Text
ff. 1b–418a · 738 folio sides
- 1b
/ dam pa'i chos dran pa nye bar gzhag pa// bam po nyi shu bzhi pa// // de mtshon cha des brgyab pa dang / nyams nas sa'i 'og ga la banader 'gro bar byed do// de'i 'khor
- 2a
l ha ma yin mgul 'phreng rnams kyis gang gis nyams pa mngon par mthong nas/ nyams pa srog gi lhag ma lus pa de dag thams cad kyang sa'i 'og ga la ba der rgyug par byed do/ / lha ma yin gyi dbang po sgra gcan yang 'khor dang bcas te/ lha pi wang can gsum pa ga la ba der 'dong bar byed do/ / rang gi lag mthus dregs pa de dag 'ongs pa mngon par mthong
- 2b
nas/ lha rnams me char ltar mngon par 'bebs shing / de dag kyang lha ma yin gyi dbang po sgra gcan ga la ba der rgyug par byed do// me char ltar phab pa des kun tu mngon par sreg pa na/ 'khor dang bcas par sa'i 'og ga la ba de nyid du rgyug par byed do// lha ma yin/ gyis rgyal po gsum po de dag mthong nas/ lha rnams ni snying rab tu dga' bar gyur/ lha ma yin rnams ni yid dman par gyur te/ mthu rtsal nyams pa/ mgon 'dod pa/ skyabs 'dod pa/ dpung gnyen 'dod pa thams cad sa'i 'og gi sgo ga la ba der rgyug par byed do/ / de dag gang gi tshe sa'i 'og gi sgo der lhags pa de'i tshe/ lha rnams yang bai DUR+Ya'i ri'i rtse mo de la 'dzegs te 'khod do// 'di
- 3a
ltar lha ma yin rnams gor ma chag par yang 'ongs par 'gyur te/ gang gi phyir thag bzangs ris dang / rab dgod dag da dung dum 'ongs te/ lha ma yin 'di dag ni de la srog ltos/ de la brten/ de gtso bor byed pa yin no// de las rgyal ba ni thams cad las rgyal bar 'gyur la/ de las pham na ni 'di dag thams cad las pham par 'gyur ro zhes de skad smras nas/ lha thams cad dga' ba shin tu skyes/ mthu shin tu skyes te/ de skad brjod cing g.yul 'gyed pa'i phyir nges par gnas par byed do/ / klu'i rgyal po rab 'joms la sogs pa yang longs spyod ldan gyi grong khyer ga la ba de na/ klu'i rgyal po nor rgyas kyi bu dang / 'jog po la sogs pas dpung gi mthu rtsal lhag ma lus pa rnams bcom mo// de dag kyang rab dgod de la shin tu sems shing de'i tshe/ de la dpung tshol te/ des lha rnams gzhom par nus kyi/ gzhan du lha ma yin gyi phyogs ni shin tu pham la/ lha'i phyogs ni rab tu 'phel to snyam mo//
- 3b
de ltar lha ma yin gyi phyogs klu dang / lha ma yin de dag thams cad yid sdug bsngal zhing gnas so// de ltar de dag gnas shing lha ma yin rnams kyang yid dman par gnas te/ thag bzang rigs dang / rab dgod dag gis 'di ltar lha ma yin gnas gsum pa me tog 'phreng dang / brtan pa dang / sgra gcan yang pham par gyur to zhes thos te/ de ltar mthu med par byas so// / de ltar spro ba med pa/ dpung dang mthu nyams pa de dag la mgon gzhan med de/ 'di ltar lha ma yin gyi dbang po khyod du bas so// de nas lha ma yin gyi dbang po rab dgod kyis 'di skad smras so// lha ma yin rnams lha ma yin gyi dbang po gsum dag ga la gnas rtogs shig/ rtogs shig/ de skad smras pa dang / lha ma yin rnams kyis/ lha ma yin gyi dbang po la 'di skad smras so// 'di ltar sa'i 'og gi sgo'i tha man lha ma yin dpung dang / mthu nyams pa thams cad khyod la srog ltos/ khyod la dpung 'tshal/ khyod la brten cing mchis te/ mtshar kho nar ngo tsha nas sa'i 'og gi nang du yang mchi ba'i rngo ma theg go/ / de nas thag bzangs ris dang / rab dgod kyis 'di skad smras so// ci lha de rnams kyis brgya byin 'ongs sam 'ongs/ lha ma yin rnams kyis smras ba/ ma mchis so// de nas rab dgod khros pa'i mig dmar pos rang gi dpung la lta zhing 'di skad smras so// rgyal chen bzhi pa dag nyi tshes gnas gsum du gtogs pa'i lha ma yin rnams pham
- 4a
par byas/ dpung dang mthu nyams par byas/ brtson pa med par byas te/ kye ma lha ma yin rnams lha'i ris nyi tshe gang gis dpung dang mthu nyams par byas pa de'i phyir 'a'adi ltar nga cha ste/ lha thams cad pham par bya'o// de skad smras nas/ lha ma yin gyi dbang po de lha ma yin gyi dbang po kun gyi dpung bas lhag par brtson pa gang yin pa des/ dpon sna thams cad la bsgo ba/ 'di ltar lha gsad pa dang / lha gzhom pa dang / lha rnams la bar chad bya ba'i phyir bdag cha yis rnga bo che rdungs shig rdungs shig/ lha dang brgya byin du bcas pa nga gcig pus thub par bya ste/ da ni bdag par ma dor pham par mi 'dod do// gang lha'i brtson 'grus dpung dang ldan pa dag/ lha ma yin gyi bu mo rnams la lta ba dang / nyug par 'dod pa cings mi shes snyam mam/ de skad smras nas thag bzangs ris dang / rab dgod de dag rnga sgra 'byin cing / lha ma yin rnams rgyugs shig/ rgyugs shig/ 'di ltar ngas lha thams cad pham par bya ba dang / lham yin thams cad 'byor par bya ba'i phyir bdag nyid cha'o/ / des de skad ces bsgo nas shing rta 'khor lo rtsibs 'bum dang lha ma yin gyi 'od nyi ma lta bu bye ba phrag du ma dag chas so// des chas pa dang / ri dang / chu bo dang // ri khrang khrod dang / ri bor dang / ri'i rtse mo dang / ri rab tu bcas pa g.yos nas/ legs mthong gi tshal na/ lha rnams kyi dbang po brgya byin lnga'i 'dun
- 4b
ma chos pa san 'ag pa'i ldan gyi par dug so pa dang / de 'di sas du sems te/ kye yem padag gi gnas gso ba las na/ gor pa chag par sla dang rnams na ga sul 'byed par gyu te/ lha ma yin gyi rgyal po thag bzangs ris de chas pa lta/ 'di ltar tshal dang / nags tshal 'di dang / ri khrad khrod dang / chu klung dang / ri ngos dang bcas pa thams cad dang / ri'i rgyal po ra rab 'di yang rab tu g.yo'o/ / brgya byin des de ltar rig nas lha rnams la bsgo ba/ sum cu rtsa gsum pa'i lha rnams chos shig/ chos shig/ 'di ltar rab dgod dang / thag bzangs ris dag lha rnams pham par bya ba'i phyir cha zhing 'dug go/ / de'i phyir bdag kyang 'di ltar glang po che sa srungs kyi bu la zhon te/ lha thams cad dang lhan cig tu lha dang lha ma yin gyi g.yul ga la ba der 'dong bar bya'o// gang gi phyir rab dgod dang / thag bzangs ris kyi g.yul 'gyed pa gang yin pa der lha 'dug pa ni ngas ma mthong ngo // de skad smras pa dang / 'di ltar lha rnams kyi dbang po brgya byin de ni dpung gi gtso po yin te/ lha'i 'dun sa chos bzangs dang / grong khyer blta na sdug na gnas pa rnams la yang bsgo/ bzhi mdo dang bzhi mdo/ sum mdo nas sum mdo dag tu yang 'di ltar lha rnams kyi dbang po brgya byin de ni/ lha dang lha ma yin gyi g.yul 'gyed par 'gro ste/ rab dgod dang / thag bzangs ris dag ga la ba de nyid du thams cad 'dong bar bya'o zhes bsgo'o// de nas de dag la de skad smras
- 5a
pa dang / lag cha dang / mtshon cha sna tshogs kyi gnas su gyur pa/ shing rta sna tshogs kyi tshal du 'dong bar byed de/ mtshon cha thams cad yod pa der lha brgya 'am/ stong ngam/ khri 'am/ bye ba mtshon cha don du gnyer ba de dag shing rta sna tshogs kyi tshal du 'dong bar byed do// de dag rgyug pa na/ rgya mtsho drug pa lta bu'i sgra byung ste/ lha rnams phan tshun 'dod pab shin tu brtul ba'i rdul gang gis nam mkha' yog par gyur pa rnam pa de lta bu byung ngo / / de ltar de dag mtshon cha rnams blangs nas/ nam mkha' la rgyu ba rnams ni nam mkha' la/ skam sa la rgyu ba rnams ni skam sa la/ ri'i rtse mo la rgyu ba rnams ni ri'i rtse mo kun tu gang nas 'dong ngo // lha gzhan tshal dang / nags tshal dag na gnas shing rtser 'dong ba'i lha gang yin pa de dag kyang rnga sgra thos nas shing rta sna tshogs kyi tshal ga la ba der rgyug par byed de/ sum cu rtsa gsum pa'i lha'i 'dod pa kun kyang btang nas thams cad rgyug par byed do// mtshon cha dang / lag cha dang / go mtshon rab tu mang po brgya'am/ stong ngam/ bye ba 'am/ bye ba brgya phrag stong snyed dag blangs nas/ de dag thams cad brgya byin shin tu mthong bar 'dod cing 'khod do// de nas brgya byin gyis de dag gi nyam drod rig nas lha thams cad rab tu dga' bar byed cing shing rta rab tu mang po la zhon te/ shing rta kha cig ni rin po che sna bdun gyis brgyan/ kha cig ni gser gyis brgyan/ kha cig
- 5b
ni dngul gyis brgyan/ kha cig ni be n+d+ha d+has brgyan/ kha cig ni shel gyis brgyan/ kha cig ni spug la sogs pa'i rin po che chen po rnams kyis brgyan/ kha cig ni nor bu sna tshogs kyis brgyan cing / dril bu g.yer kha'i dra bas gtibs pa/ kun nas mdzes pa/ las kyis mchog ji lta ba bzhin du thob pa/ rang gi gzi brjid kyis rtag tu mdzes pa na/ kha cig ni gser gyis ri rab kyi rtse mo dag khyab par gnas so/ / brgya 'am/ stong snyed kha cig ni nam mkha' la dong ste/ lha'i dbang po lha ma yin rnams pham par bya ba'i phyir nam 'gro zhig gu snyam nas/ brgya byin la shin tu lta zhing 'khod do/ / de ltar phan tshun kun nas gtam zer zhing 'khod do// 'thab pa la yid zhugs pa thams cad 'khod do// de dag de ltar 'khod pa dang / lha'i dbang pos glang po che'i kha lo sgyur ba ma ta li la bsgo ba/ 'di ltar bzang po song la nga'i glang po che sa srungs kyi bu/ glang po che thams cad kyi yon tan dang ldan pa/ kha drug yod pa de la zhon nas ngas lha ma yin rnams pham par bya'o zhes sgo zhig/ de nas ma ta lis brgya byin gyi bka' mnos nas/ rang gi 'dod pas sprul pa'i pad+ma'i tshal na glang po che sa srungs kyi bu glang po che mang pos yongs su bskor ba ga la ba der song ngo / / de nas glang po che cang shes de la 'di skad smras so// 'di ltar lha'i dbang po brgya byin de khyod la 'bod de/ lha ma yin gyi g.yul du khyod la zhon nas/ lha ma yin nam/
- 6a
bam par bya'o zhes gsung ngo // de nas glang po ches srungs kyi bum ta lis ga la ba der song ste phyin nas/ lha'i 'dun sa chos bzangs ga la ba der song ngo // 'ongs pa dang ma ta lis brgya byin la smras pa/ lha'i dbang po 'di ltar glang po che'i mchog de mchis so// brgya byin gyis rdzu 'phrul gyis de'i lus de la kha skyon med pa brgya sprul par byed de/ kha re re la so dkar po bcu bcu/ so re re la pad+ma'i rdzing bu bcu bcu/ pad+ma'i rdzing bu re re la pad+ma stong stong / pad+ma re re la ri ba~M bcu bcu/ ri bo re re la bog ri bad+ma brgya/ bo gi ri re re la lha mo brgya brgya/ sil snyan yan lag lnga dang ldan pas glu len bro brdung zhing shin tu chags su rung ba gzhan dang mi 'dra ba'i glu dbyangs dang yang dag par ldan pa dag len te/ de ltar glang po che'i mchog sa srungs kyi bu la lha'i dbang po brgya byin sprul pa byed do/ / glang po che'i dbang po de yang lus kun nas dpag tshad stong yod do// lha'i dbang po brgya byin lha ma yin rnams pham par bya ba'i phyir/ sil snyan dang / rol mo'i sgra dang / glu dang / ca co dang / ga zha'i sgra dbyangs 'byin pa rnams kyis rnam par mdzes pa na/ kun nas rnam pa de lta bu dang ldan pa'i glang po che'i mchog dkar po de la zhon no/ / de nas de 'gro ba mngon par mthong nas/ lha rnams kyang shing rta kha dog rnam pa sna tshogs la zhon te/ mtshon cha sna tshogs ni thogs/ lus la rgyan sna tshogs ni btags
- 6b
dgod pa dang / rtse ba dang / s+tha di ri ri 'don pa dang / rab tu dga' ba'i yid rnam pa du ma phyir zhing yid rab tu dga' bar gyur to// de nas lha'i dbang po brgya byin dbus kyi stan la 'dug ste/ bsod nams kyi stobs chen po dang ni ldan/ lha'i mchog mang pos ni yongs su bskor/ gzhan dang mi 'dra bar ni brjid/ lha rnam pa sna tshogs kyis ni yongs su bskor te/ sum cu rtsa gsum pa'i bdag po nyi ma 'bum pas lhag pa'i 'od kyis nam mkha' 'gengs shing / sil snyan dang / glu sgra rnam pa sna tshogs kyis 'gengs pa na/ nam mkha' dpag tshad nyi khrir bkang nas/ lha dang / lha ma yin gyi g.yul ga la ba der 'jug par byed do// de nas de 'jug pa na/ 'jig rten skyong ba rnams bred skad 'byin cing / brgya byin gyi drung du phyin nas 'di ltar lha'i dbang po lha rnams pham par bya ba'i phyir/ rab dgod dang / thag bzangs ris dag mchi ste/ 'di ltar rgya mtsho thams cad rab tu dkrugs/ ri bor gtogs pa stong rab tu g.yo bar bgyid/ lha ma yin rnams sgra 'jebs pa 'byin te/ shin tu 'jigs pa'i sgra thos so// gang thos nas rgya mtsho na gnas pa nya dang klu dag kyang mthu chung bar gyur/ srin po dang / sha za dag kyang gum par gyur/ klu'i rgyal po chos dang mi ldan pa rab 'joms la sogs pa ni shin tu dga' nas 'brug sgra 'byin/ klu'i rgyal po chos dang ldan pa 'jog po
- 7a
dang / nor rgyas kyi bu la sogs pa ni/ 'di ltar lha ma yin gyi dbang po thag bzangs ris sa'i 'og nas byung ngo snyam nas yid dman par gyur te/ 'brug sgra mi sgrogs gser gyi ri bo drug khri ri rab dang bcas pa gang yin pa de dag thams cad kyang g.yo bar bgyid/ 'byung po thams cad kyang sgyid lug par gyur nas/ 'phreng thogs dang / rtag tu myos gnas dang / lag na yol go thogs pa// pi wang can gsum pa shin tu sgyid lug pa rnams kyis bdag lha'i dbang po'i drung du mngags pa lags na/ lha lan du bgyi ba gang lags pa de bsgrub tu gsol/ 'di ltar bdag cag rnams kyis ni gnas gsum du gtogs pa'i lha ma yin gyi dbang po gsum po me tog 'phreng dang / sgra gcan dang / brtan pa dag g.yul du ldan brgya'am stong du thub lags so/ / 'jig rten skyong ba rnams las de skad thos nas/ lha'i dbang pos de dag la smras pa/ 'jig rten skyong ba rnams 'di dag thams cad ji lta ba bzhin bdag gis rig ste/ 'di dag rab dgod dang / thag zangs ris dag chas pa'i phyir bdag kyang de dag chad pas bcad pa dang / lha de rnams kyi skyabs dang dpung bya ba'i phyir 'di ltar bdag 'gro bar bya'o/ / bdag ni chos kyi skyabs/ chos kyi dpung gnyen/ chos kyi brten/ chos kyi rgyal mtshan/ chos 'tshal ba yin te/ bdag ni chos ma yin pa la mi dga' la/ chos ma yin
- 7b
pa la yid kyang mi 'jug go/ de ltar bdag cag yon tan de lta bu dang ldan pa rnams la nams kyang thub par mi 'gyur gyis/ de dag la ma 'jigs shig/ ma 'jigs shig/ bdag kyang / dpung gi tshogs rab tu mang pos lha ma yin ga la ba der 'gro bar bya yis/ de dag la 'jigs par ma byed cig/ 'dzam bu gling na da dung du mar 'dzin pa dang / par 'dzin pa dang / dge sbyong du 'dzin pa dang / bram zer 'dzin pa dang / byas pa gzo ba dang / chos dang ldan zhing / chos skyong ba dang / dam pa'i chos la dga' ba dang / dam pa'i chos dang dge 'dun la gus pa dang / las dang 'bras bu'i de nyid rig pa dang / gso sbyong la nye bar gnas pa dang / sbyin pa dag sbyin par byed/ bsod nams byed pa'i rang bzhin can dag rjes su skyong bar byed/ ye shes la goms par byed/ de la yid zhugs par byed pa dag yod la/ bdag gis kyang chos dang 'thun pa'i chos kyi rang bzhin bsgrubs te/ de dag dang bdag cag nyung gis kyang lha ma yin du gtogs pa rnams kyis 'jigs pa med do/ / de skad smras nas/ lha'i dbang po bai DUR+Ya'i rig la ba dang / rgyal chen bzhi'i lha rnams ga la ba der song ste/ de dag mngon par mthong nas/ lha'i/ dbang pos smras pa/ 'jig rten skyong ba dag rgyal chen bzhi'i lha 'di dag 'khod pa ni lha ma yin rnams pham par bya ba'i phyir 'khod pa yin no// lha'i dbang pos de skad smras pa dang / 'jig
- 8a
rten skyong ba dag gis slar smras pa/ 'di ltar rgyal chen bzhi'i lha 'di dag ni brgya byin khyod la brten/ khyod la skyabs 'tshol/ khyod la gnas pa kho na lags te/ lha ma yin gyi dbang po tshogs dang bcas pa yang rtsis la ma chags par bgyid do// de skad smras pa na/ sum cu rtsa gsum pa'i lha rnams brgya byin la/ lha'i dbang po brgya byin sngon du 'dren pa dang bcas par rgyal bar spyon cig ces gsong por smra zhing stod par byed do/ / de lha'i tshogs kyis bstod cing rgyal chen bzhi'i lha ga la ba der 'dong bar byed do// de nas lha'i dbang po 'khor dang bcas pa shing rta 'bum phrag du ma dang / lha'i tshogs kyis ni yongs su bskor/ glang po che sa srungs kyi bu la ni snga ma bzhin zhon/ rin po che sna bdun gyis ni mdzes par byas/ nam mkha' ltar rtag tu lus 'od kyis ni gsal bar byas/ phyogs bcur rol mo'i sgra dang / sil snyan gyi sgra du mas ni bkang / lha yid rab tu dga' ba 'bum phrag du mas ni yongs su bskor/ ri rab thams cad la gnas pa'i dri za rnams kyis ni mdzes par byas/ lha dang drang srong gi tshogs rnams kyis ni mngon par bstod de/ bde ba dpe med pa nyams su myong zhing las kyi 'bras bu shin tu legs pa la spyod pa 'ong ba dag mthong nas/ rgyal chen bzhi'i lha rnams yid rab tu dga' bar gyur to// de nas de dag 'ong ba mngon par mthong nas smras pa/ 'di ltar nga ni lha ma yin pham par bya ba'i
- 8b
phyir/ nga dpung chen po dang lhags pa yin gyis ma 'jigs shig/ ma 'jigs shig/ de thos nas rgyal chen bzhi'i lha rnams yid rab tu dga' ste 'di skad smras so// lha'i dbang po 'di// ltar lha ma yin 'di dag bdag cag 'ba' zhig gis kyang pham par bgyi ba'i slad du mchis pa lags na/ lha'i dbang po dang bcas pas lta smos kyang ci 'tshal te/ khyod kyi dpung gis bdag/ cag bskabs pas na lha ma yin du gtogs pa'i 'jigs pa cung zad kyang ma mchis so// de skad smras nas/ lha ma yin lta ba kho nar 'dod pa de la mngon du phyogs pa/ lha rnams kyi dbang po brgya byin de ga la ba der yongs su bskor te 'khod pa rnams/ 'di ltar lha ma yin gyi dbang po thag bzangs ris de lha ma yin gyi dbang po sgra gcan dang / brtan pa dang / me tog 'phreng dang lhan cig tu ji srid cig na 'ong bar 'gyur snyam mo/ / de ltar lcags kyi ya lang mi phyed pa bsgos pa/ lag na mtshon cha sna tshogs thogs pa/ lha ma yin pham par bya ba'i phyir g.yul du chas pa/ sid gcig tu gyur pa dag rin po che rnam pa sna tshogs kyis mdzes par byas pa'i shing rta la zhon pa rnams 'khod do// de ltar chos dang ldan zhing chos kyi rjes su 'jug pa'i klu 'jog po dang / nor rgyas kyi bu la sogs pa g.yul 'gyed par shin tu chas pa/ brgya byin la lta zhing bka' gus par nod pa dag brgya byin gyis bka' ci zhig stsol bar 'gyur
- 9a
snyam zhing 'khod de/ / de ltar sa'i 'og mtha' dag kun la mngon par rtogs par 'dod pa rnams la/ ji ltar lha ma yin gyi dbang po bzhi lha ma yin 'khor dang bcas ba thams cad kyis yongs su bskor ba/ lag na mtshon cha dang / lag cha sna tshogs bye ba phrag du ma thogs pa/ lag par shin tu bsdus pa/ lag pa'i sor mos 'dzin pa rnams kyis yongs su bskor ba dag mas che bar byed do/ / de dag gi phyi bzhin du yang 'bum phrag bye ba du ma dag gis yongs su bskor cing / ri rab thams cad mthu chen pos skul bar byed pa/ lha ma yin/ de dag thams cad dang bcas pa/ dpung dang brtson 'grus lhag par che ba/ mtshon cha dpag tu med pa la mkhas pa/ ri rab gnyis pa lta bu che ba na/ klu'i rgyal po chos dang mi ldan zhing chos kyi rjes su mi 'jug pa rab 'joms la sogs pas sa'i 'og gi bdag po thag bzangs ris dang / rab dgod yongs su bskor to// de nas de ltar lha dang lha ma yin 'khod pa dag/ lha rnams kyis ni nam mkha' bkang nas 'khod/ lha ma yin rnams kyis kyang rgya mtsho khebs par 'khod de/ ngo mtshar gyi yid kyis phan tshun 'thab pa la shin tu mos pa phan tshun du 'thab par 'dod// ba na/ de ltar klu'i rgyal po 'jog po dang / nor rgyas kyi bu la sogs pa dang / 'jig rten skyong ba de dag dang lhan cig 'khod pa rnams/ 'di ltar lha'i dbang pos bdag cag gi mdun na
- 9b
lha ma yin de ltar 'khod pa 'di dag la lha ma yin dang bdag cag 'thab mo gyis shig ces ci ste bka' mi stsol ces brjod do/ / de nas lha'i dbang pos de dag la 'di skad smras so// 'di ltar 'jig rten skyong ba dag 'dzam bu gling du rings par mngag par bya ste/ kye 'dzam bu gling na phar 'dzin pa/ mar 'dzin pa/ chos dang ldan zhing chos kyi rjes su 'jug pa'i mi dag ci yod dam med/ de ltar brtags nas/ lha ma yin rnams pham par bya'o// lha dag ni chos skyob pa yin/ chos kyi gnas yin te/ chos 'phel ba na lha rnams 'phel bar 'gyur la/ chos 'grib pa na lha rnams 'grib par 'gyur ro/ / de ltar 'jig rten skyong ba dag mi yul 'dzam bu gling du bdag gis mngag par bya'o// de skad smras nas/ lha'i dbang po brgya byin gyis 'jig rten skyong ba rnams la bsgo ba/ khyed 'dzam bu gling du myur du deng la 'di ltar chos dang ldan zhing chos kyi rjes su 'jug pa/ mar 'dzin pa/ phar 'dzin pa/ rigs kyi gtso bo'i rjes su 'jug pa/ gso sbyong la nye bar gnas pa/ sbyin pa gtong ba/ tshul khrims srung ba/ bag yod pa rnams bag yod par gnas pa/ rang gi chos kyi rjes su 'jug pa dag la so sor rtogs shig/ de skad bsgo ba dang / 'jig rten skyong ba bzhi mda' 'phangs pa ltar shin tu mgyogs par 'dzam bu gling du dong ngo // dong nas gnas nas gnas/ grong nas grong grong khyer nas grong khyer/ grong rdal nas
- 10a
grong rda la/ bzhi mdo nas bzhi mdo/ yul nas yul/ ljongs nas ljongs// thams cad du so sor rtog par byed de/ kye 'di dag na mar 'dzin pa/ par 'dzin pa/ dge sbyong du 'dzin pa/ bram zer 'dzin pa dag su yod/ rigs kyi rgan rabs rjes su skyong ba dag su yod ces/ de de ltar 'dzam bu gling 'di ma lus par so sor rtog par byed do// de dag gi 'dzam bu gling na chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs rjes su skong ste/ 'dzam bu gling gi mi rnams chos thams cad dang ldan par mthong ngo / / de dag gis de ltar rig nas yid dga' ste/ mda' 'phangs pa ltar shin tu mgyogs par lha rnams kyi dbang po brgya byin ga la ba der 'ongs nas/ yid shin tu dga' ba de dag gis/ lha'i dbang po brgya byin la 'di skad smras so// lha rnams kyi dbang po brgya byin dgyes par mdzad du gsol/ 'dzam bu gling na chos dang ldan zhing chos kyi rjes su 'jug pa'i mi mar 'dzin pa/ par 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs rjes su skyong ba/ sbyin pa gtong ba/ bsod nams bgyid pa dag mchis te/ lha'i phyogs ni rab tu 'phel bar bgyid la/ lha ma yin gyi phyogs ni yongs su 'grib par bgyid lags so// de skad smras pa dang / lha'i dbang
- 10b
po brgya byin yid rab tu dga' nas/ 'jig rten skyong ba dag la smras pa/ 'di ltar 'dzam bu gling na chos dang ldan zhing chos kyi rjes su 'jug pa'i mi dag yod pas na/ bdag cag gis lha ma yin gyi phyogs pham par bya yis/ lha khyed kun yid dga' bar gyis shig/ de skad thos nas/ lha rnams yid rab tu dga' ba skyes te/ yid dga' ba bcu 'gyur du skyes pa'i stobs kyis/ brgya byin la smras pa/ lha'i dbang po tsa la gzhes ci la gzhes/ dgra las rgyal bar spyon cig/ khyod kyi bka' drin las bdog cag gis lha ma yin rnams pham par bgyi'o// de skad ces smras pa dang / lha'i dbang po klu'i rgyal po nor rgyas kyi bu dang / 'jog po la sogs pa la 'di skad smras so// chos dang mi ldan pa klu rab 'jom la sogs pa dang / lha ma yin thag bzang ris dang / rab dgod la sogs pa thams cad gzhom pa'i phyir khyed rgyugs shig/ rgyugs shig/ de skad ces smras pa dang / klu'i bdag po 'jog po dang / nor rgyas kyi bu la sogs pa klu'i bdag po chos dang mi ldan zhing chos kyi rjes su mi 'jug pa/ lha ma yin gyi phyogs su gnas pa rab 'jom la sogs pa ga la pa de dag gi drung du khros pa'i shugs kyis me char ltar 'bebs shing rgyug go/ / de nas rab 'jom yang thag bzangs ris dang / rab dgod kyis bsgo ba dang / de dag 'ong ba mngon par mthong nas glog char ltar mngon par 'bebs so// des rab tu 'bar ba de
- 11a
dag thams cad tsha ba'i sdug bsngal mngon par myong zhing / de nas yang pham pa dag lha ma yin gyi dpung ga la ba der rgyug par byed do// dpung dang mthu nyams pa de lha ma yin gyi nang du song nas 'di skad smras so/ / nyams pa bdag cag gis rgyal bar dka' ste/ bdag cag 'dus na ni bsgrim mi dgos par lha rnams las rgyal bar nus so// de skad smras nas/ de nas yang klu'i rgyal po 'jog po dang nor rgyas kyi bu la sogs pa ga la ba der dong ba dang / de dag 'ong ba 'jog po dang nor rgyas kyi bu des mthong nas smras pa/ 'di ltar rab 'jom bdag cag gi drung du 'ongs pa chad pa drag pos gcad par bya'o/ / gzhan du na de yang dang yang du bdag cag la 'tshe bar byed do// de skad smras nas/ klu'i rgyal po rab 'jom la sogs pa ga la ba der rgyugs nas/ 'jog po des rab 'jom de bzung nas steng du me char phab bo// de me'i char des ri dang bcas pa rab tu bsreg pa na/ srog 'dod pa lha ma yin gyi phyogs ga la ba der rgyug par byed do/ / de ltar de 'ongs pa mngon par mthong nas/ lha ma yin gyi dbang po sgra gcan gyis/ lha ma yin gyi dbang po de dag la smras pa/ 'di ltar klu pham pa de dag la khyed kyis yang drang por ltos shig/ de skad smras nas/ bdag dang bcas pa'i dpung des brgyugs so// de 'ong ba mthong nas/ lha lag na yol go thogs pa rnams kyis kyang brgyugs te/ de ltar de
- 11b
dag phan tshun 'ong ba na/ rgya mtsho'i dbus su lha dang lha ma yin ri'i rtse mo mi bzad pa 'phen pa/ shin tu 'jigs su rung ba/ shin tu bzod par dka' ba'i g.yul bkye'o// lha dang lha ma yin rnam par 'khrugs pa des/ lha ma yin rgya mtshon rgyu ba 'bum phrag du ma dag las kha cig ni 'on par gyur/ kha cig ni srog dang bral lo// lha dang lha ma yin de dag rnam par 'khrugs pas mtshon cha 'bum phrag nyam nga ba char ltar bab pa'i g.yul bkye'o/ / de nas khyad par ni 'di yod de/ lha gang gi rkang pa bcad na slar nad med par skye bar 'gyur/ lag pa bcad na yang nad med par skye bar 'gyur/ de ltar yan lag dang nying lag thams cad bcad cing gtubs kyang skye bar 'gyur te/ nad med pa dang / gnod pa med pa dang / mdog nyams par mi 'gyur de'i tshe skye zhing 'byung bar 'gyur ro/ / mgo bcad pa ni ma gtogs te/ lha rnams kyi dgra yang zhi bar 'gyur/ lha ma yin rnams kyang ji ltar mi rnams la mtshon chas btab na gnod pa de ltar lha ma yin rnams la yang de bzhin 'byung ste/ lha dang lha ma yin dag nang gi khyad par ni de lta bu yin te/ de ltar lha lag na yol go thogs pa rnams dang / lha ma yin sgra gcan gyi sar gtogs pa rnams kyi khyad par ni de lta bu yin no/ / de nas lha lag na yol go thogs pa rnams kyis ri rtse mo can du ma blangs nas lha ma yin ga la ba der brgyugs te/ ri char ltar 'bebs
- 12a
pa des lha ma yin de dag gi dpung ba rgya'am stong du bcom mo/ / de bcom pa mngon par mthong nas/ sgra gcan gyis ri dpag tshad gsum pa blangs nas brgyugs so// / lag na yol go thogs pa rnams kyis de ltar 'ong ba mngon par mthong nas mtshon cha dang lag cha thogs te/ lha ma yin ga la ba der brgyugs so// ri de mtshon cha char ltar bab pa des ji ltar bye ma bzhin de ltar zhib mor lhags nas rgya mtsho'i nang du gtor to/ / de 'ong ba mngon par mthong nas/ dud 'gro'i ngo bo sems can gyi tha ma sgra gcan de yongs su yi chad do// mtshon cha char ltar 'bab pa na/ lha ma yin gyi dpung ga la ba der brgyugs so// lha ma yin gyi dbang po brtan pas de 'ong ba mngon par mthong nas/ rang gi 'khor rnams la smras pa/ ri rab gnyis kyi tshad ltar 'dug pa chas pa 'di gcig pus lha 'di dag thams cad chad pas bcad par nus su gsha' gsha' lta zhig na/ 'di ltar bong tshod 'ba' zhig cher zad de mthu chung nas lha rnams kyis bsngags pa dang / mgon 'dod pa/ skyabs 'dod pa/ dpung gnyen 'dod pa lha ma yin ga la ba der rgyug par byed pa/ lha ma yin phal pa dang mtshungs pa 'di ni mthu dman pa yin la sman pa nyid yin no// 'di'i mdun na 'thab par gnas pa lho lag na yol go thogs pa gang yin pa 'di dag ni snying stobs che ba yin no// de skad smras nas/ lha ma yin gyi dbang po brtan pa rang gi 'khor dang yang lhan cig/
- 12b
lha ma yin mchog tu rgya che ba mgul 'phreng dang lhan cig tu g.yul 'gyed pa'i phyir/ lha lag na yol go thogs pa ga la ba der drug par byed do// lha rnams kyis brtan pa dang de dag lhan cig 'ong ba mthong nas/ lha 'phreng thogs rnams la smras so// 'di ltar brtan pa bdag nyid thams cad lha lag na yol go thogs pa rnams kyi drung du rgyug gis/ lha rnams kyang rgyugs shig/ rgyugs shig/ de skad smras nas/ de nas yang lha ma yin gyi dbang po sgra gcan dang brtan pa ga la ba der dong ngo // de nas yang sgra gcan de brtan pas phyir bzlog ste/ khong blta ba lta nas de nas yang phan tshun 'dus te/ lus kyi mthu dang dpung tshol bar 'dod pa/ 'dus pa dag lha ga la ba der phyir log pa dang / lha lag na yol go thogs pa dang / lha ma yin sgra gcan gyi sar gtogs pa mgul 'phreng de dag dang phan tshun dgrar gyur pa phan tshun mi bzod pa sor dpung chen po'i g.yul 'gyed de/ ri'i rtse mo rnams dang / brag gi rtse mo rnams dang / mda' char ltar 'bab pa rnams dang / mtshon char ltar 'bab pa rnams dang / shing ljon pa char ltar 'bab pa rnams kyis/ rtag tu nam mkha' phan tshun mun pa 'thibs po ltar gsal bar mi mngon te/ bar chad byed pa bye ba 'bum phrag du ma'i g.yul dpe med pa 'gyed do/ / de ltar lha rnams kyi yan lag dang nying lag bcad cing gtubs pa de dag ni de nas yang snga ma bzhin slar skye'o// lha ma yin rnams kyi yan lag
- 13a
dang nying lag dum bcad pa dag ni nad dang bcas par 'gyur la/ skye bar yang mi 'gyur ro// mgo bcad pa rnams kyang mi dang 'dra bar mi skye'o// lha rnams kyang mgo bcad pa dang / sked pa bcad pa yang 'chi bar 'gyur ro// de ltar lha ma yin ji lta ba de ltar lha rnams zad par mi 'gyur ro// de nas lha dang lha ma yin rnam par nyams pa na/ lha ma yin rnams shin tu zad pa de ltar lha rnams ni ma yin no/ / de nas lhag ma phyed tsam lus pa/ lha rnams kyis bcom pa/ skyabs 'dod pa/ dpung gnyen 'dod pa dag sa'i 'og gi sgog/ la ba der rgyug par byed de/ s+thA ha ha 'byin pa'i lha rnams kyis nye bar bcom pa/ brtson 'grus chung ba/ skyabs zhan pa/ srog dman pa dag lha ma yin gyi dbang po brtan pa dang yang lhan cig/ sgra gcan dang yang lhan cig tu bros so// lha ma yin gyi dbang po de gnyis mthu nyams shing gnas nyams pa dag me tog 'phreng gis mthong nas/ lha ma yin gyi dbang po gsum pa la smras pa/ 'di ltar bdag cag gis lha ma yin ga la ba dar 'dong gis rgyugs shig/ brtson 'grus chung ba'i lha rnams bdag cag gis dpung dang / brtson 'grus dang 'thun pas pham par bya'o// des de skad smras pa dang / de nas me tog 'breng lha rnams ga la ba der rgyug par byed do// de nas de dag 'ong ba mthong nas/ dpung chen pos de nas yang bcom pa'i lhag ma phan tshun gyis brtson
- 13b
'grus dang / phan tshun gyis dpung gis 'dus pa bdag nyid dang 'khor mang po dang bcas pa phyir log ste phan tshun 'di skad smra'o// 'di ltar lha ma yin zhes ming du btags pa 'di ci 'bros pa/ nar gyur tam/ brtson pa la mi gnas sam/ mtshon cha la mi brten pa lta zhig ste/ rang gi gnas su yongs su nyams par 'gyur la/ chung ma de dag gi nang du yongs su nyams par 'gyur ro/ / de skad smras nas/ de nas yang dpung dang mthu rgyas pa mtshon cha sna tshogs thogs pa dag lha ga la ba der rgyug par byed de/ ri'i rtse mo 'tsher ba lta bu dang / rlung gi ltor mngon par mgyogs pa de dag g.yul 'gyed pa'i phyir yang log go/ de nas lha kun tu rgyu ba dang / lha 'phreng thogs dang / lha rtag tu myos gnas dang / lha lag na yol go thogs pa thams cad phan tshun du 'di ltar kye ma lha ma yin 'dus pa 'di dag thams cad ni blo gros mi brtan pa yin te/ kye ma lha ma yin rnams gang gis bdag nyid dang / bdag cag gi dpung gi khyad par khong du chud kyang de dag rgyug par byed do zhes brjod do/ / de dag gis de skad smras nas/ lha rnams kyang lha ma yin dag ga la ba der rgyug par byed do// phan tshun rgyal ba brtod pa na lha dang lha ma yin de dag gzhan dang mi 'dra ba'i g.yul bkye ste/ phan tshun ri bo char ltar 'bebs pa dang / me char ltar 'bebs pa dang / rdo cher ltar 'bebs pa dang / mtshon cha char 'bebs pa dang / dpung gi
- 14a
tshogs rnam par 'joms pas mngon par bcom mo/ / de dag mtshon cha du ma dang / rnam par 'jom pa du ma dang / nyam nga ba du ma dang / de ltar srog bcod pa du ma dag gis g.yul dpe med par bkye ste/ de dag rgya mtsho kun nas bar med par 'khod nas g.yul bkye'o// 'di ltar de gzhan dang mi 'dra ba'i phyir de ni dpe bya bar yang mi nus te/ de dag g.yul rnam pa du ma bkye'o/ / klu rnams kyang klu rnams dang lhan cig g.yul dpe med pa bkye'o// de ltar g.yul rnam pa du ma de dag lha'i dbang po brgya byin gyis mthong nas/ sum cu rtsa gsum pa'i lha rnams la smras pa/ 'di ltar rab dgod ni da dung 'dug ste/ ma gtogs par lha ma yin de dag thams cad rgyug par byed kyis khyed chos shig/ khyod chos shig/ de dag chos pa'i phyir bdag kyang glang po che sa srungs kyi bu la zhon te cha'o/ / de nas brgya byin gyis lha rnams la de skad smras nas/ yid rtse gcig gis glang po ches srungs kyi bu la 'di skad smras so// glang po che'i rgyachub tu zhon nas/ ngas lha ma yin gyi lhag ma lus pa thag zangs ris dang / rab dgong kho na dang / lha ma yin de dag gi lhag ma thams cad las rnam par rgyal bar bya'o// de skad smras nas/ de rdo rjegasor te lha ma yin gyi dpung la kun tu lta zhing 'dug go/ / de nas lha dang lha ma yin g.yul shin tu mi bzad par 'jug pa na lha ma yin rnams ni yongs su nyams/ lha rnams ni rgyal te shin tu dag
- 14b
nas/ lha ma yin rnams kyi drung du rgyug par byed do// lha rnams kyi dbang po brgya byin yang 'dzum rangs te/ lha ma yin thams cad kyi dpung 'jom du chas pa na/ rab dgod 'di snyam du sems te/ kye ma 'di ltar/ lha ma yin gyi dbang po gsum po dang / gnas gsum na 'khod pa'i lha ma yin bye ba phrag du ma mthu nyams par byas pa 'di dag ni/ ji ltar sngar mtsho kun mthong du mthong ba de ltar 'di dag gyur te/ kye ma mtsho der mthong ba ni ma nor ba yin no// 'di ltar brgya byin bam par bya ba dang / lha thams cad kyang gzhom par bya ba'i phyir bdag cha ste/ kye ma lha de dag dang bdag khyad par cang med do snyam mo/ / blo de lta bu bskyed nas g.yul du rings par 'jug par bya ba'i phyir sa'i 'og gi sgor 'khod do// rab dgod dang thag bzangs ris khros pas gzir ba de nyid du 'khod pa dang / ri kun ni g.yos/ rgya mtsho yang rlabs rnams kyis kun tu 'khrug par byed/ nyi ma'i 'od zer dmar po thams cad kyang ri la shar te/ 'khor dang bcas pa sa'i 'og gi sgo de nyid du 'khod pa dang / nas lha rnams kyis lha ma yin sgra gcan la sogs pa pham par byas shing / nyams par byas pa rnams sa 'og gi sgo ga la ba der rgyug cig spro ba med pa/ mgon med pa/ kun nas gnod ba/ ha ha'i sgra rnams kyis sems dkrugs pa/ kun nas zhum pa/ mgon med par gyur pa rnams de skad phan tshun brjod pa na/ lha ma yin gzhan kha cig gis smras pa/ lha ma yin dag ma
- 15a
'bros/ ma 'bros/ ci ste byol/ ci ste 'bros/ slar log/ slar log/ de skad smra zhing phan tshun de skad brjod pa'i lha ma yin rnams ri rtse mo can char ltar phab pas kun tu brtags pa na/ lha yid rab tu dga' ba rnams/ lha ma yin chos dang mi ldan zhing chos kyi rjes su mi 'jug pa dag zung zhig/ gtogs shig/ bdag cag la dud 'gro 'di dag blo bur du khro bar byed kyang g.yul la 'jigs pa med de/ lha ngan pa 'di dag gi g.yul la 'jigs pa med do// mtshon cha dang lag cha la mkhas pa yang ma yin te/ 'di dag ni ji ltar slar ldog par mi 'gyur/ pa de ltar rgyal bar bya ste/ kye ma dus ma yin pa'i g.yul 'gyed par rtag tu 'dod pa 'di dag ni ji ltar phyir mi ldog par 'gyur ba de ltar rgyal bar bya'o// de ltar phan tshun spro ba bskyed nas/ lham yin rnams shin tu gzhom par yid zhugs pa/ khros pa/ mig shin tu dmar ba dag lha ma yin ga la ba der deng nas/ ral gri dang mtshon cha kun nas char ltar 'bebs te/ ji ltar char gyi rgyun 'bab pa ltar 'bebs shing / de ltar me yang char ltar 'bebs so// de nas de ltar lha ma yin blong blong por 'khod pa shing rta 'bum snyed la zhon pa/ lha ma yin du mas yongs su bskor ba dag sa'i 'og gi sgong 'khod de/ / lha rnams gal ba mtshon ma sna tshogs char ltar 'bebs la/ ri dpag tshad gsum dang / ni dang / lnga'i tshad tsam 'phen par byed do// de lta bung char
- 15b
ltar mngon par 'bebs pa dang / rnam pa de lta bur chas pa de dag lha ma yin gyis kyang mngon par mthong nas/ de nas yang dbugs phyin te/ g.yul 'gyed par phyir log nas rab dgod dang lha ma yin de dag nyid la spro bskyed par byed de/ 'di ltar bdag ni rna thams cad gzhom pa'i phyir rgyas pa yin gyis/ lA ma yin da slar lo// slar log/ lha ma yin gyi dbang po dag ts+tsha 'bros/ ci ste 'bros/ me la khyim du bud med dag gi ngor yang ji ltar smras/ 'di ltar skyes pa ni bdag cag yin na/ skyes pa'i ming yang med de/ skyes pa zhes bya ba don med par 'gyur ro// de skad smras pa dang / rab dgod lha rnams ga la ba der rgyug par byed do// de rgyug pa mngon par mthong nas/ lha rnams kyang de dang g.yul 'gyed par rab dgod ga la ba der brgyugs so// lha/ dang lha ma yin de dag phan tshun g.yul 'dres par bkye ste/ sgra byung ba gang yin pa des/ ri'i lcong dang ri rab thams cad kyang kun tu gang ngo // sgra gcan 'ba' zhig lam du zhugs nas/ lha lag na yol go thogs pa dag ga la ba der brgyugs so// lha ma yin gyi dbang po brtan pa lag na dbyug tho thogs pa yang / lha 'phreng thogs dag ga la ba der brgyugs so// lha ma yin gyi dbang po me tog 'phreng yang ri dpag tshad gsum tsam zhig blangs nas/ lha pi wang can gsum pa dang / lha kun tu rgyu ba dag ga la ba der brgyug ste/ phan tshun g.yul chen po bkye ba ni gtam
- 16a
du brjod na/ sems can thams cad kyis spu zing zhes byed na/ gang mngon du mthong ba 'am thos pa lta smos kyang ci dgos/ lha ma yin gyi dbang po rab dgod kyang rlung gis nam mkha' sprin ltar lha rnams mngon par 'jom ste/ shin tu brtson 'grus dang ldan pa de la lha gang gis kyang phyir rgol bar ma nus so// de nas de ltar rgyal chen bzhi'i lha rnams la mngon par 'chi ba na sum cu rtsa gsum gyi bdag po brgya byin gyis/ sum cu rtsa gsum pa'i lha rnams la 'di skad ces smras so// lha ma yin 'ba' zhig gis lha 'di dag la mngon par 'tshe zhing 'dug na/ dpung phyi ma pa'i lha de dag ci ste mi rgyug/ lha ma yin gyi dpung gis lha rnams yongs su nyams shing bcom pa dag ci khyed pham par dga' 'am/ gang lha'i 'dun sa chos bzang na 'khod pa dag ma gtogs par sum cu rtsa gsum pa'i lha rnams rgyugs shig/ ma lus par rgyugs shig/ de skad ces bsgo nas rab dgod dang thag bzangs ris ga la ba der brgyugs so// rab dgod kyi steng du sum cu rtsa gsum pa'i mda'i tshogs rnams dang / ri bo char ltar bar mtshams med pas nam mkha' bkang nas mngon par 'bebs la/ rab dgod kyang ri bo char ltar mngon par 'bebs shing sum cu rtsa gsum pa'i lha rnams ga la ba der 'dong bar byed do/ / nam mkha' thams cad sgras kun tu 'gengs shing / lha dang lha ma yin phan tshun rgyal ba la brtod pa de dag
- 16b
dpung gi tshogs ma lus pa thams cad g.yul 'gyed do/ / de ltar g.yul 'gyed pa na gser gyi ri bo 'bum snyed phan tshun 'drud pa'i bur ma lhung ba'i rdul gyis nam mkha' khebs te/ nam mkha' kun nus par mtshams med par dpag tshad stong tsam gser gyi rdul gyis khebs so/ / rdul gyi bar de dag na yang ji ltar char gyi rgyud rgyun mi 'chad par babs pa ltar/ rnam pa de lta bu'i mda'i tshogs phan tshun char ltar 'bebs so/ / de bzhin du phan tshun ri bo char ltar mngon par 'bebs shing lha ma yin bye ba du ma de dag 'jom par byed pa'i g.yul bkye'o// lha stong phrag du ma rnams kyang gzhom par bya ba'i phyir g.yul shin tu mi bzad pa bkye'o/ / de nas lha ma yin snying stobs chung ba pham par 'gyur ba/ shir dogs pa gang yin pa de dag sa'i 'og tu zhugs so/ / ma lus par bcom pa zhugs pa de dag la/ lha ma yin gyi bu mo dag gis smras pa kye ma lhag mar gyur pa bdag cag gis khyim thab de dag ga re/ de skad 'dri ba na/ de dag la lha ma yin rnams kyis smras pa/ de dag ni 'di ltar lha dang lha ma yin gyi g.yul las rgyal ba thob ste 'dir 'ong ngo // de nas lha ma yin gyi bu mo dag mtsho kun mthong ga la ba der dong ba dang / de dag thams cad mthong ste/ ji ltar lha rnams kyis lha ma yin rnams btags shing bcom ste/ de ltar lan brgya 'am/ stong du pham par byas pa de dag de bzhin
- 17a
mthong nas/ khyim thab bsad pa'i phyir nyon mongs shin tu yi chad de/ sa'i steng du 'dug nas ngu bar byed/ smre sngags 'don/ rab tu sdug bsngal ba kun mtsho de yongs su bskor nas 'khod la/ brang rdung bar byed/ skra 'bal bar byed/ lus la 'grad par byed/ mchi mas gdong gsher bar byed do// de ltar ma tshe'i nang na khyim thab dag pham ste bsad par mthong nas smre sngags 'don to/ / de nas lha dang lha ma yin gyi g.yul shin tu mi bzad par 'jug pa na/ lha ma yin gyi dbang po rab dgod lha ma yin bye ba snyed kyis yongs su bskor nas/ lha'i dbang po brgya byin ga la ba der 'gro bar byed do// de dag nyid 'ong ba mngon par mthong nas/ lha rnams la bsgo ba/ 'di ltar lha ma yin 'di dag ni g.yul 'gyed du bdag ga la ba der 'ong ste/ dpung chung ngu gdul bar dka' ba de dag ni ji ltar 'od kyis mun pa gsal ba de ltar grogs chos kyis rgyal bar bya'o// des lha rnams la de skad bsgo bas/ glang po che'i rgyal po sa srungs kyi bu la zhon te/ lcags kyi mda' 'phangs pa bzhin du rab dgod ga la der brgyugs so// de rgyug pa na lho'i dbang po brgya byin 'dun sa chos bzang na gnas pa'i lha rnams kyis yongs su bskor nas/ rdo dang shing gis 'gyed pa dag lha ma yin gyi dpung ga la ba der brgyugs so// khaM gcig ni mnga' char ltar mngon par 'begs/
- 17b
shing rab dgod ga la ba der rgyug par byed do// rab dgod kyang brgya byin ga la ba der shing rta sgyur bar byed cing / 'di ltar brgya byin pas bdag rgyal bar bya'o zhes zer ro// de nas brgya byin gyis/ rab dgod de la 'di skad smras so// chos ma yin pa'i lam la gnas pa'i dud 'gro dgar 'gro/ 'di ltar nga ni khyod pham par bya ba'i phyir 'ongs te/ 'di ltar ngas khyod rgyags pa dang phral nas/ de nas yang sa'i 'og tu gtang bar bya'o// de nas thag bzangs ris dang rab dgod kyis/ brgya byin la smras pa/ 'di ltar nga'ong brgya byin khyod dang lha thams cad chad pas gcad par bya ba'i phyir 'ongs pa yin no/ / de nas thag bzangs ris dang rab dgod kyis gser gyi ri dpag tshad lnga pa gcig 'phangs so// 'phangs pa de mngon par mthong nas glang po chos srangs kyi bu'i kha nas dbugs phyung bas ri de bye ma chang pa nas gtor ba bzhin phyir bzlog nas rgya mtshor lhung ngo / / de phye mar brlags shing gtor ba de mngon par mthong nas/ de nas yang lha ma yin dag gis ri bo rdo rje'i lte ba can dpag tshad lnga pa gcig blangs nas brgya byin ga la ba der 'phangs so/ / 'phangs pa de mngon par mthong nas/ sa srungs kyi bu'i sna'i thor tos bzung ste/ slar lha ma yin gyi dbang po la 'phangs te/ glang po che 'di ni cang shes pa yin no// rang gi ri 'phangs pa des de'i brang du brgyab pa dang / rab dgod de brgyapa pa des nyams nas stan de las lhung zhing / slar
- 18a
'khod de brgyab pa des rab tu nyams so/ / de dag mthong nas sum cu rtsa gsum pa dag sgra chen pos nam mkha' bkang nas/ 'di ltar lha'i dbang pos dud 'gro de pham par byas te/ 'dir re zhig glang po che'i mchog 'dis 'phangs pa'i shugs kyis mngon par nyams shing g.yos na/ gal te rdo rjes brgyab par gyur na lta smos kyang ci dgos/ de skad smras nas/ lha ma yin ga la ba der brgyugs te/ la la ni rdo dang shing gis 'gyed/ la la ni ri bos 'gyed/ la la ni rtse gsum kha gdeng gis 'gyed/ la la ni ste'u khas 'gyed/ la la ni glog 'byung bas 'gyed/ la la ni thong gshol gyis 'gyed/ la la ni stobs kyis 'gyed/ la la ni 'khor los 'gyed/ la la ni ral gris 'gyed/ la la ni nam mkha' la 'gro pas 'gyed/ ya la ni sna tshogs pas 'gyed/ la la ni tho bas 'gyed/ la la ni mtshon cha mchog tu gdams pas 'gyed/ la la ni mtshon cha dri ma med pas 'gyed/ la la ni mtshon cha rab byed kyis 'gyed/ la la ni mtshon cha bi mdar byed kyis 'gyed/ la la ni mtshon cha brtsegs pas 'gyed/ la la ni mes 'gyed/ la la ni chus 'gyed/ la la ni chu 'bebs pas 'gyed/ la la ni thams cad kyis 'gyed/ la la ni mtshon cha nag pos 'gyed/ la la ni sgyu mas 'gyed/ la la ni 'dud pas 'gyed/ la la ni sen mos 'gyed/ la la smras
- 18b
'gyed de/ sgra'i shugs gang mnyan par yang mi nus so// la la ni rdo brdeg pas 'gyed de/ rnam pa de lta bus go mtshon sna tshogs kyis lus shin tu bsrung ba rnams kyis lha ma yin rnams pham par bya ba'i phyir/ brgya byin lha thams cad kyi mdun du bzhag go/ de nas mog mog por gyur pa de mngon par mthong nas/ lha ma yin gyi dbang po thag bzangs ris la sogs pa lag na mtshon cha sna tshogs thogs pa rnams rab dgod kyi dpung bya ba dang / brgya byin btags pa'i phyir brgya byin ga la ba der 'dong bar byed do// de nas lha ma yin gyi dbang po bzhi po dag brgya byin kho na la 'gyed du 'ong ba mngon par mthong nas/ lha rnams brgya byin gyis dpung gi rim gro bya ba dang / rang gi rtsa la ston cing brgya byin ga la ba der 'dong bar byed do// de nas brgya byin gyis 'ongs pa de dag mngon par mthong nas/ shin tu khros te chas nas smras pa/ dud 'gro khyed ci ste shin tu rmongs/ gang khyed kyi dpung rnam pa 'di lta bu ni re zhig lha ma yin thams cad la bdog par gyur kyang / de dag nga 'ba' zhig gis pham par bya bar nus so// de ci'i phyir zhe na/ 'di dag gi dpung ni chos ma yin te/ lha rnams kyi dpung ni chos yin no// lha ma yin rnams kyi dpung ni chos ma yin no/ / chos dang chos ma yin pa'i khyad par ni che ste/ gang khyad par ni mun pa dang nyi ma ltar che'o// gang khyad par ni bden pa dang brdzun pa ltar che'o// gang khyad par ni/
- 19a
ri rab dang yungs 'bru ltar che'o// gang khyad par ni thar pa dang b.rings pa ltar che'o// gang khyad par ni bzar rung ba dang bzar mi rung ba ltar che'o// gang par ni bdud rtsi dang dug ltar che'o/ / gang khyad par ni mtshan mo dang nyin par ltar che'o// gang khyad par ni nor bu mching bu dang rin po che ltar che'o// gang khyad par ni dbul ba dang phyug pa ltar che'o/ / gang khyad par ni bya ba dang mi bya ba ltar che'o// gang khyad par ni nyi ma dang srin bu me khyer ltar che'o// gang khyad par ni khro ba la rlung dang srin bu mang ku ltar che'o// gang khyad par ni mthong ba dang mi mthong ba ltar che'o/ / gang khyad par ni yang dag pa'i lam dang / yang dag pa ma yin pa'i lam ltar che ste/ gang khyad par ni sangs rgyas dang gzhan mu stegs pa ltar che'o/ / gang khyad par ni gnam dang sa ltar che'o// gang khyad par ni bskal pa dang skad cig ma ltar che ste/ nga dang khyed ni khyad par de ltar che'o// khyed ni chos ma yin pa gtso bor byed la/ nged ni chos gtso bor byed do// khyed ni shes rab dman pa yin la/ lha rnams ni shes rab bcas pa yin no// khyed ni brtson pa med pa yin no// lha rnams ni brtson pa dang bcas pa yin no/ / khyed ni dud 'gro yin la/ lha rnams ni lha yin te/ lha de dag gis de lta bu yin par khong du chud nas khyed nged kyi drung du mngon par rgyug pa ni mi rigs so// de skad
- 19b
smras nas/ glang po ches srungs kyi bus kha lo sgyur te/ 'di ltar tshigs su bcad pa 'di dag kyang smras nas/ lha ma yin gyi dbang po ga la ba der rgyug par byed do// chos kyis chos min pham par byas/ / bden pas brdzun pa pham par byas// shes pas gti mug pham par byas// lha yis lha min pham par byas// de skad smras nas/ glang po ches srungs kyi bu kha lo sgyur te/ sprul pa'ang snga ma bzhin byas nas/ lha ma yin gyi dbang po bzhi po de dag thams cad ga la ba der/ lha'i dbang po brgya byin rdo rje'i rtse mo stong yod pa ni thogs/ bsdigs pa'i mtshan ma tsam/ sems kyis bsad cing bcings par lhag par myos pa'i sems ni med pas/ rlung gi shugs pas ches mgyogs par rab tu rgyug par byed do/ / lha ma yin de dag mngon par rgyug pa dang / de dag 'ong ba mngon par mthong nas/ rgyal chen bzhi dang sum cu rtsa gsum pa'i lha rnams kyang rgyug par byed do// lha dang lha ma yin de dag phan tshun rnam par 'dzem pa na/ so sor rgyal bar 'dod pa/ gcig la gcig mngon par 'debs pa/ mog mog por gyur pa/ lha ma yin kha cig ni srog dang / bral bar gyur/ de bzhin du lha ma yin kha cig ni sdug bsngal gyis nyam thag ste phyir log/ kha cig ni yi chad nas phyir log/ kha cig ni mi tshugs su lta zhing 'khod/ kha cig ni
- 20a
/ rang gi gnas su 'gro bar sems shing 'khod/ kha cig ni zhe sdang gis nyam thag/ kha cig ni gti mug gis sems bsgribs/ kha cig ni yongs nyams shing yid dman par gnas te/ de ltar gnas pa rnams la/ sa srungs kyi bu'i steng na 'dug pa/ lha'i dbang po sprul par byed do// de nas glang po che sa srungs kyi kha re re la pad+ma re re/ pad+ma re re la dbang po lag na rdo rje thogs pa/ mtshon cha dang go mtshon bgos pa rnams slar bstan pa bzhin lha ma yin gyi dbang pos mthong ste/ de dag kyang dbang po'i glang po ches srungs kyi bu kha stong yod pa/ kha re re la pad+ma'i rdzing stong yod do// pad+ma'i rdzing re re la pad+ma stong yod do// pad+ma re re la 'dab ma stong yod do// pad+ma re re la snying po brgya yod do/ / de dag kyang sa srungs kyi bu'i kha nas byung ste/ 'dab ma de dag dang snying po de dag thams cad la dbang po rtag tu lag na rdo rje dang / mtshon cha dang lag cha thog pababye ba khrag khrig 'bum phrag du ma 'khod par mthong ngo / / de nas sprul pa de bu mngon par mthong nas// lha ma yin rnams skrag 'khrugs te/ dbang po go mtshon dang cha byad sna tshogs thogs pa rnams kyis de rtag tu gang zhing dpung dang mthu dpe med pa rnams kyis nam mkha' 'di bar mtshams med par byas so/ / mtshon cha'i tshogs kyis phyogs dang phyogs mtshams
- 20b
thams cad par mtshams med par gang bar byas so/ / dbang po rnams kyis sa'i 'og gang yin pa de dang / de'ang bar mtshams med par byas par dogs so zhes de skad lha ma yin shin tu skrag pa de rnams phan tshun smra'o/ / de skad smras pa de rnams la/ rab dgod kyis smras pa/ lha ma yin dag ngas dbang po sa srungs kyi bu dang bcas te phyir bzlog par byas ma 'jigs shig/ ma 'jigs shig/ de skad smras nas/ glang po che'i rgyal po sa srungs kyi bu ga la ba der brgyugs so// // dam pa'i chos dran pa nye bar gzhag pa bam po nyi shu lnga pa/ de 'ong ba mngon par mthong nas/ sa srungs kyi bu'i sna'i thor tos bzung ste/ nam mkha' la gsob bzhin skor bar byed do/ / de bskor ba na srog gi lhag ma cung zad cig lus nas gtang ngo // de btang ba dang / de nas yang 'du shes rnyed nas lha ma yin de dag la 'di skad smra'o// ci dpung 'di gcig pu dpa' ba yin nam/ lha ma yin gyi dbang po khyed kun lha'i dbang po la rgol mi nus sam/ de nas lha ma yin gyi dbang po bsdus pa de dag thams cad de nas yang sa srungs kyi bu ga la ba der brgyugs so/ / de dag 'ong ba mngon par mthong nas/ dbang pos de dag gi srog gcod par bya ba'i phyir ni ma yin gyi/ pha rol pham pa kho nar bya ba'i phyir
- 21a
sgyu ma'i ser ba rdo rje lta bu rnam pa du ma phab bo/ / de nas yang dbang po ga la ba der ri char ltar 'bebs shing lha'i dbang po de'i steng du mtshon cha rnam pa sna tshogs 'phen to/ / de la ri bo de char ltar 'bebs pa na/ char gyi rgyun dus su 'bab pa ltar/ ri bo tshar ltar 'bab pa rnams kyang mdzes pa yin te/ de ltar lha dang lha ma yin gyi g.yul dpe med pa rnam pa sna tshogs bkye'o/ / de nas lha rnams kyis lha ma yin de dag mthong nas/ de nas yang lha rnams lha ma yin gyi dpung ga la ba der brgyugs so// de nas lha ma yin yang g.yul 'gyed pa'i phyir/ lha rnams ga la ba der brgyugs so// de nas rnam pa du mar 'khrugs shing skrag par byed pa rnam pa du ma byung ste/ de ltar lha dang lha ma yin rnams kyang g.yul gsal bar bdakye'o/ / de ltar dbang po dang lha ma yin rnams mtshon cha dang rdo rjes 'joms pa lta bu'i g.yul chen po gzhan dang mi 'dra ba mang po bkye'o// lha ma yin rnam pa du ma dag mngon par mthong nas/ brgya byin gyis lha ma yin gyi dbang po srog dang bral bar ni mi byed la/ pham pa kho nar bya ba'i phyir ched du gnas so// de nas lha ma yin gyi dbang po de dag thams cad kyang lha ma yin gyi dbang po rab dgod dang thag bzangs ris de dag dang bcas pa ma lus par pham pa nyid du gyur to/ / mgon 'dod pa/ skyabs 'dod pa/ gnas 'dod pa/ spro ba med
- 21b
pa dag sa'i 'og gi sgo ga la ba de dang der 'bros par byed do/ / rab dgod de shin tu 'bros pa ni lha ma yin gyi dbang po gzhan gsum po 'khor 'bum snyed dang ldan pa rnams kyi mdun na skad ngan 'don cing kun nas mngon par gnod pa rnams kyis 'bros pa na/ brgya byin gyis/ sa srungs kyi bu la smras pa/ glang po che'i dbang po rab dgod dang thag bzangs ris kyi brtson 'grus ni/ shor/ shing rta ni chag kyang ngas de dag gsad par mi nus te/ drang srong chen pos mya ngan las 'das par 'gro ba'i gzhi ni srog gcod pa spangs pa yin no zhes gsungs te/ 'di ni sems can thams cad la slu ba med pa'i gzhi yin no/ / de rang gi srog dang lhan cig song yang blas/ de'i shing rta brgya 'am stong du gzhom par bya ba la khyod rings par chos shig/ des de skad bsgo nas/ brgya byin des sprul par byas pa dang / glang po che'i dbang po dang lhan cig sa'i 'og gi ga la ba der rlung gi shugs ltar brgyugs so// de 'ong ba mngon par mthong nas/ rab dgod dang thag bzangs ris shin tu skrag ste/ mthu med pa dag sa'i 'og gi sgo ga la ba der rings par rgyug go/ de nas mgyogs par song nas sa srungs kyi bu'i stobs kyis shing rta de las rab dgod de phab nas shing rta dang phral lo/ / de nas shing rta de sna'i thor tos de'i mig sngar rtswa bzhin du brgya'am/ stong du bcom mo// me tog 'phreng yang dpung dang mthu nyams nas/
- 22a
sa'i 'og gi sgo ga la ba der 'bros par byed de/ srog la bsam pa bsdus pa/ brtson 'grus nyams pa/ spro ba med pa/ rang gi bu dang chung ma snying la bsams nas/ sa'i 'og gi sgo ga la ba der rgyug go/ / lha ma yin gyi dbang po brtan pa'ang gson por 'dod de/ rang gi khyim du phyogs nas sa'i 'og gi sgro ga la ba der rgyug go// lha ma yin gyi dbang po sgra gcan gson par 'dod pa/ lus bong che ba 'ba' zhig tu 'dug pa'ang sa'i 'og gi sgo gal ba der rgyug go/ / de ltar lha ma yin gyi dbang po 'khor dang bcas pa de dag thams cad nyams pa dang / lha rnams shin tu dga' nas 'di skad smras so// ma yin rnams kyis mi mthun pa'i mtha' las 'bras bu nyams pa'i lhag ma thob ste/ 'bros khung 'tshol bar gyur pa rnams// nged chos la lta zhing sa'i 'og gi sgo gzung bar bya'o zhes smras nas/ lha shin tu dga' ba de dag rlung gis sprin kun tu gtor ba ltar lha ma yin rnams la rlung gi shugs lta bus kun tu 'tshe bar byed do/ / de nas dbang pos/ lha de dag la smras pa/ gang rang gi lus med par bya ba'i phyir dang / lha ma yin mang po 'di rnams srog dang bral bar bya ba'i phyir/ don med pa/ khon zhugs pa/ nyes pa'i gnas 'di dag ci'i phyir byas/ lha rnams kyi rgyal ba dang pham pa mi la rag las pa yin la/ dbu mi'i 'jig rten na skyes bu chos dang ldan zhing chos kyi rjes su 'jug pa thams cad brtan pa dag yod na/ khyed kyis yul dang dus de dag shes bzhin du bdag nyid gsod pa'i das don med pa 'di dag byas so//
- 22b
de nas yang lha ma yin nyams pa srog gi skyabs 'tshol pa rnams sa'i 'og gi sgo ga la ba de nyid du rgyug go/ de nas dbang pos/ lha rnams la bsgo ba/ lha dag slar log/ slar log/ phyis pham par 'gyur ba'i srog dang ldan pa rnams rang gi gnas su thong zhig/ de nas dbang po la/ lha rnams kyis smras pa/ 'di ltar lha ma yin khengs pa 'di dag ni bdag nyid dang gzhan gyi dpung khong du ma chud pa lags te/ 'di dag ni bdag cag gis nges par ji ltar slar log par mi 'gyur ba de ltar dgra gsul bar bgyi'o// bdag cag ni 'di dag la gnod pa mi bgyid de/ 'di ltar bdag cag mtho ris na rang gi las kyi 'bra bu la spyod cing mchis na/ 'di dag gis mi'i 'jig rten na bdag cag gi chos dang ldan zhing chos kyi rjes su 'jug pa'i mi rnams la ci ste bar chad bgyi bar 'bad/ dgra 'di dag ma gsal bar bdag cag slar mi mchi'o/ / de dag gis de skad smras nas/ de nas yang lag cha dang / mtshon cha dang / go mtshon sna tshogs bgos te/ 'di ltar lha ma yin 'di dag nges par shin tu tshar gcad par bya'o snyam pa'i blo des lha ma yin rnams gzhom par bya ba'i phyir shugs dang ldan pas brgyugs so/ / de ltar yid la byed pa de lta bu dang 'bad pa de lta bu dag la/ de nas yang lha'i dbang po yid snying rjes brlan/ pas smras pa/ lha ma yin rab dgod la sogs pa btags pa khyed kyi snying la brtse ba med dam/ de skad smras nas/ lha'i 'dun sa chos bzang na lha 'khod pa gang yin pa de dag bsdus nas slar log go// de na
- 23a
lha'i dbang po slar log pa mthong nas/ rgyal chen bzhi'i lha rnams kyis/ sum cu rtsa gsum pa rnams la smras pa/ 'di ltar lha'i dbang po du slar gshegs so// lha'i dbang pod slar gshegs kyis/ khyed kyang ma lus par slar gshegs shig ces smras nas/ rgyal ba thob pa'i lha rnams slar log ste/ de nas yang phan tshun dga' ba'i yid kyis rang gi gnas su dong ngo // lha'i dbang po brgya byin yang sum cu rtsa gsum pa rnams kyis mngon par bstod cing / sa srungs kyi bu la zhon te yid dga' bas sum cu rtsa gsum pa'i lha'i 'dun sa chos bzangs ga la ba der 'dzegs te dong ngo // lha rnams kyang rang rang gi gnas su dong nas/ de nas yang go mtshon dang lag cha rnams shing rta sna tshogs kyi tshal du bzhag go// glang po che sa srungs kyi bu yang sprul pa sprul pa de dag bsdus nas tha mal par gnas te rang gi rdzing bu pad+ma dang ut+pa las khebs par zhugs so/ / de ltar lha rnams lha'i 'jig rten du dong nas gzugs dang / sgra dang / dri dang / ro yid du 'ong ba la nye bar spyod de/ lha'i 'dod pa'i yon tan lnga 'byor cing ldan par gyur pa rnams kyis gnas so/ / klu'i rgyal po 'jog po dang / nor rgyas kyi bu la sogs pa rgya ba thob pa rnams kyang snying rab tu dga' ste/ rang gi gnas longs spyod ldan ga la ba der dong ngo // lha ma yin btag ste nyams pa'i lhag ma lus shig shig por gyur pa nyams rab tu nyams pa'i sems can ngo che nas mgo smad pa rnams kyang / bud med rab tu ngu zhing yid dman pa rnams kyis mdun nas bsu ba na/
- 23b
sgra gcan gyis/ lha ma yin gyi dbang po snying stobs nyams pa de dag la smras pa/ da ltar 'thab pa'i dus la ma bab bo zhes ngas sngar ma byas sam// da dung du mi'i 'jig rten na chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs kyi rjes su 'jug pa dag yod pas/ lha'i phyogs ni rab tu 'phel la/ bdag cag gi phyogs ni 'grib bo/ zhes bdag gis sngar bsgo na/ de'ang khyed kyis ma mnyan te/ bdag gi tshig de ltar ma byas pas 'di ni de'i 'bras bu yin no// lha rnams kyis lha ma yin nyams par byas pa 'bum phrag du ma gang yin pa dag la sgra gcan gyis de skad smras pa dang / lha ma yin gzhan zhig gis kyang smras pa/ 'di ltar g.yul 'gyed pa'i dus la ma bab bo zhes smras pa ma mnyan pa'i 'bras bu 'di yin no// lha ma yin mgul 'phreng gis kyang smras pa/ 'di ltar gang gis mi bya bar bya ba de dag gi ngo bo med pa la blo gros ngan pa 'di skyes pa nye bar gnas so// de dag thams cad phan tshun de skad smra zhing rang rang gi ga la ba der dong ngo // thag bzangs ris kyang gnas gzhan bzhi par ngo tsha nas mgo smad de zhugs pa dang / lha ma yin gyi bu mo nyams pa rab tu ngu zhing ngom zung gnag pa rnams kyis yongs su bskor nas rang gi gnas su dong ngo // klu rab 'joms la sogs pa chos dang mi ldan zhing chos kyi rjes su mi 'jug pa/ snying stobs rab tu nyams pa rnams kyang klu'i gnas longs spyod ldan ga la ba der deng ngo // de ltar sred pa'i dug gis nyams pa'i sems can
- 24a
phan tshun rab tu nyams pa dag 'khor ba na 'khor zhing 'khyam yang bde ba mi mthong ngo / / de dag rjes su mthong nas 'phags pa nyan thos 'dod pa dag gis 'dod chags dang bral lo// de nas gzhan yang rnal 'byor spyod pa gang gi chos la chos kyi rjes su lta zhing gnas pa la/ 'di ltar dge slong 'di ni sa gzhan bcu bdun pa la zhugs te de kho na nyid la blo shin tu zhen no// de thos nas sa bla'i gnod sbyin shin tu dga' nas/ bar snang la rgyu ba'i gnod sbyin rnams la sbran to// de dag gis kyang 'jig rten skyong ba rnams la snga ma bzhin sbyar te/ chung dge'i bar du'ang de bzhin du sbran te/ 'di ltar 'dzam bu gling na rigs kyi bu che ge mo zhig/ grong mang ge mo zhig dang / grong rdal ga ge mo zhig tu ming che ge mo zhes bya ba skra dang kha spu bregs/ gos ngur smrig bgos nas/ dad pas khyim nas khyim med par rab tu byung ste/ de bdud kyi yul gyi dngos po ni mi 'dod/ nyon mongs pa'i dngos po rnams dang yang lhan cig gnas par mi byed la/ 'khor ba las shin tu 'dod chags dang bral te/ de ltar 'bad pas kun tu khyab nas sa gzhan bcu bdun pa la zhugs so/ / de thos nas lha rnams shin tu dga' nas bstod de/ 'di ltar gang bdud kyi phyogs ni 'grib la/ dam pa'i chos kyi phyogs 'phel ba ni bdag cag dga' 'o// dud 'gro'i le'u rdzogs so/ / // de nas gzhan yang dge slong las kyi 'bras bu rnam par smin pa shes pa des sems can dmyal ba dang / dud 'gro dang / yi dgas nyes par byas pa
- 24b
rnams kyi las kyi 'bras bu rnam par smin pa shin tu phra ba thams cad kyang ji lta ba bzhin brtags shing shes te yid la bzung nas/ legs par byas pa'i las rnams la'ang las kyi 'bras bu rnam par smin pa la rtogs par byed de/ 'di ltar sems can ni sdug bsngal dang mi mthun pa bde ba 'dod pa yin la/ lha rnams ni bde ba bsags pa la dga' ba yin te/ de rnams kyi las kyi chos dang / rnam par smin pa dang / skye ba dang / 'chi ba shin tu phra ba dag la'ang rtog par byed do// las dge ba byas shing bsags pa so so yang dag par myong bar 'gyur ba ni las kyi 'bras bu rnam par smin pa 'dod pa sdug ba yid du 'ong ba so so yang dag par myong bar 'gyur bar so sor rig par bya'o/ / de la tshul khrims rnam pa bdun gyis mtho ris su skye bar 'gyur te/ lus kyi gsum dang / ngag gi bzhi kun tu bstan cing bsgoms te mang du byas pas/ 'dod pa na spyod pa'i lha drug gi nang du skye bar 'gyur ro// chung ngu dang / 'bring dang / chen pos 'dod pa na spyod pa'i lha drug ngag chung ngu dang / 'bring dang / chen po'i 'gro ba 'thob ste/ tshe thung ngu dang / 'bring dang / ring po dang / kha zas ngan pa dang / 'bring dang / bzang po dang / gzugs ngan pa dang / 'bring dang / bzang po dang / brtson 'grus chung ngu dang / 'bring dang / chen po dang / bde ba chung ngu dang / 'bring dang / chen por 'gyur ro// de la lha'i ris gnyis ni ri rab la gnas so// bzhi ni sprin gyi phung po ltar nam mkha' la gnas so// de la lha'i ris dang po ni mdor
- 25a
bsdus na rgyal chen bzhi'i ris rnams so/ / de dag gi gnas dang po ni 'phreng thogs rnams te/ de dag kun nas ri rab kyi phyogs bzhi la brten cing gnas so// de la 'phreng thogs de rnams kyi bye brag dang po nyid du 'byung ba ni 'di lta bu yin la/ phyogs phyogs de rnams kyi bye brag kyang ming dang las kyis 'gyur te/ de ltar las du mas bskyed pa'i tshe/ de la gnas pa bde ba nyams su myong bar 'gyur la/ gzugs dang / lang tsho dang / g.yo ba rnam pa du mar 'gyur ro// las kyi dra ba kun ni rgya'i 'bur ltar 'byung ste/ rgyu med pa ma yin/ 'dod rgyal las ma byung / las ga bskyed pa ma yin no/ / de lta bas na skyes bu gang bdag skyid par 'dod na dge ba'i chos rnams la 'bad par bya'o// sems can rnams kyi las dge ba dang / mi dge ba dang / lung du ma bstan pa'i las ni thog ma med pa'i dus nas zhugs pa yin te/ las kyi dra ba gang gis sbrel ba'i sems can rnams ni zo chun rgyud mo ltar sems can dmyal ba dang / dud 'gro dang / mi'i 'jig rten gyi 'khor bar yongs su 'khyam mo/ / srog chags rnams ni kun nas gar gyi ltad mo pa lta bu yin te/ dge ba'i las kyi mtha' spyad pa ni lha'i 'jig rten du skye bar 'gyur ro// de la lha rnams gnas pa ri'i rgyal po ra rab ni'i phrag drug cus yongs su bskor ba yin la/ rin po che sna tshogs 'bar ba'i 'phreng ba'i 'od kyis gsal bar byas pa/ steng na 'bab chu dang / lteng ka dang / pad+ma'i rdzing rnam pa sna tshogs kyis mdzes par/
- 25b
byas pa/ 'phang du dpag tshad brgyad khri bzhi stong yod pa/ ngos bzhi rin po che las byas pa/ las legs par byas pa'i lha rnams kyis yongs su bskor ba/ sa bde ba 'bar ba du mas gsal zhing dga' ba yin te/ de la 'di ltar dge slong de thog ma kho nas sa'i cha rnam par 'byed do// de la gnas dang po ni lha 'phreng thogs kyi yin la/ de dag gi gnas bcu yod de/ 'di lta ste/ zur la gan+da pa dang / mtha' la gnas pa dang / 'bras bus nye bar 'tsho ba dang / yon tan dkar po spyod pa dang / thams cad rab tu dga' bar gnas pa dang / 'gro mgyogs dang / yul la chags pa dang / 'dod pa la chags pa dang / yid g.yo ba dang / tshal dang nye ba'i tshal na gnas pa yin te/ de ltar gnas rab tu dbye ba ni bcu yod do// ri rab kyi ngos 'dzam bu gling logs su lta ba gang yin/ pa de na ni/ zur na gnas pa zhes bya bar ming btags so// de'i 'og tu gnas pa de dang de gang nye ba na mtha' la gnas pa zhes bya bar ming btags so// nub kyi ba lang spyod kyi phyogs gang yin pa de na 'bras bus nye bar 'tshe ba zhes bya bar ming btags so/ / de dang nye ba na yon tan dkar po spyod pa gnas so// shar gyi lus 'phags kyi phyogs gang yin pa de na thams cad rab tu dga' bar gnas pa zhes bya ba gnas so/ / de dang nye ba na 'gro mgyogs gnas so// byang gi sgra mi snyan gyi gling gi phyogs gang yin pa de ni yul la chags pa gnas so// de dang nye ba na 'dod pa la chags pa dang / de dang nye ba na yid
- 26a
g.yo ba dang / de dang nye ba na tshal dang nye ba'i tshal na gnas pa zhes bya ba gnas te/ de dag ni gnas so so kun la dpag tshad stong stong yod do// de dag gi dang po ni rgya mtsho'i nang gi steng yin te/ de dag gi tshe ni mi rnams kyi lo lnga bcu gang yin pa de'i nyin zhag gcig yin no// de ltar bsgyur ba'i lo lnga brgya thub ste/ dus su 'chi ba'ang yod/ dus ma yin par 'chi ba'ang yod do// de nas yang dge slong las kyi 'bras bu rnam par smin pa shes pa de/ gnas de dag gi dga' ba la rtog par byed de/ las gang gis gnas der skye bar 'gyur snyam nas/ des thos pa las byung ba'i shes pabs brtags na/ gang gis legs par byas pa'i las 'di byas na skye bar 'gyur te/ de ni 'di ltar shin tu dang ba'i sems de la yid zhugs pa gzhan du ma g.yengs pa'i yid gsal bas/ sangs rgyas sam / chos sam/ dge 'dun la skyabs su song na/ de 'chi ba'i dus byas nas bde 'gro mtho ris kyi 'jig rten zur na gnas pa zhes bya ba der shin tu dang ba'i sems de skyabs su song ba'i rgyus skye bar 'gyur ro// der skyes nas kyang de'i lus gzi brjid dang ldan zhing / lus rang gi 'od kyis brgyan la bde bar gnas par 'gyur ro// 'di lta ste/ cung zad cig dpe bya na 'khor los sgyur ba'i rgyal po'i bde ba gang yin pa de ni lha gnas pa gcig gi bcu drug gi char yang mi phod do/ / gnas de dag gi chu'i nang na mu tig gi bye ma yod la/ de'i ming ni 'di yin te/ 'di lta ste/ 'dod pa 'byung zhes bya'o// de'i mthu ni 'di lta
- 26b
bu yin te/ 'di lta ste/ mtha' la gnas pa dang / zur la gnas pa'i lha'i yid la bsams pa gang yin pa de dag chu'i rnam pa chu bo do las 'thob bo// gzhan yang chu bo mu tig dang byu ru 'bab pa zhes/ bya ba yod de/ lha mo'i tshogs kyis yongs su bskor ba yin no// de na'ang rin po che rnam pa sna tshogs 'bab ste/ 'di lta ste/ bai DUR+Ya'i thur ma dang / rdo rje'i dum bu dang / nor bu mthen ka dang / mthon ka chen po dang / spug ma mdog rnam pa du ma ste/ gzhan yang zur na gnas pa'i lha de dag brgyan par bya ba'i phyir rnam pa de lta bu dag 'byung ngo // de dag gi sems la brgyan par 'dod pa'i rgyan gang yin pa/ dag de las 'thob par 'gyur ro// gzhan yang chu bo spos chu zhes bya ba 'bab ste/ de na'ang bya ngang pa dang / ka ra na da pa dang / ngur bas brgyan la/ 'gram gnyis ka shing ljon pa dang / gser gyi shing ljon pa dbyibs dang kha dog sna tshogs dang ldan pa rnams kyis yongs su bskor cing / bya rnams kyis kyang yongs su bskor ba yin no// 'di ltar lha rnams kyis dri bsnams na yid rab tu dga' la/ de ltar yang dang yang rtag tu de la snas bsnams nas dri tshor ba dang / snom pa po brgya 'gyur du yid dga' bar 'gyur te/ de dag gzhan yang 'dod pa'i yon tan lnga 'byor cing ldan par gyur pa rnams kyis dga' bar byed do/ / shing rnams kyi rnam pa ni 'di lta bu yin te/ 'di lta ste/ yal ga dmar la lo ma ljang khur 'dug pa dang / yal ga ljang khu la lo ma dmar por 'dug pa dag go/ lo ma'i kha dog lnga la
- 27a
'di lta ste/ sngon po dang / ser po dang / ljang khu dang / nag po dang / dkar po dang / bung ba kha dog sna tshogs dang ldan pa rnams kyis mdzes par byas pa/ sgra 'byin pa rnams kyis rtag tu yid dga' ba yin te/ de ltar legs par byas pa'i las kyi 'bras bu dag la rtse bar byed/ dga' bar byed/ yongs su spyod par byed do// ri rab dag la rin po che sna tshogs kyi rtse mo dang / gad kha dang / bu kha dag kyang yod do// de la ri 'di lta bu dag yod de/ 'di lta ste/ mtho zhing bkra ba/ 'bab chu sna tshogs bsil ba/ bya skad snyan pa 'byin pa/ spos kyis bsgos pa/ dus tshigs dang rtag tu ldan pa yin te/ rin po che sna bdun gyis brgyan pa'i ri rnam pa de lta bu la zur na gnas pa'i lha rnams dga' bar byed/ yongs su spyod par byed cing bde ba sna tshogs kyis ni myos/ lha mo rnam pa sna tshogs kyis ni yongs su bskor/ dgod pa dang / 'gying ba dang / rtsed mo ni byed de/ ji srid du gsum la skyabs su song ba'i las kyi 'bras bu rnam par smin pa las byung ba 'dod pa sdug pa/ yid du 'ong ba zad par ma gyur pa de srid du 'dod pa'i yon tan lnga rnams kyis dga' bar byed la/ phyis kyang mya ngan las 'das pa'i mtha' 'thob par 'gyur ro// gal te mi rnams dang skal ba mnyam par mir skyes na/ las de dang rgyu 'thun par de rtag tu dga' la mchog tu bde ba dang ldan par spyod pa dang / nor rdzas dang ldan par 'gyur ba mthong ngo // de nas
- 27b
yang dge slong las kyi 'bras bu rnam par smin pa shes pa de lha'i 'jig rten la rtog par byed de/ des thos pa las byung ba'i shes pas lha 'phreng thogs rnams kyi gnas gzhan mtha' la gnas pa zhes bya ba mthong ngo / / lha'i 'jig rten der las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa gang gis tshul khrims dang ldan pa dag la tshul khrims dang ldan pa yin no snyam yid la byas nas/ / chu bo las bsgral ba'i phyir stegs btsugs sam/ gru byin te chu bo chen po skye bo mi bde ba las sgrol bar byed cing sdig pa la'ang mi 'jug na/ de lus dang bral nas bde 'gro mtho ris lha'i 'jig rten mtha' la gnas pa'i lha rnams kyi nang du skye bar 'gyur ro// der skyes nas kyang legs par byas pa'i las kyi mtha' spyad pa de/ lha'i ris der bde ba sna tshogs la gnas shing / lha'i 'jig rten de pad+ma'i rdzing gis yongs su bskor ba yin no// de na pad+ma'i rdzing bsil la shin tu dang ba/ ro dang / dri dang / mdog skyon med pas gang ba yin la/ lha mo'i tshogs rtag tu dgod pa dang / ldem pa dang / rtse ba dang / yongs su spyod pa rnams kyis gang ba yin no// de na de lha mo'i tshogs mang po dag gis shin tu mchod la/ lus rin po che sna tshogs kyis brgyan to/ / rna bar sil snyan rnam pa lnga dang ldan la/ lha mo de rnams kyis nye bar rtsen te bde bar gnas pa/ tshal dang nye ba'i tshal dang / lteng ka dang kun dga'
- 28a
ra ba rnams su bde ba myong ba byed do/ / de na lteng ka yod pa dag ni 'di lta ste/ 'bab bde dang / bud med sdug dang / mthong dga' dang / kun dga' dang / sprin 'phreng dang / steng ka 'phreng dang / yid bzhin sna tshogs dang / dus mi mthong ngo // tshal dag kyang yod de/ mthong na nyams dga' dang / mthong na yid 'thun dang / rlung legs par mngon ldang dag go/ me tog gi rnam pas mdzes pa bzhi yod de/ 'di lta ste/ spos 'byung dang / sna tshogs dang / bung ba mngon dga' dang / rtag tu nyams dga' ste/ tshal de rnams su lha de lha mo rnam pa sna tshogs dgra gis yongs su bskor cing / / 'dod pa'i yon tan lnga la sems chags pa bde ba myong bar byed do// rin po che sna tshogs kyis lus brgyan pa de thogs pa med pa'i 'gros dang / nyams pa med pa'i 'gros kyis gang dga' bar 'gro zhing gar dga' bar byed do/ / yul lnga la chags pa de/ ri las chu bo 'bab pa ltar nyin gcig bzhin bde ba 'phel te/ dbang po lnga chu lta bu/ 'dod pa rlabs lta bu dag la rtse zhing skyed mos tshal nas skyed mos tshal/ nags tshal nas nags tshal// lteng ka nas lteng ka/ gser gyi ri'i rtse mo rin po che sna tshogs kyis rgyan pa nas ri'i rtse mo gzhan dag la 'gro bar byed do// rtse bar byed pa/ lha mo yid du 'ong zhing dga' ba me tog 'phreng bzang po dpe med pa thogs pa rnams kyis yongs su bskor cing bza' ba dang btung ba rnam pa sna tshogs kyis lus shin tu tshim pa yin te/ de ltar de srid du de'i 'dod pa sdug
- 28b
pa/ yid du 'ong ba/ legs par byas pa'i las kyis sprul pa dpe med pa/ legs par byas pa'i rgyu las byung ba zad par ma gyur pa de srid du bde ba myong bar byed do// de las de zang nas de nas shi ste gal te mi rnams dang skal ba mnyam par mir skyes na/ las de dang rgyu 'thun par de drang dkan chel 'byor pa dang ldan zhing rgyal po'i mdzod kyi spyan du'ang 'gyur bar mthong ngo // de nas yang dge slong las kyi 'bras bu rnam par smin pa shes pa de lha 'phreng thogs rnams kyi gnas la rtog par byed de/ des thos pa las byung ba'i shes pas brtags na/ lha 'phreng thogs rnams kyi gnas gsum pa 'bras bus nye bar 'tsho ba zhes bya ba ji ltar 'dug pa mthong ngo / / der legs par byas pa'i las gang gis lha rnams kyi nang du skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa/ lus dang / ngag dang / yid rab tu zhi ba/ byams pa bsgoms pa'i sems gang gis lo nyos mi zad pa phal cher byung ba'i yul rnams su/ 'di ltar lam du zhugs pa bkres par gyur pa gang yin pa de dag 'bras bu de rnams kyis shin tu tshimi zhing ba bar gnas par bya'o snyam nas/ sems can rnams la phan pa dang bde bar bya ba'i phyir/ 'bras bu'i shing ngam/ kun dga' ra ba dag bskyed cing byas la/ de dag kyang de ltar shin tu bde bar gyur na/ de lus dang bral nas bde 'gro mtho ris lnga'i 'jig rten 'bras bus nye bar 'tsho ba zhes bya ba'i lha de rnams kyi nang du skye bar 'gyur ro// der skyes nas kyang de lha mo gzug
- 29a
dang lang tsho dpe med pa dang ldan pa/ bde bar gnas pa mtshungs pa med pa rnams kyis yongs su skor bar 'gyur ro// tshal dang / nye ba'i tshal dang / lha'i me tog dang / 'bras/ bu phun sum tshogs pa dang / gser gyi byu ru'i dra ba'i phyang ba dang / dril bu ga yer ka'i sgra bsgrags pa de dag tu shin tu dga' bar byed de/ bde ba la chags pa'i dbang po lnga shin tu bde ba dang ldan no// den tshal dang dga' bar 'gyur ba 'di lta bu dag 'byung bar 'gyur te/ 'di lta ste/ 'bras bu kun phyed ces bya ba'i tshal dang / kun dga' gzhi zhes bya ba'i tshal dang / dman pa dang mtho ba zhes bya ba'i tshal dang / kun nas bde ba zhes bya ba'i tshal dang / rtag tu dga' ba zhes bya ba'i tshal dang / bung ba rtag myos zhes bya ba'i tshal dang / gser gyi grib ma zhes bya ba'i tshal te/ tshal de rnams su lha mo'i tshogs kyis yongs su bskor nas dga' bar byed la/ pad+ma'i tshal dang / lteng ka dang / 'bab chu sgra lhung lhung 'bab pa'i tshal rab tu mang po dag na'ang dga' bar byed do// rang gi 'od dang shing ljon pa rab tu 'bar zhing gsal ba dang / bya rtag tu myos shing sgra 'byin pa dang / kha zas mang po bzas mi lang ba dang / rin po che sna bdun gyis mdzes par byas pa/ ri'i rtse mo rnam pa sna tshogs dag na'ang mngon par dga' bar byed do// den ri rab kyi rtse mo'i ming 'di lta bu dag yod de/ 'di lta ste/ ri'i 'od kyi 'phreng ba zhes bya ba dang / 'dzam bu'i tshal dang / chu dkar dang / dgod 'phreng dang / rtag dga' ste/ ri'i rtse mo de dag na lesra
- 29b
bar byas pa'i las kyi mtha' spyad pa dag mngon par dga' bar byed do/ / rang gis legs par byas pa'i las kyis bsgyur te gnas pa rtag tu yul la dga' ste/ ji skad bstan pa'i gnas de dag naH/ mo brgya phrag du mas yongs su bskor ba dang lhan cig dga' bar byed/ yongs su spyod par byed do// 'dir tshigs su bcad pa/ mtho ris thams cad 'dod pa ni// rgyu chung ba yis thob par 'gyur/ debs nyes par spyad spangs te// rtag tu legs par spyad la spyod// sbyin pa sems la goms pa dang // tshul khrims yongs su bsrungs pa ni// 'dod pa'i yon tan lnga 'byor pa// lha yi gnas su 'gro bar byed/ / ji ltar tshul khrims legs bsrungs pa// pa mngon dang bshes 'grogs dang // gnyen 'dun dag gi bde ba yang // de lta bur ni myong mi 'gyur// tshul khrims 'di dang pha rol skyob// tshul khrims 'di yi rten gyi mchog/ nul khrims rtag tu ldan pa'i mi// bde las bde ba 'thob par 'gyur// rang gi las kyis bsgyur ba dag/ sbyin dang tshul khrims yang dag spyod// mi gang gtsang mar spyod/ ba rnams// de dag lha yi gnas su 'gro// tshul khrims gter ni zad mi shes// tshul khrims bde ba mtha' yas te// tshul khrims lhags par bsrung ba'i mi// rtag tu bde bar gnas pa yin// bsngags/ ba dang ni nor 'dod dang // pha rol mtho ris ngag la dga'// bde gsum 'tshol bar 'dod pa yi// blo dang ldan pas tshul khrims bsrungs// mi gang tshul khrims ldan pa ni// tshul khrims nyid la sten
- 30a
pa n+d+he/ / c-i med pa ste// sa sbyi nga// rnag da pa'i smras/ 'dunags N+DI mun la sogs hU~M / dU b+h+ya ga m asate/ / debs rgyus rnamapa yang dag spyod// rdum thams / 'an med pa// rdum rnams sngags pa men// la pa sanan ma dang nag// tshul khrims das gros pa drus/ rgyab khrims rtag tu ste// / tshul khrims 'tsha la pa rnam par spyad// tshul la mngon par dga' ba'i mi// de ni mya ngan 'das dang thA// skyes bu nul khrims ldan pa bsngags// tshul khrims ldan pasnyen par/ byed// tshul khrims nyi ma skye bur mdzes// tshul khrims 'jal pa rnam par spyad// dri ma med cing gnod pa sod// rims nad med cing mya ngan med// rdzogs sangs rgyas kyis chub khrims bstanas/ m+b+hi na 'das pa'i grong byer te// rtan tshus khrims ldan pa yi// mi dag nges par kun N+Da 'azhengs// rdul khrims yongs su bzungs pa ni// tsha ba dzin mi 'jigs so// tshul khrims thog sa dege/ bde ba thams cad rab tu 'dug// skyes bu rgya la khrims ldan pa bsngags// tshul 'tshal dga' ba ba lang yin// rdul khrims 'tshal ba'i mi dag ni// dud 'gro rnams dang mtshungs pa yin/ bya dang mi bya mi shes te// de bas tshul khrim yang dge spyod// tshul khrims gos kyis gang g.yogs pa// skyes bu de ni gi yogs pa yin// tshul khrims spangs pa gang yin pa// gcer bu den b+haH/
- 30b
dang mtshungs// skyes bu tshul khrims ldan pa ni// rang gi skyed tshal 'gro ba bzhin// tshul khrims ldan pa 'di 'ongs pa// der ni gnyen ltar sems par byed// tshul khrims gtsang ma yang dag/ spyod// dge ba'i las dang ldan pa yin// skye bo bya ba legs byas pa// de ni lha yi 'jig rten 'gro// skyes bu tshul khrims rtag ldan pa// 'dod pa gang dang gang 'chol ba// de dag de yis so sor 'grub/ / tshul khrims kyis ni yongs su 'phel// 'jig rten 'di dang pha rol tu// tshul khrims grogs kyi mchog yin no// de bas grogs po yon tan mchog/ tshul khrims nyid la rtag tu spyod/ / bkres skom 'jigs pa mi bzad pa// nyam ngar skyobs pa mchog yin te// tshul khrims gnas shing bsgoms pa bstod// 'jig rten pha rol nye bar 'gro// gang zhig/ tshul 'bras 'di lta bur// gal te tshul ldan rab shes na// de ni mtshon rnon thogs nas 'dir// bdag nyid mgul gcod la sogs byed// dpe med bshad du med pa ste// shin tu dge dang yang dag ldan/ / tshul khrims 'bras bu dri ma med// bde bar gshegs pas rab tu bstan// dang po de bzhin bar du dge/ de bzhin tha mar dge ba yin// tshul khrims 'bras bu dri ma med/ de ni dge las bde chen thob// de bas de yis de'i yon tan// rig nas tshul nyid rtag tu spyod// 'di dang gzhan du skyobs byed pa// tshul khrims lta bu gang yang mong // de ltar dge slong tshul khrims
- 31a
kyi yon tan gyi kho na nyid la sems pa de tshul khrims la ni bstod par byed la/ tshul khrims 'chal pa la ni rtag tu spyod par byed do// de ltar de lta'i gnas na 'dod pa'i yon tan tra/ 'byor pas bde ste/ der ji srid du dge ba'i tshul khrims deso so yang dag par ldan par 'gyur ba de srid du dga' bar byed do// de dag zad nas de shi ste/ gal te mi rnams dang skal ba mnyam par mir skyes na las de dang rgyu 'thun par rdzu 'phrul dang ldan zhing gzugs shin tu blta na spyug pa dang / gnas dang nye ba'i tshal gyi bar dag tu skye bar 'gyur ro// de nas yang dge slong las kyi 'bras bu rnam bar smin pa shes pa de lha 'phreng thogs kyi gnas la rtog par byed de/ des thos pa las byung ba'i shes pas lha 'phreng thogs rnams kyi gnas bzhi pa gang na lha dag dga' bar byed pa yon tan dkar po spyod pa zhes bya ba ji ltar 'dug pa mthong ngo / / de sems can dag las gang gis skye bar 'gyur snyam nas/ des thos pa las byung ba'i shes pas brtags na/ me ton 'phreng bas 'tsho ba/ blo gan pa yid dang zas som rlung dang baspyod pa dang / zhing dang dngas pA la nA san tan dang ldan la// sems son tan dang ldan pa ma yin pa las dri zhugs pa nang yis sangs rgyas sam/ mdzad na dag la me tog skyes pa gang shin dulam/ da gus dang bral nas bde 'gro mtho ris kyi 'jig rten yon tan dkar po spyod pa'i lha rnams kyi nang du skye bar 'gyur ro// der skyes nas kyang de lus yon tan dkar po'i 'phreng ba btags so// gnas de 'ang
- 31b
/ kun nas bai DUrlabs lhag pa'i rin po che sna bdun gyi rdo rnams kyis mdzes pa yin no// gnas de rin po che sna bdun gyis spras pa'i bya skad snyan pa 'byin pa rnams kyis kyang yongs su bskor ba/ kun nas gsal ba yin te/ de nas yang brgya 'gyur du shin tu gsal bas mdzes pa yin no// de ltar gnas de rnam pa du mas brgyan cing / shing ljon pa rnams kyis kyang mdzes pa yin te/ 'di lta ste/ 'gram na pad+ma skye ba dang / rgyan du bya bar blo yod pa lta bu'i ljon pa dag la gos spos kyis bsgos pa'i dri rnams kyis dpag tshad du khyab la/ me tog rtag tu 'byung ba dang / 'bras bu rtag tu 'byung ba yin te/ gnas de rnam pa de dag dang / gzhan de dag gis mdzes pa yin no// de na bde ba la gnas pa de dag kun dga' ra ba dang / chu bo dang / lha mo'i tshogs sna tshogs glu len cing yul nas yul dang / gnas nas gnas dang / skyed mos tshal nas skyed mos tshal du yongs su rgyu ba na bde ba dag myong bar byed la/ bgad pa dang / rtses pa dang / dga' ba dang / dga' dgur spyad de bde bar gnas pa dag ba spyod pa spyad cing bde ba myong bar byed do/ / gnas de dma' ba dang mtho bar yang 'gyur te/ mar gsar ltar 'jam pa/ rkang pa bzhag na nems zhes byed la/ rkang pa bteg na phar ces byed do// gnas de phyogs gzhan dag tu shing bal ltar yang 'jam par 'gyur te/ nems zhes byed pa dang / bar ces byed pa ni snga ma bzhin no// shing thams cad kyang rang las 'od 'byung ste/ nyi ma'i 'od ltar bde ba yin la/
- 32a
gser gyi shing ljon pa de rnams ni nams kyang lo ma rnyis par mi 'gyur/ me tog rnyis par mi 'gyur te/ de ltar las las skyes pa'i tshul khrims kyi dbang gis yongs su sbrel/ legs par byas pa'i las kyis mngon sum du gyur pa'i rgya'i 'bur lta bur lha'i bde ba dpe med pa dag myong ngo / / rnam pa de lta bur nyams dga' ba skyed mos tshal dang / nags tshal dang / lteng ka de dag tu rang gi las ngan pa dang / 'bring dang / bzang po rnams kyis lha dag rtse bar byed cing dga' dgur spyod do// rang gi las kyis lus brgyan pa rnams rang las 'od 'byung la gzugs dang / sgra dang / dri dang / ro dang / reg bya dag myong zhing de dag gi lus nams kyang nyams par mi 'gyur la/ bkres pa dang skom pa'ang med do// sgra dang / ro dang / gzugs dang / dri zhim pa rnams kyis tshim pa med pa'i lha sred pa la sems chags pa dag gang dang gang 'dod pa de dang de nyid lha rnams la 'grub la/ gang dang gang 'grub pa de dang de dag gzhan gyis nyams par mi byed do// lha rang dgar spyod cing / rtag tu mgu ba/ rtag tu yid rab tu dga' ba/ gar dga' dgur rab tu 'gro ba'i lha sprul pa dag rang dga' rnam par rgyu la/ lus sbom pa'i lha dag ni lus yang bar 'gyur ro// mig btsum pa dang phye ste 'gro ba'i lha dag ni mig btsums pa dang phye bas dpag tshad bye ba bye bar 'gro'ang ngal ba med la yang bar 'gyur ro/ / dper na nam mkha' la rlung ngal bar mi 'gyur la/ de bzhin du lha rnams la'ang ngal ba'i skyon med par
- 32b
'gyur ro/ / yid gsal ba'i lha rnams kyi lus ni yang la dri ma dang bral ba yin no// thams cad du 'gro bar nus pa dag ni gzugs ji ltar 'dod pa bzhin du 'gyur la/ lha dang lha mo'i rab tu dga' bas kun tu gang pa/ lha'i na chung thams cad tshal dang / nye ba'i tshal dag na 'khod pa/ lha dang lha mo rnams lhan cig 'dod pa'i yon tan lnga 'dod pa myong bar bya ba/ sdug pa myong bar bya ba/ yid du 'ong ba myong bar bya ba/ bde bar gnas pa myong bar bya ba rnams kyis dga' bar byed do/ / de ltar phan tshun gnas pa mtho ris kyi gnas ri brags dang / tshal dang / nye ba'i tshal gyi bar sna tshogs dag na 'bral ba'i sdug bsngal rtsis la ma chags par yul mi brtan pa rnams kyis nyin gcig bzhin myos pa ni bag med par gnas pa/ dga' ba'i 'dod chags kyi mod las byung ba'i sred pas bslus pa rnams ji srid du de'i 'dod pa sdug pa yid du 'ong ba'i las mtho ris su skye ba'i rgyu las byung ba/ byas shing bsags pa zad par ma gyur pa de srid du dga' bar byed do// de phyis de nas 'chi bar 'gyur te/ shi nas kyang rang gi las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te'ang legs par byas pa'i las kyis mi dang so so yang dag par myong bar 'gyur ba mi rnams kyi nang du skyes na/ las de dang rgyu 'thun par de grong khyer gyi dpon po dang / yul gyi dpon por 'gyur te/ skye bo rtag tu dga' ba rnams kyis gang ba'i yul du skye bar 'gyur la/ nad med pa dang / gzugs bzang po dang ldan par 'gyur bar
- 33a
mthong ngo / / de nas yang dge slong las kyi 'bras bu rnam par smin pa shes pa de lta 'phreng thogs kyi gnas la rtog par byed de/ des thos pa las byung ba'i shes pas lha 'phreng thogs rnams kyi gnas thams cad dga' bar gnas zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na tshul khrims dang ldan pa'i sems pa gang gis gzhan la mi gnod par me tog bskyed nas sam/ tshong zong gis nyos nas btogs te/ sangs rgyas bcom ldan 'das la phul na/ de lus dang bral nas bde 'gro mthe ris kyi 'jig rten thams cad dga' bar gnas pa'i lha rnams kyi nang du skye bar 'gyur ro/ / der skyes nas kyang de bde ba rnam pa bani myong bar 'gyur te/ 'di lta ste/ 'gran bla med pa dang / gar dga' dgur 'gro ba dang / lha gzhan gyis zil gyis mi non pa dang / lha mo'ang lha gzhan la mi brten pa dang / sil snyan yan lag lnga dang ldan pas skyid par byed/ yongs su spyod par byed/ rtse bar byed/ dga' bar byed/ yang dag par dga' bar byed cing gnas so// rtse ba rnam pa sna tshogs kyis rtse bar byed de/ 'di lta ste/ chul rtse ba dang / pad+ma rdzing na rtse ba dang / me tog la rtse ba dang / 'bras bu la rtse ba dang / sbom la rtse ba dang / byal rtse ba dang / tshal gyi nang na chu zhing rtse ba dang / bung ba sgra 'byin pa'i rtse la/ phan tshun blta bas mi ngoms pa'i lha mo'i tshogs kyis yongs su bskor ba dag dga' bar byed do//
- 33b
lha dang lha mo phan tshun du phrag dog byed pa'i sdug bsngal spangs pa dag dri shin tu zhim pos legs par bde ba dang ldan no// gnas de pad+ma'i rdzing rnams kyis kyang yongs su bskor ba yin te/ 'di lta ste/ pad+ma'i rdzing shin tu dri zhim pa dang / pad+ma marnyis pa'i rdzing dang / pad+ma dang ut+pa lar 'dres pa dang ldan pa'i pad+ma'i rdzing dang / de dang gzhan dag gis kyang brtan du gang ba'i pad+ma'i rdza de dag yod de/ rnam pa de lta bu'i pad+ma'i rnam pa du ma dag gis pad+ma'i rdzing de kun nas khebs pa yin no/ / de rnams su lha dga' ba la gnas pa dag shin tu nyams dga' ba dang / mchog tu bde bar byed pa rnam pa sna tshogs kyis bde ba myong ngo / / tshal gser gyi lo ma can du bung bas 'khrigs pa'i tshal gyi bar dag na'ang dga' bar byed do// spos sna tshogs dang ldan pa dag na bya sgra snyan pa 'byin pa dag kyang thos te/ de'i khyad par ni mi'i sil snyan yan lag lnga dang ldan pa dag gis bcu drug gi char yang mi phod do/ / de ltar de dag gi mig kyang gzugs rnams kyis yang dag par rim par byed/ rna ba'ang rol mo sna tshogs dang / glu rnam pa sna tshogs kyis snyan par byed/ pags pa'ang gos thags su ma btags pa rnams kyis 'jam par byed/ sna'ang lha'i dri rnam pa du mas zhim par byed de/ de ltar yul lnga la chags pa de dga' ba rnam pa du ma dang / gzugs rgyun mi 'chad pa gzhan gyis mi 'phrogs pa/ gzhan gyis bskrun du med pa'i bde ba du ma dang / lha'i bza' ba dang btung ba mdog bzang ba dri dang ro zhim pa du ma dag kyang myong ngo // de gar dga' bar yang
- 34a
'gro ste/ rang gi las dang 'thun par gar dga' bar 'gro'o// de ltar de tshal nas tshul dang / pad+ma'i rdzing nas pad+ma'i rdzing dang / nye ba'i tshal nas nye ba'i tshal dag tu lha mo'i tshogs dums yongs su bskor te/ yongs su rgyu bar byed cing bde ba sna tshogs dag la gnas so// de'i 'dod pa sdug pa yid du 'ong ba'i las kyi 'bras bu la nye bar spyod pa na/ shing ljon pa rang gi 'od dang ldan pa rnams kyis yongs su bskor ba/ gser gyi bya'i tshogs kyi sgra thos na yid dga' bar byed pa rnams kyis rna bar snyan par byed de/ de ltar de lta'i gzugs kyi bde ba dpe med pa du ma gzhan gyis mi 'phrogs pa de/ ji srid du de'i 'dod pa sdug pa/ yid du 'ong ba/ zhing dam pas bskyed pa/ mthar mya ngan las 'da' bar 'gyur ba'i las zad par ma gyur pa de srid du myong bar byed do// gang gi tshe zad par gyur te phyis lha'i 'jig rten de nas 'chi/ bar 'gyur te/ shi nas kyang rang gi las nye bar 'gro po ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi dang so so yang dag par myong bar 'gyur ba'i las kyis mi rnams kyi nang du skyes na/ de grong khyer ram/ grong khyer chung ngur dbang byed par 'gyur/ 'byor pa mang ba dang / blo rgya che ba dang / bran khol du ma dang ldan pa dang / shin tu bde ba dang ldan pa dang / zhing bzang po legs par byas pa'i las des mthar mya ngan las 'da' bar 'gyur bar mthong ngo / / de nas yang dge slong las kyi 'bras bu rnam par smin pa shes pa de lha 'phreng thogs kyi gnas la rtog
- 34b
par byed de/ des thos pa las byung ba'i shes pas lha'i 'jig rten gyi gnas dag na lha'i gnas 'gro mgyogs zhes bya ba ji ltar 'dug pa mthong ngo // der sems can dag las gang gis skye bar 'gyur snyam/ nas/ des thos pa las byung ba'i shes pas brtags na/ tshul khrims dang ldan par gyur pa gang gis tshal mes bsregs pa'i gsab gseb tu srog chags dag sreg pa na/ chus gtor te thar par byas pa dang / skad cig de la shi ba la thug pa rnams kyi 'jigs pa bskyabs na/ de lus dang bral nas bde 'gro mtho ris kyi 'jig rten lha 'phreng thogs rnams kyi nang du skye bar 'gyur ro// der skyes nas kyang mi 'jigs pa sbyin par byed pa/ mi 'jigs pa sbyin pa'i tshul khrims kyi rgyu las byung ba de lha'i bde ba dpe med pa de myong bar 'gyur ro// de'i gzugs dang / sgra dang / dri dang / ro dang / reg bya ba de ba dag 'thob la/ lha mo'i tshogs brgya phrag du ma dag gis yongs su bskor cing sil snyan dang / bro gar dang / dga' dgur spyod pa'i tshogs mang po brgya snyed kyis yongs su bskor to// gzhal med khang chen por gser gyi lan kan ni bres/ dril bu g.yer ka'i sgra ni drag tu 'khrol/ mu tig gi dra bas ni skar khung g.yogs/ nor bu sngon po brgya snyed kyis brgyan pa dag na/ lha mo'i tshogs du mas yongs su bskor cing dga' bar byed do// lha mo gang dang gang mthong ba de dang de dag gi rjes su yid chags shing // de dag la dga' ba bskyed/ de dag la mig chags/ de dag rjes su chags la/ de bde ba la mngon par rtog pa na/ rgyan dang cha byad sna tshogs
- 35a
'bum snyed kyis brgyan pa/ lus rtag tu spos kyis byugs pa/ rtag par rab tu dga' ba rnams kyis yongs su bskor ba yin te/ de ltar tshul dang 'thun pa rnams mthong nas shin tu/ dga' bar byed do// rna bas sgra mnyan par bya ba'ang 'dod pa sdug pa yid du 'ong ba rnam pa du ma dag thos te/ 'di lta ste/ gser gyi bya rkang pa dang / mnu byu ru ltar dmar ba/ ri dang / 'bab chu dang / gsab gseb na 'khod pa sna tshogs dag gi sgra rnams thos so/ / gang dag dpe bya bar yang mi nus pa de dag kha cig ni ri la dong ste/ mngon par dga' bar byed do// kha cig ni ri'i gseb tu dong / kha cig ni me tog gi gseb tu dong / kha cig ni chu'i nang na rgyu/ kha cig ni nam mkha' la dong / kha cig ni gad kha dang sman ldong du dong / kha cig ni gser gyi ri phug tu dong nas sgra snyan pa 'byin te/ de ltar rna bas kyang 'dod pa sdug pa yid du 'ong ba thos so/ / snas kyang shin tu dri zhim pa myong ba ste/ 'di lta ste/ me tog dri ngad dang ldan pa dpe med pa du ma bsnams na bde ba dang / lha mo dri bsung dang ldan pa dang / gzhan yang dri zhim po rnam pa sna tshogs dag la snom par byed de/ de ltar snas kyang dri 'dod pa sdug pa yid du 'ong ba dag la snom par byed do// lces kyang ro myang bar byed de/ 'di lta ste/ bdud rtsi rnam pa du ma dag gi khyad par gang yin pa dag ni me'i sbrang chang dang sbyar ba'i chang gis 'bum gyi char yang mi phod de/ de ni cung zad cig dper bya ba yin no// lus kyis kyang gang dang gang la reg pa thags su ma btags pa'i gos nyid la reg
- 35b
par byed de/ de dag kyang 'jam zhing nem la srab pa/ reg na bde zhing dga' ba rnam pa du ma dag gyon no// yid kyis kyang gang dang gang bsam pa de dang de nyid de la 'grub par 'gyur te/ 'grub pa gang yin/ pa de ni 'dod pa sdug pa yid du 'ong ba gzhan dang thun mong ma yin pa 'grub par 'gyur ro// de ltar sred ba drug po rnam pa du ma dag la blo rnam par chags pa de bde ba du ma 'byor cing ldan par gyur nas/ pad+ma'i tshal du ma'i nang du mngon par dga' bar byed do// de bzhin du byu ru dang / gser btsa ma'i tshal du ma dang / bya sgra snyan pa 'byin pa rnam pa sna tshogs kyi nang na mngon par dga' bar byed do// de bzhin duH mo'i nang du song nas dga' bar byed do/ / de bzhin du nor bu'i gzhal med khang gi nang nas dga' bar byed do// de bzhin du lha'i pad+ma'i rdzing gis yongs su bskor ba dang / chu bo dang 'bab chu'i phyogs bkra shis pa rnams su dga' bar byed do/ / de ltar rnam par smin pa sred pa sna tshogs de/ dge slong des thos pa las byung ba'i shes pas mngon par brtags nas/ 'di ltar tshigs su bcad de smras pa/ dbang po drug las byung ba yis/ / yul gyi bud shing sreg byed pa// sred pa'i me yis lha rnams sreg/ shing mes de ltar ga la bsregs// bde bas yongs su bslus pa rnams// bde la dga' zhing bde bas bsgribs sred pas yongs su bsdus pa rnams/ / ltung bar 'gyur ba mi shes so// bde kun zad pa'i mthar 'gyur te// bde ba la ni rtag pa med// lha dag lha yi 'jig rten nas// 'chi ba'i sdug bsngal gang yin dang /
- 36a
dmyal bar sdug bsngal gang 'byung dang // 'bral ba sngon du 'dren byed pas// gal te bdag nyid bde 'dod na// de phyir bde la chags mi bya// dam/ pa'i chos dran pa nye bar gzhag pa bam po nyi shu drug pa/ dge slong des de ltar rjes su bsams nas 'jig rten du gtogs pa'i bde ba rang dbang med cing mi brtan pa mthar ltung bar 'gyur ba de dag la mngon par brtags te/ kye ma sems can 'di dag ni/ sred pas yongs su bslus nas ltung bar 'gyur ba khong dum chud do snyam nas/ de mtho ris la'ang sems 'dod chags dang bral lo// de ltar lha de lha'i 'jig rten de na ji srid du de'i 'dod pa sdug pa yid du 'ong ba byas shing bsags pa zad par ma gyur pa de srid du lha mo de dag dang dga' bar byed/ yongs su spyod par byed do// de phyis de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par shin tu bde ba dang ldan zhing rtag tu 'jigs pa med pa dang / skye bo thams cad dga' ba dang / rgyal pos bkur ba dang / ji srid 'tsho'i bar du gnod pa meng la/ mi 'jigs pa byin pa de phyis mthar mya ngan las 'da' bar 'gyur bar mthong ngo / / de nas yang dge slong las kyi 'bras bu rnam par smin pa shes pa de lha 'breng thogs kyi gnas la rtog par byed de/ des thos pa las byung ba'i shes pas lha 'greng thogs rnams
- 36b
kyi gnas yul la chags pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas// des thos pa las byung ba'i shes pas brtags na/ legs par byas pa'i las kyi mtha' spyad pa/ phan par 'dod pa'i sems dang ldan pa gang gis mdza' shes dang / gnyen 'dab dang / rtse lag dag so sor byed de/ gcig la gcig gnod par byed pa'i blo can dag bsdums byas na/ de lus dang bral nas bde 'gro mtho ris kyi 'jig rten yul la chags pa'i lha rnams kyi nang du skye bar 'gyur ro/ / der skyes nas kyang legs par byas pa'i las kyi mtha' spyad pa de/ gnas der bsam pa dga' dgur 'grub ste/ gang dang gang bsams pa de dang de dag de nas 'thob par 'gyur ro// 'di lta ste/ rgyan dang / bgo ba sna tshogs dang / de bzhin du rna cha gdub kor dang / dpung rgyan de dag mtho ris dang mthun par 'thob bo// chu bo dang / 'bab chu dang / sal sul dang / glu dang rol mo'i sgra dbyangs sna tshogs 'byung ba dang / 'di lta ste/ byA tan da pa'i sgra rnams kyi nang na dga' bar byed/ lha mo'i glu dbyangs snyan pa brag cha 'byin pas kyang dga' bar byed de/ de rtag tu yid dga' ba yin no// ngang pa'i shing rta rin po che sna tshogs brgyan pa/ rin po che sna bdun gyis spras pa rnams kyis tshal dang / nye ba'i tshal dang / 'bab chu dang / pad+ma'i tshal rnams su rgyu bar byed do/ / lha mo'i tshogs kyis yongs su bskor cing / tshal dang nye ba'i tshal bzang pos 'tshol/ gser gyi pad+ma rnams kyi nang na mngon par dga' bar byed do// de na tshal 'di lta bu/
- 37a
dag yod de/ 'di lta ste/ byu ru'i tshal dang / bai DUR+Ya'i tshal dang / shing rta la ba tin tu ka'i tshal dang / bya mos pa'i tshal dang / pad+ma dang ldan pa'i tshal dang / bya ta na nga ba'i tshal dang // khu byug gi tshal te/ tshal de rnams su legs par byas pa'i las kyi so bon grogs su gyur pa dga' bar byed do// chu bo'ang lha'i chu dang ba dag yod de/ 'di lta ste/ 'bab chu dang / pad+ma dang / nye ba'i tshal dang / lteng ka nor bus brgyan pa dang / yid la ji ltar 'dod pa'i chu sgra yid du 'ong ba dang / bya'i sgra myur bar 'byung ba ste/ chu bo de dag gis gnas gang yin pa rtag tu brgyan pa yin no// 'di lta ste/ gang na chu/ 'bab pa med pa na/ gzugs dang / dri dang / ro rnam pa sna tshogs dang / bud med gzugs sna tshogs dang ldan yang / gang yon tan dang mi ldan pa 'am/ sbrum ma lta bur mi mdzes la/ de bzhin du mtho ris kyi gnas der dga' bar mi 'gyur ro/ / de bas na lha'i 'jig rten na chu gtso bo yin te/ chu las skye ba 'byung / chus mngon par dga' bar byed la/ kun nas nyon mongs pa rnams kyis ro dang nye bar tshal du bgrod pa de'i nang na 'di lta ste/ tshul 'di ni ro'i mchog yin no// de lta bas na lha dang mi rnams kyi rgyan du gyur pa dang yo byad du gyur pa ni chu yin la/ lha dang mi kun gyis bya ba 'am/ don ni de la rag las pa yin no/ / chu yon tan de lta bu dang ldan par rig nas/ chu la mngon par dga' ba'i lha de dag mngon par dga' bar byed/ yongs su spyod par byed la/ chu sgra lhung lhung por 'bab pa de dag tu dga'
- 37b
bar byed do/ / de chu bo'i 'gram de dag tu mngon par rtses nas/ chu me long ltar gsal ba ga la ba der 'gro bar byed do// de lha'i tshal lha'i bde ba phun sum tshogs pa de na/ shing ljon pa me long ltar gsal/ ba mthong ngo // shing ljon pa de dag gi sdong po me long ltar gsal la/ de dag gi nang du gang gis legs par byas pa'i las nges par myong bar 'gyur ba byas pa dag thams cad nas thams cad du snang ngo / / legs par byas pa'i las de dag gi mthus shing de dag gam/ tshal gyi bar gyi sa gzhi gsal ba de dag tu 'am/ gser gyi sa gzhi me long lta bur gsal ba 'am/ tshal gyi bar gyi sa gzhi bsil ba rnams su gang dang legs par byas pa dang / nyes par byas pa de dang / de'i legs par byas pa'i las kyi mthus gnas de rnams su mthong bar 'gyur ro// shing ljon pa de dag pa 'am/ tshal gyi bar gyis gzhi de dag tu 'am/ sa gzhi bsil ba de dag tu las legs par byas pa'i bde ba dang / tshe rabs brgya snyed nas bsags pa'i nyes par byas pa de dag kyang mthong ngo // de legs par byas pa'i las kyis bsgrubs pa mthong ba dang / sa de rnams dang gzhan dag la'ang snga ma bzhin du dga' bar byed do// des ji ltar sngon skye ba dang 'chi ba'i las kyis 'bras bu byas shing / 'gro ba lngar gtogs pa'i bde ba dang sdug bsngal bsgrubs pa'i las de dag ji lta ba bzhin mthong ste/ des gal te sems can dmyal ba'i las mi gtsang ba byas na de bzhin du mthong ngo // sems can dmyal ba yang sos dang / thig nag dang / bsdus
- 38a
gzhom dang / ngu 'bod dang / ngu 'bod chen po la sogs par sems can dmyal ba'i gnod pa gang 'byung ba de dag thams cad snga ma bzhin mthong ste/ sems can dmyal ba rnams su/ 'byung ba yan chad snga ma bzhin mthong ngo // ji ltar lha rnams kyi bde ba dpe med pa de ltar sems can dmyal ba pa rnams kyi sdug bsngal rnam pa du ma'ang mthong ste/ de sems can dmyal ba der gtogs pa'i sdug bsngal las ches sdug bsngal ba mngon par mthong ngo / / bdag gcig pus mthong ba dang / gang lha'i 'jig rten du gtogs pa lha'i bde ba yul gyi rnam pa de ltar byung ba de dag kyang ji ltar tshe rab gzhan dunye/ bar spyad pa de ltar ma brjed de des mthong ngo // shin tu mi mthun par gyur pa sems can dmyal ba'i sdug bsngal rnam pa mang po de dag des mthong nas/ bde ba de thams cad bde bar tshor ba med de/ 'di stalta ste/ chu bo gang+gA'i nang du lan tshwa srang gcig btab pa mi tshor ba de bzhin du/ de'i yid las byung ba nges par myong bar 'gyur ba'i lha'i bde ba de dag tshor ba med do// glu dbyangs dang / sil snyan gyi dbyangs la dga' ba dang / bya'i sgra di re ri 'don pa'ang bdag nyid kyis gnas skabs de dag dran nas/ tshal gyi bar gyi sa gzhi dag la bde ba so sor myong ba med do// de gal te lha'i bde ba des sems g.yengs nas brjed pa dang / yang de phyogs gzhan zhig gi shing ljon pa'i sdong po dag la/ bdag nyid yi dgas su gyur nas/ sdug bsngal rnam pa sna tshogs kyis gzir cing lus bkres pa dang skom pas gdungs par
- 38b
mthong ngo / / nges par myong bar 'gyur ba'i las bskul ba de/ bdag nyid kyis de ltar mthong nas/ de nas yang 'jigs pa skyes te des lha gzhan dag la 'di skad smras so// grogs po dag shing ljon pa rnams la mi sdug pa 'di dag mthong ngam/ ji ltar bdag gis mthong ba ltar ci khyed kyis mthong ngam/ de dag gis 'di skad ces smras so// bdag cag gis ma mthong ste/ gang gis nges par myong bar 'gyur ba'i las ma byas pa de dag gis ni de nyid mi mthong la/ gang gis byas pa des ni mthong ngo // bdag nyid yi dgas kyi 'jig rten du 'gro ba des/ lha de dag la smras pa/ grogs po dag khyed kyis mthong ngam/ des smras pa/ mthong ngo // de nyid yi dgas kyi 'gro ba der sdug bsngal chen po mthong nas/ ji ltar tshe rabs stong du gyur pa de ltar lha'i bde ba de dag brjed do// de shin tu yi chad nas/ de nas yang yul de nas 'pho bar byed do/ / de nas yang lha'i bde ba'i dbang du gyur nas/ de gzugs dang / sgra dang / dri dang / ro dang / reg bya yid du 'ong ba la ni chags/ tshal dang / nye ba'i tshal dang / pad+ma'i rdzing gi 'gram rnam pa sna tshogs dang / bya sgra sna tshogs 'byin pa dang / tshal gyi bar dag na dga' bar byed la/ lha mo cha byad sna tshogs thogs pa dang yang lhan cig dga' bar byed do// de nas yang sred pas bdas pa na/ yang skabs shig tu me long lta bu'i tshal du song ba dang / de nas yang nges par myong ba'i las kyis bskal bas bskal pa bdag nyid dud 'gror song nas/ gcig la gcig za ba de mthong ste/ gzhan gyis kyang
- 39a
la za la/ des kyang gzhan la za ba/ dud 'gro phan tshun za ba'i sdug bsngal chen po ji ltar sngon des byas pa bdag nyid kyis mthong ngo // des bdag nyid de lta bur gyur pa mthong nas/ de nas yang mi dga' ba chen po skyes te/ bdag nyid kyis gzugs che la mi sdug pa/ sdug bsngal gyis rnam pa mang po du ma ci ste mthong zhig gu snyam nas/ des yang gzhan dag la snga ma bzhin smras so// de nas yang yul la sems rnam par chags pa/ yul gzugs dang / sgra dang / dri dang / ro dang / reg bya sdug pa rnams kyis dbang du gyur pa dag de ltar 'khor ba'i sdug bsngal gyi phyung mo la nyug go/ de nas yang me long lta bu'i tshal de nyid du mir skyes pa mthong ste/ ji ltar mdza' bshes dang / gnyen 'dun dang / rtsa lag phan tshun khon byung ste bye ba dag sdud cing bsdums byas pa'i tshul khrims kyi las dang ldan pa thams cad des mthong ba dang / bdag ni rgyu de dang / rkyen de dang / gzhi des lus dang bral nas bde 'gro'i lha'i nang 'dir skyes pa lta snyam nas/ des las bdag gir bya ba dang / las kyi bgo skal la spyod par bdag nyid kyis mthong ngo / / des de dag mthong nas/ de nas yang mi dga' ba skyes so// de nas yang sems mi brtan pa lha'i bde ba'i dbang du gyur pa de/ gzugs dang / sgra dang / dri dang / dang / reg bya bde ba dag la spyod par byed do// de ltar sems rab tu myos pa de/ de nas yang bde ba'i myos pas sems g.yengs pa rab tu myos shing bag med pa la gnas pa dag dge ba'i las kyi 'bras
- 39b
bu de nyid la spong bar byed do/ / des bdag nyid lha'i 'jig rten de nas shi ste gzhan du skye la/ de nas yang sems can dmyal ba dang / yi dgas dang / dud 'gro'i nang du skye bar mthong ngo // de nas bdag tinyid de lta bur 'gyur ba mthong ba dang / shin tu mi dga' ba skyes nas/ gnas 'di ni mi rtag pa/ mi brtan pa/ 'gyur ba'i chos can yin te/ de lta bas na 'di nas bdag 'chi bar 'gyur zhing / lha mo 'di dag la yang bdag dbang bar mi 'gyur te/ kye ma chos thams cad ni 'bral ba dang / 'dus byas kyi chos rnams ni mi brtan la/ gnod pa dang bcas pa/ rtab rtab por 'dug pa yin te/ bdag cag ni phan tshun 'bral ba yin no snyam mo/ / de de ltar sems pa dang / 'jig rten skyong ba dag gis/ lha'i 'jig rten la smras pa/ nga khyed cag thugs dgyes par mdzod cig/ 'dzam bu gling na da dung du chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa dag yod pas/ lha'i phyogs ni 'phel lo// bdud kyi phyogs ni 'grib bo// 'jig rten na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba byung ste/ de chos 'chad pa/ thog mar dge ba bar du dge ba/ za bar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ bde ba thams cad dang ldan pa/ zhi ba'i
- 40a
chos ni 'di lta ste/ 'di ni gzugs/ gzugs 'di ni kun 'byung ba/ gzugs 'di ni 'gog pa/ gzugs 'di ni 'gog par 'gyur ba'i lam yin no zhes 'chad do// de thos nas/ me long lta bu'i tshal de na 'khod pa gang yin pa bdag nyid kyi las kyi 'bras bu'i rnam pa mthong ba des/ 'jig rten skyong ba de dag la smras pa/ sangs rgyas bcom ldan 'das 'jig rten du byung ba/ dgra bcom bapa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba de su zhig yin/ de nas 'jig rten skyong ba dag gis slar smras pa/ 'dzam bu gling du byung ba 'di ni sems can thams cad la chos ston pa yin no// de nas lha de 'jig rten skyong ba dag la de skad thos nas/ 'dzam bu gling ga la ba der 'gro bar byed de/ lha de lha'i 'jig rten na 'chi ba'i sdug bsngal gyis 'jigs skrag/ mi'i 'jig rten na 'chi bas 'jigs skrag/ dud 'gro'i 'jig rten na gcig la gcig za bas 'jigs skrag/ yi dgas/ kyi 'jig rten na bkres pa dang skom pa'i sdug bsngal gyis 'jigs skrag/ sems can dmyal ba dag na gnod pas 'jigs skrag ste/ de ltar 'gro ba lnga rnams na 'jigs pa lnga yod par mthong nas/ bcom ldan 'das kyi drung du song ba dang / bcom ldan 'das mdzes pa/ gsal ba/ dbang po zhi ba/ thugs zhi ba/ dul ba dang / zhi gnas mchog brnyes pa/ dul ba dang / zhi gnas dam pa brnyes
- 40b
pa/ skyes bu glang po/ skyes bu cung mkhyen pa/ gser gyi phung po skar gzi brjid 'bar ba/ ti ma gnyis pa ltar 'od gsal ba/ ri rab ltar brtan pa/ mtsho ltar thub pa/ gser gyi'i bo lta bu shing ljon pa'i drung na bzhugs pa des rgyang ring po nas mthong ngo / / lha'i yang lha rnam pa de lta bu de mthong nas dad pa skyes pa'i lha bcom ldan 'das ga la ba der song nas/ bcom ldan 'das kyi zhabs gnyis la gtugs te phyag 'tshal nas/ phyogs gcig tu 'dug ste/ lhas bcom ldan 'das la 'di skad ces gsol to// bcom ldan 'das gang rtag pa/ brtan pa/ ther zug pa/ 'gyur ba ma mchis pa'i chos dang ldan pa'i gnas lta mchis lags sam/ de nas bcom ldan 'das kyis/ lha dag la 'phags pa'i bden pa bzhi'i gtam de dag bstan to// de nas lha rnams kyis bcom ldan 'das las gtam de dag thos nas/ ji lta ba bzhin sems la bzung ste/ de nas yang lha'i 'jig rten ga la ba der dong ngo // der dong nas kyang de nas yang lha'i bde ba rnam pa lnga dang ldan pa rnams ji srid du de'i 'dod pa sdug pa yid du 'ong ba byas shing bsags pa zad par ma gyur pa de srid du dga' bar byed do/ / de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi dang skal ba mnyam par mi rnams kyi nang du skyes na/ las de dang rgyu mthun par de kho na nyid
- 41a
mthong bar mi 'gyur la/ de rtag tu mdza' bshes dang / gnyen 'dab dang / rtsa lag shin tu mi phyed pa dang ldan zhing / nor bzang po dang ldan par 'gyur ba mthong ngo // de nas yang dge slong las kyi 'bras bu rnam par smin pa shes pa de lha 'phreng thogs kyi gnas la rtog par byed de/ des thos pa las byung ba'i shes pas lha'i 'jig rten na 'dod pa la chags pa zhes bya ba ji ltar 'dug pa mthong ngo / / der sems can gang dag las gang gis skye bar 'gyur snyam nas/ des thos pa las byung ba'i shes pas brtags na/ gang gis chos mnyan pa byas na/ de lus dang bral nas bde 'gro mtho ris kyi 'jig rten yul la chags pa zhes bya ba'i gnas kyi pha rol na/ 'dod pa la chags pa zhes bya bar gnas pa'i lha rnams kyi nang du skye bar 'gyur ro// der skyes nas kyang / des legs par byas pa'i las kyi 'bras bu 'byung ba ni 'di lta ste/ dngul gyi khang pa na 'dug pa ltar rin po che sna bdun gyi gzhal med khang yangs pa gser gyi stegs bu can lha'i bya rnams kyis yongs su bskor ba dag 'byung ste/ 'di lta ste/ bya yid du 'thad pa dang / sgra kun 'byin pa dang / chu na rgyu ba dang / gser lta bu dag ste/ bya de lta bu dag gis kun tu gang ba yin no// sa phyogs de na chu bo dang / 'bab chu dang / lteng ka dang / ba'i tshal dang yang ldan pa yin no// phyogs de na bya'i rnam pa 'bum snyed kyis kyang kun tu gang ba yin te/ de na lha rnams 'dod pa'i yon tan bzhi dang / kha cig 'dod pa'i yon tan lnga 'byor cing ldan par
- 41b
gyur pa rnams kyis dga' bar byed do/ / lha'i mig gis gzugs gang dang gang mthong ba de dang de dag 'dod pa sdug pa yid du 'ong ba mthong ngo // rna bas sgra gang dang gang thos pa de dang de dag kyang 'dod pa sdug pa yid du 'ong ba thos so/ / snas dri gang dang gang mnam pa de dang de dag kun kyang 'dod pa sdug pa yid du 'ong ba la snom mo// lces ro gang dang gang myang bar byed pa de dang de dag kyang 'dod pa sdug pa yid du 'ong ba myong ngo / / lus kyis gang dang gang la reg pa de dang de dag kyang 'dod pa sdug pa yid du 'ong ba la reg par byed do// yid kyis gang dang gang la sems pa de dang de dag kyang 'dod pa sdug pa yid du 'ong ba la sems shing 'grub par 'gyur te/ 'dod pa'i yon tan lnga la sems chags pa de shin tu bde ba dang ldan par gnas so// 'dod pas chags pa'i lha rnams kyi gnas ni gzhan dang mi 'dra bar lha'i gnas bapa dang ldan te/ bde ba dag myong ba na ji srid du de'i 'dod pa sdug pa yid du 'ong ba/ bde bar byas pa/ shin tu nyams dga' ba/ 'jig rten 'di dang 'jig rten pha rol la phan pa/ tshul khrims kyi las byas pa ma zad kyi bar du de de na bde ba myong ngo / / de phyis 'dod pa sdug pa yid du 'ong ba'i gnas de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de las de dang rgyu mthun par yul chen
- 42a
bor shin tu 'byor pa dang ldan pa dag tu skye bar 'gyur te/ 'di lta ste/ ka shi dang / ko sa la ngag tu rgyal rigs shing sA la chen po lta bu dang / bram ze'i rigs shing sA la chen po lta bur skye bar 'gyur ba mthong ngo / / de nas yang dge slong las kyi 'bras bu rnam par smin pa shes pa de lha'i 'jig rten la rtog par byed de/ legs par byas pa'i las kyi mtha' spyad pa gang gis 'phreng thogs kyi gnas yid g.yo ba'i lha rnams kyi nang du skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur pa/ sems pa yod po yid gsal bas zhing bzang po mngon par shes pa/ gus shing sems dang ba gang gis sangs rgyas sam/ mchod rten nam/ dge 'dun gyi gnas phyag bdar legs par byas na/ de lus dang bral nas bde 'gro mtho ris kyi 'jig rten yid g.yo ba'i lha rnams kyi nang du skye bar 'gyur ro/ / der skyes nas kyang de'i lus sha dang / rus pa dang / chu ser dang bral ba las/ dri bsung dpag tshad brgyar 'byung la/ ji ltar me long shin tu g.ya' med pa'i nang du thams cad snang ba de ltar lha'i ris don nye bar gnas pa gang yin pa thams cad snang ste/ de ltar legs par byas pa'i las kyi 'bras bu la nye bar spyod do// gnas de dag na lha'i tshal bzhi yod de/ 'di lta ste/ skyon med pa'i tshal dang / gsal ba'i tshal dang / dri zhim pa'i tshal dang / me tog man da ra ba'i tshal te/ mang po dag na sngon po ni bai DUR+Ya/ ze ba ni dngul las byas
- 42b
pa'i pad+ma'i rdzing yod la/ bya ngang ba dang / ka ran da ba dang / ngur pa sgra 'byin pas gang ba/ me tog mdog dang dri sna tshogs dang ldan pa rnams kyis khebs pa/ 'dam rdzab kyi skyon dang bral ba/ nu rnyog pa/ dang bral ba/ nya lcibs dang bral ba/ chu rtag tu dri zhim pas gang ba yin no// tshal de dag na dus tshigs rab tu dga' bar byed pa drug yod la/ bya dag bya mo dang lhan cig 'khod pa snang ste/ rdzing du dong dong nas dga' bar byed cing rang gis byas pa'i las la spyod do/ / shing ljon pa de dag kyang dus tshigs thams cad du rtag tu me tog gis rgyas la/ rnyis pa'i skyon dang bral ba/ phan tshun 'gran pa ltar dus thams cad du me tog rgyas so/ / de ltar legs par byas pa'i las kyis mtha' spyad pa de tshal dang / nye ba'i tshal de rnams su lha mo yid du 'ong ba'i rgyan dang / cha byad dang / spud pa sna tshogs thogs pa rnams kyis yongs su bskor nas/ 'dod pa sdug pa yid du 'ong ba'i bde ba dag myong bar byed do// sred pa'i yul la rnam par chags shing dga' ba/ yul drug la blo shin tu chags pa de/ chu'i nang na nya rgya'i gseb tu nya chud de/ nya rgyas bsdus pa ltar bde bas nam cung zad kyang skyo bar mi byed de/ de ji srid du de'i 'dod pa sdug pa yid du 'ong ba'i las ma zad pa de srid du de na lha'i bde ba rnam pa du ma la spyod do// de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te lan grangs gzhan la myong bar
- 43a
'gyur ba'i las kyis mi rnams dang skal ba mnyam par mi'i nang du skyes na/ de rang gi las dang rgyu mthun par ded dpon chen por gyur te/ shin tu 'byor pa dang ldan pa dang / rgyal pos kyang bkur bar 'gyur ba mthong ngo / / de nas yang dge slong las kyi 'bras bu rnam par smin pa shes pa de lha 'phreng thogs kyi gnas pa rtog par byed de/ des thos pa las byung ba'i shes pas lha 'phreng thogs rnams kyi gnas gang na lha 'khod pa tshal dang / nye ba'i tshal na gnas pa zhes bya ba ji ltar 'dug pa mthong ngo // de dag las gang gis der skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur pa sems dang ba/ dge 'dun la zhing du shes pa gang gis chos gos bya ba'i phyir bas 'bru gcig phul la/ phul nas kyang yang dang yang du sems kyis yongs su spel bar byed/ rjes su dga' bar byed/ bdag nyid la bdag nyid rab tu dga' bar byed na/ de lus dang bral nas bde 'gro mtho ris kyi 'jig rten tshal dang / nye ba'i tshal na gnas ba'i lha rnams kyi nang du skye bar 'gyur ro/ / der skyes nas de lha'i tshal dang / nye ba'i tshal na ni gnas/ bdag nyid gar dga' dgur ni 'chag cing 'gro/ chu la'ang mi nub par 'gro ste/ 'di lta ste/ thang la 'gro ba bzhin du 'gro la/ de bzhin du bar snang lo'ang thogs pa med par 'gro'o// de ji skad bstan pa'i gnas rnams su lha'i 'phreng ba dang gos ni gyon/ shin tu bde ba dang ni ldan/ rang dga' nyam bag
- 43b
tu gnas shing dga' bar ni byed/ tshal dang / nye ba'i tshal dang / 'bab chu dang / lteng ka nyams dga' zhing shin tu dri zhim pa sna tshogs kyi nang na lha mo'i tshogs kyis ni yongs su bskor/ nyi ma gnyis pa/ ltar rang gi gzi brjid kyis 'bar zhing lha'i bde ba rang gis byas pa'i rgyu las byung ba/ rgyu'i stobs dang 'brel ba la nye bar spyod par byed de/ gzhan gyis byas la/ gzhan spyod pa ni med do// rang gis byas pa'i las kyi 'bras bu la spyod pa/ las kyis nges par 'byung ba'i srog chags rnams legs par byas pas ni lha dang mi rnams kyi nang du skye bar 'gyur la/ nyes par byas pa sa ni sems can dmyal ba dang / yi dgas dang / dud 'gro rnams kyi nang du skye bar 'gyur ro// legs par byas pa'i las kyis der skyes pa ji srid du legs par byas pa'i las zad par ma gyur pa de srid du de na bde ba la spyod par byed do/ / de phyis de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ / gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de las de dang rgyu 'thun par skye bo tshal na gnas pa rnams kyi nang na 'byor pa dang ldan zhing / gzhan gyis gnod pa med pa/ rang dgar longs spyod par 'gyur ba mthong ngo // de nas yang dge slong las kyi 'bras bu rnam par smin pa shes pa des lha 'phreng thogs
- 44a
rnams kyi gnas bcu ma lus par brtags nas/ lha gzhan lag nu yol go thogs zhes bya ba dag la rtog par byed do// lha de rnams kyi gnas gang na gnas pa rang dga' zhing / rang gi yid dang mthun par 'dod pa ji tsam yod snyam nas/ des thos pa las byung ba'i shes pas brtags na/ 'di ltar lha lag na yol go thogs pa rnams kyi gnas kyang bcu yod de/ 'di lta ste/ pad+ma'i nang na rgyu ba dang / bung ba'i sgra snyan pa dang / sbrul chags pa dang / dris dregs dga' dang / rlung la spyod pa dang / me tog 'phreng dga' dang / kun tu lta ba dang / rtag tu dga' ba dang / dril chags pa dang / spyi gtsug ste/ lha lag na yol go thogs pa rnams kyi gnas ni bcu po 'di dag yin no// sa de rnams na lha dag las so sor byas pa gang gis lha'i 'jig rten du skye bar 'gyur snyam des thos pa las byung ba'i shes pas brtags nas/ tshul khrims dang ldan par gyur cing legs par byas pa'i las kyi mtha' spyad pa/ sems bsgom pa'i yid dang ldan pa gang gis sangs rgyas dang // chos dang / dge 'dun la phyag 'tshal lo zhes lan gsum du brjod na/ de de mthar shin tu mya ngan las 'da' bar 'gyur ba'i las skyes pa yin te/ mi'i gnas skabs kyi rnam par smin pa gang yin pa de nas 'chi ba'i dus byas nas lus dang bral nas bde 'gro mtho ris kyi 'jig rten lha lag na yol ge thogs pa rnams kyi gnas pad+ma'i nang na rgyu ba zhes bya ba der skye bar 'gyur ro/ / der skyes nas kyang
- 44b
de'i gnas de ni yon tan lnga dang ldan pa'i ro shin tu zhim pa la chags pa'i mig mi 'dzums pa/ lus nyi ma ltar gsal ba/ lha'i 'dod pa dang / sdug pa dang / yid du 'ong ba la mngon par dag ba/ bya chu skyar gyi mdog lta bu'i pad+ma kun gyis mdzes par byas la/ pad+ma de dag nams kyang zhum par mi 'gyur ba dang / pad+ma re re las kyang lha'i dri dpag tshad tsam du 'byung ste/ des lha'i dri de dag thams cad dang / gzhan yang me tog rnam pa sna tshogs kyi dri rnams zil gyis gnon par byed pa dang / bung ba kha dog sna tshogs can kha cig gser gyi bya lta bur 'dug la/ kha cig ma he'i mig gi mdog lta bu dang / kha cig bai DUR+Ya'i mdog lta bur 'dug pa dag dag sgra rnam pa sna tshogs 'byin te/ de'i khyad par ni mi rnams kyis legs par bslabs pa'i pi wang gi sgra 'byin pa na/ shin tu snyan cing lhag par dga' bar byed pa'i sgra kun tu gang bar 'byung ba dag 'bum gyi char yang mi phong ngo / / de ci'i phyir zhe na/ lha'i 'dod pa la mis dper byar med pa'i phyir te/ mi gang gis kyang lha'i sgra mnyan par mi nus so/ / de ci'i phyir zhe na/ 'khor los sgyur ba dang / 'dod chags dang bral ba ma gtogs par de la mi'i 'jug pa'i yul ma yin no// 'di ltar 'khor los sgyur ba ni stobs dang ldan la/ dbang po rnams kyang stobs dang ldan pas lha dang mi'i 'dod pa la spong par nus so// 'di ltar 'dod chags dang bral ba ni de'i dbang po dga' bar 'gyur ba'ang med la/ g.yo ba'ang med de/ de ltar de
- 45a
na bung ba'i sgra 'byin pa dag des mnyan par mi nus so/ / dud 'gror gyur pa sems rmongs par gyur pa rnams kyi sgra'ang de lta bu yin na/ 'dod ba la sems chags pa'i lha'i tshogs rnams kyi glu dbyangs dang sgra lta smos kyang ci dgos te/ dpe med pa yin la/ 'di ltar sgra la chags par byed pa la'ang skyo bar mi 'gyur zhing / gzugs dang / dri dang / ro dang / reg bya rnams kyis kyang de dang mi mthun par skyo bar mi byed do/ / de ltar de sgo du ma de dang / sred pa'i sgo'i thabs du ma'i bde ba de dag la/ ji srid du de'i 'dod pa sdug pa yid du 'ong ba'i las mtho ris su skyes pa zang par ma gyur pa de srid du spyod par byed do/ / de phyis de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes ya/ mi rnams dang skal ba mnyam par mi'i nang du skyes na/ de las de dang rgyu 'thun par grong khyer du grong gi bdag po shin tu 'byor pa dang ldan pa 'am/ tshong dpon du gyur la/ gzhan du'ang rgyu dang / rkyen de dang / gzhi des mthar mya ngan las 'das par 'gyur ba mthong ngo // de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas/ lha rnams kyi gnas bung ba sgra snyan zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos
- 45b
pa las byung ba'i shes pas brtags na/ tshul khrims dang ldan zhing shes rab dang ldan pa sems pas bsgoms pa'i snying dang / snying rjes brlan pa'i yid sems can la phan par zhugs pas mchod rten la rol mo'i sgra dang dris mchod na/ de lus dang bral nas bde 'gro mtho ris kyi 'jig rten lha lag na yol go thogs pa rnams kyi gnas bung ba sgra snyan du skye bar 'gyur ro// der skyes nas kyang rang gi las kyi 'bras bu ya gnas pa de/ sil snyan dang / glu dbyangs dang / bro gar dang / dgod pa dang / 'jo ba dang / nyams dga' ba rnam pa sna tshogs kyi bde ba la spyod pa/ pad+ma'i dris myos pa'i lha mo glu dbyangs thos na yid 'phrog par byed pa'i dbyangs la ni nyan/ bde bar gnas pa'i kun dga' ra ba na nye bar spyod pa'i lha mo'i tshogs du ma dag ni dbyangs kyi sgra 'byin/ me tog rnam pa sna tshogs 'dres pa'i dri'i ngad kyis ni lus la reg cing rin po che du ma'i snas mdzes par byas pa'i ri rab kyi rtse rnams la sdug pa thos na shin tu dga' bar byed pa rnams dang lhan cig rnam par rgyu zhing gnas la dga' bar byed do/ / de ltar legs par byas pa'i las kyi 'bras bu la nye bar spyod pa mngon par mthong nas/ dge slong dge ba'i las la bstod cing 'di ltar tshigs su bcad de smras pa/ las 'di dag ni lha yi yul// gsum gyi them pa'i skas su gyur// de la 'dzeg pa'i mi rnams ni// lha yul bde bar 'byung bar 'gro// ngag la rnam pa bzhi ni bsdams// lus las byung ba rnam gsum mo// them skas bdun la 'dzeg nas su// lha yul gsum du 'gro/
- 46a
bar byed// tshul khrims spyod pa shin tu bde// nor spyod de ltar bde ma yin// nor gyis mi ni 'grib byed la// tshul khrims kyis ni 'grib mi byed// des ni mi dag legs par byed// so so dag tu'ang de mdzes so// de bas mtho ris 'gro ba la// thub mchog rnams kyis dge ba bsngags// skyes bu dge ba spyod pa rnams// skyed mos tshal du 'gro ba bzhin// lha yi 'jig rten du mar de// bde ba rnams kyis 'byung khung mchog/ rang gi lus las byung ba yis// 'od kyis de dag 'bar ba na// rang gi las kyis bskul ba rnams// mtho ris gnas na dga' bar byed// rtag tu dga' bar gnas pa dang / / rtag tu bde bar gnas pa yi// lha gang yin pa lha yi gnas// de na tshul khrims byed rgyu yin// tshul ldan de yi tshul khrims ni// du ma'ang legs par bsrungs pa yi// 'bras bu mtho ris smin par 'gyur/ / de bas tshul khrims rtag tu spyod// tshul khrims mtho ris skes yin la// bde ba 'byung ba'i gnas yin no// tshul khrims spangs pa'i mi dag ni// gang du'ang bde ba mi 'thob go/ / tshul khrims chu ni dang ba dang // kun tu rnam par gang ba yis// khrus byas mi dag lha yi gnas// lha yi 'jig rten 'gro bar 'gyur// lha yi 'phreng ba rgyan rnams dang // lha yi bde ba ldan pa gang / / de kun dge ba'i rgyu las byung // lha yi gnas na dga' bar byed// gang zhig lha mos yongs bskor dang // gang zhig nyi zla 'dra ba rnams// de kun dge ba'i rgyu las byung // lha dag lha
- 46b
yi nang na dga'/ / gang zhig bsams na 'byung byed pa// byung nas kyang ni 'grib med cing // dge ba rtag tu 'phel 'gyur ba// de kun dge ba'i rgyu las byung // gang zhig tshul khrims rjes 'jug pa// bde ba dag ni grangs med la// thams cad du ni 'phel byed la// mi yis thams cad 'thob par 'gyur// rtag tu dge ba spyod pa'i mi// rgyal pos kyang ni rtag tu bkur// dge bas mi ni dge bar 'gyur/ / de bas tshul khrims rtag tu spyod// dge ba spyod pa rtag tu dul// 'byung po kun la snying brtse'i mchog/ rtag tu sprin dang byams ldan pa// lha dag 'du ba'i gnas su 'gro// srog gcod pa las ldog pa dang / / sems can kun la snying brtse'i mchog/ yang dag las kyi mtha' ldan pa// lha dag 'du ba'i gnas su 'gro// ma 'byin cung zad len mi byed// sbyin la'ang de ni rtag tu dga'/ / blo ldan blo gros dbang po zhi// lha dag 'du ba'i gnas su 'gro// gang zhig log par g.yem dang bral// yang dag lam la rtag tu dga'// mya ngan 'das la som nyi med// lha rnams kyi ni nang du 'gro// gang zhig 'thungs na skyes bu dag/ yid la mi dga' mang byed pa// chang spangs shin tu brtan pa dag/ lha rnams kyi ni nang du 'gro// bde ba du ma sgyid byed cing / thams cad dbugs ni 'byin byed pa// tshul khrims legs par spyad bya zhing // nyes pa byas pa'ang rnam par spongs// de ltar dge slong des bde ba 'byung ba rnam pa du ma dag mngon par mthong
- 47a
nas/ bung ba sgra snyan gyi lha rnams la mngon par bstod do// de ltar lha de dag lha'i 'jig rten du gtogs pa'i bung ba mang po rnams kyis sgra snyan pa 'byin pa na/ ji srid du/ de'i 'dod pa sdug pa yid du 'ong ba'i las byas shing bsags pa zad par ma gyur pa de srid du sgra dang / dri dang / ro dang / reg bya khyad par du sdug pa dag myong bar byed do// de phyis lha'i 'jig rten de nas 'chi bar 'gyur/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par me tog gi 'phreng ba bzang po thogs shing rtag tu bde ba dang ldan pa dang / gnod pa med par gnas pa dang / yun ring du 'tsho ba dang / lodra spyod dang ldan par 'gyur ba mthong ngo / / de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos po las byung ba'i shes pas lha lag na yol go thogs pa rnams kyi gnas sgra la chags pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / sems shin tu bsgoms pa gang gis sangs rgyas gzi byin dpag tu med pa dang ldan pa la gdugs phul na/
- 47b
/ de lus dang bral nas bde 'gro mtho mas kyi 'jig rten sgra la chags pa zhes bya ba'i lha rnams kyi nang du skye bar 'gyur ro// der skyes nas kyang sgra'i bde ba dang ldan pa de gser dang / dngul dang / ben+na ri rnam pa sna tshogs la rgyu ba dag la bde ba rnam pa sna tshogs 'byung ste/ lha mo'i tshogs kyis yongs su bskor ba 'khor dang bcas pa dag rin po che sna bdun gyi ri'i rtse mo rnams su rgyu zhing / rol mo'i chol zhes bya ba'i tshal der 'jug par byed do/ / lha'i 'phreng ba dang gos gyon pa/ me tog gi 'phreng ba dang / phye ma dang / byug pa dang / lhan cig skyes pa'i dris rnam par brgyan pa de/ res 'ga' spos kyi tshal zhes bya ba'i shing ljon pa sna tshogs kyis mdzes par byas pa'i tshal du'ang 'jug par byed do/ / tshal de na chu bo dang / 'bab chu dang / lteng ka dang / pad+ma'i rdzing dang / shing ljon pas mdzes par byas pa yin te/ rnam pa ji tsam du 'dab chags kyis mdzes par byas pa'i rnam pa de tsam du/ 'od gang gis sdug pa lta bur lha'i 'od stong dang / 'od kyi rnam pa gzhan yang sngon po dang / ser po dang / btsod kha'i mdog tu 'byung ste/ tshal de kha dog bzang po yin no// las kyi mtha' spyad pa la zhugs pa'i tshal de na me tog du mas bsgos pa'i dri shin tu zhim pa'i dri ngang dang po'i rdzi 'byung ste/ gang gi tshe rdzi des lo ma de dag la phog par gyur pa de'i tshe/ rdzis phog pa'i lo ma phan tshun rig pa las rol mo'i sgra 'byung ste/ de'i khyad par ni lha ma yin gyi gnas na
- 48a
spyod pa'i rol mo dag gis bcu drug gi char yang mi phod pa'i rnam pa de lta bu dag 'byung ngo / / gang gi tshe lo ma re re la phog pa de'i tshe 'ang rol mo'i sgra shin tu chags su rung ba dag 'byung ste/ de sil snyan yan lag lnga 'byor cing ldan par gyur la/ yul shin tu nyams dga' zhing yid du 'ong ba rnams kyis myos so// de nas yang lo ma'i rol mo'i sgra des/ sred pa la chags shing dga' ba bag med pa brgya snyed la gnas par byed do/ / sgra la chags pa/ sgra la zhen pa/ sgras bslus pa de ji srid du de'i 'dod pa sdug pa yid du 'ong ba'i las byas shing bsags pa zad par ma gyur pa de srid du/ sgra dang / dri dang / ro dang / reg bya khyad par du sdug pa dag myong bar byed do// de phyis lha'i ris de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par rol mo la mngon par dga' bar 'gyur zhing / nor dang / 'bru dang / khyim dang / chung ma shin tu 'byor pa dang / yun ri 'du 'tsho ba dang / rgyal po'i pho brang du'ang bkur bar 'gyur ba mthong ngo // de nas yang dge slong las kyi 'bras bu rnam par smin pa shes pa des g+ha lag na yol go thogs pa rnams kyi gnas la rtog par byed de/ der lha dag las gang zhig gis skye bar 'gyur/ ming ni ci zhes bya snyam nas/ des thos pa las byung ba'i shes pas brtags na/
- 48b
lha'i 'jig rten na lha rnams kyi gnas dris dregs dga' zhes bya ba ji ltar 'dug pa mthong ngo // der sems can dag gis gang gis skye bar 'gyur snyam nas/ des thos pa las byung ba'i shes pas brtags na/ sems shin tu tshul khrims dang ldan pa/ sems yongs su bsgoms pa gang gis mchod rten gyi bum pa 'am/ gdugs la dri chab phul na/ de lus dang bral nas bde 'gro mtho ris kyi 'jig rten dris dregs dga'i lha rnams kyi nang du skye bar 'gyur ro/ / der skyes nas kyang lha'i bde ba dang ni ldan/ bde ba dpe med pa'i kha zas la ni brten/ lha'i bdud rtsi'i zas kyis ni tshim/ lus dang yid kyis gdung ba dang ni / bral/ lha'i 'phreng ba dang gos gyon pa/ rtag tu sil snyan yan lag lngas rtsen cing / dgod pa dang / dga' ba dang / rtse ba'i grogs dang ldan pa lha mo'i tshogs rnams ni glu dbyangs len/ nyin cig gcig bzhin rgyun mi 'chad par ri sul las chu'i shugs 'bab pa ltar bde ba rnams ni 'phel/ nor bu mthon ka dang / spug dang / dngul gyi ri'i rtse mo rnams su dga' bar byed cing / chu bo dang / 'bab chu dang / lteng ka rnam pa sna tshogs ni mthong // tshal gyi nang na gnas pa bya dang khu byug rnams kyang mthong ste/ lta ba du ma'i zi long bar lta ba/ tshal dang nags tshal yid du 'ong ba rnams su ltab byed kyang sems tshim pa med pa dag lha'i 'jig rten de na gnas so/ / chu bo dang / 'bab chu dang / lteng ka dang / tshal dang / nye ba'i tshal rnams na mtho ris kyi chu'i ro gang dang gang 'byung ba dag ni/ 'di ltar 'dzam bu gling na legs par byas pa'i
- 49a
las kyis rgun chang dang / sbyar ba'i chang dang / sha kha ra'i chang gi ro 'byung ba rnam pa de lta bur 'byung ngo // de ltar legs par byas pa'i las kyis mtha' spyad pa de/ lha'i 'jig rten de na ji srid du de'i legs par byas pa'i las zad par ma gyur pa de srid du/ lha mo'i tshogs du mas yongs su bskor ba dag dang dga' bar byed do// de phyis de nas 'chi bar 'gyur te/ shi nas kyang gal te/ lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par bran khyim bdog cing / nor dang 'bru mang po kun nas gang bar 'gyur ba mthong ngo // de nas yang dge slong las kyi 'bras bu rnam par smin pa shes pa de lha lag na yol ge thogs pa rnams kyi gnas la rtog par byed de/ des thos pa las byung ba'i shes pas lha lag na yol go thogs pa rnams kyi gnas rlung gis rgyu zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / sems yongs su bsgom pa'i snying dang ldan pa gang gis tsha bas gdungs pa'i dge slong rnams la rlung yab kyis rlung g.yangs te/ gang gis rlung 'byung ba reg na bde ba ku shi ra'i dri dang 'dres pas/ dge slong shin tu tsha bas gdungs pa de rnams rlung des bsam gtan dang / kha ton 'don pa dang /
- 49b
'jug par bya ba dag byed par nus na sbyin bdag de las byas pa'i rkyen des/ lus dang bral nas bde 'gro mtho ris kyi 'jig rten rlung la spyod pa'i lha rnams kyi nang du skye bar 'gyur ro// der skyes nas kyang legs par byas pa'i las kyi mtha' spyad po de la rlung dri zhim pa dpe med pa ldang ngo / / gang rgyal chen bzhi'i lha rnams kyi rlung dpe med pa ldang ba 'ba' zhig tu ma zad kyi/ lha'i ris gzhan nas rlung langs pa'i dri 'bum 'gyur du zhim la/ shin tu bsil bar yang ldang ste/ rnam par smin pa bzang po gcig dang / gnyis dang / gsum dang / bzhi dang / lnga 'gyur du 'byung ngo // der rgyal chen bzhi pa rnams kyi / rlung ni nyis 'gyur du 'byung ngo // rgyal chen bzhi pa rnams las lhag par sum cu rtsa gsum pa rnams kyi sum 'gyur du 'byung ngo // sum cu rtsa gsum pa rnams las lhag par 'thab bral ba rnams kyi bzhi 'gyur du 'byung ngo / / 'thab bral ba rnams las lhag par dga' ldan pa rnams kyi lnga 'gyur du 'byung ngo // dga' ldan pa rnams las lhag par 'phrul dga' ba rnams kyi drug 'gyur du 'byung ngo // de dag pas kyang lhag par gzhan 'phrul dbang byed rnams kyi yang 'byung ste/ de ltar sems can rnams kyi las kyi bye brag las 'gro ba'i rigs kyi bye brag tu 'gyur ro// las byas pa de dag mngon par mthong nas/ legs par byas pa'i las nges rlung la spyod pa'i lha de rnams la/ lha'i ris drug nas rlung langs pa dpe med pa dri zhim pa bde ba gang yin pa de dag ldang ngo // rlung de dag gi mthu cig gcig bshad par bya ste/
