zhing yang gar byed par gyur

  189. 95b

    ba rab tu rgod par gyur pas/ rnam par rgyu bar byed pas chu klung gi 'gram na rnam pa du mar dga' ba'i me tog gi tshogs rnam pa du ma phun sum rdzogs pa la khri shing shin tu rgyus pas khebs pa'i ngos na rtag tu 'ang rab tu dga' ba'i bya'i tshogs kyis 'khrigs par ro/ / gzhan yang byed par lta bar 'dod pas/ rin po che'i 'od 'byin gyi ri la rin po che'i rnam pa brgya stong du ma cha shas rnam par bkrab yod par 'gro'o/ / lta ba la mtshor rngams pas des de ring ba nyid mthong ste/ 'od 'bar ba nam mkha' brtol ba bzhin du gnas pa snga ma mthong ba de yid la smon pas byas pa bzhin du skyon gzhan med// pa/ de'i 'od dpag tshad stong phrag bcur 'gyur te/ sngon po dang / ser po dang / dmar po dang / ljapa bu'i kha dog go// gzhan yang rnam par 'dres pa'i 'od rnams so// gzhan yang ngos de na rin po che'i 'od kyi 'phreng ba can gyi ri gzhan gung dag yod pa de dag rnams kyang brdol zhing rin po che 'od 'byin gyi ri de 'od de dag gis ring dag rnams thams cad kyi 'od nges par bcom nas gnas so/ / dper nari'i rgyal po ri rab lhun po'i 'od kyis ni ri rnams thamasas kyi 'od zil gyis gnon no/ / de bzhin du rin po che 'od 'byin de'i 'od mchog tu rgya che ba dga' bar gyur pa mchog tu rangs pa yid 'phrog pa yin no// de bzhin du rna pa'i dbang po gcig tshim par byed la/ rin po che des rna ba'i dbang po gnyis pa yang sgra rnam pa du mas legs par sgo bar byed la/ rin po che 'od 'byin gyi ridi nyid na/ 'di lta ste/ thos na yid

  190. 96a

    'brog pa'i sgra dang ldan pa'i chu klung 'bab pas kyang kun tu sgra sgrogs pas mchog tu thos na yid 'phrog pa dang / de dag na rnam pa du ma'i bya rnams ni rin po che bdun gyis rnam par bkra ba'i sgo dang ldan pa khyad par med pa'i rlung gis rab tu bskyod pa'i dril bu g.yer ka'i rang bzhin gyi ljon shing rnams kyi sgra gang yin pas so/ / de dag gi dpe bya bar mi nus te yid rnams dang 'dra ba yin pa'i phyir ro/ / rin po rje 'od 'byin gyi ri chen po 'di las de bzhin du lha de dag rnams kyi rna ba'i dbang po la yang tshim par byed do// gzhan yang lha de dag gi dbang po gsum pa ring ba nyid nas ri chen pos tshim pa byed pa 'ang / 'di lta ste/ rna la dri dum rnams kyis me tog gi tshogs mang po las 'byung bar 'gyur ba la chu klung du ma las nye bar skyes pa'i me tog gis legs par bskyed pa'i dri de dag gis lha rnams tshim par byed do/ / gzhan yang ri chen po des lha de dag rnams kyi dbang po bzhi pa kun nas tshim par byed de/ lce yang ro dang / mdog dang / gzugs dang / dri rnams mchog tu gyur pa'i rnam pa du ma'i 'bras bu rnams kyis kyang kun tu tshim par byed do/ / lus la'ang reg na dga' bar 'gyur ba'i gos rgyu spun med pa du ma rnams dang reg na bde ba'i rlung rnams kyis kyang tshim par byed do// richen po de gang la lha de dag rnams kyi dbang po lnga po rnams rang gi yul bde ba nyams su myong bar byed do// des tshim par byed pa po'i ngo bos yid kyang mchog tu tshim par 'gyur ro// de ltar na rin

  191. 96b

    po che 'od 'byin gyi ri 'dis dbang po lnga'i bde ba rab tu sbyin pas lha de rnams shin tu bde ba la gnas so/ / de nas lhar rnams kyis rin po che 'od 'byin gyi ri der bslebs nas rin po che du ma 'bar ba'i 'phreng ba rnam pa du mar yang 'od 'bar ba nye bar 'byin no/ / de nas lha de rin po che de la chu klung stong phrag rnam pa du ma dang / 'bab chu dang / rdzing bu dang / pad+ma'i rdzing brgya stong gis nye bar mdzes pa gser dang / bai DUR+Ya dang / in+d+ra nI la dang / dngul dang 'dab ma rnam par bkra ba 'dren ma stong phrag brgyas mdzes pa mngon par mthong nas lha de rang bzhin nyid kyis bde ba dang dga' ba brgya 'gyur thob nas ri de la nye bar longs spyod do/ / rab tu dga' ba'i 'khor dang bcas nas phan tshun du gnod pa med par gtad pas tshim par byed pa'i yid can rnams de dag de bzhin du ches rab tu dga' ba'i yid kyis rin po che 'od 'byin gyi ri de'i khyad par blta bar 'dod nas phug dang ri khrod la dpyod de/ pad+ma'i rdzing bu nas pad+ma'i rdzing bu/ rtse mo nas rtse mo// chu klung gi ngos nas chu klung gi ngos/ gnas tshogs nas gnas kyi tshogs/ rin po che'i nags nas rin po che'i nags la bya'i tshogs mang po mngon par mthong ba'i rnam pa des mthong ba dang thos pas dga' ba/ bya'i tshogs gzhan lta bar 'dod pa rnga skad yan lag lnga dang ldan pas lhan cig tu dga' bar byed cing yongs su spyod par yang byed do/ / de rang bzhin gyis mthong ba dang / thos pa dang / sna dang / lce dang /

  192. 97a

    sa kyis ma tha rnams dag/ dbang po dag rnams snga dang / reg kya dang / rodang / gzugs dang / drirnams so so dang gtsugs nag na/ yul rnams la'ang dbang po rnams dang yul de la dbang po lnga rnam par rol pa'i yid do// mchog tu bde ba dra pe med pa nye bar longs spyod do// rnam pa du ma dang rnam par rtog pa du mar mthong ba dang / sgra dang / sna dang / ro dang / chos kyi yul yang zlos pa ma yin pa'i lha de'i bde ba nye bar longs spyod do// da ltar ba'i bde ba dang sdug bsngal gyis nye bar 'joms par byed do// de ltar de yul la rnam par chags pa'i yid kyis de 'dra ba'i bag med par 'gyur ro/ / ji ltar gang las kyi 'bras bu rnam par bkrab sngon phyogs na mngon par bris pa yod kyang de thams cad mi dran no// de rnams kyis gzhan yang des sngon legs par byas pa'i phyir kun tu spyod par gyur pa dang / rtse bar gyur pas kyang gal te shed na ri chen po la rin po che 'od 'byin pa de nyid kyi rtse mo du ma mchog tu sngo ba dri ma med pa me long gi mthil drim med pa zhes bya ba gang yin pab 'di/ dri ma med pas gang la shing rta'i rdul yang mthong ste/ lha de rnams kyi brtson pa lhag pas gang yang sbom po mchog tu rnam par bkrab dang / mthong na mchog tu dga' ba dang / lus kyi mdog rnam pa mi 'dra ba'i phan tshun gyi rnam pa las kyis byas pa mngon par bris pa lta smos ci dgos/ 'gro ba'i rigs gang dang gang las skye dri 'pho ba dang / rnam pa gang gis byas par gyur pa de yang brang dang mgrin

  193. 97b

    pa'i dbus su bris par 'gyur ro/ / legs par byas pa'i las kyis des de'i nyes dmigs rtogs nas skyo ba skye bar 'gyur ro// 'dod pa'i thob pa'i rgyu des kyang byis rnams skyob mi skye'o// yang gang gi tshe de rnams nyid la 'dod pa rnams kyi nyes dmigs legs par bstan par 'gyur ba 'am/ / rang nyid kyis go bar gyur pa de las kyang 'dod pa'i nyes dmigs nye ra dmigs par 'gyur ro// de'i tshe byis pa rmongs pa'i blo can rnams kyis rab tu rtogs te/ gang thob nas de 'dod pa'i ro la chags par mi byed pa dang nyes dmigs kyang legs par mthong ba yin no// de 'dod pa rnams la phyis 'gyod pa'i mes sreg par byed de gang gi phyir tha mi dad pa'i lus yongs su 'dor ba'i phyir ro/ / gang yul gyi me mtshon cha dmyal ba'i mthar gtug pa'i rgyu bdag cag rnams so// phyi nas 'gyod pa'i mes sreg par byed do// / gang yang lus bsgoms pa yid bsgoms par gyur pa de 'dod pa'i ro la mi dga' ba dang / nyes dmigs kyang mthong ba yin no// de 'dod pa rnams la yang dga' ba ma yin no// 'dod pa rnams yod kyang zhabs 'bring dang mngon par rtogs par byed par mi 'gyur ro/ / de'i tshe 'dod pa rnams kyis kha 'og tu 'du bar mi 'gyur ro// gzhan yang 'dod pa rnams kyi gnyen po 'di lta ste/ gang gis yang gzugs de mthong ba na de rnam par 'jig pa'i chos can des gzugs la gzugs kyi rjes su lta ba dang ji lta ba bzhin du tshul bzhin yid la byed pas lta ba des 'dun pa'i 'dod chags rnam par 'joms so/ / de ltar

  194. 98a

    yul lnga la 'i skab pazhin ces rnamigs sku mthong ba'i rna ba gyu / 'dug pa'i 'dod nags dang ldan pa'i sbying pa lan pa sa na rgyu las phyi rol du gyur pa'o/ / de ltar 'dod pa rnams kyi nyes dmigs rtogs shing de dag nyes dmigs shes nas phyis 'gyod par 'gyur ro// 'dod pa'i yul gyi 'dod chags dang phrad pas mi gnod do/ / sngon gyi 'byung ba las byung bas lha rnams yongs su spyod pas gal te shwed na ri de'i rtse mo la mngon par 'khod do// mchog tu drim med pa'i me long gi mthil rje lta bar lha de rnams kyi lus kyi yan lag de rnams kyang mthong ngo / / de nas lus bsgoms pa yid bsgoms pa'i lha des mthong bar 'gyur ba las thams cad kyi 'bras bu dang / 'chi 'pho ba dang / gleng gzhi dang / skye ba yang dpral ba na bris pa de rnams bdag nyid kyis rab tu mthong bar 'gyur ro// ji ltar che ge mo zhig gi dus na gnas che ge mo zhig na che ge mo gcig gi yul na rnam par che ge mos 'chi 'pho'i rgyu mtshan che ge mos lha che ge mo 'chi 'pho bar 'gyur ro/ / gang dpral bar mngon par bris pa 'di shes par gyur pa de lha'i rigs de las 'chi 'phos nas lan grangs gzhan la myong bar 'gyur ba'i las kyis sam/ skyes nas myong bar 'gyur bas sam lus kyi nyes par spyod pas sam/ ngag gi nyes par spyod

  195. 98b

    pas sam/ yid kyi nyes par spyod pa'i rgyus 'chi 'phos nas dmyal bar che ge mo zhig tu skye ba dang / che ge mo zhig yi dgas su skye ba dang / 'dir dud 'gro'i lus su skye bar 'gyur ba dang de dud 'gro'i rigs de las yongs su grol nas 'dod pa'i bag med pas bslus shing las kyi rlung gis bskor nas slar yang che ge mo cig tu 'khor bar 'gyur ro/ / de ltar 'dod pa rnams kyi nyes dmigs dang snying po med pa yang dpral ba de nyid la mngon par bris pa mthong ngo / / ji ltar che ge mo zhig gi gnyen po che ge mo zhig gis te/ 'di lta ste/ 'dod pa rnams ni mi rtag pa snying po med par dpral bar mngon par bris pa gang yin pa thams cad mthong ngo / / de mthong nas kyang gang ches bsgoms pa'i lus dang yid bsgoms par gyur pa des 'dod pa rnams yongs su spong ngo // nyes dmigs dang bcas pa zhes rig nas gang gi phyir/ dug dang 'dra bar ji ltar phra mo rnams kyang de bzhin du yul sten pa rnams dug bzhin zos nas log par ltung bar 'gyur ro// de dag rnams de ltar mthong ba dang sten pa dang yul rnams yongs su spong ba po rnams gang yin pa de dag gi yang dpral bar bris pa yin no/ / ngan 'gror skye ba dmyal ba yi dgas dud 'gro'i skye ba blangs nas de zad par yang legs par byas pa'i las kyis rtag tu yang dag par mngon par mthong nas/ gzhan yang las kyi dbang du byas nas yid ches pa skye ba de ni legs par byas pa'i las kyi mtha' la spyad pa yin te/ ji srid du mya ngan las 'das pa'i sa bon du gyur pa las zang

  196. 99a

    par 'gyur ba'o/ / de nas lha gzhan gang dag blo dastan par gyur pa rnams 'dod pa sten pa la ched cher byed cing de sngon gyi legs par byas pa'i dbang du gyur pa'i ngo bos kyang mngon par/ bris pa legs par mthong ste/ ji ltar bdag 'di las 'chi 'phos nas mi rnams su skyel/ phyis yang lha rnams su skye ba ste rtag tu'am/ mngon par mthong yang kun nas skrag pa dang ldan par yang mi 'gyur ro/ / phyir yang yul lnga'i rlabs kyi sred pa'i chu klung du bag med pa bag med pas spyod pas lha khrus byed de// de'i mthos pa'i shes pa de yang 'gags nas sgri bas byas pa gzhan yang rab tu 'byung bar 'gyur te/ 'dod pas bslus nas las zad par byas pas dmyal ba dang yi dgas dang dud 'gror skye'o// phyis yang dmyal ba yi dwags dud 'gror skye ba rnam par 'jig/ de nas de ltar bag med pa la lta ba'i lha de dag rnams rtogs nas/ dbang phyug la gnas pa zhes bya ba'i bya dge ba'i las kyi dbang gis tshig brjod pa/ ji ltar/ dge ba yis ni sems khrid cing / / dge ba kho nas rjes su khrid// de bzhin mi dge rjes spyad pa// ming ge nyid la rgyug pa yin// bde legs rgyu la mi yi sems// chu klung nyid dang de dag tshungs// ji lta bar nirkyen thos nas/ / de bzhin de ni yongs su rgyug/ myur bar rab tu rgyug byed sems// myur bar yang ni yongs su ldog/ myur bar 'bab pa lha rnams dang / myur bar thabs min par

  197. 99b

    yang song / / gang la sems ni rjes chags pa// myur ba myur ba ches 'gyur ro// chos rnams thams cad byed po dang // las rnams thams cad gcod byed yin// chos rnams thams cad khrid byed ni/ / sems 'di yin zhes brjod pa yin// rtag tu glags ni gcod byed pa'i// sems la yid ches mi bya yi// bzung bar dka' dang shugs drag dang // lam log gi ni khyad par gyis// / des na yud tsam dger 'gyur zhing // de bzhin mi dger yud tsam des// de bzhin lung ma bstan par 'gyur// 'di la 'gro gnas yod ma yin// 'ong ba nyid kyang mthong ba med// med par gyur nas 'byung 'gyur de'i/ / byung nas kyang ni 'gro bar 'gyur// de yis mi byed pa med cing // bsags pa yang ni yod ma yin// de la gzung ba nyid yod min// de ni thams cad du lus med// rgyu dang rkyen ni tshogs pa las// so sor kun nas slar skye'o// nor bu balci'i rkyen dag gis// mi skye ba ni ji bzhin du// de bzhin kho nar dbang gzugs sogs// gsum las rnam par shes pa 'byung / / 'dod rgyal du ni skye min te// sems ni tshogs pa las 'byung ngo // thams cad du ni spang dka' ba// de nyid yul du rig nas ni// dam pa'i chos la blo nges bzhag 'dod pa rnams la nam yang min/ / de ltar lha gang dag lus bsgoms par gyur pa dang yid bsgoms par gyur pa gnyis ka la'ang nges par 'byung ba'i yid can rnams 'dul bar yang dga' 'o//

  198. 100a

    de 'dul ba la gus pas lha nyid las 'chi 'phos nas kyang / slar yang lha gzhan las ches khyad du 'phags pa rnams kyi nang du skye'o// rgyal por yang 'gyur la rgyal po'i/ blon po 'am/ gang yang thar pa'i cha dang mthun pa'i las byed do// gang yang sems brtson pa ni byang chub gsum las gzhan gang rung zhig thob pa de'i yang na rgyal po 'khor lo sgyur bar yang dang yang du 'gyur te/ dge ba'i las bsags pa de'i dge ba'i las kyis so// gal te de nyid kyis yang gang dag ser snar gyur pa'i las byas pa nye bar ma brtags par dang sems bsgrubs par dka' bas dge ba rjes su mi sgrub pas de slar yang dmyal ba yi dgas dud 'gro rnams su skye'o/ / gzhan yang dge slong de shin tu ngo mtshar bar gyur pa'i las rmad du khyer ba'i rnam par smin pa 'di la rjes su dpyod par byed pa na des mthong bar gyur pa ni/ / gang zhig rab tu dang bar gyur pas bcom ldan 'das kyi sku bris pa dang / dad pa dang ldan pas rig cing rab tu dang ba'i sems kyis dam pa'i chos kyi po ti bris par gyur pas kyang byang chub 'thob par 'gyur ro/ / rab tu ma dang ba'i sems kyis kyang mgrin pa dang brang gi dbus su thams cad bris pa de mthong nas de dad pa dang ldan par 'gyur ro// de yang dpral ba'i yul du mthong nas kyang dad pa dang ldan no/ / rab tu ma dang ba'i sems kyis sam rgyal po'i zhabs 'bring byed pa'i 'jigs pas dang / de las gzhan gyis kyang brtson pa med pas dang /

  199. 100b

    yang de 'tsho ba'i don du'ang po ti 'dri bar gyur pa dang sku gzugs kyang ste/ mtho ris su skyes pa na yang de'i las mngon par bris pa mngon par mthong nas dad par 'gyur ro// slar yang bag med pa mang bar 'gyur zhing de'i dge legs kyi sa bon du gyur pa'i las rnams zad par 'gyur te/ bag med pa dang bral ba'i sems dang bral bar gyur pas kyang ste/ de ltar na las kyis byas pa rgyu med par gyur pa ni cung zad kyang yod pa ma yin no/ / de nas gzhan yang lha de dag bag med pa la mngon par dga' ba dang bag med pa la spyod pas kyang / de rdzas kyi yul gyi rgyags pas rtag tu ngoms pa med do// gzhan yang de la 'dod pa dum 'phel bas ni rin po che 'od 'byung gi ril dus yun ring por 'dod pa'i yon tan lnga la spyad nas/ lhan cig spyod pa'i 'khor dang bcas pa 'gying bar byed pa yongs su spyod par gyur pas 'dod pa'i yon tan lnga dang ldan pa'i gang na 'od 'byin zhes bya ba'i ri gsum pa yod pa der nye bar 'gro ste/ rab tu rangs pa mchog gi yid kyis rnga skad yan lag lnga dang bcas pa de 'gying bar 'gyur/ yongs su spyod par 'gyur ro// nye 'khor na'ang mchog tu gyur pa'i dpal dang yang dag par ldan par lha de yang dang yang du rnam pa du ma'i bde ba kun tu rdog pa du mas bzang po dang c ha bzang po mchog tu yid 'phrog pa yul mchog tu gyur pa gzhan rnam pa du ma rnams ri de dag la nye bar longs spyod nas chu klung gi ngos der nor bu 'bar ba nyid kyi ri chen po gsum pa nor bu 'od 'byin zhes bya

  200. 101a

    ba'i lam du song ste/ ji lta ji ltar lha rnams dga' bar gyur pa'i yul rnams sten pa de lta de ltar dga' ba'i 'dod chags dang ldan pa'i sred pa mngon par 'phel bar 'gyur te/ bsam p ab rnam par ma grol bas de 'dod chags kyi mes bsregs bzhin ngoms pa med pa'i sgra reg bya ro gzugs dri'i yul gyi chu bos mi ngoms pas nya bzhin du nor bu 'od 'byin pa zhes bya ba de ri gsum pa yid 'phrog pa de la'o/ / nor bu 'od 'byin pa'i ri de'i ngos gcig ni in+d+ra nI la'i rang bzhin no// gzhan ni pad+ma dmar po'i rang bzhin no// gzhan ni mu sA ra gal ba'i rang bzhin no// gzhan ni pad+ma dngul gyi rang bzhin no/ / de dag mthong nas kyang lha de dag rnams rab kyi mchog tu rangs pa'i yid kyis ri rab kyi mchog de legs par mthong nas phan tshun du brjod pa/ lha rnams ri 'di rnam pa du mar mdzes pa la ji lta ba bzhin du ltos dang / 'di nor bu las byas pa dpag tshad stong phrag bcu'i nye 'khor khyab nas shin tu gnas so// gang gi 'od kyi dkyil na lha rnams nub par nges par kun tu mtshon te/ sngon po dang / ser po dang / dkar po'i 'od 'di'ang nye 'khor na rnam pa du mar kun tu gsal lo// de de ltar brjod par gyur nas gang na shing 'gying ba yod pa zhes bya ba'i ri der nye bar 'gro ste/ rab tu dga' ba'i lha dang lha mos gang ba rab tu dga' ba'i rol mo'i yab ca dang / glu dang / rab tu dga' ba dang / 'gying ba dang bcas pas rnam

  201. 101b

    p a du ma la blta ba la ched cher byed pa'i nye 'khor rnga skad yan lag lnga pa snyan par gyur pa 'dra ba'i chags pa dga' bar gyur pa lha de shing 'gying ba zhes bya ba'i nags der legs par byas pa'i las la spyod pa rgyun dang / cha byad mchog dang ldan pa rnams nye bar legs par 'gro bar byed do// de nas lha de dag de ltar spyod par 'gyur ba rnams bag med pa la spyod pa sbed pa'i dbang du song ba rnams dus yun ring por 'da' 'o/ / de nas lha des shing 'gying ba'i nags chen po mthong ba ni rin po che bdun gyi rang bzhin gyi shing dbus na chu klung gnyis rgyun mchog gis 'bab pa'i mdog dang / ro dang reg bya can ji ltar 'dod pa'i rnam par smin par 'gyur ba'i 'o mas yongs su gang ba bud med kyi rdol kun tu bag med pa rnam par rgyu ba sred pa'i yul rnams kyis gang ba/ ngang ngur gyis kun tu gang ba/ shin tu gang ba/ shin tu mchog tu bsil ba'i chu klung dag go// de la chu klung gcig ni rnam pa sna tshogs pa zhes bya'o// gzhan ni ji ltar 'dod pa'i chu zhes bya'o// de la btung ba la sogs pa rnam pa sna tshogs pa'i chu zhes bya ba'i de rang bzhin nyid kyis bkra ba/ mchog tu gtsang ba rab tu 'bab ste/ chu dang btung ba'ang rung ste/ skyon dang bral ba kha dog rnam pa sna tshogs pa ste/ rgyu 'di dag gis na/ rnam pa sna tshogs pa'i chu zhes bya ba'i chu klung gi ming de thob pa'o// gzhan ji ltar 'dod pa'i nu ni rnam pa du ma'i 'dod pa 'byung ngo // lha de dag rnams rnam pa de srid nyid du nu de las phun sum

  202. 102a

    tshogs par 'gyur te/ gal te 'dod par gyur na ji ltar rnam pa spyong phrag gi chu klung rab tu 'bab pa de rnams mchog tu dkar ba'i mdog mchog du bri nim par de dag rab tu 'bab pa'o// ! yang ji ltar 'dod par ji lta bu'i rtsi rnams 'bab bo/ / de dag rnams ni sna tshogs pa'i mdog dang / ro dang / dri dang / reg bya phun sum tshogs pa'i rtsi dag rab tu 'bab po// de nas 'di ltar 'gyur de ji ltar me tog khra bor snang ba rab tu 'bab pa yin la de dag dang / gzhan yang me tog rnam pa sna tshogs pa'i mdog dang dri rnam pa sna tshogs pa de dag thams cad rab tu 'bab po// bung ba brgya stong legs par 'du ba gang dag gi ming bzung bar yang smra ba ma yin no/ / de bzhin du chu klung gi chu las gzhan ji ltar 'dod pa rnams rab tu 'bab pa'o// ljon shing 'gying ba'i nags de na rnam pa sna tshogs pa'i me tog nye bar 'phel bas mchog tu dga' ba'o/ / de nas lha rnams chu klung de dag gi nang na rab tu 'jug par 'gyur bas 'gying bar byed de/ sgra dang / reg bya dang / ro dang / gzugs dang / dri 'dod pa rnam pa sna tshogs pa dang bcas pa la spyod de/ legs par byas pa'i las kyi mtha' la spyad pa rnams legs par byas pa'i las la longs spyod do// de nas dga' bar byed pa rnam pa du mar rtsi 'ang 'thung ngo / / rna ba'i khung bur sil snyan gyis gtang ba'i kun dga' ba rnam pa du mas snying legs par gang ba/ mya ngan dang / zug rngu dang / phyir rgol ba'i 'jigs pa dang rtag tu bral ba'i yul

  203. 102b

    rnams kyis rtag tu'ang yul gyis ngoms pa med pa'o/ / yul rnams kyis ngoms pa med pa ni cha chu tshan mo bzhin du rnam pa du ma dang / rnam par rtog pa du ma dang / rnam pa sna tshogs pa'i mtho ris la nye bar longs spyod do/ / de ltar gyur pa'i bde bas rnam par rgyu ba'i lha de dag rnams la/ chu klung la spyod pa'i byas tshigs su bcad pa brjod pa/ ji ltar/ ji ltar 'din nu 'gro ba/ de bzhin bde ba lus la skyes// gson pa thams cad skad cig kyang // byis pa rnams kyis mi rtogs so// rga dang na dang 'chi ba dang // rgung pa'i las su 'brang ba rnams// 'gyur yin lha rnams de dag kun// rtag tu 'dod pa'i rjes spyod rnams/ / gson pa rtag pa yod ma yin// khams gsum kun kyang bde ba min// rtag tu 'dod pa yis myos pa'i// log pa'i dbang gis lhas mi rtogs// ji ltar char rgyun nam mkha' las/ / thams cad du ni myur 'bab pa// de bzhin bde ba 'di dag kun// chang gi rgyun ni ji bzhin no// rlung gis rdul rnams ji bzhin du// phan tshun du ni yongs bskyod pa'i// 'khor 'gyur nam mkha' thams cad du/ / de bzhin 'dus pa'i lus 'di yin// lha rdzas bde ba rtag yod min// mi brtan pa dang rnam par 'jig/ srid pa'i drag gis legs 'dres pa// dug dang 'dres pa'i zas bzhin no/ / de bde ba dang rtag par mdzes// gang la 'chi ba mi dmigs par// sdug pa dang yang rnam mi 'bral// nam yang tsha dang grang ba min// rtag par go 'phang de mthong nas// de la brten zhes

  204. 103a

    khams rnams brjod/ / gang la skyed dang 'dri ba dang // sdug bsngal 'byung ba mi dmigs pa// gang de bud med g.yos sdug bsngal// de dag bde zhes rtogs par byed/ de ni sa bon rgyur mthong ste// gang phyir dmyal ba skyod byed phyir// sdug bsngal skyed byed bde ba gang // ji ltar de ni bde bar 'dod// de ni yongs smin dbang gis ni// sdug bsngal ches sdug bsngal zhes bya/ / gang la sems can 'di skye ba// las kyis kun nas g.yos pa yin// chags byed log pa'i dbang de la// las kyi dra bas rmongs pa yin// rab tu zhi bar rjes rtogs ni/ / rgyab kyis phyogs par lhan cig spyod// dge dang mi dge las rnams ni// me tog dri bzhin rjes su 'gro// gang longs spyod pa de de ni// bde ba de dag dus kyis 'gag/ nyi dang lhan cig spyod pa yi/ / 'od rnams nyin mo'i mthar thug go// de ltar tshul spyod pa'i bya legs par byas pa'i las kyis bskul nas lha de dag rnams la smra bar byed de/ thams cad kyang bag med par spyod pa la'o// denas lha gang bag med par spyod par gyur pa de dag rnams kyis chu la spyod pa de dag las tshigs su bcad pa de dag thos nas kyang brjod pa ji ltar/ bye de dag gis legs pa'i dgra gis go bar byas te ji lta nyid du de dag bden par 'byung bar 'gyur na/ bdag cag rnams bag med pas bag med pa la spyod pas nges par rtogs pa yang ma yin no// bdag cag las mchog ma yin pa'i dud 'gro de dag rnams

  205. 103b

    kyis kyang ste/ bdag cag bag med pa bag med pas nges par rtogs pa yang ma yin no// gang nges pa kho nar 'byung bar 'gyur ba 'dod pa thams cad rnam par 'joms pa'i sdug bsngal chen po de bdag cag rnams kyis bzlog pa'i don du e ma brtson par bya na/ dus shin tu ring bar 'gyur ba'i blo 'di dag gis nges par gnas nas 'dod pa rnams rab tu 'joms pa'i cher cher rab tu 'joms pa'i ched du rab tu sgrub pa'o/ / de dus shin tu ring bar yang blo de gcig tu byas nas mdzes par gcig tu spyod pa 'dod pa rnams kyi ro myang ba'i nyes dmigs dang nges par 'byung ba bsams nas slar yang sems 'gyur ldog che bas rab tu g.yo ba dang / 'dod pa la yang dus shin tu ring bar goms pa'i phyir na/ de nas lha de dag rnams slar nyid kyang 'khrid par 'gyur te/ lha de dag rnams yul gyi rnam pa du ma dang / rnam par rtog pa du ma dang du mar bskyal nas kyang 'phrog par byed do// de nges par 'phrog pas de slar yang rnam pa du mar dga' bar byed pa dang / rtse ba dang / yongs su spyod par yang byed de rnam pa sna tshogs par 'dod pa phun sum tshogs pa la bya sna tshogs pa sgra rnam par sgrogs pas dga' ba la dang / nags dang / skyed mos tshal dang / mtshe'u dga' ba la dang / ri'i rtse mo rin po che bdun gyi rang bzhin la dang / pad+ma'i rdzing bu brgya stong dang ldan pa la bung ba stong phrag brgya rnam par sgrogs pas dga' ba la dang / bya rnams dang / zas dang skom

  206. 104a

    gyi rlung dang / shing stong phrag brgya rnam par btags pa'i gel ba'i dra bas khyab pa la me tog phun sum tshogs pa la yang 'khri shing spras pa'i khang bu'i 'khri shing gi khyim na 'od zer gyi 'phreng ba rang gi 'od dang gnod pa med pa dag gis rims nad med pa mya ngan dang rnam par bral ba/ rang gis byas pa'i yang las dman pa dang / bar ma dang / khyad par du 'phags pa rnams dang / yang phrag dog dang / 'thab rtsod kyi skyon gyis nam yang nyams dma' ba ni ma yin gyi/ gzhan du na phan tshun du gnod pa med pa dang gnod pa med par byas nas ba nyid rgyu'o/ / de nas de dag de ltar dga' ba rnam pa du mar dga' ba las rnam pa 'di lta bu'i blos zhugs par gyur te/ ji ltar bdag cag gis thos pa lha 'di dag rnams thams cad kyi'ang ji lta ba bzhin lha'i mnga' bdag tu gyur pa mu su lun d+ha zhes bya ba rab tu dga' bas gang legs par gnas pa 'phel bar 'gyur na/ mthang yang bdag cag rnams dga' bar gyur pas 'thab bral ba'i mnga' bdag de'i srid par legs par 'gro bar bya na/ ji ltar 'di'i sgra dpag tshad stong phrag lnga legs par thos pa yin te snyan pa thos par dga' ba dang ring ba nas kyang zin te/ sgra rnams rna ba'i rjes su mthun pa'i glu dang bya rnams kyi sgras kyang lha'i 'jig rten 'di thams cad ma lus par sgrog par byed do/ / de dag gi rang bzhin gyi rtsa ba hral can gyi blo yon tan thams cad dang ldan pa des 'phrogs par byed do//

  207. 104b

    glu'i sgra de des nye bar thos nas slar yang rna ba sgras ngoms pa med pas/ thams cad du der 'gro ba'i blo skyed do// rkyen ji lta bas bdag cag gang na yon tan thams cad phun sum tshogs pa na/ lha de dag rnams lha'i mnga' bdag mu su lun d+ha dang lhan cig tu dga' bar byed par 'gro bar bya'o/ / lha'i tshogs de dag thams cad mthun par lhan cig spyod pas yongs su bskor nas rnam pa sna tshogs pa'i rgyan dang cha byad can rnam pa sna tshogs pa'i 'bab chu yon tan thams cad phun sum tshogs pa ma btags pa'i gos bgos pa de ni rgyab dam pa la song ba dang / legs par ldan pa'i lag pa glu la rjes su chags pa'i yid can phan tshun du gnod pa med pas 'dod pa'i snying gis kha cig ni nam mkha' la 'gro'o/ / kha cig ni pad+ma'i bzhon pas so// kha cig ni ut+pa la'i bzhon pas mchog tu dri zhim pa bung ba la nas sgra 'byin pa'i ut+pa la nyid la mngon par zhon nas so/ / kha cig ni ku mu d+ha'i 'dab ma ku mu d+ha'i tshogs dkar ba zla ba'i dkyil 'khor dkar po dang 'dra ba la zhon nas 'gro'o// lhan cig spyod pas y ongs su bskor nas glus rjes su sbrel ba'i snying gis yul lnga la nye bar longs spyod par gyur pas de nyid la sred pa'i yid de la sems rjes su spyod pa rnam par rtogs pas sprul pa'i rang gi dge bo'i bzhon pa mchog tu gsal bar gyur pa/ rang gi las kyis sprul pa dman pa dang / bar ma dang / khyad par du 'phags pa rnams dman pa dang bar ma'i gzugs dman pa dang / bar ma dang

  208. 105a

    khyad par 'phags pa'i longs spyod dang / dman pa dang / bar ma dang / mchog gi blo dman pa dang / bar ma dang / mchog gi tshe thams cad kyang nam mkha'i dkyil gang bar byas nas gang na rtsed mo'i nags bya ba 'dod pa du ma phun sum tshogs pa'i mu su lun d+ha'i gnas der phan tshun lhan cig tu nye bar 'gro'o/ / de dag rnams de ltar rgyu bas phyin pa na dman pa ma yin pa'i gnas rtsed mo'i nags na gzhan ni ma rnyed kyi/ ji srid du nam mkha' phyogs gcig ni mar me bzhin du mthong ngo // ji srid du phyogs gzhan na in+d+ra nI la dang mtshungs pa'i mdog go// ji srid du phyogs gzhan na sngon po dang / ser po dang / dkar po'i mdog go// ji srid du phyogs gzhan na me dang tshungs pa'i mdog go// de dag gis de'i tshe na rnam pa de lta bur nam mkha' las mngon par mthong nas/ mchog tu ngo/ mtshar ba kun skyes te/ kye lha dag de ltar ngo mtshar bar gyur pa'i nam mkha' mthong ste/ kha dog sna tshogs pa'i gos rnams bkram pa'i kha dog du ma de dag rnams ni bdag cag rnams kyis sngar ma mthong na 'di dag ci yin/ de dag thams cad phan tshun du de dag smras nas/ ngo mtshar bas yid ngoms pa med par gnas pa las/ ji srid du dus mi ring bzhig na thos pa ji ltar mchog tu snyan par gyur pa'i glu'i sgra du ma rnam bar snyan pa de yang des thos nas/ slar yang ngo mtshar bar gyur pa kun tu skyes pa'i yid kyis slar nyid kyang thams cad nam mkha'i dkyil bkang nas sa'i gzhi la'ang dga' bar gyur pa'i rgyan dang cha byad can gyi lhan cig/

  209. 105b

    spyod pa dang bcas pa gnas so// lta bar 'dod pas de su zhig 'ong bar gyur/ des ring ba nas mthong ba ni tshogs pa rgyu ba rin po che sna tshogs pa'i rgyan dang / cha byad dang / rin po che rnam pa sna tshogs pas brgyan pa'i lus can de dag gi dbus na lha shin tu 'thab bral rin po che bdun gyi rang bzhin gyi stan chen po la gnas pa/ rin po che bdun gyi phug gi nang du chud par gnas pa sngon po chen po'i rang bzhin gyi rna ba'i gdub bu gcig go/ / gzhan ni pad+ma rA ga'i rang bzhin gyi rin po che chen po dang yang dag par ldan no// rin po che'i rang bzhin 'od mchog dang ldan pa rnam pa du ma'i ba dan nges par bcings pas nye 'khor 'od dang ldan pas dpag tshad brgya phrag bcur 'od kyis 'bar zhing 'thul bar byed pas skye bo bzhin du nam mkha' 'od kyis byed de/ sna tshogs pa'i gos bzhin du nam mkha' las 'byung bar byed do// de'i 'od 'di dag mngon par mthong nas rgya chen po khor yug na rgyu ba'i lha de rnams mchog tu ngo mtshar nas lhag par gnas par 'gyur ro/ / de nas tshogs pa rgyu ba na rnam par rgyu ba de dag rnams gsal bar des mthong nas lha 'di dag rnams gdan su su lun d+ha'i rtsed mo'i nags yod pa der nye bar legs par 'gro ste/ ji ltar bdag cag rnams kyang nye bar legs par 'gro bar bya'o zhes bya ba'i blo la legs par bzhag nas/ khyad par 'phags pa'i lha bdag cag thams cad nyid kyang ji lta ba bzhin du mthun pas dang phan tshun lhan cig tu mdzes pa dang ldan pas 'gro bar bya zhes de dag gis de ltar blo byas te/ ji srid du yang tshogs pa rgyu ba na rnam

  210. 106a

    par rgyu ba'i lha de dag rnams kyis lha rnams mngon sum du mthong bar gyur nas/ de bzhin du de dag su yin zhes sngar ngo mtshar ba kun tu skyes pa'i yid dang ldan par gyur pa dang / de nas sems can legs par mthong nas de dag kyang 'di ltar sems par gyur te/ rgya chen po'i khor yug tu rgyu ba'i lha 'di dag nyid ni ji lta bar gang na 'thab bral gyi mnga' bdag gi pho brang du nye bar legs par 'gro bar 'gyur gyi/ gang chung ngun bdag cag kyang de dag dang lhan cig tu gang na rtsed mo'i gnas der nye bar 'gro bar bya'o// thams cad kyang phan tshun lhan cig tu dang phan tshun du gnod pa med pas gtod pa'i yid kyis/ de nas shin tu 'thab bral gyis go bar byas pa'i tshogs pa rgyu ba na rgyu ba de thams cad dang yangs pa zlum pa na spyod pa'i rgya chen po'i khor yug na rgyu ba'i ma lus pa de dag rnams kyis de khyab par byas nas kyang gnas so/ / ba dan dang / rgyal mtshan dang / shing rta dang / bya'i tshogs kyi rgyab tu legs par zhon nas rnga skad yan lag lnga dang ldan pas 'dod pa'i yon tan lnga phun sum tshogs pa gang gis skyed mos tshal gyi ltad mo'i dbang du byas pa de rtsed mo'i nags chen po'i 'dod pa du ma phun sum tshogs pa dpe med pa der nye bar 'gro'o/ / mchog tu ngo mtshar bas gdungs pa tshim pa med pa'i 'dod pa'i yon tan lngas mi ngoms pa ngo mtshar bas tshim pa yon tan dang nye bar spyod pa thams cad kyis ngoms pa med pa phan tshun du 'gro bas ngoms pa med pa tshe rnams dang / de dag gis de ltar 'dod pa thams kyis ngoms pa med pa'i

  211. 106b

    yid de dge slong gis legs par mthong nas las kyi 'bras bu'i'adi khon du ma ston pa'i da ltar tshigs su bcad pa brjod pa/ ji ltar/ ji ltar char ni 'bab pa'i chu// mtsho ni 'phel ba de bzhin du/ de bzhin shin tu 'dod pa'i char// lha rnams kyi ni mi 'phel lo// nya 'byung ba yi chus kyang ni// sred pa rtag tu mtshungs pa med// de bzhin bde ba 'phel bas kyang // lha rnams ngoms par 'gyur ma yin/ / ji ltar nam mkha'i mtha' mi dmigs// grangs kyang ma yin pa de ltar// 'dod ldan rnams kyi 'dod mtha' med// grangs kyang yod pa ma yin no// rgya mtsho rlabs kyi 'phreng ba can/ / chu yis ngoms par 'gyur ma yin// sred ldan 'dod pa rnams kyis kyang // tshim pa nam yang yod ma yin// yul ma thob pas lha rnams ni// byis rnams sred dang bral mi 'gyur// thos pas kyang ni ngoms pa med// bde ba sred pa ched cher byed// 'chi 'pho'i sdug bsngal mi bzad pa// gyur pa du ma nges thob nas// yul gzhan gyis ni gdung byed gang // de phyir 'dod pa zhi ba min// skyes bu rnam par 'jig phyir te// 'dod pa blo btang 'joms byed yin// sdug bsngal byung nas spong bas kyang // lha de chung par 'gyur ba yin// ngoms pa med pas bde ba med// yul rnams kyis kyang nim mi ngoms/ / gang yang ngoms med byed mthong nas// blo ldan gyis ni de yongs spongs// gang tshe zhi ba'i gzhi las bde// yul ni bde ba min par 'dod// de phyir zhing rtag tu ste// yul rnams

  212. 107a

    la ni chags pa spongs/ / rtag tu nyon mongs spang bar gyis// bla med shes pa rtag tu sten// mya ngan 'da' byed ye shes yin// nyon mongs 'ching bar 'dir brjod do// gsod dang 'chi dang nad la sogs// yul rnams las ni 'jig pa che// 'khor ba na yang kun nas 'khor// yul nyid las ni skye ba yin// 'du dang 'bral ba brgya phrag dang // las de stong phrag du ma ni/ / skye zhing skye la legs mthong ba// bde 'gro de kho na mthong bas// bde ba du ma legs thong ba// 'jigs pa gang byung 'jigs pa ni// de kun yul nyid kho na sa skyed// skye ba skye bar rab tu skyed/ / sdug bsngal gang nyid yul yin pa// rmongs pa'i sems kyis bzod par byed// rmongs pa de nyid slar sten pa// long ba'i blo yis byas pa yin// dgra yi tshig gis dogs pa la/ mi yis rtag tu yongs spangs so// dgra gyur pa yi yul rnams kyang // mi spong ba ni su zhig yod// byis pa rnams ni rtag par yang // yul gyis nges pa sreg pa yin// kun nas rmongs pas mi spyo la/ / rang gi las kyis rmongs pa yin// ji ltar kha cig mes 'jigs pa// me nyid la ni nye bar sten// de bzhin yul gyis rmongs pa yang // yul nyid la ni sbyin par byed// yul drug longs spyod gang che mi/ / bdag nyid bde bar byed ma yin// sred bsten pa de bzhin gyis// thams cad du ni yongs su rtog/ sred pas nyen pa tsha yi chu// ji bzhin ldag byed ngoms pa med//

  213. 107b

    yul gyis ldongs pa'i de bzhin ma// sred pa nyid kyis tshim pa med// ngoms med yul la lha rnams ni// 'dod chags kyis gdungs bag med pa// las kyi rlung gis bskyod nas ni// thams cad 'dri bar 'gro ba yin/ / de ltar dge slong skye ba du mar skye ba'i las kyi skye ba gcig nas gcig tu rgyud pa'i de kho na shes pas lha rnams la rjes su brtse'o// gzhan yang lta bar byed pa/ lha de dag phan tshun kun tu 'dre bar gyur nas 'gro bar byed de rab tu dga' ba'i yid kyis gang na rtsed mo'i nags su mu su lun d+ha'i pho brang der ro/ / de nas de dag shugs kyis 'gro ba na rgyan dang cha byad du ma dang / bde bas rgyu ba du ma dang / las kyis sprul pa'i bde ba la gnas pa du ma dang / skyed mos tshal dang / nags dang / rdzing bu du ma legs par rab tu sten pa bud med stong phrag brgyas yongs su bskor bar 'gro'o// ji srid du lha gzhan rnams kyang khang bu brgya stong du mngon par zhugs nas 'gro ste/ thams cad nam mkha'i khams la 'od kyis rnam par snang bar 'gyur pas/ glu dang gar gyis rgyu ba rnga skad yan lag lnga pa kun tu sgrogs pa la rjes su chags pa'i yid 'phreng ba dang / phye ma dang / byug pa rnams 'phyang ba/ chun po'i 'phreng ba dang cod pan dag rnam par 'phyang ba/ me tog gi 'phreng ba gzhan rnams 'cha nga / phyogs gcig na bdan de rlung gyis rnam par bskyod pa/ rna cha gdub kor gyis mkhur chos las nges par 'drud pa rang gi 'od kyis rnam par snang bar byed pa'i 'od dang ldan pa/ snal ma'i chun po gzhan rnam par 'phyang ba rab tu

  214. 108a

    dga' ba'i bu 'din bcings pa'i 'phreng ba rlung gi shugs kyis thang gar gyur pa la bris pa'i gzhon nu ma lang tshol bab pa rnams kyi lag pa dang rkang pa la gtad pa'i yid can rnams so/ / lha gzhan ni pi wang gi sgras skyed pa'i kun tu chags pa de la song ba'i yid kyis gang na rtsed mo'i nags yod pa der dga' bas gnas par bya ba'i phyir nye bar legs par 'gro ba'o// de ltar na 'thab bral gyi lha'i 'chi rten pa'i san gnas pa de'i lha'i 'jig rten pa de dag rnams gang na 'thab bral gyi bdag po mu su lun d+ha de'i pho brang yod pa der nye bar legs par 'gro'o/ / mdor bsdu na las ji lta ba dang 'dra ba'i 'gying bag gis rgyu ba dang rgyan ni phyogs bcu thams cad khyab par bsgrags pa bzhin du glu snyan pa'i sgra can gyi bud med kyi tshogs kyis yongs su bskor bas phyogs bcur khyab par gyur nas thag nye bar bsnyen te/ lha de dang bdag nyenyi bar gyur pa yin no snyam nas gnas so/ / de nas lha de dag rnams thams cad kyis kyang 'thab bral gyi mnga' bdag gi gnas ma lus pa lhag par bkang bar 'gyur te/ mu su lun d+ha ni ji ltar las rnams kyis bla lhag pa yin la/ de bzhin du 'bras kyang ste/ rgyu dang 'bras bu bdag gi ci 'dra bar 'gyur ba ni sa bon dang myu gu dag gi dpo 'dis rjes su rtogs pa yin no// gnas der song ba de dag ma lus pa rnams zil gyis gnon par 'gyur te/ 'dod pa thams cad lhag pa yin pa'i phyir ro// de la dpe med pa'i dga' ba rnams yod pa yin la phyogs tsam zhig brjod par bya ste/ ji ltar nye 'khor de srid

  215. 108b

    kyi nam mkha' las nags de yongs su bskor nas phyi rol gyi 'phreng ba sa'i yongs su 'khor ba ni rin po che bdun gyi rang bzhin gyi rin po che brgyus pa'i 'phreng ba bzung ba bas mchu la 'phyang ba'o/ / de'i yul phyogs gzhan ni dril du g.yer ka'i sgra de ni rnam pa 'di lta bu'i sgra yin te/ sgra snyan pa gang gis bos pas lnga 'ong bar 'gyur la/ de myur ba nyid du kun tu rtog pas rnam par spyod pa dang skor bar byed pa yang bya'i khar bcug nas so/ / bya rnams kyang rin po che bdun gyi rang bzhin gyis rnam par bkra ba'i sgo can nags de'i nye bar 'khor na de dag rnams rnam pa du mar g.yas skor byed do// de ltar nags chen po de'i phyi rol gyi 'phreng bal yongs su 'khor ro/ / de dag na rma bya rnams kyang kha dog du ma rin po che bdun gyi 'phreng ba mchu na 'phyang ba rnams so// gzhan yang ngo mtshar bar gyur pa ni thams cad kyi phyir rol gyi rgyab na pad+ma'i rdzing bu yod de bya rnam pa sna tshogs pa sgra sgrogs pa/ / bung ba brgya stong brjod par dga' bar 'gyur ba'i sgra rab tu dang ba zhes bya ba'i chu la bai DUR+Ya'i 'dab ma dang / gzhan mtsho skyes rnams ni rin po che bdun gyi rang bzhin gyi 'dab ma'o/ / de bzhin du mtsho skyes gzhan yang mchog tu bri zhim pa dang ldan pa gang dag gi dri ni dpag tshad lnga 'gro'o// de ltar de dag gi phyi rol gyi rgyab rnams na ni shin tu bar yang rnam par mdzes shing gsal lo// gzhan yang ngo mtshar bar gyur pa chen po gzhan ni de dag rnams nyid kyi gtsug la yod de/ ze ba la legs par gnas nas pad+ma dang pad+ma la lha rnams rtse bar byed do// lha mo brgyas yongs su bskor nas mchog tu

  216. 109a

    snyan pa legs par gyur pas/ lha mo dang lhan cig tu 'dod pas byas pa'i rnam 'gyur gcam gsag dang yang dag par ldan pas/ gling bu dang / rdza rnga dang / 'khar rnga dang / dung dang / glu kun nas len pas lhan cig tu rtse ba dang / rang las 'od 'byung ba rgyan dang ldan pa rnams yongs su spyod par yang byed do// gzhan yang gtsug de dag nyid kyi 'phreng ba rnams la ngo mtshar ba chen por gyur pa rang gi las kyis byas pas sprul par gyur pa rnams la 'di lta ste/ re re'i phyi rol gyi mgo bo la dpag bsam gyi shing legs par skyes par gyur pa/ me tog du mas kun tu gang ba/ mchog tu rnam par bkra ba/ rin po che bdun gyis rnam par bkra bar byas pa'i sgo dang yang dag par ldan pa'o// ljon shing del bar lha legs par gnas nas/ bdud rtsi dag 'thung zhing glu yang len na gzhan yang lha rdzas kyi bde pa rnams nyams su myong ngo / / gzhan yang de'i mdongs kyi 'phreng ba nyid la ngo mtshar ba 'di lta ste/ re re'i phyi rol na dpag bsam gyi shing rnam par bkra ba dga' bar gyur pa'i bde bar nye bar gnas nas lha dga' bar byed pa rnams dang yang dag par ldan no/ / phan tshun gnon pas ngal ba med par glu len pa dang / lim log byed do// lha rdzas kyi bde ba la'ang nye bar longs spyod par byed do// dang po ngo mtshar ba chen po de dag mthong nas/ rgyan dang cha byad mchog dang ldan pa'i lha de rnams dga' bar gyur pas kyang gzhan ngo mtshar che ba rnams su nye bar 'gro'o// de nas 'phreng ba de dag rnams la lha rnams

  217. 109b

    ngo mtshar nga rnam pa du ma'i blo skye bar 'gyur ro/ / gzhan yang ngo mtshar ba gnyis pa mthong ba ni/ 'di lta ste/ pad+ma'i rdzing bu'i 'phreng ba zhes bya ba pad+ma'i rdzing bu stong phrag nyi shu ste 'dam med pa rnams gser dang / dngul gyi bye ma rnams kyis 'dam du byas pa dang / yan lag brgyad dang ldan pa'i chus legs par gang ba dang / ngang pa dang / kA ra Na ra ba dang / ngang ngur rnams kyis yongs su bskor ba/ rgyags pa'i ngang pa dge ba'i las kyis yongs su bskul nas tshigs bcad brjod pa/ ji ltar/ shin tu yun ring kun dga' yang // lus can rnams la rtag pa med// mi rtag pa yi bde de yang // lha rnams kyis kyang rtogs pa min/ / bde ba yi ni lam 'di yang // rnam par 'jig par 'gyur ba yin// 'dod pa yis ni sems bslus pas// rnam par 'jig pa rtogs ma yin// sdug bsngal gyis 'dres bde rig pa/ / rab tu g.yos pas mthong ba min// pad+ma'i 'phreng bas yongs bkang ba'i// dug gis gang bzhin 'dod chags yin// 'bras chan dug gi legs bsres pa// ji bzhin de ni 'chi ba'i mtha'// de bzhin bde ba 'di dag kun// mthar ni dmyal bar 'gyur ba yin// rgyus pa yis ni kun sbrel phyugs// blta bar dga' ba ji lta bar// de bzhin dga' ba'i lus 'di yang / / phyugs yin mchog tu mi bzad pa// ji ltar kim pa ka yi bro// mngar ba'i tshogs chen byung ba ni// phyi nas 'jig par 'gyur ba yin// de bzhin mi rnams kyi yang bde// mar

  218. 110a

    me'i rtse mo ji lta bar/ / phye leb rmongs pas brgyal bar 'gyur// 'tshed pa dang ni sreg par byed// de bzhin bde ba 'di brjod do// byis rnams mi shes pas ji ltar// dga' ba dogs med bde 'dod pa/ / shi nas 'bar rnams de bzhin du// bde ba de rnams 'byung bar 'gyur// ri dgas sred la ji ltar ni// sred gdungs ri dgas nyer rgyug pa// sred pa rnam par choms min de bzhin 'di yi bde 'di brjod/ / sred pas kyang ni ngoms pa min// ngoms par 'byung bar 'gyur ba'ang med// yul gyi lha rnams thams cad kyang // de phyir 'dod pa zhi nyid min// bde ba yi yang rtsa ba'i mchog/ zhi ba gcig pu rab tu grags// gang gi snying la de med pa// de ni sdug bsngal can rang grags// gcig tu bde ba tshangs pa'i mchog/ gcig pu bzod pa zhi ba'i mchog/ rig pa gcig ni pha rol 'gro/ / byams pa gcig pu las bde 'bab// 'cheb med brtag tu bzang // lta ba dam pa mchog tu dge/ sems drang ba ni rgyun du mdzes// sdig rnams rtag tu spong ba yang / rgyan po sten dang mang blo mthun// rtag tu chos la gus pa dang // slob dpon gus nyan bden rnams dang // las la'ang dad par ldan pa'o// rtag tu dkon mchog gsum mchod dang // gang phyir dge ba'i blo dri med/ / ma dang pha dag mchod pa yang / myang 'das grong khyer 'gro ba'o// chos rnams thams cad ma lus pa// rab tu 'byung ba yin par brjod// bde ba kun gyi mchog byed pa'i

  219. 110b

    tshangs par spyod pa spyod pa'i phyir/ / sbyin pa rnams kyi sbyin pa'i mchog/ chos kyi sbyin pa rab tu brjod// brtson rnams las kyang bsam gtan rgyun// gang gis mya ngan 'das 'gro ba'i// sbyin dang tshul khrims dka' thub shes/ / shes rab nyid ni mchog tu brjod// thar pa yang ni ye shes las// shes dang tshul khrims las bde byung // mag rnams kyis kyang yongs mthong ba// shin tu dri med ye shes mig/ lam rnams las kyang yan brgyad lam// shis par de bzhin gshegs pas gsungs// bzhi po yang ni bde rnams kyi// mchog tu legs par gsungs pa yin// stobs rnams kyi yang stobs legs mthong / / shes rab stobs ni mchog yin no// steng 'og par gyi 'jig rten 'dir// du ma yi ni las rnams kyis// chos rnams de nyid gzigs pa po// mchog gyur de bzhin gshegs pa brjod// tshogs rnams las kyang 'phags pa yi/ / dge 'dun mchog dang zhi bar brjod// zhing rnams kyi yang rnam gsum skyon// yon tan sdug bsngal 'jig pa de// pha ma legs par mchod pa dang / mkhan po yang ni rtag par ste/ / de ni mig btsums gyur pa na// chos kyi spyod yul de dbang gis// thub pa de nyid gzigs rnams kyis// mchog tu de dag rtag tu gzigs// bde ba'i yul ni de dag rnams// yul ni bde ba min par dran/ / gang zhig de rnams byed pa ni// dri med chos kyi lam mthong yin// de spong bde ba rtag tu mthong // sa rnams kun ni bde ba min// de ltar de dge ba'i las kyi chos don du gnyer ba dge

  220. 111a

    bas nye bar 'tsho ba der skyes pa na sngon gyi dge ba'i las kyi skye ba gzhan rjes su dran par gyur pas tshigs su bcad pa brjod do/ / de lta bas na rab tu dang bas dam pa'i chos ma yengs par bklag par bya'o/ / gang gi rgyus dud 'gro'i skye gnas su skyes pa rnams kyang dam pa'i chos bklag pa'i 'bras bu med par mi 'gyur ba'i phyir ro// slar yang lha thams cad nyid gang na 'thab bral gyi pad+ma'i rdzing bu der 'gro'o/ / pad+ma'i rdzing bu brgya stong phrag nyi shu pa dga' bo'i sgo nas de brtson pa dang ldan par gyur nas rgyu brgyan dang cha byad can thams cad so sor gzugs dang / cha byad 'dzin pa'i lha'i bu mos yongs su bskor ba mthong ste/ lha'i tshogs pad+ma'i rdzing bu'i dbus su song nas rgyan dang cha byad mchog dang ldan pa khri phrag brgya dang / bye ba phrag du ma nyid dang yang dga' bar byed do// yongs su rgyu bar yang byed de rnga skad yan lag lnga dang ldan pas yul lnga la lha'i bu mo'i tshogs dang lhan cig tu kha cig ni pad+ma'i gseng tu 'gro'o/ / kha cig ni dril bu g.yer ka dkrol ba la mi zad do// kha cig ni 'dab ma la zhon no// kha cig ni snying po la rnam par gnas nas ji ltar 'dod pas shin tu phra ba dang rgya che ba'i lus kyis mig btsums nas phye ba'i bar la 'gro ba mgyogs pas dpag tshad stong phrag brgyar phyin nas slar yang phyir 'ong ngo / / mthong ba 'jug pa bzhin du de dag kun nas gnod pa med par 'gyur te/ ji ltar sor mo gcig gi rtse mo la mig brgya'i lta ba 'jug pa ni yang mthong ba rnams dog pa'ang ma yin pa de bzhin du lha rnams brgyad dang stong yang pad+ma'i snying

  221. 111b

    po gcig la so sor nges par gnas so/ / 'on kyang drog pa 'ang ma yin no// lha de dag rnams kyi legs par byas pa'i las kyis shin tu phra ba'i dngos po dang du ma'i dngos po mang ba'i las byas pa dang / yang par 'gyur ba dang phra bar 'gyur ba ste gnod pa'ang ma yin no/ / de bzhin du lha rnams kyang gnod pa ma yin pa ni legs par byas pa'i las kyis te/ lha de dag rnams rang nyid kyi las kyis de lta bu'i gzi brjid d ang ldan pa'i pad+ma'i rdzing bu der rtse mo la ched cher byed cing lha rnams ji ltar 'dod pa bzhin du dga' bar 'gyur ba ro mchog dang ldan pa'i rtsi rnams kyang 'thung bar byed cing 'gying bar yang shin tu mang ba'i tshogs kyis dang stong phrag rnams kyis kyang byed do/ / de nas de'i tshe lha sa gzhan dag na gnas pa'i lha de dag rnams rtse ba la ched cher mi byed par sa gzhan na gnas pa'i lha de dag rnams kyang phan tshun lhan cig grogs su gyur pas dang / kha na ma tho ba med pa'i gzugs rang nyid kyi 'od nyi ma brgya stong gi 'od pas ches lhag pa'i lus 'dod pas rgyags pa'i rang bzhin gyi yul gyi bde bas snying dga' bar byed pa dang / rtsi yang 'thung bar byed la dus shin tu ring bas de la gnas nas slar yang mu su lun d+ha lta 'dod pas 'jug par byed do/ / nags de na gzugs du ma dga' bar gyur pa ji ltar 'dod pas sprul pa dang / ji ltar rang nyid 'dod par gyur pa 'thab bral gyi mnga' bdag mu su lun d+ha'i nags de ltar mthong ste/ gzugs du ma phan tshun du dag ba rnams ni 'thab bral gyi bdag po de'i mdzes pa snga na med pa yin no// de nas lha de snga na med pa'i gzugs mthong

  222. 112a

    ba bzhin du nags de lta zhing 'jug par byed de/ lha de dag dga' bar 'gyur ba'i rgyan dang cha byad dga' bar gyur pa steng du skyes pa'i lha rdzas kyi tsan dan gyis nye bar byugs pa'i lus can rnams de bzhin du gos mchog bgos pa mtho ris dang rjes su mthun pa'i rgyan dang / cha byad can gyis rnam par bkra ba'i nags de'ang des yang dag par mngon par mthong nas/ de ngo tsha ba kun tu skye'o// las rnam pa sna tshogs pa'ang rjes su mthong bar 'gyur la rnam pa sna tshogs pa mthong nas kyang snga na med par dga' ba'i yang nags rnams dal bus nye 'khor bltas nas phyi nas dga' bar byed pa dang / rnam par lta bar byed pa dang / phan tshun du brgyan par gyur pa dang / phan tshun du pad+ma'i rdzing bu der 'jug par yang byed de/ shin tu 'das pas zhugs nas mang du blta'o// ne co'ang tshang gi sgo nas mnyam pa rnam pa sna tshogs pa rin po che'i phreng ba la sogs pa 'dzin par gyur pas nye 'khor na phan tshun du shin tu chags par gyur pas/ / mchu la mu tig gi phreng ba rnams rgyags pas g.yas phyogs nas skor bar byed do// nags de dag na tshigs su bcad pa'ang brjod pa/ ji ltar/ rang gi las kyis bskul ba yis// 'khor lo 'di dag thams cad 'khor// 'di ni rga shi 'phyang mo yang // skyo bar 'gyur ba ma yin no// 'gro ba dang ni gzhan 'gro/ / lha dang lha min de bzhin mi// rang sems yongs su zlog pa yi// de nyid mkhyen pa ltos pa med// de bzhin 'khor lo 'khor ba min// gang 'di kun tu 'khor byed ni// las kyi lag

  223. 112b

    pas yongs bskul ba/ / sems can 'khor lo myur ba'ang yin// 'byung nas bcu gnyis yang dag ldan// rmongs pa dang yang kun nas ldan// rten 'brel 'khor lo 'khor ba yang // 'jig rten gyis ni rtogs pa min/ / de ltar ne tso'i kha nas nges par byung ba'i rigs su bcad pa brjod pa lha de dag rnams kyis thos nas shin tu mnyam par bzhag pas rang gi las bdag gir bya ba la rab tu rtog par byed pa dang gus pa mang bar yang 'gyur ro/ / ji ltar ne tso'i mchog de ni las bdag gis byas pa gang yin pa la spyod par byed pa la/ e ma bdag cag rnams sred pa dang lhan cig tu dga' bar byed pa bdag bde ba dang ldan par yang gyur nas yongs su spyod par yang bdag cag rnams byed par slar yang mu su lun d+ha blta bar 'dod pas gang na de'i 'gying ba'i nags yod pa der nye bar legs par 'gro'o/ / de dag rnams nags de'i nang du legs par song nas mthong ba ni man d+ha ra ba'i nags stong phrag brgya kha dog dang me tog gis rgyas par gyur pa/ rnam pa sna tshogs pa'i bya'i tshogs kyis legs par gang ba/ nyi ma stong dang 'dra bar lham me bar 'od 'bar bas sred pa'i skyon dang rnam par bral ba/ snang ba 'ba' zhig byed pa shing de mthong nas rab tu dga' ba yang skye bar byed do// rtag tu rnam par dben pa'i sgra snyan pa rnams kyis rna ba rab tu dga' ba skyed par byed do/ / sna 'ang rab tu dga' ba rnams skyed par byed do// dbang po lnga ka 'ang me tog shin tu dri zhim pos te/ lce rab tu dga' ba'ang skyed par byed pa ni lha rdzas kyi 'bras bu'i ro rab tu dga' ba rnams kyis so//

  224. 113a

    lus kyang rab tu dga' ba skyed par byed de/ ma btags pa'i gos mchog 'byung ba rnams kyis so// yid kyang rab kyi mchog tu dga' ba skyed par byed de/ dbang po lnga mchog tu tshim par 'gyur ba'i phyir ro/ / de dang rab tu 'brel pas kyang yid chos rnams rab tu dpyod par byed do// des rnam par shes pa nyams su myong ba'i don du byas pas de dag rnams kyis man d+har ba de dag kyang mthong ngo / / man d+ha ra ba zhes bya ba'i ljon shing yod pa la shin tu rab tu dga' bar gyur pa'i lha dang lha mo'i tshogs kyis kun nas gang ba snga na med pa'i rgyan dang / cha byad du 'gyur bas gzhal du med pa'i 'gying ba rnams dang nye bar spyod pa dang ldan pa dang / de ltar sa de na spyod pa'i lha thams cad mthong bar 'gyur ro// de nas dpe med brgya stong phrag bye ba du ma'i yon tan gyis yongs su gang ba/ nags de'i nye 'khor rnams bai DUR+Yas khyab pa na lha gang dag gis 'thab bral gyi mnga' bdag mu su lun d+ha'i rjes su mi 'brang ba'i lha de ni yod pa ma yin te/ rang gis ngos chags pa dang / rjes su 'ang chags shing mchog tu chos byed du 'ang rigs pa'i phyir ro/ / de nas lha de dag rtag tu'ang ji ltar bshad pa'i bzhon pa rnams kyis dang tshig bla dgas kyi 'bab chu dang / chu klung dang / rdzing bu pad+ma'i nags dang // shing phun sum tshogs pas sa'i cha nye bar mdzes pa mnan na nem la bteg na 'phar ba/ gser gyi gos dang 'dra ba'i sa gzhi rnam par bkra ba mthong bar gyur pa rnam pa sna tshogs pa'i 'dod pa'i longs

  225. 113b

    spyod rnams kyis so/ / gzhan yang rtse gcig tu lta ba la ched cher byed par 'gyur ba'i yid can thams cad kyang rjes su spyod pa rnams dang bcas nas gzha'athab bral gyi mnga' bdag yod pa der nye bar 'gro'o// phyi nas yang sa de dag las shin tu 'das nas 'jug par byed de/ lha de dag rnams ji skad du bshad pa bzhon pa de dag rnams kyis sngar bzhin nyid du lha de dag rnams 'jug go// sa gzhan snga ma pas ches lhag par dga' bar gyur pa'i sa de dag rnams kyang brgya yod de/ rtsed mo'i ri bai DUR+Ya'i rang bzhin can rnams la pad+ma rA ga'i rang bzhin gyi ljon shing la gser btso ma'i rang bzhin 'ad ma rnams dang dngul gyi rang bzhin rnams kyis kyang brgyan pa'o/ / gzhan dag rnams kyang gser btso ma'i ljon shing ngo // gzhan dag rnams kyang byu ru'i yin te bya rnams kyis yongs su bskor ba'o// yang mdzes pa gzhan rnams la rin po che'i khams du ma rnam par 'dres pas rgyan du byas pa la rnam pa sna tshogs pa'i ri dgas dang / bya rnams kyis nye bar mdzes par gyur pa rnams rnam pa sna tshogs pa'i 'bab chu dang / rdzing bu dang / chu klung dang / tshang tshing gis nye bar mdzes pa rnams 'khri shing gi rtse mo'ang 'khri shing rnam par 'phyang bas nye bar mdzes pa'i 'khri shing gi khang pa rnams dang / gser gyi mdog can gyi 'bras bu rnams dang / gser gyi 'khri shing rnam par 'phyang ba rnams dang / gzhan yang bai DUR+Ya dang 'dra ba'i kha dog gi 'bras bu rnams dang / gser gyi 'dab ma nye bar mdzes pa'i 'bras bu rnams la bung ba brgya stong sgra 'don pa rnams kyis rna ba la gtod pa

  226. 114a

    rnam pa sna tshogs pa'i ro dang dri dang reg byas kun tu gang ba/ bza' ba dang btung ba'i chu klung rab tu phal rnams dang / rin po che bdun gyi rang bzhin gyi bya'i tshogs kyis nye bar mdzes pa rnams dang / mchog tu reg na bde ba'i sa'i cha rnams so// gzhan yang lha rnams kyis rtsed mo'i ri de nyid kyi mdzes pa rnams mthong ba ni ringos dang / tshang tshing dang / rtse mo rnams dang / phug gi sgo dang / 'khri shing gi khang pa dang / pad+ma'i rdzing bu dang thams cad la 'ang rab tu dga' ba'i lha dang lha mo'i tshogs kyis legs par gang ba/ lha de dag rnams las kha cig ni lhan cig spyod pas yongs su bskor nas gar byed cing / rol cha dang bcas pas glu len par 'gyur ro// kha cig ni pad+ma'i nags su zhugs nas chu'i rtsed mo lhan cig spyod pa rnams dang lhan cig tu rtse'o// kha cig ni rang gi yid mchog tu dga' ba'i btung ba rnams 'thung ngo / / kha cig ni ringos gzhan la me tog rnams spung bar byed do// kha cig ni pad+ma'i 'phreng ba mchog gi de la ched du byed pas 'phyang ba ni cod pan gyi 'phreng ba rnams 'phyang bar byed do// ldan cig spyod pas yongs su bskor nas mchog gi rgyan dang / cha byad can rnams rang nyid kyi 'od kyi rjes su 'byung ba'i lus can no// kha cig ni nam mkha' la lhan cig spyod pas yongs su bskor nas so// lha gzhan dag rnams ni gling bu dang / 'khar rnga dang / rnam pa sna tshogs pa'i rol cha lag na thogs pas glu len par byed pas kyang ringos dang tshang tshing du gnas so// brgya phrag du ma dang yang ni stong phrag du mar yang

  227. 114b

    lha de dag rnams de ltar 'od sna tshogs kyis lus brgyan cing sngon po dang / ser po dang / dmar po dang / 'dren ma'i 'od lus las 'byung ba rnams yin te/ de ltar cung zad tsam cig dper byas par zad kyi chung ba rnams ni dper na nyi ma las 'od kha dog du ma 'byung ba'o/ / de nas lha de dag rnams kyi rtsed mo'i ri de rnams mngon par mthong ste/ brgya stong phrag du mas mdzes par gyur pas ches lhag par nye bar mdzes pa rnam par bkra ba'i legs par byas pa'i las kyis sprul pa rnam pa du ma mthong nas mchog tu dga' ba skyes so/ / de dag rnams kyis phyir zhing rtsed mo'i ri rnams mngon par mthong nas/ lha rnams kyi mnga' b dag blta bar 'dod pas slar yang na zhan du song zhing zhugs nas de dag rnams kyi nye 'khor na khang bzangs kyi 'phreng ba zhes bya ba'i sa gzhan na 'thab bral gyi bdag po de mthong nas lha de dag rnams 'jug par byed do/ / rgyan dang cha byad mchog dang ldan pas shin tu 'thab bral gyis 'gro byas pa tshogs pa rgyu ba na gnas pa rnams dang / rgya chen po'i khor yug na rgyu ba rnams dang / gang yangs de na gnas pa rnams kyis kyang khang bzangs kyi khor yug rnams kun nas legs par gang cha shas rnam par bkra bar gyur pa ni/ mu su lun d+ha'i legs par byas pa'i las rnam pa du mar byas shing bsags la so sor myong bar 'gyur ba'i rnam pa du ma rnams yin la/ khang bzangs de dag rnams kyang stong phrag bcur rnam pa du mar kha dog dum sna tshogs par bkrab gser 'bar ba rnams kyis de dag rnam pa sna tshogs par legs par

  228. 115a

    brgyan par gyur pa de rnams kyi gar 'gyur pa 'di dag rnams kyang 'di lta ste/ rtsig pa gang yin pa rnams ni gser gyi rang bzhin no// de dag gi stegs bu rnams ni bai DUR+Ya'i rang bzhin no// / glo skar rnams ni in+d+ra nI la'i rang bzhin no// ka rnams ni cha shas rnam par bkra ba rnams so// gzhan yang khang bzangs gzhan rnams kyi ni bai DUR+Ya'i rang bzhin no// sgo rnams ni gser 'bar ba'i rang bzhin no/ / bai DUR+Ya'i rang bzhin dang gser btso ma'i rang bzhin gyi sgo glegs kun nas 'dud pas mchog tu cha shas rnam par bkra ba'o// gzhan yang ches mchog tu gyur pa'i gnas dga' ba de dag rnams la 'di lta ste/ rtsig pa rnams ni pad+ma rA ga'i rang bzhin no// dngul gyi rang bzhin gyi ka ba rnams so// sgo rnams ni gser gyi'o// glo skar rnams ni byu ru'i rang bzhin las so// sa rnams kyang rnam par bkra bas rnam par bkra bar gyur pa'i las kyis dga' bar gyur pa'o/ / gzhan yang rnam par bkra bar byas pa'i yul phyogs bla na med pa yod de/ 'di lta ste/ in+d+ra nI la'i rang bzhin gyi rtsig pa rnams so// sgo rnams ni gser btso ma'i rang bzhin rnams so/ / dngul gyi rang bzhin du gyur pa'i ka ba dang ri rnams kyang 'od 'bar ba'i 'phreng bas dkrigs pa'o// gzhan yang mdzes pa mchog tu gyur pa yod de/ mu su lun d+ha'i pho brang 'di'i rnam pa sna tshogs pa'i las kyis sprul pa rnams la ji ltar rdo rje pha lam gyi phye mas brtan par gyur pa dngul gyi rang bzhin mchog tu dri ma med pa rnams dang / gser 'bar ba rnams kyi

  229. 115b

    sgo dang / ka ba dang / glo skar rnams ni pad+ma rA ga rnams las so// gzhan yang gzhan rnams yod pa ni/ rin po che sna bdun gyi rang bzhin phan tshun du gsal bar byed pa 'od mchog dang ldan pa'i khang bzangs rnams kyi tshogs rnam pa de lta bu rnam par bkra bar gyur pas 'khril ba'i khang bzangs de dag rnams kyang mdzes pa mthong ngo / / lnga de dag rnams 'phreng ba'i gos rnams 'chang bar gyur pas thams cad du 'ang mig gi rgyu ba gtod par byed de/ mu su lun d+ha lta ba la ched cher byed do// shin tu 'thab bral gyis rnam pa du ma sna tshogs pa'i rgyan dang / cha byad can phan tshun du sems bsnun pa'i bsam pa can de dag rnams de ltar legs par mthong bar gyur nas phyir zhing yang 'jug par byed de/ mu su lun d+ha'i pho brang rnams su lha de dag ji lta ba dang ji lta bar rab tu 'jug pa de lta de ltar ches dga' bar 'gyur ba rnams mthong ngo // rnam par bkra ba shin tu lhag pa rnams kyang mthong ngo // mchog tu ngo mtshar shin tu rmad du gyur pa yon tan du mas rnam par bkra bar byas pa'i khang bzangs de dag gi nye 'khor rnams de dag rnams kyis kun tu bltas nas/ slar yang 'thab bral gyi bdag po la blta bar 'dod pas gus pa dang bcas pas lha rnams 'jug pa na/ de dag gis gzhan yang gang la rgyal po de rnam par spyod par byed pa'i lha'i bu mo gzhan rnams mthong ba la lha de ni lus la dkrig ma stong phrag bdun gyis yongs su bskor ba'i lha mo rnams ni rgyan dang / cha byang mchog gis rab tu snang ba byas pa'i lus rnams 'od kyi phung po gos kyi 'phreng ba 'phyang ba

  230. 116a

    dang cod pan 'phyangs pa/ dpung rgyan dang gdub kor legs par bcug pa/ me tog gi 'phreng ba rnams lus la btags pa'i lha'i lus kyis rnam par rgyu ba de dag rnams kyis kun nas khyab par 'thab bral ba'i mnga' bdag de yongs su bskor nas legs par gnas pa ni/ ri rnams kyis ri'i rgyal po ri rab lhun po bzhin du dang / mtsho rnams kyis rgya mtsho bzhin du dang gza' dang / skar ma dang / rgyu skar rnams kyis zla ba bzhin du gyur pas de ltar lha de rnams kyis 'thab bral gyi mnga' bdag yongs su bskor nas shin tu gnas so// mdzes par gyur pa de dag/ rnams thams cad kyi 'od de dag kyang zla ba bzhin du de'ang legs par gnas so// 'od kyi phung po in+d+ra nI la'i rang bzhin gyi mchog tu gyur pa'i stan chen po la gnas so// stong phrag brgya'i ka ba rab tu gsal ba'i rin po che bdun gyi rang bzhin ka ba rnam par bkra ba rin po che 'bar ba 'dra bar mdzes pa'i khang bzangs la gnas par byed pa na/ khang bzangs de'i gzi brjid ni ji lta ji ltar lha gnas pa de lta de ltar lha gnas par 'gyur te/ khang bzangs 'di rin po che sna tshogs kyis rnam par brgyan pa'i khang bzangs de dag gi 'ang nang na shing gang dag yod pa de dag rnams kyi yal ga de dag rnams la rtag tu me tog rab tu rgyas pas dus drug tu ches mchog tu 'dzin pa dang / shin tu legs par 'brel bas 'bras bu rnams rtag par rgyun du 'dzin pa'i mthong na mdzes pa'i rtsig logs rnams ni rin po che bdun gyi tshon

  231. 116b

    gyis rnam par bkra par byas pa'o/ / de nas lha shin tu 'thab bral la sogs pa lha de dag rnams gang na mu su lun d+ha yod pa de dang nye bar 'gro ste/ gar dang / glu dang / rol mo'i sgra rnams kyang rjes su sgrogs pas dga' ba'i yid brtson pas gcig tu rgya che ba'i las kyi 'bras bu la shin tu longs spyod pa/ 'od du ma'i phung po 'thab bral gyi mnga' bdag mu su lun d+ha de dag rnams thams cad kyis mngon par mchod nas gnas ji lta ba'i stan la gnas par 'gyur zhing kun nas 'dun pa de dag rnams la kun dga' ba dang / legs par dga' ba skyed pa'i gtam yang byas nas/ lha'i tshogs 'ongs pa thams cad la 'di skad du smras te/ bde ba'i phyir na bag med par 'gyur ba gson gson pa rnams kyang legs par bsrung bar gyis dang / chos kyang legs par srung dang / lha rnams rab tu lhung bar gyur ta re/ de ltar na yang bde ba mchog gi mthar thug pa'i bde ba rnams 'byung bar 'gyur ba yin no// bde bas rnam par gnas nas kyang mya ngan las 'das pa'i mthar yang thug pa yin no// kye lus zhig nas kyang nam yang sdug bsngal 'byung bar mi 'gyur ro/ / lha rnams bde bar gnas par yang 'gyur ro// de nas lha de dag rnams thams cad lhag ma ma lus pa dang / yang dag par ldan pa rnams la mnga' bdag gis tshigs su bcad pa brjod pa/ ji ltar/ sna tshogs khams kyi 'jig rten 'di// sna tshogs las kyi dbang rjes 'gro// sna tshogs 'gro las 'phro ba'i lha// gnas 'dir kun nas

  232. 117a

    'ongs pa yin/ / ji ltar 'ongs pa de ltar slar// srid pa gzhan du 'gro bar 'gyur// ji srid skye ba 'di kun yod// ji srid blo ni ma nyams pa// de srid bde legs rab brtson pas/ / bya ba rab tu brtson pa yis// ring du longs spyod bde ba'i mchog/ nges pa kho nar lhung ba'i 'jigs// ltung ba las kyang rtag par ni// sdug bsngal 'byung bar the tsom med// de/ bzhin bdag gis khyed rnams la// 'dir ni chos ldan bshad pa rnams// de dag thams cad 'dir nyon la// ji skad de bzhin gshegs gsung gis// de ltar 'thab bral gyi bdag pos lha de dag rnams yo la phan par 'dod pa'i phyir 'di dag brjod do/ / ji ltar bde ba rnams kyi rjes su 'gro ba dang / yul gyis kun nas rmongs pa'i yang phyir lha rnams rnam par ngoms pa med pas ji lta bar yongs su nyams nas lha rnams 'jug par mi 'gyur ro/ / gal te yul 'di dag bde ba rnams yin na ni 'di rnams mi rtag pa dang / mi brtan pa dang / shis pa ma yin par yang mi 'gyur ba zhig na/ ji lta ba bzhin du r jes su nyon dang gang dag yin pa 'di dag rnams mthong bar gyur pa rnams la yang dag par rdzogs pa'i sangs rgyas drug po rnams kyi mchod rten drug rin po ni rnam pa sna tshogs pas nye bar mdzes pa las byas pa rnams so/ / de dag rnams ni de bzhin gshegs pa drug gir byas pa yin la/ byas pa de dag rnams kyang 'di lta ste/ yang dag par rdzogs pa'i sangs rgyas gtsug tor can dang / yang dag par rdzogs

  233. 117b

    pa'i sangs rgyas rnam par gzigs dang / yang dag par rdzogs pa'i sangs rgyas gser thub dang / yang dag par rdzogs pa'i sangs rgyas thams cad skyob dang / yang dag par rdzogs pa'i sangs rgyas 'khor ba 'jig dang / yang dag par rdzogs pa'i sangs rgyas 'od srungs te/ sku gdung de dag rnams sngon gyi lha rnams kyis byas par gzhan la bdag cag gis rna bas thos nas kyang mchod par byed de/ bdag cag rnams tshe shin tu thung ba'i rgyu gang gis/ de bzhin gshegs pa rnams de dag thams cad kyis ma mthong ngo // 'on kyang bcom ldan 'das de rnams 'jig rten la phan pa mdzad pas brtson par gyur pa dang / don bzhed pas lha de rnams la phan pa'i don du lha'i 'jig rten 'dir bzhugs par gyur to// de ltar thos pa brgyud pas yin gyi/ chos 'di rjes su rtogs pa ni ma yin no// de la bcom ldan 'das 'khor ba 'jig gcig pus kyang 'thab bral ba la shin tu bar yang phan pa mdzad pa/ 'di lta ste/ sku gdung gcig las kyang rgyu mtshan shin tu ngo mtshar che bar gyur pa blo'i yul la nges par gnas pa rnams ji ltar gang gi tshe dge sbyong rnams la ma yin zhing bram ze dang skye dgu rnams la 'ang 'byung bar mi 'gyur ba ste/ de'i tshe lha'i phyogs rnams yongs su nyams te/ yongs su nyams nas yang sku gdung 'dir sprul pa rnams mngon sum du mthong ba ni lha 'chi 'pho bar 'gyur ba dang / yongs su nyams par gyur nas de rnams kyis bdag rang nyid gcig pur mthong ste/ ji ltar 'joms pa 'ang

  234. 118a

    bag med pas bag med par rnam par gnas pa rnams la 'gyur la/ 'gyur ba 'ang yul la rnam par chags pa'i phyir mthong ba ma yin la/ de dag bdag nyid la glu'i sgra kun nas bsgrags pas phan pa ma yin pa rnams phan par 'dod pa'i phyir na/ ji ltar bag med pa khyed rnams bag med pas rgyu bas kyang dus byed par gyur ta re/ legs par byas pa 'di zad par 'gyur bas de don med par gyur ta re// ji ltar de'i rgyu mtshan du rtsom pa 'di dag byed pa'i de bzhin gshegs pa drug gi mdog gang dag yin pa lus can rnams la phan pa'i don du gsungs pa de dag rnams thams cad kyang sku gdung de dag rnams nyid la de bzhin gshegs pa rnams kyis rjes su bris pa nga las blo dang ldan pa rnams kyis mnyan par gyis dang / lha rnams phyis 'chi ba'i dus na 'gyod par gyur ta re/ de nas lha de dag rnams kyi gtso bo rnams yid tshim pa med pa dang ldan pa'i gus pas thams cad nyid kyang nges par gnas par gyur la/ gang gi phyir gus pa ni/ lha'i bdag po la gus pa dang chos 'dul ba la 'angagus pas bden pa mthong ba de bzhin du de dag rnams gnas te mi g.yo ba'i yid kyis so/ / des de ltar gdul bya rnams legs par mngon par mthong nas/ thams cad la 'di skad ces smras so// khyed rnams ji lta ba bzhin du rab tu zhugs ba rnams kun gyi dang po nyid du de bzhin gshegs pa dang po'i mchod rten gtsug tor can des kyi gangos la mngon par bris pa ni/ ji ltar dge slong dag chos brgyad po 'di dag rnams dge ba'o zhes bya ba'i mdos lha

  235. 118b

    rnams la phan pa'i don dang / bde ba dang / don bzhed pa dang / phan par gnang ba'o// de nas dang po kho nar lha khang nye bar 'gro bar de gtso bor gyur pa'i mu su lun d+ha de dang lhan cig tu legs par zhugs nas des mthong ba/ bcom ldan 'das gtsug tor can gyi sku gzugs bai DUR+Ya'i rang bzhin dang / in+d+ra nI la'i yang rang bzhin gyi gdan chen po la nye bar bzhugs pa/ skyil krung legs par bcas pa de'i rtsig ngos la 'ang mdo mngon par bris pa ji ltar brgyad po 'di ni dge slong dag lha dang mi rnams kyi 'ang dge ba'i chos rnams kyi bar du gcod pa yin te/ de la brgyad po gang zhe na/ 'di lta ste/ dge slong dag dang po nyid du bag med pa bag med pas nye bar bcom pa'i lha 'am mi rnams kyang rung ste/ gang dge ba rjes su bsgrub pa na 'jig rten gyi 'ang ma yin la/ 'jig rten las 'das pa'i 'ang ma yin te/ 'jig rten ba'i ni le los bag med pa bag med par gnas pas las kyi mtha' rnams 'grib par 'gyur te/ gang mdza' bo yin pa de dag rnams la ma bltas pas de dag ni bar mar gnas par 'gyur ro// gang yang dgra po yin pa de dag rnams ni ches mi bzad par gyur nas go skabs dag tshol zhing glags rnams gcod par 'gyur bas bag med pa dang / bag med par rgyu ba de dag rnams kyi'ang 'jig rten pa'i chos kyi las kyi mtha' rnams de bzhin du 'gyur ro/ / de las kyi mtha' nyams pa dang / dgra bo rnams phal che ba dang / gnyen 'brel rnams yongs su nyams pa dang / dbul po dang gzhan kha grag par yang 'gyur ro// /

  236. 119a

    kha nyen pa rnams mthar thug pa ni 'di yin te/ 'di ltar dbul po zhes bya'o// dbul bas spangs pa'i skyes bu ni 'grogs bshes dang gnyen bshes dang rtsa lag rnams dbang che bar 'gyur ro/ / brnab sems dang gnod sems dang log par lta ba rnams rab tu phal che bar 'gyur ro// de mi dge ba spyod pa po zhes zer nas blo gros ngan pa de la lha rnams sdang bar 'gyur te/ lha rnams thams cad kyis mi dge ba spyod pa de yongs su spong bar 'gyur la/ sems can 'tshe ba po rnams kyis de gtses pas dus byed par 'gyur ro// tshong pa yin par gyur na'ang bag med pas bag med pa'i spyod pas bar skabs su nor nyams par 'gyur ro/ / 'di na bag med pas dge slong ngam gzhan yang rung ste/ dge bsnyen rnams kyang bsam gtan byed pa na brtson pa dang ldan par mi 'gyur ro// lung du bstan pa'i bsam gtan gyi zag pa rnams zad par byed pa ni ma yin gyi/ / zas kyi ro rnams 'ba' zhig la chags pa zas kyi dus la shin tu 'ang blta'o// yid bde bar 'gyur ba ma yin gyi/ bag med pa bag med par rgyu ba de dag rnams brgya zhig la'ang sems rab tu dang ba pa ma yin no/ / rol shin tu brkam pa dang ldan pa/ khA ta dang sems mtshungs pa dang ngang tshul mtshungs par 'gyur ba gang gi tshe de dag bag med pa rnams sems pa la rab tu brtson pa dang ldan par 'gyur ro/ / de 'khor rnams 'dus pa'i nang du song ngam/ mang du thos pa rnams kyi nang du song na shes rab chung bas kha nyan par 'gyur ro//

  237. 119b

    sbyin pa po dang sbyin bdag rnams la gzi brjid chung bar yang 'gyur ro// mi 'jigs pa yongs su nyams pa ste/ mi 'jigs pa rnams kyi mchog ni 'di ltar chos rnams rnam par 'byed pa'o// dbang chung ba rnams kyi tha ma ni/ 'di lta ste/ thos pa nyung ba'o// kha nyen pa de bdag nyid kyi nyes pa rnams kyang nges par mi shes so// gzhan la'ang brnab sems dang / gnod sems mang bar 'gyur te/ de'ing mang du thos pa rnams la 'am/ bla ma rnams la 'am/ de yang na sbyin pa po 'am/ sbyin bdag sems rab tu dang ba dang dbang po rab tu rgyas pa rnams la ste/ blo dman pa de bag med pa'i las mang/ po rnams byas pas lus zhig pa na thabs ma yin par rnam par lhung nas dmyal ba rnams su skye'o// bag med pa bag med pas gnas pa rnams de ltar mi rnams bag med pas 'jig rten dang 'jig rten las 'das pa'i don rnams kyi bar chad byed par 'gyur ro/ / yang dge slong dag ji ltar na lha rnams kyi bag med pas bar chad byed par 'gyur na 'di'i rang bzhin nyid kyis lha 'di dag rnams bag med pas bag med par rgyu ba'i lha sgra dang / reg bya dang / ro dang / gzugs dri 'dod pa sdug pa yid du 'ong ba de dag gis bag med pa bag med pas rgas pa 'ong bar 'gyur ba mi mthong ngo // rgud pa 'ang mi mthong ngo // legs par byas pa'i las rnams zad pa rnam par mi dran no/ / chos la goms par mi byed do// sangs rgyas dang / chos dang / dge 'dun rnams la gus pa dang bcas pa ma yin no// de dang bral ba'i yid kyis bag med pa

  238. 120a

    pag med par chub sangs rgyas 'byung ba dang bral bar gyur pa/ mthong ba bag med pa goms par gyur pa'i srid pa'i gdung ba'i sdug bsngal chen po nye bar gnas pa rnams la 'a ba'i lhas byung ba'i 'bral bar 'gyur ba'i sdug bsngal rab tu 'byung bas/ bud med rnams kyi tshogs kyis yongs su spangs par 'gyur ba'i 'jigs pa chen po nye bar gnas pa'i 'obs bzhin du rab tu lhung bar gyur pa na/ gang dag bshad pa'i yul la nye bar spyod pa de dag gi tshogs pa de rnams kyang lan brgyar yang mi mthong bar de 'jig rten gzhan du 'gro bar 'gyur la/ de dag rnams rjes su 'gro ba ma yin pa dang 'chi ba'i dus na bde ba rnams shes pa'ang ma yin no/ / dbugs 'byin par yang mi 'gyur ro// yul de dag rnams ni nyams pa yin zhing yul rnams ni skyugs pa dang rtag tu gyur pa'o// yang srid par thun nas skyed pa dang / de las byung bar 'gyur ba gang yin pa de ni bag med pas bag med par gnas pas byas pa'i las des kun nas gnas pas srid pa gzhan du 'gro zhing rjes su 'gro ste/ de yul gyi sred pa'i gzug gzer gyis bag med pas dus byed par 'gyur ro/ / yongs su btang zhing lha thams cad kyis yongs su btang ba dang / kun nas skrag pa dang yul gyis kun nas rmongs pas kyang dus byed de/ de dus kyi chos dang ldan pas dmyal ba dang / yi dgas dang / dud 'gro rnams su skye'o// de lta bas na mi 'am lha yang rung ste bag med pa mi bya'o// de nas de'i tshe bcom ldan 'das gtsug tor can des tshigs su

  239. 120b

    bcad pa brjod pa/ ji ltar/ lha rnams yul gang bde ba yis// rtag pa nyid du'ang sten byed pa// de ni nyams dang de nas kyang // las rnams grol zhing rjes su 'gro// bde ba rnams la bsags pa med/ las rnams la ni bsags pa yod// bde ba yis ni rmongs pa'i lha// las rnams kyis ni dbang gis 'gro// da lhur ba yi yul gyis bde// de ni dge ba byed min pas// yul rnams kyis ni legs skom lha/ / de bzhin rnam par g.yeng yid can// 'khor ba'i nad kyi sman gyur pa// dge ba'i las ni rtogs ma yin// gling nyid dang ni skyob bzhin dang // de bzhin du ni skyabs nyid bzhin// legs par byas pa skye bzhin du// lus can rnams kyi rgyab na gnas// de phyir rtag par rab 'bad pas// lha rnams kyis ni rtag brten bya// yul rnams spong bar byed pa dang // bsod nams rten pa bzang po yin/ / gang yang ma 'ongs pa yi srid// blo yi mig gis mthong ba ni// de ni mkhas yin rtag tu mdzes// ltung ba 'jigs pa'i rtsa ba po// rnam par 'khrul skyes 'jigs rtag 'di// legs par blo ldan gyis ni mthong // des ni bral ba'i dman thob nas// mi bzad pas ni 'ching ba yin// 'on kyang rtag tu blo rmongs pas// yul nyid kho na sten par byed// yul rnams kyis ni rnam rmongs pa/ / phyis nas gdung ba sreg par byed// ji srid skye ba 'di kun dang // ji srid shes pa ma nyams pa// de srid du ni bsod nams kyis// bsod nams ma byas sdug bsngal yin//

  240. 121a

    de ltar mu su lun d+ha de lha de rnams la bcom ldan 'das gtsug tor can gyis gsungs pa'i rtsig logs la bris pa'i tshigs su bcad pa bshad do// gzhan yang rab tu ston par byed do// gang rtsig logs la chos brgyad po 'di rnams te/ de dag gis bag med pa rab tu brjod nas chos bdun bdag gis bshad par bya ste/ bdun po rnams gang zhe na/ bag med par gyur pa de ni rgyun mi 'chad par rgyags par 'gyur ro/ / bag med pa la spyod pa'i skyes bu rnams ni smyon par 'gyur te/ bag med pa'i lha dang mi rnams ni rtag tu'ang 'jig rten pa dang 'jig rten las 'das pa thams cad kyi bar chad byed par 'gyur ro/ / de la ji ltar na 'jig rten pa'i don rnams kyi bar chad byed par 'gyur ba dang / 'jig rten las 'das pa rnams la'ang ste/ 'di ni bag med pa'i skyes bu rnams ni rnam par g.yeng ba'i blo can du 'gyur ro/ / blo sngon du btang bas kyang don thams cad la log par 'jug pa yin no// de ltar rgyags pa'i skyon rnams kyis rnam pa thams cad du rab tu mdzes pa ma yin no// ches mang ba phan pa ma yin pa rnams dang / bde ba ma yin pa rnams dang / don 'ga' zhig dang yang ldan par 'gyur ba ma yin no// ji ltar 'jig rten las 'das pa'i chos 'dul ba la rgyags pa nyes dmigs chen po dang ldan par 'gyur ba yin zhing / ji ltar gzhan yang rgyags pas 'din mi rnams kyi bar chad byed par 'gyur na/ de la mi rnams dang rab tu byung ba rnams la'ang shin tu bar yang bag med pa rnam pa thams cad du'ang rnam par smad par bya bar

  241. 121b

    'gyur ba yin pa ni/ 'di lta ste/ 'dir chos 'dul ba 'di la rgyags pa dang bral ba rnam pa thams cad du rnam par mdzes la/ bag med pa dang kun nas ldan pa ni ma yin no// rgyags pa'i skyon dang kun tu ldan bde bsam gtan mi byed do/ / bya gzhag gi bya bar gyur pa 'gro ba dang 'ong ba'i gnas la legs par spyod pa ma yin no// spyod yul la mi sten/ sbyin bdag dang sbyin pa po rnams rjes su sgrub pa la brtson pa ma yin gyi/ stan dang mal stan rnams 'ba' zhig la gnas pa'i rang bzhin can du 'gyur ro// de tshul bzhin ma yin pa yid la byed pa 'ba' zhig gis khyar bar byed do// de lus zhig pa na shi ba'i 'og tu dmyal ba/ rnams su skye'o// de ltar mi rnams kyi 'jig rten pa'i lam mam/ 'jig rten las 'das pa'i lam la'ang rab tu mdzes pa ma yin pa'i rgyags pa bdun po 'di dag rnams yin pa la/ 'di lta ste/ gzugs kyis rgyags pa dang / nor gyis rgyags pa dang / rigs kyis rgyags pa dang / rgyan dang cha byad kyis rgyags pa dang / rgyal pos mchod pas rgyags pa dang / bud med dang 'khyud 'phyang gis rgyags pa dang / gzhan gyi bu mo'i dbang du byas nas sems rnam par g.yeng bas rgyags pa rnams so// rgyags pa de dag ni rgyags pa rnams mdor ba bsdus pa yin no// rgyags pa rnams ni dgra yinan/ rgyags pa ni lhag ma yin no// rgyags pa ni chos rnams thams cad kyi yang bar du gcod par 'gyur ba yin no// 'di na mi rnams rgyags pa ni tshad dang ldan pa'i longs spyod dang gson pa rnams nyung zad kyi rang

  242. 122a

    bzhin la rnam par spyod kyang rgyags pa yin no/ / yang lha rnams kyi rgyags pa 'di dag ci 'dra bar 'gyur/ de rnams 'dod pa'i sgra dang / reg bya dang / ro dang / gzugs dang / dril spyod pa nyin mtshan du rab tu 'phel ba ni rgyags pa bag med pa'i rang bzhin can de dag rnams tshe'i du byed rnams yongs su nyams par 'gyur ba'i blo ni med kyi/ rgyags pa 'ba' zhig dang / rgyags pa'i lhag ma can dang / rgyags pas chos rnams thams cad kyi bar du gcod par 'gyur ro// lus 'jig pa la shes pa rab tu mi 'jug pa dang / tshe'i 'du byed rnams zad pa la'ang ste/ de dag dge ba dang mi dge ba'i las rnams kyis dus de srid du rgyags par 'gyur ro/ / sgrub par byed pa' nga ma yin no// de de dag rnams zad par 'gyur bar phyis nges par lhung bar 'gyur ba na nges par rtogs par gyur te/ kye ma yul rnams kyis bdag bsdus so// kun nas nyon mongs pa rnams kyis rtag tu bslus pa rnams ni lus zhig nas thabs ma yin pas log par ltung ba dmyal ba 'am/ yi dgas kyi lus dang dud 'gro'i skye gnas rnams su skye bar 'gyur te/ de ltar 'jig rten pa'i las la bag med pa rnams smad par bya bar 'gyur ro// ji ltar yang lha dag 'jig rten las 'das pa'i lam la rgyags pa rnam par smad pa yin zhe na/ lha gang dag yin pa'i lha rnams thams cad kyang 'dod pa dang / sdug pa dang / yid du 'ong ba legs par byas pa'i las kyi rgyu rnams kyis 'thab bral gyi lha 'di rnams

  243. 122b

    kyi nang du skyes la/ dam pa'i chos 'dul ba la de bag med par gyur nas des rang gis byas pa'i las rnams mi rtogs so// gang dag ches lhag par rgyags pas gnas par ma gyur pa rnams de'ang mi rten pa dang / gang dag rnam pa thams cad du bag med pas rnam par rgyu ba ma yin pa de dag rnams la 'ang sten par mi byed la/ sangs rgyas dang / chos dang / dge 'dun rnams la'ang lta bar byed/ pa'i rang bzhin can du mi 'gyur zhing / dam pa'i chos 'dul ba rnams la sgrub par mi byed pa dang ji lta ba bzhin du 'jug par yang mi byed do// de ltar de lam rnams la slob pa'i rang bzhin can du mi 'gyur ro// rten cing 'brel par 'byung ba rnams la rnam par lta ba la gtso bor byed par mi 'gyur ro// bla ma la nye bar sten par mi byed do// lha ye shes la goms par byed pa'i rang bzhin can dang nye bar sten pa'i nga ma yin no// / de ni 'dod pa rnams kyis bsdus nas yul gyis rnam par nyams par byas te/ bdag cag gis lha'i ris nas 'chi 'pho bar 'gyur la/ 'chi 'pho ba'i dus na 'ang shin tu rab tu 'gyod par 'gyur ro// de'i phyir na me bzhin dang // sprul bzhin du lha dang mi rnams kyi rgyags pa rnams yongs su spang bar bya'o// de nas de'i tshe bcom ldan 'das gtsug tor can des tshigs su bcad pa gsungs pa/ ji ltar dang bo bag med pas nyer bcom/ / rgyags pa yis kyang rnam par rmongs// lha rnams sam ni skyes bu yang // de ni zhi ba'i thabs ma yin// gang zhig rgyags pa mi sgrub pa// skyes bu 'chi ba med

  244. 123a

    ba yin/ / rgyags pa'i skyon gyis nges zin pa'i// mi rnams thams cad dmyal bar lhung // dam pa yin pa'i lam spyod skyon// rgyags pa zhes byar 'dir brjod do// rmugs/ ba yis ni rmongs pa'i blo// lha ni dmyal bar 'gro ba yin// yang dag min la dga' bar byed// yang dag 'gyur ba nam yang min// rgyags pa'i mun pas bskor ba yi// lha rnams 'dod pas rmongs pa yin/ / 'dod pa yis ni lha rnams rmongs// rgyags pa yis kyang de bzhin te// dmus long bzhin du dam pa'i las// de nyid rjes su mthong ba min// de ltar bcom ldan 'das gtsug tor can gyis bag med pa dang rgyags pa'ang 'jig rten pa dang 'jig rten las 'das pa'i tshig rnams kyis bstan nas/ gzhan 'di'i gsum pa sdom pa'i skyon yang dag par ston pa sku gdung la gnas pa rnams la/ de nas 'thab bral gyi bdag po mu su lun d+has lha de rnams la gang dag lus kyis byas pa mchod rten las ston no// 'di lta ste/ sdom pa ma yin pa rnams so// sdom pa ma yin pa'ang skyon chen po gsum gyis lha rnams dang mi rnams la phan par 'gyur ba ma yin no/ / 'jig rten pa'i las dang 'jig rten las 'das pa'i las la' nga rnam pa thams cad du ma yin no// de la sdom pa ma yin pas mi rnams kyi bar du gcod par 'gyur ba gang yin na 'dir 'jig rten pa'i sdom pa rnams langs nas rang bzhin gyis mchog tu rmongs pas don dang don ma yin pa mi shes la/ gnas dang gnas ma yin pa rnams kyang mi shes so// log

  245. 123b

    bar gnas par byas nas kyang rang gi skye bo dang gnyen 'dun dang lhan cig tu dga' bar byed do/ / brtsi bgrang med par rang gi skye bo dang gnyen 'brel rnams dang lhan cig tu brtan par gnas par byed do// byas nas kyang sgom pa yongs su 'dzin par mi 'gyur ro/ / de legs par gnas pa las nyams pas kha nyen par 'gyur ro// rang gi skye bo dang gnyen 'brel thams cad kyis skyug bror lta bar byed do// gang gi ming gis legs par gnas pa sdom pa brtan po rnams ji lta ba bzhin du yod do zhes rjod par yang byed do/ / sngags kyi sdom pa rnams sam legs par gnas par bya ba rnams la 'ang rung ste de nyid kyi blos// rang gi skye bo rnams mi 'jug go/ / rang gi pha dang rang gi khyim du bya ba dag gis legs par 'dres par byas pa gang yin pas ngal sos par gyur pa zhes nas so// sems stobs yang bde rgyu de dang gzhi de las dang de yongs su 'dzin pas gang yang 'di'i grogs por gyur pa de dag rnams thams cad kyang kha phyir phyogs par 'gyur ro/ / gzhan pa rnams las gang dag grogs po ma yin pa de dag rnams ni bzang por gyur par rjes su rtogs so/ / gang dag par ma'i tshogs su gnas par gyur pa'i skyes bu de dag rnams ni rtag tu'ang phyogs ma yin par 'gyur ro// rlung gis nye bar bcom pa'i ljon pa'i rtsa ba gtan nas bcad pa bzhin du lhung la/ de ltung bas kyang rdzas rnams dang / phun sum tshogs pa dang / rang gi skye bo rnams dang / gnyen 'brel rnams gtong ngo // rang bzhin gyis kyang 'gyur ldog can rtsa ba rgal la

  246. 124a

    gnas pa'i sems mi bsgrungs par 'gyur ro/ / de skye bo thams cad la brnab sems dang / gnod sems mang bar 'gyur ro// phyin ci log tu dogs pa 'cha' ba dang / yongs su rtog pa dang / blo gdug rtsub can du 'gyur ro// de sems can thams cad la zhe 'gras pa dang / gnod sems dang / nga rgyal dang / bzhin rnam par 'gyur zhing gdug pa dang / rang gi yid rnam par g.yeng ba dang / dbul bar 'gyur ro// de sdom pa ma yin pa'i rgyu de dag rnams kyis lus zhig nas shi ba'i 'og tu thabs ma yin par lhung nas dmyal bar 'gyur ro// de'i phyir rtag tu phan par 'dod pa'i skyes bus sdom pa 'jig rten pa rnams kyang bsrung bar bya'o/ / sdom pa la gnas pa'i rgyu des shin tu brtan par 'gyur ro// sems kyi rgyud shin tu bzang bar shes nas kyang grogs po rnams kyis kyang yid ches par 'gyur ro/ / mchog tu gsang bar gyur pa'i rgyal po'i don mchog tu rgya che ba'i rin po che rnams sam/ gser dang rdzas kyi rigs gzhan rnams la'ang rung ste/ sdom pa'i sems dang ldan pa la kun gtong bar byed do/ / byas nas kyang zhe sdang ba rnams kyis de dag ji lta ba bzhin du sdom par byed pa rnams la gnod pa bya bar yang mi nus so// glos blo rnams kyis kyang sdom pa 'jig par mi byed la/ rang gi skye bo dang / grogs po dang / yid mthun pa rnams kyis kyang 'jig par mi byed kyi/ legs par gnas pa dang ldan pa de la gnyen pa shes kyi skye bo rnams kyis mchod

  247. 124b

    par byed do/ / yid ches pa'i gnas su 'gyur ro// slob dpon bzhin yang slob dpon rnams kyis kyang legs par sgrub par byed do// sdom pa bdun 'dzin pa rnams ni rgyal pos kyang mchod par byed do// / grogs po dang / skye bo dang / gnyen bshes rnams kyis kyang de bzhin te/ de la skye bo thams cad kyis phun sum tshogs pas rdzas sgrub par byed do// 'di la yang don ma yin pa cung zad tsam yang bya bar mi nus so/ / de mchog tu nor dang ldan par 'gyur ro// de rdzas rnams phun sum tshogs pas sbyin pa ni gtong bar byed do// bsod nams ngag ni byed do// gcig tu legs par gnas pa'i blo nyams pa med pa'i rgyu de dag dang gleng gzhi de las lus zhig nas shi ba'i 'og tu mtho ris bde 'gro'i 'jig rten lha rnams su skye'o/ / de de ltar rang bzhin gyis kyang ma bsdams par gyur cing / gzhan rnams kyis kyang rnam par smad pa rnams ni phal che bar yang 'jig rten las 'das pa las blo g.yo ba dang bcas pa'i blo gar yang gnas pa med pa las dang / 'bras bu'i rnam par smin pa rnams la mdongs pa rnams ni sdom pa med pa'i khyim rnams su skye bar 'gyur ba 'am/ de yang na rkyen des sdom pa gcig kyang med par gyur la/ ji ltar dge slong gi cha byad 'ba' zhig tsam 'dzin pa dung gi sgra dang mtshungs pabar kun na spyod pa sdom pa la bskang nas sbyin pa po dang sbyin bdag rnams slu bar byed do/ / sangs rgyas bcom ldan 'das kyi sdom pa ji lta bar bdag 'dzin pa yin zer la/ de sdom pa 'dzin pa 'ang ma

  248. 125a

    yin no/ / de'i lus tshul khrims dang yang dag par ldan pa'angam yin no// de ni sgrub po dang rkun ma lha dang bcas pa'i 'jig rten dang / bdud dang bcas pa'i 'jig rten dang dge sbyong dang bram zer bcas pa'i rigs kyi skye dgu dang / lha dang lha ma yin dang bcas pa'i 'jig rten pa rnams slu bar byed pa po yin te/ gzhan rnams slu ba po ji ltar shes par gyur pa de ltar sgrub par mi byed ba de ni de ltar stong pa nang na ci'ang med pa snying po med pa/ lbu ba'i phung po dang 'dra bar ji skad du smra ba de ltar mi byed pa skye bo thams cad slu ba po g.yo che ba'i mchog tu gyur pa/ tshul 'chos 'ba' zhig pa de rab tu phal che ba'i gnas mal dang nad kyi rkyen sman rnams gzhan gyi byin pas 'khor bar rtag tu bying zhing nub par 'gyur ro/ / dmyal ba rnams nas dmyal ba rnams su ste/ gzhan rnams su 'ang sdig pas bgrod pa yin no/ / tshul khrims 'chal pa sdig pa can mi shes pa'i skal ba can de la 'os ma yin par gyur pas gang dag dge 'dun dbang bar gyur pa'i sa gzhi rnams kyis kyang bar chad byed par 'gyur ba ni/ tshul khrims dang ldan pa'i dge slong rnams kyis de dag sbyin pa po sbyin bdag rnams kyis nye bar spel ba'i rgyu gang dag gi phyir te sdom pa dang mi ldan pa rnams kyis kyang ma yin na/ tshul khrims 'chal ba sdig pa can de dag rnams kyis ni gom pa 'bor ba dang kun 'dra bar byed pa tsam gyis kyang brgya phrag tu 'ang bar chad du 'gyur zhing yang lus kyis gnas mal dang / nad kyi rkyen sman dang / longs

  249. 125b

    spyod gzhan rnams lta smos kyang ci dgos/ de nas de'i dus na bcom ldan 'das kyis tshigs su bcad pa gsungs pa/ ji ltar/ gang 'di dge slong ma bsdams pa// rkun ma rnams las 'di kun mchog/ nang nas nag gi khu ba 'bab// chos gos kyis ni phyi rol bsdams// snying po thams cad dang bral ba// lbu ba'i phung po'i rang bzhin ltar// de bzhin 'khor bar chang stong 'di/ / de bzhin log par dge slong smra// dge 'dun dkon mchog phyir byas nas// tshul 'tshal de ni dmyal bar skye// lus zhig nas ni dmyal rnams su// khrid pa sems kyis bslus pa yin/ / chos 'dul ba ni bslu byas nas// ltung bar rang gi las kyis yin// dri ma'i mun pa rnams dkrigs nas// sdug bsngal skal pa can du 'gyur// dge ba'i las kyis gos med pa'i/ / gcer bu la ni bzang sgyug zo// ji ltar chos ni phyi byas nas// dmyal ba 'jigs pa pa brid par byeb/ mdzes pa min pa'i dmyal rnams kyi// sdug bsngal sgo nani mo bsdams pa// 'khor mi mnas kyi 'di brjod/ / klu sas bsdams dung sregs// mi yis mi tu bsregs// sno ma nyams pa de yis no// lag pa srung brgyag gnas/ / mirnams pasdams med gnas pas// sri ni skyong sdom pa// garmongs pa skye tshul chos// myal ba rnams su na pa 'ongs/ ma thams cadas// mi

  250. 126a

    rnams 'phel bar byed/ / gang yang tshul khrims ni chen 'di// rdul khrims 'chal pas nges par ltung // stong pa'i chos la chags pa dang / mun pas kyang nI kun bsgrib pa// sna tshogs/ bsam pas nang rtog pa'i// de la skabs ni dmigs ma yin// bsdams min rang bzhin zhags pa yi// dri ma mkhas pas rnam spangs pa// tshul khrims 'chal pa sdig pa can// tshul khrims spangs pas 'dren par byed/ / bsdam pa med par tshul 'chal pa// sdig pa dang ni lhan cig 'grogs// 'dod pa rnams ni sten pa yang // 'di dag dmyal ba'i pho nya yin// ma bsdams pa dang rmongs pa dang rtsa ba hral gyi ni khyad par gyis/ / sdig pa'i las dang mngon ldan pa// dmyal ba shin tu ring ba min// las rnams ci 'dra'i 'bras yin na// ci yi phyir na der mi 'gro// bdag nyid 'joms byed kun rmongs pa gang la dga' bas rnam par rmongs/ / sdig pa'i chu bo bzod dka' ba// nyon drang mtshan du 'phel ba yin// sdug bsngal rlabs 'phreng dra rlabs can// des kyang rang gi skye bo 'brog/ gang dag gis ni chos bslus pa'i/ / de rnams yid ni bde ba min// sdom pa med nas skyes bu ni// dge ba'i chos rnams rnam par spangs// dge ba'i lam 'di bde legs yin// chos gang go 'phang bdag nyid can/ go 'bang de thos rjes skyes pa// 'gyur med go 'phang rab tu 'gro// rang byung gnyen gnas bsam gtan dang // gang zhig dam pa'i spyod sngon dga'// sdom pa la gnas rtag tu dul// de rnams la

  251. 126b

    ni sdug bsngal med/ / sdom min drim 'di dag gis// dri ma byed pa'i mi gang ni// bslab pa'i gzhi las yongs nyams pa// de ni dmyal ba'i skal ldan yin// de ltar rtogs nas mi rnams kyis// sdom pa thams cad rab tu bsgrubs/ / srid pa'i rgya mtsho thams cad du// gang phyir sdom de nyams myong 'gyur// de ltar mi rnams thams cad la ma bsdams pas 'jig rten las 'das pa'i lam la bar chad byed bar 'gyur ro/ / ji ltar sdom pa ma yin par lha rnams kyi bar chad byed par 'gyur na/ 'di na las dang 'bras bu'i sa pa'i 'jig rten 'dir tshul khrims rnam pa bdun po rnams kyis nye bar bskyed pa'i bde ba gang yin pa de mtho ris 'dir bag med par gnas pas zad par byed do/ / de dag rnams kyi de zad pa dang / slar yang mi 'byung ste/ ji ltar mar me'i snum dang / sdong po zad pas 'od zer zad par 'gyur ro// de bzhin du ji ltar sdom pa med pa 'jig rten las 'das pa'i lam gyi bar chad byed par 'gyur na/ 'di lta ste/ tshul khrims la spyad pa'i skyes bu rnams ni mtho ris su skye bar 'gyur ro// der skyes pa na 'di ltar sems par byed de/ ji ltar bdag mi rnams su sdom pa rnam pa bdun gyis 'dir skyes pa lha rnams dang mnyam pa'i nang du skyes par gyur to// de la lha de ni sdom pa gang la rtse gcig tu spyod par byed de/ las dang 'bras bu rnams mthong ba dang rton par yang byed do// ji ltar 'dir skyes pa thams cad ni sdom pa las rab tu byung ngo zhes bya'o// de rtsa ba hral can du gyur pa'i yid dang yul rnams dga' bar

  252. 127a

    gyur pas kyang thogs pa'i blos thos par mi 'gyur ro/ / rab tu sgrub par mi byed do// sdom pa la dad pa skyes pa ma yin no// las dang 'bras bu'i rnam par smin pa rnams la'ang/ ste/ yul rnams la rgod pa dang ldan pa'i blor gyur pas des sdom pa de dag rnams nye bar 'joms pa dang / chos rnams la 'ang spyod par mi 'gyur ro// de dge ba las nyams pas nges par lhung ste/ rnam pa de lta bu'i ngang tshul gyis mtho ris su skye bar mi 'gyur ro// 'jig rten dang 'jig rten las 'das pa'ang ma yin no// de ltar chos gsum pa sdom pa med pa zhes bya ba bar chad byed par 'gyur ba yin no/ / de la lha rnams kyi chos bzhi pa gang dag gis lha dang mi rnams kyi bar chad byed par 'gyur na/ 'di lta ste/ le lo'o// le lo la mngon par dga' ba rnams kyang de kho na bzhin du mi rnams la thams cad dang rnam pa thams cad du 'jig rten pa'i chos thams cad mi 'byung ngo / / le lo la dga' ba de chos bdun dang yongs su 'bral/ de bdun gang zhe na/ ji ltar kun nas nga rgyal bas le los brtson 'grus mi rtsom mo/ / gang dbang byed pa dang mi ldan pas yongs su nyams so// kun nas nga rgyal ba las kyang yongs su nyams par 'gyur ro// longs spyod rnams las yongs su nyams par 'gyur// yul shes pa las yongs su nyams par 'gyur ro// 'jig rten pa'i thams cad las de nyams par 'gyur ro// skyes bu dam pa la bsten pa dang 'jig rten pa'i gtam dang 'brel pa las kyang yongs su

  253. 127b

    nyams so/ / des 'jig rten pa'i don thams cad las yongs su nyams pas kun tu rmongs par 'gyur ro// don lhag par du ma chud zos par 'gyur ro// de ltar mi rnams kyi 'jig rten pa'i don thams cad kyi bar du gcod par 'gyur ro/ / le lo ji ltar mi rnams kyi 'jig rten las 'das pa'i chos rnams kyi bar chud byed par 'gyur na 'di na le los le lor gyur pa'i skyes bu rnams ni sha shrIs khyim gyis las kyis 'jigs pas rab tu 'byung ste/ ji ltar bdag rab tu byung la rab tu mang ba'i gnas mal dang nad kyi rkyen sman gyi yo byad rnams la longs spyod par bya'o// bdag nub mo 'ang las bya mi dgos la nyin mo'ang ma yin te/ sgyurgyu sgom des rab tu 'byung ngo // rab tu byung ba de dam par byas te gsol ba 'debs par mi byed/ don dang bya ba mi byed/ bsam gtan la mngon par brtson pa'i rang bzhin can ma yin no// mthar thug ba nyid ni ma yin gyis/ le lo'i skyon gyis nyams smad pa yin no// gang gi tshe brgya la rab tu mang ba'i snyed pa dang bkur sti la nye bar longs spyod do// tshul khrims dang shes rab la mngon par dga' bar mi 'gyur ro/ / blo dman pa'i skyon des lus zhig pa na thabs ma yin pa/ log par lhung ba dmyal bar skye'o// de nas de'i tshe bcom ldan 'das gtsug tor can des tshigs su bcad pa gsungs pa/ ji ltar/ le lo las ni skal ba chung // gti mug gis ni bcom pa'i sems// skye bo snyom las can thams cad// shis pa'i skye ba yod ma yin// skya snyom sdig pa can gyi chos// rmugs dang gnyid

  254. 128a

    kyi de bzhin te/ thar pa'i sgo ni rnam 'joms par// 'gyur ba 'di ni 'bras bu che// khrel med don med pa dang // sdig pa'i grogs dang rgod pa ni// sdug bsngal gyi ni rgyu de dag del chags med mkhas pa yin/ / log pa'i nga rgyal mngon rgyal can// nga snyam nga rgyal nga thams cad// sdug bsngal gyi ni ljon shing rgyu// de dag rtag tu yongs su spongs// le lo yi ni gang gyur nas/ lha yi 'gro gang dmyal bar rtsom// dbugs rgyu yang ni shi ba yin// de dag gson don yang 'bras med// le los nye bar bcom pa'i mi// gson pa na yang gson pa min// ro las kyang ni lhag de dag/ 'di ni rgyu snyom yin par shes// le lo'i 'dam du bying ba gang // de ni sdug bsngal rgya mtshor bying // gang la brtson 'grus brtsams yod pa// srid pa'i rgya mtsho las de rgal// le lo brtson 'grus dman pa gang / / zas la rtag tu dga' ba phyugs// de ni gson yang shi ba yin// shi nas kyang ni dmyal bar 'gro// mi gang sdug bsngal skal ldan pa'i// mi de phyugs drang mtshungs pa yin/ / gzhan gyi gong bu za ba'i lha// de yi rgyu ni le lo yin// phal cher le lo can rnams ni// gzhan gyi bu mos nye bar 'tsho// rol lhag par chags pa dang // 'khrig pa la yang rtag tu dga'/ / de ni de nyid spyod bral nas// zas 'ba' zhig la ched du byed// 'chi ba'i dus ni byung ba na// rang gi sems ni sreg par byed// ji srid tsha grang lhan cig dang // de bzhin

  255. 128b

    bkres skom lhan cig tu/ / de srid lus kyis bya ba gyis// gang phyir rtag tu mtshungs gyur pa// le lo'i blo ni bya min te// le lo sdom pa'i bdag nyid can// rtag tu 'khor bar de lus gnas// sdug bsngal las kyang legs grol min// brgya yi nang na kha nyen zhing // le lo can de 'jig rten 'brong // tha mar yang ni co 'brur 'gyur// legs pa'i blo yang yod ma yin// skyon ni de dag rnams dang yang / / gzhan rnams dang yang yang dag ldan// 'jig rten 'das pa'i lam las ni// phyi rol nyid dang bral ba yin// le lo can gyi skyes bu ni// 'jig rten 'das las yongs nyams 'gyur// lha rnams ji ltar na 'jig rten pa dang 'jig rten las 'das pa'i chos 'dul ba las nyams par 'gyur zhing // ji ltar lha rnams kyi bar chad du 'gyur na/ 'di na le lo can 'jig rten pa'i lam gyis gal te na lan/ grangs gzhan la myong bar 'gyur ba'i las kyis sam/ gal te legs par byas pa rnams la dmigs par gyur pas sam/ gal te de ltar skyes par gyur la de le lo nyid kyis nye bar bcom pas thams cad du 'dod pa'i sgra dang / ro dang / reg b+ha dang / gzugs dang / dri rnams la 'ang kun dga' bar mi 'gyur ro// skyed mos tshul dga' bar gyur pa rnams dang / rgyug pa dang / stong pa'i rang bzhin can du mi 'gyur ro/ / gla'i sgra'i rang bzhin la mi dga' 'o// glu len par mi byed do// nam mkha'i dkyil du 'phags par mi byed do// ri'i rtse mo nas ri'i rtse mor mi 'gro'o// rlabs kyi 'phreng ba

  256. 129a

    nas rlabs kyi 'phreng ba rnams la bya'i rgyab tu zhon nas rtse bar mi byed do/ / bde ba de nyid kyis nye bar bcom pa de'i drung du'ang 'thab bral gyi bdag po 'gro bar 'gyur la/ des yul thams cad las kyang legs par sbyor bar mi byed do/ / de la yul de dag thams cad dgra'i tshogs su gyur pa'i le lo 'jig rten pa rnams yin no// ji ltar 'jig rten las 'das pa'i lam gyi bar chad yin na/ le lo can rnams 'di la lha gzhan gang dag dam pa'i chos nyan pa'i rang bzhin can du gyur pa rnams dang / de dam pa'i chos la dga' bar gyur pa rnams la 'ang de dag legs par sbyin par mi byed do// de dam pa'i chos la kha phyis phyogs par 'gyur ro/ / des ma thos pa'i chos rnams mi nyan no// thos pa rnams kyang 'dzin par mi byed do// goms par yang mi byed do// bla ma la nye bar sten par mi byed do// shes pa dang rnam par shes pa dang ldan pa'i rang bzhin can ma yin no/ / de dam pa'i chos las phyi rol tu gyur pa dge ba thams cad dang rnam par bral ba/ 'khor ba na rtag tu 'ang 'khor bar gyur pa ste/ rtag tu'ang sdug bsngal gyi skal ba can du 'gyur ro/ / de ci'i phyir zhe na/ yang dag pa'i lam dang bral ba'i phyir na mi rtogs shing yongs su mi 'grol lo// de le los nye bar nyams pas dmyal ba dang / yi dgas dang / dud 'grod pa mi rnams su skye bar 'gyur ro/ / de rgas pa dang 'chi ba'i khog tses bcings pas shin tu sdug bsngal bas yongs su 'khyam mo// de la le lo gcig pu de nyid kyis don ma yin par byed pa/ ngan 'gro

  257. 129b

    thams cad kyi rtsa ba 'a khor ba thams cad kyis bon gyur pa rab tu 'byung ba yin no/ / de'i phyir na gang dag 'khor ba las ldog par 'dod pa des rab tu brtson pas le lo yongs su spang bar gyis dang / de'i ba las/ gyur pa ma yin pa'i ri rgal bar mi nus so// skyon gcig gis gos par sdug bsngal gyi rgya mtsho las rgal bar yang mi nus so// gzhan yang skyon bzhi pa las shin tu 'das nas gzhan chos lnga pa lha dang mi rnams kyi bar du gcod par 'gyur ba rnams gang zhe na/ 'jig rten pa dang 'jig rten las 'das pa'i lam ni/ 'di lta ste/ mi bzad pa'i 'dod pa ni lha dang mi rnams kyi 'jig rten pa dang 'jig rten las 'das pa thams cad kyi bar du gcod par byed par 'gyur ro/ / ji ltar lha dang mi rnams kyi 'jig rten pa'i lam la rnam par smad par bya ba mi bzad pa'i 'dod pa yin na/ 'di lta ste/ khyim la gnas nas skyes bu 'dod pas zil gyis gnon par 'gyur te/ de ni chos la nges par mi dga' ba/ rtag tu'ang nor la ched cher byed pa yin te/ gzhi ngas nyin mtshan med par yang nor rnams kyi sred pa snying la 'jug par byed do/ / da lta 'iji ltar rdzas rnams 'byung ba de lta de ltar phyin zhing yul gzhan rnams la 'dod pa snying la 'jug go// de ni 'di ltar 'gyur te/ bdag gis sgras nye bar 'tsho ba'i rnam grangs gang gis gan slu bar bya zhes de rtag tul bya rgyu'i dpyad ra bar 'gyur ro/ / des gzhan rnams la'ang de bzhin du yul de dag la 'dod pa skyed par byed do// g.yo sgyu rnams nye bar sten no// chos ma yin pa pal

  258. 130a

    bo ches gnas par 'gyur ba'i las kyi bya ba rnams la 'jug par byed do/ / de dag de bzhin du brnab sems mang bar 'gyur ro// ji ltar gang dag gzhan gyi rdzas yin pa de rnams nga'i yin par 'gyur na zhes des de ltar yid kyis bsams nas kyang / gzhan rnams la'ang de bzhin du dga' bar byas nas des gzhan rnams dang yang lhan cig tu g.yo sgyu byas pas gzhan rnams slu bar bye'o// bslus nas kyang rab tu dga' bar 'gyur ro// ji lta bu'i legs pa cig bdag gis bya ste/ yul de'i nyo zong gis g.yo zol dang ldan pas gzhan rnams kyang bslus nas nor phrogs pas bdag la 'di snyed cig 'phel ba zhes de ltar de ro myang bar byed do/ / sgom par byed do// lan mang du byed do// gzhan rnams kyang des sdug bsngal bar byed par 'gyur ro// 'dod pa mi bzad pas zil gyis mnan nas des yul ljongs rnams 'joms par byed par 'gyur ro/ / grong khyer rnams dang yul ljongs rnams phung bar byed pa por 'gyur ro// skye bo thams cad kyis yongs su spangs pa por 'gyur ro// de bzang po rnams thams cad kyis rnam par shes pa dang yongs su spangs par yang 'gyur te/ yul gyi tsher ma/ grong gi tsher ma/ grong khyer gyi tsher ma/ yul 'joms pa po dang / grong 'joms pa po dang / khyim 'joms pa po dang / rigs 'joms pa po dang yang rtag tu yang dag par ldan pa/ gzhan rnams la gnod par byed pa po lus zhig pa dang ngan song log par ltung ba dmyal ba

