Text

ff. 1b–415a · 828 folio sides

  1. 1b

    / rgya gar skad du/ Ar+ya ma hA rat+na ku Ta d+harma par+ya ya sha ta sa ha sri ke gran the tri sam / / ba ra nir de sha pa ri brta na ma ma hA yA na sU tra/ bod skad du/ 'phagasarna pa dkon mchog brtsegs pa chen

  2. 2a

    po'i chos kyi rnam grangs stong phrag brgya pa las/ sdom pa gsum bstan pa'i le'u zhes bya ba theg pa chen po'i mdo/ / bam po dang po// // sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la bzhugs te/ ri'i rgyal po bya

  3. 2b

    rgod kyi phung po de ni mtho ba/ zlum pa/ gnam 'bang dang rgyar yangs pa/ lo tog thams cad kyis 'dzin pa/ me tog dang / 'phreng ba dang / spos rnam pa sna tshogs dang ldan pa/ mi 'am ci dang / skyes bu 'am ci'i tshogs rnam par rgyu ba/ gnod sbyin dang / srin po dang / sha za rnam pa mang po gnas so// ri dgas kyi tshogs kyang rnam par rgyu ba la 'di lta ste/ seng ge dang / stag dang / glang po che dang / bse dang / dom dang / dred dang / gzig dang / ma he dang / sha bkra dang / bse kha sgo dang / ba glang kha zho sngon po dang / ba glang dang / sha ba dang / shan mar dang / spre'u'i tshogs rnam par rgyu ba'o// de na bya rnam pa mang

  4. 3a

    po brgya stong gnas pa 'di lta ste/ ne tso dang / ri skegs dang / khu byug dang / shang shang te'u dang / ngang pa dang / khrung khrung dang / rma bya dang / g+hu g+hu sta ka dang / ka Da ka dang / thing ril dang / yid 'ong ngang pa dang / gong ma sreg dang / e da nu ma ka ka d+he nu dang / d+han d+ha zhes bya ba dang / ka da ru ha dang / mor dang / ngur ba dang / bi ra ba ta dang / rdo rje mchog dang / ka ran da ba dang / dang skya dang / b+hug g+hu ha dang / nor skyong dang / sha ma dang / shi khan Di la dang / bya gag dang / phug ron dang / kag ka ba dang / ku ra da dang / bya rgod dang / bAn ta sha ka dang / tsad tsal/ dang gser bu dang / 'ol pa dang / khra dang / khra sems shes dang / 'ug pa dang / sreg pa dang / ka pin da ka dang / bde Ti ka dang / na ba tsa ti ka dang / kha ba tsa Ti ka dang / tsa ko ra dang / bya gag rgod dang / rgyags byed ri skeg dang / ka ta ma ka dang / ka tsa ru tsa ka dang / ka ra ru pe ka dang /

  5. 3b

    de dag la sogs pa bya'i tshogs rnams gnas te/ de dag kyang sangs rgyas kyi mthus/ 'dod chags kyi gnod pa med do// zhe sdang dang gti mug gi gnod pa med do// gcig la gcig mi za'o// de dag gcig la gcig pha mar 'du shes shing gnas so// yang ri'i rgyal po bya rgod kyi phung po de la shing gi tshogs brgya stong du ma yal ga sdug cing / ldo ma rgyas la 'dab na drang srong drang srong gnas pa dag yod pa la 'di lta ste/ thung shing dang / p+lag sha dang / a shwa tha dang / bi pi long gi shing dang / rgya skegs shing dang / ha ri ta dang / a ru ra'i shing dang / skyu ru ra'i shing dang / ba ru ra'i shing dang / sA la dang / ta la dang / nag ta mA la dang / dong ka'i shing dang / a mra dang / 'dzam bu'i shing dang / kham shing dang / ka bid tha dang / rgya shug gi shing dang / seng ldeng dang / ma du lung ka dang / bal po se'u shing dang / star ka'i shing dang / tin tu ka dang / kud tsa ka dang / ba ka dang / sa ra la dang / aM la dang / kru pa dang / n+ya gro d+ha dang / Di D+ha ni ma dang / 'bra go dang / kam bi la dang / pa la sha dang ni ya ma dang / ka ke ri ya dang / ning pi lo d+ha dang / pog dkar po'i shing dang / sra rtsi beg gi shing dang / shing kun shing dang / tsan dan dang / tsan dan dmar po dang / u pA da

  6. 4a

    dang / sa ka bi ka dang / kadz+ra dang / bi gi rdza dang / gser shing dang / banas dang / rgan shing dang / shing bal shI dang / ba rikaHdang / hi la ste/ dang bcas pa dag go/ yang ri'i rgyal po bya rgod kyi phung po de la thang las skyes pa'i me tog rnam pa mang po dag skyes pa 'di lta ste/ a ti mug ta ka dang / tsam pa ka dang / skya snar dang bar shi ka dang / sna ma'i me tog dang / dri mchog dang / a yu ti ka dang / da nu ska ri dang / bal la dang / ta ra Ni dang / ga ba ta ba ri Ni dang / kang sa gun dang / lug mig dang / ha rin+ti ka dang / mad ta li ka dang / man dzu pusmi ka ste/ me tog sna tshogs de lta bu dag gis ri'i rgyal po bya rgod kyi phung po gang zhing mdzes so// yang ri'i rgyal po bya rgod kyi phung po de la chu las skyes pa'i me tog rnam pa mang po de dag skye ba 'di lta ste/ ut+pal dang / pad+ma dang / ku mu ta dang / pad+ma dkar po dang / pad ka ni ri ti ka dang / kang ka ra ka dang / kang ka ra ka chen po ste/ de dag la sogs pa chu las skyes pa'i me tog rnams kyis ri'i rgyal po bya rgod kyi phung po mdzes par byas so// yang ri'i rgyal po bya rgod kyi phung po de la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char sprin lha'i bu mngon par bsgrags nas/ ba 'jos tsam gyi bar du yan lag brgyad dang ldan pa'i

  7. 4b

    char zim bu zim bu dal bu dal bus 'bab ste/ des ri'i rgyal po bya rgod kyi phung po'i khor yug tshim par byas nas/ tho rangs sprin lha gyes shing nam mkha' la sprin med par gyur nas/ der yang bsil zhing 'jam la sim par byed pa'i rlung ldang ste/ de dag gis ri'i rgyal po bya rgod kyi phung po la gnas pa'i sems can rnams rtas par byed/ sim par byed/ tshim par byed de/ 'di lta ste/ dper na me tog 'phreng rgyud dam/ me tog 'phreng rgyud kyi slob mas 'phreng ba brgyus zin nas chus btab pa dang / de'i 'phreng ba de dag sngar bas ches bzang bar gyur pa de bzhin du/ ri'i rgyal po bya rgod kyi phung po la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char sprin lha'i bus mngon par bsgrags nas/ ba 'jos tsam gyi bar du yan lag brgyad dang ldan pa'i char zim bu zim bu dal bu dal bus 'bab ste/ tho rangs skya rengs shar ba'i dus na sprin lha gyes shing nam mkha' la sprin med par gyur to/ / yang ri'i rgyal po bya rgod kyi phung po la rtswa gsar pa dag skyes te/ reg bzod pa dang ldan pa/ dri dang ldan pa/ sngo zhing 'jam pa/ g.yas phyogs su 'khyil ba dag skye ba 'di lta ste/ dper na rma bya'i mgrin pa'i spu'i kha dog bzhin no// 'di lta ste/ dper na bar sha ka'i me tog gi dri bzhin no// 'di lta ste/ dper na ka tse lin da'i gos la

  8. 5a

    reg pa bzhin te/ rkang mthil gzhag na ni sor bzhi nems shes byed pa/ rkang pa bteg na ni sor bzhis spar ces byed pa/ me tog dang / 'dab ma dang 'bras bu dang ldan pa/ blta bas chog mi shes pa dag go/ yang ri'i rgyal po bya rgod kyi phung po de la 'bab chu'i dang dang / mtsho bran dang / mtsho dang / mtshe'u dang / rdzing rnam pa mang po bsil ba'i chus rab tu gang ba dag yod de/ de dag las pad+ma sngon po dang / ser po dang / dmar po dang / dkar po dang / le brgan dang / shel gyi kha dog lta bu dang / me'i kha dog lta bu dang / gser gyi kha dog lta bu che khyad shing rta'i phang lo tsam dag skyes te/ de dag gcad na dri'i ngang phyogs bzhi kun tu dpag tshad tsam du ldang ngo // ri'i rgyal po de'i rtse mo la pad+ma'i gdan chen po an da rnyil gzhan gyis mi tshugs pa rdo rje lta bu'i chu ba can/ bai DUR+Ya chen pos mtha' bskor ba/ 'dzam bu'i chu bo'i gser dri ma med pa'i 'dab ma rgyas pa/ tsan dan dus kyi rjes su 'brang ba'i snying po rnam par dag pa/ rin po che'i rdo rje'i snying po'i ze ba dang ldan pa/ tshad rgya mtsho ltar yangs shing rgya che ba/ lha ma yin gyi dbang pos yas snying po kun tu bzung ba/ nor bu rin po che sa ya'i dra ba sna tshogs kyis g.yogs pa/ klu'i dbang po sa yas sprin las spos chu'i char phab pa/ nam mkha' lding gi dbang po sa yas kha nas dar dbyangs shing ri mo byas

  9. 5b

    pa/ mi 'am ci'i dbang po sa yas phan pa'i sems kyis bltas pa/ lto 'phye chen po'i dbang po sa yas gdong gis phyag 'tshal zhing ri mo byas pa/ dri za'i dbang po sa yas bstod cing / bsngags la mchod pa/ lha'i dbang po sa yas me tog dang / 'phreng ba dang / spos dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyi sprin gyi phab pa/ tshangs pa'i dbang po sa yas mgo bos phyag 'tshal zhing ri mo byas pa/ gnas gtsang ma'i ris kyi lha'i bu sa yas thal mo sbyar nas phyag byas pa/ mi'i dbang po 'khor los sgyur ba sa yas nor bu rin po che sna bdun dang ldan pas bsu ba/ rgya mtsho'i lha sa yas bsu zhing phyag byas pa/ nor bu rin po che skar mdog sa yas 'od zer gyis snang bar byas pa/ bsod nams kyis dag pa'i rin po che sa yas shin tu nges par mdzes par byas pa/ nor bu rin po che rnam par snang byed sa yas snying po dri ma med pa/ nor bu rin po che dpal gyi 'od zer sa yas dpal rab tu thal le ba/ nor bu rin po che'i mdzod sna tshogs sa yas mtha' yas par snang ba/ nor bu rin po che 'dzam bu'i rgyal mtshan sa yas legs par bzung bas brtan par gyur pa/ nor bu rin po che rdo rje'i seng ge sa yas gzhan gyis mi thub par bkod pa/ / nor bu rin po me nyi ma'i snying po sa yas rgya cher spras pa/ nor bu rin po che bsam gyis mi khyab pa sa yas kha dog sna tshogs

  10. 6a

    kyis ri mo byas pa/ yid bzhin gyi nor bu rin po che sa yas mi zad pa bkod pas ri mo byas pa byung ste/ pad+ma chen po de ni de bzhin gshegs pa'i 'jig rten las 'das paba'i dge ba'i rtsa ba las nges par byung ba/ byang chub sems dpa'i bsam pas mnos pa/ phyogs thams cad du mngon du go bar byed pa/ sgyu mar gyur pa'i chos las nges par byung ba/ dring ba med pa'i las las skyes pa/ nyon mongs pa med pa'i chos nyid kyi tshul bkod pa/ rmi lam lta bu'i chos nyid kyis kun tu rgyu ba/ mngon par 'du byed pa med pa'i chos nyid kyi rgyas btab pa/ chags pa med pa dang ldan pa/ phyogs kun tu chos kyi dbyings kyis khyab par byed pa/ sangs rgyas kyi yul rab tu brjod pa dang mthun pa ste/ de'i rnam pa dang / yon tan dang / dbyibs dang / kha dog dang / bkod pa'i mtha' ni bskal pa grangs med par yang rtogs par mi nus pa'i pad+ma chen po de la/ bcom ldan 'das skyil mo krung bcas nas bzhugs te/ 'di ltar dge slong brgyad stong gi dge slong gi dge 'dun chen po dang thabs cig pa la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa 'char kha dang / tshe dang ldan pa grags pa dang / tshe dang ldan pa gang po dang / tshe dang ldan pa dri ma med dang / tshe dang ldan pa pa glang bdag dang / tshe dang ldan pa lag bzangs dang / tshe dang ldan pa

  11. 6b

    ltesteng rgyas 'od srungs dang / tshe dang ldan pa chu klung 'od srungs dang / tshe dang ldan pa ga ya 'od srung dang / tshe dang ldan pa 'od srungs chen po dang / tshe dang ldan pa ka t+ya'i bu dang / tshe dang ldan pa shA ra dwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa ma 'gags pa dang / tshe dang ldan pa rab 'byor dang / tshe dang ldan pa nam gru dang / tshe dang ldan pa byams mami'i bu gang po dang / tshe dang ldan pa nye bar 'khor dang / tshe dang ldan pa sgra gcan zin dang / tshe dang ldan pa kun dga' bo la sogs pa dge slong brgyad stong thams cad kyang bden pa'i ngo bo nyid kyi tshul mngon par rdzogs par rtogs pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las brgal ba/ de bzhin nyid nam mkha' lta bu spyod yul ba kun tu sbyor ba dang bag la nyal gyi 'ching ba bcad pa/ gnas dang rten la ma chags pa/ nam mkha' ltar zhi ba la rnam par rgyu ba/ sangs rgyas la nem nur dang / yid gnyis dang / the tsom za ba bcad pa/ sangs rgyas kyi ye shes kyi rgya mtsho la mos pa'i lam du zhugs pa/ 'gro ba thams cad la phan pa'i phyir zhugs pa/ gsol ba ma btab par dge ba'i bshes gnyen byed pa/ sems can thams cad srung bar zhugs pa/ sems can thams cad yongs su mi gtong ba'i mdza' bshes su gyur pa/ sangs rgyas kyi bstan pa'i spyod yul las nges par byung ba/ de bzhin

  12. 7a

    gshegs pa'i bstan pa srung bar zhugs pa/ sangs rgyas kyi bstan pa kun tu 'dzin par smon lam btab pa/ de bzhin gshegs pa'i gdung rigs 'byung bar mngon du phyogs pa/ thams cad mkhyen pa'i ye shes mngon du gyur pa sha stag go// kun tu bzang po dang / byang chub sems dpa' 'phags pa byams pa la sogs pa byang chub sems dpa' brgyad stong dang thabs cig pa la 'di lta ste/ byang chub sems dpa' ye shes bla ma'i ye shes can dang / rin chen bla ma'i ye shes can dang / skad thams cad shes pa can dang / thogs pa med pa'i ye shes can dang / me tog bla ma'i ye shes can dang / nyi ma'i bla ma'i ye shes can dang / zla ba'i bla ma'i ye shes can dang / dri ma med pa'i bla ma'i ye shes can dang / rdo rje'i ye shes can dang rdul med ye shes can dang / byang chub sems dpa' rnam par snang ba'i ye shes can dang / byang chub sems dpa' snang ba'i rgyal mtshan dang / lhun po rgyal mtshan dang / rin chen rgyal mtshan dang / ma chags rgyal mtshan dang / me tog rgyal mtshan dang / dri med rgyal mtshan dang / nyi ma'i rgyal mtshan dang / mdzes pa'i rgyal mtshan dang / rdul med rgyal mtshan dang / byang chub sems dpa' rnam par snang ba'i rgyal mtshan dang / byang chub sems dpa' sa'i gzi brjid dang / rin po che'i gzi brjid dang / gzi brjid chen po dang / ye shes rdo rje'i gzi brjid dang

  13. 7b

    dri ma med pa'i gzi brjid dang / nyi ma'i gzi brjid dang / zla ba'i gzi brjid dang / bsod nams ri'i gzi brjid dang / ye shes snang ba'i gzi brjid dang / byang chub sems dpa' kun nas dpal gyi gzi brjid dang / byang chub sems dpa' nam mkha'i snying po dang / pad+ma'i snying po dang / rin po che'i snying po dang / nyi ma'i snying po dang / yon tan rnam par dag pa'i stong po dang / chos rgya mtsho'i snying po dang / rnam par snang ba'i snying po dang / lte ba'i snying po dang / byang chub sems dpa' pad+ma'i dpal gyi snying po dang / byang chub sems dpa' nyi ma'i mig dang / rnam par dag pa'i mig dang / dri ma med pa'i mig dang / ma chags pa'i mig dang / kun tu lta ba'i mig dang / ye shes shin tu rno ba'i mig dang / rdo rje'i mig dang / rin po che'i mig dang / nam mkha'i mig dang / byang chub sems dpa' kun nas mig dang / byang chub sems dpa' lha'i cod pan dang / chos kyi dbyings gnang ba'i nor bu'i cod pan dang / byang chub kyi snying po'i nor bu'i cod pan dang / phyogs rnam par snang ba'i cod pan dang / sangs rgyas thams cad byung ba'i snying po'i cod pan dang / 'jig rten thams cad las 'phags pa'i cod pan dang / kun nas rnam par snang ba'i cod pan dang / zil gyis mi non pa'i cod pan dang / de bzhin gshegs pa thams cad kyi seng ge'i gdan g.yogs pa'i cod par dang

  14. 8a

    byang chub sems dpa' nam mkha' lta bu'i chos kyi dbyings kun tu snang ba'i cod pan dang / byang chub sems dpa' tshangs pa'i dbang po'i gtsug pud dang / klu'i dbang po'i gtsug pud dang / sangs rgyas thams cad kyi sprul pa snang ba'i gtsug pud dang / byang chub kyi snying po'i gtsug pud dang / smon lam thams cad kyi rgya mtsho'i dbyangs kyi nor bu'i rgyal po'i gtsug pud dang / de bzhin gshegs pa thams cad kyi 'od kyi dkyil 'khor gyis 'grol ba'i nor bu rin po che rab tu bsgrags pa'i gtsug pud dang / nam mkha'i dkyil thams cad dbyer med pa rnam par rig pa'i nor bu rin po ches brgyan pa'i gtsug pud dang / de bzhin gshegs pa thams cad kyi rnam par sprul pa snang ba'i rgyal mtshan gyi nor bu rin po che'i dra bas g.yogs pa'i gtsug bud dang / de bzhin gshegs pa thams cad kyis chos kyi 'khor lo'i dbyings kyi gtsug pud dang / byang chub sems dpa' dus gsum thams cad kyi 'khor lo'i dbyings kyi gtsug pud ces bya ba dang / byang chub sems dpa' 'od chen dang / dri ma med pa'i 'od dang / rin po che'i 'od dang / rdul med 'od dang / skar ma'i 'od dang / chos kyi 'od dang / zhi ba'i 'od dang / nyi ma'i 'od dang / rnam par sprul pa'i 'od dang / byang chub sems dpa' lha'i 'od dang / byang chub sems dpa' bsod nams kyi tog dang / ye shes kyi tog dang / chos kyi tog dang / mngon

  15. 8b

    par shes pa'i tog dang / 'od kyi tog dang / me tog gi tog dang / nor bu'i tog dang / blo'i tog dang / tshangs pa'i tog dang / byang chub sems dpa' kun nas snang ba'i tog dang / byang chub sems dpa' tshangs pa'i dbyangs dang / rgya mtsho'i dbyangs dang / sa nges par sgrogs pa'i dbyangs dang / 'jig rten dbang po'i dbyangs dang / ri'i dbang po'i dbyangs dang / ri'i dbang po'i rgyal po kun tu rdo ba'i dbyangs dang / chos kyi dbyings rgyas par 'gengs pa'i dbyangs dang / chos kyi rgya mtsho thams cad bsgrags pa'i dbyangs dang / bdud kyi dkyil 'khor thams cad rab tu 'joms pa'i dbyangs dang / snying rje chen po'i tshul gyi 'brug nges par bsgrags pa'i dbyangs dang / byang chub sems dpa' 'gro ba thams cad kyi sdug bsngal rab tu zhi ba'i sgra dbyangs dang / byang chub sems dpa' chos 'phags dang / khyad par 'phags dang / ye shes 'phags dang / bsod nams ri rab 'phags dang / yon tan mchog rab 'phags dang grags pa 'phags dang / kun nas snang 'phags dang / byams pa chen po 'phags dang / ye shes snang ba 'phags dang / byang chub sems dpa' de bzhin gshegs pa'i gdung rigs 'phags dang / byang chub sems dpa' 'od dpal dang / mchog rab dpal dang / chos 'phags dpal dang / rnam par snang ba'i dpal dang / chos dpal dang / zla ba dpal dang / nam mkha'i

  16. 9a

    dpal dang / rin chen dpal dang / tog dpal dang / byang chub sems dpa' ye shes dpal dang / byang chub sems dpa' sA la'i dbang po'i rgyal po dang / chos kyi dbang po'i rgyal po dang / glang po che'i dbang po'i rgyal po dang / tshangs pa'i dbang po'i rgyal po dang / ri'i dbang po'i rgyal po dang / tshogs kyi dbang po'i rgyal po dang / lha'i dbang po'i rgyal po dang / zhi ba'i dbang po'i rgyal po dang / mi g.yo ba'i dbang po'i rgyal po dang / khyu mchog gi dbang po'i rgyal po dang / byang chub sems dpa' byang chub mchog gi dbang po'i rgyal po dang / byang chub sems dpa' zhi ba'i sgra dang / chags pa med pa'i sgra dang / sa'i dbyangs sgra dang / rgya mtsho'i dbyangs sgra dang / sprin gyi dbyangs sgra dang / chos snang ba'i sgra dang / nam mkha'i dbyangs sgra dang // byang chub sems dpa' dge ba'i rtsa ba thams cad nges par bsgrags pa'i sgra dang / sngon gyi smon lam gyis yang dag par bskul ba'i sgra dang / byang chub sems dpa' bdud kyi dkyil 'khor thams cad kyi dbyangs sgra dang / byang chub sems dpa' ye shes lhun po'i blo dang / nam mkha'i blo dang / dri ma med pa'i blo dang / chags pa med pa'i blo dang / sad pa'i blo dang / dus gsum snang ba'i blo dang / rin po che'i blo dang / yangs pa'i blo dang / kun nas snang ba'i blo dang / byang chub sems dpa' chos kyi dbyings kyi tshul snang ba'i blo la sogs pa byang chub sems dpa' brgyad stong pa thams

  17. 9b

    cad kyang kun tu bzang po'i spyod pa'i smon lam las nges par byung ba/ sangs rgyas kyi zhing thams cad rgyas par 'gengs pas spyod yul la thogs pa med pa/ de bzhin gshegs pa thams cad kyi thad du 'gro bas lus mtha' yas par byin gyis rlob pa/ sangs rgyas kyi rnam par sprul pa thams cad rnam par rig pas mtha' yas pa la dmigs pa'i mig gi dkyil 'khor rnam par dag pa de bzhin gshegs pa thams cad mngon par rdzogs par byang chub pa'i sgor 'gro ba rgyun mi gcod pas 'gro ba tshad med pa/ chos rgya mtsho thams cad kyi tshul shes pa'i snang ba mtha' yas pa/ so so yang dag par rig pa rnam par dag pas bskal pa mtha' yas par yon tan mi zad par ston pa/ ye shes kyi spyod yul rnam par dag pas nam mkha'i khams kyis klas pa/ bsam pa ji lta ba bzhin du 'gro ba'i lus gzugs kun tu ston pas gnas pa med do/ / sems can med pa dang ldan pa'i dbyings yongs su shes pas rab rib med pa/ chos kyi dbyings thams cad 'od zer gyi dra bas rgyas par 'gengs pas shes rab nam mkha' lta bu sems shin tu zhi zhing rab tu zhi ba/ gzungs kyi rigs thams cad shes pa'i yul dang ldan pa/ ting nge 'dzin gyis pha rol gnon pa la 'jigs pa med pa/ chos kyi dbyings gnas pa'i mthar thug pa'i mig can/ chos thams cad mi dmigs par gnas pa thob pa/ shes rab rgya mchi mtha' yas pas rnam par rgyu ba/ ye shes dam pa'i pha rol tu son pa/ sa

  18. 10a

    rab kyi pha rol tu phyin pa thob pa/ rdzu 'phrul gyi pha rol tu phyin pas 'gro ba mchog thams cad kyi pha rol tu son pa/ ting nge 'dzin mchog la dbang thob pa sha stag go/ dge slong ma lnga brgya dang yang thabs cig pa la 'di lta ste/ go'u ta mi skye dgu'i bdag mo chen mo dang / dge slong ma bde ma dang / dge slong ma ut+pa la'i mdog dang / dge slong ma go'u ta mi skem mo dang / sgra gcan zin gyi ma dge slong ma grags 'dzin ma la sogs pa dge slong ma lnga brgya dang thabs cig go/ dge bsnyen lnga brgya tsam dang yang thabs cig pa la 'di lta ste/ dge bsnyen gzi brjid bzang po dang / sa'i gzi brjid dang / shes rab 'od dang / grags pa'i gzi brjid dang / grags pa mchog gi gzi brjid dang / blo gros bzang po dang / zla ba'i dpal dang / zla ba dga' dang / cher dga' dang / sgra gcan bzang dang / cher bzang la sogs pa dge bsnyen lnga brgya dang yang thabs cig go// dge bsnyen ma lnga brgya tsam la 'di lta ste/ dge bsnyen ma 'od chen dang / 'od bzangs dang / lus bzangs dang / mngon dga' lus dang / bzang mo dang / bzang dpal dang / zla 'od dang tog 'od dang / dpal 'od dang / mig bzangs la sogs pa dge bsnyen ma lnga brgya dang yang thabs cig go// de bzhin du lha dang / klu dang / gnod sbyin dang / dri za

  19. 10b

    dang / lha ma yin dang / nam mkha' lding dang / mi 'am ci dang / lto 'phye chen po rnams kyis yongs su bskor cing bdun gyis bltas nas/ bcom ldan 'das chos ston te/ 'di lta ste/ sdom pa gsum bstan pa zhes bya ba'i chos kyi sgo'i le'u yang dag par rab tu ston to// de bzhin gshegs pa thams cad kyi yul byang chub sems dpa'i spyod pa rab tu brjod pa'i chos kyi dbyings kyi dkyil thams cad snang ba/ chos kyi dkyil 'khor thams cad yang dag par 'du bar snang ba/ zhing gi dkyil 'khor thams cad rnam par sbyong ba'i rgyan/ phas kyi rgol ba thams cad rnam par 'thor ba/ bdud kyi rtsod pa'i pha rol gyi dmag tshogs rab tu 'joms pa/ sems can gyi khams thams cad sim par byed pa/ sems can thams cad kyi sems kyi thibs po snang bar byed pa/ sems cad thams cad kyi bsam pa ji lta ba bzhin du go bar byed pa/ sems can thams cad kyi dbang po bzhin du 'khor lo skor bar snang ba rab tu ston to// nas tshe dang ldan pa 'od srungs chen po stan las langs te/ bla gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das sems can gang dag sangs rgyas kyi chos tshal ba dang / sangs rgyas kyi stobs dang mi 'jigs

  20. 11a

    pa tshol ba de dag gis chos ji lta bu dag cig yang dag par blangs te gnas par bgyi/ de dag yongs su smin par 'gyur ba'i chos rnams ni ji lta bu zhig lags/ de dag bla na med pa yang dag par rdzogs pa'i byang chub las slar mi ldog cing thob par 'gyur ba'i chos rnams ni ji lta bu zhig lags/ de skad ces gsol pa dang // bcom ldan 'das kyis/ tshe dang ldan pa 'od srungs chen po la 'di skad ces bka' stsal to/ / 'od srungs khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir zhugs te/ 'di lta bu'i gnas dag 'dri bar sems pa ni 'od srungs khyod legs so legs so// 'od srungs de'i phyir legs par rab tu nyon la yid la zung zhig dang ngas bshad do/ / tshe dang ldan pa 'od srungs chen po dang / thams cad dang ldan pa'i 'khor des/ bcom ldan 'das kyi ltar mnyan pa dang / bcom ldan 'das kyis/ de dag la 'di skad ces bka' stsal to/ / 'od srungs sems can gang dag sangs rgyas kyi ye shes tshol ba dang / sangs rgyas kyi stobs dang mi 'jigs pa tshol ba'i sems can de lta bu de dag gis/ de dag gang la brten nas dge ba'i rtsa ba rnams skye bar 'gyur ba'i chos gang yang mi dmigs so// 'od srungs byang chub sems dpa' ji snyed pa 'di dag bla na med pa yang dag par rdzogs pa'i byang chub

  21. 11b

    tshol zhing / sangs rgyas kyi chos rnams las 'dus byas gzhan par sems shing / 'dus ma byas las sangs rgyas kyi chos rnams gzhan par sems la/ sangs rgyas kyi chos rnams la sems shing 'du shes la spyod par 'gyur ram/ sangs rgyas kyi chos rnams la sems pa'o snyam du shes na shes pa de sang+yas kyi chos rnams las phyir log pa yin te/ de dag ni bla na med ba yang dag par rdzogs pa'i byang chub la yang dag par zhugs pa zhes mi bya'o/ / de ci'i phyir zhe na/ sangs rgyas kyi chos su sems na de bdag tu 'dzin pa nyid yin pa'i phyir ro// nyi/ gcig bzhin du sbyor bas de la brtson par byed na/ de ni de'i bdag tu 'dzin pa yin te/ 'bral bar ma yin no// gang ma bral ba de sems pa'o// gang sems pa dang / gang gi sems pa dang / gang la sems pa de rnam par nyams pa'o// gang rnam par nyams pa de rnam par rgyug go// gang rnam par rgyug pa de kun tu rgyug go// gang kun tu rgyug pa de rjes su 'gro'o/ / gang rjes su 'gro ba de rtog go// gang rtog pa de rnam par rtog go// gang rnam par rtog pa de rab tu rtog go// gang rab tu rtog pa de kun tu rtog go// gang kun tu rtog pa de ma zhi ba'o/ / gang ma zhi ba de g.yon phyogs pa'o// gang g.yon phyogs pa de 'khyam pa'o// gang 'khyam pa de 'phongs pa'o// cis 'phongs she na/ bde bas 'phongs so// bder

  22. 12a

    gang zhe na/ gang la kun tu rtog pa med pade bde ba'o// gang 'phongs pa de skyon can no// skyon can gang yin pa de nye bar 'gro ba'o// gang nye bar 'gro ba de bag la nyal lo/ / bag la nyal ba gang yin pa de mtshams sbyor ba'o// gang mtshams sbyor ba de rnam par mtshams sbyor ba'o// gang rnam par mtshams sbyor ba de yongs su mtshams sbyor ba'o// gang yongs su mtshams sbyor ba de rnam par smra ba'o/ / gang rnam par smra ba de smra ba lkugs pa'o// gang smra ba lkugs pa de mya ngan byed pa'o// gang mya ngan byed pa de tshig par byed pa'o// gang tshig par byed pa de nyams pa ste/ yid du 'ong ba dang yid du mi 'ong ba'i chos shes gang la gnas pa'i dra ba can no// 'di la chos gang yang gnas pa med mod kyi/ 'on kyang 'du shes kyi rgyun gyis 'du shes bcings shing / 'du shes bcings pas 'du shes kyi rgyun te/ des na 'du shes kyis bcings pa zhes bya'o// ma byung ba'i gnas ni 'dod chags kyi gnas/ khro ba'i gnas/ zhe sdang gi gnas/ gti mug gi gnas te/ yang dag pa ma yin pa'i kun rtog pa la rtog/ rnam par rtog/ dpyod/ rnam par dpyod pas/ de'i phyir de bla na med pa yang dag par rdzogs pa'i byang chub myur du mi 'thob bo/ / 'od srungs de ltar na sred pa'i gnas te/ ci'i phyir sred pa'i gnas zhes bya zhe na/ gang sred pa zhes bya ba'i chos de'ang gang yang med la

  23. 12b

    'di la gang gis sred pa'i chos kyang gang yang med cing / de la gang la sred pa'i chos kyang gang med pa'i phyir ro// 'on kyang sred pa zhes mngon par zhen pas zhen te/ nam mkha' la spags par byed do/ / gang nam mkha' la sbags par byed pa des sbags pa rnyed par 'gyur te/ bdag gis spags pa dang / sems can gyis sbags pa dang / dge ba dang mi dge bas spags pa'o// 'od srungs de ltar na med pa'i chos rnams kyis rtog par byed pa de ni dngos po med pa'o// gang dngos po med pa la dngos po'i 'du shes can de ni/ byang chub la dngos por byed do// gang byang chub la dngos por byed pa de ni bdag gi 'du shes can no/ / bdag gi 'du shes can gang yin pa de ni byang chub sems dpa' zhes mi bya'o// ci'i phyir bdag gi 'du shes can zhes bya zhe na/ 'du shes mi dmigs pa'i phyir te/ gang la 'du shes mi dmigs pa de la 'du shes can med de/ de'i phyir bdag gi 'du shes can zhes bya'o// 'di lta ste/ bdag gi 'du shes shes bya ba de ni yang dag pa ma yin pa'i gzhi'i tshig bla dgas so/ / 'on kyang sems can yongs su rdzogs pa gang yin pa de byang chub yongs su rdzogs pa'o// de la byang chub gang zhe na/ gang sgyu mar gyur pa yongs su rdzogs pa'o/ / sgyu mar gyur pa gang zhe na/ sems can chen por 'du shes shing smra ba dang / srog chen por 'du shes shing smra'o// gang 'du shes dang 'du shes la gnas par byed pa de/

  24. 13a

    'du shes med pa dang 'du shes med pa la gnas par byed pa'o// gang 'du shes med pa dang 'du shes med pa la gnas pa de/ rgyags par byed pa'o// gang rgyags par byed pa de sdug bsngal dang sdug bsngal la kun tu rgyug go/ / gang sdug bsngal dang sdug bsngal kun tu rgyug pa de smra ba la rgyug cing gnas pa'o zhes de bzhin gshegs pas gsungs so// ci phyir smra ba la rgyug cing gnas pa zhes bya zhe na/ shin tu yid la byed pa'i phyir ro// gang la yid la byed pa de la ngar 'dzin pa yod do// gang la ngar 'dzin pa yod pa de la byed pa yod do// gang la byed pa yod pa de la shin tu yod do/ / gang la shin tu yod pa de kun tu brjod pa dang / nye bar brjod pa dang / gnas par byed pa'o zhes de bzhin gshegs pas gsungs te/ de'i phyir chos thams cad ni yid la byed pa las byung ba'o/ / 'od srungs 'di lta ste/ dper na steng gi bar snang las sprin gyi phung po byung ba de dag ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin/ steng nas ma yin/ 'og nas ma yin/ phyogs nas ma yin/ phyogs mtshams nas kyang ma 'ongs te/ de bzhin gshegs pa yang dag pa gsung bas de phyogs bcu nas ma 'ongs par mkhyen nas/ don gyi tshul dang / rig pa'i tshul dang / yang dag pa'i tshul gyis sprin gyi phung po ni

  25. 13b

    phung po med pa'o zhes yang dag pa ji lta ba bzhin du gsungs te/ des na phung po med pa ni sprin gyi phung po zhes bya'o// ci'i phyir sprin gyi phung po zhes bya zhe na/ yangs pa'i gnas kyis so// yangs pa'i gnas ji lta bus she na/ mtshan ma sna tshogs kyi sbyor bas lding ba'i mtshan ma'o zhes rgyud 'khrul gyi/ de la ni lding bar rnam par shes par byed pa gang yang med do// sprin gyi phung po ni lding ba'i mtshan ma las byung ba la ltos/ de la lding ba'i mtshan ma gang yin pa de ni mtshan ma med pa'o// gang lding bar shin tu 'du shes pa ni sprin gyi phung po ma yin no// 'od srungs 'di lta ste/ dper na mi la la zhig gis mi gzhan zhig la 'di skad ces smras te/ grib ma der dong la 'khod par bya'o// de nas mkhas pa'i rang bzhin can gyi mi nges 'di skad ces smras kho bo ni spro ba med de 'di na 'dug go/ / nges 'di skad ces smra ste/ kho bo ni khyod la mi zer gyi grib ma 'di la zer ro// des 'di skad ces smras te/ kye mi khyod kyis gang grib ma de la smras pa de ni grib ma med pa smras so zhes zer na/ 'od srungs mi des tha snyad kyi gnas ji snyed pa de gang gang gis rjes su rtog pa la ltos/ 'od srungs de bzhin gshegs pas chos rnams kyi tshul mkhyen nas 'khor la yang dag par seng ge'i sgra sgrog go/ / 'od srungs de bzhin gshegs pa ni bzhed na/ mthun pa'i chos rnams la mi mthun pa'i 'du shes can du gnas te/

  26. 14a

    sems can rnams kyi bdag gi 'du shes gang yin pa de ni de bzhin gshegs pa'i don dam pa'o// de ci'i phyir zhe na/ de bzhin gshegs pas mkhyen la/ bzhin gshegs pas mkhyen pa'i phyir te/ sems can gyi 'du shes gang yin pa de ni 'du shes med pa'o// de la byis pa'i rang bzhin can la la zhig grib ma de'i ldem po ngag dam pa de ma shes pa ni de bzhin gshegs pa la rgol te/ des na ngas 'di skad du 'jig rten ni nga la rgol gyi/ nga ni 'jig rten dang mi rtsod do zhes gsungs so// de la 'jig rten gang zhe na/ 'jig rten zhes bya ba ni sems can gyi 'jig rten no/ / ci'i phyir sems can gyi 'jig rten la bya zhe na/ de bzhin gshegs pas ji ltar mkhyen pa/ 'jig rten yang de bzhin te/ de'i phyir sems can la 'jig rten zhes bya'o/ / byis pa so so'i skye bo rnams kyis ji ltar shes pa de ni 'jig pa rab tu 'jig pa'o// nyams par 'gyur ba rnam par nyams par 'gyur ba'o// 'di lta ste/ rnam par 'jig pa de ni de dag gi tha snyad 'di go bar byed pa yin no// de ci'i phyir zhe na/ gang dag 'jig rten 'di na gnas pa de dag rnam par 'jig pa chen por gyur pa'i phyir te/ gang dag 'dzag rten 'di na gnas pa de dag ni brkam pa'o/ / gang dag brkam pa de dag khro ba'o// gang dag khro ba de dag rmongs pa'o// gang dag rmongs pa de dag ma dag pa'o// gang dag ma dag pa de dag

  27. 14b

    'gal ba'o/ / su dang 'gal zhe na/ de bzhin gshegs pa dang / de bzhin gshegs pa'i nyan thos rnams dang 'gal lo// gang dag 'gal ba de dag rjes su 'dzin pa'o// gang dag rjes su 'dzin pa de dag so sor 'dzin pa'o/ / gang dag so sor 'dzin pa de dag srid pa tshol ba'o// gang dag srid pa tshol ba de dag tshol ba'o// gang dag tshol ba de dag yongs su tshol ba'o/ / gang dag yongs su tshol ba de dag 'dod pa chung ba ma yin no// gang dag 'dod pa chung ba ma yin pa de dag bya ba mang ba'o// gang dag bya ba mang ba de dag 'dod pa che'o// gang dag 'dod pa che ba de dag 'dod pa'i khams bag la nyal bar byed/ gzugs kyi khams dang gzugs med pa'i khams bag la nyal bar byed do// gang dag bag la zhen par byed pa de dag bag la nyal bar byed do/ / gang dag bag la nyal bar byed pa de dag rgyun dang rgyun phyogs su 'gro ba'o// gang dag rgyun dang rgyun phyogs su 'gro ba de dag 'chi bar 'gro ba'o// gang dag 'chi bar 'gro ba de dag mya ngan las 'das par mi 'gro ba'o/ / gang dag mya ngan 'das par mi 'gro ba de dag 'gro ba ma yin par 'gro ba'o// gang dag 'gro ba ma yin par 'gro ba de dag thams cad sems can dmyal bar 'gro ba'o// 'od srungs de ltar na bkra mi shis pa'i sbyor bas sbyor gyi/ khro ba dang 'khrugs pas mi sbyor ba ma yin/ rnam par 'jig pas ma yin no// gang dag rnam par 'jig pas ma yin pa de dag bdag gi 'du shes la

  28. 15a

    rnam par rtog par mi byed do/ / gang dag bdag gi 'du shes la rnam par rtog par mi drud pa de dag pa na 'am/ nga'i nas gong bur mi byed kyi/ zag par byed do/ phyir nga zhe na/ nga'i zhes bya zhe na/ yang dag pa ma yin pa la 'dzin pas/ 'du shes rnam pa sna tshogs kyi gnas nas las mngon par 'du byed de/ gang dag 'du shes rnam pa sna tshogs dog gis gnas nas las mngon par 'du byed pa de dag bdag la nga'o snyam du 'dzin pa'i phyir ro/ / ci'i phyir nga'i zhes bya zhe na/ brnab sems dang / nga'i dang / 'dod pa rnams kyis 'du 'dzi la mngon par gtod pa dang / tshul khrims kyi phung po 'jig par byed pa dang / gzhan la gnod sems kyi sems su byed pa dang / khro bas zil gyis non pa dang / de yang bdag la rnam par nga rgyal byed pa dang / 'bru rjen pa bdag gir byed pa dang / len pa dang / sdud pa dang / nye bar byed pa ste/ de'i phyir nga'i zhes bya'o// gang dag nga yir byed pa de dag 'khyam pa'o/ / gang dag 'khyam pa de dag rmongs pa'o// gang dag rmongs pa de dag sdang ba'o// gang dag sdang ba de dag gshe ba'o// gang dag gshe ba de dag za ba'o// gang dag za ba de dag tshig pa'o// / gang dag tshig pa de dag yongs su chags pa ste/ 'dod pa'i 'dod chags kyis bud med kyi 'du shes dang / skyes pa'i 'du shes dang / srog gi 'du shes kyis bdag gir byed de/ de'i

  29. 15b

    phyir nga'i zhes bya'o/ / yang don du na de ni bdag la mi snyan pa brjod pa zhes bya ste/ bdag gi phyir byis pa'o// byis pa'i tshul bag la nyal bar byed do// des na nga'i zhes bya'o// 'od srungs de ltar na gang chos 'di dag ma thos par byang chub tu khas 'tshe ba 'am/ byang chub sems dpa'i spyod par khas 'che ba de spyod pa khas 'che ba'o// 'od srungs byang chub sems dpa'i spyod pa gang yin pa de la spyod pa gang yang med de/ des na byang chub sems dpa'i spyod pa zhes bya'o// 'od srung so byang chub sems dpa' gang gi spyod pa yongs su rdzogs par 'gyur ba dang / nang por 'gyur ba dang / tshogs par 'gyur ba dang / dag par 'gyur ba dang / rnam par dag par 'gyur ba dang / yongs su dag par 'gyur ba dang / rnam par gnon par 'gyur ba'i skabs yod do// de dag chos kyang ston te/ chos de dag nam mkha' ltar byas kyis/ chos de dag phung por ma byas so// de dag rigs pa rnams la chos chen po ston te/ mi rigs pa rnams la ma yin no// yon tan dang ldan pa rnams la te/ nyes par gnas pa rnams la ma yin no// tshul dang ldan pa rnams la te/ tshul ngan pa rnams la ma yin no// khyed kyis chos de dag gzung bar bya ste/ ji ltar chos la mngon par zhen par mi 'gyur ba de ltar zung zhig/ de ci'i phyir zhe na/ de bzhin gshegs pa ni mchog gsung ba'i phyir te/ sems can gsung bar 'os pa rnams kyi don gyi phyir dris pa de la

  30. 16a

    ngas chos kyi mchog gis lan gdab par bya'o/ / de la chos kyi mchog gang zhe na/ gang la chos kyi 'du shes med pa'o// 'od srungs 'di la byang chub sems dpa' thog ma nyid du tshul khrims dang ldan par 'gyur ro/ / gang gi sems la rjes su 'gyod pa yod pa ni mtshams med pa byed par mi 'gyur/ dge slong ma sun par byed par mi 'gyur/ khyim gyi nang du 'dre bar mi 'gyur/ srog gcod par mi 'gyur/ ma byin par len par mi 'gyur/ 'dod pa la log par g.yem par mi 'gyur/ brdzun smra bar mi 'gyur/ phra ma smra bar mi 'gyur/ ngag rtsub po smra bar mi 'gyur/ tshig bkyal pa smra bar mi 'gyur/ brnab sems can du mi 'gyur/ gnod sems can du mi 'gyur/ log par lta bar mi 'gyur/ bdag la gnod par bya bar mi sems/ gzhan la gnod par bya bar mi sems/ 'du ba 'dod par mi 'gyur/ longs spyod la 'dod par mi 'gyur/ rgyal bar bya ba'i rtsed mo rnams gzhan ngadag la brjod par mi byed/ bdag kyang mi byed/ ma ning dang sten par mi byed/ smad 'tshong ma dang spyod yul bar mi 'gyur// yug sa mo dang spyod yul bar mi 'gyur/ na chung chen mo dang spospyod yul bar mi 'gyur/ bya ba dang 'dre bar mi 'gyur/ nya pa dang 'dre bar mi 'gyur/ de dag ri dgas kyi rngon pa dang 'dre bar mi 'gyur/ gsod pa dang 'dre bar mi 'gyur/ gdol pa dang 'dre

  31. 16b

    pabar mi 'gyur/ gzhan gyi chung ma dang bsten par mi 'gyur/ mi ra ro ba'i lag nas 'dzin pa 'am/ rtsod par mi byed de/ de dag gis khyi dang gdol pa ltar yongs su spong bas yongs su spong ngo // gang dag yongs su spangs pa de la 'khrul pa'i sems skyed pa gcig tsam gyi sems kyang mi bskyed do// de ltar na byams pa'i rnam pa la zhugs pa'i sems kyis gnas nyi shu yongs su spong ngo // nyi shu gang zhe na/ bud med yongs su spong zhing su dang yang spyod par mi byed la/ su dang yang 'thab par mi byed cing / smra ba la phyir smra bar mi byed pa dang / pha ma la mi gus par mi 'gyur ba dang / sangs rgyas dang / chos dang / dge 'dun la mi gus par mi 'gyur ba dang / nyi shur ma tshang bar bud med kyi 'khor la chos mi 'chad cing / gal te skyes pa'i gnas na gnas par gyur na/ de'i tshe chos ston pa dang / dge slong ma'i phun sum tshogs par thams cad kyi thams cad du 'gro bar mi bya ba dang / dge slong mas dris pa'i lan gdab par mi bya ba dang / bud med kyis yi ge bri bar mi bya/ gsol ba ma btab par sbyin par mi bya ba dang / gnyen 'dab kyi mgron du bos pa rnam pa thams cad du bdag gir mi bya ba dang / rnam pa thams cad du 'dod chags dang bcas pas rjes su chags par sems kyis bud med kyi mdun du yud tsam yang gnas par mi bya ba dang / de gcig pu dgon par song ste/ rang gi yul bstan pa rnam pa thams cad du brjod par mi bya ba dang / dge slong mas bsgrags

  32. 17a

    pa la rnam pa thams cad du slar bsgrags par mi bya/ dge slong mas byin pa'i chos gos rnam pa thams cad du bgo bar mi bya ste/ gzhan du na 'khor bzhi po rnams kyi nang du 'dug cing chos 'chad pa'i tshe/ chos la dgab par bya ba ni ma gtogs te/ de la'ang des sa dang mtshungs pa'i sems kyis yid la byed par bsgyur nas spyad par bya ba dang / yang de'i ngor blta bar mi bya ba dang / rnam pa thams cad du dge slong mas byas pa'i chos gos nyan pa'i gnas su'ang bgo bar mi bya ba dang / na'ang dge slong mas mgron du bos pa la rnam pa thams cad du khas blang bar mi bya na/ bde ba 'am/ nad med pa'i rang bzhin can lta ci smos pa dang / yug sa mos mgron du bos na dge 'dun med par rnam pa thams cad du khas blang bar mi bya ba dang / dge slong ma'i dbyar khang du rnam pa thams cad du 'jug par mi bya ba dang / rnam pa thams cad du dge slong ma'i dbang du mi bya/ gal te dge slong mas bos na'ang lag bsnol la mgo smad de/ sa phyogs de nas 'gro bar bya ba dang / chos ston cing 'dug pa'i gan du dge slong ma rkang pa la phyag 'tshal du 'ong na/ snyim pas gdong bkab ste 'dug par bya zhing / des rkang pa bskyod par mi bya ste/ skyes bu dam pas lus dpa' bar mi bya'i rtse gcig tu yid la bya bas sems dpa' bar bya ba dang / dngos po thams cad la kun tu 'dod chags kyi sems rnam pa thams

  33. 17b

    cad du skye bar mi bya ba dang / khong khro'i'i sems rnam pa thams cad du bskyed par mi bya ba ste/ 'di ltar thams cad mkhyen pa nyid kyi phyir dam bcas pa brtan par bya ba dang / chos 'di dag thos nas nan tan gyis bsgrub par mngon par brtson par bya ba dang / 'od srungs rigs kyi bu dang / rigs kyi bu mo byang chub sems dpa'i theg pa la yang dag par zhugs pa gang zhig chos dag thos ma thag tu nan tan gyis mi sgrub na/ des bla na med pa yang dag par rdzogs pa'i byang chub mngon par rdzogs par 'tshang rgya bar mi nus so// de ci'i phyir zhe na/ 'od srungs nan tan gyis bla na med pa yang dag par rdzogs pa'i byang chub 'thob kyi/ nan tan med pas ni ma yin pa'i phyir ro// 'od srungs gal te nan tan med pa bla na med pa yang dag par rdzogs pa'i byang chub 'thob tu zin na/ ri bong dang byi la'ang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de ci'i phyir zhe na/ 'od srungs gang dag la nan tan med pa de dag bla na med pa yang dag par rdzogs pa'i byang chub tu 'gyur du zin na ni/ 'od srungs sgra'ang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir te/ sangs rgyas su 'gyur bar bya'o zhes brjod pas sems can dpag tu med pa dag sangs rgyas su 'gyur ba'i rigs so// 'od srungs 'di ltar tha na nyi ma nag gcig spyod pa 'di

  34. 18a

    yang dag par sgrub pa'i sems can dag kyang dkon na/ gang bskal pa 'am/ bskal pa brgya stong du lta ci smos/ de lta bas na sangs rgyas bcom ldan 'das rnams 'byung ba rnyed par dka' 'o/ / 'od srungs 'di lta ste/ dper na stong gsum gyi stong chen po'i 'jig rten gyi khams kyi sems can de dag thams cad kyi nang nas sems can gcig cig bskal pa 'am/ bskal pa brgya 'am/ bskal pa stong ngam/ bskal pa bye ba phrag brgya stong na sangs rgyas su 'gyur ro sangs rgyas su 'gyur ro zhes byang chub kyi phyir smras la/ sems can de ngag gis kyang bskor cing sangs rgyas su 'gyur ro sangs rgyas su 'gyur ro zhes smras na/ rnam grangs 'dis dbugs dbyung ba dang rngub pa rgyun chad par 'gyur gyi/ sems can rnams kyi ngag gi las ni rgyun chad par mi 'gyur ro/ / 'od srungs de lta bu'i ngag gi las tsam gyis ni/ byang chub sems dpa' sems dang po bskyed pa'ang yongs su smin par bya bar sla ba ma yin na/ bla na med pa yang dag par rdzogs pa'i byang chub mngon par rdzogs par 'tshang rgya bar bya ba lta ci smos te/ de dag ni gnas ma yin no// 'od srungs dus de dang tshe de 'byung bar 'gyur te/ yongs su mya ngan las 'das shing / khyod kyang yongs su mya ngan las 'das la/ lha rnams kyang spro ba chung ba'i tshe/ nga'i bsngags pa thos nas/ sems can mang po bla na med

  35. 18b

    pa yang dag par rdzogs pa'i byang chub tu sems skyed par 'gyur te/ de la dge slong gang dag byang chub tu sems skyed par 'gyur ba de dag phal cher chos nyi shu la gnas par 'gyur te/ nyi shu gang zhe na/ dge slong ma dang sten par 'gyur/ kha zas yongs su ma dag pa za bar 'gyur/ kham gyis za ba'i zas la brkam par 'gyur/ dge slong mas yongs su bsgrub pa'i zas za bar 'gyur ro/ / 'od srungs dper na da ltar mang du thos pa'i dge slong dgon pa na gnas sam/ grong na gnas kyang rung ste/ chos yang dag par sdud cing gnas pa de bzhin du/ 'od srungs de'i tshe dge slong dag dgon pa na gnas sam/ grong na gnas kyang rung ste/ dge slong ma rnams dang / lhan cig chos yongs su sdud cing gnas par 'gyur ro// de dag 'dod chags kyi sems shin tu mang du sku'i chos kyi sems ni ma yin no/ / dge slong ma de dag kyang 'dod chags kyi sems shin tu mang du skye'i/ chos kyi sems ni shin tu nyung ngo // 'od srungs ji tsam du byang chub sems dpa'i ming 'di thob nas ngan song gi g.yang sa chen por 'gro ba'i lam rab tu 'dzin par 'gyur ba la ltos/ 'od srungs de ltar na de'i tshe chos kyi mtshan nyid kyis 'du 'dzir 'gyur te/ de dge gcig gis gcig mthong nas 'dod chags kyis yongs su tshig par 'gyur ro/ / mchu bsgyur bas dgos pa go bar byed par 'gyur ro// de nas 'dus nas nye bar gnas pa dang gnas rnams su