- 50a
'di ltar de'i mthu thams cad ni bshad par mi nus so// lha de rnams kyi rlung dga' dgur byed pa ldang ste/ de ni gang gi tshe rol mo'i sgra 'byung 'dod na/ de'i tshe rlung de ri dang nags/ tshal gyi gseg tu song nas ji ltar de lha mos rol mo byas pa cung zad kyang snyan pa mi 'gyur bar de lta bur ldang ngo // gal te shin tu dri zhim par 'dod na/ de gzhan 'phrul dbang byed kyi lha'i ri'i man cad kyi mdog dpe med pa dang ldan pa dag las langs nas lha de rnams kyi drung du ldang bar byed do/ / gal te shin tu bsil bar 'dod na/ de ji ltar de dag gi lus la bzod pa rnam pa de lta bu'i bsil ba ldang ngo // gal te yul gzhan du 'gro bar 'dod dam/ de bzhin du bai DUR+Ya'i ri rab kyi rtse mo lta bar 'dod dam/ de bzhin du dngul gyi 'am/ de bzhin du 'dzam bu chu bo'i gser gyi 'am/ de bzhin du shel gyi 'am de bzhin du me tog dang / 'bras bu dang / chu bo dang / 'bab chu dang / lteng ka dang / tshal dang / nye ba'i tshal bya dang / me tog nyams dga' ba'i yul sna tshogs blta bar 'dod pa dang / lha tshe sna tshogs kyis yongs su bskor te/ 'gro bar 'dod pa'i lha rnams la rlung sgra dang / dri dang / bde ba rnam pa du ma dang ldan pa de dag ldang bar bya do// tshal dang / nye ba'i tshal dang / dka' thub kyi tshal dang / ri khrong rnam pa sna tshogs su snga ma bzhin khyer bar yang byed do/ de ltar rlung 'ong ba dang 'gro ba dag/ 'dod pa lnga la dga' ba'i lha rnams dang lhan cig dga' bar byed/ rtse bar byed/ sangs su
- 50b
spyod par byed do/ / phrag dog dang 'thab mo dag gis skyo ba med pa/ phan tshun grogs su gyur pa/ phan tshun gnod pa med pa rnams yid gcugs shing gnas de dag la yid zhugs pa/ rang gi las kyis bsgyur ba rnams dga' bar byed do/ / lha'i 'jig rten na lha rang gi las tha ma dang / 'bring dang / bzang po rnams kyis rgya'i 'bur lta bur las kyi 'bras bu 'byung ba ni ji ltar rlung phrag dog dang ser sna dang bral ba'i shugs 'byung pa/ shugs zad nas sa la 'bab pa de ltar ji srid du las kyi rnam pa tha ma dang / 'bring dang / bzang po legs par byas pa'i rnam pa de de srid du 'byung ba'i shugs spyad la/ de nas yang legs par byas pa'i las zang nas lha'i 'jig rten de nas 'chi bar 'gyur ro/ / sems can rnams ni las kyi skye gnas las skye gang las la rton pa yin la/ ji ltar lami byas pa de ltar grI bar 'gyur te/ sems can rnams kyi/ ba ni rgyu med pa las byung ba ma yin no// dge slong nges las de dag mthong nas/ 'di ltar tshigs su bcad de smras pa/ ji ltar nyi ma'i rjes su dus 'gyur zhing // ji ltar dus kyi rjes su shing rnams skye// lhaltar las kyi rjes su skye ba 'byung // rgyu med pa la skye ba 'byung mi 'gyur// gang gis lus can bcings pa rnams// tshe rabs gzhan ni stong dag tu// rnam par chags pa mang po'i las// rnam gsum sun/ rgyud kyis bcings// ji ltar sbrang rtsi dug dang zas// 'dres pa yongs su spong bar byed// de ltar lha yi bder gtogs pa// mthar ni ltung ba rnam par spongs// gang zhig sdug bsngal 'chi ba na/ bsod
- 51a
as bde thun pa'o/ / dang bad sa rnams kyis smrasmra// darba du meng pa// regs byas pa ded pan byan// blon pa gang yang bsnang// rtswa myong gang smra tha ra/ zhes// sdug bsngal chen po rab tu bskyed// sred pa'i dug gis rnam bsregs shing // mya ngan gyis ni sems nyams te// lus dang ngag gi spyod dman pa// lha ni ltung ba dag gis 'jigs// bdod rnams shin tu su byid de/ / ji lta ji ltar ba myongs pa// nga lta de ltar yongs su gtong // de dag sdug bsngal rab tu che// lha yi phul nas ltung ba no// sdug bsngal rab tu skye ba gang // de yi khyad par sems can dmyal/ / bcu drug char yang mi phod do// sred pas 'khor ba kun byas pa// 'bar ba'i 'phreng ba rnams kyis dkrugs// srid pa'i srog gis bcings pa yi// sems can rnams ni ngan 'gror 'gro// lha yi 'jig rten 'chi ba'i mtha'/ / de bzhin sa stengs 'chi ba'i mtha'// 'khor ba las ni mi 'byung bas// sdug bsngal mthong nas rnam par spongs// skye bo bag med dga' ba gang // de ni thar pa mi 'thob ste// bag med dug gis rmongs pa ni/ / de la mya ngan 'das pa ring // bag med dgra yi mchog yin pas// bag med rnams la chags ma byed// shin tu bag med lha rnams ni// yang dag yang du dmyal bar ltung // gnas gsum 'khrul 'khor 'khor ba ltar// 'khrul 'khor las kyis 'khyams par byed// de bas sred pa'i chags pa spongs// 'dod chags bral ba zhi pa'i gnas// de ltar dge slong des lha'i 'jig
- 51b
rten gyi mtha' ltung bar mthong nas 'dod pa las 'dod chags dang bral lo/ / rlung la spyod pa'i lha de rnams kyi mi rtag pa dang / bde ba de dag la las kyi rgyus bskyed cing / mi rtag pa nyid dang 'brel pa yin pa lta zhes rnam par dpyod par byed do/ / lha de rnams kyang ji srid du de'i legs par byas pa'i las zad par ma gyur pa de srid du de na dga' bar byed do// de phyis de nas 'chi bar 'gyur te/ ji ltar dus ji srid du legs par byas pa'i las yod pa dang / 'od gsal ba 'byung ba'i dus de srid du lha rnams lha'i 'jig rten na spyod do// de zad nas ltung bar 'gyur la/ lhang nas kyang yang sems can dmyal ba dang / mi dag sa dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu mthun par rlung gis bdas nas 'gro ba rgya mtshor spyod cing 'tsho ba'i ded dpon du 'gyur ba mthong ngo / / // dam pa'i tshes dran pa nye bar gzhag pa bam po nyi shu bdun pa// / de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha lag na yol go thogs pa rnams kyi gnas me tog 'phreng dga' zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing lus dang ngag gi las kyi mtha' yang dag pa sems
- 52a
pas yongs su bsgoms pa'i sems dang ldan pa gang gis tsha ba'i dus su dge 'dun la chu ril ba gang phul ba 'am/ lam du zhugs pa 'am/ 'brog dgon par zhugs pa dag la'ang chu ril ba gang byin na/ / de lus dang bral nas bde 'gro mtho ris kyi 'jig rten me tog 'phreng dga'i lha rnams kyi nang du skye bar 'gyur ro// der skyes nas kyang de'i lus bde ba dang / sgeg pa sna tshogs su ni spyod/ lha mo sil snyan gyi sgra 'byin cing dgod pa sna tshogs kyi nang du ni zhugs/ bai DUR+Ya'i dang / gser dang / dngul gyi ri rab kyi gshong na rtsen pa dag dang lhan cig ni gnas/ ri khrod rnam pa sna tshogs na lha mo dang ni lhan cig 'khod/ rlung dri zhim pos reg pa'i lus me tog 'phreng ba thogs pa/ 'bab chu dang lteng kas brgyan pa'i yul rnams na dga' bar byed cing / lha mo mang po'i nang na spyod pa/ lo 'bum phrag du ma song ngo / / de ltar gnas pa re res 'ga' tshal 'bab chu zhes bya ba na gnas te/ tshal de na dga' bar byed do// tshal de ni bai DUR+Ya'i shing ljon pa la gser gyi 'dab ma yod pa dang / gser gyi shing la bai DUR+Ya'i 'dab ma yod pa dang / dngul gyi shing la gser gyi 'dab ma dag yod de/ tshal de'i nang du zhugs pa de rtag par yid rab tu dga' la/ yus rang gi 'od dang ldan pa yin no// de'i legs par byas pa'i las des shing de dag brtol ba las mtho ris dang mthun pa'i skom 'byung ste/ skom de'i khyad par ni mi'i rgun chang dang / sbyar ba'i chang dang / sha kha ra'i chang dag 'bras bu bi tsu man da'i ro dang mtshungs te/
- 52b
skom de ni lha'i ro dang / mdog dang / stobs dang ldan pa yin no// de'i dri dpag tshad du'ang 'byung ste/ bya'i tshogs lus gser dang dngul gyi mdog lta bu yid rab tu dga' ba kun gyis skom pa 'thungs nas tshal de na sgra yid du 'ong ba 'byin cing kun tu 'gengs so/ / shing de dag gi sdong po brtol nas/ skom 'byung ba de la bung ba'i tshogs 'u ba 'u ba 'du ste/ skom kha cig gi mdog ni gser lta bu/ yin/ kha cig gi mdog ni bai DUR+Ya lta bu yin/ kha cig gi mdog ni spug lta bu yin/ kha cig gi mdog ni pad+ma rA ga lta bu yin/ kha cig gi mdog ni margad lta bu yin/ skom de dag kun nas byung nas brug pa chu bo ltar 'bab bo/ / skom gyi chu bo de'i ming yang mtha' med 'bab ces bya ste/ chu bo'i rgyur dpag tshad gnyis yod pa'i 'gram gnyis ka nyams dga' la/ ra gram gnyis ka lha dang lha mo'i tshogs kyis yongs su bskor cing glu len la gser gyi pad+mas khebs pa 'bab bo/ / de nas lha mo'i tshogs kyis 'thungs pa dang / yid rab tu dga' ste/ dgod par byed/ rtse bar byed cing phan tshun gser gyi/ pad+ma'i sdong po bai DUR+Ya rnams kyis sgeg par byed/ rtse bar byed/ dgod par byed do// shing rta sna tshogs la zhon pa rnams rgyug par byed cing / dgod par byed la/ b+ha'i chu yan lag brgyad dang ldan bas phan tshun 'thor bar byed do/ / lha de rnams kyi pad+ma'i rdzing yod pa de ni kun nas bsten pa zhes bya ba la gzhan dang mi 'dra ba dpe med pa yin te/ legs par byas pa'i las kyis bsgyur ba'i lha de na
- 53a
ji srid du de'i 'dod pa sdug pa yid du 'ong ba'i las zad par ma gyur pa de srid du gnas so/ / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par bkres pa dang skom pa yod ye med cing 'byor pa dang ldan pa'i yul du skyes la/ nor dang shin tu ldan pa dang / skye bo thams cad dga' bar 'gyur ba mthong ngo // de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na/ lha lag na yol go thogs pa rnams kyi gnas kun tu lta ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing legs par byas pa'i las kyi mtha' dpyad par gyur pa sems pas yongs su bsgoms pa'i snying gis brlan pa/ skyo ba med cing shin tu dga' ba'i sems pa gang bdag la phan pa med kyang / tshul khrims 'chal pa'i nad pa'i rim gror byed na de lus dang bral nas bde 'gro mtho ris kyi 'jig rten kun tu lta ba'i lha rnams kyi nang du skye bar 'gyur ro// der skyes nas kyang lha'i 'phreng ba dang / gos rkyen
- 53b
pa rab tu dga' ste/ lha'i 'dod pa'i yon tan lnga 'byor pa'i bde ba dang ni ldan/ yid rtag tu dga' ba/ lha'i 'dod pa'i yon tan lnga rnams dang ldan pa dag/ skyed mos tshal nas skyed mos tshal du ni rgyu/ dga' dgur gnas pa grogs sdug gu lha mo'i tshogs du mas bskor cing yongs su spyod par ni byed/ nyi ma'i 'od ltar ni gsal/ dge ba ni rgya cher 'phel/ lha tshogs thams cad kyis ni mchod/ ri rab rin po che du ma'i 'od kyis gsal bar byas shing rab tu 'bar ba dag la ni gnas/ gos tshon can rnam pa sna tshogs ni bgos/ mtho ris dang 'thun pa'i rin po che du ma dag gi rgyan gdags par bya ba ni btags/ tshal na rnam par rgyu ba'i lhas bsams pa'i tshal dkrigs pa sna tshogs dag na ni gnas/ pad+ma'i rdzing dang / lteng ka dang / chu'i dngo dang / 'bab chu dang / chu bo dang / 'bab chu'i rgyun dang / stegs sna tshogs dag la rnam par rgyu ba na/ rang gi las rnams kyis las kyi bya ba byed do// de ltar de yongs su rgyu ba ni/ phyogs gzhan zhig na tshal dril bu g.yer ka'i dra ba gtibs shing gser gyi lan kan bres pa zhig des mthong ste/ bya rnam pa sna tshogs gnas pa/ bya'i tsho gas skad snyan cing 'jebs pa 'byin pa rnams kyis ni kun tu gang / rlung gis phog nas rab tu g.yos pa'i dril bu g.yer ka'i sgra ni drag tu 'khrol/ nyi ma 'bum snyed kyi 'od dang ni ldan/ ri rab las byung ba'i gser gyi ri bdun la 'di lta ste/ shin tu mtho dang / rab sbyor dang / char dga' dang / klus brtol dang / rab chags gsal dang / rin chen
- 54a
@char 'bebs dang / rgyu skar 'phreng gis yongs su bskor ba/ dril bu g.yer ka'i dra bas gtibs pa'i tshal der 'jug par byed do// rnam pa de lta bu'i tshal lha'i 'phreng ba la sogs pa rnam par brgyan pa de na/ lha mo tshal gyi gsab gseb na rgyu zhing rtse ba gang yin pa de dag 'od zer 'bum snyeng 'byung ba ltar chal de na snang ngo // shing ljon pa'i bar bar na 'khong ba'i lha de dag gis de rnams mthong nas / de nas yang 'dod pa'i yon tan lngag blo rnam par tshigs pa dag blta ba'i phyir de'i drung du 'dong zhing shin tu rgyug par byed de/ gser gyi pad+ma rnams kyis de dag dang rtse bar byed / yongs su spyod par byed/ dgod par byed/ sgeg par byed la/ rol mo'i sgra rnams kyis kyang shin tu dga' bar byed do// de ltar 'dod pa la blo rnam par chags pa de/ mig sku'i gzugs yid du 'ong ba rnams kyis chog mi shes so// rna bsgra snyan pa gsal ba yid du 'ong ba rnams kyis tshig mi shes so/ / sna dri zhim pa bsung che ba yid du 'ong ba rnams kyis chog mi shes so// phyi ro zhim pa bri ba mang ba yid du 'ong ba rnams kyis chog mi shes so// pags bas reg bya bde ba 'jam pa yang ba yid du 'ong ba rnams kyis chog mi shes te/ sred pa drug gi mas yongs su bskor ba de kun nas sreg par byed do// de ltar chog mi shes pa de dge slong des mthong bar mthong nas 'di ltar tshigs su bcad de smras pa/ lha yi 'jig rten kun nas su// sred pa'i me yis yongs su bskor// rmongs pa 'dod pa'i dbang song ba// chags pa dbang med sred par byed// ji lta ji ltar shing rnyed na//
- 54b
de lta de ltar sreg pa 'phel// ji lta ji ltar bde thob na// de lta de ltar sred me 'bel// shing mes sreg pa'i nyes pa rnams// mi yis yongs su spang nus kyi// 'jig rten sred mes sreg pa ni// yongs su spang bar mi nus so/ / chu bo chen po brgal 'dod la// chu srin gyis ni 'jigs pa gang // de dag bde ba'i mthar phyin na// sred pas de la gnod mi 'gyur// sred pa'i zhags las rnam grol zhing // 'dod chags zhe sdang spong ba po/ / nyes sdig las ni grol ba gang // mkhas pa de ni mya ngan bral// gang zhig tshul khrims bsrung ba nyid// mtho ris de la ying zhugs na// de dag tshul khrims sdig dang bcas// zas dang dug ni 'dres pa bzhin// bskal pa bye ba stong rnams su// sred pas bslus pa'i mi rnams ni// shin tu rmongs pas de mi gtong // yid ni gti mug dbang du song // skom gyis gdungs pa'i khur tsa ba/ / lan tshwa'i chu ni 'thung ba ltar// sred pas bslus pa'i sems can rnams// sred pa nyid kyi rjes su 'brang // skye bo skad cig tshim byed la// skad cig gis ni skom byed pa// skyes bu tha ma sred pa yis// gdungs pa la ma gol 'tshol ba bzhin// de bas sred pa bsten mi bya// sred pa de ni bsten par dka'// sreng ba'i dbang du song ba'i mi// 'khor ba las ni 'grol// mi 'gyur// gang zhig bde ba bla na med // gsam gtan skyed mos tshal la dga'// mya ngan 'das pa'i grong ston pa// de dag bde ba de bzhin 'gyur// bde ba bla na med pa rnams// lha yul spyod pa'i skye bo
- 55a
dag/ sred pa'i zhags pas drangs nas su// yang dang yang du dmyal bar lhung // 'chi mtha' dang por dge ba smin// yang dag lam ni ston mdzad pas// sred la rtag tu sten byed pa// 'di yi sdug bsngal tsha zhes gsungs// de ltar dge slong des lha'i 'jig rten 'dod pa'i dba' rlabs kyis bdas shing 'chi ba'i sdug bsngal mngon par mthong nas 'khor ba la yid byung ngo // de ltar lha de ji srid du 'dod ba sdug pa yid du 'ong bar byas shing bsags pa'i las de zad par ma gyur pa de srid du gnas kun tu lta ba dag na dga' bar byed do/ / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ las de dang rgyu 'thun par bu dang / chung ma dang / bran po dang / bran mo dang / las byed pa dang / zho shas 'tsho ba dang rtag tu ldan zhing shin tu 'byor par 'gyur ba mthong ngo // de nas yang dge slong las kyi 'bras bu rnam par smin pa shes pa des lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na/ lha lag na yol go thogs pa rnams kyi gnas rtag tu dga' ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing sems pa gsal ba'i snying dang ldan pa gang
- 55b
gis rgyal pos gsad par bya ba brtson ra'i nang du bcug pa las/ nor rdzas thams cad phul nas de thar par byas sam/ de bzhin du rgyal po'i bu 'am/ de dang mthun pa dag la phul nas de thar par byas la/ de las nor rdzas sna 'ga' yang len par mi byed de/ snying rjes brlan pa'i snying gis sems can rnams la phan pa kho na byed cing legs par byas na/ de lus dang bral nas bde 'gro mtho ris kyi 'jig rten rtag tu dga' ba'i lha rnams kyi nang du skye bar 'gyur ro/ / der skyes nas kyang lha de rnams ngo bo nyid kyi yid rab tu dga' ba yin la/ de dag pas kyang de brgya 'gyur du yid rab tu dga' bar 'gyur te/ las de dang rgyu mthun par 'bras bu 'brel pas rgyu dang mthun par 'bras bu 'byung ngo / / lha'i 'jig rten der skyes pa de lha mo'i tshogs mang pos ni yongs su bskor/ glu dbyangs dang / bro gar dang / bzhad gang dang / rtsirtsed mo dang / dga' dgur spyod pa'i lha mo rnams kyis ni mtha' 'khor te/ nye bar spyod cing ri rab dang / ri dang / ri phug dang / ri khrod rnams su ni rgyu/ de bai DUR+Ya'i rdo leb bzang po reg na shin tu bde ba rnams kyi steng na rang dgar ni spyod/ chu bo dang / 'bab chu dang / lteng ka dang / tshal dang / nye ba'i tshal rnams su shin tu bde ba dang ldan pa dag dga' bar byed/ bde ba de'i khyad par ni 'khor los sgyur ba'i bde bas 'bum gyi char yang mi phod do/ / de ci'i phyir zhe na/ ris mthun pa de dang / sha dang / rus pa dang / chu ser dang bral ba de'i phyir bde'o// lha'i rin po che'i 'phreng ba dang / gos du ma gyon pa me tog
- 56a
brgyus pa dang / bgo ba sna tshogs kyis lus brgyan pa de ri rab kyi drung dag na rgyu bar byed de/ gal te gser gyi zom la 'dzegs na/ gser de'i mthus de gser lta bur 'gyur ro// gal te bai DUR+Ya'i ri'i zom la 'dzegs na/ bai DUR+Ya de'i mthus bai DUR+Ya'i mdog lta bur 'gyur te/ bdag nyid mtsho'i nang du zhugs pa ltar gyur kyang 'dam rdzab kyis gos pa lta bur mi 'gyur ro// gal te shel gyi zom la 'dzegs na/ shel gyi 'od des de zla ba gnyis pa lta bur 'gyur ro// gal te dngul gyi ri'i zom la 'dzegs na/ dngul de'i mthus de'i yan lag dang nying lag thams cad kha ba dang me tog ku mud ltar 'gyur te/ de ltar lha mo'i tshogs kyis yongs su bskor ba de sil snyan yan lag lnga dang ldan pa'i tshal dang / nye ba'i tshal rnams su dga' bar byed/ yongs su spyod par byed cing / lha'i bde ba dpe med pa dag myong bar byed do// de ltar de rnam par spyod pa na shing ljon pa du mas mdzes par byas pa/ lha'i nyams dga' bar byed pa'i tshal zhes bya ba zhing rgyang ring po nas mthong ba dang / der g+ha de dag 'dzam bu chu bo'i gser gyi shing rta la zhon nas 'gro bar byed do// tshal de'ang bya rnam pa sna tshogs sgra 'byin cing / tshal gyi lcug ma gzhon nu 'phyang ba dag shing rtas phyin pa dang / bya lha'i skad du rtse ba zhes bya ba lha rnams dang smra ba 'thun pa dag lha de'i dge ba'i las kyi mthus bskul ba dang / 'di ltar tshigs su bcad de smras pa/ dga' bar byed pa'i las rnams dag/ skyes bu gang zhig
- 56b
'dir byed pa/ / de yis las kyi rnam sprin ni// legs par yongs su smin par 'gyur// bde ba thob pa'i lha de dag/ bag med pa la ma bsten na// de ni bde las bde thob cing // mya ngan 'das pa'i rjes su 'gro/ / bde ba'i mtha' de zad 'gyur zhing // 'di la rtag dang ther zug med// de thob gzhal med khang rnams la// skyes bu mchog rnams chags ma byed// bde mtha' rtag tu lhung 'gyur zhing / / bde la rtag pa nyid med de// rgyu de thams cad rig nas su// yid la nges par legs par byos// bsags pa thams cad tha mar zad// mtho ba'i mtha' ni tha ma snyil/ / 'du ba'i mtha' ni tha mar 'bral// 'tsho ba'i mtha' ni tha mar 'chi// skyes pa rtag tu 'chi 'gyur zhing // de la rtag pa nyid med de// khams gsum dag tu sngon byung zhe'am// phyi nas 'byung ba nyid med do/ / ji ltar nyi ma 'char ba dang // nub par 'gyur ba rab tu mngon// de ltar skyes pa thams cad kyi// tha mar 'chi ba gnas pa yin// chos rnams kyi ni ngo bo nyid// skye dang 'jig pa 'di shes nas/ / bag med yid la ma byed cig/ bag med dug gi mchog yin no// bag yod 'chi med gnas yin la// bag med 'chi ba'i gnas yin no// bag yod 'chi bar mi 'gyur la// bag med rnams ni rtag tu 'chi/ / ji ltar dug dang ji ltar me// srog chags bag med de bzhin te// bag med myos pa'i sems can rnams// sdug las sdug bsngal de 'gre'// rtag tu bag yod
- 57a
mi rnams ni/ / 'jig rten kun gyis phyag byas shing // gang na bag med mi gnas pa// zhi ba mchog tu 'gro bar byed// bde kun mtha' ni zad 'gyur te// rmongs pa gang zhig mi rig pa/ / de ni phyi nas 'chi 'gyur tshe// ma byas don med gdung bar byed// rtag tu bdag nyid dga' 'dod na// kha chi ba'i bar du dge ba byos// chos spyod bde ba yin no zhes// mkhas pa rnams kyis gdams pa yin/ / rgyu yi de nyid rnam ston pa// sangs rgyas rnams kyis 'khor ba kun// rtag tu mi rtag mi brtan la// 'gyur zhing tsha bar rtag tu gsungs// de nas lha des bya rnams kyi tshig thos nas/ yang dag par bsams te yid la'ang dga' ba skyed pa dang / sngon gyi tshe'i 'bras bu dran nas/ yud tsam zhig bag med pa la ma zhugs so// mos pa'i srab skyogs kyis yid nge 'dzin par byed de/ gzugs dang / sgra dang / dri dang / ro dang / reg bya yid du 'ong ba rnams la bag med pa ma skyes so// de nas yang yid mi brtan pa de lha'i bde ba'i dbang du gyur te/ ji srid du 'dod pa sdug pa yid du 'ong ba de ma zad kyi bar du de yul sdug pa de rnams la spyod par byed do/ / de phyis lha yul de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par nams kyang bcings par mi 'gyur
- 57b
zhing / rtag tu bde ba dang ldan la/ nyam nga ba rnams las thar par 'gyur ba mthong ngo // de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na/ lha lag na yol go thogs pa rnams kyi gnas dri la chags pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu tshul khrims dang ldan pa sems pas yongs su bsgoms pa'i snying dang yid shin tu dang ba/ sems rnyog pa med par gyur pa/ gzhan la gnod pa med pa gang gis sangs rgyas sam/ chos sam/ dge 'dun la zhing chen por shes nas/ gos shin tu dri zhim pa rnams kyis mchod pa byas la/ legs par byas so snyam du'ang sems na/ de lus dang bral nas bde 'gro mtho ris kyi 'jig rten dri la chags pa'i lha rnams kyi nang du skye bar 'gyur ro// der skyes nas kyang shin tu bde ba dang / rang gi 'od dang ldan pa dang / sil snyan yan lag lnga dang ldan pas yid rab tu dga' zhing dga' dgur spyod pa de dus ring mo zhig 'das so// dus ring po 'das pa de'ang yul gyi bde ba des lha de dag gis mi rig ste/ gang bdag gis dus 'di 'das so zhes dbang po dang bde ba mi brtan pa/ thog ma med pa'i dus nas zhugs pa'i yul rnams la chog mi shes pa rnams kyis mi rig go//
- 58a
de ltar snying la chags pa/ me tog gi 'phreng ba dang / phye ma dang / byug pas lus bskus pa de tshal gyi bar bar dag na rgyu bar byed la/ shing ljon pa mang po'i 'od kyis brgyan pa/ chu bo dang / stegs dang / tshal dang / skyed mos tshal dag gis brgyan pa'i yul nyams dga' ba'i tshal rnams la sten par byed pa/ 'dod pa mang po la snying chags pa dag yul gyi bde ba des lha'i 'jig rten gyi mtha' 'di ltung bar khong du mi chud do/ / de ltar yul gyi sred pas yongs su bslus pa des/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha'i 'jig rten de dag na dga' bar byed/ yongs su spyod par byed do// de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par yul rtag tu bsil bar skye bar 'gyur te/ yul gnod pa med pa dang / mtshon cha dang / dgon pa dang / lo nyes 'byung ba dang bral ba'i yul rnams su skye la/ skye bo kun gyis mchod par 'gyur ba mthong ngo // de nas yang dge slong las kyi 'bras bu rnam par smin pa shes pa de b+ha lag na yol go thogs pa rnams kyi gnas la rtog par byed de/ ngas thos pa las byung ba'i shes pa 'am lha'i mig gis lha lag na yol go thogs pa rnams kyi gnas spyi gtsug thar
- 58b
ces bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ rgyal po la gnod pa byed pa'i mi spyi gtsug nas bzung ste sbyangs pa dang / sdug bsngal ba las gang gis de thar par byas na/ de lus dang bral nas bde 'gro mtho ris kyi 'jig rten spyi gtsug thar ces bya ba'i lha rnams kyi nang du skye bar 'gyur ro// rgyal chen bzhi'i gnas gsum gyi nang na de'i nyams dga' ba/ shin tu yid du 'ong ba/ 'dod pa la brten pa/ de'i ngo bo 'dod pa nye bar mchod pa 'dod pa rgyun chad pa med pa gang yin pa sdug pa de dag thams cad 'byung la/ bde ba'i gnas de na bde ba des mngon par 'dod pa/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na/ lha mo'i tshogs kyis yongs su bskor ba de sil snyan yan lag lnga dang ldan zhing yul gyi bde ba dang / nyams bde ba des dga' bar byed do// de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par mya ngan dang / 'jigs pa dang / gnod pa dang bral bar 'gyur la/ skyon med pa dang / gzugs bzang ba dang / skye bo thams cad dga' ba dang / shin tu 'byor pa dang ldan pa dang /
- 59a
dus dang mthun pa'i gzugs bzang ba dang / tshe'i bar chad med par 'chi bar 'gyur ba mthong ngo // de nas yang dge slong de gnas bcu mthar chags su rtog par byed de/ ! lag na yol go thogs pa rnams kyi gnas de tsam du zad dam zhes rtog par byed do/ / des gnas bcu las gnas gzhan bcu gcig pa med de/ lha lag na yol go thogs pa rnams kyi gnas bcu ni de dag nyid yin par mthong ngo / / des lha lag na yol go thogs pa rnams kyi gnas bcu ma lus par brtags nas/ rgyal chen bzhi'i nang na che ba gnas gsum pa rtag tu myos gnas zhes bya ba thams cad la rtog par byed de/ lha rtag tu myos gnas de dag gi gnas ji tsam zhig yod cig gu snyam nas/ des thos pa las byung ba'i shes pas brtags na/ rtag tu myos gnas de dag gi gnas kyang bcu yod de/ 'di lta ste/ lhag par dga' ba dang / ut+pa la'i mdog dang / pad+ma dkar spyod dang // grong khyer dmar gnas dang / sna tshogs dang / mtho bar gnas dang / rgun chang myos gnas dang / yul la 'dod pa dang / chu bsil gnas dang / brtan dga' ste/ lha rtag tu myos gnas rnams kyi gnas bcu po 'di dag yin no// gnas gzhan gang zhig tu las gang gis gang du skye bar 'gyur snyam nas/ des thos pa las byung ba'i shes pas brtags na/ sems shin tu dang zhing snying la rnyog pa med pa dang / sems bzang po yang dag pa'i lta ba dang ldan pa gang gis shing ljon pa
- 59b
chen po gang la/ yi dgas dang / gnod sbyin dang / srin po dag gnas pa'i shing ljon pa de dag gcod pa na/ yongs su skyob par byed la/ yi dgas dang / gnod sbyin dang / srin po de dag gnas dang bral bas 'tshe bar mi byed de/ de'i mthus bde bar gnas na/ de lus dang bral nas bde 'gro mtho ris kyi gnas lhag par dga' ba'i lha rnams kyi nang du skye bar 'gyur ro// der skyes nas kyang de dag gzhan de na chu bsil ba zhes bya ba'i rdzing bu yangs pa gser gyi mdog dang ldan pa/ bya ngang pa dang / ka ran da ba dang / ngur pa lus gser gyi kha dog can sgra 'byin pa rnams kyis mdzes par byas pa/ rin po che sna bdun gyi pad+ma rab tu mang po rnams kyis mdzes par byas pa yin no/ / pad+ma'i rdzing bu bsil ba de dag na'ang kun nas gser gyi tshal zhes bya ba yod de/ pad+ma'i rdzing de gser dang dngul gyi shing ljon pa rnams kyis kun nas dkrigs shing bskor nas skye'o/ / shing de rnams kyang pad+ma'i rdzing gi chu de'i nang na de rnams kyi grib ma bab pa'i gzugs du ma gzugs brnyan lta bu snang la/ pad+ma'i rdzing de'ang chu'i nang du shing ljon pa'i grib ma de rnams kyi gzugs brnyan lta bur snang ngo / / de'ang pad+ma dang / me tog ut+pa la'i dang / ku mu das mdzes par byas pa dag ni/ ji ltar brgya byin yang der rtse ba'i blo skye ba de ltar mdzes pa yin no// gang gi tshe lha dang lha ma yin g.yul 'gyed par 'bab pa na nyi ma shar ba'i mdog lta bu'i pad+ma 'bum phrag du mas mdzes par byas pa de rnams mthong ste/ brtags nas lha rnams la smras pa/ kye ma 'di ltar chu bsil ba'i rdzing bu skyon med
- 60a
pa 'di nyid shin tu nyams dga' ba yin no/ / de nas yon tan de lta bu dang ldan pa'i rdzing bu de rnams su yid rtag tu dga' zhing rdzing bu'i 'gram du yid rab tu mgu ba'i lha dang / lha mo'i tshogs dang bcas pas sil snyan yan lag lnga dang ldan zhing bde ba dpe med pa dang ldan pa ci dga' dgur byed pa'i lha mo'i tshogs kyis yongs su bskor ba/ shin tu bde ba dang ldan pa kha zas dang / gnas dang / rang dgar za zhing 'khod pa rnams dga' bar byed/ yongs su spyod par byed do// de nas byung nas gal te gnas gzhan du 'gro bar dong na/ lus dang sems gdung ba rnams dang bral ba/ sems shin tu dga' ba/ bde ba shin tu rgya che zhing 'dod pa dang ldan pa rnams lha dang lha mo'i tshogs dgod cing glu dbyangs len la/ bro gar byed pa dang ldan pa rnams kyis yongs su bskor cing // rtag tu rtse ba na/ lha'i lus dang / yid la bde ba gang dang gang dag 'dod pa de dang de dag nyon mongs pa med cing shin tu rgyas pa dang / tshegs chung ngus 'byung bar 'gyur ro// dbang po lnga yul lnga dag la spyod pa'ang bde ba la gnas pa des tshim mi myong bar 'gyur ro/ / de ci'i phyir zhe na/ sred pa me lta bu dag la spyod pa yul gang gis kyang tshim par mi 'gyur ro// de ltar ri dang / skyed mos tshal dang / chu bo dang / gzhal med / khang dang / lteng ka dang / chung ngo rnam pa sna tshogs dang / rin po che sna tshogs dang / rin po che sna bdun gyis mdzes par byas pa dang / bya rnam pa sna tshogs sgra snyan pa 'byin cing 'don pa rnams su lha de grogs
- 60b
/ dang lhan cig bde ba du ma la gnas shing / bai DUR+Ya'i tshal gyi grib mas mdzes par byas pa dag na bya rnam pa sna tshogs 'byin cing / 'don pa'i tshul dang / nye ba'i tshal rnams na dga' bar byed/ rtse bar byed/ mgu bar byed/ dga' dgur spyod par byed do// bai DUR+Ya dang / gser dang / dngul dang byu ru'i ri rab kyi zim dag la rang dgar 'khod pa kha cig ni nyi ma ltar gzi che/ kha cig ni zla ba ltar mdangs gsal/ kha cig ni gzugs dpe med pa dang ldan te/ ji ltar legs par byas pa'i las de rnams kyi lus mngon par bsgrubs pa de ltar lha yul du'ang rnam par mdzes pa yin no// rgyu rkyen dang 'thun par spyod pa de ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha'i 'jig rten de na sil snyan yan lag lnga dang ldan pas dga' bar byed/ / rtse bar byed/ dga' dgur spyod par byed do// de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang // yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du smras na/ de las de dang rgyu mthun par shin tu nyams dga' ba'i yul lo legs shing bde bar skye la/ shin tu 'byor pa dang ldan zhing / mchog tu bde bar 'gyur ba mthong ngo // de nas yang dge slong las kyi 'bras bu rnam par smin pa shes pa de lha rtag tu myos gnas la rtog par byed de/ des thos
- 61a
pa las byung ba'i shes pas lha rtag tu myos gnas rnams kyi gnas ut+pa la'i mdog ces bya ba'i ji ltar gnas pa mthong ngo / / der sems can dag las gang gis skye bar 'gyur snyam nas// des thos pa las byung ba'i shes pas brtags na/ chos dang ldan zhing chos kyi rjes su 'jug pa/ tshul khrims dang ldan pa gang gis 'di ltar me tog ut+pal bskyed pa 'dis sangs rgyas dang // chos dang / dge 'du/ rnams kyis longs spyod bya'o zhes de snyam du bsams nas bskyed la/ de'ang dbul bar byed cing / de sems la dga' bar yang 'dzin na/ de lus dang bral nas bde 'gro mtho ris kyi 'jig rten ut+pa la mdog gi lha rnams kyi nang du skye bar 'gyur ro/ / der skyes nas kyang lha yul du rtse ba'i skye bo dang dga' dgur spyad pa de dga' ya yang rtse ba dang / dga' ba dang / stegs pa dang / 'jo ba dang / rol mo'i sgra dang / glu dbyang dang / bro gar byed pa dang ni ldan/ bde ba du ma la ni gnas/ tshal nas tshal dang / bai DUR+Ya'i tshal gyi grib ma mdzes pa dang / gser btso ma dang byu ru lta bu'i sa gzhi bde ba mtho dman ran pa rnams su ni rgyu/ lha mo'i tshogs du ma sa ni yongs su bskor/ kha zas zhim po ni za/ ci dga' dgur 'dod pa bsams pa tsam gyis ni 'grub// ngo bo nyid kyi ri du ma la ni gnas/ bde ba las mchog tu bde ba ni thob/ dbang po lnga yul lnga la chags shing dga' ba ni nyin gcig bzhin du nyams dga' bar byed/ u t+pal sngon po dang / be DUna'i mdog lta bu'i lus ni ut+pa la'i tshal nas tshal du rgyu/ ut+pa la'i dri gang yin pa de dpag tshang brgyar ni ldang / uH
- 61b
pa'i dru ma pangs sgra'i mi tog thogs po gas thams cad zis kyis sanananas rgyal po bzhin du ni mdze sa/ rgyu dang mdun par 'brel ba'i sa kyis rgyu dang mthun par 'bras bu 'byung ba/ yang dag par rdzog/ pa'i sangs rgyas rnams kyis gsungs te/ de mtho ris su phyin nas kyang me tog ut+pa la de rnams las dga' ba rnam pa mang po du ma 'thob bo// de nas de ltar spyod cing bde ba la gnas pa'i dbang po drug nges par 'byung ba la dga' ba ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na dga' bar byed do/ / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du sa skyes la/ mi rnams dang skal ba mnyam par mi'i nang du skyes na/ de las de dang rgyu 'thun par me tog mang po bskyed cing 'byor pa'i yul rnams su skye bar 'gyur la/ shin tu rgya che ba dang ldan pa dang // mchog tu bde ba dang ldan pa dang / gnod pa med par 'gyur ba mthong ngo // de nas yang dge slong las kyi 'bras bu rnam par smin pa shes pa de lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas pad+ma/ dkar spyod ces bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / lus dang
- 62a
ngag gi dri ma dang bral ba sems pas yongs su bsgoms pa'i snying dang ldan pa gang gis sangs rgyas sam/ chos sam/ dge 'dun la me tog dbul ba'i don du pad+ma'i tshal bskyed cing / sangs rgyas dang / chos dang / dge 'dun la'ang sems dad pa dang ldan par gyur na/ de lus dang bral nas bde 'gro mtho ris kyi gnas pad+ma dkar spyod kyi lha rnams kyi nang du skye bar 'gyur ro// der skyes nas kyang/ legs par byas pa'i las kyi 'bras bu la spyod de/ 'di lta ste/ rgyan dang / rin po che dang / 'od sna tshogs kyis ni lus brgyan/ lha'i tshogs thams cad kyis ni mchod/ lha mo'i tshogs me tog 'phreng ba thogs pa / rnams kyis ni yongs su bskor/ rdo rje dang / mthon ka dang / margad dang / spug dang / phyang phrul gyi 'od kyis ni lus brgyan/ dga' ya yar rab tu dga' zhing rtse bar ni gnas/ mtho ris dang 'thun pa'i kun dga'i ra bar gnas shing / bde ba rtag tu myong ste/ ji srid du 'dod pa sdug pa yid du 'ong ba'i las byas shing bsags pa'i las de zad par ma gyur pa de srid du de bde ba dpe med pa rnam pa du ma yon tan shin tu che ba dang ldan pa/ skye bo thams cad dang lhan cig gzhan la gnod pa med cing kun nas nyon mongs pa med pa rnam pa sna tshogs de dang de dag myong bar byed do// de phyis lha'i 'jig rten de nas 'chi bar 'gyur te/ shi nas kyang gal telan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi rnams kyi nang du skyes na/ de las de dang rgyu
- 62b
'thun par nor gyi bdag po shin tu bde ba dang ldan zhing / bu dang dbang phyug dang ldan pa dang / rgyal pos kyang bkur bar 'gyur ba mthong ngo // de nas yang dge slong las kyi 'bras bu rnam par smin pa shes ba de lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas dmar gnas zhes bya ba ji ltar 'dug pa mthong ngo // gnas der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems pa dang ldan pa/ phan par 'dod pa/ gus pa'i snying dang ldan pa gang yin pa des dge slong yang dag par rab tu byung ba'i chos gos shing phyis pa la'i shun pas kha dog dmar por bsgyur ta ma/ gur ku ma mam/ btsod dam/ tshal lam/ skyu ru ra 'am/ btsag gam/ ba bla 'am/ ldeng ros sam/ me tog ban+das sa tshur dang bcas pas kha dog dmar por bsgyur na/ de lus dang bral nas bde 'gro mtho ris kyi 'jig rten grong khyer dmar gnas kyi lha rnams kyi nang du skye bar 'gyur ro// der skyes nas 'phreng ba dang gos dmar po gyon pa de'i gnas de ni 'od kyis brgyan pa'i lus kyis rtag tu gsal bar byas pa yin la/ lha de dag thams cad kyang ci dga' dgur spyod pa yin la/ de rnams kyi mthus gnas de dag thams cad rnam pa de lta bur dmar bar 'gyur ro// ji ltar bad+ma rA ga'i 'od de gos pa med pa ltar lha de rnams kyang de ltar dmar por snang bar 'gyur ro/ / rgyan gyi kha dog sngon po dang ser por 'dres shing rin po ches klubs pa gzhan gang yin pa de dag thams cad kyang dmar por
- 63a
'gyur te/ legs par byas pa'i las des de'i gos gsal ba rnams kyis dmar por 'gyur ro// gang gi tshe de rtse zhing gzhal med khang dang / pad+ma'i tshal dang / steng ka dang / tshal dang nye ba'i tshal sna tshogs dang / lha mo cha byad dang / rgyan dmar po sna tshogs thogs pa rnams kyis yongs su bskor ba dag yul du mar 'gro ba na/ de'i tshe de dag gi rgyan rnams kyi tshon rtsi gsal ba dang / kha dog thams cad kyang gsal bar snang ngo / / rin po che'i 'od sna tshogs kyis brgyan pa/ lha'i lus de tshal nas tshal dang / ri'i zom nas ri'i zom dang / pad+ma'i tshal nas pad+ma'i tshal dang / chu bo dang / 'bab chu dang / lteng ka dang / nye ba'i tshal nas chu bo dang / 'bab chu dang / lteng ka dang / nye ba'i tshal du 'gro bar byed do// sil snyan yan lag lnga dang ldan pa'i glu dbyangs nye bar len cing phan tshun grogs su gyur pa/ so sor chags pa'i snying gis dga' bar byed/ rtse bar byed/ dga' dgur spyod par byed do// sred pa'i tshogs drug gis yid rab tu dga' ba bdud rtsi'i zas bzang po la ni za/ myos pa'i skyon dang bral ba'i btung ba zhim po ni tshim par 'thungs te/ ji srid du tshogs chen pos yongs su bskor nas/ dga' ba sna tshogs byed do// de ltar de dag rtse ba sna tshogs dge slong nges mngon par mthong nas 'di ltar tshigs su bcad de smras pa/ mtho bas mtho ba ri rab na// de bas mtho ba rtag tu dge/ lha tshogs rnams kyis 'og min du// dge bas skye bo khrid par byed// rnam pa sna tshogs du ma yi// tshul khrims dag kyang srungs na ni// dge ba'i las kyi rnam smin 'di// b+ha rnam
- 63b
nang du smin par 'gyur/ / tshul khrims chu ni shin tu dang // rab tu gang bar kun nas su// khrus byas mi ni lha rnams kyis// bde ba'i drung du 'gro bar 'gyur// sbyin dang tshul khrims rtag tu dug/ 'byung po kun la phan par dga'/ / ye shes brtson la byams sems ldan// lha yi 'dun sar 'gro bar 'gyur// nyes bcom byed dang ldan pa dang // tshul khrims rin po che yis brgyan// sems can kun la brtse ldan pa/ lha yul rnams na de dag mkhas// drang po rnams ni gser 'dra ste// dri ma dang ni sdig rnams sbyangs// yang dag las kyi mtha' brtson pa// lha yul rnams na de dag mkhas// sems can kun la brtse ldan zhing / / sems can kun la phan 'dod la// sdig kun rnam par spangs pa gang // de dag lha yi gnas na gnas// legs par rtog pa nyin gcig bzhin// tshul khrims srung bar byed pa gang // nyin gci bzhin du de rnams kyi/ / bde ba du ma de dag myong // skyes bu de nyid sems pa po// tshul khrims rta la zhon nas su// rtsen pa du ma ldan pa dag/ lha yi gnas su 'gro bar byed// gang zhig lha yi gnas na rtse// gang zhig bde ba bla na med/ / de dag 'thun par tshul khrims kyi// 'bras bur de bzhin gshegs pas gsungs// gang zhig lha yi 'phreng rgyan dang // lha yi 'phreng ba klubs pa dang // lha rnams mtho ris rtse ba ni// de kun dge ba'i rgyu las byung / / pad+ma ut+pal nyams dga'i tshal// tshal dang nags tshal brgyan pa dang // mtho ris lha rnams dga' ba gang // de kun dge las skyes pa'i 'bras// nam mkha' gzhal med khang gnas
- 64a
@#dang / / g+ha yi rin chen brgyan pa dang // lha rnams dri med gsal ba gang // de dag tshul khrims 'bras bu yin// gser dang me tog sna tshogs dang // kun nas ri bo'i steng rnams su// lha rnams dga' byed gang yin te// tshul khrims las byung 'bras bu yin// ji ltar mi dag rang khyim du// zhugs na 'jigs pa med par 'gyur// de bzhin tshul khrims yang dag spyod// mi rnams lha yi gnas su 'gro/ / 'di ltar lha yi nang du 'gro ba'i dri// bla med tshul khrims ldan pa dri zhim pa// me tog ke ta ka dang ma lu ka/ tsam pa ka yi dri dang mtshungs pa min// tshul khrims yongs su srung ba gang // de dag 'tsho ba'i phul yin no// gang zhig tshul khrims yongs spong ba// 'chi ba'i nang na mi zad 'chi// bdag la rtag tu byams 'dod pa'ang // yon tan 'di dag rig nas su// tshul khrims legs par bsrung bya zhing / / tshul khrims 'chal pa rnam par spongs// tshul khrims srung ba rtag tu dul// bzod pa ldan zhing blta na sdug/ them skas lta bur 'dzegs nas su// lha yi 'dun sar 'gro bar byed// de ltar dge slong des rang gi las la spyod pa'i lha rnams kyang mthong / / las kyi 'bras bu sna tshogs kyang mthong nas 'khor ba la 'dod chags dang bral lo// grong khyer dmar po na gnas pa'i lha de dag kyang ji srid du 'dod pa sdug pa yid du 'ong ba legs par byas shing bsags pa'i las de zad par ma gyur pa de srid du/ de na dga' bar byed/ rtse bar byed/ dga' dgur spyod par byed do// de phyis lha'i ris de nas 'chi bar
- 64b
'gyur te/ shi nas kyang gal te lan grangs gzhan la myong bar 'gyur ba'i las kyi sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par 'jig rten pa thams cad dga' zhing nor mang po dang ldan pa dang lho phyogs su gnod pa med par skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas sna tshogs zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar sems pa dang ldan par gyur cing / sems pas brlan pa'i snying dang ldan pa gang gis sems can tshul khrims dang ldan pa rnams la bza' ba dang / btung ba dang / bza' bca' dang / tshong ma sna tshogs dag byin na/ de lus dang bral nas bde 'gro mtho ris kyi 'jig rten sna tshogs kyi lha rnams kyi nang du skye bar 'gyur ro/ / las sna tshogs kyis bskyed pa/ bde ba sna tshogs la ni spyod/ galogs pa dang mal stan sna tshogs kyi nang na ni 'gre/ bde bar gnas pa'i kun dga' ra ba dang rtse ba dang 'gros chog ni byed/ tshal dang skyed mos tshal sna tshogs su ni 'gro/ lha mo'i tshogs cha byad sna tshogs thogs pa ni phyi bzhin 'brang / tshal dang / nags tshal dang / ri sna tshogs dang / chu bo dang / pad+ma'i tshal dang / ut+pa la dang / me tog
- 65a
dang / 'bras bu'i skyed mos tshal sna tshogs dag na ni gnas/ bgo ba dang / mal cha dang / sgeg pa'i tshal sna tshogs na ni spyod/ gzha'i gtam brjod cing 'du 'dzi la dga' la/ shin tu chags pa'i sems sna tshogs kyis ni 'tsho/ rtog pas bskyed pa la dga' zhing / blo rnam par chags pa rab tu myos pa yin te/ de ltar las sna tshogs byas nas rgyu sna tshogs byed pa de tshal sna tshogs rnams su bde ba sna tshogs dag myong bar byed do/ / de nas dge slong de shin tu dga' nas/ 'di ltar tshigs su bcad de smras pa/ ri mo mkhan gyi ri mo rnams// de ni sna tshogs bri ma yin// gang zhig las kyi ri mo mkhan// mtho ris su ni mang du 'dri// tshon rtsis bris pa bris mi 'gyur// de ni bgrang bar bgrangs yod kyi// las kyis bris pa grangs med de// de ni sems kyis 'dri bar byed// rtsig pa zhig na nges par yang // ri mo ma/ lus 'jig par 'gyur// las kyis bris pa lus zhig kyang // 'jig pa nyid du mi 'gyur ro// ji ltar ri mo mkhan cig gcig/ ri mo sna tshogs 'dri ba dag/ de bzhin sems ni gcig pu yis// las rnam sna tshogs byed par 'gyur/ / ji ltar tshon rtsis bsal ba lngas// bris pa snang la ston par byed// de ltar dbang po lnga rnams kyi// las kyis 'khor ba 'khor bar 'dri// ri mo mkhan gyi mi dag ni// du ma dag tu snang 'gyur gyi/ / ri mo mkhan de sems phra bas// thams cad du ni mi mthong ngo // ri mo legs shing legs pa dag/ ji ltar rtsig ngos rnams la 'dri// las rnams legs shing legs pa dag/ de ltar sems la 'dri bar
- 65b
byed/ / ji ltar nyin dang mtshan rnams su// sems rgyun 'byung la sems gnas 'gyur// de ltar nyin dang mtshan rnams su// de bzhin las kyi rjes su 'jug/ ji ltar rlung dang dung ba rdul// gdung ba rnams kyis ri mo// 'jig/ de ltar dge dang mi dge ba// spangs na las kyi ri mo 'jig/ de ltar dge slong des sems ri mo mkhan lta bu/ las ri mo lta bu la rag las pa mngon par mthong nas/ las kyi de nyid rnam par mthong ba 'khor ba las yid byung ngo / / lha sna tshogs de dag gis las sna tshogs de dag kyang ji srid du 'dod pa sdug pa yid du 'ong ba'i las byas shing bsags pa/ bde 'gro nges par myong bar 'gyur ba de zad par ma gyur pa de srid du myong bar byed do/ / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par rtag tu rgyu zhes bya ba rdzu 'phrul che ba dang / nor dang ldan pa dang / dpon sna byed pas 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa de lha rtag tu myos gnas rnams kyi gnas la rtag par byed de/ nges thos pa las byung ba'i shes pas brtags na/ lha rtag tu myos gnas rnams kyi gan mtho bar gnas zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par spyad pa'i las mngon par shes pa/
- 66a
sems pas yongs su bsgoms pa'i sems dang ldan pa gang gis sems can rnams kyi grang ba dang tsha ba yongs su bskyab pa'i phyir bsod nams kyi gnas mal byas na/ de lus dang bral nas bde 'gro mtho ris kyi 'jig rten mtho bar gnas pa'i lha rnams kyi nang du skye bar 'gyur ro/ / der skyes nas kyang reg pa la bde bar gnas pa de dbang po lnga'i yul gyi bde ba rnam pa du ma rnam pa mang po dag myong bar 'gyur ro/ / lha'i ris de na tshal dang nye ba'i tshal dag yod de/ 'di lta ste/ me tog man+da ra ba la rtse ba dang / stug po sbyor gnas dang / ngal bso bde dang / rtse dang sgra 'byin ldan dang / sgyu ma kun dga' dang / 'jigs med de/ tshal dang nye ba'i tshal de dag tu lha de lha mo'i tshogs sna tshogs kyis yongs su bskor ba dang bcas pa dag dga' bar byed/ dgod par byed/ rtse bar byed/ sgeg par byed do// sil snyan yan lag lnga dang ldan pas dga' bar byed cing / blo rang dgar gnas pa bdag nyid chen po ci dgar sgrogs pa/ bde ba mchog dang ldan pa skyid par gnas pa rnams pad+ma'i tshal nas pad+ma'i tshal du 'dod par byed de/ mtho ris dang 'thun pa'i rin po che'i snying po rab tu mang pos rnam par brgyan pa/ rtag tu bag tsha ba med par spyod pa rnams yul mtho ba nas yul mtho ba dang / gser gyi ri rab 'bar ba'i 'phreng ba'i 'od rnams kyis gsal bar byas pa de dag la lus nang med pa rnams yongs su rgyu bar byed cing rtag tu bde bas myos par gnas pa legs par byas pa mang po 'dod par byas pa'i las kyis der skyes pa rnams dga' bar byed/ rtse bar byed/ dgar dgur spyod par byed do// chu bo dang / 'bab tu/
- 66b
dang / steng kas brgyan pa'i mtho ris kyi yul rnams na/ di sring du 'dod pa sdug pa yid du 'ong ba'i las de las par ma gyur pa de srid dru de na dga' bar byed do// de pyis sgra'i 'jig rten de nas 'chi bar 'gyur te/ shinas kyan la te lan grangs gzhan la myong bar 'gyur ba'i las kyis sems can dmyal ba dang / yi dgas dang / dung 'gro ning dus skyes la/ so rnams dang skal ba mnyam par mi'i nang du skyes na/ de las de dang rgyu mun par rgyam po'i chos sems pa chen por 'gyur zhing 'jig rten thams cad dga' bar 'gyur ba mthong ngo / / / dam pa'i chos dran pa nye bar gzhag pa bam po nyi shu brgyad pa/ de nas yang dge slong las kyi 'bras bu rnam par smin pa shes pa des lha rtag tu myos gnas rnams kyi gnas la rtog par byed de/ des thos pa las byung ba'i shes pas brtags na/ lha rtag tu myos gnas rnams kyi gnas rgun chang myos gnas zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ tshul khrims dang ldan par gyur pa/ phan par 'dod pa dang / 'jam pa'i snying rje dang / rang bzhin gyi ngang 'jam pa/ drang ba g.yo med pa gzhan la gnod pa med pa gang gis phyogs bzhi'i dge sbyong dang bram zo nyon mongs pa mgon med pa rnams la nyin gcig gam/ gnyis sam/ gsum mam/ bzhi lta smos kyang ci dgos te/ de ltar rim gyis rgya cher rtag res 'khor byin na/ de lus dang bral nas bde 'gro mtho
- 67a
ris kyi 'jig rten lha rtag tu myos gnas rnams kyi nang du skye bar 'gyur ba mthong ngo / / der skyes nas kyang mtho ris kyi skyed mos tshal na bde bar gnas pa de/ gser gyi dril bu g.yer kha'i dra ba bres pa/ sgra mang po 'byin pa dang ldan pa'i tshal rnams kyi nang na/ lha mo'i tshogs kyis yongs su bskor cing / 'dod pa sdug pa yid du 'ong ba'i yul la chags pa dag dga' dgur spyod par byed do/ / lha gzhon nu gzhan rab tu mang po rnams kyis mngon par mchod cing lha'i bdud rtsi'i skom mang pos ni myos/ me tog man+da ra bi'i 'phreng bas ni mgo brgyan/ pad+ma'i tshal gyi gsab gseb na ni gnas/ gser dang bai DUR+Ya dang / shel dang / dngul gyi ri dag la ni 'dzegs/ bung ba sgra skad snyan pa 'byin pa pad+ma'i tshal rnams kyi nang na rnam par rgyu bar ni byed/ lha mo'i tshogs kyis yongs su bskor cing nyi ma 'bum so so na 'gran pa lta bu'i me tog man+da ra ba dang / pad+ma'i tshal rnams kyi nang na gser gyi bya sgra 'byin pa thos na rnar snyan pa dang / rol mo'i yan lag lnga dang ldan pa thos na sgra snyan cing bde ba rnams kyis nang na mngon par dga' bar byed do/ / gser dang bai DUR+Ya'i rdo leb kyis sa gzhi legs par bsnyams pa dang / mu tig bye ma sa gzhi bsnyams pa'i mtsho/ lha'i chu yon tan yan lag brgyad dang ldan pa rnams kyi nang na dga' bar bye// rang gis byas pa'i bsod nams kyis sprul pa'i lhun po dag la gser dang / bai DUR+Ya dang / dngul dang / shel gyi rdo yis mdzes par byas pa'i ri bzang po'i rtse mo dag na mngon par dga' bar byed de/ dga' ba dang sgying ba
- 67b
sna tshogs la gnas pa/ lha dang lha mos dkrigs pa'i nang na dgod cing rtse la g.yer ba/ lha dang lha mo'i tshogs kyis yongs su bskor ba de ji srid du 'dod pa sdug pa yid du 'ong ba rang gis byas shing bsags pa'i las de zad par ma gyur pa de srid du rang gis legs par byas pa'i las kyi 'bras bu la nye bar spyod par byed do/ / gang gi tshe las zad par gyur pa dang / de phyis lha'i ris de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par rtag tu bde ba dang ldan zhing ri 'bigs byed kyi sman ljongs dag tu gnas pa dang / rgyal po'i yid ches par 'gyur ba mthong ngo // de nas yang dge slong las kyi 'bras bu rnam par smin pa shes pa de lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas lha yul la 'dod pa zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems dang ldan par gyur pa gang gis tshul khrims dang ldan yang rung / mi ldan yang rung / lta ba log kyang rung / ma log kyang rung ba zhig nad kyis thebs pa la/ nang rkyen dang / sman dang / nad g.yog dag byin la/ de'ang nang sos par gyur na/ de lus dang bral nas bde 'gro mtho ris kyi 'jig rten yul na dga' ba'i lha rnams kyi nang du skye bar 'gyur ro// der skyes nas
- 68a
kyang 'jigs pa thams cad dang bral bar shes pa de/ lha'i gnas gzhan dag tu mchod cing las 'phel ba las bde ba 'phel bar 'gyur te/ ji ltar mar me 'bar ba la sa 'od 'byung ba de ltar las 'phel ba las bde ba 'phel bar 'gyur ro/ / de ltar lha rnams lha'i 'jig rten na las kyi 'bras bu de la spyod pa rnam par smin pa shin tu nyams dga' ba/ dpe med pa thun mong ma yin pa dag 'byung ngo // legs par byas pa'i las des der skyes pa de/ bai DUR+Ya dang / nor bu dang / dngul gyi lhun po gsal ba'i rtse mo mthon po rnams na shin tu bde bar gnas pa'i kun dga'i ra ba dag yod do// skyed mos tshal dang / stegs du mas brgyan pa'i sa dag la gnas shing tshal dang nye ba'i tshal rin po che sna bdun gyis brgyan pa/ 'od sna tshogs kyis yun ring du nyams dga' bar byed pa rnams kyi nang na lha mo'i tshogs kyis yongs su bskor te/ de dag gis rtsed mo byed pa na/ de ltar dbang po lnga dang / blo yul la chags pa de ci dga' dgur bde ba la gnas te/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha yul lha'i gnas de na 'dod pa thams cad la blo rnam par chags pa de dga' bar byed/ gnas par byed/ dga' dgur spyod par byed de/ las de zad nas de nas yang las kyi 'bras bu la spyod pa ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu mthun par byang gzugs bzang po dang ldan zhing
- 68b
gar yang 'jigs pa med pa dang / nor bzang po dang ldan pa dang / rgyal po'i 'khor gyis mchod pa dang / tshe ring ba dang yul bzang por skyes te/ dus kyang chos bzang po la dga' ba'i dus su skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des lha rtag tu myos gnas rnams kyi gnas la rtog par byed de/ des thos pa las byung ba'i shes pas g+ha rtag tu myos gnas nas kyi gnas chu bsil gnas zhes bya ba ji ltar 'dug pa mthong ngo / / der sems can dag las gang gis der skye bar 'gyur snyam nas/ des thos pa las byung ba'i shes pas brtags na/ snying rje can sems pas yongs su bsgoms pa'i snying dang ldan pa gang gis sems can gzhan 'chi ba'i dus kyi tshe/ skom gyis gdungs po'i skom pa bsal bar bya ba'i phyir ram/ gshin rje'i mi yis 'jigs pa brtan nas 'khrugs par gyur pa la bu ram chu'am chu grang mo blung na de legs par byas pa'i las kyi mthu des gang gi tshe 'chi bar 'gyur ba de'i tshe/ lha rtag tu myos gnas rnams kyi gnas chu bsil bar gnas zhes bya ba lha de dag gi nang du skye bar 'gyur ro// der skyes nas kyang chubasil ba'i tshogs 'bab chu dang / chu bo phun sum tshogs pa'i sa phyogs dag na de dga' bar byed do// de lha'i btung ba'i rnam pa 'di lta bu dag 'byung bar 'gyur te/ 'di lta ste/ mthong na myos pa skyed pa dang / dris myos pa skyed pa dang / reg pas myos pa skyed pa dang / sgra thos na myos pa skyed par byed pa/ myos pa'i skyon dang bral zhing snying dga' bar byed pa yin no// yon tan lnga dang ldan pa'i btung ba dag
- 69a
kyang 'byung ste/ 'di lta ste/ btung ba de dag 'thungs nas/ lha rnams lha'i stobs bcu 'gyur du 'byung bar 'gyur ro// ji ltar nam mkha' la 'gro ba nyams par yang mi 'gyur zhing ltung bar yang mi 'gyur la/ de bzhin du sa la'ang 'bying bar mi 'gyur ro// de'i brtson 'grus yongs su nyams pa'ang med la/ ca co dang gzha'i sgra la mngon par dga' zhing yid shin tu dga' ba de rab tu dga' ba brgya 'gyur du 'byung bar 'gyur ro/ / de'i rna ba'ang mnyan par bya ba la thogs pa med de/ shin tu bde ba yang dag par 'byung bar 'gyur ba mtho ris dang 'thun par gnas pa yul gyi bde ba nyams dga' ba dag myong bar 'gyur ro// rin pa che sna bdun gyi shing ljon pa'i tshal 'di lta bu dag kyang yod de/ 'di lta ste/ tshal g.yer byed dang / tshal kun dga' dang / tshal dga' ba der gnas dang / tshal yid tshim dang / tshal rlung bde dang / tshal sgra lnga 'byin dang / tshal 'dab sgra rol mo dang / tshal yid 'thun dang / tshal bde bar gnas pa de rnams kyi nang na mngon par dga' bar byed do// mig gis kyang gzugs 'dod pa sdug pa yid du 'ong ba dag mthong ngo // rna bas kyang sgra snyan pa rnar 'thad pa yid du 'ong ba dag thos so/ / snas kyang dri zhim pa bsung che ba yid du 'ong ba dag snom mo// de ltar lces kyang ro zhim pa bro ba che ba yid du 'ong ba dag myong ba ste/ de ltar rnam pa de lta bus yid tshim par byas pa'i snying dang dbang po lnga yul la chags pa'i dga' ba dang bde ba dag myong bar byed do/ / de ltar de sred pa'i tshogs drug gi mas nyin gcig bzhin sreg par byed la/ 'dod chags kyi mes kyang nyin gcig bzhin yongs su
- 69b
sreg ste/ 'dod chags kyi ma dang / bag med pa'i me lce drug shin tu stobs che bar gyur kyang de dag des mi rig go/ bag med pa des yid phrogs shing bag med pa'i gnas su skyes pa/ bag med pa des nyams pa legs par byas pa'i las nges yul gyi bde ba la lhag par dga' bzang ba med pa de ni/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na bde ba myong bar byed do/ / gang gi tshe zad par gyur pa dang / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par bkres pa dang / skom pa dang / ngal pa dang / lo nyes byung ba'i 'jigs pa yongs mi 'byung la/ rtag par shin tu bde bar gnas pa dang / yul ma mthong ba rnams su 'ongs na nga dga' ba dang mgu bar 'gyur ba dang / de la bya ba med pa bzhin du yang mal stan dang / na ba'i gsos sman gyi rkyen gyi yo byad mang po dag sbyin par byed pa mthong ngo / / de nas yang dge slong las kyi 'bras bu rnam par smin pa shes pa de lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas brtan dga' zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na//
- 70a
gang gis spong ba'i tshul khrims dang ldan pa'i dge slong yid skyo bar bya ba'i phyir/ mi ro 'am/ mi ro lta bur bris pa zhig bzhag na/ bde 'gro mtho ris kyi 'jig rten brtan dga'i lha rnams kyi nang du skye bar 'gyur ro/ / der skyes nas kyang rtag tu brtan dga' de bai DUR+Ya dang / gser dang / bya ru dang / an+d+ra rnyi la dang / margad lta bu'i mtho ris kyi gnas dag na yang dang yang du dga' bar byed cing nyin gcig bzhin du bde ba bar chad med pa 'bum snyed dag myong bar byed do/ / rol mo dag mang po du ma 'bum snyed dag mang du thos na bar chad med par dga' ba la lhag par chags te/ kun nas nyon mongs pa 'byung ba gang yin pa de ni dpe byar yang med la/ mtho ris su bas dang / skom dang / gos dang / me tog dang / dris myos shing dga' ba mang po du ma 'byung ngo // der dga' ba di lta bu dag 'byung ste/ 'di lta ste/ tshal mthong na dga' ba dang / bya sna tshogro sgra 'byin na dga' ba dang / rol mos dga' ba dang / lha mo mthong na dga' ba dang / rgyags par gnas na dga' ba dang / dri zhim pos dga' ba dang / thags su ma btags pa'i gos gyon na dga' ba dang / spos sna tshogs kyis phog na dga' ba dang / bza' ba dang btung ba tshogs na dga' ba dang / rtsen pas dga' ba dang / nam mkha' la 'gro bas dga' ba dang / snying du sdug pa'i lha mthong na dga' ba dang / rin po che'i ri'i rtse mo nas ri'i rtse mo blta na dga' ste/ de dag la sogs pas mngon par dga' la/ dga' ba du ma gzhan rnams la'ang shin tu chags te/ bde ba shin tu yid du 'ong ba'i kun dga' ra ba dang / sil snyan
- 70b
yan lag lnga dang ldan pa'i glu dbyangs len pa dang / rang gis byas pa'i bde ba la gnas pa lha'i bde ba rnam pa du ma de dag ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du myong bar byed do/ / de zad nas yang lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par skyed mos tshal sna tshogs kyi nang na gnas shing shin tu bde ba dang ldan pa dang / bgo ba'i gos sna tshogs dang / dga' gtam sna tshogs dang / spyod pa sna tshogs dang / blta bar bya ba sna tshogs mthong bar 'gyur ba mthong ngo // de nas yang dge slong des rgyal chen bzhi'i lha rnams kyi gnas gsum dang / las kyi 'bras bu rnam par smin pa dang bcas pa rnam par phye nas/ gnas bzhi pa la rtog par byed de/ des thos pa las byung ba'i shes pas pi wang can gsum pa zhes bya ba'i lha rnams mthong ngo // de rnams kyi gnas bcu po'ang 'di lta ste/ dri dga' dang / sgra snyan pa dang / de la chags dang / skyor chu skyes dang / lus dkar dang / phan tshun dga' ba dang / yang dag chags spyod dang / 'khor dang rnam spyod dang / skyil mo krung gi steng du skye ba dang ldan par gnas pa dag ste/ g+ha pi wang can gsum pa rnams kyi gnas ni bcu po de dag yin no// dge slong de de rnams kyi las kyi rnam par smin pa rnam par 'byed par byed de/ gnas de rnams su g+ha dag las gang gis skye bar 'gyur
- 71a
zhig gu snyam nas/ des thos pa las byung ba'i shes pas brtags na/ 'di ltar las de dag byed na de ltar de dang 'thun par skye bar 'gyur la/ las de dang 'thun par rnam par smin pa 'byung ngo // de la rgyal chen bzhi'i gnas dang po dri dga' zhes bya ba der/ sems can dag las gang gis skye bar 'gyur snyam nas/ nges thos pa las byung ba'i shes pas brtags na/ sems pa dang ldan par gyur cing / des sems bsgoms pa/ des lus bsgoms pa gang gis bsod nams bsags par bya ba'i phyir/ dge 'dun dag la kun dga'i ra ba'i sa 'am/ bu ram shing gi ra ba 'am/ 'bra go'i ri ba 'am/ shing a mra'i ra ba phul la/ de'ang yongs su spyod pa byed na/ de lus dang bral nas bde 'gro mtho ris kyi 'jig rten dri dga'i lha rnams kyi nang du skye bar 'gyur ro// der skyes nas kyang bde ba du ma thob cing spyod pa de/ lha'i tsan dan dang / tsan dan sa mchog gi byug pas lus byugs pa/ lha mo'i tshogs du mas yongs su bskor ba/ gzugs dang na byad sna tshogs dang ldan pa dgod pa dang / rtse ba dang / sgeg chos la mkhas pa rnams dang lhan cig pad+ma'i tshal dang / lteng ka dang / nags tshal gyi bar dag na/ me tog gi 'phreng ba dang gos gyon pa/ yid rab tu dga' ba rnams dga' bar byed/ dga' mgur spyod par byed do// de'i lha'i dri rnam pa du ma dag pad+ma'i tshal de dag dang / g+ha'i me tog de dag brtol nas dpag tshad brgyar bsrung stobs cher 'byung ngo / / dri mnam pa'i lha mo gang yin pa de dag thams cad dri shin tu nyams dga' zhing mchog tu yid du 'ong ba rnam pa du mas myos pa rnams/ yang lha'i dri des brgya 'gyur du myos
- 71b
par 'gyur ro/ / shin tu myos pa'i lha'i ris de dag nyid la sems chags pa rnams lha de dag nyid dang / rnam pa du ma brgya 'gyur du dga' mgur spyod par byed la/ de rnams dang lhan cig tu chu bo'i drung du 'gro bar byed do// chu bo de dag gi ming ni 'di lta ste/ rin chen 'bab ces bya ba dang / rin po che'i dum bu 'bab dang / gser 'bab dang / chang 'bab chu bo dang / sbrang rtsi 'bab pa'i chu bo dang / dbu ba rog rog 'bab pa dag ste/ chu bo de dag thams cad kyi 'gram na bya nga pa dang / ka ran da ba dang / ngur pa'i tshogs kyis brgyan pa/ bya sgra 'byin pa rnams dang / shing ljon pas mtha' khebs pa yin la/ shing de dag kyang rin po che sna bdun gyi bya rnams kyis kun nas dkrigs shing sgra yid du 'ong ba 'byin pa dag yin te/ lha mo'i tshogs glu snyan pa len pa la mkhas pa gang yin pa de dag kyang bya'i sgra dbyangs 'byin pa thos nas/ tshal gyi nang na rgyu ba'i bya gzhan sgra 'byin pa lha'i ltar snyan pa de dag la shin tu nyan par byed do/ / yul gyi 'dod pa la sems rnam par chags shing bya'i sgra 'byin pa de la snying shin tu chags pa de dag gis bde ba de thams cad bor nas/ bya'i sgra de la nyan par byed de/ bya'i sgra yid du 'ong ba sna tshogs dang / thos na bde ba rnam pa du ma sna tshogs dang / sgra dbyangs bdun dang ldan zhing rgyun mi drag pa 'byin pa la nyan par byed do// chu bo gzhan dag tu sgra 'byin par lha mo'i tshogs rnams dga' bar byed/ glu dbyangs len/ dgod par byed la lha'i chang myos pa'i skyon dang bral ba dag la 'thung bar byed do/ / de dag de rnams kyis mthong nas kyang / de rnams dang lhan cig dga' bar byed la/ bai DUR+Ya dang / dngul dang / shel dang / gser gyi ri bo gzhan dag gi rtse mo dang /
- 72a
chu bo dang / 'bab chu dang / lteng ka dang / nags tshal mdzes pa dang / pad+ma'i tshal bya'i tshogs sna tshogs kyis brgyan pa rnams su lha mo de rnams dang lhan cig dga' bar byed do// gzhan yang phyogs gzhan dag na bai DUR+Ya sngon po'i dum bu lta bu dang / me tog sna tshogs kyis khebs pa'i sa phyogs dag na dga' bar byed de/ de ltar legs par byas pa'i las de dang rgyu 'thun par sil snyan yan lag lnga dang ldan pas mtho ris kyi bde ba yid du 'ong ba rnam pa du ma dag myong ngo / / lha'i bde ba de'ang dge slong des thos pa las byung ba'i shes pas rtogs nas 'di ltar tshigs su bcad de smras pa/ rnam par chags pa'i dbang po lnga// de ltar yul rnams lnga la chags// 'dod chags skad cig me 'byung ba'ang // yul gyis tshim par ma byed do// yul rnams kun gyi nang ni cig/ 'dir ni bud med kho na lta// yul kun zil gyis mnan nas su// 'dod chags me ni chen por 'bar/ / tshogs pa dang ni ma tshogs dang // 'chi ba dang ni gtam brjod pa'ang // bud med rgyu las kun byung ste// me yis mi 'di sreg par byed// me ni tshogs dpa' bar 'gyur gyi// mtshogs 'bar bar mi 'gyur la/ / tshogs na'ang 'bar la ma tshogs kyang // lha rnams 'dod chags me 'bar ro// me de'i yul de med pa dang // rgyang ring na go sreg me byed// 'dod chags me ni nye ring 'dra// mi bzang dga' bas sreg par byed// kun tu rtogs pa'i shing skam 'byung // dga' ba ya yo'i shugs dang ldan// sred pa'i mar la bsnyugs pa 'di// 'dod chags me yis dga' bas sreg/ 'di ltar me yi lus gcig ni// bsregs nas rab tu zhi bar
- 72b
'gyur/ / ming dang gzugs dang ma bral ba'i// 'dod chags me ni zhi mi 'gyur// sreg byed mi bzad me la ni// 'byung po dga' bar mi byed la// 'dod chags me ni rab rno yang // mi rnams yid ni 'byung mi byed// dbang po// lnga las 'byung ba yis// 'di ni yul rnams lnga yis bsgribs// sred pa rlung gi stobs dang mtshungs// 'dod chags me yis skye dgu sreg/ rtog pa'i gtsub shing las byung ba'i// yul rnams kyis ni yongs su spel// lus ni shing ltar sreg byed kyang // de ni skye bos mi mthong ngo // ji lta ji ltar 'dod chags me// rab tu 'bar bas sreg byed pa// de lta de ltar 'dod chags dri// bde ba bzhin du yongs su bsten// me ni rab tu gsal 'gyur la// 'dod chags me ni mun pas bsgribs// de bas dug dang dgra lta bu// brtan pos 'dod chags me spongs shig/ de ltar dge slong des de dag mthong nas/ 'dod chags kyi mes sreg pa'i lha la snying brtse bar byed la/ lha'i srid par gtogs pa dag la'ang skyon de dag rtogs nas sred par mi byed do/ / de ltar dri dga'i sa phyogs na bde ba rnam pa du ma dag/ ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du myong bar byed do/ / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes ya/ mi rnams dang skal ba mnyam par mi'i nang du skyes na/ de las de dang rgyu 'thun par rtag tu sa phyogs bde ba thob cing shin tu 'byor pa dang ldan par 'gyur ba mthong ngo // de nas yang dge slong las
- 73a
kyi 'bras bu rnam par smin pa shes pa des lha pi wang can gsum pa rnams kyi gnas la rtog par byed de/ des thos pa las byung ba'i shes pas lha rnams kyi gnas sgra snyan pa zhes bya ba ji ltar/ 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las spad cing / sems pa dang / yang dag pa'i lta ba dang ldan par gyur pa gang gis lta ba log par zhugs pa dag la tshigs su bcad pa cig bstan la/ de dag kyang sems yud tsam zhig sangs rgyas pa dad pa skyes na/ de lus dang bral nas bde 'gro mtho ris kyi 'jig rten sgra/ snyan pa'i lha rnams kyi nang du skye bar 'gyur ro// der skyes nas kyang dbang po yul la dga' zhing bde ba de/ lha'i mtsho 'gram na rtse ba la ni dga'/ pad+ma'i tshal gyi 'phreng ba dang / gser gyi ri bo la gnas shing / lha'i rol mo byed pa la ni dga'/ lha mo gzugs dang rgyan rnam pa sna tshogs thogs pa/ 'dzum zhing 'jo sgeg la mngon par dga' ba/ byad bzhin gyi mdangs sdug cing dbang phyug mtshungs pa med pa la dga' ba rnams kyis ni yongs su bskor/ rtag tu nyin gcig bzhin bde ba la gnas pa rab tu 'phel zhing / bai DUR+Ya'i ri'i rtse mo dag na gnas la bde ba sna tshogs spyod pa me tog gi 'phreng ba dang / phye ma dang / byug pas lus brgyan pa dag de na dga' bar byed do/ / yul gyi rnam pa mang po la dga' ba/ ri rab dang / ri khrod yang ba na gnas pa dag gser gyi ri dang tshal rnams kyi nang na dga' bar byed de/ de na gser gyi ri 'di lta bu dag yod de/ 'di lta ste/ ri mkha' thug
- 73b
ces bya ba dang / ri grib med ces bya ba dang / ri thams cad dga' zhes bya ba dang / yid bzhin sprul ces bya ba dag ste/ ri de dag ni rin po ches rnam par phye zhing mdzes la/ gser gyi tshal gyis mdzes par byas pa/ ri'i rtse mo rnams na lha'i tshogs snying rab tu dga' ba rnams rtag tu glu dbyangs kyi sgra ni 'byin/ chu dang zhing bsil la gtsang ma'i rgyun dag dang / pad+ma'i rdzing rnams kyis ni rtag tu mdzes par byas/ bya rtag tu myos shing rnar snyan pa'i sgra 'byin pa rnams ni nye bar 'khod/ mig tu shin tu sdug pa'i ri'i sa phyogs kyi sman ljongs de rnams na rang gi las la spyod pa'i lha de dag dga' bar byed/ rgyu bar byed/ rtse bar byed/ dga' mgur spyod par byed do/ / lha mo bzang mo rnams kyis yongs su bskor cing / bya myos pa sgra 'byin pa dang / gser gyi bung ba myos pa mang po rnams kyis yongs su bskor ba'i lha de dag thams cad reg na bde ba'i lha'i lcug ma'i khyim rnams su 'khor dang lhan cig dga' bar byed do/ / de ltar de gnas de na ji srid du 'dod pa sdug pa yid du 'ong ba lha las ldog par mi 'gyur ba'i las de zad par ma gyur pa de srid du dga' bar byed do// gang gi tshe zad par gyur pa dang / de lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi 'khor bar yongs su 'khyam par 'gyur ro// gal te mi rnams kyi nang du skal ba mnyam par mi'i nang du skyes na/ de las de dang rgyu mthun par rtag tu rigs shin tu che ba'i nang du skye zhing shin tu 'byor pa dang ldan pa dang / skye bo kun gyis mchod pa dang / ris 'thun pa'i
- 74a
gzugs bzang po dang ldan pa dang / ris mthun pa'i skal ba dang ldan pa dang / skyon med pa dang / bran po dang / bran mo dang / skye bo dang ldan par 'gyur ba mthong ngo // de nas yang / dge slong las kyi 'bras bu rnam par smin pa shes pa de lta bi tha ba can gsum pa rnams kyi gnas la rtog par byed de/ des thos pa las byung ba'i shes pas lha rnams kyi lha'i gnas de la chags pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad par gyur pa/ de la rab tu chags pa'i yid sems pa dang ldan par gyur pa gang gis grogs po la skom phor gang tsam blud pa 'am/ 'gron po rnams la srog chags lu ta dang / ki ta dang / sbrang bu mchu rings dag gi 'jigs pa las bde bar bya ba'i phyir khron pa dag 'gebs par byed de/ 'di ltar srog chags dug dang 'dre ba 'di dag gi dug chu'i nang du song na/ de las mgron po lam du zhugs pa rnams kyi srog gi bar chad du 'gyur ro snyam nas bya ba ci'ang med kyis kyang / byams sems kyis khron pa la 'thun pa'i skye bo gzhan la phan par bya ba'i phyir gzhi de las de g.yog par byed na/ skyes bu dge ba de lus dang bral nas bde 'gro mtho ris kyi 'jig rten lha pi wang thogs pa rnams kyi gnas de la chags pa zhes bya bar skye bar 'gyur ro/ / der skyes nas de'i lus ni nyi ma gnyis pa lta bur gzi che ste/ legs par byas pa'i las rnams kyis lus thams cad ni brgyan/ ri dang / ri bo dang / ri sul dang / 'bab chun gnas pa rnams
- 74b
de dang spyod pa'i ngang tshul 'thun pa'i lha mo'i gzugs dang / lang tsho dang / rgyan rnam pa sna tshogs thogs pa rnam kyis ni yongs su bskor/ gzugs dang / sgra dang / dri dang / ro dang / reg bya sdug pa du ma la rab tu chags shing / mchog tu bde ba dang ldan pa yin no// gnas de dag na rin po che sna bdun gyi shing ljon pa rnams kyis yongs su bskor ba'i ri dang tshal 'di lta bu dag yod de/ 'di lta ste/ rnyis pa med pa'i tshal de na me tog rnams kyang rnyis pa med cing / dri dang yang bral ba med pa dang / gser gyi grib ma'i tshal zhes bya ba gser gyi lcug mas dra bar bres shing / bai DUR+Ya'i bung ba rnams mdzes par byas ya/ rma bya dang khu byug sgra 'byin to// bya de dag kyang rin po che sna bdun gyi sgro gshog dang ldan pa/ sgra snyan cing 'jebs par 'byin pa yin te/ tshal de na shin tu nyams dga' bar yang bdag nyid kyis mthong nas shin tu bde bar gyur to// de na bya 'di lta bu dag yod de/ bkra ba dang / sgro gshog bkra ba dang / lha rnams kyi snying la 'dod pa skyed pa gang yin pa de dag des sgra 'byin par byed de/ sgra de thos nas lha rnams kyang ngo mtshar cher skyes la/ 'di ltar bya 'di dag ni lha dang 'thun par mthong ste/ gang bdag cag gi yid la 'dod pa de dag bya de rnams sgra 'byin par byed do snyam mo/ / bya chu zhim gnas zhes bya ba de dag gi kha nas chang ro dang dri'i ngo bo gtsang ba phun sum tshogs pa 'byung ngo // kha nas byung ba'i chang de la'ang bya gzhan rnams 'thung bar byed de/ de 'thungs nas bya de dag bcu 'gyur du myos shing yid rab tu dga' nas/ brgya 'gyur du sgra 'byin par byed do// lha de dag gi nang na sgra dbyangs phan tshun 'dres pa brgya 'gyur du snyan pa yin te/ byed dag gi sgra dang / lha mo
- 75a
ngag gi glu dbyangs thos nas/ 'dod pa la chags pa'i lha yid shin tu bde ba rnams brgya 'gyur du dga' ba skye zhing de dag gi glu dbyangs dang sgra la chags par byed do// bya ma chu sgyur 'gro zhes bya ba gang / dril bu g.yer kha'i dra ba sgra 'khrol ba'i gsapa gseb na dga' bar byed pa la/ 'di ltar ci 'di na bya'i sgra 'byin nam/ ci dril bu g.yer kha'i sgra 'byin ces gsal bar mi mngon pa de ltar de dag dang lhan cig sgra 'byin te/ phan tshun 'dres pa nyis 'gyur du'ang snyan pa yin no// bya 'gram gyi mtha' na spyod pa zhes bya ba gang / chang rtag tu chu bo ltar 'bab pa'i 'gram dang / gser gyi pad+ma'i bar bar dag na gnas so// bya grib ma'i nang na rgyu ba zhes bya ba gang / ji tsam du sred pa'i rnam pa dang 'dres na gzugs kyi rnam pa de tsam 'gyur te/ rnam pa de srid du gnas so// bya chas pa zhes bya ba gang / gal te lha shin tu nyams dga' ba rnams dang nye bar lha mo de dag gnas na/ brgya 'gyur du mdzes te tshal dang / nags tshal du ma rnams kyi nang na'ang rtag tu bde bar gnas pa dag dga' bar byed do// yid la bsams pa gang yin pa de dang de dag nyid 'grub par 'gyur te/ shin tu rgya che bar gyur cing / dga' ba dang / sdug pa dang / yid du 'ong ba skye'o// lha mo'i tshogs du mas yongs su bskor ba'i lha de/ tshal dang nye ba'i tshal de rnams kyi nang na dga' bar byed do// gser dang / dngul dang / bai DUR+Ya'i ri'i rtse mo gzhan dang gzhan dag la bai DUR+Ya'i pad+ma'i rdzing gis yongs su bskor cing / bya dang ba dang kar nad pas kyang bskor ba/ bai DUR+Ya sngon po lta bu'i chu shin tu dri zhim pas gang ba/ chang du ma 'byung ba/ bai DUR+Ya'i dang / gsar dang / dngul gyi shing ljon
- 75b
pa dri zhim pa rnam pa du mas gtibs pa/ kun nas ri 'di lta bu kun yod de/ bsams na sna tshogs 'byung dang / sa stengs yangs dang / sa phyogs mtho dman dang / gzhi 'jam stengs dga' ste/ de rnams su lha mo'i tshogs kyis yongs su bskor ba'i lha thams cad nam mkha' las 'gro zhing 'bab la/ kun nas dga' bar byed cing dga' dgur spyod par byed do// gzugs sdug pa 'bum phrag du ma rnam pa du ma ngag la lta bar byed do// sgra snyan pa 'jebs pa yid du 'ong ba 'bum phrag du ma la nyan par byed do/ / dri zhim pa bro ba che ba yid du 'ong ba 'bum phrag du ma dag la snom par byed/ de bzhin du reg pas reg par bya ba dag la reg par byed do// de ltar dbang po thams cad yul la myong bar byed de/ rang gis byas pa de ji srid du 'dod pa sdug pa yid du 'ong ba'i las de zad par ma gyur pa de srid du gnas de dag na dga' bar byed do// de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du 'khor bar 'gyur ro// gal te lan grangs gzhan la myong bar 'gyur ba'i las kyis mi rnams dang skal ba mnyam bapar mi'i nang du skyes na/ de las de dang rgyu mthun par rtag par rgyun du bde ba dang ldan zhing / kun dga'i ra ba bde bar gnas pa dang / rgyal po byams pa dang / skye bo thams cad la sdug par 'gyur ba mthong ngo // de nas yang dge slong las kyi 'bras bu rnam par smin pa shes pa des lha pi wang can gsum pa'i gnas la rtog par byed de/ des thos pa las byung ba'i shes pas/ lha rnams kyi gnas sbyor chus skyes zhes bya ba ji
- 76a
ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa sems pas yongs su bsgoms pa'i snying dang / snying rjes brlan pa'i sems dang ldan pa gang gis sems can 'chi bar 'gyur ba skom gyis gdungs te/ mgul sgra ngar ngar por bgags shing / srog cung zad yod pa la skom blud dam/ de bzhin du gang gis de'i srog bde bar 'gyur bar bya ba'i phyir sman dag byin na/ de lus dang bral nas bde 'gro mtho ris kyi 'jig rten pi wang can gsum pa'i lha rnams kyi nang du skyor chus skyes pa'i gnas su skye bar 'gyur ro/ / der skyes nas kyang de lha'i dbang po'i lus dang mtshungs shing / lha mo'i tshogs kyis kun nas bskor te/ bde ba rgyun mi 'chad la rtag tu gnas pa yin no// de ltar rang gi las la spyod pa de tshal du ma dang / chu bo dang / 'babo chu du ma dag kyang rab tu mthong ste/ de res 'ga' lha mo'i tshogs kyis yongs su bskor nas/ tshal 'phreng ba zhes bya ba der 'dong bar byed do// tshal de'ang chu bo dang / lteng ka dang / pad+ma'i tshal du ma dag gis brgyan cing / lha mo'i rol mo'i sgra dag gis mdzes par byas la/ lha dang lha mo'i tshogs rab tu dga' ba rnams kyis gang ba yin no// tshal de na shing ljon pa me tog dang 'bras bu du mas brgyan pa/ lha'i rol 'i sgra 'byin pa/ bya'i sgra caco snyan pa 'byin pa yin no// tshal de ni rin po che sna tshogs kyi shing ljon pa rnams kyis yongs su bskor ba yin te/ 'di lta ste/ rtag tu dga' ba dang / yang dag par dga' bar byed pa'i me tog maH
- 76b
ra ba dang / pad+ma dang / dri ji ltar dga' ba rnams kyis bskor ba yin no// me tog de dag gi dri'i mthu ni 'di lta bu yin te/ lha rnams dri ji lta ji ltar 'dod pa de lta de ltar me tog de dag las 'byung la/ me tog gcig gis me tog thams cad kyi dri'i bye ba byed do/ / tshal 'phreng ba de nyid na lha rab tu dga' zhing bro gar byed pa/ phan tshun grogs su gyur pa rnams tshal me tog lnga pa zhes bya bar 'dong bar byed do// de na'ang bya dus su dran par byed pa zhes bya ba yod de/ des lha de dag mthong nas 'di ltar tshig 'brel ba'i tshogs su bcad de smras pa/ bsod nams ngag ni nyams dga' la// de dag 'bras bu mchog tu dge/ bsod nams lta bur sgrol ba med// de lta bas na bsod nams byos/ / bsod nams gnyen gyi mchog yin te// bsod nams gter ni zad mi shes// bsod nams mar me lta bu yin// de bzhin pha dang ma dang mtshungs// bsod nams byas nas 'gro ba'i lha// bsod nams kyis ni bzang 'gror khrid/ / mi yul bsod nams byas pa na// de dag lha yul dga' bar byed// 'di ltar bsod nams che ba'i mi// rtag tu bde dang ldan par 'gyur// bsod nams lta bu bde ba med// de lta bas na bsod nams kyis/ / 'jig rten gnyis la phan byed cing // dga' dang nor gyi rgyur gyur pa// bsod nams yin par rtag tu mthong // de ltar bsod nams bde mchog ldan// rtag tu bsod nams rjes 'brang ste// de ni grib ma bzhin du 'brang // de bla bsod nams bde mchog ste/ / bsod nams lta bu bde ba med// bsod nams zad pa'i lha rnams ni// rang gis byas pa'i rjes su ltung // 'jig rten dge dang mi dge'i 'bras// de bas bsod nams yang dag spyod//
- 77a
lha yi yul du bdag cag gang // dud 'gro'i skye gnas 'thun par gnas// bsod nams ma yin rgyur gyur pa// rang gis byas pas sems rmongs so// gang zhig bsod nams dman pa ni// gdul dka' rtag tu ngan 'gror 'gro/ / bye ma la ni mar med ltar// de la bde ba ga la yod// sems kyis bslus pa'i rmongs pa rnams// bsod nams kyi ni yongs su spangs// de dag la ni bde med cing // de dag sdug bsngal mtha' med do/ / yang dang yang du skye 'gyur zhing // yang dang yang du 'chi bar 'gyur// lha dag bde bas myos pa gang // de dag la ni bde rtag med// las kyi rgyar ni bcug gyur cing // gti mug gis ni bslus pa rnams// 'khor ba thog ma med pa nas/ / 'khrul 'khor bzhin du 'khyam par byed// lha dag lha yi 'jig rten nas// 'chi bar 'gyur ba'i sdug bsngal gang // de ni dmyal las dmyal bar du// de yi dpe byar yong med do// de mtha' rtag tu ltung bar go/ 'di dag ci zhig mi shes sam// lha rnams 'chi med yul lta bur// bde bas rmongs rnams lta bar byed// skye dang 'chi ba'i 'jig rten ni// grangs su bgrang du yong med kyang // sred pas yongs su bslus pa yi// mi rnams yid ni 'byung me byed/ / de nas b+ha de rnams lha'i bya de'i sgra de thos nas cung zad cig yid la byas pa dang / yang bag med pa de nyid kyi dbang du gyur te/ sred pas srid par spyod pa de dag thams cad ni/ sems la rtag tu rag las pa yin/ no// 'phreng ba'i tshal de na bde ba las bde bar gnas pa de dag sil snyan yan lag lnga dang ldan pas bro gar byed/ dgod par byed do// yul bud shing lta bur gyur pa la/ bag med pa me lta bur rgyun mi 'chad par sreg pa na
- 77b
yul nas yul dang / nye ba'i tshal nas nye ba'i tshal dang / ri'i steng nas ri'i stang dang / gzhal med khang nas gzhal med khang dang / pad+ma'i chal nas pad+ma'i tshal dang / rin po che'i ri'i rtse mo nas rin po che'i ri'i rtse mor rgyud de ltar lha mo dang lhan cig yul gyi sred pas bdas pa na/ lha de rnams ji srid du 'dod pa sdug pa yid du 'ong ba'i las de zad par ma gyur pa de srid du lha'i 'jig rten de na dga' bar byed do// de zad nas de nas yang ltung bar 'gyur te/ lhung nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i 'khor bar yongs su 'khyam mo// gal te mi rnams dang skal ba mnyam par mi'i nang du rgya na/ de las de dang rgyu 'thun par tshe rabs tshe rabs su nad med par 'gyur zhing nyon mongs pa med pa dang / skye bo dam pa kun gyi yid du 'ong ba dang / bkres pa dang / skom pa dang bral ba'i yul bzang por skye ba dang / me tog gis brgyan par 'gyur ba mthong ngo / / de nas yang dge slong las kyi 'bras bu rnam par smin pa shes pa de lha pi wang can gsum pa rnams kyi gnas la rtog par byed de/ des thos pa las byung ba'i shes pas lha pi wang can gsum pa rnams kyi gnas lus dkar zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ zhing dang zhing ma yin pa'i rnam pa shes shing yid shin tu dang ba dang / sems pas yongs su bsgoms pa'i snying dang ldan pa dang / der ying zhugs shing sems g.yeng ba med pa/ las kyi 'bras bu mngon par
- 78a
shes pa gang gis mchod rten nam/ dge 'dun gyi gtsug lag khang gi sbyang nul rlung ngam/ nyi ma 'am/ char pas zad pa slar skyang nul byugs la de ltar byas nas de rjes su dga' zhing gzhan dag kyang de nyid la dga' bar byed du 'jug la/ lugs bzhin byed du 'jug ste/ de ltar byed na de lus dang bral nas bde 'gro mtho ris kyi 'jig rten lus dkar gyi lha rnams kyi nang du skye bar 'gyur ro// der skyes nas kyang de dag thams cad dkar po kho nar snang ste/ de'i khyad par ni dung dang / kha ba dang / me tog ku mu ta dang / 'o ma dang bcas pa dag gis ni bcu drug gi char yang mi phod do// de ltar rnam pa de lta bu'i gzhal med khang dang / shing rta dang / gnas dag dang / gzhan dag kyang kun nas dkar zhing mchog tu dkar por snang bar 'gyur te/ 'di ltar lus kyang mchog tu dkar ba nyid du 'gyur ro// dga' bar byed pa'i ngang tshul can dag skyed mos tshal du dga' ston byed du 'dong ste/ 'di ltar byu ru'i tshal zhes bya ba gnas de dag tu sil snyan dang glu dbyangs sna tshogs kyi sgra 'byin cing dgod pa dang shin tu yid dga' ba'i grogs po rnams dang lhan cig tshal der 'dong bar byed do/ / de ltar de dag byu ru'i tshal gyi nang du 'dong ste/ gang gi tshe zhugs pa dang bya sna tshogs sgra 'byin cing gser btso ma'i shing ljon pas mdzes pa yin no// shing ljon pa'i nye ba'i gyis mdzes par byas pa'i byu ru'i tshal de'i mthu ni 'di lta bu yin te/ ji ltar kha dog dmar po gzhan dang mi mthun par 'byung ba de ltar shing ljon pa'i 'od dmar po rnam pa de lta bu 'byung ngo // lha de dag thams cad
- 78b
tshal de'i mthus dkar po de rnams dang bral nas kha dog shin tu dmar por gyur pa dang / phan tshun gtam du bdag cag gis lus lhan cig skyes pa'i mdzes pa gang yin pa de dag tshal gyi kha dog gi mthus mi snang la gzhan snang bar gyur to/ / shing ljon pa de dag kun nas kha dog dmar po le na yin te/ bdag cag ni tshal gzhan du 'dong bar bya'o zhes brjod do// de nas lha de rnams lha mo de dag dang lhan cig bai rmya ni tshal ga la ba der 'dong bar byed do/ / tshal de'ang bai DUR+Ya'i mdog des ji ltar 'dzam bu'i gling gi gnam ltar kun nas sngo ba yin no// de nas lha rnams tshal der yang kha dog dkar po gang yin pa de dag bai DUR+Ya'i shing ljon pa'i dbyibs de rnams kyis kyang zil gyis mnan te/ shing de rnams la bya gnas pa gang yin pa de dag kyang kha dog sngon por gyur la/ pad+ma gang yin pa de dag kyang sngon por gyur to// de ltar bai DUR+Ya'i tshe ba de dag thams cad sngon po nyid yin no/ / de nas lus dkar ba lha mo'i tshogs mang pos yongs su bskor ba lha'i rol mo'i sgra dang / dri dang / glu dbyangs dang bcas pa rnams tshal de na yun ring du dga' bar byed/ rtse bar byed/ dga' mgur spyod cing / lha'i bde ba 'dod pa'i yon tan lnga myong bar byed do// de nas yun ring zhig lon nas lha lus dkar po rnams rtse ba'i don du dngul gyi shing ljon pa'i tshal du 'dong bar byed do// dngul gyi tshal de ni kun nas kha dog dkar por snang zhing tshal de na gang ci yod pa de thams cad dkar ba yin la/ tshal de na pad+ma'ang dngul gyi pad+ma shin tu nyams dga' ba yin no// bya rnams kyang dngul gyi bya yin te/ de ltar lha
- 79a
lus dkar po dang ldan pa de dag thams cad tshal de'i nang du zhugs pa ji ltar 'o ma'i nang na zla ba'i gzugs brnyan snang ba de ltar mdzes pa yin no/ / tshal de na lha rnams yun ring du dga'/ bar byed/ dga' dgur spyod par byed cing / lha'i dpe med pa 'dod pa'i bde ba yan lag lnga dang ldan pas bde ba myong bar byed do// de dag der yang dga' bar byas nas/ tshal sna tshogs ga la ba der 'dong bar byed do// tshal de yang shing ljon pa sna tshogs kyis mdzes par byas shing / gser gyi shing ljon pa rnams kyis kyang mdzes par byas pa yin te/ de bzhin du dngul gyi shing ljon pa rnams dang / de bzhin du bai DUR+Ya'i shing ljon pa rnams dang / de bzhin du lo ma sna tshogs rnams kyis mdzes par byas pa yin no// shing de rnams kyang kha dog sna tshogs kyi lo ma dang / mdog sna tshogs kyis mdzes pa yin la/ tshal de'i nang na lha de rnams de dag nyid kyi lus rnams rgyan sna tshogs kyis brgyan par gyur to/ / tshal de na'ang lha rnams yun ring du dga' bar byed/ dga' mgur spyod par byed de/ lha mo'i tshogs kyi nang du 'khod pa rnams de dag gis glu dbyangs nye bar len zhing de narang de rnams yun ring du rtses nas kun tu mthong ba'i gser gyi ri bo ga la ba der 'dong bar byed do/ / de rang rin po che sna bdun gyis brgyan pa yin te/ lha de dag gis ri kun tu mthong chu bo dang / 'bab chu dang / steng ka mang pos brgyan pa/ tshal dang nags chal dang ldan pa/ pad+ma'i rdzing bu du mas 'khor ba/ bya'i tshogs mang po'i sgra 'byin pa'i ri bo la 'dzegs nas/ ri'i rgyal po ri rab drug bris bskor ba/ dems
- 79b
kyis dbus na ri'i rgyal po ri rab 'dug pa de dag thams cad mthong ngo / / de nas lha lus dkar po rnams kun nas mthong ba'i ri bo de la lha mo dang lhan cig yun ring du rtse bar byed/ dga' mgur spyod par byed do// de nas yang de rnams las babs nas/ ri bo phyogs gtsang ma zhes bya ba ga la ba der 'dzeg par byed de/ ri bo de la'ang gnas gzhan dag nas skyes pa'i lha rnams dga' ba'i mthus ri bo de la 'ongs nas dga' bar byed do/ / lha gzhan de rnams dang / lha lus dkar po de rnams dang / yang phan tshun lhan cig sil snyan yan lag lnga dang ldan pas dga' bar byed cing dga' dgur spyod par byed do// de nas lha yul gyi phyogs cha dga' ba de rnams su lha de dag yun ring du dga' bar byas nas/ mar zad na mar me 'chi bar 'gyur zhing / nyin par gyis mtha' zad na/ nyi ma nub par 'gyur ba de ltar lha de rnams legs par byas pa'i khas zad na/ mar me ltar lha'i 'jig rten de nas 'che bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par pad+ma'i rtsa lag lta bur mdog dkar sham bzang por 'gyur zhing / stong phyogs sam/ rgyal yul la sogs par skye bar 'gyur la/ rtag tu bde ba dang ldan pa dang / mi gtso bo chen po'i yid bcugs par 'gyur ba mthong ngo // de nas yang dge slong las kyi 'bras bu rnam par smin pa shes pa de/ lha bi wang can gsum pa rnams kyi gnas
- 80a
la rtog par byed de/ des thos pa las byung ba'i shes pas brtags na/ lha'i 'jig rten na lha phan tshun dga' ba zhes bya ba ji ltar 'dug pa mthong ngo // gnas der sems can dag las gang gis skye bar 'gyur snyam nas/ nges thos pa las byung ba'i shes pas brtags na/ sems can dge ba phan tshun grogs su gyur pa sems pa dang / tshul khrims dang ldan pa grol ba'i dge 'dun gyi gtso bar gyur pa gang dag gis sbyin pa byin/ / tshul khrims bsrungs na/ de dag thams cad rgyu de dang rkyen de las lus dang bral nas bde 'gro mtho ris kyi 'jig rten phan tshun dga' ba'i lha rnams kyi nang du skye bar 'gyur ro// der skyes nas kyang phan tshun bde ba skyed cing sems 'thun par bskyed pa de rnams bsod nams kyi tshogs de smin par 'gyur ro/ / de nas lha'i pad+ma'i rdzing na gnas shing kha zas la dga' ba de yul nyams dga' zhing bde ba dag myong bar byed de/ sil snyan yan lag lnga dang ldan pas yid rab tu dga' ba dag dgod par byed/ dga' bar byed/ rtse bar byed/ dga' dgur spyod par byed la/ lha mo'i tshogs gzugs dang cha byad sna tshogs dang ldan pa rnams kyis yongs su bskor nas/ gser dang rin po che sna tshogs kyi sa gzhi dang / ri de rnams la dga' bar byed do// de ltar rang gi las kyi 'bras bu la spyod cing dga' ba de rnams su chu bo'i 'gram bai DUR+Ya'i dang / nor bu'i lan kan bres pa dang / gser gyi rnam pa'i bya ngang pa dang ngur pa rnams kyis mdzes par byas pa/ 'gram na shing ljon pa skyes pa rnams kyis sdug gur brgyan pa'i sman ljongs dag na/ lha mi'i
- 80b
tshogs kyis yongs su bskor ba rnams dga' bar byed do/ / der de dag dga' bar byas nas/ mu tig 'bab par byed pa zhes bya ba'i chu bo ga la ba der 'dong bar byed do// chu bo de dag na chu gang yin pa de dag ni chang ro// rnam pa du ma dang ldan pa rnyog pa med pa 'bab bo// bye ma gang yin pa de dag ni mu tig yin la/ 'dam rdzab gang yin pa de dag ni gser yin te/ chu bo do nor bu kha dog bzang po du mas brgyan pa nya rnams kyis shi tu mdzes pa yin no/ / de'i ngos gnyis ka na gser gyi shing ljon pa rnams la 'dab ma ni bai DUR+Ya/ bai DUR+Ya'i shing ljon pa rnams la gser gyi 'dab ma yod de/ 'dab ma yod pa de thams cad la dus tshigs thams cad kyi 'bras bu dang / me tog bzang dgus khebs pa yin no// bya'i tshogs rtag par rab tu dga' ba rnams kyis kun tu gang la thos na yid 'phrog pa'i sgra 'byin pa yin te/ bya'i tshogs mthong na dga' ba rnam pa de lta bu dag dang / rtag tu kun nas dga' ba'i lha de rnams dang lhan cig byed pa lta bur dus thams cad du dga' bar byed do// der de rnams kyis yang dag par dga' bar byas nas/ phyogs gzhan na snyan pa spyod pa zhes bya ba ga la ba der 'dong bar byed do/ / phyogs de na lcug mas g.yogs pa'i khyim yod de/ rin po che margad kyi dum bu ring po skyon med pas phye ba/ sa phyogs kyi rim pa mtho dman dang ldan zhing pad+ma'i tshal gyis brgyan pa/ sa phyogs shin tu rnam par phye ba rin po che sna tshogs kyi bya rnams kyis mdzes par byas pa/ ya la dag na yang gser gyi sa gzhi'i phyogs nyams dga' bar bai DUR+Ya'i lcug ma'i
- 81a
dra bas gtibs pa khung ba dang me tog gis kun tu dga' ba/ lha dang lha mo'i tshogs rtag tu dga' ya ya ste/ rab tu dga' ba rnams kyis kun tu gang ba/ legs par byas pa'i las pa spyod pa'i lha de rnams kun tu dga' bar byed do/ / de nas kyang phyogs gzhan zhig na/ chu dang / lteng ka dang / tshal dang / 'bab stegs mang po yod par 'dong bar byed do// 'bab stegs dang tshal de dag na chu/ na rgyu ba'i bya mdog bzang po gang yin pa de rnams kyis nam mkha'i phyogs de dag thams cad par mtshams med par kun tu bkang nas sgra 'byin to// chang chu bo ltar 'bab pa rnyog pa med pa rnam pa du ma dag 'bab ste/ gser gyi rdo las dpa' rlabs kyi sgra 'byung zhing dbu ba 'khrugs pa'i sgra khro lo lo 'byung la/ bya rab tu dga' ba'i sgra 'byin pa long long po rnams dang / chu bo de rnams kyi ngos gnyis ka na 'khod pa'i lha mo'i tshogs kyis yongs su bskor ba rnams dang dga' bar byed/ rtse bar byed do// lag na gser gyi pad+ma thogs pa rnams phan tshun brdeg pa na de ltar phan tshun yingad gcugs pa lhan cig rtse ba de rnams kyis dus ring du 'das so/ / / dam pa'i chos dran pa nye bar gzhag pa bam po nyi shu dgu pa// / phyogs de nas kyang myos byed tshal zhes bya ba der lha thams cad rtse ba'i grogs dang lhan cig 'dong bar byed do/ / tshal den sems can gyi rnam pa thams cad myos byed kyis mun par gyur te/ bya de dag ni 'bras bu ro rnams kyis myos khe DUR+Ya'i bung ba dag ni me tog gi ro rnams
- 81b
kyis myos/ khu byug dag ni dbying mthong nas myos/ 'gram na rgyu ba'i bya dag ni chang gi re rnams kyis myos/ de bzhin du lha rnams ni lha'i 'dod pa'i yon tan lnga rnams kyis myos/ de bzhin du lha mo rnams kyang lha'i tshogs dang lhan cig 'dod pa'i ros myos te/ de ltar 'dod pa'i ros myos pa'i bud med rnams ni gzhan gyis myos par mi 'gyur gyi/ 'di ltar bud med thams cad ni 'dod pa lhur len pa yin la/ de la sems zhugs/ / de la gzhol/ de la gnas// de'i rang bzhin no// lha de dag kyang myos byed mthong nas brgya 'gyur du myos pa rnams de na dga' bar byed do// de ltar lha de rnams ji srid du 'dod pa sdug pa yid du 'ong ba'i las zad par ma gyur pa de srid du de na dga' bar byed do/ / de nas de zad nas lha'i ris de nas 'chi bar 'gyur ro// shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du 'khor bar 'gyur ro/ / gal te mi rnams dang skal ba mnyam par mi'i nang du skes na bsod nams gcig pa de dag thams cad yul dang / ljongs dang / grong khyer gcig tu skye bar 'gyur zhing thams cad 'byor pa phun sum tshogs pa dang / thams cad rigs che zhing btsun par skye ba dang / thams cad phan tshun dga' zhing bya ba gcig pa dang / dge ba'i nang du skye bar 'gyur ba mthong ste/ de dag las de dang rgyu 'thun par dge ba 'am/ mi dge ba gang yin pa de dag thams cad kun la 'byung gi/ so so la ni ma yin no// de nas yang dge slong las kyi 'bras bu rnam par smin pa shes pa de lha po grang
- 82a
can gsum pa'i gnas la rtog par byed de/ des thos pa las byung ba'i shes pas lha pi wang can gsum pa rnams kyi gnas yang dag chags spyod ces bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ zhal ta pa tshul khrims dang ldan par gyur pa gang gis khyim pa gzhan dag dga' bar byas/ gzengs bstod mgu bar byas/ dad par byas nas sems yongs su bsgoms pa de/ shing yon tan dang ldan pa la sbyin pa byin du bcug cing tshul khrims kyang srung bcug na/ de lus dang bral nas bde 'gro mtho ros kyi 'jig rten yang dag chags spyod kyi lha rnams kyi nang du skye bar 'gyur ro/ / der skyes nas kyang rang gi mthu 'di lta bu 'byung bar 'gyur te/ las gang gis bdag cag 'dir skyes shig su/ snyam nas/ de dag mir skyes pa yang dag par dran no// 'di ni mi'i 'jig rten na bdag gi dge ba'i bshes gnyen du gyur pa yin te/ 'di'i sbyin bdag ni bdag yin no// rgyu de dang / rkyen de dang / gzhi des d ang bdag bsod nams 'thun par gyur nas/ 'dir 'ongs pa lta zhig gu snyam mo// de bzhin du dge ba'i bshes gnyen nyan thos de'ang skye ba dran te/ 'di ltar 'di ni bdag gis sems dang bas sbyin pa byin du bcug pa yin te/ rgyu dang / rkyen de dang / gzhi des de nas bdag lha'i 'jig rten 'dir sems dang ldan par skyes pa lta snyam nas/ de ltar yang dag chags spyod kyi lha rnams kyi gnas su skyes so// de nas gzhan du/
- 82b
gyur te/ pad+ma'i tshogs lta bu'i lha mo mang po byad gzugs dang / mdog dang / lang tsho dang / sdug pa so so du mas brgyan pa mthong ngo // lha mo de dag mthong nas/ lha de rnams kyis mthong ma thag tu ji ltar tshe rabs sgra ma la byas pa shin tu phra mo'ang mi dran zhing yul la sems rnam par chags pa/ bag med pa'i gnas su skyes pa/ yul gyi bde bas sems 'phrogs pa/ de ltar 'dod pa rnams kyis 'phangs pa'i yid skye bar byed do/ / de nas yang dag chags spyod kyi lha rnams kyis/ lha mo'i tshogs 'bum phrag du ma byad gzugs dpe med pa dang ldan pa de dag mthong nas/ thog ma med pa'i dus nas zhugs pa'i 'dod chags kyi mes yid de rab tu bsregs pa ni/ ji ltar mes bud shing skam po yun ring du sreg par byed pa de ltar lha de rnams kyi yid de dag rab tu sreg par byed do// de lha mo de dag ga la ba der 'gro bar byed la/ lha mo rtag tu 'dod pa la don gcig tu byed pa'ang kha rlangs dri zhim pos nam mkha' 'gengs shing lha'i cha byad du ma thogs la lag na pad+ma khyer te/ lha ga la ba der 'dong bar byed do// de nas lha de rnams dang lha mo de rnams lha'i 'dod pa bde ba rnam pa du ma de dag myong bar byed do/ / de nas bag med pa de lta bu rig nas/ dge slong de 'khor ba'i sdug bsngal nyam nga ba du ma las yid byung nas/ 'di ltar tshigs su bcad de smras pa/ nyin mo gsar du byung ba yis// rnying pa med par byed pa ltar// bde dang sdug bsngal gsar pa yis// rnying pa nye bar rjed par byed// da ltar lha yi 'jig rten du// bde ba
- 83a
'dzin pa'i skye bo dag/ 'tsho ba'i mtha' ni 'chi ba dang // ci ste 'bral ba'i mtha' mi rig/ ji ltar shing dang sbrang rtsir bsres// ji ltar dug dang zas bsres pa// de ltar bde ba 'di kun gyi/ / mtha' mi bde ba mi rig go/ lha yul de ni lhag par yang // yul rnams lta bas ga la ngoms// sred pas ngoms pa med pa de// khyad par du yang ga la bde// shin tu bde ba'i stobs las ni/ / lha yul rnams su ye nas sred// sred mes yongs su gdungs rnams kyi// bde ba nye bar mi dmigs so// gcig tu bde spyod sred bral zhing // nga med re ba med pa dang // mya ngan 'das/ grong 'gro ba ni// bde gang yin pa de 'thob bo// gang dag sred pa'i bag la nyal// yong ye sems la mi 'jog pa// de dag thog mtha'i dri ma bral// bde ba'i nang na'ang de bde'o// sems ni shin tu bsdus pa/ dang // thams cad du ni re med dang // bya dang mi bya ma rmongs pa// bde ba rtag tu nye bar gnas// gang gis 'khor ba'i rgyur 'gyur ba// dga' bcas 'byung ba bcom pa dag/ brtan po gtso de pha rol 'gro/ / bde ldan mya ngan 'das la gnas// gang zhig 'dod chags zhe sdang ldan// sred bcas de la bde ba med// gang zhig 'dod chags me las grol// de ni dri med bde bar 'dong // de ltar dge slong des bag med pa la gnas pa'i lha de rnams nyin gcig bzhin sred pa'i ma rab tu 'phel bar byed pa'i bag med pa rnams mthong nas snying rje bar byed do/ / de nas lha rnams kyang lha mo'i tshogs
- 83b
dang lhan cig tu tshal du bas 'khrigs pa zhes bya ba ga la ba der lha mo'i tshogs g.yer ba rol mo dang / glu dbyangs dang / gad mo sna tshogs 'don pas yongs su bskor ba bde bar gnas pa rnams skyed mos tshal du dga' spyod byed du dong ste/ kha cig ni lha mo'i tshogs kyis yongs su bskor nas nam mkha' la bya bzhin du 'gro/ kha cig ni gzhal med khang bya ngang pas bteg pa rnams kyis 'gro/ kha cig ni grogs dang ldan pa'i gzhal med khang rnams kyis 'gro/ kha cig ni lha mo'i tshogs de dag nyid kyis bskor nas rkang pas 'gro ste/ bde bar gnas pa de rnams glu dbyangs len zhing lus ngal ba med pa de thams cad tshal du bas 'khrigs pa zhes bya ba ga la ba der 'dong bar byed do/ / de nas tshal de na lha gzhan sngar 'ongs pa gang yin pa de rnams kyis lha gzhan de dag mthong nas/ de nas yang rab tu dga' ste/ yid shin tu mgu bar gyur to// de nas lha gsar du 'ongs pa rnams dang / lha rnying pa rnams phan tshun 'dres nas/ ca co dang rol mo'i sgra skyes te/ rab tu dga' zhing nyams dga' ba skyes so/ / du bas 'khrigs pa'i tshal de kun sgra rnam pa du mas kun tu gang ste/ 'di lta ste/ gling bu'i sgra dang / pi wang gi sgra dang / rdza rnga'i sgra dang / 'khar rnga'i sgra dang / lha mo rgyan gyis brgyan pa'i sgra dang / de bzhin du de na glu dbyangs dang / dgod pa'i sgra dang / chu bo dang / mtsho dang / chu mang po rnam pa sna tshogs 'bab pa'i sgra dang / rin po che'i
- 84a
bya kha dog dang dbyibs rnam pa sna tshogs su 'dug pa'i sgra dang / lha rnams kyi glu dbyangs kyi sgra thos na snyan pa dag ste/ de ltar tshal de sgra snyan pa kun gyis gang ba yin no// tshal/ de na lha'i sman dang / bya dang / klung dang / lteng ka dang / me tog dang / 'bras bu phun sum tshogs pa dang / lha'i 'dod pa'i yon tan lnga 'byor pa dag gis lha rnams skyed mos tshal gyi dga' spyod byas nas bde ba nyams su myong ngo / / de rnams tshal de nas byung nas yang lhun po so sor snang ba zhes bya ba'i ri'i rtse mo ga la ba der lha mo'i tshogs kyis yongs su bskor nas 'dod par byed de/ lha de rnams der 'dong ba na so sor snang ba'i ri'i rtse mo der lhags so/ / lha'i pad+ma'i rdzing dang / lteng ka dang / nye ba'i tshal phun sum tshogs pa dang ldan pa'i lhun po so sor snang ba ri'i rtse mo ngan/ rgyal po chen po 'phags skyes po lha mo'i tshogs kyis yongs su bskor ba gnas te/ 'jig rten thams cad kyi don sgrub cing / mi'i 'jig rten na chos dang chos kyis bskyed pa'i mi chos dang ldan pa ni ji tsam zhig yod/ chos dang mi ldan pa ni ji tsam zhig yod/ 'jig rten la phan par sgrub pa ni ji tsam zhig yod/ phan par mi sgrub pa ni ji tsam zhig yod/ dam pa'i chos kyi mthu che'am/ chos ma yin pa mthu che/ bdud kyi phyogs lha ma yin/ brtan pa dang / klu rab 'joms la sogs pa mthu che'am mi che zhes rtog par byed de/ de ltar skye dgu rnams skyong ba de ri kun snang de la gnas so// ri'i rtse mo de dang ha cang mi nye ba ri rab kyi ngos la nyi ma
- 84b
'khor bar byed de/ de'i 'od la rgyal po chen po 'phags skyes po de chos dang ldan pa'i chos kyi bye dag gis lha'i 'jig rten du nyi ma'i 'od ji ltar gtong zhig gu zhes dpyod par byed do// nyi ma 'khor ba'i gzhi/ la mkhas pa de nyi ma la rtog par byed de/ gal te chos dang ldan pa'i mi chos rjes su skyong ba byung ba de'i tshe de bzhin du nyi ma chos kyis yongs su rgyas pa yin te/ de ltar mdog gsal ba nyid dang / dus dang 'thun par lhan ner 'char la/ de las mi rnams kyi lus la ni nad mi 'byung zhing / 'bru rnams la yang nang mi 'byung ngo // gal te chos dang mi ldan pa'i chos kyi rjes su 'jug pa byung na/ de'i tshe nyi ma'i 'od chos ma yin pa dang 'thun par lhan ner mi 'char te/ de las chos ma yin pa'i mthu des 'bru rnams mi skye zhing nyams par 'gyur ro// de ltar 'di dag thams cad ni chos dang chos ma yin pas byas pa'i dbang gi 'bras bu yin te/ rgyu med pa las ni ma byung ngo // ri de'ang nyi ma'i 'od dang 'thun pas so sor snang ba zhes ming du btags te/ rgyal po chen po 'phags skyes po de dag la gnas nas 'jig rten la rtog par byed do/ / yang dag chags spyod kyi lha de rnams so sor snang ba'i ri'i rtse mor dong nas yid rab tu dga' la/ gsal ba de mthong nas kyang brgya 'gyur du yid rab tu dga' ba skyes so/ / 'phags skyes pos 'jig rten de dag mngon par brtags shing rang gis byas pa'i las des/ lha dang lha mo de dag thams cad kun nas brgya 'gyur du gzi brjid 'bar ba mthong ba dang
- 85a
'jig rten skyong ba 'phags skyes po de yid rab tu dga' nas/ 'di ltar tshigs su bcad de smras pa/ rgyug sum rnam gsum las byung ba// legs byas rnam gsum byas pas na// 'bras bu che gsum yon tan gsum// gsum gnas so ni gsum du gnas// khyed rnams chos la mchog tu gzhol// 'chi ba med pa'i sbyin mchog dang // bden dang bzod dang dul dang ldan// thams cad mtho ris gnas su lhags/ / lha yi gnas na lha gang dag/ lha yi rgyan dang lha yi 'phreng // phun sum tshogs pas brgyan pa rnams// dga' bar byed pa 'di dag dge bag med dge ba'i skye bo gang / dge ba spyod par mi byed pa// chos la rnam par rmongs pa de// mtho ris dag tu ga la skye// legs par byas pas mi dag 'dir// lus can rnams ni skye gyur te// las kyi rnam smin de yis ni// lha yi gul du de dag skyes/ / gang zhig bdag nyid dga' 'gyur zhing // gang zhig blo gros bder gnas pa// lha yi yul du skye 'gyur ba// de ni bsod nams chen po byed// rlung dang 'bring dang bder gnas pa/ lha rnams kyi ni bde chen gang // 'di ni chung dang 'bring dang che'i// bsod nams kyi ni 'bras bur mngon// lus can gang gis ji tsam du// bsod nams kyis ni rnam pa byas// rnam pa de tsam de'i bde ba/ / lha yis 'jig rten rnams su smin// de ltar 'phags skyes po des/ lha de dag mthong ste tshigs su bcad de smras nas/ de dag nyid dang lhan cig 'thun par dga' ba skyed de/ ri dang / nags tshal dang /
- 85b
lteng ka dang / tshal dang / lha'i me tog dang / 'bras bur ldan pa'i sa phyogs dang / bya sna tshogs sgra 'byin pa dang / kun nas lha dang lha mo'i tshogs kyis gang ba dang / ri mtho rang nyams dga' ba dang / dbang / po drug bde bar byed pa rnams su/ dbang po drug don la chags pa bag med par gnas pa'i lha de rnams sil snyan yan lag lnga dang ldan pas mngon par dga' bar byed cing / pad+ma'i tshal dang / skyed mos tshal dang / chang chu ltar 'bab pa dang / bai DUR+Ya'i tshal dang / lteng ka dang / chu mig gis brgyan pa/ phan tshun grogs su gyur pa rnams ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du dga' bar byed do/ / de zad nas de nas yang lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ / gal te lan grangs gzhan la myong bar 'gyur ba'i las kyis mi rnams dang skal mnyam par mi'i nang du skyes na/ de las de dang rgyu 'thun par mang du smra ba nor mang ba dang / ded dpon chen por 'gyur ba mthong ngo // de nas yang dge slong las kyi 'bras bu rnam par smin pa shes pa de lha pi wang can gsum pa rnams kyi gnas la rtog par byed de/ des thos pa las byung ba'i shes pas de dag gi gnas 'khor dang spyod pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i
- 86a
shes pas brtags na/ tshul khrims dang ldan par gyur cing / sems kyi rgyud sems pas bsgoms pa gang gis sbyin pa byin/ tshul khrims bsrungs/ chos mnyan pa byas paba'i sbyin bdag de la lag na sbyin pa po grogs su gyur pa gzhan zhig/ des snying brlan cing dge ba'i sems dang ldan pa/ dad pas sems brlan pa/ 'di ltar yang sems la rtog par byed de/ sbyin bdag 'di ni bsod nams dang ldan pa zhig go/ / de bdag la'ang rdzas kyi rnam pa de snyed yod na/ de ltar bdag gis kyang gzhan dag la sbyin par bya'o snyam sems na/ sbyin pa la sems pa dad pa des/ de lus dang bral nas bde 'gro mtho ris kyi 'jig rten 'khor dang spyod pa'i lha rnams kyi nang du skye bar 'gyur ro/ / der skyes nas kyang yul du mas snying rab tu myos pa rnams rtag tu ldan par 'gyur te/ sil snyan sna tshogs sgra 'byin pa'i nye ba'i tshal dang / bai DUR+Ya dang / nor bu'i lan kan bres pa'i rdzing rnams na gser gyi pad+mas khebs pa dang / bya'i tshogs kyi rnam pa sgra 'byin pa'i tshal dang / nye ba'i tshal de rnams na/ bya myos pa sgra 'byin pa nyams dga' bar byed la/ kha cig ni shing ljon pa chang tshang dag gi nang na khu byug dang / rma bya sgra snyan pa chags su rung ba 'byin pa rnams na lha mo dag dang lhan cig dga' bar byed do/ / kha cig ni pad+ma'i tshal sdong bu ni bai DUR+Ya/ 'dab ma ni gser/ ze ba ni rdo rjer 'dug pa rnams kyi nang ma dga' bar byed do// kha cig ni rgun chang gi tshal rnams na 'bras bu
- 86b
nye phan gyis myos pa'i lha mo yul la rnam par chags pa rnams dang lhan cig rgun chang 'thung bar byed do/ / kha cig ni ri'i zom bai DUR+Ya'i rdos gcal bkram pas rnam par phye ba'i sa phyogs rnams na dga' bar byed do/ / kha cig ni ri'i zom mu men gyis gtams pa'i chu gtsang ma dri ma med pa 'bab pa'i chu bo rnams kyi nang na sdug pa dag dang lhan cig dga' bar byed do// kha cig ni 'bab stegs dang sa gzhi mu tig gi bye ma brdal ba dag na chu bsil la dang zhing gtsang ste dri ma med pa rnams kyi nang na dga' bar byed do/ / kha cig ni rin po che sna bdun gyis brgyan pa'i yang thog nam mkha' la thug pa rnams kyi nang na dga' bar byed do/ / kha cig ni lha mo'i tshogs kyis yongs su bskor nas/ sil snyan yan lag lnga dang ldan pas dga' bar byed do// kha cig ni dpag bsam gyi shing ljon pa dril bu gser kha'i sgra drag tu khrol bas mdzes pa rnams kyi nang na dga' bar byed do/ / kha cig ni dus tshigs drug gi tshal/ shing ljon pa dag dang nye bar rtag tu dga' ya yar gyur pa rnams kyi nang na snying du sdug cing 'dod pa rnams dang lhan cig dga' bar byed do/ / kha cig sa phyogs gser btso mas brgyan pa dang / ri bo'o zom gyi steng du 'dzegs nas sa phyogs kyi chu bo rnams la'ang lta bar byed de/ de ltar rang gis las kyis sprul pa'i lha'i bde ba dpe med pa rnam pa sna tshogs myong ngo // de ltar sred pa la rnam par chags pa'i lha rnams kyi mig gzugs dang kha dog 'dod pa sdug pa yid du 'ong ba
- 87a
rnam pa du ma dag gis chog mi shes so/ / rna ba yang yul bde ba/ sgra snyan pa/ gsal ba/ yid du 'ong ba rnam pa du ma dag gis chog mi shes so// sna yang yul bde ba/ dri zhim pa/ bsrung che ba/ yid du 'ong ba rnam pa du ma dag gis mchog mi shes so// lce yang yul bde ba/ ro zhim pa/ bro tsha ba/ yid du 'ong ba rnam pa du ma dag gis chog mi shes so/ / lus kyang yul bde ba/ reg bya 'dod pa/ 'jam pa/ yid du 'ong ba rnam pa du ma dag gis chog mi shes so// yid kyang yul rnyog pa med pa/ 'dod pa/ sdug pa/ yid du 'ong ba rnam pa du ma dag gis chog mi shes te/ de ltar dbang po drug po yul la chags pa'i lha rnams chog mi shes pa yin no// ji ltar yul rnams kyis sred pa spel ba de ltar 'phel bar 'gyur te/ me 'bar ba bzhin la/ de'ang yul gyi bde ba ji ltar dmigs pa de ltar rnam pa du mar 'phel bar 'gyur ro// sred pa des bsgribs pa'i lha chog mi shes par gyur pa rnams shin tu bde ba'i mtha' dmigs su med de/ de ltar ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du/ lha'i bde ba dpe med pa rnam pa du ma myong ngo // de phyis lha'i 'jig rten de nas 'chi bar 'gyur te/ shi nas kyang rang gis byas pa'i las kyis sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi
- 87b
nang du skyes na/ de las de dang rgyu 'thun par tshogs gcig tu spyod pa rgya mtsho'i tshong pa 'am/ tshong rdal du gnas pa 'am/ ri bo'i bar na gnas par 'gyur la/ gnyen cha ba dang 'bral ba dang / dgar gnas pa dang / rgyal po la rag las par mi 'gyur ba dang / shin tu 'byor pa dang / rang dbang du 'gyur ba mthong ngo // de nas yang dge slong las kyi 'bras bu rnam par smin pa shes pa de lha pi wa nga can gsum pa'i gnas la rtog par byed de/ des thos pa las byung ba'i shes pas lha de rnams kyi gnas skyil mo krung gi steng du skyes zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na snying rje dam pa dang ldan pa gang gis sems can chus khyer ba 'am/ lo nyos byung nas ltogs te srog chad la thug pa la byams pas brlan pa'i yid kyis/ bu bzhin skyong bar byed cing dgos pa med kyang sems pas bsgoms pa'i snying kho nas yang dag par bskyabs na de lus dang bral nas bde 'gro mtho ris kyi 'jig rten skyil mo krung du gnas pa'i lha rnams kyi nang na rdzus te skye bar 'gyur ro/ / de na lha dang lha mo gnas la/ lha gzhan yang phyogs gzhan na lan cig nye bar gnas te/ lha'i bu de lha de'i skyil mo krung bcas pa'i steng du skyes so// de la lha de bu'i blo skyo la lha mo de'ang de bzhin du bu'i blo skye'o// de nas lha'i bude'ang de gnyis la pha ma'i blo skye'o// de dag dang lha'i bu de nyid
- 88a
dang rtse bar byed de/ ji ltar 'dzam bu'i gling na mi shin tu dga' ba rtse ba de ltar de dag kyang lha'i 'jig rten na/ lha dang skyil mo krung gi steng na gnas pa de dang rtse bar byed do// 'di ltar bu khyod bdag cag gi bur gyur pa 'di 'bras bu dang bcas pa yin te/ khyod bdag cag gis lha'i tshal dang / nye ba'i tshal dang / lteng ka thams cad bde ba bskyed par bya'o// ri'i zom dang / gser gyi lcug ma'i dra ba bres pa dang / mtshe'u dang / 'bab chu phun sum tshogs pa dang / lcug ma'i khyim phun sum tshogs pa dang / pad+ma'i rdzing rnams dang / gser gyi pad+mas khebs shing bung bas mdzes pa dang / chu dang ba dang ldan pa dang / chang chu bo ltar 'bab pa dang / rgun chang ro zhim po sna tshogs kyis rgyags pa skyed par byed pa'i mtho ras thams cad du khyod dang lhan cig dga' bar byas te/ der khyod dang bdag cag lhan cig dga' bar bya'o/ / de nas lha'i bu des pha ma de gnyis la 'di skad ces smras so// bdag la yab yum gyis rnam pa 'di lta bu stsal pa gang lags pa de ni bdag bde 'gror skyes pa 'bras bu mchis so// / bdag kyang yab yum la gus par bgyid pa dang / gus par mnyan par bgyi'o// de nas lha de yid rab tu dga' nas/ lha'i bu de blangs te/ lha mo de dang lhan cig 'dzam bu na nga char 'bebs zhes bya ba'i tshal der 'dong bar byed do/ / lha de'ang lha mos bskor cing / lha'i bu de'ang de dag thams cad dang 'dzam bu nad char 'bebs kyi tshal der 'dong ba dang / tshal de 'dzam bu na da'i shing ljon pa thams cad
- 88b
dang / me tog gi tshogs 'phyang ba dang / kha cig 'bras bu'i tshogs 'phyang ba rnams kyis khebs pa yin no// me tog gi shing ljon pa gang yin pa de dag ni shin tu dri thim pa dpag tshad lngar 'byung ba'i me tog kha dog dbyibs sna tshogs dag 'thor bar byed de/ 'di lta ste/ sngon po dang / ser po dang / ljang khu dang / dmar po dang / btsong kha dag go// dbyibs sna tshogs pa dag ni 'jog pas ltar zlum pa dang / ring po dang / gru bzhi dang / lha'i dga' ba dang 'thun pa'i rna ba'i gong rgyan dang gdub kor 'gran pa lta bur gyur pa mthong ngo // de nas lha nges lha'i bu de la 'di skad smras so/ / bu 'di ni 'dzam bu chu bo char 'bebs zhes bya ba'i tshal yin la/ tshal 'di ni dga' dga' ltar me tog rgyas pa yin te/ shing ljon pa phan tshun rlung gi shugs kyis skyong ba dang / lha'i tshogs thams cad la 'thor bar byed do/ / bu der khyod dang bdag cag lhan cig dga' bar byos shig/ rtses shig/ dga' mgur spyod par gyis shig/ bu khyod kyang lha mo'i tshigs snying du sdug cing mdzes ba dang ldan pa rtag tu yid du 'thad pa rnams dang dga' mgur spyod par 'gyur ro/ / de skad smras nas tshal der yang thams cad rtse ba'i don du 'jug par byed de/ tshal de na lha'i bya 'bod pa zhes bya bas lha'i bu gang yin pa de dag la 'di ltar tshigs su bcad de smras pa/ bzang po khyod ni legs par byon// khyod kyis legs byas byas dang ldan// tshul khrims rnam pa bdun bsrungs pa// de yi 'bras bu
- 89a
'dir 'ongs so/ / tshul khrims 'bras bu bde ba ni// lha yi 'jig rten rnams su smin// sgrol bar byed pa'i tshul khrims kyis// 'khor ba 'di las sgrol bar byed/ tshul khrims chu ni rnam dag pas// sems brtan gang zhig 'khru bar byed// 'dzam bu gser gyi me tog gis// lha yi yul du de 'khru'o// tshul khrims sa bon bskyed nas su// tshul khrims sna tshogs rnams la ni/ / 'di ltar lha yi yul rnams kyis// khyod ni rtse zhing spyod par byed// mi gang rtag tu yid dul zhing // tshul khrims kyis ni brgyan pa rnams// gang na bde ba mtha' yas pa/ / lha yi gnas su bde 'gro'o// legs pa bya ba byas pa'i mi// bde la bde ba mchog tu 'gro// tshul khrims kyis ni yongs spel rnams// lha yi gnas na rtse bar byed// tshul khrims skas la 'dzegs pa yi// mi rnams bde 'gror rab tu 'gro// shes pas yongs su spel ba rnams// ye shes kyis ni mkha' la gzhol// de bas tshul khrims rtag bsrung zhing / / sbyin shes dka' thub nor rnams kyis// dug dang mtshon dang me lta bu'i// tshul khrims 'chal pa rtag tu spongs// de ltar tshul khrims legs bsrungs pa// mi ni bzang 'gror khrid par byed/ / bde gnas 'thob par bya ba la// tshul khrims lta bu gang yang med// de ltar bya 'bod pa po de rnams kyis lha'i bu de'i sems la gzung du rung ba'i tshigs su bcad pa rnams
- 89b
kyis mngon par dga' bar byas shing rjes su dga' bar byas pa dang / lha'i bu de'i bya'i sgra dbyangs de dag yid la bzungs nas rjes su dga' bar byed do// rjes su dga' bar byas ra de nas yang pha de dang lhan cig tshal der 'jug par byed do/ / de nas dpag bsam gyi shing ljon pa rnams kyis mdzes par byas pa'i tshal de nyi ma ltar gsal zhing rnam par mdzes pa/ 'bum phrag du ma'i tshogs dang lhan cig pa de na/ 'bab chu dang lteng kas brgyan pa/ bai DUR+Ya dang dngul gyi shing ljon pa rnams kyis kyang nye bar mdzes par byas pa/ nyams dga' ba rnam pa du ma de dag mthong nas/ lha'i bu skyes nas yun ring du ma len pa de shin tu dga' ba dpe med pa thob bo// de nas de'i bar skabs su tshal de na rnam par rgyu ba na lha mo khyim thab shi ste/ yun ring du ma lon pa gzhan dag gis mthong ngo / / de nas lha mo'i tshogs de dag gis lha'i bu gsar du byung ba 'di la chung ma med par yang rig/ de byang gzugs dang ldan par yang mthong nas/ dgod par byed/ rtse bar byed/ bteg par byed/ bro gar byed cing rol mo'i sgra dang / sil snyan dang bcas pa thams cad lha'i bu de'i drung du rgyug par byed do// lha'i bu yang pha ma dag bor nas/ 'dod pas bsgribs pa'i yid kyis lha mo de dag ga la 'khod pa der rgyug par byed do/ / de nas de dag phan tshun mthong nas/ lha de dang lha mo de dag dga' ba skyes shing bde ba dpe med pa nye bar skyes so// phan
- 90a
tshun dga' ba skyes pa de rnams kyang sil snyan yan lag lnga dang ldan pas ji ltar bde ba sna tshogs la gnas pa'i lha gzhan dag dga' bar byed pa de ltar dga' bar byed de/ dang / nags tshal dang / lteng ka dang / gser dang / dngul dang / spug dang / gser btso ma'i zom dang / mu tig gi bye ma brdal ba dang / dngub gyi rdo dang / lha'i pad+mas rdzing khebs pa dang / bya sna tshogs sgra snyan pa 'byin pa dang / chu bo dang / 'bab chu dang / lteng kas brgyan pa rnams su lha mo de rnams dang lhan cig dga' bar byed do// lha'i bde ba dang ldan pa de ri nas ri dang / skyed mos tshal nas skyed mos tshal du 'gro bar byed de/ de ltar ngo mtshar gyis sems bsgribs pa de/ spu'i 'jig rten rmad du byung ba mthong nas/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de dag dang lhan cig dga' bar byed do/ / de nas de'i tshe las zad pa dang / lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin du sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par rgyal po 'am/ blon po chen por 'gyur la/ skye bo thams cad dga' ba dang / byad gzugs bzang po dang ldan pa dang / yon tan dang ldan par 'gyur ba mthong
- 90b
de nas yang dge slong las kyi 'bras bu rnam par smin pa shes pa de b+ha bi wang can gsum pa'i gnas la rtog par byed de/ des thos pa las byung ba'i shes pas brtags na/ lha pi wang can gsum pa'i gnas spyod pa dang ldan pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las ji ltar yod pa bzhin spyad pa/ sems can dag 'dzangs te 'thab pa 'am/ tshal khang stug po'i nang du song nas/ srog la the tshom za ba 'chi ba la thug pa dag thar par byas shing / sems can la phan pa'i sems dang ldan pa dang / shin tu bsdams pa dang / lus dang / ngag dang / yid kyi tshul khrims spyod na/ de lus dang bral nas bde 'gro mtho ris kyi 'jig rten spyod pa dang ldan par gnas pa'i lha rnams kyi nang du skye bar 'gyur ro/ / der skyes nas kyang zla ba'i 'od dang tshungs pa de/ kun nas gzi brjod ni 'bar/ dbang bo dul ba'i bde ba dang ni ldan/ 'dod pa'i yon tan lnga rnams kyis nyin gcig bzhin du ni rtse/ lha mo'i tshogs du ma dang ni nye bar spyod/ lha'i 'phreng ba dang gos ni gyon/ yang dang yang du 'jo sgeg ni byed/ tshal dang / nye ba'i tshal dang / 'bab chu'i dang mang po rnams su ni rtse ste/ de ltar de rtse ba na/ shel gyi tshal zhes bya ba der 'gro bar byed do// tshal de ni shel gyi shing ljon pa thams
- 91a
cad kyis kun nas gsal ba yin la/ shing ljon pa me tog dang 'bras bus khebs pa de dag gis me tog dang lo ma phun sum tshogs pa rnams kyang ji ltar lhang tsher ltar gsal ba 'am/ me long ltar gsal ba yin no// 'bras bu rnams kyang gru bzhi dang zlum por skye ste/ me long bzhin du gsal ba yin no// de nas lha de gang gi tshe tshal de'i nang du zhugs pa dang / de'i tshe rang gi lus kyi gzugs brnyan 'bum snyed 'byung ba mthong ngo // des gzugs brnyan shin tu rgya che ba me tog 'phreng ba dang byug pas rnam par brgyan pa phun sum tshogs pa de dag mthong nas/ de brgya 'gyur du dregs pa skye ste/ kye e ma bdag gi gzugs brnyan gyi rnam pa ji snyed 'byung ba 'di dag lha gzhan rnams la rnam pa de lta bu mi 'byung ngo snyam mo// 'jig rten skyong ba mig mi bzang de tshal de'i nang du zhugs nas/ 'jig rten gyi bya ba dag la rtog par byed do// tshal de'i mthu ni 'di lta bu yin te/ gal te sa dang bar snang la rgyu ba'i gnod sbyin ngag gis 'dzam bu'i gling gi sems can rnams kyi dbang gi 'bras bus chos dang chos ma yin pa byas pa de dag ring bar ma sbran na/ ji ltar mi chos dang ldan pa 'am/ mi chos dang mi ldan pa 'byung ba de ltar shel gyi shing ljon pa rnams kyi tshal de'i nang du mthong la/ phyis gnod sbyin dag rgyal po chen po la mi'i bya ba'i rnam pa sbron par byed do// de nas mig mi bzang de mir gtogs pa'i mi chos dang chos ma yin pa byas pa thams
- 91b
cad mthong nas tshal de la mgu'o/ / gal te mi chos dang mi ldan zhing chos kyi rjes su mi 'jug pa dag byung na dge ba dang mi dge ba dag de bzhin du brgya byin la sbron par byed do// de ltar tshal de'i mthu mthong nas/ de nas lha de tshal de na gzugs dang / sgra dang / dri dang / ro dang / reg bya 'dod pa sna tshogs kyis myos te/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na dga' bar byed do/ / de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin 'khor ba na sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu yang dag pa'i lta ba dang ldan la chos kyis gnas la 'byor cing 'grub pa chen por 'gyur ba mthong ngo / / de nas yang dge slong las kyi 'bras bu rnam par smin pa shes pa de lha pi wang can gsum pa'i gnas la rtog par byed de/ des de dag gnas gzhan bcu gcig pa ni ma mthong ngo / / rgyal chen bzhi'i lha rnams kyi gnas rnam pa bzhi po kun tu rgyu zhes bya ba kho nar zad de/ gang de dag ni ri'i rgyal po ri rab kyi ngos la 'khor ro// gzhal med khang dang ldan pa'i lha gang yin pa de dag la mu stegs pa gzhan dag gza' dang / skar ma dang / rgyu skar dag yin par 'du shes skye ste/ de rnams kyi rags pa bgrangs na bye ba phrag sum cu rtsa drug yod do//
- 92a
de nas las gang gis der skye bar 'gyur snyam nas/ des thos pa las byung ba'i shes pas brtags na/ lus dang ngag gi tshul khrims bdun po rnam pa sna tshogs kyis der skye'o/ / de la lus kyi rnam pa gsum dang / ngag gi rnam pa bzhi ste/ mdor bsdu na/ sems can rnams las kyi dbang gis 'bras bu rnam pa du mas der skye bar 'gyur ro// de'i phyir sems can rnams kyi las dge ba dang mi dge ba byas pa'i rkyen gyi bye brag gis shes par byed do/ / nyi ma dang zla ba de yang kun tu rgyu ba de rnams ri'i rgyal po ri rab kyi ngos la 'khor ba'i sar 'khor bar byed do/ / rlung 'khor los bskor ba zhes bya ba gang gis byas pa des/ lha de dag thams cad ri'i rgyal po ri rab de la 'khor bar byed do// de dag gi bar yangs pa na/ 'jig rten skyong ba yul 'khor skyong dang ku be ra gnyis gnas te/ lha de rnams rgyal po chen po de dag dang lhan cig gling bzhi rnams su kun tu rgyu'o// nor bu sngon po dang / ser po dang / ljang khu sna tshogs kyi gzhol med khang rnams kyi nang na snga ma bzhin du sbyar te/ de dag ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du/ kun tu rgyu ba de dag na 'dod pa'i yon tan lnga ji ltar 'dod pa rnams kyis dga' bar byed do/ / de'i las zad nas de nas yang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar
- 92b
'gyur ro/ / gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu yul nas yul du 'gro ba'i ngang du 'gyur te/ 'di ltar tshul khrims kyi rgyu des bde yang rung / mi bde yang rung / glo bur du yul gzhan kun tu 'gro bar 'gyur ba mthong ngo // de nas yang dge slong las kyi 'bras bu rnam par smin pa shes pa de/ rgyal chen bzhi'i lha rnams kyi gnas la rtog par byed de/ des thos pa las byung ba'i shes pas brtags na/ gnas skabs gzhan gcig kyang shes par ma nus la/ gnas skabs gzhan gcig kyang mthong bar ma gyur nas/ de 'di snyam du sems te/ rgyal chen bzhi'i lha rnams ni mtha' yas te/ de ltar mtha' med do snyam mo// rang gi las kyis ri rab la tshal dang / nye ba'i tshal bzhi dag tu dga' bar byed cing skor bar byed do/ / ri rab kyi ngos gang la nyi ma 'khor ba'i ngos de dang des mi'i gnas gang du ri rab kyi grib ma des 'bab ste/ de ltar 'dzam bu gling du mtshan mor 'gyur ro/ / byang phyogs na rlung 'khor lo'i gzugs zhes bya ba yongs su 'khor zhing / des byang phyogs kyi skar ma gang yin pa de dag thams cad 'char du mi ster la// nub tu yang mi ster/ de ltar rlung gi dbang gis phyogs su 'khor zhing 'dug go// mu stegs pa gzhan de nyid ma mthong zhing skar ma'i dpyad mngon par mi shes la/ phyogs gcig tu lta ba'i mu stegs pa de dag
- 93a
gis mthong nas/ 'di ltar de ni chu srin byis pa gsod yin te/ nub tu mi skyer la/ drang srong bdun dag gis 'jig rten 'dzin to snyam mo// de ltar des rgyal chen bzhi'i lha/ rnams ma lus par mthong zhing sa dang bcas pa la yang dag pa ji lta ba bzhin mthong nas 'khor ba la yid byung ngo // de ltar de dag mthong nas lha rnams kyi ltung ba'i sdug bsngal mngon par brtags na/ yid byung ste/ 'khor ba na gnas su rung ba rtag pa 'am/ brtan pa 'am/ ther zug pa 'am/ mi 'gyur ba'i chos can gang yang med la 'du ba dang 'bral ba'i bgo skal la spyod pa/ las kyi bgo skal la spyod pa/ las kyi skye gnas pa/ las la rten par mi byed pa med de/ de ltar dge slong des thos pa las byung ba'i shes pas brtags so// de nas yang rnal 'byor spyod pa nang gi chos la chos kyi rjes su lta zhing gnas so/ / de ltar dge slong de byis pa so so'i skye bo kun gang la dga' ba de la rag las par 'gyur te/ sred pa'i rgyu bskyed pa de dag 'di ltar bdag cag mtho ris su skye bar 'gyur zhing / der bdag cag bde bar gyur cig snyam nas tshangs par spyad pa spyod do/ / de ltar spyod pa de'ang dge slong de lha'i bde ba rnam pa gzhan dag la yang dmigs shing thos pa las byung ba'i shes pas mthong nas dga' bar mi byed/ chags par mi byed/ ro myong bar mi byed la/ bdud dang lhan cig 'gyed par nus shing / 'khor ba'i rgya mtsho las rgal ba'i bsam pa can yin te/ de ltar dge slong des gzhan bcu
- 93b
bdun pa la zhugs so/ / sa bla'i gnod sbyin dag gis de zos nas dga' ste/ bar snang la spyod pa'i gnod sbyin rnams la mngon par bsnyad do// de dag gis kyang rgyal chen bzhi pa rnams la bsnyad la/ snga ma bzhin tshad med 'od kyi lha rnams kyi bar la gcig nas gcig tu bsnyad do// 'di ltar lha dag 'dzam bu gling na rigs kyi bu grong che ge mo zhig dang / grong rdal mang ge mo zhig dang / rigs/ ga ge mo zhig dang / yul che ge mo zhig nas ming che ge mo zhes bya ba skra dang kha spu bregs nas gos ngur smrig bgos te/ dad pas khyim nas khyim med par rab tu byung ngo // dge slong de bdud dang lhan cig 'gyed par 'bad cing brtson la srid pa nyam nga ba las rgal ba'i bsam pa yod do/ / de ltar tshad med 'od kyi lha rnams thos nas yid mchog tu dga' zhing de dag la lha bdag cag ni dga' ste/ gang mi'i 'jig rten du mi chos dang ldan zhing chos kyi rjes su 'jug pa dag nges par 'byung la ye shes rtsom pa goms par byed/ yongs su spyod par byed/ bdud dang lhan cig 'gyed par byed de/ bdud kyi phyogs ni dma'a'o/ / dam pa'i chos kyi phyogs ni mtho'o// sangs rgyas rnams kyis bshad pa'i dam pa'i chos ni 'phel lo zhes lha de dag la bsnyad do// de nas yang dge slong de tshul khrims la rab tu rnam par dpyod par byed de/ tshul khrims med pa'am/ shes pa med pa ni mtho ris kyi 'jig rten du lhar skye ba med do snyam nas/ des thos pa las byung ba'i shes pas brtags
- 94a
na/ tshul khrims tsam gyis ni mtho ris su skye bar 'gyur/ sbyin pas ni der skye bar mi 'gyur zhing longs spyod shin tu che bar 'gyur la/ shes pas ni de nas shi nas ngan song du 'gro bar mi 'gyur ro/ / de la tshul khrims gang dang rnam pa dus lha'i 'jig rten gang du skye bar 'gyur snyam nas/ des brtags na/ tshul khrims rnam pa bdun gyis lha'i ris drug rnams kyi nang du/ tha ma dang / 'bring dang / mchog tu skye bar 'gyur te/ srog gcod pa spangs pa'i tshul khrims kyis rgyal chen bzhi pa rnams kyi nang du skye bar 'gyur ro// srog gcod pa dang / ma byin par len pa spangs pas sum cu rtsa gsum pa rnams kyi nang du skye bar 'gyur ro// srog gcod pa dang / ma byin par len pa dang / 'dod pas log par g.yem pa spangs pas 'thab bral ba rnams kyi nang du skye bar 'gyur ro/ / sdom pa blangs te srog gcod pa dang / ma byin par len pa dang / 'dod pas log par g.yem pa spangs shing brdzun dang / phra ma dang / tshig rtsub po dang / ngag 'khyal pa spangs pas dga' ldan pa rnams kyi nang du skye bar 'gyur ro// 'jig rten pa'i sdom pa blangs te/ sangs rgyas 'ba' zhig la dad la/ srog gcod pa dang / ma byin par len pa dang / 'dod pas log par g.yem pa dang / brdzun dang / phra ma dang / tshig rtsub po spangs pas 'phrul dga' ba rnams kyi nang du skye bar 'gyur ro// de bzhin du srog gcod pa dang / ma byin
- 94b
par len pa dang / 'dod pas log par g.yem pa dang / brdzun dang / phra ma dang / tshig rtsub po dang / ngag bkyal pa spangs pas/ gzhan 'phrul dbang byed kyi lha rnams kyi nang du skye bar 'gyur ro// de ltar dge slong de las dang tshul khrims su 'brel ba rnams lha'i 'jig rten du skye ba la rjes su sems te/ sdom pa blangs pa'i gang zag gang du ji ltar skye bar 'gyur snyam nas/ des thos pa las byung ba'i shes pas brtags na/ srog gcod pa spangs pa'i sdom pa blangs pa ni/ de rgyal chen bzhi pa rnams kyi nang du skye bar 'gyur te/ srog gcod pa spangs pa snga ma bas/ bong tshad dang // brtson 'grus dang / kha dog dang / dbang phyug dang / tshe dag ches ring bar 'gyur ro// srog gcod pa dang / ma byin par len pa dag spangs pa'i sdom pa blangs pa ni/ sum cu rtsa gsum pa rnams kyi nang du skye bar 'gyur te/ spangs pa de dag pas/ bong tshod dang / brtson 'grus dang / spro ba dang / gzugs dang / stobs dang / dbang phyug dang / tshe dag mchog tu ring bar 'gyur ro/ / srog gcod pa dang / ma byin par len pa dang / 'dod pas log par g.yem pa spang ba kun tu bstan cing bsgoms te mang du byas pas 'thab bral ba rnams kyi nang du skye bar 'gyur te/ spangs pa de dag pas de bong tshod dang / kha dog dang / dbang phyug dang / tshe dang / gzugs la sogs pa ches bzang bar 'gyur ro// dga' ldan pa rnams kyi nang du sems dang / shes pa
- 95a
gnyis kyi khyad par gyis bong tshod dang / kha dog dang / dbang phyug dang / dad pa dang / bde ba khyad par can du 'gyur ro// srog gcod pa dang / ma byin par len pa dang / 'dod pas log par g.yem pa dang / brdzun dang / phra ma spangs pa'i sdom pa la gnas pa ni/ 'phrul dga' ba rnams kyi nang du skye bar 'gyur te/ spangs pa de dag pas de bong tshod dang / dbang phyug dang / bde ba dang / tshe ring ba dag ches mchog tu 'gyur ro// srog gcod dang / ma byin par len pa dang / 'dod pas log par g.yem pa dang / brdzun dang / phra ma dang / tshig bkyil pa spangs pa'i sdom pa la gnas pa ni/ gzhan 'phrul dbang byed rnams kyi nang du skye bar 'gyur te/ spangs pa de dag pas de bong tshod dang / dbang phyug dang / bde ba dang / mthu dang / gzugs dang / tshe dag ches lhag par 'gyur zhing / bdud sdig can gyi tshig nyan par mi 'gyur la/ de des thub par mi 'gyur ba mthong ngo // de nas yang dge slong las kyi 'bras bu rnam par smin pa shes pa de tshul khrims mtho ris su skye ba'i sa bon du ji ltar 'gyur snyam nas/ shin tu zhib mor dpyod de/ des brtags na/ sems dang sems las byung ba chen pos tshul khrims chung ngu dang / 'bring dang / chen por 'gyur/ 'dod pa na spyod pa'i lha drug rnams kyi nang du sems kyi khyad par gyis sems las byung ba khyad par du 'gyur la/ sems
- 95b
las byung ba'i tshul khrims kyi khyad par gyis skye ba khyad par du 'gyur ba mthong ngo / / de nas yang dge slong de tshul khrims la dpyod par byed de/ tshul khrims rnam pa du yod snyam nas/ des brtags/ na/ tshul khrims rnam pa gnyis te/ 'jig rten pa lhan cig skyes pa dang / 'du ba byas pa'o// de la lhan cig skyes pa ni bcos ma ma byas pa'o// 'du ba ni bcos ma byas pa'o// yang tshul khrims rnam pa gnyis te/ khyim na gnas pa'i spyod pa dang / khyim na mi gnas pa'i spyod pa'o// de la khyim na gnas pa'i spyod pa ni bslab pa'i gzhi lnga'o// khyim na mi gnas pa'i spyod pa ni bslab pa'i gzhi so sor thar pas rab tu byung ba rnams kyi'o/ / yang tshul khrims rnam pa gnyis te/ sna gcig spyod pa dang / du ma spyod pa'o// de la sna gcig spyod pa ni bslab pa'i gzhi gcig 'dzin pa'o/ / du ma spyod pa ni gnyis sam gsum 'dzin pa'o// yang rnam pa gnyis te/ skye mched dang / skye mched ma yin pa'o// de la skye mched ni tshe rabs thams cad du bslab pa'i gni 'dzin pa'o/ / skye mched ma yin pa ni 'di ltar sems kyi khyad par gyis sam/ spro ba'i khyad par gyis bslab pa'i gzhi 'dzin pa'o// yang rnam pa gnyis te/ rnyog pa dang bcas pa dang / rnyog pa med pa'o// de la rnyog pa dang bcas pa ni mtho ris su skye bar 'dod pa'i sems so// rnyog pa med pa ni mya ngan las 'da' bar 'gro bar 'dong ba'o//
- 96a
yang rnam pa gnyis te/ 'jig rten pa dang / 'jig rten las 'das pa'o// de la 'jig rten pa ni zag pa dang bcas pa'o// 'jig rten las 'das pa ni zag pa med pa'o/ / yang rnam pa gnyis te/ bdag 'dzin pa dang / gzhan 'dzin pa'o// de la bdag 'dzin pa ni bdag nyid tshul khrims 'dzin pa'o// gzhan 'dzin pa ni gzhan yang rigs pa'i tshul khrims la 'jog par byed do/ / yang rnam pa gnyis te/ 'jug pa dang / ldog pa'o// de la 'jug pa ni 'khor bar 'jug par byed pa'o// ldog pa ni ye shes kyi rgyu ste/ mi slob pa'i ye shes la dmigs pa'o/ / yang rnam pa gnyis te/ ye shes dang ldan pa dang / sbyin pa dang ldan pa'o// de la sbyin pa dang ldan pa ni longs spyod chen po thob pa'o// ye shes dang ldan pa ni mya ngan las 'das pa thob pa'o/ / yang rnam pa gnyis te/ phyi rol tu spyod pa 'jug pa dang / nang du spyod pa 'jug pa'o// de la phyi rol tu spyod pa 'jug pa ni lus la rten pa'o/ / nang du spyod pa 'jug pa ni sems rab tu dang par bya ba'i sems dang ngag go// yang rnam pa gnyis te/ goms pa dang / ma goms pa'o// de la goms pa ni tshe rabs du/ ma dag tu goms pa'o// ma goms pa ni tshe gcig tu bgoms pa ste/ de ltar dge slong de rnam pa du mas tshul khrims rnam pa gnyis gnyis la spyod par byed do// de nas yang dge slong de