  259. 130b

    rnams su skye bar 'gyur ro/ / de ltar 'jig rten pa'i yul rnams la 'dod pa dang ldan pas ni mi rnams kyi bar du gcod par gyur to// 'dod pa mi bzad pa goms par byas pas ni slar yang rab tu 'phel bar gyur te/ ji ltar me rnams la shing bsnan pa de lta de ltar rnam par 'phel lo// de kho na bzhin du mi bzad pa'i 'dod pa ji lta ji ltar rdzas rnams rnyed pa de lta de ltar phyir rab tu 'phel te/ brnab sems par gyur pa dang ldan cig tu spyod pa'i phyir ro/ / de'i phyir na skyes bu chos byed pa rnams kyis rab tu brtson pas kyang 'dod pa mi bzad pa rnams rab tu gzhom par bya'o// rgyu gang gis 'dod pa 'di dri ma rnams kyi mchog yin pa ni// 'di lta ste/ nor skyed pa'i dri ma rnams so// dri ma de dag gis nye bar bcom pa'i skyes bu rnams kyang dmyal bar nye bar rgyug pa yin no// de nas de'i tshe bcom ldan 'das gtsug tor can des tshigs su cad pa gsungs pa/ ji ltar g.yos skyed pa yi nyo tshong gis// gang zhig gzhan gyi nor 'phrog pa// de ni brnab sems mang gyur nas/ rtag tu gnod pa bya bar sems// nyin mtshan med par de dag gi/ snying ni bde bar gnas ma yin// yid ni 'dod pa'i dbang gyur nas// gzhan gyi nor la 'dod byed pa// mi bzad rnams kyi rang bzhin ni// de dag me dang 'grogs par rung // mi rnams thams cad rnam 'jigs pa/ / mi bzang dug can sbrul bzhin no// 'dod gang mi bzad pa 'di yis// dbang du bsdus pa'i mi rnams ni// de shi nas ni dmyal bar 'gro// yi dgas skye gnas de bzhin te//

  260. 131a

    de las kyang nirnam grol nas// dmyal ba'i mes ni kun gang ba// skye ba lnga brgya rnams su ni// gzhan gyi 'dod pa der 'gro'o// nyim pargya che'i bzhin rnams ni// rtag tu sku/ bsngal skal ldan yin// sems ni 'dod pas nyer bcom par// mi rnams thams cad gyur pa yin// rgyud gang 'dod pa rab spangs pa// rtag tu ye shes la dga' ba// rdzu 'phrul dang ldan rtag tu ni/ de ni 'gro ba'i mchog tu 'gro// mi bzad sbrul gyi bzhin 'dra ba// nges par snying la 'dod pas gang // 'dod pa mthong ba dug can sprul// log pa ltung ba rtag tu gnas// 'dod pa rtag tu byas gyur pa/ / de dag yang dang yang du 'phel// shing skam dang ni legs phrad nas// me ni rab tu 'phel ba ltar// skyes bu nor gyis sred gdungs pa// nor skyed pa la ched cher byed// nges par 'chi ba'i dus byung na/ / dbang byar med par nor rnams gtong // gang phyir de 'byung bzhon pa ni// 'phel bar 'gyur bas rnam par 'jig/ gang phyir 'dod des bdag bcings pas// mi ni dmyal bar khrid pa yin/ / nor de gzhan gyis za ba yin// de ni sdig gis gos pa yin// don min don gyi gzugs kyis dang // bde ba'i gzugs kyis bde min yang // dgra bo grogs par gzugs kyis kyang / / 'dod pa snying la 'jug pa yin// 'dod goms ma byed shes rab can// 'dod pa'i me yis rtag tu sreg/ de yis skyes bu rab bsregs pas// phyi nas dmyal bar 'gro ba

  261. 131b

    yin/ / 'dod pa mtshungs pa gang phyir 'di// mi nAg ri yi 'jig pa yin// blo gros ngan pas sdig byas pa// de dag don ni ga la yod// de ltar 'dod pa mi bzad pa rnam pa thams cad du don ma yin zhing dgos pa rnams mi sgrub pa'o/ / de ltar 'jig rten pa'i mi bzad pa'i 'dod pa rnams kyis mi rnams la bar du gcod par 'gyur te/ mi bzad pa'i 'dod pa goms par bya ba'i phyir ro// gzhan yang rab tu 'phel ba nyid de/ ji ltar me shing dang phrad pa de lta de ltar rnam par 'phel ba yin la/ de kho na bzhin du 'dod pa mi bzad pa ji lta ji ltar nor rnams snyed pa de lta de ltar phyir zhing rab tu 'phel te/ brnab sems dang yang lhan cig tu spyod par gyur pa na/ de'i phyir na skyes bu chos byed pa rnams kyis rab tu brtson pa du mas kyang / mi bzad pa'i 'dod pa rnams rab tu gzhom par bya'o// lha dag 'di na skyes bu gang zhig sbyin pa la mngon par dga' bas tshong par gyur te/ de dag dge sbyong dang bram ze rnams la rin chung ngun gyis zas dang skom dag blangs nas sbyin pa'i skad kyis tshong gis yid rab tu drang bas tshong ngo / / yon tan gyi khyad par gyi gong gi rin thang med pa 'tshong ngo // de yang bzhi log gam/ brgyad log tu byed do// slar yang lhag par bcu lob tu 'dabyed de/ 'di ni 'dod pa mi bzang ba smang par bya ba rnams las gcig yin no/ / gzhan yang mi bzad pa'i 'dod pa ni/ 'di lta ste/ chos smra ba po rnams kyis chos bstan nas rdzas len no// nor de'ang dkon mchog gsum la sngo bar mi byed do//

  262. 132a

    gzhan yang rnam par smad par bya ba'i 'dod pa ni gang dag ye shes la goms pa bskyed par gyur nas kyi rig pa lhag pa gsum po rnams 'dzin par byed pa ste/ rab tu 'byung bar 'gyur zhing re ba med pa dang / kun nas dga' ba med par gyur pa de dag rnams nyid kyi 'dod pa 'di ni rnam par smad par bya ba yin no// yang rnam par smad par bya ba'i 'dod pa gzhan ni/ 'di lta ste/ gang zhig rab tu byung bar gyur nas kyang / sa las byas pa'am/ ba so las byas pa 'am/ shing las byas pa'am/ dngul las byas pa'i bcom ldan 'das kyi sku gzugs 'tshong bar byed pa'o// de dag rnams kyi 'dod pa 'di ni rnam par smad par bya'o/ / nor de'ang chos la sngo bar mi byed do// de ltar mi rnams kyi 'ang 'jig rten las 'das pa'i chos rnams thob pa la 'dod pa mi bzad pa rnam par smad par bya ba skyug brob gyur pa/ rtag par rgyun du mdzes par gyur pa ma yin no// ji ltar lha rnams kyi 'dod pa ma yin na de dag ni rnam pa sna tshogs pa'i bde ba rnams kyis rnam par rgyu ba rnams yin te/ de'ang de ltar khyed rnams 'dod pa mi bzad pa mngon sum nyid du 'gyur ba ni ji ltar/ gser dang / dngul dang / bai DUR+Ya dang / in+d+ra nI la dang / ma hA ni la dang / shel gyi rang bzhin rnams kyi ri gang dag yin pa de dag la rtsed mo nyams su myong bar byed do/ / de la ri gcig las ri gzhan rnams la rtsed mo la 'gro ba rnams pos mos kyi tshogs kyis yongs su bskor ba de dag thams cad ni 'dod pas byas kyis gzhan gyis nim byas la/ lnga khyed

  263. 132b

    rnams yul gyi sred pa dang lhan cig tu 'dod pa gang yin pa de dag gis bcings nas rnam par ltung ba'ang rtogs par mi byed cing / ngan 'gro'i 'jigs pa rnams kyang ma yin la/ mi 'dod pa yid du mi 'ong ba yul ljongs dang bral ba'i 'jigs pa lang med pa dang / nad kyis byas pa'i 'chi ba'i dus kyi sdug bsngal gyis 'jigs pa rnams kyang ma gtogs par gyur ta re/ lha khyed rnams kyang 'dod pas zil gyis mnan pa'i yid de dang spyod pa de dag nyid kyis rab tu bzod dka' ba'i ris rnam par 'joms par 'gyur ro/ / de ltar lha de dag rnams rnam par 'bral ba dang / nad kyi 'jigs pa 'ang med pa 'chi 'pho par gyur pa na'ang / 'dod pa rnams kyis yid mi tshim mo// de ltar lha rnams kyi 'jig rten pa'i lam la 'ang mi bzad pa'i 'dod pa rnams kyis bar du gcod par byed par 'gyur ro// ji ltar 'jig rten las 'das pa'i lam gyi lha'i 'jig rten pa rnams kyi bar chad byed par 'gyur na/ 'di na 'dod pa'i sgra dang / reg bya dang / ro dang / gzugs dang / dri la rab tu 'jug par byed pa spyod pa dam pa ma yin pa la mngon par dga' bar 'gyur ro/ / 'dod pa can gyi lha rnams ni lha gzhan 'dod pa chung bar 'gyur ba chos 'dul ba la bying ba par rjes su slob pa rnams la thos pas dga' bar byas pa'i yid can ma yin no/ / rtsa ba la chu sdugs pa bzhin du dge ba'i chos rnams thams cad la 'ang 'di lta ste/ chos kyi rtogs pa'o// chos kyi rtogs pa de'ang thos pa med par mi 'gyur ro// de kho na nyid

  264. 133a

    thos pa'ang ji ltar rtogs par mi 'gyur ba dang bag med pa de'ang ci'i rtsa ba las yin/ gang gi phyir 'dod pa'i rtsa ba'o// de'i phyir na 'dod pa spong ba po gang yin pa de thams cad mya ga las 'das pa'i grong khyer du 'jug pa yin no/ / gang yang 'dod pas btsir ba'i yid can de dag rnams thams cad 'khor ba'i lam las rgyu ba yin no// de ltar na lha rnams 'jig rten las 'das pa'i lam la 'ang lha dang mi rnams kyi bar chad byed par 'gyur ro/ / de'i phyir blo dang ldan par 'gyur bas rab tu brtson pas 'dod pa mi bzad pa rnams spang bar bya'o// thams cad zang zing gi sbyin pa la rab tu brtson pa de'i rgyu mthun pa'i 'bras bu'o/ / sbyin pa'i lam de dag rnams nyid ni lha rnams nyid kyis bya bar mi nus par 'dod de/ mi gzi brjid che ba rnams kyis byas kyi/ lhas ni ma yin no// lha de mir gyur pa na rab tu rnyed dka' ba'i sbyin pa gang yin pa la mngon par dga' ba de gzhan gyis bslus par gyur pa ste/ rin po che'i gling las nyams pa'i tshong pa ngan pa bzhin te/ 'di ltar yang zang zing gi sbyin pa rnam pab du ma yod de/ de la mi 'jigs pa'i sbyin pa gang zhe na/ rnam pa'ang ngu zhig/ mi 'jigs pa'i sbyin pa yin zhe na/ mi 'jigs pa'i sbyin pa rnam pa gsum yin te/ srog yongs su skyob pa dang / nor 'phrog pa rnams yongs su skyob pa dang / de bzhin du gzhan gyi bu dang bu mo 'phrog pa yongs su skyob par byed pa'o// de la srog byin pas ni lha dang mi rnams su tshe ring bar 'gyur ro// nor 'phrog pa rnams

  265. 133b

    yongs su bskyabs pas rkun ma las legs par bsrungs par 'gyur ro/ / nor rnams dang ldan par yang 'gyur ro// rgyal po dang / rkun mo dang / chu la sogs pas 'di'i nam yang rdzas rnams 'phrog par mi 'gyur ro/ / rgyal por 'gyur ba 'am/ rgyal po'i blon po rnams su 'gyur ba dang / las de'i 'bras bus rdzu 'phrul che bar gyur pa dang / dbang che ba dang / skye ba gzhan thams cad du'ang nor dang ldan par 'gyur ro/ / bu dang bu mo rnams kyi mi 'jigs pa byin pas ni bu dang bu mo rnams legs par gzung bar 'gyur ro// lha dang mi rnams su 'chi 'pho ba'i dus kyi tshe na'ang de ltar rnam par mi spong po// lha dag de la chos kyi sbyin pa gang zhe na/ de la rnam pa gnyis te/ 'jig rten pa dang 'jig rten las 'das pa'o// de la 'jig rten pa ni bsam gtan bzhir nye bar 'gro ba'i 'jig rten pa'i shes pa dang yang dag par ldan pa byin pas lha dang mi rnams su bde bar 'gyur te/ lha dang mi rnams kyi nang du ste/ gal te log par lta bar ma gyur na'o// 'jig rten las 'das pa'i chos kyi sbyin pa rnams btang bas rnam par byang ba'i lhar 'dod pa na spyod pa rnams sam/ gzugs na spyod pa rnams su'o// de la gal te 'dod pa na spyod par skyes na/ de dgu bcu rtsa brgyad kyi sa la spyod pa'i 'dod pa na spyod pa'i lha'i ris drug ji lta ba'i gtso bo rnamasu skye'o/ / gzugs na spyod pa rnams su 'ang skye ste/ mya ngan las 'das pa rtogs par yang 'gyur ro// 'bras bu li byed par che bo rnams ni/

  266. 134a

    blo'i khyad par rnams kyis mya ngan las 'das pa lhag par rtogs par 'gyur ro// gnas gtsang ma rnams su'ang skye'o// yongs su sngo ba'i khyad par gyis rgyal por yang 'gyur te/ 'khor lo gling bzhi la sbyar ba/ gser gyi 'khor lo can rin po che dang nye bar bcu bzhi dang yang dag par ldan pa'o// yongs su sngo ba'i khyad par gyi kha dog dang ldan par 'gyur ro// yongs su sngo ba'i khyad par gyis zags pa rnams zad pa dang / rang sangs rgyas dang / brtson pa dang ldan par yang sems kyi sngo ba'i khyad par gyis 'gyur ro// sangs rgyas bcom ldan 'das dgra bcom pa rig pa dang zhabs su ldan pa/ bde bar gshegs pa 'jig rten mkhyen pa/ bla na med pa/ skyes bu 'dul ba/ kha lo sgyur ba/ lha dang mi thams cad kyi ston pa sangs rgyas bcom ldan 'das su yang chos kyi sbyin pa de'i khyad par gyis 'gyur ro/ / de la lha de rnams ni sbyin pa rnam pa gsum po 'di dag rnams dang bral ba yin no// de ltar byas pas lha rnams kyi drung na/ mi rnams lhag pa yin no// lha rnams ni rnam par smin pa'i sa pa yin no// las kyi sa pa ni mi rnams yin te/ las rgya che ba las 'bras bu rgya che ba yin pa'i phyir na/ lha dang mi de rnams yin no// las dang 'bras bu'i khyad par 'dis/ mi rnams kyi drung na lha rnams chung bar 'gyur ba yin no// gzhan yang las kyi rnam par dbye bas skye bar gyur pa rnams ni/ gang dag sbyin pa dang bral ba 'ba' zhig gi

  267. 134b

    tshul khrims 'ba' zhig la grub par byed pa de dag/ yon tan gcig pu zhig dang ldan pas ni 'dod pa'i yon tan lnga shin tu chung bar 'gyur ro// de la las kyi rkyen bstan pa 'dis ni mi mchog rnams su 'gyur gyi/ lha rnams su ni ma yin no// de nas de'i tshe na bcom ldan 'das rnam par gzigs des tshigs su bcad pa gsungs pa/ ji ltar/ me yi sa la skyes byin 'dis// dge ba'i 'gro bar 'gro ba yin/ / lha rnams dga' ba yin par 'dod// gang phyir 'bras bu'i sa 'dir 'dod// las kyis ni mi rnams yin// 'bras bu'i sa ni lha yi gnas// 'bras kun las kyi lam las yin/ / 'bras bu zad pas rgyu med yin// skad cig dbang gis myur bar yang // srog ni bzlog par nus ma yin// las rnams kyang ni zad par 'gyur// de phyir yid ni legs par gyis// sems kyi shugs ni mtshungs par kun// gson pa rnams ni 'god pa yin// de phyir gson pa'i don du ni// mkhas pas sdig pa ma byed cig/ ma 'ongs pa yi sdug bsngal ni// skye bo'i tshogs kyis mi rtogs so/ / 'di na 'jig rten 'tshed pa rnams/ gti mug phyugs kyi tshogs rnams yin// sbyin dang tshul khrims dka' thub ni// rin cen gang dag snying la sten// lha 'am yang na mi yang rung // de ni 'gro ba'i mchog tu 'gro// skye dang gnas dang 'jig pa ni// 'dus byas thams cad yin par brjod// 'dus byas thams cad bde ba min// de dag 'jig pa kho na yin// 'jig par

  268. 135a

    'gyu nga nam rnams dang / / 'byul dang sa cig sa// gsos du kun gyi de ga yin// de TI gi sa ba gis// des gnas byas 'ad gathams can maH sdug bsngal pa/ stong pa/ bdag med pa ste/ skye bo dag sdug bsngal rnam pa du ma 'i bur gyi ston pa 'ching ba lngas bcings kyang skyobar mi 'gyur bar sna dang mi rnams gti mug gis zam pa mog dang / 'dod chags dang snying la sems pa'i yang dag pa ma yin pa'i 'ching bas bcings pa gcig tu na don dam pa'i don du kun nas mngon par zhan pa'i yi can ni byis pa'i skye bo thams cad yin te/ phan tshun du sbeng bar brgyud pas bcings pa'i bya ba bzhin du 'khor bar de rnams la lha 'am mi rnams kyis kyang bde ba rtag pa'i blo ni mi bya'i/ 'jig rten 'di thams cad ni rnam pa mang po dang rnam par rtog pabadums mi rtag par thams cad du 'gyur ro/ / gang yang sbyin pa yon tan bcu gnyis dang ldan pa'i sbyin pa gang yin pa ni lha rnams la mi dmigs te/ 'bras bu 'ba' zhig gis 'tsho ba rnams gang gi tshe 'bras tha bad par 'gyur ba dang / rul bar 'gyur ba dang / nags par gyur pa de'i dzi/ lho'i ris de rnams las ltung bar 'gyur/ de dag gang gi na so rnams can pa 'gyur ba ngas par gyu ba ma gru'o/ / nil ma ma dzu bkyis ga pa sbyin pa rnams papa'i/ 'dis ste/ yul dunas mchis pa da / ngas can su mtshugs pa dang / yon tha sa

  269. 135b

    ba dang / dga' ba phun sum tshogs pa gang la dga' bar 'gyur bar de rab tu ster ba dang / zhing phun sum tshogs par 'gyur ba dang / bkres pa dang skom pas 'ongs pa rnams la gang dag ster ba dang / da pa dang gus pas rab tu ster ba dang / nyon mongs pa med pa yon tan phun sum tshogs pa la rab tu ster ba dang / rgya chen po rab tu sgrags pas ster ba dang / gus pa dang / gang dag ma byin pa'i tshogs la rab tu ster ba dang / phrag dog dang bral ba rab tu ster ba dang / nyams pa med par gus pa'i bkur stis ster ba ste/ de la yon tan bcu gnyis po de dag dang ldan pa'i sbyin pa byin la tshul khrims phun sum tshogs na lha rnams su skye'o/ / lha ni de dag zad nas nges par ltung bar 'gyur ro// de'i phyir na lha dag gis bag med pas gnas par mi bya'o// phyi ma 'ang dri ma bcu gnyis dang rnam par bral bar byas nas/ sbyin pa byin par gyur na ni/ chen po la 'os par 'gyur te/ 'khor lo sgyur ba'i rgyal po 'am/ lha rnams sam/ lha gzhan rnams las lhag par yang 'gyur ro/ / dri ma bcu gnyis po rnams ni/ 'di lta ste/ gcig ni nang du gtogs pa rnams dge 'dun gyi nang du gtogs pa rnams dang / bslab pa mtshungs pa rnams dang / shes rab dang yon tan phun sum tshogs pa rnams la mnyam por sbyin pa ni dri ma mi bzad pa'i sbyin pa de dag rnams kyi 'bras bu ni chung bar 'gyur ro/ / 'dod chags kyis ster bar 'gyur ba gang la 'dod chags par

  270. 136a

    gyur pa bud med dam/ skyes par gyur pa la 'ang rung ste/ de la ster ba'o// de la de dag ni dri ma yin no// dge sbyong ngam bram ze gang dag rgyal pos mchod par byed pa de la dang / sbyin pa po rab tu mang po can rnams la sbyin pa dang / ji ltar sdug bsngal 'di dag las 'dis yongs su skyong snyam pa dang / sems kyis bsgoms pa yang ma yin pa dang / de la dgos pa de dag rnams kyi rgyu mtshan gyis sbyin pa dri ma can du 'gyur ro/ / gang dag gis de las bzlog par sbyin par bya'o// gzhan yang sbyin pa dri ma can rnams yod do// de dag gang zhe na/ 'di lta ste/ gti mug gis sbyin pa dang / gya gyu la sogs pas so// gzhan yang sbyin pa dri ma can rnams yod de/ mchod pas kyang mchod pa po zhes bya ba gang gi tshul khrims dang / shes rab dang / rab tu zhi ba'i bsam gtan rnams ni de mi sgoms gyis/ gzhan mchod pa 'ba' zhig byed de/ de ni gzhan gyi rkyen gyis 'dir kun mchod par byed de de sems pa dang yang bral ba yin no// de'i tshe 'di dag yang dri ma yin no// / gzhan yang sbyin pa dri ma can rnams yod de/ 'di ltar ngor byas nas ster bar byed pa'o// de la 'di dag kyang dri ma can yin no// gzhan yang sbyin pa dri ma can rnams yod de/ nor gyi thabs kyi dbang du byas nas ster ba'o/ / ji ltar sbyin pa des bdag gis nor gyis thabs kyis nor nye bar 'dzin te/ 'di yid ches pa bskyed pa la bdag gis gzhom par bya'o// de la 'di'ang sbyin pa'i dri ma yin no//

  271. 136b

    gzhan yang sbyin pa dri ma can yod de/ 'di lta ste/ dbye ba'i don du ster ba'o// ji ltar 'di na bdag gi bud med du byas pas de dang de'i rtsa lag tu sngon gyur pa zhes byas la de gzhom par bya'o snyam pa'o// de la 'byed par byed pa de dag rnams ni dri ma'i dbang du gyur par mthong ba yin no// gzhan yang dri mas nye bar bcom pa'i sbyin pa yod de/ 'di lta ste/ 'brel pa'i don gyi sbyin pa bud med gang dag skyes pa'i don du 'brel bar byed pas skyes pa rnams la sbyin par byed do/ / de la de dag ni dri mas nye bar bcom pa'i sbyin pa yin no// gzhan yang dri mas nye bar bcom par gyur pa'i sbyin pa rnams ni dper na// gang dag tshong gi rgyu mtshan gyis gzhan du'ang zas 'dzin nam/ rgyu mtshan gzhan du 'ang zas 'dzin nam/ rgyu mtshan gzhan lo lnga par 'ang rung ste/ zas de dag rnams nyid kyang / gong chen pos ster bar byed de bsdu ba'i don du'o/ / de dag rnams la nye bar byin nas kyang rdzas kyis khyim byed do// de las de dag rnams sogs pa'i tshong gi sbyin pa dri mas nye bar bslad pa yin no// gzhan yang dri mas nye bar bslad pa'i sbyin pa yod de/ dper na grags pa'i sbyin pa rnams so// bu dang rang gi skye bo dang gnyen 'brel rnams sdug bsngal du gyur pa rnams la de yang 'di dag rnams la sems pa dang bral bar dregs pa kho nas sbyin pa gtong ba na grags pa'i sbyin pa de ni dri mas nye bar bcom pa yin no/ / de dag rnams thams cad kyang gal te sems dang bral bar gyur na de dang 'dra bar 'gyur ro//

  272. 137a

    gal te sems khyad par du 'phags pa las kyang dri ma dang bral bar 'gyur ro// dper na gos dri ma can rnams thal bas dri ma med par byed pa de bzhin du sems kyis bsgoms par gyur pas so/ / yang de'i tshe bcom ldan 'das rnam par gzigs kyis tshigs su bcad pa gsungs pa/ ji ltar/ yon tan bcu gnyis yang dag ldan/ drim bcu gnyis dang thal ba/ sbyin pa yongs su dag par 'gyur/ / de las bzlog pa'i kun rtog pa// lha rnams gang dang skyes bu yis// sbyin pa'i 'bras bu bla med min// sbyin pa dang ni bral sdig gis// skyes bu tha chang ltung ba yin/ / 'dod pa ser sna'i dri ma dang // bu dang bu mo'i dbang gis 'gro// zas 'ba' zhig la 'dod pa yi// mi ni 'chi bar 'gro ba yin// 'dod pa'i 'dun pas grol min dang // yid kyi ljon shing zad pa yin// mun pa'i tshogs ni 'joms byed pa// rab sbyin 'dir ni sbyin byed pa// mchog la spyod pa'i sbyin pa dang // sbyin pa po yang de rjes la// sbyin pa legs pa'i lam ston po/ / 'jig rten pha rol du 'gro'o// sbyin pa'i chu yis bkrus pa'i mi// tshul khrims rlabs kyis yongs bsgos pa// shes rab rgya chen dri med pa// sbyin pas sdug bsngal zad par byed/ / skyes bu phan par 'dod pa yis// mar me gsum ni spang bar bya// sbyin dang tshul khrims de bzhin shes// de dag skyon rnams 'joms byed yin// sred brgya tshe'i ngan song ni// rnam

  273. 137b

    rtog rlabs kyis kun tu gang / / sdug bsngal rgya mcho ga zhir gyur te// shes rab tshul khrims kyis bsrungs yin// bsgob dang ni nyung ba'i yang // gang dang de la nges par lhung // sems kyi 'ching ba de dag rnams/ / sbyin tshul gnyis kyis legs par bsrungs// nyon mongs nad ni nges 'joms po// gsum po 'di ni sman du gnas// sbyin dang tshul khrims de bzhin shes// de dag rtag tu bde bar 'gro/ / bag med mi bzad pa yi sems// kun rtogs gya gu myur 'jug pa// shes rab la sogs gsum po 'dis// mi yi 'tshong ba 'jig par byed// skyon gang mer yang ma mthong bas/ / gang gis 'jig rten 'di sreg go// me de ye shes chu yis ni// bcom nas mya ngan 'das par 'gro// de ltar bcom ldan 'das rnam par gzigs nges mchod rten de la tshigs su bcad pa'i mdo mngon par bris so/ / de la sbyin pa de dag ni lha rnams kyi ma yin gyi/ mi rnams kyi'o// rgyu mtshan 'dis ni ches mchog tu gyur pa ni mi'i yin gyi/ lha rnams kyi ni ma yin no// de la sbyin pa dedag nye bar go bar gyis la thams cad kyi yul thams cad bkyigs te/ rtag tu thabs med pa'i sems legs par gzung bar bya'o// gang gi phyir de bzung bas kyang shing chen po 'di 'gags par 'gyur ro/ / ye shes kyi me rnams kyis sreg par byed do// de bsregs pas mchog tu dga' ba med pa'i 'aring ba med pa mdzad pa med pa'i go 'phang thob par 'gyur gyis/ de'i phyir na

  274. 138a

    bag med pa rab tu brtson pas kyang dgra bo bzhin du rab tu spang bar gyis shig/ gzhan yang chos brgyad po lha rnams la smad par bya ba mchog tu ngo tsha bar byed pa'o// 'di 'ang gang zhe na/ 'di lta ste/ las rnams rab tu bstan pas rab tu ston na dang zas kyi dus na 'ang ngo tsha bar 'gyur ba ste/ las rnams pa gsum po chung ngu dang / bar ma dang / chen po rnams kyis chung ngu dang / bar ma dang / chen por 'gyur ro// de la gzhan la cung zad kyang sbyin par lha rnams kyis mi nus so// las rnams la 'pho ba 'ang yod pa ma yin no// de la gang gi tshe lha rnams zas kyis bya ba'i las byed pa de'i tshe/ gang gis rnam pa ji lta bu'i sbyin pa dag byin par gyur pa dang / tshul khrims bsrungs par 'gyur ba de'i rnam pa de lta bu nyid kho na'i zas rab tu 'byung ngo / / des gzhan gyi zas cher lhag pa dri dang / ro dang / reg bya phun sum tshogs pa de mthong nas mchog tu ngo tsha ba snying la 'ong ngo // gang gi tshe nags dang / nye ba'i nags dang / rdzing bu dang / pad+ma'i tshang tshing du rtse bar byed pa de'i tshe bde ba de dag thams cad las ci 'dra bar so sor nye bar gnas so// de la lha gzhan rnams kyis ches lhag pa'i bde ba mngon par mthong nas mchog tu ngo tsha ba dang ldan par gyur te rang gi rang lus la zhum par 'gyur ro/ / lha rnams kyi lnga po 'di rnams ni ngo tsha ba'i rgyu yin te/ lnga gang zhe na/ 'di na zas kyi dus na lha gzhan dag gi bdud rtsi dri ma med pa rnams

  275. 138b

    mngon par mthong la/ rang gi 'ang dri ma can dang dman par yang gyur pa kun nas/ nye ba na gnas nas za bar byed pa na mchog tu ngo tsha ba lta bu skye'o// 'di ni lha rnams kyi ngo tsha ba'i rgyu dang po yin no// gzugs shin tu bzang ba rgyan dang na byad mchog tu bzang ba mang ba lha gzugs bzang ba'i lha gzhan nye bar gnas pa de dag mngon par mthong nas/ lha gzhan rnams ngo tsha bar 'gyur ro// 'di ni ngo tsha ba'i rgyu mtshan gnyis pa'o// gzhan yang ngo tsha ba'i rgyu gsum pa ni gang gi tshe nam mkha' la pad+ma'i nags dang / nye ba'i nags dang / ri'i rtse mo gser dang / bai DUR+Ya'i rang bzhin rnams la rtsed mo rtse ba'i don du lha rnams gang dag 'gro bar byed pa de'i tshe las kyi khyad par gyis shin tu myur bar 'gro bar 'gyur ro/ / lha gang dag las shin tu chung ba de 'gro ba dul bar 'gyur ro/ / de shugs dang ldan par 'gros kyis rjes su 'gro bar 'ang ma yin no// de rang gi gnas kyi lha mo'i tshogs de rnams kyi mdun du ngo tsha bar 'gyur ro// gzhan yang ngo tsha ba'i rgyu bzhi pa dper na/ gang gi tshe lha pad+ma'i rdzing bu la rten pa de'i tshe lha gang gis rnam pa ji srid kyi las byas par gyur pa de'i rnam pa de srid kyi pad+ma 'byung bar 'gyur ro// kha dog dang / dri dang reg bya shin tu che ba de dag rnams mngon du legs par mthong nas kyang ji ltar 'khor gyi nang du 'jug pa na gtso bor gyur pa'i lha rnams shin tu ngo tsha bar 'gyur ro/ / gzhan yang ngo tsha ba'i rgyu lnga pa ni

  276. 139a

    lha rnams so sor ngo tsha bar 'gyur ba'o/ / gang dag ce na/ 'di lta ste/ stan rnams ni gang dag gis rnam pa ji lta bu dag gi las byas par gyur pa'i lha de dang de dag gi rnam pa de lta bu kho na'i stan rnams 'byung bar 'gyur ro/ / de la gang gis shin tu legs par byas pa'i las byas par gyur pa de dag rnams la ni bai DUR+Ya'i rang bzhin dang / in+d+ra nI la'i rang bzhin nam pad+ma rA ga'i rang bzhin gyi stan rnams rab tu 'byung bar 'gyur ro/ / stan de dag la lha gzhan gang dag 'dug par byed par na las rnams nyung ba'i phyir na de'i tshe na snyan de yang ba ser du 'gyur ba 'am/ de yang nadangul gyi rang bzhin du 'gyur ba'am/ de yang na shel gyi rang bzhin du 'gyur ro// de'i tshe stan rnam par gyur pa de mngon par mthong nas las lci mo dang / yang mo rnam pa sna tshogs pa yin pa kho nas lha de dag kun nas shin tu ngo tsha bar 'gyur ro/ / de rnams ngotsha bas gzi brjid rnams yongs su nyams par 'gyur ro// de dag de ltar kun nas nyams pas bzhin gyi mdangs yongs su nyams par 'gyur ba dang / gzhan yang shin tu rab kyi stobs dang ldan pa dang ches lhag pa'i lha rnams mngon par mthong nas lha las rnams shin tu dman pa'i lha rnams kyi lha de dag lha mo rnams kyis yongs su spong ngo // lha mo des lha de dag yongs su spangs nas lnga gzhan rnams la rten no/ / lugs gcig tu nges pa'i lha me de dag rnams thams cad kyang lha gzhan dag rnams la kun nas 'phos nas khyad par du 'phags pa'i

  277. 139b

    lha mo dag dga' bar byed do/ / las dman pa'i lha de rnams mchog tu ngo tsha ba thob par 'gyur ro// 'di ni lha rnams kyi rgyu lnga pa yin no// 'khor gyi nang du 'gro ba na/ ngo tsha bar byed pa yin pa de'i phyir na/ rnam par 'jig par 'gyur ba'i chos can du 'dus byas kyi chos rnams thams cad la shin tu myur ba myur bar te/ gang la rnam pa de lta bu kho na'i mngar ba dang 'dres shing bcas pa'i lo ma med pa'i ros kyang sdug bsngal skyed de/ bde bar mngon par nga rgyal ba sdug sngal dang 'dres pa yin na skye ba gzhan rnams su de skyes pa'i sems can dmyal ba dang / yi dgas dang / dud 'gro'i skye ba rnams su so sor nges par sdug bsngal chen po rnam pa dum rab tu phal che ba skye ba rnams la smos kyang ci dgos dper na rgya mtshor rnam du ma chu klung rnams 'bab pa'o/ / de bzhin du sems can rnams kyi sems kyi rgyud kyi 'jug ngos rnams la 'ang / rnam pa sna tshogs pa'i rgyud kyis nye bar bzhag pa'i sdug bsngal du ma rab tu drag pa rnams skye ba'o// lha rnams de dag la rjes su dpags pa 'dis ni sdug bsngal gzhan rnams yang bstan no// 'di dag thams cad nyid dang / thams cad du rnam pa thams cad kyis kyang dus gsum dang ldan par sdug bsngal rnam pa gsum gyis gang bar gyur pa yin no// sdug bsngal rnams 'joms par byed pa rnam par 'jig par byed pa po rnams ni/ shes rab dang / tshul khrims dang / sbyin pa dang / gsum yin no// de nas de'i dus na bcom ldan 'das des tshigs su bcad pa gsungs pa/ ji ltar

  278. 140a

    sbyin dang shes rab tshul khrims la/ / gang dag blo ni legs mi sten// sems can de ni rtag sdug bsngal// bde ba de dag rnams la med// rnam pa sna tshogs rgyu rnams kyis/ / gang tshe glang gang ji ji ltar// las rnams byed pa'i skye de dag/ 'bras bu'ang rnam pa de 'dra yin// 'di dag thams cad rgyu ldan yin// 'di la rgyu ni yod min pa'i// gang phyir 'dus byas mi 'jig pa'i/ / rgyu ni mthong ba ma yin no// thog med dus na ngo tsha'i bzhin// sems kyi skyon gyis bslus pa yin// mtho ris blo gros dman gyur pas// de phyir sbyin pa mdzes pa yin// sbyin pa khyad par 'gro rim ldan// gser sna'i dri ma spangs pa rnams// rtsed mo'i ched du byed pa'i lha// chud zos yid kyis zad byas nas// mi gang bkres skom rang bzhin gyi// yi dgas rnams su rgyug pa yin/ / ser sna'i 'bras bu de dag kun// de nyid gzigs pas gsungs pa yin// gang dag bde ba'i don du ster// des ni nges par bde bar 'gro// gcig tu sbyin pas bde/ par 'gyur// de phyir sbyin pa bsngags pa yin// sbyin pa 'jig rten 'jig rten gzhan// 'gro zhing rjes su 'gro ba yin// de la sbyin pas song nas kyang // rgyas byed bzhin du lha mchod do// slu ba med pa'i gnas de dag/ de bzhin gshegs pas gsungs pa yin/ slu ba med pa yin phyir yang / rten du sbyin pa cher rjer gyis// ser sna'i dgra las rnam rgyal dang // sems kyang legs par

  279. 140b

    sgom par gyis/ / gang zhig rtag tu sbyin pa gtong // de ni srid pa'i mtsho las rgal// yul las kyang ni sbyin rnam gsum// rnam gsum blo gsum las skyes dang // dus dang nam snga nges pab de'i/ / 'bras bu gzigs pa spyan gsum pa// sbyin 'di dang po rtag tu gtang // tshul khrims rab tu brtson pas bsrungs// sred pa ye shes kyis gzhom bya// lam 'di rnams las bde ba 'byung / / mi rtag sbyin byed sred po ni// 'jig rten phan min byed pa yin// mthar thug bla na med pa yi// go 'phang mchog kyang thob nus min// 'di yi yid kyi lus kyis ni// rtag tu sbyin la dga' bar bya/ / sbyin pa med na bkres skom gyis// yi dgas sa la sreg par byed// lha dang dri za'i sa rnams la// sbyin pas longs spyod ldan par 'gyur// sbyin pa yis ni rgyal por 'gyur/ / legs par chos byed 'khor lo bskor// sbyin pa'i sa la legs bsten nas// mkhas pa yis ni tshul khrims bsrungs// tshul khrims ldan pas dus shes shing // shes rab kyis ni yongs su grol// sdug bsngal las ni nges 'byung lam// thub pa skyes mchog gis 'di bsngags// de ni brtan pas rtag brtson par// rgyun du sbyin la dga' bar gyis sbyin pa med pa ltar yang ni/ / lha rnams bde ba dman par 'dod// mi gang bdag nyid sbyin pa ni// bde ba'i skal ldan 'gyur ba yin// gang phyir sbyin pa'i 'bras bu de// thams cad

  280. 141a

    sems kyis zin pa'i phyir/ / dud 'gro rnams su skyes na yang // bde ba'i skal ldan 'gyur ba yin// sbyin pa las skyes bde de kun// mkhas pa yis ni gsungs pa yin// yi dgas srid ni yi dgas gang // zas rnams za bar 'gyur ba yin// tshe rim med pa'i shing rnams kyi// 'bras bu de dang 'dra bar 'gyur// dmyal bar bkres dang skom rab kyis// lus can gang zhig mi sreg pa/ / de dag thams cad sbyin dka' thub// 'bras bcas gyur pa de 'dra yin/ sems can rang gi las rnams kyis// 'gro ba'i lam du bying rnams la// sbyin pas rtag tu bde 'bab pa/ / pha bzhin dang ni ma bzhin mthong // sa de rnams kyi gnas skabs su// rtag tu sbyin la dga' bar gyis// sbyin dang tshul khrims la dga' ba// ngam grog kun las rtag tu 'grol/ / de ltar mu su lun d+has bag med pa spyod pa'i lha de dag rnams la legs par bstan no// de rigs nas kyang lha de dag rnams dad pas mngon sum du dmigs nas/ sbyin pa dang / tshul khrims kyis 'bras bu nges par rtogs so// gzhan yang lha rnams kyi dbang chung ba'i gnas yod de/ 'di lta ste/ las rnams kyis so sor bstan pa'i ngo tsha bar 'gyur ba'i zas rnams so// gang gi nags dang / skyed mos tshal dang / rdzing bu dang / chu mig dang / pad+ma'i nags kyi gseb tu rgyu ba na rab tu mang ba'i bud med kyi tshogs kyis yongs su bskor ba rnams rnga dang / rol mo

  281. 141b

    sna tshogs kun tu sgrogs pa'i nags kyis rnams la rnam par rgyu ste/ yul rnam pa sna tshogs pa la rnam par chags pa'i yid can rnams mchog tu rgya che ba'i bde ba dpe med pa dag dang yang dag par ldan pas rgyu bar gyur pa las/ de'i tshe na zas dang skom gyis phyogs su nye bar legs par 'gro'o// de dag rnams nye bar legs par song ba na yang rgyan dang / cha byad mchog dang ldan par gyur pa'i lha mo rnams rjes su song ste/ sna tshogs pa'i gzugs rgyan dang / cha byad can de rnams kyis lha dga' bar byas nas bsnyen nas legs par gnas shing yang gar byed/ rgod par byed/ 'gying bag byed/ glu len par byed de/ rnga skad yan lag lnga dang ldan pa'i chags pa sa dang / mtshungs pa dang / snyan pa dang bcas pa de lta na yang lha rnams kyi rna ba'i rnam par shes pa ngoms pa med pa'o// / sred pa'i yul gyis rnam par rgyu bas mnar ba rnams ngoms par ma gyur pas gzhan yang lha rnams rnam pa sna tshogs pa'i gzugs rnams la lta bar byed par gyur pa rnams la dga' bar gyur pa dang / mthong na sdug pa ji ltar 'dod pas 'gro ba rnams rtag tu yid 'joms par byed pa rnam pa sna tshogs pa dang / rgya che ba'i 'od 'bar ba rnams kha dog dang / dbyibs du ma can dang / rgyang ring ba dang / thag nyed na gnas pa rnams te/ de la gal te lha rnams 'di snyam du sems par 'gyur te/ ji ltar gzugs gang dag yin pa de dag ring ba na gnas pa de dag rnams thag nye bar 'gro bar bya na de'i

  282. 142a

    sems bskyed pa tsam nyid na/ gzugs mchog tu dga' bar gyur pa de rnams thag nye bar gnas par 'gyur ro// bdud rtsir gyur pa la dang ji ltar 'dod pa de ltar 'gyur ro// gal te yang nye bar gyur par 'dod na de dag rnams nye bar ro// gal te yang ring bar 'dod na yang de yang ring bar 'gyur ro// las kyi 'bras bu'i khyad par rnams kyis gyur to// dman pa dang / bar ma dang / mchog rnams rgyu dang bcas pa yin no// de bzhin du yang sred pa'i sbrul mthong ba dug can gyis bltas pa'i lha rnams la ngoms pa skye ba ma yin na/ bud shing rnams bcug par gyur pa'i me bzhin du sred pa dang bcas pa rnams dga' bar gyur pa'i yul rnams kyis mthar thug pa skye ba med do/ / de bzhin du lha rnams ni tshul du mar yang ngoms pa med do// gzhan yang lha de dag rnams nyid dril dri'i rnam par shes pa gtod par byed do/ / de dag rnams kyi rnam pa mang po sgo bar byed pa'i dri rnams la 'di lta ste/ nags dang nags su gyur pa'i me tog rnams so// / me tog de dag rnams kyang 'khri shing dang tshang tshing las skyes pa dang / shing las skyes pa dang / sa phyogs kyi cha kun las skyes pa'i mdog dang dbyibs rnam pa du ma rnams dang / rnam pa sna tshogs pa'i cha shas rnam par bkra ba rnams te/ thams cad kyang dus dus su kha bye ba rnams la/ lha'i bu mo rnams 'ongs nas sten pa'i don du 'ga' zhig la snom par byed do// me tog

  283. 142b

    rnams 'ga' zhig la ni rlung dang nye ba la brten nas dri rnams snom par byed do/ / mtshungs par 'dod pa'i yon tan phun sum tshogs pa'i dri rnams la yang lha rnams snom par byed do// de dag bsnam nas gzhan yang gang gi tshe lhag mar gyur pa rnams la lus la rnam pa ji srid kyi rgyan du gyur pa las mtho ris dang rjes su mthun pa'i rna gdub dang / dpung rgyan la sogs pa rnams lha 'dod pa de rnams kyis sems bskyed pa tsam nyid na rang 'byung ngo / / lus la gos bgos pa rnams ni kha dog rnam pa sna tshogs par btsos pa/ rnam pa sna tshogs par dri dang ldan pa'i ma btags pa'i tshad mchog dang ldan pa de dag rnams kyis lha sred pa dang bcas pa rnams ngoms ngoms par mi 'gyur ro/ / gzhan yang lha rnams yid kyis don 'di dag dpyod par byed pa na/ de dang de rang gi las dang 'dra bar phun sum tshogs par 'gyur te/ mchog tu dga' bas ji ltar zas dang btung ba'i sa rnams la song nas lha bdud rtsi za bar byed do// de dag gis zos pa de dag rnams ni sbyin pa rnams dang 'dra bar dman pa dang / bapar ma dang / mchog tu gyur pa'i zas rnams 'byung ngo // lha rnams kyang rnam pa sna tshogs pa'i btung ba dag 'thung bar byed pa de dag rnams kyang dman pa dang bar ma'i btung ba dang / bza' ba rnams kyang 'byung ste/ rang gi las kyi rgya'i rjes dang 'dra ba'i phyir ro// ji ltar gang dag gi lus kyi tshad kyi rnam pa ji srid du 'gyur ba'i rnam pa de srid kho nar skyes bu de'i grib ma nyi ma rang bzhin du gnas pa na

  284. 143a

    'byung bar 'gyur ro/ / de kho na bzhin du lha rnams kyi yang gang gis ji srid kyi rnam pa'i las rnams byas par gyur pa de dag gis rnam pa de srid kho na'i zas kyi rigs rnams skye'o// de za bar byed pa na yang lha de dag rnams tshogs pa na za bar byed pas de dag mchog tu ngo tsha ba skye'o// de la lha rnams rgyu ba'i dus su nye bar gnas pa rnams shin tu rgya che ba'i sdug bsngal chen po dang ldan par 'gyur ro/ / khyad par du yang lha mo'i tshogs kyi mdun du ngotsha bar gyur pa'i sdug bsngal gyi mchog de 'dra ba ni srid pa gzhan na cung zad kyang med do// slu ba med pa po'i bde bar gyur pa de ltar/ so sor bstan pa de dag rnams kyis kyang ji ltar gzhan du yang 'khor ba thams du des 'gro bar bya dgos so/ / gzhan yang lha rnams kyi tha ma'i dus legs par byas pa zad nas 'chi 'pho ba'i dus na sdug bsngal rnams skye bar 'gyur te/ gang gi tshe bag med par spyod pa'i lha rnams rtag tu 'dod pa la rnam par chags pa las/ gang gi tshe 'chi 'pho bar 'gyur la/ 'chi 'pho ba de'i tshe yang 'dod pa sdug pa yid du 'ong bar 'gyur ba gang dag rnams dang 'bral bar 'gyur ba ni snum zad pa'i dbang gis mar me bzhin du 'gag par gyur pa na 'gro ba gzhan gang yin pa dang 'dra ba'i rtags rnams mngon par 'byung bar 'gyur ba dang / / 'chi 'pho ba'i dus kyi sdug bsngal de dag rnams kyis lus dang yid mngon par bcom par gyur pa rnams la sdug bsngal gang dag skye bar gyur pa de'i ni dpe brjod par sla ba yang ma yin no// de nas

  285. 143b

    de'i tshe bcom ldan 'das kyis tshigs su bcad pa gsungs pa/ ji ltar/ sna tshogs bde dang bag med dang // yul rnams kyis kyang bslus pas kyang // tshe zad 'chi ba'i dus su ni// lhan cig gnas pa yod ma yin/ / sngon chad bag med spyad pa yi// sbyin la sogs la mi 'jug go// phyi nas 'chi ba'i dus na de// rang gi sems ni sreg pa yin// dang po bar dang de bzhin mthar legs pa'i yid ni bya ba yin/ / legs par spyod dang rtag tu ngu la// 'chi ba'i dus na zhum pa med// nges par 'gyur ba 'chi ba ste// sdug pa dang yang bral ba yin// yul rnams kyis ni rab bcom pas/ / byis pa rnams ni spyod pa'ang med// de ni rim gyis rtogs 'gyur gyi// 'di ni khong du chud pa min// yul gyis rnam par nyams pa'i lha// 'dod pa la ni rnam zhen blo// 'dus bral sdu bsngal gang skyes pa'i/ / lha gang gang du skyes pa yin// yud tsam cig kyang de dag la// blo na gnas par mi bya'o// mi rtag pa dang 'jigs dang bcas// 'dod pas rtag tu khol byed po/ / de lta na yang rmongs pas byis// phyir zhing de nyid sten par byed// 'dod chags me yis rta tu sreg/ lha ni rnam par rmongs pa yin// bsregs par gyur nas phyis kyang de// yang dang yang du bsngags par byed// yul rnams la ni chags med par// rgyu gang de nyid la gzhol ba// gang yang de ni rab bsngags pa// de dag sdug bsngal rtag par gnas// khams

  286. 144a

    gsum 'di dag thams cad ni/ / zo chum khor mo bzhin du 'khor// las kyi zhags pas kun bzung yang // de nyid mthong ba yang ma yin// skye ba dang ni 'chi ba rnams skye dang skye bar yang yang ngo / / sems can rnam par rmongs dga' ba// rtag tu sdug bsngal skal ldan yin// glog dang zo chun 'khor lo dang // mtshungs par 'dod pa rab tu bsgrags/ rmil pa dri za'i grong khyer ltar// rab tu rnam par 'jig pa yin// rnam pa de lha'i 'dod pa rnams// khyad par 'jigs dang bcas pa yin// mi rtag sdug bsngal stong pa'i phyir// bdag gi blo ni mi bya'o/ / rga dang 'chi ba'i 'khor lo 'di// rab tu mi bzad bzod mi nus// nges par thams cad ltung ba yang // mig med pas na mthong ba'ang med// 'dod pa lnga ni thub mchog gis/ stong pa'i ngo bor rab tu gsungs// 'dod chags khyim gyi rang bzhin ni// mi rtag pa dang sdug bsngal ba// gzhan du min par rtogs ldan pas// gang gang 'dod pa la mi chags// de ni pha rol 'gro rtag zhi/ / mya ngan 'das pa'i mtha' la gnas// 'chi 'pho 'byung ba'i lha yi ni// dbang po brlabs par gyur pa'i sems// sdug bsngal brjod par snga min gang // de la 'din dpe yod min/ / ji lta ji ltar bde chen po// sems ni sred pas nyer bcom pa// de lta de ltar 'chi 'pho ba'i// sdug bsngal chen po bzod par dka'// legs byas las ni ma byas dang // las kyi

  287. 144b

    gnas lugs mi shes pa/ / sdug bsngal chen po kun 'byung ba// phyis ni gdung bas sreg par byed// ji srid 'tsho ba ma 'ongs dang // ji srid dal 'byor phun sum tshogs// de srid rang la phan bar mnos/ / lam 'di rnams ni bde ba byung // lha yi 'jig rten rnams 'chi 'pho// 'chi ba mi yi sa rnams la// rig nas nye bar 'tshe bcas pa'i// srid na skyes bu su gnas byed// de ltar yang 'chi 'pho bar gyur pa'i lha rnams las kyi thag pas drangs par gyur pa so sor nye bar bstan pas 'jigs pa chen po dang bcas par rab tu skye'o/ / de'i phyir na lha de dag dud 'gro dang 'dra bar gyur pa yin te/ gang dang yul rnams la rnam par 'chums pa'i yid kyis rang nyid la legs par mi byed do// de lta bas na bag med par yang ma byed/ phyi nas 'gyod par 'gyur ba ma byed cig/ de ltar mu su lun d+has tshogs pa rgya ba na rnam par rgyu ba'i lha rnams la rnam par gzigs kyis mdzad pa'i mchod rten mthong bar byas nas de la rjes su bsngags par byed do/ / nges par legs pa la sbyor bar byed do// 'dod pa rnams kyi nyes dmigs rnams kyang rab tu ston par byed do// rnam par smad par bya ba'i phyin ci log bzhi yang dag par ston par byed do// 'chi ba'i dus ma 'ongs pa yang logs par ston par byed do/ / kun tu skrag par byed do// de'i phyir 'jigs su rung ba'i 'chi ba las sdug bsngal du mas tshang tshing du gyur pa'i lam lha de dag rnams la bstan par gyur pa na// des rab tu dang bas

  288. 145a

    yid 'phrog par byed pa'i bde ba skyed par byed pa'i phyir na lha rnams la rjes su ston no/ / mdo drug pa las rnam par gzigs kyis mdzad pa'i mdo sde gnyis pa rdzogs so// / gzhan yang mu su lun d+ha de nyid kyis lha de dag rnams nyid khrad de tshogs pa rgyu ba'i sa la gnas pa'i gang dag sems bsgoms par gyur pa dang / gang yang yid bsgoms par gyur pa dang / rgyud bsgoms par gyur pa de dag rnams khrid nas/ gzhan la phan par byed pa dang gzhan la phan pa la sbyor ba la brtson pas lha de dag rnams kyis gzhan yang bag med pa de dag gzhom par 'dod pas kyang las dang 'bras bu'i de kho na nyid mthong ba dang dran par yang byas la/ sems kyi rgyud dang bar yang byas shing gzhan yang de dag rnams kyi rgyud shin tu rab kyi mchog la sbyor bas 'dod pa rnams kyi nyes dmigs rnams kyang legs par bstan cing gson pa rnams kyang mi rtag pa nyid kyi rtogs pa 'phangs shing 'khor ba'i rgud pa rnams kyang brjod nas/ lha do dag rnams la 'di skad ces brjod do/ / lha khyed rnams ltos dang mchod rten gsum pa gang de kho na mthong ba de ni thub pa chen po gzhan 'khor ba 'jig dgra bcom pa yang dag par rdzogs pa'i sangs rgyas rig pa dang zhabs su ldan pa/ bla na med pa/ skyes bu 'dul ba/ kha lo sgyur ba/ ston pa'i yin te/ rin po che rnams kyis legs par gang ba 'od zer gyi 'phreng ba gser dang / nor bu'i stegs bu nam mkha'

  289. 145b

    'bugs pa bzhin du shin tu mthong bar gnas pa/ skye bo thams cad rab tu dga' ba/ 'thab bral gyi 'jig rten 'di dag thams cad zil gyis mnan nas nges par gnas pa mchog tu zhi bar gyur pa dang / mchog tu dga' bar gyur pa sems kyi rgyud brlan pa bzhin du lha rnams thams cad kyi lha'i 'jig rten 'di'i rgyal mtshan du gyur pa/ snying por gyur pa/ bsam gtan dang ldan pa bzhin du rnam par gnas so// rnam par bkra ba/ dge ba/ rin po che shin tu 'bar ba/ rin po che'i 'od lham mer bar gyur pa/ dam pa'i chos ston par mdzad pa bzhin du mchog tu rgya che ba dga' bar gyur par mthong ba 'di la bdag cag gis khrus gsol bar bya'o/ / bdag cag gis mchod par bya'o// tsan dan yang bdag gis dbul bar bya'o// me tog dang spos la sogs pa rnams kyi sa mchod nas rim gyis bdag gis blta bar bya'o/ / ci 'dir drang srong chen por gyur pa de shin tu ngo mtshar bar gyur pa 'dis ci zhig nye bar mtshon pa mdzad na/ gang gis bdag cag rnams nges par legs pa dang / mthar phyin pa dang / phan pa dang bde bar yang 'gyur ba ste/ rgyu gang gi phyir/ sems can rnams thams cad la phan par mi 'gyur ba dang / bde bar mi 'gyur ba'i bcom ldan 'das kyi mdzad pa ni gang cung zad kyang mi mnga' ba'i phyir te/ bdag nyid la phan pa'i don nyid kyis ni 'di dag tu byon pa yang ma yin no// de nas lha de dag rnams kyis lha'i bdag po de'i tshig nye bar bzung nas dge bar byas pa'i

  290. 146a

    yid kyis 'di skad ces smras so/ / mchod pa'i don du bdag cag rnams mchi bar bgyi zhing bdag nyid rjes su gzung ba'i don du dang / bdag nyid la phan pa'i don du bdag cag/ rnams 'gro bar bya'o// de nas tshogs pa rgyu ba'i san gnas pa'i lha de dag rnams kyis lha'i bdag po mu su lun d+ha sngon du byas nas gang na bcom ldan 'das drang srong gi mchog de'i mchod rten yod pa der bar legs par 'gro'o/ / song nas kyang bcom ldan 'das 'khor ba 'jig gi mchod rten la gus pa dang bcas pa'i yid kyis phyag 'tshal bar byed de/ g.yas phyogs nas skor bar yang byed do// de nas de'i tshe mchod rten gyi nang na rin po che'i 'od shin tu 'bar ba rin po che de dag rnams gang gi khyad par gyis ni nyi ma'i 'od zer dang srin bu me khyer gyi 'od dang 'dra bar 'gyur ro/ / mchod rten de'i nang na yang gser gyi rang bzhin gyi byang bu la bris nas nam mkha' la 'phyang ba yin te/ rab tu 'bar ba'i yi ger mngon par bris pa'i mdo yin no// de yang rdzu 'phrul mdzad pa'i cho 'phrul gyis rlag par mi 'gyur zhing bar rlag par mi 'gyur te/ de rgyu gang gis lha dang mi rnams la phan pa'i don du mdo de bstan pa'i phyir ro// thub pa bcom ldan 'das 'khor ba 'jig des lha dang mi rnams la chos ston par mdzad pa ni 'di lta ste/ rgyu gang gis lha rnams 'gro ba drug nas dang / mi rnams mi rnams nas 'chi 'pho ba dang / lha rnams lha yul du ste/ de ltar phan tshun du 'gro ba drug po rnams phan tshun du dpung gnyen du

  291. 146b

    gyur pa yin la/ de la lha dang mi rnams kyang tshul khrims kyis mtho ris su skye ba ni slu ba med pa'i gnas yin no// de la tshul khrims de ni rnam pa gnyis te/ sdom pa sngar byas pa dang / thar par byas pa'o/ / de la don yod pa zhes bya ba'i tshul khrims gang zhig don yod pa 'ba' zhig kho nas 'jug pa'i bar du dang bas sems rab tu dang ba'i dbang gis sangs rgyas la sogs pa rnams la rab tu dang bar 'gyur ro/ / lus kyis legs par spyod pa dang / ngag gis legs par spyod pa dang / yid kyis legs par spyod pa rnams byed par 'gyur ro// log par lta ba can du yang mi 'gyur ro/ / ji srid 'tsho'i bar du las dang 'bras bu rnams la rgyud dad pa dang ldan par 'gyur ro// chos dang ldan pa'i longs spyod rnams kyang chos kyis longs spyod par byed kyi/ gzhan rnams gdung bar byed pa ni ma yin no/ / pha dang ma la gus par 'gyur ro// dge sbyong dang bram ze rnams nye bar 'ong ba'i rang bzhin can du 'gyur ro// dam pa'i chos nyan pa'i rang bzhin du 'gyur ro// mthun par 'gro ba'i rang bzhin can du 'gyur ro/ / yongs su 'dri ba'i rang bzhin du 'gyur te/ de ltar don dang ldan pa 'ba' zhig pa kho nas rab tu dang ba dang yang dag par ldan par 'gyur ro// don dang ldan pa thams cad legs par gang bar spyod pa yin te/ lus kyis legs par spyad pa rnams spyod par byed/ yid kyis legs par spyad pa rnams spyod par byed kyi/ sdom pa 'dzin pa ni ma yin yang de lus zhig nas

  292. 147a

    bde 'gro mtho ris kyi 'jig rten du ste/ sems kyi spyod pa nyams su myong ba'i dbang gi dge bas gal te 'thab bral gyi lha rnams su skye'o// de lha gzhan rnams kyi khyad par gyis gzugs dang / cha byad dang / rgyan dang / bud med dang / yul ljongs dang / zas dman pa rnams la spyod par 'gyur ro// de zas la longs spyod pa'i dus na ngo tsha bar 'gyur ro// 'di'i 'od rnams shin tu dman par yang 'gyur/ 'dod pa'i longs spyod phun sum tshogs pa rnams thams cad kyang shin tu dman par 'gyur ro// don yod pa de legs par yongs su rdzogs pa'i tshul khrims kyi 'bras bu dang / gzhan sdom pa la gnas pa'i tshul khrims 'dzin pa'i lha rnams kyi khyad par ro// gzhan yang don yod par gyur pa'i tshul khrims su 'gyur ba ni sangs rgyas la sogs pa la rab tu dang ba dang ldan la/ sdom pa ni nyi ma gcig kyang nges par 'dzin par mi byed de/ lus kyis legs par spyod pa dang yang dag par ldan par 'gyur la/ ngag gis legs par spyod pa dang yang yang dag par ldan par 'gyur ro/ / ma lus pa ma yin par ro// gang zhe na/ ma lus pa ma yin pas lus kyi legs par spyod pas srog gcod pa dang / 'dod pa la log par spyod pa gnyis rab tu spong bar byed la/ yang ma byin par len pa rnams ni ma yin no// de dag ni ma lus par legs par spyod par byed pas spyod pa ni ma yin no// ngag gi legs par spyod pa rnams kyang

  293. 147b

    thams cad du legs par spyad pa spyod pa ma yin te/ brdzun 'ba' zhig tsam smra bar mi byed la/ ngag gi dri ma rnams ni mi spong ngo // de yang don yod pa gcig legs par spyad pa spyod do// gal/ te de sred pa tha ma'i sems rab tu dang ba'i dbang gis dang / lan grangs gzhan la myong bar 'gyur ba'i legs par byas pa'i las rnams kyi rkyen gyis 'thab bral ba rnams su skye la/ shin tu dman par yang mi 'gyur te/ sngar gyi don yod par legs par spyad pa spyod pa de'i drung na tshad dang / mdog dang / gzugs dang / rwa byad dang / rgyan dang / zas dang / spyod pas gnas pa rnams dang / 'dod pa'i bud med dang yul ljongs rnams la rim gyis sgra reg gzugs dri rnams la yang ste/ sdom pa dge ba spyad pa'i khyad par can gyi lha gzhan rnams kyi khyad par gyis ni des rang nyid dman par mngon par mthong nas ngo tsha bar 'gyur ro/ / gzhan yang don yod par gyur pa'i tshul khrims dang yang dag par ldan pa yod de/ yang dag pa'i lta ba can du gyur pa dang / thos pa'i rigs dang ldan pa dang / sangs rgyas la sogs pa la gus pa'i rigs can du 'gyur ba'o// sdom pa ni gcig kyang 'dzin pa yang ma yin no// 'on kyang tshul khrims 'chal pa'i tha snyad kyis 'jigs nas ma byin par le par mi byed do/ / sangs rgyas nyid kyis gsungs pa rgyu mthun pa'i 'bras bus dbul po sgrub par byed pa dang / ma byin par len pas dmyal ba rnams su yang skye bar 'gyur ba thos pas kyang

  294. 148a

    ste/ 'dod pa can yin yang 'jigs pa la sogs pas lus kyis rtag tu ma byin par len pa mi len no// ngag gi las kyang phra ma byed pa'i rang bzhin can ma yin no// phan tshun du byed par mi byed pa dang / bye ba'i sems can rnams kyang 'byed par mi byed do// legs par 'dzin par yang byed de/ ngang tshul ngan pa'i 'jigs pas dang / sangs rgyas dang sangs rgyas ma yin pa'i gsung yang nyan par byed do/ / ji ltar phra ma'i rgyu mthun pa'i 'bras bu ni grogs po dang / bran po dang / bran mo dang / chung ba rnams dang dbye bar 'gyur ro// lus zhig nas kyang ngan song log par ltung ba dmyal bar skye bar 'gyur zhes sangs rgyas dang / sangs rgyas ma yin pa rnams kyi tshig thos pa dang rgyu gnyis po 'di dag gis de bra ma byed pa'i ngang tshul can ma yin no// delus zhig nas sems tha ma'i dbang gis dang / las lan grangs gzhan la legs par byas pa'i dbang gis kyang rung / gal te brgya lan zhing la rab tu dang ba med par yang brgyal na 'thab bral gyi lha rnams kyi nang du skyes na de ches dman pa'i tshad dang / kha dog dang / dbyibs su 'gyur ro// bud med dang yul ljongs dang / zas dman pa rnams la spyod par 'gyur ro// sgra dang / reg bya dang / gzugs dang / ro dang / dri rnams dman par 'gyur ro// tshe shin tu dman par 'gyur ro// 'od dman par 'gyur ro// lha gzhan rnams kyi drung du shi tu

  295. 148b

    yang ngo tsha bar 'gyur ro/ / don yod pa de dag gi rab tu dang ba'i dbang gis lha'i skye ba gsum du 'gyur te/ sangs rgyas la sogs pa la rab tu dang ba 'ba' zhig gis dang / de ltar sems kyi yon tan gyi khyad par rnams kyis sam/ sems 'jam por 'gyur ba'i khyad par gyis sam/ yang dag pa'i lta ba la rab tu dang ba'i khyad par gyis sam/ bsam pa nye bar skyes pa sems kyi khyad par rnams kyang 'di lta ste/ ma dang pha la shin tu gus pa dang / legs par nyan pa 'am/ yon tan gyi khyad par dag gis sam/ smon lam gyi khyad par dag gis kyang ste ji ltar de'i sems kyi rgyud dang zhing la rab tu dang ba'i dbang gi sems kyi yon tan dman pa dang / bar ma dang / khyad par 'phags pa'i las kyi khyad par gyis rnam pa de lta bu nyid du skye bar 'gyur ro// gang gi phyir don dang ldan pa'i tshul khrims slu ba med pa'i 'bras bu yang las rnams dang 'dra ba yin na/ sdom pa 'dzin pa bzung bas mya ngan las 'das pa'i mthar thug par 'gyur ba de'i de ltar 'dir skye bar 'gyur ba la lha mos kyang ci dgos/ sdom pa'i tshul khrims de dag yang rnam pa du zhig yod pa yin zhe na/ de la mdor bsdu na 'khor bzhi'i sdom pa'o// de der gtogs pa bzhin dge sbyong dang / dge sbyong ma dang / dge bsnyen dang / dge bsnyen ma ste/ de dag ni 'khor rnam pa bzhi yin no// de la yang de dag gi sdom pa ni gang yin/ rnam pa ni du zhig yod// de dag

  296. 149a

    gi sdom pa rnams tha dad par ni ji ltar 'gyur ba yin na/ de la dge bsnyen mdor bsnun rnam pa bzhi'o// bzhi po rnams gang zhe na/ phyogs gcig la spyod par gyur pa dang / mthar thug par spyod pa dang / thams cad la spyod pa dang / bslab pa'i gzhi rnams las sdom pa gcig blangs pa'o// mthar thug par spyod pa ni/ bslab pa'i gzhi sdom pa blangs pa la spyod pa ma phal cher la gnas nas spyod pa ste/ sdom pa'i gzhi yang yang dag par 'dzin to// thams cad la spyod pa ni/ bslab pa'i gzhi lnga yang dag par 'dzin pa'o// gzhan yang rnam pa bzhi s+ho/ phyir bslab pa'i gzhi la spyod pa dang / kun tu nyams pa med par spyod pa dang / 'gyod nas spyod pa dang / thams cad kun tu nyams par spyod pa'o// de la dge bsnyen bslab pa'i gzhi snga phyir spyod pa ni gang bslab pa'i gzhi rgya mtsho'i la snga phyi bgrod pas snga phying grod par byed do/ / de dang po kho na gsum la skyabs su 'gro ba'i dge bsnyen du 'gyur ro// phyi nas dus snga phyis sems kyis bsgoms nas yon legs pa dang ldan par byas te bslab pa'i gzhi gcig legs par 'dzin to/ / de yang ma nyams pa/ ma chad pa/ ma zags par 'dzin par byed do// de la ma nyams pa'i rnam pa 'di lta bu gang yin/ mchad pa'i rnam pa 'di lta bu gang yin/ ma zags pa'i rnam pa de lta bu gang yin na/ ma nyams pa zhes bya ba ji srid 'tsho'i bar du bdag nyid kyis 'dzin pa ste/ sems kyis kyang sdom pa las

  297. 149b

    'da' 'gyur ba sems par mi byed do/ / gzhan byed pa la yang rjes su yi radra bar mi byed do// byed pa yang 'gog par byed do// de dag rnams chos la yang 'god par byed do// 'di ni mnyam pa zhes brjod do/ / de la ma chad pa gang zhe na/ de nyid kyis 'dir brgyal na bslab pa'i gzhi rnams gtong bar byed do// gal te na 'dzin par byed do// yang dang yang du btang nas slar yang len par byed do/ / rnam pa 'di lta bu ni chad pa yin no// de la 'dis ni chad pa dang bral bar byas shing 'dzin par byed do// ji ltar na ma zags pa 'dzin pa yin zhing zags pa yang ji ltar yin na/ 'di ni bslab pa'i gzhi la dang po nyid du rab tu dang ba'i sems kyis dge ba'i bshes gnyen gyi drung nas bzung ba las de phyi nas 'gyod pa dang bcas par gyur nas mi 'dzin no// rnam par rtog pa'i chu bor khyer ro/ / de sems rnyog pa dang bcas pas dpyod par byed do// sems la stobs med par 'gyur ro// de phyi nas 'gyod pa'i mes sreg par byed la/ bsregs par gyur nas kyang yongs su gtong ngo / / yongs su btang nas kyang phyir mi 'dzin to// 'di ni zugs pa zhes brjod do// des 'di bzhin du mi 'dzin no// gzhan yang snga phyi bar spyod pa'i dge bsnyen de nyid ma nyams pa dang / ma chad pa dang / ma zags par bslab pa'i gzhi rnams 'dzin par byed pa la/ ji ltar ma nyams pa yin na 'dir sems la dri ma med pa rko trog ma yin pa'i dge bar gyur

  298. 150a

    nas kyang yang mi dge bar 'gyur ro/ / chu shing gi lo ma dang glog dang 'dra bar de rab tu rngam par gyur pa'i sems kyis dge ba'i sems su gyur nas sdom pa 'di 'dzin par byed la de rab tu dang ba dang / gus pa dang bcas par yang gyur nas de phyis gal te shed na mu stegs pa'i gnas nas thos nas 'gyod par gyur te/ rnyog pa'i bdag nyid du gyur nas gtong ngo // phyis yang dam pa'i chos thos nas 'dzin par byed do/ / 'di ni nyams pa yin no// gzhan chad pa ji ltar chad par 'gyur ba yin// 'di ni dge bsnyen dag gya gyus bslab pa'i gzhi 'dzin pas gal te na lha rnams mchod par byed pa na gal te ji ltar sangs rgyas kyis gsungs pa'i chos des dag par 'gyur ba 'am/ yang na lha de'i tshig gis bdag la bde 'gror 'byung bar 'gyur ro// de lta bu des dogs par byas nas chos spyod par byed de/ 'di ni chad pa zhes brjod do// gzhan yang zags pa gang zhe na/ 'di na nang stong par gyur pa rnams phyi rol na sems dge ba bzhin du gzhan rnams la mtshon par byed do/ / de yang nang rul bar gyur kyang yid ches pa skyed pa'i don du bslab pa'i gzhi rnams 'dzin par byed do// 'di ni nang stong pa yin no// snga phyir bslab pa'i gzhi la spyod pa'i dge bsnyen des 'dis spong bar byed pa yin no/ / de la ji ltar na thun tshags su spyod pa'i dge bsnyen yin/ 'di na bslab pa'i gzhi gcig blangs nas dus par chod par gyur pa na de

  299. 150b

    rnam par dpyod pa por gyur nas bslab pa'i gzhi gzhan 'dzin par byed do/ / de ltar snga phyi rim pas de'i dus kyi sems skyed pa gcig gis bla ma gcig ma yin pa'i drung nas de ltar thun tshags su gyur pa bslab pa'i gzhi rnams snga phyi'i dus su 'dzin to/ / 'di ni snga phyir bslab pa spyod pa'i dge bsnyen zhes bya'o// gzhan yang dge bsnyen gnyis pa yod de// phyed nyams par spyod pa zhes bya'o/ / phyed nyams par spyod pa gang zhe na/ 'di nas bslab pa'i gzhi rnams dus gcig tu ni mi 'dzin la/ ci ste gnyis ni sngar ro// dus bar du chod par gyur pas gsum ni phyi nas so/ / ji sten gsum ni sngar ro// phyi nas gnyis 'dzin no// len par yang byed do// 'di la ni phyed nyams par spyod pa zhes bya ste/ bslab pa'i gzhi phyed nyams par gyur pa'i rgyu gang yin pas so/ / phyed nyams pa rnam par yang 'dzin to// 'di la ni phyed nyams par spyod pa'i dge bsnyen zhes brjod de gnyis pa'o// 'gyod pa dang bcas nas 'dzin par 'gyur ba'i dge bsnyen gsum pa gang zhe na/ sngar bslab pa'i gzhi 'dzin par mi byed la/ don yod pa'i rab tu dang ba 'ba' zhig gis sangs rgyas la sogs pa la rab tu dang bar 'gyur ro// de la gal te shed na dge slong rnams kyi drung nas sdom pa'i 'bras bu mya ngan las 'das pa'i mthar thug par 'gyur la/ 'bras bu de thos nas kyang 'gyod pa'i mes sregs par gyur pas gus pa dang bcas par gyur nas ji srid 'jo

  300. 151a

    bar du bslab pa'i gzhi rnams 'dzin par byed do/ / 'gyod pa dang bcas pa'i dge bsnyen zhes bya bar ni 'di la brjod pa yin no// gzhan yang dge bsnyen bzhi pa yod de/ thams cad kun nas tshogs par spyod pa'o/ / thams cad kun nas tshogs par spyod par gyur pa'i dge bsnyen gang zhe na/ 'di na dam pa'i chos rnams la thos pa dang ldan par gyur nas tshig dang tshig tu gyur pa rnams dang / gnas rnams dang / mdo dang mdo rnams la rten cing 'brel par 'byung ba'i chos rnams kyang rtogs nas sems 'jog par byed cing dad pa dang ldan par gyur pa dang / dbang po dul bas sdom pa thams cad 'dzin par byed de/ dus 'dir bslab pa'i gzhi lnga ka yongs su rdzogs par 'dzin par byed do// legs par 'dzin par byed do// ma nyams pa dang / ma chad pa dang / ma zags papar ji srid 'tsho'i bar du 'dzin par byed do/ / de la sngar bshad pa'i dge bsnyen bzhi po de dag rnams dang / phyis kyi bzhi po rnams te/ de las de dag rnams kyi dman pa dang / bar ma dang / khyad par du 'phags pa ni rim pa ji lta ba bzhin du sngar gyi mchog dang 'dir ni kun nas tshogs par spyod pa yin no/ / thams cad las nyung ba ni snga phyir bslab pa'i gzhi la spyod pa'o// thams cad las nyung bar gyur pa'i dge bsnyen skad cig tsam sdom pa 'dzin par byed pa de'i yang gzhal du med pa yin pas na gzhan lha rnams dang / bdud la sogs pa dang / dbang po rnams kyis kyang mtshungs par 'gyur ba na

  301. 151b

    ma yin no/ / de ci'i phyir zhe na/ mya ngan las 'das pas yongs su bsdus pa'i ngo bo yin pa'i phyir ro// lha de dag rnams thams cad kyang mya ngan las 'das pa'i grong khyer du 'gro ba ma yin pa'i phyir ro/ / sdom pa sngon du 'dzin pa ni sa'i gnod sbyin gyis sngon la legs par mngon par mthong nas mchod par byed do// phyag 'tshal bar byed do// bar snang la rgyu ba'i gnod sbyin gyis mngon par mthong nas mchod par byed do/ / phyag 'tshal bar byed do// chos dang ldan pa'i bsam pas kyang 'di la lhan cig zhabs 'bring byed cing 'gro'o// lha rnams la yang go bar byed do// mthong ba'i chos kyi 'bras bu yang rgyal po dang rgyal po'i blon po rnams yul gyi bdag po dag gis kyang mchod par byed do/ / de dag rnams kyis yang legs par sbyor bar byed do// gang yang 'di phyi bzhin du lha rnams nye bar gnas par gyur pas de rdzu 'phrul che bar 'gyur ba dang stobs che bar 'gyur ro/ / gnod sbyin chos byed pa ma yin pa gzhan rnams kyis kyang mtho ba tsam par mi nus so// gang gi tshe sems khral mang po sna tshogs pa yod par gyur pa de dag rnams kyang 'dis bde bar 'grub par 'gyur ro/ / 'di'i las kyi mtha' rnams kyang tshegs med par 'grub par 'gyur ro// nad rnams kyis kyang shin tu bar nyon mongs par mi 'gyur ro// 'di'i bzhin gyi mdangs kyang gsal bar 'gyur ro/ / bde bar gnyid log nas sar par 'gyur ro// bu dang / bran po dang / bran mo dang / las byed pa rnams dang / zho shas 'tsho ba rnams kyang legs par 'dzin par

  302. 152a

    'gyur ro/ / lus zhig nas kyang mtho ris bde 'gro lha'i 'jig rten rnams su skye ba'o// lha rnams kyi nang na yang tshad dang / mdog dang / dbyibs rnams ji ltar sdom pa bzung ba des ches gtso bor 'gyur ro/ / de ltar sdom pa bzung ba'i las kyi dbang gis 'bras bu shin tu che bar gyur pa gang dag gis dge ba nye bar bskyed nas kyang bag med par gyur pas 'thab bral du zad par byed pa rnams ni/ sems las kyi dri bas kun nas nye bar bcings pa'i sems can rnams las kyi dbang gis dmyal ba dang / yi dgas dang / dud 'gro rnams su skye'o// de'i phyir de nyid la ji srid du 'phags pa'i phyag rgyar rgyun ma chad kyi bar du bsam par bya'o/ / gang yang sems kyi dbang gis bag med pa sten pa'i lha rnams ni 'chi 'pho ba'i dus na shin tu 'gyod par 'gyur ro// dge ba'i las rnams yongs su zad nas dmyal ba dang / yi dgas dang / dud 'gro rnams su 'gro'o// de'i phyir na rings pa rings par bag med pa nyid du ma byed cig/ dge bsnyen rnams mthong ba'i chos la skyo ba bskyed ba'i sdug bsngal ni bzhi pa'o/ / gang yang bya ba rnams la spro bar gyur pa de ni mya ngan las 'das pa'i mthar thug par 'gyur ro// de ltar 'khor rnam pa gcig yin te/ sangs rgyas rnams kyi dge bsnyen gyi 'khor ro/ / dge bsnyen ma'i 'khor rnams ni gang yin/ dge bsnyen ma'i 'khor yang rnam pa ni du yin na/ sangs rgyas rnams kyi dge bsnyen mo ni rnam pa bzhi ste/ de ni dang ngacan dang / rigs su rims kyis

  303. 152b

    skyes pa dang / gdul ba dang / gnas ldan cig tu byas pa rnams so// de la dad pa dang ldan pa'i dge bsnyen ma de gang zhe na/ de skye ba gzhan du legs par bsgos pa'i rgyud dang / bsgos pa'i sems dang / 'jam por sems bsgoms pa dang / legs par bsgos pa'i rgyud dang ldan pas sangs rgyas kyi gsung rab cung zad tsam yang thos nas legs par rtogs so// yongs su rig par 'gyur ro// ro myang bar byed do// 'jug par yang byed do// de'i sems chos 'dul ba de la shin tu legs par gnas par byas nas sdom pa legs par 'dzin par yang byed do// bud med kyi sems kyis kyang mi 'phrog go/ / gzhan mu stegs can gyi tshig nye bar rnyed pas kyang sems mi 'phrogs so// gzhan mu stegs can rnams dang lhan cig tu gleng langs kyang mi byed do// sangs rgyas la sogs pa 'ba' zhig la sems shin tu rab tu dang bar 'gyur ro/ / bslab pa'i gzhi lnga ka yang dus gcig nyid du pus mo btsugs nas len to// dge bsnyen ma 'di ni dad pa can zhes bya'o// de la dge bsnyen ma rigs su rim gyis skyes pa gang zhe na/ 'di na rigs su gyur pa ni bzang po chos byed chos skyabs gnas su byed pa/ chos skyob par byed pa/ chos dpung gnyen du byed pa/ chos kyi rigs rgyud can chos la snying por byed pa nem nur med par spyod pa/ rgol ba gzhan rnams kyis nam yang nye bar 'joms par mi 'gyur ba rtag tu dge bsnyen gyi khyim du 'gyur ba dang / sangs rgyas la sogs pa rnams la yang shin tu bar rab tu dang bar

  304. 153a

    'gyur ro/ / de dag gi rigs su bu mo gang skyes pa de rigs su rim gyis skyes pa nas bzung nas des sangs rgyas kyi gsung rnams nyan no// nyan pa las rnyed nas de'i don du gci tu de la nyan no/ / de rtag tu lus bsgoms par gyur pa'i rgyud can rgyud yongs su bsgoms par gyur pa'i dge bsnyen ma'o// de la btul ba zhes bya ba'i dge bsnyen ma gang zhe na/ gang dang po nyid nas dang dang ldan par gyur pa las sangs rgyas la sogs pa la ni rab tu dang bar ma gyur pa'o/ / de gal te dge ba'i bshes gnyen dang sten pas dad pa skyed par byed la/ des de la sten pas byas pa'i yon tan gyi sdom pa yang yongs su rdzogs pa 'am/ phyogs gcig pa 'am/ sna 'ga' spyod pa rnams kyang 'dzin par byed do// dge bsnyen ma btul ba zhes bya ba ni de yin no// de la dge bsnyen ma gnas lhan cig tu byas pa zhes bya ba de gang yin na/ 'di ni gang yang gzhan mu stegs dang lhan cig tu brjod par gyur la/ de dag dang yang lhan cig tu gnas par byed la/ de dag gi spyod lam rnams kyang nye bar 'dzin par byed do// nye bar bzung nas kyang gal te dge sbyong nye bar 'ongs par gyur na de de dag rnams kyi spyod lam yang nye bar 'dzin par byed do/ / de yang khyad par du gyur pa kho na'i dbyibs su gyur pa dang / zas la spyod pa dang / chos gos gyo// pa dang / 'gro ba dang 'ong ba'i yon tan rnams rab tu zhi ba'i spyod lam mthong nas skyabs su 'gro ba'i rim gyis gzhan mu stegs can rnams dang / dge sbyong rnams las khyad par du 'phags pa legs par gyur pa/

  305. 153b

    sangs rgyas la sogs pa la rab tu dang bar gyur pa dang / des dul ba yang yin la/ sdom pa yang yin la/ sdom pa yang 'dzin par byed do// 'di ni gnas lhan cig tu byas pa zhes bya ba'i dge bsnyen ma yin no// de rnams kyang bzhi bzhi dge bsnyen dang / dge bsnyen ma rnams yin la/ dge bsnyen ma bzhi mdor bsdus nas ni rnam par bzhag pa yin la/ gal te shed na mos pa'i dbang dang / mos pa'i dbang gis dang / sems kyi rgyud kyi dbang gis dang / rkyen gyi dbang gis kyang gang kho na sngar brjod pa'i dge bsnyen rnams kyis dge bsnyen ma la yang 'gyur ro// chos 'dul ba'i rkyen gyis dge bsnyen ma la yin pa ni sngar bshad pa'i dge/ bsnyen la yang 'jug pa yin no// sems kyi rgyud kyi dbang gis de yang 'dren mar spyod pa zhes bya'o// dge bsnyen dang dge bsnyen ma de dag thams cad kyang dge ba'i skal ba can/ yang dag pa'i lta ba can// yang dag pa'i lta ba sngon du gtang ba rnams dman pa dang / bar ma dang / khyad par du 'phags pa'i sems kyi rgyud kyis lus zhig nas mtho ris bde 'gro lha'i ris rnams kyi 'jig rten dman pa dang / bar ma dang / khyad par du 'phags pa rnams su skye'o// de la 'ga' zhig ni 'thab bral gyi lha rnams gang dag gi nang du skyes te/ de ji ltar tshul khrims kun tu spyad cing nye bar bsags par gyur pa'i rnam pa de lta bu gyuraro/ / debazhin du la rnams kyi tshogs gzhan du mang tshul khrims dges gyur pa gnas 'on sa ring byang ba gyulas rnarnams pag med pa'i spyod par 'gyur/ ngo srid tha ma 'phags

  306. 154a

    phyag rgya thob par gyur pa de srid na phyir yang spyod pa ni ma yin no/ / de dag rnams bsod nams zad nas phyis yang dmyal ba dang / yi dgas dang / dud 'gro rnams su skye'o// bsod nams zad par gyur pa yang bag med pa'i skyon gyis yin la/ gang yang bag med pas bag med par spyod pa ma yin pa de ni bde ba nas bde ba'i go 'phang du 'gro ste/ de'i tshul khrims de legs par bsgoms ba dang shin tu rnam par dag par gyur pa'i gzi brjid kyis yin no/ / de'i phyir na/ bag med pas cung zad kyang ma gnas shig/ bag med pa rnams ni dug dang 'dra'o// byis pa'i skye bo thams cad rab tu 'joms par byed pa/ don thams cad rlag par byed pa/ 'khor ba thams cad du 'ching bar byed pa yin no// de lta bas na bag med pa rnams ni lha 'am mi rnams kyis kyang mi bya'o// gang yang lha dang mi rnams kyang rung ste/ rnam pa de lta bu'i tshul khrims kyis mdzes par gyur nas skye bo rnams bag med pa'i skyon gyis 'da' bar byed pa de ni shin tu bslus pa'i rnyed pa can du gyur nas ngan 'gror gyur pa'i 'khor bar yang dus yun ring du yang 'khor bar yongs su 'khyam par 'gyur ro/ / de la mu su lun d+ha 'dis lha de dag rnams la ston par byed do// gang sems can rnams la thugs brtse ba po bcom ldan 'das des lha dang mi rnams des lha dang mi rnams la phan pa'i don du rdzu 'phrul mdzad nas sprul pa'i mchod rten na byang bu la bris pa de thos nas kyang / lha rnams shin tu yid byung bar gyur pas kyang 'khor ba la skyob skye'o// bag med pa rnam

  307. 154b

    kyang dug bzhin du spong ngo / / dge bsnyen dang dge bsnyen ma'i rnam grangs rnams ni bshad nas dge sbyong gi 'khor rnams ni gang dag yin/ rnam pa ni du yod/ yon tan ni ci yin/ cis gnas pa yin/ sdom pa ji lta bu yin/ dge sbyong rnams kyi sdom pa skye ba'i rnam pa rnams ni du zhig yod ce na/ bcom ldan 'das kyi dge sbyong ma dang dge sbyong gang dag kyang mya ngan las 'das pa'i don du spyod par byed pa nyin dang mtshan du bsam gtan byed pa dang / brtson 'grus rtsom pas bdud kyi 'khor rnams rnam par skrag par byed par gyur pa de dag rnams la dge sbyong ma rnam pa du ma yod na/ mkhas pa/ gsal ba/ dul ba// 'jigs pa med pa/ mya ngan las 'das pa'i grong khyer du 'gro ba po de kho na nyid la rjes su dpyod par gyur pa rnams kyis kyang tshul khrims dang ldan par gyur nas rjes su spyod par gyur na ni mya ngan las 'das pa'i grong khyer du 'jug par nus pa yang yin no/ / 'di na bud med yon tan ji lta bu rnams dang ldan pa yin na/ sbyor ba rnams thams cad nyid la mchog tu gyur pa thams cad du mun pa rnams so// de bzhin du gyur pa las dang po kho na na thams cad nyid nas de kho na nyid la so sor rtog par byed de/ skyes pa dang bdag nyid kyi lus la yang ste/ des skyes pa na so mnyam pa rnams dang / mnyam pa bas lhag pa rnams mthong nas spun dang bu'i 'du shes kyis sgom par byed do/ / de la de dag rnams ni dge sbyong gi rtsa ba rnam pa gsum yin pa la 'di lta ste/ sbyor ba las bar du gcod par byed pa'i blo'o// nyin mo dang

  308. 155a

    mtshan mor dam/ gnyid log pa dang sad pa rnams sam+b+ha/ don gzhan la rab tu chags pa'i byis pa rnams sam/ gzhon nu rnams sam/ rgan po rnams sam/ ma par gnas pa rnams sam/ mi mnyam par gnas pa rnams sam/ skyid par gyur pa rnams sam/ nad med pa rnams sam/ nad pa rnams sam/ 'bad pa dang bcas pa rnams sam/ brtson 'grus dman pa rnams sam/ srungs ma rnams sam/ rigs la legs par gnas pa rnams sam/ bsrung ba dang rigs mnyam pa rnams sam/ gzugs bzang ba rnams sam/ gzugs ngan pa rnams sam/ lam na gnas pa rnams sam/ khyim na gnas pa rnams sam/ yul ljongs gang ba'i gseb tu song ba rnams sam/ khang pa stong pa na gnas pa rnams sam/ na byad bzang ba rnams sam/ cha byung ngan pa rnams sam/ bag yangs su gnas pa rnams sam/ btson khang na bcings pa rnams sam/ bdag pos bskyangs pa rnams sam/ byis pa nas bskyangs pa rnams sam blam dang nye ba 'am/ 'og ma rnams dang nye ba yang rung / de bzhin du na tshod mnyam pas rjes su mthun pa rnams dang / nye ba 'am/ nad kyis lhag par gzir ba rnams kyang rung ste/ de dag rnams nyid thams cad la yang bud med rnams nyid rtag tu bdag nyid thams cad kyis dang / dus thams cad dang gnas skabs thams cad du rtag pa kho nar 'dod chags snying la kun tu bcings pas rjes su 'jug par byed do//

  309. 155b

    dper na nyi ma ni 'od dang ldan la mes ni sreg/ sa gzhi ni sra/ rlung ni yang zhing g.yo ba nyid/ chu ni brlan zhing gsher bar gyur pa rnams la yang ji ltar 'byung ba chen po bzhi'i rang gi mtshan nyid mthar thug pa'i blo 'byung bar 'gyur ro/ / de ltar bud med rnams thams cad yang dus thams cad du rtag par 'dod chags rjes su 'brel pa/ 'dod chags phyi bzhin rjes su 'brang ba yin no// de nyid las dri ma gzhan gnyis 'byung ste/ 'di ltar phrag dog dang / ser sna'o// de dag gnyis las rjes su 'brang ba ni dri ma lhan cig skyes pa cig yin te/ 'di lta ste/ g.yo'o// de'i rjes su 'gro ba dri ma gzhan 'di lta ste/ slu bar byed pa'o/ / de'i rjes su 'brang ba'i dri ma gzhan rnams ni/ 'di lta ste/ srid pa las mi 'bral ba'o// de'i rjes su 'brang ba dri ma gzhan rnams ni dbyibs legs pa la rjes su chags par 'gyur zhing mi nyams par gnas pa rnams spong ngo / / de'i rjes su 'brang ba dri ma gzhan rnams ni rtsa ba hral can no// de'i rjes su 'brang ba dri ma gzhan rnams ni rtag tu rang gi skye bo dang rtsa lag rnams dang lhan cig tu 'thab rtsod byed pa'o/ / de'i rjes su 'gro ba dri ma gzhan rnams ni rtag tu byed pa pa'i spyod pa la nges par spro ba'o// de'i rjes su 'brang ba dri ma gzhan rnams ni rgyab kyi sha za bar byed pa'o// de'i rdzas su 'gro ba jim gzhan rnams ni bgrod par bya ba ma yin par bgrod pa'o/ / de'i rjes su 'brang ba dri ma gzhan rnams ni yid ches pa mi skye ba'o// de'i rjes su 'brang ba dri ma gzhan rnams ni bud med

  310. 156a

    gzhan rnams la dbye ba'i spyod pa slob par byed pa'o/ / de'i rjes su song ba'i drim gzhan rnams ni gang la yang dga' ba med pa'o// de'i rjes su song ba'i dri ma gzhan rnams ni gsus bskyod par byed pa'o/ / de'i rjes su 'jug pa'i dri ma gzhan rnams ni yul ljongs rnams 'jig par byed pa'o// de'i rjes su 'jug pa'i dri ma gzhan rnams ni mun pa nas mun pa'i khrod du gyur ba dmyal ba pa rnams kho nar 'gro ba yin pa'i phyir na 'ching ba dang / dug dang / mtshon dang / g.yang sa dang / me dang / ngam grog dang / sbrul la sogs pa dang 'dra ba ni bud med rnams yin no// gal te shed na dkon mchog gsum mthong ba dang / bsnyung ba dang / sangs rgyas kyi chos bsgrags pas kyang sems 'jam por byas par gyur na de'i gnyen po rnams ni 'dir shin tu ngo mtshar ba yin te/ rnam pa de lta bur ma 'grung ba'i skye bo rnams kyang gang gi phyir thabs kyi rim pa rnams kyis rang gi rgyud sbyong bar 'gyur zhing rnams kyi rgyud kyang sbyong bar byed par 'gyur ro/ / dad pas rab tu byung bas legs par sbrel bar gyur pas dge ba bsgom pa'i rgyud kyi ngo bor gyur pa 'am/ de yang dge ba'i bshes gnyen rnams la bsten pas kyang rung ste/ de ji skad bshad pa'i skyon gyi mun pa'i tshogs rnams thog ma med pa'i dus nas sems kyi rjes su 'brel ba rnams rnam par 'jig par 'gyur ba ni/ ji ltar nyi ma shar bar gyur na ri'i phug dang gseb rnams su zhugs pa'i mun pa'i tshogs gnas du ma rnams na gnas pa rnams 'joms

  311. 156b

    par 'gyur ro/ / de bzhin du dam pa'i chos kyi nyi ma'i gtam rnams gleng langs par gyur na skyon gyi ri bo rnams nges par rnam par 'jig par 'gyur ro// de'i phyir na rnam pa de lta bu rnams rab tu 'byung bar 'dod pa dang dge sbyong ma rnams kyis dang po kho nar skyes bu dam pa ma yin pa rnams la bsten par mi bya'o/ / gang ji skad du bstan pa'i yang dag pa'i gnyen por gyur pa de dag rnams ni dge ba'i bshes gnyen des ston/ pa yin pa'i rgyu'i phyir ro// lam dam par rab tu 'jog par yang byed do// sdug bsngal rnams las rnam par grol bar byas nas bde ba la 'jog par byed do// legs pa'i lam yang rab tu ston par byed do// thog ma med pa'i dus nas 'jug pa can gyi mun pa rnams kyang 'joms par byed do// dge ba'i lam srang rnams kyang nye bar 'doms par byed do// dus ring po nas rang nyid dam par zug pa'i 'dod chags la sogs pa'i zug rngu rnams gtan nas 'don no/ / sred pa'i ngam grog tu song ba rnams las yongs su skyob par byed do// rtag par rga ba med pa 'chi ba med pa'i grong khyer gyi bde ba'i go 'phrang yang legs par ston no/ / de'i phyir na dri ma de dag rnams las go bzlog pa'i tshig de rnams bdag gis bstan par bya'o// snga phyi'i rim pa ji lta ba bzhin du yongs su bsgrags pa rnams la go rims ji lta ba bzhin du dri ma rnams de las bzlog pa rnams kyis rab tu 'joms par 'gyur ro/ / 'di dag rnams thams cad ni de kho na bzhin du bud med rnams la yin gyis/ skyes pa rnams la ni phal cher ma yin no//

  312. 157a

    bud med rnams la ni phrag dog dang ser sna dag pal che ba yin no// de dag rnams la ni lugs dang mthun pa la lugs las bzlog pas gnyen por 'gyur ba dang / 'khor ba las nges par 'byin par yang 'gyur ro/ / 'dod chags lhag pa'i bud med de rnams la mi sdug pa'i gnyen por yang dag pa ji lta ba bzhin du lus la blta ba ni/ nad kyi gnas mi gtsang ba rnams kyi phung po thams cad kyang bshang ba'i gnas kyi phung por gyur pa de la lus de nyid la re zhig rang gi 'am gzhan gyi yang rung ste/ lus kyi rang gi mtshan nyid la rab tu dpyod par byed de/ lus 'di ci las byung bar gyur na/ khu chu dang brag gnyis kyi mi gtsang ba'i phung po las bskyed cing yongs su 'gyur ba gnyis kyis bdag gi lus bskyed pa yin par des mthong ngo / / des kyang lus gzugs ngan pa dang mi gtsang ba ste/ des yang lus de nyid la so sor rtog par byed do/ / gson pa'i lus 'di ni mi gtsang ba yin na gal te bdag cig lus de la gtsang mar gyur pa cung zad cig kyang yod dam bya bar ro// gzhan yang des de kho na nyid 'chol zhing lta bar byed pa na lus 'di ni rmi dgu nas mi gtsang ba rnams yongs su 'dzag pa yin no/ / bud med rnams dang skyes pa rnams la yang dgu yin no// dgu po rnams kyang gang zhe na/ nye bar 'byung ba lhag par gyur ba ni bud med rnams yin pa 'di lta ste/ ge bar gnas pa'i num gnyis po las so// bshang ba dang gci ba dang sna'i bug dag las kyang snabs yongs su 'bab po// mig gnyis las ni mchima'o//

  313. 157b

    rna ba gnyis las ni dri ma'o// kha nas ni khrag dang rnag go/ dri ngan pa dang ldan pa rlung dang / mkhris pa dang / bad kan dang / khrag dang / bshang ba rnams dang / de lta bu la sogs pa mi gtsang ba gzhan yang brgya phrag lus las yongs su 'bab pa rnams de kho na nyid bsgoms pas yang dag pa ji lta ba bzhin du mthong ngo / / bdag cag gi lus la gtsang mar gyur pa ni cung zad dam bag tsam yang mi 'bab na/ de la su zhig lus 'di legs par 'dzin par byed/ gang yang rten 'di dang phrad nas gtsang ma de dag rnams kyang lus 'di mi gtsang ba'i dbang gis gzhan nyid kho nar 'gyur bar des yang dag par so sor rtog par byed pa na/ gang dag rnams kho na lus 'di dang 'brel par gyur pa gtsang ma rnams thams cad kyang de kho na bzhin du mi gtsang bar 'gyur bar mthong ngo // dper na gal te 'dis zas dang skom bsod pa rnams thams cad med par gyur la/ lus de dang 'grogs pas phyi sar 'byung bar 'gyur ro// de bzhin du zos pa rnams kyang de ltar nang du thams cad mi gtsang bar byed pa yin no// phyi rol du yang lus 'di dang sprad pa las gtsang ma de rnams 'dis mi gtsang bar byed de/ dper na dris sgo bar byed pa'i dri rnams thams cad kyang lus dang sten pa na rdul gyi skyon gyis dri mi zhim par 'gyur ro// de bzhin du dri zhim pa'i me tog rnams thams cad kyang lus dang bsten pas brnyings pa dang dri mi zhim par yang 'gyur ro/ / dge slong ma dang de de ltar gzhan yang de kho na ltar lus so sor rtogs par byed pa/ gang gis lus

  314. 158a

    'dings par 'dzin pa ma'i tha skad kyis kyang lus 'di yin na/ lus 'di gtsang ma ci ste mi gtsang ba zhig yin/ de nas dge sbyong ma so sor dpyad par gyur pa na rigs rgyud rnams kyi ma gang yin pa de yang lus spyir mi gtsang ba za ba yin par mthong ngo / / gzhan yang dge slong ma des gang la yang lus 'di gnas pa'ang 'dug pa'i sa phyogs rnams dang / yul phyogs bdag ci gtsang bar gyur ram mi gtsang ba yin zhes lus de nyid la so sor rtog par byed do/ / des yang de ltar so sor brtags par gyur pa na mchog tu gtsang ba shin tu khyad par du 'phags pa'i yul phyogs gang dag la lus 'di shi ba 'am gson pa yang rung ste/ bzhag par gyur pa ni srin bu dang / dri ma dang / skra dang / rus pa dang bcas pa yin pas yul phyogs thams cad kyang dri mi zhim par lus dang 'brel bar 'gyur bar yang dag pa ji ltar bzhin du mthong / gzhan yang lus de nyid la dge slong ma des 'dod chags spang bar bya ba'i ched du so sor rtog par byed de/ lus 'di gang gis za bar byed/ bya ba rnam pa de lta bu dag gis de so sor rtog par gyur pa las srin po dang sha za ba la sogs pa mi gtsang bar gyur pa rnams nyid las gzhan rnams gang zhig gis 'di za bar byed/ ngang pa dang / kA ra Nad pa dang / ngur pa pad+ma gtsang ma la sten pa rnams kyis ni ma yin no zhes yang dag pa ji lta ba bzhin du mthong / de yang lus 'di nyid la yang dag pa ji lta ba bzhin du so sor brtags pa na mthong ba 'di ni yang dag pa ma yin par 'dzin pa 'ba' zhig pa byin /

  315. 158b

    log tu gyur pa'i rtog pa tshul bzhin ma yin pa yid la byed pas long bar 'gyur zhing skyes pa dang / bud med ces bya ba'i ming tsam 'di las kyang de bden pa yin par snying la skye bar mthong ngo // des de ltar nges par rtogs nas tshul bzhin yid la byed pas so sor rtog par byed do/ / de'i tshe 'di'i 'dod chags thams cad kyang spang bar 'gyur ro// chung bar 'gyur ro// rtsa ba nas rlag par 'gyur ro// gang gi phyir 'di thams cad kyi rtsa ba yang 'di lta ste/ bud med kyi 'dod chags zhes bya ba yin la/ dri ma gzhan rnams de las 'byung ba spong ba yang de spangs pa gnyen por gyur pas spong ba yin no// nyi ma 'di gnas par gyur pa'i dus na mi rnams kyi 'jig rten gyi 'od rnams kyang nub par mi 'gyur la/ de bzhin du 'di yang shin tu lhag par gyur pa'i rtsa ba yin te/ dri ma de bcom pa las kyang dri ma gzhan rnams kyi rab tu bcom par 'gyur ro/ / de la gang yang dge slong ma 'dis lam 'di nas 'dod chags rab tu 'joms par byed do// de'i tshe 'di'i de rab tu bcom pas gzhan lhan cig skyes pa rnams rab tu bcom pa gang zhe na/ 'di lta ste/ phrag dog dang ser sna'o// phrag dog dang ser sna ni 'dod chags can la 'byung ba yin no// skyes pa 'am bud med kyang rung ste/ 'dod chags kyi rtsa ba las chos de dag gnyis so/ / de yang 'dod chags rab tu spangs pa'am/ bsrabs par byas pas kyang de dag gnyis kyang bsrabs par 'gyur ro// de dag gnyis las kyang dri ma gzhan phyi bzhin kho na

  316. 159a

    rjes su 'brel ba 'di yang gang zhe na/ 'di lta ste/ gso'o// g.yoni phrag dog dang ser sna gnyis kyi rgyu dag gis bskyed pa yin te/ de dag med par gyur na de yang med par 'gyur ro/ / g.yo'i steng du dri ma gzhan 'di lta ste/ slu bar byed pa'o// phrag dog dang ser sna med par gyur na/ slu bar mi byed par 'gyur ro// slu ba'i phyi bzhin du dri ma gzhan yod pa ni/ 'di lta ste/ sred par gnas pa'o// de bcom par gyur na mi 'byung ste/ de las sred par gnas pa nyid mi 'byung ngo // de med par gyur pas mnyam par gnas pa rnams 'dod chags par byed pa dang / mi mnyam par gnas pa rnams spong bar byed pa mi 'byung ngo / / de med pas gang gi phyi bzhin 'brang ba'i dri ma bzhin de yang mi 'byung ngo // 'di lta ste/ rtsa ba hral du gyur pa'o// rtsa ba hral med pas med par gyur pa ni/ 'di lta ste/ rtsod pa dang rnam par 'byed pa rnams te/ bud med rnams ni bal cher yang dbyen bya ba'i bsam pa can rnams yin no// bud med rnams kyi de med pas dri ma gzhan rjes su 'brang ba yang med par 'gyur ro/ / gang zhe na/ 'di lta ste/ rgyab kyi sha za ba'o// bud med rnams ni gzhan rnam par dbye ba'i bsam pa can yin pa gang gi phyir de dag rnams thams cad kyis kyang rgyab kyi sha za ba byed do// gang gi rjernam par 'byed pa de spangs par gyur pa de'i tshe/ rgyab kyi sha za ba spangs par 'gyur ro// de med par gyur par gzhan gyi bzhin rjes su 'brel ba yang med par 'gyur ro// gang zhe na/ 'di lta ste/ gsus

  317. 159b

    pa spyod par byed pa'o/ / bud med rnams ni gsus pa 'gengs pa dang gnyis sbyor ba la ched du byed par 'gyur ro// 'di lta ste/ gsus pa 'gengs pa'i dri ma rab tu zhi bar gyur pa na de'i tshe/ bgrod par bya ba ma yin pa bgrod pa'i dri ma rab tu spangs par 'gyur ro/ / gang gi phyir gsus pa 'gengs pa'i skyon gyis bud med dag bgrod par bya ba ma yin pa'i skyes pa rnams la yang bgrod par byed do// 'di lta ste/ gsus pa 'gengs pa'i 'dod chags dang rab tu bral na de'i tshe bgrod par bya ba ma yin pa'i dri ma de yang rab tu zhi bar 'gyur ro// de med pas kyang dri ma gzhan yang med par 'gyur ba ni 'di lta ste/ yid ches pa'i gnas ma yin pa'o/ / bgrod par bya ba ma yin pa bgrod pa gang gi phyir na/ bud med de dag rnams la ni skye bo thams cad dogs pa skye bar 'gyur te/ skye bo thams cad kyang dga' bar 'dzin pa dang bral bar 'gyur ro/ / bgrod par bya ba ma yin pa de'i rjes su 'brel ba'i dri ma lhan cig skyes par phyi bzhin du rjes su sbrel ba gzhan ni spyod pa 'byed pa'o// spyod pa 'byed pa yang gzhan med pas med par 'gyur// gang zhe na/ 'di lta ste/ rtsod pa la dga' bas so// rtsod pa la dga' ba med pas de'i rjes su 'brang ba'i dri ma gzhan rnams kyang med par 'gyur ba ni/ 'di lta ste/ yul ljongs 'joms pa'o// rtsod bal dga' ba dang bral bas yul ljongs 'jig pa rnams kyang de med pas med par 'gyur ro/ / gang yang phan tshun du zhe 'gras pas mtshon chas gtub pa la dga' ba dang / skyes pa rnams phan tshu/

  318. 160a

    durnam pa sna tshogs par gyur pa de dag rnams kyang gang gi phyir bal cher ni bud med kyi rgyu las yin pa'i phyir te/ rgyu gzhan rnams kyis ni ma yin no// de'i phyir des de ltar 'dod chags rab tu bcom pa'i phyir gcig gi steng na gcig gnas pa'i dri ma de dag rnams thams cad kyang med par 'gyur ro/ / de dang rab tu 'brel pa dang / des gang bar gyur pa de lta bu'i rang bzhin can gyi bu rnams kyi sems ni dge ba'i bshes gnyen gyi kha nas thos pa'i sangs rgyas kyi bka' ma gtogs pa gzhan rnams kyis ni 'jam por bya bar nus pa yang ma yin te/ / gzhan du ni bud med gang dag de bzhin du mi 'gyur ro/ / de'i tshe khyim gyi gnas shin tu spang bar dka' ba spangs nas dad pas khyim nas khyim med par rab tu 'byung ste/ gang gi tshe na zag pa rnams zad par bya mi nus pa yang de'i legs par bsgom pa'i tshul khrims des te/ de ltar yang srog gcod pa dang / ma byin par len pa dang / mi tshangs par spyod pa dang / brdzun dang / tshig rtsu ba dang / za ma dang / kun tu 'brel ba med pa rnams rnam par spangs shing legs par bsgom la yang dang yang du yang bsten cing bsgoms la lan mang du byas pa'i bud med rnams ni lus zhig nas/ mtho ris bde 'gro'i 'jig rten gyi lha rnams su skye'o// gang dag 'dod pa rnams la 'dod chags dang bral ba'i lam ma thob pa rnams ni las dang sems kyi dbang gis 'dod pa na spyod pa rnams las 'thab bral ba rnams kyi nang gi tshogs pa rgyu ba na rnam par spyod

  319. 160b

    pa gang yin pa'i sar skye'o/ / gang gi tshe skyes pa nyid 'ongs par gyur na de rnam pa de lta bu mchog tu legs pa'i tshul khrims kyis ma'i tshul du rjes su gnas so// de rnam pa de lta bu'i skye ba thob pa'i lha gang yin pa de yang bag med pas bag med par spyod par 'gyur ro/ / de de dag rnams zad nas slar yang dmyal ba 'am/ yi dgas sam/ dud 'gro rnams su skye'o// gzhan yang lha'i tshogs nams su gong nas gong du 'jug par byed pas bud med kyis srid pa sgrub par byed do/ / de nas de'i tshe bcom ldan 'das des tshigs su bcad pa gsungs pa/ ji ltar/ 'dod chags phrag dog g.yo rnams kyi/ / sa gzhi'i sems ni zo chun glog/ lcags bsregs nga rgyal skye gnas rnams// blo gtad nam yang yod ma yin// mtshon cha me dang mtshungs par rno ba rnams// gzugs kyi zhags pas bdag dang gzhan rnams kyi/ / dong dang g.yangs mi bzad pa rnams dang // zab par mtshungs pa'i sems dang ldan pa yi// dang po nyid gnas gzhan la dgra ni byed pa yin// sgyu ma mig 'phrul de la song ba'i sems/ / dus min 'chi bdag dang ni rdo rje me// dus kyi ri bo dang mtshungs bdag nyid rnams// sems ni rnam pa du ma dag gis kyang // skyon rnams du ma kun du spyod byed pa/ gal te bud med rnams ni 'ga' zhig gis// tshul khrims yud tsam yid la sgo byed pa// de ni sangs rgyas nyi ma'i gsung rnams kyi// 'od zer rnams kyis rnam par mdzad pa yin// de ltar mu

  320. 161a

    su lun d+ha des lha de dag rnams la lha khyed rnams mi'i bud med du gyur pa na spyad pas 'dir skyes pa yin no zhes de ltar skye ba gzhan du spyad pa'i tshul khrims de rab tu ston par byed do/ / degal te bud med kyi dngos por gyur pas skyes pa'i tshul khrims gal te mir gyur pa 'am/ lhar gyur pa na yang bgo med pas zad par byed pa'i lha de rnams ni shin tu bslus par gyur pa yin no// des na rings pa rings par bag med par ma byed ces bcom ldan 'das des lha rnams la phan par bzhed pas de ltar rjes su gdams par 'gyur ro/ / yang dag par rdzogs pa'i sangs rgyas rnams thams cad kyi yang 'khor rnam pa bzhir gyur pa de nyid kyis ni sring mo'i 'khor rnams kyi gting de la dge slong gi 'khor rnams yin no/ / de la snga phyi rim pas dge slong gis sdom pa rnams la zhugs pa mchog tu rgya che ba'i dge bas bsgos pa'i rgyud rang la yang sdug bsngal 'byung bar 'gyur bas 'jigs par lta ba/ 'jig rten gzhan du 'gro bas skrag pa/ 'khor ba thams cad la yid 'byung bas khan mtho ba phra rab tsam la yang 'jigs par lta ba/ gnya' shing gang tsam du lta ba/ snying las chung ba mchog tu zab pa mtsho tu rgya che ba'i dge ba tshul khrims dang sbyin pa la rgyud goms pa/ 'phags pa'i bden pa bzhi la spyod pa la ched cher byed pa'i dge slong de ni rnam pa du yod pa dang / rnam pa yang du yod na gang dge slong rnams kyis 'da' bar mi bya ba rnam pa bzhi'o// bzhi po gang zhe na

  321. 161b

    de ltar gcig pu rgyu bar byed pa'i rnam pa las dge slong gcig pu lam du 'gro bar mi bya'o/ / de ci'i phyir zhe na/ dge slong gcig pu zhig ljongs rgyur 'gro bar byed pa na 'phya bar 'gyur ro// rang dgar yang 'gyur ro/ / rang dgar gyur pas kyang bslab pa'i gzhi rnams las 'gal bar byed do// grong dang / grong khyer dang / grong rdal dang / yul ljongs su yang 'dod rgyal du sdom pa gtong bar byed pa ste/ dge slong gzhan la 'jigs pa med pa'i phyir ro// des yul ljongs kyis bud med dag mngon par mthong nas re dogs kyis sems g.yo bar gyur pa'i rang bzhin gyis mig gtod par byed do// / de'i mig gis bltas par gyur pa mngon par mthong nas khyim pa dang / yul ldongs pa rnams kyis dge slong de smod par byed do// de la smod par gyur pa na kun tu zhe sdang ba skye'o// de las dge slong 'di'i snying la skyon gnyis pa kun tu skye ste zhe sdang ngo / / de 'dod chags dang zhe sdang gi dbang du gyur pas gti mug gis shin tu bar rmongs par 'gyur ro// de ltar dge slong gcig pu zhig ljongs rgyu bar byed pas rgyu ba na skyon gsum rab tu 'phel ba yin no/ / de'i phyir gcig pu zhig ljongs rgyu bar mi bya'o// 'di ni rnam pa gcig yin no// rnam pa gzhan yang dge slong rnams kyis rgal bar mi bya ba 'di lta ste/ lus dran pa'i rnam pa'o// 'di na dge slong lam du 'gro ba na lus su gtogs pa la 'gro ba'i dus su dran pa bskyed par bya ste/ dper na bdag gi rkang pa 'deg pa la

  322. 162a

    sems dang sems las byung bas kun tu rtog cing yid la byed pas de rkang pa nas bzung nas lus ma lus pa la dpyod par byed do/ / de la rkang pa g.yas pa dang g.yon pa bteg pa'i g.yas pa dang g.yon pa de dag rgyus pa'i dra bas kun nas sbrel bar rus pa la tshil dang pags pas g.yogs pa/ tshigs pa rgyus pa'i 'brel bas sbrel bar gyur pa/ las kyi rlung gis rgyu ba sems kyi bya ba'i rjes su 'jug pa bteg cing 'dor ba na 'khum pa ltar 'gyur ba/ gzhi la bzhag na rnam par 'byed par 'gyur ba/ chu rgyus kyi stobs kyis sbrel ba'i rkang pa de sor mo lnga po thams cad kun tu sbrel ba/ sen mo dang nye ba'i sen mo rnams nye bar skyes pa mngon par mthong nas pus mo la so sor rtog par byed de/ gzhong pa ring po dang 'dra bar gyur pa/ sha'i 'dam dang sha'i 'dam rnams kyis de kun tu byugs pa/ rgyus pas kun nas sbrel ba/ rus pa'i sbugs dang bcas pa chu rgyus ring bas kun nas sbrel ba/ sngon byas pa'i rgyu rkyen gyis bskyed pa/ ba spu'i khung bus yongs su khyab pa'i phyi rol la sbrang bu rnams 'bab pa/ pags pa 'thug pos g.yogs pa gang yin pa'i pus mo gcig pa des yang dag pa ji lta bar so sor legs par rig par byed do// des lus 'di 'chag par gyur pa na rab tu g.yo bar gyur de dag rnams rim pa so sor rtog par byed de/ pus mo dang brla dang byin par gtogs pa'i chu rgyus dang / khrag dang / sha dang / tshil dang / rus pa la yang

  323. 162b

    so sor rtog par byed do/ / sems dang sems las byung ba rnams las kyi rlung gis bskyod nas 'gro bar byed pa yin no// gzhan yang lus de nyid kyis 'du shes can gyis ji srid du steng nas dmyal ba'i bar du so sor rtog par byed de/ sha dang chu rgyus phan tshun du sbrel bar gyur pa/ sha'i byug pas kun tu byugs pas ches sgom par gyur pa/ chu ser kun nas 'dzag pa/ khrag dang tshil rnams kyis gang ba mdangs 'ba' zhig tsam gyis yid 'phrog pa rnams des rnam par dpyod par gyur pas rtsa spags gcig la yang dag pa ji lta bar so sor rtog par byed do/ / bteg par gyur pa na gzhan yang de kho na ltar so sor rab tu rig par byed do/ / bskum pa dang brkyang bar gyur pa na yang ji lta bu'i rang bzhin gyi rtsa dra bar gyur pa rnam pa du ma la kun tu lta bar byed do// rab tu g.yo bar byed pa dang 'gro bar gyur pa yang rnam pa du mar gyur pa'i rlung gis kun nas g.yo ba dang / de'i 'brel ba'i steng du gzhir gyur pa pho ba'i tha snyad du bshang ba dang / gci ba'i gnas de rnam pa thams cad du rtag tu mi gtsang ba sngar gyi gzhi la rgyu bas rgyu ba'i cha shas rnams rab tu 'byung bar gyur pa na yang dag pa kho nar lus kyi rjes su song ba'i dran pa dge slong gis ches steng nyid du rab tu g.yo bar gyur pa'i rang gi lus 'gro ba nye bar rtogs par byed do/ / ji ltar zhe na/ bdag lam du 'gro bar gyur pa na bdag gi rgyu ma dang / gnye ma dag rab tu g.yo bar gyur pa rnams la des lta ba ni rkang pa bteg pa na dbugs rngub pa dang lhan cig 'grogs pa rab tu g.yo ba'o//

  324. 163a

    bdag gi rgyu ma rab tu g.yo ba de dag thams cad g.yon logs nas g.yas logs su rab tu g.yo bar 'gyur la g.yas nas kyang g.yon du rgyu'o// rgyu ma de dag rnams rlung dang / mkhris pa dang / bad kan dang / bshang ba dang / gci ba dang / srin bus rab tu gang ba rnams g.yo bar mngon par mthong nas ji lta ba bzhin du rjes su lta bar byed do// lus de'i rgyu ma dang / gnye ma dang bcas pa rnams dge slong gis yang dag par mngon par mthong nas gzhan yang shin tu mthong bar gyur pa'i lus dag la rnam par lta bar byed de/ long kar gyur pa la rgyus pa'i 'khrul 'khor gyis kun nas sbrel ba/ ji ltar mthong ba'i logs la rgyus pa'i dra bas kun nas sbrel ba/ nang na zas kyi ro rnams rul ba ni de ma thag tu skyug pa lta bu'i bad kan rnams dang ldan pas nad rnams gang bar gyur pa/ shin tu 'jigs su rung ba'i shin tu dri mi zhim pa rnams kyis mgrin pa dang / mig chus rgyus pa dang / gnad dang / rus pa kun tu bkang zhing kun nas 'dzin par ni las kyis bskyed pa'i rlung 'ba' zhig gis sems dang sems las byung ba rnams dang lhan cig tu 'dzin par gyur pa dang / 'gro bar 'gyur na yang lus la so sor rtog par byed do// gzhan yang lus de nyid rab tu g.yo bar gyur pa na yang so sor rtog par byed do/ / dge slong des ji lta bar kha dang / 'gram rus dang / glang phor gyi tshogs 'dus pa dang / mig bor gnyis dang gcig lhag pa 'dzums

  325. 163b

    pa dang / 'byed pa dang / 'bras bu gnyis dang / bdag gis de dag rnams ni shing gi 'khrul 'khor gyi bud med bzhin du rgyus pa'i 'khrul 'khor gyis kun tu sbrel ba/ skad cig dang skad cig la/ skye bar 'gyur zhing 'chi bar 'gyur la/ 'pho bar 'gyur bas grong dang / grong khyer dang / grong chung rnams su bdag 'gro bar byed pa/ lus kyi gong bu'i khog rtse sbrul dug can gyi khog pa nyid gces par 'dzin pa yin pas rgyags pas rgyu bar ma byed/ zas kyi don du kun tu 'chums par mi bya ba dang / bdag gis rab tu brgad par yang mi bya'o// 'gro ba'i dbang du byas nas/ des de ltar bgrod par byed pa'i dge slong ni rnam pa gnyis pa rgal bar mi nus so/ / grong dang / grong khyer dang / grong chung rnams su bsod snyoms la zhugs par gyur pa la ji lta ba bzhin du bdag nyid kyi lus las so sor dpyod par byed de/ de ltar de lus legs par bsgoms pa dang / brtson 'grus brtsams par gyur pas bud med rnams nyid dang / skyes pa rnams thams cad la yang de de ltar 'dod chags la sogs pa'i dri ma rnams snying la mi 'jug go/ / rnam pa de lta bu rnams las ni des srog gi dbang po'i phyir yang brgal bar mi bya ste/ rnam pa 'di rnams ni dge slong nges par legs pa 'dod pa rnams kyis brgal bar mi bya'o/ / gzhan yang rnam pa gsum pa dge slong gis brgal bar mi bya'o// 'di lta ste/ dge slong rnams kyis ni rtag pa nyid du dran pa nye bar gnas par bya'o//

  326. 164a

    #rngan pa nye bar gnas pa las kyang dge slong shes bzhin dang ldan par 'gyur ro// dge ba'i bshes gnyen gyis dge ba'i ying mthornam par mig sred pa stes bur gyur pa dge spyod de la ni/ rtag par yang rnams kyi bzhin nye bar gnas par 'gyur ro// de la bdud kyiris kyi lha dag gis kyang mtho btsam par mi nus te/ de sgyu dran pa n+de bar gnas pa yin zhen/ bdun pa sngon du tshwa/ bas sems las byung ba'i chos rnams 'jug pa yin te/ skyes pa dang ma skyes par gyur pa dang / ma skyes pa rnams bag dang ldan pa'i blo shes bzhin dang ldan par gyur pas kyang dmigs pa las sems dang sems las byung ba'i chos 'di dag thams cad nyid skye bar 'gyur te/ dge ba dang / mi dge ba dang / lung du ma bstan pa rnams so// rkyen gyi khyad par gyis bdag la dge ba'i chos phan pa dang / bde ba dang / mya ngan las 'das pa'i mthar thug par 'gyur ba rnams skyes pa dang de nyams pa na chos gzhan sems dang sems las byung ba rkyen gyi khyad par las skyes pa mi mi dge ba dang / mnyam par gzhag pa dang / bden pa ma yin pa 'byung bar 'gyur ba rnams te/ des dge ba 'di dag rnams kyang yang dag par ji lta ba bzhin du rab tu shes so// so sor legs par rig par byed do/ / sems kyis rnam par dran par byed do// de bzhin du yid du mi 'ong ba'i chos rnams la cha shas so sor byed do// dran pa lnga'i ro rnams kyang myang bar mi byed do//

  327. 164b

    sems kyis kun tu rtog par mi byed do// da ltar ba rnams spong bar byed do// dran pa lnga gang zhe na/ 'di lta ste/ gzugs gang yid du 'ong ba mig gis yul nyams su myong bar gyur pa la/ 'du shes sngon du song bas thag nye ba dang / thag ring ba dang / mdog bzang ba'am/ mdog ngan pa 'am/ ring bar gnas pa'am/ dus tshes snga ma nas nyams su myong ba 'am/ rang nyid la gyur pa rnams sam/ gzhan gyis nye bar longs spyad pa'i gzugs rnam pa sna tshogs pa de dag rnams la yang dge slong 'dis ro myang bar mi byed do// dpyod par mi byed do// rkyen gyi dbang gis 'ongs pa rnams kyang yongs su spong bar byed do/ / ji ltar 'ga' zhig sreg par byed pa'i skyon gyis 'jigs pas 'jigs nas/ me spong bar byed pa de bzhin du dge slong 'di yang 'dod chags kyi sreg pa'i 'jigs pas 'jigs nas/ 'das pa'i nyon mongs pa'i me dga' ba'i 'dod chags sdug bsngal mang po'i mthar thug pa 'byung bar 'gyur ba'i gzugs nyams su myong ba de dag dran par mi byed do/ / kun tu rtog par mi byed do// sems gnas par mi byed do// de ltar gang dag 'das pa nyams su myong ba rang dang gzhan rnams kyis nye bar spyad par gyur pa sna tshogs pa rnams la de lta de ltar kun tu rtog par mi byed do/ / don du gnyer bar mi byed do// gzhan yang lhan cig 'grogs pa rnams dang // nye gnas rnams kyang myang bar byed pa na 'gog par byed do// rjes su yi rang bar

  328. 165a

    mi byed do/ / lam la rab tu 'god par byed do// 'gyur ba med pa'i dge slong mi brkam pa 'dod pa la 'chums pa ma yin pa/ dran pa nye bar gnas pa/ kun nas nyon mongs pa'i chos rnams dang mi ldan pa/ legs par sdom par byed pa'i mig gi rnam par shes pa gzugs rnams kyis khrid par mi byed do// gzhan yang dran pa gnyis pas legs par bzung bar gyur pa ni/ rna ba gang dag gis sgra rnams thos pas yid 'phrog par byed pa gang glu dang / rol mo'i sgra dang / brgang mo rnams dang / rtsed mo dang / sngon nye bar longs spyad pa de dag rnams 'dis dran par mi byed/ sems kyis sems par mi byed/ kun tu rtog par mi byed do// rkyen las byung ba gzhal du med pa rnams kyang rkyen las spong bar byed do// ji ltar 'ga' zhig sreg pa'i rkyen gyis 'jigs pas 'jigs nas/ me yongs su spong bar byed pa de bzhin du dge slong 'di yang rkyen rnams kyis yongs su spong bar byed do// gzhan rnams kyang rna ba'i rnam par shes pas sgra nyan par byed par gyur pas nye gnas sam/ lhan cig 'grogs pa rnams la yang rab tu 'god par byed do// lam la rab tu 'god par byed do// rjes su yi rang bar mi byed do// mchog tu dge ba'i las kyi mtha' la spyod pa'i dge slong de'i 'dod pa rnams la dad pa che ba ma yin zhing sgra la brkam pas mi 'khrid do/ / de'i dran pa ni brtan par 'gyur ro// sgra rnams kyis 'phrog pa ma yin no// dran pa gnyis pa dang ldan pa'i

  329. 165b

    / dge slong rnams ni/ brtson 'grus yang dag par brtsams par 'gyur ro// shes bzhin dang ldan pa tshangs par spyod pa la goms pa'i tshul khrims la rab tu gnas pa yin no// gzhan yang dge slong dran pa dang ldan pas sgom par mi byed do/ / ro myang bar mi byed/ sems kyis rab tu rtog par mi byed pa rnams ni gang dag 'dis sngon bsnams par gyur pa/ dri rnams dri zhim pa dang / dring ba dang mchog dang / yul thag nye ba na gnas pa de dag rnams kyang 'dis kun tu dran par mi byed do// sems la rab tu 'jog par mi byed do// rkyen gyis nang gi bdag nyid du son pa rnams kyang yongs su spong bar byed do/ / gzhan yang nye gnas sam/ lhan cig rgyu ba rnams la yang sna'i rnam par shes pa dri snom du mi 'jug/ sems kyis rab tu dpyod par mi byed do// gang dang po nyid nas 'dis yid rab tu zlog par byed do/ / rjes su yi rang bar mi byed do// dge slong de dag dang gzhan dge ba la spyod par byed pa/ dge ba'i chos dang ldan pa/ dran pa nye bar gnas pa/ zhen pa med par shes bzhin dang ldan pa yin no/ / 'chums par gyur pas sna 'phrogs par mi 'gyur ro// dge slong de ni sdig pa rnams sbyangs par gyur pa yin zhing / legs pa'i tshul khrims dang ldan pa dran pa nye bar gzhag pa'o/ / gzhan yang dran pas dran par mi byed pa ni gang 'dis sngon myangs par gyur pa de dag rnams te/ yid du 'ong ba rnams ngus bar du chod pa na myangs pa 'am/ dus nye ba na myangs par gyur