  36. 19a

    'dzin par 'gyur/ de dag thog mar slob dpon la phyag 'tshal bar 'gyur ro// de'i 'og tu sman byed pa gtong bar 'gyur ro// de'i 'og tu ming nas smos par 'gyur ro/ / de'i 'og tu khyim du 'jog par 'gyur ro// yang na lam po che ston par 'gyur/ gnas khang ston par 'gyur/ de dag 'jug pa dang 'byung ba na'ang khyod ci 'dra zhes 'dri bar 'gyur/ de dag phan tshun snag gi gnyen mtshams dang sring mo zhes rjod par 'gyur ro// de dag rgyun mi 'chad par lta bas gnas su 'du bar 'gyur ro// gnas su 'dus nas 'dod chags 'dres par 'gyur ro/ / 'dod chags 'dres nas sprod par 'gyur ro// sprad nas de nyid kyi ming smos par 'gyur te/ de dag ni tshangs par spyod pa ma yin pa'i chos spyod do// gang chos ma yin pa sten pa ni byang chub med par 'gyur/ mtho ris med par 'gyur zhing / mya ngan las 'das pa dang ring ngo // de dag gis de bzhin gshegs pa yongs su btang / de dag gis chos bor de dag gis dge 'dun don du ma gnyer to/ / de dag phyogs gcig tu 'khod nas/ 'dod pa'i rnam par rtog pa la rnam par rtog par 'gyur ro// gnod sems kyi rnam par rtog pa dang / rnam par 'tshe ba'i rnam par rtog pas rnam par 'gyur ro/ / byang chub sems dpa'i lam tshangs pa'i gnas pa bzhi po gang yin pa de dag kyang de dag la med par 'gyur te/ dper na da ltar tshangs pa'i gnas

  37. 19b

    bsgom pa de ltar de'i dus na 'dod pa la rnam par rtog par 'gyur/ gnod sems kyi rnam par rtog pa dang / rnam par 'tshe bas rnam par rtog par 'gyur ro// 'od srungs de ltar de'i dus na skyes bu dam pa ma yin pa gnas par 'gyur/ rku bas gnas pa dang / sgyus gnas par 'gyur ro// 'od srungs de'i dus na ci tsam du mtshams las 'da' bar 'gyur ba la ltos yang mdo sde 'di lta bu 'di dag thos nas smod par 'gyur te/ sngon tshul khrims yongs su dag pa la gnas shing sbyin pa byin nas yid ches pas/ bla na med pa yang dag par rdzogs pa'i byang chub tu sems bskyed kyang / de dag phyis mdo sde 'di lta bu 'di dag thos nas spong bar 'gyur ro// 'od srungs de'i dus na mdo sde 'di lta bu 'di dag thos nas spong bar 'gyur ba'i rtag tsam dang mtshan ma tsam 'di la ltos/ de la mkhas pa tshul khrims yongs su dag pa/ chos 'dzin pa rnams kyis ji ltar mdo sde'i tshig las 'byung ba'i dge slong bstan pa 'di lta bu dag shes par bya/ yongs su spang bar bya ste/ de dag ni chos la dga' ba med do// 'od srungs gzhan yang de'i dus ni/ de dag bdag yongs su bstan pa'i phyir byang chub sems dpa'i spyod pa ston par 'gyur bag med par 'gyur ro/ / bag med par gyur pas rang sangs rgyas dang dgra bcom pa dag pas kyang bdag ches mchog ces brjod par 'gyur te/ de dag gsor mi rung ba bya ba ma yin par lhung

  38. 20a

    ba ste/ log par lhung bar 'gro bar 'gyur ro// 'od srungs gzhan yang de'i dus na las ma yin pa la gnas shing las mi byed pa dag 'byung ngo // de'i dus na byang chub rjod pas tshar sems can du 'dzin cing kun tu zhen to// 'od srungs de ltar na de'i tshe mtshan ma'i gnas su 'gyur ro// 'od srungs gzhan yang de'i dus na kha cig la pha rol tu phyin pa ltar bcos pa shin tu rdzogs par 'gyur/ shin tu 'jug par 'gyur te/ 'di'ang de'i dus na mtshan ma'i gnas su 'gyur ro// 'od srungs gzhan yang de'i dus na yang dag pa ji lta ba bzhin du bshad pa'i mdo sde 'di lta bu 'di dag la shin tu sdang bar 'gyur/ shin tu 'dor bar 'gyur te/ mdo sde 'di lta bu 'di dag gis log par lta ba'i 'du shes su 'gyur ro/ / mi blun po de dag gis ni 'chal pa'i tshul khrims brjod pa 'di dag de ltar rtog par mi 'gyur ro// 'od srungs gzhan yang de'i dus na chom rkun gyi skyon mtha' dag chags par 'gyur te/ de lta bas na de dag las bdag gir bya ba nyid ma mthong ba'i phyir/ sangs rgyas kyi byang chub ma dkrugs so zhes gnod mi bkur bas sangs rgyas kyi byang chub spong bar 'gyur ro/ / 'od srungs gzhan yang de'i dus na dge 'dun gyi rjes su 'gro bar mi 'gyur te/ 'di'ang de'i dus na mtshan ma'i gnas su 'gyur ro// 'od srungs

  39. 20b

    gzhan yang de'i dus na phal cher byas pa mi gzo bar 'gyur/ bsdus par 'gyur ro// ji srid cig tu bslus par 'gyur zhe na/ gang de bzhin gshegs pas de dag gi bsad pa rjod par 'gyur ba de srid du bslus par 'gyur ro/ / phyir zhing tshig gis yongs su slu bas zas mngon par sgrub par 'gyur ro// 'od srungs gzhan yang de'i dus na phal cher byas pa mi gzo bar 'gyur/ so sor thar pa la bsngags par mi 'gyur/ ngag gi las ma bsrungs par 'gyur ro// de dag ngag gi las ma bsrungs pas spyod lam ma bsrungs la/ de dag rung ba ma yin pa'i gnas la gnas shing / rung ba ma yin pa la gnas pa rnams la chos ston par 'gyur te/ de ltar chos 'di la mthar gyis cher 'bad par mi 'gyur ro/ / de ltar mthar gyis bud med dang lhan cig gnas pa shin tu mang bar 'gyur te/ de dag skyes pa rnams spangs nas gtsug lag khang du 'dong zhing / gtsug lag khang du zhugs nas lhan cig 'khod cing sangs rgyas kyi bka' rjod de/ mya ngan las 'das pa ltar bcos pa'i gtam rab tu 'chad par 'gyur ro// 'od srungs chos ni lnga brgya/ kun nas nyon mongs pa'ang lnga brgyar zad na/ de'i tshe mngon par mi brtson pa'i skyes bu gang zag gi chos ma yin pa'i sgo ni mang bar ngas dgongs te/ de'i dus na de dag mi nyung bar rjes su 'jug par

  40. 21a

    'gyur/ khyim pa dang tshul khrims 'dra bar 'gyur te/ 'od srungs de'i dus na de lta bu dag 'byung bar 'gyur ro// de la don tshol zhing byang chub yongs su tshol bar 'dod pas dge slong ma dang 'dre bar mi bya/ de ltar gnas par mi bya'o// 'dre ba thams cad rnam pa thams cad du spongs la mi 'dre bar bya'o// 'jig rten gyi zang zing thams cad rnam pa thams cad du spangs la bsod snyoms spyad par bya'o/ / gos la sred pa thams cad spangs la phyag dar khrod par bya'o// khang pa brtsegs pa dang gding ba thams cad rnam pa thams cad du spangs la chu 'gram dang mya ngan la brten par bya/ rdo leb dang shing drung du brten par bya'o// na ba'i gsos sman dang yo byad thams cad spangs la bkus te bor ba la brten par bya'o// sems can thams cad sngon snag gi gnyen mtshams su gyur par rig nas byams pa la gnas par bya/ gshe ba dang / brdeg pa dang / yongs su gdung ba rnam pa thams cad du spangs la bzod par bya'o/ / mdza' bshes kyi khyim dang blang ba ster ba'i khyims thams cad spangs la/ las bdag gir bya ba la brten par bya'o// khyim pa dang 'dre bar mi bya'o// des ji skad du bstan pa'i so sor thar pa dang mthun par bya'o/ / 'od srungs gang dag so sor thar pa dang mi mthun par bya bar sems pa de dag ni/ sangs rgyas kyi stobs dang mi 'jigs pa dang mi mthun par bya bar sems pa'o// gang

  41. 21b

    ngag sangs rgyas kyi stobs dang mi 'jigs pa dang mi mthun par bya bar sems pa de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub dang mi mthun par sems pa ste/ de'i rnam par smin pas ni stong gsum gyi stong chen po'i 'jig rten gyi khams kyi sems can ji snyed pas sems can dmyal ba'i sdug bsngal gyi nor ba myong ba'i tshor ba de dag gis de'i tshor ba de'i brgya'i char yang mi phod/ stong dang / brgya stong dang / bye ba brgya stong dang / grangs dang / cha dang / bgrang ba dang / dpe dang / zla dang / rgyur yang mi phod do// sdug bsngal dang yid mi bde ba 'di lta bu 'di dag yongs su spang bar 'dod pas/ dge slong de dag gi spyod pa 'di lta bu 'di dag dpag tshad stong pas kyang ring du yongs su spang bar bya ste/ bzlas pa'i sgra'ang yongs su spang bar bya na/ lta ba dang mnyan pa lta ci smos te/ de dag yongs su spang bar bya'o// chos gcig kun tu bstan par bya ste/ chos gcig pu gang zhe na/ chos thams cad dngos po med par gyur pa ste/ gang gi tshe bdag kyang de 'dra ba'i tshe chos thams cad la dngos po med pa'i bzod pa dang ldan par 'gyur te/ de mi de lta bu de dag dang sten par mi byed/ snyan par mi byed/ bsnyen bkur mi byed do// des chos gnyis kun tu bsten par bya ste/ gnyis gang zhe na/ chos thams cad la dngos po med pa'i chos nyid yongs su btsal bar bya ba dang / yongs su btsal ba'i

  42. 22a

    sems kyang bskyed par mi bya'o/ / ji lta bur yongs su btsal bar bya zhe na/ ji ltar yongs su btsal ba de gnyis mi dmigs par 'gyur gyur ro// de la mi dmigs pas mi dmigs pa'i sems kyang bskyed par mi bya ste/ de ni log par lta ba yin pas khams gsum pa thams cad dang bral ba'i sems kyis byang chub sems dpa'i spyod pa'i rjes su 'gro bar bya'o// mtshan ma thams cad med pa'i sems kyis byang chub sems dpa'i spyod pa'i rjes su 'gro bar bya'o// de la byang chub sems dpa'i spyod pa ni 'di yin te/ gang 'di de'i dus na bstan pa yin no// gang dngag chos 'di lta bu 'di dag thos nas yongs su spong bas yongs su spong ba de dag gis de bzhin gshegs pa byams pa mnyes par byas nas/ mi mnyes par mi byed/ thugs byung bar mi byed pas// kye ma'o bdag cag bdud kyi zhags pa dag las grol lo// kye ma bdag cag ngan 'gror 'gro ba'i rgyu rnams las grol te/ kye ma bde'o zhes tshig tu smra'o// 'od srungs gang dag de'i dus na mdo sde 'di lta bu 'di dag thos nas mi skrag mi dngang zhing / dngang bar mi 'gyur la/ de la bdag kyang rjes su mthong bar 'gyur zhing gzugs kyi blo yang skye bar 'gyur ba de dag thams cad ni de bzhin/ gshegs pas mkhyen te/ de dag thams cad nga'i chos srungs dag go// 'od srungs 'di lta ste/ dper na khyim bdag phyug po nor che la longs spyod che ba zhig gi bu gang yin pa de dag gis khyim

  43. 22b

    de nas than pa'i rdzas las chu rdza gang tsam mthon na'ang / mthong ma thag tu papha'i rdzas de la 'di ni bdag gi'o snyam du 'du shes skyed de/ dus gzhan zhig na pha'ang shi la longs spyod kyang zad pa'i tshe chu rdza de bdag gi drung du 'jog gam/ gnas gang yang rung bar 'jog pa de bzhin du/ 'od srungs de'i dus na dge slong de dag mdo sde 'di lta bu 'di dag thos nas/ 'di lta bu'o 'du shes yid la byed pa skyed par 'gyur te/ mdo sde 'di dag ni de bzhin gshegs pas gsungs pa/ mdzes pa yid du 'ong bas gsungs pa'o snyam mo// de la dge slong kha cig ni mdo sde 'di lta bu 'di dag thos na spong bar 'gyur ro/ / de la chos 'dzin pa'i dge slong de dag ni 'di snyam du sems par 'gyur te/ mdo sde 'di dag ni de bzhin gshegs pas gsungs pa'o snyam du sems la/ kha cig gis brnyes shing shin tu brnyas par gyur pa de dag ni nyung la/ nyams chung bar gyur pa dag ste/ de dag gis sba ba'i phyir nyin mtshan du 'jog par 'gyur ro// 'od srungs de ltar de bzhin gshegs pa byams pa dang / nga'i chos kyi grong khyer srung bar 'gyur ba tha ma pa de dag ni nyung ste/ de dag ngas da ltar gzigs so// de'i phyir de dag gi gnyen po ni 'di dag ste/ de dag ni sbyin pa chen po yongs su gtong bar 'gyur/ kye gang gi tshe rigs kyi bu de dag gis 'di lta bu 'di dag thos nas/ ji ltar bcas pa'i bya ba bzhin du nan tan gyis sgrub pa de dag ni/ de bzhin gshegs pa byams

  44. 23a

    pa las snying po'i mchog thob par 'gyur te/ de la tshangs par spyad pa spyod cing / yang dag par lta ba'i sems can rnams ni yang chos kyi grong khyer 'di 'dzin par 'gyur ro/ / 'od srungs gang dag gis nga mnyes par ma byas pa'i sems can de ni gcig kyang ngas kun nas ma mthong ste/ de dag ni phyi ma'i tshe lnga brgya pa tha ma la mdo sde 'di lta bu de dag thos na spong bar mi 'gyur gyi/ len par 'gyur/ 'dzin par 'gyur/ klog par 'gyur te/ de ni gnas med pa'o// gang dag gis da ltar mthong ba dang / bsnyen bkur byas pa de dag ni phyi ma'i tshe lnga brgya pa tha ma la mdo sde 'di lta bu 'di dag gnod par 'gyur/ len par 'gyur/ 'dzin par 'gyur te/ de dag la ngas legs so zhes bya ba sbyin ci dgos te/ de dag bdag nyid kyis thams cad mkhyen pa'i ye shes dang ldan pa'i phyir ro// nga rjes su dran nas dga' bar 'gyur te/ kye ma kye ma shAkya thub pa des phan gdagos pa'i dam pas bdag cag la phan btags so zhes tshig de skad smra bar 'gyur ro/ / 'od srungs de lta bas na chos 'di la slobs shig/ 'di la bslabs na ci dang ci 'dod pa de dang de rnyed par dka' bar mi 'gyur ro/ / de skad ces bka' stsal nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das bdag

  45. 23b

    gis ci zhig 'tshal bar bgyi/ bcom ldan 'das bdag ni re ba ma mchis te/ bcom ldan 'das bdag ni bla na med pa yang dag par rdzogs pa'i byang chub las yongs su nyams pa lags so/ / bcom ldan 'das bdag gang gi tshe thams cad mkhyen pa'i ye shes dang ldan par gyur pa na shin tu dga' bar 'gyur lags so// bcom ldan 'das bdag bla na med pa yang dag par rdzogs pa'i byang chub la ngo mtshar du 'dzin lags so/ / bcom ldan 'das bdag gis bla na med pa yang dag par rdzogs pa'i byang chub rnyed dka' lags so// de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs nga khyod la mi zer gyi/ khyod la brten nas de dag la spras na/ bla na med pa yang dag par rdzogs pa'i byang chub myur du mngon par rdzogs par 'tshang rgya bar 'gyur ro zhes bya ba the tshom med pa la khyod the tshom za'o/ / 'od srungs gzhan yang sems can gang dag chos la skom pa dang ldan pa dang / chos yongs su tshol ba dang ldan pa de dag thams cad ni/ mthar gyis bla na med pa yang dag par rdzogs pa'i byang chub mngon par rdzogs par sangs rgyas nas/ yongs su tshol ba thams cad yang dag par gzhol ba'i phyir chos ston par 'gyur ro/ / // bam po gnyis pa// // 'od srungs byang chub sems dpas chos

  46. 24a

    bzhi dang ldan bar bya ste/ bzhi gang zhe na/ byang chub sems dpas brtson 'grus brtsam par bya'o// brtson 'grus brtson 'grus shes bya ba gang zhen/ gang gzugs mi tshol/ tshor ba dang / 'du shes dang / 'du byed dang / rnam par shes pa mi tshol gyi/ zag pa med pa'i chos rnams tshol ba'o// de la zag pa med pa'i/ chos rnams gang zhe na/ gang na sa'i khams med pa dang / sa'i khams kun tu brjod pa med pa dang / chu'i khams med pa dang / chu'i khams kun tu brjod pa med pa dang / me'i khams med pa dang / me'i khams kun tu brjod pa med pa dang / rlung gi khams med pa dang / rlung gi khams kun tu brjod pa med pa dang / gang na gang brjod pa de dag thams cad ni btags pa ste/ btags pa'i chos de dag thams cad ni yang dag pa ma yin pa'o// de la byang chub sems dpa' btags pa med pa'i snying po blang bar bya'o// gsol pa/ bcom ldan 'das gal te btags pa'i chos yang dag pa ma lags na/ gang la la 'di skad du gal te btags pa'i chos yang dag pa ma yin na/ gang sangs rgyas shes bya ba'i sgra brjod pa'i btags pa 'di'ang yang dag pa ma yin par mi 'gyur ram zhes mchi bar 'gyur na/ bcom ldan 'das bdag gis de la ci skad bgyi/ bdag ni de bzhin gshegs pa dgra bcom pa yang dag par

  47. 24b

    rdzogs pa'i sangs rgyas la skur pa 'debs par mi 'tshal lo/ / de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to/ / 'od srungs ma 'ongs pa'i dus na dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa dag 'byung ste/ dag ni don mi shes pa/ khyad du gsod pa/ gnod sems la dpa' ba/ smra ba la dpa' ba dag 'byung ste/ de dag mdo sde 'di lta bu 'di dag len par mi byed/ kun chub par mi byed/ 'dzin par mi byed/ klog par mi byed do// de ci'i phyir zhe na/ de dag 'di ltar gzugs skye ba dang / tshor ba dang / 'du shes dang / 'du byed dang / rnam par shes pa skye bar rtog pa'i phyir ro/ / 'di ltar mdo sde 'di lta bu 'di dag ni btags pa'i chos so// de'i dus na 'byung ba de dag ni ji ltar gzugs skye ba dang / ji ltar tshor ba dang / ji ltar 'du shes dang / ji ltar 'du byed dang / ji ltar rnam par shes pa skye ba de ltar dge slong de dag de'i tshe gnas par 'gyur ro// de'i dus na khyim pa dang / dge slong kha cig 'byung bar 'gyur ba de dag la don dam pas ci zhig bya/ 'od srungs 'di lta ste/ dper na mi dmus long la gser gyi 'phreng ba btags na des mi shes so// 'od srungs de bzhin du de'i dus na dge slong de dag gis

  48. 25a

    mdo sde 'di lta bu 'di dag thos nas/ tshig tu brjod pas kyang 'dzin par mi 'gyur na/ don dam pa'i byed pas 'jug par 'gyur ba lta ci smos/ 'od srungs 'di/ lta ste/ dper na khye'u 'am/ bu mo la la zhig la mi la la zhig gis bsdigs na/ de yun ji srid du mi de'i ming brjod pa thos pa de srid du skrag la dngang zhing dngang bar 'gyur ro// 'od srungs de bzhin du de'i dus na/ dge slong de dag mdo sde 'di lta bu 'di dag gis yang dag pa ji lta ba bzhin du bskul na/ bdag gis bsngags pa ma yin pa shes shing / bdag chos gos kyis dkris par rig nas skrag la dang zhing dngang bar 'gyur ro/ / 'od srungs 'di lta ste/ dper na spre'u byi la'i drung du btags na de la mi phyogs de lta bar mi nus so// 'od srungs de bzhin du de'i dus na dge slong de dag mdo sde 'di lta bu 'di dag thos na rgyab kyis phyogs shing / mdun gyis mi phyogs par 'gyur ro// 'od srungs 'di lta ste/ dper na wa ni khyi las 'bros te/ dur khrod du gzhol/ khung du gzhol/ phug tu gzhol/ 'od srungs de bzhin du de'i dus na dge slong de dag mdo sde 'di lta bu 'di dag thos na wa'i rnam par rgyug pas rgyug par 'gyur ro// de la wa'i rnam par rgyug pa ni 'di yin te/ gang dag tshul khrims 'chal bar 'gyur ba ste/ de dag ni mdo sde 'di lta bu 'di dag thos na song bar 'gyur ro// 'od srungs 'di lta ste/ dper na wa ni dur khrod du

  49. 25b

    gzhol bar 'gyur ro/ / 'od srungs de bzhin du de'i dus na dge slong de dag kyang mdo sde 'di lta bu 'di dag thos na khyim la gzhol bar 'gyur/ 'dod pa la gzhol bar 'gyur/ bud med la gzhol bar 'gyur/ 'thab mo dang mtshang 'dru ba la gzhol bar 'gyur/ 'dus pa la gzhol bar 'gyur/ rtsi sman gyi tha snyad la gzhol bar 'gyur/ rgyal po'i bkrabs par 'gyur zhing / der gnas pa dag ches tshul khrims 'chal par 'gyur te/ de ni de dag gi dur khrod du 'gro ba zhes bshad do// 'od srungs 'di lta ste/ dper na wa ni khung du gzhol lo// 'od srungs de bzhin du de'i dus na dge slong de dag kyang 'chi ba'i dus byas na ngan 'gror gzhol bar 'gyur te/ de ni de dag gi khung du 'gro bar bshad do// 'od srungs 'di lta ste/ dper na wa ni phug tu gzhol lo// 'od srungs de bzhin du de'i dus na dge slong de dag kyang spu gris gtams pa dang / ral gris 'dab ma can gyi tshal gyi sems can dmyal ba chen po rnams dang / gsal shing gi tshal gyi sems can dmyal ba chen po rnams su rgyug cing rnam par rgyug par 'gyur te/ 'di ni de dag gi wa'i 'gro ba zhes bshad do// 'od srungs wa'i chos dang ldan pa'i dge slong ni mdo sde 'di lta bu 'di dag gzung ba 'am/ rtog par byed ni mi nus kyi/ gang smad cing spangs nas de lus zhig ste shi ba'i 'og tu ngan song ngan 'gro log par ltung ba sems can dmyal ba rnams su ltung bar ni byed nus so// 'od srungs dge

  50. 26a

    slong gang 'di skad ces btags pa'i chos yang dag pa ma yin na/ gang de bzhin gshegs pa zhes brjod par gyur pa 'di'ang btags pa ste/ yang dag pa ma yin pa'o zhes zer ba de la/ dge slong mkhas pa rnams kyis 'di skad ces brjod par bya'o// tshe dang ldan pa stong pa nyid dam/ 'on te btags pa'am/ gnas gang gis gnas 'di brjod ces brjod par bya'o/ / de gal te 'di skad du btags pa'o zhes zer na/ de la 'di skad brjod par bya ste/ 'o na ni khyod kyang sangs rgyas su 'gyur ro// de ci'i phyir zhe na/ khyod kyis ming btags pa'ang yod pa'i phyir ro zhes brjod par bya'o/ / de gal te 'di skad du stong pa nyid du zhe na/ de la 'di skad du 'o na ni brjod par mi bya'o// de ci'i phyir zhe na/ stong pa nyid ni brjod du med pa'i phyir te/ des stong pa btags so// stong pa gang yang bdag gam/ bdag gi'am/ sems can gyis stong pa ma yin pa de stong pa'o zhes brjod par bya'o// yang dge slong de la dge slong khyod ci chos thams cad stong par 'dod dam zhes dri bar bya'o/ / de gal te 'di skad du kho bo ni stong pa nyid mi 'dod do zhes zer na/ de la 'di skad du tshe dang ldan pa khyod ni dge sbyong shAkya'i sras las nyams nas yun ring ngo / / de ci'i phyir zhe na/ bcom ldan 'das de ni stong pa nyid gsung ba ste/ bdag tu gsung ba ma yin/ sems can du gsung ba ma yin/ srog tu gsung ba ma

  51. 26b

    yin/ gang zag tu gsung ba ma yin pa'i phyir ro zhes brjod par bya'o// de gal te 'di skad du chos thams cad ni stong pa ste/ kho bo stong pa nyid 'dod do zhes zer na/ de la 'di skad du tshe dang ldan pa chos thams cad kyang stong na de bzhin gshegs pa dgra bcom pa yang dag par rdzogs pa'i sangs rgyas lta ci smos/ tshe dang ldan pa ci mig de bzhin gshegs pa yin nam/ ci rna ba dang / sna dang / lce dang / lus dang / yid de bzhin gshegs pa yin zhes brjod par bya'o// de gal te 'di skad du mig de bzhin gshegs pa yin/ rna ba dang / sna dang / lce dang / lus dang / yid de bzhin gshegs pa yin no zhes zer na/ de la 'di skad du 'o na ni tshe dang ldan pa'ang de bzhin gshegs pa yin no zhes brjod par bya'o// de gal te 'di skad du mig de bzhin gshegs pa ma yin te/ yid kyi bar du de bzhin gshegs pa ma yin no zhes zer na/ de la 'di skad du de ltar na mig ni btags pa ste/ de de bzhin gshegs pa ma yin/ yid kyi bar du btags pa ste/ de de bzhin gshegs pa ma yin no// tshe dang ldan pa de ltar na khyod 'di skad du de bzhin gshegs pa btags pa ma yin no zhes zer na/ gnas der bdag cag gis ci zhig ma thob par gyur ces brjod par bya'o/ / de gal te 'di skad du mig de bzhin gshegs pa ma yin/ de bzhin gshegs pa mig las gzhan pa'ang ma yin/ yid kyi bar du de

  52. 27a

    bzhin gshegs pa ma yin/ de bzhin gshegs pa yid las gzhan pa'ang ma yin no zhes zer na/ de la 'di skad du de bzhin gshegs pas skye mched bcu gnyis gsungs pa ni/ 'di lta ste/ mig gi skye mched dang / gzugs kyi skye mched nas/ yid kyi skye mched dang / chos kyi skye mched de/ tshe dang ldan pa de dag ni sems can nam/ sems can du btags par zad na/ tshe dang ldan pa ci mig de bzhin gshegs pa yin nam/ yid kyi bar du de bzhin gshegs pa yin nom zhes brjod par bya'o// de gal te 'di skad du mig de bzhin gshegs pa yin te/ yid kyi bar du de bzhin gshegs pa yin no zhes zer na/ de la 'di skad du 'o na sems can thams cad kyang sangs rgyas su 'gyur te/ sa thams cad dang / ri thams cad dang / shing thams cad dang / srid par gtogs pa rnams su sangs rgyas su 'gyur ro zhes brjod par bya'o// de gal te 'di skad du mig de bzhin gshegs pa ma yin te// yid kyi bar du de bzhin gsheg pa ma yin no zhes zer na/ de la 'di skad du de bzhin gshegs pas chos dang chos ma yin pa bstan pa ni 'di dag go zhes brjod par bya'o// de gal te 'di skad du gzugs de bzhin gshegs pa ma yin te/ chos kyi bar du de bzhin gshegs pa ma yin no zhes zer na/ tshe dang ldan pa ci chos ma yin pa de bzhin gshegs pa ma yin nam zhes brjod par bya'o//

  53. 27b

    de gal te 'di skad du chos ma yin pa de bzhin gshegs pa'o zhes zer na/ de la 'di skad du 'o na sems can gang dag par mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi gtso bo mi skyong ba dang / srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma smra ba dang / ngag rtsub po smra ba dang / tshig bkyal pa smra ba dang / brnab sems can dang / gnod sems kyi sems dang ldan pa dang / log par lta ba dag dang / srid par bsdus pa de dag thams cad kyang de bzhin gshegs par 'gyur ro zhes brjod par bya'o/ / de gal te 'di skad du chos ma yin pa de bzhin gshegs pa ma yin no zhes zer na/ de la 'di skad du de'i phyir de bzhin gshegs pa ni chos kyang ma yin/ chos ma yin pa'ang ma yin no// gang chos kyang ma yin/ chos ma yin pa'ang ma yin pa de la btags pa med do// tshe dang ldan pa de ltar na 'di skad du de bzhin gshegs pa btag pa ma yin no zhes zer ram zhes brjod par bya'o/ / 'od srungs de ltar na mi blun po de dag ni dus dus su chos dang mthun pas tshar gcad par bya'o// 'od srungs gang chos dang mthun par nges par 'byung ba 'di la chos dang mthun pas phyir smra nus pa de ni lha dang bcas pa dang / bdud dang bcas pa dang / tshangs pa dang bcas pa'i 'jig rten na ngas ma mthong ste/ gzhan du na khro ba dang / zhe

  54. 28a

    sdang dang / gti mug dang / mi bzod pa dang / rkyen med par smras nas/ chos stong pa la smod cing 'gro bar 'gyur ba ni ma gtogs so// 'od srungs de ltar khyod kyis mdo sde 'di lta bu 'di dag gzung bar bya'o/ / 'od srungs gang dag mdo sde 'di lta bu 'di dag 'dzin par ma 'gyur ba'i dus de yod de/ de dag la ming gsum 'dogs par 'gyur ro// gsum gang zhe na/ 'di lta ste/ chad par smra zhing dngos po med pa dang / phung po med pa dang / rim gro med pa'o// 'od srungs de ltar na de'i tshe mdo sde 'di lta bu 'di dag spong bar 'gyur ro// 'od srungs de'i dus na 'di ltar de bzhin gshegs pa la bsti stang mi byed pa dang / chos la bsti stang mi byed par 'gyur te/ de bzhin gshegs pa dang chos la bsti stang med par byas nas/ dge 'dun gyi ming gi tshogs lhag mar 'gyur ba la ltos/ de dag ni btags pa la brten par 'gyur/ ming la brten par 'gyur te/ de dag sangs rgyas dang chos kyi ming brjod cing gzhan dag la ston kyang / sangs rgyas ji ltar blta bar bya ba ni shes par mi 'gyur ro/ / de dag sangs rgyas dang chos shes tshig tu rjod kyang de bzhin gshegs pas chos bshad pa gang yin pa de ni shes par mi 'gyur ro// de dag skyes bu bzung bzhi dang skyes bu gang zag brgyad rjod par 'gyur zhing / bcom ldan 'das kyi nyan thos kyi ming tsam shes par 'gyur te/ yon tan gang dag gis de'i ming dang de'i don ni rig par mi/ de'i don ni shes par mi 'gyur ro// de dag gos

  55. 28b

    dang zas kyi ched dang / mal stan dang / na ba'i gsos sman dang / yo byad kyi phyir chos spong bar 'gyur ro// de la byang chub sems dpas mdo sde 'di lta bu 'di dag khong du chud par bya ba'i phyir/ brtson 'grus brtsam par bya/ bdag 'jug par byas la gzung bar bya'o// de ci'i phyir zhe na/ de dag phyi ma'i dus na chos kyi grong khyer skyong bar 'gyur ba'i phyir ro// chos bstan pa 'di lta bus bskal pa dgu bcu rtsa gcig stongs par 'gyur ro/ / 'od srungs ngas mngon par shes te/ 'das pa'i dus na bskal pa stong la de bzhin gshegs pa gcig 'jig rten du byung ngo // 'od srungs ngas mngon par shes te/ 'das pa'i dus na de bzhin gshegs pa zhi ba dang ldan pa zhes bya ba byang chub sems dpa' rnams yongs su smin par mdzad pa dang / 'jig rten gyi don gyi phyir bskal pa brgyad khri bzhi stong du bzhugs par gyur to/ / 'od srungs ngas mngon par shes te/ 'das pa'i dus na de bzhin gshegs pa dri ma med pa zhes bya ba bskal pa bye ba phrag nyi shur bzhugs te/ bskal pa bye ba phrag nyi shur byang chub sems dpa'i spyod pa spyad nas gdod bla na med pa yang dag par rdzogs pa'i byang chub mngon par rdzogs par sangs rgyas so// 'od srungs de bzhin gshegs pa sems can rnams la phan gdags pa'i phyir ji tsam du dka' ba mdzad pa la ltos/ 'od srungs bskal pa'i snyigs ma 'di lta bu zad pa'i dus na ngas smad par mi bya'o// 'od srungs tha na sems

  56. 29a

    can gcig gis nga'i chos shes pa dang / thams cad lag na dbyig pa thogs shing / lag na mtshon thogs te/ nga'i gan du rgyug cing 'ong bar mi sems pa de'ang ngo mtshar shin tu che'o/ / de ci'i phyir zhe na/ 'od srungs skyes bu dam pa'i chos ni 'di dag yin te/ 'di lta ste/ 'dus byas thams cad la mngon par 'du mi byed pa shes par dka' ba'i phyir ro// bdag tu/ lta ba 'am/ sems can du lta ba 'am/ srog tu lta ba 'am/ gang zag tu lta ba'am/ 'byung bar lta ba 'am/ phung po la mngon par brten pa 'am/ tshul khrims su lta ba 'am/ sangs rgyas su lta ba 'am/ chos su lta ba 'am/ dge 'dun du lta ba 'am/ mya ngan las 'das par lta ba 'am/ gang la la mya ngan las 'das par lta ba de dag thams cad ni/ de bzhin gshegs pas log par lta bar mkhyen to/ / de ci'i phyir zhe na/ 'od srungs de bzhin gshegs pa ni mya ngan las 'das pa la mi dgongs shing mya ngan las 'das pa mi dmigs pa'i phyir ro// 'od srungs gang dag mya ngan las 'das pa la sems shing dmigs pa de dag thams cad ni de bzhin gshegs pa'i log par lta bar mkhyen to/ / gang dag log par lta ba de dag ni mi shes pa zhes bya'o// gang dag mi shes pa de dag ni smras pa'o/ / gang dag smras pa de dag ni byis pa'o// byis pa gang yin pa de dag la sangs rgyas kyi byang chub kyis ci zhig bya ste/ de dag ni tha na mtho ris su skye ba dang yang ring ngo //

  57. 29b

    'od srungs ma 'ongs pa'i dus na/ dge slong lo nyi shu 'am/ lo bzhi bcu 'am/ lo lnga bcu 'am/ drug cu 'am/ bdun cu 'am/ brgyad cu 'am/ dgu bcu 'am/ lo brgya thub ste rgabs zil gyis non pa/ chos gos kyis brgyan pa/ mgo bregs pa/ lus bslus pa/ rgas pa/ gnas brtan du chud pa/ gti mug pa/ 'khogs pa/ garba brjid nyams pa/ log par zhugs pa dag 'byung ste/ de dag 'chi ba'i dus kyi tshe/ sdig pa 'dod pas zil gyis non nas/ bsams bzhin du lhong pa'i chos rnams kyis gnas te/ de dag gnas gsum gyi rtogs pa rjod par 'gyur ro// gsum gang zhe na/ 'di lta ste/ yang na spyod lam kun tu ston pas sam/ yang na spyod pa 'dzin pas sam/ yang na mdzub mo bsgreng ba ste/ gnas gsum po 'di dag gis rtogs pa rjod par 'gyur ro// de dag lhag pa'i nga rgyal can du gyur pas 'chi ba'i dus kyi tshe/ 'gyod pa'i sems kyis 'chi ba'i dus byed par 'gyur te/ de dag lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// 'od srungs de lta bas na khyod mos par bya/ khyod kyi khong du chud par bya ste/ ci nas kyang dge ba'i bshes gnyen dang / don 'dod pa dang / snying brtse ba can du bya zhing / 'di lta ste/ dper na kun tu rgyu rtsa ba can dang 'ching ba pa bzhin du phyis 'gyod par mi

  58. 30a

    bya'o/ / 'od srungs bdag tu lta ba la rab tu 'byung bar nga skabs mi 'byed de/ sems can du lta ba la ma yin/ srog tu lta ba la ma yin zhing / gang zag tu lta ba la rab tu/ 'byung ba'i skabs mi 'byed do// gang dag la skabs ma phye ba de dag bstan pa 'di la rab tu 'byung zhing / rkun ma de dag dad pas byin pa yin pa yongs su spyod de/ yang dag pa'i dge slong tshul khrims dang ldan pa ni ma yin no/ / 'od srungs mis zhag drug gi bar du zan ma zos pa ni bla'i/ bstan pa 'di la rab tu 'byung nas 'di lta ste/ bdag tu lta ba 'am/ sems can dang srog tu lta ba 'am/ gang zag tu lta ba 'am/ mya ngan las 'das pa'i bar du lta bas dad pas byin pa yongs su spyad pa ni de ltar ma yin no// de la byang chub sems dpas bdag tu lta bar mi 'gyur ba dang sems can du lta bar mi 'gyur ba dang / srog tu lta bar mi 'gyur ba dang / gang zag tu lta bar mi 'gyur ba dang / 'byung bar lta bar mi 'gyur ba dang / mya ngan las 'das par lta bar mi 'gyur bar bya zhing / lta ba thams cad spang ba'i phyir chos bstan par brtson 'grus brtsam par bya'o// 'od srungs skyes bu dam pa de lta bu de dag la ngas mdo sde 'di lta bu 'di dag rjes su gtad do// de ci'i phyir zhe na/ 'di ltar de dag ni nga ci 'dra ba de 'dra bar 'gyur bar 'dod pa'i phyir ro// gang dag de 'dra bar 'gyur bar 'dod pa de dag ni nga 'dra ba rnams kyi brdar byas pa'o// gang dag nged kyis brdar bya ba

  59. 30b

    de dag gis nged la bskul bar bya'o/ / de nas de'i tshe bcom ldan 'das kyis tshigs su bcad pa 'di dag bka' stsal to// gang dag spros pa mi mnga' ba// 'jig rten mgon rnams ma gtogs par/ / sems can gnod pas nyen gyur pa// de dag rnams kyi skyabs med do// dman zhing gol ba'i lam zhugs pa// sems can gnod par gyur rnams la// gang gis ngan 'gror 'gro ba yi/ / 'dod chags phyir zhing rab tu 'phel// 'dren pa med cing mgon med pa'i// dgon pa la ni rab tu gnas// gang na bde ba med pa yi// lam de la ni rab tu zhugs// dper na mda' gzhu ma thogs pa'i/ / tshong pa lam du zhugs gyur pa// de ni chom pos bcom nas su// de las nor rnams kun phrogs te// sdug bsngal las byung gang gi nor// rnam par chud gzan byas 'ongs te/ / dngos po gang dang gang gzung ba// de las phyir yang gnod pa 'byung // de bzhin 'di na kha cig kyang // chos kyi bya bas 'ongs pa yang // sngon gyi dge ba dam pa mchog/ nor de spyad nas 'ongs pa yin/ / de dag 'di na mgo bregs bsten// byis pa'i lta ba'i dbang du song // bdag dang srog dang de bzhin du// gang zag 'du shes 'dzin par 'gyur// dge slong gang dag stong nyid smra// gang dag la ni mi brten pa/ / de la sdang ba'i sems bskyed nas// myur du ngan 'gror 'gro bar 'gyur// gnod pa'i sems ni byed par 'gyur// gcig la gcig ni gnod par byed// yod pa ma yin skur pa

  60. 31a

    'debs/ / de la des ni khrel bar 'gyur// lus kyis gnod cing ngag gis gnod// yid ni shin tu g.yo dang ldan// gang dag phyin ci log lta ba// de dag 'gro ba shin sdig/ sdig pa'i las rnams byas nas su// myur du ngan 'gror 'gro bar 'gyur// sdug bsngal rnams kyis gnod 'gyur la// dpung gnyen med cing skyabs kyang med// ma 'ongs dus na dge slong ngas gnod sems dpa' ba 'byung 'gyur te/ / gang dag byang chub rjes zhugs pa'i// dge slong rnams la gnod par 'gyur// shin tu mi bzad gyur pa dag/ mdo sde 'di 'dra 'di dag spong // shAkya seng ge'i bstan pa la/ / phyir zhing dad par mi 'gyur ro// gcig la gcig ni gnod pa'i sems// shin tu chen po byed par 'gyur// gcig la gcig ni mi snyan pa// phyogs phyogs dag tu sgrog par 'gyur// yod pa ma yin skur 'debs shing // de la de dag khrel bar 'gyur// sdig pa'i bshes gnyen dpung skye zhing // des na nges pa mthu chung 'gyur// dam chos mthu chung byas nas su// sdig pa can dag dpung skyes nas/ / nga sras thugs las skyes pa yis// dge slong de dag 'dong bar 'gyur// phyogs gang du ni 'dod snyam zhing // gang du dge bar 'gyur ba dang // sdig pa rnams las 'grol 'gyur zhes/ / de la snying rje skye bar 'gyur// de phyir de dag mdo sde 'di// de yi tshe ni yid la 'dzin// mtha' 'khob tu ni dga' gyis shes// 'jig rten mgon gyis bka' stsal gyis// tshur shog sangs

  61. 31b

    rgyas bsngags pa yi/ / mtha' 'khob der ni 'dong bar bya// rnam par 'jig pa'i dus bab pa// da ltar nges pa shin tu dkon// de na kha cig 'di skad 'dzer// gang du drang srong chen po des// bla med byang chub brnyes gyur pa/ / der ni myur 'dod tshur shog cig/ de na kha cig 'di skad 'dzer// nges pa 'di ni legs par smras// yul rgyu 'bras bu yod do zhes// 'jig rten mgon gyis bka'/ stsal to// byang chub sa ni yid 'ong ba// der 'dong ba ni ches bla yi// gnod pa'i sems kyis 'dir gtses nas// 'chi 'gyur de lta ma yin zhes// nga yi phyir ni yul rgyu zhing // dge slong de dag 'dong bar 'gyur/ / sangs rgyas bzhugs bzhugs rab bzang ba// gnas ni der yang mthong bar 'gyur// 'chag sa dang ni bzhugs sa dang // rdo leb shing drung stongs gyur pa// der ni dag 'dus nas su/ / yang dang yang du ngu bar 'gyur// 'di ni drang srong che de yi// 'chag sa yongs su spyad pa ste// de yi tshe na der byung ba// sangs rgyas de ni ma mthong ngo // 'di ni drang srong chen po des/ / 'dus byas thams cad mi rtag ces// chos kyi dam pa bstan par mdzad// de yang bdag cag dang ma mthong // mi dang mi ma yin rnams dang // lha dang klu rnams lhags gyur nas// legs par gsungs pas tshim mdzad pa/ / de yang bdag cag stongs par mthong // byang chub snying po dam pa'i mchog/ sangs rgyas sa dang nyer dong ste// de dag der ni tshogs gyur nas// tshul bzhin du

  62. 32a

    @ni sems par 'gyur/ / 'dir ni 'jig rten mgon po des// byang chub bla na med pa brnyes// 'dir ni sdig can dpung bcas pa// wa ni shin tu skrag par mdzad// gang na sangs rgyas gdan yod pa/ / 'di ni sa yi snying po ste// 'das dang gang dag 'byung 'gyur ba// kun gyi gdan yang 'di yin no// 'di nyid du ni dpal chen la// lha mang bye bas bsti stang byas// zhag bdun skyil mo krung gcig gis// shing 'di la ni gzigs par mdzad// der yang bsti stang byas nas su// gang du 'khor lo rab bskor cing // tshangs pa'i 'jig rten go gyur pa// chos bstan par ni 'dong bar 'gyur/ / dge slong dag ni der dong nas// yang dang yang du ngu bar 'gyur// dpa' bo 'dir ni gshegs nas su// de'i tshe lnga sde btul bar mdzad// lnga sdes sangs rgyas mthong nas su// yid mi bde ba skyes gyur to/ / gang yang ldang ba mi bya zhes// 'og khrims de ni bcas par gyur// ston pa thugs rje ldan pa des// srog chags rnams la thugs rje mdzad// 'chi med 'bras bu thob 'gyur ba// dge slong lnga sde rnams la gtams/ / chos kyi 'khor lor phyag 'tshal zhing // yang dang yang du dus byas nas// gang du mya ngan 'das gyur te// mtha' mar sangs rgyas mthong bar 'dong // srog chags kun la phan pa'i phyir/ / 'di ni 'jig rten mgon po des// sku yi tshig ni dbye ba mdzad// 'di ni sangs rgyas mya ngan 'das// shAkya seng ge thub pa che// kye ma sangs rgyas zhes kyang 'dzed// khyod kyi sgra ni thos

  63. 32b

    gyur gyi/ / khyod ni de ring ma mthong ngo // 'dir ni drang srong chen po des// dge slong rab bzang tha ma pa// 'dir ni tham par gyur ces// ye shes kyis ni snga nas mkhyen// kha cig rnam par rgyu zhing 'chi// kha cig legs par gnas shing mchi/ / kha cig rgyu ba byas nas 'chi// de dag kun kyang bde 'gror 'gro// de nas phyi ma'i dus kyi tshe// gang dag tshul khrims rab gnas pa// de dag gi ni bstan pa 'di// shin tu rgya chen 'gag par 'gyur// dge slong gang dag khrims 'chal pa// de dag thams cad mchod par 'gyur// dad pas byin pa de spyad nas// myur du ngan 'gror 'gro bar 'gyur// phyi ma'i dus na'ang shes rab can/ / myur du bde 'gror 'gro 'gyur ba// ci 'dra de tshe 'byung 'gyur ba// dge slong rnams kyi bye brag ltos// don 'jig rten snang byed pa// 'jig rten la ni snying brtse ba// byang chub sems dpa' shes rab che/ / byams pa'i sems kyis phan byed rnams// dga' zhing mgu ba'i sems kyis ni// de dag zhal ta byed par 'gyur// bdag cag sangs rgyas 'gyur bar bya// bdag cag byams pa mnyes par bya/ / srog chags kun gyi mdun du ni// bdag cag ston la bsti stang bya// ji ltar bdag cag bsams pa bzhin// thams cad mkhyen pa lung ston 'gyur// mthu po che ni de dag gi/ don phyir ngas ni bshad par bya// de dag gis ni mngon mthong bzhin// sangs rgyas des ni de dag gzigs// ngas ni 'di dag dbugs dbyung ngo // nga yang 'di 'drar 'gyur bya

  64. 33a

    zhes/ / byang chub yan lag yongs tshol zhing // sangs rgyas kun la phyag 'tshal lo// de na bud med gang dag kyang // byang chub mchog la zhugs gyur pa// de dag kun kyang dbugs dbyung ngo / / de bzhin gshegs pa dpag tu med// bud med mtshan rnams spangs gyur nas// myur du skyes par reg par 'gyur// sangs rgyas byams pa de mthong nas// de dag bsti stangs byed par 'gyur/ / 'dun pa drag po bskyed byas la// bshes gnyen rnams ni bslab byas na// yongs su tshol ba de dag kun// dka' ba med pa rnyed par 'gyur// 'dun pa drag cing khrims ldan dang / / mang du thos par gyur nas su// de tshe sangs rgyas ston pa po// byams pas de dag lung ston 'gyur// de bas don ni thos gyur nas// ngad pa bzang po skyed par 'gyur// sems can kun la phan gdags phyir// sems ni brtan por byed par 'gyur// 'di ni mi gang yongs tshol ba// gnas de ci phyir rnyed mi 'gyur// gang la shes rab brtson 'grus yod// de la byang chub dkon pa med/ / dga' zhing mgu ba'i sems kyis ni// g.yo dang ldan par yong mi bya// byams pa'i sems ni bsgom par bya// bas mtha' dgon par gnas par bya// 'di ni byang chub spyod pa yin// gang ngag 'di las gsogs chos kyis/ / gnas 'di rab tu rjod byed pa// de dag chom rkun drag po che// sems can kun gyis phyag byas so// gang dag bza' dang btung ba dang // rnyed dang bkur sti'i don gyi phyir

  65. 33b

    chos rnams mthun par gzung byas nas/ / phan tshun du ni 'chang bar 'gyur// de dag srog ni mchog min te// de dag srog ni don med do// de ni 'chi zhing 'phongs par 'gyur// des ni ngan song myur du 'gyur/ / chos kyi sgo nas kha cig ni// dge slong min la dge slong ming // so sor thar pa legs gsungs dang // mdo sde bsngags min rjod par 'gyur// gang du rang khrims phun sum tshogs// 'di 'dra ba dag ngas bshad pa/ / dge slong gzugs kyis spong gyur te// de dag la ni bzang 'gro med// gang zhig lhar bcas 'jig rten la// de snyed skur pa btab pa bas// gang gis kun mkhyen ston pa la// bskur btab de ni debs mang // lus kyis kun tu bsdam par bya// ngag gis yang dag bsdam par bya// yid kyis sdang bar mi bsams te// de tshe mya ngan 'das par gyis// 'od srungs de bzhin gshegs pa yongs su mya ngan las 'das shing / sngon gyi rgyal ba la lhag par bya ba byas pa'i dge slong rnams kyang yongs su mya ngan las 'das la/ lhag pa'i bsam pa phun sum tshogs pa'i sems can rnams kyang 'chi ba'i dus byas te/ zad par gyur pa 'byung ba'i dus de yod de/ dam pa'i chos phyi ma la lo lnga brgya pa tha mar gyur pa na/ dge slong brkam pa chags pas zil gyis non pa/ chags pa yang bas zil gyis non pa/ phra ma can/ gtum pa/ brlang ba/ rtsub pa/ khro gnyer mang ba/ chos gsum la gnas pa dag 'byung ste/ gsum gang zhe na/ spang ba'i tha snyad la gnas pa dang /

  66. 34a

    gi spyod pa la gnas pa dang / bud med dang 'dre zhing gnas pa ste/ chos gsum po de dag la gnas par 'gyur ro// chos bzhi las yongs su nyams par 'gyur te/ bzhi gang zhe na/ tshul khrims kyi phung po las yongs su nyams par 'gyur ba dang / bzang 'gror 'gro ba las yongs su nyams par 'gyur ba dang / 'bras bu thob pa las yongs su nyams par 'gyur ba dang / sangs rgyas la yang dag par ji lta ba bzhin du lta ba las yongs su nyams par 'gyur ba'o/ / chos bzhi po de dag dang ldan pa de rnams las skyo bar byed pa'i chos bzhi shin tu shas che bar 'gyur te/ bzhi gang zhe na/ de dag la phrag dog shin tu shas che bar 'gyur ba dang / de dag la khro ba shin tu shas che bar gyur pa dang / de dag la khyim la lhag par chags pa shin tu shas che bar 'gyur ba dang / bdag kyang yongs su spangs te brkam pas zas sogs pa'i gnas kyis bum par 'jog par 'gyur te/ de dag chos gos la zhen nas/ chags pas zil gyis non nas/ za ma tog lta bu'i chos mang du kun spyod par 'gyur/ za ma tog lta bu'i chos yang dag par blangs nas gnas par 'gyur/ gsog dang ya ma brlar 'gyur te/ de dag la dge slong gi chos gnas par mi 'gyur ro// chos 'di lta bu 'di dag thos nas/ gnas bzhi lhag par yongs su tshol bar 'gyur te/ bzhi gang zhe na/ chos spong ba lhag par yongs su tshol bar 'gyur ba dang / ma gnang ba smra bar 'gyur ba dang / bud med 'ba' zhig 'khod pa la chos 'chad par 'gyur ba dang / de dag de lta bu byed cing so sor thar pa

  67. 34b

    spong ba lhag par yongs su tshol bar 'gyur ba ste/ de dag mdo sde 'di lta bu 'di dag thos nas/ de bas kyang cher chos kyis 'phongs par 'gyur ba'i las byed par 'gyur ro// 'od srungs 'di lta ste/ dper na khyi khro bo'i snar mkhris pa bskus na/ 'od srungs 'di ji snyam du sems/ khyi de de bas kyang cher shin tu khro bar 'gyur ram/ gsol pa/ bcom ldan 'das de de lta lags so// bcom ldan 'das kyis bka' stsal pa/ 'od srungs de bzhin du skyes bu dam pa ma yin pa khyi dang 'dra ba 'dre dang 'dra ba de dag 'byung bar 'gyur te/ dge slong mdo sde bsam pa'i gzhi la gnas pa/ chos 'di lta bu 'dzin pa/ chos 'di lta bu ston pa dag gis de dag yang dag par 'dod pa chung ba la bkod cing / 'dod pa chung ba'i bsngags pa smrar bcug na/ de dag gis thos nas mi dga' bar 'gyur/ sgyid lug par yang 'gyur/ zhum par 'gyur/ yongs su gdung bar 'gyur/ khro bas zil gyis non par 'gyur te/ bdag cag dus ma yin pa dang phyogs ma yin par bkod do// bdag cag dus ma yin par bkod par gyur pa las so sor rjes su sbyor ba byas te/ ci byed pa byed par 'gyur zhes smra bar 'gyur/ mdo sde 'di lta bu 'di dag thos nas spong bar 'gyur/ ral gri'i so dang mdung thung lta bu'i khro ba rig par byed par 'gyur/ de dag 'dod pa chung ba'i bsngags pa mi smra bas/ 'di sangs rgyas kyis gsungs pa ma yin no zhes tshig tu smra bar 'gyur te/ de dag 'dod pa chung ba ma yin zhing 'dod pa che ba yongs su 'dzin to// 'od srungs ngas ni rnam grangs

