Text
ff. 1b–379a · 756 folio sides
- 1b
rgya gar skad du/ Ar+ya ak+Sho b+h+ya s+ya/ ta thA ga ta su byA ha nA ma ma hA na sU tra/ bod ni/ skad du/ 'phags pa de bzhin g shegs pa mi 'khrugs pa'ibakod pa zhes bya ba theg pa chen
- 2a
po'i mdo// bam po dang po// // sangs rgyas dang byang chub sem dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ thams cad kyang dgra
- 2b
bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa sha stag ste/ gang zag gcig ma gtogs pa ni 'di ltar slob pa rgyun du zhugs pa tshe dang ldan pa kun dga' bo'o/ / byang chub sems dpa' sems dpa' chen po rab tu mang po dag dang / rgyal po chen po bzhi dang / lha'i dbang po
- 3a
brgya byin dang / mi mjed kyi bdag po tshangs pa dang / de dag las gzhan pa gzi brjid che ba gzi brdzi che ba'i lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams kyis yongs su bskor cing mdun gyis bltas te chos ston to/ / de nas sangs rgyas kyi mthus tshe dang ldan pa shA ra dwa ti'i bu stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das sngon gyi byang chub sems dpa' sems dpa' chen po bla na med pa yang dag par rdzogs pa'i byang chub la yang dag par zhugs pa rnams kyi 'jug pa dang / spyod pa dang / spro ba dang / sems bskyed pa
- 3b
gang gis sngon gyi byang chub sems dpa' sems dpa' chen po rnams bla na med pa yang dag par rdzogs pa'i byang chub la yang dag par zhugs par gyur pa'i sems bskyed pa dang / go cha dang / yon tan yongs su brjod pa legs par bshad du gsol/ btsun pa bcom ldan 'das sngon gyi byang chub sems dpa' sems dpa' chen po de dag gis las dang / sems bskyed pa dang / go cha dang / yon tan yongs su brjod pa dag bshad du gsol/ btsun pa bcom ldan 'das byang chub sems dpa' sems dpa' chen po gang dag lha dang bcas pa'i 'jig rten gyi don dang / sman pa dang / bde ba'i slad du brtson pa'i byang chub sems dpa' sems dpa' chen po de lta bu de dag gi spyod pa dang / yon tan yongs su dag pa yongs su brjod pa dag kyang bshad du gsol/ de ni skye bo mang po la sman pa dang / skye bo mang po la bde ba dang / 'jig rten la snying brtse ba dang / skye bo phal po che dang / dang mi rnams kyi don dang / sman pa dang / bde bar 'gyur la/ da ltar dang ma 'ongs pa'i byang chub sems dpa' sems dpa' chen po rnams la'ang 'di ltar chos kyi sgron ma'i snang ba dang / 'di ltar sangs rgyas kyi snang bas snang ba bgyis par 'gyur zhing spro ba stsal bar 'gyur ro// de lta lags pas byang chub sems dpa'i theg pa pa'i gang zag rnams kyis
- 4a
sngon gyi byang chub sems dpa' sems dpa' chen po de dag gi 'jug pa dang / spyod pa dang / spro ba dang / sems bskyed pa dang / go cha dang / yon tan yongs su brjod pa dag thos na/ de bzhin du slob cing de bzhin du sgrub par 'gyur ro// de dag de ltar bslabs shing de ltar bsgrubs pas/ bla na med pa yang dag par rdzogs pa'i byang chub las phyir mi ldog par 'gyur zhing / yon tan de lta bu dag dang ldan par gyur nas kyang slar zhing gong nas gong du yon tan shin tu khyad par can dag kyang thob par 'gyur lags so// de skad ces gsol pa dang bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu legs so legs so// shA ra dwa ti'i bu khyod ma 'ongs pa'i byang chub sems dpa' sems dpa' chen po rnams yongs su gzung ba'i phyir zhugs te/ 'das pa'i byang chub sems dpa' sems dpa' chen po rnams kyi 'jug pa dang / spyod pa dang / spro ba dang / sems bskyed pa dang / ge cha dang / yon tan yongs su brjod pa dag 'di 'dri bar sems pa ni yang khyod legs so// shA ra dwa ti'i bu de'i phyir legs par rab tu nyon la tshul bzhin du yid la zung zhig dang / 'di lta ste/ 'das pa byang chub sems dpa' sems dpa' chen po rnams las brtsams te bshad par bya'o/ / tshe dang ldan pa shA ra dwa ti'i bus/ bcom ldan 'das de bzhin no zhes gsol te/ bcom ldan 'das kyi ltar
- 4b
mnyan pa dang / bcom ldan 'das kyis/ de la 'di skad ces bka' stsal to// shA ra dwa ti'i bu 'jig rten gyi khams mngon par dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spyan chen po zhes bya ba bzhugs shing gzhes te/ de byang chub sems dpa' sems dpa' chen po rnams la 'di ltar pha rol tu phyin pa drug las brtsams te chos ston to// de nas tshe dang ldan pa shA ra dwa ti'i bu 'di snyam du sems te/ bdag gis bcom ldan 'das 'jig rten gyi khams mngon par dga' ba zhes bgyi ba de ni/ de bzhin gshegs pa dgra bcom pa yang dag par rdzogs pa'i sangs rgyas sman chen po zhes bgyi ba/ byang chub sems dpa' sems dpa' chen po rnams la 'di ltar pha rol tu phyin pa drug las brtsams te/ chos ston pa de phyogs gang na bzhugs shes don de de bzhin gshegs pa dgra bcom pa yang dag par rdzogs pa'i sangs rgyas la nges par zhu'o snyam mo/ / de nas bcom ldan 'das kyis/ tshe dang ldan pa shA ra dwa ti'i bu'i sems kyis yongs su rtog pa thugs kyis mkhyen nas/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu sangs rgyas kyi zhing 'di nas shar phyogs logs su sangs rgyas kyi zhing stong tham pa na 'jig rten gyi khams mngon par dga' ba zhes bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po zhes bya ba bzhugs shing gzhes te/ de byang chub sems dpa' sems dpa' chen po rnams la 'di ltar pha rol tu phyin
- 5a
pa drug las brtsams te chos ston to/ / shA ra dwa ti'i bu yang de'i tshe de'i dus na/ dge slong zhig stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po de ga la bde logs su thal mo sbyar ba btud nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po de la 'di skad ces gsol to/ / btsun pa bcom ldan 'das bdag byang chub sems dpa'i bslab pa ji ltar bcas pa 'di la slob par 'tshal lo/ / shA ra dwa ti'i bu de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po des/ dge slong de la 'di skad ces bka' stsal to/ / dge slong byang chub sems dpa'i bslab pa ji ltar bcas pa la ding sang bslab par shin tu dka' 'o// de ci'i phyir zhe na/ dge slong 'di ltar byang chub sems dpas sems can thams cad la mi 'khrugs par bya ba dang / gnod sems kyi sems mi bskyed par bya ba'i phyir ro// shA ra dwa ti'i bu de la de skad ces bka' stsal pa dang / bcom ldan 'das de bzhin gshegs pa spyan chen po de la dge slong des 'di skad ces gsol to/ / btsun pa bcom ldan 'das bdag dang slan chad 'di ltar g.yo ma mchis pa dang / sgyu ma mchis par med pa'i tshig dang / gzhan du mi 'gyur ba'i tshig gis bla na med pa
- 5b
yang dag par rdzogs pa'i byang chub tu sems bskyed par bgyi/ bla na med pa yang dag par rdzogs pa'i byang chub tu sems gdud par bgyi/ yongs su bsngo bar yang bgyi'o// btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la 'di nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ gal te sems can 'ga' tsam la khro ba 'am/ gnod sems sam/ 'khrugs pa dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'o sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la 'di nas bzung ste/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te gom pa 'dor ba re re la thams cad mkhyen pa'i sems dang bral bar gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam
- 6a
gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te nyan thos kyi sems sam/ rang sangs rgyas kyi sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das de ltar bdag thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te 'dod pa'i 'dod chags dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi
- 6b
khyab gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bsdus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te 'dod chags dang ldan pa 'am/ zhe sdang dang ldan pa 'am/ gti mug dang ldan pa 'am/ rnam par 'tshe ba dang ldan pa 'am/ gnyid dang ldan pa 'am/ rmugs pa dang ldan pa 'am/ 'gyod pa dang ldan pa 'am/ rgod pa dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ zhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te the tsom
- 7a
dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te srog gcod pa dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tshe zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te ma byin par len pa dang ldan pa 'am/ mi tshangs par spyod pa
- 7b
dang ldan pa 'am/ brdzun du smra ba dang ldan pa 'am/ phra ma dang ldan pa 'am/ ngag rtsub po dang ldan pa 'am/ tshig bkyal par smra ba dang ldan pa 'am/ brnab sems dang ldan pa 'am/ gnod sems dang ldan pa 'am/ log par lta ba dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig ces byas so/ / shA ra dwa ti'i bu de nas dge slong zhig 'di snyam du sems te/ kye ma byang chub sems dpa' sems dpa' chen po gang dag dang po sems bskyed pa'i go cha chen po bgos pa nyid nas/ sems can thams cad la sems mi 'khrug cing / kun tu mi 'khrug pa ni shin tu ngo mtshar che'o// kye ma dge slong 'di ni mi 'khrugs pa zhes bya bar 'gyur te legs so snyam mo// shA ra dwa ti'i bu de lta/ dge slong de'i ming mi 'khrugs pa mi 'khrugs pa zhes bya bar gyur nas/ de bzhin gshegs pa dgra bcom pa yang dag par rdzogs pa'i sangs rgyas spyan chen po des dge slong legs so legs so// dge slong khyod byang chub sems dpa'i spyad pa spyod pa'i tshe na'ang ming de nyid du 'gyur la/ dge slong khyod bla na med pa yang dag par rdzogs pa'i byang chub mngon par rdzogs par sangs rgyas pa na'ang mtshan 'di lta/
- 8a
ste/ mi 'khrugs pa mi 'khrugs pa zhes bya ba de nyid du 'gyur ro zhes de'i ming de la rjes su yi rang ba mdzad do// rgyal po chen po bzhi dang / lha'i dbang po brgya byin dang / mi mjed kyi bdag po tshangs pas kyang / dge slong legs so legs so// dge slong khyod byang chub sems dpa'i spyad pa spyod pa'i tshe na'ang ming de nyid du 'gyur la/ dge slong khyod bla na med pa yang dag par rdzogs pa'i byang chub mngon par rdzogs par sangs rgyas pa na'ang mtshan 'di lta ste/ mi 'khrugs pa mi 'khrugs pa zhes bya ba de nyid du 'gyur ro zhes de'i ming de la rjes su yi rang ba byas so// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po de la/ byang chub sems dpa' sems dpa' chen po mi 'khrugs pa mngon du gyur pa des 'di skad ces gsol to/ / btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te ji skad smras pa de bzhin du ma bgyis na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs
- 8b
te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te tha na gom pa 'dor ba re re tsam dag la sangs rgyas yid la bgyid pa dang ldan pa'i thams cad mkhyen pa'i sems ma bskyed na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing ga zhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te tshe rabs tshe rabs su khyim nas khyim ma mchis par yang dag par rab tu ma byung na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa
- 9a
thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te tshe rabs tshe rabs su mngon par rab tu byung nas kyang dgon pa par ma gyur tam/ bsod snyoms par ma gyur tam/ phyag dar khrod par ma gyur tam/ stan gcig par ma gyur tam/ zas phyis mi len par ma gyur tam/ zas rnyed rnyed len par ma gyur tam/ dur khrod par ma gyur tam/ bla gab med par ma gyur tam/ shing drung par ma gyur tam/ cog pu par ma gyur tam/ gzhi ji bzhin par ma gyur tam/ chos gos gsum par ma gyur tam/ phying ba bar ma gyur tam/ 'dod pa chung bar ma gyur tam/ cho ga shes par ma gyur tam/ chos 'dod par ma gyur tam/ chos la dga' bar ma gyur tam/ chos la gus par ma gyur tam/ chos la rton par ma gyur tam/ chos ston par gyur pa nas/ bslab pa dang / sbyangs pa'i yon tan dang / yo byad bsnyungs pa'i yi dam yang dag par blangs pa dag blangs te gnas par ma gyur na/ bdag gis phyogs bcu kun gyi
- 9b
'jig rten gyi khams dpag tu ma mchis/ grangs ma mchis/ bsam gyis mi khyab/ zhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te/ tshe rabs tshe rabs su rab tu byung nas kyang chos ston par ma gyur tam/ spobs pa chags pa med pa dang ldan par ma gyur tam/ spobs pa tshad ma mchis pa dang ldan par ma gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi
- 10a
bar du/ 'di ltar 'greng ba dang / mchis pa dang / 'chag pa'i spyod lam gsum ma gtogs par gal te nyal bar gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te sems can 'ga' tsam la rtsa ba'i ltung ba 'byung ba dang ldan pa 'am/ rtsa ba'i ltung ba dang ldan pa'i sems bskyed dam/ bud med dang ldan pa 'am/ brdzun du smra ba dang ldan pa 'am/ de las gzhan du smra ba brjod pa dang ldan pa 'am/ gzhan la gnod cing spa bkong ba dang ldan pa'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag
- 10b
bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te bud med la 'di ltar mi rtag pa'i rnam pa 'am/ sdug bsngal ba dang / stong pa dang / bdag med pa'i rnam pa 'am/ rnam pa gzhan dang gzhan dag gis chos ston pa na/ yan lag las skyes pa'i rnam pa gzhan dang gzhan la bzang ba'i mtshan mar bzung nas/ so yi 'phreng bston tam/ dgod par bgyid dam/ lag pa g.yob par bgyid na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tshe zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ chos ston pa na gal te lag pa bsgyur zhing chos ston par gyur na/ bdag gis phyogs bcu kun gyi
- 11a
'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te de bzhin gshegs pa'i rjes su skra dang kha spu bregs pa snod du gyur pa 'am/ snod du ma gyur pa'ang mi bsngo ste/ de bzhin gshegs pa'i rgyal mtshan chos gos ngur smrig 'tshal ba dag mthong na/ de la de bzhin gshegs pa'i 'du shes sam/ de bzhin gshegs pa'i mchod rten gyi 'du shes ma bskyed na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das de ltar bdag thams cad mkhyen pa'i sems
- 11b
bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te byang chub sems dpa' gzhan dag mthong na/ de dag la ston pa'i 'du shes ma bskyed na/ bdag gis phyogs bcu kun gyi 'jig rten gyi khams dpag tu ma mtsha grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ chos 'chad pa na chos ston pa dag gal te mchis te chos mnyan par ma gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bsdus par gyur cig/
- 12a
btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par 'di las phyi rol du gyur pa'i dge sbyong dang / bram ze dang / lha gzhan dag la phyag bgyis par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te 'di la ni sbyin pa stsal bar bgyi'o// 'di la ni stsal bar mi bgyi'o zhes sems can la tha dad du bgyi ba'i 'du shes bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis
- 12b
bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de ngag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te 'di la ni yon dbul bar bgyi'o// 'di la ni yon dbul bar mi bgyi'o zhes de lta bu'i 'du shes bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te 'di la ni dam pa'i chos kyi sbyin pa stsal bar bgyi/ 'di la ni stsal
- 13a
par mi bgyi'o zhes de lta bu'i sems bskyed par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te bkum par 'os pa'i sems can la la zhig khrid de mchis pa mthong na/ de yongs su thar par bgyi ba'i slar du bdag gi lus yongs su gtang ba ma bgyis na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ shA ra dwa ti'i bu yang byang chub sems dpa'i spyod pa la zhugs pa'i byang chub sems dpa' des gal te bkum par 'os pa'i sems can la la zhig khring de mchis pa mthong na/ de yongs su thar pa ma bgyis kyi bar du/
- 13b
bla na med pa yang dag par rdzogs pa'i byang chub mngon par rdzogs par 'tshang mi rgya'o zhes smras so// shA ra dwa ti'i bu de nas yang dge slong zhig 'di snyam du sems te/ byang chub sems dpa' sems dpa' chen po mi 'khrugs pa 'dis/ gang gi phyir de bzhin gshegs pa dgra bcom pa yang dag par rdzogs pa'i sangs rgyas bcom ldan 'das ngag dbang du gyur pa dang / tshad mar gyur par 'jog pa dang / gang gi de bzhin gshegs pa dgra bcom pa yang dag par rdzogs pa'i sangs rgyas dbang du gyur pa dang / tshad mar gyur par 'jog pa de ni lha dang / mi dang / lha ma yin du bcas pa'i 'jig rten gyi dbang du gyur pa dang / tshad mar gyur par 'gyur ro snyam mo// shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas spyan chen po des dge slong de'i sems kyis yongs su rtog pa de thugs kyis mkhyen nas/ dge slong de la 'di skad ces bka' stsal to// dge slong de de bzhin no// ji ltar khyod rnam par rtog pa de bzhin te/ dge slong gang gis de bzhin gshegs pa dgra bcom pa yang dag par rdzogs pa'i sangs rgyas dag dpang du gyur pa dang / tshad mar gyur par 'jog pa de'ang ring por mi thogs par lha dang / mi dang / lha ma yin du bcas pa'i 'jig rten gyi dbang du gyur pa dang / tshad mar gyur par 'gyur ro// dge slong gzhan yang byang chub sems dpa' sems dpa' chen po gang dag go cha chen po de lta bus bla na med pa yang dag par rdzogs pa'i
- 14a
byang chub la yang dag par zhugs pa de dag ni/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po de la/ byang chub sems dpa' sems dpa' chen po mi 'khrugs pa des 'di skad ces gsol to// btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te dge slong dang / dge slong ma dang / dge bsnyen dang / dge bsnyen ma ltung ba'i nongs pa byung ba dag mthong na/ khyod la ltung ba'i nyes pa 'di byung ngo zhes ltung ba glengs par gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na thams cad kyi
- 14b
thams cad/ rnam pa thams cad kyi thams cad du nyan thos kyi ltung ba'i sgra tsam dag kyang mi grag cing mi 'byung ba de ltar bdag gis brtsal zhing bsgrub par bgyi'o// ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing yongs su dar bar 'gyur ba dang / yon tan yongs su rdzogs pa ji lta ba snyed pa yongs su 'dzin par 'gyur ba de ltar brtsal bar bgyi'o/ / btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te tha na g.yar lam tsam du khu ba byung bar gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas bcom ldan 'das byang chub sems dpa'i theg pa pa dang / nyan thos kyi theg pa pa'i rigs kyi bu 'am/ rigs kyi bu mo gang dag khyim gyi
- 15a
gnas nas nges par byung zhing rab tu byung bar gyur pa dag tha na g.yar lam na'ang khu ba mi 'byin pa de ltar bdag gis brtsal zhing bsgrub par bgyi'o/ / btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya ba'i sangs rgyas kyi zhing du da ltar gyi bud med dang / bud med kyi skyon gang lags pa'i bud med dang / bud med kyi skyon de lta bu dag 'byung bar 'gyur na/ bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur zhing / bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing
- 15b
ngas / blan med pa yang dag par rdzogs par byang chub mngon par rdzogs pa sangs ma rgyas kyi bar du/ gal te gang smras pa de bzhin du ma brgyas / bdas pas phyogs kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na/ sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig/ sa bon gyi chos 'di dang ldan pa'i byang chub sems dpa' dag ni ji lta ji ltar sems mngon par bsgrubs par 'gyur ba de lta de ltar sangs rgyas kyi chos rnams mngon par 'grub cing / de lta de ltar chos ston par yang 'gyur ro zhes gsol to// shA ra dwa ti'i bu de nas dge slong zhig gis/ byang chub sems dpa' sems dpa' chen po mi 'khrugs pa de la 'di skad ces smras so// skyes bu dam pa khyod kyis dam bcas pa 'di gal te yang dag pa'i smon lam yin zhing / bla na med pa yang dag par rdzogs pa'i byang chub las phyir mi ldog par 'gyur yang dag pa yin na/ bden pa dang bden pa'i tshig 'dis rkang pa g.yas pa'i mthe bos stong gsum gyi stong chen po'i 'jig rten gyi khams kyi sa chen po 'di g.yo ba dang / rab tu g.yo ba dang / kun tu rab tu g.yo ba dang / 'gul ba dang / rab tu 'gul ba dang / kun
- 16a
tu rab tu 'gul ba dang / ldeg pa dang / rab tu ldeg pa dang / kun tu rab tu ldeg par byos shig/ shA ra dwa ti'i bu de nas byang chub sems dpa' sems dpa' chen po mi 'khrugs pa des/ de'i tshe sangs rgyas kyi mthu dang / rang gi bden pa'i dam bcas pa'i dge ba'i rtsa ba'i stobs bskyed pa des/ rkang pa g.yas pa'i mthe bos stong gsum gyi stong chen po'i 'jig rten gyi khams kyi sa chen po 'di rnam pa drug tu g.yo bar byas te/ g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul ldeg/ rab tu ldeg/ kun tu rab tu ldeg par byas so// shA ra dwa ti'i bu de ltar na byang chub sems dpa' sems dpa' chen po mi 'khrugs pa de ni ji skad smras pa de bzhin du byed par gyur pa yin no/ / shA ra dwa ti'i bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ byang chub sems dpa' sems dpa' chen po mi 'khrugs pa de'i spyod pa'i rjes su bsgrub par bya'o/ / shA ra dwa ti'i bu byang chub sems dpa' sems dpa' chen po mi 'khrugs pa'i rjes su slob pa'i byang chub sems dpa' sems dpa' chen po de ni de 'dra ba kho na'i sangs rgyas kyi zhing yongs su 'dzin cing / myur du bla na med pa yang dag par rdzogs pa'i byang chub mngon par rdzogs par 'tshang rgya'o//
- 16b
de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das byang chub sems dpa' sems dpa' chen po mi 'khrugs pa de dang po sems bskyed pa la yang dag par zhugs pa na lha'i ris ji snyed cig 'dus par gyur/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu byang chub sems dpa' sems dpa' chen po mi 'khrugs pa de dang po sems bskyed pa la yang dag par zhugs pa na/ stong gsum gyi stong chen po'i 'jig rten gyi khams kyi rgyal po chen po bzhi dang / lha'i dbang po brgya byin dang / bdud sdig can dang / mi mjed kyi bdag po tshangs pa dang / 'dod pa na spyod pa dang / gzugs na spyod pa'i lha'i bu ji snyed pa de dag thams cad 'dus nas/ thal mo sbyar te phyag 'tshal zhing tshig 'di skad ces kye ma sngon ma thos pa'i seng ge'i sgra chen po 'di dag byang chub sems dpa' sems dpa' chen po mi 'khrugs pa 'dis bsgrags pa las thos so zhes smras so/ / shA ra dwa ti'i bu de nas lha'i bu de dag dga' ba dang yid bde ba skyes nas/ kha mthun par 'di skad ces kyang gsol to// btsun pa bcom l dan 'das sems can gang dag byang chub sems dpa' sems dpa' chen po mi 'khrugs pa 'di bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing
- 17a
der skye bar 'gyur ba de dag ni/ dge ba'i rtsa ba ngan ngon dang ldan pa ma lags so// sems can gang dag gis seng ge'i sgra chen po dang / khyu mchog gi mi 'jigs pa chen po dang / smon lam chen po'i chos kyi rnam grangs 'di thos pa de dag kyang dge ba'i rtsa ba ngan ngon dang ldan pa ma lags so zhes gsol to// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das byang chub sems dpa' sems dpa' chen po mi 'khrugs pa de'i go cha chen po ci 'dra ba gang de bzhin gshegs pas yongs su brjod pa'i go cha chen po de lta bu ni byang chub sems dpa' sems dpa' chen po gzhan dag la mchis par bdag gis sngan chad ma thos lags so/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin no// de de bzhin te// ji skad smras pa de bzhin no/ / shA ra dwa ti'i bu byang chub sems dpa' sems dpa' chen po mi 'khrugs pa des go cha chen po gang bgos nas/ bla na med pa yang dag par rdzogs pa'i byang chub la yang dag par zhugs pa'i smon lam chen po de dang go cha chen po de bgos nas/ bla na med pa yang dag par rdzogs pa'i byang chub la yang dag par zhugs pa'i byang chub sems dpa' de lta bu ni byang chub sems dpa'
- 17b
brgya phrag mang po dang / byang chub sems dpa' stong phrag mang po dang / byang chub sems dpa' brgya stong phrag mang po dang / byang chub sems dpa' bye ba khrag khrig brgya stong phrag mang po dag gi nang na'ang nyung ste/ shA ra dwa ti'i bu byang chub sems dpa' sems dpa' chen po mi 'khrugs pa de yon tan gang dag dang ldan pa'i yon tan de dag ni bskal pa bzang po'i byang chub sems dpa' thams cad la'ang med do/ / shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de la rigs kyi bu khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das mi 'khrugs pa zhes bya bar 'gyur ro zhes lung bstan te/ shA ra dwa ti'i bu dper na de bzhin gshegs pa mar me mdzad kyis nga da ltar bla na med pa yang dag par rdzogs pa'i byang chub tu 'gyur bar lung bstan pa bzhin no/ / shA ra dwa ti'i bu de bzhin gshegs pa dgra bcom pa yang dag papar rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong
- 18a
chen po'i 'jig rten gyi khams 'di thams cad snang ba chen pos khyab par gyur cing / sa chen po 'di'ang rnam pa drug tu g.yos par gyur te/ 'di ltar g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di thams cad snang ba chen pos khyab par gyur cing / sa chen po 'di'ang rnam pa drug tu g.yos par gyur te/ 'di ltar g.yos/ rab tu g.yos/ kun tu rab tu g.yos/ 'gul/ rab tu 'gul/ kun du rab tu 'gul/ ldeg/ rab tu ldeg/ kun tu rab tu ldeg par gyur pa bzhin no// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de na shing ljon pa dang / rtswa dang / shing gel ba dang / sman dang / nags tshal gang dag yod pa de dag thams cad kyis byang chub sems dpa' sems dpa' chen po mi 'khrugs
- 18b
pa lung bstan pa ga la ba de logs su btud/ rab tu bdud/ mngon par rab tu bdud par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'din shing ljon pa dang / rtswa dang / shing gel ba dang / sman dang / nags tshal gang ngag yod pa de dag thams cad kyis nga ga la ba de logs su btud/ rab tu btud/ mngon par rab tu btud par gyur pa bzhin no// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'jig rten gang dag 'khod pa de dag thams cad kyis byang chub sems dpa' sems dpa' chen po mi 'khrugs pa lung bstan pa ga la ba de logs su thal mo sbyar ba btud nas/ phyag 'tshal zhing 'dug par gyur to// shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te
- 19a
thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'jig rten gang dag 'khod pa de dag thams cad kyis ngage la ba de logs su thal mo sbyar ba btud nas phyag 'tshal zhing 'dug par gyur pa bzhin no/ / shA ra dwa ti'i bu gzhan yang de bzhin gshegs pa dag bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de na bud med sbrum mar gyur pa de dag thams cad kyang de'i tshe bde zhing bkra shis par btsas par gyur to/ / sems can gang dag long bar gyur pa de dag kyang mig gis gzugs mthong bar gyur to// sems can 'on pa rnams kyang rna bas sgra thos par gyur to/ / sems can smos pa rnams kyang dran pa rnyed par gyur to// sems can dbang po thams cad ma tshang ba rnams kyang dbang po thams cad dang ldan par gyur te/ shA ra dwa ti'i bu dper na ngas bla na med pa yang dag por rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi
- 19b
stong chen po'i 'jig rten gyi khams 'di na bud med sbrum mar gyur pa de dag thams cad kyang de'i tshe bde zhing bkra shis par btsas par gyur/ sems can long ba rnams kyang mig gis gzugs mthong bar gyur/ sems can 'on pa rnams kyang rna bas sgra thos par gyur/ sems can smos pa rnams kyang dran pa rnyed par gyur/ sems can dbang po thams cad ma tshang ba rnams kyang dbang po thams cad dang ldan par gyur pa bzhin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de na de'i tshe sems can 'ga' tsam yang gshis ngan du 'chi ba'i dus byed par gyur pa med de/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di na de'i tshe sems can 'ga' tsam yang gshis ngan du 'chi ba'i dus byed par gyur pa med pa bzhin no// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na
- 20a
med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams der lha'i dri ba sung yid du 'ong ba dag kyang byung bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'dir lha'i dri bsung yid du 'ong ba dag byung bar gyur pa bzhin no/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das kye ma byang chub sems dpa' sems dpa' chen po mi 'khrugs pa de ni de ltar lung bstan pa nyid na/ yon tan de lta bu dag dang ldan par gyur pa las na/ byang chub sems dpa' sems dpa' chen po mi 'khrugs pa de ni yon tan gyi chos chen po dang ldan pa lags so/ / de skad ces gsol ba dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de lung bstan pa na/ yon tan brjod pa de dag nyi tser yang ma zad de/ shA ra dwa ti'i bu byang chub sems dpa' sems dpa' chen po mi 'khrugs pa de ni yon tan mtha' yas pa gzhan dag gi pha rol
- 20b
tu phyin par gyur pa'ang yin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe/ stong gsum gyi stong chen po'i 'jig rten gyi khams na lha dang / mi dang / lha ma yin du bcas pa gang dag 'khod pa de dag thams cad sems dga' ba dang / sems nyams bde bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di na lha dang / mi dang / lha ma yin du bcas pa gang dag 'khod pa de dag thams cad sems dga' ba dang / sems kyi nyams bde bar gyur pa bzhin no// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe/ stong gsum gyi stong chen po'i 'jig rten gyi khams na gnod sbyin gyi bdag po lag na rdo rje gang dag 'khod pa de dag thams cad de'i phyi bzhin du 'brang bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par
- 21a
sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di na gnod sbyin gyi bdag po lag na rdo rje gang dag 'khod pa de dag thams cad nga'i phyi bzhin du 'brang bar gyur pa bzhin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe/ stong gsum gyi stong chen po'i 'jig rten gyi khams na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag 'khod pa de dag thams cad kyis/ byang chub sems dpa' sems dpa' chen po mi 'khrugs pa de la mchod pa bya ba'i phyir/ lha'i me tog dang / spos dang / bdug pa dag gis byang chub sems dpa' sems dpa' chen po mi 'khrugs pa ga la ba de logs su gtor/ rab tu gtor/ mngon par rab tu gtor bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
- 21b
lto 'phye chen po gang dag 'khod pa de dag thams cad kyis ngal mchod pa bya ba'i phyir/ lha'i me tog dang / spos dang / bdug pa bdag gis ngag la ba de logs su gtor/ rab tu gtor mngon par rab tu gtor bar gyur pa bzhin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de na mi bye ba phrag nyi shu dang lha bye ba phrag sum cus bla na med pa yang dag par rdzogs pa'i byang chub tu sems bskyed nas/ de dag thams cad bcom ldan 'das de bzhin gshegs pa dgra bcom pa yang dag par rdzogs pa sangs rgyas spyan chen po des/ bla na med pa yang dag par rdzogs pa'i byang chub tu lung bstan to// shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i / 'jig rten gyi khams de thams cad me tog ut+pa la dang / pad+ma dang / ku mu da dang / pad+ma dkar po dag gis kun tu khebs par gyur te/ shA ra dwa ti'i bu dper na ngas bla na med pa yang dag par
- 22a
rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes ban/ me tog ut+pa la dang / pad+ma dang / ku mu da dang / pad+ma dkar ba ngag gis byang chub kyi snying po kun tu khebs par gyur pa bzhin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ lha bye ba khrag khrig brgya stong phrag du ma dag steng gi bar snang la 'khod nas byang chub sems dpa' sems dpa' chen po mi 'khrugs pa de la mchod pa bya ba'i phyir/ lha'i gos bye ba khrag khrig brgya stong phrag du ma dag byang chub sems dpa' sems dpa' chen po mi 'khrugs pa lung bstan pa ga la ba de logs su bor nas/ tshig 'di skad ces kye ma byang chub sems dpa' sems dpa' chen po mi 'khrugs pa 'di myur du bla na med pa yang dag par rdzogs pa'i byang chub mngon par rdzogs par sangs rgyas par gyur cig ces smras so/ / shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na/ lha bye ba khrag khrig brgya stong phrag du ma dag steng gi bar snang la 'khod nas/ nga la mchod pa bya ba'i phyir lha'i gos bye ba khrag khrig brgya stong phrag du ma dag nga ga la ba de logs su bor
- 22b
ba bzhin no/ / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de'i lha dang / mi dang / lha ma yin du bcas pa'i 'jig rten dga' bar gyur pa tsam du pha ma dag bu la dga' ba ma yin te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa nastong gsum gyi stong chen po'i 'jig rten gyi khams 'di'i lha dang / mi dang / lha ma yin du bcas pa'i 'jig rten dga' bar gyur pa tsam du pha ma dag bu la dga' ba ma yin pa bzhin no// / bam po gnyis pa// / shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ 'di ltar sangs rgyas kyi mthus stong gsum gyi stong chen po'i 'jig rten gyi khams den lha dang mi gang dag 'khod pa de dag thams cad kyis/ byang chub sems dpa' sems dpa' chen po mi 'khrugs pa de lung bstan pa thos par gyur to// de la lung bstan pa thos nas kyang 'dod pa/
- 23a
khams kyi sems can gang yin pa de dag sbyin pa dag sbyin zhing bsod rnams dag kyang byed de/ 'di lta ste/ bza' ba dang / bca' ba dang / myang ba rnam pa sna tshogs dag sbyin pa byin par gyur to/ / shA ra dwa ti'i bu 'di lta ste/ dper na zla ba bzhi po ston zla tha chungs kyi zla ba nya la ku mu nga'i 'du ston gyi tshe na/ 'dod pa'i khams kyi sems can rnams sbyin pa dag sbyin zhing bsod nams dag byed de/ bza' ba dang / bca' ba dang / myang ba rnam pa sna tshogs dag gi sbyin pa gtong bar byed do// shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas spyan chen po des/ byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na/ stong gsum gyi stong chen po'i 'jig rten gyi khams de'i 'dod pa'i khams kyi sems can rnams kyang sbyin pa dag sbyin zhing bsod nams dag byed de/ bza' ba dang / bca' ba dang / myang ba rnam pa sna tshogs ngag gi sbyin pa byed par gyur to/ / lha bye ba khrag khrig brgya stong rnams kyis kyang / lha'i sil snyan bye ba khrag khrig brgya stong dag mngon par rab tu dkrol nas/ a la la zhes ca co dang / ga zha'i sgra dag kyang byung bar gyur to// shA ra dwa ti'i bu de ltar byang chub sems dpa' sems dpa' chen po mi 'khrugs pa de lung bstan pa na/ de lta bu'i yon tan dag dang ldan
- 23b
par gyur to/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i mkhyen pa zhib mos 'di ltar legs par gsungs pa de dag ni ngo mtshar te/ btsun pa bcom ldan 'das sangs rgyas bcom ldan 'das rnams kyi sangs rgyas kyi yul ni bsam gyis mi khyab lags so/ / bsam gtan pa rnams kyi bsam gtan gyi yul yang bsam gyis mi khyab/ klu rnams kyi klu'i yul yang bsam gyis mi khyab/ las rnams kyi las kyi rnam par smin pa'ang bsam gyis mi khyab lags so// btsun pa bcom ldan 'das de ltar byang chub sems dpa' sems dpa' chen po mi 'khrugs pa des dang po sems bskyed pa nyid nas yon tan gyi khyad par de lta bu dag yongs su zin cing / btsun pa bcom ldan 'das byang chub sems dpa' sems dpa' chen po mi 'khrugs pa yon tan de lta bu dang ldan pa de'i lung bstan pa de'ang bsam gyis mi khyab lags so/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de bzhin te/ de de bzhin no// ji skad smras pa de bzhin te/ shA ra dwa ti'i bu byang chub sems dpa' sems dpa' chen po mi'i khrugs
- 24a
pa de'i lung bstan pa ni bsam gyis mi khyab bo/ / de nas tshe dang ldan pa kun dga' bos// tshe dang ldan pa shA ra dwa ti'i bu la 'di skad ces smras so// bcu pa shA ra dwa ti'i bu byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa de dag ni/ de bzhin gshegs pas phyogs tsam zhig mdor bsdus te gsungs par zad kyi/ rgya cher bstan pa ni ma yin no// de skad ces smras pa dang / tshe dang ldan pa shA ra dwa ti'i bus/ tshe dang ldan pa kun dga' bo la 'di skad ces smras so/ / tshe dang ldan pa kun dga' bo de de bzhin te/ tshe dang ldan pa kun dga' bo byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa de dag ni/ de bzhin gshegs pas phyogs tsam zhig bstan pa yin no// de ci'i phyir zhe na/ tshe dang ldan pa kun dga' bo 'di ltar byang chub sems dpa' sems dpa' chen po mi 'khrugs pa de ni dang po sems bskyed pa'i go cha'i yon tan bsam gyis mi khyab pa dang ldan pa'i phyir te/ tshe dang ldan pa kun dga' bo de'i phyir rna ba lhogs te nyon cig dang / bcom ldan 'das kyis rgya cher ston par 'gyur ro/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das/ bcom
- 24b
ldan 'das kyis byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan dang phan yon mdor bsdus te bka' stsal lags na/ btsun pa bcom ldan 'das da ltar dang ma 'ongs pa'i byang chub sems dpa' rnams rjes su gzung ba'i slad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa dag shin tu legs par bstan cing rgya cher bshad du gsol/ de skad ces gsol pa dang bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa ni bsam gyis mi khyab mod kyi/ shA ra dwa ti'i bu 'on kyang phyogs tsam zhig bstan par byas/ de legs par rab tu nyon la tshul bzhin du yid la zung zhig dang bshad par bya'o/ / tshe dang ldan pa shA ra dwa ti'i bus/ btsun pa bcom ldan 'das de bzhin no zhes gsol te/ bcom ldan 'das kyi ltar mnyan pa dang / bcom ldan 'das kyis/ de la 'di skad ces bka' stsal to/ / shA ra dwa ti'i bu byang chub sems dpa' sems dpa' chen po mi 'khrugs pa des 'di snyam du nam mkha'i khams ni gzhan du 'gyur yang srid kyi/ bdag gis dam bcas pa
- 25a
ni gzhan du mi 'gyur bar bya'o zhes sems bskyed de/ shA ra dwa ti'i bu byang chub sems dpa' sems dpa' chen po mi 'khrugs pa de ni go cha chen po de lta bu'i go cha bgos par gyur to/ / shA ra dwa ti'i bu ji ltar byang chub sems dpa' sems dpa' chen po mi 'khrugs pas go cha chen po bgos par gyur pa de lta bu'i go cha chen po dag bgos pa'i byang chub sems dpa' ni ngas bskal pa bzang po'i byang chub sems dpa' rnams kyi nang na gcig kyang yang dag par rjes su ma mthong ngo / / shA ra dwa ti'i bu byang chub sems dpa' sems dpa' chen po rin po che'i tog gi spyod pa gang yin pa de ni/ byang chub sems dpa' sems dpa' chen po mi 'khrugs pa'i spyod pa'i char nye bar mi 'gro ste/ shA ra dwa ti'i bu byang chub sems dpa' sems dpa' chen po mi 'khrugs pa des go cha chen po gang bgos par gyur pa'i go cha chen po de ni/ byang chub sems dpa' brgya phrag mang po dang / byang chub sems dpa' stong phrag mang po dang / byang chub sems dpa' brgya stong phrag mang po dang / byang chub sems dpa' bye ba khrag khrig brgya stong phrag mang po dag la'ang med do// shA ra dwa ti'i bu byang chub sems dpa' sems dpa' chen po mi 'khrugs pa des/ de ltar brtan pa'i brtson 'grus chen po yang dag par blangs pas bla na med pa yang dag par rdzogs pa'i byang chub mngon par rdzogs par sangs rgyas nas/ de bzhin gshegs pa dgra bcom pa yang dag par
- 25b
rdzogs pa'i sangs rgyas mi 'khrugs pa zhes bya ba 'jig rten gyi khams mngon par dga' ba zhes bya ba na da ltar yang bzhugs te/ 'tsho zhing gzhes la chos kyang ston to// shA ra dwa ti'i bu ngas mngon par shes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na gang gis lag pa 'am/ rkang pa 'am/ mgo 'am/ mig gam/ yan lag dang / nying lag gang yang rung ba dag bslangs pa na ma byin pa gang yang med do// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des dang po sems bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang klad pa na bar ma gyur/ rlung las gyur pa 'am/ mkhris pa las gyur pa 'am/ bad kan las gyur pa 'am/ 'dus pa las gyur pa'i nad kyis thebs par ma gyur te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ ngo mtshar dang rmad du byung ba'i chos 'di'ang byung ngo / / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad
- 26a
pa spyod pa na/ des tshe rabs thams cad du de bzhin gshegs pa rnams mnyes par byas shing thugs byung bar ma byas so// thams cad du'ang tshangs par spyod pa spyad cing thams cad du'ang 'di lta ste/ mi 'khrugs pa zhes bya ba'i ming de nyid du gyur nas/ de sangs rgyas kyi zhing nas sangs rgyas kyi zhing du 'gro zhing / gang na sangs rgyas bcom ldan 'das gang dag mngon sum du bzhugs pa de dang der skyes par gyur to/ / shA ra dwa ti'i bu 'di lta ste/ dper na 'khor los sgyur ba'i rgyal po rgyal rigs spyi bo nas dbang bskur ba khang bzangs kyi steng nas khang bzangs kyi steng du 'gro'ang / rkang mthil gyis sa chen po la 'gro bar mi byed do// de khang bzang mchog de dag gi steng du 'dug nas 'dod pa'i yon tan lnga po dag gis rtse zhing dga' la dga' dgur spyod cing tshe zad par 'gyur ro/ / shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na'ang / des tshe rabs thams cad du de bzhin gshegs pa rnams mnyes par byas shing thugs byung bar ma byas so// thams cad du'ang tshangs par spyod pa spyad cing / thams cad du'ang 'di lta ste/ mi 'khrugs pa zhes bya ba'i ming de nyid du gyur nas/ de sangs rgyas kyi zhing nas sangs rgyas kyi zhing du 'gro zhing / gang na sangs rgyas bcom ldan 'das ngag mngon sum du bzhugs
- 26b
pa de dang der skyes par gyur kyang rkang mthil gyis sangs rgyas kyi zhing du 'gro bar mi byed do/ / de chos gang dang gang ston pa de thams cad kyang pha rol tu phyin pa nyid las brtsams te chos ston gyi/ nyan thos kyi sa las brtsams te chos ston pa ni nyung ngo / / gal te nyan thos kyi sa las brtsams te chos ston na'ang / de thams cad pha rol tu phyin pa nyid las brtsams te chos ston to// gal te rang sangs rgyas kyi sa las brtsams te chos ston na'ang / de thams cad pha rol tu phyin pa nyid las brtsams te chos ston to// des pha rol tu phyin pa las brtsams te chos bstan pas sems can rnams byang chub la btul cing btsud de/ rab tu bkod cing bla na med pa yang dag par rdzogs pa'i byang chub las brtsams nas de dag la yang dag par ston/ yang dag par 'dzin du bcug/ yang dag par gzengs bstod/ yang dag par rab tu dga' bar byed de/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ brtson 'grus brtan pa'i go cha chen po de lta bu dang ldan par gyur to// de chos kyi sbyin pa de'i dge ba'i rtsa ba'ang bla na med pa yang dag par rdzogs pa'i byang chub tu yongs su bsngos te/ kye ma dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas te chos ston pa'i sangs rgyas kyi zhing der byang chub sems dpa'i
- 27a
theg pa pa'i rigs kyi bu dang / rigs kyi bu mo dag 'byung bar 'gyur zhing / de dag thams cad sangs rgyas kyi mthus chos bstan pa 'di nyan par gyur cig/ thos nas kyang 'dzin pa dang / 'chang ba dang / klog pa dang / kun chub par byed par gyur zhing / gzhan dag la'ang rgya cher yang dag par rab tu ston par gyur cig/ tshe rabs brjes nas kyang chos de dag mi brjed par gyur cig/ ji ltar bdag da ltar sangs rgyas kyi zhing nas sangs rgyas kyi zhing du 'gro ba bzhin du/ der skyes pa'i byang chub sems dpa' sems dpa' chen po de dag kyang / sangs rgyas kyi zhing gang dang gang du smon par gyur pa'i sangs rgyas kyi zhing de dang de dag tu skye bar 'gyur zhing / bla na med pa yang dag par rdzogs pa'i byang chub mngon par rdzogs par sangs ma rgyas kyi bar du/ sangs rgyas bcom ldan 'das rnams dang mi 'bral bar gyur cig/ gang dag dga' ldan gyi gnas su skyes pa'i byang chub sems dpa' sems dpa' chen po skye ba gcig gis thogs pa rnams ni ma gtogs so// de ci'i phyir zhe na/ shA ra dwa ti'i bu 'di ni chos nyid de/ byang chub sems dpa' sems dpa' chen po srid pa tha ma pa rnams ni dga' ldan gyi lha'i ris nas shi 'phos nas/ lus thams ma'i glo g.yas pa nas mngal du skye bar 'gyur te/ shA ra dwa ti'i bu gang gi tshe byang chub sems dpa' sems dpa' chen po srid pa tha ma pa dag skye ba na sa chen po'ang g.yo bar 'gyur ba'i phyir ro// shA ra dwa ti'i bu byang chub sems dpa' sems dpa'
- 27b
chen po srid pa tha ma pa'i rnam pa ni 'di dag yin/ rtags ni 'di dag yin/ mtshan ma ni 'di dag yin te/ shA ra dwa ti'i bu byang chub sems dpa' sems dpa' chen po srid pa tha ma pa ni ma'i mngal du zhugs pa na mi gtsang ba dring bas gos par mi 'gyur/ der yid du mi 'thang pa'i dri dag kyang tshor bar mi 'gyur ro// byang chub sems dpa' mngal na 'dug pa na'ang nam mkha' la gnas so// shA ra dwa bu 'di lta ste/ dper na rnal 'byor spyod pa'i dge slong rdzu 'phrul dang ldan pa ni khang pa brtsegs pa 'am/ khang pa brtsegs pa brgyud mor zhugs nas/ bar snang gi nam mkha' la mngon par 'phags shing spyod lam gyis gnas par byed kyang / khang pa brtsegs pa de la reg pa med do// shA ra dwa ti'i bu de bzhin du byang chub sems dpa' srid pa tha ma pa ma'i mngal na gnas pa na/ nam mkha' la mngon par 'phags nas gnas te/ mngal gyi dri ma dang mi gtsang ba dri nga bas mi gos par gnas shing / der yid la mi 'thad pa'i dri dag kyang tshor bar mi 'gyur ro// shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na 'di snyam du sems te/ ji ltar bdag da ltar byang chub sems dpa'i spyad pa spyod pa na/ bdud thams cad kyis glags mi rnyed par 'gyur ba de bzhin du/ bdag bla na med pa yang dag par rdzogs pa'i byang chub mngon par rdzogs par
- 28a
sangs rgyas pa na/ sangs rgyas kyi zhing der byang chub sems dpa'i theg pa pa 'am/ nyan thos kyi theg pa pa'i rigs kyi bu dang / rigs kyi bu mo gang dag byung ba de dag kyang byang chub sems dpa'i spyad pa spyod pa nas/ nam bla na med pa yang dag par rdzogs pa'i byang chub mngon par rdzogs par sangs rgyas kyi bar du/ bdud dang bdud kyi ris kyi lha rnams kyis thams cad kyi thams cad rnam pa thams cad kyi thams cad du glags mi rnyed par gyur cig/ ji srid du byang chub sems dpa' de dag gis yon tan phun sum tshogs pa de dag yongs su zin par ma gyur pa de srid du/ bdag kyang byang chub kyi phyir spyod par gyur cig snyam mo/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dba'i spyad pa spyod pa na/ chos ston pa 'am/ chos nyan pa'i tshe lan 'ga' yang de'i lus la ngal ba 'am/ sems ngal bar gyur pa med de/ de ci'i phyir zhe na/ shA ra dwa ti'i bu 'di ltar de bzhin gshegs pa des dang po sems bskyed pa nas bzung ste/ byang chub sems dpa'i spyad pa spyod pa na chos kyi sku rab tu bsgoms par gyur pa'i phyir ro// shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod cing chos nyan pa na 'di snyam du sems te/ ji ltar bdag da ltar chos 'dod pa de bzhin
- 28b
du/ bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de ni/ sems can rnams kyis chos mi 'dod par mi 'gyur zhing / chos 'dod par gyur cig snyam mo/ / 'phags pa dkon mchog brtsegs pa chen po'i chos kyi rnam grangs stong phrag brgya pa las/ mi 'khrugs pa'i bkod pa yongs su brjod pa zhes bya ba ste le'u dang po rdzogs so// / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i yon tan yongs su brjod pa dag ni legs par bka' stsal lags na/ btsun pa bcom ldan 'das kyis yang de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i da ltar gyi sangs rgyas kyi zhing na/ sangs rgyas kyi zhing gi yon tan bkod pa mchis pa rgya cher yang dag par rab tu bstan du gsol/ de ci'i slad du zhe na/ 'di ltar byang chub sems dpa'i theg pa pa'i rigs kyi bu dang / rigs kyi bu mo dag gis sangs rgyas kyi zhing de'i yon tan bkod pa thos nas/ sangs rgyas kyi zhing der skye bar bgyi ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la'ang blta ba
- 29a
dang phyag bgyi ba dang / mchod pa bgyi ba dang / bsnyen bkur bgyi ba dang / mnyes par bgyi ba'i slad du 'dun pa skye bar 'gyur ba dang / nyan thos kyi theg pa pa'i rigs kyi bu dang / rigs kyi bu mo skyon ma mchis par ma zhugs pa dag gis kyang / sangs rgyas kyi zhing de'i yon tan bkod pa thos na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs po de la blta ba dang / phyag bgyi ba dang / mchod pa bgyi ba dang / bsnyen bkur bgyi ba dang / mnyes par bgyi ba'i slad du 'dun pa skye bar 'gyur ba'i skad du'o// de skad ces gsol pa dang / bcom ldan 'das kyis/ tshe dang ldan pa shA ra dA ti'i bu la 'di skad ces bka' stsal to// shA ra dwa ti'i bu legs so legs so// shA ra dwa ti'i bu khyod de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ sangs rgyas kyi zhing gi yon tan bkod pa phun sum tshogs pa yod pa 'dri bar sems pa ni yang khyod legs so/ / shA ra dwa ti'i bu de'i phyir legs par rab tu nyon la yid la zung zhig dang / 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ sangs rgyas kyi zhing gi yon tan bkod pa phun sum tshogs pa yod pa bshad par bya'o// shA ra dwa ti'i bus bcom ldan 'das de bzhin no zhes gsol te/ bcom ldan
- 29b
'das kyi ltar nyan pa dang / bcom ldan 'das kyis/ de la 'di skad ces bka' stsal to// shA ra dwa ti'i bu de na stong gsum gyi stong chen po'i 'jig rten gyi khams kyi sems can thams cad kyis deng nas zhag bdun na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par 'tshang rgya bar shes nas/ sems can de dag thams cad kha zas kyi 'du shes kun tu byung bar ma gyur to// bkres pa'i 'du shes ma byung / skom pa'i 'du shes ma byung / mal du nyal ba'i 'du shes ma byung / lus dang sems ngal ba'i 'du shes ma byung gi/ gzhan du na sems can de dag thams cad bde ba'i 'du shes dang ldan par gyur te/ dga' ba dang mchog tu dga' ba'i 'du shes dang / sems rangs pa dang / sems kyi nyams bde ba dang ldan par gyur to// de ci'i phyir zhe na/ shA ra dwa ti'i bu 'di ltar bcom ldan 'das de bzhin gshegs pa dgra bcom pa yang dag p ar rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis de dag thams cad kyis kyang de lta bu'i yon tan dag yongs su zin par gyur pa'i phyir ro/ / shA ra dwa ti'i bu gzhan yang de'i tshe 'jig rten gyi khams de na mi gang dag dang / 'dod pa na spyod pa'i lha gang dag 'khod pa de dag gis deng nas zhag bdun na/ bcom ldan
- 30a
' das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par 'tshang rgya bar shes nas/ de dag 'khrig pa spyod pa'i 'du shes kun tu mi 'byung bar gyur to// de ci'i phyir zhe na/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa'i phyir ro/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa'i ye shes brnyes pa na/ stong gsum gyi stong chen po'i 'jig rten gyi khams thams cad snang ba chen pos khyab par gyur cing / sa chen po'ang rnam pa drug tu g.yos par gyur te/ 'di ltar g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs/ thar 'ur/ rab tu 'ur 'ur/ kun tu rab tu bur 'ur/ chem chem/ rab tu chem chem/ kun tu rab tu chem chem par gyur te/ shA ra dwa
- 30b
t i'i bu de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa yin no// shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na/ stong gsum gyi stong chen po'i 'jig rten gyi khams de na lha dang mi gang dag 'khod pa de dag thams cad byang chub kyi snying po ga la ba de logs su thal mo sbyar te phyag 'tshal zhing 'khod par gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa yin no/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi
- 31a
'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa gang yin pa dag dang / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ da ltar sangs rgyas kyi zhing gi yon tan bkod pa yongs su zin pa gang yin pa de dag ni/ sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag la'ang med de/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu sangs rgyas kyi zhing gi yon tan bkod pa dag ni smon lam gyi khyad par gyis 'grub ste/ shA ra dwa ti'i bu ji ltar ngas sngon byang chub sems dpa'i spyad pa spyod pa na smon lam ji ltar btab pa de ltar gyur pa bzhin no/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs
- 31b
bde bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na/ skad cig de dang / thang cig de dag/ yud tsam de la stong gsum gyi stong chen po'i 'jig rten gyi khams de na sems can gang dag lha'i mig dang ldan pa dang / lha'i mig dang mi ldan pa dag 'khod pa'i sems can de dag gi mig lam du sdang bar gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de/ sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de byang chub kyi snying por gshegs nas/ bla na med pa yang dag par rdzogs pa'i byang chub mngon par rdzogs pa'i sangs rgyas te/ rnam pa thams cad mkhyen pa nyid kyi ye shes brnyes pa na/ bdud sdig to can rnams 'di snyam du ci'i phyir bdag cag gis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di bla na med pa yang dag par rdzogs pa'i byang chub mngon par rdzogs par 'tshang rgya ba'i bar chad bya ba'i phyir pha rol gnon par bya snyam pa'i sems ma bskyed de/ shA ra dwa ti'i bu de'ang bcom ldan 'das de bzhin gshegs
- 32a
pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mo 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na/ stong gsum gyi stong chen po'i 'jig rten gyi khams de'i lha bye ba khrag khrig brgya stong phrag du ma steng gi bar snang la 'khod nas/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la mchod pa bya ba'i phyir lha'i me tog dang / lhan spos dang / lha'i bdug pa dang / lha'i me tog 'phreng ba dang / lha'i tsan ngan dang / lha'i phye ma dang / lha'i sil snyan dang / lha'i na bza' dang / lha'i gdugs dang / lha'i rgyal mtshan dang / lha'i ba dan dang / lha'i rin po che'i rgyan dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de/ logs su gtor/ rab tu gtor/ mngon par rab tu gtor te/ mchod pa'i las la brtson par gyur to// gtor ma thag tu sangs rgyas kyi mthus lha'i me tog de dag dang / lha'i spos
- 32b
de dag dang / lha'i bdug pa de dag dang / lha'i me tog 'phreng de dag dang / lha'i tsan dan de dag dang / lha'i phye ma de dag dang / lha'i sil spyan de dag dang / lha'i na bza' de dag dang lha'i gdugs de dag dang / lha'i rgyal mtshan de dag dang / lha'i ba dan de dag dang / lha'i rin po che'i rgyun de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i dbu'i gtsug gi drang thad kyi steng gi nam mkha' la rnam pa thams cad kyi mchog dang ldan pa'i gdugs dpag tshad brgya'i tshad tsam pa zhig tu gyur cing 'dug par gyur te/ s hA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sku'i 'od dag gis/ nyi ma dang zla ba dag gi 'od zil gyis mnan nas mog mog por byas te mi mngon gyi gzhan du na de bzhin
- 33a
g shegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams thams cad snang ba chen pos khyab par gyur to/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams de'i nyi ma dang zla ba dag gi 'od dang / lha thams cad kyi 'od dag kyang zil gyis mnan cing mog mog por byas nas/ mig lam du'ang mi snang bar gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad/ ba spyod pa'i smon lam gyi khyad par gyis gyur pa yin no// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das kye ma bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ ji/ tsam du go cha chen po bgos shing de'i smon lam gyi khyad par rgya chen po de lta bu dag tu gyur pa dang / sngon byang chub sems dpa'i spyad pa spyod pa na des srog chags brgya phrag mang po dang / srog
- 33b
chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dpag tu ma mchis/ grangs ma mchis/ brjod du ma mchis/ brjod du ma mchis pa'i yang brjod du ma mchis pa gang dag bla na med pa yang dag par rdzogs pa'i byang chub la rab tu bkod cing / dge ba'i rtsa ba gang dag bskyed pa'i dge ba'i rtsa ba de dag kyang sangs rgyas kyi zhing yongs su dag par bgyi ba'i slad du/ bla na med pa yang dag par rdzogs pa'i byang chub tu yongs su bsngos nas/ ji lta ji ltar yongs su bsngos pa de la de ltar smon lam yong su rdzogs par gyur pa ni ngo mtshar lags so/ / de skad ces gsol ba dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu/ de de bzhin te/ de de bzhin no// ji skad smras pa de bzhin te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni sngon byang chub sems dpa'i spyad pa spyod pa na go cha chen po bgos par gyur pa yin no/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de byang chub kyi shing gang
- 34a
gi drung du bzhugs nas/ bla na med pa yang dag par rdzogs pa'i byang chub mngon par rdzogs par sangs rgyas shing / rnam pa thams cad mkhyen pa nyid kyi ye shes brnyes par gyur pa'i byang chub kyi shing rin po che sna bdun las grub pa 'phang du ni dpag tshad 'bum yod/ de'i sdong po'i 'phang du ni dpag tshad brgya yod/ sboms su ni rgyang grags phyed kyis 'khor la/ de'i yal ga rnams ni dpag tshad bdun stong yod/ de'i 'khor yug ni dpag tshad bzhi khri yod de/ byang chub kyi shing de'i yal ga dang / lo ma dang / yal ga phre'u dag rlung gis kun tu bskyod pa na/ de dag las snyan pa dang / yid du 'ong ba dang / chags par 'gyur ba de lta bu'i sgra skad dag byung ste/ shA ra dwa ti'i bu ji ltar byang chub kyi shing de'i yal ga dang / lo ma dang / yal ga phre'u dag rlung gis kun tu bskyod pa na/ de dag las snyan pa dang / yid du 'ong ba dang / chags par 'gyur ba'i sgra skad dag byung ste/ de lta bu snyan pa dang / yid du 'ong ba dang chags par 'gyur ba'i sgra skad dag ni lha'i sil snyan yan lag 'bum dang ldan pa dag rol mo'i slob dpon mkhas pas gsil ba dag las kyang 'byung bar mi 'gyur ro/ / byang chub kyi shing de las pha rol tu phyin pa thams cad dang / mngon par shes pa dang / dbang po dang / stobs dang / byang chub kyi yan lag dang / lam gyi yan lag thams cad kyi sgra skad lha'i dbyangs las shin tu
- 34b
'das pa/ mnyen zhing yid du 'ong ba dag byung ste/ sems can gang dag sgra skad de dag thos par gyur pa de dag thams cad kyang / 'dod chags dang bral ba'i sems rjes su dran pa zhes bya ba'i ting nge 'dzin 'thob bo/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi yon tan bkod pa yongs su brjod pa dag legs par rab tu nyon la/ tshul bzhin du yid la zung zhing / ngas khyod la bshad par bya'o// tshe dang ldan pa shA ra dwa ti'i bus/ bcom ldan 'das legs so legs so zhes gsol nas/ bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na ngan song gsum po dag med de/ gsum gang zhen/ 'di lta ste sems can dmyal ba dang / 'dud 'gro'i skye gnas dang / gshin rje'i 'jig rten no// der sems can gang dag skyes par gyur pa de dag thams cad ni dge ba bcu'i las kyi lam dang ldan pa sha stag go/ shA ra dwa ti'i bu yang sangs rgyas kyi zhing de na sems can rnams la 'di ltar rje bo 'am bran gyi bye brag tu dbye ba'ang med do// shA ra dwa ti'i bu sangs rgyas kyi zhing den
- 35a
mi rnams la bkol ba'i chos lhur len pa'i bsam pa'ang med do/ / de ci'i phyir zhe na/ shA ra dwa ti'i bu sangs rgyas kyi zhing de na sems can rnams la bdag dang bdag gir yongs su 'dzin pa med pa'i phyir ro/ / shA ra dwa ti'i bu yang sangs rgyas kyi zhing de'i sa gzhi chen po thams cad lag mthil ltar mnyam la/ ka tsa lin di ka ltar reg na bde zhing gser gyi kha dog ltar 'dug la/ lha'i nor bu rin po ches spras shing / pad+ma gser gyi kha dog can 'dab ma bye ba phrag brgya stong dang ldan pa dag gis legs par brgyan la/ me tog man+dA ra ba dang man+da ra ba chen po dag mngon par bkram pa/ sdong dum dang / tsher ma dang / gyo mo dang / gseg ma med pa/ dam grog dang / gad pa dang / mi gtsang ba dor ba'i sa med pa/ rdo ba dang ri med pa ste/ shA ra dA ti'i bu sa gzhi chen po de la rkang pa gzhag na ni nems zhes byed/ rkang pa bteg na ni s+phu ra zhes byed de/ shA ra dA ti'i bu 'di lta ste/ dper na shing bal gyi sngas nang tshangs can gyi steng du mgo gzhag na ni nems zhes byed/ mgo bteg na ni s+pha ra zhes byed pa de bzhin du/ shA ra dwa ti'i bu sa gzhi chen po de la'ang rkang pa gzhag na ni nems zhes byed/ rkang pa bteg na ni s+phaspar zhes byed do/ / shA ra dwa ti'i bu yang sangs rgyas kyi zhing de'i mi rnams la rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur
- 35b
pa'i nad rnams thams cad kyi thams cad du med do/ / shA ra dwa ti'i bu gzhan yang sangs rgyas kyi zhing de'i mi rnams la kha dog ngan pa dang / dri mi zhim pa dag thams cad kyi thams cad du med do/ / de ci'i phyir zhe na/ shA ra dwa ti'i bu sangs rgyas kyi zhing de'i sems can de dag ni 'dod chags chung ba dang // zhe sdang chung ba dang / gti mug chung ba'i phyir ro// shA ra dwa ti'i/ bu gzhan yang sangs rgyas kyi zhing de na sems can de dag la gsad pa dang / bcing ba dang / go rar gzhug pa dag thams cad rnam pa thams cad kyi thams cad du med do// shA ra dwa ti'i bu yang sangs rgyas kyi zhing de na mu stegs can gyi gnas ngag thams cad kyi thams cad rnam pa thams cad kyi thams cad du med do/ / shA ra dwa ti'i bu yang sangs rgyas kyi zhing de na shing ljon pa rnams rtag tu me tog chags shing / rtag tu 'bras bu chags pa sha stag go// shA ra dwa ti'i bu yang sangs rgyas kyi zhing de na mi rnams kyi gos ni dpag bsam gyi shing las byung ba'i gos kha dog rnam pa lngas gos kyi bya ba byed de/ gos de dag kyang mdog gsal zhing dri zhim po dang ldan la kha dog mi nyams pa sha stag ste/ shA ra dwa ti'i bu 'di lta ste/ dper na lha'i me tog rnams kyi dri bsung sna tshogs ci 'dra ba de bzhin du/ shA ra dwa ti'i bu de dag gi gos kyi dri'ang de 'dra la/ dpag bsams kyi shing de la 'dug pa na/ de dag gi ci 'dra ba de bzhin du de dag gis yongs su spyad pa na'ang dri de dang 'dra ba nyid
- 36a
du 'gyur bas/ gos de dag gi dri dang kha dog la nyams par 'gyur ba'ang med la/ shA ra dwa ti'i bu mi de dag gi gos rnams shin tu mang zhing phal che ba'i phyir de dag yang dang yang du gos brje zhing gyon par byed do/ / shA ra dwa ti'i bu yang sangs rgyas kyi zhing de na mi de dag kha zas ji lta bu dag 'dod pa de lta bu'i kha zas ngag mdun du rin po che'i snod dag nas 'byung ste// shA ra dwa ti'i bu 'di lta ste/ dper na sum cu rtsa gsum pa'i lha rnams yid la ci bsams pa'i kha zas dag 'byung ba bzhin du/ shA ra dwa ti'i bu 'jig rten gyi khams de na mi de dag kyang kha zas ji lta bu dag 'dod pa de lta bu'i kha zas dag mdun du rin po che'i snod dag nas 'byung ngo / / shA ra dwa ti'i bu yang sangs rgyas kyi zhing de na mi de dag gi kha zas gang yin pa'i kha zas de dag ni kha dog gam/ dri 'am/ ros lha'i kha zas dag las mi thu'o// shA ra dwa ti'i bu yang sangs rgyas kyi zhing de na mi de dag la bshang ba dang / gci ba dang / mchil ma dang / snabs dag med de/ shA ra dwa ti'i bu 'di lta ste/ dper na 'dod pa na spyod pa'i lha rnams la bshang ba dang / gci ba dang / mchil ma dang / snabs dag med pa de bzhin du/ shA ra dwa ti'i bu sangs rgyas kyi zhing de na mi de dag la'ang bshad ba dang / gci ba dang / mchil ma dang / snabs ngag med do// shA ra dwa ti'i bu yang sangs rgyas kyi zhing de na bcom ldan 'das de bzhin gshegs pa dgra bcom pa yang dag par
- 36b
rdzogs pa'i sangs rgyas mi 'khrugs pa de'i sngon gyi smon lam gyi khyad par dang / mi de dag gi bsod nams kyi rnam par smin pas mngon par 'grub pa/ sangs rgyas kyi zhing gi yon tan bkod pa phun sum tshogs pa 'di lta bu dag mngon par grub pa yod de/ gang du mi de dag 'dug par bya ba'i gnas rin po che sna bdun las grub pa'i khang pa brtsegs pa dag dang / khang pa brtsegs pa de dag gi nang na rin po che sna bdun las byas pa'i khri dag gi steng du/ shing bal can gyi stan legs par bting ba bkram pa dag byung bar gyur cing / khang pa brtsegs pa de dag tu khang pa brtsegs pa'i yongs su spyad pa/ gang las mi rnams chu'i bya ba byed pa'i rdzing rnam pa sna tshogs yan lag brgyad dang ldan pa'i chus gang ba byung ste/ rdzing bu de dag kyang gser gyi bye ma bangal ba/ lha'i shing mya ngan 'tshang gis bskor ba sha stag go/ / de dag na mi rnams dam pa'i chos kyi dga' bas dga' bar byed cing gnas so// shA ra dwa ti'i bu de na mi de dag gang du yan lag brgyad dang ldan pa'i chus gang ba'i rdzing dag 'byung bar 'dod pa nyid du mi de dag gi drung du yan lag brgyad dang ldan pa'i chus gang ba'i rdzing dag 'byung zhing / gal te rjes su 'brang bar 'dod na'ang rjes su 'brang bar 'gyur la/ gal te mi snang bar 'dod na'ang mi snang bar 'gyur ro// shA ra dwa ti'i bu sangs rgyas kyi zhing de na ha cang yang mi dro/ ha cang yang mi grang ba'i rlung dag ldang ngo //
- 37a
'jam pa dang / bde ba dang / ngal ba'i rlung dag kyang ldang ngo // dri zhim pa dang yid du 'ong ba'i rlung dag kyang ldang ste/ rlung de dag nyid kyis mi de dag dang lha de dag gi spos kyi bya ba byed do/ / gal te la la zhig bdag la rlung ldang bar gyur cig ces rlung ldang bar 'dod na'ang de la rlung ldang bar 'gyur ro// gal te gzhan dag mi 'dod na de dag gi lus la rlung gis phog par mi 'gyur zhing / gang dang gang gi tshe 'dod pa de dang de'i tshe de dag la rlung ldang bar 'gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na sangs rgyas kyi zhing gi yon tan bkod pa phun sum tshogs pa yin no/ / shA ra dwa ti'i bu yang sangs rgyas kyi zhing de na da ltar nga'i sangs rgyas kyi zhing na gang bud med dag gi bud med kyi skyon du bya ba'i bud med dag gi bud med kyi skyon de dag med de/ shA ra dwa ti'i bu de dag kyang gang zhe na/ sangs rgyas kyi zhing 'di na bud med ni mdog mi sdug pa/ gzugs ma legs pa/ dri nga ba/ mi gtsang bas gang ba/ 'dod pa'i longs spyod dag gis ngoms mi shes pa/ byas pa mi gzo ba/ khro ba dang / lce gnyis su smra ba dang / phrag dog dang / ser sna'i chos kyis glags pa yin te/ shA ra dwa ti'i bu sangs rgyas kyi zhing 'di na bud
- 37b
med dag gi bud med kyi skyon de dag yin no/ / shA ra dwa ti'i bu sangs rgyas kyi zhing de na bud med la ni bud med dag gi bud med kyi skyon du bya ba de lta bu dag med de/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / ra dwa ti'i bu sangs rgyas kyi zhing de na bud med ni yon tan thams cad dang ldan pa yin te/ shA ra dwa ti'i bu 'di lta ste/ dper na bud med rin po che ni mi'i bud med kyi yon tan dag las shin tu 'das shing lha mo'i yon tan dang ldan pa de bzhin du/ shA ra dwa ti'i bu sangs rgyas kyi zhing 'di na bud med rin po che'i yon tan gang yin pa dang / sangs rgyas kyi zhing de na bud med kyi yon tan gang yin pa de dag ni de dag gi yon tan gyi gnan/ bud med rin po che'i yon tan dag ni brgya'i char yang nye bar mi 'gro'o// stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi bzod do// shA ra dwa ti'i bu yang sangs rgyas kyi zhing de na skyes pa dag bud med dang lhan cig tu 'khrig pa spyad pa'i phyir lus sbyor ba med de/ shA ra dwa ti'i bu sangs rgyas kyi zhing de na/ gang gi tshe skyes pa dag kun
- 38a
tu chags pa'i sems bskyed pa na song ste/ kun tu chags pa'i sems kyis bud med la yud tsam zhig bltas pa tsam gyis skyes pa de'i 'dod chags rab tu zhi bar gyur te/ shin tu yid byung zhing spangs nas mi sdug pa la 'dod chags dang bral ba'i ting nge 'dzin 'thob bo// ting nge 'dzin des bdud kyi zhags pa las grol nas/ yang 'dod chags kyi sems skye bar mi 'gyur ro/ / skyes pa des gang la bltas pa'i bud med de bltas pa tsam gyis sbrum par gyur te/ gnyis ka'i 'dod chags zhi bar gyur nas/ mngal na gnas pa'i khye'u 'am/ bu mo de'i lus dang sems kyis kyang 'di 'dra ba'i bde ba myong bar 'gyur te/ 'di lta ste/ dper na sum cu rtsa gsum pa'i lha rnams rin po che'i gzhal med khang na dga' zhing mchog tu dga' bar byed pan lus dang sems kyis bde ba myong ba bzhin du/ shA ra dwa ti'i bu sangs rgyas kyi zhing de na mngal na gnas pa'i khye'u dang bu mo dag kyang de bzhin no// de na mngal na gnas pa de dag nyin zhag bdun gyi bar du bde ba myong nas btsa' bar 'gyur zhing / bud med sbrum ma de'i lus dang sems kyis kyang 'di lta bu'i bde ba dag myong ba 'gyur te/ 'di lta ste/ dper na bsam gtan gnyis pa la snyoms par 'jug pa'i dge slong thams cad kyis thams cad du bde bar gyur pa de bzhin no/ / bud med de bu btsa' ba na'ang mi gtsang ba dang dri mi zhim pa dag med do// shA ra dwa
- 38b
ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ kye ma nam bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de yon tan de lta bu dag dang ldan par gyur cig ces smon lam btab pa'i khyad par gyis gyur pa yin no/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na gang gi tshe skyes pa dang / bud med dang / khye'u dang / bu mo dag rgyan thogs par 'dod pa de'i tshe dpag bsam gyi shing ngag 'dud cing 'dogs par 'gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / de nas dge slong zhig gis sangs rgyas kyi zhing de'i bsngags pa brjod pa dang / bud med de dag gi yon tan thos nas/ de la kun tu chags pa'i sems skyes te/ bcom ldan 'das la 'di skad ces gsol to/ / btsun pa bcom ldan 'das bdag kyang sangs rgyas kyi zhing der skye ba yongs su 'dzin par gyur cig/ de skad ces gsol pa dang / bcom ldan 'das kyis
- 39a
dge slong de la 'di skad ces bka' stsal to/ / mi gti mug khyod lta bu sangs rgyas kyi zhing der skye bar mi 'gyur ro// de ci'i phyir zhe na/ 'dod chags kun nas langs pa'i sems kyis sangs rgyas kyi zhing der skye bar mi nus kyi/ dge slong gzhan du na dge ba'i spyod pa dang / chos kyi spyod pa dang / tshangs par spyod pa dang / yang dag pa'i spyod pas sems can rnams sangs rgyas kyi zhing der skye ba yongs su 'dzin par 'gyur ba'i phyir ro/ / shA ra dwa ti'i bu gzhan yang sangs rgyas kyi zhing de na 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid chos kyi rgyal po bla na med pa'o zhes bya bar shes pa la ma gtogs pa rgyal po gzhan ni 'ga' yang med do/ / shA ra dwa ti'i bu 'di lta ste/ dper na byang gi sgra mi snyan gyi mi rnams la rgyal po zhes bya bar gzhan med pa de bzhin du/ shA ra dwa tI'i bu sangs rgyas kyi zhing de na'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid chos kyi rgyal po bla na med pa'o zhes bya bar shes pa ma gtogs pa rgyal po gzhan ni 'ga' yang med do/ / shA ra dwa ti'i bu 'di lta ste/ dper na sum cu rtsa gsum pa'i lha rnams ni lha'i dbang po brgya byin la rim 'gro bya ba'i phyir 'du'o// shA ra dwa ti'i bu de bzhin du sangs rgyas kyi zhing de'i lha dang mi rnams
- 39b
kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa'i phyir 'du ste/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang sangs rgyas kyi zhing de na mi rnams ni bag yod pa'i gnas pas gnas pa sha stag ste/ de ci'i phyir zhe na/ shA ra dwa ti'i bu de ni 'di ltar kha lo sgyur ba/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyis rgyu sngon du btang ba'i phyir te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ de bzhin gshegs pa'i mchod rten nam/ de bzhin gshegs pa'i sku gzugs dag la me tog dang /
- 40a
bdug pa dang / spos dang / me tog 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag phul nas/ 'di skad du dge ba'i rtsa ba 'dis bdag gi sangs rgyas kyi zhing rnam pa thams cad kyi mchog dang ldan par gyur cig ces smon lam btab pas na/ de'i de de lta bur gyur pa yin te/ shA ra dwa ti'i bu d e'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na mi de dag la nyo btsong dang / tshong pa dang / zhing las dang / 'tsho na ma byed pa med de/ gzhan du na mi de dag shin tu bde ba dang ldan par gnas so// ra dwa ti'i bu gzhan yang sangs rgyas kyi zhing de'i mi rnams 'dod pa'i dga' bas rtse ba'i phyir/ 'dod pa dang ldan pa'i dbyangs kyis glu mi len te/ gzhan du na mi de dag chos kyi dga' ba nyams su myong bar byed do/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas
- 40b
kyi zhing na gser gyi shing ta la'i 'phreng ba dag rlung gis kun tu bskyod pa na 'di ltar snyan pa dang / 'jebs pa dang / yid du 'ong ba dang / chags par 'gyur ba'i sgra 'byung ste/ shA ra dA ti'i bu ji ltar gser gyi shing ta la'i 'dre nga ba dag rlung gis kun tu bskyod pa las snyan pa dang / 'jebs pa dang / yid du 'ong ba dang / chags par 'gyur pa'i sgra 'byung ba de lta bu'i snyan pa dang / 'jebs pa dang / yid du 'ong ba dang / chags par 'gyur ba'i sgra ni/ lha'i sil snyan yan lag lnga dang ldan pa dag rol mo'i slob dpon mkhas pas gsil bdag las kyang 'byung bar mi 'gyur te/ shA ra dwa ti'i bu de lta bas na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu de lta bas na byang chub sems dpa' sems dpa' chen po sangs rgyas kyi zhing gi yon tan bkod pa yongs su sgrub par 'dod pas/ ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ sangs rgyas kyi zhing gi yon tan bkod pa phun sum tshogs pa dag yongs su bzung ba dang / sangs rgyas kyi zhing yongs su sbyangs pa de ltar sangs rgyas kyi zhing gi
- 41a
yon tan bkod pa phun sum tshogs pa dag yongs su gzung bar bya/ de ltar sangs rgyas kyi zhing yongs su sbyang bar bya'o// shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyi ma dang zla ba snang ba'i bya ba cher mi byed de/ 'on kyang de na mun pa'ang med la/ mun nag kyang med do// de ci'i phyir zhe na/ shA ra dwa ti'i bu de ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams de thams cad rtag par kun tu snang bar gyur pa'i phyir ro/ / shA ra dwa ti'i bu 'di lta ste/ dper na nor bu rin po che zhig khang pa brtsegs pa'i rab sgo bcad pa/ skar khung bcad pa/ bla 'og g.yogs pa/ sa bzang po'i zhal zhal gyis bskus pa'i nang du bcug la/ der nor bu rin po che de'i rang gi lus kyi 'od kyis snang ba'i bya ba byed pa na/ de na sems can gang dag 'khod pa de dag gis nyin par yang snang bar shes/ mtshan mo'ang snang bar shes so// shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis kyang / stong gsum gyi stong chen po'i 'jig rten gyi khams de thams cad rtag par kun tu snang bar 'gyur
- 41b
ro/ / shA ra dwa ti'i bu de la khang pa brtsegs pa'i ra ba zhes bya ba de ni/ 'jig rten gyi khams mngon par dga' ba zhes bya ba de'i tshig bla dgas so// shA ra dwa ti'i bu nor bu rin po che zhes bya ba de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i tshigs bla dgas so/ / shA ra dwa ti'i bu nor bu rin po che'i 'od ces bya ba de ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyi tshogs bla dgas so// shA ra dwa ti'i bu sems can zhes bya ba de ni/ mi gang dag sangs rgyas kyi zhing den gnas pa'i mi de rnams kyi tshig bla dgas yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ga las gar gshegs pa na/ sa chen po 'di la zhabs gang dang gang dag tu gzhag pa de dang de dag tu pad+ma gser gyi mdog can 'dab ma stong yod pa dag 'byung bar 'gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das ci
- 42a
bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de khang pa'i nang du gshegs pa na'ang / de'i zhabs kyi 'og nas badra gser gyi mdog can 'dab ma stong dang ldan pa dag 'byung lags sam/ de skad ces gsol ba dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni grong dang grong khyer dag tu gshegs pa nyung mod kyi/ 'on kyang gang gi tshe gshegs shing bzhugs par gyur pa na khyim der pad+ma gser gyi mdog can 'dab ma stong dang ldan pa dag 'byung ste/ shA ra dwa ti'i bu gal te der rigs kyi bu 'am/ rigs kyi bu mo la la zhig gis 'di snyam du gang de bzhin gshegs pa khyim 'dir gshegs pa'i zhabs 'og nas 'byung ba'i pad+ma 'di dag thams cad gnas gcig tu 'dus par gyur cig snyam du bsams na'ang / 'di ltar sangs rgyas kyi mthus de dag gnas gcig tu 'du'o/ / gal te yang 'di snyam du de dag nam mkha' la gnas par gyur cig snyam du bsams na'ang / 'di ltar sangs rgyas kyi mthus de dag nam mkha' la gnas te/ shA ra dwa ti'i bu pad+ma de dag kyang stong gsum gyi stong chen po'i 'jig rten gyi khams de'i mi rnams kyi mchod rten du 'gyur ro// shA ra dwa ti'i bu
- 42b
gzhan yang stong gsum gyi stong chen po'i 'jig rten gyi khams de na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de gang du chos ston pa'i phyir gshegs pa der yang pad+ma de lta bu dag 'byung ngo / / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des phyogs gzhan dag dang / 'jig rten gyi khams gzhan gang dang gang dag tu sprul pa gang bkye ba de dang de dag tu'ang 'di ltar sangs rgyas kyi mthus pad+ma de lta bu dag 'byung ste/ shA ra dwa ti'i bu de ltar na stong gsum gyi stong chen po'i 'jig rten gyi khams de thams cad pad+ma gser gyi 'dog can 'dab ma stong dang ldan pa de lta bu sha stag gis rtag tu brgyan par gyur to/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ 'di ltar gser deng dngul dang / bai DUR+Ya dang / rin po che sna gsum las byas pa'i them skas 'dzam bu'i gling nas btsugs na/ sum cu rtsa gsum pa'i lha'i ris kyi bar du phyin pa yod do// shA ra dwa ti'i bu gang gi tshe sum cu rtsa gsum pa'i lha rnams/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de blta ba dang /
- 43a
phyag bya ba dang / bsnyen bkur bya bar 'dod pa'i tshe/ sum cu rtsa gsum pa'i lha'i ris nas rin po che'i themaskas de dag las bab pa na/ sum cu rtsa gsum pa'i lha de dag 'dzam bu gling pa'i mi de dag la 'di ltar smon pa'i sems skye ste/ bdag cag lha rnams kyi lha'i phun sum tshogs pa gang yin pa dang / 'dzam bu gling pa'i mi rnams kyi mi'i phun sum tshogs pa gang yin pa de dag ni bdag cag lha rnams kyi phun sum tshogs pa dag las/ 'dzam bu gling pa'i mi rnams kyi phun sum tshogs pa 'di dag kyang khyad par cung zad tsam gyis kyang mi dman pa'i steng du 'dzam bu'i gling 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di chos 'chad cing bzhugs pas lhag par khyad par du 'phags so/ / zhes de ltar sum cu rtsa gsum pa'i lha rnams 'dzam bu gling pa'i mi dag la smon par byed do// shA ra dwa ti'i bu gang gi tshe 'dzam bu gling pa'i mi de dag sum cu rtsa gsum pa'i lha rnams kyi gnas su 'dzegs par gyur pa'i tshe na/ de dag sum cu rtsa gsum pa'i lha rnams la smon pa med do// de ci'i phyir zhe na/ de dag 'di snyam du lha 'di dag gi lha'i phun sum tshogs pa dag las/ bdag cag gi phun sum tshogs pa dag kyang mi dman pa'i steng du bdag cag gi 'dzam bu'i gling na
- 43b
b com ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa chos ston cing bzhugs pas na 'di ltar bdag cag gi sangs rgyas kyi phun sum tshogs pa des sum cu rtsa gsum pa'i lha 'di dag ni zil gyis gnon to snyam du sems pa'i phyir ro/ / shA ra dwa ti'i bu gzhan yang sangs rgyas kyi zhing de na lha rnams kyis kyang mi rnams mthong la/ mi rnams kyis kyang lha rnams mthong ngo // 'di ltar yang 'dzam bu gling pa'i mi de dag 'dzam bu gling nyid na gnas bzhin du 'dod pa na spyod pa'i lha rnams kyi gzhal med khang dag kyang mthong ste/ shA ra dwa ti'i bu 'di lta ste/ dper na da ltar 'dzam bu gling 'di'i mi rnams kyis skar ma'i gzugs rnams dang / nyi ma dang zla ba dag mthong ba de bzhin du/ shA ra dwa ti'i bu sangs rgyas kyi mthus/ sangs rgyas kyi zhing der 'dzam bu gling pa'i mi rnams kyis kyang 'dod pa na spyod pa'i lha rnams kyi gzhal med khang ngag mthong ste/ shA ra dwa ti'i bu de'ang de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas
- 44a
kyi zhing na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de stong gsum gyi stong chen po'i 'jig rten gyi khams de dag thams cad du chos ston pa na/ stong gsum gyi stong chen po'i 'jig rten gyi khams der 'khor bzhi po dag gis mi stongs par 'gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyis gyur pa yin no/ / mi 'khrugs pa lung bstan pa theg pa chen po'i mdo las le'u gnyis pa rdzogs so// / bam po gsum pa// / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de chos ston pa na/ / chos bstan pa re res kyang 'di ltar sems can dpag tu med cing grangs med pa dag dgra bcom pa'i 'bras bu mngon sum du bya ba'i phyir btul te/ shA ra dwa ti'i bu rnam grangs 'dis sems can dpag tu med cing grangs med pa dag dgra bcom pa'i 'bras bu mngon sum du bya ba'i phyir btul cing / phal cher rnam par thar pa brgyad la bsam gtan pa sha stag go// shA ra dwa ti'i bu yang bcom ldan 'das de bzhin
- 44b
gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun ni dpag tu med grangs med de/ shA ra dwa ti'i bu de dag ni rtsis mkhan nam/ rtsis mkhan chen po gang gis kyang grangs dang rtsis kyis khyad phyin ni 'di snyed cig go zhe 'am/ gtams ni 'di snyed cig go zhe 'am/ dkrigs ni 'di snyed cig go zhe 'am/ mchog yas ni 'di snye dang cig go zhe 'am/ / ka ra na da ni 'di snyed cig go zhe 'am// zil gnon ni 'di snyed cig go zhe 'am/ ther 'bum ni 'di snyed cig go zhe 'am// gzhal du med pa na 'di snyed cig go zhes bya bar grangs dang rtsis 'di dag gis bgrang ba 'am/ brtsi bar nus shing / khong du chud par ngas yang dag par rjes su ma mthong ste/ shA ra dwa ti'i bu gzhan du na nyan thos de ngag ni dpag tu med pa nyid dam/ grangs med pa nyid kyi grangs su 'gro'o// gzhan du na thams cad mkhyen pa nyid kyi ye shes kyis bgrang ba'i grangs su 'gro'o// shAr dwa ti'i bu yang sangs rgyas kyi zhing de na rigs kyi bu gang dag rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu la gnas pa dag ni nyung ste/ shA ra dwa ti'i bu 'di lta ste/ dper na ngas da ltar chos bston pa na/ re ltar thogs na srid pa lan bdun pa'i rgyun du zhugs pa'i le lo can gang gong ma'i khyad par mi thob pa de/ ngas re ltar thogs
- 45a
na srid pa lan bdun par bstan pa de bzhin du/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bstan pa na/ rigs kyi bu gang stan gcig la 'dug nas dgra bcom pa'i 'bras bu mi 'thob par chos bstan pa dang pos rgyun du zhugs pa'i 'bras bu 'thob pa dang / chos bstan pa gnyis pas lan cig phyir 'ong ba'i 'bras bu 'thob pa dang / chos bstan pa gsum pas phyir mi 'ong ba'i 'bras bu 'thob pa dang / chos bstan pa bzhi pas dgra bcom pa'i 'bras bu 'thob pa de ni de na le lo can zhes bya'o/ / shA ra dwa ti'i bu ji ltar da ltar gyi bzhin du de na gang rgyun du zhugs pa de ni re ltar thogs na srid pa lan bdun pa ma yin gyi/ de ni lus de nyid kyis dgra bcom pa nyid mngon sum du byed de/ 'di lta ste/ rgyun du zhugs pa zhes 'bras bu rnam par gzhag pa de ni ming tsam du zad do// ji ltar da ltar gyi bzhin du de na gang lan cig phyir 'ong ba de 'jig rten 'dir lan cig 'ongs nas sdug bsngal mthar byed pa ma yin gyi/ de ni lus de nyid kyis dgra bcom pa nyid mngon sum du byed de/ 'di lta ste/ lan cig phyir 'ong ba zhes 'bras bu rnam par gzhag pa de ni ming tsam du zad do/ / ji ltar da ltar gyi bzhin du de na gang phyir mi 'ong ba de ni der lan cig phyir 'ongs nas yongs su mya ngan las 'da' ba ma yin gyi/ de ni lus de nyid kyis dgra bcom
- 45b
pa nyid mngon sum du byed de/ 'di ltar phyir mi 'ong ba zhes 'bras bu rnam par gzhag pa de ni ming tsam du zad do// shA ra dwa ti'i bu de na dgra bcom pa gang yin pa de ni de na'ang mi gnas/ 'di na'ang mi gnas/ gnyis ka med pa'i bar na'ang mi gnas te/ phung po'i lhag ma med pa'i mya ngan las 'das pa'i dbyings su yongs su mya ngan las 'da' ste/ shA ra dwa ti'i bu de ltar sangs rgyas kyi zhing de na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des 'di ltar 'bras bu rnam par gzhag pa nye bar bzung ste/ dge sbyong gi 'bras bu ston to// shA ra dwa ti'i bu yang de na rigs kyi bu 'am/ rigs kyi bu mo gang chos shes pa de ni slob pa'i sa la gnas shing nyams par mi 'gyur te/ shA ra dwa ti'i bu de la slob pa'i sa zhes bya ba de ni snyigs ma'i sa zhes bya ba'i tshig bla dgas so/ / shA ra dwa ti'i bu de ni mi slob pa'i sa la brten te yongs su mya ngan las 'da' zhing / mi slob pa'i sa la gnas nas yongs su mya ngan las 'da' ste/ shA ra dwa ti'i bu de la mi slob pa'i sa zhes bya ba de ni dgra bcom pa nyid ces bya ba'i tshig bla dgas te/ shA ra dwa ti'i bu de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun rnam par dag pa snying po la gnas pa phun sum tshogs pa zhes bya'o/ / shA ra dwa ti'i bu de la rnam
- 46a
par dag pa'i snying po la gnas pa phun sum tshogs pa zhes bya ba ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sems kyi dbang thams cad kyi dam pa'i pha rol tu son pa/ phal cher rnam par thar pa brgyad la bsam gtan pa'i dge 'dun gyi tshig bla dgas yin te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ nyan thos rnams kyi nyan thos kyi dge 'dun gyi bkod pa phun sum tshogs pa yin no/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ nyan thos rnams 'di snyam du de ring bdag cag gang du zan bza' bar bya/ / de ring bdag cag la sus zan sbyin par 'gyur snyam du sems pa med do// nyan thos de dag bsod snyoms kyi phyir khyim dag tu 'jug pa'ang med
- 46b
de/ de dag gang gi tshe zas kyi dus la bab par gyur pa'i dus de nyid kyi tshe lhung bzed du kha zas 'byung ngo // gang gi tshe nyan thos de dag gis 'di snyam du bdag cag la gzhan dag gis zas byin yang bla'o// snyam du bsams pa de'i tshe na/ de ga la gzhan dag zas sbyin par yang 'gyur te/ de dag zas kham gnyis sam/ gsum tsam gyis zas kyi bya ba byed cing chog par yang 'gyur ro// nyan thos de dag lhung bzed dang chos gos tshol bar yang mi byed la/ de dag chos gos dag mi 'drub/ mi 'khru/ mi 'tshed cing / bdag kyang mi byed la/ gzhan la'ang mi 'tshol mod kyi/ gzhan du na spyod pa tsam du sangs rgyas kyi mthus 'byung bar 'gyur ro/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ji ltar ngad ltar nyan thos rnams la ltung ba bzhi po dag gi chos ston pa de ltar nyan thos rnams la ltung ba'i chos rnams mi ston to/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni nyan thos rnams la de lta bu'i chos ma ston te/ de ci'i phyir zhe na/ shA ra dwa ti'i bu sangs rgyas kyi zhing de na tshe'i snyigs ma med/ sems can gyi snyigs ma med/ dus kyi snyigs ma med/ lta ba'i snyigs ma med/ nyon mongs pa'i snyigs ma med cing / snying stobs nyams pa med pas/ shA ra dwa ti'i bu sangs
- 47a
rgyas kyi zhing de snyigs ma lnga dang bral ba yin pa'i phyir ro/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de gang gi tshe nyan thos rnams la chos ston pa na/ dang po nyid nas yang dag phul gyi chos rnams ston pa mdzad de/ de ci'i phyir zhe na/ shA ra dwa ti'i bu sangs rgyas kyi zhing de na sems can rnams ni mgo smos pas go ba sha stag ste/ rnam par spros pas go ba dang zhib tu bshad pas go bar bya dgos pa dag de na med pa'i phyir ro// shA ra dwa ti'i bu de na nyan thos kyi dge 'dun la lhag pa'i nga rgyal can ni 'ga' tsam yang med de/ shA ra dwa ti'i bu de na lhag pa'i nga rgyal can zhes bya ba'i ming tsam yang mi srid do// shA ra dwa ti'i bu de na nyan thos kyi dge 'dun la gang dag dge sbyong gi dri mar bya ba'i rnam pa dang / dge sbyong gi dkor du bya ba dang / dge sbyong gi gya gyur bya ba dang / dge sbyong gi g.yor bya ba dang / dge sbyong gi sgyur bya ba de dag ni thams cad kyi thams cad rnam pa thams cad kyi thams cad du med de/ 'di ltar dge sbyong gi dri ma zhes bya ba'i ming tsam yang kun tu 'byung ba med do// de ci'i phyir zhe na/ ra dwa ti'i bu sems can de dag ni dge ba'i rtsa ba yongs su smin cing dag pa yin pas na/ de dag la chos ji ltar bstan pa de bzhin du kun tu shes par 'gyur ba'i phyir ro// shA ra dwa ti'i bu sangs rgyas
- 47b
kyi zhing de na mtshams med pa lnga po dag ston pa ni thams cad kyi thams cad du med de/ de na mtshams med pa'i sgra'ang mi 'byung ngo // shA ra dwa ti'i bu nyan thos de dag ni rnyed pa dang bkur sti lhur len pa ma yin zhing / lhung bzed dang chos gos lhur len pa'ang ma yin te/ de dag ni thams cad kyi thams cad rnam pa thams cad kyi thams cad du chos gos dang yo byad lhur len pa ma yin no// shA ra dwa ti'i bu de dag la rnyed pa dang bkur sti'i bsam pa las bzla ba'i phyir chos bstan par bya mi dgos te/ de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos de dag ni 'dod pa chung ba dang chog shes pa'i phyir ro/ / shA ra dwa ti'i bu yang b com ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ji ltar nga da ltar nyan thos rnams la bslab pa 'cha' ba de ltar nyan thos rnams la bslab pa 'cha' bar mi mdzad do/ / de ci'i phyir zhe na/ shA ra dwa ti'i bu nyan thos de dag la skyon med pa'i phyir te/ de la bslab pa ni 'di kho na ste/ 'di ltar stong pa nyid dang / mtshan ma med pa dang / smon pa med pa rjes su dran par byed pa'o// shA ra dwa ti'i bu ji ltar da ltar mi blun po kha cig nga'i bstan pa la rab tu byung nas/ nga'i bslab pa'i ga'i 'dral bar byed pa de ltar nyan thos
- 48a
de dag la bslab pa'i gzhi 'dral bar byed pa med do/ / de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos 'dus pa ni cang shes pa sha stag yin la/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na snyigs ma med pa'i phyir ro/ / de na nyan thos gcig dang nyan thos gnyis lhan cig tu mi gnas par/ de dag rang rang gi rnal 'byor gyi don la rjes su brtson par gnas so/ / 'du 'dzi med pa la dga' zhing / 'du 'dzi med pa'i rnal 'byor la brtson te/ dge ba'i phyogs la rtag tu sbyor zhing / rnyed pa dang bkur sti don du mi gnyer te/ de na gang zag rnams ni brtson 'grus nyams pa med pas rab tu phye bas/ de na le lo can dag ni bltar yang med de/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ nyan thos de dag ni yon tan yongs su grub pa de lta bu dag dang ldan pa yin no// shA ra dwa ti'i bu yang gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyan thos de dag la chos ston pa de'i tshe na/ nyan thos de dag kyang rna blags la mig mi
- 48b
g.yengs shing sems mi g.yengs par chos nyan par byed do/ / gang dag 'greng ste chos nyan par byed kyang / de dag gi lus dang sems la ngal ba med do// gang dag 'dug ste chos nyan par byed/ kyang / de dag gi lus dang sems la ngal ba med do// shA ra dwa ti'i bu gzhan yang gang gi tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs r gyas mi 'khrugs pa de rdzu 'phrul gyis nam mkha' la mngon par 'phags shing nyan thos rnams la chos ston pa de'i tshesangs rgyas kyi mthus de na dge slong gang dag rdzu 'phrul dang ldan pa rnams dang dge slong gang dag rdzu 'phrul dang mi ldan pa de dag kyang rdzu 'phrul gyis nam mkha' la mngon par 'phags te chos nyan par byed cing / bcom ldan 'das kyi nyan thos de dag nam mkha' de nyid la mngon par 'phags bzhin du spyod lam rnam pa gsum gyi gnas par yang byed de/ gsum gang zhe na/ 'di lta ste/ 'greng ba dang / 'dug pa dang / 'chag pa'o// de dag yongs su mya ngan las 'da' ba na'ang nam mkha' la skyil mo krung bcas te 'dug nas yongs su mya ngan las 'da' bar byed do/ / nyan thos de dag thams cad yongs su mya ngan las 'da' ba na sa chen po'ang kun tu g.yo/ de dag yongs su mya ngan las 'das nas kyang lha dang mi rnams bkur sti bya bas bkur sti byed do// de na dgra bcom pa kha cig ni rang gi lus kyi me'i khams kyis lus bsregs te yongs su mya ngan
- 49a
las 'da' bar byed do/ / de na dgra bcom pa kha cig ni yongs su mya ngan las 'da' ba na ji ltar rlung bzhin du rang gi lus mi snang bar byas te yongs su mya ngan las 'da' bar byed do/ / shA ra dwa ti'i bu 'di lta ste/ dper na kha dog rnam pa lnga'i sprin dag mngon par chags nas zhig par gyur pa na char pa dag med cing mi snang ba de bzhin du/ shA ra dwa ti'i bu de na dgra bcom pa kha cig kyang yongs su mya ngan las 'da' ba na rang gi lus zhig nas cha shas tsam yang mi snang bar byed do/ / shA ra dwa ti'i bu de na nyan thos kha cig 'di ltar yongs su mya ngan las 'da' bas yongs su mya ngan las 'da' bar byed pa'ang yod de/ de na nyan thos kha cig rdzu 'phrul gyis nam mkha' la mngon par 'phags nas/ lus las chu'i rgyun dag 'byin cing // chu'i rgyun de dag kyang sa la ma lhung ba nyid du nam mkhar bag la zhi bar byas nas/ de bzhin du rang gi lus kyang nam mkha' las mi ltung bar thal byung du bag la zha bar byed do// shA ra dwa ti'i bu de na nyan thos ngag yongs su mya ngan las 'da' ba'i tshul de lta bu dag gis yongs su mya ngan las 'da' bar byed de/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ 'di skad du kye ma nam bdag bla na med pa yang dag par rdzogs pa'i byang chub mngon par rdzogs par
- 49b
sangs rgyas pa'i sangs rgyas kyi zhing de na/ nyan thos rnams 'di ltar cho 'phrul gsum gyis yongs su mya ngan las 'da' bar gyur cig ces smon lam btab pa'i khyad par gyis gyur pa yin no// shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos dpag tu med pa de dag la gang dag so so yang dag par rig pa bzhi ma thob pa'i nyan thos de dag ni nyung gi/ gang dag so so yang dag par rig pa bzhi thob par gyur pa de dag ni ches mang ngo // nyan thos gang dag rdzu 'phrul gyi rkang pa bzhi thob pa de dag kyang ches mang ste/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ / nyan thos rnams ni yon tan phun sum tshogs pa de lta bu dag dang ldan pa yin no// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sangs rgyas kyi zhing na/ 'di lta ste/ 'di ltar nyan thos kyi dge 'dun gyi bkod pa phun sum tshogs pa chen po 'di ni ngo mtshar lags so// de skad ces gsol pa dang / bcom ldan 'das kyis// tshe dang
- 50a
ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de de bzhin te/ de de bzhin no// ji skad smras pa de bzhin te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ 'di ltar nyan thos kyi dge 'dun gyi bkod pa phun sum tshogs pa'i bkod pa chen po de lta bu dag dang ldan pa yin no/ / mi 'khrugs pa lung bstan pa zhes bya ba theg pa chen po'i mdo las le'u gsum pa rdzogs so// // de nas bcom ldan 'das la/ tshe dang ldan pa shA ra dwa tI'i bus 'di skad ces gsol to// btsun pa bcom ldan 'das kyis/ bcom ldan 'das de bzhin gshegs pa dgra bcom pa yang dag p ar rdzogs pa'i sangs rgyas mi 'khrugs pa de'i sangs rgyas kyi zhing gi nyan thos rnams kyi nyan thos kyi dge 'dun gyi bkod pa phun sum tshogs pa dag ni legs par bka' stsal lags na bcom ldan 'das kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i byang chub sems dpa' rnams kyi byang chub sems dpa'i yon tan bkod pa phun sum tshogs pa dag ni bka' ma stsal lags pas/ btsun pa bcom ldan 'das da ni byang chub sems dpa' rnams kyi byang chub sems dpa'i yon tan bkod
- 50b
pa phun sum tshogs pa dag legs par bstan du gsol/ de ci'i slad du zhe na/ btsun pa bcom ldan 'das de las 'di ltar byang chub sems dpa'i phun sum tshogs pa gang lags pa'i phun sum tshogs pa de dag thams cad 'byung bar 'gyur ba'i slad du'o/ / de skad ces gsol pa dang // bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing 'jig rten gyi khams mngon par dga' ba zhes bya ba de na/ da ltar gang dag byang chub sems dpa' brgya phrag mang po dang / byang chub sems dpa' stong phrag mang po dang / byang chub sems dpa' brgya stong phrag mang po dang / byang chub sems dpa' bye ba khrag khrig brgya stong phrag dpag tu med pa dang grangs med pa dag gi byang chub sems dpa'i 'dus pa chen po yod de/ shA ra dwa ti'i bu de na byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de las rab tu byung ba de dag thams cad ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i chos bstan pa/ sangs rgyas kyi mthus 'dzin par byed/ 'chang bar byed/ klog par byed/
- 51a
kun chub par byed cing / gzhan dag la'ang rgya cher yang dag par rab tu ston par byed do// shA ra dwa ti'i bu ngas da ltar chos bstan pa gang yin pa 'di ni/ ngas chos cung zad tsam zhig bstan par zad kyi/ shA ra dwa ti'i bu gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bstan pa gang yin pa de ni dpag tu med grangs med de/ chos bstan pa de'i gnan ngas chos bstan pa 'di ni brgya'i char yang nye bar mi 'gro'o// stong gi cha dang / brgya stong gi cha dang / bye ba brgya'i cha dang / bye ba stong gi cha dang bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do// byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas chos ston par 'gyur ba gang yin pa dang / bskal pa bzang po'i sangs rgyas bcom ldan 'das thams cad kyis chos ston par 'gyur ba gang yin pa bas kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bstan pa gang yin pa'i chos bstan pa de ni dpag tu med grangs med de/ chos bstan pa de'i gnan bskal pa bzang po'i sangs rgyas bcom ldan 'das thams cad kyis chos ston par 'gyur ba dag ni brgya'i
- 51b
char yang nye bar mi 'gro'o/ / stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang grangs dang / cha dang / bgrang ba dang / dpe dang / rgyur yang mi bzod do// shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ 'di skad du kye ma nam bdag bla na med pa yang dag par rdzogs pa'i byang chub mngon par rdzogs par sangs rgyas pa na/ sangs rgyas kyi zhing der byang chub sems dpa' sems dpa' chen po gang dag 'byung bar 'gyur ba de dag la bdag chos ston par 'gyur zhing / chos bstan pa de dag thams cad kyang sangs rgyas kyi mthus de dag gis 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / gzhan dag la'ang rgya cher yang dag par rab tu ston par gyur cig ces smon lam btab pa'i khyad par gyis gyur pa yin no/ / shA ra dwa ti'i bu de ltar byang chub sems dpa' sems dpa' chen po de dag la chos bstan pa de thams cad sangs rgyas kyi mthu dang rang rang gi dge ba'i rtsa ba'i rnam par smin pas 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston par byed do// shA ra dwa ti'i bu gzhan
- 52a
yang byang chub sems dpa' sems dpa' chen po de dag gal te de bzhin gshegs pa rnams la blta ba dang / phyag bya ba dang / bsnyen bkur bya ba dang / chos mnyan pa'i phyir sangs rgyas kyi zhing gzhan dag dang / 'jig rten gyi khams gzhan dag tu 'gro bar 'dod na de dag gis sems bskyed ma thag tu sangs rgyas kyi mthu dang / rang rang gi dge ba'i rtsa ba'i stobs bskyed pas sangs rgyas kyi zhing gzhan dag dang / 'jig rten gyi khams gzhan dag tu 'gro bar 'gyur te/ de dag sangs rgyas kyi zhing de dag dang / 'jig rten gyi khams de dag tu song nas kyang // sangs rgyas bcom ldan 'das dag la phyag 'tshal bar byed de/ 'dud par byed/ bkur stir byed/ bla mar byed/ mchod par byed/ yongs su zhu bar byed/ yongs su 'dri bar byed cing chos thos nas bzung ste/ sems can rnams la chos ston par yang byed do// de dag gis sangs rgyas bcom ldan 'das de dag la phyag byas/ 'dud par byas/ bkur stir byas/ mar byas/ ri mor byas/ mchod par byas/ yongs su zhu ba byas/ yongs su dri bar byas shing / chos de thos nas bzung ste/ sems can rnams la chos kyang bstan nas/ yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du ldog par byed do/ / shA ra dwa ti'i bu byang chub sems dpa' sems dpa'
- 52b
chen po gang dag bskal pa bzang po 'di la sangs rgyas dgu brgya dgu bcu rtsa drug 'byung bar 'gyur ba de dag la blta bar 'dod pa dag gis kyang / bcom ldan 'das de bzhin gshegs pa dgra bcom pa yang dag pa rdzogs pa'i sangs rgyas mi 'khrugs pa de'i sangs rgyas kyi zhing du skye bar bya'o/ / shA ra dwa ti'i bu byang chub sems dpa' sems dpa' chen po gang la la ngag 'jig rten gyi khams 'di nas shi 'phos sam// 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye ba 'am/ skye bar 'gyur ba de dag ni/ nyan thos kyi sa 'am/ rang sangs rgyas kyi sar ltung ba'i skal ba can ma yin// no// de ci'i phyir zhe na/ shA ra dwa ti'i bu byang chub sems dpa' de dag ni de bzhin gshegs pa'i rtogs pa dang 'dra bar rig par bya ba dang / byang chub sems dpa' de dag ni sangs rgyas kyi bzhud pa lta bur rig par bya ba dang / byang chub sems dpa' de dag ni bdud sdig can thams cad kyis mi brdzi bar rig par bya ba dang / byang chub sems dpa' de dag ni nyan thos kyi sa dang rang sangs rgyas kyi sar mtshams sbyor ba chad par rig par bya ba dang / byang chub sems dpa' de dag ni bla na med pa yang dag par rdzogs pa'i byang chub tu mtshams sbyor bar rig par bya ba sha stag yin pa'i phyir ro// shA ra dwa ti'i bu 'di lta ste/ byang chub sems dpa' 'dus pa ni de bzhin gshegs pa 'dus pa dang / rdo rje ltar sra zhing mi ched pa'i 'dus pa sha stag yin par rig par bya'o// shAr
- 53a
d wa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi byang chub sems dpa' gang yin pa de dag ni rnam par dag pa dang / snying po la gnas pa dang / phyir mi ldog pa'i chos can dang / mi 'phrogs pa'i chos can dang / phyir mi ldog pa'i chos can sha stag ste/ de dag ni byang chub tu nges pa dang / byang chub las mi bskyod mi g.yo zhing / byang chub sems dpa' de dag ni bla na med pa yang dag par rdzogs pa'i byang chub las phyir mi ldog pa'i gnas la gnas pa sha stag tu rig par bya'o/ / shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad de bzhin gshegs pa'i mdzod du zhugs par rig par bya'o// mi 'jigs pa'i grong khyer du zhugs par rig par bya'o/ / shA ra dwa ti'i bu yang sangs rgyas kyi zhing de na/ byang chub sems dpa' de dag ni shes rab kyi pha rol tu phyin pa dang ldan pa'i gtam brjod cing gcig la gcig ston pa'i 'du shes nye bar 'jog par byed do/ / shA ra dwa ti'i bu yang sangs rgyas kyi zhing de na byang chub sems dpa' sems dpa' chen po de dag la gang dag khyim na gnas pa dag ni shin tu nyung gi/ sangs rgyas
- 53b
kyi zhing de'i byang chub sems dpa' de dag ni phal cher khyim gyi gnas nas mngon par byung zhing rab tu byung ba sha stag go/ / shA ra dwa ti'i bu yang gang gi tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de chos ston pa de'i tshe/ byang chub sems dpa' sems dpa' chen po de dag gis sangs rgyas kyi mthu dang / rang rang gi dge ba'i rtsa ba'i stobs bskyed pas chos bstan pa de dag thams cad 'dzin par byed/ 'chang bar byed/ klog par byed/ kun chub par byed do// shA ra dwa ti'i bu byang chub sems dpa' sems dpa' chen po gang dag khyim gyi gnas nas mngon par byung nas chos bstan pa der ma 'dus shing / lus kyis mngon sum du ma gyur pa de dag kyang / sangs rgyas kyi mthus gang na 'greng ba 'am/ 'dug pa'i gnas de nyid nas chos bstun pa de dag thams cad thos shing / thos nas kyang 'dzin par byed/ 'chang bar byed/ klog par byed/ kun chub par byed do// shA ra dwa ti'i bu byang chub sems dpa' sems dpa' chen po khyim pa gang dag khyim gyi gnas nas mngon par ma byung zhing / chos bstan pa der lus kyis mngon sum du ma gyur pa de dag kyang gang na 'greng ngam/ 'dug kyang rung ste/ de na 'greng bzhin du/ de na 'dug bzhin du/ sangs rgyas kyi mthus chos bstan pa de dag thams cad thos shing / thos nas kyang 'dzin par byed/
- 54a
'chang bar byed/ klog par byed/ kun chub par byed do// byang chub sems dpa' sems dpa' chen po de dag tshe brjes na'ang / chos de dag brjed par mi 'gyur ro// sangs rgyas kyi zhing gang dang gang du skye bar 'dod pa'i sangs rgyas kyi zhing de dang der yang skye bar 'gyur te/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ sangs rgyas kyi zhing gi yon tan bkod pa phun sum tshogs pa yin te/ de ci'i phyir zhe na/ de ni 'di ltar sngon gyi smon lam gyis gyur pa'i phyir ro/ / shA ra dwa ti'i bu byang chub sems dpa' sems dpa' chen po che gcig la sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag mthong bar 'dod pas kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar bya'o/ / shA ra dwa ti'i bu byang chub sems dpa' sems dpa' chen po de der skyes ma thag tu sangs rgyas brgya phrag mang po dang sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag mthong bar 'gyur zhing / sangs rgyas bcom ldan 'das de
- 54b
dag las dge ba'i rtsa ba mang po dag skyed par yang 'gyur ro/ / srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag la chos ston par yang 'gyur zhing / de dag gi dge ba'i rtsa ba rnams kyang bla na med pa yang dag par rdzogs pa'i byang chub tu skyed du 'jug par 'gyur s hA ra dwa ti'i bu yang byang chub sems dpa' sems dpa' chen po gang zhig da ltar gyi bskal pa bzang po 'di la sangs rgyas dgu brgya dgu bcu rtsa drug gang dag 'byung bar 'gyur ba de dag thams cad la na bza' dang / bsod snyoms dang / gzims cha dang / snyun gyi gsos sman dang / yo byad thams cad kyis bkur stir byed/ bla mar byed/ ri mor byed/ mchod par byed cing // de dag thams cad la bkur stir byas/ bla mar byas/ ri mor byas/ mchod par byas nas kyang / sangs rgyas bcom ldan 'das de dag gi spyan sngar mngon par byung zhing rab tu byung nas tshangs par spyad ba pa dang / byang chub sems dpa' sems dpa' chen po gang zhig bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du// tshe gcig cig gi pha rol tu phyin pa dang ldan pa'i bsod nams mngon par 'du bya ba bskyed na/ shA ra dwa ti'i bu bsod nams mngon par du bya ba snga ma de ni bsod nams mngon par 'du bya ba 'di'i brgya'i char yang
- 55a
nye bar mi 'gro'o/ / stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang // bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do// shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ sangs rgyas kyi zhing gi yon tan bkod pa phun sum tshogs pa yin no// shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skyes sam/ skye 'am/ skye bar 'gyur ba de dag thams cad ni bla na med pa yang dag par rdzogs pa'i byang chub las phyir mi ldog par lung bstan pa 'thob par 'gyur ro// de ci'i phyir zhe na/ shA ra dwa ti'i bu sangs rgyas kyi zhing den par chad byed pa'i bdud dang / bdud kyi ris kyi lha rnams nye bar gnas pa med la/ bdud kyi las rnams nye bar gnas pa med cing / mtho 'tshams par zhugs pa med pa'i phyir ro/ / shA ra dwa to'i bu 'di lta ste/ dper na mi zhig gis sngags kyi mthu'am/ sman gyi mthus sbrul gdug pa'i dug med par byas te btang na/ de btang ma thag tu 'dzin pa 'am/ mtho 'tshams pa/
- 55b
'am/ rnam par 'tshe mi nus pas/ gang dag de las gzhan pa'i srog chags kyi rigs de dag kyang des 'jigs pa med la/ sems can 'ga' tsam la'ang mtho 'tshams pa med cing bar chad mi byed mod kyi// shA ra dwa ti'i bu 'on kyang de'i sngon gyi las mngon par 'du byed pas grub pa'i lus de la sbrul gdug pa zhes bya ba'i ming du 'gyur ro// shA ra dwa ti'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ des ci nas bdag mngon par sangs rgyas nas bdud sdig can rnams btul te/ gdug pa med par byas nas phyis kyang bar chad byed pa med par gyur cig ces dge ba'i rtsa ba rnams de lta de ltar yongs su bsngos pas na/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas pa na stong gsum gyi stong chen po'i 'jig rten gyi khams de na/ byang chub sems dpa' de dag dang / nyan thos de dag dang / so so'i skye bo de dag la thams cad kyi thams cad du bar chad byed pa 'ga' tsam yang med mod kyi/ shA ra dwa ti'i bu 'on kyang sangs rgyas kyi zhing de na gang dag sngon gyi mngon par 'du byed pa'i las kyis gzhan 'phrul dbang byed kyi ris kyi lhar skyes pa de dag bdud ces bya ba'i ming thob ste/ ming de dang skyes pa des smod cing chos bstan pa nyan par byed do// thos nas kyang dad pa thob cing // nyan thos de dag la'ang dga'
- 56a
bar byed de/ bdag cag kyang nam zhig na 'di ltar 'dod pa chung ba dang / 'di ltar chog shes pa dang / 'di ltar rab tu dben pa la gnas par 'gyur zhig gu snyam mo// de ltar bdud de dag mngon par 'byung ba'i rnam par rtog pa kun tu 'byung zhing bar chad byed pa med par kun tu spyod de/ shA ra dwa ti'i bu de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ sangs rgyas kyi zhing gi yon tan bkod pa phun sum tshogs pa yin te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sngon gyi smon lam dang / sngon gyi brtson pa dang / sngon gyi skyes bu'i byed pas sangs rgyas kyi zhing de na/ byang chub sems dpa' sems dpa' chen po rnams dang / nyan thos rnams dang / so so'i skye bo de dag thams cad shin tu bde ba dang ldan par gnas so// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das gal te rigs kyi bu 'am/ rigs kyi bu mo sangs rgyas kyi zhing de la dga' zhing / nyan thos dang rang sangs rgyas kyis las ldog par 'tshal ba dang / nges pa'i gnas su mchi bar 'tshal ba la las stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste sbyin pa stsal na/
- 56b
de sbyin pa stsal bas sangs rgyas kyi zhing der skyes par 'gyur bas sbyin pa de ni legs par btang ba lags so// de ci'i slad du zhe na/ de nyan thos nyid dam/ rang sangs rgyas nyid du ldog pa'i/ skal ba can ma lags pa'i slad du'o// de ci'i slad du zhe na/ de ni phyir mi ldog pa'i sa la gnas par 'gyur zhing / yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du mchis par 'gyur ba dang / thams cad du'ang de bzhin gshegs pa dgra bcom pa yang dag par rdzogs pa'i sangs rgyas mngon du gyur pa ngadag mnyes par bgyid pa dang / thams cad du'ang sangs rgyas kyi byang chub tshol bar 'gyur ba dang / sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag kyang mthong bar 'gyur zhing / sangs rgyas bcom ldan 'das de dag la dge ba'i rtsa ba dag kyang bskrun par 'gyur ba'i slad duste/ btsun pa bcom ldan 'das rnam grangs 'dis na rigs kyi bu 'am/ rigs kyi bu mo gang la las sangs rgyas kyi zhing der skye bar bgyi ba'i slad du/ stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste sbyin pa stsal la/ sbyin bstsal bas gal te sangs rgyas kyi zhing der skye ba lta na/ btsun pa bcom ldan 'das legs par stsal cing / legs par btang la
- 57a
legs par smras pa lags te/ byang chub sems dpa' sems dpa' chen po de sangs rgyas kyi zhing der legs par mchis pa lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin te/ ji skad smras pa de bzhin no// shA ra dwa ti'i bu de ni legs par song zhing legs par skyes pa yin pas na/ sangs rgyas kyi zhing de byang chub sems dpa' sems dpa' chen po de dag gis yongs su gang ba yin no// shA ra dwa ti'i bu 'di lta ste/ dper na gser gyi rigs gseg ma dang gyo mo med cing / rdo ba dang sa rdul med la/ dag pa snying po la gnas par gyur pa de las gser blangs te/ sdud pa gnyis kyis bzhu zhing btul la/ bzhus shing btul nas rgyan sna tshogs gzhan dag tu byas te lus la 'dogs pa de bzhin du/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi byang chub sems dpa' sems dpa' chen po rnams kyang dag pa snying po la gnas pa sha stag ste/ shA ra dwa ti'i bu de bzhin gshegs pa mi 'khrugs pa de'i sangs rgyas kyi zhing du/ byang chub sems dpa' sems dpa' chen po 'dus pa de dag ni dag pa yin par rig par bya'o/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs
- 57b
pa'i sangs rgyas kyi zhing du gang dag skyes sam/ skye 'am/ skye bar 'gyur ba de dag thams cad ni/ 'di lta ste/ sems can dag pa can zhes bya ba de lta bu'i grangs su 'gro'o// de dag tham/ cad ni/ 'di lta ste/ phyir mi ldog pa zhes bya ba de lta bu'i grangs su 'gro'o// de dag thams cad ni/ 'di lta ste/ rten gcig ste/ de bzhin gshegs pa la rten pa zhes bya ba de lta bu'i grangs su 'gro ste/ shA ra dwa ti'i bu ji ltar na byang chub sems dpa' sems dpa' chen po rten gcig pa yin zhe na/ shA ra dwa ti'i bu byang chub sems dpa' sems dpa' chen po gang de bzhin gshegs pa la brten par gyur pa de ni rten gcig pa zhes bya'o/ / gzhan yang rten gcig pa zhes bya ba de ni gang nyan thos dang rang sangs rgyas kyis thams cad las shin tu 'das pa zhes bya ba'i tshig bla dgas so/ / shA ra dwa ti'i bu de lta bas na byang chub sems dpa' sems dpa' chen po rten gcig pa de bzhin gshegs pa la rten par rjes su thob par 'dod pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar bya'o/ / shA ra dwa ti'i bu byang chub sems dpa' sems dpa' chen po gang dag ngas phyir mi ldog par lung bstan pa de dag gis kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du skye bar bya ste/ shA ra dwa ti'i bu ngas byang chub
- 58a
s ems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du btang ba de dag ni ngas yongs su spangs pa ma yin no/ / shA ra dwa ti'i bu 'di lta ste/ dper na rgyal po rgyal rigs spyi bo nas dbang bskur ba mthu dang / stobs dang / brtson 'grus thob pa zhig rgyal srid 'dod pa dang / nor 'dod pa dang / yul 'dod pa'i phyir 'thab zla'i rgyal po'i gan du 'gyed cing 'thab tu song ba dang / de nas 'thab zla'i rgyal po des/ rgyal po de rgyal srid 'dod pa dang nor 'dod pa dang / yul 'dong ba'i phyir 'gyed cing 'thab tu 'ong ngo zhes thos so// de skad thos nas rgyal po nges 'di snyam du gang dag rin po che rnams dang / btsun mo'i 'khor rnams dang / bu dang bu mo rnams dang / gang dag 'thab par mi nus pa'i gzhon nu de dag thams cad gang na rgyal po'i dpung yod pa dang / thul bar dka' ba der bkye na/ bde bar gnas par 'gyur gyi/ 'di na ni sdug bsngal bar 'gyur ro snyam nas grong khyer gzhan zhig tu bsrungs so/ / shA ra dwa ti'i bu de bzhin du ngas byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du btang ba de dag kyang ngas yongs su spangs pa ma yin te/ shA ra dwa ti'i bu ji ltar rgyal po rgyal rigs spyi bo nas dbang
- 58b
bskur ba de'i rin po che rnams dang / btsun mo'i 'khor rnams dang / shu dang bu mo rnams dang / gang dag 'thab par mi nus pa'i gzhon nu bsrungs pa de ltar ni/ byang chub sems dpa'i theg pa pa'i rigs kyi bu dang rigs kyi bu mo rnams blta'o/ / shA ra dwa ti'i bu ji ltar gang du rgyal po'i rin po che rnams dang / btsun mo'i 'khor rnams dang / bu dang bu mo rnams dang / gang dag 'thab par mi nus/ pa'i gzhon nu bsrungs pa'i grong khyer de ltar ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du blta'o// shA ra dwa ti'i bu ji ltar 'thab tu 'ong ba'i rgyal po de ltar ni/ sangs rgyas kyi zhing 'di na byang chub sems dpa'i theg pa pa'i rigs kyi bu dang / rigs kyi bu mo rnams la bar chad byed pa'i las la gnas pa/ mtho 'tshams pa la zhugs pa'i bdud rnams blta'o// shA ra dwa ti'i bu ji ltar rgyal po mthu dang ldan zhing thul bar dga' ba de ltar ni bdud dang / bdud kyi ris kyi lha thams cad kyis mi thul ba'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa blta'o/ / shA ra dwa ti'i bu 'di lta ste/ dper na bu lon pas 'jigs shing mi ni gang du song na bu lon pa 'am/ bu lon pa'i mi dag gis mi tshugs par 'gyur ba'i mtha' 'khob kyi grong khyer du 'bros par byed do// de ci'i phyir zhe na/ der bu lon pa 'am/ bu lon pa'i mi rnams 'ong ba'i lam chad pa'i phyir
- 59a
ro/ / shA ra dwa ti'i bu de bzhin du byang chub sems dpa' sems dpa' chen po gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ma 'khrugs pa'i sangs rgyas kyi zhing du skyes pa de dag la'ang bdud sdig can dang / bdud kyi ris kyi lha rnams kyi lam chad pa yin no// shA ra dwa ti'i bu stong gsum gyi stong chen po'i 'jig rten gyi khams 'don bdud sdig can dang / bdud kyi ris kyi lha gang dag 'khod pa de dag stong gsum gyi stong chen po'i 'jig rten gyi khams 'di na/ byang chub sems dpa'i theg pa pa'i gang zag dang / nyan thos kyi theg pa pa'i gang zag gang dag 'khod pa de dag la bar chad bya ba'i phyir nye bar gnas pa dang / mtho 'tshams pa'i phyir zhugs pa ltar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na/ bdud dang 'dud kyi ris kyi lha rnams bdud kyi las kyi phyir nye bar gnas pa med do// shA ra dwa ti'i bu yang byang chub sems dpa' sems dpa' chen po gang dag sangs rgyas kyi zhing der skyes sam/ skye 'am/ skye bar 'gyur ba'i byang chub sems dpa' de dag ni brgya lam na'ang 'jigs par mi 'gyur ro/ / de ci'i phyir zhe na/ de ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pade
- 59b
sngon byang chub sems dpa'i spyad pa spyod pa na ji ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der/ bdud dang bdud kyi ris kyi lha rnams bar chad bya ba'i phyir/ nye bar gnas pa med pa de lta de ltar dge ba'i rtsa ba rnams yongs su bsngos pa'i phyir ro// shA ra dwa ti'i bu 'di lta ste/ dper na zag pa zad pa'i dgra bcom pa ni/ bde ba thob cing mi 'jigs pa thob pa'i gnas so// shA ra dwa ti'i bu de bzhin du byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skyes sam/ skye 'am/ skye bar 'gyur ba de dag thams cad kyang bde ba thob cing mi 'jigs pa thob par gnas te/ de dag ni kun tu bsrungs pa dang / bskyabs pa dang / sbas par yin par shes par bya'o// de ci'i phyir zhe na/ de ni 'di ltar kha lo sgyur ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid sngon byang chub sems dpa'i spyad pa spyod pa na/ de bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der bdud dam/ bdud kyi ris kyi lha rnams bdud kyi las la nye bar mi gnas shing / mtho 'tshams pa'i phyir 'jug pa med pa de lta de ltar dge ba'i rtsa ba rnams bskyed pa'i phyir ro// shA ra dwa ti'i bu 'di lta ste/
- 60a