- 96b
shin tu zhib mor tshul khrims rab tu rnam par 'byed par byed de/ tshul khrims sna tshogs du yod/ rnam pa du yod snyam nas/ des brtags na/ tshul khrims rnam pa gsum ste/ phyogs gcig pa dang / phyogs gcig pa ma yin pa dang / mtho ris su 'gro ba'o// de la phyogs gcig pa ni/ bslab pa'i gzhi gcig 'dzin pa'o// phyogs gcig pa ma yin pa ni bslab pa'i gzhi gnyis sam gsum 'dzin pa'o/ / mtho ris su 'gro ba ni bslab pa'i gzhi tshogs par 'dzin pa'o// yang rnam pa gsum ste/ nor la sred par byas pa dang / nor la sred par ma byas pa dang / lhan cig skyes pa'o/ / de la nor la sred par byas pa ni stobs 'gyed pas 'tsho ba'o// nor la sred pa ma byas pa ni nad pu can rnams kyi'o// lhan cig skyes pa ni mya ngan chen pos thebs pa yin te 'di ni chung ngo / / yang rnam pa gsum ste/ bsam gtan dang lhan cig spyod pa dang / bsam gtan ma yin pa dang lhan cig spyod pa dang / langs nas lhan cig spyod pa'o// de la bsam gtan dang lhan cig spyod pa ni 'jig rten pa rnams kyi rkyen med pa'i bar gyis 'dod chags la sogs pa skyed par mi byed pa'o// bsam gtan ma yin pa dang lhan cig spyod pa ni phyi rol pa rnams kyi bsam gtan med kyang de ltar tshul khrims su 'gyur ba yin no/ / yang langs nas lhan cig spyod pa ni skyon gang dmigs nas de dag nges yongs su spongs par byed pa yin
- 97a
te/ ji ltar chang gis myos na mi gtsang ba kun tu spyod de/ des chang de so sor gcod par byed pa bzhin no// yang rnam pa gsum ste/ ngan g.yo byed pas srung ba/ dang / ngan g.yo byed pa ma yin pas srung ba dang / lhan cig skyes pa'o// de la ngan g.yo byed pas srung ba ni nyon mongs shing 'bras bu chung ba'o// ngan g.yo byed pa ma yin pas srung ba ni 'bras bu che'o/ / lhan cig skyes pa ni sems las byung ba'i bye brag gis 'bras bu che ba 'am/ 'bras bu chung bar 'gyur ro// yang rnam pa gsum ste/ rkyen gyis 'dzin pa dang / rkyen med pas// 'dzin pa dang / bya ba ma yin pa'o// de la rkyen gyis 'dzin pa ni/ bsgrub pa'i gzhi tshul khrims yang dag par blangs pa de rkyen rnyed nas srung ba yin te/ bslab pa'i gzhi bsdus nas 'dzin pa'o/ / rkyen med pas 'dzin pa ni gang rkyen med pa des srung ba'o// bya ba ma yin zhes bya ba ni rigs chen por skyes pa rnams kyi bya ba ma yin pa sdig pa mi byed pa'o// de las rkyen gyis 'dzin pa ni sems las byung ba'i bye brag gis 'dzin te 'bras bu che ba yin no/ / rkyen med pas 'dzin pa ni de rnam par mi shes te 'bras bu chung ba yin no// bya ba ma yin pas byas pa ni 'jig rten 'dir legs par byas pa yin te/ 'bras bu che ba 'am sar chud par 'gyur ro// yang rnam pa gsum ste/ bla mas 'jigs pa dang / bla ma ma yin pas 'jigs pa dang / ngan song du
- 97b
'gro bas 'jigs pa'o/ / de la gang bla mas 'jigs nas tshul khrims len pa de chung ba yin no// gang bla ma ma yin pas 'jigs nas len pa de ni 'bring yin no// gang ngan song du 'gro/ bas 'jigs nas len pa de ni chen po yin no// yang rnam pa gsum ste/ bdag nyid tshul khrims dang ldan par byed pa dang / gzhan tshul khrims la 'jog par byed pa dang / gzhan la btang snyoms su gnas pa'o/ / yang tshul khrims rnam pa gsum ste/ gags dang bcas pa dang / gages med pa dang / gags thams cad pa'o// de la gags dang bcas pa ni gang sngon tshul khrims dang ldan la/ phyis tshul khrims 'chal pa yin te/ gags dang bcas pa'i tshul khrims de yin no// gags med pa brtag par tshe rabs su thog ma dang / bar dang tha ma'i mthar tshul khrims dang ldan pa nyid yin no/ / gags thams cad pa zhes bya ba ni lta ba log pas srog gcod pa la sogs pa'i mchod sbyin byed pa'i tshul khrims yin no// de nas yang dge slong de tshul khrims rnam pa bzhi rnam par 'byed cing rtog par byed do/ / ngag gi brdzun dang / phra ma dang / tshig rtsub po dang / tshig bkyal pa ste/ de dag dang bral bar byed do// yang tshul khrims rnam pa lnga ste/ yul lnga spangs pa skyed pa'o// yang tshul khrims rnam pa drug ste/ bar chad byed pa dang / bar chad byed pa med pa dang / rgyal po'i chad pas 'jigs nas
- 98a
blangs pa dang / 'brel bas blangs pa dang / rtog pa med pa dang / lhan cig skyes pa'o// yang tshul khrims rnam pa bdun te/ lus dang ngag gi'o// de ltar dge slong de tshul khrims rnam pa du ma la rab tu dpyod par byed de/ / gang gis sems can rnams ngan 'gro'i 'jigs pa las sgrol bar byed pa de ni mdor na rnam pa gnyis te/ 'jig rten pa dang 'jig rten las 'das pa yin no snyam mo/ / // dam pa'i chos dran pa nye bar gzhag pa bam po sum cu pa// / des de nas rgyal chen bzhi'i lha rnam/ mthong nas/ sum cu rtsa gsum pa'i gnas dang las rnams la rtog par byed de/ legs par byas pa'i las dang / legs par byas pa'i las kyi rjes su spyad pa gang gis sum cu rtsa gsum pa'i lha rnams kyi nang du skye bar 'gyur snyam nas/ des thos pa las byung ba'i shes pas brtags na/ sum cu rtsa gsum pa'i lha rnams ji ltar 'dug pa ni 'di lta ste/ chos bzang na gnas pa dang / mtho ba na gnas pa dang / ri rtse na gnas pa dang / legs mthong na gnas pa dang / phyogs gcig na gnas pa dang / shing gseb na gnas pa dang / shing rta sna tshogs na gnas pa dang / dgara' byed na gnas pa dang / rnam mdzes na gnas pa dang / yongs 'dun gnas pa dang / 'dres pa'i 'gram na gnas pa dang / tshang tshing gi 'gram na gnas pa dang /
- 98b
nor bu'i snying po na gnas pa dang / kun tu gsal bar spyod pa dang / gser phug gi khang pa dang / 'phreng ba'i grib ma dang / dma' ba dang mtho ba na rgyu ba dang / bkra ba sna tshogs kyis phye ba/ dang / sbyor ba la 'jug pa dang / zhib tu spyod pa dang / glu'i sgra la shin tu dga' zhing mngon par chags pa dang / gzi brjid 'bar ba dang / zla ba'i gnas ltar nya ba dang / shing sA la zung dang / mig phye zhing 'gro ba dang / btsums nas 'gro ba dang / lus kyi mdog bzang zhing che ba dang / nor bu 'phyang ba dang / ris 'thun pa dang / 'khor na gnas pa dang / mtho bar spyod pa dang / gzi brjid mchog dang / gzi brjid 'phreng dang / ma 'dres pa dag ste/ de ltar sum cu rtsa gsum pa'i lha de rnams ni gnas sum cu rtsa gsum na 'khod do// de la dge slong las kyi rlos kyi 'bras bu rnam par smin pa dang / tshul khrims zhib tu khong du chud pa de/ de ltar na lha rnams kyis legs par byas pa'i las ngag la rtog par byed de/ las byas shing bsags pa gang gis bde 'gro skyed pa 'dod pa dang / sdug pa'i rnam par smin pa/ bde bas rnam par smin pa/ bde zhing skye bo yongs su smra ba bsdus pa/ sgra dang / reg pa dang / ro dang / rnam par smin pa bde ba bskyed pa rnams kyis gang du skye bar 'gyur snyam nas/ des thos pa las byung ba'i shes pas brtags na/ ya mtshan can gyi mthong ba dang / thos pa kun nas ngogs pa gzhan ma yin pa sangs rgyas kyi
- 99a
bstan pas lha rnams kyi skye ba dga' zhing bde bar gnas pa dpe med pa dag mthong ste/ lha'i 'dun sa chos bzang yang du lha'i rgyal po karu shi kas chos dang 'thun par skyong ngo / / phyi rol gyi 'du shes rnyed pas lha rnams kyi gnas pa dang por byas nas/ de ltar sa kun gyi ris rnam par 'byeng bar byed de/ dge slong de tshul khrims shin tu bsgoms pa rnam pa gang gis lho'i 'dun sa chos bzang du skye bar 'gyur snyam nas/ des thos pa las byung ba'i shes pas brtags na/ gang tshul khrims rnam pa bdun bsrungs te/ de ma nyams pa dang / ma ral ba dang / ma zhig pa dang / dam zhing gzhan dang mi 'dra bar rab tu spyod la/ sems las byung bas yongs su bsgoms pa'i sbyin pa dus la bab pa yang byin zhing yon tan du gyur pa yang 'di lta ste/ dgra bcom ba 'am/ pha ma 'am/ nad pa 'am/ phyir mi 'ong ba 'am/ lan cig phyir 'ong ba 'am/ rgyun du zhugs pa 'am/ 'gog pa las langs pa 'am/ lam la zhugs pa 'am/ byams pa dang / snying rje dang / dga' ba dang / btang snyoms bsgoms pa 'am/ 'chi bas 'jigs shing nyen pa la srog byin na/ lus dang bral nas bde 'gro mtho ris kyi 'jig rten lha'i 'dun sa chos bzang du lha'i bdag por 'gyur la/ brgya byin ko'u shi ka lha'i 'dun sa chos bzang na gnas te/ lha mo sdug pa ying du 'ong ba bye ba phrag dgu bcu rtsa dgus yongs su bskor ba'i nang na yongs
- 99b
su dga' bar byed cing / lha mo de dag gis kyang de la rim gro byed de/ ji ltar skyes pa gcig la bud med gcig gis rim gro byed pa de bzhin du/ de dag thams cad de la rim gro byed do// de dag gi nang na sdug cing yid du 'ong ba sems gcig pa'i btsun mo dam pa lha mo dag rim gro byed de/ de'ang de dag la gus par byed do// lha'i 'dun sa chos bzang de na dpag tshad lnga brgya yod do// kha khyer ni nor bu bai DUR+Ya/ ka ba ni byu rus shin tu mdzes par byas pa/ lan kan ni shel las byas shing spug gis ni brgyan/ rtsig pa ni gser bcom las byas shing rdo rjes brgyan te// nor bus dga' bar byas pa/ khri ni pad+ma rA ga dang / an da rnyil gyis mdzes par spras pa/ la la kha cig tu pad+ma 'dab ma ni bai DUR+Sha ze ba ni rdo rje'i myu gu/ sdong po ni 'angs rdzab med pa'i thang las skyes pa/ gser lta bus mdzes par brgyan to// rdzing bu'i bar kha cig na bya 'khod pa yang / sgra ni bai DUR+Ya/ mchu ni pad+ma rA ga/ lus ni mthon ka / lta bu rnams kyis pad+ma'i rdzing de gang ngo // kha cig tu nor bu'i bya rnam pa gzhan gyis rdzing de kun tu gang ste/ 'di lta ste/ rkang pa ni bai DUR+Ya/ sgro ni mthon ka/ mchu ni spug/ mig ni byu ru lta bu rnams kyis rdzing gi bar dag kun tu gang ngo / / kha cig tu yang rdzing de rnam pa gzhan gyis mdzes par byas pa yin te/ 'di lta ste/ lus thams cad ni 'dzam bu'i chu bo'i gser/ sgro ni byu ru/ mig ni
- 100a
shin tu 'jam pa/ rkang pa ni mu tig gi kha dog lta bu yin no// pad+ma'i rdzing kha cig dag tu yang bung ba myos pa bai DUR+Ya'i mdog lta bu rnams kyis pad+ma'i rdzing chen po bcu mdzes bar byas pas/ lha'i 'dun sa chos bzang mdzes par byas pa yin te/ 'di lta ste/ dga' 'byung dang / rab tu dga' ba dang / rab dga' chen po dang / rtse dga' dang / bsams 'gro dang / shing rta kun bgro dang / kun rtog rgyu dang / dpag bsam gyi shing la spyod pa dang / dben 'gro dbang po'i 'od de/ mtsho de rnams kyis lha'i 'dun sa chos bzang de brgyan to// yang pad+ma'i tshal rnam pa gzhan dag yod de/ pad+ma de dag gi sdong po ni dngul/ za ba ni gser/ 'dab ma ni bai DUR+Ya/ snying po ni 'dam rdzab med pa nas skyes pa rdo rje'i mdog lta bu yin no// yang pad+ma rnam pa gzhan dag ni 'di lta bu yin te/ 'di lta ste/ sdong bu ni rdo rje'i mdog lta bu 'dab ma phan tshun 'dres pa ni/ 'di ltar pad+ma rA ga dang / 'dab ma kha cig ni bai DUR+Ya/ 'dab ma kha cig ni spug rgyan gyi mdog/ 'dab ma kha cig ni gser lta bu yin te/ de ltar pad+ma de dag gi kha dog 'dres pa yin no// lha'i rgyal po brgya byin gyi pad+ma ni 'dab ma brgya pa dang / la la ni 'dab ma nyis brgya pa/ la la ni 'dab ma sum brgya pa/ la la 'dab ma bzhi brgya pa/ la la 'dab ma lnga brgya pa/ la la 'dab ma drug brgya pa/ la la 'dab ma bdun brgya pa// la la 'dab ma brgyad brgyag
- 100b
la la 'dab ma dgu brgya pa/ la la 'dab ma stong yod de/ kha dog sna tshogs dang / kha dog gcig pa dang / rgyu ba dang / mi rgyu ba dang / brgya byin gyi gnas lha'i 'dun sa chos bzang du 'byung ngo // yang pad+ma'i nang de dag nyid du lha'i bya 'jug pa dang / gsab gseb kyi nang na gnas pa rnams kyis kun tu gang ba ni 'di lta ste/ gang dus tshigs thams cad du rgyags pa/ 'gram pa rdul cing rol mo'i sgras rtag tu gar byed pa dag yin te/ de dag gang gi tshe brgya byin rdzing de dag tu lha mo'i tshogs kyis lhan cig yongs su bskor nas rtse ba de'i tshe/ bya de dag de bzhin du dga' bar byed de/ ji ltar yan lag lnga dang ldan pa'i sil snyan gyi sgra de bzhin du bya de dag kyang sgra 'byin la/ rgyags pas myos pa zhes bya ba'i bya rab tu gar byed pa dag 'byung ngo // gang gi tshe brgya byin gang rdzing de dag tu dga' bar byed pa de'i tshe de dag kyang de bzhin du gar byed de/ ji ltar lha mo dag byed pa de bzhin no// bya 'khor yug ces bya ba gser gyi mdog can me tog gi 'phreng ba mchu la 'chang ba dag 'byung ste/ gang rdzing de dag gi 'gram gyi nang phan tshun kun nas rdzing de dag tu gnas nas gar byed ci sgra 'byin par byed de/ lha'i rgyal po brgya byin gyi rdzing ni de lta bu yin par mthong ngo // de nas yang dge slong de brgya byin gyi lha'i 'dun sa chos bzang legs par byas pa'i las kyis sprul pa la rtog par byed de/ des brtags na/ rdzing gi bar na gnas pa'i nya rnams kha cig ni gser gyi mdog can/ kha cig ni dngul gyi
- 101a
mdog can/ kha cig bai DUR+Ya'i mdog can la/ 'dab ma ni pad+ma rA ga'i mdog/ mig ni spug lta bu/ lto ni pad+ma'i mdog/ kha cig gi rgyab ni rin po che sna tshogs kyi thig le bkra ba dag gis brgyan/ kha cig gi 'dab ma ni rin po che rnam pa sna bdun gyi mdog 'dug ste/ pad+ma'i rdzing nga rnams su dga' bar byed do// de nas dge slong de brgya byin gyi pad+ma'i rdzing rnam pa gzhan de dag nyid la rtog par byed de/ gang gis rdzing de dag gis ris nyid rnam pa du yod cig gu snyam nas/ des thos pa las byung ba'i shes pas brtags na/ sa de dag gi ris kha cig dag bye ma brdal ba lta bur mu tig bkram pa/ kha cig dngul gyi phye ma/ kha cig gser gyi phye ma/ kha cig nor bu bai DUR+Ya bkram ste/ de ltar brgya byin gyis legs par byas pa'i las kyi sprul pas de dag gi ris bkra ba dag mthong ngo / / de nas yang dge slong de gnas de dag gi ris nyid la rtog par byed de/ des thos pa las byung ba'i shes pas brtags na/ 'di ltar rdzing de dag nyid kyi 'gram de kun nas kha cig gi kha khyer gser las byas pa dag gis yongs su bskor/ kha cig gi kha khyer nor bu bai DUR+Sha/ kha cig dngul las byas/ kha cig gser ngag las byas pa/ mu tig gi dra bas kun tu bres pa yin te/ de ltar bya'i tshogs kha dog sna tshogs dga' ba'i sgra dang / 'gro ba rnams kyis pad+ma'i rdzing gi 'gram de dag kun tu gang bar mthong ngo // de nas yang dge
- 101b
slong las kyi 'bras bu rnam par smin pa shes pa des lha'i 'dun sa chos bzangs la rtog par byed de/ pad+ma'i rdzing gi pad+ma de dag gi nang na rgyu ba bung ba'i tshogs kyi mdog dang / kha dog sna tshogs la 'di lta/ ste/ gser gyi mdog can rnams kyi nang du bung ba dngul gyi mdog can/ 'dab ma rdo rje'i myu gu lta bu reg na bde bdag rgyu la/ dngul gyi pad+ma rnams kyi nang du bung ba gser gyi mdog can dag rgyu ste/ de ltar sna tshogs dag pad+ma sna tshogs rnams kyi nang na rgyu'o// de ltar las dge bas 'bras bu sna tshogs dag 'byung bar 'gyur ba mthong ngo // de nas yang dge slong de lha'i 'dun sa chos bzang de nyid la thos pa las byung ba'i shes pas rtog cing / de'i tshal dag la'ang rab tu dpyod par byed de/ lha'i dbang po brgya byin gyi tshal dag rnam pa du yod snyam nas/ nges thos pa las byung ba'i shes pas brtags na/ 'di ltar lha'i 'dun sa chos bzang dag na tshal yod la/ de ltar tshal re re la rab tu dpyod par byed de/ de'i tshal bud med dga' ba zhes bya ba dang / kun dga' zhes bya ba dang / dpe med pa zhes bya ba dang / bkra ba zhes bya ba tshal bzhi po de dag ni lha'i 'dun sa chos bzang dag na yod do// de ltar na de tshal re re dag la rab tu spyod par byed de/ tshal gang du lha rnams kyi dbang po brgya byin lha mo'i tshogs kyis yongs su bskor cing / lha'i 'dod pa'i yon tan lnga la/ gzugs dang / sgra dang / dri dang / ro dang / reg pa rnams kyis dga'
- 102a
zhing mgu la rtse zhing yongs su dpyod pa'i tshal ni gang yin/ dga' bar spyod pa'i rnam pa ni du yod cig gu snyam nas/ des thos pa las byung ba'i shes pas brtags na// bu ded dga' ba zhes bya ba'i tshal yod de/ tshal de lha'i shing ljon pa dang / me tog dang 'bras bus ni brgyan/ bya'i tshogs ni yongs su bskor/ shing de dpag bsam gyi shing zhes bya la/ ltar de dag ni ji ltar 'dod pa zhes bya bar 'gyur te/ gang sum cu rtsa gsum dag yid la sems par byed pa de tshal de dag las rnyed par 'gyur ro// de dag gang gi tshe rtse ba'i phyir tshal der nye bar 'gro bar byed na/ de'i tshe shing ljon pa de dag gi me tog shin tu bzang po rab tu rgyas shing me tog kha bye bar 'gyur ro// gang gi tshe bud med dag tshal de dag gi nang du zhugs la shing ljon pa'i drung du nye bar song ste/ shing ljon pa dag las me tog rnams len par 'dod pa de'i tshe/ ji ltar bud med kyis slebs tsam du shing pa de dag 'phyang bar 'gyur ro// yang de ltar me tog gi rnam pa de dag blangs pa dang / me tog gi rnam pa gzhan dang / kha dog gzhan dang / dri gzhan dang / dbyibs gzhan dang / rnam pa gzhan dag 'byung bar 'gyur ro// lha mo de dag gis ji lta ji ltar bsams pa bzhin dpag bsam gyi shing de dag gi don du 'byung bar 'gyur ro/ / yang dpag bsam gyi shing de dag rnam pa gzhan du ston te/ rol mo'i sgra'i rnam pa thos na nyams dga' ba rnam pa lnga'i bar dag 'byung ba ni/
- 102b
rgyud can dang / rnga dang / sil dkrol dang / gling bu dang / sgra snyan pa dag lha mo de dag gi yid kyis bsams shing / de bzhin du dbyangs kyi rnam pa mnyan par bya'o snyam nas/ de nas sems bskyed ma thag tu shing ljon pa'i lo ma rnams kyi nang du dge ba'i las kyis bskyeng ba'i rlung de dag rab tu ldang ngo / / rlung gang gis lo ma de dag la de bzhin phog pa dang / de ltar rnam pa ji snyed yod pa'i lo ma de dag rnam pa de snyed du de ltar sgra 'byin par byed de/ ji ltar yan lag lnga dang ldan pa'i sil snyan chags par 'os pa rgyud can dang / rnga dang / sil dkrol dang / gling bu dang / sgra snyan pa'i rnam pa de dag lo sa de dag las 'byung ste/ de bas na dpag bsam gyi shing zhes bya'o// yang dpag bsam gyi shing rnam pa gzhan du 'gyur te/ ji ltar lha mo 'dod 'gro dag sems dang 'thun pa'i rgyan dang / gos dang / 'bras bu rnam pa ji lta ba bzhin lha mo'i yid la 'dod na/ des sems bskyed ma thag tu dpag bsam gyi shing de dag las byung zhing / de nas yang de mdzes par 'dug ste/ de bas na dpag bsam gyi shing zhes bya'o// de dag kyang kha cig bai DUR+Ya'i mdog la gser gyi lo ma dang / kha cig sdong po gser la dngul gyi yal ga dang / bai DUR+Ya'i 'dab ma dang / ke ra Ta ka'i lo ma dang / kha cig lo ma rin po che sna bdun lta bu las rnam pa du ma re bri ba dang / 'bras bu du ma dag thob par byed do// yang dpag bsam gyi shing rnam pa
- 103a
gzhan du bstan pa de gang zhe na/ 'di lta ste/ lha mo gang dag brgya byin la lta bar spro na/ brgya byin de'i dge ba'i las kyis sprul pa sgyu ma byas pa dbang de mthong bar 'gyur te// de dag dang lha mo de dag lhan cig dga' bar byed cing / yongs su spyod par byed do// de ltar dbang po de dbang po bye ba de snyed sprul par byed de/ shing ljon pa de dag gi drung du lha mo bye ba dgu bcu rtsa dgu re re dang dbang po de dag dang lhan cig rtse zhing yongs su spyod pa na/ lha mo de dag gcig la gcig ni mi mthong ngo // gang dang gang gi tshe lha mo dag ji tsam du brgya byin gyi cha byad dang / rgyan gyi rnam pa dag yid la sems pa de srid du de cha byad dang / rgyan gyi rnam pa nyid mthong nas gnyis spyod par byed la/ de srid du tshal kye nang du rnam pa du mar dga' bar byed cing yongs su spyod par byed de/ de bas na dpag bsam gyi shing zhes bya'o/ / de dag gal te rab tu 'byed pa na/ tshal de'i nang na rin po che yod pa ri rtse ba zhes bya ba mthong ste/ ri nga'ang rin po che sna bdun gyi rang bzhin yin zhing / rdo rje myu gu'i rdo rje bkram pa/ gser gyi lcug ma tshang tshing 'dres pas khyim byas pa/ gser dang / dngul dang / mthon ka lta bu'i ri dgas rnams kyis mdzes par byas pa/ bya sna tshogs skad 'byin pa/ dga' ba'i ri de la khang bzang / rgyal ba mchog 'gro zhes bya ba ka ba stong yod de/ gser dang / bai DUR+Ya dang / mthon ka'i ka ba 'dres pa rnams kyis mdzes par byas pa/ kun nas rdo rje dang mu tig rags pa rnams kyis spras pa/
- 103b
'ja' lta bu'i rnam pa khri snyed kyis sdug par byas pa/ bai DUR+Ya'i seng ge'i khri la stan khra bos g.yogs shing steng du gding ba 'jam po bting ba/ khang bzangs de na be DUR+Ya'i stan stong gis mdzes par/ byas pa/ brgya byin lha dang lha ma yin g.yul 'gye ba las rnam par rgyal nas mdzes par byas pa de sum cu rtsa gsum gyi sar song nas lha thams cad kyi rang bzhin lha rnams dang lhan cig rab tu/ dga' 'o// de nas lha mo dag khang bzangs der song nas rtse bar byed/ glu len par byed/ bro rdung bar byed/ yongs su spyod par byed/ phan tshun rtsed mo dag byed pa na/ rang gi las ngan ba dang / bzang po dang / 'bring rnams kyis dga' bar byed do// de dag res 'ga' khang bzangs rgyal ba mchog 'gro de nas babs nas/ de nas yang ri rtse ba de nyid la gnas par byed cing / der 'dod chags dang ldan pa'i sems kyis 'dod chags gcig pu don du byed pa dag phan tshun dga' bar byed do/ / 'di ltar bud med thams cad ni 'dod chags kyi tshogs dang ldan pa yin la/ mtho ris na khyad par du lha'i yul dag na che ba yin no/ / de dag gal te yongs su rgyu ba na/ ri de la bza' ba dang btung ba yod pa'i sar nye bar 'gro bar byed de/ de'ang gzugs dang / kha dog dang / dri dang / ro sna tshogs yod la/ btung ba myos par byed pa/ lha'i gzugs dang / dri dang / ro phun sum tshogs pa rnams kyis gang ba yin no// de la btung ba'i rnam pa de dag ni ra ro ba'i skyon dang bral ba yin/
- 104a
te/ 'di lta ste/ dga' bar byed pa'i btung ba gang 'thungs na/ lha mo dag shin tu dga' bar 'gyur ba dang / mthong bar byed pa zhes bya ba'i btung ba gang 'thungs na/ mtho/ ris kyi tshal dang / nye ba'i tshal thams cad ri gzhan du mas chod kyang mthong bar 'gyur ba dang / ro rab tu mang po zhes bya ba'i btung ba ro mang po'i 'dod pa gang 'thungs na spro ba dang / kha dog dang gzugs dang / stobs brgya 'gyur du 'gyur ba'i btung ba de dag lha mos 'thungs nas/ yang zas kyi don du zas yod pa dag tu 'gro bar byed do// de'i zas dag rang gi las dang rjes su 'thun pa yin te/ ngan pa dang / 'bring dang / bzang po yin la/ ro dang / kha dog dang / dri dang / reg pa'i rnam pa las kyis bsgrubs pa phun sum tshogs pa yin no// de bzhin du btung ba dag kyang / rang gi las kyis bsgrubs pa'i ngo bo so sor bstan pa yin te/ de dag gi btung ba de 'thungs shing zas bdud rtsi de'ang zos nas/ rtse ba'i ri la rol mo'i sa ga la ba der 'dong ngo // sa de dag na pi wang khog pa ni bai DUR+Ya/ gser gyi 'dab mas ni brgyan/ gser skud ring pos ni rgyud byas pa dang / gser las byas pa'i rnga dag las sgra snyan pa dag 'byung ngo // de bzhin du smyug ma'i nang 'dres pa'i sbu bu rnam pa du ma dag kyang lha mo de dag gis mthong ste/ de ltar sil dkrol dang / glang bu dang / sgra snyan pa la sogs pa rol mo'i rgyu du ma dag gis yang de dag gi yid rab tu dga' bar byed do// thams cad rgyan thams cad
- 104b
kyis brgyan pa de rnams rol mo'i rgyu de dag blangs nas phan tshun yang dag par dga' bar bya ba dang / 'dod chags sna tshogs bskyed pa dang / chags pa mnyam pa dang / tshang tshing na gnas pa myog/ ces byed pa dang / shin tu 'dod chags bskyed pa phun sum tshogs par bya ba'i phyir rol mo dag byed do// de nas yang de dag gis rol mo de byas nas/ dril bu g.yer kha yod pa'i sa ga la ba der 'dong ngo / / sa de dag na dril bu g.yer ka sgra mang po'i tshogs dag 'khrol te/ gang dag rlung gis skyod pa'i sgra rnam pa brgya phrag du ma dag grag go// de dag gi sgra de thos nas yang cha byad dang / gzugs dang / rgyan sna tshogs thogs pa rnams shin tu dga' ste/ bro gar byed/ dgod par byed/ glu len no// sgra nges tshim nas yang de nas babs te/ ngang pa dang ngur pas mdzes par byas pa'i rdzing ga la ba der 'dong bar byed de/ bya ngang pa dang / ka ran da ba dang / ngur pa dang / gser dang / dngul gyi mdog lta bu'i bya'i tshogs gzhan rnams kyis kyang rdzing mdzes par byas pa de dang / de dag tu chu la rtse ba'i phyir zhugs so/ / ser sna dang / phrag dog dang bral ba de dag thams cad der babs nas/ pad+ma'i sdong bu gser dang / dngul dang / bai DUR+Ya lta bu rnams kyis phan tshun rdeg par byed la/ de dag yun ring por ca co'i sgra dang / chu yan lag brgyad dang ldan zhing / yon tan thams cad dang ldan pa la yun ring du rtses/ bya'i tshogs rnams dang yang lhan cig rtses nas/ de nas yang
- 105a
rgyags pa du ma byed pa/ rgya pal dga' ba/ rgyags pa don du gnyer ba/ rgyags pa'i ngo bo/ rgyugs pas ngoms mi myong ba/ yul la brkam pa dag sa ris gzhan dag tu 'dong bar byed/ tshal me long tshal zhes bya ba der 'dong ngo // der bdag nyid kyi gzugs brnyan cha byad dang rgyan bzang pos brgyan par gyur par mthong ste/ bdag nyid kyi gzugs brnyan yon tan sna tshogs phun sum tshogs pa de nye bar mthong zhing me long gi dkyil 'khor sna tshogs su rang gi yon tan phun sum tshogs pa dang / cha byad dang rgyan phun sum tshogs pa mthong ngo // der mthong nas de nas yang gzugs kyis rgyags pa bcu 'gyur du 'jug ste/ gang gi phyir bud med rgyags pas myos pa ni rnam pa gsum ste/ 'di lta ste/ gzugs kyis rgyags pa dang / skyes pas rgyags pa dang / nga rgyal gyis rgyags pa'o// de dag rang gi gzugs kyis rgyags pas myos pa mthong nas/ gzhan dag la bud med kyi grangs su cung zad kyang mi rtsi'o// de nas yang me long gis de las gzhan pa dus tshigs thams cad ces bya ba'i tshal du 'dong bar byed de/ tshal da na dus tshogs drug rtag tu yod la/ 'khor lo bzhin yongs su 'khor ba yin te/ 'di lta ste/ dgun dang / dgun smad dang / dpyid dang / sos ka dang / dbyar dang / ston to// tshal de kun nas dus tshigs dang 'thun par sa ris dang / tshal gyi bya kha dog bzang po du ma rnams dang / dus tshigs dang 'thun pa
- 105b
'gro ba rnams kyis sdug par byas pa'i tshal der bde bar gnas par bya ba'i phyir dong ngo / / phan tshun grogs byed pa dang / phan tshun 'thab mo dang / phrag dog gis mi dga' ba med pa/ phan tshun/ 'dzem pa med pa/ phan tshun sdug cing byams pa de rnams tshal de mthong nas dus tshigs gang yin pa dang / 'dod pa gang yin pa'i tshal der de rnams dong ste/ tshal de na dus tshigs dang 'thun par rtse dga' bar byed do/ / dus tshigs kun so sor 'byung ba'i tshal na/ dus tshigs sna tshogs su byung ba rnams kyis yid la rtse ba'i rnam pa skyes pa lha mo de dag dang bya'i tshogs dang lhan cig ji srid gzhan du spro ba ma skyes pa de srid du dga' bar byed do/ / rtse bar byed do// de nas yang rtse zhing gnas pa yid rab tu dga' ba de dag yang lha'i rgyal po brgya byin ga la ba der dong ste/ khyim thab de mngon par mthong nas/ cho gau sna tshogs la mkhas pa'i lha mo de rnams kyis kun nas yongs su bskor te/ bro gar byed/ dgod par byed/ glu dbyangs len no// de ltar lha'i rgyal po brgya byin gyi tshal gcig la yon tan gyi rnam pa phun sum tshogs pa yin te/ lha'i rgyal po brgya byin gyi tshal gcig ni de lta bu yin no// de nas yang dge slong de lha'i rgyal po brgya byin gyi tshal gnyis pa la rtog par byed de/ tshal de rnam pa ni du yod/ ming ni ji skad btags zhig gu snyam nas/ nges thos pa las byung ba'i shes pas brtags na/ tshal kun dga' zhes bya ba yod de/ tshal de na yon tan du yod cig gu snyam nas/
- 106a
des zos pa las byung ba'i shes pas brtags na/ 'di ltar tshal de ni ngo ba nyid kyis kun dga' bzhin te/ rdul de na lnga dang lha mo'i tshogs rab tu dga' bas ni kun tu gang thams cad nas rtag tu dog cing phan tshun gyi gdong mthon po gzhan dang gzhan 'byes pa bskyed par lha'i rgyal po brgya byin lha'i bu mo 'bum gyis yongs su bskor te/ dga' spyod la gnas par bya ba'i phyir 'gro bar byed do/ / lha'i dbang po brgya byin de 'gro ba na skyed mos tshal du 'gro ba'i shing rta brgyad khri bzhi stong gi rgyu bai DUR+Ya las byas shing / dril bu g.yer kha mang po 'phyang ba kha cig rta mgo bo 'dzam+bu'i chu bo'i gser sa pa da/ ma sa/ la d byangs dang / sil snyan dang / rol mo rnam pa sna tshogs kyis bskor ba'i lha'i gtso bo dag zhugs te/ brgya byin gyi 'khor byas nas dong ngo // bal glang brgyad khri bzhi stong gi lus gser dra bas g.yogs shing / lus la dril bu g.yer ka ni 'phyang / lus la stan khra bo dang gding bas ni g.yogs/ 'gram pa la dngul gyi thig le gsal ba ni 'dzag/ lha'i rol mo'i glu dbyangs dag len pa/ na/ lha'i gtso bo ngag zhon te brgya byin gyi ngo 'ba' zhig tu lta bas brgya byin yongs su bskor nas skyed mos tshal du 'dong ngo // lha mo brgyad khri bzhi stong cha byang dang rgyan sna tshogs thogs shing / kha dog
- 106b
dang gzugs sna tshogs su 'dug pa dag brgya byin 'ba' zhig la lta la/ kha cig ni bro gar byed/ kha cig ni glu len/ de dag gi nang na kha cig ni yan lag lnga dang ldan pa'i rol mo byed/ kha cig ni rtsed mo sna tshogs byed cing skyed mos tshal du dga' spyod byed du 'dong ngo / / bro gar mkhan cha byad rnam bzhi dang / gzugs dang / cha byad sna tshogs dang ldan pa dag kyang bro gar byed/ rtsed mo byed/ yongs su spyod pa byed pa dag brgya byin gyi ngo 'ba' zhig tu lta zhing skyed mos tshal ga la ba der dga' spyod byed du 'dong ste/ lha'i dbang po brgya byin bde sogs dang lhan cig de dag gi nang du zhugs nas/ shing rta / rtsibs brgya pa bai DUR+Ya dang / gser dang / spug dang / pad+ma rA ga dang / an da rnyil dang / mthon ka chen pos brgyan pa'i shing rta gang yin pa de/ ngang pa'i lus ni 'dzam+bu'i chu bo'i gser/ rkang pa ni byu ru/ mig ni rin po ke ke ru/ lus ni pad+ma rA ga/ mchu ni byu ru/ sgro ni mu tig gi mdog lta bu stong phrag brgya snyed kyis shing rta de 'dren par byed de/ brgya byin gyi yid la 'dod pa bzhin du 'gro bar byed do/ / shing rta mchog de'i nang na brgya byin lha'i rin po che sna tshogs kyis brgyan cing / nyi ma brgya pas lhag pa'i gzi dang ldan pa bde sogs dang lhan cig tu skyed mos tshal ga la ba der 'dod ngongo/ / lha mo thams cad kyi nang na bde sogs gzugs dang / cha byad dang / rgyan brgya 'gyur gyis phun sum tshogs la/ de rin po ches brgyan te/ brgya byin gyi stan gyi phyed pa 'dug
- 107a
nas/ skyed mos tshal ga la ba der 'dong ngo // sum cu rtsa gsum pa'i lha de dag thams cad de ltar lha'i bde ba dang ni ldan/ lha'i sgra dang / reg pa dang / ro dang / gzugs/ dang / dri'i reg pas myos shing lha'i dbang po brgya byin lha kun gyis yongs su bskor te/ tshal dang nye ba'i tshal dag yang dag par lta bar byed la/ gser gyi shing rta'i nang du zhugs te/ bde sogs dang lhan cig snga ma bzhin du kun dga'i tshal ga la ba der dong ngo / / lha'i bdag po de bde ba rnam pa brgya stong phrag du ma dag nye bar spyod pa na/ shing rta dang / glang po che dang / lha dang / lha'i blon po glu dang / sil snyan dang / dbyangs dang / rol mo'i sgra rnams kyis mngon pAR+Sha mchod cing // kun dga'i tshal ga la ba der gnas par bya ba'i don du 'dong ngo // brgya byin de ltar 'gro ba na/ gang de'i tshal de na lha mo sgeg mo 'khod pa de dag gis glu dang / rol mo'i sgra dang / sil snyan sna tshogs pa de dag lha gzhan rnams dang lhan cig tu de thos te yid rab tu dga' nas rgyug par byed do// de dag lag na pad+ma thogs shing / sil snyan sna chog dang glu dbyangs nye bar lon la tshal de nas 'byung bar byed do/ / de nas lha'i dbang po brgya byin gyis de dag mthong nas rang gi lha dag la smras pa/ kye lha rnams lha mo 'di dag ni kun dga'i tshal nas nga mthong ste bsur 'ongs la/ sil snyan dang / rol mo'i sgra phyung ba dang / gzhan yang rin po che'i cha byad dang / gzugs rnam pa du ma yod pa de dag la lha rnams ltos/ gang lha mo de dag dang bdag cag lhan cig lha'i tshal skyed
- 107b
mos chal du rtse zhing dga' spyod byed du 'dong ngo / / de nas lha'i dbang po brgya byin gyi tshig de thos nas/ lha rnams kyis tshig 'di skad ces smras so// lha'i dbang po lha mo 'di dag thams cad ni khyod kyi lags te/ skyabs khyod lags/ rten khyod lags/ mgon khyod lags so// de nas lha'i dbang po brgya byin gyis tshig 'di skad ces smras so// 'di dag gi gtso bo ni nga ma yin te/ rten nga ma yin/ skyabs nga ma yin/ 'di dag nga'i ma yin no// 'di dag las kyi mthus rab tu rgyug pa yin te/ bdag po las yin/ rten las yin/ rton pa las yin te/ las ngan pa dang / 'bring dang / bzang ba gang yin pa de dag gis de ltar 'gyur la/ las kyi dbang de dag gis ngan pa dang / 'bring dang / bzang por byas pa yin gyi/ nga'i mthu ni ma yin no// de nas de'i tshe 'di ltar lha rnams kyi dbang pos tshigs su bcad de smras pa/ las ngan pas ni lus can rnams// 'gro ba dag ni ngan par 'gyur// 'bring dag gis ni 'bring du mthong // de bas bzang ba mi rnams so// gang gis gang du gang gi tshe// gang byas las ni rjes myong ba/ / de yis der ni de yi tshe// las de lus la rnam smin 'gyur// lha gang 'od kyi 'phreng ba can// bde ba'i rnam pas rtse byed pa// de ni dge ba'i 'bras bur mthong // khyad par du ni dri ma med// mi ni las dag gang byed pa// dge 'am yang na mi dge byed// de yi 'bras bu de tshe mthong // bde ba 'am yang na mi bder 'gyur// bde ba'i rnam pa 'di rnams kyis// lha dag du mar rtse ba gang //
- 108a
de rgyu nga ni ma yin te// rgyu de sngon ni byas pa yin// de nas lha de rnams kyis brgya byin de'i kha nas tshigs bcad de dag thos te/ rjes su yi rang la spyi bos blangs nas/ yang skyed mos tshal du gnas par bya ba'i phyir skyed mos tshal ga la ba der 'dong ngo / / de nas lha mo stong ngam/ stong phrag brgya de dag so so'i lag pa pad+mas brel cing / cha byad dang / gzugs dang / rgyan sna tsho/ thogs pa yin te/ 'di ltar lha mo de dag phan tshun so so na cha byad dang / gzugs dang / 'gros dang / glu dbyangs dang / rol mo byed pa dag mi 'dra ba yin no// de ltar dge ba'i las du mas sprul pa'i lha mo brgya 'am/ stong de dag shin tu mkhas pas sprul pa yin no// de nas de dag thams cad lha'i dbang po brgya byin ga la ba der logs su phyogs shing bro gar byed la/ kun dga'i tshal de ga la ba der 'dod bar byed do/ / tshal der sngar 'jug pa na/ dngul gyi shing ljon pa rnams dang / dngul gyi 'dab ma dang / dngul gyi sa gzhi dang / dngul gyi mdog lta bu rnams kyis mdzes par byas pa/ bya thams cad kyang dngul gyi bya ste/ bya'i tshogs kyi rnam pas kun tu gang la/ sgra rnam pa sna tshogs 'byin pas mdzes par byas pa dang po nyid du lha'i dbang po brgya byin zham ring ba dang lhan cig 'jug par byed do// de 'jug pa na rin po che rnam pa sna tshogs kyis brgyan pa'i 'od dang / tshal dngul gyis brgyan pa'i 'od gang yin pa'i 'od gnyis po de dag phan tshun 'khyil ba lta bur 'byung zhing / 'od dag gis nam mkha' brgyan pa lta bur
- 108b
yang 'byung ngo / / brgya byin de yang yid rab tu dga' la/ lha mo de dag so so glu shin tu snyan cing snyoms pa len te/ sil snyan yan lag lnga dang ldan pa phyed par byed do// shing rta brgyad khri bzhi stong dang / de bzhin du glu brgyad khri bzhi stong rnams kyang snga ma bzhin te/ nor bu dang / dril bu g.yer kha dang / gling bu'i sgra rnams thos nas/ lha mo stong phrag du ma rnams kyis bstod cing / lha mo 'bum phrag dgu bcu rtsa dgus yongs su bskor ba yin te/ sum cu rtsa gsum gyi dbang phyug gi lus dang sems kyi bde ba gang yin pa de ni dpe bya bar bla ba ma yin no// de ci'i phyir zhe na/ sum cu rtsa gsum gyi dbang phyug gi lha'i gnas pa dang / kha zas kyi bde ba de ni gzhan dang mi 'dra'o// de nas lha'i dbang po brgya byin lha'i 'dod pa'i yon tan lnga 'byor pa dngul gyi tshal de'i nang du zhugs nas/ lha'i tshogs dang lha mo'i tshogs thams cad dang bcas pa yun ring du rtse bar byed/ yongs su spyod par byed de/ yul gyi bde ba des mchog tu bde'o// de nas yang lha'i dbang po brgya byin rtse zhing gnas pa'i don du yang lha mo'i tshogs thams cad dang / shing rta dang glang po che rnams dang bcas pa snga ma bzhin de tshal ga la ba der 'dong ngo // der phyin nas gser tshal gnyis pa gser btso ma'i kha dog lta bu dang / de bzhin 'bras bu rnams kyis mdzes par byas pa mthong ngo / / mi lnga'i zheng gi tshad tsam gyi 'bras bu ro sbrang rtsi ltar mngar la dri'i rnam pa phun sum tshogs pa'i 'bras bu de gang zos na shin tu dregs pa skye bar 'gyur ba mthong nas/
- 109a
yal ga bkug ste 'bras bu de dag glang po che rnams kyis za bar byed do// de nas 'bras bu zos pa'i glang po che de dag myos te 'gying zhing 'gro ba rnams ji ltar lha rnams kyang kye e ma glang po che myos shing 'gying la 'gro ba rnams 'bras bu'i ro thams cad zos nas myos te/ rab tu gar byed pa ngo mtshar du byed pa de ltar sil snyan gyi sgra des lhan cig gar byed do// de bzhin du gser gyi tshal de na bya'i tshogs du ma sgra 'byin la/ tshal de na bya dngul gyi kha dog can de dag de rnams la chags shing 'dug pas shin tu mdzes par byas so// lha'i dbang po brgya byin yang / lha mo de dag dang ldan cig/ lha de dag dang yang lhan cig/ lha'i bu mo bde sogs dang yang bdag nyid lhan cig tu dga' bar byed/ yongs su spyod par byed/ rtse bar byed/ tshim par byed do// lha de dag kyang rang gi slas rnams kyi nang na dga' bar byed/ yongs su spyod par byed/ glu dbyangs len/ bro gar byed/ dgod par byed de/ legs par byas pa'i lha rnams phan rkun phrag dog dang ser sna dag med par rtsed mo byed do// de nas gser gyi tshal de'i nang na chu bsil ba zhes bya ba'i rdzing bu gnyis pa yod de/ de yang gser dang bai DUR+Ya'i pad+ma rnams kyis bkra bar brgyan pa yin la/ sum cu rtsa gsum na gnas pa'i lha rnams dang lha'i 'dun sa chos bzang na gnas pa brgya byin gyi sngon du 'gro ba gang yin pa de dag gis yongs su bskor te/ rdzing de dag gi 'gram na/ lha mo'i tshogs rnams dang lhan cig sil snyan yan lag lnga
- 109b
dang ldan pa rnams kyis rtse bar byed/ yongs su spyod par byed do// de nas khang pa chos bzang gi nang na lha 'khod pa de dag tshal kun dga' ga la ba der 'dong ngo // tshal de'i nang na bai DUR+Ya'i shing ljon pas mdzes par byas shing / gser gyi mdog gi 'bras bus brgyan pa yin la/ lha'i 'bras bu de dag gi nang khu ba zhim pos ji ltar gang ba ni 'dzam bu gling na nA Ti ke ra dang / pa na sa bzhin no// shun pa sra ba'i nang na 'bras bu mngar ba zhes bya ba dri zhim la mdog bzang po mang ba yod de/ de nas lha de dag gis 'bras bu de blangs nas gshegs te 'thung ngo // sbrang rtsi bas lhag pa'i ro yod pa 'thungs nas kyang myos pa'i nyes pa dang 'brel bas myos so/ / de nas lha dag myos pa rnam pa gsum gyis myos par 'gyur te/ 'di lta ste/ bud med kyis myos pa dang / 'bras bu'i khu bas myos pa dang / lha'i 'dod pa'i yon tan lnga rnams kyis myos pa yin te/ de ltar lha rnams lha mo'i tshogs dag dang lhan cig myos pa rnam pa gsum gyis myos so// lha'i dbang po brgya byin yang brgya byin gyi 'dun sar 'gro ba dang lhan cig bdud rtsi la za ste/ rang gi las kyi 'bras bu tshong pa lta bus bsgrubs pa'i bdud rtsi de blangs nas za bar byed do// brgya byin lha'i tshogs dang bcas pa thams cad kyis yongs su bskor nas yul nas yul gnas nas gnas su song ste dga' bar byed/ rtse bar byed/ yongs su spyod par byed do// bai DUR+Ya'i tshil de dag thams cad bya dang / bung ba dang / dril bu g.yer ba dang / ro sna tshogs
- 110a
dag gis nyams dga' ba yin te/ tshal der yun ring du dga' bar byas so// de nas yang lha'i dbang po brgya byin lha'i tshogs de dag nyid dang lhan cig tu lha'i 'dun sa chos bzang du 'jug par byed do/ / de nas yang lha'i 'dun sa chos bzang na lha'i tshal gsum pa dpe med pa zhes bya ba yod de/ tshal ngo bo nyid kyis dpe med pa gang yin pa der lha'i rgyal po brgya byin gyi bu lnga brgya rang gi slas kyis yongs su bskor nas rtse bar byed/ yongs su spyod par byed de/ 'di dag ni 'byor pa yin no// de'i 'og tu rgyas pa ni 'di lta ste/ lha'i dbang po brgya byin gyi bu de dag 'di lta bu yin te/ thams cad chos dang ldan zhing chos kyi rjes su 'jug pa thams cad yang dag pa'i lta ba dang ldan pa/ yang dag pa'i lta ba sngar blangs pa'i lha rnams lha dang lha ma yin las rnam par rgyal 'thob pa thams cad mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ phan tshun kun ying 'thun par gyur pa yin la/ de dag res 'ga' 'di snyam du 'di ltar bdag cag nges par skyed mos tshal dpe med pa zhes bya ba der dga' spyod byed du bdag cag lha mo'i tshogs dang bcas pas yongs su bskor te 'dong bar bya'o snyam mo/ / de ltar de dag bsams nas skyed mos tshal dpe med pa gau la ba der 'dong ngo // de ltar lha'i bu re re dag gis lha mo bye ba yod pa de dag gzugs dang lang tsho phun sum tshogs pa/ phan tshun gyi bya ba gcig pu ni rgyags par gnas pa/ rgyags pa lhur byed pa rtag tu 'thun pa yin te/ lha'i
- 110b
dbang po brgya byin ga la ba der dong nas/ lha 'di ltar bdag cag skyed mos tshal der gnas par bgyi ba'i slad du/ skyed mos tshal dpe ma mchis par mchi bar bgyi'o// lha skyed mos tshal dpe ma mchis pa der bdag cag dang lhan gcig gnas par mdzad pa'i slad du gshegs pa ni 'os pa lags na dgongs su gsol/ brgya byin gyis smras pa/ de lta ma yin no// skyed mos tshal gyi dga' spyod ni ngas byas zin te/ chos kyi rjes su chos sgrubs pa dang / 'dun pa sngon du gtang ba'i phyir bdag gi don rjes su bsgrub par bya'o// ngas ni lha rnams kyi bag yod pas skyed mos tshal du dga' spyod byas nas slar 'ongs pa yin no// lha rnams ni bag med pa'i nyes pas nyon mongs pa yin te/ de ltar bag yod par bya zhing / de lta bag med pa'i nyes pa'i dug mi bzad pa spongs shig ces smras so// 'dir tshigs su bcad pa/ bag yod bdud rtsi'i gnas yin te/ / bag med 'chi ba'i gnas yin no// bag yod 'chi bar mi 'gyur te// bag med pa ni rtag tu 'chi// bag yod 'chi med gzhi yin te// bag med pa ni 'chi ba'i gzhi// bu dag bdag ni bag yod pas/ / lha rnams kyi ni gtso bor gyur// de ni bdag ste bde gshegs bka'// bu dag bdag gis bsgrub par bya// bdag gis sdom brtson can gyi bka'// nams kyang 'da' bar mi bya ste/ / thub pa'i bka' las 'da' ba gang // 'dod pa yis ni rmongs pa yin// sdug bsngal de las thar med do// rtog tu sdug bsngal rjes su 'gro// de ltar lha'i dbang po nges bu de dag la bsgo nas/
- 111a
rang gi gnas lha'i 'dun sa chos bzang du zhugs so// de nas brgya byin gyi bu yid rab tu dga' zhing phan tshun nang 'thun pa rnams rang gi gnas lha'i gser bzang po las byas shing rgyan gyis brgyan pa/ glu dbyangs dang rol mo'i sgra 'byin pa/ rnam pa sna tshogs phan tshun brgyan pa'i brgya byin gyi gnas ga la ba der 'jug go/ zhugs nas kyang 'di ltar bdag cag ni skyed mos tshal du dga' spyod bya ba'i phyir/ skyed mos tshal dpe med par dga' spyod byed du 'dong ngo zhes smras so// de nas lha'i bu gzhon nu bdun khri dag kha cig ni gser gyi shing rta la zhon/ kha cig ni lha'i byo'i steng du zhon lha mo dag rjes su 'gro zhing lha mo kha cig nam mkha' la 'gro/ kha cig lha mo dang lha'i tshogs kyis yongs su bskor te pad+ma mchog gi nang nas 'gro la/ bde ba mchog rjes su myong zhing rol mo dang glu dbyangs len pa dag dang lhan cig tshal dpe med pa ga la ba der 'dong bar byed do/ / de nas brgya byin gyi bu de rnams kyis lus lha'i 'phreng bas brgyan cing / lha'i tsan dan gyis bskus te/ rang gi 'od kha cig na nyi ma'i 'od dang 'dra/ kha cig ni zla ba'i 'od dang 'dra/ kha cig ni gza' dang skar ma'i 'od dang 'dra ste/ ji ltar las dag byas pa bzhin mdzes shing / skyed mos tshal shin tu gang ba dpe med pa ga la ba der 'dong bar byed do/ / gcig la gcig legs par bya ba la gzhol zhing sdug pa lha'i yul dag nye bar spyod bzhin du tshal der zhugs so// tshal de yang ngo bo nyid kyis dpe med pa yin te/ de'i phyogs
- 111b
'ga' kho na zhig dper gzung zhing bya na/ tshal der zhugs na de'i tshe dri'i rnam pa dpe med pa rab tu ldang ste/ gang tsan dan sa mchog gi dri gzhan bcu drug gi char yang mi phod do// de ltar dri de yid/ du 'ong ste/ bsnams pa gang yin pa de yang bde ba dang ldan pa'i rnam pa de lta bu yin no// der de dag phan tshun ngo mtshar skye bar 'gyur te/ bdag cag gi bde ba ma yin no snyam nas skom 'thungs te/ tshal der zhugs so// de nas zhugs pa dang / tshal de dag gi dang po bstan pa ni/ dge ba'i las 'bad pa dag gis bskyed pa'i shing ljon pa'i cha sdug pa yin te/ tshal de na shing ljon pa'i sdong po rnams kyi cha sdug par byas pa yin no/ / de dag brgya tsam ni bai DUR+Ya las byas/ brgya tsam ni gser las byas/ brgya tsam ni dngul las byas/ brgya tsam ni shel las byas pa yin te/ de ltar de'i tshe shing ljon pa rnams kyi sdong po sna tshogs yin no/ / 'di lta ste/ dper na 'dzam bu gling na ri mo bris pa'i ngos sdug pa de bzhin du/ shing ljon pa sna tshogs de dag sdug pa yin no// shing ljon pa sdug pa de rnams kyi rnam pa du ma dang / kha dog du ma dang / gzugs du ma dang / dbyibs du ma song ba de dag lho'i bu me long gi ngos ltar dri ma med pa de dag gis mthong nas/ de nas yang lha ba bskyed cing kun tu rgyu ba 'bum phrag du ma dag kun nas rab tu dga' zhing lha mo'i tshogs kyis gang ba/ rol mo dang sil snyan gyi sgra 'byin pa'i rnam pa rab tu dga' ba'i yid kyis skyed mos tshal du
- 112a
spyan ring du bde bar bya ba'i phyir tshul dpe med pa de dag ga la ba der 'dod bar byed do/ / de ltar de thugs ma dang lha'i bya'i tshogs de dag gi smo na gser/ ni DUn/ rkang pa ni byu ru/ rgyab ni dngul/ mig ni rin po che ke ke ru ste/ shin tu rnar snyan pa'i rnam pa de dag gi sgra 'byin par byed do// de nas lha'i bu rnams kyis bya'i tshogs de rnams kyang / sgra mchog tu snyan cing 'jebs pa 'byin pa yang rnar thos shing / bya de dag mthong nas/ lha'i bu de rnams rang gi bya dag la phan tshun smod par byed de/ 'di ltar khyed kun gson cig/ bya sgra 'byin pa rnam pa du ma dang // kha dog dang ldan pa du ma dang / sgra rnam pa du mas lha mo'i tshogs de rnams kyi glu dbyangs de dag thams cad kun nas mi mngon pa de ltar zil gyis non to// de nas bya de dag gi sgra thos nas/ de/ nas yang de'i 'og tu skyed mos tshal du rtse bar bya ba'i phyir tshal du 'dong bar byed do// de nas pad+ma'i rdzing pad+ma'i nyi ma'i 'od lta bu zhes bya ba thams cad mthong ste/ pad+ma'i 'dab ma nyi ma lta bu stong gis yongs su bskor ba de dag la mngon par brtags nas/ lha'i bu cha byad dang gzugs sna tshogs 'chang ba de dag snga ma bzhin pad+ma'i rdzing de ga la ba der 'dong bar byed do// de nas lha'i bu de dag lha mo'i tshogs dang bcas pas yongs su bskor cing pad+ma'i rdzing de bskor nas/ bro rdung bar byed/ gla dbyangs len// dgod par byed// rtse mo byed/ yongs su spyod par byed de/ lha'i bu de dag bde ba sna
- 112b
tshogs kyi rgyags pas myos so/ / de nas yang bad+ma'i tshul gyi phyogs de nas de dag phan tshun lhan cig tu lha'i rgyags pas myos shing / lha yul gyi gnas pa chen po mal de'i nang ga la ba der 'dong ba byed/ do// de nas lha mo'i tshogs gar byed cing / lus la cha byad dang rgyan sna tshogs thogs pa de dag thams cad chu bo 'bab pa'i tshal dga' ba ga la ba der 'dong bar byed de/ tshal de yang chu bo 'bab pa'i chu'i rnam pa ni 'di lta ste/ 'o ma'i chu dang / chang gi ro'i chu dang / sbrang rtsi'i chu dang / rgun chang gi chu dang / lha'i btung ba'i chu dang / bung bas khebs pa dang / bya'i tshogs brgyas yongs su bskor ba dang / gser gyi rdo dang / byu ru'i rdo dang / dngul gyi rdo dang / rdo sna tshogs 'bab pa dag mthong ngo // de nas lha'i bu lha mo'i tshogs kyis yongs su bskor ba de dag der rtses nas/ tshal ga la ba der lha mo rnams dang lhan cig shin tu yun ring du dga' bar byed/ yongs su spyod par byed do// de nas chu bo 'bab pa'i phyogs de nas kyang lha'i me tog gi tshal ga ya ba der 'dong bar byed na/ de na lha'i me tog ma rnyis pa dpag tshad bcur dri rgya cher 'byung ba dag yod de/ 'di lta ste/ me tog zla ba'i 'od ces bya ba zla ba'i mdog lta bu dang / me tog nyi ma'i 'od ces bya ba nyi ma'i mdog lta bu yin yang 'od tsha ba med pa dang / gza' dang skar ma lta bu'i 'bras bu'i tshal thams cad du lha'i bu de dag 'dong bar byed do/ / tshal der 'bras bu 'byung ba dag ni 'di lta ste/ sbrang rtsi gong bu'i 'bras bu dang / 'bras bu rno ba dang / 'jam pa zhu ba'i 'bras bu dang / dri'i 'bras
- 113a
bu ste/ dri gang shin tu tshim par byed pa nyid dang / ro drug pa'i 'bras bu dang / ji ltar ro 'dod pa'i 'bras bu dang / ro ma ngoms pa'i 'bras bu ste/ 'bras bu'i rnam pa de dag ni/ lha rnams kyis legs par byas pa'i las kyis sprul pa'i 'bras bu yin te/ tshal dpe med pa der 'byung bar 'gyur ro// tshal der yang lha rnams dga' bar byed/ rtse bar byed/ yongs su spyod par byed/ za bar byed/ 'cha' bar byed/ 'thog par byed/ 'thung bar byed/ 'jib par byed do// de dag der dga' bar byas nas/ tshal bya bro gar byed pa zhes bya ba'i phyogs ga ya ba der 'dong bar byed do// tshal de na bya'i tshogs skad 'byin pa dag mthong zhing glu dbyangs kyi sgra gzhan 'byin pa dang / gar gzhan byed pa dang / sgra snyan pa gzhan gyis rna lam yongs su gang ste/ de rnams kyis der sgra snyan pa yid du 'ong ba de dag zothos nas kyang rtse bar byed do/ / de nas 'dres pa'i tshal gzhan du 'dong bar byed de/ tshal de thams cad 'dres pa 'di lta bu yin te/ ji ltar thams cad sngar bstan pa bzhin du tshal 'bras bu dang / me tog dang / chu bo dang / shing ljon pa dang / bya'i tshogs phun sum tshogs pa yod de/ des na de 'dres pa'i tshal zhes bya'o// de dag kyang 'dres pa'i tshal der lha'i 'dod pa'i yon tan lnga dag 'byor cing ldan par gyur pas rtse zhing 'ong ba'i sgras dga' bar byed de/ de nas de dag de na gnas shing shin tu yun ring bar rtse bar byed do// de nas lha'i rgyal po brgya byin 'di snyam du sems te/ lha'i bu bag med pa la gnas pa de dag gang yin/
- 113b
/ bad ba 'di thams cad kyi mthar bad par 'gyur ba khong dus chud do snyam mo// de nas lha'i bung dag thams cad kyis lha'i rgyal po brgya byin kyi bsam pa shes nas/ ngiSh+TaSh+Ta dong dong ba'i las de nyid nas de ltas/ 'gro ste/ 'di ltar lha'i rgyal po brgya byin ga la ba der 'dong bar byed do// de nas lha mo de dag kyang 'gros myur bar lha'i 'dun sa chos bzang ga la ba der rtse ba'i don du 'jug par byed do// de nas brgya byin gyis lha'i bu de rnams la mngon par brtags nas/ 'di ltar tshigs su bcad de smras pa/ sred dang bcas pa'i yul rnams la// ngoms pa dag tu ga la 'gyur// ngoms pa sred bral gang yin pa// lus can de ni mya ngan bral/ / skye bo yul la mngon dga' ba// nams kyang bde bar mi 'gyur te// yul ni dug dang 'dra bar mthong // yongs su gyur pa mi zad do// 'dir ni yul la 'jug byed pa// thog ma bar dang mtha' ma med// / 'jig rten 'di min pha rol min// bde ba byed pa ga la yod// skye ba rtag pa shin tu zad// yang tsho dag ni rings par 'gro// 'du ba dang ni 'bral ba dang // lhan cig skye bar yongs su mthong // rab tu bslus pa du ma dag/ bde dang sdug pas rtag bsgribs kyang // srog chags rmongs pas bslus pa dag/ yid ni 'byung bar mi byed do// 'di ltar byis pa thams cad ni// sred pa dag la rtse bar byed// ji ltar shing la mi 'bar bzhin// yul rnams la ni ngoms pa med// skye bo ngoms med 'di kun dag/ yul rnams kyis ni yongs su bslus// 'ching nga nye bar 'gro byed kyang // gzugs rnams dang ni 'brel mi byed// lam brgyags ngag ni ma
- 114a
bsags pa/ / yul rnams kyis ni yongs su bslus// sred pas yongs su rmongs pa yi// lha dag dbang med 'chi bar 'gyur// 'dod pas rmongs pa khyed kun la// nga yis rjes su bstan pa yin/ / 'di ltar chos rnams dam pa ste// bdag la phan pa rtag tu gyis// chos la spyod pa'i mi dag ni// bde las bde ba 'thob 'gyur te// mya ngan 'das dang gzhan zhi ba// myur ba nyid du shin tu 'gro// de lta bas na pha rol gyi// bsod nams dag gi phung po gyis// rtag tu bsod nams byed pa ni// dul zhing zag med gnas su 'gro// de nas brgya byin tshig thos nas// sems byung bzang ba zhi dang dul// brgya byin bu de/ de dag kun// pha yi rjes su brtan pa yin// de nas lha'i rgyal po brgya byin legs par bya ba'i las byed pa/ ngan song gi sgo bcad pas/ bu de dag la mngon par gtam des/ lam bzang po la yang dag par btsud nas/ tshal sna tshogs ga la ba der bdag nyid bde bar gnas pa dang / dge bar bya ba'i phyir 'gro bar byed de/ de nas legs par byas pa'i las sna tshogs na lha'i rgyal po brgya byin gyi khang pa brtsegs pa sna / tshogs la 'di lta ste/ shel las byas pa dang / byu ru las byas pa dang / gser las byas pa dang / dngul las byas pa dang / mthon ka las byas pa dang / gser btso ma las byas pa lnga brgya snyed yod do// de nas brgya byin gyi tshal sna tshogs de shing ljon pa 'bum phrag du ma snyed kyis mdzes shing / pad+ma nyi ma 'char ba'i mdog lta bu rnams kyis mdzes par byas pa de la mngon par brtags nas/ 'di ltar tshigs
- 114b
su bcad de smras pa/ bsod nams ngag gis dga' 'gyur te// brgya stong dag tu bya ba yin// bsod nams sna tshogs byas pa yis// kun nas sna tshogs smin par 'gyur// legs byas las ni ma byas// pa// sems kyi bran du song ba'i mi// sems kyi sgra yis yongs bslus pa// dbang med ngan song rnams su ltung // khang pa brtsegs pa thams cad dag/ kun tu sna tshogs las yin te// lha rnams nang du lha spyod pa/ / legs par byas pas mang por 'phel// de nas lha'i rgyal po brgya byin gyis tshigs su bcod pa de dag smras nas/ khang pa brtsegs pa gzhan ga la ba der 'gro bar byed do// legs par byas ba'i las kyis sprul pa'i khang pa brtsegs pa der stan khra bo 'jam zhing 'phar la lhod pa dag ni btings/ rin po che las byas pa'i stan du mas ni mdzes par byas/ 'od kyi 'phreng ba rnam pa du ma yod pa de dag la mngon par brtags nas/ lha'i rgyal po brgya byin nang du zhugs so// zhugs nas de na dga' bar byed/ yongs su spyod par byed do// nang du zhugs pa'i khang pa brtsegs pa de rin po che las byas pa yin te/ rin po che 'bar ba du mas rnam par brgyan pa// 'od du ma 'byung ba/ me tog rnam pa du mas mdzes par byas pa de'i nang du zhugs nas kyang lha mo'i tshogs du mas yongs su bskor te/ de ltar de rnams glu dbyangs len bzhin du tshal de na rtse bar byed/ yongs su spyod par byed do// tshal de na yang mtho zhing dma' ba'i sa ris legs par rnam par phye ba dang / me tog rnam pa sna tshogs kyis khebs pa'i sa ris legs par rnam
- 115a
par phye ba dang / gser gyi bya rnam pa sna tshogs skad 'byin pa'i sa ris legs par rnam par phye ba dang / la la ngag tu yang rin po che sna bdun gyi shing ljon pa rnams kyis mdzes par byas pa/ bya bung ba sgra skad snyan pa 'byin cing / kha cig dag na yang dpag bsam gyi shing ljon pa'i sa ris legs par rnam par phye ba dag la/ lha'i dbang po brgya byin de kun tu mig gis rtog par byed cing / lha'i tshogs kyis gang ba zla ba dang nyi ma pas lhal ba'i 'od dag gis gzi baN+Ding 'bar bas dka' ba med // gser gyi shing ljon pa rnams kyis yongs su bskor cing / bai DUR+Ya'i khang bzangs kyis dkrigs pa/ kun nas gser dang dngul gyi ka ba zung rnams kyis mdzes par byas shing / bai DUR+Ya sngon po'i pad+ma'i mtsho rnams kyis mdzes par byas pa de mthong ngo // de nas lha'i rgyal po brgya byin 'di snyam du sems te/ khang bzangs 'dir bdag gnas par bya ba'i phyir 'jug par bya'o snyam mo// de nas lha rnams kyang 'di snyam du sems te/ da ni lha'i rgyal po brgya byin khang pa brtsegs pa 'dir 'jug par 'gyur te/ der bdag cag rang gi 'khor gyis yongs su bskor cing / lha mo'i tshogs kyis nye bar glu len pa dang / tshal dang che ba'i tshal du 'chag cing rtsed mo bya zhing glu dag blangs te/ bde ba nyams su myong bar bya'o snyam mo// de nas brgya byin 'di snyam du sems te/ gal te lha dang lha mo dag gis skabs phye na/ bdag khang bzangs 'dir 'jug par bya'o snyam mo// de nas lha dag gis 'phral la 'di skad ces smras so// khyed rang gi skyed mos tshal dag tu ga
- 115b
la dgyes par mdzad du gsol/ de nas brgya byin gyis tshig de thos nas lha de dag rang gi tshal dang / nye ba'i tshal dang / skyed mos tshal dang / pad+ma'i rdzing dang / mtshe'u dang / rang gi slas ga la yod pa der rtse ba'i phyir 'gro bar byed do/ / de nas lha'i rgyal po dbang po khang pa brtsegs pa ga la ba der 'gro bar byed do// daM bai DUR+Ya'i tshal dri ma med pa der zhugs nas thags su btags pa ma yin pa'i lha'i stan khra bo bting ba'i steng du 'dug go 'dug nas de'i legs par byas pa'i las dang dge ba'i las des bskal nas/ rtsig ngos shin tu gsal ba la rtog par byed de/ brgya byin gang tshe 'phos pa ri mor bris pa de lta bu de rnams der mthong ngo // ming der bris pa rnams la yang rtog par byed de/ der dbang po che 'phos pa ni 'di rnams yin no// 'di lta ste/ legs 'byor zhes bya ba dang / 'byor pa zhes bya ba dang / legs spyod ldan zhes bya ba dang / dkar po zhes bya ba dang / blo gros bzang zhes bya ba dang / kun bde zhes bya ba dang / brtan pa zhes bya ba dang / kun tu mig ces bya ba dang / mig stong zhes bya ba dang / thams cad dga' zhes bya ba dang / stong snang zhes bya ba dang / gzi brjid 'phreng ldan zhes bya ba dang / dpal 'dzin ces bya ba dang / mdog sngon ces bya ba dang / mi 'chi zhes bya ba dang / mi 'gyur zhes bya ba dang / bde byed ces bya ba dang / mchog sbyin 'dzin ces bya ba dang / bkra shis 'dzin ces bya ba dang / kun dga' zhes bya ba dang / brgya byin zhes bya ba la sogs pa dbang po sum cu lha'i 'jig rten nas tshe 'phos pa dang / dge ba'i las kyis der skyes pa dang / de'i dge ba'i las zang nas lha'i dbang po'i gnas de nas tshe 'phos te/ de nas
- 116a
yang sems can dmyal ba dang / dud 'gro dang / yi dgas rnams kyi nang du skyes pa mthong zhing lus sdug bsngal du mas mngon par nyams pa dag mthong ngo // tshe rabs de dag gi nang du skyes pa nas/ sems can dmyal bar skyes pa de dag shin tu sdug bsngal zhing sdug bsngal gyi gnod pa de rnams gzugs brnyan lta bur gyur pa mthong ngo // // dam pa'i chos dran pa nye bar gzhag pa bam po sum cu gcig pa/ / // yi dgas rnams kyi nang du skyes pa dag lus bkres pa dang skom pas gdungs shing / lus pags pa dang / rus pa dang / rgyas pas sbrel pa lta bu gang yin pa de dag dang / dud 'gro rnams kyi nang du skyes pa phan tshun lus la za ba'i sdug bsngal gyis gdungs shing za ba gang yin pa de dag dang / mi rnams kyi nang du skyes pa 'tshol ba'i sdug bsngal gyis mngon par gdungs pa gang yin pa de dag kyang mthong ste/ de ltar de dag mthong nas 'khor ba mi bzad par byas pa la bde ba 'byung ba med cing / kye ma 'khor ba 'di kun ni gnod pa phal che zhing mang ba yin/ kun nas snying po med pa yin/ 'khor ba 'di la gang rtag pa 'am/ brtan pa 'am/ ther zug gam/ mi 'gyur ba'i chos can skra'i rtse mo yang med do// kye ma dbang po 'di dag rang gi las kyi 'bras bu la longs spyod nas 'di nas tshe 'phos te/ sems can dmyal ba dang / dud 'gro dang / yi dgas rnams kyi nang du skyes pa rnams dge ba'i rnam pa 'di lta bu'i mtha' sdug bsngal gyi rnam pa de lta bu la bsten par ga la nus/ kye ma 'khor ba
- 116b
'di ni shin tu mi bzad pa yin zhing / shin tu 'jigs pa yin la/ mchog tu mi dga' bar byed pa yin no// sum cu rtsa gsum gyi dbang phyug ces bya ba shin tu bde ba'i skal ba can gang yin pa de dag kyang mchog tu mi bzad pa'i gnas skabs 'di dag tu song ba lta zhig snyam sems so/ / de ltar de yid byung nas bdag nyid la rtog par byed de/ de dag nyid kyi ngan song gi 'gro ba ni bcad/ lha dag las mi rnams kyi nang du skye zhing / mi dag las tshe 'phos nas yang lha rnams kyi nang du skye bar 'gyur ba mthong ngo // gang gi tshe mi rnams kyi nang du skye bar 'gyur ba de'i tshe/ yul bzang po shin tu rgyas pa'i ljongs dang / grong dang grong khyer dang / rigs bzang po dang / spyod pa bzang zhing yon tan phun sum tshogs pa dang / lta ba log pa dang / khengs pa dang / rgyags pa dang / nga rgyal dang bral ba'i rigs bzang por skye bar 'gyur ro/ / gal te yang bdag nyid mi rnams kyi nang du skyes na yang / de rgyal po'i rigs sam/ gal te blon po rtag tu spyod pa gtsang zhing yon tan phun sum tshogs pa dbang phyug dam pa mthu chen por 'gyur ba mthong ngo / / 'di ltar bdag mi yul de nas shi nas yang gar skye bar 'gyur zhig gu snyam mo// de bdag nyid lha rnams kyi nang du skyes te/ mchog tu rdzu 'phrul che zhing shin tu mthu che ba dang // ngo tsha'i kha na las pa med par 'gyur ba mthong ngo / / lha gzhan rnams khams pa ba'i dus de'i tshe lha rnams bdag nyid kyi sdig pa dang 'dres pa'i zas las ngon pa bskyed pa des shin tu ngo che bar 'gyur ro// gang gis ji srid du las
- 117a
kyi rnam pa byas pa de srid du de'i zas kyi rnam pa de lta bu 'byung bar 'gyur te/ zas de mngon par mthong nas lha rnams shin tu ngo tsha bar 'gyur ro// de ltar bdag gi zas shin tu che ba mchog zhim pa/ rab tu mang ba de dag bdag nyid kyis mthong nas/ de 'di snyam du sems te/ bdag tshe rabs ji snyed du 'di ltar 'gyur snyam nas/ des khang pa brtsegs pa'i rtsig pa de nyid la brtags nas/ dge ba'i las des bdag lha rnams kyi nang du lan bdun/ mi rnams kyi nang du lan bdun/ phan tshun tshe 'pho ba lan bdun mthong nas/ bdag gi tshe 'pho ba brgyad pa lha rnams dang / mi rnams dang / sems can dmyal ba rnams dang / dud 'gro rnams dang / yi dgas rnams kyi nang du skye ba ma mthong nas/ de 'di snyam du sems te/ 'di dag gang du yang bdag nyid ma mthong ste/ bdag gang du ji ltar skye bar 'gyur zhig gu snyam mo// de bdag nyid gang du yang ma mthong nas/ de shin tu ngo mtshar cher skyes te/ kye ma bdag gi tshe brgyad pa ma mthong ngo snyam nas/ de sems shing 'dug 'dug pa las/ yun ring zhig lon pa dang / dran pa rnyed de/ bdag gis bcom ldan 'das las bdag tshe rabs bdun brjes nas rgyun du zhugs par 'gyur la/ phyis phung po'i lhag ma med pa'i dbyings la 'jug par 'gyur ro zhes thos so// nga ni bdag skal ba de lta bu dang ldan par 'gyur ro snyam ste/ de ltar brtags nas/ de nas yang bcom ldan 'das la phyag 'tshal bar byed de/ yid shin tu dang zhing rnyog pa med pas bcom ldan 'das la phyag 'tshal bar byed do// yid rab tu dga' bas
- 117b
phyag byas nas/ de nas yang gding ba shin tu 'byor pa btags pa las byas pa ma yin pa phun sum tshogs pa dang / 'dzam bu chu bo'i gser bzang po'i stan de nyid la 'dug pa dang / brgya byin gyi gzugs de nyid rtsig pa'i nang na snang ba mthong ngo / / de nas lha'i rgyal po brgya byin 'di snyam du sems te/ 'di ltar bdag yang lha'i 'dun sa chos bzang du lha rnams yang dag par blta bar bya ba'i phyir 'jug par bya'o snyam mo// de nas lha'i rgyal po brgya byin stan de las yangs nas tshal sna tshogs kyi phyogs ga la ba der 'gro bar byed de/ der lha dang lha mo'i nang na dga' bar byed/ dga' mgur spyod par byed la/ lha'i 'dod pa'i yon tan lnga rnams 'byor cing ldan par gyur pas dga' bar byed/ yongs su spyod par byed do// bya dang / shing ljon pa dang / pad+ma'i rdzing dang / lteng ka dang / nye ba'i tshal gyi rnam pas mdzes par byas pa'i tshal sna tshogs su de dag gis lha'i dbang po brgya byin de mngon par mthong nas/ de dag thams cad kyi sil snyan dang / rol mo rnam pa sna tshogs dag blangs te/ lha'i rgyal po brgya byin ga la ba der 'dong bar byed do// dong nas kyang brgya byin la gsong por smras shing brgya byin la yongs su bskor nas/ lha'i tshogs thams cad bro rdung bar byed/ glu dbyangs len/ dgod par byed do// brgya byin sngar 'gro la/ lha mo cha byad dang / gzugs sna tshogs dang ldan pa dag phyi bzhin 'brang zhing / rol mo'i sgra sna tshogs kyis lha'i 'dun sa chos bzangs der 'gro bar byed do// de dag thams cad yid rab tu dga' bas sil snyan dang / rol mo sna tshogs dang /
- 118a
gar byas/ gang mo bgang / dga' bar byas/ rtsed mo rtses nas/ lhan cig tu 'dong bar byed do// de nas chos bzang na gnas pa'i lha brgya byin la rim gro byed pa rnams kyang / lha'i/ rgyal po brgya byin ka la ba der 'dong bar byed do// de nas sil snyan dang glu dbyangs kyi sgra sna tshogs 'byin pa'i lha de rnams kyang phyir byung nas/ de dag phan tshun 'dus so// lha'i tshogs 'dus shing yang dag par dga' bar byed la/ mngon par mthong ba de rnams kyi bro gar dang / klu'i sgra shin tu snyan pa/ sred pa kun tu ston pa'i ska des/ lha'i 'jig rten dang bcas pa thams cad kun tu gang ngo // sgra de dag thos nas b+ha gang tshal dang nye ba'i tshal gzhan rnams kyi nang nas 'khod pa dag lce'i 'dod pa'i yon tan lnga rnams 'byor cing ldan par gyur pas/ dga' bar byed/ rtse bar byed/ dga' mgur spyod par byed do// de dag kyang lha'i 'dun sa chos bzang ga la ba der 'dong bar byed do/ / dong nas kyang brgya byin la gsong por smras shing rgyal bar spyon cig ces brjod nas 'bum phrag du mar yongs su bskor te/ lha'i 'dun sa chos bzang ga la bder 'dong bar byed do/ / dge ba'i las sna tshogs kyis glu len/ bro rdung zhing cha byad dang rgyan rnam pa bzhi thogs pa der skyes pa dag ni tshul khrims phun sum tshogs pa legs par bsrungs shing bsgoms pa de'i 'bras bu'i rnam pa yin te/ de la nye bar spyod par byed do// lha'i tshogs thams cad chos bzang du zhugs te/ brgya byin gyi gnas dpag tshad lnga brgyar rgya che zhing gser bcoms rnam par brgyan pa/
- 118b
bai DUR+Ya'i shing ljon pas nye bar mdzes par byas pa/ shing ljon pa gzhan rnams kyis kyang mdzes par byas pa/ me tog 'jam pos rgyas pa shin tu dri zhim zhing dpag tshad lnga'i bar du dri rab tu 'byung bar byed pa yid du 'ong ba dga' bar byed la/ sdug cing yid du 'thad pa gzhan gyis mi thub pa dag yod de/ de dag thams cad kyang lha'i 'dun sar brgya byin gyis yongs su bskangs pa yin no// de dag lha'i dbang po brgya byin dang bcas shing lha mo'i tshogs bye ba phrag dgu bcu rnams dang lhan cig tu 'dod pa'i yon tan lnga po de rnams kyis dga' bar byed/ rtse bar byed do// der zhugs nas/ khang bzangs rab tu dga' bar gnas pa zhes bya bar de'i nang du 'dong bar byed do/ / bai DUR+Ya dang / gser dang / dngul dang / spug las byas pa'i ka ba rnams dang / gser las byas pa'i stan rnams kyis nye bar mdzes par byas pas/ thags su btags pa ma yin pa'i stan khra bo 'jam la nems zhes byed cing 'phar la lhod pa rnams bting ba/ steng du gding ba yon tan phun sum tshogs pa'i stan rnams la lha'i tshogs thams cad brgya byin gyis gnang nas 'khod do/ / de nas lha'i dbang po brgya byin gyis/ lha rnams la 'di skad ces smras so// bdag cag legs par byas pa'i las des lha'i 'jig rten 'dir skyes la/ de zad nas ltung ba ni gdon mi za'o// bdag cag thams cad las kyi 'bras bu'i bgo skal la ji ltar spyod pa bzhin bdag cag lha rnams kyi nang du 'ongs la/ de nas yang bdag cag ltung ba'i mthar 'gyur te/ de lta bas na lha dag sdug bsngal de dag thams
- 119a
cad mngon par shes par byos la/ dge ba la 'bad par gyis shig/ de nas brgya byin gyi tshig de thos nas/ de dag kun gyis/ brgya byin la 'di skad smras so// brgya byin khyod kyis de rje/ ltar thugs su chud pa de bzhin lags te/ bdag cag kun de ltar rang gi las kyi 'bras bu la nye bar spyod pa lha'i dga' ba dang bde ba de las ltung bar 'gyur na/ de las gzhan pa bdag cag rgyu gang gis ltung bar mi 'gyur pa bstan du gsol/ de nas brgya byin gyis/ lha de rnams la 'di skad ces smras so// gang 'dus byas kyi rnam pa 'jig pa'i mtha' can rtag par 'gyur ba 'am/ ther zug tu 'gyur ba 'am/ mi 'gyur ba'i chos can gyi gnas de ni 'og gam/ thang ka 'am/ dbus sam/ steng na yang med do// kun nas nyon mongs pa la rtag tu chags pa'i blo des ni cho ga 'grangs te/ sdug bsngal la mtha' med cing legs pa med/ bde ba'i rang bzhin ma yin/ rgyu dang rkyen khong du chud pa skyed pa ma yin/ yang dag par skyed pa ma yin/ sdug bsngal gyi mtha' 'di lta bu la rtog par mi byed de/ khyed cag phal cher mtho ris nas tshe 'phos te/ sems can dmyal ba dang / yi dgas dang / dud 'gro rnams kyi nang du skye'o// de nas yang legs par byas pa'i las kyis 'dir skyes pa rnams rang gi las kyi 'bras bu'i bgo skal la spyod pa mthe res na lha'i bde ba dag myong bar 'gyur ro/ / de nas yang las kyi gzings pa rnams ltung bar 'gyur te/ sems can dmyal ba dang / yi dgas dang / dud 'gro rnams kyi nang du nye bar spyod par 'gyur gyis/ lha rnams
- 119b
de la shin tu bag gyis shig/ 'di ltar bdag gis gang+gA'i klung gi bye ma snyed kyi sangs rgyas rnams kyis mdor bsdus te gsungs pa'i chos de kho na dang / gzhan gang gis 'khor ba las thar bar 'gyur ba/ bshad par bya'o// 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' zhig 'byung bar 'gyur ro/ / yang ma rig pa 'gags pas 'du byed 'gag par 'gyur la/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga ba dang / na ba dang / 'chi ba dang / mya ngan dang / smre sngags 'don pa dang
- 120a
sdug bsngal ba dang / yid mi bde ba dang // 'khrug pa rnams 'gag par 'gyur te/ de ltar sdug bsngal gyi phung po chen po 'di 'ba' zhig 'gag par 'gyur ro// de ltar lha dag 'khor ba 'di'i// 'jug pa dang ldog pa zhes bya ba mthong zhing shes na nyon mongs pa zad nas thar par 'gyur te/ mya ngan 'das pa zhes bya ba 'jig pa med pa/ rtag pa/ rga ba med pa/ 'chi ba me da pa/ zag pa med pa 'thob ste/ de ltar lha dag srog chags rnams 'khor ba 'di las thar par 'gyur ro// gang 'dus byas kyi rnam pa 'jig pa med pa'i mtha' 'am/ zad pa med pa'i mtha' 'am/ chung za ba med pa'i mtha' 'am/ tshe rab su 'gag pa med pa'i chos zhes bya ba'i gnas gzhan 'khor ba na med do/ / gang na gtan du bde bar 'gyur ba dang / ltung ba'i mtha' med pa dang / zad pa dang 'jig pa'i mtha' med pa dang / 'byung ba dang 'jig/ par 'gyur ba'i chos can ma yin pa med do// de nas brgya byin gyi kha nas tshig de dag thos nas/ lha gang tshe rabs gzhan du sems bsgoms pa dam pa'i chos la mngon par dga' zhing blo shin tu zhen pa de dag ni yid la bag yod par 'gyur zhing / sangs rgyas dang / chos dang / dge 'dun rnams la gcig tu dang la mya ngan las 'das pa'i sa bon bde ba'i las 'phen par byed do// yid ma bsgoms pa gang yin de dag ni de nas yang bag med cing sems 'khrug par 'gyur la/ sred pas bslus pa rnams lha'i 'dod pa'i yon tan lnga rnams 'byor cing ldan par gyur pas dga' bar byed do// de nas yang des
- 120b
bslus pa rnams rtse ba don du byed cing dga' bar byed de/ de ltar de dag gi 'khor ba'i sdug bsngal mtha' med par 'gyur ro// de ltar lha'i rgyal po brgya byin des chos bshad pa na/ 'jig rten skyong ba bzhi rnams lho'i 'dun sa chos bzang dag tu so sor 'khod de/ 'di ltar lha'i rgyal po brgya byin lha rnams dang lhan cig gang na bzhugs zhes dpyod par byed do// de nas de ltar brgya byin lha'i stan la 'dug cing / lha'i tshogs kyis yongs su bskor la/ gzi brjid 'bar ba na/ lha yul gyi bde ba dpe med pa du ma dang ldan pa rgyang ring po nas mthong ngo // de mthong nas 'jig rten skyong ba bzhi rnams brgya byin ga la ba der 'dong bar byed do// dong nas kyang brgya byin la gsong por smra ste/ lha'i stan mchog tu nyams dga' ba bzang po la phyogs gcig tu 'khod do// de nas yang stan mchog tu nyams dga' ba bzang po de dag las langs te/ brgya byin ga la ba der logs su phyogs nas 'dug ste/ brgya byin la 'di skad ces smras so// lha'i dbang po 'di ltar 'dzam bu'i gling gi mi rnams ni dge ba bcu'i las kyi lam la mngon par brtson zhing chos la dga' ba/ mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi rgan rabs la gus par bgyid kyis/ lha'i dbang po khyod dgyes par mdzad du gsol/ de nas lha'i dbang po brgya byin gyis tshig de dag thos nas 'di skad smras so/ / lha dag bdag ni dga' 'o// rgyal po chen po khyed cag ni 'jig rten skyong zhing 'jig rten la phan par 'dod pa/ phan gdags par rab tu zhugs pa yin te/ bdag
- 121a
gi dga' ba yang thos ras khyed bde legs su gyur cig/ de nas 'dzam bu gling du chos dang mi ldan zhing chos ma yin pa'i rjes su zhugs zhugs pa'i mi de dag de bzhin du 'jig rten skyong ba rnams brgya byin la smra bar byed de/ 'dzam bu'i gling na mi chos dang mi ldan zhing chos ma yin pa'i rjes su 'jug pa mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi rgan rabs kyi rjes su mi 'jug pa dag mchis te/ bdud kyi phyogs ni 'phel lo// dam pa'i chos kyi phyogs ni 'grib bo zhes bsnyad do// lha'i rgyal po brgya byin gyis de thos nas/ rgyal chen bzhi'i lha rnams dang sum cu rtsa gsum pa ji ltar phyogs pa rnams la bos nas smras pa/ lha ma yin brtan pa dang / rab spro la sogs pa dang / klu chos ma yin pa dang ldan pa rab 'joms la sogs pa sa'i 'og nas langs te bdag cag la g.yul 'gyed du 'ong gis/ lha khyed rnams chos shig/ de nas brgya byin gyi bka' de mnos nas/ gang rgyal chen bzhi'i lha rnams brgya byin gyi gas shin tu rings par lag cha dang / mtshon cha sna chotshogs snga ma bzhin thogs te/ ri bo zla ba zhes bya ba'i ri ga la ba der 'dong bar byed do// de nas 'jig rten skyong ba de rnams dong ba dang / lha'i dbang po brgya byin yang lha'i tshogs sna tshogs kyis ni sker/ lha'i 'phreng ba dang gos ni gyon/ lang tsho la bab pa'i gzugs rgyan sna tshogs kyis ni brgyan/ lha mo rnams ni rjes su 'brang zhing lha'i tshogs kyis yongs su bskor ba dang lhan cig thams cad mngon par 'byor ces bya ba ga la ba
- 121b
der dong bar byed de/ skyed mos tshal gang yin pa de ri rab dang sgra lta bur cung zad 'dra ba'i dper bya na/ 'di ltar zla ba rgyu skar gyi tshogs kyis yongs su bskor ba lta bu dang / nyi ma gza'i tshogs kyis bskor ba mi mthun par mthong ba lta bu dang / ri rab gser gyi ri stong gis bskor ba lta bu dang / shing ljon pa lha'i gser dang / dngul dang / bai DUR+Ya dang / mthon ka dang / pad+ma rA ga'i mdog lta bu rnams kyis nye bar mdzes par byas pa'i skyed mos tshal de lha'i me tog gis mdzes par byas shing / bya'i tshogs kyis yongs su bskor la/ sgra skad snyan pa 'byin pa lha'i pad+ma'i rdzing rnams kyis mdzes par byas pa yin no// lha'i rgyal po brgya byin gyis glang po che'i rgyal po sa srungs kyi bu zhes bya ba skyed mos tshal chen po de na rdzing de dag snga ma bzhin yod pa'i nang na ba lang mo dang lhan cig rtse bar byed/ gser dang bai DUR+Ya'i pad+ma'i 'dam bu'i nang na bal glang mo dang lhan cig rtse zhing yul der 'gro bar byed do/ / lha'i rgyal po brgya byin lha'i tshogs dang / lha mo'i tshogs sna tshogs kyis yongs su bskor ba ltar/ glang po che'i rgyal po de yang de lta bu yin la/ pad+ma gser btso ma lta bu dang / nam mkha' la nyi ma 'bum phrag 'char ba lta bu'i 'od bzang po 'char ba dang ldan pa rnams kyis mdzes par byas pa der/ de dga' bar byed/ yongs su spyod par byed/ rtsed mo byed/ dud 'gror gyur kyang lha'i bde ba myong ba yin no/ / de nas lha'i rgyal po brgya bin der song ras lag gnyis kyis byugs shing phyi bdar byed la/ kyi bdag gi glang po che'i rgyal po 'di ni g.yul 'gyed pa la dgos pa yin te/ lha dang lha
- 122a
ma yin 'thab pa'i tshe/ 'di'i steng nas bdag rgyal ba thob bo// de nas glang po che mchog phyi bdar byas nas/ skyed mos tshal thams cad 'byor ldan na/ khang bzangs mya ngan bral zhes bya ba ga la ba der 'gro bar byed/ chu'i zam pa lta bu skas de las 'dzegs nas/ der lha mo'i tshogs kyis yongs su bskor te 'jug par byed do// der zhugs nas lha'i rgyal po de lha mo bye ba phrag dgu'i mdun na rtse par byed/ dga' bar byed do// lha'i rgyal po de rnams dang lhan cig lha'i 'dod pa'i yon tan lnga rnams 'byor cing ldan par gyur pas rtse bar byed/ dga' bar byed/ yongs su spyod par byed do// lha'i rgyal po rang gi las dang 'thun par longs spyod 'byor te/ lha de dag dang lha'i rgyal po de ji srid du 'dod pa sdug pa/ yid du 'ong ba byas shing bsags pa dang / so so yang dag par myong bar 'gyur ba bde ba'i rnam par smin pa/ bde ba so so yang dag par myong bar 'gyur ba'i las zad par ma gyur pa de srid du 'di ltar sked mos tshal brgya snyed kyis ngargyan pa'i lha'i 'dun sa chos bzang gi sked mos tshal de na bde ba kun dang ldan zhing / lha'i tshogs thams cad dang bcas pas yan lag lnga dang ldan pa'i rol mo rnams kyis rtse bar byed/ dga' bar byed do// de dag phyis lha'i 'dun sa chos bzang nas 'chi bar 'gyur te/ shi nas kyang ji ltar las de dang nye bar 'gro zhing myong bar 'gyur ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun
- 122b
par mchog tu bde ba dang / rig pa'i blo dri ma med pa dang / phan tshun gyi gtso bo 'am/ grong gi gtso bo 'am/ yul gyi gtso bo 'am/ grong khyer gyi gtso bo 'am/ phan tshun gyi gnyen 'dab dang / rtsa lag dang / bde bar lhan cig 'khod par 'gyur ro/ / lha'i rgyal po de ni ngan song gi sgo bcad pa yin te/ lha de dag gi 'chi 'pho ba la mngon par brtags nas 'di ltar tshigs su bcad de smras pa/ sa gang yin pa de dag gis// tshal ni pad+ma sna tshogs dang / / rtseng mo mchog sde nyams dga' dang // rin po che dang ldan pa dang // mtsho dang 'bab chu rin po che'i// rdo ba sna tshogs rnams kyis brgyan// ljon shing me tog sna tshogs dang // bya ni sna tshogs dag gis khengs/ / gser las byas pa'i dpag bsam shing // kha cig dri med bai DUR+Ya// dngul dang gser ni gtso ma yin// tshal ni rnam par 'dres pa bskyed// bung ba rnams ni sgra 'byin pas// pad+ma rdzing ni rnam par mdzes/ / khang bzangs mchog ni nyams dga' zhing // rin po che ni tshe dang ldan// rnam par brgyan pa nyams dga' ste// lha la 'os pa thams cad yod// de dag thams cad de bzhin 'jug/ skye bo rnams ni yongs su 'gyur/ / kye ma sred pas bslus pa yin// lha rnams kun gyi bde ba ni// sgyu ma chu bur dbu ba dang // dri za'i grong khyer lta bu yin// sred pa dug dang me 'dra ba// 'jig rten 'jig pa'i phyir gnas te// srephreng ba'i mtshor ni 'khyam byed cing // skye bo de kun 'jig par byed// 'dod pa longs pas chog mi shes// bde ba 'dod pas chog mi shes// 'chi ba'i me yis rnam bsregs pa// lha tshogs de dag ga las
- 123a
'ongs/ / sred 'dis 'jig rten gzings pa rnams// ye nas ngan te 'phags pa min// gang gis rnam par rmongs pa'i lha// 'chi ba yi ni dbang du song // lha dang mi dang lha ma yin// gnod sbyin sems can dmyal ba klu// 'chi ba'i zhags pa mi bzad pas// thams cad dbang med 'gro bar 'gyur// khams gsum pa ste 'di dag kun// 'chi ba'i zhags pas sbrul gyur kyang // sred pa'i rmongs bas rmongs pa rnams/ / dbang med mthong bar mi 'gyur ro// de ltar brgya byin gyis rtag tu lha de rnams kyi skye ba dang / gzhan mi rtag pa 'chi ba dag mthong nas/ lha dag shin tu goms par bya ba'i tshigs su bcad de smras pa/ 'byung po kun la phan bzhed pa// bcom ldan de lta phyag 'tshal lo// gang gis sred pa dug 'dra 'di// 'jig rten pa la mang du gsungs// mdor na shes dang shes bya dag/ de yis 'di kun thugs su chud// shes deng shes bya ma rtogs par// gsum pa dmigs par mi 'gyur ro// 'di ni mi rtag sdug bsngal stod/ byed pa po yang spangs pa yin// de nyid lam ni rnam ston pa// sangs rgyas kyis ni 'khor bar gsung // de ltar dbang po de phyag rgya 'dis btab pa'i yid dri ma med pas bcom ldan 'das la bstod do// bstod nas de nas yang lha'i bde ba yang nyams su myong bar byed de/ de ltar de lha'i bde ba thams cad myong ba yin no/ / de nas yang dge slong las kyi 'bras bu rnam par smin pa shes pa nges sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas
- 123b
sum cu rtsa gsum pa'i lha rnams kyi gnas mtho ba na gnas pa zhes bya ba ji ltar 'dug pa mthong ngo / / sems can dag las gang gis der skye bar 'gyur snyam nas/ des thos pa las byung ba'i shes bas brtags na/ 'di ltar gang gzhan gyis gsod pa po dag nyi ma gcig tsam du srog gcod pa spang ba'i tshul khrims srung du bcug la/ 'khor ba las thar par 'dod pa rnams ma byin par len pa dang / rgyal po'i chad pas 'jigs nas 'bras bu chung ngur 'gyur ba yang spong du 'jug na/ de lus dang bral nas bde 'gro sum cu rtsa gsum pa'i lha rnams kyi nang mtho ba'i gnas su skye bar 'gyur ro// gnas mthe/ bapa de yang ri rab kyi steng na mtho ba yin la/ khyed cag gi las sna tshogs snang ba bzhin gser dang dngul gyi bkra bas phye ba yin no// lha rnams mtho ba'i gnas der 'dzegs nas/ ri rab kyi drung thams cad lta bar byed do/ / gser dang dngul las byas shing / bai DAr+Ya bkra bas rnam par phye ba rnam pa du ma la lta bar byed do// lha'i 'phreng ba dang gos gyon pa rnams gser gyis brgyan pa'i sa gzhi rnams la dga' bar byed/ yongs su spyod par byed la/ lha mo'i tshogs sna tshogs kyis yongs su bskor cing sdug pa dang lhan cig bai DUR+Ya'i tshal dang / nye ba'i tshal rnams su dga' bar byed/ yongs su spyod par byed do// der de dag gi rtag tu bza' ba dang btung ba chu bo ltar 'bab ste/ 'di lta ste/ chu bo ro zhim zhes bya ba dang / chu bo shugs chen 'bab ces bya ba dang / chu bo dga' bcas zhes bya ba dang / chu bo dga' bcas che
- 124a
zhes bya ba dang / chu bo brtsegs pa 'bab ces bya ba dang / chu bo shugs 'phreng zhes bya ba dang / chu bo stong 'bab ces bya ba dang / chu bo gar dgar 'bab ces bya ba ste/ chu bo de dag ni myos/ pa'i skyon dang bral zhing btung ba rnam pa sna tshogs thams cad rab tu 'bab pa yin no// ro sna tshogs dang mdog sna tshogs yod pa yin te/ 'di lta ste/ 'o ma'i mdog dang / pad+ma rA ga'i mdog dang / an da rnyil gyi mdog dang 'thun pa dang / bai DUR+Ya'i mdog dang / gser gyi mdog ltar ser ba dang / kha cig mdog 'dres pa dang / chu shin tu dri zhim zhing brtan pa dag tu khyad par 'phags pa yang 'bab bo// gzhan yang bzang ba ro dang / dri dang / mdog sna tshogs su 'byung ste/ 'di lta ste/ ro sha khar 'dra ba dang / lha'i dri dang / mdog dang / mdog skye bo dang / ro ji ltar 'dod pa dag ste/ lha rnams ji ltar 'dod pa de bzhin du bza' ba rnams kyi ro de dag kyang de ltar 'gyur ro/ / tshal dang / nags tshal sna tshogs dag me tog dri zhim po rnams kyis nye bar mdzes par byas shing / bya kha dog sna tshogs dang / rnam pa sna tshogs rnams kyis mdzes par byas pa yin te/ de dag sa'i phyogs nyams dga' ba der lha dang lha mo'i tshogs kyis yongs su bskor nas/ sil snyan dang / glu dbyangs dang / bro gar sna tshogs rnams kyis rtse bar byed/ dga' bar byed/ yongs su spyod par byed do// der tshal 'di dag 'byung bar 'gyur te/ 'di lta ste/ shing sa la'i tshal dang / shing sa la chen po'i tshal dang / ji ltar 'dod pa'i shing ljon pa'i tshal dang / me tog rtag tu yod
- 124b
pa'i tshal dang / rlung ji ltar 'dod pa bzhin bde bar 'bab pa'i tshal te/ tshal dga' ba de rnams na/ gser gyi lcug ma 'phyang bas ni mdzes/ dril bu g.yer ka'i dra bas ni dkrigs/ bya 'bum snyed sgra 'byin pa dga' ba lha'i dbang po 'dod pa'i yon tan lnga'i bde ba dag gis lha rnams nye bar 'tsho bar byed do/ / phan tshun grogs su gyur cing phan tshun longs spyod pa gcig pu don du byed pa/ nad dang mya ngan dang bral ba/ bkres ba dang skom pa dang bral ba/ lus ngal ba dang bral ba/ 'chol ba'i nyon mongs pa dang bral ba/ ci dgar spyod pa la brtson pa/ ci dgar rgyu ba/ ci dgar bar gnas pa dag tshal gyi nang dang / skyed mos tshal dang / pad+ma'i tshal dang / mthong na yid 'phrog rnams su dga' bar byed do// mtho ba na gnas pa 'dod pa'i yon tan lngas tshim pa'i lha rnams 'od ni rang gi 'ong la/ lus ni ji ltar 'dod pa bzhin phra ba dang / sbom pa dang yang bar bsgyur ba/ ci dgar 'gro ba/ gar dgar 'gro ba/ rang dgar 'gro ba/ gang 'thob par 'dod pa de 'thob par 'gyur zhing / thob nas kyang sus kyang mi 'phrogs la thob nas de'i dbang du 'gyur ro// mtho ba'i gnas na gnas par gyur pa'i lha de rnams la bde ba'i rnam pa gzhan yang yod de/ rang gis legs par byas pa'i las rgyu dang 'bras bus kun nas bslang bas ji srid du 'dod cing sdug la yid du 'ong ba legs par bsrungs pa'i tshul khrims srog gcod pa dang / ma byin par len pa spangs pa zad par ma gyur pa de srid du lha mo'i tshogs rnams dang dga' bar byed/ dga' mgur spyod par byed do// der las zad nas lha'i
- 125a
ris de nas 'chi bar 'gyur te/ shi nas las kyis 'gro ba ji lta ba dang / las la rton pa dang / 'gro ba ji lta ba bzhin skye bar 'gyur te/ sems can dmyal ba dang / yi dgas dang / dud 'gro rnams kyi nang du skye bar 'gyur ro/ / gal te mi rnams dang skal ba mnyam par mi'i nang du skyes na/ las de dang rgyu 'thun par ri la gnas pa de rtag tu bde bar 'gyur zhing / nor dang shin tu ldan pa dang / rab tu bde ba dang / mchog tu gzugs bzang ba dang / 'jig rten gyi bar bzang por 'gro ba dang / bsil ba'i nye ba'i tshal rnams kyi nang du skye bar 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas ri rtse na gnas pa zhes bya ba ji ltar 'dug pa mthong ngo // der sems can ngag las gang gis skye bar 'gyur snyam nas/ nges thos pa las byung ba'i shes pas brtags na/ gang gis lus kyi tshul khrims rnam pa gnyis bsrung ba yin te/ srog chags bsad par chad pa dang / bcings pa thar par byas shing mthu rab tu che bar gyur la/ nus pa dang ldan pa zhig lam du zhugs te bkres shing skom bzhin du bu ram shing gi ldum ra 'am/ rdzi'u'i grong dag tu ba'i bcud dam/ bu ram shing gi bcung ma byin par ma blangs/ sems can gsang par bya ba dang / ma byin par blangs nas 'jigs te 'gro ba thar bar byas pa'i skyes bungs pa de lus dang dril nas bde 'gro mtho ris kyi 'jig rten sum cu rtsa gsum gyi gnas pa'i lha rnam
- 125b
kyi nang du skye bar gnas par 'gyur ro/ / der skyes nas kyang de bde ba'i longs spyod du ma dang ldan zhing / de yul chu bo lta bu du mas bdas pa yin la/ de la yang 'dod chags chu bo lta bu yin te/ 'di lta ste/ 'dod/ chags kyi nu bo dang / rgyags pa'i grong dang / mgu ba'i gling du chags pa dang / kun dga'i chu mig dang / kun tu rtog pa'i rlabs dang / gzugs dang / sgra dang / dri dang / ro dang / reg bya sdug pa'i bya dang / !/ bachu srin 'dzin khri kun tu 'khrugs pa dang / rab tu thogs pa du ma ya yor 'gro ba dang / tshal dang nye ba'i tshal chu yis bar bur ded pa dang / phrag dog gi nya dang / spro ba chu las brgal ba dang / yul du mi'i ri khrod nas chu 'bab ste/ sred pa'i chu bo'i 'dam rdzab la sogs pa rnam pa de lta bu dag las lha rnams 'byung bar mi nus so// gzhan yang chu bo gang+gA'i pha rol gyi 'gram gyi rlabs mi mngon pa ltar/ thog ma med pa'i dus nas rgyun shin tu zab mor rab tu zhugs pa/ 'dod pa dang / gzugs dang / gzugs med pa'i khams na/ skye ba dang / rga ba dang / na ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rlabs lta bus khyab cing myur du 'gro ba'i sred pa chu klung lta bu de sems can dmyal ba'i rgyu yang yin la/ mi rnams kyis kyang chog par 'dzin mi nus te/ de ltar sred pa'i rnam pa chu bo lta bus ri rtse na gnas pa'i lha rnams rab tu bdas so/ / der lha dang lha mo'i tshogs kyis yongs su bskor te/ lci'i 'dod pa'i yon tan lnga rnams 'byor cing ldan par gyur pas dga' bar byed/ rtse bar byed/
- 126a
dga' mgur spyod par byed do// der tshal 'di lta bu dag 'byung bar 'gyur te/ 'di lta ste/ tshal rtag tu rab dga' zhes bya ba dang / tshal rtag tu mngon dga' zhes bya ba dang / tshal sprin ltar/ dkar brtsegs zhes bya ba dang / tshal kun nas mngon dga' zhes bya ba dang / tshal zla ba 'dra zhes bya ba dang / tshal gang+gA'i steng du rgyu zhes bya ba ste/ tshal 'di dag ni ri rtse na gnas pa'i lha rnams kyi yin no// tshal de rnams kyi nang du lha dag bde ba du ma dang ldan zhing / bud med kyi dga' ba rnams dang lhan rtse bar byed/ dga' mgur spyod par byed do// btung ba'i chu bo rnams kyang 'di lta ste/ chu bo sna tshogs zhes bya ba dang / chu bo lag mthil gyis byug cing reg pa zhes bya ba dang / chu bo ngoms mi myong zhes bya ba dang / chu bo me tog ku mu da dang / ut+pa la skye zhes bya ba ste/ chu bo de dag gi 'gram gnyis ka ri la khebs pa yin no// dngul dang / shel dang / gser gyi shing ljon pa 'bras bu dang ldan zhing me tog dang ldan pa rnams kyis lha'i sa gzhi de dag nyams dga' bar brgyan pa'i sa gzhi der dge ba'i las sna tshogs dang / las byas pa sna tshogs kun nas bslang ba rnams kyis tshal de dag dang / chu bo de dag dang / sa gzhi de dag dang / zas dang skom chu bo ltar 'bab pa de dag tu/ lha de rnams lha'i rol mo dang / lha'i gnas chen po dang / thags su btags pa ma yin pa'i lha'i gos rnams kyis dga' bar byed do/ / lha de rnams rang las 'od 'byung la sha dang / rus pa dang / rnag khrag dang bral ba/ lus dang / ngag dang / yid ngal ba dang bral ba/ lus dang yid rtag tu
- 126b
kun nas dga' ba rnams ji srid du lus dang ngag gi 'dod pa sdug pa yid du 'ong ba/ shin tu bsil ba rnam par smin pa mchog tu bde ba/ mtho ris su skye ba nges par myong bar 'gyur ba'i dge ba'i las ma/ zad pa de srid du 'gros 'chos shing dga' bar byed/ rtse bar byed/ yongs su spyod par byed do// de dag las zad de lha'i 'jig rten de nas 'chi bar 'gyur la/ shi nas kyang las ji ltar byas pa bzhin sems can dmyal ba dang / dud 'gro dang / yi dgas rnams kyi nang du skye bar 'gyur ro// gal te lan grangs gzhan la myong bar 'gyur ba mir 'grub pa'i las kyis mi rnams kyi nang du skyes na/ de las de dang rgyu 'thun par de rtag tu longs spyod can du 'gyur zhing / rtag tu shes pa la dga' ba/ yid la dgod pa dang / rtsed mo dang / rtse ba dang / yul bzang por skye bar 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa rnams kyi gnas la rtog par byed de/ sum cu rtsa gsum na lha rnams kyi gnas gzhan gang zhig yod snyam nas/ des thos pa las byung ba'i shes pas brtags na/ blta na sdug na gnas pa zhes bya ba'i gnas ji ltar 'dug pa mthong ngo // der sems can dag las gang gis skye bar 'gyur snyam nas/ des brtags na/ gang tshul khrims dang ldan pa sems can gan dus khyer ba'idi/ mtshan gyis gsod par bya ba srog phyung me/ nor rdzas sas bdag nyid la mi sra ba mams song ba / bkris pa'i nadu lam du
- 127a
ba la rab tu spro ba bskyed kyang len par mi byed/ gzhan yang phyogs dben par phyin la 'tsho ba nyas dngar gyur kyang 'bras bu dang / rtsa ba dag ma byin par len par mi byed cing // chu khrim/ dang ldan pa ma gus par bslab pa'i gzhi rdul phra mo tsam ral ba la yang 'jigs par lta na de lus dang bral nas bde 'gro grong khyer chen po blta na sdug tu skye bar 'gyur ro// grong khyer de yang dpag tshad khri yod la/ khyams khris legs par rnam par phye ba yin no// grong khyer de'i sa gzhi 'dzam bu'i chu bo'i gser las byas pa kun nas khang pa chen po bai DUR+Ya las byas pa dang / gzhan yang dngul las byas pa dang / gzhan yang 'dzam bu'i chu bo'i gser las byas pa dang / gzhan yang mthon ka sna tshogs las byas pa dang / gzhan yang rin po che sna bdun las byas pa'i khri dag gis bkra bar phye ba yin no// de dag gi srang yang kun nas shin tu rnam par phye ba yin la/ bzhi mdo dang / ba gam dang / sgo dang / pu shu'i rtse mo dang / khang bzangs kyis ris shin tu rnam par phye ba yin no// khang pa de dag kyang nyi ma gang med kyang sgron ma lta bur 'gyur te/ ji ltar nyi ma med na sgron mas gsal bar byed pa de ltar nyi ma med kyang / khang pa'i mchog de rnams las de ltar 'od 'byung ngo // grong khyer de dag kun na tshal dang / nye ba'i tshal de rnams kyis mdzes par byas pa yin te/ tshal dang nye ba'i tshal kha cig bai DUR+Ya las byas pa dag la mu tig gi dra bas bres/ kha cig gser gyi shing ljon pa dag la dngul gyi dra bas bres/ kha cig dngul gyi shing ljon pa dag la gser gyi dril bu g.yer kha'i sgra
- 127b
'byin/ kha cig rin po che sna bdun gyi shing ljon pa'i skyed mos tshal bkra ba yin la/ kha cig dpag bsam gyi shing yin te/ lha gang dag gi yid la bsams pa de tshal de dag las thob par 'gyur ro// tshal kha cig an+da rnyil/ dang / bai DUr+ya las byas pa yin te/ de na gser gyi bya rnams sgra snyan pa sna tshogs 'byin la/ gser gyi tshal gang yin pa de na dngul gyi bya rnams skad snyan pa 'byin cing rtse/ mthon ka'i tshal gang yin pa de na bya pad+ma rA ge'i mdog tu 'dug pa rnams skad snyan pa 'byin cing rtse/ gser gyi tshal gang yin pa de na bya lus sna tshogs 'dres pa rnams skad snyan pa 'byin cing rtse ste/ de ltar grong khyer chen po legs par mthong na nye ba'i tshal du gyur pa rnams mdzes pa yin no/ / srang dang gser gyi khang pa mdzes par byas pa gang yin pa de dag la dngul gyi ka ba dang / bai DUR+Ya'i shing ljon pa rnams kyis mdzes par byas pa yin/ gser gyi srang gang yin pa de dag la bai DUm+WA ri ka ba btsugs shing gser gyi shing ljon pa dang khang pas brgyan/ srang dang khyim 'dres pas mdzes par byas pa gang yin pa de na bya gser gyi mdog can yod de/ grong khyer blta na sdug pa gang dang gang du snang ba de dang de dpe med par mthong ngo / / grong khyer de yang kun nas tshal chen po bzhi rnams kyis mdzes par byas pa yin te/ 'di lta ste/ dra ba'i 'phreng ba dang / shing chen po dang / 'od gsal ba dang / mthong na dga' bas so// tshal thams cad dpag tshad nyis brgya lnga bcu yod de/ tshal de thams cad na chu bo chen po khri yod pa/ gser gyi pad+mas khebs pa yin no// chu bo de dag shin tu nyams dga' ba yin zhing / 'gram gnyis ka zhig pa
- 128a
med la/ de dag gser dang / dngul dang / shel dang / an+da rnyil dang / shing ljon pa rnams kyis mdzes par byas pa yin no// tshal chen po de dag bung ba 'dab ma bai DUR+Ya la/ lus dngul du 'dug pa'i tshogs rnams kyis mdzes par byas pa yin te/ gang bung ba rnams kyi sgra snyan pa'i drung na mi'i gling bu'i sgras bcu drug char yang mi phod do// bai DUR+Ya'i shing ljon pa rnams la 'bras bu gser gyi mdog can shin tu dri zhim zhing khar snyi ba bas ches lhag pa'i ro dag yod la/ 'bras bu rnams dri gang yin pa dpag tshang du 'byung ngo // bya rnams ngo bo nyid kyis rgyags pa yin la/ de nas yang dri gang yin pa des brgyar gyur du shin tu rgyags par 'gyur ro/ / gser gyi shing ljon pa gang yin pa de rnams la dngul gyi 'bras bu lha'i dri dang / mdog dang / ro lnga dang ldan pa dag 'byung / shing ljon pa bai DUR+Ya'i sdong po dang / gser gyi 'dab ma yod pa gang yin pa de rnams la 'bras bu kha dog sna tshogs yod pa dag 'byung ste/ de ltar tshal kha dog rnam pa du ma/ rnam pa sna tshogs dpe med pa gzhan dang mi 'dra bas grong khyer chen po blta na sdug yongs su bskor nas rnam par gnas so/ / kun tu rtog pa'i ri mo bris pa ltar lha'i las rnam pa du ma byas shing las rnam pa du ma sna tshogs byas pa rnams kyis de rnams kyang sna tshogs su byung ba yin no// de ltar 'bras bu rgyu dang 'thun par rgyu'i 'bras bu yin no/ / ji ltar sa bon gyi rnam pa ji srid yod pa de srid du 'bras bu'i rnam pa yang 'byung bar 'gyur te/ de ltar grong khyer blta na sdug na gnas pa'i lha rnams bde ba mang po du ma ngag gis
- 128b
phrogs pa yin no/ / grong khyer de ngo bo nyid kyis legs mthong nyid yin te/ tshal khang bzangs gser dang / byu ru dang / spug dag gis brgyan cing mdzes par byas pa dril bu g.yer kha'i dra ba sna tshogs kyi dkrig pa/ gser gyi dril bu g.yer kha sgra snyan pa 'byin pas mdzes par byas pa'i tshal nye ba'i tshal dang skyed mos tshal de dag tu blta na sdug na gnas pa'i lha rnams 'khod do// lha'i grong khyer gyi gnas 'phan dang / rol mo dang / sil snyan rtag tu sgra 'byin pa rab tu 'byin cing / lha dang lha mo'i tshogs rnams kyis kun tu gang ba de na btung ba dang 'phreng ba dag gis mdzes par byas pa rgyal mtshan dang / ba dan bye ba 'bum phrag du ma dag rlung gis rab tu spyod do/ / yang ri rab kyi steng gi grong khyer du lha'i tshogs bye ba phrag brgya stong du ma dag gis kun tu gang zhing las chen po rnams kyis mdzes par byas pa de na/ 'di ltar lha mthu rab tu che ba mchod par 'os pa chen po rdzu 'phrul che ba/ skyed mos tshal gyi dga' spyod la rtag tu yid mi dga' ba/ lha dang lha mo'i tshogs 'bum phrag du mas kun tu gang ba sa ya phrag gsum 'khod pa rnams brgya byin gyis ma lus par yongs su shes so// gang gitshe lha de rnams gal te lha'i grong khyer chen po skyed mos tshal gyi dga' spyod de nas skyed mos tshal du dga' spyod byed du 'gro ba de'i tshe lha rnams shing rta 'bum phrag du ma rnams dang 'gro ste/ lha de rnams 'gro ba na/ rgyal mtshan dang / ru mtshon sdug gu rnam pa sna tshogs kyis mdzes par byas pa'o shing rta rnam pa sna tshogs dang / kho dog sdug gu rnam pa sna tshogs dang / dbyibs sna tshogs su 'dug pa bye ba phrag stang dkrigs pa dag byung ngo //
- 129a
'di lta ste/ an+da rnyil las byas pa'i gzhal med khang gang yin pa de la shing rta'i mdar pad+ma rA ga las byas shing / de la shing rta'i steng gi khang pa rin po che las byas/ nang ni spug las byas/ phyi rol ni bai DUR+Ya las byas/ sa ri ni gser las byas la/ kun nas dril bu g.yer kha 'khrigs pa'i sgra 'byin pa yin no// de nas yang lha rnams gzhal med khang rnam pa sna tshogs gzhan gyis 'gro bar byed de/ 'di lta ste/ shing rta'i mda' ni gser las byas/ shing rta'i steng gi khang pa ni bai DUR+Ya las byas/ sa ris ni spug las byas/ mu tig gi dra bas ni g.yogs/ pha rol ni rin po che margang lta bu las byas/ ngos ni byu ru las byas/ srog shing ni dngul las byas pa yin no// kha cig shing rta'i mchog rnam pa gzhan gyis 'gro bar byed de/ 'di lta ste/ kun nas shing rta'i mda' gser las byas/ ngos ni mu tig gis g.yogs/ sa ris ni pad+ma rA gas shin tu rnam par phye/ srog shing ni dngul las byas/ kun nas byu rus ni mdzes par byas pa yin te/ shing rta 'bum phrag mang po gsal ba mtshan nyid dpe med pa de dag lha'i tshogs rnams kyis kun nas yongs su bskor te/ 'bum phrag rnam pa du ma de rnams la lha dag nyid zhon nas tshal la'i chen po de rnams ga la ba der 'dong bar byed de/ rgyal mtshan la la bai DUR+Ya las byas/ rgyal mtshan la la gser las byas/ yu ba la la dngul las byas/ rgyal mtshan la la'i yu ba pad+ma rA ga las byas/ rgyal mtshan dang / ru mtshon la ya'i mdog du ma yod pa dag gis nam mkha' bar med par byas nas/ skyed mos tshal du gnas par bya ba'i phyir/ yid
- 129b
rab tu dga' bas tshal chen po bzhi po ga la ba der 'dong bar byed do/ / de ltar lha de rnams 'dong ba na sil snyan bye ba 'bum phrag du ma sgrub byin cing // rol mo'i sgra snyan pa sna tshogs phan tshun rdob par zhugs pa dag yod de/ shin tu bzang zhing nyams dga' ba'i khyad par che ba yin no// ji ltar las byas pa ngan pa dang / 'bring dang / chen po byas pa bzhin las bde ba rnams kyi rjes su 'jug pa na 'dod par byed de/ lha de rnams so so la lha mo'i tshogs brgya 'am/ stong ngam/ 'bum rnams gar byed/ glu len/ rab tu dgod cing yan lag lnga dang ldan pa'i rol mo'i snyan pa dang bcas pa rdob pa zhes bya ba kun tu gang zhing byed la tshal chen po ga la bar 'dong bar byed do// lha'i 'dod pa'i yon tan lnga rnams 'byor cing ldan par gyur pa'i lha mo de dag thams cad lha de rnams dang so sor phrad nas de ltar bro gar byed/ dgod par byed/ rtsed mo byed do// 'di ltar lha de rnams 'dod pa la rnam par zhen pa zhes bya bas dga' bar byed de/ lha'i sgra snyan pa tshang tshing gi nang na/ lha'i snyan pa de dang gar dga' dgur 'gro ba'i lha de rnams lha'i 'dod pa'i rnam pa gang yin pa de nyid kyis de skyed mos tshal du 'gro bar byed de/ la la nam mkha' la sprin nag po 'gro ba lta bur bai DUR+Ya'i mdog can de rnams 'gro bar byed/ lha'i mchog de dag kha cig ni 'di ltar rgyan sna tshogs dang / gos sna tshogs dang / tshe byad sna tshogs dang / dga' ba'i gtam sna tshogs kyis dga' gtam smra zhing nam mkha' khyab par byas nas tshal chen po ga la ba der 'dong bar byed do/ / lha'i mchog gzhan kha cig ni gser gyi sa gzhi'i lam nas rab tu 'gro la/ 'gro ba de rnams kyi shing
- 130a
rta 'bum phrag du ma'i mu khyud kyis gser gyi rdul bslangs te/ nam mkha' khyab par byas nas 'dug go// gang gis nam mkha' de skya bor byed kyang / lha rnams la 'go bar mi byed la/ gang 'chi ba dang nye bar 'gyur ba de rnams kyi gdong ngam/ gos de la ni 'go bar byed do// lha gang gzhan dag gis rdul de mthong zhing 'chi ba'i ltas mthong la/ de 'chi ba'i sdug bsngal mtha' med par gyur pa mngon pabapar mthong nas/ de snying rje rje lta bur gyur pa'i sems kyis 'di ltar tshigs su bcad de smras pa/ bud shing lta bu'i yul 'byung dang / mes bsregs lta bu'i 'chi 'gyur ba// lam 'di nas ni lha rnams dag/ brgya 'am yang na stong du 'dong / / 'chi ba gzhan gyis mthong 'gyur la// bdag nyid kyis ni mi mthong ste// phyi nas nyon mongs phrad pa dang // bdag nyid kyis ni sdug bsngal rig/ bag med pa dang 'dres pa'i sems// yul la rtag tu mngon par dga'// lus can lhan cig skyes gnas pa// 'chi ba brtan pa mi rig go// bag med pa la mngon dga' zhing // bde ba nyams dga' byed pa na// 'chi bdag sde yis 'di drangs pa// rab tu 'jom sta dug dang 'dra/ / 'chi ba'i zhags pas bzung ba yin// khyod la skyob pa byed med de// sman dang sngags dang las mi skyob// de bzhin lha min lha mi skyob// rdul rnams kyis ni gdong g.yog pa// bdag nyid kyis ni mi rig ste/ / 'di ni 'chi ba'i pho nya yin// shi ba phyi nas thob par 'ong // gang zhig bde ba'i don ma mthong // skye bo rtag tu brkam chags shing // sred pas ngoms ni mi myong ba// glo bur du ni 'chi bar 'gyur// 'chi bas
- 130b
btang ba chen po 'di/ / khyod kyi pho nya dang po ste// 'di yi 'og tu 'chi ba yang // shin tu mi bzang 'byung bar 'gyur// tshal dang nye ba'i tshal brgyan pa// rang gi las kyi 'bras bu spyad// sems can ri bo mchog de nas/ dbang med bcings te khrid par 'gyur// myos pas rtse bar gnas pa dag/ bde bas ngoms ni mi myong zhing // rmongs pa sred pas ma ngoms pa// dbang med sa steng ltung bar 'gyur// ji ltar rtag tu me dag las// du ba sngar ni 'byung 'gyur ba/ / de ltar 'chi ba'i rtags byung ste// phyi nas 'chi ba gnas par 'gyur// de ltar lha de dag bag med pa chung ba la gnas shing / sems sngon dge ba'i rtsa ba spyad pa la goms pa yin la/ lha de'i bar chad de mthong nas bdag nyid dang lha de rjes su ston par byed do// de ltar lha de'i gtam smra ba na shing rta la zhon pa/ shing rta sna tshogs la zhon zhing / shing rta'i dril bu g.yer kha'i dra bas dkrigs pa/ lus cha byad du mas 'bar ba/ mig rgyas pa lta bur 'dug pa/ lha'i 'phreng ba dang gos gyon pa gser bcoms rnam par brgyan pa/ gang ri rab kyi ri'i rtse mo stong snyed du phye mar rlog cing 'ong ngo // de nas lha'i tshogs de rnams rtog cing 'ong ba na/ de bzhin du la la ni nam mkha' la/ la la ni sa la/ la la ni bya'i shing rta rnams kyis/ la la ni lha mo dang lhan cig glu len bro rdung zhing 'ong ste/ tshal dang nye ba'i tshal de dag lha'i pad+ma dang / shing ljon pa dang / chu bo dang / bya dang / 'bras bu dang / me tog dang / rin po che sna tshogs dang / kun nas mchog tu nyams dga' ba'i tshal dang / nye ba'i tshal gyi phyogs ga la ba der 'dong bar byed do// blta na sdug na gnas pa'i lha
- 131a
de rnams shing rta'i mchog de dag la zhon nas gser gyi shing ljon pa nyi ma lta bu yod pa ga la ba der 'dong ngo / / gang gzhan par snang la rgyu ba de dag kyang bar snang de las babs nas skyed mos tshal/ ga la ba der 'dong ngo // de ltar lha'i tshogs de dag thams cad 'dus nas sil snyan gyi sgra dang / glu dbyangs kyi sgra rnam pa sna tshogs kyis dga' bar byed yongs su spyod par byed de/ phan tshun grogs su gyur cing / phan tshun 'gyed pa dang / phrag dog la skyo ba med pa rnams bro gar byed// dgod par byed/ dga' mgur spyod par byed do// sil snyan yan lag lnga dang ldan pa la/ 'di lta ste/ rgyud mangs dang / rnga dang / sil dkrol dang / gling bu'i sgra dang / glu ste/ rnam pa 'di lngas kha zas chu bo ltar 'bab pa dang / btung ba chu bo 'bab pa'i ngogs su lha dang lha mo'i tshogs de dag phan tshun dga' zhing lhan cig tu skyed mos tshal der rtses nas bai DUR+Ya dang / gser gyi 'bras bu yod pa/ 'bras bu mdog dang / dri zhim pa ro mngar ba/ sbrang rtsi lta bu rnams kyis gzugs mdzes par byas pa yin te/ de shing ljon pa'i drung de dag tu yang 'dod pa nyams dga' bo'i lha mo mdzes pa mtshungs pa med pa'i gzugs rnams dang lhan cig 'bras bu'i ros myos nas yun ring du dga' bar byed do/ / de nas de ltar bde ba la gnas shing rgyags pas myos pa'i lha dang lha mo'i tshogs rnams bro gar dang / glu dbyangs dang / dgod pa'i sgra de dag thos shing / gang lha'i rgyal po brgya byin gyi rjes su 'gro la phyi bzhin du 'brang ba de rnams sgra de dag thos nas/ lha'i rgyal po brgya byin ga la ba der
- 131b
'dong bar byed do/ / de ltar de dag thams cad brgya byin gyi drung du dong nas/ brgya byin la gsong por smras shing / thal mo sbyar nas mgo bo gtugs te brgya byin la bsnyad pa/ lha'i dbang po 'di ltar blta na sdug na gnas bapa'i lha'i tshogs de dag thams cad skyed mos tshal du dga' spyod bgyid du mchin/ lha'i dbang po de dag mkhyen par mdzod cig/ de nas brgya byin de dag las tshig de thos nas/ lha rnams la 'di ltar blta na sdug na gnas pa'i lha dag gang nas dong ba'i skyed mos tshal du bdag cag kun 'dong gis/ khyed rnams 'dong bar shoms shig ces bsgo'o// de nas brgya byin gyi tshigs de thos nas chos bzangs na gnas pa'i lha rnams kyi shing rta rgyal mtshan sna tshogs can la non/ la la gser gyi shing rta sreg shing bai DUng+ga las byas pa/ ba dan btags pa rnams la 'on/ la la be n+d+harlu'i shing rta srog shing gser las byas pa rnams la phon/ la la rin po che sna bdun bkra zhing ba dan sna tshogs kyis mdzes par byas pa rnams la zhon/ la la gser gyi bya sgra snyan cing shin tu 'jebs par 'byung ba'i bya'i shing rta rnams la zhon/ la la rta khra bo 'gros 'cham zhing bde ba dag la shing / / blangs nas/ shing rta de rnams rta de rnams la btags te/ rta'i shing rtas 'gro bar byed/ de ltar gzhan yang gser gyi bya dang pa rkang pa ni bai DUR+Ya/ sgro ni pad+ma rA ga'i mdog lta bu rnams kyi steng du zhon nas lha'i dbang po brgya byin dang lhan cig tu blta na sdug gi grong khyer chen po ga la ba dang / skyed mos tshal ga la ba der yang 'dong bar byed do// yang lha gzhan dag rin po che sna bdun gyi rma bya'i gzugs dang ldan zhing / mdongs kyi tshogs khebs
- 132a
pa gang mi'i 'jig rten yang gzugs phun sum tshogs pa yin la/ lha'i 'jig rten na lha gzhan dang mi 'dra ba legs par byas pa'i las rnams kyis mngon par brgyan pa lta smos kyang ci dgos te/ de dag gi mdog sdug cing dbyibs legs pa dpe bya bar yang mi nus pa'i steng du zhon no// rnam pa de dag lta bu dang ldan pa de dag la gzhan dag zhon nas blta na sdug gi skyed mos tshal dang nye pa'i tshal ga la ba der 'dong bar byed byed de/ lha'i tshogs de rnams rol mo'i sgra dang / glu dbyangs sna tshogs kyis dgod cing rtse la yongs su spyod pa dang / lha gzhan myos shing 'khor pa rnams skyed mos tshal ga la ba der 'dong bar byed do/ / lha'i rgyal po brgya byin gyi shing rta bzhi yang 'khor lo rtsibs stong dang legs par ldan pa/ shing rta rin po che sna bdun las byas pa yin te/ 'di lta ste/ an+da rnyil dang / pad+ma rA ga dang spug shin tu gsal ba dang / bai DUR+Ya dang / byu ru dang / rdo rje dang / shel la gser gyi khye'u rnams kyis mngon par brgyan pa/ shing rta'i mchog de la brgya byin zhon nas/ rin po che sna bdun gyi bye dang pa gser gyi pad+ma ltar rgyas shing / dbyibs dang cha byad sna tshogs dang ldan pa/ sgra che zhing gdangs snyan pa 'byin pa de'i drung na lha mo'i dbyangs kyang snyan par mi 'gyur ba stong gis khrid de/ brgya byin shing rta rnam pa de lta bu dang ldan pa dang pa rnams kyis khrid par byed do/ / shing rta de la yang tshen rtsi sna tshogs kyis bsgyur ba'i 'phan lnga brgya/ 'phan shing bai DUR+Ya dang / gsar dang / dngul las byas pa las btags so// 'phan gyi kha dog ni 'di lta ste/
- 132b
sngon po dang / ser po dang / btsod kha dang / dmar po dang / dkar pos mdzes par byas pa yin la/ shing rta de la lha'i rgyal po do zhon nas/ lha mo'i tshogs du ma ni nya ba na glu dbyangs len/ lha 'bum phrag du ma yang mdun du song nas glu dbyangs len zhing nam mkha' la'ang yang dang yang du 'gro/ sa la'ang yang dang yang du 'gro ste/ gar dga' bar 'gro/ ci dgar byed pa/ lha'i bde ba de la nye bar spyod cing sil snyan yan lag lnga dang ldan pas nyams dga' bzhin du grong khyer blta na sdug dang / skyed mos tshal ga la ba der 'dong bar byed do// der 'dong ba na lha'i tshogs gzhan dag gis mthong nas bro gar byed/ gad mo bgod/ rtsed mo rtse/ rol mo byed cing pad+ma sna tshogs sdong bu bai DUR+Ya las byas pa dag lag tu khyer nas/ lha'i rgyal po brgya byin lha rnams dang lhan cig gang nas mngon du 'ong ba der blta na sdug pa na gnas pa'i lha de rnams kyis kyang skyed mos tshal nas byung nas 'ong ngo / / de nas brgya byin gyis bdag cag gi drung 'dir 'ong gis/ khyed kyi 'di dag dang rtse ba de bya ba'i rigs so zhes kyang bsgo'o// de nas brgya byin gyis kha nas tshig thos pa'i spyi bos blangs nas/ blta na sdug na gnas pa'i lha ga la ba der chu blang ba'i phyir brgyugs so/ / lha mo'i nang nas lha mo de dag kyang blta na sdug na gnas pa'i nang du chu blang ba'i phyir brgyugs so// blta na sdug na gnas pa'i lha mo dang // chos bzang na gnas pa'i lha mo dag kyang gang de nas phan tshun rgyug go/ / de ltar lha rnams phan tshun du gser gyi pad+ma'i 'dab ma dag blangs nas skyed mos tshal ga la ba der rgyug la/ de dag phan tshun lhan cig tu dgod cing rtse la
- 133a
rgyu'o/ / lha'i rgyal po brgya byin par snang la rgyu zhing 'dug pas kyang lha dang lha mo rnams me tog ku mu ngas rtse ba de dag mthong ngo // lha de rnams chu la yun ring du rtse ba de byas nas/ de nas yang / mchog ste/ pad+ma la rtse ba rtsom par byed do// lha dang lha mo de dag phan tshun pad+ma la rtse bar byed de/ la la gser gyi pad+ma rnams kyis/ la la bai DUR+Ya dang gser gyi sdong bu rnams kyis/ la la sdong bu sna tshogs rnams kyis rtse ste/ de ltar phan tshun rtse mo byed do// de ltar phan tshun yun ring du stegs shing rtses nas/ 'bras bu'i tshal ga la ba der 'dong bar byed do// de dag gis 'bras bu snyi ba rnams blangs nas phan tshun steg 'dod pa 'phen par byed do/ / 'bras bu la rtse ba de yang byas nas chang gi tshal ga la yod par der 'dod par byed do// tshal der song nas myos pa'i skyon dang bral zhing 'khrug pa med pa ji ltar 'dod pa bzhin ro zhim pa lnga ji ltar byas pa bzhin du zhim pa dag la 'thung bar byed do/ / lha'i rgyal po brgya byin yang shing rta'i mchog de las babs nas lha'i kun dga' ra ba ga la ba der 'dong ste/ de dag gi nang du 'dug go// lha'i rgyal po de rnams kyis mthong nas phan tshun kun yid dga' ste/ lha'i rgyal po la mchod pa byed do// // dam pa'i chos dran pa nye bar gzhag pa bam po so gnyis pa// de ltar kun / gyis thal mo spyi bor sbyar te mchod pa byas nas/ 'di ltar lha'i dbang po bzhugs pa bdag cag gi srog gi 'bras bu mchis pa lags te/ lha'i dbang po brgya byin ni gang bdag cag gi pha ma dag pas lhag par srog
- 133b
stsal pa lags so zhes smras nas/ de ltar brgya byin de la de rnams kyis legs par mchod do// de nas yang lha de dag la 'di skad ces khyod ni bdag gi bu dang 'dra/ spun dang 'dra zhes smras nas/ de ltar de dag phan tshun legs par mchod pa byas te/ de nas yang bag med pa'i sar zhugs nas bag med pa de nyid la gnas so// de nas yang tshal dang nye ba'i tshal dag bya'i tshogs rnams kyi sgra 'byin pa 'bab chu dang / klung tshang tshig rnams kyis brgyan pa/ gser gyi chu bo pad+ma'i tshal dang / nye ba'i tshal mdzes par byas pa/ sa gzhi mnyam zhing 'jam la mi rtsub pa/ mtho dman gyis brgyan pa/ bai DUR+Ya dang / gser dang / dngul dang / shel gyi shing ljon pas brgyan pa/ bza' ba dang btung ba chu ltar 'bab cing // 'bras bu sna tshogs dang ldan pa/ me tog man da ra dang / pad+ma la sogs pa me tog chen po rnams kyis mdzes par byas pa/ tshang tshing rnams kyi nang na lha'i mi dang / bud med dgod dgod/ rtse rtse/ rgal rgal/ yongs su spyad pas bsten pa'i tshang tshing gi tshal dang / skyed mos tshal rnams su lha'i sil snyan yan lag lnga dang ldan pa dang / lha'i kha zas dang / lha'i yul lnga 'byor/ cing ldan par gyur pa rnams kyis kyang dga' bar byed do// de nas yang blta na sdug pa na gnas pa dang / chos bzangs na gnas pa dga' bar byed pa rang gi gnas gnas su zhugs so// de dag der zhugs nas kyang ji srid du 'dod pa yid du 'ong ba byas shing bsags pa de zad par ma gyur pa de sing du dga' bar byed do/ / de dag pis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang /
- 134a
yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ las de dang rgyu / 'thun par de rtag tu shin tu bde bar 'gyur zhing / rig pa'i blo dri ma med pa dang / rol mo la dga' ste/ bro gar dang / glu dbyangs dang / dgod pa dang / rtse ba la dga' ba/ rtag tu spro ba la dga' zhing / bza' ba dang / btung ba dang / bca' ba dang / bza' bar bya ba mang po la dga' ba dang / yams kyi nang med cing rims nad med la mya ngan dang bral bar 'gyur ba mthong ngo // de nas yang dge slong las kyi 'bras bu rnam par smin pa shes pa des sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas phyogs gcig na gnas pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa/ 'byor pa yang shin tu chung zhing dman par gyur pa gang gis gzhan dag las nor rdzas kyi rnam pa 'am/ khazas dag blangs te/ shin tu sdug bsngal yang bu dang chung ma 'ba' zhig la mi sbyor bar/ sems yongs su bsgoms pa'i yid kyis nor rdzas sam/ kha zas sam/ kha zas de dag gzhan sdug bsngal zhing pha rol gzhan dag nyon mongs pa dang / long ba dang / dbul ba dang / mgon med pa rnams la bgo bsha' byas nas sbyin par byed pa dang / srog chags gzhan gyi chung ma la 'khrig pa'i dga' bas rab tu chags pa dag/ gzhi nges mngon par
- 134b
bzung ste srog chad pa'i nyon mongs pa 'thob cing gshed ma'i lag tu bskur ba lho phyogs kyi sgo nas khrid de srog gcod par 'gyur ba nyon mongs pa'i rnam pa de lta bu'i nang du chud pa las thar par byas na/ de lus dang bral nas bde 'gro mtho ris kyi 'jig rten phyogs gcig na gnas pa'i lha rnams kyi gnas su skye bar 'gyur ro/ / der skes nas kyang legs par bya ba byas pa/ dge ba'i las shin tu rgya che ba byas shing yang dag par sprad pa de/ rang gi lus las kun nas 'od 'byung ste/ dper na nyi ma'i 'od 'byung ba bzhin no// yang 'od de dgi kha dog sngon po dang / gser po dang / btsong kha dang / ljang khu dang / dkar por 'byung ste/ lha de'i 'od des lha'i 'jig rten gyi 'od gsal bar de dag thams cad de nas yang bcu 'gyur bas lhag par gsal bar byed do/ / dper na gza' dang skar ma'i 'od kyis 'dzam bu'i gling gsal bar byed la/ de nas yang zla ba'i 'od kyis gsal bar byed pa de bzhin du/ lha de'i rang gi lus kyi 'od kyis lha'i gnas de dag thams cad brgyan pa bzhin rnam par gsal bar byed do// 'od des gzugs phun sum tshogs pa thams cad dang ldan pa'i lha de la lha de dag gis mngon par brtags te/ rnam pa de lta bu'i khyad par gang gis drung na/ lha gzhan de dag srin bu me khyer bzhin gsal ba med do// lha'i ris der lha de skyes ma thag tu lha mo de dag thams cad lha de ga la ba der rgyug cing / skyes ma thag tu rgyun thams cad 'byung bar 'gyur te/ 'di lta ste/ gang gi gtsug gi nor bu mthon ka chen po'i 'od kyis dpag tshad dag tu 'od snang bar byed pa bzhin no// 'od gang gis gzhan mtho ris na gnas pa'i 'od de dag thams cad dang phyi rol gyi nor bu de dag thams cad
- 135a
de ltar zil gyis gnon par byed do/ / ji ltar nyi ma shar zas srin bu me khyer rnams kyi 'od zil gyis gnon par byed pa de bzhin du/ lha de dag zil gyis gnon par byed do// de nas skyes ma thag tu rin po che sna bdun gyi cod pan dpag tshad brgyar 'od 'phro ba 'byung bar 'gyur te/ 'od kun gyis brgyan cing 'od zer 'byung la/ gang gis 'od sngon po dang / ser po dang / btsod kha dang / ljang khu dang / dkar po dog 'byung bar 'gyur ro// de'i 'og tu rin po che sna bdun gyi mgul rgyan dpag tshad brgyar 'od 'phro ba 'byung bar 'gyur ro// de ltar de'i 'og tu rin po che sna bdun gyi rgyan 'phreng 'byung bar 'gyur ro// de'i 'og tu 'phreng ba 'phyang ba rdo rjes brgyan pa 'byung bar 'gyur ro/ / de'i 'og tu de'i rkeng pa'i 'phreng rgyan ji ltar 'ja'i kha dog lta bur skye zhing 'byung bar 'gyur ro// de'i 'og tu de'i lham rin po che sna bdun gyis spras pa/ 'od sna tshogs dang ldan pa 'byung bar 'gyur te/ shu gang gis rim pa 'di ltar 'gro ba ni/ gang gi tshe lha de 'di snyam du 'di ltar bdag che ge mo zhig tu nam mkha' las 'gro'o snyam du bsams na/ sems bskyang ma thag tu lha yul du 'byung ba'i lham des lha nga bteg ste/ nam mkha' la khyer nas gnas der 'gro ste/ lus ngal ba med cing gnod pa thams cad dang bral bar 'gyur ro// gang de'i 'og tu de'i gos thags su btags pa ma yin pa rin po che sna tshogs las byas pa 'ong gsal ba 'byung bar 'gyur te/ gang gi 'od kyis lha'i ris nyams dga' ba de de nas yang shin tu nyams dga' bar 'gyur ro// lha de skyes ma thag tu 'di snyam du sems te/ las byas pa gang gis bdag 'dir skyes
- 135b
shig gu snyam nas/ des brtags na/ las legs par byas pa dang / nyes par byas pa'i gzhi 'dzam bu'i gling de nas bdag shi ste/ der gang bya ba legs par byas pa 'am/ nyes par byas pa des 'dir nye bar spyod par 'gyur te/ der bdag gis legs par byas pa'i las kyi rgyu des 'dir skyes te/ rgyu med pas ni ma yin no snyam mo// de de ltar bsams pa dang / thang cig tu lha mo gzugs dang lang tshe phun sum tshogs pa ji snyed pa thams cad nye bar 'ong bar byed de/ de dag gi rgyan gyi sgra ji ltar mi yul ni sil snyan yan lag lnga dang shin tu ldan pa de dag gi sgra 'byung ba de ltar de rnams kyi sgra 'byung bar byed do// de dag gi dri yang dpag tshad gnyis su gang bar 'gyur te/ dri gang gi me tog thams cad kyi dri zil gyis gnon par 'gyur/ de dag gi gzugs dang lang tsho sngon ma byung ba 'byung bar 'gyur zhing 'dzum pa dang dga' ba 'byung bar 'gyur la/ sngon gyi gos kyi yon tan rnams kyang 'byung bar 'gyur ro/ / lha de'i legs par byas pa'i las des/ 'di lta ste/ nyi ma shar ba'i nyi ma'i 'od kyis me tog thams cad rab tu rgyas par 'gyur ba de ltar lha de'i 'od byung bas lha mo de dag thams cad kyi gzugs rab tu rgyas par 'gyur te/ de dag dang de phrad na 'dzum zhing dga' ba dag gis rtse da mo byed do// de dag gis de pang du blangs te tshal dang / nye ba'i tshal ga la ba de nyid du 'gros sdug gus khyer zhing lha de'i mdun du sil snyan sna tshogs dang dgod pa'i sgras dga' bar byed pa de dag lha la lta zhing tshal dang nye ba'i tshal de dag ga la ba der 'dong bar byed do/ / lha de'i gnas su tshal 'di dag 'byung bar 'gyur te/
- 136a
'di lta ste/ pad+ma rmad byung gi tshal yod de/ tshal de na gang gi tshe lha de 'jug pa de'i tshe gom pa 'dor ba'i sa dag la/ pad+ma sdong bu ni bai DUR+Ya/ myu gu ni rdo rje/ snying po ni gser/ lo ma 'jam zhing 'dab ma 'jam pa dang / bung ba'i tshogs kyis mdzes par byas pa dag 'byung bar 'gyur la/ de dag la lha de'i rkang pa gnyis 'jog par byed do// de nas rkang pa bteg pa dang / pad+ma gzhan dag 'byung bar 'gyur zhing snga ma zhum par 'gyur ro/ / de pad+ma'i tshal de nas sbrang rtsi'i chu'i tshal zhes bya ba sbrang rtsi'i chu'i tshal ga la ba der 'dong bar byed do// tshal de na lha'i shing ljon pa gser las byas pa de dag thams cad las lha'i rgun chad 'dzag ste/ lha'i ro dang / dri dang ldan pa'i rgun chad de dag la lha'i mchog de 'thung bar byed de/ myos pa'i skyon dang bral ba'i sbrang rtsi de dag la lha de rnams 'thung par byed do/ / dri dang ro sngon ma byung ba de dag la 'thungs nas tshal gsum mdzes zhes bya ba ga la ba der 'dong bar byed do// der gsum mdzes dpe med pa 'byung ste/ 'di lta ste/ bya dang bung ba'i tshogs sgra 'byin pa dang / gzhan dang mi 'dra ba'i sgra dang / lha mo rol mo byed pa 'byung ngo // lha'i mchog de tshal gsum mdzes de na skyed mos tshal nas skyed mos tshal dang / nye ba'i tshal nas nye ba'i tshal dang / pad+ma'i rdzing nas pad+ma'i rdzing dang / lteng ka nas lteng kar dga' bar byed/ rtse bar byed/ dga' dgur spyod par byed do// bya sgra sna tshogs 'byin pa la nyan cing dbang po lnga yul lnga la tshim pa med pa'i yid sred pa'i
- 136b
mer sreg pa na/ ji srid du de'i legs par byas pa'i las ma zad pa de srid du dga' bar byed do// de las de zad nas de nas de yang lha'i ris de nas 'chi bar 'gyur te/ shi nas kyang las kyi thag pas bcings pa rang gis byas pa'i las rnams kyis/ sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi'i so so'i yang dag par myong bar 'gyur ba'i las kyis mi rnams kyi nang du skyes na/ las de dang rgyu 'thun par de gzugs dang / rigs dang / yon tan phun sum tshogs shing kun nas mchog tu bde ba dang ldan pa dang / rang dang 'brel ba las 'tsho zhing gzhan la rag ma las pa dang / rang 'dod pa bzhin spyod cing nad med pa dang / gnod pa med pa dang / tsher ma med pa dang / shin tu 'byor pa dang / de bzhin du gsum ldan gyi dus su 'am/ de bzhin du gtso bo'i nang du'am/ de bzhin du rgyal srid phyed la dbang ba 'am/ rgyal tshab bam/ tshong pa 'byor pa'i mchog nor dang / 'bru dang / gser dang / dngul thams cad dang ldan par 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas shing gseb na gnas pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis rkun po chad pas gcod
- 137a
par 'os pa gzung ba gang 'jig rten pha rol la 'jigs pa'i bsam pas de chad pas mi gcod cing gnod par mi byed pa dang / pha rol gzhan gyis rkun pa bzung ba de yang sems can la phan par 'dod pa byams par gzhol ba'i sems dang ldan pa'i bsam pas thar par byed pa dang / ma la yang mal cha dang / na ba'i rkyen gyi gsos sman dang / yo byad sbyin par byed cing / gang ma'i rdzas bsgrubs pa de dag rku ba'i sems kyis mi rku ba dang / tshig 'jam zhing tshig nyung la phan par smra ba dang / nyin gcig bzhin sangs rgyas la gus par phyag 'tshal zhing / sangs rgyas la spos sam/ me tog gam/ bdug pa dag phul te phyag 'tshal la/ de'i yon tan yang rjes su dran pa dang / bla ma la lus kyis kyang gus par byed cing / myur du ldang ba dang / gus par phyag 'tshal ba dang / rtag tu snyan par smra ba dang / sdig pa'i grogs po mthong na shin tu 'dre bar mi byed la/ de dag dang lhan cig dga' ba dang / 'gro ba dang / phrad pa dang / mngon par smra bar mi byed/ mi nyon mongs pa'i sems dang ldan pa/ 'phags pa ma yin pa 'jig rten pas spangs pa rnams dang lhan cig dga' bar mi byed la/ thad kar lta zhing 'dug par mi byed pa dang / rgan po la legs par lta ste/ rgan po shes pa dang ldan pa sems can la byams shing pha rol gdung bar mi byed pa/ 'jig rten kun gyis bkur ba/ snyan par smra ba/ 'jam por smra ba dag la bsnyen bkur byed cing yang dag par rnam par 'byed pa'i tshul khrims kyang yod pa dang /
- 137b
/ zan pa dang / zan mo dang / las byung pa dang / zho shas 'tshob rnams la rgyu med par 'tshe bar mi byed pa dang / bza' bsang du mi za ba dang / dod dgrar 'gro ba'i tshul du mi byed pa dang / gnang pa'i tshul med/ pa dang / glo bu ra du mi 'khrug pa dang / shan pa dang / nya 'tshong dang / khyi yis 'tsho ba dang / rnyis 'tsho ba dri ma dang bcas pa la sogs pa dang / nyo 'tshong la sogs pa chos ma yin pa dang yang dag par 'brel bar mi byed pa dang / chang 'tshong gi khyim du dga' bar mi byed pa dang / bud med la rag las shing sdig pa byed pa dang / spyod pa nyams pa dang / rtab rtab por mi 'gro ba dang / smra ba na gzhan gyis gsang mi shor ba dang / grogs po rnams la glags lta zhing gsang ste dgra mi byed pa dang / gnad btsal te rgyal po la mi smra ba dang / gzhan gyi zhing rnams la skye ba'i ldum ra mthong na bdag nyid kyir mi byed pa dang / yul mi'i dpya na ra ma drug cha gcig 'bul ba las lhag par mi 'bebs pa dang / gzhan gyi zhing dang / chu dang skal ba byin pa mi 'phrog pa dang / mtshan mo 'am/ nyin mo gzhan gyi 'bras bu mi 'phrog pa dang / rkun sems thams cad dang bral ba 'am/ re re dang bral ba 'am/ nyung ngur bral ba yin te/ ji ltar na nyung ngur bral ba yin zhe na/ las kyi nyer bsdogs mi byed pa dang / las bar ma dang bral ba yin te/ gang byas pa 'chags par byed cing / skyon du rtsi la mi byed pa dang / chen po dang bral ba yin te/ las kyi nyer bsdogs mi byed pa dang / de gzhan byed du mi 'jug cing gzhan gyis byas nas kyang 'chags su 'jug pa dang / so sor
- 138a
der 'dong bar byed do/ / de nas yang shing gseb na gnas pa'i legs par byas pa rnams kyi las kyi mabu ni lha dag lnga'i pad+ma la 'dug nas gang du 'gro ba der nam mkha' dengs/ lha'i btung bas gang ba'i lha'i snod dag lag tu 'ong ste/ btung ba de dag lha dang lha mo de dag dang lhan cig 'thung zhing dga' bar byed/ glu dbyangs len/ yongs su spyod par byed la/ phyogs gzhan gang du 'dong bar yang 'gro'o/ / de nas gzhan yang shing gseb na gnas pa rnams kyi las kyi mthu ni lha rnams gang dang gang 'dod pa de dang de thams cad 'byor par 'gyur zhing / lha'i 'jig rten gyi gnas nas gnas gzhan du rnam pa gang gzhan gyis 'gro 'dod pa'i ri dang / ri'i rtse mo de dag tu yang lha'i me tog dang / 'bras bu dang / chu bo phun sum tshogs pa dang / tshal dang nye ba'i tshal phun sum tshogs pa dag nam mkha' las 'byung bar 'gyur ro/ / lha gnas pa de rnams lha mo dag gis yongs su bskor kha/ lhan cig tu lha'i sil snyan yan lag lnga dang ldan pa'i glu dbyangs nye ba na len cing / de dag nyid dang / yul nas yul du nam mkha' la 'gro ba na/ de nas chos bzangs na gnas pa dang / blta na sdug pa na gnas pa yid dga' bas gnas mthon po mthong ste/ ji ltar 'dzam bu gling na mi rgyu ba dag lha gzhal med khang gsal ba na gnas pas mthong ba bzhin no/ / de ltar chos bzangs na gnas pa'i lce de dag dang / blta na sdug na gnas pa de dag phan tshun du/ kye 'di ltar shing gseb na gnas
- 138b
pa'i lha de dag bde ba mchog dang ldan te/ bdag cag pas khyad ches bde la lha'i sil snyan yan lag sa dang ldan pa dag nye bar la/ gar dga' dgur rgyu ba/ gar 'dod par 'gro ba/ cib nas thogs pa med par 'gro ba/ yul nas yul du 'gro'o zhes brjod do// de nas lha'i rgyal po brgya byin yang pad+ma 'dab ma stong la sdong bya lha'i gser dang / bai DUR+Ya las byas pa'i steng du 'dug nas/ lha mo bzang mo dag dang lhan cig nam mkha' las 'gro'o/ / legs par byas pa'i las kyis sprul pa'i pad+ma de yang nyams dga' ba 'di lta bu yin te/ 'dab ma thams cad la lha mo'i lha'i 'phreng ba dang / gos gyon pa gser gyi rgyan gyis brgyan pa thams cad yid rab tu dga' ba/ thams cad sil snyan yan lag lnga dang ldan pa'i dga' bas myos pa thams cad brgya byin la phyogs pa/ so so gzugs dang lang tsho dar la bab pa'i dregs pas myos pa lnga 'khod de/ de dag thams cad lha'i rgyal po brgya byin dang lhan cig tu shing gseb na gnas pa'i lha rnams ga la ba der nam mkha' las 'dong bar byed do// shing gseb na gnas pa'i lha de dag gis kyang brgya byin de mthong nas/ phyir zhing yid rab tu dga' la yang ji ltar bshad pa'i gnas de dag las babs nas/ lha'i rgyal po brgya byin ga la ba der 'dong bar byed do// dong nas brgya byin de la spyi bos phyag 'tshal te/ tshig gis kyang bstod do// brgya byin gyi sngon du 'gro ba dang / shing gseb na gnas pa'i lha snying dga' ba rnams kyis brgya byin de yongs su bskor nas/ brgya byin mngon par 'dod
- 139a
rjes su yi rang bar mi byed pa dang / mi ngan pa de rnam par spong bar byed la/ chung ngu dang / 'bring dang / chen po byed pa de chung ngu dang / 'bring dang / chen po'i 'bras bu la spyod pa yin te/ de ltar legs par byas pa'i las kyi mtha' spyod pa nyes par byed pa rnam par spangs pa de lus dang bral nas bde 'gro mtho ris kyi 'jig rten shing gseb na gnas pa'i lha rnams kyi nang du skye bor 'gyur ro/ / der skyes nas kyang lha'i lus sha dang / rus pa dang / rnag khrag dang bral ba yin te/ gang bde ba myong bar 'gyur ba de'i dpe bya bar yang sla ba ma yin mod kyi/ cung zad cig dper bya na 'di lta ste/ sems can gang sems can dmyal ba yang sos su skyes pa dang / gang gser gyi 'khor los sgyur ba'i rgyal po'i khyad par gang yin pa dang / lha'i bde ba myong ba'i mi 'khor los sgyur ba'i rgyal po gling bzhi pa'i rin po che sna bdun dang ldan pa'i khyad par gang yin pa'i khyad par de ni shing gseb na gnas pa'i lha de'i dper cung zad bya ba yin no/ / shing gseb na gnas pa'i lha de ri rab kyi steng dpag tshad sum stong yod par/ dpal dang ldan pa rin po che sna bdun gyi lha'i shing ljon pa dang / chu bos mdzes par byas pa lta bur phyogs de na tshal kun spyod ces bya ba gser gyi shing ljon pa yod pa der 'di ltar lha rnams kyi sems la gang du bdag cag 'gro bar bya ba de rang shing ljon pa dag bdag cag gi phyi bzhin du de ltar 'ong bar shog cig snyam mo/ / de sems bskyed ma thag nyid du shing gseb na gnas pa'i
- 139b
lha rnams gar 'gro ba de dag gi phyi bzhin du de ltar 'ongs te/ dper na 'khor los sgyur ba'i rgyal po sems bskyed ma thag nyid du 'khor lo nam mkha' la 'gro ba de ltar lha rnams kyis sems bskyed ma thag nyid du shing ljon pa dag nam mkha' las 'ong ngo / / lha rnams gar 'dod pa der yang sa'i steng du 'bab par 'gyur te/ dper na bya dag sa'i phyogs gang dang gang du 'gro zhing gnas pa de dang de dag nyid du gnas par 'gyur ba de bzhin du/ shing ljon pa de dag thams cad de ltar 'gyur te/ 'di ni shing gse ba na gnas pa'i lha rnams kyi rang gis byas pa'i las kyi mthu gcig yin no// de nas yang mthu 'byung ste/ de ltar legs par byas pa'i las rnams kyi mthu ni lha rnams gang du 'dong ba der bya dag sil snyan yan lag lnga dang ldan pa lta bu'i sgra 'byin bzhin du phyi bzhin 'brang zhing 'dong ngo / / de nas gzhan yang legs par byas pa'i las rnams kyi mthu ni lha rnams nam mkha' la 'dod pa dang bcas par 'gro ba'i lha dag pad+ma'i rdzing na bung ba myos pa sgra 'byin pa dang / gser gyi bya ngang pas mdzes par byas shing / bya ka ra nad ba dang / ngur pa rnams kyis mdzes par byas pa ga la ba der 'dong bar byed do// de nas gzhan yang shing gseb na gnas pa'i lha rnams kyis legs par byas pa'i mthu ni lha lha'i 'phreng ba dang / gos gyon pa dag nam mkha' gang la 'gro ba'i nam mkha' der lha'i pad+ma sdong bu bai DUR+Ya las byas pa'i gnas dag 'byung bar 'gyur te/ 'dab ma stong yod pa'i 'dab ma de re re la lha mo 'khod nas lhag la ba
- 140a
/ pa'i gnas sam/ skyed mos tshal lam/ ri bo'i steng ngam/ tshal lam/ nye ba'i tshal lam/ pad+ma'i rdzing ngam/ gnas gzhan ga la ba der nam mkha' las 'dong bar byed do// brgya byin gyi sngon du 'gro ba de rnams der yun ring du rtses nas/ de nas yang rang gi gnas ga la ba der 'dong bar byed de/ brgya byin gyi sngon du 'gro ba rnams ji ltar song ba de ltar slar 'ong bar byed do// de nas brgya byin yang lha'i 'dun sa chos bzangs ga la ba der 'gro bar byed do/ / gzugs dang / sgra dang / dri dang / ro dang / reg bya sdug gu'i myos pas myos pa'i lha de dag kyang ji srid du sdug pa 'dod pa yid du 'ong ba byas shing bsags pa'i las de zad par ma gyur pa de srid du dga' bar byed do/ / de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes nas/ las de dang rgyu 'thun par de rtag tu bde ba mchog dang ldan zhing / rtag tu nad med pa dang / gnod pa med pa dang / nor dang shin tu ldan zhing mchog tu bde ba dang / de bzhin du sde gzhan gyis 'jigs pa med pa'i bar gyi gling dag gi rgyal por 'gyur ba 'am/ rgyal tshab tu 'gyur ba mthong ngo / / de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes
- 140b
pas sum cu rtsa gsum pa'i lha rnams kyi gnas shing rta sna tshogs na gnas pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i/ shes pas brtags na/ mchod rten gyi gnas rnams su sngon yo byad sbyar ba rnams rgyal po mi rigs pa 'am/ blon po mi rigs pa 'am/ mi rigs par chags pa la brkam pa/ las la 'jigs pa med pa/ gang gis bcod par byed pa la skyes bu dam pa yid dang sems bsgoms pa/ sangs rgyas kyi yon tan mngon par dran pa 'am/ shin tu tshig snyan cing gsal bas sangs rgyas la bstod nas phyir zlog par byed dam/ 'tsho bar byed na/ de lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang shing rta sna tshogs na gnas pa'i sar skye bar 'gyur ro// der skyes nas kyang shin/ tu dge ba'i khas byed pa de/ sil snyan yan lag lnga dang ldan pas dga' bar byed/ rtse bar byed/ dga' dgur spyod par byed/ gnas par byed do// sa der las kyi 'bras bu gzhan gyis kyang skye bar 'gyur ba ni/ srog gcod pa dang / ma byin pa len pa spangs pas 'gyur te/ 'di lta ste/ khyis 'tsho ba las ri dgas thar par byed la/ bdag nyid kyang mi byed/ byed du yang mi 'jug/ gzhan gyis byas pa la rjes su yi rang bar mi byed pa dang / ji ltar ma byin par len pa mi byed de/ ma byin par len pa ji ltar spangs pa yin zhe na/ bdag nyid yul gyi bdag po 'am/ rgyal po 'am/ thon par gyur pas pa