  330. 166a

    pa yang rung ste/ de dag rnams 'dis myang bar mi byed do// kun tu rtog par mi byed do// rkyen gyis 'ongs pa rnams kyang me bzhin du yongs su spong ngo // gzhan yang ros khrid par gyur pa'i nye gnas dang lhan cig 'grogs pa rnams rol 'chums pas kun tu drangs par gyur pa rnams kyang rab tu 'gog par byed do/ / rjes su yi rang bar mi byed do// 'di ni dge slong zhen pa med pa/ dran pa nye bar gnas pa/ shes bzhin dang ldan pa/ sdig pa bcom pa/ dge ba'i tshul khrims can bdag dang gzhan la phan pa la zhugs pa zhes brjod do// gzhan yang dge slong gis dran pa ngan pa rnams sgom par mi byed cing sems rab tu gnas par mi byed pa ni/ gang reg par bya ba de la reg par mi byed do// kun nas nyon mongs pa can gyis bde ba yin pa'i phyir// 'thug pa dang / srab pa dang / 'jam par gyur pa'i dngos po 'di'i chos de rnams yang 'dis ro myang bar yang mi byed do// kun du rtog par yang mi byed do// rkyen gyis byung ba rnams kyang me bzhin du spong bar byed do/ / gzhan rnams la yang de bzhin du spong du 'jug go// lus su gtogs pa'i reg byar gyur pa brkam pas drangs par gyur pa rnams la rjes su yi rang bar mi byed do// gang 'di la dge slong ro dang reg bya rnams spangs pa/ shes bzhin dang ldan pa/ tshul khrims dag pa dang gtsang ma la spyod pa/ dge ba'i chos la legs par kun nas gnas pa/ mya ngan las 'das

  331. 166b

    pa'i mthar thug pa zhes brjod do/ / yang dran pa lnga po 'di dag rnams dge slong gis rtag tu bsgom par bya zhing yid la bya'o// ldag zhen/ 'di lta ste/ dus dran pa dang / mtshod rnams dran pa dang / mya ngan las 'das pa dang / 'gro ba dang / gnas pa'o// de la ji ltar dge slong gis dus dran pa bsgom par bya na/ 'di na dge slong rtag pa kho nar lus dran pa nye bar gzhag pa bsgoms par gyur pas mi rmongs shing yul gyis mi 'joms so/ / rnam par nyams par mi byed de/ dge slong dag gis shes par bya ste/ 'di na nyin dang mtshan du yang de bzhin du dge ba rnams so sor rig par bya ste/ ma nyal bar dbugs 'jug pa dang 'byung ba la mngon par brtson pa dang ldan pa zhes bya ba gang gi phyir/ dbugs 'byung ba dang 'jug pa skad cig pa rkyen gyis nges par myong bar 'gyur ba dma' ba dang mtho bar byed pa po 'dis de ltar bdag gis gsus pa rgyas par byed pa khams dang / phung po dang / skye mched rnams thob pa skad cig la steng du 'gor ba med par byed par 'gyur ba'i 'dus byas kyi chos 'di dag rnams thams cad ni khams dang / phung po dang / skye mched rnams kyis nges par bsdus pa mig btsums pa dang / 'byed par byed pa dang dbugs 'byung ba zhes bya ba'i tha snyad du bya ba'i rlung rnams gang dag yin pa 'dus byas su gyur pa de dag rnams ni/ 'gag pa/ 'jig pa/ rul bar gyur pa yin no// gzhan yang

  332. 167a

    d e'i rjes thogs la rkyen gzhan las rab tu 'byung bar 'gyur ba skad cig tu yang mi 'gor bar lhan cig tu dbugs rngub par byed pa de ltar dge slong 'di dus kyi rjes su zhugs ba'i dran pa dang ldan pa des rab tu bsgral bar gyur pa'i yid la byed pa'i bye ba dang ldan par gyur pas/ bdag nyid kyis so sor rig par byed do// khams dang / skye mched kyi tshom bur gyur pa'i lus 'di ni skad cig gi khog tshe las nye bar 'tshe ba dang bcas pa lus 'di thams cad kyis stong pa lta bur gyur pa la ni/ byed pa po dang / tshor ba po rnams ni yod pa ma yin gyi/ rgyu dang rkyen phan tshun gyi dbang gis tha snyad kyi lus 'di kun nas bskyed pas rab tu 'jug par 'gyur ba yin no/ / skad cig dang skad cig la skye zhingar dri la rgas par 'gyur zhing 'chi 'pho dang / skye bo'i phung po 'ba' zhig tu gyur pa ni/ 'khor ba'i phung po thams cad yin no// de ltar sgom pa'i dge slong dus rnams 'bras bu med pa ma yin par byed pa de ni/ rab tu dang ba bzhi dang legs par ldan par sems kyis sems rab tu dang bas 'di'i bzhin gyi kha dog rab tu dang bar 'gyur ro/ / 'di'i dge ba dang / mi dge ba'i las rnams kyang rab tu dang bar 'gyur ro// 'jig rten pha rol tu phan par byed pa po nyid dang mya ngan las 'das pa'i yang mthar thug pa'i dge slong 'di'i tshul khrims la rnam par dpyad nas/ sbyin pa po dang / sbyin bdag gang yin pa rnams kyang mchog gi rab tu rangs pas yid kun nas

  333. 167b

    rab tu dang bar 'gyur ro/ / tshul khrims dang ldan pa mchog tu dge ba yang dag pa'i don la spyod pa po'i dge slong rnams ni bzhi po de dag rnams rab tu dang bar 'gyur ro// thams cad du shin tu rab tu dang bas bde bar nyal lo/ / de nyal ba na chos dang ldan zhing chos dang rab tu 'brel ba'i rmi lam bzang po mthong bar 'gyur ro// de bzhin de rgyags pa ma yin zhing / bag dang ldan par rgyu bas chos bdun 'phel bar 'gyur te/ bdun gang zhe na/ 'di lta ste/ dge ba'i chos rnams dpyod pa'i dbang du byas pa'i chos kyi spobs pa dang / de dge ba'i las kyi mtha' rnams la spyod pa'i dga' ba dang ldan par 'gyur/ de'i dga' ba yang mngon par 'phel bar 'gyur ro// dga' ba rgya che bar 'gyur ba gang gi phyir ming dang gzugs dag phan tshun gyi dbang gis 'phel bar 'gyur ro// 'phel zhing rgyas pa'i rgyu 'dis lus kyi nad med pa'i lus dang sems dag kyang phan tshun gyi dbang gis bde legs su gyur pas yid gzhungs par gyur te/ yid gzhungs pa'i ming ni sngon byas pa'i dge ba'i chos rnams rjes su dran pa yin te/ 'di'i yid gzhungs pa de yang 'phel lo// dge ba'i chos rnams la rtag tu yang dran pa 'phel lo// dge ba'i chos rjes su dran pa rnams 'phel ba bsams nas kyang 'di'i bde ba rnams kyang 'phel lo/ / bde bar gyur pa rnams kyi yang stobs 'phel bar 'gyur ro// chos bdun 'phel ba'i rnams ni bde bas mtshan mo 'da' bar byed la/ nyal ba na yang mtshan mo

  334. 168a

    lus sgom pa dang sems kyang sgom par 'gyur ro/ / de ltar dus rnams dran pa yin no// ji ltar na dge slong nyin mo dang / mtshan mo dus dran pa dang yang dag par ldan pa yin zhe na/ dge slong dag 'di na dge slong gis mig btsums pa phye ba rtog par byed de/ skad cig pa'i mig btsums pa dang / lhan cig tu bdag gis dus su gyur pa gang zhig legs par rab tu thob pa dang / de dang lhan cig 'grogs pa'i sems dang sems las byung ba'i ngo bo de rnams ni dus mi ring ba na zhig cing rul bar gyur pa'o/ / de la dus 'di gang dag rim gyis 'gag pa dang skye ba yang yin zhe na/ rab tu skye ba rnams la yang tshe zad pa sgrub pa yin pa gang gi phyir/ bdag gi lang tsho rnams ni rgas pas zad par 'gyur ro// gang skye bo thams cad kyis kyang bzlog par bya ba'i thabs med pa'i 'chi bdag gson pa thams cad rab tu 'joms par byed pas shin tu myur zhing / mgyogs par 'bab pas srid pa gzhan du bdag 'gag par 'gyur ro// bdag bag chags su gyur pa thams cad kyi gson pa 'di ni shin tu myur bar 'jig pa'i phyir na/ rgyu med par mchi ma 'byung ngo // dper na mar me gnas par gyur pa'i mes snu ma rnams 'thung bar byed do// de kho na bzhin du zhen pa'i rang bzhin du gyur pa'i me rnams kyis kyang snum 'dra ba'i tshe 'thung bar byed pa 'di dge slong dag gis bsam par bya'o/ / nges par legs pa la rab tu brtson par bya'o// de ltar yang nang gi bdag nyid kyi dngos

  335. 168b

    po 'di rnams ni/ rab tu nyams par byed pa'i chos bzhis zad par byed pa yin pa de bzhin du phyi rol gyi 'dus byas kyi dngos po rnams thams cad kyang bzhis 'joms par byed de/ dang thams dang / chu klung dang / grong khyer dang / grong dang / grong rdal dang / sman gyi ljongs dang / skyed mos tshal rnams dang / mi'i 'gro bas bsdus pa rnams dang / lha'i 'jig rten gyi yang ste 'jom zhing zad par 'gyur ro/ / nags dang / nye ba'i nags dang / rdzing bu dang / ljon shing gi nags rnams kyang lha rnams thams cad bag med pa spyod pas nyams shing nyams par yang 'gyur ro/ / de dag rnams thams cad med pas yang dang yang du dmyal ba dang / yi dgas dang / dud 'gro rnams su skye'o// 'jig rten 'di dag thams cad rang gi las la longs spyod pa rnam pa du mar kun tu gnas pa med pa rnams la g.yeng ba med pa'i blos lta bar byed do/ / gcig tu nges pa'i blos dran pa brtan pa rnam par ma g.yangs pa'i dran pa dang ldan pa gcig du de khoms la blta bar gyur pas rtogs nas/ gzhan yang dus de nyid la so sor dran pa dang shes bzhin dang ldan pa yin te/ dge slong de ji lta bu'i spyod lam gyis gnas pa'i rab tu byas pa dang / sdom pa la gnas pa'i dbang du byas pa dang / ji lta ba bzhin du dri ma las ldang ba'i dus ni 'di yin no// bsam gtan gyi gnas pas nye bar 'phel bar bya ba'i dus ni 'di yin no// nye bar bcag pa'i dbang du

  336. 169a

    byas pa'i dus ni 'di yin no/ / bla ma'i dus ni 'di yin no// bdag gi zas kyi dus ni 'di yin no// bdag gi chos gos bsdu zhing byidor bya ba'i dus ni 'di yin no// bdag/ sbyin pa po dang sbyin bdag rnams kyi drung du song la chos bstan pa'i dbang du byas pa'i dus ni 'di yin no// de las bdag phyir 'gro bar bya ba'i dus ni 'di yin no// dge slong des dus thams cad nyid du dus kyi rjes su rtogs pa'i dran pa yin no/ / de ltar na dge slong dus kyi rjes su zhugs pa'i dran pa can yin no// gzhan yang ji ltar na tshod dran pa yin na 'di na dge slong dag dge slong bdag nyid kyi ji srid mngal nas bzung nas na chod kyi rjes su 'brel ba rnams dran par byed do/ / lus kyi na tshod rnams kyang gang gi phyir skad cig pa nyid yin te/ nur nur po dang / ltar ltar po dang / mkhrang 'gyur dang go ger po dang / gong po dang / yan lag dang / nying lag 'gyus pa rnams dang / byis pa dang / gzhon nu dang / bar ma dang / rgas par gyur pa la sogs pa lus kyi na chod snga phyi'i rim pa rnams shin tu myur zhing gar yang gnas pa med pa'i lus skad cig pa 'di la lta bar byed do/ / byis pa'i skye bo bag med pas nye bar bcom pa/ rnam par rtog pa'i rgyas bcus pa/ srid pa'i chu bos khyer ba 'di dag rnams kyis ni so sor rig pa yang ma yin la/ skal ba mthun pa'i rigs gzhan rnams nas/ 'chi 'phos nas las kyi lcags sgrog gis rgyud kun tu bcings

  337. 169b

    shing / slar yang skye ba gzhan gang yang rung ba cig tu skye bar 'gyur ro// gzhan yang de rang gi las kyis nye bar 'gro bar gyur pas lus dang sems kyi rgyud kyi rjes su 'brel pa'i nur nur po dang / lhar ltar po dang / mkhrang 'gyur dang / gor gor po dang / sha'i gong bu dang / yan lag dang / nying lag dang ldan par mi'i 'gro bar skye bar gyur pas/ byis pa dang / gzhon nu bdo ba dang / bar na gnas pa'i gnas skabs de dag nyid rim gyis 'chi ba'i mthar thug par 'gyur ro// gcig ji lta ba de bzhin du 'dod pa'i khams rnams thams cad kyang so so so sor sngon gyi las kyis kun nas spel bas/ ji ltar rjes su mthun pa'i lus kyis bsdus pa dang / lus dang lhan cig 'grogs pa'i las rnams kyis na tshod dang rjes su mthun pa'i lugs rnams ni cinis kyang sems can rnams thams cad la 'gyur ba yin no/ / de lta bu la ni na chod rnams dran pa'i dge slong zhes brjod do// gzhan yang dran pa gsum pa dge slong gis bsten par bya zhing bsgom par bya la mthar thug par yang bya'o/ / gang dag ce na/ 'di lta ste/ 'chi 'pho dang / skye ba'o// mtshan mo yang bsgom par bya ste/ sems can 'di dag thams cad ni mthar 'chi bar 'gyur ba ste/ gson pa rnams kyi mtha' ni 'chibs mthar thug par byed do// khams gsum du skyes pa'i sems can thams cad kyang mi rtag pa dang / skye ba dang / 'gag pa'i chos car

  338. 170a

    mas 'dus byas pa'i na ba tshas dang bcas pa 'dus pa ma par 'bral bar 'gyur bas+thAn+ta/ lha rnams nas 'chi phos nas ni myal ba rnams sa m+b+ha ra 'gyur ro// dmyal ba rnams nas 'chi 'phos nas kyang dmyal ba rnams su skye bar 'gyur ba dang / dmyal ba rnams nas 'chi 'phos nas kyang lhar skye ba dang / mi rnams nas shi nas dmyal ba dang / yi dgas dang / dud 'gro dang / lha dang mi rnams su yang skye'o// yi rigs rnams nas shi nas dmyal ba dang / yi dgas dang / dud 'gro dang / lha dang mi rnams su yang skye'o// de ltar na 'og dang / zad ka dang / steng gi 'khor ba 'di dag rnams su las kyi rlung gis yongs su 'khor ro// rang gi las las longs spyod pas yongs su la byam mo// 'kho ba'i rgya mtsho chen po na yongs su 'khor ro/ / de bzhin du des nangs pa dang / nub pa dang / nyin mo dang mtshan mo yang gcig tu 'chi 'pho ba dang / skye ba dran pa gang yin pa sgom par byed do// de'i dge slong 'di'i gang dag gson pa'i rgyags par gyur pa gcig tu chags par byed pa'i log par yongs su zhen pas byas pa de bsnyungs par 'gyur ba 'am/ rnam pa thams cad du yang med par 'gyur ro/ / dran pa rnams kyi nang na mchog ni 'di yin te/ 'di ltar 'chi 'pho dang skye ba dran pa'o// de'i phyir mya ngan las 'das pa'i grong khyer du 'jug par 'dod pa rnams kyis 'di bsten

  339. 170b

    / par bya'o// yid la bya'o// rgyu gang gis sems can 'di dag rnams drin med par 'gyur ba ni rtag pa'i go 'phang 'chol bar byed pa don med do// gang gi phyir sred pa'i zhags pas kun nas bcings nas 'khor ba na yongs su 'byam pa rnams kyis rtag pa'i go 'phang thob par 'gyur ram/ de nas de'i tshe tshigs su bcad pa gsungs pa/ ji ltar/ sred pa'i 'jigs las rnam grol zhing / thams cad la yang chags med pas// 'dod dang bral ba'i brtan pa ni// srid pa'i skyon du bying ba la// dka' thub spyod pas dga' ba yi// de yi yid rnams ngal sos kyang // zhi bar 'gyur ba yin nam ci/ / gang gi yid kyang rnam 'khrul pas// lus rnams la ni rab tu rgyug/ de ni chos kyi lam nor bas// dmyal bar skye bar 'gyur ba yin// bag med pas ni sems dkrugs pas/ / de nyid rjes su mthong ba min// bag med pa yang me dang 'dra// de phyir 'bad pas yongs su spongs// bag med pas ni rnams 'joms pa'i// skyes bu las kyi skye gnas skyes// lam yang rnam brgyad nges legs pa// thams cad nyid du mi mthong ngo // bag med yul ni bsten pa yis// chos bcu rnam par nyams pa yin// de ni rtag tu bag med pas// bsam gtan yang ni rab tu nyams/ / bag med sems can thams cad kyi// 'ching ba rnams kyi mchog yin no// bde ba'i go 'phang rtag par yang // bag yod par ni rab brjod do// 'khor ba'i 'jigs pa ston

  340. 171a

    ba las/ / gang gi blo na rmongs med pa// de ni ngan song 'jigs grol nas// rangab zhi legs par gnas zhes brjod// de ltar 'chi 'pho ba dang // skye ba dran pa cis kyang bsgom par bya'o/ / de bsgoms pa'i phyir rtag tu dga' bar 'gyur ro// de 'dus byas kyi dngos po rnams thams cad la 'ani 'pho ba dang // skye ba legs par mngon par mthong nas 'khor ba'i sdug bsngal mang po rnams la so sor rtogs par byed do/ / gang zhig 'jig rten 'dir rnam pa du mar sgrub par byed pa'i bag med pa de dag rnams kyang ji lta ba bzhin du spong bar byed pa'i dge slong de rtag tu yang mi rtag pa la rjes su lta zhing gnas so/ / zad cing 'god la rjes su lta ba blo dang ldan pa dran pa nye bar gzhag cing yid la byed pa dang ldan pa des ni sdug bsngal rnams mthar byed par nus so// gzhan yang dge slong gis dran pa bzhi pa yid la bya ba ni/ 'di lta ste/ phun sum tshogs pa dang rgud pa rnams dran pa yid la byed pa'o// 'di ltar phun sum tshogs pa dang rgud pa dran pas phun sum tshogs pa dang rgud pa yang yid la byed pa'i dge slong rnams ni rnyed pa dang bkur sti la mngon par dga' bar mi 'gyur ro/ / 'dod pa'i dbang du gyur pas sbyin pa po dang sbyin bdag rnams la rten par mi byed do// des rgyal po 'am/ rgyal po'i blon po gang yin pa rnams mthong zhing de'i bde ba de dag rnams kyang yang dag par mngon par mthong bar gyur pa de'i tshe yang bde bar sems kyis kun tu 'dzin par mi byed do//

  341. 171b

    sred pa sa mi 'ching ngo // nyin mor kun tu rtogs par mi byed cing mtshan mor yang ma yin no// shin tu legs par brtag par bya'i longs spyod gzhan rnams kyang bdag gir mi byed do// gzhan rnams la yang mthun pa'i sems kyis kun tu lta bar byed do/ / 'di ltar yang yid kyis sgom par byed de/ ji ltar sems can 'di dag rnams ni rgud pa mthar thug pa 'byung bar 'gyur te/ gang gi phyir phun sum tshogs pa thams cad kyang rgud pa'i mthar thug pa yin pa'i phyir ro/ / ji lta ji ltar phun sum tshogs pa shin tu ches lhag par gyur pa de lta de ltar sred pa rnams stobs ches shin tu lhag par 'gyur ba yin no/ / de rnams rab tu nyams par gyur pa las kyang de la mngon par zhen pas phyis yang rnam par 'bral bar byas pa'i rnam pa du ma dang / rnam par rtog pa du ma ji snyed kyi yid kyi sdug bsngal rnams skye bar 'gyur te/ de'i dpe rnams kyang bya bar sla ba ma yin no// de de ltar gang gi tshe phun sum tshogs pa dang rgud pa rnams la legs par mngon par lta bar byed pa de'i tshe lha'i rgyal po rnams kyang 'dod par mi byed na/ ci yang mi'i rgyal po rnams sam/ 'khor lo sgyur ba'i rgyal po rnams 'dod par 'gyur ram/ de ci'i phyir zhe na/ de dag rnams la rgud ba'i sdug bsngal rnam pa du ma kun nas mngon par mthong ba'i phyir te/ gzhan yang rgyal po 'am/ rgyal po'i blon po rnams sam/ khyim bdag rnams sam/ rgyal rigs rnams dang

  342. 172a

    shin tu stobs dang ldan pa gzhan rnams kyi mchog tu phun sum tshogs pa rnams kyang rung ste/ skye gnas lan cig dang lan cig ma yin par chud par byed par 'gyur ba yin no// bu dang / bran po dang / bran mo rnams dang / las byed pa rnams dang / zho shas 'tsho ba rnams dang 'bral bar 'gyur ro// rgud pa'i brel dog tu byung ba rnams la ni gzhan rnams spangs par 'gyur ro/ / gzhan rnams kyis sngangs par gyur pa ni lam srang rnams dang / bzhi mdo rnams kyi sgo rnams na lag pa dang / rkang pa zad nas khrag 'theg par gyur pa/ gos ral bar gyur pa bkres pa dang / skom pas gdungs pas bskams pa/ skad chad par gyur pas grong khyer nas grong khyer dang / grong nas grong dang / ri na sa ri dang / yul chung nas yul chung rnams gang dag yin par rnam pa du mar mchog tu mi bzad pa'i sdug bsngal gang yin pa rnams la nye bar longs spyod par byed do/ / de'i tshe dge slong 'dir legs par mngon par mthong nas yid la byed par gyur pa na shin tu yang yul gyi ngam grog rnam pa du mar lhung ba'i 'khor ba la skyo ba skye'o/ / gzhan yang dge slong 'dis mi rnams kyi phun sum tshogs pa rnams chud pa la lta bar byed la de'i tshe lha rnams la yang rjes su dpag pa de nyid kyis rjes su dpog par byed do/ / de la re zhig mi rnams gang yin pa rnams gzhan gyi dbang du gyur pa dang / me dang / chu dang / chom rkun

  343. 172b

    dang / rgyal po'i sgo ga nas kyang nye bar 'tsho bar byed pas rgud pa'i gnas skabs rnams na sdug pa mi bzad pa'i 'jigs pa du mar 'gyur ba rnams la lta brjod du yang ci yod nas/ lha rnams sha dang / rus pa dang / chu ser dang bral ba/ lha'i bde ba phun sum tshogs pa lha rdzas kyi pad+ma'i 'phreng bas kun nas dkris pa/ lha brgya stong dums yongs su bskor ba/ dpe med pa'i yon tan rnams phun sum tshogs pa'i bud med kyi 'gro ba rnams kyis yongs su bskor nas rgod pa dang / 'gying brtse ba'i bde ba rnams dang ldan pa rnams la lha rdzas kyi skyed mos tshal dang / rdzing bu dang / ri'i rtse mo rin po che sna bdun gyis shin tu 'bar bas nye bar gsal ba rnams la/ rnga skad yan lag lnga dang ldan pa rtag tu nye bar bsgrags pa dang ldan pas bde bar rgyu ba rnams rin p o che bdun dang ldan pa'i khang bu na 'od kyis gsal ba'i lus can rnams shin tu rnam pa du mar dpe med pa'i yul gyi bde ba rnams la rtag par sten par gyur pa rnams phan tshun du gnod pa med cing 'thab pa dang / rtsod pa rnam par spangs pa rnams la ni gang dag kho na yid kyis bsams pa de dag kho na 'thob par 'gyur ba rnams rnga skad yan lag lnga pas rtag tu bsgrags par gyur/ ba'i yid bde ba'i lha rnams la yang gang gi tshe rgud pas byas pa'i rgud pa'i sdug bsngal rnams 'byung bar 'gyur te/ las zad pa na slar yang dmyal ba dang / yi dgas dang

  344. 173a

    d udang 'gro'i skye ba rnams su skye bar 'gyur ba la mngon du phyogs pa rnams kyis phyir nyid skye ba gzhan du skye bar 'gyur ba sa b+h+yas pa'i rnam pa du ma skye ba gzhan so so za pa rnam pa sna tshogs par 'pho bar 'gyur ba rnams gang gi tshe 'chi 'pho ba na mthong ngo / / de la gang gi phyir dmyal ba rnams su skye bar 'gyur na ni de'i tshe dmyal rnams rab kyi shugs kyis 'bar bas 'khrigs pa dang / bkres pa dang / skom pas byas pa'i sdug bsngal rnams la dpe med pa'i gzer zug dang ldan pa'i dmyal ba yang sos dang / thig nag dang / bsdus 'joms dang / ngu 'bod dang / ngu 'bong chen po dang / tsha ba dang / rab tu tsha ba dang ste// mnar med pa spangs pa'i dmyal ba chen po bdun po rnams su ji ltar las byas pa bzhin bdag nyid rab tu lhung bar 'gyur ba mthong ngo / / de'i tshe rnam par 'bral bas byas pa gang yin pa'i sdug bsngal chen po de dag rnams mngon par mthong nas lus dang / yid gang yin pa'i sdug bsngal skye bar 'gyur ro/ / 'di bshad par sla ba yang ma yin no// dran pa 'di dag rnams ni 'dir dge slong gis lan cig ma yin zhing lan cig ma yin pa dang nyin dang mtshan du yang bsgom par bya'o// gzhan yang dge slong de lha dang mi rnams kyi phun sum tshogs pa de nyid kyis byas pa'i dran pa rjes su sgom par byed de// 'gro ba gsum po rnams la ni rgud pa kho na yin gyi/ dmyal ba rnams

  345. 173b

    dang / yi dgas rnams dang / dud 'gro'i 'gro ba rnams la gang la phun sum tshogs pa 'byung bar 'gyur/ lha dang mi rnams la ni bde ba'i rjes su mthun pa'i tha snyad du bya ba cung zad tsam yod kyang 'thag pa'i snal ma 'jug pa dang 'dra bar rang dbang med par phun sum rogs pa rgud par byed pa yin no/ / mi rnams kyi lnga gang zhe na/ 'di lta ste/ gang gi tshe mig gis gzugs yid du 'ong ba mthun pa sdug pa mngon par mthong nas zhen par lta'o/ / de'i tshe ro myang bar byed do// 'dod par byed do// bde ba'i skal ba can du 'gyur ro// yang gang gi tshe de las bzlog pa gzhan mi phan pa/ mi mthun pa/ yid du mi 'ong ba rnams mthong na/ de'i tshe de nyid la 'dod chags dang 'bral lo// sdug bsngal bar 'gyur te de dag rnams dbang po gcig gi dbang du byas pa'i phun sum tshogs pa dang rgud pa yin no/ / gzhan yang dge slong de nyid rgud pa dang phun sum tshogs pa gzhan dran pa la rjes su 'brel par byed de/ gang zhe na/ 'di lta ste/ rna bas dga' ba mthun pa'i yid du 'odo ba rjes su mthun pa rab tu dga' bar byed pa'i sgra rnams rna bas thos na yid rab tu rangs pa skyed par byed pa de ni 'di'i phun sum tshogs pa yin no/ / yang gang gi tshe tha dad par gyur pa'i rkyen gzhan gyi sgra de nyid nyan par byed pa na mi 'dod pa/ mi sdug pa/ yid du mi 'ong bar gyur pa de'i tshe 'di'i yid mi bde ba skyed par 'gyur te/ rjes su mi mthun pa sems la mi phan pa de 'di'i chung

  346. 174a

    pa yin no/ / gzhan pa dge slong de gang gi tshe me tog gi tshogs rnams dang / phye ma'i sbyor bar byas pa'i dri rnams dang / gzhan yang rnam pa sna tshogs pa'i dri yid kyi rjes su mthun pa'i dri rnams snom par byed do/ / de'i tshe rgyu de dag rnams kyis 'di la dga' ba dang lhan cig 'grogs pa'i yid bde ba skye bar 'gyur ro// gzhan yang gang gi tshe dge slong de nyid gang shin tu brtan pa'i dran pa de dag kho nas rjes su 'brel bar byed de/ gzhan yang ji ltar gang gi tshe mi de dag rnams nyid sna de nyid kyis dri rnam pa du ma snom par byed de/ rnam pa rnams dang yid kyi rjes su mi mthun pa mi gtsang ba'i rigs mang por gyur pa'i dri mi zhim pa rnams snom par byed pa na/ de'i tshe 'di yid mi bde ba skye bar 'gyur ro// de ni 'di'i chud pa yin no// gzhan yang dge slong de nyid rnam ba gzhan gyis kyang mi'i 'jig rten de nyid kyi phun sum tshogs pa dang chud pa la dran pa rjes su 'brel bar byed de/ gang gi tshe mi'i 'jig rten pa rnams lces ro rnams ji ltar myang bar byed pa yin na/ mthun pa'i yid du 'ong ba bsam pa'i rjes su mthun pa tshim par byas pas/ yongs su smin pa na bde bar byed pa tshe dang / stobs dang / mdog dang / bde ba rnams sna tshogs par rab tu rgyas par byed pa de'i tshe yid la bde ba 'byung bar 'gyur ro/ / deni 'di'i phun sum tshogs pa yin no// de bzhin du gang gi tshe bus kyis kyang reg bya rnams la reg par byed pa ni mthun pa yid du 'ong

  347. 174b

    bgrang ba'i dus su dro ba rnams la yang rgud pa dran pa rjes su 'brel bar byed la/ dro ba'i dus rnams su ni bsil ba ste/ ji ltar yid kyi rjes su mthun par byed pa de ni mi rnams su gyur pa mi'i 'jig rten pa rnams kyi phun sum tshogs pa yin no/ / yang gzhan gang dag gi tshe na rgyu gzhan dag dang / rkyen gzhan rnams kyis lus de nyid la yang reg bya de nyid kyang mi 'dod par 'gyur te/ yul gzhan rnams kyi dbang gis kyang mi 'dod par 'gyur ro/ / gzhan yang yul rnams dang dbang po dang phrad pa las skyes pa de'i rnam par rtog pa brtan pos byas pa lan cig ma yin zhing / phyogs gcig ma yin par rab tu 'phel bar gyur pas sred pa'i mes bsregs par gyur pa rnams gang yin pa ni rang bzhin gyis 'jig rten pa rnams thams cad chags pa yin no/ / ji lta bu'i bde ba rnams dang ldan pa'i lha'i 'jig rten pa yul rnams la sred pas chags pa'i blo can de dag rnams kyi rgud pa dang rjes su 'brel ba'i dran pas rnam par dpyod par byed do/ / mchog tu dge bar gyur pa'i dge slong des 'dod pa na spyod pa'i lha drug po rnams kyi rgud pa rnams mthong ste/ de la rgyal chen bzhi'i ris kyi lha rnams la ni rgud pa rnam pa bcu gnyis yin no// 'di lta ste/ lha dang lha ma yin/ rnams kyi 'thab mo'i dus na bang nyams pa dang / lha ma yin gyis brgyab pas lhan cig kho nar 'gyel pa rgya mtshor lhung ba dang / go cha rnams lhung ba dang / chags pa rnams dang lhan cig kho

  348. 175a

    nar 'byed pa dang / chags shing ngo tsha ba rnams dang lhan cig tu mgo rgyan lhung ba dang / sgra gcan mthong bas brgyal ba dang / 'chi 'pho ba'i dus na chad dang / dbyibs dang / rgyan rnams dang ldan pa'i lha'i bu mo de dag rnams spyir gsar du skyes pa'i drung du song nas rtsed mo chen po rtsed mo tshad med pa byed par gyur nas yongs su spangs pa dang / rtsed mo'i dus na de rang gi las dang mthun pa'i dman par 'gyur ba dang / rtsed mo'i dus na dud 'gror skyes pa'i byas kyang smod par byed pa dang / pad+ma rnams la ba sdang ba dang / reg pa kho nas nyams te rang gi las dang mthun bar 'gyur ba dang / rgyan rnams dang gzhan ches gtso bor gyur pa dag gi rgyan rnams mngon par mthong nas ngo tsha ba dang ste/ rgud pa rnam pa bcu gnyis po de dag ni rgyal chen bzhi'i ris kyi lha rnams kyi yin no/ / dge legs su rjes su spyod pa'i dge slong 'dis mtho ris kyi bde ba la 'chums pa dri ma med pa'i thos de dag rnams la kun nas lta bar byed do// de mthong nas kyang gshe zhing mtho ris kyi bde ba rnams la smod par yang byed de/ gang dag mtho ris 'dod pas tshangs par spyod pa de dag rnams kyi tshangs par spyod pa ni mi tshangs par spyod pa'i don du spyod pa yin no// de rnams la yang 'phya bar byed cing skyug bro bar blta'o// de ci'i phyir zhe na/ rang dbang med pa yin pa'i phyir ro// gzhan yang dge slong de nyid sum cu rtsa gsum pa'i lho rnams kyi rgud pa la kun

  349. 175b

    tu lta bar byed do/ / des sum cu rtsa gsum pa'i lha rnams kyi rgud pa brgyad po rnams mthong ba la 'di lta ste/ lha dang lha ma yin rnams kyi rtsod pas kocha rnams med par 'gyur ba dang / gang / gi tshe rab brtan gyi bshul nas lhung ba dang / mi gtsang bas rjes su 'bral ba'i dus su 'jug ngos rnams mi mthong bas sems stobs 'chor ba dang / zas dang rtsed mo dag la 'jug pa'i dus su kha dog dang / gzugs dang / stobs kyi ngo bo rnams zhan pa dang / sgra dang / reg bya dang / ro dang / gzugs dang / dri rnams la yang mi mnyam par brgya byin gyis yongs su shes pa dang / 'chi 'pho ba'i dus na bud med rnams 'phos par 'gyur ba dang / rtsed mo'i ltad mo khang bu rnams kyi bang bul bar gyur pa rnams so// rgud pa brgyad po 'di dag rnams ni sum cu rtsa gsum pa rnams kyi yin no/ / 'thab bral ba rnams kyi rgud pa rnams ni/ 'di lta ste/ bud med rnams kyis shes par 'gyur bas zas kyi dus na ngo tsha bar 'gyur ro// de'i las rnams nyung ba yin pa'i phyir na lha 'di la lha gzhan rnams kyis g.yog gi bya ba mi byed de/ dper na lha gzhan la lha gzhan dag rnams kyis spyod par byed cing rgyal por yang byed par 'gyur ro// mu su lun d+ha'i chos ston pa'i dus na shin tu 'jigs par 'gyur ba ni mthar thug pa'i rgud pa yin no/ / las rnams dman pa yin pa'i phyir na 'od rnams 'joms par 'gyur te/ lha gzhan dge ba'i las

  350. 176a

    kyi mtha' la spyod pa rnams kyi 'od kyis 'di zil gyis gnon par 'gyur te/ de 'joms pa yang mi'i 'jig rten na nyi ma gza' dang / skar ma dang / rgyu skar rnams bzhin no// las dman pa yin pa'i phyir na stan la nye bar 'dug pa'i rin po che rnams gzhan nyid du nye bar 'gyur te/ gang gi tshe dge ba'i las kyi mtha' la spyad pa'i lha rnams 'dug par 'gyur ba na de'i tshe lha de'i stan rnams dngul gyi rang bzhin du grub par 'gyur ba ni las rnams sna tshogs pa'i phyir ro/ / de dag rnams ni 'di'i rgud pa yin te/ 'di'i tshad kyang chung bar 'gyur ro// rgud pa drug po de dag rnams ni 'thab bral ba'i yin no/ / dga' ldan pa rnams la ni rgud pa bzhi yod de// 'di ltar ngang pa'i sgra kun nas sgrogs pa mnyan par 'os pa'i dam pa'i chos sgrogs pa nyan par byed pa'i rgyus dga' ldan pa rnams kyis thos na mi dga' ba med pa na/ nam mkha' la 'gro ba'i rgyal po dang pas rang gi gzugs 'dod pa bzhin du sgyur bas/ rin po che bdun gyis shin tu 'bar ba'i rwa byad kyi gzugs dpe med pa 'dzin pa'i gzugs kyis dpag tshad lnga stong du rang gi lus rnam par bsrings pa'i 'od kha dog sna tshogs pa rnams kyis dga' ldan kun tu snang bar byas par gyur cing / mchog t u ngo mtshar bar gyur pa'i skad kyis lha de dag rnams la nyi ma re re bzhin du 'gro bar byed pas nam mkha' la bgrod pa'i rgyal po dang pa byang chub sems dpa' des tshigs su bcad pa brjod pa

  351. 176b

    ji ltar/ gang phyir bsod nams rnams ni zad// tshe yang myur bar 'gro ba yin// dga' ldan gyi ni dbang phyug gis// chos legs bsdu la 'bad par gyis// gang yang chos ni yongs btang nas/ / rgyags par mchog tu nyer bcom pa// bsod nams sog pa ma yin te// de ni phyi nas gdung bar 'gyur// ji srid du ni rgas dang nad// 'chi ba dag bcas te ma 'ongs pa/ de srid du ni bsod nams kyis// phyi nas 'gyod par gyur ta re// bsod nams kun nas ma bsdus dang // bag med pas kyang nyer bcom pa// dmyal ba'i rgyu yi sdug bsngal la// bag med pa ni bzhad gang byed/ / gson pa'i don des ci zhig bya// longs spyod kyis cig nyen gyis ci// dbang po tshang ba de rnyed nas// gang zhig chos la rtag mi dga'// chos ni legs par bsdu ba'i yid/ / nyi ma re re bzhin du bya// sdig pa rnams ni rnam spangs dang // bzang po rnams dang 'phrad par bya// ye shes mtshon cha rnon po yis// rgyags rgyun gdul dka' gcad par gyis/ / skyon gyi phung po gzhom bya zhing // skyon gyi lam ni gcad par bya// shes dang tshul khrims dka' thub spel// 'dod pa dang bral spro ba spangs// de nyid lam ni rnam ston po// zhi ba rtag tu bsten par bya/ / tshul khrims gang gis lhar skye ba// 'thob pa'i 'bras la rmongs pa yis// bsod nams sogs par mi byed cing // srid pa'i mtha' ni zlog mi byed// ye shes rtsol

  352. 177a

    la mngon dga' gang / / tshul khrims rin po che yis brgyan// 'dod 'dod chags kyis gang 'jigs pa// lha rnams lhur ni 'dod pa yin// gang zhig rtag tu chos la dga'/ / lha rnams rtag tu de phyag 'tshal// gang yang de las phyin ci log/ de dag thams cad nyams par 'gyur// chos kyi zam pa 'di rnyed nas// pha rol mchog tu sgrol ba che// gang zhig legs par zam mi rgal/ / de ni srid pa las mi grol// nyon mongs shing ni ma lus pa// ye shes me yis mi bsreg pa// ci don nyon mongs yul gyi ni// dra bas mi rnams bsdams phyir ro/ / 'thug po'i rang bzhin mig sprin tshogs// rab tu ye shes mig sbyong zhing // de las grol ba rdzogs sangs rgyas// gsung gi rang bzhin sman gyi zas// dam chos dmag gi dpon gyis ni/ / 'dod chags dmag ni nges par 'joms// dge mda' shin tu bsgrags pas te// de ni rab tu 'bad pas mnyan// phyin ci log ni rnam pa bzhi// des kyang de srid nyid du sku// de bani/ 'jig rten chos brgyad kyang // skye dgu ma lus 'joms par byed// sred dra mi bzad chu bo ni// rnam rtog rgya phrag rgal bar dka'// shes pa'i zam pa legs zhon nas// thub rnams zhi bar rgal ba yin/ / 'dod pas kun tu rmongs pa'i yid// lha gang 'dod pa sten pa rnams// rtag par yang ni gnas lnga ru// de dag rnams la grol ba med// lhan cig min par thob nyams pa'i//

  353. 177b

    kim pa ka dang drug dang mtshon// me dang mtshungs pa'i sdug bsngal rgyu// 'dod pa glog 'dra ci zhig bya// ji lta ji ltar bsten byas pa// de lta de ltar rab tu 'phel// ngoms med byed phyir de dag ni/ sreg pa'i rgyu yi me bzhin no// sreg skyon 'jigs pas nges rgyal ba'i// lha gang bde ba 'dod pa rnams// 'di las bde ba kun 'byung gis// 'dod pa mi dge rnam spang gis// skye bo rmongs pa chags gyur cing / / 'ching ba'ang dam por bsdams nas ni// rtsa ba hral can ni gzhan du 'gro// 'dod pa glog gi yon tan bzhin// gang zhig 'dod chags sred pa yis// gong nas gong du 'dod pa sten/ / de ni 'dod chags mes bsregs nas// bsregs bzhin bsregs pa 'thob par 'gyur// lha gang 'dod pa sten byed rnams// de dag gang phyir shin tu rmongs/ med par bya phyir 'jug byed pa/ / gang de bde nas bde ba yin// myang 'das 'dod ldan rnams la med// grol med bde ba ci la yod// de phyir 'dod pa bsten mi bya// 'dod dang sdug bsngal mnyam du 'byung / / yul gyi chags pasten pa rnams// dbang po rnams kyang ngoms pa med// thams cad du ni legs 'phel ba'i// ngoms med bde ba'ang gang la yod// de phyir yid 'byung/ 'jigs bcas pa'i// 'khor ba'i sdug bsngal rgya mtsho las// 'dod pa'i sred pa mi bzad pa// yongs su spongs shig sdig can de// ri yi tshogs ni de dag gi/ dga' ba'i ljon shing rnam

  354. 178a

    nogs/ / dngag la yang yongs partenas// 'dod rnams skye 'jig sgom par byed// shis pa'i bden pa bzhi zan// de dag mkhas pas rabu legs mthong // bsam pa med ldan skye dang rga ba'i 'jigs pa las// rab tu grol ba mchog tu zhi ba dang ldan pa// bsam pa med ldan gang yang rnam par rmongs pa'i blo// 'dod pa la chags srid pa'i longs spyod dag gis bcings/ / de ni 'dod pa'i rang bzhin 'ching rnams las ma grol// skye dang rga ba'i 'jigs pa rnams las 'grol ba min// gang gi sdug bsngal rgya che 'di ni rnam bsams nas// srid pa'i / rgya mtsho las ni skyo bar mi 'gyur ba// de ni 'dod pa'i dug gi mnga' yi shu gos kyis rmongs// sdug bsngal gyi ni gnas skabs dmyal ba 'thob par 'gyur// thog ma tha ma'i 'dod pa'i bde ba rnams kyang spod byis rnams ci phyir 'dod pa'i longs spyod rnams la dga'/ / shin tu mi bzad 'jigs pa de dag rnams kyang ni// 'chi bdag 'bar bas gsal bar ma 'ongs par mi shes// gson pa 'di dag 'dis ni 'joms par byed pa yi/ / ji srid 'chi bdag 'jig rten thams cad mi 'joms pa// de srid du ni phan pa sgyid dang bde ba dang // mya ngan med kyis de dag skyes bu rnams kyis byos// chud gzon kun gdung byed pa po/ / 'dod pa'i skye gnas kun thob pa// rnam dur rmongs pas de lta na'ang // 'dod pa'i spyod pa tshim par byed// de ltar nam mkha' lding gi rgyal po dang pas 'gro bar yang byed pa dang / rjes su ston pa

  355. 178b

    byed do/ / lha gang dag bag med par gyur pas chos sgrogs pa rnams la ched cher byas nas nyan par mi byed pa dang / gang yang dam pa'i chos nyan pa la ched cher byed pa de dag rnams nyid la lhan cig tu nga ba des rjes su bstan pa'i tshigs su bcad pa dedag rnams sgrogs pa yin te/ de rnams dam pa'i chos nyan pa la gus pa legs par skyes nas/ rings par gyur pa sa gang nas thos na mi dga' ba med pa zhes bya ba'i sa yod pa der nye bar legs par 'gro bar byed la dam pa'i chos nyan pa la gus pa skyed pa'i yid can gyi lha de dag rnams rgyug par byed pa na/ khang bu'i phyi bzhin gyi lam rnams su yon tan stong phrag brgyas yang de dag rnams kyi 'od zer rnams rab tudang bar 'gyur ro/ / brgyugs pa de dag rnams las gzhan pa'i lha bag med pas rnam par rgyu ba de dag rnams kyi gzi brjid rnams ni dman par 'gyur ro// 'di rnams ni nye bar bcom par 'gyur ro// de'i mthu stobs rnams kyang nye bar bcom par 'gyur ro// de la 'di dag rnams ni lha gang dag gi mthong ba'i chos kyis 'bras bu yin no// 'dod pa la mngon par dga' ba'i lha gang dag yin pa de dag rnams yang mdog dang / gzugs dang / cha byad dang / rgyan dman par 'gyur ro// de dag ni dga' ldan pa 'di rnams kyi rgung pa dang po yin no// gzhan yang dga' ldan gyi lha rnams kyi rgung pa gnyis pa yod nye bar longs spyod pas bsdus pa rnams dang / dam pa'i chos nyan pa'i dbang du byas nas brgya stong bye ba phrag du ma'i 'khor rnams byang chub sems dpa' lnga brgyas rnam par brgyan pa la gang yang

  356. 179a

    dga' ldan gyi mnga' bdag nye bar zhi bas dam pa'i chos ston par byed do/ / 'di lta ste/ ma rig pa'i rkyen gyis 'du byed rnams zhes bya ba rgyas par ro// dam pa'i chos de dag thos nas kyang lha gang dag yid legs par gtod pa dang / rab tu dang ba'i yid kyis nyan par byed pa de dag rnams kyi gzi brjid dang / chu byad dang / rgyan dang / gzugs de dag rnams brgya stong 'gyur du shin tu lhag par 'phel bar 'gyur ro/ / gang yang sems kyis rko trog tu gyur pa glog dang zo chun ltar kun tu 'khor bde dag rnams ni/ sred pa'i yul gyi dbang gis kun tu khrid par gyur pa de dag rnams kyi gzi rdzi/ dedag dang / cha byad dang / rgyan dang / gzugs dag zil gyis gnon par 'gyur te/ 'di ni rgud pa gnyis pa yin no// rtsed mo byed pa'i lha rnams kyis gzhan yang ltung ba gsum pa yod de/ lha de dag rnams nyid l as lha gang dag nyan pa la gus pa'i yid can rnams kyis chos kyi mtshan nyid rnams ji lta ba bzhin du rtogs par 'gyur ba de'i dus na yid de la song bar gyur pa de dag rnams kyi 'od kun tu gang ba dang phyir zhing ches lhag par gyur pas mngon par zil gyis gnon par byed do/ / lhag ma rnams kyis ni de bzhin du mngon par rgyas par mi 'gyur ro// ji ltar lha de dag rnams kyis chos kyi mtshan nyid rtogs par byed pa'i dus de dag tu bya dang / rgyan rnams dang / gzugs kyang mngon par rgyas par mi 'gyur ro// 'don lha de dag rnams kyi chung pa gsum pa'o// gzhan yang byarnams kyi chud pa bzhi pa ni/ de'i tshe nyid la lha gang dag ma

  357. 179b

    pa'i chos nyan pa la gus pa legs par skyes par gyur cing / rna ba'i khung bu shin tu phyogs pa yid rtse gcig tu gyur pas chos kyi mtshan nyid kun shes par byed pa la ched cher byed pa chos de dag rnams 'dzin par byed do/ / yid la rab tu 'jog par byed do// de kho na bzhin du rjes su 'jug go/ dus yun ring du yid la kun tu bzung nas rab tu sgrub par byed do// chos la ji lta ba bzhin du gus pa skyes pa de dag rnams chos nyan pa'i mthu stobs kyis phyir zhing shin tu lhag pa nyid du gzi brjid dang / cha byad dang / rgyan 'gyur te/ thams cad kyang brgya log tu 'gyur ro// de dag rnams kyi gzi brjid de dag mngon par 'phel bar gyur pa rnams yang dag par mngon par mthong nas lha gang dag shin tu yang lhag par mos pa dman pa'i yid can de dag rnams ngo tsha bar 'gyur ro/ / de ni dga' ldan gyi lha de dag rnams kyi rgud pa bzhi ba yin no/ / de ltar dge slong des dga' ldan pa'i lha rnams kyi rgud pa rnams kyi gzhi so sor rab tu rig par byas nas/ 'phrul dga'i lha rnams kyi rgud pa rnams kyang so sor rig par byed do/ / de srid du bde bar gyur pa'i 'phrul dga' ba'i lha rnams la yang rgud pa rnam pa bzhi yod pa rnams des mthong ba ni/ ji ltar legs par byas pa'i las rnams zad pa na nges par rkang pa dgal grib ma 'bab pa'o/ / lus thams cad las ni 'od nges par 'byung bar 'gyur la/ rkang pa dag ni yongs su nyams par 'gyur ba'i rgyu 'dis na rkang pa la grib ma 'ong ngo //

  358. 180a

    thams cad nas 'od kyi 'phreng ba dang ldan pa'i lha gzhan gang dag gis grib ma de dag rnams mthong bar 'gyur ro// de dag gis grib mas mngon par nyams pa'i lha dman pa de dag mngon par mthong nas kyang yongs su spong bar byed cing bzhad gang du yang byed de/ lha 'di dag la yongs su co dris par gyur to// legs par byas pa'i las rnams yongs su zad par nges par 'byung ngo // ji ltar legs par byas pa'i las yongs su zad pa kun nas byung ba'i dbang du 'di gyur pa rkang pa la tshayas mnar ba'i lha de dag rnams kyis de ltar de skad thos nas shin tu ngotsha ba'i rnyed pa dang ldan par 'gyur ro// legs par byas pa'i las rnams yongs su zad par bdag la ji lta ba bzhin du skyes par gyur to// phun sum tshogs pa thams cad kyi mtha' ni mthar chud par 'gyur ba'o// dper na gang gi phyir mi rnams kyi mi'i 'jig rten na gang la nyin mo yod pa de la ci nas kyang mtshan mo nges pa kho nar 'byung ngo / / de bzhin du phun sum tshogs pa thams cad kyi mtha' ni chud pa yin te/ yang ji ltar gang 'ga' zhig gson pa yin pa de rnams la/ nges pa kho nar 'chi bar 'gyur ro// de bzhin du phun sum tshogs pa thams cad kyang rgud pa'i mthar thug par 'gyur ba yin te/ phun sum tshogs pa rnams ni 'ga' zhig kyang rgud par mi 'gyur ba gang yin pa ni yod pa ma yin no/ / de lta bu rnams ni rgud par gyur pa dang po yin no// 'phrul dga' ba'i lha de dag rnams kyi gzhan yang rgud pa gnyis pa yod de/ ji lta ji ltar lha de dag

  359. 180b

    rnams nyid kyis mi'i 'jig rten la bal gyi dang stan nang tshangs can gang rnams mnan na nem la bteg na 'bar ba yin pa de bzhin du/ lha'i 'jig rten la 'phrul dga' ba rnams kyis mnan na nem la bteg na 'phar bar 'gyur ro/ / de la lha gang dag legs par byas pa'i las rnams shin tu zad par gyur pa de'i sa gzhi 'di dag rnams mnan na nem la bteg na 'phar ba zad par 'gyur ro// de rkang pa gzhag pa na dma' bar 'gyur la/ 'phar bar ni mi 'gyur ro// de bzhin du bteg pa na ste/ de dag de ltar mngon par mthong nas/ lha gzhan rnams kyis rnam par shes pa yin te/ ji ltar lha 'di dag gis legs par byas pa'i las kyi mtha' la spyad pa rnams ni gdon mi za ba kho nar zad par byung ngo zhes kyang kha cig zer ro/ / 'di'i legs par byas pa'i las rnams ni yongs su zad par gyur la yongs sa lhung bar 'gyur ba ni 'ongs pa yin no zhes ni gzhan dag rnams brjod par byed do/ / de la de dag rnams ni 'phrul dga'i lha rnams kyi rgud pa'i gnas su gyur pa gzhan gnyis pa yin no// gzhan yang lha de dag gi rgud pa'i gnas 'di lta bu dag yin te/ lha de dag yang shing gang dag nyid kho na'i drung du nye bar 'gro bar byed pa na dang / lha de dag rnams yongs su rtse bar gyur pa na dang / nags dang nye ba'i nags rnams su rtse bar gyur pa'i lha de dag rnams nyid la shing de dag rnams nyid kyis me tog gi char mngon par 'bebs par 'gyur ro/ / lha gang dag legs par byas pa'i las kyi mtha' la

  360. 181a

    spyad pa zad par gyur pa de dag rnams la/ de bzhin du shing rnams kyis me tog gi char gyis mngon par 'gengs par mi byed do// nyid rtse bar gyur pa na/ lha gang legs par byas pa'i las kyi mtha' la spyad pa zad par gyur pa'i lha de la shing me tog gis mngon par gang bar mi byed do/ / lha de dag rnams la lha gzhan dag rnams kyis de ltar me tog gi char gyis stong par mngon ba mthong bar gyur nas/ / kye mo lha 'di dag rnams ni legs par byas pa'i las kyi mtha' la spyad pa rnams ni ji lta ba bzhin du mang la/ ltung bar 'gyur ba ni los so// de 'di dag rnams thos pa pa dang / lha de shin tu ngo tsha ba dang ldan par 'gyur ro// mthong bas byas pa 'di dag rnams ni 'phrul dga' ba'i lha rnams kyi rgud pa gsum pa yin no// gnas de dag rnams ni slu ba med pa yin te/ phun sum tshogs pa'i mtha' thams cad ni rgud par 'gyur ba yin no// gzhan yang 'phrul dga' ba'i lha de dag rnams nyid kyi rgud par 'gyur ba rnams gang zhe na/ 'di lta ste/ re re zhing rin po che'i sa gzhi la nye bar 'gro bar byed pa na/ rin po che'i rang bzhin de dag rnams kyi sa gzhi dri ma med pa rnams dang / rtsig pa la me long bzhin du gzugs kyi gzugs brnyan du ma rnam pa sna tshogs pa'i mib ma rnams kyi gzugs dang / nabyang dang / rgyan sna tshogs pa rnams mthong bar 'gyur te/ de ster mi rnams kyi ma'i 'jig rten/ nyi ma'i dkyil la por gcig nyi

  361. 181b

    dang / rdzing bu dang / pad+ma'i rdzing bu du ma yang brgya stong du mar mthong ngo // de bzhin du lha rnams las gcig gis gzugs brnyan yang brgya stong du ma rnams su rin po che'i rang bzhin gyi sa gzhi de dag rnams la shin tu yongs su gsal bar mthong ngo / / de la lha gang dag legs par byas pa'i las rnams zad par gyur pa rnams kyi de'i gzugs brnyan gcig kho na rin po che'i sa gzhi gcig kho na la mthong gi/ gzhan du ni ma yin no// lha gang dag yid ches rab tu gsal bar gyur pa rnams kyis rnam pa de lta bu'i rgud pa rnams ji lta ba bzhin du mngon par mthong nas/ legs par byas pa'i las rnams yongs su zad par ni lha 'di dag la nges par byung ngo / / 'di dag gi rgud pa rnams ni 'ongs par gyur to zhes rjod par byed do// de la 'di dag ni 'phrul dga' ba'i lha rnams kyi rgud pa bzhi pa yin no// denas de'i tshe bcom ldan 'das des tshigs su bcad pa gsungs pa/ ji ltar/ 'jig rten phun sum tshogs rgyu ba// rgud pa rtogs pa ma yin no// ji ltar nyin mo mthar ni 'dzad// phun tshogs mtha' ni rgud pa yin/ / ji lta ji ltar phun tshogs pa// de ltar rgud pa'ang sdig pa can// 'dod pa'i las ni ngoms med pa// ngoms pa med pas yongs su sreg/ gang zhig rtag tu phun tshogs 'dod/ / bde brtag par 'dod byed pa// de ni sred pas bcom nas kyang // gang phyir de la bde blag 'bab// 'dod pa spyad pas nim med pa'i// lha gang dmyal bar ltung ba yin//

  362. 182a

    #/ thams cad me yis bskor yin par// doni de bzhin gshegs pas gsungs// mi gang dmyal bar rab tu 'gro// de bzhin brgya phrag du yang ste// doni rnam mangs sdig sa bya bar mkhas pas shes par gyis/ / de ltar 'phrul dga' ba'i lha rnams kyi rgud pa bzhi yin no// gzhan yang gzhan 'phrul dbang byed kyi lha rnams kyi rgud pa yang bzhi kho na yod de/ ji ltar gang gi tshe lha rnams kyis legs par byas pa zad par gyur pa na/ de de la goms par gyur pas 'chi 'pho ba'i dus de'i tshen yang de rnams la 'phreng ba rnams kyis khyab pa rab tu 'byung bar 'gyur ro// 'di lta ste/ rnam pa sna tshogs pa'i me tog gi 'phreng ba dang ldan par 'gyur te/ lha rnams lha rdzas kyi ma brnyings pa'i me tog rnams kyis nye bar brgyan par gyur to// mchog tu dri zhim pa rnams gang dag gi dper bya bar sla ba yang ma yin pa'i me tog gi 'breng bas kha dog sna tshogs pa'i 'od kyis shin tu gsal bar byas par gyur pa rnams/ gang gi khyad par gyis nyi ma'i dkyil 'khor gyis kyang bcu drug char yang ma bod do// 'bring ba de dag rnams la yang rin po che sna bdun gyis spras par gyur pa'i bya rnams dang / bung ba rtag tu sgra 'byin pa rnams kyis khyab par gyur pa'o// de la gang gi tshe gzhan 'phrul dbang byed kyi lha rnams la rgud pa 'byung ba'i dus su gyur pa na/ de'i tshe rnam pasna tshogs pa'i me tog gi 'phreng ba mchog tu dri zhim po de dag rnams bung ba de dag gis yongs su btang nas gzhan dag tu 'gro bar byed do/ / yid byung ba'i sgra rnams kyang 'don to// de'i chud pa de dag rnams

  363. 182b

    yid rab tu gsal bar gyur pa'i lha gzhan dag rnams kyis legs par mngon par mthong nas de dag la 'gro bar byed de/ bsod nams zad par gyur pa'i lha'i bar du gcod par byed pa rnams ji lta ba bzhin du 'dir 'ongs so/ / de ni bag med pa rnams bag med par spyod pa'i rgud pa dang po ste/ de bung ba rnams kyis yongs su spangs nas gzhan dag tu song bar gyur pa de yang thos nas/ bsod nams zad par gyur pa'i lha de dag rang nyid so sor rab tu rig par byed do/ / dpe med pa'i yul gyi bde ba rnams mthong nas bdag nyid la yongs su gdung ba chen po dang ldan par 'gyur te/ yid gdung bar byed pa gang dag gi khyad par rnams kyis dmyal ba rnams kyi me dang yang 'dra bar 'gyur ro/ / 'di ni gzhan 'phrul dbang byed kyi lha rnams kyi rgud pa'i gnas dang po'o// gzhan yang thag nye bar gyur pa gzhan gnyis pa 'byung bar 'gyur ba dag ni lha rnams 'chi 'pho bar 'gyur ba'i dus na/ 'di lta ste/ mchog tu 'jam zhing dkar bar gyur pa'i 'od kyi 'phreng bar gyur pa'i lha gang dag gi khyad par nyi ma ni srin bu me khyer tsam du snang bar gyur la/ lha de dag rnams kyi lus la ni chen por gyur pa rnams kyi blo 'byung ba yin te/ rab tu gsal ba'i ri'i rtse mo rnams dang / rtsig pa'i logs rnams la de dag me long bzhin du mthong bar 'gyur ro// 'di lta ste/ 'chi 'pho ba'i dus su rgud pa rnams thag nye bar gyur pa de'i tshe/ lha rnams kyi lus de dang de dag rnams do shal de rnams dang / gzugs brnyan yang mthong bar mi 'gyur ro// lha gzhan

  364. 183a

    gang dag ches shin tu shes rab rno bar gyur pa rnams kyis de dag rnams mngon par mthong nas/ des lha de dag la sbron par byed de/ bag med pas bag med par spyod pa rnams la kye ma bar chad 'di dag rnams ji lta ba bzhin du 'ongs par gyur te/ do shal rnams dang gzugs de srid pa rnams lus la ma mthong ste/ ji ltar sngon gyi lha gzhan rnams 'chi 'pho ba'i rgud pa'i rgyu rnams sngar mthong ba de dag rnams kho na bzhin no/ / 'di dag rnams ni gzhan 'phrul dbang byed kyi lha rnams kyi rgud pa'i rgyu gnyis pa yin no// gzhan yang gzhan 'phrul dbang byed pa'i lha rnams sngar mthong la/ rgyu gsum pa rnams 'chi 'pho ba dang nye ba na 'byung bar 'gyur ba la 'di lta ste/ lha skal ba yongs su ma zad pa rnams kyi rnam pa sna tshogs pa'i rin po che kun tu 'bar ba'i khang bu rnams kyis gnas gsum du mtshungs par 'gro bar byed pa la 'di lta ste/ nam mkha' la 'gro bar byed pa na thang la ji lta bar ro// de bzhin du lha'i bu mo rnams kyang nyams pa med pa'i shugs kyis 'gro'o// 'on kyang nyams par 'gyur ba yang ma yin no/ / 'di ltar lha gzhan dag bsod nams zad pa rnams yin par gyur na de'i de dag rnams shing rta las nyams par 'gyur ba dang chur yang 'bying ngo // rnam pa thams cad du 'gro bar 'gyur ba yang ma yin no/ / de nas lha de dag gis khang bu nub pa de dag rnams mngon par mthong ba dang ji lta bu'i bar chang bdag cag la nye bar 'ongs par gyur te/ 'chi ba'i dus su gyur pa las

  365. 183b

    g zhan rnams kyang rgud pa'i rgyu 'di nyid kyis 'chi 'phos so zhes rjod par byed pa de yang thos nas bsod nams zad pa'i lha de dag lha rdzas kyi yul gzhan dag rnams btang bas byas pa'i sems kyi gdung bas kun nas bsreg par gyur pa na/ ji ltar dmyal ba rnams kyis me yin pa de bzhin du lus sreg par byed de/ gzhan 'phrul dbang byed kyi lha rnams kyi rgud pa'i rgyu gsum pa yin no// gzhan yang lha de dag rnams kyi rgud pa'i rgyu yod de/ 'di lta ste/ lha gang legs par byas pa'i las kyi mtha' la spyad pa rnams zad par gyur pa de dag rnams kyi rgyan rnams gang dag yin pa de dag rnams ni yan lag lnga po rnams dang mtshungs par 'gyur zhing 'ong ste/ snyan pa'i rang bzhin dang / dga' bar 'gyur ba'i sgra dang / yi rab tu rangs par byed pa de dag rnams gzhi dang bcas pa sgrub par byed do// 'ga' zhig ni rnam par 'gyur ba dang ldan pa yin no// sgra rnams ni las kyis byas pa yin no// sgra rnams kyang de'i legs par byas pa'i las rnams ji lta ba bzhin du zad pas rab tu 'jug pa rnams kyis tshim pa med par gang gi phyir las rnams kyis bcings pa'i lus can rnams 'jig rten phyi mar 'gro bar bya dgos so/ / de ltar las kyis byas pa'i rgyan rnams kyi sgra de dag thos nas shin tu yid mi bde bar 'gyur ro/ / yul rnams kyis nye bar bcom pa dang bdag gi bsod nams kyang zad pas 'di'i rin po che rnam pa sna tshogs pas brgyan pa'i cod pan ltung bar 'gyur ro// de mngon par mthong nas

  366. 184a

    kyang lha de dag gi yid shin du skyo ba dang ldan par de lta bu rnams nyid ni gzhan 'phrul dbang byed kyi lha rnams kyi chung pa'i gnas bzhi pa yin no/ / gang dag 'dus byas su gyur pa rnams gang zhig 'jig par mi 'gyur ba dang / gang zhig zad par mi 'gyur ba dang ba'i gnas de ni khams gsum na yod pa ma yin no// de ltar lha drug po rnams kyi rgud pa'i gnas rnams legs par byas pa'i las zad pa na yang nges par lhung bar 'gyur ba yin no/ / rgud par gyur pa'i lha rnams lha'i 'jig rten gyis gdungs nas tshul khrims la spyod pa'i lha de rnams nges pa kho nar de dag rnams zad pa na ltung bar 'gyur bas co dris par mthong ngo / / de ltar tshogs pa rgyu ba na spyod pa'i lha rnams 'thab bral gyi sar skyes pa rnams la/ 'thab bral ba'i bdag po mu su lun d+ha des bcom ldan 'das 'khor ba 'jig de'i gdung rte/ la brgyan pa'i byang bu rnam par bkra ba'i tshig de dag gis 'dod pa rnams thams cad ni dmyal ba'i me rnam par smin pa myang bar rtsub pa yin gyis/ shin tu rings pa/ rings par bag med pa rnams yongs su spong bar gyis zhes lha de dag rnams la legs par ston par byed do/ / de la de bzhin gshegs pa'i mdo gsum pa de dag rnams thos par gyur pa dang / lha gang dge bag med pas gdungs pa de ngag rnams kyi bag med pa rnams 'dir mchog tu zhi bar 'gyur ro/ / sum cu rtsa drug pa'i mdo las 'khor ba 'jig gi mdo ste gsum pa rdzogs so// / de nas 'thab bral gyi

  367. 184b

    bdag po des lha de dag rnams skyo ba dang bcas pa'i yid mngon par mthong bar gyur nas 'thab bral ba rnams kyi bdag po mu su lun d+ha des 'di skad ces brjod de/ ji ltar thos pa'i chos 'di dag rnams ni drang srong chen po mchog gis bstan pa yin te/ sdug bsngal rnams thams cad zad par byed pa/ bag med pa rnams 'joms par byed pa po lha dang mi rnams la phan par mdzad pa bkra shis pa mthar thug par gyur pa rnams ni bstan pa yin no/ / de la khyed kyis de dag rnams ni thos par gyur na de la de bzhin gshegs pa gsum po'i dam pa'i chos 'dul ba de dag nyid nyan par 'dod pa rnams gang yin pa de dag rnams la mtha' yas par shis par 'gyur bar de dag rnams ni khyed kyis mnyan nas/ gzhan yang de bzhin gshegs pa gzhan gyi chos nyon dang des phyir zhing kho na chos rnams 'phel ba dang / bde legs su byed par yang 'gyur ro/ / de bzhin du dmyal ba dang / yi dgas dang / dud 'gro'i skye gnas rnams su bdag cag gi lha rnyis nas shi 'phos nas 'gro bar 'gyur ba na yang ste/ de ltar de skad du brjod pa dang / lha de dag rnams thams cad mu su lun d+ha la 'di skad ces brjod de/ ji ltar bdag cag rnams la phan par 'gyur ba dang bde bar 'gyur ba de ltar mdzod cig/ de nas lha'i bdag pos lha de dag rnams la 'di skad ces brjod do/ / khyed rnams thams cad nyid kyis kyang mchod rten bzhi po 'di la lta bar gyis dang / rin po che sna tshogs kun tu 'bar ba/ 'od zer brgya stong phrag du mas rnam par snang ba

  368. 185a

    byas pa/ rin po che 'bar ba rnam pa sna tshogs pa rnams kyis spras pas shin tu bar yang mdzes par gyur pa'i yon tan rnams kyis brgyan pa/ lha'i 'jig rten 'di dag thams cad 'od kyis khyab par byas nas gnas pa yin no/ / de nas lha'i bdag po des yang 'di skad ces smras te/ dzaM lta ba bzhin du ngas ni mthong ngo // de nas lha de dag rnams kyis 'di skad ces brjod de/ bdag cag rnams thams cad nyid mchi bar bgyi'o/ / mu su lun d+ha thog mar gyur pa'i lha de dag rnams thams cad kyang gang na de bzhin gshegs pa'i mchod rten bzhugs par sngar bzhin du der nye bar song ngo // nye bar song nas kyang dad pas mgo kun nas btud pas phyag 'tshal bar byed pa yang gcig tu dad pas khyab pa'i yid kyis de la rab tu phyag 'tshal nas langs te/ khyed rnams kyis thams cad skyob pa'i mchod rten sna tshogs pa'i rin po che rnams shin tu 'bar ba la ltos zhes bya ba rnams ni snga ma bzhin no/ / de nas mchod rten de'i rtsig pa'i logs la rin po che 'bar ba mchog gi yi ge rnam pa sna tshogs pa rnams kyi mdo mngon par bris pa yod pa la de dag thams cad kyang mchog tu dge legs su gyur pa/ lha dang mi rnams la phan pa dang bde bar gyur pa na/ 'di lta ste/ chos bdun dang yang dag dang ldan pa'i skyes bu rnams ni lhar skye bar 'gyur ro// bdun po rnams gang zhe na/ 'din rigs kyi bu dag thos pa dang ldan par gyur pa dang / thos pa'i don dang ldan pa dang / thos pa'i chos rnams la spyod par byed pa dang / blo thos pas legs par sbyangs pa dang /

  369. 185b

    / thos pa la skyabs su byed pa dang / zos pa la snying por byed pa'i blos gcig tu snying por gyur pa'i thos pa rnams ched du 'dzin pa dang / de dag gis dge ba'i bshes gnyen la dga' ba'i skyes bu rnams ni yon tan bdun dang ldan par 'gyur ro/ / 'di lta ste/ ji skad smras pa de ltar byed pa dang / ji skad smras pa brtan por 'dzin pa dang / de brtan por 'dzin pa de snying por byed pa dang / so sor rnam par spyod pa'i blo gros dang de kho na nyid la mngon par 'jug pa dang / blo gros brtan pas mang po rnams chung za bar mi 'gyur ba dang / gzhan rnams kyang de dang ngang tshul mtshungs na rjes su sten par byed pa yin te/ gzhan gyi chos kyis mi 'phrogs shing de bzhin du yon tan bdun dang ldan pa'i grogs po rnams la sten par byed pa'o/ / ji ltar ji skad smras pa de bzhin byed pa yin na/ 'di ni de bzhin du dge ba'i bshes gnyen dge ba'i rang bzhin can de dag gis gang dang gang dag kho na rig par gyur pa rnams 'dir rjod par byed pa dang / phan pa dang / dus dang ldan par gyur pa dang / yul dang rigs pa rnams rjod pa dang / shin tu myur ba dang / bul ba ma yin pa dang / don mang po rnams yi ge nyung ngun gyi sa dang / sman pa dang / go ba dang / chos kyi sbyin pa dang ldan pa dang / rang dang gzhan rnams la phan pa'i don du nye bar gnas pa rnams dge legs su rjod par byed pa rnams kyis gnyis kar gnas pa la phan par smra bar byed do/ / 'di lta ste/ ji ltar brjod pa de kho na bzhin du sgrub par byed pa'o// gzhan dag de dang

  370. 186a

    mas pa yang na rnams snams dru dus/ na mas dang / yA / yi rnams legs par ba na/ rol dang nang kun nas yongs su dag pa'i gser dang mtshungs par gyur pa ste/ de ltar na ji skad smras pa de bzhin byed pa yin no// ji ltar na ji skad smras pa de brtan par 'dzin pa yin no/ 'di gang dag byed pa de kun nas mchog tu rnam par dag par byed do/ / chos rnam pa gsum po de dag rnams mchog tu rnam par dag par mngon par mthong zhing lha dang mi rnams kyi skye ba skyed pa po tha mar mya ngan las 'das pa'i mthar / thug pa yin par bdag nyid rang gis kyang rtogs pa dang / gzhan rnams las kyang thos nas rnam par smin pa bde ba la brtan pas mngon par 'jug go// brtan por 'dzin par byed de/ de ltar brtan por 'dzin par byed pa yin la/ de ni dge ba'i bshes gnyen la nye bar sten par yang byed do// ji ltar gang dag brtan por bzung ba de dag snying por mngon par 'jug pa yin na/ 'jug pa yang dge ba'i 'bras bu rnams gang gi phyir gtsang ma brtan por 'dzin pa yin no/ / 'jig rten gnyis la phan par 'gyur ba'i don du yang mngon par mthong nas rtog mi bzhin du blos rnam par dpyod par byed do// de ltar de na snying po rab tu rnam par dpyod pa'i blo yin no/ / dge ba'i las kyi 'bras bu'i snying po de dag gzhan las thos pa'am/ de gal te shes na rang nyid kyis kyang rab tu rnam par dpyad nas de kho na nyid la mngon par 'jug/

  371. 186b

    de lta bu ni de kho na nyid la mngon par 'jug pa la spyod pa yin no// tho gros brtan pa rnams la 'dir mang du thos par gyur nas snying po med pas mi khrid do// de ltar blo gyos brtan pa yin no// 'din yon tan de dag dang mtshungs pa'i bdag nyid can gzhan rnams la yang rten par byed la/ gzhan dag rnams kyi chos su gyur pa chos ltar 'chos pas khrid par mi byed do// de ltar yon tan bdun dang ldan pa'i grogs po sbyin pa'i skyes bu rnams ni bdag cag gi 'jig rten las shi 'phos nas lha'i 'jig rten dag tu skye bar 'gyur ro/ / chos 'di dag ni dang por bstan pa yin no// yang lha dag chos gzhan bdun po gang dag gis lha'i 'jig rten rnams 'phel bar byed pa yin zhe na/ 'di lta ste/ dge ba'i bshes gnyen bsten pa dang / zos pa dang ldan par gyur pa dang / sgrub pa dang ldan par gyur pa dang / le lo med par gyur pa dang / dran pa dang ldan pa dang / gzhan la gdung bar mi byed pa dang / tshul 'chos pa med pa dang ste/ ji ltar bstan pa'i chos bdun po de dag rnams kyis skyes bu lus zhig pa na bde 'gro mtho ris kyi 'jig rten las lha rnams kyinang du skye'o/ / 'di lta ste/ shing rta chen po bdun dang ldan pas ni rgyal po 'am/ rgyal po'i blon po yang rung ste/ bde bas skyed mos tshal gyi ltad mo la glu dang / rnga s+tha dang / 'phreng ba dang bcas pas ji lta ba bzhin 'gro bar byed do/ / de bzhin du chos bdun po de dag dang yang ldan pa'i skyes bu rnams ni lha'i 'jig rten du 'gro bar 'gyur ro// rnam pa de lta bur gyur pa'i thos pa de yang gang zhe na/ 'din thos

  372. 187a

    ba dang ldan par gyur pa'i mi ni snying por gyur pa nyan pa'o/ / de dag thos nas kyang rgod pag dang ldan par mi 'gyur ro// ji lta ji ltar thos pa de lta de ltar ches rab tu chos la ston pas bag dang ldan par 'gyur ro/ / shes pa rnams kyis chog shes par byed par mi 'gyur ro// gzhan dag rnams la yang lan cig ma yin zhing lan cig ma yin par 'dri'o// rang nyid kyis kyang gzhan rnams la bsnyad pa'i don du rab tu brjod do/ / de lta bu'i thos pa dang ldan pa'i skyes bu rnams ni lus zhig nas mtho ras bde 'gro lha'i 'jig rten du skye'o// gnyis pa ni chos la sgrub pa dang ldan pa yin te/ ji ltar sgrub pa dang / ldan pa yin no// 'dir chos rnams thos nas chos 'dul ba de kho na bzhin du sgrub par byed do// thos pa dang ldan par gyur nas kyang chos 'dul ba la sgrub par mi byed pa de'i thos pa rnams khur 'ba' zhig yin pa kho nar zad do/ / 'bras bu la rten par byed pa ma yin/ shes rab dang dge ba la sbyor ba dang tshul khrims dang shes rab rnams yid la 'bad pa yang ma yin no// de'i tshe ni 'od dang rnam par bral ba'i ri mo'i mar me bzhin du snying po med pa yin no/ / gang yang shes rab dang tshul khrims la sbyor bar byed pa de ni me'i mar me rnams bzhin du 'od byed pa bzhin no// thos pa de dag rnams ni don yod pa yin no// sgrub pa chos rnams kyi snying po yin gyi/ ngag ni snying po ma yin no// lus dang ngag gi las kyi mtha' rnams ni zhi bar de dag ni lus zhig nas mtho ris bde 'gro lha'i 'jig rten du skye'o// chos gsum par gyur pa le lo

  373. 187b

    ji lta bu yin zhe na/ 'di na snyoms las su gyur pas sgrub pa byed pa ma yin pa'o// sgrub pa zhes bya ba ni ji skad bshad pa'i don rnams byed pa'am gtan la 'bebs pa'o// de yang nye bar rtsom pa dang spro bapar mi byed de/ sgyu snyoms dang / brtson 'grus dman pa dang / brtson pa zhan par gyur pa'i skyes bu rnams kyis ni 'jig rten pa'i don thams cad la yang nus pa med par 'gyur ro// 'jig rten las 'das pa la yang brtson 'grus dman pa rnams dang / spro ba med pa rnams kyis ni dgos pa thams cad las yongs su nyams par 'gyur ro// 'jig rten pa rnams kyis kyang mtho btsams pa'i gnas su 'gyur ro// bdag nyid rang yang skyid par 'gyur ba yang ma yin no// le los nye bar bcom pa'i mi rnams ni lus zhig nas kyang ngan song log par lhung ba dmyal bar skye bar 'gyur ro// de'i phyir na le lo rnams thams cad nas gnas skabs thams cad du dug dang / me dang / mtshon cha dang / g.yang sa dang 'dra bar yongs su spang bar gyis shig/ bdag nyid thams cad kyi gnas skabs thams cad du snyoms las kyis nye bar bcom pa'i skyes bu brtson 'grus dman pa rnams ni gzi brjid kyang phyugs rnams dang mtshungs par 'gyur ro/ / shes pa dang / rnam par shes pa dang / chos dang / chos ma yin pa dang / bgrod par bya ba dang / bgrod par mi bya ba rnams kyang rnam par mi shes so// de ci'i phyir zhe na/ dpyad par bya ba le lo'i skyon gyis bstan bcos la blo zum par gyur pa'i skyes bu

  374. 188a

    ni chos thams cad rnam par mi shes so/ / don dang don ma yin pa rnams la yang de kho na bzhin te/ de ltar yang mar me lta bu'i shes rab kyis thams cad rtogs par 'gyur ba yin no/ shes rab de yang brtson 'grus dman pa rnams dang / le lo can rnams la med pa yin no// dmus long dang mtshungs par gyur ba de lus zhig pa na ngan song log par ltung ba sems can dmyal ba rnamasu skye'o// de bzhin du 'jig rten pa'i don rnams thams cad la yang ste don thams cad nyams par byed par 'gyur ro// de don rnams thams cad nyams pas mchog tu sdug bsngal bar 'gyur ro// gzhan gyi khyim la nye ba ste/ par byed pa gzhan gyi lus nye bar 'dod pa/ gzhan gyi bde ba rnams nye bar rtog pa la ched cher byed pa/ mchog tu gos thul ba/ sgra rnams kyis mig g.yogs pa dang / mig dpa ba bskams par gyur pas bzhi mdo na sa bzhi mdo rnams su dang / sum mdonas sum mdor dang / khyim nas khyim du slongs mos 'tsho bar gyur pa/ shin tu ring ba/ gson pa la yang skye bo rnams thams cad skyug bro bar 'gyur ba'o/ / rgyu 'di dag gis na skyes bu rnams thams cad kyis kyang gnas skabs thams cad du yang le lo yongs su spang bar bya'o// gzhan du ni brtson 'grus brtsams pa'i brtson 'grus dang ldan pa'i spong ba dang ldan pa rnams ni don thams cad phun sum tshogs par 'gyur ro/ / mya ngan las 'das pa'i mthar thug pa yang 'gyur na gzhan 'jig rten pa'i rnams dang lus zhig nas kyang mtho ris kyi 'jig rten

  375. 188b

    bde 'gro lhar skye bar 'gyur ba la lta smos kyang ci dgos/ de'i phyir lha'am mi rnams kyis kyang rung ste/ gnas skabs thams cad du le lo yongs su spang bar bya'o// de nas de'i tshe bcom ldan 'das thams cad skyo ba des tshigs su bcad pa gsungs pa/ ji ltar/ blo ni le lo'i rang bzhin dang // dregs pa dang ni rtsub pa dang // shes rab yongs su spangs phyir yang // log par lhung ba'i sa mi mthong / / dam pa rnams dang 'dir 'grogs shing // dam pa min pa spang bar bya// chud gzon rgyur ni rab tu bshad// log par lta ba nyid kyang ste// yul dus legs par rtsom min zhing / / brjod dang ma brjod rnams mi shes// phyir zhing don med 'gyur de dag/ ngal ba so ba yang bud med rnams// gang dang de yis mthun 'dzin pa'i// zas rnams de dang de la'o// de dag ya mor byed pa dang / / bdag nyid zhor 'phyang dang de bzhin// brtan pa 'jig dang dran pa rnams// sa bdag dang yang 'gal bar byed// de dag dus min 'chi ba dang // de bzhin du ni khro ba'i yid// las 'bras de kho na mi shes/ / chos dang chos min phyi rol byas// legs pa'i skyes bu rnams kyis spangs// kun tu 'gro bas 'gros kyis ngal// le lo'i blo ni gnyid dang yang // de bzhin ro rnams kha yang brkam/ / rnam par spangs pas gang la yang // skye gnas la ni rab dang brjod// 'dod chen dang ni mngon nga rgyal// ko trog can dang chos spangs pa'o// 'dod pa la ni legs sngon nyid/

  376. 189a

    lus la yongs su gdung byed yin// skyon ni gsum po 'di rnams kyi// rtsa ba le lo yin par brjod// mi rnams skyon ni rjes 'brel bcas// brtson 'grus brtsams pas 'joms pa yin/ / brtson 'grus brtsams pa ci nas kyang // 'bras bu thams cad nyer longs spyod// rigs pa de nyid brtsams pa ni// chos bzhin du ni 'bras bu mthong // las rnams gsum po 'di la ni/ / 'bras bu rnam pa gsum du 'dod// phung po gsum dang nges de yang // gsum rtsas srid gsum rjes su 'gro// de ltar bcom ldan 'das thams cad skyob de'i mchod rten de la le lo la rnam pa smod pa'i tshigs su bcad pa rnams mngon par bris pa'i rnam pa de srid pa nyid legs par mngon par mthong bas nges par gcig tu le lo spang bar bya'o/ / gang gi phyir ji skad bshad pa'i le lo gcig pu zhig las kyang yan lag de rnams tsam zhig yin no/ / le lo med par brtson 'grus brtsams par gyur pa'i lha 'am mi rnams kyang rung ste/ don rnams thams cad med par mi 'gyur ro// thams cad las dus thams cad kyi tshe thams cad du yongs su nyams par mi 'gyur ro/ / le lo med par gyur pa'i sems can rnams ni mya ngan las 'das pa'i mthar 'gro ba kho na'o// de la gces par gyur pa'i chos bzhi pa ni bstan no// chos gzhan gang dag gi mi rnams la gces par gyur pa yin zhe na/ 'di lta ste/ dran pa'o// de ltar yang chos thams cad kyi bar chad byed pa le lo yin pa de bzhin du chos thams cad kyang ste/ mya ngan

  377. 189b

    las 'das pa'i rnam par smin pa can yang dran pa gcig tu bsgoms shing legs par bsgoms pa'i rtsa ba las bsgom par bya ba'i don 'thob par 'gyur ro/ / khyim pa'am rab tu byung ba yang rung ste/ dran pa dang ldan pa rnams ni bag med par mi 'gyur ro// bag dang ldan pa yang don brtsams pa rnams chud mi za'o// de yang nas yang du'ang don gzhan rnams rtsom par byed do// rigs pa dang / rab tu brtson pa dang / mngon par 'dod pas kyang de rtag tu dran pa dang shes bzhin dang ldan pas shes bzhin gyis gnas par 'gyur ro// dbang po lnga po rnams kyang spyod yul lnga las bsrung la 'pho ba dang gtong ba yang ma yin te/ rtag tu yang rkyen rnams las mig gis gzugs mthong ba na de'i tshe 'dun pa'i 'dod chags kyis dga' bar mi 'gyur ro// rang bzhin rnams mthong bar 'gyur ro// rkyen gyirtsa ba can du mthong bar 'gyur ro/ / rgyu las kun 'byung ba'i gzugs rnams mthong ba na rnyog pa can du mi byed do// de las skyes pa'i yid la byed pas khrid par mi 'gyur ro// dga' ba'i 'dod chags dran pa nyams pas kun nas bcings nas skyes bu 'am/ rab tu byung ba rnams sam/ lha 'am/ gzhan dag gang yang rung ba rnams kyang rung ste/ nyon mongs bdud kyi spyod yul rnams la dga' bar mi 'gyur ro// des skyes pa'i 'jigs pa rnams kyang kun nas shes so// skyon las skye bar 'gyur bar gyur pa rnams kyang sheso// dgag pa rnams yang dran pas yongs su shes te legs par dran nas ji ltar che ge mo zhig gis yul na dmigs pa

  378. 190a

    'di dag gis dang / rgyu 'dis dang / rkyen 'di dang / rnam pa de 'dra ba'i yul las kun byung ba'i mig gi rnam par shes pa dang lhan cig tu 'grogs pa'i yul gyi brlan gyis kun tu bskyod par gyur pa'i dus de'i yid la byed pa'i nyon mongs pa nges par 'joms pa po rang gi ngang gis nus pa dang ldan pas nyon mongs pa nges par 'joms pas rab tu 'joms pa gyur pa/ rgyu dang rkyen rnams las kun tu byung ba yul des shin tu yang chags pa skyed par byed pas des zhen pa dran par gyur na/ dran pa nye bar gnas pa'i phyir na slar yang rab tu 'joms par byed do// de gzugs / dmigs pas zil gyis mnan na dran pas 'jigs pa dang bcas pas rnam pa du mar rab tu spong bar byed do// dal bu dal bus las byed pa spyang por gyur pa'i lcags mgar mer bcug nas dros par gyur pa'i lcags kyi snod brdung ba de bzhin du/ lus dben pa la spro ba rnams yang dal bus dri ma rnams sbyong bar byed do// zhib mor byed cing dri ma med par byed do// de bzhin du 'di na mdzes par gyur pa rnams kyis dran pas sems kyi rgyud dal bus dri ma rnams med do/ / ji ltar mdzes pa'i rdza mkhan brtson 'grus brtsams par gyur pa rgyu dang / rkyen dang / goms pa rnams kyis 'jim pa'i gong bu bum par sbyar bar byed de/ gzugs bzang po rtsom pa'i dran pas brtsams pa'i phyir ro// de bzhin du dran pa dang ldan pa'i skyes bus 'dir yang 'jim pa'i gong bu lta bur gyur pa'i

  379. 190b

    dmigs pa dang / rgyu rkyen gnyis dang / yid kyi dran pa mdzes pa sten pa nges par rdzogs pa las gang yongs su rdzogs na dran pa brtsams pas tshul bzhin du yid la byed pa bum pa bzhin du skyed do// lha dag ji ltar bdag cag rnams kyi gos rnams gsar pa gon par gyur pa'i dus de nyid nas bzung nas de dag rnams rim gyis zad par 'gyur ro// yang gang gi tshe shes par gyur pa de'i tshe nas skad cig pa rnams shes par 'gyur ro/ / de kho na bzhin du gang kho na'i tshe nas mdzes pa'i dran pa nye bar 'jog par gyur pa de'i dus de nas bzung nas skyon thams cad zad par 'gyur ro// de nyid mngon par rtogs par 'gyur ba yang gang gi tshe 'phags pa'i rgyas btab par gyur pa'i sems kyi rgyud la skyon rnams zad pa mtshon par 'gyur zhing de'i tshe na yongs su shes so/ / de'i phyir skyes bu d am pa rnams dge ba 'dod pas rtag pa nyid du mig dang phrad pa'i gzugs dmigs par gyur pa na yang dag pa ji lta ba'i dran pa'i thag pas yongs su bcings na sems yongs su 'khyam par mi 'gyur ro/ / rta rgod bzhin du bsrings nas 'dzin par byed de/ 'das pa dran pa dang ldan pa'i skyes bu rnams ni dga' ba'i 'dod chags mi bzad pa rnams dmigs pa spangs nas gnas so// dran pas de bzhin du da ltar gyi yul rnams la mig rgyu bar byed pa na sgrub pas zlog par byed do/ / dran pa dang ldan pa dang ldan pa ma yin pa dag la rjes su sgrub pas ji ltar legs par rtogs par

  380. 191a

    bya zhe na/ 'di lta ste/ skyes par gyur pa'i dga' ba'i 'dod chags la tshul bzhin ma yin pa'i rlung gis kun nas khyer ba na dran pas kun nas 'dzin par byed do// 'dir gang gi tshe sdug bsngal dang / kun 'byung ba dang / 'gogs pa dang / lam glang yin pa'i 'phags pa'i bden pa bzhi po rnams kyis gzugs de nyid la yang dag pa ji lta ba bzhin du rnam pa du ma dang / dbyibs du mar rnam par dpyod par byed pa de'i tshe 'dun pa'i 'dod chags 'dri thams cad du'am/ gnas skabs thams cad du yang rab tu nyams par 'gyur ro// gal te shed na yang rung ngur 'gyur ro/ / 'di ni de'i dge ba'i chos kyi gzi brjid yin te/ 'di lta ste/ dran pas rjes su sbrel ba'i rtsa ba can no// dge ba'i chos rnams thams cad ni de'i gzhis rab tu 'jug/ de lta bu ni da ltar byung ba'i dran pa yin no// ji ltar na ma 'ongs pa'i yul nyams su ma myong ba rgyu mtshan gyi dbang du byas pas yul nye bar dmigs pa'i dran pa yin zhe na/ dran pas ma 'ongs pa rnams la yang legs par dran te/ 'bras bu'i rgyu mtshan dmigs pas ma 'ongs pa rnams yang dran zhing kun tu dran no// 'di lta ste/ lus dang / ngag dang / yid legs par spyad pa spyod pa'i skyes bu rnams mngon par mthong bar gyur nas lha dang lha tsam du 'byung bar 'gyur ro zhes 'di dag dran no/ / de ltar dam par byas pa'i las rnams mngon par mthong nas legs par dran no// nyes

  381. 191b

    par spyad pa'i las kyi mtha' spyad pa rnams las dmyal ba rnams 'byung ba yang kun tu dran no/ / de la dran pa zhes bya ba'i chos lnga pa 'di di ltar lha dang mi rnams la gces par gyur pa yin no// gzhan yang chos drug pa lha dang mi rnams la gces par bya ba yod de/ gang zhe na/ 'di lta ste/ gzhan la gdung bar mi byed pa'o// 'di na la la nye bar gdung bar mi byed par 'gyur ba blo shin tu rab tu dang ba gang zag rnams la rab tu dpyod par yang mi byed la/ tshangs par spyod pa rnams la rab tu dpyod par yang mi byed pa dang / sems 'dul bar mi byed pa ma yin pa gnas mal dang / nad kyi rkyen sman dang / yo byad rab tu mang po mngon par mthong ba na gzhan la smod par mi byed/ bdag la stod par mi byed do// rang gi dbang du byas pa'i tshul khrims bsngags par mi byed cing / gzhan gyi tshul khrims kyang dge ba ma yin par thos nas sbyin pa po dang sbyin bdag rnams la so sor go bar mi byed/ grogs po dang grogs po ma yin pa rnams dang bral bas mtshungs pa'i blor gyur pa/ de'i yid dkon mchog gsum la son par gyur pa'i don gyis tshul khrims 'chal bar mi byed/ tshul khrims dang bcas pa la skur bar mi byed do// zhabs 'bring bar kun tu ston pa ma yin gyi snying rjes sems 'jug par 'gyur ro/ / 'dre bar byed pa'i rang bzhin can ma yin la/ dgon pa dang / ri khrod dang / phug rnams su mngon par dga' bar 'gyur ro// kun nas 'drebs

  382. 192a

    nye bar 'gro bar ni tshangs pa mtshungs par spyod pa dag dang lhan cig pu'o/ / shin tu ngo mtshar skye ba'i yon tan de lta bu rnams dang ldan pa'i skyes bu ni gzhan la nye bar gdung bar byed pa ma yin no/ / de'i phyir na gzhan rnams la nye bar gdung bar mi byed pa ni lha dang mi rnams la gces par gyur pa yin no// gzhan yang gces par gyur pa'i chos bdun pa lha dang mi rnams kyi bar du gcod par byed pa ni/ 'di lta ste/ tshul 'chos pas rab tu 'chab par byed pa'i phyir te/ dge bar gyur pa sdig pa rnams bcom pa yid shin tu rnam par dag pa lhung bzed dang chos gos kyis chog shes pa bslangs nas za ba ri khrod dang / ri phug dag tu sten pa/ chog shes pa/ dben par gnas par dga' ba/ bstod pa dang smad pas mtho ba dang dma' ba'i blo med pa// don dang don ma yin pa rnams la ltos pa med par ljongs rgyu bar byed pas legs par rgyu'o// mi rnams kyang srin bu'i gnas ma yin pa'i phyir dang / steng ka'i chur gyur pa'i chu tsam la yang 'jigs pas nye bar mi 'gro ste/ srin bu gsod pa'i skyon gyi 'jigs pas 'jigs pa'i phyir ro// ri lu dang ri lu'i 'phreng ba dang / glog 'khyug pa la lta bar mi byed do// sa gso ba dang zla ba gzas 'dzin pa yang ston par mi byed do/ / rnyed pa dang bkur sti'i don du gcig pu zhig khyim nas khyim du nye bar 'phyo bar byed pa yang ma yin no// mgo bo lcogs pas

  383. 192b

    sa gzhi g.yo ba'i rang bzhin ma yin no/ / shin tu dman pa dang che bar smra ba ma yin no// bag par byas pa'i mchil l+h+wam dang / shing le kyi sbyin bzang po dang / spus nang tshangs can zlum po 'dzin pa ma yin no/ / tshul khrims dang yon tan mtshungs pa'i gong ma dag rnyed kyang nye bar sten pa ma yin no// gzhan gyi rjes su 'tsho ba ni ma yin gyi/ de bzhin du grong dang / grob byerd tshocho dus dag tu song nas rnyed pa dang bkur sti'i rgyus bdag gis tshul khrims dang yon tan snying por byas te rjod par ni mi byed do/ / blo rnam pa sna tshogs par g.yeng bar byed pa yang ma yin brkam zhing chags pa yang ma yin no/ / grong dang thag nye bar gnas par byed pas dga' bar 'gyur ba ma yin no// sngon gyi gnyen bshes dang / mdza' bo rnams dang / 'chog cing bkru ba'i don dang / de'i khyim du 'jug pa blo la mang du rgyu bar mi 'gyur ro// yod pa ma yin pa'i yon tan rnams rjod par mi byed la/ yod pa'i yon tan rnams yang rjod par mi byed do// yod pa'i yon tan rnams spong bar yang mi byed do/ / yang dag pa ji lta ba bzhin du yon tan dang skyon rnams ston par gyur nas rgyab kyi sha sbyin par byed pa yang ma yin no// mthong ba dug can bzhin du rnam pa du mar yang bud med kyi 'gro ba rnams yongs su spong bar byed do/ / de dang lhan cig tu spu gleng byed pas gnas pa'i rang bzhin can ma yin no// ljon shing dang / nags dang /

  384. 193a

    me tog kun tu rgyas pa rnams su rgyu ba'i rang bzhin can ma yin no// bdag dga' bar 'gyur ba'i yid don du gnyer bas nye bar bgrod pa ma yin no// dga' bar 'gyur ba'i bya'i sgra kun du sgrogs pa rnams la nyan pa'i 'dod chags kyi skyon gyi 'jigs pas gang gi phyi phyir de'i snying gis sems pa dang / rna ba dang / yid gtod par byed pa ma yin no/ sgra de dag rnams gang yin pa'i skyon gyis 'jigs pas bya ba rnams kyi sgra dang / gzhan gyi sgra rnams kyang nyan par mi byed// chu klung gi sgras gang ba'i yul phyogs su sgom par byed do/ / sla'i skyon gyis yid 'phrog par mi 'gyur ro// dri dang ldan pa'o me tog mang ba dang / 'khri shing rnams dang / ljon shing rnams shin tu phal che ba dang nye bar bsam gtan byed pa dang / nye bar 'gro ba dang / nye bar 'gro ba yang ma yin te/ yid du 'ong zhing yid du 'ong bar 'gyur ba'i dri rnams la yang sna phyogs par 'gyur ba'i skyon gyis yid khyed pa'i phyir ro// sgo rnams rnam par bkrab 'gyur pas dga' ba'i kha dog sna tshogs pa'i bya rnams 'dod chags la ched cher byed par gyur pa'i ngang ngur dang / shanga? shang te'u dang / rma bya rnams kyang lta bar byed pas rnam par rgyu ba ma yin no/ / gang gi phyir yin 'phrog par byed pa'i dud 'gro'i skye gnas pa rnams sam/ bud med dag gam/ shing thog na Di ke radang / pa nas dang / chu shing gi

  385. 193b

    'bras bu dang / a mra dang / pal 'bras dang / ka paMd tha dad / ba ru sha dang / khardzu ri'i rigs rnams yang bsam gtan mi byed de yid ros 'phrog pa yin pa'i phyir ro/ @@ d u dbang po'i don rnams la mthong ba dang bral bar gyur pa'i zhi ba'i nye ba'i nags rnams la brkam chags med pas ma 'dres pa'i bde bar rgyu ba'i dga' tshal la gcig tu phyogs pa'i yid kyis bsam gtan du byed de/ des rtag tu brtson 'grus brtsams pa phyir rgol ba lta bur gyur pa dang lhan cig tu g.yul 'gyed do// skyon chung ngu yang ma yin pa yang bar du gcod par 'gyur paba'i yid kyis rab tu 'bad par byed do/ / rtsa ba hral can rnams kyis thong gshol gyis grogs pa ma yin pa'i sa phyogs kyi phyag dar khrod rnams kyang rnam par 'gyur ba bstan pa'i don du mi len no/ / sred pa la sogs pa rnams kyi bzhin bde bar gnas par 'gyur ba ni ma yin no// 'di ni gtsang ba dang bcas pa'i lhung bzed kyis rgyu ba de yang zas dang skom rnams mi 'dzin to// dngul dang gser la sogs pa rnams kyang yid kyis sems par mi byed do// dga' bar 'gyur ba'i lhung bzed 'dzin par 'gyur ro// brjeg sor can gyi chos gos rnams 'dzin par mi 'gyur ro/ / sgra brda dang bral bas gom pa gcig kyang rjes su mi 'gro'o// srog chags 'chi ba'i sen dogs par byas pa ma gdogs par tshal 'jol sten pa po

  386. 194a

    thams cad du 'gro bar mi byed do/ / lgang bu dang / 'bras so ba dang / rul bar 'gyur ba'i 'bras bu ba dang dang / shin dza~Mt+pa dang / 'bras thub su ka dang / kha dzur dang / ka Da ba dang / rgyal po'i 'bras so ba dang / men sran gre'u rnams ma 'artags par za bar mi byed de/ srin bu dag 'di dag gi nang na gnas pa yin pa'i phyir ro// skra shad pa'i so mangs ma yin/ rdul ba las byung zhing rang gi lus las langs pa'i srin bu rnams spong bar mi byed do// chos gos dag la yang gnod pa'i 'jigs pas kyang gom pa gcig tsam dang stan gcig la 'dug pa dang / gzhan gyi lhung bzed la lta bar yang mi byed do// zas la brkam zhing rags pas dang bsod pa'i 'bras so ba la yang lta bar mi byed de/ rang gi don lus kyi ngor byed pa kun tu spang ngo / / srin bus kun tu gang bas bslang pa'i sa phyogs su gcin dang lci ba gtong bar mi byed de/ srin bu la gnod pa'i 'jigs pas 'jigs pa'i phyir ro// bsod snyoms la 'jug par byed pa na yang gnya' shing gang tsam du lta bar 'gyur ro/ / drang po dang / drang po la bsten par gyur pa'i dge slong 'dus pa rnams la sten pa la zhen pa med pa snying las chung bar gyur pa rtag tu bsam gtan gyi dbang du byas te dga' bas brtson 'grus brtsams par gyur pa'o/ / de la snying nyid ni tshul 'chos pa med pa dang / de nyid tshul khrims rnam par dag pa dang

  387. 194b

    de nyid 'tsho ba rnam par dag pa dang / gcig tu phan pa gtsang zhing dag par gyur pa yin no// de nyid ji skad du bshad pa'i bslab pa'i gzhi la gnas pa rnams kyi yin no// de ji lta ji ltar bdag nyid 'gro bar 'dod par gyur pa de kho na bzhin du skye bar 'gyur ro/ / thams cad du yang 'tsho ba dag pa 'di'i rnam par rtog pa rnams kyang dge ba'i sems kyis kun nas bsrung ba rnams skye bar 'gyur ro// de nas de'i dus na bcom ldan 'das thams cad skyob des tshigs su bcad pa gsungs par gyur pa ji ltar/ 'tsho ba dag kyang rnam dag pa'i// lus ngag las ni zhi ba yin// rab tu dben pa'i bsam gtan pa'i/ / shin tu mya ngan 'das ring min// bag med pas ni gzung dka' ba'i// dur khrod dang ni nags rnams rten// rtag tu sa gzhi'i mal stan can// shin tu mya ngan 'das ri min/ / gos hrul phyag dar khrod kyi mal// lhung bzed gog po cig de dang // 'bras bu rtsa bas chog shes pa// de ni bde bar sangs rgyas bzhed// 'dod pa ldan pa man rnams kyis// chog shes dang ni mngon dga' ba// brtan pa legs par dpyod pa po// shin tu mya ngan 'das ring min// tshul 'chos dri ma dang bral ba'i// rdul gyi 'ching ba las skyob pa// sems ni nam mkha' dang mtshungs pa'i/ / mya ngan 'das pa ring ba min// de ltar bcom ldan 'das des tshul 'chos pa med pa'i dge slong la rab tu bsngags par mdzad do// de la chos bdun po de dag

  388. 195a

    rnams dang gang yang dag par ldan pa'i skyes bu de dag ni skyes bu dam pa yin no/ / gang yang 'dod pa rnams la sten pas rnam par rgyu bar gyur pa 'khor bar bying ba rnam ni dud 'gro dang mtshungs par gyur pa'i mi'i ming can no/ / de la chos bdun po de dag rnams dang yang dag par ldan pa'i skyes bu ni rab tu bsngags pa yin no// lus zhig nas kyang mtho ris bde 'gro'i 'jig rten gyi lha rnams su skye bar 'gyur ro/ / yongs su lhag par gyur pa rnams kyis kyang mya ngan las 'das pa thob par 'gyur ro// mchog tu dge bar gyur pa'i chos bdun po de dag rnams kyang 'di lta ste/ dge ba'i bshes gnyen bsten pa dang / thos pa dang ldan pa dang / sgrub pa dang ldan pa dang / le lo med pa dang / dran pa dang ldan pa dang / gzhan la gdung bar mi byed pa dang / tshul 'chos pa med pa dang ste/ rin po che chen po de bdun gyi nor rnams kyis lha nyid thob par yang 'gyur ro// dga' ba rnams thob nas bag med pas zad par byed do// rnams slar yang 'khor ba kho nar pa mngon du phyogs par 'gyur la/ dmyal ba dang / yi dgas dang / dud 'gro rnams nyid du phal cher skye bar 'gyur ro// de'i phyir na lhas bag med bar bya bar ma 'os te bdag nyid kyis legs par go bar gyis/ srid pa rnams na nam yang bag med pa rnams kyis bde bar 'gyur ba ni 'ga' yang med do// de la chos bdun po de rnams kyis

  389. 195b

    mi rnams ltar skye'o/ / rgyu rnam pa gsum gyis lha'i 'jig rten pa rnams las 'chi 'phos nas dmyal ba dang / yi dgas dang / dud 'gro rnams su skye bar 'gyur te/ gsum po rnams gang zhe na/ 'di lta ste/ dam pa'i chos bsgrags pa na mi nyan pa dang / sdig pa la rten pa dang / dge ba'i bshes gnyen ma yin pa dge ba'i bshes gnyen ltar 'chos pa de dag rnams la dad par byed pa ste/ chos de dag rnams kyis lha'i 'jig rten rnams nas shi 'phos nas dmyal ba yi dgas dud 'gro rnams su skye bar 'gyur ro// 'thab bral ba rnams kyi mnga' bdag mu su lun d+ha des lha de dag rnams la 'di skad ces brjod do/ / gang bcom ldan 'das des gsungs pa de dag thams cad khyod kyis thos sam/ de nas lha de dag rnams thams cad kyis brjod par gyur pa ni ji lta ba bzhin du mdo de dag rnams thos so/ / bcom ldan 'das thugs brtse ba dang ldan pa'i 'jig rten la phan par mdzad pas bag med pa rnams gdul bar bya ba'i don du mdo 'di bstan pa yin la/ de dag zlos nas ji ltar dmyal ba dang / yi dgas dang / dud 'gro rnams su slar yang skye bar mi 'gyur ba de ltar gyis shig/ nor chen po rnams ga gi rgyus lha'i skye bar gyur pa khyed kyi rtsed mo 'di dag yin gyis/ de ni bag med pas 'da' bar mi 'os so// rab tu ltung bar 'gyur te/ bcom ldan 'das des lha'i mchog rnams la mdo

  390. 196a

    ji lta ba bzhin du bstan pa yin no/ / gsum cu rtsa drug pa'i mdo las bcom ldan 'das thams cad skyob kyis gsungs pa ste bzhi pa rdzogs so// / de nas lha rnams kyi mnga' bdag mu su lun d+has de ltar lha rnams la bstan zhing skyo ba yang nges par bskyed nas/ gzhan yang 'khor ba sdug bsngal brgya stong du ma rnams kyis yongs su gang bar gyur pa sdug pa dang rnam par rgyal pa rnams dang / mo sdug pa dang phrad pa rnams dang / rga ba dang / 'chi ba dang / mya ngan dang / smre sngags 'don pa du ma rnams kyis kun tu gang bar gyur pa dang / phun sum tshogs pa dang rgud pa'i lam log gi sdug bsngal gyi rang bzhin rnams kyis gang bar gyur pa'i phyir na/ de nas yang lha de dag rnams kyi yid las su rung bar gyur pa legs par mngon par mthong bar gyur na/ gzhan yang phan par byed pa dang rjes su 'dzin pa'i phyir na 'di skad brjod de/ sbyin pas 'gro bar 'dod pa'i lha rnams bag me pas bag med par gnas pa rnams srid pa gzhan gyi dus kyis gnas skabs steng du gnas par gyur pa na 'gyod pa'i dus su phyin pa/ sdug bsngal chen po skyes par gyur pa/ kun tu nye bar gnas pa rnams la ci yang byar med pa'i dus su song ba na/ las kyi thag pas kun nas bcings nas gcig pu zhig grogs med par khrod par gyur pa na/ lha 'am/ mi 'am/ klu 'am/

  391. 196b

    dmyal ba rnams kyang rung ste/ 'chi bdag gi zhags pas khrid par gyur pa la chos ma gtogs pa'i grogs su gyur pa ni 'ga' zhig kyang yod pa ma yin no// lha'i bdag pos chos rnams ni sems can gyi rgya mtsho thams cad lags so/ / slar yang 'thab bral gyi bdag po de nyid kyis 'di skad ces brjod do// de de bzhin te/ chos dang chos ma yin pa rnams ma gtogs par 'ga' zhig kyang 'ga' zhig gi grogs su mi 'gyur ro/ / de dag gang yin pa lha dag gis nges par go bar gyis shig/ de la gzhan la dad pa'i sa bon 'phel bar bya ba'i rgyu mtshan du dang / bde legs thob par bya zhing thob pa'i don du dang / sdug bsngal mthar thug par gzhom pa'i don du/ 'dzam bu'i chu bo'i gser gyi rang bzhin gzhan 'di mu tig gi rnga bas g.yogs pa/ rin po che bdun gyi ka bas nye bar mdzes par gyur pa/ rin po che sna tshogs pas rab tu gsal bar byas pa de'i der bdag cag rnams thams cad nyid nye bar legs par 'gro bar bya ste/ bcom ldan 'das gser thub 'di'i mchod rten der 'jug par bya ba dang / ji lta ba bzhin du bdag cag gis blta bar bya'o// de dag thams cad ji lta ba bzhin du bdas cag gis bya ste/ rang nyid la phan pa dang / 'khor ba las nges par 'byung ba dang / mya ngan las 'das pathob par bya'o// de nas lnga ngag rnams kyi gyi bag po'i

  392. 197a

    nye bar thos pa dang gus pa legs par skyes par gyur pas/ rgyags pa dang nga rgyal rnams dang rnam par bral ba dbang po rab tu gsal bar gyur pas/ gangan ban/ ldan 'das drang srong gi mchog gser thub de'i mchod rten 'di kun la lham me ba bzhugs pa der te sngar bzhin no// de nas lha de dag nyid thams cad mu su lun d+ha dang bcas pa rnams gang gi tshe drang srong gi mchog gi sku gdung de'i drung du nye bar legs par 'gro'o/ / nye bar legs par phyin pa de dag rnams la gzhan yang 'thab bral ba'i bdag po des 'di skad ces smras so// mchod rten 'di'i nang nayang de bzhin gshegs pa gser thub des 'jig rten pa rnams la phan pa dang / 'jig rten la byams shing rjes su brtse bar gyur pas mi rtag pa nyid rnam pa thams cad kyi sgo nas bstan pa yin la/ de mngon sum du legs par mthong nas kyang lha khyed rnams thams cad shin tu yid 'byung bar 'gyur ba dang / rtsig pa 'di dag gi logs la gang dag de bzhin gshegs pa des bstan cing sprul pa mdzad pa rnams la rtag par rgyun du lta bar yang gyis shig/ des de skad ces smras nas/ lha rnams khrid nas mchod rten du zhugs so// mchod rten de yang rgyar dpag tshad bcu pa'o/ / mchod rten de'i nang na yang 'dus byas ma lus pa mi rtag pa dang / phun sum tshogs pa rnams rgud par 'gyur ba dang / las bdag gir bya ba dang / rang dbang

  393. 197b

    med pa ste/ so so so sor 'gro ba lnga po rnams yongs su sprul pa rnams shin tu dri ma med pa gzugs brnyan gyi gzugs rnams so sor mthong ba yin te/ mchod rten gyi rtsig logs la gzugs de dag rnams yongs su rdzogs pa dang bcas pa shin tu gsal ba so so so sor gyur pa dang / rnam pa sna tshogs par gyur pa rnams gsal bar mthong ngo // de dag rnams las yul phyogs gcig na dmyal ba brgyad mthong ba la 'di lta ste/ yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rang tutsha ba dang / mnar med pa'i dmyal ba rnams su yang rab tu lhung bar 'gyur ba'i lha rnams mngon par mthong ba las rang gi las kyi rlung gis lhung bar gyur pa/ mgo bo ni thur la rkang pa nigyen la bstan pa nye 'khor kun nas rab tu 'bar ba'i lus can rnam pa thams cad du king shu ka'i shing 'dra bar gyur pa de srid du mthong bar gyur pa/ lha'i ris nas de srid du 'og tu rab tu lhung bar gyur pa rnam par khros pa'i yid kyis kun tu ngu bar byed pa/ rang gi sems kyis yongs su bslus pa/ legs par byas pa'i las rnams yongs su zad pa/ bag med pas rnam par rgyu bas bsdus par gyur pa/ bde ba'i mchog rnams la longs spyad nas sdug bsngal gyi mchog la longs spyod pa la gcig pu zhig grogs dang gzhan rnams kyis yongs su spangs nas/

  394. 198a

    skyabs med pa'i dmyal bar ltung ngo // 'di la dang po kho nar shi nas rgyal chen bzhi'i ris kyi lha rnams rab tu lhung bar gyur pa rnams mngon par mthong ste/ de dag la srog gcod pa yang yod de srog gcod pa'i skyon dang / ma byin par len pas kyang ngo // ji ltar srog gcod par byed pa yin na/ rgyal chen ris bzhi'i lha de dag rnams yang lha dang lha ma yin ba rnams kyi 'khrug pa la srog gcod par byed do/ / rtag tu yang rnam par rgyal bar 'gyur te/ cod pan 'phrog pa dang mtshon rnams 'ben par byed do// las du ma'i rkyen rnams kyis kyang ste lan grangs gzhan la myong bar 'gyur ba 'am/ las gzhan rnams kyis kyang lha rang gi sems kyis bslus pa rnams ci nas kyang ltung bar 'gyur ro// gang gi tshe lha rnams 'chi 'pho ba 'gyur ba na phung po rnams 'gag par 'gyur ro/ / de'i tshe na dmigs pa rnams 'jug pa dang dmyal ba pa rnams kyi srid pa bar ma dor rab tu 'byung bar 'gyur te/ des bde ba las sdug bsngal la mtshams sbyor ba thob par 'gyur na/ 'khor ba pa gzhan rnams gang dag rnam pa du ma'i sgo rnams dmyal bar skye bar 'gyur ba'i zug gzer gyi sdug bsngal du 'gyur ba rnams la smos kyang ci zhig dgos de la las chen po 'dis shin tu mnar pa gang yin pa'i sems can rnams lha rnams nas shi'i phos nas dmyal ba rnams su skye'o/ / de ltar lha de dag rnams

  395. 198b

    kyis bcom ldan 'das des sprul pa gang yin pa'i sprul pa rnams mthong ngo / / gzhan yang yul phyogs gzhan na rgyal chen bzhi'i ris kyi lha rnams lha'i 'jig rten nas shi 'phos nas yi dgas su skyes pa rnams mthong ste/ rnam pa de srid kyi zas bde ba de dag rnams las rnam pa de srid kyi bkres pa dang / skom pa shin tu che ba'i dgon pa rnams su skye bar 'gyur ro// rnam pa de srid kyi gos rnams kyis bkab par gyur pa'i rnam pa de srid kyi sgras gdong mi mthong ba'i mun par gyur pa kun tu skyed do// de nags kyi shing da ba tshig pa dang 'dri bar gyur na sa kha cig ni kun nas bsregs la/ / kha cig ni rab tu 'bar ba'i lcags bsregs gcal du bkram pa'i dgon par bkres pa dang skom pa dag gi mya ngan gyis gdungs par gyur yang bad 'bab par gyur pa'i rlan gyi tshad tsam gyi chu yang mi rnyed do/ / lha'i 'jig rten na rnam par rgyu bar gyur pa las 'chi 'pho nas yi dgas kyis gzhi rnam pa sum cu rtsa drug na nye bar 'tshed par 'gyur ba rnams legs par mthong na bya rog dang / 'ug pa dang / bya rgod rnams kyis kha gdong dang mig dag kun nas za ba rnams mthong bar 'gyur te/ mnan na nem pa bteg na 'phar bas rab tu ldem pa/ mnyen pa shin tu 'jam par gyur pa'i rnam pa de srid kyi mtho ris kyis rnams la spyad nas slar yang yi dgas kyi srid par skye bar gyur nas me ma mur bdun gyis shin tu rtsub pa dang ldan

  396. 199a

    pa/ rdo rje'i mchu rnams kyis rko bar byed par gyur pa/ rtswa dur b+ha'i tsher ma rgya chen po rnams kyis kun nas gang bar gyur pa mthong ngo // gzhan yang rnam pa de srid kyi dri rnams bsnams par gyur pa la man+da ra ba dang / ku she sha ka dang / dri'i 'byung gnas rgya chen por gyur pa rnam pa brgya stong phrag du ma rnams bsnams nas/ phyis yang mi gtsang ba rnam par sme bar gyur pa'i bshang gci dang / mi ro'i dkyil du dur khrod na rgyu ba'i yi dgas su gyur nas rnam pa du ma de srid kyi mi gtsang ba'i dri rnams snom par byed do// de dag rnams kyi sna bug na ni rab tu 'bar bar gyur pa'i grog ma rnams kyis kun tu gang bar 'gyur te/ yi dgas de dag rnams yi dwags kyi skye gnas su skyes par gyur pa rnams la yin no// de bzhin du yang sngon gyi skye gnas su skyes pa rnams rnam pa sna tshogs pa'i bde ba'i yo byad kyi zas dag 'dod par gyur pa'i mdog dang / ro dang / ji dang / bde ba'i reg pa rnams phun sum tshogs par gyur pa las yang phyis yi dgas kyi skye gnas su skyes pa rnams la mtho btsams pa las kyang mtho btsams par gyur pa'i shin tu yang mi gtsang bar gyur pa/ ro dang / dri rnams bla lhag par dman par la gal te shed na lo brgya phrag du ma'i shin tu mi gtsang ba'i bshang ba rnams so/ / yang na lus shin tu ring par gyur pa nyid kyis rtug pa rnams za bar byed pa de bzhin du mchod rten gyi

  397. 199b

    logs la mthong bar gyur la/ lus la yang mchog tu 'jam par gyur pa/ mchog tu srab pa/ ma btags pa rin po che du mas nye bar mdzes par gyur pa// mtho ris kyi rjes su mthun pa mchog tu dga' bar gyur pa'i gos rnams gon par gyur pa na yang rlung gis skyed pa/ me tog sna tshogs pa'i ku su ma'i dri dang yang dag par ldan pa rnams la nye bar bsten pas byas pa'i las rnam yongs su zad nas/ phyis yang yi dgas kyi 'jig rten du skyes pa ni shin tu yang gcer bur gyur pas langs pa'i lus shin tu 'thug cing rtsub pa/ ser ba'i sgras kun tu bka' pa'i lus la srin bu brgya stong gis bskor bar gyur pa dang bcas pas gang bar gyur pa rnams kyis rab rab krum krum za bar byed pas/ snum 'khur 'dra bar lus za bar byed pa'i yi dgas kyi 'jig rten du skyes pa'i bkres pa dang / skom pas bsregs pa'i lus can rnams nyi ma re re bzhin du ba/ mchi ma 'dzag pas ngu bar byed pa'i bzhin gyis dus ring du rnam pa du mar shin tu rtsub pa'i yi dgas kyi sdug bsngal rnams nye bar longs spyod pa yin te/ bag med pas bslus nas lha'i 'gro ba nas yongs su nyams par gyur pas yi dgas kyi srid par song ba yin no// gzhan yang mchod rten gyi rtsig logs kyi yul phyogs gzhan zhig na tshogs pa rgyud na rnam par rgyu ba'i lha dang / rgyal chen bzhi'i ris kyi lha rnams 'chi 'pho bar gyur par dud 'gro'i skye gnas pa rnam

  398. 200a

    pa du mar nye bar skye bar 'gyur ba sna tshogs pa'i yul dang / sa dang / rigs rnams dang / gnas gsum du 'gro ba la 'di lta ste/ chun ni tshul rgyu ba rnams phan tshun du ba bar gyur pa shin tu 'jigs par gyur pa'i grang ba dang / tsha bas byas pa'i shin tu rtsub par gyur pa'i gnas skabs rnams nye bar longs spyod par gyur pa'o// thang la na thung 'gro ba rnams nyi ma'i 'od kyis bsregs par gyur pas yongs su nyam thag par byed pa'i bkres skom gyis lus rnam par bsregs par gyur pa rnam phan tshun du gsod cing 'ching bar byed pa'i 'jigs/ pa rnams kyis 'jigs par gyur pa/ mchog tu sdug bsngal bar gyur pa rnam pa brgya stong du ma'i gnas skabs nye bar longs spyod par byed pa/ mi dge ba'i las rnams kyis yongs su bskul nas rnam pa de srid du nags dang / nye ba'i nags rnams na dud 'gro rnams nye bar longs spyod par byed pa rnams brjod por sla ba yang ma yin no// de bzhin du nam mkha' la 'gro pabar gyur pa'i chen po rnams dang / shin tu phra ba rnams dang / tshogs par gyur pa dang / tshogs pa ma yin pa rnams kyi lus can gyi bya rnams phan tshun du gnod pa bya bar sems pas bskyed pa'i shin tu sdug bsngal bar gyur pa mi bzang pa'i gnas skabs rnams la nye bar longs spyod de/ lha bag med pas yongs su bslus nas dud 'gror skyes par gyur pa rnams yin no//

  399. 200b

    de bzhin du gzhan gang dag mngon par bag med pas nye bar bcom pa rnams las khyad par du 'phags pa dge ba'i las can de dag rnams ni lha'i 'jig rten nas rab tu shi 'phos nas mi rnams kyi 'jig rten du skye bar gyur nas/ legs par byas pa'i las rnams za bas ji lta ba'i dge ba'i las rnams la longs spyod par byed do// dge ba dang mi dge ba'i las rnams la longs spyod par byed pas mi'i 'jig rten du skyes pa ni thams cad nyid kyang yongs su 'tshol ba'i sdug bsngal du bying bar gyur pa dman pa dang / bar ma dang / khyad du 'phags pa rnams 'byor pa ji lta ba bzhin du yul dang dus rnams su chos sgrub pa dang rjes su mthun par gyur pa'i 'phel ba dang 'grib pa rnams mchod rten gyi rtsig logs la gsal bar mthong bar gyur to/ / de la gal te shed n as legs par byas pa'i las de dag rnams bsten cing bsgoms la lan mang du byas par gyur pa'i bsnyen gnas 'phags pa'i lam yan lag brgyad kyi las byas par gyur pa ma chad pa ma zags pa dang / brtan pa dang / sems kyis shin tu legs par sbyangs pa'i las de dag rnams sam/ gzhan yang las rnam pa gsum mchog tu phal che ba'i legs par byas pa'i las kyis 'phags pa nges par 'dod pa'i rnam par smin pa dkon mchog gsum la skyabs su 'gro bas 'phags par gyur pa 'am/ sems can rnams la yang mi 'jigs pa

  400. 201a

    sbyin pa dang / chos kyi sbyin pa dag gis 'phags par gyur pa 'am/ gzhan yang de dag dang rjes su mthun par gyur pa rnams kyang rung ste/ rnam pa 'di lta bu dag gis legs par byas pa shin tu rnam par dag pa'i sems kyis bsgoms par gyur pa'i yid rab tu dang bas 'phangs par gyur pas sam/ las de dag rnams kyis kyang gcig tu rab tu dang ba'i yid kyis pa dang ma dag la 'am/ sbyin pa dang / tshul khrims dang / shes rab rnams la legs par spyad cing legs par byas pa'i las rnams sam/ de yang na nad pa dang / mgon med pa dang / dbul ba rnams dang / nad kyis nye bar gtses pa rnams la sman pa dang / sman dang / g.yog byed pa dang bral ba rnams la dus yun ring du nad kyi rkyen sman dag byin pas 'phangs par gyur pa 'am/ yang na des srog gcod pa dang / ma byin par len pa dang / 'dod pa log par spyod pa dang / chang 'thung ba la sogs pa rnams rnam par spangs pas sam/ yang na des g.yang sa dang / dong rnams las dang / 'brog dgon pa rnams su rdzing bu dang / chu mig rnams rab tu sbyin pa'i dge ba'i las kyis 'phangs bas sam/ yang na des dkon mchog gsum mchod pa dang phyag 'tshal ba thal mo sbyor ba'i las legs par byas sam/ rgya chen po 'bar ba dang / rkang drug gis 'jigs

  401. 201b

    pa chen po dang bcas pa dgon pa rnams dang / gsod par gyur pa dang / mtshon cha'i 'jigs pas 'jigs par gyur pa rnams la rab tu mi 'jigs pa byin pas sam/ yang na/ des rang sangs rgyas rnams dang dgra bcom pa rnams la gnas mal dang / nad kyi rkyen sman dang / nye bar mkho ba rnams byin pas sam/ des yang na bu dang bu mo rnams yang dag pa'i bde bas yongs su bskyangs par gyur pas sam/ mu ge'i 'jigs pas gzer bas tshogs rnams lnga yang ste/ mchog tu dga' bar gyur pas mya ngan las 'das par mthar thug par byed pa'i las de dag rnams ni ji ltar bsngos pa'i 'bras bu rnams 'byung bar 'gyur te/ ji srid du byang chub kyi bar du yang 'gyur na/ lha'i skye gnas rnams su lta smos kyang ci dgos/ de gal te lha rnams nyid du skye bar 'gyur ba/ de yang lha'i skye gnas las nyams nas/ skye gnas 'dir yang skye bar mthong ngo // de yang song ba'i lha de dag rnams kyis rnam pa sna tshogs pa'i las kyi dra bar rgyu du ma sna tshogs pa'i thag pas steng bcings par gyur pa/ sems can du ma nye bar bsdus pa'i 'khor bar sems kyi 'khor lo des sems can rnams nges par mnan cing nye bar sbrel bar gyur pa rnams ji lta ba bzhin du mthong ngo / / de nas 'thab bral ba'i lha rnams dang / rgyal chen ris bzhi pa de dag rnams kyi lha rnams

  402. 202a

    'chi 'pho ba dang / skye ba'i rang bzhin gyi sdug bsngal chen po rnam pa du mar gyur pa de dag rnams mthong ste// gang bcom ldan 'das gser thub des sprul pa rnams mngon par mthong bar gyur nas/ sum cu rtsa gsum pa'i lha rnams kyang de bzhin du lta bar byed de/ de la ci 'dir yang rgyal chen bzhi'i rigs kyi sdug bsngal 'di dag rnams ji lta ba kho nar mchod rten gyi logs la mthong ba yin la/ de kho na bzhin du sum cu rtsa gsum pa rnams kyi yang yin no// de nas rab tu blta bar bya ba'i don du lha de dag rnams yul phyogs gzhan du nye bar 'gro bar byed do/ / de nas bcom ldan 'das de nyid kyis yang dag pa ji lta bar 'khor ba'i nyon mongs pa dang / las dang / skye ba rgya che bar brgyud mar sbrel ba rnams mthong bar gyur bal longs spyod rnams gzhan 'phrul dbang byed pa dang / sum cu rtsa gsum pa'i lha rnams ni ji ltar pad+ma rnams la nye bar longs spyod par byed pa/ rang gi las la rnam par spyad bdage ba dang / mi dge ba'i las rnams nye bar longs spyod par byed do// de dag rnams ji ltar las la spyod pa yang bde ba dang bdo ba ma yin pa rnams kyi skal ba can du 'gyur te/ dmyal ba dang / yi dgas dang / dud 'gro dang / lha dang mi rnams kyi skye gnas rnams su las kyi zhags pas kun nas bcings nas so so tha dad pa du mar rnam