dper na mi zhig gis dug sman zos te/ dug 'thungs na des dug de kha zas kyi bya bar byas kyang gdug pa med cing legs par 'ju'o// shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpar gyur cing / byang chub sems dpa'i spyad pa spyod pa na/ ji ltar sangs rgyas kyi zhing der bdud dam/ bdud kyi ris kyi lha rnams bdud kyi las la nye bar mi gnas shing / mtho 'tshams pa'i phyir 'jug pa med pa de lta de ltar dge ba'i rtsa ba rnams yongs su bsngos pas na/ shA ra dwa ti'i bu sangs rgyas kyi zhing de de lta bu'i yon tan thams cad dang ldan pa yin no// de nas tshe dang ldan pa shA ra dwa ti'i bu 'di snyam du sems te/ sangs rgyas kyi mthus bdag cag gis kyang sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos kyi dge 'dun de dag dang / byang chub sems dpa'i dge 'dun dpag tu med cing grangs med pa de dag blta bar bya'o snyam mo// de nas bcom ldan 'das kyis/ tshe dang ldan pa shA ra dwa ti'i bu'i sems kyis yongs su rtogs pa thugs kyis mkhyen nas/ de'i tshe 'di lta bu'i rdzu 'phrul mngon par 'du bya ba mngon par mdzad de/ ji lta bu'i rdzu 'phrul mngon par 'du bya ba mngon par mdzad pas/ sangs rgyas kyi
- 60b
mthus tshe dang ldan pa shA ra dwa ti'i bus stan de nyid la 'dug bzhin du/ sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa/ byang chub sems dpa'i tshogs kyi 'khor dang bcas pa de mthong bar gyur to// de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu khyod kyis sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos kyi dge 'dun de dang / byang chub sems dpa'i tshogs dpag tu med cing grangs med pa de dag mthong ngam/ gsol pa/ btsun pa bcom ldan 'das mthong lags so// bde bar gshegs pa mthong lags so/ / bcom ldan 'das kyis bka' stsal pa/ shA ra dwa ti'i bu khyod kyis 'di ltar lha de dag dang / mi de dag nye bar spyod pa dang / yongs su spyod pa dang / rtse ba dang / dga' bas bye brag gam/ tha dad du bya ba ci'ang mthong ngam/ de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das bdag gis 'di ltar lha de dag dang / mi de dag nye bar spyod pa dang / yongs su spyod pa dang / rtse ba dang / dga' bas bye brag gam/ tha dad du bgyi ba ci'ang ma mthong lags so// de ci'i slad du zhe na/ btsun pa/
- 61a
bcom ldan 'das sangs rgyas kyi zhing de na nye bar spyod pa dang / yongs su spyod pa thams cad lha rdzas nyid lags pa dang / bcom ldan 'das de bzhin gshegs pa dam bcom pa yang dag par rdzogs pa'i sangs rgyas mi 'khrugs pa de yang phyogs bcu kun tu snang ba mdzad cing / gser gyi mchod sdong ltar gzi brjid gsal zhing shis pa dang / dpal 'bar la skyes bu chen po mtshan sum cu rtsa gnyis kyis sku legs par brgyan cing / dpe byad bzang po brgyad cus gzugs legs par spras la/ nyan thos kyi dge 'dun gyi dbus na chos ston cing bzhugs par gda' ba'i slad du'o/ / btsun pa bcom ldan 'das 'di lta ste/ dper bgyin mi la la zhig rgya mtsho chen po'i nang du mchis pa na/ shar phyogs su zhugs shing ngam/ ri 'di mi mthong zhing / lho phyogs su ma lags/ nub phyogs su ma lags te/ byang phyogs su zhugs shing ngam/ ri'ang mi mthong ba de bzhin du/ btsun pa bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun gyi nang du mchis na/ nyan thos kyi mtha' ma shar phyogs na mi gda' 'o// nyan thos mtha' ma lho phyogs na'ang mi gda'/ nub phyogs na'ang mi gda'/ byang phyogs na'ang mi gda' lags so// btsun pa bcom ldan 'das yang de dag ji ltar snyoms par zhugs pa de ltar lus mi g.yo mi 'gul bar
- 61b
chos nyan to/ / btsun pa bcom ldan 'das 'di na dgra bcom pa bsam gtan la snyoms par zhugs pa'i lus ni g.yo bar yang 'gyur lags kyi/ nyan thos de dag ni chos nyan pa na lus g.yo ba ma mchis te/ btsun pa bcom ldan 'das de dag ni ji ltar snyoms par zhugs pa de ltar lus mi g.yo mi 'gul bar chos nyan par bgyid pa lags so// // bam po bzhi pa/ / / btsun pa bcom ldan 'das rigs kyi bu 'am/ rigs kyi bu mo gang la la zhig gis sangs rgyas kyi zhing der skye bar bgyi ba'i slad du stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste/ sbyin pa stsal cing yongs su btang la/ yongs su btang bas gal te sangs rgyas kyi zhing der skye ba lta na/ btsun pa bcom ldan 'das legs par stsal cing / legs par btang la/ legs par skyes pa lags te/ byang chub sems dpa' sems dpa' chen po de ni sangs rgyas kyi zhing der legs par mchis pa lags so// / de ci'i slad du zhe na/ 'di ltar de ni phyir mi ldog pa'i chos nyid rjes su thob par 'gyur ba'i slad du'o// bcom ldan 'das kyis bka' stsal pa/ shA ra dwa ti'i bu de de bzhin te/ ji skad smras pa de bzhin no/ / shA ra dwa ti'i bu 'di lta ste/ dper na rgyal po bka' khrims btsan po'i 'phar ma pa'i mi zhig rgyal po'i rgyas btab pa'i spring yig thogs te/ grong ngam/ grong khyer ram/ grong rdal lam/ yul phyogs
- 62a
gang yang rung ba zhig tu song ste 'gro ba na/ de la la gcan pa rnams sam/ sho gam pa rnams sam/ gru pa rnams sam/ grong pa rnams sam/ grong khyer ba rnams sam lam pa rnams sam/ rgyal po'i mi 'am/ lam du zhugs pa 'am/ 'gron po 'am/ de las gzhan pa'ang rung ste/ sems can 'ga' yang de la 'gro ba'i bar chad mi byed cing mthu mi 'tsham ste/ de 'gro ba dang 'ong ba'i lam la bgegs med pa nyid du 'gyur ro// de ci'i phyir zhe na/ 'di ltar de rgyal po'i rgyas btab pa'i phyir de 'gro ba la bgegs med par 'gro bar blta'o// shA ra dwa ti'i bu de bzhin du byang chub sems dpa' sems dpa' chen po gang dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing der skyes sam/ skye 'am/ skye bar 'gyur ba de dag thams cad kyang bla na med pa yang dag par rdzogs pa'i byang chub las phyir mi ldog cing / bla na med pa yang dag par rdzogs pa'i byang chub mngon par rdzogs par sangs rgyas par ma gyur kyi bar du/ sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du'ang de bzhin gshegs pa dgra bcom pa yang dag par rdzogs pa'i sangs rgyas mnyes par byed par 'gyur ba dang / thams cad du'ang sangs rgyas kyi byang chub
- 62b
tshol bar 'gyur ba dang / thams cad du'ang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur ba dang // myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar rig par bya'o// de skad ces bka' stsal pa dang / bcom ldan 'das la/ tshe dang ldan pa shA ra dUdwa ti'i bus 'di skad ces gsol to/ / btsun pa bcom ldan 'das gang 'di na rgyun du zhugs pa'i 'bras bu la gnas pa'i rgyun du zhugs pa dang / sangs rgyas kyi zhing der skyes pa'i byang chub sems dpa' sems dpa' chen po de dag ni mtshungs pa lags so/ / de ci'i slad du zhe na/ gang 'di na rgyun du zhugs pa'i 'bras bu la gnas pa'i rgyun du zhugs pa des log par ltung ba rgyun bcad pa de bzhin du/ btsun pa bcom ldan 'das byang chub sems dpa' sems dpa' chen po gang dag sangs rgyas kyi zhing der skyes sam/ skye 'am/ skye bar 'gyur ba de dag thams cad kyang lag par lhultung ba rgyun bcad pa lags par blta ba dang / nyan thos dang rang sangs rgyas kyi sa thams cad rgyun chad pa lags par blta ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur kyi bar du/ thams cad du'ang sangs rgyas kyi zhing nas sangs rgyas kyi zhing du mchi bar 'gyur ba dang / thams cad du'ang sangs rgyas bcom ldan 'das rnams dang / byang chub
- 63a
sems dpa' rnams dang / sangs rgyas kyi nyan thos rnams dang mi 'bral bar 'gyur ba'i slad du'o// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de de bzhin te/ ji skad smras pa de bzhin no// shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams/ cad ni log par ltung ba rgyun chad pa yin par blta ba dang / nyan thos dang rang sangs rgyas kyi sa thams cad rgyun chad pa yin par blta ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur kyi bar du/ sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du'ang sangs rgyas kyi byang chub tshol bar 'gyur ba dang / thams cad du'ang de bzhin gshegs pa dgra bcom pa yang dag par rdzogs pa'i sangs rgyas mngon du gyur pa dag mnyes par byed par 'gyur ba dang / thams cad du'ang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur ro// shA ra dwa ti'i bu 'di lta ste/ dper na rgyun du zhugs pa ni log par lhung ba'i chos su ma
- 63b
/ 'gyur zhing / rdzogs pa'i byang chub la nges par gzhol lo// shA ra dwa ti'i bu de bzhin du byang chub sems dpa' sems dpa' chen po gang dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad kyang blan med pa yang dag par rdzogs pa'i byang chub tu nges pa dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur kyi bar du/ sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du'ang de bzhin gshegs pa dgra bcom pa yang dag par rdzogs pa'i sangs rgyas mnyes par byed par 'gyur ba dang / thams cad du'ang sangs rgyas kyi byang chub tshol bar 'gyur ba dang / thams cad du'ang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur bar rig par bya'o// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das gang 'di na lan cig phyir 'ong ba'i 'bras bu la gnas pa'i lan cig phyir 'ong ba dang/ sangs rgyas kyi zhing der skyes pa'i byang chub sems dpa' sems dpa' chen po de ni mtshungs pa lags so// btsun pa bcom ldan 'das gang 'di na phyir mi 'ong ba'i 'bras bu la gnas pa'i phyir mi
- 64a
'ong ba dang / sangs rgyas kyi zhing der skyes pa'i byang chub sems dpa' sems dpa' chen po de'ang mtshungs pa lags so// btsun pa bcom ldan 'das gang 'di na dang bcom pa nyid kyi 'bras bu la gnas pa'i dgra bcom pa dang / sangs rgyas kyi zhing der skyes pa'i byang chub sems dpa' sems dpa' chen po de'ang mtshungs pa lags so// de skad ces gsol pa dang // bcom ldan 'das kyis// tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu khyod de skad ma zer cig/ shA ra dwa ti'i bu yang khyod de skad ma zer cig/ de ci'i phyir zhe na/ shA ra dwa ti'i bu gang 'di na bla na med pa yang dag par rdzogs pa'i byang chub tu lung bstan pa'i byang chub sems dpa' sems dpa' chen po dang / sangs rgyas kyi zhing der skyes pa'i byang chub sems dpa' sems dpa' chen po de mtshungs la/ gang 'di na mi skye ba'i chos la bzod pa thob pa'i byang chub sems dpa' sems dpa' chen po dang / sangs rgyas kyi zhing der skyes pa'i byang chub sems dpa' sems dpa' chen po de mtshungs pa'i phyir ro/ / shA ra dwa ti'i bu gzhan yang gang 'di na byang chub sems dpa' sems dpa' chen po byang chub kyi snying po la 'dug pa dang / sangs rgyas kyi zhing der skyes pa'i byang chub sems dpa' sems dpa' chen po de'ang mtshungs so// de ci'i phyir zhe na/ shA ra dwa ti'i bu gang dag sangs rgyas kyi zhing der skyes pa'i byang chub sems
- 64b
dpa' sems dpa' chen po de dag ni/ de bzhin gshegs pa la brten pa yin par rig par bya ba dang / de dag ni bdud dang / bdud kyi ris kyi lha rnams kyis mi brdzi bar rig par bya ba dang / byang chub sems dpa' de dag ni nyan thos kyi sa dang rang sangs rgyas kyi sar mtshams sbyor ba chad par rig par bya ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du/ sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du'ang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur ba'i phyir ro/ / de nas tshe dang ldan pa kun dga' bo 'di snyam du sems te/ 'di la gnas brtan rab 'byor gyi spobs pa ci 'dra ba bdag gis gnas brtan rab 'byor la sad par bya'o snyam mo/ / de nas tshe dang ldan pa kun dga' bos/ tshe dang ldan pa rab 'byor la 'di skad ces smras so// gnas brtan rab 'byor bdag cag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa/ byang chub sems dpa'i tshogs dang bcas pa de dang / bcom ldan 'das de bzhin gshegs pa mi 'khrugs pa'i sangs rgyas kyi zhing de blta bar bya'o/ / de skad ces smras pa dang / tshe dang ldan pa rab 'byor gyis/ tshe dang ldan pa kun dga' bo la 'di skad ces smras so// tshe dang ldan pa
- 65a
kun dga' bo khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa/ byang chub sems dpa'i tshogs dang bcas pa de dang / sangs rgyas kyi zhing de lta 'am/ smras pa/ gnas brtan rab 'byor bdag cag gis blta'o// de skad ces smras pa dang / tshe dang ldan pa rab 'byor gyis/ / tshe dang ldan pa kun dga' bo la 'di skad ces smras so// tshe dang ldan pa kun dga' bo gnam du ltos shig/ de nas tshe dang ldan pa kun dga' bos gnas du bltas so// bltas nas tshe dang ldan pa rab 'byor la 'di skad ces smras so// gnas brtan rab 'byor bdag gis gnam du bltas na/ steng gi nam mkha' thams cad dben par mthong ngo // de skad ces smras pa dang / tshe dang ldan pa rab 'byor gyis/ tshe dang ldan pa kun dga' bo la 'di skad ces smras so// tshe dang ldan pa kun dga' bo ji ltar khyod kyis steng gi nam mkha' thams cad dben par mthong ba de bzhin du/ tshe dang ldan pa kun dga' bo bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mo 'khrugs pa nyan thos kyi dge 'dun dang bcas pa byang chub sems dpa'i tshogs dang bcas pa de dang / sangs rgyas kyi zhing de'ang de ltar blta bar bya'o// de nas bcom ldan 'das la// tshe dang ldan pa shA ra dwa ti'i bus 'di skad ces
- 65b
gsol to/ / btsun pa bcom ldan 'das bcom ldan 'das kyis 'di skad du/ gang 'din lung bstan pa'i byang chub sems dpa' sems dpa' chen po dang / der skyes pa'i byang chub sems dpa' sems dpa' chen po de mtshungs so zhes bka' stsal lags na/ btsun pa bcom ldan 'das de mnyam pa nyid gang zhig mtshungs pa lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de ni chos kyi dbyings mnyam pa nyid kyis mtshungs pa yin no// de bzhin gshegs pa mi 'khrugs pa'i bkod pa las/ le'u bzhi pa rdzogs so// / de nas tshe dang ldan pa shA ra dwa ti'i bu 'di snyam du sems te/ btsun pa bcom ldan 'das kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i yon tan yongs su brjod pa'ang bshad/ de'i sangs rgyas kyi zhing gi yon tan bkod pa phun sum tshogs pa'ang bshad/ nyan thos kyi dge 'dun gyi bkod pa phun sum tshogs pa'ang bshad/ byang chub sems dpa'i yon tan bkod pa phun sum tshogs pa'ang bshad na/ btsun pa bcom ldan 'das kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'da' ba chen po ni da dung ma
- 66a
bshad pas/ btsun pa bcom ldan 'das kyis da ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'das pa chen po de tshul ci 'dra ba dang / mtshan ma ji lta bur 'gyur ba de dag legs par bshad par rigs so snyam mo// de nas bcom ldan 'das kyis tshe dang ldan pa shA ra dwa ti'i bu'i sems kyis yongs su rtog pa thugs kyis mkhyen nas/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu gang gi nyin mo bcom l dan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'da' bar 'gyur ba de'i nyin mo stong gsum gyi stong chen po'i 'jig rten gyi khams de'i sems can de dag la chos bstan pa'i phyir/ de bzhin gshegs pas sku sprul pa dag sprul par 'gyur ro// de nas de bzhin gshegs pa'i sprul pa'i sku de dag sems can de rnams la 'di lta bu'i chos ston par 'gyur te/ chos bstan pa des sngon chos bstan pas sems can ji snyed btul bar gyur pa de bas ches dpag tu med cing chos grangs med pa'i sems can dag 'dul bar 'gyur te/ de dag las sems can la la dag ni nyan thos kyi theg pa la 'dul bar 'gyur ro// la la ngag ni rang sangs rgyas
- 66b
kyi theg pa la'o/ / la la dag ni stobs bcu'i theg pa bla na med pa la 'dul bar 'gyur ro// shA ra dwa ti'i bu de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba'i dus kyi tshe/ byang chub sems dpa' sems dpa' chen po spos kyi glang po che zhes bya ba la/ skyes bu dam pa khyod n ga'i dam pa'i chos nub nas zhag bdun lon pa'i 'og tu 'jig rten gyi khams mngon par dga' ba 'dir bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gser gyi pad+ma zhes bya bar 'gyur ro zhes bla na med pa yang dag par rdzogs pa'i byang chub tu lung ston pa 'gyur ro/ / shA ra dwa tI'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser gyi pad+ma de'i sangs rgyas kyi zhing gi yon tan bkod pa phun sum tshogs pa'ang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing gi yon tan bkod pa phun sum tshogs pa ci 'dra
- 67a
bde 'dra bar 'gyur zhing / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser gyi pad+ma de'i nyan thos kyi dge 'dun gyi bkod pa phun sum tshogs pa dang / byang chub sems dpa'i tshogs kyi bkod pa phun sum tshogs pa'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi bkod pa phun sum tshogs pa dang / byang chub sems dpa'i tshogs kyi bkod pa phun sum tshogs pa ci 'dra ba de 'dra bar lhag chad med par 'gyur ro/ / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba cher po'i dus kyi tshe na sa chen po de rnam pa drug tu rab tu g.yo bar 'gyur te/ g.yo bar 'gyur/ rab tu g.yo bar 'gyur/ kun tu rab tu g.yo bar 'gyur/ 'gul bar 'gyur/ rab tu 'gul bar 'gyur/ kun tu rab tu 'gul bar 'gyur/ ldeg par 'gyur/ rab tu ldeg par 'gyur/ kun tu rab tu ldeg par 'gyur zhing / 'jig rten du snang ba chen po'ang 'bru bar 'gyur/ stong gsum gyi stong chen po'i 'jig rten gyi khams der sgra skad chen po'ang 'byung bar 'gyur zhing / sba de'ang 'dod pa na spyod pa'i lha'i ris drug po dag dang / 'og mir
- 67b
ris rnams kyi bar du grags par 'gyur te/ de na 'dod pa na spyod pa'i lha'i ris rnams dang / gzugs na spyod pa'i lha'i ris de dag gis sgra de thos nas kyang 'di snyam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa yongs su mya ngan las 'da' bar 'gyur ro snyam du rig par 'gyur zhing / 'di ltar rang rang gis lha'i gzhal med khang rnams la mngon par mi dga' bar 'gyur ba de lta bu'i mngon par mi dga' ba'i 'du shes dag kyang skye bar 'gyur la/ tshig 'di skad du kye ma bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa spyan du gyur pa/ ye shes su gyur pa/ dbang du gyur pa/ tshad mar gyur pa/ snang bar gyur pa/ 'di shin tu myur bar 'jig rten du nub bo zhes rjod par yang 'gyur ro/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po'i dus kyi tshe/ sangs rgyas kyi zhing de na rin po che'i shing ljon pa dang / dpag bsams kyi shing ljon pa dang / rtswa dang / gel ba dang / sman dang / nags tshal g ang ji snyed pa de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'das pa chen po ga la ba de
- 68a
logs su rab tu 'dud par 'gyur ro/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sngon gyi smon lam gyis byang chub sems dpa' sems dpa' chen po phyis 'byung ba rnams kyi ched du grogs po dag 'di chos kyi sgo'i gzhi brgya rtsa brgyad de/ nga 'das pa'i 'og tu byang chub sems dpa' sems dpa' chen po gang dag sangs rgyas kyi zhing 'dir skye bar 'gyur ba de dag gis chos kyi sgo'i gzhi brgya rtsa brgyad po 'di kun chub par byas na/ chos thams cad kun chub pa dang / kun bzung bar 'gyur ro zhes chos kyi sgo'i gzhi brgya rtsa brgyad 'jog par 'gyur ro// shA ra dwa ti'i bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ ji ltar de bzhugs pa de ltar yongs su mya ngan las 'das pa na'ang / byang chub sems dpa' sems dpa' chen po de dag gis chos thams cad kun chub par byed cing / bla na med pa yang dag par rdzogs pa'i byang chub mngon par rdzogs par sangs rgyas par ma gyur kyi bar du/ sangs rgyas kyi zhing nas sangs rgyas kyi zhing du 'gro ba dang / de bzhin gshegs pa la blta ba dang / phyir mi ldog pas na shin tu yongs su bzung ba yin no// shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas
- 68b
shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad ni/ ji ltar bcom ldan 'das de bzhugs pa de bzhin du de yongs su mya ngan las 'das pa na'ang / chos thams cad kun chub par byed pa 'thob par 'gyur ro// shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan lnga 'da' chen po'i dus kyi tshe/ 'di ltar sangs rgyas kyi mthus sems can gang dag 'jig rten gyi khams gzhan dang gzhan dag na gnas pa'i sems can de dag gi mig lam du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de snang bar 'gyur ro/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs 'di yongs su mya ngan las 'ad ra sa yongs mya na mas 'das pan/ lha dang mi rnams kyis sku la mchod pa bya ba'i phyir/ lha dang mi'i me tog dang / bdug pa dang / spos dang / me tog 'phreng ba dang / byug pa dang phye ma dang / gos dang / gdugs dang / rgyal mtshan dang / ba dan dang / rin po che'i rgyan ngag gis sku la mngon par 'thor bar 'gyur te/ lha dang mi rnams kyi me tog
- 69a
dang / 'dug pa dang / spos dang / me tog 'phreng dang / byug pa dang / phye ma dang / gos dang / gdugs dang / rgyal mtshan dang / ba dan dang rin po che'i rgyan de dag mngon par gtor ba'i phung po ni kho ra khor yug dang / 'phang du dpag tshad kyi tshad tsam du 'gyur ro// shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po yongs su mya ngan las 'das pa na/ stong gsum gyi stong chen po'i 'jig rten gyi khams de na lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen p o gang ji snyed yod pa de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'das pa chen po ga la ba de logs su 'dud cing thal mo sbyar te phyag 'tshal bar 'gyur ro/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa na/ lha dang mi de rnams nyin mtshan bdun du mya ngan gyi zug rngu dang ldan
- 69b
par gyur nas/ kye ma bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de shin tu myur bar yongs su mya ngan las 'das so zhes brang rdung bar 'gyur zhing / lha dang mi de dag dga' ba dang / rtsed mo nyams su myong bar mi 'gyur/ 'dod pa'i longs spyod la 'jug par mi 'gyur te/ lha dang mi de dag de ltar sems khong du chud par gyur nas/ gcig la gcig 'di skad du/ kye ma spyan du gyur pa/ ye shes su gyur pa/ dbang du gyur pa/ tshad mar gyur pa/ snang bar gyur pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di shin tu myur bar 'jig rten du nub bo zhes tshig tu rjod par 'gyur ro/ / shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am skye bar 'gyur ba de dag thams cad ni bla na med pa yang dag par rdzogs pa'i byang chub tu lung bstan pa yin par rig par bya ste/ shA ra dwa ti'i bu byang chub sems dpa' sems dpa' chen po de dag ni brgyar bgrang bas bgrang bar mi 'gyur gyi/ shA ra dwa ti'i bu gzhan du na de dag ni brgya zhe 'am/ stong zhe 'am/ brgya stong zhes bya ba'i grangs su 'gro'o// shA ra dwa ti'i bu ji ltar byang chub sems dpa' sems dpa' chen
- 70a
po de dag brgya'i grangs dang / stong gi grangs dang / brgya stong gi grangs su 'gro ba de bzhin du/ shA ra dwa ti'i bu de bzhin gshegs pa'i grangs su blta bar bya'o// sangs rgyas kyi grangs su blta bar bya'o/ / thams cad mkhyen pa nyid kyi grangs su blta bar bya'o// shA ra dwa ti'i bu byang chub sems dpa' sems dpa' chen po gang la la ngag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad kyang / de lta bu'i grangs nyid du 'gro bar 'gyur te/ 'di lta ste/ de bzhin gshegs pa'i grangs dang / sangs rgyas kyi grangs dang / thams cad mkhyen pa nyid kyi grangs su grangs de nyid du 'gro bar 'gyur ro/ / shA ra dwa ti'i bu byang chub sems dpa' sems dpa' chen po phyir mi ldog pa rnams ma gtogs pa/ de las gzhan pa'i byang chub sems dpa' gang dag gis/ bcom ldan ' das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yon tan yongs su brjod pa'i chos kyi rnam grangs 'di thos par mi 'gyur ba de dag thams cad ribadud kyis byin gyis brlabs par rig par bya'o/ / shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa
- 70b
de yongs su mya ngan las 'da' ba chen pos yongs su mya ngan las 'das pa na/ sku ni rang gi me'i khams kyis sreg par 'gyur ro// de'i sku gdung rnams ni gser gyi mdog 'dra bar 'gyur te/ sku gdung de dag bcad pa'i 'phro nas bkra shi sa dang g.yu drung 'khyil ba dag snang bar 'gyur zhing rab tu gsal bar 'gyur ro// shA ra dwa ti'i bu 'di lta ste/ dper na shing ljon pa chen po ti mi sa zhes bya ba'i rigs de bcad pa'i 'phro nas bkra shis dang g.yu drung 'khyil ba dag sdang zhing 'byung ngo / / shA ra dwa ti'i bu de bzhin du bcom ldan 'das de bzhin gshegs pa d gra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung de dag bcad pa'i 'phro nas kyang bkra shis dang g.yu drung 'khyil ba dag 'byung bar 'gyur zhing cho 'phrul sna tshogs dag dang / mthu sna tshogs dag kyang ston par 'gyur ro// shA ra dwa ti'i bu gzhan yang b com ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung de dag bcad pa'i 'phro dag nas bkra shis dang g.yung drung 'khyil ba dag 'byung bar 'gyur ro/ / shA ra dwa ti'i bu 'di lta ste/ dper na rngo mu la so zhes bya ba de bcag pa'i 'phro nas
- 71a
bkra shis dang g.yung drung 'khyil ba dag 'byung ngo / / shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i s angs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung gtubs pa de dag gi bcad 'phro dag las kyang bkra shis dang g.yu drung 'khyil ba dag 'byung bar 'gyur ro/ / sku gdung de dag la sku gdung la mchod pa bya ba'i phyir/ stong gsum gyi stong chen po'i 'jig rten gyi khams de thams cad du sems can rnams rin po che sna bdun gyi mchod rten dag byed par 'gyur ro/ / stong gsum gyi stong chen po'i 'jig rten gyi khams thams cad 'di ltar rgyan par 'gyur te/ 'di lta ste/ dper na skar ma rnams kyis nam mkha' yongs su khyab pa de bzhin du/ rin po che sna bdun gyi mchod rten de dag dang / pad+ma gser gyi mdog can 'dab ma bye ba phrag stong dang ldan pa de dag gis kyang sangs rgyas kyi zhing de rtag tu rgyan par 'gyur shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ byang chub sems dpa' sems dpa' chen po gang dag 'chi ba'i gnas skabs la nye bar gnas shing 'chi 'pho ba de dag de nas 'chi 'pho ba na snga ltas 'di lta bu dag 'byung bar 'gyur te/ byang chub
- 71b
s ems dpa' sems dpa' chen po de dag sangs rgyas kyi zhing gang du skye bar 'gyur ba'i sangs rgyas kyi zhing de'i de bzhin gshegs pa dgra bcom pa yang dag par rdzogs pa'i sangs rgyas de dag mthong bar 'gyur zhing / mthong nas kyang mi brjed par 'chi ba'i dus byed do// 'chi ba'i dus byas pa de dag gi sku gdung rnams la'ang lha dang mi rnams sku gdung la mchod pa bya ba'i phyir brtson par 'gyur te/ lha dang mi'i phun sum tshogs pas sku gdung rnams la sku gdung gi mchod pa byed par 'gyur ro// shA ra dwa ti'i bu gzhan yang byang chub sems dpa' sems dpa' chen po de dag gi sku gdung rnams ni mthar gyis nam mkha' la 'thor cing phra mor gyur nas/ de dag gi cha shas kyang med cing mi snang bar 'gyur ro// shA ra dwa ti'i bu 'di lta ste/ dper na rtswa gsher ba dag nam me'i nang du bcug na du ba'i rgyun dag 'byung zhing / du ba de dag kyang mthar gyis nam mkha' la mngon par 'phags te/ nam mkha' la 'thor cing phra mor gyur nas de ngag gi cha shA kyang med cing mi sdang bar 'gyur ro/ / shA ra dwa ti'i bu de bzhin du byang chub sems dpa' sems dpa' chen po gang dag sangs rgyas kyi zhing de nas shi 'phos pa de dag gi sku gdung rnams kyang mthar gyis nam mkha' la 'thor cing phra mor gyur nas de dag gi cha shas kyang med cing mi snang bar 'gyur ro/ / shA ra dwa ti'i bu gzhan yang byang chub sems dpa' sems
- 72a
dpa' chen po de dag 'chi ba'i gnas skabs la nye bar gnas shing / sangs rgyas kyi zhing de nas shi 'pho ba na ltas 'di lta bu dag kyang 'byung bar 'gyur te/ phyogs bcu kun gyi 'jig rten gyi khams thams cad du 'jig rten khams kha cig tu ni byang chub sems dpa' sems dpa' chen po dag dga' ldan gyi lha'i ris rnams su skye ba dag mthong ngo // / 'jig rten gyi khams kha cig tu ni byang chub sems dpa' sems dpa' chen po dag dga' ldan gyi lha'i ris rnams na gnas pa dag mthong ngo // 'jig rten gyi khams kha cig tu ni byang chub sems dpa' sems dpa' chen po dag dga' ldan gyi lha'i ris rnams nas 'chi 'pho ba dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag ma'i mngal du 'jug pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag ma'i mngal nas btsa' ba dag mthong ngo // 'jig rten gyi khams kha cig tu ni byang chub sems dpa' sems dpa' chen po dag gom pa bdun bdun 'dor ba dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag rta gang du rtag tu dgod pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag gzhon nu rtse ba rjes su ston pa dag mthong ngo // 'jig rten gyi khams
- 72b
kha cig tu ni byang chub sems dpa' sems dpa' chen po dag btsun mo'i 'khor gyi nang na 'dug pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag khyim nas khyim med par rab tu 'byung ba dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag dka' ba spyod pa la sbyor ba ston pa dag mthong ngo/ / 'jig rten gyi khams kha cig tu ni byang chub sems dpa' sems dpa' chen po dag byang chub kyi snying por 'gro ba dag mthong ngo // 'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la nges par rtog pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la gus pa dang zhes sas skor ba byed pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la 'dug par rtsom pa dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la 'dug par gyur pa dag mthong ngo // 'jig rten gyi khams kha cig tu ni byang chub sems dpa' sems dpa' chen po dag bdud sdig can rab tu 'dul ba dag mthong ngo / / 'jig rten gyi khams kha cig tu ni byang chub sems dpa' sems dpa' chen po dag bla na med pa
- 73a
yang dag par rdzogs pa'i byang chub mngon par rdzogs par 'tshang rgya zhing thams cad mkhyen pa'i ye shes thob pa dag mthong ngo / / 'jig rten gyi khams kha cig tu ni sangs rgyas bcom ldan 'das dag chos kyi 'khor lo bskor ba dag mthong ngo / / 'jig rten gyi khams kha cig tu ni sangs rgyas bcom ldan 'das dag byang chub sems dpa' sems dpa' chen po rnams la lung ston par mdzad pa dag mthong ngo / / 'jig rten gyi khams kha cig tu ni sangs rgyas bcom ldan 'das dag phung po lhag ma med pa'i mya ngan las 'das pa'i dbyings su yongs su mya ngan las 'da' ba dag mthong ste/ shA ra dwa ti'i bu byang chub sems dpa' sems dpa' chen po de dag 'chi ba'i gnas skabs la nye bar gnas shing sangs rgyas kyi zhing de nas 'chi 'pho ba na de lta bu'i ltas de dag 'byung bar 'gyur ro/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sku tshe'i tshad ni bskal pa chen po 'bum phrag bcur gnas te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das nas kyang / bde bar gshegs pas gsungs pa'i dam pa'i chos ni bskal pa chen po 'bum phrag bcu'i bar du
- 73b
gnas par 'gyur ro/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das bde bar gshegs pas gsungs pa'i dam pa'i chos gnas par 'gyur ba'i bskal pa chen po 'bum phrag bcu po dag ji ltar brtsi ba lags/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu bar gyi bskal pa nyi shu la bskal pa gcig go// bskal pa bcu la bskal pa chen po gcig go// shA ra dwa ti'i bu 'di ltar brtsis pa'i bskul pa chen po 'bum phrag bcu'i bar du bde bar gshegs pas gsungs pa'i dam pa'i chos gnas par 'gyur ro/ / shA ra dwa ti'i bu de'i dam pa'i chos nub par gyur pa na stong gsum gyi stong chen po'i 'jig rten gyi khams de thams cad du snang ba chen po 'byung bar 'gyur/ sa chen po'ang g.yo bar 'gyur/ sgra skad chen po'ang grags par 'gyur ro// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i dam pa'i chos ni bdud dang bdud kyi ris kyi lha rnams kyis nub par byed par mi 'gyur/ de'i dam pa'i chos ni bcom ldan 'das kyi nyan thos rnams kyis kyang nub par byed par mi 'gyur gyi/ shA ra dwa ti'i bu gzhan du na de'i mi rnams dam pa'i chos
- 74a
nyan pa'i 'dun pa chung bar 'gyur te/ de dag 'dun pa chung bas na chos smra ba'i dge slong rnams kyi drung du 'gro bar mi 'gyur ro// de dag der mi 'gro bas na dam pa'i chos thos par mi 'gyur ro/ / dam pa'i chos ma thos pas na grub par mi 'gyur ro// mi grub pas na gong ma'i khyad par 'thob par mi 'gyur zhing / chos smra ba'i dge slong rnams kyis kyang mi de dag 'dun pa chung bar rig nas chos ston par mi 'gyur te/ shA ra dwa ti'i bu de lta bu'i rim gyis de'i dam pa'i chos nub par 'gyur ro// de bzhin gshegs pa mi 'khrugs pa'i bkod pa las le'u lnga pa rdzogs so/ / // de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das byang chub sems dpa' sems dpa' chen po dge ba'i rtsa ba ji lta bu dang / rgyu gang dang / rkyen gang gis sangs rgyas kyi zhing der skye bar 'gyur/ de skad ces gsol pa dang / bcom lda 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu 'di la byang chub sems dpa' sems dpa' chen pos/ bcom ldan 'das de bzhin gshegs p a dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i spyod par gyur pa gang yin pa'i spyod pa de dag la spyad par bya zhing spyod pa de
- 74b
dag bsgrub par bya'o/ / zhes de ltar sems bskyed cing smon lam btab pas na/ sangs rgyas kyi zhing 'jig rten gyi khams mngon par dga' ba zhes bya ba der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du skye bar 'gyur te/ shA ra dwa ti'i bu byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu ni de yin/ rkyen ni de yin no// shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ sbyin pa'i pha rol tu phyin pa bla na med pa yang dag par rdzogs pa'i byang chub tu yongs su bsngo bar byas te/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no// de'ang rkyen yin no/ / shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ tshul khrims kyi pha rol tu phyin pa bla na med pa yang dag par rdzogs pa'i byang chub tu yongs su
- 75a
bsngo bar bya ste/ shA ra dwa ti'i bu de'ang byang chub sems dpa' sems dpa' chen pos sangs rgyas kyi zhing der skye bar 'gyur ba'i rgyu yin no// de'ang rkyen yin no// shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ bzod pa'i pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no// de'ang rkyen yin no// shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ brtson 'grus kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// shA ra dwa ti'i bu gzhan yang byang chub sems dpa' sems dpa' chen
- 75b
pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de lhan cig 'grogs par gyur cig ces// bsam gtan gyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ shes rab kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ de'ang rkyen yin no// gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos gang bshad pa de rnam pa las rjes su dran par bya/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun tshad med grangs med brjod
- 76a
du med cing brjod du med pa'i yang brjod du med pa gang yin pa de dag kyang rnam pa las rjes su dran par bya/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i byang chub sems dpa' bgrang ba las shin tu 'das pa de dag kyang rnam pa las rjes su dran par bya ste/ ji ltar bdag kyang bla na med pa yang dag par rdzogs pa'i byang chub mngon par rdzogs par sangs rgyas nas chos ston par 'gyur ba dang / bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der nyan thos kyi dge 'dun dang / byang chub sems dpa'i tshogs tshad med grangs med brjod du med cing brjod du med pa'i yang brjod du med par 'gyur ba de dag rnam pa las rjes su dran par bya'o/ / shA ra dwa ti'i bu gsum gyi rnam pa dang ldan pa'i rigs kyi bus 'di ltar yang dag par bslab par bya ste/ bdag gis gsum gyi rnam pa dang ldan pa'i dge ba'i rtsa ba 'di sems can thams cad dang lhan cig tu thun mong du bya zhing / sems can thams cad dang lhan cig thun mong du byas nas kyang / bla na med pa yang dag par rdzogs pa'i byang chub tu yongs su bsngo bar bya'o/ / zhes gsum gyi rnam pa dang ldan pa'i dge ba'i rtsa ba sems can thams cad kyi phyir yongs su bsngo bar bya'o// shA ra dwa ti'i bu byang chub sems dpa' sems
- 76b
dpa' chen pos gsum gyi rnam pa yongs su bsngos pa la/ bar ma dor yongs su nyams pa med pa nas/ shA ra dwa ti'i bu gsum gyi rnam pa dang ldan pa'i dge ba'i rtsa bas kyang / byang chub sems/ dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya zhing / sangs rgyas kyi zhing der skye bar 'gyur na/ pha rol tu phyin pa thams cad dang ldan pa'i dge ba'i rtsa bas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du skye bar 'gyur ba lnga smos kyang ci dgos te/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis thams cad dang ldan pa'i stong gsum gyi stong chen po'i 'jig rten gyi khams snang bar byed pa mthong zhing / de dag mthong nas kyang bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der yang rang gi 'od kyis snang bar bya'o zhes rnam pa las rjes su dran par bya ba de lta bu'i sems bskyed par bya ste/ shA ra dwa ti'i bu de'ang byang chub sems
- 77a
dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas/ 'di ltar bdag byang chub sems dpa'i spyad pa spyod pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs po de'i nyan thos kyi dge 'dun tshad med grangs med brjod du med cing brjod du med pa'i yang brjod du med pa de dag mthong zhing / de dag mthong nas kyang ji ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der yang / nyan thos kyi dge 'dun tshad med grangs med brjod du med cing brjod du med pa'i yang brjod du med pa dag 'byung bar 'gyur ba de ltar bya zhing / de ltar brtson par bya'o zhes de ltar sems bskyed par bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas/ 'di ltar bdag byang chub sems dpa'i spyad pa spyod pa na/ bcom ldan 'das de bzhin gshegs pa dgra bcom pa yang dag par
- 77b
rdzogs pa'i sangs rgyas mi 'khrugs pa de'i sangs rgyas kyi zhing rnam pa thams cad kyi mchog dang ldan pa de mthong zhing mthong nas kyang / ji ltar bdag bla na med pa yang dag par rdzogs p a'i byang chub mngon par rdzogs par sangs rgyas pa'i sangs rgyas kyi zhing yang de ltar rnam pa thams cad kyi mchog dang ldan par 'gyur ba de 'dra bar bya zhing de ltar brtson par bya'o zhes de ltar sems bskyed par bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no// de'ang rkyen yin no// shA ra dwa ti'i bu gzhan yang rigs kyi bu 'am/ rigs kyi bu mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na/ gang dag de bzhin gshegs pa'i grangs su 'gro ba dang / sangs rgyas kyi grangs su 'gro ba dang / thams cad mkhyen pa nyid kyi grangs su 'gro ba'i byang chub sems dpa' sems dpa' chen po spos kyi glang po che dang / baglang spos kyi glang po che la sogs pa/ byang chub sems dpa' sems dpa' chen po tshad med grangs med pa de lta bu de dag gi ming thos na'ang / sangs rgyas kyi zhing der smon lam 'debs shing skye bar 'gyur na/ pha rol tu phyin pa thams cad dang ldan pa'i dge ba'i rtsa ba rnams bcom ldan 'das de
- 78a
bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba der yongs su bsngos pas/ sangs rgyas kyi zhing der skye bar 'gyur ba la slu bar mi 'gyur ba lta smos kyang ci dgos te/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no// de'ang rkyen yin no// shA ra dwa ti'i bu bla na med pa yang dag par rdzogs pa'i byang chub kyi dge ba'i rtsa ba'i tshad ni gzung bar mi nus te/ shA ra dwa ti'i bu gal te sems can thams cad kyis nam mkha'i tshad tsam gyi snod dag yongs su bkang ste khyer bar gyur kyang / snod chen pos bcus pa des dge ba'i rtsa ba de zad par byed par mi nus so// shA ra dwa ti'i bu bla na med pa yang dag par rdzogs pa'i byang chub kyi dge ba'i rtsa bgang yin pa de snod dag gis gzhal bar mi nus te/ shA ra dwa ti'i bu de'i snod ni thams cad mkhyen pa nyid yin no// shA ra dwa ti'i bu gsum gyi rnam pa dang ldan pa'i dge ba'i rtsa ba las/ dkon mchog gsum gyi gdung thob par 'gyur ro/ / shA ra dwa ti'i bu byang chub sems dpa' sems dpa' chen po gang la la ngag gsum gyi rnam pa yongs su bsngos pa'i dge ba'i rtsa ba 'di dang ldan pa de dag thams cad ni log par lhung ba med pa'i chos can du blta'o/ / shA ra dwa ti'i bu gsum gyi rnam pa yongs su bsngos pa'i dge ba'i rtsa ba dang ldan pa'i byang chub sems dpa' sems dpa' chen po ni bdud
- 78b
sdig can dang bdud kyi ris kyi lha rnams 'dul bar byed cing / sangs rgyas kyi zhing gang dang gang du skye bar 'dod pa'i sangs rgyas kyi zhing de dang der yang skye bar 'gyur ro// shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas/ shar phyogs kyi 'jig rten gyi khams tshad med grangs med pa dag na/ sangs rgyas bcom ldan 'das gang dag bzhugs pa de dag rnam pa las rjes su dran par bya/ sangs rgyas bcom ldan 'das de dag gis chos gang bshad pa de'ang rnam pa las rjes su dran par bya/ sangs rgyas bcom ldan 'das de dag gi nyan thos kyi dge 'dun dang / byang chub sems dpa'i tshogs gang yin pa de dag thams cad kyang rnam pa las rjes su dran par bya'o// gsum gyi rnam pa dang ldan pa'i dge ba'i rtsa ba de'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba der yongs su bsngo bar bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ / de'ang rkyen yin no// de bzhin du lho phyogs dang / nub phyogs dang / byang phyogs dang / de bzhin du 'og dang / steng gi phyogs dang / de bzhin du phyogs bcu kun gyi sangs rgyas kyi zhing thams cad na/ sangs rgyas bcom ldan 'das gang dag bzhugs pa de dag
- 79a
thams cad kyang rnam pa las rjes su dran par bya/ / sangs rgyas bcom ldan 'das de dag gis chos gang bshad pa de dag thams cad kyang rnam pa las rjes su dran par bya/ sangs rgyas bcom ldan 'das de dag gi nyan thos kyi dge 'dun dang / byang chub sems dpa'i tshogs gang yin pa de dag thams cad kyang rnam pa las rjes su dran par bya'o// shA ra dwa ti'i bu de lta bas na byang chub sems dpa' sems dpa' chen pos gsum gyi rnam pa dang ldan pa'i dge ba'i rtsa ba de dag la rjes su yi rang bar bya zhing / rjes su yi rang nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba der yongs su bsngo bar bya ste/ der yongs su bsngos na sangs rgyas kyi zhing der skye ba la slu bar mi 'gyur ro/ / shA ra dwa ti'i bu gzhan yang sangs rgyas kyi zhing mang po dang / sangs rgyas kyi zhing brgya phrag mang po dag dang / sangs rgyas kyi zhing stong phrag mang po dag dang / sangs rgyas kyi zhing brgya stong phrag mang po dag dang / sangs rgyas kyi zhing bye ba khrag khrig brgya stong phrag mang po dag na'ang / gang da ltar sangs rgyas kyi zhing gi yon tan bkod pa mdzes pa 'di lta bu dag med de/ shA ra dwa ti'i bu de lta bas na byang chub sems dpa' sems dpa' chen pos 'di ltar bdag gi dge ba'i rtsa ba 'dis gang bcom ldan 'das de bzhin gshegs pa dgra bcom pa
- 79b
yang dag par rdzogs pa'i sangs rgyas mi 'khrugs pa de'i da ltar gyi sangs rgyas kyi zhing gi yon tan bkod pa mdzes pa de lta bu'i sangs rgyas kyi zhing gi yon tan bkod pa dag mthong zhing / sangs rgyas kyi zhing gi yon tan bkod pa de lta bu dag mthong nas kyang / sangs rgyas kyi zhing gi yon tan bkod pa de lta bu dag yongs su gzung bar bya'o// yongs su bzung nas kyang kha lo sgyur ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa la sogs pa'i lung gis/ byang chub sems dpa' brgya phrag mang po dag dang / byang chub sems dpa' stong phrag mang po dag dang / byang chub sems dpa' brgya stong phrag mang po dag dang / byang chub sems dpa' bye ba khrag khrig brgya stong phrag mang po dag bla na med pa yang dag par rdzogs pa'i byang chub la yang dag par bstan par bya/ yang dag par 'dzin du gzhug par bya/ yang dag par gzengs bstod par bya/ yang dag par rab tu dga' bar bya'o zhes sems bskyed par bya ste/ shA ra dwa ti'i bu de'ang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no// de'ang rkyen yin no// shA ra dwa t i'i bu de lta bas na byang chub sems dpa' sems dpa' chen po gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas
- 80a
kyi zhing der skye ba rab tu 'dzin par 'dod pas de ltar lhag pa'i bsam pas sems bskyed par bya'o/ / gal te de ltar ma byas na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid bslus par 'gyur ro/ / shA ra dwa ti'i bu gal te byang chub sems dpa' gang de ltar lhag pa'i bsam pas sems skyed par 'gyur ba de dag ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar 'gyur te/ shA ra dwa ti'i bu rigs kyi bu 'am/ rigs kyi bu mo gang la la de ltar lhag pa'i bsam pas sems skyed par 'gyur ba de ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing der skye ba ngas lung bstan to/ / // bam po lnga pa/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa' spyad pa spyod pa na/ 'di skad du kye ma sems can gang dag bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing du skye bar 'dod pa de dag 'chi ba'i dus kyi tshe/ bdag kyang nyan thos kyi dge 'dun
- 80b
gyis yongs su bskor cing / byang chub sems dpa'i tshogs kyis mdun du bdar nas de dag gi drung du gnas par 'gyur la/ de dag gis kyang bdag mthong nas sems rab tu dga' bar 'gyur zhing / dran pa nyams pa med pa dang / sems g.yeng ba med par 'chi ba'i dus byas nas/ bdag gi sangs rgyas kyi zhing du skye bar gyur cig ces smon lam chen po btab pas na/ shA ra dwa ti'i bu rigs kyi bu 'am/ rigs kyi bu mo gang la las/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan thos pa dang / thos nas kyang yid la byed pa dang / de bzhin gshegs pa mi 'khrugs pa'i sku glang po che'i khri la pad+ma'i gdan la bzhugs pa'i bkod pa stong byed du 'jug na/ gang gi tshe rigs kyi bu dang / rigs kyi bu mo de 'chi ba'i dus byed par gyur pa de'i tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun gyis yongs su bskor zhing / byang chub sems dpa'i tshogs kyi mdun du bdar te gshegs par 'gyur zhing / des kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mdun na bzhugs pa de mthong bar 'gyur ro/ / mthong nas kyang sems dga' bar 'gyur zhing / mi brjed pa dang /
- 81a
sems mi g.yeng bar 'chi ba'i dus byed par 'gyur te/ 'chi ba'i dus nas kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing 'jig rten gyi khams mngon par dga' ba de nyid du skye bar 'gyur ro/ / gang gi tshe rigs kyi bu 'am/ rigs kyi bu mo de'i sbyin pa'i chos byed pa de na 'chi ba'i dus kyi tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mthong zhing / mthong nas kyang sdig pa thams cad rnam par bsal nas sangs rgyas kyi zhing der skye bar 'gyur ro/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ kye ma bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der sems can gang dag skye bar 'dod pa de dag 'chi ba'i dus kyi tshe/ bdag nyan thos kyi dge 'dun gyis yongs su bskor ba dang bcas/ byang chub sems dpa'i tshogs kyis mdun gyis bltas pa dang bcas par de dag gi mdun na 'dug par gyur la/ de dag gis bdag mthong nas sems dad par gyur te/ mi brjed cing / sems mi g.yeng bas 'chi ba'i dus byas nas/ bdag gi sangs rgyas kyi
- 81b
ning du skye bar gyur cig ces smon lam de lta bu btab par gyur to/ / shA ra dwa ti'i bu 'di lta ste/ dper na grong khyer kun dga'i ra ba dang / skyed mos tshal med cing / 'bab chu dang / mtsho zan dang / klung dang / rdzing bu'i longs spyod dang / rta dang glang po che dag kyang med la/ bye ma dang / gseg ma dang / rdo ba dang / gyo mo dag yod cing / tsher ma stug pos gang ste/ bgrod dka' ba zhig yod la/ shA ra dwa ti'i bu grong khyer de na rgyal po mthu che zhing dpung dang ldan pa zhig gnas par gyur kyang / shA ra dwa ti'i bu grong khyer de grong khyer gyi yon tan de dag dang bral bas mi mdzes te/ shA ra dwa ti'i bu 'di ltar rgyal po de mthu che zhing dpung dang ldan yang rung ste/ grong khyer de grong khyer gyi yon tan dag dang bral bas na mi mdzes so// shA ra dwa ti'i bu de la ji ltar rgyal po mthu che zhing dpung dang ldan par gyur pa de ltar ni/ shA ra dwa ti'i bu stong gsum gyi stong chen po'i 'jig rten gyi khams 'di na de bzhin gshegs pa chos kyi rgyal po dpung dang ldan pa yin no// shA ra dwa ti'i bu 'on kyang nga'i sangs rgyas kyi zhing 'di na mi 'khrugs pa'i sangs rgyas kyi zhing gi yon tan bkod pa gang yin pa de lta bu dag med pas mi mdzes so// shA ra dwa ti'i bu gal te nga sangs rgyas kyi zhing 'dir sangs rgyas kyi zhing gi yon tan bkod pa de lta bu dag 'byung bar gyur na ni/ ji ltar da ltar bcom ldan 'das de bzhin gshegs pa dgra bcom pa yang dag par rdzogs
- 82a
pa'i sangs rgyas mi 'khrugs pa'i sangs rgyas kyi zhing mdzes pa bzhin du nga'i sangs rgyas kyi zhing 'di'ang mdzes par 'gyur ro/ / shA ra dwa ti'i bu de lta bas na byang chub sems dpa' sems dpa' chen po sangs rgyas kyi zhing gi yon tan bkod pa yongs su spyod par 'dod pa dang / yongs su 'dzin par 'dod pas ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ sangs rgyas kyi zhing gi yon tan bkod pa yongs su sbyangs shing yongs su bzung ba de ltar yongs su sbyang zhing de ltar yongs su gzung bar bya'o/ / shA ra dwa ti'i bu gzhan yang ngas da ltar bla na med pa yang dag par rdzogs pa'i byang chub mngon par rdzogs par sangs rgyas nas/ sems can gang dag rgyun du zhugs pa'i 'bras bu la bkod pa dang / lan cig phyir 'ong ba'i 'bras bu la bkod pa dang / phyir mi 'ong ba'i 'bras bu la bkod pa dang dgra bcom pa nyid la bkod pa dang / rang byang chub la bkod pa dang / shA ra dwa ti'i bu nga'i nyan thos gang yin pa de dag gis kyang sems can gzhan gang dag btul ba'i nyan thos de ngadag thams cad mngon par bsdus kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi gan na
- 82b
nyan thos kyi dge 'dun de dag ni brgya'i char yang nye bar mi 'gro'o/ / stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod ngo do// de ci'i phyir zhe na/ tshad med pa dang / grangs med pa'i phyir dang / rnam par grol bas ni ma yin no/ / shA ra dwa ti'i bu nga'i nyan thos rnams lta zhog gi/ shA ra dwa ti'i bu gang yang ma 'ongs dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byams pa'i nyan thos gang dag 'byung bar 'gyur ba de dag dang / gang yang nyan thos de dag gis sems can gzhan dag 'dul bar 'gyur ba'i nyan thos de dag thams cad mngon par bsdus kyang / de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi brgya'i char yang nye bar mi 'gro'o// stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyar yang mi bzod do// de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bshad pa lan /
- 83a
res sems can gang dag btul bar gyur pa de dag gi tshad kyang sus kyang gzung bar mi nus pa'i phyir ro// shA ra dwa ti'i bu nga'i nyan thos rnams kyang lta zhog gi/ bcom ldan// 'das de bzhin gshegs pa dgra bcom pa yang dag par rdzogs pa'i sangs rgyas byams pa'i nyan thos rnams lta'ang zhog gi/ shA ra dwa ti'i bu gang yang ma 'ongs pa'i dus kyi bskal pa bzang por sangs rgyas bcom ldan 'das de dag thams cad kyi nyan thos gang dag 'byung bar 'gyur ba dang / gang yang nyan thos de dag gis nyan thos gzhan dag 'dul bar 'gyur ba gang yin pa'i nyan thos de dag thams cad mngon par bsdus kyang / de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi brgya'i char yang nye bar mi 'gro'o// / stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bzang ba dang / dpe dang / rgyur yang mi bzod do// de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bshad pa la na re res sems can gang dag btul bar gyur pa de dag gi tshad kyang gzung bar mi nus pa'i phyir te/ rnam par grol bas ni ma yin no// de skad ces bka' stsal pa dang / bcom ldan 'das
- 83b
tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das ji ltar bcom ldan 'das kyis gsungs pa'i don bdag gis 'tshal ba ltar na/ btsun pa bcom ldan 'das sangs rgyas kyi zhing de ni so so'i skye bo'i zhing ma lags kyi/ dgra bcom pa'i zhing lags par blta ba lags so// de ci'i slad du zhe na/ btsun pa bcom ldan 'das de na zag pa zad pa'i dgra bcom pa dag mang ba'i slad du'o/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin no// shA ra dwa ti'i bu ji skad smras pa de bzhin te/ de na zag pa zad pa'i dgra bcom pa dag mang ngo // shA ra dwa ti'i bu stong gsum gyi stong chen po'i 'jig rten gyi khams 'di'i skar ma'i gzugs rnams kyi tshad ni gzung bar nus kyi/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na/ sems can gang dag de bzhin gshegs pa de'i chos bshad pa la na re res dgra bcom pa thob par gyur pa de dag gi tshad ni gzung bar mi nus te/ shA ra dwa ti'i bu de ltar na 'dus pa chen po lan re re la'ang sems can tshad med grangs med pa dag gis dgra bcom pa thob par gyur par rig par bya'o/ / shA ra dwa ti'i bu stong gsum gyi stong chen po'i 'jig rten gyi khams 'di'i skar ma'i gzugs rnams kyi tshad ni gzung bar nus kyi/
- 84a
bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na/ 'dus pa chen po 'dus pa de dag gi 'dus pa chen po'i tshad ni gzung bar mi nus so/ / shA ra dwa ti'i bu gzhan yang lha dang mi de rnams dge ba'i rtsa ba bskyed pa na brel ba med par 'gyur zhing / shA ra dwa ti'i bu rigs kyi bu 'am/ rigs kyi bu mo gang dag stong gsum gyi stong chen po'i 'jig rten gyi khams der skyes pa de dag kyang nyin mtshan du brel ba med par 'gyur ro// shA ra dwa ti'i bu gang dag yon tan yongs su brjod pa'i chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang // gzhan d ag kha'ang rgya cher yang dag par rab tu ston pa de dag thams cad kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa mthong ba dang thos par 'gyur ro/ / de ci'i phyir zhe na/ 'di ltar de dag yon tan yongs su brjod pa'i chos kyi rnam grangs 'di nyan par 'gyur zhing / thos nas kyang thos ma thag tu dad pa chen po thob par 'gyur ba'i phyir ro/ / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs
- 84b
ba'i yon tan yongs su brjod pa'i chos kyi rnam grangs 'di ni phyogs bcu kun gyi sangs rgyas kyi zhing thams cad du sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// shA ra dwa ti'i bu de la sangs rgyas kyi zhing de dag na rigs kyi bu 'am/ rigs kyi bu mo gang dag 'khong pa de dag kyang yon tan yongs su brjod pa'i chos kyi rnam grangs 'di 'dzin par 'gyur/ 'chang bar 'gyur/ klog par 'gyur/ kun chub par byed par 'gyur zhing / gzhan dag la'ang rgya cher yang dag par rab tu ston par 'gyur te/ shA ra dwa ti'i bu 'jig rten gyi khams de dag na/ phyir mi ldog pa'i byang chub sems dpa' sems dpa' chen po gang dag sangs rgyas kyi zhing de dag nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams ma gtogs pa/ gang dag de las gzhan pa'i byang chub sems dpa'i theg pa pa 'am/ nyan thos kyi theg pa pa'i rigs kyi bu/ 'am/ rigs kyi bu mo de dag ni phal cher smon lam gyi dbang gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skyes pa 'am/ skye 'am/ skye bar 'gyur ba yin no// shA ra dwa ti'i bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi
- 85a
'khrugs pa de ni 'jig rten gyi khams mngon par dga' ba na bzhugs shing / phyogs bcu kun gyi sangs rgyas kyi zhing thams cad du byang chub sems dpa'i theg pa pa'i gang rnams dang / nyan thos kyi theg pa pa'i gang zag rnams la phan 'dogs par 'gyur ba yin no// shU ra dwa ti'i bu 'di lta ste/ dper na 'khor los sgyur ba'i rgyal po ni rin po che sna bdun po dag gyur pan/ de rin po che sna bdun po de dag gis gling chen po bzhi kun tu gnon par byed do// shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'ang yon tan yongs su brjod pa'i chos kyi rnam grangs 'dis phyogs bcu kun gyi sangs rgyas kyi zhing thams cad du byang chub sems dpa'i theg pa pa'i rigs kyi bu 'am/ rigs kyi bu mo dag kun tu gnon cing / rang gi sangs rgyas kyi zhing yang kun tu gnon par mdzad do// shA ra dwa ti'i bu rigs kyi bu 'am/ rigs kyi bu mo gang la la dgra bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa dang / sangs rgyas kyi zhing der skye bar smon lam yang 'debs pa de dag 'chi ba
- 85b
mthar thug gi bar du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des rtag tu dgongs par 'gyur ro// de ci'i phyir zhe na/ shA ra dwa ti'i bu de dag la bdud sdig can gyis glags rnyed par mi 'gyur ba dang / bdud kyis byin gyis brlabs pa'i sems can rnams kyis de dag gi smon lam zlog par mi 'gyur ba'i phyir te/ shA ra dwa ti'i bu de bzhin gshegs pas dgongs pa'i rigs kyi bu 'am/ rigs kyi bu mo de dag ni bla na med pa yang dag par rdzogs pa'i byang chub dang / sangs rgyas kyi zhing der skye ba las phyir ldog pa'i 'jigs pa med par shes par bya'o/ / gzhan yang rigs kyi bu dang / rigs kyi bu mo de dag gi lus la gang dag de las gzhan pa srog gi bar chad byed pa la brtson pa dang gang dag srog gi bar chad du 'gyur ba 'di lta ste/ me dang / chu dang / dug dang / mtshon la sogs pa dag gis kyang phog par mi 'gyur ro// de dag gi lus la gang dag de las gzhan pa lag pa'i reg pa dang / bong ba dang / dbyig pa la sogs pa de dag gis kyang phog par mi 'gyur ro// de dag la mi dang mi ma yin pa'i 'jigs pa'ang med par shes par bya ste/ ltar na de dag ni kun nas bsrungs pa dang / bskyabs pa dang / sbas pa yin par shes par bya'o// gang gi tshe de dag 'chi ba'i dus byed par 'gyur ba de'i tshe na'ang / bcom ldan
- 86a
' das de bzhi gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing 'jig rten gyi khams mngon par dga' ba sa bya ba der skye bar 'gyur ro/ / shA ra dwa ti'i bu 'di lta ste/ dper na nyi ma'i dkyil 'khor ni zag ring pon 'dug kyang 'dzam bu'i gling gi mi rnams la sdang bar byed do// shA ra dwa ti'i rtsa bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'ang thag ring po na bzhugs kyang / 'jig rten gyi khams gzhan ngag na gnas pa'i byang chub sems dpa'i theg pa pa'i rigs kyi bu dang / rigs kyi bu mo de dag la ye shes kyi snang ba mdzad do// shA ra dwa ti'i bu 'di lta ste/ dper na dge slong lha'i tshig dang ldan pa ni thag ring pon gnas kyang gzugs kyi kha dog bzang po dang / kha dog ngan pa dag mthong ngo // shA ra dwa ti'i bu de bzhin du bcom ldan 'das de bzhin gshegs p a dgra bcom pa yang dag par rdzogs pa'i sangs rgyas mi 'khrugs pa de'ang thag ring po na 'azhugs kyang 'jig rten gyi khams gzhan dag na gnas pa'i byang chub sems dpa' sems dpa' chen po rnams kyi kha dog dang / dbyibs dang / gzugs dag gzigs so// shA ra dwa ti'i bu 'di lta ste/ dper na dge slong rdzu 'phrul dang ldan pa sems kyi dbang ngam
- 86b
pa'i pha rol tu son pa ni/ thag ring po na gnas kyang mi dang mi ma yin pa rnams kyi sems yang dag par shes so// shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'ang thag ring po na bzhugs kyang / 'jig rten gyi khams gzhan dag na gnas pa'i byang chub sems dpa' sems dpa' chen po rnams kyi sems yang dag par mkhyen to/ / shA ra dwa ti'i bu 'di lta ste/ dper na dge slong rdzu 'phrul dang ldan pa ni thag ring po na gnas kyang rna ba'i sgra dag thos so// shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'ang thag ring po na bzhugs kyang / 'jig rten gyi khams gzhan dag na gnas pa'i byang chub sems dpa' sems dpa' chen po rnams bdag cag kyang sangs rgyas kyi zhing 'jig rten gyi khams mngon par dga' ba der skye bar bya'o zhes smra ba dag gsan cing / shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des/ rigs kyi bu dang / rigs kyi bu mo de dag gi ming dang rus ci yin pa'ang mkhyen to/ / shA ra dwa ti'i bu gang dag yon tan yongs su brjod pa'i chos kyi rnams grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher
- 87a
yang dag par rab tu ston pa de dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des gzigs so/ / de dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des mkhyen to// de dag ni rnam 'chi ba'i dus kyi tshe'i bar du'ang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des dgongs par 'gyur ro/ / de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das ji tsam du sangs rgyas bcom ldan 'das rnams kyis byang chub sems dpa' sems dpa' chen po rnams shin tu yongs su gzung ba ni bcom ldan 'das ngo mtshar lags so/ / bde bar gshegs pa shin tu ngo mtshar lags so// de skad ces gsol pa dang / bcom ldan 'das kyis tshe dang ldan pa shA ra dA ti'i bu la 'di skad ces bka' stsal to/ / shA ra dA ti'i bu de de bzhin te/ de de bzhin no// ji skad smras pa de bzhin te/ sangs rgyas bcom ldan 'das rnams kyis byang chub sems dpa' sems dpa' chen po rnams shin tu yongs su bzung ngo / / de ci'i phyir zhe na/ shA ra dwa ti'i bu byang chub sems dpa' sems dpa' chen po rnams shin tu yongs su bzung
- 87b
bas/ sems can thams cad kyang shin tu yongs su bzung bar 'gyur ba'i phyir ro// shA ra dwa ti'i bu 'di lta ste/ dper na rgyal po rgyal rigs spyi bo nas dbang bskur ba zhig la 'di lta ste/ 'bras sA lu 'am/ 'bru 'am/ nas sam/ gro 'am/ til lam/ mon sran gre'u 'am/ sran chung ngam/ 'bru'i rnam pa gzhan gang yang rung bas gang ba'i bang ba gcig ga ma/ gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum cu 'am/ bzhi bcu 'am/ lnga bcu 'am/ brgya 'am/ stong ngam/ 'bum mam/ shin tu mang po dag cig bdog par gyur na/ de 'di snyam du 'di dag ni mu ge byung ba 'am/ 'phongs par gyur pa na 'di dag gis lo legs par 'gyur ro snyam nas shin tu yongs su 'dzin par 'gyur ro/ / de ci'i phyir zhe na/ mu ge byung bar gyur pa na/ sems can rnams kyi gsos su 'gyur ba'i phyir ro// shA ra dwa ti'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'das pa na/ byang chub sems dpa' sems dpa' chen po dag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bla na med pa yang dag par rdzogs pa'i byang chub mngon par rdzogs par sangs rgyas nas kyang / dam pa'i chos kyi mu ger gyur pa'i sems can thams cad la ngas
- 88a
pa'i chos bshad pas/ dam pa'i chos kyi lo legs pa dang / dge 'dun gyi lo legs par 'gyur te/ shA ra dwa ti'i bu rnam grangs des na sangs rgyas bcom ldan 'das rnams kyis byang chub sems dpa' sems dpa' chen po rnams shin tu yongs su bzung ba yin no/ / shA ra dwa ti'i bu byang chub sems dpa' sems dpa' chen po gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed/ gzhan dag la'ang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de rab tu 'god la sangs rgyas kyi zhing der skye bar bya ba'i phyir smon lam yang 'debs par byed pa de dag thams cad ni sangs rgyas kyi zhing der skye bar 'gyur ro/ / shA ra dwa ti'i bu gzhan yang b yang chub sems dpa' sems dpa' chen po gang la la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i
- 88b
chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston par byed la srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de rab tu 'god na/ sangs rgyas kyi zhing der skye bar bya ba'i phyir smon lam ma btab kyang byang chub sems dpa' sems dpa' chen po de dag ni phyir mi ldog par rig par bya zhing / bla na med pa yang dag par rdzogs pa'i byang chub tu lung bstan par rig par bya ste/ de dag ni rang rang gi sangs rgyas kyi zhing dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / shA ra dwa ti'i bu gzhan yang byang chub sems dpa' sems dpa' chen po gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ / 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston la/ bzung zhing bcangs la bklags shing kun chub par byas te/
- 89a
gzhan dag la'ang rgya cher yang dag par rab tu bstan nas/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de rab tu 'god la/ srog chags brgya stong phrag mang po dag gi dge ba'i rtsa ba bskyed la/ de dag ji lta ji ltar sems can rnams kyi dge ba'i rtsa ba bskyed pa de lta de ltar bla na med pa yang dag par rdzogs pa'i byang chub dang nye bar 'gyur ro// shA ra dwa ti'i b u de lta bas na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya ste/ bzung zhing bcangs la bklags shing kun chub par byas nas/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag la yang dag par bshad par bya/ yang dag par rab tu bstan par bya'o/ / de ci'i phyir zhe na/ shA ra dwa ti'i bu 'di ltar byang chub sems dpa' sems dpa' chen pos ji lta ji ltar chos kyi rnam grangs 'di ston pa de lta de ltar shes rab chen por 'gyur
- 89b
ba'i las nye bar sogs par 'gyur te/ de dag shes rab chen por 'gyur ba'i las byas shing bsags pa des lus de nyid kyis zag pa zad pa rjes su 'thob par 'gyur ba'i phyir ro// shA ra dwa ti'i bu nyan thos kyi theg pa pa'i rigs kyi bu dang / rigs kyi bu mo gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de/ rab tu 'god pa de dag thams cad kyang lus de nyid kyis dgra bcom pa nyid mngon sum du byed par yang 'gyur ro/ / shA ra dwa ti'i bu gal te de dag lus de nyid kyis dgra bcom pa nyid mngon sum du byed par mi 'gyur na'ang / de dag yang dag par rdzogs pa'i sangs rgyas gnyis pa las 'da' bar ni mi 'gyur ro/ / shA ra dwa ti'i bu de lta bas na nyan thos kyi theg pa pa'i rigs kyi bu 'am/ rigs kyi bu mo lus de nyid kyis dgra bcom pa nyid mngon sum du byed par 'dod pa de dag
- 90a
gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan par bya zhing / thos nas kyang gzung bar bya/ bcang bar bya/ bklag par bya/ kun chub par bya/ gzhan dag la'ang rgya cher yang dag par rab tu bstan par bya zhing / srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du gzhug par bya/ gzud par bya/ rab tu dgod par bya'o// de ci'i phyir zhe na/ shA ra dwa ti'i bu 'di ltar dam pa'i chos yongs su bzung ba'i rigs kyi bu/ 'am/ rigs kyi bu mo rnams ni lus de nyid kyis dgra bcom pa nyid mngon sum du byed par 'gyur ba'i phyir ro// shA ra dwa ti'i bu rigs kyi bu 'am/ rigs kyi bu mo gang la la ngag yon tam yongs su brjod pa'i chos kyi rnam grangs 'di gzhan dag la dus dus su yang dag par rab tu ston pa de dag ni lus de nyid kyis dgra bcom pa nyid mngon sum du byed par 'gyur te/ sangs rgyas 'byung ba gnyis pa las 'da' bar ni mi 'gyur ro/ / shA ra dwa ti'i bu nyan thos kyi theg pa pa'i rigs kyi bu 'am/ rigs kyi bu mo de dag gis/ bcom ldan 'das de bzhin gshegs pa dgra bcom pa
- 90b
yang dag par rdzogs pa'i sangs rgyas mi 'khrugs pa de'i yon tan yongs su brjod pa'i chos kyi rnam grangs 'di ji lta ji ltar 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa de lta de ltar shes rab chen por 'gyur ba'i las byed par 'gyur zhing sogs par 'gyur ro// de dag shes rab chen por 'gyur ba'i las byas shing bsags pa des lus de nyid kyis dgra bcom pa nyid mngon sum du byed par yang 'gyur ro/ / shA ra dwa ti'i bu gal te de dag lus de nyid kyis dgra bcom pa nyid mngon sum du byed par mi 'gyur na'ang / yang dag par rdzogs pa'i sangs rgyas gnyis pa las 'da' bar ni mi 'gyur ro// shA ra dwa ti'i bu nyan thos kyi theg pa pa'i rigs kyi bu 'am/ rigs kyi bu mo rnams kyis kyang / don gyi dbang 'di mthong na chos kyi rnam grangs 'di la gus par bya zhing rnal 'byor du bya'o// shA ra dwa ti'i bu de lta bas na nyan thos kyi theg pa pa'i rigs kyi bu 'am/ rigs kyi bu mo dam pa'i chos yongs su 'dzin par 'dod pa rnams kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing / gzhan dag la'ang rgya cher yang dag par rab tu bstan par bya'o// shA ra dwa ti'i
- 91a
bu yang nyan thos kyi theg pa pa'i rigs kyi bu 'am/ rigs kyi bu mo gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi/ 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang / chos kyi rnam grangs 'di la yang dag par 'dzin du 'jug cing 'dzud de rab tu 'god la/ de bzhin nyid du rnal 'byor du bsgrub cing rtsol 'bad de slob cing mos na/ shA ra dwa ti'i bu nyan thos kyi theg pa pa'i rigs kyi bu 'am/ rigs kyi bu mo de dag ni srid pa tha ma la gnas pa 'am/ skye ba gcig gis thogs pa 'am/ skye ba gnyis kyis thogs pa 'am/ skye ba gsum gyis thogs pa ste/ yang dag par rdzogs pa'i sangs rgyas gnyis pa las 'da' bar mi 'gyur bar rig par bya'o// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni sems can bsod nams chung ngu rnams kyis thos par mi nus te/ shA ra dwa ti'i bu sangs
- 91b
rgyas kyi mthus rigs kyi bu 'am/ rigs kyi bu mo gang su'ang rung ba zhig gi rna lam du grag par gyur na/ rigs kyi bu 'am/ rigs kyi bu mo des kyang myur ba myur bar gzung bar bya bcang bar bya/ bklag par bya/ kun chub par bya zhing / gzhan dag la yang dag par rab tu bstan par bya'o// shA ra dwa ti'i bu gal te rigs kyi bu 'am/ rigs kyi bu mo la la zhig gis sems can 'ga' zhig gi don gyi phyir/ kye ma sems can 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di thos par gyur cig ces 'dzam bu'i gling 'di dbyig dang gser gyis yongs su bkang ste sbyin pa byin la yongs su btang bar gyur kyang / shA ra dwa ti'i bu sems can bsod nams chung ngu rnams kyis ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di thos par mi nus so/ / de ci'i phyir zhe na/ shA ra dwa ti'i bu chos kyi rnam grangs 'di ni chos thams cad rab tu rnam par byed par byed cing / rigs kyi bu dang / rigs kyi bu mo dad pa rnams sangs rgyas kyi zhing yongs su dag par 'gro bar byed pa'i phyir ro// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i
- 92a
sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni 'chal pa'i shes rab can rnams kyi lag na gnas par mi 'gyur te/ shA ra dwa ti'i bu gzhan du na chos kyi rnam grangs 'di ni mkhas pa shes rab zab mo dang ldan pa rnams kyi lag tu gnas par 'gyur ro/ / shA ra dwa ti'i bu rigs kyi bu 'am/ rigs kyi bu mo gang dag gi lag tu chos kyi rnam grangs 'di gnas pa dang / lus la gnas pa de dag ni de bzhin gshegs pa mthong ba yin no// shA ra dwa ti'i bu 'di lta ste/ dper na rin po che rin thang med par rin che ba gang yang rung ba zhig/ rgya mtsho chen po'i nang nas khyer te 'ongs par gyur na/ shA ra dwa ti'i bu 'di ji snyam du sems/ nor bu rin po che de dang po kho nar su'i lag tu 'ong bar 'gyur/ gsol pa/ btsun pa bcom ldan 'das rin po che de ni dang po kho nar rgyal po 'am/ rgyal po'i bu rnams sam/ rgyal po'i blon po chen po rnams kyi sug par mchi bar 'gyur lags so// bka' stsal pa/ shA ra dwa ti'i bu de b zhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di'ang byang chub sems dpa'i lag tu gnas par 'gyur te/ shA ra dwa ti'i bu byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi
- 92b
'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing / gzhan dag la'ang rgya cher yang dag par rab tu ston la/ bla na med pa yang dag par rdzogs pa'i byang chub la yang dag pa nyid du rnal 'byor du sgrub par byed pa de dag ni phyir mi ldog pa nyid du 'gyur ro// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das de lta lags pas na/ rigs kyi bu 'am/ rigs kyi bu mo phyir mi ldog pa'i sa la gnas par 'tshal ba rnams kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bgyi/ bcang bar bgyi/ bklag par bgyi/ kun chub par bgyi zhing / gzhan dag la'ang rgya cher yang dag par rab tu bstan par bgyi lags so// de ci'i slad du zhe na/ btsun pa bcom ldan 'das 'di ltar byang chub sems dpa' sems dpa' chen po chos kyi rnam grangs 'di la zhugs pa ni phyir mi ldog pa'i chos nyid rjes su thob par 'gyur ba'i slad du'o/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin te/ de de bzhin no//
- 93a
ji skad smras pa de bzhin te/ rigs kyi bu 'am/ rigs kyi bu mo phyir mi ldog pa'i sa la gnas par 'dod pa rnams kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing / gzhan dag la'ang rgya cher yang dag par rab tu bstan par bya'o// shA ra dwa ti'i bu 'di lta ste/ dper na 'khor lo sgyur ba'i rgyal po'i rin po che sna bdun po dag ni las kyi rnam par smin pa las byung ba yin no/ / shA ra dwa ti'i bu de bzhin du ngas 'khor bzhi po rnams la yon tan yongs su brjod pa'i chos kyi rnam grangs 'di bshad cing rgya cher yang dag par rab tu bstan pa yang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa bla na med pa yang dag par rdzogs pa'i byang chub mngon par rdzogs par sangs rgyas pa de'i sngon gyi smon lam gyis bshad cing rgya cher yang dag par rab tu ston te/ byang chub sems dpa' sems dpa' chen po gang gis yon tan yongs su brjod pa'i chos kyi rnam grangs 'di thos pa dang nyan par 'gyur ba de dag thams cad kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod/
- 93b
papa'i smon lam gyi khyad par dang / rang rang gi dge ba'i rtsa ba'i rnam par smin pas thos shing nyan par 'gyur ba yin no// shA ra dwa ti'i bu gang bskal pa bzang po 'di la sangs rgyas dgu brgya dgu bcu rtsa drug gang dag 'byung bar 'gyur ba'i sangs rgyas bcom ldan 'das de dag thams cad kyang / dper na ngas da ltar 'khor bzhi po dag la bshad cing rgya cher yang dag par rab tu bstan pa bzhin du lhag chad med par 'khor bzhi po dag la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di 'chad cing rgya cher yang dag par rab tu ston par 'gyur ro/ / shA ra dwa ti'i bu de lta bas na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ / bcang bar bya// bklag par bya/ kun chub par bya zhing / gzhan dag la'ang rgya cher yang dag par rab tu bstan par bya'o/ / shA ra dwa ti'i bu gal te byang chub sems dpa'i theg pa pa'i gang zag khyim gyi gnas nas mngon par byung ba la la zhig gis bcom ldan 'das de bzhin gshegs pa dgra bcom pa yang
- 94a
dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan pa dang / gzung ba dang / bcang ba dang / bklag pa dang / kun chub par bya ba dang / gzhan dag la'ang rgya cher yang dag par rab tu bstan par byar mi rnyed par gyur la/ shA ra dwa ti'i bu byang chub sems dpa'i theg pa pa'i gang zag khyim gyi gnas nas mngon par byung ba de la gal te la la zhig gis 'di skad du/ gal te rigs kyi bu khyod khyim gyi gnas na gnas shing / btsun mo'i 'khor gyi nang du zhugs te spyod par byed na/ de lta na ngas khyod la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di sbyin par bya'o zhes zer na/ shA ra dwa ti'i bu byang chub sems dpa'i theg pa pa'i gang zag khyim gyi gnas nas mngon par byung ba de chos kyi rnam grangs 'di la gus par bya ba'i phyir/ gal te chos kyi rnam grangs 'di mnyan pa 'am/ gzung 'am/ bcang ba 'am/ bklag pa 'am/ kun chub par bya ba 'am/ gzhan dag la'ang rgya cher yang dag par rab tu bstan par byar rnyed na khyim gyi gnas su song ste/ btsun mo'i 'khor gyi nang du zhugs nas chos kyi rnam grangs 'di gzung zhing kun chub par byas te/ yang phyir mngon par byung yang byang chub sems dpa'i theg pa pa'i gang zag khyim gyi gnas nas mngon
- 94b
par byung ba/ btsun mo'i 'khor gyi nang du song ba de la ltung ba med par ngas rjes su gnang ngo // de ci'i phyir zhe na/ shA ra dwa ti'i bu byang chub sems dpa'i theg pa pa'i gang zag de 'das na'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nub par mi 'gyur ba'i phyir ro/ / shA ra dwa ti'i bu gal te grong ngam/ grong khyer ram/ thag ring por gyur pa gang zhig na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di rab tu spyod par gyur na/ byang chub sems dpa' sems dpa' chen po des der yang bgrod par bya zhing der phyin nas kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ / bcang bar bya// bklag par bya/ kun chub par bya zhing / gzhan dag la'ang rgya cher yang dag par rab tu bstan par bya'o// shA ra dwa ti'i bu gal te rigs kyi bu 'am/ rigs kyi bu mo la la zhig gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ / bcang bar bya/ bklag par bya/ kun
- 95a
chub par bya zhing / gzhan dag la'ang rgya cher yang dag par rab tu bstan par bya'o zhes sems bskyed la/ shA ra dwa ti'i bu gal te rigs kyi bu 'am/ rigs kyi bu mo gzhan zhig/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di brjod par ni mi nus kyi glegs bam du byas pa zhig lag na bsrel bar gyur na/ des glegs bam de brnyas te phyir log nas bdag gi glegs bam bri bar bya'o// gal te glegs bam bskur du mi ster na'ang de nyid du bri bar bya'o/ / shA ra dwa ti'i bu gal te rigs kyi bu 'am/ rigs kyi bu mo de 'di skad du gal te rigs kyi bu khyod zar bcad de 'dri bod na de lta na ngas khyod la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di sbyin par bya'o zhes zer na'ang / des zan bcad de 'dug la bri bar bya'o// gal te yang 'di skad du 'chag cing ris shig ces zer na'ang des 'chag cing bri bar bya'o/ / gal te yang 'di skad du 'greng ste ris shig ces zer na'ang des 'greng ste bri bar bya'o// gal te yang 'di skad du 'dug ste/ ris shig ces zer na'ang des 'dus ste bri bar bya'o// shA ra dwa ti'i bu gal te byang chub sems dpa' sems dpa' chen po la la zhig/ bcom ldan 'das de bzhin gshegs pa dgra bcom pa yang dag par
- 95b
rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di'i don gyi phyir/ grong ngam/ grong khyer du song nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ma rnyed par gyur na/ de nas rgyal khams gzhan nam/ yul gzhan dag tu'ang bgrod cing / gang du thos par 'gyur ba der 'gro bar bya'o/ / der phyin nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan par bya/ gzung bar bya/ bcang bar bya// bklag par bya/ kun chub par bya zhing / gzhan dag la'ang rgya cher yang dag par rab tu bstan par bya'o// shA ra dwa ti'i bu de ltar gang du thos par 'gyur ba der phyin nas/ gal te ma rnyed na'ang des 'di snyam du/ gang gi phyir bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs de'i ming thos par gyur pas na/ bdag ni bla na med pa yang dag par rdzogs pa'i byang chub las phyir ldog pa'i 'jigs pa'ang med la/ gang gis da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs de'i ming bstan pa de'ang bdag la phan par 'dod pa/ bde bar 'dod pa/
- 96a
don du 'dod pa/ grub pa dang bde bar 'dod pa yin no snyam du sems bskyed par bya'o// shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyi sngon gyi smon lam gyi dbang gis ngas bshad de/ rigs kyi bu 'am/ rigs kyi bu mo gang dag gis thos pa dang / gang dag gis thos par 'gyur ba de'ang sangs rgyas kyi mthu dang / rang rang gi dge ba'i rtsa ba'i rnam par smin pa yin no/ / de skad ces bka' stsal pa dang / bcom ldan 'das la/ tsha dang ldan pa shA ra dwa ti'i bus 'di skad ces gsol to// btsun pa bcom ldan 'das de bzhin gshegs pa 'das pa'i 'og tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di su'i mthus thos par 'gyur/ bcom ldan 'das kyis bka' stsal pa/ shA ra dwa ti'i bu nga 'das pa'i 'og tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyi mthus thos
- 96b
par 'gyur zhing / ji ltar dam pa'i chos smra ba dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di smra bar 'gyur ba de ltar rgyal po chen po bzhi po dag dang / lha'i dbang po brgya byin yang spro ba skye bar 'gyur la/ byang chub sems dpa' sems dpa' chen po gang dag nyan par 'gyur ba de dag gi las kyi rnam par smin pas kyang / rgyal po chen po bzhi po dag dang / lha'i dbang po brgya byin spro ba skye bar 'gyur ro// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni/ yon tan gyi chos chen po dang ldan pa lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de de bzhin te/ de de bzhin no// ji skad smras pa de bzhin te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni/ yon tan gyi chos chen po dang ldan pa yin te/ shA ra dwa ti'i bu rigs kyi bu 'am/ rigs kyi bu mo gang la la dag 'jigs pa 'am/ skrag
- 97a
par gyur nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan nas brjod na/ rigs kyi bu 'am/ rigs kyi bu mo de dag gi 'jigs pa dang / skrag pa dag med par 'gyur ro// shA ra dwa ti'i bu gal te phyogs la la zhig tu 'khor lo drag po lta bu'i ser ba bab par 'gyur na/ de 'bab pa na rigs kyi bu 'am/ rigs kyi bu mo dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan nas brjod cing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ bden pa dang bden pa'i tshig gang gis klu brgya phrag mang po dang / klu stong phrag mang po dang / klu brgya stong phrag mang po dang / klu bye ba khrag khrig brgya stong phrag mang po sdug bsngal bar gyur pa dag thar par mdzad cing / thar par mdzad nas kyang dge ba'i rtsa ba de dag 'di ltar yongs su bsngos te/ dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas nas/ gang gi tshe 'jig rten gyi khams gzhan dang gzhan dag tu klu khro bo dag gis 'khor lo drag po lta bu'i ser ba 'bebs par byed pas/ de na sems can gang dag 'jigs shing skrag par gyur pa de dag bdag gi mtshan nas brjod par 'gyur zhing / der yang bdag
- 97b
gis mthus 'khor lo drag po lta bu'i ser ba de dag nye bar zhi bar gyur cig ces yongs su bsngos pa'i bden pa dang / bden pa'i tshig des bdag cag la 'khor lo drag po lta bu'i ser ba 'bab pa 'di dag nye bar zhi bar gyur cig ces brjod pa tsam gyis na/ klu rnams kyi 'khor lo drag po lta bu'i ser ba de dag nye bar zhi bar 'gyur te/ shA ra dwa ti'i bu sems can de dag gi sngoran gyi las kyi rnam par smin pa ni ma gtogs so/ / shA ra dwa ti'i bu gzhan yang rigs kyi bu 'am/ rigs kyi bu mo dag 'jigs pa 'am/ skrag pa 'am/ yams kyi nang dam/ gnod pa byung bar gyur pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de rjes su dran par bya zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na bden pa dang bden pa'i tshig gang gis dam bcas pa dang / tshig brjod pa gang yin pa'i dam bcas pa dang / tshig brjod pa de dag thams cad yongs su rdzogs par gyur cig/ dam bcas pa dang tshig brjod pa de dag thams cad kyi pha rol tu son pa'i bden pa dang bden pa'i tshig des/ 'jigs pa dang / skrag pa dang / yams kyi nad dang / gnod pa 'di dag nub par gyur cig ces brjod pa tsam gyis 'jigs pa de dag dang / skrag pa de dag dang / yams kyi
- 98a
nad de dag dang / gnod pa de dag nub par 'gyur te/ shA ra dwa ti'i bu sems can de dag gi sngon gyi las kyi rnam par smin pa ni ma gtogs so// de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das de lta lags pas/ byang chub sems dpa' sems dpa' chen po gcig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gyi/ gnyis ni ma lags pas/ btsun pa bcom ldan 'das de lta lags pas/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ ji ltar bcom ldan 'das de bzhin gshegs pa dgra bcom p a yang dag par rdzogs pa'i sangs rgyas mi 'khrugs pas bla na med pa yang dag par rdzogs pa'i byang chub mngon par rdzogs par sangs rgyas pa de ltar bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ / de skad ces gsol pa dang / bcom ldan 'das kyis// tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin te/ de de bzhin no// ji skad smras pa de bzhin te/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar
- 98b
'dod pas/ 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pas bla na med pa yang dag par rdzogs pa'i byang chub mngon par rdzogs par sangs rgyas pa de ltar bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ / shA ra dwa ti'i bu ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pas sangs rgyas kyi zhing yongs su sbyangs pa dang / sangs rgyas kyi zhing yongs su bzung ba de ltar gang gis sangs rgyas kyi zhing yongs su sbyong ba dang / de ltar sangs rgyas kyi zhing yongs su 'dzin pa'i byang chub sems dpa' sems dpa' chen po ni nyung ste/ shA ra dwa ti'i bu byang chub sems dpa' sems dpa' chen po de dag thams cad bla na med pa yang dag par rdzogs pa'i byang chub mngon par rdzogs par sangs rgyas pa na/ sangs rgyas bcom ldan 'das de dag gi sangs rgyas pa nyid kyang mtshungs/ thams cad mkhyen pa nyid kyang mtshungs kha dog kyang mtshungs/ rtags kyang mtshungs/ rigs kyang mtshungs/ sangs rgyas kyi zhing yongs su 'dzin par yang mtshungs/ nyan thos kyi dge 'dun gyi 'dus pa'ang mtshungs/ de dag gi rnam par grol ba'ang mtshungs mod kyi/ gzhan du na sangs rgyas bcom ldan 'das rnams kyi sangs rgyas kyi zhing gi yon tan bkod pa tha dad par 'gyur ba dang / seng ge'i khri tha dad pa dang / padz+ra
- 99a
dkyil 'khor tha dad par 'gyur ba 'ba' zhig tu zad do/ / de nas 'dod pa na spyod pa'i lha rnams dang / tshangs ris kyi lha rnams shar phyogs su bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de logs su thal mo sbyar ba btud de phyag 'tshal nas/ 'di skad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ gang 'jig rten gyi khams gzhan na bzhugs pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di 'dir bshad pa'i/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal lo/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal lo/ / phyag 'tshal lo zhes lan gsum du ched du brjod pa ched du brjod do// de nas 'dod pa na spyod pa'i lha rnams dang / tshangs ris kyi lha de dag gis lha'i me tog man+da ra ba dang / man+da ra ba chen po dang / lha'i spos ngag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gtor/ mngon par gtor/ mngon par rab tu
- 99b
gtor ro/ / mngon par gtor ma thag tu sangs rgyas kyi mthus me tog de dag dang / spos de dag bcom ldan 'das kyi steng gi nam mkha' la me tog gi gdugs chen por gnas par gyur to// gzhan yang 'dod pa na spyod pa'i lha rnams dang / tshangs ris kyi lha de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la mchod pa bya/ ba'i phyir/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de logs su me tog dag gis gtor bar gyur to// de nas lha'i dbang po brgya byin 'di snyam du sems te/ bdag gis sangs rgyas kyi mthus 'khor bzhi po 'di dag dang / 'dod pa na spyod pa'i lha 'di dag dang / tshangs ris kyi lha 'di dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mthong bar 'gyur bar/ de bzhin gshegs pa dgra bcom pa yang dag par rdzogs pa'i sangs rgyas la gsol ba gdab par bya'o snyam mo/ / de nas bcom ldan 'das kyis/ lha'i dbang po brgya byin gyi sems kyis yongs su rtog pa thugs kyis mkhyen nas/ rdzu 'phrul gyis nam mkha' la mngon par 'phags te/ bar snang la skyil mo krung bcas nas bzhugs par gyur to// sangs rgyas kyi mthus 'khor bzhi po de dag kyang steng gi nam mkha' la mngon par 'phags
- 100a
nas bar snang la 'khod par gyur to/ / sangs rgyas kyi mthus 'dod par spyod pa'i lha de dag dang / tshangs ris kyi lha de dag kyang steng gi nam mkha' la mngon par 'phags nas bar snang la 'khod par gyur to/ / de nas bcom ldan 'das kyis de'i tshe 'di lta bu'i rdzu 'phrul mngon par 'du bya ba mngon par mdzad de/ ji lta bu'i rdzu 'phrul mngon par 'du bya ba mngon par mdzad pas 'khor bzhi po de dag dang / 'dod pa na spyod pa'i lha de dag dang / lha'i dbang po brgya byin dang / tshangs ris kyi lha de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa/ byang chub sems dpa'i tshogs kyis yongs su bskor ba dang bcas pa de dang / sangs rgyas kyi zhing de'ang mthong bar gyur to/ / mthong nas kyang de dag thams cad pus mo g.yas pa'i lha nga steng gi bar snang la btsugs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de logs su thal mo sbyar ba btud nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal bar gyur to/ / de nas 'khor bzhi po de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs
- 100b
rgyas mi 'khrugs pa'i sangs rgyas kyi zhing gi mi rnams mthong ba dang / 'di snyam du sems te/ 'di ltar lha'i kha dog dang / mtshan ma dang / dbyibs dang ldan pa 'di dag ci/ sum cu rtsa gsum gyi lha'i ris nas sum cu rtsa gsum pa'i lha rnams bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa la blta ba dang / phyag bya ba dang / bsnyen bkur bya ba dang / chos mnyan pa'i phyir lhags pa'i lha rnams yin nam/ 'on te 'di dag mi yin snyam mo// de nas lha'i dbang po brgya byin 'di snyam du sems te 'di dag ni lha yin te/ dam pa'i chos mnyan pa'i phyir mi'i cha lugs dang rtags 'dzin cing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i spyan sngar 'dug go/ / de ci'i phyir zhe na/ bdag gis sngon chad mi rnams la 'di lta bu'i mdzes pa dang / dpal dang / skal ba bzang po phun sum tshogs pa dag lan 'ga' yang ma mthong ma thos pa'i phyir ro snyam mo/ / de nas bcom ldan 'das kyis rdzu 'phrul gyi cho 'phrul de dag slar bsdus so// de nas bcom ldan 'das kyis 'khor bzhi po de dag dang / 'dod pa na spyod pa dang / gzugs na spyod pa'i lha'i bu de dag the tshom dang bcas/ yid gnyis dang bcas par thugs su chud nas/ lha'i dbang po brgya byin la bka'
- 101a
stsal pa/ ko'u shi ka gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skyes pa'i mi 'di dag ni lha'i nye bar spyod pa dang / yongs su spyod pa dag dang ldan pa yin no// de nas lha'i dbang po brgya byin 'di snyam du sems te/ mi gang dag gis sangs rgyas kyang mthong la lha'i longs spyod dang / nye bar spyod pa dang ldan pa'i mi de dag ni lha'i phun sum tshogs pa dang ldan pa ste/ 'dod par bya ba yin no// gang dag 'jig rten gyi khams gzhan dag dang / sangs rgyas kyi zhing gzhan dag nas shi 'phos nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skye bar 'gyur ba'i mi de dag kyang 'dod par bya ba yin no snyam mo/ / de nas tshe dang ldan pa shA ra dwa ti'i bus// lha'i dbang po brgya byin la 'di skad ces smras so/ / ko'u shi ka gang khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'ang mthong bas na/ ko'u shi ka gal te de tsam gyis kyang khyod kyi lus kyis rnyed pa legs par rnyed pa yin na/ ko'u shi ka
- 101b
gang khyod sangs rgyas kyi zhing der skye bar 'gyur ba'i rnyed pa de lta smos kyang ci dgos/ de nas lha'i dbang po brgya byin 'di snyam du sems te/ gang dag gi rna ba'i lam du yon tan yongs su brjod pa'i chos kyi rnam grangs 'di grag pa de dag kyang rnyed pa legs par rnyed pa yin na/ sangs rgyas kyi zhing der skye bar 'gyur ba lta smos kyang ci dgos snyam mo// de nas bcom ldan 'das kyis/ lha'i dbang po brgya byin la 'di skad ces bka' stsal to// ko'u shi ka byang chub sems dpa'i theg pa pa'i gang zag gang dag sangs rgyas kyi zhing der skye bar 'gyur ba de dag ni rnyed pa legs par rnyed pa yin no/ / de ci'i phyir zhe na/ ko'u shi ka de ni 'di ltar phyir mi ldog pa nyid la gnas par 'gyur ba'i phyir ro// ko'u shi ka srog chags gang dag gis ji ltar sangs rgyas kyi zhing der skye bar sems bskyed na/ de dag ni de ltar sems bskyed ma thag tu byang chub sems dpa' sems dpa' chen po phyir mi ldog pa ji lta ba de ltar gzung bar bya'o// bcom ldan 'das kyis chos kyi rnam grangs 'di bshad pa na/ dge slong lnga stong tsam ni len pa med par zag pa rnams las sems rnam par grol lo// byang chub sems dpa'i theg pa pa'i dge slong brgya stong gis ni sangs rgyas kyi zhing der skye bar smon lam btab bo/ / byang chub sems dpa'i theg pa pa'i dge slong ma lnga stong gis kyang sangs rgyas kyi zhing der skye bar smon lam btab bo// byang chub sems dpa'i theg pa
- 102a
pa'i dge snyen brgyad stong gis kyang sangs rgyas kyi zhing der skye bar smon lam btab bo/ / byang chub sems dpa'i theg pa pa'i dge bsnyen ma khris kyang sangs rgyas kyi zhing der skye bar smon lam btab bo/ / 'dod pa na spyod pa'i lha'i bu stong phrag rab tu mang po dag gis kyang sangs rgyas kyi zhing der skye bar smon lam btab te/ de dag thams cad kyang de bzhin gshegs pa dgra bcom pa yang dag par rdzogs pa'i sangs rgyas kyis sangs rgyas kyi zhing der skye zhing bla na med pa yang dag par rdzogs pa'i byang chub mngon par rdzogs par 'tshang rgya bar lung bstan to/ / / gang dag de las gzhan pa'i sems can sangs rgyas kyi zhing der skye bar smon lam 'debs par 'gyur ba de dag kyang / de nyid du bla na med pa yang dag par rdzogs pa'i byang chub mngon par rdzogs par 'tshang rgya bar lung ston par 'gyur te/ lung bstan nas kyang de dag sangs rgyas kyi zhing de nyid du skye bar 'gyur ro// gzhan yang bcom ldan 'das kyis chos kyi rnam grangs 'di bshad pa na/ chos kyi rnam grangs 'di'i mthu dang / byin gyi rlabs kyis stong gsum gyi stong chen po'i 'jig rten gyi khams 'di thams cad rnam pa drug tu g.yos te/ g.yos// rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg/ 'khrugs/ rab tu 'khrugs/ kun tu rab tu 'khrugs/ 'ur 'ur/ rab tu
- 102b
'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem zhing / 'jig rten du snang ba chen pos khyab par gyur to// bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa kun dga' bo dang / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ mi 'khrugs pa'i bkod pa'i le'u zhes bya ste drug pa rdzogs so/ / sh+loka stong lnga brgya bzhi bcu ste/ bam po lnga'o// rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban de ye shes sdes bsgyur cing zhus te gtan la phab pa'o/ / // 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ cha'i bkod pa bstan pa zhes bya ba theg pa chen po'i mdo/ bam po dang // sangs rgyas dang byang chub sems dpa' thams cad la phyag 'tshal lo// 'di skad bdag gis
- 103a
thos pa dus gcig na/ bcom ldan 'das rgyal po'i khab bya ka lan ta ka'i gnas 'od ma'i tshal na/ dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa shA stag dang thabs cig tu bzhugs te/ de nas bcom ldan 'das la 'khor mang po brgya stong tshad med pas yongs su bskor cing gus pas rim gro dang bkur sti byas par gyur to/ / de'i tshe 'khor 'dus pa der byang chub sems dpa' sems dpa' chen po blo gros mtha' yas zhes bya ba 'dus par gyur pa de 'dug pa'i stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ spyi bo btud de phyag byas nas/ bcom ldan 'das ga la ba de logs su thal mo sbyar te/ bcom ldan 'das bdag la the tshom cung zad cig mchis te/ de bzhin gshegs pa la zhu bar 'tshal na/ thugs rjes gnang bar mdzad cing bdag la bshad du gsol/ de skad ces gsol pa nas/ de nas byang chub sems dpa' sems dpa' chen po blo gros mtha' yas kyis tshigs su bcad de gsol pa/ dpa' chen skyes bu chen po ste/ 'jig rten dag na mtshungs ma mchis// bdag ni sems can dag gi slad/ the tshom cung zad zhu ba lags/ seng ge'i gdan la ma bzhengs par/ sku ni phyogs bcu kun tu khyab/ tha dad smra ba thams cad kyis/ gang yang bskul bar mi 'gyur
- 103b
bar/ mkhyen pa'i gter ni mtha' mi mnga'/ stobs rnams kyang ni tshad ma mchis/ bcom ldan stobs ni re res kyang / 'jig rten ma lus sgrol bar mdzad/ thams cad mkhyen la rab gnas shing // stobs bcu la ni gang gnas pa/ mi 'jigs seng ge chen po ste/ rgyal ba bla na med pa'i gtso// ma 'dres chos ni bco brgyad dag/ de bzhin gshegs la mnga' bas na/ 'jig rten rnams ni gsal mdzad cing / mu stegs rnams ni pham par mdzad// chos rnams thams cad rab mkhyen pas/ de slad mtha' med mchog ces bgyi/ nyams mi mnga' ba'i 'dren pa la/ bdag ni the tsom zhu ba lags// dri med mkhyen pa mtha' med pa// mkhyen pa mi g.yo rgya mtsho bzhin// mkhyen pa yul la thogs mi mnga'// bdag ni the tsom zhu ba lags// bcom ldan legs par bsgoms pas na// lam la the tsom yod mi mnga'/ / bder gnas 'dren pa chen po la// bdag ni the tsom zhu ba lags// chu bo dag ni rab brgal cing // mtshams sbyor 'ching ba yongs bcad pa// gdug pa'i zug rngu 'byin pa la// bdag ni the tshom zhu ba lags// ma rig sgo nga'i sbubs bcom zhing // nyon mongs gdung ba nyer zhi ba// shin tu bsil la rab gnas la// bdag ni the tsom zhu ba lags// 'jigs med ye shes bla med dang / / ye shes chags dang thogs med pa// chos kyi rgya mtsho'i mkhyen pa rnams// de bzhin gshegs pas mngon sum brnyes// sangs rgyas yon tan tshad med pas// mngon sum
- 104a
mkhyen pa yongs su rdzogs/ / zag bcas thams cad zad gyur cing // nyon mongs lta ba rab bcom pa// bcom ldan yon tan tshad med pa// mang po dag ni rab tu bsags/ / bsam gyis mi khyab chos rje la// bdag ni the tshom zhu ba lags// bcom ldan mchog gi mkhyen pa yis// 'jig rten kun ni gsal bar mdzad// chos kyi snang ba ston mdzad/ pas/ yon tan rgya mtsho mtha' mi mnga'// 'dren pa'i chos kyi 'od zer gyis// 'jig rten kun tu gsal bar mdzad// de slad 'jig rten sangs rgyas kyi// chos kyi 'od zer snang ba lags/ / chos kyi rgya mtsho thams cad mkhyen// spobs pa dag ni bla na med// brtson 'grus bsam gyis mi khyab cing // rnam dag lta ba rab spangs pa// sangs rgyas spyan ni mtha' med pas/ / mkhyen pa'i yul yang mtha' mi mngal// 'jig rten mtshungs med gtso bo la// bdag ni the tshom zhu ba lags// chos rgyal thub pa chen po yis// sems can the tshom gcod par mdzad/ / 'dren pa la ni bdag zhun// mos pa ji bzhin bkrus bshad gsol// lha dang mi yi 'jig rten kun// thams cad bdag gis rab brtags na// de bzhin gshegs dang mtshungs med pas/ / thams cad ma lus gsal bar mdzad// yon tan rnams la rab gnas shing // rgyan dang ldan pa'i skyes chen lags// bsam gyis mi khyab chos kyi rgyal// drang srong nang na
- 104b
gsal ba po/ / dper na gangs ri chen po ni// rin chen kun gyis bkod pa'i gnas// bcom ldan chos gdan bzhugs pa yi// bkod pa dag kyang de bzhin no// rab dbyangs brtson 'grus chen po yis/ / yid 'ong sgra ni ston mdzad pas// sems can gang dag thos gyur na// dge ba'i rtsa ba rnam dag gyur// bcom ldan mi yi mchog lags pas// chos kyi snang ba ston par mdzad/ / des na sems can thams cad kyi// yid bzhin blo ni bde bar 'gyur// dus dang 'khor ni rab mkhyen cing // gang zag mkhyen pa 'dren pa yis// chos kyi snang ba ston mdzad pas// dus mkhyen pa yi blo ldan lags// tshangs skad brtson 'grus chen po yis// rnam dag gsung ni bkas bshad gsol// char chen sa la babs pa ltar// chos kyi rlan gyis khyab par mdzod// bcom ldan 'khor 'dus nang bzhugs te// kun tu chos kyi char phab nas// chos 'di la ni gang re ba// sems can rnams ni tshim par mdzod// mchog tu bde la rab gnas pas/ rgyal po ri rab ji lta bzhin// sems can rnams la sbyin mdzad cing // mang po rnams ni dga' bar mdzod// dpa' chen rkang gnyis gtso dag gi/ spyod yul bsam gyis mi khyab pas// sems can dag ni thams cad kyis// gang yang 'tshal bar mi 'gyur ro// skyes bu chen po tshad ma mchis// 'khor 'dus 'thun par gyur pa dag/ thub pa che la brten nas ni// sangs rgyas
- 105a
spyod yul tshol ba lags/ / bdag ni sangs rgyas spyod yul la// gzhol ba'i slad du 'dir mchis na// 'dren pa mkhyen pa thogs mi mnga'// ji ltar myur du dbye mi mdzad/ / bdag ni de yis mos pa bzhin// zhal du bltas nas zhu lags na// bcom ldan thugs rje rab phye nas// the tsom rnams ni gcad du gsol// bla med chos ni thos gyur na// sems ni rab tu dga' bar 'gyur/ / lus ni dga' bas khyab gyur nas// the tshom dra ba chad par 'gyur// chos kyi rgyal po bla med gtso// thams cad mkhyen pa 'jigs mi mnga'// thams cad mkhyen cing gzigs pa la/ / bdag ni the tshom zhu ba lags// sangs rgyas chos ni thams cad la// the tshom cung zad yongs mi mnga'// rab brtson 'dren pa chen po la// bdag ni the tshom zhu ba lags/ / bla med the tshom chad papo// chos la the tshom mi mnga' ba// yon tan rgya mtsho dpag med la// bdag ni the tshom zhu ba lags// snang ba chen po dpag med dang // yon tan chen po dpag med dang / / rnam dag mkhyen pa dpag med la// bdag ni the tshom zhu ba lags// brtson 'grus mkhyen pa dpag med dang // spyod yul mkhyen pa dpag med dang // phan 'dogs mkhyen pa dpag med la/ / bdag ni the tshom zhu ba lags// bcom ldan mkhyen pa mtha' med kyang // mtha' dang mtha' med rab tu spangs// the tshom thams cad gcod pa la// bdag ni the
- 105b
chotshom zhu ba lags/ / bsam gyis mi khyab chos kyi rgyal// thugs rjes zhu ba gsan du gsol// gnang bar mdzad na bdag zhun// thub pa chen pos bshad du gsol// thams cad mkhyen pa shAkya'i gtso/ / grags chen la ni zhu ba lags// gal te thugs rjes gnang 'gyur na// the tshom dra ba gcad du gsol/ de nas bcom ldan 'das kyis/ byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas/ deng khyed kyis nga'i zhal du bltas nas sems rtse gcig tu gsol ba 'debs pa 'dis/ de bzhin gshegs pa la zhu ba du zhig zhu bar sems/ gal te zhu ba yod na ngas bshad par bya'o// de skad ces bka' stsal pa dang / de nas de'i tshe bcom ldan 'das kyis tshigs su bcad de bka' stsal pa/ blo gros mtha' yas khyod kyis ni// nga la ci zhig 'dri bar sems// de bzhin du ni zhus shig dang // ngas ni rab tu bshad par bya// khyod kyis ji skad dris pa bzhin// rere nas ni gsal phye nas// ji ltar mos dang 'dun pa bzhin// myur du phye ste rab bshad do// ngas ni khyod la rab bshad kyis// thams cad the tshom med par byos// ji ltar khyod kyis 'dod pa bzhin/ / khyod kyi nus dang 'tsham par bshad// deng khyod dus bzhin zhu bar gyis// dus dang don ni ji lta bzhin// dus bzhin du ni zhus pa'i phyir// ngas ni nges par rab bshad
- 106a
do/ / ji ltar khyod kyis mos pa bzhin// zhu ba dag ni zhus shig dang // ngas ni thams cad rjes 'thun par// khyod la rab tu bshad par bya// deng khyod dus su zhus shig dang / / ngas kyang dus bzhin bshad par bya// the tshom dra ba gcad pas na// the tshom med pa 'thob par 'gyur// nga ni chos kyi rjer gyur pas// don ni mthar phyin thugs su chud/ / chos rnams thams cad dag la yang // the tshom med pa brnyes pa yin// nga ni chos rnams thams cad las// mngon sangs rgyas pas bsam dka' yin// sems can mos pa ji bzhin du/ / zhus pa dag ni ston par mdzad// nga ni chos rnams thams cad la// thogs pa dag ni mi mnga' bas// dus bzhin du ni zhus pa la// myur du bshad pa mdzad pa yin/ / ngas ni dus bzhin rab bshad cing // the tshom dag ni mi mnga' bas// de yis mos pa ji lta bar// de yi the tshom gcod par mdzad// nga ni rtag tu dus rnams dang // 'khor 'dus pa yi bsam pa dang // sems can dag ni thams cad kyi// bsam pa tha dad mkhyen pa yin// rtag tu sems can thams cad kyi// 'dod pa dang ni 'dod med pa// so sor rab tu brtags nas ni/ / de dag gsal bar gzigs pa yin// gal te blo dang ldan pa rnams// legs pa nyid du bsgrubs byas na// nga yi dus dang sbyar nas ni// yang dag chos ston go bar
- 106b
mdzad/ / blo dang mi ldan de dag ni// gti mug dag gis rmongs dkrugs shing // de dag shes rab snang med pas// yang dag chos la gus mi 'gyur// gal te gus pa med gyur na/ yang dag chos ni tshol mi byed// chos 'di thob par gyur kyang ni// snang ba chen po'i shes mi skye// gang zhig chos la mkhas 'gyur ba// chos la mos shing tshol bar byed// gal te chos 'di thos 'gyur na/ / rang snang ye shes thob par 'gyur// theg chen dag la mos pa ni// mi yi gtso bo tshol byed pas// rang snang ye shes thob par 'gyur// bsam gyis mi khyab gnyer bapa dag/ bsam gyis mi khyab ye shes la// gzhol ba gang yin de dag ni// thos pas yongs su rdzogs par 'gyur// thogs med ye shes la mos dang // bsam gyis mi khyab gnyer ba dag/ des ni chos 'di thos gyur na// bla med ye shes thob par 'gyur// sems can dag nI la la zhig/ byang chub snying po tshol ba dang // bla med 'khor lo bskor 'dod pa// chos 'di thos nas dga' bar 'gyur/ / mos shing rab tu brtson pa dang // chos la gtso bor gang 'dzin pa// dri med chos ni thos gyur na// mos shing rab tu dga' bar 'gyur// gal te sems can la la dag/ legs par bsgrubs par mos gyur pa// chos kyi 'od zer snang ba yi// bla med chos 'di bstan par bya// khur lci rnams ni khyer ba dang // nan tan bsgrub la gang mos pa/
- 107a
des ni chos 'di thos gyur na// dga' bas kun tu khyab par 'gyur// gang zhig rab tu mos pa yis// dge ba'i chos ni sems byed na// de la snying brtse bsam bzhag nas/ / rab tu phye nas bstan par bya// khyod la sogs la thugs brtse'i phyir// khyod kyis ji skad zhus pa bzhin// ngas kyang yang dag nges par ni// khyod kyi the tshom gcad par bya/ / ngas ni lo mang stong phrag tu// thabs mkhas dag ni rab bsgoms shing // the tshom dag ni bsal bas na// khyod kyi mos pa rab tu mkhyen// gal te the tshom yod gyur na// ji// ltar 'dod bzhin zhu bar gyis// khyod la rab tu bsnun pas na// the tshom rnams ni chad par bya// gal te the tshom yod gyur na// ji ltar 'dod bzhin zhu bar gyis// ji ltar mos pa bzhin du ni/ / ngas ni rab tu bshad par bya// gal te the tshom yod gyur na// ji ltar 'dod bzhin zhu bar gyis// nga ni chos la rab gnas pas// g.yo ba med pa brnyes pa yi// / de nas bcom ldan 'das la/ byang chub sems dpa' sems dpa' chen po blo gros mtha' yas kyis 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag byang chub sems dpa'i theg pa las the tshom cung zad cig mchis pa deng zhu ba lags na/ / ji ltar na skyes bu dam pa 'jig pa spangs nas/ yang
- 107b
dag par sems rtse gcig tu sems can rnams kyi slad du go cha chen po bgos nas/ go cha chen pos rab tu brgyan pa dang / mos pa chen po bskyed nas gus par bgyid pa dang / bag yod pa dang bcas pas theg pa chen po 'di la 'tshal nas/ shin tu rnam par dag pa chen po mnyam pa nyid kyi shul mtho dman dang / gyo mo dang / gseg ma dang / mi gtsang ba rnam pasnga tshogs kyi lta ba'i thibs po rnams ma mchis pa/ zug rngu gdug pa'i sdug bsngal dang nyon mongs pa'i g.yang sa ma mchis pa/ 'ching ba dang / 'jigs shing skrag pa dang bar chad ma mchis pa/ drang zhing gya gyu ma mchis pa dang / de kho na nyid kyi mnyam pa nyid kyi shul dang / thogs pa ma mchis pa'i shul du zhugs nas/ lta ba'i thibs po rnams gcad pa dang / dra ba thams cad dral ba dang / mun nag rnams bsal ba dang / sred pa'i mngon par zhen pa rnams spang ba dang / 'du 'phro rnams spang ba'i slad du bla na ma mchis pa yang dag par rdzogs pa'i byang chub la gzhol bar 'gyur lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag don 'di'i slad du zhu ba gsol ba lags so/ / skyes bu dam pa ji lta bus go cha chen po ji lta bu bgos na/ go cha chen po bgos pa 'dis theg pa chen po la 'tshal nas/
- 108a
lam chen po 'dis gzhol zhing yang dag par 'jug par 'gyur lags/ bcom ldan 'das kyis byang chub sems dpa' sems dpa' chen po rnams kyi go cha'i bkod pa gang lags pa dang / lam la gnas pa dang / chos rnams kyi tshul la mkhas pa la gnas pa gang lags pa bkas bshad du gsol/ chos kyi tshul la mkhas pa la rab tu gnas pas ni/ chos rnams kyi tshul la mkhas pa'i snang ba bskyed par 'gyur la/ chos kyi snang ba'i dbang gis ni go cha mi spong bar theg pa chen po la 'tshal nas/ nur ba ma mchis pa'i brtson 'grus kyi stobs dang / brjed ngas pa ma mchis pa'i dbang po dang / rgyun chad pa ma mchis pa'i shes rab kyi stobs kyis myur du chos kyi dbyings kyi tshul la gsal bar mkhas pa mngon par bsgrubs nas/ byang chub kyi snying por bgrod pa dang / chos kyi 'khor lo bskor nas/ sems can rnams la yang dag par chos ston pa'i slad du sems can thams cad ji ltar mos pa dang / ji ltar gzhol ba bzhin du 'khor ba las rnam par grol bar 'gyur lags/ bcom ldan 'das theg pa chen po 'dis sems can rnams la sman pa dang bde bar bgyi ba'i slad du/ de bzhin gshegs pa dgra bcom pa yang dag par rdzogs pa'i sangs rgyas la bdag don 'di zhu lags so/ / bcom ldan 'das de bzhin gshegs pa ni thams cad mkhyen pa/ thams cad gzigs pa lags na//
- 108b
chos gang gis byang chub sems dpa' sems dpa' chen po rnams kyi chos thams cad kyi brgya mtsho'i phyag rgya'i ting nge 'dzin mngon par bsgrub pa dang / ting nge 'dzin thob pa'i dbang gis byang chub s ems dpa' sems dpa' chen po rnams bla na ma mchis pa yang dag par rdzogs pa'i byang chub mngon par rdzogs par sangs ma rgyas kyi bar du phyir ldog par mi 'gyur ba gang lags pa bkas bshad du gsol/ bcom ldan 'das de bzhin gshegs pa'i mkhyen pa dang / gzigs pa ni ngo mtshar rmad du zung ba'i chos yongs su rdzogs shing / sems can rnams kyi shes rab kyi sman rab tu mkhyen pa lags pas/ / de'i slad du bdag zhu ba gsol lags so// de nas byang chub sems dpa' sems dpa' chen po blo gros mtha' yas kyis tshigs su bcad de gsol pa/ byang chub sems dpa' rnams kyi slad// sangs rgyas chos don zab mo dag/ thams cad mkhyen cing gzigs pa po// rkang gnyis gtso la bdag zhu lags// theg pa chen po rnal 'byor pa/ / ting 'dzin gang gis gzhol gyur pa// sems can rnams la sman slad du// dang bdag zhu ba gsol ba lags// ji ltar skyes bu dam pa yis// go cha dpag med bgo bar 'gyur/ / de ltar go cha bgos nas kyang // ji ltar rab tu gzhol bar gyur// ji ltar 'dun pa spong bar 'gyur// ji ltar de la sred par 'gyur// ji ltar brtson 'grus
- 109a
chen por 'gyur/ / ji ltar bag yod ldan par 'gyur// ji ltar byang chub sems dpa' rnams// theg chen 'di la gzhol bar bgyid// de la 'tshal ni ci bgyid pa/ dngos po 'di yang bkas bshad sol// ji ltar theg chen bteg nas ni// byang chub sems la gzhol 'gyur ba// 'jig rten 'dren pa'i thugs rje yis// myur du bdag la bkas bshad gsol// ji ltar yang dag mnyam lam gyis// mnyam pa nyid du gzhol bar 'gyur// lta ba rnams kyi thibs po dag/ gcod par bgyid la skyon mi 'gyur// spyod yul dag ni thams cad las// ji ltar bgyid na 'da' bar 'gyur/ / ji ltar mnyam pa nyid dag gis// 'dod chags dra ba dral bar 'gyur// ji ltar mun nag rab bsal nas// ye shes snang chen thob par 'gyur// byang chub sems dpa' de dag gis/ / ji ltar bgyis na gzhol bar 'gyur// ji ltar so sor rab brtags pas// 'ching ba mang po spong bar 'gyur// ji ltar byang chub sems dpa' rnams// 'ching ba spangs nas bde bar gnas// ji ltar byang chub sems dpa' rnams// 'jigs pa che las 'da' bar 'gyur// chos kyi don la mkhas gyur nas// bla med la ni gzhol bar 'gyur// byang chub sems dpa' ji lta bu'i// dpag med go cha bgo bar bgyid// go cha de dag bgos nas kyang // theg chen la ni 'tshal bar bgyid// ji ltar byang chub sems dpa' rnams//
- 109b
mnyam nyid lam la gnom par bgyid// bdag gis deng 'dir nus pa 'di// bcom ldan 'das kyis bkas bshad gsol// byang chub sems dpa' jilta bur// go cha bkod pa thob 'gyur dang / / bla med theg pa rab brgyan pa// bcom ldan 'das kyis bkas bshad gsol// lam 'di la ni gnas pa dang // lam de'i bkod pa gang lags dang // chos rnams la ni mkhas gyur pa/ / bcom ldan 'das kyis bkas bshad gsol// chos kyi dbyings kyi tshul rnams dang // chos la mkhas pa'i snang ba dag/ ji lta bur ni rtogs 'gyur ba// bcom ldan 'das kyis bkas bshang gsol// ji ltar byang chub sems dpa' rnams// chos kyi snang ba de thob nas// chos rnams thams cad mthar phyin pa// bcom ldan 'das kyis bkas bshad gsol/ / ji ltar byang chub sems dpa' rnams// chos kyi snang ba thob gyur nas// go cha chen po mi spong zhing // de yi dbang gis gzhol 'gyur lags// ji ltar byang chub sems dpa' rnams/ / theg chen 'di la 'tshal nas ni// brtson 'grus ldog par mi 'gyur zhing // de yi dbang gis gzhol 'gyur lags// ji ltar byang chub sems dpa' rnams/ / bsam pa dag ni rab brtan cing // ji ltar shes rab stobs dag gis// shin tu dul ba thob 'gyur lags// ji ltar chos kyi dbyings rnams kyi// tshul la mkhas pa thob
- 110a
par 'gyur/ / chos kyi rgyal po bsam mi khyab// bcom ldan 'das kyis bka' bshad gsol// ji ltar myur ba kho nar ni// byang chub snying por bgrong gyur nas/ su yang bskor bar mi 'gyur ba// tshangs pa'i 'khor lo bskor 'gyur lags// ji ltar g.yo ba ma mchis par// sngon gyi smon lam ji lta bzhin// sems can thams cad kun la ni// chos rnams yang dag ston 'gyur lags// chos rnams yang dag bstan pas na// 'khor ba las ni grol 'gyur lags// ji ltar bgyis na sems can rnams// gtan du bde ba thob 'gyur lags/ / sems can rnams la sman slad du// 'jig rten 'dren la bdag zhun// thams cad mkhyen cing gzigs pa pos// thugs rjes bdag la bkas bshad gsol/ / chos ni gang dang gang dag gis// byang chub sems dpa' smin bgyid pa// chos kyi rgya mtsho thams cad kyis// ting 'dzin phyag rgya mdzad du gsol// sangs rgyas chos la rab mos shing / / byang chub che ba gang lta ba// chos kyi sgra 'di thos gyur na// lus kun khyab par dga' bar 'gyur// de nas bcom ldan 'das kyis/ byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas khyod sngon sangs rgyas tshad med pa rnams la mchod cing rim gro byas pa dang / dge ba'i rtsa ba rnams bskyed cing / lon
- 110b
tan gzhal du med pa bsags pas na/ chos zab mo 'di la rab tu gdung bas mos par gyur pa dang / bsam pa rgya chen pos sems can yongs su smin par bya ba'i phyir snying rje chen po bskyed nas/ de bzhin gshegs pa la zhu ba zhus pa legs so legs so// khyod legs par nyon la shin tu yid la zung zhig dang / ngas khyod la byang chub sems dpa' sems dpa' chen po rnams kyi yon tan mngon par bsgrub pa dang / ji ltar bla na med pa yang dag par rdzogs pa'i byang chub la gzhol bar gyur pa yang dag par bshad par bya'o// bcom ldan 'das de bzhin du thos par 'tshal lo zhes gsol pa dang / de nas bcom ldan 'das kyis/ byang chub sems dpa' sems dpa' chen po blo gros mtha' yas la 'di skad ces bka' stsal to// blo gros mtha' yas byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir/ / go cha chen po bgos pa des sems can rnams yongs su bsdu ba'i phyir go cha chen po bgo bar bya'o/ / sems can rnams sbyin pa rnam par dag pa la bgod pa'i phyir go cha chen po bgo bar bya'o// sems can rnams tshul khrims rnam par dag pa la dgod pa'i phyir go/ cha chen po bgo bar bya'o// sems can rnams bzod pa rnam par dag pa la dgod pa'i phyir/ go cha chen po bgo bar bya'o// sems can rnams brtson 'grus rnam par dag pa la
- 111a
dgod pa'i phyir go cha chen po bgo bar bya'o/ / sems can rnams bsam gtan rnam par dag pa la dgod pa'i phyir go cha chen po bgo bar bya'o// sems can rnams shes rab rnam par dag pa la dgod pa'i phyir go cha chen po bgo bar bya'o/ / sems can rnams bde ba thob par bya ba'i phyir go cha chen po bgo bar bya'o// sems can rnams la phan gdags pa'i dngos po dang mtshungs par ldan pa'i sems bskyed pa'i phyir go cha chen po bgo bar bya'o/ / sems can rnams kyi 'dod chags dang / zhe sdang dang / gti mug gi nad kyi gnyen po bya ba'i phyir go cha chen po bgo bar bya'o/ / yon tan chen po mngon par bsgrub pa la mkhas par bya ba'i phyir go cha chen po bgo bar bya'o// bla na med pa'i ye shes legs par yongs su rdzogs par bya ba'i phyir go cha chen po 'go bar bya'o/ / sems can rnams 'khor ba'i 'jigs pa las yongs su bskyab pa'i phyir go cha chen po bgo bar bya'o// mtshungs pa med pa'i ye shes legs par yongs su rdzogs par rab tu bstan par 'dod pa'i phyir go cha chen po bgo bar bya'o/ / stong gsum gyi stong chen po'i 'jig rten gyi khams na bdud dang / bdud kyi ris kyi 'khor dang / bdud kyi pho nya dang / bdud kyi las la gnas pa dang / lta ba rnams kyi thibs po dang / lam la yang dag par zhugs pa'i mu stegs can gyi bstan pa las rab tu byung ba thams
- 111b
cad dang / 'jig rten rgyang 'phen dang / mu stegs can dang 'thun pa ji snyed bdag dang 'thab pa'i phyir go cha chen po bgo bar bya'o// byang chub sems dpa' sems dpa' chen po rnams de ltar go cha chen po bgo zhing / go cha mi spong bar brtson 'grus chen po bskyed nas sems can gyi khams thams cad du zhugs te/ bzod pa la gnas nas 'jigs pa rnams spangs te/ mi skrag mi sngangs mi g.yo mi 'khrugs par byas nas/ go cha dpag tu med pa dag bgo bar bya'o// de 'di lta ste/ sems can thams cad yongs su skyob pa'i go cha dang / lta ba'i thibs po thams cad gcod pa'i go cha dang / bdud kyi dpung rnams rnam par 'jig par byed pa'i go cha dang / shes rab yang dag par len pa'i go cha dang / tshogs dpag tu med pa bsags pa'i go cha dang khur lci ba rnams sgrol ba'i go cha dang / mngon par yid ches pa 'phel bar byed pa'i go cha dang / tshul khrims la gnas pa'i go cha dang / las kyi kun gzhi yongs su sbyong ba'i go cha dang / / thams cad rnam par dag par byed pa'i stobs kyi gter gyi go cha dang / thabs mkhas pa'i gter gyi go cha dang / mngon par zhen pa thams cad yongs su spong ba'i go cha dang / / ldog pa dang 'gyes pa med pa'i shes rab kyi go cha gang yin pa'o// byang chub sems dpa' sems dpa' chen po rnams go cha chen po de lta bu bgos nas/ 'khor ba'i mtha'
- 112a
ji srid pa de'i bar du shin tu brtan pa'i brtson 'grus kyi stobs g.yo ba med pa mi spong bar/ bla na med pa yang dag par rdzogs pa'i byang chub la gzhol bar bya'o// de nas bcom ldan 'das kyis tshigs su bcad de bka' stsal pa/ byang chub sems dpa' sems can rnams// bsdu phyir go cha bgo bar bya// sems can rnams ni tshad med phyir// go cha bgos pa tshad med do// sbyin pa rnam par dag pa'i phyir// thams cad rab tu dga' bar byed// sems can la ni phan gdags phyir// go cha 'di ni bgo bar bya// tshul khrims rnam par dag pa'i phyir/ / 'jig rten la ni phan 'dogs byed// sems can rnams la phan 'dags phyir// go cha 'di ni bgo bar bya// bzod pa rnam par dag pa'i phyir/ / dar zhing bde la gnas par byed// sems can rnams la lan gdags phyir// go cha 'di ni bgo bar bya// brtson 'grus rnam par dag pa'i phyir// phyir mi ldog par 'grub par byed/ / sems can rnams la phan gdags phyir// go cha 'di ni bgo bar bya// bsam gtan rnam par dag pa'i phyir// spyod yul dag kyang de bzhin no// sems can rnams la phan gdags phyir/ / go cha 'di ni bgo bar bya// shes rab rnam par dag pa'i phyir// zag med bla na med pa yin// sems can rnams la phan gdags phyir// go cha 'di ni bgo bar bya//