- 141a
rol la chad pas gcod par mi byed cing / gzhan byed pa yang zlog par byed la/ chos sam khrims la 'jog par byed pa de dag ni shing rta sna tshogs su skye bar 'gyur ba'i las rnam pa gnyis pa yin no/ / tshal gyi rgya dpag tshad sum stong yod pa de na/ lha dag shing rta sna tshogs rnams kyis dga' bar byed de/ des na shing rta sna tshogs zhes bya ba'i ming du btags la/ shing rta sna tshogs der gnas pa'i lha rnams rtse bar byed do/ / shing rta dang / shing rta'i nang na gser dang dngul gyi pad+ma 'dab ma bai DUR+Ya shin tu blta na sdug pa/ dri mchog tu yid du 'thad pa'i rdzing 'byung la/ bung ba bai DUR+Ya'i mdog lta bu'i tshogs lding ba rnams kyis mdzes par byas pa yin no/ / tshal der bkra ba 'di dag 'byung bar 'gyur te/ de brjod pa pad+ma'i rdzing rnams su pad+ma bzab 'byung ba ni 'di lta ste/ pad+ma ba la pad+ma'i phyed mthon ka las byas la/ phyed bai DUR+Ya las byas pa yin te/ bkra ba gcig yin no// yang bkra ba gzhan ni phyed bai DUR+Ya las byas la/ phyed gser las byas pa yin te/ bkra ba gzhan yin no// yang bkra ba gzhan ni pad+ma 'dab ma brgya pa thams cad kyi pad+ma la/ pad+ma phyed kyi pad+ma'i 'dab ma ni gser las byas la/ gzhan ni pad+ma rA ga'i mdog lta bu yin no// yang bkra pa gzhan 'byung ba ni/ pad+ma bai Tu tshwa'i das ma dag la bung ba gser gyi mdag can tshul/ dngul gyi 'dab ma dag la zung ba badran ga'i mngog can nu'o// yang bal pa gzhan 'byung bani ba rgyana'i pad+ma'i sdong bu la ni gser gyis yo
- 141b
su dkris/ gser gyi pad+ma'i sdong bu la ni rin po ches yongs su dkris/ dngul gyi pad+ma'i sdong bu la ni spug gis yongs su dkris/ rin po che mnad kyi kha dog lta bu'i sdong bu la ni 'dzam bu chu bo'i gser/ gyis yongs su dkris so// bung ba sgra 'byin pa kha dog rnam pa sna tshogs su 'dug pa rnams kyis pad+ma'i rdzing bu de dag khebs pa yin te/ 'di lta ste/ 'dzam bu gling na me tog tsu la sa'i dog pa la bung ba rnams kyis rtag tu khebs pa ltar shing rta sna tshogs kyi yang de dang 'dra'o/ / de nas legs par byas pa'i las rnams kyis gnas sna tshogs 'byung bar 'gyur te/ 'di lta ste/ 'dzam bu gling na lag bzo mkhas pa'am/ lag bzo'i slob ma mkhas pa zhig gis rtsig ngos la bkra ba 'dab ma sna tshogs bkod pa/ tshon rtsi sna tshogs kyis bris pa ltar/ tshal gyi gnas de na yang de lta bu yin no// yang shing rta sna tshogs kyi tshal gyi bkra ba gzhan ni bya sna tshogs kyi sgo dang / rkang pa dang / mgo dang / lho dang / mig bkra ba dag 'byung ste/ 'di lta ste/ bya gang gi lho gser du 'dug pa de'i sgo dngul yin/ la/ rgyab pad+ma rA ga'i mdog dang / mig rin po che ke ke ru'i mdog/ de bzhin du gang dngul gyi lhor 'dug pa de'i sgo gser la/ mig be DUR+Ya'i mdog dang / mig gi 'bras bu pad+ma rA ga'i mdog la rgyab bkra bar 'dug ste/ rin po che sna bdun gyi mdog lta bu'i bya sna tshogs rnams kyis nye bar mdzes par byas so// 'di ni shing rta sna tshogs kyi tshal gyi bkra ba gzhan yin te/ 'di lta ste/ ri'i rtse mo 'byung
- 142a
@pa dang / 'dis ste/ mthos pa dang / be tsun dang / sdug dang / rin po ni// kerba dang / gser te/ de rnams kyi 'od kyis tshul de smras shing brgyan pa yin no// tshal de pan tshun gyi 'od zer 'khyil bas shin tu gang la lha'i 'od zer gyi mthus shin tu mdzes par byas pa yin no/ / yang tshal sna tshogs bkrab/ gzhan ni lcug ma 'phyang ba dang / shing gal ba sna tshogs dag phan tshun 'dzings par 'dug la/ kha dog gsum 'byung ba ni 'di lta ste/ bai DUR+Ya'i lcug ma la pad+ma rA ga'i mdog gis 'bras bu de 'phyang bar 'gyur zhing / an+d+ra rnyil gyi mdog lta bus lhan cig dkris pa yin/ dngul gyi lcug ma la pad+ma rA ga'i mdog gis 'od kyis lhan cig bskor ba yini/ de bzhin du spug dang / gser gyi lcug ma la gser gyi lcug mas lhan cig dkris pa yin te/ 'di lta ste/ rin po che ke ke ru'i mdog lta bu'i lcug ma la dngul gyis yongs su dkris pa yin te/ de ltar lcug ma kha dog gnyis pa 'phyang ba yongs su dkris pa yin no// lcug ma 'phyang ba kha dog gsum pa rnams la yongs su dkris pa ni 'di lta ste/ bai DUR+Ya'i lcug ma la gser dang / ke ke ru'i mdog lta bus kun nas dkris pa yin/ de bzhin du lcug ma ke ke ru'i mdog lta bu la gser dang dngul lta bus yongs su dkris pa yin/ de bzhin du dngul gyi lcug ma la pad+ma spug dang / mthon ka lta bus yongs su dkris pa yin te/ de ltar lcug ma re re la gnyis gnyis kyis kun tu dkris pa yin no//
- 142b
yang shing rta sna tshogs kyi tshal bkra ba gzhan 'byung ba ni/ gser gyi lcug ma dag las me tog bai DUR+Ya'i mdog lta bu 'byung / de bzhin du dngul gyi lcug ma dag las me tog mthon ka'i mdog lta bu 'byung // de bzhin du gser gyi lcug ma dag las me tog ke ke ru'i mdog lta bu 'byung / de bzhin du spug gi lcug ma dag las me tog bai DUR+Ya'i mdog lta bu 'byung ste/ de ltar lcug ma sna tshogs dag las me tog sna tshogs 'byung ngo / / las sna tshogs kyis skyed pa/ sems sna tshogs kyis bslang ba// rgyu sna tshogs dang 'thun pa ni yang dag par skyes pa sna tshogs dag yin te/ de ltar las rnams kyi rgyu dang / gzhi des de ltar shing rta sna tshogs kyi tshal thams cad bkra ba yin no/ / ji ltar sa bon las 'bras bu 'byung ba de bzhin du/ rgyu dang 'thun par 'bras bu 'byung ste/ gang 'dir las byed pa rnam pa gang gis ji ltar 'phangs pa dang / gang gi tshe zhing gi rnam pa ji lta bu dang / sems pa'i rnam pa ji lta bu nas/ sna tshogs su spong bar byed pa'i bar gyi las rnam pa sna tshogs byas pa'i 'bras bu ni de ltar rgya'i 'bur lta bur 'byung bar 'gyur ro/ / mtho ris sam sems can dmyal ba gang rgyu med par 'bras bu 'byung ba de med de/ gzhan gyis byas la rnam par smin pa gzhan la 'byung ba de ni gnas med do// de nas yang dge slong las kyi 'bras bu rnam par smin pa shes pa de shing rta sna tshogs kyi tshal bkra ba dang / 'jig rten bkra ba la yang rtog par byed de/ sum cu rtsa gsum pa'i shing rta sna tshogs na lha rnams las ci zhig
- 143a
byed cig gu snyam nas/ des thos pa las byung ba'i shes pas brtags na/ 'di ltar dus gang gi tshe/ mi chos dang mi ldan pa chos ma yin pa'i rjes su 'jug pa/ mar mi 'dzin pa/ par mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi rgan rabs la gus par mi byed pa/ dge ba'i bshes gnyen du mi 'dzin pa/ las dang 'bras bu la yid mi ches pa yang dag pa'i lta ba med pa/ yang dag pa'i lta ba'i sngon du 'gro ba med pa de'i tshe/ bdud sdig can dag dga' bar 'gyur la/ de'i chos dang chos kyi rjes su 'jug pa'i 'khor bzhi po de dag 'jig rten du 'byung bar 'gyur te/ 'di lta ste/ bdud kyi rigs 'jig rten skyong ba 'thab pa zhes bya ba dang / bdud kyi ris 'jig rten skyong ba g.yeng byed ces bya ba gang chos spyod pa'i sems can rnams kyi sems g.yeng bar byed pa 'am/ dam pa'i chos nyan par gnyid log par byed pa dang / gsum pa lhag par chags par rmongs pa zhes bya ba sbyin pa dag gtong ba na sbyin pa po dang / sbyin bdag rnams kyi sems chags pa skyed par byed de/ 'di ltar bdag gis gang dge sbyong dang bram ze zhing du 'gyur ba rnams la sbyin du bu dang rlung maci bza' ci go snyam du sems par byed do// bdud kyi ngos 'jig rten skyong ba gsum bdag sems ca rnams rnam par mos kyi cing / 'dzi rten tu bar byed do// 'du kyis 'jig rten myong ba ba'i pa 'du shes log pa zhes bya ba de jig tan rgyan rab tu 'byung sa
- 143b
sems rab tu mi 'byung bar 'gyur ro/ / dang po ni chags pa dang / sbyor ba dang / grong du 'jug pa dang / tshang zang nyi nong byed pa dang / bud med la lha 'dod pa dang / chang 'tshong gA khyim du 'jug pa dang / kham dang / dge 'dun 'byed pa dang / rmi lam gyi gnod pa'i sems skyed par byed do// bdud kyi ris 'jig rten skyong ba bzhi po de dag gis tshe chos dang mi ldan pa'i skye dgu 'dzam bu gling du byed pa nus pa dang ldan pa 'bru ba de'i tshe bdud sdig can dag la lha dag dam pa'i chos kyi phyogs ni 'grib bo/ / bdud kyi phyogs ni 'phel te dgyes par mdzod cig ces bsnyad do// de dag las thos nas bdud sdig can dag gi rjes su 'brang ba de dag la bdag cag gi phyogs ji ltar 'phel/ dam pa'i chos kyi phyogs ji ltar 'gribs zhes dris so// de dag gis lho 'dzam bu gling na mi chos ma yin pa dang ldan pa/ chos ma yin pa'i rjes su 'jug pa/ mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi rgan rabs kyi rjes su mi 'jug pa/ bdag cag gi 'dod chags kyi chags pas zil gyis mnan cing / dam pa'i chos mnyan pa la yang gnod pa bgyid do// de nas rab tu 'byung ba'i blos phal cher rab tu byung ba rnams dang / khyim na gnas pa sdom pa blangs shing tshangs par spyod pa rnams kyi rmi lam du yang bud med kyi gzugs su sprul nas/ rmi lam gyi gnod pa bgyid du stsal/ sbyin pa po dang / sbyin bdag rnams kyi sbyin pa gtong ba na bu dang chung ma la rag las pa'i sems kyis yi
- 144a
chags par gyur par bgyis/ yid mdza' ba dang 'khrugs par bgyis/ rab tu byung ba yang nyo tshang gi zong pa sems brtson par bgyis/ 'thab pa dang / rtsod pa dang / 'jud pa la/ dga' bar bgyis te/ de ltar bdag cag gi thabs 'di rnams kyis bdud kyi phyogs ni spo ba/ dam pa'i chos kyi phyogs ni bshig go zhes smras so// bdud sdig can gyis de thos nas lA ma yin sgra gcan dang / brtan pa dang / rab dgod dang / gzhan dag dang / klu rab 'jom la sogs pa dag la/ 'di ltar sangs rgyas kyi bstan pa ni yongs su dmas so// bdag cag gi phyogs ni 'phel te/ khyed dga' bar gyis shig ces bsgo'o/ / de ltar yang 'jig rten skyong ba de dag nyid yang sa'i 'og tu gtong bar byed do// sa'i 'og tu song nas/ rab dgod dang / thags bzangs ris la snga ma bzhin du bsnyad do/ / de thos nas lha ma yin rnams rab tu dga' ste/ klu rab 'joms la sogs pa chos dang mi ldan zhing chos kyi rjes su mi 'jug pa rnams la bsnyad do// longs spyod ldan na gnas pa'i klu de rnams kyis thos nas kyang shin tu dga' ste/ de dag mi rnams la snga ma bzhin du bgegs byed do// de dag kyang 'phags skyes po la sogs pa 'jig rten skyong ba gzhan dag las de dag thams cad snga ma bzhin du thos nas/ lha'i rgyal po brgya byin sum cu rtsa gsum pa'i lha rnams dang lhan cig shing rta sna tshogs kyi tshal du 'jug par byed do// de zhugs nas lha rnams bos te/ 'di ltar 'jig rten skyong
- 144b
pa 'di dag na re/ 'di ltar bdud kyi ris kyi lha rnams rab tu mthu dang ldan te/ lha ma yin pags pa bangs ris dang / rab dgod la sogs pa dang / klu rab 'joms la sogs pa mthu rab tu che'o zhes zer/ gyis/ de la lha khyed cag gis lha'i tshogs thams cad 'dir bsdu ba'i rigs so// 'dus nas kyang bdag cag lha'i tshogs thams cad lha ma yin dang g.yul sprad pa'i phyir/ rin po ches brgyan pa'i khang pa brtsegs pa sna tshogs su 'dong ngo / / de thos nas lha thams cad kyis de ltar 'tshal lo zhes smras nas/ rang gi gnas ga la ba der 'dong ngo // dong nas lha gzhan thams cad bsdus nas mdor bsdus te/ shing rta sna tshogs kyi tshal ga la ba der dong ngo // dong nas skyed mos tshal shing rta sna tshogs kyi gnas nyid du 'khod cing / sil snyan sgra dbyangs sna tshogs dang / glu dag len pa na shing rta sna tshogs kyis bkra ba rnams su dga' bar byed do/ / gang shing rta sna tshogs kyi tshal na rtag pa rtag pa nyid du 'khod pa'i lha de dag ni skyed mos tshal gar yang mi 'gro'o// de nas lha'i dbang po des lha de dag bsdus nas shing rta sna tshogs kyi tshal de nas dong ngo / / shing rta sna tshogs kyi tshal na gnas pa'i lha de dag kyang ji srid du 'dod pa sdug pa yid du 'ong ba byas shing bsags pa'i las zad par ma gyur pa de srid du de na dga' bar byed do/ / de zad nas lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang /
- 145a
dud 'gro rnams kyi nang du skye bar 'gyur ro// gal te mi rnams kyi nang du skyes na pas de dang rgyu 'thun par de rtag tu bde bar 'gyur zhing na chod thog ma nas 'chi ba'i bar du me tog gi 'phreng ba sdug gu thogs shing cha byad sna tshogs dang / shing rta sna tshogs la dga' ba dang / skye bo kun dga' bar 'gyur/ gal te de rab tu byung na de seng ge'i khri la 'dug nas chos dang gtam sna tshog smra ba dang / gtam sna tshogs kyis 'khor kyang kun nas shin tu dga' bar byed pa mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum/ pa'i lha rnams kyi gnas la rtog par byed de/ des bos pa las byung ba'i shes pas sum cu rtsa gsum pa'i lha rnams kyi gnas dga' ba na gnas pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa'i bsam pa dge bar 'gyur ba gang gis srog gcod pa mi byed cing ma byin par len pa yang mi byed la/ byed du ma bcug/ pha rol byed pa yang bzlog/ bdag nyid mi byed/ byed du mi 'jug/ byas na yang 'chags par byed cing / skyon du bgrang bar byed la/ sdig pa'i grogs po de yongs su spong bar byed do// de la srog gcod pa dang bral ba ni gang yin/ rnam pa ni du yod cig gu snyam nas/ 'di ni bya ne'u gzung ba tha ra par byed cing / sdom pa len
- 145b
du bcug nas bdag nyid mi byed la so sor 'chags par byed pa 'am/ khya bas bya bzung ba nor rdzas kyis brus te thar par byed la/ gzhan yang de nyid la rab tu 'jog par byed/ rab tu dga' bar byed/ rab tu spro bar byed pa dang ma byin par len pa spangs pa ji lta bu yin/ ma byin par len pa spangs pa gang zhig yin zhig gu snyam nas/ 'dir sdud pa por gyur nas grong rnams 'dzin tam/ tshong rdal lam/ grong rdal lam/ phyugs kyi lhas 'dzin pa 'am/ rgyal pos 'di ltar lug dang / ba lang dang / bong bu la sogs pa sdus shig ces bsgo ba las/ de yang sdom pa'i 'jigs pas skrag nas ma byin par len par mi byed na/ de lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang dga' ba'i tshal du skye bar 'gyur ro// las gzhan gyis kyang 'gyur te/ chos 'chad pa yang chos nyan pa po rnams dga' bar bya ba'i phyir/ tshes grangs dang / yul dang / dus dang ldan par byas la de dag kyang dga' bar byas te/ de dag yid rab tu dga' ba sems rtse gcig gis chos nyan na dam pa'i chos 'chad pa'i slob dpon de lus dang bral nas bde 'gro mtho ris kyi 'jig rten dga' ba'i tshal du skye bar 'gyur ro/ / sbyin pa thams cad kyi nang na sbyin pa'i mchog 'di yin te/ 'di lta ste/ chos kyi sbyin pa zhes bya ba'o// rgyu 'dis kyang lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang dga' ba'i tshal du skye bar 'gyur ro// der skyes nas kyang de lha'i
- 146a
bde ba phun sum tshogs pa/ dpe med pa/ brgya phrag stong du ma myong ba na/ 'di ltar gang du tshal de'i phyogs kyi cha ni 'di yin te/ dpag tshad sum stong yod la/ rin po sna bdun gyi shing ljon pa rnams kyis nye bar mdzes par byas pa yin te/ der lha rnams rtag tu dga' bar byed cing / gzhan gar yang mi 'gro ste/ de bas na lhan cig skyes pa'i yon tan gyis de dga' ba'i tshal zhes bya'o/ / de na shing ljon pa thams cad 'dod pa dag gang lha rnams kyi yid kyis yang dag par sems par byed pa de dag nyid lha de rnams kyi shing ljon pa las 'thon par 'gyur te/ 'di ltar lha rnams kyi yid la bdag khyim zhig 'dod do snyam na/ de nas de ltar lha des yid la byas ma thag tu shing ljon pa de yal ga de'i rtse mo la 'byung bar 'gyur te/ shing ljon pa de'i khang bzangs rin po che sna bdun dang ldan zhing nye bar mdzes par byas pa/ ka ba stong yod pa'i khang bzangs mthong bar 'gyur ro// khang pa de'i ka ba so sor phyogs phyogs bai DUR+Ya las byas shing / la la gser las byas/ la la dngul las byas/ la la shel las byas/ la la ke ka ru las byas/ la la spug las byas pa yin no// de nas khyim gyi mchog de shing ljon pa'i rtse mo de la yod pa mthong nas/ de 'di snyam du sems te/ dang ni bdag lam 'jam zhing mtho dman du gyur pa nas khyim 'dir 'jug par bya'o snyam bsams ma thag nyid shing ljon pa de nyid la lam mthong ste/ der 'jug par byed do// de ltar lam de nyid nas zhug
- 146b
pa dang / de 'di snyam du sems te/ da ni bdag gi khyim 'dir khyim gyi nang du pad+ma'i rdzing zhig yod na rung ngo snyam mo// de sems bskyed ma thag nyid du pad+ma'i rdzing rin po che sna bdun las byas pa/ bya dang pa dang / ka ran da ba dang / ngur pa sna tshogs kyis nye bar mdzes par byas pa 'byung ngo // de nas yang lha de 'di snyam du sems te/ bdag gi sil snyan dang glu dbyangs yan lag lnga dang ldan pa 'byung bar gyur cig snyam mo/ / de sems bskyed ma thag nyid du gang rlung dad 'jam pa rab tu ldang bar 'gyur te/ rnam pa ji srid du phan tshun reg pa na/ sgra 'byung ba'i rnam pa de sil snyan yan lag lnga dang ldan pa 'byung ngo // lha de 'di snyam sems te/ shing ljon pa'i nang gi khang par da ni bza' ba dang btung ba chu bo ltar 'bab par gyur cig snyam mo// de sems bskyed ma thag nyid du shing ljon pa'i yal ga de dag rdol nas bza' ba chu bo snyed dang / btung ba chu bo snyed kha dog dang / ro dang / reg pa phun sum tshogs pa 'byung ngo // de 'di snyam du sems te/ da ni bdag bdud rtsi bza' bar bya'o snyam mo// de sems bskyed ma thag nyid du bdud rtsi lha'i ro dang / dri dang / mdog phun sum tshogs pa 'byung ste/ de de la za bar byed do// de des shin tu tshim pa dang / de nas yang lha mo de rnams dang lhan cig rtse bar byed/ yongs su spyod par byed de/ de ltar dga' ba'i tshal du lha dag shing gi drung du song ste/ bde ba nye bar spyod par byed do// de gal te yang shing ljon pa'i mchog de las 'bab par byed de/ de sa'i steng du song nas sa de la 'chags par
- 147a
byed do/ / de 'chags pa na bai tsuR+Ya'i sdong bu dang ldan pa'i pad+ma gser gyi 'dab ma mtho ris su 'os pa/ 'jam zhing 'phar ba kun nas mchog tu nyams dga' zhing shin tu dri zhim bdag 'byung bar 'gyur te/ de dag la rkang pas 'gro zhing lha de 'chag par byed la/ lha'i sil snyan yan lag lnga dang ldan pa'i dbyangs len pa na/ de ltar lha de rkang pas 'chag pa'i bde ba nye bar myong ngo // de nas bar rtog pa 'bum snyed du ma dag 'grub cing bde ba myong ste dbang po lnga rnams kyi yul lnga rnams la myong bar byed do/ / dbang po kun rang gi yul gyi tshim pa med par 'gyur te/ 'di lta ste/ mig gis gzugs gang mthong ba de dag zlos pa med par mthong la/ gang mthong ba de dag sna tshogs pa nyams dga' ba mig tu 'os pa yin no// mig dang bas 'dod pa sdug pa yid du 'ong ba 'dzin cing mthong ste/ de ltar mig gzugs rnams kyis tshim par byed do// gang rna bar mnyan pa yang nyams dga' ba/ gzhan dang mi 'dra ba yin te/ rna ba yang sgra rnams kyis tshim par byed do// de ltar snas kyang dri snom par byed de/ de gang snom pa de dag kyang 'dod pa sdug pa yid du 'ong ba rnams la snom ste/ sna yang dri rnams kyis tshim par byed do// de ltar lces kyang ro rnams myang bar byed de/ gang myang bar bya ba de dag kyang shin tu 'dod pa dag la myang bar byed cing / yid du 'ong ba dag la myang bar byed do// de ltar lus kyis kyang reg bya la reg par byed de/ gang reg par bya ba de dag kyang 'dod pa
- 147b
sdug pa yid du 'ong ba dag myong bar byed do/ / de ltar yid kyis gang bsams par bya ba de yang 'dod pa sdug pa yid du 'ong ba dag la sems par byed de/ de ltar sred pa'i tshogs drug la lus rnam par chags pa dag tshal de na dgod par byed/ dga' bar byed/ dga' dgur spyod par byed/ rtse bar byed kyang 'dod pa rnams kyis tshim pa med do// de yul 'og ma dgon pa lta bu la dbang po mthon por byung ba'i rnam par rtog pa rlung lta bus spyod pa'i dge ba med pa shin tu byung ba'i mes nyidan gcig bzhini sreg kyang / de sred pa'i 'dod pa rnams kyis tshim pa skyed par mi byed do// de ltar de dag dga' ba'i tshal na rtse zhing yul du ma la dga' ba myong ba kun tu rtsa ste/ dga' ba myong ba na lha ma yin las rnam par rgyal ba/ lha'i rgyal po brgya byin yang snga ma bzhin du ri brtsegs pa sna tshogs ga la ba der 'gro bar byed do/ / der song nas kyang lha rnams la bos te/ lha dag dga' ba'i tshal du dga' ba gyis shig/ lha'i 'dod pa'i yon tan lnga 'byor cing ldan par gyur pa rnams kyis rtses shig/ 'di ltar bdag ni bdud kyi sde thags bzangs ris la sogs pa las rnam par rgyal te/ bdag dga' ba'i tshal du 'gro yis/ de ltar lha thams cad lha mo'i tshogs dang / bdag cag rnams kyi dbyar zla ba bzhir gnas pa'i skyed mos tshal du dga' spyod bya ba ga la ba der dong la lha'i 'dod pa'i yon tan lnga rnams kyis nges par dga' bar bya'o zhes bsgo'o/ / de nas lha'i rgyal po brgya
- 148a
byin gyis sum cu rtsa gsum pa rnams la bsgo nas/ shin tu dga' ba chen po dang yang dag par ldan pa glang po ches spangs kyi bu bos te/ 'di ltar glang po che'i mchog chos shig/ nga skyed mos tshal du dga' spyod bya ba'i phyir dga' ba'i tshal na skyed mos tshal gyi dga' spyod ga la ba der 'gro ste/ lha dang lha mo'i tshogs dang bcas pas yongs su bskor la dga' ba'i tshal ga la ba der 'dong gis/ khyod kyis ji ltar sngon yang yongs su sprul pa byas pa de de ltar khyod kyi rgyab tu bzhon pa dang / mgo la bzhon pa dang / so la bzhon pa dang / rtsib logs la bzhon pa dang / gdeg pa dang / tshal dang / mtsho dang / ri dang / ri rtse dang / tshal dang / nye ba'i tshal dag sprul pa gyis shig ces bsgo'o// de nas brgya byin gyi tshig zos nas/ glang po che'i mchog sa srungs kyi bu bdag nyid chen por sprul te/ lus chen por byas so// de mgo brgyar sprul te/ mgo re re la so bcu bcu'o// so re re la pad+ma'i rdzing bcu bcu'o// pad+ma'i rdzing bu re re la pad+ma stong stong ngo / / pad+ma stong stong la rin po che sde bdun gyi 'dab ma yod do// 'dab ma stong stong la rin po che sna bdun gyi bung ba yod cing / 'dab ma stong stong la lha rnams 'khor kyang lha mo'i tshogs dang phan tshun nyam nga ba med do/ / de dag glang po che mchog gi mgo la zhon pa lha'i 'dod pa'i yon tan lnga 'byor cing ldan par gyur pa rnams dga' ba'i tshal ga la ba der nam mkha' las 'dong ngo // glang po che'i
- 148b
mchog gi rtsi ba logs na yang tshal gnyis sprul te/ tshal rab tu dga' ba zhes bya ba dang / tshal gnyis pa 'dod bde zhes bya'o// tshal gnyis po de na shing ljon pa dang / 'bab chu dang / lteng ka phun sum tshogs pa dang / rin po che sna bdun gyi shing ljon pa phun sum tshogs pa dang / dpag bsam gyi shing ljon pa phun sum tshogs pa yod do// tshal de na gnas pa'i lha rnams dga' zhing dga' dgur spyod la/ lha'i 'dod pa'i yon tan lnga rnams kyis dga' ba na/ lha dang lha mo'i tshogs kyis gang ba/ glang po che'i rgyal po sa srungs kyi bu ri rab gnyis pa lta bu dga' ba'i tshal ga la ba der 'gro bar byed/ do// glang po che mchog gi rgyab tu yang grong khyer mnyam zhing 'jam pa'i ngos zhes bya ba blta na sdug pa gnyis pa lta bu sprul te/ srang dang / bzhi mdo dang / sum mdo dang / nye ba'i tshal dang / shing ljon pa dang / rin po che sna bdun las byas pa'i khang pa rnams kyis nye bar mdzes par byas so// de'i dbus su khang pa sprul te/ rin po che sna bdun las byas pa'i ka ba brgya yod pa'i ka ba rnams kyis nye bar mdzes par byas so/ / de'i dbus su mtsho 'byung ste/ der lha'i rgyal po lha mo'i tshogs rnams dang lhan cig rtse bar byed cing / sal snyan yan lag lnga dang ldan pas lha'i rgyal po brgya byin dga' bar byed la/ dga' dgur spyod bzhin du dga' ba'i tshal ga la ba der 'gro bar byed do// de 'gro ba na yang 'gyur ba med de/ ji ltar ri rab la gnas pa 'gyur bar mi mngon pa de ltar glang po'i
- 149a
mchog 'gro yang mi mngon no/ / de nas yang glang po che'i rna ba la pad+ma'i rdzing gnyis sprul te/ rgyar dpag tshad bcu gcig go/ gnyis pa yang dpag tshad bcu yod do// gcig ni zab pa zhes bya'o// gnyis pa ni dang ba zhes bya ste/ chu yon tan yan lag brgyad dang ldan pas shing tu gang ba yin no// de na ut+pa la bai DUR+Ya'i 'dab ma dang / rin po che'i sdong bu dag skye la kha cig pad+ma rA ga'i mdog lta bu la bung bas nye bar mdzes par byas shing me tog rgyas la lha'i dri phun sum tshogs pa yin te/ ut+pa la de dag gi nang gi ze ba'i stan la/ lha dang lha mo gang dag lhan cig 'khod de dga' bar byed la/ lha kha cig ni chus rtse zhing pad+mas rtse bar byed kyang / lha rnams kyis ci glang po che'i mchog 'di 'gro 'am mi rig go// glang po che mchog gi lag pa'i steng du rdzing ring po sprul te/ srid du dpag tshad lnga yod pa/ khang bzangs yang thog can yongs su bskor la/ lha'i shing ljon pa dang ldan pa/ me tog sna tshogs kyis khebs pa/ me tog man+da ra bas khebs pa/ bung bsgra di ri ri 'byin pa dang ldan pa/ lha'i tsan dan gor shi sha'i 'dab mas nye bar mdzes par byas pa/ gser gyi shing ljon pa dang me tog rnam pa sna tshogs gzhan rnams kyis shin tu khebs pa yin te/ me tog de rnams kyi nang na 'khod pa'i lha mo me tog gi ze ba'i steng na 'dug pa dag rol mo byed cing / de dag glu dbyangs len la/ lha'i rgyal po de la yang tshig dge ba rnams kyis stong par byed de/ de ltar
- 149b
glang po che mchog gi lag pa'i steng du yang rdzing ring po sprul to/ / de nas yang glang po che'i rgyal po sna'i thor tol rdzing chen po rgyar dpag tshad tsam yod pa sprul te/ 'dab ma rgya che ba bum phrag du ma dri shin tu zhim pa yin la/ gang lha'i dri de dpag tshad bcur ldang ngo // pad+ma chen po 'dab mas nye bar mdzes par byas pa'i 'dab ma re re la/ lha dang lha mo'i tshogs rnams nye bar glu dbyangs len cing rtse bar byed/ dga' dgur spyod par byed kyang / lha rnams rtse zhing yongs su spyod pa phan tshun mi mthong la/ de bzhin gnod pa dang bral ba yin no// de ltar yang sna'i thor to la gnas pa sum cu rtsa gsum pa'i lha de rnams dga' ba'i tshal ga la ba der 'dong bar byed de/ de ltar ri rab kyi steng du 'gro yang / glang po che'i mchog 'gyur bar lha rnams kyis mi rig go// de nas yang glang po che'i mchog gi sna la ri chen po 'byung khung gis brgyan pa zhes bya ba sprul te/ ri de nyid la 'byung khung sna tshogs kyis brgyan cing / lha'i shing ljon pas nye bar mdzes par byas pa/ 'bab chu dang steng ka dang / nye ba'i tshal dang / mtsho dang / pad+ma'i rdzing gis brgyan par lha gzhan dag kyang rtse bar byed/ dga' bar byed/ dgod par byed de/ glang po che'i mchog me tog gis bkra ba de'i mgo la yang ri sprul to/ / de nas yang glang po che'i mchog gi so thor to zla ba tshes pa lta bu la nye ba'i tshal dag sprul te/ me tog dang mchos sa gzhi rtag tu par thang lta bur bkra bar byas shing 'dab mas kyang
- 150a
nye bar mdzes par byas/ bung ba lang long 'khrigs pa dang / khu byug gi sgra di ri ri 'byin pa dang / snum la rgyu ba'i rin po che sna bdun gyi rma bya dang / shang shang te'u shin tu yid du 'ong ba du ma dang / gzhan yang lha'i bla rnams kyis so la sprul pa nye bar mdzes par byas so// glang po mchog lus chen por gyur pas dga' ba'i tshal ga la ba der 'gro bar byed de/ lha'i tshogs kyis yongs su bskor cing ngal ba med la stobs dang ldan pa 'gros mdzes pas rab tu 'gro'o// de nas yang glang po che'i mchog de'i sna gnyis kyi nang nas sna chu'i rgyun 'dzag ste/ 'di lta ste/ 'dzam bu'i gling na mtsho gang+ga dang / ya mu na'i chu 'bab pa shin tu dang zhing rnyog pa med la bsil ba rab tu 'bab pa bzhin no// de bzhin du cung zad dper bya na ji ltar mi'i gnas gzhi dag na sman dang / rtswa dang / nags khrod dang / nas dang / gro tsha bas gdungs shing bskams pa rnams de nas yang sos par bya ba'i phyir 'bru dang lo ma rnams kyi lteng na chu 'bab pa mngon pa de ltar glang po che'i rgyal po de'i rab tu dbye ba'ang rtag tu de lta bu yin no/ / gal te chu 'bab pa de rlung gis nam mkha' la 'thor bar byed cing / rlung gis rgyang ring du skams par byed pa de'i zil pa 'di yin te/ mi'i gnas gsum na snang ngo // de nas yang glang po che'i rgyal po'i mchog de'i sna sgra 'bud pas 'byung ba de ni nam mkha'i dbus na lha rgyu ba rnams kyi nang du 'bab pa/ 'od dkar por rgya ba
- 150b
mngon pa 'di yin te/ gang mu stegs pa gzhan dag na re/ 'di ltar 'di ni dbang po'i lam mo zhes brjod do// yang gzhan dag na re/ 'di ltar 'di ni glang po che sa srungs kyi bu'i lam yin no zhes brjod kyang de ltar chu dkar po'i ngo bo nyid de mi shes so/ / // dam pa'i chos dran pa nye bar gzhag pa bam po so gsum pa// de dag rlung gis gtor ba dang // 'phral la 'bab cing / de nyid ri dgas skom pa lta bur mthong la/ ngo bo gzhan du 'gyur te/ ngo bo dag ni mi gsal ba'i ngo bor snang ngo // de nas yang glang po che'i rgyal po mchog de'i spyi bo la ri yin pa gang yin pa de'i spyi bo thams cad la rgyal mtshan gyi mchog bai DUR+Ya'i gdub kor dang / gser gyi gdugs sprul te/ ji ltar nyi ma gnyis pa lta bur de de ltar rnam par mdzes so// glang po che'i mchog de'i steng na ba dan yang sprul te/ ring khyad dpag tshad tsam mo// ba dan de kun nas 'od dkar po 'byung ste/ gang mthong nas lha ma yin rgya mtshon gnas pa rnams phan tshun du 'di ltar 'di ni lha rnams 'ong ba yin te/ lha'i rgyal po brgya byin gyi ba dan rgyal byed ces bya ba snang ngo zhes zer ro// de nas glang po'i rgyal po'i mchog de dga' ba'i tshal ga la ba der 'gro bar byed de/ tshal de rgyang ring po nyid nas mthong nas lha rnams la smras pa/ khyed cag thams cad du nyams dga' ba chen po de nyid la ltos/ tshal chen po kun nas mthong na dga' ba gang
- 151a
du lha 'di dag lha ma yin las rgyal ba thob pa/ sum cu rtsa gsum pa'i lha rnams dang lhan cig tu zla ba bzhir dga' bar gyis shig/ de nas lha de dag gis tshig de thos nas lha de dag gis smras pa/ ji ltar bdag cag la brgya byin gyis bka' stsal pa de ltar bdag cag rnams kyis bsgrub par bgyi'o// de skad smras nas brgya byin gyi glang po ches srungs kyi bu dga' ba'i tshal du nye bar phyin no/ / de nas gang lha gzhan gyi dga' ba'i tshal de na rtsed mo byed pa de dag dga' bar byed cing / yongs su spyod par byed la lha'i 'dod pa'i yon tan lnga 'byor cing ldan par gyur pa de dag thams cad rgyal mtshan gyi mchog dang / glang po che'i rgyal pos srungs kyi bu nye bar mthong nas/ dga' ba'i tshal gyi ri la rtse zhing gnas pa'i lha rnams yid rab tu dga' zhing / lha'i rgyal po brgya byin ga la ba der dong ste phyin nas/ lha'i rgyal po la mgor thal mo sbyar te mchod nas/ brgya byin gyi mdun du sil snyan dang / sgra dbyangs dang / rol mo sna tshogs kyi dga' ba dang / brgya byin gyi mdun na bro gar dag byed bzhin du dga' ba'i tshal chen po gal ba der 'dong bar byed do// lha'i dbang po brgya byin yang glang po che sa srungs kyi bu las babs nas/ lha'i tshogs dang lhan cig tu dga' ba'i tshal ga la ba der 'jug go/ / steng du zhon pa'i lha kun dang / de bzhin du mgo la zhon pa dang / de bzhin du so la zhon pa dang / de bzhin du rtsib logs la zhon pa de dag
- 151b
thams cad glang po ches srungs kyi bu las babs nas/ dga' ba'i tshal ga la ba der rtse ba dang / dga' ba dang / bde bar gnas par bya ba'i phyir dong ngo // de nas gang dga' ba'i tshal chen po na snga na 'khod pa'i lha de dag dang / gang brgya byin dang lhan cig lha ma yin gyi g.yul las rnam par rgyal ba thob pa de dag thams cad 'dod pa'i yon tan lnga 'byor cing ldan par gyur pa rnams dbyar zla ba bzhir bde ba dpe med pa de rjes su myong ngo / / lha'i rgyal po brgya byin yang lha dang lha mo'i tshogs kyis yongs su bskor/ de dag kyang lha dang lha mo'i tshogs kyis yongs su bskor nas dga' bar byed/ dga' dgur spyod par byed do// bde ba dpe med pa de rjes su myong ba na skabs der ji srid du las byas shing bsags pa de zad par ma gyur pa de srid du de na dga' bar byed do// las dang tshe zad pa'i lha gang yin pa de dag phyis lha'i 'jig rten dga' ba'i tshal de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ / gal te mi rnams dang skal ba mnyam par mi'i nang du skyes na/ las de dang rgyu 'thun par rtag tu bde bar 'gyur zhing / sgyu rtsal gyi blo dri ma med pa dang gzugs mchog tu mdzes pa dang / skye bo thams cad kyi yid shin tu 'thad pa dang / tshal dang / 'bab chu dang / ri dang / lteng ka dang / nye ba'i tshal yod pa dga' ba rnams kyi nang du skye bar
- 152a
'gyur la/ der yang skye bo mang po dga' ba dang / dbang che ba dang / shin tu 'byor pa dang / bde bar 'gyur ba mthong ngo // de nas yang dge slong las kyi 'bras bu rnam par smin pa shes pa de/ glang po che'i rgyal po sa srungs kyi bu'i las dang / 'bras bu rnam par smin pa la rtog par byed de/ 'di ltar de las kyi rnam pa gang gis rdzu 'phrul che ba dang / 'bru che bar gyur nas/ lha chen po lha ma yin gyi g.yul las rnam par rgyal ba thob cing / las gang dang rnam pa ji lta bu zhig gis dud 'gror skyes snyam nas/ des thos pa las byung ba'i shes pas brtags na/ 'di ltar 'di ni sngon sems can che lo bdun khri thub pa na/ bram ze chen po reg byed dang / rig byed kyi yan lag dang / sngon byung ba dang / sngon gyi rabs shes pa zhig byung ste/ des sbyin pa byin/ bsod nams byas/ dman pa dang / mgon med pa long ba dang / sdug bsngal ba rnams la rtag res 'khor yang byas/ sems shin tu dge zhing / 'jig rten kun la phan par byed pa yin no/ / de'i tshe rgyal po legs mthong zhes bya ba de'i dga' spyod chen po shin tu nyams dga' ba ji ltar lha rnams dang / ji ltar de bzhin gshegs pa'i lta bu byed de/ glang po che brgyad khri bzhi stong gser gyi dra bas g.yogs shing / dril bu g.yer ka'i dra ba brtags pa/ kun nas gser gyi dra bas brgyan pa dang / rta brgyad khri bzhi stong kun nas gser gyi dril bu g.yer kha'i sgra
- 152b
'byung bas brgyan pa dang / de bzhin du bud med brgyad khri bzhi stong gis yongs su bskor cing rjes su 'brang ba dang / de bzhin du sil snyan brgyad khri bzhi stong dag gis yongs su bskor te/ nye ba'i tshal gyi 'phreng ba zhes bya ba gzhal med khang ga la ba der dong bar byed do/ / rgyal po legs mthong gi mchog tu bde ba shin tu rgya che ba'i 'byor pa de dag la bram ze de kun nas mngon par brtags nas/ bram ze'i 'byor pa shin tu phun sum tshogs pas kyang rgyal po de'i dga' spyod byed pa ga la ba der song ngo // bram ze de'i ming ni skye bo kun snyoms zhes bya'o// de nas bram ze skye bo kun snyoms rgyal po de dang / de'i 'byor pa dang ldan pa dang / rgyal po de'i rtag tu bzhon pa glang po che sprin brtsegs zhes bya ba yod de/ de'i lus de kun nas dril bu g.yer ka'i dra bas brgyan pa/ mu tig gi 'phreng ba rnams brtags pa/ kun nas bzo mkhas pas brgyan byas pa/ rnam pa sna tshogs kyis nye bar mdzes par byas pa/ sil snyan gyi sgra rnam pa sna tshogs nye bar 'byin pa na/ skyed mos tshal du 'gro ba'i glang po che shin tu rgya che ba/ mchog tu blta na sdug pa rab tu bde ba mthong ba dang / bram ze skye bo kun snyoms de kye e ma glang po che 'di ni mchog tu bde ba dang ldan pa yin te/ lha de bzhin du bdag kyang da ni lha'i rgyal po brgya byin gyi rtag tu bzhon po'i glang po che'i rgyal por gyur cig snyam du sems skyes so/ / de sbyin pa de'i mthu dang / de'i las kyi mthus/ lus dang bral nas brda
- 153a
'gro mtho ris kyi 'jig rten sum cu rtsa gsum pa'i lha'i ris su lha'i rgyal po brgya byin gyi rtag tu bzhon pa glang po che'i rgyal por skyes so/ / de nas de'i tshe dge slong des 'di ltar tshigs su bcad de smras pa/ las 'di ri mo mkhan lta bu// gang dang gang du 'dri byed pa// sems kyi dbang phyug chen po yis// de dang der ni 'di 'dri byed// yongs su 'gyur ba'i bye brag gis// gang dang gang du sbyor byed pa// khams gsum 'khor bar rgyu ba rnams// de dang der ni sems kyis gtong // lus can rnams kyi las kun ni// sems la rag las 'jug par 'gyur// de ltar rtag tu sems dul ba// 'chi med gnas su 'khrid par 'gyur// bsnyen par dka' zhing yang ba dang // gang yang rung bar ltung ba yi// sems ni dul na legs pa yin// sems dul bde ba thob par 'gyur/ / gang gis rtag tu sems dul ba// de yis rtag tu nyes pa bcom// nyes pa bcom pa'i brtag po la// sdug bsngal nyid kyis gnod mi 'gyur// gang zhig/ 'dir ni sdug bsngal zhing // gang zhig gzhan du sdug bsngal ba// de dag thams cad mi bzad pa'i// sems 'di yang zhing g.yongs pa yis// lha dang lha min sha za klu// lto 'phye srin por bcas pa yi/ / gtso bo mchog gcig sems yin te// de ni srid gsum rgyal po bzhin// sems ni lha yi yul rnams dang // sems ni mi yul rnams su khrid// sems ni ngan 'gro
- 153b
rnams su khrid/ / sems kyis skye dgu 'khyam par byed// phan pa med pa'i yul rnams kyis// 'khrul cing nyams par gyur pa'i sems// sred pa yis ni bdas pa na// sdug bsngal mtha' med pa la gnas/ / spyod pa cig la rtag tu sbas// bsnyen par dka' la stobs po che// nyams par byed la mi mngon pa// de ni mi brtan myur du 'gro// de 'dra'i sems ni gang yin pa// mkhas pa rnams ni 'dul bar byed// de dag bdud kyis bcings las 'das// pha rol bde ba 'byung ba 'thob// rnam rtog mi zad g.yon can te// de ni gting dpag dka' zhing g.yo// de lta bu la rten pa'i sems// dmyal ba'i g.yang sar nye bar ltung // nyes pa de dag las 'grol zhing // dbang po don gyi dbang mi 'gro// sdig pa'i chos kyis ma gos pa// 'chi med gnas su 'khrid par 'gyur/ / sems ni rgyu dang rkyen las skyes// de ni rnal 'byor mchog la 'jug/ myur du gyur pa'i dbang gis su// de bzhin de ni shin tu 'jug/ de ltar las ni byed pa yis/ / 'bras bu de ni sna tshogs 'byung // gcig tu phra mo gcig spyad pa// skad cig gnyis par mi 'dug ste// de yi lus dang 'gro ba ni// 'jig rten mtha' ni gang du khrid// lam ni gang nas 'gro 'gyur ba// thams cad du ni shes par dka'// gang du lus ni 'gro ba dang // 'dug pa dang ni las byed pa// de yi las ni mthong 'gyur na// rnal 'byor de
- 154a
ni mi mthong ngo / / de ni gdul bar dka' ba ste// de yi lus kyang mi rig go/ sems can kun gyi rtogs mi bzad// yang bar spyod la mig kyang med// sdig sdig mi byed pa mthong / / de ni sgyu ma lta bu yin// de yi rtog pa mi rig cing // 'gro ba med pa mi mthong ngo // tshe rabs dag ni brgya snyed du// skye bo thams cad khrid byed pa// 'di ni mtshon gyis mi chod cing / / me yis sreg par mi byed do// skye bo mig med thams cad ni// gcod par byed cing sreg par byed// las kyi thag pa dam po yis// skye bo bcing ba sdug bsngal che/ / tshe rabs dag ni stong snyed du// khrid par byed kyang mi mthong ngo // skad cig tu ni dge byed cing // skad cig tu ni mi dge byed// dge dang mi dge byed pa yi// sems dul ba ni bde bar 'gyur/ / sgo drug nas ni byung ba yis// yul rnams la ni rab tu brkam// 'jig rten mthar ni sems khrid pa// nyon mongs pa yang mi rig go/ de ltar dge slong des legs par byas pa chen po de chung ngur bsgyur ba mthong nas/ yid la legs par byas pa shes bya ba'i las kyi phal lam lha gzhan du 'gyur ba zhig na/ 'di ltar de sems gtso bo'i dbang dang / sems yongs su 'gyur ba'i dbang gis dud 'gror grub pa lta zhes brjod do// de nas yang dge slong las kyi 'bras bu rnam par smin pa shes pa de sum cu rtsa gsum
- 154b
pa'i lha rnams kyi gnas la rtog par byed de/ des thos pa las byung ba'i shes pas sa nam mdzes na gnas pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang bdag nyid tshul khrims bsrungs shing / gzhan yang bsrung du bcug/ bdag nyid sdig pa mi byed cing / gzhan yang zlog par byed/ skyon du bgrang bar byed la/ tshul khrims la'ang rab tu bkod/ de dag nyid kyang tshul khrims dri ma med pa brtan pa dang / nyer bsdogs yongs su dag pa srung bar byed pa dang / srog gcod pa dang / ma byin par len pa spangs pa yin te/ srog gcod pa rnam pa du spangs she na/ 'dir sdom pas bsdams pas sems can mang po dang / grog sbur mang po dang / sdig pa mang po dang / sbal pa mang po dang / srog chags gnag pa mang po dang / ne'u le mang po gnas pa'i sa brkos pa gang gis sems can la gnod par 'gyur ba rko bar mi byed la/ gzhan sdom pa blangs pa'am/ sdom pa ma blangs pa yang phyir zlog par byed/ skyon du bgrang bar byed/ 'gog par byed/ 'chags su 'jug par byed pa'o// ma byin par len pa spangs pa'i tshul khrims ji ltar 'dzin ce na/ 'di la rdza mkhan nam/ gzhan gyis yongs su bzung ba la rku sems kyis cung zad tsam yang mi len la/ gzhan len na'ang phyir zlog par byed cing / tshul khrims la
- 155a
rab tu 'jog par byed la/ rjes su yi rang bar mi byed pa yin te/ de ltar srog gcod pa dang / ma byin par len pa rnam par spangs pa'i skyes bu dam pa tshul khrims pa spyod pa de/ lus dang bral nas bde 'gro mtho ris kyi 'jig rten rnam par mdzes na gnas pa'i gnas su skye bar 'gyur ro// rtag tu dga' zhing glu dbyangs dang / bgad pa dang / rtses pa dang // rab tu rtses pa dang / dga' dgur spyod pa skye bo rang gi 'od dang ldan pas rtag tu gang ba'i tshal dang / nye ba'i tshal dang / skyed mos tshal gyi gnas rnams su skye bar 'gyur te/ tshul khrims bzang po bsrung ba mtho ris kyi gnas su skye bar 'gyur ro/ / las bya ba legs par byas pa de'i yul shin tu nyams dga' zhing longs spyod dang ldan pa'i 'byor pa 'di yin te/ 'di lta ste/ tshal de kun nas gser gyi dra ba'i skud pas nye bar sbrel cing dril bu g.yer ka'i sgra si li li 'byung ngo / / de la dril bu g.yer kha'i rnam pa ni 'di dag yin te/ 'di lta ste/ gang las kyis byas pa'i bai DUR+Ya dril bu g.yer kha rgyang ring po nyid nas mthong nas/ 'di ltar las bya ba legs par byas pa zhi ba khyod byon pa lta zhes smra zhing / 'di ltar tshigs su bcad de smras pa/ yid ni shin tu dang ba yis// tshul khrims dag ni gang bsrungs pa// de ni tshul khrims bsrung ba yis// bde ba 'dir ni nye bar gnas// tshul khrims legs par bsrungs pa dang // goms pa du ma byas pa yis//
- 155b
yongs su 'gyur ba bde ba dang // mya ngan 'das pa'ang rtogs par 'gyur// tshul khrims ngan 'gro rnams las skyob// tshul khrims bzang 'gror khrid par byed// de ltar tshul khrims rtag tu/ srungs// yongs su 'gyur ba'i bsil ba yin// 'chi dus yang dag byung ba'i tshe// tshul ldan ga las 'jigs pa med// ngan 'gro las skyob bdag las med// tshul khrims skyob pa'i mchog yin no/ / de ni khyod de tshul chen gyis// thams cad du ni bsrungs pa yin// lha yi gnas su 'ongs pa dag/ shin tu bag med ma byed cig/ de ltar lha de legs par byas pa'i las kyis dril bu ga yer ka'i sgra de bag med pa'i nyes pa rnams khong du chud par byed do/ / de nas gang lha yul ring bar tshul khrims bsrungs pa de legs par khong du chud nas/ skad cig tsam du'ang shin tu bag med par mi byed do/ / gang gis tshe rabs mang po shin tu goms pa med pa de ni de'i tshe sgra rnam par 'byin pa ye khong du mi chud par 'gyur la/ de ltar de phyir zhing shin tu bag med bar 'gyur ba zhig na/ de ltar de yang dag pa khong du chud nas// de nas yang gzhan du 'gro bar byed de/ tshal dang / nye ba'i tshal rin po che sna bdun gyis nye bar mdzes par byas pa'i gnas rnams ga la ba der 'gro bar byed do/ / rnam mdzes kyi tshal de'ang kun nas dpag tshad sum stong yod pa/ sa bzhi po 'di dag ste/ tshal chen po'i sa gzhi dang / grong khyer chen po blta na sdug pa zhes bya
- 156a
ba thams cad che ba yin la/ sa lhag ma gzhan dag ni chung ba yin no// tshal de'ang kun nas gru bzhi po yin te/ tshal de'i ngos bzhi la bai DUR+Ya shin tu dri ma med pa'i dpag bsam gyi shing chen po bzhi yod de/ shing de dag gis 'od rgyar kun nas dpag tshad tsam la/ ring du dpag tshad lnga stong du 'byung ste/ shing de dag gi 'od nyi ma bzhin du snang ngo // shing de dag gi yal ga dang lo ma rnams la lha dang lha mo'i tshogs dang lhan cig rtse bar byed cing / yid la gang dang gang 'dod pa de/ de dag las 'thob bo// shing de dag gi dbus na/ rnam mdzes kyi tshal de kun nas gser dang / dngul dang / bai DUR+Ya'i pad+ma'i rdzing rnams kyis nye bar mdzes par byas/ gser btso ma dri ma med pa'i shing ljon pa rnams kyis nye bar mdzes par byas/ kun nas zhing ma rmos pa chen po shin tu dri ma med cing shin tu gtsang ba dang / shin tu ro zhim pa dang / brtson 'grus chen pos nye bar mdzes par byas/ bya dkar po dri ma med pa lta bu mthong na yid du 'thad pa/ thos na nyams dga' ba/ sgra 'byin pa rnams kyis nye bar mdzes par byas so// tshal den gang bya dngul gyi sgo yod pa de dag gi mgo gser la/ lto ba bai DUR+Ya/ mchu ke ke ru/ mig pad+ma rA ga'i mdog lta bu yin te/ de ltar bya thams cad kyi kha dog rnam par dbye'o// gang shing rnams kyi kha dog dngul lta bu de dag gi steng na gser gyi bya rnams gnas/ gang gser gyi shing ljon pa de dag la dngul gyi bya rnams
- 156b
gnas/ gang bai DUR+Ya'i shing ljon pa de dag gi yal ga'i gsab gseb na bya pad+ma rA ga'i mdog lta bu gnas/ gang shing ljon pa pad+ma rA ga'i mdog lta bu de dag la bya mthon ka'i kha dog lta bu rgyu ste/ 'bras bu thams cad la za zhing sbrang rtsi dag la'ang 'thung ngo // gang kun nas rin po che sna bdun gyi shing ljon pa rnams la rin po sna bdun gyi sgro bkra ba'i bya de dag kyang rtse bar byed/ skad 'byin par byed do/ / de ltar bung ba'i tshogs kyang pad+ma mang po rnams kyi nang na/ las sna tshogs byas pa/ lus bkra ba/ dus kyi bsam pa sna tshogs yod pa/ pad+ma'i gseb tu zhugs shing bre ba'i gsab gseb na gnas pa rnams dga' bar byed/ phan tshun rtse bar byed/ yongs su spyod par byed do// de ltar shing ljon pa'i rnam pa de lta bu'i grib ma yon tan kun 'byor pa'i steng na/ lha rnams lha mo'i tshogs dang lhan cig tu dga' bar byed/ yongs su smod par byed do// tshal de'ang lha thams cad kyi yon tan kun shin tu phun sum tshogs pa yin/ gang gi tshe lha rnams lha ma yin rnams dang g.yul 'gyed par 'gyur ba de'i tshe lha'i rgyal po brgya byi ni lha rnams la 'di ltar/ lha rnams sta gon gyis shig/ ri bo zla ba la gnas pa'i lha ma yin 'di dag lha rnams la mngon par gnod par byed kyis chos shig ces bsgo'o/ / de thos nas sum cu rtsa gsum pa'i lha rnams rnam mdzes kyi tshal ga la ba der dong ste phyin nas/ lha mo'i tshogs thams cad dang / brgya byin gyi mdun du 'gro ba dag
- 157a
rnam mdzes kyi tshal du 'jug go/ / de rnams zhugs nas kyang phyogs bzhi dag gi phyogs ga la ba de rnams ni/ lha'i bai rgyuna'i shing ljon pa chen po shin tu dri ma med pa bzhi yod pa/ de dag gi sdong po gang yin pa de dag la me long bzhin du lha rnams kyi lus mngon no// de dag rnam par rgyal ba'i mtshan ma mthong ba dang yang lha gang dag lha dang lha ma yin gyi g.yul 'gyed pa na yan lag dang bral ba 'am/ chad par 'gyur ba rang gi spyod pa gzugs brnyan gang 'byung ba shing de rnams kyi nang na snang ste/ gang lha'i yan lag chad par 'gyur ba de dag de nyid du'ang phyir skye bar 'gyur la/ gang de'i mgo gcod pa 'am/ rked pa gcod pa ni ma gtogs te/ de ltar lha de dag phyir skye bar mi 'gyur ro// ji ltar lha mgo gcod pa 'am/ rked pa gcod par 'gyur ba de de bzhin bdag nyid kyis mthong bar 'gyur te/ de lha bdag nyid de mthong nas lha de dag la bsnyad do// lha de rnams de 'chi ba'i dus yongs su spang ba'i don du brgya byin la 'di ltar lha 'di dag ni lha ma yin nams dang g.yul 'gyed pa'i tshe 'gum par 'gyur ro zhes bsnyad do/ / de thos nas brgya byin gyis grogs po khyod g.yul 'gyed bar ma 'gro zhig/ khyod kyi tshe'i bar chad du ma gyur cig ces zlog par byed do// 'bras bu de gang gi yin zhig gu snyam du dge slong de sems par byed de/ des thos pa las byung ba'i shes
- 157b
pas brtags na/ sems dang yid snying rje dang ldan par gyur pa gang gis shen pas bsad par bshams pa las/ thar par byas pa'i las kyi rnam par smin pa des rnam mdzes su shing ljon pa'i rnam pa de lta bu skye ste/ me long lta bu'i gyur pa de la gzugs brnyan snang ngo // de nas yang lha rnams rnam mdzes kyi tshal ga la ba der 'dong ngo // dong nas kyang rnam mdzes kyi tshal de'i dbus na tshal yod de/ de'ang 'dod pa thams cad kyi shing ljon pa rnams kyis nye bar mdzes par byas pa yin la/ der zhugs nas kyang lha rnams gros byed do// 'di ltar lha dang lha ma yin rnams kyi dpung che chung la sems par byed de/ lha ma yin rnams dpung gang dang ldan zhig/ lha rnams dpung gang dang ldan zhig ces lha de rnams phan tshun spyod par byed do// de nas lha'i rgyal po brgya byin gyis/ lha rnams la smras pa/ chos la rten pa de dag ni chos kyis lha rnams kyis lha rnams kyi nang du skye bar 'gyur te/ gang gi tshe 'dzam bu'i gling na gnas pa'i mi rnams rtsod pa'i dus su dge ba bcu'i las kyi lam gtso bor 'dzin cing / dge ba bcu'i las kyi lam yang dag par blangs te spyod pa dang / pha rol yang spyod du 'jug pa dang / lus dang ngag gi tshul khrims rnam pa bdun yang ma ral pa dang / ma zhig pa dang / ma nyams pa dang / brtan zhing tshul 'chos pa med par bsrungs pa de'i tshe/ 'dzam bu glang gi me rnams 'chi ba'i dus byas nas lha rnams kyi nang du skye bar 'gyur te/ ji ltar spro ba
- 158a
bye mas bkang ba kha thur du bstan pa'i bye ma'i shugs 'bab pa bzhin du de ltar mi dag lha rnams kyi nang du skye bar 'gyur ro/ / de ltar lha'i dpung mngon par 'phel la/ lham yin gyi dpung yongs su 'grib ste/ lha ma yin gyi brtson 'grus zhan par 'gyur ba de'i tshe/ ri bo zla ba la gnas pa'i lha ma yin gyi dpung lha rnams kyis zlog pa nyid du byed do// de nas dus gzhan du las kyi lam dri ma can spyod pa'i mi rnams dge ba'i las kyi lam ral ba dang / zhig pa dang / nyams pa dang / brtan por mi spyod pa de'i tshe/ 'dzam bu'i gling gi mi rnams 'chi ba'i dus byas nas lha rnams kyi nang du skye bor 'gyur te/ 'di lta ste/ shing ljon pa arma rab tu smin pa dag la skyes bu stobs dang ldan pas shin tu skul bar byed do// de shin tu sprul ba na ji ltar arma ltung ba de ltar mi dag lha rnams kyi nang du skye bar 'gyur ro/ / de nas yang dus dmas pa na/ dge ba shin tu dri ma can spyod pa'i mi 'byung ba rnams lus dang ngag gi tshul khrims mi bsrung zhing shin tu brtan por mi spyod shin tu dkar ba ma yin/ / rtag par ma yin pa de dag 'chi ba'i dus byas nas/ lha shin tu dman pa rnams kyi nang du skye bar 'gyur te/ 'di lta ste/ shing ljon pa bil sbom po brgyan pa 'bras bu ma smin par gyur pa la mi stobs chung ngu'i 'dom gyis 'khyud nas shin tu skul bar byed pa de tshigs chen po shin tu sprul bar byed do/ / gang skul bar byed pa de dag kyang shin tu zhan pa yin te/
- 158b
de sprul ba na ba'i 'bras bu gang zhig 'bab pa na smin pa nyung zar cig 'bab par 'gyur ba de bzhin du/ da ltar gyi mi tshul khrims dri ma can de lta rnams kyi nang du skye bar 'gyur ro// lha khyed cag cang bal ba shing bag med la gnas la/ shin tu bag med pa la gnas pa de ni bag med pas chog ste/ lha ma yin gyi dpung ni 'phel la/ lha'i dpung ni 'grib bo// de ltar chos ma yin pa spyod pa'i mi rnams chos ma yin pa'i tshul dang / lus dang ngag gi tshul khrims rnam pa bdun mi spyod cing / ma rungs pa/ pha rol gdung bar byed pa/ mar mi 'dzin pa/ phar mi 'dzin pa/ chos ma yin pa dang ldan pa/ chos ma yin pa'i rjes su 'jug pa de dag 'chi ba'i dus byas nas sems can dmyal ba dang / yi dgas dang / lha ma yin rnams kyi nang du skye bar 'gyur te/ 'di lta ste/ spro ba bye mas bkang ba'i kha thur du bstan nas/ skyes bu stobs dang ldan pas ji ltar kha nas blugs te gtong ba de bzhin du/ da ltar gyi mi rnams sems can dmyal ba dang / dud 'gro dang / lha ma yin rnams kyi nang du skye bar 'gyur ro/ / gal te dge ba dang mi dge ba spyod pa'i mi 'byung ba dag de ltar tshul khrims phyogs gcig pa cung zad dang / lus kyi cung zad/ ngag gi cung zad bsrung ba de'i tshe/ 'chi ba'i dus byas nas/ kha cig ni sems can dmyal ba dang / yi dgas dang / lha ma yin rnams kyi nang du skye la/ kha cig ni lha rnams kyi nang du skye ste/ 'di lta ste/ shing ljon
- 159a
pa a mra smin pa dag la/ skyes bu stobs dang ldan pa'i 'dom gyis 'khyud pa dag gang a mra rab tu smin pa'i 'bras bu de dang de dag ltung bar 'gyur la/ gang ma smin pa de dag ni ltung bar mi 'gyur ro/ / de bzhin du dge ba 'dres par spyod pa'i mi rnams kha cig ni lha rnams kyi nang du skye la/ kha cig ni sems can dmyal ba dang / yi dgas dang / lha ma yin rnams kyi nang du skye bar 'gyur ro/ / gang gi tshe thams cad du chos ma yin pa'i skye dgu phal cher 'byung ba/ mar mi 'dzin/ phar mi 'dzin/ dge sbyong du mi 'dzin/ bram zer mi 'dzin/ rigs kyi rgan rabs kyi rjes su mi 'jug pa/ lus dang ngag gi tshul khrims cung zad kyang mi bsrung ba de'i tshe/ 'dzam bu'i gling gi mi de rnams 'chi ba'i dus byas nas sems can dmyal ba dang / yi dgas dang / rnam yin rnams kyi nang du skye bar 'gyur te/ de'i tshe lha ma yin gyi stobs ni 'phel lo// lha'i stobs ni yongs su 'grib bo// de la nga'ang lha dang lha ma yin gyi g.yul 'gyed par 'gro ste/ de nyid kyis rgyal bar nus kyi/ lha gzhan dag gis ni ma yin no// de ltar 'di yid la byos la/ lha rnams chos la 'bad par gyis shig/ chos la yang dag par dga' bas ni 'jig rten 'di dang pha rol kun tu bsrungs par 'gyur ro/ / mthu rnams kyi nang na ni chos mthu che ste/ gzhan mthur mi snang ngo // de ltar yid la bya ba 'di yid la byos te/ lha ma yin pham par bya ba la rab tu 'bod cig/
- 159b
de skad bsgo ba dang / brgya byin la 'di skad smras so// ji ltar khyod kyis bka' stsal pa de bzhin du sgrub cing mchis te/ ji ltar brgya byin gyis bdag cag la bka' stsal pa de bzhin no zhes smras nas/ go cha'i tshal ga la ba der go cha bgo ba'i don du 'dong bar byed do// de nas shing de dag las lha rnams kyi go cha mi phyed pa dag rab tu 'byung ste/ gang gon nas lus mi phyed pa rnams de ltar thams cad rnam par spong ngo / / ji ltar ri bo'i rtse la gnas pa'i nyi ma 'od dmar po 'char ba de ltar brjid pa na/ ri bo zla ba zhes bya ba ga la ba der g.yul 'gyed pa'i don du 'dong bar byed de/ de nas yang lha dang lha ma yin g.yul 'gyed pa snga ma bzhin du de rnams g.yul 'gyed do/ / de nas gang lha de rnams rnam mdzes su so sor gnas te/ 'dod pa'i yon tan lnga 'byor cing ldan par gyur pa rnams kyi de dag phan tshun grogs su gyur pa/ yid 'dod chags kyis rab tu myos pa kun 'di lta ste/ bai DUR+Ya'i tshal dang / gser gyi shing ljon pa'i tshal dang / rin po che ke ke ru'i tshal dang / lha'i me tog dang 'bras bu 'byor pa dang / bya sgra sna tshogs 'byin pa dga' ba rnams kyi nang na dga' bar byed pa mthong ngo // de nas yang dge bo las kyi 'bras bu rnam par smin pa shes pa de sum cu rtsa gsum pa'i lha'i bya rnams kyi las kyi rnam par smin pa rjes su sems par byed de/ bya 'di dag las gang gis kha dog dang cha byad sna chags su 'dug pa dang / sgra sna tshogs 'byin pa dang /
- 160a
rin po che'i shing ljon pa sna tshogs kyi nang na bde bar 'khod cing tshal dang nye ba'i tshal rnams kyi nang na dga' bar byed/ rtse bar byed/ yongs su spyod par byed snyam mo// las kyi de kho na zhib mor shes pa de las kyi 'bras bu la rtogs par byed de/ des thos pa las byung ba'i shes pas brtags na/ ri mo mkhan gla za ba sems la g.yo med pa gang gis gzugs sam/ kun dga'i ra ba 'am/ skyed mos tshal tshon rtsi kha dog bzang po sna tshogs kyis rnam par 'dri ba 'di lta ste/ kha dog sngon po dang / ser po dang / dmar po dang / 'dres pa rnams kyis rtsig ngos sam/ gtsug lag khang dam/ mchod rten gyi khang pa'i nang du sangs rgyas kyi byin gyi rlabs kyi gla za bas shing ljon pa dang / bya dang / mi dang / stag dang / rta dang / grong khyer dang / tshal dang / nye ba'i tshal dang / lteng ka dang / skyed mos tshal dang / pad+ma'i tshal dang / mtsho dang / dge sbyong dang / bram ze dang / grong dang / tshong rdal dang / gzhal med khang la sogs pa bris pa dang / sangs rgyas dang / chos kyi byin gyi rlabs kyis yon bdag rnams kyi lung bzhin du bzo bo gla pa las byed pa rnams kyis gzhi bsnyams pa dang / byugs pa dang / gser dang / dngul las byas pa 'am/ zangs las byas pa 'am/ de dag la sogs pa gzugs gzhan dag tshon rtsi bzang po dag gis sna tshogs su bris na/ de dag lus dang bral nas bde
- 160b
'gro lha rnams kyi nang du 'dri ba de bzhin du byar skye'o/ / tshul khrims spangs pa/ las sna tshogs byas pa des/ ri dgas dang bung bar gyur nas/ dga' bar byed do// de ltar lha rnams kyi las dang 'bras bu 'thun par 'gyur te/ ji ltar blun po de rnams kyi las de dag sems pa bzhini byas pa de bzhin du/ de dag blun por gyur nas lha rnams kyi tshal dang / nye ba'i tshal bde ba dang / shing ljon pa dang / ri'i rtse mo rnams su bde ba de dag myong bar 'gyur ro// gang gis ji ltar gzhi sbyangs pa dang / byugs pa dang / bal glang gi so 'am/ dngul lam/ gser la sogs pa la gzugs ji lta ba bzhin byas pa ni/ las rnam pa sna tshogs pa du ma'i gzugs rgya'i 'bur lta bur skye bar 'gyur ro// lha de dag kyang rnam mdzes kyi tshal de na ji srid du 'dod pa sdug pa/ yid du 'ong ba byas shing bsags pa so sor yang dag par myong bar 'gyur ba'i las zad par ma gyur pa de srid du lha dang lha mo'i tshogs yongs su bskor ba/ dga' bar byed/ dga' dgur spyod par byed/ rtse bar byed de/ lha'i bde ba sna tshogs myong bar 'gyur ro// de zad nas/ de nas yang 'chi bar 'gyur te/ shi nas kyang las nye bar 'gro ba ji lta ba bzhin sems can dmyal bo dang / yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba legs par byas pa'i las mi dang so so yang dag par myong bar 'gyur
- 161a
bas mi rnams kyi nang du skyes na/ legs par byas pa'i las de dang rgyu 'thun par de rtag tu so so yang dag par myong bar 'gyur ba/ bde bar gnas pa'i bde bas rgyal po 'am/ rgyal tshab tu yang dag par 'grub la/ skye bo du mas mchod par 'gyur ba dang / rtag tu skyed mos tshal la dga' ba dang / rtag tu dga' ston la dga' ba dang / rtag tu yid rab tu dga' zhing / gzugs dang / rgyan dang / cha byad bzang ba dang / rtag tu bza' ba dang / btung ba dang / kha zas gzhan bca' ba bde ba dang yang dag par ldan pa dang / rtag tu mal cha dang/ skyed mos tshal du gnas pa/ bde ba dang ldan pa dang / bran po dang / bran mo dang / las byed pa dang / zho shas 'tsho ba dang / 'khor ba dag dang ldan par 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyis yongs 'du na gnas pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa shes rab dang ldan par gyur pa/ gang gis pha la gos dang / zas dang / mal cha dang / na ba'i gsos sman gyi rkyen gyi yo byad yongs su byin la/ gzhan dag kyang dge ba'i las de nyid la 'jog par byed
- 161b
cing / yang dag par 'jog par byed la/ so sor 'jog par byed de/ rnam pa de lta bu'i sbyin pa sbyin par byed pa dang / srog gcod phra mo'ang bslang ba yin te/ 'bras bu smin pa rul bar gyur pa'i nang na srin bu yod par bag tsha nas za bar mi byed la/ gzhan dag za na'ang zlog par byed cing smod par byed la/ de bdag nyid kyang tshul khrims bsrung / gzhan dag kyang tshul khrims la rab tu 'jog par byed do/ / ji ltar na ma byin par len pa spangs she na/ 'di la ma byin par len pa 'di lta ste/ mtshams su byas par bya ba dang / 'bras bu gsar pa shugs kyis khyer te bor ba 'am/ kun dga' ra bar ltung ste bor ba'ang spong bar byed la/ gzhan yang zlog cing len pa la smod par byed/ dge ba'i lam la rab tu 'jog par byed pa/ bdag dang gzhan la phan par zhugs pa'i skyes bu dam pa de lus dang bral nas/ shi ba'i 'og tu sum cu rtsa gsum pa'i lha rnams kyi sar skye bar 'gyur te/ yongs 'dun gnas pa'i lha rnams kyi nang du skye bar 'gyur ro// shing ljon pa gcig pu de lhag par mdzes pa yin te/ gang gi tshe chos dang ldan zhing chos kyi rjes su 'jug pa'i mi 'byung ba na/ 'di ltar yang lha'i rgyal po lha thams cad kyi bya ba legs par byas pa dang / zhes par byas pa dang / 'dzam bu'i gling gi mi rnams kyi spyad pa legs par byas pa dang / nyes par byas pa'i nang na de dri dang / mdog dang / me tog dang / lo ma dang / 'bras bu phun sum tshogs
- 162a
pa yin no zhes de rjod par byed do/ / gang gi tshe 'dzam bu'i gling du chos dang ldan zhing chos kyi rjes su 'jug pa'i mi 'byung ba de'i tshe/ shing yongs 'dus brtol me tog rgyas pa na/ 'byung zhing dpag tshad brgyar dri 'byung la/ 'od kyis rnam par mdzes te/ gzi brjid kyis kyang 'bar ba de'i tshe/ sum cu rtsa gsum pa'i lha rnams yid dga' nas/ shing yongs 'dus brtol yongs su bskor te 'khod la/ e ma 'di ltar yongs 'dus brtol rnam pa thams cad du me tog rgyas pa 'di gor ma chag par 'dzam bu'i glang gi mi rnams dge sbyong du 'dzin/ bram zer 'dzin/ rigs kyi rgan rabs la mchod pa byed/ rigs kyi rgan rabs kyi rjes su zhugs pa lta zhig ste/ 'di ltar bdag cag gi shing ljon pa 'di rnam pa thams cad du me tog rab tu rgyas so snyam sems so// lU de dag de dang nye bar dbyar zla ba bzhir lha'i 'dod pa'i yon tan lnga 'byor cing ldan par gyur pa rnams kyis gnas par byed do/ / gang gi tshe shing yongs 'dus brtol gyi me tog gi rnam pa phyed rgyas pa de'i sum cu rtsa gsum pa'i lha rnams shin tu dga' bar 'gyur te/ e ma 'dzam bu'i gling gi mi rnams gor ma chag par tshul khrims 'dres par spyod pa la zhugs pa de'i tshe shing yongs 'dus brtol gyi me tog gi rnam pa 'dres par byung bar 'gyur ro/ / gang gi tshe thams cad du chos ma yin pa'i skye dgu phal cher 'byung ba de'i tshe/ shing yongs 'dus brtol thams cad du lo ma dang 'ad
- 162b
ma rnyis par 'gyur zhing / de bzhin du mdog kyang mi sdug/ de bzhin du dri'ang mi zhim/ de bzhin du 'od kyang mi gsal te/ dper na dgun khug rna dang sprin gyis 'khrigs na/ nyi ma'i 'od rab tu dro ba dang ldan pa med la/ 'od kyi mthu nyams pa sems can rnams kyis mthong bar 'gyur ba de bzhin du/ shing yongs 'dus brtol gyi 'od chung la/ dri'i rnam pa de lta bu dang ldan par mi 'gyur zhing 'od kyis gnas par mi 'gyur ba de'i tshe/ shing yongs 'dus brtol na gnas pa'i lha rnams brgya byin la lha kye ma shing yongs 'du sa brtol 'od chung zhing dri mi bda' la/ ji ltar sngon mdzes pa dang ldan pa de ltar mdzes pa ma lags te/ gor ma bkum par 'dzam bu gling na skye dgu chos ma lags par bgyid pa/ dge sbyong du mi 'dzin pa/ bram zer mi 'dzin pa/ rigs kyi rgan rabs kyi rjes su mi 'jug pa dag mchis so zhes bsnyad do/ / lha'i rgyal po brgya byin gyis de thos nas/ sangs rgyas kyi sku gzugs blangs te/ shing yongs 'dus brtol ga la ba der lha'i tshogs dang lhan cig yongs su bskor nas 'dod bar byed de/ sangs rgyas la shin tu gus pa skyes shing / sangs rgyas kyi yon tan mngon par dran pa na/ lha rnams la 'di ltar shing yongs 'du sa brtol 'di thams cad du lo ma rnyis par gyur pa'i shing yongs 'dus brtol ga la ba der kho bo 'gro yis/ lha gzhan de dag chos shig/ 'di ltar bdag ni shin tu gsal bar gnas pa'i mchod rten
- 163a
khyer/ bcom ldan 'das kyi sku gzugs thogs te/ shing gi rgyal po deg la ba der song la/ shing de'i drung du bdag bcom ldan 'das la lha'i dri dang / 'phreng ba dang / byug pas mchod pa bya'o zhes de skad smras so// de nas brgya byin gyi tshig lha rnams kyis thos nas/ lha brgya phrag stong du ma dag lha'i rgyal po brgya byin ga la ba der dong ngo // brgya byin yang sangs rgyas kyi sku gzugs spyi bo la khyer nas/ shing yongs 'du sa brtol ga la ba der dong ba dang / shing yongs 'du sa brtol gyi drung na gnas pa'i lha gzhan dag gis rgyang ring po nyid nas mthong ste/ shing / yongs 'dus po rtol gyi lo ma rnyis par gyur cing 'od mi gsal la/ dpal dang ldan pa med nas/ yid shin tu lhag par mi dga' 'o// de nas brgya byin gyis bcom ldan 'das de shing gi drung du gser bcom lta bu'i sa gzhi la/ bai DUR+Ya'i gdan gyi steng du bzhag nas/ lha'i tshogs dang bcas pa dad pa skyes pa dang bcas pa'i rim gro thams cad kyis/ bcom ldan 'das la dridang tshal gyi me tog ma li ka dang / man+da ra ba dang / pad+ma dag ste/ rnam pa de lta bu'i spos dang me tog rnams kyis bkrus shing mchod pa byas nas/ brgya byin gyis lha rnams la/ ji ltar lha dag dad pa yang dag par skyes pa ni ser sna dang bral zhing bag med pa dang bral ba la gnas par dga' ba yin te/ de ltar sangs rgyas dang / chos dang / 'phags pa'i tshogs ni khams
- 163b
gsum pa'i bla ma yin la/ bdag cag gi bla ma'ang yin no zhes smras so// de nas lha dad pa skyes pa thams cad sangs rgyas la phyag 'tshal bar byed do// de nas de'i tshe brgya byin gyis 'ad ltar/ tshigs su bcad de smras pa/ sems can kun gyi gnyen gcig pa// sred pa'i dug las rnam grol zhing // srid pa'i pha rol yang dag rgal// thams cad mkhyen la phyag 'tshal lo// de nas brgya byin thal mo sbyar nas/ bcom ldan 'das ga la ba der song ste phyin nas/ lha'i tshogs dang lhan cig yongs su bskor cing pus mo btsugs nas/ 'di ltar tshigs su bcad de smras pa/ sems can kun gyi gtso gcig pa// 'dod chags zhe sdang gti mug bcom// rims nad med cing mtshungs med pa// thams cad mkhyen la phyag 'tshal lo// de nas lha'i tshogs de dag thams cad kyang shing gi rgyal po de yongs su bskor nas 'khod de/ thams cad dad pa yang dag par skyes pa thams cad dbang po gzhol ba'i lha kun ji lta ji ltar sems dang yid dge zhing / sangs rgyas dang chos pa phal cher mchod pa byed pa de lta de ltar shing 'dab ma bye nas kha 'bye bar 'gyur ro/ / de nas de mthong nas/ de ltar phyir zhing shing yongs 'dus brtol rim gyis sngon bzhin du me tog rnam pa thams cad du rgyas par 'gyur la/ shing yongs 'dus brtol gyi 'od kyis dpag tshad brgya dag tu mdzes te dris ni khyab/ 'dab ma ni sprin gyi mdog ltar dkar/ bung bas ni
- 164a
/ nye bar mdzes par byas/ grib ma ni bde/ kun nas lha'i tshogs kun ni gang / nyi ma gnyis ba ltar ni mdzes te/ de'i sngon gyi dpal de dag mthong nas lha rnams dga' bar 'aH ro/ / dpag tshad brgya dag tu dri 'byung ba ldang la/ rlung yang dpag tshad brgya dag tu rab tu ldang ste/ dri yid du 'ong bar 'gyur zhing shing gi rgyal po 'od kyis mdzes pa yin no// dper na ri bo stong phrag drug cu thams cad kyi nang na ri'i rgyal po ri rab mdzes pa de bzhin du/ shing ljon pa rnam pa sna tshogs kyi nang na/ shing yongs 'dus brtol de bzhin du rnam par mdzes shing kun tu snang la lhan ne/ ba yin no// de nas dpal rdzogs shing dpal shin tu rgyus la/ dpal 'bar te/ kun nas kyang dpal 'bar ba na/ sum cu rtsa gsum pa'i lha rnams yid rab tu dga' bar 'gyur te/ phan tshun du 'di ltar lha rnams sangs rgyas kyi spyan mtshungs pa med pa'i mthu la ltos/ gang du sangs rgyas kyi mthus shing yongs 'dus brtol 'di sngon gyi mdog dang / dri dang / 'phreng ba dang lo ma dang / 'od rnams yod de/ ji ltar 'di 'phel ba de ltar sum cu rtsa gsum pa'i lha rnams kyang gor ma chag par stobs dang / mthu dang / rdzu 'phrul byas pa'ang che bar 'gyur/ 'dzam bu'i gling gi chos kyi rjes su 'jug pa rnams kyang chos la blo gros 'jug ste/ chos dang ldan pa'i bsam pa de dag da ltar nye bar 'jug pa ni/ bdud kyi sgrub pa'i stobs rab tu med par 'gyur zhing
- 164b
bdud kyi ris kyi lha ma yin dang / klu 'jig rten skyong ba chos ma yin pa dang ldan pa dang chos la bgegs byed par mi 'gyur/ chos la smod par byed par mi 'gyur la/ lha mo rnams kyi nang du lta bdag cag zil gyis gnon par mi 'gyur te/ shing gi rgyal po 'di mthong bas/ bdud kyi stobs ni nyams shing / lha'i stobs ni rab tu 'phel bar khyed cag gis shes par gyis shig ces smras so/ / de nas brgya byin gyi nang du sngon du 'gro ba'i lha rnams de ltar phan tshun gtam yang dag par brjod pa na/ de nas yang chos dang ldan zhing chos kyi rjes su 'jug pa'i 'jig rten skyong ba bzhi/ ngadag 'dzam bu gling nas sum cu rtsa gsum pa'i lha rnams kyi 'dun sa ga la ba der 'dong bar byed do// de nas shing yongs 'dus brtol gyi drung na lha'i gtso bo brgya byin la sogs pa sangs rgyas bcom ldan 'das la sems rab tu dang ba dang / yid rab tu dang ba dang / rang gi 'od zer 'bar ba gsal bas mchod pa byed na/ 'jig rten skyong ba bzhi dag gis rgyang ring po nyid nas mthong ngo / / de nas de dag gi drung du phyin nas 'jig rten skyong ba bzhi dag gis/ lha'i rgyal po brgya byin la spyi bos phyag 'tshal te smras pa/ 'di ltar lha'i gtso bo brgya byin la sogs pa dgyes par mdzod cig/ da ltar chos dang ldan zhing chos kyi rjes su 'jug pa'i mi rnams chos ni spong/ chos ma yin pa ni mi spod de/ mar 'dzin pa dang / par 'dzin pas/ dge slong nga 'dzin pa/
- 165a
bram zer 'dzin pa/ rigs kyi rgan rabs kyi rjes su 'jug pa rnams chos spyod kyis dgyes par mdzod cig/ de nas de dag las thos nas lha'i gtso bo brgya byin la sogs pa yid dga' ba mchog tu dga' ste/ de nas yang 'jig rten skyong ba dag la mchod nas 'di ltar mi'i 'jig rten na mi chos dang ldan pa rnams 'jig rten skyong ba dag gi kun dga' ba'i skab par gyur cig/ de nas lha de dag thams cad kun dga' ba skyes par rig nas shing yongs 'dus brtol gyi drung du sangs rgyas bcom ldan 'das blangs pa de nas yang mchod nas/ lha'i 'dun sa chos bzang ga la bder sangs rgyas bcom ldan 'das khyer ro/ / lha gzhan lhag ma gang yin pa de dag ni shing yongs 'dus brtol ga la ba der dong ste phyin/ brgya byin gyi mdun du 'gro ba yid rab tu dga' ba rnams shing yongs 'du sa brtol ga la ba der dong ste phyin nas/ shing gi rgyal po de'i drung du dbyar zla ba bzhi'i bar du lha'i 'dod pa'i yon tan lnga 'byor cing ldan par gyur pa rnams kyis dga' bar byed/ yongs su spyod par byed de/ lha yid rab tu dga' ba lha mo'i tshogs rnams kyis yongs su bskor ba dag dga' bar byed/ yongs su spyod par byed cing / bde ba dpe med pa nye bar myong bar byed do// de ltar de 'di na gnas pa dbyar zla ba bzhir 'das pa dang / de dag gi nang nas las dang tshe zad pa'i lha gang yin pa de dag lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba
- 165b
bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba'i las mi dang so so yang dag par myong bar 'gyur bas mi dag dang skal ba mnyam par mi rnams kyi nang du skyes na/ las de dang rgyu 'thun par de rtag tu gzugs bzang zhing shin tu blta na sdug pa dang / yid rab tu dga' bar 'gyur/ rtag tu bde zhing byang bzhin kun gyis blta bar mngon par dga' ba dang / rtse ba la dga' bar 'gyur/ rtag tu dgod pa dang / dga' ba dang / rtse ba la dga' zhing bud med thams cad kyis blta bar mngon par dga' ba dang // shin tu bde ba dang ldan te/ rgyal po dang / rgyal tshab tu 'gyur ba mthong ngo // de nas yang dge slong las kyi 'bras bu rnam par smin pa shes pa des sum cu rtsa gsum pa'i lha rnams kyi sa la rtog par byed de/ des thos pa las byung ba'i shes pas sum cu rtsa gsum pa'i lha 'dres pa'i 'gram na gnas pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / sems can gzhan la phan par 'dod pa'i sems yongs su bsgoms pa'i snying dang ldan pa gang gis yon tan mchog dang ldan pa 'am/ tshul khrims dang ldan pa 'am/ shes rab dang ldan pa 'am/ nad pa la zan cig tsam byin pa dang / bdag nyid kyang srog gcod par mi byed la
- 166a
shing ljon pa'i gseb na grog sbyar ram/ srog chags ma ko ta ka 'am/ sems can gyi rnam pa de lta bu gzhan dag la/ ba lang ji 'am/ phyugs rdzi 'am/ rnga mo rdzi'am/ glang po che'i rdzi 'am/ de bzhin du gzhan bong bu'i rdzi 'am/ rta rdzi dgun gyi dus sam/ dgun smad kyi dus su grang bas nyen te/ 'brog dgon pa dag tu phyin nas me bus na/ skyes bu dam pa sems can la phan par zhugs pa des/ me de chu'am thal bas zhi bar byas nas/ srin bu de dag thar par byed pa dang / gzhan srog gcod par byed pa yang phyir zlog par byed/ bdag nyid kyang mi byed la/ gal te byas pa zhig yod na'ang de smod par byed/ so sor 'chags par byed/ gzhan la'ang rjes su yi rang bar mi byed/ skyon du bgrang bar byed/ 'jog par mi byed/ lam bde/ ba la rab tu 'jog par byed de/ de ltar rnam pa de dag dang / tshul de dag gis srog gcod pa spangs pa yin no// ma byin par len pa spangs pa ji lta bu yin snyam na/ 'di la ma byin par len pa mi len pa yin no/ / ma byin par len pa mi len pa'i rnam pa du yod snyam na/ 'di lta ste/ dgun dang / dgun sprad grang ba'i dus su shing skam po med pa/ shing ljon pa med pa'i dgon par lam du zhugs pa de na/ ba lang rdzi 'am/ glang po che'i rdzi 'am/ rnga mo'i rdzi gang bas nyen pa dag gis me bud pa'i phyir ram/ mtshan mo bsro bar bya ba'i phyir ba ling gi lci ba 'am/ glang po che'i lci ba
- 166b
'am/ lo ma 'am/ 'dab ma 'am/ shing bur dag spungs te bzhag pa de dag la lam du zhugs pa de grang bas shin tu nyen par gyur kyang / pha rol gyi yin no snyam du bsams nas/ rku ba'i sems kyis len par mi byed/ pha rol len pa'ang zlog par byed/ gal te bdag gis blangs na/ de 'chags par byed la phyir zhing mi byed/ gzhan dag kyang lam dge ba la rab tu 'jog par byed/ gzhan gyis blangs pa la'ang rjes su yi rang bar mi byed do/ las kyi nyer bsdogs dang / las kyi mjug ma byin par len pa las byung ba zlog par byed cing / bdag nyid kyang mi byed pa yin te/ sdig pa'i las rdul phran tsam gyis kyang 'jig par lta ba'i skyes bu dge ba de lus dang bral nas bde 'gro mtho ris kyi 'jig rten sum cu rtsa gsum gyi lha 'dres pa'i 'gram na gnas pa'i lha rnams kyi nang du skye bar 'gyur ro/ / 'dres pa'i 'gram na gnas pa'i sa de'ang 'di lta ste/ dngul gyi sa gzhi la gser rnams kyis bkra bar brgyan/ gser rnams kyis 'gram de'ang bkra bar brgyan// dngul gyis bkra bar brgyan pa'ang de bzhin bkra bar brgyan/ de bzhin du ke ke rus bkra bar brgyan pa dang / de bzhin du rdo rje mang pos bkra bar brgyan pa yin te/ de ltar sa de las kyi 'bras bu dang 'thun par rnam par mdzes pa/ rin po che sna tshogs kyis spras pa/ shing ljon pa'i rgyan rnam pa sna tshogs kyis brgyan pa rnams kyis nye bar mdzes par byas shing / sdug par byas pa/
- 167a
kun nas ri dgas dang bya sdug pa rnam pa sna tshogs kyis brgyan pa/ ri dgas dang bya'i kha dog sna tshogs kyis 'gram khebs pa/ tshal dang nye ba'i tshal yang rin po che bdun/ rnam pa du ma dag gis nye bar mdzes par byas pa yin no// de nas tshal de na 'dres pa'i 'gram na gnas pa lha shing gseb na 'khod pa rnams lus kun gser btsems brgyan cing / lha mo brgya phrag gis yongs su bskor ba/ lha'i 'dod pa'i yon tan lnga 'byor cing ldan par gyur pa rnams kyis dga' bar byed de/ de dag rnam pa ji srid du 'gram gang dang gang du gnas shing / rin po cheg 'od gang gis brgyan pa'i rnam pa de srid du lus thams cad kyi kha dog tu 'gyur te/ rin po che'i shing ljon pa de rnams kyi 'od kyis lus thams cad brgyan pa nyid yin no// shing ljon pa de dag gi drung du song nas bde ba sna tshogs dang ldan pa rnams dga' bar byed/ yongs su spod par byed do// de ltar de dag gis dga' bar byas nas/ lha mo de rnams dang lhan cig tu 'bab chu'i tshal ga la ba der 'dong bar byed do/ / 'bab chu'i tshal de'ang kun nas gser gyi shing ljon pa 'gram na skyes pa rnams kyis khebs pa yin te/ shing ljon pa de rnams kyis lo ma ser pos khebs pa'i 'od kyis 'bab chu kun nas ser por 'gyur te/ de dag drag tu 'bab kyang de dkar po nyid du mi mngon no// shing ljon pa rnams kyi gsab gseb na lha gang dag lha mo dang lhan cig/
- 167b
dga' bar byed/ yongs su spyod par byed pa de dag 'di snyam du sems te/ 'di ltar shing ljon pa rnams kyi yal ga dag rdol nas/ bdag cag rnams kyi chang zhim po 'byung bar gyur cig snyan mo/ / de nas sems bskyed ma thag tu shing ljon pa de dag rdol nas/ lha rnams kyi dge ba'i las des chang ro dang / mdog dang / dri sna tshogs dang ldan pa dag byung nas/ shing ljon pa'i yal ga dag las 'bab bo/ / de 'bab pa na lha dag gis mngon par mthong nas/ snod rnam pa sna tshogs kyis bcus te/ rin po che'i snod rnam pa sna tshogs thogs nas/ de dag 'thung bar byed de/ lha'i chang bde ba des brgya snyed du myos so// chang des myos pa rnams bud med mthong ba'i bde ba sred pa'i mes kun nas sreg par byed kyang bsregs so snyam du mi sems te/ bde bas bsgribs pa rnams sems pa med do/ / de nas yang lha de rnams 'di snyam sems te/ ji lta ji ltar lha'i thos pa nyams dga' ba/ rtag tu dga' bar byed pa'i rol mo rnam pa sna tshogs bdag cag gis mnyan par bya'o snyam mo/ / // dam pa'i chos dran pa nye bar gzhag pa bam po so bzhi pa// de ltar sems bskyed ma thag nyid du dge ba'i las des rol mo'i skra shing ljon pa rnams las 'byung ste/ shing de dag rlung gis smod par byed do// de dag bskyod pa na/ lo ma de dag las rnam pa 'di lta bu'i sgra 'byung ste/ ji ltar sil snyan yan lag lnga
- 168a
dang ldan pa'i sgra snyan sam zhes byed pa dang yang dag par ldan pa de lta bu'i sgra shin tu thos par 'gyur ro/ / sgra de dag thos nas kyang lha de dag 'di snyam du sems te/ 'di ltar da ni shing dag las bdud rtsi 'byung bar gyur cig snyam mo/ / de ltar sems bskyed ma thag nyid du ji ltar zo ba kha thur du bstan pa rnams kyi nang nas kha ra 'am kha ra'i dum bu kha dog dpe med pa dang ldan pa/ 'byung ba de bzhin du/ shing ljon pa rnams las bdud rtsi 'byung ste/ de dag lha rnams za bar byed do// des tshims nas glu dbyangs dang / sil snyan gyi dgra 'byung ba rnams nye bar len bzhin du rin po che'i sa ga la ba der lha mig mi 'dzum par rgyu ba rnams 'dong bar byed do/ / de dag rin po che'i sar dong nas phan tshun grogs su gyur pa/ 'dod chags lhur 'dzin par sems pa yin te/ der yid zhugs pa/ der dga' bar gyur pa/ de dang 'thun pa'i spyod pa dang / dga' ba lha'i 'dod pa'i yon tan lnga 'byor cing ldan par gyur pa rnams kyis dga' bar byed/ dga' dgur spyod par byed do// tshal de nas yang kun nas tshal zhes bya ba der 'gro bar byed/ 'dong bar byed do// tshal de na bya'i rigs bdun la 'di lta ste/ gser gyi ngang pa kha cig rin po che sna bdun lta bu dang / ne tso kha dog sna tshogs su 'dug pa kha cig an+da rnyil lta bu dang / bya ka ran da ba kha cig ke ke ru'i mdog lta bu dang / kha cig ni bai DUR+Ya lta bu dang / dur ba kha cig an+da rnyil lta bu yin la/ kha cig spug lta bu dang / rma bya kha dog rin po
- 168b
che sna bdun lta bu yin la/ kha cig mthon ka lta bu dang / shang shang te'u sna tshogs su 'dug ste/ kha cig byu ru lta bu dang / bya ka la 'di rin po che sna bdun lta bu yin la/ kha cig dngul gyi mdag/ lta bu yin no// de dag thams cad mthong ba'i bde ba sgra snyan cing 'jebs pa 'byin pa la mkhas pa yin te/ kha cig nam mkha' la bdag nyid phan tshun 'khor lo bzhin byas nas/ rtse bar byed de/ ji ltar lha rnams kyi rol mo'i sgra 'byung ba de ltar yongs su 'byin par byed cing / ji ltar lha mo'i tshogs yan lag lnga dang ldan pa la shin tu chags par 'gyur ba de ltar sla gzhan dag 'byung bar byed do// gzhan kha cig pad+ma'i tshal bung ba'i tshogs kyis mdzes par byas pa rnams su bya mo rnams dang lhan cig bcas par dga' bar byed/ skad 'byin par byed do// gzhan dag kyang skam sa la 'dug nas bya mo rnams dang lhan cig bcas par dga' bar byed/ dga' dgur spyod par byed do// gzhan dag gser dang dngul gyi shing ljon pa 'dab ma sna tshogs kyis nye bar mdzes par byas pa rnams kyi nang man// de'i grib mas lus mngon par brgyan pa rnams rtse bar byed/ dga' dgur spyod par byed de/ de ltar bya de dag dga' bar byed do// de nas bya de rnams yongs su rtse ba na lha de rnams kyis mthong nas// de nas yang rab tu dga' ba'i yid dang / rnar snyan pa'i yid kyis bya'i sgra rnam pa sna tshogs pa 'byin bde bar thos so// de nas lha de dag dang / lha mo de dag kyang nam mkha' la rgyu ba de dag gi nang du zhugs nas/
- 169a
nam mkha' la rgyu zhing rtse bar byed do// de bzhin du bya chu na rgyu ba rnams dang lhan cig chu'i nang na rgyu/ skam la rgyu ba rnams dang lhan cig skam la rgyu zhing rtse bar byed do// lha de dag kyang lha mo rnams dang lhan cig bya de dag dang de bzhin rtse bar byed/ dga' dgur spyod par byed do// de nas dge slong des lha de dag dang / bya de dag mtshungs par 'dod pas sems phrogs shing myos pa rnams la 'di ltar tshigs su bcad de smras pa/ / dud 'gro 'dod la spyod pa dag/ gti mug gis ni skyod pa yin// de lta bas na lha rnams ni// lha dang dud 'gro mtshungs pa yin// skal ba bzang po thob pa'i mi/ / bag med rnams la mi spyod na// de ni mkhas pa zhes brjod de// de las bzlog pa gzhan yin no// lha rnams bag med pa yis phrogs// sems can dmyal bar rab tu 'gro/ / de lta bas na mkhas pa rnams// bag med dug dang 'dra bar brjod// blo zhan bag med rnam dag gis// sngar ni bde ba lta bur mthong // bag med las byung 'bras thob nas// don med de ni phyis gdung ngo / / skye bo mkhas pa bag med pa// don kun med par byed mthong nas// de ltar de las gzhan dge ba// gang yin bag med mi sten to// bag med gzhan du sdug bsngal zhing // bag yod gzhan du bde ba ste/ / bag med pa dang bag yod dag/ mtshan nyid bsdus te gshad pa yin// gang zhig sdug bsngal 'dod 'gyur ba// de ni bag med sten par byed// gang zhig shin tu bag med pa// rnams kyang bde ba
- 169b
mi 'thob bo/ / bag med bral ba dam pa ni// 'chi ba med pa'i gnas su 'gro// gang zhig shin tu bag yod pa// dmyal ba'i sdug bsngal mi myong ngo // gal te blo zhan lha rnams dang // dung 'gro mtshungs par rtse byed na/ / lha rnams dang ni dud 'gro dag/ khyad par med pa nyid yin no// lha dang lha ma yin dang ni// yi dgas de bzhin dmyal ba rnams// ris 'thun blo dang 'gro ba dag/ kun tu mi mthun tha dad do/ / blo mi mthun la las mi mthun// las mi mthun las de bzhin 'gro// las mi mthun pa sna tshogs las// 'gro ba rnams kyang snang ba yin// las rnams sna tshogs tha dad pas/ lha rnams shin tu bag med de// lha yi 'jig rten las ltung ba// khong du chud par mi 'gyur ro// gang tshe lha yi 'jig rten las// ltung bar 'gyur ba de tshe lha// khyed kyi sdug bsngal nye ba yin// bdag nyid bde ba shes par gyis// de ltar rtog pas rnam par nyams// bag med pas kyang bslus pa yin// sred pas gdungs pa'i lha rnams ni// sems can dmyal bar ltung bar 'gyur// lha dag dmyal bar gang song ba// 'di ni shin tu dbye ba yin// rtsed mo nyams su len 'gyur rnams// gnod pa mi bzad nyams su myong // srog chags sems ni rmongs pa dag/ 'khor ba las ni/ yid mi 'byung // sred pas yongs su bslus pa rnams// sdug bsngal las ni sdug bsngal 'thob// de ltar dge slong des lha de rnams kyi shin tu bag med pa khong du chud nas rjes su ston par byed do//
- 170a
de nas lha de rnams yul gyi bde ba thams cad nye bar myong yang ji ltar me shing la 'tshed pa ltar/ yul rnams kyis tshim pa nyid med de/ ji srid du las byas shing bsags pa de zad par ma gyur pa de srid du dga' bar byed la/ de'i 'dod pa sdug pa yid du 'ong ba bde ba rjes su myong bar byed do// de zad nas de nas yang lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba'i las kyis mi rnams/ dang skal ba mnyam par mi'i nang du skyes na/ las de dang rgyu 'thun par de rtag tu shin tu bde bar 'gyur/ zas dang skom mang ba'i yul du/ nor dang 'bru'i bang mdzod mang po 'byor pa dang / rgyal po 'am// blon po chen po byed par 'gyur ba mthong ngo // de nas yang dge slong las kyi 'bras bu rnam par smin pa shes pa des sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas tshang tshang gi 'gram na gnas pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems can skyes bu dam pa sems dge ba bsgoms pa'i snying dang ldan pa gang gis bsam gtan dang po thob pa'i dge slong dag la bsod snyoms byin zhing / gzhan
- 170b
dag kyang sbyin du 'jug/ byin pa la rjes su yi rang bar byed/ gzhan dag kyang de nyid la rab tu dga' bar byed/ 'dzud par byed/ rab tu 'jog par byed de/ de ltar sbyin pa la bdag nyid mngon par dga' ba yin/ srog gcod pa dang / ma byin par len pa dag dang bral ba ji lta bu zhig yin/ 'di la ma byin par len pa spangs pa rnam pa du yod/ rnam pa ji lta bu yin zhe na/ 'di ni lam du zhugs pa na/ khron pa dang / lteng ka dang / 'bab chu dag tu 'gron po rnams la phan par bya ba'i phyir chu rdza 'am/ kham phor sbyar ba gang yin pa de dag la gzhan gyis 'di ltar dbye/ 'di ni rgya che zhing phyogs gzhan na'ang chu med la/ bdag cag la'ang chu snod chu rdza 'am/ phru ba khyer ba med de/ de gal te bdag cag gis khron pa'i phyogs de nas ma khyer na/ skom pas bdag cag srog chad par 'gyur ro zhes bsgral kyang / de len par mi byed pa yin te/ bdag nyid sgom par shes kyang ma byin par len pa'i 'jig pas chu rdza 'am/ kham por len par mi byed la/ gzhan len pa la'ang rjes su yi rang bar mi byed/ phyir ldog par byed/ dge ba'i lam la rab tu 'jog par byed de/ de ltar ma byin par len pa spangs pa yin zhing / rnam pa de dag yin te/ srog chad par 'gyur yang ma byin par len pa mi byed pa yin no/ / srog gcod pa spangs pa ji lta bu yin/ rnam pa du yod ce na/ 'di la bdag nyid srog gcod par mi byed la/ gzhan byed pa'ang phyir zlog par byed/ rab tu mi
- 171a
'jog par byed/ byas na'ang skyon du bgrang zhing mang du smod par byed pa yin no// 'di ni skar khung nas 'ong ba 'am g.yogs pa'i steng na 'dug pa 'am/ nyi ma 'am/ dud/ pas gdungs pa na/ srin bu phre'u 'am/ grog sbur phra mo dag la'ang kun nas gnod pa'i sems kyis gnod par mi byed/ srog dang bral bar mi byed/ gzhan byed na'ang phyir zlog par byed/ skyon du bgrang bar byed/ dge ba'i lam la rab tu 'jog par byed/ dge ba'i mi bdag nyid dge ba byed cing gzhan yang rab tu 'jog par byed pa de lus dang bral nas bde 'gro mtho ris kyi 'jig rten sum cu rtsa gsum gyi lha rnams kyi nang 'dres pa'i 'gram na gnas pa'i sar skye bar 'gyur ro/ / der skyes nas kyang legs par byas pa'i las kyi mtha' spyad pa de dge ba'i las la spyod pa/ las byas pa'i rnam par smin pa las byung ba ni 'di lta ste/ dus kyi tshal rgya che zhes bya ba 'byung ste/ tshal de ni rin po che sna tshogs kyi 'od gsal ba/ rin po che an+da rnyil dang / bo dUR+Ya'i dri ma med cing gsal la/ bya sna tshogs / 'byin pa/ rnar snyan pa/ dus tshigs drug tu rtag par shing ljon pa/ me tog mchog rab tu rgyas pa/ 'bab chu dang / chu klung dang / lteng kas brgyan pa/ rin po che an+da rnyil dang / bai dUR+Ya'i pad+ma nyams dga' ba/ gser btso ma'i ri bo mthon pos brgyan pa/ chun rgyu ba dang / skam la rgyu ba'i bya ri bo mthon po'i gsab gseb dang 'gram na gnas pa/ gzugs dang cha byad sna tshogs su 'dug pa/
- 171b
sgra skad chen po 'byin pa rnams kyis brgyan pa/ dge ba'i las kyi 'bras bus sprul pa na/ lha de dge ba'i las kyi 'bras bu la spyod de/ yun ring du bde ba rgyun mi 'chad par spyod do// lha mo'i tshogs rnam pa sna tshogs stong snyed kyis yongs su bskor cing / lha'i 'phreng ba dang gos gyon la/ dpal rnam pa sna tshogs kyi gzugs dang ldan pa de/ lha mo de dag nye bar glu dbyangs len cing yongs su myo pa na tshal der rnam par rgyu bar byed do/ / de rgyu ba na dge ba'i las des bskul ba'i bya rnams kyis 'di ltar tshigs su bcad de smras pa/ dge ba'i las kyis skye bo dag/ lha yi yul du mchod par 'gyur// de ltar mi dges dmyal bar khrid// las kyi 'gyur ba de 'dra'o// lha yi 'jig rten thob nas su// lha gang khyad du gsod mi byed// gang du sred pas mi gnod pa// de ni bde las bde bar 'gro// las kyi thag pa ring po yis/ / srid par rgyu ba bcings pa rnams// dgra dag 'khor los bcings pa ltar// dbang med las kyis 'khyam par byed// ji ltar mkha' la rlung shugs kyis// phyag dar dum bur gtor ba ltar/ / de ltar srid par rgyu ba rnams// steng dang thang kar 'khyam par 'gyur// ji ltar rgyu dang rkyen dag las// pad+ma byung ba mdzes pa ltar// de bzhin dge ba'i las kyis su// lha yul du ni byung ba mdzes// ji ltar chu ni rab dang zhing // ji ltar nam mkha' rab dang ltar// de ltar sems ni rab dang ba// bde ba mchog tu 'gro bar 'gyur// de yis lnga dag bsrungs pa yis/
- 172a
rtag tu bcing ba gsum las grol// chos gcig las ni rab 'das pa// lha yi 'jig rten mchod par 'gyur// ngo tsha med cing khrel med dang // rgod dang sdig pa'i grogs po ni// 'di dag dug dang me dang 'dra// mkhas pas de dag srung bar gyis// bden dang sbyin dang de bzhin du// bzod dang rtag tu dge ba shes gnyen// 'byung po rnams la rtag byams pa// lha yul gyi ni lam brgyags yin/ / mi dag sems la g.yo med pa// bde bas bskyed pa mnyam gzhag pa// rang gi las 'bras mngon sum ste// lha yi gnas su 'ongs pa yin// chos dang / chos min gtsor mi 'dzin// kun nas 'jig rten srog yin te// 'di ltar chos las skyob gzhan med// de bas chos la dga' bar gyis// gang zhig chos ni yongs spangs nas// mi dge nyes par byed la dga'/ / de ni nyes pas gdungs pa yis// rtag tu sdug bsngal nyid du 'gyur// lha yi 'jig rten thob nas su// bag med rnams la chags 'gyur ba// de ni dge ba'i las mtha' zad/ / 'chi ba'i mtha' ni mi rig go/ gang na 'chi bar 'gyur ba med// de ni rtag tu bde dang legs// 'chi ba'i zhags pas bcings pa dag/ nam yang bde ba yod ma yin// ji lta ji ltar bde thob pa/ de ltar sred pa'i tshogs 'phel lo// de ltar sred pa'i me yis gdungs pa ni// sems can dmyal bar 'dren// lha la bag med mi rigs kyis// shin tu bag med ma byed cig/ bag med nyes
- 172b
bas rnam nyams pa/ / sum cu rtsa gsum gnas nas 'chi// de ltar bya de rnams kyis rjes su bstan pa na/ lha mos yid g.yengs shing yul gyi sred pas/ blo gros dang / blo phrogs pa dang bya'i sgra rnam par 'byin pa bden pa de thos par mi 'gyur la/ de tshal dang / nye ba'i tshal dang / lteng ka dang / 'bab chu dag la rjes su rten par byed do// de gal te kun dga'i ra ba bde bar gnas pa'i lteng ka zhes bya ba ri mtho ba ga la ba der 'dong bar byed do/ / ri mtho ba de na bya mngon par dga' ba zhes bya ba bya mo rnams dang lhan cig phan tshun dga' zhing / phan tshun shin tu lta 'dod pa dag/ lteng ka dang pad+ma'i tshal sna tshogs de rnams su rtse bar byed do// de nas bya de rnams mthong nas/ lha de dag 'di snyam du sems te/ kye e ma bya gzugs sna tshogs can 'di dag sgra sna tshogs 'byin cing nyams dga' bar byed pa yin te/ mtho ris kyi bya bsdus pa de dag thams cad 'thun par sgra 'byin pa 'am/ sna tshogs su 'byin par byed pa'i bya de rnams kyi steng du gnas bcas la/ bdag zhon te/ tshal dang / nye ba'i tshal dang / lteng ka dag blta bar bya'o snyam mo// de nas sems bskyed ma thag nyid du lha de dag gi bya rnams lus chen por gyur nas/ lha de dag ga la ba der myur du nye bar 'dod bar byed do/ / de nas lha des bya de dag la lag gis nyug par byed do// byugs nas kyang zhon no// de nas bya rnams la zhon ma thag nyid du lhas sprul pa mngon par dga' ba'i bya'i tshogs dag nam mkha'
- 173a
la 'dong bar byed do/ / de nas bya sna tshogs pa de rnams kyi rgyab tu zhon ma thag nyid du yid la rin po che sna bdun gyi gzhal med khang tshal dang / nye ba'i tshal dang / lteng ka dang / 'bab chu dang / pad+ma phun sum tshogs shing bya rnam pa sna tshogs nye bar rtse bar sems par byed do// de nas sems bskyed ma thag nyid du bya de rnams kyi rgyab tu gzhal med khang de dag ji ltar lha des yid la bsams pa de bzhin du 'byung ngo / / de nas lha de dag gi phyi bzhin du lha mo cha byad rnam pa sna tshogs thogs pa dag rjes su 'brang zhing nye bar spyod pa nam mkha'i dkyil nas 'dong ste/ yul nas yul dag tu 'dong bar byed la/ de thams cad lha'i bde ba dag gis rtse zhing nye bar spyod pa na/ mtho ris kyi gnas dag la dga' ba dang / shin tu dga' ba dang / mchog tu dga' bar rtog par byed do/ / des sa de dag la rtog rtog nas sred pa 'bum 'gyur gyis g.yeng bar byed de/ 'di ltar sems can thams cad kyi gnas dper bya bar mi nus so// de ltar sgo drug nas sred pa'i me 'bar ba mchog tu mi bzad pa yid la 'bar ba yin te/ de bde gzugs brnyan lta bu'i sdug bsngal des mngon par nyams bzhin du bya de rnams kyi steng du zhon nas/ sil snyan yan lag lnga dang ldan pa'i sgra snyan pa yid du 'ong ba dpe med pa nye bar len cing ri rab kyi zhabs thams cad la lta bar byed de/ de tshal dang / nye ba'i tshal dang / lteng ka phun sum tshogs pa dang / nags tshal dang / ri ngos dang / shing ljon pa dang /
- 173b
phyogs gcig pa dang / pad+ma'i tshal du mas khebs pa dang / bya sna tshogs kyis gang ba dang / lha dang / lha mo dang / lha'i bu mo phan tshun rtse ba na mthong ngo // yul de na dga' ba 'bum phrag du ma yo de/ yul shin tu rnam par phye ba'i dga' ba thams cad mthong yang 'dod pa rnams kyis de srid du tshim pa med pa nyid yin te/ dga' ba'i 'dod chags kyi mod las skyes pa'i sems kyis g.yengs pa'i sre pa'i lha de rnams yul dag gi dbang po rnams shin tu tshim pa med do/ / de ltar de yun ring po du mar bya'i steng gzhal med khang na gnas pa des ri bo khri phrag drug cu'i nang na ri'i rgyal po ri rab 'dug pa de dag thams cad la lta bar byed de/ lha las legs par byas pa thams cad kyi gnas dpe med pa/ nyams dga' ba/ rin po che du ma 'bar ba/ ngos bzhi kun nas lham pa/ kha dog rnam pa bzhis shin tu rnam par phye ba yin te/ 'di lta ste/ bai DUR+Ya dang / dngul dang / gser dang / shel shin tu bzang ba ri rab de la des ma lus par bltas nas/ rang rang gi gnas ga la ba der 'dong bar byed do/ / de ltar bya rnams kyi steng na zhon pa de dag bya de dag la sna tshogs su sems par byed de/ ji lta ji ltar kha dog dang / gzugs dang / cha byad dang / dbyibs bsams pa de lta de ltar 'gyur ro/ / de nas yang de bya de rnams kyi steng du zhon nas/ rdzing chu dang ba zhes bya ba ga la ba der 'dong bar byed do// rdzing de'ang kun nas dpag tshad lnga yod la/ kun nas
- 174a
lham pa/ rin po che an+da rnyil dang / bai DUR+Ya rnams kyis sna tshogs su brgyan cing / gzhan pad+ma rnams kyis kyang nye bar mdzes par byas pa/ legs par byas pa'i las mngon sum du byung ba der dong nas/ de na lha mo de rnams dang lhan cig tu lha'i 'dod pa'i yon tan lnga 'byor cing ldan par gyur pa rnams kyis rtse bar byed do// pad+ma de rnams kyi bar dag na bud ba bzhin du sbrang rtsi de dag la 'thung bar byed cing / bdud rtsi la'ang za bar byed de/ lha'i dri dang / ro dang / mdog phun sum tshogs shing / zla ba ltar dri ma med la/ ro dang shin tu ldan pa de dag la za bar byed do/ / gos de dag kyang gyon nas ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de dag dang lhan cig dga' bar byed/ dga' dgur spyod par byed do/ / de phyis lha'i 'jig rten nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes na/ las de dang rgyu 'thun par de rtag par shin tu bde zhing / bzhon pa dang skyed mos tshal phun sum tshogs la/ skye bo kun dga' ba'i rgyal po 'am/ blon po chen por 'gyur ba mthong ngo / / de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i
- 174b
shes pas lha rnams kyi gnas nor bu'i snying po zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na skyes bu dge ba phan par 'dod pa gang gis srog gcod pa dang / ma byin par len pa mi byed la/ gzhan byed pa'ang phyir zlog par byed de/ dge ba'i las la rab tu 'jog pa yin no// bdag nyid kyis srog gcod pa mi byed pa'i rnam pa du yod ce na/ 'di la sbrang bu'i sbrang rtsi dang / bung ba'i sbrang rtsi dag las drod gsher las skye ba'i srin bu dag 'byung bar mthong nas/ de srog gcod pa'i 'jigs pas sbrang rtsi za bar mi byed cing / gzhan za na'ang phyir zlog par byed la/ rjes su yi rang bar mi byed/ 'di ni sdig pa'i yin no bar shes nas spong bar byed de/ de thabs kun gyis kyang 'dren par mi byed la/ mig zur tsam gyis kyang lta bar mi byed de/ srog gcod pa dang bral ba'i rnam pa ni de dag yin no// ma byin par len pa dang bral ba ji lta bu yin zhe na/ 'di la sdom pa blangs pas mchod rten gyi gnas su sangs rgyas la mar me phul ba de'i 'od la'ang rku bar mi byed cing / des bdag gi las mi byed/ de las snag tsha'ang 'byin par mi byed la/ phra rab tsam la'ang 'jigs par lta ba yin te/ de ltar srog gcod pa dang / ma byin par len pa dag spangs pa dag yin no// yang srog gcod pa dang / ma byin par len pa spangs pa ji lta bu yin zhe na/ 'di la sbrang bu 'am/ srog chags ma ko ta 'am/ nam mkha' la rgyu ba dag gsod
- 175a
par mi byed pa yin te/ de dag 'phral la bsams nas gsod par mi byed la/ gzhan gyis gzung ba zhig yod na'ang thar par byed/ srog gcod pa byas pa'i nyes pas byas pa'i 'bras bu 'chags par byed/ gzhan gyis srog gcod pa byas na sdig pa'i 'bras bu sems can dmyal ba chen po yang sos su 'grub kyis/ khyed ma byed ces 'doms pa yin te/ de ltar gzhan yang bzlog nas sdom pa la rab tu 'jog par byed de/ de ni sdig pa spangs pa yin no// bdag dang gzhan gyi rgyud tshul khrims la rab tu zhugs pa'i rgyun rab tu 'jug par 'gyur ba ni 'di la dgon par ram/ lam du zhugs pa lam brgyags nyung yang srog la mi blta bar gzhan lam brgyags nyung ba 'am/ lam brgyags med pa/ sdug bsngal ba la srog yongs su btang nas/ rang gi kha zas bgo bsha' byed pa de ni 'bras bu che ba yin no/ / zhing gi 'bras bu'i khyad par sems pa ni/ dus su byin pa dang ldan pa yin te/ 'di ltar nad rnams kyi nang na bkres pa nad che ba yin na/ de la ma bltas par 'bras bu chen por yang dag par sbyor ba yin no/ / de ltar tshul khrims gnyis ka srung ba/ bdag dang gzhan la phan par rab tu zhugs pa/ sems rnyog pa med pa/ drang po'i rang bzhin can/ sems shin tu dge ba/ phra rab tsam la'ang 'jigs par lta ba des/ ma dad pa'i lus la nor bu dag gis rgyan 'dogs pa'am/ sangs rgyas la nor bu dag gis rgyan 'bul ba'i mi de lus dang bral nas
- 175b
sum cu rtsa gsum pa'i lha rnams kyi nang nor bu'i snying po'i sar skye bar 'gyur ro/ / der skyes nas kyang legs par byed pa'i las byas pa de shin tu blta na sdug pa/ lha'i yul gyi bde ba byung ste/ dge ba'i las kyi mtha' spyad pa/ de'i lus de thams cad gzi brjid 'byung la/ lus de las gzi brjid 'byung ba kun tu dpag tshad lnga brgyar 'byung ngo // dper na nyi ma shar ba na nyi mas ri gsal bar byed pa de ltar de'i gsal bas thams cad du snang bar byed la/ gnas gzhan thams cad kyang de'i rab tu gsal ba des/ de nas yang brgya 'gyur du gsal bar byed do// mdog sngon po dang / ser po dang / btsod ka dang / dmar po rnams kyis gsal bar byed do// dper na 'ja'i mdog mdzes par 'gyur ba de bas kyang / lha'i rang gi lus las 'od 'byung ba brgya 'gyur gyis mdzes pa yin te/ dge ba'i las des mngon par bsgrubs pa'i lus kyi 'od 'byung bas lha'i tshogs thams cad zil gyis mnan nas rnam par mdzes so/ / ji ltar nyi ma'i 'od kyis gza' dang / skar ma dang / rgyu skar thams cad zil gyis mnan nas rnam par mdzes bzhin du/ lha de 'od kyi 'phreng ba 'bar zhi na de rang gi gzi brjid des 'bar ba na rang gi gnas de dag la rtog par byed do// gnas de'ang kun nas nor bu rnam pa sna tshogs kyis nye bar spras shing sna tshogs su brgyan pa/ kun nas thams cad du rnam par mdzes pa yin te/ nyi ma brgya lta bur 'od 'byung ba yin no// des de dag mthong nas yid rab tu dga' bas phyogs gnyis pa la rtog par
- 176a
byed/ de na lha mo gzugs bzang mo dang ldan pa/ rgyan dpe med pa thogs pa/ 'dod pa'i rgyu rnam pa sna tshogs skyed pa sten pa dag mthong ste/ 'di lta ste/ de dag gi nang nas kha cig ni rol mo'i rnam pa rdza rnga dang / gling bu dang / lcags kyi sil khrol de dag la sten to// de dag gi nang nas gzhan kha cig ni lha mo rnams kyi nang du song nas bro rdung zhing / glu len la/ me tog 'phreng bas mgul brgyan pa dag dang ngang pa rnams dang lhan cig pad+ma'i tshal rnams kyi nang du chu la rnam par rtse bar byed do/ / gzhan dag ni lha'i 'bras bu dag la za'o// gzhan dag ni dpag bsam gyi shing gi nang du dong nas me tog rnams 'thog par byed cing / lha'i glu dbyangs dpe med pa dag kyang len te/ 'dod pa yang dag pa ston pa/ skye bo kun gyi yid shin tu mgu bar byed pa rnam pa du ma yod do// de der skyes te/ lha mo de dag mtho nas/ thog ma nyid du yul gyi mchog 'dod chags kyi sbrul gyi mche ba lta bu'i yul gyi bde ba lngas mngon par zin pa/ stan las langs nas gzhan du 'gro ste/ gang na lha mo na tshod dpe med pa dag dang ldan pa/ lha'i 'phreng ba dang gos gyon pa de dag mthong nas/ de 'dod chags kyi mes yongs su gdungs pa'i yid kyis der 'gro bar byed la/ de dag kyang lha de ga la ba der 'dong bar byed do// lha'i bu gzhan de 'chi ba na/ yongs su gtong bar byed de/ ji ltar bung ba dag gis me tog skam po bor nas/ gsar pa'i drung du 'gro ba de ltar lha de 'chi ba na/ lha mo dag gis yongs su btang nas/ me tog gsar pa lta
- 176b
bu'i lha'i bu gzhan gyi drung du 'gro bar byed la/ me tog sna tshogs kyi 'phreng ba thogs pa/ snying du sdug cing chags pa lha'i bu gzhon nu dang / thams cad du 'dris pa thog ma med pa'i dus nas goms pa'i 'dod chags kyis nye bar spyod pas rtse bar byed do/ / lha'i bu de'ang 'chi ba na rang gi lha mo dag gzhan du dong bar mngon par mthong nas/ yid la gdung ba'i rnam pa de lta bus shin tu gdungs te ji ltar sems can dmyal ba mnar med pa'i mes mnar med pa'i lus bsregs pa de ltar de'i sdug pa gzhan du dong bar gyur pa'i yid la 'chi ba'i sdug bsngal gyis yid shin tu gdungs te/ sum cu rtsa gsum gyi gnas nas lha'i bu 'chi ba na/ phrag dog dang ser sna'i yid sdug bsngal ba des mngon par nyams pa de 'chi ba'i dus byed do// de srid pa phyi mar sems shin tu gdungs pa de la dmigs pa nye bar len pa'i/ rkyen gyi sred pas sems rnyog pa can du byas pa de/ de las gzhan yang mi mthong ste/ de de nas shi nas/ de nas yang sems can dmyal ba dang / yi dgas dang / dud 'gro rnams kyi nang du skye bar 'gyur ro/ / de'i rgyu 'thun pa'i 'bras bu gang yin zhe na/ gang gis gzhan gyi bud med la sdom pa ma bzung ba yin te/ byi ba byas pa yin no// de gal te dge ba'i las gzhan gyis lha rnams kyi nang du skyes kyang 'chi ba'i dus de'i tshe/ de la gzhan gyi chung ma phrogs pa'i sdig pa'i las kyi rkyen 'byung ngo // de ltar legs par byas pa'i nang na nyes par byas pa'ang de ltar smin par 'gyur te/ de lta bas na nyes
- 177a
par byed pa chung ngu yang yang mi bya'o/ / ji ltar lha rnams 'chi ba na tshul khrims bdun ma ral ba'i rgyu 'thun pa'i 'bras bu mi 'byung ba de ltar/ 'thab bral ba rnams kyi'ang yin/ te/ de ni rgya cher phyis 'chad do// de nas lha'i bu shi ba de'i lha'i bu mo de dag lha'i bu gsar du byung ba de ga la ba der/ lha'i 'phreng ba mdog bzang po dri dang reg pa ma rnyis pa de dag blangs nas/ lha'i bu de'i lus la 'dogs par byed do/ / lha'i bu de'ang thog ma skyes ma thag tu dga'/ yid rab tu dga' ste/ lha'i bu mo de dag gi drung du 'gro bar byed do// de nas lha'i bu de lha'i bu mo de dag dang phan tshun snying shin tu dga' ba rnams tshal dang / nye ba'i tshal ga la ba der 'dong bar byed do// de lha'i ris de na chu rnyog pa med pa'i nang na/ pad+ma be DUR+Ya'i mdog la/ 'dab ma gser dang / snying po rdo rje skyes pa dag la bung ba 'bum snyed kyis yongs su bskor ba yin te/ bung ba de dag kyang kha cig gi lus bai DUR+Ya la sgro gser du 'dug pa dang / kha cig lus gser la sgro dngul du 'dug pa dang / kha cig gi lus 'dres pa dang / kha cig gi lus byu ru la/ sgro ke ke ru ra 'dug pa yin te/ de dag rtag tu 'dam nas skyes pa'i pad+ma ma rnyis pa dag gi nang na rtse bar byed/ dga' dgur spyod par byed do// de ltar lha mo rnams sgra snyan pa des glu dbyangs len cing / pheg rdob par byed pa de bzhin du/ bung ba pad+ma'i gas pa gseb tu dong ba de rnams sgra 'byin par byed do// de nas lha'i bu de lha mo de rnams dang lhan cig rdzing de dag gi nang du 'jug ste/
- 177b
de chu la rtse bar byed cing / dgod/ rtse/ dga' dgur spyod par byed do// de ltar de rnams kyis shin tu yun ring bar rtse bar nye bar sbyar nas/ tshal gser gyi shing ljon pa'i 'phreng ba zhes bya ba shing gnyis kyis khebs pa ga la ba der 'dong bar byed la/ glu dbyangs dang / sil snyan dang / rol mo'i sgra sna tshogs dang ldan pa/ gser btso ma'i ri bo rin po che'i rtse mo bzang po la rtog ste/ rtse mo dang ldan pa de dag la lha'i tshogs du ma dang / lha mo gzhan dag dang lhan cig rtse zhing lta bar byed do// lha'i rang gi pad+ma'i tshal dang / me tog ut+pa la'i tshal dri rnam pa sna tshogs dang / lha'i phun sum tshogs pa rnams kyi nang na/ lha'i 'phreng ba dang gos gyon pa/ 'dzam bu'i chu bo'i gser bcoms brgyan pa'i lha dang / lha mo gzhan de dag dag lhan cig sil snyan yan lag lnga dang ldan pa nye bar len cing rtse bar byed do/ / gzhan dag ni bya ngang pa dang / ka ra na da pa sgra snyan par 'byin cing / rma bya ngang pa sbrengs pa'i nang du zhugs nas rtse bar byed do// de nas yang lha'i tshogs nam mkha'i gzhal med khang na 'khod pa gzhan dag nam mkha' la lha mo'i tshogs dag dang lhan cig rtse bar byed do/ / nam mkha' la sgron ma lta bur gyur pa/ lha'i rol mo la blo shin tu chags pa rnams me tog gi char mngon par 'bebs shing / sil snyan yan lag lnga dang ldan pa nye bar len pa na/ lha'i bde ba de dag rjes su myong bar byed do// de nas yang lha'i tshogs gzhan dag phan tshun grogs su gyur pa chang zhim po dag
- 178a
'thung zhing / phan tshun dga' la 'thun pa'i tshig gis 'dum pa dag mthong ngo // de nas yang lha'i tshogs rang gi las dang 'thun pa'i bdud rtsi mdog dang / ro dang / dri dang / bde ba phun sum tshogs pa dag za ba mthong ngo / / de nas yang lha gzhan dag rin po che sna bdun gyi lha'i shing ljon pa dag las rin po che sna bdun gyi me tog dag 'thog cing / bdag nyid la 'ching ba dag mthong ngo // de nas yang lha'i tshogs gzhan dag lha'i 'bras bu lag na thogs te/ phan tshun 'phen cing za ba dag mthong ngo // de nas yang lha'i tshogs gzhan dag lha'i ngang pa rin po che sna bdun gyi sgro gshog brkyang ba'i steng du zhon nas/ nam mkha' la 'gro ba na phan tshun lus la gnod pa med do/ / de nas yang lha gzhan dag jeng dang / rnga dang / sil dkrol dang / gling bu dag dang yang dag par rab tu ldan pa'i rol mo byed pa na/ lha mo rnams lha de rnams kyi mdun na bro gar byed de/ de dag dang lhan cig rtse zhing lhan cig dga' ba dang / lha'i pad+ma rnams kyis phan tshun rdeg pa na/ 'dod pa la zhen pa de yongs su dgod la/ 'dod pa sten cing smra ba dag mthong ngo // de ltar lha'i bu gsar du skyes pa de lha'i 'jig rten sna tshogs la sna tshogs kyis sprul pa de mthong ste/ yid la sems pa/ bdag gi mig gzugs sna tshogs lta ba la ngoms pa mi skye/ bdag gi na bsgra rnam pa sna tshogs du mnyan pa la ngoms pa mi skye/ bdag gi sna dri rnam pa sna tshogs snom pa la ngoms pa mi skye/ bdag gi lce ro phun sum tshogs pa ro myang bar bya ba drug la ngoms pa mi skye/ bdag gi lus bgo ba'i reg pa dang / rgyan dang / byug pa'i
- 178b
reg pa ste/ reg pa rnam pa sna tshogs dag la ngoms pa mi skye/ bdag gi yid sdug pa sna tshogs yid du 'ong ba'i chos byung ba thams cad la ngoms pa skye ba med pa de ni bdag yin te/ kun nas bde ba la chags pa/ bde ba myong bar bya'o snyam mo// de ltar rjes su bsams pa de phan tshun shin tu ma nyams dga' ba/ mtho ris dang 'thun pa sna tshogs dag gi yul dang yul dag la nye bar sten par byed do// sred pa'i tshogs drug la rnam par chags pa de/ kun nas sred pa'i mes yongs su bskor nas sred par byed de/ dper na sos ka rab tu tsha ba'i nyi ma'i gung la mi zhig mya ngan gyi nang du zhugs te/ mya ngam gyi nang du zhugs pa de'i mya ngam kun nas rtswa dang / 'dab ma dang / lo ma dang / shing ljon pa'i yal ga 'phyang ba dang / tshal dang / ri khrod kyi tshal skam po dang / brag dang / ri su la der mi gang zhig gis me btang ngo // de nas mi des kun nas tshal gyi me des yongs su bskor ba skom gyis gdungs te/ gar bab bab tu 'bros so// de nas gang dang gang du 'bros pa de dang de nyid du me'i phung po rab tu tsha ba tshal gyi shing sreg par byed pa/ kun nas shin tu 'bar ba yin te/ de ltar shin tu 'bar bar byas pas tshal gyi shing thams cad sreg par byed do// de nas mi de lam gang dang gang du 'gro ba de dang de nyid du kun nas rab tu 'bar ba mthong ste/ de me de'i nang du song nas sreg par byed kyang 'bros par mi nus la/ de ltar me'i nang du song ba de thul gyis tshig par 'gyur ba de bzhin du/ byis pa so so'i skye bo las kyi ma
- 179a
thams cad rtswa dang / yal ga dang / lo ma dang / 'dab ma skam po sreg pa'i tshal gyi me lta bu'i sred pa'i mya ngam gyi nang du rab tu 'jug par byed do// de nas de sred pa me lta bu'i bag la nyal gyi kun tu sbyor ba'i stobs rab tu che la/ rnam par rtog pa rlung lta bus skyod pa'i 'jig rten pa'i bsam gtan thob pa thams cad shing dang / tshal dang / lcug ma 'phyang ba skam po dang / ri khrod lta bu yin te/ de'ang de ltar sred pa me lta bus nges par sreg par byed do// kun nas rab tu 'bar zhes bya ba ni/ kun nas sred pa'i tshogs drug rab tu 'bar ba yin no// gar bab bab tu 'bros zhes bya ba ni/ gang dang gang du dbang po shin tu chags pa'i sems yul la rjes su rten par byed de/ de nyid du yul la sred pa me lta bus sreg par byed la/ shin tu rnam par rtog pa'i yul rlung lta bus g.yengs pa yin no/ / de de nyid du yul la sred pa'i mes sreg pa na lha dag kun tu 'jig par 'gyur te/ de ni me tha mal pa la sred par bya ba'i dper bya ba yin no// de ltar lha de lha'i gnas de na legs par byas pa'i rnam pa 'bum snyed dag la nye bar spyod pa yin te/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du dga' bar byed do// de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi dang so so yang dag par
- 179b
myong bar 'gyur ba'i las kyis mi rnams dang skal ba mnyam par mi'i nang du skyes na/ las de dang rgyu mthun par de'i rin po che'i sa gzhi dag la/ rin po che kun gyis brgyan pa'i khang pa phun sum tshogs pa thams cad du/ / rgyal po 'am/ blon po chen por skyes par 'gyur te/ rtag tu rab tu bde ba dang ldan par 'gyur/ rgyal po dga' ba dang / skye bo kun dga' ba dang / bu dang / nor dang 'bru phun sum tshogs par 'gyur ba mthong ngo / / de nas yang dge slong las kyi 'bras bu rnam par smin pa shes pa de/ sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas/ lha rnams kyi gnas kun tu gsal bar spyod pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa dge ba spyod pa gang gis srog gcod pa dang / ma byin par len pa mi byed la/ rjes su yi rang bar mi byed/ gzhan gyis byas na'ang phyir zlog par byed cing smod par byed do/ / nyes par byas pa srog gcod pa'i las kyi 'bras bu'i rnam par smin pa yang dag par ston pa rnam pa du yod ce na/ 'di la lo ma sngon po 'am/ chu dag gi nang na srin bu shin tu phra mo'ang mthong nas za bar mi byed la/ chu la'ang 'thung bar mi byed do// yongs su 'tshag par byed de/ btsags nas kyang chu'i nang nas byung ba'i srin bu de dag sa skam po'i steng du chu tshags de spug
- 180a
par mi byed kyi/ srin bu de dag gi srog chad par mi 'gyur ba'i chu'i gnas gang yin pa de nyid du srin bu de dag 'jog par byed do// yang des shin tu 'tsho bar byed de/ gzhan dag kyang / de bzhin du byed du 'jug cing / dge ba'i lam la gnas par byed la/ rab tu 'jog par byed do// ma byin par len pa spangs pa ji lta bu yin/ rnam pa du yod ce na/ 'di la bu ram shing gi tshal lam 'bra go'am/ 'bras bu ma du lung ga 'am/ ta ma pu ra ka 'am/ pa na sa 'am/ na Ti ke ra 'am/ chu shing gi 'bras bu gzhan gyis yongs su gzung ba rnams la rku sems kyis rang gi skyed shing du bya ba 'am/ kun dga'i ra ba nyams dga' bar bya ba 'am/ longs spyod pa dga' bar bya ba 'am/ chags pa'i rgyu 'am/ tshong pa'i khe spogs bya bar bsams nas/ sa bon 'bru gcig tsam yang len par mi byed la/ gzhan byed pa'ang phyir zlog par byed/ de bzhin du byed du 'jug cing / dge ba'i lam la'ang rab tu 'jog par byed pa yin te/ de bdag la phan zhing / gzhan la phan par byed pa/ tshul khrims srung ba/ ma byin par len pa spangs pa yang dag par blangs pa yin no// yang srog gcod pa dang / ma byin par len pa dag las tshul khrims 'tshol zhing tshul khrims la rab tu gnas pa ji lta bu yin zhe na/ 'di la srin bus blangs pa'i nad mi bzad pa chen pos thabs te srog chad du dogs kyang / srin bu rnams gsad par mi bya'o snyam nas/ srin bu gsad pa'i sman sbyor bar mi byed cing / gzhan
- 180b
yang byed du mi 'jug la/ de ltar srog chad du dogs nas kyang srin bu gsod par mi byed pa yin te/ 'di ni bdag dang gzhan la phan par sbyor ba yin no// ma byin par len pa spang ba ji lta bu yin zhe na/ 'di lam byin par len pa shin tu phra mo'ang mi len pa yin no/ / sbyin pa byin par byed de/ rnam pa du yod ce na/ 'di la bdag nyid kyi nad rab tu zhi bar bya ba'i phyir sman sbyar ba de/ gzhan mthong ngam thos nas bdag nyid kyis sman sbyar ba de bdag gir ma byas kyang rung / 'di ltar de bde bar gyur cig snyam nas gzhan la sbyin par byed de/ sbyin bdag dam pa mya ngan las 'das po'i mthar gtugs pa'i sbyin pa sbyin pa de/ lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang kun tu gsal bar spyod pa zhes bya ba'i gnas der skye bar 'gyur ro/ / der skyes nas kyang de'i legs par byas pa'i las des gnas de'ang rin po che thams cad kyi 'od kyis kun tu gsal bzhin du rnam par mdzes pa yin no/ / de dor skyes pa dang / shin tu rgya che ba dang ldan pa'i lha mo rnams kyis mngon par mchod nas tshal sil snyan rnam pa sna tshogs kyi sgra dang ldan pa'i 'khor zhes bya ba der 'dong bar byed do/ / bya dang shing ljon pas brgyan pa zhes bya ba'i tshal de'ang / de rnams kyis nye bar brgyan pa yin no// bya de rnams kyi mthu ni 'di lta bu yin te/ bya de gang dang gang du nam mkha' la 'gro ba de dang der shing de dag kyang bya de rnams kyi mthus nam mkha' la 'gro'o// lha gang dag shing ljon pa la gnas pa'i shing de dag kyang de bzhin du nam mkha' la 'grol
- 181a
@gnas den shing la gnas pa rnams kyi pad+ma'i rdzing dag 'byung bar 'gyur te/ pad+ma sna tshogs gser gyis brgyan pa/ 'dab ma bai DUR+Ya/ sdong bu gser la/ ze ba dngul yin te/ pad+ma de dag la lha mo rnams 'dzegs nas snying po la 'khod cing glu dbyangs len no/ / glu dbyangs len pa na dge ba'i las des pad+ma de dag gi bar bar nas chang zhim po dag 'byung bar 'gyur la/ de'ang dga' 'bab ces bya ba yin te/ de dag la de rnams 'thung bar byed do/ / de bzhin du pad+ma'i snying po la 'khod pa'i lha'i bu de dag thams cad mngon par glu dbyangs len cing / dga' dgur sprod pa na 'thung bar byed de/ de ltar pad+ma'i gsapa gseb na 'khod pa bde ba de lha mo rnams kyis yongs su bskor cing / yun ring du chang zhim po dag la 'thung bar byed do// yun ring du bde ba nye bar spyad nas nam mkha' de las 'bab par byed de/ de ltar bya de dag dang / 'di ltar yang lha mo'i tshogs kyis lhan cig tu bskor ba me tog ku ba la ya'i khyim zhes bya ba der 'dong bar byed do/ / khyim de'ang me tog ku pa la ya las byas pa/ kun nas rgyar dpag tshad brgya phrag stong yod de/ 'dab ma re re la lha mo sna tshogs sil snyan yan lag lnga dang ldan pa glu len cing bro rdung bar byed do/ / gal te me tog ku ba la ya'i 'dab ma sngon po'i 'od des kun nas thams cad du sngon por 'gyur la/ gal te 'dab ma gzhan dmar na de de ltar me tog ku ba la ya'i 'dab ma dmar po de kha dog sna tshogs kyis brgyan pa gzhan gang yin pa de dag kyang dmar po de'i mthus de bzhin du dmar por 'gyur ro/ / ut+pal dmar po dang / rtsa ba dang / snying po las byung ba'i stobs kyis ze ba'i nang na snying po yod pa gang yin pa de dag la/ las bya ba
- 181b
legs par byas pa'i lha mo rnam pa sna tshogs kyis yongs su bskor te gnas so/ / ze ba'i khri de rnams kyi steng na/ lha mo'i lag pa na pad+ma rnam pa sna tshogs thogs pa dag lha'i bu dang lhan cig glu dbyangs len// bro gar byed rtsed mo byed/ dga' dgur spyod par byed do// der yang yun ring du rtses nas 'dab ma las byas pa'i khyim du 'jug par byed de/ des chu klung yid 'ong lta bu zhes bya ba shin tu nyams dga' zhing 'gram gnyis ka shing ljon pas yongs su bskor ba mthong ngo / / chu klung de'ang shin tu nyams dga' ba yin la/ dga' ba 'di lta bu yin te/ 'di lta ste/ 'gram gnyis ka shing ljon pa rnam pa sna tshogs kyis shin tu rnam par phye ba/ kha dog dang lo ma rnams kyis shin tu rnam par phye ba/ yal ga dang lcug ma rnam pa sna tshogs kyis shin tu rnam par phye ba/ lo ma rnams kyi bar bar na bya gnas pa/ sgro dang mchu sdug la sgra snyan cing 'jebs pa 'byin pa/ bde ba rnam padu ma yid du 'ong ba'i bya rnams kyis 'gram mtha' dag brgyan pa yin no/ / yid la zas sam skom nas rnam pa gzhan cung zad yid du 'thad pa'i bar gang dang gang bsams pa de dang de nyid du chu bo de las rab tu 'byung ngo // de nas yang chu bo shin tu nyams dga' ba de las rnam pa gzhan du 'byung ba ni 'di lta ste/ mtha' gnyis ka na lha mo cha byad dang / gzugs sna tshogs dang ldan pa/ lag na rol mo'i sgra rnam pa sna tshogs thogs shing / glu dbyangs ben/ bro gar byed/ rtsed mo byed de/ phan tshun 'dres pa yin no// 'di ltar yang yid du 'thad pa 'ba' zhig yod la/ dga' ba'i rnam pa de lta bu dang ldan pa de chu bo'i nang du 'jug par byed de/ lha'i bu las spyod pa legs par
- 182a
byas pa des de dag kyang mthong ngo / / de nas yang lha'i bu mo yid rab tu dga' ba de rnams bro gar byed/ glu dbyangs len/ dgod par byed cing rol mo'i sgra sna tshogs dag kyang 'byin par byed do// lha mo yid rab tu dga' ba de dag kyang lha'i rol mo sil snyan yan lag lnga dang ldan pa dag thogs nas/ lha las spyod pa legs par byas pa ga la ba der 'dong bar byed do// lha des lha de dag dang / lha mo gzhon nu na tshod dang ldan zhing / cha byad dang rgyan thogs pa shin tu dga' bar byed pa dag mthong nas/ de nas yang dga' ba'i 'dod chags brgya 'gyur gyis skyed pa na/ lha mo gzhan de dag dang lhan cig lha mo de dag ga la ba der rgyug par byed do// de nas chu bo'i 'gram gyi lha mo gang yin pa de dag dang / me tog ku ba la ya'i khyim nas byung ba gang yin pa de dag phan tshun 'dres shing / phan tshun nyams dga' ba'i sgra 'byin par byed do// lha'i tshogs gang yin pa de dag thams cad rin po che'i ri rab kyi rtse mo rnams su lha'i rol mo'i sgras 'gengs par byed do/ / rnam pa de lta bu'i yid du 'ong ba'i sgra de de dag gis thos nas/ lha gzhan dag rtsed mo gzhan dag tu lha mo'i tshogs dang lhan cig rtse bar byed do// de dag gis kyang sgra de thos nas dga' ba nyid yid la byas te/ rings par chu bo'i 'gram yid du 'ong ba de dag ga la ba der 'dong bar byed do// lha dang lha mo'i tshogs phan tshun 'dres pa de dag 'thab pa dang / phrag dog dang / rgyags pa rnams kyis skyo ba med cing / phan tshun grogs su gyur la gnod pa med pa dag glu len cing dgod par byed do// phan tshun gzhan dag ni chang zhim po 'grim par byed cing / 'thung bar byed la/ lha dang lha mo'i tshogs gzhan
- 182b
ngag kyang bdud rtsi la za bar byed do/ / de ltar yun ring du rtse ba la zhugs pa de dag de nas yang chu bo'i 'gram de nas rgyags pa la gnas pa'i lha rtse zhing 'gying bar 'gro ba dag tshal dang / nye ba'i tshal de rnams ga la ba der 'dong par byed do/ / bde ba 'bum phrag de lta bu dang ldan pa'i lha rnams ji srid du 'dod pa sdug pa yid du 'ong ba'i las byas shing bsags pa de zad par ma gyur pa de srid du nye bar spyod par byed do// de phyis lha'i 'jig rten de nas 'chi bar 'gyur/ tete/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te brgya la mi dang so so yang dag par myong ba'i las kyis mi rnams kyi nang du skyes na/ las de dang rgyu 'thun par de rtag tu bde ba dang ldan zhing / khrus dang / byug pa dang / rgyan la dga' bar 'gyur/ rtag tu pad+ma dang / me tog ku mu da dang / ko ka na da dang / ku ba la ya la dga' bar 'gyur// drang zhing drang po'i rang bzhin can/ mkhas pa chos dang ldan pa la dga' ba/ rgyal po 'am/ blon po chen po'am/ khyim bdag gam/ yul gyi spun nam/ ded dpon chen po 'am/ tshong pa thams cad kyi gtso bor 'gyur ba mthong ngo / / de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas gser gyi rna phug gi khang pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pa 'am/ lha'i
- 183a
mig gis brtags na/ skyes bu dge ba tshul khrims dang ldan par 'gyur ba gang gis srog gcod pa dang ma byin par len pa dag spangs pa yin te/ rnam pa du spangs pa yin zhe na/ dgra bdag gi/ srog gcod par byed pa'am/ bu bsad pa'am/ chung ma phrogs pa g.yul gyi nang du zhugs pa la yongs su skyob par byed cing / rdeg par yang mi byed/ gzhan pha rol dag gis dgra gzung yang yongs su skyob par byed cing tshig snyan par smra la/ nor dag byin nas thar par byed/ phyir zhing phan pa nyid byed/ de ltar mi ngan pa de'ang g.yul gyi nang du zhugs pa thar par byas nas/ snga ma bzhin yang dang yang du 'chi bar 'gyur ba srog byin zhing mi dga' bar mi byed do/ / sdom pa blangs pa las kyi 'bras bu la 'jigs pa des/ dgra'i steng du mtshon cha bsags pa 'bab pa las srung bar byed cing / srog gcod pa'i 'jigs pas 'debs par mi byed/ bdag nyid kyi srog kyang yongs su gtong la/ 'debs par mi byed pa yin te/ rnam pa de dag ni srog gcod pa dang bral ba yin no// ma byin par len pa spangs pa ji lta bu/ rnam pa du zhig/ rnam pa ni/ ji lta bu yin zhe na/ 'di la sdom pa blangs pa/ kha na ma tho ba rdul phra rab tsam la'ang 'jigs par lta zhing / las dang las kyi 'bras bu la 'jigs skrag pa de sdig pa rnams mi byed/ bsod nams ma yin pa dag la mi sten/ las spyod pa 'os ma yin pa'i gnas dag mi byed pa'i skyes bu dam pa de ni ma byin par len pa spangs pa yin no// 'di la sdom pa blangs pa rdul phran tsam yang 'jigs par lta bar gyur pas/ gtsug lag
- 183b
khang du 'gro 'am/ nye ba'i tshal du slob tu 'gro 'am/ chu'i don du 'gro ba'i phyir gzhan dag gi g.yul 'gyed pa'i lham mam/ rtswa las byas pa 'am/ grong mi 'am/ sred da las byas pa 'am/ spa las byas pa gzhan gyis ma gnang bar mi spyod cing / gang de dag bslab pa'i gzhi las 'da' ba'i 'jigs pas nyin mo 'am/ mtshan mor rku sems kyis mi rku ba yin te/ rnam pa de dag ni srog gcod pa dang ma byin par len pa dag dang bral ba yin no/ / tshul khrims rab tu bzhag pa ji lta bu yin zhig gu snyam na/ 'di la mi dge ba mi 'dod pa/ mi sdug pa/ yid du mi 'ong ba/ sdig pa'i chos rnams spangs pa yin/ te/ rnyog pa med pa/ spangs pa dang ldan pa/ legs par 'phel ba/ bslu ba med pa'i tshul khrims srung ba yin no// tshul khrims de ni mtho ris su skye bar nges pa yin la/ mya ngan las 'das pa'i mthar thug par 'gyur te/ 'dod na byang chub gsum gyi so so yang dag par myong ba mya ngan las 'das pa'i mthar thug par 'gyur ro// / dam pa'i chos dran pa nye bar gzhag pa bam po so gzhan yang 'di la gal te nags kyi nang du 'gron por song ba'am/ lam gol bar zhugs sam/ grogs dang bcas pa 'am/ grogs med par song ba 'am/ sha rjen pa za ba ltogs pa dag ltogs pa'i mthus rang gi bu btsas pa dag la za bar byed pa mthong ba dang / 'di ltar sha rjen pa za ba 'di rang gi bu la za bar ma gyur cig/ bkres pas nyen pa 'di srog yongs su gtong bar ma gyur cig/ bdag gi sha dag
- 184a
gis 'di tshim par gyur cig snyam nas/ de'i drung du zar gzhug pa'i phyir song ste/ de bdag nyid kyi lus gtong bar byed pa sems can la snying rje zhing mkhas pa/ ma dang bu'i srog sbyin par byed/ de ni tshul khrims la rab tu zhugs pa yin no// sbyin pa la rab tu zhugs pa ji lta bu yin zhe na/ 'di la dbul por gyur cing tshegs chen pos 'tsho bar byed pa/ chos dang ldan pa/ sdom pa blangs pa/ kha na ma tho bcu phran tsam yang mi skyed pa/ de gal te 'gog pa las langs pa'i dge slong de 'ongs nas bslangs pa dang / de sems pa dang ldan par gyur nas/ de'i bu dang chung ma'i zas su sbyar ba nyung ngu gang yin pa de dag 'gog pa las langs pa'i dge slong de la 'bul bar byed cing / bdag nyid kyang nyin mtshan du mi za 'am/ nyung du zal lhag ma la yang sems par byed/ gzhan dag kyang de ltar srog gcod pa dang / ma byin par len pa ngag las phyir zlog par byed/ dge ba'i las la rab tu 'jig par byed pa na/ yang shin tu rjes su yi rang bar byed cing / rab tu spro bar byed/ dge ba'i las de nyid la rab tu 'jog par byed/ de nas yang rab tu gzengs stod par byed/ skyes bu dge ba/ bdag nyid la phan pa/ gzhan la phan pa byed pa ni lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang du dri tsam zhig gis gser gyi yon tan gyi khyim gyi gnas su skye bar 'gyur ro/ / der skyes nas kyang las bya ba legs par byas pa de gser gyi yon tan gyi khyim gyi gnas su skyes nas/ bde ba yang dag par myong bar 'gyur ba/ 'dod pa'i bde ba nges par
- 184b
myong bar 'gyur ro/ / gnas de na gser las byas pa'i khyim rin po che thams cad kyi 'od kyis brgyan pa yod de/ phug de ni 'od nyid yin no// khyim zhes bya ba'i phug ni 'di yin te/ der brgya byin yang 'ongs nas mtshar skyes te/ brgya 'gyur du rtse bar byed cing / 'di ltar tshigs su bcad de smras pa/ kye ma dge ba sngon byas pa'i// yang dang yang du bde ba dag/ sngon byas rjes su ldan pa'i rgyu// mtho ris rnams su lha spyod do/ / sngar ni rta gnyis ldan pa yi// shing rta yon tan de bzhin gnyis// ye shes lhag dang ldan pa yis// shing rta nyi ma bzhin du gsal// tshul khrims ldan zhing snying rjer ldan// 'byung po kun la snying ba zhing / / ma lta bur ni phan byed pa// lha yi gnas su rab tu 'gro// 'di ltar snying rje 'tshol ba'i mi// 'byung po kun la phan dga' ba// de la rten pa'i mi dag ni// sum cu rtsa gsum gnas su 'gro// rtag tu dul zhing snying rjer ldan/ / 'byung po kun la phan dga' ba// de ni mchod pa'i gnas 'gyur zhing // 'jig rten pha rol mtho ris dga'// snying rjer ldan pa'i mi dag ni// zla ba lta bur mdzes 'gyur zhing // mi de rtag tu lha 'dra la/ / lha rnams kyis ni 'dud par byed// 'byung po kun gyi gnas gyur pa// mya ngan bral zhing nyon mongs bral// de ltar bde ba 'dod pa yis// rab tu dang bas snying rje rten// de nas de ltar brgya byin gyis tshig su bcad pa de dag smras nas/ phug de na stan gyi mchog gser las byas pa rin po sna bdun gyi 'od rab tu 'bar ba/ steng du gding ba stan khra bo dang ldan pa/ do 'jam po gshis su bab pa/ dbyibs dang cha byad rnam
- 185a
pa sna tshogs dang ldan pa de dag gi steng du 'dug ste/ lha'i rgyal po brgya byin de lha'i tshogs rnams dang lhan cig 'khod do// lha rnams dang lhan cig 'khod nas lha mo'i tshogs kyis yongs su sgo cing / gzugs dang cha byad sna tshogs dang ldan pa'i lha mo rnams dang lhan cig tu yun ring du rtse bar byed/ yongs su spyod par byed do// de ltar yun rang zhig lon pa dang / phug de dag nas byung ste/ lha sna tshogs brgya snyed kyis yongs su bskor nas/ kun dga' ra ba'i skyed mos tshal zhes bya ba ga la ba der 'dong bar byed do// de ltar sil snyan dang rol mo'i sgra sna tshogs 'byin pa'i lha'i tshogs mthu che ba rnams phyi bzhin 'brang zhing 'dod pa na/ des kun dga' ra ba'i skyed mos tshal shing ljon pa 'bum phrag du ma gsal ba/ gser dang bai DUR+Ya'i shing ljon pa'i 'od kyi 'phreng ba 'bar ba rnams kyis kun nas mdzes par 'dug pa de dag rgyang ring po nas mthong ngo / / skyed mos tshal dang tshal rnam pa sna tshogs kyis brgyan pa/ de dpe bya bar mi nus kyang / cung zad cig dper bya na/ ji ltar nyi ma bdun shar ba'i 'od zer 'byung ba ltar skyed mos tshal de'i 'od kyang de lta bu yin te/ 'od sna tshogs de dag 'byung ba ni 'di lta ste/ kha dog sngon po dang / ser po dang / btsong kha dang / dkar po ste/ 'od kha cig ni 'dres pa yin no// de tshal de dang / skyed mos tshal de kun nas rab tu 'bar ba lta bur rnam par mdzes te/ 'od kyi kha dog sna tshogs rnams kyi 'khor gsal bar byas shing brgyan pa de yang / lha'i rgyal po brgya byin gyis mthong nas lha rnams la smras pa/ 'di ltar kun dga'
- 185b
ra ba'i skyed mos tshal dang / nye ba'i tshal brgyan pa la lha khyed kun ltos shig/ 'di dag kun mthong lags so zhes smras so// 'dir sngon gyi brgya byin gyi stan gyi phyed la 'khor lo sgyur ba'i rgyal po gling bzhi la dbang ba 'dug ste/ lha mo'i tshogs kyis yongs su bskor nas rtses so// lha'i 'jig rten gnyis la dbang ba lo 'bum phrag bye ba du mar spyad kyang tshim pa med do// dus de zad nas las kyi mtha' spyad pa leg par byas pa tshal der gnas pa de'i bzang ba gang yin pa dang / brjid pa gang yin pa de srid du rab tu mthu che bar gyur to// de ltar lha kun nyon cig/ sngon gyi dus na rgyal po nga las nu zhes bya ba zhig byung ste/ de mi'i gnas bzhi rnams la chad pa med cing mtshon gyis bda' ba med par bka' stsol bar byed do/ / de sngon las legs par byas pa rnams kyis 'dod pa dag la tshim pa med cing de lha'i yul 'dir 'ong bar byed do// de 'ong ba na rang gi lus la 'od 'byung bas/ ri'i rgyal po ri rab 'di bcu 'gyur du 'od dang ldan par gyur to// lha thams cad kyang zil gyis mnan nas 'od kyi nang du 'dug ste/ de'i tshe rgyal po de rgyal chen bzhi pa'i lha rnam kyis mngon par mthong nas/ mchod yon dang / rkang pa bkru ba dag thogs nas dong ste/ rgyal po chen po tshur gshegs/ bdag cag ni khyod kyis slad du mchis pa lags te/ bdag gi mchod yon khyod la 'os pa lags so/ / des lha de rnams kyi nang du mchod yon blangs nas/ de nas yang sum cu rtsa gsum pa'i lha rnams kyi nang du 'gro bar byed do// 'od des sum cu rtsa gsum gyi 'od kun med par byas te/ de ltar de gcig pu mi
- 186a
rnams kyi nang na nyi ma ltar rnam par mdzes pa de bzhin du/ de lha'i ris 'dir yang rnam par mdzes pa yin no// de ltar lha de dag gis 'od med par byas pa 'jig rten skyong ba bzhi rnams kyis mngon par mthong nas/ lha brtabs pa de rnams la smras pa/ 'di ltar rgyal po nga las nu de sum cu rtsa gsum du 'ongs te/ 'od 'di ni 'khor lo sgyur ba de'i shing rta dang / 'khor lo dang / lus kyi gzi brjid yin gyi/ 'od 'di ni lha ma yin rnams kyi ma yin la/ sa la rgyu ba gang gi yang ma yin te/ brtabs pas cho ga cho ga/ rgyal po de ni chos dang ldan zhing chos kyi rjes su 'jug pa yin no// de dag la de skad smras pa dang / rgyal po de sum cu rtsa gsum du 'ongs so/ / de'i tshe brgya byin kun dga' ra ba'i skyed mos tshal na rtse bar byed de/ dga' dgur spyod par byed do// de nas brgya byin gyis rgyal po de mthong nas/ khyod 'dir byon/ stan gyi phyed 'di lags so zhes stan gyi phyed bstabs so/ / de nas dbang po brgya byin de dang lhan cig stan phyed phyed la 'khod do// 'dod pa'i yon tan lnga 'byor cing ldan par gyur pa rnams kyis yun ring du 'khod do// de legs par byas pa'i las zad nas de nas yang slar lhung ngo / / des sum cu rtsa gsum gyi gnas 'di dag kun dpyad nas/ 'di ltar kun dga' ra ba'i skyed mos tshal 'dir dga' ba'i rnam pa 'di lta bu gzhan ma myong ngo // de ltar skyed mos tshal rin po che du mas rnam par brgyan pa 'di nyams dga' ba yin te/ de ltar sa 'di'i gzhal med khang mdzes pa gang yin pa de nyi ma bzhin rnam par mdzes pa yin no// de nas lha'i dbang pos
- 186b
de skad smras nas lha brgya phrag stong gis kun nas yongs su bskor te/ kun dga' ra ba'i skyed mos tshal ga la ba der 'dong bar byed do// skyed mos tshal du dong ste/ lha dang lha mo'i tshogs kyi rnam pas yongs su bskor nas rtse bar byed/ dga' dgur spyod par byed do// de ltar shing ljon pa sna tshogs dang / 'od rnam pa sna tshogs kyis brgyan par yun ring du bde ba rnam pa du ma myong nas/ rin po che sna bdun las byas pa'i shing rta nyi ma ltar gsal bas/ nam mkha' de nyid la sil snyan dang rol mo sna tshogs rjes su 'brang bzhin du lha'i 'dun sa chos bzangs ga la ba der dong ste phyin pa dang / de nyid du gzhan dag ji srid du 'dod pa sdug pa yid du 'ong ba byas shing bsags pa de zad par ma gyur pa de srid du 'dod pa'i yon tan lnga dang ldan pa rnams kyis rtse bar byed/ dga' dgur sprod par byed do// de zad nas de nas sems can dmyal ba dang / dud 'gro dang / yi dgas rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes na/ las de dang rgyu 'thun par de rtsod pa'i dus su mi skye zhing / rdzogs ldan gyi dus su skye bar 'gyur/ yul shin tu nyams dga' zhing / tshal dang nye ba'i tshal dang ldan pa dang / 'bras sA lu dang / nas dang / gro dang / bu ram shing ro dang ldan pa dang / skye bo dang shin tu ldan pa dang / chos dang ldan par shin tu skye bar 'gyur te/ rgyal po 'am/ blon po chen po skye bo kun dga' ba/ gzugs bzang po dang ldan zhing / dbang po tshang ba dang / bu dang tsha bo dang ldan par 'gyur ba mthong ngo //
- 187a
de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas 'phreng ba'i grib ma zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ las kyi mtha' sprad pa legs par byas pa sems dge ba'i bsam pa dang ldan par gyur pa gang gis srog gcod pa dang / ma byin par len pa spangs pa yin no// rnam pa du yod ce na/ gang bdag nyid kyis srog mi gcod pa yin te/ 'di ltar chu srin byis pa gsod dam/ ku bi ri 'am/ na kra 'am/ shang ka chu 'gram du bzung ste bcings nas/ gsod bzhin du sha btogs nas za ba 'am 'tshong ba srog gcod pa'i rnam pa de lta bu dang bral zhing / srog gcod pa gzhan yang tshul khrims la rab tu 'jog par byed/ srog gcod pa na rjes su yi rang bar mi byed cing / phyir zlog par byed la/ phyir zlog nas dge ba'i lam la rab tu 'jog par byed pa yin te/ rnam pa de dag ni srog gcod pa spangs pa yin no// ma byin par len pa spangs pa ji lta bu yin zhe na/ 'di la skyes bu dge ba dang ldan par gyur pa/ drang zhing drang po'i rang bzhin can/ sdom pa blangs pa chags pa'i bsam pa med pa gang gis dge 'dun gyi nang ngam/ mchod rten la bdug spos phul ba de la/ de sdom pa'i bsams pas snom par mi byed/ dri zhim po des gos la gos par mi byed/