  403. 202b

    par rgyu ba yin la/ sum cu rtsa gsum pa'i lha rnams kyang las kyi rlung gis bskyod nas 'khor ba na kun tu la byam pa yin pa'i phyir dang / gang na skye gnas gsum pa rnams na// dmyal ba'i las kyi 'bras bu la yongs su longs ma spyad par gyur pa ni 'ga' zhig kyang yod pa ma yin na/ de dag rnams 'gro ba lngar 'gro bar 'gyur ba rnams mthong ba lta brjod kyang dgos legs par byas pa'i las kyi zhags pas sbrel du zin kyang de dag rnams yang sos dang / thig nag dang / bsdus 'joms dang / ngu 'bod dang / ngu 'bod chen po dang tsha ba dang / rab tu tsha ba la sogs pa'i mnar med pa ma gtogs pa'i dmyal ba chen po bdun po rnams su skye bar 'gyur ro// mnar med pa'i las gang yin pa'i rgyu rnams lha rnams la med pa'i rgyu 'di'i phyir na/ lha rnams mnar med pa par 'gyur ba ni ma yin no// dmyal ba bdun po rnams su ni skye bar 'gyur ba yang yin no// sum cu rtsa gsum pa'i lha rnams yang sos der skye bar mi 'gyur ba yang ma yin te/ lan grangs gzhan la myong bar 'gyur ba'i srog gcod pa'i las rnams kyis sam/ lha dang / lha ma yin rnams kyi 'khrug pas bsad pa'i las kyis kyang rung ste/ yul gyi las kyis rnams la gnas pa'i lha rnams thams cad la yang srog gcod pa dang / ma byin par lon pa yod la/ rgyal chen bzhi'i ris kyi

  404. 203a

    lha rnams da / sgyum cu rtswa gsum pa'i lha rnams la ni shin tu phal che ba yin lnga/ de bzhin du lha rnams kyi gnas gzhan bzhi po gzhan rnams na yang yin no// de la sum cu rtsa gsum pa rnams kyi las kyi 'gros phra mo 'di dag rnams yang 'thub bral ba rnams kyis shes par byed la/ sum cu rtsa gsum pa rnams kyi 'chi 'pho ba dang skye bas byas pa'i las kyi 'bras bu rnams yul phyogs 'dir tshogs pa rgyu ba na spyod pa'i lha rnams kyis mthong ngo / / dga' ba'i tshal dang / yongs 'du dang / rtsu ba 'gyur dang / shing rta sgra tshogs rnams su khang bur rtsed mo rtse ba la tshod cher byed par 'gyur zhing / yul rnams la yongs su longs spyod pas ngoms pa med pa rnams legs par byas pa'i las zad nas me'i zhags pas nges par bcings nas dmyal ba rnams su lhung ngo / / rgyu gang dag gis rgyal chen ris bzhi pa rnamasA la 'gyur ba'i zug gzer de dag rnams bcu 'gyur gyis sum cu rtsa gsum pa rnams 'gyur ro/ / rgyu gang gis she na/ 'di lta ste/ kha na ma tho ba gang dang ldan pas lha yul gyi bde ba rnams phal che bar 'gyur ba de spring du 'bral ba'i sdug bsngal chen po shin tu mi bzad par 'gyur ro/ / las rnams ni dpag tu med pa'i phyir dang shin tu yang rnam pa sna tshogs pa'i phyir ro// ji ltar lus 'di nyid kyi mig la sogs pa'i gnas gang

  405. 203b

    dag yin pa rnams shin tu gzhon sha dang ldan par gyur pa rnams ni/ ches gzhon sha dang ldan pa'i phyir na gzer zug ches de dag rnams lhag par 'gyur ro// de bzhin du rgyal chen bzhi'i ris kyi lha rnams kyi khyad par gyis sum cu rtsa gsum pa rnams ches lhag par skyid pa yin zhing / de dag rnams yul de yongs su btang bas byas pa'i yid mi bde ba rnams kyang ches lhag par 'gyur ro/ / yid dang lhan cig tu sdug bsngal bar 'gyur ro// de la gnyis po 'di dag la ni dpe med pa yin te/ bde ba dang / sdug bsngal dag go/ lha rnams kyi bde ba dang / dmyal ba rnams kyi sdug bsngal lo// de de ltar las kyi zhags pas mnar bas mnar bar gyur nas/ rab tu ltung bar gyur pas rab tu lhung ba rnams rnam pa du mar shin tu mi bzad pa'i lhang kyog gi sdug bsngal rnams khyer bar byed pa mchod rten gyi rtsig logs la mthong ngo / / de nas lha de dag rnams kyis sum cu rtsa gsum pabade dag rnams rab tu lhung bar gyur shing rnam par bcom pa rnams mthong bas mchog tu yid zug gzer dang ldan par 'gyur ro/ / gzhan yang sum cu rtsa gsum pa de dag nyid yul phyogs gzhan zhig na yi dgas kyi skye gnas su skye bar 'gyur ba rnams mthong bar 'gyur te/ dga' tshal dang / rtsub 'gyur dang / shing rta sna tshogs dang / yongs 'dus te/

  406. 204a

    de dag rnams su khyogs gang dag sten par byed pa/ lha rdzas kyi bdud rtsis lus tshim par byed pa/ mchog tu skyid par gyur nas/ phyis yang de ltar bshang ba dang // mi ro mi gtsang ba rnams dang / srin bu'i rigs rnams kyis nyams par gyur pa/ yid kyis bsam du med pa'i sdug bsngal gyi mchog rnams dang ldan pas lus la khyab par gyur ba de lta bu rnams mthong ngo / / tshogs pa rgyu ba'i sa dag na rnam par rgyu ba'i lha rnams kyis sum cu rtsa gsum pa rnams kyi log par ltung ba'i gnas skabs su gyur pa'i yi dgas kyi skye gnas de dag rnams la kun tu bltas nas/ dud 'gro'i skye gnas rnams la kun tu lta bar byed do// sum cu rtsa gsum pa'i lha rnams lhung bar gyur nas/ rgya mtsho chen por nya rnams dang / chu srin dang / mu tig dang / si su ma ra dang / chu srin na kra la sogs par nye bar skye bar 'gyur ba na phan tshun du gsod pas byas pa'i kun tu bred par 'byung ba bkres pa dang / skom pas lus shin tu bsregs pa'i zug rngu'i mchog rnam pa du ma kun nas 'bab par 'gyur ro// de bzhin du nam mkha' la dud 'gro'i 'gro 'grangs med pa bya ba la sogs pa phan tshun du gnod par byed pas brgyal bar gyur pa/ gsod pa'i mthar thug pa'i 'jig pa'i gnas skabs rnams su gyur pa nyams su myong bar/

  407. 204b

    byed do// de bzhin du gang 'ga' zhig shin tu legs par byas pa'i las des kyang grol bar 'gyur ba sngar bzhin du rgyal chen ris bzhi'i lha rnams ji lta ba de kho na bzhin du'o// gal te mi rnams su skye bar gyur na yang de dag rnams kyi gzhan la myong bar gyur pa'i las rnal ma rnams yin gyi/ snga nas med pa ni ma yin no// rigs mthun par skye bar 'gyur bas byas pa dang / skye ba dang / rab tu 'brel ba'i 'chi bas byas pa rnams dang / lha rnams 'chi 'pho ba'i dus kyi 'bral ba'i sdug bsngal rnam pa du mar gyur pa gang dag yin pa de srid pa de dag rnams nyid kyang brjod par sla ba ma yin/ gang yang mngal gyi sdug bsngal nye bar spyod pa rnams lta ci smos/ mi'i 'jig rten du skyes pa rnams la yang gang dag byis par gyur pa nas rtag tu sdug bsngal bar 'gyur te/ gog par byed pa dang / smin pa dang / kun tu 'gro ba dang / ma rig par gyur pa/ rtsod par byed pa/ don dang / don ma yin pa la rnam par zhen pa dang / ngu ba la sogs pa'i sdug bsngal rnams yin no// de dag gis yan lag so sor gyes pa rnams ni brjod par sla ba ma yin no// de ltar gzugs brnyan lta bur gyur pa de dag rnams thams cad nyid kyang tshogs par rgyu ba'i sar skyes pa'i 'thab bral ba'i lha de rnams kyis mchod rten gyi logs la rab tu mthong ngo / /

  408. 205a

    rnam pa du ma rnams su shin tu yid byung bar shin tu rnam pa sna tshogs par gyur pa'i 'khor ba'i gar mkhan rnams des mthong bar gyur cing / rnam pa sna tshogs pa'i ches ngo mtshar bar gyur pa rnams mngon par mthong nas lha de dag rnams shin tu yang byung bar gyur te/ mi rnams ni 'gro ba gzhan dag tu 'gyur ba la 'di lta ste/ lha'i 'gro ba'o// lha rnams kyang mi'i 'gro ba rnams su'o// de la lha gang dag bde 'gror skyes pa rnams kyi gnas skabs kyang 'di 'dra bar 'gyur na/ ni 'ang las kyis mnar nas ngan song du song bar gyur pa rnams kyi gnas skabs ci 'dra bar 'gyur/ gzhan yang tshogs pa rgyu ba'i sar skyes pa'i 'thab bral ba'i lha de dag rnams kyis rtsig pa'i logs de dag nyid la las rnams mthong bar 'gyur ba ni/ chos bzangs ni gnas pa'i lha rnams 'chi 'pho bar 'gyur ba ste/ ji lta bar las kyi dbang gis 'gro ba rnams 'gro ba lngar skye bar 'gyur ba'o// 'pho bar 'gyur ba'i lha de dag rnams kyis gal te shed na gang dag tu gang zhig byas pa'i las rnams kyi rkyen gyis 'gyur ba rnams sngar bshad pa bzhin no// gal te lha rnams nyid las shi 'phos nas lha rnams nyid du skyes nas/ de na gnas pa nyid na sdug bsngal yin no// 'di lta ste/ 'chi ba dang skyes pas byas pa rnams dang / rnam par bral bar byas pas rnams

  409. 205b

    dang / 'chi 'pho ba'i 'jigs pas rnams kyang ste/ 'chi bas byas pa'i sdug bsngal rnams ni che ba dang rnam pa'ang mang ba yin no// de dag rnams bzhin du 'chi 'pho ba'i 'jigs pa rnam pa du ma rnams kyang yang dag par mngon par mthong nas/ gzhan yang yul phyogs gzhan rnams su kun tu lta bar byed do// ji srid du rtsig pa de nyid kyi logs la brgya byin 'chi 'pho bar 'gyur ba lha rdzas kyi 'phreng ba mchog dang ldan pa 'od 'bar bar gyur pa'i rna rgyan bcug pa/ 'dod pa lnga'i phun sum tshogs pa dpe med par gyur pa'i bde ba rnams dang rnam par bral bar gyur pa/ rang gi las kyi dbang gis yang 'gro bar 'gyur ba bag med pa la zhugs par gyur pa'i dbang gis ngan song gis rnams khyab par gyur par dmyal ba dang / yi dgas dang / dud 'gro'i skye gnas rnams su ltung bar 'gyur ba rnams mthong ngo / / rang gis byas pa'i las kyis ste/ de la dbang po'i ming ni 'di dag rnams yin te/ de la sum cu rtsa gsum na gnas pa'i dbang po rnams 'chi 'gro ba'i ming ni 'di dag rnams yin te/ 'di dag 'od dang ldan pa zhes bya ba'i brgya byin gyis lha yul gyi rgyal po byas nas/ rang gi las kyi bsod nams rnams zad par gyur nas rgya mtshor chu srin gyi skye gnas su skyes so/ / des kyang mir gyur pa na bya bar gyur te/ srog chags mang po rnams bsad par gyur pa'i phyir dang / sangs rgyas la phyag kyang byas par 'gyur ro// de la phyag

  410. 206a

    byas par gyur/ de'i rgyas de dbang por 'gyur ro// de zad pa'i phyi nas yang srog gcod pa'i sdig pa'i smyug ma rnams kyis smrar yang dung 'gror skyes so// dbang po gyur pa na de legs pa'i las byas pa na nad pa rnams dang / mgon med pa rnams dge slong dag la'ang bsod snyoms rab tu dang ba'i yid kyis byin pa de'i rgyus sum cu rtsa gsum gyi dbang por 'gyu'o// srir yang de ba nas lan grangs gzhan la myong bar 'gyur ba'i las nye bar byas pas klek+Sha lA shar skyes so// des skye ba gzhan yang rung ba gcig tu log par ltabs nyams par gyur pas kyi lAlngasha mchod sbyin du bsregs so/ / de rgyu de dang rkyen des dmyal bar skyes so// de'i lhag ma rnams kyis slar yang kr-i kA lA sha'i skye gnas su skyes par 'gyur ro// de'i rjes pa lha rdzas kyi yul rnams la nye bar longs spyad nas rab tu gsal ba zhes bya ba'i dbang po gzhan 'chi 'pho bar gyur nas/ rab tu lhung bar 'gyur ba la/ des ma dang pha dag nad par gyur pa'i g.yog byas so// rgyu des de sum cu rtsa gsum gyi dbang phyug dang ldan pa'i dbang por legs par skyes so// yang las de zad nas yi dgas su skyes so// des skye ba gzhan gang yang rung ba dag tu dgon par shin tu mi rigs pa chen pos 'bru btsongs nas/ bslus par gyur pa gang yin po dang / yid kyis kyang slar yang de bzhin du mu ge drag pos bsams par 'gyur ro// de rgyu de dag rnams kyis dmyal

  411. 206b

    ba thig nag tu skyes so/ / de'i lhag ma rnams kyis kyang yi dgas khab kyi mgrin pa lta bur skyes so// gzhan yang 'thab bral gyi lha de rnams nyid kyis mthong bar gyur pa rnams la/ gzhan p a rnams rnam pa du mar gyur pa'i 'khor ba'i sdug bsngal rnam pa mang po rnams shin tu legs par skyes pa'i yid kyis mthong bar gyur pa las ji srid du 'thun par byed pa zhes bya ba'i brgya byin mtho ris nas rab tu 'chi 'phos nas phag mo'i skye gnas la skyes par gyur pa mthong ngo / de'i legs par byas pa'i las rnams kyang mthong ste/ gang brgya byin du skyes par gyur pa des skye ba gzhan gang dag tu shin tu nga rgyal can gyi bram ze log par lta ba'i mchog gi nye bar smras par gyur pa la 'thun par smras nas/ zas dang sman dag byin no// srog gcod pa las kyang bslab pa'i gzhi blangs par gyur to/ / rgyu de dag dang / rkyen de dag dang / gzhi de dag las de'i lus zhig pa na mtho ris bde 'gro sum cu rtsa gsum pa'i 'jig rten du skyes so// de las de dag rnams yongs su zad cing nyams par gyur nas phag gi mngal du skyes so/ / de'i legs par byas pa'i las rnams ni gang dag yin zhing / legs par byas pa'i las kyis kyang der skye ba dang / ming yang cir btags she na/ su ma nu ma zhes bya ba'i dbang po des skye ba gzhan gang yang rung ba gcig la gzhan dag gang yang rung ba zhig seng ge'i lag tu song zhing srog the tsom du gyur pa

  412. 207a

    l a snying rje'i snod du gyur pa'i yid kyis rab tu grol bar byas nas dus phal po cher zas dang skom rnams kyis legs par gsos par gyur pa de rgyu de dang rkyen des su ma n+yAm zhes bya ba'i dbang por gyur to/ / des las kyang 'phos nas rab tu tsha ba'i dmyal bar skyes so// des skye ba gzhan zhig na rgyal po'i nang du song bar gyur pa'i tshe ni rdzun du smras pa'i rgyu de dang rgyan de dag rnams kyis dmyal bar skyes so/ / de 'chi 'phos par gyur nas sprul pa'i brgya byin zhes bya ba'i dbang po gzhan mthong bar gyur to// de'i yang legs par byas pa'i las rnams la kun tu lta bar byed pa la/ shes rab can des mnyam par byas nas mchod sbyin gyi gnas su bla ma rnams la sbyin pa byin no// de rgyu des ko'u shi ka zhes bya ba'i dbang por gyur to// gzhan du'ang 'dis legs par byas pa'i las rnams mang du byas te/ de las de dag rnams kyi rkyen gyis dbang por 'byung bar 'gyur te/ rigs gnyis pa'i dbang po'o// slar yang stan de nyid la dbang por 'byung bar 'gyur te/ bcom ldan 'das shAkya thub pa'i bstan pa'i mthus de ngan 'gro rnams su 'gro bar 'gyur bar ma mthong ngo // lha las 'chi 'phos nas mir skye bar 'gyur ro/ / 'di ni bdun bskor ba yin gyi/ de'i 'gro ba 'di dag las med pa yin par mchod rten gyi logs de la 'thab bral gyi lha rnams kyis mthong ngo // de nas de dag rnams

  413. 207b

    mchog tu ngo mtshar ba skyes par gyur pa yin no/ / brgya byin de dag rnams thams cad lhag ma ma lus pa'i 'gro ba mchod rten 'di'i rtsig pa la mthong ba la/ ko'u shi ka gcig pu'i ngan 'gro ma dmigs so/ / de'i rgyu ci zhig yin na/ de nas 'thab bral gyi lha de dag rnams thams cad 'thab bral gyi bdag po mu su lun d+ha de la lta'o// ji ltar dbang po de dag rnams thams cad lhag ma ma lus pa rnams kyi yang ngan song du 'gro ba'i 'gro ba gzhan rnams mthong ba la/ ko'u shI ka la ni skye ba 'dun gyi mthar thug par mthong ngo // brgyud pa ni yongs su shes pa ma yin no/ / de la 'di'i rgyu ni ci yin/ rkyen ni ci zhig yin/ gleng gzhi ni gang yin/ de nas lha de rnams kyi drung nas nye bar thos par gyur pa dang / 'thab bral gyi mnga' bdag des 'di skad ces smras so/ / ko'u shi ka 'di'i 'gro ba gang 'byung bar 'gyur ba dang / rgyu 'di dag rnams kyis yin pa de dag rnams nyon cig dang / bdag gis khyed cag rnams thams cad la de bzhin gshegs pa'i mchod rten rab tu bstan par bya zhing / dam pa'i chos kyang bshad par bya'o// rgyu gang gis de dag thams cad 'byung ba bag med par gnas pas lha rdzas kyi 'dod pas kun tu rmongs pa dam pa'i chos ngo mtshar ba rnams ji lta ba bzhin du mi nyan no/ / des na bdag gis khyed rnams nyid la phan pa'i don du dang / bdag nyid mchod rten la 'jug pa'i rgyu mtshan du

  414. 208a

    khengs pa la so sor brtag par bya'o/ / kye bag med par ma byed/ skye ba skye ba don med par bsgral bar gyur tA re/ phyi nas 'gyod par 'gyur bar ma byed cig 'chi ba'i yul dang dus kun nye bar gnas par gyur pa'i rgyu gnyis kyis dngos gnyis po gnyis yin par bdag gis thos te/ rgyu gang gis ko'u shi ka 'di rigs gnyis par skye bar 'gyur ba rab tu mthong ba dang / 'di la log par ltung ba'ang 'byung bar mi 'gyur ba dang / mchod rten gyi logs la skye ba brgyad pa'ang ma mthong ba ni/ ko'u shi ka 'di sngon bag med pas bag med par rgyu bar gyur pa'i bag med pas rgyu ba'i phyir na skye ba thams cad 'das par gyur nas/ legs par byas pa'i las rnams ni zad pa glo bar byed pa/ 'chi 'pho ba'i rtags rnams 'di la nye bar byung nas/ gnas pa na'ang dge ba'i bshes gnyen gyis nye bar gnas bzhin pa de dag rnams kyang rig par bya ste/ ko'u shi ka 'chi 'pho pa'i mtshan ma bar du gcod par byed pa de dag 'byung bar 'gyur gyis de legs la yid zhog cig ces de skad brjod pa dang / ko'u shi kas 'di skad brjod de/ bdag gi rkang pa pad+ma 'di dag las dang / bdag gis stan las 'chi 'pho bor mi 'gyur ba'i las ji lta bu yin/ de skad smras pa dang / drang srong gis/ ko ru shi ka de la 'di skad ces brjod de/ ji lta bar nyon dang / thabs

  415. 208b

    gang gis ko'u shi ka khyod bdag cag rang gi stan las 'pho bar mi 'gyur ba ni shAkya thub pa 'di drang srong bu ram shing pa'i rigs su skyes par gyur te/ thams cad mkhyen pa/ thams cad gzigs pa/ / 'khor ba thams cad kyi las dang 'bras bu'i dbang por gyur pa/ sems can thams cad la lam dam pa nye bar ston pa po bla na med pa'i chos kyi rgyal po des gang gis bdag cag gi stan las 'pho bar mi 'gyur ba'i chos de dag rnams des ston par 'gyur ro/ / de nas de'i drung nas ko'u shi ka rings pa dang bcas par gang na 'dzam bu'i gling yod pa der/ bcom ldan 'das de'i drung du chos nyan 'dod par gyur pas legs par nye bar song ngo // de nas ko'u shi ka des bcom ldan 'das mig gcig tu gyur pa lam ston pa pos chos ston par gyur pa mthong ste/ bde legs su gyur pa/ thabs su gyur pa/ mya ngan las 'das pa'i grong khyer legs par ston pa po// dang por dge ba/ bar du dge ba/ tha mar dge ba/ don bzang po/ tshig 'bru bzang po/ / ma 'dres pa/ yongs su rdzogs pa/ yongs su byang ba'i chos rnams ston par mdzad pa la 'di lta ste/ sdug bsngal dang / sdug bsngal gyi rnam par smin pa can sdug bsngal kun tu 'gags pa rnam par 'gyur ba'i dbang du byas pa rnams/ lha rnams kyis kyang thos par 'phags pa'i bden pa bzhi ston par mdzad de/ sdug bsngal dang / kun 'byung ba dang

  416. 209a

    'gog pa dang / lam mo// de nas ko'u shi ka des/ bcom ldan 'das shAkya thub pa la dris pa/ kye go'u ta ma lags/ 'dir bdag cag gi bdag la bar cha rab tu 'byung bar 'gyur ba 'chi 'gro ba'i rtags rnams byung bar gyur la/ bdag gi bar chad rnams zhes de skad ces gsol ba dang / bcom ldan 'das des bka' stsal pa/ dede bzhin no// de de bzhin te// ko'u shi ka ji lta bzhin du go bar gyis shig/ rgyu mtshan dang rgyu mtshan ma yin pa rnams rab tu 'byung bar 'gyur zhing tshe pha rol de dag rab tu 'byung bar 'gyur ba ni bag med pa bgra med bar rgyu bas/ legs par byas pa'i las rnams zad par gyur la/ lus sred pa'i dbang du song ba de dag rnams ni shin tu gzhan du 'gro bar bya dgos pa yin te/ 'khor ba'i dgon pa che po 'di dag gi pha rol thob par dka' ba/ dus thams cad du skye bo rnams kyi mnga' bdag tu gyur pa'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnams dang / mi sdug pa rnams dang phrad pa dang / sdug pa rnams dang bral ba/ gcan gzan khro bo dang seng ge'i 'jigs pa'i nyes pa rnams kyis kun tu gang bar gyur pa/ nyi ma'i gdung bas sreg par byed pa/ gti mug gi mun nag gis mun par gyur cing kun la chags pa skye bas nye bar 'tshe bar gyur pa ni/ byis/

  417. 209b

    pab so so'i skye bo rnams yin te/ sred pa'i ri dgas kyis kun nas gang bar gyur pa de'i grogs su gyur pa/ kun tu rtog pa brgya stong gi shing gis kun nas gang bar gyur pa la/ dam pa'i/ chos skyes par gyur pa'i chu dang bral ba/ legs par rnam par 'chad pa'i dge ba'i bshes gnyen lam ston par byed pa rnams dang bral ba/ lta ba ngan pa du ma mu stegs can gyi 'dod pa'i lom sngon gyi mtha' dang / phyi ma'i mtha' rgya che bar gyur pa/ 'gro ba lnga snying po dang bral ba'i mun pa'i sdug bsngal rgya chen po 'khor ba'i dgon pa 'di la/ ko'u shi ka 'khor ba las khyod yid mi 'byung ngam/ 'dod pas rmongs pa rnams des gzhan du 'gro bar bya dgos pa yin zhing / de'i skye ba de dag dang yang 'bral bar 'gyur ba yin na/ de dag rnams kyi sdom pa dang skye bas kyang ci zhig bya/ de dag rnams kyi dka' thub kyis kyang ci byed par 'gyur na/ 'dod pa rnams 'chi 'pho ba'i dus na 'ong bar 'gyur ram/ khyod ni gzhan dag tu 'gro bar bya/ dgos so// de skad ces bka' stsal pa dang / ko'u shi kas bcom ldan 'das de la de chos gos phrag pa gcig tu byas te/ cod pan 'dud par gyur pas/ mgo bos zhabs la phyag 'tshal nas/ phyogs gcig tu 'dug nas dris so// bcom ldan 'das bdag cag gi stan 'di las bdag sdug bsngal bar mi 'gyur ba'i thabs bdag cag la mchis sam// de ltar

  418. 210a

    ngan bu sum cu rtsa gsum pa rnams kyi rgyal po byed par 'gyur ba rgyu 'di dag khyod kyis gzigs sam/ bdag gi spyan dang / lhag pa'i stan dang / rgyu gzhan rnams gyis kyang byed par 'gyur lags/ de skad ces gsol pa dang / bcom ldan 'das kyis bka' stsal pa/ ko ru shi ka gang nas shi phos par gyur pa smrar yang stan de nyid la skye bar 'gyur ba yod de/ rnam pa de lta bu'i myong bar nges pa'i las gzhan rnams 'ga' zhig gis kyang mi byed pa'i rgyu gang gis gang gi tshe khyod stan la skye bar 'gyur zhing / sum cu rtsa gsum pa rnams kyi rgyal po byed par 'gyur ro/ / rgyu 'di dag gis ngas mthong ba yin zhing khyod kyi stan dang / lhag pa'i stan dang / rgyu gzhan rnams kyang ngos mthong ba yin te/ gal te nga'i chos nyan par byed de/ ji lta bar khyod nyams par 'gyur ba ma yin no// de la 'di skad ces bka' stsal pa dang / ko'u shi kas slar yang thal mo sbyar ba byas te/ 'jig rten gyi mgon po// bcom ldan 'das kyi chos de bdag gis mnyan par 'tshal to/ / de nas de skad ces gsol pa dang / bcom ldan 'das kyis 'dod pa rnams kyi nyis dmigs dang / myang ba ngan pa dang / nges par 'byung bar 'gyur ba'i yang dbang du byas nas/ gang gis ko'u shi ka rgyun du zhugs pa'i 'bras bu thob par 'gyur ba de bzhin du mdo rnams rgyas par bstan no// de nas ko'u shi kas 'bras

  419. 210b

    bu thob par gyur pas 'chi 'pho dang / skye ba dang / ngan song gi sgo rnams kyang bcad do// legs par skyed pa'i rgyu 'dis lha 'thab bral ba rnams kyis mchod rten gyi logs la ko'u shi ka'i skye ba brgyad pa gzhan ma mthong ba yin no/ / de ni mya ngan las 'das par 'gyur ba yin gyi/ de'i thams cad kyi pha rol yin pa'i phyir/ skye ba gzhan brgyad pa 'byung bar mi 'gyur ro// rgyu de dag rnams kyi phyir na ngas khyed rnams brjod pa yin no/ / de nas de'i dus na mu su lu d+has tshigs su bcad pa brjod pa/ ji ltar/ 'dod pa las skyes nor mi mthong // gang phyir 'dod skyes de nor med/ / mthar thug dge legs byed pa po// tshul khrims dad pa nor mchog yin// 'dod pa las skyes nor des kyang // srid pa'i dgon pa ston byed yin// gang yang 'dod pa las rnams grol/ / gter sprul pa zhes brjod pa yin// go 'phang las gang legs mi skyob// gang las bde ba de 'byung med// nor rnams nor chud zos pa ni// gcig tu shes chen min par brjod/ / 'dod pa rnams ni rab sten pa'i// nor de dag ni nor min mthong // lam ston pa de mchog yin no// lam 'chad gang yin shis pa yin// lam gang gis ni go 'phang mchog/ mkhas pa der ni 'gro ba yin// 'dod la gang zhig rab ma chags// gang zhig 'dod nas 'dod chen min// de ni shes pa'i gnas su zhugs// 'dod pa'i me rab

  420. 211a

    sten par min/ / 'dod pas rtag tu ngoms pa med// 'dod pas zhi ba dran pa min// sred dang lhan cig yang dag ldan// 'bar ba lta bur 'bar bar byed// de bzhin lha mi chags sbrul gyis// ngoms pa med pa rnam par 'joms// rnam par chud zos de rtag tu// chud zos dmyal ba'i me ba lha// de ltar mu su lun d+ha dwe sa lha de dag rnams la rnam pa du ma brgyar 'dzin par byed/ yang dag par yongs su sbyong bar byed do// de nas slar yang lha de dag rnams mchog tu skyo bar gyur pa'i yid kyis shin tu yid byung bar gyur nas/ gzhan yang mu su lun d+ha de la 'di skad ces brjod de/ bdag cag rnams 'gro ba gang zhig tu 'gyur ba lha'i zhal snga nas re zhig bdag cag la so sor bstan du gsol// b zhin du bya'o zhes brjod nas/ slar yang mcho na de nyid kyi rtsig logs de nyid la so sor rtog par byed do// de nas 'thab bral gyi lha de dag rnams nyid 'chi 'pho bar gyur nas/ yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba drang / rab tu tsha ba dang / dmyal ba rnams su skye bar 'gyur ba rnams rnam pa du mar rab tu lhung ba'i lha mgo bo 'phyang ba/ rkang pagyen du bltas pa dang / 'gag par 'gyur ba'i lha'i lus mang po rnams mthong bar gyur to// 'ga' zhig ni skye bar 'gyur zhing den

  421. 211b

    'tshed par byed do/ / kha cig ni rab tu 'bar ba'i lcags bsregs kyi rang bzhin de la bya rgod dang khA ta rnams kyis kun tu gang bar gyur pa/ 'jigs su rung ba du ma rnams kyis 'din gang bar gyur pa/ rab tu 'bar ba'i bye mas 'dir yongs su gang ba/ mgo bo thur du bstan pa'i lha rnams dmyal ba'i sa gzhi 'di la 'tshed par gyur pa/ shin tu rtsub par gyur pa shin tu mi bzod par gyur pa/ mchog tu gdug pa rnam pa du ma'i tshor ba rnams nyams su myong bar byed do// gshin rje'i skyes bu rnams kyis lan cig ma yin par phyir ldog cing rjes su smra bar yang byed do/ / bdag nyid de lta bu rnam pa du mar mthong bar gyur to// ji ltar gzhan yang 'thab bral ba rnams kyi bdag por gyur pa gzhan gang yin pa mapo rnams yul phyogs 'di// dag nyid na de dag rnams kyang dmyal bar gyur pa mthong ngo // shin tu khro bar gyur pas rnam pa du mar 'bigs par byed pa'i tshor ba'i zug gzer rnams byed cing / 'dod pas rnam par g.yengs pa'i yid kyis byas pa gang yin pa dang / yul rnams kyis nye bar bcom par gyur pa nas/ ji srid du dogs pa dang bcas pa rnams dang / mtshan nyid dang bcas pa rnams dang / mngon du shes pa dang bcas pa de dag rnams thams cad dang / yul rnams la dad che bar gyur pa khyed rnams kyis gang byas pa de rnams kyi 'bras bu gang dag yin pa rnams

  422. 212a

    la longs spyod cig ces kyang gshin rje'i skyes bus brjod par byed do/ / de la 'thab bral gyi mnga' bdag rnams kyi ming ni 'di dag rnams yin te/ las chen po dang / phun sum tshogs par byed pa'i sde bzang po dang / gzi brjid dang ldan pa dang / dbang du ma gyur pa ma yin pas yid mngon par dga' ba dang / rab tu gtum pa ma yin pa dang / gzugs/ kun nas mngon par dga' ba'o// 'thab bral gyi mnga' ba dag de dag rnams dmyal ba bdun du lhung nas ji ltar las kyi zhags pas legs par byas pa dang / nyes par byas pa'i las kyi 'bras bu la longs spyod par gyur pa rnams de dag yul gyi mchog rnams la nye bar longs spyad nas ngoms pa med pa'i skyed pas nye bar bcom nas lhung ba yin no/ / re zhig las rkyen pos ni rang sangs rgyas la sems bag dang ldan zhing bsgoms par gyur pas/ zhal zas nye bar byin pas lus zhig nas mtho ris bde 'gro rnams las 'thab bral gyi mnga' bdag nyid thob par gyur to/ / des de la lha rdzas kyi 'dod pa rnam pa du ma rnams rjes su longs spyad nas yul rnams la sred par gyur pa nyid kyis lha'i ris de nas dmyal ba thig nag tu ma byin par len pas lhung bar gyur te/ des yang skye ba gzhan dag zhig tu smin par gyur nas/ nad pa la yang dag par ma byin pas nor blangs par gyur pa las/ de'i rnam par smin pas thig nag tu skyes par gyur to//

  423. 212b

    lha de dag rnams kyis 'thab bral gyi bdag po las chen po'i las byas pa rnams mngon par mthong bar gyur nas/ phun sum tshogs par byed pa'i sde bzang po'i dge ba dang / mi dge ba las byas pa rnams la kun tu lta bar byed do/ / dge ba'i las gang dag rnams kyis 'thab bral gyi mnga' bdag tu gyur pa'ang ji lta bar mthong ba/ 'das pa'i dus na des dge sbyong nad pa la rdzas kyi sbyin pa tu byin ni tum dpa'i yid kyis snying la bsgoms par ni ma gyur to/ / rgyu de dang rkyen des lus zhig nas mtho ris bde 'gro 'thab bral gyi mnga' bdag byas par gyur to// de slar yang sred pa'i yul gyi sred pa'i chu klung gis khyer bas legs par byas pa'i las rnams zad par gyur nas dmyal ba ngu 'bod du lhung ngo / / de'ang bag med par gyur pas te/ rgyal po'i rgyags pas zin par gyur pas ma'i 'jig rten du skyes pa na/ 'gron po 'ongs par gyur pa mchog tu skom pas gdungs pa 'ongs pa rnams la dregs pas bur chad blud do// des de dad pas bskyed pa'i tshul khrims 'chal bar skyes te ring gi don rnams las nyams par gyur to/ / mi dge ba'i las des lhung bar gyur nas lus zhig pa dang / lan grangs gzhan la myong bar gyur pa'i las kyis ngu 'bod kyi dmyal ba chen por skyes so/ / de ltar rtogs par gyur cing gzhan 'thab bral gyi mnga' bdag gnyis pa'i las dang / chos dang / sdig pa dang

  424. 213a

    ngan song rnams kyang mngon par legs par mthong nas/ 'khor ba 'di thams cad 'bar bar mthong bar gyur to zhes/ de ltar yang phan tshun du rjod par byed de/ gang bdag cag rnams ni pha ma dang mtshungs par gyur pa/ gzhan rnams 'ga' zhig gis kyang ma byas pa de/ 'thab bral gyi mnga' bdag mu su lun d+ha 'dis byas te dmyal ba rnams dang / legs par byas pa dang / nyes par byas pa'i las rnam pa du ma rnams gang yin pa'i 'bras bu rnam par smin pa de dag rnams ji lta ba bzhin du legs par bstan no// phan tshun du de skad ces smras nas/ yang gzhan 'thab bral gyi bdag po rnams 'di 'phos pa rnams blta bar bya ba'i don du de dag dang thag nye bar 'gro bar byed de/ de las dang 'bras bu legs par blta baba'i don du mchod rten gyi logs de dag rnams/ bcom ldan 'das gser thub des 'thab bral gyi mnga' bdag gzi brjid dang ldan pa'i las dang 'bras bu sprul par gyur pa rnams// ji lta ji lta ba bzhin du mthong bar gyur to/ / gzi brjid dang ldan pa de sngon gyi dus na 'thab bral gyi mnga' bdag der gyur pa ni des sngon yid rab tu dang bar gyur pas/ mchog tu bcom pa'i mtshan mo dam pa'i chos nyan pa rnams dang / sangs rgyas bcom ldan 'das dang / chos dang / dge 'dun la'ang mar me rab tu spar ro// de rgyu de dag dang / rkyen de dag dang / gzhi de dag gis lus

  425. 213b

    zhig par gyur nas/ mtho ris bde 'gro'i 'jig rten rnams las 'thab bral ba rnams kyi nang du 'thab bral ba'i mnga' bdag gzi brjid dang ldan pa zhes bya bar gyur to// de'i ring du rgyal bo byas te/ ji srid du tshe zad nas lus zhig ste gzhan yang rgyal po ris bzhi'i lhar skyes so// de de las shi 'phos nas byang phyogs sgra mi snyan du skyes so// de las shi 'phos nas gzhan ya sum cu rtsa gsum gyi lhar skyes so/ / de las shi 'phos nas kyang 'dzam bu'i gling gi rgyal po rdzu 'phrul dang ldan pa mthu chen por gyur par skyes so// de las skyes par gyur pa des bag med par gyur nas 'dod pa'i dbang gis rmongs pas srog gcod pa dang / ma byin par len pa dang / 'dod pa la log par g.yem pa la sogs pa mi dge bar gyur pa'i mi dge ba rnams bsgoms pa'i sems ko trog tu gyur pa'i phyir na/ de lus zhig par gyur nas rab tu tsha ba'i dmyal ba chen por skyes so// de la'ang dmyal ba'i las kyis kun nas bslang ba'i sdug bsngal dpe med pa rnam bdu ma dang ldan pa rnam par rtog pa brgya stong du gyur pa rnams nye bar 'byung ngo / / de'ang de'i sems dgrar gyur pas bslus pa yin no// de nas lha de dag gzhan yang de'i phun sum tshogs pa dang / rgud pas byas pa'i bde ba dang / sdug bsngal du ma rnams mthong bar gyur nas/ de dag rnams phan tshun 'di bzhin du gtam byed do// shin tu mi bzad snying po'i stobs//

  426. 214a

    stobs chen bstan par mi bzod pa// gang gis byis pa rnams 'tshed pa'i// las rnams sems kyis byed pa yin// las rnams thams cad sems kyirgya srid pa nas ni srid par 'byung / / gang gis byis pa rnams 'tshed pa'i// sring rab 'jug byed sdug bsngal ni// sna tshogs sdug bsngal rang bzhin gyi// drag po bsran dka' stobs bopo che/ / las kyi 'jig rten 'phel byed kyang // skyo bar 'gyur ba'ang ma yin no// lha yi 'jig rten nas ni mir// mi nas phyis kyang dmyal bar ro// dmyal nas dud 'gro'i skye gnas la dud 'gro'i 'gro las yi dgas skyer/ / de ltar las bung 'khor bas phug/ skye dgu las kyi rlung bskyod nas// 'khor yang 'gro ba kun rmongs pas// 'di yang rtogs pa ma yin no// de ltar tshogs pa rgyu ba na rnam par rgyu ba'i lha rnams phan tshun du gtam byed do// rnam pa du mar rnam pa sna tshogs pa'i las kyis byas pa gang yin pa de dag rnams kyang yang dag pa ji lta ba bzhin du mchod rten de'i logs la/ bcom ldan 'das gser thub kyis sprul par gyur pa de la las du mas byas pa rnams gsal bar mngon du mthong nas/ gzhan yang de las gzhan pa'i 'thab bral gyi bdag po'i dge ba dang / mi dge bas byas pa'i skye ba rnam pa du ma rnams blta bar rtsom mo// gzhan yang rtsig pa'i logs

  427. 214b

    gzhan zhig la kun tu blta bar brtsams pa na/ de nas gtum pa ma yin pa'i gzugs zhes bya ba'i 'thab bral gyi mnga' bdag mthong bar gyur to// de las gang gis 'thab bral ba rnams kyi mnga' bdag byas par gyur nas/ de dag mthong bar gyur pa ji ltar sngon gyi dus nas mi'i 'jig rten du mang por bram zer gyur nas yang dag pa'i lta bas tshul khrims bzang po dang ldan par gyur nas btson khang du bcings pa rnams dang / shin tu sdug bsngal ba rnams dang / mgon med pa rnams dang / mu ges mnar ba rnams la sems kyis zin par byas rab tu dang bar gyur pa'i yid kyis zas bsod par gyur pa rab tu mang po rnams byin la/ sdom pa'ang dus tshigs la bzung ngo // de rgyu de dang / rkyen de dang / btson ra nas bcings pa'i mi rnams bkrol ba'i gzhi de dag rnams kyis de lus zhog nas mtho ris bde 'gro lhar skyes so/ / de ltar sbyin bdag bram ze de lus zhig nas mtho ris bde 'gro 'jig rten rnams las 'thab bral ba'i bdag por gyur to/ / rab tu gtum pa ma yin pa'i gzugs zhes bya ba dris 'thab bral ba rnams kyi mnga' bdag byas nas/ las byas par gyur nas rab tu 'chi 'phos te mir skyes par gyur pa la/ rdzu 'phrul chen po dang ldan pa mchog tu gzi brjid che ba'i rgyal por gyur to// de der rgyal po byas par gyur/ lus zhig pan phyis yang sum cu rtsa

  428. 215a

    gsum pa rnams kyi lhar skyes so/ / de de la rnam pa du mar bde ba chen po rnams la nye bar longs spyad nas/ dus rnams 'das pa dang / rab tu 'chi 'bos par gyur te/ lha ma yin du skye bar gyur nas/ rdzu 'phrul che ba dang / stobs che ba dang ldan par gyur to// de de las kyang 'chi 'phos par gyur te/ slar yang mir skyes nas stobs chen po dang ldan pa'i khyim bdag nor che bar gyur to/ / de las kyang 'chi 'phos par gyur nas/ phyis yang ba lang spyod pa rnams kyi gling gi mir skyes so// de las kyang 'chi 'phos par gyur nas/ sbyar yang mi rnams las yul chung gi skye bor skyes so// des sems yang mor gyur pas/ srog gcod pa byas te ri dgas gshor bar gyur nas ri dgas rnams mtshon cha dang rdzogs kyis smras shing smas par byas shing bsad do/ / de rgyu de dang / rkyen de dang / gzhi de rnams kyis lus zhig nas ngan song du lhung bar gyur nas/ dmyal ba yang sos su skyes te/ me phal chen rnams kyis sreg par byed do// gzer zug rnams kyang rnam pa du mas drag pa dang / rtsub pa dang / tsha ba nyams su myong bar gyur te/ des mi dge ba'i las drag po rnams byas pa'i phyir ro/ / de'i las kyi rnam par smin pa de dag legs par mngon par mthong nas/ gzhan yang tshogs pa rgyu ba'i sa na spyod pa'i lha de dag rnams kyis

  429. 215b

    bcom ldan 'das gser thub des mdzad pa'i mchod rten de'i nang gang yin par rnam pa du ma dang / rnam par rtog pa du mar las de dag rnams dmigs pa der nye bar phyin nas/ slar nyid kyang las kyis byas pa de dag rnams blta bar 'dod pas/ de der phyin par gyur pa na shin tu ngo mtshar bar gyur pa rtsig pa'i logs la skyes pa rnams rab tu mthong bar gyur pa ni/ kun nas mngon par dga' ba zhes bya ba'i 'thab bral rnams kyi mnga' bdag tu gyur pa'o/ / las kyi rnam par smin pa gang dag gis der skyes par gyur pa'ang de nyid la legs par mthong ba// ji/ ltar skye ba gzhan zhig la mir gyur pa na dge ba'i sems su gyur pas/ rtag tu bla ma rnams mngon par brjod pas phyag 'tshal ba dang / mngon du ldang ba dang / thal mo sbyor ba'i las rnams 'jigs shing zhum par 'gyur bas byed pa dang / rtag par yang mchod rten rnams la legs par byi dor dang / byug pa dang / skye ba rnams legs par byas pa dang / rtag tu'ang dge sbyong dang bram ze rnams la dad pas ji lta ba bzhin du sbyin pa byin pa dang / rtag par yang 'dis glo bur du 'ongs pa dang / nad pa rnams la sems rab tu dang ba dang / bkur sti dang bcas bas rkyen nye bar bzhag par gyur pa'i las des lus zhig pa na/ mtho ris bde 'gro rnams las 'thab bral ba'i mnga' bdag tu skyes par gyur te/ kun nas mngon par dga' ba zhes

  430. 216a

    bya ba'i rang bzhin yin no/ / de ltar kun nas mngon par dga' ba de'i lus las kha dog rnam pa sna tshogs pa'i 'od rnams gzugs rnam pa sna tshogs par gyur pas skye bo sna tshogs pa rab tu tshim par byed pa brgya phrag rnams kyang kun tu 'gro'o/ / rin po che rnams thams cad zil gyis mnan cing gzugs dpe med pas lha'i tshogs thams cad zil gyis mnan nas kun tu snang bar byed do/ / ji ltar gang gi phyir yang 'dzam bu'i gling gi mi rnams kyi drung na zla bas ni kun nas gsal bar byed do// de bzhin du 'thab bral gyi lha rnams thams cad kyi nang na kun nas mngon par dga' ba 'di mdzes par gyur pa yin te/ gzi brjid dang ldan par dus yun ring du 'dod pa'i yon tan lnga dang yang dag par ldan pas bde ba rnams la nye bar longs spyad nas 'chi 'phos so/ / de las de dag nyid kyi lhag ma rnams kyis 'dzam bu'i gling du rgyal por gyur te/ yul ljongs brgya la mnga' sgyur bar gyur to// de de ltar skyes par gyur pa na sems g.yo bar gyur pas ri dgas gshor ro/ / de rgyu de dag gis dmyal ba yang sos su skyes so// de las shi 'phos nas kyang bya ngang par skyes par gyur to// de dag rnams de'i las kyis byas pa rnams nye bar rtogs nas/ gzhan yang las kyis byas pa'i ngo mtshar bar gyur pa gzhan ci zhig 'byung bar 'gyur snyam pas/ de dag rnams rtsig logs de'ing

  431. 216b

    kyi yul phyogs gzhan la mngon par rtog par byed do/ / de nas slar yang lha de dag rnams mchod rten de'i rtsig logs la rjes su song nas lta bar byed pa na/ de la mu su lun d+ha zhes bya ba 'thab bral gyi bdag po chos dang ldan pa/ chos kyi rjes su kun nas 'jug pa/ 'dod pa rnams kun tu sten par mi byed pa/ chos kyi mchog gis sems can rnams thams cad la phan par rjes su 'jug par byed pa mthong bar gyur te/ las kyis byas pa rnams kun tu rig pa'i phyir na/ lha rnams kyi bdag por gyur nas kyang bag med pas rnam par rgyu bar mi byed do/ / de'i las kyi rnam par smin pa rnams kyang rjes su mthong bar gyur pa la dad pa ldan pas khyim nas khyim med par rab tu byung bar gyur la/ de la rab tu byung bar gyur nas kyang // phyir zhing nyid du kha na ma tho ba phra rab tsam la'ang 'jigs par blta bar gyur nas/ tshangs par spyod pa yongs su rdzogs par spyad pa de'i lus zhig par gyur pa na/ bde 'gro mtho ris kyis 'jig rten las gzhan 'phrul dbang byed pa rnams kyi rgyal po zil gyis mi non pa zhes bya bar gyur to/ / de de las rab tu 'tsho'i 'pho bar gyur nas kyang gling bzhi pa'i 'khor lo sgyur ba'i rgyal por gyur to/ / de las kyang rab tu 'phos par gyur nas/ gzhan yang rgyal chen ris bzhi'i lhar skyes so// de las rab tu 'chi 'phos par gyur nas/ gzhan yang skyid pa chen/

  432. 217a

    po dang ldan pa/ nor chen po dang ldan pa'i khyim bdag tu gyur pa dang / dpag chad stong la dbang ba'i rgyal por gyur to// de de las kyang rab tu 'byos nas gzhan yang shar gyi lus 'phags po'i gling gi rgyal por gyur te/ mthu stobs mchog tu che ba dang ldan par gyur to// de de las kyang rab tu 'chi 'phos nas/ slar yang mchog tu rdzu 'phrul che ba dang / mchog tu stobs dang ldan pa'i lhar skyes par gyur to// de las kyang rab tu shi 'phos nas slar yang bde ba che bar gyur pa/ nor che bar gyur pa'i khyim bdag mchog tu sbyin pa dang / tshul khrims dang / shes rab rnams phun sum tshogs par gyur to// skye ba gzhan dag rnams gang dang gang dag tu skyes par gyur pa na/ de de dag rnams su'ang sbyin pa dang / tshul khrims dang / shes rab dang ldan par kun tu gnas so// den so de las rab tu shi 'phos par gyur nas kyang / sbyin pa dang / tshul khrims dang / shes rab kyi rgyu dag nyid kyis rnam par langs par gyur cing / lus zhig nas kyang mtho ris bde 'gro'i 'jig rten 'thab bral ba rnams kyi bdag por nye bar skyes par gyur te/ ming ni mu su lun d+ha yin no/ / de las de dag rnams nyid kyi rgyun rnams legs par bsgoms par gyur cing / sems kyis kyang lam rnams legs par yongs su sbyong bar byas par gyur

  433. 217b

    bas bag dang ldan par gyur to/ / 'dod pa rnams kyis 'phrogs par mi 'gyur ba dang / yul rnams kyis sems nye bar bcom pa ma yin la/ mchog tu bdag dang gzhan la phan par byed par gyur pa de'i dge ba'i las kyi mtha' rnams la spyad par gyur pa 'di'i bka' drin 'di dag gis lha mang po rnams kyang 'dod pa'i dbang du dang / 'dod pas zil gyis gnon par yang mi 'gyur ro/ / de nas de'i tshe lha de dag gis tshigs su bcad pa brjod pa/ ji ltar/ dge ba rjes su spyod pa ni// dge nas dge bar rtag tu 'gyur// bsgral ba bye ba stong du yang / / dge ba yongs su chud mi 'dza'// tshul khrims rtag tu legs bsdams dang // shes rab kyang ni rjes su 'phel// des ni srid las nges 'byin pa'i// sbyin pa yang ni rtag tu byin/ / mi yi sbyin la sogs gsum gyis// skyon gsum rab tu 'joms par byed// de phyir skyon rnams yongs spongs la// rab tu brtson pas yon tan sten// lha rdzas 'dod pas phun tshogs kyang / / yul gyis gang zhig 'joms min dang // dmyal bar kun tu skye 'gyur yang // gang phyir chos las ldog pa min// 'di ni chos ldan shes rab kyis// byis pa rnams ni bzlog pa yin/ / chos dang tshul khrims legs par sten// rab tu brtson pas shes rab rtsoms// srid skyes sdug bsngal rnams 'joms par// ji bzhin nyi ma'i zhabs bzhed do//

  434. 218a

    shin tu mtho ba'i chos ldan gang // de la lhas kyang phyag byed do// skye ba gzhan ni thob nas kyang / myur du'ang mya ngan 'da' bar 'gyur// de ltar lha yi chos gang gi/ mtshan nyid de nyid shes gyur gang // skyes bu de ni srid grol nas// pha rol 'gro ba 'gro bar 'gyur// bzod dang snyan par smras nas ni// 'byung po thams cad snying rjes 'dzin// sbyin pa yang ni gtong ba yi/ / lam de dag ni zhi ba yin// rab gtum sdig pa sten pa gang // le lo shin tu sten pa dang // khyon ma chos la rnams zhe sdang // dmyal bar 'gro ba gang de yin// gang dang des kyang mgu mi 'gyur// gang de la yang khro bar byed// gang dang de la kun tu chags// rmongs pa zhes ni de la brjod// dge ba spangs pa'i mi dge ba// sdig pa'i chos kyis rmongs pa yin/ / gang la sdig pas rnam 'tshed pa'i// rmongs pa dmyal bar khrid pa yin// chos spyad dge ba rjes su tshol// rtag tu 'dod pa rnam spyod pa// mu su lun d+ha 'thab bral srig nyon mongs zad par spyod pa yin/ / de ltar tshogs pa rgyu ba na rnam par spyod pa'i lha de dag rnams phan tshun du gtam byed do// yul gyi sred pa'i 'jigs pa 'jigs su rung ba'i sdug bsngal na dag rnams thams cad mngon sum du gyur par mngon par mthong bar gyur pa dang / gzhan yang mu su lun d+ha de nyid dang bcas pa'i tshogs pa rgyu ba'i sa na rnam par spyod pa'i lha de dag mchod rten na

  435. 218b

    nyid kyi rtsig logs la lta bar rtsom par 'gyur zhing / 'chi 'phos nas kyang 'thab bral gyi mnga' bdag 'di gang du skye bar 'gyur/ 'di'i 'gro ba ni gang du 'gyur snyam pas/ de dag rnams slar yang rtsig pa'i yul phyogs de la blta bar rtsom mo/ / de nas lha de dag rnams lha'i rigs de las shi 'phos na sa mu su lun d+ha de dang lhan cig tu thams cad kyang byams pa'i gsung rab la 'dzam bu'i gling du skye bar 'gyur ba mthong ste/ thams cad kyang dbang po tshang ba dang / thams cad kyang rigs chen por skye ba dang / thams cad kyang phan tshun lhan cig tu yul gcig tu skye ba dang / thams cad kyang phan tshun du mchog tu snying dga' bar 'gyur ba dang / yang dag par ldan pa dang / khyim chen por legs par skye ba dang / nor chen po'i khyim dang / yon tan chen po dang ldan pa dang / bdag nyid kyi skye ba bzang por 'gyur ba mthong ngo // mu su lun d+ha ni yul de nyid kyi rgyal rigs shing sA la chen por skye bar 'gyur zhing / nor chen po dang ldan pa dang / mthu stobs che bar gyur pa dang / skye bo thams cad kyis chod pa dang / bye ba phrag brgya stong gi rin po ches gang bar gyur pa der skyes pa'i bu thu bo 'di'i ming yang tshul khrims bzang po'o// dus de'i tshe na bcom ldan 'das byams pa'i zhal snga nas chos ston par mdzad de/ thabs su gyur pa mya ngan las 'das pa'i grong khyer du 'gro bar byed/ 'phags pa'i bden pa bzhi'i yon tan dang ldan pa dang

  436. 219a

    por dge ba/ bar du dge ba/ tha mar dge ba/ don bzang po// tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byung ba'i chos ston par mdzad pa ni 'di lta ste/ 'di ni gzugs so// 'di ni gzugs kun 'byung ba'o// 'di ni gzugs 'gog pa'o// 'di ni gzugs 'gog par 'gro ba'i lam mo/ / de bzhin du tshor ba dang / 'du shes dang / 'du byed dang / rnam par shes pa rnams la'ang rgya cher mtshan nyid ston par mdzad do// sems can thams cad bde legs su byed pa/ nyon mongs pa med pa/ mya ngan las 'das pa'i grong khyer du legs par 'jug par byed pa/ 'gro ba thams cad sgrib pa med par mdzad pa'i chos ston par mdzad do// de nas tshul khrims bzang pos/ de ltar bcom ldan 'das byams pa chos ston par mdzad pa thos par gyur pa nas/ snga ma bzhin te/ de dag rnams kyis kyang de dang lhan cig tu de kho na bzhin thos par 'gyur ro/ / de nas de dag rnams sngon goms pa'i dge ba'i las rnams kyis legs par bskul bar gyur pas phan tshun du gtam skad bstun nas/ de dag thams cad kyang gang natshul khrims bzang po yod pa der nye bar 'ongs par gyur to/ / stong phrag nyi shu po de dag rnams thams cad kyang tshul khrims bzang po la gros byed par 'gyur te/ rgyas par ni snga ma bzhin no//

  437. 219b

    de nas de dag rnams kyi gtso bos thos par 'gyur zhing / sngon gyi dge ba'i las kyis legs par bskul nas thabs cig kho nar langs te/ yi rangs par gyur pas legs par gus pa skyes shing dga' bar gyur pas/ bzhin gyi mdangs rab tu dang ba dang ldan par gyur nas/ thams cad dang yang dag par ldan pa rnams gang na bcom ldan 'das byams pa bzhugs pa der/ blo rnam par rgyas pa rnams kyis brgya byin yongs su bskor ba bzhin du nye bar legs par 'gro ba'o// de nas bcom ldan 'das skyes bu chen po'i mtshan sum cu rtsa gnyis kyis nye bar mdzes par gyur pa'i sku bya ba ni rgyas par te/ chos ston par mdzad par rgyang ring ba nas mthong ste/ lha dang mir bcas pa'i skye dgu rnams la phan par dge sbyong dang bram zer bcas pa'i tshogs kyi skye dgu rnams kyis yongs su bskor cing mdun du bdar te/ thog ma dang / bar mA dang / tha mar dge ba'i chos ston par mdzad pa ni/ mtsho bzhin du rab tu dang bar gyur pa/ shin tu rnyog pa med pa/ sdug bsngal thams cad zad par byed pa/ 'khor ba thams cad kyi 'ching ba rnams gtan nas grol bar byed pa/ mya ngan las 'das pa'i mthar thug par 'gyur ba chos rnams ston par mdzad do/ / 'khor 'di dag rnams ni shin tu zab par gyur pas rgya mtsho lta bu'o// de nas bcom ldan 'das kyis ring ba nyid nas skye bo'i tshogs kyis yongs su bskor

  438. 220a

    ba mngon par gzigs nas 'di skad ces bka' stsal te/ 'thab bral gyi bdag po mu su lun d+ha mgo bos zhabs dag la legs par phyag tshol cig/ 'khor dang bcas pa rnams kun nas 'ongs pa legs par 'ongs sam/ tshangs par spyod pa legs par spyad drang/ chos la khyod kyi dbang po yongs su smin par gyur tam/ mi dge ba'i las mang po rnams bsrabs par byas shing gtan nas zad par byas sam/ 'dod pa ston pa rnams yongs su spangs par gyur tam/ nga ni sdug bsngal de dag rnams mthar byed pa'i dus su phyin no/ / des de bzhin du de bzhin gshegs pas bka' stsal pa rnams de ltar thos nas yid rab tu dga' zhing gus pa legs par skyes par gyur to// de ltar gyur pas 'khor thams cad kyi zam par gyur pa'i de bzhin gshegs pa'i gzugs dpe med par gyur pa legs par mngon par mthong nas/ mgo bos zhabs la legs par gtugs shing mngon par mthong ba mtha' gcig tu 'dug nas 'di skad ces gsol to/ / bcom ldan 'das bdag gi 'khor bar 'jug pa ni zad lags so// de nas bcom ldan 'das kyis gang gis stong phrag nyi shu po 'di dag rnams zag pa zad par khrid par byed pa'i rnam pa des chos ston te/ gang dag lha'i 'jig rten du de'i lhan cig spyod par gyur pa rnams so// de ltar mu su lun d+ha dang bcas pa

  439. 220b

    rnams kyis bcom ldan 'das gser thub kyis yongs su sprul pa'i ma 'ongs pa thams cad ji lta ba bzhin du rjes su mthong bar gyur to/ / de nas ngo mtshar bar gyur pa rnam pa du mA legs par mngon par mtho ba de dag rnams ni thams cad mkhyen pa nyid kyis sprul par gyur pa yin gyi/ gzhan dag rnams kyis ni rtogs pa'i yul ma yin pa'i phyir na/ lha dang bcas pa'i 'jig rten rnams dang / bdud dang bcas pa rnams dang / dge sbyong dang bram ze'i rigs dang bcas pa'i skye dgu rnams de bzhin gshegs pa ma gtogs pa gzhan rnams la ni ma dad par 'gyur ro// de la skyes bu rnams sten pa'i byed pa'i mchog ni 'khor ba 'di las nges par 'byung bar byed pa 'di lta ste/ dge ba'i bshes gnyen la sten pa'o// de nas lha de dag rnams nyid khrid nas yod shin tu rangs par gyur pas/ sangs rgyas la gus pa legs par skyes pa de bzhin du/ chos dang 'phags pa'i dge 'dun rnams la yang ngo // gzhan yang lha'i tshogs dang bcas pa rnams kyis zhabs gnyis la mgo bos kun phyag byas te thams cad kyang mchod rten de las phyir byung bar gyur pa yin no/ / mdo drug pa las gser thub kyi sprul pas 'gro ba'i mdo ste lnga pa rdzogs so/ / // de nas gzhan yang mu su lun d+ha rab tu dga' ba'i yid kyis 'dod pa'i 'jigs pa'i skyon ston par byed pas/ lha de dag rnams

  440. 221a

    nyid dang lhan cig tu tshogs pa rgyu ba na spyod pa'i sa rnams la kun tu lta bar byed de/ rab tu dga' bar gyur pas des dpyod par byed pa na sna tshogs pa'i lha'i tshogs rnams kyis gang ba/ nags dang / skyed mos tshal dang / mtshe'u dang / rdzing bu dang / nags kyi tshogs dang / chu klung phal po che rnams kyis gang bar gyur pa/ pad+ma'i rdzing bu du ma rnams la rnam pa thams cad du bya nang na gnas pa rnams kyis rnam par brjod pa dga' bar gyur pa/ sgra 'byin par byed pa dang / tshogs brgyu ba'i sa rnams na lha'i bu mo brgya stong du mas glu dang gar legs par byed pa dang / rgod pa dang 'gying ba rnams kyis sten pa/ yon tan du ma dang ldan pa'i lha rdzas smos su rung ba'i rin po che sna bdun gyi rang bzhin gyi ljon shing rnams la 'bras bus gang ba/ nor bu'i rang bzhin gyi ri rab tu mang ba/ nags rnams kyis mdzes par gyur pa rnams na las kyi 'bras bu dman pa dang / bar ma dang / khyad par du 'phags pa'i las kyis/ lha'i tshogs rnams gcig tu sred pas sten par byed pas kun tu dang ba dang / phan tshun lhan cig tu gnod pa med pas ngal bso bskyed pa'i lha dang lha mo'i tshogs kyis 'khrigs par gyur pa dang / btung ba'i chu klung dga' bar gyur pa rnams shin tu phal che ba/ gzhan yang rin po che sna tshogs pa'i khang bu'i 'phreng ba ngo mtshar bar dga' bar gyur pas/ 'dod

  441. 221b

    ba'i yon tan lngas phun sum tshogs pa phan tshun du rin po che'i 'od kyis brgyan pa/ gser shin tu 'bar bar gyur pa dang / b+hu ru dang / mu s+thu ra gal ba dang / in+da nI la'i ri'i rtse mo phan tshun kun tu 'bar bas nye bar mdzes par gyur pa'i tshogs pa rgyu ba na spyod pa'i sa de dag rnams la kun tu bltas nas/ mu su lun d+ha des 'di skad ces smras so// khyed lha rnams lha'i tshogs 'di dag rnams rab tu dga' bas/ yid ches dga' bar gyur pas mthon po rnams nas mthon po rnams dang / ri'i rtse mo nas ri'i rtse mor rtse bar byed pa rab tu rangs pas/ rnga skad yan lag lnga pa shin tu bsgrags par gyur cing rab tu rgyu bar byed pa rnams la ltos dang / brjod pa lha bdag cag gis mthong legs so// lha'i tshogs de dag thams cad ni chu dang bral ba'i mchod rten no// de nas gzhan yang lha de dag rnams la 'di skad ces smras te/ lha dag de bzhin gshegs pas 'di dag nges par sdug bsngal du gsung ba ni gnas yin no// bag med pas rnam par rgyu ba'i lha rnams ni mngon par rigs par grol ba ma yin te/ skyes bu rnams kyis legs par byas pa'i las rnams kyang zad nas/ 'chi 'pho ba'i dus su phyin pa dang / phyi ma la myur du lhung ngo // 'du byed kyi las sgyu ma lta bu rnams kyang byis pa rnams kyis go bar 'gyur ba'ang ma yin no/ / dmyal ba dang / yi dgas dang / dud 'gro'i skye bar log par ltung ba rnams kyang bag med par rgyu ba'i

  442. 222a

    lhas go ba ma yin no/ / gang gi phyir las rnams las yin pa 'di'ang sgo gcig gis sdug bsngal bar gyur pa'i skye ba ma bzlog pa las yin te/ de ci'i phyir zhe na/ skye ba dang / gnas pa dang / 'jig pa'i mtshan nyid gsum dang ldan pa/ 'dus byas rnams kyi rab kyi mchog tu gyur pa'i las 'di dag rnams thams cad kyang bsdus pa dang / skyes bu rnams shin tu lhan cig tu 'jug pa'i phyir ro/ / de la ni skyon gsum gyis ma rungs par gyur pa/ sdug bsngal du ma phal po che'i gnas su gyur pa/ myang ba'i ro ni 'ga' zhig kyang rtogs pa ma yin no/ / mchog tu skyid par gyur pa'i tshogs bdag cig rnams gang yin pa la yang / 'chi ba'ang sbyang bar gyur pas skad cig re re zhing snyan par byed do// 'chi bdag gi khas 'bigs par byed do/ / 'du byed 'di dag thams cad kyang skad cig pa/ gson pa 'di dag thams cad ni myur bar ltung ba/ lang tsho'ang gcig tu dga' ba ma yin no// phun sum tshogs pa rnams kyang myur bar 'jig go/ / 'bral bar 'gyur ba'i mtha'i sdug bsngal rnam pa mang po mchog tu mi bzad pa'i 'chi bdag gang gi tshe 'di dag rnams nges par rtogs par 'gyur ro// de nas lha de dag rnams kyis lha'i bdag po mngon par mthong nas rab tu rings pa'i yid kyis/ rings pa rings par cod pan rnam par 'phyang ba'i 'phreng ba dang do shal dag rnam par sbyangs pas

  443. 222b

    'phyang ba/ rang gi lus kyi 'od 'phros pas 'od dang ldan par gyur/ mchog tu rgya che ba'i rgyan dang / cha byad can gyi bud med kyi 'gro ba stong gis yongs su bskor nas/ rnam pa sna tshogs pa'i rnga skad rnams dang / glu dang / gar dang / rgod pa dang / 'gying bar rtse bar byed pas lhan cig tu mchog tu skyid par gyur pa/ rang gis byas pa'i dge ba'i las rnams dang ldan pa/ rnam pa brgya stong du ma'i gzugs kyi dpal rnams 'dzin par gyur pas/ gang na lha'i mnga' bdag mu su lun d+ha 'di yod pa de dang / rings pa rings par thag bsnyen par gyur to// de nas rgyal po de dag rnams rjes su gzhug pa'i don du gang na de dag rnams yod par 'gro'o/ / de dag rnams kyang nye bar 'ongs par gyur to// de dag rnams kyi rtsed mo la ltos pa'i phyir ro// de nas de dag rnams dang lha gzhan rnams kyi yang nang du song nas 'tha' bral gyi mnga' bdag de mngon par rtse bar byed do/ / rgod par byed do// 'gying bar byed do// yongs su spyod par yang byed do/ / de rnams rjes su gzhug pa'i don du yin gyi/ rang bzhin ni ma yin no// de de dag rnams kyi nang du song nas yud tsam zhig rgod cing / 'gying ba dang rtsed mo rtse ba dag byas so/ / de dag rnams ni rang bzhin gyis sems rtsa ba hral can yin pa dang / lha rnams ni 'dod pa du ma la rnam par chags pa'i sems yin pas kyang / gzhan du ri'i rtse mo

  444. 223a

    rnams la rjes su sbyin par byed pa rnams dang / b+hu s+'u rnyi byazhin gyi ljon shing sna tshogs pa rnams dang ldan pa/ rnam pa bam stong duma'i s+yA dang / dbyings dang / 'od zer du mas gsal bar gyur pa/ khams du mas rnam par bkra ba'i ri'i rtse mo rnams la rjes su can pa rnams ni blo mang bar gyur pa yin no// 'thab bral gyi bdag po 'di dang / de dag rnams nyid ni phyogs gcig tu ste/ yul du ma rnams la rnam par chags pa'i yid dang / ji lta bar bral ba'i lha gang yin pa de dag rnams dang lhan cig tu gyur pa de dag la 'thu bral gyi mnga' bdag gis 'di skad ces brjod do/ / lha dag bdag cag rnams lha de dag rnams can du 'gro bar bya ste/ rang gi don las ldog par 'gyur ba'i yul rnams kyi don gang yin pa las bzlog pa nyid kyi bde legs byas par 'gyur ro/ / 'di dag rnams ni mi 'jug cing chos la rjes su sgrub par ni bdag cag rnams kyis ci nas kyang bya ba yin no// bde legs gzhan rnams de ltar nye bar ge nas lha de dag rnams nyid dang bcas te/ lha rnams kyi bdag po de yid rab tu zhi bar gyur pas/ gzhan yang gang na tshogs pa rgyu ba na rnam par spyod pa'i lha de dag rnams kyi sa'i yul phyogs gzhan cig yod pa der ge bar legs par 'gro ste/ 'bab chu dang / rdzing bu dang / 'dra'i tshal sna tshogs pa rnams la bya'i tshogs kyis rnam par brgyan pa/

  445. 223b

    pasna tshogs pa'i rtse mo nye bar dud par gyur pa/ rin rnams kyi dpal nye 'khor na rab tu 'bar ba lta bur gyur pa/ den yod pa'i sa phyogs kyi cha yid 'phrog par byed pa/ rnam pa de srid pa rnams kyis ni 'thab bral gyi bdag pos kyang ngo mtshar bar byed pa/ rin po che thams cad kyi dpal zil gyis mnan nas nam mkha' brtol ba bzhin du mthong bar gnas pa/ rin po che sna tshogs kyi 'od dang ldan pa dang / nyi ma brgya stong dang ldan pa/ mngon par gsar pa'i gzi brjid dang ldan pa/ mchog tu zhi zhing nye bar gsar bar gyur pa/ mchog tu rnam par dben pa'i sa'i cha shas na gnas pa'i mchod rten mthong ngo / / de nas lha'i bdag pos 'di skad ces smras so// rin po che sna tshogs pa rnams 'bar ba mthong ba 'ang ci zhig bya ba ste snga ma bzhin no// de nas lha de dag gi drung nas rnam pa de lta bu'i tshig rnams thos nas/ 'thab bral gyi bdag po des 'di skad ces brjod de/ khyed rnams nyon dang / gang 'dir mthong rin po che sna tshogs 'bar bar gyur pa zhes bya ba rnams ni snga ma bzhin no/ / 'di dag ni bcom ldan 'das drug pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bla na med pa/ skyes bu 'dul ba'i kha lo sgyur ba/ lha'i lhar gyur pa 'od srungs kyi gdung rten lham me bar gyur pa'o// mchod rten gzhan rnams la ni tshangs pas gson pa'i lha rnams nyid kyis brgyus par

  446. 224a

    gyur la/ sngon bsgoms pa'i sems dang ldan pa rnams la phan pa'i don du dang / rjes su 'jug par bya ba'i phyir mchod rten 'di'i rtsig logs la byas pa rnams yin no// de bzhin gshegs pa dgra bcom pa de dag rnams dang / gzhan dag rnams kyi mchod rten de dag la'ang nga dang khyed cag rnams kyang sangs rgyas dang / chos la gus pas dang / bdag nyid la'ang phan par 'dod pas legs par 'gro bar bya'o/ / de skad ces brjod nas/ 'thab bral ba'i bdag po de lha'i tshogs dang bcas pa rnams gang na drang srong mchog gi gdung rten de yod pa yin pa der nye bar song ba na/ rin po che sna tshogs 'bar bar gyur pa de nyid de dag rnams kyis mthong ba ni snga ma bzhin no// de nas lha de dag mchod rten du zhugs par gyur pa na/ lha'i tshogs rnams kyis mthong bar gyur pa ni/ drang srong gi mchog 'od srungs kyi sku gzugs 'dzam bu'i chu bo'i gser gyi rang bzhin/ rin po che sna tshogs kun tu 'bar ba'i na bza' dang / bai DUR+Ya'i rang bzhin gyi seng ge'i khri la bzhugs pa/ dngos po kho na bzhin du chos ston pa mdzad pa'i gzugs kyi dngos po dpe med par gyur pa'i rnam pa gang gi khyad par gyis ni lha de dag rnams dang / srin bu me khyer dang / nyi ma'i khyad par bzhin du de'i dpal rnams la dpe med pa yin no// de nas bcom ldan 'das de'i sku de dag gis mngon par mthong bar gyur pa dang / yid ches rab tu bde ba skyes nas

  447. 224b

    gus pa dang / gdung bas kun nas mgo bos btud de/ cod pan dang / 'phreng ba dang bral ba/ me tog gi 'phreng ba dang bral ba/ gzugs dang / dbang phyug dang / 'od kyis rgyags pa rnams dang bral ba/ dri dang bral ba/ 'dod pa dang bral bas bcom ldan 'das de'i zhabs gnyis la rab tu btud do// gus pas mgo bo btud pas/ des de bzhin du mngon par phyag 'tshal nas/ gzhan yang rgyags pa dang bral bas bcom ldan 'das de la phyag 'tshal lo// phyag btsal nas langs te thams cad kyang yid rtse gcig par gyur cing / rang bzhin gyis mi g.yo ba'ang ma yin pas/ rin po che du mas rnam par brgyan pa gzugs dpe med pa dang ldan pas/ bcom ldan 'das kyi sku gzugs kyi mchod rten de'i nang du song nas las kyis byas pa rnams la sems pas lta bar byed do/ / de nas de nyid kyi logs la rdzu 'phrul gyis rtsig pa'i steng du/ legs par gsal bar gyur pa'i yi ger bris pa'i mdo sde lha dang mi rnams la phan pa'i don dang / 'gro ba thams cad la mchog tu phan pa'i don du 'gyur ba'ang / mdo shin tu gsal ba/ shin tu gsal ba'i yi ger gyur pa/ tshig dang don bzang por gyur pa/ mya ngan las 'da' bar 'gro ba ston pa/ byis pa'i blo dang ldan pa'i byis pa'i skye bo rnams thams cad la sgron mar gyur pa yin no// de nas mdo 'di steng du bris pa yin te/ 'dul bar byed pa dang /

  448. 225a

    bde legs su byed pa/ mar me lta bur gyur pa/ gdams ngag tu gyur pa/ mya ngan las 'das pa'i grong khyer legs par ston par byed par gyur pa/ rab tu byung ba rnams thams cad kyi mkhan po lta bur gyur pa'i bslab pa'i gzhi rnams yin no/ / 'di lta ste/ chos bcu gsum po 'di dag rnams kyis ni gang dag dge slong yin pa rnams kyi bar chad byed par 'gyur ro/ / bsam gtan la snyoms par 'jug pa dang / mya ngan las 'das par 'gro ba dang / rang gi bya ba rnams kyang yongs su bcom par 'gyur ro// chos bcu gsum po 'di dag rnams rjes su sgrub par byed pa'i dge slong 'di dag ni/ nad dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / ngal dub rnams las de yongs su mi 'grel lo// brgya phrag tu'ang bya bar bya ba'i gnas su 'gyur ro// 'di'i rab tu byung ba don med pa yin no// lus dang / ngag da yid kyang bsdams par 'gyur ba ma yin no/ / brtson 'grus ma brtsams pa gang yin pa rnams la ni/ gnas mal dang / nad kyi gsos sman gyi yo byad rnams las gcig kyang ngas byin du ma gnang ngo / / de dag gis de'i bar du gcod par 'gyur ro// 'di lta ste/ mdog ngan pa dang / le lo can dang / sngar mar gyur pa dang / mngon par mi shes pa'i skyes bu

  449. 225b

    rnams kyis ni rgyags pa'i shugs kyis zab par gyur pa/ bzod par dka' ba rnams las rgal bar mi nus so// de kho na bzhin du rang bzhin gyis brtson 'grus nyam chung bar gyur pa/ sems bsdams pa ma yin pa/ le lo can bsam gtan la snyoms par 'jug pa na/ dge ba la 'jigs pa blun par gyur pa dang / rang bzhin gyis ma rig pas g.yogs pa rnams kyis ni chu bo lnga legs par rgal nus pa'ang ma yin no/ / yul gyi chung mi bzad pa'i rtse mor gyur pa rnams legs par rgal nus pa yang ma yin no// de des kun nas khrid pa yin te/ snying yang sred pa'i chu klung gis khyer nas 'khor ba'i rgya mtshor yongs su 'khyam mo/ / chos bcu gsum po de dag rnams gang zhe na/ 'di lta ste/ tshogs pa 'dus pa dang / sman pa dang ri mo'i las dang / thos pa ngan pa dang / snyan dngags sdeb pa dang / rgyu skar bgrang ba dang / rgyu mtshan gyi sems dang / rjes su rnyed pa dang bkur stir khas len pa dang / gser 'gyur la sems rtse gcig pa sha za ba dang / rgyal po'i zhabs 'bring byed pa dang / bde bar phe'u btab pa khas len pa dang / mi 'dri ba dang / grogs po mang po dang / 'dres par gnas pa ste/ chos bcu gsum po de dag rnams kyis dge sbyong dag bsam gtan byed par gyur pa na bar du gcod par byed par 'gyur ro// de steng nas lhung nas rang gi don las nyams

  450. 226a

    par 'gyur ro/ / dmyal ba dang / yi dgas dang / dud 'gro rnams su'ang skye'o// 'dis rab tu byung ba ni don med par 'gyur ro// de khyim pa ma yin no// rab tu byung ba'ang ma yin no// dge ba'i las rnams yongs su spangs par gyur pa/ grogs tshangs pa mtshungs par spyod pa rnams kyis smad par gyur pa/ dung gi sgra dang mtshungs par spyod pa yin no/ / thos pa med pa dang / shes pa med pa'i phyir na 'di'i yid kyis bsams pa'i mya ngan las 'das par 'gro ba'ang 'grub par mi 'gyur ro// lha rnams kyis kyang spong bar byed do/ / de la 'di dang po kho nar bsam gtan la snyoms par zhugs pa na rnam par bsreg par gyur nas mchog tu'ang yid rnam par g.yeng bar byed pa/ ldang ba rnams la shin tu dga' bar gyur pa/ phyi nas 'gyod par byed pa por rab tu byung ba thams cad kyis rnam par spang bar bya ba 'di lta ste/ tshogs par 'dus pa la dga' ba'o// tshogs pa 'dus pa la dga' ba'ang sems ma bsdams pa yin no/ / ma bsdams par spyod pa rnams kyang rang bzhin gyis rgod par gyur pa'i phyir na rtag tu'ang yid kyis kun rjod par 'gyur ro// sems shin tu rnam par g.yeng ba rab tu g.yo ba'i rtog pa/ rab tu g.yo ba'i blo dang rnam pa de lta bu nyid la sten par byed pa/ gang dag la yod pa gang yin pa'i sems rnam par g.yeng bar gyur

  451. 226b

    ba na/ gang rtag tu'ang gar dang bro la dga' bas kun tu bltar 'gro ba la sogs pas de ma bsdams pa kho nar rtag par spyod par 'gyur te/ grong khyer dang / yul chung dang / grong dang grong rdal du 'gro bar byed do/ / rtag tu'ang spro bas lta ba por 'gyur ro// tshogs pa 'dus pa rnams la kun tu lta ba de dag rnams lhan cig tu 'grogs nas rgyun du yul nas yul du 'gro bar byed do/ / thams cad du 'gro bar byed cing ma bsdams par gyur pas/ rtag tu'ang kha na ma tho ba'i tshig brjod pa la mngon par dga' ba la gcig tu zhugs pa'i blo ni nyin mo dang mtshan mor yang sdod pa ma yin no/ / de ni blo rnam par g.yeng bar gyur pa/ thos pa dang mi ldan pa yin te/ gzhan grogs tshangs pa mtshungs par spyod pa rnams kyis rnam par smod par byed do// de la ba shes par gyur pa'ang bdag nyid rang gis kun tu mi rtogs so// de dag tshul khrims dang ldan pa rnams kyi drung na yid kyi bya ba byed do// de lus zhig par gyur pa na ngan song log par lhung bar lhung nas dmyal bar skye'o/ / gzhan yang tshogs pa 'dus pa la skyon chen po rnams yod de/ tshogs pa 'dus pa la mngon par dga' ba'i dge slong ngan pa/ tshul khrims 'chal pa rtag tu tshogs pa 'dus pa la mngon par dga' ba'i sgra rnams nyan par byed pa ni rgod par 'gyur ro/ / ma bsdams pa/ blo rab tu ma zhi ba de'i blo la ltos nas sbyin bdag dang / sbyin pa po rnams dbang che

  452. 227a

    bar 'gyur te/ rnyed pa dang bkur stis zil gyis gnon par gyur pa'i phyir ro// gzhan yang rab tu byung ba bas gzhan dag rnams kyang kha drag pa'i skyon yod do// gzhan yang tshogs pa 'dus pa'i skyon gang zhe na/ 'di lta ste/ bdag nyid rang shin tu tshogs pa 'dus pa po yin pas/ rab tu byung ba gzhan dag rnams kyang tshogs pa 'dus pa de la dga' ba lo/ na byed do// dam pa'i chos las yongs su nyams par byed do// de la 'dis bdag nyid rang chud gzan nas/ gzhan rnams kyang chud gzon par byed do// bdag nyid rang yongs su nyam par 'gyur ba'i bsam pa la sbyor/ rnam pa de lta bu'i sems can de ni dge 'dun thams cad kyis spang bar bya ste/ 'dis ni dge slong tshul khrims dang ldan pa rnams kyang chung gzon par byed do// tshul khrims can gyis 'di yongs su spang bar bya ste/ sdig pa'i grogs po'i rang bzhin can 'di ni tshungs pa mtshungs par spyod pa thams cad kyis rnam par smad pa yin no// gzhan yang tshogs pa 'dus pa'i skyon rnams ni/ gang gi phyir tshogs pa rnams ni rnam pa sna tshogs pa yin no// gang gi phyir tshogs pa 'dus pa rnams ni sgra rnam pa sna tshogs pa yin no// rnam par bkra ba sna tshogs pa'i sgra rnams kyi sems dga' bar byed pa'ang yin te/ sgra la shin tu chags pas de dag la yid brten par gyur nas/ ches rab tu g.yo bar gyur pa'i yid kyis dga' ba mngon par rdzogs par byed do//

  453. 227b

    / chags par gyur pa'i blo dad pa med pa de ni don gang la'ang dad par mi 'gyur ro// gang dag chos ma yin pa'i chos rnams la 'jug par byed do// de de la'ang dad par mi byedado// de bde bas rkyen dang bcas pa'i log par ltung ba kun tu spyod par byed pa yin no/ / de de la'ang log par smra bar 'gyur ro// de lus zhig nas shi bar gyur pa'i 'og tu/ ngan song log par lhung nas dmyal ba rnams skye bar 'gyur te/ tshogs pa'i dus pa 'di'i yol ga gyes pa rnams ni skyon chen po mang bar 'gyur ro// de nas de'i dus na bcom ldan 'das 'od srungs des tshigs su bcad pa gsungs pa ji ltar/ 'tshong bdu ma tshig rkang ldan/ / yid ni rnam par g.yeng byed pa// tshangs par spyod pa chung gzon pa'o// mya ngan 'das 'gro sun 'don pa'o// rten cing rtag tu sbyor byed pa// rang bzhin gyis ni tshul khrims spang bsam gtan mngon dga' de nyid mthong / / rtag tu de ni yongs su spongs// rgod pa'i rtsa ba gcig las ni// yid la byed par rab chung gzen// mya ngan 'das pa gsal ston pa'i// tshangs par spyod pa chud gzon pa'o// sdug bsngal las ni zlog byed pa// mtho ris lam las nyams byed po// pho nya yi dgas 'jig rten gyi// dud 'gro'i skye gnas su sgyur ba// 'khor ba ma lus kun gyi ma/ / tshogs pa 'dus pa'i ming yang spongs// bsam gtan snyoms 'jug yang dag ldan// dge slong yid ni dag rnams kyis// de ltar bcom ldan 'das 'od srungs

  454. 228a

    drang srong gi mchog des tshogs pa 'dus pa'i skyon 'di dag rnams gsungs so/ / gzhan tshogs pa 'dus pa ma yin pa'i yon tan rnams ston par mdzad de// dge slong gang dag sems shin tu mnyam par bzhag par gyur pa/ dam pa'i chos 'ba' zhig la mngon par dga' ba/ dam pa'i chos 'ba' zhig ston par byed pa/ dam pa'i chos nyid sems par byed pa/ dam pa'i chos rtogs par 'gyur ba/ sangs rgyas la rab tu 'dud par byed pa'i rang bzhin can du gyur pa/ de dag rnams kyis ni gang blta bar bya ba'i zhabs drung de dag nyid mthong bar 'gyur ro// / tshogs pa 'dus pa'i srid pa rnams las grol ba/ rtse gcig tu dga' bar gyur pa/ gcig tu 'khor ba'i 'jigs pa rnams kyis skrag pa/ gzhan du na de dag rnams kyis ngag gi ngal ba 'bras bu dang bcas pa ni/ gang 'phags pa'i bden pa bzhi'o// 'phags pa'i bden pa bzhi po rnams kyi gtam yang rjod par byed do// de dag rnams kyi lus ngal ba don yod pa ni gang sangs rgyas dang chos dang / dge 'dun rnams la thal mo sbyor ba'i las kyis rab tu btud de lus kyis kyang skyo ba skye'o// de dag rnams bdag nyid ngal ba'i yid kyis ngal ba 'bras bu dang bcas par gyur pa na/ rang gi mtshan nyid dang / sems can gyi spyi'i mtshan nyid rnams la yid 'byung bar byed pa'o// de dag rnams kyi yongs su ngal ba 'bras bu dang bcas pa rnam pa gsum po rnams kyis

  455. 228b

    ji ltar na mya ngan las 'das pa dang nye bar 'jug pa yin zhe na/ gang dag yongs su goms par byed pa'i thabs thams cad kyis tshogs pa 'dus pa la dga' bar mi byed cing / sdig pa'i grogs po rnams sten par mi byed pa/ yid legs par sdom par byed pa dang / yid shin tu bar yang mnyam par gzhag pa'ang gsum gyis te/ 'di dag rnams kyis ni ji lta ba bzhin du mya ngan las 'da'i/ gsum po rnams gang zhe na/ 'di lta ste/ dbugs rngub pa dang 'byung ba dran pa dang / mi sdug pa dang / khams kyi rab tu dbye ba'o// de la thams cad nyid kyang lam de dag rnams las sems mnyam par gzhag par 'gyur ro/ / sems mnyam par gzhag pa ma yin pa rnams dang / sems mnyam par 'jog par mi byed pa'ang tshogs pa 'dus pa ste/ lan gsum 'don par byed pa'ang yin no/ / dmyal ba dang / yi dgas dang / dud 'gro rnams su 'gro bar byed pa'i zhags par gyur pa/ thabs ma yin pas kun nas bcings nas/ skyes bu dmyal ba rnams su rgyug par byed do/ / yi dgas dang / dud 'gro'i 'gro ba'ang ste/ de dag rnams ni tshogs pa 'dus pa la dga' bas bslus pa yin no// de'i phyir tshogs pa 'dus pa ni dug dang / mtshon chad pa me dang / gcan gzan khro bo dang / ga yang sa rnams bzhin du blo dang ldan pa'i dge slong rnams bsam gtan la snyoms par 'jug pa rnams kyis rtag tu yongs su spang bar bya'o//

  456. 229a

    bag med pa'i skyes bu mang po rnams tshogs pa 'dus pa gang yin pas bsdus te/ dmyal ba dang / yi dgas dang / dud 'gro rnams su skye bar 'gyur ro// de dag rnam bag med par gyur pa'ang lan grangs gzhan la myong bar 'gyur ba'i las kyis gar dang / gar byed pa/ rnga dz+wA la la ka dang / glu mkhan du gyur pas gzhan gyi khyim gyi sgor bkren par gyur pa'i slongs mo nan dang bral bas srang dang sgor yon gyis 'tsho bar gyur pa yin pas na/ tshogs pa 'dus pa sbrul mthong ba dug can dang / tshogs pa 'dus pa ni mes sreg pa dang / tshogs pa 'dus pa ni dong du lhung ba dang / tshogs pa 'dus pa ni gti mug gis rnam par rmongs pa dang / tshogs pa 'dus pa ni 'dod chags kyis kun tu 'dod chags pa dang / tshogs pa 'dus pa ni zo chun rgyud mo rnam par 'khrul pa dang / tshogs pa 'dus pa ni rnam par rmongs par byed pa dang / tshogs pa 'dus pa ni mun pa'i phung po bzhin du du mar rnam par rgyal ba'i yin par byed pa yin pas/ 'jigs pa gcig pu dang / gcig tu srid pas 'jigs par 'gyur ba rnams dang / gcig tu de kho na la lta ba la mngon par brtson pa rnams kyis de'i phyir 'di ltar bslab par bya ste/ rab tu zhi ba'i dgon pa rnams la dang / sgra'i ca co rnams spangs pas rab tu zhi bar gyur pa rnams su dang / shes bya nyi ma sten par byed pa rnams su dang / ri'i mthong sa rnams dang

  457. 229b

    shing gri drung rnams su dang / phug gi sgo rnams la dang / bsod nams su gyur cing / bsod nams su gyur pa'i sgra med pa rnams su gcig pu zhig dben par song lta/ kun nas btsum pa'i yin rtse gcig gis nyon mongs pa'i mchog rnams las kyang nges par rnam par rgyal bar gyis shig/ de ltar khyed rnams yid legs par las su rung bar gyis/ yid shin tu rab tu zhi bar gyur pa dang / tshogs pa 'dus pa thams cad las rnam par grol ba dang / rang gi skye bo dang / 'grogs bshes dang / gnyen 'brel rnams 'gro ba dang / 'ong bas kun tu 'phrad pa'i tshogs pa 'dus pa'i zhen pa dang rnam par bral ba dang / spro ba med par gcig pu dga' ba dang / bsam gtan la bsam pa brtan par dang / gnas pas phyin ci log bzhi dang bral ba dang / dbugs 'byung dang / rgyu ba rnam pa bcu drug dran pa'i ngang tshul gyis nyin med mtshan med du'ang shin tu legs par brtsams pas 'khor ba'i 'ching ba las 'bros par byed pa'i phyir yang ste/ de lta bu des go 'phang gi mchog thob par gyur pa ni/ gang shin tu snga ba nas kyang mthong ma myong ba'i bde legs su gyur pa yin la/ tshogs pa 'dus pa la mngon par dga' bas kyang ni ma yin no/ / thos pa dang mi ldan pa/ blo brtan po ma yin pa/ brtan por rgyu ba ma yin pa/ dge sbyong ma yin par dge sbyong du khas 'ches pa/ le lo can du gyur pa rnams de ltar chos gcig

  458. 230a

    bu 'di gzhom par gyis dang / 'di lta ste/ tshogs pa 'dus pa zhes bya ba'o// gnyis pa'ang rab tu spang bar bya zhing spyad pa ni mi bya'o// 'di'i ngad gang zhe na/ 'di lta ste/ sman pa byed pa'o// dge slong dag bsam gtan byed par gyur pa na bar du gcod par 'gyur ro// de sman pa byed par gyur pa na gzhon du byed cing gzhan du smra bar 'gyur ro// de nad pa rnams la sems ster bar mi byed do/ / blo de la song ba yin no// de de ltar byed pa na 'dod pa rab tu stobs dang ldan par 'gyur ro// de 'dod pas zil gyis mnan par gyur nas// sems kyis spyod par byed pa ste/ ji ltar phyir zhing nyid kyang nang rnam pa du mar stobs dang ldan par gyur na// des sems can rnams la gzer zug byed do// gzhan yang rnam pa mang po nga la rnyed pa dang bkur sti 'ong bar 'gyur ro/ / des bdag gis grong rnams nas grong du dang / grong byed rnams nas grong khyer du dang / yul chung rnams nas yul gyi ljongs rgyu ba'i sgo nas ngas mang du bsdu bar bya'o/ / zhes de ltar bsams par gyur pas brnab sems 'phel bar 'gyur ro// de brnab sems kyi zil gyis mnan par gyur pa'i yid can/ dri ma rnams shin tu dpyod par byed pa po yin gyis/ bsam gtan la snyoms par 'jug pa sems pa por ni mi 'gyur ro// dge ba rnams la spyod par mi 'gyur ro// gzhan yang sman pa byed pa na sbyin chen po

  459. 230b

    rnams yod de/ dge slong ma yin pa dge slong du dam 'cha' ba gang gi tshe rlung la sogs pa'i nad rnams kyis srog chags rnams zil gyis mnan par gyur pa na de'i tshe rdzas lung 'bogs par byed/ ji ltar myur bar gyur par mar nag la mar nag gi skol sbyor byed do// gal te med par gyur na/ des til kun nas btsir zhing til rnams kun tu 'chir bar byed do// til kun tu btsir bar gyur pa las kyang srog gcod pa chen po 'byung bar 'gyur te/ srin bu'i tshogs chen po kha btags par 'gyur ro// 'di ni skyon gzhan yin te/ dge sbyong ngan pa dge sbyong du khas 'ches pa pos nad rnams ma gtogs par sha bka' sgo bar byed do/ / gsar par gyur po/ mtshon gyis bsad pa/ shin tu tshol can ma yin pa/ shings yin pa/ nad dang gcod gis shin tu bcom pa ma yin pa/ nad dang gcong gis nye bar nyams pa ma yin pa/ dug gis shi ba ma yin pa/ gcan gzan gyis bsad pa ma yin pa/ skam po ma yin pa/ rjud pa ma yin pa/ de lta bu rnams su sgo bar byed do// bka' sgo bar byed pa'i don gyis srog gcod pa bdag la 'byung ngo // gang gis srog gcod pa bka' sgo bar byed pa dang / gang byed pa dang / de gnyis ka'ang las mnyam pa'i phyir na dang / brnab sems dang / gnod sems kyi skyon gyis dmyal ba yang sos su 'gro bar 'gyur ba yin no// de ltar yin

  460. 231a

    pas kyang sman pa mi bya'o/ / yang dge sbyong ngan pa dge sbyong du khas 'dres pa/ gdon du gyur pa/ rkun ma/ skyes bu sdig can sman pa'i skyon gzhan ni// gang nad rnams shin tu stobs dang ldan par gyur pa na/ de'i tshe gang yang grong gzhon dang gzhan so so tha dad pa rnams kyi shing ljon pa dang / 'khri shing dang / shing gel pa rnams kyang des nor gyi don du ste/ sems can gyi gnas kyis kun tu bsdus pa nang na nye bar gnas pa'i srin bu rnams kyi rten du gyur pa rnams nor gyi don du dang po kho nar rko bar byed pa 'am/ gcod par byed/ pa yang byed do// des brkos par gyur pa na sa la gnas par gyur pa'i srog chags shun pa dang / rtsa ba la rten pa rnams 'dzin par byed pa dang / tshang rnams kyang rab tu bshig par byed do/ / gcod pas ni de'i nang na gnas pa'i srin bu rnams kyang gsod par byed do// de'i tshe brten par gyur pa'i srog rnams kyang gsod par 'gyur ro// 'di ni sman pa byed pa rnams kyi skyon gzhan yin no/ / de de ltar 'tsho ba ngan par gyur pa/ chos ma yin pa dang yang dag par ldan pa'i yid can rnams ni/ bsam gtan la snyoms par 'jug pa la ji ltar dga' bar 'byung bar 'gyur te/ de ni rjes su chags pa'i yid can yin no// gzhan yang sems ngan pa la skyon stobs dang ldan par 'gyur te/ de bzhin du bsam pa ngan pa sems

  461. 231b

    pa'i sdig pa can de'ang chos ma yin pa yul 'khor 'joms pa sems par byed do/ / ji ltar sems can rnams yul ljongs rnams 'joms par byung bar 'gyur ba de'i tshe/ de las bdag la mchod par 'gyur ba dang / rdzas dang / zas dang / skom dang / stan dang / gnas mal dang / rab tu phal che ba'i rnyed pa dang / bkur sti 'byung bar 'gyur ro// 'dod pas nye bar bcom par gyur pa'i blo de dge ba rnams la sems par mi byed do/ / bsam gtan la snyoms par 'jug pa'i rang bzhin can yang ma yin no// bla ma dag la nye bar sten par mi byed do/ / dge ba'i bshes gnyen rnams dang 'grogs par mi byed do// sangs rgyas la phyag 'tshal ba'i rang bzhin can ma yin no// bya ba ngan pa byed pa de lus zhig nas ngan song ngan 'gro log par lhung bar dmyal ba rnams su skye bar 'gyur ro/ / de de las shi 'phos nas gal te lan grangs gzhan la myong bar 'gyur ba'i las legs par byas pa rnams kyis mir skyes na'ang / sman pa ngan pa de'i lasu rnams kyi mthus de rtag tu nad pa dbul po dang tshe thung bar yang 'gyur ro// sman pa byed pa'i skyon gzhan rnams ni yang rlung dang / mkhris pa dang / bad kan de dag rnams ni gang gi phyir tha mal pa yin pa'i phyir na bsgrub par sla ba yin la/ thog ma med pa'i dus nas 'jug par 'gyur ba lus dang lhan cig tu 'grogs

  462. 232a

    par gyur pa'i ngan song du 'gro ba rnams ni rtogs par yang mi 'gyur ro/ / so so'i skye bo thos pa dang mi ldan pa/ dge sbyong ngan pa dge sbyong du khas 'ches pa de ni 'jig par 'gyur ba'i lus 'chos par byed kyi/ skra dang kha spu bregs nas gos ngur smrig bgos te/ rab tu byung bar gyur pa/ gang gi don du rab tu byung ba kun nas spong bas/ 'dod chags zhe sdang gti mug gis thog ma med pa'i dus nas 'jug pa'i lus sreg par 'chos par mi byed do/ / gang gis kyang 'di dag sreg par 'gyur ba des kyang gang gi phyir lus rnams bsregs pas shin tu sreg par byed pa dang / rnam par chud gzon zhing chud gzon par byed do// phyi bzhin rjes su 'brel nas lam du 'gro ba na 'grogs par byed pa'i skyon chen po gsum po 'dod chags zhe sdang gti mug de dag rnams yongs su btang nas/ gzhan rnams la kun tu 'pho bar byed pa de'i rab tu byung ba don med par 'gyur ro// gso ba ngan pa'i skyes bu rang gi sems kyis yongs su bslus pa/ skyes bu gti mug can bslus par gyur pa'ang yin te/ dper na blo gros dman pa'i skyes bu 'ga' zhig rtsa ba med pas/ grogs med pa/ nor med pa/ stobs dang ldan pa'i dgra zhig 'ongs par gyur na/ dgra de ni 'dis brtsad par bya ba dag gis bya bar mi nus so// stobs kyis kyang bzlog par mi nus te/ dgra bo 'di ni shin tu stobs dang ldan

  463. 232b

    pas de brtan pa dang ldan par 'gyur ro/ / thos pa dang mi ldan pa'i byis pa so so'i skye bo de rnams kyis dgra de'i 'jigs pa ma brtsis par dman pa'i skyes bu gzhan dgra 'jigs pas skrag cing lhan cig tu dbang du gyur nas 'grogs par byed do/ / de de ltar dran pa ngan pa/ shes rab 'chal pa/ le lo can/ skyes bu bag med par gyur pa song zhing / 'thungs par byed pa/ ji srid du gzhan gyi chung ma dang bag med pa rnams sten par byed pa 'di dag ni/ dge slong ngan pa dge slong du khas 'ches pa/ rang gi dgra rnams bzod par byed do// stobs chen pos brtson pa du mas kyang 'jig rten las 'das pa'i phyi bzhin rjes su 'brang bar 'gyur bas zil gyis mnan nas/ des shin tu spro ba'i gnas la 'dris par byed cing / rnam par rtog pa dang mnyam par 'jug pa/ gang ches stobs dang ldan par rjes su 'brang ba/ 'dod chags zhe sdang gti mug rnams bzod par byas nas/ gang dag lus rab tu byung bar gyur pa/ rang gi skye bo dang / grogs po dang / bu mo rnams yongs su spangs na/ rab tu byung ba'i yid bor te/ rdzas kyi rgyus gzhan dag gi dbang gis lhan cig tu 'gro bar byed do// ji ltar ngo ni khyed rnams la rlung dang / bad kan dang / mkhris pa rnams dgrar 'dod do// de dag rnams bdag cag gis 'di ltar go bar bya ste/ yid rnam par dkrug par byed

  464. 233a

    pa dang / 'chi bdag gi rgyal po'ang gsum du 'gro ba'i dgra gsum po 'di dag rnams yin te// bzlog par dka' ba'i 'dod chags zhe sdang gti mug gang yin pa 'dis/ 'dod pa'i theg pas bcings nas/ shin tu bag med par 'jig rten pha rol tu khrid par byed do// don gyi mchog la bag med pa/ nor gyi 'dod pa rab tu stobs che ba rnams kyis blo sdug bsngal bar byed pa yin pa de'i phyir/ skyon de dag rnams go bar gyis lam byed cig/ gal te 'ga' zhig 'chos pa'i sman pa byed na/ gang gzhan dag rnams su de bde bar mi 'gyur ro/ / de nas de'i tshe bcom ldan 'das des tshigs su bcad pa gsungs pa ji ltar/ bad kan lnga sogs skyon ma yin// skyon gzhan 'dod chags la sogs 'dod/ / bad kan sogs kyis ngan song+ga dra// yid can skye bar 'gyur ma yin// sems kyi skyon rnams 'di dag giste// ngan song ston par byed pa yin// de phyir de dag zhi ba nyid// mchog yin pad kun sogs 'dir min// thog mthar mchog tu legs par nI// chags lo kun brten 'thob pa min// gang sems dman pa de sman pa rdzas kyi sman pa ldan pa mig/ min 'chos pa ni shes par dgal// de bzhi 'dzi pa'o// dbyar bcom ldan 'das 'od spangs kyis kyu 'dis ra b

  465. 233b

    am byed ces gsung ngo / / sman pa byed pa la skyon gzhan yang yod pa 'di lta ste/ sman pa byed pa na skyon du ma 'phel bar 'gyur te/ 'dod pas zil gyis gnon par byed do// phyir rjod par byed par 'gyur la/ sman pa gzhan de la smang ra'ang smra bar byed do// 'tsho ba rnams kyang nye bar 'joms so// de la 'di dag rab tu skye ste shin tu yang yi dgas su skye ba'i rgyu bye'o// de ltar dri ma rnams kyis zil gyis gnon par gyur pa'i sems g.yo bas gti mug stobs che bar 'gyur ro// de gti mug gis zil gyis mnan pas bud med kyi 'gro ba legs par mngon par mthong nas/ tshul bzhin ma yin pa yid la byed par khrid par 'gyur ro// blo gros rmongs pa de bud med dag mngon par mthong nas 'dod chags kyis zil gyis gnon no// skyon de dag rnams bad kan la sogs pa de dag la med do/ / 'dod chags la sogs pa'i skyon rnams la bcos gyis dang / dmyal ba dang / yi dgas dang / dud 'gro'i 'gro ba rnams kyi rgyur gyur pa'i stobs che ba yin gyis/ de'ang de ltar gyur pas bud med kyi 'gro ba mthong nas tshul bzhin ma yin pa yid la byed pas khrid par 'gyur ro// dran pa rmongs pa de bud med dag mthong nas 'dod chags kyi zil gyis gnon par 'gyur ro/ / rab tu byung ba rnams kyis 'dod chags la sogs pa rnams rtag tu rtogs pa la rab tu brtson par bya'i/ bad kan la sogs pa rnams na

  466. 234a

    ma yin no/ / 'di dag ni chos gzhan gnyis pa yin te/ dge sbyong mya ngan las 'das pa la kha phyogs pas mi bya ste/ bsam gtan la snyoms par zhugs pa nA rnam par sreg par byed pa'i phyir ro/ / gzhan yang chos gsum pa yongs su spang por bya'o// 'di'ang gang zhe na/ 'di lta ste/ ri mo'i las byed pa'o// ri mo'i las byed pa'i rab tu byung ba rnams ni 'dod chags kyis rab tu byung bar bya ba yin te/ kha dog gi 'du shes can gyis 'dod chags gzhan skyed par byed pa yin no// las rnam pa sna tshogs pa rnams kyis 'jig rten 'di bor nas/ kha dog sna tshogs par 'gyur ba gzhan rnams byed do// sems rnam par bkra ba rnams mngon par mi shes par gzhan kha dog rnam pa sna tshogs pa rnams kyis byed do/ / de la rab tu byung ba rnams kyis rtug pa kho nar las rnam pa sna tshogs pa rnams shes par bya ste/ sems ri mo mkhan gyis don dam pa'i non chen po lngas 'gro ba lnga tshon gyis sgo bar byed do/ / ji ltar sems ri mo mkhan dang tshon chen po lnga po rnams gang zhe na/ mchog tu rgya che ba'i dad pa la sogs pa dkar po'i las rnams shin tu sbyangs pa'i kha nas dang / 'dun pas rab tu sbyin pa mdun du byas pas mchog tu rgya che bar gyur pa dri ma rnams dang / ser sna'i dri ma dang rnam par bral bar gyur pa mchog tu dga' ba'i yid kyis tshul khrims kyi ril legs

  467. 234b

    par langs pa'i tshul khrims kyis lha rnams rnam par bkra bar sems ri mo mkhan gyis bris pa'o/ / gzhan yang dge sbyong gis sems kyis las 'di dag nye bar gzung bar bya'o// 'a lta ste/ mi rnams ni dman pa dang / bar ma dang / khyad par du 'phags pa'i las rnams kyi tshen mang pos rnam par bkra bar byas so// de la gang dag nor rnams dang ldan pa dang mchog tu tshul khrims dang ldan pa de dag rnams kyang mchog tu dkar ba'i las kyi tshon rnams kyis rnam par bkra bar byas so/ / gang yang mchog tu nor rnams dang ldan pa dang / tshul khrims dang ldan pa de dag ni nag po dang dkar po gnyis kyi tshon gyis rnam par bkra bar byas so/ / gang dag nor chung ba tshul khrims dang ldan pa de dag ni dkar po dang dmar ba'i tshon gnyis kyis rnam par bkra bar byas so/ / gang dag dbul po dang tshul khrims 'chal pa de ni nag po'i tshon gyis rnam par bkra bar byas so// gang dag brtson 'grus dman pa 'dod chags stobs che ba de ni/ nag po dang dbul po'i tshon dag gis rnam par bkra bar byas so// gang dag gzugs dang ldan pa mchog tu rigs bzang bar gyur pa der rab tu dang ba'i tshon dkar pos mngon par bris so/ / gang dag bar ma'i rigs su skyes pa de dag ni dmar po'i tshon gyis mngon par bris so// gang dag nyung bar gyur pa de dag ni nag po'i las rnams kyi tshon gyis sems

  468. 235a

    ri mo mkhan gyis mngon par bris so/ / gang yang rgyal po 'am/ rgyal po'i blon po legs par byas pa'i las rnams 'das nas/ mdun mi dge ba mang po rnams byed par gyur pa de dag rnams kyi dkar po'i mdog 'di dag rnams ni nyams nas kyang nag po nye bar 'phel bar 'gyur ro/ / gang dag dbul por gyur pa rigs shin tu dman par skyes pa de'i kha dog nag po'i las byas pa rnams ni nub par gyur nas kyang dkar po'i mdog rnams kyang rab tu 'byung bar 'gyur ro/ / gang yang bar ma'i rigs su gyur pa gzugs phun sum tshogs pa dang / las kyang bar ma rnams byed pa de dag rnams ni sems ri mo mkhan gyis dkar po dang / dmar po dag gis bkra bar byas so// de ltar tshon du ma rnams kyis mi'i 'jig rten mchog tu bkra bar gyur pas mchog tu dkar bar mngon par bris so/ / gzhan yang 'gro ba gzhan la rnam par blta bar byas te/ gang dag ce na/ 'di lta ste/ dmyal ba'i'o// dmya brnams yang sems ri mo mkhan gyis gnyis kyis mngon par bris par gyur pa la 'di lta ste/ ser po dang nag pos kyang ngo // de la ji ltar ser pos yin na/ 'di lta ste/ zhe sdang ngo // rlon nag pos yang 'di lta ste/ phrag dog go// dman pa dang/ bar mar gyur pa'i dmyal bar skyes pa rnams ni mdog gnyis nyid kho nar rnam par bkra bar byas par gyur pa 'di lta ste/ sngon po dang

  469. 235b

    nag po dag gis so/ / de ltar dmyal ba rnams tshon rnams kyis rnam par bkra bar byas pa nges par rtogs par gyur pa dang / yang 'gro ba gzhan la rnam par blta bar bya ste/ gang zhe na/ 'di lta ste/ yi dgas rnams so// yi dgas rnams kyang mchog tu sdug bsngal bar gyur pa ste/ phrag dog dang ser sna dag gis rnam par bkra bar gyur pa'o// de dag rnams ni nag po'i tshon rnams nyid kyis kyang rnam par bkra bar byas te/ kha dog nag por gyur pa'i mun pa rnams na rgyu zhing spyod par 'gyur ro// bkres pa dang skom pas bsregs pa'i yi dag rnams ni las nag po dang / nag po'i las de dag thams cad nyid kyang las gcig gi tshon gyis rnam par bkra bar byas pa'o// gzhan yang dud 'gro rnams kyang las gang dag gi tshon gyis rnam par bkra bar byas pa yin na/ nag po dang dmar po'o// de la gang dag mchog tu sdug bsngal bar gyur pa phan tshun du 'jigs pas 'jigs par gyur pa de dag rnams ni nag po'i tshon nyid kyis rnam par bkra bar byas so/ / gang yang phan tshun du 'jigs pas 'jigs par gyur pa de ni dmar po'i tshon rnams nyid kyis sems ri mo mkhan gyis bkra bar bris so// de dag rnams kyang gzhal du med pa'i dud 'gro rnams yin te/ phan tshun du gsod pa dang / 'ching bas 'jigs par gyur pa de dag rnams kyang mdor bsdus na na mkha' la rgyu bar gyur pa rnams las gang dag

  470. 236a

    sha za bar byed pa'ang 'di lta ste/ rma bya dang / bye'u lU ba ka dang / ngang pa la sogs pa'o// sa gzhi la spyod pa ba lang dang / ma he shA dang / phag pa dang / nag phyugs la sogs pa'o/ / chu la rgyu ba'ang nya la sogs pa ste/ de dag rnams ni nag po'i tshon gyis rnam par bkra bar byas so// gang dag gsod pa'i 'jigs pa can ma yin pa de dag rnams ni dmar po'i tshon gyis bkra bar byas te/ dper na mtho ris kyi bya rnams so// de ltar 'gro ba lnga po de dag phal chen tshon sna lngas bkra bar byas so// kye ma de dag nyid dpyod par byed pas nyam thag par chud pa'i mchog tu sdug bsngal sngar nub par gyur pa bag med par rjes su tshol bar gyur pas phan tshun du gnod par byed/ bkres pa dang / skom par byas pa'i sdug bsngal rnams kyis nye bar bcom par gyur pa'o/ / des de ltar rnam par ngo mtshar ba rnams la ma spyad par nyams smad pa dang / le lo can du gyur pa bsam gtan bsgom pa'i rang bzhin can ma yin la/ sems ri mo mkhan mi shes par rang gi skye ba las gzhan du gyur pa'i ri mo rnams sems par byed do/ / rab tu byed do// de la mchog tu'ang rnam par bkra bar gyur pa de dag nyid ni 'di lta ste/ 'khor ba'i skye ba dang / rga ba dang / 'chi ba dang / mi sdug pa rnams dang phrad pa dang / sdug pa rnams dang bral ba dang / grang ba dang / tsha ba dang / bkres pa dang / skom pa dang / phan tshun

  471. 236b

    mi dga' bar byed pa dang / dga' bar byed pa'i rtag tu gar byed par gyur pa'i bde ba dang / sdug bsngal rnams dmyal ba dang / yi dwags dang / dud 'gro dang / lha dang / mi rnams su sna tshogs pa'i las kyi go 'phang bris par gyur pa'i 'khor ba ngo mtshar ba de don du gnyer ba'ang ma yin no/ / yid la mi byed pas skyo ba mi skye'o// ji srid du gzhan bsam gtan la snyoms par 'jug pan rnam par 'tshig par 'gyur ba'i ri mo gzhan byed do/ / dge sbyong rnam par 'tshig par gyur pa'o// gzhan yang rim pa gzhan dag gis mchog tu rnam par bkra ba'i 'khor ba la dpyod par byed de/ ji srid du tshen gzhan rnams kyis rnam par bkra bar byas pa la dpyod par byed do/ / 'di lta ste/ rnam par bkra bar gyur pa'i yul rnams dang / nye bar 'brel bar gyur pa gang gis bcings pa'i sems dus yun ring du dmyal ba dang / yi dgas dang / dud 'gro'i 'gro ba rnams la yongs su 'khyam mo// ji ltar zhe na/ 'di lta ste/ gang gi tshe mig gis gzugs sdug pa yid du 'ong bar gyur pa/ yul gyi 'dod chags skyed par byed pa rnams mthong bar gyur na de dag rnams la chags par 'gyur ro// de dag ni nag po'i tshon gyis byugs pa yin no// dmyal ba dang / yi dgas dang / dud 'gro rnams su skye bar 'gyur ba yin no/ / gang gi tshe gzugs de dag nyid mig gis mngon par mthong bar gyur nas/ 'di ltar sems par byed de/ ji ltar gzugs 'di dag rnams ni mi rtag pa/ mi brtan pa/

  472. 237a

    yongs su mi 'gyur ba'i chos ma yin pas na/ chos tsam du gyur pa'i 'khor ba 'di la 'dod chags par mi bya'o// de'i tshe dkar po'i tshon rnams kyis bskus nas/ lha dang mir skye bar 'gyur ba dang / gang mya ngan las 'das par 'gro bar yang 'gyur ro// de ltar mig gis rnam par shes par bya ba rnams la mi chags so// rab tu rtogs par mi byed do// spro bar mi byed do// 'dun po'i 'dod chags su mi byed do/ mchog tu dkar por gyur pa'i las rnams kyis lha las kyang ches lhar gyur pa rnams dang / mi rnams su bde bar 'gyur ro// de ltar yang dge sbyong ngan par gyur pa 'dis dpyod par mi byed do/ / bsam gtan du mi byed do// bzhin du mig gis rnam par shes par bya ba'i yul rnams la gang gi tshe 'di chags par gyur nas/ yang dgu pa ji lta ba yin par go bar byed par gyur pa de'i tshe/ / nag po'i las rnams byed par 'gyur ro// des nag po'i las rnams ma rtogs par blo dman pa de tshon rnams kyis rnam par bkra bar byed do// de'i phyir na bsam gtan la snyoms par 'jug ban rnam par sreg par 'gyur ba'i las rnams mi bya'o/ / byas par gyur pa rnams kyang dge sbyong gis yid la mi bya'o// gang dag ce na/ 'di lta ste/ rna bas rnam par shes par bya ba'i sgra yid du 'ong ba rnams yang ste/ de la yid du 'ong ba rnams la gang gi tshe chags par gyur pa na/ yang dag pa ji lta ba bzhin du kun nas lta bar byed/ ji ltar sgra 'di dag rnams ni mi brtan pa/ mi rtag pa// rang

  473. 237b

    tu rnam par nyams par 'gyur ba'i chos can no zhes/ de ltar rnam par shes pa chags par mi byed do// kun tu spro bar mi byed do// rab tu rtogs par mi byed do// de'i tshe 'dis dkar po'i mtha' rnams byas par gyur pa yin no/ / mchog tu rgya che ba'i tshon des kyang lha dang mi rnams su skye bar 'gyur bar mchog tu rnam par bkra bar byas par gyur pa yin no// de la dge sbyong ngan pa dge sbyong du khas 'ches pa 'dis sgra rnam par bkra ba de la spyod par mi byed pa nas/ ji srid du ri mo'i las gzhan rnams byed pas bsam gtan la snyoms par zhugs pa na rab tu sreg par 'gyur ro// gzhan yang sgra de nyid thos par gyur nas/ dman pa/ blo rab tu dman pa/ thos pa dang mi ldan pa/ byis pa so so'i skye bo de ltar rab tu 'jug par byed de/ ji ltar yid du 'ong ba'i sgra tshim pa skyed par byed pa/ yid 'phrog par gyur pa de dag nyid kyis de tshul bzhin ma yin pa yid la byed pas rab tu rtog par byed do/ / 'dun pa skyed par byed do// de la chags pa dang ldan par 'gyur ro// de dag ni nag pa'i tshon dang ldan pas sems ri mo mkhan gyis dmyal ba dang / yi dgas dang / dud 'gro rnams nye bar bris pa yin no// dge sbyong ngan pa 'dis las rnam par bkra ba de btang nas/ gzhan dag nyid du ri mo bkra bar byed do/ / bsam gtan la snyoms par 'jug pa na rnam par sreg par 'gyur ro// gzhan yang 'khor ba rnam par bkra bar gyur pa de ma bsams par dge sbyong du ri mo bkra bar byed do// gang zhe na/ 'di ltar

  474. 238a

    dbang po'i yul gyis nye bar kun nas bcings par gyur pa'i 'khor ba 'di yid du 'ong bar byed pa'i yul gyis 'joms par byed do/ / ji ltar zhe na/ 'di ltar sna'i rnam par shes pabs dri rnams la'o/ / de gang gi tshe skyes bu dam pa rnams ni snas dri zhim do 'am/ mi zhim pa rnams kyang mi 'dzin to// de mi mdzes pa rnams la yang kun tu mi chags so// tshul bzhin ma yin pa yid la byed pas mi 'phrogs so/ / de bzhin du dri 'di dag rnams ni mi rtag pa/ mi brtan pa/ ther zug ma yin pa/ yongs su 'gyur ba'i chos can dang / chos rnams 'byung bar mi 'gyur ba dang byung nas kyang phyir ldog par 'gyur ro/ / de ltar gang gi tshe yang dag pa ji lta bar gyur pa na dri rnams snom pas de chags par mi 'gyur ro// kun tu spro bar mi byed do// de'i tshe dkar po'i chos rnams yang dag par 'phel bar 'gyur ro/ / kha dog gis shin tu 'bar bar yang mi 'gyur ro// yang dag pa ji lta bas dang / yongs su shes par gyur pa de dag gis lha dang mi rnams su ste/ dge sbyong ngan pa 'dis las rnam par bkra ba de dag bor nas gzhan dag rnams nyid du ri mo'i las rnams byed pas bsam gtan sgom pa na rnam par sreg par byed do/ / gzhan yang dri zhim pa dang / mi zhim pa'i dri de ngag rnams nyid snom par byed pa na dri de dag rnams nyid la chags par byed do/ / sbyor bar byed do// spro bar byed do// tshul bzhin ma yin par yid la byed pas 'di 'phrog par 'gyur ro// gshe bar bya

  475. 238b

    ba'i gnas su gyur pa de nag po'i las rnams kyis byugs par gyur nas/ dmyal ba dang / yi dgas dang / dud 'gror 'khor bar byed pa gang yin pa'i las rnams rnam par bkra ba gzhan de dag rnams nyid dge sbyong ngan pa 'dis spangs nas/ ri mos rnam par bkra ba'i las rnams byed do// bsam gtan sgom pa na rnam par sreg par 'gyur ro// gzhan yang las rnam par bkra ba rnams la 'di lta ste/ lce'i rnam par shes pas ro yid du 'ong bar gyur pa'i ro rnams myangs par gyur na yang dga' bar mi byed do// khro bar mi byed do// 'ching bar mi 'gyur ro// tshul bzhin du yid la byed pa dang ldan pas ro de nyid rnam par 'byed par byed pa ste/ ji ltar ro 'di dag rnams ni byung nas kyang med par 'gyur ro// lag pa'i mthil gyis bcug par gyur pa'i zas 'di dag rnams ni lce la 'bab po/ de rnams la mngar myos zhes bya ba'i srin rnams kyis kyang regs nas lhan cig tu myang bar byed pa nyid na/ glad pa las snabs zhes bya ba'i glo 'byung ba'i glad pa rnams rab tu zags nas/ sna'i sbugs nag na mar rab tu 'bab par 'gyur la/ rab tu zags pa'i nag gi thig pa de dag rnams dang lhan cig tu lces g.yugs shing / 'gram so'i rang thag gis dbus su phye mar btags pa rnams lces myang bar byed pa gang gis/ byis pa 'di dag rnams 'ching bar byed pa yin no// ro de dag rnams nyid yang dag pa ji lta ba bzhin du 'dis sems par byed do// nges tshul bzhin

  476. 239a

    yid la byed pas rnam par 'byed par yang byed do/ / 'di ni dkar po'i kha dog rnams dang yang dag par ldan pas/ lha dang mi rnams su mchog tu skying bar 'gyur ro// dge sbyong ngan pa dge sbyong du khas 'ches pa 'dis de ltar las rnam pa sna tshogs pa rnams kyis 'jig rten 'di rnam par bkra bar byas pa de dag rnams mi rig par/ bsam gtan pa bsam par byed pa na/ bar du gcod pa'i ri mo bkra ba gzhan dag rnams nyid byed pa yin no/ / gzhan yang lce la babs par gyur pa'i ro de dag nyid la srin mngar myos reg par gyur pa rnams la myang bar byed na blo gros dman pa'i phyir na/ kye ma zas 'di dag ni shin tu dga' bar gyur pa/ mchog tu bsod pa/ mchog tu mdzes pa/ mchog tu rgya che ba'i mdog dang / ro dang / dri dang ldan par gyur pa/ mchog tu gtsang bar gyur pa zhes zas de'i rgyags pas rgyags nas lus dang / ngag dang / yid kyis nyes par spyad pa rnams spyod pa 'di dag rnams ni tshon nag pos rnam pa sna tshogs par byas nas du 'gror skye bar 'gyur ro/ tshul bzhin ma yin pa yid la byed par kun nas khrid par byed do// de dge sbyong ngan pa dge sbyong du khas 'ches pa 'dis las rnam pa sna tshogs pa de dag rnams bor nas/ bsam gtan sgom pa na bar chad byed par 'gyur ba'i tha mal pa'i las gzhan rnams nyid byed do/ / gzhan yang rnam par bkra bar gyur pa'i las gang gis 'jig rten 'di dag rnam par bkra bar byas pa yin no// dper

  477. 239b

    na 'jig rten dbang po rtul po rnams kyis yul rnams kyis khrid par byed do/ / 'di lta ste/ lus kyi rnam par shes par bya ba reg bya'o// de la gang dag yang dag pa ji lta ba kho nar tshul bzhin yid la byed pas khrid par byed de/ ji ltar yang reg bya zhes bya ba'i don 'di yang / reg bya ni gsum 'dus pas kun tu skyes pa yin te/ 'di ni rtag pa ma yin/ brtan pa ma yin/ ther zug ma yin/ byed pa po ma yin/ gyi 'di ni mdog tsam 'ba' zhig gis yid dga' bar gyur pa dang / lus 'di ni dbang po'i rjesu mthun pa tsam 'ba' zhig tu gtsang ba yin gyi/ rtag pa ni ma yin no// bde ba ma yin/ ba dag dang bcas pa'ang ma yin gyi/ 'di ni tshogs pa 'dus pa tsam 'ba' zhig yin te/ 'byung ba chen po bzhi las byung ba'i za ma tog tu gyur pa'o// zug rngur gyur pa/ rtag tu nye bar 'tsho bar byed pa/ rtag pa kho nar yang nad kyis nye bar 'tshe bar byed pa/ nye bar 'tshe ba thams cad kyis khring bar byed pa yin no// de gang dag kho nas yang dag pa ji lta bar lus de nyid dang / reg bya la'ang so sor rtog par byed do/ / de'i tshe 'di reg byas 'di khrid par mi 'gyur ro// reg bya 'di ni gzhan ma yin gyi/ reg bya 'di ni glo bur 'ba' zhig go// 'di ni nye bar 'tshe ba dang bcas pa'o// / rang dbang med pa yin no// zhes gang dag de bzhin du tshul bzhin yid la byed pas dpyod par byed do// de dag rnams ni dkar po'i tshon gyis rnam par bkra bar byas nas/ lha dang mir skye

  478. 240a

    bar 'gyur ba de dge sbyong ngan pa dge sbyong du khas 'ches pa 'dis dpyod par mi byed do/ / sems ri mo mkhan gyis 'jig rten pa 'di'i las rnams rnam par bkra bar byas par gyur pa de 'dis btang nas bsam gtan la snyoms par 'jug pa na bar chud byed pa'i tha mal pa'i tshon rnams kyis ri mos bkra ba'i las gzhan rnams nyid byed do/ / gzhan yang reg bya de nyid la thos pa dang mi ldan pa'i byis pa so so'i skye bo blo gros dman pa rnams kyis reg bya de gzhan nyid du rnam par rtog par byed do/ / tshul bzhin ma yin pa'i yid la byed par gyur pas/ ji ltar bdag gi reg bya 'di dag ni mchog tu bde bar gyur pa/ mchog tu lus rgyas pa'i rgyu 'dis bdag tshim par byas pa dag gis bdag bde bar gnas par bya'o// de bzhin du thos pa dang mi ldan pa'i byis pa so so'i skye bo gang yin pa de dag rnams kyis reg bya la tshul bzhin ma yin pa'i yid la byed pas dpyod par byed do/ / 'di dag rnams ni tshon nag po dang kun nas ldan par gyur pas dmyal ba dang / yi dgas dang dud 'gro rnams su skye bar 'gyur ro/ / de ni tshon nag pos rnam par bkra bar byas pa yin no// de dge sbyong ngan pa dge sbyong du khas 'ches pa 'dis dpyod par mi byed cing / las rnam par bkra ba de dag spangs nas/ bsam gtan bsgom pa na bar chad byed par 'gyur ba'i rnam par dkra ba gzhan nyid du gyur pa/ 'jig rten pa'i tshon gzhan nyid kyis rnam par bkra bar byed do//