- 112b
sems can dag ni thams cad la// bde ba'i yo byad sbyin dgos pas// don de legs par shes pa'i phyir// go cha 'di ni bgo bar bya// byang chub sems dpa' sems can rnams// phan pa'i dngos po bya dgos pas// bsdu ba rnam dag bzhi po yis// srid pa kun tu 'jug par byed// 'dod chags zhe sdang gti mug nad// gnyen po dag ni bsten pa'i phyir// sems can la ni sman gtong bas/ / nad rnams rab tu sel bar byed// des na byang chub sems dpa' rnams// go cha legs par bgos nas ni// yon tan rnams kyi tshogs dag la// mkhas pa dpag med thob pa yin// sems can 'khor ba'i sdug bsngal gyis// nyam thag shin tu mi bde bas// bdag gis yongs su bskyab snyam nas// go cha dpag med bgo bar bya/ / 'khor ba'i sdug bsngal tshad med rnams// bdag gis rnam par dgrol snyam pas// sred lta'i dra bas glags pa dag/ thams cad yongs su gcad par bya// gang gis nyon mongs dra ba 'di/ / thams cad gcod par gang nus pa// brtan pa'i brtson 'grus stobs dag gis// dpa' bo go cha 'go ba yin// sems can dag ni thams cad kun// bde ba'i lam la rab bkod cing / / mya ngan 'das la gzhol ba yin// bla med bde la dgos par bya// gang zhig brtson 'grus chen po'i stobs// go cha 'di ni bgo byed pa// bdud rnams
- 113a
thams cad dag dang ni/ / rtag tu 'thab kyang ngal mi 'gyur// gang zhig lta la rab gnas nas// thibs po dag tu gang zhugs dang // 'jig rten rgyang 'phen pa dag la/ / go cha bgos na phan gdags bya// gzhan yang 'khor ni tshad med pa// lam gol dag tu zhugs pa rnams// de dag la ni phan gdags phyir// go cha dpag med bgo bar bya/ / de ltar go cha bgos nas ni// go cha chen po mi spong bar// brtson 'grus chen po'i stobs bskyed na// go bgos rab brtags khyad par 'phags// sems can khams la rab zhugs te/ / bzod pa la ni gnas gyur nas// brtan pa'i bzod pa sgrub byed pa// go bgos gong na med pa yin// 'jigs pa dag ni rab spangs shing // skrag pa ngadag ni med par yang / / go cha dpag med bgos nas ni// thams cad rab brtson 'grus par bya// gang zhig go cha rab gnas pa// rtag tu yang dag rtogs 'gyur zhing // rab dben g.yo ba med pas na/ / mi 'khrugs ldog par mi 'gyur ro// de lta'i go cha rab bgos nas// blo dang ldan pas gzhan yang ni// sems can skyob pa'i go dgos te// bdud kyi go cha gzhom par bya/ / yon tan dpag med go cha dag/ thams cad rab tu bgo bar bya// dbang po shes mchog gang zag gis// bgos na bde ba thob par 'gyur// khur lci rab tu spang ba'i phyir/
- 113b
med go cha bgos nas sra// sems can thams cad yongs bzlas nas// sdug bsngal khur las thar par bya// rnam dag dad pa 'phel byed cing // dbang po drug ni rab sdom pa// rdul khrims gang dag ldan pa ni/ / go bgos gong na med pa yin// dpa' bo ye shes sgrub pa la// byang chub sems dpa' rab gnas pas// spyod lam tshul khrims ldan pas na// bgos g.yo ba med pa yin// sngon gyi rgyal ba mang po las// rnam dag las ni bsgrubs pas na// de'i phyir go cha rab bgos nas// rtag tu 'jigs pa med pa yin// sems can la ni sred pa'i blos/ / 'jig rten la ni phan 'dogs pa// thabs ni rab tu rtogs pas na// go bgos legs par gnas pa yin// thabs mkhas ye shes gang yin pa// byang chub sems dpa' rab rtogs pas/ / de ltar go cha bgos nas ni// 'ching ba mtha' dag gcod par byed// mngon zhen thams cad rab spong zhing // yid ches rgyab kyis mi phyogs pa// go bgos blo/ dang ldan pa ni// bla med byang chub bgrod par 'gyur// byang chub sems dpa' nges par ni// bdag dang gzhan la phan 'dogs gang // brtson 'grus stobs la rab gnas pas// brtan zhing phyir ldog mi 'gyur ro/ / gzhan yang blo gros mtha' yas byang chub sems dpa' sems dpa' chen po rnams bskal pa tshad med pa nas khur chen po khyer zhing / go cha chen po
- 114a
bgos pa'i go cha de lta bu de ni bdud dam/ bdud kyi 'khor ram/ bdud kyi pho nya 'am/ log par lta ba'i thibs po dgon dung ma rungs par zhugs pa'i sems can rnams kyis mthong bar mi 'gyur ro/ / de ci'i phyir zhe na/ gzugs med cing bstan du med pa dang / ltos pa med cing mtshan ma med pa dang / mtshan ma spangs pas mtshan ma dang bral ba dang / ming dang yi ge med pa'i phyir ro// blo gros mtha' yas gal te la la zhig mda'i tshad ni ri rab tsam sha stag 'phangs na'ang phog par mi 'gyur la/ stong gsum gyi stong chen po'i sems can ji snyed pa thams cad bdud kyi rgyal por 'gyur la/ re re la'ang bdud kyi dmag rnam pa sna tshogs 'khor dang bcas par gyur pa de dag dus gcig tu mda' rnon po tshad ri rab tsam sha stag 'phangs na'ang / nams kyang byang chub sems dpa' sems dpa' chen po de lta bu'i go cha bgos pa la rnam par gzhig pa 'am/ tha na spu nyag ma gcig tsam yang nyams par byed mi nus byang chub sems dpa' sems dpa' chen po rnams la sems kyis kyang tha dad pa'i 'du shes bskyed par mi nus na/ lus kyis gnod pa bya ba ni lta smos kyang ci dgos/ byang chub sems dpa' sems dpa' chen po gang sems rtse gcig tu de dag 'dul bar byed pa gang yin pa de dag ni bdud mang po pham par byed cing / nye bar zhi bar yang byed la/ go cha de lta bu la
- 114b
gnas shing g.yo ba med pas/ sems can thams cad kyis kyang rnam par 'jig par byed mi nus so// de ci'i phyir zhe na/ 'di ltar mtshan ma med pa'i phyir dang / sems can rnams kyis blta bar bya ba'i spyod yul ma yin pa'i phyir/ sems can thams cad kyis mthong zhing shes par mi nus so// byang chub sems dpa' sems dpa' chen po rnams ni chos thams cad rtogs pa'i phyir/ yang dag pa ji lta ba bzhin du go cha chen po bgos pa de dag shes shing mthong ngo // sems can rnams yongs su bskyab pa'i phyir/ chos thams cad la'ang mngon par zhen par mi byed do/ / sems can rnams la phan gdags pa'i phyir/ chos thams cad la'ang dmigs par mi byed de/ de lta bas na sems can rnams kyis mthong zhing shes par mi nus so/ / go cha de lta bu'i bgos pa de dag la ni kha dog gi mtshan ma med cing bstan du med pa dang / tshigs brjod pa med pa'i phyir/ gzugs dang yang mtshungs par ldan par mi 'gyur la/ tshor ba dang / 'du shes dang / 'du byed dang / rnam par shes pa dang yang mtshungs par ldan par mi 'gyur ro// nang dang yang mtshungs par ldan par mi 'gyur/ phyi rol dang yang mtshungs par ldan par mi 'gyur/ / nang dang phyi rol gnyis dang mtshungs par ldan par mi 'gyur/ nang yang ma yin phyi rol yang ma yin pa dang mtshungs par ldan par mi 'gyur/ khams dang yang
- 115a
mtshungs par ldan par mi 'gyur/ skye mched dang yang mtshungs par ldan par mi 'gyur/ sa'i khams dang yang mtshungs par ldan par mi 'gyur/ chu dang / me dang / rlung dang / nam mkha' dang / rnam par shes pa'i khams dang yang mtshungs par ldan par mi 'gyur/ 'dod pa'i khams dang yang mtshungs par ldan par mi 'gyur/ gzugs dang gzugs med pa'i khams dang yang mtshungs par ldan par mi 'gyur/ mngon par 'du byed pa dang bcas pa dang yang mtshungs par ldan par mi 'gyur/ mngon par 'du byed pa med pa dang yang mtshungs par ldan par mi 'gyur/ mngon par 'du byed pa dang bcas pa dang / mngon par 'du byed pa med pa dang yang mtshungs par ldan par mi 'gyur/ mngon par 'du byed pa dang bcas pa'ang ma yin/ mngon par 'du byed pa ma yin pa dang yang mtshungs par ldan par mi 'gyur/ nyan thos kyi sa dang yang mtshungs par ldan par mi 'gyur/ rang sangs rgyas kyi sa dang yang mtshungs par ldan par mi 'gyur/ sangs rgyas kyi sa dang yang mtshungs par ldan par mi 'gyur/ tshig gi lam dang yang mtshungs par ldan par mi 'gyur/ gzugs kyi rgyu dang yang mtshungs par ldan par mi 'gyur/ gzugs kyi mtshan nyid dang yang mtshungs par ldan par mi 'gyur/ tshor ba dang / 'du shes dang / 'du byed dang / rnam par shes pa'i rgyu dang yang mtshungs pa
- 115b
ldan par mi 'gyur/ tshor ba dang / 'du shes dang / 'du byed dang / rnam par shes pa'i mtshan nyid dang yang mtshungs par ldan par mi 'gyur/ mtshan nyid dang mtshan nyid ma yin pa dang yang mtshungs par ldan par mi 'gyur/ chos thams cad dang mtshungs par ldan par yang mi 'gyur/ mtshungs par ldan par mi 'gyur ba'ang ma yin te/ 'ching ba med pa/ bgrang ba dang dpe dag gis shes par bya ba ma yin te/ 'di ltar chos thams cad ni bgrang ba las yang dag par 'das pa'i phyir ro// de lta bu'i go cha dang ldan pa de dag ni chos thams cad du lta ba yang dag par mi dmigs te/ gzugs su lta ba yang dag par mi dmigs so// tshor ba dang / 'du shes dang / 'du byed dang / rnam par shes par lta ba yang dag par mi dmigs so// tha na chos cung zad tsam du lta ba yang dag par mi dmigs so/ / de bzhin du go cha de lta bu bgos pa de dag ni chos thams cad mtshungs par ldan pa'ang ma yin/ mtshungs par mi ldan pa'ang ma yin no// gzugs dang mtshungs par ldan pa'ang ma yin/ mtshungs par mi ldan pa'ang ma yin no// tshor ba dang / 'du shes dang / 'du byed dang / rnam par shes pa dang mtshungs par ldan pa'ang ma yin/ mtshungs par mi ldan pa'ang ma yin te/ chos thams cad kyi mtshungs par ldan pa dang mtshungs par mi ldan pa de dag thag bsrings pa yin no// de bzhin du go cha de lta bu bgos pa de dag la ni
- 116a
mngon par 'du bya ba med de/ byed pa med pa'i phyir ro// mtshan ma'ang med de/ mtshan ma nyid yod pa ma yin pa'i phyir ro// gnas kyi mtshan ma med pa/ 'dus pa'i mtshan ma med pa/ rnam par rtog pa med pa/ g.yo ba med pa/ dmigs pa med pa/ ngo bo nyid du lta ba med pa ste/ go cha bgos pa nyid kyang dmigs su med pa'o// de bzhin du go cha bgos pa nyid kyang yang dag par rjes su mi mthong ngo / / de ci'i phyir zhe na/ byang chub sems dpa' sems dpa' chen po rnams go cha yang dag par bgos pa na/ gang gis go cha bgos pa dang / gang du go cha bgos pa dang / gang las go cha bgos pa yang dag par rjes su mi mthong ba dang / bdag gis go cha bgos pa dang / bdag gir go cha bgos par yang yang dag par rjes su mi mthong ba dang / 'dir go cha bgos pa dang / gzhan du go cha bgos pa'ang yang dag par rjes su mi mthong ba dang / go cha de lta bu bgos pa'i sems can yang yang dag par rjes su mi mthong ste/ chos thams cad mngon par 'du bya ba med pa'i phyir dang / yod pa ma yin pa'i phyir ro// byang chub sems dpa' sems dpa' chen po go cha de lta bu bgos pa de dag ni de bzhin gshegs pa'i go cha bgos pa yin pas/ / lus kyang mi dmigs/ ngag kyang mi dmigs/ yid kyang mi dmigs te/ dmigs su med pa'i phyir/ rnam par rtog pa
- 116b
rab tu spangs pa yin no/ / byang chub sems dpa' sems dpa' chen po gang gal te chos cung zad tsam la gnas par gyur tam/ gal te chos cung zad tsam la dmigs nas go cha bgos sam/ go cha bgo 'am/ go cha bgo bar 'gyur ba de dag ni go cha chen po bgos pa zhes mi bya ste/ gal te sems de dag las yang dag par 'das par gyur na/ gdod bsam gyis mi khyab pa'i go cha chen po bgos pa zhes brjod par bya'o/ / byang chub sems dpa' sems dpa' chen po rnams ni sems can 'ga' tsam gyi phyir go cha chen po bgos pa ma yin/ bskal pa gcig gi sems can tsam gyi phyir go cha chen po bgos pa ma yin/ bskal pa brgya stong dang / bskal pa bye ba brgya stong dang / bskal pa bye ba khrag khrig brgya stong gi sems can tsam gyi phyir go cha chen po bgos pa ma yin gyi/ bskal pa tshad med pa grangs med pa'i sems can gyi phyir go cha chen po bgos pa yin pas/ de'i phyir go cha chen po tshad med pa bgos pa zhes bya'o// byang chub sems dpa' sems dpa' chen po rnams ni go cha yang dag par bgos pa na sems can gyi 'du shes la mi gnas pa'i go cha gyon par byed do/ / sems can gyi 'du shes mi skyed pa'i go cha dang / sems can gyi 'du shes spang ba'i go cha dang / bdag gi 'du shes zlog pa'i go cha dang / sems can gyi ngo bo nyid shes pa'i go cha dang / bdag gi ngo bo nyid shes pa'i go cha dang / 'du shes dang tshor ba
- 117a
las yang dag par 'das pa'i go cha dang / chos thams cad la byed pa'i 'du shes med par shes pa'i go cha dang / mtshan ma'i go cha dang / mtshan ma med pa'i mtshan nyid kyi go cha dang / smon pa med pa'i mtshan nyid kyi go cha dang / chos thams cad skye ba med pa'i mtshan nyid shes pa'i go cha dang / 'gag pa med pa'i mtshan nyid shes pa'i go cha dang / chos thams cad kyi bye brag gi ngo bo nyid kyi mtshan nyid shes pa'i go cha dang / bye brag gi ngo bo nyid med pa'i mtshan nyid shes pa'i go cha dang / chos thams cad kyi dngos po'i mtshan nyid shes pa'i go cha dang dngos po med pa'i mtshan nyid kyi go cha gyon par byed do/ / blo gros mtha' yas gal te dngos po la gnas nas go cha gyon par byed na/ go cha chen po bgo ba zhes mi bya ste/ 'di ltar byang chub sems dpa' sems dpa' chen po rnams ni dngos po la mi gnas par ye shes chen po yongs su tshol ba yin pas/ de'i phyir go cha chen po bgos pa zhes brjod pa yin no// de nas de'i tshe bcom ldan 'das kyis tshigs su bcad pas de bka' stsal pa/ bskal pa stong phrag tshad med du// go cha dpag med bgos nas nI// sems can dag ni thams cad kun/ / sdug bsngal rnams las grol bar byed// de lta'i go cha che bgos pa// bdud dam bdud kyi mngag pa dang // bdud kyi las rnams byed pa dag/ mig gis mthong
- 117b
bar mi 'gyur ro/ / de las gzhan pa'i sems can gang // lta ba'i thibs por zhugs pa dag/ bsam gyis mi khyab go cha 'di// des kyang thob par gyur ma yin// gzugs med cing ni kha dog med/ / bstan du med cing ltos med pa// go cha bsam gyis mi khyab pa// de phyir mig gis blta bya min// ming med mtshan ma med pa dang // mtshan ma thams cad spangs pas na/ / go cha bgos pa dpag tu med// de phyir phan tshun mthong ba med// gal te mda' ni ri rab tshad// shin tu rnon po 'phangs na yang // bsam gyis mi khyab go bgos pas/ / mda' nyid rang nyid chag par 'gyur// 'jig rten bdud ni ji snyed pas// ri rab tshad kyi mnga' rnams kyis// go cha chen po bgos pa la// dus gcig 'ongs te 'phangs na yang // go cha chen po bgos pa yis// spu nyag gcig ni nyams mi 'gyur// bsam gyis mi khyab go bgos pas// gang yang phan byed gzhi mi nus// de na byang chub sems dpa' rnams// lus dang sems la 'gyur ba med/ / bsam gyis mi khyab go bgos la// su zhig bskul zhing g.yo bar nus// sems bskyed thang cig tsam gyis kyang // bdud ni mang po pham byed pas// byang chub sems dpa' bsam mi khyab// bdud dpung dag ni 'jil bar byed// de lta'i go cha che bgos pas// nams kyang g.yo bar mi 'gyur bas// sems can dag ni thams cad kyis//
- 118a
mthong bar nus pa gang yang med// sems can dag ni thams cad kyis// go cha mtshan nyid mi shes pas// de phyir sems can thams cad kyis// mig gis mthong par mi nus so/ / byang chub sems dpa' skyabs byed cing // chos rnams thams cad shes pas ni// rdo rje mchog dang 'dra bas na// de ni legs par go bgos yin// chos rnams thams cad mi len cing / / sems can rnams ni skyo ba byed pas// sangs rgyas chos kyi rjes 'brang phyir// de ni legs par go bgos yin// go char 'dzin pa med pa ni// chos rnams kun gyi rjes 'brang ba/ / bsam gyis mi khyab go bgos pas// de ni legs par go bgos yin// go cha bstan pa med par yang // chos ni thams cad gang sbyong ba// chos rnams tshigs dang bral bas na/ / ston par nus pa gang yang med// gzugs dang mtshungs par mi ldan zhing // tshor ba dang yang mtshungs mi ldan// 'du shes 'du byed rnam shes dang // mtshungs ldan 'dus pa yang ma yin/ / nang du mtshungs par mi ldan zhing // phyi rol du yang mtshungs ldan min// nang dang phyi rol gnyis kar yang // mtshungs ldan 'dus pa yang ma yin// khams dang mtshungs par mi ldan zhing / / skye mched dang yang mtshungs ldan min// khams dang skye mched dag dang yang // 'dus par gyur pa yod ma yin// sa dang mtshungs par mi ldan zhing //
- 118b
chu dang mtshungs par ldan pa yin// me rlung nam mkha' rnam shes dang // mtshungs ldan 'dus pa yang ma yin// 'dod dang mtshungs par mi ldan zhing // gzugs dang mtshungs par ldan pa'ang min/ / gzugs med pa yi khams rnams dang // mtshungs ldan 'dus pa yang ma yin// thams cad dmigs su med pas na// mngon par 'dus byas rnams dang ni// mngon par 'dus byas med pa dang / / mtshungs ldan 'dus pa yang ma yin// bsam gyi mi khyab go bgos pas// gnas pa med cing 'dus pa med// 'ching ba med cing grol ba med// mtshungs par mi ldan yod ma yin/ / go cha mtha' ni dpag med pas// nyan thos dag gis dag dang // rang sangs rgyas kyi sa dang yang // mtshungs ldan 'dus pa yang ma yin// sangs rgyas kyi ni sa rnams dang / rnachos rnams thams cad kun dang ni// thams cad mtshungs par mi ldan zhing // thams cad 'dus par gyur ma yin// tshig gi lam ni sna tshogs kyis// gang yang reg par mi 'gyur bas/ / dpag tu med pa'i go cha 'di// ngo bo med cing bsam dka' yin// chos rnams thams cad bdag dang ni// mtshungs ldan mtshungs min ldan min pas// bsam gyis mi khyab go cha na// bgrang ba kun las 'das pa yin// go cha bla na med pas na// 'ching ba med cing grol ba med// gzugs dang tshor ba 'du shes dang // 'du byed rnam shes mtshan nyid med// de dag gi ni mtshan nyid
- 119a
dang / mtshungs ldan 'dus pa yang ma yin// chos rnams kyi ni mtshan nyid dang // mtshungs ldan mtshungs min ldan pa'ang min// mtshan ma med pa dang yang / / mtshungs ldan 'dus pa yang ma yin// go cha bla na med pas na// 'ching ba med cing grol ba med// chos rnams dag ni thams cad las// chos gcig grangs su'ang bgrang ba med/ / chos rnams thams cad dag las ni// go cha dmigs par mi 'gyur bas// de phyir bla na med 'gyur zhing // bsam gyis mi khyab pa zhes brjod// go cha la ni gzugs med cing / / tshor ba 'du shes yod ma yin// 'du byed med cing rnam shes med// phung po rnams kyis bsdus pa'ang min// de lta'i dpa' bo gang dag gis// go cha chen po 'di bgos pas/ / lus dang sems ni mi dmigs pas// chos ni cung zad mthong mi 'gyur// bsam pa rnams las 'das pa'i phyir// rnam dag sems la rab gnas shing // rtag tu zhum pa med pas na/ / bsam gyis mi khyab pa zhes brjod// shin tu brtan pas go bgos pa// de yi sems ni mi basprul zhing // bskal pa'i tshad ni mi 'dzin pas// bsam gyis mi byung bzhis brjod/ / go cha la ni tshad med cing // chos dang chos min mi mkhyen pas// dus kyi tshad ni med pa'i phyir// gzhal du med pa zhes bya'o// sems can 'du shes mi skyed cing // bdag gi
- 119b
'du shes yod ma yin/ / 'dus shes 'di ni shes pa'i phyir// 'du shes thams cad skye mi 'gyur// chos rnams thams cad shes kyang ni// chos de'i 'du shes skye mi 'gyur// de ltar go cha gang bgos pas/ / bsam gyis mi khyab pa zhes brjod// gzhan yang blo gros mtha' yas go cha chen po 'di ni chos gya nom pa'i bkod pa'i yo byad ces kyang bya mchog tu gyur pa zhes kyang bya ste/ rnam par gzhig par mi nus pa'i phyir ro// chos thams cad dbye ba med pa zhes kyang bya ste/ chos cung zad tsam la'ang bye brag tu 'byed pa med pa'i phyir ro/ / byang chub sems dpa' sems dpa' chen po gang go cha 'di lta bu bgos pa de ni shes rab chen po'i stobs 'dzin cing / theg pa chen po dang / theg pa mchog dang // mtshungs pa med pa'i theg pa dang / yongs su sdud pa chen po'i theg pa dang / dpag tu med pa'i sdud pa'i theg pa la zhon nas/ sems can thams cad theg pa 'dis 'degs par byed kyang / theg pa 'di la mi shong ba gang yang med la/ theg pa de la'ang 'phel ba med cing / 'grib pa med par sems can rnams bde ba la dgod par byed cing // sems can rnams bde bar nges par byung bar byed do/ / sems can gang nges par bde bar byed pa'i theg pa 'di la zhon pa gang yin pa de dag la ni lus dang / sems ngal zhing nyon mongs par gyur pa yod par mi 'gyur ro//
- 120a
thos margya' las theg pa 'dzin wA dah+ma/ hU~M / l+h+wam sbyin du bcas pa'i 'jig rten dang / nyan thos dang / rang sangs rgyas dang // theg pa gzhan kyis sa bar byed pa thams cad zil gyis nod par byed do/ / theg pa 'din 'gro ba meng ba// 'di'i med pa/ gnas med pa/ ba med du/ shes pa med pa/ sngon gyi mtha' ma jigs pa mtha' mi dmigs pa/ dbus mi dmigs pa/ dus gsum mnyam pa nyid du gyur cing nam mkha' dang mtshungs pa/ kun nas nyon mongs pa'i rdul mi gos pa/ ltos pa med pa/ thogs pa med pa/ mngon par zhen pa med pa yin pas/ theg pa 'dis nges par 'byung bar bya'o// theg pa 'di ni tshad med pa yin te/ gzhal du med pa'i phyir ro// rang bzhin gyis thogs pa'i mtshan ma med pa'ang yin te/ mtshan ma la mi gnas pa'i phyir ro// theg pa mchog 'di la zhon pa gang yin pa de dag ni sems la zhum pa med par bla na med pa yang dag par rdzogs pa'i byang chub la yang dag par gzhol zhing 'jug par 'gyur ro/ / blo gros mtha' yas 'di lta ste/ dper na mar me dang / nyi ma dang / zla ba'i dkyil 'khor ni sems can rnams kyi snang ba chen por byed do// de bzhin du theg pa chen po 'di'ang 'od zer gyis stong gsum gyi stong chen po'i 'jig rten gyi khams gsal bar byed cing / gang gis kyang zil gyi gnon pa 'am/ bar chad byed mi nus pas yon tan chen po'i
- 120b
rgya mtsho dpag tu med pas/ thun med pa yang dag par rdzogs pa'i byang chub la gnol bar 'gyur ro// blo gros mtha' yas theg pa 'di ni mun nag spong bar byed cing 'jig rten gyi nad thams cad rab tu sel ba dang / 'jig rten pa'i chos thams cad las yang dag par 'das shing / sems can chen po yongs su sdud pa yin pas/ dman pa rnams kyi bzhon par bgyi ba ma yin te/ go cha chen po bgos pa ni ma gtogs so// ngas ji skad du 'di ni bskal pa tshad med pa nas sems can rnams yongs su bskyabs pa/ sangs rgyas mang po rnams la mchod cing rim gro byas pa/ dge ba'i rtsa ba rnams bskyed pa/ tshogs yongs su dag pa rnams kyis bzhon par bya ba yin gyi/ nyan thos dang / rang sangs rgyas dang / de las gzhan pa 'jig rten gyis bcings pa/ 'jig rten dang mtshungs par ldan pa dang / mngon pa'i nga rgyal can dang / mu stegs can mngon par yid mi ches pa/ byed pa dman pa thams cad ni theg pa 'di'i ming thos par yang mi 'dod na/ theg pa 'di la bzhon par bya ba lta smos kyang ci dgos zhes gsungs pa lta bu'o// gal te sems can gang la la zhig bsam gyi mi khyab pa'i spyod yul la rnam par rtsen cing theg pa 'di la zhon par byed na/ smon lam khyad par du 'phags pa ji lta ba bzhin du bla na med pa yang dag par rdzogs pa'i byang chub la gzhol bar 'gyur ro// blo gros mtha' yas theg
- 121a
pa 'di ni mtha' med de/ sngon dang / dbus dang / tha ma'i mtha' rtogs par mi nus so// theg pa 'di'i mtha' yongs su chad pa yin te/ mtha' mi dmigs pas mtha' dpag tu med do/ / theg pa 'di'i mtha' ni tshad med pa'i mtha' yin no// blo gros mtha' yas theg pa 'di la ni mtha' dpag tu med pas/ dbus kyi mtha' yang med la/ spang bar bya ba'i mtha' cung zad tsam yang yod pa ma yin no// de la mtha' spangs pa zhes bya ba ni mtha' zhes bya ba cung zad kyang med pas mtha' spangs pa zhes bshad do// rnam par mi rtogs pa'i mtha' la mtha' spangs pa zhes bshad de/ de ni theg pa 'di'i mtha' spangs pa zhes bya'o// mtha' yod pa ma yin pas dbus kyi mtha' zhes bya'o// mtha' yod pa ma yin pas mtha'i mtha' zhes bya'o// mtha' yod pa ma yin pas mtha' zhes bshad do// mtha' de la ni mtha' dmigs su med do// dmigs su med/ pa'i phyir mtha'i mtha' dang / dbus kyi mtha' dang / mtha' med pas rgyun mi 'chad par mtha'i sgor 'jug par 'gyur ro// mtha'i sgor zhugs pa'i phyir theg pa 'ang de las yang dag par 'das pa yin yang / yang dag par 'das pa nyid dmigs su med do// blo gros mtha' yas mtha' nyid gang zhe na/ 'di lta ste/ chad pa dang rtag
- 121b
pa'i mtha' gang yin pa'o/ / tshig gi rjes su zhugs pa'i phyir mtha' nyid mtha' ma yin no// des rtag pa'i mtha' spangs nu/ mtha'i mtha' yang yod par mi 'gyur te/ mtha' de'i mtshan nyid mtha' med pa'i phyir ro// de la mtha' zhes bya ba ni rnam par rtog pa med cing / rnam par rtog pa chad pa'i phyir/ mtha' las yang dag par 'das shing chad pa dang rtag pa rab tu spangs pa yin no/ / blo gros mtha' yas gang 'jog tshogs la lta ba dang bcas pa de ni mtha' sgo la gnas par byed kyi/ gang 'jig tshogs la lta ba med pa de dag ni mtha'i sgo la mngon par zhen par mi byed do/ / mngon par zhen par med pa'i phyir/ chad pa dang rtag pa'i mtha' las yang dag par 'das pa yin no// blo gros mtha' yas chad pa dang rtag pa'i mtha' de dag ni yang dag par yod pa ma yin gyi/ bslu ba'i tshig srid pa gsum po dag na mtha' rnam pa gnyis su rnam par rtog par byed pa yin pas/ mtha' gnyis po de ngag gis yongs su bsdus shing mtshungs par ldan par ma gyur na/ yang dag par 'das shing 'jig tshogs la lta ba spong ba'i phyir/ mtha' gnyis kyi sgo la mngon par zhen par mi byed do// blo gros mtha' yas byang chub sems dpa' sems dpa' chen po gang 'jig tshogs la lta ba da dung ma spangs pa gang yin pa de dag ni go cha chen po bgos nas/ theg pa chen po la zhon pa zhes mi bya
- 122a
ste/ mtha'i sgo de dag la mngon par zhen par gyur pas/ gal te mtha' spong bar 'dod par gyur na'ang / mtha' spong ba'i 'du shes skyed par byed pas sngon dang phyi ma'i mtha' rnam par rtog par byed do/ / byang chub sems dpa' sems dpa' chen po gang 'jig tshogs la lta ba spangs pa gang yin pa de dag ni go cha chen po bgos nas/ theg pa chen po la zhon pa zhes bya ste/ mtha'i sgo de dag la mngon par zhen pa med pas/ mtha' gnyis po dag las yang dag par 'das nas/ rab tu bde ba'i theg pas bla na med pa yang dag par rdzogs pa'i byang chub la rab tu gzhol bar 'gyur ro/ / blo gros mtha' yas byang chub sems dpa' sems dpa' chen po gang blo gros chen po'i stobs kyis/ mtha'i chos la gnas pa thams cad mi spong mi gzhig pa'i thabs la mkhas pas/ zhi gnas dang lhag mthong yongs su bsdus nas/ mtshan ma med pa mngon par bsgrubs te/ mtshan ma med pa mngon sum du gyur na/ sangs rgyas rnams kyis chos kyi snang ba sbyin par 'gyur la/ chos kyi snang ba thob pa'i dbang gis mtha' thams cad rab tu spong zhing / mtha' spong ba de dag la'ang mngon par zhen pa med pas/ mtha' cung zad tsam yang mtha'i sgo de dag dang mtshungs par ldan pa 'am/ mtshungs par mi ldan pa 'am/ yid la byed pa 'am/ yid la mi byed pa'ang med par chos thams cad la
- 122b
thabs mkhas pas/ zhi gnas dang lhag mthong de la rab tu gnas shing / chos kyi snang ba chen po dpag tu med pa 'thob par 'gyur ro// chos kyi snang ba thob pa'i phyir ni mun nag dang spu zing zhes byed pa'i 'jigs pa dag yongs su spangs nas/ chos kyi rgyal mtshan chen po bsgreng ba dang / tshangs pa'i sgra chen po 'byin pa dang / seng ge'i sgra chen po bsgrags nas/ sems can rnams la 'di skad du/ kye khyed rnams myur du 'dir shog la/ theg pa chen po rab tu bde ba'i theg pa dang / kha lo sgyur ba chen po'i theg pa dang / rab tu gzhol ba chen po'i theg pa 'dis/ bla na med pa yang dag par rdzogs pa'i byang chub la yang dag par zhugs nas/ sems can rnams la chos kyi snang ba rab tu ston la/ chos kyi snang ba'i dbang gis sems can rnams go cha chen po bgos nas/ theg pa chen po bzhon pa la dgod par bya'o zhes sgrogs par byed do// blo gros mtha' yas byang chub sems dpa' sems dpa' chen po rnams kyis theg pa chen po 'di dang / go cha chen po 'di la ser sna mi skyed par sems can rnams la byang chub tu sems bskyed de/ go cha 'di bgos nas theg pa chen po 'di la zhon par gyur cig ces smon lam gdab par bya'o/ / theg pa chen po 'di dang go cha chen po 'di la ser sna mi bya bar sems can rnams la brgyud cing spel bar bya'o// gzhan yang sems can rnams go cha
- 123a
'di bgos nas/ theg pa chen po 'di la zhon te nges par byung bar gyur cig ces smon lam gda' bar bya'o// byang chub sems dpa' sems dpa' chen po rnams spyod pa 'di lta bu la gnas pa'i tshe/ sangs rgyas kyi zhing yongs su dag pa'ang yongs su sdud par byed la/ nyan thos dang // rang sangs rgyas dang / byang chub sems dpa' rnams kyi yon tan yongs su rdzogs pa'ang sdud par 'gyur bas/ yon tan gyi rgya mtsho chen po dpag tu med pa 'dis/ bla na med pa yang dag par rdzogs pa'i byang chub la rab tu gzhol bar bya'o/ / blo gros mtha' yas theg pa chen po 'di ni chos kyi dbyings dang mnyam pas tshu rol gyi 'gram dang / pha rol gyi 'gram dmigs su med mod kyi/ 'on kyang rang gi dang gis sems can thams cad bteg ste/ 'di nas chos kyi dbyings su phyin par byed pas gnas pa med pa'i rjes su 'thun pa dang / chos kyi dbyings kyi rjes su 'thun pa dang / go cha'i rjes su 'thun par 'gyur ro/ / gang gis theg pa chen po'i chos kyi dbyings dang mnyam pa 'di la nan tan gyis sgrub par byed pa de dag ni/ bla na med pa yang dag par rdzogs pa'i byang chub la yang dag par rab tu zhugs pa yin no/ / blo gros mtha' yas 'di ltaste/ dper na chos kyi dbyings ni rdul gyi mi gos pa med pas/ gang gis kyang rnam par gzhig pa 'am/ gos par byar/
- 123b
med do// theg pa chen po 'di'ang de bzhin du rnam par 'jig pa med cing gos pa med de/ rnam par 'jig pa dang gos pa med pa'i phyir/ thams cad mkhyen pa'i ye shes la rab tu gnol bar 'gyur te/ de'i phyir theg pa 'di ni theg pa chen po zhes bya'o// theg pa 'di ni thogs pa med pas lha dang / mi dang / lha ma yin du bcas pa'i 'jig rten thams cad gang gis kyang bskor bar mi nus shing / mngon par zhen pa med pa'i phyir/ thams cad mkhyen pa'i ye shes la rab tu gzhol ba yin pas de'i phyir theg pa 'di ni theg pa chen po zhes bya'o// de la theg pa chen po zhes bya ba ni bkod pa chen po gang yin pa ste/ bkod pa thams cad gang yang theg pa chen po 'dir mi 'jug pa med pas so// de nas bcom ldan 'das la/ byang chub sems dpa' sems dpa' chen po blo gros mtha' yas kyis 'di skad ces gsol to/ / bcom ldan 'das theg pa 'di la'ang 'dus byas kyi bkod pa zhes bgyi ba lta ci mtshos lags sam/ de nas bcom ldan 'das kyis/ byang chub sems dpa' sems dpa' chen po blo gros mtha' yas la 'di skad ces bka' stsal to// blo gros mtha' yas de de bzhin no/ / de de bzhin te/ nga ni 'jig rten pa'i rjes su theg pa 'dir yang 'dus byas kyi bkod pa thams cad rab tu ston par mdzad do// blo gros mtha' yas 'khor los sgyur ba'i
- 124a
rgyal po 'am/ lha'i dbang po brgya byin nam/ tshangs pa'i rgyal po'ang rung ste/ de dag thams cad ni theg pa chen po 'di las byung ngo // 'byung ngo // 'byung bar 'gyur te/ 'khor los sgyur ba dang / brgya byin dang / tshangs pa'i 'byor pa'i sa la gnas par byed kyang / 'khor ba'i nyon mongs pa'i skyon rnams kyis gos par mi 'gyur bsa'adod pa rnams kyi nyes dmigs re re nas 'jal bar byed cing / 'jal nas kyang yongs su skyo bar gyur pas/ nges par 'byung ba'i lam rab tu rtogs par 'gyur ro// blo gros mtha' yas byang chub sems dpa' sems dpa' chen po gang theg pa 'di la zhon par byed pa gang yin pa de dag ni 'khor ba len par byed kyang / gnas thams cad du skyon gyis gos par mi 'gyur zhing nyes dmigs kyang mthong la/ nges par 'byung ba'ang rab tu shes pas/ ngas 'dir ma bstan pa'i chos rnams dang / bkod pa gang yin pa de dag kyang theg pa 'di'i mtshan nyid kyi dbang gis chos de dag dang / bkod pa de dag kyang rab tu rtogs nas/ bla na med pa yang dag par rdzogs pa'i byang chub la rab tu gzhol bar 'gyur ro// de nas de'i tshe bcom ldan 'das kyis tshogs su bcad de bka' stsal pa/ theg chen bla na med pa'i theg/ theg pa 'di ni bsom mi khyab// gang zhig theg pa 'di zhon pa/
- 124b
de dag nges par 'byung bar 'gyur// brten pa'i gnas chen yin pas na// theg pa 'di ni bsam mi khyab// mtha' ni dpag med tshad med pas// de'i phyir theg chen zhes bya'o/ / sems can dag ni thams cad kyis// theg pa 'di la gzhol byed kyang // theg pa 'di la 'grib pa med// 'phel bar yang ni mi 'gyur ro// sems can dag ni thams cad las/ / gang zhig theg pa 'di zhon pa// bde bar gzhol bar gyur pas na// de na sdug bsngal ci yang med// gal te byang chub sems dpa' rnams// theg pa 'di la gzhol byed na// drang por 'gro zhing gzhan spyod med// lus dang sems ni ngal mi 'gyur// 'jig rten rnams ni gsal byed pas// lha min lha ma yin rnams kyis/ / theg chen bla med 'di la ni// sems bskyed rab tu gzhol bar bya// rang sangs rgyas dang nyan thos kyi// theg pa zil gnon gang 'dod pa// theg chen bla med 'di la ni// sems bskyed rab tu gzhol bar bya// 'gro ba med cing 'ong ba med// gnas pa med cing sngon mtha' med// phyi dang dbus kyi mtha' yang med// thob med mthong ba med pas na// dus gsum dag ni mnyam pa nyid/ / ji ltar nam mkha' dag pa ltar// theg pa 'di yang de bzhin te// nyon mongs dag ni rab tu spangs// theg pa 'di ni ltos pa med// sgrib med thogs
- 125a
pa med pas na/ / thams cad yongs su slob pas nus// gzhol bar byed kyang mngon zhen med// theg pa 'di ni tshad med pas// mtshan ma thams cad yong/ ma yin// rang bzhin dag ni mi dmigs par// 'jigs med bsam gyis mi khyab yin// gang zhig theg pa 'di zhon nas// 'jigs pa med pa thob pas na// de yis sangs rgyas chos dag la/ / bsgrib med thogs pa med par 'gyur// theg pa 'di la gang zhon pa// 'jig rten kun ni snang byed pas// nyi ma'i 'od zer brgya stong ltar// thams cad du ni gsal bar byed/ / theg pa 'di ni mi 'jig cing // zil gyis gnon pa med pas na// yon tan tshogs ni dpag med ldan// bla med 'di la gzhol bar bya// theg pa 'di ni 'jig rten 'das/ / khams dang las ni nges par 'byung // mun nag dag ni rab tu spangs// zag pa med la gzhol bar byed// theg 'di byang chub sems dpa' rnams// 'ba' zhig yongs su 'dzin pas na// de las gzhan pa'i sems can rnams// der ni shong bar mi 'gyur ro// blo dang ldan pa gang zhig gis// bskal pa stong phrag tshad med du/ thabs mkhas nan tan sgrub byed pa// des gdod theg pa 'di bzhon 'gyur// nyan thos kyi ni tshogs rnams dang // rang rgyal dag gi tshogs dag dang // mu stegs dag ni thams cad
- 125b
kyis/ / theg pa 'di la gzhol mi nus// gal te sems can gang dag gis// bsam gyis mi khyab chos 'di la// thabs mkhas rnam par gang rtsen pa// theg pa 'di la gnas par 'gyur/ / mos pa dag ni ji lta bzhin// khyad par smon lam rnam gzhag nas// yang dag lam la rab gnas shing // bla med 'di la gzhol bar bya// theg pa 'di ni mtha' med pas/ / dbus kyi mtha' yang yod ma yin// mtha' yi mtha' dang dbus kyi mtha'// thams cad dmigs par mi 'gyur ro// mtha' ni dmigs su med pas na// theg pa 'di la mtha' yod min/ / mtha' ni thams cad spangs pa'i phyir// bde bar yang dag gzhol bar 'gyur// theg mtha' dag ni dpag med pas// dpag med gang yin theg mtha' yin// theg 'di mtha' ni tshad med pas/ / tshad med gang yin theg mtha' yin// theg 'di mtha' spong med pas na// mtha' med gang yin spong mtha' yin// mtha' ni gang zhig mi rtog na// spong ba yang ni dmigs mi 'gyur/ / theg pa mtha' ni dpag med pas// dbus kyi mtha' yang yod ma yin// mtha' med mtha' ni med pas na// mtha' yi ngo bo ci yang med// mtha' dang mtha' med mtshan nyid ni/ / mtha' min mtha' yi mtshan nyid byed// mtha' rnams de dag la yang ni// mtha' yi mtshan nyid ci yang med// mtha' min la ni mtha' sgor bshad/
- 126a
theg pa 'dzi ni yang dag 'das// de mtshad las 'das brdzun// mtshungs par ldan pa darigs su med// ngas ni rtag dang nad pa'i mtha'// mtha' rnams da / thams cad ni// mtha' min par yang rab tu bstan// mtha' ni thams cad mtha' med pas// mtha' yi mtshan nyid yod pa min// rang bzhin ngo bo thams cad ni// de na rtog pa ci yang med/ mtha' rnams de dag thams cad la// rnam par rtog pa gang spangs pa// mtha' yod dang ni mtha' med rnams// thams cad rab tu spong bar 'gyur// gang zhig 'jig rten lta ldan pa// des ni mtha' sgo rab ston cing / / mtha' rnams la ni rab zhen pas// skyabs med par ni gyur pa yin// gang zhig 'jig tshogs lta mi ldan// mtha' sgro rnams la ma chags pa// mtha' rnams thams cad mi 'dzin pas/ / snang ba dag ni byed par 'gyur// thams cad mtha' ni mtha' min pas// mtha' rnams yang dag yod ma yin// mtha' yi mtshan nyid thams cad ni/ de dag yod par mi 'gyur ro// mtha' rnams thams cad mi len cing // mtha' dag las ni gang 'das pa// mtha' sgo dag la chags med pas// 'jig tshogs lta bcas spong bar byed/ / gang zhig 'jig tshogs lta ba dag/ mi gcod spong bar mi byed pa// go cha chen po ma bgos pas// theg chen la ni mos mi 'gyur// mtha' rnams ngag ni
- 126b
len byed cing / / mtha' yi mtshan nyid sngon gyi mtha'// phyi ma'i mtha' ni gang rtogs pa// de dag thams cad rnam rtog yin// gang zhig 'jig tshogs lta ba dag/ thams cad rab tu gang spangs pa// go tshe dpag med bgos nas ni// tha med theg pa zhon pa yin// mtha' sgo rnams la ma chags pa// 'jig rten thor ni gyur pas na/ mtha' rnams sna tshogs dag las ni// thams cad yang dag 'das par 'gyur// des na sangs rgyas chos rnams la// bde bar yang dag zhugs pa yin// byang chub sems dpa' rab brtags na/ / shes rab chen po stobs ngag gis// chos 'ga' yang ni mi dmigs pas// spangs shing bsal du ci yang med// rtag tu thabs la mkhas pa yis/ / zhi gnas lhag mthong legs bsdus pa// mtshan nyid gcig tu rtogs pa'i phyir// mtshan nyid rnams ni rab tu rtogs// yang dag chos la rab gnas shing / chos kyi sdang chen thob pas na// chos kyi snang ba de yis ni// mtha' rnams de dag khong du chud// mtha' ni cung zad tsam dag dang // mtha' dang mtha' min de dag dang mtshungs par ldan par mi mthong bas/ / thams cad la ni chags pa med// sems can sdug bsngal mthong gyur na// spro bskyed tshig ni 'di skad du// khyed 'dir shog la theg 'a
- 127a
la/ / nges par 'byung bar gyis shes spros// skye ba len pa thams cad du// chos kyi snang ba byed par 'gyur// go bgos theg chen zhon nas ni// 'di nyid rab tu bstan par bya/ / theg pa 'di dang go cha 'di// de dag la ni 'phangs mi bya// sems can rnams ni thams cad kyis// go bgos theg pa chen po dang // rab bde theg 'di zhon nas/ / bla med bgrod pa dgod par bya// byang chub sems dpa' de dag ni// rnal 'byor 'di la gnas gyur nas// sangs rgyas kyi ni chos dag la// myur ba kho nar gzhol bar 'gyur/ / sangs rgyas zhing ni rnam dag dang // nyan thos byang chub sems dpa' yi// yon tan bkod pa gang yin pa// dngos po de dag 'dzin par 'gyur// / bam po gnyis pa// gzhan yang blo gros mtha' yas ngas mngon par dran te sngon byang chub sems dpa'i spyad pa spyod pa na/ go cha 'di lta bu bgos shing / theg pa chen po 'di lta bu la zhon pas na/ mtha' rnams las yang dag par 'das shing / mun pa rnams rab tu bsal ba dang / 'jigs pa rnams bsgrubs shing / brtson 'grus chen bos sangs rgyas bye ba khrag khrig brgya stong tshad med pa dag las/ byang chub sems dpa' sems dpa' chen po'i go cha'i bkod pa dang / theg pa chen po'i bkod pa 'di zos pas rab tu
- 127b
dga' bar gyur te/ chos 'di spyom pa na sangs rgyas bcom ldan 'das de dag la gus pas rim gro dang bkur sti byas kyang / 'di snyam du bdag gis go cha 'di lta bu zags pa'o// bdag ni go cha 'di lta bu dang ldan pa'o// bdag ni chos 'di lta bu dang ldan pa yin no// bdag ni chos kyi rnam pa 'di lta bu dang ldan pa yin no snyam pa'i bsam pa ma byung ngo // nga de'i tshe bdag tu 'du shes pa med pas/ 'jig tshogs la lta ba spangs shing / bdag tu nga rgyal ba'ang spangs so// sems la mtho dman med cing rnam par rtog pa'ang med par gyur to/ / sems can thams cad bsdu ba dang / de bzhin gshegs pa rnams kyi chos kyi sde snod rab tu bsrung ba dang / sems can bye ba khrag khrig brgya stong tshad med pa rnams yongs su smin par bya ba'i phyir/ skad cig tsam du'ang sems yongs su skyo zhing ngal bar ma gyur to// nga de'i tshe go cha ma spangs shing theg pa dpag tu med pa la zhon par gyur pas tshe rabs thams cad du bdud kyi dpung dang / 'dud kyi 'khor dang / bdud kyi dmag rnams bcom zhing pham par byas so// lam tha dad par gyur pa tsa ra ka dang / 'jig rten rgyang 'phen pa dang / pa ra~M pa ra tsa ka rnam par g.yeng bar gyur pa thams cad dang / gzhan yang mu stegs can 'di dang 'dra ba rnams ngas rab tu 'dul te/ bde ba la rab tu bkod
- 128a
/ d+mo/ ba dad par smras pa thams cad rgyar bcad do// mu stegs can thams cad rab tu brtul lo// log par song ba'i sems can rnams theg 'di'i dbang gis dge ba'i sdom pa sna tshogs la gnas par byas so/ / sems can rnams la go cha dang / go cha'i bkod pa rnam par bye ste bstan to// sems can rnams la rab tu bde ba theg pa chen po'i chos kyi rnam pa de lta bu dag bstan pas/ gang theg pa 'di la gnas par gyur pa de dag bde ba'i yo byad thams cad thob par byas te/ 'di lta ste/ 'dus byas kyi bde ba'i yo byad 'khor los bsgyur ba'i rgyal po'i bde ba'i yo byad dang / brgya byin dang / tshangs pa'i rgyal po'i bde ba'i yo byad dang / 'dus ma byas kyi bde ba'i yo byad 'thob par byas pa gang yin pa'o/ / sems can rnams la chos 'di bstan par gyur pa na/ de dag chos 'di la yang dag par zhugs pas/ 'phags pa'i rigs su skyes pas// chos kyi rgyal mtshan chen po bsgreng zhing / seng ge'i sgra bsgrags nas/ bla na med pa yang dag par rdzogs pa'i byang chub la yang dag par gzhol bar gyur to// blo gros mtha' yas byang chub sems dpa' sems dpa' chen po go cha chen po de lta bu bgos nas/ tshul bzhin du so sor brtags shing rab tu rnam par byed pa de dag ni chos gang gis rab tu gzhol bar 'gyur ba'i chos
- 128b
dedag thams cad ma lus par shes shing mthong bar gyur kyang rnam par rtog par mi byed do/ / de ci'i phyir zhe na/ byang chub sems dpa' sems dpa' chen po rnams ni lam yang da pas/ / tshul bzhin du shes par gyur pa'i phyir dang / yang dag pa'i lam la rab tu zhugs pas/ tshul bzhin du mthong ba'i phyir ro// tshul bzhin du rnam par dag par gyur pa gang yin pa de ni rnam par rtog pa'ang ma yin/ rnam par mi rtog pa'ang ma yin pas/ rnam par rtog pa dang rnam par mi rtog pa dag mnyam pa nyid du shes shing mthong bar 'gyur ro// gang gis chos rnams btsal zhing gnyer du yod par mthong ba de dag ni mnyam pa nyid ma yin pas/ tshul bzhin du rnam par dag pa'i shes pa dang mthong ba la gnas par mi 'gyur ro// rnam par rtog pa dang rnam par mi rtog pa med pa gang yin pa de dag ni rnam par rtog pa dang rnam par mi rtog pa de dag la mngon par zhen cing 'dzin par mi byed la/ mngon par zhen cing 'dzin pa med pas rnam par rtog pa dang rnam par mi rtog pa'ang yongs su spong bar byed do/ / lam 'di la ni snying brtse ba'ang med/ mngon par 'du byed pa'ang med/ sgro 'dogs pa'ang med thang zhing dor ba'ang med do/ / mnyam pa nyid kyi lam yang dag pa la gnas pa ni 'das pa dang / da ltar byung ba dang / ma 'ongs pa la rnam par rtog par mi byed pas
- 129a
rnam par rtog pa thams cad dang bag la nyal ji me ba dag ma lus par khong du chud cing / chos thams cad kyi mnyam pa nyid byin ci ma log pa'i don la rab tu gnas par byed pas/ lam yang dag pa la gnas pa zhes bya'o// blo gros mtha' yas lam da rnam par dag pa'i lam gang zhe na/ 'phags pa'i kham yan lag brgyad pa yin pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyis mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// yang dag pa'i lta bas ni 'jig tshogs la lta ba spong zhing lta bar gyur pa'i spyod yul thams cad las yang dag par 'da' bar byed pas/ lta ba thams cad nas dang dus thams cad du shin tu rnam par dag pa'ang 'thob par 'gyur la rnam par rtog pa dang / khyad par du rnam par rtog pa dang / kun tu rnam par rtog pa thams cad rab tu rtog pas/ rnam par rtog pa dang / khyad par du rnam par du rnam par rtog pa dang / kun tu rnam par rtog pa'ang med par 'gyur ro// log par rtog pa la mi gnas shing / log par rtog pa rab tu spangs pas/ yang dag pa'i 'tsho ba dang /
- 129b
yang dag pa'i 'tsho ba'i 'du shes kyang 'thob par 'gyur ro// 'tsho ba rnam par dgu pa mthong zhing / 'tsho ba rnam par dag pa la gnas pas/ lus kyi las rnam par dag pa dang / ngag gi las rnam par dag pa dang / yid kyi las rnam par dag pa mthong zhing / yang dag pa'i las kyi mtha' la gnas par 'gyur ro// yang dag pa'i lta ba'i drug gi las kyis ni tshig dang smra ba po dag rab tu shes shing mthong bas/ yang dag pa'i ngag la gnas nas/ mi mthun pa'i phyogs yongs su dag par byed do// yang dag pa'i lha ba'i rtsol bas ni/ brtson 'grus rab tu sdud cing yang dag pa'i brtson 'grus la gnas par byed do// yang dag pa'i lta ba'i dran pas ni rjes su dran pa'ang med/ yid la byed pa'ang med/ 'dzin pa'ang med par rnam par dag pa'i dran pas/ yang dag pa'i dran pa la gnas par byed do// yang dag pa'i lta ba'i ting nge 'dzin gyis ni/ ting nge 'dzin la gnas pa med par ting nge 'dzin du lta bu rab tu sbyangs nas/ yang dag pa'i ting nge 'dzin la rab tu gnas par byed do// blo gros mtha' yas byang chub sems dpa' sems dpa' chen po rnams de ltar mthong ba'i tshe/ thams cad du rnam par dag pa yang dag pa'i lta bas thob pas/ shin tu rnam par dag pa'i lam la gnas par 'gyur te/ shin tu rnam
- 130a
par dag pa'i lam 'di ni skyes bu dam pa rnams kyis bgom par bya ba/ blo dang ldan pa rnams kyis bkur bar bya ba/ 'phags pa rnams dga' bar byed pa bzhin gshegs pa rnams kyis rab tu bsngags pa yin pas/ bdud dang / bdud kyi 'khor dang / bdud kyi mngag pa dang / bdud kyi ris kyi lha thams cad kyis bgrod par bya ba'i gnas/ ma yin no// phyi rol pa'i lam la sred cing / mngon par zhen pa thams cad dang / rtsod pa'i smra ba la gnas pa dang / lta ba'i thibs por zhugs pa dang / lam ma yin par song ba dang / 'jig rten rgyang 'phen pa la sogs pas bgrod par bya ba'i spyod yul yang ma yin no// mya ngan las 'das pa la sred pa thams cad kyis bgrod par bya ba'i spyod yul yang ma yin no/ / de ci'i phyir zhe na/ 'dus ma byas la gnas pa gang yin pa de dag ni/ mya ngan las 'das par rnam par rtog pa dang bcas pas na/ mya ngan las 'das par rnam par rtog pa gang yin pa de nyid 'du byed rnams su rnam par rtog pa yin pas so/ / de ci'i phyir zhe na/ mya ngan las 'das pa'i dbyings ni rnam par rtog pa'i g.yo ba thams cad las yang dag par 'das pa yin pas/ 'dus ma byas kyang yod pa ma yin na/ 'dus byas yod par mi 'gyur ba lta smos kyang ci dgos te/ lam 'di ni rnam par rtog pa thams cad yongs su
- 130b
sbyong bar byed pas/ tha na 'dus ma byas su rtog pa cung zad tsam yang med na/ 'dus byas su rtog pa thams cad lta yod par ga la 'gyur/ gang gis ji tsam du 'phags pa'i lam la rnam par rtog pa dang bcas pa de dag ni 'phags pa'i lam la gnas pa zhes mi bya'o/ / gang gis rnam par rtog pa'i g.yo ba thams cad spangs pa gang yin pa de ni/ 'phags pa'i lam la gnas pa dang / 'jigs pa med pa'i lam la gnas pa dang / rab tu zhi ba'i lam la gnas pa dang / rab tu bde ba'i lam la gnas pa zhes bya'o// lam 'dis ni rga ba dang / na ba dang / 'chi ba dang / mya ngan dang / sdug bsngal med pa'i gnas su phyin par byed do// lam 'dis ni ngo bo nyid med par phyin par byed cing / ngo bo nyid kyi gnas las yang dag par 'da' bar byed do/ / lam 'dis ni ngo bo nyid dang ngo bo nyid ma yin pa thams cad spangs pa'i gnas su phyin par byed do// lam 'dis ni mtshan nyid bstan du med pa dang / gzugs can gyi mtshan nyid ma yin pa'i gnas su phyin par byed do// lam 'dis ni nam mkha' bzhin du thams cad du khyab pas/ bla na med pa'i gzhal med khang chen por phyin par byed de/ de ltar song ba gang yin pa de dag ni phyir ldog par mi 'gyur bas bde ba rnam pa sna tshogs rab tu 'thob par 'gyur ro// gzhal med khang chen
- 131a
po de'ang bstan du med cing / dngos pa'i mtshan ma ci'ang med pas/ 'dus byas cung zad tsam yang med la/ 'dus ma byas kyang cung zad tsam yang med de 'dus byas bkag cing 'dus ma byas spangs pa yin pas/ sems can rnams la 'dus byas kyi bde ba 'am/ 'dus ma byas kyi bde ba gang yang sbyin par mi byed do// blo gros mtha' yas ji tsam du 'dus byas kyi mya ngan las 'das pa la mos pa de dag kyang / 'dus byas kyi bde ba yongs su tshol bar mi byed na/ gzhal med khang chen por zhugs pa lta smos kyang ci dgos/ / gzhal me khang chen po de na mngon par 'du bya ba med pa dang / rab tu bsil zhing dben par 'gyur ba'i phyir mya ngan las 'das pa zhes bya'o// 'dod chags dang / zhe sdang dang / gti mug 'gog pa dang / bag la nyal ba rnams spong ba dang / sred pa'i lta ba'i dra ba dral ba dang / ma rig pa'i chu bo baiskams pa dang zug rngu gdug pa rtsa nas bton pa dang / mi dge ba'i chos rnams zad pa'i phyir mya ngan las 'das pa zhes bya'o// nga rgyal gyi nang dang sdug bsngal mang pos nyon mongs pa thams cad thag bsrings pa'i phyir/ mya ngan las 'das pa zhes bya'o// sems dang / yid dang / rnam par shes pa'i spyod yul ma yin pa'i phyir/ mya ngan las 'das pa zhes bya'o//
- 131b
rtsod pa'i smra ba rnams dang mtshams sbyor ba thams cad nas/ chos kyi 'du shes kyi bar du nye bar zhi bar gyur pa'i phyir/ mya ngan las 'das pa zhes bya'o// yid kyi mos pa rnams dang / yid kyi mos pas yongs su tshol ba gcod cing rnam par rtog pa dang / rnam par rtog par bya ba'i mtshan pa med pa'i phyir/ mya ngan las 'das pa zhes bya'o// blo gros mtha' yas 'di ni yongs su mya ngan las 'das pa chen po'i ngo bo nyid yin te/ mya ngan las 'das pa la mtha' med pas brjod kyis mi lang ngo // gal te bgrod par bya ba dang bcas par gyur na/ de ni lam ma yin te/ lam la'ang tshig med pas brjod par mi nus so// byang chub sems dpa' sems dpa' chen po rnams lam 'dis mya ngan las 'das pa'i gzhal med khang chen por bgrod par gyur pa na/ sems can brgya stong tshad med pa rnams kyang lam 'di la 'god par byed do// blo gros mtha' yas byang chub sems dpa' sems dpa' chen po rnams lam 'di la gzhol bar gyur pa'i yongs su ngal ba dang gdung ba med par ji lta ji ltar yongs su tshol ba dang / ji lta ji ltar rab tu bkod pa dang / 'dun pa de lta de ltar rab tu bkod nas/ bkod pa re res kyang sems can yongs su bsdus nas chos ston par byed pas/ sems can rnams rab tu dga' bar byed do// de ci'i phyir zhe na/ lam 'di ni mtshungs pa med pas mi mthun pa'i phyogs yongs su dag par byed pa dang /
- 132a
bya ba rnams mthar phyin par byed pas sangs rgyas bcom ldan 'das rnams dang / nyan thos dang / rang sangs rgyas dag kyang lam 'di la gzhol zhing 'gal bar mi mdzad pa dang / sa de dag tu ma byon cing / smon pa rnams yongs su rdzogs par ma gyur kyi bar du nams kyang spong bar mi mdzad pas so// de las gang zhe na/ 'di lta ste/ mya ngan las 'das pa'i sa dang / gzhal med khang chen po'i sa gang yin pa'o// 'di lta ste/ dper na nam mkha' ni dper byar med kyang / nam mkha' ma gtogs par dpe gzhan gyis nam mkha' mtshon par mi nus pas/ shin tu yangs shing rgya che ba'i nam mkha' dben pa la nam mkha' zhes brjod do// mya ngan las 'das pa'i gzhal med khang yang de bzhin du stong pa nyid kyi dben pa chen po bdag med pa/ bdag gi ba med pa yin pas/ sems can thams cad der zhugs par gyur kyang / spu nyag ma gcig tsam gyi tshad kyang yongs su gzung du med de/ shin tu yangs shing rgya che ba'i stong pa nyid rab tu dben pa rgya che zhing tshad med pas/ mya ngan las 'das pa chen po zhes kyang bya'o// gzhal med khang chen po zhes kyang bya'o// blo gros mtha' yas byang chub sems dpa' sems dpa' chen po gang lam khyad par du 'phags pa 'di ni nyan thos dang rang sangs rgyas rnams la yod pa ma yin no snyam nas/ lam 'di la gnas pa gang yin pa de dag ni yon tan gyi tshogs thams cad
- 132b
mngon par bsgrub cing / phyir mi ldog pa thob par gyur pas/ sems can rnams la phan 'dogs pa chen po byed par 'gyur ro// spyod pa khyad par du 'phags pas bkod pa byas nas/ lam 'dis sems bskyed de gzhol bar gyur pas na/ de'i bkod pa de lta bu de ni nyan thos dang rang sangs rgyas rnams la yod pa ma yin no// byang chub sems dpa' sems dpa' chen po rnams ni lam 'di la gnas pa'i tshe/ gal te 'khor los sgyur ba'i rgyal po byas par gyur na'ang chags shing lta ba med par mthu chen po dang ldan zhing rdzu 'phrul ston par byed pa dang / 'jig rten dang 'jig rten las 'das pa'ang rab tu rtogs par 'gyur ro/ / gal te brgya byin dang tshangs pa'i rgyal po byas par gyur na'ang chags shing zhen pa med pas nga rgyal spongs nas sangs rgyas rnams la blta bar mos pa dang / yang dag pa'i chos nyan par dga' ba dang / lha brgya stong tshad med pa rnams yongs su smin par byed cing / bla na med pa yang dag par rdzogs pa'i byang chub la rab tu gzhol bar byed do/ / de nas de'i tshe bcom ldan 'das kyis tshigs su bcad de bka' stsal pa/ byang chub sems dpa'i khyad par lam// 'jig rten dag na mchog gyur pas/ / 'phags pa theg pa pa gnyis dag/ thams cad lam 'dir 'jug par 'gyur// byang chub sems dpa' thams cad gang // byang chub chen por bgrod pa dang /
- 133a
lam gyi bkod pa thob 'dod pa// lam 'di rab tu dbye bar bya// gang zhig lam 'di dag la ni// bgrod dang bgrod par gyur pa dang // de dag yang dag lta ba yis// lam 'di la ni gnas par bya// byang chub sems dpa' thams cad gang // mnyam pa'i lha la gang gnas pa// lam 'dir rab tu zhugs nas ni// bde bas nges par 'byung bar bya// lam 'di mchog tu khyad par 'phags// lam 'di bla na med pas na// yang dag ji bzhin 'dren byed kyang // gzung bar bya ba ci yang med// gang zhig lam 'dir gnas pa dang // lam 'dir yang dag zhugs pa yis/ / blo ldan gang zag thams cad kyi// sems ni g.yo bar mi 'gyur ro// lam 'di la ni cung zad kyang // g.yo ba yod par mi ston pas// des ni g.yo ba yod mi 'gyur/ / g.yo ba dag ni rtag tu spong // nga yis lam 'di dag la ni// g.yo ba med cing byed pa med// sgro 'dogs med par rab bstan pas// lam 'di de phyir bla na med/ byang chub dag ni thams cad kun// lam 'di la ni rab gnas kyang // lam 'di la ni sred med cing // khong khro ba yang yod pa min// lam 'di 'das pa ma yin te// lam 'di ma 'ongs pa yang min/ / de yis rnam rtog rab bsal nas// de bzhin du ni bsgom par bya// lam 'di la ni nyon mongs med// lam 'di la ni rnam rtog med// don dag dang ni mi 'gal
- 133b
bar/ / de bzhin du ni gnas par bya// lam mchog la ni gang gnas pa// gnas pa med par gnas par bya// lam 'di la ni gang gnas pa// rnam dag rang bzhin 'thob par 'gyur/ / nga yis yan lag brgyad pa'i lam// 'phags pa'i bgrod pa yin par bshad// lam 'di la ni gang gnas pa// byang chub thob par dka' mi 'gyur// byang chub sems dpa' mgon byed pas/ / de bzhin lam 'di gnas par bya// rnam dag lam ni thob gyur nas// re re nas ni bgrod par bya// lam rab mchog tu gyur pa 'di// skyes bu dam pa sgrub byed cing / / de bzhin gshegs pas bsngags pas na// ye shes 'di ni bla na med// bdud dang bdud kyi dmag rnams dang // bdud kyis yongs su bzung ba dang // mu stegs can ni gzhan rnams kyis// bgrod par bya ba'i yul ma yin// mya ngan 'das la gang rtog pa// lam mchog 'di la gnas mi 'gyur// byis pa rnam rtog gtses pas na// mya ngan 'das la phyogs mi 'gyur// rnam rtog lam ni gang 'das pa// 'du shes rnam rtog 'das pas na// lam ni chen po 'di dag la// des na rab tu zhugs par 'gyur// 'phags pa rnams kyi lam mchog 'di// byis pa skye bo spong bar byed// chos 'di la ni gang zhugs pa// lam 'di bla na med pa yin// khyad par 'phags pa'i lam mchog 'di//
- 134a
bla med gnas su byin par byed// de na gnod dang mya ngan med// 'jigs pa med cing bgegs kyang med// bla na med pa'i lam 'di ni// gzugs med kha dog mtshan nyid med/ / gzugs kyi mtshan nyid dag gis kyang // bstan par yang ni mi nus so// shin tu bde ba'i lam 'di ni// yang dag yin pas 'jigs pa med/ lam 'di la ni gang zhugs pa// mthar ni mya ngan 'da' bar 'gyur// mchog tu rnam dag lam 'di ni// nam mkha' stong pa 'dra bas na// thams cad du ni thogs pa med/ / rtag tu mya ngan 'das la gzhol// gal te mya ngan 'das phyin// phyir mi ldog par mi 'gyur bas// mya ngan 'das pa chen po 'di// bla med mchog tu bde ba yin/ / mya ngan 'das chen gzhal med khang // stong dben tshad ni gzhal du med// de phyir mya ngan 'das chen yin// gzhal med khang chen zhes kyang bya// mya ngan 'das ba chen po 'dir/ / dus gsum nyon mongs rab tu zhi// gal te der ni phyin gyur na// ldog pa med cing skye len med// mya ngan 'das chen stong dben 'di// dper na nam mkha' ji lta bzhin/ / stong dben rgya ni che ba'i phyir// de na thogs pa ci yang med// mya ngan 'das chen gzhal med khang // sdug bsngal mya ngan gtan spangs shing //
- 134b
spyod yul gnas ni dpag med pas// mya ngan 'das pa zhes brjod do// mya ngan 'das la grangs med pas// grangs kyi tshad ni dmigs su med// rab zhi bsil ba'i rang bzhin la/ mya ngan 'das pa zhes brjod do// mya ngan 'das la bya med pas// lam zhugs pa yang bla na med// tshad med rnam rtog med pas na// rnam par rtog pa dmigs su med// nga ni byang chub sems dpa'i phyir// lam 'di rab tu bstan pa'i phyir// lam 'di la ni gang gnas pa// de ni mya ngan 'das dang nye// lam 'di la ni gang gnas pa// 'jig rten pa yi bde ba mchog/ thams cad rab tu thob 'gyur bas// 'jigs pa med pa zhes bya'o// lam 'di la ni rab gnas na// sems ni nyon mongs med par 'gyur// des na lam ni rnam dag pas// 'jigs pa med pa zhes bya'o// mnyam nyid yang dag lam mthong bas// thams cad rjes su rtogs par 'gyur// 'tshe ba'i yo byad thams cad la/ thams cad du ni chags mi 'gyur// byang chub sems dpa'i gnas med pa// yang dag khyad par 'phags pa'i lam// sems can rnams la phan 'dogs pa// rab tu brtsal bas gzhol bar bya/ / bla med lam ni thob gyur na// lam mchog bkod pa 'di dag gis// 'jig rten rnams ni mgu byed pas// lam 'di la ni gzhol bar bya// lam
- 135a
'di mchog tu khyad par 'phags/ / yid ni yongs su dag par byed// ji ltar mos bzhin tshol ba dag/ thams cad rab tu gzhol bar bya// gal te 'khor los sgyur ba'i rgyal/ / dpung chen thob par gyur na yang // rgyal thabs dag ni rab spangs nas// rang byung lam ni slob par byed// gal te brgya byin tshangs pa yi// rgyal thabs thob par gru na yang / / de dag la ni chags med pas// de ni legs par rjes 'brang yin// 'jig rten bslab pa'i gnas rnams kyang // thams cad gsal bar khong du chud// lam 'di la ni gang gnas pa/ / bden tshig smra ba zhes bya'o// gzhan yang blo gros mtha' yas byang chub sems dpa' sems dpa' chen po rnams lam 'di la yang dag par gzhol bar gyur/ pa na yang dag pa'i lam yan lag brgyad pa yongs su bsdu bar 'dod pa'i phyir/ chos gcig mngon par sgrub par byed de/ 'di lta ste/ mi dge ba'i chos rnams mi byed pa gang yin pa'o/ / gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa gnyis mngon par sgrub par byed de/ nang du dge ba'i chos gang yin zhes tshul bzhin du sems pa dang / phyi rol tu dge ba'i chos gang yin zhes tshul bzhin du 'dri bar byed pa gang yin pa'o// gzhan yang yang dag pa'i lam yan lag brgyad pa yongs su bsdu ba'i phyir/ chos
- 135b
rnam pa gnyis mngon par sgrub par byed de/ dngos po ji lta ba bzhin du chos rnams rtogs par khong du chud pa dang / dngos po med pa dang rnam par rtogs pa med par khong du chud pa gang yin pa'o// gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa gnyis mngon par sgrub par byed de/ nang du rtogs pa'i rjes su 'brang bar byed pa dang / phyi rol la mngon par zhen pa med pa gang yin pa'o/ / gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa gnyis mngon par sgrub par byed de/ rnam par rtog par bya ba med par bdag nyid mngon par yid ches pa dang / sems can gang nga dung mngon par yid ches par ma gyur pa de dag gis lam 'di la dgod par bya'o snyam du sems pa gang yin pa'o/ / gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa gnyis mngon par sgrub par byed de/ las su bya ba rnams yang dag pa ji lta/ ba bzhin du shes shing mthong ba dang / las su bya ba rnams la mngon par zhen pa med pa gang yin pa'o// gzhan yang yang dag pa'i lam yan lag brgyad pa yongs su bsdu ba'i phyir chos rnam pa gsum mngon par sgrub par byed de/ nye bar len pa'i phung po sdug bsngal dang bcas pa rnams re re nas rtogs par khong du chud par byed pa dang / nye bar len pa'i phung po
- 136a
sdug bsngal med pa rnams nan tan gyis yongs su tshol zhing mos par byed pa dang / 'dus pa'i chos rnams yongs su spong bar brtson pa gang yin pa'o// gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa gsum mngon par sgrub par byed de/ chos mchog tu gyur pa yang dag par ston pa na/ tshig 'gal ba med par chos kyi don gyi rjes su 'thun par ston cing sems la rtsod pa med pa dang / tshig 'bru dang yi ge thams cad la mngon par zhen pa med pa dang / chos thams cad yongs su sdud par byed pa gang yin pa'o/ / gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa bzhi mngon par sgrub par byed de/ don la yang dag par sbyor ba'i dngos po mngon par sgrub par byed pa dang / don ji lta ba bzhin du rjes su 'thun par yang dag par sbyor ba'i dngos po mngon par sgrub par byed pa dang / chos kyi rjes su 'thun par so sor rtog pa la yang dag par sbyor ba'i dngos po mngon par sgrub par byed pa dang / thams cad la mngon par zhen pa mi bskyed par yang dag par sbyor ba'i dngos po mngon par sgrub par byed pa gang yin pa'o/ / gzhan yang yang dag pa'i lam yan lag brgyad pa yongs su bsdu ba'i phyir/ chos rnam pa bzhi mngon par sgrub par byed de/
- 136b
shin tu brtan pa'i yi dam gyis bdag nyid bsrung zhing / ji skad bstan pa kho na bzhin du sgrub par byed pa dang / dbang po drug la mkhas shing lam la gzhol bar byed pa dang / bsam pa rnam par dag par byed pa dang / bag yod pa la gnas par byed pa gang yin pa'o// blo gros mtha' yas byang chub sems dpa' sems dpa' chen po rnams ni chos kyi spyod pa 'dis lam yongs su sdud par byed pa'i phyir/ lam gyi rjes su 'brang ba zhes bya ste/ chos thams cad kyi ngo bo nyid stong pa nyid du lta ba'i phyir dang / ming med pa'i phyir dang / mtshan ma med pa'i phyir dang / smon pa med pa'i phyir dang / skye ba med pa'i phyir dang / mngon par 'du bya ba med pa'i phyir dang / yongs su skyo bar gyur pa'i phyir dang / spangs pa'i phyir dang / 'gags pa'i phyir dang / nges par 'byung ba'i phyir chos kyi snang ba thob pa yin no// skye ba rnams zad par so sor rtogs pa na'ang / skye ba med pa la'ang skye ba'i 'du shes skyed par mi byed pas/ de'i tshe skye ba las yang dag par 'das nas/ chos ma yin pa las nges par 'byung ba dang rnam par dag pa'i lam thob nas/ mi skye ba'i chos la bzod pa 'thob par 'gyur ro// lam rnam par dag par gyur pa'i phyir/ 'du shes thams cad las yang dag par 'das nas/ 'du shes med pa la mi gnas pa dang / lam gyi 'du shes bkag nas/ chos kyi 'du shes spong ba dang /
- 137a
ma rig pa'i dra ba las nges par 'byung zhing rig pas sgom pas 'thob par bya ba'i chos rnams kyang rab tu 'thob par 'gyur ro// rig pas sgom pas chos gang zhig 'thob par 'gyur zhe na/ 'di lta ste/ rig pas bsgoms pas 'du shes dang tshor ba 'gog pa 'thob pa dang / chos thams cad la nges par mkhas pa 'thob pa dang / gsang ste gsungs pa rtogs pas ches nyid kyi rjes su 'brang bar 'gyur ba 'thob par 'gyur ro/ / byang chub sems dpa' sems dpa' chen po rnams lam 'dir zhugs par gyur pa'i tshe/ yul la mi gnas shing mtshan mas bsgribs par mi 'gyur te/ chos thams cad nam mkha' dang mtshungs pa dang / skye ba nam mkha' dang mtshungs pa dang / skye ba'i ngo bo nyid nam mkha'i ngo bo nyid dang mtshungs par shes pas/ mtshan ma cung zad tsam gyis kyang bar chad byed par mi 'gyur ro// lam 'di shin tu rnam par dag pas gnod pas 'jigs pa'ang med do// go cha chen po bgos pas 'dzin pas 'ching bar yang mi 'gyur la/ theg pa chen po la zhon pas rmongs par yang mi 'gyur ro// sgrib pa rnams spangs pas nam mkha' lta bur gyur nas la ma 'dir zhugs te/ sems can rnams la snang ba chen po byed par 'gyur ro/ / blo gros mtha' yas 'di ni byang chub sems dpa' sems dpa' chen po rnams kyi lam khyad par du 'phags pa yin te/ nyan thos dang rang
- 137b
sangs rgyas kyi stod yul ma yin no/ / de nas de'i tshe bcom ldan 'das kyis tshogs su bcad de bka' stsal pa/ yang dag lam brgyad bsdu ba'i phyir// chos spong na ni ston pa yis/ / lam 'di la ni gang gnas pa// de ni brtson 'grus chen po yin// dge ba'i chos kyis lam bsgrub cing // dus ni thams cad dag tu yang // dge'i chos ni mi byed pa// spyod pa 'dis ni lam sdud 'gyur// byang chub sems dpa' rnal 'byor pas// nang du tshul bzhin yid byed cing // phyi rol tu ni 'dri byed pa/ spyod pa 'dis ni lam sdud 'gyur// byang chub sems dpa' gang rtog pa// dngos po ji bzhin rab shes shing // tshul bzhin chos bzhin gang gnas pa/ spyod pa 'dis ni lam sdud 'gyur// byang chub sems dpa' skyabs byed pas// nang du rjes su rtog byed cing // phyi rol tu ni zhe na med pa// spyod pa 'dis ni lam sdud 'gyur/ / byang chub sems dpa' 'jigs med pas// bdag nyid rtog med yid ches shing // gzhan dag yid ches gnas byed pa// spyod pa 'dis ni lam sdud 'gyur/ / byang chub sems dpa' yid byed pas// bya ba'i lam rnams dag byed cing // las rnams la ni 'dzin med pa// spyod pa 'dis ni lom sdud 'gyur//
- 138a
byang chub sems dpa' 'ching med pas// rtag tu sdug bsngal nyer len shes// nyer len sdug bsngal med tshol ba// spyod pa 'dis ni lam sdud 'gyur/ / byang chub sems dpa' rab shes pas// 'dus pa spyod pa spyod sgrub cing // 'dus 'phrong dag ni gang spong ba// spyod pa 'dis ni lam sdud gyur// byang chu sems dpa' don sems pas/ / don gyi rjes su rab rtogs shing // rtsod pa med par gang ston pa// spyod pa 'dis ni lam sdud 'gyur// byang chub sems dpa' blo ldan pas/ / tshig 'bru yi ge zhes med par// chos rnams thams cad sdud byed pa// spyod pa 'dis ni lam sdud 'gyur// byang chub sems dpa' chos spyod pas/ chos kyi rjes su 'thun byed cing / / don gyi rjes su 'thun gyur pa// spyod pa 'das ni lam sdung 'gyur// byang chub sems dpa' lam 'brang bas// brtan pa'i yi dam yang // gnas// ji skad bstan bzhin gang bsgrubs pa// spyod pa 'dis ni lam sdud 'gyur// byang chub sems dpa' lam dag pas// yid la mos par rab sbyangs nas// chos la gnas shing bag yod pa// spyod pa 'dis ni lam sdud 'gyur// byang chub sems dpa' thams cad du// spyod pa 'di rnams rab bsgrubs nas// lus dang sems ni
- 138b
bde thob na/ / spyod pa 'dis ni lam sdud 'gyur// byang chub sems dpa' yang dag dran// rnam dag lam la gang gnas pa// chos rnams stong zhing mtshan med pas// thams cad rab tu rtogs par 'gyur/ / byang chub sems dpa' rab brtags na// smon lam rnam par dag byed cing // smon pa med la mi gnas pas// mtshan ma rnams ni spong bar 'gyur/ byang chub sems dpa' tshul bzhin du// don tshul mnyam par rab rtags na// chos rnams skye bar mi 'gyur bas// the tshom cung zad yod mi 'gyur// byang chub sems dpa' blo ldan dag/ thams cad chos ni rab brtags na// skye zhing zhi bar 'gyur ba'i phyir// gsal bar mthong nas gzhol bar 'gyur// byang chub sems dpa' chos rtogs pas// tshul bzhin chos skye mthong bas na// skye ba la ni skye mi mthong // zad pa las ni zad mi mthong // byang chub sems dpa' brtson 'grus ldan// de ltar so sor rtog byed na// chos min pa las nges 'byung zhing / / yang dag gnas la gnas par 'gyur// byang chub sems dpa' blo dam pas// lam 'di rnam par dag pas na// myur du bde gnas phyin sems pa// bla med bzod pa 'grub par 'gyur// byang chub sems dpa' blo dam pas// tshul bzhin chos rnams rtog byed cing // 'du shes rnams las gang 'das pa// 'du shes med la rtag
- 139a
gnas 'gyur/ / byang chub sems dpa' blo dam pas// lam 'di rab sbyor 'gyur ro zhes// lam gyi 'du shes gang spong ba// chos kyi 'du shes la mi gnas/ byang chub sems dpa' blo dam pas// lam 'di rab tu sbyong ba'i phyir// ma rig dra ba dral sems pa// chos kyi snang chen thob par 'gyur// byang chub sems dpa' blo dam pas// rig pas sgom par byed pas ni/ / sems can rnams la ston byed pas// des na rab tu gzhol bar 'gyur// byang chub sems dpa' rig sgom pa// chos rnams thams cad rtog pa'i phyir// don zab la ni nges 'gyur zhing // thabs mkhas chen po thob par 'gyur// byang chub sems dpa' rig sgom pa// thabs kyis 'du shes kun spangs pas// gsang ba'i chos kyi rjes 'brang zhing / / nges pa'i don ni rtogs par 'gyur// byang chub sems dpa' blo dam pas// chos kyi snang ba chen po yis// 'du shes tshor ba 'gog byed na// des na yang dag gzhol bar 'gyur/ / byang chub sems dpa' blo dam pas// lam 'di la ni mi gnas te// lam 'di la ni mi gnas phyir// lam la yang dag gzhol bar 'gyur// byang chub sems dpa 'jigs med pas/ / chos rnams dag ni thams cad kyang // nam mkha' dag pa ltar shes pas// mtshan ma rnams kyis sgrib mi 'gyur// byang chub sems dpa' chos rnams kyi// rang bzhin
- 139b
nam mkha' 'drar shes te/ / chos rnams nam mkha' 'dra ba'i phyir// rnam dag dri ma med par shes// byang chub sems dpa' de lta bur// gnas pa mtshan mas sgrib mi 'gyur// myur du sems can rnams la ni/ / gdams ngag rjes su ston par 'gyur// byang chub sems dpa' blo dam pa'i// las rnams thams cad rnam dag pas// lam la bar chad ci yang med// thogs pa med par gzhol bar 'gyur/ / rnam par dag pa'i lam 'di ni// byang chub chen por myur du 'gro// 'dus ma byas ni mngon du byed// mnyam pa nyid du gzhol bar 'gyur// byang chub sems dpa' go chen po/ / theg chen lam ni chen po dag/ nam mkha' 'dra bar thogs med cing // rnam par dag par gzhol bar bya// theg dang lam 'di gang skyes pa// nam mkha' bskyed pa lta bur ni/ / mtshan ma mang po rab spangs nas// mtshan mched pas 'grod par bya// theg pa chen po mnyam pa'i theg/ rgya chenam mkha' 'dra bas no// shin tu rnam dag lam 'di la/ / theg pa 'dis ni bgrod par bya// byang chub sems dpa' thams cad kyang // chos 'di la ni gus byed pas// sems can rnams ni kun gyi phyir// dpa' bos rab tu bgrod par bya/ / byang chub chen por bgrod byed cing // khyad par lam 'dir gang gnas pa// theg pa pa gnyis la sogs pas// bgrod par bya ba'i yul ma yin// byang chub
- 140a
sems dpa' yang dag dran/ / lam ni dag par gang byed pa// rnam par dag pa'i lam 'di yis// bla med mchog tu bgrod par 'gyur// 2 yang blo gros mtha' yas byang chub sems dpa' sems dpa' chen po rnams ni de ltar yang dag par zhugs shing gzhol bar gyur pa'i tshe/ dran pa nye bar gzhag pa dang / yang dag pa'i spong ba dang / dbang po dang / stobs dang / byang chub kyi yan lag dang / rnam par thar pa dang / ting nge 'dzin dang / snyoms par zhugs pa dang / rdzu 'phrul gyi rkang pa dang / zhi gnas dang / lhag mthong tshad med pa rnams yang dag par khong du chud pas/ yon tan khyad par du 'phags pa tshad med pas brgyan nas/ 'jig rten pa rnams rab tu gdul ba'i phyir dang / go cha chen po bgos nas khams gsum las nges par 'byung bar bya ba'i phyir dang / theg pa chen po la zhon nas lha dang / mi dang / lha ma yin rnams yongs su gzung bar bya ba'i phyir/ lam 'di la gnas nas/ bla na med pa yang dag par rdzogs pa'i byang chub la yang dag par gzhol bar byed do// blo gros mtha' yas byang chub sems dpa' sems dpa' chen po rnams ni go cha chen po bgos te/ theg pa chen po la zhon nas lam 'di la gnas pa'i tshe/ gal te byams pa dang / snying rje dang / dga' ba dang / btang snyoms kyis sems can kun la khyab par mi byed dam/
- 140b
sems can rnams la bdag dang 'dra bar 'phangs par mi byed na ni de lta bu'i go cha dang / theg pa chen po'i lam chen po 'di dag ni sa chen pos kyang theg par mi 'gyur la/ sems can thams cad kyis kyang ston par mi 'gyur ba zhig na/ 'di ltar sems can rnams la snying brtse zhing phan gdags pa'i phyir/ go cha chen po bgos te/ theg pa chen po la zhon nas lam 'di la gnas pa yin pas/ go cha dang theg pa chen po'i lam chen po 'di dag tu lha dang / mi dang / lha ma yin du bcas pa'i 'jig rten thams cad kyis kyang bgrod par mi nus la/ byis pa so so'i skye bo 'jig rten la mngon par zhen pa dang / 'jig rten na gnas par mos pa thams cad kyis kyang mthong bar mi nus pa yin no// gzhan yang byang chub sems dpa' sems dpa' chen po rnams ni sems can thams cad la snying brtse ba'i phyir/ go cha chen po bgos pa yin pas/ 'di ltar go cha'i mthus sa dang / chu dang / me dang / rlung gi khams rnams byin gyis brlabs pas/ sa'i khams 'di g.yo zhing 'khrugs pa med pa dang / sems can thams cad 'jigs pa mi skye ba dang / chu'i khams dang / me'i khams dang / rlung gi khams rnams kyang de dag gi rjes su ci rigs par bya ba rnams byed pa yin gzhan yang byang chub sems dpa' sems dpa' chen po rnams dang po sems bskyed de/ go cha bgos nas/ deng go cha chen po 'di bgos te/ theg pa chen po 'di la zhon nas
- 141a
rnam par dag pa'i lam gyis/ skye ba gcig gis thogs pa la gzhol zhing byang chub kyi shing drung du bgrod pa dang / byang chub kyi snying po la zhugs par gyur pa'i bar du stong gsum gyi stong chen po'i 'jig rten gyi khams rdo rje las mngon par grub pa'i sa'i dkyil 'khor shin tu brtan pa 'di gal te byin gyis ma brlab na 'khrug cing g.yo bar 'gyur te/ shin du brtan pa'i rdo rje las mngon par gyur pa yin yang / go cha chen po dang theg pa chen po'i lam chen po 'di 'deg pa'i 'os su mi 'gyur ro// gzhan yang byang chub sems dpa' sems dpa' chen po rnams sngon gyis smon lam gyis sems can rnams la byams pa dang snying rje chen po bskyed pa dang / phyogs bcu'i sangs rgyas dang byang chub sems dpa' rnams thabs gcig tu bsngags pa brjod nas gal te rdo rje chen po'i dkyil 'khor chen po dang / ri rab dang / rin po che'i ri thams cad dang / de las gzhan pa'i ri'i rgyal po rnams byin gyis brlabs par ma gyur na/ go cha chen po dang theg pa chen po'i lam chen po 'di dag 'degs pa'i 'os su mi 'gyur ro/ / gzhan yang byang chub sems dpa' sems dpa' chen po rnams ni sngon gyi smon lam gyi mthu'i phyir dang / de bzhin gshegs pa rnams kyi sngon gyi smon lam gyi mthus byin gyis brlabs pa'i phyir dang / sems can rnams la rnam par mi 'tshe ba'i phyir dang / gnod pa mi byed pa'i phyir dang / nyams par mi byed pa'i phyir
- 141b
dang sprug par mi byed pa'i phyir dang / khon du mi 'dzin pa'i phyir dang / mnar bar mi byed pa'i phyir dang / nyon mongs par mi byed pa'i phyir dang / sems can rnams bde ba thob par bya ba'i phyir/ go cha chen po bgos nas theg pa chen po la zhon te/ lam 'di la gnas nas/ bla na med pa yang dag par rdzogs pa'i byang chub la rab tu gzhol bar byed do// blo gros mtha' yas byang chub sems dpa' sems dpa' chen po rnams ni go cha chen po bgos pa na/ shes rab kyi go cha bgos nas/ shes rab kyi mtshon cha thogs te/ shes rab chen pos yongs su sngo bar byed do// yongs su sngo ba'i theg pa la zhon nas/ shes rab kyi sdang bskyed par byed do// snang ba'i lam la gnas nas/ shes rab kyi snang ba'i mig gis chos rnams so sor brtags te/ thams cad mkhyen pa'i mi shes la rab tu gzhol bar byed do/ / thams cad mkhyen pa'i ye shes dang / sems can rnams yongs su bsdu ba'i phyir/ sbyin pa'i pha rol tu phyin pa dang // tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa rnams sgom par byed de/ thams cad kyang shes rab sngon du 'gro zhing / shes rab kyis mngon par bsgrub pa dang / shes rab kyis yongs su bsdus nas/ bla na med pa yang dag par rdzogs pa'i byang chub tu yongs su sngo bar byed
- 142a
do/ / de nas bcom ldan 'das la/ byang chub sems dpa' sems dpa' chen po blo gros mtha' yas kyis 'di skad ces gsol to// bcom ldan 'das byang chub sems dpa' sems dpa' chen po rnams kyis shes rab rnam pa sna tshogs thams cad du khyab cing / sangs rgyas kyi chos tshad ma mchis pa rnams yongs su sdud cing / mngon par sgrub par bgyid pa ni shin tu ngo mtshar che lags so/ / de nas bcom ldan 'das kyis/ byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas de de bzhin no/ / de de bzhin te/ khyod kyis ji skad smras pa de bzhin du/ byang chub sems dpa' sems dpa' chen po rnams ni shes rab rnam pa sna tshogs kyis kun tu khyab cing / chos thams cad yongs su bsdus te/ go cha chen po bgos nas theg pa chen po la zhon te/ lam chen po 'di la gnas nas thams cad kyang shes rab sngon du 'gro bas rab tu gzhol bar byed do// blo gros mtha' yas gal te shes rab dang ldan yang / shes rab sngon du 'gro ba med na lam 'di la rab tu gzhol bar mi 'gyur gyi/ gal te shes rab dang ldan zhing shes rab sngon du 'gro bas thams cad du khyab par gyur nas rjes su 'jug pa dang / rjes su spyod pa dang / shes rab kyis yongs su bsdus shing / shes rab kyis rab tu bsdams par gyur na/ gdod go cha chen po bgos nas theg pa chen po la zhon pa dang /
- 142b
lam chen po 'di la gnas pa zhes bya ste/ rab tu bde ba'i chos kyis 'jig rten la phan 'dogs shing shes rab kyi mig 'byed par byed do// shes rab kyi mig gis so sor brtags nas/ shes rab kyi lus gsal bar gyur pas 'od zer chen po bkye nas/ / bla na med pa yang dag par rdzogs pa'i byang chub la rab tu gzhol bar byed do// blo gros mtha' yas 'di ni byang chub sems dpa' sems dpa' chen po rnams kyis bgo bar bya ba'i go cha dang / go cha'i bkod pa dang / bzhon par bya ba'i theg pa chen po dang / theg pa chen po'i bkod pa dang / bgrod par bya ba'i lam chen po dang / lam chen po'i bkod pab dang / bla na med pa yang dag par rdzogs pa'i byang chub la rab tu gzhol bar 'gyur ba yin no// blo gros mtha' yas skyes bu dam pa gang go cha'i bkod pa dang / theg pa chen po'i bkod pa dang / lam chen po'i bkod pa dang / yon tan rnam pa sna tshogs thams cad kyis rab tu brgyan par gyur pa gang yin pa de dag ngas yongs su rdzogs par brjod par gyur na/ bskal pa tshad med pa rnams su brjod kyang // mthar thug par mi 'gyur mod kyi/ 'on kyang khyed la sogs pas rab tu rtogs par bya ba'i phyir dang / ma 'ongs pa'i skyes bu dam pa rnams go cha'i bkod pa dang / theg pa chen po'i bkod pa dang / lam chen po'i bkod pa dang / yon tan dpag tu med pa'i tshogs kyi bkod pa thob par bya ba'i phyir/ ngas deng 'dir phyogs cung zad tsam zhig mdor bstan par bya ste/ skyes bu dam pa de dag ga la
- 143a
te ngas bstan pa'i chos thos par gyur nas/ go cha chen po bgos nas theg pa chen po la zhon te/ lam chen po 'di la gnas par 'gyur zhing / yon tan gyis rab tu brgyan nas rab tu gzhol bar 'gyur ro/ / de nas de'i tshe bcom ldan 'das kyis tshigs su bcad de bka' stsal pa/ ngas ni yang dag spong ba dang // dran pa nyer gzhag rnam bzhi dang // thabs mkhas thams cad bshad pas na// de phyir bag yod bcas par 'gyur// yang dag dran pa phun tshogs shing // chos mkhas mtshungs par ldan pa dang // rab brtson nges par 'byung/ byed pas// de phyir bag yod bcas par 'gyur// dbang po stobs dang byang chub phyogs// go bgos theg chen bzhon byas te// 'di yis bsrung ba rab byas nas// byang chub sems dpa' gzhol bar bya/ / bsam gtan zil gnon rnam thar dang // ting 'dzin snyoms par rab zhugs te// 'di yis bsrung ba rab byas nas// byang chub sems dpa' gzhol bar bya// snying / rje byams dang dga' btang snyoms// go bgos theg chen bzhon byas te// 'dri yis bsrung ba rab byas nas// byang chub sems dpa' gzhol bar bya// zhi granas lhag mthong rdzu 'phrul rkang / 'phrul dag ni rdzogs byas te// 'di yis bsrung ba rab byas nas// byang chub sems dpa' gzhol bar bya// tshad med yon tan rnams dang ni// go bgos thag chen bzhon byas te// lam la ngal
- 143b
ba med byas nas/ / byang chub sems dpa' gzhol bar bya// brtson 'grus dang ni bag yod dang // go bgos theg chen bzhon byas te// dran nas de dag shes byas nas// byang chub sems dpa' gzhol bar bya/ / snang ba go cha chen po yis// 'jig rten dag ni rab btul te// go cha 'di ni bgo byas pa// 'di ni blo ldan zhes bya'o// thams cad mkhyen la yang dag phyogs// khams gsum las ni nges 'byung phyir// theg chen 'di la gang zhon pa// 'di ni blo ldan zhes bya'o// lam chen rnam par dag pa'i lam// lha dang mi dang lha ma yin// 'jig rten zil gyis mnan pa na/ / kun tu grags pa zhes bya'o// 'di 'dra'i byang chub sems dpa' ni// sems can rnams ni kun gyi phyir// dus rnams thams cad dag tu yang // go cha brtson 'grus bgo bar byed/ / gal te byang chub sems dpa'o rnams// byams dang snying rje dga' ba dang // btang snyoms chen po mi sgom na// sa chen dag ni shong mi 'gyur// gal te byang chub sems dpa' rnams/ / sems can rnams ni de dag la// dus rig phan 'dogs mi byed na// sa chen dag ni shong mi 'gyur// gal te byang chub sems dpa' rnams// snying rje theg chen mi zhon na// ri dang rgya chen po rnams/ / sa chen dag ni shong mi 'gyur// gal te byang chub sems dpa' rnams// byams pas sems can dran byed cing // theg chen 'di la mi zhon na// sems can gang yang bsten
- 144a
mi 'gyur/ / gal te go cha 'di bgos nas// byams 'od gsal bar ma byas na// go cha chen po de dag la// sems can gang yang bsten mi 'gyur// go cha 'dzin rab bgos nas/ / yon tan rgya mtsho dpag med kyis// 'byung chen khams bzhi byin brlabs pas// de 'deg 'os su gyur pa yin// sems can yongs su bsdu ba'i phyir// snying rje 'od kyis kun khyab cing / / 'byung chen khams bzhi byin brlabs pas// de 'deg 'os su gyur pa yin// sems can yongs su bsdu ba'i phyir// byang chub chen po mngon bsgrubs nas/ 'byung chen khams bzhi byin brlabs pas// de 'deg 'os su gyur pa yin// sems can mi smod gnod mi byed// go cha chen po 'di bgos nas// theg chen gyis ni nges 'byung ba// 'di na / blo ldan zhes bya'o// thabs la mkhas pa chen po yis// thams cad byin gyis rab brlabs nas// bla na med pas nges 'byung ba// 'di ni blo ldan zhes bya'o// des nas ni chen po 'di/ mi 'byong rab tu mi g.yo 'dra// chu dang me dang rlung gi khams// byA ba dag ri byed pa yin// byang chub sems dpa' chen po rnams// go chang dpag med bgos nAs // theg chen 'ad bzhon byas nas/ / lam gyi rab tu gzhol bar byed// tshe gcig thogs pa mngon bsgrubs pas// tha ma'i lus ni thob gyur nas// byang chub shing rgyal drung song ste// rab brtan sa la
- 144b
'dug nas ni/ / byang chub snying po de dag tu// rdo rje bzhin du rab gnas nas// lus dang sems ni ngal med par// thams cad mkhyen pa mngon du byed// byang chub sems dpa' 'jigs med pas/ / gal te byin gyis ma brlabs na// sa chen de dag g.yo 'gyur zhing // zhig nas phyir yang chags mi 'gyur// sa chen khams ni thams cad kun// gal te byin gyis ma brlabs na/ rdo rje las ni grub gyur kyang // mi g.yo mi 'khrug gang yang med// byang chub sems dpa' 'das pa'i dus// smon lam chen po rab brgyan pas// sems can rnams ni de dag la// byams pa chen pos dran par byed// mngon sum phyogs bcu'i zhing khams na// sangs rgyas dag ni thams cad mkhyen// rkang gnyis gtso bo gang bzhugs pa// thams cad bsrung zhing dgongs par 'gyur/ / gal te de la sa gzhan pa'i ri// ri rab rin po che yi ri// rdo rje'i dkyil 'khor khor yug ri// shin tu brtan pa gang gnas pa// byang chub sems dpa' blo ldan dag gal te byin gyis ma brlabs na/ / go cha chen po 'di bgos pa// 'deg pa'i 'os su mi 'gyur ro// sangs rgyas byang chub sems dpa' rnams// rdzu 'phrul stobs kyis byin brlabs pas// sems can dang ni sa chen po// bsten 'degs 'os su gyur pa yin// go cha chen po gang bgos pa// sems can 'tshe ba mi byed pas// go cha dag ni gong na med// theg pa
- 145a
dag gis gzhol bar bya/ / go cha chen po gang bgos pa// sems can gnod pa mi byed pas// go cha dag ni bsam mi khyab// theg pa dag gis gzhol bar bya/ / go cha chen po gang bgos pa// sems can dag la khon mi 'dzin// sems can nad ni bsal ba'i phyir// theg pa dag gis gzhol bar bya// lam mchog dag ni phun tshogs pa/ / bla med mchog tu sbyong bas na// mi 'tshe kho na 'dzin med pa dang // gnod pa mi byed yang ngag gnas// shes rab chen po go bgos te// shes rab bsngo ba'i theg zhon pa/ / go cha 'dzin par mi 'gyur bas// bsngo ba'i nang na mchog tu 'gyur// byang chub sems dpa' skyabs byed pas// shes rab snang ba la gnas te// shes rab chos rnams rab brtags nas/ / bla na med par gzhol bar byed// byang chub sems dpa'i lam mchog dang // go cha dang ni theg chen dag/ shes rab 'od las byung bas na// de phyir sems ni rnam par dag/ pha rol phyin la rab zhon nas// byang chub chen por 'grod byed cing // shes rab yongs sdud shes rab gtsang // shes rab dag ni sngon du 'gro// pha rol phyin pa thams cad kyi// shes rab 'di ni sngon du 'gro// shes rab yongs sdud shes rab gtsang // bla med ye shes len par byed// byang chub sems dpa' bsam mi khyab//
- 145b
shes rab snang ba skyed byed cing // shes rab sgron chen sbyar byed pas// bde bar rab tu gzhol bar 'gyur// shes rab snang ba skyed pa'i phyir// des nas shes rab mig kyang 'byed// sangs rgyas bla med ye shes dag/ gsal mthong rab tu gzhol bar 'gyur// byang chub sems dpa' dpa' bo dag/ go cha dpag tu med pa yis// tshad med par ni brgyan pa'i phyir// go cha bgos pa zhes bya'o/ / byang chub sems dpa' blo chen dag/ theg chen rab tu brgyan pas na// sangs rgyas thams cad mkhyen pa la// gos pa med par gzhol bar byed// byang chub sems dpa' blo chen dag/ lam chen rab tu brgyan pa na// bsam gyis mi khyab mchog dag la// rnam par dag pas gzhol bar byed// // bam po gsum pa/ gzhan yang blo gros mtha' yas byang chub sems dpa' sems dpa' chen po rnams kyis go cha'i spyod yul dpag tu med pa dang / theg pa chen po'i spyod yul dpag tu med pa dang / lam chen po'i spyod yul dpag tu med pa dag la rab tu gzhol bar bya'o// de ci'i phyir zhe na/ thams cad du rjes su 'jug par 'gyur ba'i phyir ro// byang chub sems dpa' sems dpa' chen po rnams ni chos thams cad kyi rjes su 'jug par 'dod pa'i phyir/ go cha chen po bgo bar byed do// chos thams cad kyi rjes su 'jug par 'dod pa'i phyir/ theg pa chen po la zhon par byed do//
- 146a
chos thams cad kyi rjes su 'jug par 'dod pa'i phyir/ lam chen po la rab tu gnas par byed do// chos thams cad la mnyam pa nyid rab tu thob par bya ba'i phyir/ rab tu gzhol bar byed do/ / 'on kyang go cha des chos cu 'dul yang nang ngam/ phyi rol lam/ rags pa 'am/ phra ba 'am/ thag ring ba 'am/ thag nye ba 'am/ 'das pa 'am/ da ltar byung ba 'am ma 'ongs pa 'am/ 'dus byas sam/ 'dus ma byas sam/ gnas pa 'am/ mi gnas pa zhes bya bar yang dag par rjes su mi dmigs so// gal te go cha 'dis chos thams cad rab tu rnam par 'byed mi nus sam/ gtan la 'bebs par mi nus sam/ yongs su mi shes sam/ rjes su 'jug par mi nus sam/ mngon sum du byed mi nus sam/ yang dag par 'da' bar mi nus nu/ go cha chen po bgos pa zhes mi bya'o// chos thams cad rab tu rnam par 'byed par byed dam/ gtan la 'bebs sam/ yongs su shes par gyur tam/ rjes su 'jug par byed dam/ mngon sum du byed dam/ yang dag par 'da' bar byed na/ go cha chen po bgos pa zhes bya'o// theg pa chen po des kyang chos 'ga' tsam yang nang ngam/ phyir rol zhes bya ba nas/ thams cad mkhyen pa'i ye shes su bsngo ba zhes bya ba'i bar du yang dag par mi dmigs shing / yongs su shes pa dang / rjes su 'jug pa dang / mngon sum du byed pa
- 146b
dang rnga yang dag par 'da' bar byed pas/ de'i phyir theg pa 'di ni theg pa chen po dang / chos la rab tu mkhas pa'i theg pa dang / mya ngan las 'das par phyin par byed pa'i theg pa dang / gong na med pa'i theg pa dang / mtshungs pa med pa'i theg pa zhes bya'o// lam chen po des kyang cung zad tsam nang ngam/ phyi rol zhes bya ba nas/ chos thams cad mnyam pa nyid kyi lam chen por gyur nas/ gzhol bar byed pa zhes bya ba'i bar du yang dag par mi dmigs shing / mnyam pa nyid kyi lam 'dis chos 'ga' tsam yang yongs su mi shes pa med pas/ de'i phyir lam 'di ni bla na med pa'i lam dang / grangs dang tshad med pa'i lam dang / mtshungs pa med pa'i lam zhes bya'o// blo gros mtha' yas byang chub sems dpa' sems dpa' chen po go cha chen po bgos pa ni/ sems can thams cad kyi sems dang / sems las byung ba'i spyod pa kun gyi rjes su yang dag par 'jug par byed do// sems can thams cad kyi nyon mongs pa'i kun nas nyon mongs pa spong zhing yongs su dag par byed do/ / theg pa chen po la zhon nas sems can rnams kyi dge ba'i rtsa ba thams cad yang dag par 'phel bar byed do// lam chen po 'di la gnas nas/ sems can rnams dge ba thams cad bsgrub par yang dag par skul bar byed do// blo gros mtha' yas byang chub sems dpa' sems dpa' chen po rnams ni sems can re re'i phyir
- 147a
sems kyi spyod pa re re'i phyir yang 'khor ba'i mtha' ji srid pa de srid du yun ring por 'khor ba na 'khor zhing / shes rab kyi sman yongs su tshol ba dang / go cha mi spong bar shin tu brtan par byas nas/ go cha chen po dang / tshad med pa'i go cha dang / bsam par dka' ba'i go cha dang / rnam par dag pa'i go cha dang / dpag tu med pa'i go cha dang / byung ba med pa'i go cha dang / sems can gyi 'du shes rig pa'i go cha dang / sems can med par shes pa'i go cha dang / bdag med par shes pa'i go cha dang / sems can gyi rang bzhin shes pa'i go cha dang / sems can gyi rang bzhin rjes su rtogs pa'i go cha dang / bdag gi rang bzhin shes pa'i go cha dang / nang gi rang bzhin shes pa'i go cha dang / nang gi rang bzhin rjes su rtogs pa'i go cha dang phyi rol gyi rang bzhin shes pa'i go cha dang / phyi rol gyi rang bzhin rjes su rtogs pa'i go cha dang / nang dang phyi rol gnyis ka'i rang bzhin shes pa'i go cha dang / nang dang phyi rol gnyis ka'i rang bzhin rjes su rtogs pa'i go cha dang / chos thams cad kyi rang bzhin shes pa'i go cha dang / chos thams cad kyi rang bzhin rjes su rtogs pa'i go cha dang / chos thams cad dmigs su med par shes pa'i go cha dang / chos thams cad kyi rang bzhin dmigs su med par shes pa'i go cha dang / chos thams cad rtogs pa'i khong du chud pa'i go cha dang / mtha' med pa'i go cha dang / dbus med pa'i
- 147b
go cha dang / dbus dang mtha' med pa'i go cha dang / 'das pa ma yin pa'i go cha dang / ma 'ongs pa ma yin pa'i go cha dang / da ltar byung ba ma yin pa'i go cha dang / bya ba med pa'i go cha dang // byed pa med pa'i go cha yang dag par 'go bar byed do// blo gros mtha' yas byang chub sems dpa' sems dpa' chen po rnams ni go cha 'di la 'gos par yang mi byed/ rjes su rtogs par yang mi byed/ gtan la 'bebs par yang mi byed/ nges par 'byung bar yang mi byed/ mngon sum du'ang mi byed de/ go cha nyid yod pa ma yin pa'i phyir ro// gocha bgos pa gang yin pa de dag ni rjes su rtogs par mi byed pa'i phyir/ rjes su rtogs par byed do// gtan la 'bebs par mi byed pa'i phyir/ gtan la 'bebs par byed do// nges par 'byung bar mi byed pa'i phyir/ nges par 'byung bar byed do// mngon sum du mi byed pa'i phyir/ mngon sum du byed do// gdeg par bya ba med pa'i phyir// theg pa chen po la zhon par byed do/ / theg pa chen po la gdags par mi byed de/ gdags pa med pa'i gdags pas gdags par byed kyang / theg pa chen po la ni gdags par bya ba ci'ang med do/ / gal te gdags pa dang bcas par gyur na/ de nyid gdags pa ma yin te/ gdags pa de dag dmigs su med pa'i phyir dang / bltar med pa'i phyir ro//
- 148a
theg pa'ang yod pa ma yin te/ theg pa la gnas pa dag ni dmigs su med pas/ theg pa chen po la gnas par byed pas/ gzhol bar byed pa spong zhing mthar phyin par yang mi byed la/ mya ngan las 'das par byin par yang mi byed de/ dmigs su med pa'i phyir ro// lam ma yin pas lam med de/ lam la gzhol bar byed pa nyid yang dag par mnyam pa'i phyir ro/ / yang dag pa'i lam 'di ni gdags su med pas/ su zhig gang du gang las gdags par byed de/ bya ba'ang med/ byed pa'ang med/ 'dus pa'ang ma yin/ 'dus pa med pa'ang ma yin/ thams cad la skyo zhing / thams cad yongs su mi tshol ba yin no// de ci'i phyir zhe na/ yang dag par mnyam pa'i lam 'di ni chos thams cad dang gcig pa'ang ma yin/ tha dad pa'ang ma yin zhing mtshungs par mi ldan pa'i phyir ro// chos kyi 'du shes mi skyed cing / chos thams cad spong bar byed pas/ gtsang ba'ang med/ mi gtsang ba'ang med do// chos nyid kyang de bzhin te/ gtsang ba'ang med/ mi gtsang ba'ang med pas/ de'i phyir lam 'di ni kun nas nyon mongs pa med pa'i lam zhes bya ste/ bgrod pa med pas 'grod par byed do// yongs su gzung ba med pas yongs su gzung bar byed do// lam 'di ni shin tu zab pas skye ba med pa/ 'byung ba med pa/
- 148b
byed pa med pa/ thob pa med pa/ mngon par 'du byed pa med pa/ gnas pa med pa/ sgrib pa med pa/ dngos po med pa/ dngos po thams cad rab tu ston pa/ dngos po thams cad dbyer med pa/ dngos po'i rjes su mi 'jug pa yin te/ dngos po med pa'i phyir bla na med pa'i gnas su phyin par byed pa yin no// blo gros mtha' yas byang chub sems dpa' sems dpa' chen po rnams kyis go cha 'di dang / theg pa 'di dang / lam 'di de ltar rig par bya'o// 'on kyang go cha 'di dang / theg pa 'di dang / lam 'di ni bltar med cing shes par byar med pa dang / dmigs su med pa'i phyir/ su zhig go cha bgo bar byed/ su zhig theg pa 'di la zhon par byed/ su zhig lam 'di la spyod par byed de/ bltar med pa/ shes par byar med pa/ dmigs su med pas so// blo gros mtha' yas byang chub sems dpa' sems dpa' chen po gang gis chos 'di thos nas mi skrag mi sdang bar klog pa dang / kha ton du 'don pa dang / yang dag par rab tu ston pa dang / chos kyi tshul dang 'gal ba med cing rjes su 'thun par sgrub pa dang / rab tu dga' bar mos par byed pa dang / chos 'di'i phyir rab tu brtson par byed pa dang / chos kyi tshul nges pa 'di la thabs mkhas pa'i nus pa dang ldan par gyur pa gang yin pa de dag ni go cha 'di bgos te/ theg pa 'di la zhon nas lam 'dir zhugs te/ chos zab mo dmigs su med pa 'di
- 149a
la gzhol bar byed pas/ 'khor ba'i mtha' gtugs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / yon tan dpag tu med pas rab tu brgyan pas 'jig rten du 'byung bar 'gyur ro/ / blo gros mtha' yas byang chub sems dpa' sems dpa' chen po rnams kyis chos 'di la rab tu dga' bas brtson 'grus bskyed nas bag yod par bsgrub par bya'o/ / sems can gang la la zhig chos zab mo 'di thos ma thag tu dga' ba bskyed pa gang yin pa de dag kyang / ngas phan pa chen po thob par rab tu bstan na/ gang zhig nan tan brtson 'grus kyis bag yod pa dang bcas pa dang / tshul khrims kyi spyod pa rnam par dag pas gzhol bar byed pa lta smos kyang ci dgos/ blo gros mtha' yas khyed kyis chos 'di shin tu yangs shing rgya che ba rnam pa du ma dang / khyad par du 'phags pa rnam pa du ma dang rnam par dag pa du ma dang ldan pa la ltos/ ngas chos 'di la nan tan gyis bsngags pa rab tu brjod pa ni sems can rnams rab tu dga' ba bskyed pas/ yun ring po'i phan pa dang bde ba thob nas yongs su skyo bar bya ba'i phyir dang / rab tu zhi bar bya ba'i phyir dang / yongs su shes par bya ba'i phyir ro// blo gros mtha' yas yang khyod kyis chos 'di 'jig rten dang / 'jig rten las 'das pa'i phun sum tshogs pa'i bde ba sbyin par byed pa yin yang srid pa rnams su dbul 'phongs pa sna tshogs snang bar gyur pa ni/
- 149b
sems can rnams chos zab mo 'di las rab tu nyams par gyur pa'i phyir/ 'jig rten dang 'jig rten las 'das pa'i phun sum tshogs pa dang / 'byor pa dang / bde ba rnams spangs pa yin par blta bar bya'o/ / blo gros mtha' yas yang khyod kyis de bzhin gshegs pa mngon sum du bzhugs pas/ chos rin po che zab mo 'di 'byor pa du ma rnyed sla bar gyur to snyam du blta bar bya zhing / khyod kyis chos zab mo 'di la nan tan gyis rab tu bsgrub par bya'o/ / byis pa so so'i skye bo rnams ni ngas chos rin po che 'di yang dag par bstan pa na/ thos par yang mi 'dod da/ ler pa dang 'dzin pa lta smos kyang dgos/ de bzhin gshegs pa mngon sum du bzhugs shing / chos rin po che 'byor pa'i dus su'ang mnyan par mos pa dang / 'dri bar yang 'dun par mi 'gyur na/ ma 'ongs pa'i dus lnga brgya tha ma la yang dag pa'i chos rab rnam par 'jig pa'i tshe/ sangs rgyas dang chos dkon mchog dang / chos 'dzin par byed pa rnam pa gsum mngon du mi 'gyur ba'i dus su mnyan pa dang 'dri bar mos par lta ga la 'gyur// blo gros mtha' yas 'on kyang ma 'ongs pa'i dus na/ gal te de bzhin gshegs pas legs par byin gyi brlabs par gyur na/ chos rin po che zab mo 'di rnyed par 'gyur ro// blo gros mtha' yas shin tu 'jig pa'i dus de'i tshe/ chos rin po che zab mo 'di yang dag par nyams shing 'grib pa 'am/ zad par gyur pa med mod kyi/ 'on kyang chos 'di la nyan pa dang 'dzin par byed pa med de/
- 150a
nga'i spyan sngar sems rtse gcig tu mnyan par mos pa dang / go cha bgos pa ni ma gtogs te/ de dag de'i tshe chos 'di la rab tu dga' bas nyan pa dang len par 'gyur bas so// de'i tshe sems can gang chos 'di thos nas/ rab tu dang ba tsam skyed par byed na'ang / ngas de dag chos rgya chen po 'di mngon par sgrub par 'gyur bar bstan pa yin na/ da ltar chos 'di la yongs su dang ba bskyed nas/ nan tan gyis sgrub par byed pa lta smos kyang ci dgos/ blo gros mtha' yas byang chub sems dpa' sems dpa' chen po rnams ni bla na med pa'i go cha dang / go cha chen po tshad med pa rnams yang dag par bgos pa na 'di snyam du sems te/ bdag ni sems can dbul 'phongs par gyur pa 'di lta ste/ tshul khrims kyis rgud pa dang / thos pas rgud pa dang / shes rab kyis rgud pa dang rnam pa'i grol bas rgud pa dang / rnam par grol ba'i ye shes mthong bas rgud pa de dag thams cad la chos chen po 'dis 'phongs pa med par bya'o// chos chen po 'dis 'phongs pa med par bya ba'i phyir/ rgud pa thams cad spangs nas/ tshul khrims kyi nor dang / thos pa'i nor dang / shes rab kyi nor dang / rnam par grol ba'i nor dang / rnam par grol ba'i ye shes mthong ba'i nor gyis phyug por bya'o/ / 'dod chags dang / zhe sdang dang / gti mug gi ma rnams rab tu zhi bar bya'o// nad thams cad las sos par bya'o// bla na med pa'i sman gya nom pa gtang bar bya'o//
- 150b
sman 'di'i dbang gis nad rnam pa sna tshogs bsal nas bde ba chen po thob par bya'o// lhag ma dang bcas pa gtan du spangs te/ shin tu bsil ba'i ngo bo nyid bla na med pa'i mya ngan las 'das pa mngon du byas nas/ yid la sems pa dang / so sor rtogs pa'i lhag ma ci'ang lus pa med pa dang / 'dus byas dang 'dus ma byas thams cad yongs su tshol ba med pa la dgod par bya'o snyam mo// de ci'i phyir zhe na/ mya ngan las 'das pa 'di ni mchog tu bde zhing / yongs su tshol ba thams cad lus pa med pa'i phyir dang / yongs su tshol ba gtan du zhi zhing yongs su zad pa'i phyir ro// blo gros mtha' yas byang chub sems dpa' sems dpa' chen po rnams ni go cha chen po de lta bu bgos nas/ gzhan yang sems can thams cad la snying brtse bas yongs su bsdu/ ba'i phyir/ theg pa chen po la zhon nas 'di snyam du/ theg pa chen po 'di la ni 'das pa'i sangs rgyas rnams kyis kyang bcibs nas nges par byung bar gyur to// ma byon pa'i sangs rgyas rnams kyang 'di la bcibs nas nges par 'byung bar 'gyur ro/ / da ltar bzhugs pa'i sangs rgyas rnams kyis kyang 'di la bcibs nas nges par 'byung bar gyur kyang / gshegs par gyur pa'ang med la/ bcibs pa dang nges par 'byung ba'ang med do// de ci'i phyir zhe na/ stong pa dang / mtshan ma med pa dang / smon pa med pa dang / skye ba med pa dang / byed pa med pa'i phyir/ nges
- 151a
par 'byung bar gyur pa'ang ma yin/ / nges par byung ba'ang ma yin// nges par 'byung bar 'gyur ba'ang ma yin no// theg pa 'di la zhon nas/ de ltar nges par 'byung ba de dag ni legs par 'byung ba yin te/ mngon par zhen pa med pas/ chos thams cad dang 'dus pa'ang ma yin/ 'dus pa med pa'ang ma yin pas/ 'ong ba med pa/ 'gro ba med pa ma yin no/ / theg pa 'di lam gyis nges par 'byung ba'i tshe'ang 'dus pa ma yin pas 'ong ba med pa/ 'gro ba med pa yin no// theg pa 'di dang lam 'dis go cha chen po byas nas/ nges par 'byung ba'i tshe'ang 'dus pa'ang ma yin/ 'dus pa med pa'ang ma yin pas 'ong ba med pa/ 'gro ba med pa yin te/ dmigs su med pa'i phyir ro// blo gros mtha' yas byang chub sems dpa' sems dpa' chen po rnams ni go cha 'di dang / theg pa 'di dang / lam 'dis de ltar gzhol bar bya'o// gzhan yang go cha 'di dang / theg pa 'di dang / lam 'dis gzhol bar byed pa'i tshe/ 'di snyam du so so'i skye bo'i chos gang yin pa dang / nyan thos kyis chos gang yin pa dang / rang sangs rgyas kyi chos gang yin pa dang / sangs rgyas kyi chos gang yin pa'i chos de dag bdag dang nye ba zhig gam/ 'on te thag ring ba zhig ces yongs su rtog par mi byed do// stong pa dang / mtshan ma med pa dang / smon pa med pa dang / skye ba med pa dang / mngon par 'du bya ba med pa'i
- 151b
chos gang yin pa de dag bdag dang nye ba zhig gam/ 'on te thag ring ba zhig ces yongs su rtog par mi byed do// yongs su skyo ba dang bral ba dang / 'gag par 'gyur ba nas/ mya ngan las 'das pa chen po'i bar gyi go cha de dag la'ang bdag nye ba zhig gam/ 'on te thag ring ba zhig ces yongs su rtog par mi byed do// blo gros mtha' yas go cha chen po 'di dang / theg pa chen po 'di dang / lam 'di dag la ni byang chub sems dpa' thams cad dang / nyan thos thams cad dang / rang sangs rgyas thams cad dang / sems can thams cad gang gis kyang bskul bar mi nus pas/ bla na med pa yang dag par rdzogs pa'i byang chub la rab tu gzhol bar byed do// blo gros mtha' yas sangs rgyas bcom ldan 'das rnams ni go cha 'di dang / theg pa 'di dang / lam 'di la g.yo ba mi mnga' ba brnyes pa dang / yongs su mya ngan las 'das pa yin no// de ci'i phyir zhe na/ chos thams cad g.yo ba med pa'i phyir dang / chos thams cad kyi ngo bo nyid dang / chos nyid kyi mtshan nyid mi mthun pa dang bral ba'i phyir dang / mtshan ma rnam par dag pa'i phyir dang / yongs su rnam par dag pa'i phyir dang / mtshan ma dag gis so sor brtag pa dang / mchog tu so sor brtag pa dang / kun tu so sor brtag par bya ba ma yin no// chos thams cad kyi mtshan nyid kyi chos kyi mtshan nyid kyi ngo bo nyid kyang ngo bo
- 152a
nyid kyis so sor brtag pa dang / mchog tu so sor brtag pa dang / kun tu so sor brtag par bya ba ma yin no// chos thams cad kyi ngo bo nyid med pa dang mtshan ma med pa dang / bstan du med pa dang / brjod du med pa gang yin pa 'di ni chos rnams kyi de kho na nyid kyi mtshan nyid ces bya'o// blo gros mtha' yas go cha 'di dang / theg pa 'di dang / lam 'di lta bu 'di dag gi de kho na nyid kyi mtshan nyid kyang de bzhin du bstan du med cing brjod du med pa yin yang / sems can rnams khong du chud par bya ba'i phyir dang chos rnams kyi snang ba 'phel bar bya ba'i phyir go cha 'di dang / theg pa 'di dang / lam 'di dag btags pa tsam du mdor bstan pa yin no// deng khyod kyis gal te go cha 'di dang / theg pa 'di dang / lam 'di'i don gyi rjes su 'jug cing spyod par 'dod na/ gdags pa med pa dang / bstan pa med pa dang / brjod pa med par don gyi rjes su 'brang bar bya'o/ / don gyi rjes su 'brang ba gang yin pa de dag la ni 'di ni spyad par bya'o zhes bya ba'ang cung zad kyang med la/ 'di ni rjes su 'brang bar bya'o zhes bya ba'ang cung zad kyang med pas/ don ma yin pa de dag gi rjes su ni 'brang bar mi byed la/ don gang yin pa de dag gi rjes su ni 'brang bar byed do// don gyi rjes su 'brang ba'i tshe/ sgra'i rjes su 'brang bar mi byed do//
- 152b
yi ge'i rjes su 'brang bar mi byed do// ngag gi rjes su 'brang bar mi byed de/ rjes su mi 'brang ba de'i rjes su mi 'jug pa gang yin pa'o// de la don gang yin zhe na/ 'di lta ste/ gsang ste bstan pa gang yin pa dag yin pas/ gsang ste bstan pa rnams rjes su rtogs par byas nas// mngon par yid ches par spyad par bya'o// mngon par yid ches par spyod pa gang yin pa de dag ni don de dag la rnam par rtogs par mi byed pas/ rnam par mi rtog pa'i rjes su 'brang bar byed de/ rjes su 'brang bar byed pa gang yin pa de ni dpyod pa med pa dang / rjes su 'brang ba med pa zhes bya'o/ / de ci'i phyir zhe na/ don de dag la dpyod pa zhes bya ba cung zad kyang med la/ rjes su 'brang ba dang / kun tu 'gro ba zhes bya ba'ang cung zad kyang med de/ dpyod pa yongs su spangs pa'i phyir/ rjes su 'brang bar mi byed do// byang chub kyi rjes su 'thun par yang mi dpyod la/ 'khor ba'i rjes su 'thun par yang mi dpyod de/ rjes su 'thun pa dang / rjes su mi mthun pa de dag ni yid la byed pa'ang ma yin/ yang dag pa'i dran pa'ang ma yin te/ bsam pa yongs su dag par 'gyur ba'i phyir/ rjes su 'brang bar mi byed do// blo gros mtha' yas khyod kyis don 'di'i rjes su 'brang bar bya'i/ tha dad pa'i dpyod pa dang ldan par mi bya'o// gal te tha dad pas rjes su 'brang bar byed na/ de ni brjed ngas pa yin pas/ sgra'i rjes su 'brang ba
- 153a
dang tshig 'bru dang yi ge'i rjes su 'brang ba dang / ngag gi rjes su 'brang bar 'gyur te/ tshig gi brjod pa de dag kyang yongs su spong par mi 'gyur ro// sgra yongs su shes pa dang / tshig 'bru dang / yi ge las yang dag par 'das pa dang / tshig gis brjod pa rjes su rtogs pa gang yin pa de dag ni de ltar rjes su 'brang bar mi byed pas/ 'khor bar 'jug par mi 'gyur ro/ / don 'di la de ltar rjes su 'brang ba dang / de ltar rjes su 'jug pa gang yin pa de dag la ni dpyod pa cung zad kyang med de/ dpyod pa nye bar zhi bar gyur pa'i phyir ro// blo gros mtha' yas don gyi rjes su 'jug pa'i tshe/ mngon par 'dus byas pa dang bcas pas don gyi rjes su 'brang bar mi bya'o// gal te mngon par 'du byed pa med par don gyi rjes su 'brang bar byed na/ de ni 'ong ba med pa dang / phyir ldog par mi 'gyur ba zhes bya ste/ 'ong ba med pa dang / phyir ldog par mi 'gyur ba gang yin pa de dag ni go cha 'di dang / theg pa 'di dang / lam 'di dang rjes su 'thun par bla na med pa yang dag par rdzogs pa'i byang chub la gzhol bar byed pa yin pas/ sems can rnams la phan pa chen po byed par 'gyur ro// blo gros mtha' yas gang gis chos 'di de ltar ston pa dang / don gyi rjes su 'brang bar byed pa dang / rjes su 'jug par byed pa gang yin pa de dag ni sems phyin ci log med pa dang / the tshom med pa'i mos pa yongs su bsgrub pa yin pas//
- 153b
go cha 'di dang / theg pa 'di dang / lam 'dis yongs su ma bsdus pa gang yin pa de dag ni/ yongs su bsdus nas myur du gzhol bar byed pas/ go cha 'di ma bgos par yang myur du bgo bar byed do/ / theg pa 'di la da dung zhon par ma gyur pa'ang myur du zhon par byed do// lam 'di la gnas par ma gyur pa'ang myur du gnas par byed do// blo gros mtha' yas sems can de dag ni bsod nams kyi tshogs rgya chen po yongs su sdud pa dang / sangs rgyas bcom ldan 'das rnams kyis rjes su bsrung zhing dgongs par gyur pas/ chos dang 'gal ba med pa dang / dge 'dun dang 'thun par spyod par 'gyur ro// blo gros mtha' yas khyod ni dge ba'i rtsa ba tshad med pa rnams yongs su bsdus pa yin pas/ ma 'ongs pa'i dus su chos 'dis sems can rnams yongs su bsdus nas/ sems can rnams kyi ched du khur lci ba bkur bar bya'o// des na bsod nams kyi tshad shin tu brjod par dka' ba dag rab tu 'thob par 'gyur ro// de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' 'jigs med pas// de ltar go cha bgos pa'i tshe// sems can rnams la phan gdags phyir/ go cha dpag med bgo bar byed// sems can gal te 'phongs gyur tam// sdug bsngal chos ni med pa'i tshe// tshul khrims dang ni mang du thos// shes rab rnam grol med pa
- 154a
la/ go cha dpag med rab bgos nas// chos kyi rab tu phyug por byed// chos kyi phyug por gyur pa'i phyir// thams cad bde ba thob par byed// dbul ba'i sdug bsngal spangs pa'i phyir/ / bla med chos ni ston byed pas// thos pa dag ni rdul spangs nas// bde lam 'di la bkod par byed// tshul khrims phung po rab rgyas shing // mang du thos pa rgya mtsho 'dra/ / shes rab mchog ni thos pas na// des na 'ching ba gcod par byed// rnam grol kun tu gsal byed dang // rnam grol yang dag shes mthong ba// gang gi mngon sum byed pa ni/ / thams cad bde ba 'thob par 'gyur// 'dod chags zhe sdang gti mug mes// rtag tu sreg cing kun gdungs pas// des na sems can sdug bsngal gyur// me de bdag gis gsad par bya/ / sems can rnams la sman gtang nas// nad rnams thams cad gsal bar bya// gal te nad ni zhi gyur na// mya ngan 'das dbyings phyin par 'gyur// lhag ma thams cad gtan spangs nas// bde gnas la ni gzhol bar byed// bde ba'i gnas su bzhug pas na// ldog par gyur pa gang yang med// 'dus byas bde ba thams cad la// yongs su tshol bar mi byed cing / / bla na med pa'i bde chen dag/ thams cad mngon sum byed par 'gyur// spros pa med pa'i chos dag gis// sems can yongs su smin byed pas// mthar phyin pa 'i
- 154b
bde ba dag/ thams cad rab tu 'thob par byed// de lta bur ni gang gzhol ba// lan cig song nas phyir mi ldog/ gzhol ba las ni yang dag 'das// mchog tu bde ba rtag tu thob// bde/ ba chen po dag gis ni// mos pa dang ni mi mos pa// gzhol ba dang ni gzhol med pa// thams cad rab tu spong bar byed// de ltar go cha bgos nas kyang // theg pa 'di la zhon nas ni// sems can rnams la snying brtse phyir// thams cad yongs su gzung bar bya// 'das pa'i thams cad mkhyen pa rnams// theg pa 'di yis nges 'byung gyur// ma byon thams cad mkhyen rnams kyang / / theg pa 'di dbang nges 'byung 'gyur// da ltar sangs rgyas bcom ldan 'das// theg pa 'di dbang nges 'byung ba snyes// de phyir theg pa 'di la ni// ma bcibs pa ni gang yang med// 'jig rten dag la mgon mdzad pas// rgyal ba dag ni thams cad kun// theg pa 'di yis nges 'byung yang // theg pa 'du shes skyed mi mdzad// theg pa med pas theg pa mdzad// lam med pa la lam du mdzad/ / nges 'byung med par nges par 'byung // de phyir nges 'byung bla na med// theg pa 'di ni nges 'byung tshe// nges 'byung cung zad yod ma yin// stong pa mtshan ma med pa dang // smon med byed pa med phyir ro// theg min nges 'byung ma yin pa// de ni theg chen zhes bya'o// thams cad rab tu mnyam pas na// des na yang dag gzhol bar byed// theg pa 'di la 'dus pa med//
- 155a
ma 'dus pa yang yod ma yin// tha med lam la gzhol byed pas// bde ba chen po mngon du byed// theg pa 'di la mtshungs ldan med// mtshungs mi ldan pa yod ma yin/ / gnas pa med cing brten pa med// des na rab tu gzhol bar byed// lam 'di la ni 'ong ba med// lam 'di la ni bgrod pa med// yang dag lam 'di gang spyod pa// rab dge yang dag gzhol bar 'gyur// ngas ni lam 'di theg 'di dang // go cha chen po 'di dag ni// chos la rten par mi byed pas// rab dben bla med mchog tu bstan// so so'i skye bo'i chos rnams dang / / nyan thos chos ni thams cad dang // rang rgyal chos rnams thams cad kyang // thams cad dmigs su med pa yin// sangs rgyas chos ni thams cad dang // dri med bla na med pa'i chos/ / ring ba ma yin nye min pas// thams cad dmigs su med pa yin// stong dang mtshan ma med pa'i chos// smon pa byed pa med chos kyang // ring ba ma yin/ nye min pas// thams cad dmigs su med pa yin// skyo bral de dag 'gags pa'i chos// rab dben mya ngan 'das pa'i chos// ring ba ma yin nye min pas// thams cad dmigs su med pa yin/ / theg pa 'di dang go cha 'di// lam 'di la ni 'dzin med cing // bla med g.yo ba med pas na// mthar ni gang yang dmigs su med// chos kyi rang bzhin thams cad dang
- 155b
de kho na yi mtshan nyid ni/ / gdags su rung ba ma yin te// chos nyid rnams ni stong phyir ro// theg pa 'di dang go cha 'di// lam 'di bstan du med pa yin// chos rnams rang bzhin ji lta ga/ deyi rang bzhin de bzhin no// chos rnams dag ni thams cad la// mtshan nyid rang bzhin med pa'i chos// nga yis mdor ni bstan pa yin// chos rnams thams cad dag la ni// rang bzhin mtshan nyid thams cad kun// ji ltar ngas ni bshad pa bzhin// mthar ni yod par mi 'gyur ro// theg pa 'di dang lam 'di dang // go cha'i rang bzhin mtshan nyid la// tshig gis brjod pa rab brtsal na// mthar ni dmigs par 'gyur ma yin// tshig ni yod pa ma yin phyir// ngo mtshar rab tu gyur pa yin// tshig gi brjod pa de dag la// ngag ni mtshan nyid yod ma yin/ / chos rnams dag ni gzhal du med// mchog dang kun tu gzhal du med// thams cad dpag tu med pas na// de phyir chos ni bla na med// theg pa 'di dang go cha 'di/ / lam 'di yang ni de bzhin du// mtshan ma med pa de dag la// de ltar rjes su 'jug par bya// sems can rnams ni kun gyis kyang // yongs shes nan tan bsgrub pa dang // myur du chos sdang thob bya'i phyir// de phyir ngas ni de skad bstan// chos rnams la ni tshig med pas// thams cad brjod du med pa yin// chos rnams de dag kun la ni// thams cad rjes su
- 156a
'jug par bya/ / chos la tshig ni med pa'i phyir// de yi rjes su 'brang bar bya// dpyod kyang dpyad la cung zad med// thams cad chos ni dpyod pa med// chol ba med cing mos tshol med/ / 'gro ba med pas rjes su 'brang // de ltar rjes su gang 'brang ba// don la so sor rtog mo byed// khyod kyis yang dag bden pa'i don// thams cad rjes su 'brang bar bya/ / sgra rnams dang ni tshig dag gi/ rjes su 'jug par mi bya'o// sgra rnams dang ni tshig dag gi/ rjes su gal te mi 'jug na// don gyi rjes su 'brang byed pas// 'di ni don tshol zhes kyang bya/ / don ces bya ba gang zhe na// gsang ste gsungs par rig par bya// rnam rtog med par yid ches pas// don de'i rjes su 'brang bar bya// don de gsal bar rab rtogs na/ / gsang ste gsungs pa de dag la// 'dzin med zhen pa med pa dang // 'brang dang rjes su 'jug mi 'gyur// gal te rjes su 'brang byed na// mngon shes rjes su 'brang bar byed/ gal te rjes su mi 'brang na// thams cad rjes su 'jug mi 'gyur// yang dag dran pa de dbang gis// rjes su 'jug pa spong bar byed// byang chub dang ni 'khor ba dang // gnyis ka yang ni mtshungs mi ldan/ / de la bsam par mi byed pas// bsam med yang dag dran pa yin// bsam pa yongs su dag pa'i phyir// rnam par dag pa zhes bya'o// 'di dang tha dang sgrub byed na/
- 156b
med chos ni spong bar 'gyur// khyod kyi don de dag la ni// ji skad bstan bzhin bsgrub par bya// gal te tshig gi rjes 'brang na// de ni sgra yi rjes 'brang bas// de las yang dag mi 'das shing // 'jig rten chos dang mtshungs par 'gyur// sgra dang tshig 'bru yi ge rnams// de dag rjes su 'jug mi bya// yang dag don ni rtogs byas nas// bgrod pa med pas rjes 'brang bya// yang dag don la sgra yang med/ / tshig 'bru yi ge yod ma yin// tshig las yang dag 'das pa'i phyir// yang dag don ces bya ba yin// don de rjes su 'brang byed kyang // rjes su 'brang ba ci yang med/ / 'brang bar bya ba zhi ba'i phyir// yang dag don ces bya ba yin// yang dag don ni de dag la// 'brang ba med pa 'brang med pas// de ni phyir ldog mi 'gyur zhing // go cha spong bar mi byed do// / go cha chen po theg chen dang // lam chen rjes su gang 'brang ba// bde ba'i gnas su bgrod byas nas// sems can rnams la phan byed 'gyur// rab tu bde ba'i chos 'di dag/ ngas ni khyod la rab tu bshad/ / khyod don rjes su 'brang byed na// khyed ni the tsom chad par 'gyur// theg pa 'di la gang zhon pa// zhon nas rab tu bgrod byed na// byang chub snying por myur phyin nas// bla med sangs rgyas mngon sum byed/ / theg pa mchog tu gyur pa 'di// bzhon byed gang yin myur bzhon byed// lam dang go cha chen po yi// don dag kyang ni de bzhin no// bla na med pa'i chos 'di la// nan tan gyis ni gang
- 157a
bsgrubs pa/ / sems can de dag thams cad ni// sangs rgyas rnams kyis dgongs par 'gyur// ma 'ongs 'jig pa'i dus kyi tshe// khyod kyis chos 'dir rab phye nas/ sems can rnams la rgya cher ni// phan pa dag ni rab tu byos// ma 'ongs 'jig pa'i dus kyi tshe// gal te chos 'di rab phye nas// bla med bsod nams skye 'gyur bas// de yi grangs ni gzhal mi nus blo gros mtha' yas byang chub sems dpa' sems dpa' chen po rnams kyis bgos pa'i go cha gang yin pa de ni rgyal po chen po zhes bya'o/ / dpag tu med pa'i rgyal ba zhes kyang bya'o// bkod pa chen po dang ldan pas gzhon pa'i theg pa zhes kyang bya'o// ded dpon chen po zhes kyang bya'o// dpag tu med pa'i 'od ces kyang bya'o// bkod pa dam pa dang ldan pa bgrod par bya ba'i lam zhes kyang bya'o/ / bkod pa tshad med pa'i tshogs zhes kyang bya'o// thabs tshad med pa'i tshogs zhes kyang bya ste// lam 'di'i dbang gis skyes bu dam pa rnams bla na med pa yang dag par rdzogs pa'i byang chub la rab tu gzhol bar byed do/ / gzhan yang blo gros mtha' yas sngon 'das pa'i dus kyi bskal pa tshad med cing grangs med pa'i yang ches grangs med pa na/ de bzhin gshegs pa dgra pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba/ kha lo sgyur ba/ lha dang mi rnams kyi ston pa sangs