- 187b
myong bar mi byed/ sna'i yul dang phrad par mi 'dod pa yin te/ rnam pa de dag yin no// gzhan ma byin par len pa shin tu chung ba yang mi len la/ gzhan len pa yang de ltar phyir zlog par byed dge ba'i lam la rab tu 'jog par byed/ de ltar phyir zhing lam bzang po la gnas par byed pa yin te/ de ni bdag la phan pa gzhan la phan pa byed pa'i skyes bu yin no// srog chags rnams kyi phan pa la rab tu zhugs pa ji lta bu yin zhe na/ ji ltar rang gi bu'i srog gcod par mi byed pa de bzhin du/ srog chags phre'u dang / grog sbur la sogs pa srog chags thams cad gsod par mi byed cing / de ltar gzhan dag kyang tshul khrims de nyid srung du 'jug la/ dge ba'i lam la rab tu 'jog pa yin no// sbyin pa la dga' ba ji lta bu yin zhe na/ 'di la dbul po tshegs chen po'i 'tsho ba/ bsam gtan dang po thob pa lam du zhugs pa la/ rang gi snod de nas zas kyi skal ba sbyin par byed cing / gzhan yang sbyin pa de lta bu byed du 'jug la/ bsod nams dag byed du 'jug pa yin te/ bdag dang gzhan la phan pa byed pa de lus dang bral nas bde 'gro mtho ris su sum cu rtsa gsum pa'i lha rnams kyi nang 'phreng ba'i gribo ma'i lha rnams kyi nang du skye bar 'gyur ro/ / der skyes nas yang de'i 'phreng ba'i grib ma'i lha rnams kyi nang lha'i ris den/ shing ljon pa 'phreng ba'i dri ma zhes bya ba kun nas 'od kyi 'phreng ba 'byung ba yod de/ me tog de dag gi dri shin tu zhim pa kun tu dpag tshad tsam du 'byung la/ shing ljon pa gzhan dag gi me tog rdol nas dri
- 188a
zhim po rab tu 'byung ngo / / de ltar yun ring du dga' ba'i me tog re re gang yin pas 'phreng ba lha'i mgo la 'ching bar byed do// 'phreng ba de yang kha dog rnam pa sna tshogs su yod de/ kha dog sngon po dang / ser po dang / btsod kha dang / dkar po rnams kun nas shin tu rnam par phye ba yin no// ji ltar mi'i 'jig rten na ri mo mkhan shin tu mkhas pa/ legs par bslabs pa/ byang zhing mkhas pa'i las kyis gnas dang gnas dag tu 'phreng ba shin tu sdug par bris pa de ltar shing la rnam par 'byung bar 'gyur te/ shing de rnams las phun sum tshogs pa de lta bu skye bar 'gyur ro// de nas yang rnam pa gzhan gyis lha de rnams yul gyi bde ba lnga myong bar 'gyur te/ sil snyan yan lag lnga dang yang dag par ldan pa rnams tshal dang nye ba'i tshal du rtse bar byed/ dga' dgur spyod par byed do// 'dod pa thams cad dag par 'byor pa des lha rnams gang dang gang ya de la sems pa de dang de nyid yang dag par 'grub bo/ / de ltar nyams su dga' ba rnam pa sna tshogs du ma 'byung bar 'gyur te/ las legs par byas pa des lha rnams kyi thams cad yang dag par 'grub bo/ / de nas bde ba gzhan dang yang dag par ldan par 'gyur te/ rdzing me tog sna tshogs dang ldan pa zhes bya ba yod la/ de'i mthu 'di lta bu 'byung ste/ 'di lta ste/ me tog kha phye ba zhe bya ba 'byung ngo / / de rnams kyang zhum par mi 'gyur la/ rin po che sna bdun gyi bung ba rnams kyis nye bar brgyan te/ bung ba de dag kyang lnga'i glu dbyangs len pa yin no// der lha mo de dag rnams shin tu dag bskyed de/
- 188b
kye e ma bung ba sna tshogs dag shin tu nyams dga' bar byed pa yin la/ bdag cag gi snying la yang rab tu sim pa 'byung ngo zhes phan tshun smra ste/ de ltar byung ba sna tshogs kyi rdzing rnams su glu dbyangs len no// de nas yang rdzing shin tu bkra ba rnams su bya dang pa dang / dang mo babs pa rnams kyis pad+ma'i rdul slong ste/ gser dang dngul gyi kha dog lta bu'i rdul gang gis chu de dag thams cad mnyam par khebs so// chu khebs pa de ngur pa rnams kyis mngon par mthong nas skad snyan pa 'byin cing rgyug go/ de ltar bya rnams kyi 'dra bar gang ba'i rdzing de dag yang dag par shes nas/ lha dang lha mo'i tshogs kyis gang ba rnams yid shin tu rab tu dga' bas bya'i tshogs de dag ga la ba der shin tu glu len bro rdung zhing 'dong bar byed do/ / lha gzhan gang yin pa de dag kyang rol mo'i sgra rnam pa sna tshogs kyis rtse ba rnams yongs su btang nas/ bya'i tshogs 'dus pa ga la ba der rtse ba'i don du 'dong bar byed do/ / de nas der yang dga' bar byas nas/ skyed mos tshal khang bzangs dkrigs pa zhes bya ba ga la ba der 'dong bar byed do// khang bzangs dkrigs pa de na rin po che sna bdun gyi ka ba rnams kyis yongs su bskor ba yin te/ 'di lta ste/ bai nuR+Ya dang / gser dang / dngul dang / shel dang / spug rnams kyis brgyan cing mdzes par byas so// lha mo rnam pa sna tshogs kyis kyang brgyan cing sa phyogs de mdzes par byas pa yin te/ der yang lha rnams dga' bar byed/ rtse bar byed/ dga' dgur spyod par byed do// der yang yid shin tu bde ba lha'i rgyan gyis rnam par brgyan
- 189a
pa/ lha'i tsan dan gyis lus bskus pa// phan tshun gnod pa kun med pa dang ldan pa/ phan tshun dga' ba/ phan tshun snying la mi bde ba med pa dang ldan pa/ phan tshun phrag dog dang 'thab mo rnams kyis skyo ba med pa/ rang gi las kyi 'bras bu la spyod pa/ mtho ris kyis sna tshogs rnams su las sna tshogs dang ldan pa/ rang gi las kyi 'bras bu mngon sum pa'i lha rnams rtse bar byed/ nye bar spyod par byed do// de nas yang dpag bsam gyi shing gi tshal ga la ba der 'dong bar byed do// der mthu 'di 'byung ste/ yid la gang dang gang sems pa de dang de dag shing de rnams nyid las 'thob bo/ / tshal de na shin tu dri zhim zhing ro phun sum tshogs pa'i bza' ba dang btung ba chu bo ltar 'bab ste/ las legs par byas pa mngon sum du gyur pa'i lha de rnams yid rab tu dga' bas rtse zhing chu bo rnams kyi chang zhim po la 'thung la/ bdud rtsi la yang za bar byed do// bza' ba dang btung ba'i ro ngas tshim pa med pa de rnams bde ba 'bab pa lta bu de/ brgya 'gyur du mdzes pa yin no// de nas der yang rtse bar byed de/ rtse ba sna tshogs byas nas/ pad+ma dkar po'i lo ma'i tshal zhes bya ba ga la ba der 'dong bar byed do// tshal de na pad+ma dkar po gang yin pa de dag gi lo ma dang / mdog dang / dri dang / ro shin tu phun sum tshogs pa yin la/ de dag las chang zhim po 'byung ste/ ji ltar ston sa nas chang gi rgyun 'byung ba de bzhin du yongs su 'byung ngo // pad+ma dkar po'i mdog gang yin pa las chang gi mdog dang / ro dang / dri de dang 'thun par
- 189b
de nyid las 'byung ngo / / pad+ma gser gyi mdog gang yin pa las chang gi mdog de dang de 'thun par 'byung ngo // bai DUR+Ya'i mdog gang yin pa las de dag kyang mdog de nyid dang 'thun par 'byung ngo // shel gyi mdog gang yin pa las de dag kyang de nyid dang 'thun par 'byung ngo / / sngo bsangs dang / spug lta bu gang yin pa las chang gi mdog de dag kyang de dang 'thun par 'byung ngo // kha dog sna tshogs gser gyi 'dab ma bai DUR+Ya'i sdong bu// rdo rje'i myu gu dang / ze ba gang yin pa las chang sna tshogs de dag kyang de lta bu nyid du 'byung ste/ kun nas dri shin tu zhim pa dang ldan pa'i chang de dag las kyang 'thungs nas rtse zhing / skyed mos tshal gzhan kun tu snang zhes bya ba ga la ba der rtse ba der gnas par bya ba'i phyir 'dong bar byed do/ / de nas skyed mos tshal kun tu snang ba der yang phyin nas/ de na gnas pa'i lha kun sum cu rtsa gsum pa'i lha rnams rtse zhing gnas pa'i sa phyogs de dag nyid la lta bar byed de/ de na lha rnams lha'i bde ba la nye bar spyod pa mthong ngo // de nas de dag thams cad kyang mthong nas de na dga' ba 'di dag yod de/ 'di lta ste/ kun nas rdzing kun tu bskor ba zhes bya ba yod de/ des skyed mos tshal de kun nas yongs su bskor ba yin la/ zheng du rgyang grags gsum yod pa/ chu shin tu dang bas yongs su gang ba/ bai DUR+Ya'i bcag 'phro'i mdog lta bu'i chus shin tu gang ba yin no// rdzing kun nas bskor bar bya ngang pa dang ngur pas mdzes par byas pa yin te/ bya thams cad kyang kun nas mdog bzang po/ rgyab ni gser btsom/ rkang pa ni byu ru/ mig ni ke ke ru/ 'gi'u wang gis ni thig
- 190a
ler bris/ / sgra snyan bstan par 'byin te/ sgra'i gdangs sna tshogs su 'byin cing rtse bar byed do// der dong nas skyed mos tshal gyi nang du zhugs pa'i lha de rnams gser gyi 'od des ji ltar seng ldeng gi mdag ma bsdus pa'i nang na gser dang ra gan bsregs pa lta bur de ltar mdzes pa yin la/ lha de rnams phan tshun rang rang gi dngos po de dag la lta bar byed de/ 'di ltar lha'i gzhal med khang gi mthu 'di la khyed rnams ltos/ 'dir bdag cag gi gzhal med khang gi mthus kha dog ser po nyis 'gyur du byung ngo zhes smras so// de rnams gzhal med khang sna tshogs de dag na shin tu dga' ste/ der yang 'don pa'i yon tan lnga 'byor cing ldan par gyur pa rnams kyis dga' bar byed/ rtse bar byed do// lha'i yul la sems chags pa dag sred pas chog mi shes te/ ji ltar sbyin sreg byed pa'i mchog mi shes pa de bzhin du/ lha rnams kyi sgra dang / ro dang / gzugs dang / dri sdug pa yul gyi chu bo rnams nyid kyis chog mi shes te/ ji srid du las byas shing bsags pa bcom zhing spangs par ma gyur pa de srid du des de dag na rtse bar byed/ dga' dgur spyod par byed do// de zad nas de yang lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ / gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de rtag tu shin tu bde bar 'gyur/ lus me tog
- 190b
gi 'phreng ba dang / phye ma dang / byug pas byugs pa dang / rtag tu yid rab tu dga' la mchog tu 'byor pa dang ldan pa'i rgyal po 'am/ blon po chen por 'gyur te/ skye bo kun dga' ba dang / nad med pa dang / gnod pa med par 'gyur bar mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas dma' ba dang mtho ba na rgyu ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dag spangs pa yin te/ 'di lta ste/ 'tsho ba'i don du sbrul gsod pa pos sbrul rnams kyi mgo bo gshags nas nor bu 'byin par byed de/ 'di ltar nor bu 'di dag gis bdag cag gi 'tsho ba bya'o snyam nas sbrul de dag gsod par byed do// rnam pa de lta bu'i srog gcod pa mi byed cing / gzhan grog sbar la sogs pa la yang yid kyis gnod pa mi byed la/ sems can gzhan sems can du 'du shes nas srog gcod par mi byed pa yin te/ rnam pa de dag ni srog gcod pa spangs pa yin no// ma byin par len pa spangs pa ji lta bu yin zhe na/ 'di la rtswa dang bong ba tsam yang rku sems kyis rku bar mi byed cing / ma byin par len pa shin tu phra mo yang mi len pa yin no// 'di lta ste/ glegs bam mam de dang 'thun pa gzhan dag rku sems kyis len par byed la/
- 191a
de blangs nas gzhung slob par byed pa yin te/ rnam pa de lta bu yang spangs pa yin no// sbyin pa sbyin pa ji lta bu yin zhe na/ 'di la tshogs chen pos 'tsho bar gyur kyang gang bdog pa de la ser sna mi byed pas/ bsam gtan dang po pa dag la chos gos dang / bsod snyoms dang / mal cha dang / na ba'i gsos sman gyi rkyen gyi yo byad dag 'bul bar byed cing / de bzhin du bsod snyoms 'bul bar byed/ dge 'dun gnas pa'i sa phyogs kyi bde ba dge 'dun bde bar gnas par bya ba'i phyir mnyam par byed pa yin te/ de ltar bdag nyid kyang sbyin pa la dga' la/ gzhan yang dge ba'i lam de nyid la rab tu 'jog par byed/ sdig pa las kyang zlog par byed pa'i skyes bu dge ba/ bdag nyid dang gzhan nyid la phan par rab tu zhugs pa ni/ lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang dma' ba dang mtho ba'i gnas su skye bar 'gyur ro/ / shin tu bde bar gnas pa der skyes pa'i gnas de dag tu/ stan khra bo'i nang ras bal gyis gang ba lta bur mnyen zhing gzhi shin tu 'jam pa la rkang pa bzhag na nems zhes byed/ de nas rkang pa bteg na 'phar zhes byed pa la mnyam pa yin te/ dper na rlung gi shugs kyis chu rab tu bskyod na/ rlabs mi mthun par 'byung la/ de nas rlung gi shugs med na mnyam par 'gyur ba de bzhin du/ sa gzhi de yang kun nas dma' ba dang mtho ba yin no// de nas yang gnas de kun nas shin tu dri ma med pa yin// dper na me long shin tu dri ma med
- 191b
pa'i nang du gzugs brnyan bsgyur ba 'byung ba de bzhin du/ gnas de dag tu lha de'i gzugs brnyan snang ngo // de nas yang gnas de nyid du lha'i ngo mtshar du bya ba 'byung ste/ gang lha gzhan de dag bsam pa sems pa 'am/ lha gzhan du 'gro bar sems na/ de ji ltar yi ger bris pa'am/ yi ge kun tu mngon par bris pa mthong ba de ltar lha de so sor shes shing so sor mngon par shes te/ de nas yang lha mo de dag dang shin tu rtse bar byed do/ / de nas gzhan yang gnas de dag tu ngo mtshar du bya ba gzhan gang bstan pa'i gnas ni 'di lta bu yin te/ lha de dag gang 'dod pa'i bde ba de dag thams cad 'byor par 'gyur la/ de ltar lha de rnams sum cu rtsa gsum pa'i lha'i ris mtho ba dang / dma' ba'i gnas dag na bde ba myong ba yin no// de nas yang lha gnas pa skyed mos tshal na rtse zhing gnas pa de dag skyed mos tshal du dga' spyod byed du 'dong ste/ 'di lta ste/ chang zhim po'i tshal zhes bya ba tshal chen po kun nas dril bu g.yer kha'i dra ba sgra 'byin pas dkrigs pa/ shing ljon pa rnam pa du mas brgyan pa/ bya sna tshogs dang / me tog dang / 'bras bus shin tu rnam par phye ba'i tshal de na/ lha de rnams sil snyan yan lag lnga dang ldan pas kun nas bskor nas rtse bar byed de/ shin tu yid du 'ong ba'i dbang po lnga'i yul gyi 'bras bu'i bde ba dag myong bar byed do// de nas yang gnas de dag na gzhal med khang gi tshal dag yod de/ 'di lta ste/ tshal gsar pa'o// tshal de na gang gi tshe lha dag skyed mos tshal du dga' sprod byed du 'dong ba de'i tshe shing ljon pa de rnams kyi gzugs gsar du
- 192a
skye ste/ 'di ltar lha mo de dag gis 'bras bu bde bar btog tu slebs par 'gyur ro// tshal de yang kun nas rin po che sna bdun las skyes pa/ shing ljon pa nyi ma shar ba'i 'od lta bu rnams kyis brgyan pa/ me tog dang 'bras bu kha dog du ma rnams kyis brgyan pa/ bya sna tshogs sgra 'byin cing dga' bar byed pa'i bya rnams kyis brgyan pa/ lo ma'i nang du gnas pa'i bya sgra 'byin pa rnams kyis tshal de kun nas sgra 'byin pa lta bu yin te/ de ltar shin tu dga' ba'i tshal de na/ lha de rnams yul drug la chags pa'i sred pas dga' bar byed/ dgod par byed/ rtse bar byed/ dga' dgur spyod par byed do/ / de dag 'di ltar shin tu nyams dga' ba/ mig dang / rna ba dang / sna'i ro dga' ba'i tshal de nas mtho brtsegs zhes bya ba ri rab kyi rtse mo der 'dong bar byed do// lha mo blta na sdug cing rgyan dang cha bya sdug pa de rnams nye ba na glu dbyangs len bzhin du mtho brtsegs zhes bya ba ri rab kyi rtse mo kun nas dpag tshad bcu yod pa der dong ngo / / de'i steng na rnam par mdzes pa zhes bya ba'i rdzing rin po che sna bdun gyi me tog ut+pa la sngon po dang / ko ka na dang / ku mud rnams kyis khebs pa// chu rnyog pa med cing bya ngang pa dang ngur pa'i sgra rnar snyan pa 'byin pa/ kun nas khang bzangs kyis yongs su bskor cing rin po che sna bdun gyi ka ba rnams kyis brgyan pa/ kun nas tshal dang nye ba'i tshal gyis phyogs bskor ba gzugs blta na sdug pa rnams kyis rdzing bskor bar lha de rnams lha mo'i tshogs kyis yongs su bskor nas
- 192b
bro gar byed/ dgod par byed/ rtse bar byed do// myos pa'i skyon dang bral ba'i lha'i chang dag la 'thung bar byed cing / 'dod pa'i ro drug tu gyur pa'i 'bras bu zhim po gzhan dag la za la/ 'bras bu de dag gi nang na yod pa'i chang la/ lha mo rgyan dang cha byad sna tshogs thogs pa de dag dang lhan cig 'thung bar byed do// phyogs gzhan na lha mo rnams glu dbyangs len/ dgod par byed cing / pi wang dang / gling bu dang / la bar rdal mkhas pa/ phan tshun dga' bar gnas pa'i lha mo dang / lha'i tshogs dag rdzing de bskor nas/ lha dang lha mo'i tshogs yid du 'ong ba rnam pa sna tshogs nye bar gnas pa rnams gyis yun ring du rtse bar byed/ dga' dgur spyod par byed do// de nas gal te yun ring du 'das na/ lha de rnams rdzing gi phyogs de nas thams cad yid du 'ong ba'i skyed mos tshal ga la ba der 'dong bar byed de/ lus me tog gi 'phreng ba dang / phye ma dang / byug pas byugs pa rang gi 'od la rang gi legs par byas pa/ dman pa dang / 'bring ba/ khyad par du 'phags pa las byas pa'i mthu de dag dang lhan cig tu rtse bar byed do/ / las de dang 'thun par yid bde ba 'byung bar 'gyur te/ gang gis legs par byas pa rnam pa ji tsam du byas pa de'i rnam pa de tsam nyid du mig gi rnam par shes pa'i dmigs pa yid bde bar 'byung ngo / / 'di ltar gang gis las dman pa byas na/ de dang rgyu 'thun par gzugs dmigs pa gcig la gzugs de nyid mthong bar 'gyur/ gang gis las 'bring du byas na de gzugs 'bring po blta
- 193a
na sdug pa gzugs de nyid mthong bar 'gyur te/ de'i yid bde ba 'bring du 'byung bar 'gyur/ gang gis las khyad par du 'phags pa byas na/ lha de gzugs dang / bong tshod dang mdog dang / dbyibs dang / gzugs shin tu blta na sdug pa mthong bar 'gyur te/ lha'i ris 'dod pa na spyod pa thams cad dang / sa thams cad du bsnyad pa gang yin pa/ gzugs dang / dri dang reg pa dmigs pa thams cad ni de lta bu yin la/ de dag gi nang na lha dag nyid ni spyi gcig ste/ gzhan du na las kyi 'bras bu rnam par smin pa gsum du mi 'gyur ro// de lta bas na yid bde ba rnam pa gsum yang gzhan dang gzhan du rig par bya ste/ de bzhin du las so sos lha mo gzugs bzang zhing rgyan dang cha byad thogs pa so sor rig par bya'o// de nas lha yid bde ba skyed mos tshal du dong / sgra dang reg pa dang / ro dang / gzugs dang / dril tshim pa med pa de dag thams cad dge slong des mthong nas/ 'di ltar tshigs su bcad de smras pa/ bskal mtha'i nyi mas rab bsregs na// rgya mtsho rnams kyang bskams 'gyur gyi/ / bskal pa bye brgya rnams su yang // mthong ba'i gzugs kyis tshim mi 'gyur// char 'bab la sogs chu rnams kyis// rgya mtsho gang bar 'gyur srid kyi// lta ba rgya mtsho gzugs rnams kyis/ / tshim pa yod par mi 'gyur ro// 'dod pa dag la tshim med pa// lus can mya ngan ldan pa yi// sred pa sna tshogs gang yin pa// sred de ci dga' bde rtags gam// 'dod pa/
- 193b
skyed pa'i bde ba gang // mkhas la bde ba de mi 'dod// 'dod las rnam par grol ba gang // de ni bde la bde mchog 'gyur// bde dang 'dra bar 'dres pa gang // zas ni dug dang 'dres pa ba'i sresrid dang rnam par bral ba gang / / zas dang 'o mar 'dres pa bzhin// gti mug mun pa mi shes pa// byis pa rnams ni 'dod pas bsregs// ma la ya yi dga' tshal gang // srin bu ngan pas chud gsan sred dang bcas la rtog pa gang / / de rnams kyi ni grangs med la// rnam par rtog pa tshim med pa// 'chi bdag rgyal pos mngon par 'joms// rnam rtog 'dod pa'i dbang song rnams// sred pa dag na yul la gnas/ / bde ba'i skal ba ma mthong ste// de ltar de bzhin gshegs pas mkhyen// 'dod pa rab tu slu byed pa// rmongs pa'i chos te rmi lam dang // dri ba'i grong khyer lta bu dang // gsog dang gsod snying po med/ / sgyu ma 'dra zhing dbu ba 'dra// de bzhin 'bras bu kim pa 'dra// 'dod pa 'jig rten phan mi byed// me lta bur ni yongs su bsgrags// 'dod pa'i nyes dmigs shes pa gang // de ni 'bras bu myong bas rmongs/ / brtan po de nyid mthong ba de// the tsom bral zhing nyon mongs bral// bsams na de bzhin 'thob 'gyur la// mi rnams de bzhin rab tu nyams// thams cad du ni sdig byed pa// 'dod pa 'jig rten zang zing bzhin/ / 'dod pas yid ni tshim med pa// lha rnams de dang de 'chi ste// 'dod pa'i sgra yis yongs bslus pa// rmongs pa sems can dmyal bar ltung // 'dod pa chags pa dug gi gnas//
- 194a
bud med nya ltar 'jug pa dag/ chu bo'i rlabs ni g.yo ba dang // glog gi 'phreng ba lta bu yin// rnam par bsams na rnam par 'phel// 'phel ba rnams ni me dang 'dra// 'dod gzhi thog ma tha ma med/ / de bas blo ldan rnam par spongs// ji lta ji ltar sten byed pa// de lta de ltar 'phel 'gyur te// reg pa me dang 'dra bar mched// 'dod pa'i rnam par smin pa tsha// rtag tu nyes pa 'di shes na/ / brtan po 'dod la 'bral bar byed// 'dod pa yongs su spangs pa yi// bde ba mthar thug thob par 'gyur// stong phrag dag ni 'bum snyed kyi// grangs med pa yi lha rnams dag/ me yis 'jigs pa dmyal ba ru// 'dod pa bsten pas ltung bar 'gyur// ji ltar bde ba 'dod pa dag/ me dang dug dang mtshon cha spongs// sems can dmyal ba'i rgyur 'gyur ba// de ltar rtag tu 'dod pa spongs/ / mi gang 'dod pa'i dbang song ba// 'dod pa dag gis bslus zhe'am// sdug bsngal gyis ni mi gnod ces// nams kyang ma thos ma mthong ngo // thams cad gnas skabs thams cad du/ / 'dod pa me lce 'bar ba 'dra// de dag yid la ma byed cig/ de lta bas na 'dod pas chog/ de nas dge slong des lha 'dod pa'i dbang du song ba de dag mngon par mthong nas/ gzhan yang lha shin tu bag med pa rnams la snying rjes yang dang yang du ston to/ / de nas yang yid bde ba de thams cad dang ldan pa'i lha de dag thams cad skyed mos tshal du 'dong ste/ lha mo cha byad dang sil snyan sna tshogs thogs pa de rnams
- 194b
nye bar glu dbyangs len cing / sil snyan dang rol mo sna tshogs kyis dbang po thams cad g.yengs pa/ skyed mos tshal de nyid du 'dong bar byed do// skyed mos tshal de yang 'bab chu dang / lteng ka dang / tshal dang nye ba'i tshal dang / gling dang / pad+ma'i rdzing du ma rnams kyis brgyan pa/ mthong na shin tu yid 'thad pa/ phyogs gang dang gang du lha'i mig lta ba 'jug pa de dang der 'dod pa yid du 'ong ba'i gzugs rnam pa sna tshogs mthong ste/ de ltar mig gis gzugs sdug pa rnams mthong ngo // de nas yang lha rnams gang dang gang du sgra mnyan par 'dod de 'gro ba de dang der lha rnams kyis sgra 'dod pa/ snyan pa/ yid du 'ong pa rnams thos so/ / de bzhin du gang dang gang du snas dri snom par 'dod pa de dang de nyid du 'dod pa zhim pa yid du 'ong ba chags par 'gyur ba shin tu yid du 'ong ba'i dri dag snom mo// de bzhin du ro dang / rom dbang po yang gang dang gang du lha rnams gtong ba de dang de nyid du lha de rnams ro nyams dga' ba/ ro shin tu zhim pa'i ro'i ston mo sgrib pa med cing ji ltar 'dod pa rnams la za bar byed do// de bzhin du lus kyis kyang reg bya gang dag 'dod pa de dag kyang 'dod pa sdug pa yid du 'ong ba de dag nyid la reg par byed do/ / de bzhin du yid kyis kyang chos gang dag 'dod pa de dag kyang 'dod pa sdug pa yid du 'ong ba de dag nyid yang dag par shes so/ / lha yul la chags shing bag med pa de dag nyid la gnas pa'i lha de rnams yid la sgrib pa med la bde ba dang / cha byad dang / 'dod pa nye bar spyod pa na/ ji srid du 'dod pa
- 195a
sdug pa yid du 'ong ba'i las byas shing bsags pa so so yang dag par myong bar 'gyur ba de zad par ma gyur pa de srid du rtse bar byed do/ / de zad nas lha'i 'jig rten de nas 'chi ba 'gyur te/ shi nas kyang las nye bar 'gro ba ji lta ba bzhini sems can dmyal ba dang / yi dgas dang / dud 'gro rnams kyi nang du skye bar 'gyur ro// las ji ltar byas pa bzhini gal te mi rnams dang skal ba mnyam par mi'i nang du skyes na/ las de dang rgyu 'thun par de rtag tu shin tu bde ba dang ldan zhing / me tog 'phreng ba dang / phye ma dang / byug pa la dga' ba/ sems drang zhing nor mang po dang ldan pa dang / yid rab tu bde ba dang / sems can thams cad kyi myong bar 'gyur bar gzugs bzang po dang ldan pa dang / skye bo'i tshogs thams cad rab tu dga' ba dang / shin tu sdug pa'i bu dang chung ma dang ldan pa dang / spyod pa nyams pa med pa dang ldan par 'gyur/ nams kyang de dag gi nor dag rgyal po dang / chu dang / me dag gi 'jigs pas 'phrog pa med cing / rgyal po'i bu 'am/ rigs chen por skye bar 'gyur// ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas bkra ba sna tshogs kyis phye ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/
- 195b
skyes bu dge ba/ dge ba'i bsam pa can du gyur pa gang gis srog gcod pa dang / ma byin par len pa spangs shing / gzhan dag kyang de ltar byed du 'jug la/ dge ba'i lam la rab tu 'jog par byed pa yin no/ / srog gcod pa spangs pa rnam pa du yod ce na/ 'di la gzhan la thams cad nas gnas skabs thams cad du gnod pa mi byed cing gnod pa byed du mi 'jug la/ rjes su yi rang bar mi byed/ srog gcod pa dang lhan cig rtse bar mi byed/ 'dre bar mi byed/ tshig tsam yang mi smra/ kun nas nyon mongs pa'i gtam mi zer/ sdig pa byed pa de dang lhan cig lam du'ang 'grogs te mi 'gro ba yin no// srog gco pa mi byed pa ji lta bu yin zhe na/ 'di la slu bar byed pa gang glu 'am/ rol mo'i sgra 'am/ pi wang ngam/ rnga'i sgra 'am/ gling bu'i sgras ri dgas sam bya dag gsod par byed pa 'am/ ri'i gsapa gseb na 'khod pa'i ri dgas sam/ bya dag gsod par byed cing / gzhan dag kyang de nyid la rab tu 'jog par byed pa'i phyogs de dag spangs shing / de dag thar par byed/ smod par byed/ byed du mi 'jug/ yid la yang sems par mi byed pa yin te/ rnam pa de dag ni srog gcod pa spangs pa yin no// ma byin par len pa spangs pa ji lta bu yin zhe na/ 'di la 'jal lugs la g.yo byed cing / slu bar byed pa tshong pa'i bsam pa can chos dang mi ldan zhing chos kyi rjes su mi 'jug pa/ ma byin par len pas 'jig rten slu bar byed pa yin no// slu bar byed pa ji lta bu yin/ rnam pa ni du yod ce na/ 'di lta ste/ srang
- 196a
mda'i nang du bye mthugs nas/ bye mas gzhan lugs la g.yo byed pa yin te/ rnam pa de dag gis skyon du mi lta bar sems can slu bar byed pa yin no// de dag phyir zlog par byed pa yin te/ 'di ltar bdag gi phyir ram/ bu dang chung ma'i phyir ram/ nor rdzas bsags pa'i phyir ram/ sdig pa'i grogs po'i phyir rtag tu ma byin par len pa ma byed cig/ yi dgas dang dud 'gro/ ngag gi 'gro bar mi ltung bar gyis shig/ rnam par smin pa mi bzad pa yin te/ ma byin par len pa'i rnam par smin pa mi bzad pa yin no zhes de ltar bdag nyid mi byed cing rkyen du gtogs pa yang yongs su spong bar byed/ gzhan dag kyang phyir ldog par byed/ rjes su yi rang bar mi byed/ dge ba'i lam la yang dag par rab tu 'jog par byed pa yin te/ de ltar skyes bu de ni bdag la phan pa dang / gzhan la phan pa byed pa yin no/ / yang sbyin pa la dga' ba ji lta bu yin zhe na/ 'di la rgyu med cing 'bras bu dang mi ldan pa rgya mtsho rgal te 'am/ 'brog dgon pa rgal te 'am/ gzhan dag la brten nas nor bsgrub pa gang yin pa de dag mgon med cing / nyon mongs sdug bsngal ba la sems bsgoms pa/ yid gus pa bskyed par gyur pa/ dbang po dang sngon du 'gro bas sbyin par byed pa dang / bsam gtan gnyis pa thob pa'am/ de las gzhan pa'i sdug bsngal ba la sbyin par byed pa yin te/ de dag ni sbyin pa la mngon par dga' ba yin no// srog chags rnams kyi srog sbyin pa ji lta bu yin zhe na/ 'di la nya pa 'am/ bya bsanya
- 196b
dag bzung nas de yang 'tshong bar byed pa na/ srog gi lhag ma rin gyis blus nas thar par byed pa yin te/ de rang gi chu'i nang du 'jug cing gtong la rab tu 'jog par byed/ sems dang dbang po yang rab tu dga' bar byed/ gzhan dag kyang de ltar byed du 'jug/ yang dag par dga' bar byed/ dge ba la mngon par 'jug par byed/ bsams nas kyang / kye e ma bdag gis las legs par bsgrubs so// yang bya'o// gzhan yang byed du 'jug go snyam ste/ de ltar legs par byas pa'i las kyi nyer bsdogs dang / las kyi lam dang / las kyi mjug/ bdag dang gzhan gnyis ka la phan par byed pa/ srog gcod pa dang / ma byin par len pa dag spangs pa yin te/ yang dang yang du srog chags la phan pa'i phyir ram/ srog yongs su bskyab pa'i phyir ram/ srog sbyin pa'i phyir ma byin par len pa spangs pa yin no// bdag dang gzhan yang sbyin pa la mngon par dga' ba yin te/ bdag dang gzhan nyid tshul khrims rnam pa gnyis bsrung ngo // rnam pa yang bdag nyid 'jug pa dang ldog pa yin te/ skyes bu tshul khrims dang ldan pa/ bdag dang gzhan la phan par byed pa/ lus dang bral te shi ba'i 'og tu bde 'gro mtho ris kyi 'jig rten sum cu rtsa gsum pa'i lha rnams kyi nang bkra ba sna tshogs kyis phye ba'i gnas su skye bar 'gyur ro/ / der skyes nas kyang legs par byas pa'i las kyi mtha' spyod pa'i nor bu'i gzugs rnam pa sna tshogs kyi 'od kyis phye ba/ bkra ba'i gnas rnams su skyes pa de dang po nyid
- 197a
du re zhig lus la 'od 'byung ste/ gzugs sna tshogs dang / kha dog dang / bgo ba rnam pa sna tshogs 'byung ngo // de'i lha'i bgo ba dang / byug pa dang / lus brgyan pa sna tshogs phyi bzhin 'brang ngo / / lha de'i dang po byung ba dag la 'di snyam du sems te/ bdag las gang gis 'dir skye zhig gu snyam ste/ de'i yid kyis sngon ji ltar byas pa sngon gyi tshe rjes su dran par byed do// / de 'di snyam du sems te/ kye e ma 'di ni legs par byas pa'i las kyi 'bras bu nye bar gnas pa yin te/ e ma bdag ni legs par byas pa'i las kyi mtha' spyod pa/ legs par byas pa'i las kyis/ 'dir skyes pa lta zhig snyam mo// de de ltar sems pa na/ de nas legs par byas pa'i las kyi dbang de dang lhan cig tu lha de'i las dang / las kyi dbang gis thog ma kho nar re zhig sil snyan yan lag lnga dang ldan pa'i sgra thos so/ / thog mar kun nas 'ongs pa mngon par 'dod cing dga' ba'i lha mo de dag glu len to// gla gang gis gnas de dag nas ri'i rtse mo dang / phug gang bar byed cing / snyan pa des ri dgas dang / bya rgyags pa thams cad gar byed do// yang dang yang glu de dag gi sgra thos nas brgya 'gyur du rgyags pas dregs te/ de ltar thog ma kho nar de'i glu'i sgras sems g.yeng bar byed do// de'i 'og tu de'i gzugs mthong ba la thog mar 'dod pa dang / lhan cig 'dod chags skyes te/ de ltar de yon tan du mas g.yengs pa/ gzugs mthong bas tshim pa'i lha mo de dag phyir phyogs pa mthong ngo //
- 197b
de dag kyang gzugs dang / cha byad dang / rgyan du mas brgyan pa/ gzugs dang / cha byad dpe med pa dang ldan pa yin no// de 'di snyam du sems te/ 'di dag su yin/ 'di dag gang gi yin snyam mo// de sems bskyed ma thag nyid du shin tu 'dod chags bskyed pa'i blo la/ lha mo de dag gis 'di ltar tshigs su bcad de smras pa/ shin tu 'dod chags sna tshogs kyi// rgyu yi mchog ni bdag cag ste// de ni lha khyod kyi lags pas// bde ba'i rnam pas rol par mdzod// de ltar des tshigs su bcad pa yid la bzung ste/ bde ba'i rnam pa de dag mthong nas/ lha mo de dag ga la ba de logs su shin tu phyogs shing mthong bar 'dod pa/ / reg par 'dod pa/ yang dang yang du de nyid du 'gro bar byed do// 'di ltar de'i 'dod chags kyi rgyu gsum pa byung ste/ sems ni dbang po la rag las par gyur la/ dbang po la rag las pa ni yul la sems 'gyur ba kho na la rag las pa yin te/ de ltar chags sems dang ldan pa de yang de dag la reg par 'dod pa/ reg par byed pa// shin tu chags sems dang ldan pa de dag kyang lha de nyid la reg par byed do// de ltar 'dod chags kyi rgyu gsum pa nye bar 'byung ngo // de'i dri mtshungs pa med pa thob nas 'di snyam du sems te/ 'di lta bur yid du 'ong ba/ bdag cag gi sna 'dren par byed pa/ shin tu chags pa'i rgyu dri 'di su'i yin zhig gu snyam mo// de lha mo de dag gis de ltar 'khyud pa dang dri mtshungs pa med pa nyid la de snom par
- 198a
byed do/ / gang dper bya ba med pa de brtags na/ dri 'di ni lha mo'i yin no snyam ste/ de ltar de'i 'dod chags kyi rgyu bzhi pa'i dbang du gyur pa yin no// de ltar yul bzhi la sems shin tu chags pa de la lha mo de dag chang zhim po rnam pa sna tshogs dang lha'i zas bdud rtsi dag stob par byed de/ de ltar de'i 'dod chags bskyed pa'i rgyu lnga pa 'byung ngo // de ltar de'i shin tu 'dod chags bskyed pa'i rgyu lnga la rnam par chags pa/ dpe med pa/ thog ma kho nar 'byung ste/ lha'i 'dod pa sten pa yang dag pa ma yin pa'i las kyi 'bras bu dang por shes pa de dag thams cad yul gyi bde ba la rnam par chags pas mi mngon no/ / de nas yang shin tu chags shing shin tu 'dod chags pa'i sems pa 'dod chags kyis bskrad pa'i snying gis lha mo de dag ga la ba der 'gro bar byed do// de dag thams cad kyang lha'i bu de ga la ba der phan tshun dgod cing rtse la/ dga' dgur spyod bzhin du 'dong bar byed do// de dag gis lha'i bu de dag dong phrad nas/ shin tu 'dod chags bskyed pa'i tshig rnams kyis dedang rtse bar byed/ bro brdung glu len/ dgod dgod/ rtse rtse/ rgal rgal/ dga' dgur spyod nas 'khod pa/ gzugs dang / cha byad sna tshogs dang / dar la bab pa dang ldan pa rnams tshal dang / nags tshal dang / lteng ka dang / 'bab chu dang / pad+ma chen po'i tshal ga la ba de dag tu 'dong bar byed do// de nas yang de rnams kun mthong yid 'ong zhes bya ba'i tshal ga la ba der lha dag dang lhan
- 198b
cig 'dong bar byed de/ kun mthong yid 'ong gi tshal de yang gnas de dang lhan cig gnas pa'i lha de dag thams cad rtag tu kun dga'i ra bar dga' zhing gnas so// tshal de yang rtag tu 'dod pa thams cad dang yang dag par ldan pa'i shing ljon pa rnam pa du mas brgyan pa yin te/ 'di lta ste/ gser gyi sdong po la dngul gyi lo ma dang / ke ke ru'i yal ga dang / mu tig lta bu'i 'bras bu dang / ro dang gzugs phun sum tshogs pa yin la/ de ltar shing ljon pa rnam pa du ma dpe med pa rnams kyis tshal de brgyan to// gzhan yang rnam pa gzhan gyis tshal de nyid brgyan pa yin te/ 'di lta ste/ bai DUR+Ya'i shing ljon pa'i sdong po la gser gyi lo ma dang / ke ke ru'i 'dab ma dang / 'bras bu dngul mdog dang / spug gis rnam par phye ba yin no// yang shing ljon pa rnam pa gzhan 'byung ste/ 'di lta ste/ sdong po nyer nyer pos rnam par phye zhing / thams cad du rin po che sna bdun las byas pa yin no// 'di lta ste/ gser las byas pa dang / thams cad bai DUR+Ya las byas pa dang / thams cad ke ke ru las byas pa dang / thams cad dngul las byas pa dang / thams cad spug las byas pa yin te/ shing ljon pa'i sdong po thams cad shin tu rnam par phye ba yin no// yang shing ljon pa de dag gi mtha' dang / yal ga rnams kyang de bzhin du/ thams cad rin po che sna bdun las byas pa yin te/ 'bras bu dang me tog phun sum tshogs pa dag lha'i me tog rnams kyis brgyan pa yin no// /
- 199a
me tog de dag las kyang kha dog sna tshogs dang / dri rnam pa sna tshogs dag byung ste/ me tog de rnams kyi dri dpag tshad drug tu 'byung ngo // bung ba kha dog sna tshogs rnams kyang me tog gi ros myos nas shing ljon pa de rnams kyi nang na rgyu bar byed de/ de ltar las dkar po rnam pa sna tshogs kyi kun mthong yid 'ong gi shing ljon pa rnams mdzes pa yin no// yang pad+ma dang ut+pa la'i tshal dag mdzes pa ji lta bu yin zhe na/ 'di lta ste/ tshal de kun nas bai DUR+Ya'i sdong bu dang / gser gyi 'dab ma dang / ke ke ru'i ze ba dang / an+da rnyil gyi mdog lta bu'i bung ba rnams kyis brgyan pa'i bung ba thams cad sgra snyan pa 'byin te/ ji ltar lha rnams kyis thos pa nyams dga' ba de bas kyang rab tu stobs che bar yid bde ba skye'o// yang tshal de nyid kun nas gsal zhing mdzes pa yin te/ 'di lta ste/ tshal gyi kha dog rnam pa sna tshogs kyis mdzes pa dag ni 'di lta ste/ kha dog sngon po dang / ser po dang / btsod kha dag yin no// ji ltar 'dzam bu'i gling nas phyogs shin tu sdug par byas pa ltar tshal rnam par mdzes shes/ tshal gsal ba de ni/ stegs dang / lteng ka dang / tshal bu dang / pad+ma'i 'dab ma dag gis brgyan pa/ de kun nas rnam par mdzes pa yin no// tshal yon tan de lta bu dang ldan pa de na/ lha de rnams rtse ba na mngon par mthong nas/ yid rab tu dga' ba'i lha de rnams lha mo'i tshogs des yongs su bskor ba dang lhan cig bde bar 'dong bar bya ba'i phyir nam
- 199b
mkha' las gar bab bab tu 'dong bar byed pa dang / lha gzhan dag lha sngon ma byung ba 'di dag gi drung du 'ongs so shes shes nas/ lha de dag nyid kyi drung du 'dong bar byed de/ phan tshun tshig snyan pa nyid/ kyis bos nas/ phan tshun grogs su gyur pa/ pad+ma'i tshal rnam pa sna tshogs la dga' ba dag sil snyan yan lag lnga dang ldan pas rtse bar byed/ dga' dgur spyod par byed do// de nas lha de r nams de ltar yun ring du kun mthong gi tshal der lha'i 'dod pa'i yon tan lnga rnams kyis rtses nas skyed mos tshal myos gnas shes bya ba ga la ba der 'dod pa'i yon tan lnga 'byor cing ldan par gyur pa rnams 'dod par byed de/ skyed mos tshal de yang kha khyer rnam pa sna tshogs kyis yongs su bskor cing / khron pa dang / 'bab chu dang / rdzing ring po nyams dga' ba yin no// de ni rin po che sna bdun las byas pa'i khang bzang dkrigs pa gser gyis phye ba dang yang dag par ldan pa/ sa du ma shin tu rnam par phye ba nyams dga' ba yin no// bya sna tshogs sgra snyan pa 'byin cing / gar byed pa dag nyams dga' ba yin no/ / rtag tu 'bab chu dang / chu bo'i sgra khru lu lu snyan par 'byin pa nyams dga' ba yin no// rtag tu bza' ba dang btung ba mdog dang / ro dang / dri phun sum tshogs pa chu bo ltar 'bab bo// de nas yul der dong nas/ lha de rnams lha mo'i tshogs cha byad dang / rgyan sna tshogs kyis rnam par brgyan pa rang gis legs par byas pa'i las la spyod pa rnams dang lhan cig 'dod pa'i yon tan lnga
- 200a
'byor cing ldan par gyur pa rnams kyis rtse bar byed do/ / de ltar lnga de rnams kyi rtse ba dang / dga' dgur spyod pa dag yun ring du 'das kyang / lha bag med pa la gnas pa des khong du mi chud do/ / // dam pa'i chos dran pa nye bar gzhag pa bam po so drug pa// de ltar yul lnga rnam par chags shing / bde ba la gnas pa de rnams kyi las legs par byas pa gang yin pa de dag zad par 'gyur ro/ / de zad nas de nas yang 'chi ba 'byung yang sems bag med pa'i dbang du gyur pas/ sred pas bslus pa/ kun nas sred pas bdas shib 'dod chags kyi mes gdungs pa na/ bde ba'i myos pas snying myos pa rnams mi mthong ngo // gang gi tshe bde ba'i rtse ba thams cad kyi gzhi yongs su btang ba/ 'jigs pa'i grong khyer chen po mi rtag pa nyid mthong bar gyur pa ma nor cing nges par 'gro ba'i ngo bo nyid 'chi ba mngon du 'ongs pa de'i tshe/ sdug bsngal chen po yang rig par 'gyur te/ de'i tshe lha rnams kyi sems khong du chud pa'i dus yin no// de ltar bag med pa'i yul la dga' ba de rnams ji srid du 'dod pa/ sdug pa/ yid du 'ong ba nges par myong bar 'gyur ba'i las de zad par ma gyur pa de srid du bde ba de dag myong bar 'gyur ro// de nas yang lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te nges par myong bar 'gyur/
- 200b
ba'i las mi dang so so yang dag par myong bar 'gyur bas mi rnams kyi nang du skyes na/ las de dang rgyu 'thun par de shin tu bde bar 'gyur zhing / nor dang / 'bru phun sum tshogs pa dang // drang zhing drang ba'i rang bzhin can/ yul dbus su skye bar 'gyur te/ gang du bya ba dang mi bya ba shes shing chos dang chos ma yin pa shes par 'gyur ba dang / gang du mi thams cad tshogs pa'i nang du skye bar 'gyur ba dang / gang du chos dang ldan zhing chos kyi rjes su 'jug pa'i rgyal por 'gyur ba dang / gang du 'jig rten gyi spyod pa smad pa med par 'gyur ba der skye bar 'gyur la/ skye bo kun gyi mig dga' zhing / byis pa dang / rgan po thams cad kyang dga' bar 'gyur/ lus rtag tu nad med pa dang / gzugs bzang po dang ldan pa dang / stobs dang ldan pa dang / ga las kyang 'jigs pa med pa/ sems can thams cad kyi dbugs 'byin pa dang / bu dang chung ma dang ldan pa dang / 'dod pa thams cad yang dag par 'byor pa dang / nor rdzas kyi rnam pa la rgyal po'am/ chu'am/ me 'am/ chom rkun gyi 'jigs pa dang dogs shing 'jigs pa gang nas kyang mi 'ong bar 'gyur ba mthong ngo / / de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas sbyor ba la 'jug pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa
- 201a
las byung ba'i shes pas brtags na/ sems can dge bar gyur pa/ stab ma nor pa mang pos rtag tu las kyi 'bras bu'i de kho na nyid mthong ba// rtag tu yang dag pa'i lta ba la yid zhen/ pa/ rtag tu drang po'i rang bzhin can/ gzhan la gnod pa mi byed pa/ rtag tu pa ma la gus pa/ rtag tu chos la phyir mi ldog cing spro ba/ sangs rgyas dang / chos dang / dge 'dun la gus pa skyed pa gang gis srog gcod pa dang / ma byin par len pa mi byed cing / byed du mi 'jug la/ rjes su yi rang bar mi byed/ pha rol byed pa yang phyir zlog par byed/ gzengs mi stod/ byas na yang smod par byed/ las kyi 'bras bu yang dag par ston par byed/ gzhan la de kho na nyid bstan pas/ gang legs par bya ba byas pa de rab tu gzengs stod par byed/ dge ba'i lam la rang tu'ajog par byed/ de nas yang byed du 'jug/ byas pa la yang rjes su yi rang bar byed/ bdag nyid kyang srog gcod pa dang / ma byin par len pa dag spangs la/ gzhan dag kyang de nyid la rab tu sbyor bar byed do/ / legs par byas pa'i las rnam pa gnyis kyis gang sdom pa ma blangs pa de ni len du 'jug par byed la/ gang blangs pa de ni brtan por byed du 'jug ste/ gnyis ka legs par bya ba byas pa// bdag nyid dang gzhan nyid la phan pa byas pa de ni mtho ris su skye bar 'gyur ro/ / srog gcod pa spangs pa rnam pa du yod cig gu snyam na/ 'di la srog gcod pa mi dge ba mi byed pa yin te/ rnam pa du/ ji lta bu/ rnam grangs
- 201b
du yod ce na/ 'di la sems can gzhan la sems can du 'du shes nas/ srin bu phre'u dang / grog sbyar la sogs pa la 'tshe bar mi byed cing / srog gcod pa mi byed pa yin no// 'di la srog gcod par byed pa ni/ ga byi ba 'am/ sbyin gor ram/ 'ol ba 'am/ ri dgas dag g.yo thabs kyis 'dzin pa de dag phyir zlog par byed pa yin no// g.yo thabs kyi rnam pa du yod ce na/ 'di la 'dzin par byed pa rnyong lta bus sam/ bu gar rgyas 'gebs pas sam/ dra bas sam/ rnyis sam/ 'brel pas sam/ rlabs kyis sam/ gdos kyis 'dzin par byed la/ bzung nas kyang srog gcod par byed pa de dag zlog par byed cing / yang dag par dga' bar mi byed/ gzengs stong par mi byed/ 'di ltar srog chags dag gi srog gcod par ma byed cig ces zlog par byed cing / chos la yang rab tu 'jog par byed de/ rnam pa de dag ni srog gcod pa la yang dag par chags pa'i srog chags zlog par byed pa yin no/ / ma byin par len pa spangs pa ji lta bu yin zhe na/ 'di la rtswa tsam yang rku sems kyis mi rkul/ gzhan dag kyang zlog pa yin no/ / rnam pa du yod ce na/ 'di la ma byin par len pa'i mi kha cig de nyid la dga' ba'o// rnam pa du zhig yod snyam na/ 'di la mchod rten la bud med dag dang lhan cig rol mo'i sgra byed pa dang / gzhan dag bro gar byed/ gzhan dag glu dbyangs len/ gzhan dag yongs su spyod par byed/ dgod par byed/ dga' dgur spyod par byed/ rab tu dga' bar byed pa de dag la/ chos dang mi
- 202a
ldan pa'i mi/ dge 'dun gyi kun dga' ra ba dang / gnas pa srung ba 'am/ rol mo byed pa 'am/ mchod rten las 'tshe ba dag/ rol mo'i sgra byed pa de dag las len tam yang rnam pa gzhan gyis ma byin par len pa gzhan byed dam/ yang rnam pa gzhan gyis ma byin par len pa byed pa'o// 'di la gla ni de las bud med rnams gla len pa yin te/ gla sbyin par byas nas 'khrig pa bya bar bos te/ 'khrig pa dag byas nas/ ji ltar sngar dam bcas pa bzhin de ltar mi ster ba yin no// yang rnam pa gzhan gyis ma byin par len par byed de/ 'di ltar nya pa 'am/ rngon pa 'am// shan pa dag las 'tsho ba rin sbyin par byas pa las mi ster ba yin te/ rin gyi rnam pa 'dis srog gcod pa dang / ma byin par len pa yin na/ las de dag mi byed cing / byed na yang rjes su yi rang bar mi byed la/ yid kyis kyang rtog par mi byed pa yin no// sbyin pa sbyin pa ji lta bu yin zhe na/ 'di la tshegs chen pos 'tsho bar gyur kyang bsam gtan gsum pa thob pa 'am/ gzhan dag la sbyin pa sbyin zhing bsod nams dag byed pa yin te/ rnam pa de lta bur 'phongs par gyur kyang gzhan la sbyin par byed pa ni/ ji ltar gzhan dag la sbyin par byed pa de ltar rang gi bu la yang yid kyi shes pa gus pas sbyin par mi byed de/ de ltar sbyin pa sbyin par byed do// srog gcod pa spangs nas tshul khrims la rab tu zhugs pa ji lta bu yin zhe na/ 'di la ldan ljin 'phrag pas sems can dag srog gcod par byed pa na/ phyir zlog par
- 202b
byed cing / de nyid du chu ldugs par byed/ skams la byung ba de dag kyang ldan ljin de nyid du 'jug par byed pa yin te/ de dag ni srog gcod par mi byed pa dang / dge ba la rab tu zhugs pa yin no// dge ba'i khas 'di gnyis byas pa'i skyes bu dam pa de lus dang bral nas/ bde 'gro mtho ris kyi 'jig rten sum cu rtsa gsum pa'i lha rnams kyi nang du skye bar 'gyur ro// der skyes nas kyang las kyis mtha' spyad pa legs par byas pa 'dod pa thams cad la rnam par chags pa de lha'i sil snyan yan lag lnga dang ldan pa'i dbyangs nye bar len pa na/ lha mo'i tshogs sna tshogs kyis yongs su bskor ba/ bde ba dpe med pa rjes su myong ngo / / de'i dpe 'di cung zad cig bya na/ 'di ltar gang 'khor lo sgyur ba'i rgyal po gser gyi 'khor lo sgyur ba'i shin tu bde bar gyur pa dag/ lha'i stan gnas pa lha'i bde ba de'i bcu drug gi char yang mi phod do/ / 'di la lha/ sha dang / rus pa dang / chu sar dang bral ba/ ser sna dang bral ba/ mig 'dzums pa dang phye ba dang bral ba/ gos kyi rdul dang bral ba/ du ba dang khug rna 'dres pa dang bral ba/ bshang ba dang gci ba dang bral ba/ rang la 'od yod pa yin te/ 'khor lo sbyar ba'i rgyal po ni de lta bu ma yin no// rang gi bu dang chung ma la 'dzin pa dang bral ba/ phrag dog dang bral ba/ rang gi bza' ba dang btung ba dang bral ba/ gnyid dang snyom pa dang bral ba yin la/ 'khor lo sgyur ba'i rgyal po ni de lta bu ma yin te/ rnam pa 'dis 'khor lo sgyur ba'i rgyal po lha rnams kyi bcu drug gi char yang mi phod de/ de ltar
- 203a
mi'i rim pa mngon sum gyis cung zad cig dper bya ba yin no/ / de ltar lha rnams 'dod pa'i yon tan lnga 'byor cing ldan par gyur pa rnams kyis rtse zhing gnas so// der skyes pa'i lha de rnams kyi tshal ka bi ra zhes bya ba srid du dpag tshad bcu yod pa/ zheng du dpag tshad lnga yod do// kun nas gser gyi bya rnam pa sna tshogs du ma rnams kyis yongs su bskor ba kun nas 'gi'u wang gi thig les bkra bar brgyan to/ / de nas tshal de me tog bzang po rnams kyis shin tu rnam par mdzes par brgyan cing / rin po che sna bdun gyi shing ljon pa rnams kyis yongs su brgyan pa yin te/ shing ljon pa de rnams kyi nang na bya gnas pa de dag shin tu rnam par mdzes pa yin no/ / dper na gser mgar dag gis rin po che rnam pa sna tshogs dang / shing ljon pa sna tshogs kyi ri mo rnams kyis mi rnams kyi rgyan sdug gur byed pa de ltar lha de rnams kyi tshal de dang / shing ljon pa de dag rnam par mdzes pa yin la/ bya'i gzugs dang / kha dog rnam pa sna tshogs de rnams kyis brgyan pa yin te/ 'di ni cung zad cig 'dra ba'i dper bya ba yin no// de nas yang lha de rnams tshal de nyid na phan tshun pad+ma rnam pa sna tshogs dag gis rtse bar byed de/ 'di lta ste/ kun nas bai DUR+Ya'i 'dab ma dang / sbu gu dang / ze ba dang / lo ma rnams kyis rtse bar byed do// gang 'dab ma rnams kyi nang de dag na pad+ma rA ga'i mdog lta bur shin tu dmar zhing shin tu dri zhim pa me tog de dag thams cad brtol nas dpag tshad bcur 'byung la/ dri gang gis myos pa'i lha de dag kyang pad+ma'i lo ma'i dris bcu 'gyur du lhag par myos
- 203b
par 'gyur ro/ / de nas yang ka bi ra'i tshal na lha dag lha mo'i tshogs dang lhan cig dga' bar byed/ dga' dgur spyod par byed do// de nas sems bskyed ma thag nyid du da ni bdag cag bza' ba chu ltar 'bab/ pa dang / btung ba chu ltar 'bab pa'i drung du 'dong ngo snyam sems so// de nas de dag sems bskyed ma thag nyid du gzhal med khang chen po pu shu dang / rta babs sna tshogs dang / dril bu g.yer kha 'khrol ba'i dra ba rnam pa sna tshogs dkrigs pa/ rin po che'i 'phan btags pa'i rta babs rnam pa sna tshogs dang / gser dang / shel dang / rin po che dang / ke ke ru'i ka ba sna tshogs btsugs pa dag bya dang pas khyer to/ / kha cig ni bya ka rand pas khyer ro// kha cig ni phug ron gyis khyer ro// kha cig ni shang shang te'us khyer ro// kha cig ni bya tsa ko ras khyer ro// kha cig ni bya sna tshogs lhan cig gi khyer rgyal mtshan de dag gi steng du 'dug pa/ las kyi mtha' spyad pa legs par byas pa'i lha rnams ka ra wA ra'i tshal chen po'i bza' ba dang btung ba chu bo ltar 'bab pa ga la ba der 'dong bar byed de/ rgyags par gnas brtse ba'i don du lha mo'i tshogs dang lhan cig zas dang skom chu bo ltar 'bab pa ga la ba der 'dong bar byed do/ / de nas zas dang skom gyi yul der phyin te/ lha de dag rin po che'i gzhal med khang de dag nas babs nas 'thung bar byed/ dga' bar byed/ yongs su spyod par byed do// sil snyan dang / rol mo'i sgra dang / glu rnam pa sna tshogs kyis dga' bar byed do// de ltar de rnams yongs su spyod pa na/ yun ring du 'das
- 204a
kyang lha de rnams bde bar gnas pa des mi tshor ro/ / de dag gal te yun ring zhig lon nas kun dga'i rab kun mthong mtho zhes bya ba ga la ba der lha'i tshal blta ba'i phyir 'dong bar byed de/ gzhal med khang de rnams kyi nang na 'khod pa de dag lha gzhan dag dang lhan cig mtho bar phyin no// kun dga'i ra ba kun mthong mtho zhes bya ba de na/ glu rnam pa sna tshogs len zhing // rol mo'i sgra 'byin par byed/ bro rdung bar byed/ dgod par byed de/ phan tshun grogs su gyur pa/ rgyags pa gcig pu don du byed pa dag rtse bar byed do// de nas kun dga' ra ba kun mthong gi tshal de na/ lha gnas pa rnams mthong ste/ ri'i rgyal po ri rab kyi phyogs gcig na gang ba/ tshal dang nye ba'i tshal gyis brgyan pa/ gser btse ma'i rdo leb 'bar ba spungs pa/ 'bab chu dang / chu bo dang / stegs dang / lteng ka dang / zas dang / skom chu bo ltar 'bab pa rnam pa sna tshogs kyi brgyan pa/ lha mo'i tshogs rnam pa sna tshogs grangs med pas kun tu gang ba/ thams cad dang 'thun pa'i las kyi 'jig rten gyis bzung ba/ ri bo stong phrag drug cus yongs su bskor ba/ brtsegs mtho chen po na lha dang / lha ma yin dang / mi 'am ci dang / lto 'phye gnas pa dge ba du ma'i las kyi mtha' spyad pa'i lha rnams gnas pa dge ba'i las rnam pa sna tshogs mngon du gyur pa/ rtse mo rin po che sna bzhis brgyan pa/ gnas dang gnas dag tu lha rnams 'dong ba na cha byad dang / rgyan sna tshogs dang / gzugs snying du sdug
- 204b
cing yid du 'ong ba dang ldan pa/ lha rnams phan tshun grogs su gyur cing / sems shin tu 'dod chags dang ldan pa/ phan tshun bag med par gnas pa'i sa/ phan tshun gtam shin tu snyan pa nyams dga' ba sna tshogs zer ba na/ cha byad dang / gzugs dang / kha zas dang / gnas pa tha ma dang / 'bring dang / khyad par du 'phags pa dag mthong ngo // de dag 'di snyam du sems te/ bdag cag 'ba' zhig la bde ba yod pa ma yin gyi/ lha gzhan dag la yang shin tu nyams dga' ba'i ngo bo lha mo rnams kyi tshogs dang rtse bar byed/ dga' dgur spyod par byed do snyam ste/ de ltar sna tshogs lha rnam pa du ma dang / dpag bsam gyi shing mdog dang / ro dang / gzugs dang / dri rnam pa sna tshogs kyis brgyan pa/ gzhan yang tshal dang nye ba'i tshal dag mthong ngo // de nas yang lha rnams gnas gzhan du dong ste phyin nas/ lha gzhan ri brtsegs mtho ba dang / brtsegs pa chen po'i 'bab chu dang / chu bo dang / lteng ka sna tshogs kyis brgyan pa dag mthong ste/ ri gang gi rtse mo dag la nyi zla 'khor zhing 'gro ba dag la yang rtog par byed do/ / de la nyi ma rab tu snang ba'i gzugs brnyan brgya 'am/ yang na stong du snang ste/ gang du sgra gcan zin gyi lag gis bzung ba ni snga ma bzhin no// de nas yang gzhal med khang na gnas pa'i lha de dag nam mkha'i steng nas 'gro zhing yid la ngo mtshar skyes pa de bzhin du lha mo'i tshogs kyis yongs su bskor cing / bro gar dang / sal snyan dang bcas pa/ sil snyan yan lag lnga dang ldan
- 205a
pa'i glu dbyangs len cing ri'i rgyal po de thams cad skor bar byed do/ / de dag gis ri'i rgyal po tshal dang / nags tshal dang / ri khrod dang bcas pa de thams cad mthong nas de nas yang rang gi gnas de dag nyid du dong ste phyin pa dang / sil snyan yan lag lnga dang ldan pas bro rdung bar byed/ dgod par byed/ dga' dgur spyod par byed do// bde ba'i rnam pa'i myos pas myos pa dus du mar rnam par chags pa la dga' ba dag/ tshal dang / nags tshal dang / lteng ka rnams su lha'i 'dod pa'i yon tan lnga 'byor cing ldan par gyur pa dag gis rtse bar byed do// de ltar de dag yun ring du yongs su 'das kyang dus tshod mi shes te/ thams cad du yid bag med pa'i dbang du gyur pa dag khong du mi chud do// yang de dag rtse ba na/ ri kun nas dga' ba zhes bya ba rgyar dpag tshad lnga la/ 'phang du dpag tshad bcu yod pa/ de la kha cig gzhal med khang gi steng du 'dug/ kha cig bya'i steng du zhon nas 'dzeg par byed do// ri kun nas dga' ba de rin po che sna tshogs kyis brgyan pa/ stegs dang nye ba'i tshal dang / lteng kas brgyan pa/ stegs kyi rim pa 'bum snyed dang / pad+ma'i tshal brgya snyed kyis brgyan pa/ ri 'byung khung sna tshogs kyis brgyan pa/ rin po che sna bdun gyi 'od 'byung bas brgyan pa/ dpag bsam gyi shing dag 'bar bde na/ lha de dag rtse bar byed/ dga' dgur sprod par byed de/ rdeng dang / rnga dang / sel dkrol dang / gling bu dang / gla dag gis myos pa/ phan tshun grogs su
- 205b
gyur pa/ rang gis byas pa'i las kyi 'bras bu la spyod par byed de/ yongs su spyod par byed do// de dag yun ring du rtse bar byed kyang / bag med pa la gnas pa dag khong du mi chud de/ yul gyi kun nas/ bslang ba de dag nyid kyis tshim pa med cing shin tu sdug pa'i bde bas rnam par rmongs pa de dag me tog ku ba la'i tshal du 'dong bar byed do// me tog ku ba la'i pad+ma rnams kyi kha rab tu bye ba yang bung ba 'bum ste kyis gang ba yin te/ bung ba de nyid dang lhan cig 'dod pa'i bde ba tshim pa med pas chang 'thung zhing glu len no// 'dod pa dag gis brgya 'am/ yang na stong du tshim pa med pa/ lag na rol mo'i sgra sna tshogs thogs shing rtag tu myos par gnas pa/ phan tshun rgyags pa du ma don du byed pa de dag skyed mos tshal chen po 'dod pa nges par 'thob ces bya ba ga la ba der dong ngo // tshim pa med pa de dag ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du bag med pa la gnas pa dag phan tshun rtse bar byed/ dga' dgur spyod par byed de/ de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ las de dang rgyu 'thun par de rtag tu na ba med cing bzhin gyi mdog bzang bar 'gyur/ rgyal pos bkrabs pa 'am/ tshong pa'am/ sa bdag rnams kyis
- 206a
brdung bar mi 'gyur/ shin tu bde zhing yid la rig pa'i blo gsal bar 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas zhib tu spyod pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dge ba bdag dang gzhan la phan par zhugs pa/ g.yo med pa/ gzhan la gnod pa mi byed pa/ mi drang po'i rang bzhin can mi'i las su gyur pa gang gis dge ba'i las kyi ngo bo nyid byas pa/ rnam par smin pa bde ba/ bsil ba/ rnam par smin pa bsil ba/ bde ba/ bkra shis pa/ rnam par smin pa bkra shis pa/ skye bo thams cad kyis mchod pa/ skye bo thams cad kyi sdug pa/ 'jig rten 'di dang / 'jig rten pha rol tu bde ba byed pa// skyes bu thams cad 'jig rten 'di dang / skyabs su gyur pa/ bde ba du ma 'byung bar gyur pa/ bde ba byas pa skye bar gyur pa ni/ legs par byas pa de'i las kyi byed par 'gyur te/ 'di lta ste/ srog gcod pa dang / ma byin par len pa mi byed cing byed du mi 'jug la/ byed du mi gnang / nyes par byas pa'i tshul khrims la dad pa dang bad kar lhan cig gnas shing 'dre bar mi byed/ dga' bar yang mi byed/ tshul khrims 'chal pa de dang lhan cig nam
- 206b
par byang ba 'thun par mi grub la/ 'di ltar tshul khrims dang ldan pa dang lhan cig rtag tu dga' bar byed/ de dang lhan cig 'dre bar byed/ de dang rnam par byang bar 'thun par sgrub/ de dang thad kar 'dug par yang byed/ de dang lhan cig rtse zhing / 'jig rten gyi spyod pa byed/ chos dang chos ma yin par sems par byed de/ skyes bu dge ba de bdag nyid sdig pa dag mi byed la/ sdig pa'i grogs po dang lhan cig dga' bar mi byed/ thams cad kun nas yongs su dag par byed pa'i skyes bu dam pa shin tu tshul khrims 'chal pa dag kyang dge ba'i lam la rab tu 'jog par byed cing / yang dag pa'i lam ston pa byed/ 'gro ba'i zhing bzang po la dge ba'i las kyi sa bon 'debs par byed/ de kun nas sems gser ltar sbyangs shing / dri ma med pa'i sems dge ba'i las kyi mtha' spyad pa'i bde ba ni tshe 'di dang pha rol la 'thob cing so so yang dag par myong bar 'gyur ro/ / srog gcod pa spangs pa ji lta bu/ rnam pa ni du zhig yod ce na/ 'di la kun nas 'dod pa bya ba/ me tog gi rgyu dag bskyed par bya ba'i don du dudu ba dang dug bsres pa bzhag nas/ srog chags dun du ba 'am/ 'ol ba 'am/ sha sbrang chen po 'am/ rkang brgya pa dag la reg par byas nas/ gsod par byed pa ni 'di ltar bdag gi me tog gi rgyu'am/ lcug ma gzing ba 'am/ me tog gam/ 'bras bu dag mi nyams par bya'o snyam nas/ srin bu gsad pa'i phyir du bas gsod pa dang / 'bra go dang / rgun 'brum gnyis pa'i nang na srin
- 207a
bu'i rnam pa yod pa/ lag gis gnod par mi byed la/ btung ba ma btags pa/ 'thung zhing de la skyes pa'i srin bu yang gsod na de ltung bar 'gyur te/ srin bu de rnams dang srog chags de dag kyang so so brtags nas 'thung bar byed la/ yun ring du bzhag pa/ drod gsher las chung ngur skyes pa'i 'jigs pa dang / myos byed las skyes pa'i 'jigs pas kyang 'thung bar mi byed pa yin te/ rnam pa phra mo de dag ni srog gcod pa spangs pa yin no// ma byin par len pa ji lta bu/ rnam pa ni ji lta bu yin zhe na/ 'di la rtag tu lo nyes byung bar 'dod pa/ da lo nyes byung / na bdag gis mgron bu'i khe brgyad 'gyur du thob par bya'o// yul ma ga dA'i gzhal bre yang shin tu chung bar 'gyur/ gang gi nas dang / gro la sogs pa dang / 'bru zhag drug cus smin pa la sogs pa yang mi 'byung la/ bdag gcig pu yod par gyur cig snyam du de ltar sems so// sems can rnams kyi bar chad bya bar sems te/ de ltar bdag gis srog chags rnams gtse bar bya'o/ / bsdu bar bya'o snyam ste/ de yang dang yang du de ltar bsams pa dang / gal te sems can rnams kyi skal ba chung ba des dus ngan pa zhig byung ba dang / dga' la yid shin tu dga' nas/ ji ltar bdag gis bsams pa de ltar bdag dga' bar byed pa 'ongs so snyam nas/ de bre mi mthun pa dang / yon tan dang bral ba/ brtson 'grus nyams pa'i yon mi mthun pas/ nas dang / gro dang /
- 207b
'bras sA lu dag gis gzhan la slu bar byed do// de ltar gang gi tshe sems par byed pa las kyi nyer bsdogs yin no// gang gi tshe slu bar byed pa de'i tshe las yin no// gang gi tshe srog chags dag bslus nas sems la 'dod par byed la/ dga' ba byed pa de'i tshe las kyi mjug yin te/ ji skad bshad pa'i nyes pa de dag spangs shing mi byed pa yin no// 'byor pa nyung bar gyur kyang gzhal lugs kyi g.yo dag gis gzhan la slu bar mi byed la/ gzhan byed na yang rjes su yi rang bar mi byed do// gal te lo nyes byung ba'i tshe/ bdag nyid tshong pa zhig byed na yang de ji lta ba bzhin de ltar 'tshong bar byed la/ chos dang ldan zhing chos kyi bsam pas rnyed pa'i rin thob par byed do// de ltar de srog gcod pa dang / ma byin par len pa spangs pa yin no// mi dge ba la zhugs pa/ dge ba la rab tu 'jug pa ji lta bu yin zhe na/ 'di la skyes bu dam pa legs par spyod cing dge ba spyod pa/ rtag tu bdag la phan pa dang gzhan la phan pa byed pa/ 'byor pa nyung bar gyur pa/ tshegs chen pos 'tsho ba/ tshegs chen pos 'byor pa dag sbyin pa po dang / sbyin bdag gi drung du 'dug ste/ de dag la slob par byed/ sbyin pa'i 'bras bu dag kyang shes la/ sbyin pa'i 'bras bu de kun tu ro myang bar byed/ kun tu myangs nas kyang yang dang yang mgon med cing / nyon mongs sdug bsngal ba'am/ bsam gtan gsum thob pa'am/ de dang 'thun pa'am/ de la zhugs pa la sbyin pa byed pa yin te/ de ni legs par byas
- 208a
pa'i las kyi mtha' spyad pa rnams kyis chos dang 'thun pa'i longs spyod bsgrubs nas/ de gsum gyis sbyin par byed do// gsum ni gang gi tshe sbyin pa sbyin par bya'o snyam du sems pa de'i tshe las kyi nyer bdogs yin no/ / gang sbyin par byed pa de las yin no// gang gi tshe byin nas yid yid kyis ro myong bar byed cing / yang de ltar yid la sems pa de'i tshe las kyi 'jug yin no// de ltar dge ba stong nyis brgya bya ba byas pa de lus dang bral nas bde 'gro mtho ris kyi 'jig rten zhab tu spyod pa'i gnas su skye bar 'gyur ro// der skyes nas kyang dge ba'i las kyi mtha' spyad pa de las zhib mo des/ yid la ji ltar 'dod pa bzhin bdag nyid kyi ngo bo che ba 'am chung bar 'gyur ro// lha'i gnas de dag kyang rin po che sna bdun gyi shing ljon pa rnams mdog shin tu gsal zhing rang gi dge ba'i las kyis dri ma med pa yin no/ / tshal de yang srid du dpag tshad nyi shu la zheng du dpag tshad bcu yod de/ chu bo dang / 'bab chu dang / lteng ka dang / tshal dang / nye ba'i tshal dang / nang gi tshal rnams kyis shin tu gang ba shin tu blta na sdug pa yin la/ shing ljon pa rnams kyi tshal gang yin pa 'di dri ma med pa dang / gsal ba yin te/ de yal ga dang / lo ma dang / 'dab ma rnams kha dog dang / me tog sna tshogs kyis brgyan pa/ gser btso ma'i mdog dang mtshungs pa/ kha cig dngul gyi mdog lta bu dang / gzhan dag bai DUR+Ya'i mdog lta bu yin no// tshal dang tshal gyi shing ljon pa de rnams kyi la
- 208b
ma dang / 'dab ma dang / shing gzhon nu dang / yal ga dang / yal ga phra mo me long lta bu'i nang dag tu lha de rnams kyi ngo bo gsal bar snang ste/ 'di lta ste/ shing gcig gi nang du snang ba de bzhin du/ shig ljoldon pa 'bum rnams kyi nang du yan lag dang nying lag thams cad dag snang ste/ lha'i lus de gcig pu las kyi gzugs brnyan dang 'thun par shing ljon pa 'bum phrag du ma dag gi nang na snang ngo // yang shing ljon pa de rnams kyi ngo mtshar gzhan ni ji tsam du las kyi rnam pa dman pa dang / 'bring dang / khyad par du 'phags pa gang dag gis lha de dag las rnam par smin pa dang bcas pa yin te/ de yang las byas pa ji lta ba bzhin shing ljon pa de rnams kyi shun pa dang / rtsa ba dang / yal ga dang / lo ma dang / 'dab ma'i nang thams cad snang ngo // de nas lha'i rgyal po brgya byin lha dang lha mo'i tshogs 'bum phrag du mas yongs su bskor ba/ lus thams cad me tog gi 'phreng ba dang byug pas rnam par brgyan pa/ nyi ma 'bum pas lhag pa'i 'od 'bar ba/ tshal der 'dong bar byed do// de nas zhib tu spyod pa'i lha rnams brgya byin de 'ong ba mngon du mthong nas/ gus pa dang bcas pa'i sems kyis lha'i rgyal po brgya byin ga la ba der dong ste phyin nas/ brgya byin la gsong por smras shing / spyi bor thal mo sbyar te mchod nas/ yid la gus pa dang bcas pa thams cad tshal ga la ba der 'dong bar byed do/ / de nas lha'i rgyal po brgya byin la snyan pa dang / phan pa'i sems thams cad kyis mchod do// lha dang lha mo'i tshogs dge ba'i las kyi mtha' shin tu rgya che ba spyad pa
- 209a
de dang lhan cig yongs su bskor nas bde bar gnas par bya ba'i phyir tshal ga la ba der 'dong bar byed do/ / de bya sna tshogs skad 'byin pas shin tu grang ba/ gser gyi shing ljon pa rnams kyis brgyan pa'i tshal der phyin te/ las 'thun pa mngon sum du gyur pa de dag kyang / las kyi chos kyi rnam par smin pa mngon par mthong nas/ brgya byin des 'di ltar tshigs su bcad de smras pa/ ljon pa sna tshogs 'di rnams ni// dge ba'i las kyis mngon du gyur// yi ge med kyang shin tu 'thun// mkhas pa rnams ni rjod par byed// rnam par smin pa gang gang gis// gang dang gang du skye 'gyur ba/ mi yis de dang de dag tu// dge 'am yang na mi dge 'thob// skye bo dge ba'i las kyis su// rtag par lha rnams nang du skyes// de bzhin mi dges mi za ma// sems can dmyal bar ltung bar 'gyur// dge dang mi dge dgal chags// 'dod can 'dod pas rmongs pa rnams// gang dag nges par 'byung 'gyur ba// 'chi ba khong du mi chud do// ljon pa rnams la mngon pa gang // 'di ni dge ba'i rnam smin te/ bde bas yid ni rmongs pa dag/ bde las dga' ba 'bral mi nus// yul 'dod pa yi srog chags rnams// 'dod pa'i ro yis rab myos pa// gang gis bcings pa'i lus can ni// drab ldan pas rtag tu gnod/ / ji ltar 'jig rten dag gi me// cha dang lhan cig skye ba ltar// bud med mi bzad 'dod chags dang // nges par lhan cig skye bar 'gyur// ji ltar bud med las byung me// lus can rnams
- 209b
kyi snying 'jug pa/ / me 'di gang zhig byung ba ni// de ltar tsha bar mi 'gyur ro// 'jig rten thams cad rnam 'jig cing // chos ni thams cad zad byed la// sems can dmyal ba 'di yi rgyu// bud med yin zhes drang srong gsung / / bud med khar ni tshig snyan smra// snying ni gdug pa'i dug dang mtshungs// yid du 'ong la'ang 'dug mi byed// de la mi ni su zhig dga'// yud tsam gyis ni dga' byed la/ / de bzhin yud kyis dga' mi byed// snying du sdug la'ang gnas mi byed// brtan pa med de glog dang mtshungs// slu bar byed pa'i sgyur la mkhas// rtag tu bya ba lhur byed cing // rtag tu yid la phrad par 'dod/ / rtag tu nga rgyal 'ba' zhig sems// lha dang mi dang sha za dang // lto 'phye rnams dang srin po yi// 'ching bar gyur pa bud med de// shin tu mi bzad dug dang mtshungs// phan pa med dang rigs med dang // mthu rtsal che ba'ang dran mi byed// sems ni gnas pa med pa ste// bud med rlung gi shugs dang mtshungs// gang du phun sum tshogs gyur pa// der ni bud med chags byed/ la// dbul bar gyur dang 'dor byed de// skyes pa nges par gtong bar byed// skyes pa gang dang gang phrad pa// de la bud med chags 'gyur zhing // de ni myur zhing ches myur bar// gtong ste mi mthun gnas par byed/ / ji ltar bung ba me tog dag/ bskams na thams cad gtong bar byed// de ltar nor dang bral ba yi// mi ni bud med rnams kyis gtong // snying ni mi bzad ral gri 'dra// mun pas khebs pa brtan pa med
- 210a
gang gi rgyu yis bud med rnams/ / skyes pa 'jig pa'i phyir skyes so// ji ltar bud med 'ching byed pa// lha rnams la ni 'ching gzhan med// bud med 'ching bas bcings pa dag/ sems can dmyal bar ltung bar byed// bud med las byung 'dod chags gang // 'dod chags nang na'ang che ste// bud med 'dod chags yid bsregs pa// phyi nas me yis sreg par byed// 'dod chags kyis ni nyams pa'i mi/ / khas rnams kyang ni mngon sum ste// bud med 'dod chags rnams rmongs pa// rmugs pa'i snying gis mi rig go// skyes pa dang ni yid gcugs shing // dga' ba du ma byas nas su/ / sbrul gyi pags pa 'dor bltar// bud med kyis ni glo bur 'dor// thabs kun gyis ni bud med bsgrubs// thams cad duni yongs bsrungs kyang // bud med shin tu mi bzad pa// bdas/ gir bya bar mi nus so// de ltar rang bzhin de yin te// bud med rnams ni sems mi brtan// skyes pa brtan pa'i sems kyis su// de la rnams kyang yid marton// de nas lha'i dbang po de'i kha nas thos shing / las legs par byas pa'i lha gang yin pa de dag gis brgya byin gyi tshig de thos nas/ yid la byed pa dang bral zhing skyo ba skyes pa rnams skyo ba skyes nas/ 'di ltar tshigs su bcad de smras pa/ ji ltar brgya byin de bzhin de/ / de nyid mtshan nyid khyod kyis gsungs// bud med zhags par gyur pa'i sems// bdag cag gis ni ma rtogs so// de nas brgya byin gyis lha de dag las tshigs su bcad pa de thos nas/
- 210b
tshal de bya smra snyan pa 'byin cing / nyams dga' ba/ gzhal med khang du mas brgyan pa/ 'bab chu dang / chu bo dang / lha'i rol mo'i sgra nar snyan cing yid du 'ong ba/ gser bcom lta bu'i ri dgas kyis rnam par brgyan pa/ lha dang lha mo'i tshogs kyis kun tu gang ba ga la ba der/ lha'i rgyal po ko'u shi ka de lha'i tshogs dang lhan cig bde ba la gnas par bya ba dang / lha'i bde ba nyid la yang dang yang du spyad par bya ba'i phyir 'dong bar byed do/ / de tshal de na 'dod pa'i yon tan lnga rnams dang yang dag par ldan zhing shin tu nyams dga' ba/ dbang po mchog thams cad yul thams cad la rnam par dga' ba'i bde ba myong bar byed do/ / de dag kyang sprad nas ri rab kyi rtse mo spos brtsegs shes bya ba rin po che sna bdun 'bar ba/ lha'i 'byung khung mu tig gi 'phreng ba rnams kyis rnam par brgyan pa ltar/ 'bab chu dang chu bo bye ma mu tishi lta bu rnams kyis nye bar brgyan pa/ chu bo de dag gi 'gram gnyis ka na lha'i bya sgra 'byin cing shin tu blta na sdug pa/ yid du 'ong zhing nyams dga' ba de dag na/ lha'i rgyal po brgya byin de lha mo'i tshogs kyis yongs su bskor nas lha cha byad dang / gzugs sna tshogs dang ldan pa rnams rjes su 'brang zhing rtse bar byed do// de der yang yun ring du sil snyan yan lag lnga dang ldan pas rtses nas/ gzhal med khang skyed mos tshal gyi brgyan pa spyi bo zhes bya ba ga la ba der 'dong bar byed de/ lha dang lha mo'i tshogs yid rab tu dga' ba dang lhan cig der dong ste phyin pa dang / gang lha gzhan 'dod pa'i yon tan lngas yid phrogs pa dag gnas gzhan dag na rtse
- 211a
bar byed la/ de dag skyed mos chal spyi bog la ba der 'dong bar byed do// gzhal med khang skyed mos tshal phun sum tshogs pa de yang ri bo thams cad pas 'phang mtho la/ 'di ltar sa bral ba'i lha rnams kyi drung nas 'od gsapa ba cung zad 'byung ste/ ji ltar mi'i gnas bzhi rnams su ri rab las 'od gsal ba 'byung ba de ltar/ 'thab bral ba'i lha rnams kyi drung nas 'od gsal ba byis 'byung ngo / / 'jig rten spyi bo pa la 'od cung zad med kyang / 'jig rten spyi bo ba de stong 'gyur du mdzes pa yin no// de nas der yang brgya byin gyis dus yun ring du mes nas/ de nas yang de bzhin du lha dang lha ma tshogs kyis bskor te/ lha'i 'dun sa chos bzang ga la ba der 'dong bar byed do// zhib tu spyod pa'i lha de dag kyang lha'i gnas de dag na/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du 'dod pa'i yon tan lnga 'byor cing ldan par gyur pa rnams kyis rtse bar byed/ dga' dgur spyod par byed do// de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de rtag par mchog tu bde ste/ rgyal po 'am/ blon po chen por 'gyur/ rtag tu sgra zhib mo sdug gur 'khyil ba dang / rtag tu yid shin tu zab pa dang / thams cad kyis dka' bar bya ba
- 211b
rnams la don dang ldan par shes pa dang / rab tu mang po mi smra zhing nyung ngur smra ba dang / rtag tu shin tu gos gtsang zhing dkar ba dang / chung ma mig yem pa dang / khyim zab kyi gnas la dga' zhing khyim thab la dga' la/ phyi rol tu mi 'khyam pa dang / rtag tu sbyin pa la dga' zhing sems shin tu drang ba dang / rang gi 'khor dang / mdza' ba shes dang / rtsa lag la dga' ba dang / bla ma la dga' ba dang / tshes grangs la dga' ba dang / rang gi bud med la dga' ba dang / tshul khrims dang ldan pa dang / gzhan gyi bud med la mi dga' ba dang / spos dang 'phreng ba la dga' ba dang / sdig pa'i grogs po la mi dga' ba dang / rigs dma' bar mi skye ba dang / gzugs dang / cha byad dang / rgyan bzang por 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas glu'i sgra yang shin tu dga' zhing mngon par chags pa zhes bya ba ji ltar 'dug pa mthong ngo // sa der sems can dag las gang gis skye bar 'gyur snyam nas/ des thos pa las byung ba'i shes pas brtags na/ bdag la phan pa dang gzhan la phan pa'i phyir sems dge ba/ las dge ba/ sems dri ma dang bral zhing gsal ba/ lus dang ngag gi las kyi mtha' dge ba las kyi mtha' spyad pa dge zhing 'dod pa/ gtan du phan par 'dod pa/ snying rje'i bdag nyid can/ las dang 'bras bu la
- 212a
dad pa/ yang dag pa'i lta ba dang / yang dag pa'i las kyi mtha' dang / tshul khrims kyi yon tan gnyis la rab tu zhugs pa/ lkog ma yin par byed pa/ sems ma yengs pa/ spyod pa ma yengs pa/ sdig pa'i grogs po'i ngang tshul can ma yin pa/ mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ gang gis las kyi nyer bsdogs dang khas dang / las kyi mjug dang gsum ste/ tshul khrims de dag kun kyang shin tu yongs su dag par byas// tshul khrims kyi yon tan gnyis kyang bsrungs/ srog gcod pa dang / ma byin par len pa yang rnam par spangs pa yin no/ / srog gcod pa shin tu bsrungs pa yin no// srog gcod pa shin tu bsrungs pa rnam pa du yod ce na/ 'di la nas dang / gro dang / 'bras sA lu rnams kyi nang na sems can srin du phra mo skyes pa dag rang thag la mi 'thag la/ de ltar srog chags de dag shin tu bsrung ba'i phyir ram/ ma byin par len pas 'jigs pa'i phyir/ nas dang gro de dag kyang 'tshong bar mi byed/ ba lang dang / rta dang / rnga mo dang / bong bu dag la khur bkal bas rgyab snang ba dang / de dag la srin bu byung ba rnams chu 'am/ rtsab mos 'khru zhing srin bu mi shi ba'i cho ga yang byed de/ 'di ltar bya'i sgro rnams kyis blangs nas/ sha nyams pa gzhan la srin bu de dag 'jog par byed/ chos ma yin pa'i 'jigs pas 'di ltar ba lang dang / rta dang / rnga mo dang / bong bu dag la gnod par ma gyur cig/ srin bur gyur
- 212b
pa'i srin bu rnams kyang 'chi bar ma gyur cig ces de ltar gnyis ka'i srog srung bar byed/ srog chags phre'u dang / grog sbur la sogs pa yang shin tu srung bar byed/ rnam pa thams cad kyi thams cad du kun la/ phan par 'dod pa/ nyin mo dang / mtshan mo yid la bag med par mi byed/ srog chags rnams la yid kyis kyang 'khu bar mi byed/ sems can pha rol la dang po nas sems can gyi 'du shes bskyed de/ srog chags phre'u dang / grog sbyar la sogs pa de dag kun tu srung bar byed cing / gnas skabs thams cad du dge ba'i las kyi mtha' spyod pa yin te/ de dag ni srog gcod pa srung ba yin zhing / de dag ni srog gcod pa spangs pa yin no/ / ma byin par len pa spangs pa ji lta bu yin/ rnam pa ni du yod ce na/ 'di la de ltar dge ba'i las kyi mtha' spyod pa de/ sems can sbal pa 'am/ sre mo 'am/ khyi 'am/ bzung ba de dag zas gzhan gyis thar par byed do// thar par byas nas kyang sha rjen za ba de dag la zas de dag sbyin par byed de/ bkres pa de dag kyang bdag nyid za bar byed do// de ltar srog chags de dag kyang shin tu bsrungs pa yin no/ / de lha rnams kyi nang du skye bar 'gyur la/ de ltar ma byin par len pas ni lha rnams kyi nang nas shi nas dud 'gro rnams kyi nang du skye bar 'gyur te/ rnam pa de dag ni ma byin par len pa spangs pa yin no/ / bdag nyid kyis kyang spangs la/ gzhan dag kyang dge ba'i lam la rab tu 'jog par byed/ dge ba la ma zhugs pa yang dge ba'i lam la rab tu 'jog par byed/ zhugs pa yang dang yang du gzengs stod par byed/
- 213a
las kyi 'bras bu nye bar ston par byed/ rgyur byed// khong du chud par byed de/ rnam pa de dag ni srog gcod pa dang / ma byin par len pa spangs pa yin no// legs pa la 'jug pa ji lta bu/ yin zhe na/ 'di la 'byor pa nyung bar gyur kyang chos rtogs pas 'tsho ba/ sbrang rtsi dang / sbrang bu'i sgrang ci'i phyir/ sems can gsod pa dag nor rdzas byin nas sbrang bu rnams kyi srog skyob pa yin te/ don sems can nas kyi srog sbyin no/ / ma byin par len pa spangs shing sbyin pa la mngon par dga' ba ji lta bu yin zhe na/ 'di la de ltar tshegs chen pos 'tsho ba chos dang ldan zhing chos kyi rjes su 'jug pa de/ bsam gtan bzhi thob pa 'am gzhan dag la zas sbyin pa dang / de bzhin du tshegs chen pos 'tsho bas srog chags dag dgra'i lag tu song ste/ mtshon gyis 'khrug cing bsad du dogs pa na de thar par byed pa yin no// sbyin pa rnams kyi nang na mchog 'di yin te/ 'di lta ste/ chos sbyin pa 'am/ srog sbyin pa yin la/ de gnyis ka'i sbyin bdag tu gyur pa skyes bu dam pa de gzhan dag kyang de ltar byed du 'jug/ byas pa la yang rjes su yi rang bar byed pa de ni dge ba'i tshul khrims la rab tu zhugs pa yin no/ / tshul khrims dang ldan pa de lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang du glu sgra la shin tu dga' zhing mngon par chags pa'i gnas su skye bar 'gyur ro/ / der skyes nas kyang dge ba'i las kyis sprul pa de la mchod pa byed de/ 'di ltar gang shin tu rgya che ba thams cad dang ldan pa'i tshal 'di thams cad mngon par
- 213b
brgyan pa 'di thams cad legs par byas pa'i las kyis bskyod pa yin te/ lha'i gnas 'di gom gang tsam yang gang legs par byas pa'i las kyis ma sprul pa 'am/ gang du lha rnams kyis ma rtses pa bab/ der bde ba'i rnam pa spyad nas ma shi ba 'am/ rang gis byas pa'i las kyi 'bras bu zad nas nyams par ma gyur pa med de/ gang du bdag cag gi lus mngon sum du gyur kyang sred pa'i zhags pas bcings pa/ sreg pas rnam par bsgyur ba/ yang dang yang du rnam par bslus pa rnams yid 'byung bar mi byed do// de ltar de brgya byin gyis mthong nas yang dang yang du tshal de dag nyid ga la ba der bde bar gnas par bya ba'i phyir 'dong bar byed de/ de bskal par nges par myong bar byed pa/ me tog dang / 'bras bu dang / lcug ma 'phyang bas khebs pa'i shing ljon pa sna tshogs dang / bza' ba dang btung ba chu bo ltar 'bab pa phun sum tshogs pa ga la ba der lha'i tshogs dang lhan cig 'dong bar byed do/ / tshal gyi phyogs der yang lha mo'i tshogs dang lhan cig rtses nas/ skyed mos tshal myos 'gro 'dul zhes bya ba ga la ba der bde bar gnas par bya ba'i phyir 'dong par byed do/ / de nas brgya byin lha de dag dang / lha gzhan rnams dang yang lhan cig tu gzhal med khang myos 'gro 'dul zhes bya ba ga la ba der 'gro bar byed do// de nas brgya byin gyis skyed mos tshal de mngon par mthong nas/ khyed cag skyed mos tshal 'di ltos shig ces smras so// lha rnams kyis brgya byin mthong lags so zhes smras so// de nas yang brgya byin gyis lha rnams la sngon
- 214a
byung ba'i rabs rjod par byed de/ 'di ltar bdag gis tshal 'dir lha rnams kyi nang du sngon gyi rabs thos te/ bcom ldan 'das 'khor ba 'jig gis lha rnams la chos bshad pa 'di lta ste/ thog mar yang dge ba/ bar du yang dge ba/ tha mar yang dge ba/ don bzang po/ tshig 'bru bzang po/ yongs su rdzogs pa/ yongs su byang ba'i chos bstan te/ 'di lta ste/ 'di yod pas 'di 'byung / 'di skyes pa'i phyir 'di skye la/ 'di 'gags pa'i phyir 'di 'gag go// gang zhig yod na ci zhig 'byung zhe na/ 'di lta ste/ 'dod pa yod na nyes dmigs 'byung la/ 'dod pa rnams med na nyes dmigs mi 'byung ste/ lha dag 'di ni 'di yod pas 'di 'byung ba yin no// gang zhig med na ci zhig mi 'byung zhe na/ lha dag 'di lta ste/ 'dod pa rnams med na 'dod pa'i nyes dmigs rnams mi 'byung ste/ 'di ni 'di med pas 'di mi 'byung ba yin no/ / gang zhig 'gags na ci zhig 'gag ce na/ sreg pa 'gags pas 'dod pa'am/ 'dod pa'i nyes dmigs 'gag ste/ lha dag 'di ni 'di 'gags pas 'di 'gag pa yin no// lha dag gzhan yang 'di yod pas 'di 'byung la/ 'di med pas 'di mi 'byung ba ni 'di lta ste/ sred pa'i rkyen gyis 'dun pa sngon du 'gro ba 'byung la/ 'dun pa'i rkyen gyis 'dun pa skyed pa yid la byed pa mi mthun pa 'byung de la 'dun pa gang yin pa de ni bya ba'i bsam pa yin no/ / rmongs pa 'chol ba gang yin pa de ni ma rig pa yin no// ma rig pas rmongs pa yang dang yang du yul rnams la tshim pa med pa gang yin pa de ni sred pa yin
- 214b
no/ / gang tshim pa med pa'am 'chol ba gang yin pa de ni 'dod chags yin te/ lha dag 'di yang 'di yod pas 'di 'byung ba yin no// gang zhig med na ci zhig mi 'byung zhe na/ 'di lta ste/ sred pa med na tshim med pa'i ngo bo nyid mi 'byung ste/ 'di yang 'di 'gags pas 'di 'gag pa yin no// lha dag gzhan yang 'di yod pas 'di 'byung la/ 'di med pas 'di mi 'byung ba ni 'di lta ste/ byas shing bsags pa'i las yod na rnam par smin pa 'byung la/ byas shing bsags pa'i las med na rnam par smin pa mi 'byung ste/ b+ha dag 'di yang 'di yod pas 'di 'byung la/ 'di med pas 'di mi 'byung ba yin no// lha dag gzhan yang 'di yod/ sa 'di 'byung la/ 'di med pas 'di mi 'byung ba ni 'di lta ste/ mig la yang brten/ gzugs la yang brten nas yid la byed pa sngon du 'gro ba'i mig gi rnam par shes pa 'byung ste/ lha dag 'di yang 'di yod pas 'di 'byung ba yin no/ / gang zhig med na ci zhig mi 'byung zhe na/ 'di lta ste/ gzugs kyang med/ mig kyang med/ yid la byed pa yang med na/ mig gi rnam par shes pa mi 'byung ste/ lha dag 'di yang 'di med pas 'di mi 'byung ba yin no/ / lha dag gzhan yang 'dre yod pas 'di 'byung ba ni 'di lta ste/ bye ma dang / 'jim pa dang / 'khor lo dang / skud pa dang / chu la sogs pa'i rgyu la brten nas bum pa 'byung bar 'gyur te/ lha dag 'di yang 'di yod pas 'di 'byung ba yin no// gang zhig med na ci zhig 'byung bar mi 'gyur zhe na/ 'di lta ste/ bye ma dang / 'jim pa dang / 'khor lo dang / skud pa dang / chu la sogs pa
- 215a
rgyu rnams med na/ bum pa mi 'byung ste/ 'di yang 'di med na 'di mi 'byung ba yin no// lha dag gzhan yang 'di yod na 'di 'byung ba ni 'di lta ste/ 'du ba yod na 'bral ba 'byung ste/ 'di yang 'di yod na 'di 'byung ba yin no/ / gang zhig med na ci zhig mi 'byung zhe na/ 'di lta ste/ 'du ba med na 'bral ba'i sdug bsngal mi 'byung ste/ lha dag 'di yang 'di med pas 'di mi 'byung ba yin no// lha dag gzhan yang 'di yod pas 'di 'byung ba ni 'di lta ste/ skye ba yod na 'chi ba 'byung la/ skye ba med na 'chi ba mi 'byung ste/ lha dag 'di yang 'di yod pas 'di 'byung la/ 'di med pas 'di mi 'byung ba yin no// lha dag gzhan yang 'di yod pas 'di 'byung ba ni 'di lta ste/ 'dod chags kyi me yod na nges par gdung bar 'gyur ro// ji ltar me yod na nges par sreg pa yod pa bzhin no// lha dag 'di yang 'di yod pas 'di 'byung ba yin no// gang zhig med na ci zhig mi 'byung zhe na/ 'di lta ste/ 'dod chags med cing / 'dod chags kyi ma med na 'dod chags kyi gdung ba mi 'byung ste/ ji ltar me med na sreg pa mi 'byung ba bzhin no// lha dag 'di yang 'di med na 'di mi 'byung ba yin no/ / lha dag gzhan yang 'di yod na 'di 'byung ba ni 'di lta ste/ pha ma dang / khu chu dang / khrag dang / nges par 'byung ba skye ba dang / mngal du skye bar 'gyur ba'i las nges pa dang / dri za nya bar len pa yod na skye ba 'byung ba yod de/ lha dag 'di yang 'di yod pas 'di 'byung ba yin no// gang zhig med na ci zhig mi 'byung zhe na/ 'di lta ste/ pha ma yang med/ khu chu dang khrag kyang med/ yang dag par myong
- 215b
bar 'gyur ba'i las kyang med na/ mngal du nye bar len pa sngon du 'gro ba mi 'byung ste/ lha dag 'di yang 'di med pas 'di mi 'byung ba yin no// lha dag gzhan yang 'di yod pas 'di 'byung la/ 'di med pas 'di mi 'byung ba ni 'di lta ste/ tshu rol yod na pha rol med pa ma yin no// gang zhig med cing ci zhig med na/ ci zhig mi 'byung zhe na/ 'di lta ste/ tshu rol med na pha rol med de/ lha dag 'di yang 'di yod na 'di 'byung la/ 'di med na 'di mi 'byung ba yin no// de ltar phan tshun rkyen dang bcas pa nye bar bzung nas brtags pa yin te/ phan tshun rkyen dang bcas pa las 'dus byas thams cad 'byung zhing rten cing 'brel par 'byung ba la brten nas 'byung ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa ste/ de ltar rten cing 'brel par 'byung ba thams cad rgya cher khong du chud par bya'o/ / lha dag de yang bcom ldan 'das des myos 'gro 'dul gyi gzhal med khang der mi'i nyin zhag gis bgrangs pa'i tshul gyis lo lnga stong du chos bshad do// 'dir bdag gis khyed phyogs gcig tsam zhig bshad pa 'di yin te/ de ltar gang+gA'i klung gi bye ma ltar rgya che ba yang dag par rdzogs pa'i sangs rgyas bcom ldan 'das rnams kyi 'thun te chos kyi lus ni gcig yin no// / dam pa'i chos dran pa nye bar gzhag pa bam po sum cu bdun pa/ de nas bcom ldan 'das des lha dung phyur phrag bdun dag gis zag pa zad par mdzad cing / mig dri ma dang bral ba
- 216a
bskyed nas/ de nas yang 'dzam bu gling ga la ba der gshegs so// der gshegs nas mi rnams la yang thugs rje dam pas chos ston te/ 'di lta ste/ ma rig pa'i rkyen gyis 'du byed rnams zhes rgya cher khong du chud par bya'o/ / der yang sems can la phan par bzhed pa des mi rnams kyi zag pa du ma zad par mdzad de/ de ltar sangs rgyas bcom ldan 'das lha dang mi rnams la chos 'chad pa lha dang mi rnams kyi ston pa yin no/ / de bzhin du brgya byin des lha de rnams la smras nas/ gzhal med khang chen po myos 'gro 'dul zhes bya ba ga la ba der dong ste phyin pa dang / pad+ma'i rdzing bya kha dog sna tshogs dag dang / rin po che sna bdun gyi pad+ma rnams kyis nye bar bskor ba mthong ngo // rin po che sna bdun gyi pad+ma yang 'dab ma kha dog sna tshogs dang / cha byad sna tshogs dang / dbyibs dang cha byad dang ldan pa/ nyi ma shar ba lta bu'i mdog rnams kyis brgyan pa yin no// gang du pad+ma dang / bai DUR+Ya'i shing ljon pa'i 'od kun tu 'byung ba rnams kyis gzhal med khang chen po de nye bar brgyan te/ rab tu gsal ba yin no/ / gzhal med khang chen po de 'od sngon pos rnam par mdzes shing gser gyi lo ma rnams dang / 'od dmar pos kyang rnam par mdzes pa yin no// de nas yang gzhal med khang chen po de nyid na khyim dang nye ba'i tshal rnam pa gzhan gyis mdzes pa yin te/ khyim dang nye ba'i tshal de na rab tu dbye ba du mas brgyan pa/ rin po che sna tshogs kyis bkra bar byas pa/ rin po che sna bdun gyi
- 216b
shing ljon pa rnams dang / khyim dang tshal rnams kyis brgyan pa/ shin tu nyams dga' zhing mthong na yid du 'thad pa gang yin pa dag mthong nas/ brgya byin yang ngo mtshar skyes so// de'i dbus na mtsho chen po yod de/ gser btso ma lta bu'i chu rnams kyis mdzes par byas pa/ phye ma du mas bkra bar byas pa/ bya kha dog sna tshogs can rnams kyis brgyan pa yin no// de nas lha de dag sil snyan sna tshogs kyi sgra 'byin cing / 'gro ba na bro brdung / glu len/ rtse dgod/ phan tshun yid gcugs pa dag mtsho rnam par rgyal byed ces bya ba der dong ngo // de nas lha shin tu bag med pa de dag rnam par rgyal byed na gnas pa'i bya rnams kyis mthong nas 'di ltar tshigs su bcad de smras pa/ ji ltar pad+ma'i tshal dag tu// rjen za bya rgod mdzes ma yin// de bzhin zhi ba'i dgon pa ru// mi dge spyod pa mi mdzes so// ji ltar nyi ma 'od grang na/ / log par gyur te mi mthun ltar// bag med lha rnams ga la zhig/ zhi ba'i tshal dug la dga'// sred dang bral ba'i bde ba dang // sdug bsngal grol ba'i skyob po gang // bde ba de yi khyad par las// bde 'di grangs su mi rtsi'o// rab tu myos med bsam gtan pa// kun tu zhags las grol ba yi// bde gang de ni bde mchog ste// sred pas bslus pa 'di ma yin// tshal 'di thub pas brten pa ste// shin tu sgoms pa rnams kyis brten/ / lha mchog 'dod chags yid byed kyi// bsten par 'os pa ma yin no// khyed kyi bde ba gang yin 'di// de ni rtag pa ma yin te// sred pa med pas brten pa gang /
- 217a
/ de ni ni mchog bde ba yin// gang zhig thob nas sdug bsngal kun// thams cad kun tu gcod gyur pa// gnas mchog rtogs pa gang yin pas// tshal 'di nges par bsten pa yin/ / ngan g.yo spyod cing zhim zal// brkam chags kyis ni sems bslus pa// shin tu sgoms pa zhi ba'i tshal// dga' ba brten par mi 'os so// dge ba'i yul du zhi ba nyid// bsgoms pa'i sems ni dga' byed kyi/ / 'dod chags spyod pa rnams kyi sems// tshul gyi gnas su mi dga'a'o// gang zhig rtag tu sems zhi ba// mi de tshal du dga' 'gyur gyis// 'dod chags kyis ni sems dkrugs ba/ / tshal rnams su ni dga' mi 'thob// dmigs pa lnga yis 'jigs byed pa// sred pa nyid kyis bsreg mi 'gyur// sred las rnam grol dri med pa// ngan song grong khyer mi 'gro'o// skye ba yod na rtag tu 'chi/ / nad med med na nad yod cing // phun sum sdug bsngal lhan cig skye// gzhon nu dag kyang rtag tu rgas// sdug bsngal kun dang bral 'gyur zhing // rtag tu 'du ba med par shes// 'di / ni rtag tu 'jig rten chos// yang dag rdzogs sangs rgyas kyis bshad// rtag tu srid gsum nyam nga bar// gang gi blo ni ma rmongs pa// skyes bu dam pa de yis ni// zhi ba'i tshal du dga' ba 'thob/ kun rtog 'dod chags mi brtags pa/ / rtag tu 'dod chags la sogs bsgribs// bde ba 'byung bzhi pa'i chal// zhi ba de nyid 'thob mi 'gyur// gang zhig rtag tu yid zhi zhing // tshul du nal 'byor bsam
- 217b
gtan ga/ / de dag rtag par tshal du dga'// 'dod chags 'tshal ba ma yin no// tshal rnams su ni bsgoms pa'i sems// grong dag tu yang g.yo mi 'gyur// de bas nag tu tshal brten bya// grong khyer gyin gnod mi 'gyur/ / mi yi 'dod chags la sogs 'di// grong khyer dag tu rnam par g.yengs// rmongs pa mi brtag g.yengs pa de// tshal du phyir zhing dang bar byed// gang phyir sdig dang bral ba de// bral ba'i yid kyi brten bya ste/ / de bas mchog tu zhi ba'i tshal// rnal 'byor rnams kyi gnas chen yin// sems dang dbang po rab zhi ba// rnal 'byor snying la dga' ba gang // de ni brgya byin stong snyed kyi// shin tu dga' bar mi 'gyur ro/ / thams cad du ni rnams byang ba// rnal 'byor pa yi dga' mthong gang // rtag tu 'dod chags rjes 'gro ba// 'thab bral ba'ang de ma mthong // 'dod pa'i dbang song dga' ba gang // de ni rtag tu sdug bsngal 'byung / / nyon mongs bcom pa'i dga' ba gang // de ni rtag tu dga' ba yin// 'khor ba thog ma med pa nas// dgra rnams su ni sems 'byung ste// de ni bcom nas dga' 'byung gang / / de la 'dod pas ga la gnod// 'dod pa las byung dga' ba ni// sdig bcas sdug bsngal 'bras bu tsha// gang zhig 'dod las rnam grol ba// de ni dga' ba mchog yin no// de la brten nas rnal 'byor pa/ / 'gro ba mchog tu 'gro bar 'gyur// 'dod pas byas pa'i dga' ba yis// 'chi med gnas su khrid mi 'gyur// bsten pa'i tshe na mngar la dga'// rnam par smin pa me dang mtshul/
- 218a
'dod las byung ba'i dga' ba ni// rtag tu sems can dmyal bar 'gro// bsten pa'i tshe na dang ra la dga'// bar du'ang kun nas dgar 'gyur te// mthar yang zhi zhing dri med pa// 'chi ba med pa'i gnas su 'gro/ / thog ma ba ra dang mthar dge gang // rtag tu ma ltar sdug pa yin// de ni spangs nas byis pa dag/ 'dod pa'i yul la ci phyir chags// bar dang mtha' ngan sdug pa// rtag tu skyon gyi slong gis bsgribs// bden pa 'byung ba mthong glang // de ni byis pas ci phyir bsten// ji ltar dug gi phye ma la// dga' ba reg na 'bar ba 'byung // de ltar 'dod pa'i dga' byas pa// yongs su gyur na dug dang mtshungs// ji ltar me yis bsreg pa na// 'bar bar 'gyur te zhi med cing // bsreg pas kyang ni gzhan gsod de// 'dod byas dga' ba de dang mtshungs// phye ma leb kyis 'bar ba mthong / / tshig pa'i nyes pa mi mthong ste// de ltar 'dod bskyed dga' ba ni// bla med rnams kyis mthong bar 'gyur// 'dod chags bskyed pa'i gdung ba gang // 'dod pa pa rnams rtag tu sreg/ phye ma leb kyi tshig pa ltar// thams cad du ni mi mthong ngo // de bas 'dod pa'i dug spangs te// lha rnams ye shes rtag dga' zhing // tshe ni don med mi bya la// khyed cag bag med ma 'gro zhig/ bag med ba yis rnam rmongs pa/ / skyes bu thams cad chags par 'gyur// de ni phyi nas bral ba na// de tshe gdung bas gdungs par 'gyur// rtag tu 'dod pa rnams rmongs pa// de ni dge ba'i las mtha' zad// 'dod
- 218b
pa rmongs pas bslus pa ni/ / sum cu gsum nas dmyal bar 'gro// ji srid 'chi ba mi 'ong dang // ji srid sems nyid rdzogs pa ni// de srid chos la yid kyi don// nye bar zhi ba dag tu 'gyur// sred chu shin/ tu mi bzad pa// mtho ros kyi ni yul du 'bab// rnam rtog shugs ltar mi brtan zhing // nyes gsum bro ba lta bu 'byung // bag med pa ni chu ltar zab// bud med 'dod chags nya lcibs 'dra// glu dang sil snyan sgra myur mtshungs/ / de ni rdo ltar mi brtan no// sprul pa lta bu'i yul gyis khebs// yid ni myur ba'i rlab dang 'dra// lha rnams 'dod chags kyis bslus pa// rmongs pa de dag 'jug par byed/ / 'di ltar de ni mi mthong ste// blo med pa dag 'jug par 'gyur// ji ltar dug gi ljon shing gi/ me tog bung ba rnams 'jib pa// de ltar 'di ni dug 'dra ste// rmongs pa rnams ni bde la spyod// bung bas dug ni 'thungs pa dag/ gal te kha cig 'tsho 'gyur gyi// 'dod pa'i dug ni 'thungs pa yis// 'tsho ba rnyed pa dka' bar 'gyur// nyes gsum skam shing lta bu 'byung // bag med rlung shugs ldan pa 'dra/ / sred pa me dras lha yi tshogs// sreg par byed kyang mi rig go/ nyes pa las byung sa 'di ni// bag med pa yi gsing mas bsgribs// rang gis byas pa'i rmongs pa'i lha// rmugs pa rnams ni rtag tu rgyu/ / bag med pa rnams 'dod pa'i rgyu// yul dag mi brtan mi bzad de// brtan po de la yid ma rton// 'di ltar de ni rmi lam 'dra// rmi lam dmyal ba'i rgyu ma yin// 'dod pa'i rmi lam rgya yin
- 219a
te/ / de bas 'dod pa 'di spongs la// rtag tu legs par spyad pa spyod// tshal ni legs pa shin tu spyad// nyes par spyad pa'i mi yis min// 'di ltar de dang 'brel pa ni// legs par gnas shes brjod pa yin// 'dod pa 'tshol ba'i lha kun gyis// gnas ni gang zhig ma thob pa// brtan po bag yod pa la dga'// mi yi gnas de 'thob par 'gyur// de ltar brgya byin de tshal myos 'gro 'dul du 'jug pa na tshags su bcad pa smras nas/ yang tshal de nyid ga la ba der dong ste phyin pa dang / tshal de dge ba spyad pa du ma dang / slob pa dang mi slob pa'i skye bo bsod nams sna tshogs byas pas gtsang ba drang srong chen po bcom ldan 'das 'khor ba 'jig gi drung du gang 'byung ba legs par byas pa'i las kyi mtha' spyad pa de rnams kyis bsten pa yin no/ / de nas lha'i rgyal po brgya byini lha'i tshogs dang lhan cig yongs su bskor te/ lha'i sil snyan rnam pa sna tshogs kyi sgra rnams kyis dga' bzhin du 'jug par byed do// de 'jug pa na tshal des tshal de dag thams cad kyi mdzes pa zil gyis mnan nas/ rnam par gnas pa mthong ste/ ji ltar ri bo stong phrag drug cu rnams kyi nang na ri'i rgyal po ri rab rnam par mdzes pa de ltar ches shin tu mdzes pa yin no// ji ltar lha'i dbang po brgya byin de lha de rnams kyi nang na ches shin tu mdzes pa de lta bu'i rim pa kun gyi tshal de dag zil gyis mnan cing sum cu rtsa gsum pa'i tshal dang / nye ba'i tshal de dag thams cad zil gyis mnan nas mdzes pa bzang ba yin no// brgya byin de
- 219b
lha'i tshogs thams cad kyis yongs su bskor nas/ 'dzam bu'i gser gyi tshal gser gyi lan kan gyi dra bas yongs su bskor ba dang / gser gyi shing ljon pa thams cad kyis yongs su bskor ba ga la ba der 'dong bar byed do/ / de nas brgya byin gyis/ lha de dag la smras pa/ kye lha dag sdug pa thams cad zil gyis mnan nas rnam par gnas pa/ lteng ka dang / 'bab chu'i dang dang / tshal dang / chu bo du ma phun sum tshogs pa'i tshal 'di la ltos/ kye lha yon tan kun gyis yongs su bskor ba mthong lags te/ drang srong chen po de'i thugs dang zhing / sku gsal ba/ mtshungs pa med pa/ thams cad mkhyen pa nyid dang 'thun pa/ thams cad mkhyen pa nyid kyis yongs su bsgoms pa'i shing ljon pa'i tshal dang / nye ba'i tsha la 'di dag la bdag cag kyang ngo mtshar cher gyur to// gang du lha'i tshogs kyi shin tu ches bde ba lhag par bde ba/ dpe med pa/ rnam pa du ma dag kyang mngon par zil gyis mnan te/ skyes bu kha dog bsgyur ba dam pa 'di zhi ba mchog tu 'das kyang / da dung 'bras bu'i lhag ma 'di di ring gi 'bras bu lta bur mchis so/ / de nas yang lha'i rgyal po brgya byin tshal khang pa brtsegs pa'i tshal zhes bya ba tshal chen po de nyid kyis phyogs gang du bcom ldan 'das de bzhugs bzhugs pa de ga la ba der 'gro bar byed do/ / de nas khang pa brtsegs pa bzhi 'bum gyis yongs su bskor ba/ rin po che sna bdun la 'di lta ste/ an+da rnyil dang / rdo rje dang / margad dang / spug dang / bai nuR+Ya rnams las byas pa
- 220a
@kha khyer bye ba rnam pa sna tshogs kyis yongs su bskor ba/ rgyal mtshan dang ba dan rnam pa sna tshogs bsgreng ba/ ba dan dmar po phra mo sna tshogs kyis bskor ba/ kun nas tshal de rab tu phra brdung ba lta bur rnam par mdzes pa yin te/ khang pa brtsegs pa de rnams kyi nang na thams cad mkhyen pa'i khang pa brtsegs pa de de ltar mdzes pa yin no// ji ltar 'dzam bu'i gling na dbyar gyi dus sam/ ston gyi d us su nam mkha' la sprin med pa na nyi ma dang zla bas gza' dang skar ma'i tshogs thams cad kyi 'od zil gyis mnan nas dbus na mdzes pa de ltar khang pa brtsegs pa de dag thams cad kyi 'od zil gyis mnan nas bcom ldan 'das kyi khang pa brtsegs pa de rnam par mdzes pa yin no/ / de la yang dang yang du rnam pa de lta bu'i 'od 'byung ste/ 'di ltar brgya byin 'ba' zhig ma gtogs par khang pa brtsegs pa'i 'od rab tu 'bar ba de la lha gang yang yun ring du blta bar mi nus te/ dper na 'dzam bu'i gling gi mi rnams sos ka rab tu tsha ba'i nyi ma'i gung la nyi ma yun ring du blta bar mi nus pa ltar/ khang pa brtsegs pa 'di yang de lta bu yin no/ / de nas brgya byin khang pa brtsegs pa der song ste phyin nas lha rnams la smras pa/ lha dag khang pa brtsegs pa'i 'od la ltos/ lha'i mchog mthong lags so// 'di ltar bcom ldan 'das skyes bu 'dul ba'i kha lo sgyur ba bla na med pa de/ nyan thos som nyi dang bral ba/ bden pa mthong ba/ gnyis ka'i cha las rnam par grol ba/ mngon par shes pa drug dang ldan pa/ rdzu 'phrul gyi rkang pa bzhi bsgom
- 220b
pa 'bum phrag bzhi rnams dang thabs cig tu lha rnams la phan pa dang bde ba'i phyir/ tshal dang gzhal med khang myos 'gro 'dul ba 'dir gshegs so// de nas dbyar zla ba bzhi gnas 'dir bzhugs nas sum/ / cu rtsa gsum pa'i lha rnams la chos bshad de/ 'di ltar 'di ni gzugs so// 'di ni gzugs kun 'byung ba'o// 'di ni gzugs 'gog pa'o// 'di ni gzugs 'gog par 'gyur ba'i lam mo// de bzhin du tshor ba dang / 'du shes dang / 'du byed rnams la kun 'byung ba rtag tu nyes dmigs 'byung ba rim bzhin du bshad do// de ltar bcom ldan 'das des rim gyis lha rab tu myos shing rab tu bag med par gnas pa/ 'chi ba'i sdug bsngal la mi lta ba/ rgyags pa 'ba' zhig don du byed pa'i lha rnams la phan pa dang bde ba'i phyir/ rang gi mtshan nyid dang / spyi'i mtshan nyid kyi chos ji lta ba bzhin bshad do/ / de nas yang bcom ldan 'das des rnam pa gzhan gyis lha bag med par gnas pa rnams la rjes su bstan pa 'di ltar tshigs su bcad de bka' stsal pa/ bag med 'khor ba'i rtsa ba ste/ de bzhin lha yi gnas kyang yin// bag med dug gis myos pa gang // de dag srid pa nyam ngar bying // bag med rnams las grol ba gang // de ni srid pa'i mtsho las brgal// bag med mun pa'i rtsab sa ma rig mun pa med pa yin/ / mun pa yis ni rmongs pa gang // de dag la ni mig med do// 'di ltar snang ba'i gzhi po ni// me dang nyi ma yin par brjod// de ltar mongs pa rnams kyi gtso// bag med yin
- 221a
par yongs su brjod/ / bag med pa yi mes gdungs pa// de yi yid ni rnam par g.yo// gang gis rmongs pa'i byis pa dag/ sems can dmyal bar rab tu 'gro// bag med/ pa yis rmongs pa'i lha// bud med dbang gyur mi brtan pa// 'bral dang sdug bsngal brjed nas su// 'du ba dang ni bde ba 'dod// sdug bsngal che la nye bar gnas// 'tsho ba'i mtha' ni 'chi ba yin// / bde ba'i mtha' ni mi brtan ltung // 'du ba'i mtha' yang 'bral bar 'gyur// bde mtha' rtag tu ltung ba dang // lang tsho'i mtha' ni rga ba ste// lus can kun ni las kyi mtha'// dge dang mi dge'i las kyis su/ / lus can thams cad bcing 'gyur// phyi nas ro bro med par shes// 'di dag 'gro ba tha dad par// gar mkhan bzhin du gar byed de// las kyi gar gyis bcings pa dag/ 'di ni 'khor bar rtag tu 'khyams/ / brtan po de la yid marten// las 'gro rtag tu ma 'gro zhig/ thabs rnams kun gyi dug lta bur// bag med yongs su spang bar gyis// bag med pa las grol ba ni// sri/ gsum mtsho las brgal ba yin// de ltar bcom ldan 'das 'khor ba 'jig des lha khri phrag dgu brtub cing bag med pa/ ro bro ba dang bral ba/ mtho ris thams cad du brtan te/ lha'i bya ba chen po yang mdzad/ gnas 'di yang rjes su bzung nas/ de nas yang slob ma de dag nyid dang lhan cig tu 'dzam bu'i gling ga la ba der gshegs so// de nas brgya byin gyis de ltar ma lus par de dag thams cad lha de
- 221b
dag la bsnyad nas/ khang pa brtsegs pa ga la ba der dong ngo // de nas khang pa brtsegs pa rin po che du mas rnam par brgyan pa/ ji tsam du rin po che'i rnam pa shin tu khyad par du 'phags pa'i rnam pa de snyed kyi brgyan pa der zhugs so/ / lha de rnams kyis kyang sngon ma mthong ste/ de nas lha de dag ngo mtshar du gyur par rig nas/ de nas yang brgya byin des/ lha de dag la 'di skad ces smras so// khang pa brtsegs pa rin po che rnams kyis mdzes par byas pa/ sngon ma mthong ba 'di la khyed cag ltos/ brgya byin mthong lags so// rin po che'i khang pa brtsegs pa 'di dag ni bcom ldan 'das de la 'thab bral gyi lha dad par gyur pa rnams kyis 'dir phul ba yin no/ / de dag gi mthus 'di blta bar mi nus te/ lha de dag gi mthu ni de lta bu yin no// de dag kyang ji ltar khyed cag bzhin shin tu bag med pa yin no// de nas smad par bdag nyid kyis rig cing / legs pabar byas pa'i las kyang nyams par rig nas/ lha de dag kun gyis rgyags pa bcom ste/ gus pas mgo bo smad/ thor tsugs rab tu g.yos/ mig dang bzhin rab tu dga' bar gyur pa thams cad bcom ldan 'das kyi khang pa brtsegs pa de la phyag 'tshal bar byed do/ / de ltar yid la skyo ba skyes pa rnams kyi las nyams par bdag nyid kyis rig nas/ skyo ba skyes pa gang kha cig gis ni byang chub tu sems bskyed kha cig gis ni rang sangs rgyas su/ kha cig gis ni nyan thos kyi byang chub tu/ kha cig gos ni bcom ldan 'das de la dad pa cher skyes so// de nas brgya byin gyi sngon na 'dug pa'i lha de dag thams cad bcom
- 222a
ldan 'das la yid dad pa skyes so/ / de nas lha'i rgyal po brgya byin yang rang gcig du/ gang du bcom ldan 'das de bzhugs shing gnas la/ chos kyang bstan pa'i gzhal med// khang de nyid du song nas/ bcom rangs 'khor ba 'jig de'i gzims cha rdo rje lta bu dang / yo byad phun sum tshogs pa rnam pa sna tshogs rmad du byung ba gang yin pa de dag la spyod par byed do// 'di ltar gzims cha 'di dag gi nang na bcom ldan 'das bzhugs bzhugs pa yin no snyam nas/ de dag la yang brgya byin de gus pas mgo btud de/ lus thams cad kyis phyag 'tshal zhing bcom ldan 'das de la gus pa chen pos gzims cha'i gdan gyi gzhi de la phyag 'tshal bar byed do/ / des de la phyag 'tshal te langs pa dang / rtsig ngos dag la 'di ltar tshigs su bcad de bris pa mthong ba g.yang sar lhung ba'i gang zag ni/ / gal te 'tsho bar 'gyur yang srid// bag med par ni lhung ba dag/ nams kyang bde skal mi 'thob bo// gal te las rnams thams cad la// gang zag shin tu bag med pa// de ni nyin dang mtshan dag tu// nams kyang dge bar mi 'gyur ro// 'jig rten cung zad bde gang dang // 'jig rten 'das pa'i 'dod pa gang // de dag bag med pa yis 'jig/ de bas de ni yongs su spongs// bag yod bdud rtsi'i gzhi yin la// bag med 'chi ba'i gzhi yin te// bag yod pas ni mi 'chi zhing // bag med pas ni rtag tu 'chi// bag yod pas ni lha rnams kyi// gtso bo mchog dang ldan par gyur//
- 222b
bag med 'khor ba'i gzhi yin la// bag yod pa ni pha rol 'gro// de lta bas na bag med spongs// thams cad du ni bde ldan 'gyur// gang zhig tu bde 'dod cing // sdug bsnga pa las ni 'jigs pa gang / bag med mi la dug dang 'dra// de yis bag med rnam par spongs// skye bo bya ba ngan byas pa// bag med nyid la mngon dga' ste// bag med dug gis rmongs pa rnams// ga yang sar rab tu ltung bar 'gyur bag yod gzhan du legs par 'gyur/ / bag med pa lta ga la zhig/ bag yod pa yis bde 'gyur la// bag med pas ni sdug bsngal te// bde dang sdug bsngal gzhi 'di dag/ thams cad bsdus te bshad pa yin/ / yon tan skyon dag rnams shes gang // de ni gang bzangs len par byed// de nas brgya byin gyis tshigs su bcad pa de dag smras nas/ de nas yang gus pa chen po skyes pa'i yid rab tu gsal bas/ bcom ldan 'das de nyid la phyag 'tshal lo// des yun ring du bag yod pa bsngags shing / bag med pa smad nas/ yang lha de dag ga la ba de nyid du song ngo // de nas lha rnams kyang brgya byin de mthong nas/ de dag gus pas rings thabs su brgya byin ga la ba der dong ngo // de nas brgya byin gyis kyang de dag gi nang du tshigs su bcad pa 'di dag spras te/ 'di ltar tshigs su bcad pa 'di dag ni bdag cag la phan pa dang bde ba'i phyir/ bcom ldan 'das don mdzad par bzhed pa des bris pa yin no// de dag thos nas yid rab tu dang ba'i lha de dag kun kyang bcom ldan 'das
- 223a
la phyag 'tshal zhing / 'di skad kyang smra ste/ 'di ltar bcom ldan 'das de nges par skye bo'i mig yin te/ des bdag cag gi don du tshigs su bcad pa 'di dag gsungs pa lta zhes smras nas/ dedag de na yun ring zhig tu shin tu bag yod par gyur to// de nas gzhan yang lha dag gis sil snyan dang rol mo'i sgra dbyangs rnam pa shin tu mang po dag blangs pa dang / de nas lha de dag gis 'di ltar 'di dag ni zhib tu spyod pa'i lha dag skyed mos tshal du dga' sprod byed du 'dong stong / gnas 'dir 'ong zhing sil snyan dang rol mo'i sgra dbyangs sna tshogs nye bar len la/ lha mo'i tshogs rnam pa du ma gla dbyangs len zhig 'dir 'ong ngo snyam du de dag rig nas/ gang lha de dag skyed mos tshal du dga' spyod byed du 'dong bar bdag cag kyang de dag gi drung nyid du nges par 'dong bar bya'o snyam mo// de nas de ltar rig nas bag med pa'i ngo bo nyid kyis phrogs pa rnams de nas yang sil snyan gyi sgra dang / glu dbyangs dang / rol mo'i sgra sna tshogs phyung nas zhab tu spyod pa'i lha de dag ga la ba der phan tshun shin tu mthong bar 'dod pa rnams dong ste/ yid rtag par rab tu dga' ba'i tshal dang / nye ba'i tshal rin po che sna tshogs dang ldan pa gser gyi lcug ma 'phyang bas khebs pa rnams su ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du phan tshun dga' bar byed/ rtse bar byed/ dga' dgur spyod par byed do// de zad nas rab tu lhung ste las nye bar 'gro ba ji lta ba bzhin 'khor bar sems can dmyal ba dang / yi dgas dang / dud 'gro rnams kyi
- 223b
nang du skye bar 'gyur ro/ / ngan song gi sgo bcad pa gang yin pa de dag gal te mi rnams dang skal ba mnyam par mi'i nang du skyes na/ las de dang rgyu 'thun par yul shin tu rgyas pa 'bab chu dang / chu bo dang / lteng ka rab tu mang ba phun sum tshogs pa/ rtag tu legs par byas pa'i las kyi mtha' rnams su shin tu rgyas par 'gyur te/ mchog tu rgya che ba'i rgyal po 'am/ blon po chen po skye bo kun dga' ba/ blo gros rgya che zhing sbyin pa dang / tshul khrims la mngon par dga' ba/ rtag tu dge ba byed par gyur pa mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas gzi brjid 'bar ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar skyes bu dam pa dge ba dang ldan pa/ skyes bu dam pa rtag tu bag yod pa dang ldan gyur pa/ sems can rnams la phan par 'dod pa/ las kyi 'bras bu la dad pa/ skyes bu dam pa 'du ba/ gang gis srog gcod pa dang / ma byin par len pa spangs par gyur te/ 'di lta ste/ shing sha ba skye ba'i nang ngam/ a mra skye ba'i nang ngam pa na de ke ra skye ba'i nang na sgo nga yod pa dag/ bya 'am sbrul dag gis bzung na/ de dag gzhan la phan par zhugs pa/ snying rjes brlan pa'i yid kyis thar par byed pa yin te/ de ltar srog
- 224a
chags dag thar par byed pa yin no/ / ma byin par len pa spangs pa ji lta bu yin zhe na/ 'di la shing ba la sha'i tshal du pa la sha'i lo ma yang len par mi byed la/ gzhan gyis blangs par shes nas kyang zlog par byed/ lam du zhugs pa na 'bra go sa la lhung ba yang len par mi byed la/ gzhan gyis blangs par shes nas kyang zlog par byed pa yin te/ de ltar ma byin par len pa spangs pa yin no/ / dge ba spyod pa ji lta bu yin zhe na/ 'di la sbyin pa la mngon par dga' ste lo nyes byung ba'i tshe/ dge sbyong dag la lo lnga pa'i gzhal ba phyed sbyin nam/ sdom pa blangs pa'i nad pa dag la zas sbyin par byed cing / gzhan dag kyang de nyid la rab tu 'jog par byed/ dga' bar byed/ rab tu dga' bar byed/ las kyi 'bras bu ston par byed/ sangs rgyas dang / chos dang / dge 'dun rtag par yongs su dran par byed/ pha ma 'am/ dge bsnyen sdom pa blangs pa phal pa la yang na ba'i gsos sman gyi rkyen gyi yo byad sbyin par byed/ gzhan dag kyang de nyid la de ltar rab tu 'jog par byed/ las kyi 'bras bu yang ston par byed/ yang dang yang du gzhan la phan par rab tu zhugs shing / sdig pa'i grogs po dang spyod par mi byed/ thad kar zur tsam yang mi gnas/ de dang lhan cig smra bar mi byed/ de la tshig tsam yang mi smra/ lus dang ngag gi las kyi mtha' rtag tu legs par bsdams pa/ bdag la phan pa dang / gzhan la phan par zhugs pa de lus dang bral nas/ bde 'gro mtho ris kyi 'jig
- 224b
rten sum cu rtsa gsum pa'i lha gzi brjid 'bar ba'i lha rnams kyi nang du skye bar 'gyur ro/ / der skyes nas kyang legs par byas pa'i las kyi mtha' spyad pa de rang gi 'od zla ba'i 'od dang mtshungs pa yin no// sa gzhi de yang nyams dga' ba 'di lta bu yin te/ 'di lta ste/ tshal dang / nye ba'i tshal rin po che sna bdun gyis shin tu gang ba yin/ chu bo yang chu 'bab pa sna tshogs 'byung zhing / pad+ma sdong bu bai DUR+Ya rnams kyis yongs su bskor ba yin/ pad+ma gser gyi 'dab ma rnams kyis kyang chu bo de dag khebs pa yin la/ chu rab tu gsal ba gser gyi rdo sna tshogs rnams kyis sgra mtho dman 'byin pa/ gar byed pa lta bur 'bab pa/ / bya sna tshogs sgra 'dres par 'byin pa/ rab tu dga' ba mang ba dang / lha dang lha mo'i tshogs rab tu dga' bas gang zhing gser gyi ri bo'i rtse la rgyu ba/ gzhan dag bai DU R+Ya'i ri la rgyu ba/ bya ngang pa dang / ka ran da ba dang / dur pa'i tshogs myos pa sgra sna tshogs 'byin pa/ pad+ma'i tshal gyi gas pa gseb na/ lha dang lha mo rab tu dga' zhing dgod pa/ 'gram gnyis ka lha'i tshogs rnams kyis kun tu gang ba yin te/ chu bo de dag thams cad kyi rlabs rab tu 'byung ba'i sgra yid du 'ong ba yin no// gzhan yang pad+ma'i rdzing dag yod de/ pad+ma'i gsapa gse ba de dag na rin po che sna tshogs kyi bung ba 'od gsal zhing mdzes pa sna tshogs rnams kyis brgyan pa yin no/ / lha de dag la yang rtog par byed de/ lha'i tshogs kyis yongs su bskor ba/ lus rin po che sna tshogs kyis rnam
- 225a
par brgyan pa/ 'od kyi 'phreng ba rgya che ba dag chu bo de dag na rtse bar byed cing / dus yun ring du dga' ba nges par mthar byed ces bya ba'i tshal der 'dong bar byed de/ rtse ba'i phyir nye bar 'dong ngo / / sil snyan dang rol mo'i sgra sna tshogs 'byin pa rjes su 'brang zhing / phan tshun grogs su gyur pa rgyags pa 'ba' zhig don du byed pa de dag tshal der dong nas/ pad+ma'i tshal pi wang gis rtse ba zhes bya ba kun nas dpag tshad lnga brgyar mtshungs pa gang na ba der dga' bar gnas pa dag 'jug par byed do/ / pad+ma de dag kyang mdog dang / ro dang / dri mchog dang ldan pa dang / mtho ris dang 'thun pa'i chang gis shin tu gang ba yin no/ / de nas lha shin tu bde ba de dag chang zhim po de dag la 'thung zhing glu len no// de nas bag med par gnas pa de dag bya bgegs mi byed par 'gro ba zhes bya bas mthong ste/ de dag gis lha bag med par gnas pa de dag la mngon par brtags nas/ 'di ltar tshigs su bcad de smras pa/ khrel med ngo tsha med pa dang // le lo sdig pa'i grogs po rnams// 'di ltar mtho ris sa bon min/ / mkhas pas de dag bsrung bar gyis// khrel med ngo tsha med pa dang // rtag tu sdig pa rjes su spyod// mi ni g.yang sa las ltung ste// de ni phyi nas rig par 'gyur// ma dad pa dang rmugs dang gnyid/ / de bzhin gar yang 'jigs mi byed// 'chab dang 'tshig dang rmongs pa ni// de dag mtho ris rgyur mi 'gyur// chang 'thung rdzun tshig rab tu smra// gnod sems de bzhin lhag par brkam//
- 225b
las 'bras la ni dang med pa// kun tu sems can dmyal ba'i rgyu// yid kyi skyon dang gnod sems dang // snang ba'i las rnams bsrung bar gyis// mi kun sdang ba'i las kyis su// sems can dmyal bar nye bar rtog/ brtan pa med pa sdig spyod cing // rtag tu 'dod pa'i dbang du song // le lo 'khor mor rdzun smra ba// de ni dge ba'i 'os min no// gang gis tshul khrims mching bu dang // sman gyis khebs ltar smad pa dag/ de ni smad pa'i chub khrims kyis// mi ni smad par skye bar 'gyur// gang dag sdig la blo gnas pa// de dag mun pa mtha' med la// gang dag sangs rgyas blo gnas pa/ / de dag mun pa bsal ba yin// de bzhin du chos dang dge 'dun la yang brjod par bya'o// bag med mongs pa'i lha rnams ni// yang dang yang du chang gis rmongs// bag med gnyis kyis rmod/ pa de// mi rnams sems can dmyal bar rgyu// ji ltar skyes na nges par ni// 'chi ba yod par de lta bu// skye bo skye ba yod pa yi// steng na 'jig pa yod par 'gyur// bag med rgya lta bu yis bzung // rgya mtsho lta/ bu'i yul du rlubs// sred pa'i lcags sgrog dag tu bcug/ lha rnams du mar rtse bar byed// skyes ma thag tu lha dag gi/ skad cig de la bde zad 'gyur// bag med pa yis bsgribs pa'i sems// dbang med pa dag shes mi 'gyur// bag med pa yis 'khrul pa'i yid// rtag tu yul la 'dod par byed// 'dod pa'i bde bas tshim med pa// lnga rnams dag ni sdug bsngal lo// gang zhig sred pa'i/
- 226a
dbang song ba// lha de skad cig thang cig dang // nams kyang yud tsam dag tu yang // nye bar spyod par mi 'gyur ro// gang du lha dag dbang med cing // 'dod pa'i dbang song rtse byed pa/ sa 'di sred pas nyon mongs te// rnam par rtog pa brgya yis bsgribs// ji ltar dmyal bar rgyu ba rnams// de yi ma yis sreg par byed// de ltar 'dod pa las byung mes// lha rnams dag ni sreg par byed/ / bkres dang skom las byung ba'i mes// de ltar yi dgas rnams kyang sreg/ gsod pa'i me yis dud 'gro rnams// mi rnams kun tu 'tshol bas so// de ltar kun nas byung ba'i mes/ / sems can 'jig rten ma lus par// kun nas yongs su bskor nas su// sreg par byed kyang mi rig go/ de ltar bya de dag gis lnga de rnams la mngon par brtags nas/ yang dang yang du rab tu go bar byed do/ / de nas de na lha gang dag sngon las dge ba byas shing sprad pa de dag gal te yang bya de dag gi sgra rnar thos nas 'thung bar mi byed de/ yud tsam zhig bag yod pa dang ldan nas/ de nas yang yul sgra dang / reg pa dang / gzugs dang / ro dang / dri sdug pa dpe med po rnams kyi dbang du song ste/ de'i ngo bo nyid kyi dbang du song ba'i yid dag/ de nas yang sil snyan yan lag lnga dang ldan pas tshal dang / nye ba'i tshal rnams su lha dag rtse zhing / gang dang gang myong bar 'dod pa de dang de shin tu myong ngo // lha dang lha mo 'bum snyed kyis yongs su bskor cing rang gis byas pa la spyod pa kha cig
- 226b
ni bai DUR+Ya dang / ar+tha rnyil dang / sdug las byas pa'i ri rab kyi ri'i rtse mo dang / tshal dang / nye ba'i tshal gyi sa dang / 'bab chu dang / lteng ka pad+mas rnam par brgyan pa/ ri'i rtse mo bya spug gi sna tshogs kyis rnam par brgyan pa/ bai DUR+Ya'i 'dab ma dang / gser gyi ze ba dang / shel gyi sdong bu'i pad+ma'i rdzing dag tu bung ba'i tshogs kyis shin tu gang ba'i yul dpe med pa/ chu bo'i klung lta bu rnam pa sna tshogs kyi dbang du song ba na yang dang yang du rtse bar byed kyang / nges par myong bar 'gyur ba'i sdug bsngal gang yin pa de dag mi rig ste/ de ltar ji srid du byas shing bsags pa'i las de zad par ma gyur pa de srid du/ phan tshun grogs su gyur pa dag dga' bar byed/ rtse bar byed do// de zad nas lhung bar 'gyur te/ ji ltar nyi ma nub na nyin mo zad pa de ltar/ lha rnams legs par byas pa zad nas mtho ris kyi mtha' nas lhung bar 'gyur ro/ / lhung nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes na/ bas de dang rgyu mthun par de shin tu bde bar 'gyur te/ nor mang ba dang / mchog tu rgya che ba la dga' ba dang / dam pa'i chos la dga' ba dang / rtag tu shes pa la dga' ba dang / dge sbyong dang bram ze la dga' ba dang / tshe ring por 'gyur ba yang mthong ngo // de nas yang dge slong las kyi 'bras bu rnam par smin pa shes pa de
- 227a
sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas zla ba'i gnas ltar rgyu ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ dge ba'i las kyi mtha' spyod pa/ sems dri ma dang bral ba/ sems shan tu bsgoms pa/ yid shin tu bsgoms pa gang gis/ sangs rgyas kyi sku gzugs bya ba skyon med par byas pa dang / de bzhin du bcom ldan 'das kyi sku gzugs gser ram/ dngul lam/ zangs sam/ lcags las byas pa la yid dang bas/ pi ra ra ma/ rab tu gsal bar byed pas sdug par byed cing / sku gzugs dri ma dang bral ba/ mchog tu sdug pa de dag mthong nas sbyin bdag de shin tu snying dga' ba dang / sems kyis kyang yang dang yang du byed na/ de sems kyi zhing yon tan bzang po dang / sems kyi rgyu sems bsgoms pas/ dge ba spyod pa bde ba dang ldan par 'gyur/ gzhan yang srog gcod pa dang ma byin par len pa spong ba yin te/ srog chags rnams la yid kyis kyang gsod par mi byed cing gnod par mi byed la/ gzhan byed na yang rjes su yi rang bar mi byed/ phyir zlog par byed/ dge ba'i lam pa rab tu 'jog par byed pa/ bdag dang gzhan la phan pa byed pa'i skyes bu dam pa de ni bde ba myong bar 'gyur ro// srog gcod pa spangs pa rnam pa du yod ce na/ 'di la shin tu gus pas bsams nas/ yid kyis kyang
- 227b
gsod par mi byed cing / gsod par byed du mi 'jug/ legs par byas pa'i las byed pa de drod gsher las skyes pa'i sems can ma la gzhi'i 'og tu skyes nas za bar byed pa de dag kyang bzung nas gsod par mi byed la/ srin bu phre'u dang / grog sbur yang gsod par mi byed pa yin te/ rnam pa de dag ni srog gcod pa spangs pa yin no// ma byin pa baben pa spangs pa ji lta bu yin zhe na/ yang skyes bu dam pa dge ba legs par byas pa'i las la tshim pa med pas thams cad du ma byin par mi len te/ de lta bas na ma byin par len pa spangs pa yin no// rnam pa ji lta bu yin/ rnam pa du yod ce na/ 'di la grang bas zhen pa 'am/ dro bas nyen kyang / gzhan gyis yongs su bzung ba'i shing skam mam/ bong ba 'am/ gdugs kyi grib ma tsam gyis kyang 'tsho bar mi byed/ grib mas 'tsho ba'i mi rnams kyi grib ma 'phrog par mi byed/ 'gron po dag shing ljon pa'i grib ma dag la ngal bso zhing 'dug pa dbang gis bskrad nas/ grib ma de dag la bsil bar 'dug cing / de dag kyang gdung pas gdungs la shin tu sdug bsngal bar gyur pa rnam pa de lta bu'i ma byin par len pa yang yongs su spong zhing mi byed la/ grib ma ma byin par len pa gzhan byed pa yang phyir zlog par byed pa yin te/ ma byin par len pa shin tu chung ngu yang spong zhing / srog gcod pa yang spong ba ni lus dang bral nas shi bo'i 'og tu bde 'gro mtho ris kyi 'jig rten sum cu rtsa gsum pa'i lha rnams kyi nang zla ba'i gnas ltar rgyu ba'i lha rnams kyi gnas su skye bar 'gyur ro/ / der skyes nas kyang legs par byas
- 228a
pa'i las kyi mtha' spyad pa/ rgyu rkyen dang mthun par spyad pa de/ 'bras bu de dang mtshungs par 'byung ste/ 'di lta ste/ zla ba nya ba bcu'i 'od kyi rnam pa ji snyed pa'i rnam pa de snyed kyi 'od lha'i lus de thams cad las shin tu dri ma med pa 'byung ngo / / lha de'i 'od gang yin pa'i 'od des mtho ris kyi phyogs dang bcas pa brgya 'gyur du gsal ba dang ldan par 'gyur ro// 'od de yang tsha ba dang bsil ba med de/ lha thams cad kyi mig tu sdug pa yin no// lha de dag kyang gnas gzhan du skyes pa'i lha de dag gi 'od pas khyad par du 'phags pa yin te/ de'i las dge ba'i mthus kun nas dpag tshad bcur rin po che dang / rin po che'i 'od thams cad zil gyis mnan nas lha de'i 'od mngon par gsal lo// de nas lha de lha'i tshogs du mas yongs su bskor cing sil snyan dang rol mo'i sgra sna tshogs 'byin la/ glu dbyangs nye bar len bzhin du skyed mos tshal dga' ba lnga zhes bya ba ga la ba der 'dong bar byed do/ / tshal de na sum cu rtsa gsum pa thams cad pas khyad par du 'phags pa shin tu dga' ba lnga 'byung ste/ 'di lta ste/ shing ljon pa rnams kyi gzi brjid dang / 'bras bu dang / bya blo gros rgya che ba dang / pad+ma'i rdzing gi chu dang / 'bab chu rab tu mang ba dang / nam mkha' la rlung dri dang ldan pa dril bu gser ka'i sgra lta bu du ma ldang ba'o// de nas lha de lha'i tshogs kyis yongs su bskor nas/ dga' ba lnga'i tshal de ga la ba der 'dong bar byed de/ sib snyan dang / rol mo'i sgra dang / glu dbyangs rnam pa sna tshogs kyis dga' ba dang / lha mo gzug
- 228b
bzang mo dang ldan zhing cha byad dang rgyan rnam pa sna tshogs thogs pa rjes su 'brang ba dang / lha'i tshogs rnam pa sna tshogs kyis yongs su bskor cing / sil snyan dang rol mo'i sgra yan bag lnga dang ldan pa nye bar len pa na/ bde ba shin tu rgya che ba dag myong ngo // zhing gi yon tan shin tu rgya che ba mngon du gyur pa gang yin pa'i las byas pa des dri thams cad zil gyis mnan nas dpag tshad lngar 'byung ngo // 'di ltar mtho ris pas kyang bzang ba'i mtho ris kyi shing ljon pa kha cig gi 'od ni nyi ma bas lhag pa ra gsal te/ 'od shin tu bzang po mi tsha mi grang ngo // 'bras bu yang dri dang / ro dang / reg pa dang ldan te/ dri de dag gis dri thams cad zil gyis mnan nas/ dpag tshad lngar 'byung ngo // 'bras bu gza' dang skar ma'i tshogs lta bu de dag las/ chang zhim po myos pa'i skyon dang bral ba rnam pa sna tshogs padag rtag tu 'byu la/ chang gi mdog dang / dri dang / ro sna tshogs dag tu 'gyur te/ de dag gi dri dpag tshad lngar 'byung ngo // ro yang rnam pa ji snyed du 'dod pa'i rnam pa de snyed du chang de'i ro 'grub par 'gyur te/ yon tan de snyed dang ldan pa yin no/ / bya yang bag med pa yang dag par khong du chud par byed pa zhes bya ste/ de dag gis de na lha shin tu bag med pa rnams la 'di ltar yang dang yang du tshigs su bcad de smras pa/ skyes bu mchog dag chos 'dul la/ / rtab rtab por ni byed pa de// legs par byas pa'i las zad cing // tshe yang skad cig byed pa'i rgyu// dar kha bab pa shin tu 'joms// srog kyang thams cad bral bar byed// phun
- 229a
sum tshogs pa thams cad 'jig/ bag med yid la ma byed cig/ mtho ris rtag tu mi 'thob la// dal brtag tu mi ldan pas// ji srid de ni mi ltung bar// de srid dge la brtson par gyis/ / chos ni shin tu bsdams pa dang // sems kyang bsrung ba byas pas ni// gang na skyon dag med pa yis// sngon ma mthong ba'i gnas 'thob 'gyur// gang dag rtag tu yid g.yengs shing / chos la'ang gzhol bar mi byed pa// de dag dang ni bde ba 'di// don med 'gyur te mi ldog go/ tshul khrims bzhis ni lus can gyis// mtho ris gnas su bde 'di 'thob// tshul khrims de la mi rten gang // de ni phye nas yongs su gdung // de bas tshul ldan rtag par ni// tshul khrims nyid la brten par bya// tshul khrims med pa rmongs pa'i mi// mtho ris su ni 'gro mi 'gyur// lha yi 'dod pa lnga ldan pa// bde ba spyod/ pa gang yin 'di// de ni tshul khrims dag pa yi// 'bras bu chen po thob pa yin// bag med dug gis shin tu mongs// 'dod pa spyod pa'i lha gang dag/ 'tsho ba'i mtha' ni 'jig pa dang // g.yo ba thams ca mi rig go/ / bag med pa yis nam rmongs pa// lha rnams dag ni stong phrag dang // 'bum phrag dag ni du ma rnams// 'dod pa'i me yi sa rnam par sregs// bag med rnam par rmongs pa yis// mi rnams thams cad dbang du byed/ / de ni phyi nas nyon mongs thob// 'bras bu gang yin de rig go/ yul rnams la ni rtag par sems// g.yo ba chen po rgyug byed pa// nyon mongs rmongs pa bskyed pa gang // 'byung bar 'gyur ba de
- 229b
mthong ngo / / yul rnams la ni chags pa'i sems// nyon mongs khong du mi chud de// nyon mongs glong du skyes pa dag/ de ni phyi nas yongs su gdung // kun tu sbyor ba phra rgyas bcas// yul la rnam rtog byung ba ni/ / 'khor 'dra sems ni rgyal po bzhin// de dag lhan cig spyod par 'gyur// gang dag tu ni yid 'jug pa// mi shes pa rnams der 'jug ste// mthu yis phan tshun myos pa dag/ srid pa gsum na 'khyam par 'gyur/ / brtan po gang dag de nyid rig/ mi brtan sdug bsngal stong la sogs// 'gro ba'i gnas pa mthong 'gyur te// de dag la ni sdug bsngal med// rtag tu 'dod pa 'tshol byed// pa// bud med rag las rmongs pa gang // de dag lha yi 'jig rten du// tha ma dag ni mthong bar 'gyur// ri 'di ljon shing tshal du bcas// rin chen sna tshogs rnam par brgyan// lcug ma tshang tshing dag gis khebs/ / pad+ma'i rdzing gis rnam par brgyan// 'bab chu rnam pa sna tshogs dang // 'khri shing rnams kyis mdzes par byas// skye bo las kyi mngon sum 'di// brtol nas kha la byung gyur pa// ri rab bskal pa'i mes bsregs te/ / thams cad du ni mi 'byung na// bag med rgyags pas rmongs pa yi// skye ba dang ni 'jig 'gyur ba// dbu ba chu bur lta bu yin// de ni lha gang smos ci dgos// de nas de na lha sngon dge ba'i las kyi mtha' spyad pa la goms pa gang yin pa de dag bya'i tshogs kyi sgra de thos nas/ 'di ltar 'di dag rnam par sgra 'byin pa bzhin du yin no snyam nas/ de nas yud tsam zhig khong du chud do// khong du chud
- 230a
nas de nas yang yul la rnam par rmongs pa yul rnams kyis dbang du byas pa nyid/ sgra dang / reg pa dang / ro dang / gzugs dang / dri sdug pa rnam pa sna tshogs dag gis dbang du byas pa dag ji ltar tshe rabs gzhan du bya ba dang / mi bya ba dag byas pa ltar/ bya'i sgra de dag cung zad kyang yid la mi 'jog go/ de ltar sems 'di da ltar byung ba'i yul la brkam zhing ma 'ongs pa'i nyon mongs pa khong du mi chud la shin tu mi dran no/ / da ltar byung ba'i yul la mngon par 'dod pas rmongs pa/ sems can dmyal ba dang / yi dgas dang / dud 'gro rnams sam/ gal te yang lha dang mi rnams kyi nang na 'khyam mo/ / de ltar thog ma med pa'i dus nas nyon mongs pa rtsub mo byas pa mi dran la/ sdug bsngal rjes su myong ste/ sems can dmyal ba dang / yi dgas dang / dud 'gro rnams kyi nang du sdug bsngal mi bzad pa shin tu tshab 'byung ngo / / thog ma med pa'i dus nas bcos dka' zhing gdul dka' ba de dag yid shin tu rgya che ba ma gtogs par gdul bar mi nus so// de nas dge slong de dpyod par byed de/ bya rnams las gang gis bag med par gnas pa'i lha rnams la/ yang dag par gyur pa/ snying po med pa ma yin pa'i chos khong du chud par byed snyam nas/ des thos pa las byung ba'i shes pa 'am/ lha'i mig gis brtags na/ mi'i 'jig rten na gyad dam/ sil dkrol ba 'am/ gar mkhan rab tu myos par gnas pa gang yin pa de dag gos ngur smrig bgos te gar byed dam/ de na sangs rgyas kyi yon tan glu
- 230b
dbyangs su len la/ de las nor rdzas kyi rnam pa 'am/ gos sam/ 'bras bu b+ha la la ta ka 'thob pa de dge sbyong ngam bram ze dag la sbyin par mi byed kyi/ gzhan du na shin tu mgu nas spyod par byed pa de dag/ gos ngur smrig bgos pa tsam nyid kyis de lus dang bral nas shi ba'i 'og tu/ de'i las kyi mthus lha rnams kyi bya shin tu bde bar 'gyur ba mthong ngo // de nas yang lha phan tshun grogs su gyur pa/ rgyags pa 'ba' zhig don du byed pa dag/ bai DUR+Ya'i shing ljon pa gser gyi 'dab ma dang / shel gyi lcug mas dkris pa'i lo ma dang / gzhan yang lcug ma dang / shing gis khebs pa dang / byu ru mdzes pa sna tshogs dang / bung ba 'bum snyed kyis yongs su bskor ba dang / gser dang mu tig gi ldum bu sngon po nyams dga' ba rnams ni bro brdung glu len no// gzhan yang ri'i rgyal po ri rab kyi rtse mo rin po che sna bdun gyis rnam par brgyan pa 'bar ba'i 'phreng ba 'khrugs pa lta bu dang / gzhan yang gser dang / dngu ba dang / shel dang / bai rdu rba'i pad+ma'i rdzing rnams su rtse bar byed do// yang phyogs gzhan na gzhal med khang ba gam gyi 'phreng ba gsal zhing mdzes pa rnams na rtse bar byed/ yongs su spyod par byed de/ lha mo dang lhan cig 'thab mo dang phrag dog gi rnam par 'jigs pas skyo ba med pa/ gnod pa med pa/ gus pa skyes shing de la yid dad par gyur pa rnams bde ba shin tu dpe med par myong bar byed do/ / de nas yang lha de rnams dpag bsam gyi shing gi phyogs su bro brdung zhing 'jug par byed la/ der zhugs nas kyang rtog pa dang bcas pa'i
- 231a
blo yid la 'dod pa gang yin pa de dag thams cad mtho ris dang 'thun par thob ste/ de dag dpag bsam gyi shing zhes bya ba'i ming 'thob bo// der yang de dag yun ring du yul gyi bde ba 'dod// pa/ sdug pa/ yid du 'ong ba nye bar spyad nas/ gser las byas pa'i ri rab mtho ba ga la ba der 'dong bar byed de/ 'bab chu sna tshogs kyis brgyan par de dag 'dzeg par byed do// lha'i tshogs kyis de yongs su bskor cing / / glu dbyangs dang / sil snyan dang / rol mo'i sgra 'byin pas na khung g.yer bde la yid zhugs pa/ yul gyi bde ba lha'i rna bar sgra snyan pa thos so// / dam pa'i chos dran pa nye bar gzhag pa bam po sum cu brgyad pa/ / lha rnams kyi mig gi yul du byas pa yang / bde ba dpe med pa shin tu rgya che ba myong ste/ 'di lta ste/ lha'i gzugs dang / cha byad dang / rgyan sna tshogs dang / rang gi las kyis sgrub pa'i gzugs dang / cha byad dang / rgyan gong nas gong du rnam pa sna tshogs dag mthong ngo // ri rab la yang tshal dang / nags tshal dang / steng ka dang / pad+ma'i gzugs rnam pa du ma dang / de bzhin du me tog gi chal dang / nye ba'i tshal rnam pa sna tshogs dmigs pa du ma yod pa'i dri zhim po mngon par 'byung ba dag la lha rnams snom par byed de/ shin tu yid du 'thad cing yul gyi reg pa la rnam par chags par 'gyur ro/ / lha rnams gang reg par 'dod pa de nyid ka tsa lin di ka lta bur 'jam pa yin te/ rdul dang bral ba/ dri ma dang bral ba/ thags su ma btags pa/ tshon
- 231b
du ma gsal ba/ dri mngon par zhim pa/ mthong na shin tu yid 'phrog pa yin te/ de ltar dregs pa'i yul gyis lha rgyags pa rnams myos shing gnas so// gzhan yang yid la sems pa gang yin pa de nyid yon tan du ma dang ldan pa/ thun mong ma yin pa/ gzhan gyi mthus nyams pa ma yin/ gdug pa ma yin dag 'grub par 'gyur ro// de ltar bde ba'i myos pa rnam pa du ma la gnas pa rang gi 'od dang ldan zhing lha mo'i tshogs du mas yongs su bskor ba'i lha de dag gnas de rnams su skye bar 'gyur te/ ji srid du 'dod pa sdug pa/ yid du 'ong ba byas shing bsags pa'i las de zad par ma gyur pa de srid du rtse bar byed/ dga' dgur spyod par byed/ bde ba myong bar byed do// de phyis lha'i 'jig rten shin tu yid du 'ong ba de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te mi rnams dang skal ba mnyam par mi'i nang du skyes na/ las de dang rgyu 'thun par de skyes phan chad nas rtag tu bde bar 'gyur zhing / bong skyed che ba dang / gang na chos dang 'thun pa dang / yang dag pa'i lta ba dang ldan pa'i yul bzang por rgyal po'am/ blon po chen por skye bar 'gyur te/ skyes bu dam pa sdig pa'i grogs po dang 'phrad par mi 'gyur ba mthong ngo // de nas yang dge slong yas kyi 'bras bu rnam par smin pa shes pa de sum cu rtsa gsum pa'i lha rnams kyi sa la rtog par byed de/ des thos pa las byung ba'i shes pas sum cu rtsa gsum pa'i lha
- 232a
rnams kyi gnas shing sA la zung zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na// yang dag pa'i lta ba la zhugs pa/ tshul khrims dang ldan par gyur cing / sems can rnams la phan par 'dod pas/ rtag tu tshul khrims dang ldan par gyur la/ yang dag pa'i lus dang / ngag la zhugs par gyur pa gang gis/ 'di ltar 'brog gis sems can skom pa rnams srog chad par mi bya'o snyam nas de yang de ltar sems pa yongs su bsgoms pas sems skom par byed de/ ri 'or dang / 'brog dag tu yur chu dang / 'ab pa chu dang / lteng ka dang / rdzing bu dag byas par chu chen po dag las 'bebs par byed/ srog chags rnams kyi lam nor ba dang / lam nor nas 'brog dgon pa dag tu zhugs te/ 'jigs nas bzhin mog mog por gyur pa/ lam gol ba dgon pa chen por zhugs pa de dag la lam ston par byed cing / nyon mongs pa chen po de las sgrol bar byed kyang de dag gis 'tsho bar mi byed la/ sems can la ban ra zhags pa kho na yin te/ de dag ni sbyin pa sbyin zhing srog skyob pa yang yin no// yang srog gcod pa dang / ma byin par len pa spangs pa ji lta bu yin zhe na/ 'di la de dag nyid dam/ gzhan zhig bsam pa de dang thun par zhugs pa/ dge ba'i las kyi mtha' spyod pa dag de dag srog chags bsad pa'i rgyu yod kyang gsod par mi byed pa yin te/ 'di lta ste/ khyim na srog chags drod gsher las skye ba 'am/ mngal
- 232b
nas skye ba phra mo'am/ sbom po 'byung ba dag khyim de'i rdzas 'jig par byed pa 'am/ de bzhin du nyal ba'i steng du lhung nas gnyid 'drogs par byed kyang / sems can rnams la phan par 'dod pa de gsod par mi byed/ sbal pa dang / sdig pa yang gsod par mi byed/ srog yongs su chad la thug kyang de dag la gsod par mi byed cing / gdug pa la yang bzod par byed do// de ltar de bsad pa'i rgyu yod kyang srog chags rnams la 'tshe bar mi byed cing srung bar byed pa yin te/ de dag ni srog gcod pa spangs pa yin no// ma byin par len pa spangs pa ji lta bu yin/ rnam pa ni du yod ce na/ de ltar legs par byas pa'i las kyi mtha' spyod pa de 'brog dgon par zhugs pa'i dpon por gyur kyang / tshong pa rnams kyis tshong pa'i phyir chu dang lan tshwa nag por bsregs pa gang yin pa de dag kyang srung bar byed la/ skom pas gdungs te srog chad la thug kyang chu de dag tshong pas ma blud kyi bar du 'thung bar mi byed la/ gang gi tshe tshong pas blud pa de'i tshe/ chu de la 'thung bar byed cing / gzhan dag la yang ltung bar byed do// de ltar dbang yod par gyur kyang rin ma byin par mi len te/ 'di yang ma byin par len pa spangs pa yin no// las kyi 'bras bu shin tu phra mo mthob pa/ rtag par sangs rgyas dang / chos dang / chos kyi rjes su zhugs pa de'i yon tan dran pa lhur byed pa/ sems pas sems bsgom pa ni sdig pa'i grogs po dang yud tsam yang mi rten/ kun tu smra ba'i tshig tsam yang mi smra/ de dang lam du yang 'grogs par mi byed/ gang dge ba'i chos