  68. 35a

    du mas 'dod pa chung ba'i bsngags pa gsungs te/ 'tsho ba yongs su dag pas chog shes pa dang / gso sla ba dang / dgang sla ba dang / yo byad bsnyungs pa dag dang / sbyangs pa'i yon tan dang / mdzes pa dang / dgon pa la gnas pa dang / brtson 'grus brtsams pa'i bsngags pa gsungs so// khyed za ma tog lta bu'i chos la kun tu spyod pa mang bar ma byed cig/ de ci'i phyir zhe na/ chos 'di dag ni snying stobs skyed pa yin pa'i phyir te/ khyed g.yo ba ma byed cig/ chos 'di dag ni snying stobs skyed pa yin gyis/ khyed khro ba la gdu bar ma byed cig/ khyed dngos po len par ma byed cig/ byed dngos po med par gyis shig/ khyed mtshan ma'i 'du shes ma byed cig/ khyed gnas med pa dang 'dris pa med par gyis shig/ khyed pa glang dang bong bu sdud par ma byed cig/ khyed le lo'i gnas rnams dang ldan par ma byed cig/ khyed mi dge ba'i chos spang ba dang dge ba'i chos bsgrub pa'i phyir brtson 'grus rtsoms shig/ 'od srungs ngas ni rnam grangs du mas dben pa bsngags te/ dgon pa la gnas pa dang 'du'adzi med pa bsngags so/ / de nas yo byad ma bsrungs pa la gnas pa/ 'dod pa che ba/ sdig pa 'dod pa/ yo byad ma bsrungs pa'i tshul la gnas pa dag gis/ yo byad bsnyungs pa la gnas pa 'di lta bu 'di dag spong bar 'gyur ro/ / 'od srungs 'di lta ste/ dper na dbyar zla 'bring po la mi zhig mar 'thung la/ de'ang shes rab 'chal pa'i rang bzhin can zhig pas skom nas chu tshol te/ des mi zhig la chu bslang

  69. 35b

    pa dang / des 'di skad du/ kye mi khyod mar 'thungs kyis/ chu 'dod par ma byed cig/ shi bar 'gyur ta re zhes smras pa dang / de khro bas zil gyis non nas/ mi de la mi snyan pa rjod cing gshe la/ de'i tshig ma mnyan te/ des chu 'thungs nas 'chi ba'i dus byed pa de bzhin du/ 'od srungs gang dag dmigs pa can gyi rang bzhin can brkam pa/ yon tan ma yin pa la gnas pa'i dge slong dag 'byung bar 'gyur te/ de dag la chos 'di lta bu 'dzin pa'i dge slong dag gis ni 'di ni bya ba'o// 'di ni bya ba ma yin pa'o zhes bskul na/ de dag khro bas zil gyis non nas mi snyan pa rjod pa dang gshe bar 'gyur te/ mdo sde 'di lta bu 'di dag dang / de bzhin gshegs pa'i gdam pa dang rjes su bstan pa spong bar 'gyur ro// 'od srungs de lta bas na de ltar phal cher de bzhin gshegs pa dang rtsod do/ / 'od srungs de bzhin gshegs pa dge slong gi dge 'dun la bslabs pa'i gzhi 'cha' zhing stan gcig par za ba bsngags pa na/ dge slong bzang skyong khro bas zil gyis non nas zla ba gsum na nga'i gan du 'ongs pa la ltos/ 'od srungs nga'i tshangs par spyod pa'i snying po mchog 'di nyid la gnas skabs 'di lta bu 'di byung na/ de bzhin gshegs pa yongs su mya ngan las 'das nas lta ci smos/ dge slong zang zing la chags pa/ lhung bzed la chags pa/ chos gos la chags pa/ na ba'i gsos sman dang yo byad la chags pa/ rmugs pa dang gnyid kyi dbang du song ba dang

  70. 36a

    gnod sems la dpa' ba'i dge slong rnams mdo sde 'di lta bu 'di dag thos na/ de bzhin gshegs pa la'ang bsti stang med par 'gyur na/ dge slong gang dag bya ba la gnas pa rnams la lta ci smos/ 'od srungs gang chos rin po che 'di lta bu 'di nub par 'gyur ba ni ma legs pa'o// shin tu ma legs pa'o// de la rigs kyi bu dang / rigs kyi bu mo don 'dod pa dang pas phyi ma'i dus/ snyigs ma'i dus/ shin tu 'chab pa'i dus/ rigs kyi bu mu ge byung ba'i dus de na/ nga'i bstan pa la mdo sde zab mo 'di lta bu 'di dag thos nas/ rig pa dang ldan pa rnams la brjod par bya'i rig pa dang mi ldan pa rnams la ni ma yin no/ / dad pa rnams la brjod par bya'i/ ma dad pa rnams la ni ma yin no// 'od srungs nga'ang da ltar rig pa dang ldan pa rnams la ni smra'i/ rig pa dang mi ldan pa rnams la ni ma yin no/ / ngang pa rnams la smra'i/ ma dad pa rnams la ni ma yin no// 'od srungs rta dmu rgod ni rta cang shes kyi go cha mi len to// len na'ang de la de yid mi dga' bar 'gyur na/ dung dang 'khar rnga dang / rnga bo che dang / rdza rnga'i sgra bzod pa lta ci smos te/ de ni gnas med do// 'od srungs de bzhin du dge slong tshul khrims 'chal pa'ang skyes bu dam pa'i chos la nam yang bzod par mi 'gyur ro/ / 'od srungs 'di lta ste/ dper na rta dmu rgod de ni 'drog par 'gyur ro// 'od srungs de bzhin du dge slong tshul khrims 'chal pa'ang tha na chos thams cad ni bdag med pa'o zhes tshig gcig smras na

  71. 36b

    de la bdag gi 'du shes can 'jig par 'gyur/ skrag par 'gyur/ rtsod par 'gyur na/ nye bar bstan pa na lta ci smos/ go cha bgos na bdud kyi sde bye ba phrag brgya pham par bya/ ji ltar shin tu rtsod par mi 'gyur ba de ltar pha rol pham par bya'o/ / de dag gi go tshad ni mi shigs pa'i rtsa ba dang / sbyangs pa'i yon tan dang / yo byad bsrungs pa'i rtsa ba dang / ma chags pa'i rtsa ba dang / zhe sdang med pa'i rtsa ba dang / gti mug med pa'i rtsa ba dang / phrag dog med pa'i rtsa ba dang / 'dod pa spong ba'i rtsa ba dang / gcig pu gnas pa'i rtsa ba dang / mi nyal ba'i rtsa ba'o// thams cad kyi thams cad du gnod sems kyi sems bskyed par mi bya/ thams cad kyi thams cad du 'dod chags kyi sems bskyed par mi bya/ gang du'ang re bar mi bya'o// go cha de ni re ba med pa'i rtsa ba zhes bya ste/ go cha de lta bu bgos nas byang chub tu sems bskyed par bya/ gang la'ang mngon par zhen pa med par bya'o// bdag tu 'du shes bskyed par mi bya ste/ sems can du 'du shes mi bskyed/ srog tu 'du shes mi bskyed/ gang zag tu 'du shes mi bskyed/ bud med du 'du shes mi bskyed/ skyes par 'du shes mi bskyed/ sa'i khams su 'du shes mi bskyed/ chu'i khams su 'du shes mi bskyed/ me'i khams su 'du shes mi bskyed/ rlung gi khams su 'du shes mi bskyed/ 'dod pa'i khams su 'du shes mi bskyed/ gzugs kyi khams su 'du shes mi bskyed/ gzugs

  72. 37a

    med pa'i khams su 'du shes mi bskyed/ tshul khrims su 'du shes mi bskyed/ 'chal pa'i tshul khrims su 'du shes mi bskyed/ stong pa nyid du 'du shes bskyed par mi bya/ thams cad la 'du shes bskyed par mi bya ste/ tha na mya ngan las 'das pa'i 'du shes bskyed par mi bya na/ bdag tu 'du shes bskyed pa lta ci smos/ ci'i phyir 'du shes bskyed par mi bya zhe na/ 'di la 'du shes de dag gang yang mi dmigs pa'i phyir ro// 'od srungs gal te 'dod chags yang dag pa yin du zin na/ de'i 'pho ba dang 'gog pa kun tu shes par mi 'gyur ro// 'od srungs 'di ltar 'dod chags ni yul na gnas pa dang / phyogs na gnas par mi gnas te/ brdzun du smra ba ni ma gtogs so// de lta bas na de bzhin gshegs pa ni yang dag pa gsung ba ste/ yang dag pa ji lta ba bzhin du gsung ngo // 'dod chags gang yin pa de ni bdag ma yin te/ de lta bu'i chos de dag ni dge sbyong gi chos rnams so// de la gang mi dmigs pa de dag ni dge sbyong gi chos yin no/ / gang dag gis 'du shes de gzung na/ de dag gis ri rab dang mnyam pa'i gang zag tu 'du shes gzung bar 'gyur te/ de dag ni bstan pa 'phags pa 'di las nyams pa ste/ de dag gi dge sbyong gis chos de dag ci'ang ma bskyed cing / de dag dge sbyong gi chos la gnas pa ma yin te/ rags pa lhur len pa'o// des na skyes bu gti mug pa gti mug gis rgas

  73. 37b

    pa de dag la sus kyang ci'ang brjod par mi bya'o/ / de ci'i phyir zhe na/ 'di ltar de dag gis ci'ang bzung ste/ des na sems can dmyal ba chen po mi bzad par bskal par gnas par 'gyur ba'i skabs yongs su gzung ba'i phyir ro/ / 'od srungs dge slong ko ka li ka dang / dge slong lhas byin dang / dge slong khan Da drab bya dang / dge slong ka ra ta ti sh+ya dang / dge slong rgya mtshos byin la ltos 'od srungs dge slong rta thul dang nab so la ltos/ 'od srungs dge slong skar bzangs nga'i g.yog byed de/ nga'i mdun na smra zhing 'chag pa dang 'dug pa la'ang lta/ rdzu 'phrul gyi stobs kyis steng gi bar snang la 'chag pa la'ang lta/ chos dang mthun pas mu stegs can stong tshar gcod pa la'ang lta la/ de nga la dad par mi byed cing / tshig re re la'ang mthun par mi byed pa la ltos/ gang tshig re re la'ang mthun par mi byed pa de ni ngan par 'gro bar 'gyur ro/ / kye yang sangs rgyas yang dag pa'o zhes tshig tu smra bar 'gyur ba de la ni/ tsan dan gyi phur ma ri rab tsam gyis gtor bar bya/ mngon par gtor bar bya'o/ / stong gsum gyi stong chen po'i 'jig rten gyi khams kyi tshad tsam gyi gdugs byas te steng gi bar snang la gzung bar bya'o// de ci'i phyir zhe na/ 'od srungs 'di ltar sangs rgyas kyi sgra yang dag pa la'ang yid ches par dka' na/ gang dad par gyur nas dad pas rab tu 'byung ba dang / 'dod pa'i yon tan spangs nas ci la'ang mi gnas par bsam gtan byed par 'gyur ba lta ci

  74. 38a

    / smos/ 'od srungs sems can gang dag 'di la ban byung/ dikar bcas pa'i bsgrub pa la slob pa dang / chos bdud rtsi de'ang rtogs pa de dag ni tu ngo mtshar che'o/ / 'od srungs 'di lta ste/ dper na 'dus pa chen por gyur pa'i nang na pags pa'i rnga sgra byung rgyal du 'byung ba/ legs par byas pa/ brjod pa bzhin du byed pa/ sbyin pa sbyin pa rnam par bkra ba dag gcig yod la/ mi zhig gis de mgo la mi lhung bar byas te cher sgrub pa'o zhes smra zhing gos dag gis dkris te khyer ba las/ 'od srungs bltas na sbyin pa ci'ang sbyin par ma gyur nas/ kye yang yod pa ma yin par mthong ste/ 'dor bar byed pa de bzhin du 'od srungs de bzhin gshegs pa'i dpal gyis sbyin pa ci' sbyin par mthong la/ kye yang yod pa ma yin par mthong nas 'dor bar 'gyur ro// 'od srungs bdag tu 'du shes pa las 'dod chags 'byung ngo // gzhan du 'du shes pa las 'dod chagaso 'byung ngo / / 'od srungs su bdag gis 'du shes yongs su shes pa de ni/ 'od srungs mdo sde 'di lta bu 'di dag thos nas mi 'khrug/ de ci'i phyir zhe na/ mi mthun pa las ga bar 'gyur ba'i phyir ro/ / de lta bas na chos 'di lta bu 'di dag thos nas/ de bas kyang shas cher yid byung ba'i sems 'thob bo// gang dag gis de shin tu bzung ba de dag ni log par lta ba'o//

  75. 38b

    gang dag log par lta ba de dag ni yang dag pa 'di lta bus bskul na 'khrug go// de ci'i phyir zhe na/ 'od srungs bdag tu 'du shes pa ni 'khrug par 'gyur ba'i phyir ro// 'od srungs dge slong ngam/ dge slong ma 'am/ dge bsnyen nam/ dge bsnyen ma gang zhig chos 'di lta bu 'di dag thos nas 'khrug gam/ gnod sems bskyed dam/ spong bar byed dam/ de dag ni dge sbyong zhes bya/ yang dge sbyong gi tha snyad bor ba ste/ de dag ni nga'i nyan thos ma yin la/ nga'ang de dag gi ston pa ma yin no// de ci'i phyir zhe na/ 'od srungs brdzun du smra ba dag ni nga'i nyan thos ma yin la/ / ngo'ang brdzun du smra ba dag gi ston pa ma yin pa'i phyir ro// de ci'i phyir zhe na/ de bzhin gshegs pa ni yang dag par gsung ba/ de bzhin gshegs pa ni chos thams cad stong pa'o zhes de skad gsung ba'i phyir ro/ / 'od srungs de bzhin gshegs pas ni bdag gi stobs 'jig par mdzad pa ste/ de dang rtsod do// gang de bzhin gshegs pa dang rtsod pa de ni bdud ces bya'o/ / de bzhin gshegs pas ni bdud kyi ris rab tu dbyung ba dang bsnyen par rdzogs par ma gnang ngo // 'od srungs 'di lta ste/ dper na gang zhig 'di skad du bya ka la ku Ti ka las pa glang glang po che skyes so zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol pa/ bcom ldan 'das de ni ma lags so//

  76. 39a

    bka' stsal pa/ 'od srungs 'di ji snyam du sems/ de mthun pa yin nam/ 'on te mi mthun pa yin/ gsol pa/ bcom ldan 'das de ni mi mthun pa lags so/ / bka' stsal pa/ de bas kyang skyes bu dam pa ma yin pa gang dag bdag tu 'du shes pa dang / sems can du 'du shes pa dang / srog tu 'du shes pa dang / gang zag tu 'du shes pa dang / mya ngan las 'das pa'i 'du shes la gnas te/ nga la ston pa zhes rjod pa de dag ni ches mi mthun no// 'od srungs 'di lta ste/ dper na mi la la zhig 'ongs nas 'di skad du bya 'dab bzangs las bya rog skyes so zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol pa/ bcom ldan 'das de ni ma lags so// bka' stsal pa/ 'od srungs 'di ji snyam du sems/ de mthun pa yin nam/ 'on te mi mthun pa yin/ gsol pa/ bcom ldan 'das mi mthun pa lags so// bka' stsal pa/ de bas kyang skyes bu dam pa ma yin pa gang dag bdag tu 'du shes la gnas pa nas/ mya ngan las 'das pa'i 'du shes kyi bar la gnas nas/ nga la ston pa'o zhes brjod pa de dag ni ches mthun no// 'od srungs 'di lta ste/ dper na mi la la zhig 'di skad du srin bu me khyer gyis ri rab blangs te 'gro'o zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol/

  77. 39b

    pa/ bcom ldan 'das de ni ma lags so// bka' stsal pa/ 'od srungs 'di ji snyam du sems/ mi de'i tshig de mthun pa yin nam/ 'on te mi mthun pa yin/ gsol pa/ bcom ldan 'das mi mthun pa/ lags so// bka' stsal pa/ de bas kyang skyes bu dam pa ma yin pa gang dag bdag tu 'du shes pa la gnas pa nas/ mya ngan las 'das pa'i bar gyi 'du shes la gnas nas/ nga la ston pa'o/ zhes rjod pa de dag ni ches mi mthun no// 'od srungs 'di lta ste/ dper na rgyal po'i rim gro ba'i mi la la zhig yod la/ sngon ma mthong ba'i mi la la zhig de las bslabs nas/ de dbang phyug gis gzhig tu song ste/ rgyal po'i zham 'bring de dag gi nang du song nas/ ma glengs par 'di skad ces zer te/ rgyal po 'di skad gsung ngo // rgyal po 'di lta bu dag bka' stsal gyis/ de bzhin gyis shig kho bo ni rgyal po 'am/ rgyal po'i blon po de dag ma mthong ba'i mi yin te/ dbang phyug gis gnas kyis 'ongs so zhes de de skad zer/ de de lta bu dag zer zhing de ltar bya'o// kho bo ni srog gi ched du rgyal po 'am/ rgyal po'i blon po chen po de dag gi gan du 'gro'o zhes zer ba bzhin du/ 'od srungs de bzhin bshegs pa'ang stobs rdzogs pa/ rang gi bya ba rdzogs pa dang ldan pa ste/ dper na rgyal pos sa'i dkyil 'khor chen po mthar thug pa med pa bde bar cham du 'beb shing / de la zas sbyar ba dag kyang 'byung ba de bzhin du/ de bzhin gshegs pa'ang dge 'dun mtha' thug pa med pa dang / sangs rgyas kyi zhing mang po

  78. 40a

    cham du 'bebs te/ de la zhal zas sbyar ba dag kyang 'byung ngo // de na sngon ma mthong ba'i mi bdag tu smra ba dang sems can du smra ba nas/ mya ngan las 'das pa'i bar du smra ba dag 'ong zhing / de dag ma bcol bar 'ongs nas 'di skad ces zer te/ de bzhin gshegs pas 'di skad ces bka' stsal to// de bzhin gshegs pas 'di lta bu dag bka' stsal to// 'di ni bya ba'o// 'di ni bya ba ma yin no zhes zer ro/ / de la gang dag gdams ngag dang rjes su bstan pa'i bka' dang mthun par byed pa de dag ni de bzhin gshegs pa'i bka' la mngon par dad cing 'gal bar mi byed do// de dag gis de dag thos nas bdag dang yang sngo/ bu dang chung ma dang yang sngo zhing sbyin par byed/ shin tu mchog dang shin tu gya nom pa sbyin par byed/ shin tu bsti stang byas te sbyin par byed/ dad pas sbyin par byed cing / ji srid du khong du ma chud pa de srid du dad pas sbyin par byed de/ de ltar na yon tan de lta bu dang spyod pa de lta bu dang ldan pa de dag ni sngon ma mthong ba'i mi dang 'dra'o// de dag gis yongs su spyad nas 'du 'jis nyin mtshan 'das par byed do/ / rgyal po'i gtamo brjod pa dang / chom rkun gyi gtam brjod pa dang / bza' ba'i gtam dang / btung ba'i gtam dang / smad 'tshong ma'i gtam dang / bud med kyi gtam dang / smad pa'i gtam rjod par 'gyur/ zla ba spang kis zin pa dang / nyi ma spyang kis zin pa dang / rgyal po 'ong ngo // rgyal po 'gro'o// rgyal po btsun mo'i 'khor

  79. 40b

    gyi nang na 'dug go zhes bya ba dang / khyim gyi gtam rjod par 'gyur/ sdug par 'gro bar bya/ gang na zas ster ba der 'gro bar zhes de lta bu'i gtam rjod par 'gyur ro// zhag gcig gnas pas nyi ma 'das par byas nas gtsug lag khang du 'gro bar 'gyur/ zhag gnyis gan pa dang / zhag gsum gnas pa dang / zhag bzhi gnas pa dang / zhag lnga gnas pa dang / zhag drug gnas pa de dag der gnas pa lta bu'i gtam rjod par 'gyur zhing / de lta bu'i gtam dag rjod par 'gyur/ sman chang sna tshogs kyis gtam gyi rgyud kyis shes bzhin med par gyur pa'i lus dang / kha nas kha chu zag cing myos nas nyal bar 'gyur ro/ / de dag gis der ci byas pa de rmi lam du rmi bar 'gyur/ bdag 'gro ba rmi bar 'gyur/ bdag yon tan ma thob pa sgrub par rmi bar 'gyur ro// de dag sang nas phan tshun/ gtam zer te/ 'di ltar khyod ni mtshan mo song ngo // 'di ltar khyod ni 'dug go// 'di ltar khyod kyis de las thob bo// gang dag gis ma thob pa de dag kyang myur du skyen par myur du song dang legs so zhes phan tshun smra bar 'gyur te/ shis pa'i rmi lam de dag rmis nas/ de dag grong dang / grong khyer dang / grong rdal dang / yul 'khor dang / rgyal po'i pho brang 'khor du 'jug par 'gyur/ gcig la gcig ngom zum gnag pa dang / sdug bsngal ba dang / nye bar gnas pa ma yin pa'i rgyud dang / mnyam par ma gzhag pa'i sems kyis rgod cing dbang po phal par mar la ma bsgrims shing / sems g.yeng

  80. 41a

    ba'i spyod pas de dag khyim du dong nas so so thar pa bor te/ bud med nyi tshe 'khod pa la chos ston par 'gyur/ de dag bdag cag gang las shin tu rnyed par 'gyur snyam nas chos sgrub cing de dag de las rnyed par 'gyur te/ de dag chags shing zhen la mdud pa bor te/ brgyal zhing lhag par chags la/ lhag par chags par gyur nas/ de dag mi 'dod pas ngu zhing 'dong bar 'gyur ro/ / gnas gnyis rab tu ston te/ gnyis gang zhe na/ shin tu bzang zhing shin tu rab tu zhim pa la bsngags par mthong ba dang / kha cig shin tu bzang po ma yin pa la mi snyan pa brjod par 'gyur ba ste/ sbyin pa po rnams la lta ci smos/ de dag yang de ltar 'dus nas gcig la gcig lta zhing ci zhig byin/ sus byin/ ji snyed cig byin/ ji snyed cig spyad ces smra bar 'gyur ro// 'od srungs 'chi ba'i dus ma byas kyi bar du rnal 'byor la mi brtson pa dag gi rnam grangs ni 'di dag go/ / rnal 'byor dang mi ldan pa de dag la gzhan yang shes par bya ste/ 'di lta ste/ chos thams cad spong ba'o// 'od srungs dge slong de dag la snying rje bar bya'o// de ci'i phyir zhe na/ de dag gi rnam par smin pa sdug bsngal bar 'gyur ba'i phyir ro// de nas bcom ldan 'das kyis de'i tshe tshigs su bcad pa 'di dag bka' stsal to/ / 'tsho ba dag gi don gyi phyir// byis pa rgyal po'i bkrabs par 'gyur// khyim dang khyim du rgyu byed cing // rgyal po 'di skad gsung zhes smra// de dag dong nas phra ma zer//

  81. 41b

    khros nas chad pas bcad da re// byis pa'i mthu ni de lta bus// rtag tu 'tsho ba byed par 'gyur// gang gis bskal pa brgya mang du// lag pa rkang pa yongs btang zhing // bya bar dka' ba mang / mdzad pa// sangs rgyas la lta smos ci dgos// nga ni chos kyi rgyal po'i mi// chad pa drag po gcod la dbang // ji ltar bya zhing ci bya zhes// su yang 'dri bar yong mi byed// dge slong rnams la gnas sbyin zhing / / zas dang skom gyi dam pa dang // chos gos mchog tu gang gyur pa// thams cad gus dang bcas pas byin// 'di ltar bdag kyang mi spyod cing // bu la'ang sbyin par mi byed la// sdug bsngal shi thang btsal byas nas/ / gang dag tshul khrims ldan la byin// de la gang dag mi rigs par// spyad nas myur du 'gro byed de// phyogs gcig tu ni 'dus nas su// bde bar gyur tam zhes kyang 'dzer// / rgyal po'i gtam dang chom rkun gtam// gel ba'i gnas kyi gtam dag dang // bza' ba dang ni btung ba'i gtam// de dag 'dus nas smra bar byed// nyi zla spyang kis zin pa dang // rgyal po 'od dang 'gro ba dang / / der ni rgyal bar 'gyur ba dang // der ni pham par 'gyur ba dag/ mi rigs pa rnams brjod pa 'di// yang dang yang du brjod par 'gyur// mal cha bzang pos mal bcas te// mtshan mo thog thag nyal byas nas// de dag na ni ngan pa ste// sbyin pa de yang mchog ma yin// yang dang yang du mi rnyed kyis// gang na bzang ba'i khyim der 'deng // de srid du ni don brtags te//

  82. 42a

    nyal ba byas nas de yi tshe// mi rigs rmongs pa blo ngan pa// dper na bong bu khal khyer bzhin// de dag de na ci bsams bzhin// de tshe rmi lam rmis gyur pa// sad nas kun tu rjod byed de/ / de dag phan tshun smra bar byed// khyod la kyal ka mi byed de// khyod la rmi lam bzang rmis kyis// yid mi bde ba mi skyed par// myur du song la de sgrubs shig/ shin tu sdom pa ci 'dra bar// de dag grong dang yul 'khor 'gro// thams cad ngom zum gnag gyur cing // spre'u dang 'dra bar rnam par 'khyam// de dag khyim du zhugs nas su// so sor thar pa legs bshad pa// sangs rgyas kyi ni mdo bor nas/ / bud med rnams la chos 'chad do// de dag khyim nas 'gro byed cing // gang gis rab tu ngan byin pa// der ni sbyin pa po dang de'i// gnyen bshes gyur pa rnams la spyod// de dag dang yang 'dus gyur nas/ / gcig la gcig ni 'dri byed de// ci rnyed khyod kyis ci zhig zos// ci zhes dris nas de dag smra// de ltar snga ma bzhin sbyar te// lo gcig bzhin du lo brgyar yang // de dag de 'dra'i rtog pa yis// de dag 'tsho ba byed par 'gyur// der ni rtsod pa byas nas su// 'di ni sman du 'gyur ba ste// nad nyung 'gyur ba yin no zhes// me tog gi ni sbrang rtsi sdud// der ni bsgom pa bor nas su/ / khyim pa rnams dang 'du byed pa// de dag la ni sangs rgyas dang // sangs rgyas brgyas kyang ci zhig mdzad// bdag la 'phangs par 'dzin pa dang // bdag tu 'du shes rtag/

  83. 42b

    spangs la// gang dag ngan 'gror mi 'gro ba'i// rnal 'byor de dag skyed gyur pa// de dag la ni de rab dka'// 'di ltar byis pa blo ngan pa// khyim pa dang ni 'du ba rnams// dam pa'i chos ni spong bar byed/ / gang dag shAkya seng ge yi// nyan thos yang dag spyod yul ba// srog gi don gyi ched du yang // su yang bslab pa 'da' mi nus// khur gyis 'du shes skyed gyur pa// mkhas pa zas la brkam pa med/ / de la mi sdug sgom par byed// de la 'dug cing rnam par sbyong // 'dod pa'i zag pa spang ba'i phyir// 'du shes thams cad rnam par 'jig/ de dag bstan pa 'di la ni// rab tu 'byung bar skabs 'byed do/ / yang dang yang du yongs btsal na// gang la snying po mi dmigs pa// stong pa nyid ni gar brjod pa// chos la mkhas pa mi smod do// gang dag stong nyid tshul mkhas pa// de dag dpa' zhing shes rab che// / bdud dpung bcas par skrag par byed// de dang de dag sbyin pa sbyong // de dag la ni dga' ba med// stong pa nyid dang 'gal mi byed// dpa' bo de dag sangs rgyas sras// rkang gnyis nang na sbyin pa'i gnas blo gros ngan pa mang byung tshe/ / dam pa'i chos nyung gnas par 'gyur// bag yod pas ni tshol ba yis// dge slong des pa nyung bar 'gyur// 'chi ba myur du 'byung 'gyur la// bdag gi yang dag nyid kyi gtam/ / nyin dang mtshan du brjod 'gyur zhes// mkhas pas skyo ba bskyed par bya// rkang gnyis dam pa ma gtogs par// 'jig rten na ni skyabs gzhon med// bslab pa rnams la bdag

  84. 43a

    bslabs la/ / 'chi ba'i dus byed 'gyur bar bya// dgongs te bshad pa 'di lta bu// gang dag mi shes de dag ni// bla na med pa'i sangs rgyas dang // chos la'ang bsti stang mi byed do/ / kye ma dam chos zad gyur te// 'di dag yun ring mi thogs shing // rgyun thung ring por mi thogs kyis// brtson 'grus brtan por brtsam par bya// de skad ces bka' stsal nas// bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das gang dag mdo sde 'di lta bu 'di dag thos nas/ yang dag par skyo ba 'di lta bu mi skyed pa de dag ni ngo mtshar to// de skad ces gsol nas/ bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs chos bzhi dang ldan pa'i sems can rnams skyo ba mi skye ste/ bzhi gang zhe na/ bag med pa mang ba dang / las kyi rnam par smin pa la yid mi ches pa dang / sems can dmyal ba chen po la yid mi ches pa dang / 'di ltar bdag 'chi bar 'gyur bar yid mi ches pa ste/ 'od srungs chos bzhi po de dag dang ldan pa'i sems can rnams skyo ba mi skye'o/ / 'od srungs gzhan yang chos bzhi dang ldan pa'i sems can rnams skyo ba mi skye ste/ bzhi gang zhe na/ 'byung ba chen po bzhon te bar chad med par 'dug par gyur pa dang / mthu stobs dang ldan par gyur pa dang / 'dod pa'i yon tan rnams la rab tu chags par gyur pa dang / gzi brjid la sems pas rnal 'byor ma

  85. 43b

    myong zhing btung ba'i stobs can du gyur pa ste/ 'od srungs chos bzhi po de dag dang ldan pa'i sems can rnams skyo ba mi skye'o// 'od srungs chos bzhi dang ldan pa'i dge slong ni sangs rgyas kyi byang chub spong ste/ bzhi gang zhe na/ des sngon sdig pa'i las byas par gyur pa dang / de'i chos kyis 'phongs par gyur pa dang / de'i mi dge ba'i rnam par smin pa ston pa dang / mkhan po dang slob dpon ni mang pos bsngags pa yin na/ de ni sangs rgyas kyi byang chub spong zhing / de dag gi rjes su bslabs nas spong la thos pa nyung bar gyur pa yin te/ skyon gzhan gyis pha rol ngag la phrag dog tu gyur pas sangs rgyas kyi byang chub spong ba ste/ 'od srungs chos bzhi po de dag dang ldan pa'i dge slong ni sangs rgyas kyi byang chub spong ngo // // bam po gsum pa ste tha ma'o/ / / 'od srungs dge sbyong du byed pa/ bram zer byed pa'i chos gcig ste/ gcig gang zhe na/ chos thams cad la sems mi gnas pa ste/ 'di ni dge sbyong du byed pa dang / bram zer byed pa'i chos gcig go// 'od srungs 'di lta ste/ dper na mi la la zhig ri ka nas dbab tu lhung nas stong pa'i gnas dang / shing stong pa'i gnas dang / nam mkha' stong pa'i 'du shes kyis sa stong par shes te/ de dbugs phyi nang du rgyu bar mi 'gyur ro// 'od srungs de bzhin du chos thams cad la 'dzin te/ mig gis rtags su 'dzin cing / mig gis mtshan

  86. 44a

    mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// de bzhin du rna ba dang / sna dang / lce dang / lus dang / yid kyi rtags su 'dzin cing mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// gzugs la mtshan mar 'dzin pa dang / tshor ba dang / 'du shes dang / 'du byed dang / rnam par shes pa la mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// tshul khrims kyis byang chub 'dogs shing / tshul khrims kyis byang chub rlom sems su byed pa dang / thos pa yongs su tshol bas byang chub rlom sems su byed pa dang / ngo tsha shes pa dang khrel yod pas byang chub 'dogs pa dang / 'ong ba dang 'gro bas byang chub rlom sems su byed pa'i chos 'di ni dge sbyong du byed pa'i chos ma yin/ bram zer byed pa'i chos ma yin no// gang rlom sems su byed pa de ni gnod par 'gyur ro// cis gnod par 'gyur zhe na/ 'dod chags kyis gnod par 'gyur ro// zhe sdang gis gnod par 'gyur ro// gti mug gis gnod par 'gyur ro// de la gang mig gis mtshan mar 'dzin pa de ni mtshan ma gadzin pas yid du 'ong ba dang / yid du mi 'ong ba'i gzugs rnams kyis mig la gnod par 'gyur ro// rna ba dang / sna dang / lce dang / lus dang / yid kyang de bzhin te/ yid kyis mtshan mar 'dzin na/ de mtshan

  87. 44b

    mar 'dzin pas yid du 'ong ba dang yid du mi 'ong ba'i chos rnams kyis yid la gnod par 'gyur ro/ / gang la gnod par 'gyur ba de ni sems can dmyal ba dang / dud 'gro'i skye gnas dang / yi dgas kyi yul dang / lha dang mi'i nang du 'phongs par 'gyur ro// gang 'phongs pa de ni rlom sems kyis 'phongs par 'gyur ro// de la rlom sems gang zhe na/ nga'o/ snyam pa ni rlom sems so// nga'i 'o snyam pa ni rlom sems so// bud med do snyam pa ni rlom sems so// skyes pa'o snyam pa ni rlom sems so// sa'o snyam pa ni rlom sems so// chu'o// snyam pa ni rlom sems so// me'o snyam pa ni rlom sems so// rlung ngo snyam pa ni rlom sems so// keng rus su 'du shes pa ni rlom sems so// rnam par zos par 'du shes pa ni rlom sems so/ / rnam par bsngos par 'du shes pa ni rloms sems so// rnam par dmar bar 'du shes pa ni rlom sems so// rnam par 'bu zhugs par 'du shes pa ni rlom sems so// rnam par grol bar 'du shes pa ni rlom sems so/ / rnam par grol ba gang ci'ang rung ba zhig yod do snyam du rlom sems su byed cing / des rnam par grol bar 'gyur ro snyam pa ni rlom sems so// sngon gyi gnas rjes su dran pa rnam pa du ma mngon du bya'o snyam pa ni rlom sems so/ / bdag rjes su dran par bya'o snyam pa ni rlom sems so// shin tu 'das so// shin tu da ltar byung ngo // nga bdag gang

  88. 45a

    yin pa de 'das pa'o/ / nga bdag gang yin pa de da ltar 'byung ba'o snyam pa ni rlom sems so// gang dang gang du 'du shes pa ni rlom sems te/ mya ngan las 'das pa'i bar 'du shes pa ni rlom sems so/ / mya ngan las 'das pa thob par bya'o snyam pa ni rlom sems so// 'od srungs mdor na dmigs pa ni rlom sems so// gang dang gang du 'du shes 'jug na tha na stong pa nyid do snyam pa de thams cad kyang rlom sems te/ dge sbyong du byed pa'i chos ma yin pa dang / bram zer byed pa'i chos ma yin pa thams cad ni rlom sems thams cad do// 'di lta bu 'di dag ni dge slong gi spyod pa ma yin/ bram ze'i spyod pa ma yin no// dge sbyong gi dang bram ze'i chos rnams ni de bzhin gshegs pas gsungs pa ste/ 'od srungs 'di lta ste/ dper nam mkha' 'am/ sa lta bu'o// de ci'i phyir zhe na/ bar snang ni 'di snyam dung bar snang ngo snyam du mi sems pa'i phyir ro// 'od srungs de bzhin du dge sbyong dang bram ze'ang 'di snyam du nga ni dge sbyo ngo / / nga ni bram ze'o snyam du mi sems so// 'od srungs de lta bas na/ gang chos 'di dag la rlom sems su mi byed pa de ni dge sbyong du byed pa'i chos so// bram zer byed pa'i chos so/ / de ci'i phyir dge sbyong du byed pa'i chos dang / bram zer byed pa'i chos shes bya zhe na/ dge sbyong ni de ltar byed pa'ang med/ mi byed pa'ang med de/ de'i phyir dge sbyong du byed pa dang /

  89. 45b

    bram zer byed pa'i chos zhes bya'o// 'od srungs 'di lta ste/ dper na mi la la zhig mtshan mo mun pa mun gnag gi mun par zhugs nas/ lag pa g.yob cing kha gdangs te tshig 'di skad ces 'jig rten la co dri'o/ / 'jig rten la co dra'o zhes smras na/ 'od srungs 'di ji snyam du sems/ mi des gang zhig la tso dri bar 'gyur/ gsol pa/ bcom ldan 'das bdag nyid la co dris lags so/ / de ci'i slad du zhe na/ de na tse dri ba gang yang ma mchis pa'i slad du'o// bka' stsal pa/ 'od srungs de bzhin du/ dge slong yang dgon pa na 'dug gam/ shing drung na du/ gam khang stong na 'dug gas/ bla gab med pa na 'dug kyang rung ste/ mig mi rtag go zhes yid la byed/ rna ba dang / sna dang / lce dang / lus dang / yid mi rtag go zhes yid la byed/ gzugs mi rtag go zhes yid la byed/ / sgra dang / dri dang / ro dang / reg dang / chos rnams mi rtag go zhes yid la byed/ mya ngan las 'das pa thob par bya'o zhes yid la byed cing / bdag rnam par zhi bar bya'o snyam pa 'di lta bu 'di dag ni dge sbyong gi spyod pa ma yin no/ / de ci'i phyir zhe na/ gang mig dmigs nas/ mig dgag pa'i phyir mngon par brtson zhing / mngon par 'du byed pa de ni sdig pa 'dzin par rtog pa'o/ / gang rna ba dang / sna dang / lce dang / lus dang / yid dmigs nas/ yid dgag pa'i phyir mngon par brtson zhing mngon par 'du

  90. 46a

    byed pa de ni gnas gsum dmigs te/ bsgrubs pa yid la byed pa de dag gis gnas gsum la rtog go// gang la mthong bas rtog pa yod pa de la sems rtse gcig pa ga la yod/ 'od srungs sangs rgyas kyi byang chub 'di ni zab ste rtogs par dka' ba'o// tshogs ni nyams su lon par dka' ba'o// 'od srungs sems rtse gcig pa zhes bya ba ji tsam gyis na/ sems rtse gcig pa zhes bya zhe na/ yongs su btsal na chos gcig kyang mi dmigs pa ste/ mig la snying po mi dmigs so// rna ba dang / sna dang / lce dang / lus dang / yid la snying po mi dmigs so// chos thams cad la snying po med par yang mi dmigs so// de ci'i phyir zhe na/ sems kyi rang bzhin skye ba med pa gang yin pa 'di ni de'i rang bzhin yin pa'i phyir ro/ / chos thams cad ni snying po med pa dmigs pa med pa ste/ de dag ni 'das pa'ang rung / ma 'ongs pa'ang rung / da ltar byung ba'ang rung / sems la mi dmigs so/ / mi dmigs pa dang mngon par 'du mi byed pas/ de'i phyir mngon par 'du mi byed pa zhes bya'o// de ci'i phyir zhe na/ don mngon par 'du mi byed pa zhes bya zhe na/ rnying pa dang gsar pa mngon par 'du mi byed de/ de'i phyir mngon par 'du mi byed pa zhes bya'o// de la 'das pa'i sems kyang rnam par ma grol/ ma 'ongs pa'i sems kyang rnam par mi grol/ da ltar byung

  91. 46b

    ba'i sems kyang rnam par mi grol lo/ / gang sems mi dmigs pa de'i phyir sems rtse gcig pa zhes bya ste/ 'di ni sems kyi bgrang ba byas pa'o// 'od srungs ma 'ongs pa'i dus na dge slong dang / dge slong ma dang / dge bsnyen dang / dge bsnyen mar lus khas 'che zhing / dngos po de dang de dag rnam par 'jig par 'dogs pa dag kyang 'byung ste/ de dag phung po lngar 'du shes par 'gyur te/ de bzhin gshegs pas phung po lnga ni rmi lam lta bur gsungs na/ de dag de'i tshe 'di ltar rmi lam zhes bya ba'i tha snyad yod pas/ rmi lam 'di ni yod do// rmi lam 'di ni yod do zhes rmi lam yang dag pa nyid du ston par 'gyur ro/ / gal te rmi lam med du zin na/ bdag cag de la rmi lam gyi 'du shes mi 'byung ngo // de lta bas na rnam par rig pa de yod de/ de bas na bdag cag rmi lam de la rmi lam du 'du shes 'byung ngo / / de bzhin du gang dag nye bar bzung ste/ rmi lam lta bu'o zhes gsungs pa'i phung po lnga po de dag kyang yod do// kye phung po de dag med du zin na/ phung po lnga nye bar bzung ste rmi lam lta bu'o zhes mdzad par mi 'gyur ro zhes zer ro// kye mi blun po de dag ni rmi lams yang dag pa'i 'du shes bskyed par 'gyur te/ de dag 'di lta bu'i mdo sde 'di dag thos nas spong bar 'gyur ro/ / de la dge slong ma gang dag 'byung ba de dag ni/ bslang ba'i khyim mang po dag tu dgra bcom ma yin no zhes sgrog shing / dge slong ma'i gleng gzhi ni/ shes

  92. 47a

    rab sor gnyis pa yin na thob par rjod cing len par 'gyur ro/ / de la dge bsnyen dang / dge bsnyen ma de dag ni tshigs su bcad pa tsam mam/ tshigs su bcad pa'i cha tsam thos nas thos pa sgrogs par 'gyur/ 'od srungs de ltar de'i tshe dge slong gang lo nyi shu 'am sum cur dgon pa'i gnas na mngon par brtson par 'gyur ba de/ sangs rgyas kyi gsung rab kyi ched du dge bsnyen zhag gcig lon pa dang 'grogs par 'gyur te/ 'od srungs stong pa sgrogs par 'gyur ro// de la phan tshun stong pa stong pa zhes chog tu brjod pas yongs su rtogs so// yongs su rtogs so zhes tshig tu smra bar 'gyur ro// de la dge slong gang chos 'di lta bu 'di dag thos nas 'di lta bu dag phan tshun brjod par 'gyur ro// de dag gis de dag thos nas skrag par 'gyur te/ khyim pa 'am/ rab tu byung yang rung tshig 'di skad ces khyim pa rnams dang 'grogs par mi bya ste/ mi 'grogs kyis/ pha zad cig/ 'di ni ston pa'i bka' ma yin no zhes smra bar 'gyur ro/ / de ci'i phyir zhe na/ ji ltar shes pa dang ji ltar rab tu shes pa des phan tshun 'du bar 'gyur zhing / de dag la gang dag gis shin tu zab mo rjod pa de spong bar 'gyur te/ khyim pa dang rab tu byung ba de dag gis de brnyes par 'gyur ba'i phyir ro/ / de ci'i phyir zhe na/ 'od srungs tshangs par spyod pa'i snying po mchog bstan pa na shes par gyur pa'ang nyung na/ de'i tshe nyung ngu de dag/

  93. 47b

    yongs su mya ngan las 'das shing shin tu nyung ba rnams lung 'bogs pa lta la smos kyang ci dgos/ 'od srungs de ltar na de'i tshe gang yang dag pa ji lta ba bzhin du rtogs shing mi 'gal bar shes pa'i dge slong ni dge slong stong gi dge 'dun gyi nang na'ang gcig kyang de na dkon par 'gyur ro/ / de na gzhan gang dag 'byung ba de dag ni/ skye bo de las mi slob ste/ gang yang dag pa ji lta ba bzhin du rtogs shing mi 'gal bar sbyor ba dang ldan par 'gyur ba'i dge slong ni dge slong nyis stong gi dge 'dun gyi nang na'ang gcig kyang de na dkon par 'gyur ro/ / 'od srungs de ltar na de'i tshe/ khyim pa dang rab tu byung ba dag bstan pa 'di la brnyas par 'gyur ro/ / 'od srungs de'i tshe de'i dus na dge slong gang mi dge ba'i chos spang ba dang / dge ba'i chos bskyed pa'i phyir brtson 'grus brtsams pa dang / nam gyi cha stod dang nam gyi cha smad la mi nyal bar rnal 'byor la brtson pa 'byung bar 'gyur te/ de ni de'i tshe srog la bab par 'gyur/ smad par 'gyur/ yongs su spong bar 'gyur ro// 'od srungs de ltar na de'i tshe chos 'di lta bu rnam par 'jig par 'gyur/ dge slong rnam par 'jig par 'gyur ro// de na mkhas pa zab mo la mos pa/ gos pa med pa la mos pa dag gis de'i tshe gus pa dang bcas par bya/ / zhe sa dang bcas par bya zhing / gcig tu 'dus nas dgon pa la gnas par bya'o// de nas bcom ldan 'das kyis/ de'i tshe tshigs

  94. 48a

    su bcad pa 'di dag bka' stsal to/ / nga yis chos gang legs bshad pa// dam pa'i don dang ldan pa ste// phung po snying po med bstan pa// de dag rmi lam 'dra bar ltos/ / de tshe dge slong de dag ni// rtsod par byed de g.yo zhing 'gyur// phan tshun bye brag yod med de// de dag 'du shes rnyed par 'gyur// dge slong gang gis ci brjod pa/ / de dag rnams kyang de tsam rjod// chos kyi tshul ni de tsam ste// bye brag yod par mi 'gyur ro// khyim pas dge slong smra ba ni// sangs rgyas rnams kyi byang chub 'di// gal te shes na ngo mtshar te/ / khyod kyis 'bras bu dang po thob// khyim pa dge slong sten de dag/ chos mthong yin pa snyam du sems// de yi mdun du sbyin pa rnams// de dag yang yang sbyin par 'gyur/ / dge slong ji ltar bshad pa dag/ de ni de bzhin gzhan du min// bden pa mthong des bdag cag la// bshad pa rnams ni mthun snyam byed// sbyin pa yod de dge slong rnams/ / dam pa'i chos la mi gnas te// de yi tshe na 'byung ba rnams// sangs rgyas byang chub 'jig par byed// de la ma brten nga la brten// nga ni khyod kyi ston pa yin// da ni ji ltar gyur pa bzhin/ / khyod kyis myur du thob par 'gyur// 'di ni gnas kyi dam pa ste// zhi ba yin zhes phan tshun smra// thams cad gcig tu 'dus gyur nas// nga yi bstan pa 'jig byed 'gyur//

  95. 48b

    dper na grong 'joms byed pa yi// chom kun shin tu mi bzad rnams// grong chen rnams dang yul 'khor dang // grong 'dab dag ni rnam par 'jig/ de bzhin dge slong rnams 'byung ba// blo ngan dman zhing shin tu rmongs/ / shes rab chung zhing sdom pa 'chal// srog dang gang zag shin tu rten// nga yis g.yo ba gang bshad pa// der rten 'di la nyams pa ste// de dang de dag dgra bcom smra/ / de kun lhag pa'i nga rgyal can// dge slong dge 'dun mdun dag tu// de dag 'dus par gyur kyang ni// de ni ming du snang bar mdzad// gcig kyang de na shin tu dkon// de'i tshe chos kyi rgyal po yi/ / byang chub rab tu spong bar 'gyur// lha rnams sdug bsngal yi mug cing // yang dang yang du ngu bar 'gyur// chos mchog shAkya seng ge yi// bstan pa 'di ni rab 'jig ces// de na lha gang dad pa rnams// sa la rab tu 'gyel bar 'gyur// kye ma sangs rgyas zhes smra zhing // kye ma legs par bshad pa'i chos// kye ma dge 'dun sbyin pa'i gnas// sangs rgyas thugs skyes sras shes smra/ / chos kyi rgyal pos bstan pa yi// chos ni phyin chad mi thos so// kun tu rmongs shing mun par 'gyur// thub pa 'di ni mya ngan 'das// sa bla'i lha rnams de ma thag/ sgra chen 'di skad sgrogs par 'gyur// sgron ma 'di ni med 'gyur zhes// lha rnams go bar byed par 'gyur// de las 'jig rten lhag med pa'i// sangs rgyas khyed kyis thos zir

  96. 49a

    gyis/ / phyin chad lha dang klu rnams kyang // yid la gcags par gyur ta re// sangs rgyas ji ltar nga 'gyur zhes// bskal pa grangs med gsum du nges// bdag gi dang ni gzhan dag gi/ sdug bsngal thams cad bzod par byas// gang gis srog chags thams cad la// shin tu legs par chos bstan pa// 'jig rten mgon po de yi chos// 'di ni shin tu nub par 'gyur// 'khrug par byed pa 'byung gyur te// shin tu mi bzang sdig byed pa// bdud kyi pho nya drag po'i bdud// 'jig 'dod bka' blo rab mi bde// g.yo byed g.yo can blo gros ngan/ / sgyu dang ldan zhing byis pa dman// khros shing khros nas bla ma dang // rgyal ba'i bstan pa 'jig par byed// sa bla pa las sna thos nas// bla ma'i lha rnams mi dga' 'gyur/ / rgyal po chen po bzhi po yang // de tshe yid mi bde bar 'gyur// lcang lo can gyi pho brang du// gnod sbyin tshogs rnams 'dus gyur nas// thams cad gdong la mchi 'dzag cing // 'jigs su rung ba'i sgra yang 'byin// lha rnams thams cad 'dus gyur nas// nyam thag par ni chong 'don// phan tshun slob par mi byed cing // yid ni shin tu dman par gyur// grong khyer gang dag rab brgyan cing / / rin chen rang bzhin gnas pa rnams// thams cad mi sdug mdog gyur cing // phyag dar phung po 'dra bar 'gyur// grong khyer dam pa de dag tu// skad cig la nga

  97. 49b

    dga' mi 'gyur/ / grong khyer dam pa de dag tu// sngon chad bzhin du dga' mi 'gyur// gang du nga ni btsas gyur pa// der ni lha rnams 'dod byed cing // mthong nas rab tu 'gyel 'gyur te/ / de ltar shin tu mi bzad 'gyur// sa las 'bab par byed 'gyur zhing // der 'dod der ni 'dug par bya// yang dag nyid kyi chos rnams ni// myur du 'jig 'gyur yod ces 'dzer// 'dzam bu gling du babs gyur nas// rnam par 'jig pa mthong bar 'gyur// sangs rgyas sras rnams 'brel 'phongs te// shin tu rnam par 'jig par 'gyur// grong khyer mchog rnams zhag bdun du/ / kha dog gzi byin med par 'gyur// zhag bdun par du lha rnams kyang // yang dang yang du ngu bar 'gyur// kye ma sangs rgyas dpa' chen po// mngon sum mthong bar gang gyur pa/ / mgon po de yang snang ma gyur// bdag mgon de yang mya ngan 'das// mnyan yod gnas par 'gyur ba na// gang dag lhags nas bsnyen bkur ba// de dag sa der gnas nas su/ / yang dang yang du ngu bar 'gyur// 'di ni sangs rgyas gang na yin te// 'phags pa'i bden pa bzhi po dag/ mi mchog gis ni der bshad pa// bdag cag de'i tshe mngon sum mo// 'jig rten dag kyang yang ldongs shing // phan tshun gus par byed mi 'gyur// sdig pa'i las rnams byas nas su// des ni ngan 'gror 'gro bar 'gyur// lha yi gzhal med khang mang rnams// /

  98. 50a

    de yi tshe na stongs par 'gyur// 'dzam bu gling gi sems can rnams// mgon med skyabs kyang med par 'gyur// 'chag sar gyur pa'i gnas 'di dag/ rnam par zhig cing stong par 'gyur/ / chos rgyal mya ngan 'das gyur pas// 'jig rten 'di dag dga' ba med// sum cu rtsa gsum gnas kyi bdag/ lha dbang brgya byin de yi tshe// sdug bsngal gyur cing yi mug nas/ / sgra chen rab tu 'byin par 'gyur// sum cu rtsa gsum lha kun kyang // lag pa bsgrengs shing rab tu ngu// skyed mos tshal du thos gyur nas// de ma thag tu rgyug par 'gyur/ / chos rnams ston pa gang yin pa// 'jig rten mgon dang bral lo zhes// lha rnams rtag tu rgyun du yang // nga ni rjod par byed par 'gyur// lha rnams bdud rtsi mi za zhing // glu yi sgra yang len mi 'gyur// sum cu rtsa gsum lha rnams ni// zla ba drug tu yid mi bde// bstan pa'i bdag po med gyur ces// lha ma yin gyis der thos nas// sum cu gsum gyi lha rnams dang / / 'thab mo byed du 'dong zhes 'dzer// 'dzam bu gling gi rgyal po rnams// sangs rgyas mchod rten byed par 'gyur// de yi tshe ni lha min dang // lha rnams 'thab mo byed par 'gyur/ / de tshe dge slong phal cher yang // ngan 'gro dag tu 'gro bar 'gyur// dge slong ma ni phal cher yang // ngan 'gro dag tu 'gro bar 'gyur// de tshe khyim pa khrims 'chal pa/