- 157b
rgyas bcom ldan 'das tsan dan spos kyi 'od zer ces bya ba 'jig rten du byung ste/ bskal pa'i ming ni glog gi 'od ces bya'o// 'jig rten gyi khams ni rab tu snang ba zhes bya ste/ de'i tshe zhing des gni lag mthil ltar mnyam zhing / mi gtsang ba rnam pa sna tshogs dang / gyo mo dang / tsher ma dang / sdong dum la sogs pa med de/ gser dang dngul gyi bye ma gcal du bkram pas/ 'jig rten gyi khams de gang gis mthong ba rab tu dga' bar gyur to/ / de'i tshe gling bzhi po rnams yangs shing rgya che bas thams cad kyang dpag tshad 'bum phrag gnyis gnyis kyis 'khor bar gyur te/ gling re re na'ang grong khyer chen po bzhi khri brgyad stong yod de/ grong khyer re re'i tshad kyang zheng du dpag tshad bcu dang / srid du dpag tshad bcu gnyis yod de/ tha ma'i ra ba'ang shin tu mtho zhing bkod pa dang ldan par gyur to// grong khyer re re na'ang mi bye ba phrag brgyad brgyad gnas te/ de'ang grong rdal khri dang / skyed mos tshal stong gis bskor nas rab tu brgyan par gyur to// gzhan yang zhing khams de na me tog gi ljon shing dang / 'bras bu'i ljon shing dang / spos kyi ljon shing dang / gos kyi ljon shing dang / ro mchog tu gyur pa'i ljon shing dang / rdo rje'i ljon shing rnam pa sna tshogs kyi bkod pa dang / rdzing dang / rdzing bu dang / chu mig dang / 'bab chu rnams kyang g.yas g.yon gyi 'gram drang zhing mdzes pa dang / yon tan brgyad dang ldan pa'i chus rab tu gang ba dang / de na me tog ut+pa la dang / pad+ma dang / ku mu ta dang / pad+ma
- 158a
dkar po kha dog sna tshogs kyi 'od dang ldan par kun tu khyab par gyur to/ / de bzhin gshegs pa tsan dan spos kyi 'od zer de'i sku tshe'i tshad ni lo bya ba khrag khrig phrag drug cu rtsa brgyad thub par gyur to/ / nyan thos kyi 'khor ni bye ba khri phrag drug cu mnga' bar gyur to// de'i tshe mi rnams byad bzhin sdug cing mdzes pa dang / rab tu bde ba dang ldan pa dang / 'dod chags dang / zhe sdang dang / gti mug bsrabs pas gdul sla ba dang / cung zad tsam zhig bshad cing bstan pas kyang chos rnams kyi rang bzhin gyi mtshan nyid yongs su shes par gyur to// blo gros mtha' las gzhan yang de'i tshe/ 'khor los sgyur ba'i rgyal po don thams cad grub pa zhes bya ba rin po che sna bdun dang ldan pa/ gling bzhi pa rnams skyabs su dong ba zhig byung ste/ 'dzam bu'i gling de na grong khyer chen po chu zheng du dpag tshad bzhi bcur 'khor ba zhig yod de/ mis rab tu gang ba/ bde zhing 'byor pa dang ldan pa/ grong khyer gyi nang du dpag tshad lnga tshun chad rin po che sna bdun gyis gcal bkram pa/ shing tal mchog rnams kyang dril bu g.yer ka dpyangs shing / gser yang dag pa'i dra bas g.yogs pa dag kun tu gang bar gyur to// rgyal po de'i pho brang ni bai DUR+Ya 'ba' zhig las byas shing / zheng du dpag tshad gcig yod de/ ngos bzhi na ka bstong stong yod do// pho brang gzhal med khang de'i steng na'ang khang pa brtsegs pa shin tu mtho zhing rin po che sna tshogs kyis
- 158b
rab tu brgyan pa stong yod do/ / pho brang gzhal med khang de'i mdun na spos kyi rdzing chen po shin tu dang ba zhig yod de/ de'i nye 'khor na gzhan yang spos kyi 'od dang ldan pa'i rdzing bu phra mo rin po ches bdun las mngon par bsgrubs pa bcu drug yod de/ de dag gis mtha' ma 'khor bar bskor to// rdzing bu re re las kyang 'bab chu dag rab tu 'bab pas/ de las dper na rol mo mang po byas pa lta bu'i sgra snyan pa dag byung bar gyur to/ / rdzing bu phra mo re re la'ang lam stegs brgyad brgyad yod do// spos kyi 'od kyi rdzing chen po la ni lam stegs sum cu rtsa gnyis yod de/ lam stegs thams cad kyang gser 'ba' zhig las mngon par grub pa/ rin po che'i shing ljon pa 'phreng du dkrigs pa/ rin po che'i dra bas g.yogs pa/ spos mchog dam pa'i dris grong khyer kun tu gang bar byed pa'i phyir/ rdzing de dag spos kyi 'od ldan zhes bya'o// blo gros mtha' yas 'khor los sgyur ba'i rgyal po de la btsun mo bzhi yod de/ dpag med spos dang // legs pa'i dbyangs dang / dam pa sna tshogs kyi dbyangs dang / ngang pa'i rgyal po lta bu'i dbyangs shes bya ba dag yin no// btsun mo re re la'ang bu gnyis gnyis yod de/ gdon mi za ba'i mchog dang / bzang po'i mchog dang / klu'i mchog dang / mchog gi dbyangs dang / dam pa'i dbyangs dang / tshangs pa'i dbyangs dang / mchog gi sprin dang / sprin gyi dbyangs shes bya ba dag yin no// de la slas ni 'bum phrag drug yod de/ bu ni stong phrag
- 159a
/ bcu yod do// de'i tshe rgyal po'i pho brang gi nang du 'khor rnams dang lhan cig tu dga' ba myong zhing rtse ba las/ nam mkha' las de bzhin gshegs pa'i sku shin tu mdzes pa zhig mthong ngo / / de nas de bzhin gshegs pa des/ rgyal po de la 'di skad ces bka' stsal to// kye rgyal po chen po bla na med pa'i go cha bgos te/ bla na med pa'i theg pa la zhon nas/ bla na med pa yang dag par rdzogs pa'i byang chub la gzhol zhing / sems can rnams la shes rab kyi sman gtang bar bya'i/ lha dang mi'i 'dod pa'i yon tan lnga po dag la mngon par zhen par mi bya'o/ / go cha chen po 'dis ni bla na med pa'i bde ba yongs su sdud par byed do// bla na med pa'i theg pa 'dis kyang skye dgu rnams bla na med pa'i skyed mos tshal du rab tu 'dren par byed de gang gis der zhugs pa de dag ni phyir ldog par mi 'gyur ro/ / lha dang mi thams cad kyi 'dod pa rnam pa sna tshogs ni mi rtag pa/ rnam par 'jig cing yongs su 'gyur ba'i chos can/ mthu yun ring du mi gnas pa/ de ma thag tu 'gag pa'i chos can yin no zhes gsungs so// blo gros mtha' yas de'i tshe rgyal po chen po don thams cad grub pas de skad ces bka' stsal pa thos pa dang / de bzhin gshegs pa de la 'di skad ces gsol to// su zhig go cha chen po de lta bu rab tu ston par bgyid/ go cha de ji lta ba bzhin du rab tu bgo bar bgyi'o// su zhig theg pa chen por
- 159b
lta bu rab tu ston par bgyid/ theg pa chen po de ji lta ba bzhin du de la 'tshal bar bgyi'o// su zhig lam chen po de lta bu rab tu ston par bgyid/ lam chen po de la ji lta ba bzhin du rab tu gzhol bar bgyi'o zhes de skad ces gsol pa dang / de'i tshe de bzhin gshegs pa des/ rgyal po chen po de la 'di skad bka' stsal to// kye rgyal po chen po 'di ltar shes par gyis shig/ de bzhin gshegs pa tsan dan spos kyi 'od zer zhes bya ba yod kyis/ rgyal po de'i thad du song zhig dang / rgyal po chen po la ji ltar go cha chen po bgo ba dang / theg pa chen po la non pa dang / lam chen po la gzhol bar bya ba'i chos de yang dag par bstan par 'gyur ro/ / de nas de'i tshe de bzhin gshegs pa des de skad ces bka' stsal nas mi snang bar gyur to// blo gros mtha' yas de'i tshe rgyal po chen po don thams cad grub pa dngos po de lta bu mthong ba dang / ba spu zing zhes byed par gyur nas/ ngo mtshar gyi bsam pa dang / 'jigs pa'i sems skyes pas/ lha dang mi'i 'dod// pa'i bde ba sna tshogs la ma mos shing / 'dus byas thams cad la yongs su skyo bar gyur nas/ go cha chen po dang / theg pa chen po dang / lam chen po yongs su gnyer ba'i phyir/ rgyal bu brgyad dang btsun po bzhi dang / bu gzhan rnams dang / slas dang / g.yog 'khor rnams dang lhan cig tu de bzhin gshegs pa tsan dan spos kyi 'od zer ga la ba der logs su dong ngo // der phyin pa dang 'khor dang
- 160a
bcas te gus pas bcom ldan 'das de'i zhabs la mgo bos gtugs te phyag byas nas/ rin po che sna bdun gyi me tog rnam pa sna tshogs brgya stong du mas de bzhin gshegs pa dgra bcom pa yang dag par rdzogs pa'i sangs rgyas la mngon par gtor to/ / gzhan yang na bza' tshad med pa snyed de bzhin gshegs pa dang / nyan thos kyi dge 'dun rnams la phul lo// gzhan yang bde ba'i yo byad thams cad kyis lo stong phrag bcu'i bar du bsnyen bkur dang / rim gro dang / mchod pa byas so// de'i 'og tu rgyal thabs spangs nas 'khor dang bcas te/ de bzhin gshegs pa tsan dan spos kyi 'od zer gyi gsung rab las rab tu byung ngo / / blo gros mtha' yas de bzhin gshegs pa tsan dan spos kyi 'od zer des dge slong don thams cad grub pa dang / 'khor rnams kyis mos pa'i bsam pa thugs su chud nas/ go cha'i bkod pa dang / theg pa chen po'i bkod pa gang yin pa rnam par phye ste de dag la yang dag par bstan to// de dag gis thos par gyur pa dang / shin tu brtan pa'i sems bskyed nas/ chos zab mo'i phyir ji srid 'tsho ba'i bar du lus drang por bsrang ste/ nan tan gyis nur ba med par bsgoms pa dang / rtag tu de bzhin gshegs pa la brten pas/ 'jig rten pa'i 'dod pa thams cad kyis mi g.yo ba'i yid la byed pa thob par gyur to/ / blo gros mtha' yas de'i tshe/ de bzhin gshegs pa des dge slong don thams cad grub pa la bka' stsal pa/
- 160b
rigs kyis bu deng khyod go cha chen po bgos nas/ theg pa chen po la zhon te/ lam la yang dag par gzhol bar byed na/ lam 'di'i dbang gis thams cad mkhyen pa'i ye shes dang / mtshungs pa med pa'i ye shes mngon par 'grub par 'gyur gyis/ khyod kyis tshul bzhin du nan tan brtson 'grus kyis bsgom par bya'o// de skad ces bka' stsal pa dang / dge slong don thams cad grub pa des/ de bzhin gshegs pa tsan ngan spos kyi 'od zer la 'di skad ces gsol to// bcom ldan 'das bdag ni da ltar go cha zhes bgyi ba'i chos yang dag par rjes su mi mthong / go cha bgo bar bgyid pa yang dag par rjes su mi mthong / go cha bgos nas bgrod par bgyi ba'i phyogs kyang yang dag par rjes su mi mthong / go cha bgos pa'i gnas kyang yang dag par rjes su mi mthong lags so/ / bcom ldan 'das bdag ni theg pa zhes bgyi ba'i chos kyang yang dag par rjes su mi mthong / theg pa chen po la bzhon par bgyid pa'ang yang dag par rjes su mi mthong / theg pas bgrod par bgyi ba'i phyogs kyang yang dag par rjes su mi mthong / theg pa chen po la 'tshal ba'i gnas kyang yang dag par rjes su mi mthong ba lags so// bcom ldan 'das bdag ni lam zhes bgyi ba'i chos kyang yang dag par rjes su mi mthong / lam 'di'i dbang gis gzhol bar gyur pa dang / gzhol bar 'gyur ba dang / gzhol bar bgyi ba yang dag par rjes su mi mthong / lam gyis bgrod par
- 161a
bgyi ba'i phyogs kyang yang dag par rjes su mi mthong / lam gyi gnas kyang yang dag par rjes su mi mthong lags so// bcom ldan 'das bdag ni bla na ma mchis pa yang dag par rdzogs pa'i byang chub la thag ring ba zhes bgyi ba 'am/ thag nye ba zhes bgyi ba 'am/ 'das pa dang / ma 'ongs pa dang / da ltar byung ba zhes bgyi ba yang dag par mi dmigs shing yang dag par rjes su mi mthong lags so/ / bdag de ltar rnam par blta ba na/ chos cung zad tsam yang brnyes par bgyi ba 'am/ mngon du bgyi ba yang dag par ma mthong lags so// bdag la ni mngon du bgyi ba ci'ang ma mchis na/ bcom ldan 'das ci'i slad du bdag la go cha chen po bgos nas theg pa chen po la zhon te/ lam la yang dag par gzhol bar byed dam zhes bka' stsal lags// bcom ldan 'das ni thams cad mkhyen pa thams cad gzigs pa lags pas/ ji ltar bdag cag la sogs pas chos la mngon par sgrub par bgyid pa ni/ de bzhin gshegs pa nyag gcig gi thugs su chud kyi/ nyan thos dang rang sangs rgyas rnams kyi spyod yul ni ma lags so zhes gsol to// blo gros mtha' yas dge slong don thams cad grub pas de bzhin gshegs pa de'i spyan sngar de skad ces smras pa'i tshe/ 'khor dang bcas pa thams cad kyis byang chub sems dpa'i mi skye ba'i chos kyi bzod pa thob par gyur to// chos kyi bzod pa thob pa'i phyir/ thams cad phyir mi ldog pa
- 161b
thob par gyur to/ / de nas de bzhin gshegs pa tsan dan spos kyi 'od zer gyis kyang khyed bskal pa grangs med pa lnga brgya 'das nas/ bla na med pa yang dag par rdzogs pa'i byang chub la mngon par rdzogs par 'tshang rgya bar 'gyur ro zhes lung bstan to/ / de dag gis lung bstan pa thos pas rab tu dga' bar gyur nas/ nam mkha' la ta la bdun tsam du 'phags te/ de bzhin gshegs pa la tshigs su bcad de mngon par bstod pa/ grags pa chen po tshad med pas// ri rgyal bzhin du mngon par 'phags// bcom ldan thams cad mkhyen pa yis// yon tan rnams ni ston par mdzad/ / sangs rgyas spyan ni gsal gzigs pas// nyi ma bzhin du snang bar mdzad// gtso bo 'khor 'dus bzhugs pa yi// zhabs la bdag ni phyag 'tshal lo// yon tan tshogs ni tshad med cing // sangs rgyas mkhyen pa yongs rdzogs pas// bdag la sogs pa sangs rgyas kyi// bla med ye shes thob par 'gyur// bla med snang ba chen po yis/ lha mi ma lus gsal mdzad pas// chos kyi gter ni rab phye nas// yon tan rgya mtsho dpag med ston// mkhyen pa rtag tu mi nyams shing // yang dag sangs rgyas nyon mongs spangs// shes rab 'od ldan brtson 'grus che/ / yon tan zab la bdag phyag 'tshal// klu chen bkod pa chen po ste// mtshan mang dag ni sku rab brgyan// bzhugs pa dag ni ri rab 'dra// 'khor bzhugs
- 162a
dpe zla yongs ma mchis/ / 'jig rten 'dren pa rab mdzad pas// lha min 'khor ni zil gyis gnon// chos ston pa la bsnyengs mi mnga'// skyes mchog la ni bdag phyag 'tshal/ / bcom ldan thub pa chen po ni// yon tan dpag med mtsho lags pas// bdag cag chos mig rnam par phye// bdag cag go cha rab tu bskon// bdag cag dus ni thams cad du/ / theg pa che la rab 'tshal nas// rtag tu lam mchog 'di dag la// gzhol bgyid gzhan du mi mchi'o// thub pa chen po dpa' bo'i gtso// chos rnams thams cad thugs su chud/ / 'jig rten drug na lhag ma mchis// bdag cag srog phyogs skyabs su mchis/ blo gros mtha' yas de bzhin gshegs pa dgra bcom pa yang dag par rdzogs pa'i sangs rgyas can ngan spos kyi 'od zer des chos 'di bstan pas/ sems can tshad med grangs med pa rnams yongs su smin par mdzad do// dge slong don thams cad grub pa ni de phyin chad 'khor dang bcas te/ sangs rgyas bcom ldan 'das tshad med grangs med pa snyed la rim gro dang / mchod pa byas pas bskal pa grangs med pa lnga brgya 'das nas/ bla na med pa yang dag par rdzogs pa'i byang chub mngon par rdzogs par sangs rgyas par gyur te/ mtshan yang de bzhin gshegs pa spyod yul dpag tu med pa las yang dag par 'das pa'i rgyal po zhes bya bar gyur to//
- 162b
sangs rgyas de'i zhing gi yon tan dang / chu zheng gi mtshan nyid kyang / de bzhin gshegs pa dgra bcom pa yang dag par rdzogs pa'i sangs rgyas tsan ngan spos kyi 'od zer gyi zhing khams rab tu snang ba dang tha dad pa med par gyur to/ / nyan thos rnams kyi grangs kyang tshad med par gyur to// rgyal po'i btsun mo dang / rgyal bu dang / 'khor rnams kyang bskal pa grangs med pa lnga brgya 'das nas/ bla na med pa yang dag par rdzogs pa'i byang chub mngon par rdzogs par sangs rgyas par gyur to// blo gros mtha' yas byang chub sems dpa' sems dpa' chen po rnams ni go cha chen po bgos nas/ theg pa chen po la zhon te/ lam 'dis chos kyi sgron ma chen po bzung nas/ chos kyi snang ba chen po byed pa dang / chos kyi 'od zer chen po 'gyed pa dang / chos kyi rgyal mtshan chen po bsgreng ba dang / chos kyi rnga chen po brdung ba dang / chos kyi gru chen por zhugs nas/ chos chen po yongs su bsdus te/ rab tu gzhol bar byed pa dang / skyes bu dam pa'i rnam par rtsen pas rnam par rtse ba dang / chos kyi char gyis sems can rnams tshim par byas nas/ rab tu dga' bar byed pa dang / nan tan brtson 'grus kyis bla na med pa yang dag par rdzogs pa'i byang chub la rab tu gzhol bar byed do/ / blo gros mtha' yas byang chub sems dpa' sems dpa' chen po rnams lam 'di la gnas pa'i tshe/ chos kyi snang ba chen po 'thob par 'gyur
- 163a
#te/ snang ba 'thob par 'gyur ba'i phyir/ rten cing 'brel par 'byung ba'i chos thams cad rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med par mthong bas/ gzugs la gzugs nyid du mi mthong ste/ tshor ba dang / 'du shes dang / 'du byed dang / rnam par shes pa la'ang de bzhin no// rnam par shes pa la'ang rnam par shes pa nyid du mi mthong bas/ rnam par shes pa tha dad pa'i rkyen las 'byung ba dang / rnam par shes pa'i mtshan nyid rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med de/ rgyu rkyen mang por gtogs pa tsam yin par rab tu rtogs so// rgyu rkyen 'dus par mthong ba na/ rgyu rkyen nyid kyang stong par mthong ba dang / mtshan ma med pa dang / 'byung ba med par rab tu shes so// de ltar mthong ba'i tshe/ mig la mig nyid du mi lta ste/ rna ba dang / sna dang / lce dang / lus dang yid la'ang de bzhin no/ / yid la'ang yid nyid du mi mthong bas/ yid tha dad pa'i rkyen las byung ba bdag/ yid kyi mtshan nyid rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med par rab tu rtogs so// sa'i khams dang / chu'i khams dang / me'i khams dang / rlung gi khams dang / nam mkha'i khams dang
- 163b
'dod pa'i khams dang / gzugs kyi khams dang / gzugs med pa'i khams kyi bar la'ang byed pa med pa dang / myong ba med par rab tu shes so// chos cung zad tsam la'ang chos cung zad tsam du mi mthong ste/ tha dad pa'i rkyen las byung zhing rgyu dang rkyen mang por gtogs pas/ rang bzhin gyis mtshan ma med pa dang / rang bzhin gyis 'byung ba med pa zhes bya'o// rten cing 'brel par 'byung ba nyid kyang stong pa dang / mtshan ma med pa dang / 'byung ba med par rab tu shes so// blo gros mtha' yas 'di ni byang chub sems dpa' sems dpa' chen po rnams lam de la gnas pa'i tshe/ rten cing 'brel par 'byung ba la so sor rtog par byed pa yin to// de ltar brtags pas shes rab kyis rten cing 'brel par 'byung ba'i de kho na nyid kyi mtha' mngon sum du rtogs par 'gyur te/ chos kyi snang ba de dag thams cad kyi dbang gis de bzhin gshegs pa'i stobs dang / mi 'jigs pa bzhi dang / ma 'dres pa bco brgyad dang / byams pa chen po dang / snying rjes chen po dang / dga' ba chen po dang / btang snyoms chen po nas/ sangs rgyas kyi chos ji snyed pa thams cad kyi bar rnams kyang myur du yongs su rdzogs par byed do// de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' 'jigs med pas// de ltar gnas pa med pas na// chos kyi snang chen rab byas nas// shes pa dam pas
- 164a
gzhol bar byed/ / chos chen rgyal mtshan 'dzugs byed pas// rgyal mtshan 'di ni bla na med// sangs rgyas chos ni thams cad la// yang dag dran pas gzhon// bar byed// shes rab legs pas rnam par rtsen// chos kyis sems can sbyin pa gtong // chos chen char ni rab 'bebs shing // 'jigs pa med pas gzhol bar byed// de ltar byang chub sems dpa' rnams/ / chos kyi snang chen thob pas na// yang dag pa yi chos dag la// dpa' bos legs par gnas par byed// chos kyi snang ba de dbang gis// chos rnams thams cad rtogs par byed/ / rkyen ni mang las byung ba'i phyir// thams cad brtan bden gang yang med// chos rnams rang bzhin nyid kyis stong // rang bzhin nyid kyis mtshan ma med// rang bzhin gyis ni skye ba med/ / rang bzhin nyid kyis ngo bo med// chos rnams rkyen ni mang po dag/ lhan cig 'dus las byung ba yin// rkyen ni mang po 'dus pa'i phyir// rang bzhin gyis ni med pa yin/ byang chub sems dpa' rkyen rnams la// so sor rtog pas stong par rig/ rkyen rnams rang bzhin gyis stong pas// rang bzhin gyis ni mtshan nyid med// skye ba dag ni yod ma yin// bya ba dag kyang yod pa min// de ltar so sor gang rtog pa// chos la nan tan sgrub par byed// rten 'brel ngo bo nyid med phyir// rkyen rnams kyang ni rkyen ma yin// de ltar tshul bzhin gang rtog pa//
- 164b
chos rnams thams cad shes par 'gyur// gzugs dang tshor ba 'du shes dang // 'du byed rnam shes de ltar rtog/ rgyu dang rkyen ni mang po las// phung po rnams ni byung ba yin// phung po yang dag med pas na/ / rang bzhin ngo bo nyid kyis stong // ngo bo stong phyir mtshan ma med// thams cad skye ba gang yang med// phung po rnams ni mtshan ma med// mtshan ma med pas skye ba med// skye ba med pas 'gag pa med/ / phung po mtshan nyid de 'dra'o// mtshan med mi bden mtshan mar mthong // mtshan ma de ni gang las yod// chos rnams ngo bo nyid med phyir// phung po 'di yang rang bzhin med/ / de bzhin khams dang skye mched kyang // thams cad rkyen las byung bas na// rang bzhin ngo bo nyid kyis stong // mtshan ma med cing ngo bo med// chos rnams dag ni thams cad la// chos kyi ngo bo mi dmigs par/ / chos rnams thams cad gang shes pa// de ni don sems pa zhes bya// 'dod dang gzugs dang gzugs med khams// thams cad rkyen las byung bas na// rang bzhin ngo bo nyid kyis stong / / mtshan ma med cing ngo bo med// 'di la rtog pa'i ye shes de// ji ltar yul de shes par 'gyur// ye shes 'di dang yul de dag/ rang bzhin rtag tu spangs pa yin// skye ba dang ni rkyen mang po/ / 'di gnyis la yang byed pa med// byed med de ltar gang shes pa// de ni yang dag mtshan nyid yin// mtshan nyid med kyang mtshan nyid bshad// byang chub sems dpa' der zhugs kyang //
- 165a
mtshan nyid mtshan nyid med par yang // rnams par rtog par mi byed do// de ltar rab tu gang shes pa// yang dag mtshan nyid mthong bas na// chos rnams kyi ni dbyings dag la/ / chos kyi 'du shes cung zad med// chos rnams dang ni chos kyi dbyings// 'di gnyis la yang mtshan ma med// chos rnams mtshan ma spangs pas na// chos kyi dbyings shes bshad pa yin// chos kyi dbyings shes gang bshad pa// dbyings med dbyings med pa yang min// chos kyi dbyings shes rab bstan kyang // yang dag par ni dmigs su med// don 'di rab tu sems pa'i tshe// dmigs su med par mi sems shing // rnam rtog rnams ni spangs pa'i phyir// chos kyi snang chen thob par 'gyur// chos rnams rang bzhin med pa'i phyir// snang ba la yang rang bzhin med// ltar so sor rtog pa'i phyir// chos kyi snang ba thob pa yin// rtog med ye shes mi mthong zhing // lta ba 'di yang mi mthong ba// chos rnams mi bden mthong ba'i phyir// 'di la rtog par byed ces bstan/ / chos kyi snang ba bsam mi khyab// mtha' med cing ni tshad kyang med// chos rnams stong par mthong bas na// rnam par mi rtog pa zhes bshad// chos rnams dang ni mtshan nyid rnams/ / rtag tu thob dang 'jug med pa'i// rnam dag chos sgra 'di thos na// dga' ba chen po rab tu skyed// gal te chos ni skye med dang // rtag tu rnam rtog med pa yi// rnam dag chos sla
- 165b
'ang thos na/ / rab badren pade bathob par 'gyur// gal te ma 'ongs dus kyini// tha med cas na thos gyuran// sems cad de dag yun ring nas// yon tan bstsags pa pa sad par bya/ gal te ma 'ongs dus kyi tshe// bla med chos 'di thos gyur na// de ni yang dag chos 'di la// myur ba kho nar gzhol bar 'gyur// // bam po bzhi pa// gzhan yang blo gros mtha' yas byang chub sems dpa' sems dpa' chen po rnams ni de ltar chos thams cad la so sor rab tu rtog par byed pa'i tshe// chos rnams la chos kyi snang ba thob pas/ stong pa nyid la stong pa nyid du mi blta'o/ / stong pa nyid las logs shig na yang stong pa nyid du mi blta'o// chos 'ga' tsam yang stong pa nyid dang mtshungs par ldan pa 'am// mtshungs par mi ldan par yang yang dag par rjes su mi blta'o/ / stong pa nyid kyis stong pa nyid stong pa 'am// stong par yang yang dag par rjes su mi blta'o// lta ba nyid kyis chos thams cad la lta bar yang mi byed do// de ltar lta ba'i tshe/ mtshan ma med pa la mtshan ma med par yang dag par rjes su mi blta'o// chos 'ga' tsam yang mtshan ma med pa dang mtshungs par ldan pa 'am/ mtshungs par mi ldan par yang dag par rjes su mi blta'o// mtshan ma med pas mtshan ma med par yang dag par rjes su mi blta'o// mtshan ma dang bcas pas mtshan ma dang bcas pa'i lta ba dang / mtshan ma med pa'i lta ba dang / mtshan ma med pa ma yin pa'ang ma yin
- 166a
pa'i lta bar yang dag par rjes su lta bar mi byed de/ skye ba med pa dang / byed pa med pa la'ang de bzhin no// zad pa la'ang zad par yang dag par rjes su mi blta'o// zad pa las logs shig na'ang zad par yang dag par rjes su mi blta'o/ / chos 'ga' tsam yang zad pa dang mtshungs par ldan pa 'am/ mtshungs par mi ldan par yang yang dag par rjes su mi blta'o// zad pas zad par yang yang dag par rjes su mi blta'o// zad pa la zad pa med par yang yang dag par rjes su mi blta'o// zad pa'ang ma yin/ zad pa med pa'ang ma yin par yang dag par rjes su mi blta'o/ / byang chub sems dpa' sems dpa' chen po rnams de ltar lta ba'i tshe/ chos cung zad tsam yang bltar yod pa 'am/ bltar med pa 'am/ bstan du yod pa 'am/ bstan du med pa 'am/ 'jug tu rung ba 'am/ 'jug tu mi rung ba 'am/ rtogs par byar rung ba 'am/ rtogs par byar mi rung ba zhes bya ba gang yang mi dmigs te/ blo gros mtha' yas 'di ni byang chub sems dpa' sems dpa' chen po rnams kyis lam 'di la gnas pa'i chos kyi snang ba chen po zhes bya'o/ / chos kyi snang ba thob pa'i phyir/ chos thams cad la mtha' ci'ang med par mthong zhing / mtha' dang dbus la'ang mngon par zhen par mi byed do/ / mngon par zhen pa med pa'i phyir/ sangs rgyas kyis chos la'ang rab tu gzhol bar 'gyur ro// de nas de'i tshe bcom ldan 'das kyis tshigs
- 166b
su bcad de bka' stsal pa/ stong pa nyid la stong mi lta// stong las gud na stong mi lta// de lta bur ni gang lta ba// stong pa mthong ba zhes bya'o// chos 'ga' la yang mi gnas shing // chos 'ga' tsam yang stong de dang / / mtshungs par ldan dang mtshungs mi ldan// gang yang dmigs par mi byed do// stong pa nyid ni rang bzhin stong // stong pa nyid la 'dzin mi byed// yongs su 'dzin pa med pa'i phyir/ / chos rnams thams cad shes par 'gyur// lta ba dag la len med cing // so sor rtog la 'dzin mi byed// lha dang rtog pa rab shes pas// de gnyis len par mi byed do// lta ba ngag ni rnam dag cing / / rtog pa dag ni mi dmigs par// de ltar chos rnams gang rtog pa// mthar ni gang yang 'dzin mi byed// mtshan ma med par mi lta zhing // mtshan ma med par rtog mi byed// mtshan ma med pa dag la yang // mtshan ma med par sgom mi byed// mtshan ma med cing bstan du med// smon pa med cing mi dmigs pas// chos kyi ngo bo 'ga' tsam yang // bsgom par bya ba ci yang med/ / mtshan ma med pa mi sems shing // smon pa med pa'ang sems mi byed// de ltar rnam par mi rtog pas// mtshan dang mtshan med rab rtogs 'gyur// mtshan ma med la mi gzhol zhing // mtshan ma med la 'jug mi byed// gzhol dang 'jug pa med pas na// rab rtogs mnyam nyid gnas par 'gyur// blo ldan mtshan ma mi mthong zhing // mtshan ma med pa'ang mthong mi 'gyur// gang zhig mi
- 167a
mthong mi sems pa/ / thams cad med par rab tu rtogs// gang zhig rtag tu 'di snyam du// bsam med bstan med gang sems pa// bsam dang bstan pa dag la ni// mnyam dang mnyam par rab tu gnas/ / mtshan ma med pa ji lta ba// byed pa med pa'ang de bzhin te// rab tu bstan kyang bstan du med// bsam nas rab tu rtogs phyir ro// skye ba med pa'ang de bzhin du// chos 'ga' tsam yang skye ba med/ / rang bzhin ci yang med pas na// ngo bo med par rab tu rtogs// skye ba dang ni skye ba med// byed bcas byed pa med pa yang // gzung bar bya ba cung zad med// blo ldan rnam par rtog mi byed/ / dran dang shes rab g.yo ba med// rnam 'byed med par rab rtogs pas// ngo bo yod dang ngo bo med// mnyam pa ngo bo rnams dang bral// zad pa la yang zad mi lta// zad pa med par yang mi lta// lta ba med par rab rtogs pas// zad pa'i ye shes gong na med// zad pa dang ni ma zad pa// gnyis ka la yang rtog mi byed// rnam par rtog pa med pa'i phyir// bsam med bsam par rab tu gnas/ / zad pa la yang zad lta med// zad med lta ba'ang yod ma yin// de ltar lta ba zad pa'i phyir// zad dang ma zad 'dzin mi byed// gal te zad dang ma zad la// thams cad 'dzin par mi byed na/ / yongs su 'dzin pa med pa'i phyir// zad pa'i ye shes gsal rtogs 'gyur// bang pa'i ye shes spyod yul ni// 'jigs pa med pas thob par 'gyur// chos 'di rab
- 167b
tu rtogs pa'i phyir/ / byang chub sems dpa' bde bar gnas/ de nas 'khor 'dus pa der byang chub sems dpa' sems dpa' chen po zla gros 'phags pa zhes bya ba 'dus par gyur pa de 'dug pa'i stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te phyag byas nas/ bcom ldan 'das la 'di skad ces gsol to/ / bcom ldan 'das byang chub sems dpa' sems dpa' chen po rnams ni chos rnams kyi ye shes yongs su bsdu bar 'tshal ba'i slad du bsgrub pa bskyed pas/ chos kyi snang ba chen po de thob par gyur pa lags kyis kyang / chos kyi snang ba de la lta ba cung zad tsam yang ma mchis te/ chos kyi snang ba'i dbang gis 'dus byas dang / 'dus ma byas dang / 'jig rten pa dang / 'jig rten las 'das pa dang / rjes su 'thun pa dang / rjes su mi mthun pa dang / spros pa dang bcas pa dang / spros pa ma mchis pa'i chos thams cad rtogs par gyur pa lags na/ bcom ldan 'das chos kyi snang ba de byang chub sems dpa' sems dpa' chen po rnams bsgrub pa ma mchis par mthong bar 'gyur ba lta mchis lags sam/ de nas bcom ldan 'das kyis byang chub sems dpa' sems dpa' chen po blo gros 'phags pa la 'di skad ces bka' stsal to/ / blo gros 'phags pa byang chub sems dpa' sems dpa' chen po rnams ni bsgrub pa cung zad kyang med/
- 168a
khyad par du bsgrub pa'ang med/ bsgrub pa'i rjes su 'brang ba'ang med/ kun tu khyab par bsgrub pa'ang med par chos kyi snang ba chen po dpag tu med pa thob par gyur te/ byang chub sems dpa' sems dpa' chen po nyid kyang dmigs su med cing mthong bar mi 'gyur na/ byang chub sems dpa'i spyod pa mi dmigs shing / mthong bar mi 'gyur ba lta smos kyang ci dgos te/ de'i phyir bskal pa du mar mngon par bsgrubs pas/ chos kyi snang ba chen po dpag tu med pa 'thob par 'gyur bar lta bar byed do// byang chub sems dpa' sems dpa' chen po rnams ni spyod pa thams cad nye bar zhi zhing / spyod pa rnam par dag par gyur pas na chos kyi snang ba 'thob pa yin no// chos kyi snang ba'i spyod pa ni grangs kyi tshad dang ldan pa'i spyod pa'ang ma yin/ mtshan ma'i rjes su 'brang ba'i spyod pa'ang ma yin na/ gang las spyod pa thams cad ces nye bar 'dogs/ mngon par bsgrub pa zhes bya ba ni nye bar 'dod pa'i spyod pa'ang ma yin la/ de dang bral ba'ang ma yin no// blo gros 'phags pa byang chub sems dpa' sems dpa' chen po rnams ni spyod pa 'di la gnas pa'i tshe/ spyod pa thams cad spong bar byed pas yongs su 'dzin par mi byed do// spyod pa 'di dang ldan pa ni grangs kyi tshad dang ldan pa'i spyod pa'ang ma yin/ mtshan ma'i rjes su 'brang ba'i spyod pa'ang ma yin pas/ mtshan ma med pa spyod pa med pas chos kyi snang ba chen po 'di thob par 'gyur ro//
- 168b
de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' spyod med la// spyod pa dag ni ci yang med// spyod pa med pa gang thob pa/ 'jigs pa med pas gzhol bar byed// khyad par bsgrub pa yod ma yin// kun tu bsgrub pa ci yang med// spyod med khyad par bsgrub med pas// mnyam pa nyid du gzhol bar byed/ / spyod pa 'di ni bstan du med// mtshan ma rnams kyang spyod ma yin// spyod dang mtshan ma med 'gyur ba// 'di ni spyod pa'i mtshan nyid yin// byang chub sems dpa' mtshan med spyod/ / dngos po rnams la yongs mi gnas// spyod med gnas pa med pas na// blo ldan mngon par sgrub par byed// spyod pa med pas g.yo ba med// spyod pa 'di ni bla na med/ / g.yo med spyod pa gang spyod pa// 'bad pas rab tu gzhol bar byed// byang chub sems dpa' dmigs su meng// spyod pa dag ni bltar mi mthong // gzugs kyi lus kyang mi mthong ba/ / 'di ni legs par rjes 'brang yin// gzugs med kha dog mtshan ma med// de phyir spyod pa thams cad med// lta ba dag la 'dzin med pa// 'di ni spyod pa dpe med yin// byang chub sems dpa' bla med spyod// gdags pa dag tu mi ltung zhing // rnam par 'gyur ba'ang med pas na// de na 'dzin pa ci yang med// spyod la gdags pa med pa'i phyir// bla med spyod pa
- 169a
zhes bya'o/ / gal te spyod pa 'di thos na// chos kyi snang cher 'thob par 'gyur// byang chub sems dpa' spyod sgrub pa// tshig med bskal pa'i tshad kyang med/ bskal pa tshad med snyed du yang // spyod pa rnams ni ston par byed// byang chub sems dpa'i spyod gtsang bas// rnam par dag la rab tu gnas// spyod pa thams cad spangs pas na// gzung bar bya ba ci yang med// byang chub sems dpa' btang snyoms gnas// spyod pa rnams ni srung bar byed// spyod pa thams cad spangs pas na// btang snyoms la ni rab tu gnas// byang chub sems dpa'i spyod dpag med// mtha' dang mtha' med rab tu spangs// spyod pa de la g.yo med pas// spyod pa bla na med ces bya// byang chub sems dpa'i mtshan med spyod// spyod pa 'di ni bla na med// spyod pa 'di ni spyod pa na// bdud kyis spyod yul yang dag 'das// byang chub sems dpa'i mtshan med spyod// mtshan ma med la gsal rtogs pas// mtshan ma dang ni mtshan ma med// thams cad la ni rten mi byed// byang chub sems dpa' shes 'di gnas// spyod pa 'di ni legs par 'grub// spyod pa cung zad med pas na// spyod pa med pa zhes brjod do/ / byang chub sems dpa' rnam dag pa// spyod pa dag la 'jigs pa med// yang dag dran pas gzhol byed pas// 'di ni legs par gnas pa yin//
- 169b
de nas bcom ldan 'das la/ byang chub sems dpa' sems dpa' chen po blo gros 'phags pas 'di skad ces gsol to// bcom ldan 'das skyes bu dam pa rnams spyod pa rnam pa du ma mngon par sgrub par bgyid pa gang lags pa 'di shin tu zab pas/ byis pa so so'i skye bo mtshan ma dang bcas shing / mngon par 'du bgyi ba dang bcas pa'i mngon par sgrub pa dag gis cung zad tsam yang spyod par mi 'gyur ba ni ngo / mtshar che lags so// bcom ldan 'das chos 'ga' tsam yang spyod pa 'di'i nang du 'jug par 'gyur ba gang yang ma mchis pas/ de'i slad du spyod pa 'di ni skyes bu dam pa rnams kyi mnyam pa nyid kyi spyod par gyur pa lags so/ / bcom ldan 'das skyes bu dam pa'i spyod pa gang lags pa de ni tshad ma rnams kyis mtha' dpag par bgyi ba ma lags so// de nas de'i tshe byang chub sems dpa' sems dpa' chen po blo gros 'phags pas tshigs su bcad pa 'di dag gis de bzhin gshegs pa la mngon par bstod pa/ dpa' chen yang dag sangs rgyas te/ bla med rkang gnyis kun gyi gtso/ spyod pa zab mo rab bstan nas// byang chub sems dpa' phan 'dogs mdzad// bcom ldan spobs pas gya nom pas// de yi tshad ni dpag par dka'// spobs pa dag ni mtha' med pas// skyes bu chen po mchog lags so// chos rje gtam gyi tshul mkhyen pas// des na yang dag ma lus mkhyen// byang chub sems dpa' rnams la ni// bla med spyod pa 'di rab bshad// bcom
- 170a
ldan 'gog par 'gyur ba mi/ / spod pa'i thabs ni ston mdzad cing // spyod pa dag las 'das pas na// blo ldan gang phag gzhol bar bgyid// klu chen bsam gyis mi khyab pa/ / mkhyen pa'i spyod yul mtha' ma mchis// thams cad mkhyen pa'i rkang gnyis gtso// spyod pa dam pa 'di rab phye// bcom ldan thub pa mi g.yo ba'i// spyod pa dag ni gang phye ga/ spyod pa 'di ni mi bskul bas// de slad dpe med spyod ces bgyi// dpa' chen thub pa chen po ste// sngon chad bskal pa mang por ni// spyod pa dag ni gang bsgrubs pas// su yang der ni phyin mi 'gyur/ / byang chub sems dpa' chos ston pas// 'jig rten dag na gnas bgyid kyang // rnam pa thams cad mkhyen pa dag/ ring por mi thogs 'i thob par 'gyur// bdag cag sems can snying brtse spang / / ma 'ongs tha ma dus kyi tshe// bla na ma mchis chos 'di ni// srung zhing rab tu 'dzin par bgyid// bdag cag chos 'di thos gyur nas// ma 'ongs tha ma dus kyi tshe/ / sems can rnams ni kun gyi slad// spyod 'di rab tu ston par bgyid// bdag cag chos kyi sdang ba yis// ma 'ongs tha ma dus kyi tshe// chos rnams yongs su tshol ba la// phan 'dogs chen po rab tu bgyid// bdag cag yi dam rab bskyed nas// ma 'ongs tha ma dus kyi tshe// sems can rnams ni kun gyi slad// bsrung ba 'dzin dang 'jog par bgyid// bdag
- 170b
cag rtag tu 'di snyam du/ / ma 'ongs tha ma dus kyi tshe// sangs rgyas chos mtsho mchod bgyis nas// bla med chos ni 'dzin par sngon// bdag cag chos kyi sde snod kyi// skyes bu mchog ni bgyis gyur nas/ / chos kyi sgo ni rab bsrungs te// bsrungs nas yun rings gnas par smon// bdag cag chos kyi chu dag la// yi dam blangs te rab 'thungs nas// chos kyi sgo mo 'di dag la/ / srung ba dag ni bgyid gyur cig/ bdag cag chos 'di thos gyur nas// ma 'ongs tha ma dus kyi tshe// skyes bu chen po rab gyis nas// yang dag chos ni 'dzin par shog/ bdag cag srog ni nyams gyur kyang / / bla med chos ni mi spong zhing // yang dag chos ni 'di dag gi/ chos 'dzin pa ni bgyid par shog/ bdag cag chos 'di 'dzin pa la// chos sems dag ni mi skyed par// rab gdung zab mos 'di thos nas// nges par 'dod dang 'thun par shog/ bdag cag ma 'ongs dus kyi tshe// chos rnams yongs su tshol ba la// yang dag chos 'di rab bstan nas// de dag kun kyang dga' bar bgyid/ / chos kyi mnga' bdag bsam mi khyab// skyabs chen dag ni mdzad pas na// thugs rjes bdag la byin brlabs te// bdag chos 'dzin la dgongs par smon// nas bcom ldan 'das kyis/ byang chub sems dpa' sems dpa' chen po blo gros 'phags pa la 'di skad ces bka' stsal to// blo gros 'phags pa khyod kyis ma 'ongs pa'i dus tha ma la yang dag pa'i
- 171a
chos bsrung zhing yongs su gzung ba'i phyir/ / go cha chen po bgos pa ni ji ltar sngon gyi byang chub sems dpa' sems dpa' chen po rnams kyis rgyal ba rnams la mchod pa dang rim gro byas nas/ dge ba'i rtsa ba rnams bskyed de/ yun ring por tshangs par spyod pa yang dag par spyad nas go cha chen po bgos te/ sangs rgyas bcom ldan 'das rnams kyi chos bsrung zhing yongs su gzung bar 'gyur ba dag dang / bye brag tu 'gyur ba ci'ang med pas// legs so legs so// de nas de'i tshe bcom ldan 'das kyis tshigs su bcad de bka' stsal pa// ma 'ongs 'jig pa'i dus kyi tshe/ / khyed kyis chos 'di rab bzung ste// sems can rnams la phan gdags phyir// chos 'di rnam par dbye bar bya// ma 'ongs tha ma dus kyi tshe// khyed kyis rgyal po'i chos zung zhig/ gal te chos 'di thos gyur na// rab tu dga' ba skyed par 'gyur// ma 'ongs tha ma dus kyi tshe// khyod ni chos 'dzin par 'gyur bas// ngas ni chos zab bshad par bya// khyed kyis de bzhin gzung bar gyis/ / gsang ste gsungs pa'i mdo sde dag/ khyod thos gyur na yid la zung // don gyi tshul ni 'di dag la// the tshom dag ni med par gyis// rnam par nges pa'i don zab dag/ khyod thos gyur na yid la zung / / sems can rnams la phan gdags phyir// chos kyi gter ni rab zung zhig/ chos kyi sbyin pa yongs gtang ste// sems can rnams ni tshim par gyis// thos par gyur na lus
- 171b
dang sems/ / kun tu khyab par dga' bar 'gyur// byang chub sems dpa'i lam rnams dang // spyod pa rnams kyi tshul dag dang // de dag gi ni mdo sde rnams// mthar phyin yongs su 'dzin pa'i phyir// khyed kyis sems can tshad med rnams// rgya cher rab tu sgrol bar 'gyur// 'jig rten dag ni thams cad du// yongs su mi zlogs gang yang med// khyod kyis chos 'di gzung ba'i phyir// 'jig rten rnams la phan 'dogs pas/ / bsod nams phung po mchog thob 'gyur// de phyir rab tu gzhol bar bya// ngas 'dir chos 'di gang bstan pa// khyod kyis thams cad rab gzung ste// ma 'ongs tha ma'i dus kyi tshe/ / blo ldan rnams la bshad par bya// da ltar ma 'ongs dus kyi tshe// chos 'di gang zhig 'dzin byed pa// des ni sangs rgyas stong rnams kyi// yang dag chos ni 'dzin par 'gyur// sems can rnams la phan gdags phyir/ / chos kyi sgo 'di bsrung bar bya// ma 'ongs tha ma dus kyi tshe// phan pa chen po byed par 'gyur// gal te ma 'ongs dus kyi tshe// gang zhig chos 'di 'dzin byed pa// de ni sangs rgyas gcig 'ga' las/ / bsnyen cing rim gro byas ma yin// gal te ma 'ongs dus kyi tshe// gang zhig chos 'di srung byed pas// des ni chos 'di legs ston pas// mang po rim gro byas pa yin/ / gang zhig chos ni 'di dag la// the tshom cung zad mi skyed cing // ma 'ongs chos ni srung byed pa// de ni blo dang ldan pa yin// go cha dpag med bgos nas ni// rgol ba'i dgra las gang rgyal ba//
- 172a
ma 'ongs tham dus kyi tshe// yang dag chos 'di 'dzin par 'gyur// sangs rgyas yang dag chos 'di la// the nom dra ba rab gsal te// chos thos gang zhig 'jigs med pa/ yang dag chos 'di 'dzin par 'gyur// de lta bas na blo gros 'phags pa rigs kyi bu 'am// rigs kyi bu mo gang dag nan tan gyis yon tan khyad par du 'phags pa chen po yongs su tshol ba rnams kyis ma 'ongs pa'i dus tha ma'i tshe/ chos zab mo'i phyir go cha bgos nas yongs su gzung bar bya/ bklag par bya/ kha ton du gdon par bya/ gzhan dag la de'i don yang dag par rab tu bstan par bya'o// gzhan yang blo gros 'phags pa ngas mngon par dran te/ sngon 'das pa'i bskal pa grangs med pa'i yang ches grangs med pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das kun tu snang mdzad ces bya ba zhig 'jig rten du byung ste/ bskal pa'i ming ni yang dag par rgyal ba zhes bya'o// 'jig rten gyi khams ni dri ma med pa zhes bya ste/ sag zhi yangs la shin du mdzes pa/ rin po che sna bdun las mngon par grub pa'o// de'i tshe gling chen bi di chu zheng 'dra ste/ dpag tshad bdun khri bdud khri yod do// de na'ang grong khyer chen po drug khri drug khri yod de/ grong khyer re re'i tshad kyang chu zheng 'dra ste/ dpag tshad bcu drug bcu drug yod do//
- 172b
de dag kyang tha mar bas 'khor bar bskor cing ba gam gyis brgyan pa/ sgo rab tu mdzes shing mthong na dga' ba/ shing ta la mchog rnams 'phreng du dkrigs pas bskor ba/ skyed mos tshul brgya stong du mas rab tu brgyan pa/ skyed mos tshal kun tu khri dang stan legs par bshams pa/ mtsho dang / rdzing bu dang / 'bab chu rnams rab tu gang zhing / 'gram gyi stegs dang lam rnams rin po che sna tshogs gcal du bkram pa/ tha ma'i sa gzhi mnyam pa 'byung zhing 'jug pa'i tshe nyam nga ba med pa/ 'gram gyi 'obs rnams su tsan ngan dang / ta ma la la sogs pa spos sna tshogs kyi ljon shing rnams 'phreng du dkrigs par gyur to/ / grong khyer re re na'ang mi bye ba stong phrag bcu bcu gnas te/ sems can de dag thams cad kyang dge ba bcu'i las kyi lam rnams yongs su rdzogs par 'gyur ba'i phyir/ de lta bu'i bde ba rab tu myong bar gyur to/ / de'i tshe de bzhin gshegs pa de bskul pa dang po nas bskal pa nyis brgya 'das nas der byung bas/ de'i phyir bskul pa de'i ming yang yang dag par rgyal ba zhes bya'o// bskal pa de la de bzhin gshegs pa lnga brgya rims bzhin du byung ste/ de re re'i zhing yang rin po che sna bdun las mngon par grub pa sha stag go/ de bzhin gshegs pa de dag yongs su mya ngan las 'das pa'i 'og tu kun kyang 'dra ste/ yang dag pa'i chos 'di ni lo khri'i bar du gnas par gyur to// de ltar de bzhin gshegs pa lnga brgya po dag 'jig rten du byung ba de dag la'ang nyan thos dang / byang chub sems
- 173a
dpa'i 'khor 'dus pa rab tu mang ste/ 'dus pa re re'i tshe'ang byang chub sems dpa' bye ba khrag khrig tshad med pa skyed theg pa gcig gi lam du zhugs pas mi skye ba'i chos la bzod pa thob par gyur to/ / de'i tshe bskal pa de la 'khor los sgyur ba'i rgyal po dpa' bo'i sde zhes bya ba rin po che sna bdun dang ldan pa/ gling bzhi la dbang byed pa zhig byung ngo // de'i tshe 'dzam bu'i gling na grong khyer chen po dpag tshad bcu drug gis 'khor ba zhig yod de/ mi bye ba phrag brgyad khri gnas pa/ rab tu bde zhing dga' ba/ 'byor pa/ rgyas pa/ 'obs rim pa bdun dang / ljon shing dkrigs pa rim pa bdun dang / lam srang rim pa bdun dang / dril bu'i dra ba rim pa bdun dang / skyed mos tshal stong gis grong khyer de yongs su bskor cing rab tu brgyan par gyur to// skyed mos tshal re re'i tshad kyang chu zheng 'dra ste/ dpag tshad nyi shu nyi shu yod do// de re re 'dra ra ba rim bdun drang / dra ba re mi 'dun dang / bkod pa rnam pa sna tshogs dang / rin po che sna tshogs shin tu gya nom po dag gis rab tu mdzes par byas pas/ dper na lha rnams kyi skyed mos tshal ji lta ba bzhin no// de dag re re la'ang rdzing dang / rdzing bu rin po che bai DUR+Yas 'og gzhi dang 'gram byas pa/ rdo'i snying po dang rin po che sna tshogs kyis lam stegs byas shing gcal du bkram pa/ rin po che'i ljon shing me tog sna tshogs rab tu rgyas pa 'phreng du dkrigs pa brgya brgya yod do// grong khyer chen po de'i nang na rgyal po de'i pho brang dpag tshad bdun gyis
- 173b
'khor ba yod de/ gser dang rin po che sna tshogs las mngon par grub pa/ tha ma rin po ches rab tu brgyan pa/ bai DUR+Ya dang yid bzhin gyi nor bu rin po che'i dra bas g.yogs pa/ shing ta la'i 'phreng ba rnams kyis rab tu mdzes par brgyan pa/ rdzing bu bcu gnyis kyis rab tu bskor ba/ 'og gzhi ga ser yang dag pas gcal du bkram pa/ bai DUr+yA dang / rin po che sna tshogs kyi zam pa btags pa/ gser shin tuH nom pa 'ba' zhig las lam stegs dang lam byas par gyur te/ rdzing bu de dag gi nang na me tog ut+pa la dang / ku mu ta dang / pad+ma dkar po rab tu rgyas pa dag gis gang bar gyur to// 'khor los sgyur ba'i rgyal po de la btsun mo ni nyis stong yod do/ / bu ni drug khri yod do/ 'khor rnams dang skyed mos tshal de dag tu 'dod pa lnga'i bde ba myong zhing rab tu rtse ba las// rgyal po de 'di snyam du 'dod pa rnams ni mi rtag cing ring por mi thogs par rnam par 'gyur ba yin pas/ bdag gis gdon mi za bar sems rtse gcig tu sangs rgyas kyi chos yongs su btsal bar bya'o// gal te chos thos nas bstan pa ji lta ba bzhin du bsgrub par gyur na/ bdag la yun ring po'i phan pa dang bde ba byed par 'gyur ro snyam du bsams ma thag tu nam mkha' las lha zhig gis rgyal po de la smras pa/ kye skyes bu chen po legs so legs so// da ltar de bzhin gshegs pa kun tu snang mdzad ces bya bar 'jig rten du byung ste/ thog mar dge ba/ bar du dge ba/ tha mar dge ba'i chos yang dag par rab tu ston par mdzad kyis/ rgyal po myur du de bzhin
- 174a
gshegs pa de'i spyan sngar song la/ yang dag pa'i chos zhus shig dang / rgyal pos yun ring po'i phan pa dang bde ba'ang 'thob par 'gyur la/ sangs rgyas kyi chos mngon par bsgrub cing / sangs rgyas kyi chos yongs su rdzogs par byed par 'gyur ro// rgyal po de lhas de skad smras pa thos pa dang rab tu dga' bar gyur nas/ g.yog 'khor rnams kyis bskor te/ de bzhin gshegs pa kun tu snang mdzad ga la ba de logs su dong nas/ zhabs la mgo bos gtugs te phyag byas nas/ bcom ldan 'das de la 'di skad ces gsol to// bcom ldan 'das chos ji lta bu zhig gis chos rnams kyi thabs mkhas pa yongs su sdud pa dang / tshangs par spyod pa myur du yongs su rdzogs par bgyid par 'gyur/ bdag de bzhin du bsgrub par 'tshal lo// de skad ces gsol pa dang / de'i tshe de bzhin gshegs pa des kyang rgya cher rnam par phye ste rab tu bstan to// rgyal po de chos thos pas 'khor dang bcas te/ bde ba'i yo byad thams cad kyis de bzhin gshegs pa kun tu snang mdzad dang / nyan thos kyi dge 'dun rnams la lo nyi khri'i bar du gus pas rim gro dang mchod pa byas so// de bzhin gshegs pa kun tu snang mdzad kyi gsung rab las rab tu byung nas yang dag pa'i chos thos te mngon par bsgrub pa'i phyir/ de'i tshe chos yang dag par blangs pa'i dge ba'i rtsa ba dang / chos yang dag par gzung ba'i dge ba'i rtsa ba dang / chos yang dag par bstan pa'i dge ba'i rtsa ba thob par gyur
- 174b
gyur pas/ chos ji snyed thob pa rnams rab tu sems shing mi brjed pa dang / yon tan tshad med pa rnams nan tan brtson 'grus kyis mngon par bsgrubs par gyur te/ de bzhin gshegs pas dus gsum du gsungs pa'i yang dag pa'i chos rnams sems can rnams la rnam pa sna tshogs su rab tu phye ste ston par gyur cig ces kyang smon lam btab bo/ / de ltar smon lam btab nas kyang / bskal pa yang dag par rgyal ba las byung ba'i de bzhin gshegs pa ji snyed pa de dag re re la'ang rim gro dang mchod pa byas nas/ de bzhin gshegs pa de dag gis dus dang por gsungs pa'i chos yang dag par mngon sum du gsungs pa dang / dus bar mar gsungs pa'i chos yang dag pa dang / dus tha mar gsungs pa'i chos yang dag pa rnams kyang ma lus par yang dag par bzung nas/ sems can bye ba khrag khrig phrag bzhi brgyad stong snyed yongs su smin par byas pas/ bla na med pa yang dag par rdzogs pa'i byang chub la rab tu gzhol bar byas so// sems can tshad med pa snyed thabs mkhas par btul te nyan thos dang rang sangs rgyas kyi theg pa la rab tu bkod do/ / bskal pa de las nang gi tha mar de bzhin gshegs pa glog gi 'od ces bya ba byung ste/ dge slong dpa' bo'i sdes de bzhin gshegs pa glog gi 'od las chos yang dag par gsungs pa thos pas/ mi skye ba'i chos la bzod pa thob par gyur te/ de bzhin gshegs pa glog gi 'od kyis dpa' bo'i sde khyod ma 'ongs pa'i dus
- 175a
na/ sangs rgyas bcom ldan 'das brgya stong tshad med pasnyed la rim gro dang mchod pa byas nas/ de bzhin gshegs pas dus gsum du gsungs pa'i chos yang dag pa rnams yongs su bzung ste/ sems can tshad med grangs med pa skyed la phan gdags pa dang / sems can bye ba khrag khrig brgya stong snyed bla na med pa yang dag par rdzogs pa'i byang chub tu bkod pa dang / sems can tshad med pa rnams nyan thos kyi theg pa la rab tu bkod de/ de'i 'og tu bskal pa grangs med pa 'das nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa brtson 'grus dpag tu med pa'i 'od zer yon tan rnam par rgyal ba'i rgyal po zhes bya bar 'gyur ro zhes lung bstan te/ sangs rgyas de'i zhing ni rnam par dag pa'i yon tan tshad med pa bsags pa las mngon par grub pas mi rnams kyis rab tu gang zhing bde ba dang / 'byor pa rab tu ldan pa/ nyan thos dang byang chub sems dpa'i tshogs rab tu mang bar gyur to// de bzhin gshegs pa de'i sku tshe'i tshad ni bskal pa chung ngu lnga thub par gyur to/ / yongs su mya ngan las 'das pa'i 'og tu yang dag pa'i chos ni bskal pa chung ngu lnga'i bar du gnas par gyur te/ bskrun pa gnas pa'i chos kyang lha dang mi rnams kyis yongs su bzung bar gyur to/ / ring bsrel gyi mchod rten yang zhing khams kun tu gang bar gyur to// de lta bas na blo gros 'phags pa byang chub sems dpa' sems dpa' chen
- 175b
po rnams kyis shin tu rnam par dag pa'i chos zab mo 'di la gus pas yang dag par bzung zhing bsgoms na/ chos kyis rgyan gyi yo byad kyis lus rab shu brgyan par bya'o// chos kyis rab tu brgyan par gyur na/ de bzhin gshegs pa'i sku rdo rje las mngon par grub pa/ mthu bo che shin tu brtan pa 'thob par gyur te/ gal te stong gsum gyi stong chen po'i 'jig rten gyi khams na sems can ji snyed yod pa thams cad lus kyi mthu stobs gtugs te/ shin tu brtan pa'i sku de rnam par gzhig par 'dod na'ang gang gis kyang rnam par gzhig par mi nus so// lha dang / mi dang / lha ma yin du bcas pa'i 'jig rten gyi 'khor gyi nang du chos kyi snang ba rab tu bstan na'ang gang gis kyang brgal du med par 'gyur ro/ / sems can gang gis chos zab mo 'di len tam/ klog gam/ kha ton du 'don tam/ nan tan brtson 'grus kyis sgrub par byed na ji ltar mos pa bzhin du rigs shin tu mtho ba'i rigs su skye bar 'gyur ba nas/ byang chub kyi shing drung du mngon par rdzogs par sangs rgyas pa'i bar du'ang thob nas/ grags pa phun sum tshogs pa dang / 'jig rten gyi khams khyad par du 'phags shing / lam tha dad pa dang / 'dres pa med pa dang / bram ze dang / mu stegs can gyi ming yang med na/ lta ba ngan pas log par yongs su tshol ba ltalha smos kyang ci dgos pa dang / mi dge ba'i chos rnams kyi ming yang mi thos na/ mi dge ba'i rtsa ba mngon par sgrub pa lta yod par ga la 'gyur ba dang / lag pa dang / rkang pa'i lus 'od zer bkye nas/
- 176a
'jig rten gyi khams tshad med pa rnams snang bar byed de/ sems can gang gi lus la reg pa de dag thams cad bde ba thob par byed pa dang / bla na med pa yang dag par rdzogs ba'i byang chub kyang mngon sum du byed par 'gyur ro/ / blo gros 'phags pa de lta bas na byang chub sems dpa' sems dpa' chen po gang nga'i bstan pa la nan tan gyis sgrub par byed pa de dag ni yon tan khyad par du 'phags pa de lta bu dag 'thob par 'gyur te/ gal te ngas yongs su rdzogs par brjod par gyur na'ang / nams kyang mthar thug par mi 'gyur ro// de nas bcom ldan 'das kyis/ byang chub sems dpa' sems dpa' chen po blo gros 'phags pa la 'di skad ces bka' stsal to// blo gros 'phags pa gang dag byang chub sems dpa'i lam 'di la gnas pa de dag gis ni rnam par dag pa'i chos zab mo 'di nan tan gyis mngon par bsgrubs nas/ stong pa nyid dang rjes su 'thun pa dang / rab tu dben pa dang rjes su 'thun par gyur na/ chos kyi snang ba rab tu 'thob par 'gyur ro/ / chos kyi snang ba'i dbang gis ni chos thams cad kyi ngo bo nyid tha dad pa med pa mthong bar 'gyur ro// ngo bo nyid tha dad pa med pa mthong ba'i phyir ni lta ba rnam par dag par 'gyur ro/ / lta ba rnam par dag pa'i phyir ni/ chos su lta ba'ang med la/ chos gang yang rang bzhin dang bral ba lta ba'ang med do// chos su lta ba rnam par dag pas rnam par dag
- 176b
pa'ang med do/ / rnam par dag pa'ang med pa gang yin pa de la ni rnam par dag pa'i lus kyang med pas/ rnam par dag pa'i ye shes kyi spyod yul thob nas/ chos kyi dbyings rnams dbyings kyang ma yin/ dbyings ma yin pa'ang ma yin par yang yang dag par 'thob par 'gyur ro// dbyings su lta ba rnam par dag par gyur pas dbyings rnam pa sna tshogs kyi ngo bo nyid du 'du shes pa yongs su spong bar 'gyur ro/ / ngo bo nyid du 'du shes pa spangs pa'i phyir/ dbyings kyi tshul gyi gsang tshig gang yin pa rtogs par gyur nas/ chos rnams dbyings ma yin par yongs su shes par gyur te/ 'di ltar chos kyi dbyings la tha dad pa med par mthong ba'i phyir dang / rnam par 'jig pa med par mthong ba'i phyir dang / 'gyur ba med par mthong ba'i phyir dang / chos kyi dbyings kyi tshul thams cad la thabs mkhas pa rab tu 'thob par 'gyur ro/ / thabs mkhas pa'i dbang gis ni chos kyi dbyings kyi tshul yongs su shes shing ting nge 'dzin gyi stobs kyi chos kyi dbyings rnams kyi bye brag gi tshul gang yin pa de dag la'ang rjes su 'jug par 'gyur ro/ / spyod pa 'di la gnas pa'i tshe/ chos thams cad la thabs mkhas pas chos thams cad la gnas pa med pa dang / mngon par zhen pa med par 'gyur ro// mngon par zhen pa med pa'i phyir/ chos kyi dbyings kyi tshul thams cad ci rigs par rnam pa sna tshogs su rab tu phye nas ston par 'gyur ro// ting nge 'dzin gyi mthu'i dbang gis gzhan yang bsam gtan
- 177a
dang rnam par thar pa dang / ting nge 'dzin dang / snyoms par 'jug pa la rnam par rtsen pa'i rdzu 'phrul gyis gcig las mang por bsgyur ba dang / mang po las gcig tu bsgyur ba dang / ri dang / brag dang / rtsig pa dag la thogs pa med par 'gro ba dang / 'phrul pa dang dbang 'thob par 'gyur ro// khams bzhi po dag 'dus pa la rab tu mkhas par 'gyur ro/ / khams la mi gnas par khams thams cad rab tu shes par 'gyur ro// nam mkha'i khams dang gcig tu gyur kyang / nam mkha'i khams la mngon par zhen pa dang thogs pa ci'ang med do// / khams 'dus pa la rab tu mkhas par gyur pa'i phyir/ khams thams cad thabs mkhas pas mngon par sgrub par byed do// mngon par bsgrubs pa'i phyir/ chu'i khams rab tu rtogs par gyur nas/ chu'i khams las dud pa 'thul ba dang / me rab tu 'bar ba dang / dud pa 'thul ba dang / me rab tu 'bar ba gnyis ka ston par byed pas/ snum pa sna tshogs su ston pa'i bar du byas nas/ sems can rnams la phan gdags pa chen po byed do// chos kyi dbyings kyi tshul gyi thabs mkhas pa la rab tu gnas nas/ g.yo ba med par ji ltar mos pa bzhin du/ sangs rgyas kyi zhing gang du mos pa de bzhin du skye bar 'gyur bas/ srid pa rnams su mngal du skyes pa'i lus bzlog ste/ sprul pas skye ba'i lus blangs nas/ rtag tu
- 177b
phyogs bcu'i 'jig rten gyi khams na bzhugs pa'i de bzhin gshegs pa rnams mthong zhing / de bzhin gshegs pa de dag kyang mtshan ni 'di lta bu'o// rigs ni 'di lta bu'o// 'khor 'dus pa ni 'di lta bu'o/ / chos ston pa ni 'di lta bu'o zhes ma 'dres par rab tu shes so// de nas 'khor de nyid du gzhan yang byang chub sems dpa' sems dpa' chen po dpag tu med pa'i rgyal ba zhes bya ba 'dus par gyur pa des/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po rnams chos ji lta bu zhig la gnas bar gyur na/ bcom ldan 'das kyis ji skad gsungs pa'i yon tan mchog de dag thob par 'gyur lags/ de nas bcom ldan 'das kyis/ byang chub sems dpa' sems dpa' chen po dpag tu med// pa'i rgyal ba la 'di skad ces bka' stsal to// byang chub sems dpa' sems dpa' chen po gang chos thams cad la gnas pa med pa gang yin pa des ngas ji skad bstan pa'i yon tan mchog tu gyur pa nga ngag 'thob par 'gyur ro/ / dpag tu med pa'i rgyal ba byang chub sems dpa' sems dpa' chen po rnams gal te gzugs dang / tshor ba dang / 'du shes dang / 'du byed dang / rnam par shes pa la gnas par gyur tam/ gal te sa'i khams dang / chu'i khams dang / me'i khams dang / rlung gi khams dang / nam mkha'i khams la gnas par gyur tam/ gal te 'dod pa'i khams dang / gzugs kyi
- 178a
khams dang / gzugs med pa'i khams la gnas par gyur na/ ngas mdo sde 'di las bstan pa'i yon tan 'di dag dang ldan par mi ston to// gal te byang chub sems dpa' sems dpa' chen po rnams chos thams cad la gnas pa med cing 'byung ba dang 'jug pa med par gyur na/ ngas de dag gi yon tan gyi rgya tsho chen po dpag tu med pa thob par 'gyur bar rab tu bstan to// de ci'i phyir zhe na/ byang chub sems dpa' sems dpa' chen po rnams la ni/ chos cung zad tsam yang dmigs par bya ba dang gnas par bya ba'ang med la/ chos cung zad tsam yang 'jug par bya ba 'am/ 'byung bar bya ba'ang med par chos rnams kyi tshul la legs par gnas shing g.yo ba med pas so/ / de ci'i phyir zhe na/ byang chub sems dpa' sems dpa' chen po rnams la gnas pa dang g.yo ba med de/ g.yo ba med pa'i phyir mtho ba'ang med/ dma' ba'ang med do// ma tho ba dang dma' ba med pa'i phyir/ mtho ba dang dma' ba la gnas pa yongs su spong bar byed do// mtho dman la mi gnas pa'i phyir/ dge ba'i gnas su gnas pa zhes bya'o/ / dge ba'i gnas su gnas pa gang yin pa de ni gnas med pa la gnas pa yin no// gnas med pa la gnas pa gang yin pa de ni ci la'ang gnas pa med do// byang chub sems dpa' sems dpa' chen po rnams ni chos 'ga' tsam yang rnam par gzhag pa 'am/ rdzogs par byed pa med pas/ gnas med pa/ gnas pa med pa/ 'byung ba med pa/ byed par gyur pa yin no//
- 178b
de ci'i phyir zhen/ gnas mi dmigs pas so// gnas med pa'i phyir rnam par rtog pa'ang med do// rnam par rtog pa med pa'i phyir// mi g.yo ba'i gnas su gnas par byed do// chos kyi dbyings ji ba bzhin du gnas par byed do/ / gnas med pa la gnas par byed pas/ gnas pa ci'ang med de/ gnas dang gnas med pa la mngon par zhen pa med pas/ legs par gnas pa zhes bya'o// dpag tu med pa'i rgyal ba byang chub sems dpa' sems dpa' chen po chos kyi tshul la rab tu gnas pa ni de ltar gnas pa med pa rnam par gzhag nas/ gnas pa med pa la gnas par byed pas/ chos thams cad la rnam par rtog pa med par mthong zhing / rnam par mi rtog pa'i spyod pa de lta bu la gnas par byed de/ spyod pa des chos thams cad g.yo ba med par mthong bas/ tshul bzhin du gnas pa'i rjes su 'thun pa dang / tshul bzhin du mi g.yo ba'i rjes su mthun pa dang / tshul bzhin du mi len pa'i rjes su 'thun par gyur pa yin no// de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' yang dag dran// don la legs par sems byed cing // chos rnams la ni mi gnas pas// blo dang ldan pa zhes bya'o// chos ni cung zad 'ga' tsam yang // rnam par gzhag par bya ba med// rnam par gzhag pa med pa'i phyir// 'jigs pa med par gzhol bar byed// gzugs ni rnam par mi gzhag cing /
- 179a
tshor ba rnams kyang gzhag pa med// 'du shes dang ni 'du byed dang // rnam par shes pa'ang de bzhin no// phung po rnams la mi gnas shing // khams rnams dang ni skye mched dang / / gnas dang gnas ma yin la yang // rtag tu gnas pa med pa yin// sa yi khams la mi gnas shing // chu yi khams la'ang gnas pa min// me dang rlung gi khams la yang / / rtag tu gnas pa med pa yin// 'dod pa'i khams dang gzugs kyi khams// gzugs med khams la mi gnas te// rnam gzhag med pa thob pa'i phyir/ khams gsum dag la gnas mi byed// nam mkha'i khams ni de dag la// gnas par yang ni mi byed de// gnas par byed pa med pas na// mnyam pa nyid du gzhol bar byed// de phyir chos ni cung zad tsam// gnas par bya ba ci yang med// gnas pa med pa gang thob pa// de ni ye shes dam pa yin// ye shes dam pa gnas pa med// gnas pa med pas legs gnas yin/ / de lta'i gnas pa gang thob pa// chos kyi dbyings la gnas pa yin// gnas pa med dang mtshungs ldan phyir// de ni rtag tu legs gnas 'gyur// gnas pa med cing rten pa med/ / chos la gnas pa 'thob par 'gyur// gal te rten med 'thob 'gyur na// rtag tu g.yo ba med par 'gyur// 'jug pa med cing 'byung ba med// mnyam pa nyid du rab tu
- 179b
gnas/ / chos la de ltar gang gnas pa// de ni dpa' bo zhes bya'o// chos rnams kun la mtho ba med// chos rnams kun la dma' ba med// de ltar g.yo ba med gyur pa// chos kyi dbyings la rab tu gnas/ / g.yo ba med la gnas pa'i phyir// bla med gnas pa 'thob par 'gyur// mi gnas gnas dang rjes 'thun pa// de ni dpa' bo zhes bya'o// gnas pa la ni mi gnas shing / rngaganas la g.yo ba med gyur pa// gnas pa med pa grub pas na// legs par gnas pa 'thob par 'gyur// gnas dang gnas ma yin la yang // thams cad du ni g.yo ba med// g.yo ba med la gnas pas na// g.yo ba med pa zhes bya'o// gal te mi g.yo ga nas gyur na// thams cad la yang gnas mi 'gyur// gnas dang gnas min mi sems pas// rnam rtog med la rtag tu gnas/ / gnas la gnas par mi byed phyir// g.yo bar gyur pa ci yang med// gnas kyis g.yo ba med pas na// thams cad la yang gnas mi 'gyur// gal te mi gnas thob gyur na// / gnas dang gnas min gyis mi g.yos// gnas kyis mi g.yos gang yin pa// gnas la rab gnas zhes bya'o// gnas la rab tu gang gnas pa// gnas pa med la gnas pas na// chos rnams thams cad mthong 'gyur zhing / / chos kyi rje 'thun gnas la gnas// de ltar chos rnams mthong bas no// sna tshogs dag la mi gnas shing // gnas med rab tu gnas pa med// chos gnas
- 180a
pa la mkhas par 'gyur/ / rtag tu chos la rab gnas pas// rnam par rtog pa ci yang med// rnam par rtog pa spangs pa'i phyir// 'di ni mi g.yos pa zhes bya// gal te mi g.yo gnas gyur na// spyod pa dag la rnam mi rtog/ gnas dang gnas min yongs su spong // 'di ni so sor rtog byed yin// gal te mi g.yo rab rtog na// thams cad g.yo ba med par 'gyur/ / chos rnams rtag tu mnyam pa la// de bzhin rab tu gzhol bar 'gyur// tshul bzhin rjes 'thun gnas pa dang // tshul bzhin rnam par mi g.yo dang // mi g.yo gnas ni gang thob pa/ / gnas med la ni rtag tu gnas// de nas bcom ldan 'das la// byang chub sems dpa' sems dpa' chen po blo gros mtha' yas kyis yang 'di skad ces gsol to/ / bcom ldan 'das kyis byang chub sems dpa' sems dpa' chen po rnams kyi tshul 'ching ba ma mchis pa dang / grol ba ma mchis pa la rab tu 'god par mdzad pa shin tu ngo mtshar che lags so// bcom ldan 'das byang chub sems dpa' sems dpa' chen po gang chos kyi tshul rnam par gzhag pa la rab tu mkhas pa ni chos cung zad tsam yang mtshungs par ldan pa 'am/ mtshungs par mi ldan pa 'am 'thun par gyur pa'am/ yongs su bsdus pa 'am/ yongs su ma bsdus pa 'am/ skyabs su 'gro ba dang mi ldan pa 'am/ 'dod chags dang bcas pa 'am/ 'dod chags dang bral ba 'am/ zhe sdang dang
- 180b
bcas pa 'am/ zhe sdang dang bral ba zhes bgyi ba yang dag par rjes su mi dmigs lags so// bcom ldan 'das byang chub sems dpa' sems dpa' chen po gang chos kyi tshul thams cad rnam par gzhag pa la rab tu mkhas pa ni/ gal te sems can rnams kyis gus pas mchod pa bgyis na'ang 'dod chags kyi sred pa skye bar mi 'gyur la/ smad cing gnod pa bgyid na'ang zhe sdang skye bar mi 'gyur te/ 'du shes sna tshogs ma mchis shing / chos su lta ba thams cad yongs su spangs pas// chos 'ga' tsam yang chos 'ga' tsam dang mtshungs par ldan pa 'am/ mtshungs par mi ldan par yang dag par rjes su mi dmigs lags so/ / mtshungs par ldan pa dang / mtshungs par mi ldan pa las kyang yang dag par 'das pa'i slad du mtshungs par ldan pa dang / mtshungs par mi ldan pa'i 'du shes spong zhing / mtshungs par ldan pa dang / mtshungs par mi ldan pa'i 'du shes kyang yang dag par khong du chud par 'gyur lags so// khong du chud pa las yang dag par 'das kyang chos 'ga' tsam la'ang rtsol ba 'am/ ldog pa'am/ bgrod par bgyi ba dang bcas pa 'am/ bgrod par bgyi ba ma mchis pa zhes mtshungs par ldan par mi bgyid lags so// chos thams cad kyi tshul yang yang dag pa ma lags pa'i bsam pa ma mchis shing / yongs su 'dzin pa ma mchis pas/ thabs mkhas pas chos kyi ngo bo nyid rnam par 'jig par mi bgyid lags so// bcom ldan 'das byang chub sems dpa'
- 181a
sems dpa' chen po rnams ni chos thams cad la de ltar gnas pa'i tshe/ thabs mkhas pas chos thams cad kyi dbyings kyi tshul yang dag par ston par bgyid lags pas sangs rgyas kyi chos thams cad myur du yongs su rdzogs par bgyid lags so/ / de nas bcom ldan 'das kyis/ byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas byang chub sems dpa' sems dpa' chen po rnams sangs rgyas kyi chos la rnam par gzhag par bya ba med cing / gnas par bya ba med par mthong bar gyur na/ sangs rgyas kyi chos la rnam par gzhag par bya ba med pa dang / gnas par bya ba med pa dang / khyad par du gnas pa med par yang dag par mthong bar 'gyur te/ sangs rgyas kyi chos gnas pa mi g.yo bar mthong ba'i phyir dang / 'khor bar mi 'jug pa'i phyir dang / yongs su mi 'gyur ba'i phyir/ chos thams cad kyi dbyings dang rjes su 'thun par gnas par 'gyur bas chos thams cad kyi dbyings kyi tshul rnam par gzhag pa la mkhas pa zhes bya'o/ / blo gros mtha' yas byang chub sems dpa' sems dpa' chen po gang sangs rgyas kyi chos la gnas pa med pa dang / mi gnas pa med pa dang / khyad par du mi gnas pa med pa dang / khyad par gnas pa med pa dang / gnas pa'i gnas pa med pa dang / gnas pa ma yin par gnas pa med pa dang / g.yo ba med
- 181b
pa dang / rnam par rtog pa med pa dang / khyad par du rnam par rtog pa med pa dang / kun tu rtog pa med par gyur na/ gdod chos thams cad kyi dbyings kyi tshul rnam par gzhag pa la rab tu mkhas pa zhes bya'o/ / blo gros mtha' yas byang chub sems dpa' sems dpa' chen po gang chos 'ga' tsam yang rnam par gzhag par mi mthong la/ chos thams cad kyi gnas mchog tu rnam par gzhag tu yod par yang mi mthong zhing / rnam par rtog pa med pa dang / mchog tu rnam par rtog pa med pa dang / kun tu rnam par rtog pa med par gyur na/ gdod chos thams cad kyi dbyings kyi tshul rnam par gzhag pa la mkhas pa zhes bya'o/ / blo gros mtha' yas byang chub sems dpa' sems dpa' chen po rnams ni chos 'ga' tsam yang 'dug pa 'am/ 'gro ba zhes bya ba yang dag par mi mthong lo// rnam par rtog pa'ang med/ khyad par du rnam par rtog pa'ang med/ kun tu rnam par rtog pa'ang med de/ chos thams cad nam mkha' yongs su dag pa ltar mthong zhing / 'od kyis rab tu gsal bar gyur pas/ nyon mongs pa yongs su spong ba dang / chos thams cad 'od kyis rab tu snang bar byed pa'i phyir dang / gdod chos thams cad kyi dbyings kyi tshul la thabs mkhas pa thob pa zhes bya ste/ rnam par gzhag pas chos kyi dbyings la so sor rtog par mi byed do/ / de ci'i phyir zhe na/ chos kyi dbyings la rnam par gzhag pa cung zad tsam yang med pa'i phyir ro// 'di lta ste/ dper na nam mkha' dang rlung gi khams la ni gnas kyang med/ bltar yang ma
- 182a
mthong / rnam par gzhag pa'i gnas kyang med/ rten pa'i gnas kyang med/ bstan du'ang med do// de bzhin du chos kyi dbyings kyang 'jug par bya ba'i gnas kyang med/ blta bar bya/ ba'i gnas kyang med/ rnam par gzhag pa'i gnas kyang med/ rten pa'i gnas kyang med/ khong du chud par bya ba'ang med/ bstan du'ang med/ byang chub sems dpa' sems dpa' chen po rnams la ni bstan par bya ba med pa'i phyir/ de bzhin nyid kyi dbyings dang mtshungs par ldan par gnas so// blo gros mtha' yas chos thams cad kyi dbyings ni skye ba med pa/ srog med pa/ rga ba med pa/ 'chi ba med pa/ rgod pa med ban bying ba med pa/ bstan du med pa'i dbyings yin pas/ chos kyi dbyings shes bya'o// rnam par 'gyur ba med pa'i dbyings yin pas/ chos kyi dbyings shes bya ste/ chos kyi dbyings ni gnas thams cad du khyab pa yin no/ / blo gros mtha' yas chos kyi dbyings ni 'gro ba med cing / 'gro ba'i gnas med de/ 'gro ba dang gnas pa med pa'i phyir/ chos kyi dbyings dang mtshungs par ldan par gnas pa zhes bya'o// de bzhin nyid kyi chos kyi dbyings la ni gnas kyang med/ gnas ma yin pa'ang med do// de ci'i phyir zhe na/ de bzhin nyid kyi chos kyi dbyings dang / de bzhin nyid kyi rang bzhin ni yod pa ma yin pa'i phyir ro// blo gros mtha' yas byang chub sems dpa' sems dpa' chen po rnams kyis ngas bstan pa 'di thos par gyur na/ chos thams cad kyi dbyings kyi tshul la chos kyi snang ba chen po thob par 'gyur la/ chos kyi snang ba thob pa'i
- 182b
dbang gis ni mi skye ba'i chos la bzod pa thob nas/ myur du de bzhin gshegs pa'i stobs bcu dang / ma 'dres pa bco brgyad dang / sangs rgyas kyi chos thams cad yongs su rdzogs par byed do// sems can thams cad kyi dge ba'i rtsa ba rgya chen po dang / tshogs khyad par du 'phags pa yongs su smin par bya ba'i phyir dang / de bzhin gshegs pa'i gdung rgyun mi 'chad pa'i phyir/ myur du byang chub kyi snying por song nas/ chos kyi 'khor lo bskor ba dang / bdud kyi gnas rnams zil gyis gnon pa dang / tha dad par smra ba rnams tshar gcod pa dang / skyes bu dam pa'i seng ge'i sgra chen po sgrogs shing / sems can rnams kyi mos pa ji lta ba dang / smon lam ji lta ba dang / sems bskyed pa ji lta ba bzhin du yang dag par rnam par grol bar bya ba'i phyir dam pa'i chos bstan nas/ thams cad bla na med pa yang dag par rdzogs pa'i byang chub la rab tu 'god par byed do/ / de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' thams cad ni// chos rnams kun la mi gnas pas/ / sangs rgyas kyi ni chos dag la// rnam par gzhag pa ci yang med// byang chub sems dpa' thams cad ni// rnam par gzhag pa med pa'i phyir// sangs rgyas kyi ni chos dag la// 'jigs pa med par gzhol bar byed/ / byang chub sems dpa' thams cad ni// sangs rgyas chos la gnas pa dang // gnas kyang med par mthong bas na// shin tu legs par gnas par byed// byang chub sems
- 183a
dpa' thams cad ni/ / gnas dag la ni mi gnas par// chos rnams rab tu mthong bas na// gnas pa med cing ldog pa med// byang chub sems dpa' thams cad ni// chos la gnas pa med mthong bas// sangs rgyas chos las mi g.yos shing // sangs rgyas chos kyang tshol mi byed// byang chub sems dpa' thams cad ni// chos ni tha dad mi mthong bas// sangs rgyas chos las mi g.yos shing / / yongs su tshol bar mi byed do// byang chub sems dpa' thams cad ni// chos rnams de ltar mthong bas na// chos rnams mkhas par bya ba la// thabs mkhas pas ni gnas par byed/ / byang chub sems dpa' thams cad ni// rtag tu mnyam par mthong bas na// sangs rgyas chos la mi gnas shing // mi gnas pa yang ma yin no// rtag tu gnas med pa la gnas/ / gnas med pa yang ma yin no// rtag tu rnam par rtog mi byed// rnam par mi rtog pa yang min// rnam par rtog pa sna tshogs dag/ rtag tu rnam par rtog mi byed// rnam par mi rtog pa yang min/ / rnam par rtog pa sna tshogs dag/ rtag tu med par gyur pa yin// byang chub sems dpa' thams cad ni// gnas pa med dang mtshungs ldan pas// dus dang gnas rnams kun tu yang / g.yo ba med par gyur pa yin// byang chub sems dpa' thams cad kyis// nam zhig chos kyi tshul dag la// mnyam pa nyid du gnas pa'i tshe// legs par gnas pa zhes bya'o// byang chub sems dpa'/
- 183b
thams cad kyis// nam zhig chos kyi tshul dag la// chos 'ga' tsam yang mi mthong na// mnyam pa nyid la gnas pa yin// byang chub sems dpa' thams cad ni// chos rnams kun la gnas med par/ / rab tu mthong bar gyur kyang ni// gnas ni yongs su spong mi byed// g.yo ba med pa thob pas na// brten par bya ba ci yang med// byang chub sems dpa' thams cad ni// chos rnams kun gyi tshul dag la/ / rab tu mkhas par gyur pas na// thabs mkhas pas ni gnas par byed// gnas pa med la gnas pas na// byang chub sems dpa' zhes bya'o// byang chub sems dpa' thams cad ni/ / chos ni cung zad tsam la yang // 'gro 'am 'ong zhes bya ba yi// rnam rtog dag la mi gnas pas// de tshe chos rnams thams cad kyi// tshul la rab tu gnas pa yin// byang chub sems dpa' thams cad ni/ / chos kyi tshul ni kun la yang // rnam pa sna tshogs gnas med pas// chos kyi snang ba chen po ni// dpag tu med pa skyed par byed// chos kyi snang ba'i dbang gis re/ mnyam pa'i lta ba rab gnas pas// chos rnams thams cad kun la ni// chos rnams kun gyi tshul rnams kyang // nam mkha' dag pa lta bu dang // grib ma dang ni gzugs brnyan dang // mnyam zhing dri ma med par mthong / / byang chub sems dpa' thams cad ni// lta ba dag ni rtogs gyur kyang // rtogs pa dag ni med pas na// rang bzhin yongs su spong bar byed// byang chub sems dpa' thams cad ni// ji ltar
- 184a
mthong bzhin rtog byed pas/ / chos kyi tshul ni thams cad la// rab tu gnas par gyur pa yin// chos rnams kun gyi dbyings dag la// brtan pas nan tan bsgrub pas na// chos kyi dbyings kyi tshul dag la/ / thabs mkhas pa zhes brjod pa yin// byang chub sems dpa' thams cad ni// chos kyi dbyings la mi gnas pas// chos kyi dbyings rnams thams cad kun// gtan du yod minas/ bar byed// byang chub sems dpa' thams cad ni// chos kyi dbyings rnams rtogs pas na// chos rnams nam mkha' rlung khams la// rnam gzhag med cing thams cad du// khyab par gyur pa bzhin du mthong / chos kyi dbyings kyang de bzhin te// thams cad du ni khyab pa yin// chos kyi dbyings ni bsam dka' bas// bstan par bya ba rung ma yin// blo ldan dag ni thams cad kun// bstan par yang ni mi byed do// bstan med dbyings ni gang yin pa/ / de ni chos kyi dbyings zhes bya// gnas pa'i gnas ni med pas na// de ni gnas pa zhes bya'o// chos kyi dbyings la skye ba med// srog kyang med la rga ba'ang med// 'chi ba med bying ba med/ / nges par 'byung ba'ang yod ma yin// chos kyi dbyings ni bsam dka' bas// 'ong ba med cing 'gro ba med// chos kyi dbyings ni phung po min// khams dang skye mched kyang ma yin// gnas kyang spong bar mi byed pas/ / g.yo ba med par gyur pa yin// chos kyi dbyings kyi de bzhin nyid// rang bzhin dag ni yod ma yin// byang chub sems dpa' thams cad kyis// chos kyi dbyings ni bsam
- 184b
dka' bar/ / de ltar khong du chud gyur na// chos kyi snang ba thob par 'gyur// de yi dbang gis byang chub kyi// snying por yang ni bgrod par 'gyur// sangs rgyas rnams kyi chos la yang // the tso dag ni med par 'gyur/ / g.yo ba dag ni med par yang // chos kyi snang ba dag gis kyang // sems can dag ni thams cad kun// bde ba chen po thob par byed// blo gros mtha' yas byang chub sems dpa' sems dpa' chen po gang chos zab mo 'di lta bu dag la nan tan gyis mngon par sgrub par byed na/ / chos kyi snang ba de lta bu 'thob par 'gyur te// shes rab des bla na med pa yang dag par rdzogs pa'i byang chub tu gzhol bar byed do/ / // bam po lnga pa ste tha ma'o// gzhan yang blo gros mtha' yas ngas mngon par dran te/ sngon bskal pa grangs med pa gnyis 'das pa na/ de'i tshe de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes zla 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das zla ba'i sgron ma'i rgyal po zhes bya ba 'jig rten du byung ste/ bskal pa'i ming ni bdud rtsi zhes bya'o// 'jig rten gyi khams ni yongs su dag par byed pa zhes bya ste/ sangs rgyas de'i zhing chu shel las mngon par grub pas/ rtag tu 'od zer gyis zhing de kun tu gsal bar byed de/ sems can gang 'od zer gyis reg par gyur pa de dag gi ra/
- 185a
mdzes shing byang bzhin bzang por gyur pas/ de'i phyir 'jig rten gyi khams de yongs su dag par byed pa zhes bya'o// de na logs shig na grong khyer dang / grong rdal zhes bya'i ming yang med de/ lam rnams gya nom zhing gser gyi thig bkye ba/ lam rnams kyi bar re re'i tshad kyang rgyang grags byed phyed yod do// lam re re'i bar du'ang rin po che'i ka ba dang / ta la sna tshogs kyi ljon shing 'od dang ldan pa brgyad cu rtsa bzhi brgyad cu rtsa bzhi 'phreng du dkrigs so/ / gzhan yang rdzing bu bzhi lam stegs kyis bskor ba yod do// mi rnams ni rin po che sna bdun gyi gzhal med khang dra bas g.yogs shing dar gyi lda ldi sbyangs pa/ me tog gis rab tu mdzes par byas pa dag na gnas pas/ dper na lha rnams ji lta ba bzhin no// 'jig rten gyi khams de'i sems can rnams ni rab tu bde zhing bde ba dang ldan pas/ dge ba bcu'i las kyi lam rnams yongs su rdzogs shing / byang bzhin shin du sdug pa/ tshe shin du ring ba/ 'dod chags dang / zhe sdang dang / gti mug srab pa gdul sgru ba/ sbyor ba chung ngus chos rnams rgya cher rtogs pa sha stag go/ / de bzhin gshegs pa de'i sku tshe'i tshad ni lo bye ba phrag stong thub par gyur to// yongs su mya ngan 'das pa'i 'og tu'ang dam pa'i chos ni 'jig rten na lo bye ba snyed du gnas par gyur to/ / 'dus pa lan bcur chos bshad de/ 'dus pa re re la'ang nyan thos kyi 'khor slob pa'i sa la gnas pa ni/ bye ba khrag khrig phrag nyi shu yod par gyur to// byang chub sems dpa'
- 185b
'khor theg pa gcig gi lam la bzod par gyur pa de'i grangs ni tshad kyang med do/ / blo gros mtha' yas de bzhin gshegs pa zla ba'i sgron ma'i rgyal po de'i byang chub kyi shing rin po che'i tshad kyang rnar ni dpag tshad lnga bcu yod do/ / srid du ni dpag tshad brgya yod de/ rtsa ba ni byu ru las byas pa/ sdong po ni bai DUR+Ya las byas pa/ ya la ga ni gser las byas pa/ lo ma ni rdo'i snying po las byas pa'o/ / byang chub kyi gdan gyi tshad kyang chu zheng 'dra ste/ dpag tshad brgya brgya yod do// gdan de'i mtha' me ni lan kan gyis 'khor bar bskor to// ta la'i ljon shing mchog rnams kyis ni 'phreng du dkrigs te gser gyi dril bu dang / rin po che'i dra bas g.yogs shing rab tu brgyan par gyur to// byang chub chen po'i gdan de 'phang du ni dpag tshad gsum yod de/ gdan shin tu phra zhing 'jam pa dag de'i steng du bting ngo / / gos mchog dam pa brgya stong snyed kyis brgyan cing dpyangs par gyur te/ gdugs dang / rgyal mtshan dang / ba dan nyi shu ni g.yas g.yor du dkrigs so// de bzhin gshegs pa zla ba'i sgron ma'i rgyal po gdan de la bzhugs nas/ bla na med pa yang dag par rdzogs pa'i byang chub mngon par rdzogs par sangs rgyas te/ de'i tshe 'jig rten gyi khams de na ngan song gsum yang med/ ngan song gsum gyi ming yang med/ mi khom pa rnams kyang med/ mi khom pa rnams kyi ming yang med do// de bzhin gshegs pa zla ba'i sgron ma'i rgyal po de ni rtag par 'jig rten gyi khams thams
- 186a
cad du sprul pa'i sku bstan nas/ chos kyi 'khor lo bskor bar mdzad do// blo gros mtha' yas de bzhin gshegs pa zla ba'i sgron ma'i rgyal po de la byang chub sems dpa' gnyis yod de/ gcig gi ming ni sprin gyi dbyangs shes bya'o// gcig gi ming ni dpag med dbyangs shes bya ste/ byang chub sems dpa' de gnyis kyis/ de bzhin gshegs pa de la 'di skad ces gsol to/ / bcom ldan 'das ji ltar na byang chub sems dpa' sems dpa' chen po rnams chos thams cad kyi tshul rnam par gzhag pa'i thabs mkhas pa 'thob par 'gyur lags/ skad ces gsol pa dang / de'i tshe de bzhin gshegs pa nges byang chub sems dpa' sems dpa' chen po rnams chos thams cad kyi tshul rnam par gzhag pa'i thabs mkhas pa 'thob par bya ba'i phyir byang chub sems dpa' de gnyis la chos de rgya cher yang dag par rab tu bstan te/ de'i tshe byang chub sems dpa' sems dpa' chen po rnams chos de thos pas/ chos thams cad kyi tshul rnam par gzhag/ pa'i thabs mkhas pa thob par gyur to// byang chub sems dpa' de gnyis kyang / de'i 'og du lo nyi khro'i bar du gnyid kyang med// 'dod pa dang / khong khro ba dang / rnam par 'tshe ba'i bsam pa'ang / med nazas kyi 'du shes kyang med/ nyal ba'i 'du shes kyang med// na ba'i rkyen yang med/ sman la sogs pa yongs su tshol ba'i 'du shes kyang med/ 'jig rten pa'i ltad mo dang / gtam dang / rtsed
- 186b
mo la'ang dga' ba med par de bzhin gshegs pa des chos bstan pa rtse gcig tu mnyan pas stan las ma langs par mi skye ba'i chos la bzod pa thob par gyur to/ / de nas de bzhin gshegs pa des bka' stsal pa/ rigs kyi bu chos thams cad kyi tshul rnam par gzhag pa la 'di ltar thabs mkhas par gyur pa de deng khyed yongs su tshol bar byed dam/ byang chub sems dpa' de gnyis kyis gsol pa/ bcom ldan 'das bdag cag gis chos thams cad kyi tshul rnam par gzhag pa'i thabs la mkhas pa'i ming yang dag par rjes su mi mthong / chos thams cad kyi tshul rnam par gzhag pa'i thabs la mkhas pa'i chos mchis par yang yang dag par rjes su mi mthong na/ chos thams cad kyi tshul rnam par gzhag pa la thabs mkhas pa lta smos kyang ci 'tshal lags/ bcom ldan 'das bdag cag ni chos thams cad kyang yang dag par mi dmigs/ chos rnams kyi rnam par gzhag pa'ang yang dag par mi dmigs pas/ chos thams cad la gnas pa'ang ma lags/ mi gnas pa'ang ma lags so// bcom ldan 'das bdag cag de ltar mthong ba la chos thams cad kyi tshul rnam par gzhag pa la 'di ltar thabs mkhas pa de yongs su tshol bar bgyid pa 'am/ yongs su tshol bar mi bgyid pa lta mchis par ga la 'gyur/ bcom ldan 'das bdag cag ni chos thams cad kyi tshul rnam par gzhag pa la de ltar thabs mkhas pa yongs su tshol bar bgyid pa'ang yang dag par rjes su mi mthong / nang ngam
- 187a
phyi rol lam/ de gnyis kyi bar ram/ chos thams cad ces bgyi ba 'am/ chos kyi tshul la thabs mkhas pa rnam par gzhag pa zhes bgyi ba'ang yang dag par rjes su mi mthong / chos gang yang nang ngam/ slad rol lam/ de gnyis kyi bar ram/ chos thams cad ces bgyi ba 'am/ chos kyi tshul la thabs mkhas pa rnam par gzhag pa zhes bgyi ba'ang yang dag par rjes su mi mthong lags so/ / bcom ldan 'das bdag cag ni tha na chos cung zad tsam yang nang ngam/ slad rol lam/ de gnyis kyi bar ram/ chos kyi tshul la thabs mkhas pa rnam par gzhag pa zhes bgyi ba bgrod par bgyir rung ba 'am/ bsten par bgyir rung ba'ang yang dag par rjes su ma mthong lags so// bcom ldan 'das de ltar chos 'ga' tsam yang gzhol bar bgyid pa 'am bstan par 'gyir rung ba ma mchis na/ bdag cag gis ji ltar de rnam par gzhag par bgyi lags/ bcom ldan 'das bdag cag ni 'das pa 'am/ da ltar byung ba 'am/ ma 'ongs pa gang yang rnam par gzhag pa'i gnas su gyur par yang yang dag par rjes su ma mthong lags/ gal te rnam par gzhag pa'i gnas yang dag par mchis pa ma lags na/ bdag cag gis gang du ci zhig rnam par gzhag par bgyi lags/ bcom ldan 'das rnam par gzhag pa mchis pa'i slad du/ rjes su 'thun pa la gnas pa'ang ma lags// rjes su mi mthun pa la mi gnas pa'ang ma lags pas/
- 187b
bsam pa ma mchis pa dang mtshungs par ldan pa dang / skye ba ma mchis pa dang mtshungs par ldan par gyur pa lags so// bcom ldan 'das bdag cag ni gang la gang gis gang du gang gi tshe bdag cag gi sems dang / yid dang / rnam par shes pa skye ba 'am/ 'gag pa zhes bgyi ba yang dag par rjes su ma mthong na/ sems dang / yid dang / rnam par shes pas chos thams cad kyi tshul la thabs mkhas pa rnam par gzhag pa zhes ji skad du brjod par bgyi lags/ blo gros mtha' yas byang chub sems dpa' de gnyis de bzhin gshegs pa de'i spyan sngar de skad smras pa'i tshebyang chub sems dpa' stong ni mi skye ba'i chos kyi bzod pa thob par gyur to/ / byang chub sems dpa' bye ba phrag stong ni bla na med pa yang dag par rdzogs pa'i byang chub tu sems bskyed do// de nas de bzhin gshegs pa zla ba'i sgron ma'i rgyal pos yang 'di skad ces bka' stsal to// rigs kyi bu ji ltar khyed gnas pa med pas gnas med pa la gnas nas/ chos thams cad kyi tshul rnam par gzhag pa'i thabs mkhas pa la gnas pa de bzhin du rigs kyi bu chos thams cad kyang de bzhin te/ de bzhin gshegs pa 'jig rten pa'i rjes su 'thun par mdzad pa'i phyir/ bla na med pa yang dag par rdzogs pa'i byang chub mngon par rdzogs par sangs rgyas pa brnyes par ston par mdzad do// gal te de bzhin gshegs pa 'jig rten pa'i rjes su 'thun par mi
- 188a
@mdzad na/ de bzhin du bla na med pa yang dag par rdzogs pa'i byang chub mngon par rdzogs par sangs rgyas pa mngon du mdzad par yang mi ston to// rigs kyi bu chos rnams la ni gnas med do/ / gnas med pa'ang ma yin no// gnas dang gnas med pa zhes bya ba gang yin pa de dag thams cad ni 'jig rten pa'i rjes su 'brang ngo // 'jig rten pa'i rjes su 'brang ba gang yin pa de la ni chos 'ga' tsam yang skye bar bya ba 'am/ khong du chud par bya ba med pas/ de'i phyir rigs kyi bu nan tan brtson 'grus bskyed nas/ myur du chos rnams las rnam par grol ba 'thob par bya'o/ / byang chub sems dpa' de gnyis de bzhin gshegs pa de las chos de lta bu thos pa dang / nam mkha' la 'phags nas tshigs su bcad de/ de bzhin gshegs pa la mngon par bstod pa/ chos kyi rgyal po bsam mi khyab// ngo mtshar chos ni rab tu brnyes// thams cad mkhyen pa rkang gnyis gtso// sangs rgyas chos ni bla na med// chos nyid bla na ma mchis slad// de bzhin gshegs dang mtshungs ma mchis// chos rnams skye ba ma mchis pas// deng bdag bzod pa 'di thob lags// bdag ni rtag tu skye ba dang // skye ba ma mchis rtog mi bgyid// de bzhin rnam mi rtog la yang // thams cad bsam par mi bgyid do// chos rgyal thub pa chen po ste// yon tan tshig dang rtog spangs pas//
- 188b
rnam par dag pa'i chos bstan nas// 'khor rnams dga' bar mdzad du gsol// sangs rgyas yon tan mchog dag gi/ mtha' ni gang zhig rtogs 'tshal bas// bskal pa tshad med rab brtags kyang / / dmigs par yang ni mi 'gyur ro// yon tan dpag tu ma mchis slad// khyad par 'phags shing bla na med// chos rnams skye ba ma mchis la// bdag ni rtog par mi bgyid do/ / bdag ni sangs rgyas chos dag la// rnam par 'dzin pa mi bgyid pas// dge ba'i rtsa ba mang po dag/ ji ltar 'thob snyam sems mi bgyid// chos rnams bstan du ma mchis shing // skye dang mtshan ma ma mchis pas// 'di ltar mtshan ma ma mchis bzod// 'dir ni thams cad mngon du gyur// deng bdag thob pa'i bzod pa 'di// nams kyang ldog par mi 'gyur bas// de slad thams cad mkhyen pa la/ / des na dga' ba skyes pa lags// de bzhin gshegs pa'i chos la bdag/ nges par som nyi ma mchis par// chos rnams thams cad dag la yang // the tshom mang po rab tu spangs/ / bla med sangs rgyas chos dag las// deng bdag bzod pa 'di thob kyang // bdag ni rtog par yongs mi bgyid// rtog pa ma mchis pa yang min// blo gros mtha' yas byang chub sems dpa' de gnyis kyis tshigs su bcad pa 'di dag spras nas/ de bzhin gshegs pa zla ba'i sgron ma'i rgyal po la lan gsum du bskor ba byas te/ lha'i me tog dang tsan dan
- 189a
gyi phye mas de bzhin gshegs pa la mngon par gtor to/ / de nas de bzhin gshegs pa des kyang 'di skad du khyed bskal pa nyi khri 'das nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan to/ / byang chub sems dpa' de gnyis kyang de bzhin gshegs pas lung bstan pa thob pas rab tu dga' bar gyur te/ de bzhin gshegs pa la sems rtse gcig tu brtags nas/ bsam gtan rnams la zhugs pas/ rdzu 'phrul gyis rnam par rtsen pa dang / dud pa 'thul ba dang / 'od 'byin pa dag la rang dbang thob par gyur to/ / gzhan yang sems can rnams la chos yang dag par rnam par phye ste bstan pas/ lha dang mi bye ba phrag nyi shu rtsa bzhi bla na med pa yang dag par rdzogs pa'i byang chub la rab tu gzhol bar gyur to/ / byang chub sems dpa' de gnyis ji srid 'tsho'i bar du nan tan gyi tshangs par spyod pa yang dag par spyad nas/ de bzhin gshegs pa des dus bar mar gsungs pa'i yang dag pa'i chos dang / dus tha mar gsungs pa'i yang dag pa'i chos rnams rab tu bsrungs shing yongs su bzung ngo // gzhan yang de'i tshe de dag gis sems can bye ba phrag bzhi rab tu btul nas bla na med pa yang dag par rdzogs pa'i byang chub la rab tu gzhol bar byas so/ / byang chub sems dpa' de gnyis rim gyis sangs rgyas brgya stong mang po la rim gro dang mchod pa byas nas/ de de
- 189b
bzhin gshegs pa rnams kyi ting nge 'dzin dang / yang dag pa'i chos rnams ma lus par yongs su bzung bas/ bskal pa nyi khri 'das nas/ de bzhin gshegs pa rin po che'i tog ces byab chos kyi 'khor lo rjes su bskor ba dang phrad par gyur pas/ sems can tshad med pa snying btul te yongs su smin par byas pas/ bla na med pa yang dag par rdzogs pa'i byang chub la rab tu gzhol bar gyur to/ / de bzhin gshegs pa rin po che'i tog de'i zhing ni shin tu rnam par dag cing / nyan thos kyi ming yang med pas/ tshe gcig gis thogs pa'i byang chub sems dpa' 'ba' zhig gis gang bar gyur to/ / de bzhin gshegs pa rin po che'i tog yongs su mya ngan las 'das pa'i tshe/ 'di skad du nga yongs su mya ngan las 'das pa'i 'og tu/ byang chub sems dpa' sprin gyi dbyangs shes bya ba 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mtshan yang de bzhin gshegs pa nyi ma'i sgron ma'i rgyal po zhes bya bar 'gyur ro/ / sangs rgyas de'i zhing ni bkod pa phun sum tshogs pa/ yon tan dpag tu med pa las mngon par grub pa/ byang chub sems dpa' dang nyan thos kyi 'khor phun sum tshogs par gyur pa yin no/ / de bzhin gshegs pa nyi ma'i sgron ma'i rgyal po yongs su mya ngan las 'das pa'i 'og tu/ byang chub sems dpa' dpag tu med pa'i dbyangs shes
- 190a
bya ba 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan to/ / blo gros mtha' yas chos kyi rnam grangs 'di ni dmigs su med pa'i phyir dang / tshig med pa'i phyir/ bstan du med pa/ skye ba med pa/ 'gag pa med pa yin te/ byang chub sems dpa' sems dpa' chen po rnams kyis nan tan brtson 'grus kyis tshul bzhin du bsgrub par bya'o/ / byang chub sems dpa' gang chos thams cad tshul rnam par gzhag pa'i thabs mkhas pa la gnas shing / dmigs su med pas mi skye ba'i bzod pa thob par gyur na/ sangs rgyas kyi chos yongs su rdzogs pa dang / yon tan tshad med pas rab tu brgyan nas/ bla na med pa yang dag par rdzogs pa'i byang chub la rab tu gzhol bar 'gyur ro/ / blo gros mtha' yas nga ni byang chub sems dpa' sems dpa' chen po rnams la chos 'di ma gtogs par gud na chos cung zad tsam yang thams cad mkhyen pa'i ye shes mngon par bsgrub par 'gyur ba yod par yang dag par mi smra'o/ / gang la la zhig skye ba med pa/ 'gag pa med pa/ shin tu zab pa/ stong pa nyid kyi chos 'di nan tan brtson 'grus kyis yang dag par sgrub par byed pa na/ myur du byang chub sems dpa'i chos kyi dbyings kyi tshul la thabs mkhas pa dang / gzungs dang / spobs pa phun sum
- 190b
tshogs pa dang / bla na med pa'i yongs su sdud pa 'thob par 'gyur zhing / sangs rgyas bcom ldan 'das rnams kyis kyang bsngags pa brjod pa dang / chos kyi bkod pa'i yo byad kyis rab tu brgyan pa dang / sbyin pa yongs su rdzogs par byed pa dang / tshul khrims rnam par dag pa la gnas pa dang / bzod pa rnam par dag pa dang / bla na med pa'i brtson 'grus dang / dmigs su med pa'i bsam gtan dang / shes rab chen po thob nas/ bla na med pa yang dag par rdzogs pa'i byang chub la rab tu gzhol bar 'gyur bas/ mchog tu gyur pa'i nang na rab mchog tu gyur pa dang / myur du thams cad mkhyen pa zhes bya ba'i ming thob nas/ byang chub kyi snying po la 'dug par 'gyur bas/ rgyal po chen po bzhi gdugs thogs nas/ chos kyi 'khor lo bskor bar gsol ba 'debs pas/ lha dang mi rnams la snang ba chen po byas nas/ bla na med pa yang dag par rdzogs pa'i byang chub la rab tu 'god par 'gyur ro// gzhan yang blo gros mtha' yas byang chub sems dpa' sems dpa' chen po gang chos thams cad kyi rgya mtsho'i phyag rgya'i ting nge 'dzin brtson 'grus kyis sgrub par byed na/ chos thams cad chos kyi dbyings dang mtshungs pa nyid du mthong bar 'gyur te/ de ltar mthong ba'i tshe/ chos kyi dbyings la'ang chos thams cad du mi mthong la/ chos rnams la'ang chos kyi dbyings su mi mthong bas/ brtson 'grus kyis mngon par sgrub par byed do// chos thams
- 191a
cad kyi khams 'dus pa la thabs mkhas pas/ chos thams cad kyi khams la'ang mngon par zher pa med/ g.yo ba'ang med do// chos thams cad kyi khams 'dus pa la thabs mkhas shing / mngon par zhen pa'ang med/ rnam par rtog pa'ang med pas/ chos gcig tu 'dus pa'i nang du chos thams cad 'dus par mthong la/ chos thams cad 'dus pa'i nang du chos gcig tu 'dus par mthong yang / chos thams cad kyi 'dus pas chos gcig 'dus pa la rten par yang mi byed la/ chos gcig gi 'dus pas kyang chos thams cad kyi 'dus pa la rten par mi byed do// chos 'di gcig rab tu rtogs pa'i phyir yang chos thams cad rab tu rtogs par 'gyur la/ chos thams cad rab tu rtogs pa'i phyir yang chos 'di gcig shes par bya ba'i gnas rnams rab tu rtogs par 'gyur yang chos rnams kyi chos thams cad la rten par mi byed do/ / nye bar len pa'i phung po rnams 'dus pa rtogs par khong du chud pas/ nye bar len pa'i phung po sna tshogs kyi ngo bo nyid kyi mtshan nyid la'ang 'dus pa yod pa 'am 'dus pa med par mngon par zhen pa skyed par mi byed do/ / byang chub sems dpa' sems dpa' chen po rnams de ltar spyod pa'i tshe/ chos gang rgyu dang rkyen mang po 'dus pa las skye ba dang / chos gang rgyu dang rkyen mang po 'dus pa las mngon par bsgrub par 'gyur ba'i chos de dag kyang rtogs par khong du chud do// chos gang rgyu dang rkyen 'dus pa las rnam pa sna tshogs kyi ngo bo nyid
- 191b
mtshungs par ldan par 'byung bar 'gyur ba'i chos gang yin pa de dag rtogs par khong du chud kyang / mngon par zhen pa'ang med la/ chos thams cad ces gdags pa'i mtshan nyid kyang rjes su rtogs par byed do/ / mtshan ma dang bcas pa dang / mtshan ma med pa'ang rab tu rtogs par byed do// khams rnams kyi bye brag dang / khams sna tshogs kyi ngo bo nyid kyi mtshan nyid kyi bye brag kyang rab tu rtogs par 'gyur ro/ / gang gi rgyu byas nas nyon mongs pas rten cing 'brel par 'byung ba'i chos rnams la brten pa dang / gzhol bar mi 'gyur ba'ang khong du chud par 'gyur ro// 'jig rten dang 'jig rten las 'das pa'i chos rnams phan tshun mi 'gal bar yang rjes su rtogs par 'gyur ro// 'jig rten dang 'jig rten las 'das pa'i chos thams cad dang // 'jig rten pa'i mtshan nyid kyi phyag rgya'ang yongs su rtogs par 'gyur ro/ / chos kyi rnam grangs gcig gis kyang chos thams cad kyi rnam grangs khong du chud par byed la/ chos kyi rnam grangs mang pos kyang chos gcig gi rnam grangs khong du chud par byed do/ / chos thams cad kyi rnam grangs kyis kyang chos gcig gi rnam grangs la rten par mi byed la/ chos gcig gi rnam grangs kyis kyang chos rnams kyi rnam grangs la rten par mi byed de/ chos kyi rnam grangs de lta bu dag ma lus par yongs su sbyang bar byed do// blo gros mtha' yas byang chub sems dpa' sems dpa' chen po gang chos 'di
- 192a
nan tan gyis sgrub par byed pa de dag ni tshul gcig pa'i tshig gis bstan pa'i rnam grangs gcig gis chos thams cad kyi ngo bo nyid ro gcig pa khong du chud par 'gyur bas/ chos thams cad la rtsod pa med pa/ tshul bzhin gyis rab tu dben pa mchog 'thob par 'gyur te/ phan tshun 'gal ba med par 'khor mang po'i nang du chos 'di'i bsngags pa brjod nas yang dag par bstan pa dang / nan tan gyis bsgrubs pas/ chos thams cad kyi rgya mtsho'i phyag rgya'i ting nge 'dzin kyang rab tu 'thob par 'gyur ro// de ltar mngon par bsgrubs pas rtsod pa dang bcas pa 'am/ rtsod pa med pa'ang rung ste/ de dag thams cad nye bar zhi bar gyur pas/ tshul bzhin du gnas par 'gyur ro// nga rgyal dang bag med pa dag kyang rjes su 'thun pas yongs su spong bar byed do// nges par bshad pa dag kyang legs par yongs su 'dzin par byed do// ming dang tshig tha dad pa dag kyang yongs su rtogs par 'gyur ro// chos kyi dbyings kyi tshul dag la'ang thabs mkhas pas nan tan gyis sgrub par byed do/ / chos kyi sgo rnams kyang legs par yid la byed do// chos gang dang mtshungs par ldan pa 'am/ mtshungs par mi ldan pa'ang rung ste/ thabs mkhas pas nges pa'i don la bsam pa rnam par dag pas rab tu gnas par byed do/ / blo gros mtha' yas byang chub sems dpa' sems dpa' chen po gang chos kyi sgo 'di la de ltar gnas pa de dag ni spyod pa
- 192b
chung ngus chos thams cad kyi rgya mtsho'i phyag rgya'i ting nge 'dzin thob nas/ chos kyi rgya mtsho'i phyag rgya'i ting nge 'dzin tshad med pa 'dis/ bla na med pa yang dag par rdzogs pa'i byang chub la rab tu gzhol bar byed do/ / de nas de'i tshe bcom ldan 'das kyis tshigs su bcad de bka' stsal pa/ khyed kyi chos rnams thams cad ni/ chos kyi dbyings su 'jug par ltos// chos rnams chos dbyings mtshungs pas na/ / tshul ni kun kyang mnyam pa yin// gzhan yang chos kyi dbyings rnams ni// chos rnams kun tu 'jug par ltos// chos dbyings chos dang mtshungs pas na/ / tshul ni kun kyang mnyam pa yin// chos kyi dbyings rnams la'ang ni// thams cad chos su lta mi byed// chos kyi dbyings la ma gtogs par// chos rnams su yang lta mi byed/ / chos rnams thams cad kun la yang // chos kyi dbyings su lha mi byed// chos rnams ma gtogs gud na yang // chos kyi dbyings su lta mi byed// khams ni rnam pa sna tshogs dang / / chos kyi dbyings ni sna tshogs nyid// chos 'dus rnams ni rtogs pas na// thabs mkhas gnas pa ci yang med// dus dang gnas ni thams cad ni// sna tshogs ngo bo 'dus pa yang / / gnas pa med cing rten pa med// blang bar bya ba ci yang med// 'dus pa tha dad ngo bo nyid// rnam par rtog dang mi rtog dang // de la gnyis ka yod ma yin//
- 193a
blo dang ldan pas mnyam par mthong // 'dus pa gcig ni shes pa'i phyir// 'dus pa mang po shes par 'gyur// 'dus pa mang po shes pa'i phyir// 'dus pa gcig kyang shes par 'gyur/ / 'dus pa dang ni ma 'dus dang // rang bzhin gcig dang tha dad la// rten par mi byed rtog mi byed// 'dzin pa med cing zhen pa med// chos rnams thams cad de dag la/ / 'dus pa med par rtogs pas na// 'dus pa nyid du mi sems shing // 'dzin pa med cing zhen pa med// chos kyi rnam pa thams cad kyi// gdags par mtshan nyid de shes pas/ / sems pa med cing brten pa med// 'jigs pa med cing zhen pa med// las dang las kyi rnam smin dag/ thams cad ma lus rtogs shes shing // de dang 'gal bar mi byed pas/ / de ni brtson 'grus ldan pa yin// las dang las ni gang byas pa// 'di gnyis 'dus pa'i mtshan nyid yin// mtshan de mtshan med gang shes pa// 'di ni brtson 'grus ldan pa yin/ / khams rnams 'dus pa dag dang ni// khams kyi bye brag ngo bo la// de dag rtag tu mnyam shes pa// 'di ni brtson 'grus ldan pa yin// rgyu 'bras phan tshun 'brel ba ni/ / thams cad khong du chud pas na// rgyu rkyen chos ni de dag la// go bgos tshul bzhin gnas par byed// 'jig rten 'das pa'i chos rnams dang // 'jig rten pa
- 193b
yi chos rnams ni/ / 'gal ba cung zad med rtogs pas// de bzhin mnyam par gnas par byed// 'jig rten ji ltar gnas pa yin// mtshan nyid phyag rgya thams cad kyang // rjes 'thun so sor rtogs byed pas// yongs shes mnyam par gnas par byed// chos kyi rnam grangs gcig gis ni// chos rnams rnam grangs rab shes kyang // chos kyi rnam grangs mang po yis/ / rnam grangs gcig ni shes mi byed// chos kyi rnam grangs gcig gis ni// rnam grangs mang po rten mi byed// chos kyi rnam grangs mang pos kyang // rnam grangs gcig la rten mi byed/ / chos kyi rnam grangs thams cad la// mnyam dang yongs su dag pa dang // tha dad 'du shes med gyur pa// 'di ni so sor rtog pa yin// tshigs gis bstan pa'i chos rnams la/ / mnyam pa nyid du ston byed pa// mnyam pa nyid la rtag gnas pa// 'di ni so sor rtog pa yin// tshig gis bstan pa'i chos rnams la// tshul bzhin du ni shes mthong ba/ / rjes 'thun rab tu thob pas ni// 'di ni thabs dang ldan zhes bya// rtsod pa'i smra ba mi skyed cing // rtsod pa'i rgyu rkyen mi byed pa// thams cad 'gal bar mi byed pas// 'di ni rjes 'thun zhes bya'o// rtag tu rtsod pa med skyed cing // rtsod pa med dang mtshungs ldan pa// mnyam zhing 'gal ba mi byed pas// 'di ni blo ldan zhes bya'o// chos rnams kun gyi tshul
- 194a
dag la/ / rtsod par smra ba nyer zhi zhing // go bgos tshul bzhin gang sgrub pa// 'di ni dpa' bo zhes bya'o// de ltar so sor rab brtags nas// gcig tu rtsod pa med gyur pa/ / 'khor 'dus mang po rnams su ni// bla med chos ni bsngags par 'gyur// 'di ltar byang chub sems dpa' rnams// chos kyi rgya mtsho thams cad kyi// phyag rgya ting 'dzin mngon sgrub pa/ / 'di ni yang dag dran ldan yin// 'di ltar gcig tu rtsod pa med// nan tan gyis ni sgrub byed cing // rtsod smra nyer zhi mtshungs ldan pa// ting 'dzin 'di ni rdzogs par byed// tshul bzhin du ni rab gnas shing // gsang ste gsungs pa gang shes pa// bdag dang nga rgyal shes pas ni// nga rgyal sems mtho spong bar byed// nges par gsungs pa'i gsung ra ba las/ thabs mkhas yongs su rdzogs byed cing // bye brag ming ni gang shes pa// 'di ni blo ldan zhes bya'o// chos rnams kun gyi tshul la ni// tshul bzhin nan tan gang sgrub pa// chos rnams kun gyi sgo// mthong bas// 'di ni chos mthong zhes bya'o// de ltar nan tan gang sgrub pa// chos gang mtshungs par ldan pa dang // chos gang mtshungs par mi ldan pa// chos de thams cad shes par 'gyur// chos rnams thams cad kun la ni// las ni dag par gang dran pa// nges par gsungs pa'i don dag la// thabs mkhas pa ni thob par 'gyur// chos rnams thams cad kun la ni// brtson
- 194b
'grus bskyed nas gang sems pa/ / chos rnams thams cad rtogs pas na// ting 'dzin 'di ni 'thob par 'gyur// gzhan yang blo gros mtha' yas byang chub sems dpa' sems dpa' chen po rnams chos 'di la nan tan gyis sgrub par byed na/ gzhan yang ting nge 'dzin gyis chos yongs su sdud par 'gyur gyis/ legs par nyon la/ yid la zung zhig dang ngas yang dag par bshad par bya'o// bcom ldan 'das de bzhin du thos par 'tshal lo zhes gsol pa dang / de nas bcom ldan 'das kyis/ byang chub sems dpa' sems dpa' chen po blo gros mtha' yas la 'di skad ces bka' stsal to/ / blo gros mtha' yas byang chub sems dpa' sems dpa' chen po rnams la chos kyi sdang ba'i sgo yod de/ chos kyi tshul la thabs mkhas pa 'byung bar byed do// chos thams cad kyi phyag rgya rab tu 'byung bar byed do/ / chos kyi phyag rgya'i sgo thams cad du 'jug par 'gyur ro// chos thams cad kyi bya ba rnams khong du chud cing rab tu 'jig par 'gyur ro// chos kyi snang ba 'thob par nus shing yang dag par rab tu ston par byed do/ / chos kyi snang ba'i dbang gis chos kyi tshig gi sgo rnams la rjes su gzhol bar byed do// thabs mkhas pa'i snang ba yang dag par 'byung bar byed pa'i chos kyi snang ba'i sgo de'ang gang zhe na/ 'di lta ste/ ming tha dad pa bstan pa'i sgo dang // gsang ba bsdams pa'i sgo dang / ming tha dad pa'i dngos po'i sgo dang / dngos po yongs su bsdu ba'i sgo dang / bye brag rnams kyi sgo rab tu rtogs pa gang yin
- 195a
pa'o/ / ji ltar de dag khong du chud nas/ ting nge 'dzin gyi sgo yang dag par skye bar 'gyur zhe na/ chos kyi dbyings kyi tshul gyi sgo thams cad ni don gcig tu 'jug par 'gyur bas/ chos kyi snang ba rnams rjes su rtogs par 'gyur ro// blo gros mtha' yas byang chub sems dpa' sems dpa' chen po gang chos zab mo'i tshul la thabs mkhas pa 'di sgrub par byed pa dang / sgrub par 'gyur ba dang / yongs su tshol ba dang / yongs su tshol bar 'gyur ba de dag chos kyi rnam grangs 'di thob par gyur na/ sbyor ba chung ngus snang ba chen po thob nas/ chos kyi sgor rab tu 'jug par 'gyur ro/ / chos kyi sgo 'di las kyang yang snang ba byung nas/ snang ba des kyang chos kyi sgo ji lta bu dang / spyod pa ji lta bu bzhin du rjes su 'jug cing rjes su spyod par 'gyur bas/ tshul ji lta ba bzhin du ting nge 'dzin gyi stobs kyis chos kyi sgo rnams la so sor rab tu rtogs par byed de/ ting nge 'dzin gyi sgo nas shes rab skyes pas kyang de kho na nyid kyi tshul gang yin pa dag rab tu rtogs par 'gyur te/ ting nge 'dzin gyi mthu'i phyir dang / chos kyi sgo la so sor rab tu rtogs par byed pa'i phyir dang / shes rab skyed par byed pa'i phyir/ ting nge 'dzin gyi sgo nas chos kyi dbyings rtogs shing thabs mkhas pa la gnas par 'gyur bas/ chos kyi sgo'i snang ba thams cad rab tu bskyed pa dang / chos kyi rgya mtsho'i phyag rgya'i ting nge 'dzin thams cad kyang rab tu 'thob par 'gyur ro// blo gros
- 195b
mtha' yas chos kyi sgo zhes bya ba gang zhe na/ 'di lta ste/ yi ge a zhes bya ba'i phyag rgyas chos thams cad phyag rgyas btab nas/ ma rig pas mngon par 'dus byas pas 'du byed yongs su rdzogs par 'gyur ba gang yin pa/ yi ge a zhes bya ba sngon du 'gro bas/ ma rig pa nye bar zhi bar byed de/ gnas par bya ba ci'ang med pa'i phyir/ byang chub sems dpa' sems dpa' chen po rnams mtshan ma med pa'i phyag rgya'i sgor 'jug par bya'o/ / yi ge i zhes bya ba'i phyag rgyas chos thams cad phyag rgyas btab nas/ las kyi rnam par smin pa'i 'bras bu dang / las kyi bya ba dang / las dang / las kyi 'bras bu dang / tshogs pa rnams 'grub par byed pa dang / las dang / 'bras bu dang / tshogs pa dang / rkyen rab tu rtogs par bya ba'i phyir/ byang chub sems dpa' sems dpa' chen po rnams las med pa dang / 'bras bu med pa dang / tshogs pa med pa dang // rkyen med pa'i phyag rgya'i sgor 'jug par bya'o// 'di ltar 'du byed rnams kyi phyag rgyas chos thams cad phyag rgyas btab nas/ las rnam pa sna tshogs dang / las kyi bya ba sna tshogs dag las chos kyi ye shes kyi snang ba thams cad rab tu skyed par byed pa'i phyir/ byang chub/ sems dpa' sems dpa' chen po rnams 'du byed thams cad la thabs mkhas pa'i phyag rgya'i sgor 'jug par bya'o// 'di ltar yi ge d+ha zhes bya ba'i phyag rgyas chos thams cad phyag rgyas btab nas
- 196a
yi ge ma zhes bya bas ming dang tshig tu gdags pa'i grogs byas pas/ chos sna tshogs dang mtshungs par ldan par 'gyur ba dang / yi ge d+ha dang mas grogs byas par rab tu rtogs par byed pa'i phyir/ byang chub sems dpa' sems dpa' chen po rnams 'dus pa med pa dang / grogs med pa dang / ming med pa'i phyag rgya'i sgor 'jug par bya'o// 'di ltar phyag rgya dpag/ tu med pas chos thams cad phyag rgyas btab pas/ rnam par rtog pa thams cad mi dmigs shing / rnam par rtog pa yongs su spong bar byed pa'i phyir/ byang chub sems dpa' sems dpa' chen po rnams rnam par mi rtog pa'i phyag rgya'i sgor 'jug par bya'o/ / 'di ltar mtha' med pa'i phyag rgyas chos thams cad phyag rgyas btab nas/ mtha' 'dus pa med cing mtha' yongs su zad par byed pa'i phyir/ byang chub sems dpa' sems dpa' chen po rnams rtog pa med pa dang / dpyod pa med pa dang / tshig med pa'i phyag rgya'i sgor 'jug par bya'o// 'di ltar rang bzhin sna tshogs med pa'i phyag rgyas chos thams cad phyag rgyas btab pas/ / rang bzhin gcig gis mngon par 'dus byas pa'i mtshan ma dang / rang bzhin sna tshogs kyis 'du shes rab tu sel bar byed pa'i phyir/ byang chub sems dpa' sems dpa' chen po rnams rang bzhin sna tshogs kyi phyag rgya'i sgor 'jug par bya'o/ / 'od ltar 'dun pa dang mtshungs par ldan pa'i phyag rgyas chos thams cad phyag rgyas btab pas/ 'dus byas kyi spyod pa'i mngon du byung
- 196b
ba rnams yongs su rdzogs par byed pa dang / 'dod pa spangs nas rab tu dben par gyur pa dang / tshogs pa nyid yod pa ma yin pa'i phyir/ byang chub sems dpa' sems dpa' chen po rnams 'dod pa zad par byed pa'i shes pa dang / mthong ba dang / tshogs pa med pa'i phyag rgya'i sgor 'jug par bya ste/ blo gros mtha' yas 'di dag ni byang chub sems dpa' sems dpa' chen po rnams kyi phyag rgya'i sgos chos thams cad byas rgyas btab pa yin te/ phyag rgya'i sgo 'dis chos thams cad la rab tu 'jug par byed do// blo gros mtha' yas gzhan yang thogs pa med pa'i sgo dang / rjes su 'thun pa med pa'i sgo zhes bya ba yod de/ byang chub sems dpa' sems dpa' chen po rnams kyis khong du chud par byas nas rjes su 'jug par bya'o// de la thogs pa med pa'i sgo dang / tshogs pa med pa'i sgo zhes bya ba gang yin zhe na/ 'di lta ste/ nam mkha'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams mngon par zhen pa med pas phyag rgya'i sgor 'jug par bya'o// 'di ltar rab tu dben pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams gnyis su med pa'i phyag rgya'i sgor 'jug par bya'o// 'di ltar rab tu zhi ba'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams rab tu zhi ba'i phyag rgya'i sgor 'jug par bya'o// 'di ltar rnam par phye ba med pa'i phyag rgyas
- 197a
chos thams cad phyag rgyas btab pa yin pas/ byang chub sems dpa' sems dpa' chen po rnams g.yo ba med pa'i phyag rgya'i sgor 'jug par bya'o// 'di ltar gnas pa med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams kun nas nyon mongs pa med pa'i phyag rgya'i sgor 'jug par bya'o// ngo bo nyid kyis stong pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams thob pa med pa'i phyag rgya'i sgor 'jug par bya'o// mtshan ma med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams thabs mkhas pas sgom pa'i phyag rgyas sgor 'jug par bya'o// smon pa med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams rab tu zhi ba'i smon lam gyi snang ba'i phyag rgya'i sgor 'jug par bya'o/ / 'dod chags med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams rnam par rtog pa yang dag par ji lta ba bzhin du yongs su shes pa'i phyag rgya'i sgor 'jug par bya'o/ / skye ba med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams
- 197b
yang dag pa'i shes pa dang / mthong ba skye ba dang / skye ba med pa'i phyag rgya'i sgor 'jug par bya'o// nye bar zhi bar 'gyur ba'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams phung po yongs su spong ba'i phyag rgya'i sgor 'jug par bya'o// mtshan ma zad par byed pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams skye ba zad par byed pa'i phyag rgya'i sgor 'jug par bya'o// chos kyi dbyings kyi phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams chos kyi dbyings rab tu rtogs pa la mkhas pa'i phyag rgya'i sgor 'jug par bya'o// rjes su dran pa med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams yang dag par rnam par rtog pa med cing / mnyam pa nyid du gyur pa'i phyag rgya'i sgor 'jug par bya'o// ngo bo nyid med pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams rang bzhin thams cad yongs su shes pa'i phyag rgya'i sgor 'jug par bya'o// yongs su mya ngan las 'das pa'i phyag rgyas chos thams cad phyag rgyas btab pa yin pas/ byang chub sems dpa' sems dpa' chen po rnams yang dag pa ji lta ba bzhin du rab tu zhi ba dang / 'gog
- 198a
pa'i rjes su 'brang ba'i phyag rgya'i sgor 'jug par bya ste/ blo gros mtha' yas 'di dag ni byang chub sems dpa' sems dpa' chen po rnams kyi chos thams cad la thogs pa med pa'i sgo dang / rjes su 'thun pa'i sgo dang / rtag pa dang chad par lta ba thams cad las yang dag par 'das pa'i sgo dang / mtha' med pa'i sgo dang / sngon dang phyi ma'i mtha' med pa'i sgo yin te/ 'di ltar yongs su skyo bar gyur pa'i phyir dang / 'gog par byed pa'i phyir dang / zhi bar byed pa'i phyir dang / bsil bar byed pa'i phyir/ byang chub sems dpa' sems dpa' chen po chos thams cad kyi phyag rgya'i sgo 'di'i rjes su bslab par bya/ rjes su 'jug par bya/ legs par bsgom par bya'o// chos kyi sgo 'di rnams kyis ni chos kyi rgya mtsho'i phyag rgya'i ting nge 'dzin thams cad rab tu thob par byed do/ / ting nge 'dzin 'di dang yang dag pa ji lta ba bzhin du rjes su 'thun par gyur na/ chos rnams la thabs mkhas pa'i shes pa yongs su sdud par byed do// de lta bas na byang chub sems dpa' sems dpa' chen po rnams kyis phyag rgya'i sgo 'di legs par bsgoms nas/ chos kyi rgya mtsho'i ting nge 'dzin thams cad la gnas te/ chos thams cad la so sor rab tu rtogs par byed na/ chos kyi snang ba chen po tshad med pa/ dpag tu med pa skye zhing rab tu 'byung bar 'gyur ro// blo gros mtha' yas 'di lta ste/ dper na rgya mtsho
- 198b
chen po'i chu ni tshad med pas/ de'i tshad gang gis kyang dpag par mi nus so// de bzhin du chos thams cad kyang tshad med pas/ gang gis kyang de'i tshang dpag par mi nus so// gzhan yang 'di lta ste/ dper na chu klung thams cad ni rgya mtsho chen por 'bab cing 'jug par 'gyur ro// de bzhin du chos thams cad kyang chos kyi phyag rgyar 'jug par 'gyur bas/ de'i phyir rgya mtsho'i phyag rgya zhes bya ste/ chos thams cad phyag rgyas btab nas/ chos rnams kyi rgya mtsho'i phyag rgyar zhugs par gyur na/ phyag rgya 'dis chos thams cad chos kyi phyag rgya dang mtshungs par mthong bas so// gzhan yang 'di lta ste/ dper na klu chen po dang / klu'i 'khor lus chen po dang ldan pa rnams ni rgya mtsho dang ldan zhing rgya mtshor 'jug par nus pas/ rgya mtsho chen po de dag la gnas su byed do// byang chub sems dpa' sems dpa' chen po rnams kyang de bzhin du bskal pa brgya stong tshad med pa snyed du theg pa rnams legs par bsgoms pas/ ting nge 'dzin gyi phyag rgya'i sgo 'dir 'jug par nus shing / phyag rgya'i sgo 'di nyid la gnas su byed de/ sangs rgyas kyi chos rnams mngon du bya ba'i phyir dang / thams cad mkhyen pa legs par yongs su rdzogs par bya ba'i phyir/ chos rnams kyi phyag rgya'i sgo de lta bu dag mngon par sgrub par byed do/ / byang chub sems dpa' sems dpa' chen po rnams kyi chos kyi sgo 'di nan tan gyis sgrub par byed na/ chos thams cad kyi sgo la yang dag par slob par
- 199a
'gyur ro/ / chos kyi sgo rnams chos kyi sgo 'dir 'du bar mthong ba'i phyir/ chos kyi snang ba rnams bskyed nas/ chos kyi rgya mtsho thams cad du 'jug par 'gyur bas/ de'i phyir chos kyi rnam grangs 'di chos thams cad kyi rgya mtsho'i phyag rgya'i ting nge 'dzin ces bya'o// gzhan yang 'di lta ste/ dper na rgya mtsho chen po ni rin po che chen po rnams 'du ba'i gnas su gyur pa yin no/ / ting nge 'dzin 'di'ang de bzhin du chos thams cad dang chos la thabs mkhas pa rnams 'du ba'i gnas su gyur pa yin no// blo gros mtha' yas sems cad gang la la zhig sangs rgyas kyi mkhyen pa dang / gzigs pa bla na med pa 'thob par bya ba'i phyir/ ting nge 'dzin 'di yongs su tshol bar gyur pa dang / yongs su tshol bar 'gyur ba dang / yongs su tshol bar byed pa de dag ni chos kyi rgya mtsho yongs su rdzogs pa'i shes rab thams cad yongs su tshol bar byed pa yin pas/ don de'i phyir ngas chos kyi phyag rgya 'di khyod la gtad pa yin gyis/ khyod kyis kyang ma 'ongs pa'i dus lnga brgya tha ma la yang dag pa'i chos 'jig par 'gyur ba'i tshe/ chos kyi phyag rgya 'dis sems can rnams la yongs su gdab par bya'o// chos kyi phyag rgya 'dis gang la btab par gyur na/ de dag thams cad bla na med pa yang dag par rdzogs pa'i byang chub las phyir ldog par mi 'gyur zhing / sangs rgyas kyi chos yongs su rdzogs par byed pas/ myur du byang chub kyi snying por 'gro ba dang / bla na med pa'i chos kyi 'khor
- 199b
lo bskor ba dang / sangs rgyas kyi gdung bsab pa dang / thams cad mkhyen pa'i sa la rjes su 'thun par gnas pa dang / bla na med pa'i yongs su mya ngan las 'das pa chen pos yongs su mya ngan las 'das pa dang / lha dang mi rnams kyang yang dag pa'i chos yongs su 'dzin pa la gzud par byed do// blo gros mtha' yas byang chub sems dpa' sems dpa' chen po gang yon tan khyad par du 'phags pa de lta bu yongs su sdud par 'dod pa des chos zab mo 'di la nan tan gyis bslab par bya zhing bag yod pa dang ldan par bya'o/ / gzhan yang blo gros mtha' yas ngas mngon par dran te/ sngon 'das pa'i bskal pa grangs med pa'i yang ches grangs med pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das ri rab kyi 'od las yang dag par 'das pa'i rgyal po zhes bya/ ba 'jig rten du byung ste/ bskal pa'i ming ni dge ba la gnas pa zhes bya'o// 'jig rten gyi khams ni yid dga' bar byed pa zhes bya'o// bskal pa de'i sems can rnams tshe ring zhing tshe'i tshad med pa dang / rab tu bde zhing 'byor pa dang ldan pa/ dge ba'i chos la rab tu gnas pas de'i phyir bskal pa de'i ming dge ba la gnas pa zhes bya'o// sangs
- 200a