- 233a
thams cad kyi bar chad byed pa'i gtso bo ni 'di yin te/ 'di lta ste/ sdig pa'i grogs po dang 'du shes pa zhes bya ba yin la/ de dang smra 'am/ de dang lhan cig 'ong zhing 'gro ba 'am// de'i grib ma dang phrad par yang mi byed do// de ci'i phyir zhe na/ 'dod chags dang / zhe sdang dang / gti mug rnams kyi gzhir gyur pa ni sdig pa'i grogs po dug gi shing ljon pa lta bu yongs su spang bar bya ba yin te/ de ltar skyes bu dam pa kun nas gser bco ma lta bur gyur pa de lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang shing sA la zung gi gnas su skye bar 'gyur ro/ / der skyes nas kyang legs par byas pa'i las kyi mtha' spyad pa de/ legs par byas pa kha na ma tho ba med pa/ skye bo dge ba kun gyis mchod pa/ de'i legs par byas pa'i las nges par myong bar 'gyur ba/ lha'i nang du skye bar 'gyur ba'i 'bras bu la nye bar spyod par 'gyur te/ 'di lta ste/ lha de rang gi 'od 'byung bar 'gyur la/ de'i 'od ji ltar mi'i grangs kyi tshul gyis nyin gcig bzhin bgrangs pa dang / zhag dang zla bar 'phel bar 'gyur ba de ltar rgyu gang gi 'od de lho rnams kyi nyin mo dang mtshan mo med par rang gi 'od kyis gsal bar 'gyur te/ de ltar lha'i 'od de 'phel ba yin no// 'di ltar lha/ gzhan dag kyang / 'di ni bdag cag gi gnas gzhan du skyes pa'i lha thams cad pas 'od lhag par 'od bzang ngo snyam nas lha mo dag gi mdun du shin tu ngo tsha ba skye'o// de nas lha rnams brgya byin gyi drung du song
- 233b
nas dris pa/ kye brgya byin 'di ltar lhag sar du skyes pa zhig mchis te/ de'i 'od kyis bdag cag thams cad zil gyis mnan nas mchis so// de nas brgya byin gyis de'i tshe/ 'di ltar tshigs su bcad de smras pa/ gser gyi ri bo rab 'di// 'od kyi 'phreng ba gang yin pa// 'od de tshul khrims las byung 'di'i// bcu drug char yang mi phod do// tshul khrims rtag tu 'bar ba na// gser ni bcom lta bu ste// rang gi las kyis yang dag ldan/ / sum cu rtsa gsum brgyan par 'gyur// dman dang 'bring dang khyad par 'phags// tshul khrims rnam pa gsum rnams kyi// 'bras bu de bzhin rnam gsum ste// dman dang 'bring dang mchog tu mthong / / bag med spangs pa'i tshul khrims ni// bag yod pa yi 'phel ba yin// de ni rtag tu bde sbyin mthong // 'di na chos nyid rnam par gnas// lus can tshul khrims las byung ba'i// ji med 'od ni gang yin pa/ / de ni nyi ma stong snyed dag/ 'dus pa'i 'od kyis thub mi 'gyur// tshul khrims rnam bdun dga' ba dag/ mi mchog dam pa gang bsrung ba// sangs rgyas kyis ni bshad pa gang / de ni las kyi 'bras bu spyod// lus can legs par byas pa yi// las rnams 'dir ni chud mi za// de bzhin las rnams ma byas pa'i// 'ong bar ma mthong 'jigs pa'ang med// byis pa rgyu la ma chags la/ rnam par smin la chags par byed// bye ma rnams la mar med ltar// rgyu med na ni 'bras bu med// ser sna med cing dge ba yi// skyes bu dge ba spyod pa yin// sdig pa'i bdag nyid rmongs pa gang // de ni rtag tu khro
- 234a
la spyod/ / de ltar lha de dag la brgya byin des legs par byas pa'i las kyi 'bras bu khong du chud par bskrad do// de nas b+ha rnams brgya byin gyi tshig de spyi bos blangs nas/ yang shing sA la/ zung gi gnas ga la ba de nyid du 'dong par byed do// dong nas de lha dang lha mo'i tshogs dang lhan cig dga' bar byed/ dga' dgur spyod cing / sil snyan sna tshogs kyi sgra 'byin pa// rjes su 'brang bzhin du shing sA la de gnyis kyi gnas ga la ba de nyid du 'dong bar byed do/ / shing sA la de gnyis kyang sum cu rtsa gsum du gtogs pa'i tshal dang / nye ba'i tshal thams cad pas tshad dang / mdog dang / me tog dang / 'od dag gis lhag pa yin no/ / shing sA la gnyis kyang drib bu g.yer kha sgra 'byung ba'i dra ba 'phyang ba dang / lo ma las kyang ji ltar sil snyan yan lag lnga dang ldan pa'i sgra mi 'byung ba de ltar de gnyis la sgra 'byung ngo // de dag lo ma'i sgra de thos nas/ yang dga' bar gnas par bya ba'i phyir/ shing sA la de gnyis ga la ba de nyid du 'dong bar byed do// de nas nye bar dong nas lha de dag shing sA la de gnyis la 'dzeg par byed do// shing sA la de gnyis kyi steng na yang pad+ma'i rdzing chu rab tu dga' ba zhes bya ba yod de/ bya ngang ba dang / ka ran da pa dang / dur pa sgra snyan pa 'byin cing / rtag tu chu yan lag brgyad dang ldan pas shin tu gang ba yin no// de la 'dzegs nas/ lha rnams kyis 'di ltar shing sA la 'di gnyis ma gtogs par/ shing ljon pa gang gi steng na yang / pad+ma'i rdzing med pa shin tu ngo mtshar che ba 'di mthong ste/ kye ma shing sA la 'di gnyis ni/ shing
- 234b
yongs 'dus brtol ma gtogs par shing ljon pa thams cad kyi nang na kun gyi gtso bo yin zhing / thams cad du dga' ba yin no snyam mo// de nas de dag rig nas/ de gnyis kyi steng na lha de dag lha mo'i tshogs dang lhan cig bde ba nye bar sbyar ba dang / yul gyi bde ba sna tshogs kyis dga' bar byed/ rtse bar byed/ dga' dgur spyod par byed do// de dag der yun ring du bde ba dag myong nas rtag tu rtse ba zhes bya ba ga la ba der/ mgo la pad+ma'i 'phreng ba thogs pa/ thags su ma btags pa'i gos kha dog rnam pa sna tshogs bgos pa/ kha dog sna tshogs las lus kyi 'od 'byung ba rnams 'dong bar byed do// lha de rnams kyi lus las 'od 'byung ba gang yin pa de cung zad cig dper bya na/ ji ltar mi'i 'jig rten na dbyar gyi dus su 'ja' kha dog can/ kha dog sdug gu gsum dang ldan pa 'byung ba de ltar lha de rnams kyi pad+ma de dag las 'od sngon po dang ser po dang / dmar po 'byung ngo // de nas lha de dag dga' bar gnas par bya ba'i phyir skyed mos tshal du dga' spod byed du 'dong ste/ 'dod pa'i yon tan lnga dang ldan zhing yul gyi bde ba la nye bar spod pa ni ri bo'i chu'i shugs ltar thams cad du yul gyi bde ba rjes su myong ngo / / de nas lha'i rgyal po brgya byin shing sA la zung gi lha rnams kyis ga la ba der/ chos bzang na gnas pa'i lha'i tshogs kun dang lhan cig skyed mos tshal du dga' spyod bya ba'i phyir 'dong bar byed de/ sil snyan dang rol mo'i sgra sna tshogs 'byin cing / lha mo'i tshogs rnam pa sna tshogs dag mdun na glu dbyangs len bzhin du 'dong bar byed do// de nas brgya byin gang nas 'od
- 235a
bder shing sA la zung gi lha rnams 'ong bar byed do/ / 'ongs nas de dag kyang sil snyan dang rol mo'i sgra sna tshogs 'byin ming / lha mo'i tshogs bskor ba rnams thal mo spyi bor sbyar te/ brgya byin la mchod nas/ lha mo dang lha de dag kun kyang phan tshun 'dres shing chos bzang na gnas pa dang / shing sA la zung gi sa na gnas pa de dag phan tshun grogs su gyur pa/ shin tu snying du sdug par gyur pa// pham/ tshun yid la gnod pa med pa/ phan tshun 'thun par gyur pa rnams sil snyan yan lag lnga dang ldan pa chags su rung ba/ snyan pa/ 'thun pa/ 'thun pa nyid dang rjes su ldan pa/ skye bo thams cad kyi snying 'dzin par gyur pas bro rdung la dgod bzhin du shing sA la zung de gnyis ga la ba der 'dong bar byed do/ / dong nas kyang lha de rnams kun gyi sngon du 'gro ba/ brgya byin yongs su bskor nas bro rdung bar byed/ dgod par byed// chang zhim po dag kyang 'thung bar byed do// de nas lha'i rgyal po brgya byin gyis/ de dag la 'di skad ces smras so// lha dag shing yongs 'dus brtol ma gtogs par/ sum cu rtsa gsum pa'i tshal dang nye ba'i tshal shing ljon pa thams cad kyi nang na/ kun tu gtso bor gyur pa/ shing sA la zung 'di gnyis la ltos/ lha'i rgyal po mthong lags so// de nas lha'i dbang po brgya byin gyis de dag la 'di skad ces smras so// lha khyed cag gis shing sA la zung 'di'i mthu ma shes kyi/ lha khyed rnams kyis gzugs 'ba' zhig shes par zad de/ shing sA la 'di gnyis kyi mthu ltos shig/ de nas lha'i rgyal po brgya byin shing rta las
- 235b
babs nas/ rdo rje'i phyogs gcig gis shing sA la zung ya gcig la bsnun pa dang / de nas sdeng po las sgo bye ste/ shing sA la de'i nang na/ stegs dang / 'bab chu dang / lteng ka dang / tshal dang nye ba'i tshal/ nyams dga' ba sna tshogs dang / 'bab chu yang shin tu bsil zhing pad+ma'i tshal gyis khebs la/ stegs dang ri rtse dag gis brgyan pa/ kha cig ni nor bu las byas/ kha cig ni dngul las byas/ kha cig ni shel las byas/ kha cig ni bai DUR+Ya las byas pa yin te/ 'bab chu dang / chu bo dang / ri bo nyams dga' ba sna tshogs dag mthong ngo // de nas gzhan yang lha de rnams shing sA la zung de ya gcig gi nang du zhugs pa dang / pad+ma'i rdzing rin po che sna bdun gyi pad+ma rnams kyis brgyan pa/ bung ba 'bum snyed kyis yongs su bskor ba dag mthong ngo // gser dang / dngul dang / bai DUR+Ya dang / an+da rnyil gyi shing ljon pa 'od gsal ba'i tshal bya'i tshogs kyis yongs su bskor ba rnams kyang mthong ngo / / bya de dag kyang 'dab gshog gi mtha' rin po che sna bdun las byas shing rgyas pa yin te/ ji ltar sna 'byin pa thos nas/ lha dag kyang sngon ma byung ba ngo mtshar che ba mthong nas shin tu dga' ba myong zhing gzhan la yang ngo mtshar skyed pa de lta bu'i sgra snyan pa rnam pa du ma 'byin to// de nas lha'i rgyal po brgya byin yang / lha'i tshogs dang lhan cig yongs su bskor te/ tshal dang nye ba'i tshal legs par mthong bar 'dod pas/ shing sA la zung ya gcig gi nang na gzhal med khang dkrigs pa ga la ba der 'dong ngo // der yang lha rnams kyi khang/
- 236a
bzangs rnam pa sna tshogs dkrigs pa dag na/ ka ba nyams dga' ba rnam pa sna tshogs kyis brgyan pa/ ka ba dang rin po che sna bdun gyis rnam par brgyan pa la 'di lta ste/ an+d+ra rIg/ dang / bai DUR+Ya dang / gser dang / dngul dang / spug dang / shel dang / mu tig rnams kyis ka ba rnam pa du mar phye zhing sna tshogs su brgyan pa/ stan khra bo rnam pa sna tshogs legs par bting ba rin po che'i gos sna tshogs kyis mdzes par byas pa/ 'dug khri de dag kyang sdug par byas shing rkang pa rnam pa sna tshogs kyis mdzes par byas pa'i 'dug khri'i rkang pa de la nye bar brgyan pa 'di lta ste/ rdo rje dang / a n+da rA li dang / shel dang / gser dang / dngul gyis rnam par brgyan pa dag mthong ngo // de nas gzhan yang brgya byin sngon du 'gro ba'i lha shing sA la zung gi nang du zhugs pa rnams ri'i rtse mo kun nas mthong na yid du 'ong ba bya sna tshogs 'bum snyed kyis yongs su bskor cing skad 'byin pa dag mthong ngo / / de nas lha rnams la brgya byin gyis 'di skad smras so// shing sA la zung gi nang na nyams dga' ba 'di la khyed cag ltos/ lha'i rgyal pos de skad smras pa dang / lha rnams kyis 'di skad smras so// brgya byin ji lta ba bzhin mthong lags so// de nas lha'i 'khor de na 'di ltar lha bag med pas yid shin tu lhag par dbang du byas pa gang yin pa de dag mthong ba dang / de dag bkar nas las kyi 'bras bu shin tu bstan pa'i phyir las kyi me long gi khang pa zhes bya ba der zhugs nas 'jug par byed do//
- 236b
de nas las kyi me long gi khang pa der zhugs nas/ brgya byin des bai DUR+Ya'i rtsig ngos shin tu dri ma med pa/ me long g.ya' med pa lta bu kun nas gsal ba de dag ston par byed do// de nas gzhan yang brgya byin des lha rnams la ston par byed de/ lha dag las kyi 'bras bu la nye bar spyod pa/ rtsig ngos me long lta bu la bris pa sna tshogs snang ba 'di yin te/ gang dang gang dag gis las gang byas pa dang / rnam pa gang dang gus pa gang gi gang gi tshe zhing gang la dngos po gang byin pa/ ji ltar byin pa dang / dad pa gang gis byin pa dang / dus gang gi tshe byin pa de ltar yongs su bsngos pa dang / gang gi tshe yongs su bsngos pa dang / 'bras bu gang du skye bar yongs su bsngos pa dang / rnam pa gang gis yongs su bsngo ba'i sbyin pa'i 'bras bu snang ba de dag la khyed cag ltos/ de nas gzhan yang brgya byin des lha de dag la rab tu ston par byed de/ 'di ltar tshul khrims shin tu bsgoms pa/ 'gro ba thams cad du pha ma lta bur gyur pa/ bslu ba med pa rnam par smin pa mchog tu nyams dga' ba/ mtsho ltar rnyog pa med pa/ mtho ris su 'gro ba'i sa bon/ gang gis gang gi tshe ji ltar gang zhig gang rnams la rnam pa gang gis tshul khrims rnam pa bdun bsrung ba de/ de'i tshe rnam pa des gnas skabs der skyes pa de'i tshul khrims kyi 'bras bu de lha dang mi rnams kyi nang du smin pa kha khyed cag ltos/ / de nas gzhan yang brgya byin des lha de dag nyid la der las kyi me long nyid rab tu ston par byed de/ 'di ltar 'di dag kun ni las kyi 'bras bu'i tshogs yin te/ ye shes
- 237a
kyi sgron ma'i skyes bu gang gis/ gang gi tshe 'di ltar ye shes kha goms shing yang dag pa'i lta bar gyur pa/ ye shes de'i tha ma dang / 'bring dang / mchog zag pa dang bcas pa/ dang / zag pa med pa'i 'bras bu la khyed cag ltos/ de nas gzhan yang brgya byin des lha de dag nyid la sbyin pa dang / tshul khrims dang / ye shes rnam pa dgu'i gnas skabs rab tu ston par byed de sbyin pa'i tha ma dang / 'bring dang / mchog gis mtho ris rnams su 'bras bu rnam par smin pa 'byung bar 'gyur ro// de la sems bsgoms shing yon tan dang ldan la/ bslu ba med pa'i mtshan nyid dang / ldan yang / dngos po phun sum tshogs pa ma yin na/ 'bras bu de nyid chung la 'bras bu yi dgas mthu bo cher 'gyur te/ dud 'gro zhig na yang 'bras bu bde ba 'thob par 'gyur ro// lha dag las kyi me long 'di nyid kyi nang na 'bras bu gzugs brnyan snang ba/ sbyin pa 'bring 'di la ltos/ las kyi 'bras bus sna tshogs bris pa'i rtsig ngos la sbyin pa'i 'bras bu 'bring ni sems bsgoms shing dngos po yon tan dang yang mi ldan la/ zhing yon tan dang ldan pa kho na la byin pa'i 'bras bu ni/ nub kyi ba glang spyod pa 'am/ shar gyi lus 'phags gling gi mi rnams kyi nang ngam/ dud 'gro 'am/ gnod sbyin nam lha ma yin rnams kyi nang du 'bras bu 'thob par 'gyur te/ 'bras bu 'bring po thob pa des yang de ltar me long lta bur lha de dag nyid kyi mngon sum du snang ngo // de nas gzhan yang brgya byin gyis las kyi
- 237b
me long de nyid kyi nang na gzugs brnyan gyi ngo bor gyur pa/ 'di ltar sbyin pa'i 'bras bu rnam pa gsum po 'di yang rab tu ston par byed do// gzhan yang lha khyed cag tha ma dang / 'bring dang / mchog la ltos shig/ de la tha ma la ni rnam pa gzhan gyis mi 'gyur te/ 'di ltar sems ma bsgoms la zhing phun sum tshogs pa yin no// de la sems ma bsgoms pa ji lta bu yin zhe na/ sbyin bdag gang srog chags la shin tu phan par byas shing zhing dang dngos po rnyed kyang sems dang ba ma yin/ lus kyis mngon par ldang ba dang / phyag 'tshal ba la sogs pa gus par mi byed pa 'di ni zhing yon tan dang ldan zhing / dngos po yon tan dang ldan pa yin yang / sems yon tan dang ldan pa ma yin te/ sbyin pa bslu ba med pa byas pas/ ri brags sam/ kla klo rnams kyi rgyal po 'am/ blon po chen por 'gyur ba/ las kyi me long gi sa gzhi nyid la khyed cag ltos shig ces de ltar brgya byin de lha rnams la rab tu ston par byed do/ / gzhan yang sbyin pa'i mchog 'di ni sems dang ldan pa dang / zhing yon tan phun sum tshogs pa dang / dngos po yon tan phun sum tshogs pa dang / sems bsgoms pa yon tan phun sum tshogs pa yin no// de la zhing dam pa ni/ sangs rgyas la sogs pa'o// dngos po ni bza' ba la sogs pa'o// sems bsgoms pa ni sems dang ba dang / gus pa yin te/ sbyin pa'i 'bras bu chen po 'di ni lha dang mi rnams kyi nang du skye bar 'gyur ro// de la lha rnams kyi nang du ni lha chen por 'gyur la/ mi rnams kyi nang du ni
- 238a
gling bzhi pa 'khor lo sgyur ba'i rgyal po rdzu 'phrul che ba/ rin po che sna bdun dang ldan pa/ nye ba'i rin po che sna bdun dang ldan pa/ chos dang ldan zhing chos kyi rjes su lta ba phun sum/ tshogs pa thams cad spyad nas de la brten te/ tshul khrims spyod cing ye shes kyang shes par byed do// de mya ngan las 'das pa'i grong khyer du 'dug par byed de/ sbyin pa 'di ni bla na med cing / sbyin pa 'di nyid bla na med pa yin no/ / gzhan yang sbyin pa'i 'bras bu bai DUR+Ya shin tu dri ma med pa'i las kyi rtsig ngos la snang ba 'di brgya byin des/ lha de dag nyid la rab tu ston par byed de/ 'di ltar rnam pa gzhan rnam pa gsum gyis sbyin pa'i 'bras bu gzugs brnyan snang ba 'di la ltos/ de nas yang brgya byin des lha dag la rab tu ston par byed de/ 'di ltar zang zang sbyin pa dang / mi 'jigs pa sbyin pa dang / chos sbyin pa'o/ / de la zang zing sbyin pas ni snga ma bzhin longs spyod chen por 'gyur/ mi 'jigs pa byin pas ni yul bzang po'i rgyal por 'gyur te/ mtshon cha dang / lo nyes dang / dgon pa dang bral ba/ dus ma yin pa'i 'chi ba'i 'jigs pa dang bral ba/ 'gran zla'i 'jigs pa dang bral ba/ nad kyi 'jigs pa dang bral ba/ me'i 'jigs pa dang bral ba/ chu'i 'jigs pa dang bral ba/ 'chi ba'i 'jigs pa dang bral bar rgyal po 'am/ blon po chen po yun ring du gnas par byed do// 'di ni mi 'jigs pa byin pa'i 'bras bu las kyi me long gi nang du sbyin pa 'bring po 'di ji lta ba bzhin snang ngo // gzhan yang
- 238b
sbyin pa rnams kyi nang na sbyin pa mchog las kyi me long gi rtsig ngos la snang ba/ sbyin pa 'di dag gi nang na dam pa ni 'di lta ste/ 'khor ba thams cad las nges par 'byung ba'i sa bon chos sbyin pa yin te/ sbyin pa mchog 'di byin pa'i 'bras bu ni byang chub gsum smin par 'gyur ro/ / gzhan yang chos sbyin pa de nyid kyi 'bras bu snang ste/ nye bar 'tsho ba'i rgyu dang / grags pa'i rgyu dang / 'gran zla gzhan zil gyis gnon pa'i rgyu dang / gzhan la phan gdags pa'i rgyu kho na yin no// de la nye bar 'tsho ba'i rgyu ni gang gzhan la phan gdags par zhugs pas ma yin gyi/ nye bar 'tsho bar bya ba'i don du chos ston par byed pa 'di ni tha ma yin te/ 'di ltar gzhan la phan gdags pa'i sems bsgoms par snying gis 'chad par mi byed pa yin la/ nor rdzas kho na'i phyir 'chad pa yin no// ji ltar gzhan dag la 'chad pa de ltar sgrub pa mi byed pa 'di ni sbyin pa tha ma yin no/ / de lta bas na nor rdzas thob pa gang yin pa de dag chang gis zad par byed dam/ bud med dang lhan cig zad par byed pa tshul khrims rnam par spangs pa 'di ni gar mkhan lta bu'i chos nyid kho nar zhugs pa yin te/ chos kyi sbyin pa 'di ni 'bras bu chung ba yin no// de'i rnam par smin pa gar skye zhe na/ des las kyi me long la mthong ste/ lha rnams kyi nang du bya mkhas pa'i rang bzhin can du 'gyur la/ de bzhin du tshigs su bcad pa ston par 'gyur te/ 'di ni chos kyi sbyin pa tha ma yin no// chos sbyin pa 'bring ji lta bu yin zhe na/ grags pa 'dod pa'i phyir chos 'chad
- 239a
pa 'am/ chos smra ba gzhan zil gyis gnon pa'i phyir/ zhe sdang gi tshig tshul gyis 'chad pa de'i chos kyi sbyin pa ni 'bras bu chung ba yin la/ de'i 'bras bu rnam par smin pas ni lha 'am/ mi 'bring po rnams kyi nang du smin par 'gyur te/ de ltar brgya byin des las kyi me long gi gnas dag tu lha rnams la ston par byed/ mthong bar byed do// gzhan yang chos sbyin pa mchog ni sems bsgoms pa/ skyon med pa/ blo gdul bar bya ba'i phyir ston pa yin la/ 'tsho bar mi byed/ log par lta ba gzhan dag kyang chos 'dul ba la rab tu 'jog par byed la/ 'tsho bar mi byed pa yin te/ de ltar bdag dang gzhan la phan par zhugs pa/ mthar mya ngan las 'das pa chos sbyin pa mchog yin no// yang brgya byin des chos sbyin pa de nyid kyi 'bras bu rnam pa gzhan gyis lha rnams la ston par byed// yang dag par 'chad par byed de/ shes rab kyis ma grol ba ni tha ma yin no// tshul khrims la zhugs pa ni 'bring yin no// shes rab kyis rnam par grol ba ni mchog yin no// de la shes rab tha ma na de sbyin pa'i gtam dang yang dag par ldan pa shin tu khong du chud par chos ston pa ma yin la/ sbyin pa'i 'bras bu 'ba' zhig ston pa yin te/ de rgyu dang gzhi de la brten nas sbyin pa la gnas shing tshul khrims dang shes rab la yang gnas so/ / de dad pa 'ba' zhig gi rjes su 'brang ba yin la/ dgra bcom pa zag pa zad pa gnyis ka'i cha las rnam par grol ba 'di/ chos sbyin pa tha ma yin te/ 'di ltar sbyin pa'i
- 239b
gtam dang ldan pa 'di ni chos sbyin pa yin no/ / chos sbyin pa 'bring ni tshul khrims kyi gtam dang rab tu ldan zhing / sems yongs su bsgoms pas ston pa shes rab 'bring yin la/ de'i las kyi 'bras bu rnam par smin pa ni/ las kyi me long gi rtsig ngos kyi nang na snang ste/ 'di ltar shes rab kyi rjes su 'brang ba dgra bcom pa 'am shin tu myur bar zag pa zad par byed na/ rang sangs rgyas su gyur te/ chos sbyin pa 'bring de'i rgyus las kyi rnam par smin pa las kyi me long gi nang na snang ngo / / gzhan yang chos sbyin pa mchog ni 'di lta ste/ sems shin tu bsgoms pa/ 'dod pa med par shes pa sbyin zhing yon tan 'ba' zhig mngon par rjod par byed/ gzhan la phan gdags par zhugs pa chos ston pa yin te/ 'di lta ste/ 'dod pa'i nyes dmigs kyi ro myang ba las nges par 'byung ba 'am/ gzhan log pa'i lta ba la zhugs pa yang chos 'dul ba la rab tu 'jog par byed cing / chos 'dul ba skyon med pa yang ston par byed pa yin te/ 'di ni chos sbyin pa mchog yin no// de'i 'bras bu ni byang chub tu 'gyur te/ yang dag par rdzogs pa'i sangs rgyas rig pa dang zhabs su ldan pa/ bla na med pa/ skyes bu 'dul ba'i kha lo sgyur ba/ lha dang mi'i ston pa/ chos 'dul ba bla na med pa/ thog ma dang / bar dang / tha mar dge ba de ni chos sbyin pa mchog yin no/ / de ltar brgya byin des las kyi me long gi rtsig nges la rnam pa du ma yod pa lnga rnams la ston par byed de/ de ltar thams cad ston par byed do// 'di ltar lnga gzhan gang yin pa dag la mngon par brtags na/
- 240a
lha de dag kun nas shin tu ngo tsha bar gyur pa dang / de dag la de ltar ma byed cig/ 'di ltar srid pa dang srid par rgyu dang 'thun par 'bras bu mngon par 'grub bo zhes bstan de/ de ltar zla ba sa lhag pa'i lus gang yin pa de dag mthong nas bdag gi drung du lhags pa de dag nyid la bstan pa'i phyir/ las byas pa 'dis las tha ma dang / 'bring dang / mchog dang / gsum po 'di dag lha rnams la bstan pa yin te/ lha dag ngo tsha bar byas pa des cho ga chog/ de nas lha de rnams kyis ma mthong ba ngo mtshar che ba de la mngon par brtags nas/ 'khor ba la shin tu yid skyo ba rnams kyis/ 'di ltar tshig su bcad de smras pa/ 'dod pa don med rgyags pas myos// lha rnams rang bzhin stobs chung ba// 'dod pa rnams kyis 'khyam zhing rtse// 'jigs pa chen po mi mthong ngo // 'dod pa mi phan byed rnams la// lha gang yid ni ston byed pa// khas byas zad nas blun po dag/ phyi nas so sor rig par 'gyur// lha rnams la ni bye brag tu// phun sum tshogs pa mod la 'jig/ ji lta ji ltar bde dang dga'// de 'jig de ltar nyon mongs so/ / gang tshe lha yi 'jig rten nas// sems can dmyal bar lha lhung ba// lus dang yid kyi sdug bsngal gyis// thams cad du ni gnod par 'gyur// de yi sdug bsngal shin tu tsha// de ni tshad gzung mi nus so/ / sdug bsngal rnam pa nang na mchog/ 'bral ba sdug bsngal yongs su brjod// de yang lha yi tshogs nang na// gtso bor rtag tu yang dag 'jug/ sems kyis yongs su bslus pa yi//
- 240b
lha rnams kyis kyang mi mthong ngo // 'dod pas shin tu bslus pa rnams// da ltar bzang ba skad cig ste// brgya dang 'bum dang de bzhin du/ bye ba ther 'bum phrag brgya yi// 'dod pa 'thob kyang 'jig 'gyur ba// de la mi dag yid mi rton/ / legs par byas pa'i las kyi rgyus// de yi 'bras bu rtag tu bde// shing nyams 'bras bu med pa ltar// rgyu zad nas ni 'bras bu med// bag med de nyid mthong rnams kyis// srog zad byed pa dug ltar mthong / / rtag tu me ltar sreg byed cing // mtshon cha ltar ni gcod par byed// sngon ni mdza' bshes lta bur mthong // phyi nas dgra lta bur mthong ngo // lus can kun la bag med pa// mchil pa lta bur rab tu 'jug/ lha dang lha min mi dag dang // klu rnams pa yang khyad par du// don rnams thams cad med byed pa// de yis bag med rgyu mthong ngo // brgya byin bdag cag bsod nams kyis// legs par bgyis pa dag kyang bsrang khyod kyis srid pa'i btson ra gang / / 'di dag thams cad bstan pa lags// de ltar brgya byin lha de la// smras nas de la 'di skad smras// brgya byin khyod la ngo mtshar rmad// chen po 'di ni su yis bstan// de la brgya byin des smras pa/ / gang gis bstan 'di nga las nyon// bdag skyes pa na sngon gyi lha 'phreng bzangs zhes bya ba zhig yod de/ de dang bdag shin tu bshes par gyur to// des brgyud pa las thos la/ 'ga' zhig phyir yang / 'di ltar bcom ldan 'das 'od srungs zhes bya ba zhig gdul ba'i dbang gis mtho ris 'dir gshegs zhes thos so// des kyang lha shin tu bag med par gnas pa rnams rtag tu gzigs
- 241a
nas de dag la phan par mdzad pa'i phyir shing sA la zung 'di bskrun to/ / las kyi me long sprul pa'i nang de na yang / bdag rab tu bag med par gyur pa dang / khyod bag med par ma gnas shig ces lha das shin tu bstan te/ 'di ltar 'dus byas thams cad ni log par lhung ba yin la/ gang gi tshe khyod dam lha bag med par gnas pa gzhan dag phan tshun gzugs tha ma dang / 'bring dang mchog la ngo tsha dang bcas par gyur pa de'i tshe/ khyod kyis lha dad pa can bag yod pa la gnas pa ma yin pa gang yin pa de dag nang du bcug ste/ 'di dag bstan cing / de rnams la rmad du byung ba 'di yang dag par brtan par bya'o/ / 'di ltar bcom ldan 'das des kyang lha rnams la phan par mdzad pa'i phyir 'di bstan cing lha dag kyang brtul la/ las kyi me long gis rgyags pa dang phral nas dge ba'i lam la rab tu bkon/ de/ de nas yang slar 'dzam bu gling du gshegs so zhes bstan to// lnga de las bdag gis de skad zos te/ thos nas kyang gcig 'ga' la lha de dag ngo tsha ba dang bcas te lhags so// de dag gi ngo tsha ba bsal ba'i phyir dang / bag med pa dang / dregs pa bsal ba'i phyir las kyi me long gi rtsig ngos la bring pa/ tha ma dang / 'bring dang / mchog 'di khyed cag la bstan pa yin no// gzhan yang shing sA la zung gnyis pa 'di nyid du 'jug par bya'o/ / de yang de bzhin du bcom ldan 'das 'od srungs de nyid kyis lha rnams la phan pa mdzad pa'i phyir las kyi dra ba skye ba dang / 'chi ba lta bur sprul pa mdzad pa de yang bdag gis khyed cag la rab tu
- 241b
bstan par bya'o/ / de nas de skad smras nas/ yang brgya byin gyis lha de dag la 'di skad du/ bcom ldan 'das 'od srungs de la spyi bos phyag 'tshal lo zhes smras nas/ de nas yang de ltar sgo de nyid nas phyir byung pa dang / sgo de yang de bzhin du bcad do// de nas lha yid rab tu dga' ba/ phyir pha rol gyi skyed mos tshal na dga' spyod byed par zhugs pa/ sil snyan gyi sgra rnam pa sna tshogs 'byin pa rab tu myos pa tho brdung zhing dgod pa gang yin pa de dag gis brgya byin nye ba na 'dug par rig nas/ mgo bos so sor phyag 'tshal nas/ yang yid shin tu chags pa dag bro rdung bar byed/ dgod par byed/ phan tshun pad+ma dag blangs nas rdeg par byed do/ / de nas yang brgya byin dang lhan cig shing sA la zung der zhugs pa'i lha gang yin pa de dag gis/ lha de rnams la rmad du byung ba de dag ston par byed kyang bag med pa'i dbang du gyur pa de dag nyan par yang mi byed la/ rmad du byung ba de la gang yang dad pa mi skyed do// de nas brgya byin yang lha de rnams kyi sems bsrung ba'i phyir spyod pa de dag nyid dang lhan cig pad+ma'i tshal de rnams na dga' bar byed cing / sil snyan dang / rol mo'i sgra sna tshogs 'byin pa/ phan tshun grogs su gyur pa// rgyags pa 'ba' zhig don du byed pa/ lha'i 'phreng ba dang rgyan dang ldan pa/ shin tu bde ba dang ldan pa/ 'dod pa'i yid la rab tu myos pa/ rab kyis legs par byas pa la chags pa rnams tshal dang nye ba'i tshal dag na yongs su spod par byed/ dga' bar byed do// mchog tu dga' bar byed do// de nams kyi nang na las byas pa'i/
- 242a
me long gi gnas rmad du byung ba mthong ba'i lha gang yin pa de dag bya ba byas pa bzhin du rgyags pa'i spyod lam la gnas pa dang bral zhing sems snying rje can du gyur nas/ lha de dag la mngon par rtog pa na/ kye ma lha rab tu myos par gnas pa 'di dag gis ni 'di ltar nges par ltung bar 'gyur zhing / lhung nas kyang sems can dmyal ba dang / yi dgas dang / dud 'gro rnams kyi nang du skye bar 'gyur la/ 'khor ba'i mthar gtugs pa'i bar du/ las la rton pa/ las kyi rang bzhin can dag ji ltar las dge ba 'am/ sdig pa byed pa de de bzhin du/ las kyi skal bar 'gyur ba dag mi shes so snyam nas de ltar lha de rnams lha de dag la snying rje bar byed do/ / de nas chos bzangs na gnas pa'i lha phyi ma de dag kyang brgya byin la 'di ltar lha'i rgyal po khyod kyi bka' drin la bdag cag 'dod pa'i yon tan lnga 'byor cing ldan par gyur pa rnams kyis lha'i tshal dang / nye ba'i tshal dag na dga' bar bgyid/ dga' dgur spyod par bgyid na/ lha'i rgyal po bdag cag la dgongs par mi mdzad dam zhes smras so// de nas brgya byin gyis 'di ltar tshigs su bcad de 'di skad smras pa/ lha dag bdag ni byed pa mang // bag med pa la gnas pa med// gang zag bag med dbang gyur pa// de nyid rab tu mi mthong ngo // rtag tu bag med dbang gyur gang // de ni dge ba'i 'os min te/ / dge ba spangs pa'i gang zag ni// sems can dmyal bar nye bar 'dren// dga' zhing yid du 'ong ba kun// rab tu 'bral bar 'gyur srid kyang // 'tsho ba'i mtha' ni 'chi ba dag/ lha yi shin tu mi
- 242b
mthong ngo / / 'chi ba'i tshe na 'byung ba gang // dbang po sems ni blong ba dag/ nges par 'byung bar 'gyur ba gang // sdug bsngal mi bzad de shes kyis// srid gsum 'dus byas thams cad ni// mgab me'i 'khor// lo lta bu dang // dri za'i grong khyer lta bu dang // dbu ba chu bur lta bu ste// rmongs pa dbu ba'i phung po la// mal stan gding bar byed pa gang // rmongs pa 'dus byas byed pa de// mi brtan bdag nyid mngon par chags// las kyis yongs su sbrel pa ni// 'chi ba'i tshe na lha dang mi// de bzhi ni gnod sbyin lha ma yin// klu dang mkha' lding skyob mi byed// 'chi ba'i rgyal po mi bzad pa// ji srid ma 'ong bar du ni// de srid legs par byas spyod pa/ / phyi nas gdung bar ma byed cig/ sred pas de dag yang drangs pa// yul rnams la ni rgyug par byed// khyed la du mar bsgo ba yin// bag med rnams la ma chags shig/ yul gyis dam du// bcings pa ni// sems can dmyal ba kun gyi rgyu// de bas gtan du spangs nas su// nges par legs par yid la byos// de ltar brgya byin des lha de rnams la rjes su bstan pa dang / 'di ltar bde ba de'i dbang du gyur pa rnams cung zad kyang sems la mi 'jog go/ / las kyi me long mngon sum du mthong ba'i lha gang yin pa de dag ni ma gtogs te/ de rnams ni shin tu yi chad nas/ brgya byin la 'di skad smras so/ / lha'i dbang po 'di ltar shing sA la zung gnyis par gshegs dang / de nas yang bcom ldan 'das 'od srungs des lha bag med pas rmongs pa rnams la phan par bgyi ba'i slad du/ las kyi dra ba
- 243a
skye ba dang / 'chi bar 'thun pa'i sprul pa gang lags pa de dag lha'i rgyal pos bdag cag la rab tu bstan du gsol// de nas brgya byin gyis lha shin tu bag med pas gnas pa dag rig nas/ tshal dang nye ba'i tsha ba rnams su rtse bar dong ngo // de nas ang lha rnam par g.yeng pa de rnams dang / shin tu yi chad pa dag dang yang lhan cig shing sA la zung gnyis pa gang na ba der dong ste phyin nas/ de bzhin du des sdong po de nyid kyi sgo 'byed par byed do// 'byed pa dang de bzhin du sgo phye ste/ brgya byin de lha de rnams dang lhan cig de nyid du zhugs pa dang / lha rnams kyi tshal dang nye ba'i tshal nyams dga' ba sngan chad gar yang ma mthong ba'i dga' ba gang yin pa de dag dang / 'dod pa thams cad 'byor pa bya rnam pa sna tshogs kun nas long long por 'khod pa pad+ma'i tshal gyis brgyan pa gser btso ma'i shing ljon pas kun nas 'khrigs pa/ thams cad du mthong na bzang zhing yid du 'ong ba/ 'jig rten gyi bde ba'i mchog blta na sdug pa rlung bsten na bde ba/ ri'i zom yang rin po che'i rdo sde bdun gyis rnam par brgyan pa/ bya rnam pa sna tshogs skad 'byin pa mthong ngo // dpag bsam gyi shing nyi ma ltar gzi brjid che bas kun nas gsal ba yin te/ nyi ma lta bu de rnams kyis shing sA la'i nang de dag thams cad rnam par gsal ba bza' ba dang btung ba'i chu bo yang dri dang / ro dang / mdog sna tshogs su 'bab pa rnams mthu rab tu che bar 'bab pa/ de'i nang na
- 243b
dri shin tu mi zad par zhim pa yod do/ / yon tan sna tshogs phun sum tshogs pa de rnams snas rim gyis shin tu myong bar byed do// de ltar dbang po lnga rnams kyi yul lnga sems dang ldan pa lta bur sdug par ston pa/ nyi ma nub pa ltar mi rtag ste/ 'phral 'phral la 'byung ba'i stobs kyis dbang du gyur pa'i lha gang yin pa de rnams kyi dbang po yang shin tu bde ba nyid yin na/ gang las bar mas nye bar 'gro ba rnams lta smos kyang ci dgos/ de nas lha'i rgyal po brgya byin tshal dang nye ba'i tshal shin tu nyams dga' ba gang yin pa de dag thams cad de rnams la yang dag par bstan te/ de dag gi khyad par ni phyi rol na gan pa rnams kyi tshal dang / nye ba'i tshal nyams dga' ba gang yin pa de dag/ de'i bcu drug gi char yang mi phod do// de nas lha'i dbang pos thams cad ma lus par bstan nas/ rdo shin tu gsal ba las/ sa gzhi byas pa/ lhag par nyams dga' ba bstan par bya ba'i phyir ga la ba der 'dong bar byed do// bai DUR+Ya'i khang bzangs ka ba stong yod la/ pad+ma rA ga'i lan kan bres pa/ sa gzhi gser las byas pa/ chur dpag tshad lnga yod la/ zheng du dpag tshad gsum yod pa/ bcom ldan 'das 'od srungs de'i rdzu 'phrul gyis mdzad pa yin no// de nas brgya byin khang bzangs rin po che sna bdun gyi them skas kyis brgyan pa de la/ lha de rnams dang lhan cig der 'dzegs pa dang / khang bzangs de la bcom ldan 'das de nyid kyi gzugs brnyan sprul pa gang yin pa de la/ 'di ni bcom ldan
- 244a
'das nyid chos ston pa yin no snyam du sems so/ / de nas brgya byin gyis bcom ldan 'das kyi gzugs brnyan de la mgo bos phyag 'tshal te/ lha'i tshogs rnams dang lhan cig/ tu gus par gyur pa'i yid kyis phyag 'tshal nas/ 'di ltar tshigs su bcad de smras pa/ rab tu grol ba skyob mdzad cing // zhi ba dang ni thar pa'i sgo// 'byed par mdzad pa 'jig rten mgon// de sa gzugs brnyan 'di bzhugs so/ / mi gang zhi ba'i yid kyis su// 'di la rtag tu phyag 'tshal na// de ni srid pa'i 'jigs las thar// mya ngan 'das pa'ang rtogs par 'gyur// mya ngan 'das grong ston mdzad pa/ / chos 'di gsungs pa gang yin pa// de ni zhi ba mchog tu dga'// de ni mtha' las byung zhes bya// skyes bu brtan po rtsal po ches// de yi dka sa brten nas ni// gtan du bde ba 'byung ba gang / / rtag pa'i gnas ni 'thob par 'gyur// skyes bu de nyid sems pa po// sgrol byed 'di la brten nas su// srid gsum rgya mtsho chu bo'i grong // mi bzad 'jigs las sgrol bar byed// 'di ni 'jig rten bcas pa'i mig/ kun nas bral ba'i mig rnams yin// shing las byung ba ma min gyi// 'di ni ma yi nang na mchog/ 'dod chags la sogs dri ma yis// mi rnams sems la sdig bcas ba/ / khyu mchog de'i bka' ye shes chus// dag pa nyid du 'khru bar mdzad// mu stegs shes pa'i nga rgyal can// kun gyi gnas gang ma mthong ba// gnas de khrod kyi drim med// gsum rnams kyis/
- 244b
ni mi la bstan// skye bo shin tu bag med pa// 'di dag mgon po khyod kyis bsgral// mgon po rgal nas pha rol gshegs// skye bo gzhan yang sgrol bar mdzad// skye bo kun la sman slad du// khyod nyid gcig pu bzhugs par byas/ / phan med rnams la phan mdzad phyir// khyod nyid kho na mi mchog lags// de ltar brgya byin des gzugs brnyan de la bstod cing / gus par phyag 'tshal// lha thams cad dang bcas pas kyang bcom ldan 'das kyi gzugs brnyan sprul pa de la mngon par phyag 'tshal/ na bza' chos gos byin gyis brlabs pa/ thags su ma btags pa gang yin pa de la yang lha rnams mgo/ bos phyag 'tshal te/ gzugs brnyan de mthong nas/ yang rgyags pa nyid yongs su nyams par gyur to// de'i rdzu 'phrul gyis mdzad pa'i gzugs brnyan gyi rnam pa ji lta bur bzhugs pa de lta bur brgya byin gyis 'bum gyi char yang mi phod na/ lha gzhan gyis lta smos kyang ci dgos/ de nas brgya byin gyis rdzu 'phrul mdzad pa'i gzugs brnyan de mthong nas/ de nas yang lha de rnams la phan par bya ba dang / lha bag med pas myos pa rnams bag med pa dang bral bar bya ba'i phyir/ las kyi dra ba skye ba dang / 'chi ba'i ngo bo rdzu 'phrul byas pa de bstan to// de nas lha de rnams kyis/ brgya byin la smras pa/ lha'i dbang po 'di ltar/ bcom ldan 'das des shing sA la zung 'di'i nang du las kyi dra ba skye ba dang / 'chi ba'i ngo bo 'di sprul pa mdzad la/ slad rol tu ci'i slad du ma mdzad/ 'di ltar nga yang de la ngo mtshar cher skyes te/ de nas lha'i
- 245a
lha des nga rgyags pa dang 'bral bar bya ba'i phyir 'di bstan to/ / de nyid la ngas dris pa dang / des smras pa/ 'di ltar 'di rtag tu mthong ba dang // skye bo thams cad ngo mtshar cher skye ste/ dengo mtshar che bar rig nas 'jigs par bya ba dang / dad par bya ba/ dang bar bya ba'i phyir te/ rgyu 'dis na bcom ldan 'das des phyi rol tu sprul pa ma mdzad do// phyi rol tu sprul pa mdzad na ni/ skye bo kun gyis yang dang yang du mthong zhing / phan mi thogs la/ gzugs brnyan de zhig par yang 'gyur te/ rgyu 'dis na shing sA la zung gi nang du sprul pa 'di mdzad cing / shaung sA la zung gi nang du ngo mtshar che ba'i sgrub pa gnyis mdzad do/ / gang skye bo kun gyis blta bar mi bya ba'i rgyu 'dis ni/ bcom ldan 'das des shing ljon pa'i nang du skyes pa dang / 'chi ba'i ngo bo las kyi dra ba'i sprul pa 'di mdzad do// de nas brgya byin las lha rnams kyis de skad thos nas/ ngo mtshar che'o snyam pa dang bral nas/ de nas yang skye ba dang / 'chi ba'i ngo bo las kyi dra ba de/ khang bzangs dpag tshad lnga pa'i rtsig ngos dag la bris pa de dag rab/ tu bstan par brtsams so// de la re zhig dang por srog gcod pa rnams kyi gnas kyang sngar bstan pa bzhin// gnod pa yang sngar bstan pa bzhin du sbyar te/ sems can dmyal ba yang sos 'khor bcu drug pa sprul to/ / de nas thar nas gal te yi dgas rnams kyi nang du skyes na/ shin tu phrag dog can dang / shin tu khro bar 'gyur la/ de bzhin du mtshon cha rnam pa du ma dag gis gsod par byed do// /
- 245b
/ de nas las kyi dra bas 'brel ba dud 'gro rnams kyi nang du skyes na/ de sha bza' ba'i skye gnas su skye bar 'gyur la/ de sha'i don du mtshon cha dag gis bsad nas za bar byed do// de bzhin du sha rjen za ba seng ge dang / stag dag gi skye gnas su skye bar 'gyur la/ shin tu mi sdug pa de mtshon chas gsod par 'gyur ro// de nas shi nas gal te mi rnams kyi nang du skyes na/ de shin tu 'thab mo byed pa 'khrug pa/ pa dga' ba/ sems bde bar mi gnas pa kho na yin te/ de mtshon gyis bsad nas/ tshe thung bar 'gyur ro// gal te lan grangs gzhan la myong bar 'gyur ba'i las 'ga' zhig gis lha rnams kyi nang du skyes na/ de bong skyed dang / mdog dang / dbyibs rnams nyams par 'gyur la/ tshe thung bar 'gyur te/ lha dang lha ma yin gyi g.yul du gsod par 'gyur ba de dag gi rnam pa rtsig ngos dag la snang ngo // de nas srog gcod pa dang / ma byin par len pa'i rgyu las byung ba'i sems can dmyal ba chen po gzhan thig nag 'khor bcu drug pa sngar bstan pa bzhin mthong ngo // de nas shi nas gal te yi dgas rnams kyi nang du skyes na/ de snga ma bzhin mtshon gyis gsod par 'gyur ro// gal te res 'ga' yang mi gsod pa 'am/ gzhan zhig gam/ de dang 'thun pa zhig srog 'tsho ba'i don du rnyed na/ de yi dgas gzhan gyis yan lag dang nying lag thams cad phye mar brlags nas 'phrog par byed do/ / de rgyu des shi nas gal te dud 'gro rnams kyi nang du skyes na/ de bya khug rta'am/ 'brog dgon pa chu
- 246a
dang bral ba rnams su skye bar 'gyur ro/ / bkres pa dang skom pas gdungs pa'i lus de nas kyang shi nas gal te mi rnams kyi nang du skyes na dbul po de yul mtshon gyis 'khrug pa 'am/ lo nyes byung bar skye bar 'gyur te/ mtshon gyis 'chi ba 'am/ ltogs te 'chi bar 'gyur ro// gang gi tshe res 'ga' yang bza' ba zhig rnyed na/ de gzhan gyis 'phrog par byed la/ zos na yang 'ju bar mi 'gyur ro/ / de nas shi nas kyang / gal te lha rnams kyi nang du skyes na/ de'i lus dang / bong skyed dang / mdog dang / dbyibs de dag dman par 'gyur ro// bdud rtsi yang skyon dang bcas pa 'byung ste/ de lha gzhan rnams kyi drung du shin tu ngo tsha bas skyengs par 'gyur te/ sil snyan yan lag lnga dang ldan pa yang mi snyan par 'gyur la/ tshe thung bar yang 'gyur te/ de ltar lha rnams kyi las kyis byas pa'i sprul pa de mthong ngo / / de nas yang brgya byin dang / lha rnams kyi sems can dmyal ba bsdus gzhom der/ las kyi rnam pa srog gcod pa dang / ma byin par len pa dang / 'dod pas log par g.yem pa spyod pas skye bar 'gyur ba 'khor bcu drug pa sngar bstan pa bzhin mthong ngo / / de nas thar nas gal te yi dgas rnams kyi nang du skyes na de tshe ring bar 'gyur zhing / res 'ga' srog gzungs kyi zas rnyed pa gang yin pa de dag kyang gzhan gyis phrog la/ yi dgas skyugs pa za ba rnams kyi nang du skye bar 'gyur ro// de'i chung ma gang yin pa de de'i mngon sum du/ yi dgas
- 246b
gzhan dag gis 'phrog par byed la/ de mtshon cha blangs nas mtshon gyis btab ste gsod par byed do// de nas thar nas kyang gal te dud 'gro rnams kyi nang du skyes na/ ma he dang / rta dang / skyugs pa za ba la sogs pa'i nang du skye zhing tshe ring bar 'gyur/ bdog pa gzhan gang yin pa de dag kyang / mthu chung ngur gyur pas gzhan dag gis 'phrog par byed do// de nas thar nas kyang gal te mi rnams dang skal ba mnyam par mi'i nang du skyes na/ de tshe thung zhing dbul ba dang / de'i chung ma yang gzhan dag gis 'phrog par 'gyur ro// de'i las kyi rtsig ngos dag la gzugs brnyan bris pa 'di lta bu yang snang ste/ 'di lta ste/ sems can dmyal ba chen po ngu 'bod 'khor dang bcas pa'i las kyi 'bras bu sngar bstan pa bzhin snang ngo // de nas thar nas kyang gal te yi dgas rnams kyi nang du skyes na/ de rtag tu tshe ring ba nyid du 'gyur zhing / las de smin par 'gyur ba ji lta ba bzhin/ dam pa chad pa'i sa 'am/ khab mgroni rnams kyi nang du skye bar 'gyur ro// de rang bzhin gyis bkres pas nyam thag cing / rang gi chung ma gang yin pa de gzhan dag gis 'phrog par byed do// de gal te yang rgyags pa'i tshul dang rgyags pa'i rgyus dug za bar byed la/ de dug gi me mi bzad pas sreg par byed do/ / de las thar nas kyang gal te dud 'gro rnams kyi nang du skyes na/ de phan tshun za ba'i sdug bsngal gyis mngon par nyams par 'gyur/ de nas thar nas kyang gal te lha rnams
- 247a
/ kyi nang du skyes na/ de las de dang rgyu 'thun par bong skyed dang / mdog dang / dbyibs dman zhing tshe thung ba dung / lha dang lha ma yin gyi g.yul 'gyed par 'chi ba dang / de'i lus/ la rin po che btags pa yang 'od mi gsal ba dang / de'i lha mo yang gus par mi nyan cing / gzhan du 'gro ba dang / de'i bdud rtsi yang ro chung ba dang / blo zhan pa dang / sems g.yengs pa dang de la lha gzhan rnams kyi gnod par byed do/ / de nas yang brgya byin de dang / lha de rnams dang lhan cig las kyi rtsig de dag nyid la rtog par byed de/ 'di ltar sems can dmyal ba ngu 'bod 'khor dang bcas pa'i las kyi 'bras bu sngar bstan pa bzhin mthong ngo / / de nas thar nas gal te yi dgas rnams kyi nang du skyes na snga ma bzhin du 'gyur la/ khyad par du 'byung ba ni/ de gang dang gang du 'gro ba de dang der bye ba cad cing bcad cing skye bar 'gyur ro/ / de nas thar nas kyang / gal te dud 'gro rnams kyi nang du skyes na/ bya gong ma sreg dang / sreg pa dang / kar ka ba rnams kyi nang du skye bar 'gyur la/ rdzun du smra ba/ de dang rgyu 'thun par rang gi skad byung ba nyid kyis gsod par byed do// de nas thar nas kyang / gal te mi rnams kyi nang du skyes na/ de'i las kyi 'bras bu snga ma dang 'thun par tshig gzung bar 'os par mi 'gyur ro/ / de nas thar nas kyang / gal te legs par byas pa'i las kyis lha rnams kyi nang du skyes na/ de rdzun du smra ba'i las de dang rgyu 'thun par sgra mi snyan pa 'am/ glu blang bar mi
- 247b
nus pa 'am/ skad gag gag po 'am/ lha kun gyi nang na tshig bzung bar mi 'os pa dang / ji ltar lha gzhan dag smra ba de ltar mngon par brjod pa legs par sbyar ba/ shin tu yid du 'ong bar smra mi nus par 'gyur ro/ / de nas yang brgya byin de sems can dmal ba tsha ba'i las kyi 'bras bu la sngar bstan pa bzhin rtog par byed do// de las thar nas/ gal te yi dgas rnams kyi nang du skyes na/ ldan ljin spyod pa rnams kyi nang du skye bar 'gyur te/ da snga ma bzhin du lnga 'gyur gyis sdug bsngal bar 'gyur ro// gal te dud 'gro rnams kyi nang du skyes na/ de rgya mtsho'i chu srin du 'gyur ro// gal te mi rnams kyi nang du skyes na/ bzhin mi sdug par 'gyur ro// de nas kyang thar nas gal te lha rnams kyi nang du skyes na de snga ma bzhin du smad par 'gyur ro// rab tu tsha ba dang / mnar med pa'i las kyi rnam par smin pa dag ni/ lha rnams mthong ba tsam nyid kyi shi bar gyur na mi rung ngo snyam nas/ sems can dmyal ba chen po de gnyis kyi 'jigs pa dag sprul pa ma mdzad de/ lha yul rnams su sems can dmyal ba de gnyis kyi skye ba sprul pa ma mdzad do/ / de nas brgya byin gyis lha de rnams mngon par mthong nas 'di ltar tshigs su bcad de smras pa// / / dam pa'i chos dran pa nye bar gzhag pa bam po sum cu dgu pa// ji ltar phyag dar rnams la rlung // bab na yang dag 'thor byed cing // dbang med mkha' la 'khyam pa ltar/
- 248a
las 'gro skye dgu de bzhin no// 'bye ba dang ni 'bral ba dang // bde dang de bzhin sdug bsngal dag/ las la rag las de med par// de bas cung zad 'jug mi 'gyur// thub pa de nyid gzigs pa yis/ / las kyi phyogs 'di sprub pa mdzad// sems kyi sa bon las rnams ni// 'di ltar kun nas mtha' med do// las rnams kyang ni sna tshogs la// de yis 'gro 'di sna tshogs byas// de bzhin gshegs pa ma gtogs par// sems dang ldan pas shes par dkar// gcig dang brgya dang stong dang ni// khri phrag dang ni 'bum rnams kyis// sna tshogs su ni skyed byed pa// las kyi dra ba 'di che'o/ / ji ltar skud pas btags pa yi// bya dag thag ring gnas pa yang // kun tu drangs nas 'ching byed ltar// las skud 'di yang de dang 'dra// de ltar brgya byin des lha de rnams la sems can rnams kyi tshe 'di la myong bar 'gyur bar ma nges pa dang / skyes nas myong bar 'gyur ba dang / lan grangs gzhan la myong bar 'gyur ba'i ngo mtshar che ba rnam pa du ma de dag bstan cing / de nas yang dge ba dang / mi dge ba dang / lung du ma bstan pa rnam pa mtha' yas pa dang / las kyi dra ba mtha' yas pa bstan nas/ bcom ldan 'das kyi gzugs brnyan sangs rgyas kyis mdzad pa de dag la/ lha de rnams dang lhan cig mgo bos phyag 'tshal nas/ de nas yang 'khor ba la yid skyo ba'i lha de rnams dang lhan cig shing sA la zung de nas byung ngo // de nas sgo de brgya byin des ji ltar sngar bcad pa de ltar bcad do// de nas brgya
- 248b
byin phyir byung nas lha de rnams la rtog par byed de/ bag med par gnas pa rnams phan tshun rtse zhing dga' dgur spyod pa mthong ba dang / lha'i rgyal po de snying rje skyes nas/ 'di ltar tshigs su bcad de smras pa/ bag med pa yis yongs bslus pa// de yi blo la 'khrig pa dang // zas la rtag tu dga' ba rnams// lha yi lus zlog dud 'gror zad// gang tshe legs par spyad pa'i las// lha yi gnas nas zad gyur na/ / de tshe phyir yang khyod nyid go/ bag med pa la spyod par 'gyur// bag med dgra yis zin pa dang // las kyi rlung gis bdas pa rnams// 'gro ba de dang de dag tu// lha rnams shing bzhin lhung bar 'gyur/ / lha yi gnas nas lan brgya'am// khri phrag nyid du skye 'chi yang // skyo ba skyed par mi byed pa// snying la mya ngan rab tu skye// de ltar brgya byin de lha de dag gi drung du 'gro bar byed la/ de dag kyang lha'i rgyal po de nyid mthong nas yid rab tu dga' zhing gus pa dang bcas pas rings par dong ngo // de nas brgya byin lha de dag nyid dang lhan cig sems gzung bar bya ba'i don du/ sil snyan yan lag lnga dang ldan pas tshal dang / nye ba'i tshal nyams dga' ba rnams su bro gar byed/ dga' dgur spyod par byed do// shing sA la zung gi phyi rol dag na gnas pa'i lha gang yin pa de dag kyang / 'bab/ chu dang / tshal dang / nye ba'i tshal dang ldan pa de rnams na dga' bar byed do// brgya byin yang chos bzang na 'khod pa'i lha thams cad dang lhan cig chos bzang de nyid du dong ngo // shi sA la zung gi nang na
- 249a
'khod pa'i lha de dag kyang / ji srid du 'dod pa sdug pa yid du 'ong ba'i las byas shing bsags pa de zad cing mthar thug par ma gyur pa de srid du dga' bar byed do// de nas byis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi dang so so yang dag par myong bar 'gyur ba'i las gyis mi'i nang du skyes na/ de las de dang rgyu 'thun par rtag tu bde ba dang ldan zhing / tshal gyi bdag po tshal gyis 'tsho ba dang / tshal gyi nang na 'tshe ba 'am/ ri ma la ya na gnas shing / rtag tu bde ba dang ldan par 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas mig phye zhing 'gro ba dang btsums nas 'gro ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ drang po'i rang bzhin can/ g.yo sgyu med pa/ gzhan la mi gnod pa/ las dang 'bras bu la dad pa/ yang dag pa'i lta ba dang / yang dag pa'i las kyi mtha' dang ldan pa gang zhig nor rdzas mang po dang ldan par gyur nas/ sbyin pa byin zhing rgya mtshor 'jug pa'i tshong pa'i ched du/
- 249b
chos kyi stegs gru byin la/ tshong pa de yang der zhugs te/ shin tu 'byor pa dang ldan nas sbyin pa sbyin/ bsod nams ngag byed la/ de yang de las 'tsho bar mi byed na/ de ltar sbyin pa byin zhing / bsod nams byed pa yin no// ma byin par len pa spangs pa ji lta bu yin zhe na/ res 'ga' sde gzhan gyis 'jigs sam/ rgyal pos 'jigs nas grong med par lam du zhugs po gang yin pa de 'jug par byed la/ zhugs nas kyang las kyi 'bras bus 'jigs pa/ dad pa dang ldan pa/ rgyal po'i chad pas 'jigs pa ma yin pas/ de nas cung zad phub ma tsam yang len par mi byed na/ de ma byin par len pa spangs pa yin no// srog gcod pa spangs pa ji lta bu yin zhe na/ 'di la srog chags rkang pa brgya pa kha gnyis yod pa rgyas gzung ba dag gsod par mi byed la// yid la yang sdig pa sems par mi byed pa dang / seng ge dang stag rgyu ba'i sa dag tu de dag gsod par bya ba'i phyir/ rngon pa de rnams kyis rnyi btsugs sam/ rnyi btsugs na rngon pa de rnams la nor rdzas byin nas/ rI de dag las thar par byas la/ de la rung bar mi brjod kyi/ yid la gcags par byed cing / gzhan dag kyang dge ba de nyid la sbyor bar byed/ rab tu 'jog par byed// yang dang yang du legs par byas pa gzhan dang gzhan dag shin tu legs par spyad pa byed na/ de ltar srog gcod pa dang / ma byin pa len pa spangs pa'i skyes bu de ni dge ba'i las rnams la
- 250a
dmigs shing / de'i las kyi mtha' yang 'grub pa dang / de'i bsams pa thams cad kyang lha rnams sgrub pa dang / de'i bzhin gyi mdog kyang gsal ba dang / de la lha rnams kyis kyang mchod par 'gyur te/ de dag ni de'i las kyi 'bras bu tshe 'di la 'byung ba yin no// phyis lus dang bral nas shi bi'i 'og tu bde 'gro mtho ris kyi 'jig rten sum cu rtsa gsum gyi lha rnams kyi nang du skye bar 'gyur te/ legs par spyad pa'i las kyi mtha' spyad pa/ sum cu rtsa gsum pa'i lha mig phye ba dang btsums te 'gro ba'i gnas su skye bar 'gyur ro// der skyes nas kyang legs par byas pa'i las kyis shin tu brgyan pa/ de'i nyams dgo' ba'i gnas gang yin pa de ni mi thams cad kyi bsams pas bsams par yang mi nus te/ der skye bar 'gyur ro// lha de rang gyi 'od dang / bde ba mchog dang ldan la sha dang / rus pa dang / chu ser dang bral ba/ 'gran zla'i 'jigs pa gzhan dang bral ba/ kun tu 'chol ba'i 'jigs pa dang bral ba/ ser sna dang bral ba/ mi mdza' ba dang phrad pa dang bral ba/ 'chi ba'i dus ma gtogs par dus de la nad kyi 'jigs pa dang bral ba/ gnod pa'i 'jigs pa dang bral ba/ nad dang 'chi ba'i 'jigs pa dang bral ba/ rga ba'i 'jigs pa dang bral ba/ rab tu bag med pa dus de srid du shin tu nyams dga' ba thams cad mthong ste/ mtho ris kyi bde ba la 'chums pa'i 'dod pa'i yon tan lnga gcig tu yid du 'ong
- 250b
pa/ yul gyi bde ba rnam pa du ma rnams kyis gzhal med khang rnams gser dang / bai DUR+Ya dang / nor bu'i lan kan bres pa'i gzhal med khang dkrigs pa gzhan dag na/ shing ljon pa dang / nye ba'i tshal rnam pa sna tshogs yod pa/ / rin po che sna bdun gyis pad+ma'i rdzing rnams kyi nang na/ bya ngang pa dang / dur pa dang / ka ra nad pas brgyan cing / rma bya myos pa sgra 'byin pa'i ro'i sman ljongs rnams na/ bya sna tshogs kyis bsten pa// ri rab kyi ri'i rtse mo rnams na yang rin po che sna bdun gyi 'byung khung gis brgyan pa/ lteng ka rnams kyi nang na gser dang / dngul dang / mu tig gi bye ma brdal ba/ rirab kyi sman ljongs rnams kyi nang na yang / rin po che sna tshogs kyi shing ljon pa rnams kyis brgyan pa/ shing ljon pa rnams kyang nyi ma ltar gsal ba/ ri khrod tshang tshing dag na yang / gser dang bai DUR+Ya'i lcug ma'i tshogs 'phyang zhing / me tog gi lcug ma 'phyang bas brgyan pa/ bung ba 'bum gyis brgyan pa// ri rab kyi phug rnams kyang rin po che bzang pos brgyan pa// rdo leb dang / sa'i phyogs cha mtho dedaman ran pa/ ri'i zom rnams kyang rin po che sna bdun gyis brgyan cing / rdo leb kyis brgyan pa/ me tog dri zhim po rgya cher spungs pa dang ldan pa/ rang gi bsam pas brgyan pa bas kyang cher lhag cing nyams dga' ba'i sa phyogs snying dga' ba rnams dang / gzhan yang gad ka dang / dgon pa dag na shing ljon pa rab tu 'bar po lta bus brgyan pa/ dpag bsam gyi shing ljon pa 'bum gyis mdzes
- 251a
par byas pa/ rang gis byas pa'i las kyi mtha' la spyod pa/ lha dang lha mo 'bum snyed kyis yongs su bskor ba/ rol mo dang sil snyan gyi sgras rna ba tshim par byed cing / pi wang gi sgra yongs su 'byin par byed pa de rnams na rtse bar byed do/ / des gang dang gang mthong ba de dang de nyid 'thob cing 'gyur ba med la yon tan thams cad dang ldan pa/ thun mong ma yin pa/ gzhan gyis 'phrog par mi nus pa yin no/ / de nas lha 'bum snyed kyis yongs su bskor ba de lha'i tshogs gzhan rnams kyi nang na yongs su spyod pa na/ res 'ga' ri dus ston gyi tshigs shes bya ba 'dod pa kun nas 'byung ba'i shing ljon pa rnams kyis brgyan pa/ 'bab chu'i tshogs brgya snyed kyis gang ba/ pad+ma'i rdzing du mas rnam par brgyan pa/ lha 'bum snyed du mas sten bsten pa/ bai DUR+Ya'i lcug ma 'phyang bas bskor ba/ zhal med khang gi rtse mo la bya skad 'byin pa 'bum snyed kyis bskor cing nyams dga' bar byed pa'i ri de la 'dzeg par byed do// de nas legs par byas pa'i las kyi mtha' spyad pa de nyams dga' ba'i ri'i zom de na bde ba myong bar byed do/ / legs par byas pa'i las kyi rin gyis nyos pa rnams ni 'dod rgyal las ma byung / gzhan gyis ma byas/ gzhan nas ma 'ongs/ nyams pa ma yin/ dbang phyug la sog pa mgu nas byin pa ma yin pa de dag la de 'dzegs nas ri'i zom de na/ bdag nyid dang mtshungs pa'i 'od dang ldan pa'i lha dang / lha mo'i cho ga rnam pa du ma 'bum snyed kyis kun tu gang zhing sil snyan yan lag lnga dang ldan
- 251b
pas dga' bar byed pa gang yin pa de dag dga' bar byed cing / dga' dgur spyod par byed la/ de dag kyang de bzhin du rang gi 'od dang / de bzhin du gzugs dang / dbang phyug gi mthu dang ldan zhing / de dag kyang de bzhin du mig mi 'dzum par blta ba/ de dag kyang de bzhin du pad+ma'i 'phreng ba thogs pa/ de dag kyang de bzhin du thags su ma btags pa'i gos gyon pa yin te/ de ltar lha mthu bo che de thams cad mthong ngo // de nas lha'i bu de ri'i zom de la 'dzegs nas sa phyogs dag la rtog par byed de/ legs par byas pa'i las kyi mtha' spyod pa'i lha de'i gnas su gyur pa/ gnas gnyis pa na gnas pa/ chu bo dang ri rab 'od kyi 'phreng ba 'bar ba rnam pa sna tshogs kyis yang dag par gang ba'i sa phyogs rnams mngon par mthong nas/ snga ma bzhin du snying shin tu dga' ste/ lha'i bde ba mchog myong ngo // lha de rnams kyi mthu ni 'di lta bu yin te/ gang gi tshe lha dang lha ma yin g.yul 'gyed par 'gyur ba na/ de mig phye ba tsam gyis brgyab par 'gyur la/ gang gi tshe lha ma yin mig tshums kyis byas pa de'i tshe/ sum cu rtsa gsum pa'i bar du 'gro ste/ de ltar mgyogs pa yin no// rgyu dang mtshungs par 'bras bu 'byung ste/ ji ltar rgya mtsho las sgrol bar byed pa'i gru myur du sbyin par bya ba de dag byin pa des sems can dag sgrol bar byed pa de ltar de dag gi mgyogs par 'gyur ba de ni mig phye ba tsam gyis 'gro la/ btsums pa tsam gyis slar ldog ste/ sngon byas pa'i rgyu des na myur bar 'gro ba yin no//
- 252a
de nas yun ring mo zhig tu lha'i bde ba de myong bar byed do// de nas gal te legs par byas pa'i las zad nas/ lha'i bu 'chi bar 'gyur la/ de'i 'chi ba'i ltas lnga po 'bru mar zad nanas mar me'i snang ba zad pa lta bu 'di dag 'byung bar 'gyur te/ de dang po rdul 'byung bar 'gyur ba dang / dbang po thams cad nyams pa dang / 'dod pa'i yon tan lnga thams cad du rom bro ba myong ste lha gzhan dag gis mthong nas ngo tsha ba dang / rang gi lha mo lha gzhan gyi drung du 'gro ba dang / de yang mthong nas/ phrag dog dang ser snas bskyed pa 'bral ba'i sdug bsngal sna tshogs gang rab tu tsha ba'i me lta bu 'byung ngo / / gal te gzhan du ma byin par len pa zhig blangs na/ de lan grangs gzhan la myong bar 'gyur ba'i las kyis dus de'i tshe snod du 'gyur te/ de'i rgyan de dag thams cad lha mo de dag gis 'phrogs par byed la/ phrogs nas kyang lha'i bu gzhan la 'dogs par byed do// gal te brdzun smras pa zhig yin na/ de dag gzhan du smra bar byed cing / gzhan du 'gro bar byed la/ lha mo de dag gzhan du nyan par byed de/ tshig brlang pos de la mngon par spro bar byed do// gal te skye ba gzhan dag tu sdom pa blangs pa rnams la btung ba chang blud dam/ bdag nyid kyis bslab pa ba shig gam/ chang 'thungs na/ de lan grangs gzhan la myong bar 'gyur ba'i las gyis dus de'i tshe snod du 'gyur te/ de 'chi ba'i dus de na/ sems 'khrul pa 'am/ dran pa nyams
- 252b
pa 'am/ de bzhin nyis 'gyur du kun tu gdung bar byed la/ de sems can dmyal bar 'gro bar 'gyur ro// gal te srog gcod pa zhig yin na/ de tshe thung ngur gyur nas/ myur du 'chi bar 'gyur ro/ / 'dod pas log par g.yem pas na/ gzhan gyi drung du 'gro bar 'gyur te/ de ltar sdom pa lnga bral ba/ lan grangs gzhan la myong bar 'gyur ba'i las kyi zhags pas bcings pa/ 'chi ltas lngas rnam par dkrugs pa/ bag med par gnas pa de 'chi bdag gi rgyal po sa 'dren par byed do// de ltar gnas skabs thams cad du tshul khrims kyi mtha' legs par ma spyad de/ mtho ris kyi rgyur spyod pa gang yin pa de ni sred pa yin no// de nas las kyi zhags pas bcings pa de/ sems can dmyal ba dang / yi dwags dang / dud 'gro'i nang du skye bar 'gyur ro// legs pa'i mtha' ma yin pa/ mtho ris kyi bde ba de dag nyid dge slong des mthong ste/ 'dus byas kyi chos thams cad kyi nang na/ phyogs gcig tu gyur pa/ nyams dga' ba rnams kyi nang na nyams par byed cing / nyes pa kho nar gyur pa nges par gzhan du gyur cing / gnas pa ma yin la/ glog lngar 'bras bu mi brtan pa/ 'dod pa thams cad kyi nang na nyes pa dang bcas pa'i g.yo ba nyid rtogs nas/ 'di ltar tshigs su bcad de smras pa/ rmongs pa bag med lha yul du// mi bzad me yis yongs su bskor// btung ba rnyog can 'thungs nas su// sems can dmyal bar lhung bar byed//
- 253a
dang por 'dod chags nyid kyis bsgyur// zhe sdang gyis kyang zil gyis non// gti mug nyid kyis rmongs byas pa// de yis bya ba stong par byas// sil snyan yan lag lnga dag gis/ / kun nas rab tu bslus pa rnams// gang dag nges par 'byung 'gyur ba// 'chi ba'i sdug bsngal mi rig go// khyod kyis gang la 'dod chags spyad// lha mo 'di dag mi brtan te// de dag gis ni khyod spangs nas// de nas gzhan du 'gro bar byed// skyes pa dar na sten byed la// rgud par gyur na spong byed pa// bud med lhan cig sprad pa yi// 'di dag gi ni rang bzhin mthong // 'dod chags rmongs pa'i skyes pa 'di// ri dgas bzhin du rmongs par byed// phyi nas rgud par gyur pa dang // yang ba'i sems kyis gtong bar byed// de ni nyon mongs mi bzad la// nye bar gnas tshe bud med ni/ / phan dang bkur sti dga' ba dang // rgyun rings bshes pa'ang dran mi byed// ji ltar me tog rnyis gyur na// bung bas btang ste gzhan du 'gro// de ltar nyon mongs gyur pa'i tshe// bud med rnams kyis btang nas 'gro// dug dang sbrang rtsir 'dres pa ltar// bud med thams cad ma brtags na// dga' ba rnams kyi rgyur 'gyur zhing // snying du sdug kyang brtan pa med// mi dag 'dod pa rnams kyis rmongs/ / tshig rnams kyis kyang khyad par du// skyes bu bstan po khong brtan pa// yid la de dang gcugs ma byed// 'di rnams kyis ni mi dag rmongs// khyad par du 'dod
- 253b
pas bsgyur/ / pha rol tu ni 'gro ba gang // bdag la phan par mi byed do// lha dang mi dang lha ma yin// gnod sbyin sha za lto 'phye srin// mig 'phrul lta bu'i bud med kyis// khyad par du ni slu bar byed/ / 'dod las skyes pa'i bde ba dang // phal pa yul las byung gyur pa// 'chi ba'i dus la bab pa na// tha chad lha rnams nyams par byed// 'chi ba'i zhags pas dam bcings pa// khyod ni dus su khyer 'gyur gyi/ / sa gzhi 'di dag thams cad dang // tshal dang nye tshal brgyan mi khyer// kun nas lha yi 'jig rten nas// 'chi bdag gis ni drangs pa na// bud med ci byed gnyen rnams ci// bde ba dag gis ci zhig 'gyur// de ltar dge slong des lha de'i 'chi ba mngon par mthong nas/ snying rje bar byed cing / yul rnams la yang smod par byed do// rang gis byas pa spyod pa'i lha'i bu de yang / yas kyi zhags pas gang du 'dren pa der khrid par byed do// lha bag med par gnas pa 'dod pa lnga la rnam par chags pa de dag kyang / de nas yang dga' bar byed/ dga' dgur spyod par byed de/ yul gnyis kyis kun tu drangs pa na/ ji srid du 'dod pa sdug pa/ yid du 'ong ba/ nges par myong bar 'gyur ba'i bde ba de zad par ma gyur pa de srid du/ tshal dang nags tshal thoms cad na dga' bar byed/ dga' dgur spyod par byed do// de phyis nges par bsgoms pa'i dus byed pa/ chos dang yang dag par ldan pas las nye bar 'gro ba ji lta ba bzhin sems can dmyal
- 254a
ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu bde ba dang ldan zhing / nor bzang po dang ldan pa dang / lam du 'gro ba na nang gis mi 'gro ste/ rta dang / glang po dang / dre'u bzhon pa la zhon pa dang / rgyal po 'am/ blon po chen por 'gyur ba mthong ngo / / de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams la rtog par byed de/ des thos pa las byung ba'i shes pas brtags na/ sum cu rtsa gsum pa'i lha rnams kyi gnas lus kyi mdog bzang zhing che ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa sems tshul khrims dang ldan pa gang gis tshul khrims rnam pa bdun dang 'thun pa'am/ gzhan nam/ phyogs 'ga' legs par bsrung na/ de rgyu dang 'thun par 'bras bu myong bar 'gyur la/ sems kyis bsgoms pa kho na 'am/ lbu ba dang ldan pa de srog gcod pa dang / ma byin par len pa dag ni shin tu bsrungs sdom ba skyon med pa ni blangs/ gcig tu skyes bu dam pa 'dod cing bde ba nges pa'i rgyur gyur pa/ 'jig rten 'di'i sdom pa legs pa zhes bya ba rnam pa de lta bu'i las legs par byas pa/ 'phags
- 254b
pa ma yin pa'i skyes bu dam pa ma byin par len pa nyid spong ba ni 'di la ma byin par len pa chung ngu yang len par mi byed de/ 'di lta ste/ rgya mtsho dang nye ba na 'am/ 'bab chu dang nye bar gnas pa na// / gzhan gyi sa phyogs gang yin pa dag la/ gzhan gyi rgya mtsho'i rlabs kyis bdas te 'ongs pa dang / dung ngam/ bal la ta ka 'am/ sha b+ha ri ka 'am/ de dang 'thun pa de dag kyang len par mi byed/ gzhan gyi nor rdzas kyi rnam pa gzhan dag kyang len par mi byed la/ nor rdzas kyi rnam pa rtswa yang las kyi 'bras bu la 'jigs la/ rgyal po'i chad pas 'jigs pa ma yin pa rku ba'i sems kyis len par mi byed pa yin te/ rnam pa de lta bu ni ma byin par len pa spangs pa yin no// srog gcod pa spangs pa ji lta bu yin zhe na/ 'di ni legs par byas pa'i las kyi mtha' sprad pa/ 'jig rten pha rol la 'jigs par sems pa/ las kyi 'bras bu la sems dad pa// drang po drang po'i rang bzhin can/ gzhan la mi gnod pa/ sdig pa'i grogs po spangs pa bde ba 'tshil ba de/ lcug ma'i nang du 'gro ba 'am/ 'di chu brgal ba na grib gnon gyi gdon gyis zin tam/ srog chags tan tus zin te shi la thug kyang / grib gnon gyi gdon de bsad 'dod pa'i phyir/ dug gis 'thor bar mi byed de/ 'di la gang gi tshe grib ma la dug gtor na de'i tshe rang gi grib gnon de'i grib ma de la bab pas 'chi bar 'gyur te/ de'i phyir gnod pa bya ba
- 255a
shes kyang / grib gnon gyi gdon de gsod par mi byed do// srog chags tan du la slar gnod par bya ba shes kyang gsod par mi byed de/ de la chu med par byas na 'chi bar 'gyur ba'am/ me long bstan pa 'am/ me long rtag tu bstan pas 'chi bar 'gyur te/ de phyir gnod par bya ba'i rgyu shes kyang gsod par mi byed la/ rang gi srog chad la thug kyang nyes par bya ba mi byed de/ de ltar legs par byas pa'i las kyi mtha' byed pa de lus dang bral te shi nas bde 'gro mtho ris kyi 'jig rten sum cu rtsa gsum pa'i lha rnams kyi gnas lus dang mdog bzang zhing che ba'i nang du skye bar 'gyur ro/ / der skyes nas kyang legs par byas pa'i las kyi mtha' spyad pa de/ rang gi 'od dang ni ldan/ sil snyan yan lag lnga dang ldan pa'i sgra ni 'byin/ yid shin tu bde ba dang / ni ldan/ 'dod pa thams cad ni 'byor/ de lha mo stong gis bskor te/ ri rab kyi sa gzhi la ni rgyu/ sa phyogs 'dzam bu na da'i gser gyis brgyan pa'i 'jig rten gyi khams nyams dga' ba dang ri'i zom gyi bar bar dag na dga' zhing bde ba ni myong bar byed do/ / 'dod pa'i longs spyod thams cad dang ldan pa/ dpag bsam gyi shing la bsams pas 'dod pa thams cad 'grub pa de/ yun ring du bde ba myong bar byed do// 'khor dang bcas pa yongs su spyod pa de phyi rol gyi grib ma zhes bya ba tshal der 'dong bar byed de/ 'dzam bu na da'i gser gyi shing ljon pas brgyan pa
- 255b
de bzhin du dngul gyi shing ljon pa la gser gyi 'dab ma dang / bai DUR+Ya'i 'bras bus mdzes pa yin no// phyi rol gyi grib ma'i tshal de'i phyogs gzhan du yang des res 'ga' yongs su rgyu ba na lus rin po che sna bdun gyis brgyan cing / thig le sna tshogs kyis spras pa/ rtog pa sna tshogs can de rma bya'i tshogs de dag mthong nas/ legs par lta zhing rtse ba'i phyir der 'gro bar byed do// de de dag gi nang du phyin nas/ rma bya mthong na yid 'phrog par byed pa de rnams kyi nang na dga' bar byed do// rma bya de dag gis de mthong nas sil snyan thams cad pas ches lhag pa'i sgra nyams dga' ba/ chags su rung ba/ rnam pa sna tshogs du ma 'byin to// rma bya de'i sgra rnam pa de lta bu 'byin pa de'i khyad par ni lha'i rol mo'i sgra dag bcu drug gi char yang mi phod de/ rma bya de'i sgra'i drung na lha mo de'i glu dbyangs dag bod skad 'byin pa dang mtshungs so/ / de nas lha de dag 'di snyam sems te/ bdag kyang mthu 'di lta bur gyur pas/ da ni rma bya de dag la zhon te/ gnas nas gnas dang / tshang tshing nas tshang tshing dang / ri rab kyi ri'i rtse mor lha mo'i tshogs kyis bskor ba dang lhan cig yongs su rgyu zhing de ltar rma bya'i steng du zhon nas/ re zhig 'jig rten gyi dga' ba 'di dag thams cad la blta bar bya'o snyam mo/ / las bya ba legs par byas pa de bsams ma thag tu bong skyed dang / mdog dang / stobs dang / brtson 'grus phun sum
- 256a
tshogs pa/ lus rin po che thams cad kyis brgyan pa'i rma bya ba zhon du rung bar skyed pa stod pa dag nye bar lhags so// des de dag mthong nas de la zhon pa dang / rma bya yang des zhon par rig nas/ nam mkha'i dkyil na rgyu bar byed do// de ltar lha de dag kun gyis kyang so sor zhon nas/ de'i ri rab kyi ri'i rtse mo nas ri'i rtse mo dang / pad+ma'i tshal nas pad+ma'i tshal dang / tshal nas tshal te ri rab kyi sa phyogs de dag thams cad du de skye bo dang lhan cig mthong na dga' ba rnams la lta bar byed do// de nas de ltar de yongs su rgyu ba na/ res 'ga' 'jig rten skyong ba dag 'dzam bu gling gi bya ba chos ma yin pa dag sbran pa'i phyir/ rgyal chen bzhi pa 'am/ sum cu rtsa gsum du gcig nas gcig tu sbron par byed do// de nas lha de dang 'jig rten skyong ba de dag nam mkha' la glo bur du 'ongs te phrad pa dang / lha des de dag la smras pa/ khyed gang nas 'ongs/ de dag gis/ lha de la 'di skad ces smras so// bdag cag ni chos dang chos ma yin pa sbran pa'i phyir 'dzam bu gling legs par byas pa'i las kyi gzhi shin tu nyams dga' ba chu bo dang / 'bab chu dang / lteng ka dang / nye ba'i tshal dang / kun dga'i ra ba mang po phun sum tshogs pa nas mchis so/ / de nas lha'i bu des 'jig rten skyong ba de dag las thos nas ngo mtshar skyes te/ mthu chen po dang ldan pa/ rma bya mthu chen po la yang zhon pa/ 'gro ba thams cad du stobs
- 256b
thogs pa med pa'i lha ngo mtshar skyes pa de/ 'dzam bu gling ga la ba der 'bab par byed de/ nyi ma gnyis pa ltar gsal zhing lha'i 'phreng ba dang / gos gyon pa de 'dzam bu gling gi tshal dang / nye ba'i tshal dang / chu bo dang / lteng ka dang / pad+ma'i tshal dang / shing ljon pa dang / grong dang / grong khyer dang / tshong dus dang ldan pa 'di thams cad la de ltad mo lta bar byed do// de nas bram ze de dag gis de rnams mthong nas rtog par byed de/ 'di ltar bya khyung la zhon pa 'di ni gtogs 'dod yin no// gzhan dag kyang rtog par byed de/ 'di ltar rma bya la zhon pa 'di ni gzhon nu yin te/ 'jig rten dang bram ze dag srung bar byed do// gzhan mu stegs pa dag kyang rtog par byed de/ 'di ltar khyu mchog la zhon pa 'di ni dbang phyug chen po lha dang bcas pa yin te/ 'jig rten skyed par byed/ srung bar byed/ 'dzin par byed/ skyed par byed cing 'jig par yang byed do// de nas yang 'jig rten rnams skyed pa dang / gnas pa dang / 'byin par byed pa yin no zhes rtog ste/ de ltar lha de rnams la bram ze dag rnam pa du mar yongs su rtog par byed la/ stod ra dag byed/ bstan bcos dag byed/ de kho na nyid ma yin pa la de kho na nyid ltar lta/ tshig bkyab pa smra ba yid shin tu rnam par rmod pa de dag gzhan dag la yang log pa nyid kyis sbyor bar byed do// lha'i bu de rnams kyis ltad mo bltas nas/ de nas yang rang gi gnas
- 257a
de nyid du slar dong ngo / / de ltar lta bar gyur pa'i byis pa rnams de kho na ma yin pa la de kho na ltar lta'o// lha de rnams la lta ba de yang 'jig pa'i dus su 'byung ba'am/ res 'ga' cha gnyis ldan pa'am/ gsum ldan gyi dus na 'byung ste/ lha de rnams la lta ba ni lta ba ngan pa dang mtshungs so// de ltar bdag nyid rab tu rtog par byed la// bdag nyid kyis rab tu brtags nas gzhan dag la yang sgrog par byed de/ 'di dag ni bram ze rnams kyi lta bar gyur pa yin no// de nas lha de rnams slar 'ongs nas lha gzhan de dag la/ kye ma grogs po dag 'di ltar bdag cag sa'i steng du babs te/ sa phyogs shin tu rnam par phye ba nyams dga' ba de dag bdag gis mthong ngo zhes smras so// de skad thos nas/ lha gzhan dag kyang bzhon pa sna tshogs la zhon te rgyan dang / cha byad sna tshogs/ btags nas/ 'dzam bu gling ga la ba der 'bab par byed de/ kha cig ni glang po che la zhon/ kha cig ni ma he la zhon/ kha cig ni rma bya la zhon/ kha cig ni bzhon pa med per nam mkha' la 'dug ste/ de rnams kyis sa phyogs nyams dga' ba thams cad la lta bar byed do// de dag bltas nas sa phyogs nyams dga' ba lteng ka dang / nye ba'i tshal dang / ne'u gsing ga la yod pa der 'bab par byed do/ / tshal gyi phyogs de dag gi nang na bram ze kha cig dka' thub drag po spyod pa yod de/ de ltar thos pa ngan pa dang mtshungs shing thos pa ngan pa dang 'brel pa dag gang gi tshe/ phan tshun grog
- 257b
dang bcas pa de dag phyogs de la lta ba de'i tshe/ tshal gyi nang na spyod pa'i bram ze de dag gis lha de rnams mngon sum du mthong nas/ gzhan dag la sgrog par byed do// gangs phyogs 'dir skyes pa de na rang dga' kun tu btags pa zhes bya ba yin la/ sngon thos pa dang 'brel bas rjod par byed do// 'di ltar 'di ni bram ze'o// 'di ni gtogs 'dod do// 'di ni dbang phyug chen po'o// 'di ni gzhon nu zhes de ltar so sor rtog par byed do/ / sa phyogs 'di ni lha chen po'i gnas yin no// 'di ni gtogs 'dod kyi'o// 'di ni gzhon nu'i 'o// 'di ni tshangs pa'i yin no zhes de ltar rab tu brtags nas gtan tshigs dang / nye bar sbyor ba dang / mjug bsdu ba lta ba ngan pa dang 'brel pa'i bstan bcos dag kyang byed do// de nyid la de dag gis gzhan dang gzhan dag kyang 'jog par byed de/ de ltar de bdag nyid kyis lta ba ngan pa mngon par brtags nas/ gzhan dag la sgrog par byed la/ de dag kyang gzhan la sgrogs/ de dag kyang yang gzhan la sgrog par byed de/ de ltar rim pa de dag gis lta bar gyur pa yin no/ / gang gi tshe lha de rnams mtho ris kyi dga' ba dang mthun par mtsho dang nye bar 'khod dam/ de bzhin du mtsho'i nang du zhugs pa de la tshal gyi nang na spyod pa/ rang dgar goms bde dag gzhan la sgrog par byed de/ 'di ltar mtsho 'di ni tshangs pa'i yin no// 'di ni skal ldan sred med kyi bu'i yin no// 'di ni dbang phyug chen po'i yin no// 'di ni gzhon nu'i yin no zhes
- 258a
de lta ba ngan pa'i dbang du gyur pa'i sems kyis gtan tshigs dang / dpe dang / nye bar sbyor ba dang / mjug bsdu ba dang ldan pa'i bstan bcos dag byed la/ de ltar gzhan dadag la bstan bcos rab tu grags par 'gyur te/ de ltar gzhan dang gzhan du lta bar gyur pa yin no// de nas yang rnam pa gzhan gyis rab tu rtog par byed de/ de kho na nyid khong du chud par ni mi 'gyur ro// tshal gyi nang na spyod pa de dag gis lha de rnams gsal bar mi mthong ste/ byad gzugs ma nor bar shes par mi 'gyur ro// de nas kyang lha de rnams me ltar gzi brjid 'bar zhing yul nas yul du 'dong bar byed/ tshal nas tshal du 'dong bar byed pa dang / tshal gyi nang na spyod pa'i bram ze gang yin pa de dag gzhan du rtog par byed de/ 'di ltar bdag nyid me'i nang du mngon par bcug pa de dag ni// rgyu de dang rkyen des lus dang bral nas bde 'gro mtho ris kyi 'jig rten lha rnams kyi nang du skye bar 'gyur ro zhes/ de ltar gzhan du brtags nas/ lta ba'i rnam pa skyed par byed la/ gtan tshigs dang dpa dang / nye bar sbyor ba dang / mjug bsdu ba ngan pa dang 'brel ba'i bstan bcos dag kyang byed do// de nas gzhan dag gis bstan bcos de dag zos nas/ bdag nyid me'i nang du 'jug par byed de/ de ltar yang dag pa ma yin pa'i lta bar gyur to// de rnams ni las kyi 'bras bu spong bar byed pa yin te/ de spangs pas ngan 'gro log par ltung ba sems can dmyal bar 'gyur ro// de nas
- 258b
yang gzhan yang yang dag pa ma yin pa'i lta ba'i rnam pa bsgrub pa ni/ tshal gyi nang na spyod pa'i bram ze dag gis lha de rnams rgyang ring po zhig na lta bamigs labs mthong ste/ 'di ltar ri'i rtse mo ma tog dang / lteng ka phun sum tshogs pa gang yin pa de dag la lha 'dzegs nas/ gzi brjid 'bar zhing nam mkha' la 'gro ba dang / de nas tshal gyi nang na spyod pa'i bram ze dag gis mthong nas/ rang dgar rtog par byed de/ 'di ltar mir gyur pa 'di rnams kyis ri las g.yang du ltung bar byas na/ rgyu de dang rkyen des bde 'gro mtho ris kyi 'jig rten lha rnams kyi nang du skye bar 'gyur bas/ bdag cag kyang ri rtse nas thar par bya'o zhes/ de ltar gzhan dag la yang ston par byed la/ bstan bcos ngan pa dag kyang byed cing / las kyi 'bras bu la yang skur pa 'debs so// las kyi 'bras bu la skur pa 'debs pa bdag dang gzhan log par lta ba rnams ni lus dang bral nas ngan 'gro log par ltung ba sems can dmyal ba'i nang du skye bar 'gyur te/ de ltar yang lta ba'i rnam pa gzhan yin no/ / de nas yang tshal gyi nang na spyod pa'i bram ze de dag gis lha de rnams gzhan du mthong nas/ rang dgar gzhan du rtog par byed de/ 'di lta ste/ lha rnams ha cang yang mi nye/ ha cang yang mi ring ba zhig na 'khod pa de rnams kyi dpyad gzugs cung zad cig shes pa dang / de bzhin du mthong nas gzugs de rnams gzhan nyid du rtog par byed de/ 'di ltar lha rnams kyi nang zhal ni me yin pas/
- 259a
de ltar rnam pa gzhan gyis me'i nang du sbyin sreg byed pa gang yin pa de ni lus dang bral nas bde 'gro mtho ris kyi 'jig rten lha rnams kyi nang du skye bar 'gyur ro zhes de ltar de kho na nyid ma mthong ba rnams ni/ gtan tshigs dang / dpe ngan pa dang sbyar ba'i bstan bcos dag kyang byed do// de ltar gtan tshigs dang / dpe ngan pa dang sbyar ba'i lta ba'i rnam pa gzhan yang byed la/ pha rol dag kyang de nyid la 'dzin du 'jug par byed de/ bdag la phan pa dang / gzhan la phan par zhugs pa ma yin pa de lus dang bral nas ngan 'gro log par ltung ba sems can dmyal ba'i nang du skye bar 'gyur ro// de nas yang tshal gyi nang na spyod pa'i bram ze gzhan dag gis lha de rnams mthong nas/ gzugs sam spyod pa ni shes la/ de dag gis de rnams zas za ba ma mthong / sbyin pa byed pa ma mthong ba dang / 'di snyam sems te/ 'di ltar lha 'di rnams zas mi za/ skom mi 'thung ba las na/ gor ma chag par bdag cag gis kyang zas ma zos pa dang / de lus dang bral nas bde 'gro mtho ris kyi 'jig rten lha rnams kyi nang du skye bar 'gyur ro snyam nas/ de dag las kyi 'bras bu la skur pa 'debs shing / 'di ltar zas ma zos pa 'am/ zas zhim po ma zos pas mtho ris thob par 'gyur ro zhes bstan bcos ngan pa dag kyang byed la/ de dag kyang gtan tshigs dang / dpe ngan pa ston pa'i tshig rnams kyis de nyid du 'jug par byed de/ de ltar bdag dang gzhan log par lta ba
- 259b
las kyi 'bras bu la skur pa 'debs pa ni/ lus dang bral nas ngan 'gro log par ltung ba sems can dmyal ba'i nang du skye bar 'gyur ro// de ltar de kho na nyid ma mthong ba ni/ ngan 'gro thams cad kyi sgor gyur pa yin no/ / lha de rnams kyi skad cig tsam mam/ zang cig tsam mam/ de tsam gang yin pa de la mi rnams kyi lor ba grangs na yun ring ste/ de la bram ze de dag 'di ltar lha 'di dag ni rtag pa/ brtan pa/ ther zug pa/ mi 'gyur ba'i chos can yin la/ de dag 'jig rten skyed par yang byed la/ 'jig par byed pa yang yin no zhes/ de ltar bstan bcos byed cing / gzhan dag kyang de nyid la 'dzin du 'jug par byed pa/ rgyu dang 'bras bu la skur pa 'debs pa de ni/ lus dang bral nas ngan 'gro log par ltung ba sems can dmyal ba'i nang du skye bar 'gyur ro// de lta sems kyi dgras yongs su bslus pa'i sems can rnams rnam pa du mar de kho na nyid la mi lta ba/ de kho na nyid ma mthong ba ni lta bar gyur pa'i bstan bcos dag byed do// de nas de ltar de kho na nyid ma yin pas sems yongs su bslus pa'i sems can rnams dge slong des mngon par mthong nas/ tshigs su bcad de smras pa// sems kyi sbrul ni mi bzang dang // sred pa'i dug dang rnam 'dres pa// mgo lnga pa yis zin pa dag/ doni med ci zhig yongs su gdung // sed pa'i chu bo chen po 'di// mu lnga las ni kun tu byung // de yi tshu rol 'gram dag ni// dogs dang bcas la pha rol zhing // ma mthong bar ni shi yang bla/
- 260a
lta ba ngan pa ga la rung // lta ba ngan pas rmongs pa yi// mi rnams sems can dmyal bar 'gro// log par smras pas bslus pa yi// mi rnams log par lta dang ldan// rgyu ma yin la rgyu ltar lta/ / mi bzang sems can dmyal bar 'gro// rgyu 'bras dag la rmongs gyur cing // de nyid lha la rnam rmongs pa// sems can sdug bsngal skal ba can// sred pa'i btson rar shin tu chags/ / las dang 'bras bu rnam smin dang // de bzhin skye dang 'chi ba dang // 'gro ba'i de nyid mthong ba ni// mi de pha rol 'gro ba yin// byis pa 'dod pa 'chol byed pa// phyi phyir 'dod pa rnams kyis rmongs/ / phye ma leb ltar rmongs pa de// sems can dmyal ba'i me yis bsreg/ dka' thub ngan pa mi spyod cing // tshul khrims spyod la brten nas su// yang dag lta ba lhur len rnams// mi yul nas ni lha yul 'gro// khyed cag dka' thub ngan pas gdungs// log par lta ba lhur len rnams// shes pas lhag pa'i nga rgyal rmongs// skye bo gzhan yang rmongs par byed// gti/ mug mun rum 'thabs po yi// chu bo chen por 'jug byed pa// skye bo 'di dag rgyur gyur te// 'jig rten rang bzhin sdug bsngal lo// lus kyi dka' thub mi bzad ces// mkhas pa rnams ni de skad gsung / / sems kyi dka' thub nyid kyis ni// nyon mongs ri kun sreg par byed// yang dag ye shes sngon 'dren pa// nyon mongs zad las rnam thar 'di// skyes bu de nyid mthong ba'o// mgon dang
- 260b
bral bas 'thob par 'gyur/ / blo gros gzhan dang gzhan rnams kyis// 'jig rten 'di kun rnam par bslus// gang na log par smra ba dag/ mchog tu zhi bar 'gro mi 'gyur// 'jig rten pa la// log pa'i tshig/ shin tu mang por rab tu grags// 'jig rten 'das pa'i bskal pa brgyar// nams kyang grags par mi 'gyur ro// de bas 'jig rten 'das tshig gzung // 'jig rten pa dag ga la zhig/ 'jig rten pa yi tshig dag ni// dug 'dra 'khor bar 'chi bar mthong // sred la mi dga' rtag bde ba// nges par bsod nams byed pa po// 'jig rten 'das tshig dge ba zhes// mkhas pa rnams ni yang dag gsungs// lta ba dang ni gtan tshogs ngan pas bsgyur// gsob dang gsog dang sdig pa 'dres pa yi// tshag gis kun nas bslus pa'i mi rnams ni// mun gnag chen po ngan song rnams su ltung / / de ltar dge slong des de kho na nyid mthong bar 'gyur ba'i sems can rnams la de kho na nyid bstan par bya ba'i phyir tshigs su bcad de smras pa/ sems can 'di kun de nyid khong ma chud// don med dpe dang gtan tshigs ngan pa yis// gzhan yang rmongs par byed la bdag nyid kyang // dmyal bar ltung byed gzhan yang byed du 'jug/ lha de rnams kyis mi'i 'jig rten 'di thams cad rig nas bzhon pa de rnams dang lhan cig tu sum cu rtsa gsum pa rnams kyi rang gi gnas ga la ba der dong ste/ lnga gzhan rnams la yang sa ma bzhi nga bsang ngo // sil san rnam pa sa tshogs sgra 'byin pa'i tshal dang /
- 261a
nye ba'i tshal lha'i yon tan phun sum tshogs pa/ rin po che thams cad 'bar ba'i 'od kyis brgyan pa rnams na/ ji srid du 'dod pa sdug pa yid du 'ong ba byas shing bsags pa/ bde ba nges par 'grub pa'i las de zad par ma gyur pa de srid du dga' bar byed/ dga' dgur spyod par byed do// de zad nas lha'i ris de nas 'chi bar 'gyur te/ shi nas kyang las nye bar 'gro ba ji lta/ ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu bde ba dang ldan zhing shin tu nad med pa dang ldan pa dang / gnod pa thams cad dang bral ba dang / yul dang ljongs shin tu lo legs pa rnams su skye la/ der skyes nas kyang byad gzugs bzang por 'gyur te/ shin tu byad gzugs bzang po dang ldan pa dang / skye bo thams cad yang dag par dga' ba dang / dbang po tshang ba dang / nor rdzas dam pa dang ldan te/ rgyal po 'am/ blon po chen por 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas nor bu 'phyang ba zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na//
- 261b
blo rgya che zhing tshul khrims dang ldan par gyur la/ legs par byas pa'i las kyi mtha' sprad pa/ rtag tu las dang 'bras bu'i de kho na nyid la lta ba/ sems dam pa dang ldan pa/ yang dang yang du las dang 'bras bu la dad par gyur pa/ gang gis dge ba'i las byas la mi dge ba spangs pa/ drang po drang po'i rang bzhin can/ sdig pa'i grogs po dang mi sten cing / de dag dang lhan cig dga' bar yang mi byed la/ lam du 'grogs pa na tshig kyang smra bar mi byed/ mig zur gyis kyang lta bar mi byed de/ de ltar kun nas dge ba'i las kyi mtha' spyod pa/ gser sbyangs pa dang mtshungs pa de legs par bya ba byas pa des tshe 'di/ kha gzhan yang dga' bar 'gyur ro// legs par bya ba byas pa ji lta bu zhig/ rnam pa ni du zhe na/ 'di ni mdo sde dang / 'dul ba dang / chos mngon pa kha ton slob pa la zhugs pa'i dge slong nyin mtshan du shin tu brtson pa gang dag mar me med pa'i gzhis sangs rgyas kyi gsung rab slob ma nus pa de/ mar me med nas kha ton slob pa btang ste 'dug pa la/ sangs rgyas kyi gsung rab la gus shing dge slong de rnam pa yang sems dad pas bsgoms pa'i snying dang ldan pa/ chos dang dge 'dun la gus pa/ dkon mchog gsum la dang ba skyes pa de/ dge 'dun zhing chen po de la mar me dag 'bul bar byed la/ gzhan yang dge ba nyis 'gyur du byed du 'jug pa dang / de ltar dge slong de rnams brtson 'grus bya ba'i don du yul sa tsha bar zhugs pa rnams la bsil yab sbyin par byed do// des dge slong rnams dge ba'i phyogs byed de/
- 262a
/ cha babasal pa dang / mar me byin pas de dag mun pa'i mi bde ba dang bral zhing cha ba'i gnod pa dang bral te/ kun nas shin tu bde ba dang ldan la/ bab sor yod pa// tshangs par spyod pa de/ thams cad mkhyen pa'i bka' bde bar slob par byed/ sems par byed la/ thams cad mkhyen pa'i bka' dri ba dang / lan blan pa la phan tshun kha ton slob par byed de/ mar me'i yon tan de dang / bsil yab kyi rung bsil ba des/ dge slong rnams mun pa'i mi bde ba dang bral zhing tsha ba'i gnod pa dang bral te/ sprin bdag de'i mthus bde blag tu kha ton slob par byed de/ yang dag par sems par byed/ yid shin tu brtson par gyur na/ de ltar bdag dang gzhan la phan par zhugs pa'i skyes bu dge ba dang / tshul khrims dang ldan par gyur pa de lus dang bral nas shi ba'i 'og tu bde 'gro mtho rasi kyi 'jig rten nor bu 'phyang ba'i lha rnams kyi nang du skye bar 'gyur ro/ / der skyes nas kyang legs par byas pa'i las kyi mtha' mngon sum du shin tu bde ba rgyu legs par byas pa'i las kyi 'bras bu'i skab pa la ni spyod/ ji ltar nyi ma rang las 'od 'byung ba de bas bcu 'gyur gyis lhag pa'i 'od kyi 'phreng ba ni 'byung / lha'i tshogs thams cad kyis shin tu bkur ba na/ lha mo du ma 'bum snyed rim gro bya ba'i phyir ni 'ong/ lha mo gus pa skyes pa de rnams ji ltar sngon nas shes pa ltar yid gcugs par gyur cing / bzhin 'dzum la rgyan thams cad kyis klubs pas gang ba rnams ni/ byad gzugs dang /
- 262b
byad dang / rgyan lhag par bzang ba dang / gzugs bzang ba dang / dbyibs legs pa dang / lus legs pa yin la/ phan tshun 'thab mo dang / phrag dog dang / 'jigs pa'i ngo bo ni med/ gcig la gcig yid gcugs pa ni skyes/ gnod pa med pa'i snying dang ldan pa rnams phan tshun 'bral bar dga' ba skad cig tsam yang med de/ skad cig kyang nyams pa med do// yon tan de lta bu dang ldan pa kun yid rab tu dga' bar gyur nas/ thams cad kyis kyang pad+ma dag blangs te/ lha de'i drung du 'gro bar byed do// kha cig ni gser gyi pad+ma blangs/ kha cig ni dngul gyi pad+ma/ kha cig ni bai DUR+Ya gi pad+ma/ kha cig gis shel gyi pad+ma/ kha cig gis rin po che dang 'dres pa dag blangs te/ 'di ltar gang gi khag na dngul gyi pad+ma yod pa de'i pad+ma'i sdong bu ni gser/ ze ba ni pad+ma rA ga'i mdog yin no/ / gang gi pad+ma bai DUR+Ya'i pad+ma yin na/ de'i sdong bu ni ga ser yin no// gang gi pad+ma gser yin na/ de'i me tog an+da rIl yin no// gang gi pad+ma smag yin na/ de'i sdong bu an+da rnyil yin/ no// gang gi lag na pad+ma dmar po thogs na/ de'i ze ba ni rdo rje'i mdog lta bu yin te/ de ltar lha mo de rnams lha de'i drung du 'dong bar byed do// dong nas kyang yid gcugs pa de la kun nas pad+ma char ltar 'bebs te/ ji ltar dbyar gyi dus rnams su sprin gyi rgyal po dag las char gyi rgyan mngon par 'bab pa de ltar la de la la mo de rnams kyis pad+ma'i char 'bebs par byed do// lha de skyes
- 263a
ma thag tu dang por lha mo de rnams mthong nas/ lha rnams kyi ngo bo nyid kyis snying g.yo bar byed na/ yid shin tu dga' bar gyur pa lta smos kyang ci dgos/ de skyes ma thag tu dang po de rnams mthong nas 'dod chags kyis 'phangs pa'i yid dang / ngo mtshar du gyur pa'i snying rab tu dga' ba dang / yan lag dang nying lag thams cad kyang dga' bar gyur nas/ mod nyid la stan de nas lha mo de rnams ga la ba der rgyug par byed do/ / 'dod chags skyes pa de dag phan tshun 'dres par gyur nas de nas yang lha mo de rnams dang / lha de yang dang yang du dga' ba nyid lhag par bskyed par bya// ba'i phyir/ shin tu bro gar byed/ dgod par byed/ glu len par byed do// de nas lha de lha mo rnams kyis yongs su bskor nas tshal dang nye bar tshal rin po che sna tshogs 'bar ba/ 'dod pa'i yon tan thams cad dang ldan pa shing ljon pa rnams dang / shing ljon pa'i drung rnams dang ldan pa/ bya sna tshogs 'dres shing sgra 'byin pa/ thos na snyan pa/ me tog dang / 'bras bu'i phyogs ji ltar 'dod pa bzhin 'gru ba pa/ chu bo dang / 'bab chu dang / lteng ka rnam pa sna tshogs 'bum snyed kyis gang ba'i tshal dang / nye ba'i tshal de rnams su lha de lha mo de rnams dang lhan cig gnas par bya ba'i phyir 'dong bar byed do/ / rang gis byas pa'i las mngon sum du gyur pa des/ bde ba dpe med pa rnam pa du ma dag myong ngo // de nas de de rnams yongs su bskor nas/ sol snyan yan lag lnga dang
- 263b
ldan pas rtse zhing 'dod pa thams cad bsams na 'grub pa/ las kyi mtha' rgya chen po byed pa'i lha de/ 'phags pa'i tshul khrims de la bstan pa'i 'bras bu la spyod par byed do// de nas de ltar lha de de rnams kyis yongs su bskor nas/ lha de rnams dang nor bu 'phyang ba'i tshal ga la ba der 'dong bar byed do// lha gzhan rnams kyis de dag mthong nas/ yid rab tu dga' bo gus pa dang bcas pa/ lha dang lha mo'i tshogs kyis yongs su bskor ba rnams lha gsar du byung ba de ga la ba der 'dong par byed de/ gus pa dang bcas pa'i yid kyis de la gnyen ltar sems shing / thams cad yid rab tu dga' bas lha de'i drung du 'dong ngo / / lha gsar du byung ba de yang yid dga' ba skyes nas/ lha de rnams 'ong ba ga la ba der 'gro bar byed do// de nas yang lha de rnams dang / lha gsar du byung ba de dang / nor bu 'phyang ba'i tshal 'dod pa lnga 'grub pa de na dga' bar byed/ dga' dgur spyod par byed cing / dga' ba dang 'thun pa'i sil snyan yan lag lnga dang ldan pa/ thos na shin tu yid du 'ong la/ de bzhin rnar snyan pa dag gis lha de rnams la dga' bar byed/ rtse bar byed/ dga' dgur spyod par byed do// de nas yang lha rnams nor bu 'phyang ba'i tshal na/ lha mo sgeg mo rab tu dga' ba rnam pa du ma rol mo'i sgra 'byin cing / shin tu nyams dga' bar byed pa'i nang na lha rnams blta bas bde ba myong bar byed de/ 'di la se/ tshal gyi nang gi sa gzhi rin po che sa bdun gyis brgyan pa/ kun nas kha dog dang / mdog gser
- 264a
gyi gos bgos pa ltar mdzes pa yin te/ de ltar dga' bar byed pa'i shing ljon pa skyes pa rnams/ phan tshun 'gran pa ltar me tog rab tu rgyas pa/ rin po che sna tshogs kyi shing lda ba rnams kyis brgyan pa/ tshal dang nye ba'i tshal gyi sa gzhi mtho dman ran pa/ bza' ba'i tshogs dang / btung ba'i tshogs mang pos gang ba/ kun nas bstan sdug cing nyams dga' la lhag par mdzes pa yin no/ / de nas yang lha de lha mo de rnams dang lhan cig sil snyan sna tshogs dang bcas pas dga' bar byed/ dga' dgur spyod par byed la/ shin tu bde ba dang ldan pa dag 'phyang ba'i tshal la sten par byed do/ / lha dang lha mo'i tshigs kyis yongs su bskor ba de bai DUR+Ya'i rdo leb ces bya ba'i sa phyogs de la yang sten par byed de/ des sa phyogs de na nor bu las byas pa'i gos kyi ngo bo nyid shing ljon pa rnam las 'phyang ba mthong ste/ nyi ma shar ba lta bur gzi brjid dang ldan pa/ skye bo thams cad kyis mthong na bde ba yin la/ rlung gis spyod na mtho dman du 'phar ba yin no// // dam pa'i chos dran pa nye bar gzhag pa bam po bzhi bcu pa/ byang ba 'bum snyed kyis kyang khyab pa yin la/ bung ba kha dog mdzes pa rnam pa sna tshogs dag gis brgyan pa/ kun nas shing ljon pa 'bum snyed 'od 'bar ba ltar gsal ba yin no/ / lha de rnams kyis shing ljon pa de dag mthong nas/ ngo mtshar cher skyes pa'i mig phye ste/ shing ljon pa de dag rlung gis skyod pa'i lo ma 'phyang ba kun nas mdzes pa ga la ba der lha mo'i tshig
- 264b
thams cad dang lhan cig 'dong bar byed do/ / de dag kun nas rgya che ba de rnams kyi nang na/ sil swa da yan lag lnga dang ldan pas dka' bar byed/ rtse bar byed/ dga' dgur spyod par byed do// de nas tshal 'phyang ba'i nang de na sems ngo mtshar du dga' ba'i lha de rnams lcang lo 'phrugs pa de dag rtse ba'i don du spang bar byed de/ / spungs pa dag la rtse ba na/ lcang lo 'phrags pa la lta bas chog nas de dag 'di snyam du sems te/ da ni ltung lo 'phags pa dag las rgun chad yon tan thams cad dang ldan pa 'byung bar gyur rig snyam du sems bskyed mo zag nyid du/ lcang lo 'phags pa de dag las lha de rnams kyis rgun chang 'byung ngo // de dag kyang lha de rnams kyis sngon ma mthong ba yin te/ sngon ma byung ba'i btung ba mdog dang / dri dang / ro dang / reg pa byung bar gyur pa dag la/ de rnams ngo mtshar cher skyes shing / mig dang bzhin 'dzum la/ yid brgya 'gyur du rab tu dga' ba skyes so/ / rgun chang ngo mtshar che ba mdog dang / dri dang / ro phun sum tshogs pa// shing lo 'phrags pa rnams las byung ba de dag 'thungs nas/ bdag cag bcu 'gyur du rab tu dga' bar bya'o snyam mo/ / de nas lha de rnams bai DU dwa'i snod thogs te/ rgun chad de dag bcus nas chang 'di ci bder gsol cag ces phan tshun 'drim par byed do// de ltar de rnams 'thung ba ni gang gis ji srid du sbyin pa byin nam/ tshul khrims bsrangs pa de ni de srid du chad de mdog dang / dri dang / ro dang ldan pa'i yon tan khyad par che bar 'byung ngo // de nas chang de lhag par zham par rig nas/ de na lha sbyin
- 265a
pa dang / tshul khrims chung ngu dang ldan pa gang yin pa de'i chang de dag mi zhim par shes nas shin tu ngo tsha ba skyes so// shin tu ngo tsha bar rig nas/ bya lo ma dang chu chang gi nang na smra pa zhes bya ba gang shing ljon pa de rnams kyi lo ma'i nang du song ste/ rgun chad rtag tu 'thung ba dag gis 'di ltar tshigs su bcad de smras pa/ chang 'thung rgyags pas myos pa yi// sems can gti mug dbod 'gyur rnams/ / gti mug zhags pas mngon sum du// srid pa'i ros ni 'thung bar byed// gti mug zhags pa chang yin te// 'thungs nas gshin rjes skul bar byed/ mthong se nas ni dmya bar ltung / / de bas chang la ma re gcig/ mthong dang reg pa bsnams pa las// chang gis mi ni rmongs par byed// de bas kun tu zhags pa yin// de ni ring bar yongs su spongs// mthong ba las ni chags pa skye/ / reg pa las ni dri 'byung la// dri las rol chags pa 'byung // ro rnams kyis ni tha mar 'gro// ji ltar chang la nges bstan na// de ltar ming dang gzugs 'di @ nad na tha ma ni/ / chang zhes mkhas pa rnams gsung ngo // ngag dang mig dang 'gro ba nyid// tshabs po cher ni la zul byed la// blo bral rmongs pa 'khrul pa ni// ci yang sgrub par mi byang // sa la ltung ba'i mi de la/ / bud med rnams kyang 'phya bar byed// 'gul ba med pa shing skam 'dra// g.yo ba med pa sa la lhung // chang 'thung ba la goms pa ni// 'chi bar 'gyur zhes grags par bye/
- 265b
ha la ha la'i dug pas lhag/ 'cha zhags pas kyang da lhag ga/ chang 'thung ba la rtag tu na// nyes dmigs sum cu rtsa drug yang // dbas has dmigs shes pa gang // de yis rang ni rnam par spongs/ rigs btsun mkhas pa dag la ni// dri ma chen por byed pa yin// skye bo ka sa'i me tog ltar// yang ba kho nar byed pa yin// de ltar bya de dag dud 'gror gyur gyis kyang / lha de dag la smod par byed na lha gzhan dag lta smos kyang ci dgos/ de nas las legs par byas pa'i sa bon gyis ji lta ba bzhin du gyur pa'i lha rnams sbrang ci'i chang mdog dang / dri dang / re phun sum tshogs pa/ tha ma dang 'bring dang / khyad zhugs pa de dag 'thungs nas/ tshal rgyun gyi gnas zhes bya ba ga la ba der gnas par bya ba'i don du 'dong bar byed la/ rna gung du sil snyan gyi sgras ldir cing / yid rab tu dga' la/ me tog ut+pa la sngon po'i 'phreng ba brgyus pas mdzes pa dag dong ngo // rgyun gyi gnas de nas kyang lha dang lha mo'i tshogs kyis gang ba rab tu dga' la/ phan tshun shan tu mgu bar gnas pa/ lus gser gyi 'od kyis brgyan pa rnams sprin gyi tshal der myur bar dong ngo / / dong nas sprin gyi tshal du dong ba'i lha dga' ba la gnas pa/ bag med pa de rnams la bskul bar bya ba'i phyir/ brgya byir glang po ches srungs kyi bu rnam par rgyal byed kyi rgyan 'bum snyed kyis brgyan pa la zhon nas/ lha dang lha mo'i tshogs rab tu dga' bas gang ba dang / sprin gyi tshal zhes bya ba der dong ngo // de nas lha de rnams kyis pa'i
- 266a
brgya byin mthong nas/ sems gus pa dang bcas shing / zor tsugs me tog 'phreng ba dang / rgyan 'greng ba thogs pa thams cad kyis brgya byin la bstad cing / sil snyan sna kyi sgra dang / dbyangs nye bar 'byin la/ brgya byin gyi mdun du bro gar dang / tshul sdug gus 'gro bar byed do// lha'i rgyal po brgya byin yang de bzhin du/ glang po ches srungs kyi bu la zhor bzhi rang lnga re rnams tshig snyan pa rnams kyis mngon par dga' bar byed do/ / de nas brgya byin lha de rnams kyi nang na cung zad cig dga' bar gnas/ rtse bar byas nas/ lha de rnams la 'di mang ches su ltar legs par byas pa'i las kyi mtha' spyad pa'i lha khyed rnams nga lha ma yin rgyags shing khro bar gyur pa rgyags pa dang bral bar bya ba'i phyir/ dga' ba'i tshal du 'gro ba'i du dga' bar bya shig/ de nas brgya byin gyi tshig de skad thos nas/ lha rnams kyis smras pa/ 'di ltar lha bdag cag kyang / lha ma yin de rgyags pa dang bral bar bgyi ba'i slad du mchi'o// de nas brgya byin gyis lha renams zag par byed do// don 'dir 'ba' zhig gis nus kyis/ khyed spro bar ma byed cig/ de nas lha de rnams bzlog nas/ lha'i rgyal po brgya byin de dga' ba'i tshal gal ba dang / rang gi kun dga' ra bag pa 'der song ba dang / gang na nyal mal bcas pa'i zhal ma mden/ lha ma yin sprin gyi phung po lta bur 'phel bzhugs pa dag la/ lha mang pos smyo bar byed de/ ji lta ji ltar sos pa re lnga de ltar 'phel bde ltar
- 266b
de 'phel bar gyur pa mthong nas/ lha mi bzod par gyur pa de rnams yang spro bar byed do// de nas yang lA ma yin rgyags shing khro bar gyur pa rab tu 'phel cing / mngon par 'phel la/ de ltar bzod pa med pa'i gzugs mthong nas/ brgya byin gyis smras pa/ 'di ltar khro bas mngon par 'phel ba 'di la ni gang gi de'i rgyags pa bsal ba'i gnyen po bya dgos so snyam nas/ de nas de'i tshe brgya byin gyis/ 'di ltar tshigs su bcad de smras pa/ khro bas nyams pa'i khro ba ni// bzod pas khro ba nyid las rgyal// chos min chos kyis nges par rgyal// mun pa 'od kyis rnam par rgyal// bden pa rnams kyis rdzun tsha gi bcom/ / phra ma ting nge 'dzin gyis bcom// tshig rtsub mnyen pa rnams kyis rgyal// sdang ba mnyen pa nyid kyis rgyal// srog gcod byams pa rnams kyis rgyal// rku sems rtag tu sbyin pas rgyal// tshul bzhin yid la mi byed pa// tshul bzhin gyis ni rtag tu rgyal// ma rig pa ni rig pas rgyal// de bzhin mun pa snang bas so// mun pa'i phyogs kyis de nyid ni// snang ba'i phyogs kyis rgyal bar 'gyur// log pa'i 'dod pa mi gtsang ba/ dpyod cing rig pas rnam par rgyal// lam na zhugs pa 'phags pa'i lam// yan lag brgyad pas rtag tu rgyal// sngar ma 'di ni mi 'jigs pa// bzhi rnams kho nas rgyal ba yin/ / brjed ngas pa ni dran pas bcom// mi shes pa ni shes nyid kyis// 'dod chags bdo ba'i mi rnams ni// dgon gnas brtson pa rnams kyis rgyal// tshal rnams dkrigs pa thams cad ni/
- 267a
ri rab ri las rnam par rgyal// sa las byung ba'i chu kun na// rgya mtsho yis ni rgyal bar gyur// kun nas gza' dang skar ma rnams// nyi ma'i 'od kyis rnam par rgyal// lugs man b zhin lugs kyis rgyal/ / dbul ba sbyin pa tshogs pas rgyal// dor sgyu drang po rnams kyis rgyal// brdzun zer ba ni bden pas bcom// log pa yang dag nyid kyis rgyal// grang ba byung me yis rgyal// skom pa chu yis rnam par rgyal/ / bkres pa de bzhin ston mos rgyal// ri dgas snying stobs yod pa gang // thams cad seng ges rnam par rgyal// 'dod chen che ba chog shes pas// rtag tu rgyal ba rab tu grags snying rje rtag tu bsngags pa yin/ / snying rje mod pa bsngags pa min// shes pa che la rtag tu dul// skyes bu de nyid smra rnams kyis// las ngan rnams kyi log pa nyid// lhag par smra ba'i mi rnams bcom// yon por smra ba'i mu stegs kun// sangs rgyas kyis ni rnam par rgyal// lha ma yin ni lha yis rgyal// chos nyid 'di ni rnam par gnas// brgya byin ltar ni bcos pa khyed// kun nas ngas kyang rnam rgyal na// 'og ma khyed cag gang yin pa// 'di dag 'ongs pa smos ci dgos// mal gzhi 'di dag thams cad ni// chos lhur len pa rnams bsten gyi// chos min pa la brtson pa yi// rmongs pa'i blo yis bsten bya min/ / de nas brgya byin gyi kha nas tshig de dag thos nas/ gang gi tshe ji lta ji ltar spros pa dang / de lta de ltar 'phel ba'i lha ma yin gang yin pa de dag la bden pa'i tshig 'dis phog pa dang 'phel ba med pa
- 267b
dang / mdog dang / snying stobs dag bri bar gyur to// sems can dman pa de dag mthong nas/ brgya byin gyis zham ring ba gang yin pa de rnams kyis/ sems can dman pa de'i rkang pa dag nas bzung ste/ phyung nas dga' ba'i tsha la de nas bskrad do/ / brgya byin yid rab tu dga' ba yang glang po ches srud kyi bu la zhen nas nor bu 'phyang ba'i lha rnams kyi gnas ga la ba der 'gro bar byed de/ bya ba byas pa'i lha'i tshogs thams cad kyis yongs su bskor ba/ shin tu dpe med pa'i lha'i 'dod pa thams cad grub cing ldan pa/ de nas yang lha de dag gi drung du phyin to// nor bu 'phyang ba na gnas pa'i lha de rnams kyang brgya byin dang phrad nas mngon par bstod de/ yang thams cad sprin gyi tshal ga la ba de nyid du dong ngo // de ltar brgya byin gyi mdun na 'don pa/ yid shin tu mgu ba/ 'dod pa thams cad dang ldan pa rnams tshal dang nye ba'i tshal gyi sa gzhi mtho dman ran pa/ sa phyogs shin tu rnam par phye ba/ me tog mang po bsags pa/ tshal dkrigs pa/ me tog gi ldum bu 'phyang ba'i ljid kyis ldum bu 'phyang ba'i khyim nyams dga' ba/ kun nas shin tu dga' ba rnams su dga' bar byed do/ / brgya byin gyi mdun na lha mo'i tshogs yid rab tu dga' ba rnams kyis/ pi wang dang / rdza rnga dang / 'khar rnga dang / gling bu dang / pi ldir dag khyer nas glu len par byed/ dga' bar byed/ dga' dgur spyod par byed do// brgya byin yang glang po ches srungs kyi bu la zhon te/ rol mo'i kha dpon gzhan rnams kyis bskor nas bstod cing / sil snyan yan lag lnga dang ldan pas lhan cig rtse bar
- 268a
byed de/ 'di lta ste/ jeng dang / rnga dang / 'khar dkrol dang / gling bu dang / glu dbyangs kyis mdun du bskor nas rtse bar byed/ dga' bar byed do// glang po che'i rgyal po de yang gzug ribs che ste/ ri chen po 'gul ba lta bur 'dug pa'i glang po che de la zhon pa ni/ ji ltar gangs ri kha bas g.yogs pa'i ri'i rtse mo'i steng na sos ka'i dus su nyi ma'i 'od zer sprin dang mun pa dang bral ba/ shin tu gas pabashar ba de ltar mdzes pa yin no/ / de ltar brgya byin lha dang / lha mo'i tshogs ngan song gi sgo bcad pa/ yid shin tu mgu ba/ blo gros bzang po dang 'thun pas yongs su bskor ba dang lhan cig bai DUR+Ya dang dngul dang / shel dang / an+d+ra rnyil dang / mthon kha chen po dang / pad+ma rA ga dang / gser bcom dang / sprug pas ches lhag pa'i tshal dang / nye ba'i tshal nyams dga' ba rnams su rgyu bar byed/ rtse bar byed/ dga' bar byed de/ gang de kho na nyid shin tu phun sum tshogs pa lhag par bde ba myong ngo // de lta mod kyi des 'dong ba yang dag par grub pa/ 'jig rten gyi phun sum tshogs pa 'byung ba 'jig par rig nas/ dga' ba yang med la/ 'khrug pa yang med do// phun sum tshogs pa thams cad kyi mtha' ni rgud par 'gyur ro snyam du rig nas/ 'di ltar rang gi las la spyod pa/ las kyi rlung gis gtor ba rnams sems can dmyal ba nadang/ yi dgas dang / dud 'gro rnams kyi nang na 'khyam zhing / lha dang lha mo'i grogs po 'di thams cad dang bral ba'i lha rnams shi nas gar 'gro/ kye ma byis pa so so'i skye bo bslus pa 'di dag thams cad ni las/
- 268b
byas pa chen po myong ngo snyam du nang du yid la sems par byed do// de nas de'i tshe brgya byin gyis 'di ltar tshigs su bcad de smras pa/ nam mkha' la ni sprin chags pa// rlung gis kun tu gtor ba rnams// 'dus pa dag kyang 'gyes pa ltar/ / 'khor ba'i srog chags de bzhin no// ji ltar dus tshigs dus tshigs su// me tog byung ba mi yis mthong // dus tshigs thams cad thal gyur na// ji ltar byung ba so sor 'jig/ ji ltar legs par byas pa'i lha// dus su byung na dga' byed la// dge ba'i dus ni thal gyur na// ji ltar byung ba so sor 'jig/ ji ltar dus tshigs dus tshigs su// shing lo du ma skye 'gyur ba// dus// tshogs dus ni thal gyur na// de dag kun nas 'jig par 'gyur// de ltar lha rnams lo ma 'dra// srid pa 'di ni shing lta bu// bde ba rtag tu 'jig 'gyur te// brtan pa dang ni rtag pa med// ji ltar char pa 'bab dus na/ / mkha' la char 'bab ldog pa med// de ltar bde ba 'di dag kun// 'gro bar 'gyur te ldog pa med// ji ltar rma bya'i sgra dag ni// rlung gis kun tu khyer gyur na// de ni zad par bya phyir 'jig bde ba'i gzhi 'di de dang 'dra/ / ji ltar mer ni shing bcug na// nges par rab tu sreg par byed// de ltar dus ni me dang 'dra// mi rnams shing skam lta bu yin// brgya'am yang na stong dag tu// 'di dag 'ong dang 'gro 'gyur yang / / de ltar sred pas rmongs pa 'di// yang dag rig par mi 'gyur ro// sred dang rmongs pa'i mig 'phrul gyis// thams cad du ni rnam pa gang // ji ltar dge skal
- 269a
ba yin pa/ / de ltar lha rnams rab tu smras// de ltar brgya byin des lha de rnams la snying rje bskyed nas/ de nas yang glang po che sa srungs kyi bu de la zhon te/ lha'i tshogs kyis yongs su skor ba sil snyan dang rol mo'i sgra dbyangs sna tshogs len bzhin du lha'i 'dun sa chos bzang de nyid du 'dong bar byed do/ / chos bzang na gnas pa rgyal ba thob pa dag la lha gzhan rnams kyis mchod cing phyin to/ / nor bu 'phyang ba na gnas pa'i lha 'dod pas tshim pa med pa rnams ji srid du 'dod pa sdug pa yid du 'ong ba byas shing bsags pa so sor yang dag par myong bar 'gyur ba'i las de zad pa dang spangs pa dang / zhig par ma gyur pa de srid du gzugs dang / sgra dang / dri dang / ro rnams kyis tshal dang nye ba'i tshal rnams kyi nang na rtse bar byed/ dga' dgur spyod par byed do// de de nas shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro// gal te mi rnams dang skal ba mnyam par mi'i nang du skyes na/ de las de dang rgyu 'thun par rigs rgya chen po'i nang du skye la/ shin tu bde ba dang ldan pa dang / bong skyed che zhing bzang ba dang / yul dbus su skye ba dang / chos bzang po dang ldan pa dang / shin tu 'byor pa dang / bu dang tsha bo dang ldan pa dang / yun ring du gnas pa dang / gnod pa med pa'i bran khol bdog pa dang / skye bo thams cad dga' ba dang / yang dag par ldan pa dang / rgyal po 'am blon po chen por 'gyur ba mthong ngo /
- 269b
de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas ris 'thun pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ lus dang / ngag dang / yid kyi las kyi mtha' yang dag par bsdams pa/ g.yo sgyu med pa/ gzhan la mi gnod pa/ blo gros rtag tu rgya che ba/ drang po drang po'i rang bzhin can/ sdig pa'i grogs po spong ba/ gang thabs kun gyis sdig pa'i grogs po spong bar byed la/ de dang lhan cig 'dre bar mi byed/ de dang tshig kyang mi smra/ de la mig zur tsam yang mi lta/ lam du yang lhan cig mi 'grogs/ / de mthong nas kyang rtag tu spong bar byed la/ de'i grogs po gang yin pa de yang spong bar byed/ btsun pa dag la sten par byed cing / rtag tu dam pa'i chos nyan pa'i ngang tshul can yin la/ de thos nas dge ba dang / mi dge ba dang / lung du ma bstan pa'i chos rnams kyang rnam par shes pas spang bar bya ba spong bar byed la/ spang bar mi bya ba yang spang bar mi bya bar rab tu shes nas yi la legs par byed pa dang / shin tu mnyam par gzhag pa dang / dran pa sems kyi dbang du mi 'gro bar dran pa nye bar gnas pa dang / brkam chags med pa dang / tshul khrims rnam pa bdun rjes su
- 270a
skyong ba rdul tsam yang 'khrul pa med pa dang / kha na ma tho ba phra mo rngub tsam la yang 'jigs par lta ba dang / kun nas las dag la dri ma med pa yin te/ gser btsom ltar skyon med pa/ srog gcod pa dang / ma byin par len pa de dang de dag spong bar byed la/ sbyin pa yang byin/ bsod nams kyang byed do// srog chags dag thar par byed pa ji lta bu yin zhe na/ 'di ni rgyal po 'am/ blon pos skyes pa dang / bud med byi ba byed pa lhan cig bzung nas bcings te/ grong khyer gyi lho phyogs kyi sgor khrid la rnga brdungs nas/ ming dang rus kyang bsgrags te/ grogs byed pa ni su yang med/ mi/ dga' la 'jigs bzhin mog mog por gyur pa// dur khrod logs su kha bstan te khrid pa dang / des nor rdzas kyis blus te thar par byed pa dang / gzhan yang sbyin pa gtong bsod nams dag byed pa yin no// dge ba dag ji lta bu yin zhe na/ de ltar de gal te chu nyung ba mya ngan gyi phyogs su dge 'dun gnas par gyur la/ der yang dge slong dag skem gyis srog chad la thug ste/ shin tu sdug bsngal bar gyur pa dang / des gnas pa de rnams kyi don du kun dga' ra ba'i dbus su rdzing bu'am/ khron pa dag byas la/ chu byung ba de dag gi nang 'dam rdzab kyis gang ngam/ srin bu rnams kyis yog pa dang / de dag la de las byed de/ srin bu de dag sa skam po dag la 'chi bar mi 'gyur bar bya ba'i phyir/ gsher sa'i phyogs gzhan du 'jog par byed de/ de ltar srog gcod pa chung ngu yang spong bar byed do// gzhan du yang 'bab chu dag gi nang /
- 270b
na srin bu gnas pa de dag kyang blangs nas/ de nas yang srog btsa' bar bya ba'i phyir chu yod pa'i phyogs rnams su 'jog par byed de/ de ltar kun nas dge ba'i las kyi mtha' spyod pa ni srog gcod par mi byed do// ma byin par len pa spangs pa ji lta bu yin zhe na/ 'di ni rku sems kyis rtswa yang len par mi byed pa yin te/ phyogs dag na shing dang / smyig ma'i ldum bu skyes pa yang len par mi byed/ gzhan du 'phos pa'i grong dang / kun dga' ra ba rnying pa dag gzhan gyis yongs su bzung ba med la/ da rung du sus kyang 'dzin par mi 'gyur gyis kyang / sngon gzhan gyis bsgrubs pa zhig yin no snyam du yid la sems par byed la/ de la bsam pa des len par mi byed de/ de ltar ma byin par len pa spangs pa yin no// kun nas legs par byas pa'i las kyi mtha' spyad pa de/ lus dang bral nas shi ba'i 'og tu ris 'thun ba'i lha rnams kyi gnas kyi nang du skye bar 'gyur ro/ / der skyes nas kyang de phyir phyogs de nyid du skye ste/ gal te gser gyi stan la'am/ gal te dngul gyi 'am/ gal te shel gyi 'am/ gal te gser ma'i 'am/ gal te an+da rnyil gyi 'am/ gal te mthon ka chen po'i 'am/ gal te mu tig gi 'am/ gal te spug gi stan gyi steng du skye bar 'gyur ro// de skyes ma thag tu 'di snyam du sems te/ las dge ba gang zhig gis bdag 'dir skyes snyam mo/ / des sngon gyi las rjes su dran te/ 'di ltar dge ba'i rnam pa pha ma ltar byams pa/ rnam par smin pa bsil ba/ bde ba nges par myong bar 'gyur ba'i rnam pa ji skad
- 271a
pa des/ lha rnams kyi nang du skyes so snyam ste/ des las de dag rjes su dran zhing las kyi 'bras bu yang mngon sum nyid du mthong nas/ dge ba'i las rnams la ni stod par byed la/ mi dge ba dag/ la ni smod byed do// tshe rabs dran zhing las kyi gzhir gyur pa/ dge ba pha ma lta bu du ma'i las kyi gzhi mi'i rjes su dran nas/ de nas de'i tshe 'di ltar tshigs su bcad de smra ba/ gang zhig bag yod thos nas su// mi yi tshe ni legs par thob/ / legs par byas pa'i las byas na// lha yi 'jig rten nye bar 'gro// mi yi tshe ni rnyed dka' ste// de ni rnyed nas bag med gang // mi de bag med mun pa las// 'khyams na sems/ can dmyal bar ltung // legs byas rnam pa gsum byas shing // rnam pa bdun yang goms byas la// dgra gsum bsad pa'i mi dag ni// lha rnams kyi ni nang du 'gro// nyon mongs nges par sel byed pa// dga' bas sel bar mi byed gang // dga' ba bsal ba'i dag pa de// lha rnams kyi ni nang du 'gro// sdug bsngal chen po'i sgor gyur pa// ser sna nges par bsal byas shing // sbyin pa sna tshogs byin pa ni// / lha rnams kyi ni nang du 'gro// srog chags dag ni srog bzhin du// snying brtses rtag tu bsrungs byas shing // byams sems rtag tu dul ba dag/ lha rnams kyi ni nang du 'gro// ma byin ma ltar rig nas su// kun nas byin pa byas gyur cing // sems dang blo gros bsgoms pa ni// lha rnams kyi ni nang du 'gro// de nyid don la sems pa po// gzhan gyi chung ma'ang ma ltar blta// 'dod skyes nyes pas ma gos pa
- 271b
lha rnams kyi ni nang du 'gro/ / gang zhig rang sems me 'di dag/ lce yi gtsub shing yang dag byung // brdzun du smra brjod byed gang // de ni bcom nas bde 'gror 'gro// bshes grogs rtag tu don med byed/ phra ma rtag tu bcom nas su// 'jam por smra bar dga' ba ni// lha rnams kyi ni nang du 'gro// mtshon cha lta bu'i tshig rtsub dag/ brtan pos yod ye spong byed la// rtag tu tshig 'jam rab tu smra// de ni bde 'gror 'gro bar 'gyur/ / gang gi lce yi rtse mo la// 'brel med mi smra smra mi 'gyur// yang dag smra la dus nyid shes// lha rnams kyi ni nang du 'gro// sangs rgyas gsungs pa'i rnam pa bdun// gang gis tshul khrims 'di bsrungs pa/ / brtag po tshul nyid shes pa de// lha rnams kyi ni nang du 'gro// de ltar lha gsar du skyes pa de/ phyir phyogs pa skyes ma thag nyid du tshe rabs dran nas/ yul rnams kyi dbang nyid blo gros su gyur kyang / sngon bsgoms shing goms pa'i blos smras so// de nas gsar du skyes pa de shin tu gzhon la gtsang gtsang ltar 'dug mthong zhing rtogs nas/ lha mo de rnams lha de'i drung du rgyug par byed de/ ji ltar me tog gi ro 'thung bar 'dod pa'i bung ba rnams me tog nyid la rgyug par byed pa de ltar lha mo lag na sil snyan dang / rol mo rnam pa sna tshogs thogs pa/ gzhan dag gi lag na gling bu dang rdza rnga thogs pa/ lus la me tog 'phreng ba dang / phye ma dang / byug pas bskus pa/ me tog 'phreng ba rnams thogs pa dang / gzhan dag ni me tog gi char mngon
- 272a
par 'bebs/ gzhan dag ni glu len zhing gar mkhan ltar mdzes pa de rnams lha de'i drung du kun tu rgyug par byed do// de ltar rgyan dang cha byad rnam pa sna tshogs pa/ gzugs rnam pa sna chog/ dang ldan pa/ cho ga rnam pa sna tshogs la mkhas pa/ cha byad sna tshogs 'chang ba/ rnam pa sna tshogs bdog pa/ gzugs gcig pas gcig bzang zhing / byad gzugs mchog dang ldan pa rnams lha gsar du skyes pa de la lan brgya 'am/ lan stong du mngon par brtags nas/ sngon gyi lha 'chi ba dag bor te lha gsar pa gsar du skyes pa yid du sdug pa'i drung du lha mo de rnams ji ltar shin tu sgom pa dag 'tsho bskams pa bor nas/ mtsho chu bsil zhing dang bas kun tu gang ba'i drung du rgyug pa de ltar gsar du skyes pa la 'dod pa ngoms mi myong ba'i lha mo de dag thams cad kyis rab tu brgyugs so// de nas lha gsar du skyes pa des de rnams kyi rgyan gyi sgra nyid thos nas/ sems 'dod chags kyis g.yengs par 'gyur na/ de rnams kyi byad gzugs de dang / spyod pa de dag mthong na lta smos kyang ci dgos/ de bzhin du de'i sem sil snyan yan lag lnga dang ldan pa dang / yo byad de dag gis g.yengs pa dang / ji ltar tshe rabs 'bum lon pa ltar brjed de/ 'di ltar lha 'di rnams kyi ngo bo ni 'di lta ste/ lha nyid bag med pa'i gnas yin no/ / de nas lha gsar du skyes pa de lha mo sgeg chos mkhas pa de rnams kyis kun nas 'khor bas bskor nas/ tshul bzhin ma yin pa'i sems 'dod chags kun tu ston pa'i tshig rnams
- 272b
kyis de ltar g.yengs te/ 'di ltar de dag gi dbang kho nar gyur nas/ shin tu bag med par gnas so// de de rnams kyis bskor nas/ 'dod pa thams cad 'byor pa/ sngon ma myong ba'i bde ba 'thob ste/ yid shin tu mgu bas lha mo de dag ga la ba der 'gro bar byed do// de yang de rnams kyis nye bar bsnyen te/ dgod dgod/ rtse rtse/ smra smra/ 'bur 'bur ba'i blos lam de nyid nas 'dong bar byed do// bya rnyis bzung ba ltar kun tu 'dod chags kyi rnyis bzung ba de/ rnyi de rnams kyis kun nas bzung nas mngon par mdzes pa de dag ga la ba der khrid pa dang / des sngon ma mthong ba shin tu nyams dga' ba rin po che sna bdun gyi sa phyogs mthong na shin tu yid 'phrog pa/ rin po che sna bdun 'bar ba'i sa phyogs dag mthong ngo // de nas yang de dag tu lha'i 'phreng ba dang / gos rnam pa du ma gyon pa/ bde ba dang / nyams dga' ba rnam pa du ma yun ring du myong nas tshal dgon pa dga' ba zhes bya ba ga la ba der sil snyan yan lag lnga dang ldan pa'i glu dbyangs len zhing 'dong bar byed do// lha de lha mo// de rnams dang lhan cig mngon par rtse zhing tshal der phyin pa dang / bya kha dag dang / dbyibs dang / 'gros dang / gzugs sna tshogs su 'dug pa sgra shin tu snyan pa 'byin pa byad gzugs rnam pa sna tshogs su 'dug pa dag mthong ngo / / de dag gang ba mo rnams kyi dbang du gyur pa yin te/ de rnams gar 'gro ba der bya de dag kyang de rnams kyi dbang du gyur nas 'gro'o// de bzhin du ldum bu'i nang ga la bar de
- 273a
rnams 'dug pa dang / der yang bya de dag 'dug par byed do// me tog gi chang gang na yod par de rnams 'thung ba dang / bya de dag kyang de na 'thung bar byed do// me tog gi dog pa dag gi nang ga/ la bar lus zhugs pa dang / der yang bya de dag de bzhin du 'jug par byed do// yul gang dag btang nas nam mkha' la 'gro ba dang / der yang bya de dag 'gro bar byed do// 'bras bu gang yin pa dag la de rnams kyi mchu za ba dang / de dag kyang de bzhin du 'bras bu de nyid la za bar byed do// pad+ma'i tshal ga la bar de rnams gnas par bya ba'i phyir 'dong pa dang / de dag kyang de bzhin du de rnams dang lhan cig phyogs de'i pad+ma'i rdzing nyid du 'dong bar byed do/ / lhan cig spyod pa bya mo rnams ri'i rtse mo ga la bar 'dong pa dang / de dag kyang mgul du skud pas btags pa bzhin du de rnams kyi dbang du gyur nas 'dong bar byed do/ / de bzhin du bung ba mo dag pad+ma'i gsapa gseb tu dong ba dang / bung ba rnams kyang 'dod la/ ri dgas mo rnams kyis kyang ri dgas dag dbang du byas/ lha mo rnams kyis kyang lha dag dbang du byas te/ de dag ni dbyar gyi dus su mtsho gcig tu chus gang bar gyur pa ltar/ shin tu lhod lhod por thar par dka' ba'i bcing bas bsdams pa 'di dag thams cad ni bud med kyi dbang du gyur par rig nas/ dge slong des 'di ltar tshigs su bcad de smras pa/ zhags pa'i nang na 'di dam ste// 'di ltar bud med zhags pa dam// 'dis bcings pa yi mi rnams ni// srid pa'i btson rang rgyug par byed//
- 273b
zhags pas mgul bcangs zhags man gya// snang 'gas bud mad 'ang ma bzad// stang gi zhags pas bcings pa yi// mi rnams sdug bsngal skal ba can// zhags pa bsregs bcing gtub tu rung / bud med zhags pa bsreg mi rung // dmyal ba yi dgas dud 'gro'i nang // 'gro zhing rjes su 'gro bar byed// lus can tshegs su ldan pa la// zhags pa chen pos 'ching bar byed// de bzhin lus med sems 'di la/ / bud med zhags pas 'ching bar byed// gang gis skye bo 'ching byed pa// zhags pa de ni tshad bzung rung // bud med kyi ni 'ching ba che// de ni tshad gzung mi rig go// 'di ni re shing dga' ba dang / / kun nas thar par dka' ba yi// zhags pas bcings pa'i mi rnams ni// srid pa'i mtshe las mi dgrol lo// zhags pas mgul lam lus bcings cig/ 'ching byed gal te 'ching mi byed/ / bud med zhags pa chen po 'di// dbang po drug rnams 'ching bar byed// lcags sam shing ngam gres ma gang yin pa// 'ching ba 'di ni dam par 'phags mi srung / / blo zhan bud med rnams la lta ba gang // kun tu chags pa'i sems ni dam zhes gsungs// de ltar dge slong de 'dod pa la smod par byed do// de nas lha de bud med mchog de rnams kyis/ kun nas dga' ba nyid kyis zhags pas bcings nas/ tshal dang nye ba'i tshal mthong na/ yid 'phrog pa rnam pa sna tshogs gang dag dpe bya bar bla ba yang ma yin pa de dag tu khrid do// de nas de
- 274a
ltar lha de dga' dgur spyod pa na/ res 'ga' pad+ma'i tshal ngang pa'i pad+ma'i tshal zhes bya ba der lha mo'i tshogs kyis yongs su bskor nas 'gro bar byed do// pad+ma'i tshal de yang lha/ dang lha mo'i tshogs mang pos yongs su bskor nas dga' bar byed pa/ 'dod pa'i yon tan lnga 'byor cing ldan par gyur pa rnams kyis dga' bar byed/ rtse bar byed/ dga' dgur spyod par byed do// lha mos yongs su bskor ba/ ris 'thun pa'i lha rnams sil snyan yan lag lnga dang ldan pa'i sgra 'byung ba/ chags su rung ba/ snyan pa/ lha thams cad 'thun par yid 'phrog par byed pa// shin tu 'dod pa ston par byed pas lhan cig dga' bar byed do/ / de rnams gser gyi ri las gser gyi ri gzhan la 'dzeg par byed de/ thams cad kyang nyams dga' ba rgya che zhing dga' bar byed pa'i yul gyi rjes su 'jug go/ de dag de ltar dga' ba na/ blo 'di lta bu skye ste/ bdag cag kun phan tshun grogs su gyur pa yin te/ lha'i 'dun sa chos bzangs kyi skyed mos tshal du dga' ston bya/ ba'i phyir 'dong ngo snyam mo// de nas lha dang lha mo'i tshogs kyis yongs su bskor ba de dag thams cad kha cig ni nam mkha' la 'dzegs nas 'gro/ kha cig ni ngang pa'i shing rta la zhon/ kha cig ni rma bya'i shing rta la zhon/ kha cig ni nam mkha' la bkad sa phub pa'i nang du zhugs/ kha cig gzhal med khang dang ra ba dam pa sna tshogs su phye ba'i nang du zhugs nas/ brgya byin blta ba'i phyir
- 274b
lha'i 'dun sa chos bzangs ga la ba der dong ngo / / sil snyan dang / rol mo'i sgra dang / glu dbyangs rnam pa sna tshogs kyis phyogs thams cad rab tu 'gengs shing brgya byin gyi gnas su phyin to// de rnams/ kyi glu dbyangs kyi sgra snyan pa dpe med pa de thos nas/ lha'i rgyal po brgya byin gyis/ chos bzangs na gnas pa'i lha rnams la smras pa/ kye grogs po dag dga' bar gnas pa'i lha 'di dag gang yin/ gnas ni gang na gnas/ de nas lha de dag gis de skad ces thos nas/ lha rnams myur du shes par bya ba'i phyir/ de nas yang lha de rnams la myur du brtags nas/ brgya byin 'di ltar lha 'di rnams ni gnas ris 'thun pa na gnas pa lags te/ 'dir brgya byin gyi zhal mthong bar bgyi ba'i slad du mchi'o// de nas brgya byin gyis/ de dag la 'di skad smras so// 'di ltar yid rab tu dga' ba sil snyan dang / rol mo'i sgra dang / yo byad rnam pa sna tshogs dang ldan pa'i lha khyed rnams kyang / ris 'thun pa'i lha rnams gang nas 'ong ba der dga' bar gnas par bya ba'i phyir bsur deng zhig/ brgya byin gyis de skad bsgo ba dang / chos bzangs na gnas pa'i lha lag na sil snyan dang / rol mo rnam pa sna tshogs thogs pa/ me tog 'phreng ba dang / phye ma dang / byug pa dang / do shal dang / nor bu dang / rgyan 'phreng 'phyang ba/ dpung pa rnams la dpung rgyan btags pa/ thor tsugs dang yid g.yos pa rin po che 'od gsal ba sna tshogs kyis lus brgyan
- 275a
ba ngo bo nyid kyis lus dkar sha ma nyid du 'dug pa/ rin po che sna tshogs kyis lus gsal bar byas pa rnams ris 'thun pa'i lha dag ga la ba der dong ngo // yid lhag par rab tu dga' ba de rnams phan tshun rdzu 'phrul gyis 'gran cing / sil snyan dang / rol mo'i sgra dang / glu dbyangs rnam pa sna tshogs la mngon par dga' ba dag/ lha'i rgyal po brgya byin ga la ba der 'dong bar byed de/ brgya byin de'i gnas su dong ngo // de nas lha'i rgyal po brgya byin khang bzangs ka ba 'bum snyed yod pa'i nang na/ rgyal ba thob pa zhes bya ba'i seng ge'i khri la 'dug go/ bde bar 'dug pa gzi brjid 'bar zhing lha 'bum snyed kyis ni bskor/ shin tu legs par byas pa rnams kyi las dag la ni nye bar spyod/ gzi brjid ni nyi ma brgya pas lhag/ lha'i rgyal por gyur kyis kyang bag yod pa la ni gnas te/ lha'i rgyal po de lta bu de mthong nas/ lha de dag thams cad yid bcu 'gyur du rab tu dga'i nas/ brgya byin la gsong por smra zhing / bro gar byed/ dgod par byed la/ 'di ltar brgya byin la mngon par bstod par tshigs su bcad pa smras pa/ chos spyod rtag tu zhi ba dang // bdag yul gyis ni mi gtse ba// lha rnams dang ni 'jig rten bcas// lha rgyal brgya byin rtag tu skyongs/ / chos kyis 'jig rten rnams chos kyi// chos ma yin pas ga la zhig/ chos spyod rtag tu bde dang ldan// de las bzlog na bde ldan min// chos spyod pa yang ye/
- 275b
shes la// nges par bsten pa bde ba lags// 'tshe ba med cing bden tshig smra// de yang gcig tu bde ba lags// 'jig rten yon tan gang lags dang // 'jig rten 'das pa'i yon tan gang // / dedag thams cad ma lus par// sum cu gsum dbang brgya byin mnga'// 'jigs pa rnams kyi skyabs mdzad cing // sdug bsngal rnams kyi rtag tu brten// lha dang lha min mir bcas pa'i// 'jig rten de yang 'dzin mdzad pa// de ni rgyal po brgya byin lags// dri ma dang ni skyon rnams bsal// bdag nyid sdig pa gsum bsal cing // dkon mchog gsum la skyabs su gshegs/ las 'bras gsum gyi de nyid mkhyen// byang chub gsum ni rab tu rtogs// bag med gnas su skye gyur kyang // bag med rnams la chags mi mnga'// dgra las rgyal zhing mdzad pa 'tshol/ / brgya byin skye dgu 'dzin par mdzad// de ltar lha gang yin pa de rnams kyi nang na blo gros mchog dang ldan pa brgya byin de la ris 'thun pa'i lha de rnams kyis mngon par stod pa byed do// / de nas brgya byin gyis lha de rnams mthong nas/ tshig bzang po 'jam pos stod par byed cing / ston par byed de/ 'di ltar lha khyed rnams ni bag med pa la gnas pa yin/ legs pa tham cad kyi nang na ni bag yod pa ni gter yin la/ bag med pa ni don med pa yin no// de nas lha de rnams kyis yun ring mo zhig tu brgya byin la mngon par bstod nas/ gang nas 'ongs pa de
- 276a
nyid nas nam mkha' la 'gro bar byed de/ sngar ji ltar 'ongs pa bzhin/ brgya byin sbrul lha de rnams phyi nas dong ngo // de nas brgya byin 'di snyam sems te/ kye ma bag med pa pa gnas pa'i lha 'di rnams ni 'chi ba'i sdug bsngal khong du ma chud de/ 'di rnams skyo ba bskyed par bya ba'i phyir bdag gis gor ma chag par sprul pa zhig bya'o snyam mo// de nas brgya byin gyis rdzu 'phrul gyis srid pa bar ma pa'i sprul pa byas pa gang yin pa de dag lha de rnams la bstan te/ tshal dang / nye ba'i tshal dang / ri'i zom dang / pad+ma'i tshal rnams su yo byad mkho ba nye bar bsten pa gang yin pa de dag gis lhan cig rtses/ glu blangs/ dga' bar byas shing / dga' dgur spyad pa dang / byad gzugs che zhing 'od lhag par bzang ba de dag 'chi zhing / dbang phyug dang / lha mo'i 'khor gyis ni btang / dbang thang thams cad dang / skal ba bzang po thams cad ni zad/ bzhin ni mog mog bor gyur/ sems can dmyal bar skye bar 'gyur ba dag/ lig ris ni lag pa rgyab tu bcings/ rtag tu ngus pa'i mig mchi mas ni gsher/ du ba 'thul ba'i mun pa dang mes ni yongs su bskor/ gshin rje'i mi rnams kyis spyo brgyad cing / shin tu bkres pa dang skom pas gdungs pa bzhin 'jigs pa nyam nga ba chen por ni bdas/ lus tshal shing sregs pa lta bu dag mi shin tu 'jigs 'jigs ltar 'dug pa rnams kyis ded par byed pa na/ mi sdug par
- 276b
bsgyur ba/ cha byad sna tshogs ni thogs/ lus dang gzugs rnam pa sna tshogs su 'dug pa'i lag pa dag na/ ral gri dang / dbyug pa dang / zhags pa ni thogs/ gzhan dag ni lha'i 'jig rten der 'gro bar byed la/ gzhan dag ni 'bab par byed pa de rnams kyis/ ri rab de la kun nas khyab par lhags mes/ de rnams kun nas 'ong bar byed cing 'jug par byed do// zhugs pa gang yin ba de dag gis lha rnams bzung nas/ zhags pa rnam pa sna tshogs kyis bcings te/ thur du khrid par byed la/ rgya lcags rnams kyis kyang rdob par byed/ spyo bar byed/ me'i 'phreng ba 'bar ba 'khrigs pa'i tshogs kyis gdung bar byed bzhin du sems can dmyal ba ga la ba der 'dren par byed do/ / gshin rje'i mi lag na zhags pa thogs shing khro ba de dag phan tshun du 'di ltar gshin rje'i pho nya rnams rings par shog/ rings par shog/ bag med cing bag med par gnas pa'i lha 'di dag ji ltar yang dang yang bag med par mi 'gyur ba 'am/ bag med par mi gnas pa de ltar/ sems can dmyal ba rnams kyi nang du bdag cag gis gdul bar bya'o zhes smra ste/ de ltar ha ha zhes sgra 'don cing / ri'i rgyal po ri rab kyi nam mkha' las 'bab par byed do// de nas steng dang / 'og dang / ngos kyi gnas de dag thams cad brgya'am/ stong ngam/ khri 'am/ bye bar 'joms shing / kun gyis nam mkha' de bar mtshams med par khyab par
- 277a
'khod nas/ 'phel ba dang / 'grib par byed cing / 'di ltar khyed rnams kyis 'dod pa myong ba dang / yan lag lnga dang ldan pa gang yin pa de dag gshin rje'i mi'i zhags pa narnams kyis bcings nas/ gshin rje'i 'jig rten du rta'i shugs bzhin du khrid pa nas/ khyed la phan pa ci byed ces kun nas spyo bar byed do// de ltar sems can dmyal bar skye ba gang yin pa de dag de bzhin du ris 'thun pa'i lha legs par byas pa'i sems dang ldan pa de rnams kyis mthong ngo / / de nas srid pa bar ma'i lha gang yin pa de dag la 'di ltar gshin rje'i mi rnams kyis tshigs su bcad de smras pa/ 'dod pa rnams la chags pa'i blos// khyed kyis legs byas ma spyad pa// gang yin de dang bral ba de'i// 'bras bu 'di ni nye bar gnas// bag med pa la dga' ba'i lha// bya ba rnams la 'jug byed gang // de ni phyi nas 'chi ba'i tshe// rang gi sems kyis gdung bar byed// ji ltar dbang po lnga dag las// byung ba'i bag med sreg byed pa// de ltar me yis sreg me byed/ / mtshon chas kyang ni gsod mi byed// ji ltar bde zhi sdug bsngal la// de ltar bshes bzhi dgrar 'gyur ba// bag med bsten las 'byung 'gyur te// de bas de ni yongs// su spongs// bag med sred dang 'dres pa dang // 'dod chags de yis rjes 'brel pa// dgra gsum 'di ni mi bzad de// mi yi bde ba 'jig par byed// rgod pa dang ni sdig par 'dre//
- 277b
le lo de bzhin brkam chags nyid// tshul khrims dag kyang spong byed pa// de dag sems can dmyal ba'i rgyu// tshul khrims gang zhig bde la bsil// yongs su gyur pa'ang bsil ba la// rtag tu rmongs pa mi sten na// de ni phyi nas yongs su gdung // chang 'thung de bzhin 'tshe ba dang // gzhan gyi bud med mngon par dga'// chags shing blo gros 'thab pa nyid// de ni sems can dmyal ba'i rgyu/ / phra ma sdig dang 'dres pa dang // yang dag sdom med log pa ltar// sems la cal col mang ba nyid// mi ni rtag tu 'jigs par byed// brnab sems tshig rtsub bcas pa dang / / mngon pa'i nga rgyal log par smra// de ni 'jig rten 'dir mi phan// pha rol du yang phan mi 'gyur// dge ba rnams kyis rtag tu spong // mi dge rnams kyis sten byed pa/ / las 'di la ni ma dad na// don med rnams kyi gzhi 'di yin// sems can rnams kyi bde sdug gang // las kyi 'bras bu ma rig la// rgyu 'bras la ni rmongs pa de// phyi nas gdung bas gdungs par 'gyur/ / gang zhig log par smra la brtson// rtag tu mkhas ltar nga rgyal can// phyi nas nyon mongs byung ba'i tshe// de yis las kyi 'bras bu rtogs// gang zhig 'jig/ rten 'dir 'khyam zhing // gang zhig sdug bsngal nges bying ba// ma rig pa yis de bskyed ces// de bzhin gshegs pa rnams gsung ngo // de ltar brgya byin gyis sprul pa'i gshin rje'i
- 278a
mi de rnams srid pa bar ma pa de dag la gtam brjod cing spro bar byed do/ / de nas yang brgya byin de bden ma gang dud 'gro rnams kyi nang du skye ba'i sprul pa ston par byed de/ de rnam/ kyi srid pa ba ra ma par de dag dang tshul 'thun pa/ gzugs brnyan du gyur pa/ de dang 'thun pa/ rgya'i 'bur ltar gyur pa/ srid pa bar ma'i gzugs rnam pa du ma dag byung ste/ de dag gcig la gcig za ba dang / gsod pa dang / ngo bo yod pa dang / ngo bo med par byed pa dang / 'jigs pa chen po skyed pa na/ der lha yid rmongs pa gang yin pa de dag gis mthong ngo // de nas yang brgya byin de lha rnams la gang yi dgas rnams kyi nang du skye ba'i sprub pa byed de/ 'di lta ste/ lus bkres pa dang / skom pas gdungs pa bzhin rtag tu sgras mun par khebs pa bzhin shin tu 'jigs 'jigs ltar 'dug pa/ lus tshal shing bsregs pa ltar 'dug pa/ bya rog dang 'ug pa rnams kyis mig dang / sna dang / rna ba dang / lce btogs pa dag lha'i 'jig rten de nas 'og gi nam mkha' de la ltung bar mthong ngo / / de ltar lha de rnams kyis sprul pa shin tu 'jigs 'jigs ltar 'dug pa/ rab tu spangs par byed pa de dag mthong ba dang / de rnams kyis brgya byin de la bltas nas smras pa/ brgya byin sngon ma mthong ba'i lha ma yin nam/ de dang tshul 'thun pa gzhan rnams kyis lha 'di dag la lig ris phyin ci log tu bcings nas
- 278b