  479. 240b

    gzhan yang dge sbyong du khas 'ches pa/ 'jig rten pa'i las rnams la mngon par dga' bar gyur pas/ yid kyis dam pa'i chos rnams sems par mi byed do// 'phags pa'i bden pa bzhir 'gog pa dang / lam rnam pa bcu drug dbugs 'byung ba dang rngub pa dran pa/ bsam gtan bzhi dang / tshangs pa'i gnas pa bzhi dang / 'bras bu bzhi dang / chos de dag rnams spangs nas/ rang bzhin gyis mi shes par gyur pa/ chags pas bdag gi sems kun nas sgo bar byed pa 'ba' zhig tu gyur pa gzhan nyid byed de/ bsam gtan sgom pa na bar du gcod par byed par gyur pa gzhan du na kun nas nyon mongs par gyur pa/ shes pa ma yin pa'i rnam par bkra ba'i las gzhan rnams nyid byed do// gang gi rgyus tshul bzhin ma yin pa'i yid la byed pa rnams 'phen par gyur pas/ lus zhig par gyur pa dang / ngan song log par lhung ba dmyal ba rnams su skye bar 'gyur ro// gzhan yang skyon chen por gyur pa/ gang gi tshe bud med rnams mngon par 'drid par byed pa ni/ dmyal bar 'gro bar 'gyur ba'i rgyu yin te/ mdzes par gyur pa/ rgyan dang cha byad sna tshogs pa dang ldan pa/ mthong na sdug par gyur pa'i gzugs byis pa so so'i skye bo rnams yid 'phrog par byed pa'i lus mngon bar mthong nas kyang / de dag rnams kyi yid 'phrog par 'gyur ba dang / yid 'dod chags su chud par yang 'gyur na/ gang dag 'dir bud med dngos su yod pa rnams lta ci smos/ gzhan dag

  480. 241a

    rnams dang / bdag nyid kyang kun tu 'dod chags par byed pa po'i lus zhig par gyur pa na/ ngan song log par lhung ba dmyal ba rnams su skye'o// de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ las kyis bkra ba ma bsams pa// gang zhig ri mo la 'jug pa// ri mo las kyis de bsregs na// dmyal ba'i rjes su rgyug pa yin/ / gang zhig bde legs mi sems par// zag bcas la ni nyer chags pa// snying la chags can rmongs pa de// g.yang sa'i rjes su rgyug pa yin// long ba la brten skyes bu gang / / bsam gtan sgom par byed pa na// rang nyid bkra ba de btang nas// de la byis rnams rab tu chags// ri mo'i las la rnams spyod pa'i// ri mo'i zhigs pas byis pa de/ / ri mo'i las kyis rmongs pa yis// dbang med par ni dmyal bar khrid// tshon gyi ri mo bkrar gyur kyang // sems kyi ri mo'i dper mi phod// char gyis ri mo der ba 'jig/ las kyi ri mo 'di 'jig min/ / shin tu bkra ba'i ri mo gang // ri mo dam par de mi 'dod// las kyi ri mo'i ri mo che// khams gsum go 'phang bkra bar bya// sna tshogs ri mo'i gzugs kyi sa gang // sems can 'gro ba lnga nal khyam/ / las rnams sna tshogs de dag kun// ri mo mkhan gyis rnam par bris// ri mo mkhan gyi sems 'dis ni// las kyi dra ba rnam bkrar byas// gang 'di dra bas bcings nas ni// 'gro

  481. 241b

    pa la khrul pa rnam par rmongs/ / char tshad rdul dang du ba yis// tshon skyes ri mo 'jig pa yin// bskal dbye ba stong du yang // sems kyi ri mo 'jig mi 'gyur// sa gzhi rnams ni 'jig 'gyur zhing // rgya mtsho yang ni skam 'gyur yang // sems kyis byas pa'i ri mo gang // de ni nyams su myong bar gnas// rang gi las kyi ri mo yang // rnam par rmongs pas ma mthong ngo // ji srid du ni nor 'dod pa// ri mo gzhan ni rab tu byed// de'i phyir na bsam gtan sgom par byed pa na bar du gcod par gyur pa/ skyon du ma kun tu rtogs par 'gyur ba/ ma gus par 'gyur ba la sten par byed pa'i ri mo'i las rnams dge slong gis mi bya'o/ / de dag la rnam par g.yeng bar 'gyur ba'i yid kyis bde legs thob par mi 'gyur ro// dge ba'i las rnams las gcig kyang yid la byas te sgom par mi byed do// de'i phyir na bde legs lag tu 'ong bar 'dod pa rnams dang / las kyi 'jigs pas 'jigs par gyur pa rnams kyis 'di ltar bslab par bya ste/ tshon gyis sgo bar mi byed pa'o// rjes su bzung ba ste/ 'di ni bdag cag rnams la rjes su gdams pa'o/ / skyon de dag rnams rig par byas la chos gsum pa 'di dge sbyong gis mi bya'o// gzhan yang chos bzhi pa dge sbyong gis mi bya ste/ 'di'ang gang zhe na/ thos pa ngan pa snyan dngags sdeb pa'o/ / 'di ni dge sbyong gang dag bu dang / bu mo dang / rang gi skye bo rnams dang / spun dang / pha dang / gnyen bshes rnams kyang spangs nas rab tu byung ste/

  482. 242a

    mongs pa spang ba'i don du bsam gtan sgom par byed par gyur cing / nyon mongs pa rnams kyang yid rje gcig pas gzhom par bya ba yin gyi/ rnam par g.yeng ba'i yid kyis ni ma yin no/ / gang dag snyan dngags byed par gyur pa de dag rnams ni sna tshogs pa rnams la brten nas blo rnam par g.yeng bar 'gyur ro// de'i yid rnam par g.yeng bar gyur pas ni dge ba'i chos rnams kyi bar du gcod par byed par 'gyur ro/ / bsam gtan sgom par mi byed do// bsam gtan du mi byed do// bla ma la sten par mi byed do// dam pa'i chos nyan pa la mngon par dga' bar mi 'gyur ro/ / dkon mchog gsum mchod pa la mngon par dga' bar mi 'gyur ro// nges par 'byung ba'i lam la mngon par dga' ba'i rang bzhin can du mi 'gyur ro// rtag par rgyun du'ang snyan da dgas sdeb pa la mngon par dga' bar 'gyur ro/ / de snyan dngags de'i rten gyi don du thos pa ngan pa rnam par sna tshogs pa rnams nyan par byed do// gang dag chos nyid las 'das par gyur pa nyan pa la dga' bar 'gyur ba tsam 'ba' zhig pa/ tshul bzhin ma yin pa'i yid la byed pa kun tu skyed par byed pa/ 'brel med pa rnams rjod par byed pa dang ldan par gyur pa de dag la'ang dge sbyong ngan pa 'di dad par byed do/ / de yang dang yang du nyan par byed pas thos pa ngan pa'i las de nyid kyis labrid par byed do// des khrid par gyur pas slar nyid kyang khyim para'agyur ro//

  483. 242b

    / de'ang dam pa'i chos las kyang yongs su nyams par 'gyur ro// de ni snyan dngags la mngon par dga' ba nyid kyis dga' bar gyur pa de sdebs byed par gyur gyi/ de bsam gtan sgom pa la ni le lo can du 'gyur zhing / dge 'dun gyi nang du 'jug pa dang ldan pa'ang ma yin no// zas dang gnas la longs spyod pa rnams thams cad kyis kyang de'i bar du gcod par 'gyur ro// gang dag le lo can du gyur pa rnams dang po kho nar tshul khrims 'chal pas ni dge 'dun gyi nang du 'jug par mi bya na/ gnas mal rnams dang / nad kyi rkyen sman gyi tshad du gyur pa dang / gzhan rnams lta brjed kyang ci dgos nas gsong por smras pa dang / phyag byas pas kyang le lo can gyi bar chad byed par 'gyur ro// bsam gtan du bya ba las snyan dngags gang bsdebs par gyur pa la ched cher byed pas brtsam par 'os pa'i snyan dang gas de dag byed la/ de dag 'ba' zhig tu ni ma zad kyi/ yang dang yang du de la 'gro ba kho na dang / de'i tshe de la rten pa la sems mngon par dga' ba dang / rnam pa sna tshogs pa'i thabs rnams kyis blo rnam pa sna tshogs pa dang / rnam par rtog pa du ma rnams kyis kun nas bcom pa dang / rnam pa sna tshogs pa'i ro rnams skyed par byed pa'i snyan dngags byed do/ / des de'i sems rnam par dkrug par gyur pas tshe'i 'du byed rnams ni zad par gyur la/ 'chi bdag gis rgyal po nye bar 'ongs par gyur pas bya ba rnams

  484. 243a

    ma byas par yang grogs med cing / 'jig rten 'das pa'i lam dang rnam par bral ba gang yin pa'i phyogs su 'gro bar bya dgos so// de'ang snyan dngags kun tu bsdebs pa des blo song bar gyur pa yin no/ / skyes bu 'di ni des rmongs par gyur nas bar du gcod pa chen po rnams kyis bslus pa'i mchog thob par 'gyur ro// gya rgud kyis mi thob par gyur cing dbang po rnams tshang ba dang / rab tu byung bar gyur pa dang / mchog tu dka' ba de dag thob nas kyang / ci'i phyir snyan dngags bsdebs pas bslus nas dus byed par 'gyur ba ni rang gi don las nyams pa yin no// snyan dngags byed par gyur pa na skyon gzhan yang yod de/ de'ang phal cher rnam par rtog pas nye bar bcom pa'i sems dri ma can dri ma can gyi kun tu spyod pa dag gis snyan dngags byed do// rnam par rtog pa de nyid las gzhan rnam par rtog pa de lta bu'i rnam pa ni 'ga' yang mi 'byung ngo / / ji ltar bud med kyi rnam par rtog pa rnams ni dge slong gis mi bya'o// rnam par rtog pa des kyang rang nyid sreg par byed do// me ji lta bar rang gi rnam par rtog pas sreg par 'gyur ro/ / de ltar bud med kyi rnam par rtog pa rnams kyang byis pa'i skye bo'i tshogs rnams thams cad nyid la skye ba gzhan brgya stong gi bar du'ang mthong ba yin no// snyun dgas rnams kyang dang po kho na bud med rnams ci nas kyang 'bab pa yin no/ / bud med kyi rnam par rtog pas nye bar bcom par gyur pas/ ji srid du rkang pa nas/ mgo bo'i bar rnams la de srid du rnam pa du ma'i tshul bzhin/

  485. 243b

    ma yin pa yid la byed pa skyed par 'gyur ba/ byis pa'i skye bo rnams thams cad yid 'phrog par byed par/ spyan dngags kyis bud med kyi lus kyi cha rnams des rab tu bsngags par byed do// mchod par byed do// yig ya'ang rab tu 'jog par byed do/ / gtsang ma yin par rab tu ston no// de bdag nyid thams cad kyis tshul bzhin ma yin pa yid la byed pas 'khrid par 'gyur la/ gzhan dag tshul bzhin ma yin pa yid la byed pa de la rab tu 'god par byed do/ / rang dang gzhan yongs su nyams par byed pa po de ni/ shi bar gyur nas lus zhig pa'i 'og tu ngan song log par ltung ba thabs ma yin pas kun tu bcom pa'i dmyal bar skye'o// thos pa ngan pa snyan dngags sdeb par byed pa de'i skyon ni 'di yin no/ / gzhan yang thos pa ngan pa snyan dngags rnams sdeb par byed pa'i skyon chen po ni 'di lta ste/ dge sbyong ngan pa de spyan dngags sdeb par byed pas rgyags shing mun par gyur te/ blo shin tu long bar gyur pa'i phyir thos pa ma yin/ mthong ba ma yin/ gzhan dag rnams kyi drung nas nyan pa'ang ma yin no// de la 'di snyan dngags slob par byed par 'dod pas kyang nges par 'ching bar 'gyur ro/ / rab tu gnas par byed do// gzhan dag rnams kyang rnam pa sna tshogs pa'i tshig gi rkang brjod pa rnams kyis nye bar 'brel bar byed do// ji ltar skye bar 'gyur ba de bzhin du de nyid kyis don de dag rnams dngos su mthong bar gyur nas/ de dag gis skyes bu ngan pa de de bzhin du 'jom par 'gyur ro// rang gi sems kyis kun nas slong bas yongs su bsdebs pa'i rdzun de dag rnams kyi skyon des lus zhig

  486. 244a

    nas shi ba'i 'og tu thabs min pa'i log par ltung ba dmyal ba rnams su skye bar 'gyur ro/ / sman dngags sdeb par byed pa'i skyon gyis gzhan yang skyon chen por 'gyur ro// thos pa ngan pa snyan dngags sdeb par byed pa rnams kyis 'di lta ste/ thos pa ngan pa snyan dngags sdeb pa la mngon par dga' bar gyur pas snyan dngags gzhan dag rnams rnyed pa'ang nyan par byed do// des de dag rnams thos nas kyang rang gi rnams sgrub pa'i don du rab tu zhe sdang bar byed pa dang / sngon gyi sman dngags pa rnams la 'phya bar byed do// mdzes par gyur pa'i snyan dngags la rab tu zhe sdang bar byed pa'i dge sbyong ngan pa de ni de ltar bsam gtan sgom pas stongs par gyur nas/ gnod sems mngon par 'phel bar 'gyur ro// dri ma can gyi las rnams ni kun nas rab tu bsags par 'gyur la/ 'di'i dkar po'i chos rnams ni zad par 'gyur bas 'jig rten pha rol tu bde bar byed pa'i grogs tshang pa mtshungs par spyod pa rnams de ltar gshe bar byed do/ / thos pa ngan pa sman dngags sdeb par byed pa/ rtag tu bag med pa la sems pa rnams la ni gzhan yang skyon chen po yod de/ thos pa ngan pa snyan dngags rnams sdeb pa la ched cher byed pa rnams ni nyin med mtshan med du de la blo bzod glags med par gyur nas/ snyan dngags sdeb pa la shin tu ched cher byed par 'gyur ro/ / de dam pa'i chos sems par byed pa nyid ma yin no// sgom par mi byed do// nyon mongs pa rab tu zhi bar bya ba'i ched du mi 'jug go// de nyan pa la blo zhugs par gyur na'ang ngas

  487. 244b

    pa'i chos 'byung ba don med de phyir log nas 'gro'o/ / gang bskul pa stong phrag brgyar rnyed par mi 'gyur ba gang yin pa de dag rnams dge sbyong ngan pa dge sbyong du khas 'ches pa 'dis de ltar nyams par byed do// thos pa ngan pa snyan dngags sdeb pa la ni gzhan yang skyon chen po yod de// skyes bu ngan pa de snyan dngags kyi 'dod pa dang / thos pa ngan pa de dag gi bstod pas kyang phyin ci log tu smra bar byed do// de kun tu spyod par gyur pa rnams la sten par byed do/ / smon pa bzhin du gnas rnams thams cad la rab tu g.yo ba'i blo dang ldan par 'gyur ro// log par rjod par byed pa rnams kyis bcings par gyur pa/ bstod pa bsdebs pa rnams la ni don med pa yin no/ / 'du byed thams cad yongs su zad par 'gyur ba yin pa'i phyir yang 'di la don med pa yin no// snyan dngags kyi rgyags pas zin par gyur pa de dag rnams ni ha cang thal ches par shin dutunyams par gyur nas chang gi btung ba sten par byed do/ / de la bsten par gyur pa'i blo rnam par g.yeng bas kyang phan tshun du don byed do// chang gis kun nas g.yengs par gyur pa'i blos don cung zad cig byed par 'gyur ba ma yin no/ / sems kyang rnam par g.yeng bar byed par 'gyur ba yin pa'i phyir dang / don ma yin pa rnams la 'jug pa po ngan song gi sgor gyur pa'i chang sten par byed pa yin no// de chang gis zin pas mi dge ba rnams thams cad byed do/ / bud med dag mngon par mthong nas tshul bzhin ma yin pa'i yid la byed pas khrid par 'gyur ro// de nye bar khrid par gyur nas dge sbyong ngan pa mi tshangs par spyod

  488. 245a

    par byed do/ / de ni rgyud tshig pa/ nang rul bar gyur pa/ thos pa dang mi ldan pa/ sred pa'i rigs su gyur pa/ bi du la'i me tog bzhin du 'bras bu med pa'o// 'bris pa'i ma me bzhin du 'od med pa/ 'bris pa'i zla ba bzhin du gyur pa/ gang ba bzhin du rnam par smad par bya ba de ni de dag rnams kho na bzhin du gyur pas 'di ni gos kyis g.yogs patsam 'ba' zhig yin no// dge sbyong gi gzugs dge sbyong ma yin pa yin no/ / thos pa ngan pa snyan dngags bsdebs par gyur pa'i skyon gyi rtsa ba de las lus zhig par gyur nas ngan song log par ltung ba dmyal bar skye'o// de'i phyir gang dge sbyong yin par gyur pa de dag rnams kyis thos pa ngan pa snyan dngags bsdebs par mi bya'o/ / gal te byed par gyur na'ang des dam pa'i chos gsal bar byed par 'gyur ba rnams gang yin pa dang / ci ste yang dam pa'i chos rnams yongs su rtogs par 'gyur ba sangs rgyas la bstod par bya'o/ / dkon mchog gsum la bstod par bya'o// dam pa'i chos shin tu gsal bar byed pa'i snyan dngags bya'o// de las mya ngan las 'das pa'i mthar thug par 'gyur ro/ / ngal ba 'bras bu dang bcas par 'gyur ro// de dag gis de rab tu bsngags par yang 'gyur ro// lus zhig par gyur nas shi ba'i 'og tu lha rnams su skye bar 'gyur ro// yang dag pa'i snyan dngags bsdebs par gyur pa dang / dam pa'i chos gsal bar 'gyur ba bsdebs pa dag gis te/ des kyang de ltar bya ba yin gyi/ gzhan du na bar chad byed par 'gyur ro// gzhan yang chos lnga pa dge sbyong

  489. 245b

    dag bsam gtan sgom pa na bar du gcod par byed pa yin te/ 'di dag rnams kyang gang zhe na/ 'di lta ste/ rgyu skar bgrang ba dang sems par byed pa'o// dge sbyong dag dge sbyong du khas 'arnyes pa rnams kyis gnas skabs thams cad du'ang rgyu skar bgrang ba dang bsam par yang mi bya'o/ / de las kyang dge sbyong la 'jig rten pa rnams kyis rnam par smod par 'gyur ro// bsam gtan sgom par byed pa na bar du gcod par 'gyur ro// de bsams pas kyang bsod nams dang tshe'i 'du byed rnams nub par 'gyur ro// bde legs rnams kyang 'thob par mi 'gyur ro// tshe zad par gyur pa de bya ba ma yin byed pa'i phyir/ nad las dang / rga ba las dang / mya ngan dang / smre sngags 'don pa dang / sdug bsngal ba dang / yid mi bde ba dang / ngal ba rnams las yongs su grol bar mi 'gyur ro// dus yun ring por 'khor bar yongs su 'byam par 'gyur ro// 'di la rgyu skar bgrangs pa rnams kyis kyang cung zad kyang mi byed do// bdag la ma yin zhing gzhan rnams las yang skyob pa ni rgyu skar rnams ma yin no// de ci'i phyir zhe na/ las kyis de dag rnams 'jug par byed pa yin gyi/ rgyu skar rnams ni skyabs ma yin no// de ci'i phyir zhe na/ rgyu skar gcig nyid la'ang bde ba can rnams dang / sdug bsngal can rnams dang / skye gzugs ngan pa dang / gzugs bzang ba dang / rigs dang ldan pa dang // rigs dman pa dang / chos pa dang / chos ma yin pa dang / dbul po dang / phyug po dang / rkun ma dang / rgyal po dang / chom rkun ma dang / mkhas pa dang / rmongs pa dang / bud med dang / skyes pa dang

  490. 246a

    tshul khrims dang ldan pa dang / tshul khrims 'chal pa dang / brtson 'grus brtsams pa dang / le lo can dang / 'jig rten pa sdug par 'dzin pa dang / de la sogs pa gzhan rnams kyang rgyu skar gcig la skye'o/ / gal te yang rgyu skar rnams rgyu mtshan yin par gyur na de la gang dag rgyu skar gcig la skyes par gyur pa de dag rnams thams cad kyang mtshungs par 'gyur ro// skyes bu rnams kyis ji skad bshad ba'i rgyu skar rnams ni bgrang bar mi bya ste/ sngon gyi skyon dang yon tan dang bcas pa rnams mngon par mi shes pa'i phyir ro// dge ba dang mi dge bar gyur pa'i dus rnams su skar mar gyur pa'i rgyu skar rnams bgrang bar byed/ gzhan yang rgyu skar 'di dag rnams bgrang ba dang / dpyod par byed pa ni 'di lta ste/ rgyu skar rnams ma shar ba dang / gang gi phyir mdun du byas par gyur pas rnam par dag pa rnams kyang nyung ba dang / lhag par gyur pa dang / mngon par gsar pa yin pa dang / rgyu skar gyis rgyu skar gzhan rnams zil gyis gnon no// gzhan yang gza' skar de nyid kyang dus gzhan na zil gyis gnon par 'gyur ro// de dag rnams las rgyu skar gyi mdzes pa dang / mdzes pa ma yin pa rnams dpyod par byed pa yin no// gang sems par byed pa dang / bgrang bar byed pa'i rgyu skar rnams kyi dbang gis bde ba dang sdug bsngal ba yin na/ gang gis ji ltar bdag nyid la stobs dang ldan par 'gyur zhing bde ba dang sdug bsngal gyi dbang du byas nas gang gis zil gyis gnon par 'gyur/ ji ltar na gzhan rnams kyis sdug bsngal dang bde ba byed par 'gyur ba

  491. 246b

    yin/ de'i phyir las rnams nyid kho na las dge legs dang dge legs ma yin pa'i 'bras bu rnams yin no// rgyu skar rnams dang / gza' rnams kyang gang gi tshe gza' gzhan dang 'khrugs par gyur pa de'i tshe dag rnams la'ang gzer zug 'byung ngo / / ji ltar zhim dang zla ba dag kyang gza' sgra gcan lan gyis sdug bsngal bar byed do// de la gang dag bdag nyid kyil nus pa med pa de/ ji ltar gzhan rnams kyi la nus pa 'byung bar 'gyur/ de'i phyir gza' dgu po rnams kyi dpyod pa ni dge sbyong gis mi bya'o// dge sbyong du khas 'ches pa rnams kyis mi bya'o// 'dzin par byed pa gza' chen po rnams ni gsum po 'di dag rnams yin no/ / 'di lta ste/ rga ba dang / nad dang / 'chi ba rnams yin te/ gang zhig rtag tu 'jig rten pa rnams la gnas par gyur pa tha mar 'dzin par byed pa'i gza' chen po gsum po rnams sems par mi byed par ni/ ji srid du dge sbyong ngan pa dge sbyong du dam 'cha' bas gza' gzhan 'jig rten pa rnams nyid dpyod par byed do// blo gros med pa thos pa dang mi ldan pa'i byis par gyur pas skyon dang bcas par gyur pa'i 'jig rten pa'i rgyu skar nyi shu rtsa brgyad po rnams dpyod par byed do/ / gang zhig rnam par dpyong bar 'gyur zhing yang dag pa ji lta ba bzhin du so sor brtags par gyur na mya ngan las 'das pa'i grong khyer du legs par 'jug par byed pa'i 'jig rten las 'das pa'i rgyu skar nyi shu rtsa brgyad po rnams ni dpyod par mi byed do/ / de dag rnams kyang gang zhe na/ 'di lta ste/ phung po lnga po rnams dang

  492. 247a

    nye bar len pa'i lnga po rnams dang / khams bco brgyad po rnams so// de sa rnams dpyon par gyur pas ni mya ngan las 'da' bar 'gyur ro// yang dag pa ji lta bar 'dod chags 'gog par byed pa dang / kun nas sdom pa dang 'dul bar byed pas kyang mya ngan las 'da' ba yin no// dge slong rgyu skar sems par byed pa rnams ni yang rim pa gzhan gyis dge sbyong ngan pa dge sbyong du khas 'dres pa rnams kyis zla ba bcu gnyis bgrang bar byed de/ de dag rnams bgrang ba las kyang don ma yin par byed do// nyon mongs pa rnams spong bar mi byed pa dang mya ngan las 'da' bar yang mi 'gyur ro// 'khor ba'i skye mched bcu gnyis bgrang bar byed pa rnams kyis gang dag legs par sdom pa dang / yang dag pa'i don yongs su shes par byed pa dang / 'dod chags dang bral ba dang / legs par kun nas sdom par gyur ba rnams kyis kyang mya ngan las 'das ba yin no/ / dge sbyong ngan pa dge sbyong du khas 'ches pas de dag rnams ma brtsis par kun nas nyon mongs par gyur pa gzhan rnams dpyod par byed do// yang gang zhig dpyad par gyur nas nad dang / rgas pa dang / 'chi b a rnams las yongs su 'grol bar mi 'gyur ba'i rim pa gzhan gyis ngan pa rnams sems par byed pa'i dge sbyong ngan pa dge sbyong du khas 'ches pas kun nas nyon mongs pa can du gyur pa'i dus drug po rnams dpyod par byed do/ / gang dag rnams dpyad par gyur cing yang dag pa ji lta bar so sor rnam par dpyad cing rnam par gnas par gyur na/ de dag rnams mya ngan las 'da' bar gyur pa'i dogs pa dang bcas

  493. 247b

    pas kun nas nyon mongs pa can nye bar 'tshe ba dang bcas par gyur pa'i sum cu rtsa drug gis lus dpyod par mi byed do/ / yang rim pa gzhan gyis dge sbyong ngan pa dge slong du khas 'ches pa rnams 'jig rten pa'i dus kyis byas pa'i ltas su gyur pa rnams la dpyod par byed de/ ji ltar dkar po'i dus kyi lta sa rnams ni mdzes pa'o// dkar po ma yin pa ni mi mdzes pa'o// che ge mo zhig gi dus na ltas 'di dag rnams 'byung bar che ge mo zhig gi dus na ni ma yin no/ / rnam pa de lta bur gyur pa'i bsam khral ngan pa rnams sems par byed kyi/ gang dag shis par gyur pa rnams dang / pha rol tu bde bar gyur pa rnam dang / mya ngan las 'das par 'gyur ba dang / mya ngan las 'das pa'i mthar thug par 'gyur ba sems kyi dmigs pa'i mtshan nyid du gyur pa'i dge ba dang / mi dge ba dang / lung du ma bstan par gyur pa'i ltas dang / ltas ma yin pa rnams kyi dpya ra dpyod par mi byed do// ji ltar dge ba'i sems dang ldan par gyur pa'i dge ba dmigs pa'i lhas las mdzes par gyur pa'i bde 'gro ba'i 'gro ba bdag la 'byung/ bar 'gyur ro// mya ngan las 'das par 'gro bar 'gyur ba'i dge ba'i sems che ge mo cig la dmigs pa bdag la skyes so// mi dge ba kun nas nyon mongs pa can des ni bde ba ma yin zhing shis pa ma yin no/ / bdag bde 'gror 'gro bar yang mi 'gyur ro// lung du ma bstan pa la dmigs pa'i bdag gi sems che ge mo zhig skyes par gyur te/ de ni rnam par smin pa lung du ma snyan pa

  494. 248a

    yin no/ / gzhan yang dge sbyong ngan pa dge sbyong gi gzugs brnyan de 'jig rten pa'i lam gyis skad cig dang / thang cig dang / yud tsam dang / zla ba phyed dang / zla ba dang yang dag par ldan pa'i dge ba dang / mi dge ba'i dus kyis mi rnams kyi tshe'i dus rnams sems par byed kyi/ bdag gi re'i 'du byed rnams ni skad cig pa yin te/ ji ltar 'di dag rnams ni skad cig pa/ thang cig dang / yud tsam dang / nyi ma dang / zla ba dang / zla ba phyed par 'khor ba med par zad par 'gyur bas/ cis kyang bzlog tu med pa stobs chen po dang ldan pa'i 'chi ba'i dus su gyur pa'i 'du byed rnams 'dzad par 'gyur ba'i dus la ni dpyod par mi 'gyur ro/ / bsam gtan byed pa bar du gcod par 'gyur ba/ 'jig rten pa'i rim pa gzhan kun nas nyon mongs pa can rnams kyis kyang rgyu skar gyi dpyang ra rnams dpyod par byed do/ / sgom par byed do// lan mang du byed do// sems kyis rab tu sgom par byed do// rab tu 'jog par byed do// gzhan dag rnams la'ang sbyin par ston no// ji ltar rgyu skar re ge mo gza' che ge mos nye bar gzir bar gyur nas mnar bar byed do// 'dod par gyur pa'i kun tu sbyor ba'i rgyu skar gzir bar byed do// de bsams par gyur pa na nad dang / mya ngan dang // smre sngags 'don pa dang / sdug bsngal ba dang / yid mi bde ba rnams las sgrol bar byed pa po// 'khor ba las 'dzin par byed pa po rnams ni de ltar dpyod par mi byed na/ rgyu skar la ji lta ba

  495. 248b

    bzhin du de nyid ni chos kyi gzar gyur pa'i chos gzhan rnams kyis zil gyis gnon par 'gyur ro/ / 'di lta ste/ skye ba'i rgyu skar rnams ni/ 'chi ba'i gza' rnams kyis nye bar 'dzin no// da med pa'i rgyu skar rnams ni/ nad kyi gza' rnams kyis nye bar 'dzin no// lang tsho'i rgyu skar rnams ni rgas pa'i gza' rnams kyis nye bar 'dzin no// mthun pa dang kun tu phrad pa'i rgyu skar rnams ni/ mthun pa dang bral ba'i gza' rnams kyis nye bar zin no/ / lha'i 'jig rten du skyes pa'i rgyu skar rnams ni/ 'chi 'pho ba'i gza' rnams kyis nye bar zin no// mir skyes pa'i rgyu skar rnams ni/ tshol khro'i sdug bsngal gyi gza' rnams kyis nye bar zin no/ / bde ba'i tshor ba'i rgyu skar rnams ni/ sdug bsngal gyi tshor ba'i gza' rnams kyis nye bar zin no// dge ba'i sems bskyed pa'i rgyu skar rnams ni// mi dge ba'i sems bskyed pa'i gza' rnams kyis nye bar zin no// mi sdug pa'i rgyu skar rnams ni/ zhe sdang gi gza' rnams kyis nye bar zin no// shes pa'i rgyu skar rnams ni/ gti mug gi gza' rnams kyis nye bar zin no/ / dge sbyong pa pa dge sbyong du khas 'arnyes par gyur pa de rang nyid kyis bsam khral rnams sems par mi byed do// 'jig rten las 'das pa'i yongs su dpyad par bya ba'i dpyod pa rnams sems par mi byed do/ / 'jig rten pa'i de dag rnams dang / 'jig rten las 'das pa'i yang ji skad du bshad pa'i rgyu skar dpyad par bya ste snga ma bzhin no// tshul

  496. 249a

    bzhin yid la byed pas yang dag pa ji lta ba bzhin so sor brtag par bya'o/ / ji skad du bshad pa'i gza' rnams kyang sngar bzhin du yang dag pa ji lta bar gza' rnams bsam par bya'o/ / bsgom par bya'o// yang dag pa ji lta ba bzhin du gyur pa shis pa'i lam yan lag brgyad kyi so sor brtag na ni// gza' dang rgyu skar gyi dpyad ra rnams 'bras bu dang bcas par 'gyur ro/ / mya ngan las 'da' bar 'gyur ba dang / shis par 'gyur ba dang / bde bar 'gyur ba'ang yin no// tha mal pa'i 'jig rten pa'i gza' rnams dpyang ba dang / rgyu skar rnams kyang dpyad par gyur pa'i skyes bu ni/ brgya stong du ma rnams su 'gros nor nas dmyal ba dang / yi dgas dang / 'dud 'gro rnams su skye bar 'gyur ro// 'jig rten pa de dag rnams ni 'khor bar kun nas 'jug par byed pa/ 'dod chags zhe sdang gti mug rnams kun nas skyed par byed pa yin no// gang yang dus dang / gza' dang / rgyu skar de dag rnams 'jig rten las 'das pa'i lam gyis bsam par bya bar bshad pa de dag rnams rnal 'byor dpyod pas bsems shing bsgoms te/ yang dag pa ji lta ba bzhin du so sor brtags pas/ rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba stong phrag brgya las rnam par grol ba'i go 'phang 'thob par 'gyur te/ rtag tu rgas pa med pa dang / 'chi ba

  497. 249b

    med pa dang / zad pa med pa'i mya ngan las 'das pa'i mchog de lta bu de dag rnams la bsgrub par bya'o// dge sbyong rnams dge sbyong du dam bcas pa rnams dang / sdug bsngal zad par 'dod ba rnams kyis 'khor ba'i sdug bsngal zad par 'gyur ba'i rgyu skar rnams la dpyad pa bsgoms par bya'o/ / dus dpyod pa'ango rang bzhin ji lta bu ma yin pa'i kun nas nyon mongs pa can gyi shes pa rnams kyang bde ba'i mthar thug par 'gyur ba ma yin no/ / shes par 'gyur ba ma yin/ mya ngan las 'das pa'i mthar thug par 'gyur ba'ang ma yin gyi/ dge slong des bsam gtan bsgom par gyur pa na rnam par sreg pa byed pa 'ba' zhig tu gyur pa dang / rgyu skar bgrang ba dang sems par byed pa na/ dge slong la rnam par gshe bar byed par yang 'gyur ro// gzhan yang chos drug par gyur pa bsam gtan bsgom pa na bar du gcod par byed pa rnams ni/ dge sbyong dang dge sbyong khas 'ches pa rnams kyis bsam par yang mi bya'o// 'di'ang gang zhe na/ 'di lta ste/ rgyu mtshan sems pa dge sbyong gis mi bya'o// 'jig rten pa kun nas nyon mongs pa 'dod chagaso dang / zhe sdang dang / gti mug rnams kun tu gsal bar byed par gyur pa/ dge ba'i chos rnams kyi bar du gcod par byed pa rnams kun tu 'phel bar byed pa ni rgyu mtshan sems pa las yin te/ de las g.yo bar 'byung ba rnams nyin mo dang mtshan mor yang dge sbyong

  498. 250a

    ngan pa dge sbyong du khas 'ches pa rnams ni kun nas nyon mongs pa'i sa gzhi las kyi rgyu mtshan nye bar mtshon par byed do/ / ji lta bar rgyu mtshan 'di dag rnams 'byung bar 'gyur te/ 'di ltar chu kun tu gnas gnas pa'i rdzing bu dag rlung gis dkrug par byed la/ ji srid du rab tu g.yos par gyur pas rnyog pa can du 'gyur ro// lha'i cher 'bab na grog ma rnams gzer zug gis phyir 'byung bar 'gyur ro/ / zla ba gzas 'dzin par 'gyur na rlur mar nag 'bying bar 'gyur ro// bya rnams dma' ba nas 'gro na'ang nam mkha' la nyi ma gzas 'dzin par 'gyur ro// phyogs rnams la 'dod chags dang bral bar nye bar dmigs par 'gyur ro/ / dge ba la ni 'di dag rnams 'byung bar 'gyur ro// ji ltar 'jam por gyur pa'i rlung rnams rab tu rgyu bar 'gyur ro// phyogs rnams shin tu dri ma med par gyur pa dang mdzes pa'i bya dag g.yas phyogs nas bskor bar kun tu mthong bar 'gyur ro/ / mi dge ba 'byung bar 'gyur na dmar rengs dang phyogs kyi mdog rnams rtsub par mthong ngo / / rlung rtsub mo dag rab tu rgyu bar 'gyur ro// skya rengs dmar po khrag gi mdog tu 'gyur ba dang / kun nas de'i cha byad kyis nyi ma nam mkha' la shar nas gnas so// de ltar dge sbyong ngan pa dge sbyong du khas 'dres par byed pa 'dis bsam gtan sgom pa'i bar du gcod par byed pa'i rgyu mtshan rnams mtshon par byed do// rgyal po dag la'ang ston par byed do//

  499. 250b

    rnyed pa dang bkur sti'i don du rgyal ba dang 'pham par 'gyur ba rnam par dpyod par byed do// des de bzhin du rgyal po rgyal ba dang 'pham par 'dod par gyur pas 'dod chags dang / zhe sdang dang / gti mug rnams yid la kun tu skye ste/ de dag gi rtsa ba las ni gti mug yin pas skyon gsum po 'dis g.yogs par gyur pa de ni dge sbyong ma yin la khyim pa'ang ma yin no// de'i phyir dge sbyong dang dge sbyong du dam bcas par gyur pa rnams kyis rgyu mtshan gyi dpyad ra mi bya'o/ / 'di dag ni kun nas nyon mongs pa yin no// yang rim po gzhan gyis ma rungs pa'i rgyu mtshan 'di dpyod par gyur pa la ji ltar gang 'ga' zhig rgyu mtshan can yin par gyur pa de rgyal pos ci nas kyang ltad mo'i dus na ltang mo 'dzugs par 'gyur ro/ / rgyal po dag phan tshun du kun tu 'joms par gyur pa skye bo thams cad 'khrug par byed pa'i 'khrug pa'i ltad mo las sems can brgya stong du ma rnam par nyams par 'gyur ro/ / gsod par byed pa dang / 'dzin par byed pas kyang yul ljongs dang / yul 'khor dang / grong chung rnams phan tshun du stongs par byed do// srog chags brgya stong ma rnams kyang sdug bsngal bar 'gyur ro// de'i tshe rgyal po dag phan tshun du 'gras par gyur pas te/ de la mdor bsdus na skye bo'i tshogs chen po 'di dag rnams kyis ni/ dge sbyong ngan pa dge sbyong du khas 'ches pas ltad mo btsugs pa yin no// rgyal po gcig rnam par rgyal bar gyur pas rgyal po gzhan la dbang che ba

  500. 251a

    rgyu mtshan nye bar mtshon par byas nas de 'di snyam du nye bar sems te/ gal te rgyal po 'di rnam par rgyal bar gyur na/ de las bdag chen por 'gyur ba dang / rgyal po'i sbyin/ snga nas rnyed pa dang bkur sti'ang bdag la chen po 'byung bar 'gyur ro// dge sbyong ngan pa dge sbyong du khas 'ches pa de nyid kyi dge ba gang yin pa'i chos de nub par 'gyur ro// bsam gtan la snyoms par zhugs pa na'ang dge ba mngon par mi 'phel lo/ / rgyal ba dang mi rgyal ba rnams kun tu rtog par byed pa po zhi bar gyur pa'i chos rnams ma bsams pas lus zhig par gyur pa nA shi ba'i 'og tu ngan song log par ltung ba dmyal bar skye'o/ / rgyu mtshan 'di dag gi phyir na dge sbyong rnams dang dge sbyong du khas 'dres pas rgyu mtshan gyi dpyad ra 'jig rten pa mi bya'o// 'jig rten pa'i dbya ngar gang yin pa 'di ni skyon gsum skyed par byed pa'ang 'i de yin te/ dge ba'i chos rnams kyi bar du gcod par byed pa yin no// de la skyon gsum po de dag rnams la rim gyis nges par rnam par grol bar 'gyur ba'i 'jig rten las 'das pa bsgrub pa dpyad par bya'o/ / gang zhe na/ 'di lta ste/ ji ltar 'dir sa gzhi g.yo ba nye bar mtshon par byed pa/ nyin mo dang mtshan mor yang ji ltar sa g.yo ba 'byung bar 'gyur ro zhes de kho na ltar ni nam yang dpyod par mi byed de/ nyin dang mtshan du'ang sems kyis gzhi ga yo ba 'byung bar 'gyur ba'i phyir ro// dper na sa gzhi 'di kun nas g.yo bar

  501. 251b

    gyur na/ nags dang / nye ba'i nags dang / ri dang / chu klung dang / shing dang / grong dang / tshong dus su bcas pa'i 'jig rten 'di dag rnams 'jig pa 'byung bar 'gyur ro// de kho na zhin du sems kyi sa gzhi 'di rab tu g.yo bar gyur na/ de la brten pa de dag rnams thams cad las/ 'jig rten las 'das pa'i sgrub par byed pa'i chos/ dge ba'i sa chen po pa bcas pa rnams ma gtogs pa/ gzhan dag rnams ni rab tu g.yo bar 'gyur ro// de'i phyir dang po kho nar dge sbyong dge sbyong du dam 'cha' ba rnams kyis sa gzhi bzhin du sems kyi sa gzhi g.yo ba rnams la so sor brtag par bya'o/ / gang gi phyir 'khor bar byed pa dang / sems kyi sa gzhi rab tu g.yo bar yang byed do// gsum gyis sems kyi sa gzhi rnams g.yo bar yang byed do// 'di lhalta ste/ 'dod chags dang / zhe sdang dang / gti mug gis rab tu g.yo bar byed de/ ji ltar sa gzhi dag g.yo ba 'byung bar 'gyur ba na/ chu mnyam pa dang ldan pa rnams rlung gis dkrug par byed do/ / so so'i skye bo sems kyang de kho na bzhin du 'byung bar 'gyur te/ 'dod chags sam/ zhe sdang ngam/ gti mug kyang skyes par 'gyur ba na/ snyoms par gnas pa las snying dang bzhin gyi mdangs kyang dmar ba 'am/ bzhin gyi mdang sa mi gsal ba 'byung bar 'gyur ro// de'i phyir dge sbyong rnams dang dge sbyong du khas 'ches pa mya ngan las 'das pa la mngon du phyogs

  502. 252a

    pa rnams dang / dge sbyong du khas 'ches pa rnams kyi rgyu mtshan de dag rnams nye bar gzung bar bya'o// rgyu mtshan de dag rnams kyi rgyu mtshan gyis nye bar rtog pa rnams ni nam yang sdug bsngal bar mi 'gyur ro/ / sems kyi sa gzhi'i rgyu mtshan du gyur pa 'di dag rnams ni 'jig rten las 'das pa yin no// gzhan yang gal te tha mal pa'i rgyu mtshan 'di dag gis nye bar mtshon par byed de/ ji ltar grog ma rnams tshang nas phyir 'byung bar 'gyur ba de bzhin du lha'i char 'bab par 'gyur ba de kho na bzhin du/ dge sbyong dge sbyong du khas 'ches pa rnams kyis 'jig rten las 'das pa 'di dag brtag par bya ste/ ji ltar grong dang / grong khyer dang / tshong du sa dag las sbyin pa po dang / sbyin bdag rnams dang / dge sbyong dang / bram ze rnams kyis dang / khyim bdag rnams kyis khyim yang bshig nas gang na sangs rgyas bzhugs pa der 'ong ngo / / de'i tshe yang dag pa'i rgyu mtshon du gyur pa ston par mdzad pa'i rgyu mtshan yang / dge sbyong dang bram ze rnams kyis 'di ltar nye bar mtshon par 'gyur ro/ / ji ltar chung ngu na 'dir sangs rgyas bcom ldan 'das kyi legs par bstan pa'i gsung gis dam pa'i chos dag gi char 'bebs par 'gyur te/ sbyin pa po dang / sbyin bdag rnams dang / dge sbyong dang / bram ze dang / khyim bdag rnams gang dag yin pa de dag rnams gang na bcom ldan 'das sprin dang ldan par gyur pas char mngon par 'bebs par mdzad

  503. 252b

    ba der nye bar legs par 'gro bar byed do zhes pa'i rgyu mtshan nye bar rtog par byed do/ / tha ma yang zla ba gzas 'dzin pa 'byung bar 'gyur te/ ji ltar nur mar nag nub par 'gyur ro// rgyu mtshan de dag rnams mdzes pa ma yin zhing zhi bar 'gyur ba'ang ma yin no/ / dge sbyong gis gang mdzes par gyur pa'i rgyu mtshan 'jig rten las 'das pa 'di du ma rnams dpyad par bya'o// chung ngun dus tha mar gyur pa/ rtsod ldan gyi dus na dam pa'i chos kyi zla ba gzas 'dzin pa 'byung bar 'gyur te/ ji ltar dam pa'i chos kyi mar nag 'di dag rnams log par lta ba'i skye bo rnams kyi snying la nub par 'gyuraro// / 'byin par mi byed do// rgyu mtshan de dag rnams mchog yin gyi/ 'jig rten pa'i zla ba gzas 'dzin pa'i rgyu mtshan ni ma yin no// gzhan yang gal te dge sbyong ngan pa dge sbyong du khas 'ches pa 'di 'jig rten pa'i zla ba gzas 'dzin pa mchog yin pa'i rgyu mtshan rnams nye bar mtshon par byed do/ / ji ltar zla ba gzas 'dzin par 'gyur te/ ji ltar bya 'di dag rnams kyang nam mkha la dma' ba nas 'phur ro zhes nye bar 'dzin pa'i rgyu mtshan 'di ni mdzes pa ma yin no/ / dge sbyong rnams dang dge sbyong du khas 'dres pa rnams kyis mdzes par gyur pa/ 'jig rten las 'das pa'i rgyu mtshan 'di dag nye bar brtag par bya ste/ ji ltar dus kyis dam pa'i chos kyi zla ba gzas 'dzin pa ji lta bar 'byung bar 'gyur na/ ji ltar dam pa'i chos kyi lam du zhugs par gyur pa mchog tu

  504. 253a

    dge ba dang ldan pa'i dge sbyong rnams dma' bar 'gro bar 'gyur ro/ / bya bzhin du dma' zhing dma' ba nas kun tu spyod par byed pa'i log par ljang can rnams kyi sgron ma mkha' lta bur gyur pa nas dman pa dman pa'i tshig rnams rjod par 'gyur ro/ / dus kyi skyon du gyur pa rgyu mtshan gyi mdog 'di dag rnams nye bar gzung bar bya'o// dge sbyong dge sbyong du khas 'ches pa rnams kyis tha mal pa'i zla ba gzas 'dzin pa ni ma yin no/ / gzhan yang rgyu mtshan gang gi phyir dge sbyong ngan pa dge sbyong du khas 'dres pa 'di nyi ma gzas 'dzin pa'i rgyu mtshan nye bar rtog par byed de// 'jig rten pa ji ltar 'byung bar 'gyur ba rnams la nyi ma gzas bzung bar gyur pa na phyogs rnam le'u brgan gyi mdog tu rtogs par gyur na 'dir dge ba dag 'byung bar 'gyur ro/ / rlung 'jam po rnams rab tu 'byung bar 'gyur ro/ / phyogs rnams dngos po dang ldan pa dang / mdzes pa dag gis g.yas phyogs nas skor bar 'gyur ba mthong ngo // bsam gautan sgom pa las bar du gcod par 'gyur bas/ dge sbyong dge sbyong du khas 'ches pa rnams kyi rgyu mtshan 'di dag ni mdzes pa ma yin no// 'jig rten pa'i 'di dag rnams ni 'dir shis pa ma yin no// bde bar 'gyur ba'ang ma yin no/ / de kho na bzhin du dge sbyong dge sbyong du khas 'ches pa rnams kyis shis pa'i byed pa'i rgyu mtshan gzhan rnams bzung bas/ 'jig rten las 'das pa rnams nye bar mtshon par bya'o// /

  505. 253b

    ji ltar chung ngu na byang chub sems dpa'i nyi ma la thams cad mkhyen pa nyid du byang chub pa'i gzas 'dzin par 'gyur ba 'byung ste/ bskal pa gcig gam/ bskal pa gnyis sam// bskal pa gsum nyid kyis kyang ste/ byang chub sems dpa' 'byung ba 'di ni dge sbyong dag 'jig rten las 'das pa'i rgyu mtshan yin no// ji ltar 'di'i brtson 'grus dang / sbyin pa dang / thos pa dang ye shes rnams la chags par gyur pa'i mdog gis sems can rnams thams cad la snying rje dang / byams pas chags pa dang ldan pa'i lus kyi phyogs rnams kyis mtshan par gyur pa na/ dge ba 'di dag rnams 'byung bar 'gyur ro// gal te yon tan rab kyi phul dang ldan pa'i byang chub sems dpa' 'di 'byung bar gyur pa na/ ma 'ongs pa na bya'i lhas su gyur pa'i nyan thos dang / rang sangs rgyas dang / dgra bcom par gyur pa'i bya rnams 'jug par gyur pa'i rtags rnams kyang mthong bar 'gyur ro// g.yas phyogs nas bskor ba ni yang dag pa'i go 'phang yid la byed pas/ g.yas nas bskor ba de'i tshig bla dgas yin no// gzhan yang 'di'i ji lta ba nyid du 'jig rten pa'i rgyu mtshan rnams la rab tu lta bar byed de/ ji lta bar dge bar 'byung bar 'gyur ba ni skya rengs dmar po dang phyogs rnams kyang rtsub par rab tu mthong ngo / / rlung rtsub mor gyur pas rlung rnams rab tu rgyu ba'o// skya rengs dmar po de'i kun tu cha byad kyis nyi ma nam mkha'

  506. 254a

    la shar nas gnas par 'gyur ro/ / ji ltar dge sbyong ngan pa 'di bsam gtan sgom pa na/ bar chad byed par 'gyur ba'i 'jig rten pa'i rgyu mtshan nye bar rtog par byed do// de bzhi du'ang dge sbyong bzang pos 'jig rten las 'das pa'i rgyu mtshan dad pa can thams cad la kun tu ston par byed par 'gyur te/ ji ltar mi mdzes par gyur pa rnams 'byung bar 'gyur na/ de la ci zhig mi mdzes par 'byung bar 'gyur ba 'di lta ste/ dam pa'i chos rnams nub par 'gyur ro// ji ltar rgyu mtshan 'di dag rnams mthong ba yin te/ phyogs kyi kha dog rtsub pa zhes bya ba ni/ dam pa'i chos nub par 'gyur ba/ tshig rtsub dang / brdzun du smra ba dang / phra ma byed pa dang / srog gcod pa dang / ma byin par len par 'gyur ba rnams la dga' ba'i skyes bu dag phyogs su 'byung bar 'gyur ro// rlung rtsub mo rnams rab tu rgyu bya ba ni mi snyan pa'i tshig bla dgas yin no// gang gi tsha dam pa'i chos rnams nub par gyur pa na/ sems can chos dang ldan pa ma yin pa rnams 'byung bar 'gyur ro/ de'i tshe mi snyan par gyur pa'i rlung rnams phyogs dag tu 'phyur bar 'gyur ro// ji ltar sems can 'di dag rnams mdzes pa ma yin par gyur pa'i sdig pa rnams byed par gyur pa de ltar mi sman pa'i rlung rgyu bar 'gyur ro/ / gzhan yang de kho na ltar 'jig rten pa'i rgyu mtshan du gyur pa/ dmar rengs kyi mdog gi kun tu cha byad kyis nyi ma nam mkha' la shar nas gnas pa rab tu mthong bar 'gyur

  507. 254b

    ba de bzhin du/ 'jig rten las 'das pa'i rgyu mtshan 'di dag rnams kyang phyis kyi rgyu mtshan du mthong ba ma yin te/ dmar rengs kyi mdog ni dge sbyong ngan pa dang / bram ze ngan pa'i 'khor rnams kyi kun tu cha byad can gyi thams cad mkhyen pa ma yin par thams cad khyen par mngon par nga rgyal ba'i log par lta ba can rnams kyi nyi ma ngan pa yin lol/ thams cad mkhyer pa ma yin par thams cad mkhyen par khas 'ches pa/ rigs ngan pa'i rigs su gyur pa rnams nam mkha' la shar nas gnas pa yin no// de la rnam pa 'di lta bu'i log par lta ba'i nyi ma shar bar gyur pas/ rtswa dang / nags dang / nags tshang tshang dang / sman rnams thams cad skam par 'gyur ro// 'dis ni skyes bu rnams kyi dge ba thams cad dang yang dag pa'i lta ba sman rnams rtsa bzhin du skems par 'gyur ro/ / de bzhin du 'di'ang 'jig rten las 'das pa'i bsam gtan sgom pa na/ kun tu gsal bar byed pa/ don dam pa'i de kho na nyid gsal bar byed pa/ mchog tu rgyur gyur pa'i blo gros 'jig rten las 'das pa'i rgyu mtshan mtshon par byed do// nye bar mtshon nas kyang ston par byed do// de dag tu gyur pa gang yin pa rnams kyang gang dag ce na/ dad pa can gyi bram ze dang / khyim bdag de dag rnams la ston par byed do// ji srid du dam pa'i chos kyi zhi ma shar bar gyur pa de srid du bde ba'i las rnams la rab tu

  508. 255a

    'bad par bya'o/ / phyis nas chos thams cad nub par gyur nas/ log par lta ba'i nyim shar bar gyur pa na/ dge sbyong dge sbyong du khas 'ches pa rnams dang dza ze bram zer khas 'ches pa rnams dang / thams cad mkhyen par khas 'ches pa'i dge sbyong ngan pa dang / bram ze'i cha byad can rnams kyis sdug bsngal bar byas par gyur ta re/ blo mchog rgya che par gyur pa rnams kyi de kho na nyid kyi rgyu mtshan rnams ni/ thams cad mkhyen pa'i bstan pa'i mchog 'di yin no zhes de dag gis de ltar ston par byed do// de bzhin du rgyu mtshan gyi sems rnams ni bar du gcod par byed pa yin no/ / bsam gtan bsgom par gyur pa na/ 'di dag rnams dang / gzhan yang 'jig rten pa rnams kyis ni bar chad byed par 'gyur ro// de la 'jig rten pa'i bar chad 'di yin te/ 'jig rten las 'das pa'i lam 'di las 'khor bar mngon par 'jug par byed pa ni 'jig rten pa'o// 'jig rten las 'das pas ni mya ngan las 'das pa'i mthar thug par byed pa yin no/ / de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ bsam gtan bsgom dang rnam par bral// rgyu mtshan la ni rtag tu dga'/ / dge ba'i chos ni rnam par spangs// ngan 'gror 'gro bar rings pa yin// de ni rang gi chos spangs nas// gzhan gyi chos la dga' bar byed// de ni chos gnyis las/

  509. 255b

    nyams nas// log par lhung ba'i 'os yin no// rang gi khyim ni yongs spangs nas// gzhan gyi khyim ni bsrung ba yin// de ni rgod dang yang mor 'gyur// nor med par yang myur du 'gyur// ji ltar blo ngan rmongs pa gang / / rgyal 'dod mkhas pa'i nga rgyal can// rang gi chos ni rnam spangs nas// gzhan gyi chos kyis 'phel bar byed// chos min pa dang snyan min pa'i// gzhan gyi rtags kyis nye bar 'tsho/ / rtswa bzhin 'gro ba'i 'jig rten yang // phyi mar ngan 'gror 'tshed pa yin// gang zhig zhi ba'i yul la gnas// sdig pa'i las las ldog byed pa// sdug bsngal tshogs ni des mi mthong / / gzhi ba'i mtha' la 'jug pa ni// spro med zhe sdang spangs pa dang // 'dod la spyod las shin tu 'das// brtson 'grus brtsams dang chog shes dang // bsam gtan pa 'dir dge slong brjod/ / 'dod las grol min chags can gang // rtag tu zas la spyod ldan pa// lus ngag bsdams pa'i rkun ma 'di/ 'dir ni dge sbyong min par brjod// rgyu mtshan ston pa'i sbyin pa dang // rgyu skar bgrang ba'i sems khral can/ rgyal po ston dang bag med dang // 'dir ni 'di la nags 'os min// sman pa'i ri mo'i las byed dang // de bzhin thos ngan snyan dngags sdig/ 'dres pa gnas dang zhabs 'bring byed/ / dge slong rab tu nyams par 'gyur// bsam gtan bsgom la zhe sdang zhing // tshogs pa 'dus la dga' ba dang // rnyed dang bkur sti la chags par// byed

  510. 256a

    pa'i dge slong ming tsam 'dzin/ / gser gyi khams dang yang dag ldan// grogs mang la yang dga' ba gang // gzhan gyi rnyed la chags pas kyang // dge slong bstan/ pa las lhung ngo // gang yang tshogs pa rnam spangs shing // sdig pa'i tshogs pa mi sten par// phyi dang chus kyang chog shes pa// dge slong de ni nang med yin// 'bar ba lta bu'i yul rnams ni/ 'ongs pa thams cad spong bar byed// nor bu bzhin du skyon rnams dag/ dge slong 'di ni dge slong brjod// nang yang rnam par dag pa dang // ye shes snang bas mngon par brgyan// de ni tshul khrims gos kyis g.yogs// spyod ldan dge slong yin par brjod// 'jig rten chos las rnams 'das gang // brtan pas ri rab bzhin mi g.yo// zhi ba 'jig rten thams cad byams/ / mchog 'gro dge slong yin par brjod// grong khyer ram ni tshong dus su// mtshan mo gsum gnas gcig pu gnas// ri phug sten par byed pa yang // rnam grol dge slong yin par brjod/ / sdig pas 'jigs dang 'du 'dzi med// shin tu mnyam bzhag legs par bsda mas// ye shes sten dang rgyud brtan pa// gcig pu dge slong yin par brjod// mi g.yo snyan par smra ba dang / / sdig pa'i grogs po rnam spangs po// bya ba kun la chags med pa'i// grol ba dge slong yin zhes brjod// de la dge slong 'di ni srid pa'i skyon las grol// mchog dang

  511. 256b

    mchog min rnam shes ting 'dzin la chags med/ / ye shes la ni mngon dga' dge ba rnam par dag/ skye rga'i 'jigs pa las ni rnam par grol ba yin// de ltar de ni dge slong du 'os pa yin no// bzlog pa rnams ni ming tsam dge slong du gyur pa yin te/ bar du gcod par byed pa nyid kyis bdag nyid rab tu lhung bar gyur pa yin no// bsam gtan byed pa na bar du gcod pa'i chos drug pa 'di ni 'dir dge sbyong gis mi bya'o/ / gzhan yang dge sbyong dang dge sbyong du dam bcas pa rnams kyis chos bdun pa mi bya'o// 'di dag gang zhe na/ 'di lta ste/ 'jig rten pa gzhan rnams kyi rnyed bkur dang du len pa'o/ / 'di na brnab sems dang / gnod sems mang bar gyur pa/ bsam gtan sgom pa rnams thams cad dang bral bar gyur pa/ stan 'ba' zhig nyed par byed pa/ dge slong gi rtags tsam gyis dge 'dun gyi mal stan dang / nad kyi rkyen sman dang / yo byad rnams la longs spyod pa/ khyim gyi las rnams kyi 'jigs pas 'jigs par gyur pa/ le lo can zas 'ba' zhig la mngon par dga' ba/ gzhan rnams kyi dga' ba lta ba la ched cher byed pa/ yul la ched tshor byed par gyur pa'i dge slong la/ de srid cig na 'byung bar 'gyur ba ni 'chi bdag 'ong bar 'gyur te/ bsam gtan bsgom par bya ba las/ de ltar dge slong 'chi bar ni/ tshul khrims las yongs su nyams pa bzhin du lus rnam par 'jig pa'i 'chi ba'ang khyad par can ma yin no//

  512. 257a

    tshul khrims 'chal pa des ni dge ba'i chos rnams thams cad yongs su btang bar gyur nas stan 'ba' zhig nyed par byed pa/ dge slong gi rtags 'ba' zhig 'dzin par gyur pa sdom pa dang rnam par bral bar gyur pa yin no/ / sdom par bya ba'ang yid kyis legs par sdom pa'o// de'ang 'dis bya bar mi nus so// de la sdom pa ni rnam pa bdun no// 'di lta ste/ ngag sdom par gyur pa ste/ dge slong dus gcig tu bdag gis dge slong gzhan dang ngam/ khyim pa dang yang rung ste/ lhan cig tu gleng brjod par mi bya'o// bud med kyi skye ba pa rnams dang / rnam pa thams cad du dge slong gis mngon par brjod pas mngon par brjod pa spang bar bya'o/ / bsod snyoms pa rnams kyis kyang gzhan sbyin par byed pa rnams dang bral bar gyur nas/ yang de dag la ma 'am/ sring mo zhes bya ste/ rang gi rkang rtse gnyis la mig phab ste'o// de'i bde ba 'am/ cha byang du gtogs pa rnams sam/ rgyan rnams kyang rung ste/ dge slong gis bud med de dag rnams la blta bar yang mi bya'o/ / de nas de'i dus na bcom ldan 'das 'od srungs des tshigs su bcad pa gsungs pa/ ji ltar/ rlung gis spar la legs brten nas// dus ring zhig na me yis sreg/ bud med blta bas kun bslang ba'i// me 'dis myur bar sreg par byed// de'i phyir 'dod chags kyis sreg par 'gyur ba'i skyon gyis 'jigs pa rnams kyis 'jigs pa'i dge

  513. 257b

    slong gis bud med kyi skye bo rnams dang mngon par ma smra zhig/ 'di ni sdom pa gcig yin no// gzhan yang sdom pa gnyis par gyur pa ni 'di lta ste/ sdig pa'i grogs po dang 'grogs pa'o// gnas gcig tu dus ring ba dang ldan par mngon par dga' bar bya ba ma yin pa rnyed pa dang bkur sti phal che bar gyur pa rnams spang bar bya ba dang / nad pa rnams yongs su mi gtong ba dang / bu dang / bu mo rnams blta ba dang / gang na shin tu'ang rtsis che bar byed pa'i sa de spang ba dang / 'dre bar 'gyur ba'i 'jigs pa'i don du tshul khrims 'chal pa rnams dang lhan cig gnas par sten pa dang 'phrad par byed pa'ang rab tu dgag par bya ba yin no/ / de sdom pa rnam pa bdun po rnams spangs nas/ gcig tu zas la ched du byed par gyur pa/ pha rol gzhan rnams kyi rnyed pa dang bkur sti mthong bar gyur nas sam/ de thos nas kyang mchog tu yid mi bde ba skye bar 'gyur ro// de'i thabs rnams kyang sems par byed de/ gang zhig 'di'i rnyed pa dang bkur stir gyur pa de dag rnams ngas thabs gang zhig byas pas nga de dag rnams kyi skal ba can du 'gyur na zhes de ltar sems kyis sems par byed cing / rnam par rtog par byed pas de'i sems kun nas rnyog pa can du 'gyur ro// rtsom pa de dag gis brnab sems mang ba rnam par rgyu bar 'gyur/ dge sbyong ngan pa de'i thos pa thams cad kyang ngan pas/ nyin mo bde bar gnas pa ma yin zhing mtshan mo'ang ma yin no// dge slong

  514. 258a

    tshul khrims dang ldan par yang sbyin pa po dang sbyin bdag rnams kyi khyim du song nas tshul 'chos pa'i cha byad 'dzin par 'gyur te/ ngal bus smra bar byed/ khad kyis 'gro bar byed/ nang nam zhi bar yang phyi rol zhi bar rang nyid kyis rab tu ston to// gos su tshe 'ber gon par byed/ lhan cig skyes pa'i tshul khrims kyis yongs su khyab par gyur pa/ dung gi sgra dang mtshungs par spyod pa'i sdig pa'i chos can de dag dang lhar cig tu de khyim dag tu song nas bdag nyid kyi tshul khrims rab tu ston no/ / ji lta ji ltar kun 'gro bar byed pas/ de la sbyin pa po dang / sbyin bdag rnams kyis kye ma dge slong 'di ni mchog tu tshul khrims dang ldan pa zhes bya ba de ltar bdag nyid rab tu gnas par byed pas/ spyod pa de dag dang de'i rjes su spyod pa rnams dang lhan cig tu yang dang yang du khyim de nyid du legs par 'gro'o/ / gal te gang zhig nas phyin nas des dam pa'i chos kyi tshig thos par gyur na/ sbyin bdag dang sbyin pa po de dag rnams kyi 'khor g.yog dang bcas pa la de'i rang ngo po// / jilta ji ltar bdag gis 'di dag rnams kyis dge slong de'i rnyed pa dang / bkur sti de rnams bdag la 'gyur ro// sdig pa 'di dag gis de ni dge slong gi gzugs kyi rkun mo gzhan gyi rnyed pa dang bkur sti r jes su 'phrog pas khyim rnams su 'gro bar byed pa gzhan rnams la gnod par byed pa la mngon par dga' ba de nyid kyi gang bar rang byed par mi 'gyur ba ni mig phye ba dang btsums pa tsam yang yod pa

  515. 258b

    ma yin no/ / gal te med pas kyang thang cig ma yin pa dang / yud tsam du ma yin pa dang / mtshan mer ma yin pa dang / nyin mo ma yin pa'ang tshul khrims 'chal pa gang yin pa'i bsam gtan bsgom pa spangs pa'i dge slong ngan pa de dag/ dmyal bar yang ma yin pa 'am/ yi dgas su mi skye ba 'am/ dud 'gro'i skye gnas rnams su mi 'gro bar 'gyur ba ni ma yin no// gzhan yang dge slong 'di lhan cig skye ba'i skye bo kun dang bcas nas kyang / sngon dge slong tshul khrims dang ldan pa gzhan des nye bar phyin pa'i khyim der 'khor rnams la rjod par byed pa 'am/ yang na des 'di'i tshul khrims sun 'don par byed do/ / yang na des 'di spro ba ste/ de ltar yang 'dis dge slong gang khyed cag gi khyim 'dir zhugs par gyur pa de ni tshul khrims 'chal par gyur pa/ le lo can shin tu dman par gyur pa/ bya bzhin rmongs pa/ blo gros dman par gyur pa'o zhes de ltar shin tu spro bar byed pa la mngon par dga' bar gyur cing / rtag tu brtson pa dang ldan pa rnams rnam pa de lta bur gyur pa'i chos spyod yul can rnams la ji ltar na bsam gtan bsgom pa la 'jug par 'gyur/ / de ni gsog tu gyur pa/ gsob/ snying po med pa ma yin pa gang gi phyir de'i lus zhig nas shi ba'i 'og tu ngan song ngan 'gro log par ltung ba dmyal ba rnams su skye bar 'gyur ro/ / de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ skyes bu

  516. 259a

    yang dag yin brjod pa/ sems can thams cad nyer 'joms po// mun pa'i tshogs dang 'dra ba ste// g.yon dag tu yang shi dang mtshungs// ji ltar ltung min lce la ni/ / ngag gis mtshon ni byed pa po// gang zhig brdzun du smra byed pas// yang dag yon tan 'jig byed po// kha ni gcan gzan nye ba dang // kha ni khyil nye ba yin// gang zhig brdzun du smra byed pa/ / kha nas me ni rab tu 'bar// ngag dug 'de ri ni dug tu brjod// zhing dang 'gro ba dug ma yin// ngag dug gis bcom sems can rnams// dmyal ba'i mchog tu 'gro ba yin/ / rang gi kha nas rnag lhung ba// lce yi las kyis dbyung ba yin// gang zhig brdzun du smra byed pa// phyi sa dang ni yang na me// de dag legs bsdams zhags pa yis// dmyal ba'i pho nya'i mchog yin no// chos kyi zam pa gcod pa la'ang // brdzun gyi tshig ni rab tu 'jug/ de la ma med pa yang med// sangs rgyas rnams dang sdom pa'ang med/ sdig pa'i las kyis gang lhung nas/ / brdzun du smra ba'i tshig brjod pa// skabs min par ni yang mor 'gro// dam pa yang ni yongs su spong // gang dag brdzun gyi tshig smra ba// lha rnams kyis kyang spong ba yin/ / ngag rnams yongs su 'dzin med dang // myur bar yang mi khro ba dang // mi brtan pa dang skal ba rlung // sdug bsngal mtha' ni yas par gnas// sems can thams cad

  517. 259b

    nyer 'joms pa'i/ / gzhan gyi bde la su zhe sdang // gzhan gyi sdug bsngal skabs tshol ba'i// skyes bu dmyal bar 'gro ba yin// de ltar bcom ldan 'das 'od srungs 'dis bsam gtan sgom pa na bar chad byed par 'gyur ba'i chos bdun pa bstan no/ / gang gi tshe sdig pa can gyi skyes bu de gzhan tshul khrims dang ldan pa de'i rnyed pa dang bkur sti rnams dang du blang ba'i don du nye bar 'joms par byed pa gyur pa de'i tshe/ lha dag gis yongs su spong ngo // gang zhig gzhan gyi yang dag pa'i yon tan rnams chud gzan nas/ yang dag pa ma yin pa'i skyon gyi tshig rnams bdag nyid kyi phyir rjod par byed pa de dag rnams kyi kha nas ni spu gri nges par 'byung ba yin no/ / rnyed pa dang bkur sti rnams bdag rang la 'ong bar byed pa'i rgyus de de ltar sems par byed pa'i dge sbyong ngan pa dge sbyong du khas 'ches pa gang brdzun smra ba'i bsam pa de yin no/ / de ni sdig pa can gyi spyod pa yin par gyur kyang sdig pa'i spyod pa yin par ma go zhing / chos ma mthong bar sbyin pa pa dang sbyin bdag rnams kyi khyim du myur bar 'gro'o/ / de'i phyir na dge slong rnams kyis chos bdun pa 'di spang bar bya'o// 'di lta ste/ gzhan gyi rnyed pa dang bkur sti dang du lan po'o/ / gzha yang dge slong rnams bsam gtan bsgom par gyur pa na bar du gcod par byed pa'i chos brgyad pa yod de/ 'di dag kyang gang zhe na/ 'di lta ste/

  518. 260a

    gser 'gyur gyi sha za zhes bya ba'o// 'di ni dge slong dag gis skra dang kha spu rnams bregs nas gos ngur smrig bgos te/ yang dag pa kho na'i dad pas kyang khyim nas khyim med par rab tu 'byung bar gyur pa ni/ 'khor bar 'jigs pa rnams kyis 'jigs par gyur pa'i phyir yin la/ de la 'khor ba rnams na ni sdug bsngal mang bar gyur pa las// mdor/ bsdu na sdug bsngal gnyis yin te/ phung po dang / khams dang / skye mched la rten pa'i khams gsum pa yin no// rgyas par bya na ni 'gro ba lnga po rnams su yin no// gzhan yang rgyas par bya na ni dmyal ba brgyad po rnams dang / yi dgas dang / dud 'gro'i 'gro ba rnams 'dod pa na spyod pa'i lha'i ris drug pa rnams dang ste/ 'dod pa'i khams rnams la'ang de ltar rnam pa du mar bstan par mi nus pa'i rab tu dbye bar yod do/ / gzugs kyi khams rnams kyang sdug bsngal ba yin te/ 'chi 'pho ba'i dus na yid sdug bsngal bar 'gyur ro/ / 'chi 'pho bar 'gyur ba'i dus kyi tshe na/ ting 'dzin rnam par 'khrugs par 'gyur ba'i phyir na/ gzugs med pa'i khams rnams kyang yin no// de lta bu'i yid kyis rnams pa mang po dang / rnam par rtog pa du mar yang bsran par mi nus pa'i sdug bsngal kun nas mthong bas ngal bar gyur nas/ rigs kyi bu dag skra dang kha spu bregs nas/ yang dag

  519. 260b

    ba'i dad pas khyim nas khyim med par rab tu 'byung ngo / / de ltar gyur pa ni phyogs gcig gis 'jigs pa yin no// gzhan yang sdug bsngal rnams mthong bar gyur pas dge sbyong gi dngos por 'gyur ba rnams gang dag ce na/ de bzhin du 'di lta ste/ lus kyang 'dod pa'i khams dang / gzugs kyi khams dang gnyis na yod pa yin la/ gang gi phyir gang na lus yod pa de ni tshor ba'o// de la kun nas slong ba po'i tshor ba/ ji ltar gzugs kyi khams na yod na/ sdug bsngal ni gang gi tshe bsam gtan gyis dub par gyur pa na/ de'i ro ske bas ldang bar 'gyur te/ lus kyang nyon mongs par 'gyur ro// 'chi/ 'pho'i dus na'ang lus kyi 'od rnams yongs su nyams par 'gyur ro// rlung dag gis kyang nang du kun nas rig par 'gyur ro// des reg par gyur pas kyang sngon med pa'i tshor ba rnams 'di'i lus la skye bar 'gyur te/ mig gi 'dus te reg pa'i rkyen gyis tshor ba ni mgo togs pa ste/ bde ba lung bstan pa de bzhin du sgrub par byed pa yin no// tshor ba gzugs pas kun 'byung ba yin par rigs kyi bu zhes thos par gyur nas/ 'khor ba 'di mtha' dag sdug bsngal gyi rang bzhin du gyur pa'i khams dang / skye mched dang / phung po dang kun tu ldan pa'i sdug bsngal mang po rnams kyis rtag par zil gyis mnan par gyur pa'i 'khor ba'i sdug bsngal rnams kun tu mthong nas rab tu 'byung ngo / / rab tu byung ba de gal te shed na skyes bu dam pa rnams dang 'grogs par byed do// gal te na dam pa ma

  520. 261a

    yin pa dang ste/ de dang 'grogs pas kyang de'i rang bzhin du gyur nas/ khams rnams bskyed pa la brtson par 'gyur/ khams gzhan gang dag gi 'jigs pa rnams thos nas/ des rab tu byung ba la khams gzhan rnams 'byung ba thos par gyur nas te/ de'ang gser gyi khams rnams dang / dag pa'i dngul gyi khams rnams sam/ de'ang rin po che'i khams rnams kun tu brko bar gyur pa de dag rnams/ des de ltar thos nas 'dod pa che bar 'gyur zhing / 'dod pa'i me sreg par byed do// de bsregs par gyur pas sdig pa'i grog po de dang lhan cig tu ri rnams nas ri rnams dang / ri bo rnams nas ri bor/ rtse mo nas rtse mo dang / ring ba rnams nas ring bar 'gro'o// 'dod pa'i me dag gis de bsregs par gyur pas/ nyin mo bde ba rnyed par mi 'gyur la/ mtshan mor yang ma yin no// de'i sems brgya la zhig na 'di ltar 'gyur te/ khams 'di dag rnams ni dpyod par mi bya'o zhes so// gang dag gi don du rab tu byung ba'i khams de dag rnams ni bor bar gyur nas kyang / khams gzhan rnams dpyod par byed do/ / 'di lta ste/ lus kyi khams rnams la sems par byed de/ sngon bzhin no// de ni de ltar sems legs par ma bsdams pa dang rnam par g.yeng ba'i sems su gyur pas bsam gtan sgom par byed pa las yongs su nyams par 'gyur ro/ / dge ba'i chos rnams las kyang yongs su nyams par 'gyur ro// de ni dge sbyong ma yin no// khyim pa yin te/ mya ngan las 'das pa

  521. 261b

    thob par bya ba las/ rab tu byung ba de sha za'i 'dod pas khrang bar 'gyur zhing / 'dod pa'i zhags pas bcings nas 'dod pas dmyal bar 'gro'o// de nas de'i dus na bcom ldan 'das kyis tshigs su bcad pa gsungs pa/ ji ltar/ khams rnams 'byung gnas 'di thams cad// lus yin pa ni spong bar byed// lus kyi khams kyi tshogs ni 'di// de bsgral ba las thar pa yin// lus kyi khams rnams spangs byas nas/ / khams gzhan la ni dga' byed pa// khams la sems can de rmongs nas/ shin tu sdug bsngal las 'grol min// dbyig gi khams ni de bzhin du// sdug bsngal 'joms pa 'jug ma yin/ / lus khams de nyid ji bzhin shes// sdug bsngal las ni rab tu grol// sdug bsngal sdug bsngal 'byung ba kun// sdug bsngal las ni yongs su 'grol// rdzas la rgyal po chom kun chu/ me 'jigs thams cad kyis nyer 'tsho// de phyir ngon mir ldan rtag tu// ring du de ni yongs su spongs/ bai de las mi bzang kun ston pa/ skyes bu sdug bsngal ldan par brjod// lus khams de nyid shes pa ni/ / khams kyi mtshan nyid de nyid shes// bsam gtan bsgom dang legs ldan pa// nyon mongs ri bos sreg par byed// de phyir lus skyes pa yi khams// mkhas pa yis ni/ so sor rdzogs// de dab rang mtshan shes nas ni// lus can rnams ni grol bar 'gyur// de kho na bzhin du khams de dag rnams rab tu brtson pas rig par bya ste/ mikhas pa rnams kyis dbyig dang

  522. 262a

    dngul dang / rin po che'i khams dbyung ba'i don du dga' bar mi bya ste/ gang gi rtsa ba las sdug bsngal thams cad par 'gyur ba'i phyir ro// rab tu byung ba brtson pa med pa rnams la'ang yin na ni khyim pa rnams la lta ci smos/ de'i phyir na de la rab tu 'brel bar gyur pa las/ 'jigs pa thams cad byed par 'gyur ro// ji ltar don ma yin pa'i bya ba rnams byed par 'gyur ba yin no// ji ltar tha mal pa'i don 'dis ni/ / bde ba thams cad rab tu 'byung bar 'gyur ba rnams kyang don med par byed pa yin na/ gser 'gyur gyi nor rjes su tshol bar byed pa rnams la lta smos kyang ni dgos// 'di la chags par gyur pa gang yin pa rnams ni/ bsam gtan dang / 'don pa rtse gcig pa dag la rab tu brtson par ma byed do// de lus zhig par gyur nas ngan song log par lhung ba dmyal ba rnams su skye bar 'gyur ro/ / de'i phyir rab tu byung ba rnams kyis bsam gtan bsgom par bya'i/ nor bsgrub par mi bya'o// de'i tshe rgya chen po'i sred pa 'phel bar 'gyur ba'i phyir ro// de'i phyir nor la chog shes par gyis dang / nor rnams kyi mchog yin gyis/ sems can rnams ni rdzas kyi nor rnams kyis don med par 'gyur ba yin no// bsam gtan bsgom pa na bar du gcod par byed pa'i chos brgyad pa gzhan 'di/ ni dge sbyong gis yongs su spang bar bya'o// gzhan yang bsam gtan la bsam gtan du byed pa na/ bar du ga rtsod pa'i chos dgu pa yongs su spang bar bya'o// 'di gang zhe na/ 'di lta ste/

  523. 262b

    dge slong gis rgyal po'i zhabs 'bring ni gnas skabs thams cad du mi bya'o// de ci'i phyir zhe na/ rgyal po la bsten par gyur na/ yul ldongs pa rnams thams cad kyis mchod par mi 'gyur ro// rgyal bo la sten pa dang yang dag par ldan pa'i dge sbyong ngan pas/ nags kyi rigs rnams sam/ grong ngam/ tshong dus sam/ gzhan yang rnam pa de lta bu rnams des gal te don du gnyer bar byed pa yin na/ gzhan ci zhig tshol bar mi byed/ de ltar na yang dge slong 'dod pa che bar mi 'gyur ram/ gal te tshol bar mi byed na'ang / spyad pa rnams don med par nyon mongs par 'gyur ro// bsam gtan la bsam gtan du byed pa las kyang yongs su nyams par 'gyur ro/ / de'i thar pa'i lam la yang dag par gnas pa las/ 'ching ba'i lam rnams la rjes su 'gro'o// de ltar na dge slong rnams kyis rgyal po la bsten par mi bya'o/ / yang ji ltar bsten par mi bya zhe na/ de la sten par mi byed pa rnams kyis kyang yang dag pa ma yin pa'i 'du 'dzi rnams yongs su spang bar bya'o// 'du 'dzi rnams yongs su spang ba yang dag tu bya zhe na/ 'di lta ste/ sdig pa'i grogs po dang / kun nas nyon mongs pa'i yul lnga po sgra dang / reg bya dang / ro dang / dri dang / gzugs rnams la tshul bzhin ma yin pa yid la byed pa dang / gnyid dang / rmugs pa dang / mtha' 'khob kyi grong du gnas pa bsten par mi bya'o// le lo can dang lhan cig gnas par mi bya'o// tshul 'chos can rnams dang 'grogs par mi bya'o//

  524. 263a

    stan bzang po can dang lhan cig gnas par mi bya'o// tshong pa dang lhan cig 'dre mod kyang mi bya'o// gzhan sdug bsngal bar byas pas 'tsho ba rnams dang ma yin/ rang bzhin gyis dri ma can dang ma yin/ lta ba log pa dang ma yin/ rko trog can dang ma yin/ nga rgyal can dang ma yin/ khengs pa dang ma yin/ ltung bar gyur nas langs pa dang ma yin/ rgyan pos 'tsho ba dang ma yin/ chang 'tshong dang ma yin/ 'thab krol can dang ma yin/ bud med la dang che ba dang ma yin/ nyo tshong gis nye bar 'tsho ba dang ma yin/ dud pa'i mig can dang ma yin/ skyes bu nyul la dang ma yin/ bya ba mang ba dang ma yin/ spros pa can rnams dang ma yin/ mu stegs can zhugs pa dang ma yin/ skye bo thams cad dang zhe 'gras pa rnams dang ma yin te/ lhan cig tu 'grogs pa dang / ngag brjod pa 'am/ lam du 'grogs pa'ang dge slong gis mi bya'o// de ci'i phyir zhe na/ rnam par dag pa'i skyes bu la'ang / gang gi phyir gzhan gyi skyon rnams srid par gyur par skye bo mang po dogs te/ ji ltar chung ngu na/ 'di'ang de lta bu'i rang bzhin can rnams dang sten pa'am/ 'grogs par byed do zhes de gzhan gyi skyon des nye bar gos par 'gyur ro// de'i phyir de nyid kyis de dag rnams mi bya'o// rgyal po sten pa des kyang ci zhig bya/ rnam pa thams cad du gshe bar bya ba yin no// de nas dus de'i tshe bcom ldan 'das 'od srungs des tshigs su bcad pa gsungs pa/ ji ltar/ dge slong nags na gnas

  525. 263b

    rnams la/ / rgyal po sten pas gshe ba yin// ngur smrig ci yin gsong gsal ci// mi gtsang bas 'tsho spang bar gyis// lha dang lha mos yang sten gang // dge slong zhabs 'bring 'os ma yin// dang ba ro dang 'grogs min te// mi gtsang sten la 'phya bar 'gyur// nga yi med dang snying po med// spro ba'ang med pa'i lus can rnams// 'khor ba'i 'jigs pas skrag pa yis/ rgyal po sten pa mdzes ma yin// nags dang dgon pa dur khrod dang // shing rtsa'i ban bun sa phyogs rir// gnas pa'i dge slong rab tu mdzes// rgyal po'i khyim sgo sten pa min// rgyal po sten pa ni de ltar thabs du las smad pa yin la/ grogs tshangs pa mtshungs par spyod pa thams cad kyis kyang rnam par gshe'o// gal te na dge slong rnams kyis byed na/ ye shes kyi rgyal bo la bsten par bya'o/ / de bsten pas ni shis pa mthar thug par 'gyur ba yin no// gang dag ye shes sten par 'gyur ba 'dis ni bde legs kyi mchog thob par 'gyur ba yin no// de sten pa ni thabs su 'gyur ba'ang yin te/ 'di ltar brtson 'grus brtan par 'gyur ba dang / las gzhan mi byed pa nyid dang / bla ma la sten par byed pa dang / chog shes par 'gyur ba dang / de la rab tu rten pa dang rtag tu sems 'dod pa la sred pa med pa dang / de las kyang de la bla ma la 'dri ba la rab tu sten pa dang / 'dzin pa dang legs par 'grang ba dang / snying las chung ba dang / grogs tshangs pa mtshungs

  526. 264a

    par spyad pa dang sten par byed pa ste/ dge slong ye shes kyi rgyal po sten pa rnams kyi thabs de snyed cig tu 'gyur ro// de nas de'i tshe bcom ldan 'das 'od srungs kyis tshigs su bcan pa gsungs pa/ ji ltar/ goms pa bla ma las legs nyan// de bzhin sdom pa rgya chen yin// ye shes rgyal po bsten pas ni// bran bzhin du ni tshul khrims bsten// lha dang bcas pa'i 'jig rten gyi/ rgyal gang bde legs ston pa po// tha mal rgyal min shes bya ste// sred pa'i 'aring ba'i sdug bsngal can// gang la sdug bsngal mi dmigs pas// de ni 'dir ni rgyal po yin// gang yang sdug bsngal gyis g.yogs de/ / rgyal sgra ji ltar 'dir 'os yin// de ltar ye shes kyi rgyal po dge slong gis bsten par bya'i/ tha mal pa ni ma yin no// kun tu sten par byed pa las bsam gtan bsgom pa na yongs su nyams par 'gyur ro/ / de yongs su nyams par gyur pas// slar yang dmyal ba dang / yi dgas dang / dud 'gror skye bar 'gyur ro// gang la rgyal po de las kyar ba'i yul gyi skyon de dag sems can rnams la yin pa gang gi phyir dge slong gis gnas skabs thams cad du rgyal po la bsten par mi bya'o/ / nags na gnas pa 'di dag rnams la rnam par gshe ba'i phyir de'i phyir chos dgu pa 'di rnam par smad par bya ba bsam gtan sems pa na bar chad byed pa yin no/ / gzhan yang chos bcu pa rnam par sman pa/ bsam gtan la sgom pa na bar du

  527. 264b

    gcod par byed pa 'di'ang gang zhe na/ 'di lta ste/ bde bar phe'u 'debs pa zhes bya ba ro rnams byed pa po yin no// gal te dus ring ba nas yul la 'gro bas rab tu rgyu ba spangs par gyur pa rnams ljongs rgyu bas nye bar 'gro bar byed pa na/ dga' bar 'gyur ba'i nags sam gnas kyang kun tu btang nas yul dag tu rgyun mi 'chad par nye bar kun tu 'gro'o// de de dag rnams kun tu 'gro ba na bag med pa'i spyod pas sten par byed pas de khyim rnams su dang / grong nas grong dang / tshong ngus nas tshong dus/ grong chung nas grong chung / grong khyer nas grong khyer rnams su kun tu 'gro bar byed de/ ji ltar yul ljongs rnams su tshogs pa 'du bar byed pa po rang gi skye bo rnams blta ba la dga' bar 'gyur/ gtam rnams la dga' ba de pha dang / gnyen dang / grogs bshes dang / rang gi skye bo rnams kyis phe'u 'debs so// de rol sred par gyur pas/ gang dag rnams la gang dang ci'i yang rung ste/ ro la sred par gyur pas za bar byed do// nags kyi bde ba rnams des brjod par gyur cing / bsam gtan sgom pa dang yang rnam par bral bar gyur nas/ bag med pa po bag med par gyur pas zas la rnam par rgyu bar byed pa la co 'dri bar gyur nas/ lha rnams kyis sten par mi byed do// gson pa'i zhing sa rnams zad par 'gyur yang bde bar phe'u 'debs par byed pa de dag rnams la zhen pa gang gi tshe'ang / dge slong de ma bsdams par rgyu bas spyod pa yin no// dge slong de'ang mig gis gzugs rnams mngon par mthong bar gyur nas/ chags

  528. 265a

    par 'gyur zhing / 'dun pa skyed par yang byed dang // gnod sems skyed par byed do// de nyid la phyir zhing nyid kyang chags par 'gyur ro// de rgyun du ljongs rgyu bar byed pas rgyu bar gyur pa na/ rang gi don las yongs su nyams par 'gyur ro// bsam gtan bsgom pa las yongs su nyams par 'gyur ro// yongs su nyams pa mchog tu ro la zhen par 'gyur ro// gzhan gyi khyim rnams su yang lan cig ma yin/ phyogs gcig ma yin par nye bar 'gro bar byed do// de'i mig gis gzugs rnams mngon par gyur nas 'dun pa skyed par byed do// gnod sems skyed par byed do/ / de kho na bzhin du rnab sgra rnams thos par gyur pa na 'dun pa skyed par 'gyur/ gnod sems skyed par 'gyur ro// de bzhin du snas dri rnams bsnams par gyur pa na 'dun pa skyed par 'gyur/ gnod sems skyed par 'gyur ro/ / de ni yul rnams thams cad la rab tu 'jug par gyur pas 'ching ba thams cad kyis bcings pa/ zhags pa'i 'ching ba thams cad kyis bcings par gyur pa/ de 'dod pa thams cad kyi rjes su 'brang bas khyim par 'gyur gyi/ rab tu byung ba ni ma yin no// de lus zhig par gyur nas shi ba'i 'og tu ngan song ngan 'gro ldog par ltung ba dmyal ba rnams su skye bar 'gyur te/ bde bar phe'u 'debs par gyur pa'i skyon dang pos so/ / de'i phyir skyon 'di mngon par mthong bar byas la/ dge slong gis lar rig ma yin zhing 'or cig ma yin par ljongs rgyu bar mi bya'o// de yul ljongs rnams chud gzon

  529. 265b

    par 'gyur ro/ / gal te 'ang rgyun de 'dod pa'i yon tan lnga la rgyu'o// 'di lta ste/ nad kyi rkyen sman dang / yo byad rnams dang / de bzhin du bla ma'i don du ljongs yul rgyu bas rgyu bar bya'o// de bzhin du gal te mchod rten gyir ram/ dge slong rnams kyis gos rdul bar gyur pa/ de'i 'og tu'ang yul ljongs su rgyu bar bya la rag go// de bzhin du dge 'dun gyi dbang du byas nas/ ljongs rgyu ba rnams kyis rgyu par bya ste/ gang dag gis dge 'dun la phan par 'gyur ba rnams so// de bzhin du gal te rgyal po gzhan dag gi yul 'khor rnams 'joms par byed pa 'am/ ljongs bcom par gyur pa na/ rgyal po de'i drung du ljongs rgyu bas 'gro bar bya'o/ / de lta bu rnams ni 'bras bu dang bcas par 'gyur gyi/ gzhan du gal te rgyu bar gyur na de don med par rgyu bar byed pa yin no// bsam gtan bsgom pa dang bral bar gyur nas rgya'o/ / de rgyu bar gyur pas nang dang / rga ba dang / 'chi ba dang / mya ngan dang / smre sngags 'dren pa dang / sdug bsngal ba dang / yid mi bde ba rnams las yongs su mi 'grol lo// dge sbyong ngan pa dge sbyong du khas 'ches par gyur pa/ 'di'i rab tu byung ba ni don med pa yin no// de'i phyir gang dag sred pa'i 'dun pa rnams zhi bar 'gyur bar brtson par 'dod na/ de la des yid mnyam par gzhag par 'gyur zhing / dbang po rnams rab tu dang bar gyur pas/ dkon mchog gsum po de la yid btang bar gyur na/ de dag gi rtsa ba las gyur pa'i nyon mong pa rnams bag la nyalang dang bcas nas rtsa ba nas

  530. 266a

    bcang nas gdon par bya'o/ / de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ bsam gtan bsgom pa rnam par spangs// zas 'da' zhig gis blo dang ldan/ / dge slong 'di ni 'dir shes bya// sha za dang ni mtshungs pa'i yid// bsam gtan las ni sbyin pa de min// zhes ni mkhas pas rab tu gsungs// bsam gtan bde ba las gzhanan/ / bde nam yang yong ma yin// bsam gtan ba ba zla med gang // skye 'odza shal de spangs nas/ kyis pha rol dag 'byed pa/ rmongs pa'i rnam par bcom// yul la kun nas 'khyam pa yi/ / 'di yid rtag tu de la song // 'jig rten pha rol 'dren byed pa'i/ mi dge'i chos ni 'phel bar bye / bsam gtan bsgom dang nges par bral// sbyin dang tshul khrims rnams spangs pa/ / rgod bag rtsub dang rmongs pa ni// gson pa yin yang shi dang mtshungs// 'jig rten 'dir ni gson pa na'ang // chos gzhan la ni rjes su 'jug/ chos spangs rtag tu rmongs pa ni gson pa yin yang shing nga mtshungs/ yi yi pags pas g.yogs pa yi// byis pa rnams ni phyugs yin no// gang gi ye shes mar me yis// snying nigasal bar ma byas pa'i/ skyes bu la srid du yin te/ / gang zhig tshul khrims rjes 'jug pa'i// tshul khrims dga' ba skyes pa kaHrang dang mtshangs par pha rol gnon// skyes bu sgrim nyams 'dod ldan dang // sdig las kyang naM

  531. 266b

    dbang rgyal mig/ 'di ni mi min shes bya ste// 'di ni yi dgas lus dang ldan// shes dang tshul khrims rnams bral zhing // sbyin pa rin chen rnam par spangs// skyes bu gson pa nyid na yang shi ba yin par mngon par brjod/ / sbyin dang tshul khrims dka' bsam gtan// brtan dang dran pa ting 'dzin ldan// skyes bu'o skyes bur gyur pa ste// lha rnams kyis kyang phyag byed do// yon ngan ldan pa skyes bu yin/ / yon tan med pa phyugs dang mtshungs// yon tan yod med rnam par shes// gang de lha yin zhes brjod do// de bzhin yon tan min rnams shes/ skyes bu thams cad du ni bde bar 'gyur/ / gang yang rtag tu blo dang ldan bral ba// 'dir ni sdug bsngal can du 'gyur ba yin/ de'i phyir yon tan de dag rnams mnyan la// dge slong gis brkam zhing chags par mi bya'o// de ltar bsam gtan bsgom pa na bar du gcod par byed pa'i chos bcu pa 'di rnams gal te dge sbyong 'khor ba'i 'jigs pas 'jigs par gyur na yongs su spang bar bya'o// gzhan yang chos bcu gcig pas ni bsam gtan bsgom pa na bar du gcod par byed pa dang / dge slong rnams kyang shin tu sdug bsngal bar 'gyur ba yin no// 'di gang zhe na/ 'di lta ste/ 'dri bar mi byed pa'o/ / 'dis 'dir blo dman pa rnams la bar du gcod par 'gyur ro// bzum pa ma yin pa'i blo gros can du bdag nyid phyi rol du ston par byed la/ de bzhin du'ang bdag ni bstan bcos thams

  532. 267a

    cad 'dzin pa yin pa dang / nga ni rjod par byed pa nyid dang / don rnams kyis dang / nga dang mtshungs pa ni 'ga' yang yod pa ma yin no// nga ni ma lus par shes pa'i tshogs rnams kha ton du byed pa yin no zhes don chen po brgya stong phrag du ma rnams kyis lhan cig tu 'grogs pa dang / nye gnas rnams la'ang nye bar ston par byed do// de bzhin du gzhan rnams la'ang bgro bar byed do/ / nges par rtogs par 'gyur bar byed do// sems la rab tu gnas par byed de/ de ni shes pa'i mngon pa'i nga rgyal 'ba' zhig tu zad par gyur pa/ sems can rnams thams cad la rang gi yon tan rig par byed pa/ skye bo thams cad kyis legs par go bar 'gyur ba de kho na bzhin du 'di shes pa thams cad las pha rol tu gson pa// de dang 'gran par mtshungs pa rnams 'ga' yod pa ma yin pa de ltar 'jig rten pa rnams la rjod par byed do/ / de'ang shin tu thos pa chung bar gyur pa/ nang rnams ni stong par gyur pa dang / gsog tu gyur pa/ gsob tu gyur pa/ snod stong pa rnams dang mtshungs shing 'dra bar gyur pa/ ston ka'i sprin dag dang 'dra ba/ bsam gtan la bsam gtan du byed pa/ phyi rol du byas pa/ mi thams cad kyis mchod pa/ de ni gang gi tshe bsam gtan bsgom pa'i rang bzhin spangs pa yin no/ / brtson 'grus brtsams par gyur pa/ dmigs pa'i rang bzhin can thos pa rgya chen por gyur pa/ rig pa rab tu rten pa/ shin tu sbyangs pa'i rgyan gyis brgyan pa/ sangs rgyas

  533. 267b

    kyi bstan pa la shin tu gces par 'dzin pa/ spro ba log pa med par gyur pa/ shes rab chen po'i dris rgyud bsgos par gyur pas/ dga' bar gnas pa'i dge sbyong gzhan de dag rnams la yang nang stong par gyur pa/ gsog dang gsob tu gyur pa 'di snyam du sems te/ gal te bdag dge slong de dag dang smras par gyur na/ 'di dag gis ji lta bar nye bar bstan pas bdag zil gyis gnon par 'gyur ro// gang yang sbyin pa po dang sbyin bdag de rnams kyis bdag la mchod par byed pa las de dag gi drung nas de dag rnams kyang 'byung bar mi 'gyur ro// bdag la dbang che bar byed par yang 'gyur ro// sbyin pa po dang sbyin bdag rnams ni bdag nga rgyal gyis bzung bas/ rang nyid kyi shes rab kyis don rnams go bar mi 'gyur ro// gzhan gyis zil gyis gnon par 'gyur ba'i 'jigs pas 'dri bar mi byed do// gal te yin mod 'di dag rnams kha cig ni sangs rgyas bcom ldan 'das rang nyid la thos pa yin pa 'am/ ma yin pa 'am zhes de ni de dag rnams kyis nang stong par gyur pa/ gzhan gyis zil gyis gnon pas 'jigs ba ste/ de rang nyid pham par 'gyur ba'i 'jigs pas skrag pa'i phyir 'dri bar mi byed do// de de ltar log par smra bar byed pas/ bslab pa'i gzhi lnga las 'das par 'gyur te/ 'di lta ste/ brdzun du smra bar 'gyur ba ni de la bshes gnyen gyi rtogs pa'ang yod pa ma yin la/ 'on kyang smra bar yang byed pa'i phyir na/ bslab pa'i gzhi dang po las 'das so// yang bslab pa'i gzhi gzhan las 'das

  534. 268a

    pa gang zhe na/ 'di lta ste/ ma byin par len pa'o// gang shes rab dang ldan pa zhes byas nas/ sbyin pa po dang sbyin bdag rnams kyis byed pa'i mchod par 'os pa'ang ma yin no// nye 'khor na nyan pa rnams las/ des len par byed pas ni/ blo dman pa de la bar du gcod par byed par 'gyur ro// ma byin par len pa 'dis ni bslab pa'i gzhi gzhan rnam par 'das pa'o// gzhan yang bslab pa'i gzhi las 'das pa 'di gang zhe na/ 'di lta ste/ gang gi tshe dge slong rab tu byung bar gyur pa de'i tshe/ bslab pa'i gzhi yongs su bzung bar gyur pa rnams ji ltar tshul khrims la kun nas rten cing / tshul khrims rab tu gnas par bya ba dang / tshul khrims dmigs par byas nas// ngas khyim gyi gnas yongs su gtang bar bya'o zhes byas pa'i yang dag pa'i tshul khrims gang yin pa rnams kyang des thos pa yod pa'ang ma yin no/ / ngas thos pa yin no zhes gzhan dag rnams la'ang go bar byed do// 'di ni bslab pa'i gzhi las shin tu 'das pa gzhan yin no// gzhan yang bslab pa'i gzhi las 'das par gyur pa ni 'di lta ste/ gzhan gyis dri ba dang phyir zhing 'dri bas 'phags par 'gyur ba'i zil gyis gnon par 'gyur ba'i 'jigs pas 'jigs nas ji srid du chos gzhan rnams rjod par byed do// chos 'di ni mchog tu sdug bsngal bar gyur pa dang / 'di ni shin tu sdig pa can no// gzhan yang bslab pa'i gzhi las rnam par 'das par gyur pa/ mchog tu dka' slas che ba 'di gang zhe na/ 'di lta ste/ gang gi tshe dam pa'i chos mi shes par gyur

  535. 268b

    ba des/ gzhan dag dam pa'i chos la dpyad par gyur pa rnams la/ rjod par byed pa ni de'i don rnams zab pa ma yin pas/ yang dag pa ji lta ba bzhin du sangs rgyas kyi gsung gi tshig rnams khyod kyis thos pa ma yin no zhes/ des dge 'dun la brnyas par byed de/ nga kho nas 'di'i tshigs rnams ji lta ba bzhin du shes pa yin gyi/ btsun pa rnams kyis ni ma yin no zhes dge 'dun la skur pa 'debs par byed do// kha zhan par 'gyur ba'i 'jigs pas skrag nas chos kyang 'chad par byed do// ji ltar chos 'di ni dam pa'i chos ma yin te/ dam pa'i chos kyi yon tan rnams 'jig par byed pa po brdzun mchog tu smra ba ni lus zhig nas ngan log par lhung ba dmyal ba rnams su skye bar 'gyur ro/ / 'dri bar mi byed pa las gzhan yang skyon mchog tu che ba yod do// 'dri bar mi byed pa 'di nyid la 'di ltar gal te ji ltar nga rgyal de kho na nyid kyis zil gyis gnon par 'gyur ba'i 'jigs pos 'jigs nas nags su 'jug par byed do/ / lam dam pa'i gdams ngag ston par byed pa po rnam la ma dris par yang 'dir 'am ji ltar 'byung bar 'gyur/ dmigs pa yang ji lta bur yid la bya ba yin/ rnam pa gang dag gis dmigs pa las nyams par 'gyur ba yin/ phyi yang yid la 'jog par ni byed de/ nga rgyal gyi skyon gyis de ltar na yang gzhan rnams la mi 'dri'o/ / des de ltar lam rnyed par ma gyur pas yid shin tu skyo bar 'gyur ro// de slar yang skyil mo krung las ldang bar gyur nas 'di snyam du sems te/ ji ltar bdag gis khengs par byas pa de

  536. 269a

    dag rnams ni don med do zhes skyo ba skye bar gyur nas/ 'di ni lam med do// bsam gtan med do// snyoms par 'jug pa med do zhes de bsam gtan gyi 'bras bu dang / ti nge 'dzin gyi 'bras bu rnams la nga rgyal gyi sa dang / zil gnon pa'i 'jigs pas skrag pas skur ba 'debs par byed do// yongs su mi 'dri ba'i phyir ro// log pa'i lta ba can de lus zhig par gyur nas/ shi ba'i 'og tu ngan song log par lhung ba dmyal ba rnams su skye bar 'gyur ro/ / de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ bdag nyid shes shing nga rgyal bral/ de bzhin bla ma la 'drig/ dge slong shin tu brtson ldan pa// mya ngan 'das pa rtogs pa yin// de ltar ji tsam thos gyur pa// de tsam zhig ni 'chad par byed// bdag nyid shes dang nga rgyal bral// de nyid rig pa'i dge sbyong yin/ / nga rgyal shin tu nga rgyal bral// gang dag ye shes lam la mkhas// rang bzhin bdag nyid thabs shes pas// chog shes gang yin dge slong brjod// nga rgyal can dang khro ba'i yid// kau/ trog can dang blo chung ba// rnyed dang bkur sti yid can la// ci phyir zhi ba 'byung bar 'gyur// 'dri bar mi byed pa nyid kyi nga rgyal can khro ba'i yid du gyur pa/ bsam gtan sgom par mi byed pa rnams ni gzhan gyi zas za bar byed pa rnams bu lon du 'gyur ro/ / rwa byad 'ba' zhig tsam 'dzin par gyur pa rnams kyis/ dge slong gi bdag nyid ci zhig 'thob par gyur nas lus zhig par 'gyur zhing shi ba'i 'og tu nga rgyal gyi skyon

  537. 269b

    dang 'dre bar mi phyed pa'i phyir na/ ngan song log par ltung ba dmyal bar skye bar 'gyur ro// de'i phyir na 'di ltar bslab par bya ste/ ji srid 'tsho'i bar du yongs su 'dri ba'i rang bzhin can gyi dge slong rnams ni bde ba dang yid bde bar 'gyur ro/ / lus zhig par gyur nas shi ba'i 'og tu yang bde 'gro mtho ris kyi lha rnams kyi nang du skye bar 'gyur ro// nga rgyal bcom par 'gyur ro// nga rgyal bcom par gyur pa'i yon tan gyis de las phyi mar yang mya ngan 'das pa 'byung bar 'gyur ro/ / gzhan yang chos bcu gnyis pa bsam gtan bsgom pa na bar du gcod par byed pa 'di'ang gang zhe na/ 'di lta ste/ grogs po mang bar gyur pa zhes bya bas/ don ma yin pa thams cad byed par 'gyur ro// dge slong rnams nges par sred pa 'ba' zhig la 'jug par byed pa yin no// gang gi tshe grogs mang po yod bar gyur pa de'i tshe/ dge slong rnam par g.yeng ba mang bar 'gyur la/ bya ba mang bas rnam par g.yeng bar 'gyur ba'i blo la'ang bsam gtan med cing bsam gtan du bya ba'ang med par 'gyur ro// khyim gyi gnas nas nges par byung ba rnams kyi grogs po dang dgra bo ma yin pa rab tu spangs pa rnams kyis/ re zhig grogs po gcig po nyid kyang bya ba ma yin na/ grogs po mang po rnams la lta smos kyang ci dgos te/ gang gi tshe/ le tson ming tsam gyis dge slong du gyur nas gzhan gyi khyim rnams su rjes su rgyu bar byed pa yin te/ de'i tshe na 'dis mthong ba tsam nyid kyis blo rnam par g.yeng bar 'gyur ro// mig gis gzugs rnams

  538. 270a

    mthong bar gyur pas gzhan du 'gyur ro/ / mig gi rnam par shes pa zhi bar mi 'gyur ro// dmigs pa la zhingar mi 'gyur ro// yid la byed pa nye bar gnas pa ma yin no// mnyam par gzhag pa ma yin no/ / dus rnams thung bar byed pa ma yin no// grogs po rnams la lta ba la ched che ba yin no// de bzhin du sgra rnams thos nas kyang mnyam par gzhag par mi 'gyur te/ dmigs par mi byed do/ / de yid la byed pa gzhan rnams la zhugs pa na zhi bar mi 'gyur ro// ma zhi ba'i yid la byed pa rnams la dmigs pa ni zad cing ltung ba'i bar du 'gyur la/ gang gi tshe grogs pa de dag lalta bar byed pa des ni dmigs pa'i bar du gcod par byed par 'gyur ro/ / de'i phyir dge sbyong gis grogs po gcig kyang mi bya na/ grogs po mang po ni dang por ma yin no// grogs po la 'chel bar gyur pa'i dge slong yul ljongs rnams nas yul ljongs su rgyu bar gyur pas nye bar 'gro bar byed pa na/ de'i tshe 'du byed rnams ni zad par 'gyur ba dang / dge ba'i phyogs yongs su nyams pa ste/ dge ba'i phyogs nyams par gyur pa rnams kyis kyang 'gro ba'i mchog 'thob pa ma yin no/ / skad cig tsam yang bsam gtan dang / 'don pa rtse gcig ma gnyis yid la bya bar nus pa la ma yin no// de'i phyir 'di ltar bslab par bya ste/ dge slong gis kun nas nyon mongs pa can gyi sred pa rnams 'phel bar byed pa po'i khyim po'i grogs po mi ba'o// 'di dang pha ro mya ngan las 'das pa'i lam ston par byed pa dang / mya ngan las

  539. 270b

    'das pa'i lam nye bar ston par byed pa dang / bsam gtan gyi grogs byed par 'gyur ba'i dge ba'i grogs po bya bar bya'o// gang dang lhan cig tu gyur pas/ nyon mongs pa rnams zad par byas nas/ mya ngan 'das pa'i grong khyer du 'jug par byed pa de dag ni grogs po'i mchog yin no/ / gzhan du ni grogs po'i gzugs brnyan gyi dgra bo yin te/ gang dag don dam pa ma yin pa de dag gis ni grogs por 'gyur ba ma yin no/ / gang dang phrad nas kun brjod pa dang / gnas pa'i lus su gyur pas/ gang yang 'jig rten pha rol gyir 'gyur ba de ni grogs po yin te/ gang yang tshad pa mtshungs par spyod pa rnams kyis nye bar ston pa dang byed du 'jug pa 'am/ 'jig rten pha rol gyi 'jigs pa ston par byed pa 'am/ dmyal ba dang / yi dgas dang / dud 'gro bar skye ba 'jigs pa legs par ston pa rnams kyang rung ji ltar lus dang / ngag dang / yid kyis nyes par spyod pa rnams kyis ngan song du 'jug par 'gyur ba rnams mi bya'o// de nas de'i tshe bcom ldan 'das 'od srungs des tshigs su bcad pa gsungs pa ji ltar/ grogs gang 'jig rten pha rol gyi// grogs pa de ni grogs por brjod// gang zhig sdig las zlog pa dang // 'chi dang 'pho las srung byed pa// pha rol du ni gang phan pa'i// phan pa rtag tu rab tu brjod/ / mi rnams grogs ni de bzhin te// grogs gang gis ni 'dod pa 'thob// de ni grogs po rnams kyi mchog yin te// gang gis rnam pa du ma dang // rnam par rtog pa du mas kyang

  540. 271a

    chos nye bar ston par byed pa'o/ / 'on kyang gang dag zasA phal po che rnamasu mngon par rjod par byed pa dang / khyim rnams su 'jug par byed pa dang / sdug pa'i sgra dang / reg bya dang / ro dang / gzugs dang / dri rnams sten pa nye bar ston par byed pa rnams ni ma yin te/ rnam pa de srid kyi grogs po 'di dag ni gcig kyang grogs por bya ba ma yin no// skyon du ma rnams skyed par byed pa'i grogs po mang po mi bya ba lta ci smos gang dag gis 'jigs pa dang bcas par 'gyur ba/ 'jig rten pha rol tu phan pa ma yin par byed par 'gyur ba de dag rnams ni/ grogs po'i gzugs kyi dgra bo rnams yin no// dge slong gang dag rab tu chags par gyur pa rnams ni rang gi bya ba las yongs su nyams par byed pa dang / dge sbyong bsam gtan bsgom par byed pa na bar du gcod par 'gyur ba yin no// gzhan yang chos bcu gsum pa bsam gtan sgom par byed pa na nyams par byed pa yin no/ / 'di'ang gang dag yin zhe na/ 'di lta ste/ kun tu 'dre bar gnas pa'o// dge slong rnams thams cad kyang bsam gtan sgom pa na nyams par byed par 'gyur ba'o/ / kun tu 'dre bar gnas pa de'ang rnam pa lnga yin no// 'di gang dag yin zhe na/ 'di lta ste/ tshul khrims dang ldan pa mchog tu dge ba'i chos can drang por gyur pa drang po'i rang bzhin can rnams mchog tu tshul khrims 'chal pa rnams dang lhan cig tu gnas par 'gyur ba ste/ gzhan gyi dbang du gyur pa'i skyon 'di ni kun tu 'dre bar gnas pa gcig yin no//

  541. 271b

    gzhan yang 'dre bar gnas pa'i skyon gnyis pa yod de/ 'di lta ste/ gzhan gyi dbang du gyur pa'i skyon gyis sam/ rang 'dod par gyur pas kyang / log par lta ba can rnams dang lhan cig tu grong dang grong khyer dang / grong rdal dang / tshong dus rnams su gnas par byed pa 'di ni 'dre bar gnas pa gnyis pa yin no// zhan yang kun tu 'dre bar gnas pa gsum pa yod de/ 'di lta ste/ gnyen pa shes rang grogs po dang / rang gi skye bo rnams dang phrad par 'dod par 'gyur zhing / lta ba la sred par gyur pas nye bar 'gro'o// des de dang lhan cig tu sngon gyi khyim la goms pas slar yang de kho na bzhin du gnas par byed do/ / 'di ni kun tu 'dre bar gnas pa gsum pa yin no// gzhan yang kun tu 'dre bar gnas pa bzhi pa yod pa ni 'di lta ste/ kun tu dga' bar gyur pas phan tshun du bstan bcos kyis kun tu brjod pa dag gis dga' bar gyur pas/ rgyal po'i khyim du chud par dge slong gnas par byed de/ gzhan zil gyis gnon par bya ba'i bsam pas so// 'di ni kun tu 'dre bar gnas pa bzhi pa yin no// gzhan yang kun tu 'dre bar gnas balnga pa yod de/ 'di lta ste/ blo rnam par g.yeng bar gyur pa'i dge slong spyod pa kun tu ma bsdams pa/ sngon gang dag zlos pa dang / 'thungs pa dang / grong pa'i chos sten par gyur pa 'am/ sgra dang / reg bya dang / ro dang / gzugs dang / dris byas par gyur pa de dag rnams kyang rjes su dran par byed do// de rnams la rnam par rtog par byed do// de rnam par

  542. 272a

    rtog pas nye bar bcom par gyur pas/ mchog tu kun tu 'dre bar gyur pas/ shin tu rtsub par gyur pa rnams kyi shin tu sdug bsngal bar gyur pa dang lhan cig pa'i yul mi 'dod pa/ mi sdug pa/ yid du mi 'ong ba rnams dang lhan cig tu gnas par byed do// 'di ni kun tu 'dre bar gnas pa lnga pa yin te/ yul gyi rnam par rtog pa rnams kyis nye bar bcom par gyur nas/ kun tu 'dre bar gnas pa yin no/ / kun tu 'dre bar gnas pa rnams thams cad yongs su spang bar nus kyi/ yul gyi rnam par rtog pa rnams ni yongs su spang bar mi nus so// yul dang kun nas 'dre bar gyur pa ni bsam gtan sgom par byed pa rnams thams cad la shin tu bar du gdod par byed pa yin no/ / gang gi phyir kun tu 'dres par gnas pa rnams thams cad ni yongs su spangs par nus la/ yul gyi nye bar longs spyod pa la rang gi sems ba hral can gyis bslang ba'i kun tu rtog pa rnams kyis kun tu 'dre bar gnas pa rnams ni spong bar mi nus te/ bsam gtan dang / snyoms par 'jug pa dang / shin tu sbyangs pa dang / legs par sdom pa dang tshul bzhin du yid la byed pa rnams kyis rjes su dran par byed pa rnams kyis ni rtogs pa'o/ / de nas de'i tshe bcom ldan 'das 'od srungs des tshigs su bcad pa gsungs pa/ ji ltar/ tshul bzhin ma yin yid byed pa'i/ me gang kun tu spang ba de/ tshul bzhin ma yin yid byed de'i// char gyis rab tu 'joms par byed// mun pa yun ring gis bslang gang // ma rig las byung mi rnams kyi// de na

  543. 272b

    cung zad du skyes pa'i/ / shes rab mar mes 'jig par byed// blo gros rmongs pa dmyal ba ni// chags dang rmongs pas sreg par byed// shes rab can ni 'joms min te// mya ngan 'das pa'i lam du 'gro/ / shes rab snang bas lus can gyi// bcu gsum po rnams 'joms par byed// de'i phyir skyon gzhom rje su btsal// shes dang tshul khrims rtag bsgoms pas// lus na rnams kyi bcu gsum po/ / rtsa ba med par kun rab 'joms// ye shes mes ni nyon mongs pa'i// bud shing chen po tshar 'bar byed// de ltar kun tu 'dre bar gnas pa rnams ni thams cad kyis gnas skabs thams cad du mi bya'o/ / khyim gyi gnas las nges par byung ba gcig tu rgyu bar gyur pa'i dge sbyong rnams kyis kun tu rtog pa'i rang bzhin can du ma bya'o// le lo can du mi bya'o// grong dang / grong khyer dang / grong rlung dang / tshong dus rnams nyams su myong bar byed pa'i rnam par rtog pa'i rang bzhin can du mi bya'o// spro ba chen por gyur pas lhan cig tu gnas pa dang / lta ba la ched cher mi bya/ slob ma sdud pa la ched cher mi bya'o// sdig pa'i grogs po dang 'grogs pa'i rang bzhin can du mi bya'o// sgra dang / reg bya dang / ro dang / gzugs dang / dri rnams la ched che bar gyur nas/ mngon par zhen pas kun tu chags par gyur pa'i sems su mi bya'o/ / 'gro ba dang spyod pa rnams kun tu ma bsdams par mi bya'o// sems shin tu myur bar brkam par mi bya'o// bsod snyoms dang / mal cha dang / stan dang / nad kyi rkyen sman dang / yo byad rnam

  544. 273a

    la mngon par dga' bar mi bya'o/ / chos gos bkra ba dang / 'jo sgeg dang / khrus dang / mnye bsug dang / sgeg chos su brjod pa'i rang bzhin can du mi bya'o// thog ma med pa'i dus nas mun pa'i tshogs su gyur pa'i nyon mongs pa'i tshogs 'di dag rnams bsreg par bya nus pa ma yinan/ kye ma shin tu sdug bsngal bar gyur pa'i 'khor ba gang yin pa 'dir/ 'gro ba lnga'i sgor yul drug gi 'od zer gyi rnam par rtog pas sdug bsngal 'byung bar 'gyur bas/ de dag rnams dmyal ba dang / yid dgas dang / dud 'gro rnams su nyi ma re re zhing byis pa'i skye bo 'di dag thams cad thams cad du 'tshed par byed// sreg par byed/ rnam par rlag par byed pas sdug bsngal gyi rgya mtsho rnams su rab tu ltung bar 'gyur zhing / yang dang yang du de ltar 'jug par 'gyur yang / skyo ba skye bar 'gyur ba'ang ma yin no// de la rnam pa de lta bu'i/ tshul khrims rnams yongs su spangs nas/ gang lhar skyes par gyur pa rnams ni mchog tu bag med par rgyu bar 'gyur ro// de'ang lha'i 'jig rten rnams las nyams nas/ ded dpon gyi mchog las gzhan du ded dpon dmyal ba dang / yi dgas dang / dud 'gro'i 'gro ba rnams su skye bar 'gyur bas shin tu sdug bsngal bar 'gyur ba'i 'gyod pa'i mes sreg par byed do// 'di la skyob par byed pa rnams kyang 'gal zhig kyang med do/ / bag med par gyur pa'i brgya'i bag med pa rnams kyis nye bar bcom par gyur pas/ 'gyod pa'i mes bsregs gyur nas/ dmyal ba dang yi dgas kyi sa gzhir skye bar 'gyur

  545. 273b

    ro/ / de'i phyir ji srid du 'chi 'pho ba'i dus kyi snang ba 'ongs par ma gyur pa de srid du/ dam pa'i chos yid la bya ba'i steng du'ang / sangs rgyas dgra bcom pa thams kyi bstan pa gang yin pa 'di la/ de dag thams cad nyi ma re re zhing lan cig ma yin/ phyogs gcig ma yin par bya ba kho na'o// bag med pas mchog tu bag med par gyur pa gang yin pa'i lha de dag rnams lhur skye bar gyur pa ni/ mir gyur pa thams cad kyis kyang / tshul khrims legs par bsgoms shing legs par las su byas pa dang / sems bzang por byas par gyur pas/ des shi nas skyes bu lus zhig par gyur te/ shi ba'i 'og tu lha rnams su skye'o/ / ci bdag cag rnams las chung ngun gyis skyes pa zhig yin nam zhes de lha rnams kyis shes pa ma yin pa de dag bstan par bya ba'i don du chos bcu gsum po 'di gsungs pa yin no// mi'i 'jig rten pa'i skyes bu rnams dang / lha rnams ni phan tshun du rgyur gyur pa yin te/ lha rnams dang skyes bu rnams kyang tshul khrims dang ldan pa ni shi nas lhar skye'o// lha'i bag med pa rnams shi 'phos nas mi rnams su skye'o// del rgyu 'di dag rnams kyis/ lha dang mi rnams la phan pa dang / bde ba dang / mthar mya ngan las 'da' bar 'gyur ba dang / 'jig rten pa'i phan pa rnams kyang mdzad pa'i bcom ldan 'das 'od srungs des mdze 'di dag gsungs pa yin na/ de nas mu su lun d+ha la sogs pa'i lha de dag rnams 'dod pa la mchog tu yid byung bar gyur pas 'dod pa rnams ma yin zhing / 'dod pa'i mtha' la'ang mi

  546. 274a

    'jug go/ / bcom ldan 'das dang / bcom ldan 'das kyi mchod rten de la'ang rab tu dang ba'i yid dang ldan pa'i mgo bos phyag 'tshal nas thams cad ji ltar 'ongs pa de ltar phyir song ngo // bcom ldan 'das 'od srungs kyi mdo rdzogs so// // mdo drug pa dang / tshogs pargyu ba na rnam par rgyu ba'i sa yang rdzogs so// // de nas lha de dag rnams bcom ldan 'das 'od srungs kyi mchod rten de las phyir 'ongs par gyur pa gang gi tshe de mu su lun d+ha la 'dri'o/ / lha ji ltar rnam pa gang gis khyod kyis mchod rten de mthong / de nas lha de rnams kyi drung nas thos par gyur nas mu su lun d+ha des 'di skad ces smras te/ ngas rnam pa gang dag dang / rgyu mtshan dang bcas pas/ mchod rten de dag mthong bar gyur pa ji lta ba bzhin du mnyan par gyis shig/ de la de sngon lha'i 'jig rten du sngun skyes nas/ bag med pa spyod pa/ yul la ched cher byed pa/ 'dod pa lnga'i zhags pas kun nas bcings par gyur pas/ ngas 'thab bral de dag rnams thams cad phyir zhing lta bar phye ste rtse bar gyur cing / 'dod pa'i yon na lnga dang bcas shing / yang dag par ldan pas rtse ba dang / kun tu spyod par byed do// nags nas nags dang / ri bo'i ngos nas ri bo'i ngos rnams dang / pad+ma'i rdzing bu nas pad+ma'i rdzing bu dang zung brgya cheb nas bung brgya che bar lha mo brgya stong du mas yongs su bskor ba de bzhin/ / rgyan dang cha byang dang ldan pa'i lnga brgya sdong gis kun tu gang bar gyur pas mdun na gar byed par gyur/ glu len par

  547. 274b

    gyur/ rgod par byed par gyur/ 'gying bar byed par gyur pas yongs su bskor bas lha'i 'jig rten 'di dag thams cad du bdag cag 'gro ste/ yul rnams la dad che bar gyur pa/ 'dod pa'i yon tan lngal dga' ba'i sred pas khrid par gyur pa ste/ de la bdag ngoms pa med par gyur nas 'gro ba dang / spyod par byed pa'i 'gros thogs pa med par gyur pa la 'di lta ste/ chu la ngang pa'i rgyab nas ngang pa'i rgyab dang ka ra Na Da ba'i rgyab nas ka ra Na Da ba'i rgyab dang / ba la la'i ni'i rgyab nas bal la'i ni'i rgyab dang / pad+ma'i nang nas pad+ma'i nang dang / rlabs nas rlabs gzhan rnams la'ang ngartse bar byed de/ ji ltar 'dod par 'dod pa rnams la spyod pa thams cad du 'bying ba med par 'gro ba thams cad du 'gying ba dang / rgod pa dang bcas pa mchog tu dga' ba'i yid kyis bdag rgyu'o// de bzhin du'ang bdag gal te dga' ba brgyas rtse ba'i dbang du byas nas/ bdag nyid rang thang gi gshong na legs par gnas par gyur pa la lha brgya stong gis yongs su bskor nas bdag rtse ste/ ri nas ri/ ri bo'i rtse nas ri bo'i rtse/ phug nas phug tu/ skyed pos tshal nas skyed mos tshal/ ri khrod nas ri khrod du'o// de kho na bzhin du nga thams cad du thogs pa med par 'gro bas rnam par spyod pa yin no// de bzhin du nam mkha' la'ang khang pa brgya steng gis yongs su bskor bar gyur nas lha brgya stong gis gang bas rol mo'i sgra dang / gar dang / glu dang / rgod pa dang / 'gying pa dang lhan cig tu lha'i 'jig rten 'di ma lus par rtse bar gyur pas

  548. 275a

    mthong ste/ yul gyi cha dpe med par gyur pa/ rin po che bdun dang ldan pa'i de'i 'od kyis nye bar mdzes par gyur pa'i yul gyi cha dang / de bzhin du ri'i rtse mo rnams las gzhan du'ang / mthong ba/ pad+ma brgya stong du ma skyes pa'i klung rnams kyis legs par rnam par phye ba'i phyogs kyi chu dang / de kho na bzhin du ngas yang mthong ba/ lha'i tshogs kyis yongs su bskor bar gyur nas nam mkha'i dkyil na legs par gnas pa/ 'dod pa'i yon tan thams cad dang ldan pa/ lha'i 'jig rten 'di rgya chen por khang bu brgya stong gis yongs su bskor bar gyur nas/ thams cad laku/ nas thogs pa med par nga 'gro bar byed de/ chu dang / thang dang / de bzhin du nam mkha' dang gsum la'ang de ltar rtse bar gyur pa na/ 'ga' zhig na bdag gis ring ba nas mthong bar gyur pa la// 'od zer de dag rnams thams cad zil gyis gnon par byed pa'i 'od zer drug gi rang bzhin gyi rir gyur pa nam mkha'i dkyil brtol bar gyur nas rab tu 'bar bar byed de/ de las nga'i ngo mtshar ba 'phangs pa'i yid mnyam par ma gzhag par gyur par 'di snyam du sems par gyur te/ rmad du byung ba gzhan 'di dag rnams ci zhig mthong bar gyur na/ nga rab bang bu'i 'phreng ba rnams kyis yongs su bskor ba gyur pas rings pa nyid du nam mkha' las gang nas 'od zer drug po de dag mthong bar 'gyur ba der phyin par 'gyur ro/ / byin par gyur nas kyang 'od de dag rnams kyi drung du bdag cag khang pa thams cad dang bcas pa rnams

  549. 275b

    lhan cig tu nam mkha'i dbyings las lhung bar gyur nas sa gzhi la rab tu ltung ngo / / 'od kyang nyams par gyur nas de la nga ni 'di snyam du sems par gyur te/ 'di ci zhig yin par gyur na/ ci rang nyid kyi gzi brjid yin par gyur tam/ gang gis bdag cag lha'i tshogs rnams thams cad dang bcas pa nam mkha'i dkyil nas lhung bar gyur cing / 'od kyang kun nas nyams par byas par gyur to// de la bdag gis de ltar bsams pa dang / 'dul bar gyur pa'ang rnam par yangs pa zhes bya ba'i ming can gyi lha shin tu snga ba na skyes par gyur pa de la'ang don 'di dag rnams dris so// des brjod par gyur pa 'di dag ni/ lha'i zhal snga nas kyang ma yin la/ 'di dag ni yul gyi skyon yang ma yin zhing / bar chad rnams 'byung bar 'gyur ba'ang ma yin gyi/ gang gis khyod lha'i tshogs rnams thams cad kyis yongs su bskor ba rnams nam mkha'i dkyil nas lhung bar gyur pa gang yin pa de dag gi rgyu mtshan rnams nyon mdzod dang / gzhan yang sngon lha rnams kyi bdag por gyur pa gang yin pa de dag rnams kyang gnas 'dir chud zos par gyur te/ shin tu 'ang nam mkha'i dkyil nas lhung bar gyur to// khyod kyang thos pa dang mi ldan pa'i rgyus khyod kyis mi shes pas/ yul phyogs 'di dag tu 'od zer de dag rnams las rgyal bar mi nus pas lhung bar gyur pa yin no/ / de nyid kyi rgyu mtshan de dag rnams bdag gis mngon par brjod par bya'o// de dag rnams kyi rgyu gang yin pa dang / gnas de dag ni dgra bcom pa yang dag