  99. 50b

    dge bsnyen pa 'am khyim gnas pa// de dag gis kyang sgra brjod nas// des na ngan 'gror 'gro bar 'gyur// de'i tshe bud med sdig pa can// de dag 'gro ba'ang sdig can te// de tshe 'jig rten thams cad kyang / / g.yo zhing shin tu 'gul bar 'gyur// la la dag ni grong 'dab rgyug/ la la dag ni ri la rgyug/ rnam par rgyug pa'i sems can rnams// srog ni ring por mi thub 'gyur/ / chom rkun dag kyang mang du byung // dgon pa yang ni 'byung gyur cing // 'bru rnams btab kyang mi gnas te// bye ba dag gis gnod par 'gyur// mu ge byung bar gyur pa na// mi gang 'chi ba'i dus byed pa/ / shi nas yi dgas ngan 'gro ste// de ni sdug bsngal myong bar 'gyur// de tshe phyogs bzhi'i dge 'dun dang // mchod rten la ni gang phul ba// de tshe dge slong de dag gis// phan tshun 'gyed par byed par 'gyur// nga 'das gyur pa'i phyi na ni// sdug bsngal 'di 'dra 'di 'byung gis// myur du rab tu rtsom gyis shig/ des na mngon sum gyur ta re// byis pa thams cad mi shes shing / / byis pa thams cad mkhas ma yin// byis pa de dag las byas nas// ngan 'gror myur du 'gro bar 'gyur// gang las shes rab 'byung 'gyur ba// lung nod pa dang kha ton dga'/ / shes rab bslab pa'i sems can rnams// myur du bde 'gror 'gro bar 'gyur// shes rab rnam par brtags na mdzes// nga ni ci 'dra de ltar slobs// thams cad 'du ba spangs nas/

  100. 51a

    su// myur du mya ngan 'das par 'gyur// dam pa'i chos ni chung zhig gnas// brtson 'grus brtan par brtsam par gyis// de tsam zhig ni smra bar nus// tshul bzhin bsam par myur du gyis/ / bskal pa 'di ni 'das 'og tu// bskal pa drug cu tham par ni// sangs rgyas sgra grag mi 'gyur na// dga' ba 'di ni ga las 'byung // bkres pas shin tu nyen gyur pas/ / phan tshun dag nas 'dus gyur nas// ma yi sha dang bu yi sha/ de dag za bar byed par 'gyur// de na bu pho skyes pa yang // bag phebs khyim du 'gro mi byed// rang gi khyim du 'dug kyang ni/ / shin tu 'jigs pa skrag par 'gyur// 'khor bar shin tu gnod gyur pa// de dag mthong zhing thos gyur nas// 'dod la su zhig sred pa skyed// 'dod pa'i rtsa ba bud med yin// skye ba'i rtsa ba mi shes pa/ / sdug bsngal rtsa ba phung po ste// de bas sdug bsngal yongs su spongs// sems can gang dag rmongs gyur pa// de dag bud med sten par byed// sems can gang ngag ma rmongs pa/ / myur du mya ngan 'das reg 'gyur// lung 'bog byed ni rnam smin dang // phrad par 'gyur ba yod ma yin// gang gis ngan 'gror 'gro 'gyur ba// zag bcas 'bras bur bcas pa 'di/ / gang dag zag pa med pa'i chos// gsob dang gsog dang stong pa dang // snying po med dang dben pa ste// de dag myur du rtogs par gyis// 'od srungs chos dang po 'di dang ldan pa'i byang chub

  101. 51b

    sems dpa' zag pa med pa'i chos 'dod na/ chos thams cad la sems mi gnas par brtan par bya'o// 'od srungs gzhan yang byang chub sems dpa' ni yongs su sbyang bar bya ba brtan pa yin te/ de la brtan pa ni gang / yongs su sbyang bar bya ba ni gang zhe na/ sems brtan pa yin/ brtson 'grus brtan pa yin no// de la sems brtan pa gang zhe na/ 'od srungs 'di la byang chub sems dpas 'di snyam du gang+gA'i klung gi bye ma ji snyed pa de snyed kyi sangs rgyas la bsnyen bkur byas nas/ phyis byang chub tu sems gcig bskyed la/ de nas yang bskal pa gang+gA'i klung gi bye ma snyed na sangs rgyas gcig 'byung zhing / sems bskyed pa gang+gA'i klung gi bye ma snyed kyis mi lus gcig thob la/ mir skye ba thob pa gang+gA'i klung gi bye ma snyed kyis chos kyi tshig gcig thos shing / des shes rab gsal bar gyur kyang / de bla na med pa yang dag par rdzogs pa'i byang chub la phan par 'gyur ba snyam du sems bskyed par bya'o// de la byang chub sems dpas sems brtan pa 'di lta bu bskyed par bya ste/ sangs rgyas kyi ye shes ci 'dra ba de mnod par bya/ bdag gis bya dka' ba 'di lta bus de btsal bar bya/ bdag gis bya dka' ba 'di lta bus sangs rgyas kyi ye shes de yang dag par bsgrub par bya'o snyam du sems bskyed par bya ste/ 'od srungs byang chub sems dpa' rnams ni sems brtan pa 'di lta bu ma yin/ kye 'od srungs 'di la

  102. 52a

    mi mdzangs pa kha cig ni dpes bshad pa'i don rtogs par gyur pas/ khyod la dpe brjod par bya'o// 'od srungs gal te bya dka' ba'i gnas 'di lta bus byang chub thob ste/ gang gis bskal pa gang+gA'i klung gi bye ma snyed du dbugs 'byung bar mi bya/ dbugs rngub par mi bya bar slob cing / dbugs 'byung bar mi byed/ dbugs rngub par mi byed par bla na med pa yang dag par rdzogs pa'i byang chub mngon par rdzogs par byang chub par byed cing / bskal pa gang+gA'i klung gi bye ma snyed du gnas na'ang / de la byang chub sems dpas mthu bskyed par bya/ spro ba bskyed par bya'i/ bdag gis bla na med pa yang dag par rdzogs pa'i byang chub yongs su gtong bar mi bya'o snyam du sems brtan pa 'di lta bu bskyed par bya ste/ kye 'od srungs byang chub sems dpa' ni sems brtan pa 'di lta bu dang ldan pa yin no/ / 'od srungs byang chub sems dpa' gang la la zhig 'di lta bu'i sems bskyed na/ ci zhig 'dzin ce na/ gnas kyang mi 'dzin/ gnas ma yin pa'ang mi 'dzin to// ji ltar gnas kyang mi 'dzin/ gnas ma yin pa'ang mi 'dzin ce na/ gang bla na med pa yang dag par rdzogs pa'i byang chub tu 'gyur ba'i gnas kyang med la/ de myur du'ang thob pa'o// 'od srungs gang gis stong gsum gyi stong chen po'i 'jig rten gyi khams rin po ches yongs su bkang ste sbyin pa byin pa bas/

  103. 52b

    gang gis de bzhin gshegs pas gsungs pa'i mdo sde byang chub la yang dag par gzhol ba 'di lta bu 'di dag gi tshul gyi gnas len cing nan tan gyis sgrub na/ de ni de bas ches bsod nams kyi phung po mang du bskyed par 'gyur ro/ / 'od srungs byang chub sems dpa' ni sems brtan pa yin te/ sems brtan pa ni sems kyang mi dmigs te/ des na de zhum par mi 'gyur ro/ / de la yongs su sbyang ba bya ba gang zhe na/ yongs su sbyang ba bya ba ni mang ste/ yongs su sbyang ba bya ba mang ba gang zhe na/ yongs su sbyang ba bya ba mang ba ni/ gang sems bskyed pa gcig kyang rtogs par mi nus pa'o/ / de ci'i phyir zhe na/ chos de dag ni gdags par bya ba ma yin pa'i phyir ro// de la 'di ni yongs su sbyang bar bya ba'i dam pa yin te/ 'di lta ste/ sems brtan pa nyid do// de la 'di skad ces bya ste// 'byung ngam mi 'byung 'gyur zhig gu// bdag ni ci 'drar 'gyur zhig ces// sems med sems kyi 'du shes pa/ / skrag pa chen po 'byung bar 'gyur// de dag rtag tu rnam par rtog/ ji ltar byang chub thob snyam zhing // las mtha' min la gnas gyur nas// rnal 'byor gdams ngag byed par 'gyur/ / 'di dag le lo'i mtshan nyid de// 'di dag byang chub mtshan nyid min// 'dir de the tshom thams cad 'byung // sangs rgyas sam ni nyan thos kyang // sangs rgyas chos rnams

  104. 53a

    rab bzang ba/ / spyod par mi byed mi tshol na// sgra tsam gyis ni bde ba 'di// thob par nus pa ma yin no// rgya chen sgrub par byed pa yi// 'dun dang dad pa 'dir yod kyang / / sems tsam gyis ni dal ba 'di// thob par nus pa ma yin no// 'dir ni bya ba thams cad kyang // chos gcig gis ni byed do zhes// bye brag 'di ni rtogs gyur nas// byang chub byed rgyu spyad par bya// 'od srungs de la chos kyi rnam grangs 'di bshad pa na// rnam grangs de dang ldan na/ byang chub sems dpas sangs rgyas rnams mnyes par yang mi byed la// bdag de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bdag nyid kyis bdag la lung ston par byed do// 'od srungs 'di la byang chub sems dpa' khyim pa'i yongs su sbyang ba bya ba gang dag byang chub la phan par 'gyur ba gang yin zhe na/ 'od srungs byang chub sems dpa' khyim pa'i yongs su sbyang ba bya ba gang dag byung chub la phan par 'gyur ba ni gsum ste/ gsum gang zhe na/ thams cad mkhyen pa nyid la shin tu 'dun par bya ba dang / sngon gyi byed par mi lhung bar bya ba dang / des bslab pa'i gzhi lnga dang ldan par bya ba ste/ yan lag gsum po de dag dang ldan na/ chos drug sgrub par byed do// drug gang zhe na/ 'phags pa'i gnas thob pa dang / mi blun zhing lug ltar lkug pa ma

  105. 53b

    yin pa dang / 'on pa ma yin zhing rig pa ma yin pa dang / de'i lus rnam par gsal ba mngon par 'grub pa dang / dad pa myur du thob cing chos zab mo dag gis skrag par mi 'gyur ba dang / bsgrim mi dgos par thos pas 'phags shing myur du phyir mi ldog pa thob par 'gyur ba'o// chos drug po 'di dag gi bar du gcod par 'gyur ba'i chos lnga ste/ de la mkhas par bya'o// / lnga gang zhe na/ phra ma mi bya bar dam bcas te mi gnas pa dang / rnam pa thams cad du bslu bar mi bya ba dang / byang chub sems dpas bsam pa phun sum tshogs par bya ba dang / ser sna ni de'i bar du gcod par 'gyur ba dang / 'dod chags la mngon par chags pa ni de'i bar du gcod par 'gyur ba ste/ chos lnga po de dag ni de'i bar du gcod par 'gyur ba'o// gzhan yang nyams su blang ba'i chos gsum ste/ gsum gang zhe na/ rgyun mi 'chad par rab tu 'byung ba'i sems bskyed par bya ba dang / tshul khrims dang ldan pa'i dge sbyong dang bram ze rnams la gus pa dang bcas shing zhe sa dang bcas par bya ba dang / gang dag bcos shing chos ston pa de dag yongs su spang bar bya'o// de ci'i phyir zhe na/ de la byang chub sems dpas bslab par mi bya ba'i/ phyir ro// byang chub sems dpas rtswa'i khur bskur bar mi bya'o// de ci'i phyir zhe na/ gang sogs pa de byang chub kyi lam ma yin pa'i phyir te/ de ni mi shes pas spags nas/ chos de dag yang

  106. 54a

    dag par blangs te mi slob bo/ / 'od srungs gzhan yar byang chub sems dpas chos gsum yang dag par blangs nas bslab par bya ste/ gsum gang zhe na/ des rgyun mi 'chad par sangs rgyas la gzhol bar bya ba dang / lung mnos te kha ton bya ba la mngon par brtson par bya ba dang / des sems can rnams la byams pa'i sems bskyed par bya zhing bsgom par bya ste/ chos gsum po de dag yang dag par blangs nas bslab par bya'o// gzhan yang chos gsum kun tu bsten par bya ste/ gsum gang zhe na/ des khu tshur dang thal lcag gis rdeg pa spang bar bya ba dang / des gzhan la dman par gyur pas smra bar mi bya ba dang / sems can 'jigs pa rnams la mi 'jigs pa sbyin par bya ba ste/ chos gsum po de dag ni kun tu bsten par bya'o/ / 'di la 'di skad ces bya ste// sems can dman pa rnams mi brten// gang dag lta ba mi drang ba// mthong nas ring du spang bya ste/ / sprul gdug gtum pa ji bzhin no// gang dag de dag phyag 'tshal ba// de dag rjes su bslab mi bya// khyi za mthong ba ji lta bar// de dag ring du bsrung bar bya// gang ngag dmigs pa can gyur pa/ / sems can de dag ngan 'gror 'gro// gang dag de dag rjes slob pa// de dag 'gro ba'ang de 'dra'o// rgyal ba'i bstan pa thos gyur nas// stong pa'i

  107. 54b

    chos la ngogs med cing / / dge slong gang dag stong dga' ba// de dag de la gus par byed// de dag las ni thos pa 'phel// de dag shes rab rno bar 'gyur// byang chub la ni/ nyes 'gyur te// sems can kun gyis phyag byas so// myur du gso sbyong byed par 'gyur// lung nod pa la myur du spyod// de yi shes rab shin tu 'phel// chu las ut+pal ji bzhin no/ / myur du gso sbyong byed par 'gyur// chos kyang myur du nyan par byed// de yi shes rab rab tu 'phel// des ni zag pa chad par byed// shes rab che zhing brtson 'grus che/ / gzi brjid che zhing 'jigs pa med// gang dag la ni byed 'dod dang // bdag gi don yang rab tu byed// 'di la khyim pa khu tshur dang // thal lcag rdeg pa spong bar byed// byang chub yan lag yongs su tshol// de ni chos las nyams mi 'gyur// de ni nad kyang nyung bar 'gyur// gzugs kyi mchog kyang ldan par 'gyur// sems can rnams ni dga'/ bar 'gyur// nor la dga' ba med par 'gyur// khyim gyi sa la gnas byed cing // byams pa'i sems ni sgom par byed// ngan 'gro thams cad yongs spangs nas// sum cu rtsa gsum gnas su 'gro/ / lha zhes bya ba'i ming thob cing // 'dod pa can gyi 'dod mos nas// lha yi nang nas shi 'phos kyang // de ni ngan 'gror 'gro mi 'gyur// gang dag rigs

  108. 55a

    btsun grags pa yi/ / mi yi 'jig rten der skye'o// de ni gzugs dang ldan par 'gyur// de la rnam par gtso mi nus// mi 'di chos spyod yin zhes te// lha dang / klu rnams srung bar byed// gnas kyi dam pa mthong 'gyur zhing // srog chags kun kyang dga' bar 'gyur// de ni bde bar nyal byed cing // bde bar phyir yang sad par 'gyur// lha rnams kyis ni bsrungs pa bzhin/ / de la 'jigs pa mi 'byung ngo // rgya chen chos dang ldan rnams kyi// mtshan nyid 'di 'dra 'di dag ste// khyim gyi gnas na gnas rnams kyi// gzhan yang rgya che rab tu mang / / khyim pa byang chub zhugs pa gang // skye bo mang la dge ba dag/ skul bar byed cing dran par byed// skrag rnams mi 'jigs sbyin byed pa// thams cad gzigs pa ma gtogs par// lhagazhan rnams kyis shes ma yin// de dag lom ni drang por 'gyur// kun kyang shes rab ldan par 'gyur// de ni dge ba'i rtsa ba des// ngan 'gro thams cad yongs spangs nas// rig pa gsum po kun dang ldan/ / bslab pa gsum la bslabs pa yin// bsod nams ci 'dra byas pa dang // phyag kyang ci 'dra byas pa bzhin// de ni sems can thams cad kyis// gcig pu phyag byas gyur pa yin/ / gang zhig ston la phyag byas pa// bsod nams ci 'dra byas pa dang // phyag kyang ci 'drar byas pa bzhin// sems can rnams kyi mchog tu 'gyur// khyim gyis la

  109. 55b

    gnas nas su/ / gang zhig byang chub sems bskyed pa// de yi grags chos 'di rnams te// gzhan rnams dag kyang yang nyon cig/ 'od srungs byang chub sems dpa' khyim pas chos gsum dang ldan par bya ste/ gsum gang zhe na/ dge mtshan dang ltas spang bar bya ba dang / khyim pa des bsrel ba mang po spang ba'i phyir gtsang sbrar bya ba dang / des mang du thos pa la mngon par brtson par bya ba ste/ chos gsum po de dang ldan par bya ba'o// gzhan yang des chos gsum yang dag par blangs nas gnas par bya ste/ gsum gang zhe na chos 'chad pa na rgyun chang par mi bya ba dang / chos rjod pa la gsol ba gdab par bya ba dang / des 'bru mar gyi mar me rgyun mi gcad par bya ba ste/ des chos gsum po de dag rgyun mi gcad par bya'o/ / 'od srungs gzhan yang byang chub sems dpa' khyim pas gang dag bud med kyi dngos por 'gyur ba'i chos gsum thams cad kyi thams cad du mi bya ste/ gsum gang zhe na/ chos nyan pa las bzlog par mi bya ba dang / dge slong la lta ba las bzlog par mi bya ba dang / chung ma dge slong la lta ba las bzlog par mi bya/ tha na rang gi chung ma la'ang chos nyan pa'i bar chad mi bya/ yan lag ma yin par gzhugs par mi bya ba ste/ gang skyes pa'i dngos po spangs nas bud med du 'gyur ba'i chos gsum po 'di dag thams cad kyi thams cad du mi bya'o// de la 'di skad

  110. 56a

    ces bya ste/ rab tu dad pas yang dang yang // 'bru mar mar me bud par bya// de las des ni rdul med spyan// sangs rgyas spyan ni 'thob par 'gyur// mig de yis ni mgon po de/ / shes bya thams cad shes par 'gyur// shes bya gang zhig shes min dang // shes bya shes nas shes par 'gyur// 'das pa'i shes bya'i chos rnams dang // da ltar 'byung yang de bzhin te/ / ma 'ongs pa yang brtag mi bya// mtshan nyid gsum du gyur ta re// mtshan nyid gnyis po de dag yod// gsum po rnam par spang byas nas// de dag thams cad don gcig 'gyur/ / mtshan nyid kyis ni mtshan nyid med// dbang po sangs rgyas kyis bshad pa// chos de dbang po ma yin no// gang gis de dag rnam brtags pa// de ni byang chub mchog mi 'gyur/ / sangs rgyas spyan ni rnam sbyangs nas// thams cad mngon sum shes par 'gyur// gang zhig yang dag rab bshad pa'i// lam 'di nyid la byang chub yod// chos rnams de ngag brtan pa med/ / de dag rnam par gzhig pa'ang med// chos rnams thams cad ma bshad des// des na rab tu bshad ces bya// de yi phyir na ston pa ni// khyim pa rnams la chos ston te/ / 'bru mar rnams kyi mar me bus// de tshe mig gis shes par 'gyur// shAkya seng ge'i bstan pa ni// bshad pa'i tshe na rgyun mi gcad// myur du ngan 'gror song nga re// dmus long du

  111. 56b

    yang myur du 'gyur/ / rgyal ba'i bstan pa shod cig ces// yang dang yang du gsol ba gdab// de ni dge ba'i rtsa ba des// 'khor lo dam pa skor bar 'gyur// bar chad byed par mi bya ste/ chos kyi bar chad byas pas na// bud med mi zad chen po dang // long sgur rab sdig gyur ta re// de ni gzugs rnams mi mthong zhing // de ni cung zad mi thos te// skye ba po zhig mun khung du/ / bcug nas 'dug pa ji bzhin no// rlung ma'i phyir ni thag dag can// ber tshing dag ni byas pas na// myur du 'chi ba'i dus byas nas// shin tu sdig can bud med 'gyur// sman ser zhing kham pa dang / / gnag cing blta na mi sdug po// shin tu mi bzad rkang gyol dang // 'on par 'gyur zhing lce med 'gyur// phrag dog can gyi skyes pa ni// 'dod pa'i ched du 'di 'dra'i gnas/ / shin tu mi bzang 'di dag ni// yang dang yang du myur du 'gyur// 'od srungs gzhan yang byang chub sems dpa' khyim pos chos gsum mi bya ste/ gsum gang zhe na/ gzhan gyi sbyin pa la ma bos sam/ thabs med par mar gyi nying khu'ang sbyin par mi bya zhing / gzhan ci'ang rung ste/ sbyin par dka' ba yongs su gtong ba sbyin par mi bya ba dang / / des rab tu 'byung ba'i bar chad mi bya zhing / rab tu ma byung ba'ang rab tu 'byung ba yang dag par 'dzin du 'jug pa dang / de bzhin gshegs pa'i ring bsrel gyi mchod rten gyi zhal ta d+ya

  112. 57a

    zhing / lag dpon du bsgo ba'i gnas su bsgos na'ang de la brten te yo byad du spyad par mi bya ba ste/ byang chub sems dpa' khyim pas chos gsum po de dag mi bya'o// de la 'di skad ces bya ste/ pha rol sbyin pa sbyin pa'i tshe// rigs pa min la sbyin mi bya// sbyin pa skyon chags thams cad ni// skye bo dkon la sbyin mi bya// dad pas der ni song nas su/ / thal mo sbyar te 'dug par bya// sbyin dang sbyin par yang dang yang // yid ni rab tu dga' bar bya// de nyid dge 'dun gnas pa der// spro ba shin tu chung 'gyur na// gang las skye bo spro chung ba// gsol ba btab ste len du gzhug/ btung 'os gsal ba'i btung ba dang // de na gang dag de 'dra ba// de la mi mthun yid kyis su// sems ni gnod par mi bsam mo/ / bu 'am 'on te gnyen gyi rnams// rab tu 'byung bar byed pa ni// de la byang chub sems dpa' yis// bar du gcad par mi bya'o// sems can thams cad bder gyur cig/ thams cad mya ngan 'das reg shog/ bdag gi lhag bsam 'di 'dra la// chos kyi dam pa bshad du gsol// nyes dmigs 'di dag shes nas su// bdag ni dri ma med par bya/ / nyon mongs dri can byas pas na// yun ring mya ngan byed de re/ 'od srungs gzhan yang byang chub sems dpa' khyim pas chos gsum la brtson par mi bya ste/

  113. 57b

    gsum gang zhe na/ skyes pa btsong bar mi bya ba dang / bud med btsong bar mi bya ba dang / gzhan dag la sman ma yin pa sbyin par mi bya zhing / gang dag de lta bu byed pa de dag la'ang bstan par mi bya'o/ / de la 'di skad ces bya ste/ skyes pa btsong ba spang bar bya// bud meng btsong ba'ang rnam par spang // sman min sbyin par mi bya ste// sbyin par byed pa de dag spang / / lha rnams de la 'phya bar byed// sems can sdug bsngal myong bar 'gyur// phyogs dang phyogs mtshams 'gro byed cing // mya ngan zug rngus gnon par 'gyur// mya ngan rnam pa mang po yis/ / da ni yun ring gnod par 'gyur// mya ngan 'gyur nas 'tsho dus byed// de lta bas na de mi bya// de phyir nyes pa 'di dag dang // gzhan rnams dag kyang ngas shes pas// byang chub sems dpa' rnams kyi phyir/ / phyogs tsam zhig ni brjod pa yin// 'od srungs gzhan yang byang chub sems dpa' khyim pas chos gsum mi bya ste/ gsum gang zhe na/ bud med smad 'tshong ma'i gan du mi 'gro bar bya ba dang / smra sems tha dad par spyod pa'i skyes pa 'am/ bud med bsten par mi bya ba dang / ba glang gsod pa'i gnas su gnas par mi bya ba ste/ byang chub sems dpa' khyim pas chos gsum po de dag mi bya'o/ / de la 'di skad ces bya ste/ 'dod pa spyod pa smad pa'i 'os// smad 'tshong gan du 'gro mi bya// 'dod pa ngan pa sten

  114. 58a

    byed pa/ / myur du rim gro mi byed 'gyur// gzugs bzang gan du 'gro byed pa// de dag la ni smod par 'gyur// myur du nad kyis thebs par 'gyur// des ni de yang 'chi dus byed/ / smra sems tha dad spyod pa yi// skyes pa 'am bud med des mi bsten// gzhan gyi bud med 'phrog byed na// de las dus kyis rab tu sbyor// ba glang gsod par byed pa na/ / rnam pa kun tu der mi 'gro// byang chub sems dpa' rnam dag la// skyob pa ngas ni 'di ma bsngags// nyes pa 'di dag mkhyen pa na// sangs rgyas kyis ni de phyir brjod// rigs pa min la sbyor ba rnams// de dag ched du brjod pa mdzad// sangs rgyas nga yi nyan thos rnams// shes so zhes ni kha cig smra// de dag sangs rgyas spyan snga nas// spyod yul gang na yod par 'dong / / sems can gang dag 'phags gnas shing // myur du mya ngan 'das 'dod pa// de dag don du bshad pa ste// bka' blo mi bde phyir ma bshad// 'od srungs gzhan yang byang chub sems dpa' khyim pas chos gsum dang ldan par bya ste/ gsum gang zhe na/ khyim na gnas pa des srog ni pho nya'i dgongs gnas dang 'dra bar bdag la rnam par brtag par bya ba dang / byin zhing yongs su btang ba'i nor bsags par bsgrub par bya zhing / gang ma byin zhing yongs su ma btang ba de la dpag tshad brgyan yod pa na'ang 'du shes

  115. 58b

    bskyed par mi bya ba dang / des bu dang chung ma'i ched bzhag pa'i blo bskyed par mi bya ba ste/ 'od srungs byang chub sems dpa' khyim pas chos gsum po de dag dang ldan par bya'o// de la 'di skad ces bya ste/ bdag ni myur du 'chi'o zhes// 'chi ba'i 'du shes bsgom par bya// de bas longs spyod bsags pa la// longs spyod las ni snying po blang / / bu dang chung ma'i don gyi phyir// des ni nor rnams bsag mi bya// lus dang longs spyod srog rnams las// snying bu myur du len par byed// byang chub don du 'dun drag bskyed// rgod cing g.yeng ba mi byed do// nor dang chos ni spongs nas su// lus kun la ni gnod par 'gyur// de ni byis pa'i rtsed mo ste// snang ba mthong zhing mi snang mthong // ro myang ba ni dgos pa med/ / chos kyi shugs ni skyob pa yin// rgyun mi 'chad par bshad par bya// chos 'di rtag tu gnas pa yin// mtshungs par ldan rnams phan tshun du// 'phya bar byed pa sdug bsngal yin/ / 'di 'dra ba yi chos 'di dag/ 'od srungs ngas ni rab tu brjod// gang dag mkhas par 'gyur ba dag/ mi de kun ni ngas shes te// de dag shes par rig gyur cing / / bdag la yid 'byung gyur nas ni// de yi tshe na yang dang yang // nga ni mngon du gyur par bya// 'od srungs gzhan yang byang chub sems dpa' khyim pa

  116. 59a

    chos gsum dang ldan na/ blan med pa yang dag par rdzogs pa'i byang chub las phyir mi ldog pa 'thob ste/ gsum gang zhe na/ pha ma ma dad pa dang pa la 'jog par byed/ pha ma tshul khrims 'chal pa tshul khrims la 'jog par byed/ pha ma ser sna can gtong ba la 'jog par byed/ bla na med pa yang dag par rdzogs pa'i byang chub kyi bsngags pa rjod cing / gzhan dag la'ang chos ston par byed pa 'di ni gang gis byang chub sems dpa' khyim pa bla na med pa yang dag par rdzogs pa'i byang chub las phyir mi ldog pa thob pa'i chos dang po'o/ / 'od srungs gzhan yang byang chub sems dpa' khyim pas bkur sti bya bar 'os pa'ang shes/ bkur sti bya ba'i 'os pa ma yin pa'ang shes te/ bkur sti/ bya ba'i 'os dang bkur sti bya ba'i 'os ma yin pa shes nas kyang / gang dag bkur sti bya ba'i 'os de dag la ni bkur sti byed/ gang dag bkur sti bya ba'i 'os ma yin pa de dag la ni bkur sti ma byed kyi/ de dag la byams pa sgom par byed de/ 'od srungs byang chub sems dpa' khyim pa chos gnyis po 'di dang ldan na/ bla na med pa yang dag par rdzogs pa'i byang chub las phyir mi ldog pa 'thob bo/ / 'od srungs gzhan yang byang chub sems dpa' khyim pa de'i longs spyod gang dag sdug bsngal gyis sdug bsngal bar bsgrubs pa de dag nges chud mi

  117. 59b

    gson cing chung mi za bar byed de/ dge sbyong dang bram ze tshul khrims dang ldan pa rnams dang thun mong du spyod pa ma gtogs par su la'ang sbyin par mi byed de/ tshangs pa mtshungs par spyod pa rnams dang bsri ba med par spyod do/ / 'od srungs byang chub sems dpa' khyim pa chos gsum po 'ong dang ldan na/ bla na med pa yang dag par rdzogs pa'i byang chub la phyir mi ldog pa 'thob bo/ / de la 'di skad ces bya ste/ byang chub sems dpa' khyim pa ni// byang chub dam pa tshol ba na// gang gis dam pa rtogs gyur pa'i// shes rab rtsa ba gsum gyis skye/ / pha dang ma ni gang yin pa// blo gros ngan cing ma dad pa// dang la 'dun pa skyed byed cing // chos kyi mchog la sbyor bar byed// 'jungs pa gtong dang tshul khrims la/ / shes rab 'chal pa shes rab sbyor// byang chub dam pa gang yin pa// de la de dag yang dag 'dzud// phyogs bzhi dag tu song nas su// legs bshad btsal ba yongs btsal te/ / gang zhig shes rab 'phel 'gyur ba// chos kyi sbyin pa sbyin par byed// khrims 'tshal khrims la bzhag byas shing // ma dang dad pa 'dzin bcug ste// shes 'chal shes rab 'dzini bcug nas/ / de ni ldog par mi 'gyur ro// shes rab can ngos dge slong mthong // tshul khrims ldan dang mang thos la// bkur sti byed cing sten par byed// song nas

  118. 60a

    / yang dang yang du 'dri// gang gi don du sten pa yi// dge slong de la yang yang 'dri// khyim pa rnams kyi chos de dag/ des ni myur du de mi ldog/ mkhas pa de ni de dag gi/ / thos pa'i gnas kyi khyad par shes// mkhas pa rnams kyis khyad shes nas// de la bdag gis sha yang sbyin// nga yis gang dag brjod byas pa// de dag dad pa'i mtshan nyid de/ / ma dad pas ni de dag gis// byang chub sems 'dun mi nus so// khyad par shes shing yid gzhungs pa// khyad par myur du thob par 'gyur// chos rnam kun gyi khyad par ni/ / de la dkon par mi 'gyur ro// bdag dang pha rol gzhan rnams kyis// khyad par de ltar shes gyur nas// sems dga' mngon du sgrub par byed// de nas de yis shes rab 'phel/ / de yi longs spyod gang yin pa// gang dag des ni kun bsgrubs pa// de dag tshul khrims ldan rnams dang // gcig tu spyad pa snga nas byas// de ni gzhan du mi smra ste/ / de ni log par smra ma yin// gtong dang ldan zhing mthu brtan pa// de ni de bzhin gshegs par 'gyur// tshul khrims bzang zhing 'grogs na bde// dpa' ba byams pa thob gyur ba/ / sbyin pa byin nas snga logs sam// yang na phyi nas dga' bar 'gyur// sbyin bdag dam pa dpa' bo ste// sbyin bdag las ni tshol ba med// thams cad sbyin bdag brtan pa po//

  119. 60b

    de la ma byin yongs med do// gser ram yang na dbyig kyang rung // sngon gyi tshe rabs rnams na byin// chos mchog rnams dang zab ma mchog/ go 'phang yongs su tshol bar byed// gang zhig lhar bcas 'jig rten la// bsti stang byed pa rigs ma yin// gang zag gcig pu gang yin la// chos kyi don phyir bkur sti bya// chos las skyes pa dpa' bos ni// chos kyis chos kyang yongs su tshol// chos ces chos dang yid gzhungs pa// 'jig rten na ni 'dren par 'gyur// 'od srungs gzhan yang byang chubo sems dpa' khyim pa chos gsum dang ldan na/ bla na med pa yang dag par rdzogs pa'i byang chub tu sems bskyed pa las nyan thos kyi theg par yongs su mya ngan las 'das par byed de/ gsum gang zhe na/ 'od srungs 'di la kha cig byang chub tu sems bskyed nas/ sems can dmyal ba rnams kyis 'jigs shing / dud 'gro'i skye gnas dang / gshin rje'i 'jig rten gyis 'jigs te/ byang chub la khur du 'du shes par 'gyur zhing / de gal te dge ba'i rtsa ba yang dag par bsgrubs pa rnams rgyun mi 'chad par yid la mi byed de/ len par mi byed pa de yid kyis zhes 'gras par byed/ de sems kyis zhe 'gras par byed cing / sdug bsngal gyi 'du shes su 'gyur na/ 'od srungs chos dang po de dang ldan pa'i byang chub sems dpa' byang chub

  120. 61a

    las ldog cing / nyan thos kyi theg par yongs su mya ngan las 'da' bar byed do// 'od srungs gzhan yang 'di la kha cig byang chub tu sems bskyed nas/ gang sbyin pa sbyin zhing yongs su dga' ba ma yin pa'i sbyin pa byin te/ byin zhing byin nas kyang 'gyod par 'gyur zhing sa rgyas kyi ye shes la mi gtong na/ 'od srungs chos gnyis pa de dang ldan pa'i byang chub sems dpa' khyim pa ni/ byang chub las ldog cing myur du nyan thos kyi theg par yongs su mya ngan las 'da' bar byed do// 'od srungs gzhan yang 'di la kha cig byang chub tu sems bskyed nas mang du thos pa yongs su btsal ba'i phyir brtson 'grus mi rtsom gyi/ de dge ba'i rtsa ba ngan ngon tsam des myur du yongs su mya ngan las 'da' bar byed na/ 'od srungs chos gsum po de dag dang ldan pa'i byang chub sems dpa' khyim pa byang chub las ldog cing / myur du nyan thos kyi theg par yongs su mya ngan las 'da' bar byed do/ / de la 'di skad ces bya ste/ byang chub ched du 'dun bskyed la// mthun par rjes su mi sgrub na// sangs rgyas theg las ldog 'gyur / nyan thos theg par 'gro bar 'gyur// ma dad pa dang le lo can// ser sna can dang shes rab 'tshal// de dag la ni byang chub med// de dag bar du gcod pa yin// byas pa

  121. 61b

    gzo dang khrims ldan dang / / sbyin la yid ni dga' ba dang // byin nas sems ni tshim gyur pa// de dag byang chub dkon ma yin// sdig pa dag ni sems kyis byed// sems kyis sbyin pa sbyin par byed/ / sems can sems mchog ldan de dag/ 'jig rten mchod rten 'dra bar 'gyur// gang dag chos 'di rnam spangs nas// byang chub tu ni sems btud pa/ / de dag 'jig rten rnams na ni// sbyin gnas bla med sangs rgyas 'gyur// 'od srungs byang chub sems dpa' khyim pa chos gsum dang ldan na byang chub las ldog cing / rang sangs rgyas kyi yongs su mya ngan las 'da' bas yongs su mya ngan las 'da' bar byed de/ gsum gang zhe na/ 'od srungs 'di la kha cig byang chub tu sems bskyed nas chos la ser sna byed de/ 'od srungs chos dang po 'di dang ldan pa'i byang chub sems dpa' khyim pa byang chub las ldog cing / rang sangs rgyas kyi yongs su mya ngan las 'da' bas yongs su mya ngan las 'da' bar byed do/ / 'od srungs gzhan yang 'di la kha cig byang chub tu sems bskyed nas/ dge mtshan dang ltas la chags te/ 'od srungs chos gnyis pa 'di dang ldan pa'i byang chub sems dpa' khyim pa byang chub las ldog cing / rang sangs rgyas kyi yongs su mya ngan las 'da' bas yongs su mya ngan las

  122. 62a

    'da' bar byed do/ / 'od srungs gzhan yang 'di la kha cig byang chub tu sems bskyed nas/ byang chub kyi yan lag rnams yongs su mi tshol zhing le lo can du 'gyur te/ 'od srungs chos gsum po 'di dag dang ldan pa'i byang chub sems dpa' khyim pa byang chub las ldog cing / rang sangs rgyas kyi mya ngan las 'da' bas yongs su mya ngan las 'da' bar byed do/ / de la 'di skad ces bya ste/ chos la ser sna byed gyur cing // gzhan dag la ni mi ston pa// rkyen gyi byang chub 'thob 'gyur te/ 'di ni byang chub ldog par 'gyur// de ltar 'di gnyis gnod 'gyur te// gnod pa las ni sdug bsngal 'ongs// 'gro 'am nye bar bsten nam zhes// 'di ni byang chub the tshom za// theg pa che la bsam byas nas/ / myur du ltas ni lta bar byed// gang 'dir ston pa mi sten pa// de dag dad pa'i mtshan nyid min// gang dag 'dun pa drag ldan zhing // byang chub brtan par 'dod gnyer ba/ / de dag gzhan la phyag mi 'tshal// 'jig rten mchod rten ma gtogs so// gang dag dad pa 'di 'dra ba// lha gzhan rnyed par mi 'gyur te// des na mchog ni phun sum tshogs// yi lha zhes bya ba yin// byang chub tu ni 'dun bskyed nas// gang zhig gzhan la phyag mi 'tshal// de ni de dang de dag tu// stobs dang gzugs dang ldan par 'gyur//

  123. 62b

    srungs byang chub sems dpa' khyim pa chos gsum dang ldan na/ lus gnag par 'gyur zhing / lus nag por 'gyur te/ gsum gang zhe na/ de bzhin gshegs pa'i mchod rten la mar me bus pa de nas mar me rku ba dang / pha rol dang 'gyed pa na khro ba nye bar ston pa dang / ma dris par smra zhing mi nag po'i mtshang 'dru ba yin te/ 'od srungs byang chub sems dpa' khyim pa chos gsum po de dag dang ldan na lus nag por 'gyur ro/ / de la 'di skad ces bya ste/ mchod rten mar me bus pa la// de yi 'od 'phro med byed na// de yi lus ni gnag gyur te/ dper na la ba nag po bzhin// mi mthong nas ni mtshang 'dra ste// nga ni dkar gyi khyod gnag ces// des ni gzhan la brnyes byas na// nag por 'gyur te mun pa bzhin// ngag ni shin tu bsdam par gyis/ / chung zad 'gyur ba'i las med de// las de ji ltar byas pa bzhin// de ltar de la spyod par 'gyur// 'od srungs byang chub sems dpa' khyim pa chos gsum dang ldan na mgar ba'i khyim du skye bar 'gyur te/ gsum gang zhe na/ 'od srungs 'di la byang chub sems dpa' khyim pa bdag nyid bslab pa'i gzhi lnga dang ldan pa yin la/ nye du lam ring po nas lhags pa de dag la chang ldud pa dang / sems can gzhan dag la chang la mgron du 'bod na/ 'od srungs chos dang po 'di dang ldan pa'i byang chub sems dpa' khyim pa ni mgar

  124. 63a

    ba'i khyim du skye bar 'gyur ro/ / 'od srungs gzhan yang byang chub sems dpa' khyim pa bdag nyid tshangs par spyod pa yin la/ gzhan dag 'khrig pa'i chos la sbyor na/ de las byas shing bsags pa des mgar ba'i khyim du skye bar 'gyur te/ 'od srungs chos gnyis pa 'di dang ldan pa'i byang chub sems dpa' khyim pa mgar ba'i khyim du skye bar 'gyur ro/ / 'od srungs gzhan yang byang chub sems dpa' khyim pa de khyim na bya ba ci'ang rung ba zhig brtsams pa yod la/ de mi chos kyis brel pa zhig 'dug pa de'i gon du song ste bos nas tshur shog/ re zhig kha ton byed pa thong la las rings pa gyis shig ces bsgo na/ de las byas shing bsags pa des mgar ba'i khyim du skye bar 'gyur te/ 'od srungs chos gsum po 'di dag dang ldan pa'i byang chub sems dpa' khyim pa ni mgar ba'i khyim du skye bar 'gyur ro// de la 'di skad ces bya ste/ nye du lhags pa mthong nas su/ / chang la mgron tu 'bod byed cing // myos pa'i btung ba byin pas na// mgar ba mu cor smra bar 'gyur// de ni khab dang mtshon cha dang // bzo yi gnas ni mi byed kyi/ / sa la 'dug pa byas nas su// lag pas sdud pa blangs nas 'bung // bud med dang ni 'du spangs la// gzhan dag la ni 'dod bsngags na// las kyi rnam par smin pa des//

  125. 63b

    mgar ba mu cor smra bar 'gyur// de ni khab dang mtshon cha dang // sdud pa 'bud kyang mi shes la// lag pas tho ba bzung nas su// de ni lcags kyi gar bu rdung // chos ni rnam par spang byas pas/ / de nas mi de shi 'phos nas// mi de rab tu myur bar ni// mgar ba'i khyim der skye bar 'gyur// de ni sdud pa mi mthong zhing // de ni tho ba'ang mi mthong ste// snod rnams thams cad 'joms par byed/ / rnam par smin de de 'dra'o// 'od srungs ngag ni bsrung bar byed// yid kyang shin tu bsdam par bya// mi dge ba yi chos rnams kun// gzhan la brjod par mi bya'o/ / skye ba'i 'khor ba sdug bsngal te// sred pas skye ba 'phel bar 'gyur// de bas brtan pa chos spyod cig/ chos ma yin pa rnam par spongs// 'od srungs byang chub sems dpa' khyim pa chos gsum dang ldan na/ rgyal rigs shing sA la chen po lta bu rnams dang skal ba mnyam par skye bar 'gyur zhing / gzugs bzang ba dang / mdzes pa dang / blta na sdug pa dang / kha dog bzang po rgyas pa mchog dang ldan pa dang / le lo med pa dang / gsal ba dang / shin tu rnam par nges par 'gyur te/ gsum gang zhe na/ 'od srungs 'di la byang chub sems dpa' khyim pas sngon ma mthong ba'i dge sbyong dang bram ze dag mthong na 'di dag ni sbyin gnas so// 'di dag ni mchod par 'os pa'o// 'dra

  126. 64a

    ngag ni phyag bya bar 'os pa'o/ / 'di dag ni bsod nams kyi zhing ngo zhes dga' ba bskyed de/ de dga' bar 'gyur ba'i sems kyis gos dang / zas dang / mal/ cha dang / na ba'i gsos sman dang / yo byad rnams kyis mgron du gnyer te/ 'od srungs chos dang po 'di dang ldan pa'i byang chub sems dpa' khyim pa rgyal rigs shing sA la chen po lta bu dang skal ba mnyam par skye bar 'gyur ro/ / 'od srungs gzhan yang byang chub sems dpa' khyim pa yi dam snying po can la gnas pa yin te/ de yi dam snying po can la gnas pas ji skad smras pa bzhin byed cing brdzun du mi smra ba yin te/ 'od srungs chos gnyis pa 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal ba mnyam par skye bar 'gyur ro/ / 'od srungs gzhan yang byang chub sems dpa' khyim pa dge sbyong dang bram ze tshul khrims dang ldan pa de dag la bsnyen bkur byas nas snying po len te/ 'od srungs chos gsum po 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal ba mnyam par skye bar 'gyur ro// de la 'di skad ces bya ste/ des ni shes rab rang bzhin can// khrims ldan mang du thos mthong nas// yid bde ba ni bskyed byas te// song nas de dag mgron du gnyer// de dag

  127. 64b

    mgron du gnyer byas nas/ / de ni yang dag ci bzhin byed// de ni gtod rgyun mi gcod cing // de la 'gras par 'gyur ba med// gang gi don du bsnyen bkur ba// snying po de ni len par byed/ / sna tshogs shes pa'i khyad par gyis// rin chen shin tu dkon la yang // gang dag dad pa 'di 'dra zhing // byang chub la yang mngon zhugs pa// de dag ye shes spyod yul ba/ byang chub rnyed par dka' ba med// 'tsho ba mchog gis 'tsho byas nas// longs spyod mchog rnams sdud par byed// chos kyi dam pa yongs su tshol// mya ngan 'das pa mchog la rag rigs mchog rnams su skye bar 'gyur/ / gzugs kyi dam pa mngon par 'grub// chos gos dam pa 'chang bar byed// des ni mya ngan 'das mchog 'thob// mkhas pa'i mi ni 'di 'dra'i chos/ / de dag shes par gyur nas ni// kun tu spyod de thub pa yis// nye bar bstan la gus par byed// mi de sangs rgyas theg pa yis// theg pa mchog gis 'gro bar byed// mya ngan 'das pa bsil ba'i dngos/ / de ni de yi 'bras bu'i mchog/ ci 'dra ba yi las byas pa// rnam par smin pa de 'drar 'gyur// bskal pa bye ba phrag brgyar yang // de ni chung zar 'gyur ba med/ / 'od srungs byang chub sems dpa' khyim pa chos gsum dang ldan na khyim gyi sa la gnas nas/ bla na med pa yang dag par rdzogs pa'i byang chub mngon par rdzogs

  128. 65a

    bar sangs rgyas kyi bar du ji ltar nam du'ang 'dod pa'i yon tan lnga po dag yongs su spyod par mi 'gyur ba de lta bu'i dge ba'i rtsa ba skyed de/ gsum gang zhe na/ 'od srungs 'di la byang chub sems dpa' khyim pa bslab pa'i gzhi lnga dang ldan pa yin te/ de gzhan la'ang 'dod pa bsngags par mi byed cing / bud med dang rgyu ba ma yin gyi/ rang gi don la mngon par brtson pa yin te/ bdag ni bud med dang bsten pas chog gis/ bdag bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po de dag dang phrad par ma gyur cig ces sems kyang skad de/ 'od srungs chos dang po 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang 'dod pa'i yon tan lnga po dag la yongs su mi spyod do/ / 'od srungs gzhan yang byang chub sems dpa' khyim pa 'di lta bu'i mdo sde 'di dag thos nas dad pa skyed cing / dang nas kyang yongs su tshol lo// 'od srungs gzhan yang mdo sde 'di lta bu 'di dag gzung dka' bas yongs su zin par 'gyur te/ 'on kyang lung 'jog par byed/ rtsom par byed do// 'od srungs yang gang zhig chos 'di lta bu 'di dag thos na 'gyod pa'i gnas mtha' dag sel bar 'gyur te/ de dge ba'i rtsa

  129. 65b

    bdes chags pa med pa'i spobs pa dang grol ba'i spobs pa dang ldan par 'gyur/ shi 'phos kyang rung / shi 'phos par ma gyur kyang rung ste/ de bzhin gshegs pa rnams myur du mthong bar 'gyur/ shi 'phos nas kyang mtho ris kyi 'jig rten du 'gro bar 'gyur te/ de bla na med pa yang dag par rdzogs pa'i byang chub dang ring ngo snyam du shes par mi bya ste/ 'od srung c hos gnyis pa 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la mi spyod do/ / 'od srungs gzhan yang byang chub sems dpa' khyim pa dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo ste/ de gzugs lo dga' ba ma yin/ sgra la dga' ba ma yin/ dri la dga' ba ma yin/ ro la dga' ba ma yin/ reg la dga' ba ma yin/ longs spyod la dga' ba ma yin/ dbang phyug la dga' ba ma yin/ g.yog 'khor la dga' ba ma yin te/ de 'dus ma byas kyi sems dang / 'dus ma byas kyi rnam par smin par gyur nas/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la

  130. 66a

    yongs su mi spyod de/ 'od srungs chos gsum po 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la mi spyod do/ / de la 'di skad ces bya ste/ khyim pa'i bslab pa'i gzhi lnga po// bsrung ba dag ni legs bsrungs te/ / bud med dang ni 'du ba spong // de la smod cing gshung bar byed// 'di 'dra ba yi chos 'di dag/ yongs su tshol bas ngom pa med// 'gyod pa'i gnas ni gang yin pa/ / de dag de ni myur du sel// dge ba'i chos rnams thams cad kyang // byang chub don du bsngo bar byed// de ni dge ba'i rtsa ba des// 'dod pa'i yon tan myur du spong // rtag tu mang du thos par 'gyur// snying rje yang dag bskyed nas su// srog chags rnams la chos kyang ston// byang chub lam ni yongs su tshol// de bas 'di 'dra rnam thos nas// 'dun pa bzang po bskyed byas shing // 'dod pa bsten par mi bya ste// 'khor lo myur du bskor bar bya// de nas bcom ldan 'das la/ tshe dang ldan pa 'od srungs chen pos 'di skad ces gsol to/ / btsun pa bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'od

  131. 66b

    srungs de'i phyir khyod kyis chos kyi rnam grangs 'di sdom pa gsum bstan pa zhes bya bar zung zhig/ byang chub sems dpa'i bslab pa yongs su brjod pa zhes bya bar yang zung zhig/ chos tham/ cad yang dag par 'du ba zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa 'od srungs chen po dang / thams cad dang ldan pa'i 'khor de dang / lha dang / dri za dang / mi dang / lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ sdom pa gsum bstan pa zhes bya ba le'u dang po rdzogs so// // rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba ban de ye shes sdes bsgyur cing zhus te skad gsar bcad kyis bcos nas gtan la phab pa/ sh+lo ka dgu brgya ste bam po gsum mo/ / rgya gar skad du/ Ar+ya a nan ta mu kha bi sho d+ha ni nar de sho nA ma ma hA yA na sU tra/ bod skad du/ 'phags pa sgo mtha' yas pa rnam par sbyong ba bstan pa zhes bya ba theg pa chen po'i mdo/ / / bam po dang po/ sangs rgyas dang byang chub sems dpa' thams cad la phyag 'tshal lo// 'di skad

  132. 67a

    bdag gis thos pa dus gcig na/ bcom ldan 'das rgyal po'i bab na/ 'od ma'i tshal bya ka lan ta ka gnas pa na/ dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa/ skye ba gcig gis thogs pa'i byang chub sems dpa' grangs med dpag tu med pa rnams dang thabs cig/ tu bzhugs so// yang de'i tshe na bcom ldan 'das 'khor brgya stong du mas bskor zhing mdun gyis bltas nas chos ston to// de nas byang chub sems dpa' bkod pa mtha' yas shes bya ba 'khor de nyid du 'dus te 'dug par gyur pa de stan las langs te/ chos gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das de bzhin gshegs pas bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to// bkod pa mtha' yas khyod de bzhin gshegs

  133. 67b

    pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// de skad ces bka' stsal pa dang / bcom ldan 'das la/ byang chub sems dpa' bkod pa mtha' yas kyis 'di skad ces gsol to// bcom ldan 'das byang chub sems dpa' sems dpa' chen po ye shes tshad ma mchis pa dang / dpag tu ma mchis pa dag la yang dag par rab tu zhugs pa rnams dang / go cha chen po bgos pa rnams kyi slad du/ de bzhin gshegs/ pa la bdag phyogs 'ga' zhig yongs su zhu'o// bcom ldan 'das byang chub sems dpa' sems dpa' chen po thabs la mkhas pa chen po'i sa la yang dag par rab tu zhugs pa rnams dang / don mtha' yas pa shes pa'i thabs la mkhas pa la yang dag par rab tu zhugs pa rnams dang / rnam par nges pas ye shes chen po yang dag par brtsams pa la yang dag par rab tu zhugs pa rnams dang / byang chub kyi lam la yang dag par zhugs pa de lta bu de dag gi slad du/ de bzhin gshegs pa la bdag yongs su zhu'o// bcom ldan 'das byang chub sems dpa' sems dpa' chen po sems can thams cad la phan pa nye bar bsgrub pa la yang dag par rab tu zhugs pa rnams dang / sems dpe ma mchis pa rnams dang /

  134. 68a

    chos thams cad rnam par dag par shes pa'i don la sems pa rnams dang / thabs la mkhas pa'i shes pa chen pos rab tu rnam par 'byed pa rnams dang // don tshad ma mchis pa rnam par nges pa'i thabs la mkhas pa rjes su thob par 'tshal ba rnams dang / seng ge'i khri chen po mngon par 'tshal ba rnams dang / thams cad mkhyen pa'i seng ge'i khri gdan la mngon par mchis pa rnams dang / rnam par gnon pa chen po nges par brtsams pa la yang dag par rab tu zhugs pa rnams dang / phyir mi ldog pa'i nges pa'i tshig sna tshogs la mkhas pa rnams dang / rnam par 'byed pa'i brtson 'grus chen po kun tu brtsams pa'i go cha chen po shin tu bgos pa de dag gis slad du/ de bzhin gshegs pa la bdag yongs su zhu bar 'tshal lo/ / bcom ldan 'das sems can gang dag sems can thams cad kyi mchog bgyid par 'tshal ba rnams dang / sems can thams cad la dbang phyug gis dbang sgyur ba'i pha rol tu phyin par 'tshal ba rnams dang / bcom ldan 'das gang dag thogs pa ma mchis pa'i mi 'jigs pa'i shes pa rjes su thob par 'tshal ba rnams dang / mi 'jigs pa gang la gnas nas sems can rnams la 'phel bam mchis pa dang / 'grib pa ma mchis pa'i thabs dang / rkyen gyi chos ston par 'gyur ba rnams dang