khrid na/ ci ste btang snyoms su bzhugs/ ri rab ma lus par khyab pa/ lha ma yin gyi gzugs 'di dag ni sngan chad lha dang lha ma yin thams cad g.yul 'gyed pa na bdag cag gis ma mthong ste/ gnas 'dir ni sngan chad lha ma yin kun lan 'ga' yang ma mchis pa lags na/ brgya byin ci chos nyams lags sam/ 'di ltar 'jig rten skyong ba dag sum cu rtsa gsum gyi dbang phyug khyod dang / bdag cag la dus su sgrogs pa lags na/ 'jig rten na par 'dzin pa dang / mar 'dzin pa dang / dge sbyong du 'dzin pa dang / bram zer 'dzin pa dang / rigs kyi rgan rabs la ri mor bgyid pa dag ma mchis sam/ brgya byin 'jig rten na sangs rgyas mchod pa ma mchis sam/ chos mchod pa ma mchis sam/ dge 'dun mchod pa ma mchis sam/ rgyu dang 'bras bu de kho na nyid 'tshal ba ma mchis sam ci na/ lha 'di rnams shin tu 'jigs par bgyid/ sum cu rtsa gsum gyi dbang phyug glang po che'i rgyal po sa srungs kyi bu la bcibs la/ g.yul bsham du gsol/ lha mtshon cha sna tshogs thogs pa rnams go bskon du gsol/ rnga bo che brdung du gsol/ khyod dang bdag cag g.yul du cha bar bgyi'o zhes ris 'thun pa'i lha kha cig brgya byin la de skad smras la/ gzhan kha cig ni ngo mtshar che ba 'di dag mthong nas/ yid shin tu mi dga' la rab tu 'jigs pa'i mig dang bzhin mog mog por gyur nas/ brgya byin nyid la skyab
- 279a
su song ste/ lha'i dbang po bdag cag gi gnas 'dir ston ma mthong ba'i lha ma yin rnams mchis kyis/ bdag cag bskyab tu gsol/ bdag cag bskyab tu gsol zhes smra'o/ / ji ltar 'jigs pas dkrugs gzhan dag brgya byin gyi drung du dong nas smras so// lha gzhan phyis dge bar gyur pa gang yin de dag gis sprul pa de mthong nas/ de nas yang snying 'jigs pa rnams lha'i 'dun sa chos bzangs g.ya ba der brgyugs so/ / yang mtshon cha don du gnyer ba gzhan dag gis ni tshal dang / nye ba'i tshal rnams su brgyugs so// der mtshon chatsha don du gnyer ba gang yin pa de dag gis sprul pa de mthong yang brgal ba 'am/ gzung bar mi nus te/ mthong ba kho nar zad do// dper na me long gi nang na gzugs brnyan mthong yang gzung ba'am/ brgal bar mi nus pa bzhin no// brgya byin des sprul pa gzhan byas pa ni/ ji ltar lha ma yin gyi gtso bo sgra gcan dang / brtan pa la sogs pa de ltar 'dren par bya ste/ gtso bo thams cad la gi ris lag pa phyin ci log tu bcings nas/ rgya lcag rnams kyis 'jug par byed/ mtshon cha rnams kyis gshogs par byed cing spyo bar byed do// lig ras lag pa phyin ci log tu bcings pa de dag snying rje rje skad du du skad 'byin cing smre sngags 'don te/ lha ma yin rnams la yang lha rnams kyi sdug bsngal sprul pa de'i nang na snang ba gang yin pa de dag stong
- 279b
'gyur du snang ngo / / de dag gis kyang sprul pa gang yin pa de mthong ba dang / yang dang yang shin tu 'jigs skrag cing ngo mtshar dang 'dres pa rnams de nas yang lha'i rgyal po de dag ga la ba der deng nas/ de dag gis yang brgya byin la smras pa/ brgya byin shin tu dpung che ba 'di dag su lags/ shin tu spro ba che ba 'di dag su lags/ 'di ltar lha dang lha ma yin gtso bo gang lags pa de dag yig ris lag pa phyin ci log tu bcings nas khrid par bgyid la/ rdeg par bgyid/ gsod par bgyid/ spro bar bgyid pa dang / shin tu smra zing zhes bgyid pa ngo mtshar che ba 'di dag ci lags// brgya byin bdag cag dang nye ba na mchis pa 'di dag su lags/ mkhyen tam/ lha dang lha ma yin gzhig par bgyi ba'i slad du lhags pa// 'jig rten thams cad gzhom par bgyi ba la brtson pa 'di dag bdag cag gi glo bar ma chud na yod yas su lags/ gal te mkhyen na 'di dag bdag cag la bka' stsal du gsol/ ci ste mi mkhyen na/ de dag la lan ci bgyi ba dgongs su gsol/ / dam pa'i chos dran pa nye bar gzhag pa bam po bzhi bcu gcig pa// de nas brgya byin 'di snyam du sems te/ bag med pa la gnas pa'i lha 'di dag ni de kho na nyid khong du ma chud la/ chos la skyabs su 'gro ba la yang brtson pa ma yin no// de rnams kyi dregs pa de bsal ba'i phyir ngas sprul pa 'di dag byas par zad de/
- 280a
'di rnams yid byung ba dang / sems las su rung bar gyur la/ sems shin tu las su rung ba'i lha gang yin pa de rnams la de bdag gis bshad par bya'o snyam mo// de nas sems yas su rung bar rig nas/ brgya byin des smras pa/ 'di ltar nyon cig/ shin tu dpung che ba/ gzugs shin tu bzod dka' ba/ kun nas gzhan 'joms par byed pa gang yin pa 'di dag ni/ lha 'di dag thams cad kyi dpung rnams kyis phyir gzhil ba 'am/ sngags rnams kyis kyang phyir bzlog par mi nus so// khyed pas khyad par du 'phags pa gzhan gang/ yin pa de dag gis kyang 'di dag la mi bzod na/ gang dag byad gzugs dang / mdog dang / dbang phyug dman pa khyed kyis lta smos kyang ci dgos/ gshin rje'i pho nya 'di dag ni pho nya nag po zhes bya ste/ gang 'chi ba'i du la nye bar gnas pa/ las dang nyon mongs pas sbrel ba'i srog chags rnams bcings nas/ sems can dmyal ba dang / yi dgas dang / dud 'gro rnams kyi nang du 'khrid par byed do/ / 'di ni 'khor ba thams cad du gtogs pa'i sems can thams cad kyis chos nyid du gnas pa yin no// 'khor bar gtogs pa'i sems can rnams kyi chos brgyad yod de/ brgyad gang zhe na/ skyes nas 'chi ba ni gnas dang po yin no// nad med pa na ba ni gnas gnyis pa yin no// lang tsho rga ba ni gnas gsum pa yin no// ldan pa
- 280b
las mi ldan pa ni gnas bzhi pa yin no/ / 'jig rten 'di ni las bdag gir bya ba/ las kyi bgo skal la spyod pa/ las la rton pa yin te/ ji lta ji ltar dge ba 'am sdig pa byed pa de lta de ltar las dag la spyod par 'gyur ba ni gnas lnga pa yin no/ / dga' ba dang yid du 'ong ba 'di dag thams cad las dngos po tha dad pa dang / dngos po med pa dang / dmas pa dang // mi ldan pa dang / bral ba 'di ni gnas drug pa yin no// 'jig rten na mi smra ba ni gzhan gyis bsod nams bsam sdig pa byas pa gzhan la 'gro bar 'gyur ro zhes bya ba 'di ni gnas med la/ chos nyid 'di ni/ 'gro ba la mi bslu ba la yin te/ 'di ni gnas bdun pa yin no// 'gro ba bag med pa dag res 'ga' dge bar 'gyur ro zhes zer ba 'di ni gnas med de/ gnas brgyad po gang rnams kyis 'khor ba 'dir 'jug pa'i gnas ni brgyad po 'di dag yin no/ / 'di ltar chos 'di rnams ni ngo bo nyid du gnas pa yin te/ rgyu rkyen las byung ba 'di dag ni mgyogs pas zlog pa'am/ dpung gis phyir zlog par mi nus so// de bzhin du gshin rje'i mi 'di dag/ dpung ngam mgyogs pas zlog par mi nus la/ gzung bar yang mi nus te/ 'di ni 'khor ba thams cad kyi chos yin no/ / gang dag sdig pa byed pa de dag la/ 'di dag gis gshin rje'i 'jig rten du chad pas gcod par byed de/ lha dang / lha ma yin dang // sems can dmyal ba dang //
- 281a
gnod sbyin dang / srin po dang / sha za dang / klu la sogs pa/ sems can dmyal ba dang / yi dgas dang / dud 'gro'i nang du skyes pa'i sems can rnams la 'di dag/ rnam pa du mar chad pas gcod par byed do// de nas lha rnams kyis/ brgya byin la 'di skad ces smras so// brgya byin 'di ltar thabs kun gyis bdag cag 'di dag gi dbang du mchi bar mi 'gyur ba'i thabs bsgrub pa de mkhyen pa lags sam/ de nas brgya byin gyis de'i tshe lha de rnams la 'di skad smras so// thabs yod de thabs gang gis lha rnams la 'di dag gis cung zad kyang byar mi nus so/ / lha rnams kyis thabs de yang gang zhe na/ 'di lta ste/ chos gcig gcig spang bar bya ste/ 'di lta ste/ bag med pa'o// chos gnyis shig bsgom par bya ste// / zhi gnas dang / lhag mthong ngo // skyon gsum zhig spang bar bya ste/ 'di lta ste/ 'dod chags dang / zhe sdang dang / gti mug rnams so// 'phags pa'i bden pa bzhi shes par bya/ ste/ sdug bsngal dang / kun 'byung ba dang / lam dang / 'gog pa ni sdug bsngal 'gog pa'o// lnga zhig don du legs par bsrung zhing / de kho na nyid yongs su shes par bya ba ni/ 'di lta ste/ gzugs la sogs pa yul lnga'o// drug cig legs par bsrung bar bya ba ni 'di lta ste/ dbang po drug go/ bdun zhig legs par shes par bya ste/ byang chub kyi
- 281b
yan lag bdun no/ / lam brgyad kyis 'gro bar bya ste/ yang dag pa'i rtog pa la sogs pas so// sems can dgu'i gnas yongs su shes par bya ste/ de rnams kyi las kyi 'bras/ bu thob pa'o// sa chen po bcu shes par bya zhing / sgom pa bcu gcig shes par bya ste/ skye mched pa bcu gnyis shes par bya/ dran pa bcu gsum dran par bya/ sems kyi rnam pa bcu bzhi bsgom par bya/ / dngos po bco lnga yongs su shes par bya/ dbugs 'byung ba dang / rngub pa dran pa rnam pa bcu drug shes par bya// srid pa bar ma'i 'gro ba dang 'brel pa zag pa bcu bdun spang bar bya/ khams bco brgyad kyi mtshan nyid yongs su shes par bya/ srid pa bar ma'i bcu dgu yongs su shes par bya/ 'dod pa'i khams su nye bar 'gro ba sems can gyi gnas nyi shu dang / de dag gi 'gro ba dang / ris dang / nyon mongs pa 'byung ba rnams yongs su shes par bya ste/ de dag yongs su shes na/ lha'am mi dag ngan song gi gnas gsum du de rnams kyi dbang du mi 'gyur te/ de dag 'jug pa'i yul ma yin no// dge ba'i chos thams cad bskyed par bya ba'i phyir/ lha 'am mi'i dge ba'i rtsa ba yang dag par gzung ba la/ ngan song gi 'jigs pa mi 'byung la/ 'chi ba'i tshe yang gshin rje'i mi byed mi sdug par bsgyur ba/ 'jigs pa skyed par mi byed do//
- 282a
de lta bas na dang po kho nar bag med pa yongs su spang bar bya ste/ de ni phyogs dkar po thams cad kyi bgegs su gyur pa yin no// skyes bu'i 'jig rten pa'i don yang ma/ yin la/ 'jig rten las 'das pa'i bde ba'i skal bar yang mi 'gyur ro// sems bag med pa'i dbang du gyur pa'i mi phyugs dang mtshungs te/ gnyid ma log kyang gnyid log pa nyid dang mtshur so/ / don dang don ma yin pa dang / bsod nams dang bsod nams ma yin pa dang / bshes gnyen dang bshes gnyen ma yin pa dang / zhing dang zhing ma yin pa dang / brjod par bya ba dang brjod par bya ba ma yin pa dang / zas dang zas ma yin pa dang / yon tan dang skyon yin pa mi shes pa yin te/ de lta bas na thams cad don med pa'i gzhir gyur pa/ dang po kho nar bag med pa yongs su spang bar bya'o/ / shin tu bag med pa'i lha de dag gshin rje'i mo'o dbang du ci ste mi 'gyur/ de nas de'i tshe brgya byin gyis 'di ltar tshigs su bcad de smras pa/ blun po chos la mi dga' zhing / / rtag tu bag med dga' ba gang // de ni 'chi ba'i dus bab tshe// gshin rje'i pho nya'i dbang du 'gro// bag med pa ni dug lta bur// mkhas pa yongs su bsrung ba gang // de ni 'chi ba'i dus bab tshe// skal ba ldan pa bde bar 'gyur// bag med shin tu 'chi bar byed// bag yod pa ni bde ba che// de lta bas na bde 'dod pas// yid la rtag tu bag yod byos//
- 282b
de la lha dag chos gcig spang bar bya ste/ 'di lta ste/ bag med pa'o zhes gang smras pa/ bag med pa la zhugs pa de ni rnam pa drug yod de/ drug gang zhe na/ 'di ni mig gis gzugs mthong nas// / bag med pas phrogs pa'i sems kyis gzugs bzang po 'am/ gzugs ngan pa 'am/ nag po 'am/ dkar po 'am/ dmar po 'am/ ring po 'am/ thung ngu'am/ gru bzhi 'am/ zlum po dag gi de kho na nyid khong du mi chud do// de bzhin du bag med pas phrogs pa'i blos 'jig rten pa'i de kho na nyid kyang khong du mi chud la/ bag med pas phrogs pa'i blos 'jig rten las 'das pa'i yang khong du mi chud do/ / de bzhin du bag med pas phrogs pa'i blos gzugs de nyid mthong nas ji lta ba bzhin khong du mi chud la/ lus la lus kyi rjes su lta bar yang mi 'gyur ro/ / 'phags pa'i bden pa bzhi la mngon par zhugs pa'i yid kyis gzugs de la spyod par mi byed de kho na 'chol bar mi byed do// de bzhin du bag med pas 'jig rten pa'i don yang mi mthong la/ 'jig rten las 'das pa yang mi mthong ngo // yang de bzhin du de bag med pas phrogs pa'i blos/ rna bas sgra thos kyang glu blangs pa 'am/ smras pa 'di'i don gang yin pa/ 'am/ rang gi don nam/ don med pa mi shes te/ de ltar 'jig rten pa'i don mi shes so// chos mdo'i sde dang / tshigs su bcad pa'i sde dang / dbyangs kyis bsnyad pa'i sde dang / lung du
- 283a
bstan pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / shin tu rgyas pa'i sde dang / rmad du byung ba'i sde 'chad pa 'di ni mi shes la/ des bshad pa de'i don yang shes par mi 'gyur ro// bag med pas phrogs pa de 'chi ba'i dus na gshin rje'i dbang du 'gyur ro// yang bag med pas phrogs pa'i sems kyi snas dri snom pa na/ dri zhim pa'am/ dri nga ba 'am/ me tog gi dri mi shes so// de bzhin du 'jig rten pa'i dri yang mi shes la/ 'jig rten las 'das pa'i yang mi shes so// bdug spos kyi dri yang mi shes la/ de'i tshe bag med pa des dkon mchog gsum la res 'ga' yang bdug spos dbul ba ma phul te/ de ltar bag med pa dag dri mi shes so// yang bag med pas phrogs pa dag ro shes pas mi 'gyur te/ ro myang bar byed pa na yang blo gzhan du zhugs pas/ ro 'di mngar ba 'am/ skur ba 'am/ lan tshwa 'am/ tsha ba 'am/ kha ba 'am/ bska ba 'am/ ba tshwa gang yin pa mi shes pa ni de ltar gzhan du phrogs pa'i blos mi shes so/ / bag med pas phrogs pa'i blos 'jig rten las 'das pa'i ro yang mi shes la/ chos kyi ro yang mi shes so// yang bag med pas phrogs pa'i blos lus kyi reg pa yang mi shes la/ lus la rten pa'i las kyang mi byed/ khyim gyi las kyang mi byed/ las kyi mtha' la yang mi sten/ legs par bya ba yang ma byas/
- 283b
de'i khyim gyi yo byad kyang mi sogs pas/ de'i khyim dngul bar 'gyur ro// 'jig rten las 'das pa'i las kyang mi byed/ bla ma rnams la yang mi sten cing / gsong por smra ba dang / phyag 'tshal/ ba'i ngo bo ma yin te/ bag med pas phrogs pa'i blos ni reg pa yang mi shes so// de bzhin du yid kyis kyang / gtsang ba dang / mi gtsang ba dang / dge ba dang / mi dge ba dang / lung du bstan pa'i chos rnams mi shes la/ de 'chi ba'i tshe shi ba'i chad pas nyen nas shin tu sdug bsngal te/ gshin rje'i mi'i dbang du 'gyur ro// de lta bas na chos gcig cig spang bar bya ba ni 'di lta ste/ bag med pa yin no// chos gnyis bsgom par bya ste zhi gnas dang / lhag mthong ngo zhes gang smras pa de gnyis ni mya ngan las 'das pa'i lam ston pa shin tu gya nom pa'o// de la zhi gnas zhes bya ba ni chos skyes pa dang / ma skyes pa rnams zhi bar byed pa yin no// lus dang / chos dang / sems dang / sems kyi chos dang / sems med pa'i chos dang / phyogs dkar po dang / phyogs nag po mthong bas lhag mthong ngo // skyon gsum spang bar bya'o zhes gang smras pa de la mi gtsang bas ni 'dod chags spang bar bya'o// byams pas ni zhe sdang spang bar bya'o// ye shes kyis ni gti mug spang bar bya ste/ de ltar yang phyogs gsum mo// phyogs kyi gnyen po yang gsum ste/ de dag kyang bag med pas spong bar mi byed do// de phyis 'chi ba'i dus yang dag par
- 284a
byung ba na ga shin rje'i mi'i dbang du 'gyur ro/ / 'phags pa'i bden pa bzhi gang zhen/ 'di lta ste/ sdug bsngal ba dang / kun 'byung ba dang / 'gog pa dang / lam mon gang smras pa de la/ sdug bsngal ni lus dang sems kyi'o// kun 'byung ba ni phung po dang / khams dang / skye mched rnams kyi kun 'byung ba'o// 'gog pa ni lci ba'o// lam ni yan lag brgyad de/ 'phags pa'i bden pa bzhi po 'di dag bsgom par bya'o// lnga zhig legs par bsrung bar bya'o zhes gang spras pa/ yul lnga ste gzugs dang / skra dang / dri dang / ro dang / reg bya 'di lnga bsku bar bya ba yin/ de kho na nyid yongs su shes par bya ba gang zhe na/ bsrung bar bya ba drug po 'di lta ste/ mig la sogs pa dbang po drug yul rnams la bsrung bar bya ba yin no// bdun zhig legs par shes par bya ba gang smras pa gang nan/ 'di lta ste/ byang chub kyi yan lag bdun yin te/ bdun pa de byang chub kyi yan lag tu 'gyur ro// dper na lus kyi yan lag thog zer gyi yan la gaganas kyi yan lag tu 'thun ba de bzhin du/ 'di dag byang chub kyi yan lag tu 'gyur ro// de dag kyang ga zhen/ 'di sa ste// dran pa yang dag bying rgyab kyi yan / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yin lag dang / dga' ba yang dag byang chub kyi yan lag dang / shin tu sbyangs pa/
- 284b
yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag go// de la dran pa yang dag byang chub kyi yan lag gi mtshan nyid ci yin/ zhe na/ 'di lta ste/ 'dus byas kyi chos kyi nyes dmigs kyi chos de kho na nyid bden pa bden par dran pa dang / mya ngan las 'das pa zhi ba bsags par dran pa yin te/ de ni dran pa yang dag byang chub kyi yan lag de'i dang po yin no/ / chos rnam par 'byed pa yang dag byang chub kyi yan lag gnyis pa de'i mtshan nyid ci yin zhe na/ 'di lta ste/ shes rab kyi don rnam par 'byed par byed do// 'byed pa zhes bya ba ni chos rnams kyi de kho na'i mtshan nyid yin te/ 'di ni chos rnam par 'byed pa yang dag byang chub kyi yan lag yin no// don de dag nyid yang dang yang yid la byed cing 'bad pa dang / 'grus pa dang brtson par 'gyur te/ de ni brtson 'grus yang dag byang chub kyi yan lag yin no// yang yid la byed pa mngon par 'dod cing dga' ba nyid du 'gyur ba ni dga' ba yang dag byang chub kyi yan lag yin no/ / yang don de dag nyid yid la byed cing / lus kyi chos dang / sems kyi chos nyid ji ltar de las su rung ba nyid dang / 'jam pa dang / yang ba de ltar rnal 'byor la bde ba 'dul ba nyid du 'gyur ba ni/ shin tu sbyangs pa yang dag byang chub kyi yan lag yin no// yang don de dag nyid yid la byed cing / dmigs pa las gzhan du mi gnas pa des
- 285a
sems 'dzin pa 'gyur ba ni/ ting nge 'dzin yang dag byang chub kyi yan lag yin no// ting nge 'dzin de dag nyid btung snyoms su blo gzhan du 'gyur ba ni btang snyoms yang dag byang chub kyi yan lag yin no/ / byang chub kyi yan lag 'di dag gi 'bras bu snga tshogs su 'byung ste/ ye shes sna tshogs dang / tshul khrims su chags dang / nyin mongs pa spong ba sna tshogs 'byung bri chub kyi yan lag 'di rnams dmigs pa gcigs ga nas gang du sa pa 'brel pa/ 'bras bu ni zad par 'byung // s+yA ga de ltar byung chub kyi yan lag bdun la pag yod pas 'am par bran po ng+gA pa bya'o/ / 'di la myos pa med pa'i bdeb 'tshal ba 'jig rten pa rol la 'jigs skrag pa/ mya ngan las 'das pa'i grong gi lam 'tshal ba'i 'phags pa'i lam yan lag brgyad pa ni// 'phags pa'i/ bdan pa yang dag pa'i ska ba dang / 'phags pa'i bden pa yang dag pa'i rtog pa dang / 'phags pa'i ban pa yang dag pa'i gdang / 'phags pa'i bden pa yang dag pa'i las sa pa dang / 'phags pa'i par dag pa'i / yang dag pa rgyam pa dang / sa ga ba'adzin pa dang / yang dag pa'i ting 'dzin to// tha ga dal la phags pa'i bden pa de dag gams cad kyi min/ 'bras bu mtshan nyid ni gang yin/ 'phags pa'i lam yan lag brgyad pa ci zhig dang ldan zhe na/ de la 'phags pa'i bden pa yang dag pa'i lta ba ni yang dag pa ji lta ba bzhin lta ba yin te/ chos rnams kyi rang gis
- 285b
nyid dang / spyi'i mtshan nyid la yang dag pa ji lta ba bzhin lta ba yin no// chos de dag nyid la sems skyed pa ni yang dag pa'i rtog pa'o// yang dag pa'i ngag bsdu ba ni/ yang dag pa'i rtog pas ngag gi sdom pa brdzun la sogs pa rnam pa bzhi ldog pa'i sdom pa 'di ni yang dag pa'i ngag yin no/ / lus kyis nyes par spyad pa rnam pa gsum ldog cing yang dag par len pa 'di ni yang dag pa'i las kyi mtha' yin no/ / mi dge ba'i las kyi 'tsho ba ldog cing sdom pa 'di ni yang dag pa'i 'tsho ba yin no// don de dag nyid yid la byed cing brtson 'grus 'jug pa gang yin pa 'di ni yang dag pa'i rtsol ba yin// no// chos kyi don de dag nyid yid la byed cing / ji ltar skyes bu dam pa'i rjed pa med pa 'di ni yang dag pa'i dran pa yin no// chos kyi don yang dag pa de dag nyid yid la byed cing // sems rtse gcig pa nyid dang // nges pa nyid du byed pa gang yin pa de ni yang dag pa'i ting nge 'dzin yin no// 'phags pa'i lam yan lag brgyad pa 'di dag la dmigs par byed pa gang yin pa de ni 'chi ba'i tshe gshin rje'i mi rnams kyi dbang du mi 'gyur ro/ / yang sems can dgu'i gnas rgya cher blta bar bya ste/ 'di lta ste/ tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / dran pa dang / ting nge 'dzin dang / dad pa ste/ sa chen po pa chos gtso bo bcu po 'di dag ni sems dang lhan cig kho na skye bar 'gyur ro// de rnams kyi mtshan nyid yongs su shes par bya ba ni/ chos de'i mtshan nyid gang
- 286a
yin pa'i mtshan nyid ni tha dad pa yin la/ chos de dag nyi ma'i 'od zer ltar dus gcig tu 'byung ste/ chos de dag gi mtshan nyid mi mang mi nyung bar sems dang lhan cig 'byung ngo // de la 'du shes ni yang dag par shes par byed pa'i mtshan nyid yin te/ chos rnams so so'i ngo bo'i mtshan nyid dang ldan pa yang dag par shes pa gang yin pa de 'du shes yin no// sems pa zhes bya ba ni dge ba dang / mi dge ba dang / lung du ma bstan pa dang / rnam pa gsum la yid kyi g.yo ba'o// yang rnam pa gsum ste// lus la brten pa 'am/ ngag la brten pa 'am/ yid la brten pa'i mtshan nyid yin no/ / gsum 'dus pa las reg pa myong bar 'gyur ba gsum 'byung ngo // myong bar 'gyur ba gsum gyi gtso bo ji lta bu yin zhe na/ bde ba myong bar 'gyur ba dang / sdug bsngal myong bar 'gyur ba dang / sdug bsngal yang ma yin/ bde ba yang ma yin pa myong bar 'gyur ba'o// gtso bo yid la byed pa zhes bya ba ni/ chos rnams la 'jug pa yin no// 'dun pa zhes bya ba ni/ bya ba'i bsam pa gang yin pa'o/ / gtso bo mos pa zhes bya ba ni/ gang gis spobs pa skye bar 'gyur ba'i spobs pa yin no// dad pa zhes bya ba ni dad pa can nyid do// gtso bo brtson 'grus zhes bya ba ni spro ba nyid do/ / dran pa zhes bya ba ni/ dmigs pa mngon par ma brjod pa nyid de sems rmongs par byed pa med pa'o// gtso bo ting nge 'dzin ces bya ba ni/ sems rtse gcig pa nyid do// shes rab ces bya ba ni/
- 286b
chos rnam par 'byed pa yin te/ gang gis chos rnams rab tu rnam par 'byed par byed pa'o// gzhan yang sa chen po pa gzhan bcu yod la/ chos de dag bsgrub pa gang yin pa de ni/ 'chi ba'i tshe gshin rje'i mi'i dbang du gyur te/ 'di lta ste/ ma dad pa dang / 'gyod pa dang / brjed ngas pa dang / sems g.yengs pa dang / shes rab 'chal pa dang / tshul bzhin ma yin pa yid la byed pa dang / log pa la mos pa dang rgod pa dang / ma rig pa dang / bag med pa'o// chos bcu po 'di dag ni nyon mongs pa'i sa chen po pa rnams yin te/ nyon mongs pa'i srid pa skyed pa dang / gshin rje'i mis thob pa'i rgyu dag yin no// danani gtso bo ji skad bshad pa bstan pa 'di rnams kyi mtshan nyid bshad par bya'o// de la ma dad pa zhes bya ba ni mos pa med pa yin te/ gang gis chos rnams la mos pa med pa'o// le lo zhes bya ba ni brtson// 'grus gtong ba le lo nyid yin no// brjed ngas pa zhes bya ba ni chos rnams mi dran pa gang yin pa'o// sems g.yengs pa zhes bya ba ni dmigs pa du mar 'gyur ba'o// shes rab 'chal pa zhes bya ba ni sems mi mkhas pa'o/ / tshul bzhin yid la mi byed pa ni lam ma yin pas/ chos rnams la tshul bzhin du sems par mi byed cing mi gtsang ba la gtsang ngo snyam du sems pa'o// gtso bo log par ro pa zhes bya ba ni log par 'dzin pa log par gzung nas dam du byed pa'o/ / gtso ba rgod pa zhes bya ba ni sems rnam par ma zhi ba'o// ma rig pa zhes bya ba ni khams gsum pa'i chos mi shes pa'o// bag med
- 287a
pa zhes bya ba ni gang gis dge ba'i chos rnams mi sgrub pa yin te/ nyon mongs pa de rnams ni sa chen po pa chos smad par bya ba yin no// chos bcu po gzhanas chung ngu ba zhes bya ba gang yin pa 'byung ste/ de dag gang zhe na/ 'di lta ste/ khro ba dang / khon du 'dzin pa dang / ston pa dang / 'tshig pa dang / sgra dang / g.yo dang / phrag dog dang / ser sna dang / nga rgyal dang / lhag pa'i nga rgyal yin no/ / chos bcu po 'di dag ni sa chung ngus bsdus pa yin la/ ma 'ongs pa dang ldan pa'i rkyen sa chung ngu pa yin no// de la khro ba zhes bya ba ni sems 'khrugs shing khros pa yin no// khon du 'dzin pa zhes bya ba ni dgra la dam du sems pa nyid yin no// ston pa zhes bya ba ni sdig pa gsum gyis 'chi ba'o// rab tu 'tshig pa zhes bya ba ni/ chos ma yin pa la dam du 'dzin pa'o// sgyu zhes bya ba ni sme ba yin te/ gang gis sla bar byed pa'o// skye mched bcu gnyis shes par bya zhes 'byung ba de dag gi gtso bo gang yin zhe na/ mig dang / rna ba dang / sna dang / lce dang / lus dang / yi do nang gi skye mched rnams dang / de dag gi gzugs dang / sgra dang / dri dang / ro dang / reg bya dang / chos te phyi'i skye mched rnams yongs su shes par bya zhing / mtshan nyid dang / ngo bo nyid dang / 'byung ba shas che ba rnam pa gsum yongs su shes par bya'o/ / de la mig gi mtshan nyid ni 'byung ba chen po dang ba/ gzugs so sor rig par byed pa yin te/ de'i rgyu ni mig yin no// de bzhin du rna ba la sog
- 287b
pa rang gi mtshan nyid yul gyis phyogs kyis khong du chud par bya ste/ de ni mtshan nyid yin no// gtso bo'i ngo bo nyid ji ltar shes par bya zhe na/ ngo bo nyid ces bya ba ni phyin ci ma log pa yin te/ rgyu dang rkyen lnga dag las/ mig gi rnam par shes pa 'byung ngo // gang dag las 'byung zhe na/ mig dang / gzugs dang / snang ba dang / nam mkha' dang / yid la byed pa dag las 'byung la/ rna ba'i rnam par shes pa ni/ de ltar mi 'byung ste mun pa 'am/ mun pa ma yin pa la yang sgra thos pa rung ngo // de la snang ba gtso bo ma yin te/ cung zad kyang byed pa med do// sna dang / lce dang / lus dang / yid la yang de bzhin du snang ba gtso bo ma yin te/ cung zad kyang byed pa med do// yid kyi rnam par shes pa la ni snang ba 'byung bar yang 'gyur la/ mi 'byung bar yang 'gyur ro// ji ltar 'byung bar 'gyur la/ ji ltar 'byung mi 'gyur zhe na/ mig gi rnam par shes pas don myong ba'i yid kyi rnam par shes pa 'byung ba gang yin pa'i dmigs pa de la snang ba med na/ 'byung bar mi 'gyur ro// lhag pa rnams pa ni med kyang 'byung bar 'gyur ro/ / yang skye mched rnams la 'byung ba shas che ba med na/ mi 'byung ba yongs su shes par bya'o// med na mi 'byung ba ji ltar shes par bya zhe na/ 'byung ba chen po bzhi dag gi phan tshun gnas su gyur pa mngon par 'phel ba dang zad par 'gyur ro/ / de la mig la ni me dang sa'i khams kyi shas che'o// sna dang lus la ni rlung gi khams kyi shas che'o// lce la ni chu'i
- 288a
khams kyi shas che'o/ / rna ba la ni nam mkha'i khams kyi shas che ste/ de yang gang na mgul pa dang / bu ga'i nam mkha'i shas che bas zil gyis gnon par mthong ngo // de ltar rna ba de'i 'dzin pa 'byung ste/ de ltar skye mched rnams kyi shas che ba dang chung ba so sor shes par bya'o// yang skye mched de rnams la rtog par byed de/ nye bar 'dzin pa ni gang zhig yin/ ring bar 'dzin pa ni gang zhig yin zhe na/ de la sna dang / lce dang / lus ni nye bar 'dzin pa yin no// mig ni ha cang ring ba yang ma yin/ ha cang nye ba yang ma yin par 'dzin pa yin no// rna ba ni ha cang ring bar 'dzin pa ma yin no/ / sna ni shin tu nye bar 'dzin pa yin te/ shin tu nye ba nang na yod pa'i sna chu dri mi zhim pa ji ltar myong ba rnams la snom par byed do// de bzhin du rna ba yang nang du zhugs pa'i rlung gi sgra thos so// rnam par shes pa de dag thams cad kyang rnam par shes pa gnyis kyis shes te/ mig gi rnam par shes pa dang / yid kyi rnam par shes pa'o// yang dag par 'brel pa de dag thams cad ni/ ji ltar me gang zhing la bud shing tha dad pa las/ me tha dad par 'gyur ba de ltar rnam par shes pa rnams kyang rgyu dang rkyen tha dad pa la rten pa las rnam par shes pa tha dad pa 'byung ngo // de ltar skye mched rnams kyi gtso bo shes pa gang yin pa de ni/ bag med pa la gnas par mi 'gyur zhing / de de rnams la chags par mi 'gyur/ slong bar mi 'gyur/ zhe sdang bar mi 'gyur ro// skyes bu dam pa de ni 'chi ba'i tshe gshin rje'i
- 288b
mi rnams kyis 'jigs par mi 'gyur zhing / bzhin mi sdug par bsgyur ba rnams kyis 'jigs par mi 'gyur/ lig ris lag pa phyin ci log tu bcings par mi 'gyur/ gshin rje'i 'jig rten mthong bar mi// / 'gyur/ sems can dmyal ba dang / yi dgas dang / dud 'gro'i nang du skye bar mi 'gyur ro// de shin tu bde ba dang ldan par 'gyur zhing / mtha' las byung ba'i shin tu bde ba myong bar 'gyur/ bag med pas phrogs par mi 'gyur ro/ / yang skye mched de dag nyid la/ mi rtag pa dang / sdug bsngal ba dang / stong pa dang / bdag med pa'i gnas dang / rten zil gyis gnon cing so sor rtog par byed pa ni bag med pa'i dbang du mi 'gyur ro/ / mig gi rnam par shes pa las byung ba yang gso ba gsog/ snying po med pa sgyu ma lta bur rtog go// de zhig gnas gzhan rna ba'i rnam par shes pa 'byung ba de nyid la yang gsob gsog snying po med pa dang / de bzhin du nang gi skye mched drug dang / phyi'o skye mched drug la so sor rtog par byed do// skye ba dang 'jig pa dag na 'dzin par byed pa ro myang ba dang bcas pa rnams la mi brtan pa dang / gnod pa dang bcas pa dang / rgyu dang rkyen gzhan dang gzhan dag las skyes pa yang dag pa ji lta ba bzhin rab tu shes pa de ni gzugs rnams kyis 'phrog par mi 'gyur ro// de bzhin du mos pa med pa ni/ lha'i 'dod pa rnams la sems kun tu g.yeng bar mi 'gyur na/ mi rnams lta zhig ga la 'gyur/ de nas brgya byin gyis de'i tshe/ 'di ltar tshigs su bcad de smras pa/ dge ba rnams
- 289a
la bgegs byed pa/ / skye mched khams la rmongs pa yin// chos rnams kun la bag med pa// rab tu 'jug pa yod pa yin// nyes pa gsum la rnam chags pa// ngan song sgor ni nye ba gang / / shin tu rmongs pa sdig pa'i mchog/ bag med rab tu 'jug par byed// byis pa bag med dga' ba gang // de ni 'chi ba'i lag na gnas// bag med pa la bsten pa gang / de dag thams cad 'jig par byed// chos gcig las ni rnam 'das shing // chos gnyis la ni sems pa po// gnas gsum mtshan nyid rig pa gang // skye bo de ni bde skal ldan// gang tshe lha rnam bsod nams zad/ / bag med pa yis rnam par gtses// de bas rmongs pa ltung ba gang // de tshe de la su zhig skyob// de tshe chos gcig dge ba ni// bzod pa rgya cher yang dag ldan// gang tshe kun nas 'byung po la/ / bzod dang snying rjer ldan pa ni// 'di dag 'chi ba'i dus kyi tshe// 'jigs pa che la dpung du 'gyur// de bas bag med bral rnams kyi// rab tu bsgrims te bsten par bya// ma rig pa ni spangs na// dge/ rig pa rnams ni rtag tu bsrung // rig pa ma rig rnam shes pa// mi de de yis gtse mi 'gyur// 'di ltar skyes bu'i don nges te// gang zhig bag med spong ba yin// bag yod pa la dga' ba nyid// de ni skyes bu'i don 'dod do// bag med 'ching ba'i zhags yin la// de las grol ba bag yod pa// de dag mtshan nyid mdor bsdu na// 'ching ba dang ni thar par 'gyur// 'di dag rig nas rtag tu lha// bag
- 289b
med rnams la chags pa gang / / de ni phyi nas 'chi ba'i tshe// de yis 'bras bu de shes 'gyur// de ltar brgya byin gyis/ skye mched bcu gnyis kyi mtshan nyid bag med par 'gyur ba rgya cher lha rnams la ston te/ gang sngon dge ba'i rtsa ba bskyed pa/ bag med pa chung ba gang yin pa de dag ni/ bag med pa la shin tu gnas par mi byed de/ chos bshad pa don yod par bya'o snyam nas/ de dag nyid khong du chud par byed do// dbang po yongs su ma smin pa rnams ni/ chu bur ma smin pa brtol ba dang / gzag pa dang / bskam pa dang / gso ba bzhin du ga la zhig khong du chud par 'gyur te mi 'gyur ro// lha'i rgyal po brgya byin des go nas gong du tshig gi rim pa re res skye mched bcu gnyis dag gi mtshan nyid ji lta ba bzhin bshad cing / lha de rnams la rdzu 'phrul rmad du byung ba de dag kyang bstan nas/ de nas yang rim gyis byung ba dran pa dang 'brel ba rnams kyi mtshan nyid dang / dmigs pa dang / rgyu dang rkyen dag bag med pa dang bral bar bya ba'i don du khong du chud par byed do// brgya byin des srog chags gsod pa sprul pa bstan pas/ 'jigs shi mi dga' ba'i lha de dag nyid nges par 'byung ba'i thabs kyi don dang / phan par bya ba'i phyir yang dang yang du chos ston par byed do// gtso bo sems las byung ba g.yo zhes bya ba ni drang po ma yin pa nyid de 'khor bar shin tu 'ching bar byed pa/ ma rung ba nyid yin no// phrag dog ces bya ba ni gzhan la gnod par byed pa'i ngo bo nyid yin no// gtso bo ser sna zhes bya ba ni nor rdzas zad du dogs pas 'jigs
- 290a
pa nyid dang / sems las byung ba'i brkam pa nyid yin te/ 'di dag ni khams gsum kun gyi sa las byung ba chung ngu yin no// de dag kyang khams gsum du so sor dbye na/ du yod cen/ khro ba dang / khon du 'dzin pa dang / phrag dog dang / ser sna dang / ston pa dang / sgyu dang / 'tshig pa ni 'dod pa'i khams su 'jug la/ g.yo gcig pu ni 'dod pa'i khams dang / tshangs pa'i 'jig rten du yang 'byung ngo / / nga rgyal dang / lhag pa'i nga rgyal ni khams gsum tshar du 'byung ste/ gtso bo chos bcu po 'di dag ni sa chung ngu las byung ba yin no// gzhan yang gtso bo dge ba chos bcu po sa chen po las byung ba yod de/ gang zhe na/ 'di lta ste/ chags pa med pa dang / zhe sdang med pa dang / ngo tsha shes pa dang / khrel yod pa dang / dad pa dang / shin tu spangs pa dang / bag yod pa dang / brtson 'grus dang / btang snyoms dang / 'tshe ba med pa yin te/ dge ba 'di dag ni sa chen po las byung ba yin no// de la 'di dag gi so so'i mtshan nyid 'di lta ste/ dge ba'i chos de dag thams cad kyi gzhir gyur pa ni/ chags pa med pa 'di yin te/ de dag thams cad kyi rtsa bar gyur pa yin no// de bzhin du zhe sdang med pa yang yin no// ngo tsha shes zhes bya ba ni/ bdag nyid dben par 'dug cing / bdag nyid 'jigs par sems pa'o// khrel yod pa zhes bya ba ni pha rol gyi khrel yod pa'o// dad pa zhes bya ba ni 'gro ba'i dang ba'o// shin tu sbyangs pa zhes bya ba ni
- 290b
dge ba'i sems dang / lus dang / sems kyi gnas ngan len sel ba'i gnas yin te/ rab tu tshim par byed pa'o// bag yod pa zhes bya ba ni dge ba'i chos sgrub pa'o// btang snyoms zhes bya ni bya ba dang / mi bya ba dang / rgyu dang rkyen dang la snyoms par 'jug pa gang yin pa'o// gtso bo mi 'tshe ba zhes bya ba ni sems can rnams la gnod pa mi byed pa yin no// dge ba 'di dag ni sa chen po las byung ba yin te/ de dag bshad pa yin no// 'di dag la sems mi 'jug pa de dag ni 'chi ba'i tshe/ gshin rje'i mi rnams kyi dbang du 'gro la// de dag 'chi ba'i dus kyi de'i tshe/ kun tu spangs par 'gyur ro/ / de ci'i phyir zhe na/ dge bas yang dag par ma zin pa'i phyir ro// ji skad bstan pa'i sems dang / sems las byung ba'i chos sa chen po las byung ba rnams dang / dge ba sa chen po las byung ba rnams dang / chung ngu sa chen po las byung ba rnams kyi rang gi mtshan nyid bsdus pa'i ming ni bcu pa zhes bya'o// yang gtso bo bcu gcig sgom pa zhes bya ba gang yin zhe na/ 'di/ la dge slong lus dang lus la rtog par byed do// brtags nas kun tu chags par mi byed/ rmongs par mi byed la/ de sems la dam du 'dzin par mi byed de/ 'di ni sgom pa dang po yin no// gzhan yang dge slong de sgom pa goms par byed de/ sngon 'dod pa nye bar spyad pa gang yin pa de dag la smod par byed/ ro myang bar mi byed/ yid la mi byed/ 'gyod par byed/ skyon du bgrang bar byed pa 'di ni
- 291a
skom pa gnyis pa yin no/ / gzhan yang dge slong de sgom pa goms par byed de/ 'di ltar bdag phrag yod na/ yul kun dang ldan pa'i yul rnams kyis mi 'phrogs la/ bkra la nyal gyi sbyor ba thams cad zad par 'gyur te/ de ltar bag yod pa la gnas pa ni/ bag yod pa de sgom par byed cing / goms par byed pa 'di ni/ sgom pa gsum pa yin no// gzhan yang dge slong de sgom pa goms par byed de/ dge ba'i chos rnams yid la byed cing // de dag kyang goms par byed pa ni/ 'di ltar bdag gi dge ba'i chos skyes pa 'di dag ni rnam par smin pa bde ba/ rgyu bde ba/ rkyen bde ba yin te/ bdag la rnam par smin pa bde ba de dag 'byung bar 'gyur ro snyam mo// de bzhin du mi dge ba rnams la yang rtog par byed la/ de'i sgom pa de ni yang dag par 'gyur/ te/ 'di ni sgom pa bzhi pa yin no// gzhan yang dge slong de sgom pa goms par byed de/ 'di ltar bdag la tshor ba bde ba skyes pa de ci las byung / rang bzhin ci yin/ rgyu ci yin/ rkyen ci yin/ gzhi ci yin/ skyes pa des bdag gi sems g.yeng bar mi byed dam zhes tshor ba de dag la yang dag pa ji lta ba goms par byed la/ de dag la yang snying po med par lta ste/ gsob dang // gsog dang / snying po med par goms par byed pa 'di ni sgom pa lnga pa yin no// yang dge slong de sgom pa goms par byed de/ 'di ltar 'du byed gang yin pa de rnams ni mi rtag pa dang / sdug
- 291b
bsngal ba dang / stong pa dang / bdag med pa dang / gsog phan tshun gyi stobs kyis byung ba rnams 'byung ste/ stobs gcig gis skyed pa ma yin no zhes de ltar goms par byed do// de de rnams la chags par mi byed pa 'di ni sgom pa drug pa yin no/ / gzhan yang dge slong de sgom pa bdun pa goms par byed de/ 'di ltar bdag gi yid la byed pa dge ba dag skyes so// dge ba'i rgyus skyes pa de yid kha byed pa gzhan gyi nyams te/ bdag gi dmigs pa de brjed de/ de bzhin du bdag gi yid la byed pa mi dge ba skyes la/ de yang yid la byed pa dge bas nyams te/ bdag gi dge ba'i chos de rnams kyi bar chad du byung ngo snyam mo/ / de ltar rtag tu dmigs pa yid la byed pa 'di ni sgom pa bdun pa yin no// gzhan yang dge slong de sgom pa brgyad pa goms par byed de/ 'di ltar chos ni rang gi mtshan nyid dang sI'i mtshan nyid yin la/ chos 'di dag rang gi mtshan nyid phyin ci ma log par 'dzin te/ chos thams cad kyi 'dres pa med pa 'di nyid ni chos nyid du gnas pa yin no// bdag skyes pa dang / gor ma chag par 'chi ba nye bar gnas par 'gyur te/ 'dus byas kyi chos la gang mtshan nyid gsum med par gyur pa gang yang med do snyam du de ltar sgom pa ni chos thams cad kyi mi rtag pa nyid sgom pa yin te/ de ltar sgom pa'i dge slong de ni sgom pa brgyad pa sgom pa yin no/ / gzhan yang dge slong de sgom pa dgu pa goms par byed de/ 'di ltar kun nas nyon mongs pa'i rtsa ba 'dod chags dang / zhe sdang dang
- 292a
gti mug gsum gyi gnyen po mi gtsang ba dang / byams pa dang / rten cing 'brel par 'byung ba de dag gnyen po yin te/ de ltar goms par byed/ rtag tu yid la byed pa 'di yang sgom// pa dgu pa yin no// gzhan yang dge slong de sgom pa bcu pa goms par byed de/ 'di ltar sangs rgyas kyi yon tan rjes su dran pa sgom ste/ de yang 'jig rten la phan pa dang bde bar bya ba'i phyir ro// de lta bas na bdag nyid la rtag par phan par 'dod pa rnams kyis de nyid bsgom par bya'o zhes yang dag par dran par byed pa nyid ni sgom pa bcu pa yin no/ / gzhan yang dge slong de sgom pa bcu gcig pa goms par byed de/ 'di ltar gcig nas gcig tu brgyud de thos pa de skad cig re re la goms par byed do// 'di ltar gcig nas gcig tu brgyud pa skad cig re re ni mngal nas byung ba dang / skyes pa dang / shi ba'i bar dang / mngal na gnas pa dang / gzhon nu dang / lang tsho nas/ rgas pa'i mthar thug gi bar du de ltar goms par byed pa dge slong de 'am/ gzhan yang rung ste/ 'chi ba'i cho gshin rje'i mi'i dbang du mi 'gro zhing / bzhin mi sdug par bsgyur ba sdig pa byed pa gzhan de dag kyang mthong bar mi 'gyur ro// dran pa bcu gsum dang 'brel pa/ legs par sgom pa gang yin pa de dag ni phan pab dang / bde ba dang / mthar mya ngan las 'das par 'gyur ro// bcu gsum gang zhe na/ 'di la bag yod pa dran pa dang / nye bar gnas pa dran pa dang / g.yeng ba med pa dran pa yin te/ dran pa de
- 292b
dag la nye bar gnas nas/ 'di lta ste/ bud med ces bya ba'i lus kha dog bzang po 'am/ kha dog ngan pa mthong ba de'i nang mi gtsang ba mnam pa'i gzhi dang / mi brtan pa phyi sa'i khung ltar dran pa nye bar gnas// pa dang / dran pa mi g.yo ba ni grong khyer gyi phyogs sam/ grong gi phyogs dag tu bsod snyoms kyi phyir rgyu ba 'am/ yul dag tu 'gro ba na bud med kyi 'du shes kyi dbang du mi 'gyur ro// de ci'i phyir zhe na/ dran pa nye bar gzhag pa'i phyir te/ 'di ni dran pa dang 'brel pa dang po yin no// gzhan yang dran pa dang 'brel ba ni phyi rol gyi tshal nyams dga' ba dang / chu bo nyams dga' ba dang / lteng ka nyams dga' ba dang / skyed mos tshal nyams dga' ba rnams mthong nas kyang / 'di ltar dran pa nye bar 'jog ste/ nyams dga' ba'i ngo bo gang yin pa de dag gi dus ni phyis 'byung ste/ byis pa'i sems rab tu chags par byed pa de dag ni rI rI por 'gyur/ lhags par 'gyur/ mi sdug par 'gyur/ 'dab ma rnyis shing lo ma sil por lhag par 'gyur ro// de dag de ltar gyur gyis kyang thams cad du 'byung bar yang mi 'gyur la/ kye ma 'di dag la nyams dga' ba ci zhig yod snyam ste/ de ltar dran pa dang 'brel bar byed do// de ltar dran pa nye bar gnas pa brkam pa med pa de ni/ phyi nang gi yul gyi gzugs kyis nyams pa med cing / bdun gyis kyang gnod pa med do// gzhan yang de'i don dang phan par bya ba'i phyir/ dran pa dang 'brel pa gsum pa de dran par byed do// ji ltar dran par byed/ dran pa dang
- 293a
par byed de/ bdag gi dran pa nye bar gnas pa ni legs pa yin te/ mi dge ba'i chos snang ba rnams nyams shing zad la/ bcom zhing spangs par gyur to// gzhan yang yid la mi dge ba skyes pa des bdag gi dge ba dran pa nyams shing / bdag gi de kun nas bar chad byung ste/ de la bdag gis yang dge ba'i dran pa nyid bskyed par bya'o snyam nas de ltar dmigs pa dang / mtshan nyid dran pa de gcig nas gcig tu bgrang bar byed do/ / yid la gcig tu gyur cing gcig tu 'dus pa ni dran pa las su rung bar 'gyur ro// de ni chu bo'i shugs kyi rlabs ma brtan pa/ yul nor pa dgra lta bu dag las sems 'dzin par nus so/ / gzhan yang dran pa dang 'brel pa dgu pa dran par byed de/ nyin gcig bzhin sangs rgyas kyi yon tan rjes su dran par byed/ dam pa'i chos la rtag tu gus par byed/ bla ma rnams la dad par byed cing de'i sgrub pa la yang gnas par byed/ blo shin tu mnyam par gzhog par byed/ gnya' shing gang tsam du lta bar byed/ sems can thams cad la phan par mos pa dran par byed de/ de'i dran pa dang 'brel pa de ni 'bras bu dang bcas pa/ mthar mya ngan las 'das par 'gyur ro// gzhan yang dran pa dang 'brel pa bcu pa dran par byed de blo gros shin tu mnyam par gzhog par byed la/ 'di ltar 'jigs pa chen po bzhi po 'di dag 'ong ste/ rga ba dang / na ba dang / 'chi ba dang / rgud pa dang bzhi'o// de dgra chen po de dag gis
- 293b
rtagaturnam par 'jigs te/ dga' bar mi sems so// bzhi zhig kyang shin tu mi brtan par mthongs/ chu dang/ nang med pa dang / lung tshong/ phun sum tshogs pa bzhi'o// de sbyar bstan pa bzhig de dag la/ rtag tu 'jigs shing mi bstan pa gzhan la yang goms par byed pa ni/ yul rnams kyis 'phrog par mi 'gyur zhing / dga' ba'i 'dod chags kyi dbang du mi 'gro la/ dran pa nye/ bar gnas par 'gyur te/ nyon mongs pa'i ri zad par nus so// gzhan yang dran pa dang 'brel pa bcu gcig pa dran par byed de/ dge 'dun la gang zag gis 'byed par mi byed la/ le lo la brtson zhing spyod par mi byed/ gang zag gis gang zag rab tu 'byed par byed pa ni nyams par 'gyur bas/ gnod par mi byed la/ phan par yang mi byed pa de ni/ de ltar sems dang bar 'gyur zhing de'i dran pa yang las su rung bar 'gyur te/ gnod pa med pa lhur len par byed do// gzhan yang dran pa dang 'brel pa bcu gnyis pa dran par byed de/ rtag tu dam pa'i chos nyan pa lhur len par byed do/ / de lhur len pa dang ldan pa des/ chos 'dzin par byed pa gang yin pa de dag phyir zhing dam du 'dzin par byed do// kha na ma tho ba dang bcas pa dang / kha na ma tho ba med pa'i chos rnams rnam par shes par byed de/ de mar mes mun nag gi gzugs dag mthong ba ltar/ bcom ldan 'das kyis gsungs pa'i chos kyi sgron mas kha na ma tho ba dang bcas pa dang / kha na ma tho ba med pa dag mthong ngo // /
- 294a
'brel ba'i dmigs pa ni gang yin zhe na/ 'dis sngon zos pa 'am/ nyal ba 'am/ dga' bar byas pa 'am/ dmigs pa bsten pa gang yin pa de dag dran nas/ rtog par mi byed cing yid la dam du 'dzin par mi byed do/ / de ltar de byis pa so so'i skye bo rnams kyi dbang po dag ni tshim pa byed do snyam ste/ de ltar dran pa dang 'brel bar byed do// gzhan yang dran pa dang 'brel ba bzhi pa dran par byed de/ gang du rnyed pa dang / bkur sti dang / mal stan dang / na ba'i gsos sman gyi rkyen gyi yo byad rab tu mang po thob pa der dga' ba dang 'brel bar mi byed cing kun tu chags bar mi byed do/ / 'di ltar rnyed pa dang / gang du rnyed pa dang / bkur sti lhur byed pas dge sbyong nyams par 'gyur la/ gang zag de yang lpags pa ral nas sha ral bar 'gyur/ sha ral nas chu rgyurgyas chad par 'gyur/ chu rgyus chad nas rus pa chag par 'gyur// rus pa chag nas rkang yang zad par 'gyur te/ rnyed pa dang bkur stis ni de ltar byed par 'gyur ro// rnyed pa dang bkur sti 'di ni dge ba'i chos thams cad kyi bar chad byed pa'i rgyu yin te/ legs par dran pa nye bar gnas pa ni phyogs gcig la gnas pa yin no// gzhan yang dran pa dang 'brel pa lnga ba dran par byed de grong dang / grong khyer dang / ljongs su rab tu rgyu bar mi byed/ grong khyer dag la sten par mi byed/ yul mi dag dang 'phel ba'i gtam smra ba'i ngo bor mi byed/ 'du 'dzi dang dga' bar gnas
- 294b
par mi byed do/ / 'di ltar grong dang / grong khyer dang / ljongs su gnas par byed pa gang yin pa de dag ni/ blo g.yeng bar 'gyur la/ rang gi don kyang byed par mi nus so// de ltar de dag gi don ji lta ba bzhin mthong ba nyid kyis dran pa skye bar 'gyur ro/ / gzhan yang dran pa dang 'brel pa drug pa dran par byed de/ de ltar skyon du lta ba de ni dur khrod dang / shing drung dang / srog khrod dang / ri'i gsab gseb dang / khang stong du sten par byed cing / su dang yang lhan cig gnas par mi byed/ 'dre bar mi byed do// 'di ltar 'dre bar mi byed pa'i dge slong de ni/ dge ba'i chos rnams thob par 'gyur la/ spang bar bya ba yang spong bar 'gyur ro// gzhan yang dran pa dang 'brel pa bdun pa dran par byed de/ lha'i gtam rnams la yang chags pa mi skyed la/ sems can dmyal ba'i gtam rnams la yang yid 'byung bar mi byed do/ / de 'di snyam du dran par byed de/ lha rnams kyi mtha' ni ltung zhing gnod pa dang bcas la/ gshin rje'i mi'i dbang du gyur pa yin no// / sems can dmyal ba pa yang las kyis drangs pa yin te rjes su dga' bar mi bya zhing / gzhan byed pa yang phyir bzlog par bya'o snyam ste/ de mtho ris la yang mi dga'/ sems can dmyal ba la yang 'jigs pa med de/ dga' ba dang 'jigs pa spangs pa de ni/ dge ba dran pa'i ngo bor 'gyur te/ dran pa nye bar gnas pa yin no// gzhan yang dran pa dang 'brel pa brgyad pa dran
- 295a
de ltar shin tu mnyam par gzhag pa'i dran pa 'byung ba de ni nyon mongs pa'i dra ba'i dbang du mi 'gro zhing bdud kyi dbang du mi 'gro ste/ de ltar dran pa dang 'brel ba bcu gnyis pa yang dran par byed do/ / gzhan yang dran pa dang 'brel ba bcu gsum pa dran par byed de/ skad cig skad cig la/ lus dang / sems dang / tshor ba'i rang gi mtshan nyid sgrub pa'i dran pa 'byung ste/ dran pa nye bar gzhag pa 'di dag so sor shes par byed cing / yid la yang dam du 'dzin par byed do// yid la byas pa de rnams bag med pa la brten par mi 'gyur zhing / bag yod par byed pa de ni gshin rje'i mi'i dbang du 'gro bar mi 'gyur la/ rang dbang du 'gyur/ dran pa nyams par mi 'gyur ba dang / dus ma yin par spyod par mi 'gyur ba dang / yul ma yin par spyod par mi 'gyur ba dang / spyod yul ma yin par spyod par mi 'gyur te/ 'brel pa 'di dag ni dran pa thams cad kyi nang du 'brel pa yin no// gzhan yang sems kyis khams bcu bzhi bsgom par bya zhes gang smras pa/ legs par sgoms na shin tu sbyang ba byas shing / shin tu dul/ shin tu dag par gyur la/ bag med pas 'phrog par yang mi 'gyur ro// 'di lta ste/ mos pa dang / brtson 'grus dang / rab tu zhi ba dang / slob dpon la bsnyen bkur ba dang / sdig pa'i grogs po yongs su spangs pa dang / sangs rgyas kyi gsung la goms pa dang / tshul bzhin yid la byed pa la goms pa dang / rgod pa yongs
- 295b
su spangs pa dang / chos dang chos ma yin pa'i rgyu dang 'bras bu la dad pa dang / sngon gyi 'dod pa rjed pa dang / bud med la lta ba yongs su spangs pa dang / gnyen la lta zhing lhag pa spyod pa med pa dang / yul thams cad yang dag par gzung ba dang / skye ba dang 'chi ba'i 'jigs pa yin te/ bcu bzhi po 'di rnams kyis sems yongs su bsgoms pa de ni shin tu yongs su bsgoms pa yin la/ rgyu 'di rnams kyis shin tu yongs su sbyang ba byas pa ni 'chi ba'i tshe 'gro ba ngan pa'i pho nya mi 'byung la/ ngan song gi sgo yang 'byed par mi 'gyur/ dam pa'i chos la blun par mi 'gyur/ mi mgul du thag pas bcings pa ltar/ gar dga' dgur 'gro ba rgyu ba rnams su 'khrid par mi 'gyur/ mi ngan pa'i yid ches pa'i bya ma rta lta bu'i las byed par mi 'gyur ro// 'di dag thams cad ni dam pa'i chos thob pa na/ 'di lta ste/ sems shin tu dul zhing / shin tu spang ba byas la shin tu mthar phyin pa ni lha dang mi rnams kyi nang du 'khrid par byed do// phyis kyang mya ngan las 'das pa'i/ grong khyer gyi sgo 'byed par 'gyur ro// de lta bas na gtso bo 'di dag la sems yongs su sbyang ba byas pa de ni shin tu sbyang ba byas pa yin te/ gshin rje'i mi'i dbang du 'gro bar mi 'gyur ro// yang brgya byin de ngan song gi 'jigs pas nyen cing gshin rje'i mi mthong bas nyam thag pa'i lha rnams la chos ston par byed do// 'di ltar bdag gis khyed cag la chos gcig nas bzung ste/ rim pa
- 296a
re re nas bcu bzhi'i bar du chos bstan pa/ rim pa de la bab ste dngos po bco lnga pa bshad par bya'o// bcom ldan 'das las bdag gis ji ltar thos pa de ltar khyed cag la bshad par bya'o/ / dngos po bco lnga gang zhe na/ khyim gyi gnas nas byung nas/ dge sbyong du dam bcas pas spang bar byas shing smad par bya ba dang / gzhan byed pa yang phyir bzlog par bya ba gang yin pa de dag yin no/ / 'di lta ste/ dang po kho nar dngos po gos ngur smrig nyid yongs su shes par bya ste/ gang rgyags pa yang dag par skyed par mi byed pa'i gos ngur smrig gi rnam pa de lta bu bgo bar bya'o/ / de ci'i phyir zhe na/ gos ngur smrig gi rgyags pas myos pa ni lug bong ltar spyod cing / 'gro ba 'byed par byed pa yin la/ rgyags pa'i lus de sgeg pa lhur len par 'gyur ro// de ni dge ba'i chos sgrub par mi byed la/ bud med la lta ba lhur len par byed do// de rgod pa la 'jug par 'gyur te/ de ltar sems yang ba gzhan gang yin pa de yang gos kyis rgyags par 'gyur ro// de lta bas na bgo bar bya ba de ni/ gang gis dro ba dang grang bas 'jigs par mi 'gyur zhing / gang gis lus g.yog pa tsam du gyis shig dang / de ni bag med pa'i 'gro ba'i dbang du mi 'gyur zhing shi ba'i dus na yang 'gyod pa yang yod par mi 'gyur ro/ / dngos po yongs su shes par bya ba 'di ni yongs su shes par bya ba dang po yin no// gzhan yang dngos po gang yongs su shes par bya ba gnyis
- 296b
pa ni/ dge sbyong cho ga shes par gnas pas shes par bya ba yin te/ bdag shes pa 'am rab tu byung ba gang gis tshul khrims dang ldan par 'gyur snyam nas de'i rjes su 'jug par byed la sbyin bdag dang / sbyin pa po las mal stan dang / na ba'i gsos sman gyi rkyen gyi yo byad dang / de dang 'thun pa dang / de dang 'dra ba dag len par mi byed pa de ni/ de ltar bar chad 'byung bar mi 'gyur te/ 'di ni yongs su shes par bya ba'i dngos po gnyis pa yin no/ / gzhan yang yongs su shes par bya ba'i dngos po gsum pa ni/ de'i chags pas mal stan yid la mi bya ba dang / dgon pa dang / tshal de dag na gnas pa btang nas gang du yon tan dang ldan par 'gyur ba ma yin pa/ bsod snyoms sam// thug pa mang po sbyin pa de dag 'dod pas grong gi nang ngam/ grong khyer nang du gnas pa de ni/ de'i bar chad chen po 'byung la/ dge ba'i chos mi sgrub pa de dang / chog mi shes pa de dang yang dag par ldan par 'gyur ro// dge sbyong gi mchog ni 'di yin te/ 'di lta ste/ chog shes pa dang bag yod pa'o// chog mi shes pa de dag nyid la dga' ba gang yin pa de ni/ bslus par 'gyur zhing / mi ngan pa dag la bar chad 'byung ste/ ngan skyugs za ba dang mtshungs so// // dam pa'i chos dran pa nye bar gzhag pa bam po bzhi bcu gnyis pa/ de nas gzhan yang dngos po bzhi pa yongs su shes par bya ste/ de yang gang zhe na/ 'di lta ste/ kha ton rab tu shes la/ kha ton 'an
- 297a
pa de dang yang dag par ldan pa shes pa de tsam gyis cho ga ste/ lhag par mi slob bo// bdag gis lhag par so sor shes nas/ sbyin bdag dang / sbyin pa po dag gis mang du thos pa yin no snyam nas/ na ba'i gsos sman gyi rkyen gyi yo byad rnams bdag la sbyin par byed do// de bdag la bar chad dang ldan par 'gyur bas de ni bdag la 'os pa ma yin no/ snyam pa'i bdag nyid de ni chog shes pa yin te/ dge slong de lta bu ni chog shes pa yin no// gzhan yang dngos po lnga pa yongs su shes par bya ba ni gang gis 'dod pa chung ba dang / chog shes pa dang / babag yod pa la gnas pa yin te/ dngos po de gang zhe na/ 'di la dge sbyong gang zhig dge 'dun gyis mngags sam/ nad pa'i phyir ram/ nor rdzas kyi phyir mngags pa 'am/ sbyin pa po dang sbyin bdag gi drung du mngags pa las khyim la nye bar sten par byed la/ de sbyin bdag de dag gi drung du btung ba dag kyang 'thung zhing 'dug na/ de ni de'i kun 'byung ba'i bar chad don med par 'gyur la/ sus yongs su ngal ba don med pa dang / rtsol ba don med par 'gyur ro// de ci'i phyir zhe na/ de yang de mngon par 'dod cing ro la chags pas nyams pa/ khyim de nyid du 'gro ste/ de der yang ba nyid kyis 'gro bar byed do/ / des na bdag la phan par mi byed la/ nad pa la yang phan par mi byed cing / dge 'dun gyi bya ba yang sgrub par mi byed do// rgyu yang ba rnams kyi nang na/
- 297b
mchog ni 'di yin te/ 'di lta ste/ khyim gcig tu 'jug cing bza' btung la dga' ba nyid dang / gang cung zad smra ba dang / 'chal pa yin te/ chos gsum po de dag ni 'jig rten pa dang / 'jig rten las 'das pas smad par bya ba'i gnas yin no/ / de lta bas na de dag ni/ chog shes pa dang / bag yod pa la gnas pa dag gis yongs su spang bar bya'o// gzhan yang dngos po drug pa yongs su shes par bya ba ni/ dge sbyong 'dod chen chung bas sam// rab tu byung ba bsod snyoms la yang dag par gnas pas/ ji tsam du nyi ma gcig 'grangs pa'i bsod snyoms de tsam zhig blang bar bya'o/ / sang dag gi ni so sor bsags par mi bya'o// de la mngon par chags par gyur na/ de'i sems de yang bar 'gyur te/ bsam gtan dang / 'don pa dag la sems dang ba med par 'gyur ro/ / bsod snyoms 'di dag zad par ma gyur cig snyam nas/ de ltar chung ngu la chags pa yang bar chad du 'gyur na/ rnyed pa dang bkur sti de dag la mngon par chags pa lta smos kyang ci dgos te/ dngos po yongs su 'dzin pa gang yin pa de dag na/ sad pas lhag par bcings pa yin no// gzhan yang dngos po bdun pa yongs su shes par bya ba de gang yin zhe na/ 'di la ma thos pa dang / ma mthong ba'i yul dang / ljongs su rgyu ba rnams su rgyu ba na/ rigs chen po las rab tu byung ba'i dge sbyong 'dod chen chung bas smra bar mi bya ste/ 'di ltar bdag rig
- 298a
che ge mo zhig las rab tu byung ngo zhe'am/ bdag rigs chen po las rab tu 'byung ngo zhes de skad bdag nyid kyis smra bar mi bya'o// gzhan yang lhan cig gnas pa 'am nye gnas shig smra na yang phyir ldog par bya'o/ / 'di ltar dge sbyong gi dngos po ji tsam nyid las sbyin bdag dang / sbyin pa po dag mal stan dang / na ba'i gsos sman gyi rkyen gyi yo byad rnams bdag la sbyin par byed de/ des ni bdag dngos po yongs su 'dzin pa dang ldan par 'gyur la/ ji snya ma blangs na/ bdag gi nye gnas de'i yid mi dga' bar 'gyur ro// de gal te bdag la yid mi dga' bar byed na/ de de dag gi bar chad du 'gyur te/ 'jig rten pha rol la phan par mi 'gyur ro// dngos po yongs su bzung ba yang de ltar yongs su shes par bya ste/ dge slong de lta bu ni 'dod/ chen chung bar 'gyur/ sred pas mi zin par 'gyur/ sems g.yengs par mi 'gyur/ dran pa nye bar gnas par 'gyur/ dam pa'i chos dang / bsam gtan la gnas pa'i kun dga' ba la mngon par dga' bar 'gyur/ lus la lus kyi rjes su lta ba dang / sems la sems kyi rjes su lta ba dang / tshor ba la tshor ba'i rjes su lta ba dang / chos la chos kyi rjes su lta bar 'gyur te// 'dod chen chung ba de ni srid pa'i btson ra las 'bros par nus so// gzhan yang 'di la dge slong 'dod chen chung ba/ chog shes pa/ rnyed pa dang bkur sti'i 'jigs pa dang bral bas/ dngos
- 298b
po brgyad pa yongs su shes par bya ste/ dngos po yongs su shes par bya ba de gang zhe na/ 'di la skye bo mang po 'dzin pa/ snod spyad dang yo byad mang ba/ lhan cig gnas pa mang ba/ rnyed pa dang bkur sti la mngon par dga' ba mang ba/ ro la chags pa/ spun 'dren pa la yid shin tu zhugs pa/ gnyen 'dun lta 'dod pa'i dge sbyong gis yul rgyu ba'i bya ba 'am/ lhan cig gnas pa'am/ 'gro bar mi bya'o// de ci'i phyir zhe na/ bag med pas phrogs pa'i dge slong de/ ji ltar rnyed pa dang bkur sti la mngon par dga' ba ltar/ de yang skye bos shes par 'gyur la/ de ltar 'grogs pa de la yang rnyed pa dang bkur stis gos par 'gyur ro/ / gal te blang ba dag ji ste len par mi byed na/ snod spyad dang yo byad mang ba dang / spun 'dren pa la mngon par dga' ba de'i yid kyi 'dun pa la mngon par gnod par 'gyur ro/ / sbyin bdag dang sbyin pa po rnams kyi drung du yang song nas/ dge slong 'dod chen chung ba de la smod par byed de/ 'di ltar dge slong 'di ni tshul 'chos pa skye bo thams cad smra bar byed pa yin la/ nang gi yid ni sdig pa can no zhes de ltar de la yang gnod par byed la bdag nyid la yang gnod par byed do// de lta bas na 'dod chen chung ba'i dge slong dang 'dod chen che ba dang lhan cig yid kyi nyes pas gnas par mi bya'o/ / gzhan yang 'di ltar 'dod chen chung ba'i dge slong 'khor bas 'jigs shing skrag pa/ rnyed pa dang bkur sti dang bral ba/ rtag tu
- 299a
sems mnyam par bzhag pas dngos po dgu pa yongs su shes par bya'o/ / dngos po yongs su shes par bya ba gang zhe na/ 'di ltar khyim na gnas pa rig pa'i gnas rnams la goms pa gang yin pa de dag rab tu byung bar gyur nas/ de rnams bsgrag par mi bya ste/ 'di lta ste/ sman pa'am/ ri mo mkhan nam/ gar mkhan nam/ gtar mkhan nam/ rnam pa de lta bu dang 'thun pa 'am/ rig pa'i gnas gzhan dag kyang rung ste/ bsgrag par mi bya'o// de ci'i phyir zhe na/ bdag rnyed pa dang bkur sti pa mngon par dga' ba dag dang / sbyin pa pos mngon par shes par gyur na/ 'di ni bdag gi bar chad du 'gyur zhing / de la rnam par chags na/ de dge ba'i chos rnams bsgrub par mi 'gyur/ sems rtse gcig tu mi 'gyur/ bsam gtan gyi zas rnams la bdag gi sems dang bar mi 'gyur/ de bdag gi bar chad du 'gyur/ bdag dang gzhan la phan pa nyams par 'gyur ro// lhan cig gnas pa lhur mi bya ste/ yid de dang chags pa de ni phan par mi 'gyur bas/ de lta bas na yongs su spang bar bya'o// gzhan yang dge slong 'dod chen chung ba/ blo dang ldan pa// rnyed pa dang bkur sti spong bar 'dod pas dngos po bcu pa yongs su shes par ste/ 'di ltar grong khyer dang nye ba na 'am/ grong dang nye ba na 'am/ ri 'or dang nye ba na 'am/ tshong dus dang nye ba'i gtsug lag khang na gnas pa gang yin pa 'di dag mthong ste/ dge slong dang dge slong ma
- 299b
rnams kyis gang ba dang / kha zas kyis gang ba dang / chang 'thung bas gang ba dang / nyo tshong byed pas gang ba dang / sbyor ba byed pas gang ba dang / khang pa chung ngu'i nang na gnas pa'i bsten grogs rnams dang / dge slong dag lhan cig gnas pa mthong na/ dge slong 'dod chen chung ba/ yid zhi ba/ bdud kyi 'ching ba gcod par 'dod pas gnas par mi bya'o// de ci'i phyir zhe na/ grong khyer pa 'am/ grong mi 'am/ ri bregs na gnas pa 'am/ tshong dus na gnas pa de dag gis dge slong mi brtan pa de dag tshul khrims 'chal par khong du chud cing rig nas/ dge slong gcig po de la rnyed pa dang bkur sti byed do/ / de gal te so sor blangs na ni 'dod chen chung bar mi 'gyur la/ ji ste so sor ma blangs na ni/ sbyin pa po de rnams kyi bar chad du 'gyur zhing / gcig po de la sbyin pa byin pa gang yin pa de la zhe sdang gi sems rab tu nyes pa dge slong gzhan gang yin pa de dag la yang bar chad du 'gyur ro/ / skyon de dag rtogs nas/ dge slong 'dod chen chung bas kun tu spyod pa dang 'dres pa rnams dang lhan cig/ gnas par mi bya'o// gzhan yang dngos po bcu gcig pa yongs su shes par bya ste/ 'di ltar 'jig rten po'i shes pas ltas ngag ston pa shes pa gang yin pa de yang / des gzhan dag la smra bar mi bya'o/ / 'di ltar dgra bcom pa yin no snyam du shes nas/ de la rnyed pa dang bkur stis mchod pa byed la/ de ni de'i bar chad du 'gyur te/ 'dod chen chung ba sel bar mi 'gyur ro// gzhan yang
- 300a
dngos po bcu gnyis pa yongs su shes par bya ste/ 'di ltar gang gis zhing 'di la sbyin pa chen po sbyin par byed do snyam nas/ rmang du byung ba bsten pa'i phyir/ bcom ldan/ 'das kyi ring bsrel dag khyer nas/ grong khyer nas grong khyer dang / grong nas grong dang / ri brags nas ri brags dang / tshong dus nas tshong dus su 'gro'o// de yang thos pa nyung ba yin la/ des 'dod chen chung ba shin tu thos pa mang po dang ldan pa de la ched du brjod cing gzengs bstod de/ yang dag par dga' bar byas nas 'jug par byed do// 'di snyam du sbyin bdag dang / sbyin pa po rnams la thos pa mang pos chos 'chad la/ ring bsrel rnams la yang gus pa'i sbyin bdag dang / sbyin pa po dag yon 'bul bar byed de/ nor rdzas de dag bdag gir bya'o snyam du sems na 'dod chen chung zhing shin tu chog shes pa de dang lhan cig 'grogs par mi bya/ 'khod par mi bya'o// gzhon gyi skyon des tshul khrims 'chal pa de yang sbyin bdag dang / sbyin pa po dag gis shes par 'gyur te/ de dag gi bar chad du 'gyur ro// de lta bas na yang dag pa yid la byed pa 'am/ gshin rje'i gnas la 'jigs shing skrag pa 'am/ bag med pas 'jigs pa ni tshul khrims 'chal pa dang lhan cig 'grogs par mi bya/ gnas par mi bya'o// gzhan yang dngos po bcu gsum pa yongs su shes par bya ste/ dge slong 'dod chen chung ba bsod snyoms spyod pa/ bag yod par gnas pa
- 300b
ro la chags pa rnam par spangs pas gzhan gyis drod mi zin par rtag tu brtan pa dang ldan par bya'o/ / gzhan yang dngos po bcu bzhi pa yongs su shes par bya ste/ phyag dar khrod la gnas pa 'am/ phyag dar rnams kyis chog shes pa ni/ cho ga shes par bya ba'i don du gos shin tu zad pa dag gyon par byed do// gzhan yang dge slong chog shes pa bdud kyi sde 'joms par byed pas/ dngos po bco lnga pa yongs su shes par bya ste/ bco lnga gang zhe na/ 'di lta ste/ sdig pa'i grogs po spangs pa/ gcig tu gnas shing / gcig tu gnas par ston pa ni/ thog ma med pa'i dus nas zhugs pa/ nyon mongs pa'i ri sra ba spong bar byed do// de ltar chog shes pa ni shin tu bde ba dang ldan zhing 'chi ba'i tshe yang gshin rje'i mi'i dbang du 'gro bar mi 'gyur/ gshin rje'i pho nya gzugs dang / bzhin dang / mig mi sdug par bsgyur ba rnams mthong bar mi 'gyur la/ shin tu 'jigs pa med par 'gyur ro// de nas brgya byin gyis 'di ltar tshogs su bcad de smras pa/ ji lta ji ltar chog shes la// sdom brtson rtag tu sten byed pa// de lta de ltar zhi ba yin// drung du de ni 'jug par byed// bya ba rnams la byed med cing // mya ngan 'das la 'bad ldan pa// de ni bdud kyi yul dag la// nams kyang 'jug par mi 'gyur ro// gang gi yid la 'dod chags bral// rtag tu 'bad pa nyid dag dang // ye shes la ni rgyun du brtson// de ni sdug bsngal ga la 'do//
- 301a
'das pa'i 'jigs pa yang dag dran// da ltar byung na'ang blo dang ldan// ma 'ongs chog shes ldan pa gang // de ni nyon mongs 'ching las grol// bag yod pa la rtag tu dgal sngar ma dang ni gcugs pa med/ / dri med pa la bsten pa de// mya ngan 'das pa'i mtha' la gnas// bag med pa yang nyams gyur na// lha rnams bde ba chen po 'thob// bag med pa la gnas pa gang // skyes bu de ni 'chi gyur na// mi gang rmongs pa bag med pa'i// dbang du bsten pa smos ci dgos// gang zhig rtag tu ye shes chus// 'tsho ba rab tu myos pa med// bag med pa las bag yod pa// 'di ni mchog tu 'dod pa yin// bag med sdug bsngal rtsa ba ste// nyes pa 'chi ba bzhin du spongs// de ltar brgya byin gyis sprul pa'i gshin rje'i mis 'jigs shing skrag pa'i lha de rnams la chos ston par byed do/ / yang sems rab tu dang zhing mngon par 'dod pa'i lha de rnams kyis/ gshin rje'i mi de rnams dang / de rnams kyi gzugs mi snang bar blos mngon sum du mthong nas/ lha de rnams sems rangs par gyur to/ / de nas yang 'jigs shing skrag nas/ tshal dang nye ba'i tshal rnams su gab pa'i lha gang yin pa de dag gis kyang / brgya byin mthong nas ga la ba der dong ste phyin pa dang / brgya byin chos de ston par byed do/ / brgya byin gyis de rnams kyi sems de dag rig nas/ ji lta ji ltar lha de rnams kyi sems de dag dga' bar 'gyur ba de lta de ltar mthar gyis sprul pa de rnams mi snang bar byed do// de nas yang chos
- 301b
la skyes pa rnams chos nyan par byed cing / brgya byin la yang gsol ba 'debs te/ 'di ltar chos kyi mthu 'di ni bdag cag gi mngon sum du gyur to// ji lta ji ltar khyod kyis bdag cag la chos 'di dag ston// par mdzad pa de lta de ltar/ gshin rje'i mi 'di dag 'bros shing mi snang bar bgyid do// bcom ldan 'das kyis gsungs pa'i chos 'dul ba'i mthu 'di thos pa tsam gyis de ltar bgyid na/ sgrub pa gang lags pa de dag lta smos kyang ci 'tshal te/ 'chi ba med pa'i gnas su 'chi'o// de nas brgya byin yid rab tu dga' nas/ bdag gis thams cad du bya ba byas par gyur to// bdag gis shin tu bag med pa la gnas pa gang yin pa de dag bag yod pa'i rnyi la btsud do snyam mo/ / yang yid rab tu dga' ba 'di rnams la bdag gis chos zab mo bla ma gzhan dag las ji ltar thos pa bzhin bshad par bya'o/ / thar pa'i grong khyer gyi sgo 'byed pa ni/ dbugs rngub pa dang / 'byung ba dran pa yin te/ de ni bdag gis sngon gyi lha rnams las brgyud de thos so// bcom ldan 'das las kyang de bzhin du thos te/ bdag gis ji ltar thos pa de bzhin du lha de rnams la bshad par bya'o// 'phags pa'i bden pa bzhi'i gtam dang 'dres par gyur pa rnams 'phags pa'i bden pa re re la rnam pa bzhi bzhir phye ste bshad pa dang / de bzhin du lha de rnams la shin tu phan pa byas par 'gyur ro// thabs gang yin pa des chos bshad de shin tu phan pa byas pa dang / 'khor bar chud pa'i sems can rnams kyi yid la
- 302a
rtag tu 'jog par byed do/ / de la dngos po bco lnga ni bstan zin to// da ni dbugs rngub pa dang 'byung ba dran pa rnam pa bcu drug po dag rim pa dang 'thun pa dang / sbyor ba dang / 'phags pa'i bden pa'i phyogs dbye ba dang / rang gi mtshan nyid dang / rgyu'i mtshan nyid kyi lha 'di dag la bshad par bya'o// de la rim pa ji lta bu yin zhe na/ 'di la rnal 'byor pa rang gi lus kyi cha shas la sems spre'u lta bu 'dogs par byed do/ / rnam par shes pa dgag pa'i don du gtso bo gang gis 'dogs par byed ce na/ de ni yod rtse gcig pas so// de nas lus kyi mtshan nyid rims kyis dpyod par byed de/ de nyon mongs pa dang / nyon mongs pa ma yin pa dang / lung du ma bstan pa'i lus la lus kyi rjes su lta zhing gnas so// bde ba dang / sdug bsngal dang / sdug bsngal yang ma yin pa bde ba yang ma yin pa'i mtshan nyid de dag gi tshor ba la tshor ba'i rjes su lta zhing gnas so// dge ba dang / mi dge ba dang / lung du ma bstan pa'i chos la chos kyi rjes su lta zhing gnas te/ dran pa nye bar gzhag pa bzhi po de dag gi rang gi mtshan nyid ji lta ba bzhin du lta bar byed do// de ltar rnal 'byor pa de chos shes bya ba la zhugs te/ zhi ba dang rtogs par chud pa/ 'du byed thams cad kyi rang gi mtshan nyid la lta bar byed cing / 'phags pa'i bden pa bzhi'i mtshan nyid dran pa nye bar gzhag pa bzhi rnams la lta bar byed do// dran pa nye bar gzhag pa ni 'di dag thams cad yin/
- 302b
te/ 'di lta ste/ skad cig ma gcig nas gcig tu 'jug pa mi rtag pa dang / dbang phyug rtag pa dang bral ba nyid kyi stong pa dang / dbang phyug dang bral ba nyid kyis bdag med pa dang / nyon mongs pa 'jig pa pha rol tu 'gro ba nyid kyis sdug bsngal ba yin te/ de ltar de dran pa nye bar gzhag pa bzhi dag la lta bar byed do// 'phags pa'i bden pa bzhi'i rang gi mtshan nyid ji lta ba bzhin mthong ba dang / dro ba zhes bya ba chos kyi blo skye ste/ ji ltar me 'byung ba na sngar du ba 'byung la/ phyis me 'byung ba dang / ji ltar gtsub shing gis gtsub pa na dro ba sngar 'byung la/ phyis me 'byung bar 'gyur ba de ltar nyon mongs pa dang / mi shes pa thams cad kyi gnyen po'i rtags dro ba 'byung bar 'gyur ro// 'phags pa'i chos 'dul ba la/ 'phags pa'i bden pa bzhi dpyod pa rnam pa bcu drug tu chud pa/ dga' ba dang / dang ba tsam yin no// dro bar gyur pa'i chos de ji ltar 'byung / gtso bo 'phags pa'i bden pa bzhi la ji ltar 'byed ce na/ 'di lta ste/ 'phags pa'i bden pa sdug bsngal ba ni 'di dag yin te/ rgyu dang rkyen nyid kyis mi rtag pa dang / gnod pa nyid kyis sdug bsngal ba dang / skyes bu dang bral ba nyid kyis stong pa dang / rang dbang du mi 'jug pa nyid kyis bdag med pa yin te/ de ltar rnal 'byor pa de/ 'phags pa'i bden pa sdug bsngal ba la rnam pa bzhir 'byed do// 'phags pa'i bden pa sdug bsngal ba'i 'og tu kun 'byung ba 'byung ngo // kun 'byung ba de la yang rnam pa bzhir 'byed do// 'di lta ste/
- 303a
'du byed pa'i 'brel par 'dug pa nyid kyis kun 'byung ba dang / de 'bras bu dang 'thun pa nyid kyis rgyu dang / rab tu 'byed pa'i rnam pa kun nyid kyis rab tu skye ba dang / 'bras bu/ dang mi 'thun par 'brel ba nyid kyis rkyen no// 'gog pa la yang rnam pa bzhir 'byed de/ gtso bo rnal 'byor pa de ji ltar 'byed ce na/ 'di lta ste/ nyon mongs pa kun med pa nyid kyis 'gog pa dang / nyon mongs pa'i me spangs pa nyid kyis zhi ba dang / chos kun gyi gtso bo nyid kyis gya nom pa dang / 'khor ba las nges par 'byin pa nyid kyis nges par 'byung ba yin no// gtso bo rnal 'byor pa de/ lam la yang rnam pa bzhir 'byed de/ 'di lta ste/ byang grol thob pa nyid kyis lam dang / phyin ci ma log pa nyid kyis rigs pa dang / 'phags pa'i skye bo thams cad gan pa nyid kyis bsgrub pa dang / 'khor ba'i nyon mongs pa 'gog pa nyid kyis nges par 'byin pa yin no/ / de ltar bdag gis rnal 'byor rgya chen po rnam pa bcu drug khyod la bstan pa yin te/ dro ba ni de lta bu yin no// des na de'i dro bar gyur pa zhes bya ba'i chos 'phel bar gyur na/ spyi bo zhes bya ba'i chos skye bar 'gyur te/ yon tan dang ldan pa'i dkon mchog gsum dang / phung po'i nyes dmigs la mngon par dad pa'i rnal 'byor pa de/ de las gzhan pa'i khyad par du 'phags pa'i spyi bo la dpyod par byed do/ / spyi bor gyur pa zhes bya ba'i chos de mdor bsdu na/ ri'i spyi bo lta bu yin no// de'i 'og tu gtso bo'i spyi bo 'phel ba dang / rjes su
- 303b
'thun pa'i bzod pa zhes bya ba'i dge ba'i rtsa ba skye bar 'gyur te/ gsum gyi skabs dben pa de bzod pa nyid kyis spyi bo'i rnam pa dang mi mthun pa bzod pa zhes bya ba'i chos 'byung ste/ de ni bzod pa nyid kyis bzod pa zhes bya ba'i chos 'byung ngo / / bzod pa 'phel bas/ skad cig gcig la 'jig rten pa'i chos kyi mchog 'byung ste/ sems dang sems las byung ba de dag dus de la 'byung ngo // 'jig rten pa'i chos kyi mchog thob pa dang / de'i 'og tu rgyun du zhugs par 'gyur la/ der ni bdag gi lus dbang du yod de/ gshin rje'i mi nams mi mthong zhing / de dag la 'jigs pa med do// gtso bo de dag thams cad ni bag/ yod pas thob par 'gyur te/ de lta bas na bag yod pa la goms par bya'o// de nas brgya byin gyis de'i tshe 'di ltar tshigs su bcad de smras pa/ dbugs 'byung rngub pa'i cho ga shes// rnam pa bcu zug de nyid rig/ dro bar gyur pa'i tshul shes gang // bzod pa'i de nyid tshul la mkhas// 'jig rten mchog gi chos shes pa// de yi 'og tu de nyid rig/ chos nyid rims bzhin rig pa de// yang dag lam las yo ba med/ / sbyor ba gsum las nges grol zhing // 'jigs pa nyam nga brgyad med la// brtan po ngan 'gro brgyad med pa// rgyun du zhugs zhes nges par brjod// nges par ngan 'gror 'gro ba yi// mi dge'i chos rnams bsal ba dang // thar pa'i rgyun du 'gro ba ni/ rgyun du zhugs zhes bya ba yin// de ltar bdag gis dbugs 'byung ba dang / rngub pa dran pa rnam pa bcu drug khyed rnams la bstan pa yin
- 304a
gyis/ de bzung bar gyis shig/ lam de dag ni zhi zhing thar pa'i grong khyer du 'jug par byed la/ 'jig pa med pa/ 'phags pa'i skye bo thams cad dgyes pa yin no// de lta bas na lam de dag ni khyed rnams kyis nges par bsten par bya'o/ / 'di ltar gshin rje'i mi rnams kyis 'jigs pa khyed la/ dbugs 'byung ba dang rngub pa dran pa rnam pa bcu drug rim pa bzhin bstan pa yin no// gtso bo dag gshin rje'i mis 'jigs shing skrag pa'i lha 'am/ mis srid pa bar ma'i 'gro ba dang 'brel ba bcu bdun spang bar bya ste/ srid pa bar ma de dag gang zhe na/ 'di lta ste/ 'chi ba'i tshe gang gzugs snang bar 'gyur ba dag yin no/ / 'di lta ste/ mi gang mi'i 'jig rten nas 'chi la/ lha rnams kyi nang du skye ba de ni srid pa bar mar mtshan ma sdug gu dag mthong bar 'gyur te/ 'di lta ste/ snam bu dkar po 'am/ skya snar shin tu srab cing 'jam pa dag 'bab ste/ de ma thag tu de'i snying rab tu dga' zhing bzhin gyi mdog gsal bar 'gyur ro// de'i 'og tu des gnas kun dga'i ra ba nyams dga' ba dang / lte ka nyams dga' ba dang / chu bo nyams dga' ba dang / yul dang nye ba'i tshal nyams dga' bdag mthong ngo // de'i 'og tu dgod pa dang / rtse ba dang / glu dbyangs shin tu yid du 'ong ba dag zos so// de'i 'og tu sngon ma myong ba'i dri skye bo thams cad kyi yid du 'thad pa rdzas du ma dag sbyar ba la sdom mo/ / de'i 'og tu reg bya shin tu 'jam pa dag reg par byed do// de'i 'og tu lha dang lha mo dag 'byung ste/ de'i legs par
- 304b
byas pa'i las rnams kyang mngon du 'byung ngo / / gnad chad par gyur pa dang / phyis mtshan ma 'di dag 'byung bar 'gyur te/ de'i bzhin rab tu 'dzum la/ bzhin gyi mdog rnam par dag par 'gyur ro// rang gi gnyen 'dab dang / rtsa lag du zhing smre sngags 'don pa gang yin pa de dag mtshan ma de rnams kyis phrogs pas mi thos/ mi mthong la der yid mi 'jug ste/ shin tu bde ba'i chos kyis zhugs pa de 'chi ba'i dus byed do// / de'i srid pa bar mar shin tu bde ba 'byung ba dang 'thun pa/ lha'i ris dang mtshungs pa/ so so'i mtshan ma rgya'i 'bur lta bur 'byung bar 'gyur ro// lha'i ris kyi gzugs brnyan 'dod pa'i khams kyi gnas drug dang mtshungs pa/ bde ba la gnas pa de dang 'thun pa/ yul de dang 'thun pa/ reg bya de dang 'thun pa/ mthong ba de dang 'thun pa dag 'byung ngo // de phyis de'i 'og tu srid pa la gnas la/ lha'i ris gang du skye bar 'gyur ba de'i shin tu bzang por mthong ste/ yul la sred pas de dag len par byed do// de der skye bar 'gyur zhing / srid par bar ma dang po mthong bar 'gyur ro// lha gtso bo dag gzhan yang srid pa bar mar gnas pa de gang yin zhe na/ gal te 'dzam bu gling nas mi dag 'chi la/ gal te byang gi sgra mi snyan du skye bar 'gyur na/ des snam bu dmar po bu ga dkar po yod pa yang zhing 'jam la shin tu yid du 'ong ba mthong ngo / / de de la chags par 'gyur zhing / de de la 'dzin par byed do// de 'chi ba na nam mkha' la lag pa g.yob par byed do// gnyen 'dun de dag na re/ nam mkha' nyid la nyug par byed do
- 305a
zhes rjod do/ / de'i 'og tu rdung 'byung la/ 'chi ba gang yin pa'i dus su grang bar 'gyur te/ dro bar 'dod pa'i 'du shes 'byung ngo // de nas dro ba byung ba dang / de'i grang ba ldog par 'gyur ro// reg pa des de'i bde ba 'byung la/ de sems bde ba de la dmigs pa'i sems kyis 'phrog par byed de/ du ba dang / cho nges 'debs pa dang / spa 'bal ba'i sgra mi thos so// brgya la las mi brtan pa nyid kyis thos na yang / de las kyi rlung gzhan rnams kyis gzhan du 'khyer bar byed de/ de ltar gnyen 'dun dag 'chi ba'i dus su bar chad byed pa yin no// de nas byang gi sgra mi snyan de nyid du skye bar 'gyur ro// de 'og tu de'i dge ba'i mtshan ma rnams 'byung bar 'gyur te/ mtsho sngon po bya ngang pa dang / ka ra na da pa dang / ngur pas gang zhing me tog gis g.yogs pa cig mthong nas/ de der rgyug par byed do// de'i 'og tu de srid pa tha ma pa'i sems 'byung ste/ de shi nas mcho de nyid mthong ba dang / de na pad+ma'i khrod kyi nang rnams na rtse bar byed do// de gang gi tshe byang gi sgra mi snyan du ma'i mngal du skye bar 'gyur na/ de mtsho de nas thang la 'byung ngo / / des der 'khrig pa mi gtsang bas pha ma sbyor bar mthong ba dang / log par mthong ste/ pha ni bya ngang par mthong / ma ni bya dang mor mthong ngo // gal te bdag bud med du 'gyur na ni bdag nyid dang mor mthong ngo / / ji ste skyes par 'gyur na ni/ de bdag nyid dang bar mthong ste// des dang bde bslad nas/ ma dpa'akhrig pa'i chos kyis sbyor bar byed de/ de ltar byang gi sgra mi snyan du skye bar 'gyur ro//
- 305b
srid pa bar ma gnyis pa ni de lta bu yin no// de nas 'dzam bu gling de nas shi nas/ gal te nub kyi ba lang spyod kyi mi rnams kyi nang du skye bar 'gyur na/ de'i mtshan ma 'di dag 'byung bar 'gyur te/ 'di lta ste/ 'chi ba'i tshe/ de'i khyim thams cad ser por mthong la/ snam bu ser po kha dog bzang po ser por snang zhing / kun nas sprin lta bur mthong ngo // de snam bu de nyid la nyug par byed pa dang / nam mkha' la nyug/ par byed do zhes ma des du bar byed do// de'i 'og tu de'i srid pa tha ma pa'i sems 'byung ste/ des bdag nyid ba lang gi gzugs dang / ba lang long long por 'khod pa kun rmi lam lta bur mthong ngo // de gang gi/ tshe pha ma dag sbyor bar byed pa dang / de gal te skyes par 'gyur na ni de bdag nyid pho khyu mchog byed gzugs chen po khyu mchog gi zla ba lta bur mthong ngo // pha de 'ong ba dang des bskrad nas de dang lhan cig sbyor bar byed de/ de ltar nub kyi ba lang spyod du skye bar 'gyur ro// ji ste bud med du 'gyur na ni bdag nyid par mthong ste/ de 'di snyam du sems so// khyu mchog 'di go 'di la ci'i phyir zhon/ 'di dang bdag tu sbyor bar bya'o snyam pa de ni/ nub kyi ba lang spyod du bud med du 'gyur ro// srid pa bar ma gsum pa ni de lta bu yin no// gzhan yang srid pa bar ma bzhi pa ni/ 'di ltar gal te shar phyogs kyi lus 'phags gling gi mi rnams kyi nang du skye bar 'gyur na/ de 'chi ba'i dus na srid pa tha ma dang nye ba'i sems la snam bu sngon po mthong ste/ des khyim gyi nang na gnas bzhin du nam mkha' de la kun nas shin tu sngo bar snang zhing sdug pa cig mthong ngo //
- 306a
de de la nom par byed cing / bdag gi steng du ltung bar ma gyur cig snyam byed pa la/ gnyen 'dun de dag na re/ 'di ltar nam mkha' la reg par byed do zhes rjod do// de'i 'og tu de'i sri pa tha ma pa'i sems 'byung ste/ de srid pa bar ma la bdag nyid rta lta bur mthong ngo // shar gyi lus 'phags gling de na/ pha ma ni rtagaseb dang rgod mar sbyor ba lta bur snang la/ de gal te skyes par 'gyur na ni/ 'di snyam du sems te/ rgod ma 'di dang bdag sbyor bar bya'o snyam pa'i sems 'byung ngo // gal te bdag bud med du 'gyur na ni/ de 'di snyam du sems te/ 'di ltar gse ba 'di bdag la rgol du gzhug par bya'o snyam pa de ni bud med du 'gyur te/ srid pa bar ma bzhi pa yin no// gzhan yang srid pa bar ma lnga pa ni/ 'di ltar gang gi tshe byang gi sgra mi snyan dag nas 'chi bar 'gyur ba de'i tshe/ de'i 'chi ba'i yul gyi dus la gong ma'i cha dang 'thun pa'i mtshan ma nges par rnam pa du zhag 'byung zhe na/ gtso bo dag de gang gi tshe 'chi bar 'gyur ba de'i tshe/ gal te las chen po dang / sems kyi dbang gis las khyad chen bos lha'i 'jig rten der skye na/ de'i mtshan ma 'di dag 'byung bar 'gyur te/ 'di lta ste/ gcig pu sems rmi lam lta bu nam mkha' la nyug par byed cing rmi lam lta bur lta ba/ me tog shin tu nyams dga' ba/ dri shin tu zhim pa/ mdog phun sum tshogs pa/ shin tu rgya che ba kha dog sngon po dang / ser po dang / dmar po dang / dkar por 'dug pa zhig mthong la/ de dag lag tu 'ong bar mthong ba dang /
- 306b
de de rnams la chags par byed do// de 'di snyam du sems te/ da ni bdag gis me tog 'di dag gi shing ljon pa gang yin pa de dag blta zhing 'dzeg par bya'o snyam mo// de de'i 'og de la dmigs pa'i sems las byung ba srid pa phyi ma'i sems 'byung ngo / / de srid pa bar ma la/ shing ljon pa sngon po dang / ser po dang / dkar po dang / me tog rnam pa du ma yod pa de dag mthong ba dang / de 'di snyam du sems te/ 'di ltar bdag gis shing ljon pa rnams la 'dzeg par bya'o snyam nas/ de shing ljon pa de dag la 'dzeg pa shes pa 'am/ gal te ri rab de la 'dzeg par byed do// des lha'i 'jig rten me tog dang 'bras bus mdzes par byas pa sna tshogs de dag mthong nas 'di snyam du sems so/ / da ni bdag 'dir 'gro bar bya ste/ bdag me tog dang 'bras bu phun sum tshogs pa'i yul gang yin pa de dag tu gnas par bya'o// snyam pa de ni skye ba chung ngur 'gyur ba lnga pa yin no// gzhan yang srid pa bar ma 'bring po drug pa ni/ byang gi sgra mi snyan gyi mi tshe 'das pa'i las 'bring pos de'i srid pa bar ma pa'i mtshan ma 'di dag 'byung bar 'gyur ro/ / 'di lta ste/ 'chi ba'i tshe 'di ltar pad+ma shin tu nyams dga' ba/ bung ba dag gis mdzes par byas pa de dag nges par mthong la/ kun nas shin tu dri zhim pa la yid chags par gyur pas 'dzeg par byed do// gang gi tshe 'dzegs par gyur pa de'i tshe/ 'dzegs ma thag tu pad+ma de nam mkha'i dkyil du 'phar bar byed do// yang nam mkha' de nyid la 'phar ba na/ rmi lam lta bur shes so// gzhan yang skye ba'i tshe/ pad+ma nyam
- 307a
dga' babung bas mdzes par byas pa thams cad du lhag par nyams dga' ba mthong ba dang / de 'dzin par byed la/ da ni bdag gis gnas 'di dag thob ste/ pad+ma 'di rnams bdag gis gyur cig snyam mo/ / de'i sems bskyed ma thag nyid du skye bar 'gyur te/ srid pa'i yan lag ni de lta bu yin no// de ltar lha'i 'jig rten lha rnams kyi nang du las bar mas skye ba bar ma 'byung bar 'gyur ro// gzhan yang srid pa bar ma'i 'gro ba dang 'brel pa bdun pa ni 'di lta ste/ gal te las bzang po zhig yin na/ mtho ris sum cu rtsa gsum gyi gnas rnams su mchog tu skye bar 'gyur ro// de byang gi sgra mi snyan dag nas 'chi ba na/ 'chi ba'i yul gyi dus su gzhal med khang shin tu nyams dga' ba dang / tshal dang nye ba'i tshal sdug pa shin tu nyams dga' ba dag mthong ba dang / de rang gi bzhin du de de dge la 'jog par byed do/ / de de dag la la 'dzegs nas nam mkha' la 'dzeg par byed do// de 'dzeg pa na/ rnam pa thams cad du nyams dga' ba mthong ba dang / de 'di snyam du sems te/ da ni bdag gnas 'dir 'gro'o snyam mo/ / des sems bskyed ma thag tu der skye bar 'gyur ro// de ltar byang gi sgra mi snyan dag nas las mchog gis skye bar 'gyur te/ de ni 'gro ba dang 'brel pa bdun pa yin no// gzhan yang 'gro ba dang 'brel pa brgyad pa ni/ gal te byang gi sgra mi snyan de dag nyid na 'chi ba de/ 'chi ba'i yul gyi dus su mtshan ma rnam pa du 'byung zhe na/ gtso bo dag des skyed mos tshal dkrigs pa/ rin po ches mdzes par byas pa dang /
- 307b
shin tu nyams dga' ba rnams mthong ngo // de rnams kyi dri shin tu zhim pa la yang snom par byed do// de 'chi ba'i yul gyi dus su tshor ba mi bzod pa mi 'byung ste/ de tshor ba zhan pa nyid kyis/ sems rnyog pa can du mi 'gyur la/ de blo gsal bas 'chi ba'i dus byed do// des srid pa tha ma thob nas/ de nas yang de bzhin du gzhal med khang dngar ba de dag mthong ba dang / de 'di snyam du sems te/ da ni bdag gzhal med khang 'di dag gi nang du 'jug par bya'o snyam nas/ de dag gi nang du zhugs pa dang / srid pa bar ma la gnas pa des/ kun tu rgyu ba'i lha rnams rnam par rgyu ba dang / rgyug pa dang / ri bo'i gsab gseb kyi nang dang / zom dag la 'khod pa dang / phan tshun phrad pa dang / gzhan du 'gro ba dag mthong ngo // de'i 'og tu bdag nyid mthong ngo // mthong ba dang de nas 'jug par byed de/ thams cad kyang rmi lam lta bur phyod pyod po mthong ngo / / de'i 'og tu mtho ris kyi nyams dga' ba/ gzhal med khang nyams dga' ba du ma dang / 'dod pa 'byor pa de dag thams cad mthong ngo // de dag mthong ba dang / de 'di snyam du sems te/ da ni bdag 'di'i nang du 'jug par bya'o snyam mo/ / de sems bskyed ma thag nyid du der skye bar 'gyur te/ srid pa'i yan lag la len pa'i rkyen gyis srid pa 'byung bar 'gyur ro// de ltar 'di ni mchog dang / 'bring dang / chung ngu dang / gsum gyis skye bar 'gyur ro// de skye ba na tshal dang / nye ba'i tshal dang / skyed mos tshal khyad par du 'phags pa dag mthong ba dang / de dag la 'dod par byed do// de ltar byang gi sgra mi snyan
- 308a
dag nas 'dir skye bar 'gyur ro/ / byang gi sgra mi snyan na gnas pa 'dir skyes pa de dag thams cad kyi rgyu 'thun pa'i 'bras bus blo 'byung ba ni shin tu 'dod pa la chags pa yin te/ de dag yul la lhag par chags pa/ bro gar dang / glu dbyangs dang / dgod pa dang / rtse ba dang / kha zos dang / gnas pa la lhag par dga' ba/ ri'i rtse mo la lhag par rgyu ba/ glu len pa la lhag par dga' ba/ yid shin du myos pa yin te/ thams cad de lta bu yin no// de ci'i phyir zhe na/ de la gnas pa'i ngo bo nyid kyis/ goms pa'i mi rnams yang goms par byed pa na/ sred pa'i stobs rab tu che ba yin no// ga bopo dag byang gi sgra mi snyan dag nas mi 'dir skyes pa rnams 'chi ba'i dus su mtshan ma 'byung ba dang / gsal ba dang / gnas ni de lta bu yin no// 'di ltar nub kyi ba lang spyod kyi gling nas mi dag 'chi ba na/ gal telan grangs gzhan la myong bar 'gyur ba'i las dang / skyes nas myong bar 'gyur bas/ lha rnams kyi nang du ji ltar skye bar 'gyur/ de 'chi ba na de'i 'gro ba bar ma ni ji lta bu yin/ srid pa phyi mar 'grogs pa dang / mtshan ma ni tso dag 'byung / srid pa bar ma'i mtshan ma rmi lam lta bu phyod phyod po dag ji ltar mthong zhe na/ gtso bo dag 'di la nub kyi ba lang spyod kyi gling nas 'chi ste/ nges par 'chi ba'i dus byed la/ legs par byas pa'i las kyis rkyen rnams khyer ba na/ sgra nga rangang po lhag par 'byung bar mi 'gyur/ gnad kyi sdug bsngal mi 'byung // de'i dbang po yang gsal bar 'gyur// de'i 'og tu chu klung sngon po gsal
- 308b
ba/ bai DUR+Ya'i mdog ltar 'dug pa zhig mthong ba dang / de der gnas par bya ba'i phyir 'jug par byed cing de'i lag rgyal byed do// chu klung de yang reg na ha cang grang ba yang ma yin la/ ha cang dro ba yang ma yin no// de chu des khyer ba dang / ji lta ji ltar 'gram du rgyug pa de lta de ltar skye ba dang nye bar 'gyur ro// nyon mongs pa dag gis skye ba des thang la bud med shin tu blta na sdug pa cha byad dang rgyan btags pa// gla len bro brdung ba rnams mthong ngo // de dag mthong nas 'khrig par bya ba'i blo 'byung ste/ de de dang 'khrig par bya ba'i don du der 'gro bar byed do// de gang gi tshe zhon pa dang / de'i tshe skye bar 'gyur te/ lha'i bde ba rnams kyang myong ngo // gang srid pa bar ma rmi lam lta bu phyod phyed po rnam pa du ma las sad nas/ gzugs gsal bar mthong ba ltar de skye bar 'gyur te/ de ni 'gro ba bar ma bcu pa yin la/ las bar ma dang chung ngus skye ba/ nub kyi ba lang spyod rnams kyi/ snang ba gcig yin no// srid pa bar mar mthong ba gcig dang / skye ba gcig gi rim pa ni thams cad 'thun la/ byang gi sgra mi snyan dag gi ltar mi 'byung ste/ mtshan nyid gsum kun 'thun no// gtso bo dag shar gyi lus 'phags gling gi mi rnams 'chi ba'i dus kyi tshe/ mtshan ma 'am/ 'jig rten gyi gnas sam/ 'chi ba'i yul gyi dus su skye bar 'gyur na/ rang gi mtshan ma dag ji ltar mthong bar 'gyur zhe na/ srid pa tha ma'i sems la/ la na ka na bres pa'i gnas de nyid nyams dga' la/ ba dan dang / rgyal mtshan bsgreng ba zhig kyang mthong ba dang / de srid pa bar ma'i khyim der dga' ba skyes nas/ yul nas yul du//
- 309a
rgyug par byed pa de'i tshe skye ba'i srid pa dang lhan cig nye bar 'gyur ro// des gnas de'i phyi rol na glu dbyangs kyi sgra dang yang dag par ldan pa'i bud med cha byad mang po thogs pa// rtag glu len zhing bro brdung ba rmi lam lta bu zhig dang / de bzhin du skyes pa glu len bro brdung ba zhig mthong ba dang / de 'di snyam du sems te/ 'di ltar bdag gnas 'dir song la skyes pa dang bud med de dag la lta zhing de bzhin du lhan cig glu blangs bro brdung ngo / / 'di ltar skyes pa glu len bro brdung ba 'di dag ni shin tu yid du 'ong zhing / shin tu rnar snyan pa yin te/ bdag song la de rnams dang lhan cig 'dre bar bya'o snyam mo// des 'di ltar bdag 'dres par gyur to snyam du shes pa dang / ji ltar gnyid las sad pa de ltar/ de der skye bar 'gyur la/ de'i skyes pa de dag dang / bud med de dag kyang mi snang bar gyur to// mtho ris kyi tshal dang nye ba'i tshal phun sum tshogs par bdag nyid skyes par mthong ste/ de de ltar skye bar 'gyur ro// gnas gzhan bcu gcig pa ni de lta bu yin te/ de ltar mi'i gnas bzhi pa dang / gzhan yang 'jig rten mtha' yas pa'i skye ba bar 'gyur ro/ / gtso bo dag 'gro ba bar ma'i byed pa 'di ni phra ba ste/ phyi rol pa'i shes pa/ 'jig rten pa'i lta ba dang yang dag par ldan pa gang yang rung ba dag gis de dag shes par mi nus so// las mi dge bas yi dgas rnams kyi nang du skyes pa mi dge ba de zad par 'gyur la/ nyes par byas pa'i las kyi mtha' spyad pa de zad nas 'gro ba gzhan du spyad pa legs par byas pa/ lan grangs gzhan la myong bar 'gyur ba/ pha ma lta bu
- 309b
shin tu yid du 'ong ba so so yang dag par myong bar 'gyur bas/ gang gi tshe lha rnams kyi nang du skye bar 'gyur ba de'i tshe/ mtshan ma ni ci dag cig 'byung // srid pa tha ma'i sems la mtshan ma ji lta bu dag 'byung bar 'gyur zhe na/ gtso bo dag de la gang gi tshe/ yi dgas 'chi zhing mtho ris su skye bar 'gyur ba de'i tshe/ de'i lus bkres pa dang skom pas gdungs pa sems rtag tu phrag dog dang ser snas nyams pa/ rtag tu kha zas la brkam par gyur pa/ rtag tu btung ba la chags pa gang yin pa de bza' ba dang / btung ba la ma gtogs par gzhan du rgyug pa de nyung bar 'gyur/ de'i lus bsil bar 'gyur zhing / lhag par sra bar mi 'gyur la/ de'i spu yang ring zhing sdug par mi 'gyur/ srin bus gang ba de dag thams cad zhig par 'gyur/ de'i bzhin gyi mdog kyang gsal bar 'gyur/ de la rlung bsil zhing bde ba rnams reg par 'gyur ro// de'i 'og tu srid pa tha ma'i mtshan ma dang nye bar gyur cing bkres pa dang skom pa shin tu chung bar gyur pa dang / 'phral la dbang po rnams tshim par 'gyur la/ bya rog dang 'ug pa gang dag gis rtag tu mig rnams za bar byed pa de rnams mi snang bar gyur to/ / de'i 'og tu srid pa bar ma la zas dang skom gyi tshogs mthong ba dang / de'i blo sngon goms pa'i 'phen pa skyed pas rgyug par byed kyang / sems kyis mthong bar zad kyi/ za bar yang mi byed la/ 'thung bar yang mi byed de/ de ni mthong ba kho na tsam du zad do// ji ltar rmi lam na dngos po mthong ba mkho ba med la/ 'thungs kyang ngoms pa med pa de bzhin du des mthong zhing / des
- 310a
bltas kyang de tshim par mi 'gyur te/ mthong ba kho nas de snying dga' bar mthong ngo // ji ltar sad pa'i dus su gzugs bden pa rnams khong du chud pa de ltar mtho raris kyi ngo bo shin tu nyams dga' ba rnams mthong ba dang / de nas yang yid du 'ong ba de rnams la/ de rgyug par byed do// de ltar len par yang byed de/ da ni bdag gis yul 'di dag thob par bya'o snyam nas de dag len par byed do// nye bar blangs ma thag tu lha rnams kyi nang du skye bar 'gyur ro/ / 'gro ba par ma bcu gnyis pa ni de lta bu yin no// gtso bo dag gzhan yang gti mug zad nas/ ngo mtshar che ba'i 'gro bar ma bcu gsum pa ji lta bu yin zhe na/ gti mug kun tu mang ba dud 'gro rnam pa du ma dag/ lan grangs gzhan la myong bar 'gyur ba'i las kyis tshe rabs 'bum phrag bye ba du mar sems can dmyal ba dang / yi dgas dang / dud 'gro nyes par byas pa'i las dag nye bar spyad nas 'di ltar yang bskal pa du mar las kyi 'khor ba mi bzad pa shin tu dpyad par dka' ba/ / thog ma med pa'i dus nas yar yor 'dug pa/ phan par mi byed pas sems can rnam 'khyam par byed do/ / dud 'gro rnam pa du ma dag ni zas du ma dang / 'gro ba du ma dang / lus du ma dang / gnas du ma dang / sems kyi sa bon du ma dang / las du ma byed pa gang yin pa de dag gis nyes par byas pa'i las zad pa ni yid ches par dka' ste/ ji ltar chu thigs par bcus pas rgya mtsho bskams par 'gyur ba yid ches par dka' ba de ltar las kyi rgya mtsho'i tshe thigs par bcus pa yang ngo mtshar che ba yin no// /
- 310b
de gang gi tshe dud 'gro dag las yongs su thar na/ de lha'i ris gnyis po/ rgyal chen bzhi pa 'am/ sum cu rtsa gsum pa gang yang rung bar skye bar 'gyur ro// de dud 'gro'i nyam nga ba chen po las 'chi zhing thar par gyur pa de'i tshe/ bde ba chen po nye bar gnas pa'i mtshan ma rnam pa du ma dang / dngos po du ma dang ldan pa'i mtshan ma la dmigs pa bshad par mi nus so// sems can dmyal ba pa mtho ris su skye bar 'gyur ba ni ngo mtshar mi che'i/ yi dgas dang dud 'gro dag mtho ris su skye ba ni ngo mtshar che'o// de ci'i phyir zhe na/ yi dgas pas dud 'gro gti mug mang ba'i phyir te/ gzhan la nyes pa byas pa mang po byed la/ de dag tshe gcig gis 'bum phrag du ma sbyor ba dang / bskal pa 'am/ bskal pa brgya 'am/ bskal pa 'bum phrag tu sbyor bar byed pa/ las kyi lu gu rgyud kyis/ tshe gcig nas gcig tu rgyud pa de dag pas ni/ sems can dmyal bar skyes pa ches bla'i/ yi dgas dang dud 'gro rnams kyi nang du skyes pa ni mi rung ste/ rgyu des na sems can dmyal bar skyes pa ches rung gis/ dud 'gro ni mi rung ngo // de ltar de sdug bsngal shin tu mi bzad pa las gal te thar na/ de dag gis 'di dag phal cher mthong nas skye bar 'gyur te/ 'di lta ste/ 'chi ba'i dus su gti mug srabs par 'gyur zhing shes pa chung ngu 'byung bar 'gyur ba ni/ 'di ltar sngon byung ba bas khyad par du 'byung ba 'am/ rno bar 'byung ngo // de 'chi ba'i dus kyi tshe/ ri snang bar gyur pa mthong ba dang / lcug ma 'phyang ba dang / 'bab chus gang ba rnam pa sna tshogs dag mthong ngo /
- 311a
kha zas 'byung ba gang yin pa'i kha zas de yang ri de la mthong ngo // kun rdzob kyi shes pas de'i 'dod pa bde ba gang yin pa de dag tshal de na 'am ka ri de la mthong ngo // de'i tshe de kha zas kyi don du 'am/ der 'gro ba 'am/ de la brten pa'i phyir rgyug par byed pa de yang rmi lam lta bur mthong ste/ de ji lta ji ltar rgyug pa de lta de ltar de'i skye ba'i srid pa nye bar 'gyur ro// de gang gi tshe skye ba nye bar gnas par 'gyur ba de'i tshe gzugs gu lu lu byed pa dag mthong ngo / / sngon tshe rabs 'bum du ma mthong ba gang yin pa de dag la 'di ci zhig/ 'di gang zhig yin snyam du/ de'i rnam par shes pa la ngo mtshar cher 'byung ste/ de ci'i phyir zhe na/ ngo bo zhan pa nyid kyis ma goms pa'i phyir ro// ngo mtshar du gyur pa de ci bdag 'dir 'gro bar bya 'am/ 'gro bar mi bya snyam du de la dmigs par yang byed pa/ 'di dag thams cad bdag dbang bar bya'o snyam du yang sems te/ legs par byas pa'i las de dang rkyen des de ltar blo skyed do// sems bskyed ma thag nyid du lha'i 'jig rten der skye bar 'gyur te/ srid pa bar mar 'gro ba dang 'brel ba bcu gsum pa ni de lta bu yin no/ / gar mkhan rnams kyi nang na shin tu dga' ba/ shin tu rmad du byung ba/ shin tu rnam par rig par dka' ba 'di yin te/ 'di lta ste/ las kyi gar mkhan las kyi gzhi sna tshogs kyi gar chen po sems kyi gar dag/ ltad mo gzhi'i 'khor ba na gar byed do// brgya byin des de skad smras pa dang / lha rnams shin tu gus pa'i yid skyes nas 'di skad smra'o// 'di ltar brgya byin bdag
- 311b
cag la/ / 'jig rten 'di dang pha rol tu// skye dgu rnams la phan mdzad pa// rgyal po pha dang ma dang mtshungs// gang gis bag med rnam bral zhing // thams cad du ni 'byung mi 'gyur// mtha' las byung ba zar par 'gro/ / bdag cag la ni chos ston mdzad// khyod kyis las dang 'bras bur bcas// mngon sum yang dag rab tu bstan// skye dang 'chi ba'i ngo bo dag/ brgya byin 'jig rten bka' mchid ston// khyod kyis de nyid rnam par bstan/ / bdag cag la ni legs par mdzad// bdag cag gang dag yid rmongs pa// ye shes mkhas pa nyid du mdzad// bud med 'dod chags yid zhen cing // rtag tu 'dod pa'i chol rnams la/ / rgyu dang 'bras bu yang dag 'byung // de ni khyod kyis rab tu bstan// brgya byin long ba'i mig dang 'dra// nad pa rnams la sman pa ltar// khyod kyis chos lam bstan pa gang // bdag cag la ni smad par mdzad/ / ji lta ji ltar brgya byin khyod// phan pa'i chos ni ston mdzad pa// de lta de ltar gshin rje'i mi// phan med mig can nyams par 'gyur// de ltar brgya byin des dud 'gro rnams kyi srid pa bar ma bshad nas/ / yang srid pa bar mar 'gro ba dang 'brel ba bcu bzhi pa ston par byed do// 'di ltar sems can dmyal ba dag res 'ga' legs par byas pa'i las kyi rkyen dang / legs par byas pa'i las kyi rgyu lan grangs gzhan la myong bar 'gyur ba/ shin tu bsil ba/ shin tu phan par 'dod pa/ dma' ba dang mtho bar 'gyur ba'i rgyu gang gis// gal te sdug bsngal dpe med pa las grob nas/ bde ba dpe med par ji
- 312a
ltar skye bar 'gyur/ de'i yang sos dang / thig nag dang / bsdus gzhoms dang / du 'god dang / ngu 'bod chen po dang / tsha ba la sogs pa sems can dmyal ba chen po dang / 'di ltar sems can dmyal ba'i 'khor du gtogs pa'i rnam par smin pa shin tu tsha ba/ spung shin tu zing zhes byed pa/ me 'bar ba 'khrugs pa dang bcas pa dag nas/ sems can dmyal ba pa 'chi ba rnams dang 'chi ba de dag gi las zad nas/ 'chi ba rnams kyi mtshan ma ji ltar 'byung bar 'gyur/ srid pa bar ma nas srid pa bar mar ji ltar skye ba dang 'chi bar 'gyur/ ji ltar na las kyi rkyen gyi dbang gis shin tu sdug bsngal ba dang ldan pa 'am/ shin tu bde ba dang ldan par 'gyur zhe na/ gtso bo dag sems can dmyal ba pa ngan song zad pa de'i 'chi ba ni/ de gang gi tshe rdza ma'i nang du bcug ste 'chi bar byed do// de bcug pa tsam nyid kyis dbu ba bzhin du so so zhu bar byed kyang lus gzhan du skye bar mi 'gyur ro// gal te de lan cig kho nar tho bas gsod cing / 'chi ba'i dus byed kyang / lus gzhan du skye bar mi 'gyur ro/ / gab te lung pa'i nang du 'jug par byed la/ de bcug pa tsam nyid kyis srog 'jig par byed kyang / lus gzhan du skye bar mi 'gyur ro// gal te ba tshwa'i chu bo'i nang du 'jug par byed la/ de lan cig kho nar rab tu zhu bar byed kyang / de'i lus gzhan du skye bar mi 'gyur ro// gal te phur bu rnams kyis btab la/ de phur bu rnams kyis btab ste/ nyams pa nyid kyis 'chi bar 'gyur yang /
- 312b
de'i lus yang skye bar mi 'gyur ro// gal te bya rgod dam/ khwa rnams kyis bzung nas za bar byed kyang de yang 'byung bar mi 'gyur ro// gal te seng ge dang / stag dang / dred dang / gung dang / gzig rnams kyis 'dzin par byed la/ bzung nas kyang gal te za bar byed na/ de yang 'byung bar mi 'gyur te/ de ltar sems can dmyal ba pa de las rnam par zad nas 'chi bar 'gyur ro// de 'chi ba'i dus la bab pa'i tshe/ gshin rje'i mi gnod pa byed pa gang yin pa de dag thams cad mi snang bar 'gyur ro// sems can du bgrang ba ma yin pa de dag ji ltar mar dang snying po zad na mar me med par 'gyur ba de bzhin du/ khas zad na sems can dmyal ba pa la gnod pa byed pa gshin rje'i mi rnams 'byung bar mi 'gyur ro// ji ltar 'dzam bu gling du nyi ma nub pa na de'i tshe mun pa yang 'byung ba de ltar khas byas pa zad na/ bzhin gyi mdog dang / mig mi sdug par bsgyur ba/ gzugs de dag thams cad kyang mi snang bar 'gyur ro// ji ltar gang gi tshe rtsig pa zhig na/ de'i tshe ri mo yang 'jig par 'gyur ba debazhin du/ gang gi tshe las kyi rtsig pa zhig na/ de'o che sems can du bgrang ba ma yin pa/ gshin rje'i mi gzugs mi sdug par bsgyur ba de dag kyang 'jig par 'gyur ro// de dag ni bcom ldan 'das kyis gsungs pa yin te/ de ltar sems can dmyal ba de dag sems can dmyal ba zad nas thar par 'gyur ro// de nas brgya byin gyis de'i tshe/ lha de rnams la 'di ltar tshigs su bcad de smras pa//
- 313a
dam pa'i chos dran pa nye bar gzhag pa bam po bzhi bcu rtsa gsum pa/ ji ltar mi dag srog gcod pa// dgra rnams las ni thar pa rnams// bde ba 'dod pa thabs kun/ gyis// mdza' ba shes mang po mngon du phrad// de ltar dmyal ba stobs po che// las 'di dag las nges grol ba// lha yul zhi bar 'gro ba yi// las rnams legs par byas pas thob// de ni yon tan du mas brgyan/ / lha yi gnas su 'khrid byed la// ji srid legs par byas pa'i las// de ma zad par dga' bar byed// de ni de nas zad dang phyir// dbang med mi dag ltung bar 'gyur// mar ma'i snying po zad pa gang / / mar me 'chi bar 'gyur ba ltar// las kyi rlung las yang dag byung // de ni dma' dang mthon por mthong // rlung shugs dbang gis 'khrul pa yi// 'jig rten 'di ni yod/ su 'khor// shes pa'i dbang du gyur pa gang // de ni 'khor bar mi 'jug go/ ji ltar pad+ma'i rtsa rgyus kyis// ri mchog ri rab mi 'gul ltar// de ni las kyi zhags pa yis// nams kyang 'dren par mi 'gyur ro/ / de ltar de ni mgon bral zhing // mya ngan bral la nyon mongs bral// ri rab kyi ni rtse mo ltar// brtan po dag tu 'khor mi 'gyur// de ltar brgya byin des lha de rnams la tshigs su bcad pa smras nas/ sems can dmyal ba pa sems can dmyal ba las thar pa/ de'i srid pa bar ma'i mtshan ma sngon chad ma mthong ba rnams la brtags na/ nam mkha' la rlung shin tu bsil ba lus la
- 313b
rig par byed de/ reg na shin tu bde ba/ shin tu dri zhim pa/ bsten na shin tu bde ba sgra snyan pa thos te/ 'di lta ste/ pi wang gi sgra'am/ de las gzhan pa rgyud pas byung ba'i sgra de ltar rlung dag gi sgra thos so// dri yang bshin tu yid du 'ong ba la snom mo// gzugs kyang shin tu yid du 'ong ba dag mthong ste/ 'di lta ste/ tshal dang / nye ba'i tshal dang / lteng ka dang / 'bab chu'i dngo dang / pad+ma'i tshal shin tu dri zhim zhing rgya che ba dag mthong ngo / / rna bas kyang glu dbyangs kyi sgra shin tu yid du 'ong ba dag thos so// bdag nyid kyi byad gzugs bshin tu che la rab tu gzi brjid dang ldan pa/ lhag par dri zhim pa 'phreng bas babargyan pa mthong ngo / / kun tu thogs pa med cing nam mkha' shin tu dri ma med pa thams cad la gza' dang / skar ma dang / rgyu skar gsal ba rnams kyis khyab par mthong ngo // mtsho dag na yang bya nga ba dang / ka rand par 'dres pa'i sgra dag thos so// de nas yang srid pa bar mar zhugs te/ srid pa 'byung ba'i pi wang dang / glang bu dang / rnga dang / glu dbyangs kyi sgra dag thos pa dang / lo bye ba phrag du mar ma myong ba de'i yid la rab tu dga' bar 'gyur ba/ thams cad du mtshan ma bzang po rnams 'byung bar 'gyur ba dang // mdza' ba shes dang / gnyen 'dab dang / rtsa lag dang phrad pa lta bur bdag nyid sems la nyin gcig gzhin du snying rab tu dga' bar 'gyur ro/ / ji lta ji ltar srid par skye bar 'gyur ba de 'di 'am/ gzhan rgyal chen bzhi'i lha'i ris su skye ba dang / tshal dang / nye ba'i tshal
- 314a
shin tu nyams dga' ba dang / dri shin tu zhim pa dang / tshal dang / rin po che sna bdun gyi tsha ba dang / bud med kyang ngo bo nyid kyis yid du 'ong ba gang yin pa de dag mthong ngo // de 'di snyam du sems te/ da ni bdag 'dir skye bar bya 'am/ thob par bya'o snyam mo// des sems bskyed ma thag nyid du skye bar 'gyur la/ srid pa'i yan lag gi rim pa ni 'di lta ste/ nye bar len pa'i rkyen gyis srid pa 'byung ngo / / de ltar srog chags dag sems can dmyal ba las thar cing / ngan pa byas pa las yongs su thar nas/ bde ba dpe med pa thob par 'gyur te/ srid pa bar ma'i 'gro ba bzhi pa ni de lta bu yin no/ / srid pa bar mar 'gro ba dang 'brel pa bco lnga pa ji ltar shes par bya/ gang gi tshe mi dag las shi nas gal te mi rnams kyi nang du skye ba de'i tshe mtshan ma ci dag 'byung / mngon par 'dod pa de ji lta bu yin zhe na/ 'di la gang gi tshe 'chi ba'i dus su mi 'di dag nyid las shi nas gab te mi rnams kyi nang du skye na/ de'i mtshan ma 'di lta bu dag 'byung bar 'gyur te/ ji ltar ri brtsegs pa chen po'i grib mardo thal gyis bskus pa'i thang la 'bab pa de ltar grib ma lta bu zhig 'bab pa dang / 'di snyam sems te/ bdag gi steng du thams cad 'bab bo snyam nas/ de lag pa gnyis kas ri 'bab pa phyir 'phrub bar byed la/ 'bab pa na lag pa gnyis kas 'dzin par byed cing / lag pa g.yob par byed pa dang / de'i gnyen 'dun dag na re/ 'di ltar nam mkha' la reg par byed do zhes rjod do//
- 314b
'og tu snam bu dkar po zhig mthong nas/ de'i steng na yang snam bu dmar po zhig yod par mthong ngo // de'i 'og tu srid pa tha ma pa'i sems la ji ltar snang ba mthong ba de'i mi gsal ba de dag las rmongs par 'gyur te/ ji ltar rmi lam na gzugs dag la blo rmongs par 'gyur ro// de pha ma gnyis lakhrig pa'i chos dang ldan par gyur pa na/ gal te skyes par 'gyur na ni de log par mthong bar 'gyur te/ ma la ni chung ma'i 'du shes skye/ pha la ni dgra'i 'du shes skye'o// de 'di snyam sems te/ bdag 'di'i drung du 'gro'o snyam nas// de ma de la 'khrig pa'i phyir 'phrad par byed do// ji ste bud med du 'gyur na ni de 'di snyam sems te/ bdag gi khyim thab 'di 'dis phrogs so snyam nas/ de la zhe sdang skyed par byed do// de ma de skyes pa de dang 'byed par 'dod cing bdag nyid de dang 'phrad par byed do// de'i tshe srid pa bar ma pa'i rnam par shes pa 'gag cing / skye ba'i srid pa'i rnam par shes pa 'byung ste/ de ma thag pa'i rkyen gyis rgya'i 'bur ltar rnam par shes pa 'byung bar 'gyur ro// mi dag las shi nas mi rnams kyi nang du skyes ba'i mtshan nyid ni de lta bu yin no/ / gzhan yang 'gro ba dang 'brel pa bcu drug pa ni/ 'di ltar lha dag nyid las 'chi ba na/ gtso bo dag gang gi tshe lha las shi nas lha rnams kyi nang du skye bar 'gyur ba de'i tshe/ del 'di ltar lha gzhan sems can dmyal ba dang / yi dgas dang / dud 'gro'i nang du skye ba rnams kyi sdug bsngal de dag 'byung bar mi 'gyur la/ chung mas 'dor ba'i sdug bsngal mi 'byung // rgyan 'phrog
- 315a
par mi byed/ lha'i bu gzhan stan de la 'dug par mi mthong ste/ sdug bsngal mi bzung ba de dag mthong bar mi 'gyur ro// de shi ba'i stan de la lha gzhan dag skye bar 'gyur la/ de'i 'gro ba lha'i nang du skye ba ches bzang bar 'gyur ro// 'di ltar gal te rgyal chen bzhi pa dag las shi nas sum cu rtsa gsum du skye bar 'gyur ba de ni mtshan ma shini tu nye mas dga' ba bzang po dag mthong bar 'gyur te/ 'di ltar des sngon gar yang ma thos pa'i rnam pa gang yin pa'i rnam pa de lta bu'i glu dbyangs thos la/ de bzhin du yul lnga'i mtshan ma bzang po mthong ngo // de'i 'og tu de'i srid pa tham pa'i sems 'byung ste/ des srid pa ba ra ma la bud med shin tu bzang mo lhag par blta na sdug pa/ byad gzugs rab tu bzang ba rnams kyi lag na rol mo rnam pa sna tshogs thogs pa mthong ngo // 'bab chu dang skyed mos tshal yon tan sna tshogs dang ldan zhing / de ltar yid du 'ong ba/ sngon gar yang ma mthong ba/ srid pa bar ma pa'i gang yin pa de dag des rmi lam lta bur mthong ngo // de gang gi tshe skye ba'i srid pa dang nye zhing 'phrad par 'gyur ba de'i tshe/ sad pa'i dus ltar 'dod pa shin tu nyams dga' ba/ 'dod pa'i yon tan lnga 'byor pa des sngon nams kyang ma mthong ba de rnams gsal bar mthong ngo // de nas de 'di snyam sems te/ kye e ma ngo mtshar che ba rnam pa 'di lta bu sngon bdag gis gar yang ma mthong ste/ da ni bdag 'dir 'jug par bya'o snyam sems so// des sems bskyed ma thag nyid du der skye bar
- 315b
'gyur te/ srid pa ba ra mar 'gro ba dang 'brel pa bcu drug pa de lta bu yin no// gtso bo dag gzhan yang srid pa bar mar 'gro ba dang 'brel ba bcu bdun pa ji ltar 'byung zhe na/ de ltar lha'i ris gzhan gang dang gang dag nas ches dma' bar skye bar 'gyur ba de ni lteng ka dang / chu dang dang / 'bab chu chung ba dag mthong ba dang / ji ltar de la 'dod pa de ltar bkres pas mngon par nyams par 'gyur zhing // de der skye bar 'gyur ro/ / de ltar lha rnams kyi srid pa'i yan lag la rnam pa gnyis sam/ rnam pa gcig tu 'gro ba lha rnams kyi nang du skye bar 'gyur ro// gzhan yang srid pa bar ma par 'gro ba dang 'brel ba ni/ gal te shar gyi lus 'phags po'i mi dag nub kyi ba lang spyod rnams kyi nang du skye bar 'gyur ba de'i 'chi ba'i dus gang zhig la mtshan ma rnam pa ji lta bu dag 'byung bar 'gyur/ gal te nub kyi ba lang spyod kyi mi shar gyi lus 'phags su skye bar 'gyur na/ de gnyis 'chi ba'i dus su mtshan ma rnam pa ji lta bu zhig 'byung bar 'gyur zhe na/ gtso bo dag phan tshun skye ba dag gi mtshan ma ni 'di bzhin du 'byung ste/ 'di lta ste/ srid pa tha ma pa'i dus su phug gi sgo chen po rib rib por bsgribs pa zhig mthong la/ de nas ba dan skar mda' lta bur shin tu bzang ba/ ya la ni dmar po / la la ni dmar skya dag cig 'byung ba dang / de lag pa gnyis kyis de kha 'dzin par byed do/ / des ji lta ji ltar ba dan de la bzung ba de lta de ltar mi de yang phug gi nang du 'jug par byed la/ srid pa tha ma pa btang ste shi nas srid pa bar ma la gnas te/ ba dan de nyid la 'dzin par
- 316a
'dod pa kun tu rgyug par byed do/ / de ji lta ji ltar rgyug pa de lta de ltar de'i skye ba'i srid pa de nye bar gnas par 'gyur la/ des snga ma bzhin du khyu mchog dang lhan cig 'khod pa dang / gseb dang rgod mar lhan cig 'khod par mthong ba dang / / de de la kun tu 'dod chags skyed par byed do// gtso bo dag 'gro ba dang 'brel ba bcu bdun pa ni de lta bur yongs su shes par bya'o// de ltar shes pas shin tu bag yod par bya'o/ / de ci'i phyir zhe na/ bag med pa ni gang yang 'khor ba las 'grol ba med pa/ 'jig rten pa'i legs pa gang yang 'thob par mi 'gyur ro// bag med pa ni legs pa thams cad don med par byed pa nyid yin te/ de lta bas na legs pa thams cad don du gnyer ba'i lha 'am/ mi shes rab dang ldan par gyur pas yongs su spang bar bya ba bag med pa de rab tu 'bad pas yongs su spongs shig/ gtso bo dag de ltar srid pa bar mar 'gro ba dang 'brel pa bcu bdun pa dag srid pa'i ngo bo nyid la rtog par 'dod cing / de kho na 'tshol bar 'dod pa'i lha 'am/ mis shes par bya/ dpyad par bya// brtag par bya'o// gtso bo dag gzhan yang rim pa brgyud pa gcig nas chos nyid shu'i bar du bstan pa gang yin pa de dag gi nang nas bcu bdun gyi bar ni bstan zin to// gtso bo dag da ni 'gro ba dang 'brel bdag las gzhan pa khams bco brgyad bstan pa/ khams de dag gi rim pa la 'bab pas rim pa de bstan par bya'o// de la khams shes bstan pa gang yin pa de gang zhe na/ de la mos pa rnam
- 316b
pa du ma dag gi khams rnam pa du mar 'gyur ro/ / skyon gsum gyis bsgribs pa'i sems can ni phung po gsum la gnas la/ gsum gyis so sor dbang sgyur to// phra mo la mos pa'i sems can byed pa sna tshogs/ / rang bzhin sna tshogs// las sna tshogs/ 'gro ba sna tshogs/ bde ba dang sdug bsngal myong ba sna tshogs/ byad gzugs sna tshogs/ dbang sna tshogs pa de dag thams cad ni sems kyi khams kyi rang bzhin sems kyi khams la rag yas pa yin la/ srid pa'i ris su srid pa sna tshogs nyid 'byung ba yin te/ de ltar sems can rnams kyi sems kyi khams ni mtha' yas so// lha dang / mi dang / dud 'gro dang / yi dgas dang / sems can dmyal ba rnams kyi 'gro ba rags rims kyis mdor bsdu na/ bgrang bar gtogs pa khams bco brgyad ni sems kyi skyon la rag las pa yin te/ khams bco brgyad du bsdu ba de dag thams cad ni mdor bsdus pa yin no// de la khams dang po ni 'dod chags kyi shas che ba'i khams yin no// de la 'dod chags kyi shas che ba'i khams dag ni lha dang / mi dang / yi dgas dang / dud 'gro rnams kyi bud med nga rgyal spyod pa kun yin la/ de dag gi zhe sdang de ni chung ba yin te/ 'di ni khams dang po yin no// dud 'gro spri rnams kyi nang na rma bya dang / mchib pa dang / bu byug dang / phug ron dang / pA na bau ka dang / pu shud dang / bung ba dang / nya dang / khyim bya dang / pa lin da ka la sogs pa dud 'gror
- 317a
gtogs pa ni 'dod chags kyi khams kyi shas che ba yin no/ / dud 'gror gtogs pa'i 'dod chags kyi khams 'bring po'i shas yod pa gang zhe na/ 'di lta ste/ rta dang / byi la dang skyugs pa za ba dang / bong bu dang / ma he dang / phag dang / glang po che dang / rnga mo dang / khyi dang / dar dang / bya rog dang / bya ne'u dang / 'ug pa dang / tshang pa bye'u dang / ya ste ka la sogs pa dag ni 'dod chags 'bring por spyod pa yin te/ sems kyi khams gnyis pa yin no// de la dud 'gro de dag gi 'dod chags kyi khams chung ba gang yin zhe na/ 'di lta ste/ seng ge dang / stag dang / dred dang gung dang / ra dang / gla ba dang / bya ka lin da ka dang / wa dang / sa ko'u shi ka dang / sa li le dang / mdze dang / chu srin d+hun d+hu sod dang / tsu lun da la sogs pa dus su 'khrig par byed pa de dag ni dus su la khrig tu 'gro ba yin no/ / dus ma yin par 'dod chags spyod pa chung ba yin te/ de dag ni dud 'gro'i khams gsum pa yin no// de dag ma gtogs pa gzhan rnam pa du ma/ tshe du ma/ mang du ma gang yin pa de dag ni bshad par mi nus shing bgrang bar mi nus so/ / yang dud 'gro de dag gi nang nyid na zhe sdang che ba gang yin zhe na/ gang zhe sdang lhag par che ba nyid yin la// 'dod chags che ba ma yin te/ 'di ni khams bzhi pa yin no/ / 'di lta ste/ seng ge dang / stag dang / gung dang / sbrul dang / ne'u le dang / srog chags rlung 'gam dang / ka ba tab bya dang / srin gyi me dang / ka ko da ra dang / ci lind ka dang / 'ol ba dang / pra ro hi na dang /
- 317b
chu srin na kra dang / chu srin byis pa gsod dang / phag la sogs pa ni zhe sdang gi khams lhag par che ba yin no// khams lnga pa ni gang yin/ dud 'grod dag nyid kyi nang na zhe sdang 'bring du spyod pa gang zhe na/ ba lang dang / yu ba'ing dag dang / ka ba ling ka dang / sa lin d+haka dang / kA dod radang / id t+yA ta ka dang / rma bya dang / khyim bya dang / byi la dang / byi ba la sogs pa dag ni zhe sdang bring du sprod pa yin no// de la kham lnga pa dud 'gro de dag nyid kyi nang na zhe sdang chung ngu spyod pa gang yin zhe na/ 'di lta ste/ ngang pa dang / chu skyar dang / srog chags kad t+ya dang / sha ba dang / khu byug dang / mtshol pa dang / bzhad dang / bong bu dang / rus sbal dang / ri bong gsod dang / srog chags sdug kyA tsa ra dang / u tsa tsa ka dang / ra sha sha ka dang / sbal pa la sogs pa ni zhe sdang chung ngu spyod pa yin no// de la kham drug pa ni gang zhe na/ yi dgas rnams kyi nang na/ yi dgas rdzu 'phrul chen po 'dod chags spyod pa gang yin pa de dag yin no// khams bdun pa ni dud 'gro'i nang du gtogs pa lha ma yin/ 'dod chags kyi khams lhag par che ba gang yin pa de dag yin no/ / khams brgyad pa ni 'dod chags 'bring du spyod pa/ dud pa za ba gang yin pa de dag yin no// khams dgu pa ni 'dod chags chung ngur spyod pa gtor ma za ba gang yin pa de dag yin no/ / khams bcu pa ni lha ril ba spyi blugs nas 'thung ba gang yin pa de dag ni lha gzhan dag pas 'dod chags spong ba chung ba yin la/ zhe
- 318a
snang che ba yin te/ g.yul 'gyed pa la banam zhing rtag tu brtson pa/ ldu ma yin gyi g.yul 'gyed par 'dod pa/ de dag ni 'dod chags lhag par chung ba yin no// khams bcu pa 'di ltar 'phreng thogs rnams ni 'dod chags 'bring du spyod/ / zhe sdang 'bring du spyod pa yin te/ khams 'bring po yin no// rtag tu myos gnas rnams ni 'dod chags kyi khams lhag par/ che ba yin la/ zhe sdang gi khams chung ba yin te/ thams cad du mngon par brtson pa yin no// khams bcu gcig pa kun tu rgyu ba dag ni zhe sdang gi khams lhag par che la/ 'dod chags chung ba yin no/ / khams bcu gnyis pa ni sum cu rtsa gsum 'dod chags spyod pa kun yin la/ zhe sdang chung ngu spyod pa rnams yin no// khams bcu gsum pa ni byang gi sgra mi snyan pa 'dod chags kyi khams// che ba kun yin no// khams bcu bzhi pa ni nub kyi ba lang spyod pa zhe sdang spyod pa kun yin no// khams bco lnga pa ni shar gyi lus 'phags pa pa rnams 'dod chags dang zhe sdang 'dres par che ste/ khams mnyam pa yin no/ / khams bcu drug pa ni 'dzam bu'i gling gi mi rang bzhi ni sna tshogs/ spyod pa sna tshogs// mos pa sna tshogs rnams yin no// khams bcu bdun pa ni lha gzhan dang / sems can dmyal ba 'dod chags spyod pa thams cad yin te/ 'di ltar de'i gnas dag na yang sems can dmyal ba pa rnams bud med dag la mngon par 'dod do// 'di ltar las byas pa'i sems can dmyal ba pa
- 318b
rnams dang / lha'i gnas bzhi rnams ni 'dod chags lhag par che ba yin no// sems can rnams kyi rang bzhin gang yin pa de nyid khams yin/ de nyid gnas yin/ de nyid mos pa yin te/ thams cad mdor bsdu na/ de dag nyid khams bco brgyad yin no// gang na 'dod chags dang / zhe sdang spyod pa de ni gti mug la gnas la/ de ltar 'dod chags dang / zhe sdang dag ni gti mug la rag las pa yin te/ rmongs pa med na chags pa 'am g.yo ba med do/ / gtso bo dag de ltar skyon gsum gyi bye brag tha dad pa bzhi'i skyon gyis khams 'byung bar 'gyur ro// gtso bo dag yang khams bco brgyad yod de/ 'di lta ste/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam pa' shes pa'i khams te/ gtso bo dag gzhan 'di dag kyang khams yin no// 'di dag ni gnod pa thams cad kyi rgyur gyur cing / byis pa so so'i skye bo thams cad rmongs par byed pa yin te/ lha 'am mi bag yod pas yul de dag la bsams nas bsrung bar bya'o// gang gnyis ka 'dzin pa bag med pa'i mi
- 319a
rnams kyi srid pa bar ma bcu dgu ni 'di lta ste/ bsam gtan bzhir nye bar 'gro ba gnas gtsang ma dang bcas pa bcu drug dang / 'dod pa'i khams su nye bar 'gro ba gsum ste/ 'di lta ste/ sems can dmyal ba dang / dud 'gro dang / mi rnams so// yi dgas rnams ni de dag dang 'brel pa yin te/ sems can dmyal ba myong bar byed pa/ sdug bsngal mang po lhag par myong ba yin no// 'dod pa'i khams na gnas tha dad pa nyi shu yod de/ kha cig dag rnam pa bcur yang 'chang ngo // gtso bo dag dngos po tha dad pa de dag thams cad khong du chud par bya'o// de nas lha de rnams kyis brgya byin gyi kha nas chos de dag thos nas yang brgya byin la mngon par bstod cing / 'di ltar tshigs su bcad de smras pa/ thams cad mchog tu zhi byed pa// brgya byin khyod kyis chos 'di bshad// 'jigs dang dngangs pa byung ba'i tshe/ / sgrub la bdag cag gnas par bgyi// chos gang 'chad par mdzad pa ni// gzhan la phan par bzhed pa lags// mya ngan 'das grong ston pa po// de ni pha dang de ni ma// legs par gsungs pa'i tshig gcig po/ / ston pa gang zhig ston mdzad pa// de ni 'gro gzhan lam shes shing // lus can rnams kyi mgon du gyur// legs par gsungs pa'i tshig la ni// brgya byin rin thang ma mchis te/ / gang zhig nor gyis mi rnyed pa// zhi ba'i tshig de rnyed pa lags// nor rdzas thun mong spyod par mthong // chos dag gi ni blo mi 'phel// mi yi nor rdzas zad 'gyur gyi// chos kyi nor rdzas nams
- 319b
mi zad/ / skye ba'i tshe rabs stong dag tu// chos gcig rjes su 'gro bar byed// gom pa gcig pu 'gro byed kyang // nor ni rjes su 'gro mi 'gyur// rgyal po chom rkun chu rnams kyis// mi rnams kyi ni nor rdzas 'phrog/ chos kyi nor ni de rnams kyis// nams kyang dbrog par mi nus so// de ltar brgya byin de la lha de rnams kyis mngon par mchod do// mchod nas kyang de nas yang brgya byin gyi mdun du 'khod do// brgya byin gyis kyang snying gi las gya nom pa de dag byas nas/ lha'i bde ba de dag thams cad kyang mi rtag pa dang / mi brtan pa dang / bdag med pa bstan cing / sprub pa de yang mi snang bar byas so// de nas yang lha yid mya ngan las 'das pa ris 'thun par spyod pa de dag nyid du phyin pa de thams cad ji srid du 'dod pa sdug pa yid du 'ong ba so so yang dag par myong ba bde ba 'grub pa'i las de dag zad pa dang / spangs pa dang / gtugs par ma gyur pa de srid du dga' bar byed do// de phyis lha'i ris de nas 'chi bar gyur te/ shi nas kyang las sngar bstan pa de dang rgyu 'thun par de dag phal cher ngan song du 'gro bar mi 'gyur ro/ / gang dag mi rnams kyi nang du skyes pa de dag chos bzang po dang ldan zhinga'i chos kyi rjes su 'jug par 'gyur la/ rtag tu dgon par gnas pa dang / rtag tu 'jig rten pha rol la 'jigs par lta ba yin no/ / de dag chos thos nas kyang / rab tu 'byung bar byed de/ kha cig ni rgyun du zhugs par 'gyur ba nas/ dgra bcom pa'i bar du 'gyur bar mthong ngo //
- 320a
de nas yang dge slong las kyi 'bras bu rnam par smin pa shes pa de sum cu rtsa gsum pa'i gnas rnams la rtog par byed de/ des thos pa las byung ba'i shes pas sum curtsa gsum pa'i lha rnams kyi gnas 'khor na gnas pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa chos dang ldan zhing chos kyi rjes su 'jug pa/ drang po drang po'i rang bzhin can gzhan la gnod pa med pa/ rtag tu las kyi 'bras bu'i de kho na nyid la lta ba/ tshul khrims thams cad du yongs su dag pa/ rtag par shin tu dga' ba/ g.yo dang sgyu rnam par spangs pa/ gser bcom ltar kun nas skyon med pa/ yang dag par lta ba/ yang dag par lta bas sngon 'dres pa/ tshul khrims gtsang ba/ 'jig rten pha rol la 'jigs par lta ba/ gang gis sbyin pa dag byin zhing / bsod nams dag byas pas skye bar 'gyur te/ 'di lta ste/ sgoms dag na dge slong mang po bdud kyi 'ching ba rtag tu gcod par 'dod pa rnams bsam gtan byed la/ de dag tsha bas gdungs par gyur te/ tsha bas gdungs pa rnams sam/ skom gyis gdungs pa rnams la sha kha ra dag chu byin nam/ rnga ma byin nam/ rnga ma'i bsil yab yu ba can sbyin par byed pa de lta bu ni sbyin pa byin pa yin no// srog gcod pa spangs pa rnam pa gang yin zhe na/ 'di la khyim la bsten pa dag gis
- 320b
'byor pa dang ldan pa dag gi don du 'di ltar de dag rtsed mo byed par 'gyur ro snyam nas/ ston pa pos khu byug gam/ rma bya tshal na 'dris pa de dag de nas bzung ste/ mi mthong ba dang / 'chi bar 'gyur ba'i/ bya de dag zong gis blus nas thar par byed la/ de dag kyang slar tshal gyi nang nyid du dong ste/ de na gnas la/ de nas yang 'tsho bar byed cing / bde ba dag la nye bar spyod du 'jug pa yin te/ de lta bu ni srog gcod pa spangs pa yin no/ / ji ltar na ma byin par len pa dag las ldog pa yin/ ji ltar na ma byin par len pa yongs su spong ba yin zhe na/ 'di la las kyi 'bras bu chung ngu la 'jigs par lta ba yin te/ 'di ltar de ni rdzing ngam/ lteng ka 'am/ chu klung gi ngogs sam// rnam pa de lta bu gzhan gang yang rung ba dag tu tshangs pa mtshungs par spyod pa sdom brtson can gzhan la phan par bya ba'i phyi ra/ so shing ngam/ sbrang rtsi'i chu sbyar ba de dag des spong bar byed cing rku sems dang ldan par gyur nas len par mi byed pa yin te/ rnam pa de lta bu ni ma byin par len pa las zlog pa yin no// de lus dang bral nas bde 'gro mtho ris kyi 'jig rten sum cu rtsa gsum pa rnams kyi nang lha 'khor na gnas pa zhes bya ba de rnams kyi nang du skye bar 'gyur ro// der skyes nas 'dod pa thams cad 'byor te/ sil snyan yan lag lnga dang ldan pas tshal dang / nye ba'i tsha la rnams kyi nang na/ bya rnam pa sna tshogs sgra 'byin pa rnams dang / pad+ma'i rdzing rnams kyi nang na bung ba'i tshogs sgra 'byin pa
- 321a
rnams dang / bya ka ra nad pa dang / ngang pa sgra skad 'byin pa rnams dang / tshal rnams kyi nang na yang rin po che sna bdun gyi shing ljon pas brgyan pa rnams dang / lteng ka rnams kyi nang na yang bai DUr+ya sngon po bcag 'phro lta bu'i chus shin tu gang ba rnams dang / ri'i rtse mo rnams kyang rin po che sna bdun gyi ro rab tu gsal la/ gser dang / dngul dang / shel dang / an+da rnyil gyi ri'i phug rnams kyi nang dang / bya rnam pa sna tshogs sgra rnam par 'byin pa rnams kyi nang na rtse bar byed do// de dag gi kha dog dang sgro gshog kyang rin po che sna bdun ltar sdug pa yin te/ sgra rnam pa sna tshogs 'byin cing nyams dga' ba/ rna khung du 'byin pa/ phan tshun 'thun pa rnam pa du ma snyan par 'byin pa de dag thams cad rnar snyan pa 'byin te/ gang gis tshal dang / nye ba'i tshal de dag nyid sgra 'byin pa lta bur 'byin te/ tshal dang / nye ba'i tshal de dag kha cig na kun nas sgra di ri rir 'byin te/ shin tu nyams dga' ba yang yin no// tshal de rnams kyi nang na zas kyi tshogs dang / skom gyi tshogs kun las shin tu zhim pa rab tu 'bab ste/ lha de rnams kyang rab tu dga' ba skyed na/ mi gzhan dag kyang lta smos kyang ci dgos/ rnam pa de lta bu'i tshal dang / nye ba'i tshal de rnams kyi nang na/ byad gzugs sna tshogs// cha byad sna tshogs/ lus la rgyan rnam pa sna tshogs thogs pa rnams lan brgya'am stong du dga' bar byed/ dga' dgur spyod par byed do// de dag gi nang na las bzang po
- 321b
legs par byas pa/ rang gi 'od dang / gzi brjid mchog dang ldan pa/ bde ba sna tshogs kyis yongs su bskor ba/ dga' bar byed/ dga' dgur spyod par byed la/ 'dod pa rnam pa thams cad myong bar byed do/ / de bde ba'i rnam pa de lta bu myos pas myos par mngon par mthong nas/ yid rab tu dga' ba de rnams kyis lha de yongs su bskor te/ dga' bar byed/ dga' dgur spyod par byed do// de ltar de dag de bzhin du dga' zhing rtse la dga' dgur spyod pa na/ 'di snyam sems te/ bdag cag bai DUR+Ya'i nor bus lan kan bres pa'i tshal kun nas nor bu'i lan kan bkra ba sna tshogs su phye ba rnams kyis yongs su bskor ba/ bya sna tshogs sgra 'byin pas kun tu gang ba rnams su 'dong bar bya'o snyam mo// tshal de na lha rab tu dga' ba lha dang lha mo'i tshogs kyis gang ba rnams sil snyan yan lag lnga dang ldan pas dga' bar byed/ dga' dgur spyod par byed do// tshal de'i nang na chu gnas pa zhes bya ba'i rdzing yod de/ sha ni tu nyams dga' la chu rab tu dang ba yin te/ de'i 'gram na lha de rnams rtse bar byed/ dga' bar byed do// de nas lha'i bu gsar du skyes pa de lha de rnams dang lhan cig rdzing de nyid kyi drung du 'gro bar byed do// de nas lha de rnams kyis kyang de rig nas/ dgod ci rtse la 'gros 'chos pas lha deg la ba der 'dong bar byed de/ de'i rdzing chu gnas pa dag na/ phan tshun grogs su gyur pa dag dang dga' bar byed/ dga' dgur spyod par byed do//
- 322a
de la yang mthu 'di lta bu yod de/ ji ltar 'dod pa dang / chu'i rnam pa ji tsam du 'dod pa rnam pa de tsam du de 'gyur ro// gal te 'dod na de chang mdog dang / dri dang / rogs pa zhing bshin tu zhim la bung ba'i tshogs dang ldan par 'gyur te/ 'dod pa ji lta ba bzhin du 'gyur zhing bdud ci 'thung bar 'gyur ro// mdog dang / ro dang / dri shin tu zhim po dang ldan pa/ chu gnas pa'i rdzing de bdud rtsi shan tu zhim pa/ shin tu 'jam pa/ mdog 'jam pa/ mdog zla ba lta bus kun tu gang ba yin no// de nas 'di snyam sems te/ 'di ltar rdzing 'di shing ljon pas gang bar gyur cig snyam na/ de shing ljon pa yon tan mchog dang ldan pa dang / shing ljon pa dril bu g.yer kha'i dra bas gtibs shing / lo ma las rol mo 'byung ba rnams kyis de bzhin du gang bar 'gyur ro/ / rlung gi shugs kyis rab tu bskyod pa'i shing ljon pa de rnams las sil snyan yan lag lnga dang ldan pa'i rnam pa ji snyed pa de snyed kyi sgra 'byin par 'gyur ro// de nas yang lha de rnams 'di snyam sems te// 'di ltar bdag cag rdzing de dag gi nang du 'jug par bya'o snyam pa dang / b+ha de dag gis sems bskyed ma thag tu der 'jug par byed do// de dag zhugs pa dang / nang du chu 'byung bar 'gyur la/ nang du zhugs pa rnams kyis rdzing de nyid kyi nang na nor bu'i lan kan rnam pa sna tshogs kyis brgyan cing / / lo ma rnams kyis khebs pa'i gzhal med khang la la ni bai DUR+Ya las byas// la la ni gser las byas/ la la ni
- 323b
/ dngul las byas/ la la ni shel las byas/ la la ni an+da rnyil bas byas/ kha la ni 'dren mar byas pa dag mthong ngo // khang pa dang / tshal de rnams kyi nang na thags su ma btags pa'i stan khra bo shin tu yid du 'ong ba/ bsams pa bzhin du sdug pa'i mal stan sna tshogs bting ba'i steng na/ lha dang / lha mo dang / lha'i bu mo'i tshogs de rnams dang lhan cig dga' bar byed/ dga' dgur spyod par byed do/ / de rnams sa phyogs der yang dga' zhing shin tu sdug pa rnam pa du ma/ 'dod pa'i yon tan ngo mas mi myong ba/ 'thab mo dang / phrag dog gi skyon rnams kyis skyo ba med pa/ shin tu snying du sdug cing yon tan dang ldan pa/ phan tshun grogs su gyur pa rnams dang dga' bar byed/ dga' dgur spyod par byed de/ 'dod pa'i yon tan lnga rnams kyis lhan cig dga' bar byed do// de dag yang de nas langs nas/ tshal shin tu sdug pa zhes bya ba ga la ba der 'dong bar byed do// tshal de yang bya ma ta di nad sgra snyan pa mang po 'byin pa/ 'bab chu dang / chu klung dang / lteng ka dang / 'bab chu'i dngos kun tu gang ba/ bya khri snyed sgra catse 'byin pas kun nas yongs su gang zhing sgra snyan pa'i ca cos kun tu snyan pa yin no/ / tshal gang na shing ljon pa nyi ma'i 'od ltar rnam par gsal ba'i tshal yon tan sna tshogs dang ldan pa/ bya'i tshogs kun nas yang long 'phur ba/ 'bab chung bum snyed kyis brgyan pa de na/ lha rang gi 'od dang ldan pa de rnams lha mo dag dang lhan cig yon tan sna tshogs phun sum tshogs pa'i yul rnams kyis dga' bar byed do// mi shes pa
- 324a
rnams kyi dga' ba'i nang na mchog 'di yin te/ 'di lta ste/ bud med la dga' ba zhes bya la/ zhags pa des bcings pa'i byis pa sa so'i skye bo thams cad ni 'khor ba na dga' bar byed do// lha de dag de rnams dang lhan cig phan tshun dga' ba rab tu mang po sna tshogs dang ldan pas yun ring du shin tu dga' bar byas nas/ ri rab kyi rtse mo mad ta ka Da ma zhes bya ba ga la ba der/ lha mo rang gi 'od dang ldan pa byad gzugs che zhing bzang la/ rgyan sdug gu thogs pa 'brang ba rnams dang lhan cig gzhal med khang gi nang du zhugs nas nam mkha'i dkyil nas 'dong bar byed de/ nam mkha'i dkyil du zhugs pa gos rlung gis bud pa de rnams ri rab kyi rtse mo mad ta ka Da ma der gzhal med khang gi dga' spyod byed du 'dong bar byed do/ / de dag na gzhal med khang gi dbyibs sdug pa lha'i pad+ma'i rdzing dang lteng kas mdzes par byas pa/ rin po che sna bdun gyi ri'i zom gsal ba/ thags su ma btags pa'i rdzas kyis nye bar mdzes par byas pa/ kun nas mchog tu legs pa dang ldan pa/ mad ta ka Da ma de'i gnas dpe med pa skyed mos tshal du dga' spyod byed du ri'i rtse mo mad ta ka Ta mar mchis pa dang / bdag cag rnams kyis nam mkha' las ji tsam du gang gis ri'i rtse mo de rab tu 'bar ba de lta bu'i 'od kyi rnam pa de lta bu 'byung ba zhig mthong ste/ de la bdag cag ngo mtshar skyes na/ brgya byin de cir 'gyur/ de nas brgya byin gyis de thos nas/ yud tsam zhig gis bsams te/ lha de rnams la 'di skad smras so// lha dag res 'ga' 'od lta bu 'byung ba
- 325b
yod de/ bdag gis 'di'i ngo mtshar gnyis pa de thos so// gang gi tshe bdag gis ngo mtshar dang po de thos pa des/ bdag gis de bzhin gshegs pa la bcom ldan 'das ngo mtshar ba de ci lags shes zhus so/ / de nas bcom ldan 'das la de skad ces zhus pa dang / bka' stsal pa/ ko'u shi ka khyod ni ngan song gi sgo bcad pa yin pas 'jigs par ma byed cig/ 'khor bar gtogs pa'i sems can thams cad kyi chos nyid ni 'di yin te/ 'di lta ste/ mi rtag pa zhes bya ba yin no// de gang yin pa de ngas khyod la bshad kyis nyon cig/ lha 'thab bral zhes bya ba dag yod de/ de dag gi drung na sum cu rtsa gsum pa rnams kyi bong skyed dang / mdog dang / dbyibs dang / longs spyod nams 'bum gyi char yang mi phod do// de dag gang gi tshe las yongs su zad pa dang / de nas ltung bar 'gyur te/ de dag dpag tshad 'bum phrag du ma dag nas ltung ba na/ 'od de chung ngur 'gyur ro// ji ltar mar me zad pa'i dus su 'od chung zhing mi gsal bar 'gyur ba de ltar/ de nam mkha' la 'chi ba'i dus na/ 'od de rnam pa de lta bur chung bar 'gyur ro/ / brgya byin gang gi 'od rab tu gsal ba de dag ni brjod par mi nus shing / sum cu rtsa gsum pa rnams kyis blta bar yang mi nus so// de ci'i phyir zhe na/ rtogs pa'i yul ma yin pa'i phyir 'jug pa'i yul ma yin no/ / ko'u shi ka de ltar 'thab bral gyi lha'i 'od gang yin pa sum cu rtsa gsum pa'i lhas gar yang blta bar mi nus te/ de ni gzhan gyi las kyis 'bras bu sum 'gyur
- 326a
@#du 'byung la/ sum cu rtsa gsum pa rnams kyi 'bras bu ni gzhan gyi nyis 'gyur du 'byung ngo // de dag gi bdag de bzhin gshegs pa las de skad zos pa 'di dag khyed la bstan pa yin no/ / gtso bo dag de'i tshe skyo ba skyes te/ lha de 'chi ba na nam mkha' dpag tshad 'bum phrag du ma dag nas 'od 'byung ba gang yin pa de dag lha khyed kyis mthong ba dang / de la 'dzegs par ma byed cig/ de nas brgya byin gyis de'i tshe 'di ltar tshigs su bcad de smras pa/ ji lta ji ltar bde chen dang // ji lta ji ltar longs spyod pa// de lta de ltar sdug bsngal che// nges par mthar ni ltung bar 'gyur// las dang 'thun par 'bras bu ni// rtag tu de bzhin gshegs pas gzigs// las kyis lhag par khyad 'jug la// 'bras bu'ang de bzhin khyad 'jug go/ ji ltar gong nas gong dag tu// las rnams kyi ni 'brel ba mthong // de ltar gong nas gong dag tu/ / 'bras bu'ang de ltar 'brel ba yin// skye bar 'gyur ba 'di rnams kyi// las ni nges par gnas pa ste// skye las mchog nyid lus dang mdog/ stobs dang tshe rnams 'thob par 'gyur// las zad nas ni ltung 'gyur te// 'di dag thams cad nges par ltung // sa bon nges par tshig pa la// nams kyang skye ba yod ma yin// mar me rtag tu skad cig ltar// sems kyang skad cig 'brel bar mthong / / rgyu ste sems dang 'thun par ni// las kyang de bzhin skad cig go/ mi rtag las las gang skyes pa// de ni skye 'jig chos can yin// zag dang bcas pa'i bde ba de// rtag tu sngon med phyis