@#rgyas kyi zhing de yangs shing rgya che ba dang / shin tu mdzes pas mthong ba rnams yid bde zhing dga' bar byed pa dang / spos kyi ngad ldang bas kun tu khyab par byed pas/ de'i phyir 'jig rten gyi khams de yi dga' bar byed pa zhes bya'o/ / de'i tshe gling bzhi las gling gsum gyis tshad mnyam pa ste/ dpag tshad brgyad khri brgyad khri yod do// gling re re na'ang grong khyer nyi khri nyi khri yod de/ grong khyer re re'i tshad kyang dpag tshad bcu bcu yod do// 'dzam bu gling gi tshad ni dpag tshad bye ba yod do// de na grong khyer brgyad khri yod de/ grong khyer de re re'i tshad kyang dpag tshad nyi shu nyi shu yod do// de dag kyang gzhal med khang brtsegs ma dang / ra bas 'khor bar bskor ba/ gos sna tshogs 'byung ba'i shing ljon pa dang / ro sna tshogs 'byung ba'i shing ljon pa dang / me tog sna tshogs kyi shing ljon pa dang / rin po che'i shing ta la dag gis rab tu brgyan pa/ yul bde zhing mis rab tu gang bar gyur to// de na grong khyer mchog tu che ba dpag tshad brgyas 'khor ba yod de/ de'ang skyed mos tshal nyi khris 'khor bar bskor ba/ skyed mos tshal de kun tu 'anga' bab chu dag rab tu 'bab cing / me tog dang 'bras bu dag rab tu rgyas pa/ spos mchog dam pa'i ngad ldang bas yid dga' bar byed pa bya dang ri dgas rnams sgra snyan pa 'byin pas rab tu gang bar gyur to/ / de'i tshe de bzhin gshegs pa de skyed mos tshal de gcig tu bzhugs nas 'khor rnams la chos bstan par gyur to//
- 200b
ye shes mtha' yas de bzhin gshegs pa ri rab kyi 'od las yang dag par 'das pa'i rgyal po'i sku tshe'i tshad ni bskal pa chung ngu bcu thub par gyur to// yongs su mya ngan las 'das pa'i 'og tu yang dam pa'i chos ni bskal pa chung ngu gcig gi bar du 'jig rten du gnas par gyur to/ / de bzhin gshegs pa des 'khor 'dus pa la lan bzhir chos bstan te/ 'khor 'dus pa re re la'ang nyan thos slob pa'i sa la gnas pa bye ba khrag khrig phrag lnga lnga yod do/ / dgra bcom pa dang byang chub sems dpa'i 'khor ni bye ba khrag khrig phrag lnga bcu lnga bcu yod do// de'i tshe de bzhin gshegs pa de la byang chub sems dpa' gnyis yod de// gcig gi ming ni dpa' bo'i sde zhes bya'o// gcig gi ming ni dpa' bo'i stobs shes bya ste/ byang chub sems dpa' de gnyis kyang rdzu 'phrul dang ldan zhing mi skye ba'i chos la bzod pa thob pa yin pas/ bcom ldan 'das de la 'di skad ces gsol to// bcom ldan 'das chos ji lta bu zhig gis byang chub sems dpa' sems dpa' chen po rnams kyis chos kyi rgya mtsho'i phyi rgya'i ting nge 'dzin thams cad yongs su rdzogs par bgyid par 'gyur lags/ de nas de bzhin gshegs pa des tshig gi rnam grangs 'di rgya cher yang dag par rab tu bstan to// 'di yang dag par rab tu bstan pa na byang chub sems dpa' stong phrag bcu mi skye ba'i chos kyis bzod pa thob par gyur to/ / byang chub sems dpa' de gnyis ni chos kyi rgya mtsho'i phyag rgya'i ting nge 'dzin thams cad dang / byang chub sems dpa'i ting nge 'dzin thams cad thob par
- 201a
gyur to/ / chos kyi rgya mtsho'i phyag rgya'i ting nge 'dzin rnams dang / byang chub sems dpa'i ting nge 'dzin rnams mngon du gyur pa'i phyir/ sangs rgyas kyi zhing thams cad du rdzu 'phrul chen po bstan pa dang / 'od zer chen po bkye ba dang / tshangs pa'i sgra shin tu gya nom pa bsgrags nas/ sems can rnams la yang dag pa'i chos bstan cing yongs su smin par byas pas/ srog chags bye ba phrag brgyad bla na med pa yang dag par rdzogs pa'i byang chub la rab tu gzhol bar gyur to// de nas de bzhin gshegs pa des 'di skad du khyed bskal pa rgya 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa de re re la'ang de bzhin gshegs pa lnga brgya la mchod pa dang / rim gro byed pa dang / de bzhin gshegs pa de dag gis dus par mar gsungs pa'i chos yang dag pa gang yin pa dang / dus tha mar gsungs pa'i chos yang dag pa gang yin pa de dag kyang ma lus par yongs su bzung nas/ sems can rnams la phan pa chen po byed par 'gyur ro// bskal pa re re la'ang sems rtse gcig tu gyur cing / rnam par g.yeng ba med pas skye ba thams cad du'ang rdzus te skye bar 'gyur ro// skye ba thams cad du'ang ting nge 'dzin las ldog par mi 'gyur zhing / rdzu 'phrul gyi chos ston pas sems can mang po rnams yongs su mya ngan las zlos par 'gyur ro// bskal pa brgya 'das nas gzhan yang
- 201b
/ de bzhin gshegs pa yon tan dpag tu med pa zhes bya ba la mchod pa dang rim gro byas pas/ ting nge 'dzin dang / rdzu 'phrul dang / rnam par thar pa tshad med pa rnams la rnam par rtsen par 'gyur ro zhes lung bstan to/ / byang chub sems dpa' de gnyis de bzhin gshegs pa de dang phrad par gyur pa'i tshe/ gcig gi ming ni mya ngan med pa zhes bya'o// gcig gi ming ni rab tu gnas pa zhes bya ste/ de bzhin gshegs pa'i rjes su chos kyi 'khor lo bskor nas/ sems can tshad med grangs med pa rnams btul te/ theg pa gsum po dag la rab tu bkod pas/ de'i tshe de bzhin gshegs pa des kyang 'di skad du/ nga yongs su mya ngan las 'das pa'i 'og tu mya ngan med pa 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa spobs pa dpag tu med pa zhes bya bar 'gyur ro/ / de bzhin gshegs pa de yongs su mya ngan las 'das pa'i 'og tu rab tu gnas pa 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa 'od zer khyad par du 'phags pa zhes bya bar 'gyur ro// de bzhin gshegs pa de dag gi sku tshe'i tshad kyang bskal pa re re thub par 'gyur te/ sangs rgyas kyi zhing de dag kyang yon tan tshad med pa bsags pa las mngon par grub pa yin no zhes lung bstan to// byang chub sems dpa' de gnyis kyang de bzhin gshegs pa'i spyan sngar lung bstan pa
- 202a
thob pas/ rims kyis bla na med pa yang dag par rdzogs pa'i byang chub mngon par rdzogs par sangs rgyas par gyur to// blo gros mtha' yas byang chub sems dpa' sems dpa' chen po gang chos kyi rgya mtsho'i phyag rgya'i ting nge 'dzin thams cad 'a thob par 'dod pas rab tu dga' ba dang / brtson 'grus chen po bskyed nas/ lus dang srog la 'phangs pa med pa dang / bag yod pas mngon par bsgrub par bya'o/ / de nas de'i tshe 'khor 'dus pa de nyid du yang byang chub sems dpa' sems dpa' chen po don gyi blo gros zhes bya ba 'dus par gyur pa de 'dug pa'i stan las langs nas/ bcom ldan 'das la 'di skad ces gsol to// bcom ldan 'das kyis byang chub sems dpa' sems dpa' chen po rnams chos thams cad kyi ye shes la thabs mkhas pa 'thob par bgyi ba dang / de bzhin gshegs pa thams cad mkhyen pa 'thob par bgyi ba'i slad du chos kyi rgya mtsho'i phyag rgya'i ting nge 'dzin thams cad yang dag par gsungs pa ni ngo mtshar che lags so// bcom ldan 'das gal te chos kyi rgya mtsho'i phyag rgya'i ting nge 'dzin rnams thob par gyur na/ gdon mi 'tshal bar chos rnams kyi tshul la thabs mkhas pa thob nas/ myur du byang chub kyi snying por mchis par 'gyur/ bas/ yon tan gyi rgya mtsho dpag tu ma mchis pa 'dis bla na med pa yang dag par rdzogs pa'i byang chub tu gzhol bar bgyid pa dang / rtag tu sangs rgyas rnams mthong zhing nan tan gyis chos yang dag par
- 202b
mngon par bsgrub pa dang / dge 'dun dang spyod pa mtshungs pas de bzhin gshegs pa'i mchod pa chen po yongs su sbyong bar 'gyur ba dang / nyan thos dang rurlung rgyas kyi sa las yang dag par 'da' bar 'gyur lags so/ / de nas bcom ldan 'das kyis/ byang chub sems dpa' sems dpa' chen po don gyi blo gros la 'di skad ces bka' stsal to// de de bzhin no// de de bzhin te/ khyod kyis ji skad smras pa de bzhin du don gyi blo gros byang chub sems dpa' sems dpa' chen po rnams kyis chos kyi rgya mtsho'i phyag rgya'i ting nge 'dzin thams cad thob par gyur na yon tan khyad par du 'phags pa tshad med pa rnams rab tu 'thob par 'gyur ro/ / gal te chos kyi rgya mtsho'i phyag rgya'i ting nge 'dzin rnams la gnas par gyur na/ chos kyi rgya mtsho'i phyag rgya'i ting nge 'dzin rnams la thabs mkhas pas gdon mi za bar bla na med pa yang dag par rdzogs pa'i byang chub la rab tu gzhol bar 'gyur ro/ / don gyi blo gros 'di lta ste/ dper na ri'i rgyal po ri reb ni rin po che sna tshogs las mngon par grub pas rgya mtsho chen po las dpag tshad brgyad khri bzhi stong gis gyen du 'phags shing mchog tu gsal bar gnas so/ / byang chub sems dpa' sems dpa' chen po rnams kyang de bzhin du ting nge 'dzin 'dis legs par gzhol bar byed pa'i phyir/ chos kyi gter gyi rgya mtsho chen po thams cad mngon par 'phags nas/ lha dang mir bcas pa'i 'jig rten thams cad zil gyis gnon cing
- 203a
bla na med pa'i gnas pas mchog tu gsal bar gnas so/ / gzhan yang 'di lta ste/ dper na zla ba'i dkyil 'khor ni skar ma'i tshogs mang pos yongs su bskor ba yin no/ / byang chub sems dpa' sems dpa' chen po rnams kyang de bzhin du lha dang mir bcas pa'i 'jig rten gyi 'khor 'dus pa chen po thams cad rab tu gsal bar gnas so// don gyi blo gros khyod kyis chos 'di thos par gyur na/ 'di la su'ang mi dga' zhing mos pa mi skye ba 'am/ brtson 'grus mi bskyed pa 'am/ bag yod pa dang bcas par mi gyur pa gang yang med par blta bar bya ste/ sems can bsod nams chung zhing / dman pa la mos pa ni ma gtogs so// sems can gang shes rab chen po dang ldan pa dag gis chos rgya chen po 'di mngon par sgrub par byed la/ chos rgya chen po mngon par sgrub pa gang yin pa de dag ni/ yon tan phun sum tshogs pa'i skyes bu dam pa rnams kyis yongs su bzung bar 'gyur te/ ngas ji skad du gang gis chos kyi nor rgya chen po 'di yongs su 'dzin par byed pa de dag ni lha dang mi rnams kyis yongs su srung zhing rim gro byed pa dang / phyogs bcu'i sangs rgyas dang / byang chub sems dpa' sems dpa' chen po rnams kyis rjes su dgongs par 'gyur ro zhes lung bstan pa lta bu'o/ / de nas bcom ldan 'das kyis/ byang chub sems dpa' sems dpa' chen po blo gros mtha' yas la 'di skad ces bka' stsal to// blo gros mtha' yas
- 203b
byang chub sems dpa' sems dpa' chen po gang chos kyi rnam grangs 'di la nan tan gyis sgrub cing slob par byed pa de dag ni/ sems can rnams la phan pa chen po byed cing / the tshom thams cad rab tu sel/ ba dang / mdud pa thams cad rab tu dgrol ba dang / bag chags rnams spong ba dang / bag la nyal ba rnams gcod pa dang / sred pa'i dga' ba rnams las yang dag par 'das pa dang / srid pa'i rgya mtsho las yang dag par rgal ba dang / mun nag rnams gtan du bsal ba dang / skrag cing 'jigs pa rnams rab tu spong ba dang / thabs mkhas pas sems can thams cad kyis sems rab tu shes par 'gyur ro/ / de nas bcom ldan 'das kyis de skad ces bka' stsal nas 'od zer chen po bkye bas/ 'od zer des 'jig rten gyi khams grangs med pa gsal bar mdzad cing / nyi ma dang zla ba'i 'od zer thams cad kyang zil gyis mnan to// 'od zer bkye nas yang byang chub sems dpa' sems dpa' chen po blo gros mtha' yas la 'di skad ces bka' stsal to// blo gros mtha' yas byang chub sems dpa' sems dpa' chen po gang rgya mtsho'i phyag rgya'i ting nge 'dzin 'di la nan tan gyis sgrub par byed pa de dag kyang de bzhin du rdzu 'phrul chen po rab tu ston cing / 'od zer chen po 'gyed pa dang / seng ge'i sgra chen po bsgrags nas chos 'di yang dag par ston par byed pas/ khams gsum las yang dag par 'das shing / snang ba chen po byed par 'gyur te/ de dang ji lta
- 204a
ba bzhin pas bye brag tu gyur pa ci'ang med do/ / de nas bcom ldan 'das la/ byang chub sems dpa' sems dpa' chen po blo gros mtha' yas kyis 'di skad ces gsol to/ / bcom ldan 'das de bzhin gshegs pas chos kyi rnams grangs 'di byin gyis brlabs nas slad ba'i dus kyi tshe/ sems can gang dag chos kyi rnam grangs 'di'i ming thos pa tsam gyis kyang / yon tan dpag tu ma mchis par 'thob par 'gyur bar mdzad du gsol/ de nas bcom ldan 'das kyis chos rnam grangs 'di byin gyis brlab pa'i phyir/ yang 'od zer chen po rab tu bkye'o// gzhan yang phyag sor gcig gis stong gsum gyi stong chen po'i 'jig rten gyi khams rnams rab tu g.yo bar mdzad pas/ sems can rnams bde ba chen po thob par gyur to/ / de'i tshe 'khor der 'dus pa'i lha dang / klu dang / gnod sbyin dang / dri za dang / lha ma yin dang / nam mkha' lding dang mi 'am ci dang / lto 'phye chen po la sogs pa'i 'khor rnams lha'i me tog dam pa dang / lha'i gos dam pa dag gis mngon par gtor nas/ dus gcig tu lha'i rol mo rnams byas so/ / lha tshad med pa rnams kyis kyang lha'i gos rgyang nas mngon par gtor nas/ nam mkha' kun tu gang bar gyur to// skad 'thun par 'di skad du/ kye ma sangs
- 204b
rgyas rnams kyi spyod yul bsam gyis mi khyab bo/ / gang gis chos zab mo 'di yongs su 'dzin par byed pa de dag ni/ sems can thams cad kyis gus par mchod cing phyag bya ba'i 'os su gyur par rig par bya'o zhes smras so/ / de nas bcom ldan 'das kyis/ yang byang chub sems dpa' sems dpa' chen po blo gros mtha' yas la 'di skad ces bka' stsal to/ / blo gros mtha' yas ma 'ongs pa'i dus na/ gang bsod nams chung ba'i sems can de dag gis ni go cha'i bkod pa dang / ting nge 'dzin gyi bkod pa 'di thos par mi 'gyur gyi/ sems can gang dag thabs mkhas pa dang ldan pa dang / tshogs chen po yongs su sdud pa gang yin pa de dag gis ma 'ongs pa'i dus na chos 'di thos par 'gyur ro/ / chos 'di la gang gis nan tan du sgrub par byed pa de dag ni dus gsum gyi sangs rgyas bcom ldan 'das kyis yongs su gzung bar 'gyur ro// blo gros mtha' yas ma 'ongs pa'i dus na 'jigs pa chen po 'byung ba'i tshe/ nga'i chos kyi rnam grangs 'di khyed la sogs pa la yongs su gtad do// ngas bskal pa bye ba khrag khrig grangs med pa nas// bla na med pa'i chos kyi gter rab tu bsags pas yon tan phun sum tshogs pa dang / dpag tu med pa'i bde ba thob pa gang yin pa de dag khyod kyis kyang 'thob par 'gyur gyis/ sdug
- 205a
bsngal gyi phung po thams cad khyod kyis rab tu spangs te/ yon tan gyi rgya mtsho dpag tu med pas myur du bla na med pa yang dag par rdzogs pa'i byang chub la rab tu gzhol bar bya'o/ / de nas byang chub sems dpa' sems dpa' chen po blo gros mtha' yas byang chub sems dpa' sems dpa' chen po lnga brgya dang / khyim dag ma smad pa dang / tshong dpon bzang skyong la sogs pa gtso bor gyur pa rnams bcom ldan 'das kyi zhabs la phyag 'tshal nas 'di skad ces gsol to// bcom ldan 'das bdag cag rnams mthu ci mchis pas/ de bzhin gshegs pa'i byang chub chen po'i chos yongs su bzung nas slad ma'i dus kyi tshe/ sems can rnams la phan gdags par bgyi'o zhes gsol to/ / de nas byang chub sems dpa' sems dpa' chen po rnams 'dug pa'i stan las langs te/ me tog rnam pa sna tshogs kyis de bzhin gshegs pa la mngon par gtor nas lus kyi gos mchog dam pa phud de/ mchod pa byas nas 'di skad ces gsol to// bcom ldan 'das bdag cag ni dge ba'i rtsa ba 'dis sems can thams cad la yongs su sngo ste/ sems can rnams byang chub kyi phyogs kyi chos phun sum tshogs pa 'thob par 'gyur ba dang / de bzhin gshegs pa'i thams cad mkhyen pa'i ye shes mngon par bsgrub par 'gyur ba dang / slad ma'i
- 205b
dus kyi tshe/ sems can thams cad kyi dge ba'i rtsa ba ji snyed pa de dag yongs su rdzogs par 'gyur bar smon lam 'debs lags so// de skad ces gsol pa dang // de nas de'i tshe bcom ldan 'das kyis byang chub sems dpa' sems dpa' chen po rnams rab tu dga' ba bskyed pa'i phyir tshigs su bcad de bka' stsal pa/ sems can thams cad kun la ni// phan pa chen po bya ba'i phyir/ / nga yis byang chub chos bzung nas// chos rgyal seng ge'i sgra sgrogs shing // ma 'ongs tha ma dus kyi tshe// gang zhig chos 'di yongs tshol ba// rgya chen chos 'di thos gyur na// / thams cad bde ba thob par 'gyur// ngas ni ji skad bstan pa bzhin// gang gis theg pa 'di mthong zhing // mdo sde chos 'di thos gyur na// ji ltar mos pa'i bde ba thob// blo dang ldan pa gang zhig/ gis/ thabs mkhas dag ni rab bsgoms te// chos mchog 'di ni thos gyur na// lus dang sems ni rab bder 'gyur// gang zhig 'khor 'dir 'dus gyur pa// nga yis mngon sum bshad mthong dang / / chos 'di thos par gyur nas ni// rab tu dga' ba gang bskyed pa// ma 'ongs tha ma dus kyi tshe// khyod kyis bsod nams tshad med pa'i// phung po dag ni rab skyed cing // 'khor ba mtha' med sgrol bar 'gyur/ / ma 'ongs tha ma dus kyi tshe// chos rjes rab tu gsungs pa yi// chos 'di gang zhig 'dzin byed pa// sangs rgyas rnams kyis bzung bar 'gyur// ma 'ongs tha ma'i dus kyi tshe// /
- 206a
nga yi byang chub chos 'dzin pa// de ni sangs rgyas tshad med pa'i// tha ma'i dus kyi chos 'dzin 'gyur// bcom ldan 'das kyis chos 'di bstan pa na// byang chub sems/ dpa' tshad med pa snyed mi skye ba'i chos kyis bzod pa thob par gyur to// sems can tshad med pa snyed ni dge ba'i rtsa ba yongs su smin par gyur to// bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros mtha' yas dang / byang chub sems dpa' sems dpa' chen po de dag dang / lha dang / mi dang / lha ma yin du bcas pa'i 'jig rten thams cad yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las go cha'i bkod pa bstan pa'i 'dus pa ste/ 'dus pa bdun pa rdzogs so// // lo tsa ba mgos chos grub kyis rgya'i dpe las bsgyur ba'o// / rgya gar skad du/ Ar+ya d+harma d+hA tu pra kri ti a sam b+he da ni de sha nA ma ma hA yA na sU tA/ bod skad du/ 'phags pa chos kyi dbyings kyi rang bzhin dbyer med par bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na
- 206b
bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong brgyad stong gi dge 'dun chen po dang / byang chub sems dpa' sangs rgyas kyi zhing sna tshogs tha dad pa nas 'dus pa khri nyis stong dang / lha'i bu thams cad kyang bla na med pa yang dag par rdzogs pa'i byang chub la yang dag par zhugs pa/ sum khri nyis stong dang thabs cig tu bzhugs so// de'i tshe 'jam dpal gzhon nur gyur pa dang / lha'i bu rin chen mchog ces bya ba'ang 'khor de nyid du 'dus te 'dug par gyur to// de nas lha'i bu rin chen mchog 'di snya du sems te/ 'di ltar bcom ldan 'das kyis 'jam dpal gzhon nur gyur pa la chos bstan par bskul ba mdzad de/ bskul nas kyang bshad la ci nas kyang bdud kyi gnas thams cad spa bkod bar 'gyur ba dang / bdud sdig can yi chad par 'gyur ba dang / phas kyi rgol ba thams cad shin tu tshar gcad par 'gyur ba dang / mngon pa'i nga rgyal can thams cad nga rgyal med cing shes pa brda sprod par 'gyur ba dang / rnal 'byor spyod pa dag 'bras bu thob par 'gyur ba dang / 'bras bu thob pa dag kyang khyad par du 'gro bar 'gyur ba dang / sangs rgyas dang / chos dang / dge 'dun gyi gdung rgyun mi gcad pa'i phyir/ skye bo mang po dag kyang byang chub tu sems bskyed par 'gyur ba dang / de bzhin gshegs pas bskal pa grangs med par yang dag par bsgrubs pa'i byang chub 'di'ang yun ring du
- 207a
gnas pa dang / rgyas par 'gyur ba dang / de bzhin gshegs pa bzhugs sam/ yongs su mya ngan las 'das kyang rung ste/ chos bstan pa de gang dag gis thos par gyur pa de dag theg pa gang la mos pas myur du yongs su mya ngan las 'das par 'gyur ba de lta bu'i chos ston na ci ma rung snyam mo/ / de nas bcom ldan 'das kyis/ lha'i bu rin chen mchog gi sems kyis yongs su rtog pa thugs kyis mkhyen nas/ 'jam dpal gzhon nur gyur pa la bka' stsal pa/ 'jam dpal 'khor 'di khyod las chos mnyan pa thos par 'dod kyis/ 'khor 'di dag la gtam gyi rgyud 'ga' zhig la khyod spobs par gyis shig/ 'jam dpal gzhon nur gyur pas gsol pa/ bcom ldan 'das ci las brtsams te spobs par bgyi lags/ bcom ldan 'das kyis bka' stsal pa/ 'jam dpal chos kyi dbyings kyi rang bzhin las rtsoms la spobs par gyis shig/ 'jam dpal gyis gsol pa/ bcom ldan 'das chos thams cad kyang chos kyi dbyings kyi rang bzhin lags pas/ bcom ldan 'das chos kyi dbyings kyi rang bzhin ni brjod pa 'am/ mnyan par cung zad kyang rngo mi thogs lags na/ bcom ldan 'das ji ltar chos kyi dbyings kyi rang bzhin las brtsams te bstan par bgyi lags/ / bcom ldan 'das kyis bka' stsal pa/ 'jam dpal chos bstan pa 'di thos na/ gang zag mngon pa'i nga rgyal can dag ni skrag par 'gyur ro// 'jam dpal gyis
- 207b
gsol pa/ bcom ldan 'das gang dag skrag par 'gyur ba de dag kyang / chos kyi dbyings kyi rang bzhin can lags pas/ chos kyi dbyings kyi rang bzhin ni skrag par mi 'gyur lags so// de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal gal te chos thams cad chos kyi dbyings kyi rang bzhin yin na/ chos kyi dbyings kyi rang bzhin la ni kun nas nyon mongs par 'gyur ba'ang med la/ rnam par byang bar 'gyur ba'ang med na/ sems can rnams kyi kun nas nyon mongs pa 'am/ rnam par byang ba ci las 'byung bar 'gyur// 'jam dpal gyis smras pa/ btsun pa shA ra dwa ti'i bu byis pa so so'i skye bo 'jig tshogs la lta ba'i phyin ci log gis bslad cing / ngar 'dzin pa dang / nga yir 'dzin pa la gnas pa rnams la ni/ bdag dang gzhan gyi 'du shes 'byung ngo / / bdag dang gzhan du 'du shes pa la gnas pa de dag la ni/ dge ba'i dang mi dge ba'i sems dang sems las byung ba dag 'byung ste/ sems dang sems las byung ba'i chos de dag gis dge ba dang mi dge ba'i las mngon par 'du bya ba dag mngon par 'du byed cing / de dag la rgyu de dang rkyen de dag ngo bo nyid de'i rnam par smin pa nyid mngon par 'grub par 'gyur ro// btsun pa shA ra dA ti'i bu de dag gis ji tsam du srid pa'i 'gro bar skye ba yongs su bzung ba de tsam du kun nas nyon mongs pa zhes bya'o/ / btsun pa shA ra dwa ti'i bu kun nas nyon mongs pa de'ang chos kyi dbyings kyi rang bzhin
- 208a
nyid yin pas/ kun nas nyon mongs pa nyid chos kyi dbyings kyi rang bzhin du yongs su shes pa gang yin pa de nyid rnam par byang ba zhes bya ste/ don dam par ni de la kun nas nyon mongs pa 'am/ rnam par byang ba 'am/ gang kun nas nyon mongs par 'gyur ba 'am/ rnam par byang bar 'gyur ba ci'ang med do// 'jam dpal gzhon nur gyur pas bstan pa 'di bshad pa na/ dge slong lhag pa'i nga rgyal can brgya len pa med par zag pa rnams las sems rnam par grol lo// de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so/ / 'jam dpal khyod kyis bstan pa 'di bshad pa na/ dge slong lhag pa'i nga rgyal can brgya len pa med par zag pa rnams las sems rnam par grol te/ 'jam dpal chos kyi dbyings ni khyod las phyed par 'byung ngo / / 'jam dpal gyis smras pa/ btsun pa shA ra dwa ti'i bu ci chos kyi dbyings kyi rang bzhin sngon bcings par gyur la dgrol ba zhig yin snyam mam/ smras pa/ 'jam dpal chos kyi dbyings kyi rang bzhin ni sngon bcings par gyur pa'ang ma yin la/ dgrol ba'ang ma yin no// smras pa/ btsun pa shA ra dwa ti'i bu/ 'o na dge slong de dag gi sems ci zhig las rnam par grol/ smras pa/ 'jam dpal de bzhin gshegs pas nyan thos mang po btul te/ de dag gi sems ni len pa med par zag pa rnams las sems rnam par grol lo// 'jam dpal gyis smras
- 208b
pa/ btsun pa shA ra dwa ti'i bu ci khyod bcom ldan 'das kyi nyan thos yin nam/ smras pa/ 'jam dpal de de bzhin te/ kho bo ni bcom ldan 'das kyi nyan thos yin no// smras pa/ btsun pa shA ra dwa ti'i bu ci khyod kyi sems len pa med par zag pa rnams las sems rnam par grol lam/ smras pa/ 'jam dpal rnam par grol lo// smras pa/ btsun pa shA ra dwa ti'i bu ci khyod kyi sems 'das pa rnam par grol lam/ 'on te ma 'ongs pa dang / da ltar byung ba rnam par grol/ btsun pa shA ra dwa ti'i bu sems 'das pa ni zad pa'i mtshan nyid yin la/ sems ma 'ongs pa ni ma thob pa'i mtshan nyid yin/ sems da ltar byung ba ni mi gnas pa'i mtshan nyid yin na/ btsun pa shA ra dwa ti'i bu khyod kyi sems rnam par grol ba de gang yin/ tshe dang ldan pa shA ra dwa ti'i bus smras pa/ 'jam dpal sems 'das pa'ang rnam par grol ba ma yin la/ ma 'ongs pa dang da ltar byung ba'ang ma yin no// 'jam dpal gyis smras pa/ btsun pa shA ra dwa ti'i bu 'o na khyod kyi sems rnam par grol ba de gang yin/ smras pa/ 'jam dpal kun rdzob rnam par gzhag pas sems rnam par grol bar bstan par zad kyi/ don dam par ni 'di la gang btsongs pa 'am/ grol ba'i sems dmigs su med do// 'jam dpal gyis smras pa/ btsun pa shA ra dwa ti'i bu khyod chos kyi dbyings kyi rang bzhin kun rdzob dang don dam pa yod par 'dod dam/ smras pa/ 'jam dpal chos kyi dbyings kyi rang bzhin la ni kun rdzob dang don dam pa
- 209a
dmigs su med do/ / 'jam dpal gyis smras pa/ btsun pa shA ra dwa ti'i bu 'o na ji ltar kun rdzob rnam par gzhag pas sems rnam par grol bar ston/ smras pa/ 'jam dpal rnam yang sems rnam par grol ba ci'ang med dam/ 'jam dpal gyis smras pa/ btsun pa shA ra dwa ti'i bu gal te sems shig nang ngam/ phyi rol lam/ gnyis ka'i bar na dmigs su yod na ni sems rnam par grol bar yang 'gyur ba zhig na/ btsun pa shA ra dwa ti'i bu sems ni nang ngam/ phyi rol lam/ gnyis ka med par dmigs su med pas/ de la bcings pa 'am/ rnam par grol ba ci'ang med do// de nas 'khor de las dge slong nyis brgyas 'jam dpal gzhon nur gyur pas bstan pa 'di thos pa dang / stan las langs te dong nas tshig 'di skad ces kyang smras te/ gal te 'di la su'ang rnam par grol ba med cing / su'ang rnam par mi 'grol na 'o bu cag gi rab tu 'byung zhing bsnyen par rdzogs pa dge slong gi dngos po la don ci yod/ gal te nges par 'byung ba ci'ang med na lam sgom pa la don ci yod ces de ltar dge slong de dag smod cing yi chad nas 'khor de nas dong ngo / / de nas 'jam dpal gzhon nur gyur pas dge slong de dag gdul ba'i dbang du rig nas/ lam gang nas dge slong de dag dong ba'i lam de'i mdun du sprul pa'i dge slong zhig sprul to/ / de nas dge slong de dag sprul pa'i dge slong de ga la ba der dong ste lhags nas/ sprul pa'i dge slong de la 'di skad ces smras so// tshe dang ldan pa khyod ga las 'ongs/ de nas sprul
- 209b
pa'i dge slong des/ dge slong dag la 'di skad ces smras so// tshe dang ldan pa dag kho bo ni 'jam dpal gzhon nur gyur pa'i chos bstan pa la ma zhugs/ ma shes/ ma mos// yid ma ches nas kho bo 'khor de nas dong ngo / / de nas dge slong nyis brgya po de dag gis kyang 'di skad ces smras so// kho bo cag kyang 'jam dpal gzhon nur gyur pa'i chos bstan pa la ma zhugs/ ma shes/ ma mos/ yid ma ches nas kho bo cag 'khor de nas dong ngo // de nas sprul pa'i dge slong des/ dge slong nyis brgya po de dag la 'di skad ces smras so// tshe dang ldan pa dag gis 'jam dpal gzhon nur gyur pa'i chos bstan pa la mi mthun pa ci zhig thos na khyed cag 'khor de nas dong / de dag gis smras pa/ tshe dang ldan pa 'jam dpal gzhon nur gyur pa ni 'di la su la'ang thob pa med/ mngon par rtogs pa med/ rnam par grol ba med par ston pas/ kho bo cag 'di snyam du sems te/ gal te 'di la su la'ang thob pa med/ mngon par rtogs pa med/ rnam par grol ba med na/ 'o bu cag gi rab tu 'byung zhing bsnyen par rdzogs pa dge slong gi dngos po la don ci yod/ 'o bu cag gi tshangs par spyod pa la gnas pa la don ci yod/ gal te 'di la nges par 'byung ba ci'ang med na/ lam bsgom pa la don ci yod snyam du bsams nas/ kho bo cag 'khor de nas dong ngo // de nas sprul pa'i dge slong des/ dge slong de dag la 'di skad ces smras so// tshe dang ldan pa dag ci khyed cag ma
- 210a
mos nas dong bar zad dam/ 'on te spangs shing mi snyan par brjod nas dong / de dag gis smras pa/ kho bo cag ni ma mos nas dong bar zad kyi/ kho bo cag gis spangs pa'ang med la/ mi snyan par brjod pa'ang med do// de nas sprul pa'i dge slong des dge slong de dag la legs so zhes bya ba byin nas/ 'di skad ces kyang smras so// tshe dang ldan pa dag rtsod pa med pa ni dge sbyong gi chos kyi mchog yin pas/ mi snyan par brjod par mi bya/ brtsad par mi bya'i/ re zhig je bgro bar bya'o// tshe dang ldan pa dag ci sems 'di sngon po zhes bya ba zhig gam// ser po zhes bya ba zhig gam/ dmar po zhes bya ba zhig gam/ dkar po zhes bya ba zhig gam/ btsod ka zhes bya ba zhig gam/ shel gyi kha dog lta bu zhes bya ba zhig gam/ yang dag pa zhes bya ba zhig gam/ yang dag pa ma yin pa zhes bya ba zhig gam/ rtag pa zhes bya ba zhig gam/ mi rtag pa zhes bya ba zhig gam/ gzugs can zhes bya ba zhig gam/ gzugs can ma yin pa zhes bya ba zhig gam zhes rtogs shig/ de dag gis smras pa/ tshe dang ldan pa sems ni gzugs can ma yin pa/ bstan du med pa/ snang ba med pa/ thogs pa med pa/ gnas med pa/ rnam par rig byed ma yin pa'o/ / de nas sprul pa'i dge slong des/ dge slong de dag la 'di skad ces smras so// tshe dang ldan pa dag ci gzugs can ma yin pa/ bstan du med pa/ snang ba med pa
- 210b
thogs pa med pa/ gnas med pa/ rnam par rig byed ma yin pa'i sems de nang na gnas so zhes bya ba 'am/ phyi rol na gnas so zhes bya ba 'am/ gnyis ka'i bar na gnas so zhes bya bar dmigs su yod snyam mam/ smras pa/ de ni ma yin no// smras pa/ tshe dang ldan pa dag gal te sems de gzugs can ma yin/ bstan du med/ snang ba med pa/ thogs pa med pa gnas med pa/ rnam par rig byed ma yin pa/ nang na'ang med/ phyi rol na'ang med/ gnyis ka na med par yang dmigs su med na/ ci de la yang dag par yongs su grub pa yod snyam mam/ de dag gis smras pa/ de ni ma yin no// smras pa/ tshe dang ldan pa dag gang yang dag pa ma yin zhing yongs su grub pa ma yin pa de la ci rnam par grol ba yod snyam mam/ de dag gis smras pa/ de ni ma yin no// smras pa/ tshe dang ldan pa dag de las bsams nas 'jam dpal gzhon nur gyur pas 'di skad du/ chos kyi dbyings kyi rang zhin la ni kun nas nyon mongs par 'gyur ba'ang med la/ rnam par byang bar 'gyur ba'ang med do zhes bstan to// tshe dang ldan pa dag yang byis pa so so'i skye bo phyin ci log gis bsdad pa rnams la ni ngar 'dzin pa dang / yir 'dzin pa yongs su 'dzin pa 'byung ngo // ngar 'dzin pa dang nga yir 'dzin pa la gnas te/ rtag tu yul rnams la spyod cing // gnas pa de dag ni dmigs pa las byung ba'i sems 'bru/
- 211a
ste/ dmigs pa zad na zad par 'gyur la/ byung nas zhig cing zhu ste gnas pa med do// sems kyi dmigs pa gang gis rab tu 'byung zhing bsnyen par rdzogs pa dge slong gi dngos por 'gyur ba dang / lam sgom par byed pa'i sems de ni/ rang bzhin gyis med pa dang / yang dag pa ma yin pa dang / 'byung ba ma yin pa'o// med pa dang / yang dag pa ma yin pa dang / byung ba ma yin pa gang yin pa de la ni skye ba'ang med/ 'jig pa'ang med/ gnas pa'ang med do// gang la skye ba med pa dang / 'jig pa med pa dang / gnas pa med pa de la ni bcings pa'ang med/ rnam par grol ba'ang med do// de la ni thog pa'ang med/ mngon par rtogs pa'ang med de/ tshe dang ldan pa dag de las bsams nas/ 'jam dpal gzhon nur gyur pas 'disad dun chos kyi dbyings kyi rang bzhin la ni/ / kun nas nyon mongs par 'gyur ba'ang med/ rnam par byang bar 'gyur ba'ang med de/ 'di la ni su la'ang thob pa med/ mngon par rtogs pa med/ rnam par grol ba med do zhes smras so/ / de nas sprul pa'i dge slong des bstan pa 'di bshad pa na/ dge slong de dag len pa med par zag pa rnams las sems rnam par grol lo// de dag sems rnam par grol nas/ 'jam dpal gzhon nur gur pa ga la ba der dong ste phyin pa dang / rang rang gi bla gos 'jam dpal gzhon nur gyur pa la mngon par bkab nas/ tshig 'di skad ces
- 211b
kyang smras so/ / 'jam dpal khyod kyis ni kho bo cag yongs su bskyabs so// 'di ltar kho bo cag kyang dam pa'i chos spong bar ma zhugs pas/ nga phyin chad chos 'dul ba zab mo la 'jug pa las phyi rol tu gyur pa ma yin no/ / de nas tshe dang ldan pa rab 'byor gyis/ dge slong de dag la 'di skad ces smras so// tshe dang ldan pa dag gis ci zhig thob cing ci zhig mngon par rtogs na/ rang rang gi bla gos 'jam dpal gzhon nur gyur pa la mngon par bkab/ de dag gis smras pa/ btsun pa rab 'byor kho bo cag gis ni ci yang thob pa med cing mngon par rtogs pa med pas/ de'i phyir kho bo cag gis rang rang gi bla gos 'jam dpal gzhon nur gyur pa la mngon par bkab bo/ / btsun pa rab 'byor gang gi tshe kho bo cag la thob pa'i 'du shes yod par gyur pa de'i tshe ni kho bo cag stan las langs te 'khor de nas dong ngo / / gang gi tshe kho bo cag thob pa'i 'du shes de dang bral bar gyur pa de'i tshe slar lhags so// rab 'byor gyis smras pa/ tshe dang ldan pa dag khyed ci las bsams te de skad smra/ de dag gis smras pa/ btsun pa rab 'byor thob pa zhes bya ba de ni g.yo ba yin no// de ni rlom sems yin te/ gang la g.yo ba yod pa dang / rlob sems yod pa de la ni/ thob pa med cing mngon par rtogs pa med do/ / btsun pa rab 'byor gang la thob pa med cing mngon par rtogs pa med pa de ni rlom sems thams cad yang dag par bcom pa yin no// tshe dang ldan pa rab 'byor gyis smras pa/
- 212a
tshe dang ldan pa dag khyed cag sus btul/ de dag gis smras pa/ btsun pa rab 'byor gang thob pa med pa dang / mngon par rtogs pa med pa dang / gang skye ba med pa dang / yongs su mya ngan las 'da' ba med pa dang / gang mnyam par gzhag pa med pa dang / sems rnam par g.yengs po med pa des btul to// smras pa/ tshe dang ldan pa dag ci khyed cag btul ba yin nam// de dag gis smras pa/ 'jam dpal gzhon nur gyur pa la dris shig/ de nas tshe dang ldan pa kun dga' bos/ 'jam dpal gzhon nur gyur pa la 'di skad ces smras so// 'jam dpal dge slong 'di dag sus btul/ 'jam dpal gyis smras pa/ btsun pa kun dga' bo gang la phung po rnams med pa dang / khams rnams med pa dang / skye mched rnams med pa dang / gang so so'i skye bo ma yin pa dang / slob pa ma yin pa dang / mi slob pa ma yin pa dang / nyan thos ma yin pa dang / byang chub sems dpa' ma yin pa dang / de bzhin gshegs pa ma yin pa dang gang lus dang ldan pa ma yin pa dang / ngag dang ldan pa ma yin pa dang / sems dang ldan pa ma yin pa dang / mtshungs pa dang ldan pa ma yin pa dang bral ba ma yin pa des btul to// smras pa/ 'jam dpal de ston pa de su zhig/ 'jam dpal gyis smras pa/ btsun pa kun dga' bo 'di ji snyam du sems/ de bzhin gshegs pas sprul pa zhig sprul na/ de mtshungs par ldan pa yin snyam mam
- 212b
smras pa/ 'jam dpal de ni chos gang dang mtshungs par ldan pa'ang ma yin/ bral ba'ang ma yin no// 'jam dpal gyis smras pa/ btsun pa kur dga' bo ci chos thams cad sprul pa'i ngo bo nyid ma yin no// smras pa/ 'jam dpal de de bzhin no// 'jam dpal gyis smras pa/ btsun pa kun dga' bo dge slong 'di dag ni sprul pas btul ba yin te/ sprul pa'i 'dul ba ci 'dra bar nyan thos thams cad kyi 'dul ba'ang de dang 'dra'o/ / btsun pa kun dga' bo gang dag de ltar btul ba de dag ni/ yang dag par btul ba yin no// gang dag chos 'dul ba 'di la mos par mi byed pa de dag ni/ lhag pa'i nga rgyal can du rig par bya'o/ / de nas tshe dang ldan pa kun dga' bos/ 'jam dpal gzhon nur gyur pa la 'di skad ces smras so// 'jam dpal ji ltar na/ dge slong lhag pa'i nga rgyal can du rig par bya/ 'jam dpal gyis smras pa/ btsun pa kun dga' bo 'di la dge slong tshul khrims kyi phung po yongs su dag pas yongs su dag par rlom sems su byed pa ni/ lhag pa'i nga rgyal can du shes par bya'o/ / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po yongs su dag pas yongs su dag par rlom sems su byed pa ni/ lhag pa'i nga rgyal can du shes par bya'o/ / bdag gis thob bo// bdag gis mngon sum du byas so snyam du sems shing rlom sems su byed pa dang / yongs su rtogs par byed pa ni/ lhag pa'i nga rgyal can du shes
- 213a
par bya'o/ / 'jig tshogs la lta bas skrag cing bgrod pa gcig pa'i lam gyi ro myang bar byed pa ni/ lhag pa'i nga rgyal can du shes par bya'o// de ci'i phyir zhe na/ stong pa nyid gang gis 'jig tshogs la lta ba stong pa'i stong pa nyid des bgrod pa gcig pa'i lam yang stong pa'i phyir te/ stong pa de lta bu la stong pa nyid kyis yang dag par mi 'jug pa ni/ lhag pa'i nga rgyal can du shes par bya'o/ / btsun pa kun dga' bo gzhan yang dge slong gang 'jig tshogs la lta ba'i stong pa nyid gang yin pa dang / bgrod pa gcig pa'i lam gyi stong pa nyid gang yin pa'i stong pa nyid de la stong pa nyid kyis mnyam par byed pa ni/ lhag pa'i nga rgyal can du shes par bya'o// de ci'i phyir zhe na/ btsun pa kun dga' bo stong pa nyid kyang gzhan ma yin la/ 'jig tshogs la lta ba nyid stong pa nyid yin pa dang / stong pa nyid kyang gzhan ma yin la/ lam yang gzhan ma yin te/ lam nyid stong pa nyid yin pa'i phyir ro// btsun pa kun dga' bo gzhan yang dge slong gang ma rig ba dang / srid pa'i sred pas 'jigs shing ma rig pa las rnam par grol ba'i ro myang bar byed pa ni/ lhag pa'i nga rgyal can du shes par bya'o// de ci'i phyir zhe na/ gang la gnyis su 'du shes 'jug pa de ni/ rnam par grol ba ma yin pa'i phyir ro// btsun pa kun dga' bo gzhan yang dge slong gang 'dod chags dang / zhe sdang dang / gti mug rnams kyis skrag cing rnam par thar pa'i
- 213b
sgo gsum po dag gi ro myang bar byed pa dang / phyin ci log bzhis skrag cing 'du shes bzhi'i ro myang bar byed pa dang / sgrib pa lngas skrag cing dbang po lnga'i ro myang bar byed pa dang / skye mched drug gis skrag cing mngon par shes pa drug gi ro myang bar byed pa dang / rnam par shes pa'i gnas bdun gyis skrag cing / byang chub kyi yan lag bdun gyi ro myang bar byed pa dang / log pa nyid brgyad kyis skrag cing 'phags pa'i lam yan lag brgyad pa'i ro myang bar byed pa dang / 'dus byas kyi dngos po dgus skrag cing mthar gyis gnas pa'i snyoms par 'jug pa dgu'i ro myang bar byed pa dang / mi dge ba bcu'i las kyi lam gyis skrag cing mi slob pa'i chos bcu'i ro myang bar byed pa dang / 'dus byas kyi khams kyis skrag cing 'dus ma byas kyi khams dag gi ro myong bar byed pa ni/ lhag pa'i nga rgyal can du shes par bya'o/ / de ci'i phyir zhe na/ btsun pa kun dga' bo de dag thams cad ni g.yo ba dang / rlom sems dang / spros pa yin te/ btsun pa kun dga' bo ji tsam du g.yo ba dang / rlom sems dang / spros pa dang / sems mtho ba dang / dma' ba dang / 'dzin pa dang / spong ba dang / yongs su rtog pa dang / rten pa dang / lhag par zhen pa dang / sgro 'dogs pa yod pa de tsam du lhag par byed pa dang ldan pa'i lhag pa'i nga rgyal yin pa'i phyir te/ btsun pa kun dga' bo de lta bu'i dge slong ni/ lhag pa'i nga rgyal can du shes par bya'o// de ci'i phyir zhe na/ btsun pa kun dga' bo 'dus byas kyi khams kyi stong pa
- 214a
nyid gang yin pa'i stong pa dang / 'dus ma byas kyi khams kyi stong pa nyid gang yin pa'i stong pa dang / stong pa nyid la mnyam pa nyid du mi 'jug pa ni lhag pa'i nga rgyal can du shes par bya ba ma yin pa'i phyir ro/ / de nas tshe dang ldan pa kun dga' bos/ 'jam dpal gzhon nur gyur pa la 'di skad ces smras so// 'jam dpal ji ltar na dge slong lhag pa'i nga rgyal med pa yin/ 'jam dpal gyis smras pa/ btsun pa kun dga' bo gang gi tshe dge slong nang nye bar zhi bas yul thams cad kyang nye bar zhi bar mthong zhing / mnyam pa zhes bya ba 'am/ mi mnyam pa zhes bya ba 'am/ rig pa zhes bya ba 'am/ ma rig pa zhes bya ba 'am/ dmigs shes bya ba 'am/ mi dmigs pa zhes bya ba 'am/ 'dus byas shes bya ba 'am/ 'dus ma byas shes bya bar rlom sems su mi byed/ rtog par mi byed/ rnam par rtog par mi byed/ gnyis su 'byed par mi byed/ gcig tu sdud par mi byed/ len par mi byed/ 'dor bar mi byed/ 'phro bar mi byed/ mngon par zhen bar mi byed cing / chos thams cad yang dag pa'i mtha' dang mnyam par yang dag par rjes su mthong la/ mnyam pa med pa dang / mi mnyam pa med pa'i mnyam pa nyid kyis mnyam pas mnyam par bya ba 'am/ mi mnyam par bya ba'i chos gang yang med de/ mnyam pa nyid gang yin pa de'ang yang dag par rjes su mi mthong zhing / rlom sems su mi byed/ rtog par mi byed/ rnam par rtog par mi byed/
- 214b
mngon par zhen par yang mi byed/ thob pa 'am/ mngon par rtogs pa 'am/ mngon sum du bya bas rlom sems su byed pa lta smos kyang ci dgos te/ de ni gnas med do// btsun pa kun dga' bo de ltar na dge slong lhag pa'i nga rgyal med cing / gnyen po med pa dang / phyogs med pa dang / rang gi phyogs dang gzhan gyi phyogs dang bral ba dang / tshor ba thams cad rgyur bcad pa dang / tshor ba dang tshor ba med pa thams cad dang / dmigs pa dang / rnam par rtog pa dang / yid la byed pa thams cad dang bral ba dang / 'ching ba med pa dang / nye bar len pa med pa dang / zhi ba dang / rab tu zhi ba dang / nye bar zhi ba yin te/ de ni ngar 'dzin pa dang / nga yir 'dzin pa dang bral bas chos gang la'ang spang ba 'am/ mngon par rtogs pa 'am/ mngon sum du bya ba yod pa'i chos de yang dag par rjes su mi mthong ste/ de ltar zhugs pa'i dge slong ni lhag pa'i nga rgyal med pa yin no// des ni nam mkha'i khams mnyam pa nyid kyis chos thams cad mnyam pa nyid du rtogs pas na/ chos gang la'ang dge ba zhes bya ba 'am/ mi dge ba zhes bya ba'am/ kha na ma tho ba dang bcas pa zhes bya ba 'am/ kha na ma tho ba med pa zhes bya ba 'am/ zag pa dang bcas pa zhes bya ba 'am/ zag pa med pa zhes bya ba 'am/ 'jig rten pa zhes bya ba 'am/ 'jig rten las 'das pa zhes bya ba 'am/ 'dus byas shes bya ba
- 215a
'am/ 'dus ma byas shes bya bar sgro 'dog par mi byed do// de ni sgro 'dogs pa med pa nyid kyis kyang rlom sems su mi byed// rtog par mi byed/ rnam par rtog par mi byed de/ yang dag par rjes su mi mthong ngo // des ni chos thams cad sgro btags pa med par mnyam pa nyid kyis mnyam zhing nam mkha' ltar mnyam pa nyid du rtogs pa yin no// btsun pa kun dga' bo gang de ltar mos pa'i dge slong ni yang dag par shin tu rnam par grol ba zhes bya ste/ de ltar na lhag pa'i nga rgyal med pa yin no// de las dgongs nas bcom ldan 'das kyis 'di skad du/ ji ltar nam mkha' lag mthil la mi chags pa ltar dge sbyong gi chos kyang de bzhin no zhes gsungs so// bstan pa 'di bshad pa na/ dge slong nyis brgya len pa med par zag pa rnams las sems rnam par grol lo/ / de nas lha'i bu rin chen mchog gis/ 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa' lhag pa'i nga rgyal med pa yang dag pa'i shes pa brda sprod par byed pa yin/ 'jam dpal gyis smras pa/ lha'i bu gang gi tshe byang chub sems dpa' thams cad mkhyen pa nyid kyi sems/ mi mnyam pa dang mnyam pa'i sems/ 'jig rten gsum po thams cad las khyad par du 'phags pa'i sems/ nyan thos dang rang sangs rgyas thams cad las yang
- 215b
dag par 'das pa'i sems de nang na gnas par yang mi mthong / phyi rol na'ang ma yin/ gnyis ka med pa'i bar na'ang ma yin/ phyi rol gyi yul la rgyu zhing gnas par yang mi mthong la/ dge ba'i rtsa ba bsags par bya ba dang / sems can yongs su smin par bya ba dang / dam pa'i chos yongs su gzung ba'i phyir yang rgyu zhing / thams cad mkhyen pa nyid kyi sems de'ang sems can gzhan rnams dang / gang zag gzhan dag la rjod par byed la/ sems de'ang yang dag pa'i mtha' ngo bo nyid du rtogs par gyur te/ dris na sems kyi ngo bo nyid kyis sems can thams cad kyi ngo bo nyid rtogs shing / sems can thams cad kyi ngo bo nyid kyis chos thams cad kyi ngo bo nyid rtogs la/ chos thams cad kyi ngo bo nyid kyis dge ba'i rtsa ba thams cad kyi ngo bo nyid rtogs shing / dge ba'i rtsa ba thams cad kyi ngo bo nyid kyis byang chub sems dpa'o ngo bo nyid brda spong bar byed pa de ni/ lha'i bu byang chub sems dpa'i yang dag pa'i shes pa brda sprod par byed pa yin no// lha'i bu gzhan yang gang gi tshe byang chub sems dpas sbyin pa sbyin pa na gang gtong bar byed pa dang / gang gis gtong bar byed pa dang / gang la gtong bar byed pa dang / gang du gtong bar byed pa dang / gang du yongs su sngo bar byed pa de dag shin tu gtong bas/ gtong bar byed cing rten par mi byed/ gnas par mi byed/ mngon par zhen par mi byed/ re bar mi byed//
- 216a
dmigs par mi byed la/ yang dag par rjes su mi mthong bas/ dris na shin tu gtong ba nyid dang / shin du dmigs pa nyid dang / shin tu stong pa nyid gang yin pa de dag nyid gtong ba'i ngo bo nyid du rtogs shing / gtong ba'i ngo bo nyid kyis yang dag pa'i mtha'i ngo bo nyid rtogs la/ yang dag pa'i mtha'i ngo bo nyid kyis chos thams cad kyi ngo bo nyid rtogs te/ chos thams cad kyi ngo bo nyid kyis sems can thams cad kyi ngo bo nyid rtogs shing / sems can thams cad kyi ngo bo nyid kyis byang chub sems dpa'i ngo bo nyid brda sprod par byed de/ lha'i bu den byang chub sems dpa'i yang dag pa'i shes pa brda sprod pa sbyin pas yongs su dag pa yin no/ / lha'i bu gzhan yang gang gi tshe byang chub sems dpas lus nye bar zhi bas tshul khrims nye bar ni bar rtogs te/ ngag nye bar zhi ba dang sems nye bar zhi bas tshul khrims nye bar zhi bar rtogs shing / lus dang / ngag dang / sems nye bar zhi bas byang chub nye bar zhi bar rtogs la/ byang chub nye bar zhi bas sems can nye bar zhi bar rtogs te/ sems can nye bar zhi bas chos thams cad nye bar zhi bar rtogs shing / chos thams cad nye bar zhi bas yang dag pa'i mtha' nye bar zhi ba zhes bya bar rtogs la/ de yang dag pa'i mtha'i nye bar zhi bas zhi ba dang / rab tu zhi ba dang / nye bar zhi bar gyur pas/ dris na chos thams cad nye bar zhi ba nyid du brda sprod par byed de/ lha'i bu de na
- 216b
byang chub sems dpa'i yang dag pa'i shes pa brda sprod pa tshul khrims kyis yongs su dag pa yin no/ / lha'i bu gzhan yang gang gi tshe/ byang chub sems dpas shin tu nub pa'i chos nyid dang / shin tu skad cig pa'i chos nyid dang / shin tu ya ma brla'i chos nyid du rig nas/ sems can thams cad kyi nyes par byas pa'ang bzod cing / gang gis phyi nang gi sems kun nas mi slong bar bzod pa dang / gang gis khong khro bar 'gyur ba'i yid la byed pa phyi rol tu mi gtong zhing sems can thams cad kyi nyes par byas pa bzod pa dang / sems can de dag gi ngo bo nyid gang yin pa de ni bzod pa'i ngo bo nyid yin pa dang / bzod pa'i ngo bo nyid gang yin pa de ni byang chub kyi ngo bo nyid yin pa dang / byang chub kyi ngo bo nyid gang yin pa de ni chos thams cad kyi ngo bo nyid yin par rtogs shing / chos thams cad kyang yang dag pa'i mtha'i ngo bo nyid du gtogs te/ dris na shin tu zad pa'i chos nyid dang / shin tu skad cig pa'i chos nyid dang / shin tu ya ma brla'i chos nyid du rtogs pas rgyu ba med pa nyid kyis bzod pa brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa bzod pas yongs su dag pa yin no// lha'i bu gzhan yang gang gi tshe byang chub sems dpas yid la byed pa thams cad kyis dben pa'i chos rtogs shing sgro 'dogs pa med la/ btang snyoms dang ldan pa'i brtson 'grus dang ldan pas brtsam pa
- 217a
gang rtsom pa de dben pa nyid du yang dag par rjes su mthong ba dang / de nang dben pas phyi rol tu rgyu ba med par sems can yongs su smin par bya ba'i phyir rgyu zhing / brtson 'grus dben pas sems can dben par rtogs pa dang / sems can dben pas byang chub dben par rtogs pa dang / byang chub dben pas chos thams cad dben par rtogs pa dang / chos thams cad dben pas yang dag pa'i mtha' dben par rtogs pas/ dris na brtson 'grus de dag nyid kyi rang bzhin dben pa ji lta ba bzhin du dben par brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa brtson 'grus kyis yongs su dag pa yin no/ / lha'i bu gzhan yang gang gi tshe/ byang chub sems dpas chos thams cad mnyam zhing bye brag med par 'gyur bar bsam gtan byed de/ bsam gtan de la sems gnas par 'jug cing / gnas de la'ang rnam par shes pa gnas par mi byed pa dang / des rnam par shes pa mi gnas shing sems mnyam pa nyid kyis bsam gtan mnyam pa nyid du rtogs pa dang / bsam gtan mnyam pa nyid kyis byang chub mnyam pa nyid du rtogs pa dang / byang chub mnyam pa nyid kyis sems can thams cad mnyam pa nyid du rtogs pa dang / sems thams cad mnyam pa nyid kyis chos thams cad mnyam pa nyid du rjes su rtogs pas/ de ltar chos thams cad mnyam pa zhes bya
- 217b
bar rig la/ dris na rang bzhin ji lta ba bzhin du mnyam pa nyid kyis chos thams cad mnyam pa nyid du brda sprod par byed de/ lha'i bu de ni byang chub sems dpa'i yang dag pa'i shes pa brda sprong ba bsam gtan gyis yongs su dag pa yin no/ / lha'i bu gzhan yang gang gi tshe/ byang chub sems dpas shes rab kyi mig gis rnam par sbyang ba'i ye shes kyi chos thams cad mthong ste/ ji ltar chos gang yang yang dag par rjes su mi mthong ba de ltar mthong zhing / gang gi tshe chos gang yang yang dag par rjes su mi mthong ba de'i tshe ci'ang ma yin par 'gyur ro// de ci'ang ma yin pa'i shes pa thob pas mi rgyu/ rab tu mi rgyu/ rnam par mi rgyu'o// des rgyu ba dang / rab tu rgyu ba dang / rnam par rgyu ba thams cad yang dag par rgyun bcad pas mi 'khor ro/ / rnam par mi 'khor ro// de ci'i phyir zhe na/ des gang gis 'khor bar 'gyur ba'i rab tu rgyu ba de 'di lta ste/ 'dod pa dang / chags pa dang / smon pa'i rgyun bcad pa'i phyir te/ de 'dod pa don du gnyer ba thams cad med par sems can yongs su smin par bya ba dang / byang chub kyi phyogs kyi chos rnams yang dag par bsdu ba dang / dam pa'i chos yongs su gzung ba dang / dkon mchog gsum gyi gdung rgyun mi gcad pa'i phyir/ bsams bzhin du skye ba rnams su rgyu bar byed de/ de ni rgyu ba med pa nyid kyis rgyu bar byed cing /
- 218a
chos rnams kyi rang bzhin rnam par dag pa'i mtshan nyid kyang rnam par 'khrugs par mi byed de/ de ni de'i shes rab yin pas de shes rab kyi rang bzhin gyis byang chub rab tu shes pa dang / byang chub kyi rang bzhin gyis sems can gyi rang bzhin dang / sems can gyi rang bzhin gyis chos thams cad kyi rang bzhin rtogs shing / chos thams cad kyang yang dag pa'i mtha'i rang bzhin du rab tu shes te/ dris na chos kyi dbyings kyi rang bzhin dbyer med pa de nyid brda sprong bar byed de/ lha'i bu de ni byang chub sems dpa'i yang dag pa'i shes pa brda spong ba shes rab kyi mig gis yongs su dag pa yin no/ / lha'i bu gzhan yang gang gi tshe/ byang chub sems dpa' lus la lus kyi rjes su lta zhing dran pa nye bar gzhag pas gnas pa na/ de sngon gyi mtha'i lus ni ma skyes par rab tu shes so/ / phyi ma'i mtha'i lus ni 'pho ba med par rab tu shes so// da ltar byung ba'i lus la ni rtswa dang / shing dang / rtsig pa dang / bong ba dang ga sbyor gyi ngo bo nyid lta zur mo sor rtog par byed de/ de de ltar lus la sum kyi rjes su lha'ing gnas pa si lus kyi rang bzhin skye ba med par rig nas/ lus kyi rnam par rig dang ldan pa'i yid la byed pa kun nas slong bar mi byed do/ / yid la byed pa kun nas slong bar mi byed pa gang yin pa de ni lhag par byed pa la mi gnas pa yin te/ de lhag par byed pa dang bral zhing
- 218b
rnam par shes pa mi gnas pas/ lus la lus kyi rjes su lta ba'i dran pa nye bar gzhag pa sgom yang chos gang la'ang sgom par mi byed/ rnam par 'jig par mi byed do// de chos thams cad dngos po med par rig nas lus la lus kyi rjes su lta zhing gnas pa na/ sems gang gis de ltar lus la lus kyi rjes su lta zhing gnas pa'i sems de'ang sgyu ma'i chos nyid dang brag ca'o ches lta bur rab tu shes so/ / de ltar rab tu shes pas bde ba'i tshor ba la'ang rjes su chags pa med la/ sdug bsngal gyi tshor ba la'ang khong khro ba med cing / sdug bsngal yang ma yin bde ba'ang yin pa'i tshor ba la'ang rmongs pa med pas/ ma rig pa bag la nyan par mi 'gyur te/ gang gi tshe tshor ba rnams kyis mi 'phrogs pa de ni/ de'i tshor ba rnams la tshor ba'i rjes su lta ba'i dran pa bar gzhag pa yin no/ / de de ltar tshor ba'i rjes su lta zhing gnas pa na/ chos thams cad la tshor ba'i rgyu ba dag gi sems mi rgyu bas de chos thams cad la sems mi gnas pa'i phyir/ byang chub sems kyang spong bar mi byed/ 'dor bar mi byed/ yongs su gtong bar mi byed de/ de ni de'i sems la sems kyi rjes su lta ba'i dran pa nye bar gzhag pa yin no// de chos shes pa mngon sum du gyur pas chos rnams la chos kyi rjes su lta zhing gnas pa na/ dran pa med cing yid la byed pa med pas chos nyid la 'jug par byed cing / lus dang / tshor ba dang / sems dang / chos rnams la
- 219a
'du shes dang / yid la byed pa dang / blta ba dang / kun nas dkris pa dag gis gnas par mi byed de/ de ni de'i chos la chos kyi rjes su lta ba'i drang pa nye bar gzhag pa/ yin no// des chos thams cad rang bzhin gyis ma byung zhing dngos po med pa dang / nam mkha'i ngo bo nyid lta bur rtogs pas/ dris na dran pa med pa dang / mngon par 'du bya ba med pas dran pa nye bar gzhag pa brda sprod bar byed de/ lha'i bu de ni byang chub sems dpa'i yang dag pa'i shes pa brda sprod pa dran pa nye bar gzhag pas yongs su dag pa yin no// lnga'i gzhan yang byang chub sems dpa'i yang dag pa'i shes pa ni/ gang thams cad mkhyen pa nyid kyi sems de la kun shes par byed/ rnam par rig par byed/ gnas par byed/ mi spong bar byed/ rnam par mi g.yeng bar byed/ mi brjed par byed pa dang / dang por dge ba'i rtsa ba rnams kyis thog mar 'gro ba dang / ser sna'i sems la mi 'jug pa dang / bdog pa thams cad yongs su gtong ba'i rjes su 'jug pa dang / 'chal pa'i tshul khrims kyi sems spong ba dang / tshul khrims kyi phung po la gnas pa med pa dang / sems can thams cad la gnod sems med cing rtsod pa med pa dang / lus dang / ngag dang / sems kyi rma mi 'byin pa dang / nyan thos dang rang sangs rgyas kyi brtson 'grus mi rtsom pa dang / theg pa chen po'i brtson 'grus rtsom pa dang / mi dge ba'i chos rnams yid la
- 219b
mi byed cing mi dran pa dang / bsam gtan dang snyoms par 'jug pa thams cad la mi gnas par sgom pa dang / lta ba'i rnam pa thams cad la mi rgyu ba dang / chos thams cad la 'phro bar mi byed pa dang / chos thams cad la rnam pa med par 'jug pa dang / sems can rnams kyi bsam pa'i rnam pa la 'jug pa dang / yul rnams la mi rgyu ba dang / 'phags pa'i skye bo rnams kyi rjes su 'jug pa dang 'phags pa ma yin pa'i skye bo rnams dang ma 'dres pa dang / lus dang / ngag dang / yid kyi las ma sman pa dang / bag yod pa lhur len cing / sangs rgyas kyi ros yongs su tshol ba dang / bstang mi dgos par dgos pa thams cad nyams 'og tu chud par byed pa dang / 'dod chags dang / zhe sdang dang / gti mug spangs pas rnam par dag pa dang / tshul khrims la ston med pa'i phyir yongs su gdung ba med pa dang / log par zhugs pa rnams dang ma 'brel ba dang / nang shin tu dag pas tshul 'chos pa med pa dang / ngag gi las yongs su dag pas kha gsag pa dang / rang gi rnyed pas chog shes pas tshol ba med pa dang / 'tsho ba ngan pa rnam par spangs pas thob kyis 'jal ba med pa dang / ngan ngon tsam gyis chog shes pas rnam par g.yo ba med pa khams gsum la 'dun pa dang bral bas 'dod pa chung ba dang / sdig pa 'dod pa dang bral bas chog shes pa dang / chos thams cad dben par mos pas dben pa dang / 'jig rten pa'i spyod
- 220a
pa spangs pas don chung ba dang / spros pa thams cad yang dag par bcad pas spros pa med pa dang / 'dun pa dang / zhe sdang dang / 'jigs pa dang gti mug dang bral bas 'gro ba med pa dang / nga rgyal nges par bcom pas chos la dga' ba dang / sems shin tu dul bas cang shes pa dang / tshul khrims kyi phung po kun tu srung ba dang ting nge 'dzin gyi phung pos sems gnas pa med pa dang / shes rab kyi phung pos sems rnam par grol ba dang / 'phags pa'i rigs mi 'dor ba dang / byang chub kyi sems la dam bcas pa ma nyams pa dang / rnyed pa dang bkur sti thams cad don du mi gnyer ba dang / sems can pha rol dag gi ngor byed pa med pa dang / gzhan kun tu srung ba'i phyir bdag rjes su srung ba dang / rang gi sems la nges par sems pa dang / gzhan gyi 'khrul pa rnams mi tshol ba dang / tshul khrims legs par bsdams pas 'jigs pa thams cad dang bral ba dang slob dpon gyi dpe mkhyud med pas chos kyi bgo bsha' byed pa dang / sems can thams cad kyi sems kyi spyod pa rnams rjes su srung ba dang / dang por dge ba'i chos thams cad la thog mar 'gro ba dang / chos thams cad ro gcig pas spyod pa tha dad pa med pa dang / rlom sems thams cad yang dag par bcom pas rlom sems med pa dang / skye ba med par yang dag par so so
- 220b
rtog la/ sems can yongs su smin par bya ba'i phyir bsams bzhin du skye ba'ang yongs su 'dzin pa dang / chos thams cad gzod ma nas spong ba nyid du'ang so sor rtog la/ lta ba thams cad gdul ba'i phyir sems can yongs su smin par yang byed pa dang / mtshan ma med pa yongs su 'dris par yang byed la/ mtshan ma la spyod pa'i sems can rnams la'ang lta ba dang / smon pa'i shes pa'ang med la/ thams cad mkhyen pa nyid kyi ye shes kyi phyir smon lam thams cad kyang yongs su rdzogs par byed pa dang / mngon par 'du byed pa med par yang so sor rtog la/ dge ba'i rtsa ba mngon par 'du bya bas kyang ngoms mi myong ba dang / dngos po ni dngos po med par snang bas dngos po dang dngos po med pa la rtogs pa dang / lhag par byed pa dang bral ba'i phyir yid la byed ba med pa dang / sems can bdag med pa la sbyor bas bdag la bdag med pa dang / nyon mongs pa yongs su btang ba dang / sems can yongs su ma btang bas btang ba dang / ma btang ba dang / thabs dang / shes rab bsgoms pas ma zhi zhing zhi la nye bar zhi ba dang / nyan thos dang rang sangs rgyas thams cad dang ma 'dres pas 'gro ba ma yin par 'gro ba dang / bdud kyi lam las yang dag par 'das pas lam ma yin pa'i lam dang / byis pa so so'i skye bo thams cad dang ma 'dres pas spyod pa ma yin pa'i spyod pa dang / chos thams cad la rtog pas gdegs pa med cing
- 221a
gzhag pa med pa mnyam pa nyid dang / gzhan la lhag par sems su mi byed pas bdag mi sgrog pa dang / sangs rgyas kyi chos rnams yongs su rdzogs pas shes pa mi mnyam pa dang mnyam pa dang / chos thams cad ma skyes pa dang ma 'gags par bzod pas mi skye ba'i chos la bzod pa ste/ lha'i bu de ni byang chub sems dpa'i shes pa yin no// lha'i bu mi skye ba dang mi 'byung ba ni byang chub sems dpa'i shes pa ma yin gyi/ skye ba'i 'khor ba yongs su 'dzin pa ni byang chub sems dpa'i shes pa yin te/ sangs rgyas kyi chos yongs su rdzogs par 'gyur ro/ / skyo zhing 'dod chags dang bral ba ni byang chub sems dpa'i shes pa ma yin gyi/ sangs rgyas kyi chos thams cad yang dag par rig par bya ba la dga' zhing mchog tu dga' ba ni byang chub sems dpa'i shes pa yin no/ / mtshams sbyor ba med pa ni byang chub sems dpa'i shes pa ma yin gyi skye bar mtshams sbyor ba'i shes pa ni byang chub sems dpa'i shes pa yin no/ / yongs su gcod pa ni byang chub sems dpa'i shes pa ma yin gyi/ dge ba'i rtsa ba rgyun chags pa ni byang chub sems dpa'i shes pa yin no// dge ba'i rtsa ba dang zhe 'gras pa ni byang chub sems dpa'i shes pa ma yin gyi/ dge ba'i rtsa bas ngoms mi myong ba ni byang chub sems dpa'i shes pa yin no// khams gsum du mtshams sbyor bar mi byed pa ni/
- 221b
byang chub sems dpa'i shes pa ma yin gyi/ sems can yongs su smin par bya ba'i phyir bsams bzhin du skye ba yongs su 'dzin pa ni byang chub sems dpa'i shes pa yin no// rang gi nyon mongs pa spong ba ni byang chub sems dpa'i shes pa ma yin gyi/ sems can thams cad kyi nyon mongs pa spang ba'i phyir brtson pa ni byang chub sems dpa'i shes pa yin no// bdag gi phyir byed pa ni byang chub sems dpa'i shes pa ma yin gyi/ sems can thams cad kyi sdug bsngal zhi bar bya ba'i phyir byed pa ni byang chub sems dpa'i shes pa yin no// yal bar 'dor ba ni byang chub sems dpa'i shes pa ma yin gyi/ sems can yongs su smin par bya bar sbyor ba ni byang chub sems dpa'i shes pa yin no// 'dod chags dang / zhe sdang dang / gti mug dang / nyon mongs pa zad par byed pa ni byang chub sems dpa'i shes pa ma yin gyi/ 'dod chags dang / zhe sdang dang / gti mug dang / nyon mongs pa yongs su shes pa ni byang chub sems dpa'i shes pa yin no/ / 'gog pa'i chos mngon sum du byed pa ni byang chub sems dpa'i shes pa ma yin gyi/ 'gog pa yongs su 'dris par byed pa ni byang chub sems dpa'i shes pa yin// zag pa zad par byed pa ni byang chub sems dpa'i shes pa ma yin gyi/ dge ba'i rtsa bas zag pa 'bri bar byed pa ni byang chub sems dpa'i shes pa yin no// rnam par thar pa
- 222a
gsum mngon sum du byed pa ni byang chub sems dpa'i shes pa ma yin gyi/ rnam par thar pa gsum la yongs su 'dris par byed pa ni byang chub sems dpa'i shes pa yin no/ / phung po lnga'i khur 'dor ba ni byang chub sems dpa'i shes pa ma yin gyi/ sems can thams cad kyi khur 'bor bar byed pa ni byang chub sems dpa'i shes pa yin no// dbang po drug 'gog par byed pa ni byang chub sems dpa'i shes pa ma yin gyi/ sems can thams cad kyi dbang po mchog dang mchog ma yin pa shes pa ni byang chub sems dpa'i shes pa yin no// skye ba zad par byed pa ni byang chub sems dpa'i shes pa ma yin gyi/ skye ba'i mtshams sbyor bar byed pa ni byang chub sems dpa'i shes pa yin no// nyan thos dang rang sangs rgyas kyi rnam par grol ba'i/ 'bras bu thob par byed pa ni byang chub sems dpa'i shes pa ma yin gyi/ byang chub kyi snying por rnam par grol ba'i 'bras bus sems can thams cad nye bar 'tsho bar byed pa ni byang chub sems dpa'i shes pa yin no/ / yang dag pa'i shes pa brda sprod ba'i le'u bstan pa 'di bshad pa na/ 'khor de las srog chags khris bla na med pa yang dag par rdzogs pa'i byang chub tu sems bskyed do/ / bcom ldan 'das kyis kyang 'jam dpal gzhon nur gyur pa la legs so zhes bya ba byin te/ 'jam dpal legs so legs so// khyod kyis byang chub sems
- 222b
dpa' rnams kyi shes pa brda sprod pa de legs par smras so/ / 'jam dpal byang chub sems dpa' gang dag shes pa brda sprod pa 'di thos na mos par 'gyur zhing / mi skrag mi dngang la dang bar mi 'gyur ba de dag ni/ bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa rnams kyis yang dag pa'i shes pa brda sprod par 'gyur ro// bam po gnyis pa ste tha ma'o// de nas lha'i bu rin chen mchog gis/ 'jam dpal gzhon nur gyur pa la 'di skad ces smras so// 'jam dpal ci khyod shes pa brda sprod par byed dam/ 'jam dpal gyis smras pa/ lha'i bu gal te kho bos chos 'ga' zhig thob bam/ spangs par gyur na ni kho bos shes pa brda sprod par yang 'gyur ba zhig/ lha'i bu kho bos ni chos 'ga' yang thob pa med cing spangs pa med pas na/ kho bos ci zhig shes pa brda sprod par bya/ lha'i bus smras pa/ 'jam dpal khyod kyis sangs rgyas bcom ldan 'das gang+gA'i klung gi bye ma snyed po de dag las thob pa dang mngon par rtogs pa med dam/ 'jam dpal gyis smras pa/ lha'i bus sangs rgyas bcom ldan 'das rnams ni 'thob pa 'am/ mngon par rtogs pa'i phyir chos ston par mi mdzad do// smras pa/ 'jam dpal 'o na sangs rgyas bcom ldan 'das rnams ji ltar chos
- 223a
ston par mdzad/ 'jam dpal gyis smras pa/ lha'i bu sangs rgyas bcom ldan 'das rnams ni chos kyi dbyings kyi rang bzhir dbyer med pa nyid kyis chos ston par/ mdzad kyi skye ba med pa dang / 'gag pa med pa dang / gdog pa med pa dang / gzhag pa med pa dang / 'ong ba med pa dang / 'gro ba med pa dang // sems can med pa dang / sems can dang bral ba dang / kun nas nyon mongs pa dang / rnam par byang ba dang / 'khor ba dang / yongs su mya ngan las 'das pa'i phyir chos ston par ni mi mdzad de/ lha'i bu sangs rgyas bcom ldan 'das rnams ni de ltar chos ston par mdzad do/ / lha'i bus smras pa/ 'jam dpal gal te sangs rgyas bcom ldan 'das rnams yongs su mya ngan las 'das pa'i phyir chos ston par mi mdzad na/ 'o na gang gi don du sangs rgyas 'byung bar 'gyur/ 'jam dpal gyis smras pa/ lha'i bu sangs rgyas ni 'jig tshogs la lta ba'i rang bzhin gyi ngo bo nyid rtogs par bya ba'i don du 'byung ngo / / lha'i bu sangs rgyas ni ma rig pa dang / srid pa'i sred pa'i rang bzhin gyi ngo bo nyid yang dag par bstan pa'i don du 'byung ngo // lha'i bu sangs / rgyas ni 'dod chags dang / zhe sdang dang / gti mug gi rang bzhin gyi ngo bo nyid rtogs par bya ba'i don du 'byung ngo // lha'i bu sangs rgyas ni phyin ci log gi rang bzhin mnyam pa nyid du
- 223b
bstan pa'i don du 'byung ngo / / lha'i bu sangs rgyas ni lta ba'i rnam pa thams cad rtogs par bya ba'i don du 'byung ngo // lha'i bu sangs rgyas ni phung po dang / khams dang / skye mched dang / chos kyi dbyings kyi rang bzhin gyi ngo bo nyid yang dag par bstan pa'i don du 'byung ngo // lha'i bu sangs rgyas 'byung ba zhes bya ba de ni/ chos thams cad skye ba med pa'i tshig bla dgas yin te/ gang la chos gang yang skye ba med pa de la ni 'khor ba'ang med la/ yongs su mya ngan las 'da' ba'ang med do// lha'i bus smras/ 'jam dpal de lta na sems can gang dag gis bla na med pa yang dag par rdzogs pa'i byang chub kyi phyir go cha bgos pa de dag gi go cha ni bgos pa med pa yin no/ / de ci'i phyir zhe na/ sangs rgyas 'byung ba ni phan pa med pa'i phyir ro// 'jam dpal gyis smras pa/ lha'i bu 'di ji snyam du sems/ phan pa gang gis rab tu phye ba yin snyam mam/ smras pa/ 'jam dpal phan pa ni mngon par 'du byed pas rab tu phye ba yin no// 'jam dpal gyis smras pa/ lha'i bu khyod de bzhin gshegs pa la mngon par 'du mdzad pa yod par 'dod dam/ smras pa/ 'jam dpal de ni ma yin te/ de bzhin gshegs pa ni mngon par 'du mdzad pa mi mnga' ba yin pas/ de ni 'dus ma byas pa brnyes pa dang / 'dus ma byas shing mngon par 'du mdzad pa mi mnga' ba yin no// 'jam dpal gyis smras
- 224a
pa lha'i bu khyod kyi sa dam bcas pa de nyid kyis na mngon par 'dus ma byas la ni phan pa dang gnod pa dmigs su myed do/ / lha'i bus smras pa/ 'jam dpal chos bstan pa 'di ni las dang po pa rnams kyi mdun du bshad par mi bya'o/ / de ci'i phyir zhe na/ thos na skrag par 'gyur zhing skrag nas kyang phyir ldog par 'gyur du 'ong ba'i phyir ro/ / 'jam dpal gyis smras pa/ lha'i bu las dang po pa'i byang chub sems dpa' skrag pa dang phyir ldog pa gang yin pa de ni/ phyir mi ldog pa nyid la yang dag par gnas pa yin no/ / lha'i bus smras pa/ 'jam dpal khyod ci las bsams te de skad smra/ 'jam dpal gyis smras pa/ lha'i bu las dang po pa'i byang chub sems dpa' gang nyan thos dang rang sangs rgyas kyi sas skrag cing / ser sna dang / 'chal pa'i tshul khrims dang / gnod sems dang / le lo dang / rnam par g.yeng ba dang / 'chal pa'i shes rab dag las byir ldog pa de ni/ phyir mi ldog pa nyid la yang dag par gnas pa yin no// smras pa/ 'jam dpal ji ltar gnas na yang dag par gnas pa yin/ smras pa/ lha'i bu mnyam par gnas shing mi mnyam par gnas pa ma yin na/ de'i phyir yang dag par gnas pa zhes bya'o// smras pa/ 'jam dpal las dang po pa'i byang chub sems dpa' ji ltar gnas pa yin/ smras pa/ lha'i bu gang gi tshe las dang po
- 224b
pa'i byang chub sems dpa' chos kyi dbyings mnyam pa nyid la mi gnas pa'i tshul gyis mnyam pa nyid du gnas pa de lta bu ni/ las dang po pa'i byang chub sems dpa'i gnas pa yin no// smras pa/ 'jam dpal ji tsam gyis na byang chub sems dpa' las dang po pa yin/ smras pa/ lha'i bu gang gi tshe byang chub sems dpa' dang po nyid nas stong pa nyid dang / mtshan ma med pa dang / smon pa med pa dang / skye ba med pa dang / 'byung ba med pa'i chos la mos pa de'i phyir las dang po pa zhes bya'o// smras pa/ 'jam dpal ji ltar na byang chub sems dpa' yun ring po nas spyad pa yin/ smras pa lha'i bu byis pa so so'i skye bo thams cad ni yun ring po nas spyad pa yin te/ de dag gi 'khor ba'i sngon gyi mtha' mi mngon pa'i phyir ro// smras pa/ 'jam dpal ji ltar na byang chub sems dpa'i spyad bsrung ba yin/ smras pa/ lha'i bu gang gi tshe byang chub sems dpa' 'dod chags la spyod pa yongs su smin par bya ba'i phyir/ 'dod chags kyi spyad pa la spyod kyang / 'dod chags kyi spyod pa dang lhan cig mi gnas pa de lta bu ni/ byang chub sems dpa'i spyad pa srung ba yin no// zhe sdang la spyod pa yongs su smin par bya ba'i phyir/ zhe sdang gi spyad pa la spyod kyang / zhe sdang gi spyod pa dang lhan cig mi gnas pa dang / gti mug la spyod pa yongs su smin par bya ba'i phyir/ gti mug gi spyad pa la spyod kyang / gti mug gi spyod pa dang lhan cig mi gnas pa dang / ma mnyam pa
- 225a
la spyod pa yongs su smin par bya ba'i phyir/ cha mnyam pa'i spyad pa la spyod kyang / nyon mongs pa thams cad dang lhan cig mi gnas pa de lta bu de ni byang chub sems dpa'i spyad pa srung ba yin no/ / lho'i bu byang chub sems dpa' gang sems can yongs su smin par bya ba'i phyir/ sems can thams cad kyi spyod pa'i mtshan nyid kyi rjes su 'jug kyang / chos kyi dbyings kyi rang bzhin gyi mtshan nyid kyang rnam par 'khrugs par mi byed na/ de tsam gyis na byang chub sems dpa'i spyad pa srung ba yin no// smras pa/ 'jam dpal ji ltar na byang chub sems dpa' phyir mi ldog pa yin/ 'jam dpal gyis smras pa/ lha'i bu gang gi tshe byang chub sems dpa' chos gang yang 'jig par mi byed 'chags par mi byed la/ chos kyi dbyings ni rang bzhin gyis 'jig pa med cing / chags pa med par rtogs pa de lta bu ni byang chub sems dpa'i phyir mi ldog pa yin no// lha'i bu gzhan yang gang gi tshe byang chub sems dpa' ldog pa dang 'jug par byed pa de'i tshe/ byang chub sems dpa' phyir mi ldog pa yin no// de ci'i phyir zhe na/ 'dod pa'i khams su'ang ldog la/ bsam gtan rnams la 'jug par byed pa'i phyir ro// lha'i bu gzhan yang gang gi tshe byang chub sems dpas ma rtogs pa rtogs shing mi rtsod pa lhur len pa de'i tshe/ byang chub sems dpa' phyir mi ldog pa yin no// de ci'i phyir zhe na/ des sems can gyi
- 225b
khams dang / chos kyi khams dang / bdag gi khams ma rtogs pa de mngon sum du gyur pas/ chos thams cad la'ang phyir ldog pa med pa'i phyir te/ de'i phyir phyir mi ldog pa zhes bya ste/ de ni sangs rgyas kyi chos rnams la gzhan gyi dring mi gzhog cing / nem nur med la the tsom med cing som nyid dang bral ba'i phyir gzod ma nas dag cing dri ma med la nyon mongs pa med cing / shes rab kyi snang ba gsal bar gyur pas chos thams cad la dbang sgyur zhing / sangs rgyas kyi chos thams cad mngon sum du gyur pas de'i phyir phyir mi ldog pa zhes bya'o// smras pa/ 'jam dpal ji ltar na byang chub sems dpa' skye ba gcig gis thog sa pa yin/ 'jam dpal gyis smras pa/ lha'i bu gang gi tshe byang chub sems dpa' skye ba thams cad skye ba med par shes shing / sems can thams cad kyi 'chi 'pho dang skye ba'ang rab tu shes la/ sems can yongs su smin par bya ba'i phyir/ skye ba thams cad du skye ba ston cing len pa med par skye ba yongs su 'dzin par byed pa dang / skye ba dang tshe rabs thams cad du len pa dang bral bas 'chi ba dang skye ba las yang dag par 'das pa dang / chos thams cad kyi mnyam pa nyid las kyang mi 'da' zhing yang dag par 'da' ba dang / rgyu dang rkyen tshogs pa'i don rtogs pa dang / sems can thams cad dang lus mnyam pa dang / sems can thams cad dang sems mnyam pa dang / sems can thams cad
- 226a
dang ngag mnyam pa dang / sems can thams cad dang yul mnyam pa dang / sangs rgyas kyi yul la rab tu gnas pa dang / chos kyi dbyings kyi yul rtogs pa dang / chos kyi dbyings mnyam pa nyid kyis mnyam pa dang / sems can gyi bsam pa'i bya ba shes pa dang / dus la lta ba dang / byang chub kyi snying po'i mthar thug pa de ni skye ba gcig gis thogs pa zhes bya'o/ / lha'i bu de ltar na byang chub sems dpa' skye ba gcig gis thogs pa yin no// de nas lha'i bu rin chen mchog gis/ 'jam dpal gzhon nur gyur pa la 'di skad ces smras so/ / 'jam dpal ji ltar na byang chub sems dpa' kha na ma tho ba med cing / thams cad du dpyas med pa yin/ 'jam dpal gyis smras pa/ lha'i bu gang gi tshe byang chub sems dpa' ye shes kyis byas pa'i las rnams byed pa dang / nga rgyal gyis byas pa dag mi byed pa de'i tshe/ byang chub sems dpa' kha na ma tho ba med cing thams cad du dpyas med pa yin no// lha'i bu gzhan yang gang gi tshe byang chub sems dpa' byang chub kyi sems kyi lhag pa'i bsam pas bdog pa thams cad yongs su gtong ba de lta bu ni kha na ma tho ba med pa yin no// gang yang ser sna dang lhan cig mi gnas pa de lta bu ni dpyas med pa yin no// gang gi tshe sbyangs pa'i yon tan dang / bslab pa dang / tshul khrims dang / yi dam thams cad dang ldan pa de lta bu
- 226b
ni kha na ma tho ba med pa yin no/ / gang yang 'chal pa'i tshul khrims dang lhan cig mi gnas pa de lta bu ni dpyas med pa yin no// gang gi tshe sems can thams cad la khong khro ba'i sems med pa de lta bu ni kha na ma tho ba med pa yin no/ / gang yang brnab sems dang / gnod sems kyi bag la nyal dang lhan cig mi gnas pa de lta bu ni dpyas med pa yin no// gang gi tshe dge ba'i rtsa ba thams cad yang dag par rtsom pa'i brtson 'grus la yang dag par snang ba de lta bu ni kha na ma tho ba med pa yin no/ / gang yang le lo dang lhan cig mi gnas pa de lta bu ni dpyas med pa yin no// gang gi tshe bsam gtan dang snyoms par 'jug pa la snyoms par 'jug pa de lta bu ni kha na ma tho ba med pa yin no// gang yang bsam gtan gyi bde ba'i ro myang bar mi byed pa de lta bu ni dpyas med pa yin no/ / gang gi tshe shes rab kyi rtsa ba thos pa yongs su tshol ba la brtson pa de lta bu ni kha na ma tho ba med pa yin no// gang yang 'chal pa'i shes rab dang lhan cig mi gnas pa de lta bu ni dpyas med pa yin no/ / gang gi tshe rma phyung yang rma mi 'byin pa de lta bu ni kha na ma tho ba med pa yin no// gang rma phyung yang rma mi phyin pa de lta bu ni dpyas med pa yin no// gang gi tshe ji lta ba bzhin du smra ba de lta bu ni kha na ma tho ba med pa yin no/ / gang yang de bzhin du byed pa de lta bu ni dpyas med pa yin no// gang gi tshe nang nye bar zhi ba de lta bu ni kha na ma tho ba med pa yin no// gang yang phyi rol gyi
- 227a
yul rnams kyis mi gos pa de lta bu ni dpyas med pa yin no/ / gang gi tshe thams cad mkhyen pa nyid kyi sems la bsam pa tha dad pa med pa de lta bu ni kha na ma tho ba med pa yin no/ / gang yang theg pa dman pa la 'dod pa med pa de lta bu ni dpyas med pa yin no// gang gi tshe bdud kyi las rnams rtogs pa de lta bu ni kha na ma tho ba med pa yin no// gang yang bdud kyi las rnams bzlog pa de lta bu ni dpyas med pa yin no/ / gang gi tshe 'jig rten na snang ba thob pa de lta bu ni kha na ma tho ba med pa yin no// gang yang 'jig rten gyi chos rnams kyis mi gos pa de lta bu ni dpyas med pa yin no/ / gong gi tshe bya ba dang 'gal bar mi byed pa de lta bu ni kha na ma tho ba med pa yin no// gang yang bya ba ma yin par mi ltung ba de lta bu ni dpyas med pa yin no// gang gi tshe nga rgyal dang / rgyags pa dang / snyems pa thams cad dang bral ba de lta bu ni kha na ma tho ba med pa yin no// gang yang ye shes dang rnam par shes pa phun sum tshogs shing 'phags pa'i bden pa dang ldan pa de lta bu ni dpyas med pa yin no/ / gang gi tshe dam bcas pa brtan pa de lta bu ni kha na ma tho ba med pa yin no// gang yang dam bcas pa nyams 'og tu chud par byed pa de lta bu ni dpyas med pa yin no/ / gang gi tshe rten cing 'brel par 'byung ba lugs dang 'thun par byed pa de lta bu ni kha na ma tho ba med pa yin no// gang yang rten cing 'brel par 'byung ba'i chos rnams la mngon par
- 227b
zher pa med pa de lta bu ni dpyas med pa yin no/ / gang gi tshe shes rab dang ye shes kyis chos thams cad rang bzhin gyis stong par rab tu shes pa de lta bu ni kha na ma tho ba med pa yin no// gang yang thabs shes pas dge ba'i rtsa ba thams cad yang dag par sdud pa de lta bu ni dpyas med pa yin no/ / gang yang rtsom pa thams cad la snying rje chen pos 'jug pa de lta bu ni kha na ma tho ba med pa yin no/ / gang yang chos thams cad la rnam par thar par gnas pa de lta bu ni dpyas med pa yin no// gang yang chos thams cad mi dmigs pa de lta bu ni kha na ma tho ba med pa yin no// gang yang dmigs pa'i lta ba spang ba'i phyir chos ston pa de lta bu ni dpyas med pa yin no/ / gang yang tshul bzhin la rab tu sbyor zhing chos gang yang yang dag par rjes su mi mthong ba de lta bu ni kha na ma tho ba med pa yin no/ / gang yang 'bras bu thob pa mngon sum du mi byed pa de lta bu ni dpyas med pa yin no// gang gi tshe chos kyi dbyings stong pa zhes bya bar so sor rtog pa de lta bu ni kha na mthe ba med pa yin no/ / gang yang sems can thams cad yongs su mi gtong ba de lta bu ni dpyas med pa yin no// gang gi tshe khams gsum dang lhan cig mi gnas pa de lta bu ni kha na ma tho ba med pa yin no/ / gang yang sems can thams cad la lta ba'i phyir yongs su mya ngan las mi 'da' ba de lta bu ni dpyas med pa yin no// lha'i bu gzhan yang ji tsam du tshig 'jug pa dang / tshig gis
- 228a
rlom sems su byed pa dang / tshig gis rtog par byed pa dang / tshig la mngon par zhen par byed pa de tsam du skyon yin no// lha'i bu ji tsam du chos thams cad la bsnyad du med pa nyid dang / 'jug pa med pa nyid dang / rlob sems med pa nyid dang / rtog pa med pa nyid dang / 'phro ba med pa nyid dang / brjod du med pa nyid dang / sems can yongs su mi gtang ba'i phyir gtan du yongs su mya ngan las mi 'da' ba nyid yin pa de tsam du kha na ma tho ba med cing dpyas med pa yin no/ / lha'i bu gang la kha na ma tho ba med cing dpyas med pa de ni yi ge med pa yin no/ / gang la yi ge med pa de ni brjod du med pa yin te/ brjod du med pa'i don la ni kha na ma tho ba med cing dpyas med do// lha'i bu de lta bas na brjod du med pa'i don la rton pa'i byang chub sems dpa' ni rang gi sems gtso bor byed pas kha na ma tho ba med cing / 'phags pa rnams kyis dpyas byar med pa yin no// bstan pa 'di bshad pa na bcom ldan 'das kyis 'jam dpal gzhon dur gyur pa la legs so zhes bya ba byin te/ 'jam dpal legs so legs so// khyod kyis byang chub sems dpa' rnams kyi kha na ma tho ba med pa dang / dpyas med pa de legs par smras so/ / 'jam dpal gang gi tshe byang chub sems dpa' de ltar kha na ma tho ba med cing dpyas med par gyur pa de'i tshe/ sangs rgyas bcom ldan 'das rnams kyis
- 228b
bla na med pa yang dag par rdzogs pa'i byang chub tu lung ston to/ / bstan pa 'di thos nas 'khor de las byang chub sems dpa' lnga brgyas mi skye ba'i chos la bzod pa thob par gyur nas/ de dag thams cad kyang bcom ldan 'das kyis sangs rgyas kyi zhing gzhan dang / gzhan dag tu ming tha dad pa'i de bzhin gshegs pa dag tu 'gyur ro zhes bla na med pa yang dag par rdzogs pa'i byang chub tu lung bstan to/ / de nas 'khor de las lha'i bu kha cig 'di snyam du sems te/ lha'i bu rin chen mchog 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing ni ci 'dra ba zhig tu 'gyur/ byang chub thob pa'i ming ni ji skad ces bya bar 'gyur snyam mo// de nas sangs rgyas kyi mthus bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das lha'i bu rin chen mchog 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing ni ci 'dra ba zhig tu 'gyur/ byang chub thob pa'i ming ni ji skad ces bgyi bar 'gyur lags/ de skad ces gsol pa dang // bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo lha'i r
- 229a
in chen mchog 'di bskal pa 'bum 'das pa'i 'og tu bskal pa rin chen 'byung gnas shes bya ba la/ shar phyogs su 'jig rten gyi khams dga' ba bkod pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar 'jig rten du 'byung bar 'gyur ro/ / kun dga' bo 'jig rten gyi khams dga' ba bkod pa zhes bya ba de'ang 'byor pa dang / rgyas pa dang / bde ba dang / lo legs pa dang / lha dang mi rnams kyis kun tu gang ba dang / mi khom pa dang ngan song thams cad dang bral bar 'gyur ro// kun dga' bo 'jig rten gyi khams de ni rdo ba dang // gseg/ ma dang / gyo mo med cing lag mthil ltar mnyam la/ rin po che sna gsum 'di lta ste/ bai DUR+Ya dang / shel dang / 'dzam bu'i chu bo'i gser gyis spras shing blta na sdug pa/ gser gyi dra bas kun nas bkab par 'gyur ro// kun dga' bo 'di lta ste/ 'phrul dga'i lha rnams kyi longs spyod dang / nye bar spyod pa ci 'dra ba de bzhin du/ mi de dag gi longs spyod dang / nye bar spyod pa'ang de 'dra bar 'gyur te/ 'jig rten gyi khams der ni bza' ba dang btung ba dag kyang yid la bsams pa tsam gyis 'byor par 'gyur ro// 'jig rten gyi khams der
- 229b
ni nyan thos dang rang sangs rgyas dag gi ming yang 'byung bar mi 'gyur ro/ / byang chub sems dpa' de dag kyang chos kyi dga' ba sna tshogs dang / chos kyi rnam par grol ba sna tshogs dang / bsam tan dang / ting nge 'dzin dang / snyoms par 'jug pa sna tshogs dang / rdzu 'phrul gyi rnam par 'phrul pa bkod pa sna tshogs dag gis dga' mgur spyod par 'gyur te/ chos kyi rab tu dga' ba dang / mchog tu dga' ba dang / dga' ba dag gis dga' bar 'gyur ba ma gtogs par tshor ba gzhan dag myong bar mi 'gyur bas/ de'i phyir 'jig rten gyi khams de dag dga' ba bkod pa zhes bya bar 'gyur ro/ / de bzhin gshegs pa de'i tshe'i tshad ni lo bye ba phrag drug cur 'gyur ro// de'i byang chub sems dpa'i dge 'dun byang chub sems dpa' rab tu byung ba ni byang chub sems dpa' bye ba phrag drug cur 'gyur ro/ / de'i byang chub sems dpa' khyim na gnas pa ni dpag tu med par 'gyur ro// de bzhin gshegs pa rin chen bkod pa de gang gi tshe/ byang chub sems dpa' de dag la chos ston par 'gyur ba de'i tshe/ steng gi bar snang la ta la bye ba phrag brgyad cu tsam du nam mkha' la mngon par 'phags te/ stong gi 'jig rten gyi khams skyil mo krung gcig gis khyab par byas nas/ 'od zer brgya stong dag gis sangs rgyas kyi zhing de snang bas khyab par byas shing / lha'i me tog dang / spos dang / phye ma'i char dag mngon
- 230a
par rab tu phab nas/ lha'i sil snyan dang / pheg rdob pa dang / glu dbyangs brgya stong dag gi sgra phyung ste/ thams cad dang ldan pa'i sangs rgyas kyi zhing de sgras go bar byas nas byang chub sems dpa' de dag la 'di lta ste/ mi zad pa'i sgo zhes bya ba'i gzungs kyi sgo'i chos ston par 'gyur ro// de la mi zad pa'i sgo'i gzungs kyi sgo gang zhe na/ 'di lta ste/ lus dang sems dben pa nyid du ston par byed pa/ chos thams cad kyi dben pa'i sgo dang / chos rnams kyi nges par rtog pa nyid ston par byed pa/ chos thams cad la so sor rtog pa'i sgo dang / chos rnams kyi nye bar zhi ba ston par byed pa/ chos thams cad kyi tshul bzhin la rab tu sbyor ba'i sgo dang / chos rnams kyi kha na ma tho ba med pa ston par byed pa/ chos thams cad kyi yang dag pa'i nan tan gyi sgo dang / chos rnams kyi shes pa'i snang ba ston par byed pa/ chos thams cad kyi snang ba'i sgo dang / chos rnams kyi bye brag med pa nyid ston par byed pa/ chos thams cad kyi mnyam pa nyid kyi sgo dang / chos rnams kyi rnam par g.yeng ba med pa nyid ston par byed pa/ chos thams cad kyi zhi gnas kyi sgo dang / chos thams cad kyi 'gal ba med pa nyid ston par byed pa/ chos thams cad kyi lhag mthong gi sgo dang / chos rnams kyi 'khrul pa med pa nyid ston par byed pa/ chos thams cad kyi nges par sems pa'i sgo dang / chos
- 230b
rnams kyi mi brjed pa nyid ston par byed pa/ chos thams cad kyi dran pa'i sgo dang / chos rnams kyi don rtogs pa ston par byed pa/ chos thams cad kyi rtog pa'i sgo dang / chos rnams yid rnam par dag pa ston par byed pa/ chos thams cad kyi blo gros kyi sgo dang / chos rnams kyi lta ba'i rnam pa thams cad yang dag par 'joms pa ston par byed pa/ chos thams cad kyi stong pa nyid kyi sgo dang / chos rnams kyi zhi ba nyid ston par byed pa/ chos thams cad kyi mtshan ma med pa'i sgo dang / chos rnams kyi 'gro ba thams cad yang dag par gcod pa ston par byed pa chos thams cad kyi smon pa med pa'i sgo dang / chos rnams kyi mngon par 'du byed pa dang bral ba ston par byed pa/ chos thams cad kyi mngon par 'du byed pa med pa'i sgo dang / chos rnams kyi mngon par 'grub pa med pa ston par byed pa/ chos thams cad kyi skye ba med pa'i sgo dang / chos rnams kyi gnyis su med pa'i chos nyid ston par byeng ba/ chos thams cad kyi 'byung ba med pa'i sgo dang / chos rnams kyi rtog pa med pa nyid ston par byed pa/ chos thams cad kyi 'dod chags dang bral ba'i sgo dang / chos rnams kyi mngon sum gyis shes pa nyid ston par byed pa/ chos thams cad kyi spros pa med pa'i sgo dang / chos rnams kyi gnyis dang bral ba ston par byed pa/ chos thams cad kyi gnyis su med pa nyid kyi sgo dang / chos rnams kyi g.yos
- 231a
med pa nyid ston par byed pa/ chos thams cad kyi rten pa med pa'i sgo dang / chos rnams kyi sems can mnyam pa nyid ston par byed pa/ chos thams cad kyi sems can med pa nyid kyi sgo dang / chos rnams kyi 'gyur ba med pa nyid ston par byed pa/ chos thams cad kyi byed pa med pa'i sgo dang / chos rnams kyi spyod pa med pa nyid ston par byed pa/ chos thams cad kyi gzung ba med pa'i sgo dang / chos rnams kyi gzhi yang dag par 'joms pa ston par byed pa/ chos thams cad kyi gzhi med pa'i sgo dang / chos rnams kyi lhag par byed pa med pa nyid ston par byed pa/ chos thams cad kyi nges pa'i sgo dang / chos thams cad kyi 'bras bu 'grub pa ston par byed pa/ chos thams cad kyi rgyu'i sgo dang / chos rnams kyi mi brjed pa nyid ston par byed pa/ chos thams cad kyi mngon par brtson pa'i sgo dang / chos rnams kyi kun nas ldang ba med pa nyid ston par byed pa/ chos thams cad kyi nges par 'byung ba'i sgo dang / chos rnams kyi ma nor ba de bzhin nyid ston par byed pa/ chos thams cad kyi de bzhin nyid kyi sgo dang / chos rnams kyi dbyer med pa nyid ston par byed pa/ chos thams cad kyi yang dag pa'i mtha'i sgo dang / chos rnams kyi ro gcig pa nyid ston par byed pa/ chos thams cad kyi chos kyi dbyings kyi sgo dang / chos rnams
- 231b
kyi dus gsum mnyam pa nyid ston par byed pa/ chos thams cad kyi yang dag pa ji lta ba bzhin gyi sgo dang / chos rnams kyi sgra dbyangs dang / tshig gi lam gyis rjod pa thams cad la mngon par zhen pa med pa nyid ston par byed pa/ chos thams cad kyi brjod du med pa'i don gyi sgo dang / chos rnams kyi nye bar zhi ba nyid ston par byed pa/ chos thams cad kyi bsam gtan gyi sgo dang / chos rnams kyi gang zag med pa nyid ston par byed pa/ chos thams cad kyi chos nyid kyi sgo dang / chos rnams kyi chos mnyam pa nyid rtogs pa ston par byed pa/ chos thams cad kyi byang chub kyi sgo ste/ kun dga' bo de ltar de bzhin gshegs pa rin chen bkod pa des/ nam mkha'i dkyil de nyid las ma bzhengs par byang chub sems dpa' de dag la mi zad pa'i sgo'i gzungs kyi sgo de dag rgya cher yang dag par rab tu ston par 'gyur te/ der yang byang chub sems dpa' dpag tu med cing grangs med pa dag gis bzod pa 'thob par 'gyur ro// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das gang la de bzhin gshegs pa rnams lhun gyis grub cing mngon par 'du mdzad pa mi mnga' bas/ 'das pa dang / ma 'ongs pa dang / da ltar byung ba'i chos rnams la thogs pa mi mnga' ba'i ye shes gzigs pa 'jug pa ni ngo mtshar lags so// bcom ldan 'das kyis bka' stsal pa/
- 232a
kun dga' bo gang de bzhin gshegs pa rnams lhun gyis grub cing mngon par 'du mdzad pa mi mnga' bas/ 'das pa dang / ma 'ongs pa dang / da ltar byung ba'i chos rnams la thogs pa mi mnga' ba'i ye shes gzigs pa 'jug pa de ni ma 'dres pa yin no/ / de nas tshe dang ldan pa kun dga' bos/ lha'i bu rin chen mchog la 'di skad ces smras so/ / lha'i bu khyod de bzhin gshegs pa bla na med pa yang dag par rdzogs pa'i byang chub tu lung bstan pa ni khyod kyis rnyed pa legs par rnyed do// lha'i bus smras pa/ btsun pa kun dga' bo 'di la ni gang lung bstan pa'i chos gang yang dmigs su med do/ / de ci'i phyir zhe na/ gzugs byang chub sems dpa' ma yin pas/ gzugs kyang lung bstan du med la/ tshor ba dang / 'du shes dang / 'du byed rnams dang / rnam par shes pa byang chub sems dpa' ma yin pas/ rnam par shes pa'ang lung bstan du med pa dang / sa'i khams byang chub sems dpa' ma yin pas// sa'i khams kyang lung bstan du med pa dang / chu'i khams dang / me'i khams dang / rlung gi khams byang chub sems dpa' ma yin pas/ rlung gi khams kyang lung bstan du med pa dang / mig byang chub sems dpa' ma yin pas/ mig kyang lung bstan du med pa dang / rna ba dang / sna dang / lce dang / lus dang / yid byang chub sems dpa' ma yin pas/ yid kyang lung bstan du med pa dang /
- 232b
ming dang gzugs byang chub sems dpa' ma yin pas/ ming dang gzugs kyang lung bstan du med pa dang / 'das pa dang / ma 'ongs pa dang / da ltar byung ba byang chub sems dpa' ma yin pas/ dus gsum yang lung bstan du med pa dang / rgyu dang lta ba byang chub sems dpa' ma yin pas/ rgyu dang lta ba'ang lung bstan du med pa dang / 'byung ba dang / 'jig pa byang chub sems dpa' ma yin pas/ 'byung ba dang 'jig pa'ang lung bstan du med pa'i phyir ro// btsun pa kun dga' bo byang chub sems dpa' zhes bya ba de ni brda'i gzhi'i tshig bla dgas yin no// de ni nye bar zhi ba'i gzhi yin te/ chos gang shin tu nye bar zhi ba de la ni lung bstan pa gang yang med do// btsun pa kun dga' bo lung bstan pa zhes bya ba de ni chos thams cad gzung du med pa'i tshig bla dgas yin te/ btsun pa kun dga' bo gang gi tshe byang chub sems dpa' nang ngam/ phyi rol lam/ dge ba 'am/ mi dge ba 'am/ 'dus byas sam/ 'dus ma byas kyi chos gang yang yongs su 'dzin par mi byed na/ de'i 'og tu lung bstan par 'gyur te/ btsun pa kun dga' bo byang chub sems dpa' rnams kyis lung bstan pa zhes bya ba ni/ chos thams cad yongs su gzung du med par lung bstan pa yin no/ / lung bstan pa ni chos thams cad rjes su gzung du med par lung bstan pa yin no// lung bstan pa ni chos thams cad gnas med par lung
- 233a
bstan pa yin no/ / lung bstan pa ni chos thams cad skye ba med par lung bstan pa yin no// lung bstan pa ni chos thams cad rtog pa med pa dang / rnam par rtog pa med par lung bstan pa yin te/ btsun pa kun dga' bo byang chub sems dpa' rnams kyi lung bstan pa ni de lta bu yin no// de nas bcom ldan 'das kyis/ lha'i bu rin chen mchog la legs so zhes bya ba byin te/ lha'i bu legs so legs so// de lta bu'i chos rtogs pa'i byang chub sems dpa' ni sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung ston to/ / gtam 'di brjod par gyur pa na/ bdud sdig can dpung dang bcas/ bzhon pa dang bcas/ 'khor dang bcas par bcom ldan 'das ga la ba der song ste/ phyin nas phyogs gcig tu 'dug go// phyogs gcig tu 'dug nas kyang / bcom ldan 'das la/ bdud sdig can gyis 'di skad ces gsol to// bcom ldan 'das ci'i slad du byang chub sems dpa' lung ston par mdzad cing / nyan thos lung ston par mi mdzad lags/ de skad ces gsol pa dang / bcom ldan 'das kyis bdud sdig can la 'di skad ces bka' stsal to/ / sdig can byang chub sems dpa' ni stong gsum gyi stong chen po'i 'jig rten gyi khams na/ lha dang mi rnams kyis legs par rtogs
- 233b
shing rig pa yin pas na/ de'i phyir byang chub sems dpa' lung ston par mdzad kyi/ nyan thos ni lha dang mi rnams kyis rig pa ma yin pas de'i phyir nyan thos lung ston par mi mdzad do// sdig can byang chub sems dpa' lung bstan na ni/ sems can mang po dag kyang bla na med pa yang dag par rdzogs pa'i byang chub tu sems skyed par byed kyi/ nyan thos lung bstan pas ni de lta ma yin la/ theg pa chen po la yang dag par zhugs pa'i sems can rnams kyang phyir mi ldog par 'gyur bas na/ de'i phyir byang chub sems dpa' lung ston par mdzad do// nyan thos lung ston par ni mi mdzad do/ / de nas 'jam dpal gzhon nur gyur pas/ bdud sdig can la 'di skad ces smras so// sdig can khyod ci'i phyir 'khor 'dir 'ongs/ de skad ces smras pa dang / bdud sdig can gyis/ 'jam dpal gzhon nur gyur pa la 'di skad ces smras so// 'jam dpal gang gi tshe/ bcom ldan 'das kyis lha'i bu rin chen m chog 'di de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar 'gyur ro zhes bla na med pa yang dag par rdzogs pa'i byang chub tu lung bstan ba'i tshe/ de ltar lung bstan pa'i sgras bdag gi gnas dag dang / gzhal med khang thams cad dang / skar khung dang / rta babs thams cad dang / rin po che'i shing ljon pa dang
- 234a
dga' zhing rtse ba'i longs spyod kyi gnas thams cad las 'di skad du/ bcom ldan 'das de bzhin gshegs pa shAkya thub pas lha'i bu rin chen mchog 'di bla na med yang dag par rdzogs pa'i byang chub tu lung bstan zin to/ / byang chub sems dpa' gzhan dag kyang lung bstan du 'ong gis/ sdig can khyed song zhig ces sgra byung ngo // 'jam dpal gyis smras pa/ sdig can khyod byang chub sems dpa' rnams lung bstan pas yi ma rangs par gyur tam/ bdud sdig can gyis smras pa/ 'jam dpal gal te 'dzam bu gling na sems can ji snyed pa rnams dgra bcom pa nyid du lung bstan na ni bdag kyang yi rangs par 'gyur gyi/ byang chub sems dpa' ni gcig cig bla na med pa yang dag par rdzogs pa'i byang chub tu lung bstan kyang de lta ma yin no/ / de ci'i phyir zhe na/ 'jam dpal gang gi tshe byang chub sems dpa' bla na med pa yang dag par rdzogs pa'i byang chub tu lung bstan pa de'i tshe/ bdag gi gnas thams cad spa bkong ba'i phyir te/ 'di ltar byang chub sems dpa' de ni sems can tshad med grangs med pa dag theg pa gsum po dag gis khams gsum nas nges par 'byin par 'gyur bas 'jam dpal de ltar na bdag gi yid la gcag pa chen por gyur to/ / 'jam dpal gyis smras pa/ sdig can khyod 'ongs kyang rung / ma 'ongs kyang rung ste/ sdig can khyod kyis ni lhag
- 234b
pa'i bsam pas yang dag par zhugs shing thabs la mkhas pa dang ldan la/ shes rab kyi pha rol tu phyin pas nges par 'byung ba'i byang chub sems dpa' la bar chad bya bar mi nus so// de ci'i phyir zhe na/ lhag pa'i bsam pas yang dag par zhugs pa dang / thabs la mkhas pa dang / shes rab kyi pha rol tu phyin pas nges par 'byung ba'i byang chub sems dpa' ni bdud kyi lam las yang dag par 'das pa'i phyir ro/ / de nas sangs rgyas kyi mthus/ bdud sdig can gyis/ 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa' lhag pa'i bsam pas yang dag par zhugs pa dang / thabs la mkhas pa dang / shes rab kyi pha rol tu phyin pas nges par 'byung ba yin// 'jam dpal gyis smras pa/ sdig can gang gi tshe byang chub sems dpa' nyi tshe ba'i spyod pa thams cad la lhag par mi spyod pa de lta bu ni lhag pa'i bsam pas yang dag par zhugs pa yin no// gang gi tshe nyon mongs pa thams cad dang / bdud kyi las thams cad bla na med pa yang dag par rdzogs pa'i byang chub la phan par gyur par mthong ba de lta bu ni thabs la mkhas pa yin no// gang gi tshe nyon mongs pa thams cad dang lhan cig mi gnas pa de lta bu ni shes rab kyi pha rol tu phyin pas nges par 'byung ba yin no// sdig can gzhan yang gang gi tshe byang chub sems dpa'
- 235a
lhag pa'i bsam pas sems can thams cad bsgral ba'i phyir go cha chen po bgos pa de lta bu ni lhag pa'i bsam pas yang dag par zhugs pa yin no/ / gang gi tshe bsdu ba'i dngos po bzhis sems can rnams sdud pa de lta bu ni thabs la mkhas pa yin no/ / gang gi tshe sems can thams cad la shin du yongs su mya ngan las 'das pa'i ngo bo nyid du so sor rtog pa de lta bu ni shes rab kyi pha rol tu phyin pas nges par 'byung ba yin no/ / sdig can gzhan yang gang gi tshe byang chub sems dpa' nang dang phyi'i dngos po rnams la mi lta bar gyur cing / byang chub kyi sems kyi lhag pa'i bas mo pas bdog pa thams cad yongs su gtong ba de lta bu ni lhag pa'i bsam pas yang dag par zhugs pa yin no/ / gang gi tshe sems can thams cad la sbyin gnas su 'du shes skyed par byed pa de lta bu ni thabs la mkhas pa yin no/ / gang gi tshe sbyin pa po dang len pa po yang dag pa'i mtha' dang mnyam pa nyid du mos pa de lta bu ni shes rab kyi pha rol tu phyin pas nges par 'byung ba yin no/ / sdig can gzhan yang gang gi tshe byang chub sems dpa' dge ba brtsams pa dag las phyir mi ldog pa de lta bu ni lhag pa'i bsam pas yang dag par zhugs pa yin no/ / gang gi tshe gzhan gyi don gyis zin cing rang gi don las ldog par byed pa de lta bu ni thabs la mkhas pa yin no// gang gi
- 235b
tshe don la rton pa yin gyi/ tshig 'bru la rton pa ma yin pa de lta bu ni shes rab kyi pha rol tu phyin pas nges par 'byung ba yin no// sdig can gzhan yang gang gi tshe byang chub sems dpas/ slong ba po mthong na khong khro ba med cing yi rangs par byed pa de lta bu ni lhag pa'i bsam pas yang dag par zhugs pa yin no// gang gi tshe dge ba'i rtsa ba yang dag par sdud cing thams cad mkhyen pa nyid du yongs su sngo bar byed pa lta bu ni thabs la mkhas pa yin no/ / gang gi tshe chos thams cad byang chub kyi rang bzhin du rab tu shes pa de lta bu ni shes rab kyi pha rol tu phyin pas nges par 'byung ba yin no/ / de nas lha'i bu rin chen mchog gis/ 'jam dpal gzhon nur gyur pa la 'di skad ces smras so// 'jam dpal gal te bdud sdig can dpung dang bcas/ bzhon pa dang bcas/ 'khor dang bcas/ gnas dang bcas pa 'di lto ba'i nang du bcug na ni/ 'di theg pa chen po la yang dag par zhugs pa'i rigs kyi bu dang / rigs kyi bu mo dag la bar chad byed par mi 'gyur ro// 'jam dpal gyis smras pa/ rigs kyi bu bdud sdig can lto ba'i nang du bzhug pa ni byang chub sems dpa'i cha ma yin pas/ rigs kyi bu kho bos ci nas kyang bdud sdig can 'di sangs rgyas kyi gzugs kyi mtshan gyis legs par brgyan cing / bde ba mchog dang ldan pas seng ge'i khri la 'dug ste/ sangs
- 236a
rgyas kyi spobs pas chos ston par 'gyur ba de ltar byin gyis brlab par bya'o/ / de nas bdud sdig can gyis tshig de thos nas mi snang bar bya bar 'dod cing 'bros par 'dod pa na/ 'jam dpal gzhon nur gyur pa'i byin gyi rlabs kyis 'khor de nas mi snang bar bya ba dang 'bros par yang ma nus so// de nas de'i tshe 'jam dpal gzhon nur gyur pas bsam pa 'di snyam du bsams te/ bdud sdig can sangs rgyas kyi gzugs kyi mtshan dang ldan zhing seng ge'i khri la 'dug par thams cad dang ldan pa'i 'khor gyis mthong bar ba sems nas/ de nas 'jam dpal gzhon nur gyur pas/ bdud sdig can la 'di skad ces smras so// sdig can khyod kyis ni de bzhin gshegs pa rnams kyi byang chub thob ste/ khyod ni sangs rgyas kyi gzugs kyi mtshan dang ldan zhing seng ge'i khri la 'dug go// de nas 'jam dpal gzhon nur gyur pa'i byin gyi rlabs kyis bdud sdig can gyis 'di skad ces smras so/ / 'jam dpal bcom ldan 'das nyid kyis kyang byang chub ma brnyes na/ kho bos lta 'thob par 'gyur re skan/ de ci'i phyir zhe na/ byang chub ni thob pa'i 'dod chags dang bral ba'i mtshan nyid yin pas na/ 'dod chags dang bral ba la ni 'thob pa'ang med/ mngon par rtogs pa'ang med de/ byang chub ni 'dus ma byas pa thob pa yin la/
- 236b
de'ang 'thob pa med pa nyid kyi mtshan nyid yin pa dang / byang chub ni stong pa nyid rtogs pa'i mtshan nyid yin pas na/ stong pa nyid kyis stong pa nyid mngon par rdzogs par 'tshang mi rgya ba dang / byang chub ni mtshan ma med pa'i mtshan nyid yin pas na/ mtshan ma med pas mtshan ma med pa mngon par rdzogs par 'tshang mi rgya ba dang / byang chub ni smon pa med pa'i mtshan nyid yin pas na/ smon pa med pas smon pa med pa mngon par rdzogs par 'tshang mi rgya ba dang / byang chub ni chos kyi dbyings kyi rang bzhin yin pas na/ rang bzhin gyis rang bzhin mngon par rdzogs par 'tshang mi rgya ba dang / byang chub ni de bzhin nyid dbyer med pa'i mtshan nyid yin pas na/ de bzhin nyid kyis de bzhin nyid mngon par rdzogs par 'tshang mi rgya ba dang / byang chub ni yang dag pa'i mtha' la gnas pa yin pas na/ yang dag pa'i mthas yang dag pa'i mtha' mngon par rdzogs par 'tshang mi rgyu ba dang / byang chub ni bdag med pa dang / sems can med pa dang / srog med pa dang / gso ba med pa dang / skyes bu med pa dang / gang zag med pa'i ngo bo nyid yin pas na/ de la ni mngon par rdzogs par 'tshang rgya ba gang yang med pa'i phyir ro// 'jam dpal gzhan yang byang chub sems dpa' gang gis byang chub kyi mtshan nyid bstan pa 'di thos nas/ chos thams cad kyi ngo bo nyid kyi mtshan nyid rnam par 'khrugs par mi byed pa de ni
- 237a
sangs rgyas nyid yin par brjod par bya'o/ / bdud kyis bstan pa 'di bshad pan/ byang chub sems dpa' lnga brgyas mA smra bam chos la bzod pa thob par gyu de nas tshe dang ldan pa shA ra dwa ti'i bus/ 'jam dpal gzhon nur gyur pa la 'di skad ces smras so// 'jam dpal khyod kyi byini rlabs kyis bdud sdig can de bzhin gshegs pa'i kha dog dang gzugs kyi mtshan dang ldan zhing seng ge'i khri la 'dug nas/ zab mo'i gnas 'di lta bu 'di dag ston pa ni ngo mtshar to// 'jam dpal gyis smras pa/ btsun pa shA ra dwa ti'i bu kho bos ni sems med pa'i dngos po shing dang / rtswa dang / nags tshal 'di dag la de lta de ltar byin gyis brlabs na'ang / 'di dag kyang de lta bu'i mtshan dang ldan zhing / sangs rgyas kyi spobs pas chos ston par 'gyur ro/ / kho bos gnas brtan shA ra dra ti'i bu nyid la de lta de ltar byin gyis brlabs na'ang / gnas brtan shA ra dwa tI'i bu'ang sangs rgyas kyi gzugs dang sku'i mtshan dang ldan zhing / sangs rgyas kyi spobs pas chos ston par 'gyur ro// de nas tshe dang ldan pa shA ra dwa ti'i bu 'di snyam du sems te/ bdag kyang 'jam dpal gzhon nur gyur pas sangs rgyas kyi gzugs dang sku'i mtshan dang ldan par byin gyis brlabs na/ nyan thos ston pa'i gzugs su gnas pa ni mi mthun pa yin pas/ bdag 'khor
- 237b
'di nas mi sdang bar bya'o snyam du bsams pa dang / 'jam dpal gzhon nur gyur pa'i byin gyi rlabs kyis nges mi snang bar byed ma nus so// de nas 'jam dpal gzhon nur gyur pas tshe dang ldan pa shA ra dwa ti'i bu'i sems kyis yongs su rtog pa sems kyis shes nas/ tshe dang ldan pa shA ra dwa ti'i bu sangs rgyas kyi gzugs dang sku'i mtshan dang ldan zhing / seng ge'i khri la 'dug par thams cad dang ldan pa'i 'khor rnams kyis mthong bar byin gyis brlabs so/ / de nas 'jam dpal gzhan nur gyur pas/ tshe dang ldan pa shA ra dwa ti'i bu la 'di skad ces smras so/ / btsun pa shA ra dwa ti'i bu ji ltar de bzhin gshegs pa chos ston par mdzad pa de bzhin du bdud sdig can dang lhan cig tu ston cig/ de nas tshe dang ldan pa shA ra dwa ti'i bu sangs rgyas kyi gzugs dang sku'i mtshan dang ldan pas/ bdud sdig can sangs rgyas kyi gzugs dang sku'i mtshan dang ldan pa la 'di skad ces smras so// sdig can de bzhin gshegs pa rnams kyi byang chub ci zhig gis rab tu phye ba yin/ smras pa/ btsun pa shA ra dwa ti'i bu sangs rgyas bcom ldan 'das rnams kyi byang chub ni chos thams cad mnyam pa nyid du rtogs pas rab tu phye ba yin no/ / chos dang chos ma yin pa gnyis su med par rtogs pas rab tu phye ba yin no// thams cad mkhyen pa nyid kyi ye shes kyi dbang bskur bas rab tu phye ba yin no// sems
- 238a
can thams cad kyi sems kyi spyod pa rtogs pas rab tu phye ba yin no/ / dngos po dang dngos po med pa thams cad rtogs pas rab tu phye ba yin gyi/ dngos po rnam par 'jig pas rab tu phye ba ma yin no/ / bsgom pa dang dngos po med pas rab tu phye ba ma yin te/ rab tu phye ba'ang ma yin/ rab tu ma phye ba'ang ma yin/ rgyu ba med pa/ rgyu ba dang bral ba/ rgyu ba thams cad yang dag par chad pa ste/ 'ong ba med cing 'gro ba med pa yin no// de nas bdud sdig can gyis/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu de bzhin gshegs pa ci zhig la gnas pa yin/ tshe dang ldan pa shA ra dwa ti'i bus smras pa/ sdig can de bzhin gshegs pa ni/ 'khor ba mnyam pa nyid la gnas pa yin no/ / mya ngan las 'das pa rlom sems med pa la gnas pa yin no// lta ba'i rnam pa thams cad kyi ngo bo nyid kyi mtshan nyid la gnas pa yin no// nyon mongs pa thams cad kyi gnas la gnas pa yin no/ / chos thams cad kyi yang dag pa ji lta ba'i rtsa ba'i gnas la gnas pa yin no// 'dus byas dang 'dus ma byas gnyis su med pa'i gnas la gnas pa yin no// gnas thams cad la mi gnas pa la gnas pa yin te/ sdig can de bzhin gshegs pa ni de lta bu la gnas pa yin no// tshe dang ldan pa shA ra dwa ti'i bus kyang / bdud sdig can la 'di skad
- 238b
ces smras so/ / sdig can byang chub ga las btsal bar bya/ bdud kyis smras pa/ btsun pa shA ra dwa ti'i bu byang chub ni 'jig tshogs la lta ba'i rtsa ba la gnas pa dang / ma rig pa dang / srid pa'i sred pa kun tu sbyor ba dang / phyin ci log gis kun nas dkris pa dang / sgrib pa dang / chod pa dag las btsal bar bya'o// smras pa/ sdig can khyod ci las bsams te de/ skad ston/ smras pa/ btsun pa shA ra dwa ti'i bu chos de dag yang dag pa ji lta ba bzhin du rtogs pa gang yin pa de nyid byang chub yin pa'i phyir ro// bstan pa 'di bshad pa na/ dge slong brgyad brgya len pa med par zag pa rnams las sems rnam par grol lo/ / shA ra dwa ti'i bu la dad pa'i lha'i bu rnams dang / bdud kyi ris la dad pa'i lha'i bu rnams las srog chags sum tshwa nyis stong gis ni bla na med pa yang dag par rdzogs pa'i byang chub tu sems bskyed do/ / lha'i bu de dag gdul ba'i dbang gi phyir/ 'jam dpal gzhon nur gyur pas bdud sdig can dang / gnas brtan shA ra dwa ti'i bu gnyis sangs rgyas kyi gzugs dang sku'i mtshan gyis brgyan par byin gyis brlabs so// de nas 'jam dpal gzhon nur gyur pas byin gyis brlabs de phyir bsdus so/ / de nas gnas brtan shA ra dwa ti'i bu dang / bdud sdig can yang rang rang gi gzugs kyi mtshan dang ldan par gyur to// de nas de'i tshe phyogs bzhi'i sangs rgyas
- 239a
kyi zhing tha dad pa dag nas/ byang chub sems dpa' stong phrag mang po dag lhag shing 'dus te/ de dag nam mkha' las babs nas/ bcom ldan 'das pa la ba der dong ste/ phyin pa dang bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod par gyur to// phyogs gcig tu 'khod nas kyang / bcom ldan 'das la/ byang chub sems dpa' de dag gis 'di skad ces gsol to// bcom ldan 'das bdag cag ni chos kyi dbyings kyi rang bzhin dbyer ma mchis par bstan pa'i chos kyi rnam grangs 'di thos nas/ dam pa'i chos yongs su gzung ba'i slad du 'dir mchis lags te/ bcom ldan 'das bdag cag gis chos kyi rnam grongs 'di gzung bar gyi/ btsang bar bgyi/ bklag par bgyi/ kun chub par bgyi zhing / dam pa'i chos yongs su gzung ba'i slad du gzhan dag la'ang rgya cher yang dag par rab tu bstan par bgyi'o/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das byang chub sems dpa' 'di dag gang nas 'dir mchis lags/ bcom ldan 'das kyis bka' stsal pa/ kun dga' bo byang chub sems dpa' 'di dag ni sangs rgyas kyi zhing tha dad pa dag nas 'dus pa ste/
- 239b
'jam dpal gzhon nur gyur pas yongs su smin par byas shing / chos kyi dbyings kyi rang bzhin dbyer med par bstan pa'i chos kyi rnam grangs 'di nyid kyis yongs su smin par byas pa dag yin pas/ 'di dag chos kyi rnam grangs 'di la byas pa gzo ba dang / byas pa tshor ba'i phyir de bzhin gshegs pa la blta ba dang / phyag bya ba dang / bsnyen bkur bya ba dang / 'jam dpal gzhon nur gyur pa la'ang bsnyen bkur bya ba dang / chos kyi rnam grangs 'di la'ang rjes su yi rang bar bya ba'i phyir 'dir lhags so// kun dga' bo byang chub sems dpa' 'di dag gis ni/ nga yongs su mya ngan las 'das pa'i 'og tu'ang dam pa'i chos yongs su gzung ba'i phyir/ chos kyi rnam grangs 'di 'dzam bu'i gling du rgyas par byed par 'gyur te/ kun dga' bo byang chub sems dpa' 'di dag ni/ sangs rgyas 'bum phrag mang po dag gi dam pa'i chos yongs su 'dzin pa la mngon par brtson pa yin no// de nas bcom ldan 'das la/ 'khor de na brgya byin dang / tshangs pa dang / 'jig rten skyong ba gang ji snyed pa de dag gis 'di skad ces gsol to// bcom ldan 'das bdag cag gis kyang dam pa'i chos yongs su 'dzin pa'i skyes bu dam pa dang / rigs kyi bu dang / rigs kyi bu mo 'di dag dang / gzhan dag la'ang rim gro dang bsnyen
- 240a
bkur bgyi zhing kun tu bsrung ba dang / sba ba dang / 'tshe ba ma mchis par bgyi ba'i slad du brtson par bgyi lags so// de nas bcom ldan 'das kyis brgya byin dang / tshangs pa dang / 'jig rten skyong ba de dag la legs so zhes bya ba byin te/ grogs po dag khyed cag dam pa'i chos yongs su 'dzin pa'i skyes bu dam pa rnams kun tu bsrung ba la brtson par zhugs pa ni legs so legs so/ / gang dag dam pa'i chos yongs su gzung ba la brtson par byed pa de dag gis ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams la'ang mchod pa byas pa yin no/ / de nas bcom ldan 'das kyi sa/ 'jam dpal gzhon nur gyur pa la bka' stsal pa/ 'jam dpal khyod kyis ci nas kyang chos kyi rnam grangs 'di phyi ma'i tshe phyi ma'i dus na 'dzam bu'i gling na rgya cher spyod par 'gyur ba de ltar byin gyis rlobs shig/ 'jam dpal gyis gsol pa/ bcom ldan 'das 'di lta ste/ dper bgyi na sreg pa'i bskal pa 'byung bar gyur pa na/ nam mkha'i khams mi tshig par bgyi ba'i slad du byin gyis brlab par bgyi mi 'tshal ba de bzhin du/ bcom ldan 'das chos thams cad kyang nam mkha'i khams kyi rang bzhin lags pas/ de dag la ni skye ba'ang mi mngon/ 'gag pa'ang mi mngon
- 240b
lags te/ gang la skye ba ma mchis shing 'gag pa ma mchis pa de la ni byin gyi rlabs kyi rang bzhin ci'ang ma mchis lags so// bcom ldan 'das chos thams cad ni byin gyi rlabs ma mchis pa lags pas/ de dag gi ngo bo nyid gang lags pa de nyid byin gyis rlabs lags so// bcom ldan 'das 'on du lags kyis kyang / gang dag chos la gus shing chos las nges par 'byung la/ mdo sde zab mo 'di lta bu 'di nod par 'gyur ba'i rigs kyi bu dang rigs kyi bu mo dge ba'i rtsa ba bskyed pa de dag gi slad du/ de bzhin gshegs pa nyid kyis chos kyi rnam grangs 'di byin gyis rlab tu gsol/ bcom ldan 'das ci nas kyang bdud dang phyir rgol ba nges par bcom zhing bar chad ma mchis pa dang / ma 'ongs pa'i dus na 'dzam bu'i gling na spyod par 'gyur ba de lta de ltar bcom ldan 'das kyis 'di byin gyis rlab tu gsol/ / de nas de'i tshe bcom ldan 'das kyis gang gis stong gsum gyi stong chen po'i 'jig rten gyi khams 'di 'od gser gyi kha dog lta bus snang bar 'gyur ba de lta bu'i 'od dag sku las rab tu phyung ngo / / de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal ji ltar de bzhin gshegs pa'i 'od 'di thams cad rjes su song ba de bzhin du/ chos kyi rnam grangs 'di'ang sangs rgyas kyi
- 241a
chos la shes pa dang / bsam pa nyams pa'i rigs kyi bu dang rigs kyi bu mo de dag gi lag tu 'ong bar 'gyur ro// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan ngag la'ang rgya cher rab tu ston cig dang / de lta na khyod kyis 'das pa dang / ma byon pa dang / da ltar byung ba'i sangs rgyas bcom ldan 'das rnams la'ang mchod par byas par 'gyur ro/ / kun dga' bos gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa// kun dga' bo de'i phyir khyod kyis chos kyi rnam grangs 'di ni chos kyi dbyings kyi rang bzhin dbyer med par bstan pa zhes bya bar zung zhig/ lha'i bu rin chen mchog gis zhus pa zhes bya bar yang zung zhig/ 'jam dpal gzhon nur gyur pa'i man ngag ces bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / 'jam dpal gzhon nur gyur pa dang / byang chub sems dpa' rin chen mchog dang / sangs rgyas kyi zhing tha dad pa nas 'dus pa'i byang chub sems
- 241b
dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ chos kyi dbyings kyi rang bzhin dbyer med par bstan pa'i le'u ste brgyad pa rdzogs so// / sh+lau ka drug brgya lnga bcu/ bam po gnyis so// rgya gar gyi mkhan po dzi ra mai tra dang / su ren dra bo d+hi dang / zhu chen gyi lo tsa ba ban de ye shes sde la sogs pas bskur cing zhus te gtan la phab pa/ / / n+ya/ rgya gar skad du/ Ar+ya da sha d+har+m+ma ka na/ nA ma ma hA yA na sU tra/ bod skad du/ 'phags pa chos bcu pa zhes bya ba theg pa chen po'i mdo/ / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na bya rgod phung po'i ri la/ dge slong lnga brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe byang chub sems dpa' sems dpa' chen po dge ba dri med rnam dag rin chen zla 'od rgyal po zhes bya ba 'khor de nyid du 'dus
- 242a
par gyur te 'dug go/ / de nas byang chub sems dpa' sems dpa' chen po dge ba dri med rnam dag rin chen zla 'od rgyal po stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du bcom ldan 'das kyis bdag la skabs phye nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig las brtsams te zhu lags so/ / de skad ces gsol pa dang / bcom ldan 'das kyis// byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to// rigs kyi bu de bzhin gshegs pas khyod la rtag tu skabs phyes/ ci dang ci 'dod pa dris shig dang / ngas dris pa de dang de nyid kyi lung bstan pas khyod kyis sems rangs par bya'o// de skad ces bka' stsal pa dang / bcom ldan 'das la/ byang chub sems dpa' sems dpa' chen po dge ba dri ma med pa rnam dag rin chen zla 'od rgyal pos 'di skad ces gsol to// bcom ldan 'das dge slong theg pa
- 242b
chen po la yang dag par zhugs pa dge slong theg pa chen po la yang dag par zhugs pa zhes bgyi ba/ bcom ldan 'das ji tsam gyis na dge slong theg pa chen po la yang dag par zhugs pa lags/ de bzhin gshegs pas ji ltar theg pa chen po la yang dag par zhugs pa lags par 'dogs pa mdzad/ don gang gis na theg pa chen po 'di la theg pa chen po zhes bgyi lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po dge ba dri med rnam dag rin chen zla 'od rgyal po la legs so zhes bya ba byin te/ rigs kyi bu khyod kyi lhag par g.yo ba ni bzang ba yin/ yongs su dpyad pa'ang bzang ba yin/ dris pa lung bstan pa la spobs pa'ang bzang ba yin te/ rigs kyi bu khyod 'di lta ste/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams la phan pa dang bde ba'i phyir zhugs te/ khyod de bzhin gshegs pa la don de lta bu yongs su dri bar sems pa ni legs so legs so/ / rigs kyi bu de'i phyir legs par rab tu nyon la yid la zung zhig dang bshad par bya'o// byang chub sems dpa' sems dpa' chen po dge ba dri med rnam dag rin chen zla 'od rgyal pos bcom ldan 'das la legs so zhes gsol te/ bcom ldan 'das kyi ltar nyan pa dang /
- 243a
bcom ldan 'das kyis 'di skad ces bka' stsal to// rigs kyi bu byang chub sems dpa' chos bcu dang ldan na/ theg pa chen po la yang dag par zhugs pa yin te/ bcu gang zhe na/ 'di lta ste/ dad pa dang ldan pa yin/ nan tan snying por byed pa yin/ rigs phun sum tshogs pa yin/ byang chub kyi sems 'dod pa yin/ chos 'dod pa yin// chos la nye bar rtogs par byed pa yin/ chos kyi rjes su 'thun pa'i chos la zhugs pa yin/ nga rgyal dang che ba'i nga rgyal dang bral ba yin/ dgongs te gsungs pa rtogs par bya ba la mkhas pa yin/ nyan thos dang rang sangs rgyas dang ldan pa'i theg pas yongs su mya ngan las 'da' bar mi 'dod pa yin no// gsol pa/ bcom ldan 'das ji ltar na byang chub sems dpa' dad pa dang ldan pa lags/ bcom ldan 'das kyis bka' stsol pa/ rigs kyi bu 'di la byang chub sems dpa' sems dpa' chen po ni rang bzhin gyis g.yo med cing sgyu med la/ drang zhing drang po'i rang bzhin can yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub la'ang mngon par yid ches de bzhin gshegs pa rnams kyi ye shes skad cig gcig la dus gsum dang ldan pa la'ang mngon par yid ches/ de bzhin gshegs pa'i snying po rga ba med pa dang / 'chi ba
- 243b
med pa dang / zad pa med pa dang / 'god pa med pa dang / 'chad pa med pa la'ang mngon par yid ches/ yang dag pa'i mtha' dang / chos kyi dbyings dang / thams cad shes pa nyid dang / rnam pa thams cad mkhyen pa nyid dang / stobs rnams dang / mi 'jigs pa rnams dang / sangs rgyas kyi chos ma 'dres pa rnams la'ang mngon par yid ches/ de bzhin gshegs pa rnams kyi dbu'i gtsug tor ba ltar mi mthong ba la'ang mngon par yid ches/ de bzhin gshegs pa rnams kyi skyes bu chen po'i mtshan sum cu gnyis kyi rgyan dang / dpe byad bzang po brgyad cu phun sum tshogs pa dang / 'od 'dom gang ba nyid la'ang mngon par yid ches/ nyan thos kyis bshad pa 'am/ rang sangs rgyas kyis bshad pa 'am/ byang chub sems dpas bshad pa 'am/ de las gzhan pa drang srong chen po dag gis smras pa legs par shad pa la'ang mngon par yid ches/ 'jig rten 'di dang 'jig rten pha rol la'ang mngon par yid ches/ dge sbyong dang bram ze yang dag par song ba rnams dang / yang dag par zhugs pa dag la'ang mngon par yid ches/ dge ba'i las kyi rnam par smin pa 'dod pa dang / dga' ba dang / yid du 'ong ba lha rnams kyi nang du lha'i dbang po 'am/ mi rnams kyi nang du mi'i dbang por 'gyur ba'i 'bras bu la'ang mngon par yid ches mi dge ba//
- 244a