  135. 68b

    thabs mkhas pas sems can rnams la chos thams cad kyi don rgya cher ston par 'gyur ba rnams dang / chos rnams kyi ngo bo nyid kyi rang bzhin la ji lta ba bzhin du 'jug pa ston par 'gyur ba rnams dang / bcom ldan 'das gang dag dpe ma mchis pa'i sems dang / bla na ma mchis pa'i sems dang / mchog gi sems dang ldan pa rnams dang / sems kyi dbang phyug rjes su thob par 'tshal ba de dag gi slad du/ de bzhin gshegs pa la bdag yongs su zhu bar 'tshal lo// bcom ldan 'das gang dag 'jig rten thams cad la sman pa dang bde ba'i slad du ma rig pa'i sgo nga'i sbubs brtol nas slob dpon la mi ltos par rang byung ye shes kyi mdzod dang / lha dang bcas pa'i 'jig rten gyi mchog dang / gtso bo dang / khyad par du 'phags pa dang / rab dang / rab kyi mchog tu 'gyur bar 'tshal ba de dag gi slad du/ de bzhin gshegs pa la bdag yongs su zhu bar bgyid do// bcom ldan 'das sems can gang dag 'jig rten thams cad la sman pa dang bde ba'i slad du nye bar gnas pa rnams dang / mi 'jigs pa chen po'i ye shes rjes su thob par 'tshal ba rnams dang / rang byung gi ye shes kyi stobs la gnas nas ye shes mtha' yas pa ston pa'i thabs la mkhas pa rnam par 'byed par 'tshal ba rnams dang / rnam par nges pa'i chos mtha' yas mu med pa dag rab tu ston par 'tshal ba rnams dang //

  136. 69a

    bcom ldan 'das gang dag lha dang bcas pa'i 'jig rten dag 'od kyis snang bar bgyi bar 'tshal ba de dag gi slad du/ de bzhin gshegs pa la bdag yongs su zhu bar bgyid do/ / bcom ldan 'das gang dag thabs la mkhas pas/ sems can rnams la bla na med pa'i ye shes rgya chen po thogs pa ma mchis pa dag yang dag par rab tu ston par 'tshal ba rnams dang / shin tu rnam par dag pa'i ye shes ston pa'i thabs la mkhas pa rnam par 'byed par 'tshal ba de dag gi slad du/ de bzhin gshegs pa la bdag yongs su zhu bar 'tshal lo// bcom ldan 'das gang dag thams cad mkhyen pa'i ye shes kyi thabs la mkhas pa'i sa rjes su thob par 'tshal ba de dag gi slad du/ de bzhin gshegs pa la bdag yongs su zhu bar 'tshal lo/ / bcom ldan 'das byang chub sems dpa' rnams sa gang la gnas nas myur du sangs rgyas kyis yongs su rdzogs par bgyid pa rnams dang / thabs la mkhas pa'i pha rol tu phyin pa bsam gyis mi khyab pa dag rtogs par bgyid pa rnams dang / tshegs chung ngus sems can yongs su smin par bgyi ba'i thabs la mkhas pa bsam gyis mi khyab pa dag rtogs par bgyid pa rnams dang / ye shes gang gis sems can rnams kyi mi dge ba'i chos rnams spang ba dang / dge ba'i chos rnams spel ba dang / byang chub kyi lam dang thams cad mkhyen pa'i gdung

  137. 69b

    rigs kun tu bstan par bgyi ba dang / sems can stong phrag mang po dpag tu ma mchis pa rnams bla na med pa yang dag par rdzogs pa'i byang chub las phyir mi ldog pa la so sor 'god par bgyid pa'i ye shes de lta bu dag mngon sum du bgyi ba'i slad du sgrub par bgyid pa rnams dang / bcom ldan 'das sems can rnams dang byang chub sems dpa' rnams la byang chub kyi lam yang dag par rab tu ston pa rnams dang / sangs rgyas kyi chos rnams la yang dag par dga' ba de dag gi slad du/ de bzhin gshegs pa la bdag yongs su zhu bar bgyid do/ / bcom ldan 'das 'khor mang po 'dus par gyur pa 'di dag la// gang de bzhin gshegs pas de lta bu'i chos kyi sgo dag bstan pa'i dus ni 'di lags/ tshod ni 'di lags kyis/ de lta bu'i chos kyi sgo dag bshad cing / de lta bu'i chos bstan pa de dag nye bar bsgrub tu gsol/ byang chub sems dpa' 'di dag kyang ji ltar bsam gyis mi khyab pa'i smon lam yongs su rdzogs shing / thams cad kyang skye ba gcig gis thogs pa dge ba'i rtsa ba yongs su smin pa sha stag lags na/ bcom ldan 'das ji ltar byang chub sems dpa' 'di dag chos tshul tshad ma mchis pa rnam par 'byed pa mkhas pa'i gzhir 'gyur ba dang / nges pa'i tshig gis don thams cad rtogs shing ston par 'gyur ba dang / 'tshal na byang chub mngon par rdzogs

  138. 70a

    par 'tshang rgya bar 'gyur ba dang / 'tshal na rdzu 'phrul gyi stobs mtha' yas pa dag la gnas nas/ sems can tshad ma mchis pa rnams yongs su smin par bgyid par 'gyur ba dang / sangs rgyas kyi chos rnams dang / sangs rgyas kyi ye shes kun tu gzung ba la mkhas par bgyi ba'i slad du/ de bzhin gshegs pas de dag la gzungs kyi sgo la mkhas pa de lta bu dag nye bar bsgrub tu gsol/ bcom ldan 'das ji ltar de bzhin gshegs pas de lta bu'i chos kyi sgo dag yang dag par rab tu bshad na/ sems can dpag tu ma mchis pa dag kyang byang chub kyi lam la mkhas shing yongs su smin par 'gyur ro/ / bcom ldan 'das de bzhin gshegs pas sngon yun ring po nas sems can tshad ma mchis dpag tu ma mchis pa dag sangs rgyas kyi mkhyen pa dang / rang byung gi ye shes la so sor dgod par smon lam mdzad pa de'i dus ni 'di lags kyis/ bcom ldan 'das ji ltar byang chub sems dpa' 'di dag rang rang gi dge ba'i rtsa ba yongs su smin par 'gyur ba dang / slar zhing rgya cher gong nas gong du smon lam bsam gyis mi khyab pa la mkhas pas gnas par 'gyur ba dang / de bzhin gshegs pa'i mthus thabs la mkhas pa bsam gyis mi khyab pa dang / tshad ma mchis pa dag 'thob par 'gyur ba de ltar de dag la gzungs kyi sgong lta bu dag bshad cing rab tu bstan du gsol/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ni/ thabs

  139. 70b

    la mkhas pa mtha' yas pa dag ni thugs su chud/ mi 'jigs pa chen po'i sa la ni shin tu rab tu bzhugs/ bskal pa bye ba dpag tu ma mchis pa nas yang dag par bsgrubs pa'i dgongs pas ni sems can thams cad kyi bsam pa sgrub pa la mkhas na/ bcom ldan 'das 'khor 'di dag thams cad ni de bzhin gshegs pa'i zhal du lta zhing / 'khor 'di dag ni de bzhin gshegs pa la lta bas ngoms ma 'tshal/ thams cad mkhyen pa'i ye shes yongs su tshol bas ngoms ma 'tshal/ chos yongs su tshol bas ngoms ma 'tshal/ don rnam par nges pa'i chos kyi mdzod nyan pas ngoms ma 'tshal ba lags kyis/ bcom ldan 'das de bzhin gshegs pa ni 'khor 'di rnams kyi bsam pa sgrub pa la mkhas shing / de bzhin gshegs pas ni byang chub sems dpa' 'di dag thams cad kyi smon lam la mkhas pa'ang rab tu mkhyen/ 'jug pa la mkhas pa'ang rab tu mkhyen/ yongs su smin par bgyi ba la mkhas pa'ang rab tu mkhyen pas na/ bcom ldan 'das sangs rgyas kyi yul dang / de bzhin gshegs pa'i yul bla na med pa la bzhugs nas/ de dag la chos kyi sgo gang dag dang / gzungs kyi sgo'i tshig gang dag gis chos thams cad rnam par nges pa la mkhas pa yongs su rdzogs par 'gyur ba de lta bu dag de bzhin gshegs pas bka' stsal cing bshad du gsol/ bcom ldan 'das ji ltar byang chub

  140. 71a

    sems dpa' yongs su ma smin pa rnams yongs su smin par bgyi ba dang / yongs su smin pa rnams mngon par shes pa myur ba dang / rnam par grol ba'i ye shes gzigs pa'i thams cad mkhyen pa'i sems so sor thob par bgyi ba dang / bcom ldan 'das gang dag ma nges pa'i sa la gnas pa'i sems can de dag gi chos bstan pa 'di thos na/ thams cad mkhyen pa'i yul la yongs su smin par 'gyur ba de lta bu'i slad du/ de bzhin gshegs pa la bdag shin tu rnam par nges pa dag yongs su zhu'o// bcom ldan 'das byams pa chen pos sems can rnams yongs su gzung ba'i slad du/ chos bshad pa 'di la bzhugs su gsol/ bcom ldan 'das ji ltar slad ma'i dus slad ma'i tshe na/ gnod sems che ba'i dus dang / 'dod chags dang / zhe sdang dang / gti mug dang / nyon mongs pa mang po 'byung ba'i dus dang / ma rig pas zin par gyur pa'i sems can rnams chos 'khrug pa 'chab par mi bgyid pa'i dus dang / chos la rtsod cing 'thab pa'i dus na/ byang chub sems dpa' rnams byams pa chen pos yang dag par zin pa'i sems kyis 'khrug pa de la bzod cing ji mi snyan par bgyid pa dang / rtsod pa ma mchis par chos kyi tshul 'di la nges par 'byung bar 'gyur ba dang / snying rje chen pos yongs su zin pas rtsod pa ma mchis shing rjes su mthun par 'gyur ba dang / dge ba'i rtsa ba'i

  141. 71b

    stobs bskyed pa dag rjes su thob par bgyi ba'i slad du/ bcom ldan 'das de bzhin gshegs pa la bdag don rnam par nges pa 'di dag yongs su zhu'o// bcom ldan 'das de bzhin gshegs pa byang chub sems dpa' rnams la thogs pa ma mchis pa'i chos kyi tshul 'di rnam par dbye bar bzhed na/ bcom ldan 'das gang dag chos thams cad kun tu bsdu ba la mkhas par 'gyur ba'i chos bstan pa'i sgo dang / chos snang ba'i sgo de dag gang lags/ de bzhin gshegs pas thams cad bsdu ba la mkhas pa gang gis chos kyi tshul 'di ni bslu ba med cing nye bar zhi ba'o zhes bstan cing // chos kyi gter dpag tu ma mchis pa dag rnam par dbyer gsol/ chos kyi mdzod rnams rnam par dgrol du gsol/ de bzhin gshegs pa ni zil gyis mi non cing / nyams pa mi mnga' la rgyun mi 'chad pa'i dgongs pa phun sum tshogs pa dang ldan pas pha rol rgol ba thams cad ni chos dang mthun pas tshar bcad cing rab tu btul/ bdud thams cad ni pham par mdzad/ sangs rgyas kyi chos rnams kyis sems can rnams la dge ba'i rtsa ba ni yang dag par sgrub/ sems can rnams la smon lam la mkhas pa mtha' yas pa mngon par 'phags pa dag ni yang dag par sgrub cing kun tu ston/ thams cad mkhyen pa'i ye shes 'di la ni mngon par 'phags/ chos kun bsdu ba tshad ma mchis pa rnams ni rjes su dgongs/ spobs pa phun sum tshogs pa

  142. 72a

    mtha' yas pa dang ni ldan na/ rnam par gsal ba'i tshig 'bru dpe ma mchis pa rnams dang / shin tu rnam par sbyangs pa'i so so yang dag par rig pa rgyun ma 'chad pa rnams kyis gzungs tshul la mkhas pa mtha' yas pa khong du chud par 'gyur ba dang / chos thams cad shin tu rnam par nges pa'i tshul la mkhas par 'gyur ba dang / sems can rnams la bsam pa sgrub par bskul ba dang / sems can rnams la sngon gyi mtha' dang / phyi ma'i mtha'i sbyor ba bstan pa dang / 'das pa dang / ma 'ongs pa dang / da ltar byung ba'i chos rnams yang dag par bstan pa dang / rgyal rag las pa rnams yang dag par bstan pa dang / chos gang la'ang mngon par zhen pa ma mchis par sems can rnams la chos bstan pa dang / phyogs bcu'i 'jig rten gyi khams ngag nasangs rgyas bcom ldan 'das rnams de dag la yang dag pa'i ched du rjod pa gsung bar 'gyur ba dang / phyogs bcu'i 'jig rten gyi khams kun tu rdzu 'phrul gyi stobs dang mi 'jigs pas sems can rnams kyi chos la lta ba spang bar bgyi ba dang / sems can rnams la rnam par nges pa'i chos bsam gyis mi khyab pa dag bstan pa dang / sangs rgyas kyi ye shes yongs su smin par bgyi ba la mkhas pa de lta bu'i chos kyi gtam 'bel ba dag bka' stsal du gsol/ bcom ldan 'das de ltar thabs la mkhas pa chen po'i sa yongs su brtag

  143. 72b

    pa'i ched dang / don thams cad shes pa'i thabs la mkhas pa bsam gyis mi khyab pa dag yang dag par bsdu ba'i slad du/ de bzhin gshegs pa la bdag yongs su zhu'o// bcom ldan 'das gzhan yang chos gang gis byang chub sems dpa' rnams kyi smon lam la mkhas pa dang / yongs su smin par bgyi ba la mkhas pa dang / thabs la mkhas pa yongs su rdzogs par 'gyur ba dang / ji ltar byang chub sems dpa' rnams kyis chos bstan pa 'di thos na chos kyi snang ba chen po so sor 'thob par 'gyur ba dang / byang chub kyi lam yongs su smin par 'gyur ba dang / smon lam g+hi khyad par la mkhas pa yongs su smin par 'gyur ba de lta bu'i chos dag de bzhin gshegs pas bshad du gsol/ de skad ces gsol pa dang bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to// bkod pa mtha' yas gang khyod de ltar shin tu dul ba'i blos de bzhin gshegs pa la yongs su zhu ba ni legs so legs so/ / bkod pa mtha' yas ji ltar yang khyod byang chub sems dpa' rnams kyi thabs la mkhas pa yongs su rdzogs par bya/ ba'i phyir zhugs pa dang / ji ltar yang khyod byang chub sems dpa' rnams kyi smon lam rnam par dag par bya ba'i phyir zhugs shing / byang chub sems dpa' thams cad kyi ched dang / sems

  144. 73a

    can thams cad la snying rje ba'i phyir/ de ltar de bzhin gshegs pa la shin tu rnam par nges pa dag yongs su zhu ba ni/ khyod kyi yon tan mthar thug par bla ba ma yin no/ / bkod pa mtha' yas de'i phyir nyon la legs par rab tu yid la zung zhig dang / ji ltar byang chub sems dpa' rnams thams cad mkhyen pa'i ye shes kyi yul la de dag dang gzhan yang yon tan tshad med pa dag gis mngon par 'phags par 'gyur ba de lta bu'i chos bstan pa dag bshad par bya'o/ / bcom ldan 'das legs so zhes byang chub sems dpa' bkod pa mtha' yas/ bcom ldan 'das kyi ltar slar nyan pa dang / bcom ldan 'das kyis 'di skad ces bka' stsal to// bkod pa mtha' yas 'di la byang chub sems dpa' smon lam la mkhas pa mtha' yas pa mngon par 'dod pa rnams kyis/ de bzhin gshegs pa rnams kyi dgongs pa'i gsang tshig la 'jug par bya/ kun tu gzung bar bya/ nges par brtag par bya// tshul bzhin du yid la nye bar brtag par bya'o// ji ltar tshul bzhin du nye bar brtag par bya zhe na/ bkod pa mtha' yas de bzhin gshegs pa'i bstan pa 'di ni ji tsam du yang dag par bsdu ba la mkhas pa'i sangs rgyas kyi ye shes las 'byung bas/ yongs su ma dag pa las 'byung ba med do// bkod pa mtha' yas de la byang chub sems dpa' rnams kyis 'di la yang dag par rab tu

  145. 73b

    bslab par bya ste/ 'di ltar sangs rgyas bcom ldan 'das rnams kyis chos bstan pa rnams ni/ de dag gis chos 'di dag nyid la nges par brten cing / thugs rje chen po la gnas nas sems can rnams la byams pa chen pos khyab par mdzad pa las/ 'di ltar rnam par nges pa'i chos rnams mtshungs par 'byung ste/ sems can dman pa la mos pa kha cig ni nyan thos kyis la 'jug par 'gyur ro/ / ngan pa'i sa la mos pa'i sems can kha cig ni rang sangs rgyas kyi sa la 'jug par 'gyur ro// smon lam chen po phun sum tshogs pa'i sems can rgya chen po la mos pa rnams ni/ thams cad mkhyen pa'i ye shes yongs su rdzogs pa la 'jug par 'gyur ro// dman pa'i chos dang ngan pa'i chos rnam yongs su spangs pa ngeng ni/ rgya chen po'i chos la mos pa 'di la gnas shing / nged kyis de bzhin gshegs pa rnams kyi dgongs pa bstan pa'i gsang tshig gi mtshams de dag mkhyen nas/ sems can rnams kyi dbang po ji lta ba bzhin du yongs su smin par bya ba dang / mos pa ji lta ba bzhin du yongs su smin par bya ba'i phyir/ de bzhin gshegs pa rnams kyis chos bstan pa tshig 'bru dpe med pa dang / rgya che ba dang / gya nom pa rnams kyis chos thams cad yang dag par blangs pa dag 'byung ste/ chos de dag thams cad ni mnyam pa ste/ lhag pa med pa/ chad pa med pa/ gzugs

  146. 74a

    med pa ma yin pa/ gzugs mnyam pa ma yin pa/ 'grib pa med pa/ yongs su rdzogs pa med pa/ mtha' yas pa/ 'chi ba med pa/ rang bzhin gyis rnam par dag pa'o/ / sangs rgyas bcom ldan 'das rnams kyis chos bstan pa'i ngo bo nyid kyi rang bzhin yang dag pa ji lta ba bzhin du mthong zhing rtogs par 'gyur yang / chos gang yang rab tu rtogs pa'ang med/ yang dag par rtogs pa'ang med do// de ci'i phyir zhe na/ chos thams cad ces bya ba ni de bzhin gshegs pas rnam grangs su bstan te gsungs pas na/ gang rnam grangs/ su bstan te gsungs pa'i chos de la ni/ chos dang chos ma yin pa'i gnas skabs su gdags pa med pa'i phyir ro// rjes su btags pa'i chos thams cad ni don dam par yang dag pa nyid du ni gdags su med de/ chos rnams kyi yang dag pa ji lta ba bzhin du gzhol bar de bzhin gshegs pas gsungs so// chos dang chos ma yin pa rnams ni rnam par rtog pas nye bar gnas par byas pa ma yin/ rnam par mi rtog pas kyang ma yin no// chos thams cad ni rtog pa ji lta ba bzhin du mnyam pa nyid yin pas rnam par rtogs pa'o// chos thams cad ni khyad par khong du chud pas khyad par med pa'o/ / chos thams cad ni byung ba med pas ma byung ba'o// chos thams cad ni yang dag pa ma yin pa'i rnam par rtog pas yongs su brtags shing kun nas bslang bas dngos po

  147. 74b

    med pa'o/ / chos thams cad ni kun nas slong ba la rag las pas kun nas ldang ba med pa'o// chos thams cad ni phan tshun rdob pa med pas 'jug pa med pa'o// chos thams cad ni btang stom yongs su rdzogs pas ltos pa med pa'o/ / chos thams cad ni blang ba dang dor ba med pas rjes su sbyor ba med pa ste/ 'dir ni smon lam gyi khyad par gyi las byed do// chos 'di dag thams cad ni ngo bo nyid med pa dang chos kyi ngo bo nyid las shin tu 'das pas bdag gi ba med pa'o/ / chos 'di dag thams cad ni spros pa med pas khyad par med cing mnyam pa'o// chos 'di dag thams cad ni ji lta smon pa de ltar yang dag par 'grub kyang / de la smon par byed pa gang yang med pa'o// chos 'di dag thams cad ni rag las pa la gzhol bas ci'ang ma yin pa'o// de ci'i phyir zhe na/ bzhin gshegs pas chos 'di dag thams cad ni rmi lam dang sgyu ma'i rang bzhin lta bur bstan te/ chos rnams kyi rang bzhin gang yin pa de la ni rab dang / 'bring dang / tha mar dbye ba cung zad kyang med do/ / de lta bas na nged ni smon lam rnam par dag pas sems can rnams la phan ka dgra ba'i phyir/ smon lam rgya chen po dag la rab tu bkod nas/ chos gang la'ang mngon par zhen med pa la rab tu 'god pa mdzad do/ / bkod pa mtha' yas 'di ni nyi ma'i rigs kyi 'od zer snang bar byed pa dang / chos kyi snang ba gang gis byang chub sems dpa' rnams kyi smon lam gyi khyad par phun

  148. 75a

    sum tshogs pa dag rnam par 'phel zhing / mngon par 'phags par 'gyur ba'i chos kyi snang ba yin no// de lta bas na chos kyi tshul bstan pa 'di la mos pa'i rigs kyi bu dag ni/ sems can rnams la chos kyis snang bar byed do// bkod pa mtha' yas de la byang chub sems dpa'i nang du tshul bzhin du sems pa/ phyi rol du dran pa mi g.yeng ba dang / sgrib pa spang ba la gnas pa dang / byang chub sems dpa'i ting nge 'dzin kun tu snang ba rjes su dran pa dang / chos zab mo la mos pa dag gis chos 'di la nye bar brtag par bya'o// chos 'di ngag thams cad ni rkyen gyi don la mkhas pa so sor rtogs par bya ba'i phyir/ de bzhin gshegs pas bstan pa ste/ rkyen gyi don gyi ngo bo nyid de'ang rang bzhin gyis gsog gso ba ya ma brla snying po med pa ste/ brdzun pa slu ba'i chos su bstan to// rgyu dang rkyen gang dag gis sems can rnams kun nas nyon mongs par gyur pa de dag kyang gsog gsob ya ma brla snying po med pa ste/ brdzun pa slu ba'i chos yin no/ / rgyu dang rkyen gang dag gis sems can rnams rnam par dag par gyur pa de dag kyang / phyogs bcu'i 'jig rten gyi khams rnams su btsal kyang snang bar mi 'gyur/ dmigs par mi 'gyur te/ chos 'di dag thams cad ni gzung ba dang 'dzin pa med cing yod pa ma yin pa'i phyir dmigs su med pa'o// de bzhin gshegs pas gang chos rnams kyang spang bar btags na//

  149. 75b

    chos ma yin pa rnams spang ba lta smos kyang ci dgos te/ gang spang ba de'ang blang ba med pa dang / lhun gyis grub pa dang / rang bzhin gyis rnam par dag pa'i phyir cung zad kyang yod pa ma yin no/ / chos thams cad ni rang bzhin ji lta ba bzhin du rtogs pa yin pas/ rnam par rtog pa dang yongs su rtog pa med pa'o// chos thams cad ni gzhan ma yin pa nyid kyi phyir gnas bstan du med pa'o/ / de lta bas na chos 'di dag thams cad ni gnas med pa/ gnas pa med pa/ brjod pas ming du btags pa ste/ gang brjod pas ming du btags pa de ni ya ma brla ste/ rang gi ngo bo nyid med par nye bar gnas pa/ nye bar gnas pa ma yin pa/ gnas med pa ste/ de ltar de dag ni gnas med pa'i phyir mi gnas pa'o// zad pa dang / rnam par 'gyur ba dang 'gog pa dag ni de bzhin gshegs pas rnam grangs kyi tshig gis bstan pa ste/ de bzhin gshegs pa rnams kyi dgongs pa'i rnam grangs 'di la 'jug par bya'o// dge ba 'am/ mi dge ba'i chos rnams la mngon par zhen par mi bya ste/ mi dge ba'i chos rnams la mngon par zhen pas mi dge ba'i chos rnams la mngon par zhen par 'gyur ro// mi dge ba'i chos rnams la mngon par zhen pas sdug bsngal dang yid mi bde ba'i chos rnams 'byung bar 'gyur ba 'di dag ni/ sdug bsngal 'phags pa'i bden par btags pas/ de bzhin gshegs pas mi

  150. 76a

    dge ba'i chos kyi rnam grangs su bstan to/ / dge ba dang mi dge ba la mngon par zhen pa med pa dang / sred pa 'gog pa 'di dag ni kun 'byung ba spang zhing 'phags pa'i bden pa gnyis pa rtogs par bya ba'i phyir/ de bzhin gshegs pas dge ba'i chos kyi rnam grangs su bstan to// 'gog pa'i phyir dang / rlom sems med pa'i phyir dang / zad pa dang / 'dod chags dang bral ba la nye bar brtag pa dang / nye bar mi len pa dang / mngon par dga' ba dang / 'du shes dang / tshor ba med pa dang / rlom sems dang bral ba 'di dag ni sdug bsngal 'gog pa 'phags pa'i bden pa rtogs par bya ba'i phyir/ de bzhin gshegs pas 'phags pa'i bden pa gsum pa'i rnam grangs su bstan to// chos ji lta ba bzhin du rtog pa'i sa dang / rlom sems dang / g.yo ba dang / spros pa thams cad las yang dag par 'das pa'i sa'i lam gang yin pa de dag yongs su btsal zhing yang dag pa'i lta ba sgom pa nas/ yang dag pa'i ting nge 'dzin gyi bar du yan lag brgyad dang ldan pa'i lam rnams bstan pa 'di ni sdug bsngal 'gog par 'gyur ba'i lam 'phags pa'i bden pa rtogs par bya ba'i phyir/ de bzhin gshegs pas 'phags pa'i bden pa bzhi pa'i rnam grangs su bstan te/ 'di ni sangs rgyas bcom ldan 'das rnams kyi sdug bsngal yongs su shes par bya ba dang / kun 'byung spang ba dang

  151. 76b

    'gog pa mngon sum du bya ba dang / lam bsgom par bya ba dag las/ sdug bsngal kun 'byung ba dang / sdug bsngal 'gog pa dang / sdug bsngal 'gog par 'gyur ba'i lam rgya rnam grangs su bzhag pa yin te/ sdug bsngal 'di ni yang dag par yod pa ma yin pa las btags par zad do// ma rig pa la sogs pa shes pa'i gzhi rnams ni gnyis su te/ de ci phyir zhe na/ shes pa med pa la ni gzhi cung zad kyang med pas de ni mngon par rtogs pa med pa/ snang ba med pa/ shes pa med pa/ khongs su gtogs pa med pas na/ de la gang gi gzhir 'gyur te/ med pa gsog brdzun pa slu ba'i chos yin no// de la gzhi de'ang yod pa ma yin pa las btags pa ste/ 'di la ther zug tu mngon par zhen pa dang chad par mngon par zhen pa'i gzhi med pas na/ rlom sems su mngon par zhen pa med par sdug bsngal gyi gzhi la brtag par bya'o// de ltar gzhi med pa la mngon du shes pa'ang med par yongs su shes par bya'o/ / ma rig pa'i sbyor ba las byung bas sdug bsngal ni mi shes pa'i rang bzhin can te/ ma rig pa ni gang dang yang mtshungs par ldan pa'ang ma yin/ mi ldan pa'ang ma yin te/ don yod pa ma yin te/ de'i phyir de ni mtshungs par ldan pa ma yin no// de lta bas na ma rig pa la ni byed pa po gdags su med cing / byed pa po mi dmigs pas/ mi rtog rnam par mi

  152. 77a

    rtog/ mi byed rnam par mi byed do// bkod pa mtha' yas 'di ni byang chub sems dpa' rnams kyi rig pa dang rjes su mthun pa ma rig pa'i rang gi ngo bo yongs su shes pa'i sgo ste/ gang gis ma rig pa'i mun pa bsal zhing rig pa dang rjes su mthun pa'i chos kyi sgo mngon du gyur nas/ byang chub sems dpa' rnams kyi 'phags pa'i bden pa la mkhas pa rtogs par bya ba'i phyir/ sgo 'di dag yongs su sbyong zhing mngon par sgrub pa dang / sdug bsngal la lhag par dmigs pa na kun 'byung ba nub pa dang / zad pa dang / 'gag par 'gyur te/ de ltar mnyam pa nyid kyi lam sgrub cing sgom pa dang / de ltar spyad pas/ de ltar mnyam pa nyid kyi lam gyi rnam grangs kyis chos de dag thams cad mngon du shes shing yongs su shes so// mngon du shes pas spang bar bya'o// mngon du shes pas mngon sum du bya'o// mngon du shes pas bsgom par bya ste/ de'i phyir gang mngon du shes pa de ni yongs su shes pa'o// gang yong su shes pa de ni spang ba'o/ / gang spang ba de ni mngon sum du bya ba'o// gang mngon sum du bya ba de ni bsgom par bstan te/ de ltar 'phags pa'i chos shes nas rnam par rtog pa med pa'i tshul gyis brtson 'grus dang ma bral bar bden pa mngon par bsgrub bo zhes blang ba med pa dang dor ba med par gnas par 'gyur ro/ / bkod pa mtha' yas 'phags pa rnams kyis ni chos thams cad brtags pa/

  153. 77b

    rnam par bsgrubs pa/ gces pa'o zhes bya bar shes pas rlom sems su mi byed/ spros par mi byed par yang dag pa ji lta ba bzhin du mthong ba srung zhing zhen par mi byed/ rnam par mi byed do/ / de lta bas na lam dang / spang bar bya ba dang / dge ba'i chos rnams la'ang rlom sems su mi byed/ spros par mi byed na/ mi dge ba'i chos rnams lta la ci smos/ de dag spang ba'i phyir yang mi gnas na/ rnam par mi rtog pa'i tshul gyis chos ma yin pa dag spang ba'i phyir lta smos kyang ci dgos/ kun tu sbyor ba spangs pa'i mkhas pa dag ni chos rnams dang kun tu sbyor bar yang mi byed/ chos ma yin pa rnams dang kun tu sbyor bar yang mi byed de/ des chos thams cad brdzun pa slu ba ya ma brla gsog gsob lta bur shes pas na/ 'di ni de'i bden pa mngon par sgrub pa yin no/ / gang gi phyir de ni btang snyoms yongs su rdzogs pa dang / kun tu sbyor ba spangs pa dang / lam la gnas pa dang / 'gro ba rnams kyi dus las 'das pa'i phyir rjes su chags pa med cing khong khro ba med pas/ chos nyid kyi rang gi ngo bo blang ba med pa dang dor ba med par rtogs so// bkod pa mtha' yas gang yang chos rnams kyi ngo bo nyid ni rang bzhin gyis stong pa'i ngo bo nyid yin pa'i phyir/ chos thams cad ni ngo bo nyid kyis dben pas na chos rnams la byed pa po ni 'ga' yang dmigs su med do// chos thams cad ni kun tu sbyor ba med pa dang

  154. 78a

    ldan pas na ldan pa'ang ma yin/ mi ldan pa'ang ma yin te/ de dag gi dngos po med pa la'ang mngon par zhen par mi bya/ dngos po dang dngos po med pa rnam par spang bar yang rlom sems su mi byed/ spros par mi bya'o// rkyen rnams rnam par dag par yongs su shes pa des/ chos gang dag rkyen gyis rkyen de byung ba'i rkyen de dag ni gcig gis gcig stong pa dang / sems can gyi ngo bo nyid med pa'i phyir shin tu dag pa dang / shin tu dben pas na rkyen rnams kyang rgyu dang ldan pa ma yin/ rgyu'ang rkyen rnams dang ldan pa ma yin te/ chos thams cad ni phan tshun g.yo ba med cing spyad pa med pas/ 'jug pa med pa'i chos rnams la sems par byed de/ bkod pa mtha' yas gzhi med pa'i chos kyi sgo 'di la 'jug par bya'o// rnam par dag cing chos snang ba'i gzhir gyur pa ni nyams par mi 'gyur zhing skye bar 'gyur la/ rjes su bzung ba nyid kyang rnam par dag par 'gyur ro// spros pa dang bral ba'i snang ba'ang byed par 'gyur ro/ / snang bas snyems pa med cing 'jug par 'gyur ro// gzhung las yang dag par 'das te/ chags pa med pas nges par 'byung bar yang 'gyur ro// bkod pa mtha' yas chos thams cad ni ming dang mtshan ma'i tha snyad kyis brjod pa ste/ de la mtshan ma gang yin pa de ni 'byung ba chen po bzhi la gzugs su btags pa'o// ming gang yin pa de ni phung po bzhi la gzugs

  155. 78b

    med par btags pa ste/ de la ming ni yang dag pa ma yin par yongs su btags pa'o// mtshan ma'ang yang dag pa ji lta ba ma yin pa'i phyin ci log gis bdag ni gzugs yin no// gzugs ni bdag gi yin no zhes 'dzin cing mtshan ma'i rnam par rtogs pas ming du btags pa'o// de la gang yang ming dang gzugs zhes bya ba gnyis ka'ang yang dag pa ji lta ba ma yin pas gsog dang brdzun pa slu ba'i chos te/ sgyu mar gyur pa dang rmi lam gyi gzugs lta bu'o// rmi lam gyi gzugs kyi lus ji lta ba de bzhin du gzugs rnams bstan te/ snying po med pa'i gzugs rnams dang / ming gi phung po bzhi po gnyis ka'ang tha snyad tsam du rjes su rtog par bya'o// de ltar rjes su rtog pa na sdug bsngal gyis gnod pa med cing / bden pa la lhag par dmigs pa'ang med pas/ de'i sems la ci'ang med cing mi dmigs te/ de chung ngu na mya ngan las 'das pa dang ldan pa'ang med de/ de ni 'di ltar 'du shes las yang dag par 'das pas na tshor ba 'gag par 'gyur ro/ / bkod pa mtha' yas khams gsum pa rnams ni 'du shes kyi yid la byed pa las byung la/ 'du shes kyi yid la byed pa ni yod pa ma yin pas/ de'i phyir khams gsum pa rnams kyang yod pa ma yin par bstan to/ / gang yang kun tu shes par byed pa de ni gzugs la mngon par zhen pa'o// gang yid la byed pa de ni tshor ba dang / 'du shes dang / 'du byed dang //

  156. 79a

    rnam par shes pa dag dang ldan par bstan te/ chos rnams kyi rang bzhin ni mtshungs par ldan pa'ang ma yin/ mi ldan pa'ang ma yin pas/ 'du shes kyi / yid la byed pa de ni yod pa ma yin no// 'du shes kyi yid la byed pa de'ang rang bzhin gyis yod pa ma yin pas/ de'i phyir yod pa ma yin pa las tshig gis btags pa ni/ rang bzhin gyis nye bar zhi ba'i rnam grangs su bstan to/ / bkod pa mtha' yas chos rnams kyi rang bzhin las chos bshad pa'i rnam grangs dag byung ste/ bshad pa dang brjod pa mnyam pa nyid kyis bden pa bsgrub pa 'di byang chub sems dpa' rnams kyis rjes su rtogs par bya'o/ / bkod pa mtha' yas kun tu sbyor ba thams cad spang ba'i phyir de bzhin gshegs pa rnams kyi chos bshad pa 'byung ba ni 'bras bu med pa ma yin te/ de la khyed kyis rlabs po che'i sems bskyed nas/ chos thams cad la mngon par zhen pa med pa dang / rlom sems med pa dang / spros pa med pa dang / sems can med pas chos rnams la 'jug cing / sems can rnams la byams pa chen po dang snying rje chen po bskyed nas/ chos kyi sgo 'di dag la 'jug par bya/ yang dag par bgro bar bya/ nges par brtag par bya'o// chos kyi sgo rnams kyang gang zhe na/ mi shes pa las 'dus byas kyi chos thams cad 'byung bar rtogs pa dang / ye shes mthong ba las

  157. 79b

    'dus ma byas kyi chos thams cad 'byung bar rtogs nas/ spros pa med pa'i ye shes kyis 'dus byas dang 'dus ma byas kyi chos rnams la'ang yang dag par 'jug par bya zhing / yongs su sbyang bar bya ba dang / bgrang ba med pa'i chos kyi rjes su 'jug pas grangs rnams kyang grangs dang ldan pa med cing / grangs rnams kyang grangs la gnas pa med pa ste/ 'dus ma byas po'i sgo ni chos kyi sgo yin pas/ chos kyi sgo ni yongs su dag cing / chos snang ba'i rnam pa kun 'dzin par byed pa ste/ rjes su gzung ba dang kun gzung ba'i chos rnams kyang chud mi za bar mi 'gyur bar thabs la mkhas pa mngon par bsgrubs pa'i blos rjod cing ston par byed do/ / bkod pa mtha' yas 'di ni byang chub sems dpa' rnams kyi gzungs kyi sgor 'jug pa dang / gang dag gi blo'i rab tu dbye ba rgya cher mngon par 'phags par 'gyur ba dang / ye shes kyi nges pa'i tshig gi don thams cad bstan pa'o// bkod pa mtha' yas de la gang gis byang chub sems dpa' chos rnam kun 'dzin pa la mkhas par 'gyur ba'i gzungs kyi sgo'i chos rim par phye ba gang zhe na/ bkod pa mtha' yas 'di la byang chub sems dpa' yongs su dag pa'i ye shes mkhas pa la gnas pa dang / spobs pa'i ye shes la gnas nas don gyi rjes su song ba'i blos/ chos rnams kyi rang bzhin gyi ngo bo nyid la rnam par lta zhing / chos 'di dag thams cad ni ngo bo nyid kyi rnam par gnas pa med pa/

  158. 80a

    ming med pa/ mtshan ma med pa/ mnyam pa med pa/ mthun pa med pa/ gzugs med pa ma yin pa ste/ de dag ni brjod du med pa las yang dag par bgro ba bkri ba'i tshig gis bstan te/ chos rnams kyi rang bzhin gang yin pa de ni bstan du med pa/ 'ong ba med pa/ 'gro ba med pa/ yi ge med pa/ yi ge rnam par dag pa ste lhun gyis grub pa'o/ / de ci'i phyir zhe na/ chos rnams kyi rang bzhin nam mkha' dang mtshungs shing 'dra ba'i phyir te/ de'i phyir chos de dag thams cad ni brdzun pa mngon par ma grub pa ste/ nam mkha' ltar yongs su brtag cing brjod pa/ rnam pa med cing rnam par dag pa'o// chos 'di dag thams cad ni sgo med pa'i sgo yin pas/ chos 'di dag thams cad kyi sgo ni rnam par dag pa ste/ shin tu nyon mongs pa med cing nye bar nyon ma mongs pa'o/ / de ci'i phyir zhe na/ chos rnams kyi rang bzhin ni shin tu skye ba med cing mngon par grub pa med de/ chos rnams kyi ngo bo nyid gang yin pa de la ni skye ba 'am/ mngon par grub pa med pa'i phyir ro// de'i phyir chos de dag thams cad ni dngos po med pa'i ngo bo nyid du bstan cing bshad de/ chos rnams kyi rang bzhin ni dngos po med pa'i ngo bo nyid yin no/ / de ltar 'di dag la mngon par zhen pa med na/ byang chub sems dpa' rnams kyi mngon par zhen pa med pa'i chos kyi sgo dang / gzungs kyi sgo dang / chos rim par phye ba'i

  159. 80b

    sgo rnams rnam par dag par 'gyur ro/ / chos thams cad kyi rnam pa zhes bya ba ni tha snyad kyis 'di ltar rnam pa'o zhes brjod pa ste/ rnam pa gang yin pa de ni rnam pa med pas na/ rnam pa ni/ byed pa med pa/ rnam par byed pa med pa/ rjes su chags pa med pa/ khong khro ba med pa'o// de'i phyir rnam pa'i sgo ni sgo med par bstan pa ste/ sgo rnam par dag pa de ni rnam pa med par 'jug pa'i sgo yongs su dag pa yin pas na/ de ltar rnam pa zhes bya ba ni yang dag par yod pa ma yin pa'i don du bstan to// de ltar na ma rig pa rjes su rtogs par bya ba'i don dang / mngon par 'du byed pa med pa dang / rnam pa med pa la 'jug pa'i tshul du bstan pa yin te/ bkod pa mtha' yas sgo 'di ni gzungs rnam par dag par 'gyur ba'o// bkod pa mtha' yas sgo sgo zhes bya ba ni/ chos thams cad nam mkha'i sgo lta bur rtogs shing / nam mkha'i sgo ltar snang ba med par gyur pa'o// de la gang skye ba dang / gang 'jig pa de dag mnyam pa nyid du rjes su rtogs pa na/ rtogs pa'ang med/ nub pa'ang med/ kun gzung ba'ang med par chos de dag thams cad kun gzung bar bya'o// gzung ba med pa dang / spang ba med pa dang / mnyam pa med pa dang / mi mnyam pa med pa dang / rdul phra mo tsam gyi chos kyang dmigs su med pa'i rnam pa'i sgor 'jug pa 'di ni rnam pa med pa rnam par dag pa yin no// bkod pa

  160. 81a

    mtha' yas rnam pa med pa rnam pa med pa zhes bya ba ni/ gang la lus med pa dang / lus su btags pa med pa ste/ rnam pa med pa ni gang la ming gi tshogs dang tshig gi tshogs kyis btags pa med pa'o/ / rnam pa med pa ni nam mkha' ltar rnam par bsgom pa ste/ de ltar don gyi tshul rjes su rtogs par bya'o// nam mkha' nam mkha' zhes bya ba ni nam mkha' med pas na/ nam mkha' zhes tshig gi tshogs kyis btags pa'o// 'di ni gang gis byang chub sems dpa' gzungs kyi tshul la mkhas pa rtogs par 'gyur ba ste/ ma rig pa dang rjes su mthun pa/ rig pa'i ye shes kyi stobs bskyed pa'i sgo'i chos rim par phye ba yin te/ rjes su bzung ba dang / rtsod pa med pa dang / rmongs pa med par bya ba'i phyir/ klu'i rgyal po ma dros pas char gyi rgyun chen po dang / chu chen po gtong ba bzhin du rgyun chad pa med pa'i gzungs kyi gsang tshig gi dgongs pa la 'jug par bya'o// bkod pa mtha' yas gzungs gzungs zhes bya ba'i gsang tshig 'di dag ji lta bur bstan pa yin/ de skad ces bka' stsal pa dang / bcom ldan 'das la/ byang chub sems dpa' bkod pa mtha' yas kyis 'di skad ces gsol to// bcom ldan 'das gzungs zhes bgyi ba ni/ chos rnams dang mtshams sbyor ba la mkhas pa'i tshig bla dgas lags so// bcom ldan 'das gzungs zhes bgyi ba ni/ rjes su dran pa'i las kun 'dzin

  161. 81b

    par bgyid pa lags so/ / shes rab kyi gter gyi stobs kyis kun 'dzin pa'i gsang tshig gi gzhi 'di dag bstan pa de'i slad du gzungs zhes bgyi ba'i grangs su mchi'o// ye shes mkhas pa la 'jug pa'i blos/ de ltar byang chub kyi stobs mtha' yas pa dag kun tu gzung bar bgyi ste/ bcom ldan 'das bdag ni ji ltar sems can thams cad la phan gdags pa'i slad du/ ye shes mtha' yas pa ston pa la mkhas pa'i stobs rgyun mi 'chad pa dang / chos kyi rgyun rnam par 'byed par bgyid pa lags so// bcom ldan 'das gzungs kyi sgo 'di ni nam mkha' ltar yangs shing mnyam pa ma mchis pa'i sgo chen po lags te/ de'i slad du de ni tshad ma mchis pa dang / mtha' ma mchis par tshig gis brjod do// brjod pa mnyam pa nyid dang / rjes su bzung ba dang / rjes su bstan pa zhes bgyi ba ni ston mkhas pa dang / mnyam pa ma mchis pa zhes bgyi ba'i grangs su mchi'o// yi ge rnam par dbye ba yongs su rdzogs pas nges pa'i tshig so so yang dag par rig pa yongs su rdzogs par 'gyur ro/ / don la nye bar rtog cing ston pa la mkhas pas don so so yang dag par rig pa yongs su rdzogs par 'gyur ro// chos rnams kyi rnam par nges pa rab tu ston pa la mkhas pas chos so so yang dag par rig pa yongs su rdzogs par 'gyur ro/ / chos rnams kyi sgo la spobs pa yongs su dag pas spobs pa so so yang dag par rig pa yongs su

  162. 82a

    rdzogs par 'gyur te/ sems can rnams la phan gdags pa'i slad du byams pa chen po dang snying rje chen po yongs su bzung ste/ rjes su bzung nas kyang gzhan shes la gzhan ston par mi bgyid par spros pa ma mchis pa'i btang snyoms ston par bgyid do/ / bcom ldan 'das don mtha' yas pa la mkhas pa dang / gzungs kyi sgo'i tshul la mkhas pa'i chos rim par phye ba 'di dag ni/ de bzhin gshegs pa'i zhal gyi sgo nas byung ba'o// de skad ces gsol pa dang / bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to/ / bkod pa mtha' yas sgro sgo zhes bya ba 'di ni/ de bzhin gshegs pa'i thams cad mkhyen pa'i ye shes kyi tshig bla dgas yin no// bkod pa mtha' yas gang las chos 'di dag ston cing bkod par 'gyur ba de ni de bzhin gshegs pa'i rang byung gi ye shes gzigs pa'i sgo shin tu rnam par dag pa/ sgo mtha' yas pa rnam par dag pa la gnas pa/ gnas med pa dmigs pa'i tshul gyis chos mang po 'dzin par snang ba yin no// bkod pa mtha' yas ngas chos thams cad sangs rgyas kyi chos yin no zhes bshad pa ni/ gang chos thams cad rjes su rtogs pa de sangs rgyas kyi chos zhes bya ste/ sangs rgyas kyi ye shes kyis chos thams cad kyi rang bzhin mnyam par thugs su chud pa de'i phyir/ chos 'di dag ni sangs

  163. 82b

    rgyas kyi chos yin no/ / chos so cog rjes su rtogs par bya ba'i phyir chos thams cad khong du chud pa zhes bstan pa'ang / chos rnams rjes su rtogs pa gang yin pa 'di ni gzungs kyi sgo rjes su rtogs pa yin te/ chos thams cad kyi khongs su rtogs pa'i phyir ro// bkod pa mtha' yas gzungs 'di lta bu ni bshad pa dang / gsang sngags dang / brjod pa dang / rab tu brjod pa dang / dper bstan pa thams cad kyi khongs su gtogs pa yin/ nang du 'dus pa dang / gtso bor gyur pa dang / snying por gyur pa yin te/ gsang sngags dang / bshad pa dang / dper ston pa thams cad ni yi ge'i rnam par rig pas brjod par byed/ ston par byed/ rab tu gsal bar byed do// bkod pa mtha' yas de la yi ge'i rnam par rig pa ni/ a zhes bya ba sngon du 'gro ba yin la/ yi ge bstan pa ni ha zhes bya bas mthar gtugs pa yin no// bkod pa mtha' yas dper na mngal du du 'chags shing 'dzin pa'i sngon du 'gro ba ni ma yin la/ sa bon nyebar 'jog pa'i sngon du 'gro ba ni pha yin/ phung po rin chod 'gyur ba'i sngon du 'gro ba ni skye ba yin/ de'i 'og tu ni yan lag mtha' dag gi dbyibs rnam par phye ba dang / skye mched rnam par phye ba dang / dbang po rnam par phye ba dang / dbang po yongs su smin pa'i dbyibs rnam par phye ba phun sum tshogs pa thams cad mngon par 'grub pa ltar/ rnam par dbye ba dang ldan pa thams cad

  164. 83a

    kyi sngon du yi ge'i phyi mo 'gro ba'ang de dang 'dra'o/ / de la yi ge'i phyi mo a zhes bya ba gsal ba nye bar gnas pa ni sngon du 'gro ba yin/ ha zhes bya ba ni mthar thug pa yin la/ yi ge gzhan dag ni de'i khongs su gtogs shing / rjes su 'brang ba dang rjes su 'brel ba yin te/ 'di ni gzungs kyi sgor 'jug pa bstan cing brjod pa yin no// 'dus byas su gtogs pa thams cad kyi 'jig pa gang yin pa de'ang nye bar brtag par bya ste/ dper na yi ge kha zhes bya ba dang / yang zhes bya ba de dag nye bar sbyar nas/ yig 'bru bslab pa'i mthar phyin nas/ dor ba ltar srid pa'i yan lag tu nye bar gnas pa'i 'du byed du gtogs pa thams cad 'jig pa'i sgo nas zad pa nyid du ston pa'ang de dang 'dra'o// dper na ldan pa ni 'gog pa dang / rnam par sten pa ltar sred pa'i kun tu sbyor ba dang mtshungs par ldan zhing / srid par gtogs pa ldan pa gnyis nye bar gnas pa thams cad kyang de dang 'dra'o// de la dngos po dang dngos po mang pa'i ldan pa gnyis nye bar gnas pa'i chos thams cad kun tu brtags nas/ mthar gyis mngon par 'du byed pa med pa'i sgo yongs su sbyang bar bya ste/ 'di ni skye ba dang 'jig pa ston pa'i chos kyi sgor 'jug cing gzungs kyi sgo rim par phye ba ston pa byang chub sems dpa' rnams kyi thabs la mkhas pa yongs su rdzogs par 'gyur ba yin no/ / 'di ltar yi ge'i phyi mo rnams las

  165. 83b

    yi ge dang po smos nas/ rim gyis D+ha zhes bya ba dang / ha zhes bya ba'i mthar thug pa nub par smos te bshad pa dang / sgras yang dag par bstan pa'i sgo nas gsang sngags kyi dgongs pa la/ 'jug par bya zhing / thogs pa med par chos dang mthun par 'jug pa'i yang dag par 'gro ba'ang bsam par bya'o// bkod pa mtha' yas de la dper na yi ge'i phyi mo rnams rnam par brtags nas/ yi ge a zhes bya ba dang por smos la/ de las gzhan pa'i yi ge rnams kyang rnam par brtags te/ yid la byed pa dang rjes su mthun pa'i rim par D+ha zhes bya ba dang / ha zhes bya ba'i mthar thug pa'i bar du smos shing 'dri bar byed na/ de las lhag par gdags pa'i yi ge ci'ang med pa ltar/ 'du byed du gtogs pa thams cad la gnyis su med pa'i yid la byed pa mngon par grub pa'ang de dang 'dra'o/ / bkod pa mtha' yas gang gnyis su rnam par rtog pa dang bral ba de la ni yang dag par ni yi ger gdags pa cung zad kyang med cing / rang bzhin gyi ngo bo nyid du rnam par rtog pa'ang cung zad kyang med do/ / gang la rnam par rtog pa med pa de la ni 'du byed du gdags pa'ang cung zad kyang med do// bkod pa mtha' yas chos thams cad shes pa gang yin pa de la/ yi ge'i rnam par rig pa nye bar gnas pa de ni yi ge mngon par ma grub pa'i phyir rnam pa med pa yin no// de ci'i phyir zhe na/ a zhes bya ba yang dag pas kun nas bslang ba ni

  166. 84a

    ci'ang med de/ de ltar 'dus byas su gtogs pa thams cad rnam pa med par 'jug par blta bar bya zhing / mngon par 'du byed pa med par bya ba'i phyir phung po thams cad spang bar yang bya'o/ / bkod pa mtha' yas 'di ni gzungs rnam par dag pa la mkhas pa'i sgo yin/ kun nas 'dzin pa'i sgo yin/ chos rim par phye ba'i sgo yin te/ de la bslabs na byang chub sems dpa' rnams kun nas rmongs pa med pa'i bya ba la mngon par 'phags par yang 'gyur/ sems can rnams chos kyis 'phongs pa med par byed par yang 'gyur zhing / de dag 'du shes su gyur pa'i sems nye bar blangs nas gnas par yang mi 'gyur/ 'du shes yid la byed pa rnam par spangs nas/ sems can rnams la snying brtse ba'i phyir skye bar yang 'gyur/ chos bla na med pa shes pa rnam par gtan la dbab pa la mkhas par bya ba'i phyir/ blos chos kyi snang ba kun tu gtong bar yang 'gyur/ de bzhin gshegs pa'i chos kyi mdzod rjes su dran par yang 'gyur/ chos rjes su rtogs par bya ba'i phyir blos rtogs pa'i tshul mtha' yas pa la mkhas pa khong du chud par 'gyur ro// bgeng pa mtha' yas de la byang chub sems dpa' rnams kyis 'dzin pa med par bya ba'i phyir/ chos thams cad ming tsam du shes par byas nas/ sgra dang yang dag par 'gro ba dang / brjod tshogs kya