- 327b
mi 'byung / / skye med 'jig med bdag nyid gang // nyon mongs las grol de bde'o// gang zhig thob nas 'khor ba yi// yul las gnod med nges par grog// srid pa'i skyon las rnam grol ba// yul can gyi ni bde ba de/ / pha rol gnas pa'i skyob pa yin// cung zad zag bcas bde ba gang // de dag thams cad skad cig dgongs// gang zhig de las rnam grol ba// de dag thams cad brtan par byed// de ltar brgya byin des 'khor na gnas pa'i lha de rnams la de kho na nyid ston par byed do/ / bstan nas yang de rnams dbugs phyung ste/ rang gi gnas su gtong bar byed do// chos 'di skad kyang bstan te/ 'di ltar dus thams cad du bag yod par bya'o/ / de nas lha de rnams kyang lha kha cig rang gi gnas der dong ste/ de nas yang yul gyi dbang du gyur pa rnams la/ sil snyan yan lag lnga dang ldan pas dga' bar byed/ dga' dgur spod par byed do/ / sil snyan dang / rol mo'i sgra rnam pa sna tshogs kyis snyan par bya ba'i tshal dang gnas rnams na/ ji srid du 'dod pa sdug pa yid du 'ong ba byas shing bsags pa'i las zad par ma gyur pa de srid du dga' bar byed/ dga' dgur spyod par byed do// de phyi sa las ngazad nas lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te kha cig mi rnams dang skal ba mnyam par mi'i nang du skye bar gyur na ni/ las de dang rgyu 'thun par de rtag par mchog tu bde
- 328a
ba dang ldan par 'gyur te/ rdzu 'phrul che ba dang / skye bo thams cad dga' ba dang // nad med pa dang / sdug bsnga pa med pa dang / rigs btsun zhing che bar skye ba dang / skyes phan chad mchog tu bde la/ blta na sdug par 'gyur bar mthong ngo // de nas yang dge slong bas kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum cu rtsa gsum pa'i lha rnams kyi gnas mtho bar spyod pa zhes bya ba ji ltar 'dug pa mthong ngo // gnas der sems can dag las gang gis skyebar 'gyur snyam nas/ / des zos pa las byung ba'i shes pas btags na/ ches dang ldan ning chos kyi rjes su lta ba/ rtag tu las kyi 'bras bu la yang dag par lta bA/ rtag tu yang dag pa'i bas sngon du 'dren pa gang yin nor gyi sbyin pa byin pa dang / bsod nams dag byas pas skye bar 'gyur te/ 'di lta ste/ tshul khrims phyogs gcig bsrungs la/ tshul khrims kha cig bsrung ba dang / de'i 'og tu tshul khrims thams cad bsrung ba'i dge 'dun lam du zhugs pa dag la lham mam/ snod spyad dag sbyin par byed pa dang / srog gcod pa dang / ma byin par len pa spangs pa yin te 'di lta ste/ 'gro lding ba 'am/ ri khrod pa 'am/ sgra 'phyang bas 'brog dgon pa dag tu mi gsod pa'i phyir gzung ba de dag thar par byed pa dang / 'brog dgon pa dag tu chom rkun pa rnams kyis
- 329b
bcom pa'i nor rdzas khyer te 'ongs pa de dag rgyal por gyur gyis kyang ma byin par len pa'i 'jigs pas rgyal po'i skal ba len par mi byed pa yin te/ de ltar 'di ni ma byin par len pa spong ba yin no/ / ji ltar na srog gcod pa spong ba yin zhe na/ 'di ni 'di ltar de rgyal por gyur la/ nyes pa byed pa gzhan gyis gzung ste phul ba de yang / de las kyi 'bras bu la 'jigs nas gsod par mi byed pa yin te/ de ni lus dang bral nas bde 'gro mtho ris kyi 'jigs rten sum cu rtsa gsum pa'i lha rnams kyi gnas mtho bar spyod pa zhes bya bar 'gyur ro// der skyes nas kyang de'i las kyi mtha' leg par byas shing spyad pas/ lha mo sum stong dag de'i rim gro byed par 'gyur te/ de dag thams cad kyang cha byad dang rgyan btags pa/ lag na sil snyan rnam pa sna tshogs dang / lag na 'khrol ba rnam pa sna tshogs dang / lag na rol mo rnam pa sna tshogs thogs la/ glu dbyangs rnam pa sna tshogs kyis bstod cing / lha de ga la ba der 'dong bar byed do// des kyang de rnams mthong nas lha mo de rnams ga la ba der 'gro bar byed do/ / de rnams kyang shin tu gus pas de'i drung du 'dong bar byed do// de ltar phan tshun snying du sdug pa de dag thams cad skyed mos tshal rtag tu dga' ba zhes bya ba ga la ba der 'dong bar byed do/ / skyed mos tshal rtag tu dga' ba zhes bya ba de yang kun nas bai DUR+Ya dang / dngul dang / gser gyi shing ljon pas ni brgyan/ 'bab chu dang / lteng ka dang / pad+ma'i tshal gyis mdzes par byas shing
- 330a
chu bo du ma brgya snyed ni legs par 'bab/ dril bu g.yer kha'i dra ba rnam pa sna tshogs kyis ni gtibs/ kun nas bya'i rigs du ma lding shing / sgra snyan pa'i rnam pa mang po stong snyed ni 'byin/ skyed mos tshal de'i lha'i rnam pa sna tshogs pa rnams kyis ni khya ba ste/ lha de rnams dang / tshal de phan tshun mdzes pa yin no// tshal de'i dbus na rtse ba'i ri zhes bya ba rin po che sna bdun gyi ri yod de/ de na yang rin po che'i ri dgas rnam pa du ma yod la/ de dag 'di lta bur mdzes pa yin te/ 'di lta ste/ rtsib logs ni pad+ma rA ga'i mdog ltar dmar la/ rgyab ni dngul ltar dkar/ lho ni gser ltar se ra/ rkang pa ni byu ru/ ra ni she ba lta bu yin la/ kha cig ni mdog 'thun te/ lus thams cad dngul gyi mdog dang / de bzhin du gser gyi mdog tu 'dug go/ de ltar tshal de na ri dgas rgyu ba rnams kyi lus kyi rnam pa dag gos kun nas mdzes pa yin no/ / lha'i tshogs de rnams dang lhan cig spyod par byed la/ ri dgas de rnams kyang lha mo de rnams dang lhan cig glu len par byed de/ ji ltar lha mo de rnams glu len pa de ltar de rnams kyang shin tu 'thun zhing snyan pa mchog tu yid du 'thad pa'i glu len no/ / de na lha de rnams yun ring du rnam pa du ma dga' bar byas nas/ 'bab chu 'bab pa gzhan ga la ba der lhan cig rgyu bar byed cing / ri rab kyi rtse mo chu bo sman ljongs zhes bya ba der/ shing rta rnam pa sna tshogs la zhon pa/ sil snyan yan lag lnga dang ldan pas glu dbyangs nye bar len zhing 'dod pa dam pa dang ldan la/ shi
- 331b
tu dga' ba skyes pa/ legs pa mchog dang ldan pa rnams 'dong bar byed do// der phyin nas kyang chu klung dang / 'bab chu dang / chu bo sman ljongs kyi ri rab kyi rtse mo der yang dga' bar byed do// chu bo'i nang rnams dang / 'bab chu'i nang rnams dang / pad+ma'i rdzing gi nang rnams na rol mo'i sgra nar grag cing shin tu rgyags par gnas pa/ rtag tu rtse ba/ rtag tu bde ba/ rtag tu rgya che ba/ lha dang lha mo'i tshogs phan tshun 'thun pa rnams kyis gang ba/ me tog 'phreng ba dang / phye ma dang / byug pas lus bskus pa/ pad+ma'i 'phreng bas mgo dkris pa dag dga' bar byed de/ las legs par byas pas bsgyur ba rnams de'i stobs dang / de so sor 'brang ba rnams lha dang 'thun pa/ bde ba dpe med pas rtse bar byed do// der 'di ni phyogs 'ga' zhig bstan par zad la/ thams cad ni mi kun gyis brjod par mi nus te/ 'di ltar lha'i bde ba de ni brjod par mi nus shing / 'di ltar lha'i bde ba de ni gzhan dang mi 'dra ba dpe med pa yin no// las legs par byas pa'i rgyu las byung ba/ ris 'thun pa'i dbang gis bsten pa dag de ltar bde ba du ma myong ngo / / 'dod pa'i yon tan lnga la dga' ba de rnams ji srid du 'dod pa sdug pa yid du 'ong ba byas shing bsags pa'i las zad pa dang / spangs pa dang / gtugs par ma gyur pa de srid du de na dga' bar byed do/ / de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnam
- 332a
kyi nang du skye bar 'gyur ro/ / gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu mchog tu bde bar 'gyur zhing dben pa na gnas pa dang / ri khrod na gnas pa dang / gzi brjid che ba dang / rgya che ba dang / rgyal po 'am/ blon po chen por 'gyur ba mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog par byed de/ des thos pa las byung ba'i shes pas brtags na/ lha rnams kyi gnas gzi brjid mchog ces bya ba ji ltar 'dug mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas ji ltar gnas pa brtags na/ sems can dge ba/ blo gros rgya che ba gang gis sbyin pa byin/ bsod nams byas/ tshul khrims rnam pa bdun yang bsrungs/ sdig pa'i grogs po dang tom col du mi 'dre/ sdig pa dang bcas pa'i tshul khrims mi bsrung / bsod nams kyang ji lta ba bzhin du byed/ gcig kho nas 'bad cing yid drang po'i rang bzhin can/ mdog gser sbyangs pa dang 'thun pa yin te/ tshul khrims rnam pa du srungs she na/ 'di lta ste/ sreg gcod pa dang / ma byin par len pa dag spangs pa yin no// 'di la g.yul chen por zhugs pa na/ gang drung du 'ongs po sdom pa'i 'dzem pas de srog kyang btang nas gsod par mi byed do// de ltar srog gcod pa spangs pa yin no// ji ltar na ma byin par len pa
- 333b
spangs pa yin zhe na/ 'di ni ri'i rtse mo yang snyil bar byed pa/ pha rol gyi dpung 'joms shing / sems can thams cad gzhan gyi nor rdzas 'phrog pa na/ de bkres shing skom la/ srog chad la thug gis kyang sdom pa blangs pa'i 'dzem pas ma byan par len pa mi byed do/ / ji ltar na sbyin pa gtong ba zhing gang la zhe na/ 'di ni sangs rgyas mchod cing chos nyan pa'i don du sems bzang po bsgoms pa'i yid/ yang dag pa'i lta ba sngon du 'gro ba'i blos mar me 'bul bar byed na/ de lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang gzi brjid mchog gi lha'i gnas su skye bar 'gyur ro/ / der skyes nas kyang gzi brjid kyi 'phreng ba can byad gzugs che la shin tu sdug pa de las legs par byas pa des rgyu dang 'thun par 'bras bu myong bar 'gyur te/ rna bas ni sil snyan yan lag lnga dang ldan pa yang dang yang du thos so/ / mig gis kyang me tog ma n+dar dang / pad+ma dang / ut+pal sngon po dang / rin po che sna bdun gyi kha cig shin tu mtho la brtsegs pa dag de rnams kyis mthong la/ de rnams kyi nang na dga' bar byed/ dga' dgur spyod par byed do// de ltar de dag rtse ba na/ re zhig na glo bur du de dag thams cad kyi gzi 'bar la/ nyi ma'i mdog dang 'thun pa'i 'od kyi rnam pa de lta bu zhig 'byung ste/ de nas yang ji ltar lha rnams shin tu sngangs la khas bub tu gyur/ mig btsums nas ltung ba yon tan 'bum dang ldan pa'i 'od de lta bu zhig 'byung ste/ 'di ltar 'od kyi rnam pa de lta bu sngon rnams
- 334a
kyang ma mthong ngo / / 'od de yang yud tsam zhig tal gyis byung nas nub ste/ ji ltar 'dzam bu gling na skar mnga' ltung ba yud tsam zhig tal gyis byung nas nub pa dang / sems can de dag kyang shin tu spangs par 'gyur ba de ltar lha de rnams kyis 'od de byung ba mthong nas/ lha'i tshogs rnams dang lhan cig spangs par gyur la/ de nas yang yun ring zhig lon pa dang dbugs byung ngo // dbug byung ba de dag thams cad yud tsam gyis ngo mtshar cher skye ste/ gang gis bdag cag thams cad spangs la/ de nas kyang 'od de nyid mi snang bar gyur pa rnam pa de lta bu'i 'od de ci zhig yin snyam mo// ngo mtshar cher skyes pa de dag lha'i 'dun sa chos bzang ga la ba der dong ste phyin nas/ lnga dang lha mo'i tshogs kyis yongs su bskor ba/ ngo mtshar skyes shing spangs pa de dag brgya byin ga la gnas pa der dong nas/ de dag gis brgya byin mngon par mthong ba dang / mgo bos phyag 'tshal te/ kun nas yongs su bskor te 'khod do// de nas brgya byin gyi mdun na 'don pa'i lha gang yin pa de rnams rtse bar byed/ dga' bar byed/ 'phreng ba dang / rgyan dang / pad+ma'i 'phreng ba sna tshogs thogs pa/ bzhin 'dzum la/ nor bus lto sngo bsangs su 'dug pa/ mdog gser btso ma'i 'od ltar gsal ba'i lha'i tshogs de dag thams cad brgya byin gyi mdun na rtse bar byed/ dga' bar byed/ dga' dgur spyod par byed do// de nas 'khor de na gnas pa'i lha gang yin pa de rnams ni dga' bar mi byed/ dga' dgur spyod par mi byed/ brgya byin la mngon par
- 335b
stod par mi byed/ glu mi len/ bro mi rung / lha gzhan la tshig cung zad kyang smra bar mi byed do// de nas lha'i rgyal po brgya byin gyis 'khor na gnas pa de rnams la 'di skad smras so// kye gtso bo dag ci ste glu mi len/ bro mi rdung / dgod par mi byed/ de nas 'khor na gnas pa'i lha rnams kyis/ brgya byin la 'di skad smras so// brgya byin bdag cag gis sngon gar yang ma mthong ba mthong / sngon ma thos pa thos so/ / de nas brgya byin gyis/ de dag la 'di skad smras so// 'khor na gnas pa rnams kyis ngo mtshar zhig mthong ba de ci yin/ de nas 'khor na gnas pa'i lha rnams kyis/ brgya byin la 'di skad smras so// brgya byin 'di ni bdag cag gi dri yang dang yang du snom mo// lces kyang bdud rtsi'i ro zhim po lha'i chang rgyun du 'thung ngo // mig gis kyang ri sul gyi ngos sna tshogs dang / rin po che sna bdun gyi gzugs dag mthong ngo / / lus kyis kyang lha'i reg bya shin tu dri zhim pa'i thags su ma btags pa'i gos rnams gyon la/ pad+ma dang / ut+pa la'i lo ma me tog 'phreng ba dang / byug pa sna tshogs dag la reg par byed de/ de ltar de las legs par byas pa dag gi 'bras bu la spyod par byed do// lha mo stong snyed kyis yongs su bskor ba de gser btso ma lta bu'i tshal dang / nags tshal rnams dang / dril bu g.yer kha'i sgra drag tu 'khrol ba rnams dang / dngul gyi lcug ma'i tsho gas rlung gis bskyod pa'i nang na bde ba mchog rnams myong ngo // lha dag glu dbyangs len pa na/ rol mo jeng dang / rnga dang / gling bu dang /
- 336a
glu snyan pa dang 'brel pa dag thos so// shin tu bde ba dang ldan pa lha'i 'phreng ba dang gos gyon pa/ gser rnam pa du mas gang ba'i ri sul rnams dang / ri rab dang / ri bo'i rtse mo bai DUR+Ya dang / gser dang / dngub dang / an+da nI pa dang / rin po che mthon ka chen po dang / she ba las grub pa rnams kyang mthong ngo // dam pa'i chos dran pa nye bar gzhug babam po bzhi bcu rtsa bzhi pa/ ri'i rtse mo me long lta bur gyur pa de dag la gcig gi gzugs brnyan gcig gi nang du snang ngo // lha dang lha mo'i tshogs kyis yongs su bskor ba de yang ri me bong lta bu de rnams kyi nang na lan brgya'am stong du snang ngo / / de gzugs brnyan de rnams la bdag nyid lta bar byed la/ bltas nas kyang brgya 'gyur du rab tu dga' ba skye'o// lha mo rnams kyang de bzhin du dga' ba skye ste/ kye ma 'di ltar bdag cag byad gzugs che zhing bzang ba dang ldan par rtag par shin tu bde ba rnams sil snyan yan lag lnga dang ldan pa rnyed nas rtse bar bya'o// lha'i 'dod pa yon tan lngas bskyed pa'i bde ba la nye bar spyad par bya'o snyam mo/ / de ltar yid g.yengs pa de dag ri nas ri/ ri 'or nas ri 'or du 'dong ste/ sred pa'i dug gis myos pa'i mi ltar yid rtag tu ma bsdams pa/ bag med pas nyams pa'i lha dang lha mo rnams dang lhan cig ri'i rgyal po de la rgyu bar byed do/ / bza' btung bdud rtsi rnam pa sna tshogs kyis myos pa phan tshun dga' ba'i dbang du gyur pa/ phan tshun yid gcugs pa/ phan tshun snying
- 337b
'brel ba dag/ tshal dang nags tshal bya sna tshogs sgra di ri ri 'byin pa rnam pa du ma rnams kyi nang na dga' bar byed do// de ltar rtag par rgyu ba/ cha byad dang / 'phreng ba dang / gos gyon pa/ mgo la me tog 'phreng ba btags pa/ / rgyan 'phreng 'phyang ba de dag dpag bsam gyi shing gi tshal nas dpag bsam gyi shing gi tsha ba rnams kyi nang na rgyu bar byed do// de ltar yongs su rgyu ba na shin tu bde ba dang ldan pa de dag res 'ga' chu bo chang chu ltar 'bab pa zhes bya ba ut+pa ba dmar po dang / pad+ma dang / me tog ku mu das khebs pa/ bya ka ran pa dang / ngang ba dang / dur bas mdzes pa der 'jug par byed la/ chu bo'i 'gram de dag na lha phan tshun grogs su gyur pa de rnams chang 'thung bar byed cing / bya ba lta na sdug pa rnams dang yang lhan cig rtse bar byed do// de nas sred pas myos pa'i lha de rnams kyang yang dang yang du chang 'thung ba nyid kyis brgya 'gyur du mdangs 'bar te/ yul lnga'i yam sreg shing las byung ba'i sred pa'i mes sreg par byed kyang / 'dod pa'i sred pas gdungs pa ngoms mi myongs ngo // kun nas 'dod pa'i zhags pas bcings pa/ rgyab po la gnod pa byed pa'i mi btson rar bcug pa lta bu de rnams lha'i 'jig rten 'bum phrag du ma mthong ba nyams dga' ba na rtag tu rgyu bar byed do// chang chu ltar 'bab pa'i ngogs de dag na rtse ba'i lha de rnams dang / bya rtag par rab tu myos shing snying shin tu dga' ba gang yin pa de rnams dang / pad+ma dang / ut+pa la'i tsha la de dag na dga' bar byed do// chu dmar po
- 338a
kha spyod pa zhes bya ba bya phan tshun grogs su gyur cing / / slog shog rin po che sna bdun las grub pa lta bur rang gi 'od dang ldan pa de rnams kyis/ lha rab tu myos pa de rnams mngon par mthong nas/ 'di ltar tshogs su bcad de smras pa/ lha rnams rtag par rab tu dgar// bdag cag rtag par rab tu dgar// b+ha rnams dang ni bya rnams kyi/ bye brag dag ni mi dmigs so// dag chos spyod ma mthong ste// nams kyang thar pa spyod pa med// gal te der gyur lha rnams dang / byar gyur de rnams mtshungs pa yin// gang zhig bag med nam grol zhing // gang zhig chos la rtag tu dga'/ / 'jig rten na ni lha de dag/ bag yod gnas pa dam pas mkhyen// gal te lha rnams rtse dga' dang // gal te bdag cag rtse dga' na// lha dang mkha' la rgyu ba rnams/ bye brag yod par mi 'gyur ro/ / las rnams kyi ni bye brag gis// skye ba'i chos dag bye brag 'gyur// chos ma yin par ltung ba dag/ gar yang skye ba legs mi 'gyur// gang zhig 'khor ba 'di dag kun// mthar ni zad bapar mi rig pa/ / lha de dang ni blo rmongs pa// bya rnams dang ni rtag tu mtshungs// skye sdug rga ba'i sdug bsngal dang // 'chi ba nyid kyi sdug bsngab dang // sdug dang bral bar bcas pa yi// sdug bsngal 'di dag rgyud pa yin/ / dri med chos kyi spyod yul la// gang zhig de ltar blo gnas pa// 'jig rten na ni lha de dag/ bag yod gnas pa dam pas mkhyen// gang zhig skye ba'i rgyu las byung // sdug bsngal yin/
- 339b
par legs rig pa// 'dod pa phan med byed rnams la// lha de dag ni chags mi byed// mdza' bshes gnyen 'dun rang gi 'khor// mang po rnams dang bral ba na// gang zhig 'khor bar skyo mi byed// lha de dag ni bya dang mtshungs// bag med de nyid gzigs pa yis// chang 'thung cung zad tha gir gzigs// chang 'thung ba ni 'ju 'gyur gyi// bag med 'ju bar mi 'gyur ro// bag med nyams pa'i mi dag ni// 'khor ba sngar ni 'khyam par byed// de bas chang gi bag med las// rnam pa kun gyis khyad par che// chang zhim gyis ni nyin gcig tu// lus can rnams ni bag med byed// bskal pa bye bar 'khyam pa na// bag med byang bar mi 'gyur ro// bag med pa dang bral ba gang // de dag 'chi med gnas su 'gro// gang zhig bag med dbang du song // mi de srid par rtag tu 'gro// phan pa byed pa'i mi yis ni// bag med pa dag spang bar gyis/ / 'di ltar nyon mongs bag med pa// sangs rgyas kyis ni mi bzad bsgrags// 'di ltar sems yang bya dag kyang // bag med pa la mi dga' na// ci phyir lha rnams bag med pa// de ni khyad par spong mi byed// de ltar legs par byas pas bskul ba/ lha rnams la phan par bya ba'i phyir de khong du chud par bya ba'i don du bya gang yin pa de dag pha ma ltar 'doms par byed kyang / bag/ med pas sems phrogs pa'i lha de rnams bdag la phan par ston pa 'dzin par mi byed do// de nas yang rtse ba la gnas pa'i lha shin tu skyid par gnas pa/ rtag tu yid rab tu dga' ba/ sil snyan
- 340a
dang rob mo'i sgra 'byin pa/ yid chags su rung ba sna tshogs dang chas te/ tshal gzhan ma ta la zhes bya ba ga la ba der 'dong bar byed do// de nas tshal ma ta lar phyin nas/ lha phan tshun grogs su gyur la/ shin tu skyid cing yid rab tu dga' ba de rnams rin po che sna bdun gyi lcug ma dang / lo ma phan tshun 'brel cing me tog gi snye ma 'phyang la/ bung ba 'bum snyed 'khod pa'i nang dang / rin po che sna bdun gyi tshal rnams kyi nang na rang gi lha mo rnam pa du mas gang ba rnams dang lhan cig glu dbyangs shin tu snyan pa gang gis tshal dang / nye ba'i tshal thams cad glu len pa lta bu'i brag cha'i sgras dga' bar byed/ dga' dgur spyod par byed do// glu dbyangs len pa'i sgra dang / bung ba sgra 'byin pa dang / bya rnams kyang sgra 'byin pa'i rnam pa de lta bur snyan cing 'thun pa'i sgra de dag nyid gcig tu 'dus te 'byung bdes/ ri rab shin tu nyams dga' ba de yang rna bas gtad pa'i glu dbyangs dang / mthong na dga' ba des yang nyis 'gyur du dga' bar gyur la/ de la lha rnams lha mo'i tshogs byad gzugs dang / cha byad dang / 'dzum pa dang / g.yer bag can dang / lhan cig 'dod pa'i tshogs la nye bar spyod/ rtse bar byed/ dga' bar byed/ dga' dgur spyod par byed do// de rnams gnas de dag na ji srid du 'dod pa sdug pa yid du 'ong ba byas shing bsags pa so so yang dag par myong bar 'gyur ba'i las zad pa dang / spangs pa dang / gtugs par ma gyur pa de srid du dga' bar byed/ rtse bar byed do// 'di lta ste/ zad par gyur
- 341b
na/ de phyis lha'i ris 'dod pa dang / bde ba'i tshogs du ma de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ / gal te mi rnams dang skal ba mnyam par mi'i nang du skyes na/ de las de dang rgyu 'thun par shin tu bde bar 'gyur te/ yid rtse bar dga' ba dang / thams cad mgu zhing rab tu dga' ba dang / byad gzugs sdug pa dang / ji ltar 'dug pa mthong ngo // de nas yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi gnas la rtog pa byed de/ des thos pa las byung ba'i shes pas brtags na/ gnas gzi 'phreng 'bar zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ dge zhing legs pa'i skyes bu gang gis lha'i nang du nges par skye bar 'gyur ba'i bsod nams dag byas par 'gyur te/ 'di lta ste/ skyes bu dge ba/ g.yo sgyu med pa/ gzhan la gnod pa med pa/ dam pa'i chos rtog pa/ sems can thams cad la phan par 'dod pa/ yang dag pa'i lta bas sngon du 'dren pa/ sangs rgyas dang / chos dang / dge 'dun la rtag tu sems gus par gyur pa/ rtag tu yid brlan pa gang gis bsod nams byas pas 'gyur ro// de rnam pa du zhe na/ 'di ni dge 'dun gyi gnas khang ngam/ mchod rten nyams pa bcos te/
- 342a
#/ gnas khang ngam/ mchod rten gang yin pa de dag brtan par byed pa'am/ de bzhin du cig mnga' chos sam/ de bzhin du sangs rgyas kyi'am/ mchod rten gyi'am/ dge 'dun gyi nor rdzas la me shor na/ srog la mi lta bar me'i nang du zhugs te/ zhi bar byas nas/ me de las thar par byed pa 'am/ de bzhin du mi dag la mes sreg pa na/ sems can la brtse ba'i snying rjes thar par byed pa rnam pa de lta bu ni bsod nams byed pa yin no/ / srog gcod pa dang / ma byin par len pa dag las ldog pa rnam pa du zhe na/ gang zhig lam du zhugs pa na/ gser ram/ dngul lam/ rin po che 'am/ gzhan de dang 'thun pa ltung ba gang yin pa dag lam du rnyed pa dang / kye 'di su'i yin/ kye 'di su'i yin zhes de sgrogs par byed la/ de gal te la la zhig gis 'di ni bdag gi yin no zhes smras te/ de yang rang gi yin par gyur no/ de la sbyin par byed do// ji ste su yang 'dod pa med la su yang smra ba med na/ 'di ltar 'di ni bdag gis zhag bdun gyi bar du bcangs la/ de nas yang yul phyogs de na 'dug pa rgyal po 'am/ blon po chen po dag la sbran nas/ 'phrog par mi byed la/ sgrogs par byed de// de'i tshe chos dang mi ldan pas 'phrog par byed na/ de dag la sbran par mi bya zhing / phyis sangs rgyas dang chos dang / dge 'dun dag pa dbul bar bya/ de bzhin du bstabs par bya ste/ de lta bu ni ma byin par len pa mi byed pa yin no// srog gcod pa spangs pa ji lta bu yin zhe na/ 'di ni lam du zhugs nas 'gro
- 343b
ba'i lam dag na/ srin bu ma ko Ta ka dang / sbal pa dang / sdig sbrul dag gis khebs na/ sems can la snying brtse bas de dag gi steng du 'gro bar mi byed do// las kyi 'bras bu'i de kho na la lta ba/ 'khor ba'i nyes dmigs shes pa/ skye ba dang / 'chi ba la dpyod pa des/ don gyi 'bras bu mang po dag kyang dang du blangs nas/ lam gzhan nas bskor te 'gro ba yin te/ de lta bu ni srog gcod pa spangs pa yin no// sdom pa blangs pa'i mi de ni lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi gnas gzi 'phreng 'bar ba zhes bya ba'i nang du skye bar 'gyur ro/ / der skyes nas kyang shin tu bde ba la brten cing bde ba dang ldan pa/ / rang gis byas pa'i las la spyod pa de'i bde ba gang yin pa de dag ni brjod par mi nus so// phyogs 'ga' zhig brjod na 'di ltar gnas de ni kun nas 'od 'bar ba yin te/ de'i khyad par nyi/ ma'i 'od dang 'thun la/ mthong ba 'thun yang 'od de mi bzod pa ma yin pa/ de ltar de'i las bde ba'i rgyur gyur pa'i mthus 'bar ba yin no// de na rang gi 'od dang ldan pa de dga' bar byed de/ lha mo 'bum snyed kyis yongs su bskor ba de/ gser dang / bai DUR+Ya dang / shel dang / an+da rnyil gyi gzhal med khang bzang po rnams kyi nang na/ 'dod pa du ma la sems gtad pa rnams dga' bar byed/ rtse bar byed/ dga' dgur spyod par byed do/ / de shing ljon pa rtag tu me tog dang / lo ma rgyas pa dang / rtag tu bya'i tshogs sgra snyan pa 'byin pas mdzes par byas pa'i tshal gyi nang dag na rna ba dang / mig gis bsten pa'i yul nyams dga'
- 344a
ba dag mthong zhing thos so/ / de ltar de tshal gyi nang mig btsum pa dang / phye ba lta bu zhes bya ba shing ljon pa de dag ni mig btsums pa dang phye ba lta bu mthong ste/ mthu dang stobs shin tu che ba des rnam pa de lta bu'i tshal gyi nang rnams na dga' bar byed do/ / de nas yang lnga dang lha mo'i tshogs du mas yongs su bskor cing / mig dang snying ltad mos g.yengs pa dag tshal glu dbyangs len pa'i kun dga' ra ba zhes bya ba der 'gro bar byed do/ / de'i phyi bzhin du yang lha 'bum phrag du ma ri rab kyi gshong dag nas la snyan dang / sgra dbyangs sna tshogs 'byin cing 'dong bar byed do// phan tshun brag cha 'byung ba'i sgra 'byin pa de dag rirab kyi nang gi khrod nas kun nas glu dbyangs 'byung ba lta bur byed cing 'gro bar byed do/ / de ltar de 'gro ba na lha gzhan tshal dang nye ba'i tshal rnams kyi nang na rtsi zhing dga' bar byed pa gang yin pa de dag sgra shin tu snyan cing yid 'phrog pa des bos nas/ brgya byin gnyis pa lta bu gzhan 'di su zhig yin snyam nas 'gro bar byed do// shin du mgu ba des de mngon par mthong nas/ yid ngo mtshar cher skyes pa de'i drung r gyug par byed do/ / lha phan tshun dga' ba skyes pa de rnams kyis de mngon par mthong nas khyed tshur shog/ khyed tshur shog/ 'di ni bdag cag thams cad pas lus shin tu che la/ brgya byani lta bu gzhan zhig bdag cag gi gnas 'dir byung ngo zhes rjod do/ / de nas lha gzhan dag kyang rings par lha de ga la ba der dong ste/ lha de rnams kyis de yongs su bskor nas/ bkur sti byas/ bro dang / glu dang / dgod pa dang /
- 345b
sgeg pa dang / rab tu dga' ba'i yid dang / de la mchod pa byas pa'i yid kyis tshal rab tu dga' ba zhes bya ba ga la ba der skyed mos tshal gyi dga' spong byed du 'dong bar byed do// lha dang lha mo'i tshogs rab tu dga' ba rnams dgod cing bro brdung bzhin du/ de nas yang snying bsnyen bkur bya ba la zhugs pa de dag slar log ste de nyid la lta bar byed do// de nas des kyang de rnams mngon par mthong nas/ yid rab tu dga' bas smras pa/ snying gcugs par sdug pa khyed rnams kyis bdag drangs te/ khyed kyis bdag gi mdun du dga' ba 'di lta bu sbyar na/ kye bdag cag gang du 'dod// de nas lha de rnams kyis gsar du skyes pa'i lha de la 'di ltar bdag cag 'di rnams ni tshal rab tu dga' ba'i kun dga' ra ba zhes bya ba lha'i mchog tu nyams dga' ba'i tshal der bdag cag 'dong bar bya ste/ der 'dod pa'i yon tan lnga la lhag par spyad par bya'o/ / de nas lha des sngon ma mthong ba'i tshal der yang yid ltad mo la zhugs pas yang dang yang rings par gyur pa'i yid nyid kyis tshal rab tu dga' ba'i kun dga' ra ba zhes bya ba ga la ba der 'dong bar byed do/ / de nas tshal de rgyang ring po zhig na nyi ma'i tshal lta bu kun nas 'od zer bzang pos rab tu 'bar ba lta bur mthong ngo // de nas lha gsar du skyes pa des tshal de mngon par mthong nas/ yang dang yang mchog tu dga' ba skyes par gyur pa'i yid kyis tshal de ga la ba der 'dong bar byed do/ / de nas dga' ba rnam pa du ma yod pa/ tshal gzhi dag dang 'thun pa/ legs pa 'byung ba'i tshal der phyin pa dang / bya 'bum
- 346a
/ sred na par sma si mi li 'byin te/ kha cig ni smra 'byin par byed// kha cig ni 'bod par byed/ kha cig gis ni rnas pa du mar yongs su bskor nas/ yid rab tu dgu' bas sgra 'byin pa byed de/ de ltar tshal de rnams kyis sgra 'byin par byed do// yang phyogs gzhan zhig na ri yul rnam pa sna tshogs yod par gser gyi rdo le ba rnam pa du ma la chu 'bab pas phog pa'i chu sgra de dang / bya ngang pa dang / dungur ba dang / ka ra nad pa dag chu 'gram rnams na sgra 'byin te/ chu bo de rnams kyi bya dag de ltar rnam pa du mar sgra 'byin pa thos so// de nas de dag gis kyang chu 'bab pa'i sgra mngon par brtags nas chu 'gram de dag na/ lha dang lha mo tshogs kyis bskor ba'i lha de dag dga' bar byed/ rtse bar byed/ dga' dgur spyod par byed la/ tshal dang nye ba'i tshal dgra na yang mchog tu bde ba myong bar byed do// de nas yang 'dod ba lnga las byung ba'i bde ba myong bar byed la/ yang dpag bsam gyi shing gi drung du rgyug par byed do// shing de dag kyang mngon par mthong ste/ kha cig ni zla ba'i 'od ltar ldan pa dang / kha cig ni nyi ma'i 'od ltar gsal ba yin te/ shing de rnams kyi drung dag tu yang lha de rnams kyis bskor nas dga' bar byed/ dga' dgur spyod par byed la/ yul lnga'i bde ba rnam pa du ma myong bar byed de/ 'dod pa'i bde ba gang yang brjod par yang mi nus so/ / de dpag bsam gyi shing gi tsha ba der yang bde ba rnam pa mang po du ma myong nas/ pad+ma'i tshal bya ngang pa dang / ngur ba dang / ka ran da pas brgyan pa ga la ba der brgya byin bzhin
- 347b
du mchog tu dga' ba'i lha thams cad kyis yongs su bskor ba'i lha de yang yid rab tu dga' bas 'dong bar byed do/ / de nas der yang lha'i 'dod pa'i bde ba spyad nas ri bo'i rtse mo mtho brtsegs zhes bya ba'i ri bos/ rtse mo ga la ba der 'dong bar byed de/ glu len/ pro rdung / 'dzum zhing sgeg pa'i lha dang / lha mo grogs su gyur pa/ phan tshun yid gcugs pa/ gcig la gcig gnod pa mi byed cing / snying du sdug pa rnams shin tu bde ba myong bar byed do/ / ri bo'i rtse mo mtho brtsegs zhes bya ba rtse mo sna tshogs pa de la 'dzegs nas/ yon tan thams cad dang ldan pa/ 'bab chu dang / mtshe'u dang / lteng ka sna tshogs kyis brgyan pa/ lha'i pad+ma'i tshal dang ldan zhing des kyang brgyan pa/ pad+ma'i tshal de na yang pad+ma mang pos mdzes par byas pa/ bya'i tshogs 'bum phrag du ma lding ba/ shin tu bde ba dang ldan zhing / yid shin tu bde la/ mchog tu dge ste/ legs pa mchog gis shin tu 'bab pa rnams mthong nas/ lha de rnams dang lhan cig skyed mos tshal dang / nye ba'i tshal dang / bung ba sbrang rtsi 'byung ba'i tshal dang / dpag bsam gyi shing gi tshal dang / bya sna tshogs sgra 'byin par byed pa rnams kyi nang na dga' bar byed/ rtse bar byed/ dga' dgur spyod par byed do// ri bo'i rtse mo mtho brtsegs ri zom sna tshogs yod pa de na las legs par byas pa de/ der yang yun ring du rtses nas/ de nas yang lha de rnams dang lhan cig skyed mos tshal gyi dga' sprod byed du rang gi gnas de nyid la rtog par byed de/ gsar du skyes
- 348a
pa yid gang mo la zhugs pa/ sna byi bzhin 'brang ba stong snyed kyis bskor cing / thams cad du mang de dag nyid kyis yongs su bskor ba rnams brgya byin blta ba'i phyir lha'i 'dun/ chos bzang ga la ba der 'dong bar byed do// de nas rin po che sna tshogs kyis brgyan pa/ rin po che'i khang bzangs lan kan sna tshogs kyis bskor ba/ sngar bstan pa dang 'thun pa chos bzang du phyin pa dang / de nas lha'i dbang po brgya byin gyis/ lha de mngon par mthong nas rim gro byas shing 'di ltar tshigs su bcad de smras pa/ 'di dag legs byas 'bras bu ste// da ltar legs par gan pa yin/ / de ni zad nas lha yul nas// khyod ni log par ltung bar 'gyur// las kyis nyams te ltung ba dag/ gang dang gang du skye 'gyur gang // de ni phyis ni gdung med par// khyod kyis de ltar bya ba yin/ / bde la sems ni chags gyur cing // bag med pa yis nyams gyur nas// ma byas bdud kyi dbang gyur po// lha rnams sems can dmyal bar 'gro// gcig gi ltung ba mthong nas su/ / skye bo ji ste yid mi 'byung // bdag kyang ltung ba 'di dag gis// rnam pa kun tu lhung du dogs// gang zhig ring nas 'jigs mthong ste// bsgrub pa dag la 'bad byed baM/ / de ni 'chi ba'i dus kyi tshe// gnod dang bral te 'jigs pa med// gang zhig ring nas bag med pas// blo ngan 'jigs par mi sems pa// phyi nas nyon mongs byung che de// phyi nas
- 349b
gdung bas sreg par 'gyur/ / lha yul nas ni nges par go/ kun nas dngos po ltung bar 'gyur// 'dod pa'i dbang gyur de rig nas// 'di la gnas kyang ltung ba med// sems can 'dod pas bslus pa dang / / 'dod pas rnam par rmongs pa dang // 'dod pa'i zhags pas drangs gyur pa// de dag rtag tu dmyal bar ltung // rtag tu nyon mongs 'di rig nas// bdag la phan par byed pa'i yid/ / shin tu dul ba'i yid kyis ni// lha rnams gdung bar mi 'gyur ro// yid kyi dug dang 'dod shugs kyis// rnam pa kun tu zin pa gang // 'chi bdag dbang gyur rmongs pa de// skye bo 'dod/ pa'i me yis nyams// 'chi ba'i tshen gnyen 'dab dang // mdza' bshes rtsa lag gnyen 'dun dang // 'bral ba'i sdug bsngal gang byung ba// de ni bshad par mi nus so// de yi 'chi ba nye gyur te/ / ri bo bzhin du ltung ba na// bzlog par mi nus stobs ldan pa// mi rnams kyis ni 'dren par byed// sdug pa dang ni 'du gyur la// rnam pa kun tu'ang 'bral bar 'gyur// de ni rig nas lha mchog gis/ / bag med rnams la chags ma byed// dbang po rtag tu 'dod rnams kyis// 'dir ni nams kyang ngoms mi myong // ji ltar mer ni mar thugs bzhin// sred pa rtag tu 'phel bar 'gyur/ / 'di ltar sgo rnams sna tshogs kyis// sred pa'i 'jig rten 'jig byed pa// mi rnams rtag tu sems dmyal dang // yi dgas dud 'gro'i nang du 'khyam// 'chi dang skye ba'i phyang mo la//
- 350a
mi mkhas skye sa nyon mongs pa// de ni riganas sred bral te// 'gro ba mchog tu 'gro'o// brtan po bcings las des grol ba// mya ngan bral zhing gnod dang bral// gapanaH/ sred pa'i dbang mi 'gro// de ni rtag tu bde bar 'dug/ gang dag gnas skabs thams cad du// ye shes la ni yid nye ba// mkhas pa de ni skye ba yi// sdug bsngal zhags pas de mi 'ching // gang dag yid la mtshan ma med/ / gang dag sred pas yid byung ba// de ni dgon pa'i dri ma bral// bde ba 'byung ba'i mchog cig 'thob// gang dag sdug bsngal mi skye zhing // gang dag bde la chags mi byed// bde sdug las ni grol ba de// mya ngan 'das pa'i grong khyer 'gro// byams pa dang ni snying rje yis// mi rnams rtag tu sems ldan pa// rgyu 'bras de nyid shes pa de// sdug bsngal zhags las nges par 'byung / / gang dag kun tu rtog pa la// yid mi dga' ste skyon spangs pa// de dag skyon gyi 'jigs las grol// gnas mchog dam par 'gro bar 'gyur// 'du ba dag la 'bral ba yod// yang tshochol yang rtag tu na/ / 'tsho ba la yang rtag tu 'chi// gzhi 'di dag ni rtag tu gnas// lha yul nas ni ltung ba de// mi bzad khad kyis mngon du 'ong // de ni bsams te bag med pa// khyod kyis nams kyang bsten mi bya/ / rmongs pa gang zhig thabs med pas// bde ba rtag tu 'chol byed pa// bye ma rnams las 'bru mar ltar// de ni rtag tu rnyed mi 'gyur// bag med rtag tu dga' ba gang //
- 351b
de la bde ba'i skab ba med// sdug bsngal shing gi rlung gcig po// shin tu mi bzad pag med yin// chos dang chos min nges pa nyid// 'di ltar bdag gis khyod la bstan// khyod kyi yid kyis de zung zhig/ phyis ni gdung bar ma byed cig/ rmongs pa gang zhig bla ma'i tshig/ phan pa nyid ni 'dzin mi byed// phyis de nyon mongs byung ba'i tshe// rang gi sems kyis gdung bar byed// bye ba ther 'bum stong phrag dang / / sa ya dang ni dung 'phyar dag/ grangs med pa yi lha rnams ni// bag med pa yis rnam par bslus// nges par mi rtag me yis su// bskal mthar ri mchog 'di/ sreg na// dbu ba chu shing lta bu yi// lha rnams gang zhig smos ci dgos// 'dus byas skye dang g.yo ba gang // de ni srid par cung zad med// gang zhing rtag pa'am bde 'gyur ba// de yi gnas ni yod ma yin/ / ji ltar bag med pa yis phrogs pa yi// gsar byung lha de la ni thabs du mas// brgya byin des ni de skad phan btags kyang // de ltar tshig gcig tsam yang ma zin to// de nas brgya byin gyis de rig nas mi smra bar 'dug go/ lha des kyang brgya byin de la spyi bos phyag 'tshal te/ sal snyan dang / rol mo'i sgra dang / glu dbyangs sna tshogs la yid chags pa'i lha 'bum snyed kyis yongs su bskor te/ lha de rnams nyid dang lhan cig rang gi gnas ga la ba der 'dong bar byed do/ / nags tshal dang / pad+ma dang / chu'i lteng ka dang / pad+ma'i tshal rnams kyis brgyan pa dang / lha'i rol mo'i sgra 'byin pa shin tu nyam
- 352a
dgara' ba dang / 'bab chu 'bum snyed kyis brgyan pa dang / bya sgra 'byin pa shin tu yid du 'ong ba dag mthong ngo // de lha rnams kyis mchod cing bde ba du ma dag myong ba na/ ri'i gas pa gsem de dag na/ rin po che'i 'od kyi 'phreng ba lang long 'bar ba/ shin tu bde ba rnam pa du ma dag mthong ba dang / skyed mos tshal du dga' spyod byed du 'dong bar byed do// bag med pa rnam pa du mas yid phrogs pa/ 'dod pa la sems chags pa rnams 'dod pa'i mes bsreg pa na/ yid 'byung ba'i rten dbang po lnga las byung ba'i me lce lnga po des sreg par byed kyang mi rig ste/ dgra ltar mi mngon la/ bshes gnyen gyi gzugs can dgra ma rungs pa de dang yang lhan cig dga' bar byed do/ / de ltar lha rdo ji srid du 'dod pa sdug pa yid du 'ong ba byas shing bsags pa so so yang dag par myong bar 'gyur ba'i las zad par ma gyur pa de srid du lha de rnams dang lhan cig dga' bar byed/ rtse bar byed/ dga' dgur spyod par byed do// dus kyi chu bos ded par byed/ dus kyi chu bos ded par byed do// de de dag zad nas las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro// gal te brgya la las legs par byas pa gzhan zhig gis mi rnams kyi nang du skyes na/ de las de dang rgyu 'thun par rtag tu bde ba dang ldan par 'gyur zhing / byad gzugs bzang po dang ldan pa dang / yon tan du ma dang ldan pa'i rigs su skye ba dang / skye bo thams cad kyis bkur
- 353b
ba dang / tshe gcig gi bar du rgyal po'i yang nang chen byed par 'gyur ba mthong ngo // de nas yang dge slong las kyi 'bras bu rnam par smin pa shes pa de lha rnams kyi gnas la tog par byed do/ / des thos pa las byung ba'i shes pas sum cu rtsa gsum pa'i lha rnams kyi gnas ma 'dres pa zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ dge ba sems bzang po dang ldan pa/ rgyu dang 'bras bu la shin tu yid ches pa gang gis tshul khrims rnam pa bdun bsrungs pa/ sems can la snying rjes brlan pa'i yid dang ldan pa/ sdig pa'i grogs po dang mi 'dre ba/ mi dge ba spyod pa dang lhan cig smra bar mi byed pa/ dkon mchog gsum la rtag tu dad pa dang ldan pa/ yid zhi zhing yid shin tu mnyam par bzhag pa/ blo ma g.yengs shing ma 'dres par gnas pa ya mtshan can 'dod nas rigs nas rigs su 'gro ba/ sems can thams cad la snyan par smra ba/ dus su smra ba/ bden par smra ba/ bla ma rnams la rim gro byed pa// dam pa'i chos nyan cing lta ba'i ngang tshul can du gyur pa/ sbyin pa dang / tshul khrims ci nus su srung bas 'gyur te/ de lam du 'gro ba na gzhan gyi tsam yang rku sems dag gis len par mi byed la/ sbal pa dang / srog chag mdun du b+ha rnams la yang lta zhing rtag par byed de/ 'di ltar bdag gis de dag gsad par mi bya'o snyam nas/ gang gi phyir srog
- 354a
@chags thams cad kyi gces chen dam pa ni srog yin te/ gzhi de yid la rtse gcig tu byas nas/ srog chags rnams la rab 'bad de srung bar byed do// ji ltar na srog gcod pa/ spangs pa yin zhe na/ kha zas kyi bde bar bya ba'i don du gal te sha 'am kha zas gzhan zhig blangs pa dang / gang gis de'i srog chad de gzhan du 'gyur ba de yang tsha ba'i rkyen nam/ yun ring du lon pa'i rkyen gyis srin bus gang la/ srin bu de dag de nas phyung na ni gor ma chag par 'chi bar 'gyur bas/ bdag ni shi yang bla'i/ srog chags 'di dag ni 'chi bar mi 'gyur zhing / srog chags rnams kyi srog chad par ma gyur cig snyam nas/ de bdag nyid kyi srog yongs su gtong bar byed kyi/ kha zas de dag las srin bu byin par mi byed do// de ltar skyes bu dam pa de kha na ma tho ba rdul tsam la yang 'jigs par lta zhing rgyu 'chol ba lhur byed pa yin no/ / ji ltar na ma byin par len pa spangs pa yin zhe na/ de ltar skyes bu dge ba sems can thams cad la phan pa lhur byed pa de gzhan gyis bdag nyid kyi don du yongs su bzung ba de las ma byin par len par 'gyur ro snyam nas/ zhing ngam/ kun dga' ra ba 'am/ grong rdal dag la gdab par bsdogs pa'i ba lang gi lci ba'i thal ba tsam yang len par mi byed pa yin te/ de ltar ma byin par len pa shin tu phra mo yang spong bar byed la/ tshul khrims ma 'dres pa/ ma nogs pa/ sdig pa med pa/ skyon med pa la spyod do// de de ltar spyod spyod pa
- 355b
las/ lus dang bral nas bde 'gro mtho ris kyi 'jig rten sum cu rtsa gsum pa'i lha rnams kyi nang ma 'dres pa'i gnas su skye bar 'gyur ro// der skyes nas kyang shin tu bde ba dang ldan pa/ lus nyi ma bas lhag la/ rang gi 'od dang ldan pa'i lha des las legs par byas shing byas pa bsags pa so so yang dag par myong bar 'gyur ba de'i 'bras bus lha'i bde ba du ma dag myong bar byed do// lha'i 'phreng ba dang gos gyon pa/ lha 'bum snyed kyis yongs su bskor ba de/ rin po che sna bdun gyi tshal dang / nags tshal bsten par bya ba rnams kyi nang na lha'i tshogs dang lhan cig dga' bar byed do// de ltar shin tu bde ba dang ldan pa yongs su spyod pa de/ res 'ga' tshal ro brgya mchog gos bsten pa zhes bya ba ga la ba der 'dong bar byed do// des de mngon par mthong nas lhag par dga' ba skyes te/ lha de rnams kyis mthong ba dang / kye gang gis tshal 'di tshal gzhan dag pas lhag par mdzes laM/ me tog dang / 'bras bu dang / ri sul dang / sman ljongs dang / lteng ka dang / 'bab chu'i dang dang / bya sgra 'byung ba dang / sa rnam par phye ba dang / ri dgas dang / ri dgas las khyad par du 'phags pa'i rgyu gang zhig yin zhes smras so// sngon gyi lha gzhan zhig gis tshig de thos nas smras pa 'di ltar bdag cag gis gzhan dag las 'di skad ces thos te/ 'di ltar 'khor lo sgyur ba'i rgyal po nga las nu zhes bya ba gling bzhi dang / gling bar ma rnams su lo 'bum phrag du mar spyod kyang 'dod
- 356a
pa rnams kyis ngoms pa med do/ / 'dod pa rnams kyis ngoms pa med pa de rgyal chen bzhi'i ris kyi lam nas 'khor los drangs nas/ lha'i 'jig rten 'dir 'ongs te/ mi'i bgrang ba'i tshul gyis lo 'bum phrag du mar nye bar 'tsho yang 'dod pa rnams kyis ngoms pa med do// de gar yang 'dod pas chog mi shes nas lha'i 'jig rten 'dir 'ongs te/ brgya byin gyi stan gyi phyed la 'dug kyang 'dod pa rnams kyis ngoms pa med do/ / de gang gi tshe skyed mos tshal du dga' spong byed du 'gro la/ de 'dug pa'i dga' spyod byed du tshal 'dir 'gro ste/ tshal 'di ni yon tan du ma dang ldan zhing bsten pa du ma dang ldan pa yin no/ / rgyu des na yon tan du ma dang ldan pa'i tshal 'di ni de dung lhag par nyams dga' ba yin no// rgyal po nga las nu brgya byin gyi stan la 'dug pa de yang rang gis byas pa'i las zad pa dang / lha'i gnas de nas lhung ngo zhes bdag cag gis gzhan dang gzhan dag las thos te/ gzhan du na bdag cag gis tshal 'di mngon sum du mthong ba ni ma yin no// de ltar tshal 'di ni da dung du 'di ltar shin tu 'byor pa yin no/ / de nas lha de rnams kyis tshig de thos pa dang / ngo mtshar dang bral ba rab tu dga' ba'i yid sil snyan yan lag lnga dang ldan pas dga' bar byed/ dga' dgur spyod par byed la/ 'dod pa'i yon tan rnam pa lnga po du ma dang ldan pa'i yid kyis tshal der 'gro bar byed do// de ltar 'gro ba na de'i bya shin tu brtse ba zhes bya ba'i las legs par
- 357b
byas pas brtul ba des/ lha de la 'di ltar tshigs su bcad de smras pa/ de'i rgyu ste sred pa yis// 'dod pa rnams la ngoms mi myong // sred pa ngoms pa skyed byed pa// yid nyid ngoms par mi byed do// 'chi ba nye bar gnas pa 'di// skye bo kun gyis shes par bya// de bas de yid lan bya ba// thabs rnams kun gyis mi nus so// shin tu dus ni ring nas kyang // bde ba du ma dag spyad nas// nges par ltung bar 'gyur bas na/ / de lta bas na chos la 'bod// chos gcig kho na skyabs kyi mchog/ chos gcig kho na rten gyi mchog/ chos kyis srog ni 'tsho 'gyur la// chos ma yin pas 'chi bar 'gyur/ / chos spyod chos la spyod byed cing // chos nyid la ni sten byed na// de ni bde las bde 'gyur la// sdug bsngal rjes su mthong mi 'gyur// chos ma yin pa spyod pa'i mi// gang tshe chos mini sten byed na/ / sems can dmyal ba de rtag tu// yang dang yang du sdug bsngal 'gyur// ji tsam gnas rnams bstan pa ni// de tsam brgya byin yul yin la// brgya byin gnas ni gzhan med de// 'di ltar de dag nges pa yin// sum cu rtsa gsum kun nas su// gang na lha rnams 'chi med dang // log par ltung ba'i las med pa// de ni phyogs 'ga' yod ma yin// rgyu rnams du mar 'gro ba dang / / snying po nges pa sna tshogs pa// brgya byin chos ni ston byed kyang // lha rnams sten par mi byed do// mkhas pa las ni ko'u shi ka/ mdzod yin phyir na lus yin la// pad+ma la ni dga' bas na//
- 358a
sdig pa'ang rnam par spong bar byed// de ni dam chos rtag tu 'chad// bla rnams kyi ni pa 'dra yang // bag med pa yis 'khrugs par 'gyur// rmongs pa de dag 'dzin mi byed// de ltar lha de dag dang bya rnams kyis brjod pa thos par gyur tu zin kyang / ngo bo nyid kyis bag med pas kun nas phrogs pa'i sems yin pa'i phyir/ skyo ba skye bar yang mi 'gyur ro// des de dag rnams la brtsi ba grang yang ma byas par/ slar nyid kyang da ltar ba'i yul gyi bde ba rnams kyis dga' bar byed kyi/ gzhan mthong ba ni ma yin no// ji srid du 'dod pa sdug pa yid du 'ong ba byas shing bsag la so sor myong bar 'gyur ba'i legs par byas pa'i las de dag rnams zad par ma gyur pa'i dus de srid du lha'i ris de dag rnams su 'dod pa'i yul lnga la dga' bar byed do/ / phyi nas ni lce'i 'jig rten de dag las 'chi 'pho bar 'gyur ro/ / 'chi 'phos nas kyang ji ltar las kyis nye bar 'gro bar 'gyur ba'i dmyal ba dang / yi dgas dang / dud 'gro rnams su skye bar 'gyur ro// gal te mi rnams dang skal ba 'thun par gyur pa mi rnams kyi nang du skyes par gyur na/ de rtag tu yang mchog tu skyid par 'gyur ba dang / mchog tu dge legs dang ldan pa dang / longs spyod mchog dang ldan pa dang / shin tu gzugs bzang ba dang / skye bo rnams thams cad byams par yang las de'i rgyu 'thun par 'gyur ro// gzhan yang dge slong las kyi 'bras bu rnam par smin pa shes pa de sum
- 359b
/ gsum pa'i lha rnams kyi sa la kun tu lta bar byed pa na/ sa gcig gis phyogs kyang rung ste/ sum cu rtsa bzhi par gyur pa ni des mthong ba med do// ji srid du lha dang bcas pa'i sa rnams ni sum cu rtsa gsum po de dag tsam dang ldan pa yin gyi/ 'di dag rnams kyis gzhan 'ga' zhig kyang yod pa ma yin no// brgya byin yang de snyed cig la nus pa dang ldan pa yin zhing / de tsam la stobs dang ldan pa yin no/ / de dag las dga' bar 'gyur ba gzhan ni med do// 'dis dang por lha'i ris 'di dag rnams la kun tu lta bar byed de/ rgyu dang 'bras bu cha 'dra bar rjes su 'brel bar las kyi 'bras bu mthong ba dang / yang dag par ldan pa de sa rnams thams cad so so so so la yang kun tu bltas nas/ 'khor ba la kun nas yid 'byung bar 'gyur te 'chi 'pho dang / skye ba dang / sdug pa rnams dang rnam par 'bral ba dang / mi 'thun pa rnams dang kun tu 'phrad pa dang / rga ba dang / na ba dang / 'chi ba rnams kyi ngam grog tu nyam nga ba'i 'jigs pa du ma rnams la nges par zhugs pa yin par mngon du legs par mthong ba'i phyir ro/ / rnam pa gcig la yang sdug bsngal gyi chu bo du ma rnams yin zhing / bsreg bzhin pa rnams kun nas mngon par mthong bas nges par skyo ba skye ba yin te/ kye ma bdag cag gi 'jig rten ni shin tu nyam thag pa la zhugs nas bgrod pa yin no// 'di lta ste/ skye ba dang / rga ba dang / na ba dang / 'chi ba'i 'jigs pa'i ngam grog rnams su bying bar
- 360a
gyur to/ / 'on kyang kun tu rtogs pa yang ma yin no// 'khor ba las ni nges par 'byung bar bya ba'i thabs kyang yod pa ma yin no// gang dag bde ba dang / rtag pa dang / brtan pa dang / ther zug dang / yongs su mi 'gyur bar gyur pa yang cung zad kyang yod pa ma yin la/ byis pa rnams ni phal cher rmongs pa'i phyir na kun tu rig pa yang ma yin pas lus kyi don du nyes par spyad/ pa mang po rnams rab tu 'byin par byed do// 'on kyang lus ni rnam par 'jig par 'gyur ba yin no// nyes par spyad pa'i las de dag rnams ni phyi bzhin kho nar rjes su 'brel bar 'gyur ba yin no// de nas de'i tshe na/ dge slong des tshigs su bcad pa brjod pa/ ji ltar/ mal cha stan sogs bsnyen bkur gyis// ma lus bcom par gyur pa yang // bdag gir byed mkhan bdag lus las// nam yang 'ga' zhig gis byas min// byas pa chud gzin mi bzad pa// rtag par glags ni tshol byed pa'i// lus po dgra bo'i don du ni// mkhas rnams sdig pa ga la byed// nang gi tshang dang don med pa/ / mang po rnams ni rtag 'byed cing // mi gtsang phung por gyur pa la// lus zhes mngon par brjod pa yin// 'chi ba nye bar gnas pa bzhin// de nyid spyod pa por rig bya// gson pa skad cig las gong du/ / 'gro ba med cing 'gag pa dang // skad cig re rer lus 'di ni// rnying par 'gyur zhing slar ldog med// de ltar na yang sems med pa'i// byis po lang tsho'i rgyags pas bslus/
- 361b
nor gtong rgyags pas dregs pa yis// bdag la phan pa mi rnams byed// de ni 'chi bar nyer phyogs na// de bzhin de yang sdig pas bsreg/ gang la rtag par sbyin gtong dang // nor longs spyad pa'i/ sems med pa'i// nor de 'jungs pas yongs bsrungs nas// de dag chud ni 'dza' ba yin// gang zhig dam pa'i sems kyis za// bla ma rnams la'ang sbyin byed pa'i// nor de rnams ni mdzes par mthong / / bzlog pa rnams ni rtswa dang mtshungs// sbyin pa dri ma med sbyin pa// 'jig rten 'di dang pha rol tu'ang // nor de nyam chung rnams kyi stobs// dmus long rnams la mig bzhin no/ / tshul khrims rnam bdun bzang po ste// go 'phang bslu ba med pa yin// tshul khrims kyis ni bsrungs gyur pa'i// skyes bu lha yi nang du 'gro// mchog tu rgya che shes ldan pa// rtag tu nyon mongs 'joms la dga'/ / des ni 'chi ba kun bcad nas// 'pho ba med par 'gro ba yin// srid mtsho shin tu 'jigs chen la// de ltar sa za ma de dag mthong // bzhon pa de dag la zhon pas// sems ldan pha rol pha rol sgrol/ de ltar sbyin pa dang / tshul khrims dang // shes rab rnams kyi 'bras bu mngon par shes par 'gyur ba de kho na nyid mthong ba dang ldan pa/ rab tu 'gro bar 'dod pa'i dge slong des de dag rnams legs par mngon par mthong ba yin no/ / ji ltar dge slong des gzhan bco brgyad pa 'di la kun tu gnas nas 'khor ba rnams thams cad las nges par yid 'byung ngo //
- 362a
mya ngan las 'das pa la spyod par 'gyur ro// bdud kyi yul la 'dod par mi 'gyur ro// gzhi de dag rnams rig par gyur nas kyang / sa bla ba'i lha rnams kyis bar snang la rgyu ba'i lha rnams la mngon du shes par byed do/ / de dag rnams kyis kyang 'jig rten skyong bar byed pa bzhi po rnams la'o// de dag gis kyang rgyal chen ris bzhi pa rnams la'o// de dag rnams kyis kyang sum cu rtsa gsum pa rnams la'o/ / de dag rnams kyis kyang 'thab bral ba rnams la'o// de ltar ji srid du 'od gsal ba rnams kyi bar du kun tu rig par byed do// sum cu rtsa gsum pa rnams kyis rnams rdzogs so/ / // las kyi 'bras bu dang bcas pa'i 'thab bral ba rnams dang / 'jig rten skyong ba rnams gang yin pa de ni rtag tu rgyu dang 'bras bu las 'gyur ro// gzhan yang dge slong las kyi 'bras bu rnam par smin pa shes pa de/ spro ba mi ldog pa'i sum cu rtsa gsum pa rnams la kun tu lta ba ni/ sum cu rtsa gsum gyi lha rnams kyi steng gi lha gzi brjid dang / brtson 'grus dang / spro ba dang / 'od dang / tshe tshad kyis lhag par gnas pa rnams su yin na/ ji ltar sum cu rtsa gsum pa'i lha rnams las sngon gyi thabs kyis ches khyad par du 'phags par 'gyur ba las kyi chos kyi rnam par smin pa ches bla lhag pa'i 'thab bral ba zhes bya ba yin par des thos pa las byung ba'i shes rab kyis mthong ngo / / de ltar yang tshul khrims rnam pa sna tshogs kyis der skyes te/ srog
- 363b
gcod pa ma byin par len pa/ 'dod pa log par g.yem pa rnam par spangs shing legs par bsgoms la ma nyams pa/ ma rab pa/ ma zags pa/ brten pa/ 'phags pa'i skye bo thams cad dgyes ba/ rtag tu tshul khrims kyi rnam par smin pa dang ldan pas de'i rjes thogs su mya ngan las 'das pa'i grong khyer du 'gro ba'i rtsa lag tu gyur pa/ 'khor ba'i rgya mtsho'i zam par gyur pa'i tshul khrim kyi zam pa de la zhon pa/ srid pa'i rgya mtsho'i pha rol tu sprob pa'i rnab 'byor pa de kho na nyid sems papo// ring gi tshul khrims rnam pa bdun dang ldan pa'i dman pa dang / bar ma dang / khyad par du 'phags pa ni snga ma bzhin te/ las dang chos kyi rnam par smin pa'i 'thab bral gyi lha rnams la lta ste/ ri'i rgyal po ri rab lhun po'i drung na 'thab bral gyi lha rnams ji tsam gyis 'phang du mtho ba dang / dbyibs ji lta bu dang / gzi brjid ji lta bu dang / mtho ba'i gnas kyi khyad par ji lta bus rab tu gnas pa dang / 'thab bral gyi lha rnams kyis rnams kyang ji tsam cig yod pa yang dris thos pa las byung ba'i shes rab kyis mthong ste/ ji ltar srog gcod pa dang / ma byin par len pa dang / 'dod pas log par g.yem pa rnam par spong ba bsten cing bsgoms la lan mang du byas shing gzhan rnams la yang bstan cing bkod la rang dang gzhan la phan pa la rab tu zhugs pa'i sems can rnams kyis gnas de 'thob bo/ / de'i 'phang du mtho ba la kun tu lta bar byed pa na ji ltar drug
- 364a
cu rtsa brgyad kyis lhag pa'i dpag tshad stong phrag brgyar mtho bar 'jug pa yin te/ 'thab bral ni lhun po las nyis 'gyur gyi tshad kyis mtho ba/ de dag gis ji snyed cig ba des ji lta ba bzhin du sa rnams mthong ba ni sa rnams kyang nyi shu rtsa bdun te/ dpag tshad stong phrag lngar 'thab bral de nam mkha' la kun tu gnas te/ sprin bzhin du nye 'khor rlung gis 'degs so// ji ltar sa 'di 'degs pa rtsa ba nas rlung gis dang chus kyang 'dzin no// chu rlung gis 'dzin no// de kho na bzhin du rlung 'khrigs pa zhes bya bas phyogs gcig nas gang gis 'thab bral gyi lha rnams kyi phung bopo sprin dang 'dra bar 'degs pa'i sa nyi shu rtsa bdun 'gyur ba 'di lta ste/ rab kyi shugs kyis bdag dang / rgyun gnas na rnam par rgyu ba dang / brtsegs pa rgyu ba dang / yid kyi rgyan dang / rab tu rnam par 'dres pa'i khor yug na rgyu ba dang / rlung rgyu ba dang / rab tu mtho ba dang / 'bras bu dang ldan pa dang / gcig tu dga' ba dang / 'gro ba dang yang dag par ldan pa dang / 'od zer brgya 'phro ba dang / bsdams par rgyu ba dang / rtag tu bde ba dang / bde ba rab tu 'phel ba dang ldan pa dang / ri'i tshogs na rgyu ba dang / rnam pa sna tshogs par rnam par bkra ba dang / zla ba mthong bar 'dod pa'i tshal dang / khor yug la gnas pa dang / bsam gtan sgra'i bya bas dben pa dang / nga rgyal ldog pa dang / 'jug pa'i spyod pa dang / tshogs pa rgyu ba na rnam par rgyu ba dang / rang gi yul rnam par rgyu ba dang / rang
- 365b
lus kyi rgyags pa dang / nga rgyal rtags kyi gzi brjid dang / skyed mos tshal gyi mchog dang / nags tshal gyi 'od zer zhes bya ba ste/ sa nyi shu rtsa bdun po de dag go/ de rnams su 'thab bral gyi lha rnams kyi mnga' bdag mu su lun d+ha zhes bya ba rgyal srid byed pa ni/ ji ltar rgyal chen ris bzhi dang / sum cu rtsa gsum pa rnams kyi brgya byin yin pa de ltar mu su lun d+ha 'thab bral ba rnams kyi mnga' bdag yin te/ chos pa chos kyi rjes su 'jug pa brgya byin pas stong 'gyur gyis chos dang che ba dang / bde bas mtho ba de'i lus kyi tshad ni dpag tshad lnga pa 'od kyi rang bzhin no// brgya byin ni rgyang grags gcig yin par 'dod do/ / 'thab bral ba rnams kyi rgyal po byed pa rgyal po mu su lun d+ha ni ko'u shi ka las khyad par du 'phags te/ de'i lus gcig gi lus kyi yan lag de yang brgya byin stong gis kyang bskrun du med de/ rgyu'i khyad par gyis 'bras bu yang khyad par du byas pa'i phyir ro// de ltar gyur pa yang 'dir ji lta bar dge slong gis tshigs su bcad pa'i dbyangs kyis bsnyad pa/ ji ltar khu ru chung ba'i gru/ / 'phyo zhing gting du mi nub pa// de bzhin sdig chung skyes bu ni// steng nas gting du 'byin pa min// ji ltar ljon shing brtan 'gyur ltar// lha yi 'jig rten 'di yang yin// de ltar dge slong de 'thab bral gyi lha rnams kyi las dang 'bras bu'i rgyu rkyen gyis bde ba thob pa'i bya ba la rnam par lta bar byed pa na/ 'thab bral gyi lha rnams ni ro chen po bzhir ji lta bar des mthong ste/
- 366a
ri thams cad kyang dpag chad stong phrag bcu pa'o// de la ri rnams kyi ming ni 'di yin te/ 'di lta ste/ rab tu gtsang ba dang / rab tu dang ba dang / rab tu dang ba chen po dang / bar yangs pa zhes bya ba dang ste/ ri chen po de rnams so// sa gzhan gyi ri ni ma gtogs pa'o// ri rnams kyang rnam pa du mar kha dog dang dbyibs du ma las du ma'i bdag nyid chen po 'dzin pa'i ri stong phrag du ma lha'i me tog dang ldan pa nye 'khor 'thab bral ba'i lhas kun tu gang ba'o/ / de las nyi shu rtsa bdun po rnams la rnam pa sna tshogs pa'i ris gang ba sna tshogs pa'i 'bab chu dang / chu klung dang / rdzi bu dang / nye ba'i nags dang / shing brgya stong phrag du mas khyab pa dbyibs dang / dri dang / kha dog dang / ro du mar bya ba phun sum tshogs pa ljon shing dang / pad+ma'i mtshe'u rnam pa du ma gang gi khyad par gyis sum cu rtsa gsum pa rnams kyi ri dang / chu klung dang / rdzing bu dang / nags dang / nye ba'i nags de dag de bzhin du cung zad kyang khyad par med pa ni/ ji ltar mi'o shing dang / chu klung dang / rdzing bu dang / nags dang / nye ba'i nags kyi dga' ba de ltar sum cu rtsa gsum pa rnams kyi dga' ba yang khyad par med do// 'thab bral ba rnams dang gang cung zad khyad par gyi rgyu ni/ rgyu 'bras mang ba nyid do/ / de ni legs par byas pa'i bsod nams du ma'i rgyu 'thun pa'i las de'i 'bras bu'o// gang yang dge ba'i las kyis sprul pa de ni brjod par nus ma yin no// las sna tshogs kyi
- 367b
rgyu 'thun pa las byung ba rgyu gang gis nges par ston pa yang de sems can thams cad kyis brjod par nus pa yang ma yin te/ rgyu'i ming yang med pa'i las rnams las byung ba de sems can thams cad kyis brjod par mi nus pa'i phyir ro/ / gang gi phyir las rnams kyis rgyu'i tshad kyi ming med pa'i phyir ro// gang gis bskal pa mtshungs par gyur pa lnga'i rdzas dang yang dag par rab tu ldan par gyur pa de rnams kyi brgya stong gi phyogs gcig phal cher bdag gis 'dir brjod de/ rgyu gang gis tshul khrims mi bslu ba yin pa'i go skabs kyi 'bras bu de ci nas kyang bstan par bya ba yin te/ rgyu gang gi phyir na tshul khrims spyod pa de dag rab tu spro ba bskyed pa yin la/ gang yang ye shes dang ldan pa de dag bcu 'gyur gyis rab tu spro bar byed de/ rgyu gang gis tshul khrims dang shes rab dag khyad par chen po yod pa'i phyir te/ tshul khrims kyis ni lhar skye la/ shes rab kyis ni mya ngan las 'das pa thob pa yin pas/ de ltar tshul khrims kyi yon tan brjod na shes rab can rnams 'di snyam du sems te// / tshul khrims gang la rnam pa 'di lta bu'i 'bras bu 'byung na/ shes rab kyis bdag cag la ci yang 'gyur ro zhes so// gzhan yang rab tu spro ba bskyed pas shes rab rtsom pa'i rtsol ba byed la/ byas pas kyang srid pa la chags pa'i bsngags par mi 'gyur ro/ / gzhan yang rgyu mtshan gzhan gyis kyang ste/ ji ltar gang la rnam pa 'di lta bur yun ring du gnas pa gnod pa nyung ba rnams la yang rnam par 'jig
- 368a
ba 'byung na/ gang yang mi rnams rgyal ba'i 'dod pa ni nyes dmigs dang ldan pa dang / mnog chung ba/ g.yo ba/ nye bar 'tshe ba/ thun mong ba/ rgya chen po dang / chom rkun nga/ chu dang / rgyal po'i chad pa la sogs pa'i rgud pa du ma'i thabs ma yin pa'i gzhir gyur pa la lta smos kyang ci dgos/ des na rgyu 'dis kyang mtho ris kyi gtam mngon par brjod do// gzhan yang rgyu mtshan 'das yin te/ gang dag rdzu 'phrul chen po dang ldan pa rnams 'di ltar rgyu gzhan ni ni yang med cing dbang phyug gis sprul pa'i snyam du sems pa de dag gis sprul pa 'gag par bya ba'i don du 'bras bu bshad de/ rgyu med par skye bar 'gyur ba'i las rnams kyi 'bras bu ni yod pa ma yin no// gzhan gyi bka' drin gyis dang rgyu 'bras dag 'dod rgyal ba ma yin gyis 'dra ba yin no// gzhan gyi rgyu gzhan du 'gyur ba ma yin no// legs par byas pa'i las rgyur gyur pas dmyal bar skye ba'i 'gyur ba ni med do// mdzes pa ma yin pa'i las rgyur gyur pas mtho ris su skye bar 'gyur ba ni med do/ / des na de ltar rgyu 'bras kyi gzhir gyur pas ni sbyin pa dang / tshul khrims dang / shes rab dang / bsgom pa dang / nges pa la gnas pa'i ngo bo'i las rnams kyi mtho ris kyi gtam 'di yin no/ / gnyis dag gi gtam bya bar mi nus te/ bde ba dang / sdug bsngal gnyis kyi'o// dmyal ba'i sdug bsngal dang / lha rnams kyi bde ba'o// de las 'di ni de'i phyogs gcig
- 369b
gi las rnams kyi dpe brjod pa yin no/ / gzhan yang dge slong las dang 'bras bu'i rnam par smin pa shes pa de 'thab bral gyi lha rnams kyi sa la kun tu lta bar byed pa na/ des thos pa las byung ba'i rang gzhin gyi shes rab kyis/ 'thab bral ba rnams kyis rab kyi shugs shes bya ba ji lta ba bzhin du yod pa mthong ngo // der las gang gis sems can skye ba yang de thos pa las byung ba'i rang bzhin gyi shes rab kyis mthong ba ni/ ji ltar skyes bu dam pa gang gis tshul khrims la spyod pa dang / kha na ma tho ba cung zad tsam la yang 'jigs par lta ba dang / sems drang ba dang / drang po'i rang bzhin can dang / g.yo med pa dang / gzhan gdung bar mi byed pa dang / yang dag pa'i lta ba can yang dag pa'i lta ba sngon du gtang bas rtag tu yang rmongs pa ma yin pa'i blos mi rtag pa dang / sdug bsngal ba dang / stong pa dang / bdag med par 'jig rten 'di la lta ba sangs rgyas dang / chos dang / dge 'dun rnams rjes su dran pa la zhugs pa srog gcod pa dang / ma byin par len pa bsrung bar gyur pa ni snga ma bzhin no/ / 'dod pa log par g.yem pa yang mi sten te/ yid las byas nas byung ba ni ji ltar gzhan dang ldan pas kun tu ldan nas 'khrig pas rtag tu mngon par zhen cing kun nas rab tu 'jug pa 'di ni 'dod pa la log par g.yem par brjod do/ / skyes bu dam pa des de ltar thos nas gal te gzhan dang ldan pas kun nas pa mthong na/ de la mi sems kun tu mi rtog yid la mi byed do// yang
- 370a
gang dag gis sems shing kun du rab tu rtog par byed pa de dag kyang rab tu 'gog par byed cing de dag la yang las kyi 'bras bu nye bar ston par byed de/ khrod kyang ma byed cig des dmyal bar skye bar 'gyur bas/ ma byed cig ces de ltar las dang 'bras bu'i de kho na nyid ston pa po gzhan gyis mi 'phrogs pa gzhan gyis mi bkri ba de ni lus zhig nas bde 'gro mtho ris kyi 'jig rten gyi 'thab bral gyi lha las 'thab bral gyis rab kyi shugs kyi lha rnams kyi nang du skye ba yin no/ / der skyes pa ni legs par byas pa'i las kyi mtha' la spyad pa 'dod pa la log par g.yem pa'i 'jig pas 'jigs pa rnams so/ / de der skyes pa tsam nyid nu lha dang lha mo brgya stong gis yongs su bskor nas skyes pa tsam nyid na de bzhin du glu len par byed do// ji ltar legs par gnyid log pa sngas legs par spong bar byed pa de bzhin du de skyes pa tsam nyid na rdzus te skyes pa de ltar glu dang rnga sgra yan lag brgyad dang ldan pa kun nas bsgrags pas dran pa rnyed par 'gyur ba la 'di lta ste/ brjod pa'i tshad dang ldan pa dang / snyan par gyur pa dang ldan pa dang / dge legs dang ldan pa dang / zab pa dang ldan pa dang / skye dgu thams cad dga' bar byed pa dang / dpag tshad stong phrag brgya pa bcur rnam par nyams pa med par kun tu sgrogs pa'i sgra dang / chos kyi tshig dang ldan pa dang / kun nas ma 'dres pa dang ste/ shin tu bar yang legs par byas pa'i las spyad pa po rnam pa de lta bu yan las
- 371b
brgyad dang ldan pa'i glus sad par byed do/ / de'i rang gi lus las 'byung ba'i 'od dpag tshad lngar khyab pa'o// sngon po/ ser po/ dmar po/ dkar po/ 'ja' tshon gyi kha dog lta bu'o// de langs pa tsam nyid na 'od de 'byung ngo // de yang ji ltar rang gi cha byad kyis nyi ma dang zla ba ltar mdzes la/ de langs pa na lha brgya stong gis yongs su bskor te/ rab tu dga' bas gzi brjid kyi nags zhes bya ba der 'gro'o/ / lha dang lha mo'i tshogs kyis yongs su bskor ba 'thab bral ba de la yang me tog gi rigs mi brnyings pa 'di dag yod de/ 'di lta ste/ mig gi bdud rtsi'i me tog dang / dri'i bdud rtsi'i dang / kha dog dang / drir bcas pa thos na dga' ba 'di dag gang gi nus par gyur pa 'di ni yul phyogs gang dang gang du de'i ming gzung bar byas pa'i yul de dang der me tog gis nam mkha' las dri 'byin no/ / zla ba las lhag pa'i kha dog ces bya ba'i me tog dang / thams cad du rgyu ba zhes bya ba'i me tog ste/ de dag rnams ni shing gi 'dab ma la me tog de rnams skye'o// de bos pa na me tog de rnams phyi bzhin kho nar 'ongs te/ gang la lha de rnams kyi 'dod pas 'gyur ba yin no// zhon pa'i bzhon pa rnams ni ljon shing gi bzhon pa la zhon te/ me tog gi khyim nang na gnas nas gang du 'dod pa der lha rnams nam mkha' la 'gro bar byed do/ / ji ltar gzhal yas khang nas kun tu rgyu ba'i lha de ltar 'thab bral ba'i lha rnams me tog gi khyim la gnas nas 'gro ste/ 'jig rten ma lus
- 372a
pa mig bcu ma tsam pa 'od 'bar ba dang bcas par gyur par mthong ngo / / 'on kyang ngal bar mi 'gyur ro// bar med par 'brel ba'i khyim dga' ba zhes bya ba'i shing gang dag gi nang yang de bzhin du dga' ba yin te/ gang la nang du lha rnams rjes su zhugs nas dga' bar byed pa'i nags dang / rdzing bu dang / nye ba'i nags de dag thams cad las ches khyad par du dga' bar 'gyur ba'i ljon shing gang dang gang dag la gzi brjid 'di dag yod de/ gal te lha rnams 'dod par gyur na 'thab bral gyis de thams cad kyi dpal rnams thams cad gnas der 'ong bar 'gyur ro// shing de dag gi gzi brjid kyis der yang ljon shing la dga' ste/ lha de rnams yan lag brgyad pa'i rnga skad mtshungs pa med pas/ ljon shing de dag rnams la dga' bar byed pa na yang dri 'byung zhes bya ba'i shing gang dag la mthu 'di dag yod pa yin te/ lha rnams kyi mngon par 'dod par gyur pa'i dri'o rnam pa de srid kho na'i dri can du shing de 'gyur ro// me tog gi khyim dga' ba zhes bya ba'i shing gang la nang gi khyim dang ldan par lha rnams nags dang / nye ba'i nags dang / rdzing bur dga' bar byed la/ de ni sngon po/ ser po/ dmar po'i mdog dang / rnam pa sna tshogs pa'i dri dang / kha dog phun sum tshogs pa de la gang gi tshe lha de 'jug par byed pa de'i tshe shing dang me tog gang dag rnams kha dog thams cad par 'gyur ro/ / kha dog der lha 'gyur ro// de'i kha dog tu lha 'gyur ro// de thams cad mi 'gyur
- 373b
ba'i gos can du mi 'gyur te/ shing dang me tog rnams kyi mthus so// nam mkha' la rgyu ba zhes bya ba'i shing gang gis mig btsum tsam la nam mkha' la dpag tshad brgya stong du 'gro'o// 'dod pas 'gro ba nyi ma dang mtshungs pa'i gzi brjid can rnams so/ / de ltar gsar du skyes pa'i lha de lha dang lha mo brgya stong gis yongs su bskor nas rnam bdu ma'i 'phreng ba dang / phye ma dang / byug pa'i dpal gyis shin tu brgyan pas shing la kun tu 'gro bar byed do/ / de'i mdun na de'i tshe na lha mo rnam pa sna tshogs kyi gos rin po che rnam pa du ma 'bar ba rab tu dga' ba ches lhag pa'i lus can rnams mdun na ga ra dang / g.yo ba dang / 'gying ba dang / glu'i sgra sna tshogs pas dpag tshad stong phrag du ma gang bar byed do// de yang legs par byas pa'i las kyi mtha' la spyad pa dang ldan pas de dag rnams kyi glo na de ltar rnam par snang ste/ / gang yang cung zad tsam gyis 'dra ba dang sngar mthong ba rnams dper byas par zad do// ji ltar zla ba'i phyi na skapha ma rnams 'gro ba de lta bu las brgya stong gis lha 'di mdzes te rnam pa sna tshogs pa'i sgra 'byin pa dang / glu dang / dgod pa dang / 'gying ba dang / glu mkhan dang bcas pas gang na nags de yod pa der 'gro'o// nags de'i nye 'khor na bya brgya stong gis kun tu gang ba 'bab chu dang rdzing bu du mas nye bar mdzes par gyur pa/ / nye 'khor mchog tu dga' ba/ nyi ma brgya stong pas lhag par gsal bar byed do// gang la de ltar
- 374a
cung zad tsam 'dra ba'i sgo nas dpe brjod byas te/ ji ltar mi rnams na nags mchog tu dga' bar 'gyur ba dang / 'bab chu dang / 'jug ngogs dang / rdzing bu 'jug ngogs mdzes pa gang yin pa de ni rgyal chen bzhi'i nags dang / nye ba'i nags rnams kyi khyad par gyi bcu drug gi char yang mi phod do// yang de bzhin du gang rgyal chen ris bzhi'i nags kyis kyang gang yang sum cu rtsa gsum pa rnams kyi nags dang / nye ba'i nags kyi dga' bar gyur pa gang yin pa de'i khyad par gyi bcu drug gi char yang mi phod do// de ltar gong nas gong gi khyad par gyi rim pas dge ba'i las dang / mi dge ba'i las rnams la gong nas gong gi dga' ba ni/ dge ba dang yang dag par rab tu ldan pa'i sems rtse gcig pas las gzhan mi byed par mthong zhing dge la legs par rigs pa grol ba'i spobs pa dang ldan pa'i sems can thams cad kyi shes rab kyis kyang phyogs gcig kyang brjod par bya mi nus so/ / de ci'i phyir zhe na/ mi rtog pa'i yul gyi yul rtogs pa ma yin pa 'di ma rnams thams cad dang / de bzhin du dbang dang bcas pa'i sum cu rtsa gsum pa rnams thams cad kyis/ l-i stong phrag brgyar yang mtsho ma'i lha rnams kyi bde ba'i phyogs gcig tsam yang brjod par mi nus so// de ci'i phyir zhe na/ 'di dag rnams thams cad ni sum cu rtsa gsum pa rnams kyi yul ma yin pa dang / mthong ba'i yang ma yin pa'i phyir te/ gang la dpe brjod du byas pa ni nam yang mthong ba yang ma yin la/ cung zad kyang thos pa yang ma yin gyi/
- 375b
phyogs gcig tsam 'dir bsngags par brjod pa yin no// dge ba'i chos la brtson pa'i don du bsngags pa brjod de/ dge ba'i chos byas shing bsags pa myong bar 'gyur bar nges par bsam gyis mi khyab pa dga' ba dang bde ba thams cad kyi yang phyogs gcig tsam mthong la/ phyogs gcig pu zhig bsngags par zad do// ji ltar mkhas shing thams cad la byung ba'i ri mo mkhan nam rimo mkhan gyi slob mas kyang rung ste/ zla ba dang mtshungs pa 'am/ yang na nyi ma bris la/ des de'i 'od bri bar bya mi nus la zer ba ma yin// nam mkha' la 'gro ba dang / 'ong ba'i spyod pa yang ma yin/ gzi brjid ma yin la 'jam pa dang gdug pa yang ma yin gyi/ zla ba'i rnam pa tsam 'ba' zhig mngon par bris par zad do// de bzhin du 'dir yang 'thab bral gyi lha rnams kyi bsngags/ par mi nus so// dga' ba yang brjod par mi nus so// mthu stobs dang / nags dang / nye ba'i nags dang / dpal ma yin no// ri ma yin rang bzhin ma yin no// yul gyi bde ba rnams kyang ma yin/ 'od dang 'phreng ba dang / lha mo dang mnyam par bgrod pa'i bde ba yang ma yin gyi/ cung zad mngon par brjod pa tsam cig 'dir byas so// 'dra ba ni cung zad tsam cig kyang ma byas so// slar yang lha de skyed mos tshal de dag nyid kyi ltad mo rnam pa du mar dga' ba 'dod pa du ma dang ldan pa'i phun sum tshogs pa 'jug ngogs dang / skyed mos tshal du ma dang ldan pa'i sa'i sa rnams la rjes
- 376a
su ltar 'gro bar byed do/ / 'dod pa'i yon tan lnga la rnam par chags pa'i yid can gnas pa med pa'i shugs kyis g.yo ba'i kun tu rtog pa'i chu rlabs kyis bskyod pa'i srid pa'i chu bos khyer bar gyur pas thams cad las mthong na dga' bar gyur pa ni/ lha'i ris der rjes su mthong ba la nags de ni 'dod pa'i yon tan du ma phun sum tshogs pa ste chu klung dang / 'bab dang shing dang / shing ge la ba dang / 'khri shing gi khang bus gang ba sgra du ma 'byin pa'i bya brgya stong gis kun tu gang ba der nye bar 'gro'o// nye bar song nas kyang // nye 'khor de na sngar ma mthong ba'i mchog tu phun sum tshogs pa de dang phrad nas kyang de lha mo'i tshogs dang bcas pas yongs su bskor nas chu klung gi gle'i mu tig gi phye ma'i bye ma la gser dang / dngul dang / an+d+ra nI la'i mdog dang mtshungs pa'i sgro can gyi byas gang ba/ chu klung chen po'i ngos na rnam pa sna tshogs pa'i sgra 'byin pa'i ljon shing gis gang ba/ chu klung gi 'gram gyi gad pa dga' ba rab kyi mchog tu skyid pa'i lha mo'i tshogs kyis su bskur nas dga' zhing rtse bar byed la/ zhabs 'bring dum yang byed pas dus shin tu ra bar di da na dga' bar byas nas/ gang na rin po che'i 'gram zhes bya ba'i nags yod pa de'i skye bo thams cad kyis yangs su bskor nas 'gro'o/ / des nags de mthong ba las gzhi'i cha ni rin po che bdun gyi rang bzhin 'od gsal ba gang la rin po che'i rang bzhin du gyur pa thams cad dga' ba'i ri'i rtse mo dang / chu klung gi 'gram dang
- 377b
'bab chu dang / rdzing bu dang / pad+ma'i rdzing bu du ma dga' bar gyur pa la bya brgya stong gis nye bar mdzes par byas pa sa gzhi kun gyi cha shas ni mchog tu dga' bar gyur pa dang / ri'i gseb dag mthong ngo // des legs par byas pa'i las kyi 'bras bu'i dbang po dang ldan pa de rin po che'i nye ba'i gnas la lha mo'i tshogs kyis yongs su bskor ba'i dbus na rtse zhing dga' la kun tu spyod de/ 'thab bral ba rnams dang rjes su 'thun pa'i bde ba dge ba'i rtsa bas bskrun pa la nye bar longs spyod par rgyu dge ba'i rtsa ba de dang 'thun pa de'i 'bras bu rnams kyang rnam pa du mar de bzhin du 'gyur/ de na yang rnam pa brgya stong du ma'i rnam par rtog pa'i bde ba thams cad las 'phags pa nyams su myong ngo / / de la yang 'dod pa'i yon tan lnga spang nas gang na 'jug ngogs med pa ma yin zhes bya ba 'thab bral ba rnams kyi sa'i cha der 'gro'o// de na yang dga' ba'i yon tan du ma phun sum tshogs pa nye bar bgrod do/ / de la yang rgyu rnam pa sna tshogs pa'i lha'i glu mkhan gyi glu dang yang dag par ldan pa'i bde ba nyams su myong ngo // gang yang brjod par mi nus pa ni sred pa dang ldan pa'i mes snying tshig pa rnams kun tu rtog pa'i shugs kyis kun tu 'khrul pa'i blor gar yang gnas pa med pas yul la gdung bar smig rgyu ba'i sems spre'u gyis/ lha'i bde ba'i 'bras bu la spyod pa bag med pas bud med lta ba la ched cher byed pa dang / rtag tu dga' ba du ma'i chu gang dag gis kyang rtag tu 'khor bar byed pa yin no// 'thab bral gyi lha'i ris rnams kyi nye/
- 378a
'khor du rin po che'i pad+ma phun sum tshogs pa 'byung ba ni thun mong ma yin pa mchog tu dang/ ba'i yul gyi bde ba rnam pa du ma gzhan gyi mthu stobs kyis dbrog tu med pas kyang dbang po rnams mi tshim mo/ / ji pA ji ltar dga' ba de lta de ltar yongs su smin la dga' bar gyur pa'i pad+ma gang dag kho na bsams pa de lta de ltar nyid du 'byung ste/ legs par byas pa las byas pa'i phyir ro// de nas mu su yun d+ha 'di snyam du sems te/ ma la bdag lha 'di dag rnams dang lhan cig tu nam mkha' la gnas par bya'o snyam mo// de nas sems bskyed pa tsam nyid kyis 'thab bral ba'i lha'i mnga' bdag mu su lun d+ha lha'i tshogs kyis yongs su bskor nas/ lha'i tshogs thams cad dang bcas pa nam mkha'i dkyil du 'phags so// de nam mkha' lo de ltar 'gro ba'i lha de rnams de ltar cung zad kyang mi g.yo zhing mi brjod la/ lus kyi cha 'ga' zhig cung zad kyang gzhan du 'gyur ba yang med par ro// de nas lha thams cad kyang pad+ma la zhon nas nam mkha' la 'gro'o// rnga skad yan lag lnga dang ldan pas yongs su bskor nas gar dang ldan pa/ dgod pa dang ldan pa/ kun tu spyod pa dang ldan pa/ lha'i bde bas yongs su rgyas par 'dod pa'i yon tan lngas legs par gtad cing yang dag par ldan par gyur pa de ltar skyid par gyur pa'i lha'i pad+ma'i 'dab ma dag la zhon nas 'gro ste/ ji ltar yang dag pa'i gnas de ltar mnan na nem pa/ bteg na 'phar bar gyur pa'i rin po che bdun gyi rang bzhin du gyur pa'i
- 379b
pad+ma'i 'dab ma rnams la zhon nas gong mgong ma'i 'dab ma rnams lhung ba de mdzes pa ni/ ji ltar mi rnams kyi yul na nang nub kyi thun mtshams kyi dus na thams cad zangs bzhin du nam mkha' shin tu/ rnam par snang ba la pad+ma de yang de ltar shin tu 'bar ro// lha de thams cad phan tshun du bde ba dang ldan pas gang na ku be ra'i tshogs kyi nags zhes bya ba'i nags na shin tu 'jam zhing mtho ba'i ri'i rtse mo der dga' bar rgyur 'gro bar byed do/ / de nas ri de'i rtse mo la lha de dag gis bslabs nas rin po che bdun gyi 'bab chu dang / chu klung dang / rdzing bu du mas nye bar mdzes par gyur pa pad+ma'i nags yongs su rgyas par mdzes par gyur pa ni/ nyi ma brgya'i 'od zed pas ches lhag par gyur pa'i 'od kyi gzi brjid can de na lA dang lha mo'i tshogs kyis gang ba/ rin po che'i rang bzhin du ma nyi ma dang mdog mtshungs pa'i shing gis nye bar mdzes pa/ 'jam zhing mtho ba'i ri de dang pad+ma der lha de dag rnams kyis phyi nas ri de'i nags na gar byed cing phan tshun du kun tu spyod do// de nas yang 'dab ma stong phrag brgya pa'i pad+ma la'o/ / de rnams pad+ma de dag rnams la kun tu zhugs nas phyir yang 'jam zhing mtho ba'i ri de la 'dzeg go// bde ba la spyad pa'i don du 'thab bral gyi mnga' bdag mu su yun d+ha yang lha'i tshogs kyis yongs su bskor ba dang bcas nas gang na lha de dag rnams dga' mgur kun tu spyod pa der 'gro'o/ / lha de dag rnams kyis kyang de mngon du legs par mthong nas/ yod rab tu
- 380a
dga' bar gyur pa'i yid dang ldan pas gar byed par gyur/ rgod par yang byed cing kun tu spyod par yang byed do// 'thab bral gyi bdag po mu su lun d+ha de yang de ltar rab kyi mchog tu yid dga' ste/ lha rnams rang gi las dbang por gyur pa rang gi las kyi 'bras bu'i skye gnas pa de las de dag rnams kyi lha dman pa dang / bar ma dang / khyad par du 'phags pa dman pa dang / bar mar skyid pa dang / dman pa dang / bar ma'i gzugs dman pa dang / bar ma dang / khyad par 'phags pa'i bde ba'o// 'thab bral gyi lha thams cad pas dman pa'i bde ba gang yin pa de yang bcu drug char bgrang ba'i rim pas kyang brgya byin la nam yang mi 'gyur la/ re zhig brgya byin de nyid kyi bde ba yang brjod par mi nus na/ ci yang brgya phra ga sum 'gyur du la kyi mtha' la spyad pa'i 'thab bral ba rnams kyi rdzogs par brjod par nus sam/ de nyid ni dge ba kun tu rgyas pa'i legs par byas pa'i las rnams kyi yang 'bras bu de 'ba' zhig de ltar tshul khrims dang ldan pa rnams rab tu dga' ba bskyed par bya ba'i don du/ 'thab bral gyi lha 'di rnams kyi phun sum tshogs pa'i dga' ba rnam pa du ma'i sgo nas bsngags pa yin gyi/ srid pa 'ba'o zhig la mngon par zhen pas ni ma yin no/ / gzhon mang 'ob ba bral gyi mngar bdag su su yun du rnam pa sna tshigs pa pa rgya stong dum rnam par rtog pa yon tan du ma dang ldan pa'i dab med pa'i da ba ba
- 381b
'di rnams dang / 'jam zhing mtho ba rin po che bdun gyi rang bzhin gyi ri de la rnyed nas/ gzhan yang 'thab bral gyi mngar bdag 'di ltar rjes su rnam par sems par byed de/ ma la bdag gang yang pad+ma/ chen po 'di'i nang du 'jug par bya ba yin te/ bde ba'i mchog gis gnas par bya ba'i don du lha'i tshogs thams cad kyis dang / btsun mo'i 'khor rnams dang bcas pa rnams kyis so// de nas 'thab bral gyi mnga' bdag mu su lun d+ha lte ba la gnas pa tsam kho nas de'i legs par byas pa'i las kyi snying po de phyir zhing nyid du kha bye'o/ / lte ba de yang gang de'i lte ba de thams cad kyi nang du 'gyur ro/ / de nas lte ba de'i nye 'khor kun las gzhan du gyur pa'i bug pa byung la rnam pa de lta bu'i 'od rnams kyang pad+ma chen po de'i lte ba las kun nas byung ba ni/ lha de dag rnams kyis rnam pa ji lta bu'i gzhan du sngar ma mthong ba dang ma thos pa dag ste/ nye 'khor du yang de dpag tshad brgya pas tsher lhag pa'i 'od zer 'byung ba la 'od kha dog du ma 'bar ba lta bur snang ba'o// de nas lha de rnams dang 'thab bral gyi mnga' bdag mu su lun d+ha yang gcig tu ngo mtshar ba'i ca co'i sgra kun tu 'byin pa ni 'od 'di dag rnams pad+ma gang gi lte ba las byung bar gyur/ de nas 'thab bral ba rnams kyi mnga' bdag gis lha de dag rnams la 'di skad du bgros par gyur te/ lha dag pad+ma chen 'di'i 'od zer rnam pa 'di lta bu kun nas byung zhing 'phro ba la ji lta ba bzhin du ltos dang / des slar smras pa/ ji lta
- 382a
ba bzhin du bdag cag gis mthong ste/ 'di dag mchog tu ngo mtshar che ba'i 'od byed pa'o// de nas yang 'thab bral ba rnams kyi mnga' bdag gis yang 'gro bar byed de/ ji ltar gang yang nyung ngu na bdag cag yul ljongs dang bcas pa'i skye bo'i tshogs thams cad kyis pad+ma chen po 'di'i nang gi lte ba dus ring du blta bar bya'o/ / de nas lha de rnams thams cad yid 'thun par gyur pas de la gsol pa/ ji ltar 'thab bral ba'i mnga' bdag gis gsungs pa de ltar bdag cag rnams kyis bya ba yin pas na/ de ltar bdag cag rnams 'khor dang bcas pa pad+ma chen po 'di'i nang du lha dang lha mo'o tshogs kyis bskor ba 'thun par bdag cag 'thab bral gyi mnga' bdag dang bcas pa pad+ma chen po 'di'i nang gang yin pa der 'jug par bya'o/ / de nas lha de dag rnams mu su lun d+ha de yang lnga dang lha mo'i tshogs kyis yongs su bskor ba rnams gang na lte ba yod der legs par song ste/ pad+ma ri nang lta bar byed pa ni ngo ma tshar ba'i don du'o// de nas snying po de'i bug pa der phyin nas dug pa de nyid du zhugs te/ ji ltar btso ma'i gser mchog gi mdog nyi ma'i 'od dang lhan cig tu phan tshun spros par gyur pa na/ nam mkha' la nyi ma zla ba dang ldan par 'gyur ba de bzhin du pad+ma chen po de'i gzi brjid kyi khyad par mthong bas/ lha de dag rnams kyis 'od zer de dag rnams ma bzod nas mge kun nas btsum par gyur pa dang / mchog tu dga' ba'i yid kyis nang /
- 383b
/ du zhugs par yang gyur la/ rnam pa 'di lta bu'i 'odom rungs pa med pa 'di ni gang yang bdag cag rnams kyis sngar nam yang mthong ma myong ngo zhes cha tsa'i sgra yang sgrogs so// de nas yang lhu des rnams ches rings par mu su yun d+ha dang por byas nas rjes su 'jug par byed la/ mu su yun d+ha yang mchog tu rings pa'i yid kyis yid tshim pa med pas b+ha de dag rnams dang pad+ma'i nang du 'jug go/ de zhugs pa na mthong ba de'i nang na rin po che brgya stong du ma 'od rnam par gsal bar byed pa'i skyed mos tshal brgya phrag du ma dang ldan pa/ 'od dang ldan pa'i khang bzangs brgya stong du ma dang / 'od 'bar ba'i ljon shing brgya stong du ma dang ldan pa'i rin po che bdun gyi rang bzhin gyi skyed shing gi nags dang / nye ba'i nags brgya stong du mas nye bar mdzes par gyur pa mdog dang / dbyibs du ma dang ldan pa'i rnam par rtog pa rgya che ba brgya stong gi bya'i tshogs kyis kyang gang ba/ rtsed mo'i ri brgya phrag du ma dang ldan pa/ rdzing bu brgya phrag du ma dang ldan pa/ gzhal med khang brgya phrag du ma dang ldan pa/ 'bab chu brgya phrag du ma dang ldan pa/ chu mig dang / rdzing bu dang / chu klung dang / tshang tshing dang / khrang khrod brgya phrag du ma dang ldan pa/ ji skad du brjod pa'i dngos po thams cad kyang rin po che bdun gyi rang bzhin las byas pa'i mdog dang / dbyibs dang / tshad kyi rnam pa mngon par dga' ba ji ltar de yang 'thab bral gyi bdag po mu su lun d+has kyang sngar ma mthong na/ 'thab bral gyi lha gzhan/
- 384a
gyis lta smos kyang ci dgos/ de las pad+ma gang gi nang gi mtshe'u rnams ni rab tu dang ba'i lha rdzas kyi chu yin la/ de dag gi 'gram rnams la la ni shel gyi rang bzhin no// la la ni dngul gyi rdo dang bye ma'o// 'ga' zhig ni gser btso ma'i rang bzhin no// yang la la ni in+d+ra nI la'i rang bzhin no// la la ni pad+ma rA ga'i rang bzhin no// 'ga' zhig ni cha rnam pa sna tshogs kyis rnam par bkra bar byas pa rnams te/ de bzhin du gang yang pad+ma'i rdzing bu de rnam pa sna tshogs pa'i rin po che sna tshogs pa'i rang bzhin gyi pad+ma rnams kyis nye bar mdzes par gyur pa rnams so// 'ga' zhig ni kha dog gcig pa'i pad+mas nye bar mdzes par gyur pa'o/ / 'ga' zhig ni rnam pa du ma'i mdog gi 'dab ma'i pad+mas nye bar mdzes pa la 'di lta ste/ sngon po dang / ser po dang / dmar po dang / dkar po'i mdog gi mtsho las skyes pa'i pad+mas nye bar mdzes par byas pa'o// de la gang 'dab ma sngon po de ni dri ma med pa'i in+d+ra nI la'i rang bzhin no// gang ser po de na gser gyi rang bzhin no/ / gang dkar po de ni dngul gyi rang bzhin no// gang dmar po de ni pad+ma rA ga'i rang bzhin rnams te/ de ltar pad+ma chen po de'i nang na rnam pa du ma'i pad+ma yod do// de nas lha de rnams rab tu dga' ba'i yid kyis bung ba brgya stong gis yongs su gang ba'i pad+ma der nye bar bzung nas/ gzhan yang gang na de dag dga' ba chen por gyur pa'i nags dang / nye ba'i nags de dang legs
- 385b
par ldan pa gang yin pa'i dga' ba chen po der 'gro'o/ / rnam pa sna tshogs pa'i rnga sgra sgrogs pa'i glu sgras rnar snyan pas yid tshim pa med par rab tu dga' ba'i lha dang lha mo'i tshogs kyis yongs su bskor ba/ ku co'i sgras yid tshim pa med pa de rnams kyis bgrod pa'i nags de ni rnam pa sna tshogs pa'i bya brgya stong gis dga' bar gyur pa'i sgra sna tshogs 'byin pa/ rin po che bdun gyis nye bar mdzes pa'i sa gzhi'i cha kun kyang mnan na nem zhing / bteg na 'phar ba mchog tu 'jam pa de dag rnams la yang rnam par rgyu bar byed pa na thams cad nas kyang yid kun tu rangs shing dga' ba ni/ gong ma gong ma de dag rnams mthong ba na dga' bar 'gyur zhing phan tshun du grogs kyi bya ba dang ldan pa dang / phan tshun du kun nas chags pa'i yid dang ldan pa dag gis kyang dga' bar yang 'gyur ro// nye ba'i nags de la yang dus shin tu yun ring du bag med par gnas pa'i phan tshun mchog tu kun dga' ba'i bag med par gnas nas/ gzhan yang gang na skyed mos tshal gyi 'phreng ba zhes bya ba'i rin po che// sna tshogs kyi rang bzhin yod pa der 'gro bar byed do// rnga skad yan lag lnga dang ldan pas sna tshogs pa'i rol mo dang / glus rab tu dga' ba dang ldan pa'i yid can rnams 'dod pa drug la rnam par chags pas lta ba la brkam par 'gyur ba/ rgyags pa la don gcig pas bag med par rnam par spyod par yang byed pa dang / gtse bar gyur cing kun tu spyod par gyur pa rnams kyis der nye bar phyin nas kyang 'od
- 386a
zer rnams mthong bar gyur pa ni/ ji ltar nyi ma'i 'greng ba rnams gang yin pa de ltar 'od rnams yin par rtogs so// de srid kyi 'od zer 'bar ba nyid yin pa'i yul phyogs kyi nye 'khor na yon tan gzhan yang lha de dag gis mthong ba rnams la 'di lta ste/ ser po dang / dmar po dang / dkar po rnams du ma nyid mthong ba'i yul phyogs de dag gi sa gzhi'i cha de dag rnams kun nas dga' ba de rnams la yang de rnam pa du mar mngon par dga' bar byas nas/ gang rtsed mo'i ri yod pa der nye bar 'gro bar byed do// slar yang yul gyi bde ba ngoms mi shes pas de dag rnams kyang rtsed mo'i ri rnams rin po che bdun gyi khams kyis rnam par brgyan pa la gnas du ma yod pa rnams so/ / de na yang ljon shing brgya phrag du ma rnam par 'gyur ba dang ldan pa la bya'i tshad dga' bar gyur pa dang ldan pa/ 'bab chu dang / chu klung dang / rdzing bu dang / nags dang / nye ba'i nags dang / ri dang / sman ljongs dang / ri logs dang / ri rtse dang / rlung na ri dag gi tshogs dang / pad+ma'i mtshe'u gyos rnam par brgyan pa'i rtsed mo'i ri slebs nas 'phyos te/ lha rdzas kyi 'dod pa'i yon tan lnga dang bcas shing ldan par gyur pa/ phan tshun lhan cig tu lha rdzas kyi cha byad du mas rnam par gsal ba dang bcas pa rgyan dang / cha byad kyis mdzes pa'i lha'i bu mos yongs su bskor ba de la yang dus shin tu yun ring por yul gyi bde ba ngoms mi shes pa'i lha rdzas rnams kyis dga' bar
- 387b
byed do/ / gzhan yang gang na gzhal yas khang gi khang bu'i 'phreng ba yod pa der nye bar 'gro'o// khyad par du ngoms mi shes pa'i yul gyi bde ba la dga' bar gnas par bya ba'i phyir te/ ngoms mi shes pa'i lha rdzas kyi 'dod pa'i yon tan lnga la rnam pa du ma dang / rnam par rtog pa du mas lha'i 'dod pa kun tu gsal bar byed pa/ sred pa'i me legs par gsal bar byed pas rnam pa du mar dga' bar byed cing / lha dang lha mo rnams kyi tshogs kyis rnam pa du mar rab tu dga' bar byed pa ni/ 'thab bral ba rnams kyi mnga' bdag mu su lun d+ha dang bcas pa de dag rnams pad+ma'i nang nyi ma brgya stong pas ches lhag pa'i gzi brjid dang ldan pa/ mchog tu zhi zhing gdug pa dang bral ba de la phan tshun du dga' bar gyur pa/ mchog tu blta bar dga' ba/ mchog tu dbang po lnga bde bar gnas par gyur pa rnams ni mchog tu dge ba/ mchog tu mdzes pa/ 'phags pa'i skye bo rnams shin tu dgyes pa'i dge ba'i rtsa ba legs par rnam par dag pa'i 'bras bur gyur pa/ rnam par rtog pa du mas yul du ma'i bde ba rnams la nye bar longs spyod do// phan tshun du 'grul bar byed pa dang / phan tshun du smra bar byed pa la zhugs pa'i yid can rnams phan tshun du gus par byed pa/ legs par skyes pas ngoms pa med pa'i sems kyis de rnams de ltar pad+ma 'di'i nang na dus yun ring por dga' bar byed do// de nas dus nam zhig na yul gyi bde
- 388a
bas ma ngoms par yang ci dga' bar gyur nas/ phyir byung nas snying po'i sgo de nyid nas ji lta ba'i nang du rjes su zhugs te/ de bzhin du phyir byung nas de mngon par mthong nas dus yun ring por phyir mi 'byung ngo / / yang de kho na nyid mthong ba zhes bya ba'i bya 'jam zhing mtho ba'i ri de'i steng na gnas pa des de mthong nas tshigs su bcad pa smras pa ni ji ltar/ gzugs/ rnams skad cig 'di dag gi/ na tshod de bzhin skad cig yin// de bzhin bde ba zad kyang ni// blo gros med pas go ba min// dge ba'i mtshan nyid du ma de'i// skye ba 'di dag thams cad de/ / gang tshe dus kyi 'khor lo yis// rim par bshags nas rnam par 'jig/ brgya phrag du ma'i mtshan nyid kyis// ji ltar sngon gyi de nyid dang // de ltar skye ba 'di dag kyang // 'chi bdag rgyal pos 'pham par byed// rtag tu bde bas gnas pa yi// bag med yid can de dag rnams// 'chi bdag bdud kyi zhags pa 'dis// rtsom pas bde ba 'jom byed yin// bde ba snang ba stobs dang shugs// 'thun pa rnam par 'bral byed do// 'chi bdag rgyal po stobs ldan pa// 'di ni nye bar 'dren pa yin// gang zhig nye bar 'ong ba po// de dag bag med ces bya rnams/ / gson pa bde ba dang bcas pa// rings par 'joms par byed pa yin// bag med pas ni phrogs pa'i lha// dus ring du ni 'di nyams pa// bde ba du mas bslus pa yis//
- 389b
/ yongs su rtogs pa ma yin no// gal te nyi ma'i 'od zer las// dbang po skam par gyur pa'i sems// gshin rje'i 'jig rten 'ongs gyur pa// de che de 'bras shes par 'gyur// lus dang stobs dag rnying pa dang / / de bzhin bde ba'ang skad cig pa// de lta na yang chags yid can// legs par rtogs min mig med pas// rtag tu bde bas gnas pa yi// dga' ba las kyang dga' bar 'gro/ / gang tshe 'di dag gar 'gro yang // 'chi bdag rgyal pos 'joms par byed// rgas pas 'thung ba'i rgyal po yis// rmongs pa gang yang lus pa med// phyis de 'chi ba'i dus na ni/ / rang sems me yis gdung bar byed// yul rnams kyis ni dbang po rnams// tsha mi pa skye bar 'gyur ma yin// gal te ye shes gsal byed kyis// gang phan pa ni mi 'phen na// rnam rtog brgya yi dri ma yis/ / yul rnams kyang ni brten pa na// rlung gis bskyod pa'i me bzhin du// kun tu g.yo bas rab tu 'jug/ brtson pa'i shugs kyis de rtogs nas// rtag tu me 'bar 'dod pa yis/ / yul sdoms shes rab ldan pa yis// de nyid dpyod pa po yis rtogs// gang dag rtag tu 'khrul pa'i yid// rtag tu yul la mchog 'dzin te// blo bral dga' ba de thams/ cad// thams cad gti mug byed pa yin// log pa'i blo yis bsten 'gyur bas// yul gyi me ni 'phel 'gyur te// ji ltar bud shing dang ldan pa'i// me ni rlung gis bus pa ltar// mi g.yo
- 390a
'dod chags dbang 'gro ba/ / rtag tu 'dod dbang rjes 'gro ba'i// lha de 'dod chags kyis bslus nas// lha yi 'jig rten dag nas ltung // dam pa'i yid la legs yon ldan/ / bde gang dang por byung ba 'di// rnam par zhig nas de gang song // gson pa skad cig g.yo ba ste// ji ltar de ni rnam 'jig pa// srog ni g.yo ba skad cig pa// gal te de 'jig gang gi phyir/ / de bzhin du ni srog 'di la// dus ni ring por min par yang // 'byung bar 'gyur te the tshom med// yul 'di dag gis mang du dga'// yid ni de la rtag tu song // de dang bral bar 'gyur ba yi/ / sdug bsngal yang ni rig pa min// lA yi 'dod yon ldan pa yi// gang de bde ba 'di dag rnams// bral bar 'gyur ba'i sdug bsngal gyi// bcu drug char yang mi phod do// dri ma gnyis gsum bcom pa'i phyir/ / ji lta nyid du skye ba min// sred ldan de ltar tshim pa me// 'dod pa dag las rgyal ba min// ma dpyad pa yi sems kyis ni// rtag tu 'dod pa rjes sten pa// dus ring rjes su 'brel ba yi/ / sdug bsngal nyid ni zhi bo min// rmongs pa myur du chags par byed// sdug bsngal nyid ni shes pa min// phyi nas sdug 'phongs gyur pa na// gang 'bras bu yin shes par 'gyur/ / 'dod pa yud tsam bzang ba ste// 'di ni mchog tu mi bzod pa'o// 'di dag pho nya'i de ba ste// 'ong bas phan pa min pa byed// gang de long ba yid ches pa// shes pa'i mig med
- 391b
pas byas so/ / 'obs dang g.yang dang 'dra ba yi// mi de dmyal bar 'gro ba yin// rtag tu mi la phan byed pa'i// bag yod pa ni grogs kyi mchog/ bag med pa ni dgra yi mchog/ de phyir grogs nyid mchog yin no/ / thams cad du ni rjes 'gro 'di// de ni mi bzang dag gi mchog/ ngan 'gro rnams kyi lam gyi mchog/ 'di ni bag med ces byar rjod// bag med pas ni bag med pa'i// yul gang la ni chags byed pa'i// rmongs pa'i yid can mi de ni// rtag tu sdug bsngal skal ldan yin// gang dag 'jigs sdug yod min zhing // shes pas kun lta'ang med par ni// bde ba don du gnyer ba'i lha// de ni phyugs dang mtshungs par mthong // zas dang 'khrig pa la dga' ba// phyugs rnams kyi ni snying du 'ong // dga' ba de yis lha rnams gang // 'gro ba de ni phyugs dang mtshungs/ / sems kyi khyad par gyur pa yis// las kyi khyad par de bzhin no// las yon nyams pa dag gi ni// khyad par dmigs pa ma yin no// rol pas rnam par rtse ba yis/ / 'chi bdag kha na gnas pa yin// 'chi bdag dus su legs phyin pas// gdul dkas 'bras bu shes par 'gyur// ji srid 'chi ba ma byung zhing // ji srid blo ni ma 'khrugs pa/ / blo ldan yid rab brtson pas ni// de srid chos la dga' bar gyis// gson pa thams cad 'jig byed dang // bde ba thams cad zad byed cing // sdug pa kun dang 'bral
- 392a
byed pa'i/ / 'chi bdag 'di ni 'ong ba yang // de tshe sgra chen pos nas ni// 'chi bdag mchog tu mi bzang la// chos spangs pa yis skyabs gzhan med// de phyir chos la dga' bar gyis/ / bag med snying gis lus can rnams// de dag 'chi bdag rnams kyis khyer// bag med pas ni bcom gyur pa// snga phyir 'chi bdag gis rab 'joms// chos kyi mtsho dang bde ba rnams/ / de nyid yang dag rab brjod pa// mtho ris lam ni rab ston pa'i// bag yod pa zhes brjod pa yin// de dag don dang don min dang // bcings dang thar pa'ang de bzhin du// bag yod bag med ces bya dang // yon tan skyon zhes kyang mtshungs so// rnam par rmongs pa'i yid kyis ltas// de dag rnam par mi shes so// dgra dang lhan cig dga' ba dang // shes rab nyams par byed pa yang / / de kho na nyid mthong ba zhes bya ba'i byas lha de rnams mngon par kun tu mthong nas/ de ltar yang dag par rnam pa du ma'i sgo nas rjes su ston yang legs par rtogs/ pa yang ma yin te/ bag med pas kun nas phrogs pa'i sems yul las ched cher byed pas/ 'dod pa'i yon tan lngas nye bar phrogs pa'i yid can rnams kyis ni/ de kho na yang dag par mi shes la/ gang dag ci nas kyang skye bo thams cad kyis myong bar 'gyur ba'i 'chi 'pho dang / skye ba'i 'jigs pa de ni nges pa kho nar rab tu 'joms pa can gyi 'dus byas thams cad la 'byung bar
- 393b
'gyur ro/ / gzhan yang lha de dag rnams nyid de'i tshe de kho na ltar pad+ma de la gnas nas 'jam zhing mtho ba'i ri'i mchog de nyid dang / de bzhin du snying po'i 'dab ma de las mi g.yo bar legs par gnas te/ gang na nang yangs zhes bya ba'i mtsho yod pa der nye bar 'gro ste/ rnam pa sna tshogs pa'i glu dang / rnga sgra dang ldan pa dang / rol cha 'dzin pa'i mkhan po dang / gar dang / rgod pa dang / 'gying ba dang / glu nye bar len pa dang bcas pas/ de rnams nang yangs pa zhes bya ba'i mtsho der nye bar 'gro'o// mtshe de'i nye 'khor na yang khang bzangs lnga brgyas nye bar bskor ba rin po che sna bdun gyi lan kan mang po ches rnam par bkra ba'i yon tan gyis ches gsal bar byed pa/ nye 'khor yang shin tu dga' bas lha rnams rtse ba'i sa dang mngon par ldan par gyur pa/ khang bzangs rnam ba du ma la kha cig ni skar khung dang bcas pa/ stegs bu dang bcas pa/ steng yongs su rgyas pa/ mchog tu rab tu dga' ba'i zas dang / skom dang / stan rnam pa du ma dang bcas pa rnam phan tshun du kun nas chags pa'i yid kyis rtag par yang zas la ched cher byed pa'i dga' bas gnas pa dang / lha dang lha mo'i tshogs rnams rtag tu rnga skad yan lag lnga dang ldan pas/ mang du dga' ba de dag rnams de ltar dga' zhing bde bas gnas pa rnams chags pa'i yid dang ldan pas/ lhan cig kho nar pad+ma'i snying po'i nang du legs par rab tu gnas shing // nam mkha' la kun tu gnas te 'thab
- 394a
bral gyi mnga' bdag mu su lun d+ha lha'i tshogs thams cad kyis yongs su bskor te/ gang na nang yangs pa zhes bya ba'i mtsho yod pa der nye bar 'gro'o// der nye bar phyin pa dang de la mang du dga' bar byed pa dang / kun tu spyod par byed pa'i lha gang yin pa de dag rnams mngon par mthong zhing rnam pa sna tshogs pa'i rnga dang / rol mo'i sgra dang ldan pa de rnams kyis kyang mu su lun d+ha de mthong nas shin tu yang bcu 'gyur gyis rab tu dga' bar gyur pa'i yid can de dag rnams khang bzangs thams cad nas dang / khang bu'i 'phreng ba thams cad nas dang / pad+ma'i rdzing bu thams cad nas dang / gnas gzhan thams cad nas kyang de dag rnams lhan cig kho nar langs nas bstan zhing sgra dang / rnam par 'gyur ba dang ldan pa'i yid ches rab tu dga' bas gang na 'thab bral gyi mnga' bdag mu su lun d+ha nam mkha' la rgyu bas gnas pa der thams cad 'khod par gyur la/ thabs cig tu legs par skyes pa'i gus pa dang / dga' ba dang ldan pa'i de de na de ltar nam mkha' la legs par gnas pa mngon par mthong nas/ thal mo spyi bor sbyar nas lus kun gyis phyag 'tshal te/ lha de dag rnams thams cad kyis kyang mu su yun d+ha de mdun du byas nas gar dang ldan pas gang na mtsho nang yangs pa zhes bya ba yon tan thams cad phun sum tshogs pa/ gzhal yas khang gi 'phreng ba du ma rnam pa sna tshogs pas rnam par brgyan pa/ chags par gyur pa'i sgra'i khyad par sna tshogs sgrogs par ljon
- 395b
shing brgya stong du ma dang ldan pa/ nyi ma brgya stong pas ches lhag pa'i 'od 'bar ba'i lha'i tshogs kyis yongs su bskor zhing / rtag tu spro ba'i 'thab bral ba'i lha rnams kyis de dag tu bslab nunas/ 'thab bral ba rnams kyi mnga' bdag mu su lun d+ha de sa gzhi la legs par bzhugs pa la rab tu dga' ba mchog dang ldan pa'i lha rnams kyis bstod par 'gyur zhing / des lha de rnams kyang tshig rnam pa du mas mgu bar byas nas/ gang na mtsho'i 'jug ngogs yod pa der de dag rnams legs par nye bar 'gro'o// de dag rnams der nye bar song nas de nas kyang mthong na yid 'phrog pa zhes bya ba'i khang bzangs yod pa der 'jug go/ / der zhugs pa na yang rin po che sna bdun gyi 'od kyi 'phreng ba dang ldan pa'i cha shas rnam pa sna tshogs par rnam par bkrabs yon tan du ma'i dpal stong phrag dang ldan zhing / lha dang lha mo'i tshogs thams cad kyis mtshungs par mchod par byed do// 'thab bral ba rnams kyi mnga' bdag de der legs par zhugs pa'i tshe ni/ lha rdzas mchog gi dpal mchog dang ldan pa'i rin po che sna bdun gyis rnam par bkra bar byas pa'i seng ge'i khri la thams cad kyi bde ba ston pa'i lha'i rgyal po legs par bzhugs te/ mchog tu dga' bas lhag par dga' ba ches rgan pa'i lha'i tshogs kyis yongs su bskor zhing mdun du bdar nas/ lha brgya stong du mas nye bar mdzes par gyur pa na/ de nas lha'i rgyal po de nyid kyi de dag rnams kyis na so ches lhag pas rgan
- 396a
pa'i lha de rnams la dris pa/ bdag cag gi bla ma'i mchog tu ring po nas 'jal ba'i 'thab bral gyi mnga' bdag ci'i phyir pad+ma la legs par zhon nas 'dir byon// de nas mu su lunaH des lha de dag la 'di skad ces smras te/ lha khyed rnams ngas ngo mtshar che ba pad+ma'i nang du mthong nas ded lha dang lha mo'i tshogs thams cad kyis kun tu gang ba pad+ma gang la zhon nas 'dir 'ongs la/ der yang rgya cher 'thab bral gyi bdag po de la shin tu yon tan phun sum tshogs pa thams cad rnam pa du ma'i sgo nas mkhyen par byed de/ rgan pa'i mchog de dag thams cad kyis sngar bzhin no// de nas de thos pab dang / lha gang dag ches lhag par blta na sdug cing mthong ba ni ches dge legs su 'gyur ba de dag gis/ 'thab bral gyi mnga' bdag mu su lun d+ha de la skyes pa'i rabs de dag nges par mkhyen par byed de/ lha nyid kyi zhal snga nas ji lta ba bzhin du yan lag dang / gang gi bdag nyid chen po des dang / gang dag gi yang gzi brjid chen po dang ldan pa de'i nang yin la/ pad+ma chen po de'i nang ni de srid cig gi 'dod par bya ba mchog dang ldan pa dang / yon tan du ma de srid dang ldan pa'i rnam pa de lta bu 'thab bral gyi lha rnams kyi lha'i ris 'di rnams ni rnam pa de lta bu las rdzas gzhan yod pa ma yin te/ ji ltar de'i nang du 'di ltar thos te/ ji ltar grags pa gser thub ces bya ba'i bcom ldan 'das bla na med pa/ skyes bu 'dul ba/ kha lo sgyur ba/ lha dang mi rnams kyi ston
- 397b
pa 'jig rten du byung bar gyur la/ des bstan par gyur pa'i chos ni dang por dge ba/ bar du dge ba/ tha mar dge ba/ don bzang po// tshig 'bru bzang po 'ba' zhig pa/ yongs su rdzogs pa/ yongs su dag pa/ yongs su byang ba'i chos ston par mdzad de/ ji ltar 'di ni gzugs so// 'di ni gzugs kun 'byung ba'o// 'di ni gzugs 'gog pa'o// 'di ni gzugs 'gog par 'gro ba'i lam mo zhes de ltar rtogs par byed pa'i chos dang po dang / tha ma dang / bar du dge ba bstan par gyur to// de'i gsung rab kyis 'dzam bu'i gling gi yul ldong stong phrag brgya'i skye bo rab tu mang po rnams kyis bden pa mthong bar gyur cing / khyad par du 'phags pa'i 'bras bu rnams la nye bar longs spyod pa dang / rim gyis ji lta ba bzhin du phyir mi ldog pa dang / / rgyun du zhugs pa dang / de bzhin du bsam gtan bzhi pa thob pa dang / bsam gtan gsum pa thob pa dang / ji srid du bsam gtan dang po thob pa'i bar du skyes bu'i mdzad pa dag mdzad nas/ skye bo lhag ma rnams kyang dge ba'i rtsa ba bcu la spyod pas/ chos par gyur pa'i yul ljongs pa bye ba phrag stong ni legs par byas las kyi mtha' la spyod pa la bkod nas gzigs pa gzhan gang zhig ni nga'i gdul bar gyur pa yin na/ des mi las shin tu 'das pa'i lha'i mig gis gzigs pa ni/ ji ltar 'thab bral gyi lha rnams kyi nang na nga'i gdul bya'i lha yod pa ni
- 398a
de dag gi mnga' bdag tu gyur pa/ so'u bsil ba myo'i ming can de'i yang dge ba rnams ni nang du nub par gyur cing / bag med pas kyang bag med par gnas pa de dang nye ban gnas pa'i lha gzhan rnams las kyang / gang dag dbang po yongs su smin pa rnams kyang bag med pas bag med par gnas par gyur pa/ de dag la thugs brtse ba'i phyir/ bcom ldan 'das gser thub de 'jig rten 'dir bzhugs par gyur te/ lha rnams la phan par bzhed pas dang / 'thun par mdzad pa'i don gyi phyir dang / sdug bsngal bad pa'i don du dang / bag med pas 'dre ba dang bral bar bya ba'i phyir te/ zag pa zad pa stong phrag lngas yongs su bskor nas te/ 'thab bral na gnas pa rnams thams cad pas kyang mang bas ches lhag pa nyid kyi 'od phal po che ches lhag par 'phro bar mdzad par gyur to/ / de mngon par mthong nas kyang / lha rnams gang dag gis nam yang thams cad mkhyen pa sngar ma mthong ba de dag rnams ches lhag par yang ngo mtshar skyes te/ sngar med pa'i lha nyid kyi gzugs 'di ni yon tan du mas lhag pa gzhan rnams dang 'dra ba ma yin pa'i gzugs 'dis ni lha'i 'jig rten 'di ma lus pa 'od 'dis kun tu bkang ngo // de dang yang thag tu bar song nas/ / de thos pa las dang / mngon par mthong nas lha de dag rnams mchog tu ngo mtshar ba skyes par gyur to// gang yang de'i cha byad ni ji lta bu zhig 'dzin pa yin zhes te/ gang dag rnams lha
- 399b
'di dang bsnyen nas gnas par gyur to/ / de nas lha de dag rnams kyang rnam pa sna tshogs pa'i pad+ma'i rdzing bu spangs nas/ gang na bcom ldan 'das gser thub yod pa der blta bar bya ba'i don du nye bar 'gro 'o/ de nas bcom ldan 'das kyis kyang de dag mngon par gzigs pa dang / nam mkha' la 'phags nas bzhugs par gyur to// bzhugs nas kyang rnam pa sna tshogs pa'i rdzu 'phrul mngon par 'du mdzad par gyur te/ yon tan du ma'i rnam par rtog pa 'byung ba rnams so// de yang lus kyi stod nas chu 'bab pa rnams ni mdog dang / ro dang / dri phun sum tshogs pa rnam pa de srid dang ldan pa'i khyad par gang dag gis lha'i chu gang yin pa rnams rnam pa thams cad kyi sgo nas bcu drug gi char yang mi phod do/ / lus kyi stod kyi nye 'khor dag nas rnam pa du mar rab tu 'bar bar byed pa'i kha dog du ma dang ldan pa'i mes khyab par gyur pa la 'di lta ste/ sngon po dang / ser po dang / dmar po dang / le brgan gyi mdog dang ldan pa rnams so// rdzu 'phrul gzhan yang bcom ldan 'das des mdzad par gyur pa rnams la 'di lta ste/ gcig tu gyur nas brgya phrag rnams su 'gyur ba dang / brgya stong du 'gyur zhing lha'i 'jig rten 'di ma lus par gang bar byed do// 'od zer rnams dang bdag gi dngos po yang slar yang gcig tu 'gyur ro/ / gzhan yang bcom ldan 'das kyis mchog tu gyur pa'i rdzu 'phrul 'dir mdzad par gyur pa la/ ji ltar lha'i sa de dag rnams gang yin pa de'i phyag gcig gis bte/
- 400a
nas lag pa'i mthil du 'jog go// nags dang / nye ba'i nags dang / rdzing bu dang / 'bab chu dang ldan pa'i lha'i tshogs dang bcas pa nam mkha' la 'phen par byed cing / ji lta ji ltar mig gi yul la shin tu 'da' bar byed de/ phyir yang de kho na bzhin du bshig nas slar legs par 'jog go/ gzhan yang bcom ldan 'das des rdzu 'phrul chen po dag mdzad par gyur te/ de yang ri rnams gang dag las che ba'i tshad dang ldan pa de rnams bcom ldan 'das kyis rtsa ba nas bteg nas nam mkha' la rnam par 'phen par byed de/ nags dang / nye ba'i nags dang bcas pa dang / rdzing bu dang / 'bab chu dang / sman ljongs dang ldan pa dang / lha'i tshogs rnams kyis yongs su bskor ba dang bcas pa rnams kyis ji ltar gang du phyin pa yang mi shes par byed do// phyir yang de kho na bzhin du 'bebs par byed ni yang ci 'dir rkang pa yang kun tu bskyod par gyur tam zhes de ltar tshogs pa rnams ji lta ba bzhin du mi shes par byed do/ / gzhan yang bcom ldan 'das 'phrul mdzad par gyur te/ rnam pa du ma dang / kha dog du ma dang / rnam par rtog pa du ma dang / cha byad du ma dang / yon tan sna tshogs pa dang ldan pa'i gzugs su bdag nyid kyi dngos po byed pa ni ri rtse mo rnams su mthong la/ / nags gzhan dang gzhan gyi nang na yang mthong la pad+ma'i rdzing bu rnams kyi nang du yang mthong ngo // khang bzangs kyi 'phreng ba rnams la yang mthong / ljon shing gi rtse
- 401b
mor yang mthong ngo / / gtsang po'i 'gram dang / mtshe'u rnams la mthong la/ skyed mos tshal dang / nye ba'i nags su yang mthong zhing thams cad du bsam gtan dang ldan par gyur pas te/ rna pa du mar yang nam mkha' la gzims cha la longs spyod par mdzad cing phyir yang bzhugs mdzad de/ slar yang nam mkha' la 'chag pa la kun tu sbyor bar mdzad do// phyir yang bzhugs par mdzad cing bzhugs par yang mdzad do/ / gzhan yang bcom ldan 'das kyis rdzu 'phrul 'di mdzad par gyur te/ gang dag gi khyad par gyis rnga skad yan lag lnga dang ldan pa 'di/ ji lta ba bzhin du mdzes pa ma yin pa'i rnam pa de srid kyi gsung dbyangs kyis chos rnams bstan par gyur la/ ji ltar mi'i rnga sgra'i khyad par gyis mi rnams kyi nang na bya rog gi sgra mi mdzes pa de ltar lha'i tshogs thams cad mi mdze par gyur to/ / de thos nas kyang lha gang dag rnams glu'i myos pas rgyags pa de thams cad kyang legs par myos pa dang bral bar 'gyur ro// gzhan yang bcom ldan 'das kyis rdzu 'phrul mdzad par gyur te/ 'di lta ste/ nam mkha' la lha'i bu mo dang / lha rnams rnam pa de srid dag sprul pa gang dag gi khyad par gyis 'thab bral gyi lha 'di dag rnams srin bu me khyer dang 'dra ba tsam du yang mi 'gyur te/ tshad dang kha dog dang / dbyibs dang / gzugs dang / cha byad dang / rgyan dang / nye bo'i nags rnams kyi bde ba'i khyad par can gyi sprul pa'i lha de rnams mthong nas bdag cag rang rnams rtswa dang 'dra bar shes par
- 402a
gyur nas/ spu du ma langs pa dang 'thab bral gyi lha rnams ngo tsha ba dang bcas par gyur cing / kha nyen pa dang bcas par gyur pa dang / gzugs lang tsho dang / 'dod pas rgyags pa dang bral ba legs par skyes so/ / de ltar 'thab bral gyi lha de dag gi bcom ldan 'das des dbang po mchog dang / mchog ma yin pa mkhyen pa dang / bsam pa mkhyen pa dang / rgyu 'bras kyi rnam par smin pa mkhyen pa dang / chags pa med par mkhyen pa po 'jig rten la phan par zhugs pa/ mchog tu thugs rje chen po dang ldan pas/ gang na so'u myo zhes bya ba 'thab bral ba rnams kyi mnga' bdag yod pa der yang / cho 'phrul de dag rnams mdzad par gyur pa na/ da ltar so'u myo zhes bya bar 'thab bral ba rnams kyi mnga' bdag kyang mchog tu bag med par gyur pa rnams ji lta ba bzhin tu thams cad du nyebar bcom par 'gyur ro/ / dus de dag gi tshe na yang 'thab bral gyi mnga' bdag so'u myo zhes bya ba de dang / lha'i tshogs thams cad kyang pad+ma chen po 'di la byung ste gnas pa ni/ ji ltar 'thab bral gyi mnga' bdag mu su lun d+ha khyod skyed mos tshal gyi ltad mo la 'gro ba bzhin no/ / de nas bcom ldan 'das kyis pad+ma chen po de'i nang gi rdzu 'phrul dag rnams kyis ni kaso'u myo'i rgyag pa dang bral bar bya ba'i don du yin zhing / pad+ma chen po 'di'i nang du sprul pa 'di dag rnams gang yin pa 'di dag thams cad ni 'thab bral gyi mnga' bdag khyod kyis sngar ma mthong ba de dag rnams yin te/
- 403b
skyed mos tshal dang / rdzing bu dang / chu klung dang / ri dang / khang bzangs dang / spyod yul rnams dga' ba'i rnam par rtog pa du ma dang ldan pa de dag rnams ni/ so'u myo'i de'i bag med pa dang 'dre ba bral bar bya ba'i don du'o/ / de nas pad+ma chen po 'di'i nang du zhugs pa rnams dang / sprul pa thams cad kyang brjod nas gang na 'thab bral ba rnams kyi mnga' bdag so'u myo yod pa de'i pad+ma de steng du brtol lo/ / brtol nas steng du nges par 'byung ba'i pad+ma'i 'dab ma bye ba phrag brgya stong pa la gnas par gyur pa la de'i snying po 'di la ni bcom ldan 'das legs par bzhugs so// 'dab ma rnam la yang nyan thos rnams rnam pa sna tshogs pa'i rdzu 'phrul byed pa rnams de dag la la ni nam mkha'i dkyil du 'phags par byed de/ phyir yang pad+ma'i nang du rjes su zhugs so// gzhan yang nyan thos gzhan dag rnams ni glang po che dang / rta'i rgyab tu zhon nas nam mkha'i dkyil du 'phags te 'byung ngo // gzhan yang mchog tu dri zhim pa rnam pa sna tshogs pa'i char gyi rgyun kun tu 'bebs par byed de/ nyan thos de dag rnams rdzu 'phrul rnam pa sna tshogs pa byed do// de nas 'thab bral ba rnams kyi mnga' bdag so'u myo yid rab tu dang ba dang ldan pa/ sngon legs par byas pa'i las rnams kyis bskul bas/ 'di snyam du sems par gyur te/ 'di lta bu 'di rnams gang gis mthu stobs yin na/ gang dag gi khyad par gyis bdag cag rnams gzugs dang / mthu stobs kyis kyang cung zad kyang ma yin zhes so//
- 404a
de nas gang du las byas pa lha'i spyan gyis kun nas gzigs pa'i bcom ldan 'das kyis nyan thos rnams la bka' stsal pa/ so'u myo 'di ni lha dang bcas pa'i 'jig rten rnams dang / bdud dang bcas pa dang / dge sbyong dang / bram ze'i rigs dang bcas pa'i skye dgu rnams kyi dang ste/ lha dang / mi dang / lha ma yin du bcas pa rnams kyi ston pa sangs rgyas bcom ldan 'das zhes bya ba ji lta ba bzhin du thams cad mkhyen pa/ thams cad gzigs pa 'dis 'jig rten 'di rnams thams cad la chos ston par mdzad pa yin te/ dang por dge ba/ bar du dge ba/ tha mar dge ba/ don bzang po/ tshig 'bru bzang po 'ba' zhig pa yongs su rdzogs pa/ yongs su dag pa ston par byed pa ni gcig pu nges par gnas pa'i mya ngan las 'das pa thob par byed pa yin no// / gang dag ce na/ 'di dag ni gzugs so// 'di dag ni gzugs kun 'byung ba rnams so// 'di dag ni gzugs 'gog pa'o// 'di dag ni gzugs 'gog par 'gro ba'i lam rnams yin no// 'di ni khyed rnams la ston par mdzad pa po yin te/ lha rnams kyis chos kyi don du dang / phan par bya ba'i don dang / bde bar bya ba'i don du sku 'di 'thab bral gyi lha'i ris su byon pa yin no// de nas gsungs pa de rnams la cung zad cig thos nas 'thab bral gyi mnga' bdag so'u myos 'di skad ces gsol to/ / bdag cag gi bla ma bdag gis nye bar bstan par bgyi lags ni/ ji ltar 'di'i mchod pa
- 405b
rnams bgyi/ 'di mchod pa'i dbang du byas pa'i lo rgyus rnams kyang bdag gis mngon par mi 'tshal lags so// de nas dge sbyong des so'u myo de la smras pa/ de bzhin gshegs pa la nye bar bsten par gyis shig/ so'u myo nye bar bsten pa na yang dbu rgyan dang / rgyan rnams dang bral ba dang / legs par dul ba'i cha byad rnams kyis dang / dbang po rnams rab tu dang bar gyur pa dang / yid mnyam par bzhag par gyur pas/ pus mo dag gi lhangs la so sor btsugs te/ mgo bos rgyal po bzhin du mngon par phyag tshal la/ chos gos phrag pa'i phyogs gcig tu byas te/ mgo 'os kun nas btud pas/ bcom ldan 'das kyi spyan sngar gnas par bya'o// dbang po legs par kha bye ba dang ldan pa'i lha de dag rnams thams cad kyis lhan cig tu dge sbyong de'i spyan snga nas kun tu spyod pa legs pa 'di dag rnams kyi don nye bar rnyed nas/ 'thab bral ba rnams kyi mnga' bdag lha brgya stong gis yongs su bskor zhing dbu rgyan dang bral ba dang / rgyan dang mdzes pa'i cha byad kun nas spangs pa dang / dbang po rnams shin tu dul/ legs par dul ba/ zhi bar gyur pa'i yid kyis// bcom ldan 'das gang pad+ma chen po'i snying po la nyan thos rnams kyis yongs su bskor bar gyur pa ni/ rgyu skar gyi tshogs kyis yongs su bskor ba'i zla ba lta bu dang / thams cad nas yongs su bskor bar gyur pa'i ri'i rgyal po ri rab lhun po lta bu dang / mtsho chen po rnams kyis yongs su bskor ba'i rgya
- 406a
dang 'dra ba'i rgyal po chen po brgyad cu rtsa bzhis yongs su bskor ba'i 'khor lo sgyur ba dang 'dra ba/ 'od zer rnams kyis yongs su bskor ba'i nyi ma dang 'dra ba de lta bur/ macom ldan 'das de nyan thos kyi tshogs kyis yongs su bskor zhing / mchog tu mtshungs pa med pa'i gzi brjid dang ldan pa'i 'od rnam par 'phro bar gyur pas/ rnam par gsal bar pad+ma'i snying po la zhugs so/ / de nas so'u myo 'thab bral ba rnams kyi mnga' bdag gang na bcom ldan 'das bzhugs pa der thal mo spyi bor sbyar ba byas nas phyogs gcig tu 'dug go/ de nas bcom ldan 'das la 'di skad ces gsol te/ bag med pa dang / ji lta ba bzhin du bral ba 'o mchis lags sam/ de nas steng na gnas pa'i so'u myo de la bcom ldan 'das gser thub kyis zab cing rgya chen po dang ldan pa'i gsung dbyangs kyi khyad par gyis 'thab bral gyi 'jig rten de thams cad ji lta bar yongs su bkang bas 'di skad ces bka' stsal te/ so'u myo ngas ji lta ba bzhin du chos bshad par bya ste/ dang por dge ba/ bar du dge ba/ tha mar dge ba/ don bzang po/ tshig 'bru bzang po 'ba' zhig pa/ yongs su rdzogs pa/ yongs su dag pa/ yongs su byang ba tshangs par spyod pa legs par bshad par bya ste/ de legs par rab tu yid la gyis la nyon cig dang / ngas bshad kyis/ de skad ces gsungs pa dang / lha de bcom ldan 'das kyi ltar nyan no// bcom ldan 'das kyis/ so'u
- 407b
myo la sogs pa'i lha de dag rnams la 'di skad ces gsungs so/ / rgyu dgu dang / rkyen dgu dang / rgyu mtshan dgus bag med pa bsten cing goms par byas la/ lan mang du byas pas ni byis pa'i skye bo thams cad 'joms shing brlag par 'gyur la/ lus zhig nas kyang thabs ma yin pa log par ltung ba dmyal ba dang / yi dgas dang / dud 'gror skye bar 'gyur ba dang // rgyu gar yod pas sdug bsngal yang kun tu 'phel bar byed cing / 'khor ba'i 'ching ba yin pa dang / mya ngan las 'das pa'i mthar thug par mi 'gyur ba dang / 'dod chags dang mi 'bral ba dang / bde ba ma yin pa don ma yin no// rgyu dgus bag med pa gang zhe na/ 'di la bud med rnams la lta ba bsten par gyur pa yin te/ dam pa ma yin pa'i lus dang / ngag dang / yid rnams kyis dbang po ma bsdams pa nye bar sten par byed do// yang dag pas bskyed pa ma yin pa'i lus dang / ngag dang / yid can gyis spyod yul ma yin pa la/ spyod pa dam pa'i chos rnams nyan pa'i rang bzhin can ma yin pa rnams// rgod pa rnams kyi dbang po rnams rgod pas bsdams pa'i rgyu gcig las bag med pa'i bag med pas bag med pa po'i sems can rnams lus kyis legs par spyod par mi byed/ ngag gis legs par spyod pa ma yin/ yid kyis legs par spyod pa ma yin no/ / lus dang / ngag dang / yid kyis legs par spyod pa ma yin pas// lus dang / ngag dang / yid kyis nyes par spyad pa spyod la/ byas shing bsags
- 408a
pa'i las kyang byed par 'gyur ro/ / blo gros ngan pa de lus zhig pa na thabs ma yin pa leg par ltung ba dmyal ba dang / yi dgas dang / dud 'gror skye bar 'gyur te/ babag med pas rnam par nyams pa'i phyir ro// de'i phyir na skyes bu dam pa rtag tu dge ba/ 'dod pa rnams kyis bag med pa yongs su spang bar bya ste/ 'di ni bag med pa'i rgyu dang po'o// gzhan yang so'u myo bag med ni rgyu gang gis bag med pa rab tu 'jug pa de ni dge ba'i rtsa ba'i phyogs 'jom par byed pa'i mi mthun pa'i phyogs rnams yin te/ de bzhin du sems g.yo bar gyur pas/ mig gis gzugs rnams mthong nas kun tu rtog par byed la/ yid kyis kyang yang dang yang du sems par byed de/ de kho na la chags par gyur te/ yid gzhan du 'jug par mi byed do/ / de'i rang bzhin can du yang 'gyur te/ rtag tu mi dge ba spyod par 'gyur ro// dran pa nye bar ma gzhag par 'gyur ro// blo rnam par g.yeng bar 'gyur ro// de lus zhig pa na thabs ma yin pa'i log par ltung ba dmyal bar skye'o/ / bag med po'i rgyu las 'di ni bag med pa'i rgyu gnyis pa'o// gzhan yang bag med pa'i rgyu ni 'di lta ste/ yang dag pa ma yin pa kun tu 'dres pa ma yin zhing sngon thos pa yang ma yin pa rnams 'ba' zhig yid kyis kun tu rtog par byed do/ / 'dod chags la brten pa 'am/ zhe sdang la brten pa 'am/ gti mug la brten pas rung ste/
- 409b
des de dag rnams la sems par gyur pa na/ de la song ba'i yid can/ de la song ba'i sems kyis chos gzhan rnams la sems par mi byed do// de'i yid rnam par g.yeng bar 'gyur te// bag med pa'i rgyu gsum pa 'di gang gis kun nas bcings nas sems can rnams kyi lus dang / ngag dang / yid nyes par spyad pa rnams la spyod par byed de/ de lus zhig pa na thabs ma yin pa log par ltung ba dmyal ba rnams su skye'o/ / bag med pas rnam par nyams par byas pa 'di ni rgyu gsum pa'o// gzhan yang bag med pa'i rgyu bzhi pas sems can gang dag bag med pa rnams ni lus zhig nas thabs ma yin pa log par ltung ba dmyal ba rnams su skye bar 'gyur ro/ / bag med pa'i rgyu 'di yang so'u myo gang zhe na/ 'di lta ste/ lha mo rnams lta ba la ched cher byed pa'o// de yang dag pa ma yin par gyur pa'i gzugs mthong bas kyang dga' ba dang / sems g.yo bar gyur pas rab tu rtog par byed do// kun tu rtog par byed do// de yang gleng langs la dga' bar kun tu gnas pa'i blos ji lta bur yang kun tu rtog par byed do/ / lus dang / ngag dang / yid rnams kyis kyang legs par spyod par mi byed do// de lus zhig pa na thabs ma yin pa log par ltung ba dmyal bar skye bar 'gyur te/ 'di ni bag med pa'i rgyu bzhi pa'o// gzhan yang bag med pa'i rgyu lnga pa 'di lta ste/ tshol rab tu dga' ba 'am/ rdzing bu dga' ba 'am// nags dang / nye ba'i nag
- 410a
dga' bar gyur pa 'am/ pad+ma'i rdzing bu dga' ba rnams mthong nas de dag rnams la dga' zhing dga' bas de dag nams la yang rtse dga' ba la mchog tu byed par 'gyur ro// dge ba rnams sems par mi byed do// mnyam par gzhag pa'i dran pa can du mi 'gyur te/ bag med pa rnams la rten pa'o// bag med pas rnam par sad par byas pa'i phyir/ lus zhig nas thab ma yin pa log par ltung ba dmyal ba rnams su skye bar 'gyur ro/ / gzhan yang bag med pa'i rgyu lnga pa ni/ so'u myo 'di ni sdig pa'i grogs po rnams la bsten par 'gyur la/ de dang bsten pas kyang rnam pa de lta bu kho na'i rang bzhin can du slob la/ spyod yul rnams la lhan cig tu spyod par 'gyur ro// nyes par spyod pa rnams spyod par 'gyur ro// bya ba ngan pa rnams rjes su sgrub par byed do// sdig pa'i grogs po rnams la sten pa po de bag med pas gnas par gyur pa rnams ni bog med pa'i skyon gyis lus zhig nas thabs ma yin pa log par ltung ba dmyal ba rnams su skye bar 'gyur ba yin no// gzhan yang so'u myo bag med pa'i rgyu ni 'di lta ste/ spyod pa rnam pa du ma byed par 'gyur la blo mang ba yin/ lus kyis legs par bya ba rnams rtsom pa ma yin/ nges pa med pa dang blo gang du yang gnas pa med pa yin te/ des don gcig la yang nges par rtsom pa yang ma yin no// de'i lus kyi las rnams thams cad nges pa kho nar le lo can du 'gyur ro// 'jig rten dang 'jig rten las 'das pa'i
- 411b
las kyi mtha' thams cad nyams par 'gyur te/ sbyin pa mi gtong / bsod nams mi byed/ legs par bsam par bya ba rnams mi sems so// tshul khrims nyams pa de bag med pa'i rkyen rnams kyis lus zhig ste/ shi ba'i 'og tu dmyal ba rnams su skye bar 'gyur ro// gzhan yang bag med pa'i rgyu drug pa rnams ni 'di lta ste/ yang dag pa'i mthong ba 'phags pa'i bden pa bzhi po rnams dang / 'phags pa'i lam yan lag brgyad po rnams sun bton nas/ tshul bzhin ma yin pas lta ba'i rang bzhin can du 'gyur ro// de bag med pa des de'i yid bag med par gyur cing rnam par g.yeng bas lus zhig pa na/ thabs ma yin pa log par ltung ba dmyal ba rnams su skye bar 'gyur ba 'di dag ni bag med pa'i rgyu drug pa yin no// gzhan yang bag med pa'i rgyu rnams kyis ji ltar rtag pa kho nar yang ro la gang dang gang du yang sred par gyur nas de dang der yang ros 'ching bar 'gyur zhing / de nyid la chags par yang byed do// yid de la 'gro bar 'gyur ba dang / de'i rang bzhin can dang / de ltar gyur pa'i yid can du 'gyur gyi/ de gzhan du ni cung zad kyang mi sems so// legs par spyod par mi byed do// rang bzhin gyis zhi bar 'gyur ba ma yin/ kun nas bsdams pa'i rang bzhin can ma yin no// de ro rnams la mngon par sred pa rnams kyis bslus pa de ltar gyur pa'i gshis can legs par bya ba mi rtag pa dang / sdug bsngal ba dang / stong pa dang / bdag med pa dang / bzhi po rnams skad cig tsam yang sems par mi byed do//
- 412a
rang la phan pa rnams mi byed do// so'u myo de ni lus zhig nas thabs ma yin pa log par ltung ba dmyal ba rnams su skye bar 'gyur te/ de ltar na bag med pa'i rgyur gyur pa bdun pa yin na/ so'u myo gzhan yang shin tu bag med pa'i rgyur gyur pa brgyad pa yod de/ bde ba 'di gang ji srid du thob par gyur pa rnams la de srid du kun tu zhen par byed de/ de rtag pa dang / brtan pa dang / zer zug tu mthong la rnam par 'gyur ba'i chos can du de ma rtogs pas/ lus dang / ngag dang / yid kyis legs par spyad pa spyod par mi 'gyur ro// don rnams dang don ma yin pa rnams shes pa ma yin no// chos dang chos ma yin pa'i rgyud par ltung ba'i sdug bsngal gyi dbang du byas nas blo 'jug par 'gyur ba ma yin no// dmyal ba dang / yi dgas dang / dud 'gro rnams kyi 'gro ba brgyad stong du ma rnams su sdug bsngal gyi rnam par rtog pa du ma so so so nyams su myong ba yid la sems par yang mi byed do/ / shing bzhin du 'chi bdag las bzlog pa'i thabs kyang 'tshol bar mi byed/ 'khor ba'i skye bo thams cad rab tu 'joms pa'i bde ba ngan pa rnams la de ltar rab tu chags pa rnams phyis 'chi bdag gi dus su phyin nas/ longs spyod ngan pa rnams la chags pa'i rnam par brkam pa de rjes la 'gyod pa'i mes sreg par byed do// lus zhig nas kyang thabs ma yin pas ngan 'gro log par ltung ba dmyal bar skye'o// so'u myo gzhan yang bag med pa'i rgyu dgu pa yod de/ ji ltar lha dang mi rnams sred pa dang ldan pas rnam pas
- 413b
tshogs pa'i bde ba la chags pa'i yid kyis/ sangs rgyas dang / chos dang / dge 'dun rnams la sgrub par mi byed/ de'i rang bzhin can yang ma yin la/ de dag gi tshig rnams nyan par mi byed/ 'phags pa'i gdul byar rjes su gnas pa yang ma yin/ don dang don ma yin pa rnams mi shes so// de dag rjes su rjod par byed pa'i rang bzhin can ma yin no// sgrub pa la 'jug par 'gyur ba ma yin/ 'jig rten pa rnams la mchog tu 'dzags par ston pa yin/ rgud pa'i sdug bsngal rnams rigs pa yang ma yin la/ rang gi don rnams las ni nyams shing rang gi sems kyis bslus pa rnams ni lus zhig pa na thabs ma yin pa log par ltung ba dmyal bar skye'o/ / so'u mya 'di ni dbang phyug dang / rtag pa dang / brtan pa dang / ther zug ni ma yin gyi/ rnam par 'gyur ba'i chos can rnams yin la/ ji ltar 'cha bral gyi mnga' bdag so'u myo khyod kho na bzhin du brgya stong phrag du ma rnams byung ba la de dag rnams gar song / 'dir yang rang gis byas pa'i las rnams kyi 'bras bu'i bgo skal la spyod pas/ legs par byas pa dang / nyes par byas pa'i las kyi zhags pas kun nas bcings nas 'khor ba rnams na 'khor te/ legs par byas pa'i las rnams kyis ni lha dang mi rnams su skye'o// mi dge ba rnams kyis dmyal ba dang / yi dgas dang / dud 'gro rnams su skye'o// de lta bas na so'u mo bag med pa rnams kyis gnas par 'gyur bar mi bya ste/ gal te mi thob par 'dod pa rnams kyis so// de ci'i phyir zhe na/
- 414a
srog dang / longs spyod dang / gson pa dag mi rtag pas na de rnams bdag nyid kyi yid la byas la bag med pas gnas par mi bya'o// bag med pa'i rgyu gang gis lha stong phrag du ma rnams log par ltung bar ltung ngo / / de'i phyir bag med pa ji lta bas 'gro bar mi bya ste/ 'di dag rnams ni blun po rnams kyis la ma yin gyi/ skyes bu dam pa rnams kyi ni ma yin te/ gang gi phyir skyes pa thams cad ni nges par 'chi ba mdun na rnam par gnas pa kho na'o/ / de bzhin du rga ba dang / de bzhin du nad rnams dang / de bzhin du sdug pa dang bral ba dang / de bzhin du dge ba dang / mi dge ba'i las rnams la nye bar longs spyod pa mi bslu ba 'di dag rnams ni rtag tu rjes su 'brel ba'i phyir na srog chags thams cad rlag par byed pa'o/ / de nas de'i tshe lha rnams la bcom ldan 'das kyis tshigs su bcad pa gsung pa 'di ltar/ bag med pa yi ljon shing la// yal ga rnam gsum rab tu gnas// rga nad dang ni 'chi ba ste// rtag tu de yi steng na gnas// skyes bu spyod padam ldan pa// rgas sogs kyis ni gnod pa med/ / blo ldan rtag par byed gnas ni// nam yang bag med kyis mirga// skyon rnams rtag tu 'joms pa dang // bag med mchog 'dzin pa yang min// de ni skyon dang 'jagis grol nas// bde ba bla na med pa thob/ / bag med pas byas pa de rnams gang // de ni 'jigs bcas mthar legs min// gang yang de las rnam grol ba// de bde rtag tu 'gyur ba med// brgya phrag zer 'bum phrag tu yang
- 415b
bag med pas ni rnam nyams byas/ / de lta na yang mi dbang 'gro// de la dang po kho nar gnas// phyin ci log ni rnam bzhi'i yang // bag med pas ni steng na gnas// gnas pa'i bag med pa des kyang // 'jig rten dgra rnams bzhi 'joms so// gang la rnam rtog du ma yin// 'jigs pa du ma'i g.yang sa yi// 'khor bar 'khor ba'i sdug bsngal de// bag med pa yis bya ba yin// bag med gcig dang bral ba yis/ / bde ba 'pho ba med pa 'thob// chos rnams kun dang zag med pa// bag med pa yis rnam par 'joms// lha rnams kyis kyang bag med pa// gong nas gong du 'phel ba yin// bag med pa yis kun rmongs lha// ji ltar mya ngan 'das par 'gro// de la de dag so'u myo yid// rnam rtog du mas soms la ni// ji ltar phyi nas mi gdung ba// de ltar bdag la phan pas nos// lha gang gis ni bde ba gang / / gzhan yang cung zad gang phyis ni// de kun mi rtag shes bya ste// 'dus byas la ni 'di dag 'byung // dngos gang 'dus byas nad 'dus pa// nges par de ni rnam par 'jig/ 'byung zhing rnam 'jig mi rtag bde// rtag tu sdug bsngal skal ldan yin// skyes bu bag med pas nyams pa// gang zhig blo la de dag byed// de ni 'bral ba kun 'byung nas// sdug bsngal gyis ni yongs su gdung / / de ltar tshul du mas bcom ldan 'das des so'u myo de gdul bar bya ba'i don du/ 'jig rten gyi mig de lha'i tshogs rnams kyis yongs su bskor nas 'dul bar mdzad/ bag med pa rnams
- 416a
kyang go bar mdzad do/ / mi bzod pa'i 'ching ba gang gis lha rnams rang dbang med par srung ngo // de nas lha'i rgyal pos bcom ldan 'das de'i spyan snga nas chos bstan pa de rnams nye bar thos pa dang / lha stong phrag nyi shu dang bcas pa rnams rgyun du zhugs par gyur to// de nas bcom ldan 'das des gdul bya'i bya ba byas nas/ lhag ma gzhan lo phan pa'i bya bar gyur pa gzhan ci yod ces dpyod par mdzad de/ de nas yang ma 'ongs pa mkhyen pa dang ldan pa'i bcom ldan 'das rnam par dpyod par mdzad de/ bdag gis bsgrub par bya ba sems can rnams la phan pa dang / bde bar gyur pa dang / sdug bsngal gyis mtha' mar byed par 'gyur ba gang yin pa ma 'ongs pa'i dus na gzhan ci zhig yod/ de nas slar yang pad+ma'i nang gang yin pa der/ bcom ldan 'das des rdzu 'phrul gyi dbang gis sprul pa rnams mdzad do/ / de kho na ltar rdzu 'phrul gyi cho 'phrul gyis bzhag par gyur la/ lha'i tshogs rnams gang yin pa de dag gis kyang tshigs su bcad pa rnams 'chad par byed la/ de rnams de ltar kun nas rdzogs par gyur pa dang / rdzu 'phrul gyi cho 'phrul de nyid kyi stobs kyis ji ltar ma 'ongs pa'i dus na so'u myo 'chi 'phos nas/ mu su yun d+ha zhes bya ba'i gzugs su 'thab bral ba'i mnga' bdag 'byung ste/ bag med pas gnas par 'byung bar 'gyur ro// de sems can bzang po 'byung bar 'gyur la/ de nam zhig na skyed mos tshal gyi sa rnams su 'gro bar 'gyur te/ 'jam zhing mtho ba'i ri de'i steng gi pad+ma
- 417b
chen po der 'gro bar 'gyur ro/ / de snying po de la legs par 'dug par 'gyur ro// de ngas sprul pa'i 'od 'di yod pa'i nang der 'gro bar 'gyur la/ de ca co'i sgra dang ldan pas nang 'di la legs par lta'o/ / de mchog tu dga' bar gyur pa'i pad+ma chen po 'di'i nang nas 'byung bar byed par 'gyur ro// phyir yang zhugs par 'gyur ro// lha gzhan rnams la yang legs par go bar byed do// de la lha gang dag thos pa brgyud pas mngon par dga' ba'i chos rnams ston pa'i rnam par bshad pa rnams 'byung bar 'gyur te/ de la go bar byed pa yin no// de rnams thos pa tsam nyid kyis mu su lun d+ha sangs rgyas bcom ldan 'das la rab tu dad pa thob par 'gyur ro/ / sangs rgyas la rab tu dad pa des mya ngan las 'das pa mthar byed par 'gyur ro// gzhan yang rab tu dang ba skyes pas dus mi ring ba na shAkya thub pa zhes bya ba 'byung bar 'gyur ba yin te/ sangs rgyas bcom ldan 'das de'i drung du chos rnams nyan par 'gyur ro// de la mu su lun d+ha thos pa brgyud pa 'di dag rnams ni bdag cag gi sngon gyi lha rnams kyi drung du 'di dag rnams thos la/ de ji lta bu kho nar bdag gis thos pa de de lta bu kho na bzhin du 'di thams cad shin tu ngo mtshar ba skyes par gyur to// nged rnams kyis legs par bstan pa 'di dag rnams khyod kyis pad+ma chen po'i nang du mthong ba las kyang / bcom ldan 'das 'khrungs par gyur pa 'di ni shAkya thub pa bla na med pa'o// de'i phyir na the tshom med pas khyod chos
- 418a
nyon cig dang / bcom ldan 'das kyis ji skad gsungs pa des de bzhin du khyod nges par legs pa 'thob bo// lha de dag rnams kyi rtsa nas mu su lun d+has thos pas yang dag par dga' ba skyes pa dang / gus pa legs par skyes te/ ji ltar bdag gis thos pa brgyud pa gser thub kyis gsungs pa'i mdo 'di dag gis kyang lha rnams kyi nang du yid rab tu tshim pa skyes na/ je dang po da po kho nar bcom ldan 'das kyi spyan sngar gang chos kyi tshig rnams bdag gis mnyan na lta bdag la smos kyang ci dgos zhes/ des de ltar rig nas lha stong phrag brgyad cu po rnams dang / gang na wA ra Na shing zhes bya ba yod pa der 'gro bar byed pa na/ des bcom ldan 'das blta bas chog mi shes pa mthong bar gyur pa ni byang chub kyi phyogs rnams kyi chos sum cu rtsa bdun pa rnams kyis brgyan pa'i sku gser gyi phung po'i mdog 'dra bar 'od 'bar bar gyur pas/ 'jig rten gyi khams thams cad du phan par mdzad pa la rab tu zhugs pa'i 'jig rten pa rnams kyi mig tu gyur pas/ 'khor brgya phrag du ma rnams la 'phags pa'i bden pa