las kyi rnam par smin pa'i 'bras bu sems can dmyal ba dang / dud 'gro dang / yi dgas rnams kyi nang du mi 'dod pa dang / mi sdug pa dang / mi dga' ba dang / yid du mi 'ong ba dang / mi bzang ba dang / drag pa dang / rtsub pa dang / tsha bar gyur pa la'ang mngon par yid ches so// de de ltar mngon par yid ches pas chos gsum spangs pa yin te/ gsum gang zhen/ 'di lta ste/ nem dur dang / yid gnyis dang / the tsom mo// rigs kyi bu de ni byang chub sems dpa' dad pas rjes sa 'brang ba zhes bya ste/ rigs kyi bu de ltar na byang chub sems dpa' dang pa dang ldan pa yin no// de nas de'i tshe bcom ldan 'das kyis tshigs su bcad pa 'di dag bka' stsal to// dad pa theg pa'i mchog yin te/ des ni 'dren rnams nges par byung // de phyir blo gros ldan pa'i mis// dad pas rjes 'brang nyid la rten// 'jig rten dag na dad pa mchog/ dad ldan rnam par nyams pa med/ / de lta bas na mkhas pa'i mis// dad pas rjes su 'brang ba bsten// dad pa med pa'i mi la ni// dkar po'i chos rnams mi skye ste// me yis sa bon tshig rnams la/ / myu gu sngon po ji bzhin no// rigs kyi bu ji ltar na byang chub sems dpa' nan tan snying por byed pa yin zhe na/ rigs kyi bu 'di la byang chub sems
- 244b
dpa' sgra dang kha spu bregs te gos ngur smrig dag bgos nas/ dad pas khyim nas khyim med par legs pa kho nar rab tu byung ngo // rab tu byung nas kyang nyan thos kyi bslab pa dang / cho ga dang spyod yul dang / kun spyod pa dag la'ang slob par byed do// rang sangs rgyas kyi bslab pa dang / cho ga dang / spyod yul dang / kun spyod pa dag la'ang slob par byed do// de de ltar slob pas lus dang / ngag dang / sems dang ldan pa'i gnas ngan len dag thams cad kyi thams cad rnam pa thams cad kyi thams cad du spangs pa yin no// de la lus dang ldan pa'i gnas ngan len gang zhe na/ 'di lta ste/ srog gcod pa dang / ma byin par len pa dang / mi tshangs par spyod pa dang / dbyig pa dang / mtshon ra dang / bong ba dang lag pa dag gis gzhan la gnod par byed pa dang / lag pa rgod pa dang / rkang pa rgod pa dang / rgyug pa dang / dkru ba dang / mchong pa dang / mgyogs par 'gro ba dang / rgyal ba ste/ de dag ni lus dang ldan pa'i gnas ngan len ces bya'o// de la ngag gi gnas ngan len gang zhe na/ 'di lta ste/ rdzun du smra ba dang / phra ma dang / ngag rtsub po dang / tshig bkyal pa dang / nyes par smra ba brjod pa dang / mdo sde zab mo dag spong bar byed pa dang / mkhan po dang / slob dpon dang / bla ma lta bu rnams dang / tshangs pa mtshungs
- 245a
par spyod pa rnams la mi snyan brjod par byed pa ste/ de dag ni ngag gi gnas ngan len ces bya'o// de la yid kyi gnas ngan len gang zhe na/ 'di lta ste/ brnab sems dang / gnod sems dang / log par lta ba dang / phrag dog dang / ser sna dang / rnyed pa 'dod pa dang / grags pa 'dod pa dang / shes kyi khe 'dod pa dang / rigs kyis rgyags pa dang / gzugs kyis rgyags pa dang / lang chos rgyags pa dang / nad med pas rgyags pa dang / gson pas rgyags pa dang / mang du thos pas rgyags pa dang bsgoms pas rgyags pa dang / 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / nye du'i rnam par rtog pa dang / yul gyi rnam par rtog pa dang / chos gos dang / bsod snyoms dang / mal cha dang / stan dang / na ba'i gsos sman dang / yo byad kyi rnam par rtog pa dang gnas la lhag par zhen pa dang / bzhon pa la lhag par zhen pa dang / mal cha la lhag par zhen pa dang / btung ba la lhag par zhen pa dang / bza' ba la lhag par zhen pa dang / che ba'i bdag nyid la lhag par zhen pa dang / chung ma dang / bu dang / bu mo dang / thong gshol dang / zhing las dang / bran dang / bran mo dang / las mi dang /
- 245b
zho shas 'tsho ba dang / mdza' bshes dang / gros grogs dang / nye du dang / snag gi gnyen mtshams ngag la lhag par zhen pa dang / nor dang / 'bru dang / mdzod dang / bang ba bdag la lhag par zhen pa dang / 'tsho ba'i yo byad rnam pa sna tshogs kyi bar dag la lhag par zhen pa ste/ de de ltar lhag par zhen pas ji skad smos pa'i dngos po de dag las dngos po gang yang rung ba dag chud zos pa na/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'byung bar 'gyur zhing / de ltar de'i yid sred pa'i rlan gyis yongs su brlan pas/ srid par nying mtshams sbyor bar 'gyur ba te/ rigs kyi bu mdor na yid kyi las kyi 'khrul 'khor gyis 'phangs nas 'khor ba'i 'khor lor yongs su 'khyam par 'gyur ba de ni yid kyi gnas ngan len ces bya'o/ / de de ltar lus dang / ngag dang / sems kyi gnas ngan len dang bral bas na/ mkhan po la ston pa'i 'du shes skyed pa dang / slob dpon la mkhas pa'i 'du shes skyed pa dang / tshangs pa mtshungs par spyod pa rgan rabs dang / bar ma dang / gsar bu rnams la zhes dang bcas pa dang / gus pa dang bcas par 'gyur zhing / de gcig pu dben par gnas nas 'di snyam du sems te/ 'di ltar bdag sems can thams cad bsgral ba'i phyir brtson pa dang //
- 246a
sems can thams cad dgrol ba'i phyir brtson pa dang / sems can thams cad dul ba dang zhi ba la dgod pa'i phyir brtson par byed pa na/ bdag nyid ma dul ba dang ma zhi ba dang / ma bsrungs pa dang / ma btul ba ni bdag gi cha ma yin pas/ bdag gis ci nas kyang bdag mthong ba tsam gyis sems can rnams 'dul bar 'gyur ba dang / de bzhin gshegs pa rnams kyi bka' bzhin byed par 'gyur ba dang / lha dang / klu dang / gnod sbyin dang / dri za la sogs pa dag yi rangs par 'gyur ba de ltar bya zhing / de ltar bsgrub par bya ste/ de ltar brtson 'grus brtsam par bya'o snyam du sems te/ rigs kyi bu de ni byang chub sems dpa'i ngo tsha shes pa yin no// de'ang 'di snyam du sems te/ bdag la khyim pa 'am/ rab tu byung ba 'ga' yang 'di lta ste/ tshul khrims nyams pa kun tu spyod pa 'am/ lta ba nyams pa kun tu spyod pa 'am/ 'tsho ba nyams pa kun tu spyod pa 'am/ cho ga nyams pa kun tu spyod pa 'am/ spyod yul nyams pa kun tu spyod pa 'am/ nyams pa kun du spyod pa gang yang rung ba dag gis kun tu gleng bar mi 'gyur bar bya'o snyam du sems te/ de de ltar khrel yod par gyur pa na/ nyin lan gsum mtshan lan gsum tshul khrims la so sor rtog par byed do// de tshul khrims yongs su dag pas 'gyod pa
- 246b
med cing / de sgrib pa med la lam gyi rgyun gcad de/ de bzhin gshegs pa'i chos 'dul ba la nye bar rjen cing gnas par byed do// rigs kyi bu de'i byang chub sems dpa'i khrel pa zhes bya ste/ rigs kyi bu de ltar na byang chub sems dpa' nan tan snying por byed pa yin no// de nas de'i tshe bcom ldan 'das kyis tshigs su bcad pa 'di dag bka' stsal to// rdzogs sangs rgyas dang sangs rgyas kyi// nyan thos nan tan snying por byed// de'i phyir nan tan thob bya'i phyir// shes rab can gyis rtag brtson gyis// nar tar la na 'jigs med pa'i/ / byang chub sems dpa' shes rab che// sangs rgyas kun gyis bsten pa yi// byang chub rdul med rtogs par 'gyur// rigs kyi bu la ji ltar na byang chub sems dpa' rigs phun sum tshogs pa yin zhe na/ rigs kyi bu 'di la byang chub sems dpo' rang bzhin gyi 'dod chags dang / zhe sdang dang / gti mug rung ba dang / phrag dog med pa dang / ser sna med pa dang / g.yo med pa dang / sgyu med pa yin/ mi rtsub dang mi brlang ba yin/ mi rgod pa dang ma khengs pa yin/ mi cor zhing mu cor mi smra ba yin// drang ba dang mnyen pa yin/ nges pa dang 'grogs na bde ba yin/ rang bzhin gyis mchod pa dang / rim gro bya ba rgya chen po dag la sems 'jug pa dang / longs spyod dang 'dze ba'i
- 247a
byad yod cing bdog pa dag gzhan dag la 'ged pa'i ngang tshul can yin/ lag pa dang / rkang pa dang / mig dang / yan lag gi dam pa mgo shin tu dang zhing gsal ba yin/ des de bzhin gshegs pa 'am/ de bzhin gshegs pa'i nyan thos dag mthong na/ mthong ma thag tu dad pa dang dang ba thob par 'gyur zhing / de dad pa dang ba des rigs phun sum tshogs pa 'thob par 'gyur ba ste/ rigs kyi bu de ltar na byang chub sems dpa' rigs phun sum tshogs pa yin no// de nas de'i tshe bcom ldan 'das kyis tshigs su bcad pa 'di bka' stsal to/ / du ba las ni mer shes shing // chu skyur las ni chur shes ltar// blo ldan byang chub sems dpa' yi// rigs ni mtshan ma rnams las shes// mi rtsub brlang ba ma yin la// g.yo dang sgra ni rnam spangs shing // sems can kun la rab dang ba// de ni byang chub sems dpa' yin// rigs kyi bu de la ji ltar na byang chub sems dpa' byang chub kyi sems 'dod pa yin zhe na/ rigs kyi bu 'di la byang chub sems dpa' rigs la gnas shing / byang chub tu sems ma bskyed pa'i tshe/ de bzhin gshegs pa 'am/ de bzhin gshegs pa'i nyan thos kyis yang dag par bskul ba dang / yang dag par skyo ba bskyed pa dang / yang dag par 'dzin du bcug pa na/ bla na med pa yang dag
- 247b
par rdzogs pa'i byang chub tu sems skyed par byed na/ de ni byang chub kyi sems 'dod pa'i rgyu dang po yin no// gzhan yang byang chub dang / byang chub kyi sems kyi bsngags pa brjod pa thos nas/ bla na med pa yang dag par rdzogs pa'i byang chub tu sems skyed par byed na/ de ni byang chub kyi sems 'dod pa'i rgyu gnyis pa yin no// gzhan yang sems can skyob pa med pa dang / skyabs med pa dang / gnas med pa dang / dpung gnyen med pa dang / gling med pa dag mthong na/ bdag sems can 'di dag gi skyob pa dang / skyabs dang / gnas dang / dpung gnyen dang / gling du gyur cig ces snying rje'i sems nye bar gzhag nas/ rgyu de dang / rkyen de dang / gzhi des bla na med pa yang dag par rdzogs pa'i byang chub tu sems skyed par byed na/ de ni byang chub kyi sems 'dod pa'i rgyu gsum pa yin no// gzhan yang de bzhin gshegs pa'i rnam pa thams cad yongs su rdzogs pa mthong na dga' ba skyed par byed/ mchog tu dga' ba skyed par byed/ sems shin tu sbyangs pa skyed par byed/ sems spro ba skyed par byed cing // rgyu de dang / rkyen de dang / gzhi des bla na med pa yang dag par rdzogs pa'i byang chub tu sems skyed par byed na/ de ni byang chub kyi sems 'dod pa'i rgyu bzhi pa yin no// gzhan yang de sems can rnams la phan pa dang bde ba kho na'i
- 248a
don du sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la mnyam par 'jog par byed/ shes rab sgom par byed pa yin te/ de la ji ltar na sbyin pa sbyin par byed pa yin zhe na/ zas 'dod pa rnams la zas dang / skom 'dod pa rnams la skom dang / bzhon pa 'dod pa rnams la bzhon pa dang / mal cha 'dod pa rnams la mal cha dang / gos 'dod pa rnams la gos dang / gdu bu dang / dpung rgyan dang / rna cha gdub kor dang / rgyan 'dod pa rnams la rgyan sbyin par byed pa yin te/ rigs kyi bu mdor na rang gi sha dag gis kyang sems can rnams la phan 'dogs par byed de/ de ltar sbyin pa sbyin par byed do// sbyin pa de'ang bla na med pa yang dag par rdzogs pa'i byang chub tu yongs su sngo bar byed la/ sbyin pa des kyang rlom sems su mi byed do/ / de la ji ltar ni tshul khrims srung bar byed pa yin zhe na/ de lus kyis legs par bsdams pa dang / ngag gis legs par bsdams pa dang / yid kyis legs par bsdams pa dang / de lus kyis nyes par spyod pa thams cad kyi thams cad rnam pa thams cad kyi thams cad du yongs su spong bar byed pa dang / ngag
- 248b
gis nyes par spyod pa dang / yid kyis nyes par spyod pa thams cad kyi thams cad rnam pa thams cad kyi thams cad du yongs su spong bar byed la/ tshul khrims ma nyams pa dang / ma ral ba dang / ma 'dres pa dang / nag nog tu ma gyur par srung bar byed de/ de ltar tshul khrims srung bar byed do// tshul khrims de'ang bla na med pa yang dag par rdzogs pa'i byang chub tu yongs su sngo bar byed la/ tshul khrims des kyang rlom sems su mi byed do// de la ji ltar na bzod pa sgom par byed pa yin zhe na/ de la khyim na gnas pa 'am/ rab tu byung ba dag gos spyos sam/ rgyud bkag gam/ brdegs sam/ btsogs sam/ bcings sam/ go rar bcug gam/ gzhus sam/ rnam par gtses na'ang bzod par byed/ dang du len par byed de/ de ltar bzod pa sgom par byed do// zod pa de'ang bla na med pa yang dag par rdzogs pa'i byang chub tu yongs su sngo bar byed la/ bzod pa des kyang rlom sems su mi byed do// de la ji ltar na brtson 'grus rtsom par byed pa yin zhe na/ de 'di snyam du sems te/ 'di lta ste/ dper na nam mkha'i khams mtha' yas mu med pa de bzhin du/ sems can gyi khams kyang mtha' yas mu med pa yin pas/ de dag bdag gcig pu
- 249a
gnyis su med pas phung po'i lhag ma med pa'i mya ngan 'das pa'i dbyings su dgod par bya'o snyam du sems te/ de rgyu de dang / rkyen de dang / gzhi des brtson 'grus rtsom par byed cing / de lus kyi tshor ba la lus dang ldan pa'i dran pas nye bar rtog par byed do// de tshor ba la nye bar rtog pa la brtson par byed pa na sems la sems kyi rjes su lta zhing gnas pa dang / chos la chos kyi rjes su lta ba la'ang brtson par byed do// de de ltar dran pa shin tu nye bar gzhag pa na/ sdig pa mi dge ba'i chos ma skyes pa rnams mi bskyed pa'i phyir 'dun pa skye da/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ / sdig pa mi dge ba'i chos skyed pa rnams spang ba'i phyir 'dun pa skye da 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ / dge ba'i chos ma skyes pa rnams bskyed pa'i phyir/ 'dun pa skye da/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ / dge ba'i chos skyes pa rnams gnas pa dang / byir zhing 'byung ba dang / nyams par mi 'gyur ba dang / brjed par mi 'gyur ba
- 249b
dang yongs su rdzogs par bya ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do// de de ltar brtson 'grus brtsams pa na/ rdzu 'phrul gyi rkang pa dang po sgom par byed do// de bzhin du rdzu 'phrul gyi rkang pa gnyis pa dang / gsum pa dang / bzhi pa 'ang sgom par byed do/ / de de ltar rdzu 'phrul gyi rkang pa yongs su grub pas bskal pa 'am bskal pa las lhag par gnas shing / de bskal pa 'am bskal pa las lhag bar yang brtson 'grus kyi pha rol tu phyin pa yongs su rdzogs par byed de/ de ltar brtson 'grus rtsom par byed do// brtson 'grus de'ang bla na med pa yang dag par rdzogs pa'i byang chub tu yongs su sngo bar byed la/ brtson 'grus des kyang rlom sems su mi byed do// de la ji ltar na bsam gtan la mnyam par 'jog par byed pa yin zhe na/ 'dor chags dang bral ba la mi gnas pa dang / 'gog pa la mi gnas pa dang / rnam par spangs par yongs su ma bsngos pa dang / nang la mi gnas pa dang / phyi rol la mi gnas pa dang / gzugs la mi gnas pa dang / tshor ba la mi gnas pa dang / 'du shes la mi gnas pa dang / 'du byed la mi gnas pa dang / rnam par shes pa
- 250a
/ la mi gnas pa dang / 'dod pa'i khams la mi gnas pa dang / gzugs kyi khams la mi gnas pa dang / gzugs med pa'i khams la mi gnas pa dang / stong pa nyid la mi gnas pa dang / mtshan ma med pa la mi gnas pa dang / smon pa med pa la mi gnas pa dang / 'jig rten 'di la mi gnas pa dang / 'jig rten pha rol la mi gnas pa dang / gzugs la mi gnas pa dang / s+tha la mi gnas pa dang / dri la mi gnas pa dang / ro la mi gnas pa dang / reg la mi gnas pa dang chos la mi gnas pa dang / sbyin pa la mi gnas pa dang / tshul khrims la mi gnas pa dang / bzod pa la mi gnas pa dang / brtson 'grus la mi gnas pa dang bsam gtan la mi gnas pa dang / shes rab la mi gnas pa yin no// rigs kyi bu mdor na chags pa thams cad spangs nas mi gnas par bsam gtan byed de/ de lta bsam gtan la bsam gtan du byed do/ / bsam gtan de'ang bla na med pa yang dag par rdzogs pa'i byang chub tu yongs su sngo bar byed la/ bsam gtan nges kyang rlom sems su mi byed do/ / rigs kyi bu de la ji ltar na shes rab sgom par byed pa yin zhe na/ de 'di snyam du sems te/ sems can gyi khams mu med pa dag yongs su mya ngan las 'das
- 250b
kyang sems can gcig kyang yongs su mya ngan las 'das pa med do/ / de ci'i phyir zhe na/ bcom ldan 'das kyis chos thams cad ni bdag med pa'o// chos thams cad ni sems can med pa'o/ / chos thams cad ni gang zag med pa'o zhes gsungs pa'i phyir ro snyam ste/ de ltar shes rab sgom par byed do// shes rab de'ang bla na med pa yang dag par rdzogs pa'i byang chub tu yongs su sngo bar byed la/ shes rab des kyang rlom sems su mi byed de/ rigs kyi bu de ltar na byang chub sems dpa' byang chub kyi sems 'dod pa yin no// de nas de'i tshe/ bcom ldan 'das kyis tshigs su bcad pa 'di dag bka' stsal to// nor bu rin chen rang bzhin gyis// 'od 'bar 'byung gnas nyid na 'dug/ khyi dor byas na de bas ni// nyis 'gyur gyis kyang mdzes pa ltar/ / de bzhin rigs dang ldan pa yang / byang chub sems ni tshol byed de// mtha' gnyis rnam par dag pa yi// spyod yul du ni bdud mi 'ong // rigs kyi bu de la ji ltar na byang chub sems dpa' chos 'dod pa yin zhe na/ rigs kyi bu 'di la byang chub sems dpa' rang bzhin gyis chos don du gnyer ba dang / chos 'dod pa dang chos la dga' ba dang / chos kyi kun dga' la sbyor ba'i rjes su brtson pa yin te/ des dge sbyong ngam/ bram ze 'am/ bkres pas nyen cing zas 'dod pa gzhan dag mthong na/
- 251a
des de dag la ldum ldum mam/ sngo rngad dam/ bza' bca' ci bdog cing yod pa dag sbyin par byed cing / de 'jig rten gyi 'tsho ba dang yo byad 'di lta ste/ rtsa ba dang / 'bras bu dang / sdong bu la sogs pa gang dag yin pa de dag kyang bsags shing / sems can rnams la sbyin par byed pa dang / de dam pa'i chos 'dzin pa rnams kyi drung du song ste gus par smra ba dang / phyag bya ba dang / mngon par ldang ba dang / thal mo sbyor ba dang / gus par bya ba'i las dag byas nas zhe sa dang bcas/ gus pa dang bcas pas tshul bzhin du dri ba 'dri bar byed cing / de'i 'og tu de la dam pa'i chos 'dzin pa de'ang ji ltar dri ba dris pa bzhin du lan 'debs par byed la/ de'ang dam pa'i chos 'dzin pa de la ston par 'du shes skyed par byed/ dge ba'i bshes gnyen du 'du shes skyed par byed/ 'khor ba'i rgya mtsho las sgrol bar byed par 'du shes skyed par byed/ mkhan por 'du shes skyed par byed/ slob dpon du 'du shes skyed par byed/ bdag yun ring po nas 'khor ba'i dgon par 'khyams pa tshol bar byed pa yin no snyam du tshol bar byed pa yin par 'du shes skyed par byed/ bdag yun ring po nas gti mug gis bsgribs shing gnyid log pa'i gnyid sad par byed pa yin no zhes sad par byed pa yin par 'du shes skyed par byed/ bdag
- 251b
'khor ba'i rgya mtsho'i 'dam du bying ba 'byin par byed pa yin no zhes 'byin par byed pa yin par 'du shes skyed par byed/ bdag lam ngan par zhugs pa la lam bzang po ston par byed pa/ yin no zhes lam ston par byed pa yin por 'du shes skyed par byed/ bdag 'khor ba'i btson rar bcings pa 'grel pa yin no zhes 'grel par byed pa yin par 'du shes skyed par byed/ bdag yun ring po nas nyam thag pa'i sman pa dam pa yin no zhes sman pa yin par 'du shes skyed par byed/ bdag 'dod chags kyi me dang / zhe sdang gi me dang / gti mug gi me sa kun tu 'bar bar gyur pa rab tu zhi bar byed pa yin no zhes char sprin chen po yin par 'du shes skyed par byed cing / de chos kyi rgyu dang / chos kyi gzhi dang / chos kyi ched kyi phyir tsha ba'ang khyad du gsod/ grang ba dang / rlung dang / nyi ma dang / sha sbrang dang / sbrang bu mchu rings dang / sdig sbrul gyi reg pa'ang khyad du gsod/ bkres pa'ang khyad du gsod/ skom pa'ang khyad du gsod la/ gzhan bde ba dag mthong na'ang 'dod pa'i sems skyed par mi byed par de 'di snyam du sems te bdag la dam pa'i chos mnyan pa'i snang ba 'char bas na/ bdag 'jig rten na bde ba yin no snyam du sems te/ de rgyu de dang / rkyen de dang / gzhi des mya ngan mi byed/ smre sngags
- 252a
mi 'don cing / sdug bsngal ba dang / yid mi bde ba'i sems skyed par mi byed la/ de mya ngan dang / smre sngags 'don pa dang / sdug bsngal ba dang / yid mi bde ba dang bral bas/ bdag de bzhin gshegs pas gsungs pa'i chos tshig gcig tsam gyi phyir yang bskal pa 'am/ bskal pa las lhag par sems can dmyal ba chen po mnar med par gnas par spro'o snyam pa de lta bu'i sems skye bar 'gyur zhing / de de ltar yid yongs su skyo ba med pas na/ bsgrim mi dgos pa kho nar rnam pa thams cad mkhyen pa nyid yang dag par sgrub par byed cing / sangs rgyas kyi chos ma thob pa rnams kyang thob par byed pa yin te/ rigs kyi bu de ltar na byang chub sems dpa' chos 'dod pa yin no/ / de nas de'i tshe becom ldan 'das kyis tshigs su bcad pa 'di dag bka' stsal to// rgyal ba'i sras po shes rab che// chos 'dod par ni gyur pa rnams// dam chos yongs su tshol ba na/ / skyo ba skyed par mi byed do// gus pas dam chos yongs tshol ba'i// rgyal ba'i thugs las skyes pa rnams// sems kyis 'dzin par byed pa dang / / nan tan gyis ni sgrub pa yin// rigs kyi bu de la ji ltar na byang chub sems dpa' chos la nye bar rtog par byed pa yin zhe na/ rigs kyi bu 'di
- 252b
la byang chub sems dpa' 'di ltar nye bar rtog par byed de/ chos thams cad ni byis pa'i skye bo kun tu rmongs par byed pa'i phyir sgyu ma lta bu'o// chos thams cad ni yod pa ma yin pa'i phyir rmi lam lta bu'o/ / chos thams cad ni dngos po med pa'i phyir chu zla lta bu'o// chos thams cad ni sems can med pa'i phyir mig yor lta bu'o// chos thams cad ni yang dag pa ma yin pa kun btags pa'i phyir gzugs brnyan lta bu'o/ / chos thams cad ni byung nas 'jig cing 'ju ba'i phyir brag cha lta bu'o// chos thams cad ni rten cing 'brel par 'byung ba yin pa'i phyir byung nas 'jig cing 'ju ba yin no/ / chos thams cad ni de bzhin nyid la yang dag par gzhol ba'i phyir ma skyes pa yin no// chos thams cad ni ma skyes pa'i phyir ma 'gags pa yin no/ / chos thams cad ni byed pa po med pa'i phyir bcos ma ma yin pa'o// ros thams cad ni gos pa med pa'i phyir nab mkha' lta bu'o// chos thams cad ni rang bzhin gyis kun tu 'bar ba ma yin pa'i phyir zhi ba yin no/ / chos thams cad ni rang bzhin gyis kun nas nyon mongs pa can ma yin pa'i phyir gzod ma nas yongs su dag pa yin no// chos thams cad ni dri ma thams cad dang bral ba'i phyir dri ma med pa yin no/ / chos thams cad ni nyon mongs pa dang bral ba'i phyir gzod ma nas yongs su mya ngan las 'das pa yin no// chos thams cad ni
- 253a
nges par snang ba ma yin pa'i phyir gzugs can ma yin no/ / chos thams cad ni lus med pa'i phyir rnam par shes pa'i yul las yang dag par 'das pa yin no// chos thams cad ni gnas yang dag par bcom pa'i phyir mi gnas pa yin no/ / chos thams cad ni rjes su chags pa dang khong khro ba spangs pa'i phyir rnam par shes par bya ba ma yin no// chos thams cad ni nyon mongs pa'i spyod yul las yang dag par 'dus pa'i phyir gnas med pa yin no/ / chos thams cad ni thabs la mkhas pa'i rig pa dang bral ba'i phyir sbrul gdug pa lta bu yin no// chos thams cad ni snying po med pa'i phyir chu shing gi sdong po lta bu yin no// chos thams cad ni rang bzhin gyis nyam chung ba'i phyir dbu ba rdos pa lta bu yin no zhes nye bar rtog par byed pa yin te/ rigs kyi bu de ltar na byang chub sems dpa' chos la nye bar rtog par byed pa yin no// de nas de'i tshe bcom ldan 'das kyis tshogs su bcad pa 'di dag bka' stsal to// chos kun sgyu ma lta bu ste/ / byis pa rnams kyi sems rmongs byed// yang dag ma yin rmi 'dra bar// de ltar ltos shig dge slong dag/ chos rnams chu zla lta bu ste// mig yor gyis ni kun nas bslang // chos rnams gzugs brnyan lta bur ni/ / mkhas pa su zhig rtog mi byed/ rigs kyi bu de la ji ltar na byang chub sems dpa' chos kyi rjes su 'thun pa'i chos la zhugs pa yin men/
- 253b
rigs kyi bu 'di la byang chub sems dpa' gzugs mi rtag go zhes yang dag par rjes su lta zhing / gzugs la 'dod chags dang bral ba'i phyir chos kyi dbyings mngon sum du mi byed par/ chos kyi dbyings kyi 'khor gyi chos rnams yang dag pa'i shes rab kyis legs par rtogs par byed cing / de dag gi mtshan ma rnams dang / legs par bshad pa rnams dang / legs par mtshan btab pa rnams legs par zin par byed la/ mtshan ma dang / legs par bshad pa dang / legs par mtshan btab pa legs par bzung ba de dag la/ de'i chos kyi dbyings kyi lam rtsol ba med pa kho nar 'jug pa dang / de bzhin du tshor ba dang / 'du shes dang / 'du byed dang / rnam par shes pa mi rtag go zhes yang dag par rjes su lta zhing / rnam par shes pa la 'dod chags dang bral ba'i phyir chos kyi dbyings mngon sum du mi byed par/ chos kyi dbyings kyi 'khor gyi chos rnams yang dag pa'i shes rab kyis legs par rtogs par byed cing / de dag gi mtshan ma dngar legs par bshad pa dang / legs par mtshan btab pa de dag legs par zin par byed la/ mtshan ma dang / legs par bshad pa dang / legs par mtshan btab pa legs par bzung ba de dag la/ de'i chos kyi dbyings kyi lam rtsol ba med pa kho nar 'jug pa dang / mi rtag pa la ji lta ba bzhin du sdug bsngal ba dang / stong pa dang / bdag med pa la'ang de bzhin
- 254a
te/ de gzugs bdag med do zhes yang dag par rjes su lta zhing / gzugs bdag med do zhes yang dag par rjes su lta ba na/ gzugs kyis mi skrag mi dngang zhing dngang bar mi 'gyur ro/ / de ci'i phyir zhe na/ gzugs ni yang dag pa ma yin pa'i yongs su rtog pas kun nas bslang ba yin la/ des de'ang yang dag pa ji lta ba bzhin du shes pa'i phyir ro/ / de bzhin du tshor ba dang / 'du shes dang / 'du byed dang / rnam par shes pa bdag med do zhes yang dag par rjes su lta zhing / rnam par shes pa bdag med de// zhes yang dag par rjes su lta ba na/ rnam par shes pas mi skrag mi dngang zhing dngang bar mi 'gyur ro// de ci'i phyir zhe na/ rnam par shes pa ni yang dag pa ma yin pa yongs su rtog pas kun nas bslang ba yin la/ des de'ang yang dag pa ji lta ba bzhin du shes pa'i phyir ro// rigs kyi bu 'di lta ste/ dper na sgyu ma mkhan nam/ sgyu ma mkhan gyi slob ma mkhas pa zhig gis skye bo phal po che'i mdun du sgyu mar byas pa rnam pa sna tshogs 'di lta ste/ glang po che'i tshogs sam/ rta'i tshogs sim/ shing rta'i tshogs sam/ dpung bu chung gi tshogs dag mngon par sprul te bstan par gyur na/ skyes bu mkhas pa'i rang bzhin can ni de mthong na/ mi skrag mi dngang zhing dngang bar mi 'gyur ro// de ci'i phyir zhe na/ des de ni//
- 254b
sgyu mar byas pa ste/ yang dag pa ma yin pa dang / yod pa ma yin pa dang / brdzun pa dang / slu bar byed pa'i chos yin par rig cing kun tu shes pa'i phyir ro// rigs kyi bu de bzhin du byang chub sems dpa' yang gzugs bdag med do zhes yang dag par rjes su lta ba na/ mi skrag mi dngang zhing dngang bar mi 'gyur ro// de ci'i phyir zhe na/ gzugs ni yang dag pa ma yin pa yongs su rtog pas kun nas bslang ba yin la/ des de'ang yang dag pa ji lta ba bzhin du shes pa'i phyir ro// de bzhin du tshor ba dang / 'du shes dang / 'du byed dang / rnam par shes pa bdag med do zhes yang dag par rjes su lta ba na/ rnam par shes pas mi skrag mi dngang zhing dngang bar mi 'gyur ro// de ci'i phyir zhe na/ rnam par shes pa ni yang dag pa ma yin pa yongs su rtog pas kun nas bslang ba yin la/ des de'ang yang dag pa ji lta ba bzhin du shes pa'i phyir ro// de nas bcom ldan 'das la/ byang chub sems dpa' sems dpa' chen po dge ba dri med rnam ngag rin chen zla 'od rgyal pos 'di skad ces gsol to/ / bcom ldan 'das ji ltar na byang chub sems dpa' gzugs mi rtag par yang dag par rjes su lta zhing gzugs la 'dod chags dang bral ba'i slad du chos kyi dbyings mngon sum du mi bgyid par/ chos kyi dbyings kyi 'khor gyi chos rnams yang dag pa'i shes rab kyis legs par rtogs par bgyid
- 255a
pa lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to/ / rigs kyi bu 'di na skyes bu mkhas pa la la dpes bshad pa'i don kun shes par 'gyur bas na/ de'i phyir dpe brjod par byas nyon cig/ rigs kyi bu 'di/ lta ste/ dper na shes rab dang ldan pa'i rang bzhin can gyi mi la la zhig dug spyod par gyur na/ de dus dus su dug de byi dor byed/ sbed par byed/ nor du byed/ bdag gir byed cing / yo byad rnam pa sna tshogs dag tu 'tshong bar byed kyi/ de za bar mi byed do// de ci'i phyir zhe na/ gzhi 'dis bdag gi srog gi bar chad du 'gyur du 'ong ngo snyam du sems pa'i phyir ro// rigs kyi bu de bzhin du byang chub sems dpa' yang mya ngan las 'da' bar sems pa dang / mya ngan las 'da' ba la gzhol ba dang / mya ngan las 'da' ba la 'bab pa dang / mya ngan las 'das pa la/ bab par yang byed mod kyi/ mya ngan las 'das pa de mngon sum du mi byed do// de ci'i phyir zhe na/ gzhi 'dis bdag byang chub las ldog par 'gyur du 'ong ngo snyam du sems pa'i phyir ro// rigs kyi bu 'di lta ste/ dper na shes rab dang ldan pa'i rang bzhin can gyi mi la la zhig me spyod par gyur na/ de dus dus su me de la bkur stir byed/ bla mar byed/ ri mor byed/
- 255b
mchod par byed/ legs par rim gror byed kyang / de 'di snyam du bdag gis me 'di la bkur stir byas/ bla mar byas/ ri mor byas// mchod par byas/ legs par rim gror byas mod kyi/ 'di la lag pa gnyis kyis ni gzung bar mi bya'o snyam du sems so// de ci'i phyir zhe na/ gzhi 'dis bdag la lus kyi sdug bsngal dang / sems kyi yid mi bde ba 'byung bar 'gyur du 'ong ngo snyam du sems pa'i phyir ro/ / rigs kyi bu de bzhin du byang chub sems dpa' yang mya ngan las 'das pa la sems pa dang / mya ngan las 'das pa la gzhol ba dang // mya ngan las 'das pa la 'bab pa dang / mya ngan las 'das pa la bab par yang byed mod kyi/ mya ngan las 'das pa de mngon sum du mi byed do// de ci'i phyir zhe na/ gzhi 'dis bdag byang chub las ldog par 'gyur du 'ong ngo snyam du sems pa'i phyir ro/ / de skad ces bka' stsal pa dang / bcom ldan 'das la/ byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ / bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpas ni 'khor ba kho nar gnas par bgyi ba lags so/ / bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ byang chub sems dpas ni 'khor
- 256a
ba kho nar gnas par bya ba yin no/ / gsol pa/ bcom ldan 'das ji ltar na byang chub sems dpa' 'khor ba na 'khor ba'i tshe 'khor ba'i skyon rnams kyis mi gos pa lags/ bcom ldan 'das kyis bka' stsal pa/ rigs kyi bu de'i phyir dpe brjod par byas nyon cig/ rigs kyi bu 'di lta ste/ dper na sbrul 'dzin pa'i mi gsang sngags dang sman gyi stobs bskyed pa chen po dang ldan pa ni/ sbrul gdug pa dag dang lhan cig tu rtse zhing dga' mgur spyod par byed kyang / gzhi des de'i srog gi bar chad byed par yang mi 'gyur ro/ / de ci'i phyir zhe na/ 'di lta ste/ shes rab dang / thabs dang / rig pa'i gsang sngags dang / sman gyi stobs bskyed pa'i phyir ro// de skad ces bka' stsal pa dang / bcom ldan 'das la/ byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to// bcom ldan 'das de ltar byang chub sems dpa' sems dpa' chen po dag mya ngan las 'das pa de'ang mngon sum du mi bgyi la/ 'khor ba'i skyon de dag gis kyang mi gos pa ni/ bcom ldan 'das ngo mtshar lags so// bde bar gshegs pa ngo mtshar lags so/ / bcom ldan 'das shin tu ngo mtshar lags so// bde bar gshegs pa shin tu ngo mtshar lags te/ bcom ldan 'das bdag byang chub sems dpa' de dag la skyabs/
- 256b
su mchi lags so// bcom ldan 'das sems can gang dag chos kyi rnam grangs 'di thos nas tha na sems dang ba gcig tsam rnyed par gyur pa de dag ni dge ba'i rtsa ba ngan ngon dang ldan pa lags so/ / bcom ldan 'das rigs kyi bu dang rigs kyi bu mo gang dag chos bstan pa 'di bshad pa na/ nyan par bgyid pa de dag ni bla na med pa yang dag par rdzogs pa'i byang chub tu lung bstan par 'gyur ba lags so/ / bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ rigs kyi bu dang rigs kyi bu mo gang dag chos bstan pa 'di bshad pa na/ nyan par byed pa de dag ni bla na med pa yang dag par rdzogs pa'i byang chub tu lung bstan par 'gyur ba yin no// chos bstan pa 'di bshad pa na/ dge slong lnga brgya po de dag len pa med par zag pa rnams las sems rnam par grol bar gyur nas/ sems rnam par grol ba de dag stan las langs te/ bla gos phrag pa gcig tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbar ba dag btud nas bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po rnams ni phyag bgyi bar 'os pa lags so/ / bde bar gshegs pa byang chub sems dpa' sems dpa' chen po rnams ni phyag bgyi bar 'os pa lags
- 257a
so/ / bcom ldan 'das kyis bka' stsal pa/ dge slong dag de de bzhin te/ ji skad smras pa de bzhin no// de nas de'i tshe bcom ldan 'das kyis tshigs su bcad pa 'di dag bka' stsal to/ / grags chen thabs la mkhas pa dang // shes rab khyad par 'phags pa yis// nyan thos rnams kyi sa dag las// yang dag 'das par gyur pa dang // / phung po skyo 'jig zad 'gyur bar// yang dag ji bzhin shes gyur kyang // 'gro ba nyam thag 'di mthong nas// mya ngan 'da' bar mi 'gro ba'i// shes rab che rnams phyag bya'i 'os// 'jigs pa med rnams phyag bya'i 'os// spyan yangs ldan rnams phyag bya'i 'os// rgyal ba'i sras rnams phyag bya'i 'os// rigs kyi bu de ltar na byang chub sems dpa' chos kyi rjes su 'thun pa'i chos la zhugs pa yin no/ / rigs kyi bu de la ji ltar na byang chub sems dpa' nga rgyal dang / che ba'i nga rgyal dang bral ba yin zhe na/ rigs kyi bu 'di nga rgyal zhes bya ba ni bdag ni gzhan dag dang / rus dang / gzugs dang / 'gron bu dang / gser dang / nor dang / yo byad gang yang rung ba dag gam/ glang po che'i tshogs sam/ tshogs sam/ shing rta'i tshogs sam/ dpung bu chung gi tshogs dag mi mtshungs so snyam du 'gran par byed cing / de ltar sems mngon par mtho bar byed pa gang yin pa ste/ de ni nga rgyal zhes
- 257b
bya'o/ / che ba'i nga rgyal zhes bya ba ni bdag ni gzhan dag pas rigs dang / rus dang / gzugs dang / 'gron bu dang / gser dang / nor dang / 'bru phun sum tshogs pa dag gam glang po che'i tshogs sam/ rta'i tshogs sam/ shing rta'i tshogs sam/ dpung bu chung gi tshogs dag gis khyad par du 'phags pa yin no snyam du sems la/ de ltar sems khengs shing mi 'dud pa gang yin pa ste/ de ni che ba'i nga rgyal zhes bya'o// byang chub sems dpa' ni de dag dang bral bas na/ de'i phyir nga rgyal dang / che ba'i nga rgyal dang bral ba zhes bya'o// de nas de'i tshe bcom ldan 'das kyis tshigs su bcad pa 'di dag bka' stsal to/ / nga rgyal che ba'i nga rgyal ni zhing rtag tu byams pa'i sems// snying rje'i yid dang ldan zhing 'gro ba dag la bag yod pa'i// sems dpa' gtso bo yangs pa 'di na bsod snyoms spyod byed cing // lha dang mi rnams dag la phan parjod par byed pa yin// // bam po gnyis pa ste tha ma'o// rigs kyi bu de la ji ltar na byang chub sems dpa' dgongs te gsungs pa rtogs par bya ba la mkhas pa yin zhe na/ rigs kyi bu 'di la byang chub sems dpa' de bzhin gshegs pas dgongs te gsungs pa'i mdo sde zab mo zab mo gang dag yin pa de dag la sgra ji bzhin kho nar mngon par zhen par mi byed pa yin te/ de la de bzhin gshegs pas dgongs te gsungs pa
- 258a
de dag kyang gang zhe na/ 'di lta ste/ de bzhin gshegs pas nyan thos rnams bla na med pa yang dag par rdzogs pa'i byang chub tu lung bstan to zhes gsungs pa ni/ de ltar mi blta'o// kun dga' bo nga ni ro rgya ba na'o zhes gsungs pa'ang de ltar mi blta'o// nga ni rgas 'khogs te gtugs pa yin gyis/ nga'i bsnyen bkur ba tshol cig ces gsungs pa'ang de ltar mi blta'o/ / mo'u 'gal gyi bu khyod song la sman pa'i rgyal po 'tsho byed kyi gnas nas sman long zhig dang bza' bar bya'o zhes gsungs pa'ang de ltar mi blta'o/ / de bzhin gshegs pa ni gzhan mu stegs can spyod pa dang / kun tu rgyu dag dang lhan cig tu tshig gis rtsod par byed do zhes gsungs pa'ang de ltar mi blta'o// de bzhin gshegs pa'i zhabs la seng ldeng gi tshal pas zug go zhes gsungs pa'ang de ltar mi blta'o/ / skyes bu dam pa ma yin pa lhas byin ni yun ring po nas de bzhin gshegs pa'i gshed ma dang gcugs can dang / phyir rgol ba dang / dgra bor gyur pa yin no zhes gsungs pa'ang de ltar mi blta'o// de bzhin gshegs pa bsod snyoms kyi phyir bram ze'i grong sA la can du ji/ ltar lhung bzed bkrus pas zhugs pa bzhin du phyir byung ngo zhes gsungs pa'ang de ltar mi blta'o// bram ze'i bu mo dregs mas shing gi gzhong bu lto bar bcings te/ de bzhin gshegs pa
- 258b
la skur pa btab bo zhes gsungs pa'ang de ltar mi blta'o/ / de bzhin gshegs pa nyon mongs med kyi ljongs su dbyar gnas par zhal gyis bzhes pa na/ zla ba gsum du rta chas kyi nas/ ngadag gsol to zhes gsungs pa'ang de ltar mi blta'o// de skad ces bka' stsal pa dang // bcom ldan 'das la/ byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ / bcom ldan 'das de bzhin gshegs pas nyan thos rnams bla na med pa yang dag par rdzogs pa'i byang chub tu lung bstan pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu ngas nyan thos rnams bla na med pa yang dag par rdzogs pa'i byang chub tu lung bstan pa gang yin pa de ni rigs las brtags te lung bstan to/ / gsol pa/ bcom ldan 'das nyan thos zag pa zad pa/ srid par kun tu sbyor ba yang dag par rgyun chad pa dag la rigs mchis su lags kyang / ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rigs kyi bu de'i phyir dpe nyon cig/ rigs kyi bu 'di lta ste/ dper na rgyal po rgyal rigs spyi bo nas dbang bskur ba zhig la bu zhig bdog par gyur la/ de'ang bzo'i gnas thams cad slob
- 259a
par byed cing / de dbang po rtul la dbang po mi rno ba zhig yin pas/ de phyis bslab par bya ba gang yin pa de ni sngar slob par byed la/ sngar bslab par bya ba gang yin pa de ni phyis slob par byed na/ rigs kyi bu 'di ji snyam du sems/ de gzhi des rgyal po'i bu ma yin no zhes brjod par bya ba yin snyam mam/ gsol pa/ bcom ldan 'das de ni ma lags so/ / bde bar gshegs pa de ni ma lags te/ de ni rgyal po'i bu zhes bgyi lags so// bcom ldan 'das kyis bka' stsal pa/ rigs kyi bu de bzhin du rigs dang ldan pa'i byang chub sems dpa' dbang po rtul po'ang bsgom pa'i lam gyis sngar nyon mongs pa rnams zad par byed cing / phyis bla na med pa yang dag par rdzogs pa'i byang chub mngon par rdzogs par 'tshang rgya bar byed na/ rigs kyi bu 'di ji snyam du sems/ de bzhi des mngon par rdzogs par 'tshang mi rgya'o zhes bya snyam mam/ gsol pa/ bcom ldan 'das bdag gis gang 'dod chen po ma gtogs par mngon par rdzogs par 'tshang mi rgya'o zhes de skad mchi ba'i sems can de ni lha dang bcas pa dang / bdud dang bcas pa dang / dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na yang dag par rjes su ma mthong lags so// bcom ldan 'das kyis bka' stsal pa/ rigs kyi bu dpe gzhar yang nyon
- 259b
cig/ rigs kyi bu 'di ji snyam du sems/ byang chub sems dpa' sa bcu la gnas pa nyon mongs pa'i sgrib pa zad nas byang chub kyi snying po la 'dug gam/ 'on te ma zad pas 'dug snyam mam/ gsol pa/ bcom ldan 'das pas nas mchis lags so// bde bar gshegs pa bas nas mchis lags so// bcom ldan 'das kyis bka' stsal pa/ rigs kyi bu 'di ji snyam du sems/ de gzhi des mngon par rdzogs par 'tshang mi rgya snyam mam/ gsol pa/ bcom ldan 'das mngon par rdzogs par 'tshang rgya lags so// bde bar gshegs pa mngon par rdzogs par 'tshang rgya lags so/ / bcom ldan 'das kyis bka' stsal pa/ rigs kyi bu 'di la'ang de dang 'dra bar blta bar bya'o// gsol pa/ bcom ldan 'das kun dga' bo nga ni ro rgyab na'o zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu ngas phyi ma'i skye bo de bzhin gshegs pa'i sku rdo rje ltar sra ba'ang sku ro rgyab snyung na/ gzhan dag lta smos kyang ci dgos snyam du sems pa la thugs brtse bas de skad gsungs pa yin na/ de la mi blun po kha cig de bzhin gshegs pa'i sku ro rgyab snyung zhe'o zhes sgra ji bzhin kho nar 'dzin par byed de/ de dag ni rang yang nyams par byas la/ gzhan yang nyams par byed pa yin te/ de bzhin gshegs pas de la dgongs
- 260a
nas de skad ces gsungs so/ / gsol pa/ bcom ldan 'das nga ni rgas 'khogs te gtugs pa yin gyis/ nga'i bsnyen bkur ba tshol cig ces gsungs pa de ji ltar blta bar bgyi lags/ bcom ldan 'das kyis bka' sprul pa/ rigs kyi bu de'ang ngas phyi ma'i skye bo rnams la thugs brtse bas nga'i nyan thos rgas 'khogs t e gtugs pa gang dag gi lus la bsnyen bkur ba dgos pa dag 'byung bar 'gyur ba de dag de bzhin gshegs pas rjes su ma gnang ngo zhes 'phongs par mi 'gyur bar bya ba'i phyir de skad ces gsungs te/ de bzhin gshegs pas de las dgongs nas de skad gsungs pa yin na/ de la mi blun po kha cig de bzhin gshegs pa bgres 'khogs te gtug go zhes sgra ji bzhin kho nar 'dzin par byed de/ de dag kyang rang yang nyams par byas la/ gzhan yang nyams par byed pa yin no// gsol pa/ bcom ldan 'das mo'u 'gal gyi bu khyod song la sman pa'i rgyal po 'tsho byed kyi gan nas sman long zhig dang bza' bar bya'o zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de'ang ngas phyi ma'i skye bo rnams la thugs brtse bas/ ngas nyan thos gang dag la sman dgos pa dag 'byung bar 'gyur ba de dag/ de bzhin gshegs pas rjes su ma gnang ngo zhes
- 260b
'a'ongs par mi 'gyur bar bya ba'i phyir de skad gsungs te/ de bzhin gshegs pas de las dgongs nas de skad gsungs pa yin na/ de la mi blung po khacig sman pa'i rgyal po 'tsho byed/ kyis dge slong mo'u 'gal gyi bu la zhes sa med pa dang / gus par bsgrim pa med pa ma yin par bstan cing dris na'ang rings pa rings pa kho nar snyun gsos sman bstan pa las na/ de bzhin gshegs pa ni sku la snyun mnga' ba yin no snyam pa dang // de bzhin gshegs pa'i sku de la'ang nyes dmigs dag snang ste/ chos mthong ba rnams la'ang de lta bu'i bag med pa dag 'byung bar 'gyur na/ so so'i skye bo dag la lta smos kyang ci dgos shes sgra ji bzhin kho nar 'dzin par byed de/ de dag kyang rang yang nyams par byas la/ gzhan yang nyams par byed pa yin no/ / gsol pa/ bcom ldan 'das de bzhin gshegs pa ni gzhan mu stegs can spyod pa pa dang / kun tu rgyu dag dang lhan cig tu tshig gis rtsod par byed do zhes gang gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de'ang ngas phyi ma'i skye bo dag de bzhin gshegs pa nyid la'ang dgra bo dang phyir rgol ba dag yod na/ bdag cag la lta smos kyang ci dgos snyam du sems pa dag la thugs brtse bas de skad gsungs pa yin na/ de la mi blun po de dag de bzhin gshegs pa la'ang dgra
- 261a
bo dang phyir rgol ba dag yod do zhes sgra ji bzhin kho nar 'dzin par byed de/ rigs kyi bu 'khor los sgyur ba'i rgyal po dge ba'i rtsa ba chung ngu dang ldan pa la'ang dgra bo dang phyir rgol ba dag med na/ de bzhin gshegs pa bsod nams kyi chu bo chen po dang ldan pa la lta smos kyang ci dgos// gsol pa/ bcom ldan 'das de bzhin gshegs pa'i zhabs la seng ldeng gi tshal pas zug go zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de bzhin gshegs pa ni las bdag gir bya ba nyid ston par mdzad de/ de bzhin gshegs pa nyid la'ang sngon byas pa'i las dag yod na/ gzhan dag la sgyu smos kyang ci dgos shes rgyu de dang / rkyen de dang / gzhi nges sdig pa'i las la mi dga' zhing dga' bar mi 'gyur ba'i don gyi dbang de gzigs pas na/ de bzhin gshegs pa las bdag gir bya ba nyid ston par mdzad pa yin na/ de la mi blun po de dag de bzhin gshegs pa'i zhabs la seng ldeng gi tshal bas zug go zhes sgra ji bzhin kho nar 'dzin par byed do/ / gsol pa/ bcom ldan 'das skyes bu dam pa ma yin pa lhas byin ni yun rin po nas de bzhin gshegs pa'i gshed ma dang / gzugs can dang / phyir rgol ba dang / dgra bor gyur pa yin no gsungs pa de ji ltar blta bar bgyi logs/ bcom ldan 'das kyis
- 261b
bka' stsal pa/ rigs kyi bu gal te skyes bu dam pa lha sbyin med par gyur na/ de bzhin gshegs pa la sangs rgyas kyi che ba'i bdag nyid gcig kyang yod par mi mngon te/ rigs kyi bu gang gi phyir skyes bu dam pa lhas byin gyis de bzhin gshegs pa la brtsod pa dang / bsgrin pa dang / phyir brgal ba dag bstan pa de'i phyir de bzhin gshegs pa la sangs rgyas kyi che ba'i bdag nyid dag yod par mngon no/ / rigs kyi bu rgyal po'i tshig gis skyes bu dam pa lhas sbyin gyis 'dis de bzhin gshegs pa rnam par 'jom par bya'o snyam nas grong bar gyi dbus nas/ de bzhin gshegs pa la glang po che nor skyong rbad par gyur pa gang yin pa de/ de bzhin gshegs pas btul cing rnam par btul nas dul bar mdzad de/ skye bo phal po ches de mthong nas ngo mtshar du 'dzin cing rmad du byung / bar 'dzin pas/ dkon mchog gsum po 'di lta ste/ sangs rgyas dkon mchog dang / chos dkon mchog dang / dge 'dun dkon mchog la skyabs su dong ste/ de'ang skye bu dam pa lha sbyin gyi skyes bu'i rtsal yin par blta bar bya'o/ / de la mi blun po de dag ni kye ma lha sbyin ni de bzhin gshegs pa'i gsheng ma dang / gcugs can dang / phyir rgol ba yin ro zhes sgra ji bzhin kho nar 'dzin par byed do/ / de bzhin du de bzhin gshegs pa byang chub sems dpar gyur pa na tshe rabs lnga brgyar skyes bu dam pa lha sbyin gyis gnod pa byas pa gang yin pa de'ang byang chub sems dpa'i ye/
- 262a
tan thams cad bstan par bya ba'i phyir byas pa yin na/ de la mi blun po kha cig kye ma lha sbyin ni de bzhin gshegs pa'i gshed ma dang / gcugs can dang / phyir rgol ba yin no zhes sgra ji bzhin kho nar 'dzin te/ de dag ni gzhi des lus zhig nas sems can dmyal ba dang / dud 'gro dang / yi dgas rnams su skye bar 'gyur ro// de ci'i phyir zhe na/ 'di ltar skyes bu dam pa lhas byin ni tshogs shin tu bsags pa/ dge ba'i rtsa ba shin tu bsags pa/ rgyal ba du ma la lhag par bya ba byas pa/ dge ba'i rtsa ba bskyed pa/ theg pa chen po la yang dag par zhugs pa/ byang chub chen po la gzhol ba/ byang chub chen po la 'bab pa/ byang chub chen po la bab pa/ bla na med pa yang dag par rdzogs pa'i byang chub tu nye ba yin pas na/ de la sdang ba'i sems bskyed pa de dag ni lus zhig nas sems can dmyal ba dang / dud 'gro'i skye gnas dang / yi dgas rnams su skye bar 'gyur ba'i phyir ro// gsol pa/ bcom ldan 'das de bzhin gshegs pa bsod snyoms kyi phyir/ bram ze'i grong sA la can du ji ltar lhung bzed bkrus pas zhugs pa bzhin du phyir byung ngo zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de'ang ngas phyi ma'i skye bo rnams la bltas te de lta bu bstan to// de ci'i phyir zhe na/
- 262b
rigs kyi bu de bzhin gshegs pa la las kyi sgrib pa cung zad kyang med pa'i phyir te/ 'on kyang de bzhin gshegs pas phyi ma'i skye bo rnams la bltas nas de lta bu bstan te/ dge slong bsod snyoms pa kha cig bsod snyoms kyi phyir/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag tu zhugs pa'i tshe/ bdag nyid bsod nams chung bas bsod snyoms ma rnyed pa na/ de dag de'i tshe de bzhin gshegs pa yid la byas nas/ 'di skad ces de bzhin gshegs pa dge ba'i rtsa ba'i tshogs thams cad yongs su rdzogs pa de nyid kyang ji ltar lhung bzed bkrus pas zhugs pa bzhin du phyir byung na/ bdag cag dge ba'i rtsa ba chung ngu dang ldan pa'i rnams lta smos kyang ci dgos te/ bsod snyoms ma rnyed pa 'dis bdag cag yongs su gdung bar mi bya'o zhes brjod par 'gyur ba'i don gyi dbang 'di gzigs pas/ de bzhin gshegs pa bsod snyoms kyi phyir/ bram ze'i grong sA la can du ji ltar lhung bzed bkrus pas zhugs pa bzhin du phyir byung bar bstan to/ / gzhan yang bdud sdig can gyis bram ze dang khyim bdag rnams byin gyis brlabs pas na/ de ltar bsod snyoms mi ster to zhes zer na/ de'ang de ltar mi blta'o// de ci'i phyir zhe na/ bdud sdig can gyis/ de bzhin gshegs pa'i song snyoms kyi bar chad byed par mi nus pa'i phyir
- 263a
te/ 'on kyang de bzhin gshegs pa'i byin gyi rlabs kyis/ bdud sdig can gyis bram ze dang khyim bdag rnams kun tu byin gyis brlabs pa yin gyi de bzhin gshegs pa la ni las kyi sgrib pa cung zad kyang med de/ sems can de dag nyid yongs su smin par bya ba'i phyir/ de bzhin gshegs pa thabs la mkhas pa de lta bu ston par mdzad do/ / de bzhin gshegs pas zhal zas bcad cing chad pa de na/ bdud dang / bdud kyi ris kyi lha dang / lha'i bu gzhan dag kyang dge sbyong go'u ta ma dang / nyan thos dag yid mi bde bar mi 'dug gam zhes/ de bzhin gshegs pa'i nyan thos kyi dge 'dun dang bcas pa'i thugs la sems par byed de/ de dag nyin mtshan du de bzhin gshegs pa nyan thos kyi dge 'dun dang bcas pa'i thugs la sems kyis sems par byed pa na/ thugs kyi gnas gcig tsam la'ang mtho ba med cing dma' ba med la/ sngon ji lta ba bzhin du phyis kyang de bzhin phyis ji lta ba bzhin du sngon yang de bzhin te/ yid mi bde ba med par yang dag par rjes su mthong nas/ de'i tshe na lha'i bu bdun khri 'dus par gyur pa dag gis/ de bzhin gshegs pa la rab tu btud pa dang / de bzhin gshegs pas kyang de dag la ci nas kyang / de dag thams cad chos rnams la chos kyi mig rnam par dag par 'gyur ba de lta de ltar chos bshad de/ de ltar na
- 263b
de bzhin gshegs pa phyi ma'i skye bo la gzigs pa yin gyi/ de bzhin gshegs pa la las kyi sgrib pa yod pa ni ma yin no// gsol pa/ bcom ldan 'das bram ze'i bu mo dregs mas shing gi gzhong bu lto bar bcings te/ de bzhin gshegs pa la skur pa btab bo zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu de bzhin gshegs pa la ni las kyi sgrib pa'i nyes pa med de/ de bzhin gshegs pas bram ze'i bu mo dregs ma 'jig rten gyi khams gang+gA'i klung gi bye ma snyed du 'phang bar yang spyod mod kyi/ de bzhin gshegs pas thabs la mkhas pas las kyi bya ba bstan te/ nga'i bstan pa 'di la rab tu byung ba la skur pa btab pa dag 'byung bar 'gyur ba de dag yang dag pa ma yin pa'i skur pas skur bar 'gyur bas/ de dag 'gyod pa can du gyur pa'i tshe/ de dag skur pa btab pa na 'di skad du/ de bzhin gshegs pa dkar po'i chos thams cad dang ldan pa des kyang re zhig mngon sum du skur pa brnyes par gyur na/ bdag cag gis lta ci'i phyir mi rnyed ces zer zhing / de dag de'i tshe na skur pa de zil gyis mnan nas/ tshangs par spyod pa yongs su dag pa/ yongs su byang ba spyod par 'gyur ba dang / nyams par mi 'gyur bar bya ba'i phyir ro// bram ze'i bu mo dregs ma ni re zhig sdig pa'i las kun tu rgyas pa yin pas/ rmi lam na'ang de bzhin gsheg
- 264a
pa la skur pa 'debs par byed pa yin te/ shi 'phos nas kyang sems can dmyal bar 'gro bar 'gyur ro// rigs kyi bu gal te de bzhin gshegs pas de kun tu bsrung bar spyod do zhes mkhyen par gyur na ni/ de kun tu bsrung bar yang mdzod do// de ci'i phyir zhe na/ de bzhin gshegs pas sems can 'ga' yang yongs su ma gtang ba'i phyir ro/ / gsol pa/ bcom ldan 'das de bzhin gshegs pa nyon mongs med kyi ljongs su dbyar gnas par zhal gyis bzhes pa na/ zla ba gsum du rta chas kyi nas dag gsol to zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyis bu ngas bram ze dang khyim bdag de dag de bzhin gshegs pa spyan drang bar mi sems par shes te/ shes bzhin du de bzhin gshegs pa der dbyar gnas so// de ci'i phyir zhe na/ de bzhin gshegs pa dge slong gi dge 'dun dang bcas par zla ba gsum kyi bar du gang dag gi rta chas stsol ba'i rta lnga brgya po de dag thams cad ni byang chub sems dpa'i theg pa pa sngon gyi rgyal ba la bsnyen bkur byas pa sha stag yin te/ de dag sdig pa'i grogs po'i dbang du song nas/ sdig pa'i las byas pas/ las des de dag dud 'gro'i skye gnas su skyes te/ rta lnga brgya po de dag gi nang na rta cang shes gang yin pa de ni byang chub sems
- 264b
dpa' nyi ma'i snying po zhes bya ba smon lam gyi dbang gis bsams bzhin du der skyes pa yin la/ rta lnga brgya po de dag kyang byang chub sems dpa' nyi ma'i snying po de nyid kyis byang chub yang dag par 'dzin du bcug pa yin pas/ de de dag yongs su smin par bya ba'i phyir der skyes te/ rta cang shes de nyid kyi mthus rta lnga brgya po de dag thams cad kyis sngon gyi tshe rabs rjes su dran par gyur cing de dag gi byang chub kyi sems de'ang mngon du gyur pa'i phyir te/ rigs kyi bu de lta bas na de bzhin gshegs pa rta lnga brgya po de dag la thugs brtse ba'i phyir dbyar der gnas so// de na rta cang shes kyis chas kyi nas gang dag yin pa de dag las phyed ni de bzhin gshegs pa la 'bul lo// rta lnga brgya po de dag gi chas kyi nas gang dag yin pa de dag las phyed phyed ni dge slong lnga brgya po de dag la 'bul zhing / rta cang shes des rta'i skad des rta lnga brgya po de dag sdig pa 'chags su bcug cing / sangs rgyas la sogs pa dge slong lnga brgya po dag la phyag 'tshal du'ang brlag go/ rigs kyi bu de nas zla ba gsum po de dag 'das nas rta lnga brgya po de dag shi 'phos te/ dga' ldan gyi lha rnams dang skal ba mnyam par skyes nas/ lhar gyur pa de dag gis yang de bzhin gshegs pa la bkur stir byas/ bla mar byas/ ri mor byas/ mchod par byas pa dang / de bzhin gshegs pas kyang de dag la ci nas kyang bla na med pa yang dag par rdzogs pa'i bang
- 265a
chub tu nges par 'gyur ba de lta de ltar chos bstan to/ / rtardza po de dag 'dul zhing 'tsho bar byed pa'i rta rdzi gang yin pa de'ang / de bzhin gshegs pas rang sangs rgyas rab tu sems dul zhes bya bar 'gyur ro zhes lung bstan to/ / rigs kyi bu de lta mod kyi/ de bzhin gshegs pa'i zhal zas gang yin pa de la ni mi bsod pa cung zad kyang med de/ rigs kyi bu gal te de bzhin gshegs pas shing dang / bong ba dang / gseg ma dang / gyo mo la sogs pa yongs su longs spyad par gyur na'ang / shing dang / bong ba dang / gseg ma dang / gyo mo la sogs pa de dag gi ro de lta bu dang / ro bro ba'i mchog gang dag yin pa de lta bu dag ni stong gsum gyi stong chen po'i 'jig rten gyi khams na'ang med do// de ci'i phyir zhe na/ 'di ltar de bzhin gshegs pas skyes bu chen po'i mtshan ro bro ba'i mchog dang ldan pa zhes bya ba brnyes pa'i phyir te/ rigs kyi bu de'i phyir rnam grangs des na khod kyis 'di ltar blta ste/ de bzhin gshegs pa'i zhal zas thams cad ni bsod pa yin par rig par bya'o/ / rigs kyi bu gzhan yang dge slong kun dga' 'di snyam du de bzhin gshegs pas 'khor los sgyur ba'i rgyal srid spangs nas/ rta chas kyi nas dag gsol bar mdzad pa lta zhes snying rje bar gyur pa dang / de bzhin gshegs pas de'i sems la rnam par gzigs nas/ kun dga' bo 'di ci'i ro yin shes sam zhes
- 265b
nas kyi 'bru gcig byin pa dang / des de zos nas ngo mtshar du 'dzin par gyur te/ ngal 'di skad ces bcom ldan 'das bdag ni rgyal po'i khyim du skyes shing rgyal po'i khyim du legs par rgyas pa lags na/ bdag gis ro 'di lta bu ni sngan chad ma myong lags so zhes zer te/ de'i byin gyis tshe dang ldan pa kun dga' bo zas mi za bar dga' ba dang bde bas zhag bdun 'das par gyur to// rigs kyi bu de'i phyir rnam grangs des kyang khyod kyis 'di ltar blta ste/ de bzhin gshegs pa ni gang la'ang las kyi sgrib pa mi mnga' ba yin par rig par bya ste/ sems can gang dag dge/ sbyong dang bram ze tshul khrims dang ldan pa dag mgron du gnyer la zas 'bul bar mi byed pa de dag gis ji skad smras pa de bzhin byed pa nyid kun tu bstan par bya ba'i phyir/ las kyi rgyud de lta bu dag nye bar ston par mdzad do/ / rigs kyi bu gang gis de bzhin gshegs pa spyan drangs la/ zhal zas ma gsol ba de'ang de bzhin gshegs pa log par ltung bar mi 'gyur ba'i chos su lung bstan pa'i de bzhin gshegs pa rnams kyi de bzhin gshegs pa'i che ba'i bdag nyid kyi khyad par la ltos/ rigs kyi bu gzhan yang de bzhin gshegs pa dang thabs cig tu dbyar zla ba gsum gnas par khas blangs pa'i dge slong lnga brgya po gang dag yin pa de dag las dge slong bzhi bcu ni 'dod chags kyi spyod pa dang / sdug pa'i mtshan ma la spyod pa yin pas/ gal te de'i tshe na de dag gis zas bsod
- 266a
pa dag zos par gyur na 'dod chags dang ldan pa'i rnam par rtog pa shin tu shas chen po dag skye bar 'gyur ba zhig na/ de dag gis zas ngan pa zos pa des 'dod chags dang ldan pa'i rnam par rtog pa de dag srab mor gyur nas/ de dag gis zhag bdun gyis dgra bcom pa nyid mngon du byas so// rigs kyi bu de lta bas na gang gis de bzhin gshegs pa rnams kyis gsungs pa nges par rtogs pa des ni legs pa kho nar nges par rtogs pa yin te/ rigs kyi bu de lta bas na byang chub sems dpa' dgongs te gsungs pa rtogs par bya ba la mkhas pa yin no// de nas de'i tshe bcom ldan 'das kyis tshigs su bcad pa 'di dag bka' stsal to/ / byang chub sems dpa' snying rje'i bdag/ bkri don gsungs pa gang yin dang // nges don gsungs pa gang yin pa// legs pa kho nar rtogs par byed/ / brtan pa dgongs la mkhas gyur pa// nying mtshams sbyor ba spangs pa rnams// rdzogs pa'i sangs rgyas grags ldan gyis// gsungs pa khong du chud pa yin// rigs kyi bu de la ji ltar na byang chub sems dpa' nyan thos dang rang sangs rgyas dang ldan pa'i theg pas yongs su mya ngan las 'da' bar mi 'dod pa yin zhe na/ rigs kyi bu 'di la byang chub sems dpa' ni sems can dmyal ba'i sdug bsngal dag gam/ dud 'gro'i sdug bsngal dag gam/ yid dgas kyi sdug bsngal dag gis kun tu gdung shing tsha bar gyur kyang / nyan thos dang rang sangs rgyas dang ldan
- 266b
pa'i theg pas mya ngan las 'da' bar 'dod pa ma sdud cing / e mar gyis bdag len pa med par bag pa rnams las sems rnam par grol bar gyur cig ces don cung ngur ma byed de/ bya ba cung ngu/ mi byed cing / don nyung ba nyid dang bya ba nyung ba nyid la brtson par mi byed kyi/ de ni sems can rnams kyi dge ba'i las bya ba dag la grogs su 'gyur zhing / sems can de dag kyang bla na med pa yang dag par rdzogs pa'i byang chub yang dag par 'dzin du 'jug/ yang dag par gzengs bstod/ yang dag par rab tu dga' bar byed de/ rigs kyi bu de ltar na byang chub sems dpa' nyan thos dang rang sangs rgyas dang ldan pa'i theg pas yongs su mya ngan las 'da' bar mi 'dod pa yin no/ / de nas de'i tshe bcom ldan 'das kyis tshigs su bcad pa 'di dag bka' stsal to// snying rje'i bdag nyid can dag ni/ / ri 'dra'i sems kyis spyod byed la// sems can don la mi skyo zhing // byang chub las ni phyir mi ldog/ byang chub sems dpa' sems can la// phan par 'dod pas skyo mi byed// sems can gzhan la phan pa'i phyir// bag med pa yang mi byed do// de nas bcom ldan 'das la/ byang chub sems dpa' sems dpa' chen po dge ba dri med rnam dag rin cher zla 'od rgyal pos 'di skad ces gsol to/ / bcom ldan 'das byang chub sems dpa' chos gang dag dang ldan ni theg pa chen po la yang dag par zhugs pa lags pa'i chos bcu po de dag ni bcom ldan 'das kyis
- 267a
bka' stsal lags na/ don gang gis na theg pa chen po 'di la theg pa chen po zhes bgyi ba de ni bcom ldan 'das kyis bka' ma sprul lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to// rigs kyi bu de'i phyir de khyod nyid la dri yis/ khyod kyis ji ltar bzod pa bzhin du lan thob cig/ rigs kyi bu 'di ji snyam du sems/ 'khor los sgyur ba'i rgyal po dpung gi tshogs yan lag bzhi dang lhan cig tu lam gang nas 'gro ba'i lam de ji skad brjod par bya snyam/ gsol pa/ bcom ldan 'das de ni rgyal po'i gshegs shul zhes brjod par bgyi lags so// shul po che zhes brjod par bgyi/ shul bde ba zhes brjod par bgyi/ shul bzang po zhes brjod par bgyi/ zhe 'gras pa ma mchis pa'i shul zhes brjod par bgyi/ 'khrug long ma mchis pa'i shul zhes brjod par bgyi lags so// bcom ldan 'das kyis bka' stsal pa/ rigs kyi bu de bzhin du de bzhin gshegs pa dgra bcom pa yang dag par rdzogs pa'i sangs rgyas theg pa gang gis gshegs pa'i theg pa de la'ang theg pa chen po zhes bya'o/ / theg pa mchog ces bya/ theg pa rab ces bya/ theg pa rab mchog ces bya/ theg pa thu bo zhes bya/ theg pa gtso bo zhes bya/ theg pa bla na med pa zhes bya
- 267b
theg pa gong na med pa zhes bya/ theg pa mnyam pa med pa zhes bya/ theg pa mi mnyam pa med pa zhes bya/ theg pa mi mnyam pa dang mnyam pa zhes bya ste/ rigs kyi bu de'i phyir theg pa chen po 'di la theg pa chen po zhes bya'o/ / gsol pa/ bcom ldan 'das theg pa chen po ni bzang ba lags so// bde bar gshegs pa theg pa chen po ni bzang ba lags de nas bdud sdig can 'di snyam du sems te/ dge sbyong go'u ta ma ni bdag gi bdud kyi yul las yang dag par 'das shing / gzhan dag kyang yang dag par 'da' bar byed pa yin gyis/ bdag dpung gi tshogs yan lag bzhi dang bcas te/ dge sbyong go'u ta ma de dang chos kyi rnam grangs de la mtho ba tsam du 'gro bar bya'o snyam mo// de nas bdud sdig can dpung gi tshogs yan lag bzhi dang bcas pa go gyon nas rgyal po'i khab kyi grong khyer chen po ga la ba dang / bya rgod kyi phung po'i rig la ba de logs su song ba dang / byang chub sems dpa' sems dpa' chen po dge ba dri med rnam dag rin chen zla 'od rgyal pos/ bdud sdig can dpung gi tshogs yan lag bzhi dang bcas pa bcom ldan 'das la mtho ba tsam pa dang chos kyi rnam grangs 'di nub par bya ba'i bsam pas 'ong bar mthong ngo / / mthong nas kyang rdzu 'phrul mngon par 'du bya ba 'di lta bu mngon par byas te/ ji lta bu'i rdzu 'phrul mngon par 'du bya ba
- 268a
mngon par 'du byabs/ bdud sdig can dpung na tshogs yan lag bzhi dang bcas pa rgyal po'i khab kyi grong khyer chen por song nas/ lam po che dang / lams gi bzhi mdo dang / sum mdo dag tu sgra sgrogs par byed/ dbyangs rjod par byed cing / 'di skad ces rgyal po'i khab kyi mi khyed cag shes par gyis shig/ de bzhin gshegs pa dgra bcom pa yang dag par rdzogs pa'i sangs rgyas de ni bya rgod kyi phung po'i ri la 'khor bzhi po dge slong dang / dge slong ma dang / dge bsnyen dang / dge bsnyen ma rnams dang / gzhan mu stegs can rnams la tshangs par spyod pa thog mar dge ba/ bar du dge ba/ tha mar dge ba/ dor bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba'i chos ston par mdzad/ rab tu ston par mdzad kyis/ de'i phyir khyed cag kyang dam pa'i chos mnyan pa'i phyir de bzhin gshegs pa'i spyan sngar deng zhig dang / des khyed cag la yun ring po'i don dang / phan pa dang / bde bar 'gyur ro zhes kyang rjes su bsgrags so// de nas rgyal po'i khab kyi rgyal rigs dang / bram ze dang / khyim bdag dang / grong rdal kyi mi dang / yul gyi mi rnams bdud sdig can gyis bskul ba na/ me tog dang / bdug pa dang / spos dang / me tog 'phreng dang / byug pa dang / phye ma dang / na bza' dang / gdugs dang / rgyal mtshan dang / ba dar
- 268b
dag thogs te rgyal po'i khab kyi grong khyer chen po nas byung nas/ bya rgod kyi phung po'i ri ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la phyag byas/ bla mar byas/ ri mor byas/ mchod pa byas nas phyogs gcig tu 'khod do// bdud sdig car yang dpung gi tshogs yar lag pa'i dang bcas par rgyal po'i khab kyi grong khyer chen po nas byung nas/ bya rgod kyi phung po'i ri ga la ba dang / bcom ldan 'das ga la ba der song ste phyin pa dang / lha'i me tog man+da ra ba dag mngon par sprul nas/ bcom ldan 'das la gtor/ mngon par gtor/ mngon par rab tu gtor to// bcom ldan 'das la gtor/ mngon par gtor/ mngon par rab tu gtor nas/ dpung gi tshogs yan lag pa'i dang lhan cig tu phyogs gcig tu 'dug go/ / de nas byang chub sems dpa' sems dpa' chen po dge ba dri med rnam dag rin chen zla 'od rgyal pos/ bdud sdig can phyogs gcig tu 'dug pa la 'di skad ces smras so/ / sdig can khyod dpung gi tshogs yan lag bzhi dang bcas te/ bcom ldan 'das kyi spyan sngar ci la 'ongs/ bdud kyis smras pa/ bcom ldan 'das la mtho ba tsam pa dang / chos kyi rnam grangs 'di la bar chad bya ba'i bsam pas 'ongs so// byang chub sems dpa' dge ba dri med rnam dag rin chen zla 'od rgyal pos smras pa/ sdig can khyod de
- 269a
bzhin gshegs pa la mtho ba tsam pa dang / chos kyi rnam grangs 'di'i bar chad byas pas khyod la ci bya/ sdig can khyod la des yun ring por don med pa dang / gnod pa dang // sdug bsngal bar mi 'gyur bar khyod kyis bcom ldan 'das kyi spyan sngar nyes pa la nyes par shog shigade nas bdud sdig can gyis byang chub sems dpa' sems dpa' chen po dge ba dri med rnam dag rin cher zla 'od rgyal po las rjes su 'thun pa'i gdam ngag rjes su bstan pa de thos nas/ stan las langs te bla gos phrag pa gcig la gzar nas/ pus mo g.yas pa'i lha ngas la btsugs te/ bcom ldan 'das kyi zhabs la gtugs nas bcom ldan 'das kyi spyan sngar/ bcom ldan 'das byis pa/ rmongs pa/ mi gsal ba/ mi mkhas pa bdag gi tshod ma 'tshal ba dag gis bcom ldan 'das la zhe sdang gi sems bskyed pa dang / mdo sde 'di lta bu la bar chad bgyi bar brtsal ba/ bcom ldan 'das nongs pa la nongs par bshad par 'tshal lo// bde bar gshegs pa nongs pa la nongs par bshags par 'tshal zhing slan chad kyang sdom par 'tshal lags na/ bcom ldan 'das kyis bdag gi nongs pa la nongs par bshags pa de legs par rjes su gzung bar gsol zhes/ nyes pa la nyes pa'i sgo nas bshags pa dang / bcom ldan 'das kyis bka' stsal pa/ sdig can 'di lta ste/ rigs kyi bu 'am/ rigs kyi bu mo nyes pa byung na rnam
- 269b
par dag par lnga ba dang / nyes pa la nyes par lta bar 'chags par byed/ sbyong bar byed cing / phyin chad kyang sdom par byed na 'phags pa legs par gsungs pa'i chos 'dul ba 'di 'phel ba 'gyur ro/ / de nas bdud sdig can stan las langs te/ bcom ldan 'das kyi spyan sngar 'dug nas/ bcom ldan 'das la 'di skad ces gsol to// bcom ldan 'das bcom ldan 'das kyis ngag rtsub po ni thams cad kyi thams cad du rnam pa thams cad kyi thams cad du mi dge ba'i las kyi lam du gdags pa ma mdzad lags sam/ bcom ldan 'das kyis bka' stsal pa/ sdig can de bzhin no/ / bdud kyis gsol pa/ bcom ldan 'das de lta lags na/ bcom ldan 'das chos kyi mnga' bdag ci'i slad du bdag la sdig can zhes bgyi ba'i sgras kun rjod par mdzad lags/ bcom ldan 'das kyis bka' stsal pa/ sdig can de'i phyir 'di na skyes bu mkhas pa la la bshad pa'i don dpes kun shes par 'gyur ba dag yod pas dpe nyon cig/ sdig can 'di lta ste/ dper na tshong dpon nam/ khyim bdag phyug po nor mang ba longs spyod che ba zhig la bu sdug pa/ 'dod pa/ dga' ba/ yid du 'ong ba/ mthong nami mthun pa gcig pu zhig bdog par gyur cing / de'ang de dang 'brel pa'i 'tsho bas 'tsho bar gyur la/ de'i bu gcig pa de'ang gdul dka' ba dang / bcos dka' ba dang / g.yo sgyu can zhig yin par gyur nas// tshong dpon nam/ khyim bdag des rba
- 270a
gcig pa de 'di lta ste/ nyes pa de las bzlog par bya ba'i phyir lags pas kyang rdeg par byed/ dbyig pa dang / khu tshur dang / brdeg pa gang yang rung ba dag gis kyang rdeg par byed cing / ngag rtsub po dag gis kyang sdigs par byed na/ sdig can 'di ji snyam du sems// tshong dpon nam/ khyim bdag de bu gcig pa de la khro ba dang / 'khrug pa dang / 'thab pa dang brngam pa'i bsam pas rdeg par byed pa yin snyam mam/ bdud kyis gsol pa/ bcom ldan 'das de lta ma lags so// bde bar gshegs pa de lta ma lags te/ bcom ldan 'das de ni de la sman par bgyi ba'i slad du rdeg lags so/ / bcom ldan 'das kyis bka' stsal pa/ sdig can de bzhin du de bzhin gshegs pa sems can thams cad kyi bsam pa dang bag la nyal mkhyen pa'ang sems can ngag rtsub pos 'dul ba rnams ni ngag rtsub pos 'dul bar mdzad do/ / sems can sma dbab pas 'dul ba rnams ni sma dbab pas 'dul bar mdzad do// sems can bsdu bas 'dul ba rnams ni bsdu bas 'dul bar mdzad do/ / sems can gzugs kyis 'dul ba rnams ni gzugs kyis 'dul bar mdzad do// sems can sgra dang / dri dang / ro dang / reg bya dang / chos kyis 'dul ba rnams ni sgra dang / dri dang / ro dang / reg bya dang / chos kyis 'dul bar mdzad do// de nas bdud sdig can dga' ba dang / mgu ba dang / yi rangs pa dang / mchog tu
- 270b
yi rangs pa dang / rab tu dga' ba dang / dga' ba dang / yid bde ba skyes nas/ yang bcom ldan 'das kyi zhabs la mgo bos gtugs nas/ bcom ldan 'das la 'di skad ces gsol to/ / bcom ldan 'das grong ngam/ grong khyer ram/ grong rdal lam/ ljongs sam/ ljongs kyi phyogs gang na chos kyi rnam grangs 'di klog gam/ 'chad pa der bdag kyang chos mnyan pa dang chos kyi rnam grangs 'di bsrung zhing bskyab pa dang / sba ba dang / chos smra ba de la'ang sman gdags pa'i slad du mchi bar bgyi lags so// de la snga ltas ni 'di dag lags par rig par bgyi ste/ de'i 'khor zhi ba dang / gnyid dang rmugs pa dang bral ba dang / de la chos nyan pa rgya chen po rgya chen po dag 'byung bar 'gyur ba dang / 'dzin pa dang / 'chang ba dang / klog pa dang / 'chad pa dag gis de'i lus dub par mi 'gyur ba dang / sems kyang ngal bar mi 'gyur ba dang / ji lta ji ltar chos kyi rnam grangs 'di klog pa dang / ston pa dang / gzhan dag la rgya cher yang dag par ston/ par bgyid pa de lta de ltar de'i sems dga' ba dang / mchog tu dga' ba dang / gzeng mtho ba nyid du'ang 'gyur lags so// de nas gzhan mu stegs can spyod pa pa dang / kun tu rgyu gang dag 'khor der 'dus par gyur pa de dag gis bdud kyis bshad pa 'di thos nas/ de bzhin gshegs pa la dang ba dang / dga' ba dang / mchog tu dga' ba thob par gyur to// de nas bcom ldan
- 271a
'das la/ tshe dang ldan pa kun dga' bos 'di skad ces gsol to// bcom ldan 'das rgyu gang dang rkyen gang gis na/ chos kyi rnam grangs 'di bshad pa la gzhan mu stegs can spyod pa pa dang / kun tu rgyu 'di dag gis dang ba dang / dga' ba dang / mchog tu dga' ba thob par 'gyur lags/ bcom ldan 'das kyis bka' stsal pa/ kun dga' bo sngon byung ba 'das pa'i dus na rgyal po'i khab 'di nyid dang / bya rgod kyi phung po'i ri 'di nyid du de bzhin gshegs pa dgra bcom pa yang dag par rdzogs pa'i sangs rgyas rab kyi rtsal gyis rnam par gnon pa zhes bya ba zhig byung bas chos kyi rnam grangs 'di nyid bshad do/ / des chos kyi rnam grangs 'di bshad pa na'ang gzhan mu stegs can spyod pa pa dang / kun tu rgyu mtho ba tsam pa'i bsam pa can dag lhags te/ lhags pa de dag gis chos kyi rnam grangs 'di thos nas legs so legs par gsungs so bya ba'i tshig ni rjod kyi/ de bzhin gshegs pa de la sems dang ba dang / dga' ba dang / mchog tu dga' ba ni ma thob bo// de dag rgyu de dang rkyen des bskal pa drug cu rtsa brgyad kyi bar du lha dang mi rnams su skyes pa ma gtogs par// nam yang sems can dmyal ba rnams dang / dud 'gro rnams dang / yi dgas rnams su ma skyes so// de dag de bzhin gshegs pa la sems dang ba dang / dga' ba dang / mchog tu dga' ba ma thob pas ni tshe rabs gzhan de dang de dag
- 271b
tu dge ba'i bshes gnyen dang bral bar gyur to/ / kun dga' bo de'i tshe de'i dus na gzhan mu stegs can spyod pa pa dang / kun tu rgyur gyur pa de dag gzhan dag gcig yin snyam du khyod nem du dang yid gnyis dang / the tshom za bar gyur na/ kun dga' bo khyod kyis de ltar mi blta'o// de ci'i byor zhe na/ rigs kyi bu 'di dag nyid de'i tshe de'i dus na/ gzhan mu stegs can spyod pa pa dang / kun tu rgyu de dag tu gyur pa'i phyir ro// kun dga' bo 'di dag de ni de bzhin gshegs pa la sems dang bskyes shing / dga' ba'ang skyes// mchog tu dga' ba'ang skyes pas/ dnge bzhid gshegs pas 'di dag bla na med pa yang dag par rdzogs pa'i byang chub tu lung ston par yang mdzad do/ / de nas gzhad mu stegs can spyod pa pa dang / kun tu rgyu de dag lung bstan pa'i mod la skyes pa'i rang ba dang / dga' ba dang / mchog tu dga' ba de nyid kyis mi skye ba'i chos la bzod pa thob par gyur to// chos kyi rnam grangs 'di bshad pa na/ srog chags khri nyis stong chos rnams la chos kyi mig rdul med cing rje ma dang bral ba rnam par dag go/ / sngon sems ma bskyed pa'i srog chags nyi khris ni bla na med pa yang dag par rdzogs pa'i byang chub tu sems bskyed do// de nas bcom ldan 'das la/ tshe rang ldan pa kun dga' bos 'di skad ces gsol to/ / bcom ldan 'das rigs kyi bu 'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / gzhan dag la'ang rgya chen
- 272a
yang dag par ston par bgyid pa de bsod nams ji tsam zhig skyed par 'gyur lags/ bcom ldan 'das kyis bka' stsal pa/ kun dga' bo rigs kyi bu 'am/ rigs rgya bu mo gang la la zhig gis sems can gyi khams ma lus pa thams cad bla na med pa yang dag par rdzogs pa'i byang chub la bkod pa de bas ni/ rigs kyi bu 'am/ rigs kyi bu mo gzhan gang zhig chos kyi rnam grangs 'di 'dzin pa dang / 'chang ba dang / klog pa dang / gzhan dag la rgya cher yang dag par ston par byed pa de bsod nams res grangs med par ches mang du skyed do// de ci'i phyir zhe na/ kun dga' bo 'di ltar chos kyi rnam grangs 'di ni thams cad mkhyen pa'i ye shes 'dren par byed pa yin pa'i phyir ro// kun dga' bos gsol pa/ bcom ldan 'das rigs kyi bu 'am/ rigs kyi bu mo gang zhig chos kyi rnam grangs 'di dang chos smra ba de la sdang ba'i sems bskyed par bgyi na/ bcom ldan 'das rigs kyi bu 'am/ rigs kyi bu mo de bsod nams ma lags pa ji tsam zhig skyed par 'gyur lags/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang la la zhig gis sems can thams cad kyi mig phyung bar gyur pa de bas ni/ rigs kyi bu 'am/ rigs kyi bu mo gang gis chos kyi rnam grangs 'di dang chos smra ba de la sdang ba'i sems skyed par byed pa de bsod nams ma yin pa ches grangs med par ches mang du skyed par 'gyur ro// de ci'i
- 272b
phyir zhe na/ kun dga' bo 'di ltar chos kyi rnam grangs 'di ni sems can thams cad kyi snang bar gyur pa yin pa'i phyir ro// kun dga' bos gsol pa/ bcom ldan 'das chos kyi rnam grangs 'di ni ma da pa rnams kyi mdun du brjod par mi bgyi lags so/ / de ci'i slad du zhe na/ bcom ldan 'das sems can thams cad kyis chos kyis 'phongs par 'gyur ba'i sug las bgyis nas lus zhig ste gum pa'i 'og tu sems can dmyal ba rnams su skye bar mi 'gyur bar rjes su bsrung bar bgyi 'tshal ba'i slad du'o/ / bcom ldan 'das kyis bka' stsal pa/ kun dga' bo chos kyi rnam grangs 'di ni de dag gi mdun du brjod par bya ba kho na yin no/ / da ci'i phyir zhe na/ kun dga' bo de ni skyes bu dam pa ma yin pa de dag gis bla na med pa yang dag par rdzogs pa'i byang chub kyi rgyur 'gyur ba yin pa'i phyir ro/ / kun dga' bos gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di chos bcu pa zhes bya bar zung zhig/ byang chub sems dpa' dge ba dri med rnam dag rin chen zla 'od rgyal pos zhus pa zhes bya bar rung zhig bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po dge ba dri med rnam dag rin chen zla 'od rgyal
- 273a
po dang / dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'o 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ chos bcu pa'i le'u ste dgu pa rdzogs so/ / / sh+lo ka lnga brgya sum du mchis te/ bam po gnyis so// rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba bar de ye shes sde la sogs pas bsgyur cing zhus te gtan la phab pa/ / / rgya gar skad du/ Ar+ya sa man ta mu kha pa ri brta nA ma ma hA yA na sU tra/ bod skad du/ 'phags pa kun nas sgo'i le'u zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong brgyad brgya'i dge slong gi dge 'dun chen po dang / byang chub sems dpa' bzhi khri nyis stong dang thabs cig tu bzhugs te// de'i tshe byang chub sem dpa' sems dpa' chen po dri ma med pa'i snying po zhes bya ba/ byang chub sems dpa' dgu khri nyis stong dang lhan cig tu de bzhin gshegs pa dgra bcom pa yang dag par rdzogs pa'i sangs rgyas me tog kun tu
- 273b
rgyas pa'i sangs rgyas kyi zhing 'jig rten gyi khams spyod pa yongs su dag pa dang ldan pa nas/ 'jig rten gyi khams mi mjed 'di'i bya rgod kyi phung po'i rig la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ngo / / byang chub sems dpa' sems dpa' chen po dri ma med pa'i snying po byang chub sems dpa'i tshogs chen pos yongs su bskor cing / byang chub sems dpa'i tshogs kyis mdun du bdar nas/ nam mkha' las 'ong bar bcom ldan 'das kyis gzigs so// gzigs nas kyang bcom ldan 'das 'di snya du dgongs te/ byang chub sems dpa' sems dpa' chen po dri ma med pa'i snying po 'di de bzhin gshegs pa dgra bcom pa yang dag par rdzogs pa'i sangs rgyas me tog kun tu rgyas pas kun nas sgo'i le'u chos kyi rnam grangs 'di yang dag par yongs su gzung ba'i phyir/ 'dir 'ong bar gnang ste gtang gis/ ngas kyang byang chub sems dpa' dag bsdu bar byar nges so snyam du dgongs so// de nas bcom ldan 'das kyis dgongs pa de lta bu dgongs nas/ des 'jig rten gyi khams mtha' yas mu med pa dag na/ byang chub sems dpa' sems dpa' chen po gang dag 'khod pa de dag 'jig rten gyi khams mi mjed 'di'i bya rgod kyi phung po'i rig la ba dang / bcom ldan 'das ga la ba der lhags so// lhags nas kyang bcom ldan 'das kyis zhabs la mgo bos phyag 'tshal te/ phyogs gcig tu
- 274a
'khod do/ / byang chub sems dpa' sems dpa' chen po gang dag bya rgod kyi phung po'i ri la nang du yang dag 'jog la zhugs pa de dag thams cad kyang 'dus so// de nas byang chub sems dpa' sems dpa' chen po dri ma med pa'i snying po rin po che sna bdun las byas pa'i pad+ma 'dab ma stong dang ldan pa thogs nas/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ pad+ma 'dab ma stong dang ldan pa de phul nas/ bcom ldan 'das la 'di skad ces gsol to// bcom ldan 'das 'jig rten gyi khams spyod pa yongs su dag pa dang ldan pa nas/ de bzhin gshegs pa dgra bcom pa yang dag par rdzog pa'i sangs rgyas me tog kun tu rgyas pa/ bcom ldan 'das la snyun gsol te/ gnod pa chung ngam/ nyam nga ba rung ngam/ bskyod pa yang ngam/ 'tsho 'am/ stobs dang bde bar reg pa la gnas sam/ bcom ldan 'das la snyun mi mnga' 'am/ gnod pa chung ngam zhes snyun gsol zhing 'di skad ces/ bcom ldan 'das de bzhin gshegs pa dgra bcom pa yang dag p ar rdzogs pa'i sangs rgyas shAkya thub pa kun nas sgo'i le'u bsam gyis mi khyab pa la 'jug pa'i chos kyi rnam grangs byang chub sems dpa' sems dpa' chen po rnams la ston tam zhes
- 274b
kyang gsung ngo / / de nas byang chub sems dpa' sems dpa' chen po dri ma med pa'i snying pos/ bcom ldan 'das la rnam pa de dag gsol nas/ byang chub sems dpa' de dag dang lhar cig tu 'khor dang bcas te/ nam mkha' la skyil mo krung bcas nas 'dug go// yang de'i tshe na 'jam dpal gzhon nur gyur pa 'khor de nyid du 'dus par gyur te 'dug go// de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// byang chub sems dpa' rnams rjes su gzung ba'i slad du/ bcom ldan 'das de bzhin gshegs pas kun nas sgo'i le'u bsam gyis mi khyab pa la 'jug pa'i chos kyi rnam grangs legs par bshad du gsol/ bcom ldan 'das bdag gis mngon par 'tshal te/ 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas kun tu snang ba'i sgron ma las chos kyi rnam grangs 'di thos nas/ ting nge 'dzin bye ba khrag khrig brgya stong phrag brgyad cu rtsa bzhi bskyed par gyur/ gzungs bsgrub pa'i sgo bye ba khrag khrig brgya stong phrag bdun cu rtsa bdun yang rtogs par gyur to// de lta lags pas bcom ldan 'das kyis kyang byang chub sems dpa' rnams rjes su gzung ba'i slang du
- 275a
legs par bshad du gsol/ de skad gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / de'i phyir 'jam dpal khyod legs par rab tu nyon la yid la zung zhig dang bshad do// 'jam dpal gzhon nur gyur pas bcom ldan 'das de ltar 'tshal lo zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// 'jam dpal 'di la byang chub sems dpa' sems dpa' chen pos gzugs ting nge 'dzin du rtogs par bya'o/ / sgra ting nge 'dzin du rtogs par bya'o// dri ting nge 'dzin du rtogs par bya'o// ro ting nge 'dzin du rtogs par bya'o// reg bya ting nge 'dzin du rtogs par bya'o// yid kyi khams ting nge 'dzin du rtogs par bya'o/ / bud med kyi gzugs ting nge 'dzin du rtogs par bya'o// skyes pa'i gzugs ting nge 'dzin du rtogs par bya'o// khye'u'i gzugs ting nge 'dzin du rtogs par bya'o/ / bu mo'i gzugs ting nge 'dzin du rtogs par bya'o// lha'i gzugs ting nge 'dzin du rtogs par bya'o// klu'i gzugs ting nge 'dzin du rtogs par bya'o// gnod sbyin gyi gzugs ting nge 'dzin du rtogs par bya'o/ / dri za'i gzugs ting nge 'dzin du rtogs par bya'o// lha ma yin gyi gzugs ting nge 'dzin du rtogs par bya'o// nam mkha' lding gi gzugs ting
- 275b
nge 'dzin du rtogs par bya'o/ / mi 'am ci'i gzugs ting nge 'dzin du rtogs par bya'o// lto 'phye chen po'i gzugs ting nge 'dzin du rtogs par bya'o// sems can dmyal ba'i gzugs ting nge 'dzin du rtogs par bya'o/ / dud 'gro'i skye gnas kyi gzugs ting nge 'dzin du rtogs par bya'o// gshin rje'i 'jig rten gyi gzugs ting nge 'dzin du rtogs par bya'o// 'dod chag ting nge 'dzin du rtogs par bya'o/ / zhe sdang ting nge 'dzin du rtogs par bya'o// gAti mug ting nge 'dzin du rtogs par bya'o// dge ba thams cad ting nge 'dzin du rtogs par bya'o// mi dge ba thams cad ting nge 'dzin du rtogs par bya'o/ / 'dus byas thams cad ting nge 'dzin du rtogs par bya'o// 'dus ma byas thams cad ting nge 'dzin du rdzogs par bya'o// de ltar chos thams cad ting nge 'dzin du rtogs par bya ste/ 'jam dpal de lta bu'i ting nge 'dzin thams cad dang ldan pa'i byang chub sems dpa' sems dpa' chen po ni thams cad du 'gro ba'i blo dang ldan pa yin la/ kun nas sgo'i le'u'i chos kyi rnam grangs 'di nyid la'ang bslabs pa yin no// 'jam dpal de la ji ltar na byang chub sems dpas gzugs ting nge 'dzin du rtogs par bya zhe na/ gzugs ni dbu pa lta bur gsungs// de la snying po mi rnyed do// snying po med phyir gzung med phyir// des na ting nge 'dzin ces bstan// 'jam dpal de ltar na gzugs ting
- 276a
nge 'dzin du rtogs par bya'o/ / 'jam dpal de la ji ltar na byang chub sems dpas sgra ting nge 'dzin du rtogs par bya zhe na/ sgra ni brag cha lta bu ste/ de la dngos po yod ma yin/ / tha dad dbye ba med shes shing // mtshan nyid med pa bye brag med// mtshan nyid med cing byung ba med// ya ma brla dang 'dus ma byas// brag cha lta bur shes pas na// des ni ting nge 'dzin ces bstan/ / 'jam dpal de ltar na sgra ting nge 'dzin du rtogs par bya'o// 'jam dpal de la ji ltar na byang chub sems dpas dri ting nge 'dzin du rtogs par bya zhe na/ ji ltar rgya mtsho'i gting dag ni/ / nams kyang cis kyang gang med ltar// bskal pa bye bar bsnams byas kyang // sna ni tshim par 'gyur ba med// sna yi rnam rig gzung med de// slu ba'i chos de yod ma yin/ / gal te yang dag yin gyur na// de las myur du tshim par 'gyur// gzung ba med cing yang dag min// sna yang yod min gsog tu shes// gso ba dang stong par shes pas na// des na ting nge 'dzin ces bstan/ / 'jam dpal de ltar na dri ting nge 'dzin du rtogs par bya'o// 'jam dpal de la ji ltar na byang chub sems dpas ro ting nge 'dzin du rtogs par bya zhe na// lce ni tsha dang kha ba'ang min/ / sgyur dang lan tshwa'ang ma yin te// ci 'dra'i rkyen dang ldan pa las// lce yang de dang 'dra bar 'gyur// ro 'di rgyu las byung ba dang // rkyen la rag las shes gyur cing //
- 276b
bsam gyis mi khyab shes pas na// des na ting nge 'dzin ces bstan// 'jam dpal de ltar na ro ting nge 'dzin du rtogs par bya'o// 'jam dpal de la ji ltar na byang chub sems dpas reg bya ting nge 'dzin du rtogs par bya zhe na/ rnam rig las byung reg bya ni// ngo bo nyid kyis yod ma yin// 'jam pa dang ni rtsub pa nyid// rkyen rnams las ni byung ba yin// reg bya gnas pa med pa ste/ bdag nyid nye bar gnas pa yin// tshogs rnams sbyor ba shes pas na// des na ting nge 'dzin ces bstan// 'jam dpal de ltar na reg bya ting nge 'dzin du rtogs par bya'o// 'jam dpal de la ji ltar na byang chub sems dpas yid kyi khams ting nge 'dzin du rtogs par bya zhe na/ gang dag stong gsum sems can rnams// de dag gnas gcig gnas gyur te// yid khams rnam par shes byed cing / / de yi dngos po rnyed mi 'gyur// bsags pa dang ni gong bu yang // rnam par rig la gnas pa med// kha dog sna tshogs rnams ston kyang // phyi dang nang na gnas ma yin/ / gnas pa med cing gnas kyang med// sgyu ma lta bur dngos po med// med cing ya ma brlar shes pas// des na ting nge 'dzin ces bstar// 'jam dpal de ltar na yid kyi khams ting nge 'dzin du rtogs par bya'o/ / 'jam dpal de la ji ltar na byang chub sems dpas bud med kyi gzugs ting nge 'dzin du rtogs par bya zhe na/ 'byung ba chen po bzhi po dag/ de la
- 277a
bud med yod min yang / / byis pa rnams ni rmongs pa'i blos// 'dod pa'i gsog la spyod par byed// sgyu ma'i bud med mtshan med kyang // bud med gzugs su snang ba las/ / gang dag mun pas bsgribs pa'i mi// de la kun tu chags pa skyed// ji ltar sgyu ma'i bud med la// 'dod chags ldan pa'i sems bskyed kyang // de la bud med yod ma yin/ / phyin ci log gi sems kyis ni// bskal pa bye ba grangs med du// blo gros chung rnams 'khor bar byed// des na dngos po med shes na// bud med thams cad mtshan nyid med/ / ting 'dzin zhi ba brjod pa ni// bud med gzugs kyis rab tu bstan// 'jam dpal de ltar na bud med kyi gzugs ting nge 'dzin du rtogs par bya'o// 'jam dpal de la ji ltar na byang chub sems dpas skyes pa'i gzugs ting nge 'dzin du rtogs par bya zhe na/ 'di ni bud med bdag skyes par// ji ltar skyes pas brjod pa las// de yi tshe na de yi sems// 'dod chags ldan pa brdzun pa 'byung / / sems ni gzugs med gzung ba med// bud med skyes par bstan pa med// kun tu rtog pas sgro btags na// skyes pa'i 'du shes 'byung bar 'gyur// 'di ni bud med bdag dpa' zhes// 'du shes gang gis rnam brtags pa// de ngas smig rgyu 'drar gsungs te// de la skyes pa yod ma yin// skyes pa nyid ni brdzun pas na// de ni med
- 277b
las byung ba yin/ / ting 'dzin zhi ba brjod pa ni// dpa' bo'i gzugs kyis rab tu bstan// 'jam dpal de ltar na skyes pa'i gzugs ting nge 'dzin du rtogs par bya'o// 'jam dpal nga la ji ltar na byang chub sems pas khye'u'i gzugs ting nge 'dzin du rtogs par bya zhe na/ ljon pa'i myu gu yod min na// me tog 'byung bar ga la 'gyur// me tog yod pa ma yin na// 'bras bu thob pa'ang med pa ltar/ / bud med yod pa ma yin pas// khye'u yang dmigs par mi 'gyur te// brtags pa'i dbang du song rnams kyis// khye'u zhes bya bar brtags pa yin// bud med skye ba med shes na/ / khye'u yang 'byung ba yod min te// dngos po thams cad med rtogs pas// des na khye'u ni ting 'dzin bstan// 'jam dpal de ltar na khye'u'i gzugs ting nge 'dzin du rtogs par bya'o// 'jam dpal de la ji ltar na byang chub sems dpas bu mo'i gzugs ting nge 'dzin du rtogs par bya zhe na/ ji ltar ta la'i mgo bcad pa// de ni nam yang mi skye ste// mkhas pas shes nas de la ni 'bras bu thob par 'dod pa med/ / de bzhin mkhas pas bud med kyang // rnam kun skyes pa med shes pas// brtan pa bu mo skyes so zhes// phyin chad rtog par mi byed do// sa bon bskams par gyur pa la/ / rnam kun skye ba med shes pas// ting 'dzin zhi ba brjod pa ni// bu mo'i gzugs kyis rab tu bstan// 'jam dpal de ltar na bu mo'i gzugs ting nge 'dzin du rtogs par bya'o//
- 278a
'jam dpal de la ji ltar na byang chub sems dpas lha'i gzugs ting nge 'dzin du rtogs par bya zhe na/ rnam rtog dge las byung ba yi// las dge 'bras bu lha rnams te/ / rab tu dang ba'i yid kyis ni// mdzes pa'i lha rnams mngon par grub// gzhal med khang pa nyams dga' ba// de dag gzhan sus byas pa min// me tog man+da ra ba yang // de dag gzhan sus bskyed pa min// sgyu ma'i las las kun 'byung bas// byung ba rnams kyang bsam du med// bzang por sdang ba'i bai DUR+Ya// log par grub pa rnams kyang brdzun// yang dag min pas kun bskyed pas// lha rnams brdzun par shes pas na// ting 'dzin zhi ba brjod pa ni// lha yi gzugs kyis bstan pa yin// 'jam dpal de ltar na lha'i gzugs ting nge 'dzin du rtogs par bya'o/ / 'jam dpal de la ji ltar na byang chub sems dpas klu'i gzugs ting nge 'dzin du rtogs par bya zhe na/ mi bzod bskyed pa byas nas ni// yod min sprin gyi gzugs bstan cing / / char pa'i rgyun dag rab 'bebs pa// de dag nang na mi gnas kyang // 'dzam bu'i gling 'dir rgya mtsho dang // klung dang dug can yongs su 'gengs// sngon gyi mtha' 'am phyi ma'i mthar/ / chu ni 'byung ba yod ma yin// de dang mtshungs pa'i sems can kun// rtsom pa sna tshogs bslab pa rnams// las rnams sna tshogs ston byed kyang // las de 'byung ba yod ma yin// mkhas
- 278b
pas byis pa rmongs byed pa'i/ / sgyu 'di ma byung shes pas na// bden pa ma yin bden snang bas// klu ni ting nge 'dzin du bstun// 'jam dpal de ltar na klu'i gzugs ting nge 'dzin du rtogs par bya'o/ / 'jam dpal de la ji ltar na byang chub sems dpas gnod sbyin gyi gzugs ting nge 'dzin du rtogs par bya zhe na/ sems ni rnam par gyur pa las// 'jigs pa'i gzugs ni mngon grub pa/ / lus kyi bong chod che ba yang // sems gcig gis ni kun tu bskyed// sems la 'jigs pa yod min te// tshogs pa dag las 'jigs pa skye// yod pa min pa'i las rnams las/ / mi sdug rnam pa bsam yas ltos// mi sdug rnam pa bsam yas pa// shin tu stong par shes pas na// ting 'dzin zhi ba brjod pa ni// gnod sbyin gzugs kyis bstan pa yin/ / 'jam dpal de ltar na gnod sbyin gyi gzugs ting nge 'dzin du rtogs par bya'o// 'jam dpal de la ji ltar na byang chub sems dpas dri za'i gzugs ting nge 'dzin du rtogs par bya zhe na/ / chos de shin tu 'gro med kyang // 'gro ba'i sgrar ni brjod pas na// 'gro bas 'gro ba med shes pas// dri zas ting 'dzin bstan pa yin// 'jam dpal de ltar na dri za'i gzugs ting nge 'dzin du rtogs par bya'o/ / 'jam dpal de la ji ltar na byang chub sems dpas lha ma yin gyi gzugs ting nge 'dzin du rtogs par bya zhe na/ a yi rgyas btab lha min te/
- 279a
skye ba med las yang dag byung // 'gag med 'byung ba yod min pas// lha ma yin gyis ting 'dzin bstar// 'jam dpal de ltar na lha ma yin gyi gzugs ting nge 'dzin du rtogs par bya'o/ / 'jam dpal de la ji ltar na byang chub sems dpas nam mkha' lding gi gzugs ting nge 'dzin du rtogs par bya zhe na// 'dzin pa med la 'dzin byas nas// brjod bas ming du btags pas na/ / ming dang gzugs ni yod min pas// nam mkha' lding gis ting 'dzin bstan// 'jam dpal de ltar na nam mkha' lding gi gzugs ting nge 'dzin du rtogs par bya'o/ / 'jam dpal de la ji ltar na byang chub sems dpas mi 'am ci'i gzugs ting nge 'dzin du rtogs par bya zhe na/ byas mir byas pa'i las rnams kyis// mi 'am ci nyid kun tu bskyed/ / 'di dag skye ba med shes pas// mi 'am ci yis ting 'dzin bstan// 'jam dpal de ltar na mi 'am ci'i gzugs ting nge 'dzin du rtogs par bya'o// 'jam dpal de la ji ltar na byang chub sems dpas ltos 'phye chen po'i gzugs ting nge 'dzin du rtogs par bya zhe na/ ming gang gis ni chos 'di dag/ 'jig rten dag tu sna tshogs bzhag/ chos de 'di la yod ma yin/ / med las thams cad kun du btags// kun du btags par kun shes na// ngo bo nyid kyis kun rtog med// ting 'dzin zhi ba brjod pa ni// lto 'phye chen po'i gzugs kyis bstan/
- 279b
'jam dpal de ltar na lto 'phye chen po'i gzugs ting nge 'dzin du rtogs par bya'o// 'jam dpal de la ji ltar na byang chub sems dpas sems can dmyal ba'i gzugs ting nge 'dzin du rtogs par bya zhe na/ rdul dang bral zhing rdul med gsog/ de la byed po 'ga' yang med// rang gi rtog pas kur bskyed de// rtog pa de yang yod ma yin// dmyal ba dri med dri bral zhing // ngag dang yang dag 'od gsal dang / / mtshan nyid med cing mtshan med par// byang chub snying por ngas shes te// mtshan nyid med cing byung med de// nam mkha' 'dra bar shes pas na// ting 'dzin zhi ba brjod pa ni/ / sems can dmyal ba'i gzugs kyis bstan// 'jam dpal de ltar na sems cad dmyal ba'i gzugs ting nge 'dzin du rtogs par bya'o// 'jam dpal de la ji ltar na byang chub sems dpas dud 'gro'i skye gnas kyi gzugs ting nge 'dzin du rtogs par bya zhe na/ dper na ji ltar sprin gyi gzugs// kha dog sna tshogs byung ba dag/ de la kha dog yod mir yang // mi mkhas pa dag rmongs par byed/ / de bzhi na sems kyang med pa'i phyir// sprin gyi gzugs dang mtshungs 'dra yang // dud 'gro'i skye gnas rnams su ni// rnam pa sna tshogs lus kyang ston// las kyi sgyu ma'i rang bzhin dang / / byung med mtshan nyid med par shes// ting 'dzin zhi ba brjod pa ni// dud 'gro'i gzugs kyis bstan pa yin// 'jam dpal de ltar ra dud 'gro'i skye gnas kyi gzugs ting nge 'dzin
- 280a
du rtogs par bya'o/ / 'jam dpal de la ji ltar na byang chub sems dpas gshin rje'i 'jig rten gyi gzugs ting nge 'dzin du rtogs par bya zhe na// nag po dang ni dkar po yi/ / sdig dang kha na ma mtho dang // kha na ma tho med pa'i las// rab 'bring thams 'dren byas pas// gshin rje'i 'jig rten sdug bsngal zhing // tshol bar kun tu 'khor ba yin// de la gshin rje'i 'jig rten med// de ni ngo bo nyid kyis stong // rmi lam na ni myong ba bzhin// 'jug pa med cing grub pa med// gshin rje'i 'jig rten yod min pas// des na ting nge 'dzin du bstan/ / 'jam dpal de ltar na gshin rje'i 'jig rten gyi gzugs ting nge 'dzin du rtogs par bya'o// 'jam dpal de la ji ltar na byang chub sems dpas 'dod chags ting nge 'dzin du rtogs par bya zhe na/ yongs su rtog las 'dod chags 'byung // rtog pa de yang 'byung ba med// 'byung ba med la gnas pa med// de yi gnas kyang rnyed mi 'gyur// gnas med gnas pa yod min pas/ / 'dod chags nam mkha' 'dra ba yin// byis pa bslad par gyur rnams kyis// kun nas nyon mongs yongs su brtags// kun nas nyon mongs med chos de// 'dod chag shes bya'i mi gis brjod/ / phyogs bcu dag tu btsal byas kyang // de yi dngos po rnyed mi 'gyur// 'dod chags dngos po med pa la// byis pa rmongs pa 'jigs byed de// 'jigs
- 280b
med 'jigs pa'i 'du shes can/ / de dag la ni bde ba med// ji ltar skyes bu la la dag/ mkha' la 'jigs par 'du shes nas// skrag cing bdag gis nam mkha' ni// mi mthong bya zhes 'bros byed kyang / / nam mkhas kun tu khyab pas na// su yang de las mi thar te// byis pa bslang par gyur rnams kyis// phyin ci log tu rnam par btags// de ltar chos rnams mkha' 'dra bar/ / shes par ma gyur byis pa rnams// dngos po med pa'i 'dod chags la// yongs su spang bar mngon par 'dod// 'dod chags nam mkha' 'dra bas na// su yang de las 'grol ba med/ / grol zhing rnam grol phun sum tshogs// chos rnams mya ngan 'das dang 'dra// sangs rgyas gang dag 'das pa dang // 'dren pa gang dag bzhugs pa dang // gang dag 'byung 'gyur rdzogs sangs rgyas/ / de kun spyod yul 'dod chags yin// 'dod chags stong par shes gyur na// chags las grol ba gang yang med// gang dag chags la 'jigs 'du shes/ / de dag chags las grol byar sems// ci yang med pa'i 'tha' 'di ni// 'dod chags 'tha' ste 'od gsal zhing // mtshan ma med la brtag mnyam par// byang chub snying bopor nga yis mthong / / dngos por 'du shes sems can gang // de dag 'dod chags 'bri bar 'gyur// yod pa min pa yongs btags pas// de dag gis ni spong ba btags// bdag
- 281a
gis 'dod chags spang bya zhes/ / de 'dra'i 'du shes skyes nas ni// de la spangs shes brjod par bya// 'gro ba 'di dag 'du shes tsam// 'dod chags mtha'/ ni bsam yas te// mtha' de 'jig pa med pas na// yang dag mtha' dang don mnyam pas// de las grol bar ma rtog cig/ gal te chags las grol 'gyur na// stong pa nyid las grol bar 'gyur/ / 'dod chags dang ni stong pa nyid// de gnyis gnyis su yod ma yin// 'di ltar skye ba med pa la// de dag skye bar rnam btags pas// byis pa gnyis su shes rnams la// ngas ni spong ba rab tu bstan// 'dod chags de na skye med na// 'dod chags shes bya'i ming du brjod// ming rnams kun tu chags med pas// ming la su yang chags pa med// 'dod chags chags pa med shes shing / / mtha' las 'das pa'i stong mthong na// 'dod chags rnam par gzhig pa'i phyir// thar pa mkhas pas mi mthong ngo // 'dod chags sangs rgyas chos mtshungs shing / rnamya ngan 'das pa 'drar shes nas// rdul dang bral ba'i ting nge 'dzin// 'dod chags sgras ni ngas bstan to// zhi ba'i dbyings la rten pa yin// 'dod chags rab tu zhi shes nas// mkhas pa rnams la nga yis ni// ting 'dzin 'dod chags sbar bstan to// 'jam dpal de ltar na byang chub sems dpas 'dod chags ting nge 'dzin du rtogs par bya'o// 'jam dpal de
- 281b
ji ltar na byang chub sems dpas zhe sdang ting nge 'dzin du rtogs par bya zhe na/ spong las zhe sdang kun du 'byung // nyon mongs pa yang rkyen las skyes// bdag med pa las byung ba'i bdag/ mang po'i tshogs las skyes pa yin// rtsub pa'i sgra las zhe sdang ni// dug rnon lta bu kun tu zung // sgra ni nga ro'i rang bzhin pas// shin du yod pa ma yin no// / ji ltar tshogs pas gtsub shing dang // gtsub stan las ni me 'byung ste// tshogs dang bral bar gyur na ni// de na me yang yod min ltar// de bzhin yid du mi 'ong ba'i// sgra las zhe sdang gsog byung zhing // sog gi sgra la yongs brtags na// de la zhe sdang rnyed mi 'gyur// zhe sdang sgra las ma byung zhing // nang na gnas pa'ang ma yin la// zhe sdang phyi rol nas 'ongs te// byung ba med pas gsog yin no// rgyu rnams phan tshun 'dus pa las// zhe sdang kun tu byung ba yin// phan tshun bral bar gyur na ni// de la zhe sdang rnyed mi 'gyur/ / ji ltar zho dang 'o ma la// skyes bus btsal te srub shing gis// bsrub pa byas pas rkyen rnams las// mar ni kun tu 'byung ba ltar// de bzhin yid du mi 'thad pa'i/ / sgra las zhe sdang gsog 'byung zhing // yongs su brtags pas de'i gnas la// mi mkhas pa dag rab tu 'bar// kun tu brtags pas zhe sdang ni// shin tu
- 282a
dngos med shes pas na/ / ting 'dzin zhi ba brjod pa ni// zhe sdang sgra yis rab tu bstan// zhe sdang yang dag mtha' mnyam dang // de bzhin nyid la rten pa yin/ / chos kyi dbyings dang 'drar shes pas// des na ting nge 'dzin ces bstan// 'jam dpal de ltar na zhe sdang ting nge 'dzin du rtogs par bya'o// 'jam dpal de la ji ltar na byang chub sems dpas gti mug ting nge 'dzin du rtogs par ba zhe na/ ma rig pa las gti mug byung // ma rig pa yang yod ma yin// gang na gti mug yod min pa// de na gang yang rmongs pa med/ rmongs med sems can rmongs gyur cing // chags med chags par 'du shes pa// ji ltar byis pa nam mkha' la// mdud pa bor ba gsog bzhiran ro// yod pa ma yin chos rnams la/ / kun nas nyon mongs rnam brtags pa// byis pa rnams kyi 'di mtshar te// mchog tu shin tu bya bar dka'// ji ltar skyes bu la la zhig/ nam mkha' la ni 'jal byed cing / bskal pa bye bar gzhal byas kyang // de la phung po mi rnyed ltar// de bzhin rmongs pas byis pa yi// sngon gyi mtha' ni bsam mi khyab// gti mug phung por 'byung med de// des ni// ci yang bkang ba med// ji ltar nam mkha' gzhal byas kyang // de la sngon gyi mtha' med cing // de na ci yang bkang ba med// gzhal ba nus pa med par ltar// de bzhir bskal pa stong
- 282b
rnams su/ / kun tu rmongs pas dgang byas kyang // de la bkang ba ci yang med// ngoms pa'ang cung zad yod ma yin// ji ltar skyes bu la la yis// spud pa stong pa bu da bas shing // bzhag nas sdud pa rnyongs pa na// de yi nang na rnyed min ltar// de bzhin 'dod pa sdud 'dra ba// kun tu rmongs pas spyod par byed// de ni ngoms par mi 'gyur te// phyir zhing 'dod pa tshol bar byed/ / gti mug yod pa med shes brjod// rtsa ba chad cing dngos po med// rtsa ba med cing gnas kyang med// des na gti mug zad pa med// 'di ltar gti mug mi zad pas// de yi mtha' ma rnyed mi 'gyur// de phyir sems can thams cad la// zad par bya bar ngas mi nus// gal te dpe tsam brjod bya na// bskal pa bye ba bsam yas su// nga yi tshe ni gnas gyur la/ / nyin gcig bzhin du nyin re la// stong gsum sems can ji snyed pa// thams cad mya ngan pa zla byas shing // thams cad de ltar bas kyang ni// sems can khams la zad pa med/ gti mug gis ni bskyed pa'i khams// sems can khams la mtshan nyid med// gti mug de ni sgyu ma 'dra// des ni de yi mtha' mi rnyed// sangs rgyas gti mug mnyam pas na// de dag gnyis su med par bstan// rmongs gyur byis pa de dag gis// 'dir ni sangs rgyas rnam par btags// thams cad mkhyen nyid gti mug mnyam// gti mug thams cad yod ma
- 283a
yin/ / gti mug sems can kun dang mnyam// sems can kun kyang bsam mi khyab// bsam mi khyab dang gti mug ni// sems bskyed pa yis rnam par brtags/ / sems kun bsam gyis mi khyab ste// de yi tshad ni yod ma yin// gti mug de la tshad med pas// de yi 'byung ba rnyed mi 'gyur// 'byung ba yod pa ma yir na/ se yod par ga la 'gyur/ / gti mug skyes pa ma yin na// de yi rmongs byed ci 'dra ba// sangs rgyas kun kyang de dang 'dra// tha dad bye ba med shes na// chas rnams su med/ / ting 'dzin zhi ba brjod pa ni// gti mug sgra yis rab tu bstan// gang tshe nga yis mnyam nyid shes// de na de dang gti mug mnyam// de dag thams cad mnyam shes nas/ ting 'dzin de ltar shes par gyis// 'jam dpal de ltar na gti mug ting nge 'dzin du rtogs par bya'o// 'jam dpal de la ji ltar na byang chub sems dpas mi dag pa cad ting nge 'dzin du rtogs par bya zhe na/ 'dod chags spyod pa'i rtags gang dang // zhe sdang spyod pa'i g.yo ba dang // gti mug spyod pa gang yin pa// thams cad ting 'dzin gyis/ nyon mongs kun gyi sgrub pa ni// ting 'dzin yin par mos par gyis// brdzun dang yang dag ma yin par// thams cad de bzhin sgom par gyis// 'jam dpal de ltar ra mi dge
- 283b
thams cad ting nge 'dzin du rtogs par bya'o/ / 'jam dpal de la ji ltar na byang chub sems dpas dge ba thams cad ting nge 'dzin du rtogs par bya zhe na/ sems can rnams kyi ji snyed dge sems dang spyod pa ci 'dra ba/ / spyod pa thams cad spyod gcig ste// de ltar ting 'dzin shes par gyis// sems can kun gyi spyod pa dag/ bsgrub pa gcig tu shes pas na// ting 'dzin zhi ba brjod pa ni/ / kun gyi sgra yis bstan pa yin// 'jam dpal de ltar na dge ba thams cad ting nge 'dzin du rtogs par bya'o// 'jam dpal de la ji ltar na byang chub sems dpas 'dus byas thams cad ting nge 'dzin du rtogs par bya zhe na/ 'du byed thams cad 'du byed min// de dag bgrang bas gzhal byas na// gzhal du med cing dpag tu med// de ltar ting 'dzin shes par gyis/ / dpag tu med par shes na ni// lus med dngos po yod min pas// ting 'dzin zhi ba brjod pa ni// 'du byed kun gyis bstan pa yin// 'jam dpal de ltar na 'dus byas thams cad ting nge 'dzin du rtogs par bya'o/ / 'jam dpal de la ji ltar na byang chub sems dpas 'dus ma byas thams cad ting nge 'dzin du rtogs par bya zhe na/ chos 'di rang bzhin zhi bas na// de la grangs ni yod ma yin// ma rig pa yis bsgrub zhi pa// ting nge 'dzin gyis bsgrub par bstan// 'dus byas kun la brjod med cing // bsgrub pa med
- 284a
par shes nas ni/ / sems can gang dag brjod la chags// de dag rnams la de ltar bstan// 'jam dpal de ltar na 'dus ma byas thams cad ting nge 'dzin du rtogs par bya'o/ / tshigs su bcad pa mngon par bsgrub pa'i sgra bsam gyis mi khyab pa bstan pa 'di bshad pa na/ byang chub sems dpa' dgu khri nyis spong gis mi skye ba'i chos la bzod pa thob bo/ / lha bye ba khrag khrig brgya stong phrag bdun cu rtsa gnyis kyis bla na med pa yang dag par rdzogs pa'i byang chub tu sems bskyed do// dge slong sum khri drug stong ni len pa med par zag pa rnams las sems rnam par grol lo/ / dge slong ma drug stong nyis brgyas kyang bla na med pa yang dag par rdzogs pa'i byang chub tu sems bskyed do// dge brnyenas ya brgyad 'bum gyis kyang bla na med pa yang dag par rdzogs pa'i byang chub tu sems bskyed do/ / dge bsnyen ma sa ya phrag bzhi dang nyis 'bum gyis kyang bla na med pa yang dag par rdzogs pa'i byang chub tu sems bskyed do/ / de nas bcom ldan 'das la/ 'jam dpal gzhon nur gyur pas 'di skad ces gsol to// byang chub sems dpa' dbang po rnon po gang dag 'byung ba de dag gis ting nge 'dzin rnams kyi ming thos na/ chos thams cad la snang ba 'thob par 'gyur ba dang / bdud kyi ris kyi lha'i bu thams cad dang gang zag
- 284b
dmigs pa'i lta ba can rnams kyis thul bar dka' ba dang / yi ge gcig gis yi ge thams cad rtogs par 'gyur ba dang / yi ge thams cad kyis yi ge gcig rtogs par 'gyur ba dang / thogs pa ma mchis pa'i spobs pas sems can thams cad la chos ston pa la mkhas par 'gyur ba dang / chos zab mo la bzod par 'gyur ba dang / spyod pa thams cad mtshan nyid gcig tu rtogs shing / so so yang dag par rig pa bzhis mun pa ma mchis pa 'thob par 'gyur pa'i ting nge 'dzin rnams kyi ming bcom ldan 'das kyis bstam du gsol/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal de'i phyir legs par rab tu nyon la yod la zung zhig dang bshad do/ / 'jam dpal gzhon nur gyur pas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// 'jam dpal mtha' yas dri ma med ces bya ba'i ting nge 'dzin yod de/ ting nge 'dzin de thob na/ byang chub sems dpa' gzugs thams cad yongs su dag par ston to// 'jam dpal mgyog par 'gro ba zhes bya ba'i ting nge 'dzin yod de/ ting nge 'dzin de thob na/ byang chub sems dpa' nyi ma dang zla ba'i 'od zil gyis gnon par byed do// 'jam dpal 'od zer 'byung ba zhes pa
- 285a
@ba'i ting nge 'dzin yod de/ ting nge 'dzin de thob na/ byang chub sems dpa' brgya byin dang tshangs pa dag gi gzi brjid zil gyis gnod par byed do// 'jam dpal yul ston pa zhes bya ba'i ting nge 'dzin yod de/ ting nge 'dzin de thob na/ byang chub sems dpa' 'khor 'dus pa thams cad kyi 'dod chags dang / zhe sdang dang / gti mug zhi bar byed do// 'jam dpal 'od zer thogs pa med pa zhes bya ba'i ting nge 'dzin yod de/ ting 'dzin de thob na/ byang chub sems dpa' sangs rgyas kyi zhing thams cad 'od zer gyis snang bar byed do// 'jam dpal chos thams cad mi brjed pa zhes bya ba'i ting nge 'dzin yod de/ ting nge 'dzin de thob na/ byang chub sems dpa' sangs rgyas kyi chos bstan pa thams cad 'dzin cing gzhan la'ang ston par byed do/ / 'jam dpal seng ge'i sgra mngon par bsgrags pa'i dbyangs yid du 'ong ba rjes su sgrogs pa zhes bya ba'i ting nge 'dzin yod de/ ting nge 'dzin de thob na/ byang chub sems dpa' tshangs pa'i 'jig rten gyi bar du sgras mngon par go bar byed do/ / 'jam dpal dga' ba dang / mgu ba dang / tshim pa thams cad yang dag par skyed pa zhes bya ba'i ting nge 'dzin yod de/ ting nge 'dzin de thob na/ byang chub sems dpa' sems can thams cad kyi sems dang bsam pa sna tshogs yang dag par mgu bar byed do// 'jam dpal blta bas chog mi shes shing mchog tu dga' ba dang ldan pa zhes bya ba'i/
- 285b
ting nge 'dzin yod de/ ting nge 'dzin de thob na/ byang chub sems dpa' blta ba dang mnyan pas chog mi shes par 'gyur ro// 'jam dpal yon tar bsam gyis mi khyab pa'i 'byung gnas shes rab kyi yul rin po che'i 'byung khung rgyun gcig pa nyon mongs pa med pa zhes bya ba'i ting nge 'dzin yod de/ ting nge 'dzin de thob na/ byang chul sems dpa' rdzu 'phrul bstan pa thams cad ston par sems can rnams 'dul bar byed do/ / 'jam dpal sgra skad thams cad kyi brda zhes bya ba'i ting nge 'dzin yod de/ ting nge 'dzin de thob na/ byang chub sems dpa' sgra skang dang brjod pa dang brda thams cad rtogs shing yi ge thams cad kyis yi ge gcig ston pa dang / yi ge gcig gis yi ge thams cad ston par byed do// 'jam dpal las kyi rnam par smin pa las byung ba bsod nams dang dge ba'i rtsa ba thams cad sogs shing ston par byed pa zhes bya ba'i ting nge 'dzin yod de/ ting nge 'dzin de thob na/ byang chub sems dpa' cang mi smra bar snyoms par zhugs te/ yi ge gcig tsam yang mi rjod par sems can thams cad kyis sangs rgyas kyi sgra dang / chos kyi sgra dang / dge 'dun gyi sgra dang / nyan thos kyi sgra dang / rang sangs rgyas kyi sgra dang / byang chub sems dba'i sgra dang / pha rol tu phyin pa'i sgra thos par byed do// 'jam dpal gzungs thams cad las mngon par 'phags pa'i rgyal po zhes bya ba'i ting nge 'dzin yod de/ ting nge 'dzin de thob na/
- 286a
chub sems dpa' gzungs mtha' yas pa bsgrub pa la 'jug pa khong du chud par 'gyur ro// 'jam dpal chos thams cad la spobs pa bkod pa zhes bya ba'i ting 'dzin yod de/ ting nge 'dzin de thob na/ byang chub sems dpa' yi ge thams cad la spobs shing sgra skad thams cad dang / dbyangs thams cad dang / brjod pa thams cad la'ang spobs par 'gyur ro/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan bdag chos kyi rnam grangs 'di'i yon tan brjod pa'i khyad par la spobs lags so/ / bcom ldan 'das kyis bka' stsal pa/ 'jam dpal khyod spobs par gyis shig/ 'jam dpal gyis gsol pa/ bcom ldan 'das byang chub sems dpa' gang dag nem nur ma mchis pa dang / the tsom ma mchis pa'i sems kyis chos kyi rnam grangs 'di ston pa dang / 'chang ba dang / klog pa dang / kun chub par bgyid pa dang / gzhan dag la'ang rgya cher yang dag par rab tu ston par bgyid pa de tshe 'di nyid la gdon mi 'tshal bar spobs pa 'thob par re bar bgyi ste/ spobs pa myur ba dang / spobs pa rgya che ba dang / zab mo la spobs pa dang / mi brjed pa'i spobs pa dang / spobs pa sna tshogs 'thob par re bar bgyi'o// de ni sems can thams cad la zhe 'gras pa ma mchis pa'i sems su 'gyur bar re bar bgyi'o//
- 286b
de ci'i slad du zhe na/ gang ji tsam du chos kyi rnam grangs 'di bsgrub pa de ni spyod pa 'di nyid dang rjes su 'brel pa lags pa'i slad du'o// de nas bcom ldan 'das kyis/ 'jam dpal gzhon rur gyur pa la legs so zhes bya ba byin te/ 'jam dpal legs so legs so// khyod kyis tshigs 'di legs par smras so// 'jam dpal 'di lta ste/ dper na sbyin pa ni longs spyod chen po 'thob par slu ba med do/ / tshul khrims ni mtho ris su skye bar slu ba med do// thos pa ni shes rab chen por 'gyur bar slu ba med do// sgom pa ni 'bral bar 'gyur bar slu ba med do// 'jam dpal de bzhin du chos kyi rnam grangs 'di'ang tshe 'di nyid la spobs pa skye bar slu ba med do// 'jam dpal 'di lta ste/ dper na nyi ma shar bas ni mun pa mun nag thams cad sel bar byed do// / 'jam dpal de bzhin du chos kyi rnam grangs 'di'ang bstan ma thag tu spobs pa skye bar re bar bya'o// 'jam dpal 'di lta ste/ dper na byang chub kyi snying po la 'dug pa'i byang chub sems dpa' ni nges par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / 'jam dpal de bzhin du byang chub sems dpa' sems dpa' chen po gang chos kyi rnam grangs 'di rab tu 'don pa de'ang the tsom med par nges par tshe 'di nyid la spobs pa 'thob par 'gyur ro/ / 'jam dpal de lta bas na byang chub sems dpa' sems dpa' chen po che 'di nyid la
- 287a
spobs pa thob par 'dod pas nem nur med pa dang / the tsom med pa'i sems kyis chos kyi rnam grangs 'di gzung bar bya/ bcang bar bya/ kha ton du bya/ bklag par bya/ kun chub par bya// gzhan dag la'ang rgya cher yang dag par rab tu bstan par bya'o// de nas bcom ldan 'das la/ byang chub sems dpa' sems dpa' chen po dri ma med po'i snying pos 'di skad ces gsol to/ / bcom ldan 'das bdag gis kyang bcom ldan 'das yongs su ma ngan las 'das nas/ byang chub sems dpa' gang nem nur ma mchis pa dang / the tsem ma mchis pa'i sems kyis chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgya cher yang dag par rab tu ston par 'gyur ba de la spobs pa nye bar bsgrub par bgyi'o/ / de nas bdud sdig can du zhing smre sngags 'don bzhin du bcom ldan 'das ga la ba der song ste phyin nas/ bcom ldan 'das la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni thugs rje dang ldan zhing / sems can sdug bsngal ba rnams la bde ba rab tu stsol ba lags na/ bcom ldan 'das kyis bdag gi yid mi bde ba de legs par bsal ba'i slad du/ chos kyi rnam grangs 'di slar zhing byin gyis mi brlab par gsol
- 287b
bcom ldan 'das gang gi tshe bcom ldan 'das byang chub kyi snying po la bzhugs pa dang / da ltar chos kyi rnam grangs 'di bstan pa'i tshe/ bdag 'dir shin tu cher sdug bsngal zhing yid mi bde ba dang / mya ngan gyi zug rngus gzir bar gyur lags so// bcom ldan 'das tha na chos kyi rnam grangs 'di sems can gang dag gi rna lam du grag par gyur pa de dag thams cad kyang bla na med pa yang dag par rdzogs pa'i byang chub las slar mi ldog par 'gyur lags ra/ gang dag gis thos nas 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgya cher yang dag par rab tu ston par bgyid pa de dag thams cad bla na med pa yang dag par rdzogs pa'i byang chub las slar mi ldog par 'gyur ba lta smos kyang ci 'tshal te/ sems can de dag thams cad ni yongs su mya ngan las 'da' bar 'gyur lags so// bcom ldan 'das de'i slad du bdag gi bdud kyi gnas stongs par 'gyur lags na/ de bzhin gshegs pa dgra bcom pa yang dag par rdzogs pa'i sangs rgyas ni thugs rje dang ldan zhing sdug bsngal ba rnams la ni bde ba stsol ba lags na/ bcom ldan 'das bdag dbugs dbyung du gsol/ bde bar gshegs pa bdag dbugs dbyung du gsol/ de nas bcom ldan 'das kyis/ bdud sdig can la 'di skad ces bka' stsal to// sdig can ma 'jigs shig/ sems can
- 288a
thams cad kyang yongs su mya ngan las 'da' bar mi 'gyur la/ sdig can nga'ang chos kyi rnam grangs 'di la byin gyis rlob par mi byed kyis/ sdig can ma 'jigs shig/ de nas bcom ldan 'das kyis dbugs dbyung ba mdzad pas/ bdud sdig can tshim zhing mgu la yi rangs te/ rab tu dga' zhing dga' ba dang yid bde ba skyes nas de nyid du mi snga bar gyur to/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das ni las dgongs te 'dis shA chos grangs 'di la byin gyis rlob par mi byed de zhes bdud sdig can la bka' stsal/ / bcom ldan 'das kyis bka' stsal pa/ 'jam dpal chos thams cad ni byin gyi rlabs med pas byin gyis brlabs pa yin te/ chos kyi rnam grangs 'di'ang byin gyi rlabs med pas byin gyis brlabs pa yin pas/ 'jam dpa 'i phyir ngas bdud sdig can la/ 'di skad du 'di la byin gyis rlob par mi byed do zhes smras so/ / 'jam dpal bden pa dang bden pa'i tshig gang gis chos thams cad byin gyi rlabs med pas byin gyis brlabs pa dang / tha dad du dbyer med pa dang / brjod du med pa dang / mtshan nyid med pa dang / bsnyad du med pa dang / smrar med pa dang / gnyis su med pa dang / gnyis dang bral ba dang /
- 288b
pa dang / de bzhin nyid du zhugs pa dang / chos kyi dbyings kyi mtshan nyid yin pa'i bden pa dang bden pa'i tshig des chos kyi rnam grangs 'di 'dzam bu'i gling na rab tu spyod par gyur cig/ de nas bcom ldan 'das kyis bden pa'i byin gyis brlabs de mdzad nas/ tshe dang ldan pa kur dga' bo la bka' stsal pa/ kun dga' bo chos kyi phung po brgyad khro bzhi stong gang yin pa dang chos kyi rnam grangs 'di gang yin pa de dag ni mnyam pa'i phyir khyod kyis kun nas sgo'i chos kyi rnam grangs 'di zung zhig/ chongs shig/ lhogs shig/ kun chub par gyis shig/ gzhan dag la'ang rgya cher yang dag par rab tu ston cig/ de ci'i phyir zhe na/ kun dga' bo de bzhin gshegs pa ni kun nas sgo'i chos kyi dbyings 'di legs par thugs su chud nas/ sems can rnams la chos kyi phung po brgyad khri bzhi stong ston par mdzad pa'i phyir ro// kun dga' bo de lta bas na chos kyi rnam grangs 'di legs par bsrung ba dang / legs par gzung ba dang / legs par kun chub par gyis shig/ bcom ldan 'das kyis de skad ces bka' stsal nas/ byang chub sems dpa' sems dpa' chen po dri ma med pa'i snying po dang 'jam dpal gzhon nur gyur pa dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis
- 289a
gsungs pa la mngon par bstod do/ / 'phags pa dkon mchog brtsegs pa chen po'i chos kyi rnam grangs stong phrag brgya pa las/ kun nas sgo'i le'u zhes bya ba ste le'u bcu pa rdzogs so/ / / sh+lau ka nyis brgya drug cu'o// rgya gar gyi mkhan po dzi na mi tra dang / su rer dra bo d+hi dang / nu chen gyi lo tsa ba zhang bar de ye shes sdes zhus te gtan la phab pa/ / / rgya gar skad du/ Ar+ya pra b+ha sra d+ha na ma nA ma ma hA yA na sU tra/ bod skad du/ 'phags pa 'od zer bsgrub pa zhes bya ba theg pa chen po'i mdo/ / // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la/ dge slong gi dge 'dun chen po thams cad kyang rang dbang chen po thob pa lnga brgya dang / gzhan yang tshe gcig gis thogs pa'i byang chub sems dpa' sems dpa' chen po byams pa la sogs pa khrag khrig phrag brgyad cu dang / gzhan yang byang chub sems dpa' sems dpa' chen po 'jam dpal gzhon nur gyur pa la sogs pa khrag khrig phrag bzhi bcu dang thabs cig tu bzhugs te/ de'i tshe 'khor 'dus pa de nyid du zla 'od gzhon nur gyur pa zhes bya ba zhig 'dus par gyur pa de 'dug pa'i
- 289b
stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das kyi zhabs la mgo bos phyag byas te/ gus pas thal mo sbyar nas/ bcom ldan 'das la 'di skad ces gsol to// bcom ldan 'das de bzhin gshegs pas sngon 'phrin las ci zhig mdzad na// 'di ltar rnam par nges pa'i 'od zer dang / yongs su sdud pa'i 'od zer dang / kun nas slong ba'i 'od zer dang / rab tu smon pa'i 'od zer dang / kha dog sna tshogs kyi 'od zer dang / kha dog 'dres pa ma mchis pa'i 'od zer dang / rgya chung ngu'i 'od zer dang / rgya chen po'i 'od zer dang / rnam par dag pa'i 'od zer dang / shin du rnam par dag pa'i 'od zer dang / dri ma ma mchis pa'i 'od zer dang / shin tu dri ma ma mchis pa'i 'od zer dang / dri ma dang bral ba'i 'od zer dang / rim gyis 'phel ba'i 'od zer dang / gsal ba'i 'od zer dang / shin tu gsal ba'i 'od zer dang / mtha' ma mchis pa'i 'od zer dang / shin tu mtha' ma mchis pa'i 'od zer dang / tshad ma mchis pa'i 'od zer dang / shin tu tshad ma mchis pa'i 'od zer dang / grangs kyi tshad ma mchis pa'i 'od zer dang / shin tu grangs kyi tshad ma mchis pa'i 'od zer dang / myur ba'i 'od zer dang / shin tu myur ba'i 'od zer dang / gnas pa ma mchis pa'i 'od zer dang / shin tu gnas pa ma mchis pa'i 'od zer dang / rab tu 'bar