  550. 276a

    par rdzogs pa'i sangs rgyas rig pa dang zhabs su ldan pa gang dag lha rnams kyi yang lhar gyur pa/ 'jig rten thams cad kyi de kho na rig par gyur pa de dag rnams kyis tshogs pa rgyu ba na rnam par rgyu ba'i lha rnams kyis 'dir lha dang mi rnams la phan par 'gyur ba'i mchod rten drug mdzad pa yin la/ mchod rten dge sbyong rnams kyis bsgrub par mi nus pa de dag rnams kyi rim bsgrub pobo de dag ni rgyu gang gi phyir de dag rnams kyi drung na ches khyad par du 'phags par gyur pa/ gzhan ni 'ga' zhig kyang med pa'i phyir na/ de dog rnams kyi mchod rten 'di dag rnams ni 'gong bar byar mi nus so/ / rgyu 'dis na khyod kyang lhung bar 'gyur ba yin zhes nga la rab tu rnam par yangs pa des brjod do// de na ci zhig kun tu gnas par gyur pa yin/ des nga la'ang brjod pa de dag rnams dang mtshungs par gyur pa'i dka' thub ni/ 'a khor ba na 'ga' zhig kyang yod pa ma yin te/ de dag rnams ni thams cad mkhyen pa/ thams cad gzigs par gyur pa de dag gis 'dod pa rnams kyi nyes dmigs mngon par mkhyen cing 'khor ba'i sdug bsngal rnams kyang mkhyen par gyur nas/ bskal pa grangs med pa gsum du pha rol tu phyin pa drug po rnams la dka' thub spyad pas thams cad mkhyen bathob par gyur nas/ yongs su mya ngan las 'das par gyur pa ni shin tu mdor bsdus pa yin no// gal te khyed rnams nyan par 'dod na/ tshogs pa rgya ba na rgyu ba'i sa na gnas pa'i mchod

  551. 276b

    rten de dag la lta bar gyis/ de nas rnam par yangs pa de'i drung nas tshig 'di dag rnams thos par gyur nas/ ngango mtshar bas ched che bar gyur pa la ma mthong ba dang / zil gyis mnan par yang gyur nas rnam par yangs pa de dang lhan cig tu dang / lha gzhan rnams dang yang mchod rten de dag rnams su rab tu rgyas par gyur ci gis bdag cag 'khor ba las sgrol ba'i chos kyang thos so// thabs 'di dag rnams kyis mchod rten 'di mthong bar gyur pa dang / gang bcom ldan 'das de dag gis bstan pa'i lha dang mi rnams la phan par gyur pa 'di dge rnams kyang thos so// de nas lha/ de dag rnams kyis 'thab bral ba'i mnga' bdag de'i tshig rnams thos par gyur nas/ gang yang sa gzhan dag pa rnams ni de dag rnams su legs par nye bar song ngo // mu su lun d+ha yang rang gis la rab tu zhugs par gyur to/ / mchod rten rtogs par rdzogs so// gzhan yang dge slong las kyi 'bras bu rnam par smin pa shes pa des/ 'thab bral rnams kyi las la kun tu lta bar byed do/ / des 'thab bral ba rnams kyis rab tu rnam par 'dres pa'i khor yug na rgyu ba zhes bya ba ji lta ba bzhin du yod pa/ zlos pa las byung ba'i shes rab kyis mthong bar gyur te/ der las gang dag gis sems can rnams skye bar 'gyur ba yang / des thos pa las byung ba'i shes rab kyis mthong ba/ ji ltar gang dag gis shes rab kyis dge ba rnams la spyod pa/ dge zhing bde legs

  552. 277a

    su gyur pas srog gcod pa dang / ma byin par len pa'ang spangs par gyur pa rnams ni sngar bzhin te/ 'dod pa la log par g.yem pa'ang rnam pa thams cad du yongs su spangs par gyur pa la 'di lta ste/ nags su song bar gyur pa na'ang / gang gi tshe bya rnams 'dod pa gsal bar byed pa/ snyan par sgrogs pa po sgra snyan pa dang ldan pa rnams mthong bar gyur la/ de'ang mchog tu 'dod pa skyed par byed pa'i tshig rnams 'don par byed pa dang / phyi bzhin 'brang bar yang dang mo dag rnam par rgyu'o// rnam pa sna tshogs pa'i kha dog gi sgo dang ldan pa/ skye bo thams cad kyi yid 'phrog par gyur pa'i 'dod pa skyed par byed pa de dag rnams kun tu mthong bar gyur na'ang yid la sgom par mi byed do/ / rnam par rtog par mi byed de/ rnam pa de srid du tshul khrims rnam par dag par gyur pa yin na/ 'dod pa la log par g.yem pa nyid ci'i phyir na byed par 'gyur/ 'dod pa la log par g.yem pa rnams rnam par spong bar byed pa po'i yongs su dag pa'i tshul khrims dang ldan pa rnams ni/ lus zhig nas shi ba'i 'og tu mtho 'de 'gro'i 'jig rten rnam par 'dres pa'i khor yug na rgyu ba'i sa 'dir skye'o/ / der skyes pa'ang 'dod pa'i yon tan thams cad kyis ches thob par gyur pa/ bde ba'i chu bo rgya chen po rnams 'jug par gyur pa// gang yang dag bar gyur pa'i gser dang / rin po che'i bai DUR+Ya dang / dung dang / in+da nI la dang / pad+ma dmar po'i ljon shing gis nye bar mdzes pa/ 'ba' chu dang / chu klung dang / rdzing bu sna tshogs pas kun tu gang bar gyur pa/

  553. 277b

    gang gis legs par byas pa'i las kyi mtha' las spyad pa rnams 'dir sten par byed pa/ nags dmar po zhes bya ba'i nags yin te/ nags gang lha rnams rab tu dga' bar 'gyur ba'o// de'i tshe ljon shing de dag rnams kyi 'od kyis sna tshogs pa'i kha dog tu 'gyur zhing / rin po che sna tshogs pa rnams 'od kyis brgyan pa dang / cha byad sna tshogs 'dzin par yang gyur nas/ gang gi tshe nags de na rab tu dga' bar 'gyur ro// shing de dag rnams kyi 'od de dag gis kyang / nye 'bor du rin po che mchog rnams dang ldan par 'gyur ro// nags de'ang pat+sa rA ga'i nags dang / kar ke ta'i nags su gyur pa/ kha dog dang reg bya'ang bde bar gyur pa dang / kha dog de dag dang ldan pa'i shing de dag rnams la dril bu g.yer ka'i sgra sgrogs pa dang / mu tig gi dra bas g.yogs par gyur pa/ shing de dag rnams la ji ltar 'dod pa'i 'bras bu dang ldan pa/ ji ltar 'dod pa'i btung ba 'bab pa/ ji ltar 'dod pas 'gro bar 'gyur ro/ / gang la lha de dag rnams dga' bar 'gyur ba de la/ sems bskyed pa dang lhan cig nyid du shing de dag rnams nyid las byung bar gyur te/ sna tshogs pa'i rnga dang / rol mo'i sgra kun tu sgrog pa'i yal ga rnams la 'gro'o/ nye'akhor kun tu snang bar byed pa'i 'dab ma dang / yal ga dang / lo ma dang / mi'u bi rnams la lha'i bu mo'i tshogs kyis yongs su bskor bar gyur nas/ de dag rnams nam mkha' la nye bar 'phags pa'i shing de dag rnams nyi ma mang po rnams bzhin du nam mkha' thams cad de dag gis rnam par snang bar byed do/ / gzhan yang mdog dmar por gyur pa'i shing de dag rnams nyid las/ gzhon pa 'bab pa'i char rnams kyis de dag char bzhin du nam mkha'i yul

  554. 278a

    ma lus pa rnam par mdzes par byed do/ / thil du g.yer kha'i sgra sgrogs pa dang / mtho ris kyi bya yang rgyu zhing sgra 'don par gyur pa rnams dang / 'jo sgeg pa'i rma bya'i sgras nye bar bskos pa rnam kyis legs rtogs pa bzhin du nam mkha' ma lus pa rnams rnam par mdzes par byed do/ / de nas lha de dag rnams shing de dag rnams mngon du byas pa la legs pa ra brten par gyur nas// mngon du legs par mthong la/ tshogs pa'i tshogs kyis do su bskor ba/ phan tshun du grogs kyi bya ba dang ldan pa/ rgyags pa la don gcig par gyur pa/ ji ltar phan par 'gyur ba'i las rnams la longs spyod par byed do// rgyags par gyur pa'i bu mo brgya stong du ma'i tshogs kyis yongs su bskor nas/ glu dang / rnga sgra dang / rol rwa dang lhan cig rang dbang du lha de nam mkha'i dkyil du 'phags par gyur pa na/ de dag gi ljon na ljon shing de dag rnams lam ston par byed pa po bzhin du 'gro'o// de nas lha de dag 'di snyam du sems te/ ljon shing de dag rnams gang la'ang bdag gis bzhon par ni ma gyur to/ / sems skyes par gyur pa tsam nyid na ljon shing de dag lha rnams zhon pa'i dbang du byas nas ljon shing de dag rnams sdod par gyur to// de nas lha de dag rnams ljon shing de dag rnams la zhon par byed de/ kha cig na yal ga la legs par gnaso nas dga' bar byed la/ de dag ji ltar 'dod pa bzhin du 'gyur ro// ji ltar yang yal ga dag la pad+ma'i rdzing bu rab tu 'byung bar 'gyur te/ de dag sems bskyed btsam nyid na/ pad+ma'i rdzing bu de dag rnams rab tu 'byung bar 'gyur ba gang la lha de dag rnams 'khor dang bcas pa dga' bar byed pa dang / kun tu spyod par yang byed do// de dga' bor dang bcas pa rnams rgyags shing 'don

  555. 278b

    pa thams cad kyis bde bar gyur pas lha rnams yal ga la song bar gyur nas nags dmar po na dga' bar byed do/ / gzhan yang lha gang dag gang la gseb tu song bar gyur pa de dag rnams kyang / gang de kho na bzhin du 'gyur ro// de bzhin du kha dog de dag rnams las khyim dang khang bu 'di dag rab tu byung bar gyur to/ / des sems bskyed pa tsam nyid na khyim de dag rab tu 'byung ba yin te/ rin po che sna tshogs pa rnams kyis rnam par bkra bar 'gyur ba'i cha shas/ dga' bar gyur pa'i dril bu g.yer kha'i drang rnams kyis khyab par gyur pa/ thams cad du'ang pad+ma'i rdzing bu rnams kyis nye bar mdzes par gyur pa/ mu tig gi dra ba rnams kyis mthongs g.yogs pa dang / nor bu'i rta babs kyis mdzes par gyur pa dang / rin po che sna tshogs pa rnams kyi sgos mdzes par gyur pa/ rnam pa sna tshogs pa'i stan rnams dang / nang gi nye bar mkho ba rnams kyi sa bar mdzes pa/ khyim gyi nang rnams gang la mdzes par gyur pa de dag la/ lha rnams dga' bar byed pa dang / phan tshun du g.yog tu gyur pas rtse bar yang byed do// phan tshun gnod pa med par gyur pa'i lha rnams nyid kyi phung po 'di lta ste/ mdza' bo'i phung po nyid dang / kha cig ni 'ga' zhig dang mdza' bo'i ma yin par 'gyur ba 'am/ bar mar gnas par yang 'gyur te/ las rnams shin tu ngan pa'i phyir ro// las chen po dag rnams nyid ni med la/ legs bar byas pa'i las kyi 'bras bu 'di lta ste/ thams cad du mang ba zhes bya ba'o// des na lha de dag phan tshun du phung po gcig tu gyur nas dga' bar byed do// nags dmar por rtse bar byed do// las

  556. 279a

    rnams mchog tu rgya che bar gyur pas 'dod pa thams cad phun sum tshogs pa la rang ji ltar 'dod par spyod par gyur pas nam mkha'i dkyil kun tu rgyu bar gyur pa na/ bde ba mang po du ma rnams kyis mngon par dga' ba de/ de ltar gnod pa med par gyur pa rnams nam mkha'i dkyil du mngon par dga'a'o// gzhan yang gang dag nam mkha'i phyogs gcig tu 'ongs par gyur nas/ de nyid gzhan yang gnas de nyid du 'gro bar byed do// 'bab chu dang / rdzing bu sna tshogs pas kun tu gang bar gyur pa de bzhin du lha'i bu mo'i tshogs rnams kyis yongs su bskor ba'o// gzhan yang dga' bar gyur pas gang na ljon shing kun tu 'a brel ba'i nags zhes bya ba gzhan der 'gro bar byed do// nags de'i nye 'khor rnams na'ang mchog tu dga' bar gyur pa'i 'bab chu dang 'o ma'i klung rnams kyis nye bar mdzes par gyur pa'o/ / 'o ma de'i yang gzi brjid 'di dag yin te/ lha gang dag gal te shed na 'thung bar byed pa rnams des skye ba gzhan dran par 'gyur ro// ji ltar bdag cag skye ba gzhan dag nas 'chi 'phos par gyur nas/ de dag la skyes pa de gal te bag med par gyur na/ de'i sdug bsngal rnams kyang rnam pa du mar 'gyur bar thos nas mchog tu nyam nga bar 'gyuraro// de nyam nga bar gyur pas bag med pa rnams spangs nas/ chos rjes su sgrub par byed par gyur te/ 'o ma dmyangs par gyur pa las/ de dag rnams kyi don chen po rdzogs par 'gyur ro// de ltar 'o ma

  557. 279b

    de 'thungs nas/ slar yang shing 'khril ba'i nags de nyid du 'jug pa na/ 'bab chu dang / rdzing bu rnams dang / pad+ma'i tshal sna tshogs phun sum tshogs pa/ bya'i tshogs du mas yongs su gang bar gyur pa/ me tog gi tshogs rnams dang nye bar dud par gyur pa'i 'khri shing rnams kyis nye bar mdzes pa dang / bung ba rnams kyang rin po che sna bdun gyi rang bzhin dang ldan pa'i mdog tu gyur pa rnams/ phan tshun gyinya 'khor rnams kyi pad+ma'i tshal nas pad+ma'i tshal rnams dang / ljon shing gi gseb nas ljon shing gi gseb tu'o// shing de dag rnams kyang mchog tu legs par gnas par gyur pa/ bai DUR+Ya'i sdong bu dang / pad+ma rA ga'i pad+ma 'bras bu rnams ni gser btso ma'i mdog dang mtshungs par gyur pa/ ro rnams kyang rnam pa de srid nyid de/ 'bras bu de dag rnams kyi ro gang yin pa de ni/ gzhan rnams thams cad kyi drung na bla lhag par gyur pa yin no/ / ro rnams ji ltar 'dod pa bzhin du 'bras bu de dag rnams las 'byung ngo // ro gang dang gang la sred par gyur pa de kho na bzhin du/ rnam pa de srid du ro rnams 'byung bar 'gyur/ de dag med par gyur nas slar yang de dag gar byed par 'gyur zhing / mchog tu dga' bar gyur pa'i yid kyis gang na btung ba'i nags zhes bya ba'i nags yod pa der kun tu 'gro'o// shing de dag rnams las kyang lha rdzas kyi ro dang / dri dang / kha dog mchog tu yid du 'ong zhing mchog tu phan par gyur pa gang brjod pa de dag rnams yongs su 'bab par 'gyur ro// ji ltar gang

  558. 280a

    dang gang dag la char rnams yongs su smin par byed pa de bzhin du/ btung ba rnams kyang shing de dag las 'bab pa'o// btung ba de 'thungs nas de slar yang rab tu rangs pa ches lhag pa'i yid du 'gyur ro/ / btung bas rgyags par gyur pa'i lha sna tshogs pa'i rnga dang / glu sgrogs par byed do// gzhan dang rang nyid kyi 'od dang ldan pa/ 'od dang cha byad du ma rnams kyis brgyan du byas pa'i lus can gyi lha'i bu mo dag gis phyi bzhin 'brang bar gyur pas 'gying bar gyur pa/ rgod par gyur na gang na pad+ma rA ga'i nags yod pa der nye bar legs par 'gro'o// nags de'ang dpag tshad lnga brgyar rin po che lnga rnam pa sna tshogs pa'i rang bzhin gyi dri shin tu zhim pa'i pad+mas nye bar mdzes par gyur pa/ pad+ma glang po'i nags de na'ang gzhan ni cung zad kyang yod pa ma yin gyis/ pad+ma de dag rnams las ma gtogs te/ de dag rnams la sems shin tu chags par gyur pa'i glang po rnams pad+ma za bar gyur pa/ de dag rnams phan tshun du lhan cig par glang mo rnams kyis yongs su bskor nas/ shin tu gtsang bar gyur pa'i chu yang yon tan bdun dang ldan pa/ nu bal gyi skyon rnams dang bral ba/ 'dam gyi dri ma'i skyon rnams dang bral ba/ ring ba dang thung ba'i skyon dang bral ba/ dang bar gyur pa/ reg na bde bar gyur pa ste/ ji lta ji ltar glang po de dag 'dod par gyur pa'i rnam pa de lta bu'i reg byar 'gyur ro// gang la glang po de dag rnams de ltar glang mo

  559. 280b

    rnams dang bcas nas rtse bar gyur pa na/ lha dang lha mo 'di dag rnams kyis kyang rtse bar gyur pa'i glang po de dag rnams mngon par mthong nas/ gzhan yang lha de dag rnams rab tu rangs par gyur pa'i yid kyis/ nam mkha'i dkyil nas glang po'i nags dang / pad+ma'i nags su'ang 'jug go// pad+ma'i nags de na lha mo rnams kyis glu dang / lha de dag rnams kyi glu'i sgra rnams kyang rnam par sun 'don par byed pa'i sgra/ glang po rnams kyi nang na ngar ba sgrim pa lta bur gyur pa'i sgras nye 'khor kun na legs par glu len pa bzhin du mtho ris nye bar rnyed par gyur te/ r-i dang tshang tshing rnams las kyang sgra spun gyi sgra rnams thos par gyur nas/ lha de dag rnams yang gang na pad+ma'i nags zhes bya ba'i nags yod pa dang / rnam pa sna tshogs pa'i rgyan gyis rnam par 'bar bar gyur pa'i lus can rnams nye bar 'gro'o/ / lha'i bu mo'i tshogs rnams kyis yongs su bskor nas/ de kho na bzhin du lha de dag rnams pad+ma'i nags su rtse bar byed do// gang yang gzhan dag ri phug dang / tshang tshing rnams las 'ongs pa de dag rnams thams cad phan tshun du mngon par mthong nas/ rab tu ches dga' bar gyur pa'i yid can rnams lnga dang lha mo'i tshogs kyis gang bar gyur pa rnam glang po che rnams dang lhan cig tu chu'i rtse mo la dga' bar byed do/ / de dag de ltar dga' bar gyur pa'i lha dang lha mo'i tshogs kyis gang ba rnams dus yun ring bar dga' bar byed cing gar yang byed do//

  560. 281a

    de ltar de dag rnams bag med par gyur pas legs par byas pa'i las rnams zad par 'gyur ro// shin tu myur bar tshe zad par gyur pa'i ji ltar gang dag lha 'am lha mo'ang legs bar byas pa'i bsod nams rnams shin tu zad par gyur pa na/ de gang gi tshe pad+ma la zhon par byed pa de'i tshe pad+ma'i nags de chur 'bying bar 'gyur zhing 'chags par yang 'gyur ba na/ lha dang lha mo'i yang bso nams zad pa'i mtshan nyid gcig yin no/ / lha 'am lha mo'i yang bsod nams zad par gyur pa'i mtshan nyid gzhan yang yod de// gang dag ce na/ 'di lta ste/ lha dang lha mo yang rung ste/ gar byed par gyur pa'i glang po che'i rgyab tu zhon par byed do/ / de'i tshe glang po che des mi bzod par 'gyur ba 'am/ de'i rgyab las lhung bar 'gyur ro// de dag ni lha dang lha mo rnams kyang rung ste/ bsod nams zad pa'i rgyu mtshan gzhan yin no/ / de la lha 'am lha mo'ang rung ste/ bsod nams zad pa'i rgyu mtshan byung bar gyur cing / de la bag med pa'i rgyu mtshan gyi skyon gyis glang po che rnams 'gror mi nyan no// de nas gang dag ches bag med par gyur pa de dag gi yid lha rnams kyis rtogs par gyur to/ / rgyu mtshan dge byung bar gyur nas tshigs su bcad pa brjod pa/ ji ltar/ rab tu lhung ngo dus chen po// gson pa yang ni rnam par bzlog/ tshe yang yongs su zad byed pa// byis pas kyang ni go ba min// yul rnams sgrub par byed pa la// yid ni ngoms pa ma yin no// dbang po yang min yul gyus ni/

  561. 281b

    'dod pa'i 'ching bas gdung bar byed// dbang po lnga ni rnam par chags// sems ni 'dod pas nye bar bcom// bsod nams yongs su zad pa yang // byis pas go ba ma yin no// mi rnams gson pa'i bar chad ni/ / rjes tshol dus 'khor chen po yin// de 'dir rings par 'gro ba yang // byis pas shes pa ma yin no// las kyi rlung gis kun sbyar ba'i// 'chi ba'i me 'di sdug bsngal yin// gang gi tshe na srog 'joms 'dis// byis pas shin tu mgo'o// 'khor ba na ni sems ldan pa'i// 'chi bdag phyir rgol 'jigs sogs kyis// zhags pa gal te rnam grol bar// byed nus skyes bu 'ga' yod min/ / ji ltar 'chi ba ma byung zhing // ji srid tshe ni ma bcom pa// bag med pa ni spangs byas te// de srid bde legs mchog tu soms// mi rnams gson pa'i bar gcod pa'i// 'chi bdag dbyug pa 'di ring min// gson pa rnams ni 'joms byed pa'i// shugs kyis nye bar gnas par gyur// dmus long yul gyi rkun rmongs pa// chos kyi mar me rnam par spangs// 'chi bdag sgrom chen mi bzad pa/ / 'di min par ni ci zhig shes// gang 'di 'jigs gang 'di bdag dus// shes par gyis dang byis pa gang // yul rnams kyis ni drangs pa'i yid// mun pa ma lus pa yis rmongs/ / 'chi 'phos 'chi 'phos skye ba yin// 'gro gzhan 'gro gzhan yang dang yang // rang gi las 'bras spyod pa la// srog chags rnams ni rmongs pa bcom// rab gtum shin tu myur ba yis//

  562. 282a

    'jig rten thams cad 'phrog papo// 'chi bdag dus ni thams cad kyis// ci phyir skye bos rnams mi byed// than snying gis yang mi rig/ sems kyis kyang ni mi dmigs so// kun rmongs gang zhig mi rtogs pa// 'chi bdag dus kyi 'jigs pas 'jigs// 'chi 'pho yang ni rgyu mtshan rnams// ji lta bar ni rtag tu mthong // nges par dus ni thung ngu na// lha yi gnas nas lhung bar 'gyur/ / de ltar 'chi 'pho ba'i rgyu mtshan mngon par legs par mthong bar gyur nas// lha de 'chi 'pho bar gyur pa'i rgyu mtshan de nyid kyis rig pa'i yid yongs su skyo ba skye bar 'gyur ro// 'dis cung zad rtogs par gyur pa'ang ma yin te/ ji ltar bag med par rgyu ba de dag yul lnga la rnam par chags pa rnams kyis mi rtogs so// ji ltar 'chi 'pho bar 'gyur ba la/ dad pa dang ldan par 'gyur ba yang ma yin te/ de ci'i phyir zhe na/ bag med par gyur pas/ yul la kun tu rmongs pa'i phyir dang / byis pa'i blo yin pa'i yang phyir te/ de la de dag rnams kyis so sor bstan par bya ba yang brjod par mi bya'o/ / de nas lha dang bcas pa rnams nyid kyi yid kyis shes par gyur nas/ cang mi smra bar gyur te pad+ma'i nags de las phyir song ngo // lha de dag rnams kyang slar yang yul gyi bde ba rnams la don dam du byed pas phan tshun du rtse bar byed de/ shin tu mi bzad pa mchog tu 'jigs par gyur pa de dag rnams 'byung bar 'gyur ba ni/ de rmongs pa'i phyir de dag gis rtogs pa'ang ma yin no// ji srid

  563. 282b

    du rtsis su'ang 'jug par mi byed par rmongs par gyur pa'i phyiran/ 'jigs pa dang bral bas dga' bar byed do// glang po'i gseb tu song zhing // pad+ma'i gseb tu song nas/ lhan cig spyod pa de dag rnams yul der dus shin tu ring bar rtse bar gyur nas/ gzhan yang de kho na bzhin du gzugs brgya stong du mar gyur pa'i lha rdzas kyi gser dang / bai DUR+Ya dang / dngul dang / pad+ma rA go rnams kyis legs par rnam par phye bar gyur pa'i cha shas dang / rta babs dang / khang bu brgya stong dang ldan pa/ pad+ma brgya stong gis nye bar mdzes par gyur pa/ rgya chen po'i bde ba la dmigs pa zhes bya ba'i ri la 'dzeg par byed do/ / ri thams cad la yang mchog tu bde bar gyur pa'i 'dod pa rnams kyis yongs su khyab pa/ rnga skad brgya stong sgrogs par gyur pas gang ba/ sgra 'byin ba'i sgra rnam pa sna tshogs pa rnams dang / kha dog sna tshogs pa nang du reg byar snang ba'i gzi brjid can de dag gi stod g.yogs bgos par gyur pa/ phan tshun du bzhin kun tu lta ba la ched chen byed pa/ sgra dang / reg bya dang / ro dang / gzugs dang / dri'i yul rnams ji ltar 'dod pa bzhin du rjes su myong bar byed pa/ rang 'dod pa bzhin 'gro zhing rab tu rnam par rgyu bar byed pa/ dpe med pa'i bde ba rnams la chags par gyur pas/ spyod pa rnam pa sna tshogs pa'i chu klung dang / 'bab chu dang / nags dang / nye ba'i nags rnams legs par lta bar byed cing bde bar rgyu bar gyur

  564. 283a

    bas/ kha cig ni khyogs kyi khang bu'i steng nas/ kha cig ni ngang pa'i rgyab nas/ kha cig ni pad+ma nang du zhugs nas/ kha cig la ni snying po la lha mo rnams dang bcas par nye bar gnas nas/ kha cig ni me tog ku ba la ya'i 'dab ma'i nang du song nas dga' bar byed cing / glu len par gyur pas mchog tu snyan pa'i rnga skad yan lag lnga pa rnams kyis bde bar nye bar gnas par gyur nas/ nam mkha'i dkyil nas 'gro bar byed pa la spro bar gyur pas/ bde ba'i 'phreng ba che ba'i ri la 'khod par gyur nas// lha yul gyi gnas dpe med par gyur pa rnams la lta bar byed de/ mchog tu dga' bar gyur pa'i mtho ris kyi yul phyogs kha cig ni rab tu 'bar ba bzhin du 'bar bar gyur pa'i gser mdog bzang po dang / pad+ma rA ga'i 'od dang ldan pa dang / yul phyogs kha cig ni ut+pa la'i 'dab ma sngon po'i grib ma snum par gyur pas mchog tu yid 'phrog par byed pa'i bai DUR+Ya dang / in+d+ra nI la'i 'od dang ldan pa'o// yul phyogs kha cig ni dngul dang / shel dang mu tig gi 'od rnams kyis mchog tu yid du 'ong bar gyur pa de dag rnams kyi 'od kyis shin tu dga' bar rnam par snang ngo / / ri'i rtse mo rnams dang / 'bab chu rnams kyang mchog tu gtsang ba dri ma med par gyur pa/ yon tan bdun dang ldan pa'i chu grang mo rnams rab tu 'bab par byed pa rnams mthong ngo // rtse mo mu tig tshogs dang ldan par gyur pa de bzhin du yul phyogs de na mngon par

  565. 283b

    mthong ngo / / gzhan yang lha de dag rnams nam mkha'i dkyil na legs par gnas par gyur nas lta bar byed pa rin po rje bdun gyis nye bar mdzes par gyur pa'i pad+ma'i rdzing bu rnams la/ bung ba'i tshogs rnams kyis nye bar bsgrags par gyur pas/ mchog tu yid 'phrog par gyur pa'i sgra rab tu snyan pa rnams kyi glus pad+ma'i tshal du nye bar mtshon par byed do// phal che bar gyur pa nyid du yang nye bar rtogs par byed do/ / shin tu ring ba ma yin pa nas bung ba'i tshogs de dag rnams mngon par mthong nas/ yul phyogs gzhan dang gzhan rnams nye bar mtshon par byed de/ nags dang nye ba'i nags rdzing bu dag dga' bar gyur pa rnams so/ / de la dga' bar gyur pa'i nags de dag rnams la ri dgas dang / bya rnams rab tu mthong bar gyur pa 'di lta ste/ rnam pa sna tshogs paba'i ri dgas kyi tshogs kha dog mi 'dra bar gyur pa rnams la/ 'ga' zhig ni blta bar sdug bsngal dngul gyi rang bzhin gyi mdog la/ rwa dang mig dag ni pad+ma rA ga'o// kha cig ni rgyab gser gyi rang bzhin du gyur pa la logs dag dngul lo/ / rin po che kar ke nA'i rA/ shel gyi rang bzhin gyi mdog gi rmig pa'o// kha cig gi gzhung ni legs par rnam par phye bar gyur pa la/ 'phongs dang / rkang pa rnams rin po che bdun gyi rang bzhin mdog dang ldan pa'i tshogs rnams 'jigs pa dang / ngal dub dang bral bar gyur pa'i tshogs rnams dga' byed do// kha cig ni mchog tu mdzes

  566. 284a

    par gyur pa mchog gi las byas pa'i zas rnams nye bar za bar byed do/ / gzhan yang nags dang / nye ba'i nags de dag rnams ni mthong bar gyur nas/ phyogs kyi cha gzhan dag rnams su nges par song nas rab tu mthong bar gyur pa la/ rma bya dang / shang shang te'u dang / ni tan tra dang / pra ban dzu Da dang / mig drug dang ldan pa dang / rab tu g.yo ba'i 'gros can gyi bya'i tshogs kyis khyab pa rnams ri'i rtse mo dang / nags dang / nye ba'i nags dag las 'byung ba rnams mthong ste/ bde ba'i 'phreng ba rgya chen po'i ri la lha rnams 'khod par gyur na/ ri de'i yang ngos gcig ni in+d+ra nI la'i rang bzhin no/ / gzhan ni pad+ma rA ga'i rang bzhin no// gzhan ni gser btso ma'i rang bzhin no// gzhan ni dngul gyi rang bzhin no// de la kha cig in+d+ra nI la'i rang bzhin gang yin pa'i logs de la grib ma med pa zhes bya ba'i nags yod de/ nags de na bai DUR+Ya'i rang bzhin gyi ljon shing rnams la/ me tog gi tshan ka rnams kyis sba bar gyur nas/ rnam par bkod pas nye bar mdzes par gyur pa/ 'bab chu dang / chu klung dang / rdzing bu rnams brgya stong dang ldan pa/ pad+ma'i nags brgya phrag rnams na/ nags na rgyu ba'i bya rnams kyi gsung gsal gyi sgra rnam pa sna tshogs pa dang nye 'khor kun nas mngon par dga' ba rnams na/ lha dag gis gang bar gyur pas nye bar mdzes pa yin no// logs gnyis pa ni pad+ma rA ga'i rang bzhin yin te/ logs

  567. 284b

    de la ni rab tu rgod par gyur pa'i nags yod do/ / nags gang dag gi dngul gyi rang bzhin gyi ljon shing rnams la/ gser btso ma'i rang bzhin gyi 'khri shing gis yongs su 'khril ba/ bung ba brgyan tshogs kyis yongs su bskor ba/ bya'i tshogs kyis kun nas sgrogs par byed pa/ me tog dri zhim po rnams rlung 'jam pos spyod par byed pa/ nye 'khor rnams na'ang 'bab chu brgya stong dang ldan par gyur pa de ni rab tu rgod par gyur pa'i nags yin no/ / gang yang de'i ngos gsum pa gser btso ma'i rang bzhin yin pa la/ logs de na'ang bde bar rin po che'i rang bzhin zhes bya ba'i nags yod/ shel gyi rang bzhin gyi ljon shing rnams kyis mdzes par gyur pa/ la dri shing gi dra bas kun nas sbrel ba/ nye 'khor kun nas gser 'bar ba'i 'khri shing gri yongs su gang ba/ bya brgya stong gis de na rtse bar gyur cing sgra sgrogs par gyur pa/ 'bab chu dang / chu klung dang / pad+ma'i nags rnams kyis nye bar mdzes pa/ nye 'khor na yang rab tu dga' ba'i lha dang lha mo'i tshogs rnams kyis gang bas rab tu glu len par gyur pa/ 'dod pa thams cad phun sum tshogs pa rnams kyis nye bar mdzes par gyur pa'o// logs bzhi pa ni dngul gyi rang bzhin yin te/ de la pad+ma rA ga'i mdog gi ljon shing rnams la/ in+d+ra nI la'i kha dog gi 'khri shing gis nye bar mdzes par gyur pa/ skad dbyangs sna tshogs pa/ gdangs zhing snyan pa'i sgra yis kun tu sgrogs pa

  568. 285a

    rigs rnams kyis nges par sgrogs par gyur pa'i nags rnams na/ lha dang lha mo'i tshogs kyis gang ba/ pad+ma'i nags brgya stong gis mdzes par byas pa/ rnam par rtog pa du ma rnams dang / blta na dga' ba du ma de dag rnams dang / ljon shing de dag dang / chu klung de dag dang / 'khri shing de dag dang / mtsho dang / ri dgas dang / bya'i tshogs de dag rnams dang / dri dang / dbyibs sna tshogs par gyur pa'i me tog de dag rnams kyis/ bde ba'i 'phreng ba rgya chen por gyur pa'i ri'i nye 'khor rnams na rab tu 'bar bar gyur pas gsal bar snang ngo // de ltar lha de dag rnams nam mkha'i dkyil na kun tu gnas par gyur cing / bde ba'i 'phreng ba rgya chen po'i ri la gnas par gyur nas lta bar byed do// nye 'khor rnams thams cad las kyang kun tu rtog pa shin tu lhag par gyur pa'i rnam par bkra ba rnams kun tu gsal bar byed do/ / mig rgyu ba sgyur ba dang ldan pas lha de dag rnams de ltar nges par rtogs par byed do// nye 'khor kun tu yang de kho na bzhin du mngon par 'khor bar gyur cing ri'i mchog de la gnas par byed de/ lhan cig spyod pa'i 'khor dang bcas pa rnams rnga skad yan lag lnga dang ldan pa nye bar bsgrags par gyur pas/ 'dod pa'i yon tan lnga longs spyod pa dang ldan pa ni/ legs par byas pa rnams bsten cing bsgoms la lan mang du byas pa/ 'dod pa sdug pa/ yid du 'ong ba'i tshul khrims 'phags pa'i skye bo rnams kyis brten pa

  569. 285b

    rnam par smin pa'i 'bras bu rnams nye bar longs spyod par gyur pas/ ri bde ba'i 'phreng ba de la 'khod par byed do// de dag rnams 'khod par gyur pa dang / de ni bden pa la 'jug pa zhes bya ba'i bya des tshigs su bcad pa brjod pa/ ji ltar/ legs par byas 'bras tshor bar bcas// myur bar 'gro zhing rab tu 'gro// yul rnams kyis ni rab bcom pa'i// kun tu rmongs pas go ba'ang min/ / dus gang nyid ni ltung gyur pa// de nyid 'chi ba'i mtha' yin no// bde la rmongs pa'i rgyags pa yis// lha rnams kyis ni de mi go/ gson pa myur bar 'gro ba yang // rnam par rmongs pas mi go'o/ / legs byas rnams ni mthong ba'ang yin// sred pa rnam par 'joms pa'ang min// srid nas srid par lus can gyi// sred pa phyi bzhin 'brang ba yin// sems can rnam par rmongs pa yis/ / dge dang mi dge de mi rig/ bde ba'i 'bras nyid yid 'ong ba// gang gis sngon du nye longs spyod// mi dge ba yang de bzhin mthong // mi dge log par ltung bar skye// dge dang mi dge rab tu bral// gang gis 'du 'dzi'i skyon rnams spangs// rga shi spangs par gyur pa de// de ni nags kyi mchog tu song // de ni rnam grol bde bar 'gro// 'dod las bde ba srid ma yin/ / lha gang de bzhin gzhan yang rung // las zad pas ni grol bar 'gyur/ mi rtag 'gyur ba de dag gang // rtag pa mdzes par 'gyur ba yin// sred pa mngon zhen las skyes bde// log

  570. 286a

    par ltung mthas smad pa yin/ / de ltar 'den par smra bar byed pa'i bya de dag gis 'khod par gyur pa'i lha de dag rnams la rjod par byed do// de dag gi drung nas thos par gyur nus kyang // lha gang dag shin tu bag med pas rgyu ba ma yin pa de dag rnams kyis ni thos par 'gyur ro// gang yang bag med par rgyu ba de dag rnams ni bag med pa'i skyon gyis thos par mi 'gyur ba'i nyid do// lha de dag rnams kyi yid yul gyis nye bar phrogs par gyur pa'i phyir na phan par gyur pa dang / de kho na nyid du gyur pa'i bya rnams kyis brjod pa de dag rnams thams cad la brtsi bgrang du mi byed par/ slar yang de kho na bzhin du ches rab tu dga' bar gyur pas/ gang na ri'i mchog de'i rtse mo mtho ba yod pa des mthong ba la legs par brten nas khang bu'i 'phreng ba la zhon te snga ma bzhin no// ri de'i rtse mo la'ang kun nas mthong na dga' ba zhes bya ba'i ri yod de/ gang gi phyir stong phrag du ma'i ri 'di dag thams cad kyi nang na nye 'khor kun las kyang ches mtho ba ni/ ri'i rtse mo de yin par 'dod de/ kun las legs par mthong ngo / / lhan cig spyod pa'i 'khor dang bcas pas lha rnams kyis/ sna tshogs pa'i glu dang / rol mo'i sgra dang / gar dang bcas par de la 'khod par gyur to// lha dang lha mo'i tshogs rnams de'i rtse mo la 'khod kyang mthong bar gyur pa rnams la/ legs par byas pa'i las du ma rnams kyis sprul par gyur pa che zhing / kha dog du ma dang ldan po'i mtsho gsol

  571. 286b

    bar snang ba zhes bya ba'i mtsho de gsal bar gyur pas mchog tu dga' bar gyur pa/ rab tu dang bar gyur cing gtsang ba'i chun gser gyi nya rnams kyis gang bar gyur pa/ rlabs kyi 'gram na mchog tu yid 'phrog pa'i ngang pa dang / kA ra Na Da ba dang / ngang ngur gyi tshogs kyis kun tu gang ba/ bya'i skad rnam pa sna tshogs pa rnams thos pas brel ba'i sgra snyan pas gang ba/ pad+ma dang / ut+pal dang / ku mu da dang / na ni da dang / pad+ma dmar po'i me tog gi dbyibs legs pa rnams la/ rnam pa sna tshogs pa'i bung ba'i tshogs rnams kyis sgor byed pa'i sgra yid 'phrog par gyur pa rnams dang / man d+ha ra ba'i shing gis yongs su khyab pa/ gser dang nor bu'i stegs bu rnams kyis yongs su gang bar gyur pa ste/ rnam pa de ltar gyur pa'i rab tu dang ba'i chu mchog tu dga' bar gyur pa de dag na/ mtsho'i lbu ba zhes bya ba'i pad+ma 'dab ma stong phrag brgya dang ldan pa/ 'dab ma de dag rnams kyang kha dog du ma ste/ kha cig ni in+d+ra nI la dang mtshungs pa'i kha dog go/ kha cig ni shel dang mtshungs pa'i kha dog go/ / kha cig ni gser gyi rang bzhin no// kha cig ni dngul gyi rang bzhin no// kha cig ni mu sA ra'i rang bzhin no// kha cig ni kar ke ta na'i rang bzhin no// kha cig ni rdo rje'i rang bzhin no/ / 'dab ma de dag rnams ni mchog gi dri dang yang ldan no// mdog du mar gyur pa'i 'dab ma de dag rnams kyi dbus kyi snying po ni nyi ma dmar po dang mtshungs pa'i kha dog tu rnam par snang ngo //

  572. 287a

    de'ang rnam pa sna tshogs pa nyid kyis rnam pa sna tshogs pa'i kha dog gis snying po'i gong bu la khyab pa'o// 'di lta ste/ sngon po dang / ser po dang / dmar po dang / dkar po dang skya bo dang / nag po dang / skya rengs kyi mdog dang rnams so// ze'u 'bru'i dbus kyi snying po la ni yid du 'ong bar gyur pa'i dri rnams kyis legs par gang ba yin no// de nas lha de dag rnams nam mkha'i dkyil du mngon par 'phags nas mchogasal ba der 'jug go/ zhugs nas kyang de dag rnams las kha cig ni gser gyi steng du sdod do// kha cig ni pad+ma la 'dug par gyur nas mo dang bcas pas yongs su bskor nas rtse bar byed do/ / kha cig ni ut+pal la lhag par gnas te/ lha mo'i tshogs rnams dang bcas pas rtse bar byed do// kha cig ni ut+pa la la gnas par gyur nas chu de nyid kyi nang du rtse bar byed do/ / kha cig ni ngang pa'i rgyab tu zhon nas chu'i rlabs rnams la rtse bar byed do// kha cig ni thang la gnas pa'i phug mchog rnamasu song nas rjes su spyod pa dang bcas ba'i 'dod pa'i yon tan lnga phun sum tshogs pa rnams la glu dang / rgod pa dang / 'gying bar gyur pas khang bu rnams su dga' bar byed do// kha cig ni yul phyogs gzhan du lha mo'i tshogs rnams kyis yongs su bskor nas ra ro ba'i skyon dang bral ba'i btung ba phal ngo che rnams 'thung bar byed de/ rgyags pa'i yon tan rnams rab tu nye bar gnas pa'i mdog dang / ro dang / reg bya phun sum tshogs

  573. 287b

    pa'o/ / kha cig ni nor bu'i rang bzhin gyi snod rnams su 'thung bar byed pa 'di lta ste/ in+d+ra nI la dang / dngul dang / gser dang / bai DUR+Ya dang / pad+ma rA ga dang / shel gyi rang bzhin rnams su'o// kha cig ni yang 'khor gzhan rnams kyis yongs su bskor nas pad+ma'i 'dab mar gser gyi rang bzhin gyi rtsi 'thung ngo // kha cig ni ut+pa la kha zum par gyur pa rnams phan tshun du legs par brten nas 'dab ma ma rdol ba rnams su rtsi 'thung ste/ glu len par gyur cing rol mo'i sgra rnams kyis kyang rab tu dga' ba'i yid can no// kha cig ni yang gzhan dag dang bdud rtsi'i rang bzhin gyi zas rnams ming par byed de/ de rang gi skye bo'i tshogs dang bcas pas mdog dang / dri dang / ro dang / reg bya phun sum tshogs pa la'o// kha cig ni gzhan na rnga skad yan lag lnga dang ldan pas lhan cig rjes su 'grogs par gyur pa'i lha mo'i tshogs dang bcas pas dga' bar byed pa dang / rtse bar yang byed/ glu yang len par byed cing gar yang byed de/ gsal bar byed pa'i mtsho de yongs su bskor nas so/ / kha cig ni mtsho de nyid la lhan cig spyod pa rnams dang bcas nas nu'i rtsed mo byed do// chu de la'ang ji ltar 'dod pa rnams 'byung ngo // gang dag lha rnams 'dod par gyur na/ ji lta bar chu 'di de ltar mdog dang / ro dang / dri dang / reg bya dang ldan par 'gyur ro// ji ltar 'dod pa bzhin du bsil ba dang / dro ba'i reg bya de'i sems bskyed pa dang dus gcig nyid du/ chu de rnam

  574. 288a

    pa de lta bu'i rab tu gsal bar byed par 'gyur ba ni las kyi rang bzhin gyis yin te/ legs par byas pa rnams kyang rung ste/ las rnams kyis mi byed pa ni med pa de dag rnams kyang de ltar 'gyur ro/ / gzhan yang ji ltar chu de myos byed nyid du gyur par bdag cag rnams kyis 'thung na rung ngo // de dag gis sems bskyed pa dang lhan cig nyid du mdog dang / ro dang / reg bya dang / dri dang ldan par 'gyur te/ myos par byed pa'i skyon dang bral ba dang / yid shin tu dga' ba dang / bde ba'ang rgya chen po byed par 'gyur ro// gzhan yang legs par byas pa'i las rnams kyis lha rnams rab tu dga' bar byed par 'gyur ro/ / rang legs par byas pa'i las kyis rnam par sprul pa la de ltar lha dga' ba dang rtse bar byed do// legs par byas pa de dag rnams thams cad kyang legs par byas pa'i las la longs spyod par byed kyi/ ma byas pa ni nye bar longs spyod par mi byed do// legs par byas pa'i las rnams la ni rnam par chud za ba'ang yod pa ma yin no/ / ji ltar/ las kyi 'khrul 'khor phung po khams// sbyin pa mi 'gran khams gsum 'di// ma lus thams cad 'thung bar byed// 'on kyang 'jig rten gyis mi rig/ lha de de bzhin/ 'dod yon lnga'i// kun tu bde bar 'byung bar 'gyur// bde bar gnas pa rnams mthong bar gyur nas byas de kho na nyid brjod pas slar nyid tshigs su bcad pa brjod pa/ ji ltar/ mar nag 'jug

  575. 288b

    pa rab 'jig pas/ / ji ltar mar me rtag 'jig pa// de bzhin las zad dbang gis ni// lha yinas nas log par ltung // rtsig pa zhig pa'i dbang gis ni// ji ltar ri mo rtag gnas 'jig/ de bzhin// las zhig bde ba yang // nges par log par lhung ba yin// lha gnas lha ni thams cad kyang // bsod nams zad pas rgud pa'i mthar// sems can de dag lhung ba po// de dag thams cad mi rtag go// mi rtag mi brtan thams cad kyang // gson pa yun gyis 'gro ba yin// bdud kyi stobs ni chen po 'di// 'jig rten 'dis kyang go ba min// de ltar gzhan yang bya de kho na nyid smra ba des/ lha de dag rnams nyid la phan par 'dod pas legs par byas pa'i las kyang bskul la/ de dag de ltar rtag tu brjod kyang / lha gang dag shin tu bag med pa ma yin pa de dag rnams nyan par byed cing nye bar 'dzin par yang byed do/ / yud tsam cig kyang yid shin tu mnyam par gzhag par yang 'gyur ro// gang yang bag med par spyod pa de dag rnams kyis ni mi thos pa ste/ rnam par g.yeng bar gyur pa'i yid kyis/ de dus yun ring du mtsho der rtsed mo byed par 'gyur la/ yul gyi bde ba la sred pa'i ches ngoms pa med par gyur nas rnam par rgyu bar gyur pas/ slar yang gang na ri de la sngar bzhin du de kho na/ ltar bzhon pa la mngon par zhon te nam mkha' la slar yang 'phags so// thams cad dang bcas pa'i lhan cig spyod pa'i 'khor rnams dang bcas par gyur pas/ bar snang gi nam mkha' la 'phag

  576. 289a

    nas kyang / lha de dag rnams kyis ri gzhan mthong bar gyur pa la/ rnam pa du ma'i nor bu'i rang bzhin du mar gyur pa'i dbyibs du mar nam mkha'i dbyings nas 'phyar ba de dag thams cad kyi steng na/ de dag thams cad las lhag par gyur pa'i bde ba'i 'phreng ba rgya chen po 'di dang / kun tu brtsegs pa dang / nye 'khor mthong na dga' ba dang / rnam par lta bar byed do/ de gsum ni 'thab bral gyi ri rnams kyi tshad las kyang ches lhag pa yin no// de bzhin du lha rnams ri de dag kun tu lta bar byed do// ri gang dag gi 'od zer gyis yan lag nye bar rgyas pa bzhin du/ nam mkha' thams cad rnam par snang bar byed pas/ ches lhag par yang dag par dga' bar gyur pa rnams mthong bar gyur cing gzhan rnams su de ltar kun tu bltas pas gyur nas/ bde ba'i 'phreng ba rgya chen po'i ri'i rgyab tu ngang pa las 'khod par gyur to/ / rnam par 'khod par gyur pa de'i rjes la/ lha de dag rnams kyis mthong bar gyur pa rnams la/ ri de'i steng ni rnam par bkra ba'i cha shas rnam pa sna tshogs pa'i rin po che'i 'od rnams kyis kun nas brgyan pa la/ bai DUR+Ya'i rang bzhin la gser gyi rang bzhin gyi lo ma dang ldan pa'i ljon shing rnams kyis nye bar mdzes par byas pa/ de bzhin du gser gyi rang bzhin dang / bai DUR+Ya'i rang bzhin la gser gyi rang bzhin gyi 'dab mas nye bar mdzes par byas pa de bzhin du/ sdong po'i shing gzhan rnams kyis nye bar mdzes pa ste/ ri de'i

  577. 289b

    rgya ba na sdong po'i shing zhes bya ba gang dag gi rtsa ba dang / sdong po dang / yal ga dang / lo ma dang / rtse mo rnams sdong bu dang sdong bur gyur pa rnams kyang / rin po che chen po bdun gyis rab tu rnam par phye bas kun tu brgyan par gyur pa dang / rtsa ba la sogs pa rnams kyang de dag gi rang bzhin du gyur pa'i sdong bu yin no// shing de dag rnams kyi sdong bu gcig ni baiDUR+Ya'i'o// gzhan ni pad+ma rA ga'i 'o/ / gzhan ni gser gyi'o// gzhan ni shel gyi'o// gzhan ni mu sA ra'i'o// gzhan ni kar ke ta na'i ste/ de ltar shing de dag rnams ni sdong bu dang sdong bur cha shas rnam par phye bas mdzes pa yin no/ / rtsa ba nas bzung nas ji srid du yal ga dang / lo ma dang / rtse mo de dag rnams dang / 'dab ma'ang de kho na bzhin du rin po che bdun gyi rang bzhin gyis rnam par gsal bar gyur pa'o// sdong bu'i shing de dag rnams mngon par legs par mthong bar gyur pa dang / lha de dag rnams rtse bar gyur pas 'jug par byed do// shing de dag las ha cang mi ring ba na khang bu'i 'phreng ba yod pa ni// mi'i 'jig rten na nyi mas kun tu gsal bar byed pa dang kha dog mtshungs pa'o// de nas lha de dag rnams gang na khang bu'i 'phreng ba yod pa der nye bar 'gro bar byed do// khang bu de dag rnams kyi grangs ni 'bum phrag du ma brjod pa yin no/ / ji ltar 'dod pas 'gro ba rnams kyi ji ltar 'dod pa'i tshad dang ji ltar 'dod par gyur pa yin no// khang bu de dag rnams kyis lha de dag rnams la 'dod

  578. 290a

    pa ji ltar 'dod pa bzhin du byed par 'gyur ro/ / pad+ma'i rdzing bu rnams kyang de kho na bzhin du sdong bu can gyi pad+ma rnams rin po ches nye bar brgyan pa'i pad+ma'i rdzing bu rnams rnam par gsal bar byed do/ / de kho na bzhin du sdong bu can gyi rang bzhin dang / de kho na bzhin du rin po che bdun gyis nye bar mdzes par gyur pa'i lus can gyi bung ba rnams dang / bya rnams kyang rnam pa gsum du yon tan dang ldan par rnam par rgyu ba la/ 'di lta ste/ chul rgyu ba ngang pa dang / ka ra Na Da dang / ngang ngur dang / ni lun tan dang / ma ku la dang / ha shun da la sogs pa rnams ni chu la rgyu ba'o// thad la rgyu bar gyur pa'i bya de dag rnams kyang ri de'i rgyab na rtse bar byed pa rnams la 'di lta ste/ bI sha khA dang / kun dga' bar brjod pa dang / bya thams cad dang lhan cig tu kun tu sgrogs pa dang dus thams cad du dga' ba 'jug pa dang / rnam pa de lta bu rnams ni thang la rgyu bar gyur pa'i bya mtho ris su skyes pa rnams kun tu sgra 'byin par byed do// rma bya yang sgra snyan par 'byin par byed do/ / nags na rgyu ba'i bya mtho ris na yod pa rnams kyang 'di lta ste/ shang shang te'u dang / rma bya dang / yaSh+Ti dang / kun tu mig dang / mig mi 'dzums pa dang / nye 'khor na rgyu ba dang / de kho na nyid brjod pa dang / dus kun brjod pa la sogs pa rnams mi dang mtho ris 'dres par gyur pa'i bya dag kun tu 'don par byed do// mnyan par 'os pa rnam pa du ma dang / nags na rgyu ba'i

  579. 290b

    bya rnams rtse bar yang byed do/ / de bzhin du ri'i bya rnams kyis kyang mchog tu mdzes par rjod par byed do// gzhan yang bde ba'i 'phreng ba'i rgya chen po'i ro'i rtse mo'i nam mkha' la rnam par rgyu ba'i bya rnams kyis/ rin po che bdun gyi rang bzhin rnam pa sna tshogs pa'i tshig gis rnam par rtog pa rab tu bcom pa'i lha rnams la rjod par byed de/ ji ltar/ rnam par rtog pas nyer bcom dang // 'di yul gyis bslus pa'ang yin/ / sred pa yis ni rmongs 'di dag/ 'chi bdag rgyal po shin tu gnas// 'dod longs spyod la kun tu chags// lam dang lam min rig min pa'i// 'dod pa'i ming can yul rnams kyis/ / skye bo rnam par rmongs thams cad// sna tshogs 'gro kun du gyur pa// sna tshogs las kyi rjes su 'gro// sna tshogs sems kyi dbang gis ni// sems can 'gro ba ldan 'khyam/ / de ltar bya des mchog tu bag med pa'i lha rnams mthong nas rjes su 'doms par byed de snga ma bzhin no// de nas lha de dag gis de ma brtsis par/ slar yang de kho na bzhin du yul rnams la bag med par gyur cing / 'dod pa lngas yid phrogs pas de kho na bzhin du dga' bar byed pa dang rtse bar yang byed do// dus de srid du ste/ ji srid du dge ba'i las rnams byas shing bsags pa zad par ma gyur gyi bar du'o/ / de'i rting la nam zhig na lha'i 'jig rten nas 'chi 'pho bar 'gyur ro// 'chi 'phos nas kyang ji ltar las rnams kyis nye bar 'gro bar 'gyur ba'i dmyal ba dang /

  580. 291a

    yi dgas dang / dud 'gro'i 'gro bar skye bar 'gyur ro// gal te mi rnams dang skal ba mthun par mir skyes par gyur na yang / lan grangs gzhan la myong bar 'gyur ba'i las rnams kyis de mchog tu skyid pa dang / mchog tu blo rgya che bar 'gyur ro// mchog tu rab tu dga' ba'i yid kyis rtse ba la ched che bar byed pa 'am/ rab tu dga' bar gyur pa'i lha rnams su 'am/ de yang na gser gling du 'am/ de yang na sing g+ha la'i gling du longs spyod dang ldan par 'gyur ro// khyim bdag tu yang las de'i rgyu mthun par 'gyur ro// rnam par 'dres pa'i khor yug na rgyu ba'i lha rnams kyi sa ste lnga pa rdzogs so/ / / gzhan yang dge slong las dang 'bras bu'i rnam par smin pa shes pa des 'thab bral ba rnams kyis la kun tu lta bar byed do// thos pa las byung ba'i shes rab kyis 'thab bral ba'i lha rnams kyis yang dag par ldan pa zhes bya ba mthong ngo // der las gang gis sems can rnams skye bar 'gyur ba yang / des mthong ba gang tshul khrims dag cing shin tu rnam par dag pa dge ba'i bsam pa dang ldan pa'i sems can du gyur nas/ srog gcod pa dang / ma byin par len pa yongs su spangs par gyur pa rnams ni snga ma bzhin no/ / 'dod pas log par g.yem pa'ang yongs su spangs par gyur pa yang / ji ltar sngon gyi bud med kyi skye bo rnams lta ba rjes su dran par mi byed do// de ni dge ba dang ldan pa'i skyes bu

  581. 291b

    tshul khrims dang ba/ yongs su dag pa'i blo yongs su bsgoms pa'i sems dang ldan pa rnams lus zhig pa na mtho ris bde 'gro'i 'jig rten pa/ 'thab bral gyi lha rnams kyi nang las 'gro ba dang yang dag par ldan pa zhes bya ba'i sar skye bar 'gyur ro/ / de la 'di skyes par gyur pa na yang rang nyid kyis legs par byas pa'i las dang 'dra ba'i 'bras bur 'gyur te/ 'di lta ste/ nags dang / nye ba'i nags dang / rdzing bu dang / pad+ma'i nags rnams la/ bya sna tshogs pa rnams rtse bar gyur pa'i sgra gdangs snyan pa kun nas sgrogs pa rnams ni gzugs dang / rgyan dang / cha byad mcho dang ldan pa rnams kyis yongs su bskor ba'i lha rdzas kyi bde ba dang ldan pas/ rnga skad yan lag lnga dang ldan par gyur cing dga' bar 'gyur ba dpe med pa'i sgra dang / reg bya dang / ro dang gzugs dang / dris rgyags pa la 'di lta ste/ lnga 'byung bar 'gyur ba'i sbubs mtsho'i bu gar mngon par zhugs pa las/ bar chad med par chu lngar 'dzag cing ltung ngo // de bzhin du dbang po lnga las sred par ldan pa rnams kyi sred pa lnga po rnams nyi ma re re zhing log par lhung bar 'gyur ro/ / 'on kyang dbang po lnga po 'di dag rnams la tshim par skye ba'ang ma yin no// yang 'di lta ste/ me 'bar ba la rlung gis bskyod par gyur pas/ ri rab tu 'bar bar byed pas/ mchog tu sreg par byed pa'i shugs dang ldan pa la/ shing skam po ji lta ji ltar 'atu bcug pa de lta de ltar me ches

  582. 292a

    pha la che bar 'gyur te/ bud shing rnams sreg par 'gyur ba'i phyir ro// de bzhin du dbang po 'di dag rnams kyang rtag tu sred pa dang ldan pa rnams ni me dang mtshungs pa yin la/ rnam par rtog pa'i/ rlung gis bskyod par gyur cing / tshul bzhin ma yin pa'i yid la byed pa'i ri'i rtse mo rnams su/ yul gyi bud shing rnams rab tu 'bar bar gyur pas dbang po lnga'i 'dod pa'i me rnams rab tu 'bar bar 'gyur ro// de bzhin dbang po 'di dag rnams kyis yul gyi shing rnams dang phrad par gyur na/ de lta de ltar me bzhin du rab tu 'bar bar 'gyur ro// ji lta ji ltar yang me dang mar mer phye ma leb rab tu ltung bar 'gyur na de ltar sreg par byed de// de kho na bzhin du sred pa dang ldan pa rnams yul gyi mes rab tu lhung bar gyur pas kyang 'chi bar 'gyur ba yin no// de'i phyir na phye ma leb lta bur gyur pa ni sred pa dang ldan rnams thams cad yin no// de'i bdag nyid du gyur pa de go bar 'gyur ba'ang ma yin no/ / phye ma leb lta bur gyur pa'i lha de dag rnams rab tu bsregs par gyur pas/ yul lnga'i mer rab tu lhung bar gyur nas nags dang nye ba'i nags rnams su yang 'gro bar byed de/ lha'i bu mo'i tshogs dang bcas pas bskor bar gyur nas pad+ma'i tshal nas pad+ma'i tshal rnams dang / de bzhin du bdud rtsi'i yul phyogs nas gzhan bdud rtsi'i yul phyog rnams su dang / de bzhin du btung ba'i bum pa nas yul phyogs gzhan btung ba'i bum pa rnams su dang / mar gyis kun tu btab par gyur pa'i me bzhin du yul gyi me rnams kyis/ de bzhin du de kho na ltar rab tu 'bar bar 'gyur ro//

  583. 292b

    de skyes pa nas yul phyogs de rin po che bdun gyis rnam par brgyan par gyur pa gang yin pa rnams rnam pa du mar shin du yid 'phrog par byed pa'i lha dang lha mo'i tshogs brgya stong du mas gang ba mthong ngo // rab tu dga' bar gyur pa'i rgyan dang / cha byad du ma'i gzugs 'dzin pa gang yin pa rnams kyis yongs su gang bar ma gyur pa ni yul phyogs 'di ni yod pa ma yin no// yul phyogs de'ang gang rgyun mi 'chad par lha'i tshogs dang ldan par mi 'gyur ba'ang ma yin no/ / de ltar phan tshun lhan cig tu dga' bar byed pa dang rtse bar yang byed do// rab tu 'dres par gyur pa sna tshogs pa'i rgyan dang / cha byad dang ldan pas rgyan dang mngon par dga' ba'ang yin no/ / lha rnams lha'i gnas rnams nas rnga skad yan lag lnga dang ldan pas nye bar bsgrags par gyur pa'i lha gang yin pa 'di dag rnams las// shin tu nyung ba'i las gang yin pa la ni rgyan dang / cha byad thams cad 'dzin par gyur pas lha'i rjes su 'brang bar byed pa'i khor stong phrag brgyad cur 'gyur ro// de lta bu'i rim pas kha cig la ni stong phrag sum cu gnyis so/ / de bzhin du ji srid du stong phrag bzhi bcu dang / de bzhin du ji srid du stong phrag lnga bcu dang / de bzhin du rjes su 'jug pa'i rim pas lha rnams kyi 'khor ji srid du stong phrag brgyar 'gyur ro/ / gal te de'i 'khor de dag rnams kyang yongs su skyo bar yang mi 'gyur te/ lha de dag rnams dang lhan cig tu kun tu sbyor bar byed pa na lha mo rnams thams cad kyang 'di ltar sems par 'gyur

  584. 293a

    te/ lha dngang gcig pu kho na lhan cig kho nar kun dga' bar bya'o// gzhan rnams dang ni lhan cig tu ma yin no// de ltar ngoms pa med pa'i lha rnams 'dod pa'i sred pa dang ldan bzhin dus byed do/ / de dag la ngoms pa skye ba'ang ma yin no// 'di dag ni bcug par gyur pa bzhin du 'bar bar gyur pa yin no// de nas de ltar bag med par gyur pa rnams rnam par 'phyong byed pas nags dang / nye ba'i nags dang / rdzing bu dang / shing dang / tshang tshing dang / chu klung dang / rdzing bu rnams su lhan cig dga' bar byed de/ lha mo med par lha'i tshogs nyid kyis ni ma yi no/ / de ltar rgyu bar gyur pa las de dag rnams gal te shed na/ ngang ba'i nags zhes bya ba'i nags rjes su sleb par 'gyur ro// de na yang de srid kho nar lha mo dang bcas nas te/ nags de ni dga' ba chen po dang ldan pas lha rnams kyang ngo mtshar bar gyur pa'i dga' ba yin no/ / de'i dga' ba rnams ni 'di lta bur gyur pa yin te/ 'di ltar nags de'i nye 'khor rnams na ngang pa de dag gis blar gsal bar byed do/ / kun tu gnas par gyur pa rnams kyang / kha cig ni dngul gyi rang bzhin gyi sgro dang / gser 'bar ba'i rang bzhin gyi sgro dang / pad+ma rA ga'i mdog gi rkang pa dang / pad+ma rAg dang mdog mtshungs pa'i kha dog dang / gsus pa shin tu bkra bar 'bar ba gang yin pa rnams so// kha cig gse 'bar ba'i rang bzhin gyi rgyab/ dngul gyi mdog dang ldan pa'i logs

  585. 293b

    k+Shu wa A baH/ phrag pa rnams kyang de bzhinan// laci TIg pa kyi rang bzhin n+ya phywa/ musA rang bzhi gyi logs/ gse ma'i myog/ de ga 'dra ba'i man/ nI la'i rang bzhin gyi rkang pa'o// kha cig ni rnam par 'dres pa'i cha shas kyi sgo rnam par bkra bar gyur pa'i rin po che bdun gyi rang bzhin rnam par bkra ba'o// kha dog gcig pa rnams ni 'di lta ste/ dngul gyi mdog dang / shel gyi mdog dang / gser 'bar ba'i kha dog dang / mu sa ra'i kha dog dang / kAr ke te na'i kha dog rnams dang ste/ ji lta ba'i las sems dang sems kyis rnam par bkra bar gyur pa rnams dga' bar byed pa dang / rnam par spyod par yang byed do// de dag rnams kyang ji ltar rjes su mthun par mchog tu rnam par bkra bar byas pa'i sgo'i cha shas rnam par bkra bar gyur pa'i dang mo rnams dang lhan cig tu rtse bar byed do/ / mtsho dang / rdzing bu rnams dang / ji ltar pad+ma'i nags rnams la dang / de ltar mtsho rnams la yang ngo // legs par 'bab pa'i ri'i chu klung gi rlabs rnams la dang de bzhin du pad+ma'i tshal rnams la dang / de bzhin du yang 'jam pa/ mnan nem pa'i sa gzhi cha kun la dang / me tog dang ldan pa rnams la'ang dga' bar byed do// yongs su spyod par byed do// ngang ba rnams kyang lha bzhin du lhan cig spyod pa rnams du ma dang ldan pa yin no// de nas sna tshogs pa'i lha mo'i tshogs rnams kyis yongs su bskor ba'i lha de dag dang ngang pa de dag ni nags der

  586. 294a

    zhugs par gyur pa nyid na/ ngang pa de dag rnams mngon par mthong bar gyur nas slar nyid kyang ngo mtshar bar gyur cing yid ches rab tu dga' bar gyur te/ mig gi rgyu ba g.yo ba dang ldan pas nags de'i yul phyogs kyi nye 'khor kun la rnam par lta bar byed de/ de dag rnams kyis kyang lha mo de dag rnams kyi yid kyi rjes su 'thun par gyur nas/ yid ches rab tu dga' bar gyur pas 'di ltar rtog par byed de/ ji ltar lha rnams 'di na ngang ba'i nags zhes bya ba'i ngang pa rnams kyi nags mchog tu dga' bar gyur pa ji lta ba kho na bzhin du rnam par mdzes par gyur pa rnams la/ ji ltar 'di na lha'i ngang pa'i nags zhes bya ba nags chen po mchog tu dga' bar gyur pa/ ji lta ba bzhin du de dag gis rab tu mdzes te/ rnam pa sna tshogs pa'i ljon shing gi tshogs rnams kyis de dag yongs su khyab par gyur pa/ rin po che khams du ma rnams kyi 'byung khungs dang ldan pa de dag ni shin tu bar yang / yon tan rnams phun sum tshogs pa rnam pa sna tshogs pa'i pad+ma'i rdzing bu dang ldan pa'i ri/ ri'i rtse mo nye bar dud par gyur pa rnam pa brgya stong du mar ming btags par gyur kyang / gang dag rnams kyis ming yang shes par mi 'gyur ba'i me tog rnams dang nye bar ldan pa pad+ma'i 'byung gnas brgya stong du ma rnams dang ldan pa yin te/ nags de na ni ngang pa'i rgyal po dus bzang zhes bya ba gnas so// de ni ji ltar bdag cag

  587. 294b

    'thab bral ba rnams kyi mnga' bdag mu su lun d+ha yin pa de bzhin du/ ngang pa rnams thams cad kyi yang dus bzangs 'di yin te/ shin tu yangs pa zhes bya ba'i pad+ma'i rdzing bu de na 'di rtse bar byed pa dang / dga' bar byed pa dang / kun tu spyod par yang byed do// drung du yang 'thab bral gyi mnga' bdag mu su lun d+ha 'ong ngo // de dang lhan cig tu bya chen po dga' bar byed/ kun tu spyod par yang byed pa ni/ ji ltar lha'i tshogs gzhan dag rnams kyis de yongs su shes par 'gyur ba'ang ma yin pa de ltar dga' bar byed do// dus bzangs gang yin pa dedang / 'thab bral ba'i bdag po lhan cig tu dga' bar byed pa'i rgyu de ci yin pa'i rgyu de'ang lha'i tshogs rnams thams cad kyis kyang mi shes so// de na rgyu mtshan de dag rnams yid la gyis/ lha khyod nyid kyang bdag cag rnams kyis yongs su bskor nas 'gro bar gyis dang / de la tshig de dag rnams lhag ma ma lus par mthong bar 'gyur gyis/ lha de dag dang bya'i rgyal po'i yang ji lta ba bzhin du thos par gyur nas/ lha gsar du skyes pa des lha de dag rnams kyi nang nas zhabs 'bring byed pa la 'di skad ces brjod do// gang na ngang pa'i rgyal po de dang / 'thab bral gyi bdag po mu su lun d+ha yang yod pa der bdag cag rnams ji lta ba bzhin du 'gro bar bya'o// de nas de bzhin du lha mo de dag rnams dang lha de dag gang na

  588. 295a

    nags de'i nang yod pa der nye ba legs par phyin no/ / zhugs par gyur na mthong ba rnams la ljon shing gi tshal rnam pa sna tshogs pa rnam pa du ma dang / rnam pa sna tshogs pa'i ri dgas rnams dang / bya rnams kyis kun tu gang bar gyur cing / ri dgas kyi khyu rnams kun tu rgyu ba rnams la kha dog rnam pa du ma rnams dang / ri dgas sna tshogs pa rnams lhan cig spyod pa rnams dang bcas nas de dag la spyod par byed do/ / spyad par 'os pa'i zas rnams lhan cig tu za bar byed cing / lha rdzas kyi nags rnams kyi rtsa ba'i zas kyang ste/ rin po che bdun gyis smras pa'i lus can rnams nags rnams kyi nang du dang / nags kyi tshang tshing rnams su dang / chu klung gi ngos rnams su dang / pad+ma'i tshal gyi 'gram rnams la dang / sman ljongs rnams su dang / ri'i khong seng rnams la yang khyu rnams dga' bar byed cing kun rjod par byed do// de dag rnams mngon du legs par mthong bas kyang lha rnams kyi mig dang / yid mchog tu 'phrog par 'gyur zhing rnam pa du mar yang rab kyi mchog tu dga' bar gyur nas/ gzhan yang ngo mtshar bas mig kun tu bskyod par 'gyur zhing / de dang de dag rnams mig gtod par byed cing / lha'i bu mo'i tshogs rnams kyis yongs su bskor bar gyur nas kyang / nye bar len par byed cing slar yang dang po'i nags de nyid du rab tu 'jug

  589. 295b

    go/ rab tu zhugs par gyur par kun tu lta bar byed do// brgya phrag du mar gyur pa'i rma bya'i khyu rnams kyang ljon shing gi tshang tshing dang nye bar gyur pa rnams na nye bar rtog ste/ kha cig ni mgrin pab nas dbyangs sgrogs pa'o/ / kha cig ni phan tshun du mdongs phyi rol tu byas nas kyang rtse bar byed pas lhan cig spyod pa rnams kyi sngon du gar byed do// kha cig ni gcig pu zhig tu gyur nas shing 'thug po rnams kyi nang du nor bu bdun gyis spras pa'i thig les rnam par bkra ba rnams ljon shing gi 'dab ma rnams dang lhan cig tu rtse bar byed do/ / lhan cig spyod pa rnams kyis rjes su 'brang bar gyur pas nags de'i phyi rol na yang mtho ris kyi rjes su mthun pa rnam pa du ma dang ldan par mthong ba nyid do/ / ngang pa'i nags der dga' bar gyur pa'i lha brgya stong bye ba rnams de ltar legs par 'jug par byed do/ / gzhan yang lha rnams kyi nags gzhan dag rnams lha gsar du skyes pa de dag mthong bar gyur pa'i nags de dag rnams kyi dga' bar gyur pa ni 'di lta ste/ chu klung mchog tu dang bar gyur pa shis pa'i chu bo'i ngos gnyis ka'i nye 'khor na/ lha rnams kyis yongs su bskor bar gyur pas rnam par gsal ba dang / chu klung de dag rnams kyang yon tan bdun dang ldan pa'i 'o mas yongs su gang ba rnams kyi ming du gyur pa la 'di lta ste/ 'dod pa'i chu dang / shis

  590. 296a

    pa'i chu dang / kun dga' bar 'bab pa dang / myos par byed pa zhes bya ba'i chu dang / mngar bar gyur pa dang / 'dod pa thams cad kyi chu dang / bya dang ldan pas mngon par dga' ba'o/ / rnam pa de lta bur gyur pa'i chu klung rnams 'bab pa'o// dga' bar gyur pa'i nags chen po'i chu klung de dag rnams la yang chu la rgyu ba'i bya rnams grangs mor gyur pa'i chu 'thung bar byed do/ / 'thungs nas kyang tshigs su bcad parjod par byed pa/ ji ltar/ legs par sngon gyi thar pa yi// lam rtogs nas ni gsar pa yang // rma bya zad nas skye ba ni// lha yi 'jig rten du 'bab 'gyur// bgyis dang gang yang gsar pa'i las// rnam gsum rnam pa gsum 'byung ba// rnying bcas gsar pa rjes su tshol/ / 'thab bral dag tu skye bar 'gyur// ma 'ongs pa yi 'jigs shes dang // da lta ba la mtshungs med gang // 'das pa la yang chags pa med// ring min pa na de chags bral/ / bde dang sdug bsngal drag gis kyang // gang gi yid ni rnam ma 'gyur// blo gros bzang ldan lha yi ni// 'jig rten bdag cag 'bab pa de// gang yang rnying ba zos nas ni/ / gsar pa yang ni mi byed pa// sngon gyi legs byas zad pa ni// 'chi ba'i dus su rnam par rig/ yul rnams kyis ni khrid byed pa'i//

  591. 296b

    gang sems ni rmongs pa yin// gang gi blo ni yon tan ldan// 'dod pa'i dbang rjes de mi 'gro// da ltar ba yi 'dod pa la// khyad par du ni skyon can la// gang zhig bde bas mi rmongs pa/ / de ni brtan pa zhes brjod do// skyon gyi 'jigs pas brkam chags med// 'dod rnams dbang du 'di mi 'gro// de ni sdig kyang rnam 'jig byed// de ni brtan pa zhes brjod do// bde ba yis ni 'phangs pa'i yid// sdig pa'i 'jigs pa ma mthong ba// dga' ba shin tu nges bsten pa// rmongs pa gang ni rang tu 'joms/ / dga' ba rnyed nus thob gyur nas// ci phyir 'dod pas nyams par byed// rten pa de dag shis pa min// ngan song shin tu chen por 'gyur// 'jig rten glog dang smig rgyu bzhin/ / dri za'i grong khyer dang mtshungs par// thams cad slu ba'i bdag ka can// 'dod pa mi bzad par rab brjod// de ltar ngos na spyod pa'i byas shin tu bag med par gyur pa'i lha ga sar du skyes pa de dag mngon par mthong nas tshigs su bcad pa de dag brjod do/ / gsar pa de'ang yul gyis kun nas phrogs par gyur pa'i phyir na bya de dag gis ci brjod ces zer nas go bor mi 'gyur ro/ / de nas phan pa de dag rnams ma bgrangs par slar yang de kho na bzhin du/ ngang pa'i nags kyi ches nang du zhugs par

  592. 297a

    gyur pa na yul gzhan mang po rnams las 'dod pa'i rgyags pas zin pa rnams kyis/ ngang pa rnams su ches mchog tu dga' bar gyur pa'i khyad par gyi dngos po phal che ba nyid las/ dang por 'khri shing gi ra bas yog par gyur pa rnams rtogs so// de lta de ltar mchog tu bla na med pa rnams dang legs par ldan pa las des rgyang ring ba nyid nas nor bu'i nags zhes bya ba mthong ste/ ngang pa'i nags de nyid kyi 'od zer gyi 'phreng ba brgya stong dang ldan pa'i nor bu rnams gang yin pa'i khyad par gyis/ lha/ rnams nyid kyis nges par blta bar nus pa'ang ma yin te/ 'og gi sa la gnas par gyur pa'i lha sum cu rtsa gsum pa 'am/ rgyal chen ris bzhi pa rnams kyang rung ste gzhan 'ga' zhig na yang rnam pa de srid kyi gzi brjid can ni yod ma yin no/ / nor bu de dag rnams ji ltar 'dod pa'i dbang gis 'gro bar gyur pa gang yin pa'i lha rnams 'dod par gyur na/ des nor bu de dag rnams khang bur gyur nas nam mkha' la 'phags par byed de/ khong seng can du gyur cing de dag gi yang nang du song nas kyang lha rnams rab tu rtse bar 'dod pas nam mkha' la 'phags par byed la/ nor bu de rnams kyang sems pa skyed pa dang lhan cig nyid du khang bur gyur nas nam mkha' la

  593. 297b

    'phags par gyur to/ / legs par byas pa'i las rnams kyis nor bu de dag rnams kyi nang du'ang chu klung dang / 'bab chu dang / rdzing bu dang / nags dang / skyed mos tshal dang / pad+ma'i rdzing bu dang / ljon shing gi tshogs dang / nags dang / tshang tshing dang / cha shas rnams dang ldan pa dang / ri'i rtse mo rnams dang / byo'i sgra dga' ba rnams dang ldan par gyur pa yin no// ji ltar yang bde bar gyur pas lha de dag rnams nam mkha' la bde bar rab tu rgyu ba rnga skad yan lag lnga dang ldan pa dang / 'dod pa'i yon tan drug dang ldan pas dga' bar byed do// ji ltar gzhan yang lha de dag rnams nyid 'dod par gyur na/ ji ltar lha'i 'jig rten de dag rnams nyid kho nar rtag tu bdag cag rnams 'khod par bya na zhes/ de dag rnams kyi sems bskyed pa tsam nyid na nor bu de dag rnams nyid 'thab bral ba'i lha'i ris de dag rnams nyid du 'gyur ro// slar nyid kyang de dag rnams kyi yid bzhin du gyur nas 'od zer gyi phung po rnams rab tu 'bar bar byed do// rang gi 'od zer rnams nyid lha mo de dag gis lha gsar du skyes pa de la rjod par byed do/ / de nas de dag rnams mchog tu dga' bar gyur pa'i ngang pa'i nags de las kyang 'dod pa'i zhags pas gzhan rnams kyis kun nas drangs par

  594. 298a

    gyur to/ / slar yang yul gyis drangs par gyur pa nor bu'i nags der klu nye bar len par gyur cing rab tu brten nas de dag rnams kyis ha cang mi ring ba nas lta bar byed do/ / sngon po dang / ser po dang / dmar po dang / dkar po dag gi 'od zer brgya stong gis bskor nas nags dang bcas pa'i yul gyi nor bu'i nags de dang ha cang yang mi ring ba'i dang ba'i nags nye 'khor kun tu snang bar byed do/ / de nas lha de dag lha de dag rnams kyi drung nas nags de dag nye bar bskor bar gyur nas nor bu'i khang bur gnas te/ gang na nor bu'i nags de yod par gyur pa der nye bar 'gro'o/ / lha mo de dag nyid dang lhan cig tu der nye bar legs par phyin nas nor bu du ma rnams 'bar ba'i 'phreng ba dang / rnam par snang bar gyur pa'i nor bu'i 'od rnams la'ang lta bar byed do/ / de nas lha de dag rnams 'di snyam du sems so// ci ste yang bdag cag rnams lha'i nor bu gzhan rnams gang yin pa'i nang du ji lta bar song la/ nam mkha'i dkyil du 'khod nas rnam par rgyu bar bya ste/ mtho ris la blta ba'i don du de bzhin du bdag nye bar 'gro bar bya'o// de nas lcagasar du skyes pa de'i sems bskyed pa dang lhan cig tu gang ying+ga la bsam pa'i nor bu 'di lha de'i khang bu der gyur to/ / gyur nas kyang nam mkha'i khams su 'phags so// de 'phags par gyur po'ang legs par mngon par mthong nas/ lha'i lhan cig

  595. 298b

    spyod pa'i 'khor de dag rnams nyid kun dang / nor bu'i rang bzhin gyi khang du der mngon par zhugs pa de dag gis mthong bar gyur te/ ji ltar rang gis byas pa'i las dang 'dra bar dga' ba de'i nang de na 'di dag yod do/ / chu klung dang / 'bab chu dang / rdzing bu dang / nags skyed mos tshal dang / pad+ma'i tshal dang / dga' tshal dang / ri dang / rtse mo dang / tshang tshing dag gis legs par gang bar gyur pa du ma rnams phyogs gzhan dang gzhan na mthong bar gyur pa rnams la bya rnams dga' bar 'gyur ba'i kra kra'i sgra rjod par byed pa dang / kha dog dang dbyibs sna tshogs pa'i sa'i cha rnams dang / dri dang ldan par gyur pa'i me tog gis kun tu khebs pas chags par byed do/ / de bzhin du yul gzhan rnams na'ang mthong bar gyur pa la ri dgas dang bya rnams chu klung mnyam pa dang mi mnyam par dga' bar gyur pa'o// gzhan yang lhas yul gzhan rnams su mthong bar gyur pa la/ gang dag ji ltar 'dod pa bzhin du lha dang lha mo'i tshogs rnams kyis legs par gang bas rgod pa dang / 'gying ba dang / rtse 'jo zas rnam pa sna tshogs pa'i bde ba blta bar dga' ba rnams so/ / ji skad du bshad pa'i yul phyogs de dag rnams thams cad la/ gsar du skyes pa'i lha des dang po mthong ba yin pas lha mo de dag rnams dang lhan cig tu rtse bar byed cing bag med pas rgyu bar byed do/ / gzhan yang yul phyogs gzhan dag rnams su'ang mi ngoms pa'i 'dod pa'i sred pa rnams kyis nye bar 'gro ste/ gang na bdud

  596. 299a

    rtsi'i rang bzhin gyis phyogs yod pa der zas don du gnyer bar bya ba'i phyir 'gro bar byed do/ / de der ji ltar legs par byas pa'i las dang 'dra ba za bar byed do// de nye bar zos kyang yul gyi mes bsregs par gyur pas/ gang na btung ba'i chu klung yod pa der lhan cig spyod pa'i 'khor dang bcas nas nye bar 'gro'o// de'i 'khor de dag rnams nyid dang rgya chen po sred pa'i rlabs rnams kyis khyer bar gyur pa na/ bdud rtsi 'di dag rnams dang 'phrad par 'gyur te/ de nas de dag btung ba'i sa gzhir song nas/ rnam pa sna tshogs pa'i nor bu'i snod rnams su myos byed de dag 'thung bar byed do/ / de phyir zhing nyid kyang myos byed kyis rangs par gyur pa ni/ mar kun tu blugs par gyur pa nyid kyi me 'gran zla med par gyur pa bzhin du 'di'i yul gyi sred pa rnams kyang rab tu 'bar bar 'gyur ro/ / de'ang yul de dag rnams kyis kun tu rmongs par gyur nas/ phyir zhing nyid kyang lha'i bu mo de dag nyid dang lhan cig tu gar dang rab tu dga' bar yang byed do// de dag de bzhin du gnas der rtsed mo rnams byas nas/ slar yang gang na pad+ma'i rdzing bu yod par gyur pa der nye bar 'gro bar byed do// chu la rtse bar bya bar 'dod pa'i dbang du byas nas thams cad la yang rigs par byas te/ gang na pAd+ma'i rdzing bu de yod pa der kun tu nye bar 'gro'o/ / gzhan yang de yul rnams kyis rgyags par gyur nas/ de dag rnams dang lhan cig tu chu'i rtsed mo byed par 'gyur ro// lha'i bu mo de dag rnams nyid

  597. 299b

    dang lha'i bde ba mchog tu dpe med pa rnams mngon sum du nye bar longs spyod par byed do/ / de gzhan yang de kho na bzhin du rgyags pas rgyags par gyur nas rna ba tshim par 'dod pas 'gran gyi do med pa'i yul gyis kun tu 'khrid pa'i phyir rnga skad yan lag lnga pa nyan par 'dod do/ / de nas gzhan yang de dag rnams nyid kyi dkyil du song nas lha de gcig pu glu len no// glu nyan par yang byed do// rnga skad yan lag lnga dang ldan pa thams cad kyi rna ba dang yid 'phrog par byed pa gang yin pa ni dngos po gzhan rnams kyis dpe bya bar yang sla ba ma yin no/ / de de ltar 'dod pa'i yon tan lnga la nye bar longs spyod par gyur pas kyang ngoms par 'gyur ba'ang ma yin no/ / sred pas rnam par gdung par gyur pa'i bsam pa can rnams ni sred pas rnam par ngoms par 'gyur ba'ang ma yin te/ ji ltar me ni bud shing rnams kyis ngoms par mi 'gyur la/ de bzhin du 'dod pa dang bcas pas 'dod pa dang ldan pa rnams rnam par ngoms par mi skye'o// de de na rnam pa du ma dang rnam par rtog pa du ma'i bde ba rnams nye bar longs spyod par gyur pas/ dus ring du rtse 'jo byas nas gzhan yang nor bu'i rang bzhin gyi khang bu de nyid kyis ngang ba'i nags de nyid du slar yang rab tu 'jug par byed de// phyi bzhin 'brang bar gyur pa'i 'khor rnams thams cad dang / de song nas phyir zhing nyid kyang snga na ma mthong ba'i yul phyogs gzhan rnams su 'jug par byed do// nags de'i dga' bar gyur pa'ang 'di ltar yin te/

  598. 300a

    ji ltar bltas par gyur pa de ltar nags de ni ches dga' bar gyur pa yin no// dbang po rnams kyang yul rnams kyis ngoms pa'ang med do// de ltar byas pas nags de dag ni blta bar nus pa'ang ma yin no/ / de bzhin du 'bab chu dang / rdzing bu dang / nags dang / nye ba'i nags dang / shing gi tshogs rnams dang / lha dang lha mo'i tshogs rnam pa du ma rnams dang de na mthong ngo / / de kho na bzhin du rnga skad yan lag lnga dang ldan pas rtse bar gyur pas/ gzhan yang mkha' lding rgyal po dus bzangs de rnam par yangs pa'i pad+ma'i rdzing bu gang na gnas par gyur pa der lha'i bu mo'i tshogs kyis yongs su bskor ba dang bcas nas/ de dag rnams legs par nye bar 'gro bar byed do// de ltar des mang du mthong ngo // de ltar des lha'i tshogs brgya stong du ma rnams glu len par gyur pa dang / lha rdzas kyi rim pas bde ba dang yang dag par ldan par gyur pa rnams mthong bar 'gyur ro// gang dag la dpes gzhal bar bya ba rnams ni cung zad yod pa ma yin la/ gang gis dper byed par gyur pa'i 'jig rten kun tu gsal bar byed pa'i nyi ma'ang gang dag gi khyad par gyis srin bu me khyer tsam du'ang ma yin no/ / 'od zer gyi dbang du byas nas de las gzhan rnams gang dag gis dper byed pa yin no/ / de ltar lha rnams ni dpe med pa'i yul rnams kyis nye bar 'tsho ba yin no// ro rnams kyi yang dpe bya bar nus pa ma yin te/ mi rnams kyi yang gang gi phyir ro'i mchog du gyur

  599. 300b

    ba rnams la 'di lta ste/ sbrang rtsi dang / bcos pa'i chang dang / bu ram shing dang / sha'i rigs su gyur pa rnams dang ste/ shin tu legs par sbyar ba'i ro de dag rnams thams cad dang yang dag par ldan pas kyang / bdud rtsi dmar po dag gi khyad par gyis bim pa'i 'bras bu tsam dang 'dra ba ma yin no// mi rnams kyi ro thams cad dang yang dag par ldan pa de gang gis dper byed par 'gyur// ro dbang du byas nas lha rnams kyi bcu drug char yang mi phod do// dri rnams kyi dpe bya bar nus pa ma yin te/ 'di na mi rnams kyi dri zhim par gyur pa rnams thams cad la 'di lta ste/ tsan dan dang // a ka ru dang / phye ma dang / byug pa dang / ni khu sti dang / tsam pa ka dang / ke ta ka dang / yid bde ba'i me tog dang / dza ti'i dri dang / dbyar gyi dus pa dang / ut+pa la dang / ku su mA dang / ni tsu lA la sogs pa'i 'o/ / de dag rnams bsdoms nas gcig tu byas pas kyang lha rnams kyi me tog thams cad tha mar gyur pa nim pa'i lo ma'i bcu drug char yang mi chog go// de ltar byas nas dri rnams dper bya bar yang mi nus so/ / lha rnams kyi reg bya ni dpe med pa dang yang dag pa ldan pa yin te/ lha rnams kyi gang yin pa la ni mi rnams kyis rtogs pa'i yul ma yin no// mi rnams kyi reg bya/ rnams thams cad kyi mchog tu gyur pa rnams kyang 'di lta ste/ srin bal dang / mon dar dang / du ku la dang / bal dang / ras bal la sogs pa dang / gzhan yang mi rnams kyi gang dag rnam pa de lta bur gyur pa

  600. 301a

    de dag thams cad bsdoms par gyur pas kyang / lha rnams kyi reg bya thams cad las tha mar gyur pa 'di lta ste/ lha rdzas kyi rdo rjer gyur pa srid pa'i sdug bsngal byed pa rnams kyi yang bcu drug char phye ba tsam du'ang mi chog par 'dod do/ / rgyu des na lha rnams kyi reg bya yang dpe med pa yin la/ de dag la yang dpe bya bar nus pa ma yin no// sgra rnams kyang dpe med pa dang yang dag par lha rnams rgyu ba yin no/ / 'di na mi rnams kyi mchog tu gyur pa'i sgra ni 'di lta ste/ pi wang dang / sA kA sha dang / gling bu dang / rdza rnga dang / glu la sogs pa rnams yin no// chags par gyur pa de dag rnams thams cad bsdoms pas kyang / lha rnams kyi rkyen gyi mchog gi bcu drug char yang mi chog par 'dod de/ lha rnams kyi sgra rnams kyang dpe med pa dang yang dag par ldan pa yin no// dper bya ba ni 'di dag rnams yin te/ rgyal chen ris bzhi'i lha rnams dang ni mi'o// sum cu rtsa gsum pa rnams kyis ni 'thab bral ba'i lam yin no// de'i khyad par yang mi rnams kyi 'dod pa dang rgyal chen ris bzhi'o// de'i khyad par gyis sum cu rtsa gsum pa dang rgyal chen ris bzhi'o/ / rgyal chen yul dang / sum cu rtsa gsum pa'i khyad par gang yin pa'i khyad par 'di dag gis kyang / sum cu rtsa gsum pa rnams kyi 'dod pa'i rim pa rnams dang / las kyi khyad par rnams 'dod pa na spyod pa'i lha drug po rnams kyi yang lha rdzas kyi yul rnams kyi yon tan khyad par du 'phags pa yin no// de'i phyir yang lha rnams ni bde ba dpe med

  601. 301b

    pa du ma rnams dang yang dag par ldan pa yin no/ / lha de dag ngang ba'i nags de na rtsed mo rtse bar gyur pa las bar snang la 'gro ba'i rgyal po de dang nye bar phyin par gyur te/ gang la 'di rtse bar gyur pa rnam par/ yangs pa'i pad+ma'i rdzing bur lhan cig rjes su spyod pa rnams kyis yongs su bskor zhing / pad+ma'i nags la legs par gnas te/ nye 'khor na lha'i tshogs kyis yongs su bskor to// de dag rnams gang yin pa de'i pad+ma gcig po gang la 'di rtse bar byed pa de ni tshad dpag tshad tsam mo/ / rin po che sna bdun gyi dper bya bar gyur pa/ rdo rje'i ze'u 'bru rnams kyis reg na bzod par gyur pa bla na med pa'i dri dang kha dog rnams dang ldan pa/ dpe med par gyur pa/ 'od zer du ma rnams kyis rnam par snang bar byas pa/ 'dab ma stong phrag brgya pa gang yin pa 'di'i dbus su gnas par gyur nas/ pad+ma'i rdzing bur mu su lun d+ha la sogs pa rnams la chos ston par byed do/ / de'ang smon lam gyi dbang gis 'thab bral ba'i lha rnams kyi nang du skye'o// phan pa'i don dang bde legs su 'gyur ba'i don du ste/ phan par 'dod pa dag gis der skyes so/ / de dag rnams la chos ston par byed de/ bag med pa spang ba'i don du'o// lha gsar du skyes pa de mthar gyis rnam par yangs pa'i pad+ma'i rdzing der bslabs par gyur to// de mngon par mthong nas kyang dus bzangs des tshigasu bcad pa brjod pa/ ji ltar/ 'dod pas ngoms pa med pa dang // sred pas kyang ni gdungs pa yi// sems dang dbang po g.yo ba yi// dus 'di

  602. 302a

    yongs su 'da' ba yin/ / 'ching ba lnga yis bcings gyur cing // dug gis rnam par rmongs pa yang // dus gsum la yang rnam rmongs pa'i// dus 'di yongs su 'da' ba yin/ / 'gro ba'i btson ras bcings na yang // skyo ba'i dbang du 'gro min pa// bag med yul gyi rmongs pas kyang // dus 'di yongs su skyel ba yin// rgod dang khrel med chags pa dang / lus kyi mdzes pa la dga' zhing // 'dod pas 'di ni ngoms med pa'i// dus 'di kun ni 'gag pa yin// mi rtag bsgrub par mi nus pa'i// bde la chags pa'i lus can rnams// bud med mthong bas brgyal ba yi/ / dus 'di yongs su 'da' ba yin// skye dang 'chi ba'i dbang nyid dang // sred pas kyang ni rmongs pa yi// byis pa'i skye bo rnams kyi yang // dus 'di yongs su 'da' ba yin// gti/ mug mun par bying ba dang // kun nas 'dod chags kyis phrogs pa'i// sred pas ngoms pa med 'di yi// zhe sdang 'ching bas bcings nas ni// dus 'di yongs su 'da' bar byed// log par lhung ba mngon mi shes/ / rnam par rtog pas nye bcom pa'i// skye bo chags pa'i yid can rnams// dus 'di yongs su 'gag pa yin// dus de tsam du dga' 'gyur yang // yongs su smin nas phan min pa'i 'dod pa la ni chags pa'i yid/ / dus 'di yongs su skyel ba yin// sngon gyi sdug bsngal mngon mi shes// lha yi bde la dga' ba yang // rnam bral de ni mi shes par// dus 'di yongs su 'da'

  603. 302b

    ba yin/ / las kyi dra bas kun nas bcings// bkren pa nyid kyi byed pa yin// dam pa'i lam las yongs nyams nas// dus 'di yongs su 'da' bar byed// rnam rmongs sems dang bral bas ni// srid pa'i skyon ni shes pa min// gti mug mun par nub pa yis// dus 'di yongs su 'da' bar byed// las zhags gcig gis bcings nas ni// grogs med gcig pu'i lus can rnams// lha mo'i tshogs kyis rnam rmongs pas/ / dus 'di yongs su 'gag par byed// dbang po rnams kyis khrid pa dang // dam pa'i lam la 'khrul pas kyang // bud med de ni shes min pas// dus 'di yongs su 'da' bar byed/ / sdom dang sdom min shes min dang // gnod sems mang por gyur pa dang // legs par bsdams pa'i lam zhig pa// dus 'di yongs su skyel bar byed// phan dang phan min phyi rol dang / / don dang don min la rmongs pa'i// rtsed mos byis pa dang mtshungs pa'i// dus 'di yongs su 'da' bar 'gyur// chu klung 'bab chu lteng ka dang // nags dang skyed tshal sa gzhi la// rtse dga' la ni ched che 'di'i// dus ni yongs su zad pa yin// khang bu dang ni ri steng dang // pad+ma'i tshal gyi rdzing bu yang // dga' bar 'dod pa'i longs spyod la// dus 'di yongs su 'da' bar byed// las dang las kyi rnam smin la// snang ba med pa'i lus can rnams// zas la chags pa 'ba' zhig gis// dus 'di yongs su zad par byed// khams gsum 'di na rtag tu yang // las kyi

  604. 303a

    rlung gis yongs su bskor/ / khrul 'khor bzhin du rtag tu 'khor// byis pa rnams kyis go ba'ang min// mthon po'i rang bzhin 'phyang mo zhon// skyes bu log par lhung ba yin/ / rnam par rmongs pas skyon rnams ni// bzlog la rab tu 'bad mi byed// de dag dang ni de las gzhan// 'dod pa'i bde ba yongs spong ba// 'dod dang bral ba brtan pa yi// skyob pa mya ngan 'das pa yi/ / de ni thog ma bar tha mar// dge ba'i bde legs bla na med// gang zhig thob nas thub pa rnams// yams dang bral ba'i zhi bar rgyu// 'dod skyes srid bde dam pa ni// de ni log lhung nang du chud// sdug bsngal rnam smin skyes min pa'i// 'dod pa'i khyad par 'ga' zhig med// de phyir 'dod pa zhes bya'i blo// nam yang skyod par mi bya'o// de yang sdug bsngal rnam 'khor ba'i// rgyur gyur shin tu mi bzad pa'o/ / de ltar ngang pa des lha gsar du skyes pa de mngon par legs par mthong nas tshigs su bcad pa brjod la yul rnams la smad ra yang byas so// des de lta bu rnams kho na bshad par gyur pa na lha de mtha' ma nyid thob par 'gyur ro/ / lha des legs par bshad pa de dag rnams la brtsi bgrang ma byas par de bzhin du yul gyis kun tu rmongs par gyur nas// slar yang de nyid kyi mdun du rtse ba dang / dga' ba dang / yongs su spyod par yang byed cing chu la rtse bar byed do// pad+ma'i rdzing bur zhugs par gyur nas pad+ma dag bcad de lha'i bu mo de dag dang lhan cig tu rtsed mo yang rtse bar byed de/ lha rdzas kyi bde

  605. 303b

    ba dang ldan pa'i yul gyis rnam par rmongs pa'i phyir ro/ / phan pa'i tshig de dag rnams nye bar thos par gyur nas kyang dga' bar byed pa de ni 'dod pa'i dbang du song ba'i phyir ro// de nas yang nam mkha' lding gi rgyal po de mun pa'i snod kyi lha de dag rnams la gzhan yang rjod par byed pa/ ji ltar yul 'di dag gis rnam par rmongs par gyur pa des na phan pa'i tshig 'di dag rnams mi thos so// ma thos par gyur kyang song dang de shes par byed par 'byung bar 'gyur gyi/ de ltar nam mkha' lding gi rgyal po des brjod pa dang / lha lha rdzas kyi ches gtso bor gyur pa mchog tu yang rna ba dang yid 'phrog par byed pa'i sgra dag ring ba nas thos pa gyur to/ / legs par byas pa'i las ches lhag par gyur pa'i sgra gang yin pa des pa ta ha dang / gling bu dang / pi wa nga dang / rnga mur pa'i tshogs dang / chags par gyur pa'i glu dang / rol mo'i sgra thams cad nyams par byed do/ / de nas lha gang dag rnam par yang pa'i pad+ma'i rdzing bu na rtsed mo rtse bar byed pa de dag las de rnams thams cad kyang gang nas sgra thos par gyur der kha phyogs te gnas so// de nas ring pab nyid nas 'ong bar gyur pa na khang bu brgya stong gis yongs su bskor zhing lha rdzas kyi glu mkhan gyi sgras chags pa skyed par byed pa'i sgra rnams nye bar bsgrags par gyur pa ste/ ji ltar gza' dang / skar ma dang / rgyu skar rnams kyis yongs su bskor ba'i zla ba rnam par mdzes pa bzhin du/ de ltar rnam par mdzes shing gsal ba yin no// de ltar yang khang bu'i 'phreng ba brgya stong gis yongs su

  606. 304a

    bskor bar gyur pa dang / de'i lus las kun nas 'phro ba'i 'od zer gyi 'phreng ba rnams kyis/ lha'i tshogs thams cad kyi yid 'phrog par gyur pas mchog tu gsal bar byed pa dang / lha mo brgya stong gis kyang nye bar glu len par gyur pas/ shin tu 'thab bral ba rnams kyi bdag po 'ongs par gyur te/ 'dab ma stong phrag brgya pa rin po che sna bdun gyis nye bar snang bar byed pa/ mchog tu mdzes par gyur cing dga' ba'i pad+ma'i dbus kyi snying po gang yin pa de la nye bar gnas shing chos nyan par 'dod pas lhan cig spyod pas yongs su bskor nas/ gang na byang chub sems dpa' dus bzangs nam mkha' lding gi rgyal po yod pa der 'ongs pa yin no/ / de nas nam mkha' lding gi rgyal po byang chub sems dpa' des/ de dag nye bar mthong bar gyur nas brtson pa chen po de rings par 'gro bar byed de/ de'ang dang mo gzhan dag rnams kyis yongs su bskor zhing / ngang pa'ang rin po che bdun gyi nor bu'i thig le rnams kyis rnam par bkra bar gyur pa brgya stong du mas yongs su bskor nas/ nam mkha'i dkyil du 'phags par gyur nas/ gang na 'thab bral gyi mnga' bdag yod pa der nye bar phyin te// ngang pa de dag gis kyang dga' ba'i dbyangs dag kyang nye bar bsgrags so// de bzhin du lha dang bya'i rgyal po dag phan tshun du gus pa dang bcas pa dang / rab tu 'dud pas phyag byas nas smon lam gyi dbang gis 'thab bral gyi lha rnams kyi bag med pa gdul ba'i don du skyes par gyur pa'i byang

  607. 304b

    chub sems dpa' dus bzangs des lha rnams kyi mnga' bdag de la brjod pa/ rnam par yangs pa'i pad+ma'i rdzing bu gang yin pa 'dir 'tha' bral gyi bdag po dus shin tu ring ba nas ci la 'ongs pa lags ngas kyang lha gzhan gyi drung nas thos pa yang / ji ltar mu su lun d+ha ni bag med pas bag med par mi rgyu ba dang / tshogs pa rgyu ba rnam par rgyu ba'i sa dag tu de bzhin gshegs pa drug gi mchod rten de dag rnams la 'dis phyag byas shing lha'i tshogs dang bcas pa rnams kyis/ gang rdzu 'phrul gyi stobs kyis mngon par bris par gyur pa'i mdo de dag bklags shing lha rnams la'ang nye bar bstan no// lha rnams kyang nges par bden pa yin pa'i rgyu 'dis nga khyed kyi drung du ma 'ongs so/ / ngas rnam par yangs pa'i pad+ma'i rdzing bu 'ongs nas rtsed mo rtse bar byed pa'i lha gzhan dag rnams la chos bstan te/ don dam par gyur pa nye bar 'phel bar byed pa/ / dge bar 'gyur ba/ bag med pa dang bral bar byed pa po thams cad la mthar thug par phan par byed par gyur pa'o// de la rgyu 'di dag gis kyang nga lha khyod nyid kyi rtsar dam 'ongs pa yin par shes par gyis la/ mi dga' bar mi bya ba dang / rjes su 'thun par bya ba dang / chos la gus par bya ba rnams bya'o// de nas de'i rlig 'di dag rnams thos nas mu su lun d+has 'di skad ces smras so// / dam pa khyod kyi yon tan 'di dag kyang shes lags kyis 'jigs par ma mdzad cig/ khyod nyid ni 'thab bral na gnas pa'i lha 'di rnams thams cad kyi nye bar gnas pa'i dge ba'i bshes gnyen bcom ldan 'das

  608. 305a

    lags kyis/ nam mkha' lding la mnga' mdzad pa'i rgyal po gshegs mdzod/ ga na rnam par yangs pa'i rdzing bu yod pa der bdag cag gshegs so// 'dir de skad ces phan tshun du brjod nas nam mkha' lding gi rgyal po de'ang 'thab bral gyi bdag po dang / lha brgya stong du ma'i khang bu rnams dang / ngang pa du ma rnams kyis kyang yongs su bskor bar gyur nas/ gang na rnam par yangs pa'i pad+ma'i rdzing bu der legs par 'gro ste/ nam kha'i dkyil nas rol mo'i sgra dang / rnga sgra dang / glu dang bcas pas mchog tu dge bar gyur pa'i sems kyis kun nas bde bar rtogs pa'i yid dri ma med par gyur pas bag dang ldan par rgyu ba dang / de bzhin du rnam pa de srid kyi bag med pa'i sa rnams la 'jug par 'gyur ba'i 'od zer gyi mchog dang ldan par gyur pa rnams rnga sgra dang ldan par song nas rnam par yangs pa'i ming can gyi rdzing 'dir zhugs par gyur to/ / de nas phyin par gyur pa dang lha gzhan ches tu dga' ba'i yid kyis pad+ma'i rdzing bu der rtsed mo rtse ba rnams kun nas legs par gyur pas rtsed mo rtse bar rtsom mo// rtse bar gyur pa'i lha de dag rnams thams cad kyis kyang sgra 'thug po'i sgra kun nas sgrogs par byed pa bzhin du nam mkha'i dkyil de dag rnams thams cad nas thos par gyur te/ thos nas yid 'phrog par byed pa dang / des khro ba med par byed pa dang / rna ba dang yid 'phrog par byed pa rnams so// de nas phyin par gyur pa de dag rnams thams cad pad+ma'i rdzing bu'i bde ba 'dod pa dang / yang yud tsam cig nye bar bral zhing de

  609. 305b

    dag rnams thams cad sgra yang med par gyur pa dang / rnam pa de srid kyi lha rdzas kyi yul rnams kyis kyang khrid par ma gyur cing / g.yo bar 'gyur ba'i sems kyang chos la gus pas kun tu gnas pas g.yo// ba med pa'i sems su gyur cing / chu'i rtsed mo la rnam par dga' ba dang / pad+ma'i rtsed mo la rnam par dga' ba rnams dang yang bral bar gyur pa dang / byas par gyur pa'i las rnams chun mi za ba la kun tu bltas nas/ nam mkha' la 'gro ba'i rgyal po de la/ 'thab bral gyi bdag po des 'di skad ces smras so// ji ltar dus bzangs lags pas bstan par bya ba'i dus 'di yang bzang po yin te/ lha 'di dag rnams rgyags pa dang bral bar gyur pas 'dir lha dang bcas pa 'di rnams la chos bstan par bya ba'i dus 'di ni bzang po lags so/ / de nas nam mkha' lding gi rgyal po skye ba gzhan dran par gyur pa des// bcom ldan 'das 'khor ba 'jig gang yin pa de'i spyan sngar thos par gyur pa'i mdo de bstan pa'i don du dmigs shing / yud tsam cig sgra med par byas te/ de nas de ltar mdo ston par rtsom mo// lha rnams nyon dang chos lnga po 'di dag rnams ni rnam par smad par bya ba yin te/ bag med pa sten par byed pa gang yin pa'i lha rnams sam/ mi yang rung ste/ mi rigs par gyur pa'i skyon yin no// lnga gang zhe na/ 'di lta ste/ bag med par gyur pas bag med par spyod/ rnam par g.yengs pa'i yid kyis gzhan nyid bsam pa na gzhan nyid rjod par byed do// de'ang snying po med pa don med par byed pa po snga ma nga phyi ma 'ga'

  610. 306a

    pa ye yo'o/ / gzhan rnams la yang sems 'dzin par gyur pa ma yin no// de ci'i phyir zhe na/ bag med pas rnam par g.yengs par gyur pa'i blos rig pa ma yin no// bdag gi gtam 'di ci smras pa dang / rnam par de lta bu gcig kyang bdag gis smras par byas pa dang / bdag gis gang la smra bar yang rung ste/ de'i blo rnam par g.yengs par 'gyur zhing / rnam par mi gnas pas gang yang rung ba la de smra bar byed do/ / de de ltar yang mor 'gyur ro// yongs las kha nyen par 'gyur ro// yid du mi 'ong bar 'gyur ro// gzhan dag rnams kyis kyang rnam par gshe bar byed do// de thams cad la rtsa bzhin du bdag nyid 'dud par byed do/ / 'di dag ni skyon dang po yin te/ bag med pas kun tu bcings pa'i skyon rnams kyis kyang / log par ltung ba rnams su skye bar 'gyur ba ni 'gro ba gsum po rnams phan tshun gang yang rung ba rnams su'o/ / 'di ni bag med pas nyams kyi skyon dang po yin no// gzhan yang bag med pa rnams la skyon gnyis pa yod do// gang zhe na/ 'di lta ste/ dgos pa dang / dgos pa ma yin pa rnams mi shes pa'o/ / bag med pas nyams par gyur pa'i blos rtogs par mi 'gyur te/ bdag gis legs par bya ba'i don rnams ni ci yin/ ci ni bya ba ma yin pa yin/ de'i las de dag rnams kyi 'bras bu ni rnam pa ci 'dra ba cig tu 'gyur/ de ji ltar las rnam pa shes pa ma yin pa de dag rnam par smin pa rnams yang mi shes so// de las dang 'bras bu rnams la rnam par rmongs par 'gyur zhing / rmong

  611. 306b

    pa ni lus zhig par gyur nas bag med pa de'i skyon gyis ngan song log par lhung bar gyur pa dmyal ba rnams su skye bar 'gyur ro/ / gzhan yang skyon gsum pa bag med pa la yod de/ bag med pa la kun tu khrid par gyur pa'i lha 'am/ mi rnams kyang rung ste/ grogs po dam pa ma yin pa sten par byed la/ dkon mchog gsum la snyen par mi byed pa dang / shes rab dang / tshul khrims la'ang ma yin/ bla ma rnams la'ang sten par mi byed do/ / skyon dang yon tan gyi khyad par rnams kyang kun tu mi shes so// 'khor ba'i sdug bsngal rnams kyang shes par mi 'gyur ro// las rnam pa sna tshogs pa rnams kyang kun tu mi rtogs so// srod dang tho rangs mi nyal bar brtson par gnas pa'i rang bzhin can ma yin no// de shi bar gyur pa'i 'og tu bag med pa'i skyon gyis ngan song log par ltung bar skye'o// gzhan yang skyon bzhi pa bag med pa la yod de/ de gang zhe na/ 'di lta ste/ de kho nar skyes par gyur pa'i skyes bu rnams dang / lha rnams kyang de kho na bzhin du tshe'i 'du byed rnams zad par 'gyur zhing / legs par byas pa'i las rnams zad par gyur nas ni/ 'chi bdag gi rgyal po 'ong bar 'gyur la/ gang dang lhan cig tu skyes par gyur pa'i bag med pa sten par byed pa rnams la de dang lhan cig tu rnam par 'bral ba 'byung bar 'gyur ro// bzhi po 'di dag rnams gang yin pa dang ni nges pa kho nar lhan cig tu 'bral bar 'byung bar 'gyur ro/ / bzhi gang zhe na/ 'di lta ste/ lang tsho dang / nad med pa dang / srog dang / phun sum tshogs pa rnams so// bzhi po 'di

  612. 307a

    @dag rnams dang ni nges pa kho nar lhan cig tu 'bral ba bya dgos so/ / de dag rnams la yang mkhas pa rnams kyis da bye bar mi bya ba dang / bag med pa de'ang 'dir bsten par mi bya'o// ji ltar bag med pa des kyang 'dir dgra bzhin du 'byung bar 'gyur bas/ / 'dis ni bsten par mi bya'o// bag med pas zil gyis mnan par gyur pa rnams ni lha 'am/ mi rnams kyang rung ste rlag par 'gyur ro// de'i phyir na 'di yongs su spang bar bya'o// gzhan yang bag med par gyur pa rnams kyi skyon lnga pa'o// 'di gang zhe na/ 'di lta ste/ gang la 'jigs pa'i gnas su gyur pa de dag kho na la yid ches par byed de 'jigs pa'i gnas su gyur cing yid mi ches pa ji ltar bud med rnams dang mtshungs pa gzhan nyid ni yod pa ma yin no/ / bag med pa'i dbang du gyur pa'i skyes bu ngan pa rnams ni de dag rnams nyid la yid ches pa skyed par byed cing / gang 'ga' zhig la yid ches par mi byed pa rnams kyang / de ji srid shi bar ma gyur kyi bar du snying la 'gebs par byed pa ste/ ji ltar me'i lhan cig skyes pa tsha ba yin pa de bzhin du bud med rnams kyi yang g.yo dang / 'dod pa can dang / sgyu dang / phrag dog dang / mngon par 'khu bar 'gyur ba dang / nga rgyal dang / mi snyan par byed pa dang / log par bsgrub pa dang / kun tu 'dres pa'i sems dang / skyon de rnams bud med dang lhan cig skyes pa yin te/ bag med pas kun nas khrid par gyur pa'i skyes bu ngan pa de tshig tsam 'ba' zhig gis rab tu rnam par bcom par gyur nas de dag

  613. 307b

    nyid la yid ches par byed do/ / de dag nyid kyis kun nas 'chums par gyur cing blo rab tu sad par byed do// de ltar mdor bsdus par gyur na bag med pa rjes su 'brang ba dang bcas pa rnams skyon chen po lnga yod do/ / rab tu dbye ba las ni tshad med par 'gyur ro// de'i phyir lha 'am/ mi rnams kyang rung ste/ rab tu brtson pa mchog gis bag med pa yongs su spang bar gyis shig/ de dag ni mya ngan las 'das pa'i/ sgo gtan yin no// 'di lta ste/ bag med pa bsten cing bsgoms la lan mang du byas pas ni dmyal bar 'gyur ro// bag med pa bsten pa rnams ni yi dgas sam/ dud 'gro rnams su'ang skye bar 'gyur ro// ngag yod pas gnas pa rnams la ni yon tan lnga po 'di dag rnams yod de/ bag yod pa rnams kyis bsngags pa'o// lnga gang zhe na/ 'di lta ste/ spyod pa kun nas bsdams par 'gyur ba dang / blo kun tu legs par gnas pa dang / bya ba byed pa dang / blo mnyam par gzhag pa dang / tshig tu phan pa byed pa dang / dug rnams bzhin du bag med pa yongs su spong bar byed do// dus rnam pa gsum kun tu rig go// 'di ni bag yod pa la mngon par dga' bar gyur pa rnams kyi yon tan dang po'o/ / gzhan yang bag yod pa la mngon par dga' bar gyur pa'i yon tan gnyis pa yod pa la 'di gang zhe na/ 'di lta ste/ las rnams kyi lci ba nyid kun tu shes pa'o/ / de skyes bu dam pa de la bsten par gyur pas las dang bcas pa'i 'bras bu rig nas bya ba dag byed do// skyes bu dam pa ma yin pa la mi sten no// dman pa'i las rnams mi byed

  614. 308a

    do/ / gang la'ang rtag tu rnam par smod par 'gyur ba dang / gang las skyon mthong ba de dag rnams yongs su spong bar byed do// gang la yon tan mthong bar gyur pa de dag la nye bar bsten to// / yon tan dang ldan pa dang yon tan shes par gyur pa'i blo gros bzang po rnams la sdig pa mi 'byung ngo // gzhan yang bag med pa spangs par gyur pa dang / bag yod pa sten par byed pa'i yon tan gsum pa yod de/ gang zhe na/ de bzhin du srog gi mthar thug par gyur kyang / bud med rnams kyi dbang du 'gro ba ma yin no// tshig rnams la'ang dad par mi byed do// rtag tu de'i rang bzhin la rjes su rtog go// 'jig rten gnyis su 'ching bar byed pa'ang gang gi phyir bud med dag yin par gyur pa de bzhin du yang rig la/ gzugs kyis 'khrul par yang mi 'gyur ro// tshig la'ang dad par mi byed do// de de bzhin du yang dag pa ji lta ba kho na bzhin du so sor rtog par byed do/ / de'i gar dang / klu dang / rgod pa dang / 'gying bag dang / rgyan chas kyang kun nas 'khrid par mi byed do// bag yod pa dang bag yod par gyur pa'i skyes bu de rnams kyis kyang gzhan rnam pa de lta bu'i bag med pa'i gnas rnams mi byed do/ / de'i 'khor yang srabs par 'gyur te/ gang dag du de med kyi bag med pas kun tu 'khrid par mi 'gyur ba rnams so/ / de'ang des spong du 'jug la bag yod pa'ang rjod par byed do// gzhan yang bag yod pa'i yon tan bzhi pa yod de/ 'di'ang gang zhe na/ 'di lta ste/ ngag yod pa ni lon

  615. 308b

    spyod rnams la ma yin/ 'dod pa rnams la yin no// brgyal na dbugs 'byin par byed kyi/ rtag tu blo la mi byed do// sems kyis rab tu rtog par mi byed do// ji ltar 'dod pa de dag rnams ni/ rtag pa dang / brtan pa dang / yid ches pa'i sa'ang ma yin la/ 'di dag rnams ni rgud pa'i mthar thug par 'gyur ba dang / shin tu myur bar rab tu 'jig par 'gyur ba'i chos can no// de bzhin du nad med pa la yang bag yod pa rnams kyis nam yang yid ches pa skyed par ni mi byed de/ nad med pa rnams thams cad kyang nad kyis zil gnon to// de bzhin du lang tsho la yang nam yang yid ches pa skyed par mi byed de/ lang tshe 'di dag rnams thams cad kyang rga bas nye bar zil gyis gnon par 'gyur bas/ de lang tshos sgrub par mi byed do// khengs par mi 'gyur ro// ji ltar gson pas kyang sgrub par mi byed do// rangs par ni byed do/ / dka' slas rnams kyang mi byed do// de ci'i phyir zhe na/ nams kyang 'chi bdag gi rgyal pos 'phrog par byed par 'gyur ba'i phyir ro// de ltar bag yod par spyod pa rnams yid ches par mi byed do/ / 'dus byas kyi chos rnams la bag med par spyad par gyur ta re/ bag yod par gyur pas bag yod par spyod pa la yon tan gzhan yang lnga pa yod pa ni 'di lta ste/ thos pa dang ldan par 'gyur ro// 'phags pa rnams la rjes su sten par byed do// ye shes la mngon par dga' par 'gyur ro// dkon mchog gsum khyad par du byed pa'i rang bzhin can du 'gyur ro// ma gro dang ldan pa'i don rnams rnam par

  616. 309a

    dpyod pa la mkhas par 'gyur ro/ / des 'chi bdag gi dus kun tu shes so// sdug bsngal dang 'chi ba'i rgyu mtshan rnams rnam par shes so// de la lha rnams kyi 'chi 'pho ba'i rgyu mtshan rnams ni thos pa'i don gyis shes so/ / skyes bu 'chi ba'i rgyu mtshan dang / de ngan song du 'gro ba'i rgyu mtshan rab tu 'ong ba rnams kyang shes te/ ji ltar bdag ngan song du 'gro bar 'gyur ro// de'i rab tu bya/ ba rnams kyang kun tu rig go// de la yang sems rab tu dang ngo // de'i sems bskyed par gyur pa tsam gyis ngan song du 'gro ba'i rgyu mtshan de dag nub par 'gyur ro// bde 'gro'i rgyu mtshan yang rab tu 'byung bar 'gyur ro/ / mchog tu gyur pa'i 'bras bu de dag rnams ni bag yod pa'i yin no// mchog tu sdug bsngal bar gyur pa'i 'ching ba rnams thams cad kyi drung na'ang lhag par gyur pa'i 'bras bu yin no// de dag ni bag med pa'i skyon lnga dang / bag yod pa'i yon tan lnga yin no// de nas de'i tshe dus bzangs des 'khor ba 'jig gis gsungs pa'i tshigs su bcad pa rjod par byed pa/ 'dod pa rnam par spangs pa yoyis pa bag yod sangs rgyas bsngags par mdzad/ / rga dang 'chi ba'i log rtse yi// bag med pa ni brtsog pa yin// bag med skye bo grol ba min// bag med sdug bsngal skal ldan yin// bag med 'chi ba de dag gis/ / blo dman rnams ni gcod par byed// bag yod pas ni dge rnams kyi// lha rnams kyi ni gnas su 'gro// de phyir gang zhig bag med pa// rjes sten slar yang ltung ba yin//

  617. 309b

    bab med skyes bu thams cad ni// de ltar 'khor ba las grol mon// gang gis lus can rnams bsdams pa'i// bag med zhig pas nye 'gro rnams// don mon don dang 'dra ba dang // don yang rtag tu don min bzhin/ / bag med pa yi skyes bus ni// thams cad phyin ci log tu mthong // 'jig rten don yang med pa la// nges par legs pa ga la yod// mkhas pa blo yi pha rol 'gros// bag med kun tu rab mi bsngags/ / de phyir bag med pa ni mi yos brten mi bya// de ni ngan song rnams kyi dang po'i rtse mo yin// skye gnas stong du 'gro bar byed pa'i sdug bsngal de// brtan pa srid pa pha rol mchog tu 'gro bas spongs/ / de ltar dus bzangs 'dis lha brgya stong du ma rnams kyis yongs su bskor bar gyur pa'i mu su lun d+ha de'i mdun du chos bshad par 'gyur to// gzhan yang phan pa rab tu zhugs par gyur cing / lha dang mi rnams la phan par 'dod pa'i phyir ro// gzhan yang nam mkha' lding gi rgyal po de nyid kyis mu su lun d+ha la chos kyi mchog rnams ston par byed do// ji ltar lnga po 'di dag rnams ni bag med pa skyes pa'i gnyen por gyur pa la 'di lta ste/ 'di ni bag med pa'i skyes bu rnams ni thams cad las khyad par du sdug bsngal bar 'gyur ro// de bag med pa'i skyon rnams gang dang gang gos sdug bsngal dang ldan par 'gyur ro/ / de skyon dang bcas pa yin par shes par gyur nas yongs su spang bar bya ste/ yon tan dang skyon dag shes par gyur cing / yon tan dang skyon dag mthong bar gyur pa rnams kyis

  618. 310a

    yongs su spangs par gyur pa las ni/ 'di dag don ma yin par mi 'gyur ro// sdug bsngal bar mi 'gyur ro// mi dge ba mngon par 'phel bar mi 'gyur ro// shes bzhin du yang rgyu bar gyur ro 'di ni bag med pa'i gnyen por gyur pa gcig yin no/ / gzhan yang bag med pa'i gnyen por gyur pa gnyis pa gang zhe na/ yang dag pa ji lta ba'i don mthong ba'o// yang dag pa mthong bar gyur pas kyang skyes bu rnams kyis thams cad nges par legs par rtogs par 'gyur te/ de kho na nyid bzhin kho nar mthong bar 'gyur ro// de kho na nyid rig pa de ni bag med pa'i skyon rnams shes par gyur nas/ bag med pas kun tu bkri bar mi nus so/ / gzhan yang bag med pa'i gnyen po gsum par gyur pa rnams 'di lta ste/ bag yod pa sten par byed pa gang yin pa de dag rnams la sten par byed do// de dag rnams kyi drung nas tshul khrims srung bar byed do/ / spyod pa rnams rnam par bgrang bar byed// lus ngag gi bya ba rnams kyang slob par byed do// tshul khrims de dang mnyam pa yod pa rnams lhan cig tu gnas par byed do// bag med pa de dag nyid kyi skyon rnams shes par gyur nas yongs su spong bar byed pa rnams kyi ni mthar 'bral bar 'gyur ro/ / gzhan yang bag med pa'i gnyen por gyur pa bzhi pa 'di dag kyang gang zhe na/ 'di lta ste/ ye shes dang / tshul khrims dang ldan par gyur pa'i skyes bu rnams ni rtag tu'ang de nyid pa mngon par dga' bar gyur pas/ bag med pa rab tu 'joms so// bag yod pa rab tu sten par byed do// bag med pa bcom par gyur

  619. 310b

    pa'i de'i bde ba rnams nye bar 'gyur ro/ / sdug bsngal ring du byas par 'gyur ro// gzhan yang des bag med pa'i skyon rnams mthong bar gyur cing / de de kho na bzhin du bag med pa rnams spong bar byed do// 'di na ngag med pa'i gnyen po bzhi pa yin no/ / gzhan yang bag med pa'i gnyen po lnga pa 'di lta ste/ skyes bu bag med pa'i nyes dmigs can rnams la rgyal po 'am/ rgyal po'i blon po rnams kyis kyang rung ste/ chad pas gcod par byed pa rnams ji lta ba bzhin du mthong ba'o// de'i srog gi chad pa 'am/ de'i rang gi thams cad 'phrog par byed pa'i chad pa 'am/ de'i lus sgyur bar byed pa 'am/ de'i lam pa gcod pa byed pa 'am/ rnam pa de lta bu'i chad pa rnams bag med pa las byung gyur pa gang gi tshe mthong ba/ de'i tshe de las gzhan pa'i bag med pa rnams la yang 'jigs par 'gyur ro// de'i 'jigs pa dang bcas par gyur pa nyid kyis/ dri ma can gyi bag med pa rnams yongs su spong bar byed do// de bzhin du bag med pa rnams rab tu 'jom par yang byed do// bag yod pa'ang kun tu sten par byed do// de las rjes su dpags pas de sdig pa rnams mi byed de/ bdag dmyal bar skye bar ma gyur cig snyam du bsams pa'i phyir ro// bag med pa bsten par gyur pa'i lha de dag rnams ni sdig pa byed do// 'di ni bag med pa'i gnyen po lnga pa'o/ / de ltar bag med pa de dag ni lha rnams la ni mdzes pa ma yin la/ mi rnams la'ang ma yin no// mdo sde de dag thos nas kyang lha mang po rnams mchog tu yid byung bar gyur nas bag med pa

  620. 311a

    yongs su spong bar byed do/ / mu su lun d+has kyang nam mkha' lding gi rgyal po des bshad pa de rnams la mngon par dga' zhing rjes su yi rang bar yang gyur nas/ slar yang lha'i tshogs de dag rnams nyid dang / ji ltar 'ongs par gyur pa ltar nam mkha' la 'phags pa te dong ngo // de dag rnams las kyang gzhan du gyur pa'i lha lhag ma rnams kha cig ni rnam par yangs pa de nyid kyi nang na rtsed mo rtse bar byed do// kha cig ni ji ltar 'ongs par gyur pa de bzhin du slar yang nags dang nye ba'i nags rnams su zhugs par gyur cing lha dag rab tu rtse bar yang byed do// de ji srid du 'dod pa sdug pa yid du 'ong ba byas shing bsags par gyur pa'i legs par byas pa'i las rnams zad par ma gyur pa'i dus de srid du lha'i ris der rtse bar byed cing dga' bar yang byed do/ / de de dag rnams zad par gyur cing lha'i ris de las 'chi 'phos par gyur nas kyang nga ji ltar las kyis nye bar 'gro ba dmyal ba dang / yi dgas dang / dud 'gro rnams su skye bar 'gyur ro// gal te na 'ga' zhig mi rnams dang skal ba mthun par gyur pa mir skyes na/ de mchog tu skyid pa nyid du 'gyur te/ las de'i rgyu mthun pas yid gzhungs pa dang / shes rab kyis 'tsho ba dang / rgyal po mngon par 'dod pa dang / shin tu phun sum tshogs par 'gyur ro// 'gro ba dang yang dag par ldan pa'i sa rdzogs so/ / / gzhan yang dge slong las kyi 'bras bu rnam par smin pa shes pa de 'thab bral ba rnams kyi sa la kun tu lta bar byed do// ji ltar yod pa'i 'bab bral ba rnams kyis