  167. 84b

    du chud par bya ste/ gzungs kyi tshul la mkhas pa'i rjes su 'jug par bya'o// ji ltar gzungs kyi tshul la mkhas pa'i rjes su 'jug par bya zhe na/ gang yul na mi gnas shing phyogs ni mi gnas la/ chos gang gi khongs su'ang ma gtogs pa/ nang du'ang ma 'dus shing brjod pa dang yang dag par brjod pa mnyam par gnas pa 'di ni/ ming du btags pa tsam du zad par rjes su rtogs nas/ chos rnams kyi yang dag pa'i tshig ji lta ba bzhin du khong du chud par bya'o// bkod pa mtha' yas de bzhin gshegs pa rnams kyi chos ni thams cad kyang rnam pa med pa brjod pa med pa yin no/ / 'di ni stobs dang mi 'jigs pa'i sa yin te/ chos gang ci'ang rung de thams cad sgo 'di nas bstan par bya'o// de bzhin gshegs pas ni chos rnams rnam pa du ma nyid du bstan mod kyi/ chos rnams la ni gcig pa nyid dam/ tha dad pa nyid yod pa ma yin gyi/ chos 'di dag thams cad ni ma skyes pa dang med pa ma yin no// 'di ltar chos thams cad ni stong pa nyid du bstan te/ gang dag stong pa yin pa de dag ni mtshan ma dang bral ba yin no// gang dag mtshan ma dang bral ba de dag ni smon pa med pa dang rab tu shes pa med pa yin no/ / chos gang dag stong pa dang / mtshan ma dang bral ba dang / smon lam gyis dbang ma bsgyur ba dang / shes pa med pa dang / bye brag tu shes pa med pa de dag ni yod ces

  168. 85a

    bya ba 'am/ med ces bya bar brjod par bya ba'ang ma yin la/ med do zhes tha snyad gdags par bya ba'ang ma yin/ de la med do snyam du mngon par zhen par bya ba'ang ma yin no/ / de ci'i phyir zhe na/ de bzhin gshegs pas chos thams cad don dam par mngon par zhen pa med par gsungs te/ 'di ltar mngon par zhen pa gang yin pa dang / gang gis mngon par zhen pa dang / ji ltar gang du mngon par zhen pa de thams cad ni gsog gsob slu ba'i chos can g.yo ba rlom pa ste/ spros pa yin no// bkod pa mtha' yas chos 'di dag ston pa la ltos/ gang zhig gis ci'ang ma bstan tam/ yongs su dag par ma bstan kyang rung / 'on kyang de la ston pa po yin par brjod dgos te/ bkod pa mtha' yas 'di lta bu ni de bzhin gshegs pa'i chos bstan pa 'byung ba yin no/ / bkod pa mtha' yas 'di ni tshul 'di kun shes pa'ang dkon te/ de lta khyed la sogs pa'i mngon su gyur cing / kun shes par byed pa'i sgrub pa la gnas pa rnams chos 'di la mos pa mang bar zad do/ / bkod pa mtha' yas ma 'ongs pa'i dus phyi ma'i tshe na sems can chos 'di lta bu dag kun shes par 'gyur ba ni nyung ste/ gang dag da ltar 'di na nga'i mngon sum du gyur cing / skye bo mang po la phan pa dang / skye bo mang po la bde ba'i phyir/ bdag cag gis phyi ma'i dus na/ de bzhin gshegs pa'i chos kyi tshul gzung bar bya'o//

  169. 85b

    zhes go bgos pa de dag ni ma gtogs so// bkod pa mtha' yas byang chub sems dpa' gang dag sngon gyi rgyal ba la lhag par bya ba byas shing / zab mo la mos pa/ chos zab mo'i tshul la mkhas pa/ mnyan pa don du gnyer zhing mos pa de dag ni chos 'di 'dzin pa rnyed par 'gyur ro// bkod pa mtha' yas de bzhin gshegs pa ni sngon gyi rgyal ba la lhag par bya ba byas pa/ sangs rgyas mang po la bsnyen bkur byas pa/ zab mo'i tshul gyis gzhi blangs pa/ dad pa can dge ba tshol ba/ mos pa mang ba/ rgya chen po la yang dag par gnas pa/ theg pa chen po don du gnyer ba la brtson pa/ nyan thos kyi theg pa dang / khams gsum pa thams cad don du mi gnyer ba/ chos zab mo spyod pa rnams la sngon ma thos pa'i chos kyi tshul zab mo yangs pa/ tshad med pa/ blta dka' ba/ rtogs par dka' ba/ byis pa thos pa la sogs pa dang mi ldan pa/ mngon par zhen pa rnams kyis gting dpag dka' ba 'di sems can thams cad la phan par bya/ bab dang / bde bar bya ba'i phyir yang dang yang du ston par mdzad kyi/ 'di don du mi gnyer ba rnams kyis ni ma yin no// bkod pa mtha' yas de bzhin gshegs pa ni khyed la sogs pa ltar bcas pa'i 'jig rten cho ga dang / spyod yul phun sum tshogs pa/ kha na ma tho ba phra rab tsam la'ang 'jigs par lta ba/ 'jigs pa thams cad las yongs su grol bar 'dod cing / sdom

  170. 86a

    las med pa rnams la chos ston par mdzad de/ de'i ched du de bzhin gshegs pas sngon byang chub sems dpa'i spyad pa spyod pa na/ chos zab mo 'di la bskal pa bye ba phrag du mar bslabs nas nges par 'byung ba yin no/ / bkod pa mtha' yas de bzhin gshegs pa ni ci nas kyang / sems can thams cad kyis chos kyi 'khor lo bla na med pa skor bar 'gyur ba dang / sems can thams cad kyis ye shes chen po bla na med pa mthong bar 'gyur ba dang / thams cad mkhyen pa'i ye shes kyi rigs rgyun mi gcad par bya ba'i phyir chos kyi tshul ston par mdzad/ byin gyis rlob par mdzad cing / ci nas kyang sems can rnams sangs rgyas kyi chos kyis nges par 'byung bar 'gyur ba dang / gzungs kyi tshig gi chos 'di rgyas par bya ba dang / chos kyi tshul 'di la rjes su yi rang bar 'gyur ba de ltar ston par mdzad/ rjod par mdzad do// bkod pa mtha' yas de la khyed la sogs pa de bzhin gshegs pa'i rjes su slob pa'i tshul can dag gis sems can dad pa can rnams la chos bstan pa dang / chos rab tu gsal bar bya ba'i phyir/ ji lta ji ltar byang chub sems dpa' rnams kyis ji ltar thos pa'i chos rgyas par 'khor rnams la ston par byed/ rab tu gsal bar byed pa de lta de ltar chos la gnas pa nyid du sgrub pa dang / sangs rgyas kyi ye shes la nye bar 'gyur ba dang / myur du gzungs thob pa rnyed par 'gyur zhing

  171. 86b

    gzungs thob pa des kyang tshegs chung ngus chos kyi sgo yongs su dag pa gsal ba dkar po rnams kun tu 'dzin par 'gyur bar nan tan gyis shig/ bkod pa mtha' yas chos thams cad ni rang bzhin gyis yongs su dag pa ste/ gang chos kyi rang bzhin gang yin pa de ni kun tu sbyor ba'ang ma yin/ rnam par bral ba'ang ma yin te/ ldan pa dang mi ldan par nye bar gnas pa ma yin no// bkod pa mtha' yas chos rnams la chos yod pa ma yin no// yod pa ma yin pa ni gang du'ang yang dag par gdags su med de/ sems can rnams kyis kun shes par bya ba'i phyir/ rgyu nges par ston pa dang / rgyu zad pa dang / 'dod chags dang bral ba dang / 'gog par 'dogs pa ni ma gtogs so// bkod pa mtha' yas chos rnams kyi rang bzhin gyi mtshan nyid gang yin pa de la ni rgyu'ang med/ rgyu zad pa'ang med/ 'dod chags dang bral ba'ang med/ 'gog pa'ang med na/ de bzhin gshegs pa'i chos ston pa yongs su dag pa de lta bu 'byung ba la ltos// / / bam po gnyis pa// // bkod pa mtha' yas gang dag de bzhin gshegs pa la chos nyid du rtog na'ang / de dag de bzhin gshegs pa mthong ba rnam par dag pa/ ma yin no// de ci'i phyir zhe na/ de bzhin gshegs pa ni chos kyang ma yin/ chos ma yin pa'ang ma yin no// de bzhin gshegs pa ni chos gang gis kyang rnam par gnas par mi 'gyur

  172. 87a

    na/ chos ma yin pas rnam par gnas par 'gyur ba lta smos kyang ci dgos te/ 'di lta bu ni yod pa ma yin no// de bzhin gshegs pa ni chos su gdags pa las yang dag par 'das pas/ de ni cir yang brjod par bya ba ma yin no// de bzhin gshegs pa ni brjod pa rnam par dag pa ste/ de'i phyir de bzhin gshegs pa ni zab pa rgya che ba tshad med pa yin no/ / bkod pa mtha' yas de bzhin gshegs pa la ni gzugs kyi rnam par rig pa'ang med/ tshor ba dang / 'du shes dang / 'du byed dang / rnam par shes pa'i rnam par rig pa'ang med na/ gang dag gis ni de bzhin gshegs par 'dogs par 'gyur/ gang gis ni 'dogs par shes/ de bzhin gshegs pa ni gzugs zad pa'i rnam par grol ba dang / tshor ba dang / 'du shes dang / 'du byed dang / rnam par shes pa zad pa'i rnam par grol ba dang yang dag par ldan pa yin no// de bzhin gshegs pa ni gzugs dang / tshor ba dang / 'du shes dang / 'du byed dang / rnam par shes pa dang mtshungs par mi ldan na/ rab tu mi ldan pa yin no// de bzhin gshegs pa ni 'dus byas dang 'dus ma byas su rlom par mi mdzad/ spros par mi mdzad de/ nye bar len pa gnyis dang mi ldan pa yin no// de bzhin gshegs pa ni gzugs dang / tshor ba dang / 'du shes dang / 'du byed dang / rnam par

  173. 87b

    shes pa'i nye bar len pa dang mtshungs par mi ldan/ rab tu mi ldan pa yin no// de bzhin gshegs pa ni rtsa 'chad pa ste/ chos thams cad kyang rtsa ba dang bral ba/ spros pa med pa/ g.yo ba med pa/ mi g.yo ba/ chu bo las brgal ba/ bla na med pa/ sangs rgyas kyi yul kho na la gnas pa yin gyi/ mi gnas pa'o zhes brjod par ni mi bya'o// de bzhin gshegs pa ni chos gang yang thugs su mi chud/ len par mi mdzad/ nye bar rtog par mi mdzad do// de bzhin gshegs pa ji lta bar chos ston pa'ang de dang 'dra ste/ de bzhin gshes pa mtshungs par ldan pa mi mnga' ba ni 'bral bar bya ba'i phyir chos ston par mi mdzad do/ / de bzhin gshegs pa'i chos nyid ji lta bar chos thams cad kyang de dang 'dra ba la chos thams cad kyi de bzhin nyid kyi tshul yang yang dag pa ji lta ba bzhin du nges par ston te/ de'i phyir de bzhin gshegs pa dang / chos thams cad ni de bzhin nyid du 'dogs pa yin no// de bzhin nyid ji lta bar chos thams cad dang / de bzhin gshegs pa'i chos nyid dang / chos thams cad kyi chos nyid kyang de dang 'dra ste/ de ni gnyis su med de gnyis su byar med la/ gcig pa nyid kyang ma yin/ tha dad pa nyid kyang ma yin no/ / bkod pa mtha' yas de bzhin gshegs pa ni rnam par rtog pa dang / kun tu rtog pas nye bar gnas pa ma yin gyi/ chos thams cad las mi 'da' bar bya ba'i phyir chos

  174. 88a

    ston par mdzad do/ / de ci'i phyir zhe na/ de bzhin gshegs pas gang yang dag par 'da' bar bya ba'i chos de 'ga' yang ma dmigs pa'i phyir ro// bkod pa mtha' yas gang gis tshe de bzhin gshegs pa bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ chos 'ga' yang mngon par rdzogs par thugs su ma chud/ ma mkhyen rnam par ma mkhyen to// chos dang rjes su mthun pa'i chos thams cad kyang mi dmigs te/ gang mi dmigs pa de la rjes su mthun pa'i chos mi dmigs so snyam du rnam par rtog par yang mi mdzad do/ / de'i tshe de bzhin gshegs pa la chos kyi 'du shes sam/ chos ma yin pa'i 'du shes kyang mi 'jug cing kun tu mi spyod la/ 'du shes yid la byed pa'ang mi 'byung ngo / / de'i tshe de bzhin gshegs pa chos nyid rang bzhin gyis rnam par dag pa la gnas shing / mi gnas pa ji lta ba de bzhin du chos thams cad mkhyen cing rnam par phye mod kyi/ sus kyang mkhyen pa'ang med/ rnam par phye ba'ang med do// bkod pa mtha' yas don dam pa ston pa'i tshig 'di dag ni de bzhin gshegs pa'i tshig med pa'i tshig rnam par dag pa'i tshig yin te/ 'di dag thams cad ni byang chub sems dpa' rnams tshig rnam par dag pa shes pa'i tshul yin no/ / gang gis sgo mtha' yas pa'i tshul dang / gzungs kyi sgo rjes su rtogs pa ni chos cung zad kyang

  175. 88b

    rtogs pa'ang ma yin/ ma rtogs pa'ang ma yin no// bkod pa mtha' yas tshig ces bya ba ni tshig tu gyur pa med de/ tshig med pa la 'jug pas tshig thams cad rjes su rtogs par bya'o/ / tshig thams cad ni 'dod chags dang bral ba'i tshig yin te/ 'di ltar tshig de ni nor ba'i tshig yin no// gang nor ba'i tshig yin pa de ni 'dod chags dang bral ba yin no// tshig de thams cad ni slu ba'i tshig yin no/ / gang slu ba'i tshig yin pa de ni de bzhin nyid kyi tshig go// gang de bzhin nyid kyi tshig yin pa de ni mthar thug pa'i tshig go// gang mthar thug pa'i tshig yin pa de ni zad pa dang / 'dod chags dang bral ba dang / 'gog pa'i tshig go// gang zad pa dang / 'dod chags dang bral ba dang / mya ngan las 'das pa'i tshig yin pa de ni mya ngan las 'das pa'i tshig ste/ tshig med pa'i tshig/ kun tu spyod pa med pa'i tshig/ gdags pa med pa'i tshig yin no// bkod pa mtha' yas tshig gcig ces bya ba ni chos thams cad dge ba dang mi dge ba'i nang du yang dag par mi 'du ba yin no/ / tshig gcig pu gang zhe na/ 'dod chags dang bral ba'i tshig ste/ 'dod chags dang bral ba la ni tshig 'ga' yang med do// / 'dod chags dang bral ba ji lta bar tshig thams cad kyang de dang 'dra ste/ 'di ltar tshig rnam par dag pa'i phyir/ tshig thams cad ni tshig med pa yin no// tshig rnam par dag pa gang yin

  176. 89a

    pa de'ang mya ngan las 'das pa rnam par dag pa yin la/ mya ngan las 'das pa rnam par dag pa gang yin pa de'ang tshig rnam par dag pa yin te/ 'di ltar tshig thams cad ni brjod du med pa yin no/ / ngag gang gis tshig rjod par byed pa de'ang phyogs bcur mi dmigs te/ gang gis brjod pa dang / gang la brjod pa dang / gang brjod pa dang / ci brjod pa dang / ji ltar brjod pa de dag thams cad yod pa ma yin no// gang yod pa ma yin pa de la ni med pa'i don du rlom par yang mi bya/ spros par yang mi bya ste/ tshig thams cad ni rlom sems med pa'i tshig/ spros pa med pa'i tshig yin no// de'i phyir rnal 'byor pa tshig de dag thams cad yongs su tshol zhing rnam par rtog na 'dod chags dang bral ba dang / 'gog pa dang / mya ngan las 'da' bar 'gyur te/ mya ngan las 'das pa ni tshig de dang tha dad pa ma yin no// tshig de nyid kyang brjod du med pa yin te/ 'di ltar tshig kyang gzhan dag kyang gzhan la/ ngag gang gis tshig ston pa'i ngag de ni dbang med pa gsob 'drid pa ste/ slu ba'i chos can yin no// tshig rnam par dag pa bstan pa la mkhas par bya ba'i phyir/ gdags pa med pas tshig rnam par rig par byed de/ gang 'dogs pa med pa de ni 'dogs pa yin no// gang 'dogs pa de ni tshig tha dad pa yin no// gang tshig tha dad pa de

  177. 89b

    ni rnam par mi rtog pa'o/ / gang rnam par mi rtog pa de ni rtog pa spangs shing chos nyid 'di'i nang du yang dag par 'du ba yin no// de ni rnam par dpyod pa med par bya ba'i phyir/ gang la'ang tha snyad kyi spyod pa kun tu mi dpyod de/ 'di ltar de mi dpyod/ rnam par mi dpyod/ yang dag par mi dpyod/ nye bar mi dpyod do// gang dag de ltar gnas pa de dag ni de bzhin gshegs pas de bzhin gshegs pa'i theg pa pa'o zhes gsungs te/ chos cung zad kyang mi dpyod par byang chub sems dpa'i sa la kun tu dpyod pa yin no// gang dag de lta bur zhugs pa de dag ni gzungs mtha' yas pa rnam par sbyong ba la gnas pa yin no/ / bkod pa mtha' yas de la gzungs kyi sgo'i tshig gang dag gis byang chub sems dpa' rnams gzungs so sor thob nas/ chos kyi gter mtha' sa pa rab tu ston par 'gyur ba dang / rgol ba thams cad tshar bcad nas/ rtsod pa med pa'i sa la gnas par 'gyur ba dang / nye bar ni ba'i chos rgyas par bya ba la 'jug par 'gyur ba ni gzungs kyi rnam tshig bstan par bya'o/ / gzungs kyi sgo'i tshig de dag kyang gang zhe na/ s+yad ya the dan dza ye/ bi dza ya/ u ge/ u ka ba ti/ A lo ke/ A lo ka ba ti/ pra b+he/ pra b+ha ba ti/ ni dar sha ne/ nau dar sha na ba ti/ a ra the/ ar tha ba ti/ sho d+ha ni/ sho d+ha na ba ti/ ba ri sho d+ha ne/ kr-i ye/ bi kri ya ba ti/ ud tar ni/ sa ra Ni/ ma hA bi dza ye/ ma hA bi dza ya ba ti/

  178. 90a

    a nu sin+d+hu a pra ti sin+na/ yug bA hi nad d+hA/ sid+d+hi/ sid+d+ha ra the/ sid d+hAHba ti/ ma ti ma ti/ ma ti pra d+h+we/ ud ta ri/ ud ta ra ba ti/ bi tsi ra/ bi tsa rA nu san d+hi/ sa re/ sa ra ba ti sa rA nu ga te/ sa me/ sa mA ra b+ha ba ga te/ ga ti/ a ni ga te/ a pra ti ni bar te/ bi she She/ bi she/ Sha ba ti/ a bA hi ni/ ni bA hi ni/ pra b+ha hi ni/ u ha ud ta ra ne/ mA la ba na ye/ a she She/ a nu pa she she/ a nu ga me/ a pra tig me/ a ga te/ a nA ga te/ a nA ga te bi sho d+ha ni/ @ rig d+ha ni/ kAng/ tshed ni/ ya te/ ma ti pra tita/ ma tan shod+hani/ sa man tA mug te/ sa man ta pa ri b+hI / sa man ta dza sha d+hani/ a nu pa kra hi/ a ni gra hi hI nA ra the/ a ra tha bi shud d+hi pa ra me/ he tu ni d+hi san ne/ pra tI te/ pra tI ta ba d+hi/ bi ni sh+tsa ye/ bi ni sh+tsa yA nu ga te/ a nan tar the/ a nan ta bi gra he/ ma d+ha bi shud d+hi/ a nu gra he a gra ha/ zi sho d+ha ni/ a d+h+yad ma bi ga te/ ba ha ba bi sho d+ha ni/ bid+yA nu ga ti/ bid+d+hA nu san d+hi/ bai ri sho d+ha ni/ bkod pa mtha' yas gsang sngags kyi tshig bstan pa 'di dag ni gzungs yongs su shes par 'gyur ba ste/ de dag gis byang chub sems dpa' rnams de bzhin gshegs pa'i chos kyi gter mtha' yas pa rjes su dran par 'gyur/ sems can rnams la yang

  179. 90b

    dag par rab tu ston par 'gyur/ mi slu ba'i sa la gnas shing / don dang tshig gi tshul thams cad kyang rjes su rtogs par 'gyur/ sangs rgyas kyi chos rab tu dbye ba rgya chen po tshad med pa'ang rtom pabapar 'gyur/ ji ltar smon pa'ang yongs su rdzogs par 'gyur ro// bkod pa mtha' yas de la ji ltar na byang chub sems dpa' rnams gzungs kyi tshul la thabs la mkhas pa lhag par rtogs par 'gyur ba dang / rjes su rtogs nas kyang tshul dang mthun pa'i dgongs pa la mkhas pa'i tshul kun shes par 'gyur ba/ gzungs kyi tshul rab tu dbye ba kun shes pa la mkhas pa bstan par bya'o// ji ltar kun shes par 'gyur zhe na/ bkod pa mtha' yas mig ni gzugs kun tu 'dzin pa yin la/ rna ba ni sgra kun tu 'dzin pa yin/ sna ni dri kun tu 'dzin pa yin/ lce ni ro kun tu 'dzin pa yin/ lus ni reg bya kun tu 'dzin pa yin/ yid ni chos kun tu 'dzin pa yin no// bkod pa mtha' yas de la ji ltar na nang gi chos drug po dag phyi'i chos rnams 'dzin pa yin zhe na/ bkod pa mtha' yas gang gi tshe byang chub sems dpa' mig gis gzugs mthong ba na/ de la mi rtag pa nyid du kun tu 'dzin par byed/ skye ba dang 'jig pa'i chos can du rab tu rtog par byed/ de la zad pa dang / 'dod chags dang bral ba dang / 'gog pa kun tu 'dzin par byed do// de shes rab kyi stobs chags pa med pa/ dran pa la mkhas pa/ rdzab rdzub ma yin pas/ nang gi mig gi khams kun

  180. 91a

    tu 'dzin par byed de/ mig la bdag gam/ bdag med par nye bar rtog pa ni mi byed do// de mig gi skye mched rnam par dag pa la mkhas pa la gnas te/ gzugs la dmigs pa rjes su gzung ba'i phyir/ gzungs kyi sgo rnam par sbyong bar byed cing / phyi dang nang gi chos de las gzhan pa kun tu sbyor bar 'gyur ba dag dang bral ba'i sgo nas ldog par rjes su lta/ 'dod chags dang bral bar rjes su lta/ 'gog par rjes su lta zhing gnas la cung zad kyang spros par mi byed do// de spros pa med pa kun 'dzin pa la mkhas pas rlom sems mi 'byung ba'i gnas la gnas shing / mig gi rnam par shes pa dang / mig gi rnam par shes pas shes par bya ba'i chos rnams btang snyoms su 'jog cing rlom par mi byed do// ji ltar mthong ba rnam par dag pa bzhin chos rnams sgyu ma dang 'dra ba nyid du rjes su dran par yang byed do/ / de rnam par lta ba thun mong ma yin pas shes pa dang / shes bya rnam par dag pa la mkhas pa kun tu 'dzin pa na bsod nams dang ye shes kyi phung po rgya chen po yongs su 'dzin par yang 'gyur ro/ / de bzhin du rna ba dang / sna dang / lce dang / lus dang / yid chos 'dzin pa'i bar du'ang mthun par sbyar te/ de la byang chub sems dpa' yid kyis chos rnam par shes pa na/ chos la mi rtag par kun tu 'dzin par byed/ chos rnams skye ba dang 'jig pa'i chos can du yang dag par rjes su lta zhing / zad pa dang / 'dod

  181. 91b

    chags dang bral ba dang / 'gog par kun tu 'dzin par yang byed do// de shes rab kyi stobs chags pa med pa/ dran pa la mkhas pa/ rdzab rdzub ma yin pas rang gi yid kyi skye mched kun tu 'dzin par byed de/ bdag gam/ bdag med par spros par yang mi byed la/ sna tshogs su kun 'dzin pa la mkhas pas yid kyi rnam par shes pa'i sa la rab tu rnam par 'byed do// de'i 'og tu yid kyi skye mched rnam par dag pa la mkhas pa la gnas te/ chos la dmigs pa rjes su gzung ba'i phyir gzungs kyi sgo rnam par sbyong bar byed cing / phyi dang nang gi chos de las gzhan pa kun tu sbyor bar 'gyur ba dag dang bral ba'i sgo nas ldog par rjes su lta/ 'dod chags dang bral bar rjes su lta/ 'gog par rjes su lta zhing gnas la/ cung zad kyang skur pa 'debs pa 'am/ spros pa ni mi byed do/ / de spros pa med pa kun tu 'dzin pa la mkhas pas/ rlom sems mi 'byung ba'i gnas la gnas shing / yid kyi rnam par shes pa dang / rnam par shes par bya ba'i chos rnams btang snyoms su 'jog cing spros par yang mi byed/ rlom par yang mi byed do// ji ltar mthong ba rnam par dag pa bzhin/ chos rnams mnyam pa nyid du rjes su dran par yang byed/ rnam par shes ba dang / shes bya rnam par spong ba la mkhas pa kun 'dzin par yang byed cing / rnam par lta ba thun mong ma yin pas bsod nams dang / ye shes kyi phung po rgya chen po yongs su 'dzin par yang

  182. 92a

    'gyur ro/ / de de ltar phyi dang nang gi chos 'das pa dang / ma 'ongs pa dang / da ltar byung ba thams cad la shes rab kyi stobs don gyi rjes su song ba'i blo thabs la mkhas pas yongs su zin pas/ chos 'ga' yang rgyu med par yang dag bar rjes su mi lta la/ rgyu dang rkyen las 'byung bar yang yang dag par rjes su mi lta ste/ chos thams cad phan tshun mi ldan par shes par byas nas/ chos rnams kyi rang bzhin ji lta ba bzhin du yang dag par rjes su 'brang ngo // chos 'di dag thams cad ni rang bzhin gyis 'od gsal ba ste/ phan tshun kun 'dzin pa dang / rjes su mthun pa 'dzin pas chos rnams kyi rten gyi tshul du nye bar gnas pa yin gyi/ chos thams cad bsdus nas thun mong gi tshul du gnas pa ni ma yin no// chos gang dag skye ba med cing ldog pa med pa de dag ni brjod par bya ba ma yin no/ / chos gang dag don dang ldan zhing phan tshun skal ba mnyam pa dang bral ba de dag thams cad ni ldan pa'ang ma yin/ mi ldan pa'ang ma yin no// chos rnams ni byed pa po med pa byed du 'jug pa po med pa'o/ / chos rnams ni srog med pa/ sems can med pa/ gang zag med pa'o// chos thams cad ni tshig mngon par sgrub pa ji lta ba bzhin rjes su 'dzin pas mya ngan las 'das pa dang mnyam pa'o/ / chos thams cad ni chags pa med pa/ chags pa dang mi ldan pa/ chags pa dang bral ba ste/ bkod pa mtha' yas gzungs rab tu dbye ba la mkhas pa bstan pa 'di ni/ nga

  183. 92b

    chub sems dpa' rnams kyi phyi dang nang gis chos dag gis chos thams cad nye bar brtag par bya ba de ltar bshad na/ byang chub sems dpa' de nang gi gzhi rnams kyang rab tu spong la/ phyi rol gyi'ang len par mi byed do/ / de 'di ltar rnam par rtog par yang byed de/ kye ma 'jig rten gan pa 'di ni 'khor ba'i 'khor lo thog ma dang tha ma med par zhugs pa/ ma rig pas 'dzin pa'i rjes su song ba/ ma rig pa'i sgo nga'i sbubs su chud cing 'khyam/ rab tu 'khyam/ kun tu rab tu 'khyam pa'o// 'khor ba'i 'khor lo de nyid kun tu 'gyur/ rab tu 'gyur yang / 'di la 'khor bar dmigs pa'ang med/ mngon pa'ang med de/ 'khor ba'i 'khor lo yongs su 'gyur ba'i rjes su 'gro ba yang dag pa'ang yod pa ma yin no// 'jig rten gnas pa de lta bu yin yang / 'di la 'jig rten du dmigs pa'ang med// 'jig rten du mngon pa'ang med do// sems can 'di rnams ni chos 'di lta bu dag rab tu mi shes pas 'di nyid du rgyu/ kun tu rgyu/ rgyug/ yongs su rgyug/ rjes su rgyug go// kye ma sems can 'di dag ni de nyid mi shes shing yang dag pa ma yin pas phyin ci log tu gyur pa/ sems can med par sems can du 'du shes pa la chags te/ sems can du 'du shes pa'i 'ching bas bcings pa yin no// kye ma sems can 'di dag ni chos rnams rab tu mi shes pas 'jig pa dang / rnam par 'jig pa dang / rab tu 'jig pa'i rjes su song ba ste/ yang dag pa ma yin pa'i phyir rgol ba dang g.yul 'gyed pa/

  184. 93a

    mun pa'i rjes su song ba yin yang gang du'ang song ba med/ gang nas kyang 'ong ba med do// kye ma sems can 'di dag ni kun tu chags pa la zhen pa/ kun tu chags pa'i 'chings bas bcings pa ste/ thar pa rab tu mi shes pa yin pas/ bdag gis sems can rnams la phan gdags pa dang / rjes su gzung ba'i phyir chos kyi tshul 'di bstan par bya gor ma chag snyam mo// bkod pa mtha' yas byang chub sems dpa' chos rnams de ltar rab tu rnam par 'byed na/ myur du chos rnams la snang ba chen po'ang thob par 'gyur/ sgo yongs su dag pa'ang rjes su 'thob par 'gyur/ so so yang dag par rig pa'ang kun tu 'dzin par 'gyur/ bzod pa chen po snang bar bya ba la'ang brtson par 'gyur/ byams pa chen po dang snying rje chen po'ang 'dzin par 'gyur/ dgongs pa bstan pa la'ang mkhas par 'gyur/ tshig gi rnam grangs kyang kun shes par 'gyur/ tshig tshad med pa'ang shes par 'gyur/ sngon gyi gnas kyang rjes su dran par 'gyur/ phan yon yang kun tu ston par 'gyur yang / chos 'ga' dang yang 'gal bar yang mi byed la/ sems can rnams rtsod pa med pa'i las la'ang 'dzud par yang 'gyur/ phas kyi rgol ba thams cad chos dang mthun pas tshar gcod par yang 'gyur/ sems can rnams mun pa las rab tu thar bar bya ba'i phyir chos ston par yang 'gyur/ phyogs bcu dag tu de bzhin gshegs pa rnams kyis ched du brjod par yang 'gyur/ chos kyi snang ba chen po gtong bar yang

  185. 93b

    'gyur/ chos bsam gyis mi khyab pa'i sbyin bdag tu'ang 'gyur/ de bzhin gshegs pa rnams kyi chos kyi gter la rnam par spyod cing / kun tu rmongs par yang mi 'gyur ro// smon lam gyi bye brag kun tu 'dzin cing / ji ltar smon pa'ang yongs su rdzogs par 'gyur ro// thabs mkhas pa bsam gyis mi khyab pa'ang lhag par rtogs shing / sems can rnams kyi bsam pa sgrub pa'ang yang dag par skul bar 'gyur ro/ / sngon gyi mtha' dang phyi ma'i mtha'i rgyu kun tu ston cing / 'das pa dang ma 'ongs pa la mkhas pa nges par ston par yang 'gyur ro// bkod pa mtha' yas de la byang chub sems dpas ting nge 'dzin gyi sgo bsgrub pa la mngon par brtson par bya ste/ byang chub sems dpa' ting nge 'dzin gyi sgo sgrub pa la mkhas pas gzungs kyi sgo sgrub pa la mkhas pa rtogs par 'gyur ro// byang chub sems dpa' gzungs kyi sgo sgrub pa la mkhas pa rjes su rtogs pa ni dgongs pa'i rnam grangs ston pa la'ang mkhas par 'gyur/ ye shes kyi rnam grangs larang 'jug par 'gyur/ chos zab mo'i tshul yang rjes su rtogs par 'gyur/ bstan par dgod pa'ang shes par 'gyur zhing / gang la yid gnyis su mi 'gyur/ gzhan la rag ma las pa'i bzod pa la gnas shing / brtson 'grus chen po rtsom mkha pabapa la 'jug par yang 'gyur ro/ / bkod pa mtha' yas byang chub sems dpa' sems can la snying brtse bas chos thams cad shes pa yang dag par sdud pa la mkhas pa/ kun tu tshol ba ni theg pa gang

  186. 94a

    yang yang dag par mi shes pa med de/ sangs rgyas kyi ye shes kyang 'thob sla bar 'gyur/ 'jig rten thams cad la mngon par 'phags pa'i shes pa ye shes chen po thams cad mkhyen pa'i ye shes kyang shin tu legs par sbyong bar 'gyur ro/ / bkod pa mtha' yas gzungs kyi tshul la mkhas pa chos rim par phye ba bstan pa 'dir/ chos gang dag gis byang chub sems dpa' rnams yang dag par sdud par 'gyur zhing / ci nas kyang byang chub sems dpa' rnams las rgya chen pos yang dag par 'dzin cing / gsang sngags dang / dgongs pa dang / brjod pa'i sgra dang / yang dag par brjod pa thams cad kyang yongs su rtogs par yang 'gyur/ blo'i rab tu dbye ba shes pa la mkhas pa'ang khong du chud par 'gyur ba'i chos de dag bstan par bya'o// chos de dag kyang gang zhe na/ bkod pa mtha' yas 'di la byang chub sems dpa' tshul khrims kyi gzhi la mkhas pa yongs su dag pa la gnas shing / bden pa'i byin gyi rlabs la mkhas pa la gnas pa dang / gtong ba la mkhas pa la gan ba'ang 'phel bar byed do/ / nga'i med pa dang yongs su 'dzin pa med pa'i chos yongs su tshol ba la mngon par brtson zhing thabs kyi gnas bsgom par byed pa ni/ chos thams cad kyi tshul la mkhas pa'i gnas rtogs par yang 'gyur la/ yongs su nyam nga ba'i chos can du'ang mi 'gyur ro// de phyir mi ldog pa'i sa la gnas shing myur du spobs pa phun sum tshogs pas mngon par 'phags par yang 'gyur/ shes

  187. 94b

    rab rgya mtsho lta bus rnam par 'phel bar yang 'gyur ro/ / bkod pa mtha' yas phyi ma'i dus na byang chub sems dpa' gang dag chos zab mo'i tshul bstan na/ don du gnyer zhing de bzhin gshegs pa'i chos kyi mdzod rnam par dbye bar 'dod cing mos pa/ lhag pa'i bsam pa phun sum tshogs pa/ bsam pa dge ba/ sems bzang ba de dag ma gtogs par gzhan 'ga' yang chos 'di dag len par 'gyur ba med de/ chos kyi tshul 'di la brtson zhing slob par 'jug pa de dag ni rnam grangs bstan pa'ang rjes su rtogs par 'gyur/ chos rnams kyi ngo bo nyid kyi rang bzhin yang rjes su rtogs par 'gyur ro// bkod pa mtha' yas de bzhin gshegs pa ni rnam grangs kyi chos ston par yang mdzad la/ de bzhin gshegs pa chos kyi rang bzhin dang 'gal bar yang mi mdzad cing / chos kyi rang bzhin dang mi 'gal bar brjod pa 'ang mdzad do/ / chos thams cad byas pa med par yang brjod la/ chos rnams la brjod pa 'am/ rjod par byed pa'ang mi ston no// bkod pa mtha' yas de bzhin gshegs pa ni ston pa la mkhas pa'i pha rol tu phyin pa'ang rtogs la/ de bzhin gshegs pas chos 'ga' yang rtogs pa'ang med/ rjes su rtogs pa'ang med/ yang dag par rtogs pa'ang med do// de bzhin gshegs pa ni chos 'ga' yang dor bar bya ba'i phyir chos ston par mi mdzad de/ chos 'ga' yang so sor spang bar bya ba'i phyir yang ma yin/ bskyed par bya ba'i phyir yang ma yin/ thob par bya ba'i phyir yang ma yin/ mi thob

  188. 95a

    bar bya ba'i phyir yang ma yin no/ / de bzhin gshegs pa ni mi dmigs pa la gnas pa yin yang / de bzhin gshegs pa gnas pa'ang ma yin/ mi gnas pa'ang ma yin no/ / de ci'i phyir zhe na/ de bzhin gshegs pa ni gang gis kyang rnam par gzhag par bya ba ma yin no// de bzhin gshegs pas ni de bzhin gshegs pa 'di ltar gnas so// de ltar gnas so zhes ming du brjod pa gang yin pa de'ang gcig pa nyid kyang ma yin/ tha dad pa nyid kyang ma yin te/ de bzhin gshegs pa ni 'gro ba dang 'ong bar gdags par bya ba ma yin no// de bzhin gshegs pa ni spros pa med pa ste/ spros pa las yang dag par 'das pa yin yang / gang las kyang 'das pa med do// de bzhin gshegs pa la lhag par 'das pa med de/ 'di ltar de bzhin gshegs pas de bzhin gshegs pa la lhag par 'das pa med par yang mkhyen to/ / de bzhin gshegs pas de bzhin gshegs pa mkhyen pa'ang med do// de bzhin gshegs pa ni phyin ci ma log pa de bzhin nyid dang / gzhan ma yin pa de bzhin nyid du'ang mkhyen pa med do/ / de bzhin gshegs pa ni ji ltar chos cung zad kyang kun tu mi ston pa de ltar de bzhin gshegs pa nyid du ston par mdzad cing / nges par ston par yang mi mdzad/ yang dag par ston par yang mi mdzad do// de bzhin gshegs pa ni chos thams cad kyi rang bzhin ji lta ba bzhin du gnas par 'gyur ba yin yang / chos rnams kyi rang bzhin gang yin pa den

  189. 95b

    gdags par bya ba ma yin no/ / chos rnams la ni rang bzhin med de/ 'di ltar de bzhin gshegs pas chos thams cad ni ma byas pa/ 'gyur ba med pa/ yang dag par ma skyes pa/ ma 'gag/ pa/ ma bral ba'o// chos thams cad ni shin tu rnam par dag pa ste/ thob pa'ang med/ yang dag par thob pa'ang med do// chos thams cad ni dmigs su med pa'o zhes gsungs so// chos thams cad ni mngon par rtogs pa med pa ste/ 'di ltar chos 'ga' yang thob pa med do// chos de ni cung zad kyang thob par bya ba ma yin te/ nye bar rtogs pa'i chos ni chos kyang ma yin/ gang gis kyang nye bar rtogs pa'ang med/ thob pa'ang med do// so sor thob pa'ang med do// de lta bas na chos thams cad ni skye ba med pas nye bar rtogs pa'ang med pa yin no// de bzhin gshegs pa rnams kyi bstan pa mngon par sgrub pa rnam par sbyang ba'i phyir/ 'phags pa'i chos su gdags par brjod par 'byung ba bstan pa gang yin pa de'ang 'phags pa'i chos cung zad kyang thob pa med do// 'phag pa rnams ni chos sam/ chos ma yin pa cung zad kyang thob par med do// chos la'ang 'phags pa 'am/ 'phags pa ma yin pa cung zad kyang med do// 'di la de bzhin gshegs pa rnams kyi bstan pa mngon par sgrub pa ni chos 'ga' yang sbyor ba'ang med/ mi sbyor ba'ang med pa ston pa yin par khong du chud par bya'o// tha snyad kyi rjes su 'brang bar bya ba ni ma yin no// de bzhin gshegs pa ni

  190. 96a

    chos su 'dogs par yang mdzad la/ chos rnam par gnas pa 'dogs par yang mi mdzad do// de bzhin gshegs pa ni chos ma yin pa ston par yang mdzad la/ chos ma yin pa rnam par gnas pa'i 'dogs par yang mi mdzad do/ / de bzhin gshegs pa ni dge ba dang mi dge bar ston par yang mdzad la/ dge ba dang mi dge ba rnam par gnas par 'dogs pa'ang mi mdzad do/ / de bzhin gshegs pa ni chos thams cad ston par yang mdzad la/ chos thams cad rnam par gnas par 'dogs par yang mi mdzad do// de bzhin gshegs pa ni chos thams cad gdags pa med par ston par yang mdzad la/ gdags pa med par rnam par gnas pa 'dogs par yang mi mdzad do// bkod pa mtha' yas de bzhin gshegs pa'i chos bstan pa 'di ni shin tu zab ste/ chos zab mo la'ang yongs su sbyang ba ma byas pas kun shes par nus pa ma yin no// bkod pa mtha' yas byang chub sems dpa' mngon par rdzogs par byang chub par 'dod pa 'khor ba las yengs su 'grol bar 'dod pas/ de bzhin gshegs pa rnams kyi bstan pa mngon par sgrub pa bshad pa rjes su rtogs par bya'o// bkod pa mtha' yas byang chub sems dpa' gang gi tshe/ chos 'di dag la nem nur med cing the tsom med par rab tu rnam par 'byed pa na chos 'ga' yang len par yang mi byed/ 'dor bar yang mi byed/ chos 'ga' yang skyed par yang mi byed/ dag pa yang mi byed/

  191. 96b

    chos 'ga' yang spros par yang mi byed do// bden pa mngon par sgrub pa la'ang nye bar sbyor la/ bden pa mngon par bsgrub pa bstan pa mngon par zhen pa'ang mi byed de/ de ltar na chos kyi sgra yang su dag pa kun shes par 'gyur zhing / ting nge 'dzin gyi sgo mngon par bsgrub pas yongs su sbyang ba byas pa yin no// bkod pa mtha' yas 'di lta ste/ dper na ri'i rgyal po ri rab ni sems can bsod nams byas pa/ dge ba'i rtsa ba bskyed pa/ gzhal med khang la yongs su longs spyod pa rnams kyi gnas su 'gyur zhing / sems can der skyes pa rnams kyang rab tu dga' bar 'gyur ro// de bzhin du chos rin po che kun nas bsdus pa 'di'ang byang chub sems dpa' dge ba'i rtsa ba bskyed po rnams la ston par 'gyur te/ rin po che des kyang byang chub sems dpa' thams cad mkhyen pa'i ye shes rin po che 'thob cing / chos bla na med pa shes pa rin po che'i rjes su 'gro bar yang 'gyur ro// bkod pa mtha' yas chos thams cad yang dag par bsdus pa'i mdo 'di ni/ chos kyi gter gyi gzungs yang dag par rab tu bstan par bya ba'i phyir/ de bzhin gshegs pa rnams las 'byung ste/ chos kyi gzungs rgya chen po 'di rab tu 'byung yang nye bar gnas pa ni ma yin no// de bzhin gshegs pa rnams kyi bstan pa gang yin pa de thams cad ni sgo mtha' yas pa'i gzungs las 'byung ste/ de bzhin gshegs pa ni sgo rnam par sbyang ba dang / mdo sde thams cad yang dag par bsdu

  192. 97a

    ba'i phyir chos rnams kyi gzungs kyi tshul 'di ston par mdzad do/ / mdo sde thams cad yang dag par sdud par byed pa'i gzungs 'di ni byed pa med pa/ mi 'gyur ba/ mtha' med pa/ dbus med pa/ mthar thug pa med pa ste/ gzungs 'din rnam pa tshad med pa yin no// gzungs kyi skye 'din phyogs bcu'i 'jig rten gyi khams kun tu de bzhin gshegs pa'i byin gyi rlabs kyis spyod de/ bkod pa mtha' yas 'di ni chos bstan pa 'di la gzungs kyi sgo rim par phye ba'i don gyi tshul brjod pa dang po yin no// bkod pa mtha' yas gang du chos thams cad yang dag par 'du bar 'gyur ba de la ni/ byang chub sems dpa' chos kyi tshul 'di rjes su rtogs pa/ chos kyi rgyun rab tu ma chad pa la 'jug par 'dod pa/ chos thams cad gnas med pa'i phyag rgya'i rjes su 'brang bar 'dod pa/ gsang sngags dang dgongs pa khong du chud pa/ nyams pa med pa/ brtson 'grus chen po rtsom pa'i sbyor ba la zhugs pa chos 'di yang dag par shes shing chos rnams kyi ngo bo nyid kyi mtshan nyid rtogs pa rnams kyis brjod pa dang / bstan pa gang gis kyang tha snyad gdags par bya ba ma yin la/ gsang sngags dang dgongs pa thams cad nye bar gzungs nas yang dag par rtogs par bya zhing / sems can thams cad la phan pa dang bde bar bya ba'i phyir yi ge zung du brjod pa shes pa la rjes su 'jug pa/ rnam par dbye ba'i tshul bstan pa khong du chud

  193. 97b

    pa/ chos thams cad rab tu dbye ba shes pa rjes su dran pas bag la nyal gyi don bstan pa/ dpe dang yang dag par sbyar bar bya/ bsdu bar bya'o// byang chub sems dpa' chos kyi 'bel ba'i gtam brjod pa/ chos ston pa la rab tu 'jug pa/ brtse zhing phan 'dogs par 'dod pa'i sems dang ldan pa/ sangs rgyas kyi ye shes 'dod pa/ chos gang la'ang mngon par chags pa med pa kun tu chags pa med pa'i sa la gnas pa/ chog shes pa dang gnyis su med pa'i ye shes la 'jug pa/ rdzab rdzub ma yin pa/ nang shes pa dang phyi rol shes pa gnyis su mi ston pas/ 'jig rten la chos 'ol byi tsam du bstan par mi bya'o// snyoms las med pa'i brtson 'grus kyis gong nas gong du chos yongs su btsal ba mkhas pa la mngon par brtson par yang bya/ tshig thams cad kyang ci nas kyang mi 'gal ba de ltar rjes su mthun par yang bya/ bdag dang gzhan la phan pa nye bar gnas par yang bya zhing / bdag dang gzhan du 'du shes pa rnam par gzhig pa la mkhas par yang bya'o// chos thams cad rnam par dag pa'i rjes su 'brang bas chos rnams bdag med pa la zhugs nas/ bdag rnam par dag par bya ba'i phyir mngon par 'dod par yang bya ba'o// dris kyang rung ma dris kyang rung mkhyud pa/ med par chos kyi tshul yang dag par rab tu bstan par bya'o// 'di snyam du bdag gis sems can rnams la sbyin pa'i mchog sbyin pa'i dam pa/ 'di lta ste/ chos bla na med pa rin po che'i mdzod gtong

  194. 98a

    bar bya'o/ / bdag gis sems rnams brjod du med pa'i chos rin po che la sbyar bar bya'o// bdag gis phan ma btags kyang sems can 'ga' la'ang chos kyi ser sna bskyed par mi bya'i/ ser sna med par bya'o// bdag gis gtong ba dang ldan zhing sbyin bdag mchog chos kyi sbyin bdag de bzhin gshegs pa'i don thams cad mkhyen pa'i mdzad pa'ang bya'o// bdag gis sems can rnam kyi khur chen po'ang yongs su dor bar bya'o/ / bdag gis sems can rnams chu bo chen po las bsgral bar bya ba'i phyir chos kyi gru bca' bar yang bya'o// bdag gis sems can rnams bde ba thams cad nye bar bsgrub pa la dgod par bya'o snyam du sems tshad med pa bskyed par bya'o/ / de ltar na byang chub sems dpas myur du byams pas mngon par bsgrubs pa'i blos chos khyad par can rjes su rtogs par yang 'gyur/ gzungs rnam par dbye ba mngon par bsgrub pa bstan pa'i mdo 'di la yongs su smin par yang 'gyur/ skye ba zlog par yang 'gyur/ phal gyi rgol ba thams cad kyis mi 'phrog par yang 'gyur/ bdud thams cad pham par byas nas/ phal gyi rgol ba thams cad chos dang mthun pas tshar gcod par yang 'gyur/ rtsod pa nye bar zhi ba phun sum tshogs par yang 'gyur ro// bkod pa mtha' yas gzung 'di ni de bzhin gshegs pas legs par yongs su bzung zhing yid la mdzad pa yin no/ / bkod pa mtha' yas 'di lta ste/ dper na byang chub sems dpa' srid pa tham pa ni sum cu rtsa gsum pa'i lha

  195. 98b

    rnams dang / 'thab bral ba rnams dang / 'phrul dga' ba rnams dang / gzhan 'phrul dbang byed pa'i lha rnams kyi dbus dga' ldan gyi gnas na gnas shing // lha thams cad kyis lhag par bgrod par bya ba dang / sems can thams cad kyis mngon par dga' bar bya ba yin/ bsod nams chen pos yongs su zin pa'i dge ba'i rtsa ba kun tu smin pa yin/ srid pa gcig lus pa'i bsod nams kyi phung po dang / tshul khrims kyi phung po dang / thams cad las khyad par du 'phags pa'i gtong ba phun sum tshogs pa rnam par dag pa dang shes rab kyi phung po dang ldan pa yin/ dge ba'i rtsa ba stong gsum gyi stong chen po'i 'jig rten gyi khams 'di'i sems can rnams kyi nang nas/ sems can 'gas kyang zil gyis mi non pa yin/ sems can thams cad kyis kyang mchod cing bsngags par bya/ ba yin/ thams cad mkhyen pa'i ye shes thob par bya ba la'ang mngon du phyogs pa yin la/ de gang gi tshe dga' ldan gyi gnas nas shi 'phos te/ dbus kyi 'dzam bu'i gling du skye ba de'i tshe/ yul gyi dbus 'jigs pa med pa/ sa'i dkyil/ sa'i snying po sa phyogs mchog dam pa khyad par du 'phags pa dbus kyi grong khyer chen po sems can thams cad dang ldan pa'i sa phyogs su skye ste/ de ltar na byang chub sems dpa' sems can rnams kyi nang du 'ongs shing / sems can thams cad kyis blta bar bya ba dang / phyag bya ba dang / mchod par bya ba dang / bkur stir bya ba yin no//

  196. 99a

    de bzhin du gzungs kyi sgo'i mdo 'di'ang chos rnams kyi nang du 'dus shing khongs su gtogs la/ chos thams cad zil gyis gnon pa dang / dngos po med pa'ang yin no// 'di la gnas pa'i byang chub sems dpa' ni yongs su smin par yang 'gyur/ rnam par 'phel bar yang 'gyur/ mchog thob par yang 'gyur/ chos thams cad kyi bdag por yang 'gyur ro// 'di ltar byang chub sems dpa' srid pa tha ma pa mi rnams kyi nang du skyes pa ni/ chos thams cad kyi spyi gtsug bltar mi mthong ba'i ting nge 'dzin gyis sems can thams cad la rnam par blta bar yang byed stong gsum gyi stong chen po'i 'jig rten gyi khams thams cad la yongs su rtog par yang byed cing / shes rab chen po'i byin gyi rlabs kyis legs par byin gyis rlabs pa'i sems rgya chen pos chos kyi gzung kyi snying po'ang rjes su 'thob par 'gyur/ 'dod pa'i longs spyod thams cad la mngon par dga' ba med cing chags par 'gyur ba dang / 'dod par 'gyur ba'i rgyud thams cad don du mi gnyer ba yin/ chos thams cad stong pa nyid kyi ting nge 'dzin gyis shin tu rnam par bltas pa'i blo dang ldan zhing / mtshan ma med pa la mkhas pa rjes su thob pa yin/ sa gang la'ang chags pa med cing khams gsum thams cad la ro myang ba med pa dang / nyes dmigs dang / nges par 'byung ba dang / nye bar zhi ba dang / mos pa'i khams kyang rtogs la/ de la'ang mngon par zhen pa med cing / mi gnas pa'i

  197. 99b

    sems skyed par yang byed do/ / chos rnams la yongs su rtog cing kun 'byung 'gag par bya ba'i phyir/ sems can rnams la byams pa chen po dang snying rje chen po bskyed nas/ dbang po yongs su smin pa rnams la nges par 'byung ba'i blo yang dag par skyed par yang byed/ shes rab mchog gi rjes su song ba'i blo'i tshul la mkhas pas sems can thams cad kyi tshul la mkhas pa'i bdag po rjes su dran zhing / chos rnams la gzungs kyi tshul nyams pa med pa la mkhas pa'ang thob par 'gyur/ chos thams cad rab tu rnam par dbye ba shes pa la mkhas pas legs par rnam par bltas nas/ chos bsam gyis mi khyab pa'i tshul rnam par gtan la dbab pa la rtog cing / gzhon nu'i tshe 'dod pa rnams la brtse zhing kun tu skyo bar 'gyur ba'i sems dben pa la mngon du phyogs pas nor dang / 'bru dang / gnyen thams cad spangs te/ khyim nas khyim med par mngon par 'byung bar yang 'gyur/ rab tu byung nas kyang bsam gyis mi khyab pa'i tshul la mkhas pa'i blo dang ldan zhing / las ji lta ba bzhin du legs par byas pa nye bar bsags pa'i byang chub kyi snying por song nas/ smon lam rnam par bkod pa ji lta ba bzhin du gzungs kyi tshul la mkhas pa bla na med pa'ang thob par 'gyur/ gzungs la mkhas pa rnam par dag pa phul du phyin pa des chos thams cad kyang rang byung gi ye shes kyis rtogs par 'gyur/ thams cad mkhyen pa'i ye shes kun tu 'dzin pa la mkhas