- 290a
ba'i 'od zer dang / snang bar bgyid pa'i 'od zer dang / mos par bgyid pa'i 'od zer dang / pha rol tu phyin par bgying pa'i 'od zer dang / thogs pa ma mchis pa'i 'od zer dang / g.yo ba ma mchis pa'i 'od zer dang / drang po'i 'od zer dang / dpag tu ma mchis pa la gnas pa'i 'od zer dang / gzugs kyi mtshan gyi 'od zer dang / gzugs kyi mtshan sna tshogs kyi 'od zer dang / gzugs kyi mtshan tshad ma mchis pa'i 'od zer dang / kha dog sngon po dang / ser po dang / dmar po dang / dkar po'i mtshan nyid kyi 'od zer dang / kha dog le brgan gyi mtshan nyid kyi 'od zer dang / chu shel gyi kha dog gi mtshan nyid kyi 'od zer dang / nam mkha'i kha dog gi mtshan nyid kyi 'od zer dang / 'di lta bu la sogs pa rnam pa sna tshogs kyi 'od zer re re kun kyang / kha dog rnam pa lnga'i 'od zer 'dres par gyur pa ston par mdzad pa nas/ kha dog sngon po dang / ser po dang / dmar po dang / dkar po'i dngos po re re kun kyang 'od zer kha dog rnam pa sna tshogs tshad ma mchis pa dpag tu ma mchis pa dag dang 'dres par gyur pa rab tu ston par mdzad pa'i bar du brnyes par gyur lags/ / de nas bcom ldan 'das kyis/ zla 'od gzhon nur gyur pa la tshigs su bcad de bka' stsal pa/ nga ni bsam gyis mi khyab pa'i// dge ba'i las kyi
- 290b
rgyu rkyen gyis/ / rmongs pa rnams ni rab spangs pas// 'od zer sna tshogs grub pa yin// gzhan yang spyod pa sna tshogs kyis// sangs rgyas lam la rab gnas shing // stong pa byed med shes rab kyis/ / 'dres pa'i 'od zer bstan pa yin// ji ltar phyi rol chos dag la// mtshan nyid bye brag sna tshogs snang // de ni stong zhing bdag kyang med// byed pa med cing sems yid med/ / gzhan yang ji ltar rang gi lus// stong zhing bdag med byed med kyang // de las rnam pa sna tshogs kyis// sgra skad dag ni rab du ston// de ltar byed med dbang gis na/ kha dog dpag med 'od bstan nas// mos pa dag ni ji bzhin du// re ba dag ni skong bar mdzad// res 'ga' 'od zer gcig las ni// kha dog rnam pa gnyis bskyed nas// so sor rab 'bring tha ma yi/ / bye brag yod pa rab tu ston// res 'ga' 'od zer gcig las ni// kha dog rnam pa gsum bskyed nas// so sor rab 'bring tha ma yi// bye brag yod pa rab tu ston/ res 'ga' 'od zer gcig las ni// kha dog rnam pa bzhi bskyed nas// so sor rab 'bring tha ma yi// bye brag yod pa rab tu ston// res 'ga' 'od zer gcig las ni// kha dog rnam pa lnga 'byung ba/ / so sor rab 'bring tha ma yang // las gtsang las ni skyes pa yin// res 'ga' 'od zer gcig las ni// kha dog rnam pa drug 'byung ba// so sor rab 'bring tha ma
- 291a
yang / / thabs mkhas las ni skyes pa yin// res 'ga' 'od zer gcig las ni// kha dog rnam pa bdun 'byung ba// so sor rab 'bring tha ma yang // las dge las ni skyes pa yin// res 'ga' 'od zer gcig las ni// kha dog rnam pa brgyad 'byung ba// so sor rab 'bring tha ma yang // dge ba'i chos las skyes pa yin// res 'ga' 'od zer gcig las ni/ / kha dog rnam pa dgu 'byung ba// so sor rab 'bring tha ma yang // tshogs dag las ni skyes pa yin// res 'ga' 'od zer gcig las ni// kha dog rnam pa bcu 'byung ba/ / so sor rab 'bring tha ma yang // sbyin pa las ni skyes pa yin// res 'ga' dngos po gcig las ni// kha dog nyi shu gang 'byung ba// so sor rab 'bring tha ma yang / / tshul khrims bsrungs las skyes pa yin// res 'ga' dngos po gcig las ni// kha dog sum cu gang 'byung ba// so sor rab 'bring tha ma yang // bzod pa las ni skyes pa yin// / res 'ga' dngos po gcig las ni// kha dog bzhi bcu gang 'byung ba// so sor rab 'bring tha ma yang // brtson 'grus las ni skyes pa yin// res 'ga' dngos po gcig las ni// kha dog/ lnga bcu gang 'byung ba// so sor rab 'bring tha ma yang // bsam gtan las ni skyes pa yin// res 'ga' dngos po gcig las ni// kha dog drug cu gang 'byung ba// so sor rab 'bring tha
- 291b
ma yang / / shes rab las ni skyes pa yin// res 'ga' dngos po gcig las ni// kha dog bdun cu gang 'byung ba// so sor rab 'bring tha ma yang // byams sems las ni skyes pa yin// res 'ga' dngos po gcig las ni// kha dog brgyad cu gang 'byung ba// so sor rab 'bring tha ma yang // snying rje'i sems las skyes pa yin// res 'ga' dngos po gcig las ni// kha dog dgu bcu gang 'byung ba// so sor rab 'bring tha ma yang // dga' ba'o sems las skyes pa yin// res dga' dngos po gcig las ni// kha dog rnam brgya gang 'byung ba// so sor rab 'bring tha ma yang // gtang snyoms sems las skyes pa yin// res 'ga' dngos po gcig las ni// kha dog stong ni gang 'byung ba// so sor rab 'bring tha ma yang / / yon tan ston las skyes pa yin// res 'ga' dngos po gcig las ni// kha dog khri ni gang 'byung ba// so sor rab 'bring tha ma yang // bsod nams tshogs las skyes pa yin/ / res 'ga' dngos po gcig las ni// kha dog bye ba gang ston pa// so sor rab 'bring tha ma yang // yid ches pa las skyes pa yin// res 'ga' dngos po gcig las ni// kha dog bye ba gnyis ston pa// so sor rab 'bring tha ma yang // rjes su yi rang las skyes yin// res 'ga' dngos po gcig las ni// kha dog bye ba gsum ston pa// so sor rab
- 292a
'bring tha ma yang / / shin tu sbyangs las skyes pa yin// res 'ga' dngos po gcig las ni// kha dog bye ba bzhi ston pa// so sor rab 'bring tha ma yang // sangs rgyas gus las skyes pa yin// res 'ga' dngos po gcig las ni// kha dog bye ba lnga ston pa// so sor rab 'bring tha ma yang // chos la gus las skyes pa yin// res 'ga' dngos po gcig las ni/ / kha dog bye ba drug ston pa// so sor rab 'bring tha ma yang // dge 'dun gus las skyes pa yin// res 'ga' dngos po gcig las ni// kha dog bye ba bdun ston pa// so sor rab 'bring tha ma yang // tshul khrims gus las skyes pa yin// res 'ga' dngos po gcig las ni// kha dog bye ba brgyad ston pa// so sor rab 'bring tha ma yang // ting 'dzin gus las skyes pa yin/ / res 'ga' dngos po gcig las ni// kha dog bye ba dgu ston pa// so sor rab 'bring tha ma yang // kun brtse las ni skyes pa yin// res 'ga' dngos po gcig las ni/ / kha dog bye ba bcu ston pa// so sor rab 'bring tha ma yang // bag yod las ni skyes pa yin// gzhan yang spu khung gcig las ni// 'od zer mang po gang ston pa// / 'od zer sna tshogs ming de dag/ deng 'dir khyod la bshad par bya// nga la 'od zer gcig yod de// de ming sprin gtsang snang zhes bya// 'od zer de ni dge ba'i rtsa// dpag med bsags
- 292b
las skyes pa yin/ / 'di ltar 'das pa'i dus kyi tshe// sems can rnam pa ji snyed pa// nad rnams sna tshogs btab pa las// snying brtse'i sems ni rab bskyed nas// sman ni mang por rab btang zhing / / de dag sos par byas pa yi// rgyu dang rkyen ni 'di yi phyir// de 'dra'i 'od zer thob pa yin// nga la 'od zer yang yod de// de ming rnam dag mig ces bya// mar mes sangs rgyas mchod pas na/ / de phyir de las skyes pa yin// nga la 'od zer yang yod de// de ming rnam dag rna zhes bya// sgra dbyangs dag gis mchod byas pas// de phyir de las skyes pa yin/ dang la 'od zer yang yod de// de ming rnam dag snga zhes bya// spos chu dag gis mchod byas pas// de phyir de las skyes pa yin// nga la 'od zer yang yod de// de ming rnam dag lce zhes bya/ / ro mchog dag gis mchod byas pas// de phyir de las skyes pa yin// nga la 'od zer yang yod de// de ming rnam dag lus shes bya// 'di ltar gos kyis mchor byas pas/ de phyir de las skyes pa yin// nga la 'od zer yang yod de// de ming rnam dag sems shes bya// rtag tu sangs rgyas yid ches pas// de phyir de las skyes pa yin// nga la 'od zer yang yod de/ / de ming rnam dag gzugs shes bya// sangs rgyas gzugs ni bris pas na// de phyir de las skyes pa yin// nga la 'od zer yang yod de// de ming rnam dag sgra zhes bya// rtag tu
- 293a
chos la bsngags pas na/ / de phyir de las skyes pa yin// nga la 'od zer yang yod de// de ming rnam dag dri zhes bya// rtag tu dge 'dun gus pas na// de phyir de las skyes pa yin/ / nga la 'od zer yang yod de// de ming rnam dag ro zhes bya// yid bzhin du ni sbyin btang bas// de phyir de las skyes pa yin// nga la 'od zer yang yod de// de ming rnam dag reg ces bya/ / byug spos dag gis mchod pas na// de phyir de las skyes pa yin// nga la 'od zer yang yod de// de ming rnam dag chos shes bya// chos rnams yongs su bzung bas na/ / de phyir de las skyes pa yin// nga la 'od zer yang yod de// de ming rnam dgas zhes bya// sangs rgyas dge 'dun sa phyags pas// de phyir de las skyes pa yin// nga la 'od zer yang yod de// de ming rnam dag chu zhes bya// chu mig khron pas mchod pas na// de phyir de las skyes pa yin// nga la 'od zer yang yod de// de ming rnam dag me zhes bya// me 'dzin mchod cing sbyin btang bas// de phyir de las skyes pa yin// nga la 'od zer yang yod de// de ming rnam dag rlung zhes bya// rlung yab thogs nas mchod pas na// de phyir de las skyes pa yin/ / nga la 'od zer yang yod de// de ming rnam dag phung zhes bya// lus kyis sangs rgyas mchod pas na// de phyir de las skyes pa yin// nga la 'od zer yang yod de// /
- 293b
de ming rnam dag khams shes bya// rtag tu byams pa'i sems bsgom pas// de phyir de las skyes pa yin// nga la 'od zer yang yod de// de ming rnam dag bden zhes bya// rtag tu brdzun / ni spangs pas na// de phyir de las skyes pa yin// nga la 'od zer yang yod de// de ming rnam dag zhi zhes bya// rtag tu sbyin pa btang bas na// de phyir de las skyes pa yin// nga la 'od zer yang yod de/ / de ming rnam dag sgra zhes bya// sangs rgyas rnams kyi bsngags brjod pas// de phyir de las skyes pa yin// nga la 'od zer yang yod do// de ming rnam dag dran zhes bya/ / ting 'dzin bsngags pa brjod pas na// de phyir de las skyes pa yin// nga la 'od zer yang yod de// de ming rnam dag spobs shes bya// kun 'dzin bsngags pa brjod/ pas na// de phyir de las skyes pa yin// nga la 'od zer yang yod de// de ming mthun zhes bya ba yin// rtsod pa dag ni bsdums pas na// de phyir de las skyes pa yin// nga la 'od zer yang yod de/ / de ming don rab bstan ces bya// stong nyid rab tu rtogs pas na// de phyir de las skyes pa yin// nga la 'od zer yang yod de// de ming kha dog sngo zhes bya// pad+ma sngon pos mchod pas na// de phyir de las skyes pa yin// nga la 'od zer yang yod de// de ming kha dog sar zhes bya// tsam pa kas ni mchod pas na// de phyir de las skyes pa
- 294a
yin/ / dang la 'od zer yang yod de// de ming kha dog dmar zhes bya// mu tig dag gis mchod pas na// de phyir de las skyes pa yin// nga la 'od zer yang yod de/ / de ming kha dog dkar zhes bya// gser gyi gdugs kyis mchod pas na// de phyir de las skyes pa yin// nga la 'od zer yang yod de// de ming yon tan mchog ces bya// tshon sna mang pos brgyan pas na// de phyir de las skyes pa yin// nga la 'od zer yang yod de// de ming klu yi gzi zhes bya// klu yi ba dan gyis mchod pas// de phyir de las skyes pa yin/ / nga la 'od zer yang yod de// de ming glang po'i gzi zhes bya// glang po'i ba dan gyis mchod pas// de phyir de las skyes pa yin// nga la 'od zer yang yod de/ / de ming seng ge rgyal zhes bya// seng ge ba dan gyis mchod pas// de phyir de las skyes pa yin// de la 'od zer yang yod de// de ming khyu mchog rgyal zhes bya// khyu mchog pa dan gyis mchod pas/ / de phyir de las skyes pa yin// nga la 'od zer yang yod de// de ming rnam dag zla ba yin// sangs rgyas mchod rten phyags pas na// de phyir de las skyes pa yin/ / nga la 'od zer yang yod de// de ming klu 'dul zhes pa'o// dar gyi lnga ldi phul bas na// de phyir de las skyes pa yin// nga la 'od zer yang yod de// /
- 294b
de ming gnod sbyin 'dul zhes bya// so sor legs par brtags pas na// de phyir de las skyes pa yin// nga la 'od zer yang yod de// de ming bud med rtogs shes bya// bud med mtshan ma spangs pas na/ / de phyir de las skyes pa yin// nga la 'od zer yang yod de// de ming skyes pa rtogs shes bya// skyes pa'i mtshan ma spangs pas na// de phyir de las skyes pa yin/ / nga la 'od zer yang yod de// de ming rdo rje stobs shes bya// las kyi shes pa dag pas na// de phyir de las skyes pa yin// nga la 'od zer yang yod de// de ming stong pa ston zhes bya/ / 'jig rten rnam smin ston pas na// de phyir de las skyes pa yin// nga la 'od zer yang yod de// de ming yang dag rtogs shes bya// phyin ci log bzhi spangs pas na/ / de phyir de las skyes pa yin// nga la 'od zer yang yod de// sangs rgyas gsung ni ston zhes bya// chos dbyings bsngags pa brjod pas na// de phyir de las skyes pa yin// nga la 'od zer yang yod de// skyon rnams spangs pa zhes bya'o// mos pa'i bsngags pa brjod pas na// de phyir de las skyes pa yin// nga la 'od zer yang yod de// bkod pa kun tu snang zhes bya/ / mar me phul ba'i bsngags brjod pas// de phyir de las skyes pa yin// nga la 'od zer yang yod de// de ming sred pa spangs shes bya// ting 'dzin shes rab
- 295a
bsngags brjod pas/ / de phyir de las skyes pa yin// nga la 'od zer yang yod de// de ming bag chags spangs shes bya// sngon mtha' shes pa spangs pas na/ de phyir de las skyes pa yin// nga la 'od zer yang yod de// de ming chags pa spangs shes bya// mi skye ye shes bsngags pas nas// de phyir de las skyes pa yin// nga la 'od zer yang yod de/ / 'gro ba rnams ni spangs shes bya// zag zad ye shes bsngags pas na// de phyir de las skyes pa yin// nga la 'od zer yang yod de// de ming gnas spangs zhes bya ste/ / sdug bsngal shes pa bsngags pas na// de phyir de las skyes pa yin// nga la 'od zer yang yod de// sangs rgyas cho 'phrul zhes bya'o// rdzu 'phrul mthu yi bsngag brjod pas/ / de phyir de las skyes pa yin// nga la 'od zer yang yod de// de ming gzugs mang ston ces bya// rdzu 'phrul rkang gi bsngags brjod pas// de phyir de las skyes pa yin// nga la 'od zer yang yod de// dge ba'i grogs la mos shes bya// rtogs pa'i rang bzhin bsngags brjod pas// de phyir de las skyes pa yin// nga la 'od zer yang yod de// mig gi sngon mtha' zhes bya'o/ / mig gi sngon mtha' bsngags brjod pas// de phyir de las skyes pa yin// nga la 'od zer yang yod de// mig gi mtha' zad ces bya'o// mig zad bsngags pa brjod
- 295b
pas na/ / de phyir de las skyes pa yin// nga la 'od zer yang yod de// de ming srid pa'i mtha' zhes bya// srid med bsngags pa brjod pas na// de phyir de las skyes pa yin// nga la 'od zer yang yod de/ / de ming 'jigs pa med ces bya// 'gog pa nyid kyi bsngags brjod pas// de phyir de las skyes pa yin// nga la 'od zer yang yod de// de ming mtha' med ces bya'o/ / mtha' med bsngags pa brjod pas na// de phyir de las skyes pa yin// nga la 'od zer yang yod de// de ming mtshan ma med ces bya// 'dus ma byas kyis bsngags brjod pas/ de phyir de la skyes pa yin// nga la 'od zer yang yod de// de ming 'gyur ba med ces bya// khyad par med pa'i bsngags brjod pas// de phyir de las skyes pa yin// nga la 'od zer yang yod de/ / de ming 'jug pa med ces bya// zhen pa med pa'i bsngags brjod pas// de phyir de las skyes pa yin// nga la 'od zer yang yod de// de ming 'byung ba med ces bya// skye ba med pa'i bsngags brjod pas// de phyir de las skyes pa yin// nga la 'od zer yang yod de// de ming skye ba med ces bya// 'byung ba med pa'i bsngags brjod pas// de phyir de las skyes pa yin/ / nga la 'od zer bstan med ces bya yod// skye dgu rnams ni yongs su smin par byed// nga la 'od zer chos nyid ces bya yod// sangs rgyas zhing ni bye ba g.yo bar
- 296a
byed/ / nga la 'od zer bdud 'dul zhes bya yod// 'od zer de yi gzis ni bdud skrag byed// nga la 'od zer bsod nams rgyal mtshan yod// de yi ming 'dzin dag ni gnod pa spong / / nga la 'od zer stobs ldan rgyal mtshan yod// de yi ming 'dzin dag ni dgra rab spong // nga la 'od zer rab zhi rgyal mtshan yod// de yi ming 'dzin dag ni 'dod chags spong / / nga la 'od zer bsam gtan rgyal mtshan yod// de yi ming 'dzin dag ni log spyod spong // nga la 'od zer grags pa'i rgyal mtshan yod// de yi ming 'dzin dag ni grags pa 'thob/ / nga la 'od zer yid dga' rgyal mtshan yod// de yi ming 'dzin dag ni mya ngan med// nga la 'od zer sdom gtsam rgyal mtshan yod// de yi ming 'dzin tshul khrims 'chal pa spong / / nga la 'od zer spos mchog rgyal mtshan yod// de yi ming 'dzin mi gtsang med par 'gyur// nga la 'od zer chos zab ces bya yod// de yi ming 'dzin the tsom med bar 'gyur/ / nga la 'od zer gnas pa med pa yod// de yi ming 'dzin srid pa spong bar 'gyur// nga la 'od zer rtog bral zhes bya yod// de yi ming 'dzin 'dzin pa med par 'gyur// nga la 'od zer ri rab ces bya yod// de yi ming 'dzin g.yo ba med par 'gyur// nga la 'od zer gsang ba'i spyod pa yod// de yi ming 'dzin mngon par zhen pa med// nga la 'od zer
- 296b
rnam grol spyod pa yod/ / de la ming 'dzin 'ching ba med par 'gyur// nga la 'od zer legs 'dul zhes bya yod// de yi ming 'dzin mnyen des 'thob par 'gyur// nga la 'od zer mi g.yo zhes bya yod/ / de yi ming 'dzin 'dod chags zhe na spong 'gyur// nga la 'od zer rab 'dul zhes bya yod// de yi ming 'dzin tshul khrims rdzogs par 'gyur// nga la 'od zer dge mang spyod pa yod/ / de yi ming 'dzin gos pa med par 'gyur// nga la 'od zer phan mang byed pa yod// gang gis ming thos nyes pa rnam spong 'gyur// nga la 'od zer mchog shes mthong ba yod/ / gang gis ming thos rmongs pa med par 'gyur// nga la 'od zer phan tshol zhes bya yod// gang gis ming thos zhe sdang med par 'gyur// nga la 'od zer dga' sems byed pa yod// gang gis ming thos bde ba thob par 'gyur// nga la 'od zer gdung ba med pa yod// gang gis ming 'dzin stong nyid rtogs par 'gyur// nga la 'od zer ngo bo nyid med yod// gang gis ming 'dzin spros las 'da' bar 'gyur/ / nga la 'od zer rten pa med pa yod// gang gis ming 'dzin g.yo ba med par 'gyur// nga la 'od zer rmongs dang bral ba yod// gang gis ming 'dzin som nyi med par 'gyur/ / nga la 'od zer gnas med ces bya yod// gang gis ming 'dzin gti mug mun pa spong // nga la 'od zer nang lus skye ba yod// gang gis ming 'dzin de ni
- 297a
len mi 'gyur/ / nga la 'od zer 'dzin med ces bya yod// gang gis ming 'dzin yi ge tshig 'bru spong // nga la 'od zer rmongs pa med pa yod// gang gis ming 'dzin brjod dang bral bar 'gyur/ / nga la 'od zer 'gro med ces bya yod// gang gis ming 'dzin ma 'ongs shes par 'gyur// nga la 'od zer kun mtha' zhes bya yod// gang gis ming 'dzin 'das pa shes par 'gyur/ / nga la 'od zer mtshungs med ces bya yod// gang gis ming 'dzin zag med rtogs par 'gyur// nga la 'od zer 'phags thob ces bya/ yod// gang gis ming 'dzin mchog gyur shes par 'gyur// nga la 'od zer dri ma med pa yod// gang gis ming 'dzin mngon par zhen pa spong // nga la 'od zer rdul spong zhes bya yod/ / gang gis ming 'dzin mun pa med par 'gyur// nga la 'od zer sred pa med pa yod// gang gis ming 'dzin rten dag spong bar 'gyur// nga la 'od zer mchog rgyal zhes bya yod/ / gang gis ming 'dzin pha rol smra ba gnon// nga la 'od zer dar la bab pa yod// gang gis ming 'dzin spyod pa drug 'grub 'gyur// nga la 'od zer mchog btsun zhes bya yod/ / gang gis ming 'dzin shes pa thogs med 'gyur// nga la 'od zer myur ba zhes bya yod// gang gis ming 'dzin dge slong mchog 'grub 'gyur// nga la 'od zer mtshan
- 297b
ldan zhes bya yod/ / gang gis ming 'dzin chos zab rtogs par 'gyur// nga la 'od zer mtshan ma med pa yod// gang gis ming 'dzin nga rgyal spong bar 'gyur// nga la 'od zer skye med ces bya yod/ / gang gis ming 'dzin thob med rnyed par 'gyur// nga la 'od zer sangs rgyas dran pa yod// de bzhin gshegs pa rnams kyis rab tu bsngags// sangs rgyas mang la spyod pa rnam bsgrubs pas/ / 'di lta bu yi 'od zer grub pa yin// sangs rgyas sku las byung ba'i 'od zer rnams// rdul phran grangs ni brgya stong bye snyed mnga'// de bzhin zhing ni tshad med bye snyed mnga'/ / de yi grangs ni rgya mtsho'i bye snyed mnga'// rdul de nyid kyi 'od zer rnams kyang ni// so so la yang 'khor ni mang po yod// 'od zer des ni sangs rgyas med zhing du/ / de bzhin gshegs pa'i rnam dag skur sprul nas// shin tu zab mo'i chos ni ston mdzad pas// sems can bzod la rab tu dgongs par mdzad// nga la 'od zer sangs rgyas zhes bya yod/ / sems can sangs rgyas lam la gnas par mdzad// nga la 'od zer chos shes bya ba yod// shin du rnam dag gsal byed dri ma med// nga la 'od zer dge 'dun zhes bya yod/ / de bzhin gshegs pa rnams kyis rab tu bsngags// nga la 'od zer rnam dag ces bya yod// 'od zer de ni khyad 'phags rnyed par dka'// nga la 'od
- 298a
zer pad+ma zhes bya yod/ / sems can phan 'dogs yongs su smin par byed// nga la 'od zer tshangs pa zhes bya yod// kha cig brgya byin yang na lha zhes bya// zla ba klu dang gnod sbyin zhes kyang bya/ / lha ma yin dang nam mkha' lding zhes bya// kha cig rgyal po bud med ces kyang bya// kha cig bu mo kha cig khye'u zhes kyang bya// de ltar 'od zer sna tshogs mang po rnams/ / so sor dge chos dag gis skal mtshungs 'dul// 'khor ni tshad med bye ba snyed dag kyang // thams cad byang chub yongs su smin par byed// nga la 'od zer shes rab ces bya yod/ / kha cig tshul khrims kha cig ming byams pa// kha cig snying rje dga' dang sgron zhes bya// kha cig byug spos kha cig rol mo sgra// 'di lta bu la sogs pa'i 'od zer rnams/ / sngon gyi spyod pa'i rjes su 'thun par ni// skye dgu'i rnam pa tshad med yongs bsdus pas// des na 'od zer 'di dag rdzogs pa yin// nga la 'od zer gtso bo zhes bya yod// de bzhin gshegs pa rnams kyis rab tu bsngags// sangs rgyas bstan pa rnams la rtag gus pas// des na 'od zer 'di ni rdzogs pa yin// sangs rgyas spyan gyis sems can grangs gzigs nas/ / spu khung kun nas 'od zer sna tshogs gtong // 'od zer mang po de dag re re yang // so sor 'khor mang dag gis rab tu bskor// sems can rnams kyis mos
- 298b
pa ji bzhin du/ / sangs rgyas 'od zer gtong zhing smiran par mdzad// gang gis 'od zer bstan pa 'ang thos nas// rab tu dga' zhing mos par gang byed pa// de sngon sangs rgyas mangs ngag las ni/ / mdo sde 'dini thos par gyur pa yin// nga la 'od zer khyad par 'phags pa yod// 'khor ni bye ba brgyad cu grangs snyed yod// sngon gyi sangs rgyas dag la tshigs bcad gcig/ bsngags pas de phyir 'od zer 'di 'grub bo// nga la 'od zer mya ngan med pa yod// 'khor ni khrag khrig brgyad cu snyeng yod de// de bzhin gshegs pa'i bstan pa gcig bzung bas/ / de phyir 'od zer 'di ni grub pa yin// nga la 'od zer rnam dag mchog yod de// 'khor ni bye ba brgyad cu grangs snyed yod// ting 'dziran gcig ni yongs su bzung bas na// de phyir 'od zer 'di ni grub pa yin// 'das pa'i dus kyi sangs rgyas mtshan// khyad par 'phags pa zhes bya byung // sangs rgyas de ni 'jig rten na// sku tshe tshad ni med par bzhugs// dang po mngon par sangs rgyas tshe// chos bstan 'khor du 'dus pa yi// grangs ni khrag khrig brgyad cu snyed// de nyid du ni 'dus par 'gyur// de yi tsher 'dzem bu yi// gling chen dag ni 'di dag tu/ / yul gyi rgyal po de yi ming // sbal mos shes bya ba byung // rgyal po chen po de la ni// bu bo dag ni lnga brgya yod// byang bzhin dag ni sdug mdzes pas// mthong ba
- 299a
dag ni dga' bar 'gyur/ / de yi tshe na rgyal po'i yab// gzi byin rang dbang rab ldan zhing // dkon mchog dag ni gsum po la// shin tu dang ba skyes par gyur/ / rgyal po de la skyed mos tshal// mchog tu gyur pa ji snyed pa// de dag thams cad gus pas ni// bcom ldan de la rab tu phul// skyed mos tshal ni de dag tu// 'chag sa dag ni ji snyed pa// de dag thams cad kun tu ni// ljon shing tsam pa ka dag dang // ljon shing n+ya gro d+ha dag dang // ljon shing keng shu ka dang ni// ljon shing u dum wa ra dang // ljon shing pa la sa tra dang // ljon shing shi ri sha dag dang // ljon shing mya ngan 'tshang la sogs// de dag grangs ni so sor yang // bye ba phrag ni brgyad cu yod// ljon shing mang po de dag kyang / / dbyar dang dgun ni 'dra bar yang // me tog 'bras bu yal ga dag/ kha dog dag ni gsal zhing rgyas// dri mchog dam pa rab 'byung zhing // de bzhin gshegs pa'i sku la 'thul/ / de slong dag ni ji snyed pa// lus kyi kha dog gser dang 'dra// de dag thams cad kun kyang ni// ljon shing dag ni de drung du// 'dug nas rab tu brtson pas na// gzungs ni rab tu thob par 'gyur// de tshe de bzhin gshegs pa de// rgyal po yab dang sras rnams dang // gzhan yang 'khor ni mang po la// shin tu thugs ni brtse ba'i phyir// rnam par
- 299b
nges pa'i 'od zer mdo/ / de dag la ni rab tu bstan// rgyal po des ni thos gyur nas// sems ni rab tu dga' bar 'gyur// tshigs su bcad pa tshad med pas// de bzhin gshegs ba'i bsngags pa brjod/ / gzhan yang rgyal po chen po des// rin po che yi gdugs dam pa// bye ba phrag ni brgyad cu snyed// bcom ldan de la rab tu phul// rin chen gdugs ni re re la/ / yid bzhin nor bu'i dra ba dag/ mtha' ma 'khor bar rab tu brgyan// yid bzhin nor bu rin po che// de dag re re'i rin tang yang // 'dzam bu'i gser ni btso ma dag/ srang ni bye ba brgyad cu ri/ / rin chen gdugs ni re re yang // yid bzhin nor bu rin po che// bye ba phrag ni brgyad cu snyed// 'phreng ba dag tu byas par gyur// yid bzhin rin chen de dag kyang // kha dog dag ni rab gsal bas/ / nyin mtshan dag ni med par yang // rtag tu 'od zer rab tu gtong // 'od zer de dag re res kyang // dpag tshad brgya ni snang bar byed// 'od zer de dag rab gsal bas/ / nyi zla dag ni zil gyis gnod// gzhan yang rin chen gdugs de dag/ seng ge rin chen chun 'phyang ni// bye ba phrag ni brgyad cu dang // gser skud rin chen 'phreng ba yang // bye ba phrag ni brgyad cu dag/ ngos bzhi dag ni rab tu brgyan// gzhan yang rin chen dam pa ni// 'di ltar rnam pa sna tshogs kyis// mu tig rin chen dra ba dag/ spel ma dag tu rnam par brgyan//
- 300a
'di lta bu yi gdugs dag gis// skyed mos tshal ni kun tu g.yogs// de yi steng du gzhan yang ni// pad+ma su ma nA dang ni// pad+ma a ti mug ta ka/ btang zung zhes ni bya ba dang / / pad+ma u dum wa ra dang // pad+ma sngon po la sogs dang // de bzhin rnam pa sna tshogs kyi// pad+ma'i gdugs ni tshad med pa// re re thams cad kun kyang ni// rin chen dra ba 'tsham par byas// gzhan yang gser gyi skud pa las// byas pa'i gos dag gis kyang ni// bla re dag tu rab byas nas// de yi steng du khyab par g.yogs// gzhan yang tsan dan rin chen khro/ / gser dag las ni rkang byas pa// de yi grangs kyang bye ba phrag/ brgyad cu snyed ni rab tu bshams// rin chen khri ni de dag la// zab dar dag las byas pa yi/ stan ni bye ba phrag brgyad cu// de yi steng du rab brgyan no// de yi tshe na sems can gyi// rnam pa dag ni ji snyed pa// srid pa'i rtse mo man chad kyang // thams cad der ni 'dus gyur nas/ / de bzhin gshegs pa de las ni// mdo sde 'di ni rab tu mnyan// lha dang klu dang gnod sbyin dang // dri ba yi ni rgyal po dang // lto 'phye chen po lha ma yin// de dag mdo sde 'di thos nas/ / rab tu dga' ba'i sems skyes pas// tshigs su bcad pa brgya stong gis// de bzhin gshegs pa'i bsngags brjod nas// de dag thams cad kun gyis kyang //
- 300b
byang chub chen por smon lam btab// lha dang klu dang lha ma yin// de la sogs pa thams cad kyang // yongs su dang ba'i sems kyis ni// me tog man+da ra ba dang // mu tig rin chen la sogs pa'i/ / char phab mchod pa rab tu byas// de yi tshe na gzhan yang ni// lha chen mthu dang gzi ldan pa// bye ba phrag ni brgyad cu snyed// mdo sde 'di ni thos pas na// rab tu dga' ba'i sems bskyed nas/ / byang chub chen por smon lam btab// ma 'ongs pa yi dus kyi tshe// 'od zer 'di 'dra thob par shog/ de bzhin gshegs pas de yi tshe// de yi bsam pa thugs chud pas/ / ma 'ongs sangs rgyas 'grub 'gyur zhes// byang chub tu ni lung yang bstan// de yi tshe na gzhan yang ni// brgya byin lha yi dbang po dang // tshangs pa 'khor dang bcas pa yang / / bye ba phrag ni brgyad cu snyed// 'od zer rab tu ston pa yi// mdo sde 'di ni thos pas na// rab tu dga' ba'i sems bskyed nas// byang chub tu ni sems kyang bskyed/ / ma 'ongs sangs rgyas 'grub 'gyur zhes// byang chub tu ni lung yang bstan// de yi tshe na gzhan yang ni// klu ni bye ba khrag khrig phrag/ brgyad cu snyed ni 'dus pa dag/ mdo sde 'di ni thos pas na/ / byang chub tu ni sems bskyed pas// lung bstan pa yang thob par gyur// de yi tshen gzhan yang ni// gser 'dab rgyal po bye ba phrag/ brgyad cu steng ni 'dus pa dag
- 301a
mdo sde 'di ni thos pas na/ / sdom pa lnga ni rab bsrungs te// lung bstan pa yang thob par 'gyur// de yi tshen gzhan yang ni// dri za'i rgyal po bye ba phrag/ brgyad cu snyed ni 'dus pa dag/ mdo sde 'di ni thos pas na// rol mo brgya stong rnams byas te// sgra snyan ngag ni rab phyung nas// bcom ldan de la mchod byas pas// lung bstan pa yang thob par gyur/ / de yi tshe na gzhan yang ni// gnod sbyin rgyal po khrag khrig snyed// mdo sde 'di ni thos pas na// sangs rgyas ye shes dag la ni// shin tu dad pa skyes par gyur// de dag thams cad kun gyis kyang / / byang chub lung bstan thob par gyur// zla 'od 'di ltar shes par gyis// de tshe rgyal po sgra mos pas// mchod pa rnam pa sna tshogs kyis// bcom ldan de la mchod byas pa/ / gzhan yin snyam du mi blta ste// de ni khyod bdag nyid yin no// khyod ni sngon 'das dus kyi tshe// mdo sde 'di ni thos pa'i rgyus// de lta bas na deng 'dir yang // 'di nyid slar yang zhus pa yin// nga ni mya ngan 'das pa'i 'og/ gang yang rung ba su zhig gis// dam pa'i chos kyi 'khor lo dag/ rnam par 'jig pa'i dus kyi tshe// chos kyi bstan pa 'di dag la/ / dang ba'i sems ni gang skyes pa// 'di lta bu yi mdo sde dag/ rgya cher yang dag ston par nus// ma 'ongs mdo sde 'di ni gang ston pa// des ni nga yi chos 'dzin srung bar byed//
- 301b
de ni 'gror mang ded pa'i ded dpon 'dra// rin chen gter 'dzin srung ba zhes kyang bya// ma 'ongs dus tshe mdo 'di gang thos nas// skad cig tsam du mos pa skyed byed pa// de ni sangs rgyas byin gyis brlabs pa yin/ / 'jam dpal byin gyis brlabs par rig par bya// des ni sangs rgyas mang po mthong 'gyur bas// gsang ba'i chos gtad shes rab rno bar 'gyur// gang dag sems drang mnyen la rab des shing / / rtag tu sangs rgyas rim gro byed la brtson// bdag med sgom zhing byams dang bzod skyed pa// des ni mdo sde 'di la mos par 'gyur// gang zhig rtag tu mi dge sems 'chang zhing / / rnyed la gdu zhing chog mi shes pa dang // rab dben rnams la mos par mi 'gyur ba// des ni mdo sde 'di la mos mi 'gyur// gang zhig de bzhin gshegs pa rnams mchod dang / / dam chos zab mo legs par rtogs pa dang // sangs rgyas yang dag ye shes yid ches pa// des ni mdo sde 'di la mos par 'gyur// gang zhig/ sems g.yeng dang ba'i sems med cing // rtag tu srog gcod gdul bar rab dka' dang // 'dod pa'i yul rnams kyi ni bran byed pa// des ni mdo sde 'di la mos mi 'gyur// gang zhig/ rtag tu dgon gnas rab mos shing // gcig pu dben par 'dug cing sems zhi dang // rnyed dang gnyen la mngon par zhen med pa// des ni mdo sde 'di la mos par 'gyur// gang zhig
- 302a
grogs ngan dag gi rjes 'brang zhing / / bdag dang gzhan gyi dge ba 'jig byed dang // tshul khrims ting 'dzin dag ni cher nyams pa// des ni mdo sde 'di la mos mi 'gyur/ / gang zhig yid mos shin tu rnam dag cing // rtag tu shes rab chos rnams rab 'byed dang // dge ba'i bshes dag gis ni rab bsrungs pa// des ni mdo sde 'di la mos par 'gyur/ / gang zhig gnyen gyi khyim la rab chag shing // me tog 'bras bu byin nas dga' byed dang // sems la drang po med cing sgyu 'chang ba// des ni mdo sde 'di la mos mi 'gyur// gang zhig rtag tu sangs rgyas drin dran zhing // dge ba'i rtsa ba mchog la mos pa dang // byang chub bsngo zhing g.yo sgyu med gyur pa// des ni mdo sde 'di la mos par 'gyur// gang zhig chung mo bu mo sred chags shing / / gos mchog sna tshogs dag gis rab brgyan nas// rtag tu de dang lhan cig rtse smon pa// des ni mdo sde 'di la mos mi 'gyur// gang zhig sems za ba gnas pab med gyur cing / / 'dod pa'i yul gyis gos pa med pa dang // zas skom dag gis g.yo sgyu mi skyed pa// des ni mdo sde 'di la mos par 'gyur// gang zhig skye dgu rnams la 'di skad du/ / 'dod chags spyad kyang nyes med gang zer ba// dus gsum sangs rgyas rnams la skur pa yin// des ni mdo sde 'di la mos mi 'gyur// gang zhig yid ches rtag tu rab brtan
- 302b
zhing / / nan tan bskyed nas chos rnams tshol ba la// skyo ba med cing brnyas par mi byed pa// des ni mdo sde 'di la mos par 'gyur// gang zhig chung ma bu mo mngon zhen cing // rtag tu 'dod pa'i yul ni rjes dran dang / / shes rab mi sgom rgya cher phan mi 'dogs// des ni mdo sde 'di la mos mi 'gyur// gang zhig ri dang nags khrod rab gnas shing // shes rab bsgoms nas shin tu dag 'gyur dang / / 'tsho ba'i yod byed dag la 'dod med pa// des ni mdo sde 'di la mos par 'gyur// gang zhig mig gi sngon dang phyi ma'i mtha'// rtag tu rmongs nas mi rtogs gang yin pa/ / de ni gti mug bdud kyis bcings pas na// des ni mdo sde 'di la mos mi 'gyur// gang zhig mig gi sngon dang phyi ma'i mtha'// rtag tu rtogs shing rmongs pa med gyur pa/ / de ni bdud kyis bcings las grol bas na// des ni mdo sde 'di la mos par 'gyur// gang zhig mig mtha' yod dang med pa la// rtag tu rmongs nas khong du ma chud pa/ / de ni gti mug bdud kyis bcings pas na// des ni mdo sde 'di la mos mi 'gyur// gang zhig mig mtha' yod dang med pa dag/ rtag tu rtogs shing rmongs pa med gyur pa/ / de ni bdud kyis bcings las grol bas na// des ni mdo sde 'di la mos par 'gyur// gang zhig mig gnas 'jig pa'i mtshan nyid la// rtag tu rmongs shing khong du mi chud pa//
- 303a
de ni gti mug bdud kyis bcings pas na// des ni mdo sde 'di la mos mi 'gyur// gang zhig mig gnas 'jig pa'i mtshan nyid dag/ rtag tu khong du rud cing rmongs med pa/ / de ni bdud kyis bcings las grol bas na// des ni mdo sde 'di la mos par 'gyur// rna ba sna dang lce lus yid dag dang // gzugs sgra dri ro reg bya chos rnams dang / nas chu me rlung ngo bo nyid dag dang // dngos po sems can sdug bsngal phung po dang // khams dang 'jig rten skye sgra ming bden dang // 'dod chags zhe sdang gti mug nga rgyal sred// 'chab rgyags ser sna phrag dog g.yo sgyu dang // khro sogs par yang de bzhin rig par gyis// gang zhig mig zad mtha' ni de dag la// rtag tu rmongs shing khong du mi chud pa// de ni skye bo'i spyod par lhung bas na/ / des ni mdo sde 'di la mos mi 'gyur// gang zhig mig zad mtha' ni de dag la// rtag par khong du chud cing rmongs med pa// de ni skye bo'i spyod dang bral bas na/ / des ni mdo sde 'di la mos par 'gyur// gang zhig mig gi 'jig pa de dag la// rtag tu rmongs shing khong du ma chud pa// de ni skye ba'i spyod par lhung bas na// des ni mdo sde 'di la mos mi 'gyur/ / gang zhig mig gi 'jig pa de dag la// rtag par khong du chud cing rmongs med pa// de ni skye bo'i spyod dang bral bas na// des ni mdo sde 'di la mos par 'gyur//
- 303b
mig ni skye ba'i mtha' dag la// rten cing gnas pa med pa dang // mig ni rab tu dben pa la// g.yo ba'i bsam pa med gyur pa// des ni de bzhin gshegs pa rnams// mthong ba nyid du 'gyur ba yin/ / mig ni skye ba'i mtha' dag la// rnam par rtog pa med pa dang // mig gi mtha' ni gang yin pa// de la yid kyi rtog med dang // mig ni rnam par 'jig pa la// brtan par bya ba med gyur pa/ / des ni de bzhin gshegs pa rnams// mthong ba nyid du 'gyur ba yin// mig ni med par gyur pa la// mngon par zhen pa med pa dang // mig ni skye ba med pa la// / yongs su sdud pa med pa dang // mig ni rab tu zhi ba la// 'dzin pa dag ni med gyur pa// des ni de bzhin gshegs pa rnams// mthong ba nyid du gyur pa yin// mig ni zad par shes ba'i phyir/ / mtshan rnams mngon par bsgrub pa dang // mig gi mtha' ni shes pa'i phyir// dbang po dag ni nges gyur dang // mig ni skye ba shes pa'i phyir// dbang po rang dbang thob gyur pa/ / des ni de bzhin gshegs pa rnams// mthong ba nyid du gyur pa yin// mig ni med par rtogs gyur nas// gzugs ni khong du chud pa dang // mig ni 'jig par rab shes nas/ / chos la so sor rtog pa dang // mig ni skye med shes gyur nas// lam ni sgrub par gang byed pa// des ni de bzhin gshegs pa rnams// mthong ba nyid du 'gyur ba yin//
- 304a
des ni mdo sde 'di la mos par 'gyur// gang zhig mig zang ngo bo ma rtogs pa// des ni mi gnas tshul khrims bsgrub mi nus// mi gnas tshul khrims mngon par mi sgrub pa/ / des ni mdo sde 'di la mos mi 'gyur// gang zhig mig zad ngo bo rab rtogs pas// des ni mi gnas tshul khrims bsgrub par nus// mi gnas tshul khrims mngon par bsgrub pas na/ / des ni mdo sde 'di la mos par 'gyur// gang zhig mig zad ngo bo ma rtogs pa// des ni zag med tshul khrims bsgrub mi nus// zag med tshul khrims mngon par mi sgrub pas/ / des ni mdo sde 'di la mos mi 'gyur// gang zhig mig zad ngo bo rab rtogs pa// des ni zag med tshul khrims bsgrub par nus// zag med tshul khrims mngon par bsgrub pas na/ / des ni mdo sde 'di la mos par 'gyur// gang zhig mig zad ngo bo ma rtogs pa// des ni zag med shes rab bsgrub mi nus// zag med shes rab mngon par mi sgrib pas/ / des ni mdo sde 'di la mos mi 'gyur// gang zhig mig zad ngo bo rab rtogs pa// des ni zag med shes rab bsgrub par nus// zag med shes rab mngon par bsgrub pas na/ / des ni mdo sde 'di la mos par 'gyur// gang zhig mig zad ngo bo ma rtogs pa// mig stong nyid la rtag tu rmongs par 'gyur// des ni kun 'dzin ye shes mi skyed
- 304b
pas/ / mdo sde 'di la rab tu mos mi 'gyur// gang zhig mig zad ngo bo rab rtogs pa// mig stong nyid ni rtag par rtogs par 'gyur// des ni kun 'dzin ye shes rab skyed pas// mdo sde 'di la rab tu mos par 'gyur/ / gang zhig mig zad ngo bo rab rtogs pa// des ni kun 'dzin ye shes rab bsgrub na// bla med ma chags ye shes rab bsgrub pas// mdo sde 'di la rab tu mos par 'gyur/ / gang zhig mdo sde 'di la ma mos pa// mig zad ngo bo nyid la rtag tu rmongs// de ni ting 'dzin rnams las nyams pas na// bla med ye shes thob par shin tu dka'/ / gang zhig mdo sde 'di la rab mos shing // mig zad ngo bo nyid ni mngon rtogs pa// des ni ting 'dzin mngon par bsgrub pas na// bla med ye shes mngon byed dka' ba med/ / gang zhig mig zad ngo bo nyid rtogs shing // bdag med mtshan nyid rab tu shes pas ni// des ni rtag tu chos 'di thos pas na// mngon par yid ches the tsom med pa 'thob// gang zhig mig zad ngo bo nyid sems shing // nyin mtshan rab brtson le lo med par ni// des ni kun 'dzin spobs pas mngon bsgrubs nas// mdo sde 'di ni rtag tu ston par 'gyur// gang zhig mdo sde 'di ni sems byed pa// 'od zer 'byin pa'i ye shes rdzogs par 'gyur// des ni de bzhin gshegs pa rab ston cing // mi stong nyid ni rab tu rtogs par 'gyur//
- 305a
gang gis mchod rten brgya stong rab byas shing // sangs rgyas thams cad la ni mchod pa bas// gang zhig mdo sde 'di ni sems byed na// 'di yi yon tan de bas khyad par 'phags/ / gang gis rol mo brgya stong rab byas nas// de bzhin gshegs pa'i ring bsrel mchod pa bas// gang zhig mdo sde 'di ni thos gyur na// 'di yi yon tan de bas khyad par 'phags/ / sangs rgyas spun gyis gzigs pa'i sems can rnams// bskal pa dag ni bye ba tshad med par// de bzhin gshegs dang mtshungs par mchod pa bas// mdo sde 'di bzung bsod nams khyad par 'phags// gang gis mdo sde 'di las tshig bzhi pa'i// tshigs bcad gcig tsam 'dzin cing ston byed na// de la rgyal ba thugs rje chen bo yin/ / gtso ltar gus pa rab tu bskyed par bya// nga ni 'das pa'i bskal pa brgya stong du// srid pa gsum du 'khor bar gyur pa'i tshe// sangs rgyas dag ni tshad med pa rnams la// mdo sde 'di yi phyir ni rim gro byas// res 'ga' mar me brgya stong tshad med pa// snying po re re'i tshad kyang dpag tshad tsam// spar nas mdo sde 'di la rab dbang dag/ 'thob par bya phyir 'dren pa rnams la mchod/ / res 'ga' me tog tsam pa ka dang ni// su ma na dang mya ngan med pa yi// 'phreng ba rgyal mtshan gdugs ni sna tshogs kyis// de bzhin gshegs pa'i
- 305b
mchod rten mchod pa byas/ / nga sngon 'khor bar 'khor bar gyur pa'i tshe// slong du 'ongs pa dag la sbyin btang ste// res 'ga' me tog 'bras bu dag kyang btang // res 'ga' zam pa khron pa chu mig btang / / res 'ga' glang po che dang bzhon pa dang // res 'ga' rin chen rta ngang chung ma btang // res 'ga' gser gyi khri dang rin chen gur// res 'ga' se mo do dang 'phreng ba btang / / de bzhin bskal pa brgya stong rdzogs par ni// mdo sde 'di phyir sems la ser sna med// / bam po gnyis pa// nga sngon mdo sde 'di yi phyir/ / tshul khrims yongs su dag pa bsrungs// ting 'dzin shes rab rtag tu bsgom// sems can rnams la sbyin pa btang // nga sngon mdo sde 'di yi phyir// gtum po dag gis rgyad bkag kyang / / de tshe nga ni snying brtse bas// de la gnod pa yong ma byas// nga sngon mdo sde 'di yi phyir// slong du 'ongs pa dag la ni// ji ltar mos bzhin rab btang bas/ / thams cad rab tu dga' bar byas// nga sngon mdo sde 'di yi phyir// gzhal med khang chen rnams la ni// rin chen dra bas rab brgyan nas// sangs rgyas rnams la yongs su phul/ / nga sngon mdo sde 'di yi phyir// rin chen rnam pa sna tshogs dang // yid bzhin nor bu rin po ches// sangs rgyas rnams la mchod pa byas// nga sngon mdo sde 'di yi phyir// drin
- 306a
yod rnams ni rtag dran pas/ / tha na tshig bshad gcig mnyan pa// de la yang ni bkur sti byas// nga sngon mdo sde 'di yi phyir// tshul khrims ldan la rab bkur bas/ / tha na 'chag pa'i tshe na yang // de la rtag tu gus pa bskyed// nga sngon mdo sde 'di yi phyir// 'khor ba dag na 'khor ba'i tshe// drin ni cung zad yod la yang // de la rtag tu drin du gzos/ / nga sngon mdo sde 'di yi phyir// rnyed pa ma btsal chos ma skur// nye ba shes sems can rnams la ni// snying brtse dag ni rab tu bskyed// nga sngon mdo sde 'di yi phyir// mang thos legs bshad ldan pas na/ / chos la mngon par zhen byed cing // bshes pa'i khyim la ser sna med// nga sngon mdo sde 'di yi phyir// mi dge'i sems ni skyes gyur na// myur ba nyid du rab bshags pas/ / 'phel bar yang ni yong ma byas// nga sngon mdo sde 'di yi phyir// rgyal po'i bur ni gyur pa na// rin po che dang byug spos dang // spos kyis phye ma ji snyed pa// dang // ba'i sems ni ngas bskyed nas// sangs rgyas rnams la bsngos shing phul// nga sngon mdo sde 'di yi phyir// khri mon btson la snying brtse bas// sdug bsngal sna tshogs gang myong ba// lus kyi basbyin par dang du blangs// nga sngon mdo sde 'di yi phyir// 'dod pa'i yon tan lnga spangs nas// rtag tu dus drug dag gi tshe// sdom pa dag ni rab tu blangs// nga sngon mdo sde
- 306b
'di yi phyir/ / rtag tu bzod pa rab bsgom pas// tha na chung ma dag la yang // 'dod pa'i ser sna yongs ma bskyed// nga sngon mdo sde 'di yi phyir// dbul 'phongs dag ni thams cad kun/ / bde ba dag ni thob bya'i phyir// nor dgas gis ni phyug por byas// nga sngon mdo sde 'di yi phyir// dge slong dang ni bram ze dang // skye dgu rnam pa sna tshogs kun// thams cad dag ni rab tu bsdus/ / nga sngon mdo sde 'di yi phyir// thams cad kun la phan gdags phyir// rtag tu sbyin bdag cher byas nas// slong ba dag la yongs su btang // res 'ga' me tog 'bras bu dag/ gzhan dag gcod du mau gzhug par// sems can rnams la yongs btang zhing // yid bzhin du ni tshim par byas// nga sngon sbyin pa btang ba'i tshe// sems ni rtag tu snyoms pas na/ / tshul khrims yon tan ldan pa dang // tshul khrims 'chal dang ngo tsha med// rdzu 'phrul chen po thob pas na// so so'i skye bo'i bar dag la// ngo mtshar bsam pa'i sems bskyed nas/ / gus pas kun la sbyin pa btang // nga sngon sbyin pa btang ba'i tshe// sems la mtho dman med pas na// sdug bsngal 'gro ba mi tshol zhing // mdo sde 'di la rtse gcig mos/ / res 'ga' yul khams dag tu ni// phyir rgol thams cad med byas shing // klu rnams kun ni rab btul nas// dus bzhin char ni rab tu phab// zla 'od khyod kyis shes par gyis//
- 307a
#ngas ni tshe rabs dpag med nas// mdo sde 'di ni gnyer ba'i phyir// dka' ba rnams ni rab tu spyad// bskul pa brgya stong snyed du ni// brjod kyang mthar thug mi 'gyur ro/ / yid ches pa la khyod gnas nas// ma 'ongs tha ma dus kyi che// yang dag dran pa'i sems bskyed la// mdo sde 'di ni bshad par gyis// ngas ni sangs rgyas spyan dag gis/ / ma 'ongs dus ni gsal gzigs pas// spyod pa sna tshogs ji lta ba// thams cad rab tu mkhyen pa yin// dge slong dag ni gang zhig gis// bla med ye shes btsal ba'i phyir/ / shin tu dang ba'i sems kyis ni// mdo sde 'di ni gang ston pa// gang zag de dang phyogs rnams kyang // thams cad ma lus thugs su chud// ma 'ongs tha ma dus kyi tshe// / mdo 'di thos nas gang mos pa// bsam pa dang ni thabs rnams kyang // thams cad ma lus thugs su chud// dman pa dag ni gang zhig gis// mdo sde 'di ni ma thos pas// chos bstan pa la skur 'debs pa/ / thams cad ma lus thugs su chud// dge slong rnams ni gang zhig dang // dge slong ma ni gang zhig gis// mdo sde 'di ni thos gyur nas// shin tu gdung bas du byed pa/ / de kun ngas ni lung bstan nas// rgyal ba gtso bo mthong bar 'gyur// zla 'od khyod kyis shes par gyis// sangs rgyas rdzu 'phrul stobs kyis ni// gang dag yid ni dag
- 307b
pa dang / / gang dag gi ni ma dag dang // tha na mos pa gang yin pa// thams cad ma lus thugs su chud// sems can dag ni gang zhig gis// rab zhi dben la rtag mos shing // ting 'dzin rnams la rab gnas nas/ / 'khor ba dag la ma chags pas// tha na bag chags rnams kyang ni// gtan nas rab tu gang spangs dang // de la sogs pa'i yon tan rnams// thams cad ma lus thugs su chud/ / sems can dag ni gang zhig gis// mi bden chos la zhen pa dang // sems can dag ni gang zhig gis// sangs rgyas la ni rab mos pa// ma 'ongs dngos po'i 'di lta bu/ / thams cad ma lus thugs su chud// sems can dag ni gang zhig gis// 'jig rten bde la rab chags pas// sangs rgyas byang chub sa bon dag/ legs pa nyid du mi skyed pa/ / rgyu dang rkyen ni de yi phyir// sbyor ba rnams ni nyams par 'gyur// su yang rung ba gang zhig gis// byang chub sa bon rtogs gyur na// gang zag de yis nges par ni// rnam dag 'od zer dpag med thob/ / zla 'od khyod kyis 'di lta bur// 'od zer 'di la sogs pa yi// rgyu dang rkyen ni re re kun// so so tha dad nyid du ltos// khyod kyis shes rab stobs kyis ni// thams cad de ltar rig par gyis// gang zhig mi dge grogs spangs te// dge ba'i bshes gnyen la brten nas// tshul khrims rnam dag gang srung ba// sangs rgyas 'od zer bsgrub pa
- 308a
'gyur/ / khyod kyis dbang po rab bsrungs la// ngo tsha khrel med rab tu spongs// dge ba'i chos ni rab bsgoms la// sems can rnams ni srung bar gyis/ khyod kyis rtson pa rab spongs la// stong nyid dag ni rtogs par gyis// rnyed pa dag la ma gdu bar// mang thos legs bshad ldan par gyis// khyod kyis rnyed pa dag la ni// mi gtsang lta bur blta bar gyis/ / rnyed pa'i dri ma dag gis ni// rnam dag sems ni sbags ma byed// rnam par grol ba btsal bar byos// bla med rnyed pa thob par 'gyur// khyod kyis sangs rgyas lam bsgrubs la// sangs rgyas chos nyid 'dra bar ltos// chos kyi sgren chen rtag sbar la// 'jig rten kun ni snang bar gyis// khyod kyi sems ni ri rgyal ltar/ / mi g.yo nyid du rab tu byos// kha ngan dang ni rdeg pa yang // thams cad bzod pa dang du long // khyod ni sems can rnams kyi phyir// dge ba shes yang dag rab tu byos// dman pa'i sems ni yongs spongs la// rnam dag las ni rtag tu sgrubs// khyod kyi sems ni brtan byos la// bla med chos ni rab tu ston// mdo sde dam pa 'di lta bu// brtse ba can la sbyin par gyis/ / bla med ye shes gang tshol ba// 'khor ba dag la 'jigs ma byed// des na sdig pa rnam spangs nas// phan yon mchog ni thob par 'gyur// dper na blo dang ldan pa dag/
- 308b
me la spyod pa mkhas pa gang // ro rnams sna tshogs sbyin byed kyang // mes ni sreg par yong mi 'gyur// gang zhig blo dang mi ldan pa// thabs dag la ni mi mkhas pas// me khyer lag mthil gang bzhag pa/ / mes ni rab tu sreg par 'gyur// ji ltar mi zhig dug dag gis// sems ni 'khrugs nas myos pa gang // me la rab tu bsros na ni// de yi rgyu yis sos par 'gyur/ / zla 'od khyod kyis shes par gyis// blo ldan pa yang de bzhin du// yid rten yid ni stong par rig/ de phyir 'khor bar gnas kyang ni// mig rten mig ni stong rig pas// mig la mngon par zhen pa med// gal te de ltar rab shes na// mig la gnas kyang nyon mongs med// gal te mig nyid stong rig na// yang dag ye shes bsgrub par 'gyur// yang dag ye shes thob pa'i phyir/ / 'od zer dag ni 'byung bar 'gyur// gal te mig nyid stong rig na// 'dod chags dag ni gtan nas spong // 'dod chags dag ni med pa'i phyir// 'od zer dag ni/ 'byung bar 'gyur// de bzhin zhe sdang gti mug dang // ngar 'dzin 'chab dang khro ba dang // ser sna phrag dog ngo tsha med// mi bzad sems ni mtho ba dang // rgyags dang mngon pa'i nga rgyal dang / g.yo sgyu dang ni bag med dang // gya gyu la sogs rab tu yang // thams cad 'dod chags bzhin du bshad// yang dag ye shes thob gyur na// mig ni zhi ba nyid du rtogs// zhi ba
- 309a
@nyid du rtogs pa'i phyir/ / 'od zer dag ni 'byung bar 'gyur// yang dag ye shes thob gyur na// sangs rgyas tshul la rab tu gnas// tshul la rab tu gnas pa'i phyir/ / 'od zer dag ni 'byung bar 'gyur// yang dag ye shes thob gyur na// sangs rgyas thabs la gnas par 'gyur// thabs la rab tu gnas pa'i phyir// 'od zer dag ni 'byung bar 'gyur/ / yang dag ye shes ma bsgrubs par// sgrib pa dag ni gtan spongs shing // 'od zer 'byung ba bsgrub par ni// ngas sngon ma thos ma thong ngo // yang dag ye shes rab bsgrubs nas/ / sgrib pa'i gnod pa gtan spong zhing // spyod pa 'di rjes gang 'brang ba// 'od zer 'gyed pa thob par 'gyur// rgyal ba'i spyod pa yongs tshol zhing // mdo sde 'di la bslab byas nas/ / de bzhin gshegs la gang mchod pa// yang dag ye shes thabs thob 'gyur// yang dag ye shes gang bsgrubs pa// sangs rgyas rnams la mchod par gyis// 'od zer 'gyed pa rdzogs par 'gyur/ / lag mthil 'bras bu ji bzhin no// mig la bdag med gang rmongs pa// dge sbyong chos ni nyams par 'gyur// gang zag de yis de lta bu'i// 'od zer/ 'gyed pa thob mi 'gyur// mig la bdag med gang rtogs pa// dge sbyong chos ni bsgrub par 'gyur// gang zag de yis de lta bu'i// 'od zer 'gyed pa thob par 'gyur// mig gi
- 309b
mtha' nag dogs pa/ / rnabaskye ba'i mtha sa gas// bskye ba'i mtha rtogs pas// dge sbyong na sa// gal rtomag gang da/ yo sa/ ba sa du nga/ yong su shes pa ma gyu de 'is de lnga bu'i/ 'od par byed po 'jug gas te ga ny-id/ tha na yo su shes 'gyu // log ba'i tha' kyang / 'o su shes pa nyid du gyur gang dag de 'i de/ khri'i 'di zer byed brjob par yul / gal mim no sa nyid/ ma l egs par ma shes na/ / mig ni skye ba'i mtha' dag kyang // legs pa nyid du mi shes pas// gang zag de yis de lta bu'i// 'od zer 'gyed pa thob mi 'gyur// gal te mig gi ngo bo nyid/ / mtha' ni legs par shes gyur na// mig ni skye ba'i mtha' dag kyang // legs pa nyid du shes 'gyur bas// gang zag de yis de lta bu'i// 'od zer 'gyed pa thob par 'gyur/ / gal te mig gi ngo bo nyid// mtha' ni mngon sum ma shes na// mig ni skye ba'i mtha' dag kyang // mngon sum nyid du mi shes pas// gang zag de yis de lta bu'i// 'od zer 'gyed pa thob mi 'gyur/ / gal te mig gi ngo bo nyid// mig ni skye ba'i mtha' dag kyang // mtha' ni mngon sum shes 'gyur na// mngon sum nyid du rab shes pas// gang zag de yis de lta bu'i/ / 'od zer 'gyed pa thob par 'gyur// gal te mig gi ngo bo nyid// mtha' ni legs par ma shes na// mig ni skye ba'i mtha' dag kyang // yongs su shes par mi 'gyur bas//
- 310a
gang zag de yis de lta bu'i// 'od zer 'gyed pa thob mi 'gyur// gal te mig gi ngo bo nyid// mtha' ni legs par shes gyur na// mig ni skye ba'i mtha' dag kyang / / mngon sum nyid du shes 'gyur bas// gang zag de yis de lta bu'i// 'od zer 'gyed pa thob par 'gyur// gal te mig gi ngo bo nyid// rnam dag legs par ma shes na// rna ba'i ngo bo rnam dag pa// legs pa nyid du mi shes pas// gang zag de yis de lta bu'i// 'od zer 'gyed pa thob mi 'gyur// gal te mig gi ngo bo nyid// rnam dag legs par shes gyur na/ / rna ba'i ngo bo rnam dag pa// legs pa nyid du rtogs 'gyur bas// gang zag de yis de lta bu'i// 'od zer 'gyed pa thob par 'gyur// de bzhin sna dang lce dang lus/ yid dang gzugs sgra dri ro dang // reg bya chos dang sa chu dang // me rlung dag gis dngos po dang // 'jig rten sdug bsngal phung po dang // khams dang 'jig rten skye mched dang // sgra dang ming la sogs pa yang / / thams cad de bzhin rig par gyis// de nas bcom ldan 'das kyis// zla 'od gzhon nur gyur pa la 'di skad ces bka' stsal to// rigs kyi bu sems can gang theg pa chen po la yang dag par gzhol zhing / / 'od zer 'gyed pa de lta bu yongs su rdzogs par bya bar 'dod pa des dge ba'i rtsa ba'i tshogs rnam pa brgyad cu po 'di dag mngon par
- 310b
bsgrub par bya'o/ / rnam pa brgyad cu gang zhe na/ 'di lta ste/ sems can yongs su srung zhing rjes su dran pa dang / gnod sems med pa dang / tshul khrims yongs su dag pa srung zhing nyams par mi byed pa dang / sems shin tu mnyam pa dang / g.yo sgyu med pa dang / ser sna med pa dang / phrag dog med pa dang / 'dod chags kyi bsam pa med pa dang // bslu ba'i bsam pa med pa dang / theg pa chen po mdo sde dam pa dag mngon par yid ches pa dang / dbang phyug dang rgyags pa la zhen cing sred pa med pa dang / bzod pa'i stobs phun sum tshogs pa dang / smon lam las phyir mi ldog pa dang / bsam pa shin tu rnam par dag par gyur pa dang / dgon pa na gnas pa dang / 'khor rnams la mi rten pa dang / rnyed pa la mi rten pa dang / grags pa la mi rten pa dang / bsam gtan rnams la rab tu gnas pa dang / 'od zer gyi ting nge 'dzin rab tu ston pa dang / tshul khrims dang ldan pa dag la sgra med par ri mi gro byed pa dang / tshangs pa mtshungs par spyod pa dag la mchog gi bsam pa skyed pa dang / chos la gus pa'i phyir mkhan po dang slob dpon la shin tu bkur ba dang / mdo sde 'di'i don rab tu rtogs pa dang / yang dag par bstan pa la rab tu mkhas pa dang / tshig smras pa rnams la mi bden pa med pa dang / yang dag pa'i bsam pa la gnas pa dang / dge
- 311a
ba'i rtsa ba bskyed pa la brtson pa dang / rtag tu sbyin pa gtang ba dang / bdud kyi las rab tu rtogs pa dang / dbang po rnams dam du bsrung ba dang / tshig rab tu brtags pa dang / don dam pa'i bden la mkhas pa dang / sa rnams kyi rang gi mtshan nyid rab tu rtogs pa dang / gzungs zad mi shes pa yongs su tshol ba dang / lus dang srog la 'phangs pa med pa dang / 'khor bzhi po dag la rjes su ston par byed pa dang / 'jig rten pa'i bsam pa yongs su bcad pa dang / 'jig rten phyi ma'i chos med do zhes zer ba'i log par lta ba rnams spangs pa dang / da dung ma bslabs pa dag la gya gyu'i mtshan ma mi ston pa dang / gang bslab par gyur pa dag la ci nus kyis rnam par phye nas rab tu ston pa dang / glu dang rol mo'i sgra dag gi bsngags pa mi brjod pa dang / rgyan dang 'tsho ba'i yo byad kyi bsngags pa mi brjod pa dang / bden pa rnams la yang dag par zhugs pa dang / mang du thos pa phun sum tshogs pa dang / gnyid rab tu spangs pa dang / yang dag pa'i chos yongs su tshol ba la rab tu brtson pa dang / sangs rgyas la gus pa dang / byang chub tu sems bskyed pa dang / 'jig rten pa'i las yongs su spangs pa dang / bslab pa'i gnas rnams la yang dag par brtson pa dang / chos la sred pa'i phyir grogs khyad par can la rten par byed pa dang / dge ba'i rtsa ba rnams yongs su tshol ba la skyo ba med pa dang / rab tu 'byung ba la shin tu mos pa dang / sangs rgyas kyi/
- 311b
chos srung zhing yongs su 'dzin par byed pa dang / sdig pa'i las mi slong ba dang / bstan pa rnams la the tshom med pa dang / dpes ston pa la rab tu mkhas pa dang / gsang ba rnams rnam par phye nas ston par byed pa dang / byang chub chen po yongs su tshol ba la ngal ba med pa dang / mdo sde yang dag par gzung ba rnams rjod par byed pa dang / rang gi bslab pa mi spong ba dang / pha rol gyi smra ba rnams tshar gcod pa dang / nges par 'byung ba'i lam yongs su tshol ba dang / spyod pa tshad med pa rnams mngon par bsgrub pa dang / chos kyi ye shes de dag las sems nges par gyur pa dang / rgyu dang 'bras bu gsal bar mthong zhing 'khor ba'i rgyun mi gcod pa dang / srid pa gsum po dag la chags pa med pa dang / mngon pa'i nga rgyal spangs pa dang / mngon par yid ches pa dag la gnyen po rnam par gzhag nas ston par byed pa dang / ma 'ongs pa'i 'bras bu rnam par smin pa'i bye brag rtogs par khong du chud pa dang / sngon gyi mtha' yongs su shes pa dang / gzhan gyi dring la mi ltos pa dang / yongs su spong ba'i spyod pa dag la brtson 'grus kyis grub par byed pa dang / sangs rgyas kyi mtshan dang dpe byad kyi bkod pa dag phun sum tshogs par byed pa gang yin pa 'di ni rnam pa brgyad cu zhes bya'o/ / gzhan yang zla 'od gzhon nu chos brgyad cu po 'di dag ni chos lnga'i nang du 'jug par 'gyur ro// chos lnga gang zhe na/ 'di lta ste/ 'khor ba shes pa
- 312a
dang / mya ngan las 'das pa shes pa dang / nyon mongs pa zad pa shes pa dang / mchog tu gyur pa shes pa dang / bsod nams kyi 'bras bu shes pa gang yin pa'o// gzhan yang zla 'od gzhon nu chos lnga po de dag ni chos gnyis kyi nang du 'jug par 'gyur ro// gnyis gang zhe na/ 'di lta ste/ sems yongs su dag pas rab tu brgyan pa dang / gzugs yod su dag pas rab tu brgyan pa gang yin pa'o/ / gzhan yang zla 'od gzhon nu chos gnyis po de dag ni chos gcig gi nang du 'jug par 'gyur ro// gcig gang zhe na/ 'di lta ste/ bzhin gshegs pa rnams kyi thogs pa mi mnga' ba'i rnam par grol ba mngon par grub pa gang yin pa'o// gzhan yang zla 'od gzhon nu yang chos rnam pa brgyad cu yod de/ de dag gis de bzhin gshegs pa rnams kyi thogs pa mi mnga' ba'i rnam par grol ba legs par yongs su rdzogs par byed do/ / rnam pa brgyad cu gang zhe na/ 'di lta ste/ sbyin pa'i tshogs dang / shes rab rgya chen por gyur pa dang / tshul khrims rnam par dag pa yongs su sgrub pa dang / nyon mongs pa'i gdung ba dang bral ba dang / nga rgyal rab tu bcom pa dang / tshig mnyen pa dang / dngos po sna tshogs rab tu shes pa dang / dge ba'i grogs po yongs su shes pa dang / theg pa chen po la yang dag par gzhol ba dang / brtson 'grus kyi go cha bgos pa dang / spyod lam gyis sems can
- 312b
'dul ba dang / nyon mongs par lhung ba rnams kyi the tsom rab tu gcod pa dang / mi dge ba rnams la smod cing chos dkar po rnams mngon par sgrub pa dang / mi dge ba'i grogs po dang mi 'grogs pa dang / dge ba'i rtsa ba rnams bskyed pa la yongs su skyo ba med pa dang / byang chub tu sems bskyed pa dang / brtson 'grus rab tu rtsom pa dang / bdud kyi dngos po rab tu rtogs pa dang / bden pa rnams mngon du gyur pa dang / yang dag pa kho nar mchod pa byed pa dang / the tshom yongs su gcod pa dang // sems kyis rtag tu sems can yongs su bzla bar sems pa dang / srid pa rnams la mngon par zhen pa med pa dang / sems rgya chen po yongs su bskyed pa dang / sems can mi dge ba rnams la nyes dmigs yang dag par ston pa dang / 'dod chags dang / zhe sdang dang / gti mug rab tu spong ba dang / 'dod pa'i phan pa yongs su mi tshol ba dang / sems can yongs su smin par byed pa dang / de bzhin gshegs pa'i mchod rten 'chos pa dang / 'phags pa rnams la gus pa bskyed pa dang / theg pa chen po la gnas pa dag la rten cing rim gro byed pa dang / theg pa dman pa dag gi bsngags pa mi brjod pa dang / nyan thos kyi theg pa pa dag thag ring du spong ba dang / phyir rgol ba rnams tshar gcod pa dang / sangs rgyas bcom ldan 'das rnams la mchod pa rgya chen po bshams nas khyad par du 'phags pa'i sems kyis dbul bar byed pa dang / thogs pa med pa'i ye shes thob pa dang / spobs pa phun
- 313a
sum tshogs pa dang / dpe sna tshogs kyis yang dag pa'i chos rab tu ston par byed pa dang / stong pa'i ngo bo nyid dang 'gal bar mi byed pa dang / chos yongs su tshol ba le lo med pa dang / don zab mo yang dag par ston pa dang / gzungs chen po dang ldan pa dang / chos yang dag par ston par byed kyang mngon par zhen pa med pa dang / chos rgya cher spel bar byed pa dang / yongs su 'dren pa la chog shes pa med pa dang / spyod pa rnams yongs su rdzogs pa dang / gzi byin chen po dang ldan pa dang / spobs pa thogs pa med pa dang / mang du thos pa phun sum tshogs pa dang / mi dge ba rnams kyi bsngags pa mi brjod pa dang / dge ba'i las yang dag par sgrub pa dang / phung po rnams khong du chud pa dang / lta ba rnams rab tu spangs pa dang / rgyu'i ngo bo nyid rab tu rtogs pa dang / sdod yul las yang dag par 'das pa dang / spyod yul ma yin pa yongs su spangs pa dang / yongs su dang ba skyed pa dang / yang dag pa'i lam la gnas pa dang / theg pa chen po la rab tu dga' ba dang / mnyam pa nyid du yongs su sdud par byed pa dang / bdag med pa la mngon par ma chags pa dang / 'khor ba la yongs su skyo ba med pa dang / mya ngan las 'das pa yongs su tshol ba la mos pa dang / 'dod pa chung ba'i phyir dgon pa na gnas pa dang / rtag tu bsod snyoms slong zhing le lo med par gyur pa dang / ji tsam rnyed pa de tsam gyis chog par 'dzin pa dang / ngo tsha med pa dang khrel med pa spangs pa dang / sangs rgyas rnams la bsnyen par byed pa dang /
- 313b
dge ba'i grogs po dang lhan cig gnas pa dang / bdag gi zla ma yin pa rnams rab tu spong ba dang / so so'i skye bo rnams la snying brtse ba dang / sems can gyi spyod pa dang 'thun par byed pa dang / sangs// rgyas la shin tu dang ba dang / snod ma yin pa yongs su spong ba dang / mi mthun pa rnams la tshig sbyin par mi byed pa dang / gsol ba mi 'debs pa dag la yang dag par ston par mi byed pa dang / gsol ba 'debs pa zhig 'ongs na ci rigs par ston par byed pa dang / zas la snyoms par gyur pa dang / rtag tu gtong zhing mnyam pa nyid du gtong ba dang / sgo chen po phye nas gtong bar byed pa gang yin pa de dag ni zla 'od gzhon nu chos rnam pa brgyad cu zhes bya ste/ 'di dag gis de bzhin gshegs pa rnams kyi thogs pa mi mnga' ba'i rnam par grol ba thob par byed do// de'i tshe zla 'od gzhon nur gyur pa chos de lta bu thos pas rab tu dga' bar gyur nas/ bcom ldan 'das kyi spyan sngar tshigs su bcad de mngon par bstod pa/ de bzhin gshegs pas mig zad mtha' mkhyen pas de slad rnams dag ye shes ston mdzad lags/ / rnam dag ye shes ston par mdzad pas ni// rnam dag 'od zer phun sum tshogs pa lags// de bzhin gshegs pas mig bdag med mkhyen pas/ / de slad rnam dag dbyangs ni ston mdzad lags// rnam dag dbyangs ni ston par mdzad pas na// tshangs dbyangs mtshan nyid phun sum tshogs pa lags// bcom ldan sngon ri sems can phan
- 314a
btags pas/ / de skad rnam dag gsung ni rdzogs pa lags// rnam dag gsung ni yongs su rdzogs pas na// 'jig rten tshad med rnams la phan 'dogs mdzad// de bzhin gshegs pas mig nyid stong mkhyen pas// de slad kun 'dzin mkhyen pa rdzogs pa lags// kun 'dzin mkhyen pa yongs su rdzogs pas na// de bzhin gshegs pa'i 'od zer dpag med ston/ / de bzhin gshegs pas mig gi khyad par mkhyen// mig gi khyad par dag kyang mtha' ma mchis// mkhyen pa'i ming ni dpag tu ma mchis pas// de bzhin gshegs pa'i 'od zer dpag med ston// sangs rgyas yi ge khyad par sgo mkhyen pas// mig stong yi ge bral bar rab tu mkhyen// mig stong yi ge bral bar mkhyen pas na// de bzhin gshegs pa'i 'od zer dpag med ston// gang zhig mig la bdag med rab sems pa/ / sangs rgyas gsung ni bden pa nyid du rtogs// sangs rgyas gsung ni bden par rtogs pas na// de bzhin gshegs pa'i 'od zer nges pa ston// bcom ldan rdzu 'phrul mchog ni/ yongs rdzogs pas// mig gi 'jig pa dpag med thugs su chud// mig gi 'jig pa rab tu mkhyen pas na// 'jig rten thams cad la ni phan 'dogs mdzad// thugs rje chen po rkang gnyis mchog gyur pa/ / mig gi skye ba dpag med rab tu mkhyen// ji ltar bcom ldan mig gi skye mkhyen pa// bdag kyang ring por mi thogs de bzhin shog/ de bzhin rna ba sna dang lce lus yid// gzugs sgra dri ro reg bya/
- 314b
dag dang chos// 'jig rten skyed dang sgra dang ming la sogs// thams cad la yang de bzhin rab tu mkhyen// thugs rje chen po rkang gnyis mchog gyur pa// sbyin pa'i pha rol byon pa phun sum tshogs// ji ltar bcom ldan sbyin pa'i pha rol byon/ / bdag kyang ring por mi thogs de bzhin shog/ thugs rje chen po rkang gnyis mchog gyur pa// tshul khrims rnam dag pha rol byon dang ldan// ji ltar bcom ldan tshul khrims pha rol byon/ / bdag kyang ring por mi thogs de bzhin shog/ thugs rje chen po rkang gnyis mchog gyur pa// bzod pa'i pha rol byon pa phun sum tshogs// ji ltar bcom ldan bzod pa'i pha rol byon// bdag/ kyang ring por mi thogs de bzhin shog/ thugs rje chen po rkang gnyis mchog gyur pa// brtson 'grus pha rol byon pa phun sum tshogs// ji ltar bcom ldan brtson 'grus pha rol byon// bdag kyang ring por mi thogs de bzhin shog/ thugs rje chen po rkang gnyis mchog gyur pa// bsam gtan pha rol byon pa phun sum tshogs// ji ltar bcom ldan bsam gtan pha rol byon// bdag kyang ring por mi thogs de bzhin sho ga/ thugs rje chen po rkang gnyis mchog gyur pa// shes rab pha rol byon pa phun sum tshogs// ji ltar bcom ldan shes rab pha rol byon// bdag kyang ring por mi thogs de bzhin shog/ thugs rje chen po rkang gnyis mchog gyur pa/ / chos sku'i pha rol byon pa phun sum tshogs// ji ltar bcom ldan chos sku'i pha rol byon// bdag kyang ring por mi thogs de bzhin shog/ thugs rje chen po rkang gnyis
- 315a
mchog gyur pa/ / rnam dag gzugs ni dpag med phun sum tshogs// ji ltar bcom ldan rnam dag gzugs ldan pa// bdag kyang ring por mi thogs de bzhin shog/ thugs/ rje chen po rkang gnyis mchog gyur pa// rnam dag yid ni dpag med phun sum tshogs// ji ltar bcom ldan yid ni yid ldan pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/ / yon tan mchog ni dpag med phun sum tshogs// ji ltar bcom ldan yon tan mchog ldan pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/ / gzugs kyi mtshan ni dpag med phun sum tshogs// ji ltar bcom ldan gzugs kyi mtshan ldan pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/ / rnam dag sgra ni dpag med phun sum tshogs// ji ltar bcom ldan rnam dag sgra ldan pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/ / rdzu 'phrul chen po dpag med phun sum tshogs// ji ltar bcom ldan rdzu 'phrul che ldan pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/ sems can gdul slang srid pa gsum na bzhugs// ji ltar bcom ldan sems can 'dul mdzad pa// bdag kyang ring por mi thogs de bzhin shog/ thugs rje chen po rkang gnyis mchog gyur pa/
- 315b
'khor ba'i spyod pa dpag med dag las 'das// ji ltar bcom ldan 'khor ba'i spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// 'dod chags spyod pa dpag med dag las 'das/ / ji ltar bcom ldan 'dod chags spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// zhe sdang spyod pa dpag med dag las 'das/ / ji ltar bcom ldan zhe sdang spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// gti mug spyod pa dpag med dag las 'das/ / ji ltar bcom ldan gti mug spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// 'dod chags zhe sdang spyod pa dpag med 'das// ji ltar bcom ldan 'dod sdang spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// zhe sdang gti mug spyod pa dpag med 'das/ / ji ltar bcom ldan sdang rmongs spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa// 'dod chags gti mug spyod pa dpag med 'das// ji ltar bcom ldan 'dod rmongs spyod 'das pa// bdag kyang ring por mi thogs de bzhin shog/ thugs rje chen po rkang gnyis mchog gyur pa//
- 316a
namanyam spyod pa dpag med yang dag 'das// ji ltar bcom ldan nam nyam spyod 'das pa// bdag kyang ring por ma thags de pa shog/ 'dzin pa 'dod chags das yongs 'das pas/ / 'jig rten kun la shin tu phan 'dogs mdzad// ji ltar bcom ldan 'jig rten lan 'dogs pa// bdag kyang de 'dra'i ye shes grub par shog/ 'dren pa zhe sdang dag las yod 'das pas/ / 'jig rten kun la shin tu phan 'dogs mdzad// ji ltar bcom ldan 'jig rten phan 'dogs pa// bdag kyang de 'dra'i ye shes grub par shog/ 'dren pa gti mug spyod las yongs 'das pa/ / 'jig rten kun la shin tu phan 'dogs mdzad// ji ltar bcom ldan 'jig rten phan 'dogs pas// bdag kyang de 'dra'i ye shes grub par shog/ 'dren pa 'dod chags zhe sdang spyod 'das pa/ / 'jig rten kun la shin tu phan 'dogs mdzad// ji ltar bcom ldan 'jig rten phan 'dogs pa// bdag kyang de 'dra'i ye shes grub par shog/ 'dren pa zhe sdang gti mug spyod 'das pa/ / 'jig rten kun la shin tu phan 'dogs mdzad// ji ltar bcom ldan 'jig rten pan 'dogs pa// bdag kyang de 'dra'i ye shes grub par shog/ 'dren pa 'dod chags gti mug spyod 'das pa/ / 'jig rten kun la shin tu phan 'dogs mdzad// ji ltar bcom ldan 'jig rten phan 'dogs pa// bdag kyang de 'dra'i ye shes grub par shog/ 'dren pa dug gsum cha mnyam spyod
- 316b
'das pa/ / 'jig rten kun la shin tu phan 'dogs mdzad// ji ltar bcom ldan 'jig rten phan 'dogs pa// bdag kyang de 'dra'i ye shes grub par shog/ de bzhin gshegs pas mkhyen pa mchog ldan pas/ / lha tshogs mang po thams cad 'dul bar mdzad// bdag kyang de 'dra'i ye shes grub gyur nas// lha mi kha lo sgyur ba'i ston par shog/ de bzhin gshegs pa mkhyen pa mchog ldan pas// klu tshogs mang po thams cad 'dul bar mdzad/ / bdag kyang de 'dra'i ye shes grub gyur nas// lha mi kha lo sgyur ba'i ston par shog/ de bzhin gshegs pa mkhyen pa mchog ldan pas// gnod sbyin mang po thams cad 'dul bar mdzad/ / bdag kyang de 'dra'i ye shes grub gyur nas// lha mi kha lo sgyur ba'i ston par shog/ de bzhin gshegs pa mkhyen pa mchog ldan pas// dri za thams cad rab tu 'dul mdzad cing // de bzhin grul bum dpag tu ma ma dris pa// 'khor bcas ji snyed rab tu 'dul bar mdzad// bdag kyang de 'dra'i ye shes grub gyur nas// lha mi la lo sgyur ba'i ston par shog/ de bzhin gshegs pa mkhyen pa mchog ldan pas/ / chos rnams yang dag don ni rab tu mkhyen// bdag kyang de 'dra'i ye shes grub gyur nas// yang dag de la the tsom ma mchis shog/ de bzhin gshegs pas sdug bsngal zad mtha' mkhyen/ / skye dgu thams cad la ni phan 'dogs mdzad// bdag kyang de 'dra'i ye shes grub gyur nas// sdug bsngal zad la the tsom ma mchis shog/ de bzhin gshegs pas rgyu zad mtha' mkhyen
- 317a
pas/ / skye dgu thams cad la ni phan 'dogs mdzad// bdag kyang de 'dra'i ye shes grub gyur nas// rgyu bad de la the tsom ma mchis shog/ de bzhin gshegs pa mkhyen pa mchog ldan pas/ / 'jig rten spyod pa dag ni rab tu mkhyen// bdag kyang de 'dra'i ye shes grub gyur nas// 'jig rten spyod la the tsom ma mchis shog/ de bzhin gshegs pa mkhyen pa mchog ldan pas/ 'jig rten gnas dang gnas med rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / 'jig rten las dang 'bras bu rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / 'jig rten rang bzhin sna tshogs rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / thams cad kun tu 'gro ba'i spyod pa mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / 'jig rten mos pa sna tshogs rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa
- 317b
mchog ldan pas/ / dbang po rnams kyi rang bzhin thams cad mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / bsam gtan spyod pa dag ni rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / rnam par thar pa'i spyod pa rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / cha mnyam spyod pa dag ni rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas// snyoms 'jug spyod pa dag ni rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa 'khor ba rab mkhyen pas// 'khor ba nyon mongs rgyu las skyes par mkhyen/ / bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa thams cad rab mkhyen pas// 'jig rten pa na 'dogs dpe zla yod ma mchis/ / bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa ting 'dzin rab gnas pas// khyad
- 318a
par thabs kyi ye shes skyed par mdzad/ / bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchon ldan pas/ / sngon gyi gnas kyi spyod pa dpag med mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / 'chi 'pho skye ba dpag med rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / nyon mongs zad pa thams cad rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / bla med byang chub yang dag mngon sangs rgyas// bdag kyang de 'dra'i ye shes grub gyur nas// 'jig rten thams cad la ni phan bgyi da shog/ de bzhin gshegs pa mkhyen pa mchog ldan pas/ / nyon mongs bag chags dag ni rab tu spangs// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa mkhyen pa mchog ldan pas/ / 'khor ba nges 'byung chos ni rab tu ston// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs
- 318b
sapas chos don rab mkhyen pas/ / sems can dpag med rnams la go bar mdzad// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pas chos nyid sgyu ma dang / / rmi lam smig rgyu lta bur rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyi da shog/ de bzhin gshegs pas 'jig rten thams cad kyi/ / yi ge dag dang brjod pa rab tu mkhyen// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa spobs pa mchog ldan pas/ / dam chos zab mo dag ni ston par mdzad// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa sku gsung thugs 'dul bas/ / thams cad ye shes rjes su 'brang bar mdzad// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pa dus gsum rab mkhyer pas/ / 'dzin dang chags pa mi mnga' thogs mi mnga'// bdag kyang de 'dra'i ye shes grub gyur nas// 'jig rten thams cad la ni phan bgyid shog/ de bzhin gshegs pas tshul khrims ting 'dzin dang / shes rab bsgrubs pas de las ldog mi 'gyur// bdag kyang de 'dra'i ye shes grub gyur nas// khams gsum thugs rje chen po'i gtsor gyur cig/ de bzhin gshegs pas rnam grol rab
- 319a
bsgrub pas/ / rnam grol mkhyen dang gzigs pa ldog mi mnga'// bdag kyang de 'dra'i ye shes grub gyur nas// khams gsum thugs rje chen po'i gtsor gyur cig/ de bzhin gshegs pas zhe gnas lhag mthong bsgrubs// lha mi 'jig rten dag ra mtshungs ma mchis// bdag kyang de 'dra'i ye shes grub gyur nas// khams gsum thugs rje chen po'i gtsor gyur cig/ de bzhin gshegs pa mkhyen pa mchog ldan pas// 'jig rten chos rnams la ni zhen mi mnga'// bdag kyang de 'dra'i ye shes grub gyur nas// khams gsum thugs rje chen po'i gtsor gyur cig/ de bzhin gshegs pa 'jig rten mkhyen ldan pas// 'gro ba sna tshogs dag ni gsal bar gzigs// bdag kyang de 'dra'i ye shes grub gyur nas// 'gro ba de la the tshom ma mchis shog de bzhin gshegs pa skye zad mtha' mkhyen pas/ / de slad de la rmongs pa yongs mi mnga'// bdag kyang de 'dra'i ye shes grub gyur nas// skye zad nyid la the tsom ma mchis shog/ de bzhin gshegs pa rab zhi mtha' mkhyen pas/ / de slad de la rmongs pa yongs mi mnga'// bdag kyang de 'dra'i ye shes grub gyur nas// rab zhi de la the tshom ma mchis shog/ de bzhin gshegs pa 'khor ba'i mtha' mkhyen pas/ / de slad de la rmongs pa yongs mi mnga'// bdag kyang de 'dra'i ye shes grub gyur nas// 'khor ba de la the tshom ma mchis shog/ de bzhin gshegs pas sngon dang phyi mtha' mkhyen//
- 319b
de slad slob dpon ma mchis mkhyen dang ldan// bdag kyang de 'dra'i ye shes grub gyur nas// snga phyi'i mtha' la the tsom ma mchis shog/ de bzhin gshegs pas skyon zlog mtha' rab mkhyen/ slad slob dpon ma mchis mkhyen dang ldan// bdag kyang de 'dra'i ye shes grub gyur nas// skyon zlog de la the tshom ma mchis shog/ de bzhin gshegs pas sngon dang phyi mtha' mkhyen// mig gi rtag chad dag la 'dzin mi mnga'/ / bdag kyang de 'dra'i ye shes grub gyur nas// snga phyi mtha' la the tshom ma mchis shog/ de bzhin gshegs pas skye zad mtha' mkhyen pas// mig gi rtag chad dag la 'dzin mi mnga'/ / bdag kyang de 'dra'i ye shes grub gyur nas// skye zad nyid la the tshom ma mchis shog/ gang zhig sngon dang phyi mtha' ma rtogs pas// des ni 'dod pa dag la zhen pa skyed// de bzhin gshegs pas de ni rab mkhyen pas/ / de slad 'dod pa dag la zhe na mi mnga'// gang zhig yod med mtha' ni ma rtogs pa// des ni 'dod pa dag la zhen pa skyed// de bzhin gshegs pas de ni/ rab mkhyen pas// de slad 'dod pa dag la zhen mi mnga'// gang zhig zad dang ma zad ma rtogs pa// des ni 'dod pa dag la zhen pa skyed// de bzhin gshegs pas de ni rab mkhyen pas// de slad 'dod pa dag la zhen mi mnga'// gang zhig 'jug dang mi 'jug ma rtogs pa// des ni 'dod pa dag la zhen pa skyed// de bzhin gshegs pas de ni rab mkhyen nas// de slad 'dod pa dag la
- 320a
zhen mi mnga'/ / zhe sdang gti mug khong khro 'chal pa dang // g.yo sgyu phrag dog nga rgyal khengs pa dang // sbyin dang tshul khrims bzod dang brtson 'grus dang // bsam gtan shes rab dag kyang de bzhin no/ / de nas bcom ldan 'das kyis// zla 'di gzhon nur gyur pa'i sems kyis rtog pa thugs kyis mkhyen nas 'dzum pa mdzad de/ 'od zer gser gyi kha dog lta bu rab tu bkye'o/ / 'od zer des kyang sangs rgyas kyi zhing tshad med pa dpag tu med pa rnams snang bar byas te/ 'jig rten gyi khams de dag tu phan pa dag byas nas/ bcom ldan 'das la lan gsum bskor ba byas te/ de bzhin gshegs pa'i gtsug tor nyid du thim par gyur to// de nas de'i tshe byang chub sems dpa' byams pa 'dug pa'i stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das kyi zhabs la mgo bos phyag byas te/ gus pas thal mo sbyar nas tshigs su bcad pa 'di dag gis mngon par bstod de/ bcom ldan 'das la zhu ba zhus pa// 'brug dang seng ge'i sgra sgrogs shing // ka la bing ka'i sgra phyung nas// chos rnga chen po'i sgra 'byin pa/ / ci yi slad du 'dzum pa mdzad// nyi ma stong pas khyad par 'phags// rnam dag spa rab dag dang ldan// yon tan ngo mtshar rab mnga' ba// ci slad 'od zer bkye ba mdzad// sbyin dang
- 320b
tshul khrims bzod brtson 'grus/ / bsam gtan shes rab rab brgyan pas// thams cad dag ni yongs rdzogs pa// ci skad 'od zer bkye ba mdzad// de bzhin gshegs pa dbyangs mnyes pas// ngag rtsub rnams ni rtag tu spangs// sems can nad ni legs gso ba// ci slad 'od zer bkye bar mdzad// thugs rje chen po rkang gnyis gtso// mig ni rtag tu stong dben mkhyen// rnam dag tshangs pa'i dbangs mnga' bas/ / sems can rnams la chos ston mdzad// rna ba sna lde lus dang yid// sgra dang ming la sogs pa nas// kun 'byung 'gog pa lam dag dang // ye shes bzod pa rab de bzhin/ / thugs rje chen po rkang gnyis gtso// mig zad skye ba'i mtha' dag dang // rab zhi dang ni 'khor ba dag/ thams cad stong dben nyid du mkhyen// rna ba sna lce lus dang yid/ / gzugs sgra dri ro reg bya nas// sgra dang ming la sogs pa'i bar// thams cad kyang ni de bzhin no// gzhan yang rten cing 'brel 'byung chos// chad dang rtag pa yongs bral nas// bdag dang gzhan gyis byas min pas// rkyen mang las byung nyid du gsung // res 'ga' rnam grangs sna tshogs kyis// sdug bsngal gzhi ni ston par mdzad// res 'ga' don ni sna tshogs kyis/ / sangs rgyas 'od zer bsngags par mdzad// res 'ga' tshig ni tshad med kyis// rab dben chos ni ston mdzad cing // gang zag srog dang bdag med dang // sems can med pa
- 321a
nyid du ston/ / 'das pa'i sangs rgyas tshad med kyang // bsam gyis mi khyab pa dag gis// tshigs su bcad pa brgya stong gis// de 'dra'i rgyas na ston par mdzad/ / de bzhin gshegs pas yon tan nos// yang dag nyid ni ston mdzad kyang // brjod dang brjod bya mi mnga' bas// brjod mdzad chos kyang yong mi mnga'// bcom ldan yang dag chos gsung zhing / / skye dgu rnams ni go mdzad pas// lha rnams dang ni gnod sbyin dag/ gang thos de dag rtogs par 'gyur// lha ma yin ni thams cad kyang // mos pa dag ni rnam par dag/ mi ni mang po tshad med kyang // the tshom dra ba chad par 'gyur// 'dod chags rang bzhin rab tu rtogs// zhe sdang gti mug rnam par bshig/ sreng dang nga rgyal ma rika dang // g.yo sgyu phrag dog spros pa nas// sdug bsngal phung po la sogs par// thams cad kyang ni yongs su spangs// 'di la sogs pa'i tshig gi don// mthar ni kun kyang rnam par dag/ de bzhin gshegs pas chos gcig la/ / sna tshogs ming ni rab mkhyen pas// grangs ni brgya stong mang po rnams// bsam gyis mi khyab rab tu ston// sangs rgyas tshad med mang po las// de 'dra'i chos ni legs bslabs pas// chos kyi dngos po gcig la yang // brjod pa thug pa med pa ston// de bzhin gshegs pas chos rnams kyi// rnam grangs sna tshogs rab
- 321b
mkhyen pas/ / ming tshig dang po bar ma dang // mtha' ma rnam 'byed rab tu mkhyen// tha dad tshig ni sna tshogs dag/ thams cad rab tu bslabs pas na// don mchog dag na gyi nom pa/ ston pa dag la rab tu mkhyen// de 'dra'i dbyangs ni rnam dag pa// rgyu rkyen tshogs pa las byung bas// lce 'bab zhig la rten pa nas// lus sems par la rten pa'ang min// sa ni rnam pa drug/ tu g.yos// phyogs bcu'i 'khor ni yongs 'dus nas// thal sbyar bcom ldan zhal lta na// the tsom dag ni bsal du gsol// de bzhin gshegs pas mig zad dang // skye mtha' dag ni rang bzhin gyis/ / rtag tu stong zhing dben pa dang // 'gro 'ong med par rab tu mkhyen// bzhugs dang gnas ni mi mnga' bas// yang dag mtha' la rab tu bzhugs// bcom ldan spun ni thogs mi mnga'/ / de slad deng bdag zhu ba lags// de bzhin gshegs pas mig nyid kyi// sngon dang phyi ma'i mtha' dag kyang // zad dang ma zad 'khor ba ni// rang bzhin stong dben rab mkhyen pas/ / chos kyi don rnams rab phye nas// 'jig rten rnams ni dga' bar mdzad// thub pa dbyangs snyan rab mnga' bas// ci slad 'dzum pa ston par mdzad// bcom ldan sngon dang phyi mtha' dang / / mig nyid stong dben rab mkhyen cing // rnam rtog tshig dang bral lags na// ci slad 'dzum pa ston par mdzad// bcom ldan ming ni dpag med dang //
- 322a
pa sna tshogs rang bzhin gyis// rtag tu stong dben mkhyen lags na// ci slad 'dzum pa ston par mdzad// bcom ldan zad dang skye mtha' dang // mig nyid stong dben rab mkhyen cing / / nyon mongs rnams ni yongs spangs pas// sangs rgyas byang chub mkhyen pa brnyes// grags pa mchog ni phun tshogs pa// ci slad 'dzum pa ston par mdzad// bcom ldan yun ring bsgom bslabs pas/ / bsam gyis mi khyab ston par mdzad// mog nyid stong pa nyid du mkhyen// dri bral rtag tu rnam par dag/ sems kyi spyod pa tshad med rnams// dgongs pa gcig gi thams cad mkhyen/ / 'od zer 'jig rten snang mdzad pa// 'di ni gang gi snga rtags lags// drang srong chen po mngon sangs rgyas// rkang gnyis gtso bo khyad par 'phags// nyon mongs dag ni rab bsal bas/ / thugs ni rtag tu zhi zhing dben// de bzhin gshegs pa mkhyen mchog gis// mig zad mtha' ni rab tu rtogs// rgyu dang rkyen ni gang gi slad// deng 'dir 'dzum pa ston par mdzad/ / rna ba sna lce lus dang yid// yul drug dang ni 'byung chen bzhi// sgra dang ming la sogs pa'i bar// thams cad kyang ni de bzhin no// bcom ldan mig la bdag med mkhyen// rna ba mi rtag nyid du rtogs/ / sna nyid stong par rab mkhyen na// ci slad 'dzum pa ston par mdzad// bcom ldan lce la bdag med mkhyen// lus kyang mi rtag nyid du rtogs// sems nyid stong par
- 322b
rab mkhyen na/ / ci srad 'dzum pa ston par mdzad// bcom ldan gzugs la bdag med mkhyen// sgra yang mi rtag nyid du rtogs// dri nyid stong par rab mkhyer na// ci slad 'dzub pa ston par mdzad/ / bcom ldan rol bdag med mkhyen// reg bya mi rtag nyid du rtogs// chos nyid stong par rab mkhyen na// ci sdad 'dzum pa ston par mdzad// bcom ldan sa la bdag med mkhyen/ chu yang mi rtag nyid du rtog/ me nyid stong par rab mkhyen na// ci slad 'dzum pa ston par mdzad// bcom ldan rlung la bdag med mkhyen// ngo bo mi rtag nyid du rtogs// dngos nyid stong par rab mkhyen nas/ / ci slad 'dzum pa ston par mdzad// bcom ldan 'jig rten bdag med mkhyen// sdug bsngal mi rtag nyid du rtogs// phung po stong par rab mkhyen ma// ci slad 'dzum pa ston par mdzad/ / bcom ldan khams la bdag med mkhyen// 'jig rten mi rtag nyid du rtogs// skye nyid stong par rab mkhyen na// ci slad 'dzum pa ston par mdzad// bcom ldan sba la bdag med mkhyen/ / ming yang mi rtag nyid du rtogs// lam nyid stong par rab mkhyen na// ci skad 'dzum pa ston par mdzad// bcom ldan ye shes bdag med mkhyen// rab dben mi rtag nyid du rtogs/ / sems can stong par rab mkhyen na// ci slad 'dzum pa ston par mdzad// bcom ldan rang bzhin rang bzhin med// bdag dang bdag med pa yang mkhyen// mos pa ston par
- 323a
rab mkhyen na/ / ci slad 'dzum pa ston par mdzad// 'khor ba bdag med nyid du gzigs// rtag dang mi rtag pa yang mkhyen// mya ngan 'das pa stong mkhyen na// snasmad 'dzum pa ston pa ston par mdzad// de bzhin gshegs pa thugs rnams grol// grags pa khams gsum kun tu gang // brgya byin mo yi dbang po dang // klu rnams la sogs kun gyis mchod/ / de bzhin gshegs pas mig zad dang // skye mtha' rab dben mkhyen lags na// ci slad 'dzum pa ston par mdzad// sangs rgyas sras ni tshad med pa// 'khor 'dir thams cad rab tu 'dus/ / sangs rgyas gsung las skyes pa dang // chos las sprul te gang byung ba// thams cad bcom ldan spyan sngar mchis// gus pas thal mo rab sbyar lags/ / 'khor 'dus de dag slad du ni// 'od zer rgyu rkyen 'di 'u lags// de zezhin gshegs pas mig nyid ni// stong zhing bdag med mkhyen pas na// khyim na gnas po'i rnal 'byor pa/ / thams cad las ni yang dag 'das// de bzhin gshegs pas chos rnams ni// bye brag med cing mnyam mkhyen pa// bcom ldan dgongs pas rab mkhyen gyi// rdzu 'phrul dag gis gzigs ma yid// bcom ldan mig la bdag med mkhyen// ngo bo nyid stong 'gro 'ong med// rnam dag mkhyen pa tshad ma mchis// ci slad 'dzum pa ston par mdzad//
- 323b
/ bam po gsum pa// de bzhin gshegs pa skye mtha' rab zad pa// thugs rje chen pos 'jig rten kun skyob mdzad// chos rje mchog gyur mi yi gtsor gyur pa/ / ci slad 'dzum pa bstan mdzad bshad du gsol// byang chub sems dpa' chen po tshad ma mchis// gzhan yang lha tshogs gzi byin che ba rnams// mkha' la gdugs ni dam pa dag kyang thogs/ / sa chen 'di ni rab tu g.yos par 'gyur// gang zhig sngon ni de bzhin gshegs pa las// yun ring dge ba'i chos ni gang bsgrubs pa// mnyab par dga' mdzad thugs rje chen po'i gtso/ / ci slad 'dzum pa bstan mdzad bshad du gsol// gang zhig sngon ni sangs rgyas rab mchod nas// chos 'di thos nas dga' ba rab skyes nas// 'dren pa rab mchog mi li gtsor gyur pa/ / cisra 'dzum pa bstan mdzad ba shad du gsol// bcom ldan gsung ni mang po dga' mdzad pas// bya rgyal dang bzhin tu dbyangs na// sgra snya med rang gi dang gis 'byung / / tsaM slad 'od zer 'di bgyi bshad du gsol// tshigs bshad bye 'tshad ma mchis pa yi// rjes 'thun gsung gi bsngags pa brjod 'gyur zhing // @# yi swa skad mchog ldan pa/ / ci srang 'od zer bkye ba bshad du gsol// 'brug sba zab mos chos ni bstan pa'i sras// 'jig rten brgya stong dpag med grags gyur pa// thugs rjes
- 324a
tshig rtsub yang na 'jab ston pa/ / ci slad 'od zer gser gyi kha dog bkye// skye dang mi skye zad dang mi zad mkhyen// mig nyid bral zhing 'gro 'ong med par rtogs// 'jig rten snang mdzad bdud rtsi'i mchog gyur pa/ / ci slad 'od zer gser gyi kha dog bkye// mig gi 'byung ba rtag tu stong dben dang // 'gro 'ong ma mchis gnas pa ma mchis dang // smig rgyu chu bur lta bur rab mkhyen pa/ / rgyu rkyen gang gi slad du 'dzum bstan lags// de bzhin rna ba sna lce lus dang yid// gzugs sgra dri ro reg bya chos rnams nas// sgra dang ming la sogs pa'i bar du yang / / thams cad de bzhin du ni rig par bgyi// rdo rje rtag pa'i sku dang mi 'jig su// mtshan mchog brgya stong dag ni phun sum tshogs// sru la 'khrul 'khor mi mnga' g.yo mdzad pa/ / rgyu rkyen gang slad 'dzum mdzad bshad du gsol// byin pa zlum zhing zhabs kyi rting pa ring // phyag gi mtshan ma mi gda' seng ge 'dra// lte ba shin tu zab cing rked rgyas pa/ / rgyu rkyen gang slad 'dzum mdzad bshad du gsol// gser sku rnam dag rdul dang dri ma spangs// ba spu re re kha dog mthon mthing ldan// g.yas su 'khyil cing spos kyi ngad ldang ba// rgyu rkyen gang slad 'dzum mdzad bshad du gsol// sku mchog dam pa yongs rdzogs rtag gnas pa// dper na n+ya gro d+ha yi shing rgyal bzhin// yon tan thams cad kyis ni rab tu brgyan// gsung
- 324b
dbyangs dag gis 'khor ni dga' bar mdzad/ / dpung pa zlub zhing phrag pa sdug la mdzes// gtsug tor yongs rdzogs g.yas su 'khyil bar gda'// zhing ni brgya stong dpag med rgyu bar mdzad// sems can log dang yang dag lam ston mdzad// tshems dkar dri mi mnga' bas dung dang 'dra// ljags mtshan srid ring zhal ni kun tu khebs// 'gram pa seng ge 'dra zhing shangs kyang mtho// thams cad thabs dang rnam dag thugs las skyes// ut+pa la yi bsung ni zhal nas 'byung // tsan dan dri dag sku ni kun tu khyab// sngon ni byams pa rgya cher bsgoms pas na// rnam dag mos pa rtag tu rgyun mi 'chad/ / de bzhin gshegs pa'i zhabs mthil shin tu mnyam// sa la reg kyang rdul ni gos mi 'gyur// gom pa seng ge glang po che 'dra bas// 'jig rten thams cad las ni yang dag 'das/ / 'khor lo rtsibs stong mtshan gyis mdzes par brgyan// khyad 'phags 'od zer dag ni rab tu gsal// dge ba dag gis skye dgu pa na 'dogs pas// gang gis mthong ba dang ba rab tu skye/ / sor gcig 'od zer brgya stong rab bkye nas// sangs rgyas zhing ni dpag med snang bar mdzad// sngon ni dge sbyong mang por rab bsgrubs pas// mtshan gyis dkod pa sna tshogs 'di brnyes lags/ / gzugs sku yongs rdzogs dpe zla yongs ma mchis// zhal mtshan rab mdzes shin tu khyad par 'phags// rdzu 'phrul dag gis 'jig rten phan 'dogs pa// ci skad
- 325a
'dzum pa bstan mdzad bshad du gsol/ / byin pa ri dgas e n+ya la dang 'dra// sku dbyibs mi dgu seng ge ji lta bzhin// 'jig rten byung nas 'jig rten snang mdza pa/ ci slad 'dzum pa bstan mdzad bshad du gsol// cang shes bzhin du mtshan sbas rdul mi mnga'// phyag mthil mnyam rgyas phyag ni pus mo 'das// mi yi seng ge ngo mtshar khyad par 'phag ci slad 'dzum pa bstan mdzad bshad du gsol/ / sku las 'od zer dpag med rab 'gyed cing // kha dog gya nom rab zhi rtag gsal ba// rnam dag thugs ni rtag tu rgyun mi 'chad// mdo sde tshad med pa dag ston par mdzad/ / rtag dang chad pa dag la gnas pa yis// de 'dra'i chos ni bsgrub par 'gyur ma lags// gang gis mthar lha rnams ni rab spangs na// bcom ldan rnam dag sku'i myur thob 'gyur/ / lha rnga 'brug sgra gsung ni kun grags shing // ka lan ta ka'i dbyangs snyan rab tu gsal// lha yi glu sgra brgya stong mang ldan pa// ci slad 'od zer bkye ba bshad du gsol/ 'dir pas gsung gcig tu ni chos bstan pas/ / 'chal pa'i tshul khrims cad dag rgyun yang bcad// de bzhin gshegs pas dbyings rab gang gsungs pa// de kun zab cing ngo mtshar chos lags so// khyu mchog smin mtshams 'od zer rab bkye bas// sangs rgyas zhing ni brgya stong gsal bar mdzad// spyan mchog dag ni kha dog mthon mthing 'dra// btsug tor mtshan ni mkha' yi lhas mi mthong //
- 325b
tshems dkar gtams pa bzhi bcu dag dang ldan// dper na rin chen chu shel dag dang mtshungs// dge ba'i 'phrin las tshad med dag las skyes// ci slad 'dzum pa bstan mdzad bshad du gsol// de bzhin gshegs pa yon tan rdzogs pa'i sku// kha dog dam pa dpag med phun tshogs shing // 'od zer rnam dag ngo mtshar rab bkye ba// ci slad 'dzum pa bstan mdzad bshad du gsol// thugs rje chen po mchog rgyal rkang gnyis gtso/ / sems can yang dag bsam pa thugs su chud// thogs pa ma mchis spobs pa mchog brnyes pa// ci slad 'dzum pa bstan mdzad bshad du gsol// de bzhin gshegs pas pha rol rab byon pas// rig pa gsum dang mngon shes drug phun tshogs// rnam dag 'od zer dpag med ston mdzad pa// ci slad 'dzum pa bstan mdzad bshad du gsol/ / bcom ldan sngon ni bskal pa dpag med snyed// bcom ldan brgya stong snyed la mchod pa mdzad// de 'dra'i rgyu 'bras 'cha ba ni mi 'tshal ba// ci slad 'dzum pa bstan mdzad bshad du gsol/ / bcom ldan sngon ni bskal pa dpag med snyed// ting 'dzin mchog rnams la ni rab bzhugs pas// mig gi skye mtha' zad pa'i mtha' mkhyen na// ci slad 'dzum pa bstan mdzad bshad du gsol/ / 'das pa dang ni ma 'ongs da ltar dus// 'dren pas de dag kun ni rab tu mkhyen// rnam dag mkhyen pa thogs med bsam mi khyab// ci slad 'dzum pa bstan mdzad
- 326a
bshad du gsol/ de nas bcom ldan 'das kyis 'khor mang po'i mdun du phyag gser gyi kha dog lta bu brkyang ste// zla 'od gzhon nur gyur pa'i spyi bo la bzhag nas tshigs su bcad de bka' stsal pa/ / gzhon nu shin tu legs par nyon// ngas ni deng 'dir byang chub chos// 'od zer rab tu ston pa'i mdo// khyod la shin tu yongs gtad kyis/ / ma 'ongs tha ma dus ngan tshe// chos 'di rnam par 'jig pa na// khyod kyis sems can rnams la ni// rab tu phye nas bshad par gyis// ngas ni sangs rgyas spyan dag gis// ma 'ongs tha ma dus kyi tshe// shin tu zab cing gya nom pa'i// mdo sde dam pa 'di dag la// gang mos gang ni mi mos pa// thams cad kun kyang gzigs shing mkhyen// sems can dag ni gang zhig gis/ / byang chub lam 'di rab tshol ba// rtag tu sangs rgyas rjes dran zhing // mdo sde 'di ni gzung bar bgyi// gang zhig dad pa rab 'jig cing // 'du 'dri la ni mos gyur dang / / nyin mtshan gnyis la gang dga' ba// mdo sde 'di la mos mi 'gyur// nga yi bstan pa dag la ni// rab tu byung bar gyur nas kyang // mya ngan 'das pa'i chos dag la/ / mos pa dag ni mi skye ba// skyes bu blun po de dag ni// dad pas byin pa chud gson 'gyur// 'dus byas rnams kyi chos dag la// nyes dmigs mang bar thos nas ni//
- 326b
'jig rten dag la mngon zhen nas// 'jigs pa dag ni mi skye ba// skyes bu blun po de dag ni// mkhas pa rnams kyis smod par 'gyur// chos gos dag ni bgos gyur kyang // de la shes rab ci yang med/ / thub pas legs par gsungs pa yi// yang dag dga' ni gang yin pa// shes pa med pas thos gyur na// yid ches len par mi 'gyur te// skyes bu blun po de dag dang // / lhan cig gnas par mi bya'o// khyad par 'phags pa'i chos 'di dag/ gal te thos par gyur nas kyang // rab tu dga' zhing mos pa yi// sems kyang skye bar mi 'gyur ba// de 'dra'i gang zag dag la ni/ / ngas ni rab tu smod par byed// mi lus thob par gyur mod kyi// de ni don med chud zos yin// gal te shin tu zab pa'i chos// 'di dag thos par gyur nas ni// rab tu dga' zhing mos pa yi// sems ni rab tu skye 'gyur ba// de 'dra'i gang zag de dag ni// sngon chad sangs rgyas phrad pas na// gdon mi za ba kho nar ni// bla med byang chub thob par 'gyur/ / skyes bu blun po gang dag gcig/ lta ba ngan pas rab rmas nas// shes rab srog ni gcod byed pa// byang chub yongs su spong bar 'gyur// de lta bas na mi dge ba'i// bshes gnyen dag ni rab spangs nas// blo ldan mkhas pa dag la ni// brten cing gus pa bskyed par bya// 'jig rten dag ni thams cad na// nyes dmigs tshad med gang yod pa// sems
- 327a
can ngan song gsum por ni/ / rtag tu bying bar gang bzhed pa// thams cad gti mug rmongs pa yi// rgyu dang rkyen las byung bas na// nyon mongs rjes su 'jug byed cing / / rang dbang dag ni thob mi 'gyur// yang dag chos ni spong byed cing // chos ma yin pa spyod par byed// de lta bas na rmongs pa yi// skyes bu dman pa spang bar bya// ji ltar kha la skur ba yis/ / rang gis srog shing bcag pa bzhin// mi dge las ni byas pas na// sems can dmyal bar skyes par 'gyur// kha nas tshig ngan phyung nas ni// rtag tu bdag la gnod byed pa/ / ji ltar sta re rno thogs nas// rang gi lus ni gcod byed 'dra// chos rnams rgyu dang rkyen dag gis// byas pa'i las kyi rjes su ni// rnam smin myong ba skyabs med par// de ltar khong du ma chud pas/ / 'jig rten drang srong la brten nas// dge ba'i grogs po yi snyam sems// de nas rang nyid 'di snyam du// stong pa nyid ni gang sgom pa// 'dus ma byas ni rtogs snyam nas/ / chad par lta ba skyed par byed// lus ni snod chag pa dang 'dra// sems kyang rjes su 'gag 'gyur zhes// phal cher bkyal pa'i tshig dag la// mongs pa nyid du rab 'gyur zhing / 'di la mngon par zhen pas na// phan pa'i don ni ci yang med// gal te sbrul ni gdug pa yis// gnod pa dag ni rab byas kyang // nam yang skye dgu mang po rnams// ngan 'gro
- 327b
dag tu lhung mi byed/ / blun po gang zhig chos ston pa// dge ba'i rtsa ba 'jig byed pas// skye dgu mang po tshad med snyed// sems can dmyal bar ltung bar byed// khyed la sogs pa 'khor 'dus pa/ / 'di lta bur ni lta bar gyis// deng 'dir nga yi spyan sngar ni// zla 'od gzhon nu gang 'dug pa// 'dis ni sngon chad 'das pa yi// sangs rgyas dag ni bcom ldan 'das// tshad med gang+gA'i klung ji snyed// mchod pa rim gro rab byas shing // shin tu brtan par yongs bsgoms nas// bla med ye shes btsal bas na// srid pa dag ni thams cad la// sems kyis gnas pa ci yang med/ / mig gi skye mtha' gtan du ni// rnam par dag par shes pas na// spros pa dag ni yongs spangs nas// mngon par zhen pa ci yang med// sems can dag ni tshad med la/ / phan pa dag ni bya ba'i phyir// bla med 'od zer ston pa yi// mdo sde dag ni ston par byed// skyes bu blun po gang yin pa// chos 'di slob par mi nus pas// rnal 'byor sgom pa dag la ni/ / skyon nyid du yang lta bar byed// de lta bas na blun po dag/ thag ring por ni yongs spangs nas// de dag la ni brten mi byed// de yi chos kyang mi bslab bo// skyes/ bu blun po gang yin pa// rtsod pa'i smral mos pas na// rtsod smra med pa'i spyod pa la// nan tan bsgrub par mi nus pas// skyes bu de dag rnams la ni// tshul bzhin sems ni ci yang
- 328a
med/ / de lta bas na de dag la// bsnyen bkur mi bya bsngags mi brjod// skyes bu blun po gang yin pa// le lo snyoms las la gnas pas// rtag tu lus dang ngag yid kyi/ / mi dge'i las ni spyad pas na// de la tshul khrims dag pa dang // shes rab mang thos ci 'dra yang // rtag par 'dod pa'i yul sems shing // 'du 'dzi dag la mos par byed/ / khyed kyis 'di ltar blun po de// rigs dang rus dang lus kyang ni// dman pa yin par rab tu ltos// khong khro bka' blo mi bde zhing // byad bzhin dag ni mi sdug la// gal te/ dge ba'i gnas skyes kyang // lus ni rtag tu ma rabs 'gyur// bdag tu 'du shes la zhen pas// yang dag don la rmongs par 'gyur// blo gros dag dang mi ldan pas// tshig gi bye brag 'byed mi nus/ / rang bzhin stong pa'i chos thos kyang // de la mos pa skye mi 'gyur// de bzhin gshegs pa bcom ldan 'das// yun ring po nas 'jig rten pa'i// tshig gi smos pa gang yin pa/ / thams cad rab tu spangs pa yin// so so'i skye bos 'di dag la// shin tu zhen cing chags pas na// ji srid 'tshe yi bar du yang // rtogs shing khong du chud mi 'gyur// tshul khrims bsngags pa rjod byed kyang // tshangs par spyod pa sgrub mi byed// kha nas chos ni ston byed kyang // lus kyis chos min spyod par byed// rang gis 'dul ba ston byed kyang // rtag
- 328b
tu 'dul min spyod par byed/ / sangs rgyas slob ma dag la ni// kha dog bsgyur ba'i gos gyon gsungs// 'chal pa'i tshul khrims can dag gis// gos 'di rab tu bgos gyur kyang // nga rgyal dang ni bag med pa'i/ / sems ni rab tu 'phel bar byed// dad pas byin pa ci zos pa// thu lum 'bar ba ming pa 'dra// de ltar khyim gyi gnas spangs nas// 'dod pa lnga yi bde ba'ang med/ / gzhan yang sangs rgyas chos dag la// mchog gi bde ba ma thob nas// spyod pa 'dren ma mos byed pas// mtha' gnyis dag ni spong mi 'gyur// yid kyi mos pa ji snyed pa// thams cad kyang ni ngag mi 'gyur// de 'dra'i gang zag blun po ni// 'khor mang nang du gnas gyur kyang // dper na ji ltar wa skyes dag/ seng ge'i khrur ni zhugs pa bzhin// de ltar rab tu zhi ba yi/ / chos ni yang dag bstan byas kyang // de kho na dang stong pa'i don// rtogs shing khong du ma chud pas// 'khor mang dag la bstan bsngags kyang // khengs pa'i sems ni skyed par byed/ / ston pa chen po mi dran pas// ngo tsha dman pa'i sems kyang med// mi gtsang dngos po len byed kyang // yid bzhin nor bu thob pa bzhin// shin tu dga' bas 'dzin byed pas/ sems kyis cung zad gtong mi byed// 'di lta bu yi ma rabs dag/ khyim nas rab tu byung nas ni// spyod lam dag kyang srung ba dang // chos gos lhung bzed 'dzin byed kyang //
- 329a
cha byad tsam dang ldan pas na// yang dag shes rab ci yang med// kha spu dag ni bregs gyur kyang // sdig pa'i sems ni mi spong zhing // dge sbyong ma yin pa yi chos// log lta dag tu lhung 'gyur na// rab dben mya ngan 'das pa'i lam// de dag rab tu nyams par 'gyur// dge sbyong mngon du bya ba yin// 'bras bu dag kyang 'thob mi 'gyur// ma rig nyon mongs rnams kyang ni/ / rdul tsam nyams par mi 'gyur ro// grong khyer dag tu rnam rgyu zhing // rang nyid dben pa'i bsngags brjod kyang // skyes bu blun po blo med pas// yang dag bgrod pa shes mi 'gyur/ / sems kyi 'dun pa ci yod pa// de dag thams cad mi dge yin// rnyed pa 'dod pa rgyu yi phyir// dgon pa dag na gnas byed kyi// mya ngan 'das pa'i yang dag rgyu// bsgrub pa'i phyir ni ma yin no// rmugs dang gnyid la rab tu dga'// lus ni ji ltar bde snyam nas// rtag tu de lta'i dngos po dag/ bsgrub pa la ni mos par byed// dgon pa'i gnas ni de dag tu/ / lo ni mang por gnas byed kyang // phyin log lta bar gyur pa'i phyir// mya ngan 'das lam stor bas na// nams kyang dge sbyong lam dag gi/ 'bras bu dag ni thob mi 'gyur// yang dag lta ba rab nyams shing // tshul khrims dag dang 'gal byas pas// gos bzang dag gis lus brgyan par// de la shin tu sred par 'gyur// 'dod pa'i bde ba rnams la ni//
- 329b
rtug tu sred pa skyed par byed// gal te grong khyer zhugs na yang // nga rgyal mtshan ma ston byed cing // lus kyi las ni mi srung bas// spyod lam dag la gnas mi byed// res 'ga' grong/ khyer zhugs nas ni// rgyu tshe rang nyid 'di skad du// dgon pa'i gnas ni de dag tu// raM phug dag ni gang yod pa// khyed rnams 'di ltar shes par gyis// de ni bdag gi gnas yin te// mtho dman ran par lta ba dang // 'gro gom tshul la gnas so zhes// tha dad mtshan ma'i chog brjod de// dgra bcom pa yi rtags bstan pas// khyim pa dag ni ji snyed pa// phan tshun du ni 'di skad du/ / dgon pa'i dge slong gang yin pa// yang dag 'phags pa yin zhes zer// res 'ga' dgon pa de dag na// gnas par gyur pa de yi tshe// gal te gzhan dag 'ongs gyur na// / 'di lta bur ni ston par byed// bdag ni dgon gnas 'di dag tu// nyin mtshan 'chag par byed ce'am// yang na rtswa 'jam bting nas ni// 'dir ni 'dug par byed ces zer// res 'ga' grong khyer zhugs gyur nas/ / khyim pa'i der ni phyin pa'i tshe// g.yo sgyu nan tan 'di skad du// bde 'am zhes ni 'dri bar byed// 'jig rten pa yi 'du 'dzi'i gtam// rgyal po chom rkun la sogs pa'i/ / sna tshogs dag ni rjod par byed// res 'ga' 'chags pa'i sems dag gis// bud med rnams kyi mdun dag tu// thabs ni rnam pa sna tshogs kyis// rang gi yon tan rjod par/
- 330a
byed// bdag ni 'jig rten thams cad kyang // bsod nams zhing ni chen po byed// bdag ni rgyal thabs rab spangs nas// rab tu byung nas lam sgom yin// btsun mo dang ni sras rnams kyang // mtho ris skyes par gyur ces zer// de dag de skad thos nas ni// shin tu gus pa rab bskyed de// gos zas dang ni btung ba dag/ sna tshogs sbyar nas mchod par byed/ / btsun pas thugs rjer rab dgongs shing // bdag cag thad du yang gshegs zer// ro zhim dag la zhen chags shing // nyes dmigs rnams ni mi shes pas// bdud kyis glags kyang rnyed gyur nas// rus sbal rgya mos zin pa 'dra// dgon par gnas pa dag la yang // rnyed pa dag gis snyems par byed// dge slong brtson 'grus can dag la// brnyas shing skur pa 'debs par byed// rnyed dang grags pas sems rmongs pas// yang nas yang du zhen pa skyed// lus ni yongs su gso ba'i phyir// rtag tu g.yo sgyu spyod pas na// lus dang ngag gi mi dge'i las/ / yang nas yang du 'phel bar byed// gal te sbyin bdag dad pa yis// dang ba'i sems kyis mchod na yang // le lo snyom las dbang gis ni// de yi bsod nams 'bri bar byed/ / skyes bu blun po de dag ni// rtag tu mi dge 'dod skyed pas// stong pa nyid kyi chos 'di la// rjes 'thun bzod sems 'thob mi 'gyur// gang dag nga yi bstan pa
- 330b
las/ nyes dmigs de dag rab spangs nas// nan tan bag yod grub byed na// chos 'di thos par dka' mi 'gyur// rnyed pa dang ni mi rnyed dang // bstod smad sdug bsngal bde la// sogs// 'jig rten chos kyis mi g.yos pa// chos 'di thos pa dka' mi 'gyur// lus la mi gtsang 'du shes dang // phung po rma yi 'du shes dang // zas ni rma bskus 'du shes na/ da chos 'di thos pa dka' mi 'gyur// gos gtsang dag ni thob gyur kyang // dregs pa dag ni mi skyed cing // ngo tsha dag phyir gos gyon pa// chos 'di thob pa dka' mi 'gyur// gzugs dang stobs ni mi snyems shing // zas la chags pa med pa dang // srog gnas phyir ni gang za ba// chos 'di thob pa dka' mi 'gyur// srid pa 'di ni ston shes nas// 'dod pa dag la blang dor med/ / rtag tu stong dben gang spyod pa// chos 'di thob par dka' mi 'gyur// dpag tshad gcig 'das ri khrod du// gcig pu 'dug nas mnyam gzhag cing // 'dus byas bdag med gang rtogs pa/ / chos 'di 'thob par dka' mi 'gyur// mig zad skye ba'i mtha' dag dang // mig 'jug mtshan nyid rtogs byed cing // mig gtsang lam ni rab bsgrub pa// chos 'di thos par dka' mi 'gyur// rna ba sA lce lus dang yid// gzugs snga dri ro reg bya nas// sgra dang ming gi bar du yang // thams cad kun yang de bzhin no// de bzhin ma 'ongs dus
- 331a
tshe/ dge slong dag ni tshad med snyed// brtson pa dang ni le lo can// thams cad de bzhin shes par gyis// dge dang mi dge grogs po dag/ bsgrub pa dang ni mi bsgrub pa/ / yid ches pa dang yid mi ches// thams cad de bzhin shes par gyis// dge dang mi dge grogs po dag/ mig zad lam ni gang yin pa// bsgrub pa dang ni mi bsgrub pa// thams cad de bzhin shes par gyis/ / gang zhig byang chub rab mos shing // zla gcig gnyis gsum 'das nas ni// dus gzhan phyir ni gang ldog pa// thams cad de bzhin shes par gyis// gang zhig chos 'di thos gyur nas// mos pa'i sems ni gang bskyed pa// gal te nyams par gyur na yang // slar ni dang ba thob pa 'gyur// gang zhig chos 'di thos gyur nas// bag med spong bar mi byed pa/ / mdo 'di sangs rgyas bka' ma yin// de snyams du ni sems par 'gyur// gang zhig chos 'di thos gyur nas// bdud kyis yongs su gang bzung ba// dang po dad pa skyes gyur kyang / / phyis ni rab tu spong bar 'gyur// gang zhig chos la ma mos pa// mi bden grags dang rnyed pa tshol// grong khyer grong rdal rab rgyu zhing // gzungs rnams dang ni ting 'dzin dang / / kun 'dzin 'od zer bsngags brjod kyang // de yis yang ngag rtogs mi 'gyur// 'dod pa lnga pos bcings pa dang // 'jig rten las ni 'dod tshol ba// brjod pa
- 331b
dang ni rtog byed pas/ / stong nyid sgom la skur pa 'debs// dran dang shes rab sems med pas// tshe zad bar du don med 'das// blun pos stong pa'i chos spong ba// de ni tshul khrims bgegs byas pas/ / mnar med dag tu lhung bar 'gyur// nams kyang mtho ris yong mi skye// gang gis skad cig gcig la ni// mchod rten stong ni byas pa bas// gang gis mdo sde 'di thos nas/ / tshig bzhi tshogs bcad gcig 'dzin 'phags// me tog 'phreng ba brgya stong dag/ sangs rgyas mchod rten mchod pa bas// gang gis mdo sde 'di thos nas// tshig bzhi tshigs cad sems pa 'phags/ / gang gis rin chen mchod rten dag/ gang+gA'i bye snyed byas pa bas// gang gis tha na skad cig tsam// mdo sde 'di sems khyad par 'phags// sangs rgyas zhing ni 'bum phrag brgya/ / me tog gtor nas mchod pa bas// gang gis tha na skad cig tsam// mdo sde 'di sems khyad par 'phags// chos gos 'bum phrag rgya mang po// sangs rgyas rnams la phul ba bas/ / gang gis tha na skad cig tsam// mdo sde 'di sems khyad par 'phags// sangs rgyas spyan ni rnam dag 'phags// mi mkhyen mi gzigs gang yang med// gang gis mdo sde 'di mos na// sangs rgyas spyan ni thob par 'gyur// 'das pa'i bskal pa grangs med de// sangs rgyas mar me mdzad pa byung // nga ni bram ze khye'u gyur tshe// me tog thogs
- 332a
nas mchod pa byas/ / shAkya thub pa zhes bya ba// byang chub snying po la 'dug nas// mdo sde 'di ni ston 'gyur zhes// nga la byang chub lung yang bstan// khyod ni de tshe gzhon nur gyur/ / nga lung bstan pa thos gyur nas// dga' zhing dang ba'i sems bskyed de// thal mo sbyar nas 'di skad du// gal te bram ze khye'u 'di ni// mngon par rdzogs par sangs rgyas che/ / bdag ni de yi grogs gyur nas// mya ngan 'das pa'i 'og tu yang // chos kyi sde snod rab 'dzin cing // srung bar shog ces smon lam btab// sangs rgyas mar me mdzad de yis/ / 'od zer ston pa'i mdo 'di ni// ji skad gsungs bzhin de yi tshe// bram ze khye'u dang gzhon nu gnyis// legs par mnyan cing yongs su bzung // nga sngon 'das pa'i dus kyi tshe/ / me tog ut+pa la dag gis// sangs rgyas de la mchod pa byas// de tshe khyod kyang der 'dug ste// 'di skad du ni smon lam btab// nga yi bstan pa tha ma la// mdo sde 'di ni rab gzung nas/ / rgya cher ston par shog ces smras// gang gis chos 'di thos gyur nas// zhe sdang sems ni mi skyed par// gzung 'dzin klog cing gang 'don pa// de ni skyes bu dam pa yin/ / khyod kyis ma 'ongs dus kyi tshe// thos dka'i chos 'di rab gzung nas// sems can dag la don gyi tshul// rgya cher dbye zhing bstan par bya// ngas kyang 'das pa'i dus kyi tshe/
- 332b
yang dag chos ni nub pa na// 'od zer ston pa'i mdo 'di ni// sems can dag la rgya cher bstan// blun pos nan tan mi sgrub pas// 'di la skur pa 'debs par byed// ngas ni de skad thos gyur/ kyang // zhe sdang dag ni skyed mi byed// ngas ni rtag tu bzod bsgom nas// 'jig rten rnams la phan 'dogs byed// bzod pa'i stobs ni rdzogs pas na// mtshan dang dpe byad dag gis brgyan/ / gzhon nu khyod kyis sangs rgyas sku// gya nom yongs su rdzogs 'gyur zhing // gser gyi kha dog rnam dag 'phags// bzod pa'i stobs las byung bar ltos// nga yi zhabs ni sa rag nas/ / zhing ni tshad med g.yo byed kyang // sems can rnams ni mi ltung ba// thams cad bzod pa'i stobs las skyes// nga yi spu khung gcig nas ni// 'od zer brgya stong rab bkye nas/ thams cad gsal bar gang byed pa// thams cad bzod mchog stobs las byung // srin po shin tu 'jigs pa'i gzugs// srog chags gzi byin 'phrog byed pa// nga la rtag tu gus pa yang / / thams cad bzod mchog stobs las byung // nga yi 'khor ni ji snyed pa// sems ni rab tu dul gyur nas// de bzhin gshegs la gus pa yang // thams cad bzod mchog stobs las byung / / rol mo'i sgra ni brgya stong dag/ 'khor 'dus chen po'i nang dag tu// sangs rgyas yon tan bsngags brjod pa// thams cad bzod mchog stobs las
- 333a
byung / klu yi rgyal po brgya stong dag/ rab tu gdug cing 'jigs rung ba// sangs rgyas mthong na dga' ba yang // thams cad bzod mchog stobs las byung // srin po gnod sbyin la sogs pas// me tog 'phreng ba brgya stong thogs// 'ongs nas nga la mchod byed pa// thams cad bzod mchog stobs las byung // zhing ni brgya stong tshad med par/ / bzhugs pa'i de bzhin gshegs pa rnams// nga yi yon tan bsngags pa yang // thams cad bzod mchog stobs las byung // lto 'phye dang ni lus srul po// brgya stong dag ni 'dus gyur nas/ / me tog gtor nas nga mchod pa// thams cad bzod mchog stobs las byung // gnod sbyin rgyal po la sogs pa// bye ba brgya phrag drug cu rnams// 'ongs nas nga la gang mchod pa/ / thams cad bzod mchog stobs las byung // gzhan yang klu yi rgyal po ni// ma na ba ga la sogs pas// mu tig dmar pos nga mchod pa// thams cad babazod mchog stobs las byung / / du mu ru dang shi khyi ba'i// brgya stong snyed ni 'dus gyur nas// rol mo dag gis nga mchod pa// thams cad bzod mchog stobs las byung // lto 'phye dang ni lus srul po/ / brgya stong snyed ni 'dus gyur nas// me tog spos kyis nga mchod pa// thams cad bzod mchog stobs las byung // sa chen 'dzin pa klu yi rgyal// lus phyed
- 333b
dag ni rab bstan nas/ / thal sbyar nga la gus pa yang // thams cad bzod mchog stobs las byung // lus phyed sgra gcan 'dzin la sogs// bye ba phrag ni brgya stong snyed// dang ba'i sems kyis nga mchod pa/ / thams cad bzod mchog stobs las byung // gzhon nu khyod kyis 'di ltar ltos// sangs rgyas 'od zer gang reg pa// sdug bsngal bral nas bde thob pa/ thams cad bzod mchog stobs las byung // sa ma mu tra dang rlung gi lha// brgya stong nam mkha' gang bar ni// spos kyi char pabang mchod pa// thams cad bzod mchog stobs las byung / / lha yi 'khor ni brgya stong dag/ lha yi me tog gtor mchod de// sred spangs sangs rgyas ston byed pa// thams cad bzod mchog stobs las byung // khyod kyis sangs rgyas rdzu 'phrul dang / / sbyin dang tshul khrims sgra bsgrag nas// thams cad kun tu thos mdzad pa// bzod mchog stobs las byung bar ltos// phung po khams kyi sgra dag dang // bded pa bzhi yi sgra dag/ gis/ thams cad kun tu go mdzad pa// thams cad bzod mchog stobs las byung // nga yi rdzu 'phrul stobs kyis ni// mkha' la mig zad mtha' dag dang // raba'i sgra ni thos gyur te/ / skye ba'i mtha' yang de bzhin no// nga yi rdzu 'phrul stobs kyis ni// mkha' las mig ni rgyu dang rkyen// de las skye yang 'gro 'ong med// de skad du ni thos par 'gyur//
- 334a
yi rdzu 'phrul stobs kyis ni// mkha' las mig zhi rtogs byed na// sangs rgyas rnams kyang de las skyes// de skad du ni thos par 'gyur// nga yi rdzu 'phrul stobs kyis ni/ / mkha' las mig zad mtha' zhi bas// sangs rgyas rnams ni de las skyes// de skad du ni thos par 'gyur// nga yi rdzu 'phrul stobs kyis ni// mkha' las mig mtha' rab zhi bas/ / sangs rgyas rnams ni de las skyes// de skad du ni thos par 'gyur// nga yi rdzu 'phrul stobs kyis ni// mkha' las mig skye mtha' zhi bas// sangs rgyas rnams ni de las skyes/ / de skad du ni thos par 'gyur// nga yi rdzu 'phrul stobs kyis ni// mkha' las mig 'jug rab zhin// sangs rgyas rnams ni de las skyes// de skad du ni thos par 'gyur/ / nga yi rdzu 'phrul stobs kyis ni// mkha' las mig mi skye zhi bas// sangs rgyas rnams ni de las skyes// de skad du ni thos par 'gyur// nga yi rdzu 'phrul stobs kyis ni// mkha' las mig dben rab zhi bas// sangs rgyas rnams ni de las skyes// de skad du ni thos par 'gyur// rna ba sna lce lus dang yid// gzugs sgra dri ro reg byas nas// sgra dang ming la sogs pa'i bar/ / thams cad kun kyang de bzhin no// 'dod sdang gti mug khong khro dang // 'cha ba dang phrag dog g.yo sgyu dang // khengs dang nga rgyal la sogs pa// rgya cher bshad pa
- 334b
pa'ang de bzhin no/ / de nas zla 'od gzhon nur gyur pa de lta bu'i chos khyad par du 'phags pa thos pas rab tu dga' bar gyur nas thal mo sbyar te/ bcom ldan 'das la 'di skad ces gsol to/ / bcom ldan 'das sang gi gdugs la bdag de bzhin gshegs pa dang 'khor mang po dang bcas pas gdugs tshod la spyan 'dren na thugs brtse bar dgongs te/ bdag gis sbyar ba'i gdugs tshod gsol bar cig nang / de skad ces gsol pa dang / de nas bcom ldan 'das kyis gzhon nu de'i bsam pa rnam par dag pa dang / sems can tshad med pa rnams la'ang phan pa mdzad par 'gyur bar thugs kyis mkhyen nas/ thugs brtse bar dgongs te cang mi gsung bar gnang ngo // de nas zla 'od gzhon nur gyur pa stan las langs nas/ bcom ldan 'das kyi zhabs la mgo bos phyag byas te/ lan gsum bskor ba byas nas rab tu dga' bas rang gi khyim du song ste/ rang gi 'khor dang bcas pa dang / lha dang / klu dang / gnod sbyin dang / srin po dang / lto 'phye chen po la sogs pas rgyal po'i khab grong khyer chen po'i bzhi mdor dar gyi lding khang bres te/ lding khang de'ang shin tu mtho zhing rgya che la thams cad kun tu khyab pa/ gser gyi tsong tsong dra bar bres pa/ nor bu rin po che'i 'phreng ba sbyangs pa/ seng ge'i ba dan dang / gser gyi 'phreng ba la lu gu rgyud can 'bum phrag brgya stong sna tshogs kyis brgyan pa/ gzhan yang rin po