  621. 311b

    'od zer 'phro ba zhes bya ba des thos pa las byung ba'i shes rab kyis mthong ngo / / der las gang gis sems can rnams skye bar 'gyur ba'ang des mthong bar gyur pa ni/ skyes bu dam pa gang gis thos pa'i don dang lngar ning tshul khrims dang ldan par gyur te/ mchog tu gyur pa'i yang dag pa'i lta ba gang gis pha rol la yid gdung bar mi byed pa dang / drang po dang yid drang por gyur pas srog gcod pa dang / ma byin par len pa'ang spangs par gyur pa rnams ni sngar bzhin no/ / 'dod pa la log par g.yem pa'ang rnam par spangs par gyur pa'o// de ltar yang cung zad cig kyang bud med dag la tshul bzhin ma yin pa yid la byed par gyur pas lta bar mi byed de/ 'dod pa la log par g.yem par 'gyur ba'i 'jigs pa rnams kyis 'jigs pa'i phyir ro/ / shin tu rnam par dag pa'i las/ shin tu rnam par dag pa'i 'tsho ba/ las kyi mtha' rnams shin tu rnam par dag par gyur pa de lus zhig nas mtho ris bde 'gro'i 'jig rten 'od zer 'phro ba can gyi sar skye bar 'gyur ro/ / de las skyes par gyur pa ni lha rdzas kyi yul rnams la longs spyod par gyur pa'i bud med brgya stong gis yongs su bskor ba/ las kyi mtha' rnams yongs su dag pa'i 'dod pa'i yon tan lnga'i rgyags pas dbang po drug gi dbang du song bar gyur nas/ de nags dang / nye ba'i nags su kun tu blta ba la bag med pa rnams ji lta ji ltar lha des lha rdzas kyi sred pa du ma rnams rnam pa du mar mthong bar gyur pa de ltar bag med par rgyu bar 'gyur ro/ / 'di ltar gyur pa yin te/ lha de lha rdzas kyi yul de dag rnams nyid sgrub pa la ched che ba yongs su sgrub pa lhag par 'gyur ro//

  622. 312a

    de dga' bar gyur pa'i sa bzhi mnyam pa/ mnan na nem pa/ bteg na 'phar ba/ 'jam por gyur pa rin po che sna bdun dang ldan pas shin tu rnam par phye ba'i sa gzhi'i na mchog tu dga' bar gyur pa la rab tu 'jug par byed do/ / sa gzhi de ni rnam pa 'di lta bu rnams yin te// shing gang dag rnams la zhon par gyur pa de dag rnams kyang / de kho na bzhin du reg par bzod par 'gyur ro// mchog tu gnyen par gyur par sbyangs pa/ 'jam po'i gser gyi 'dab ma dang 'bras bu rnams ji ltar 'dod par gyur pa'i ro dang / dri dang / kha dog dang ldan pas shin tu yang lha rnams zas kyi rgyur 'gyur ro// de ltar lha de dag rnams nyid 'di ltar 'gyur te/ gang gi tshe bdag cag rnams 'bras bu 'di dag rnams las mchog tu ro dang / dri dang / kha dog dang / reg bya rnams phun sum tshogs pa'i btung ba 'bras bu de dag las 'bab par gyur mod/ de nas sems bskyed pa tsam nyid na lha de rnams nyid kyi drung du 'bras bu bzang po de dag las btung ba snga na med pa/ ro dang kha dog gi yon tan dang ldan pa sa tu 'bab pa'o// de bang lhas nor bu'i rang bzhin gyi snod legs par bzhag nas lha mo dang bcas pa rnams 'thung bar byed do/ / de dag gi btung ba de'ang dman pa dang / bar ma dang / mchog tu gyur pa'i kha dog dang / ro dang / drir 'gyur te/ las du ma nams dang 'dra ba yin pas/ ji ltar le par byas par gyur pa'i las rnams ni ros kyang so sor ston par byed pa lta bur 'gyur ro/ / de nas lha de dag rnams btung ba de 'thungs par gyur nas/ gzhan yang rgyags pa du mas rgyu bar byed cing / bag med par rgyu

  623. 312b

    bas bsregs nas/ nags dang / nye ba'i nags rnams blta ba'i g.yo 'gul gyis bsregs pas rab tu gar byed pa dang / glu dang / ga ra dang / rgod pa dang / phan tshun du ldan cig tu spyod par byed pas/ gang nanags dang / nye ba'i nags rnams yod pa der nye bar 'gro bar byed de blta bar bya ba'i don du'o// de gang kho na nas ji ltar 'gro bar byed pa des de kho na nas rnam pa du mar dpe med pa'i lha rdzas kyi gzugs rnams mthong na dga' bar 'gyur ro/ / so sor ston par byed pa lta bur gyur pa'i ro yang myang bar byed do// de la des rnam pa du ma dang / rnam par rtog pa du mar gyur pa'i ro rnams myang bar byed do// de bzhin du yid 'phrog par byed pa gang yin pa kho na'i dri rnams snom par byed do/ / de las des rnam pa du ma dang / rnam par rtog pa du mar gyur pa rnams snom par byed do// yid kyi rjes su mthun pa'i reg bya 'dod par gyur pa rnams gang dag kho na yin par lha rnams kyis reg bya reg par 'dod/ pa de nyid/ rnam pa du ma dang mchog tu bde ba'i rjes su mthun pa rnams la reg par byed do// lha sgra gang dang gang dag nyan par 'dod pa de nyid rnam par rtog pa du ma dang mnyan par dga' ba'i sgra du ma rnams kyis/ yid kyis rjes su mthun par gyur pa'i rnam par rtog pa du mas nyan par byed do/ / lha mchog tu dge ba'i tshul khrims kyi 'bras bu la nye bar longs spyod bar gyur pas/ yon tan rnams phun sum tshogs par gyur pa'i yul lnga po rnams la rnam par spong ngo / / de dag de ltar rnam par rgyu zhing rtser mo rtse ba la blos ldang bar gyur pas/ ngas yar ring po yal gi bde bas ngoms pa med pa rnams kyis// de nas mngon par dga' ba'i chags zhes pa ba'i nags

  624. 313a

    mthong bar gyur pa la/ shing ljon pa brgya stong du ma dang ldan pa nye 'khor na'ang nye ba'i nags kyis kun tu brgyan pa'o// mngon par dga' ba'i nags de na yang dga' ba 'di dag rnams yod de/ de dag nags ni ji ltar so so tha dad pa rtsa ba dang / yal ga dang / yal ga phra mo dag dang ldan par gyur pa yin la/ de la ngos gcig gi nye 'khor kun nas mchog tu dkar ba dang mchog tu dkar bar snang bar gyur pas/ gangs kyi mdog dang zhad 'dra ba'i nags ni dngul gyi ljon shing gi nags zhes bya ba yin te/ nye 'khor de ni de bzhin du kun tu snang bar byed do// ji ltar 'dzam bu'i gling du zla ba rgyas par gyur pa de bzhin du 'od zer rnams yin no/ / nags der gtogs pa'i shing re re'i 'od kyang de bzhin du 'gyur te/ yul thams cad las kyang mchog tu dga' bar gyur pa des/ mig sngar dga' bar gyur pa'i 'od kyis sdug par 'dzin pa skyed pa'o// gzhan yang logs gzhan ni kar ke tan bzhin du nye bar mdzes par gyur pa ste/ mchog tu dmar ba'i tshogs su gyur pa bod dmar po rnams kyis rnam par brgyan pa/ 'dab ma dmar po rnams la bya dmar po'i tshogs kyis kun tu brjod par gyur pas mngon par dga' zhing rnam par snang ste/ rnam par rtog pa du ma gyur pa rnams thas cang las mchog tu dmar bar snang bas/ dmar bar gyur pa'i nags des nam mkha' rnam par gsal bar byed do// rtag tu mngon par dga' ba'i logs gzhan gsum pa de'i logs kyi zhe 'khor na nye ba'i nags dang /

  625. 313b

    ldan pa/ kha dog cig tu gyur pas kyang / shin tu khyad par du 'bar bar byed par gyur pa ni mthing ka rab tu ngang ba'i mdog dang ldan pas 'a 'khor kun tu 'od zer gyis snang bar byed do// de'i 'od rnams kyis kyang de las gzhan pa'i nam mkha'i dkyil rnams kyang de bzhin du sngon pos shin tu bar yang mdzes so/ / 'dzam bu gling pa'i nam mkha' ji lta ba de bzhin du bai DUR+Ya de'i 'od rnams kyis de dag rnams kyang mdzes par byed do/ / rtag tu mngon par dga' ba'i nags de ni phal che ba nyid du gzhan yod pa ni ma yin gyi/ nye ba'i nags shel gyi rang bzhin du gyur pa/ nye 'khor na mchog tu dang bar gyur pa'i 'od rnams kyis rnam par snang bar byed do/ / rtsa ba dang / 'dab ma dang / yal ga dang / yal ga phra mo dang ldan pas chen por gyur pa chu klung dang / 'bab chu dang / rdzing bu phun sum tshogs pa du ma dang ldan par gyur pa'o// nags chen po de nyid logs gzhan la'ang nags rnam par snang bar byed pa ni in+d+ra nI la'i ljon shing gi nags yin te/ rtsa ba dang / yal ga dang / 'dab ma dang / ze ba dang ldan par gyur pa/ nye 'khor rnams ni mchog tu sngo ba dang ldan pas yid 'phrog par gyur pa'i 'khri shing rnams dang ldan pa la/ rnam pa sna tshogs par yid 'phrog par byed pa'i bde ba'i sgra dang ldan par gyur pa'i bya rnams kyis gang ba/ pad+ma'i rdzing bu rnam pa du ma dag gis kyang nye bar mdzes par gyur pa'i nye ba'i nags rnams kyi rnam par snang bar byed do/ / de nas 'od zer 'phro ba'i lha de rang gi las rnam par 'phro ba'i 'od kyis kun nas brgyan pa'i lus

  626. 314a

    can rnams gang na rtag tu mngon par dga' ba'i nags yod pa der nye bar legs par 'gro bar byed la/ lta bar 'dod pas dang rtse bar 'dod pa'i phyir te/ nags dang nye ba'i nags de dag rnams su rtsed mos rgyu bar 'dod pa rnams sred pa'i rgyan rgyun gyis kun nas bcings shing 'dod pa'i yon tan lngas ngoms pa med pas kun nas drangs nas lha de slar yang kun tu dga' bar gyur pa dang / rtse bar gyur pas gang na rtag tu mngon par dga' ba'i nags zhes bya ba'i ming can der de nye bar 'gro bar byed do/ / nags de'i yang nang na yang thams cad rnam par bkra bar gyur pa ste/ rnam pa sna tshogs pa'i kha dog gi me tog du ma rnams dang ldan pa dang / 'bras bus gang bar gyur pa'i nags de'ang ljon shing gi mchog tu dri zhim pa dang ldan pa rnams kyis khyab par gyur pa'o// bung ba rnams 'bab par gyur pas kyang me tog gi 'khri shing rnams mngon par khyab pa dang / rtag tu ming 'phrog par byed pa'i bya'i tshogs dag gis kyang bstan par gyur pa'i 'khri shing kun nas dud pa rnams kyis nye bar mdzes pa dang / 'od zer gyi 'phreng ba kun tu 'dras par gyur pa/ 'bab chu dang / chu gshor dang / rdzing bu dang / khang bu dang / chu tshag tshig dang / shing gi tshang tshing dang / 'khri shing gi khang pa dang / me tog gi 'byung gnas rnams kyis nye bar mdzes par gyur pa ste/ rnam par rtog pa du mas nags kyi rgyal po rnam par bkra pa/ 'khri shing kun nas 'khribs dga' ba'i sa gzhi shin tu dga' bar gyur par shin tu bar rnam par snang ngo // lha'i tshogs gzhan dag

  627. 314b

    brgya phrag rnams kyis kyang lan cig ma yin par bsten par gyur pa/ 'khri shing gi khang pa dang / pad+ma'i rdzing bu dang / chu klung gi ngos dang / 'bab chu dang / sman ljongs dang / ljon shing gi tshang tshing rnams bsnyen par gyur pas ches dga' bar gyur pa/ glu dang / gar dang / rgod pa dang / 'gying ba dang / rgyan cha'i sgras yid 'phrog par gyur pas rab tu glu len pa bzhin du nags de nye bar rnam par snang bar bde ba'i d on du nags kyi me tog rnams rab tu g.yo bar gyur pa ni rlung legs par rab tu g.yo bas me tog gi rgyan rgyun rnams 'phyang zhing rab tu skyod par byed par gyur pa rnams ni rab tu gar byed pa bzhin du nags de dag rnams thams cad ches lhag par rnam par snang bar gyur pas lham me'o/ / de nas lha de dag rnams nags der zhugs par gyur pa dang / yid shin tu ngo mtshar zhing yid ches rab tu rangs par yang gyur nas/ phyir zhing nyid kyang kun tu rtsom pa lta bur gyur pa'i yid kyis phan tshun grogs byas par gyur nas rgyags pa la don gcig pa rnams gar byed do// rgod par byed do// glu len par byed do// rtag tu yang yul rnams la phyogs par gyur pa'i yid dang / bag med pa la 'gro bar byed pa'i yid kyis nags kyi gse ba rnams su rtag tu lha mo rnams dang rtse bar byed do// de de ltar rtse bar gyur pas nags nas nags rnams su dga' bar gyur pa las gal te shed na mA dA ra'i tshal du phyin te/ rin po che bdun gyis nye bar spras par gyur pa'i bcud du gyur cing snying por gyur pa/ nags de'i rgyal po lta bur gyur pa/ nyi ma brgya pas lhag pa'i 'or zer rnams

  628. 315a

    kyis rnam par mdzes par gyur pa'i pad+ma'i rdzing bu'i dbus su 'gro bar byed de/ de na'ang mA dA ra ba'i shing ljon pa la rnam par bkrab zhes bya ba'i rma bya'i rgyal po rab tu gnas so// thig le bdun gyis rnam par brnga bar gyur pa'i sgromagrin pa'i dbyangs shin tu snyan pa dang ldan pas nags rnams ma lus pa rnams gang bar byed de/ bag med pa'i lha rnams kyi bag med pa 'dul bar bya ba'i don du smon lam gyi dbang gis byang chub sems dpa' der skyes pa yin te/ lha de dag rnams ni yul lnga'i me rnams kyi dbus su song ba'i phyir na 'dod chags kyi mes 'di na bsreg par gyur pa rnams kun tu mngon par mthong ba nas ljon shing gi yal ga'i bar du song nas/ rab tu brtan pa'i 'gros kyis rjes su thugs brtse bar gyur pas lha de dag la 'di skad ces smras so// lha 'di dag rnams ni nges pa kho nar shin tu bag med pa rnams kyi yang mchog tu gyur pas ltung bar 'gyur ba ni shin tu mgo ba yin no/ / de dag rnams kyis bde ba 'di dag rnams las shin tu 'da' bar 'gyur te/ 'di dag rnams skad cig pa yin zhing brtan pa ma yin pa'i lha rnams kyi bde ba thams cad ri rab tu lhung bar 'gyur te/ ri gzang po'i chu'i bang dang 'dra bar shin tu 'jug par 'gyur ba yin no// de dag rnams rnam pa thams cad du yang mi go bar bag med pa'i phyir na chos lhag par sred pa rnams don du gzhar bar byed do/ / de nas de'i tshe rnam par bkra ba'i rma bya'i rgyal po des tshigs su bcad pa brjod pa

  629. 315b

    dzaM ltar/ rnam pa sna tshogs rmi lam ngon// chu yi nu bur dang 'dra ba// dri za'i grong khyer dang mtshungs pa'i// las la lha rnams lhung ba yin// sred pa skyed byed ltar gyur pa// mthar ni rnam par 'jom byang dang // 'od byed rnam par yangs pa yi/ / 'dod pa la ni lha lhung ngo // shin tu myur bar brag par chu// shugs kyis 'bab par gyur lta bu'i// ngan song rnam pa lnga por 'ong // lha ni 'dod pas bsgyur ba yin// shin tu g.yo ba'i rlung shugs kyis/ / g.yo ba'i rlabs kyi chu zla dang // zo chu na 'khor mo'i lim log lha'i// 'dod pa la ni lha rnams lhung // glog dang zo chun 'khor mo mtshungs// smig rgyu dang yang mtshungs pa dang // lbu ba bzhin yang snying po med/ / 'dod pa la ni lha rnams lhung // glang chen rna ba g.yo ba dang // chu shing lo ma mtshungs pa yi// 'phags min skye bo kun dga' ba'i// rnga sgra la ni lha rnams lhung // ki ma pA ka yi 'bras bu mtshungs// 2mchil zas kyi rigs can dang / / sgyu ma bzhin dang mi rtag pa'i// 'dod pa la ni lha rnams zhugs// dga' bar gyur pa'i bud med kyang / 'jigs bcas nye bar 'tshe ba dang // nga rnams shin tu stong pa dang // g.yo bar byed pa'i med par can/ / ltung ba dmar po de dag gi/ 'dod pa la ni lha rnams lhung // srid pa'i 'ching ba'i rgyur gyur pa'i// bag meng gcig pu'i ro shes pa'i// ngan song myur dang mi bzad pa'i// 'dod pa la ni lha rnams lhung dga' bar gyur pa'i bud med ni/ / 'jigs bcas nye bar 'tshe ba dang // dug dang me dang mtshon 'dra ba'i// 'dod pa la ni lha rnams lhung // de rtag tu mngon par dga' ba'i nags su zhugs par gyur pa'i lha de dag rnam

  630. 316a

    la des rjes su ston par byed do/ / rnam par bkra ba'i rma bya'i rgyal po da mchog tu dga' ba'i kun tu rtog pa dang yang dag pa dang ldan par gyur pa'i smon lam gyi dbang gis lha'i ris de nyid du skyes par gyur la/ des de dag rnams mir gyur pa gang yin pa na/ de dag gis mthong ba'i dngos po 'dra ba de rnams kyi dper 'jal bar byed kyi/ lha rdzas rnams kyis ni ma yin te/ rgyu gang gis lha de dag rnams kyis cung zad thos par gyur pas skye ba gzhan rnams rjes su dran par gyur cing / de las kyi 'bras bu de dag rnams rjes su dran par gyur nas rtag tu sgom par byed pa dang / de shin tu lhag par yang 'dod pa rnams la sgrub par mi byed pa dang / de ltar byas pas kyang mi bzhin du rtag tu so sor 'gyod pa dang ldan pa dang / 'dod pa'i nyes dmig rnams kyang ste/ legs par babashad pa rnams lha de dag kha cig gis thos par gyur nas skye ba gzhan dag dran pa dang ldan par gyur to/ / de las nges las rnams kyi 'bras bu dran par gyur nas yud tsam zhig 'dod pa rnams la bag med pa dang ldan par mi byed do/ / dge ba rjes su dran pa'ong kun tu skye bar 'gyur ro// de dag rnams kyis 'dir yud tsam zhig phan par 'gyur ba dang / bde bar 'gyur ba dang / skye ba gzhan brgya stong 'phen par byed pa rnams kyang kun tu byung bar gyur pa ni/ gzhan la phan pa la rab tu zhugs pa'i byang chub sems dpa' rnam pa bab pa des tshigs su bcad pa de dag rnams bshad pa'i rgyas bya

  631. 316b

    bayin no/ / de nas slar yang dbang po na nyid kyis gan nas khrid par gyur nas nags de nyid pan tu lta bar rtsom par byed de/ de garnams kyi mgo bo la ni pad+ma'i 'phreng ba can rang gi 'od dang ldan g+ha rdzas kyi rgyan gyis kun nas brgyan pa/ rnga skad yan lag lnga dang ldan pas kun nas bsgrags pa'i sgra'i rgyags pas rgyags pa rnams so// nags den ni rab tu phal che bar gyur pa'i shing ljon pa dang / 'bras bu dang / chu klung dang / 'bab chu dang / rdzing bu dang / chu mig rnams phun sum chog par gyur pa rnams shin tu khyad par du 'phags par yid dga' bar gyur pa rnams mthong ngongo/ / lha rnams bag med par gyur pa la ro gcig tu byas nas/ skye ba dang / rga ba dang / 'chi ba'i 'jigs pa dang rnam par bral bar gyur pas de dag rnams de ltar gar byed par 'gyur zhing / me tog gi 'phreng ba'i nags zhes bya ba'i nags gzhan du legs par rjes su phyin par gyur to// nags de na'ang shing shA la'i 'khri shing brgya stong du ma dang ldan pa/ shing dang me tog du ma kun tu 'byung bar 'gyur ba rnams kyi mdog dang / dri dang / dbyibs dang / 'dab ma dang / myu gu dang / ze'u 'brur gyur pa'i me tog rnams kyis nye bar mdzes par byas pa/ me tog de dag rnams thams cad ni 'khri shing la legs par rab tu brgyus pa rnams yin no/ / de dag rnams kyi nags dag cig na yod pa rnams ni/ rin po che bdun gyi rang bzhin du gyur pa'i rnam par bkra ba'i gzugs

  632. 317a

    dang sgra mchog tu snyan par gyur pa'i dbyangs rnam pa du ma dang ldan pa'i bung ba rnams kyis nye bar mdzes pa dang / me tog gi 'phreng ba'i nags de na rnam par 'gyur ba du ma'i me tog gi 'phreng ba rnams kyis lha de dag rnams rnam pa sna tshogs pa'i rtsed mo rtse bar byed do/ / de de ltar mdzes par gyur pa las kyang / slar yang bcu 'gyur bas ches lhag par mtshungs par lha mo rnams kyis mdzes par gyur to/ / lha mo rnams kyang me tog gi 'phreng ba'i nags rnams na ched cher gyur pas phan tshun du gnod pa dang bral bar gyur nas/ don gcig tu gyur pa'i nags dang / nye ba'i nags kyi 'od kyi rang bzhin sgron ma'i shing gi gseb rnams kyi me tog 'thog par byed do/ / rnam pa du mar gyur pa'i me tog rnams kyis/ gang 'ga' zhig gi dri ni dpag tshad lngar 'gro'o// kha cig gi ni bcur ro// kha cig gi ni nyi shur ro/ / kha cig gi ni dpag tshad sum cu rtsa gnyis su dri rab tu rgyu'o// de ltar nags de na mchog tu dri phun sum tshogs par gyur pa'i rnam pa du ma'i me tog rnams dang yang nye bar ldan pas lha mo dang lha de dag rgyags pas thams cad rtse bar gyur cing rgod par gyur pas gang na bag med pa'i chu zhes bya ba'i chu klung der 'gro'o/ / btung ba de'ang sgra dang / rnye bya dang / ro dang / gzugs phun sum tshogs par 'bab bo/ / de mthong bar gyur nas lha de dag rab tu dga' ba'i yid kyis 'thung bar 'dod par gyur nas chu klung gi 'gram du 'khod do// skom par gyur nas kyang de dag rnams kyis 'thungs par yang gyur to//

  633. 317b

    rtag par rgyags pa zhes bya ba'i bya bag med pa'i chu klung de nyid kyi 'gram na rab tu gnas so// nges tshigs su bcad pa brjod pa ji ltar/ bag med chu bor kun tu nub// yul rnams kyis ni kun tu 'khrid/ / yid ni rnam par rmongs byed pa'i// myos byed btung bas yang ci bya// yul gyi me yis bsregs pa yis// don dang don min mi shes phyir// nags dang nye nags su brkam pa// myos byed btung bas kyang ci byas/ / de ltar rtag par rgyags pa'i bya des mchog tu myos byed kyi btung ba la kun tu chags par gyur pa rnams mngon par mthong nas/ rjes su 'doms par byed pa'i tshigs su bcad pa brjod de/ de dag rnams kyis ma thos nas/ slar yang myos byed de nyid 'thung bar byed do// mchog tu rangs pa'i yid can 'od kyi 'phreng ba mchog dang ldan pa rnams de me tog gi 'phreng ba'i nags der yang dus ring du rnam pa du ma rnams dang / gzhan yang mi 'dra ba rnams kyi myos byed kyi bya ba dag byas nas/ slar nyid kyang yul gyis ngoms pa med pas 'dod pa'i yon tan lnga po des kyang bag med par gyur nas/ rnga skad yan lag lnga dang ldan pas lhan cig tu gar byed par gyur cing / gang na me tog gi khang pa zhes bya ba yod pa der nye bar legs par 'gro bar byed de/ bro gar dang / glu dang / rol mo'i sgra dang bcas nas rgyags pas rnam par rgyu ba rnams 'gying bag gis 'gro bar byed do// de nas me tog chen po phun sum tshogs pa'i nags de kun nas lhag par lta bar byed de/ lha rnams snga na med

  634. 318a

    palta bas gdungs pa'i phyir ro/ / lha de dag rnams yang de ltar dga' ba'i nags dang / nye ba'i nags dang / pad+ma'i tshal dang / rin po che bdun gyi ri'i rtse mo dang ldan pa'i lha'i ris de dag rnams mngon par mthong nas mchog tu ngo mtshar skyes par gyur te/ ca co dang mig kyang rig rig por gyur cing nye 'khor kun tu mig sgyur bar byed pas kyang ngoms par gyur pa ni ma yin no// lha de dag dang lha mo rnams kyang de kho na bzhin du snga na med pa mthong bas g.yo zhing zhen pas/ de rim gyis rnam par rtog pa brgya stong du mas me tog dang nye bar ldan pa'i me tog gi khang pa kun tu mngon par mthong bar gyur pa des slar nyid kyang yid ches pa/ rtsom pa dang ldan pa bzhin du gar byed pa dang / rgod par byed pa dang / glu len par yang byed do// de dag rnams de kho na bzhin du bag med pas mchog tu sdug par gyur pas 'khri shing gi khang bu rnams su zhugs so/ / khyim de dag rnams kyang 'khri shing gi shing ljon pa rnams nye bar dud par gyur pa/ 'dab ma rnam par bkra bar mdzes pa gyur pa'i rin po che'i rang bzhin rnam pa sna tshogs pa'i 'khri shing gis nye bar sgru ba rnams la 'di lta ste/ bai DUR+Ya'i 'khri shing gi khang bu gang yin pa de la ni/ gser 'bar ba'i mdog gi 'dab mas kun tu khyab par gyur pa'o/ / gang yang gser gyi 'khri shing nye bar slu ba'i khang bu gang yin pa de dag rnams la ni/ bai DUR+Ya'i 'dab ma rnams kyis gang bar gyur cing / kar ke ta na'i mdog gi 'bras bus

  635. 318b

    nye bar mdzes par byas pa'o/ / in+d+ra nI la'i rang bzhin gyi 'khri shing gis mdzes par byas pa'i 'khri shing gi khyim gang yin pa de la ni/ dngul gyi rang bzhin gyi 'dab ma rnams kyis phubs su gyur par/ byas shing / shel gyi rang bzhin can rnams la ni gser gyi 'bras bu dang ldan pa'o// kar ke ta'i na'i shing 'khril ba rnams gang yin pa de la ni/ in+d+ra nI la'i rang bzhin gyi 'ad ba ma rnams kyis nye bar mdzes par gyur cing / gser gyi rang bzhin gyi 'bras bus mdzes par byas pa'o// shel gyi 'khri shing rnam par brkyangs pa nye bar phub par gyur pa'i 'khri shing gi khang pa gang yin pa de'i tshe ni/ de la gser gyi 'dab ma rnams kyis nye bar mdzes par gyur pa dang / sngon po chen po'i kha dog gi 'bras bus rnam par mdzes par gyur pa'o// de na'ang rnam par rtag par mdzes pa'i bung ba'i tshogs rnams kyis yid 'phrog par byed pa'i sgra'i mchog rnams nye bar sgrogs par byed pa/ me tog chen po'i khang pa zhes bya ba'i nags de na ni nang rnams kyang de ltar mchog tu dga' bar gyur pa yin te gang dag na lha dag myos pa la don gcig pas dga' bar byed pa'o/ / nags de'i phyi rol rnams na'ang mchog tu dga' bar gyur pa rnams yod pa la 'di lta ste/ pad+ma'i rdzing bu dag na gser gyi 'dab ma rnams dang / bai DUR+Ya sngon po rnams dang / in+d+ra nI la'i ze'u 'bru dang / dngul gyi rang bzhin gyi snying po can gyis nye 'khor rnams khyab par gyur pa dang / bung ba'i tshogs rnams kyis kyang

  636. 319a

    nags de nye bar mdzes par byas pa/ ngang pa dang / kA ra Na Da dang / ngang ngur dang / kA dam pa'i sgra kun tu sgrogs par byed pas/ sgra yid 'phrog par gyur pa rnams kyis nye bar mdzes par gyur cing yongs su bskor nas/ nags de ches lhag par rnam par mdzes so// me tog gi 'phreng ba rnams nyid kyis pad+ma'i nags de'i nye 'khor kun nas 'khor bar gyur la/ des kyang me tog gi khang pa'i nags chen po yongs su bskor nas mdzes so// pad+ma'i 'phreng ba de dag rnams kyi phyi rol gyi shing gi nags gang dag la/ ri dgas dang bya'i tshogs rnams mchog gis rab tu dga' bar gyur pas/ kha cig ni shing gi rtsa ba nas byung nas sdod do// kha cig ni pad+ma dag nye bar za bar byed de/ lha rdzas kyi nags kyi 'bras bu dang / me tog dang / rtsa ba rnams mchog tu dri nim pa'i mdog dang / ro dang / dri dang yang dag par ldan pa rnams la ste/ lhan cig spyod pa'i 'khor dang bcas pa rnams song nas lha'i mchog de dag dga' bar byed do// ri dgas dang bya de dag rnams kha cig ni mchog tu dga' bar gyur pa'i lha rdzas kyi sgra thos pas yid 'phrog par 'gyur zhing / chags pa dang mtshungs pa dang / dpe med pa'i lha rdzas kyi glu rnam nyan par byed do/ / rna ba dang mig gdangs pa/ ngo mtshar zhing rgyags pa'i ri dgas rnams dga' bar byed do// kha cig ni gzhan ri dgas mo dang phan tshun lhan cig mngon du phyogs pa nyid kyis shing gi rgya

  637. 319b

    bar byung zhing gnas nas skyugs ldad byed par gyur pas mnan na nem pa/ bteg na 'phar ba'i sa gzhi dga' bar gyur pa rnams su nye bar gnas nas phan tshun du lta bar byed do// kun rjod par byed do// ri dgas ri dgas mo dang lhan cig tu rin po che bdun gyis rnam par bkra zhing nye bar 'bar bar gyur pa'i thig les nye bar bkra bar byas pa'i lus can gyi nags kyi nang rnams su dga' bar byed do// bya rnam dang ri dgas rnams kyang rnam pa sna tshogs pa'i kha dog dang / dbyibs dang / rigs rnams so// mchog tu zhi bar gyur pa rnam par rtog pa sna tshogs pa rnams kyis dga' bar byed pa rnams la 'di lta ste/ kha cig ni pad+ma khas blangs nas glu'i sgra rnams nyan no// yongs su 'chab par byed de/ 'khor lo'i 'gros kyis rtsed mo rtse bar byed pa'i 'gros can rnams lhan cig spyod pa dang bcas nas bzha dgad byed pa yin no/ / kha cig ni khyur gyur par nye bar gnas nas sgro dag kun tu gon pas lus gong bur byas shing kun blo 'thun par gyur pas/ de dag rnams song ste nags/ kyi gseb la brten nas sgra nyan par byed do// kha cig ni rin po che gzhan dag rnams kha nas bzung nas 'od zer gyi 'phreng ba dang ldan pa'i yul phyogs gzhan dang gzhan rnams su nye bar 'dre bar byed do/ / kha cig ni gzhan ri rnams kyi rtse mo rin po che bdun gyi bod kyis snang bar byas pa la spang zhing sprugs te/ blo'i 'phreng ba steng du rnam par brkyang nas gru len par gyur pa des thos

  638. 320a

    pas kun tu khrid de/ gang na glu'i sgra de yod par gyur pa'i me tog gi khang pa der 'gro ste/ nam mkha' la mdzes par gyur pa'i sgro'i sgra rnams kyis mchog tu yid rab tu dga' bar gyur pa'o/ / ljon pa'i nags gzhan rnams nas kyang sna tshogs pa'i sgro rnam par bkra ba'i lus can gyi bya gang dag gis me tog rab tu rgyas pa'i 'khri shing dag kha nas khyer nas gang na de me tog gi khang pa'i nags yod pa der bsnyen te 'ong bar byed do/ / gzhan yang phyogs kyi cha gzhan rnams nas kyang glu len pa de mngon par thos par gyur nas ngang pa dang / ngang mo rnams phan tshun du phan par gyur pa dang / phan tshun du kha nas rin po che'i 'phreng ba rnams yongs su khyer ba/ kha dog sna tshogs pa'i 'od kyis rgyan du byas pa rnams gang na me tog gi khang pa yod par nam mkha'i dkyil na mdzes par gyur pas der 'bab par byed do/ / de ltar na nang dang phyi rol rnams na rnam pa du mar gyur pa'i ri dgas dang / bya sna tshogs pa'i gzugs dang / cha byad dang / dbyibs mchog tu mdzes pa dang yang dag par ldan pa'o/ / nags de na'ang rnam pa de srid kyi lha'i ris de dag rnams kyis kyang mdzes par byed par 'gyur ro// de nas lha de dag rnga skad yan lag lnga dang ldan pas nags der zhen par byas nas/ slar yang de'i sred pas bsregs par gyur pa dang / rnam par ngoms pa med par gyur pas kyang / gang na de bya'i sgra mngon par dga' ba zhes bya ba'i nags

  639. 320b

    der nye bar 'gro bar byed de/ lhan cig spyod pa du mas yongs su bskor bar gyur nas/ de de kho na bzhin du gar byed par 'gyur zhing ngo // kha cig ni nam mkha'i khams gzhan du grogs med par 'gro bar byed do/ / gzhan ni ngang pa rnams kyi rgyab tu kun nas zhon nas so// gzhan ni rma bya ngag gi rgyab tu zhon nas so// gzhan dag rnams ni pad+ma'i nang nyid kyi snying po la nye bar gnas par gyur cing nam mkha'i dkyil du 'phags nas so/ / gzhan ni rin po che bdun gyi rang bzhin gyi bya'i rgyab tu legs par zhon par gyur nas/ nam mkha'i dbyings nas mdzes par gyur pas gang na bya'i nags yod pa der nye bar legs par 'gro'o/ / de ltar rnam par 'gyur ba du ma gyur pa'i rnam par rtog pa'i don du mdzes pa dang yang dag par ldan pas legs par 'ongs pa'i lha de dag rnams la ji lta ba bzhin du de kho na nyid brjod pa zhes bya ba'i bya de dag gis tshigs su bcad pa brjod pa/ ji ltar/ las kyi rang bzhin bzhon pa las// bzhon pas khyad par byed gzhan med// / las kyi bzhon pas skyes bu rnams// khams gsum du ni rnam par rgyu// gang gis gang la ji lta bzhin// mdzes pa byas par gyur pas ni// de yi de la de bzhin las// lus can rnams la smin par gyur/ / las kyi blo yi ri mo ni// sems kyi rgyu yis rab tu bcug/ dus ring bar yang zhugs rnams kyi// bsgrub bya cung zad dmigs pa min// las kyi rgyu yis kun bslang ba'i// bde ba rnam pa sna tshogs

  640. 321a

    rnams/ / bde ba'ang rnam pa sna tshogs kyang // las zad pa yis rab tu 'jig/ de phyir las kyi bde ba mi ji srid mi zad pa mthong ba// de sa bde ba'i skal ldan pa'i// las rnams gzhan ni khyed kyis gyis/ / le lo dang ni ldan pa'i yid// bag med pas ni rnam par brgyal// slu ba med pa'i zhabs kyis na// rab tu ltung ba rab nyams 'gyur// 'das pa'i bde rnams thams cad dpral/ / sdug bsngal chen po'i 'byung gnas rnams// khams dang phung po 'gag pa la// 'chi bdag ces ni de la brjod// de 'dir myur du 'ong gyur te// gson pa'i bar chad cher byed do// / 'di yang legs par mthong min te// yul gyis shin tu rmongs pas so// de ltar bya de legs par byas pa'i las dang rab tu 'brel ba lha de dag rnams la rjes su 'doms so// de nas de dag lam dpyad pa dang / de kho na'i tshig kyang spangs par gyur pas/ slar yang yul gyi sred pas gdungs par gyur nas/ nags dang nye ba'i nags rnams su rnam par rgyu ba rnams rab kyi mchog tu rangs par gyur pa'i yid can/ / phyi yang bya'i sgras mngon par dga' bar gyur pa'i nags de nyid du rab tu zhugs par 'dod par gyur cing / thams cad kyang lta ba la mchog tu byed pas nags de rab tu blta'o// de nas zhugs par gyur pa na nags de'i rang bzhin nyid kyis bya'i kun nas brjod pa rnams kyis mngon par dga' bar ljon shing thams cad gser gyi rang bzhin dang / bai DUR+Ya'i rang bzhin dang /

  641. 321b

    dngul gyi rang bzhin dang / shel gyi rang bzhin dang / in+d+ra nI la'i rang bzhin dang / pad+ma'i sdong po'i rang bzhin gyi shing rnams kyis mar me dang 'dra bar thams cad rnam pa sna tshogs par mdzes par gyur pa dang ldan pa'i kha dog dang dbyibs du ma can gyi bya'i sgo rnams bal bar byas pa rnams la gang dag gi mdog dang dbyibs brjod par sla ba'ang ma yin pa rnams so/ / de ci'i phyir zhe na/ las du ma sna tshogs pa rnams kyis rnam par bkra bar byas pa'i rnam par bkra ba'ang rnam pa sna tshogs pa'i las kyis byas pa yin la/ las de'i 'bras bu rnams rnam pa du mar rnam par bkra ba yin no/ / de dag rnams ni brjod par sla ba ma yin no// sems yang mor yongs su 'jug par 'gyur ba'i rgyu 'dis de 'dir rnam par bkra ba nyid brjod par bya bar yang mi nus so/ / mtho ris kyi srid pa rnams thams cad du cung zad cig rjes su dpags pas kyang / las dang 'bras bu rnams kun bstan pa'i don du 'di dag brjod par zad do/ / ji ltar mchog tu bag med pas nags dang / nye ba'i nags dang / 'bab chu dang / rdzing bu dang / ri dang / ri'i rtse mo dang / pad+mo'i tshal dang / bya dang / rin po na sna tshogs dang / bud med kyi tshogs yid 'phrog pa'i yul rnams la legs par byas pa'i las rnams kyis byas pa'i 'bras bu nye bar sprul pa'i lha'i 'jig rten de yin pa'i rgyu 'dis ni

  642. 322a

    dga' bar brjod do/ / ji ltar legs par byas pa'i las rnams kyi 'bras bu rnam par smin pa rab tu ma bstan na/ byas pa'i 'bras bu rnam par smin pa rnams kyang thob pa ma yin par 'gyur ro/ / 'di ni 'dir bde ba sten par byed pa'i rgyu gzhan gnyis pa yin no// slar yang de kho na bzhin du lha de dag rnams sna tshogs pa'i me tog gi 'phreng ba dang phye ma dang / byug pas byug pa'i lus can rang las 'od 'byung bas bstad pas/ mchog tu dga' ba'i yid kyis lha de bya'i sgras mngon par dga' ba'i nags lta bar byed do// ji ltar bltas par gyur pa na rin po che bdun gyi rang bzhin gyis rnam par brgyan pa'i shing ljon pa'i 'od 'bar ba dang 'dra ba'i nags de'i nye 'khor rnams na/ rnam pa sna tshogs pa'i bya dang ldan pa la/ bya de dag rnams kyi byas kun tu bsgrags pa sdug pa dang ldan pa'i rnam pa rnams thos so// lha nges gal te shed na thos pa gang yin pa de dag ni/ de srid kyi snyan pa mnyam pa'i cha shas rgya che ba nyams pa med par gyur pa/ thos ni yid 'phrog par byed pa/ rnam par rtog pa du ma dang ldan pa/ slu bar mi byed pa lha'i tshogs thams cad rab tu tshim par byed pa'i bya de shing rnams kyi gseb tu 'gro ba dang / pad+ma'i rdzing bu'i gseb tu 'gro ba dang / me tog gi nags rnams kyi nang du 'gro ba dang / rdzing bu'i gseb rnams su'ang song bar gyur nas kyang lhan cig

  643. 322b

    tu glu len no/ / rnam pa sna tshogs pa'i sgra rnams thos pas yid 'phrog par byed pa gang yang des lha mo de dag gis glu len par byed pa rnams bor nas blangs te bya de'i rnam par legs pa rnams nyan par byed do/ / glu len par byed pa de ni rnam pa de srid du yid 'phrog par byed pa yin te/ gang gis ri'i rtse mo rnams thams cad kun tu bsgrags par gyur pa des kun tu gang bar byed pa bzhin du'o/ / de thos nas ri gzhan dag rnams kyi rtse mo'i ri dgas de dag rnams ni rang bzhin kho nas glu la dga' bas des glu de thos par gyur nas brgya phrag rnams dang / gal te na stong phrag rnam su'ang 'ong ngo / / 'ongs par gyur nas kyang de las kha cig ni 'ongs pa dang / rna ba dang / mig mi g.yo bar nyan no// kha cig ni shing gzhan gyi gseb tu song nas nyan no// rnam par bsgrags pa des kha cig ni legs par byed pa'i pad+ma du ma rnams yongs su btang nas glu de la nyan par byed do/ / bya rnams kyi sgra de ltar dga' ba de ni bya'i sgras mngon par dga' ba'i nags na yin no// sna'i blo 'phrog par byed pa yang / nags de na rnam pa sna tshogs pa'i me tog gi nye bar mkho ba rnams mthong bas rnam par mdzes so// nags de gzugs rnam par bkra bar gyur pa rnams dang / dri yang rnam pa sna tshogs pa'i rnam par rtog pa dang lhan cig tu sgra'i tshogs kyis rnam par brjod pas te/ de ltar yang nags de mdzes par gyur pa'i dri dang / gzugs dang / sgra rnams kyang ste/

  644. 323a

    gling bu dang / rdza dza dang / pi wang gi sgra dang / glu snyan pa'i sgra dang / bya rnams kyi yang sgra dang / sgra rgya chen por gyur pa yid 'phrog pa rnams so// dbang po gcig gi yul rnams kyis kyang / nags de ni shin tu rnam par mdzes pa yin no// gzhan yang dbang po gzhan rnams kyi don rnams dang yang dag par ldan pas kyang / nags de shin tu rnam par mdzes par byed pa la 'di lta ste/ rnam pa sna tshogs pa'i ro mngon par 'dod par gyur pa rnams la yang / dper na 'bras bu'i ro dang / btung ba'i ro dang / lha rdzas kyi sman gyi ro rnams kyis kyang / ji ltar 'dod pa nyid kyi lha rdzas kyi re rnams dang yang dag par ldan na/ dga' ba du ma dang ldan pa'i nags de ni ches lhag par gyur pa'i gzi brjid dang ldan pas dga' 'o// gzhan yang de nyid na rnam pa gzhan gyi ches lhag par mngon par snang bar byed do/ / 'di lta ste/ rtsed mo'i ri dag la 'khri shing ging ba rnams kyis kun nas 'dud pa dang / nye 'khor kun nas yang rin po che bdun gyi khang bzangs rnam pa du ma rnams kun nas 'bar bar gyur pa'i rtsig logs la yon tan du ma bris pa rnams kyis smras pa/ legs par gang bar gyur pas gnyis kar sdug par gyur pa rnams kyis kun nas brgyan pa/ thams cad du'ang rab tu rgod par gyur pa bzhin du ches lhag pa'i dpal rnam pa sna tshogs pas nags de na lham me bar gyur to// gzhan yang nags/

  645. 323b

    dang nye ba'i nags rnams dang ldan par gyur pa yin la/ de la yon tan phun sum tshogs par gyur pa ni brjod zin no// ri de'i dga' bar gyur pa ni 'di dag rnams yin te/ bai DUR+Ya'i 'byung gnas/ rnams dang ldan par gyur pa la 'di lta ste/ yon tan chen po rnams phun sum tshogs par gyur pas yon tan bdun dang ldan pa'i sgra dang / rnye bya dang / ro rnams 'dod par gyur pa'i yon tan kun tu chog pa'i yon tan rnams phun sum tshogs pa rnams dang / sla'i yon tan phun sum tshogs pa rnam kyang kun tu mthong ngo // shin tu yid du 'ong ba'i ri de'i yon tan de dag rnams skye bo dag gti mug gis lhan cig tu zin par gyur pas kyang lha de dag gis mthong ba yin no/ / de ltar lha de dag rnams la ma dang / pha dang mtshungs par gyur pa'i bya de dag rnams kyis de kho na dang phan par 'gyur ba'ang mthong nas/ brtags par gyur pa'i tshig rnams ston par byed do// lha de dag rnams yul gyis khrid par gyur pas kun tu rtog par gyur pa'ang ma yin no// de ltar de yul rnams kyis rnam par rmongs par gyur nas/ des de dag rnams ma brtsis par slar yang yul gyi dga' ba rnams su bying bar gyur pas/ sred pa'i dgon pa rgal bar mi nus pa gzhan rnams rjes su thob par gyur nas/ mtshon cha rnams kyis bsregs par gyur cing / dga' ba'i 'dod chags kyi dgra bo brgya phrag lngas rab tu rnam par nyams par 'gyur ba/ dam pa'i lam

  646. 324a

    rnams las nyams pa bde ba dang rjes su mi mthun par gyur pa'i bde ba gang yin pa rnams 'ba' zhig gis kyang kun tu khrid par gyur pa rnams kyis kun nas rig pa'ang ma yin no/ / de la phan par gyur pa rnam pa du ma rnams brjod par gyur pa'ang / de slar yang gnas gsum du gtogs pa'i bya gzhan dag rnams kyis shin tu snyan par gyur pa'i glu de dag rnams nyan par byed do// 'di lta ste/ chu la ni rgyu ba rnams lha rdzas kyi mdog dang / dbyibs ldan pa rnams rin po che sna bdun gyis spras par gyur pa'i lus thig le bab bas byas pa rnams la ngang pa dang / kA ra Na rab dang / ngang ngu ral sogs pa rnams lhan cig tu chu la sgra kun nas gcong bar gyur pas 'dres pa rnams nyan par byed do// mchog tu snyan pa'i glu'i sgras rtag tu gar byed par gyur cing / dus thams cad rgyags pa'i bde ba shin tu rgya chen po dang ldan pas/ thams cad nyid las kyang dga' bar gyur par mthong ba rnams kyi bya 'di dag dang / de dag dang / gzhan dag rnams kyi snyan pa kun nas brjod pa'i rnar snyan pa'i klu rnams nyan par byed do// de bzhin du nags kyi nang na rgyu ba rnams la rma bya dang / pA rA pa ta dang / shing gi rgyan dang ri khrod kyi gse ba dang / tshang tshing na gnas pa rnams kyang shin tu snyan par gyur pa'i ze bar bya rnams thams cad kyang 'dra bar gyur pa'i sgra'i sprin tshogs rnams tshang tshing dang / ri'i rgyan

  647. 324b

    dang / rin po che bdun gyis rnam par bab par byas pa'i lus mthong na shin tu tshad med par lha rnams kyi yid du 'ong bar thos na/ shin tu dga' bar 'gyur ba'i sgra rgyan gyi 'od zer gyi rgyan rnams skyed par byed pa so sor mdzes pa rnams skyes par byed pas/ mthong na dga' bar gyur pa'i rtag par rgyags pa la sogs pa'i mthong bar gyur pa dang / thos par gyur pa las mchog tu dga' bar 'gyur ba rgyan gsar pa rnams kyis brgyan pa rnams las ji ltar gtso bor gyur pa'i bya rnams dag gi sgra 'ga' zhig tsam nyan par byed do/ / kha cig ni ca co 'don no// kha cig ni glu len no/ / kha cig ni gnas par byed do// kha cig ni sgra'i sprin rnams nyid de/ de ltar rnam pa du ma dang / rnam par rtog pa du ma dang ldan par rtag tu rgyun mi 'chad par yang brjod pa dang dbyangs dang ldan pas kun tu rjod par byed do/ / bya de dag rnams kyis mchog tu dga' bar gyur pa'i brjod pa rnams 'byin par byed do// lha de dag chags pa'i sems kyis thams cad nyan par byed do/ / lha dag gis yongs su bskor bar gyur nas ches rab tu dga' bar gyur pa'i yid kyis te/ de rnams kyis de ltar thos nas dus shin tu ring ba'ang ches phal che bar gyur pa'i sred pa rnams kyis non par gyur pas rtsi dag 'thung bar rtsom par byed do/ / ro dang dri mchog tu phun sum tshogs par gyur pa/ lha'i 'jig rten dang 'dra bar gyur pa/ ri khrod kyi phug

  648. 325a

    gyi gseb nas 'bab pa rnams la bung ba'i tshogs kyis nye bar mdzes par gyur pa rnams 'thung bar rtsom mo/ / lha de dag phan tshun du rgyags pa la don gcig tu gyur pas pa bdud rtsi'i nags gzhan rnams su nye bar 'gro bar byed do/ / pad+ma kha zum pa nyid las kun tu byung bar gyur pa'i bdud rtsi gang dag ni mchog tu lha rdzas kyi ro dang / dri dang / reg bya phun sum tshogs pa zad pa med pa ji tsam 'dod par gyur pa'i ro rnams yod de/ de ltar lha de lha mo'i tshogs kyis yongs su bskor nas dga' bar byed pa dang glu yang len par byed do// rgod par yang byed do/ / gying bar yang byed do// tshogs pa phan tshun du grogs byed par gyur nas rgyags pa la don gcig pas/ de de ltar de nyid kho na'i gzhis nags rnams na rab tu rgyu zhing rnam pa sna tshogs pa'i rtsed mo rnams byas nas/ slar yang yul de nyid kyis ngoms pa med pas gang na bai DUR+Ya dang ldan par gyur pa'i ri der nye bar 'gro bar byed do// ri de'ang rin po che rnams dang ldan par gyur pa/ nye'akhor kun na sngon po rab tu dang ba'i mdog tu gyur pa/ nags dang nye ba'i nags kyang nye 'khor du dpag tshad stong phrag bcur grib ma rnams kyi kha dog sngon por rab tu byed do// nye 'khor dpag tshad sum brgyar 'phang du mthong ba'o/ / nags dang nye ba'i nags rdzing bu dang 'bab chu rab tu gang bar gyur pa rnams thams cad kyang mthong na shin tu yid 'phrog par byed pa'o// bya rnams kyi gnas mchog tu

  649. 325b

    dga' bar gyur pa rnams la ri'i bang rim dang / ri khrod dang / phug dang / ri rong dang / tshang tshing dang / mdzes pa'i nags dang / mtsho dang / pad+ma'i tshal dang / me tog gi thang phun sum tshogs pa rnams la rnam pa gsum gyi ngang pas kun nas sgra 'byin par byed pa'i ngos rnams la 'di lta ste/ rin po che shel dang mtshungs pa'i mdog rin po che bdun gyi thig les spras par gyur pa rnams rang bzhin gyis dkar bar gyur pa'i ngang pa'i rigs de dag gis brgyan pa dang / bai DUR+Ya'i mdog dang ldan pa'i ri'i nye 'khor rnams na rab tu 'bab par gyur pas rab tu 'bab pa'i 'bab chu rnams la nor bu'i 'od 'byung bar gyur pas khyab par gyur cing yongs su bskor ba dang / rab tu khaM bye bar gyur pa'i me tog dri mchog dang ldan pa rnams kyis kyang thams cad nas yongs su bskor nas gsal bar snang ngo / / bya brgya phrag stong rnams kyis rtse bar byed pa/ sgra 'khrol bar gyur pa/ gser gyi mdog dang ldan pa/ pad+ma'i nags rnams kyis kyang nye bar mdzes par gyur pa rnams su mchog tu rnam par rgyu ba na ngo mtshar skyed par byed pa/ gong nas gong du dga' bar gyur pa/ mchog gi gzugs rnams dang ldan par gyur cing ldan pa las kyang rnam par snang bar byed do/ / sgra dang / ro dang / gzugs dang / dri rnams kyang dngos po du ma rnams dang ldan par gyur pas rnam par gsal bar snang ngo // dbang po drug gi bde ba rnams dang nye 'khor/

  650. 326a

    @#na ldan pas ri'i mchog de rnam par gsal bar gyur to// lha de dga' ba'i 'dod srad kyis gdungs par gyur nas de dag tu nye bar legs par 'gro'o// nye 'khor kun tu glu dang gar dang ldan par gyur pa/ pad+ma'i 'phreng bas kun tu bcings pas ches lhag par dga' bar gyur pa/ rtag tu rgyags par gyur pa/ rtag par yang rab tu rangs pa/ yul lnga la rnam par chags pas 'dod pa rnams la dga' bar gyur pas me lnga bzhin du bsreg par gyur pas rnam par rgyu bar byed pa/ sred pa'i rdul rnams kyis kun nas bcings par gyur nas gang na ri de'i mtho ba po yod pa der nye bar 'gro'o/ / yul la 'chums par gyur pas lta ba la ched cher byed pa'i yid kyis kyang ri de mthong bar gyur to// kun tu rtog pa rnam pa sna tshogs rnam pa du mar dga' bar gyur pa'i ri de'i cung zad mtho ba la kun tu 'dzeg par gyur nas lta bar byed do/ / thon khor kun na yang bai DUR+Ya'i rang bzhin gyi phug mchog tu dga' bar gyur pa rnams so// de dag gi zangs ni 'di yin no// 'di ltar stong phrag bcu'o// 'od sngon po rnams kyis brgyan par gyur pa nye 'khor rnams na bde ba mchog gi sgron ma rnams ni mchod pa lta bur gyur pa'i 'od rnams mchog tu dga' bar gyur pa ni phug de dag rnams na'o/ / gang na ri'i mchog de la kun tu gnas pa'i lha de dag phug de dag tu zhugs nas dga' bar byed do// ji lta ji ltar lha de dag rab tu zhugs pa de lta de ltar yang phug de dag g.yo

  651. 326b

    par 'gyur ro/ / ji ltar yang lha de dag yid kyis sgom par byed par gyur pa de bzhin du bsam pa de dag thams cad phug de dag rnams nyid las thob par 'gyur ro// phug de dag yang gang 'dod par gyur pa rnams byed pa yin no/ / de dag rnams kyi ming gis kyang lha de dag 'dod pa'i yon tan gyis ngoms pa med par dga' bar byed par 'gyur te/ lhan cig spyod pa dang bcas pa rnams dga' ba'i rgyan dang cha byad kyi mchog 'dzin par gyur pa la gcig pu dge ba'i las kyis kha cig ni shin tu bar yang yid 'phrog par byed pa'i rgyan dang / cha byad dang / lang tsho dang / 'gying ba dang // rgod pa dang / glu dang / gar rnams kyis rnam par chags par gyur pas lhan cig dga' bar byed do// ji srid du dga' bar gyur pa'i phug de dag rnams thams cad kyi sgo na yang lha rnams la phan par 'dod pas 'thab bral ba rnams kyi mnga' bdag mu su lun d+has gtsug lag gi tshigs su bcad pa mngon par bris pa/ ji ltar/ 'chi bdag gis ni skye ba 'thung // rga ba yis ni lang tsho 'thung // nad rnams kyi ni nad med 'thung // 'jig rten pas kyang mi go'o// skyes pa yang ni du ma rnams// lhung ba'i yang ni du ma yin// 'di nyid skye 'byung rgas 'gyur dang // 'chi 'pho dang ni skye bar 'gyur// skyes bu thams cad bstan pa yang // 'jig rten gyis ni mi go lo// brje ba sor ji lta ba yi yang // skad cig yud tsam skabs yod min// gang gis grol ba der

  652. 327a

    mnar ba/ / 'jig rten gyis ni go ba'ang min// skye ba yang ni rnam mang po// lha ni yul gyis rnam mongs pa// 'jig rten gyis ni mi go'o// srid pa'i 'khor lo 'khon tshe 'di/ / sred pa yis ni sngon du bcug/ dga' ba'i 'dod chags kyis yongs bskor// 'on kyang 'jig rten pas mi go/ rnam rtog mkha' lding gis gang ba'i// skyon rnams ches 'jug shes bar gyis/ / sred pa'i chu klung rnam yangs 'di// 'jig rten pas kyang go ba min// de ltar phug gi sgo de dag rnams la lha rnams la phan par 'dod pa'i phyir na de bzhin du dris par gyur to// de la lha kha cig gis mngon par brjod nas sngon gyi skye ba dran par byas par gyur nas yid byung bas/ yud tsam cig tu bag med pas rnam par mi rgyu bar 'gyur ro// legs par byas pa'i las kyis legs par bsgoms par gyur pa'i sems yud tsam des kyang skye ba gzhan brgya stong du bde bar 'gyur ba'i skal ba can du 'gyur ro/ / gang gi phyir stobs dang ldan pa rnams ni dkar po'i phyog yin la/ stobs chung ba rnams ni nag po'i phyogs yin no// de dag gi de ltar yud tsam des kyang skya ba gzhan brgya stong rnams chud gsan par ma gyur to// phug gang dag gi sgo la tshigs su bcad pa mthong zhing yid byung bar gyur nas bag med pas rnam par mi rgyu bar gyur pa rnams dang / lha gang dag gis na de ma mthong ba nyid du zhugs par yang gyur to// de nas gang dag gis

  653. 327b

    tshigs su bcad pa de mthong ba rnams dang / yang gang dag gis ma mthong ba de dag rnams thams cad kyang sgo de nas zhugs te/ nang du gyur pa'i dga' ba'i yan lag rnams phyir zhing nyid kyang bag med pas zin par gyur nas rab tu lta bar byed do/ / rnam pa ji lta bu'i nor bu'i phung po rnams la 'di lta ste/ rdo rje'i phung po dang / in+d+ra nI la'i phung po dang / nI la chen po'i phu po dang / nor bu'i phung po rnams dang / rnam pa du mar nye 'khor na kun tu snang bar byed do// rnam pa de dag rnams kyis rnam pa du mar yang phug de dag rang bzhin nyid kyis gzi brjid dang ldan par gyur pa las phyir zhing nyid kyang de dag shin tu yang 'bar bar 'gyur ba yin no/ / 'od gsum par gyur nas/ lha rnams rang nyid kyi lus kun tu byung ba'i 'od zer rnams kyis te/ de ltar phug de ches dga' bar gyur pa yin no/ / de dag la yang lha de dag rnams rangs par gyur nas dga' bar byed cing gar byed do// rgod par byed do// pha rol rgya chen pos zin par gyur pa'i 'jigs pa dang / mya ngan dang bral ba lha rnams kyi 'dod pa'i yon tan lnga dang bcas shing yang dag par ldan par gyur nas/ de dga' bar byed de lhan cig spyod pa'i 'khor dang bcas pa rnams gzer zug dang rnam par bral ba/ rims nad med pa/ mya ngan med pa/ rang gi las kyi bgo skal la spyod pa rnams rnam pa du mar dga' bar byed de/ des rin po che'i sa gzhi de nyid mngon par mthong nas rab tu rangs pa

  654. 328a

    mchog gi yid kyis rab tu gar byed pa dang / glu dang ca co'i sgra dang / rnga sgra rnams kyis myos par gyur pa'i yid kyis slar phug de dag nyid kyi nang du zhugs par gyur to/ / zhugs nas kyang mthong bar gyur pa rnams la chu klung shin tu dri zhim pa/ reg byas yongs su gang ba/ myos byed kyis yongs su gang bar gyur pa de la sten par byed pa'i byas nye bar mdzes pa'o/ / de la bya'i rigs ni 'di dag rnams yod de/ rab tu dga' ba po de rtag tu myos pa dang / kun tu dga' ba dang / gzhan du ma yin pa dang / rol dga' bar byed pa dang / rang bzhin gyis nga rgyal can dang / gzhan la mi dga' ba dang / dri'i btung bas myos pa ste/ de dag dang bya gzhan dag rnams kyang mchog tu rangs par gyur nas/ myos byed kyi chu klung der dga' bar byed cing de legs par byas pa'i las kyis kyang bskul nas tshigs su bcang pa rnams rjod par byed pa/ ji ltar/ ro yis mdzes par myos byed ni// yongs su smin nas shin tu gdug yongs su smin pa'i sdig pa yis/ / dmyal bar skye bar 'gyur ba yin// 'thungs pas rmongs pa skyed par byed// rmongs pas sdig la dga' bar 'gyur// snying la kun nas chags ldan pa'i// byis rnams dmyal ba'i rjes su rgyug/ dang por rab tu dga' ba skye// rnam smin ba kren pa bla na med// sred pas dang por 'khor bar byed// phyi nas mi bzod par ni sreg/ dang por ngag dang blo

  655. 328b

    nyams byed/ / phyi nas bde ba nyams par byed// de phyis skyes bu brtan ldan pas// gang zhig myos byed bsten mi bya// skyes bu myos byed sten rnams ni// mkha' lding dang ni mtshungs 'byo ba'i mtshungs par rnam par rmongs skyed ba/ / chang ni spongs dang dug chen po// gang gis chang ni dug mtshungs mthong // des ni bla med go 'phang mthong // gang yang de ni rnam chang 'thung // zangs bzhu'i khu ba dmar po 'thungs/ / gcig las sdig pa thams cad pa// gcig po chang 'thung ba 'di yin// de yis sems ni sun 'byin byed// sdom pas sems kyi rtsa ba can// gang phyir sems ni rtse gcig min/ / chos rnams dpyod byed pa yang min// dge slong chang ni sten pa na// dgon par dga' bar 'gyur ma yin// chang gis yid ni g.yeng bar byed// snying yang rgod bag dang bcas 'gyur/ / chos la'ang dga' bar 'gyur ma yin// 'jig rten 'di med pha rol med// spyod lam shes pa ma yin la// ston pa'i dus kyang shes ma yin// dam pa'i chos nyid dang 'gal zhing // stong pas kyang ni ci zhig bshad// re zhi rlung gis mi shes na// bdag gis 'dir ni ci zhig smra// mdzes min ngag gi spu gri'i mtshon// gzhan gyis ji ltar yongs su shes// 'jig rten don la yang 'gyur zhing / / chos las kyang ni yongs su nyams// 'bar ba'i chang ni bsten pa na// skyes bu nor mer mthong ba yin// 'das pa'i don kun dran min dang // da ltar ba dang rmongs par 'gyur//

  656. 329a

    ma 'ongs bsam pa ci la yod// chang gis dus gsum chud gson byed// sna tshogs gzugs kyang rnam par 'joms// lus can rnams kyi sems kyang 'joms// skyes pa'i skyon ni spyad byed pa'i/ / chang gis chos ni rab sun 'dod// de ltar phug gi nang na gnas par gyur pa'i bya de dag rnams dag par rab tu dga' ba dang ldan zhing ston par byed pa'i rtsa bar gyur pa las dam ba rnams kyis legs par bskul bas lha rnams la 'chad do/ / de thos nas kyang lha gang dag legs par byas pa'i las rnams ches lhag par gyur pa de dag gis skye ba gzhan rjes su dran par 'gyur/ ba dang / chang gi skyon rnams yang shes so// rgyu des kyang chang mi 'thung ngo // de dag rnams 'dir bag med par yang mi 'gyur ro// de lta de ltar myos byed rnams 'thung bar byed pa de dag rnams slar yang lha de dag rab tu dga' ba'i yid kyis rab tu rtsi bar byed de/ rnga skad yan lag lnga dang ldan pa shin tu chags pa dang / shin tu snyan pa dang / rgyun du dga' bar gyur pa dag gis dga' bar byed do// de dag rnams dus yun ring por phug de dag tu lha rdzas kyi mchog rnam pa sna tshogs pa yid 'phrog par byed pa rnams kyis rtsed mo rtses par gyur nas gang kho nas ji ltar zhugs par gyur pa de kho na bzhin du phyir 'gro'o/ / phyir song nas kyang gzhan yul rnams la sred par gyur pas bag med par rnam par rgyu ba rnams nags dang nye ba'i nags dag blta ba la dga' ba'i yid kyis lhan cig spyod pa dang bcas pas

  657. 329b

    pad+ma'i tshal gyi nang dang / chu klung dang / tshang tshing dag tu dga' bar byed do// lha de dag legs par byas pa'i las kyi 'bras bu la longs spyod pas de dag rnam pa de srid kyi dpe med pa'i lha rdzas kyi bde ba rnams phun sum tshogs par gyur pa rnams la yul gyis ngoms pa skye ba med de/ rnam par g.yengs pa'i skyon gyis rnam par g.yengs pa'i mun pa'i rang bzhin kho nas te/ de dag gi rang bzhin ni nam yang kun nas 'khum par mi 'gyur ro/ / yul gyi bde ba rnams kyis ngoms par gyur pa 'am/ rnam par g.yengs par gyur pa'i ngo bos kyang dbang po rnams ni nam yang sred pa dang bral bar mi 'gyur/ ro// lha rnams lha rdzas kyi 'dod pa'i yon tan lnga yis nyi ma re re zhing rab tu 'phel bar gyur pa'i snga phyi rim pas ngo mtshar ba rnams skyed par byed pa dang / yid kyi rjes su mthun par byed pa dang / dpe med pa dang / yon tan dang ldan par gyur pas kyang des de dag nam yang ngoms pa skye ba ma yin no// ji ltar chu rnams kyis ni rgya mtsho ngoms pa yod pa ma yin no// de bzhin du lha rnams kyang ste/ de dag dus de srid du rigs de nyid la dga' bar yang byed cing / rnam pa sna tshogs pa'i bde ba rnams kyis rgyu ba rgyags pas/ nags dang nye ba'i nags rnams la rnam par rgyu bar byed pas/ 'dod pa'i chu bos kun nas khyer bar gyur pa rnams lhan cig spyod pa dang bcas nas dga' bar byed de/ ji srid du 'dod pa sdug pa'i las byas shing bsags par gyur pa de dag rnam par zad par

  658. 330a

    ma gyur gyi bar du'o/ / de zad nas lha'i ris de las 'chi 'pho bar 'gyur ro// 'phos nas kyang ji ltar las kyis nye bar 'gro bar byed pa/ ji ltar las kyi thag pa dag gis kun/ nas lha de bcings par gyur cing rnam pa de lta bu'i bde ba las kyang yongs su nyams nas slar yang dmyal ba dang / yi dgas dang / dud 'gro rnams su skye'o// de dag gal te legs par byas pa'i las su gyur pa lan grangs gzhan la myong bar 'gyur ba'i las kyis mi rnams su skyes na/ de 'dzam bu'i gling du mchog tu skyid par gyur te/ shin tu mthe nga'i rigs su gar dang / glu dang / rgod pa dang / 'gying bag dang bcas par skye'o// mchog tu skyid de bar 'gyur te/ skyes bu'ang me tog 'phreng dang / pi wa nga dang / rgyan dang / cha byad bzang po dang / mchog tu 'phags pa'i gzugs dang ldan pa phun sum tshogs pa mchog dang ldan pa yul ljongs kyi mchog dag tu nye bar skye bar 'gyur te/ rgyal po 'am/ rgyal po'i rnon po'ang rung ste/ yul ka shi'am/ ko'u shal 'am/ gling phran dag tu'ang las de'i rgyu mthun pa'i 'bras bu dag gis so// 'od zer 'phro ba can gyi lha rnams kyi lha'i ris ji srid pa rnams yongs su bsdus pa ste sa bdun pa rdzogs so// / / yang dge slong las kyi 'bras bu rnam par smin pa shes pa de 'thab bral ba'i lha rnams kyis gzhan la kun tu lta bar byed do// des thos pa las byung ba'i shes rab kyis

  659. 330b

    'thab bral ba'i lha rnams kyis ji ltar yod pa bsdams par rgyu ba zhes bya ba mthong ngo / / sa de la las gang gis sems can rnams skye bar gyur pa des mthong ba/ mchog tu rnam par dag par gyur pa'i rnam par smin pa dkar ba bde ba skyed par byed pa'i las de'i 'bras bu la slu ba med pa 'phags pa dgyes pa'i sbyin pa dang shes rab lhag pa des/ 'dod pa sdug pa yid du 'ong ba'i 'bras bur 'gyur ba la 'di lta ste/ lhar skye bar byed pa'o// rnam pa ji lta bu'i 'dod pa sdug pa yid du 'ong ba'i lhar skye ba'i 'bras bu yin na/ 'di lta ste/ gang gis mchog tu dge ba'i sems su gyur nas/ shin tu rnam par dag par spyod par gyur te/ gus pa legs par skyes pa'i yid zhu bar gyur pas srog gcod pa dang / ma byin par len pa dag rnam par spangs par gyur pa ni snga ma bzhin te/ 'dod pa la log par g.yem pa'ang rnam par spong bar byed pa la 'di lta ste/ gang gis sngon skye ba gzhan du nyams su myong bar gyur pa'i 'khrig pa thos nas chags par byed pa dang / 'dod chags la spyod pa'i yid kyis kyang rab tu nyams par gyur nas/ yul gyi sred pas khrid par gyur pa'i 'dod pa rnams kyang myang bar mi byed do// de dag rnams la sems par yang mi byed do/ / rab tu rtog par mi byed do// gzhan rnams kun tu rtog par byed pa na rab tu 'gog par byed do// de ltar yongs su dag pa'i las byed pa de lus zhig par gyur pa na mtho ris bde 'gro'i 'jig rten

  660. 331a

    'thab bral ba rnams kyi bsdams par chu ba'i sar sde'o/ / dge ba'i las de dag gi 'bras bus de las skyes par gyur pa nabang 'di'i rnam pa sna tshogs pa'i dri dang / ro dang / reg bya rnams dang / de yul du ma rnams la dga' bar gyur pas nags kyi nang rnams su rgyu bar byed cing / lha rdzas kyi lci lho can rnams 'gying bar gyur pa lha mo brgya stong gis nye bar sbyar zlog byed pas nags dang / nye ba'i nags dang / rdzing bu dang / 'bab chu dag la sten par byed pa yud tsam cig gnas gcig na dga' bar mi byed par de snga na ma mthong ba'i bde ba dpe med pa rnams la longs spyod par gyur pa/ bde ba rnams du ma rnams kyis de'i dbang po rnams dang yid kyang ngoms pa med par de'ang nags dang / nye ba'i nags su yid la smon pa'i lha mo'i tshogs kyis yod su bskor bar gyur nas lha gzhan dag rnams nags rnams kyi nang du rtse bar gyur pa rnams mngon par mthong la/ de dag rnams kyis kyang lhag sar du skyes pa de mngon par mthong bar gyur te/ 'dod chags kyis gzir brgyags pas rtse ba'i 'gros dang ldan pa/ lha rdzas kyi 'phreng ba'i rgyan can de dag rnams lha gsar du skyes par gyur pa nye bar ston par byed do// des kyang de dag rnams mngon par mthong bar gyur nas yon tan dang ldan pa'i 'dod pa lngas rnam par zin par gyur pas/ de dag rnams nyid dang thag nye bar gyur pas legs par nye bar bsnyen nas 'gro bar byed do//

  661. 331b

    lha mo de dag rnams dang lha gsar du skyes par gyur pa de'ang phan tshun lhan cig tu rgyags pa la don gcig par gyur pas/ de thams cad gar byed par gyur pa dang / rgod par gyur pa las de dag 'di bzhin du sems par gyur te/ 'di dag ni bdag cag rgyags par byed pa'o zhes de bzhin du bsams nas ji ltar de dag dang bdag tu 'dzin par gyur pas de dag rnams phan tshun du mngon par chags shing zhen pas ngal sos pa skyed par byed pa/ phan tshun du gnod pa med par gyur nas rgod pa dang / bskyod pa dang / rtse dga' ba la don dam du byed par gyur pas nags nas nags gzhan rnams su dang / ri'i rtse mo nas ri'i rtse mo rnams su dang / rdzing bu nas rdzing bu rnams dang / pad+ma'i rdzing bu nas pad+ma'i rdzing bu rnams dang / 'khri shing gi khang pa nas 'khri shing gi khang pa dang / shing ljon pa'i tshal nas shing ljon pa'i tshal dag dang / mtsho gzhan nas mcho gzhan rnams su ste/ de dag rnam pa du mar gyur pa'i bai DUR+Ya sngon po dang 'dra bar gyur pa'i ngang ba dang / ngang ngur gzhal du med pa'i bya du mas sgra kun nas bsgrags par gyur pas rna bar snyan par byed pa kun bsams pas/ 'dod pa rnams 'byung ba'i chu yin te/ ji ltar lha de dag rnams kyi sems mngon par rgyan par byed pa'i rnam pa de srid du 'gyur ro/ / de ltar gyur pa'i chu gang yin pa ni rnam pa du mar ro dang dri dang ldan pa yin no// de mtsho de dag tu rtsed mo byas nas slar nyid kyang gangadan lha gzhan dag rnams mchog tu

  662. 332a

    dga' ba'i yid kyis 'gro bar byed pa der lha gsar du skyes pa de lha mo'i tshogs de dag rnams kyis yongs su bskor nas gar dang / glu dang / rol mo'i sgra dang bcas nas 'gro bar byed do/ / lha de dag gis kyang lhag sar du skyes pa de kun nas mngon par mthong nas tshigs su bcad pa brjod pa/ ji ltar/ gsar du skyes pa brag rnams dang // rdzing bu'i pad+ma'i tshal dang ni/ / khang bzang rtse mo dga' ba las// rang 'khor lha dang bcas nas dga'// gser las gyur pa'i brag dang ni// bai DUR+Ya yi rtse mo la// nags kyi tshal dang gzhan rnams yang / / rang gi lha 'khor bcas te dga'// dga' ba'i dpag bsam shing dag dang // chu klung dang ni 'bab chu dang // mtsho bran yang ni rnam spangs la// lha rang 'khor dang bcas te dga'// rin chen bdun gyis rnam bkra ba'i// ri rnams dang ni chu klung dang // ri logs dang ni cher 'os la// dga' bo rang bcas lha rnams dang // man+dAr shing tshang tshing dang // ut+pal sngon po'i tshal rnams la/ / bya yi dbyangs snyan dga' ba na// rang 'khor lha dang bcas nas dga'// sa gzhi'i cha ni gzhan dag dang // rin chen 'byung gnas tshal rnams dang // khyogs kyi khang bu dga' bar ni/ / lha ni rang 'khor bcas te dga'// yid ni mnyen ni 'arlan byed pa'i// rnga skad yan lag lnga pa yis// gar dang ldan pa rtag bde bas// lha ni rang 'khor bcas te dga'// de ltar lha

  663. 332b

    de dag gis gsar du skyes pa'i lha de la bgro bar byed de/ de dag gi tshigs su bcad pa rnams kun tu zhi bar gyur nas/ de kho na nyid rjod par byed pa'i bya de dag rnams kyis kyang tshigs su bcad pa'i dbyangs dang zhad 'dra ba'i kun brjod pa dag bsnyad pa ji ltar/ nags dang nye ba'i nags rnams dang // pad+ma'i 'byung gnas nags rnams la// byis pa sred pas rnam par 'khrul// rang gi lha 'khor bcas te lhung // gser las gyur pa'i brag rnams kyis// rtse mo bai DUR+Ya rnams la// dge ba'i las kyis 'phangs pa de// rang gi 'khor gyi lhar bcas lhung // dpag bsam shing ni dga' 'gyur dang / / chu klung dang ni 'bab chu la// spyod pa de yis dge zad nas// rang 'khor lha dang bcas nas ltung // sa gzhi'i cha ni gzhan dag dang // rin chen 'byung gnas nags la yang / / rtag tu dge min zhugs pa la// rang 'khor lha dang bcas pa ltung // yid ni kun nas tshim byed pa'i// rnga skad yan lag lnga pa yis// phrogs pas de yi dus 'das nas// rang 'khor lha dang bcas rnams 'bab/ / de ltar yang bya de dag gis phan par 'gyur ba dang / kun tu skye bar byed pa dang 'dra ba'i tshigs su bcad pa ji lta bar brjod do// rab tu bshad pa'i rjes la rna ba la lam byung bar gyur nas/ bag med pas kun tu khrid pa'i phyir lha skyes nas yun ring du lon pa rnams kyis kyang tshigs su bcad pa'i ming tsam yang thos par yang mi 'gyur na/ gang dag skyes par gyur

  664. 333a

    nas/ dus thung ngu lon pa/ shin tu bag med pas rnam par rgyu bar byed pa'i lha de dag rnams kyis de brtsi bgrang mi byed pa la lta ci smos/ ches bag med pas rnam par rgyu ba'i lha de dag rnams kyis de la brtsi bgrang ma byas par bag med pa'i dug gi shugs kyis kun tu rmongs par gyur nas/ nye 'khor kun na rab tu gar byed par gyur pa dang / ches rab tu dga' bar gyur pa'i yid kyis nags gzhan dag gi sa gzhi rnams la rab tu gar dang / glu dang / nga sgra lhan cig tu yul rnams kyis rgyags pas rgyags par gyur pa'i yid can rnams rang gi 'od dang ldan pa thams cad kyang dga' bar gyur pas/ lha rdzas kyi bde ba la longs spyod pa/ gang na ri'i 'phreng ba zhes bya ba'i ri bo der nye bar legs par 'gro'o// ri'i 'phreng ba zhes bya ba'i ri bo de'ang khams du ma dang ldan pa rnam pa sna tshogs pa'i rin po che'i 'byung khungs rnams kyis rnam par brgyan par gyur pas nye 'khor kun tu shin tu mdzes par byed do/ / nyi ma dmar ser dang 'dra ba'i pad+ma brgya stong gis nye bar mdzes par gyur pa'o/ / 'bab chubargya stong bye ba rnams kyis kyang nye bar mdzes par gyur pa ste/ dga' bar gyur pa'i ri bo'i 'phreng ba de'i logs bzhi la gnas pa bzhi yod de/ 'di lta ste/ mtsho brgya rab tu bab pa dang / rab tu dang bar snang ba chen po dang / ri mdzes pa dang / ri'i nye 'khor zhes bya ba dang / nags chen po bzhi po de dag rnams ri'i 'phreng bar po'i mchog de la yod do// mtsho brgya 'bab pa ni

  665. 333b

    dpag bsam gyi shing rnams kyis nye bar mdzes par gyur pa'i mtsho bran brgya stong yod de/ gser dang / dngul dang / in+d+ra nI la dang / kar ke tan rnams dang mdog mtshungs pa'i nor bus 'khor kun tu khyab par gyur pas mtsho de dag rnams rab tu gsal bar gyur pa dang / rab tu dang bar gyur pa dang / chu grang bar gyur pa dang / ji ltar 'dod pa'i chu yang mtsho de dag 'gyur ba yin no// mchog tu mdzes par gyur pa'i nags dang / nye ba'i nags kyi tshogs pa dang legs par ldan pa sngo zhing rab tu dang ba'i chu la ngang pa dang / ngang ngur dang / kA ra Na Da ba dang / kA dam pa rnams kyi sgra thos na dga' bar 'gyur ba yin te/ byis pa thams cad rab tu dga' bar byed pa'i byas/ yang lha de dag kun tu mngon par mthong nas tshigs su bcad pa rjod pa/ ji ltar/ gson tshe thams cad rtag ba min/ / lang tshe yang ni 'gor ba min// 'jig rten thams cad mi rtag pa'ang // 'jig rten 'di yis go ba min// las kyi skud pas sprul byas pa'i// dngos po skad cig tsam 'gor ba// snga ma'i rim gyis 'jig 'gyur ba// 'jig rten pas kyang go ba min// nags dang nye nags rten pa yi// lha rnams bye ba phrag stong yang // mi btsums tsam gyi dus yin pa// 'jig rten pas kyang mi rtogs so/ / 'dod na spyod pa lha ris drug/ bag med longs spyod sred pa yis// thams cad brlag par 'gro ba yang // 'jig rten pas ni mi go'o// dbu ba rdos pa dang 'dra ba'i// bde ba

  666. 334a

    rmi lam rdzas dang mtshungs/ / myur du zad par 'gyur ba ste// 'jig rten pas kyang mi rtogs so// de ltar ri'i mchog de la 'dzegs par gyur pa'i lha de dag rnams la phan pa byed par gyur pa'i bya des legs par byas pa'i las kyis bskul bar gyur nas rjod par byed do/ / gzhan du na lha yul rnams la chang cher byed par gyur nas de blo la byed par mi 'gyur ro// dam pa'i lam rnams la dmus long bzhin du 'gyur ba dang / de kho na nyid kyang mi mthong ngo // de nas gzhan yang nags chen po gnyis par gyur pa/ rab tu dang bar snang ba chen po zhes bya ba'i nags su lha de dag rnams rtsed mo dang bcas nas so/ / rab tu dang bar snang ba chen po'i nags de dag ni rnam pa 'di lta bu yin te/ nyi ma brgya dang yang dag par ldan pa rnam pas kyang ches lhag par gyur pa/ dpag bsam gyi shing rnams dang / rin po che rnams dang / de dag rnams kyi 'od zer gyi 'od rnams kyis kyang nags der shin tu lhag par yang yon tan rnams phun sum tshogs par gyur cing rab tu 'bar bar gyur nanas rnam par snang ngo / / rab tu dang ba chen po snang ba'i nags kyi nye 'khor rnams ni 'od zer rnam pa gsum gyis shin tu gsal zhing rnam par mdzes so// de na rnam pa de srid kyi thams cad las kyang mngon par dga' bar gyur pa chu klung dang / 'bab chu dang / mtsho bran rnams kyis rnam par brgyan par gyur pa dang / dpag bsam gyi shing rnams dang ldan par gyur pa'i rnam pa de srid rnams kyi nags kyi mchog der lha de

  667. 334b

    dag rnams 'dus pa rnams dang / ci sten phung po rnams dang / tshogs rnams kyi sgra dang / rol mo'i sgra dang / gar dang / glu dang bcas pas dga' bar byed pa dang / rtsed mo rtse bar byed par gyur pas ni legs par byas pa'i las rnams kyang zad par 'gyur ro/ / ri bo'i mchog de nyid kyi sa'i cha rnams la yul gyi rgyags pas myos par gyur pa'i glang po chen po bzhin du de dag rnams nas den dus ring du rtsed mo rtses nas gzhan yang rang bzhin gyis yid rtsa ba hral can du gyur pas/ ri'i 'phreng ba'i ri bo de nyid kyi nags gzhan ri mdzes pa zhes bya ba'i nags gang yin pa der nye bar 'gro'o// yul lnga'i rgyags pas rgyags par gyur pa rnams bag med pa'i dmas shin tu rmongs par byas pa'i lha rnams kyis ni bzlog par mi nus pa'i 'jigs pa chen por gyur pa'i 'chi 'pho ba'i 'jigs pa kun tu go bar 'gyur ba ma yin gyi/ dga' ba chen po'i sgra dang / reg bya dang / ro dang / gzugs dang / dri rnams 'ba' zhig gis bag med par gyur nas/ gang dang des kyang kun tu khrid par byed do// sred par yongs su chud par gyur pa'i yid can des de na nags gzhan dag mthong bar gyur pa la nye 'khor na pad+ma'i tshal gyis bskor bar gyur/ dpag bsam gyi shing rnams kyis rnam par brgyan pa/ me tog brgya stong gis nye bar mdzes par gyur pa/ ljon shing dri dang ldan par gyur pa'i shing gzhan rnams kyis kyang nye bar mdzes pa/ chu klung dang 'bab chus rnam par brgyan pa/ ljon shing gi nags du mas nye bar rgyas pa rnams la/ ringags dang bya'i

  668. 335a

    t shogs rnam pa sna tshogs pa rnam par bal bar gyur pas spras pa'i rin po che bdun gyi rang bzhin gyi shing 'khyil ba brgyangs pa'i khang pa rnams kyis nye bar mdzes par gyur pa kun ha ra dang skad snyan pa dang / bya'i tshogs gzhan rnams kyis kyang thos na dga' bar 'gyur ba dang / rin po che'i bzhon pas kyang chu klung brgyan par gyur pa ste/ des rnam pa de lta bu'i nags legs par rjes su thob nas/ g+ha de dag ri de la lan brgya phrag rnams dang / gal te na lan brgya stong phrag su ma'ang gar byed par gyur pa dang / klu len par gyur pa/ phan tshun lhan cig tu de dag gis nags der mthar gyis bslab par gyur nas/ dus yun ring por dga' bar byed de/ lhan cig spyod pa dang bcas pa dang / phan tshun g.yog byed par gyur pas kyang yul rnams kyi 'dod chags phyir zhing ngoms pa med par gyur nas/ lha de dag rnams ri'i 'phreng ba'i ri bo de nyid la lan grangs du mar rnam par spyod par byed do// bag med par gyur pas de dag gi gzhan yang mthong bar gyur pa mchog tu dga' bar bar gyur pa'i ri bo de nyid kyi nags ri'i nye 'khor zhes bya'o/ / nags de na dri zhim pa po 'di dag rnams yod de/ shing 'khril bdud pa rnams kyi me tog dang / gser gyi shing 'khril ba rnam par brkyangs pa las kun tu byung ba dang / pad+ma'i bzhon pa rnams dang / mchog tu zhim pa rnams dang / man d+ha ra ba'i ljon shing rnams dang / lha rdzas kyi me tog

  669. 335b

    gzhan rnams kyang ste/ dri nams ni nye 'khor khor yug tu dpag tshad brgyar rlung gis 'debs so// lha rnams kyang ngo mtshar bar byed pa'i dri bla na med pa rnams dang / mchog tu dri zhim por gyur pa rnam pa'ang du ma rnams so/ / de dag rnams snod par byed pas lha de dag rnams der rab tu 'jug par byed de/ mchog tu mdzes par gyur pa rnams phan tshun lhan cig tu rgyags pa la don gcig pa yul gyi bde bas ngoms pa med par gyur pas yongs su skor bar byed do/ / rnam grangs du mar de dag rnams de ltar rnam par rgyu bar gyur pa dang / rtse bar gyur pas gang na ri'i 'phreng ba'i ri bopo de nyid kyi mgo bo yod pa de la nye bar 'gro bar byed do/ / lan brgya dang yang na lan stong phrag tu de dag de'i steng du lta bar byed pa na/ shin tu chen por gyur pa'i gnas par bya ba'i gzhi rnams la rgyar ni dpag tshad lnga brgya pa nye 'khor kun na khang bzangs kyis yongs su gang bar gyur pa la/ gser gyi rang bzhin gyi khang pa dang / dngul gyi rang bzhin gyi khang pa dang / bai DUr+ya'i rang bzhin gyi khang pa dang / gser btso ma'i rang bzhin gyi khang pa dang / mu sA ra'i rang bzhin gyi khang pa dang / de na rnam pa de lta bu'i mchog tu dga' bar gyur pa'i khang pa rnams kyis nye bar mdzes par byas pa dang / de'i lam srang dang bcas pa'i gzhi mdo'i steng khang gi cha shas rnam par mdzes pa dang / rab tu rnam par phye ba'i cha shas dang ldan pa'i khang pa'i rta babs dga' bar gyur pa

  670. 336a

    dang / nye 'khor nabang pad+ma'i tshal gyis yongs su bskor ba ste/ rnam pa de lta bu'i grong khyer de la lha rnams rab tu zhugs nas shin tu rab tu dga' bar gyur pa'i yid kyis ma pa sna tshogs 'dod pa'i yon tan rnams phun sum tshogs pa'i phug dang / nye ba'i nags dang / rdzing bu dang ldan pa shing 'khril ba kun tu dud pa'i khang pa dang / me tog gi nags dang pad+ma'i nags dang / sa gzhi'i rnam par mdzes pa'i cha shas dang / me tog gi tshal gyi sa gzhi dang / phug dang / ri'i khrod dang / tshang tshing dang / ri'i khong seng rnams la dga' bar byed do/ / de ltar ri de'i grong khyer gang yin pa de dag ni nags su gyur pa yin no// de'i rgyab la rnam pa du mar yongs su bskor/ lha rnams dga' bar byed do// rnga skad yan lag lnga dang ldan pas yongs su bskor zhing / rnga skad yan lag lnga dang ldan pa thos par gyur nas/ sgra yon tan phun sum tshogs pa de dang lhan cig tu dga' bar byed do// khyim la mngon par dga' ba'i dga' bar gyur pa de dag rnams la byas tshigs su bcad pa brjod pa/ ji ltar/ gang tshe lha rnams dge ba ni// yongs su zad par 'gyur ba na// de tshe bag med pa yi 'bras// rtsub mo snyan pa shes par 'gyur/ / 'dod la kun tu chags pa yis// de tsam gyi ni bde snyan pa// bde las nyams pa 'byung 'gyur te// log par ltung ba'i 'jigs chen po// yul gyi bdel ba don gnyer/

  671. 336b

    rtag tu bsam pa song ba dag rnams// bud med lta bas myos pa rnams// log par lhung ba 'byung 'gyur gyi// log par lhung byas sdug bsngal ni// de tshe rig 'gyur mi bzad pa// gang dang lhan cig bsten byas pa/ / bag med 'dod chags sten pa rnams// bud med de dag thams cad kyis// 'chi ba'i dus na yongs su 'dor// 'chi 'gyur lha rnams thams cad la// 'ga' zhig rjes su 'gro ba min// las rnams nyid ni rgyab nas kyang // 'gro zhing rjes su 'gro bar 'gyur// legs byas rtag tu rten par gyis// spang bar gyis dang nyes byas rnams// bag med rtag tu bsam pa dang // bag yod la yang dga' bar gyis// srid pa'i rtsa ba bag med 'di// bag yod pas ni zhi bar 'gyur// bag med pa dang bag yod pa'i// 'dis ni rang gi mtshan nyid brjod/ / rtag tu brtan pas de rnams so// bde ba legs par spyad pa spyod// chos la spyod pa'i skyes bu ni// sdug bsngal nam yang 'byung ba min// de ltar bya des lha de dag rnams la rtag par rgyun du yang phan par gyur pa bshad de/ ji ltar bag med par gyur pas rnam par phrogs pas/ lha rnams kyis mi thos par gzhan yang yul gyi dmus long du gyur pas// nags dang nye ba'i nags rnams nyid la snyen par byed do// grong khyer gyi mchog de na dga' bar byed do// ri'i 'phreng ba de la dus yun ring du rtsed mo byas nas/ gzhan yang gang na ri'i rtse mo stong

  672. 337a

    yod pa der nye bar 'gro bar byed do/ / blta bar 'dod pa'i phyir dang / lha rdzas kyi yul rnams la dga' bar gyur pa dang / las rnams byas pa'i rgyus lha rdzas kyi bde ba la nye bar longs spyod par gyur pas/ 'dod pa thams cad phun sum tshogs pa dus thams cad du me tog dang / 'bras bu dang / 'bab chu dang / chu klung dang / rdzing bu dang / pad+ma'i nags phun sum tshogs par gyur pa'i ri de'i dga' ba'i khyad par gong ma gong ma rnams la de lta bar byed do// dga' bar gyur pa du ma la lta bar byed pas rnam par rgyu ba'i lha de dag thams cad kyang ngo mtshar bar byed pa'i ri bla na med pa mthong bar gyur to/ / ri'i 'phreng bar gyur pa'i ri chen po de ni gang gi phyir rang bzhin kho nas ri'i 'phreng ba'i nye 'khor kun na rin po che sna tshogs pa'i rang bzhin gyi ri rnams la sna tshogs pa'i nags dang / nye ba'i nags dang / rdzing bu dang / pad+ma'i nags dang / chu klung dang / btung ba'i klung dang / btung ba la dga' bar gyur pa rnams yod pa ma yin no/ / rin po che'i rang bzhin gyi rtsed mo rnams la bya'i tshogs rnams kyi sgras kun nas bsgrags par gyur pa dang / sna tshogs pa'i sgra dang / cha byang dang / dbyibs 'dzin pa'i mchog tu yid 'phrog par byed pa'i byas nye bar mdzes pa'i ri de dag rnams kyi nye 'khor kun na rin po che'i 'od brgya stong gi 'od zer rnams kyis kyang rnam par snang bar

  673. 337b

    byed cing / mchog tu gsal bar 'bar bar gyur pas lam me bar gyur to// rin po che sna tshogs pa'i rang bzhin gyi ri de dag rnams kyi dkyil na yang ri chen po nyid rnam par gsal ba yin te/ nam mkha' brtol zhing bris pa bzhin du de ltar snang ngo // 'od zer gyis rnam par gsal bar gyur pa'i dpal dang ldan pa'i ri de'i gzhi la lha rnams gnas par gyur nas rtse bas rgyu'o// mchog tu skyid par gyur pa dal bus rtse bar byed pa'i 'gro ba dang ldan pa rnams phan tshun lhan cig tu rgyags pa la don gcig par gyur cing rnga skad yan lag lnga dang ldan pa'i rgyags pas myos pas dga' bar byed de/ lha mo dag kyang lhan dang lhan cig tu rgyags pas rab tu dga' ba'i yid kyis de la 'khod par byed do// ji ltar 'dod pas 'gro bar byed pa rnams kha cig ni nam mkha' las so/ / kha cig ni bud med kyi 'khor nang gi btsun mo'i 'khor gyis yongs su bskor cing yid de la song bar gyur pas/ yul lnga la rnam par chags pa'i sems ngan par gyur pa rnams sred pa'i chu klung gis khyer bar gyur pa na/ yud tsam cig kyang bzlog par 'gyur ba ni ma yin no// snyoms par bde ba dang gcig tu bde bar gyur pa gang yin pa de yang 'jig rten pha rol tu 'gro ba na bde bar 'gyur ba dang phan pa'i don du 'gyur ba yin no/ / de yang des yongs su spangs nas/ bde ba gzhan nyid la kun tu chags pa'i yid can ni sbrang rtsi dang 'dres pa'i dug dang 'dra ba rnams

  674. 338a

    la kun tu chags pa yin te/ lhung bar byed pa bzang po'i bde ba'i gzugs brnyan du gyur pa'i bde ba rnams la kun nas 'dod chags par gyur pas de dga' bar byed pa ste/ rnga skad yan lag lnga dang ldan par lhan cig tu rtse bar gyur pas de la 'khod do// ji lta ji ltar 'khod par gyur pa de lta de ltar dga' ba lhag par gyur par ri'i mchog de mthong ngo // nye 'khor kun na yang mchog tu rgya che ba mchog tu dga' bar gyur pa'i ljon shing dang / chu klung dang / bya dang / mtsho dang / nags dang / nye ba'i nags dang / rdzing bu rnams kyis yongs su gang ba dang / nags brgya stong du ma rnams dang ldan pa rin po che bdun gyis rab tu kun nas gsal bar byas pa'i 'phreng ba'i 'od kyi 'phreng bas kyang khyab par byas pa de'i nye 'khor na lha de dag lha mo tshogs dang lhan cig tu dga' bar gyur cing rtse bar byed pas 'gro bar byed de/ rgyan dang cha byad sna tshogs pa dang 'phreng ba 'dzin par gyur pas/ bsam pa gzhan med par bag med pas brel bar gyur pa'i yid can bag med pa ma spangs pa'i sems rang gi 'od dang ldan zhing / rang gi 'od kyis rgyan dang cha byad du ma dang ldan pa'i bud med kyi mchog rnams kyis yongs su bskor na/ dal bu dal bus ji lta ji ltar 'dod par 'dod pa'i yid kyis ri'i mchog de la gnas par byed do// rang gis byas par gyur pa'i legs par byas pa'i las thun mong ma yin pa'i tshul khrims

  675. 338b

    rnam par smin par gyur pa nges par myong bar 'gyur bas kha bsgyur bas dga' bar byed cing rtse bar yang byed do/ / nags dang / nye ba'i nags dang / rdzing bu dang / chu klung dang / 'bab chu rnams kyang rnam pa du mar sten par byed do/ / de ltar ri'i 'phreng ba'i ri bo'i rtse mo de la 'khod par gyur nas/ ri'i mchog de la rnam par rgyu bar byed pa na/ mchog tu sred pas gdungs pas rnga skad yan lag lnga pa nyan par gyur cing / nad rnams dang bral ba dang / 'jigs pa rnams dang bral ba/ mchog tu rgyags pas yid kun nas bcing pa gyur pas lha dag rtse bar byed do// de dag rnams de ltar rgyu bar gyur pa na de dag gis lan mang du ri'i mchog la kun tu bltas nas/ so sor rang gi 'dun pas rgyu bar gyur pa dang / rang gi 'dun pas 'gro bar byed pa rnams gang du 'dod par lus ngag gi spyod pangal ba so bar gyur pas rnam par rgyu zhing gnas par byed do/ / de nas rin po che'i 'od kyi dpal thams cad las rab tu rgod par gyur pa'i ri'i 'phreng ba'i ri bo'i mchog de na lha rnams bsam par byed pa de ltar bag med par gyur pa rnams kun nas mngon par mthong bar gyur pas/ legs par byas pa'i las rnams kyi lhag ma ni myur du 'god pa'i gson pa'i tha mar gyur pa'i 'jigs pa'i dus rab tu rgod par gyur pa na/ lha'i tshogs thams cad la phan pa la rab tu nu pa'i byang chub sems dpa' dge legs mchog dang ldan zhing dge ba'i las kyi mtha' la spyod pa de ri bo'i rtse mo la gnas nas/ brtan zhing rgya che la gsal bar gyur pa dang / lha'i tshogs thams cad kyi yid 'phrog

  676. 339a

    par gyur cing / yid kyi mun pa rnams shin tu 'phrog par byed pas ri'i rtse mo'i sgra de dag thams cad nye bar bcom nas bag med pa'i snying can gyi lha rnams kyi bag med pa spang par bya ba'i don du dang ba dus bzangs des tshigs su bcad pa brjod pa/ ji ltar/ snying ni 'dod la kun tu chags// rtag tu yul la don dam du// gang zhig mthar thug phan gyur pa// phan pa'i lha yis mi shes so// bsod nams lhag ma 'di cung zad// 'chi 'pho kun tu nye bar gnas// rang gi las 'bras spyad nas ni// lha ni gzhan du 'gro ba yin// skye ba gzhan dang stong phrag ni// thig 'debs lam gyi 'khrul 'khor yin/ / lus can rtag tu las bcings pa// phan pa'i zas za shes par gyis// gang zhig bde la rtag kun chags// dge ba'i las kyang rtag tu byed// mi mthun pa yis rgyu de dag/ rmongs pa rnams kyi snying la 'jug skye bo 'dod pas rmongs de dag/ longs spyad 'chi bdag rab tu lta// gang dag tshul khrims dka' thub shes// bden dang sbyin la mi 'phrogs pa// spyad nas 'chi bdag gis rtog pa'i// skye bo de ni 'dod pas rmongs/ / las kyi rnam smin mi shes gang // skyon yang 'gog la mi dga' ba// longs spyad nas ni 'chi bdag dpyod// skye bo de ni 'dod pas mongs// 'bral bas byas pa'i sdug bsngal ni/ / mi bzad pa gang ma mthong ba// zos nas 'chi bdag gis rtogs te// skye bo de ni 'dod pas rmongs// snying ni bud med 'gro la chags// yang srid pa ni shes min pa'i// zos nas

  677. 339b

    bachi bdag gis rtog pa'i/ / skye bo de ni 'dod pas mongs// rlung dang mya ngan chad rnams la// nam yang skyob sgyu min pa'o// zos nas 'chi bdag gis rtog pa// skye bo de ni 'dod pas myog gang zhig sdig pa'i grogs po dang / / sten pa'i 'jigs pa che byed pa// spyad nas 'chi bdag gis rtog pa'i// skye bo de ni 'dod pas rmongs// gang gi sems ni sgom min dang // de nyid don la mi sems pa/ / longs spyad nas ni 'chi bdag dpyod// skye bo da ni 'dod pas rmongs// gang zhig gnas skabs thams cad du// 'khor ba'i 'jigs pas 'jigs min pa// spyad nas 'chi bdag gi/ blta ba'i// skye bo de ni'i dod pas rmongs// don dang don min la rtag tu// sems kyi sems par sems min pa// longs spyad nas ni 'chi bdag dpyod// gang zhig de nyid blo dang rtag pa ni// 'byung po kun la phan par dga' min pa// longs spyad nas ni 'chi bdag rab rog pa'i// skye bo de ni 'dod pas rmongs pa yin// gang zhig lus de'i don du ni// rmongs pa yis ni chos nyams byed// yid ni rtag tu rtse gcig pas// rab tu brtson pas dge bgyis// mi dge ba yang rtag tu spongs// de dag mkhas pa'i mtshan nyid yin// sbyin dang tshul khrims dka' thub bral// las la ched cher byed pa min/ / bag med pas ni yongs bsdus pa// ring po min par log par ltung // de ni phyi nas dus ring yid// dus kyi dbang gis kun 'gro ba'i// phyi nas bzlog tu med pa yi// gdung

  678. 340a

    ba'i rang bzhin me yis sreg/ mi bzad bzlog par byar med pa// nges par myong ba'i lus can rnams// 'chi ba'i dus kyi dbang du 'gro// de rigs kyis la legs par spyod/ / de ltar radra ba des ring ba me dman zhing rgya che ba'i rang bzhin gyis mchog tu snyan par gyur pas lha de dag rnams la ston par byed do// byang chub sems dpa' de ni dbyang snyan pa yin la/ lha de dag rnams thams cad la des rnam pa mang po dang ldan pa'i dbyangs du ma rnams brjod pa dang ldan pa'i lha rdzas kyi sgra rnams nye bar bcom nas rnam par gsal zhing mdzes par byed pa yin te/ snyan par gyur pa dang / phal che bar gyur pa dang / brtan par gyur pa dang / rgya che bar gyur pa'i phyir yang ste/ ri bo de la thos par gyur nas/ lha'i tshogs du ma rnams kyis yongs su bskor ba/ dus thams cad du me tog dang 'bras bu rnams phun sum tshogs pa/ pad+ma'i tshal du mas kun tu khyab par gyur pa/ lha'i bu mo'i tshogs phal po ches rab tu dga' bar gyur pa'i glu legs par len pa/ rin po che'i 'phreng ba'i 'od kyis nye bar mdzes par gyur pa/ rin po che sna bdun gyis rnam par bkra bar byas pa'i cha shas kyis mdzes pa/ rin po che sna bdun gyi nags dang / nye ba'i nags dang / rdzing bu dga' bar rgyal mtshan gyi 'dug pa'i stegs bu rnams kyis rnam par brgyan pa na

  679. 340b

    lha dang lha mo brgyad stong gis nye bar dbyangs sgrogs par gyur pa rnams ni snyan pa dang / mnyan par 'os pa'i rnga skad yan lag lnga pa kun tu sgrogs par gyur pa thos na dga' ba bai DUR+Ya dang / in+d+ra nI la dang / dngul dang / gser gyi ka ba brgya stong gis nye bar mdzes par gyur pa/ chen po la 'os pa'i seng ge'i khris nye bar mdzes pa/ nam mkha' la rgyu bar byed pa'i gzhal yas khang dpe med pa la gnas nas 'thab bral gyi mnga' bdag rnam par mdzes par gyur cing / bla na med pa'i dpal dang ldan par lha brgya stong gis kyang klu nye bar blangs par gyur cing thal mo sbyar ba stong phrag brgyas mchod par gyur pa dang / bstod par yang gyur pas/ rnam par brtol ba bzhin du nam mkha' las gang na ri'i 'phreng ba'i ri bo der nye bar legs par 'ongs te/ momachog tu rangs par gyur pas ngang pa'i rgyal po dus bzangs blta bar 'dod pa'i phyir ro// smon lam gyi dbang gis dang lha rnams la yang phan par 'dod pas kyang der skyes pa yin la/ skye ba dran pa'i dbang du byas nas kyang gus pa legs par skyes par gyur pas/ der lha 'thab bral gyi mnga' bdag legs par nye bar 'ong ngo // ji ltar 'os pa bzhin du 'di'i drung nas ngas dam pa'i chos mnyan par bya ste/ lha rnams dang / bdag nyid la phan pa dang / bde ba'i don du dang / bag med par log par ltung bar 'gyur ba rnams rnam par zhi bar bya ba'i don du yang ngo //

  680. 341a

    de nas ri'i 'phreng ba'i ri bo gang yin pa de'i rnam pa sna tshogs pa'i gnas dang / kun dga' ra ba dang / skyed mos tshal dang / nags dang / nye ba'i nags dang / ri logs dang / sman ljongs dang / pad+ma'i tshal dang / mtsho bran dang / yang thog gi rtse dang / khang bu'i rgyab dang / rin po che'i khang pa dang / ri'i rtse mo dang / chu klung dang tshang tshing dang / ri'i rgyab dang / me tog gi nags dang / 'bras bu'i nags dang / skyed mos tshal dang / dpag bsam gyi shing dang / dngul dang / bai DUR+Ya'i rang bzhin dang / gser btso ma'i rang bzhin gyi rnam pa du mar mthong na dga' bar gyur pa/ ljon shing rnams la'ang lhan cig spyod pa rnams dang bcas pa'i lha de rnams dga' bar byed cing / rtse bar yang byed pa las yul ljongs mang pos kun tu gang bar gyur pa'i lha'i tshogs de dag thams cad rab tu rings pa dang bcas pas ches rab tu dga' ba'i yid kyis gar byed par gyur/ bskyod par gyur/ rgod pa dang ches rab tu dgod pa'i yid kyis/ khang bzangs kyi mchog na zhugs par gyur pa'i lha'i mnga' bdag de kun tu legs par mthong bar gyur te/ lha rdzas kyi dpe med pa'i bde ba rnams dang yang dag par ldan par gyur pa mngon par mthong zhing / thams cad kyis kyang bdag nyid thams cad kyis mu su lun d+ha de nyid mngon par mthong gyur nas/ rab tu dga' ba'i blta ba la ched

  681. 341b

    che bar gyur pa'i yid kyis de nyid mthong bar gyur pa na/ brjod par gyur pa ji ltar 'thab bral ba'i mnga' bdag mu su lun d+ha yid la dam pa'i chos nyan 'dod pa yin te/ ngang ba'i mnga' bdag dus bzangs kyi drung du dam pa'i chos nyan 'dod pa yin na/ ngang pa'i rgyal po dus bzangs ma mthong bas de'i drung du bdag cag rnams kyis mngon par blta bar bya ba dang mchod pa yang don du gnyer bar bya'o/ / lha de dag rnams kyis de ltar rig par gyur nas 'dod pa'i yon tan lnga dang ldan pa'i bde ba dang yang dag par ldan pa/ lha rdzas kyi 'phreng ba'i rgyan dang ldan pa rnams thams cad kyis lha'i mnga' bdag la rab tu bsnyen par gyur to/ / de nas gang yang mu su lun d+ha dang lhan cig tu nam mkha'i dkyil nas 'ongs pa'i lha de dag thams cad dang / gang yang ri'i 'phreng ba'i rtse mo stong pa na dga' zhing rtse bar byed pa'i lha rdzas kyi 'phreng ba'i rgyan dang yang dag par ldan pa de dag rnams thams cad kyis kyang 'thab bral gyi bdag po'i drung du mchod pa byas nas/ rab tu dga' ba'i yid kyis mdun du gar byed par gyur cing glu len par yang byed do/ / thams cad dang yang dag par ldan par gyur pa de dag rnams 'thab bral gyi bdag po dang lhan cig tu gyur pas/ gang na byang chub sems d pa' mchog tu rno ba'i shes rab dang ldan pa smon lam gyi dbang gis lha rnams kyi bag med pa bsal bar bya ba'i don du 'thab bral du skyes par gyur pa der thams cad nyid nye bar legs par song

  682. 342a

    ngo / / de nas ring ba nyid nas 'thab bral gyi bdag po mthong bas chos la gus pas gus pa legs par skyes pa dang / khang bzangs de las babs nas/ de lha'i tshogs dang lhan cig tu chos chen por rab 'chad pa po'i chos la sgra 'byin pa'i mngon sum du der bsnyen nas/ ngang pa'i gzi brjid kyis lha rnams thams cad kyi drung na ches lhag par chos kyi dpal rnam par mdzes so/ / de nas de ring ba nyid nas mthong bar gyur pas/ 'thab thal gyi mnga' bdag gus pa shin tu legs par skyes par gyur cing / chos la'ang gus par gyur pas khang bzangs de las kun nas babs par gyur te/ lha'i tshogs de dag rnams dang bcas pa rnams chos rab tu smra bar byed pa po chos kyi sgra sgrogs par byed pa de la kha mngon du phyogs par byed pa la nye bar brten par gyur to/ / ngang pa de yang chos kyi gzi brjid de dag gis lha rnams thams cad kyi drung na chos kying dpal gyis shin tu bla lkug par mdzes par gyur to// de nas mu su lun mngon par mthong nas byang chub sems dpa' ngang ba des legs par 'ongs sam gyi tshig gis mngon par mchod de/ 'thab bral gyi bdag po gang dang de dag de ltar bde bar 'ongs sam de ltar bag med par ma gyur tam/ bde ba'i sa gzhi rnams kyi mchog 'di thob par gyur nas kyang / gang zhig phrogs par mi 'gyur ba de ni shin tu ngo mtshar ro// phyir zhing kho na lha rnams mnga'

  683. 342b

    b dag byed par gyur pa gang gi phyir lha rnams las kyang brgya 'gyur du bde ba rnams la nye bar longs spyod par gyur pa'i rnam pa de lta bu'i bde ba gang yin pa rnams kyis kyang khrid par mi byed par de dag shin tu ngo mtshar ba gzhan yin no/ / gang gi phyir legs par byed pa'i rkyen rnams dang / sdug bsngal gyi rkyen gyi shugs rnams kyis kyang 'dzin par byed pa yin no// de de ltar skye ba gzhan rjes su dran par byed de/ sangs rgyas gtsug tor can gang gi spyan snga nas des chos 'dul ba thos par gyur pa'i mdo sde dran par byas nas mu su lun d+ha de la 'chad pa/ ngang pa rnams kyi mnga' bdag dus bzangs 'dis mu su lun d+ha de la 'di skad ces smras so/ / ji ltar mu su lun d+ha khyod ni rnyed pa dang ldan te gang bag med par gyur pas/ khyod ni rgyu ba dang nga'i yang chos kyi sgra thos par gyur nas 'dir 'ongs pa de dag ni 'dir ngo mtshar che ba yin no/ / de ltar yin pa de'i phyir 'thab bral gyi bdag po mnyan par gyis dang / bcom ldan 'das gtsug tor can des nga mir gyur pa'i rgyal por gyur pa na bstan pa/ rgyal po chos la spyod pa zhes bya ba'i chos kyi rnam grangs kyi mdo gang yin pa de legs par rab tu yid la gyis la nyon cig dang bshad par bya'o/ / rgyal rigs rgyal por spyi bo nas dbang bskur bas yang dag par skye dgu rnams skyong bar byed pa gang gis phan pa dang bde ba la sbyar bar 'gyur ro/ / de'ang des rab tu bsngags par 'gyur ro// lus zhig nas kyang mtho risi bde 'gro'i 'jig rten 'thab bral

  684. 343a

    rgyu lha rnams kyi mnga' bdag tu 'gyur ro/ / chos gang dag yang dag par ldan par gyur pa'i rgyal rigs rgyal por spyi bo nas dbang bskur bas skye dgu rnams sbyong bar byed pa yin zhe na/ mthong ba'i chos nyid la'ang de nges rab tu bsngags par 'gyur ro// lus zhig nas kyang mtho ris bde 'gro'i 'jig rten 'thab bral ba rnams kyi mnga' bdag tu 'gyur te rdzu 'phrul che ba dang / stobs che ba dang / nor che bar yang 'gyur ro// 'di na rgyal po chos sum cu rtsa lnga yang dag par ldan pa'i rgyal pos skye dgu rnams skyong bar byed la/ skyong bar gyur pas kyang nor chen por 'gyur ro/ / stobs che ba dang / phas kyi rgol ba'i dpung thams cad kyis mi thub par 'gyur ro// lus zhig nas kyang mtho ris bde 'gro 'thab bral ba rnams kyi mang bdag tu 'gyur ro/ / sum cu rtsa lnga po gang dag ce na/ 'di lta ste/ 'di'i rang gi skye bo gtsang bar gyur pa dang / dpya rnams nges par byas nas za ba byed pa dang / bzod pa dang ldan pa dang / lugs las phyogs 'dzin med pa dang / bla ma mchod par byed pa dang / sngar nyid ster bar byed pa yin/ sngar byin par gyur nas phyis kyang ster bar byed pa yin chos ma yin pa 'dzin par mi byed pa yin/ sdig pa'i grogs po dang sten par byed pa ma yin/ bud med kyi dbang du 'gro ba ma yin/ thams cad kyi tshig la dad par byed pa ma yin/ snyan par

  685. 343b

    zags pa la 'dod pa spyad pa yin gyi/ nor la 'dod pa can ma yin no// log par lta ba dang ldan pa ma yin/ gtong ba can yin/ 'thun byed pa dang ngag snyan par 'gyur ba yin/ bden par smra ba yin/ nor gzhis rnams 'phel ba dang 'grib par glo bur mi byed pa yin/ mi'i khyad par shes pa yin/ dus nges pa legs par ston par byed pa po yin/ gnyid che ba ma yin/ le le med ba yin/ grogs po brtan pa yin/ mi phan pa rjes su ston par byed pa ma yin/ khro ba'i shugs dang dga' ba ya ya po sdom par byed pa yin/ zas dang skom la shin tu kun nas chags pa'i rang bzhin can ma yin/ legs par bsam par bya ba rnams sems pa po yin/ don dus ring du sbyor bar byed pa ma yin/ chos la skye dgu rab tu dgod par byed pa yin/ dge ba bcu'i las kyi lam gyi dge ba rnams byed par 'gyur ba yin/ rgyu dang rkyen legs par rton par byed pa yin/ lha dag mchod par byed pa yin/ bu dang bu mo yang dag par bde bar yongs su skyong bar byed pa yin/ rtag par yang shes rab goms par byed pa'i rang bzhin can yin/ yul gyis bkri bar 'gyur ba ma yin/ rigs pa dang ldan pa'i rang bzhin rnams kyi rigs kyis sbyin par gtong ngo / / de lta bu'i chos sum cu rtsa lnga dang yang dag par ldan pa'i rgyal rigs rgyal por spyi bo nas dbang bskur ba de des rab tu bsngags par 'gyur ro// shin tu nor che ba dang /

  686. 344a

    rab tu phal che ba'i dkor dang nye bar mkho ba dang ldan par 'gyur ro// lus zhig nas kyang mtho ris bde 'grob 'jigs rten 'thab bral ba rnams kyi lha'i mnga' bdag tu 'gyur te/ legs par byas par gyur pa de des rgyu las so// de la gtsang ba'i rang gi skye bo dang yang dag par ldan pa'i rgyal po nyung zad kyi rang bzhin can ma yin par 'gyur ba'i rnam pa ji lta bus skye bo de gtsang ba la sbyor bas/ gzhan la phan pa la rab tu zhugs pa yin zhe na/ chos lugs rnam par gzhag pa la shin tu bar yang sa mtshams srung bar 'gyur ro// dam tshig srung bar 'gyur ba dang / rtsa ba hral can du ma gyur pa dang / rje dpon la phan pa ma yin pa rab tu 'gogs par byed par 'gyur ro// 'dis phan par gyur pa dag la kun tu sbyor bar byed pa dang / rgyal srid kyang chos kyis legs par srung ngo / / phan pa dang grogs su 'gyur ba rnams smra bar byed pa dang / dus su nye bar gnas pa dang / drang po'i rang bzhin can/ gzhan la bzhang gang du byed pa ma yin pa dang / zhabs 'bring byed pa'i dbang gis phan pa ma yin pa rnams rje bo la byed par mi 'gyur ba dang / 'dod pa dbang rgyal dag gis kyang khrid par 'gyur ba ma yin pa dang / gnas skabs thams cad du chos rnams las nyams par gyur pa yod pa ma yin pa dang / 'jig rten pha rol gyi don kun nas gleng slong bar byed pa dang ldan pa'o// 'khor ba la 'jigs par 'gyur ba dang /

  687. 344b

    las kyi 'bras bu rnam par smin pa la skur pa mi 'debs pa dang / nyes par spyod pa rnam pa gsum pa yongs su spong bar byed do// goms par mi byed de// chang pa la dga' bar ma yin no// blo gas dang ldan pa ma yin pa dang ste/ de rnams rnam pa de lta bu dag gis skye bo gzhan dang bdag nyid kyang legs par 'jug par byed de/ rgyas par yang byed do// 'jig rten gnyis su phan pa byed par gyur pa'i skye bo rnam pa de lta bu de dag gi skye bo dang ldan pa'i rgyal pos rgyal khams kyang skyong bar byed cing / rang dang gzhan yang 'dzin par byed pa rnams ni lus zhig nas mtho ris pade 'gro'i 'jig rten 'thab bral gyi lha rnams kyi mnga' bdag tu 'gyur ro/ / yang chos gzhan dang yang dag par ldan par gyur pa'i rgyal pos rgyal khams legs par skyong bar byed pa ni lus zhig nas kyang mtho ris bde 'gro'i 'thab bral gyi lha rnams kyi mnga' bdag tu 'gyur ro/ / gang dag ce na/ 'di lta ste/ nges pa dang ldan pas 'bral bu rnams za bar 'gyur ba'o// nges pa med pa zhes bya ba ni de'i yul lam/ grong khyer ram/ grong ngam/ tshong dus rnams kyang rung ste/ dus thams cad dang gnas skabs thams cad du nges par bya ba'i dpya rnams yod par gyur pa las de dag rnams de kho na bzhin du rgyal po 'dis nyams par ma gyur pa yang dus kyi skyon gyis sam/ ma nor bar gyur nas rim gyis 'phel gyur pa'i rang gi dngos rnams rigs pa ma yin pas 'phrog par byed na

  688. 345a

    'jal byed la 'jal bar mi byed pa dang / g.yos bden par 'gyur ba yod dam ci/ de ltar rgyal po nges pa'i 'bras bu za bar byed yin no// des skye dgu rnams 'tshe bar mi byed do/ / yul 'khor yang yongs su srung bar byed do// skye bo thams cad la rjes su brtse ba po de lus zhig par gyur nas/ mtho ris bde 'gro'i 'jig rten 'thab bral ba rnams kyi bdag por 'gyur ro/ / yang chos gzhan dang yang dag par ldan pa'i rgyal pos yul 'khor yongs su skyong bar byed do// skye dgu kun tu dga' bar yang byed do// gang dag ce na/ 'di lta ste/ bzod pa dang ldan par gyur pa'o// 'di la rkyen gyi dbang gis khro ba 'byung bar gyur na yongs su spong bar byed do// rje dpon yin par gyur nas kyang gnad la sgo bar mi byed do// gzhan gyi 'byor pa mi bzod par mi byed do/ / grong khyer nyes pa can rnams la'ang gtse ba skyed par yang mi byed do// grogs po'i drung du tshig rtsub mo rnams smra bar yang mi byed do// khro ba skyes par gyur na'ang bzod pas rab tu zhi bar byed do/ / 'dis snyan rjod par byed do// brjod par gyur na'ang ji ltar 'dis grong khyer ba 'di rnams mi bde bar gyur cing 'khrug par byed pa ma yin no// de ltar gan skabs thams cad dang rnam pa thams cad du snying rje dang ldan par 'gyur te/ rang bzhin gyis yin gyis/ dgos pa rnams rgyu gang nas kyang ni ma yin no// rgyal po de bzod pa dang ldan par gyur

  689. 345b

    pa'i rgyu de dag dang rkyen de dag gis lus zhig nas mtho ris pade 'gro'i 'jig rten 'thab bral ba'i lha rnams kyi mnga' bdag tu 'gyur ro/ / rgyal rigs rgyal por spyi bo nas dbang bskur bar gyur pa 'jig rten 'di dang pha rol tu'ang phan par 'gyur ba'i phyogs 'dzin med par yul legs par skyong bar byed pa 'di'ang gang zhe na/ bla na med pa'i dge ba'i bsam pa mtshungs pas rgyal po yul ldongs pa rnams thams cad kyi ma dang pha dang 'dra bar 'gyur ro/ / gcig tu nor gyi rgyus dang / phan 'dogs pa'i rgyus dang / rang gi skye bo yin pa'i rgyus dang / sngun phan btags pa'i rgyus dang / 'brel bar gyur pa'i rgyus dang / skye dgu'i bdag por gyur pa dang / dmag gi dpon po yin pa'i rgyus kyang ma yin te/ gnas skabs thams cad du phyogs 'dzin par mi byed do// de lugs rnam par gzhag par byed pa'i dus na grogs po dang grogs po ma yin pa la blo mnyam par 'gyur ro// de dag rnams byed par gyur pa na rgyal po de'i yul ljongs yongs su nyams par mi 'gyur ro/ / snyan grags kyang yongs su nyams par mi 'gyur ro// rgyal po med pa'i grong khyer du mi 'gyur ro// gzhan gyi dpung gis 'jigs par mi 'gyur ro// rgyal po gzhan kha drag par mi 'gyur ro/ / de dus yun ring du rgyal po byed par 'gyur ro// lus zhig par gyur nas kyang mtho ris par 'gro'i 'jig rten 'thab bral gyi lha rnams kyi mnga' bdag tu 'gyur ro// gzhan ya

  690. 346a

    r gyal rigs rgyal por spyi bo nas dbang bskur ba la gces par 'gyur ba'i chos yod pa ni 'jig rten gnyis la phan pa dang mya ngan las 'das pa'i mthar thug par yang byed pa'o/ / 'di'ang gang zhe na/ 'di lta ste/ bla ma mchod par byed pa'o// bla ma zhes bya ba'ang ji lta ba bzhin du de kho na ston par byed pa'o// de'ang tshul khrims dang / shes rab dang / dka' thub dang ldan zhing sems can rnams la phan pa la legs par zhugs par gyur pa gcig tu nges par dge ba byed pa po/ lus dang ngag gi las kyi mtha' rab tu zhi ba dri ma rnams dang bral bar gyur pa de bzhin rjes su 'dzin pa la zhugs pa de la rjes su ston par byed do/ / de dag gi drung nas ngag 'dzin par byed do// de ji ltar spyod par byed pa de ltar de'ang spyod par byed do/ / rgyal rigs rgyal por spyi bo nas dbang bskur ba dag de mchod par byed pas 'di la rtag tu phan par 'gyur ba dang / lus zhig nas kyang mtho ris bde 'gro'i 'jig rten 'thab bral ba'i mnga' bdag tu 'gyur te/ dge ba'i las de'i rkyen rnams dang dge ba de dag gi rgyu las so// gzhan yang rgyal rigs rgyal por spyi bo nas dbang bskur ba la gces par 'gyur ba'i chos su gyur pa dag gis 'jig rten gnyis su phan par gyur pa ni 'di lta ste/ sngar byin nas phyis kyang ster bar gyur pa'o// gang yang phas sam/ mes pos sam/ yang mes pos sam/

  691. 346b

    gzhan gyis sam/ de dag dang de las gzhan pa rnams kyis kyang rung ste/ rtag tu gang byin par gyur pa las gzhi 'am/ dbyig la sogs pa rnams 'dren ma dang rnyog ma can du gyur pa'i sems ma yin pas dang / phan pa dang mchog tu dang bas de dag la rjes su yi rang bar byed cing de dag nyid la dga' ba dang slar nyid yang sbyin pa bsngags par byed do// gzhan yang sbyin pa rjes su gtong ba la rab tu 'jug par byed do/ / de nyid kyang de bzhin du rab tu gnas pa dang rab tu 'jug par byed pa gang yin pa'i rgyal rigs rgyal por spyi bo nas dbang bskur ba 'di'i lus zhig nas las de dag rnams kyi rgyu dang rkyen dag gis kyang mtho ris bde 'gro'i 'jig rten 'thab bral ba'i mnga' bdag tu skye bar 'gyur ro/ / chos gzhan yang rgyal rigs rgyal por spyi bo na/ dbang bskur ba'i 'jig rten gnyis su don dang / phan pa dang / bde bar 'gyur ba 'di'ang gang zhe na/ 'di lta ste/ sbyin pa'o// sbyin pa zhes bya ba yang gnas skabs thams cad dang thams cad nyid la dang / rnam pa thams cad du dang / dus thams cad du dang / blo gros thams cad la'ang phan par 'gyur ba dang / bde bar 'gyur ba dang / thams cad nas 'gro ba thams cad du'ang dmyal ba dang / yi dgas dang / dud 'gror skyes pa rnams la'ang bkres pa rnam par 'joms pa dang / skom pa rnam par 'joms par byed pa

  692. 347a

    yin na/ lha dang mi rnams la 'byung bar 'gyur ba lta smos kyang ci dgos/ gtor ba can gyi rgyal po ni mthong ba'i tshe 'bras bu dang yang ldan pa yin no// gang dag ce na/ 'di lta ste/ grags pas rjes su dga' bar gyur nas/ grong khyer dang yul ljongs phun sum tshogs par 'gyur ba dang / de dag rnams kyis yong su spong bar yang mi 'gyur ro// des yul ljongs gzhan gyi mchod pa'ang bla na med pa du ma thob bo/ / de nyid mngon par kun tu mthong nas kyang phas kyi dpung rnams kyis kyang zil gyis me non no// 'di la dgra rnams kyis bar du gcod pa phra mo tsam yang bya bar glags mi thong ngo / / de yul dang grong khyer gyi mchog rnams dang ldan par 'gyur ba ni goms par ma gyur pa rnams la'ang mthong ba'i chos kyi sbyin pa'i 'bras bu yin no/ / gang yang zhing dang / dngos po dang / bsam pa phun sum tshogs pas sbyin pa byin par gyur pa rnams la lta ci smos/ des ni gcig tu dga' bar gyur pa dang / gcig tu ngan song gi sgo rnam par sdom pa dang / gcig tu rnam par smin pa bde bar 'gyur ro// de la sbyin pa sbyin par bya ba rnams ni rnam pa du ma yod de/ rnam pa du ma de'ang gang zhe na/ 'di lta ste/ zang zing gi sbyin pa dang / mi 'jigs pa'i sbyin pa dang / chos kyi sbyin pa'o// rnam pa de lta bu'i sbyin pa rnams gang go tshe rgyal po des dge slong dang bram ze rnams la gtong bar byed pa de'ang / lus zhig nas mtho ris bde 'gror