  198. 100a

    pa nyams pa med pa'ang 'thob par 'gyur/ de thams cad mkhyen pa'i ye shes kyi gzungs rjes su thob nas/ thams cad mkhyen pa'i ye shes rnam par nges pa shin tu sbyangs pa'ang 'thob par 'gyur/ thams cad mkhyen pa'i yul bla na med pa la legs par gnas shing / chos dang mthun par chos kyi 'khor lo bla na med pa'ang skor bar 'gyur/ chos thams cad shes shing nges pa'i tshig ston par gyur pas shin tu mdzes par snang la/ lha dang bcas pa'i 'jig rten yang dbyangs kyi snang bas go bar byed par yang 'gyur ro// bkod pa mtha' yas byang chub sems dpa' thams cad mkhyen pa'i ye shes kyi gzungs kyi phyag rgya la gnas te/ bla na med pa yang dag par rdzogs pa'i byang chub mngon par rdzogs par 'tshang rgya'o// gzungs kyi sgo bstan du med pa bskal pa bye ba phrag du mar dge ba'i rtsa bas yang dag par sgrub pa de dag ni byang chub sems dpa' skye ba gcig gis thogs pa gzhan dag gis kyang kun shes par 'gyur ba ma yin gyi/ byang chub sems dpa' byang chub kyi snying po la 'dug pa/ byang chub kyi ched du chos zab mo la bzod pa thob nas yun ring du lon pa/ tshangs par sprad nas yun ring ba/ 'di ltar sems can thams cad la yun ring mo zhig nas byams pa chen po dang / snying rje chen pos mngon par bsgrubs pa'i sems dang ldan pa kho na la gzungs kyi sgo bdag nyid kyis rnam par dpyad pa'i blos mngon du 'gyur bar zad de/ bkod pa mtha' yas

  199. 100b

    gzungs kyi sgo des byang chub sems dpa' byang chub kyi snying po la 'dug nas bla na med pa yang dag par rdzogs pa'i byang chub mngon par rdzogs par 'tshang rgya'o/ / bkod pa mtha' yas gzungs kyi sgo gang zhig ngas da ltar khyed la rnam par rig par byar med pa de ni/ de'i tshe byang chub sems dpa' rnams kyis rang gis rig par bya ba yin no// de'i tshe byang chub sems dpa'i gzungs kyi sgo ni sgo mtha' yas pa dang / rgyu'i sgo dang / sgo tshad med pa dang / sgo dpe med pa yin/ sgo de ni bstan du med pa yin/ sgo de ni 'jig rten thams cad las mngon par 'phags pa yin/ sgo de ni lha dang bcas pa dang / bdud dang bcas pa dang / dge sbyong dang bram zer bcas pa'i skye dgu'i 'jig rten dang thun mong du ma gyur pa yin/ sgo de ni chos kyi mchog tu gyur cing / thams cad mkhyen pa'i ye shes rnam par dag par byed pa yin no/ / byang chub sems dpa' ni sgo des rang gi ye shes rnam par sbyong bar byed de/ rang byung gi ye shes thob nas chos kyi 'khor lo skor bar byed cing / rim gyis sems can dpag tu med pa dag chos kyi sgo rnam par spang ba dang / mya ngan las 'das pa'i sgo yongs su dag par bya ba'i phyir/ thams cad mkhyen pa'i ye shes kyi sgo nye bar len du'ang 'dzud/ chos kyi tshul rgyu du ma dang ldan pa la mkhas pa'ang ston/ phung po shes pa kun 'dzin pa la mkhas pa'ang len du 'dzud/ phung po rnam par dag pa shes pa kun 'dzin pa la mkhas pa'ang brjod/ khams dang /

  200. 101a

    skye mched dang / rten cing 'brel bar 'byung ba shes pa'ang ston/ sems can rnams kyang 'phags pa'i bden pa mngon par sgrub pa'i sgo la 'dzud par byed/ 'phags pa'i bden pa rnam par dag pa kun 'dzin pa la mkhas pa'ang skyed/ byang chub kyi phyogs kyi chos sum cu rtsa bdun gyi tshul la mkhas pa kun 'dzin pa dang rnam par dbye ba'ang skyed/ byang chub kyi phyogs kyi chos rnams shes pa rnam par dag pa'ang yang dag par ston/ zhi gnas dang lhag mthong shes pa kun 'dzin pa la mkhas pa'ang brjod/ zhi gnas dang lhag mthong shes pa rnam par dag pa'ang kun tu ston/ ting nge 'dzin dang snyoms par 'jug pa shes pa la mkhas pa kun 'dzin pa'ang skye dang / bsam gtan dang / ting nge 'dzin dang / snyoms par 'jug pa rnam par dag pa kun 'dzin pa la mkhas pa'ang brjod/ rmongs pa dang bral zhing rmongs pa med pa kun 'dzin pa la mkhas pa'ang ston/ rmongs pa dang bral zhing rmongs pa med pa shes pa rnam par dag pa kun 'dzin pa la mkhas pa'ang ston/ zad pa dang 'dod chags dang bral ba dang mi skye ba shes pa kun 'dzin pa la mkhas pa'ang ston/ zad pa dang 'dod chags dang bral ba dang mi skye ba shes pa rnam par dag pa'ang ston/ rig pa dang rnam par grol ba shes pa kun 'dzin pa la mkhas pa'ang ston/ rig pa dang rnam par grol ba shes pa rnam par dag pa kun 'dzin pa la mkhas pa'ang ston/ mya ngan las 'das pa'i sgo rnam

  201. 101b

    par dag pa'ang brjod/ rnam par dag pa tshig thams cad dang bral ba kun 'dzin pa la mkhas pa'ang brjod/ rnam grangs du mas 'dus byas dang 'dus ma byas kyi chos dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa'i chos rnams kyi sgo rnam par dag pa'ang brjod/ chos bla na med pa rnam par nges pa dang / sems can rnams kyi shes pa rnam par dag pa la mkhas pa kun 'dzin pa'i rgyu'ang yang dag par rab tu ston to/ / bkod pa mtha' yas de bzhin gshegs pa ni thams cad mkhyen pa'i ye shes kyi gzungs la mkhas pa'i stobs bskyed pa'i phyir/ sems can rnams la ji ltar ston pa bzhin de 'dra ba'i spyod pa kun tu ston cing / blo'i tshul ji lta ba bzhin du rab tu dbye bar mkhas pa la'ang 'jug par mdzad/ chos kyi gter gyi gzungs bla na med pa'i mthu'ang ston par mdzad/ chos kyi rgyun yang gtong bar mdzad/ chos kyi char yang 'bebs par mdzad/ sems can thams cad kyang chos kyi sbyin pas tshim par mdzad do/ / bkod pa mtha' yas khyed kyis de bzhin gshegs pa'i rjes su bslab par bya zhing / chos zab mo rnam par nges pa 'di la'ang mthun par gnas par bya'i/ mi mthun par ni mi bya'o/ / khyed kyis myur du thams cad mkhyen pa'i ye shes kyi phyag rgya'i gzungs chen po 'di kun tu zung zhig/ gzungs 'di la gnas nas kyang ji ltar ngad ltar byed pa bzhin sems can rnams kyi don

  202. 102a

    gyis shig/ gzungs kyi sgo'i mdo 'di'ang ston cig/ chos rnams kyi rnam par nges pa'ang rnam grangs du mas ston cig/ rab tu ston cig/ bkod pa mtha' yas byang chub kyi sems kyi bsam pa'i tshogs cho ga dang ma bral bas mos pa'i stobs skyed par 'dod par bya'o/ / ji ltar mos pa'i stobs skyed par 'dod par bya zhe na/ byang chub kyi yan lag gi tshogs dang ma bral bar bya'o/ / ji ltar na byang chub sems dpas chos thams cad kyi tshul la mkhas pa la mos par bya zhe na/ chos rnams ni skye ba'ang med/ 'chi 'pho ba'ang med/ 'byung ba'ang med/ 'pho ba'ang med// g.yo ba'ang med/ 'ong ba'ang med/ 'gro ba'ang med de/ chos thams cad rang gi mtshan nyid kyis stong pa yin pas/ stong pa nyid du'ang mngon par zhen par mi bya na/ gzugs la sogs pa'i mtshan ma la mngon par zhen par bya ba lta smos kyang ci dgos te/ mtshan mar 'du shes pa la ni rjes su mthun pa'i bzod pa med do// stong pa nyid la ni mtshan ma mi 'byung ste/ stong pa gang yin pa de la ni mtshan ma rab tu rgyu ba med do/ / de bzhin gshegs pas kyang 'du byed du gtogs pa 'di dag thams cad ni bdag dang / bdag gi dang / srog dang / sems can dang / shed las skyes pa dang / she bu dang / gang zag gis stong ngo nas gsungs te/ stong pa nyid la ni kun tu chags pa'ang med/ chags pa dang bral ba'ang med do// stong pa nyid la ni sdang ba'ang med sdang ba dang bral ba

  203. 102b

    med do/ / stong pa nyid la ni rmongs pa'ang med/ rmongs pa dang bral ba'ang med do// stong pa nyid la ni rjes su chags pa'ang med/ rjes su chags pa dang bral ba'ang med de/ stong pa nyid ni stong/ pa nyid la'ang mi gnas/ kun tu mi gnas/ rab tu mi gnas so// stong pa gang yin pa de ni 'dod chags dang bral ba yin/ de ni 'gog pa dang zhi ba yin te/ de la ni rtog pa'ang med/ kun tu rtog pa'ang med/ rnam par rtog pa'ang med/ yongs su rtog pa'ang med la/ rtsol ba med cing / nyon mongs pa med pa yin te/ de'i ngo bo nyid kyi rang bzhin ni len pa med cing rnam par dag pa yin no/ / chos dge ba dang / mi dge ba dang / 'dus byas dang / 'dus ma byas dang / 'jig rten pa dang / 'jig rten las 'das pa thams cad kyi rang bzhin ni stong pa nyid yin te/ de ltar mos pa mngon du byed pa de ni rnam par grol ba 'dren par 'gyur ro// rnam par grol na rnam par grol ba'i ye shes rtogs par yang 'gyur/ rnam par grol ba yongs su dag pa dri ma med pa la gnas shing / byang chub kyi yan lag gi tshogs kyang yang dag par 'grub par 'gyur ro// de la byang chub kyi yan lag gi tshogs gang zhe na/ tshul khrims rnam par dag pa dang / shes rab rnam par dag pa dang / ting nge 'dzin rnam par dag pa dang / rnam par grol ba rnam par dag pa dang / rnam par grol ba'i ye shes mthong ba rnam par dag pa dang / sbyin pa'i pha rol tu phyin pa

  204. 103a

    rnam par dag pa dang / tshul khrims kyi pha rol tu phyin pa rnam par dag pa dang / bzod pa'i pha rol tu phyin pa rnam par dag pa dang / brtson 'grus kyi pha rol tu phyin pa rnam par dag pa dang / bsam gtan gyi pha rol tu phyin pa rnam par dag pa dang / shes rab kyi pha rol tu phyin pa rnam par dag pa yin no// gang rnam dag pa de ni yongs su dag pa yin no// gang yongs su dag pa de ni sgo dri ma med pa nyid yin te/ sems ni rang bzhin gyis 'od gsal ba/ rtag tu nyon mongs pa can ma yin pa'o// nye ba'i nyon mongs pa gsum ni glo bur ba/ yang dag pa ma yin pa// gsob gsog ste yod pa ma yin no// sems ni kun nas nyon mongs pa dang 'dre ba'ang ma yin/ rnam par byang ba dang 'dre ba'ang ma yin no// de ci'i phyir zhe na/ sems de ni gnyis su med de gnyis// su byar med do// de'i rang bzhin gang yin pa de ni rnam par dag pa'o// gang gis de ltar shes pa de ni nyon mongs pas kun nas nyon mongs par mi 'gyur ro// sems ni nang dang / phyi rol dang // gnyis ka'i bar du'ang kun nas nyon mongs par mi 'gyur la dmigs su med de/ dmigs pa dang / rgyu dang / rkyen tshogs nas sems skye ba ni ma gtogs so// 'di las skye ba'ang yang dag par mi snang ste/ phyogs bcur yang sems kyis sems mi shes so// sems kyis sems mi mthong ngo // sems dang dmigs pa 'dre ba'ang ma yin la/ dmigs pa'ang sems dang 'dre ba ma yin no//

  205. 103b

    sems ni rgyu dang rkyen rnams dang kun tu sbyor ba ma yin la/ rgyu dang rkyen rnams kyang sems dang kun tu sbyor ba ma yin no// chos thams cad ni sems tsam ste/ sems dang mtshungs par ldan pa yin no/ / chos gang dag sems dang mtshungs par ldan pa de dag kyang phan tshun mi shes mi mthong na/ gang dag sems dang mtshungs par mi ldan pa de dag smos kyang ci dgos/ don dam par ni sems de gang dang mtshungs par ldan pa'ang med/ mtshungs par mi ldan pa'ang med do// de ci'i phyir zhe na/ chos 'ga' yang chos gang dang yang ldan pa 'am/ mi ldan pa med de/ chos thams cad ni ngo bo nyid kyis rab tu zhi ba yin no/ / ngo bo nyid ni ldan pa'ang ma yin/ mi ldan pa'ang ma yin no// chos rnams kyi ngo bo nyid gang yin pa de ni rang bzhin yin no// rang bzhin gang yin pa de la ni ngo bo nyid med do/ / 'on kyang bshad pa ston pas 'di skad du/ chos thams cad ni ngo bo nyid dang rang bzhin du gyur pa'o zhes tha snyad 'dogs te/ chos rnams la ni ngo bo nyid dang rang bzhin med do/ / chos rnams kyi rang bzhin ni ngo bo nyid med cing stong pa yin no// gang ngo bo nyid med cing stong pa de ni mtshan nyid gcig pa ste/ de ni mtshan nyid med pas mtshan nyid rnam par dag par gyur pa yin pas/ mtshan nyid kyis ngo bo med pa 'am/ stong par gdags par bya ba ma yin no// mtshan nyid kyis ngo bo nyid med pa 'am/ stong par gdags par bya ba ma yin pa ji lta ba de

  206. 104a

    bzhin du chos thams cad kyang mtshan nyid kyis gdags pa bya ba ma yin no/ / ngo bo nyid med pa 'am/ stong pa nyid la ni kun nas nyon mongs pa 'am/ rnam par byang bar 'gyur ba med do/ / chos rnams kyi rang bzhin ni de lta bu yin te/ chos rnams kyi rang bzhin gang yin pa de ni kun nas nyon mongs pa 'am/ rnam par byang bar mi gnas/ kun tu mi gnas/ rab tu mi gnas so// bkod pa mtha' yas chos thams cad mi gnas/ kun tu mi gnas/ rab tu mi gnas na/ sems can dag ji ltar kun tu rmongs par 'gyur/ de la kun tu rmongs pa yod pa ma yin na/ kye ma 'jig rten gnas pa ni yang dag pa ma yin pa'i kun tu rmongs pas kun tu rmongs par gyur pa la ltos/ kye ma 'jig rten gnas pa 'di ni kun tu rmongs pa'i 'khor lo yang dag pa ma yin pa la zhugs kyang / gang du'ang zhugs pa med la/ zhugs pa med bzhin du nam mkha'i 'ching bas bcings pa'o// kye ma sems can 'di dag ni nam mkha'i 'khor lo la kun tu zhugs kyang / nam mkha' la ni 'khor lor gdags pa'ang med do// kun tu rmongs pa chen pos kun tu rmongs par gyur kyang / 'di la ma rig pa'ang med/ kun tu rmongs pa'ang med do// bkod pa mtha' yas sems can rnams ma rig pa'i ling tog des chos 'di dag rab tu mi shes/ mi rtogs shing rtsod pa la kun tu 'jug pa la ltos/ bkod pa mtha' yas gang su dag

  207. 104b

    rtsod pa la kun tu zhugs pa de dag ni zhugs pa med de/ 'di ltar de dag kun tu rmongs pas mi shes shing ma mthong bar zad do// gang dag kun tu ma zhugs pa de dag ni rnam par dag par yang mi 'gyur la/ dge ba'i rtsa ba rnam par dag pa la zhugs pa'ang ma yin te/ de'i phyir de dag kun tu ma zhugs pa yin no// bkod pa mtha' yas de bzhin gshegs pas dgongs pa bstan pa'i rnam grangs ni/ khyed lta bu yun ring po nas dge ba'i chos rnam par dben pa la spyod spyod pa rnams ma gtogs pa/ gzhan gyis rgyas par kun shes pa ma yin no// de bzhin gshegs pas gang dag kun tu zhugs pa de dag ni rnam par dag par mi 'gyur ro zhes gsungs pa gang la kun tu zhugs pa yin zhe na/ mi dge ba la kun tu zhugs pa yin no// gang la mi dge ba yod pa de ni yod pa ma yin no// gang yod pa ma yin pa de la ni kun tu zhugs pa'am/ kun tu ma zhugs pa'i rnam grangs su 'gyur ba med do// gang dag dge ba la kun tu zhugs pa de dag ni rnam grangs su gtogs pa ma yin no// gang dag rnam grangs su ma gtogs pa de dag gis ni bstan pa kha na ma tho ba med pa 'di kun shes par 'gyur yang / de dag rnam par dag par ni mi 'gyur te/ de ni gnas med do// bam po gsum pa/ sems can byis pa so so'i skye bo blo gros ngan pa/ nyon mongs pa chen po la kun tu zhugs pa rnams kyi shes rab kyis ni chos bstan pa 'di'i rjes su mthun pa cung

  208. 105a

    zad kyang mi shes na/ rab tu mthun pa lta smos kyang ci dgos/ rnam grangs mang po bstan pa lta smos kyang ci dgos/ gang kun tu zhugs pa de ni rnam par dag pa'i chos can/ no zhes bya ba gang la kun tu zhugs pa yin zhe na/ dge ba la kun tu zhugs pa dang / nges par 'byung ba'i khams la kun tu zhugs pa yin te/ nges par 'byung ba la ni khams kyang med khams su gdags pa'ang med do/ / gang dag mya ngan las 'das pa'i khams la kun tu zhugs pa zhes rnam grangs su brjod pa de'ang / mya ngan las 'das pa'ang cung zad kyang med la/ mya ngan/ las 'das pa la zhugs pa'ang 'ga' yang med do// gal te 'ga' zhig gis mya ngan las 'das pa rjes su thob par gyur na ni/ de bzhin gshegs pa nongs phan chad med par yang 'gyur ba zhig/ na/ mya ngan las 'das pa ni sus kyang thob par mi 'gyur ro// ngas sems can chos zab mo la spyad pa ma spyad pa rnams kun tu rmod par gyur na mi rung zhes/ de bzhin gshegs pa nongs phan chad yod do/ / de bzhin gshegs pa nongs phan chad med do zhes rnam grangs kyis bstan par bya ba ma yin no zhes gsungs so// gal te de bzhin gshegs pa gzugs can du gyur na'ang / de bzhin gshegs/ pa nongs phan chad med par 'gyur la/ gal te de bzhin gshegs pa gzugs can ma yin par 'gyur na'ang / de bzhin gshegs pa nongs phan chad med par 'gyur bas/ de ni gnyis kar yod pa

  209. 105b

    'ang ma yin/ med pa'ang ma yin no// chos gang zhig skye ba med cing 'gag pa med pa de ni shi ban chad yod pa 'am/ med pa zhes bya bar mi 'gyur ro// de bzhin gshegs pa'ang skye ba'ang med/ 'gag pa'ang med pas/ de'ang nod phan chad yod do zhe'am/ med do zhes bya bar mi 'gyur ro// de bzhin gshegs pas yod do zhes bya ba dang / med do zhes bya ba ni mtha' med pa'o/ zhes gsungs te/ gang la mtha' med pa de la ni dbus kyang med do// gang la dbus med pa de ni yod pa'ang ma yin/ med pa'ang ma yin no// gal te yod pa dang med pa yang dag pa yin par gyur na ni/ rten cing 'brel par 'byung ba dang 'gal bar yang mi 'gyur ba zhig na/ 'di ltar rten cing 'brel par 'byung ba ni 'gag pa med pas/ de la yod pa dang med pa mi 'gal ba mi rung ngo // gang zhig rten cing 'brel par 'byung ba de la ni/ mtha' dang dbus cung zad kyang med do// bkod pa mtha' yas gang yod pa'ang ma yin/ med pa'ang ma yin pa de la chos thams cad ces ji ltar tha snyad gdags/ yod pa'ang ma yin te/ med pa'ang ma yin pa de dag ni ji ltar yang tha snyad gdags par mi 'gyur ro// bkod pa mtha' yas de la de bzhin gshegs pa ni thabs mkhas pa chen po la gnas sems can rnams kyi ma rig pa'i sgo nga'i sbubs bcag pa'i phyir/ chos thams cad ni rten cing 'brel par 'byung ba'o zhes chos rnams kyi rang bzhin dang mi 'gal bar rjod par mdzad/ ston par

  210. 106a

    mdzad de/ gang zhig rten cing 'brel par 'byung ba'i khongs su gtogs par byas pa de la ni mtha' dang dbus su tha snyad gdags par bya ba ma yin no// gang tha snyad gdags su med pa de la ni cung zad kyang thob pa med do/ / bkod pa mtha' yas thabs shes pa la mkhas pa dang / chos rnams kun 'dzin pa'i blo la mkhas pas/ dbu ma'i lam chos rnams kyi mtha' dang bral bar tha snyad 'dogs kyang / chos rnams kun 'dzin par byed pa'ang mi dmigs la/ mi dmigs par 'dogs pa'ang med pa la ltos/ 'di la khyod kyis ji ltar 'gro ba med pa dang 'ong ba med pa de ltar rtogs par bya/ khong du chud par bya ste/ chos 'di dag la snying por gyur pa'i skal ba chad pa'ang 'ga' yang mi ston to// chos rnams la ni skal ba chad pa med de/ chos rnams kyi skal ba ni ma chad/ kun tu ma chad par 'gyur ro// chos thams cad ni skal ba mi mnyam pa med pa/ gcig pa nyid ma yin pa/ tha dad pa nyid ma yin pa/ dam pa'i pha rol tu phyin pa yin yang / chos thams cad ni chos gang gi pha rol tu phyin pa'ang med par mya ngan las 'das par gyur pas/ de'i phyir de dag ni brjod par bya ba ma yin te/ dbu ma yang dag par bstan pa'i phyir/ kun rdzob tu ston par 'gyur ba ni ma gtogs so// dbu ma'i lam gang yin pa de ni/ mya ngan las 'das par 'gro ba'i lam yin te/ mya ngan las 'das pa ni gang du'ang 'gro ba

  211. 106b

    med do/ / de la 'gro ba dang 'ong bar 'gyur ba cung zad kyang med pas/ de'i phyir chos thams cad ni mya ngan las 'das pa dang mnyam pa'o zhes bstan te/ chos rnams kyi mnyam pa nyid rab tu brjod pa yin no/ / bkod pa mtha' yas dbu ma'i lam 'di ni sgrub pa'ang ma yin/ mi sgrub pa'ang ma yin pas/ nye bar len pa med pa'i phyir mtha' dang bral ba yin te/ gang la mtha' med pa de la dbus lta ga la yod/ mtha' ni gnas med pa yin yang / byis pa so so'i skye bo rnams kyis mtha' gnas med pa nyid du kun tu mi shes te/ de'i phyir de dag gnas med pa yang dag pa ma yin pa la kun tu chags pas yongs su ma grol ba yin no/ / bkod pa mtha' yas thabs la mkhas pa chen po la rnam par nges pa'i blos/ dbu ma'i lam gnas pa med cing rten pa med pa de ji ltar ston pa la ltos bkod pa mtha' yas de bzhin gshegs pa rnams ni chos ston pa dag la the tsom mi mnga'/ bsnyel ba mi mnga' bo// sangs rgyas bcom ldan 'das rnams ni rtag tu mnyam par gzhag pa ste/ ting nge 'dzin la mnga' brnyes pas rtag tu rnam par gzigs pa/ rtag tu legs par mnyam par gzhag pas kun tu rtog pa mi mnga' zhing / ye shes dpag tu med pa mthong ba la rab tu gnas pa yin no// sa rgyas bcom ldan 'das rnams ni mi gnas/ rnam par mi gnas pa'i tshul gyis shin tu yongs su dag pa'i chos ston par mdzad pa yin no// sangs rgyas bcom ldan 'das rnams ni rab tu rnam par dag

  212. 107a

    pa'i chos ston pa dang / nye bar zhi ba'i chos ston par mdzad pa yin no// sangs rgyas bcom ldan 'das rnams kyi chos ston pa 'byung ba la ni lus pa cung zad kyang med do// bkod pa/ mtha' yas 'di lta ste/ dper na rgya mtsho chen po'i nang na nor bu rin po che sna tshogs pa zhes bya ba yod pas/ chu'i tshogs chen po bskams na/ chu'i phung po de la 'phel bar mi 'gyur bas/ rgya mtsho chen po mi ldud do zhes bya la/ der 'bab pa'i chu thams cad kyang yongs su gtugs par 'gyur bas/ de'i me'i phung po chen po lta bu yin no// de bzhin du de bzhin gshegs pa'ang bla na med pa yang dag par rdzogs pa'i byang chub mngon par rdzogs par sangs rgyas nas/ shes rab kyi snang ba chen po dpag tu med pas/ sems can rnams kyi nyon mongs pa sreg par mdzad/ skems par mdzad do// bkod pa mtha' yas de bzhin gshegs pa'i gsung nyin mtshan du brjod pa de dag thams cad ni rim gyis nyon mongs pa rnams nges par sreg par 'gyur bas/ gsung gi 'phrin las don yod pa yin no// sang rgyas rnams la phyag 'tshal lo zhes brjod pa de'ang sgron ma chen po yin te/ nyon mongs pa rnams nges par sreg par 'gyur ba yin no// gang dag gis de bzhin gshegs pa rnams kyi mtshan thos pa de'ang ngo ngag gi mya ngan las 'da' ba'i rgyu chen por 'gyur ro/ / bkod pa mtha' yas 'di lta bu ni sems can de bzhin gshegs pa'i phyir zhugs pa rnams kyi nyon mongs pa zhi bar bya ba'i phyir/ de bzhin gshegs pa

  213. 107b

    chos kyi char 'bebs pa yin no/ / bkod pa mtha' yas de bzhin gshegs pa rnams kyi mtshan rjod pa'ang mun pa dang bral bar 'gyur la/ de bzhin gshegs pa rnams kyi mtshan thos pa'ang mun pa dang bral bar 'gyur ro/ / 'di ltar de bzhin gshegs pas chos bstan pa ni yang dag pa ji lta ba de kho na bzhin te/ gzhan du 'gyur ba'ang med/ phyin ci log kyang ma yin mod kyi/ yang dag pa la ni bshad pa dang / rab tu bshad pa cung zad kyang med do// chos rnams la'ang yang dag pa 'am/ yang dag pa ma yin pa cung zad kyang med do// bkod pa mtha' yas de bzhin gshegs pa ni yang dag par gsung ba ste/ yang dag pa la gnas nas gzungs kyi sgo rim par phye ba ston pa'i chos kyi rnam grangs 'di ston par mdzad do// bkod pa mtha' yas gang dag gis 'di kun shes par mi 'gyur zhe na/ byang chub sems dpa' bden pa mthong ba/ lta ba phun sum tshogs pa/ chos zab mo la yongs su sbyang ba byas pa la ma gtogs pa rnams kyis kun shes par mi 'gyur ro// bkod pa mtha' yas don gyi tshul 'di khong du chud par bya ste/ chos 'di la bdag nyid kyi dran pas mngon sum du gtad par bya'i/ gang la'ang dad pas ni 'gro bar mi bya'o// byang chub sems dpas ni gzhan la rag ma las pa'i ye shes 'dod par bya zhing / sems can thams cad la phan pa dang bde bar bya ba'i phyir chos 'di la rjes su mthun pa'i bzod pa bskyed par bya ste/ gang dag de la rjes su mthun pa'i bzod pa skyed par 'gyur ba de dag

  214. 108a

    ni mi mthun par gnas par mi 'gyur ro/ / bkod pa mtha' yas byis pa so so'i skye bo thos pa dang mi ldan pa/ mi mthun par gnas pa ni chos 'dul ba 'di kun shes par mi 'gyur ro/ / gzhan yang chos kyi tshul 'di ni gang dag lta ba gzhan spyod yul ba/ lam gzhan la zhugs pa/ lam log pa dang ldan pa/ dge ba ma sprad pa/ spyod yul gzhan sten pa de dag gi rna lam du grag pa'i go skabs med do/ / bkod pa mtha' yas chos kyi gter chos kyi snang ba sgrib pa med pa 'di bshad na/ byis pa thos pa dang mi ldan pa rnams ma rabs kyi sems ma 'dul ba/ yang dag par ma bsdams pa rnams ring du spong bar 'gyur ba la ltos/ byis pa so so'i skye bo lus rab tu ma bsgoms pa/ chos 'dul ba 'di las ring du gyur pa de dag thams cad la chos 'di lta bu la rjes su mthun pa'i bzod pa skye ba'ang med na/ zag pa med pa'i bzod pa thabs dang ldan pa skye bar 'gyur ba lta smos kyang ci dgos/ bkod pa mtha' yas 'khor 'di'i nang du chos bstan pa 'di 'jug pa ni/ gang du'ang chags pa med cing / nyam pa med pa dang / don yod pa yin no// de ci'i phyir zhe na/ 'di dag thams cad ni sgrib pa med pa'i sa la gnas pa yin no// bkod pa mtha' yas de bzhin gshegs pa ni sgrib pa med pa'i chos ston pa la mkhas pa rnam par dag par bya ba dang / sems can thams cad thugs brtse ba'i phyir/ de dag gi dge ba'i rtsa ba dang / de bzhin gshegs pa'i byin gyi rlabs

  215. 108b

    kyis gzungs kyi sgo mang 'ding ston par mdzad do/ / bkod pa mtha' yas gang la la zhig dam pa'i chos bstan pa 'di la 'jug par 'gyur ba de ni yang dag par 'jug pa yin par rig par bya ste/ ni byang chub sems dpa'i sa la gnas shing ring po mi thogs par len pa med pa'i bzod pa'ang 'thob par 'gyur/ ring po mi thogs par lung bstan pa'ang thob par 'gyur ro// bkod pa mtha' yas chos zab mo'i 'dul ba 'di la mos par gyis shig/ bkod pa mtha' yas 'di ni lta ba mi dmigs pa rnams kyi sa yin pas dmigs su med pa'i sa'o// 'di ni mi dmigs pa'i bzod pa dang ldan pa rnams kyis yin no/ / 'di ni sngon gyi rgyal ba la lhag par bya ba byas pa/ yun ring po nas sems rab tu sbyangs pa/ lus legs par bsdams pa/ ngag legs par bsrungs pa/ yid legs par dul ba/ rnam par shes pa mnyam pa nyid du rjes su dran pa/ sems mi dmigs pa la gnas pa rnams kyi yul yin te/ de dag ni chos 'di lta bu blang ba'i phyir/ lus dang srog kyang yongs su btang nas/ mdo 'di la 'jug par 'gyur ro// de la phyi ma'i dus na sems can gang dag tha na chos 'di lta bu mnyan pa'i phyir brtson par 'gyur ba de dag kyang dkon na/ yi ger 'dri ba dang / klog pa dang / 'chang ba dang / kha ton byed pa dang / gzhan dag la rgyas par ston par 'gyur ba lta smos kyang ci dgos/ gang dag chos kyi rnam grangs 'di 'phel bar byed cing / gzhan la ston pa de dag

  216. 109a

    ring po mi thogs par gzungs kyi sgo'i chos 'di rnam par sbyong bar 'gyur zhing / myur du rnam par dag pa'i ye shes thob nas/ thams cad mkhyen pa'i ye shes kyi lam gyi rjes su 'brang bar 'gyur ro/ / bkod pa mtha' yas de bzhin gshegs pa ni sems can rnams kyis thams cad mkhyen pa'i ye shes thob par bya ba'i phyir/ chos kyi gter 'di yang dag par rab tu ston to// 'di las gang mi ston pa de cung zad kyang med de/ nyon mongs pa med par bya ba'i phyir chos ston cing rnam par dag bskyed par yang mdzad/ chos kyi sgo yongs su dag par rab tu ston par yang mdzad do// chos thams cad ni nam mkha' lta bu'o zhes bya ba/ ji ltar chos thams cad nam mkha' lta bu yin zhe na/ nam mkha' dang mnyam pa ste/ nam mkha' yang gang dang yang mnyam pa'ang ma yin/ mi mnyam pa'ang ma yin no/ / ji ltar na nam mkha' mnyam pa'ang ma yin/ mi mnyam pa'ang ma yin pa de bzhin du/ chos thams cad kyang mnyam pa'ang ma yin/ mi mnyam pa'ang ma yin no// ji ltar nam mkha' gang du'ang ma gtogs pa de bzhin du/ chos thams cad kyang gang du'ang ma gtogs so// chos rnams la mtha' mi dmigs te/ mtha' dmigs su med pa la mtha' yod pa ma yin no// mtha' yod pa ma yin pa la mthar gdags pa'ang med do// gang dag 'di lta bu la gnas pa de dag ni de bzhin gshegs pa'i tshul la gnas pa ste/ de dag ni brjod du med pa yin no// gang dag brjod

  217. 109b

    du med pa de dag ni gdags pa mnyam pa nyid du rtogs par bya'o/ / de'i phyir de dag kun tu mi spyod cing / mtha'i rjes su 'brang bar mi 'gyur te/ mtha' la mi rten pa rnams ni dbu ma dang yang phrad par 'gyur/ mtha' dang dbus kyi phung po thams cad kyang so sor spong bar 'gyur ro// de so sor spong zhes bya ba ni 'gro bar gdags pa med pa ste/ 'di lta bu ni ye shes rnam par dag pa thob par byed pa yin/ no// gang zhig chos skyed par mi byed pa de ni so sor 'brang bar mi 'gyur te/ chos thams cad ni nye bar 'gro ba med cing / 'jig pa med pa yin no// de ci'i phyir zhe na/ 'di ltar chos thams cad ni bdag gi ngo bo nyid kyi rang bzhin med pa'i phyir/ bdag med cing / bdag mi dmigs pa yin no// bkod pa mtha' yas de bzhin gshegs pa ni ji ltar 'dus byas thams cad mi rtag par ston pa de bzhin du rnam par 'gyur ba'i don ston par mdzad do/ / de bzhin gshegs pa ni ji ltar sdug bsngal gyi don ston pa de bzhin du 'gog pa'i don dang / 'dod chags dang bral ba'i don ston par mdzad do// de bzhin gshegs pa ni ji ltar mya ngan las 'das pa ni zhi ba'o zhes ston pa de bzhin du phung po thams cad nges par spong ba'i don ston par mdzad de/ mi rtag pa dang / sdug bsngal ba dang / bdag med pa dang / mya ngan las 'das pa'i sgo nas chos kyi sgo yongs su dag pa ston to// bkod pa mtha' yas de bzhin gshegs pa rnams kyi bstan pa mngon par sgrub pa 'di ni chos rnams kyi ngo bo nyid kyi rang

  218. 110a

    bzhin rjod par byed pa yin te/ de bzhin gshegs pas chos 'di dag rnam grangs du ma dang / sgo du ma dang / bstan pa mngon par sgrub pa du mas bstan te/ tha snyad du brjod kyang de bzhin gshegs pa chos rnams tha dad pa nyid dam/ gcig pa nyid du 'dogs par ni mi mdzad do// chos thams cad ni gnyis su med pa ste/ gcig pa'ang ma yin/ tha dad pa'ang ma yin gyi/ bstan du med pa'i khongs su 'dus pa yin no// chos thams cad ni mtshan ma dang mtshan ma med pa'i phyir/ nam mkha'i ngo bo nyid kyi tshul can yin no// bkod pa mtha' yas gzungs kyi sgo ngo bo nyid kyi yongs su dag pa'i rang bzhin 'di ni/ byang chub sems dpa' rnams kyi 'dul bar 'gyur ba yin no// ci zhig 'dul bar 'gyur zhe na/ 'dod chags dang zhe sdang 'dul bar 'gyur ro// ma rig pa 'dul bar 'gyur ro/ / 'di ltar 'dod chags dang / zhe sdang dang / gti mug gdul bar bya ba ni yod pa ma yin zhing shin tu mi dmigs so// gang mi dmigs pa de ni 'dod chags dang / zhe sdang dang / gti mug kyang ma yin te/ tshul bzhin du btsal na rnyed par mi 'gyur ro// 'dod chags dang / zhe sdang dang / gti mug ni yod pa ma yin pas/ gsob slu ba'i chos can/ byis pa 'drid pa/ slu bar nye bar gnas pa yin te/ 'di ltar 'dod chags dang / zhe sdang dang / gti mug de dag gang las skye ba'i gzhi med cing mi rnyed pas/ de nyid du 'bral bar 'gyur ro// de

  219. 110b

    dag 'bral ba'ang yang blta bar bya'o/ / ji ltar blta bar bya zhe na/ ji ltar ma skyes pa de ltar blta ste/ 'di ltar 'dod chags dang / zhe sdang dang / gti mug de dag ni yang dag pa ma yin pa las phyin ci log tu gyur pa'i phyir/ gang las skyes pa dang / gang gis skyes pa de thams cad gsob ste/ slu ba'i chos can yin no// 'dod chags dang / zhe sdang dang / gti mug rnams ni rang bzhin gyis yod pa ma yin te/ 'di ltar ma rig pa'i mun pas mi shes pa dang / mngon par ma rtogs pa ni de dag gi sngon du 'gro ba yin no// gang dag gis de ltar mthong ba de dag la ni sgo yongs su dag pa bsam gyis mi khyab pa'ang skye bar 'gyur/ gzungs kyang thob par 'gyur te/ rnam par shes pa mnyam pa nyid du yongs su shes pa 'di ni shes rab kyi las yin/ 'di ni gzungs thob pa'i las yin/ 'di ni byang chub kyi yan lag gi tshogs sbyong bar byed pa/ 'dun pa dang / brtson 'grus dang / bag yod pa'i sa yin/ 'di ni bag med pa 'dul ba'i sa yin/ 'di ni tshul khrims dang / lta ba dang / cho ga nyams pa med pa yin/ 'di ni lus dang / ngag dang / yid kyi las yongs su dag pa yin/ 'di ni bdag med pa'i ye shes mtshan nyid med pa'i rjes su 'gro ba yin// 'di ni 'du shes spangs pa dang ma bral ba yin/ 'di ni thabs la mkhas pa mtha' yas pas mngon par bsgrubs pa yin no// gang dag chos 'di lta bu la tshul bzhin du rnam par rtog cing sbyor bar byed pa de

  220. 111a

    dag ni chos 'di la sgrub pas nges par 'byung bar 'gyur ro/ / bkod pa mtha' las chos rnams kyi rang bzhin gyi mtshan nyid kyang brjod la/ chos kyi rnam grangs 'di dag kyang ston cing rab tu ston par byed/ chos thams cad nam mkha' dang mnyam pa nyid du ston kyang / ston pa por 'dogs pa'ang med la/ gang bstan pa de'ang mi mngon pa la ltos/ bkod pa mtha' yas bstan pa'i sgo la 'jug pa'i tshig 'di la slob pa'i byang chub sems dpa' ni/ blo rgya mtsho lta bu'i stobs kyis ring du 'gro bar yang 'gyur/ phas kyi rgol ba thams cad kyis mi tshugs par yang 'gyur/ ye shes kyi rnam pa rjes su 'thob par yang 'gyur/ gzhan la rag ma las pa'i ye shes ston pa la mkhas pa'ang rtogs par 'gyur/ don mnyam pa nyid phun sum tshogs pa bsam gyis mi khyab pa la mkha pa'ang rtogs par 'gyur zhing / don la mkhas pa des ming med cing mtshan ma med pa'i chos rnams ston pa rjod par yang byed la/ de ston par byed pa'ang med do// sangs rgyas zhes bya ba dang / thams cad mkhyen pa zhes bya ba dang / rang byung zhes bya ba ston pa'ang nye bar gnas shing ming dang mtshan ma rnam par dag pa'ang 'thob par 'gyur ro// myur du dbyangs kyi rnam pa mang po 'thob par 'gyur te/ yid du 'ong ba'i dbyangs dang / snyan zhing 'jebs pa'i dbyangs dang / dbyangs rnam par dag pa phun sum tshogs pa'ang 'thob par 'gyur ro// tshig btsun par yang 'gyur ro// mngon du 'gro bar bya ba

  221. 111b

    dang / yongs su dri bar bya bar yang 'gyur ro// sems can rnams kyi shes rab rnam par nges pa la mkhas pa sgrub pa'ang shes par 'gyur/ 'dod pa smra ba dang / rigs pa smra ba dang / phan par smra bar yang 'gyur/ phan pa'i tshig dang / legs par smra ba'i tshig dang / don gtan la 'bebs pa'i tshig can durang 'gyur/ don gcig bstan pas don mang po rnam par gtan la 'bebs pa'ang kun shes par 'gyur ro/ / bkod pa mtha' yas byang chub sems dpa' chos 'di la spyod pa rnams sangs rgyas kyi byang chub mngon par 'tshang rgya bar 'gyur ba'i yon tan gyi tshogs ji snyed cig dang ldan pa la ltos/ de ni rjes su 'chags pa dang / khong khro ba dag gis rjes su 'chags pa dang / khong khro ba spangs pa la gnas pa 'phrogs par mi 'gyur zhing / chags par 'gyur ba dang / sdang bar 'gyur ba dang / rmongs par 'gyur ba'i chos dag gis kyang 'phrogs par mi 'gyur ro// yongs su sbyang ba byas par yang 'gyur ro// thabs dang shes rab la mkhas pa dang / tshig rab tu dbye ba shes pa la mkhas par yang 'gyur ro/ / thams cad du legs par bslabs pa'i bzod pa phun sum tshogs par yang 'gyur ro// chos tshad med pa dang ldan zhing bsam pa phun sum tshogs par yang 'gyur ro/ / bzod pa phun sum tshogs pa la gnas shing 'jug pa phun sum tshogs par yang 'gyur ro// gsong por smra ba rnam par dag par yang 'gyur ro// bkod pa mtha' yas byang chub

  222. 112a

    sems dpa' chos 'di la mngon par mi brtson zhing / mi shes la rab tu mi sbyor ba de dag la ni yon tan gyi khyad par 'di dag cung zad kyang med do// bkod pa mtha' yas sems can gang dag chos 'di la mngon par brtson par 'gyur ba de dag ni nyung shin tu nyung ngo / / sems can gang dag phun sum tshogs pa thams cad thob par 'dod cing / smon lam ji lta ba dang / 'jug pa ji lta ba dang / bsam pa ji lta ba yongs su rdzogs par 'gyur ba'ang dkon rab tu dkon no// gang dag chos 'di la bzod pa spyod pa rnam par rtog cing / chos 'di las nges par 'byung ba de dag ni mngon par shes pa dang mi shes pa dang / ye shes chen po dang / 'jig rten thams cad las mngon par 'phags pa'i ye shes dang / rang byung gi ye shes dang / ye shes tshad med cing mtha' yas pa'ang thob par 'gyur ro/ / bkod pa mtha' yas de la gzungs kyi phyag rgya zhes bya ba'i chos rim par phye ba bstan pa'i sgor 'jug pa 'di la byang chub sems dpa' rnams kyis bslab par bya ste/ 'di la slob pa'i byang chub sems dpa' ni byang chub kyi snying po la'ang nye bar 'gyur/ sems can rnams la'ang sangs rgyas kyi mdzad pas nye bar gnas par 'gyur/ sems can thams cad la byams pa chen po mngon par bsgrub pas nye bar gnas par yang 'gyur/ sems can rnams la snying rje chen po mngon par bsgrub par yang 'gyur ro// bkod pa mtha' yas gzungs kyi

  223. 112b

    phyag rgya zhes bya ba'i tshe rim par phye ba bstan pa'i sgor 'jug pa de gang zhe na/ bkod pa mtha' yas 'di la chos thams cad yi ge mngon par bsgrub pa'i phyag rgya zhes bya ba gang du chos thams cad yang dag par 'du ba yin no/ / ji ltar yang dag par 'du zhe na/ chos 'di dag thams cad ni mnyam pa nyid du yang dag par 'du'o// mnyam pa nyid kyis ni mnyam pa nyid yang dag par mi mthong / rab tu mi shes/ nye bar mi dmigs so// chos thams cad kyi ngo bo nyid ji lta ba bzhin rnam par mi rtog na/ 'dir chos thams cad yang dag par 'du bar gyur pas/ 'dus byas dang 'dus ma byas dang bral ba'i sgo nas yang dag par 'du bar 'gyur ba yin no/ / yi ge mngon par sgrub pa bstan pa dang / ngag gis las su brjod pa gang dag gis 'dus byas ston par 'gyur ba de la'ang yi ge mngon par sgrub pa bstan pa gang yin pa dang / ngag gi las su brjod pa gang yin pa 'di gnyis ka'ang chos nyid ji lta ba bzhin rang bzhin gyis mnyam pa nyid yin pas yod pa ma yin no// yod pa ma yin pa la brjod pa'ang yang dag pa nyid du mi 'gyur la/ yi ger gdags pa'ang yang dag pa nyid ma yin no// ngag gi las su brjod pa yang dag pa ma yin no zhes bya ba 'di ni dbyer med pa'i tshig bla dgas yin no/ / lhag pa med do zhes bya ba 'di ni sgro 'dogs pa med pa'i tshig bla dgas yin no// chos kyi tshul 'di ni bstan du med pa yin la/ chos thams cad kyang yang dag pa ma yin/ yang dag pa

  224. 113a

    ma yin pa'ang ma yin no/ / de ci'i phyir zhe na/ 'di ltar chos thams cad ni nye bar zhi ba'i rang bzhin yin no// yi ges bstan pa dang / tshig tu brjod pa dang / mthong ba dang / dmigs pa'i chos de dag ni rang bzhin med pa ste/ 'di ltar chos thams cad ni ma byas pa/ mnyam pa med pa/ mi mnyam pa med pa/ ma zhi ba/ nye bar ma zhi ba/ rab tu ma zhi ba'o// chos rnams ni zhi ba'i mtshan nyid dang / nye bar zhi ba'i mtshan nyid du nye bar mi gnas/ rab tu mi gnas so// chos thams cad ni 'gyur ba med pa yin pas/ de dag gang du'ang rnam par gzhag par mi 'gyur ro// chos rnams ni rnam par mi gnas pa'i phyir gang du'ang bgrang ba ma yin na/ chos su bgrang bar ston pa'i brjod pa gang gis/ bgrang bar 'gyur/ ngag gi las yi ger gdags pa thams cad ni/ yul na mi gnas/ phyogs na mi gnas pa ste/ yi ge dang ngag gi las ni gang nas kyang mi 'ong / gang du'ang mi 'gro la/ chos gang gi mthar gtogs pa'ang ma yin/ dbus su gtogs pa'ang ma yin no// yi ge'i las thams cad ni las med pa/ yi ge med pa/ rtsol ba med pa'o// ngag gi las thams cad kyang yi ge med pa/ rtsol ba med pa'o// yi ge thams cad ni yi ge'i rang bzhin gyis stong pa yin la/ ngag gi las kyang ngag gi las kyi rang bzhin gyis stong pa yin te/

  225. 113b

    bdag gi ngo bo nyid dang / gzhan gyi ngo bo nyid dang / bdag dang gzhan gyi ngo bo nyid kyis kyang stong pa yin no// gang stong pa de ni dben pa yin no// gang dben pa de ni nye bar zhi ba ste/ chos thams cad ni nye bar zhi ba'i sgo can yin no/ / sgo gang dang gang gis chos kyi ming ston pa dang / yi ge ston pa dang / tshig gi las ston par 'gyur ba de dag thams cad ni sgo med pa ste/ yod pa ma yin pa'i phyir sgo rnam par sbyong ba yin no/ / sgo gang dang gang gis chos brjod par 'gyur ba'i sgo de dang der shin tu rnam par dag pa yang dag par 'du bar 'gyur/ 'di ltar chos thams cad 'dod chags dang bral ba'o zhes bya ba 'di gang gi tshig bla dgas yin zhe na/ 'dod chags ni rang bzhin gyis yod pa ma yin te/ rang bzhin gang yin pa de ni shin tu rnam par dag pa yin no// shin tu rnam par dag pa gang yin pa de la ni 'dod chags kyang med/ 'dod chags su gdags pa'ang med de/ chos 'di dag thams cad ni g.yo ba med pa/ rlom pa med pa/ spros pa med pa yin no// 'di ni gzungs kyi sgo rnam par dag pa'i phyag rgya ston pa'i chos rim par phye ba'i sgor 'jug pa yin te/ sgor 'jug pa des byang chub sems dpa' ma rig pa'i mun pa'i rab rib bsal nas/ rig pa dang mthun pa'i chos kyi rigs rjes su dran par 'gyur ro/ / ji ltar rjes su dran zhe na/ chos thams cad la snang ba rnam par dag pa yin te/ des na chos kyi mig gzungs kyi sgo la 'jug pa'ang

  226. 114a

    thob par 'gyur/ chos kyi sgo rim par phye ba yi ge rnam par sgrub pa'ang rtogs par 'gyur/ thams cad mkhyen pa'i ye shes kyi sgo shin tu rnam par dag pa'ang kun 'dzin par 'gyur/ de bzhin gshegs pa rnams dang yang nye bar 'gyur/ mu stegs kyi gnas thams cad kyang chos dang mthun pas tshar gcod nus par 'gyur/ bdud kyi phyogs kyang pham par byed par 'gyur/ sems can rnams la'ang dge ba'i rtsa ba yongs su bsdu ba'i phyir nye bar gnas par 'gyur/ de bzhin gshegs pa rnams kyi chos thams cad mtshams sbyor ba la'ang 'jug par 'gyur/ gzungs kyi sgo 'di lta bu'ang thob par 'gyur zhing / gzungs kyi sgo des de bzhin gshegs pa'i stobs bcu la chos kyi snang ba chen po thob nas/ myur du de bzhin gshegs ba'i stobs sgrub par yang 'gyur ro/ / bkod pa mtha' yas de bzhin gshegs pa'i stobs bskyed pa thob pa ni de bzhin gshegs pa'i stobs bcu po/ stobs chen po 'jig rten thams cad las mngon par 'phags pa'i stobs kyis 'khor gyi nang du seng ge'i sgra sgrog cing / byang chub sems dpa' rnams la gzungs kyi sgo rnam par dag pa rnam par dbye ba'ang ston par mdzad/ rab tu ston par mdzad do/ / de bzhin gshegs pa'i stobs bcu po/ stobs chen po stobs chags pa med cing / tshad med pa gang dag gis ston zhe na/ bkod pa mtha' yas 'di la de bzhin

  227. 114b

    gshegs pa ni thams cad mkhyen pa'i ye shes kyi stobs bskyed pa bla na med pas gnas pa dang gnas ma yin pa yang dag pa ji lta ba bzhin du rab tu mkhyen to/ / 'di ni de bzhin gshegs pa'i stobs dang po yin te/ stobs de bzhin gshegs pa khyu mchog gi gnas rlabs po che zhal gyis 'che zhing / sems can rnams la chos kyang ston/ chos kyi 'khor lo bla na med pa lha dang bcas pa'i 'jig rten na/ 'di las phyi rol du gyur pa'i lha 'am/ mi sus kyang sngon ma bskor ba'ang skor bar mdzad do// gzhan yang de bzhin gshegs pa ni thams cad mkhyen pa'i ye shes rnam par mi rtog la/ ma chags ma thogs pas 'das pa dang / ma 'ongs pa dang / da ltar byung ba'i las dge ba dang / mi dge ba du ma spyad pa dang / las yang dag par len pa'i rgyu'ang yang dag pa ji lta ba bzhin rab tu mkhyen te/ 'di ni gnyis pa yin no// gzhan yang de bzhin gshegs pa ni thams cad mkhyen pa'i ye shes rnam par mi rtog pa/ ma chags ma thogs pas serma/ can thams cad kyi spyod pa rnam pa du ma ma lus pa yang dag pa ji lta ba bzhin rab tu mkhyen te/ 'di ni gsum pa yin no// gzhan yang de bzhin gshegs pa ni thams cad mkhyen pa'i ye shes mthong ba'i stobs bla na med pas sems can thams cad kyi mos pa sna tshogs dang / mos pa du ma dang / kun tu rtog pa dang / rnam par rtog pa spyad pa yang dag pa ji lta ba bzhin rab tu

  228. 115a

    mkhyen te/ 'di ni bzhi pa yin no// gzhan yang de bzhin gshegs pa ni 'jig rten gnas pa 'di'i khams du ma dang / khams sna tshogs dang / skye mched du ma/ dang / skye mched sna tshogs yang dag pa ji lta ba bzhin du rab tu mkhyen te/ 'di ni lnga pa yin no// gzhan yang de bzhin gshegs pa ni rgyu rkyen shes pa mthong bar 'gro ba'i lam yang dag pa ji lta ba bzhin rab tu mkhyen te/ 'di ni drug pa yin no// gzhan yang de bzhin gshegs pa ni lha'i spyan gyis sgrib pa med pa'i ye shes gzigs shing / thams cad mkhyen pa'i ye shes kyi stobs bskyed pa bla na med pas sems can rnams kyi 'chi 'pho dang skye ba yang dag pa ji lta ba bzhin rab tu mkhyen te/ 'di ni bdun pa yin no// gzhan yang de bzhin gshegs pa ni bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba yang dag pa ji lta ba bzhin rab tu mkhyen te/ 'di ni brgyad pa yin no// gzhan yang de bzhin gshegs pa ni sngon gyi gnas rjes su dran pa mngon du bya ba yang dag pa ji lta ba bzhin rab tu mkhyen te/ 'di ni dgu pa yin no// gzhan yang de bzhin gshegs pa ni zag pa zad pa mkhyen pa mngon du bya ba yang dag pa ji lta ba bzhin du rab tu mkhyen te/ 'di ni bcu pa yin no// bkod pa mtha' yas de bzhin gshegs pa