- 335a
che'i me tog kha dog khyad par du 'phags pa'i 'phreng ba'i phung po dang gcal du bkram mo/ / me tog tsam pa ka dang / a ti mug tal sogs pa rnam pa sna tshogs kyi 'phreng ba tshad med grangs med pa'ang rin po che'i lding khang gi nang thams cad dang 'khor 'dus pa thams cad kun tu khyab par spangs shing rgyan du bres so/ / gzhan yang de'i nang du khri stan rnams bshams nas// rin po che'i spos byi li ka dang / du ma tsa dang / tsan dan dang / gur kum rnam par dag cing yid dga' bar byed pa sna tshogs bsregs so// de bzhin du sbyar spos mchog dam pa sna tshogs kyang mchod pa'i yo byad du sbyar ro/ / gzhan yang spos chus lam srang rnams kun tu khyab par chag chag btab bo// sa gzhi kun tu me tog sna tshogs gcal du bkram mo// de'i tshe lha'i bu mo dang / lha ma yin gyi bu mo dang / sgra gcan zin gyi bu mo grangs med tshad med pa'ang rab tu dga' ba'i sems bskyed nas/ byang chub kyi rgyu mngon par bsgrub par 'dod pa'i phyir// der 'ongs nas grong khyer chen po khyad par du 'phags pa de rab tu brgyan no/ / de nas zla 'od gzhon nur gyur pa grong khyer de kun tu khyab par brgyan cing yongs su dag pa dang / gdugs tshod la bab par rig nas/ bcom ldan 'das la 'di skad ces gsol to/ / bcom ldan 'das sems can rnams la sman par mdzad pa'i slad du grong khyer chen por gshegs su gsol/ de nas bcom ldan 'das 'khor mang po dang thabs
- 335b
cig tu grong khyer du gshegs nas sgo'i them pa la zhabs gzhag ma thag tu grong khyer chen po de'i sa chen po'ang rab tu g.yos par gyur/ phyogs bcu'i 'jig rten gyi khams 'bum phrag brgya stong tshad med/ pa'ang rab tu g.yos par gyur te/ de'i tshe long ba dag ni gzugs mthong bar gyur/ sdug bsngal ba rnams ni bde ba thob par gyur/ 'on pa rnams ni sgra thos par gyur/ byang bzhin mi sdug pa rnam ni byad bzhin bzang po thob par gyur/ nor med pa rnams ni nor dang ldan par gyur/ bu med pa rnams ni bu yod par gyur/ gos med pa rnams ni gos thob par gyur/ rin po che med pa rnams ni rin po che thob par gyur/ nye bshes med pa rnams ni nye ba shes dang ldan pa gyur/ lus kyi rgyan thams cad kyis 'phongs pa rnams ni lus kyi rgyan thams cad dang ldan par gyur to// gzhan yang ngang pa dang / khrung khrung dang / ne tso dang / rma bya dang / ka ri ka la sogs pa bya'i tshogs mang po rnams de bzhin gshegs pa mthong ba dang / rab tu dga' ba'i sems ni bskyed nas/ sgra snyan cing yid du 'ong ba mchog dam pa byung ste/ gang gis sgra de dag thos pa'ang yid shin tu bde bar gyur to// gzhan yang de bzhin gshegs pas rdzu 'phrul gyi stobs kyis tsam pa ka'i ljon shing tshad med pa snyed mngon par sprul nas/ sems can brgya stong mang po rnams me tog yongs su dag pa de dag dang / gzhan yang spos mchog dam pa thogs nas/ bcom ldan 'das la mngon par gtor te
- 336a
mchod pa byas so/ / gzhan yang lha ma yin gyi bu mo dbang phyug thob pa brgya stong dum mu tig dpar po dang / tsan ngan gyi skye mthogs nas de bzhin gshegs pa la ra dka' bas mngon par gtor ro/ / lha ma yin mang po dang gzhan yang lha mang po rnams rin po che'i gdugs gser dang dngul gyis rab tu brgyan pa thogs nas bar snang la 'dug ste/ de bzhin gshegs pa'i steng du khebs par g.yogs so/ / gzhan yang bcom ldan 'das kyis rdzu 'phrul gyi stobs kyis tsan dan gyi ljon shing dang / gser gyi ljon shing dang / rin po che'i snod rang gos la sogs pa'i ljon shing brgya stong tshad med dpag tu med pa rin po che rnams kyis brgyan pa/ me tog dang lo ma phun sum tshogs shing rgyas pa/ sems can tshad med pa'i bsod nams kyi rnam par smin pa'i 'bras bu thun mong du mngon par grub pa/ rlung gi ngad langs pa tsam gyis spos mchog dam pa'i dris sangs rgyas kyi zhing tshad med pa rnams kun tu khyab par gang ba mngon par sprul to/ / sems can brgya stong tshad med pa rnams kyis kyang dus gcig tu me tog thogs nas/ bcom ldan 'das la mngon par gtor to// de bzhin du sems can dang sems can ma yin pa tshad med pa rnams kyang de bzhin gshegs pa'i rdzu 'phrul gyi stobs kyis mngon par sprul pa shad/ gang dag ci dang ci smon par byed pa de dag kyang rdzu 'phrul gyi dbang gis de dag gi bsam pa ji lta
- 336b
ba bzhin du re ba yongs su rdzogs par gyur to/ / bcom ldan 'das grong khyer du gshegs pa'i tshe/ 'khor 'dus pa thams cad nam mkha' las khyad par du 'phags pa'i sgras/ bsam gyis mi khyab par yang dag par ston pa'i sgra thos par gyur kyang / de gang nas byung ba shes par yang ma gyur la/ tshigs su bcad pa brgya stong du mas kyang chos rnams yang dag par bstan par gyur to/ / bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// 'dod chags zad mtha' stong dben gang rtogs pa// yang dag nyid rtogs byang nuchub thob par 'gyur/ / bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// 'dod chags skye mtha' stong dben gang rtogs pa// yang dag nyid rtogs byang chub thob par 'gyur/ / bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// 'dod chags mtha' ni stong dben gang rtogs pa/ yang dag nyid rtogs byang chub thob par 'gyur// bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// 'dod chags rab ni stong dben gang rtogs pa/ / yang dag nyid rtogs byang chub thob par 'gyur// bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// 'dod chags 'jug pa stong
- 337a
dben gang rtogs pa/ / yang dag nyid rtogs byang chub thob par 'gyur// bcom ldan 'das ni grong khyer zhugs pa'i tshe// mkha' las sgra ni 'di skad grags par gyur/ / 'dod chags med cing stong dben gang rtogs pa// yang dag nyid rtogs byang chub thob par 'gyur// bcom ldan 'das ni grong khyer zhugs pa'i tshe// mkha' las sgra ni 'di skad grags par gyur/ / 'dod chags skye med stong dben gang rtogs pa// yang dag nyid rtogs byang chub thob par 'gyur// bcom ldan 'das ni grong khyer zhugs pa'i tshe// mkha' las sgra ni 'di skad grags par gyur/ / 'dod chags rab 'gog stong dben gang rtogs pa// yang dag nyid rtogs byang chub thob par 'gyur// zhe sdang gti mug khong khro 'chab ser sna// g.yo sgyu khengs dang nga rgyal mya ngan dang // sdug bsngal kun 'byung 'gog pa lam sems can// khye'u dang bu mo bud med dag dang ni// skyes pa gso ba dag dang dbang po drug/ yul drug 'byung chen bzhi yi dngos po dang / / 'jig rten sdug bsngal phung po khams rnams dang // 'jig rten skye sgra ming sogs kyang de bzhin// chos rje dam pa'i chos ni bstan pas na// sems can thams cad rab tu dga' bar 'gyur/ / lha yi 'jig rten kun kyang thos gyur na// de bzhin gshegs pa'i theg pa la gnas par mos// bcom ldan 'das ni grong khyer zhugs pa'i tshe/
- 337b
mkha' las sman 'di skad dgrags par gyur// bcom ldan sbyin stobs dag lar bamos pas// rgyan pa'i stobs kyis byang chub brnyes par gyur// bcom ldan 'das ni grong khyer zhugs u0f7f/ tshe// mkha' las sgra ni 'di skad grags par gyur// bcom ldan tshul khrims rnam dag rab mos pas// tshul khrims rnam dag stobs kyis byang chub brnyes// bcom ldan 'das ni grong khyer zhugs pa'i tshe/ / mkha' las sgra ni 'di skad grags par gyur// bcom ldan bzod pa dag la rab mos pas// bzod pa'i stobs kyis byang chub brnyes par gyur// bcom ldan 'das ni grong khyer zhugs pa'i tshe/ / mkha' las sgra ni 'di skud grags par gyur// bcom ldan brtson 'grus ngag la rab mos pas// brtson 'grus stobs kyis byang chub brnyes par gyur/ / bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// bcom ldan bsam gtan dag la rab mos pas// bsam gtan stobs kyis byang chub brnyes par gyur/ / bcom ldan 'das ni grong khyer zhugs pa'i tshe// mkha' las sgra ni 'di skad grags par gyur// bcom ldan shes rab dag la rab mos pas// shes rab stobs kyis byang chub brnyes par gyur// rdzu 'phrul stobs kyis mngon shes yon tan gnas// thabs dang gzugs kyi stobs dang grags pa'i stobs// las dang rten byung yan
- 338a
lag dang dang thos/ / gtong dang 'thun pa'i stobs dang rab ni stobs// rab dul yang dag mtha' dang bden mkhas stobs// 'jigs dang dga' dang phan 'dogs la mos dang / / byams dang snying rje dga' snyoms bzod 'tshe med// stong dang mtshan ma med sogs kyang de bzhin// stobs bcu 'phags pa'i mnga' bdag lha yi gtso// yon tan grags pa dpe zla ma mchis pa/ / grong khyer mchog gshegs zhabs ni bzhag pa'i tshe// sems can rnams la rgya cher phan pa mdzad// sngon chad srid gsum las dge rab bsgrubs pas// lha yi dge ba sna tshogs 'phel bar mdzad/ / 'jig rten thams cad kun gyis rab tu bkur// nga yi bstan pa 'di thos thams cad dga'// bcom ldan grong khyer gshegs nas zhabs bzhag tshe// grong khyer sa chen dag ni rab tu g.yos// bcom ldan rnam dag 'od zer mthong bas na// ngo mtshar mi 'dzin mi dga' gang yang med// bcom ldan grong gshegs phan pa cher mdzad pas// lha mo'i 'khor rnams sems ni dga' bar gyur// sa dang mkha' 'gro dag gis srid gsum na// bcom ldan shin tu bde zhes bsngags par gyur// bcom ldan zhabs kyi 'khor los gzhag tshe/ / rnam dag 'od zer kun gsal ngo mtshar gyur// rta ni cang shes grong khyer sgra snya phyung // bya tshogs dag kyang mkha' las rab tu dga'// gzhan yang rab dang bud med mang
- 338b
po yi/ / lag dang rkang gi gdub kor 'phreng ba dang // de bzhin rin chen rgyan ni sna tshogs las// ma dkrol bar yang rang nyid sgra snyan byung // so sor phan tshun dga' ba'i gtam brjod cing // skad 'thun bkra shis mchog gis bsngags pa brjod// 'o na long dbang po ma tshang dbang po thob// thams cad bcom ldan khyad 'phags 'bras bu dbang // bcom ldan grong khyer gshegs tshe kun dga' bas/ / lha mis me tog mngon gtor mchod pa byas// mkha' las kun tu sgra snyan byung bas na// lha tshogs tshad med rab tu dga' bar gyur// gzhan yang sems can dran pa nyams pa dag/ myos 'khrugs rab zhi phan tshun gtam snyan brjod// bu da med gang sbrum mya ngan 'jigs gyur pa// 'od zer byin gyis bde ba thob par gyur// skyes pa bud med ngo tsha khrel bcas la/ / dri ma spangs pa'i chos dag rab bshad pas// thams cad dga' nas dge ba'i sems bskyed de// thub mchog zha ba la spyi btung phyag byas nas// kha cig bcom ldan bla med lam rab tshol/ / kha cig byang chub sems dpa' nyan thos tshol// bcom ldan grong khyer mchog tu gshegs pas na// bcom ldan zhal du lta zhing rang nyid dga'// bcom ldan mkhyen pas sa spyod rtogs pas/ / 'jig rten rjes 'thun phan pa rab tu mdzad// chos kyis nor mchog byang chub sems dpa' byin// rin chen mchog ni sems can rnams la btang // bcom ldan grong khyer gshegs
- 339a
pa'i tshe/ / mkha' las sgra ni 'di skad byung // gang ni mig pad mtha' sred pa// sangs rgyas la ni gus pa yin// bcom ldan grong khyer gshegs pa'i tshe/ mkha' las sgra ni 'di skad byung // gang zhig mig skye mtha' sred pa// sangs rgyas la ni gus pa yin// gang zhig mig zad mtha' sred pa// sangs rgyas yid ches mi 'jigs 'thob// mig zad mthar ni lte bas na/ / shin tu dad pa rgyun mi 'chad// gang zhig mig zad mtha' sred pa// chos la yid ches mi 'jigs 'thob// mig zad mthar ni lta bas na// shin tu dang ba rgyun mi 'chad/ / gang zhig mig gzad mtha' sred pa// dge 'dun yid ches mi 'jigs 'thob// mig zad mthar ni lta bas na// shin tu dang ba rgyun mi 'chad// gang zhig mig zad mtha' sred pa// tshul khrims 'dzin med thob par 'gyur// mig zad mthar ni lta bas na// shin tu dang ba rgyun mi 'chad// gang zhig mig zad mtha' sred pa// ngan 'gro'i 'dod chags spong bar 'gyur// mig zad mthar ni lta bas na// 'dod chags rgyun ni spong bar byed// gang zhig mig zad mthar sred pa// ngan 'gro'i zhe sdang spong bar 'gyur// mig zad mthar ni lta bas na// zhe sdang rgyun ni spong bar byed/ / gang zhig mig zad mthar sred pa// ngan 'gro'i gti mug spong bar 'gyur// mig zad mthar ni lta bas na// gti mug rgyun ni stong par byed// gang
- 339b
zhig mig zad mthar sred pa/ / byang chub ye shes dag la gnas// mig zad mthar ni lta bas na// byang chub ye shes rgyun mi 'chad// mig skye mtha' dang mig mi mtha'// 'jug pa dang ni rab dben dang / / yod pa nyid du mi 'gyur dang // mi skye rab tu zhi ba dang // 'di la sogs pa'i sgo rnams kyang // thams cad mig zad 'dra bar bstan// gang zhig mig zud mthar sred pa/ / de ni rtag tu the tsom med// de ltar the tshom med pa'i phyir// sangs rgyas rdzu 'phrul 'thob par 'gyur// gang zhig mig skye mtha' sred pa// de ni rtag tu the tshom med/ / de ltar the tshom med pa'i phyir// sangs rgyas rdzu 'phrul 'thob par 'gyur// gang zhig mig ni mtha' sred pa// de ni rtag tu the tshom med// de ltar the tshom med pa'i phyir/ / sangs rgyas rdzu 'phrul 'thob par 'gyur// gang zhig mig gi 'jug sred pa// de ni rtag tu the tshom med// de ltar the tshom med pa'i phyir// sangs rgyas rdzu 'phrul 'thob par 'gyur/ / gang zhig mig dben rab sred pa// de ni rtag tu the tshom med// de ltar the tshom med pa'i phyir// sangs rgyas rdzu 'phrul 'thob par 'gyur// gang zhig mig mi skye sred pa/ / de ni rtag tu the tshom med// de ltar the tshom med pa'i phyir// sangs rgyas rdzu 'phrul thob par 'gyur// gang zhig mig med la sred pa// de ni rtag tu the tshom med//
- 340a
de ltar the tshom med pa'i phyir// sangs rgyas rdzu 'phrul 'thob par 'gyur// gang zhig mig zhig la sred pa// de ni rtag tu the tshom med// de ltar the tshom med ba'i phy-ir/ / sangs rgyas rdzu 'phrul 'thob par 'gyur// na bcwa lce sus dang yang // gzugs sku rdo ro rig byanas// grwa dang ming gi bar du yang // thams cad de bzhi sbyar ba u0f7f/ mig skyed dpa' med gang skyed pa// ye shes dpag med skyed par byed// ye shes dpag tu med pa'i phyir// chos 'di bstan pa'ang de bzhin no// mig zad dpag med gang shes pa// mig la sgrib pa med par 'gyur// de ltar sgrib pa med pa'i phyir// sangs rgyas mkhyen pa thogs med thob// rna ba sna lce lus dang yid// gzugs sgra dri ro reg bya nas// sgra dang ming gi bar du yang / / thams cad de bzhin sbyar bar bya// bcom ldan grong khyer gshegs pa'i tshe// sems can dag ni brgya stong snyed// mkha' las chos bshad sgra thos pa// sangs rgyas yon tan the tsom med/ / kha cig 'dod chags sems byung yang // sangs rgyas ye shes 'jigs mi byed// gang zhig 'dod chags sems byung yang // sangs rgyas yon tan skor mi 'gyur/ / kha cig 'dod chags sems byung yang // bla med ye shes tshol byed cing // ma 'dres chos ni sgrub pa dang // nyan thos theg pa mos mi byed// byis pa bsam
- 340b
gtan sgom byed kyang / / bsam gtan bde la mos pas na// mngon pa'i nga rgyal rab bskyed nas// dge sbyong 'bras bu thob snyam sems// byis pa bsam gtan sgom byed kyang // mig zad mtha' ye shes med na/ / bskal pa brgya stong sgom byed kyang // de la rnam grol ci yang med// skye ba len pa thams cad ni// de la zhen chags skyed par byed// gal te skye nyid stong rig na/ / mthong ba rnams ni rnam dag 'gyur// gang zhig bsam gtan bzhi bsgrubs kyang // mig zad mtha' shes med gyur na// bskal pa brgya stong lon kyang ni// bsam gtan yongs su dag mi 'gyur/ / gang zhig nyer bsdogs thob gyur kyang // zad mtha' shes pa 'thob mi 'gyur// zad pa thob pa ma shes phyir// zag pa thob la rtag tu spyod// gang zhig 'du shes zhen byed pa/ / 'du shes zad mtha'i shes pa med// 'du shes zad pa ma shes phyir// rtag tu 'du shes zag la spyod// gang zhig 'jig rten zhen chags pa// 'jig rten zad mtha' shes pa med/ / 'jig rten zad mtha' ma shes phyir// rtag tu 'jig rten zag la spyod// gang zhig zag bcos sems la gnas// sems zad mtha' yi shes pa med/ / sems zad pa ni ma shes phyir// rtag tu sems ni zag la spyod// gang zhig zag bcas chos la gnas// chos zad mtha' mi shes pa med// chos zad pa ni ma shes
- 341a
phyir/ / rtag tu zag bcas chos la spyod// sbyangs pa'i chos la gnas gyur kyang // mig zad mtha' yi shes med na// mig zad pa ni ma shes phyir// yang dag sbyangs la gnas pa min// kha dog bsgyur ba'i gos bgos kyang // mig zad mtha' yi shes med na// mig zad mtha' ni ma shes phyir// yang dag chos gos bgos ma yin// ya rabs rigs su skyes gyur kyang // mig zad mtha' ye shes med na// mig zad pa ni ma shes phyir// de ni dag pa'i rigs ma yin// 'khor mang dag ni bdog gyur kyang // mig zad mtha' yi shes med na/ / myur du ngan 'gror ltung 'gyur te// 'khor ba dag ni skyo ba mi nus// sgra yi rig pa mkhas gyur kyang // mig zad mtha' ye shes med na// mig zad pa ni ma shes phyir/ / sgra yi rig pa rtogs ma yin// bzo rnams la ni mkhas gyur kyang // mig zad mtha' ye shes med na// mig zad pa ni ma shes phyir// de ni bzo la mkhas pa min/ / 'dri ba mang la mkhas gyur cing // yi ge gcig gis rnam 'byed kyang // mig zad mtha' yi shes med na// de ni don 'thun bshad ma yin// mkhas pa'i rjes su slob byed kyang / / gsang dang gsang min mi shes shing // mig zad mtha' yi shes med na// chos ni rtogs par mi 'gyur ro// brjod pa sna tshogs rgyang 'phan dang // chos rnams rab tu
- 341b
shes gyur kyang / / mig zad mtha' yi shes med na// 'khri shing stug por ltung ba 'dra// sgra yi rig pa mkhas gyur cing // dge dang mi dge'i rtags ston dang // tshig 'bru'i yi ge sgra skad dang / / klog dang 'don pa'i mthar thug kyang // mig zad mtha' ni ma shes na// de dag rnams ni shes med yin// bud med dag gi mtshan ma dang // tshig mkhan rmongs par byed pa dang / lus mnyes ngal sos chos rnams dang // mkhyud dpyad dag la mkhas gyur kyang // mig zad mtha' ni ma shes na// de dag rnams ni shes med yin// gzhung lugs brgya mang ston byed cing / / yi ge 'bru gcig mi brjed kyang // mig zad mtha' ni ma shes na// bshad pa de ni don med yin// de bzhin mig skye mtha' dag dang // mig mtha' dang ni 'jug pa nas// rab tu zhi ba'i bar du yang // de bzhin du ni rig par gyis// rna ba sna lce lus dang yid// gzugs sgra dri ro reg bya nas// sgra dang ming gi bar du yang // thams cad de bzhin sbyar bar/ bya// sgra yi rig pa klog 'don cing // de yi don ni rtog gyur kyang // mig zad mtha' ni ma shes na// de ni nams kyang dman pa yin// spang gzhig dag ni 'don byed cing // gsang sngags dag ni rtogs gyur kyang // mig zad mtha' rnam shes na// de ni rnams kyang dman pa yin// de bzhin mig skye mtha' dag dang // mig gi mtha' dang 'jug pa nas//
- 342a
tu zhi ba'i bar du yang // de bzhin du ni rig par gyis// rna ba sA lde lus dang yid// gzugs sgra dri ro reg bya nas// sgra dang ming gi bar du yang // thams cad de bzhin sbyar bar bya'o/ / // bam po bzhi pa// bcom ldan grong khyer gshegs pa'i tshe// sems can dag ni tshad med snyed// mkha' las chos bstan sgra thos pas/ / mig zad mtha' ni shes pa thob// bcom ldan grong khyer gshegs pa'i tshe// sems can dag ni tshad med snyed// mkha' las chos bstan sgra thos pas/ mig gi rang bzhin rtogs par 'gyur// stong dang bdag med rab rtogs pas// thams cad rnam dag mig thob 'gyur// rna ba sna lce lus dang yid// gzugs sgra dri ro/ reg bya nas// sgra dang ming gi bar du yang // thams cad de bzhin sbyar bar bya// 'dod sdang gti mug khong khro dang // nga rgyal khengs dang g.yo sgyu nas// bag med pa yi bar du yang / de bzhin du ni rig par gyis// bcom ldan grong khyer gshegs pa'i tshe// sems can dag ni tshad med snyed// steng gi nam mkha' dag las ni// sangs rgyas mtshan ni snga tshogs thos/ / kha cig 'dod chags 'jigs pa yi// dpe zla med pa'i ming yang thos// kha cig zhe sdang 'jigs byed cing // 'jig rten phan 'dogs ming dag thos// kha cig
- 342b
gti mug rab rtogs shing / / nga rgyal 'dul ba'i ming yang thos// kha cig 'jig rten dag la ni// rab zhi ston pa'i 'drin ming thos// kha cig shes rab dag bstan nas// 'jig rten phan 'dogs ming dag thos/ / kha cig thabs dag rab bstan nas// sems can phan 'dogs ming dag thos// kha cig bdud ni rab btul yang // kho na 'dzin med pa'i ming dag thos/ / kha cig gsung rab chos dag gis// rnam grol bstan pa'i ming dag thos// kha cig sems can sdug bsngal ba// rgya cher sgrol ba'i ming dag thos// kha cig mi yi gtso bo yis/ / 'jig rten sgrol ba'i ming dag thos// ming ni de dag thos gyur nas// thams cad rnam dag ming thob gyur// nam mkha' dang ni rgya mtsho'i chu// ri rab lhun po'i bar du yang / / thams cad gzhal du rung srid kyi// sangs rgyas mkhyen pa thug mi 'gyur// gang zhig mig zad nges pa thob gyur na// chos sku mngon par grub pa dka' mi 'gyur/ / gang zhig chos sku mchog ni grub gyur na// kun 'dzin ye shes dpag med thob par 'gyur// gang zhig kun 'dzin ye shes dpag med thob// des na mdo sde dpag meng go bar 'gyur/ / gang zhig mdo sde dpag med go gyur pa// sangs rgyas rdzu 'phrul 'thob par dka' mi 'gyur// gang zhig mig skye nges pa thob gyur na/
- 343a
chos sku mngon par 'grub pa dka' mi 'gyur// gang zhig chos sku mchog ni grub gyur na// kun 'dzin ye shes dpag med thob par 'gyur// gang zhig kun 'dzin ye shes dpag med thob/ / des ni mdo sde dpag med go bar 'gyur// gang zhig mdo sde dpag med go gyur pa// sangs rgyas rdzu 'phrul thob pa dka' mi 'gyur// de bzhin rna ba sna lce lus dang yid/ / gzugs sgra dri ro reg bya'i chos dag nas// sgra rnams dang ni ming gi bar du yang // thams cad de bzhin du ni sbyar bar bya// de tshe sa chen dag ni rab tu g.yos/ / rgya mtsho ri rnams kyang ni de bzhin no// lha ma yin dang lha ni mang po rnams// thams cad rab tu dga' ba skyed par byed// bdud dang bdud dpung g.yo sgyu rab bcom nas// thams cad sangs rgyas bkod pa bsgrub par mos// lha rnams so sor gzhal med khang zhugs nas// phan tshun dgo' ba'i gtam ni 'di skad smras// 'dren po deng ni 'jig rten byung bas na/ / lha mi thams cad la ni phan pa mdzad// sa bla'i lha 'khor gzhal med khang gnas nas// dang ba'i sems kyis dga' nas 'di skad du// 'dren pa 'jig rten deng byung shin tu legs/ / 'jig rten kun bde rgyu ni rab tu mdzad// mkha' la spyod pa'i lha rnams de thos nas// thams cad dga' nas rab tu dang ba skyes// khyad 'phags sgra snyan sangs
- 343b
rgyas bsngags brjod nas/ / 'dren pa byung bas 'jig rten phan mdzad zer// rgyal chen ris bzhi'i lha ni de thos nas// thams cad dga' nas shin tu dang ba skyes// khyad 'phags sgra snyan sangs rgyas bsngags brjod nas/ / 'dren pa byung bas 'jig rten phan mdzad zer// sum cu rtsa gsum lha ni de thos nas// thams cad dga' nas shin tu dang ba skyes// khyad 'phags sgra snyan sangs rgyas bsngags brjod nas// 'dren pa byung bas 'jig rten phan mdzad zer// 'thab bral lha dag de skad thos nas ni// thams cad dga' nas shin tu dang bskyes/ / khyad 'phags sgra snyan sangs rgyas bsngags brjod nas// 'dren pa byung bas 'jig rten phan mdzad zer// bdag cag byang chub sems ni rab bskyed nas// bcom ldan bla med mkhyen pa nye bar bgyi/ / lha mi gtso mchog la ni brten nas su// sems can thams cad sgrol bar bgyid ces zer// dga' ldan lha rnams de skad thos nas kyang // thams cad dga' nas shin tu dang bskyes/ khyad 'phags sgra snyan sangs rgyas bsngags brjod nas// 'dren pa byung bas 'jig rten phan mdzad zer// bcom ldan 'das pa'i bsgral pa bye bar ni// spyod mchog khyad 'phags dpag med mngon bsgrubs nas// sems can sdug bsngal ba la bde lam bstan// 'khor ba bsgral nas mya ngan 'das la bkod// 'phrul dga'i lha rnams de
- 344a
skang thos nas ni/ / thams cad dga' nas shin tu dang bskyed// khyad 'phags sgra ska sangs rgyas bsngags brjod nas// 'drer bzung bas 'jig rten paphan mdzad zer/ / gzhan 'phrul dbang byed lha ni de thos nas// thams cad dga' nas rab tu dang ba skyes// khyad 'phags sgra snyan sangs rgyas bsngags brjod nas// 'dran pa byung bas 'jig rten pan mdzad zer/ / de bzhin gshegs pa skye shi 'das pas na// bdud dang mu stegs mang po pham par mdzad// bla med byang chub dag ni yongs rdzogs nas/ skye dgu dngas nas pha rol 'jog ces zer// tshangs ris lha rnams de skad thos nas kyang // thams cad dga' nas shin tu dang ba skyes// khyad 'phags sgra snyan sangs rgyas bsngags brjod nas/ / 'dren pa byung bas 'jig rten phan mdzad zer// de bzhin gcig nas gcig tu sgra thos pas// tshangs pa'i 'khor rnams dga' nas 'di skad du/ 'dren pa byung bas 'jig rten phan pa mdzad// bdud dpung 'jigs skrag mya ngan byed ces zer// srid pa'i rtse mo'i lha yi bar du yang // sangs rgyas byung nas 'jig rten pan mdzad thos/ / de bzhin sgra ni kun tu grags pas na// lha ma yin dag 'grims shing lha rnams 'phel// bdud kyi khang pa dag ni yongs stongs shing // lha rnams 'khor ni rab tu
- 344b
rgyas par gyur/ / mi 'jigs stobs kyis log tshogs rab btul nas// byang chub chen po mchog ni myur du brnyes// de bzhin skad cig yud tsam lha rnams kyis// bcom lar byung nas phan mdzad thos gyur nas/ / 'jig rten 'dren par mdzad pa shin tu legs// rnam dag mig ni sems can byin zhes zer/ bcom ldan grong khyer gshegs pa'i tshe// 'dod pas yongs su gdungs pa rnams/ / mi gtsang bsgoms pa bshad thos pas// 'dod chags zhi ste ma lus spangs// bcom ldan grong khyer gshegs pa'i tshe// zhe sdang ngag gis gdungs pa rnams/ / byams pa bstan pa'i chos thos pas// zhe sdang zhi ste ma lus spangs// bcom ldan grong khyer gshegs pa'i tshe// gti mug dag gis gdungs pa rnams// shes rab chos ni bstan thos pas// gti mug zhi ste ma lus spangs// bcom ldan grong khyer gshegs pa'i tshe// nga rgyal dag gis gdungs pa rnams// nga rgyal spangs pa'i chos thos pas/ / nga rgyal zhi ste ma lus spangs// bcom ldan grong khyer gshegs pa'i tshe// phrag dog dag gis gdungs pa rnams// brag dog spangs pa'i chos thos pas// phrag dog ni ste ma lus spangs/ / bcom ldan grong khyer gshegs pa'i tshe// khong khro dag gis gdungs pa rnams// khong khro spangs pa'i chos thos pas/ khong khro zhi ste ma lus spangs/
- 345a
bcom ldan grong khyer gshegs pa'i tshe// ser sna dag gis gdungs pa rnams// ser sna spangs pa'i chos thos pas// ser sna ni ste ma lus spangs/ gang zhig dul ba'i spyod sgrub pa// dpag med chos ni 'di thos pas// mang du thos pa'i gtsor zhugs nas// kun 'dzin sgo ni sgrub par byed// gzhan yang mkha' las sgyu thos pas/ / me tog dag gis sangs rgyas mchod// yon tan khyad par 'phags bsgrub cing // snying rje chen po'i rdzu 'phrul ston// gzhan yang mkha' las sba thos na// bcom ldan sku dang skye gnas dang / / gdung brgyud dang ni gsung sgra rnams// khyad par 'phags pa'i bsngags pa brjod// sems can 'gro ba ji lta bar// rdzu 'phrul dag kyang ci rigs bshad/ / mig dang rna ba sna lde lus// gzugs dang sgra la sogs pa dang // bskum pa dang ni brkyang ba dang // ston par mdzad pa khyad par 'phags// bcom ldan 'jig rten 'das pas na/ / 'jig rten sgron ma rab mdzad cing // gzugs ni mang po ston pa yang // thams cad sangs rgyas rdzu 'phrul yin// snod dang snod min de rjes su// mi mthun chos ni ston mdzad pas/ / sems can tshe rabs tshad med nas// sangs rgyas mchod pa ma byas shing // dmu rgod gdul bar dka' ba la// sems can dmyal ba
- 345b
bshad par mdzad/ / gang zhig las lam rmongs gyur cing // sbru la brten nas spos dga' ba// bcom ldan de dag lta ba dang // spros bzhi pa'i sgra thos mdzad// gzhan yang mkha' las ngo bo nyid/ / nges pa nyid du sbyong pa dang // 'gro 'ong med cing mtshan med dang // ci yang med pa'i sgra yang thos// gzhan yang sems can brgya stod dag/ mkha' las sha dang shes rab spyan/ / de bzhin chos kyi spyan par du// yang dag ston pa'i sgra yang thos// bcom ldan rdzu 'phrul stobs kyis ni// tshul khrims ting 'dzin shes rab sgra// rnam grol rnam grol mthong ba'i sgra// ston pa dag kyang thos par gyur// sems can dag ni ji snyed pa// ji bzhin rdzu 'phrul rab bstan nas// ji ltar rjes 'thun sgra skad kyis// yang ngadag chos ni bstan par mdzad/ / sems can la la gang zhig gis// sbyin dang tshul khrims bzod bsgrub mos// rdzu 'phrul mos pa ji lta bzhin// sbyin dang tshul khrims bzod sgra ston/ bcom ldan rdzu 'phrul stobs kyis ni// sems can dbang po ji lta bzhin// rgya cher yang dag 'byed mdzad pas// len 'dzin ston la 'god par mdzad// bcom ldan rdzu 'phrul stob kyis ni/ / phung po khams dang skye mched kyis// bcings dang grol dang nye ring dang // sa yi gnas skabs bye brag gis// mtshan nyid ston pa thos par 'gyur// gzhan
- 346a
yang sa dang ye shes kyi/ / 'od zer tshad med ston pa dang // nyon mongs bag chags spangs pa dang // spangs min ston pa thos par gyur// bcom ldan rdzu 'phrul/ stobs kyis ni// lha dang mi yi ngo bo nyid// las dang 'bras bu mi mtshungs pas// skye len tha dad thos par gyur// res 'ga' bud med mdun dag tu// bud med brgyan pa'i lus sprul nas/ / mkha' las skyo ston sgra thos pas// gang thos 'dod chags sel mdzad pas// shA ri'i bu ni ji lta bzhin// shin tu dang ba skyes par gyur// thugs rjes mos pa ji bzhin du/ / bla me de chos ni ston par mdzad// mo'u 'gal dang ni 'od srungs dang // ka pi na dang kun dga' dang // 'od srungs chen po dag dang ni// kun shes ko'u di rgyal sogs/ / de dag mos pa ji bzhin du// nyan thos chos ston thos par gyur// lha rnams dang ni lha ma yin// gnod sbyin dag ni mang po dang // be ro ka ni 'khor bcas dang / grul bum dag ni tshad med rnams// bcom ldan rdzu 'phrul stobs kyis ni// gzungs sngags sgra ni thos par gyur// iM de sau/ bi di si/ i ra su i ra/ o na si ma na si/ u khyi/ a no khyi/ a khyi tshal mang nang ye/ da ra ni shwa ni mi/ ta ka ni/ i mi man tra/ ni ha ra/ a bu re/ bud d+he/ ni re/ a khi tsa ra/ bi ya ki ri ya te
- 346b
a ki tsha ra ba ra mi te/ ka la ba hi ni/ sarbo bing sha ni ra d+h+we po na/ pa ra sha sad de/ sha sa ta/ pa ra sha sad ta/ ta ra sad ta/ b+hu mi/ a ma b+ha ra am b+ha ra/ li li b+ha na/ shi tsing ta/ bi ba mi ta/ tsid ta a nan ta/ o be ra ha ba mi ta b+hu mi/ na na ma ka ni a ka ni bi b+ha ming ta/ sha ri bi shwA/ a ma la ni ma la/ bu li te na ra shi tsa/ ha ha ri/ ma ma li/ b+ha ra niti shwA/ tsakrA ni ra ha ra/ ut+ti ri ta tsa ba tsi/ a na ta ri/ ku ta ri/ ke du su ke du/ su ba ri/ ka ra ni/ ku su ma ni ye/ kra ka ri/ ka khA ri/ u pa la mu ri/ tish+tsa/ da ra ni/ na ga nir ha re/ pa ra lang te/ a te pa ra ya te/ a na ta ra b+ha na d+he/ an ta ra b+ha ti shi tsa/ ha si ri/ ma kha li/ i ne sam b+ha re/ ti sh+tsa sit+ka ra ni/ ku b+hu lo tsa te/ gzhan yang rgyal po rnam thos bu/ / yul 'khor srung ni la sogs pas// khyad 'phags sgra ni grangs med kyi// bden pa'i sngags tshig rab tu smras/ tshad med smra ni de dag kyang // bde gshegs rdzu 'phrul dbang gis byung / / rdzu 'phrul dag ni tshad med pas// bstan pa dag kyang tshad med do// res 'ga' sangs rgyas med zhing du// rdzu 'phrul rol pa'i stobs dag gis/ / 'khor skor sangs rgyas su ston pas// da ltar mthong ba ji bzhin no// bsam gyis mi khyab zhing dag tu// sprul pa tshad med sngor mdzad pas// bskams nas gom
- 347a
bdun gshegs dang / / rgyal srid spangs nas rab byung dang // byang chub snying por sangs rgyas nas// brnyes pa'i chos dag rab dgongs te// chos kyi 'khor lo skor mdzad dang / / mya ngan 'das pa ston par mdzad// rdzu 'phrul gyi ni stobs ngag gis// sna tshogs chos ni ston mdzad pas// sems can dag ni tshad med rnams// khyad 'phags ye shes grub par mdzad/ / de tshe thugs rje chen po yis// tshangs pa'i 'khor gyis yongs bskor nas// byams chos bsgom pa bshang bstan pas// byams pa'i sems ni 'phel bar mdzad/ / de tshe thugs rje chen po yis// lha rnams kyis ni yongs bskor nas// bsdu ba'i dngos bzhi bshad bstan pas// bsdu ba'i spyod bzhi 'phel bar mdzad// de tshe thugs rje chen po yis/ / klu rnams kyis ni yongs bskor nas// zhe sdang nyes dmigs bshad bstan pas// zhe sdang sems ni spangs par 'gyur// de tshe thugs rje chen po yis// / gnod sbyin rnams kyis yongs bskor nas// rnam 'tshe nyes dmigs bshad bstan pas// rnam 'tsho sems ni spangs par 'gyur// de tshe thugs rje chen po yis// lha ma yin gyis yongs bskor nas/ / 'thab pa'i nyes dmigs bshad bstan te// bzod pa bsgom pa'i bsngags pa brjod// de tshe thugs rje chen po yis// nam mkha' lding gis yongs bskor nas//
- 347b
'gal byas nyes dmigs bshad bstan te// 'dum pa'i sems kyis bsngags pa mdzad// de tshe thugs rje chen po yis// dri za'i 'khor gyis yongs bskor nas// dga' ba'i tshig ni dpag med kyis/ / de bzhin gshegs pa'i bsngags brjod bstan// de tshe thugs rje chen po yis// lto 'phye 'khor gyis yongs bskor nas// mu stegs chos la smod mdzad cing // bcom ldan gsung rab bsngags brjod bstan// de tshe thugs rje chen po yis// 'dre srir 'khor gyis yongs bskor nas// de bzhin gshegs pa'i yon tan mchog/ rgya cher bsngags pa brjod par mdzad/ / thugs rje chen pos 'phrul bstan pas// sems can dag ni brgya stong snyed// mig zad mtha' bstan thos pas na// mthar phyir ngor ni rtogs par gyur// thugs rje chen pos 'phrul bstan pas// sems can dag ni brgya stong snyed// mig skye mtha' ni bstan thos pas// mthar phyin don ni rtogs par gyur// thugs rje cher pos 'phrul bstan pas/ / sems can dag ni brgya stong snyed// mig gi mtha' ni bstan thos pas// mthar phyin don ni rtogs par gyur// thugs rje chen pos 'phrul bstar pas// sems can dag ni brgya stong snyed/ / mig 'jug bstan pa thos gyur nas// mthar byin don ni rtogs par gyur// thugs rje chen pos 'phrul bstan pas// sems can dag ni brgya
- 348a
stong snyed/ / mig dben bstan pas thos pas na// mthar phyin don ni rtogs par gyur// thugs rje chen pos 'phrul bstan pas// sems can dag ni stong snyed/ / mig la skye med bstan thos pas// mthar phyin don ni rtogs par gyur// thugs rje chen pos 'phrul bstan pas// sems can dag ni brgya stong snyed// mig med bstan pa thos pas na/ / mthar phyin don ni rtogs par gyur// thugs rje chen pos 'phrul bstan pas// sems can dag ni brgya stong snyed// mig ni nyer zhi bstan thos pas// mthar phyin don ni rtogs par gyur/ / thugs rje chen pos 'phrul bstan pas// sems can dag ni brgya stong snyed// mig la bdag med bstan thos pas// mthar phyin don ni rtogs par gyur/ / thugs rje chen pos 'phrul bstan pas// sems can dag ni brgya stong snyed// mig la gang zag med thos pas// mthar phyin don ni rtogs par gyur// thugs rje chen bos 'phrul bstan pas/ / sems can dag ni brgya stong snyed// mig la sems can med thos pas// mthar phyin don ni rtogs par gyur// thugs rje chen pos 'phrul bstan pas/ sems can dag ni brgya stong snyed// mig la srog med thos pas na// mthar phyin don ni rtogs par gyur// thugs rje chen pos 'phrul bstan pas// sems can dag ni
- 348b
brgya stong snyed/ / mag la gso ba med thos pas// mthar phyin don ni rtogs par 'gyur// thugs rje chen pos 'phrul bstan pas// sems can rnams la rgya cher ni// 'jig rten shes pa rab smad de/ / zhen pa mi skyed nyid du mdzad// thugs rje chen pos 'phrul bstan pas// sems can rnams la rgya cher ni// 'jig rten rnyed pa rab smad de// 'dus ma byas kyi bsngags brjod mdzad// thugs rje chen pos 'phrul bstan pas// sems can rnams la rgya cher ni// zag bcas shes pa rab smad de// zag med shes rab bsngags par mdzad/ / thugs rje chen pos 'phrul bstan pas// sems can rnams la rgya cher ni// 'jig rten bsam gtan rab smad de// 'jig rten 'das pa'i ting 'dzin bsngags/ / thugs rje chen pos 'phrul bstan nas// sems can rnams la rgya cher ni// zag bcas tshul khrims rab smad de// zag med bslab gnas bsngags par mdzad// thugs rje chen pos 'phrul bstan pas// sems can rnams la rgya cher ni// sems rgya chung ngu'i skyon brjod de// sems rgya chen po'i yon tan bsngags// thugs rje chen pos 'phrul bstan nas/ / lus kyi tshul khrims sems shes rab// zag med rten pa med pa yi// bsngags pa dag ni brjod par mdzad// thugs rje chen pos 'phrul bstan nas// sdug bsnga
- 349a
/ 'gog pa'i lam bsngags shing // spos la dga' zhing zhed pa dag/ sangs rgyas smad par rab tu bstan// thugs rje chen pos 'phrul bstan nas// can rnams la rgya cher ni// mig chad skyon ni rab 'byed cing // rab zhi mtshan nyid bstan par byed// rna ba sna lce lus dang yid// gzugs sgra dri ro reg bya nas// sgra dang ming gi bar du yang / / thams cad de bzhin sbyar bar bya// thugs rje chen pos 'phrul bstan nas// sems can rnams la rgya cher ni// dar la bab cing gzhon pa la// nyes dmigs dpag med yod par bstan/ / thugs rje chen pos 'phrul bstan nas// sems can rnams la rgya cher ni// tshe rigs dag gis bsnyems pa la// nyes dmigs dpag med yod par bstan/ / thugs rje chen pos 'phrul bstan nas// sems can rnams la rgya cher ni// longs spyod bag med gyur pa la// nyes dmigs dpag med yod par bstan// thugs rje chen pos 'phrul bstan nas/ / sems can rnams la rgya cher ni// rang dbang bag med gyur pa la// nyes dmigs dpag med yod par bstan// thugs rje chen pos 'phrul bstan nas// sems can rnams la rgya cher ni// gzugs kyis bag med gyur pa la// nyes dmigs dpag med yod par bstan// thugs rje chen pos 'phrul bstan nas// sems can rnams
- 349b
la na cher ni/ / bud med pag med gyur pa la// nyes dmigs dpag med yod par bstan// thugs rje chen po'i 'phrul bstan nas// sems can rnams la rgya cher ni// gos kyis bag med gyur pa la/ / nyes dmigs dpag med yod par bstan// thugs rje chen pos 'phrul bstan nas// sems can rnams la rgya cher ni// chang gis bag med gyur pa la// nyes dmigs dpag med yod par bstan/ / thugs rje chen pos 'phrul bstan nas// sems can rnams la rgya cher ni// rgyal po bag med gyur pa la// nyes dmigs dpag med yod par bstan/ / thugs rje chen pos 'phrul bstan nas// sems can rnams la rgya cher ni// tshul khrims bsnyems par gyur pa la// nyes dmigs dpag med yod par bstan// thugs rje chen pos 'phrul bstan nas/ / sems can rnams la rgya cher ni// shes rab bsnyems par gyur pa la// nyes dmigs dpag med yod par bstan// de bzhin rtogs dang rdzu 'phrul dang / bsam gtan mkhas pa'i nga rgyal dang // nor dang bshad dang rigs dang 'khor// rol mo glu dang lce rkyang dang // grags pa phun tshogs bsngags pa dang // bkur sti dang ni rnyed pa dang / mdzes dang g.yo sgyu nga rgyal dang // ngo tsha med dang khrel med dang // khengs dang phun tshogs nga rgyal dang // bag med 'dod chags de bzhin no// thugs rje chen pos 'phrul bstan
- 350a
nas/ / sems can gang zhig sems dang yid// dman par gyur pa de dag la// khyad par 'phags pa'i 'du shes bstan// thugs rje chen pos 'phrul bstan nas/ sems can gang zhig rang zhum zhing // rtsol bar mi byed de dag la// brtson 'grus stobs ni ston par mdzad// thugs rje chen pos 'phrul bstan nas// sems can gang zhig nor rnams la/ / chags par gyur pa de dag la// chog shes chos ni ston par mdzad// gzhan yang spos kyi dri gtsang khang // me tog dag gi gzhal med khang // khang pa brtsegs ma mchog sprul nas/ / sprul pa'i sangs rgyas bzhugs par bstan// gzhan yang lha yi bu mo rnams// me tog tsam pa'i khang pa na// gnas pa lus phyed bstan sprul nas// me tog 'phreng thogs mchod byed bi stan/ / gzhan yang lha min bu mo dag/ me tog ma li'i khang pa na// gnas pa lus phyed bstan sprul nas// me tog 'phreng thogs mchod byed bstan// gzhan yang lha yi bu rnams dag/ pad+ma sngon po'i khang pa na// gnas pa lus phyed bstan sprul nas// sangs rgyas yon tan bsngags pa bstan// gzhan yang tshangs pa rnams kyi lha// gser gyi gzhal med khang pan/ / gnas pa lus kun bstan sprul nas// sgra snyan sangs rgyas bsngags pa bstan// gzhan yang lha yi bu mo dag/ sna tshogs rgyan gyis lus brgyan cing // rgyan ni phan tshun reg pa las/
- 350b
sgra snyan dgu ni rab byung nas// 'dus byas rnams kyi chos dag ni// 'gyur zhing mi brtan yin na yang // byis pa mi bden rtogs pa yis// yang dag ji bzhin mi shes zer// rgyan gyi sgra ni de dag kyang // lus dang sems las byung ma yin// 'gro ba med cing 'ong ba med// phyogs kyang yod pa ma yin te// gzugs dang sems kyi bar du yang // thams cad de bzhin sbyar bar bya// byis pa rnams kyis mi sems pas/ / 'di la the tshom skye bar 'gyur// rgyan gyi rnam pa de dag las// sgra snyan byung ba de yis ni// sangs rgyas zhing kun grags pas na// sems can tshad med grol bar gyur/ / de lta bas na khyed rnams kyis// 'dren pa'i rang byung ye shes dang // yon tan dpag med sku dag ni// srid pa'i spros las 'das pa dang // rab dben skyon ni med pa dang // / lta bral sems ni rab sbyangs dang // mtshan dang dpe byad brgyan pa dang // sku dang thugs ni dag par ltos// khyed kyis bcom ldan grong gshegs tshe// gom pa dag ni seng ge 'dra// gshegs stangs ngang pa glang chen 'dra/ / sems can re bskong bar mdzad// bsod nams khyad 'phags yongs su rdzogs// yang dag mtshan gyis rab tu brgyan// sems can dag ni thams cad kun/ / lta bas mi ngoms nyid du ltos// khyed kyis rkang gnyis gtso bo'i mchog/ thugs rje chen po ldan pas na// dngos po chung ngus mchod byas kyang // yon tan tshad med 'thob mdzad
- 351a
pas/ / sems can dag ni mang po rnams// bskal pa brgya stong mang por ni// mya ngan 'das pa 'thob par du// rnam smin thug pa med par ltos// byed kyis rkang gnyis gtso mchog ni/ / zag med tshul khrims rdzogs pas na// sems can dag ni mang po rnams// gus pas spyi bos phyag byed dang // lha yi 'khor ni mang po rnams// so sor gzhal med khang spangs nas/ / rtse ba dag la chags med par// 'dren pa la ni sten byed ltos// khyed kyis bdud dang bdud kyi 'khor// bcom ldan 'das la dad bskyed nas// gser gyi rlung yab dag thogs te/ / g.yas g.yon du ni 'khod pa dang // bdud kyi bu ni lnga brgya yis// lha yi me tog yid 'ong bas// de bzhin gshegs la mngon gtor nas// bla med ye shes tshol la ltos/ / 'das pa'i sangs rgyas rnams la ni// bsngags pa brjod cing mchod pas na// deng ci bcom ldan phrad gyur nas// so sor dga' bar gyur pa yin// spobs pa dag ni tshad med kyis/ / de bzhin gshegs pa'i bsngags pa brjod// de yi tshe na bdud kyi bu// sred pa spangs pa zhes bya ba// thog mar bcom ldan bsngags brjod nas// mig zad mtha' ni shes par gyur/ / mig gi skye mtha' shes pas na// rab zhi mtshan nyid rab tu rtogs// gzhan yang mig zad la sogs pa'i// ming don tshig ni dpag med rtogs// des na tshig mkhas dag gis
- 351b
ni/ / sems can rnams la yang dag bstan// ming dang don rnams la yang ni// zhen dang the tshom med pas na// 'gro 'ong med par rab rtogs shing // blang dor med pa nyid du gyur// rang bzhin dag ni stong dben pas/ / yi ge rnams ni spangs pa dang // len dang gzung dang klog pa dang // kha ton 'don cing sgrub byed rtogs// 'das pa'i de bzhin gshegs pa rnams// sngon yang rab tu phye ste bstan// btags pa'i ming tsam yin pas na// yang dag brjod du ci yang med// rang bzhin stob pa de dag ni// phung po khams dang skye mched 'das// brdzun pa med cing bden pa'ang med/ / gnas dang gnas pa yod pa min// tshig gis smra ba'i lam chad cing // sems kyi spyod pa'ang rab tu zhi// skye bo'i mtshan ma zhen pa'i phyir// bcom ldan grong khyer gshegs pa mthong / / bcom ldan mtshan ma yongs spangs kyang // byis pa yang dag ma yin rtogs// bcom ldan grong khyer gshegs pa'i tshe// gang zhig dga' ba skye 'gyur ba/ / de ni mtshan mar rtog pa ste// mya ngan gdung dang bcas par 'gyur// gang zhig mtshan ma'i rtog spangs pa// grong khyer gshegs pa mthong mi 'gyur// gshegs shing bskyod pa'i mtshan ma la/ / rnam rtog med pa'i shes rab 'thob// gang gis mtshan mar sangs rgyas mthong // des na grong khyer gshegs pa mthong // skye zhing 'khor ba'i chos dag la/
- 352a
rnam par rtog pa skyed par byed// gang gis sangs rgyas mtshan mar mthong // dga' ba dag ni skye 'gyur ba// de ni bdud kyi spyod la gnas// bdud kyi spyod yul sdang ba yin/ / gang gis sangs rgyas mtshan mar mthong // de ni 'gyur ba mthong ba yin// de ni mya ngan gdungs bcas pas// mkhas pas snying brtser bya ba yin// chos la thob par gang lta ba/ / de la chos stor mya ngan yod// sangs rgyas mthong ba skyes pa la// mya ngan 'das pa'i sdug bsngal yod// bskal pa mang por gang bsgom pa// mtshan ma thams cad rtogs pas na/ / grong khyer gshegs par mi rtog cing // mya ngan 'da' ba'i 'du shes med// sems kyi mtshan nyid stong rtogs pa// sangs rgyas spyod la gnas pas na// grong khyer gshegs par mi rtog cing / / mya ngan 'da' ba'i 'du shes med// gang gis de ltar rab shes pa// sangs rgyas rnams ni mthong 'gyur zhing // ngo bo nyid kyang stong rtogs pa// mthar ni skye 'gag ci yang med// bcom ldan bskal pa dpag med nas// dka' ba rnams ni rab spyad nas// ngo bo nyid ni stong mkhyen na// byis pa rnams kyis mi rtogs so// bcom ldan grong khyer gshegs pa'i tshe// 'khor ni brgya stong mang gis bskor// mi dang mi ma yin la sogs// dang ba'i sems kyis mchod pa bas// gang gis skad cig tsam du ni//
- 352b
mig padam tha' ni rab sems shing // mtshan ma rnams na stong rtogs na// 'arda yab sod nams de bas 'phags// bzang ba dang ni grangs kyi// rgyu tsam du yang mi bzod do// de bzhin mig gi skye mtha' dang / / mig gi mtha' dang 'jug pa nas// rab tu zhi ba'i bar du yang // de bzhin du ni rig par bya// rna ba sna lce lus dang yod// gzugs sgra dri ro reg bya nas/ / sgra dang ming gi bar du yang // thams cad de bzhin sbyar bar bya// de nas de tshe bcom ldan 'das// grong khyer du ni gshegs pa'i tshe// zhabs ni sa la reg tsam gyis// sa ni kun tu rab tu g.yos// ri rnams gang yin de dag kyang // thams cad bcom ldan 'das la phyogs// lha dang mi ni chos kyi phyir// thams cad 'ongs nas gus mchod byas// de nas de tshe bcom ldan 'das// grong khyer du ni gshegs pa'i tshe// lha yi dbang po mi yi rgyal// lha ma yin ni mang po dang // gnod sbyin dag ni mang po rnams// rang gi grong khyer spangs nas ni/ / bcom ldan spyan sngar 'dus gyur te// rab tu dga' bas mchod pa byas// de nas de tshe bcom ldan 'das// grong khyer du ni gshegs pa'i tshe// gzhan yang rnam pa tha dad pa'i/ / bya yi tshogs ni tshad med pa// ne tso dang ni rma bya dang // ka la bing ka bya yi rnams// bcom ldan de bzhin gshegs pa yi// yon tan mchog ni mthong bas na//
- 353a
thams cad nam mkha' dag la ni// rab tu dga' bas rnam par rtse// thams cad rnam pa sna tshogs kyi// sgra snyan dag ni rab tu byung // de nas de tshe bcom ldan 'das/ / grong khyer du ni gshegs pa'i tshe// bcom ldan 'das kyi yon tan dang // rdzu 'phrul gyis ni stobs dag gis// sems can tshad med brgya stong snyed// mdongs pa dag ni mthong bar gyur/ / 'on pa rnams ni thos par gyur// dbang po ma tshang gang yin pa// thams cad dbang po tshang bar gyur// sdug bsngal la ni gnas pa dag/ thams cad bde ba thob par gyur/ / de nas de tshe bcom ldan 'das// grong khyer du ni gshegs pa'i tshe// nam mkha' bar snang dag las ni// 'di skad smra ba thos par gyur// gang gis mtshan ma rnams kyis ni/ / de bzhin gshegs pa rtog byed pa// de yis bcom ldan 'das la ni// mchod pa bya zhes brjod mi bya// mig zad mtha' yi ngo bo nyid// rtogs par yang ni mi 'gyur ro/ / mtshan ma rnams ni gang spangs pa// yon tan gzhi ni bsags pas na// mig zad mtha' yi ngo bo nyid// rab tu rtogs par yang 'gyur ro// 'di ltar mig ni zad pa'i mtha'/ / rab tu rtogs par gyur pa'i phyir// sangs rgyas rnams kyi yon tan yang // rab tu rtogs par khong du chud// mig ni zad pa'i mtha' dag la// mi 'dzin sbed pa med pa dang //
- 353b
gang zhig mig gi rab dben de dag la// rtag tu rmongs shing khong du ma chud pa// de ni skye bo'i spyod par lhung bas na// des ni mdo sde 'di la mos mi 'gyur// gang zhig mig gi rab dben de dag la/ / rtag par khong du chud cing rmongs med pa// de ni skye bo'i spyod dang bral bas na// des ni mdo sde 'di la mos par 'gyur// gang zhig mig gi 'gro 'ong med pa la// rtag tu rmongs shing khong du ma chud pa/ / de ni skye bo'i spyod par lhung bas na// des ni mdo sde 'di la mos mi 'gyur// gang zhig mig gi 'gro 'od med pa dag/ rtag par khong du chud cing rmongs med pa/ / de ni skye bo'i spyod dang bral bas na// des ni mdo sde 'di la mos par 'gyur// gang zhig mig la bdag med ma rtogs nas// mig zad ngo bo nyid la rtag rmongs pa// de ni skye bo spyod par lhung bas na/ / des ni mdo sde 'di la mos mi 'gyur// gang zhig mig la bdag med rab rtogs nas// mig zad ngo bo rtag tu rtogs gyur pas// de ni skye bo'i spyod dang bral bas na/ / des ni mdo sde 'di la mos par 'gyur// gang zhig mig la bdag med ma rtogs nas// bzod pa'i gnas la rtag tu rmongs gyur pa// de ni skye bo'i spyod par lhung bas na/ da des ni mdo sde 'di la mos mi 'gyur// gang zhig mig la bdag med rab rtogs nas// bzod pa'i gnas ni rtag tu rtogs gyur pa// de ni skye bo'i spyod dang bral bas na//
- 354a
mig zad mtha' ni gang yin pa// yang dag ji bzhin rtogs pa'i phyir// lus kyi bye brag tha dad pa// de yang rab tu rtogs par 'gyur// las kyi bye brags da pa/ / rab tu rtogs par gyur pa'i phyir// des ni de bzhin gshegs pa rnams// mthong ba nyid du 'gyur ba yin// mig skye mtha' ni gang yin pa// yang dag ji bzhin rtogs pa'i phyir/ / sdug bsngal bye brag tha dad pa// de yang rab tu rtogs par 'gyur// sdug bsngal bye brag tha dad pa// rab tu rtogs par gyur pa'i phyir// des ni de bzhin gshegs pa rnams/ / mthong ba nyid du 'gyur ba yin// mig gi 'jig pa gang yin pa// yang dag ji bzhin rtogs pa'i phyir// sdug bsngal 'jig pa gang yin pa// de yang rab tu rtogs par 'gyur/ / sdug bsngal 'jig pa gang yin pa// rab tu rtogs par gyur pa'i phyir// des ni de bzhin gshegs pa rnams// mthong ba nyid du 'gyur ba yin// mig gi med pa gang yin pa/ / yang dag ji bzhin rtogs pa'i phyir// mtshan ma spangs pa gang yin pa// de yang rab tu rtogs par 'gyur// mtshan ma spangs pa gang yin pa// rab tu rtogs par gyur pa'i phyir/ / des ni de bzhin gshegs pa rnams// mthong ba nyid du 'gyur ba yin// mig gi skye med gang yin pa// yang dag ji bzhin rtogs pa'i phyir// bag chags spangs pa
- 354b
gang yin pa/ / de yang rab tu rtogs par 'gyur// bag chags spangs pa gang yin pa// rab tu rtogs par gyur pa'i phyir// des ni de bzhin gshegs pa rnams// mthong ba nyid du 'gyur ba yin// gzhan yang mig gi mi rtog nyid// yang dag ji bzhin rtogs pa'i phyir// sgrib pa spangs pa gang yin pa// de yang rab tu rtogs par 'gyur// sgrib pa spangs pa gang yin pa// rab tu rtogs par gyur pa'i phyir/ / des ni de bzhin gshegs pa rnams// mthong ba nyid du 'gyur ba yin// gzhan yang mig la yi ge med// yang dag ji bzhin rtogs pa'i phyir// sangs rgyas ye shes stobs dag kyang / / rab tu rtogs par 'gyur ba yin// sangs rgyas ye shes stobs dag ni// rab tu rtogs par gyur pa'i phyir// des ni de bzhin gshegs pa rnams// mthong ba nyid du 'gyur ba yin/ / gzhan yang mig gi mi 'ong nyid// yang dag ji bzhin rtogs pa'i phyir// 'dod rnams spangs pa gang yin pa// de yang rab tu rtogs par 'gyur// 'dod rnams spangs pa gang yin pa/ / rab tu rtogs par gyur pa'i phyir// des ni de bzhin gshegs pa rnams// mthong ba nyid du 'gyur ba yin// gzhan yang bsam gtan bsgom pa dag/ yang dag ji bzhin rtogs pa'i phyir/ / nyon mongs spangs pa gang yin pa// de yang rab tu rtogs par 'gyur// nyon mongs spangs pa gang yin pa// rab tu rtogs par gyur pa'i phyir// des ni de bzhin//
- 355a
gshegs pa rnams// mthong ba nyid du 'gyur ba yin// gang zag des ni de bzhin du// mig ni sngon mtha' shes pa dang // mig gi mi gnas shes pa dang / mig mi skye ba'i shes pa dang // sangs rgyas rdzu 'phrul shes pa dang // mig gi dman pa shes pa dang // mig ni khyad par 'phags shes dang // ye shes dben pa shes pa dang // rnam dag ye shes shes pa dang / / tshul khrims rnam dag shes pa dang // lus kyi sdom pa'i shes pa dang // rnam dag sgra yi shes pa dang // ngag gi sdom pa'i shes pa dang // rnam dag sems kyi shes pa dang / / gnas kyi bye brag shes pa dang // sems kyi chos kyi shes pa dang // sems skyon shes pa'i shes pa dang // rnam dag las kyi shes pa dang // sems kyi sdom pa'i shes pa dang // nyes dmigs shes pa'i shes pa dang // rnam dag sgra yi shes pa dang // phung po bye brag shes pa dang // phung po rgyu rkyen shes pa dang // mig ni yongs shes shes pa dang // sdug bsngal 'byung gnas shes pa dang / / zag med tshul khrims shes pa dang // tshul khrims rgyu rkyen shes pa dang // sdug bsngal rgyu rkyen shes pa dang // sdug bsngal zad pa'i rgyu shes dang // 'dus byas rnams kyi shes pa dang / / zag mig zad pa'i shes pa dag/ yongs su rdzogs par byed pa yin// gzhan yang rgyu rkyen bcu gnyis kyi// spyod dang bcas pa'i shes pa dang // spyod pa
- 355b
med pa'i shes pa dang / / mtshan ma bcas dang mtshan ma med// 'dus byas dang ni 'dus ma byas// rnam par gzhag dang yongs sdud dang // bdag dang gzhan gyi sems shes pa// yang dag ji bzhin shes pa yin/ / gzhan yang mig zad skye mtha' dang // mig gi mtha' dang rab dben dang // 'jug pa dang ni med pa dang // mi skye ba dang nyer zhi nyid// yang dag ji bzhin shes pas na/ / sems can dag ni mang po rnams// rnam par dag pa'i ye shes dang // mthu dang bcas pa'i ye shes dang // brtson 'grus ye shes 'thob par byed// gzhan yang gcig dang tha dad shes/ / sems can dag ni thams cad kyi// mos pa'i shes pa gang yin pa// yang dag ji bzhin shes pa yin// gzhan yang sems can thams cad kyi// mos pa khyad par 'phags pa dang / / rnam dag sems kyi shes pa dang // las dang rnam smin shes pa dang // dbang po khams kyi shes pa dang // sems ni 'gyur ba shes pa dang // shes rab mos pa'i shes pa dang / / shin tu rnam grol shes pa dang // spobs mchog gi ni shes pa dag/ yang dag ji bzhin shes pa yin// gzhan yang sems can ma rungs dang // chos la mos pa med gyur pa// yang dag ji bzhin shes pas na// mos pa'i shes pa skyed par byed// gzhan yang don gyi tshul dag ni// yang dag ji bzhin shes pas na// le lo med pa'i shes pa dag/ dus shes sgrub par byed
- 356a
pa yin/ / gzhan yang rdzu 'phrul stobs dag gis// chos rnams rab tu 'byed pa dang // thogs pa med pa'i ye shes dag/ yang dag ji bzhin shes pa yin/ gzhan yang rgya chen don dag dang // tshig gi bstan pa gang yin pa// rjes su shes pa'i shes pa dag/ yang dag ji bzhin shes pa yin// gzhan yang grogs bzang 'thun gnas dang // gos dang zas dang btung ba dag/ tshod 'dzin pa yi shes pa rnams// yang dag ji bzhin shes pa yin// gzhan yang bya ba med pa yi// gzungs kyi chos ni gang yin pa// nan tan bsgrub pa'i shes pa dag/ yang dag ji bzhin shes pa yin// gzhan yang lus sems skyon med cing // sgro 'dogs skur 'debs yongs spangs nas// bla med ye shes gang tshol ba// yang dag ji bzhin shes pa yin/ / gzhan yang rdzu 'phrul stobs ngag gis// nam mkha' bar snang dag las ni// sprul pa'i sku ni rab bstan nas// sems can dag ni brgya stong snyed// yongs su smin par mdzad pas na/ / thams cad rab tu dgar gyur nas// dang ba skyes pa'i shes pa dang // de bzhin gshegs pa rnams la yang // mos shing gus pa'i shes pa dang // 'dod chags spangs pa'i chos dag dang / / rab mos bsgrub pa'i shes pa dang // 'phags pa'i dge 'dun tshogs la yang // mchod par mos pa'i shes pa dang // byang chub chen po rag la yang /
- 356b
rab mos bsngo ba'i shes pa dang // gzungs rnams kyi ni sgo dag la// rab mos ston pa'i shes pa dang // mos pa rnams ni gang yin pa// so sor rab rtogs shes pa dang // 'phags pa'i ting 'dzin gang yin pa/ / legs par rtogs pa'i shes pa dang // bsrung dang rjes su dran rnams la// nges par 'byed pa'i shes pa dang // dpag tu med pa'i sems dag la// legs par 'jug pa'i shes pa dang / / tshigs su bcad pa tshad med rnams// yang dag ston pa'i shes pa dang // 'dod pa'i mtshams sbyor gang yin pa// rtogs shing go ba'i shes pa dang // 'gro ba dman pa de dag tu/ / ltung bar mi 'gyur shes pa dang // mi dge ba shes gnyen gang yin pa// yongs su spong byed shes pa dang // dge ba'i bshes gnyen gang yin pa// sten par byed pa'i shes pa dang / 'dri zhing lan ldon gang yin pa// rab tu rnam 'byed shes pa dang // gnas dang gnas min gang yin pa// legs par rtogs pa'i shes pa dang // sa dang sa min gang yin pa// legs par rtogs pa'i shes pa dang / / rab 'bring tha ma gang yin pa// rnam par 'byed pa'i shes pa dang // 'dus byas shes pa gang yin pa// 'dus ma byas kyi shes pa dang // dngos po dang ni rdzas kyi shes/ / dngos dang dngos min shes pa dang // yongs su sdud byed shes pa dang // yongs su sdud min shes pa dang // mngon par bsgrub pa'i shes pa dang // yang dag bsgrub min shes pa dang // mig
- 357a
dang mig min shes pa dang / / mig dang lhan cig shes pa dang // mig gi bye brag shes pa dang // mig gi rang bzhin shes pa dang // yang dag ji bzhin shes pa yin/ rna ba sna lce lus dang yid// sgra dang ming la sogs pa'i bar// chos ni rnam pa nyi shu lnga// thams cad de bzhin sbyar bar bya// gang zhig mig gi rgyu rkyen nyid// yang dag stong zhing dben pa dang // mthar ni bdag yod ma yin par// sems par byed pa gang yin pa// gang zag de ni de bzhin du// yang dag nges pa kho nar ni// sems kyi ting 'dzin gang yin pa// yongs su rdzogs par byed par 'gyur/ / gang zhig mig ni rten 'brel dang // mig mi rtag pa'i mtshan nyid dag/ nges pa nyid du rtogs gyur nas// sems par byed pa gang yin pa// gang zag des ni de bzhin du// mig gi rgyu rkyen gang yin dang // mthar ni yod pa ma yin pa// yang dag ji bzhin rtogs par 'gyur// rna ba sna lce lus dang yid// sgra dang ming la sogs pa'i bar// chos ni rnam pa nyi shu lnga// thams cad de bzhin sbyar bar bya// de yi tshe na bcom ldan 'das// grong khyer du ni gshegs pa'i tshe// zhabs ni sa la reg tsam gyis// dngos po ngo mtshar rab bstan pa// deng 'dir bdag gis mdor bsdus nas/ / yon tan phyogs ni cung zad cig/ sems can dga' ba skyed pa'i phyir// yang dag par ni bstan par bya// de tshe lha min 'dren pa yis// spu yi khung bu gcig nas
- 357b
ni/ / 'od zer brgya stong tshad med snyed// rab tu bkye bar gyur pas na// 'od zer dag ni re res kyang // zhing ni tshad med gsal mdzad nas// sems can mang po kun gyi phyir// sangs rgyas mdzad pa rab tu mdzad/ / gang zhig 'das pa'i dus su ni// sangs rgyas rnams la mchod pa dang // yun ring sbyin dang tshul khrims dag/ mngon par bsgrubs pa gang yin pa// de lta bu yi gang zag dag/ des ni ji skad bstan pa yi// rdzu 'phrul dngos po thos gyur na// rab tu dga' zhing mos par 'gyur// gang zhig sangs rgyas rdzu 'phrul rnams// nyan thos dang ni rang rgyal gyis/ / spyod yu la min par rab shes nas// de lta bu yi gang zag dag/ des ni ji skad bskad pa yis// rdzu 'phrul dag ni thos gyus na// mos pa dag ni skye 'gyur zhing // ngo mtshar 'dzin pa'i sems kyang skyed// lha dang mi ni 'dren pa yis// bsam gyis mi khyab mthu dag gis// de lta bu la sogs pa yi// rdzu 'phrul sna tshogs rab bstan pas// sems can dag ni brgya stong dang / / tshad med grangs med pa rnams kyis// de bzhin gshegs pa rnams la ni// brten cing rim gro mchod pa byas// lha dang mi ni 'dren pa yis// bsam gyis mi khyab mthu dag gis/ / mdo sde dag ni brgya stong dang // tshad med grangs med rab bshad pas// sems can dag ni mang po rnams// bstan pa de ni thos pas na// thams cad dang bas rab blang
- 358a
te/ / sems ni rab tu dga' bar gyur// de yi tshe na bcom ldan 'das// grong khyer du ni gshegs pa'i tshe// rdzu 'phrul gyi ni mthu dag gis// nam mkha' las ni 'di skad du/ / mig zad mtha' ni shes pa nas// mig ni nye bar zhi ba dang // mig nyid rgyu yi bar du yang // 'gro ba med cing 'ong med dang // mtha' ni stong dben shes par gyis// de skad du ni thos par gyur/ / rna ba sna lce lus dang yid// sgra dang ming la sogs pa'i bar// chos ni rnam pa nyi shu lnga// thams cad de bzhin sbyar bar bya// de yi tshe ni bcom ldan 'das// grong khyer du ni gshegs pa'i tshe/ / nam mkha' bar snang dag las ni// sgra snyan dam pa mchog byung nas// de bzhin gshegs pa'i mtshan sna tshogs// bsngags pa brjod par gyur pas na// 'khor ni 'dus pa chen po rnams/ / thams cad dad mos sems kyang skyes// da ltar 'jig rten bzhugs pa yi// mi yi seng ge gang yin pa// mtshan ni bdud dang bdud dpung dag/ pham mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni// log par lta ba'i tshogs thams cad// rab tu 'dul bar nus shes zer// da ltar 'jig rten bzhugs pa yi// mi yi seng ge gang yin pa/ / mtshan ni 'dod chags gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni// 'dod pa'i 'dod chags gang yin pa// thams cad
- 358b
spong bar 'gyur zhes zer/ / da ltar 'jig rten bzhugs pa yi// mi yi seng ge gang yin pa// mtshan ni zhe sdang gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni/ / zhe sdang dag ni gang yin pa// thams cad spong bar 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni gti mug gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni// gti mug dag ni gang yin pa// thams cad spong bar 'gyur zhes zer// da ltar 'jig rten bzhugs pa yi/ / mi yi seng ge gang yin pa// mtshan ni nga rgyal gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni// nga rgyal dag ni gang yin pa// thams cad spong bar 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni khong khro gzhom pa dang // zhi mdzad chos kyi rgyal zhes bya// gang gis 'di lta bu yi mtshan/ / thos par gyur pa de dag ni// khong khro dag ni gang yin pa// thams cad spong bar 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni phrag dog gzhom pa dang / / zhi mdzad chos kyi rgyal zhes bya// gang gis 'di lta bu mi mtshan// thos par gyur pa de dag ni// phrag dog dag ni gang yin pa// thams cad spong bar gyur zhes zer// da ltar
- 359a
'jig rten bzhugs pa yi/ / mi yi seng ge gang yin pa// mtshan ni mi bden gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni/ / mi bden dag ni gang yin pa// thams cad spong bar 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni lha rnams gzhom pa dang // zhi mdzad chos kyi rgyal zhes bya/ / gang gis 'di lta bu yi mtshan// thos par gyur pa de dag ni// lta ba dag ni gang yin pa// thams cad spong bar 'gyur zhes zer// da ltar 'jig rten bzhugs pa yi// mi yi seng ge gang yin pa/ / mtshan ni spros pa gzhom pa dang // zhi mdzad chos kyi rgyal zhes bya// gang gis 'di lta bu yi mtshan// thos par gyur pa de dag ni// spros pa dag ni gang yin pa// thams cad spong bar 'gyur zhes zer/ / da ltar 'jig rten bzhugs pa yi// mi yi seng ge gang yin pa// mtshan ni yang dag pa yi chos// rnam dag chos kyi rgyal zhes bya// gang gis 'di lta bu yi mtshan// thos par gyur pa de dag ni// rnam dag chos ni gang yin pa// rab tu rtogs par 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni las rnams rtogs pa yi// chos kyi rgyal zhes bya ba yin/ / gang gis 'di lta bu yi mtshan// thos par gyur pa de dag ni// las rnams thams cad gang yin pa// rab tu rtogs par 'gyur zhes zer// da ltar 'jig rten bzhugs pa yi//
- 359b
mi yi seng ge gang yin pa// mtshan ni rdzu 'phrul phun tshogs pa'i// chos kyi rgyal zhes bya ba yin// gang gis 'di lta bu yi mtshan// zos par gyur pa de dag ni// rdzu 'phrul yon tan gang yin pa// yongs su rdzogs par 'gyur zhes zer/ / da ltar 'jig rten bzhugs pa yi// mi yi seng ge gang yin pa// mtshan ni pha rol phyin pa rnams// phun tshogs chos kyi rgyal zhes bya// gang gis 'di lta bu yi mtshan// / thos par gyur pa de dag ni// pha rol phyin drug gang yin pa// yongs su rdzogs par 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni 'du byed gang yin pa/ / rab rtogs chos kyi rgyal zhes bya// gang gis 'di lta bu yi mtshan// 'dzin par byed pa de dag ni// 'du byed dag ni thams cad kun// rab tu rtogs par 'gyur zhes zer// da ltar 'jig rten bzhugs pa yi/ / mi yi seng ge gang yin pa// mtshan ni rnam par dag pa yi// 'od zer kun 'dzin bskyed ces bya// gang gis 'di lta bu yi mtshan// thos par gyur pa de dag ni// khyad par 'phags pa'i skye len dag/ yongs su rdzogs par 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni kha dog dag pa yi// 'od zer kun 'dzin zhes kyang bya/ / gang gis 'di lta bu yi mtshan// thos par gyur pa de dag ni// khyad par 'phags pa'i gzugs dam par// yongs su rdzogs par 'gyur zhes zer// da ltar 'jig rten bzhugs pa yi// mi yi sang
- 360a
ge gang yin pa/ / mtshan ni sku nyid dag pa yi// 'od zer kunar 'dzin zhes kyang bya// gang gis 'di lta bu yi mtshan// thos par gyur pa de dag ni// khyad par 'phags pa'i gzugs skra dag/ yongs su rdzogs par 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni gdung nyid dag pa yi// 'od zer kun 'dzin zhes kyang bya// gang gis 'di lta bu yi mtshan// thos par gyur pa de dag ni// khyad par 'phag pa'i rus rigs rnams// yongs su rdzogs par 'gyur zhes zer// da ltar 'jig rten bzhugs pa yi// mi yi seng ge gang yin pa/ / mtshan ni rgya cher grags pa yi// 'od zer kun 'dzin zhes kyang bya// gang gis 'di lta bu yi mtshan// thos par gyur pa de dag ni// rgya cher grags pa'i grags pa rnams// yongs su rdzogs par 'gyur zhes zer/ / da ltar 'jig rten bzhugs pa yi// mi yi seng ge gang yin pa// mtshan ni sbyin pa gtong ba dang // tshul khrims can dang bzod sgom dang // brtson 'grus brtsams dang bsam gtan dang / / shes rab kun 'dzin zhes kyang bya// gang gis 'di lta bu yi mtshan// thos par gyur pa de dag ni// sbyin pa dang ni tshul khrims nas// shes rab pha rol phyin pa dang / gzungs kyi sgo ni gang yin pa// yongs su rdzogs par 'gyur zhes zer// da ltar 'jig rten bzhugs pa yi// mi yi seng ge gang yin pa// mtshan ni stong pa nyid rdzogs pa'i// chos kyi rje zhes bya/
- 360b
ba yin// gang gis 'di lta bu yi mtshan// 'dzin par byed pa de dag ni// chos rnams stong pa'i don dag kyang // yang dag rtogs par 'gyur zhes zer// da ltar 'jig rten bzhugs pa yi// mi yi seng ge gang yin pa/ / mtshan ni bdag med rdzogs pa yi// chos kyi rje zhes bya ba yin// gang gis 'di lta bu yi mtshan// 'dzin par byed pa de dag ni// skye 'gag med don gang yin pa// yang dag ston par 'gyur zhes zer/ / da ltar 'jig rten bzhugs pa yi// mi yi seng ge gang yin pa// mtshan ni spyan nyid dag pa yi// kun 'dzini chos kyi rje zhes bya// gang gis 'di lta bu yi mtshan// 'dzin par byed/ pa de dag ni// mig zad mtha' don gang yin pa// yang dag ston par 'gyur zhes zer// rna ba sna lce lus dang yid// sgra dang ming la sogs pa'i bar// chos ni nyi shu rtsa lnga dang // me tog 'phreng ba spos dag dang / / mar me bdug dang gos rnams kyang // thams cad de bzhin sbyar bar bya// / bam po lnga pa ste tha ma'o// de yi tshe na bcom ldan 'das// grong khyer du ni gshegs pa'i tshe// bsam gyis mi khyab pa dag gi/ rdzu 'phrul gyi ni stobs rnams kyis// nam mkha' bar snang dag las ni// sgra snyan dam pa rab byung ste// gzungs kyi spyod pa sna tshogs dag/ yang dag par ni bstan pas na// 'khor ni 'dus pa chen po rnams// 'di lta bu yi chog thos te// gzungs ni gang yin 'di dag gis// mig gi zad mtha' gang yin dang // skye mtha'
- 361a
dang ni mtha' rnams dang / / rab dben dang ni 'jug pa nas// nye bar zhi ba'i bar rnams kyi// chos rnams gang yin de dag gi/ mthar phyin nas ni gang yin pa// thams cad rab tu rtogs par byed/ / sbyin pa'i stobs ni gang dag gis// mthar ni gang dag sdud pa dang // tshul khrims stobs ni gang dag gis// mthar ni gang dag 'grub pa dang // bzod pa'i stobs ni gang dag gis/ / mthar ni gang dag bkod pa dang // brtson 'grus stobs ni gang dag gis// mthar ni gang dag slong ba dang // bsam gtan stobs ni gang dag gis// mthar ni gang dag sgom pa dang // shes rab stobs ni gang dag gis// mthar ni gang dag ston pa dang // yi ge rnams dang brjod pa dang // sgra skad rnams ni spangs pa nas// gzugs dang sems kyi bar du yang // mthar ni rnam dag nyid du rtogs/ / zag dang bcas dang zag med dang // don rnams dang ni phan pa dag/ thams cad stong zhing dben pa dang // mthar ni rnam dag nyid du rtogs// srid pa dag ni thams cad la// rten cing gnas par mi byed dang / / gzungs dang ting 'dzin dag la ni// rab tu dben par gnas par byed// 'gro ba med cing 'ong med dang // dge ba ma yin mi dge min// lung du mi ston pa yang min// bdag dang gzhan la phan 'dogs pa'i// de lta bu yi mtshan ma rnams// thams cad yongs su dag pas na// dbang phyug yon tan dag la yang // gnas par yang ni mi byed do// nyan thos dang ni skye
- 361b
bo dang / / sangs rgyas rnams kyi chos la yang // gnas par yang ni mi byed do// mig ni zad pa'i mtha' dag dang // skye mtha' dang ni mtha' rnams ras// nye bar ni ba'i bar rlabs kyi// stong dag ni gang yin pa/ / thams cad yongs su zhi bar byed// skye ba dang ni mi skye dang // sdug bsngal dang ni bde ba dang // bstod pa dang ni smad pa dang // thams cad yongs su spong zhes zer// mthar phyir snang ba gang yin dang / / stong pa'i gzungs ni gang yin pa// thams cad rab tu gang rtogs pa// 'di nyid sangs rgyas spyod yul la// rab tu gnas par byed pa yin// 'di nyid sangs rgyas rol pa yi/ / gnas la rab tu gnas pa yin// 'di nyid sangs rgyas rdzu 'phrul la// rab tu gnas par gyur pa yin// 'di nyid sangs rgyas mkhyen pa la// rab tu gnas par gyur pa yin// mig zad mtha' yi stobs dag la/ / de bzhin du ni gnas pa dang // mig skye mtha' yi stobs dag la// de bzhin du ni gnas pa dang // mig gi mtha' yi stobs dag la// de bzhin du ni gnas pa nas// nye bar zhi ba'i stobs kyi bar/ / de la rab tu gnas pa dang // rna ba sna lce lus dang yid// sgra dang ming la sogs pa'i bar// chos ni rnam pa nyi shu lnga// thams cad de bzhin sbyar zhes zer// gzungs ni gang yin 'di dag gis/ / de bzhin gshegs pa rnams kyi stobs// khyad par 'phags pa gang yin pa// yongs su rdzogs par byed ces zer// gzungs ni gang yin 'di dag gis// gzi byin mthu stobs
- 362a
de lta bu/ / yongs su rdzogs par byas nas ni// de bzhin gshegs pa thams cad kyi// gnas kun la ni 'jug pa dang // de bzhin gshegs pa thams cad kyi// spyod yul kun la gnas gyur pas/ / 'jig rten pa ni thams cad kun// lha ma yin gyi tshogs dag la// brtan par 'dzin pa'i sems spangs nas// tshangs pa'i spyod la gnas par byed// gnod sbyin brgya stong tshad med dang / / grul bum dag ni tshad med rnams// de dag thams cad kun kyang ni// rab tu dga' ba skyed par byed// dri za'i 'khor ni gang yin dang // srin po'i 'khor ni gang yin pa// tshad med grangs med de dag kyang / / rab tu dul la dga' bar byed// gal te tshangs pa'i 'khor rnams kyis// sgra snyan dag ni dam pa yis// tshig dang don ni rjod byed kyang // yang dag bstan par mi nus te// sems las byung ba'i chos rnams kyis/ / dpag par bya ba ma yin dang // sems las byung ba'i chos rnams kyis// gzung bar bya ba min zhes zer// gzungs ni gang yin 'di dag ni// mig gis dmigs par bya ba min/ / gzungs ni gang yin 'di dag ni// lus kyi bar gyis dmigs bya min// gzungs ni gang yin 'di dag ni// mig gis dmigs par bya ba min// mig gi spyod yul bar gyis kyang // dmigs pa bya ba ma yin te// rna ba sna lce lus nas ni// sgra dang ming la sogs pa'i bar// chos ni rnam pa nyi shu lnga// thams cad de bzhin sbyar zhes zer// gzhan yang mig go zad mtha' dang //
- 362b
mig rnams kyi ni skye mtha' dang // mig gi mtha' dang 'jug pa nas// nye bar zhi ba'i bar dag la// bdag dang skyes bu med pa dang // sems cad dang ni srog med dang // de bzhir gang zag med pa dang / / mtshan ma med cing byed med dang // 'gro ba med cing 'ong med dang // 'di lta bu la sogs pa'i mtshan// thams cad rtogs par 'gyur zhes zer// gzhan yang 'di skad chos nyid kyi/ mig ni rtogs par 'gyur zhes zer// gzhan yang 'di skad chos rnams lags// grub pa'i mig ni gang yin pa// ye shes mig dang shes rab mig/ tshangs pa'i mig dang lha yi mig/ tshangs par skyes nas thob mig dang // lhar ni skyes nas thob mig dang // tshangs pa'i rnam smin mig dag dang // lha yi rnam smin mig dag dang // tshangs pa'i rgyu las skyes mig/ dang / dalha yi rgyu las skyes mig dang // lha yi rdzu 'phrul mig dag dang // lha yi brtson 'grus dag gi mig/ dman par skyes pa'i mig dag dang // khyad 'phags skyes pa'i mig dag dang / gshin rje'i 'jig rten gang yin pa// yongs su spangs pa'i mig dag dang // klu dang gnod sbyin mig dag dang // grul bum gyi ni mig dag dang // yongs su gdung bcas mig dag dang / / yongs su gdung min mig dag dang // rnam par dag pa'i mig dag dang // rnam par dag min mig dag dang // mchur ring zheng chung mig dag dang // nyan thos theg pa pa yi mig/ bsam
- 363a
gtan pa yi mig dag dang / / ting nge 'dzin gyi mig dag dang // spyod yul las byung mig dag dang // 'du shes las byung mig dag dang // 'dod chags las byung mig dag dang / 'dod chags bral ba'i mig dag dang // rgyu las byung ba'i mig dag dang // rgyu min las byung mig dag dang // mtshungs par ldan pa'i mig ngag dang // mtshungs par ldan min mig dag dang / sgo brten las byung mig dag dang // sgo las byung min mig dag dang // rgyu rkyen las byung mig dag dang // rgyu sgo las skyes mig dag dang // sha las grub min mig dag dang // ye shes rnam par dag mig dang / / yod pa min pa'i mig dag dang // dmigs med mig ni gang yin pa// thams cad rtogs par byed ces zer// rna ba sna lce lus dang yid// sgra dang ming la sogs pa'i bar/ / chos ni rnam pa nyi shu lnga// thams cad de bzhin sbyar zhes zer// de yi tshe na bcom ldan 'das// nam mkha' bar snang dag las ni// gzhan yang dpag tu med pa yi// sgra snyan dam pa mchog byung nas/ / khyad par 'phags pa gzungs kyi chos// 'di skad du ni bka' stsal te// 'di yang de bzhin gshegs pa yis// rdzu 'phrul dag ni sprul pa yin// 'di lta ste/ si le/ ma ma le/ sid d+hi/ e ne/ si ne/ ku lu ni yu/ ku lu ni yu/ ku le/ ma le/ ku no ti/ a la she/ a si le/ si si le te/ su li te/ si le si le/ khyi bi le/ a bi le/ su te tsa na/ d+ha ni
- 363b
ma naM/ ka ni/ kA li te/ su ka 9/ pra la shan nga nI/ a n+d+ra ma sa kye/ zi lo me/ su b+ha na re sh+tse/ a shi ri le/ sar ma par phun+da te/ ba ra bi h+Na/ d+ha ra ni/ d+hi shU tsi ha/ su d+he/ a rbA na/ b+hu pog sa nang/ kung ba ne/ b+hA sa b+ha nang / pan ri/ d+hu ri ya/ ni ba ri/ ka no ni/ ma nang b+h+ya/ su ru tsi ta/ ba na/ a tsha ra/ a b+hi la b+hIr+ya/ pra ti sh+ma ha/ d+hA ra naM/ a si te/ lo ni bi/ gzungs rnams gang yin 'di dag ni/ / sangs rgyas rnams kyis rab tu brnyes// mthu chen dag ni phun sum tshogs// shes rab dag ni tshad kyang med// 'dzin pa dag ni yongs su spong // dran pa dag ni/ dag par byed// gzugs med 'gro dang 'ong ba med// phyogs dang phyogs mtshams yod pa min// mtshan ma med cing brjod dang bral// spros pa dag las yang dag 'das// byang chub sems/ dpas sgrub byed na// mthar ni bsil ba 'thob par 'gyur// tshigs su bcad pa bye ba phrag/ brgya stong mang po dag gis ni// tshig gcig tsam ni rab bstan kyang // mtha' ni dmigs par yong mi nus/ / 'phags pa mang pos rab tu bsngags// rnam par dag cing zhen pa med// 'khor 'dus mang po thams cad kyis// shin tu gus pa skyed par byed// gzungs ni gang yin 'di dag gis// dge pa'i chos kyi mthu stobs kyis/ / nyon mongs rab bcom nyer zhi nas// khyad 'phags phan yon thob par byed// yon tan dang ni shes rab dag/ shin tu rgya che rgya mtsho 'dra// bzod pa dag ni sgrub par byed//
- 364a
sems ni rab bde g.yo med 'gyur// byang chub sems dpas rtag tu bsgom// mkhas pa dag gis rab tu bsngags// dbul 'phongs dag ni spong byed cing // nor dang rin chen 'thob par byed/ / gzungs ni gang yin 'di dag gis// yon tan rnams ni 'phel bar byed// rtag tu stong nyid la sogs pa'i// bden tshig dag gis rab tu brgyan// yi ge dag ni spangs pas na// stong pa'i ngo bo nyid ces bya// sems dang rnam shes spangs pas na// chos kyi ngo bo nyid ces bya// gzungs ni gang yin 'di dag gis// dri bral rtag tu rnam dag byed// yang dag ye shes la gnas nas/ / phan pa sna tshogs ston par byed// sems can dag ni mang po rnams// dga' zhing dang bskyed par byed// gnod sbyin dag ni tshad med dang // grul bum 'khor ni gang yin pa// 'di la sogs pa yi dgas rgyal/ / dga' ba chen po skyed ces zer// gzungs sngags gang yin 'di dag ni// rab tu zhi zhing spros pa med// sems can dag la byams pas na// kun la bde ba sbyin par byed// bskal pa mang po brgya stong du// 'gro ba rnams su rtag gnas shing // phan pa tshad med rab byed kyang // rnam par dag cing gos pa med// tshigs su bcad pa brgya skyong gis// bdud rtsi'i chos ni rab bstan nas/ / sems can dag ni ched med rnams// dga' ba chen po skyed par byed// sngon gyi sangs rgyas tshad med rnams// shin tu rnam dag mos pa yis// gzungs 'di la ni brten nas su// rtag tu chos nyid
- 364b
rtogs par byed/ / tshangs dang brgya byin lha rnams dang // klu yi rgyal po lha ma yin// gzungs 'di thos par gyur nas kyang // sems kyi dga' ba skyed ces zer// gzungs sngags gang yin 'di dag rnams// gang du gnas pa'i yul der ni/ / rtag tu gnod dang 'khrug pa dang // nad dang sdug bsngal mya ngan med// sems can dag ni thams cad kur// so sor dga' ba'i sems bskyed nas// gzungs 'di rtag tu bdag cag gis/ / sems la gnas par smon lam 'debs// gzungs sngags gang yin 'di dag ni// lus dang sems dang dkan dag dang // kha mchu dag la gnas gyur na// yon tan dpag me da skyed par byed/ / gal te rtag tu 'dzin byed na// yon tan tshad med thob gyur nas// sems can mang la phan 'dogs shing // thams cad dga' ba thob ces zer// gzungs sngags gang yin 'di dag gis// sdig pa rnams ni rab spong zhing // dam chos dag ni ston byed pas// thug pa med pa'i spobs pa thob// sems can dag ni brgya stong rnams// the tsom dag ni rab bsal nas// nga rgyal rnams ni rab bcom ste/ / yon tan dpag med 'thob ces zer// shin tu zab cing gsang ba'i chos// gzungs sngags gang yin 'di dag ni// mkhas pas rtag tu sems byed cing // nan tan gyis ni sgrub par byed// shes rab go cha rab bgos nas// nyon mongs rab tu 'jom par byed// yon tan sems ni 'phel byed pas// rab tu mos shing skyo ba med// gzungs sngags gang yin 'di dag ni// grags pa chen
- 365a
po phun tshogs pas/ / zad pa dang ni mi zad dang // skye dang mi skye mtha' rab rtogs// 'di 'dra'i shes rab sna tshogs kyis// bdag nyid rab tu brgyan pas na// de bzhin gshegs pa brgya stong rnams/ / shin tu gus shing mchod pa mdzad// de 'dra'i gzungs ni gang yin pa// rig pa dag gi rkang gnyis byed// ting 'dzin mchog la rab gnas nas// byang chub lam la gzhol bar byed/ / zhi gnas lhag mthong rjes 'brang zhing // zag med shes rab rtogs par byed// rab dang dbang po stobs kyis ni// lag gnyis yongs su grub par byed// brtson 'grus dang ni bzod pa yis// nu ma gnyis ni grub par byed// shes rab pha rol phyin pas ni// spyi gtsug mtshan nyid rab tu byed// mdo sde dag gis skud byas nas// so sor rig bzhi 'phreng bar brgyus// sngon ni mngon par bsgrubs pa yi/ / yon tan rnam pa sna tshogs dang // dpe ni tshad med ji snyed pa// thams cad rab tu brgyan ces zer// gzungs sngags gang yin 'di dag ni// yon tan tshad med phun tshogs pas// mig gi sngon dang phyi mtha' dang // zad dang mi zad mtha' dag dang // skye ba dang ni mi skye dang // mtha' dang mtha' min gang yin dang // dben pa dang ni mi dbyen dang // 'jug pa dang ni 'jug min dang // ci yang med dang mi 'byung dang // nyer zhi dang ni bdag med dang // gang zag med dang srog med dang // sems can med pa'i bar dag dang // 'di la sogs pa'i tshad med sgo// thams cad rab tu rtogs
- 365b
par 'gyur/ / rna ba sA lce lus dang yid// yul drug dang ni 'byung chen bzhi// 'jig rten skye ba'i ming bar du// thams cad de bzhin sbyar zhes zer// gong du bsngags pa brjod pa yi// gzungs mchog dab pa gang yin pa/ / rab dben yon tan mchog ldan zhing // sangs rgyas spyod yul yin pas na// gzungs don yang dag gang yin pa// yi ges brjod bya ma yin yang // 'jig rten pa yi rjes su yang // bta/ pa'i ming gis brjod pa yin// de nas bcom ldan 'das 'khor mang po dang thabs cig tu zla 'od gzhon nu'i khyim du byon pa dang / gdan bshams pa la rab tu bzhugs so// de'i z la 'od gzhon nur gyur pas bcom ldan 'das ga ngan la bzhugs par rig nas/ bdag nyid mchod pa'i yo byad mchog dam pa thogs nas/ de bzhin gshegs pa dang 'khor 'dus pa chen po rnams la rab tu phul te/ mchod pa de'ang bsam gtan dang / ting nge 'dzin dang / bsam gtan gyi yon tan khyad par du 'phags pa'i dge ba'i rtsa ba dang / bsam gyis mi khyab pa'i mthu las mngon par grub pa sha stag go/ / de ltar mchod pa phul ba'ang bdag 'ba' zhig gi phyir ma yin gyi/ sems can tshad med pa thams cad bla na med pa'i byang chub la gzhol zhing phan yon chen po 'thob par bya ba'i phyir mchod cing phul bas na/ mchod pa des kun tu khyab cing thams cad rab tu tshim par gyur to// de nas bcom ldan 'das gdugs tshod gsol ba'i 'og tu 'khor 'dus pa mang po'i mdun du
- 366a
zla 'od gzhon nur gyur pa la 'di skad ces bka' stsal to/ / gzhon du rigs kyi bu 'am/ rigs kyi bu mo gang la la zhig theg pa chen po la gnas nas/ sbyin pa'i tshig mngon par sgrub par byed na/ yon tan khyad par du 'phags pa rnam pa brgyad cu dang ldan par 'gyur ro// rnam pa brgyad cu gang zhe na/ 'di lta ste/ sems can yongs su smin par byed cing tshig snyan pas yongs su sdud par byed pa dang / mtshan gya nom pa yongs su rdzogs pa dang / dbang po rnams ma tshang ba med pa dang / 'khor ba spangs nas mya ngan las 'das pa mngon du byed pa dang / nyon mongs pa rnams zad nas dbang phyug mchog 'thob pa dang / yon tan phun sum tshogs shing sangs rgyas kyi zhing rab tu brgyan pa dang / 'khor rnam par dag pa dang / gzi byin chen po dang ldan pa dang / shes rab phun sum tshogs pa dang / spyod pa khyad par du 'phags pa mchog mngon par sgrub pa dang / spyod pa bla na med cing mtshungs pa med pa yongs su rdzogs pa dang / bag chags yang dag par bcom nas de bzhin gshegs pa'i thams cad mkhyen pa'i spyod pa 'phel bar byed pa dang / sku dang ring bsrel 'jig rten thams cad dang / nyan thos dang / rang sangs rgyas rnams kyis mchod par 'gyur ba dang / ma rungs pa rnams rab tu btul bas mi'i rgyal po dang / lha dang / klu dang / gnod sbyin dang / lha ma yin dang / nam mkha' ling gi rgyal po dang / tshangs
- 366b
pa'i rgyal po rnams yongs su dang bskye bar 'gyur ba dang / mthu chen po dang ldan pa dang / mdo'i sde dang / tshigs su bcang ba dang / lung du bstan pa dang / ched du brjod pa dang / dbyangs kyis bsnyad pa dang / rtogs pa brjod pa dang / gleng gzhi dang / de lta bu byung ba dang / skyes pa'i rabs dang / shin du rgyas pa dang / rmad du byung ba dang / gtan pa phab par bstan pa'i sde'i bar du le pa dang / 'dzin pa dang / yang dag par ston par 'gyur ba dang / sems la le lo med pa dang / chos la ser sna med pa dang / sangs rgyas kyi lam la yang dag par gnas pa dang / 'jig rten na mchog tu gyur cing ming dang gzugs yongs su dag par 'gyur ba dang / chos kyi sku mngon du byed par 'gyur ba dang / mi 'jigs pa 'thob par 'gyur ba dang / bsod nams phun sum tshogs par 'gyur ba dang / mu stegs can rnams zil gyis gnon pa dang / skyes bu dam pa'i chos phun sum tshogs pa dang / sdig pa can gyi spyod pa spong bar 'gyur ba dang / bsod nams dang ye shes kyi rgyu la mngon par yid ches pa dang / sangs rgyas kyi chos kyi sdu mas byed pa dang / bdud mang po pham par byed pa dang / sangs rgyas kyi sa gsungs pa'i chos bden pa dag la the tshom dang nem nur med pa dang / 'dod pa ngan pa rnams rab tu bcom pa dang / gzi byin chen po dang ldan pa dang / byang chub sems dpa'i spyod pa mngon par bsgrubs pas rdzu 'phrul khyad par du 'phags pa 'thob par 'gyur ba
- 367a
dang / skye shi spong bar 'gyur ba dang / sems can yongs su smin par byed pa dang / spyod pa dpag tu med pa'i bsngags pa brjod pa dang / yon tan rnams yongs su sdud par 'gyur ba dang / sems can rnams la spro ba bskyed pa dang / chos kyi dga' ba la yongs su spyod par 'gyur ba dang / sbyin pa gtong ba mngon par bsgrub par 'gyur ba dang / ye shes chen po'i sgor 'jug par 'gyur ba dang / dro bar gyur pa'i chos la gnas par 'gyur ba dang // rigs nges pa nyid du 'gyur ba dang / chos kyi bzod pa bsgrub par 'gyur ba dang / sangs rgyas kyi lam la bde bar gnas pa gang yin pa'o/ / gzhon nu rigs kyi bu 'am/ rigs kyi bu mo gang la la zhig sbyin pa'i tshogs mngon par sgrub par bye da na/ yon tan khyad par du 'phags pa rnam pa brgyad cu po 'di dag phu na sum tshogs shing yongs su rdzogs par 'gyur ro/ / de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' blo chen gang // sbyin pa'i tshogs dang ldan pa la/ phan yon mchog ni brgyad cu yod// ngas mdor bsdus te bstan pa yin// gzhan yang dpag med bsam dka' yi// yon tan dag ni gang yin pa// thams cad sbyin pa las skye ste// deng 'dir cung zad bstan par bya/ / khyod kyis 'khor 'dus mang po la// mnyam pa'i sems kyis gang mchod pa// sbyin pa'i tshogs ni de dag la// mkhas pa rnams kyis bsgrub par bya// sbyin pa 'di yis bsagras
- 367b
pa yi/ / bsod nams phung po bsam mi khyab// mtshan dang dpe byad lus brgyan pa// thams cad yongs su rdzogs par 'gyur// skye gnas dang ni rus rigs dang // yul rnams dang ni khyim dag dang // grags pa dang ni gzugs dang sems// thams cad yongs su dag par 'gyur// lha rnams rdzu 'phrul dngos po dag/ gzhal med khang dang lha mo dang // rnam dag thogs med spobs pa yang // sbyin ba las ni byung ba yin/ / sbyin pa'i tshogs mchog gang yin pa// sangs rgyas rnams kyis 'di skad du// 'di ni dang por byang chub rnams// gnas pa'i gzhi zhes bsngags par mdzad// byang chub sems dpa' brtson 'grus can/ / sbyin la the tshom med pa dag/ nges pa'i sems la rab gnas nas// sbyin pa nan tan sgrub par gyis// sbyin pa'i sems ni gang dag gis// bsod nams mchog ni rdzogs byed pa/ / byang chub sems dpas sgrub byed na// sangs rgyas byang chub 'thob par 'gyur// sbyin pa'i mthu yi stobs kyis ni// rdzu 'phrul mchog ni rdzogs byed pas// zhing ni bye ba bskul byas kyang / / sems can rnams la gnod mi 'gyur// sbyin pa btang ba'i dbang gis na// rnam dge tshul khrims mang thos dang // yang dag yid ches brtson 'grus dang // ting 'dzin zag med shes rab 'dren/ / sbyin pa btang ba'i dbang gis na// dbang po stobs dang yan lag dang // yang dag spong dang rdzu 'phrul rkang // bag chags spong ba 'dren par byed// sbyin pa btang ba'i dbang gis
- 368a
na/ rnam dag sgra snyan dag gis ni// zhing ni bye ba brgya phrag tu// dpag med chos ston 'dren par byed// yongs su dang bas sbyin btang bas// rdzu 'phrul rnams ni yongs su 'thob/ / rdzu 'phrul yongs su rdzogs bya'i phyir// nan tan sbyin pa btang bar gyis// lha mi mang po tshad med rnams// lha ma yin dang klu rnams dang // gnod sbyin brgya stong mang po dang // 'khor rnams kyis ni yongs bskor nas/ / gzhal med khang mchog rab bzhugs te// rang dbang dag gis rtse byed pa// 'di la sogs pa'i rgyal po rnams// sbyin la brtson pa mthong gyur na// thams cad langs nas bsu nas ni/ / stan bting mchod pa dag kyang byed// sbyin gtong gang zag gang yin pa// gzi byin chen po phun tshogs shing // rdzu 'phrul stobs la dbang thob pas// lha rgyal rnams ni sdud par byed/ gru la bu ma dang ni gnod sbyin rnams// thams cad skyabs su 'gro bar 'gyur// dri za 'khor bcas rnams kyis kyang // rol mo dag gis mchod par byed// chom rkun dag gis byams/ sems skyed// ma rungs pa rnams ring du 'gro// nor rnams nyams par mi 'gyur te// bang mdzod dag ni gang bar 'gyur// sbyin pa yongs su btang ba'i phyir// tshogs mchog dag ni rdzogs par 'gyur/ / sangs rgyas ye shes thug bar du// mu stegs chos ni spyod mi byed// de la na ba yong med de// gzugs rnams yongs su srung bar byed// khyad par 'phags pa'i stobs rnams kyang // sbyin pa
- 368b
las ni byung ba yin/ / de ltar sbyin pa gang gtong ba// byang chub la ma ni sgrub par byed// mi dge ba shes gnyen phrang mi 'gyur// spyod 'thun grogs po 'thob par 'gyur// gzhan yang byang chub sems dpa' rnams/ / sbyin pa'i tsho gas ni sogs byed pa// bsam gyis mi khyab gzungs dag dang // shes rab yongs su rdzogs byed pas// tshigs su bcad pa tshad med kyis// kun 'dzin yang ngag ston par byed/ / thams cad la ni thogs med pas// ngo bo nyid don stor mi 'gyur// byang chub sems ni rgya che la// mos pa'i sems ni brtan par 'gyur// tshul khrims dag pa phun tshogs shing / / bdud kyi las rnams spong bar byed// 'dod pa lnga la zhen med cing // rtse gcig yang dag dran pa tshol// sems la rtag tu rmongs med pas// 'dod pa dag la srid mi skyed// zhe sdang nyon mongs gang yin pa/ / yang dag ji bzhin rab tu rtogs// spyod yul dag ni thams cad la// zhen pa med cing rmongs pa med// gang zag des ni nyon mongs rnams// legs pa nyid du rtogs par 'gyur/ / rgyu dang rkyen ni 'dus pa las// nyes dmigs rnams ni skye ba nas// sangs rgyas chos kyi bar dag gis// rgyu dang rgyu yi rgyu nyid dang // de bzhin rgyu yi bya ba rnams// thams cad rab tu rtogs par 'gyur// des ni mig zang mtha' yi rgyu// gang yin rab tu rtogs pas na// rmongs pa rnams ni yongs spangs nis// mig la mngon par zhon mi 'gyur//
- 369a
des ni mig gi skye mtha' dang // mthu' dang rab tu dben pa dang // 'jug pa dang ni med pa dang // mi skye ba nas nyer ni'i bar// 'di la sogs pa'i rgyu nyid kyang / / rab tu rtogs par gyur pas na// rmongs pa rnams ni yongs spangs nas// mig la mngon par zhen mi 'gyur// des ni mig gi sngon mtha' yi// brjod pa 'jig rten rjes su ni/ / btags pa yin pas de la ni// yang dag ci yang med par rtogs// des ni mig gi phyi mtha' yi// brjod pa 'jig rten rjes su ni// btags pa yin pas de la ni// yang dag ci yang med par rtogs// des ni mig gi skye mtha' dang // mtha' dang rab dben 'jug pa dang // ci yang med dang skye med nas// nye bar zhi ba'i bar dag dang // 'di la sogs pa'i brjod pa rnams/ / 'jig rten rjes su btags pas na// de la yang dag med par ni// rab tu rtogs par 'gyur ba yin// des ni mig gi sngon mtha' yi// brjod pa rgyu rkyen 'dus pa las/ / byung ba nyid du rtogs pas na// de la zhen pa ci yang med// des ni mig gi phyi mtha' yi// brjod pa rgyu rkyen 'dus pa las// byung ba nyid du rtogs pas na/ de la zhen pa ci yang med// des ni mig gi skye mtha' dang // mtha' dang rab dben 'jug pa dang // ci yang med dang skye med nas// nye bar zhi ba'i bar dag dang // 'di la
- 369b
sogs pa'i dge ba rnams/ / rgyu dang rkyen ni 'dus pa las// 'byung ba nyid du rtogs pas na// de la zhen pa ci yang med// des ni mig gi sngon mtha' yi// brjod pa rang bzhin bstan med par/ / rab tu rtogs par gyur pas na// de la zhen pa ci yang med// des ni mig gi byi mtha' yi// brjod pa rang bzhin bstan med par// rab tu rtogs par gyur pas na// de la zhen pa ci yang med/ / des ni mig gi skye mtha' dang // mtha' dang rab dben 'jug pa dang // ci yang med dang skye med nas// nye bar zhi ba'i bar dag dang // 'di la sogs pa'i brjod pa rnams/ / rang bzhin gyis ni bstan med par// rab tu rtogs par gyur pas na// de la zhen pa ci yang med// rna ba sna lce lus dang yid// yul drug dang ni 'byung chen bzhi/ / 'jig rten skye ba'i ming gi bar// thams cad de bzhin sbyar bar bya// des ni 'dod chags sangs rgyas lam// rang bzhin dbyer med min par ni// rab tu rtogs par gyur pas na/ / 'dod chags la ni zhen pa med// sangs rgyas lam no thams cad kun// nyon mongs las ni btsal bar bya// rang bzhin dbyer med rab shes na// kun 'dzin sgor ni zhugs pa yin/ / 'dod chags kun 'dzin yin pa dang // kun 'dzin 'dod chags yin ston cing // rang bzhin dbyer med rab shes na// kun 'dzin sgo ni slob pa yin//
- 370a
/ de bzhin 'dod chags gang mchod pa// de ni sangs rgyas mchod pa yin// sangs rgyas la ni mchod pa'i phyir// kun 'dzin sgo ni rdzogs par 'gyur// des ni zhe sngangs sa rgyas lam/ / rang bzhin dbyer med yin par ni// rab tu rtogs par gyur pas na// zhe sdang la ni zhen pa med// zhe sdang kun 'dzin yin pa dang // kun 'dzin zhe sdang yin ston cing // rang bzhin dbyer med rab shes na// kun 'dzin sgo ni slob pa yin// de bzhin zhe sdang gang mchod pa// de ni sangs rgyas mchod pa yin// sangs rgyas la ni mchod pa'i phyir// kun 'dzin sgro ni rdzogs par 'gyur/ / des ni gti mug sangs rgyas lam// rang bzhin dbyer med yin par ni// rab tu rtogs par gyur pas na// gti mug la ni zhen pa med// ga la te gti mug nyid kyi mtha'/ / yang dag ji bzhin rtogs gyur na// des ni sangs rgyas lam sgrub pas// kun 'dzin sgo ni rdzogs par 'gyur// gti mug kun 'dzin yin pa dang // kun 'dzin gti mug yin ston cing / / rang bzhin dbyer med rab shes nas// kun 'dzin sgo ni slob pa yin// de bzhin gti mug gang mchod pa// de ba sangs rgyas mchod pa yin// sangs rgyas la ni mchod pa'i phyir/ / kun 'dzin sgo ni rdzogs par 'gyur// de bzhin gti mug gang mchod pa'i// de ni chos la mchod pa yin// chos la mchod pa byas pa'i phyir// kun 'dzin sgo ni rdzogs par
- 370b
'gyur/ / de bzhin gti mug gang mchod pa// de ni dge 'dun mchod pa yin// dge 'dun la ni mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa/ / de ni tshul khrims mchod pa yin// tshul khrims la ni mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa/ brtson 'grus la ni mchod pa yin// brtson 'grus la ni mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// bsngags pa brjod cing mchod pa yin// bsngags pa brjod cing mchod pa'i phyir/ / kun 'dzin sgo ni rdzogs par 'gyur// de bzhin gti mug gang mchod pa// sangs rgyas chos la mchod pa yin// sangs rgyas chos la mchod pa'i phyir// kun 'dzin sgo/ ni rdzogs par 'gyur// de bzhin gti mug gang mchod pa// chos nyid la ni mchod pa yin// chos nyid la ni mchod pa'i phyir// kun 'dzin sgo ni rdzogs par byed// de bzhin gti mug gang mchod pa/ / de bzhin nyid la mchod pa yin// de bzhin nyid la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// skye ba med la mchod pa yin/ / skye ba med la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// 'gag pa med la mchod pa yin// 'gag pa med la mchod
- 371a
pa'i phyir/ / kun 'dzin sgo ni rdzogs par 'gyur// de bzhin gti mug gang mchod pa// zag pa med la mchod pa yin// zag pa med la mchod pa'i phyir/ kun 'dzin sgo ni rdzogs par 'gyur// de bzhin gti mug gang mchod pa// ci yang med la mchod pa yin// ci yang med la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// dpag tu med la mchod pa yin// dpag tu med la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// srid pa gsum la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// rab dben la ni mchod pa yin// rab dben la ni mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// 'khor bar 'jug la mchod pa yin// 'khor bar 'jug la mchod pa'i phyir// kun 'dzin sgo ni rdzogs par 'gyur/ / de bzhin gti mug gang mchod pa// 'jug pa med la mchod pa yin// 'jug pa med la mchod pa'i phyir// kun 'dzin sgro ni rdzogs par 'gyur// de bzhin gti mug gang mchod pa/ / yod pa min la mchod pa yin// yod pa min pa mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// byung ba med la
- 371b
mchod pa yin/ / byung ba med la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// nye bar zhi la mchod pa yin// nye bar zhi la mchod pa'i phyir/ kun 'dzin sgo ni rdzogs par 'gyur// de bzhin gti mug gang mchod pa// 'ong ba med la mchod pa yin// 'ong ba med la mchod pa'i phyir// kun 'dzin sgo ni rdzogs par 'gyur/ / de bzhin gti mug gang mchod pa// 'gro ba med la mchod pa yin// 'gro ba med la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa/ / 'dus byas la ni mchod pa yin// 'dus byas la ni mchod pa'i phyir// kun 'dzin sgo ni rdzogs par 'gyur// de bzhin ga ti mug gang mchod pa// sdug bsngal la sogs mchod pa yin/ / sdug bsngal la sogs mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// sdug bsngal shes la mchod pa yin/ / sdug bsngal shes la mchod pa'i phyir/ kun 'dzin sgo ni rdzogs par 'gyur// de bzhin gti mug gang mchod pa// kun 'byung shes la mchod pa yin// kun 'byung shes la mchod pa'i phyir/ / kun 'dzin sgo ni rdzogs par 'gyur// de bzhin gti mug gang mchod pa// 'gog pa shes la mchod pa yin// 'gog pashes la mchod pa'i phyir//
- 372a
kun 'dzin sgron rdzogs par 'gyur// de bzhin gti mug gang mchod pa// lam shes la ni mchod pa yin// lam shes la ni mchod pa'i phyir// kun 'dzin sgo ni rdzogs par 'gyur/ / de bzhin gti mug gang mchod pa// chos shes la ni mchod pa yin// chos shes la ni mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa/ / rjes la shes la mchod pa yin// rjes la shes la mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// skye me da ye shes mchod pa yin// skye med ye shes mchod pa'i phyir// kun 'dzin sgo ni rdzogs par 'gyur// de bzhin gti mug gang mchod pa// zad pa'i ye shes mchod pa yin// zed pa'i ye shes mchod pa'i phyir// kun 'dzin sgo ni rdzogs par 'gyur// de bzhin yang dag spong ba dang // dran pa nyer gzhag rdzu 'phrul rkang // dbang po lnga dang stobs lnga dang / byang chub yan lag bdun po dang // yan lag brgyad pa'i lam dag dang // zhi gnas lhag mthong la sogs pa// chos ni rnam pa dgu po rnams// thams cad de bzhin sbyar bar bya// de nas bcom ldan 'das kyis/ zla 'od gzhon nur gyur pa la bka' stsal pa/ rigs kyi bu sems can gang la la zhig theg pa chen po la gnas nas/ gong du ji skad bstan pa'o
- 372b
gzungs mngon par 'grub par 'dod pas/ gang zag rnam pa brgyad cu yongs su spang bar bya'o// rnam pa brgyad cu gang zhe na/ 'di lta ste/ pha bsad ba dang / ma bsad pa dang / dgra bcom pa bsad pa dang / gnod sems kyis de bzhin gshegs pa'i sku mtshal phyung ba dang / dge 'dun 'thun pa bshig pa dang / rkun bur rab tu byung ba dang / dbang po ma tshang ba dang // dbang po gnyis dang ldan pa dang / log par lta ba dang / log par sems pa dang / log par smra ba dang / log pa'i las can dang / log par 'tsho ba dang / log par brtson pa dang / log pa'i dran pa can dang / log pa'i ting nge 'dzin la gnas pa dang / gnas mi shes pa dang / dus mi shes pa dang / tshod mi shes pa dang / lam mi shes pa dang / tshad mi shes pa dang / rabadag dang gzhan mi shes pa dang / sangs rgyas dang / chos dang / dge 'dun dang / bslab pa'i gnas rnams la gus pa med pa dang / bag yod pa dang spyod yul khyad par du 'phags pa dag la btsun par mi 'dzin pa dang / chos mi shes pa dang / 'dul ba mi shes pa dang / bslab pa'i gnas mi shes pa dang / kha na ma tho ba lci ba dang yang ba mi shes pa dang / tshul khrims nyams pa dang ral ba mi shes pa dang / gzhan yang spyod pa shin tu phra ba dang rags pa mi shes pa dang / las ma 'ongs pa dang da ltar byung ba mi shes pa dang / dngos po dman pa rnams
- 373a
mi shes pa dang / nyan thos kyi theg pa'i bsngags pa brjod cing de bzhin gshegs pa'i chos la skur ba 'debs pa dang / rang sangs rgyas kyi theg pa bsgrub par bskul bdang / bla na med pa'i lam yang dag pa la skyo zhing spong bar byed pa dang / tshul khrims nyams pa dang / lta ba nyams pa dang / spyod lam nyams pa dang / lam ma yin pa spyod pa dang // bdag yod par smra ba dang / sems can yod par smra ba dang / srog yod par smra ba dang / gang zag yod par smra ba dang / bsam pa shin tu dman zhing 'dod chags dang / zhe sdang dang / gti mug skyed par byed pa dang / chad par lta ba dang / rtag par lta ba dang / stong zhing rgyu med par lta ba dang / yod pa mi mthong ba dang / med pa mi mthong ba dang / las mi mthong ba dang / brtson 'grus mi mthong ba dang / las mi shes pa dang / las kyi rgyu mi shes pa dang / rnam par smin pa mi shes pa dang / rnam par smin pa'i rgyu mi shes pa dang / dbang po rnams mi shes pa dang / dbang po rnams kyi rgyu mi shes pa dang / khams mi shes pa dang / khams kyi rgyu mi shes pa dang / rnam par grol ba mi shes pa dang / rnam par grol ba'i rgyu mi shes pa dang / lam mi shes pa dang / lam gyi rgyu mi shes pa dang / nyon mong/ pa mi shes pa dang / nyon mongs pa'i rgyu mi shes pa dang / gtong ba mi shes pa dang / gtong ba'i rgyu mi shes pa dang / sngon gyi mtha' dang phyi ma'i mtha' mi shes pa dang / sngon gyi mtha' dang phyi ma'i mtha'
- 373b
mi rgyu mi shes pa dang / skye shA mi shes pa dang / skye shi'i rgyu mi shes pa dang / zag pa dang bcas pa mi shes pa dang / zag pa dang bcas pa'i rgyu mi shes pa dang / zad pa dang zad pa ma yin pa mi shes pa dang yod pa dang yod pa ma yin pa mi shes pa dang / mtha' dang mtha' ma yin pa mi shes pa dang / dben pa dang dben pa ma yin pa mi shes pa dang / 'jug pa dang 'jug pa ma yin pa mi shes pa dang / ngo bopo nyid dang ngo bo nyid ma yin pa mi shes pa dang / skye ba dang skye ba ma yin pa mi shes pa dang / 'gog pa dang 'gog pa ma yin pa mi shes pa gang yin pa ste/ gzhon nu rigs kyi bu 'am/ rigs kyi bu gang la la zhig gong du ji skad bstan pa'i gzungs mngon par bsgrub par 'dod pas chos ma yin pa spyod pa'i gang zag brgyad cu po 'di dag yongs su spang bar bya'o/ / de nas bcom ldan 'das kyis yang tshigs su bcad de bka' stsal pa/ gang zhig mig gi skye mtha' dang // zad mtha' dag ni mi rtogs pa// de ni kun 'dzin la rmongs pas// mkhas pas yongs su spang bar bya// gang zhig mig la bdag med dang // sems can med par rtogs gyur pa// de ni kun 'dzin la gnas pas// mkhas pas yongs su bsten par bya// gang zhig mig ni skye zad dang // yi ge spangs/ par rtogs gyur pa// de ni kun 'dzin la gnas pas// mkhas pas yongs su bsten par bya// gang zhig mig ni dben pa dang // gnas pa med par rtogs gyur pa// de ni kun 'dzin la gnas
- 374a
pas/ / mkhas pas yongs su bsten par bya// gang zhig mig gi rang bzhin nyid// gnas pa med par rtogs gyur pa// de ni kun 'dzin la gnas pas// mkhas pas yongs su bsten par bya/ / gang zhig mig la 'jug med dang // gzugs la tshan nyid med rtogs pa// de ni kun 'dzin la gnas pas// mkhas pas yongs su bsten par bya// gang zhig mig la skye med dang rang bzhin zhi bar rtogs gyur pa/ / de ni kun 'dzin la gnas pas// mkhas pas yongs su bsten par bya// gang zhig mig gi rang bzhin gyis// mig gi mtshan nyid spangs pas na// sangs rgyas rnams kyi bsngags pa dang // bstan du med par rtogs gyur pa// de ni kun 'dzin la gnas pas// mkhas pas yongs su bsten par bya// gang zhig mig gi rang bzhin gyis// mig gi mtshan/ nyid spangs pas na// su yang sems shing 'dzin pa dang // bshad du med par rtogs gyur pa// de ni kun 'dzin la gnas pas// mkhas pas yongs su bsten par bya// de bzhin gzungs kyi ngo bo nyid// yi ge brjod/ bya ma yin pas// phyogs kyang yod pa ma yin la// sems kyis kyang ni phyin mi 'gyur// chos de la ni dga' ba med// zhe sdang la yang gnas pa min// ri rgyal bzhin du mi g.yo bas// rjod par byed kyang dmigs su med kun 'dzin yang dag yod ma yin/ / bdag kyang yod pa ma yin te// gal te bdag gi rang bzhin stong // kun 'dzin yang ni yod mi 'gyur// kun 'dzin rang bzhin stong yin na// byis pas yod par rab tu
- 374b
brtags/ / yang dag ma yin btags pas na// ma thos par yang mya ngan skyed// gang zhig 'dod dang kun 'dzin dag/ stong pa nyid du rnam rtog pa// rtog pa gnyis po de dag kyang // mthar ni gang yang dmigs mi 'gyur// gal te stong nyid stong rtogs na// kun 'dzin dag kyang yod mi 'gyur// byang chub yan lag par dag dang // ting 'dzin dag kyang ston pa yin// gang zhig kun 'dzin stong nyid dang // ting 'dzin dag gi bar dag kyang // rab tu rtogs par gyur na ni/ / mig kyang rab tu rtogs par 'gyur// gang zhig mig na zad pa'i mtha'// yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig ni skye ba'i mtha'/ / yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi mtha' yi rnams// yang dag ji bzhin rab rtogs na// kun 'dzin ni gang yin pa/ / mthar ni yongs su rdzogs par byed// gang zhig mig ni rab dben pa// yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi 'jug pa dag/ yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig ni yod min pa// yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed/ / gang zhig mig ni nyer zhi ba// yang dag ji bzhin rab rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig ni 'gyur ba yi// zad mtha'
- 375a
@/ yang dag bzhin rtogs na// kun 'dzin sgo gang yin pa// mam na yongs su rdzogs par byed// gang nig mig gi 'gyur ba yi// skye mtha' yang dag bzhin rtogs na// kun 'dzin na gang yin pa/ / mthar ni yongs su rdzogs par byed// gang zhig mig gi 'gyur ba yi// mtha' ni yang dag bzhin rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi/ 'gyur ba yi// rab dben yang dag bzhin rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi 'gyur ba yi// 'jug pa yang dag bzhin rtogs na// kun 'dzin sgo ni gang yin pa/ / mthar ni yongs su rdzogs par byed// gang zhig mig gi 'gyur ba yi// med pa yang dag bzhin rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi 'gyur ba dag/ skye med yang dag bzhin rtogs na// kun 'dzin sgo ni gang yin pa// mthar ni yongs su rdzogs par byed// gang zhig mig gi 'gyur ba yi// nyer zhi yang dag bzhin rtogs na// kun 'dzin sgo ni gang yin pa/ / mthar ni yongs su rdzogs par byed// rna ba sna lce lus dang yid// yul drug dang ni 'byung chen bzhi// 'jig rten skye ba'i ming gi bar// thams cad de bzhin sbyar bar bya// gang zhig mig gi sngon mtha' la/ / 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi yang mtha' la// 'gyur dang tha dad mtshan nyid med// len dang rnam
- 375b
rtog med gyur pa/ / kun 'dzin sgo la gnas pa yin// gang zhig mig gi skye mtha' la// 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi mtha' dag la/ / 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi nyer zhi la// 'gyur dang tha dad mtshan nyid med// len dang rnam rtog med gyur pa/ / kun 'dzin sgo la gnas pa yin// gang zhig mig gi 'jug pa la// 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi med pa la// 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi skye med la// 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// gang zhig mig gi nyer zhi la// 'gyur dang tha dad mtshan nyid med// len dang rnam rtog med gyur pa// kun 'dzin sgo la gnas pa yin// rna ba sna lce lus dang yid// yul drug dang ni 'byung chen bzhi/ / 'jig rten skye ba'i ming gi bar// thams cad de bzhin sbyar bar bya// 'dod sdang gti mug nga rgyal che// phrag dog g.yo sgyu ser sna dang // nyes dmigs dri ma zug rngu dang // chu bo dkar nag las rnams dang // skye ba med dang 'gag med dang // 'gro ba med dang 'ong med dang // mi g.yo tha dad mi 'gyur dang // byas min spyod pa ma yin dang // snang min mun pa ma yin dang // 'jug
- 376a
min chu bo spangs pa dang / / zag pa med dang gnas med dang // 'gro min mi 'gro ma yin dang // yi ge ma yin dmigs min dang // byung ba ma yin 'jug min dang // yang dag ma yin rnam rtog sogs/ / sgo ni drug cu rtsa gnyis rnams// so so'i don dang ci rigs par// thams cad de bzhin sbyar bar bya// gang zhig mig gi sngon mtha' yi// rab dang mtha' ma'i bar shes shing / len dang rnam rtog med gyur pa// kun 'dzin sgo la gnas pa yin// gang zhig mig gi zad mtha' yi// rab dang mtha' ma'i bar shes shing // len dang rnam rtog med gyur pa// kun 'dzin sgo la gnas pa yin/ / gang zhig mig gi skye mtha' yi// rab dang mtha' ma'i bar shes shing // len dang rnam rtog med gyur pa// kun 'dzin sgo la gnas pa yin// gang zhig mig gi mtha' dag gi/ rab dang mtha' ma'i bar shre shing / len dang rnam rtog med gyur pa// kun 'dzin sgo la gnas pa yin// gang zhig mig ni rab dben pa'i// rab dang mtha' ma'i bar shes shing // len dang rnam rtog med gyur pa// kun 'dzin sgo la gnas pa yin// gang zhig mig gi 'jug pa yi/ / rab dang mtha' ma'i bar shes shing // len dang rnam rtog med gyur pa// kun 'dzin sgo la gnas pa yin// gang zhig mig ni med pa yi// rab dang mtha' ma'i bar shes shing // len dang rnam rtog med gyur pa/ / kun 'dzin sgo la gnas pa yin// gang zhig mig ni mi skye yi// rab dang mtha' ma'i bar shes shing // len dang rnam rtog med gyur pa// kun 'dzin sgo la gnas pa yin// gang zhig mig ni nyer zhi ba'i// rab
- 376b
dang mtha' ma'i bar shes shing / / len dang rnam rtog med gyur pa// kun 'dzin sgo la gnas pa yin// rna ba sna lce lus dang yid// yul drug dang ni 'byung chen bzhi// 'jig rten skye ba'i ming gi bar// thams cad de bzhin sbyar bar bya/ / sa la gyur pa med pa yin// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// sa ni mo skye 'du shes shing // len dang rnam rtog med par ni// de ltar gang zhig rtogs gyur pa/ / kun 'dzin sgo ni rdzogs par byed// sa ni 'gag med 'du shes shing // len dang rnam rtog med par ni// de ltar gang zhig rtog gyur pa// kun 'dzin sgo ni rdzogs par byed// sa la 'jug par 'du shes shing / / len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// sa la nges 'byung 'du shes shing // len dang rnam rtog med par ni// de ltar gang zhig rtog gyur pa/ / kun 'dzin sgo ni rdzogs par byed// sa la smon med 'du shes shing // len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// sa la gnas med 'du shes shing / / 'gro ba med dang 'ong med dang // mtha' med dang ni zad med dang // mtshungs par ldan dang mtshungs min ldan// ming dang yi ge'i brtags bral dang // so sor brtags dang 'jug pa dang / gnyen po mi mthun phyogs med dang // brjod du med cing bstan med dang // rab dben gnas pa med pa dang // dran pa nyer gzhag yang dag spong // rdzu 'phrul rkang dang dbang po stobs// byang chub yan lag mi
- 377a
'jigs lam/ / de ltar sa yi chos rnams la// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// gal te bdag la 'jug med pas// / len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// gal te bdag la 'byung med pas// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed/ / gal te bdag la mtshan med pas// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// gal te bdag la smon med pas// len dang rnam rtog med par ni/ / de ltar gang zhig rtogs gyur pa// kun 'dzin sgo ni rdzogs par byed// gal te bdag la gnas med pas// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed/ / gal te bdag la skye med pas// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// gal te bdag la 'gag med pas// len dang rnam rtog med par ni// de ltar gang zhig rtogs gyur pa/ / kun 'dzin sgo ni rdzogs par byed// gal te bdag la yig med pas// len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// gal te bdag ni yig bral bas/ / len dang rnam rtog med par ni// de ltar gang zhig rtogs gyur pa// kun 'dzin sgo ni rdzogs par byed// mig gi sngon dang phyi mtha' dag/ rtag chad dag ni spangs pa dang // rgyu rkyen rang bzhin ston
- 377b
par ni/ / 'dren pas thabs kyis bstan rig byos// gal te chos ni ston pa'i tshe// mig gi mtshan nyid rtog byed na// de ni mi bden rtogs yin pas// yang dag chos bstan zhes mi bya// gal te chos ni sems pa'i tshe/ mig gi mtshan nyid rtog byed na// de ni mi bden rtog yin pas// chos sems pa zhes mi bya'o// gal te chos ni sgom pa'i tshe// mig gi mtshan nyid rtog byed na// de ni mi bden rtog yin pas// chos sgom pa zhes mi bya'o/ / gang zhig mig gi stong nyid rtogs// byang chub gzhol bar mi byed na// sangs rgyas gang zag de dag la// rtag tu mngon sum chos ston mdzad// gal te mig ni ma rtogs na// gzugs kyang rtogs/ par mi 'gyur la// gal te mig ni rtogs gyur na// gzugs kyang rab tu rtogs par 'gyur// gal te mig ni rtogs gyur na// gzugs kyang rab tu rtogs gyur la// gal te gzugs ni rtogs gyur na// mig kyang rab tu rtogs par gyur/ / rna ba sna lce lus dang yid// yul drug dang ni 'byung chen bzhi// 'jig rten skye ba'i ming gi bar// thams cad de bzhin sbyar bar bya// gal te chos ni ston pa'i tshe// rgyu yi mtshan nyid rtog byed na/ / de ni mi bden rtog yin pas// chos ston pa zhes mi bya'o// gal te chos ni ston pa'i tshe// rab dben mtshan nyid rtog byed na// de ni mi bden rtog yin pas// chos ston pa zhes mi bya'o// gal te chos ni ston pa'i tshe/ / lam gyi mtshan nyid rtog byed na// de ni mi bden rtog yin pas// chos ston pa zhes mi bya'o// gal te chos ni ston pa'i tshe// stong pa'i mtshan nyid rtog byed na// de ni mi bden rtog yin pas//
- 378a
chos ston pa zhes mi bya'o// gal te chos ni ston pa'i tshe// bsags pa dag tu rtog byed na// de ni mi bden rtog yin pas// chos ston pa zhes mi bya'o// gal/ te chos ni ston pa'i tshe// rdzas kyi dngos por rtogs byed na// de ni mi bden rtog yin pas// chos ston pa zhes mi bya'o// gal te chos ni ston pa'i tshe// mig gi 'dzin par rtog byed na// de ni mi bden rtog yin pas/ / chos ston pa zhes mi bya'o// mig ni shes par ma gyur na// 'dod chags dag ni skye bar 'gyur// gal te mig ni shes gyur na// 'dod chags dag ni skye mi 'gyur// rnab sna lce lus dang yid// yul drug dang ni 'byung chen bzhi// 'jig rten skye ba'i ming gi bar// thams cad de bzhin sbyar bar bya// gal te chos ni bstan pa'i tshe// khams ni sna tshogs rtog byed na/ / de ni mi bden rtogs yin pas// chos ston pa zhes mi bya'o// yi dam dag ni mi nyams shing // ngo bo nyid stong rtogs pa dang // ting 'dzin sgo rnams thob gyur pa// des ni chos legs ston par 'gyur/ / yi dam dag ni mi nyams shing // mig la rtogs pa spangs pa ni// rnam rtog med par gyur pa'i phyir// des ni chos legs ston par 'gyur// mig nyid stong par ma shes na/ / mig gi rang bzhin dag la rmongs// 'di ltar khong du ma chud phyir// des ni chos rnams bstan mi bya// gal te mig nyid stong shes na// mig gi rang bzhin
- 378b
shes par 'gyur/ / 'di ltar rab tu shes pa'i phyir// des ni chos rab bstan par bya// mig nyid stong par ma shes na// tshig gi rang bzhin dag la rmongs// 'di ltar khong du ma chud phyir/ dades ni chos rnams bstan mi bya// gal te mig nyid stong shes na// tshig gi rang bzhin shes par 'gyur// 'di ltar rab tu shes pa'i phyir// des ni chos rab bstan par bya// mig nyid stong par ma shes na// yi ge'i rang bzhin dag la rmongs// 'di ltar khong du ma chud phyir// des ni chos rnams bstan mi bya// gal te mig nyid stong shes na// yi ge'i rang bzhin shes par 'gyur/ / 'di ltar rab tu shes pa'i phyir// des ni chos rab bstan par bya// mig nyid stong par ma shes na// mig gi rang bzhin dag la rmongs// 'di ltar khong du ma chud phyir/ / des ni chos rnams bstan mi bya// gal te mig nyid stong shes na// mig gi rang bzhin shes par 'gyur// 'di ltar rab tu shes pa'i phyir// des ni chos rab bstan par bya/ mig nyid stong par ma shes na// gzugs kyi rang bzhin dag la rmongs// 'di ltar khong du ma chud phyir// des ni chos rnams bstan mi bya// gal te mig nyid stong shes na// gzugs kyi rang bzhin shes par 'gyur/ / 'di ltar rab tu shes pa'i phyir// des ni chos rab bstan par bya// mig nyid stong par ma shes na// 'jig rten mtshan gnas rtog byed pas// rjes su 'thun pa 'o/
- 379a
@##nar ni// sems can rnams ni gdul mi nus// mig gi yod med ma rtogs par// 'khor gyi nang du chos ston pa// de ni rnyed la gdubs na// thams cad yid ches len mi byed/ / mig gi yod med rtogs gyur na// 'khor gyi nang du chos ston pas// des ni mngon zhen med pas na// thams cad yid ches len par byed// mig ni stong par ma rtogs par// chos kyi stan la 'dug nas ni/ / dpe mang dag gis rab bstan kyang // thams cad yid ches len mi byed// gal te mig nyid stong shes na// chos kyi stan la 'dug nas ni// dpe rnams kyis ni ston byed na// thams cad yid ches len par byed/ / rna ba sna lce lus dang yid// yul drug dang ni 'byung chen ba'o// 'jig rten skye ba'i ming gi bar// thams cad de bzhin sbyar bar bya// bcom ldan 'das kyis/ de skad ces bka' stsal nas/ zla 'od gzhon nur gyur pa dang / lha dang / mi dang / lha ma yin dang / dri zar bcas pa'i 'jig rten 'khor 'dus pa chen po thams cad bcom ldan 'das kyis gsungs pa la mngon par bstod do/ / 'phags pa dkon mchog brtsegs pa chen po chos kyi rnam grangs le'u stong phrag brgya pa las/ 'od zer rab tu bkye ba'i le'u ste 'dus