  693. 347b

    'jig rten 'thab bral ba'i lha rnams kyi bdag por las de'i rgyu dang rkyen rnams kyis 'gyur ro/ / gzhan yang rgyal po rgyal rigs spyi bo nas dbang bskur ba la gces par 'gyur ba'i chos 'jig rten gnyis la phan par byed pa yod de/ 'di'ang gang zhe na/ chos byed pa ma yin pa rnams mi 'dzin pa'o// rgyal po rgyal rigs rnams kyang gang gi phyir chos dang ldan pa dang / chos kyi rjes su 'jug pa yin no/ / chos byed pa ma yin pa'i skye bo rnams nges par 'gegs par mi byed pa dang / 'dzin par byed pa dang / chos byed pa ma yin pa rnams kyis mgrin pa mi gtsa bar byed pa po/ log par lta bas ri dgas kyi 'khor bas 'grol bar byed pa/ mchod sbyin dang phyugs gsod par byed pa/ skyes bu tha chad du gyur pa/ skyes bu phyin ci log 'dzin pa/ pha ma la gus pa med pa dang / rnam pa de lta bur gyur pa rnams yul du 'dzin par mi byed do// de dang bsten 'grogs byas par 'gyur ba'i skyon gyis skyes bu gzhan dag dge ba'i sems dang ldan pa rnams kyang rab tu chud gson par byed do/ / de dag rnams la bstan pa'i skyon gyis de dag chud gsan pas 'di'i ming 'byed pa rnams yongs su nyams par 'gyur ro// dus ma yin par char 'bab par 'gyur ro/ / dus ma yin par lhas shin tu tsha bar byed // dus ma yin par lo tog rdzogs par byed do// yul ljongs rlag par yang 'gyur te/ sdig pa byed pa po de rnams

  694. 348a

    kyi nyes dmigs chen pos so/ / rgyu des na chos byed rnams 'dzin pa yin no// skyes bu chos byed kun tu bzung bas kyang lhas dus su char 'bebs so// dus su rlung rgyu'o/ / dus su lo tog rdzogs par byed do// yul ljongs rlag par yang mi 'gyur ro// 'jigs pa dang / mya ngan dang / yang ba dang / skye dgu rnams bral bar 'gyur ro// skyes bu chos byed de dag mnga' byed par gyur pas 'du byed rnams thams cad kyi sdug bsngal rnam par chad par byed do/ / skyes bu chos byed legs par 'dzin cing sten par byed pa 'di'i snying po'i mchog ni tshangs par spyod pa'o/ / 'di lta ste/ skyes bu chos byed rnams ston pa'am/ legs par 'dzin par byed pa'o// de'i phyir na blo dang ldan par gyur pa'i rgyal rigs rgyal por spyi bo nas dbang bskur bas skyes bu chos byed la kun tu bsten par bya'o/ / de las kyang 'jig rten gnyis su phan par 'gyur ro// lus zhig par gyur nas kyang mtho ris bde 'gro'i 'jig rten 'gro ba bral gyi lha rnams kyi mnga' bdag tu 'gyur te/ las de'i rgyu dang rkyen gyis so// gang gis sdig pa'i grogs po dang ston par mi 'gyur ba la sdig pa'i grogs po yang rnam pa brgyad spang bar bya ste/ 'di lta ste/ med pa smra bar gyur pa gang gis sbyin sreg med do// sbyin pa med do// 'jig rten 'di med do// pha rol med do zhes zer ba 'di ni sdig pa'i grogs po gcig

  695. 348b

    yin no/ / sdig pa'i grogs gnyis pa yod de/ 'di ltar 'grod par bya ba ma yin pa yod pa ni ma yin no// tshangs par spyod pa med do// nam zla dang dus kyis bud med dag la thams cad kyis bgrod par bya'o/ / skyes bu gsum pa sdig pa'i grogs por gyur pa ni 'di lta ste/ ji ltar gang dag sems can rnams la byin pa dang / mer bcug pa de dag rnams kyi bcug par gyur pa ni ma bcug pa yin no/ sdig pa'i grogs po bzhi pa ni 'di na ji srid 'tsho ba'i bar de srid cig kho nar skyes bu dag 'gyur gyi/ de shi bar gyur na de'i phyir de'i legs par byas pa dang / nyes par byas pa de dag rnams thams cad kyang ji ltar sprin dang khug na rnams rnam par nyams nas slar yang mi 'jug pa de bzhin du/ lus can de dag rnams kyi bsod nams dang sdig pa'ang yin no// sdig pa'i grogs po lnga par gyur pa ni pha dang ma'i rtsa nas 'byed par byed do/ / gus pa dang rnam par 'bral bar byed do// sdig pa'i grogs po drug pa yod de/ 'di lta ste/ srog gcod pa bya bar byas te rgan po dang long ba dang / mgon med pa dang / bkres pa rnams so// de dag kyang shi nas 'jig rten gzhan du bde bar 'gyur ro// sdig pa'i grogs po bdun pa ni 'di lta ste/ gang dag rlung gis sam/ de'i tshemes bsregs pa dang / rlung za ba dang / gdung ba lngas dus byed pa ni de dag gi 'jig rten zad pa med par 'gyur te/ gzhan dag tu brje bar 'gyur bas so// sdig pa'i grogs po brgyad pa ni

  696. 349a

    'di dag thams cad ni lhas byas kyi/ lhas dang 'bras bu'i mtshan nyid ni ma yin no// sdig pa'i grogs po brgyad po de dag rnams legs par yongs su spang bar bya'o// kun tu spang bar bya'o/ / yul du 'jog par mi byed do// phrad par yang mi byed do// gang dag gis rgyu dang 'bras bus yang dag pa ji lta bar brjod pa de dag rjes su 'dzin par byed do// de dag rnams kyi drung nas dam pa'i chos rjes su 'dzin par byed do/ / 'jig rten gnyis la phan pa la rab tu zhugs pa'i rgyal po 'di ni lus zhi gnas shi ba'i 'og tu 'thab bral ba'i lha rnams kyi mnga' bdag tu 'gyur ro// gzhan yang rgyal pos chos rab tu gzhol bar bya ba 'di'ang gang zhe na/ 'di lta ste/ bud med kyi dbang du 'gro bar mi 'gyur ro// skyes bu tha mal pa rnams bud med kyi dbang du 'gro ba thams cad la'ang 'jig rten pa rnams thams cad kyis gshe bar 'gyur ro/ / ci yang mchog tu rgya che ba'i rigs rgyud du legs par skyes pa'i rgyal po lta ci smos/ bud med thams cad ni rnam par 'byed pa'i rang bzhin can yin no// des yul 'khor dang yul ljongs rgya chen po rnams thams cad las rgyal po rnam par 'byed par byed do/ / 'dod pas zil gyis mnan par gyur pas lhan cig tu 'grogs pa rnams sun 'don par byed par 'gyur ro/ / nor gyi chos kyi rjes su 'jug par byed la sbyin pa 'gog par byed do// 'dod pas zil gyis mnan par gyur pa gang gi phyir la lo can nam+ba tham cad kyang bud med 'dzin par byed do// 'dod chags

  697. 349b

    kyi bsam pas glor kun nas skor bar byed do/ / skyes bu rang gis don rnams las yongs su nyams par byed do// skyes pa chos kyi bsam pa yang dag par byung ba'ang bud med thams cad kyis rnam par 'byed par byed pa dang / phra ma'i bsam pa dang / nga rgyal dang / phrag dog gi skyes gnas can de dag rnams kyis skyes pa rnams rang bzhin mtshungs par byed do// bud med kyis 'tsho pabar gyur pa de dag ni sbrul nag po mthong ba dug can de dag gis yongs su nyams par byed do/ / de'i phyir bud med kyis 'tsho bar gyur pa'i rgyal po zhe ldog go// de dag gi gzhi'ang 'di lta ste/ bud med ces bya'o/ / gzhi des 'tsho bar gyur pas de ches btsog par 'gyur ro// kun gyi lam du gyur pa chos kyi dus las lhung nas yongs su nyams par 'gyur ro// skyes bu bud med la gtsor byed ba rnams sdug bsngal ba dang lang tsho dag kyang kun tu 'jig par 'gyur ro/ / 'dod chags la mchog tu 'dzin pa'i skyon gyis rtag tu 'dzin yang thams cad kyis de yongs su spong bar 'gyur ro// de'ang bud med de nyid rang gis slu bar byed de/ dkrig ma 'di dag rnams thams cad ni rang bzhin kho nas 'di lta ste/ gsar pa la zhon par byed pa dang / byas pa chud gson pa dang / sdug bsngal bar gyur nas yongs su spong ba la mkhas pa dang / 'dod pa dang phrag dog phal che bar gnas pas kyang de dag rnams ni skyes pa la nga la sos par 'gyur ba med do// gang yang bud med kyi dbang gis 'gro bar gyur pa ni//

  698. 350a

    grong dang / grong khyer dang / grong rdal dang / ljongs dang / tshong dus rnams thams cad du'ang 'di la skye bo dag gis shin tu bar yang gshe bar 'gyur ro// khyad par du'ang rgyal po la'o/ / de'i phyir bud meng bsgrub par mi bya'o// bud med kyis 'jigs shing skyon du lta ba de ni lus zhig nas mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro// yang chos gzhan rgyal pos mi bya'o// 'di'ang gang zhe na/ 'di lta ste/ thams cad kyi tshig la dad par mi bya'o// gson pa'i 'jig rten pa 'di dag thams cad ni rgyud tha dad par gnas pa phal cher phan tshun du sems kun nas tha dad pa dang / rang bzhin rnam pa tha dad pa dang / dgos pa rnam par tha dad pa dang / rgyu rnam par tha dad pa dang / rang bzhin gyi gshis kyis dri ma'i dngos po rnams rnam par tha dad pa dang / rtag tu 'thab pa dang / rtsod pa dang / rgyu mthun pa'i sems tha dad pa dang / sten grogs rnam par tha dad pa dang / rang bzhin rnam par tha dad pa dang / yul ljongs la skyon byed pa rnam par tha dad pa rkyen dang bcas pa'i sems yang mor gyur pas kyang phan tshun du rgyab kyi sha za bar byed do/ / phan tshun mngon sum du thul 'og tu 'jug go/ de dag rnams thams cad kyi tshig la rgyal pos tha dad par mi bya ste/ de ltar gang dag rigs pa tha dad pa rnam pa tha dad par gyur pa dang / snga phyi rnam par 'gal ba dang / bsam pa phan tshun ma rungs par song

  699. 350b

    bar gyur pa dang / phyogs cha 'dzin par gyur pas kyang smras par gyur pa dang / nye bar bskyed 'dod pa'i dngos pos smras par gyur pa dang / sngon phan par byas pa dang / gnod par byas par gyur pas smra bar 'gyur ba dang / phan tshun du nor dang dpral bar 'dod pas rgyal po la rjod par byed pa dang / de dag sngar brjod par gyur pa'i rgyus phan tshun du rab tu sdang bar zhugs pas rjod par byed do/ / de dag la rgyal pos dad par mi bya'o// de ltar na 'di'i yul ljongs rnams 'jig par mi 'gyur ro// rang bzhin gyis kyang mi skye la/ gnas ma yin pa la'ang khro bar mi byed do// / par byed pa rnams la dad par byed pa'ang ma yin no// rgyal po de ni yon tan dang ldan par gyur pa gzhan gyi rkyen gyis mi 'gro bar rang gi 'dun par gyur pa/ 'jug par gyur pa/ khro ba shas chung ba skye bo rnams thams cad dang / lha rnams kyang blo 'thun pa ste/ legs par dpyad nas byed pa po chos byed drang por gyur pa/ grong khyer la gces shing 'dod pa ni lus zhig pa mtho ris 'thab bral ba'i lha rnams kyi nang du skye'o/ / gzhan yang chos gzhan dang yang dag par ldan pa'i rgyal rigs rgyal por spyi bo nas dbang bskur ba lus zhig nas mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ / 'di'ang gang zhe na/ 'di lta ste/ snyan grags la sred pa skyed par byed pa'o// rgyal po gang rdzas kyis ni ma yin la/ brkam chags can du gyur pa'ang ma yin te/

  700. 351a

    lag pa rab tu 'khums pa ni ma yin la/ bzhin rnam par bsdus par 'gyur ba ma yin zhing / mig chung ba'ang ma yin no// gdong chung ba ma yin no// glo bur du khro ba ma yin pa dang glo bur du ngang bar 'gyur ba'ang ma yin pa dang / shin tu brtan pa'i blor gyur pa dang / de ni snyan grags dang yang dag par ldan par 'gyur/ nor rdzas rnams dang yang ldan par 'gyur ro// 'on kyang de bzhin du nor la 'dod pa mi skyed de/ ji ltar skye dgu rnams la snyan grags su 'gyur bar rgyal po des sgyur bar byed do// dgra rnams kyis kyang mi thub pa dang 'ju bar yang 'gyur ro// rgyu bcus snyan grags can 'thob par 'gyur te/ bcu po gang zhe na/ 'di lta ste/ tshig snyan par gyur pa dang / rgyal po yang kun 'gyed pa'i rang bzhin can dang / rko trog can ma yin pa dang shin tu ring du rtogs par gyur pa'i bde bar sten pa dang / dus su rab tu sbyin pa gtong ba dang / bran dang nor bla ma dang / skye bo bzang po dang / mgon med pa rnams la cha shas 'god par byed pa dang / gtsang ba'i rab tu spyod pa dang ldan pa dang / gnod par mi byed pa dang / log lta can ma yin pa dang / rgyu bcu po des snyan pa thob par 'gyur ro// rgyu de dag thams cad 'dis rab tu byed par 'gyur zhing / gzhan yang byed du 'jug pa dang / des rgyu de dag byed par 'gyur ba na snyan pa yang 'thob bo// rgyal 'bangs kyang yang dag par skyong bar byed do// chos byed du yang 'gyur ro//

  701. 351b

    gzhan gyis kyang gdul bar mi nus so// bde bar sten par yang 'gyur ro// mi'i 'jig rten du dus shin tu ring bar rgyal po byas nas/ rgyu de dang rkyen des lus zhig par gyur pa na/ mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ / chos gzhan yang rab tu spang bar gyur pa na rgyal po rgyal rigs spyi bo nas dbang bskur ba yang dag par skye dgu skyong bar 'gyur la/ de bzhin du mthong ba'i chos la rtag par rab tu bsngags par yang 'gyur ro// lus zhig nas kyang shi ba'i 'og tu mtho ris 'jig rten 'thab bral ba'i lha rnams kyi mnga' bdag tu 'gyur ro// chos 'di'ang gang zhe na/ 'di lta ste/ log par lta ba'o// log par lta ba zhes bya ba nyes pa thams cad kyi gzhir gyur pa/ yang dag pa ma yin pa/ phyin ci log gi lta ba rgyu dang rkyen thams cad la gshe bar byed pa/ mi dad par byed pa'o// de gzhi de la rab tu gnas par mi byed pa dang / de la rab tu zhe sdang bar byed pa dang / de la rnam par gshe bar byed pa dang / de yongs su spong bar 'gyur ro/ / log par lta ba dang ldan par gyur pa'i rgyal po ni skye bo thams cad kyi rjes su mi mthun par 'gyur ro// mi mthun pa sa dus thams cad yul ldongs pa rnams thams cad kyis yongs su spong bar byed de/ 'di ma bzod do// chos dang ldan pa'i lha dag gis kyang yongs su spong bar 'gyur ro// yongs su spangs par gyur pa de mos pa mang po dang mi ldan par 'gyur ro//

  702. 352a

    de'i phyir rgyal po log par lta ba can ma yin pa/ yang dag par lta ba can gyi rgyal po ni yang dag par skye dgu la phan par gnas par 'gyur ro// yul ba rnams thams cad kyis mchod par 'gyur ro/ / lha chos pa dag gis kyang yongs su mi gtong ngo // yul ljongs thams cad kyis rjes su mi gtong ngo // yul ljongs thams cad kyi rjes su mi mthun pa ma yin par 'gyur ro// 'dis kun tu brtags pa thams cad kyang phun sum tshogs par 'gyur ro/ / 'di'i yid la bsams pa thams cad kyang phun sum tshogs par 'gyur ro// rang bzhin gyis kyang phyis 'gyod pa can du mi 'gyur ro// dus ring bar nyes pa med pa'i rgyal srid byas par gyur nas lus zhig ste mtho ris bde 'gro'i 'jig rten 'thab bral ba'i lha rnams kyi mnga' bdag tu rgyu de dag dang rkyen nges 'gyur ro// yang gzhan rgyal po rgyal rigs spyi bo nas dbang bskur bas bya bar bya ste/ 'di'ang gang zhe na/ 'di lta ste/ gtong ba can du gyur pa'o// rgyal po 'di'i mchog tu khrel yod pa'i rtsa ba de ni gang sbyin pa zhes bya ba des 'jig rten pa'i phan pa'i 'am rab tu sgrub pa'o/ / 'jig rten las 'das pa dang 'jig rten pa'ang re zhig sbyin pa las yin te/ gtong gtong bar byed pa ni rgyal po 'am rgyal po'i blon po la'ang rung ste/ ster ba'i skye bo de la yul ljongs pa thams cad rang bzhin gyis mchog tu dga' bar 'gyur ro// yongs su spong bar mi byed do// gshe ba dang / smod par yang mi byed do// yul 'khor

  703. 352b

    gzhan du nye bar 'phos nas mi 'gro'o/ / gang yul gzhan nas song bar gyur pa de dag yang gtong ba can gyi rgyal po zhes byas nas 'ong bar 'gyur ro// de'i yul ljongs kyi tshogs kun tu 'phel bar 'gyur ro// yul ljongs kyi tshogs des kyang rgyal po bsrungs par gyur pas gzhan gyis mi thub par 'gyur ro// gang rang bzhin gyis kyang 'di rnam par 'phel ba dang ldan par 'gyur ro// de rang bzhin gyis rnam par 'phel bar gyur pas 'dzin pa dang / so sor skyob pa la nus pa mchog dang ldan par 'gyur ro// de ltar 'jig rten pa'i don la'ang sbyin pa rab tu bsngags so// sbyin pa ni 'jig rten las 'das pa'i don la'ang rab tu bsngags te/ de ltar sbyin pa po dang sbyin bdag gis sbyin pa gtong bar gyur pa na lha rnams kyis yongs su 'dzin no// gzi brjid che bar 'gyur ro// btsan phyug chen po dang ldan pa dang mthu stobs che bar 'gyur ro/ / dge sbyong dang / bram ze dang / nyon mongs par gyur pa dang / long ba dag rnams la sbyin pa dag gtong bas 'jig rten pha rol tu khyad par du byed par 'gyur la/ mthong ba'i tshe la'ang kha dog dang ldan par 'gyur ro// de ci'i phyir zhe na/ gang gi phyir sems rab tu dang ba dang ldan par gyur pas 'gro ba'ang rab tu dang bar 'gyur ro// rjes su rab tu dang bas kyang de bzhin gyi kha dog rab tu dang bar 'gyur ro/ / de rab tu dang bar gyur pas de'i gzugs shin tu bzang ba nyid dang ldan par 'gyur ro// sbyin bdag rnams kyis sbyin pa gtong bar byed pa na 'di ni gzi brjid

  704. 353a

    gcig yin no/ / yang mthong ba'i chos la sbyin pa las byung ba'i chos gzhan yod de/ 'di'ang gang zhe na/ 'di lta ste/ sbyin pa gtong ba na nga rgyal rab tu 'joms par byed do/ / 'dod sred rab tu 'joms so// phrag dog rab tu 'joms so// ma rig pa rab tu 'joms par byed do// rgyu dang rkyen dag la dad pa dang ldan par 'gyur ro// rnam par smin pa la yid ches pa can du 'gyur ro/ / 'jig rten pha rol la skur pa mi 'debs so// bla ma rnams mchod par byed do// sems 'jam por 'gyur ro// blo gros mnyam par gzhag par 'gyur ro// sems kyis kun tu sgom par byed do/ / dngos po rnams yongs su gtong bar byed do// longs spyod chen por 'gyur ba'i rgyu rnams kun tu 'phen par byed do// ser sna rnams rab tu 'joms par byed do// zhing rnam pa gsum po yon tan dang / tshul khrims dang gnyis ka srid pa rnams la sbyin pa'i sa bon chad pas 'debs par byed do// de ltar legs par bsgoms par gyur pa'i yid can mchog tu rnam par dag pa'i yid dang ldan pa ni dus ring du mnga' bdag byed par 'gyur ro/ / dus ring du 'tshe ba med pa dang / skyon med par gyur pa'i longs spyod rnams dang ldan zhing / 'jigs pa dang mya ngan dang rnam par bral ba dang / lus zhig par gyur nas shi ba'i 'og tu yang mtho ris bde 'gro'i 'jig rten 'thab bral ba rnams kyi mnga' bdag tu 'gyur te/ des sngon byas par gyur pa'i las

  705. 353b

    rnams kyi rgyu dang rkyen gyis so/ / chos gzhan yang rgyal pos rab tu brtson par bya'o// 'di'ang gang zhe na/ 'di lta ste/ mthun par byed pa dang snyan pa'i ngag go// rgyal po mthun par snyan par smra ba ni/ gang gi phyir chos lugs legs pa dang ldan par 'gyur ro// rang bzhin gyis thams cad kyang shin tu sdug par 'dzin par 'gyur ro// gang mthun par 'dzin pa'i snyan pa'i ngag gis byed pa ltar ni yo byad kyis bya bar nus pa ma yin no/ / ji ltar snyan pa'i tshig gis yul ldongs pa de dag rnams thams cad dga' bar 'gyur ba'i ltar rnam pa de lta bur rab tu dga' bar byed pa dang / yul ljongs kyi skye bo rnams thams cad shin tu myur bar yid rab tu tshim par byed pa ni yod pa ma yin no/ / rgyu mtshan 'di dag gi phyir na snyan pa'i tshig de bya'o// yang na mthun par smra ba sngon du btang bas ni sems rab tu dang bar gyur nas skye bo rnams kyis gzhan rnams la go bar byed par 'gyur ro/ / snyan par smra ba'i tshig gi rgyu des de la dga' bar 'gyur ro// snyan par smra ba'i rgyu de dang yang dag par ldan pa'i rgyal rigs rgyal por spyi bo n+da dbang bskur ba gzhan gyi mdun du rnam par rgyal bar 'gyur ro/ / rang bzhin gyis kyang dga' bar 'gyur ba la bden pa dang sbyin pa dang bsres pa'i snyan pa'i tshig gis phyir yang dga' bar byed do// snyan pa smra/ bar byed pa'i rang bzhin can gyi rgyal po la ni dgra rnams kyang grogs por 'dud par byed na/ bar mar gnas pa dang grogs po rnams lta smos kyang ci dgos/ de ltar snyan par smra bar gyur pa'i

  706. 354a

    rang bzhin can de la choms gcig tu 'gyur ro/ / 'di lta ste/ grogs po nyid kyi choms su 'gyur gyi/ bar mar gnas pa ni ma yin te/ rang bzhin gyis skye bo thams cad dga' ba dang / mchog tu mchod pa dang / dus ring du'ang rgyal po byed par 'gyur ro// snyan par smras pa'i rgyu dang rkyen gyis lus zhig par gyur nas shi ba'i 'og tu 'thab bral gyi lha rnams kyi mnga' bdag tu 'gyur ro/ / chos gzhan yang rgyal pos rab tu brtson pa mang pos chos rnams shin tu bstan par bya'o// 'di'ang gang zhe na/ 'di lta ste/ bden par smra ba zhes bya ba 'khor ba na kun nas bcings pa'i skye bo rnams thams cad nges par 'byin pa'i rgyu/ nges par 'byung ba'i rgyur gyur pa nyo ba'i rin thang byar med pa'i zad pa med pa'i nor gter du brdungs nas bskyed pa/ thun mong ma yin pa'i nor snying gi rgyur gnas pa/ mchog tu blta bar mdzes pa'i rin po che chen po/ dam pa'i skye bo thams cad kyis bstan pa'i 'jig rten pha rol dang / 'jig rten 'dir yang skyabs su gyur pa/ mya ngan las 'das pa la brtson pa dang ldan pa rnams kyi sgor gnyer bar gyur pa/ yon tan dang kun tu 'brel ba rnams zad par mi 'gro ba/ skyon rnams 'jig par byed pa po/ yid ches pa skyed par byed pa po/ dbul ba 'jig par byed pa po/ bden par smra ba ni gzugs thams cad dang bral ba yin yang gzugs dang ldan pa thams cad las lhag pa yin te/ bden pa'i 'od zer gyis

  707. 354b

    kun nas snang bar byas pa'i phyir ro/ / rigs thams cad las dman pa yin na yang rigs rgyud thams cad kyi gtso bor gyur pa rnams kyi drung na lhag par 'gyur te/ bden pa'i dge ba des kun nas gsal bar byas pa'i rigs can rnams la ni yul ldongs pa thams cad kyis rjes su 'jug par 'gyur ba yin no/ / skye bo thams cad kyis gnyen bzhin du mthong bar 'gyur ro// gang dang gang du 'gro ba de dang de nyid du rgyal po bzhin dang ma bzhin du mchod pa byed do/ / ngam grog thams cad du rab tu zhugs na'ang mchog tu skyid par 'gyur ro// rgyal pos kyang sa gzhi'i mchog gis phan par byed pa bzhin du mchod par byed do/ / grong dang / grong khyer dang / grong rdal dang / tshong dus dag tu song na'ang grong dang grong khyer pa dag gis mchod par byed do// grong chung ba dag gis mchog tu'ang mchod par byed do/ / ma mthong ba dag tu'ang lha dag gis snyan grags rab tu sgrogs par byed do// ji ltar yul 'dir rgyal po dang rgyal po'i blon po'ang rung ste/ bden par smra ba dge ba byed par gyur pa de'i snyan pa'i ba dan yul rnams su dam par byas nas 'dzin par byed do/ / dge ba byed pa po la ni lha dag gis kyang rtag tu phyi bzhin rjes su 'brang zhing mchod par byed do// rmi lam ngan pa'ang 'jig par byed do/ / lha rnams kyi gtso bor gyur pa rnams kyis kyang lha bzhin du mchod par byed do// bden par smra ba de nyid kyis gnas skabs der yang mchog tu rjes su 'jug pa dang slar yang legs

  708. 355a

    par langs nas 'gro'o/ / 'di'i yid la bsams pa thams cad phun sum tshogs par 'gyur ro// dal bus kyang rims nad de dag rnams legs par zhi ba skyed par 'gyur te/ bden pa'i bcud kyi len gyis dbang po rnams tshim par yang byed par 'gyur ro// rdzu 'phrul che bar yang 'gyur ro// mthu stobs che ba dang tshe ring ba kun tu 'phel bar byed pa'i las rnams kyang 'phen par byed do/ / skye bo rnams thams cad kyis kyang chos lugs rnam par gzhag pa la gcig tu tshad mar byed do// rnam par ma gces pa'i skye bo rnams kyis kyang nor chen po'i sgras dang / sbas pa'ang rgyal po la ston par byed do/ / bden par smra ba zhes zer nas thams cad las mi g.yo ba bzhin du'o// thams cad las kyang g.yo ba med par 'gyur ro// grogs pos khrid par mi byed do/ / grogs po ma yin pas khrid par mi byed do// rnam par g.yo bar mi byed do// gang bden par smra ba'i mgrin pa rab tu rtse dga' bar gyur te/ bden pa'i tshig gis blo de tshim par byas pa lta bur gyur nas dga' bar 'gyur ro/ / bden pa'i nor de la dga' bar gyur pa'i rgyus yang dang yang du bsams par byed pa na yid khro ba dang / dga' ba ya ya por mi khrid do// drang srong gi mchog 'jig rten gnyis su phan par byed pa rnams kyi bcud du gyur pa'i bden pa'i mtshams de las nam yang 'da' bar mi 'gyur ro// chu meng par yang bden pa'i rang bzhin gyis

  709. 355b

    mchog tu gtsang ba'i bden pa'i 'jug ngos su 'khru ba rnams ni mchog tu gtsang bar 'gyur ro/ / gos med par gyur kyang mchog tu dkar ba ma btags pa bden pa'i gos mchog tu rgya che ba skad cig ma yin par rtag tu legs par gon par 'gyur ro/ / dri med par gyur na'ang 'di'i snyan pa'i tshul khrims kyi dris phyogs dang phyogs mtshams rnams su rab tu 'gro'o// 'di ma mthong bar gyur pa'i skye bo thams cad kyang grogs po nyid du 'gyur ro/ / mthong ba rnams ni dang por yin no// ri rab lhun po'i rtse mo'ang 'dis nges par brgal nas 'gro bar 'gyur te/ ji ltar 'od zer mchog gis brtol zhing phug par gyur pa bzhin du rab 'phro bar 'gyur ro/ / rgan po rnams kyis pha bzhin du mchod par byed de/ dben pas rgan par gyur pa zhes byas nas so// tshe ring bar gyur pa 'phen par byed pa'i las rnams kyang 'phen par byed do/ / ji srid du bla na med pa yang dag par rdzogs pa'i sangs rgyas kyi ye shes kyi las 'phen par byed na/ 'thab bral gyi mnga' bdag la lta smos kyang ci dgos/ bden par smra ba dang ldan par rgyal rigs spyi bo nas dbang bskur ba de lus zhig par gyur nas shi ba'i 'og tu mtho ris bde 'gro 'thab bral ba rnams kyi mnga' bdag tu 'gyur ro// yang chos gzhan dang ldan pa'i rgyal rigs spyi bo nas dbang bskur ba de 'thab bral ba'i lha rnams kyi mnga' bdag tu 'gyur ro// gang dag ce na/ 'di lta ste/ nor gzhis rnams glo bur du 'phel

  710. 356a

    'grib mi byed pa'o/ / rgyal po 'di ni blo brtan par gyur pa ste/ des de shes par gyur nas ngang tshul can dang chos lugs rnam par gzhag pa la'ang blo gros ngal sos pa dang ldan par 'gyur ro/ / shin tu rnam par dpyad nas byed pa rnams ni rgyal por 'gyur ro// ma brtags par byed pa ni ma yin no// gang yang rgyal po sa rnam par dpyad nas nor gzhis rnams 'phel ba dang 'grib par byed pa'i rgyal po de ni rgyal por mi 'gyur ro/ / gal te gyur na'ang de'ang yun ring por mi 'gyur ro// rgyal po'i ming tsam du 'gyur ro// legs par rab tu brtags nas byed pa ma yin no/ / blo chung zhing rtsa ba hral can du gyur pa dang blo rnam par gnas pa med pa'i yang mor 'gyur ro// gang yang snga rabs dag gis brjod pa na de la'ang dad par mi byed do// ci dga' ba'i rgyal po rdzun du smra ba de la 'dod chags dang bral bar gyur nas kyang rgyal po gzhan yang nye bar 'jog par byed de/ de'i phyir skyon de dag rnams go bar byas la brdzun du smra bar mi bya'o// brdzun du smra ba ni 'jig rten 'dir phan pa ma yin la/ 'jig rten pha rol tu'ang ma yin no// de'i phyir na mthong ba'i tshe la'ang skyon gyi rnam pa mang po de dag rnams go bar byas la brdzun du smra bar mi bya'o// thams cad las kyang dang po kho nar ji lta ji ltar rgyal po chos la rab tu gzhol bar gyur pa'i rgyu gang gis de lta de ltar skye dgu 'phel bar 'gyur ro// skye dgu rnams la ni rgyal po gtso bor gyur

  711. 356b

    pa'i phyir ro/ / gang yang rgyal po gcig tu rtag pa kho nar bden pa smra bar gyur pa des ni skye dgu bgos nas nges par gyur pa'i rgyal po'i brgyud pa dag gis yang dag pa'i bde bas yongs su skyong bar byed de// bden pa'i rtsa ba las chos yin no// de'ang gang gis tshe bden par smra bar mi byed pa de'i tshe des glo bur du nor gzhis rnams la 'phel ba dang 'grib pa byed par 'gyur ro// gang yang bden par smra bar byed pa rtag tu dul bar gyur pa de ni nam yang nor gzhis rnams la glo bur du 'phel ba dang 'grib par mi byed do/ / gnas rnams g.yo bar mi byed pa de'i drung nas nam yang gzhan dag tu 'gro bar mi 'gyur ro/ / mi dga' bar mi 'gyur ro// de 'di ma dang 'dra ba dang / pha dang 'dra bar yang rjes su chags par 'gyur ro// rtag tu'ang yid bde ba dang ldan pa dang / rtag tu'ang bde skyid can du 'gyur ro/ / rgyal po de'ang blo brtan par 'gyur ba dang / 'gyur ba med pa'i blo dang / blo gcig tu nges pa dang / bde ba ster bar byed pas lus zhig nas mtho ris bde 'gro'i 'jig rten 'thab bral ba'i lha rnams kyi mnga' bdag tu rgyu 'di dang rkyen 'dis 'gyur ro/ / chos gzhan yang lan cig dang lan cig ma yin par rnam pa du mar rgyal pos rab tu brtson pas shes par bya zhing bya bar yang bya'o// 'di'ang gang zhe na/ 'di lta ste/ mi'i khyad par shes par bya'o// mi'i khyad par shes par bya bar gyur pa de'ang shes pa chen po yin te/ gang yang rgyal po mi'i khyad par rig par gyur pa de chos

  712. 357a

    gzhi thams cad kyi snod du 'gyur ro/ / gzhan rnams kyis mi thub par yang 'gyur ro// las rnams kyang ji ltar rigs pa la 'jug par byed do// 'di'i las kyi mtha' dag yang yong su nyams par mi 'gyur ro/ / nor las kyang yongs su mi nyams so// rtag par yang chos gong nas gong du byed par 'gyur ro// mi'i khyad par shes par gyur pa'i rgyal po'ang skyes bu chos byed ma yin pa rnams mi 'dzin no/ / las la dga' ba'i rang bzhin can ma yin/ stan la dang che ba ma yin/ byas pa chud gson pa ma yin/ 'jig rten pa la zhe sdang ba ma yin/ log par lta ba can ma yin// g.yo sgyu can dang ma yin/ gzhan gyi yon tan dang kun tu so sor 'brel pas don byed pa dang ma yin te/ de ni rgyal gzhan gyis nye bar 'tsho bar 'gyur ro// 'dra ba ma yin pa ma yin/ yul dus mi shes pa ma yin/ bsgrub par dka' ba ma yin/ rtag tu sdig pa drag po byed pa ma yin/ yul gyis rab tu dkrugs pa rnams kyang ma yin/ g.yo sgyu'i rgyu smra ba'ang ma yin/ ngo bo nyid kyi bshes kyis chos shes pa ma yin/ 'jig rten la mi phan pa ma yin/ gzhan du sdig pa byas pa ma yin/ nga rgyal can ma yin/ dgra bo ma yin/ sdug bsngal can ma yin/ ngag rtsa ba hral can ma yin// yid rtsa ba hral can ma yin te/ rnam pa de lta bu'i skyes bu ngan pa 'dzin par mi byed do// rgyal pos rnam pa ji lta bu rnams 'dzin par byed na/ 'di lta ste/ chos pa dang tshul 'chos can ma yin pa

  713. 357b

    dang / nga rgyal can ma yin pa dang / bden par smra ba dang / shes rab can dang / yid gzhungs pa dang / brtan pa dang / gzhan la gdung bar mi byed pa dang / drang po dang / g.yo rnams spangs pa dang / chos mchog tu dkon mchog gsum mchod par byed pa dang / sems chog shes pa thob pa dang / dbang du gyur pa dang / rgyun du las kyi rang bzhin can dang / 'jig rten pa rnams blo 'thun pa dang / snying rje dang ldan pa dang / mi rnams kyis bsngags pa la rjes su chags par 'gyur ba dang / yang dag pa'i lta ba can dang / bshes gnyen can dang / dul ba dang / skyes pa nas bzung nas nas lus dang / ngag dang / yid dag par byed pa po med par smra ba ma yin pa dang / rgyu rkyen la shin tu bar yang rten pa dang / las kyi 'bras bu rnam par smin pa shes pa dang / bag med pa ma yin pa dang / gnyid kyi dbang du song ba'i rang bzhin can ma yin pa dang / dge ba'i bshes gnyen la sten par byed pa po dang / gtong ba can dang / tshul khrims dang ldan pa dang / shes pa dang ldan pa dang / rnam pa de lta bu'i skyes bu rnam par rtag pa kho nar rgyal po gang dag gis 'dzin par byed pa de dag ni khyad par shes pa yin no// gang las gang la nges par sbyor bar byed pa'i rgyal po de ni gzhan dag gis rgyal srid las nyams par bya bar mi nus so/ / gdul bar mi thub par yang 'gyur ro// nor dang ldan par yang 'gyur ro// de nor

  714. 358a

    dang ldan par gyur cing chos pa chos kyi rjes su 'jug par gyur nas sbyin pa dag gtong bar byed do/ / bsod nams dag byed do// kon mchog gsul mchod par byed do// de lus zhig par gyur nas kyang mtho ris kyi lha rnams kyi mnga' bdag tu 'gyur te/ las de dag gi rgyu dang rkyen gyis so// yang chos kyi rgyal po thams cad kyis bya bar bya ba 'di'ang gang zhe na/ 'di lta ste/ dus nges pa legs par ston par gyur pa'o// rgyal po gang dag dus nges par ston par byed pa de ni dus yun ring du rgyal srid byed par 'gyur ro// 'di'i rang bzhin la skyo ba skyed par mi 'gyur ro/ / des mi'i khyad par rig par 'gyur ro// 'di chos ma yin pa rnams la mi 'jug go// yul ji srid stobs dang ldan par gyur na rgud pa zil gyis gnon par byed do// de de'i rgyur lta ba la ched cher byed pa'i rgyal po rdzas dang ldan par 'gyur ro/ / nor gyi thabs kyis phun sum tshogs par 'gyur ro// de tshul dang nor dang ldan par gyur nas gzhan rnams kyi dbang du 'gyur ba ma yin no/ / chos par yang 'gyur ro// chos kyi rjes su 'jug par byed pa dang / dge sbyong dang bram ze rnams mchod par byed do// de dag rnams kyi drung nas chos nyan par byed pas de lta de ltar ches lhag par chos byed du 'gyur ro/ / nges par legs par ston par byed pas ji lta ji ltar chos byed du 'gyur ba de lta de ltar longs spyod chen po dang ldan par 'gyur ro// de longs spyod chen po

  715. 358b

    dang ldan par gyur nas phyir zhing nyid du sbyin pa dag gtong bar byed do/ / bsod nams dag byed do// tshul khrims dang ldan par 'gyur ro// gang gis kyang gdul bar mi nus par 'gyur ro// de la tan de dag rnams srid par 'gyur ro/ / de'i phyir rgyal pos rtag tu nges par legs par ston par gyur par bya'o// nges par legs par ston par byed pa'i rgyal po chos pa gang gis phyir lus zhig par gyur nas shi ba'i 'og tu mtho ris bde 'gro'i 'jig rten 'thab bral ba'i lha rnams kyi mnga' bdag tu las de'i rgyu dang rkyen gyis 'gyur ro/ / yang chos gzhan rgyal pos cis kyang bsten par bya ba la 'di lta ste/ gnyid la dga' bar mi bya'o// gnyid kyi dbang du mi 'gro ba'i rgyal po ni legs par bsam par bya ba rnams sems par 'gyur ro// blo shin tu rnam par chags pa dang ldan par mi 'gyur ro/ / kun tu rmongs pa'i blor yang mi 'gyur ro// dgra bos brgal bar mi nus so// blo rtse gcig par 'gyur ro// don nges pa dang ldan pa dang / don nges pa dang ldan par gyur nas legs par rnam par dpyad pa'i don dag byed par 'gyur ro/ / de la legs par rnam par dpyad nas byed pa po 'di'i ni legs par don rnams smin par 'gyur ro// legs par 'grub par dus yun ring po ma yin pa na 'gyur zhing dus snga bar rdzogs par 'gyur ba yin no/ / bag dang ldan par 'gyur ro// bag yod pas rgyu ba dang de tshe ring bar 'gyur ro// legs par

  716. 359a

    bsam pa rnams sems par gyur pas legs par sems pa po de'i rang bzhin gyis yid 'byung bar mi 'gyur ro/ / de skye bo rnams dang / grong khyer rnams dang / blon po de dag gis yongs su skor bar 'gyur ro// nor dang ldan par yang 'gyur ro// skye bo mang po la rgyal po'i nor gnas pa nyid kyis nor dang ldan pa'i dpal kun tu gnas pas dpal dang ldan par gyur nas sbyin pa gtong bar yang byed do/ / tshul khrims kyang srung bar byed do// de lus zhig par gyur nas shi ba'i 'og tu de'i rgyu dang rkyen gyis mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ / chos gzhan gang rgyal pos rab tu brtson par bya bar bya'o// 'di'ang gang zhe na/ 'di lta ste/ le lo med pa'o// le lo med par gyur pa'i rgyal po ni brtson 'grus brtan par gyur pa'i rigs pas brtsams pa'i phyir na las thams cad kyang rgyas par byed do/ / nges par rdzogs par byed cing sgrub par byed do// dbang du 'gyur bar byed do/ / thub par mi nus par 'gyur ba dang thams cad du rang bzhin gyis dga' zhing rjes su chags pa dang gces pa'i blor 'gyur ro// 'di'i yul 'khor dang / grong khyer dang / grong dang grong rdal dang / tshong dus rnams kyang shin tu phun sum tshogs par 'gyur ro// le lo med par gyur pa'i rgyal po'ang brtson 'grus brtan pa dang ldan zhing pha rol gnon par gyur pa ni las rnam

  717. 359b

    kho na rtsom par byed pa de dag nyid thams cad sgrub par byed do/ / de ci'i phyir zhe na/ le lo med par gyur pa dag ni rigs pas yul dang dus rnams la legs par 'dre bar gnas pa'i phyir na/ / le lo med pa dag ni 'jig rten pa dang 'jig rten las 'das pa'i ji srid du mya ngan las 'das pa'i mthar thug par dgos pa rnams thams cad phun sum tshogs par 'gyur ro/ / gal te yang des brtsams par gyur pa'i don gzhan yul dang dus gnyis ka la chags pa dang bral bar byed par 'gyur ba rnams lha ci smos/ des thams cad kyang gzhan rnams dang thun mong ma yin par 'grub par 'gyur ro// de ji ltar 'jig rten pa'i don byed par 'gyur ba'i don de'ang phun sum tshogs par 'gyur ba dang / de bzhin/ du shes rab dang lhan cig tu gang gis 'jig rten las 'das pa'ang byed pa yin te/ sbyin pa dang / tshul khrims dang / shes rab rnams so// 'di de dag gi dri tsam gyis kyang lus zhig par gyur nas shi ba'i 'og tu mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur te/ rgyu dang rkyen des so// chos gzhan yang rgyal pos bya'o// 'di'ang gang zhe na/ 'di lta ste/ grogs po brtan pa'o/ / rgyal po grogs po brtan por gyur pa ni shin tu legs par mthong bar byed pas rgyal srid dus ring du longs spyod par byed do// gos med pa dang gzhan gyis mi brdzi ba yin te/

  718. 360a

    shing bzhin du gang dag ches mang du legs par rab tu gnas pas g.yo bar mi 'gyur zhing / ngan pa rnams kyis kyang mi gso ba rlung gis kyang nags kyi tshal 'di la jiste ba de bzhin du rgyal po 'di'i grogs po ni shin tu brtan po yin no/ / rang bzhin shin tu bzang bar gyur pa/ skye bo thams cad kyis mngon par bgrod par bya bar gyur pa/ mchog tu dga' bar gyur pa yin no/ / shin tu grogs po brtan par gyur pa'i yon tan dang ldan pa la'ang 'jig rten pa'i yon tan bcu gsum dang ldan par 'gyur ba rnams 'di lta ste/ gang du 'di la bug rol byung bar gyur pa na de'i tshe 'dis rab tu 'gegs par byed pa yin te/ dka' bar spyad pa thams cad dang mchog tu chud pa'i don dgal la'o// de ci'i phyir byed pa yin zhe na/ grogs po gang yin pa'i grogs po gzhan yang de'i grogs por gyur te/ des kyang nga'i grogs po 'di'i grogs po yin no zhes byas nas de dang lhan cig tu mdza' bar 'gyur ro// khyim na nor gyi rigs gang dag yod pa 'di la shes par byed do/ / gang dang gang yang phan pa'i lhag ma gzhan du gyur pa'ang de dag rnams 'dis bdag nyid thams cad kyis byed do// rnam pa thams cad dang bdag nyid thams cad kyis kyang sten par byed do/ / gal te yang bde gang dag gis dka' bar gyur pa thams cad du gyur pa dang / srog 'chad par gyur kyang des brgya la'ang yongs su mi gtong ngo // 'di' 'jilta ji ltar ron gyi rigs rnams

  719. 360b

    la bzod par 'gyur ba de ltar byed do/ / gang yang 'di'i khyim na cung zad yod pa de rnams thams cad sngo bar byed do// gang gi tshe 'di phun sum tshogs par gyur pa de'i tshe shin tu dga' bar 'gyur ro// gang gi tshe 'di la sdug bsngal dag byung bar gyur pa de'i tshe mnyam por sdug bsngal bar 'gyur ro/ / thams cad nas khros pa skyes par gyur kyang rnam par 'gyur bar mi 'gyur ro// de dang yang gang lhan cig tu gyur pa de dang bza' za bas kyang de dang lhan cig tu dga' bar 'gyur ro/ / gang 'di'i khyim na yod par gyur pa de dag kyang dbang po la gnod pa med par don du gnyer bar byed pa dang / gang yang bdag rang gi khyim na yod pa de thams cad skyo ba med par yang 'di'i la ster bar byed do/ / gang yang cung zad khyim na yod pa de thams cad grogs po la rjod par byed do// rang gi gtam rnams dag kyang rang gis rjod par byed do/ / rnam pa bcu gsum po de dag rnams dang ldan pa ni grogs po yin no// 'jig rten pa'i grogs po yon tan rnam pa de lta bu dang ldan pa dang / rgyal po yang dag par ldan pas ni gcig gis kyang stobs dang ldan pa dang / yang dag par ldan pa'i rgyal po ni stobs chen po dang ldan par 'gyur ro// ci'ang mang po dang ldan par gyur pa mi brdzi ba la lta ci smos/ de'i phyir rab tu brtson pas rgyal po smig ma'i grogs po bya'o/ / 'jig rten las 'das pa'i lam pa'i lam dga' bar gyur pas don sgrub par byed pa'o// de la grogs po'i yon tan mdor bsdu na bcu yin no// 'di lta ste/

  720. 361a

    gang gis chos ma yin pa byed par 'gyur ba na de 'gog par byed pa dang / sbyin pa gtong du 'jug pa dang / tshul khrims la goms par byed du 'jug go// grogs po ngan pa las rab tu zlog par byed do/ / las kyi 'bras bu rnam par smin pa legs par ston par byed do// lam ngan par zhugs par gyur pa lam la rab tu 'god par byed do// gang yang 'di las tshul khrims 'chal pa cung zad yod pa de dang bral bar byed do/ / pha dang ma dag gi ngag mnyam par byed du 'jug go// dus thams cad par rab tu brtson pas nges par legs pa la kun nas sbyor bar byed do/ / byed du 'jug pa dang rnam pa de lta bu'i grogs po ni 'jig rten las 'das pa'i yin no// thabs ma yin pa thams cad las kyang skyob par 'gyur ro// pha dang ma dang 'dra bar 'gyur ro/ / brtan po kho nar grog po 'di dag rnams ni thams cad kho nar yang sdig pa zad par byed par 'gyur ro// de dang nye ba las nyes pa 'byung bar yang mi 'gyur ro// pha rol gyi grogs po'i mchog yin gyi/ 'di'i ni ma yin no// de'i phyir rgyal pos grogs po brtan po bya'o// gang dag dge ba'i bshes gnyen la nye bar ston par byed cing / dge ba rnams kyang byed pa de'i de ni lus zhig nas shi bar gyur pa'i 'og tu mtho ris pa de 'gro'i 'jig rten 'thab bral gyi lha rnams kyi mnga' bdag tu 'gyur ro/ / gzhan yang grogs po ma yin pa b.re legs su 'gyur bar mi byed pa kun

  721. 361b

    tu bsten par mi bya'o/ / dper na skye bo thams cad slu bar byed pa 'ba' zhig pa shin tu lam log pa ston par byed pa dang / bsam pa ngan pa sems par byed pa nye bar ston par byed pa de'ang des ni don ma yin pa chen po dang kun tu sbyor ro/ / rlag par byed pa'i rtsa ba de'ang rnam pa gnyis yin te/ rab tu 'gebs par byed pa dang / nges par sbed par byed pa'o// de la rab tu 'gebs par byed pa zhes bya ba ni 'jig rten slu bar byed pa/ rab tu dang ba ma yin par gyur pa/ tshul 'chos pa'i rtags 'dzin par byed pa las ci'ang med pa/ zong bcos ma dang 'dra/ ba'i mu stegs kyi tsher ma rang dang gzhan slu bar byed pa/ 'jig rten pha rol spangs pa/ bzang po'i cha byad ches 'dzin par byed pa/ don ma yin pa rnams byed par 'gyur ba po rkun ma re dag rnams la legs par phrad par bya ba dang / kun brjod pa yang sla bar sbyin par mi bya na/ lhan cig tu 'grogs par bya ba lta smos kyang ci dgos/ de dag dang lhan cig par gyur pa ni nges shin tu bar yang spang bar bya'o/ / de dag la ni bdag nyid la'ang yod pa ma yin na/ gzhan dag la ci la 'byung bar 'gyur/ gang sdig pa'i grogs po spong bar gyur pa rnams kyis ni sgyu can la rjes su bsten par mi bya'o/ / tshul 'chos par byed pa dang yang ma yin la/ de dag dang grogs po mi byed pas/ yang dag par legs par gzhigs nas byed par 'gyur ro// des grogs po rtsa ba hral can la bsten par

  722. 362a

    mi bya'o/ / de de nyid kyi bag chags kyis bsgos par gyur pa ni lus zhi gnas kyang mtho ris bde 'gro'i 'jig rten 'thab bral gyi lha rnams kyi mnga' ba dag rgyu rkyen des byed par 'gyur ro// gzhan yang chos gnyis rgyal pos ci nas kyang spang bar bya ste/ gnyis po gang zhe na/ 'di lta ste/ khro ba dang rgod pa ches sdom par byed pa'o// khro ba dang rgod pa'i yang gang dag shugs sdom par byed pa'i rgyal po de'i ni rgyal srid brtan par 'gyur zhing rang zhin/ bsgo bar byed pa yin pas phan tshun gyis kyang mngon par gdul bar mi nus so// 'di la 'ga' zhig gis kyang glags mi rnyed do// khro ba sdom par byeng pa'i rgyal po dag ni ma bsams par bya ba rnams byed par mi 'gyur ro/ / glo bur du gnas nas 'pho bar mi byed do// bran la glo bur du rdeg par mi byed do// gsang bar bya ba rnams ni phyi rol du mi byed do// glo bur du 'phel ba dang 'grib pa dag skyed par mi byed do/ / dga' ba'i gnas su 'phar bar mi 'gyur ro// 'di'i sems dma' bar gyur pas kyang don dag byed par 'gyur ba ni ma yin no// skyes bu dam pa ma yin pa ngag rjes su 'dzin par mi byed do/ / de ni blo brtan par 'gyur ro// de ltar rgyal po de khro ba dang rgod pa'i tshan ka sdom par byed nyid ni 'jig rten pa'i don la'ang rab tu bsngags par 'gyur ro// ji ltar 'jig rten las 'das pa'i lam la rgod pa'i shugs sdom pa dang / gang khro sdom par byed pa dang 'di bsdams pa yin zhe na/ khro ba sdom par byed des ni 'khor ba'i dri ma gcig bsdams pa yin

  723. 362b

    no/ / gang gis yang rgod pa'i shugs mdzes pas rnam par sdom par byed par gyur pa des ni 'dod chags kyi shugs rnam par bsdams pa yin no// gang gis shugs dang ldan pa'i dri ma gnyis po dag sdom par byed nyid du 'gyur ba des ni gti mug gi shugs bsdams par 'gyur ro/ / dri ma gsum gyi shugs sdom par byed pa po de ni shes pa dang ldan pa dang / bzod pa dang ldan pa dang / blo gros brtan pa dang / gcig tu nges par gyur pa'i blo gros can dag ni sngon gyi rgyu rkyen de dag rnam par smin pas lus zhig par gyur nas mtho ris bde 'gro'i 'jig rten 'thab thal gyi lha rnams kyi mnga' bdag tu 'gyur ro// gzhan yang chos gnyis shin tu yang dag par bya'o// gnyis po gang dag ce na/ 'di lta ste/ rgyal po shin tu zas dang skom rnams la sred pa'i rang bzhin can du mi bya'o// de ci'i phyir zhe na/ rgyal po shin tu zas skom gyi rang bzhin can ni 'chums nas g.yeng bar 'gyur ro/ / gsus pa 'gengs par byed pa la shin tu phyogs par 'gyur ro// de'i rang bzhin gyis nye bar chags par gyur nas phyugs bzhin du blo gcig tu 'gyur ro/ / bas dang skom gnyis las ma gtogs pa don gzhan rnams la de'i blo 'jug par mi 'gyur ro// de ltar kun tu chags par gyur pa'i blo dang spyod pa dang ldan pa blo de la song bar gyur pas/ chos dang chos ma yin par dpyod par mi byed do// yul 'khor rjes su sgrub par mi byed do// yul ljongs don dag dpyod par mi byed do// rang bzhin legs par bsgo bar byed do//

  724. 363a

    bka' blon pa rnams khur la sbyor bar mi byed do// don dag khyi mo dang yang mo rnams rtogs pa ma yin no// de rtag par yang don rnams las nyams par 'gyur ro// de yongs su nyams pa las kyang 'byor pa dman par 'gyur la/ des kyang zas dang skom ming med par 'gyur ro// de de las yongs su nyams par gyur pas kyang 'jig rten pa rnams thams cad kyi skyug bro ba'i gnas su gyur pa mchog tu dbul bar 'gyur ro/ / sred pa'i rnam par g.yeng ba des 'jig rten pa'i don rnams kyi yang bar du gcod par 'gyur ba yin pa dang / zas dang skom nye bar bsten par gyur pas ji ltar 'jig rten las 'das pa rnams la'ang rnam par gshe bar 'gyur ba yin zhe na/ 'di lta ste/ shin tu khro na yang zas skom la sred par gyur pa'i rang bzhin dang ldan pa de la yid song bar gyur pa de'i rang tshul can dag ni rtag par yang ro'i sred pas kun tu khrid par byed pas yid mnyam par gzhag pa ma yin par 'gyur ro/ / lus su gtogs pa'i dran pa dag med par 'gyur ro/ / tshor bar gtogs pa'ang med do// sems su gtogs pa dag kyang med do// chos su gtogs pa rnams kyang med do// sdug bsngal dang / kun 'byung dang / 'gog pa dang / lam gyis bsdus pa rnams kyang med do/ / zas dang skom la gus par 'gyur ba las ma gtogs pa 'di dag nor gzhan rnams 'ga' zhig la yang blo las su rung bar mi 'gyur ro// de ni dud 'gro dang rang bzhin

  725. 363b

    mtshungs par 'gyur ba yin no/ / de zas dang skom gyi spyod yul rnams las zas la rnam par spyod pa'i brtson pa de dag las grol ba ni lus ngag gi spyod pas bsdus pa dang / dbang po rnams kyang yang dag par yongs su smin par 'gyur ro/ / yang dag pa'i lam rnams dpyod par byed do// de'i sems las su rung bar 'gyur ro// lus dang / sems dang / tshor ba dang / chos rnams dang / sdug bsngal dang / kun 'byung dang / 'gog pa dang / lam rnams ma lus pa dang ldan par 'gyur ro// de'i yid shin tu mnyam par gzhag par 'gyur ba dang / sems dang dbang po rnams kyang rab tu dang bar 'gyur ro/ / zas dang skom dang ldan pa'i lus ni yang dag par 'gyur te/ lus rang bzhin du gnas pa dang / sems rang bzhin du gnas pa dang / sems rang bzhin du gnas par gyur pa yin pa gang gi phyir yang dge ba'i chos rnams bsam par nus pa yin no/ / de'i phyir na rol sred pa la ched cher 'gyur bar mi bya'o// gal te yang zas sam/ skom mam/ lus la 'jug par byed pa de'i tshe 'grangs pa tsam dang phan pa tsam zhig goms par byas pas de ltar 'di'i yid las su rung ba dang / sems mnyam par gzhag par yang 'gyur ro// sems shin tu mnyam par bzhag par gyur pa rnams ni dge ba'i las la dpyod par byed do/ / dge ba'i las rnams kyi mtha' la spyod pa ni lus zhig par gyur nas shi ba'i 'og tu las de dag dang de dag gi dri/

  726. 364a

    tsam gyis kyang 'thab bral ba'i lha rnams kyi mnga' bdag tu 'gyur te/ las de'i rgyu dang rkyen gyis so// chos gzhan yang rgyal pos bya bar bya'o// 'di'ang gang zhe na/ 'di lta ste legs par dpyod par bya ba rnams sems par byed pa'o/ / legs par bsams par bya ba rnams sems par bye dnga'ang gang gi phyir 'jig rten 'di dang phyi ma ma yin par yang sems can rnam kyi don sgrub par byed do/ / de ci'i phyir zhe na/ sems kyi yon tan yin pa'i phyir te/ gang dag gis 'di dang pha rol tu dang legs par bsam par bya ba rnams sems pa po ni mchog tu bde bar 'gyur ro/ / 'on kyang skyon rnams rab tu gzhom par bya zhing des legs par bsam par bya ba rnams bsam par bya'o// yid la'ang gzhag par bya'o// 'dod chags la sogs pa'i dri ma rnams kyang rtag par ngan song du rnam par 'jug par byed pa yin par brjod par bya'o/ / 'dod chags la ni mi sdug pas so// zhe sdang la ni byams pas so// gti mug la ni shes rab kyis so// de la dri ma rnam pa gsum po de dag rnams ni legs par bsam pa sems pas zad par bya bar nus so/ / ngan par bsam pa sems par byed pa de dag rnams kyis ni ma yin no// 'jig rten gyi chos rnams kyang de kho na bzhin du legs par bsam par sems par byed pa rnams kyi 'grub par 'gyur ro/ / ngan par bsam pa sems par byed pas ni ma yin no// de'i phyir thams cad kyis gnas skabs thams cad

  727. 364b

    du don thams cad legs par bsams la bya'o/ / de las 'di'i don kun 'grub par 'gyur ba dang / chos pa'i lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi bdag por 'gyur te/ las bzang po byas pa de'i rgyu dang rkyen rnams kyis so// chos gzhan yang rgyal pos mi bya'o// 'di'ang gang zhe na/ 'di lta ste/ don thag ring bar gyur pa zhes bya ba 'jig rten pa'i don rnams bsgrub pa dang / 'jig rten las 'das pa'i yang ste/ phan pa'i don gang byed par gyur pa dang / gzhan dag rnams kyang byed par gyur pa dus ring pos kyang bya bar mi nus pa'o// de dag la mi bzod pa 'gyur ro/ / 'di lta ste/ nad kyis kyang myur bar kun tu bcom par gyur pa na don thag ring bar gyur pa'i skyon gyis bsgrub byar gyur pa rnams kyang bsgrub bya ma yin par byas nas chung gson par byed ro/ de bzhin du don gzhan dag du ma rnams kyang myur bar ma byas pas dus gzhan du shin tu'ang bzod par mi nus par 'gyur ro// de ltar nges par legs pa'i lam cung zad tsam yang med de/ nad lta bur gyur pa'i nyon mongs pas rjes su bcom par gyur pas ngan song du 'gro bar 'gyur te/ don thag ring gyur pa'i skyon gyis yin te/ de'i tshe 'jig rten las 'das pa'i lam cung zad tsam yang med do/ / lam rnams rjes su nye bar 'joms par 'gyur bas dug gi myu gu dang cha 'dra bar gyur pa rnam par 'phel bar gyur nas dus gzhan du rab tu 'phel bar zhugs nas rgyud ma lus pa

  728. 365a

    sreg par byed de/ gang gis srog chags rnams dmyal ba dang / yi dgas dang / dud 'gro'i skye bar 'gyur bar byed do// de'i phyir don thag ring ba ni rgyal po 'am/ de ma yin pa dge slong rnams sam/ nor can rnams sam/ 'ga' zhig la yang snyan pa ma yin no// thams cad la shin tu bar yang bsngags pa ma yin no// gang yang don thag ring bar gyur pa ma yin pa de dag ni skyon skyes par gyur pa dag skad cig gis dus der skur bar byed do/ / gtong bar byed do// kun nas 'joms par byed do// rab tu 'joms par byed do// rtsa nas rlag par byed do// des skyon de dag rnam kun nas bcom par gyur pas mthar thug par bde bar 'gyur ro/ / skyes bu 'jig rten pa'i 'am/ 'jig rten las 'das pa'i lam la'ang gnas nas kun tu skyes pa'i skyon rnams 'joms par byed do/ / dug gi myu gu dang 'dra ba'i skyon yang dus gzhan du 'phel nas skyon mang por 'gyur ro// de'i phyir gang dag gis skad cig de la skyon rnams gzhom par byas la rings par byas te yang bde legs kyi gnas la legs par sbyar bar bya'o/ / mngon sum du 'gyur ba'i lus zhi gnas shi ba'i 'og tu mtho ris bde 'gro'i 'jig rten 'thab bral ba rnams la dbang bar 'gyur ba yin te/ des sngon byas pa'i legs par byas pa'i las de nyid kyi rgyu dang rkyen rnams las yin no/ / chos gzhan yang rgyal pos bya bar bya'o// 'di'ang gang dag ce na/ 'di lta ste/ chos kyis skye dgu rnams bskyang bar bya'o//

  729. 365b

    gang gi phyir rgyal po gang dag chos kyis skye dgu rnams bskyang bar bya'i/ chos ma yin pas ni ma yin no// chos kyis lhag pa'i rgyal po'ang bdag dang gzhan la phan pa byed par 'gyur ro// bdag la phan pa ma yin pa mi byed do/ / ji srid du tshul khrims dang ldan par 'gyur ro// tshul khrims dang ldan par gyur pa rnams ni chos ma yin pas nam yang skye dgu skyong bar mi byed do// de ltar bdag la phan/ par byed do// ji ltar yang gzhan la phan pa byed pa yin na/ srog chags su gyur pa gang dag yang chos ma yin zhing chos rjes su yongs su 'jug pa'ang ma yin pa de dag rnams 'dis pade legs la rab tu sbyor bar byed do/ / de ltar yang dag par skye dgu skyong bar byed pa nyid du 'gyur ro// bskyangs par gyur pa las chos dang / don dang / snyan pa rnams dang yang dag par 'gyur ro// re zhig dang por chos kyis ni mchog tu nges par legs pa la yang dag par sbyor bar gyur pa yin na/ ji ltar na chos ma yin pa dang kun nas ldan par 'gyur/ rgyal po don dang yang dag par ldan par 'gyur te/ ji lta bu'i don gyis she na/ 'di lta ste/ gang gi tshe 'bras bu nges par byas nas za ba'i rgyal por gyur pa na drug cha len par byed pa yin la/ de'i tshe skye dgu rnams la phun sum tshog pa byed par 'gyur ro/ / legs par yongs su bskyangs pas te/ skye dgu phun sum tshogs pa de'ang rgyal po'i sems dga' ba'i dbang gis rjes su chags par gyur nas sgrol bar byed pa yin no// de las yon

  730. 366a

    tan gnyis pa dang yang dag par ldan pa phun sum tshogs par 'gyur ba ni rgyal po snyan grags dang yang dag par ldan par 'gyur ro/ / rgyal pos yang dag par skye dgu bsrungs par gyur pa na grong khyer ba gang dag rjes su chags par gyur pa nges phyogs thams cad du snyan pa sgrogs par byed par 'gyur ro/ / de ltar chos dang / don dang / snyan pa rnams dang yang legs par ldan par 'gyur ro/ / rgyal po legs par skye dgu rnams bskyangs par gyur pa las lus zhig par gyur nas shi ba'i 'og tu mtho ris bde 'gro'i 'jig rten 'thab bral gyi lha rnams kyi bdag por 'gyur ro// des sngon byas pa'i rgyu las kyi rnam par smin pa las yin no/ / yang chos gzhan rgyal po 'am/ gzhan gyis kyang rab tu brtson pa mang po rnams kyis bya bar bya ste/ 'di'ang gang zhe na/ 'di lta ste/ dge ba bcu'i las kyi lam rnams bya ba'o/ / de ma lus pa rnams kyis kyang mchog tu bde ba'i rnam par smin pa dang ldan par 'gyur ro// de la dge ba'i las kyi lam de nyid kyang rnam pa gsum ste/ lus kyi dang ngag gi dang / yid kyi'o// lus kyi rnams ni srog gcod pa dang / ma byin par len pa dang / 'dod pa log par g.yem pa'o// ngag gi rnams ni brdzun dang / phra ma dang / tshig rtsub po dang / 'brel pa med par brjod pa'o// yid kyi rnams ni brnab sems dang / gnod sems dang / log par lta ba rnams so// de la de dag rnams ni ji ltar las kyi lam sna tshogs pa rnams su draba'i mi

  731. 366b

    dge ba bcu po de dag rnams ni mi dge ba'i las kyi lam zhes bya'o/ / shes rab ji ltar phyin ci ma log par gyur pa'i yang dag pa'i dge ba'i lam zhes bya ba'i ming ni shes rab de la brjod pa yin no/ shes rab de dag gang yin pa dag gis kyang ji lta ba bzhin du mya ngan las 'das pa'i mthar thug par 'gyur ba yin no// mi dang lha rnams 'byung bar 'gyur ba gang dag ji ltar 'dod pa bzhin 'gyurate/ de dag rgyal po 'di rang nyid kyis 'dzin par nus pa dang / grong khyer pa rnams la'ang rgyal po de pha dang ma dang 'dra bar 'gyur zhing / mya ngan las 'das pa rab tu 'thob par byed pa dang / mtho ris rab tu thob par byed pa yin no// de'i bsam pa rnams thams cad mngon par 'grub par 'gyur ro// lha rnams kyis kyang 'di dag la srung bar 'gyur ro// 'di la mtshon cha dang mu ges byas pa'i 'jigs pa rnams dang / yul 'jigs par 'gyur ba nam yang 'byung bar mi 'gyur ro// 'di'i yul du dus su lo tog rnams phun sum tshogs par 'gyur ro// 'di'i yul du'ang dus su zla ba dang nyi ma dag rab tu 'od 'byin par byed pa dang / dgos pa thams cad phun sum tshogs par 'gyur ba dang / yul ljongs rnams phun sum tshogs par yang 'gyur ro// rgyal po de legs par skye dgu rnams bskyangs par gyur nas dus rnams yongs su smin par 'gyur te/ mi rtag pa'i rang bzhin yin pas gal te rnam par bral bar gyur na/ gang gi tshe lha rnams kyi nang du skye

  732. 367a

    bar 'gyur ba de'i tshe dge ba'i las rnams kyi rnam par smin pa gang gis bde ba gang dag la nye bar longs spyod par 'gyur ba yin na/ de la mdor bsdu na 'thab bral gyi lhur skye bar 'gyur ba rnams las srog gcod pa rnam par spangs pas ni dman pa dang / bar ma dang / khyad par du 'phags pa'i lha rnams tshe ring bar 'gyur ro// gzhan yang de kho na bzhin du lha'i ris drug tu ma byin par len pa rnam par spangs pas ni nor brtan par 'gyur te/ rin po che bdun gyi rang bzhin phun sum tshogs par gyur pa'i nags dang / nye ba'i nags dang / ri'i rtse mo sna tshogs par dga' bar gyur pa rnams la'o/ / 'dod pas log par g.yem pa rnam par spangs pas ni ji srid du 'di 'chi 'phos par ma gyur gyi bar gyis dus de srid du lha mo rnams lha'i bu gzhan rnams la 'pho bar mi 'gyur ro/ / gson bzhin du yang lha'i bu gzhan dag rnams la nam yang kun tu 'pho bar mi 'gyur zhing 'khyud 'phyang yang mi byed kyi/ de nyid kho na la gzugs bzang ba thams cad kyis gzi brjid thams cad kyis kyang lta bar byed do/ / gang yang 'dod pas log par g.yam pa legs par bsrungs pa ma yin pa de dag rnams kyi lha mo rnams ni gzhan dag la 'pho bar 'gyur te/ so so dang so sor las kyi rnam par smin pa rnams rab tu ster bar byed pa yin no// de ltar lus kyi legs par spyod pa rnams bsrungs shing bsten la bsgoms pa lan mang

  733. 367b

    du byas pas ni lha rnams kyi nang du skye bar 'gyur ba yin no/ / rnam par smin pa bde ba dang ldan pa gnyis par gyur pa ngag gi rnam pa bzhi bsten cing bsgoms la/ lan mang du byas pas l+ya rnams kyi nang du skye'o/ / las gang gi rnam par smin pas lha rnams kyi nang du skyes nas bde ba gang la longs spyod pa yin na/ ngag legs par bsdams pa rnams kyang bzhi'o// de la brdzun rnam par spangs pas ni gsal zhing snyan la zur thon pa'i ngag tu 'gyur ro/ / rtag tu'ang legs par sbyar ba'i mchog gi smra ba por 'gyur te/ gang dang gang nyid smra bar byed pa na/ bde bas de dang de kho na 'dis lhan cig tu rjod par byed pa ni lha 'di dag la nye bar gnas pa yin te/ de dag gis brdzun legs par spangs pa yin pa'i phyir ro// phra ma rnam par spangs pas ni ljongs rnams 'jig par mi 'gyur ro/ / rtag tu'ang tshig rtsub po de dag de nyid rnam par spangs pas ni rtag tu snyan pa'i glu dang / gar dang / rgod pa dang / 'gying bag dag gi sgra mchog tu rna ba dang yid 'phrog par byed pa rnams thos so/ / 'brel pa med par brjod pa rnam par spangs pas ni rtag tu lce gzhal zhing ljags phyin par 'gyur ro// lha rnams thams cad kyi yid du 'ong bar 'gyur ro/ / de ltar ngag gi legs par spyad pa'i 'bras bu rnams la longs spyod par byed do// lha rnams su lha rnams kyi yid kyi rnams kyang gang dag gis 'bras bu rnams gang dag la longs

  734. 368a

    spyod par byed na/ brnab sems rnam par spangs pas ni 'di'i 'dod pa rnams thams cad sems bskyed pa tsam nyid na nye bar 'du bar 'gyur ro// des thob pa rnams kyang nges par nyams par mi 'gyur ro/ / lha gzhan 'ga' zhig gis kyang dang du len par byed par 'dod pa'ang ma yin te/ des na brnab sems rnam par spangs pa de dag rnams kyi de ltar 'gyur bab yin gyi/ rnam par smin pa 'di gzhan rnams kyi ni ma yin no// gnod sems rnam par spangs pa rnams kyi yang gnod sems spangs pas ni lha'i skye bo rnams thams cad dang mthun par 'gyur ro// gzugs mchog dang yang ldan par 'gyur ro// log par lta ba rnam par spangs pas ni 'di la cung zad cig kyang gzhan mu stegs pa rnams kyis rtsod pa don du gnyer bar mi byed do// ji lta ba nyid du rab tu bsams pa de kho na bzhin du phun sum tshogs par 'gyur ro/ / gzhan du 'gyur ba ni med do// 'dod pa bzhin du yang 'dod pa rnams kyis stongs par ni nam yang cung zad cig kyang mi 'gyur ro/ / de la mdor bsdus nas de ltar dge ba bcu'i las kyi lam rnams kyi rnam par smin pa rnams so sor bshad pa yin no// sbyin pa'i khyad par gyis ni longs spyod kyi khyad par rnam 'byung bar 'gyur ro/ / shes rab kyi khyad par gyis ni thams cad kyang ches khyad par du 'phags par 'gyur te/ gang gi phyir bde ba rnams thams cad ni shes rab kyi rtsa ba las yin no// bde ba

  735. 368b

    ma yin pa rnams ni srid pa'i rmongs pa sngon du 'gro ba can yin no/ / sems kyi dbang gis dang / dus kyi dbang gis dang / dngos po'i dbang gis dang / lhag par mos pa'i dbang gis kyang rung ste/ dge ba'i las kyi lam rnams las gal te shed na gcig kyang lhar skye bar 'gyur ro// mya ngan las 'das pa'ang 'phen par byed na/ sems can rnams lnga rnams su skye bar lta ci smos/ de la de ltar las kyi rnam par smin pa 'di ni mchog tu phra bar gyur pa yin te/ de dag gis mi shes pa de dag rnams ni las kyi rnam par smin pa rnams la'ang kun tu rmongs par 'gyur la/ de kun tu rmongs pas kyang dmyal bar nye bar rgyug par 'gyur ro// de la ji skad du bshad pa'i dge ba bcu'i las kyi lam de dag rnams la rgyal po gang zhig gis ji skad bshad pa bzhin du spyod par byed pa ni 'di'i yul 'khor rnams dang / grong khyer rnams des dbang du byed par 'gyur ba yin no// rgyal po de ni lus zhig nas shi ba'i 'og tu yang las de dag rnams kyi rnam par smin pas mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ / chos gzhan yang rgyal pos rjes su bsgrub par bya'o// 'di'ang gang zhe na/ 'di lta ste/ rgyu dang 'bras bu la legs par blta'o// rgyu dang 'bras bu rnams la legs par lta bar byed pa'i rgyal po 'am/ rgyal po'i blon po rnams kyang rung ste/ kun tu rmongs par mi 'gyur ro// las

  736. 369a

    rnams dang las kyi rnam par smin pa rnams la'ang rtag tu mnyam par gzhag pa'i blor 'gyur zhing / yul rnams la bag med pas 'jug par yang mi 'gyur ro// de la rgyu bya ba'i ming ni 'bras bu'i sa bon no// rkyen ni nam zla'i dus tshod dang sa gzhi tshogs pa'o// de gal te de rgyu rnams la skur pa mi 'dabs pa dang / rkyen rnams la skur pa mi 'debs pa de ni rgyu dang 'bras bu dag gi de kho na nyid mthong ba sdig pa'i las rnams la spyod par mi byed do/ / ji lta ba de kho nas sa bon dang myu gu dag rgyu rkyen du rtogs pa yin pa de kho na bzhin du las dang / las kyi 'bras bu rnam par smin pa rnams la'ang kun tu rmongs par mi 'gyur ro// de la skye ba'i lam du gyur pa'i dge ba dang mi dge ba'i las rnams kyis ni rnam pa sna tshogs pa'i bde ba dang / sdug bsngal rnams 'khor ba nas 'khor bar rab tu 'bab par 'gyur ba yin te/ srog chags rnams kyi rgyud des bsdus pa nas bzung nas dmyal ba dang / yi dgas dang / dud 'gro'i 'gro ba rnams dang / lha dang mi rnams su khams gsum du gtogs pa rnams kyi 'du byed du gyur pa rnam pa gsum po dge ba rnams dang / mi dge ba rnams dang / mi g.yo ba rnams kyis so/ / de'ang dge ba'i las kyi 'du byed kyi rgyu rnams kyis ni lha rnams dang mi rnams su'o// mi dge ba las ni dmyal ba rnams so// mi g.yo ba rnams kyis ni gzugs dang bzugs

  737. 369b

    med pa'i khams dag tu'o/ / khams rnam pa gsum du gtogs pa de dag rnams la yang rgyal po gang zhig rgyu tsam de kho na nyid du mthong ba de ni 'khor ba'i 'brog dgon pa rnams su rmongs par mi 'gyur ro/ / de ltar re zhig 'dus byas 'di dag thams cad mdor bsdus pa ni 'di lta ste/ rgyu dang 'bras bu'o// rgyu dang 'bras bu kun nas mthong ba'i rgyal po ni skyon rnams kyis mi 'joms so/ / nyes pa'i 'jigs pa rnams kyis 'jigs pas mi dge ba'i las ngag mi byed do// de dge ba'ang rtag tu byed par 'gyur ro// de ni lus zhig par gyur nas mtho ris bde 'gro'i 'jig rten pa rnams kyi lhar skye bar 'gyur ro/ / de la yid la 'jug par byed pa rnams thams cad kyi mchog ni 'di lta ste/ rkyen legs par mthong ba zhes bya ba'o// de'i phyir na chos 'di dag rab tu brtson pas rgyal pos gzung bar bya ba yin no/ / 'di lta ste/ rgyu dang rkyen rnams la legs par blta ba'o// chos gzhan yang rab tu brtson pa du mas rgyal pos bya'o// 'di'ang gang zhe na/ 'di lta ste/ lha dag mchod par bya'o// 'dir legs par byas pa'i las kyi mtha' la spyad pa'i lharnams legs par bya ba'i las rnams la grogs su rang dbang du 'gro bar 'gyur ro/ / dge ba'i chos rnams la'ang bar chad byed par mi 'gyur ro// nyin mo dang mtshan mor yang 'di dag mchod pas mchod par byed pa rnams la ni las rnams thams cad la yang

  738. 370a

    lhan cig rang dbang du 'gyur ro/ / rmi lam yang bzang po dang ngan pa myong bar 'gyur ba rnams nges par legs par ston par 'gyur ro// yul ljongs 'jig par 'gyur ba'ang 'di dag gis srung bar byed do/ / dge ba'i las rnams rtag tu skul bar byed do// 'di lta ste/ dge ba dag la so sor nges par 'jug par byed pa na 'di dag gis nyin mo dang mtshan mo yang srung bar byed do/ / pa dang ma bzhin du thabs du mas dge bar byed pa'i lha mchod par bya bar 'os pa yin no// de'i phyir na rgyal pos rtag tu lha dag mchod par byed pa yin te/ chos dang ldan pa'i cho ga dag gis kyang mngon par 'dod pa rnams dang / dam tshig gis dang / sdig pa'i las rnams dang rnam par bral bas dang / 'tshe ba med pa dang log par lta ba can gyi yid kyis ma yin pa dang / 'gro ba thams cad kyi las dang sdug bsngal byed pa por gyur pa'i rgyu de dang blo de dag dang / ji lta bar bral bar gyur pa de ltar lha dag mchod par bya'o// grogs byed pa'i yon tan rnams kyis de ltar mchod par byed pa'i rgyal po ni don dag las yongs su nyams par mi 'gyur ro// rgyu dang 'bras bu la skur pa mi 'debs so// log par lta ba dang ldan par mi 'gyur ro/ / rtag tu yang mchod par bya bar 'gyur ro// lus zhig nas kyang las de'i rgyu dang rkyen dag gis bde 'gro mtho ris kyi 'jig rten gyi lha rnams las 'thab

  739. 370b

    bral gyi nang du skyes nas/ 'thab bral gyi lha rnams kyi rgyal por 'gyur ro// chos gzhan yang rgyal pos bya bar bya'o// 'di'ang gang zhe na/ 'di lta ste/ legs par skye dadu/ rnams bskyang bar bya ba'o// rgyal pos yang dag par skye dgu skyong bar byed pa ni chos byed chos kyi rjes su 'jug par gyur pa ma dang pha dang mtshungs par mi 'jigs pa sbyin par byed pa yin no/ / 'jigs pa rnams thams cad las des mi 'jigs pa sbyin par byed pas nyin dang mtshan du yang dge ba'i chos rnams kyi chu klung rab tu 'jug par 'gyur ba'i phyir rab tu rgyas par 'gyur ro/ / 'di la grong khyer pa rnams thams cad rjes su chags par 'gyur ba dang / rjes su chags pa'i yid can de dag rnams las der nor rnams rnyed par 'gyur ba dang / snyan pa la yang sbyor bar byed do// nyin dang mtshan du yang 'di'i bde ba sems par byed do// de de ltar zhugs par gyur pa'i rgyal po ni sems can thams cad la phan par rab tu zhugs pas na dbang sgyur ba yang rab tu 'phel bar 'gyur te/ mnga' thang 'phel bar gyur pa gang yin pa de dag gis yang dag pa ji lta ba bzhin du lo tog rnams skye bar 'gyur ro// legs pa nyid du skye dgu rnams kyang 'phel bar 'gyur ro// grong khyer de 'phel bar gyur pas kyang phyir zhing yang rgyal po de nyid mngon par 'phel bar byed do// de ltar rgyal po des skye

  740. 371a

    dgu rnams bskyangs par gyur pa na chos dang / nor dang / snyan grags dang yang rtag tu yang dag par ldan par 'gyur ro// legs par ldan pas phyir zhing yang rgyal 'bangs rnams skyong bar byed do/ / de rtag tu skye dgu rnams la phan par 'dod pa dang / gnod sems med pa dang / brnab sems med par gyur pas kyang lus zhig nas mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu 'gyur ba yin te/ des sngon byas pa'i rgyu dang rkyen rnams kyis so// rgyal po chos byed chos kyi rjes su kun nas 'jug pas chos gzhan yang bya'o/ / 'di'ang gang zhe na/ 'di lta ste/ bu dang bu mo yang dag pa ji lta ba'i bde bas 'dzin pa'o// bu dang bu mo yang yang dag pa'i bde bas 'dzin par byed par 'gyur ba'i rgyal po 'am/ rgyal po'i blon po la yang rung ste/ rnam pa du ma'i bsod nams chen po rgyun mi 'chad par rab tu 'phel bar 'gyur ro// gang 'di la 'gyur ba rnams de dag la 'gyur bar byed pa dang / rnam pa gang dag gis yin pa dang / yod pa rnams kyang ji srid kyi bar du dang / dus gang gi tshe na yod pa de dag rnams kyang de bzhin du des de la thams cad nas ster bar byed pa ste/ rdzas dang / zas dang / skom dang / gos dang / yongs su 'khyud pa dang / snyan par smra ba dang / yid ches

  741. 371b

    par bya ba dang / dga' bar bya ba dang / mi 'jigs pa sbyin pa rnams kyang shugs bton nas rab tu sbyin par byed do// bu rnams dang bu mo rnams las gang dag bsod nams chen por 'byung bar 'gyur te/ rnam pa du mar bsod nams chen por khyim nas kun tu 'byung bar 'gyur ba 'di ni bu dang bu mo legs par 'dzin pa zhes bya ba gang yin pa bkren pas zil gyis mnan par ma gyur pa dang / 'dod pas gzir ba ma yin pas kyang bu dang bu mo rnams la snying rje dang ldan par gyur pa'o// de ni rdzas byin par gyur nas gsod pa las bsrung ba rnams kyi drung na yang ches lhag par 'gyur ro/ / de'i phyir na gang dag dad pas rab tu 'byung bar mi nus pas de dag rnams kyis bu dang bu mo rnams yang dag par bden pas gzung bar bya'o/ / gang yang nus pa dang ldan par gyur yang bkren par gyur pas nus pa ji lta ba bzhin du bu dang bu mo rnams 'dzin par mi byed pa de ni khyim pa'ang ma yin la dge slong yang ma yin no// de'i phyir na zang zing gi sbyin pas sbyin pa la legs par sbyar bar bya ba dang / tshul khrims la kun nas goms par bya bas kyang rgyal po dang / rgyal po'i blon po rnams kyis kyang rung ste/ bu dang bu mo tshul khrims la rab tu dgod par bya'o// sbyin pa dag gtong du gzhug par bya'o// shes rab la goms par byed du gzhug go// yang dag par bde bas yongs su bskyang

  742. 372a

    bar bya ba dang / rjes su bskyangs pa'i dbang du byas nas lhag ma rnams kyis rim gyis nus pa ji lta ba bzhin du ste/ de ltar byed par gyur pa'i rgyal po 'am/ blon po de dag rnams kyang rung ste/ shin tu ring du bde bar 'tshe'o// lus zhig par gyur nas kyang mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu gyur te/ dge ba'i las de dag gi rgyu dang rkyen rnams kyis so// chos gzhan yang rgyal pos rab tu brtson pa du mar bya ba rnams la 'di lta ste/ shes rab la ci nas kyang goms par bya ba'i rang bzhin can nyid do/ / shes rab la goms par bya ba zhes bya ba ni sdug bsngal thams cad kun nas 'joms par byed pa 'khor ba thams cad las nges par 'byung ba'i rgyur 'gyur ba'i phyir na de la ci nas kyang rgyal pos goms par bya ba yin te/ shes rab ces bya ba yang gang gi phyir mun pa chen por ltung ba'i sdug bsngal du ma'i mun par 'thoms par gyur pa rnams la rab tu gsal bar byed pa'i mar me/ 'khor ba'i dbul po rnams kyi nor/ mig med par gyur pa rnams kyi mig/ stobs med pa rnams kyi stobs dang / grogs med pa rnams kyi grogs dang / skyob pa dang mi ldan pa rnams kyi skyob par byed pa dang / nad kyis shin tu gzir ba'i srog chags 'di dag rnams kyi ni sman no// lam med pa la rab tu gnas pa rnams

  743. 372b

    kyi ni lam ston par byed pa'o/ / 'khor ba'i dgon par rab tu zhugs par gyur pas sred pas kun nas gdungs pa rnams kyi ni shin tu bar yang bsil bar gyur pa'i chu rnam pa du ma rnams so// 'khor ba'i brtson rar kun nas bsdams pa rnams kyi nges par 'byin pa'i rgyur gyur pa'o// gnyen bshes med pa rnams kyi phan par byed pa'i gnyen no// mig mdongs pa rnams kyi rab rib dang rnam par bral bar byed pa'i mig go/ / gsod par byed pa'i yul dang dus rnams su stobs dang ldan pa'i grogs po'o// gshin rje'i pho nya rnams nye bar gnas pa'i 'chi ba'i dus na stobs dang ldan pa'i grogs po rnams gang gis ngan 'gro'i 'jigs pa rnams thams cad las kun tu 'dren par byed pa'o/ / bgrod dka' ba rnams dang / ngam grog rnams dang g.yang sa rnams las lag pas 'don par byed pa'i stobs dang ldan pa'i grogs po rnams gang gis bde ba rnams thams cad 'thob par byed pa'o/ / kun nas tshig par gyur pa'i skyes bu rnams kyis rin thang med pa'i gos rnams so/ / tshul khrims 'chal pa'i me'i 'jigs pa'i tshabs gdungs pa rnams kyis shin tu che ba'i yal ga du ma rnams kyis kun nas khyab par gyur pa'i bsil ba'i grib ma/ 'jigs pa med pa dang ldan pa la yal gdu ma stug por gyur pa yal ga phre'u dang / mtshe'u gzhon nu dang / 'dab ma dang / ze ba dang

  744. 373a

    ldan pa'i ljon shing skye bo rnams thams cad kyi mig dang reg pa na shin tu dga' bar 'gyur ba yin no/ / de'i phyir na yang shes rab ni ces shin tu sdug par gyur pa sbyi/ no// kye 'jig rten pha rol dang / 'di dang / gzhan la'ang rung ste/ skye dgu rnams la thog ma med pa'i dus nas rab tu 'jug par gyur pa rnam pa de lta bu gzhan ni yod pa ma yin no// shes rab kyis ni ji lta ba bzhin du gcig tu yon tan dang ldan pa dang / de yongs su shes par bya ba'i tshul ji lta bar goms par bya ba las lam dam pa rtog par 'gyur zhing legs par rnam par dpyad nas sems la rab tu bzhag ste mtha' mar lhan cig kun tu spyod pa dang / gcig tu nges pa dang de rnam pa du mar rnam par shes par bya ba yin pa dang / dang po dang / bar dang / tha mar ches mdzes par gyur pa bris pa ngo bo nyid kyi lam la legs par ston par byed pa'o// de dag nyid ni mngon par 'dod pa'i don thams cad la gcig tu chags pa meng par mya ngan las 'das pa'i grong khyer legs par ston pa po de ni rtag tu goms par bya'o/ / de ni yun ring du rgyal srid la longs spyad par gyur pa dang / grong khyer pa rnams kyang 'di la rjes su dga' bar 'gyur ro/ / yul gzhan rnams kyi rgyal pos kyang gzhom par mi nus so// dus yun ring du 'tsho bar 'gyur ba dang / sdug bsngal yang 'byung bar mi 'gyur ro// bde ba rnams la'ang dus ring du nye bar lodwa

  745. 373b

    spyod par byed pa des bde ba nas bde ba thob par 'gyur ro/ / lus kyang zhig par gyur nas shi ba'i 'og tu yang mtho ris bde 'gro'i 'jig rten las 'thab bral gyi lnga rnams kyi mnga' bdag tu 'gyur te/ des sngon byas pa'i las rnams kyi rgyu'i rnam par smin pa bgyis so// yang chos gzhan dag rgyal po rab tu brtson pa thams cad kyis bya bar bya'o// 'di'ang gang zhe na/ 'di lta ste/ yul gyis khrid par 'gyur ba de ltar mi bya'o/ / rgyal po gang zhig yul rnams mchog tu byed par gyur pa rnams thams cad du dge legs su 'os pa'i sgra dang / reg bya dang / ro dang / gzugs dang / dri rnams kyis kun tu phrog pa pa'i rgyal po ni thabs rnam pa thams cad kyis kyang dge ba bya bar mi nus so/ / rnam pa de lta bu dag gi yul rnams kyang dag pa'i bde bas yongs su skyong bar mi 'gyur ro// bdag nyid kyang yul de dag rnams la mchog byed par yang mi 'gyur zhing / blo de la song bar gyur pas chos dang / nor dang / snyar pa rnams las kyang yongs su nyams par 'gyur ro// yongs su nyams pa las ni mi mthun pa'i rgyal po gzhan gyis mngon par 'tshe bar byed do/ / de des mngon par gtses pa las ni de'i grong khyer pa rnams dga' ba dang rnam par bral bar gyur nas rgyal srid 'tsher bar byed do// sdug bsngal chen po rnams su yang lhung nas srog kyang ngam/ brgya lan ste med par 'gyur ro// de'i phyir na yul rnams la med cher 'gyur bar mi bya'o// gang yang rgyal po yul ched cher byed pa ma yin pa dang / rang gi chos yongs

  746. 374a

    su skyong bar byed pa dang / sems kyang shin tu mnyam par gzhag pa dag ni sgra dang / reg bya dang / ro dang / gzugs dang / dri rnams kyis kun nas khrid par mi 'gyur ro// de/ ltar rgyal po des skye dgu rnams bsgyings par gyur pa na/ chos dang / nor dang / snyan grags dang yang rtag tu yang dag par ldan par 'gyur ro// legs pa lnga lnga phyir zhing yang rgyal 'bangs rnams skyong bar byed do/ / de rtag tu skye dgu rnams la phan par 'dod pa dang / gnod sems med pa dang / brnab sems med par gyur pas kyang lus zhig nas mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu 'gyur ba yin te/ sngon byas pa'i rgyu dang rkyen rnams kyis so// yang chos gzhan yang rgyal pos mi bya bar gyur pa 'di'ang gang zhe na/ 'di lta ste/ gdul dka' ba rnams yul du 'dzin par mi byed do/ / gang yang rgyal por gyur nas gdul dka' ba sdig pa'i las can tshul khrims 'chal pa rnams yul du 'dzin par byed pa na de ni dus mi ring ba nyid na des byas par gyur pa'i skyon chen po kun tu ltung bar 'gyur ro/ / skyon chen po de dag rnams kyis kyang yul ljongs 'jig par 'gyur ba dang / mnga' byed pa rnams las yang yongs su nyams par 'gyur ro// lo tog rnams kyang smin par mi 'gyur ro/ / las kyi mtha' dag med par 'gyur ro// legs par skye dgu rnams skyong bar yang mi byed do// de la skye dgu 'dod chags dang bral bar 'gyur ro// gdul dka' ba rnams yul du 'dzin

  747. 374b

    pa yin pa'i phyir na yul na gnas pa'i lha dag kyang rjes su rtse bar mi 'gyur ro/ / gdul dka' ba rnams kyis ni gang gi phyir skye bo mchog tu dul ba rnams kyang gdul dka' bar byed pa yin te/ thams cad kyang bstan grogs kyi dbang gis yin pa'i phyir na yon tan dang ldan par gyur pa rnams thams cad dang / gzhan dang bstan grogs byas par gyur pa las chud za bar 'gyur ro// de'i phyir na rgyal pos gdul dka' ba rnams kun tu gzung bar mi bya'o/ / gang yang skyes bu ngan pa gdul bar dka' ba sdig pa kun tu spyod pa 'dzin par mi byed pa de dag la ni skyon ji ltar bshad pa de dag rnams mi 'byung ngo // yang dag par skye dgu rnams skyong bar byed do/ / skyes bu chos byed ma yin pa rnams ni 'di'i yul na gnas par yang mi byed do// de skyes bu chos pa rnams dang ldan pas chos ma yin pa rnams la dga' bar yang mi byed do// chos la chos kyi rjes su 'jug pa de'i yid la bsams pa 'di dag rnams thams cad phun sum tshogs par 'gyur ro/ / 'di'i yul yang 'jig par mi 'gyur ro// don ma yin pa gzhan yang 'byung bar mi 'gyur ro// rgyal po de chos kho na'i skyabs dang / chos kho na'i grogs dang gzhi de nyid kyis lus zhig par gyur nas mtho ris bde 'gro'i 'jig rten 'thab bral gyi lha rnams kyi mnga' bdag tu las de'i rgyu dang rkyen rnams kyir 'gyur ro// chos gzhan yang rgyal pos rab tu brtson par gyur pas byed pa na chos dang legs par ldan pas yin gyi/ 'di la'ang rang bzhin chags pa dang ldan pas ni ma yin no// 'di'ang gang zhe na/ 'di lta ste/ bran rnams la rang gi

  748. 375a

    khyim du longs spyod par byed pa da ltar gyur pa'i sa gzhi dang nor sbyin par sbyin pa rnams rgyal po gang gis bran gang la 'di'i khyim du rigs pa rnams des de rang la ster bar byed do/ / de la rang bzhin gyis mi dga' bar mi byed do/ / bran rnams dang phan tshun du dga' rangs par byed pa'ang ma yin no// 'di dag rnams la yid 'byung bar mi byed do// bgo bsha' byed pa'i dbang du byas nas gnas nas g.yo bar yang mi 'gyur ro/ / rtog par yang mi byed pa'i rgyal po ni shin tu legs par gnas pa rnams kyis kyang gnas pa yin no// 'di ni nyo tshong gi bya ba'i yul rnams la'ang 'jug par mi byed do// stobs dang ldan par gyur na yang stobs chung ba rnams ci nas kyang 'tshe bar mi byed do/ / chos rnams la 'dod pa can yang ma yin no// chog shes can yin pa yang ji ltar rang gi las kyis byas pa rnams kyis chog shes so// yul ljongs rnams su'ang dus ma yin par lhas char mi 'bebs so/ / dus ma yin par nyi ma rab tu tsha bar mi 'gyur ro// mu ge 'byung bar mi 'gyur ro// mtshon cha 'khrug par mi 'gyur ro// klu rnams kun nas 'khrugs par mi 'gyur ro// lha dag gis yul de yongs su spangs par gyur nas yul gzhan rnams su nye bar 'gro bar mi 'gyur ro// yul de'ang lha gzhan dag gis stongs par byas nas rlag par mi byed do// mi rnams dang lha mi rnams kyi sto kyis 'phel bar byed pa yin no/ / de la de ltar skyon dag rjes su rtogs par byas la rgyal pos mi sdig can gzung bar mi bya'o// gang yang dge bar spyod par byed pa spyod pa rnams kyi mchog chos byed kyi mchog tu

  749. 375b

    gyur pa rnams yul du 'dzin par byed pa'i yul de dag rnams thams cad ni lhas yongs su skyong bar byed do/ / 'dzin par byed do// 'dzin par byed pa'i rgyu mtshan gyis kyang lha'i tshogs dang nye ba'i yul la lha gzhan rnam kyis der bar chad bya bar mi nus so/ / yul de la yang srung bar 'gyur ro// rgyal po de'ang rgyas par 'gyur ba de'i phyir yul du sbyin pa dag ni gtong bar byed la/ bsod nams ngag kyang byed do// tshul khrims srung bar byed do/ / shes pa dang ldan par 'gyur ro// de de ltar shin tu legs pa dang yang dag par ldan par gyur pa'i rgyal po chos byed kyi mchog ni 'jig rten 'dir yang mchog tu mdzes par 'gyur la/ lus zhig nas shi ba'i 'og tu yang mtho ris bde 'gro'i 'jig rten las 'thab bral ba'i lha rnams kyi mnga' bdag tu 'gyur ro/ / rgyal po gang dag chos sum cu rtsa lnga po de dag rnams 'dzin par byed pa ni de dag gis kyang legs par gzung bar 'gyur ro/ / de ni yon tan rnams thams cad phun sum tshogs par 'gyur ro// de la 'di ni bde ba nas kyang ches bde ba'i gnas su 'gyur ro// de nas de'i tshe nam mkha' lding gi rgyal po dus bzangs de gtsug to can gyis gsungs pa'i tshigs su bcad pa rnams brjod pa ni/ ji ltar/ gang gi skye bo gtsang ma'i 'khor// chos la spyod pa dbang po thul// rgyal po chos byed blo ldan de// mtho ris 'jig rten skye ba yin// dus ni nges par byed pa gang // chos kyis yongs su longs spyod cing // 'dod pa las grol rgyal po de// 'thab bral rnams las lhag par 'gyur// bzod ldan pa'i ngag can gang // khro dang rgong pa'ang

  750. 376a

    rnam sdom pa/ / des ni sa chen bskyang byas nas// lha 'di rnams kyi gtso bor 'gyur// das pa phyogs su lhung min pa// grogs dang grogs min gyis mi 'joms// rgyal po shin tu mtha sa rgyal phyir/ lha 'i 'jig rten dag tu rung // rgan po lha la spro ba che// bla ma mchod pa po nyid dang // brkam chags med dang brtan pa'i 'o// lha rnams nang na lhang nge'o// pha yis sngon ni byin pa dang // de nyid slar yang ster ba gang // 'byung po rnams kyang mi 'tshe ba/ / de ni lhar ni skye bar 'gyur// sbyin dang tshul khrims rtag tu bsgrin// chos smra ba dang dbang po thul// rgyal ngos sa 'di legs bzung nas// lha yi 'jig rten sa bdag 'gyur// chos pa min pa 'dzin mi byed// chos pa la yang dga' bar byed// de ni chos tshul kun dag pas// lha rnams kyi ni mnga' bdag 'gyur// rgyal po bud meng dbang mi 'gro// rtag tu bzang po rnams kyi dbang // dri mad blo gros bsgyangs pa ste// lha yi 'jig rten dag tu skye/ thams cad tshig ni 'dzin mi byed// 'dzin byed bzang po rnams kyi tshig/ bdud rtsi 'di nyid legs 'thung ba// lha yi rgyab tu gnas pa po// snyan grags la ni 'dod byed cing // rdzas nyid la ni 'dod ldan min// 'dod pa'i dri ma las grol te/ / 'thab bral rnams kyi mnga' bdag 'gyur// log par lta ba'i blo min zhing // de nyid kun tu lha la dga'// shin tu lha dag mi g.yo ba// 'thab bral rnams las lhag par 'gyur// sbyin dang tshul khrims rtag tu ldan// shes rab kyis kyang rtag de 'gro// ma lus sa chen rnam rgyal te// phyi mar lha yi mnga' bdag 'gyur// rna ba sngo bar byed pa'i mchog/ ngag ni snyan par gyur pa yin/ rab tu tshim byengs bdag ni// tha mar lha rnams

  751. 376b

    ngag tu skye/ / ngag gi slu ba med pa gang // lhun po bzhin du mi g.yo ba// bden pa'i them skas la 'dzegs nas// tha mar de ni lha rnams nang // gzhis rnams la ni 'phel 'grib tu// glo bur du ni mi byed gang // mcho tu sgo byed rgyal po de/ / nges par lha yi 'jig rten gnas// mi yi khyad par de nyid shes// stobs dang stobs min shes pa gang // de ni blo stobs legs ldan pas// 'thab bral rnams kyi bdag por 'gyur// gang yang khams gsum pha rol gyur/ / 'dir ni dkon mchog gsum zhes brjod// mi dag gang gis de mchod pa// de ni lha yi nang du skye// dus nges pa ni legs par ston// skye dgu rnams la phan par dga'// rgyags dang nyam nga bral ba yi/ / de ni lha rnams bdag por dran// gnyid kyi dri ma las rnam grol// 'du 'dzi'i skyon ni yongs su spangs// shes rab spyod yul yang dag ldan// nges pa kho nar lha nyid yin// le lo'i skyon dang bral ba dang // rtag tu bstan pa pha rol gnon/ / des ni nyes pa'i tshogs bcom nas// pha rol tu ni mtho ris 'gro// gang zhig grogs po bsten pa dang // rtag tu las ni byed rnams kyi// dam pa'i grogs kyis legs yongs bskor// rgyal po lha yi bdag por 'gyur/ / gang gis g.yo sgyu can mi bsten// g.yo sgyu can ni spangs pas kyang // de ni sgrub bya'i yul las grol// lha rnams las ni lhag par 'gyur// khro dang rgod bag rnam par bsdams// gang yang sdig la dga' mi 'gyur// des ni sdig rdzas legs bskus nas// rtag tu lha yi bdag por 'gyur// zas dang skom la chags pa min// dge ba rnams la'ang rtag tu chags// dam pa chos legs

  752. 377a

    mthong ba de/ / blo rab rgyal nas lhag par mdzes// legs par bsams pa sems par byed// dam pa'i chos la 'jug par byed// dam pa'i chos kyi gdams ngag gis// ji bzhin lha yi nang du 'gro/ / don skor min dang myur bar yang // gang zhig chos kyi rjes su 'jug/ sdug bsngal de ni myur grol nas// lha yi 'jig rten du nyer 'gro// mi bdag gang yang chos kyis ni// rtag tu skye dgu yongs skyong ba/ rab tu bsngags pa'i chos byed bdag/ lha yi 'jig rten sa bdag 'gyur// dge ba'i chos bcu bdag gis ni// gang bshad de ni mthong ba yis// gang de byed pa'i blo ldan ni// lha las lhag par mdzes pa yin// rgyu dang rkyen ni legs par mthong / / lam dang lam min de bzhin te// de ni lta ba'i dri bral nas// de blo lhag par khyad par 'gro// ji ltar 'os par sa bdag gis// lha gang dag ni mchod byed pa// lha rnams mchod pas de ltar yang lha rnams pas ni lhag par 'gyur/ / rnyog pa med pa'i yid kyis ni// bu dang bu mo 'dzin byed pa// rang gi chung mas chog shes de// lha rnams kyi ni bdag por 'gyur// byis pa thams cad 'phrog byed pa'i// yul rnams kyis ni 'phrog mi 'gyur/ / rtag tu tshul khrims kyis bsrungs pa'i// tshul khrims ldan de lha yul 'gro// gdul bar mi nus rtag tu spangs// ston pa gang yang chos byed la// dam pa'i chos sems gtsang ma yi/ / lhar 'os pa yi bun tshogs ldan// rigs pas brtsams pa'i chos kyis 'di// sa skyong ba yi bdas po 'di// sa gzhi ma lus kun bsngags nas// 'thab bral gyi yang bdag por 'gyur// de ltar 'thab bral ci mnga' bdag

  753. 377b

    de mngon par mtho nas ngang pa'i rgyal po dus bzangs kyis skye ba gzhan dran par gyur pa dang / smon lam gyis kyang der skyes pa na gtsug tor can gyis gsungs pa rnams mu su lun d+ha dkun tu dga' bar bya ba'i don du bstan pa yin no// gnas 'di ni de ltar rnyed pa ma yin gyi/ chos chen po'i khang par gyis gnas 'di thob par 'gyur ba yin no// de thob nas kyang gang dag bag med pas mi 'phrog pa de ni phyis 'gyod pas gdung bar mi 'gyur ro// 'chi dus na yang dmyal ba'i pho nya bzhin rnam par skye bar byed pa rnams 'di'i sngun na nges par gnas par 'gyur ro/ / de 'thab bral gyi bdag po khyod ni bag med pa ma yin zhing bag med pas rgyu ba ma yin pas khyod nga'i sgra gang thos par gyur nas/ yul rnams thams cad yongs su spangs te/ chos nyan 'dod pas gdungs nas 'dir 'ongs so// gang dag sdug bsngal bas chos la spyod pa de dag ni bde ba bsgrub pa yin la/ gang dag bag med pas yongs su phrog pas na/ lha'i yul rnams la longs spyod par byed pa de dag ni sdug bsngal ba yin no/ / de la mu su lun d+ha khyod 'dod pa'i dbang gis mi 'gro ba gang yin pa de ni 'dir bde ba yin la/ lha gzhan yang gang dag khyod la mthun pas rjes su 'brel ba rnams ni mu su lun d+ha de dag rnams kyang skye ba 'di la dge ba'i bshes gnyen bstan pa las na rtag tu bde bar 'gyur ba yin no/ / sdig pa'i grogs po rnams sten par mi byed pa yang ste/ de la mu su lun d+ha khyod ni de dag nyid byed pa yin pas lha 'di dag rnams la gces par bya ba yin no/ / des de dag rnams gnyis ka yang ji lta ba bzhin du mya ngan las 'das pa'i mthar thug pa'i bde ba rnams 'byung bar 'gyur ro// gang gi phyir khyed rnams thams cad kyang rang gi sa la 'gro bar gyis shig/ kho bo'ang lta

  754. 378a

    gzhan gang dag bag med par 'gyur ba de dag rnams kyi bag med pa gdul ba'i don du bdag gis brtson pa gang dag bya'o/ / de skad ces brjod nas ri'i 'phreng ba de'i nam mkha' la 'phags par gyur to/ mu su lun d+ha yang des bshad pa la mngon par dga' bar gyur nas/ lha rdzas kyi khang bzangs de nyid la mngon par zhon zhing lha de dag rnams kyis de yongs su bskor nas nam mkha'i dkyil du 'phags so// lha gzhan de dag rnams kyang lhan cig rjes su spyod pa'i lha de dag rnams nyid kyis yongs su bskor nas rtse mo stong pa'i ri'i 'phreng ba'i ri gang yin pa'i ri la rtse bar byed de/ de dag kho na bzhin du bag med pa'i dug gis kun tu rmongs par gyur cing yul la sred pas nye bar bcom pas nags dang / nye ba'i nags dang / rdzing bu dang / pad+ma'i nags dang / mtsho chen po rnams dang / de'ang dpag bsam gyi shing gi nags rnams la'ang de kho na bzhin du phan tshun du grogs kyi bya ba dang ldan pas dga' bar byed do/ / rtse bar yang byed pa ni lha rdzas rnga skad yan lag lnga dang ldan pa dpe med pas/ zas skom gyi chu klung rnams la dga' bar byed do// lha rnams rtse ba yang dus thams cad kyi me tog dang / 'bras bu dang / bya dag sgra kun nas sgrogs po phun sum tshogs pa rnams la rang gi las kyis sprul pa'i bde ba mchog la nye bar longs spyod par byed de/ yid du 'ong bar 'gyur ba byas shing bsags pa'i las rnam ji srid du zad par mgyur gyi bar gyi dus de srid du'o/ / gang gi tshe zad par gyur pa de'i tshe ji ltar byas pa'i rang gi las rnams kyis dmyal ba dang / yi dgas dang / dud 'gror skye bar 'gyur ro// gang yang mi rnams dang skalas thun

  755. 378b

    par gyur pa mi rnams kyi nang du skyes na de mchog tu skying de bar 'gyur ro/ / rgya mtsho'i ngos rnams su 'am/ 'bab chu rnams kyi 'am/ tshong pa 'am/ sems stobs dang ldan pa dang / rgyal po rnams thams cad kyis kyang rgya mtsho ngos de nyid la rab tu rgyu bar mi byed pa dang / longs spyod che ba'i mchog dang ldan pa dang / skye bo thams cad phun sum tshogs par 'gyur zhing mthun pa dang / yid du 'ong ba dang ldan pa las de'i rgyu mthun pas 'gyur ro// gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa la kun tu lta bar byed pa na/ 'thab bral gyi lha rnams kyis rtag tu bde ba zhes bya ba ji lta ba bzhin du yod pa des thos pa las byung ba'i shes rab kyis shes so/ / der las gang gis sems can rnams skye bar 'gyur ba'ang des mthong ba ni/ gang gis srog gcod pa dang / ma byin par len pa dag byed par ma gyur pa ni snga ma bzhin te/ 'dod pa'i log par g.yem pa'ang thams cad du spangs par gyur pas/ cung zad cig kyang bud med kyi gzugs la mngon du lta ba dang / sems par mi byed do// yid kyis kun tu rtog par mi byed do// kye gzugs 'di ni ji ltar 'dod chags dang bcas pa rnam la mchog tu sdug pa yin zhing / bud med che ge mo ni mchog tu bsten par mdzes par gyur pa ste/ gzugs 'di ni mchog tu dga' ba yin zhes pa 'di ni tshul bzhin ma yin pa yid la byed pas rab tu rnam par rtog pa byed pa yin pa dang / yid 'dod chags dang lhan cig tu 'grogs par gyur pas dang / sems kun tu bcom pas dang / lam der zhugs pa yin pa'i yid la byed pa de lta bu rnams kyi 'dod chags dang lhan cig 'grogs pa'i sdug bsngal

  756. 379a

    yang yongs su spong bar byed do/ / bdag nyid kyi rnams kyang yongs su spyong bar byed de/ sdug bro bar yin par lta bar byed do// dga' ba skyed par mi byed do// sa rnams skyed par mi byed pa'i blo skyed par byed do// gzhan dag rnams la'ang de ltar 'dod par g.yem pa nye bar ston par byed do// lam la rab tu 'god par byed do// 'dod pa rnams kyi zhes dmigs rab tu ston par byed do// srid pa rnams la'ang kun tu 'dod chags par mi byed do/ de ltar 'dod pa la log par g.yem pa rnam par spong bar byed pa de ni lus kyi las kyi mtha' rnams mchog tu dag pa yang dag pa'i lta ba can brkam chags med par gyur pa/ de'i lus zhi gnas shi ba'i 'og tu'ang mtho ris bde 'gro'i 'jig rten pa 'thab bral gyi lha rnams kyi rtag tu bde bar skye'o/ / de las skyes par gyur pa de'ang srid pa bar ma ngo nas bzung nas dbang po lnga po rnams dang / reg bya dang / ro dang / gzugs dang / dri phun sum tshogs pas tshim par byed de/ dge ba'i las rgya chen po dang las rgyun mi 'chad par byas pas legs par skye ba yin te/ de'i rjes thogs la 'di skye ba'i gnas rnams kyang gsum du skye bar 'gyur ba yin te/ rdzus te skye ba la 'di lta ste pad+ma'i snying po la yang skye bar 'gyur ba dang / ut+pa la'i ze ba'i dbus su dang / man+da ra ba'i me tog dag gis dbus su'o// de la gang yang ut+pa la'i ze ba'i dbus su 'am/ man+da ra ba'i me tog gi dbus su yang skyes par gyur pa rnams ni de dag gi gzi brjid kyis de dag gi kha dog rnams de dag dang zhad 'dra bar 'gyur ba yin la/ gal te na la brgan no// gal te na sngon po'i 'od dang ldan par 'gyur ba yin no// de bzhin du kha dog sna tshogs pa rnams

  757. 379b

    su 'gyur ro/ / ut+pal de ji lta ba bzhin du rin po che bdun gyis rnam par bkra bar gyur pa'i lus su'o// de la ji ltar na rin po che bdun gyi rnam pa yas par gyur pa yin na/ gang dag ni bai nuna'i mdog gi spu dang / de bzhin du mig 'bras dag kyang ngo / / dngul gyi mdog gi sen mo dang / dmar po dang ldan pa'i mdog can mu tig gi so dang / 'dzam+bu'i chu bo dag pa'i gser gyi mdog gi lus dang / in+d+ra nI la'i mdog dang mtshungs par gyur pa'i spu'i 'phreng ba dang sa ra ka 'dra ba'i byung ba dang ldan par rnam pa du mar 'di lus rnam par bkra bar byas pa ni las gang yin pa des pad+ma'i snying po las skye'o/ / de la de dag rnams phal cher ni de dag dang mtshungs pa'i kha dog 'dzam+bu'i chu bo'i gser spungs pa'i yin no/ / skra rnams ni in+d+ra nI la'i dang mtshungs pa'i mchog dang / pad+ma rA ga dang cha 'dra ba'i mchu dang / mu sa ra dang 'dra ba'i mig 'bras dang / pad+ma rA ga dang zhad 'dra ba'i sen mo da// mchog tu gnas pa'i spu'i 'phreng bar gyur pa/ mu sa ra dang 'dra ba rnams so// de la cung zad kyang ma mthong ba rnams dpes gzhal ba yin no// gzhan gang dag man+da ra ba'i me tog gi nang du skye bar gyur pa de dag rnams ni sna tshogs pa'i gzugs dang cha byad dag gis rnam par bkra bar gyur pa yang de dag la bsten pa'i dbang gis so/ / dper na cung zad tsam zhig 'dra bar gyur pa ni/ gang zhig mngon du ji lta ba bzhin gyi rnam pas srin bu dag ji ltar snying por brjod pa las bar 'gyur ba na/ de rnam pa de lta bu nyid kyi kha dog tu 'gyur ro/ / 'di'i yon tan yang bstan thogs kyis byas pa kho na yin la/ bsnyen grogs kyang dge bar dang mi dge bar yin no// de'i phyir thams cad du bsten grogs byas pa las thams cad 'gyur ro// de las skyes pa'o//

  758. 380a

    lha de dag rnams ni bde ba rgya chen po rnams kyis yongs su gang ba'i mtho ris kyi bde bas 'phel bar 'gyur ba na/ rab tu rgya che bar gyur pa'i lha rdzas phal che ba rnams kyis yud tsam yud tsam la yang du mar shin tu mang ba'i lha rdzas kyi bye brag rnams kyi bde ba rnams ni rnam pa thams cad du phyogs gcig kyang rtog par byed pa'i dpes gzhal bar bya ba dang bral ba yin no/ / de dag rnams las cung zad cig mngon par brjod pa yin no// de'ang dper na rgya mtsho'i chu rnams las thig pa gcig nyid yin pa de bzhin du 'di'ar yin no// gang dag gis legs par byas pa'i las rnams byas par gyur pa rnams dge ba'i las rnams la de rtag pa kho nar rab tu spro bar 'gyur ba'i rgyu gang gis legs par byas pa'i las dang 'bras bu dag rtogs par 'gyur ba yin no/ / nye bar longs spyod par bya ba rnams la mngon par zhen pas kyang legs par byas pa'i las rnams byed pa yin no// de bzhin du thar pa la yang brtson pa'i blo yang yin te/ srid pa rnams na sdug bsngal du mas mngon par bcom pa rnams dang / sred pa'i yul dag gis nye bar bcom pa rnams la srid pa na bde ba cung zad cig tsam yang yod pa ma yin nam/ de la rgyu 'di dag gis legs par byas pa'i las rnams kyi 'bras bu bstan pa yin gyi/ 'dir srid pa la mngon par zhen par gyur pa 'di las ni lha rnams kyi bde ba mngon par bsngags pa ma yin no// de nas lha'i sa de dag tu skyes pa'i lha rnams ni rtag pa nyid du lha rdzas kyi 'dod pa'i yon tan lngas rtse bar gyur pa dang / lha mo'i 'gro ba pa brgya stong rnams kyis glu nye bar blangs par gyur pa rnams ni lha rdzas kyi nags dang / nye ba'i nags dang / mcho dang / mtsho bran dag tu'ang

  759. 380b

    bar len par byed do/ / phan tshun du grogs su gyur pa rnams rang gi las la longs spyod pa dang ldan pas ri ngos rnams dang / ri bo dang / mtsho bran dang / pad+mo'i rdzing bu dang / nags de dag rnams kyi bde ba rgya chen po rnams la lo/ spyod par byed pas lha dang lha mo'i tshogs kyi bde ba dang nye bar ldan pa/ rang gi 'od dang ldan pa'i lha dang lha mo'i tshogs kyis yongs su bskor ba de dag rnams dang dga' bar byed de/ yul nas yul dang / nye ba'i nags nas nye ba'i nags dang / ches dga' bar gyur pa nas ches dga' bar gyur pa dag dang / rin po che bdun gyi rang bzhin gyi rtse mo rnams nas rin po che bdun gyi rang bzhin gyi rtse mo rnams su 'dod pa'i sred pa rnam par ngoms pa med pa rnam kyis rnam par rgyu bar byed do/ / de dag gis snga na med pa'i pad+ma'i rdzing bu mdzes pa rnams rtag tu legs par mthong ba dang / glu'i sgra rnams la'ang shin tu chags pa dang / lha rdzas kyi rol myang bar byed pa dang / lha rdzas kyi gos dang smad g.yogs dag gis khyab par byas pa dang / lha rdzas kyi dri yid kyi rjes su mthun pa rnams snom par byed pas kyang dus yun ring ba las kyang ring bar 'gro bar byed do// 'dod pa kun nas sang pa de dag rnams ni phan tshun du snying kun nas chags pa rnams yin no/ / phan tshun du snying kun nas chags pa de dag rnams la 'dod pa las legs par sad par byed pa zhes bya ba'i bya dag gis tshigs su bcad pa brjod pa ni/ ji ltar thams cad thams cad 'byung // phung po gsum du nges par 'gyur/ / byis pa rnams kyang 'khor ba la// kun nas skyo ba skye ba'ang min// thams cad thams cad du thams cad// du ma'i thabs kyis rab brtson pas// 'chi bdag dus ni mi bzod pa// byung ba la ni skyab

  760. 381a

    yod min/ / rgyun chad bde ba thams rnams// sdug bsngal 'byung gnas chen po rnams// 'brel pa thams cad 'bral byed pa// 'chi bdag ces ni mngon par brjod// 'byung gnas 'jigs par nyer khrid pa'i/ / sdug bsngal rnams ni rgya mtsho mtshungs// blo rnams rnam par rmongs byed pa// 'chi bdag ces ni 'di la brjod// srog dang re thag kun nas gcod// dbang po rnams kyang 'jigs byed pa// sems can kun gyis bzlog mi nus/ / 'chi bdag ces ni mngon par brjod// 'byung po kun gyi thub min dang // las rnams kun gyis rgyal min pas// sems can thams cad rnam 'joms pa// 'chi bdag ces na 'di la brjod/ / nges pa kho nar myong 'gyur dang // lus can thams cad lhung ba'i mtha'// rigs mthun 'jigs par byed pa 'di// 'chi bdag ces ni mngon par brjod// lhar bcas gnod sbyin dri za dang // sha za klu dang srin po yang / / dus kyi 'khor los rnam 'joms pa// 'chi bdag ces ni brjod pa yin// ma bsdams pa dang bag med pa// lus can kun la me dang 'dra// khro ba yang ni phyir mi zlog/ 'chi bdag ces ni 'di la brjod// phung po skye mched 'jig pa dang / / tshe dang drod dang ci ste sems// dus kyi chos ni shugs po che// 'chi bdag ces ni brjod pa yin// de la 'di dag myur rgyug pas// lus can rnams ni log par 'khrid // dge legs dag ni 'bar par gyis/ / yid ni bag med par ma byed// de ltar dus su legs par 'bod pa zhes bya ba'i byas bag med pa bag med par spyod par byed pa'i lha de dag rnams la 'chi bdag gi 'jigs pa bden par gyur pa nges par myong bar

  761. 381b

    bya ba rnams ston par byed do/ / de dag rnams de ltar thos par gyur kyang lha bag med par spyod pa de dag rnams ji ltar ma thos pa kho na bzhin du skyo bar yang mi 'gyur te/ rang bzhin gyis kyang dbang po rnams ni g.yo ba yin la/ khyad par du'ang gang dag bde skyid can de dag rnams ni chos kyang g.yo sgyu can yin pa'i phyir dang / khyad par du'ang lha rnams ni rtag tu bde bas rgyu ba yin pa'i phyir ro// de la rgyu 'di dag gis na de lha rnams la yang dag pa dang / de kho na phan pa dang / snying po dang ji lta ba'i don rnams brjod par gyur pa na'ang kun tu rtogs pa ma yin no// de dag rnams las nges par rtogs pa de dag rnams kyang mi 'dzin te/ yul gyi sred pa'i dug gis rnam par 'khrul par byas pa'i phyir/ ro// de la rgyu 'dis kyang lha dag yang dag par gyur pa rnams mi 'dzin to// de ltar brtsi brdab ma byas par slar yang de kho na bzhin du rgya chen po mngar mo'i yul gyi bde ba rnams la dga' bar byed de/ rnam pa sna tshogs pa'i bde ba'i chu bo rnams la rgyu bas de de bzhin du slar yang rnga skad yan lag lnga dang ldan pa'i 'gying bas rgod la/ glu dang rol mo'i sgra rnams kyis rab tu dga' bas/ nags dang nye ba'i nags kyi sa gzhi rnams la dang / rdzing bu dang / tshang tshing gi nags rnams la lha dang bcas nas dga' bar byed do// legs par byas pa'i las rnams kyang 'dir dga' bar byed de/ de dag rnams rin po che rnams kyi yul du ma rnams la dang / ri'i rgyab rin po che bdun gyis rnam par brgyan pa rnams la dang / rtag tu khyad par du dga' ba'i bde bas rnam par rgyu ba rnams la dang / 'dod pa thams cad phun sum tshogs pas bskyed pa rnams la dang / mchog tu skyid pa

  762. 382a

    rnams la'ang rnam pa sna tshogs par rnam par bkra bar byas pa'i sa gzhi'i cha dga' bar gyur pa rnams la dang / sa gzhi'i cha rnams la'ang rtag tu skyed mos tshal du rab tu dga' ba'i yid dang ldan pa yin no/ / lha mo'i tshogs rnams kyis yongs su bskor nas/ lha de dag rnams kyang zas dang skom gyis rnams su dga' bar byed par 'gyur ro// 'dod pa thams cad phun sum tshogs pa de de kho na bzhin du rnam par rol par gyur pa na/ skyed mos tshal gyi ltad mo'i dbang du byas nas phan tshun lhan cig tu gyur nas/ gnod pa med par don gcig pa rnams rtag tu'ang phan tshun gyi rjes su 'thun par byed pa de la song ba'i yid can rnams rnga skad yan lag lnga dang legs par ldan par gyur nas kun dga' bar byed do/ / de dag dga' bar gyur pa las nam zhig na rnam par rgyas pa zhes bya ba'i 'jug ngos su nye bar 'gro bar byed de/ 'jug ngos de'i yang nye 'khor ni dpag tshad brgya pa'o// de dag thams cad kyang rin po che sna bdun gyi rang bzhin gyi rnam par bkra ba'i cha shas kyis rnam par bkrabs reg par bzod pa'i bai DUR+Ya'i yu ba rdo rje shin tu phra ba rnams kyi ze'u 'bru can gyi rab tu kha bye ba'i pad+ma chen po rnams kyis kun tu khyab par gyur pa ste/ de yang snga na ma mthong ba des mngon par mthong nas lhas mchog tu ngo mtshar bar gyur pa'i ches dga' ba'i mtho ris de dag la/ lha de dag las snga na mthong ba mngon par mthong zhing / de las gzhan pa'i ngo mtshar ba rnams dang / mthong na mchog tu dga' ba rnams kyang mngon par thong nas/ lha de phyir zhing nyid

  763. 382b

    du brgya 'gyur gyis kyang ches rab tu dpa' ba'i yid kyis phan tshun du mngon par lta bar byed cing g.yos yang byed pa na/ yul gcig na dga' bar gyur pa dang / rnam par dga' bar 'gyur bar shin tu khabye bar gyur pa'i pad+ma chen po de de dag rnams kyis mthong bar gyur nas phan tshun du rjod par byed de/ lha dag ji lta ba bzhin du 'di la lta bar gyis dang / mtho ris ma lus pa rnams la 'di ngo mtshar bar gyur pa dang mchog tu dga' bar gyur pa'ang yin la/ gang dag sngar nam yang mthong ma myong ba rnams kyis rnam pa 'i sring du mthong na ngo mtshar bar gyur pa 'od kyi mchos dang ldan pa de na/ bung ba rnam pa du ma ngon po che bdun gyis rnam par bkra ba'i lus can rnams kyis nye bar mdzes par byas pa'o/ / kha bye bar gyur pa'i pad+ma chen po de la'ang phan tshun du blta bar sdus pas na/ pad+ma chen po la ced mo rtse bar byed do// mtsho de'i nye 'khor rnams na rab tu khyab pa ni/ ji ltar cung zad tsam pa rnams kyang dge legs su gyur pa rnams yin te/ rnam par rgyas pa'i mtsho chen po de'i chur ni cung zad cig mthong ngo // 'gram gyi 'i 'khor rnams na'ang mu tig gi rang bzhin gyis kha'i mtshams rnams basmon pa dang / in+d+ra nI la dang / pad+ma rAg dang / dngul gyi rang bzhin gyi kha khyer dang / kha khyer rnams kyi cha shas rab tu rnam par bye ba shin tu blta bar sdug pa dang ldan pa yin no/ / 'di dag gi dbus na'ang pad+ma chen po gang yin pa'i snying po dang bcas pa'i 'phangs su dpag tshad lnga'o// rgyar ni dpag tshad bcu yin la/ legs par byas pa'i las byas pa'i lha rnams kyi ji ltar 'dod pa

  764. 383a

    @##/ bzhin du rgya che bar 'gyur ba ni ma gtogs te/ rgya che ba'i dbang du byas nas ni/ ji ltar 'dod par lha dag rtse bar 'gyur ba de bzhin du yang pad+ma chen po de kha 'bye ba dang / 'khum par yang 'gyur ro/ / lha rnams kyis kyang ji ltar kun tu rtog par byed pa dang / gang yang kun tu rtog par byed pa dang / rnam pa gang dag gis kyang kun tu rtog par byed pa na/ de dag rnams thams cad kyang mtsho chen po de dang / pad+ma chen po de dag las rnyed par 'gyur ro// de ltar na'ang mtsho chen po de ni kun brtag par dga' ba zhes bya ba yin pa dang / pad+ma de'ang kun pa rtags pa'i pad+ma zhes bya ba yin te/ de dag gnyis kyi ming yin no// des na lha de dag rnams gang dang po nyid kho nar mtsho de dang pad+ma 'di zhes de dag gnyis ka'i ming du byed pa yin no// de nas lha de dag rnams thog ma nyid kho nar mtsho de gang yin pa de mtho bar gyur nas/ de brgya 'gyur gyis lhag par ches rab tu dga' bar gyur pa'i yid kyis mtsho de'i 'gram du gar byed pa dang / 'gying bag kyang byed do// glu'ang len par byed do// phan tshun g.yog byed par gyur cing / rnga skad yan lag lnga dang ldan pas/ de ltar lha rdzas kyi 'dod pa rnams la