  229. 115b

    ni thams cad mkhyen pa'i stobs tshad med cing bla na med pa 'di dag dang ldan pa yin no/ / bkod pa mtha' yas chos kyi gter 'di ni sems can thams cad kyis sangs rgyas kyi ye shes skyed pa dang / chos shes pa rnam par dag par bya ba'i phyir/ byang chub sems dpa' rnams la rab tu bstan pa yin no// bkod pa mtha' yas de bzhin gshegs pa'i ye shes bstan pa ji tsam du zab pa dang / ji tsam du rtogs dka' ba la ltos/ chos gang de bzhin gshegs pa zhes bya ba dang / de bzhin gshegs pa'i stobs ston par byed pa de ni thams cad mkhyen pa'i ye shes kyi stobs rnam par sbyong ba ste/ de bzhin gshegs pa'i chos ni dmigs su med cing gdags su med do// bkod pa mtha' yas stobs zhes bya ba ni brdzi ba med pa'i chos can yin no/ / 'di ni chos kyi sgo bla na med pa dang / de bzhin gshegs pa'i chos kyi sgo yin te/ thams cad mkhyen pa'i sgo de la gnas nas chos kyi tshul 'di brjod par byed cing / chos thams cad stobs skyed pa med pa dang / yang dag par 'phags pa med pa dang / ngo bo nyid med pa dang / ngo bo nyid dang bral ba'i chos kyi tshul 'di dpag tu med cing mtha' yas par ston pas/ de bzhin gshegs pa'i stobs bcu yongs su rdzogs par byed do// bkod pa mtha' yas de bzhin gshegs pa ni stobs mtha' yas pa dang ldan zhing / chos

  230. 116a

    kyi sgo mtha' yas pa la mkhas pa brnyes pa yin no/ / bkod pa mtha' las 'di ni de bzhin gshegs pa'i chos kyi sgo mtha' yas pa yin te/ chos kyi sgo gnas nas de bzhin gshegs pa'i stobs bcu' rjod par mdzad/ de bzhin gshegs pa'i stobs rnam par dag pa dang / yongs su dag pa'ang ston par mdzad do// bkod pa mtha' yas gzhan yang byang chub sems dpa' rnams kyi sgo rnam par dag par bya ba'i phyir/ gzungs kyi sgo'i phyag rgya ston pa'i chos brjod par byas nyon cig/ phra mo ca ni/ bi pra mun tsata/ a tsa le/ a byA tha ni/ pra b+hA nu ga te/ te dze/ ma hA te dze/ a prad+b+ha ba ra Ni/ a nu ba ra Nau/ a ba ra Na/ bai sho d+ha ni/ bi d+hA na pra bi sha ni/ d+hur/ a ni kr-i ba ni/ bal gu/ bal gu swa rI/ swa ra bi sho d+ha ni/ mud tre/ mur+d+ha rbi sha~M d+ha ni/ pa ri bi re/ sa man tA pa ri bA re/ ag+na nu ma ti/ ar thaswAd+ha ni/ sang gra ma ts+tshed no// re/ shwA b+h+r-iH/ a ha raNi/ A ba na ma ti/ ni rig ni/ sa man ta pa ri phul lcag te/ tArA n+ya ga te/ a nI bi sha ni/ a sa na ni bi shani/ d+hA ra nI/ ga N+Di no dz+nyAn pa ri sho d+ha ni/ a nud d+ha ra bi ba sa ni/ b+had tre/ b+had tra ba taM/ mu kha mu kha ba ti/ san d+ha ra ni/ u pa d+hA ri ni/ a nan ta pra be/ pra b+hu ta pa ri bA re/ sa sharmA/

  231. 116b

    pa ri sA sha ni/ mahA ba kA she/ A kA shAs mo sa raN/ bi ti mi ra kA ra Ni/ sar ba d+hA patha/ thi sho d+ha ni/ ni g+hAH/ barba san d+ha ri ga ni/ bkod pa mtha' yas 'ang ni bstan pa gang du chos thams cad yang dag par 'du bar 'gyur ba'i gzungs kyi sgo'i phyag rgya bstan pa yin no/ / bkod pa mtha' yas chos rim par phye ba'i sgo 'di la slob pa'i byang chub sems dpa' ni thos pa'i rjes su 'brang bar 'gyur/ blo'i rab tu dbye ba la mkhas pas spobs pa phun sum tshogs pa'ang kun shes par 'gyur/ gzungs kyi tshig mngon par bsgrub pa'i gzhi'ang kun shes par 'gyur ro/ / tshig mngon par bsgrub pa'i gzhi'ang gang dag yin zhe na/ sA ga ra a bar+yan ta/ su me ru ra te na sa ga ra san ni tsa ya/ a b+hI ta ni/ a samaM/ b+hI ta ni a pi ba re/ badz+ra san ni/ nir be she ni/ ak+Sho ba ni/ a sang k+Sho ba naM/ ak+Sha ya/ a bya yi/ k+Sha ya a bar+yan te/ ak+ShiN/ k+Sha yAn san tri she/ a pa ri k+Sha ye/ a b+hik+Sha b+hi ni/ a bi ga le/ a bi ga la dz+nyA na ha ra ni/ bkod pa mtha' yas 'di ni tshig mngon par bsgrub pa'i gzhi yin te/ 'di la slob pa'i byang chub sems dpa' ni shes rab rgya mtsho lta bu mi 'khrugs pa 'phel bar 'gyur zhing rnam par lte ba chen pos lta bar yang 'gyur ro/ / ji ltar lta bar 'gyur zhe na/ bdag gis sems can thams cad la byams

  232. 117a

    pa mtha' yas pas khyab par byas nas/ sems can rnams dbugs dbyung bar bya'o// bdag gis khyed la sman chen po rab tu sbyar zhing / des ma rig pa'i mun pa'i rab rib bsal bar bya'o/ / bdag gis khyed thog ma dang tha ma med pa'i 'khor ba na sdug bsngal dang / yid mi bde ba dang / mya ngan gyi zug rngu bsal bar bya'o// bdag gis khyed sred pa'i 'ching ba las dgrol bar bya'o/ / bdag gis khyed 'khor ba'i 'dod pa las bsgral zhing chos kyi snang ba chen po bya'o// sems can gang dag mi dge ba'i rtsa ba la sbyor ba de dag kyang gdon mi za bar drang bar bya'o snyam ste/ skyes bu dam pa ded dpon gyi mchog de dag ni ci nas kyang sems can 'ga' yang thams cad mkhyen pa'i ye shes bla na med pa 'di las nyams par mi 'gyur ba de ltar rnam par lta ba chen pos lta bar 'gyur zhing / nges par 'byin par 'gyur ro// de ltar na de dag sems can rnams la byams pas khyab par byed cing / chos kyi sgo don dang ldan pa sngon ma thos pa 'gog pa dang / 'dod chags dang 'bral ba dang // mi skye ba shes pa dang ldan pa rnams kyang snang bar byed pa yin no/ / bkod pa mtha' yas byang chub sems dpa' gang gi tshe/ chos kyi 'bel ba'i gtam byed par 'dod pa de'i tshe ji ltar bya zhe na/ gzungs dang gsang sngags mngon par sgrub pa'i tshig 'di dag mngon du byas la/ chos kyi tshul la mkhas pa mi 'chab pa'i yid la byed pas seng ge'i khri la 'dag ste/ blo mtha' yas pas de bzhin gshegs pa yid la

  233. 117b

    byed cing / thabs la mkhas pa'i stobs bskyed pa dang / shes rab kyi stobs bskyed pa chen po yangs pas chos kyi tshul shin tu rnam par nges pa rab tu bstan cing drang ba la mkhas pa'i sa rnam par sbyang ba'i phyir/ sems can gang dag chos kyi 'bel ba'i gtam la 'dus par gyur pa de dag la snying rje chen po'ang bskyed/ byams pa chen po'ang bskyed nas/ sems dang ye shes la mkhas po chen pos sems can rnams kyi bsam pa mngon par bsgrub pa rtogs par bya ste/ chos kyi tshul shin tu rnam par nges pa rab tu bstan pa ji lta ba bzhin lhag chad med cing ngag gi las gsal la/ tshig dang yi ge legs par rjod pa dang / ngag gis las legs par gtan la dbab pas chos kyi 'bel ba'i gtam tshad med pa bya'o// chos kyi 'bel ba'i gtam des bdag nyid kyi dge ba'i rtsa ba'ang 'phel bar 'gyur la/ sems can rnams kyi chos bsam gyis mi khyab pa'ang sdud par 'gyur te/ de'i phyir de bzhin gshegs pas dpe du ma dang nye bar dgod pa du mas chos yang dag par bsdu ba 'di dang / gzungs kyi sgo'i chos rim par phye ba 'di rjod cing ston par mdzad do// de lta bas na khyed kyis chos kyi 'bel ba'i gtam bla na med pa'ang gyis shig/ khyed kyis sems can rnams la'ang sangs rgyas kyi mdzad pas nye bar gnas par gyis shig/ myur du de bzhin gshegs pa'i mi 'jigs pa'ang yongs su rdzogs par gyis shig/ bkod pa mtha' yas byang chub sems dpa' ye

  234. 118a

    shes kyi las chen pos mngon par shes pa sgrub pa'i las la slob pa ni/ ye shes kyi tshogs chen po yongs su 'dzin par 'gyur ro// de la mngon par shes pa sgrub pa'i las gang zhe na/ bkod pa mtha' yas 'di la byang chub sems dpa' rdzu 'phrul gyi rkang pa la gnas shing yang dag pa'i 'gro ba shin tu rnam par phye ba chen po nam mkha' ltar rten med pa'i 'du shes yid la byed pas/ sgrib pa med pa'i ye shes mthong ba dang ldan zhing / de bzhin gshegs pa'i ye shes mthong ba'i stobs dpag tu med pa dang yang ldan la/ shes rab dang ye shes la mkhas pa'i stobs mtha' yas pas chos thams cad shes pa la mkhas pa'i rnam par nges pa thob kyang / chos cung zad tsam thob pa'ang med/ dmigs pa'ang med do// de bzhin gshegs pa ni mi dmigs pa la gnas pa dang / mi mnyam pa dang mnyam pa la gnas pa yin yang / de bzhin gshegs pa chos gang gis kyang gnas pa ma yin no// de bzhin gshegs pa ni dgon pa la gnas pa dang // chag pa med par gnas pa dang / rnam par dag pa'i ye shes mthong ba gnas pa yin yang / de bzhin gshegs pa la mi mkhyen pa 'am/ mi gzigs pa cung zad kyang mi mnga' ste/ de bzhin gshegs pa ni rang byung gi ye shes mthong ba mtha' yas pa la gnas shing / phyin ci log gi mun pa dang bral bas sgrib pa med pa yin no// de lta bas na de bzhin gshegs pas chos 'di dag thams cad mnyam pa

  235. 118b

    nyid du mngon par rdzogs par sangs rgyas te/ sgyu ma'i rang bzhin lta bu dang / rmi lam lta bu dang / snang brnyan lta bu dang / ming med pa dang / 'du shes med par bstan pa yin no// de bas na khyed kyis de bzhin gshegs pa'i rjes su bslab par bya ste/ de bzhin gshegs pa de ni ye shes thogs pa med pa ston cing / sems can rnams kyi dbang po mchog dang mchog ma yin pa mkhyen pa la mkhas pa yin/ de bzhin gshegs pa de ni ye shes thogs pa med pa ston cing / shes pa thams cad la mkhas pa yang dag par rab tu ston pa yin pas/ byang chub sems dpa' 'di dag la mngon par shes pa sgrub pa'i las brdzi ba med cing mi mnyam pa dang mnyam pa'ang ston par mdzad do/ / mngon par shes pa sgrub pa'i las des byang chub sems dpa' mngon par shes pa'i sgo'i rdzu 'phrul yang sgrub par byed/ bden pa'i byin gyi rlabs kyi stobs kyang sgrub par byed cing / tshul khrims rnam par dag pa'i stobs bskyed pa la'ang gnas/ ting nge 'dzin dang / shes rab rnam par dag pa dang / ye shes rnam par dag pa'i stobs bskyed pa la'ang gnas/ rnam par grol ba dang / rnam par grol ba'i ye shes mthong ba'i stobs bskyed pa la'ang gnas/ gtong ba rnam par dag pa'i stobs bskyed pa la'ang gnas/ chos shes pa'i stobs bskyed pa la'ang gnas so// byang chub sems dpa' stobs bskyed pa 'di la gnas nas dben pa'i byin gyi rlabs kyi stobs bskyed pa'ang thob

  236. 119a

    par 'gyur zhing / des kyang tshangs pa'i 'jig rten gyi bar du lus kyis dbang sgyur bar yang 'gyur/ rdzu 'phrul gyi bya ba du ma'ang nyams su myong bar 'gyur/ chos kyi rnga rnam pa du ma'ang rdung bar 'gyur/ seng ge'i khri la 'dug nas 'khor rnams kyang chos kyis tshim par byed par 'gyur/ sems can thams cad la'ang phan pa nye bar sgrub pas gnas par 'gyur ro// / bkod pa mtha' yas 'di lta ste/ dper na ri'i rgyal po 'khor yug chen po ni sems can rnams kyis dmyal ba pa'i dri nga ba'i mi mthun pa tshor ba dang / dmyal ba pa'i sgra thos pa dang / dmyal ba ba mthong na mi rung bas/ sems can rnams kyi las kyi rnam par smin pas 'jig rten gyi khams 'di 'khor yug tu bskor nas 'dug go// de bzhin du byang chub sems dpas kyang sems can thams cad la sgrib pa med pa'i chos nye bar bsgrub par bya zhing / sems can rnams chos thams cad zag pa med pa la gzung bar yang bya'o// byang chub sems dpa' gang zhig chos bstan pa 'di la shes rab kyi stobs rdo rje lta bu thabs la mkhas pas yongs su zin pa'i slob pa ni/ chos zab mos nges par 'byung zhing mi dmigs par gnas la/ bdud rtsis dbang bskur bar yang 'gyur ro// ji ltar bdud rtsis dbang bskur bar 'gyur zhe na/ nyon mongs pa'i bdud kyis yongs su gtugs par mi 'gyur zhing / phung po'i bdud dang / lha'i bu'i bdud dang / 'chi bdag gi bdud kyi dbang

  237. 119b

    du'ang nye bar mi gnas la/ 'chi 'pho'o 'du shes kyang mi 'jug go// de ci'i phyir zhe na/ skyes bu dam pa de dag ni stong pa nyid kyis gnas shing / mtshan ma med pa legs par yid la byed pas gang du'ang smon pa mi byed do/ / de ltar na chos 'ga' yang skye ba'ang med/ 'chi 'pho ba'ang med/ 'ong ba'ang med/ 'gro ba'ang med/ gnas pa'ang med/ kun nas nyon mongs par yang mi 'gyur/ rnam par byang bar yang mi 'gyur/ stobs dang ldan par yang mi 'gyur/ nyams par yang mi 'gyur te/ chos thams cad ni mi dmigs pa yin pas/ chos cung zad kyang rlom par mi byed cing / rgyags pa dang / nga rgyal dang / bsnyems pa spangs nas/ dman pa'i sems kyis nang yang dag par shes par bya ba la rmongs pa med cing / phyi yang dag par shes par bya ba la legs par yongs su shes pa yin no// de dag ni mthong ba dang / thos pa dang / bye brag byed pa dang / rnam par shes pa'i chos rnams kyis 'phrogs par mi 'gyur te/ skyes bu dam pa de dag de bzhin gshegs pa rnams kyis chos thams cad ni nam mkha' dang 'dra ba'o zhes gsungs pa'i de bzhin nyid/ phyin ci ma log pa de bzhin nyid/ gzhan ma yin pa de bzhin nyid la gnas pa yin na// 'din byang chub sems dpa' rnams kyi shes rab kyi pha ral tu phyin pa la 'jug pa yin te/ gang dag 'di lta bu la gan+da

  238. 120a

    pa de dag ni shes rab mtha' yas pa mngon par sgrub par 'gyur zhing / shes rab kyi stobs des kyang ye shes bsam gyis mi khyab pa bstan pa'ang khong du chud par 'gyur/ dgongs pa bshad pa la'ang 'jug par 'gyur ro// de dag gis ni chos thams cad shes par 'gyur te/ byang chub dang mtshams med pa'ang mnyam par rtogs la/ byang chub kyang rjes su rtogs par 'gyur ro/ / de dag gis ni mtshams med pa bsam gyis mi khyab pas/ byang chub bsam gyis mi khyab pa dang / mtshams med pa rnam par mi rtog pas/ byang chub rnam par mi rtog par yang khong du chud par 'gyur ro/ / de dag gi byang chub dang mtshams med pa gnyis ka dmigs su med par shes pas/ mtshams med pa dang mi mthun par yang mi byed/ byang chub dang mthun par yang mi byed de/ mtshams med pa'ang mi byed/ mi 'jig/ byang chub kyang mi byed/ mi 'jig go// gang dag don gyi rnam grangs bstan pa 'di la yongs su sbyang ba byas pa de dag nilas dang rnam par smin pa la mngon par zhen par mi 'gyur/ rlom par mi 'gyur ro// de dag gis las dang rnam par smin pa med cing mnyam pa nyid du shes te/ las dang rnam par smin pa ni mnyam pa yin gyi/ mi mnyam pa ma yin no// de dag ni las dang rnam par smin par mi dmigs/ mi rlom/ mngon par zhen par mi byed do// de ci'i phyir zhe na/ de dag gis

  239. 120b

    las kyi sgrib pa dang / nyon mongs pa'i sgrib pa'i rgyu kun nas mi ldang bar bsrabs pa'i phyir ro// de dag chos thams cad kyi sgo bstan pa dang / gzungs kyi sgo'i chos thams cad kyi sgo bstan/ pa dang / gzungs kyi sgo'i chos rim par phye ba 'di la snang ba thob par yang 'gyur ro// de dag chos kyi sgo rnam par dag pa 'di phyogs bcu'i 'jig rten gyi khams su spyod cing / spyod pa rnam par dag pa'ang rjes su thob par 'gyur ro/ / de dag 'jig rten gyi chos rnams kyis khengs par yang mi 'gyur/ yi shi bar yang mi 'gyur la/ bsod nams kyi zhing yon gnas su 'gyur bar sprod cing / lha dang bcas pa'i 'jig rten gyis mngon du bgrod par bya ba yin no// bkod pa mtha' yas nga ni sa brgyad pa la gnas pa'i rigs kyi bu la'ang yon gnas dpag tu med cing tshad med pa yin no zhes smra na/ byang chub sems dpa' sems dpa' chen po chos 'di lta bu la gnas pa lta smos kyang ci dgos/ gang dag byang chub dang / sems can dang / chos dang / snang ba dang / 'jig rten gyi chos mi dmigs/ mi rlom/ spros par mi byed cing / chos bstan pa 'di kun shes la/ chos ji lta ba bzhin sgrub pa la gnas pa de dag ni yon yongs su spong ba bla na med pa yin bas/ de bzhin gshegs pas yon gnas mchog tu gsungs so// bkod pa mtha' yas chos 'di la slob pa'i byang chub sems dpa' rnams kyis ni phun sum tshogs pa 'am/ bsnyen bkur

  240. 121a

    mi rnyed pa cung zad kyang med de/ de dag phun sum tshogs pa thams cad dang ldan zhing / 'jigs pa dang / spyi bung zhes byed pa dang / skrag pa dang bral ba yin no/ / de dag lus dang srog kyang yongs su btang ste/ nga'i chos nges par bstan pa rgya chen po 'di yongs su 'dzin par 'gyur zhing / chos gang la'ang yongs su 'dzin pa med par 'gyur ro// de dag seng ge'i khri la 'dug ste/ seng ge'i sgra chen pos sgrog par yang 'gyur ro// de dag mu stegs can rnams chos dang mthun pas pham par byed par yang 'gyur ro// de dag bdud sdig can sde dang bcas pa zil gyis gnon par yang 'gyur ro/ / de dag sems can rnams sgrib pa med pa la 'dzud cing / thams cad mkhyen pa'i lam la 'god par yang 'gyur ro// de dag sems can rnams lam mthun pa la 'god cing / 'phags pa'i bden pa dang mi mthun par yang mi byed do// de dag sems can rnams byang chub kyi phyogs kyi chos kyis dbugs 'byin par yang byed do// de dag sems can rnams la chos kyi sbyin pa byed cing / chos rab tu khong du chud par yang byed do// bkod pa mtha' yas gang dag gzungs kyi sgo ston pa'i chos rim par phye ba 'di la/ bzod pa sgrub par gnas pa de dag ni byang chub kyi phyir lung bstan zin pa dang 'dra ste/ skyes bu dam pa de dag ni bdag nyid kyis bdag la lung ston la rag go// bkod pa mtha' yas byang chub sems dpa' de dag gis chos 'di

  241. 121b

    nas pa snyam du de bzhin gshegs pag sub pa ga 'i rgyam mos bdag cag sa chos 'dzin ma par gtad/ tsam gyi rdzing gan 'a na bad/ gzungs kyi phyag rgya lani ma kyi sgo 'di la ni btsud pas/ de bzhin gshegs pa des bdag cag la phan gdags pa'i dam pas phan btags te/ de bzhin gshegs pa de ni bdag cag la rjes su brtse ba'i pha yin no snyam du sems shing / ngal ba'i 'du shes nye bar 'jog par 'gyur ro// bkod pa mtha' yas de dag thams cad ni ji ltar nga da ltar de bzhin gshegs pa'i grangs su 'gro ba dang 'dra bar grangs su 'gro bar 'gyur te/ 'di ni gzungs kyi sgo ston pa'i chos rim par phye ba gnyis pa yin no// de nas yang bcom ldan 'das kyis phyogs bzhir rnam par gzigs nas/ rdzu 'phrul mngon par 'du bya ba ji lta bu mngon pa 'du byas pas/ 'khor der lhags pa'i byang chub sems dpa' rnams kyis phyogs bcu'i 'jig rten gyi khams na/ sangs rgyas bcom ldan 'das dpag tu med pa mthong zhing chos bstan pa'ang thos par 'gyur ba de lta bu'i rdzu 'phrul mngon par 'du bya ba mngon par 'du mdzad do/ / de nas yang bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to/ / bkod pa mtha' yas de bzhin gshegs pas chos thams cad mngon par 'du bya ba med pas/ rdzu 'phrul mngon pa 'du mdzad pa la ltos/ de bzhin gshegs/

  242. 122a

    pa'i stobs de lta bu ni grangs dang bral zhing / grangs med la/ grangs kyis dben pa yin no// de bzhin gshegs pa dang mi 'jigs pa'ang gcig pa'ang ma yin/ da pa'ang ma yin la/ de bzhin gshegs pa nyid kyang yod pa ma yin pa'i phyir/ gcig pa'ang ma yin/ tha dad pa'ang ma yin no// de bzhin gshegs pa nyid kyang ma yin/ de kho na nyid ma yin pa'ang ma yin/ ngo bo nyid kyang ma yin/ ngo bo nyid med pa'ang ma yin te/ de bzhin gshegs pa ni 'di ltar rjes su mthun pa'i chos kyang mi dmigs pa de lta bur khong du chud par bya'o// gang dag gis de bzhin gshegs pa de lta bur shes pa de dag gis ni cung zad kyang shes pa med do// gang dag cung zad kyang mi shes pa de dag ni nyon mongs pa med cing len pa med do// bkod pa mtha' yas de bzhin gshegs pa ni yod pa dang med pa las log pa yin yang / de bzhin gshegs pa nam yang cung zad kyang log pa med de/ chos thams cad ni nam mkha'i ngo bo nyid kyi rang bzhin yin no/ / bkod pa mtha' yas de lta bur mos pa'i byang chub sems dpa' rnams ni spobs pa mtha' yas pa la gnas par 'gyur zhing / chos thams cad la snang ba thob par yang 'gyur ro// bkod pa mtha' yas de bzhin gshegs pa ni de bzhin gshegs pa'i mi 'jigs pa dag gis bsnyengs pa mi mnga' zhing / thob pa med pa'i tshul gyis mi 'jigs pa mchog gis brnyes kyang chos 'ga' yang

  243. 122b

    'dren par yang mi mdzad/ chos 'ga' yang 'phel bar yang mi mdzad/ nyams par yang mi mdzad/ yongs su nyams par yang mi mdzad do// de bzhin gshegs pa rnams kyi skye ba med pa dang / de bzhin gshegs pa rnams kyi gnas pa gang yin pa de chos rnams kyi ngo bo nyid kyi rang bzhin gnas pa dang / chos kyi dbyings gnas pa dang / chos skyor med pa nyid yin no// bkod pa mtha' yas chos thams cad ni skyon med par 'gyur ba yin te/ 'di ltar skyon ni yang dag pa ma yin pa las kun btags pa yin no// chos thams cad ni las dang rnam par smin pa mngon par 'grub pa med pa yin te/ de'i phyir chos thams cad las med pa dang / rnam par smin pa med pa'i sgor yang dag par 'du ba yin no// chos rnams ni chos nyid ji lta ba bzhin te/ las rnams kyang med/ rnam par smin pa'ang med/ rgyu 'gog pa'ang med/ rgyu 'gog par 'gyur ba'i lam yang med do// de bzhin gshegs pa ni rgyu tshogs pa la chos thams cad ston par yang mdzad la/ rgyu yod pa ma yin zhing / rgyu'i dbang du ma gyur pa'i phyir/ chos thams cad rgyu med par yang brjod de/ 'di ni de bzhin gshegs pa rnams kyi mi 'jigs pa'i sa yin no// ngas ni spobs pa phun sum tshogs pa dpag tu med pas de bzhin gshegs pa'i mi 'jigs pa'i sa thugs su chud do/ / mi 'jigs pa'i sa'ang gang zhe na/ bkod pa mtha' yas de bzhin gshegs pa rnams kyi mi 'jigs

  244. 123a

    pa gang dag rang sangs rgyas la'ang med na/ nyan thos dang 'jig rten pa gzhan dag la lta smos kyang ci dgos pa'i bzhi po 'di dag yin no// mi 'jigs pa bzhi po de dag kyang gang zhe na/ ngas chos thams cad mngon par rdzogs par sangs rgyas te/ thams cad mkhyen/ thams cad gzigs pa la/ chos 'di dag mngon par rdzogs par sangs ma rgyas so/ zhes lha dang bcas pa'i 'jig rten 'di na 'ga' yang nga la rtsod par 'gyur ba'i mtshan ma de yang dag par rjes su ma mthong ngo // ngas mtshan ma de yang dag par rjes su ma mthong bas mi 'jigs pa'i mchog brnyes te/ 'khor gyi nang du seng ge'i sgra sgrogs shing / chos 'dul ba zab mo rgya chen po tshad med pa bla na med pa 'dirang ston par mdzad/ rab tu gsal bar mdzad do// ngas zag pa zad pa rab tu mkhyen pa la zag pa 'di dag yongs su ma zad do/ / zhes 'di na 'ga' yang nga la rtsod par 'gyur ba'i mtshan ma de yang dag par rjes su ma mthong ngo // ngas mtshan ma de yang dag par rjes su ma mthong bas bde bar gnas shing / chos kyi gzhi bla na med pa bskal pa bye ba phrag du ma nas yang dag par bsgrubs pa 'di'ang rnam par 'byed par mdzad do// ngas chos gang nges par 'byin pa dang / nges par 'byed pa dang / sdug bsngal yang dag par zad par byed par 'gyur bar bshad pa gang yin pa de la nges par 'byin pa dang / sdug bsngal yang dag par zad par byed pa ma yin no zhes bya ba 'di gnas med de/ de

  245. 123b

    phyir lha dang bcas tshangs pa dang bcas pa'i 'jig rten na 'ga' yang nga la rgol bar 'gyur ba'i mtshan ma de yang dag par rjes su ma mthong ngo / / ngas mtshan ma de yang dag par rjes su ma mthong bas bde bar gnas pa'i mchog brnyes te/ 'khor gyi nang du seng ge'i sgra yang dag par sgrogs shing / sems can rnams la chos kyi tshul 'di'ang ston par mdzad do// ngas chos gang dag bar du gcod par 'gyur bar bshad pa de dag bsten na/ bar du gcod par mi 'gyur ba 'di ni gnas med de/ de'i phyir lha dang bcas/ bdud dang bcas/ tshangs pa dang bcas/ dge sbyong dang bram zer bcas pa'i skye dgu'i 'jig rten na 'ga' yang nga la rtsod par 'gyur ba'i mtshan ma de yang dag par rjes su ma mthong ngo / / ngas mtshan ma de yang dag par rjes su ma mthong bas bde bar gnas pa'i mchog rnyes te/ 'khor gyi nang du seng ge'i sgra yang dag par sgrogs shing / lha dang bcas pa'i 'jig rten na 'di las phyi rol pa gzhan mu stegs can gang gis kyang rab tu ma bskor ba'i chos kyi 'khor lo 'di'ang skor bar mdzad do/ / bkod pa mtha' yas 'di dag ni de bzhin gshegs pa'i mi 'jigs pa bzhi yin te/ de la slob pa'i byang chub sems dpa' ni myur du de bzhin gshegs pa'i mi 'jigs pa'i sa thob par 'gyur zhing / lha dang bcas pa'i 'jig rten gyi mchog tu'ang 'gyur ro// bkod pa mtha' yas byang chub sems dpa' 'du shes nam mkha' lta bu yongs su bsgoms

  246. 124a

    pa rnams kyis sgo yongs su dag pa bsam gyis mi khyab pa kun shes par 'gyur te/ sgo yongs su dag pa des chos thams cad rtogs par bya ba dang po'ang thob par 'gyur ro/ / chos thams cad ni rtogs par bya ba'ang ma yin te/ chos ni nam mkha' lta bur yang dag par rjes su mi mthong ngo // chos la ma gtogs pa'ang nam mkha'i rjes su 'jug pa med la/ nam mkha' la ma gtogs pa'ang chos kyi rjes su 'jug pa med de/ nam mkha' rnam par sgom pas chos thams cad sgom par byed kyang / nam mkhar rlom par yang mi byed/ spros par yang mi byed do/ / don bya ba la mkhas pa rjes su 'thob kyang chos kyi dbyings ni cung zad kyang gang nas kyang 'ong ba'ang med/ gang du'ang 'gro ba'ang med cing / yang dag par 'grub pa med pas/ chos thams cad yang dag par grub pa med pa dang / 'ong ba med pa dang / 'gro ba med par yongs su rtog go// chos thams cad la chos kyi snang ba'ang gsal bar byed de/ chos kyi snang ba des kyang sems can rnams la chos kyi snang ba byed par 'gyur ro/ / bkod pa mtha' yas chos kyi rnam grangs 'di dag byang chub sems dpa' rnams la phan 'dogs par 'gyur ba dang gces spras byed pa yin te/ sangs rgyas kyi stobs dang mi 'jigs pa thob par byed par 'gyur yang / chos 'ga' yang nyams pa dang / nye bar nyams par yang mi 'gyur ba la ltos/ bkod pa mtha' yas

  247. 124b

    don rtogs par bya ba'i phyir/ chos thams cad nam mkha' dang 'dra bar yang ston/ chos thams cad bla gab med pa dang 'dra bar yang ston/ las dang / bya ba dang / rgyu dang bla gab med pa dang 'dra bar ston cing / chos 'di dag brjod mod kyi/ 'di la don ni 'ga' yang mi dmigs so// bkod pa mtha' yas chos 'dul ba zab mo 'di ni 'jig rten thams cad mi mthun pa yin te/ 'di ltar 'jig rten ni 'jig pa dang rnam par 'jig pa'i chos phyin ci log la yang dag par zhugs pa'i chos can yin pas/ de'i phyir chos 'dul ba 'di ni 'jig rten thams cad dang mi mthun pa yin no/ / 'jig rten gyis ni 'jig rten gyi chos shes pa'ang med de/ 'di ltar 'jig rten gyi chos thams cad ni chos ma yin pa nges par 'byung ba med pa'i chos yin no// 'jig rten gnas pa thams cad ni tha na chos su 'du shes pa la mngon par zhen na yang / chos gang yang mngon par zhen pa med/ kun tu zhen pa med pa yin na ni/ de dag ni chos thams cad la chos su mngon par zhen pa'i 'du shes blangs nas de bzhin gshegs pa dang / de bzhin gshegs pas thugs su chud pa'i chos 'dul ba dang lhan cig rtsod par byed cing rtsod par 'gyur te/ chos thams cad kyi ngo bo nyid kyi rang bzhin ma skyes pa ni mi shes so/ / de dag rab tu mi shes shing ma rig pa de'i phyir/ chos 'dul ba zab mo mkhas pa zhib mos rab tu shes pa 'di 'jig rten thams cad dang mi mthun par gyur pa

  248. 125a

    yin no/ / bkod pa mtha' yas de bzhin gshegs pa ni chos 'dul ba zab mo lha dang bcas pa'i 'jig rten thams cad dang mi mthun par gyur pa 'di yang dag par gsung yang // gsung ba'ang med de/ de bzhin gshegs pas lam thams cad nges par spangs pa'i phyir/ rtsod pa nye bar zhi ba'i chos ston par mdzad kyang / 'di la lam yang mi dmigs na/ lam de ni mi zad par 'dogs pa lta smos kyang ci dgos/ bkod pa mtha' yas srid pa thams cad ces bya ba 'di ni chos dge ba dang mi dge ba rnams kyi tshig bla dgas yin te/ chos thams cad ni chos dge ba dang mi dge ba dag dang ldan par 'dogs pa yin no/ / de la dge ba'ang stong la/ mi dge ba'ang stong / dge ba'ang rnam par dben la/ mi dge ba'ang rnam par dben/ dge ba'ang mi dge ba dang mi 'dre la/ mi dge ba'ang dge ba dang mi 'dre zhing / dge ba dang mi dge bar mngon par zhen pa'i rgyu dang rkyen yang med do// de'i phyir de bzhin gshegs pas chos thams cad ni lung du ma bstan pa nyid du bstan te/ dge ba ni yang dag par yod pa ma yin no// gang dag yod pa ma yin pa de dag ni lung du ma bstan pa ste/ de la ni rgyu'ang med/ rgyur ston pa'ang med do// bkod pa mtha' yas chos de lta bu khong du chud par bya ba'i phyir/ chos thams cad lung du ma bstan cing bstan du med par bstan pa la ltos/ chos thams cad lung du ma bstan cing bstan du med pa 'di ni byang chub sems dpa' rnams

  249. 125b

    kyi btang snyoms kyi sgo yongs su rdzogs par 'gyur ba yin no/ / chos dge ba dang mi dge ba thams cad ni ji ltar snang ba bzhin rjes su 'gro ba med de/ de dag ni lung du ma bstan pa'i sgor rjes su 'gro bapa yin no/ / gang lung du ma bstan pa'i sgo de ni sgo med pa yin no// gang la sgo med pa de la ni sgor dmigs su med do// gang sgor dmigs su med pa de ni sgo rnam par dag pa yin no// 'di ni byang chub sems dpa' rnams kyi gzungs kyi sgo la 'jug pa'i chos rnam par spyod pa yin te/ sgo des de dag chos thams cad la snang ba thob nas/ chos rnams la rmongs pa 'am/ the tsom mam/ yid gnyis su mi 'gyur zhing / thog pa med par chos shes pa la mkhas pa rtogs par 'gyur ro// // bam po bzhi pa ste tha ma'o// // bkod pa mtha' yas 'di la byang chub sems dpas shes rab kyi mig rnam par dag pa dod par bya'o/ / ji ltar dod bar bya zhe na/ chos thams cad nye bar len pa med pas khas mi len pa dang / shin tu yongs su btang bas gan las yang dag par 'das pa dang / chos dge ba dang mi dge ba thams cad don du mi gnyer bas 'dus byas su gtogs pa thams cad la mi lta ba dang / 'jig rten gyi chos thams cad la mi lta ba dang bag yod pa'i sa dang / bla na med pa'i sa dang / mi dmigs pa'i sa la mi gnas pa dang / chos gang yang mi len mi 'dor ba dang / chos gang la'ang ma zhugs/ kun tu ma zhugs pa 'di ni/

  250. 126a

    shes rab kyi mig ces bya ste/ mig rnam par dag pa yin no// shin tu yongs su gtong bar byed pa dang / shin tu 'dor bar byed pa dang / len pa med par byed pa dang / shin tu nges par spong ba'i ngo bo nyid kyis rang bzhin la rtog pa 'di ni shes rab kyi mig ces bya'o// shes rab kyi mig ces bya ba ni zad pa dang / 'dod chags dang bral ba dang / 'gog pa shes pa dang / mi skye ba dang / mngon par 'du byed pa med par shes pa yin te/ 'di ni zhi ba dang / nye bar zhi ba dang / rab tu zhi ba'i sa yin/ 'di ni mtshams sbyor ba med pa dang / so sor mtshams sbyor ba med cing / mtshams sbyor ba nye bar gcod pa yin/ 'di ni gcod pa med cing nye bar gcod pa med par shes pa ma nyams pa yin/ 'di ni / ye shes 'chab pa med pa yin no// spros pa med pa'i sa 'di lta bu ni shes rab kyi mig yin te/ shes rab kyi mig de dang ldan pa ni sems can rnams kyi spyod pa la byams pa chen po dang / snying rjechen pos zin pa'i sems bskyed pa'ang thob par 'gyur/ de sems can la dmigs pa'i sbyor bas yongs su gtugs te gnas par yang 'gyur/ chos thams cad sems can med pa dang srog med par yang khong du chud par 'gyur te/ des ni bla na med pa yang dag par rdzogs pa'i byang chub mngon par rdzogs par sangs rgyas nas/ gdon mi za bar chos kyi gter bla na

  251. 126b

    med pa/ gzungs kyi sgo rnam par sbyong ba'i chos kyi le'u rim par phye ba 'di'ang yang dag par bstan par bya zhing / chos kyi phyag rgya 'di'ang gtad par bya'o// bkod pa mtha' yas gzungs kyi sgo'i chos rim par phye ba 'di ni de bzhin gshegs pa'i gdung gi tshul rgyun mi gcad par bya ba'i phyir/ sangs rgyas thams cad kyi dgongs pa yin/ 'di ni sangs rgyas thams cad kyis yongs su bzung ba yin/ chos kyi sgo 'di ni sangs rgyas thams cad kyang rnam par spyod cing rab tu bsten te/ 'das pa dang / ma 'ongs pa dang / da ltar byung ba'i sangs rgyas bcom ldan 'das phyogs bcu na bzhugs pa thams cad kyang gzungs kyi sgo'i chos rim par phye ba 'di ston par mdzad/ ston par mdzad par 'gyur ro// chos kyi sgo 'di ni byang chub sems dpa' rnams kyi dus gsum mnyam pa nyid kyi chos rab tu ston pa/ rnam par sbyong bar 'gyur ba yin te/ des na 'das pa dang / ma 'ongs pa dang / da ltar byung ba dang / dus gsum gyi chos rnams yang dag par ji lta ba bzhin du 'jug par 'gyur ro/ / chos kyi sgo 'di ni byang chub sems dpa' rnams kyi dus gsum rnam par dag pa kun 'dzin par 'gyur ro// de dag la dus kyi / 'du shes kyang mi 'jug la/ mi dge ba thams cad kyang 'joms par 'gyur/ dge ba'i rtsa ba sna tshogs kyang rjes su 'thob par 'gyur/ lus kyi las dang / ngag gi las dang / yid

  252. 127a

    kyi las yongs su dag pa la gnas par yang 'gyur/ ye shes rnam par dag pa kun gzung ba'i phyir sgo tshad med pa yongs su spong bar yang 'gyur/ chos kyi tshul dmigs su med pa la'ang spyod par 'gyur/ chos thams cad nam mkha' lta bur yang rjod par 'gyur/ shes rab rnam par dag pa kun tu bstan pa dang rab tu bstan pa'i phyir/ shes rab kyi snang ba chen po nam mkha'i mthas gtugs pa'ang ston par 'gyur/ chos thams cad nam mkha'i ngo bo nyid du rtogs pa dang / thams cad mkhyen pa'i ye shes kyi lam rnam par dag par bya ba dang / lam rnam par dag pas byang chub ji lta ba bzhin smon lam yongs su rdzogs par bya ba'i phyir/ bden pa mngon par shes pa la'ang mkhas par 'gyur/ bden pa dbyer med pa bstan pa'i phyir/ sangs rgyas kyi ye shes kyang ston par 'gyur ro// bkod pa mtha' yas don thams cad khong du chud par bya ba'i phyir/ chos 'di la slob pa'i byang chub sems dpa' ni myur du byang chub kyi yan lag gi tshogs kyang rnam par spong bar 'gyur ro/ / de byang chub las ring bar mi 'gyur te/ nye bar gnas par gyur kyang chos 'gal ba dang ring ba 'am/ chos bstan pa 'di dang nye bar gyur pa cung zad kyang yang dag par rjes su mi mthong ngo / / byang chub ni chos dang chos ma yin pa gang gis kyang yang dag par rjes su mi mthong ste/ byang chub rnam par rig

  253. 127b

    par bya ba ma yin par shes shing / rnam par rig pa mnyam pa nyid dang / rnam par rig pa med par rjes su rtog par 'gyur ro// chos rnams la zhi ba'i don du rnam par lta ba ni/ byang chub tu rtogs par yang mi byed de/ zhi bas kyang zhi ba mi mthong la/ zhi ba la ma gtogs pas kyang zhi ba mi mthong ngo // cung zad kyang mi mthong yang thams cad du lta ba rnam par spong bar yang byed la/ cung zad kyang rnam par spong ba'ang med do// 'di ni byang chub sems dpa' rnams kyi ye shes rnam par dag pa'i sgo yin te/ sgo des de bzhin gshegs pa rnams kyi chos kyi gter mtha' yas pa'ang rjes su dran par 'gyur ro/ / sems can rnams kyi rang bzhin yongs su shes par byas nas/ chos kyi gter 'di'ang ston par 'gyur/ shes rab dang ye shes kyi las yongs su dag pa'ang rjes su dran par 'gyur ro/ / de 'dod na bla na med pa yang dag par rdzogs pa'i byang chub mngon par rdzogs par sangs rgyas nas/ lhag pa'i bsam pa'i smon lam la'ang 'jug par 'gyur la/ smon lam rnam par dag pa la mkhas pa'ang rjes su dran par 'gyur zhing / myur du chos thams cad la dbang thob nas/ de bzhin gshegs pa'i byams pa chen po dang / snying rje chen po'ang kun nas 'dzin cing mngon du gyur par byed do// de bzhin gshegs pa'i chos kyi mdzod la mkhas pa/ chos kyi snang ba tshad med cing mtha' med pa ston par byed

  254. 128a

    cing / bdag nyid kyang sangs rgyas kyi yul la nges par 'byung bar 'gyur ro// bkod pa mtha' yas tshad med cing dpag tu med pa zhes bya ba 'di gang gi tshig bla dgas yin zhe na/ bkod pa mtha' yas tshad med cing dpag tu med pa zhes bya ba ni/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi chos thams cad tshad med pa'i phyir ro// 'dod pa dang / gzugs dang / gzugs med pa'i khams kyi sems can gyi khams tshad med pa yin yang / sems can yod pa ma yin pas/ sems can cung zad kyang mi dmigs te gdags su med do// de bzhin du khams yod pa ma yin pas/ khams mi dmigs te gdags su med do/ / de'i phyir chos 'di dag thams cad ni mya ngan las 'das pa'i khams su yang dag par 'du ba yin no// chu'i khams ni mya ngan las 'das pa'i khams kyi tshul can yin la/ chos thams cad kyang mya ngan las 'das pa'i tshul can te/ de'i phyir chos thams cad ni brjod du med pa'i rnam pa yin no// mya ngan las 'das pa'i khams la ni sgrib pa cung zad kyang med do/ / mya ngan las 'das pa'i khams ni sgrib pa dag par dag pa'i phyir ma bsgribs pa yin no// mya ngan 'das pa'i khams ni dag cing rnam par dag pa yin te/ 'di ltar chu'i khams

  255. 128b

    de ni khams dang bral ba yin no/ / khams yod pa ma yin pas/ khams de khams las yang dag par 'das par bstan pas brjod pa yin no// brjod pa gang yin pa de ni khams kyang ma yin/ khams ma yin pas kun nas bslang ba'ang ma yin te/ brjod pa la ni khams yod pa ma yin no// chos thams cad ni tha snyad kyi sgo nas brjod pas de'i phyir 'di brjod du med pa yin te/ 'di ltar 'di dag la ni rjod par byed pa'ang mi dmigs shing mi mngon no// brjod pa thams cad ni brjod pa med pa yin te/ 'di ltar brjod pa thams cad ni nam mkha'i ngo bo nyid yin zhing / nam mkha' yang dag par 'du ba yin no// sa'i khams kyang brjod du med cing brjod par nus pa ma yin la/ chu'i khams kyang ma yin/ me'i khams kyang ma yin/ rlung gi khams kyang ma yin zhing / nam mkha'i khams kyang ma yin te/ nam mkha'i khams kyi bar du'ang brjod par nus pa ma yin no// rnam par shes pa'i khams gang gis chos thams cad tha snyad du ston pas ston par byed pa'i rnam par shes pa'i khams de'ang chu'i khams lta bu ste/ rnam par shes pa'i khams gang khams kyi nang du yang dag par 'du bar 'gyur ba ni med do// khams ni ldan pa'ang ma yin zhing / nam mkha' las rab tu 'byung bas rnam par shes pa'i khams kyang nam mkhar yang dag par 'du ba yin no// rnam par shes pa'i nang dang phyi rol dang

  256. 129a

    gnyis ka'i bar na'ang mi dmigs te/ rnam par shes pa'i khams rkyen dang ldan par bstan pa ni ma gtogs so// rnam par shes pa'i khams ni nam mkha' gsal bas kun tu zin cing nam mkhar yang dag par 'du ba yin te/ gdags su med pa bstan du med pa yin no// gang gdags su med pa de la ni 'dus byas cung zad kyang med de/ 'di ni 'di'i sgor 'jug pa yin no/ / chos kyi dbyings ston pas chos thams cad kyi ngo bo nyid kyi rang bzhin nam mkha' dang 'dra zhing mnyam par ston par 'gyur/ yang chos rnams la ni dbyings sa dbyings ma yin pa cung zad kyang med do/ / chos thams cad ni nam mkha' bla gab med pa dang 'dra bas/ de'i phyir de bzhin gshegs pas chos thams cad ni nam mkha' lta bu'o zhes rab tu bstan te/ tshad dmigs su med pa'i phyir chos thams cad rang bzhin gyis nam mkha' dang 'dra zhing mnyam pa yin no// bkod pa mtha' yas de bzhin gshegs pa rnams kyi ye shes bstan pa yongs su dag pa gang / chos 'ga' yang skyed par yang mi byed/ chos 'ga' yang gtod par yang mi byed pa la ltos/ byang chub sems dpa' rnams kyis chos kyi tshul yongs su dag pa 'di phyin ci ma log par shes par 'dod par bya zhing gzhan lo rag ma las pa'i ye shes rlom sems med cing / lhag par rlom pa med pas chos kyi sgo brjod du med pas rnam par sbyang ba dang /

  257. 129b

    chos thams cad shes pa rnam par sbyang ba'ang bsgrub par bya'o// bkod pa mtha' yas 'dab chags bya'i spyod yul ci yin/ gsol pa/ bcom ldan 'das spyod yul nam mkha' lags so/ / bka' stsal pa/ bkod pa mtha' yas nam mkha'i spyod yul yang ci yin/ gsol pa/ bcom ldan 'das ma mchis lags so// bka' stsal po/ bkod pa mtha' yas de bzhin du chos thams cad kyang nam mkha'i spyod yul can yin no/ / chos rnams ni spyod yul med pa'i spyod yul can yin zhing mi dmigs te/ de'i phyir chos thams cad ni spyod yul med pa spyod pa med pa/ rab tu spyod pa med pa/ rjes su spyod pa med pa yin no// chos rnams kyi rang bzhin gang yin pa de ni gang du'ang brjod par bya ba ma yin te/ chos kyi sgo 'di ni byang chub sems dpa' rnams kyi rnam par shes pa nam mkha' lta bu sbyong bar 'gyur ba yin no/ / chos kyi sgo 'di ni 'od mtha' yas pa yin te/ ji ltar nam mkha' mtha' yas shing mu med pas/ kun tu khyab kyang 'di'i 'od khyab par snang ba'ang med do/ / de bzhin du byang chub sems dpas kyang chos kyi sgo 'di thob nas/ phyogs bcu'i 'jig rten gyi khams kyang rnam par lta zhing / 'jig rten thams cad la'ang yang dag par rjes su lta'o/ / bkod pa mtha' yas 'di ni byang chub sems dpa' rnams kyis rnam par shes par bya ba'i sa dang / nges par 'byed pa'i shes rab kyi sa yin te/ 'di phas kyi

  258. 130a

    rgol ba thams cad kyis ni ma yin no/ / chos kyi tshul brjod du med pa 'di ni chos kyi phyag rgya brjod du med pa dang / phyag rgyar brjod cing gdags pa mi dmigs pa yin te/ de'i phyir chos thams cad ni phyag rgya med pa/ phyag rgya yang dag par med pa yin no// phyag rgya med pa'i dngos po la mkhas pa rtogs pas chos thams cad nam mkha' bla gab med pa'i phyag rgyas btab pa yin te/ de dag ni phyag rgya mtshan nyid med pa yang dag par ston par byed do// nam mkha' la ni mtshan nyid cung zad kyang med de/ nam mkha' ni 'dus byas kyi mtshan nyid kyang ma yin/ brjod pa'i mtshan nyid kyang ma yin no/ / 'di ni nam mkha' 'o zhes bstan pa'ang nam mkha'i ni yang dag pa'i tshogs kyis lus su bstan pa med de/ chos rnams ni don dam par na brjod du med pa'i pha rol tu phyin pa yin pa kun she bar bya'o/ / bkod pa mtha' yas de la tshig nam mkha' lta bur shes pa rnam par dag pas/ gzungs kyi sgo'i phyag rgya rnam par spong ba'i tshig rnams bstan par bya ste/ ji ltar nam mkha' tshig kyang med/ rnam par dag pa'ang med pa ltar tshig 'di dag kyang de dang 'dra bar rjes su rtogs par bya'o// tshig de dag kyang gang zhe na/ bi ba re bi ba rA nus hi te/ bra nu ni/ ni san na bi tsa ra Ni/ a b+hA ba kA sha/ san dar sha Ni/ pa b+hA re/ pra b+hA ri bi sho d+ha ni/ niri bi ka la pe/ A kA sha sa ma ba sa ra ni/ ni ShaM ge/ shad gA pa ga te/ shang ga bi mo tsa ni

  259. 130b

    An d+ha ni/ A dA na big te/ kA k+Sha ts+tshed pa ri karma/ ats+tshe da a nu bats+tshed/ a sa me/ a ma sa me/ ding bya dz+nyA na/ a ha ra ne/ pradz+nyA tsak+Shu thi sho d+ha ni/ shal wA pa na ni/ dring gi ud tA ra ni/ a yu ke/ a bi mu ke/ a sam pra sug ke/ a bi pra yA ke/ a gra ba di naranir de sha ba da tha na d+hA na~M/ a tI t+ya nA ga ti pra tud ben d+ha ni/ kri ta pa ri karma banA ta/ na ta ra nu ga te/ a sad gra me/ a grab ta bi sho d+ha ni/ ba dA pra b+he da dz+nyA na bi sho d+ha ni/ nir b+hA sa a bas bi sho d+ha ni/ sa man+ta da sha di sha bya ba lo ka bi rA ga ba da ni ra ha re/ pradz+nyA bi shud d+hi/ oM b+ha sa a pra me pra me ya ka ra Ni/ a ka la ba d+harma da ri sha na bi sho d+ha ni/ b+hu ta ra tha san der sha ni/ a nu bo d+hA ra tha bi sho d+ha ni/ swa ka ra tsid nA/ nu pra be she/ me ru ba ri sang s+thA ne/ ra shi ma pra ta pa ni sarba lo kA d+hi pa te ya dz+nyA na/ bi sho d+ha ni/ a pra ti ha ta a shang ga dz+nyA na dar sha ne/ bkod pa mtha' yas 'di dag ni gzungs kyi sgo'i phyag rgya rnam par sbyong ba'i tshig ste/ nam mkha' ltar ma chad/ kun tu ma chad/ nye bar ma chad pa'i tshig yin no// 'di la ni tshig kyang med tshig rnam par dag par ston pa'ang med do/ / bkod pa mtha' yas gsang sngags kyi tshig 'di dag ni rigs kyi bu gang dag theg pa chen po la zhugs te/ tshig 'di dag la spyod par 'gyur

  260. 131a

    zhing chos zab mo don du gnyer ba byang chub mngon par rdzogs par 'tshang rgya bar 'dod pa/ sems can rnams kyi don byed par 'dod pa de dag la de bzhin gshegs pa'i byin gyi/ rlabs kyis bstan pa yin no// gsang sngags kyi tshig 'di dag ni mi ma yin pa dang / gnas gtsang ma'i ris kyi lha de dag kyang 'gugs par 'gyur zhing / lha'i bu gang dag bla na med pa yang dag par rdzogs pa'i byang chub kyi phyir zhugs pa de dag kyang 'gugs par 'gyur ba yin no/ / u pa sang hA re/ hrI shrI/ d+hI ti bi sho d+ha ni/ ka la l+yA Na ar tha nir de sha pra ti ba ti/ cing ta man bi dz+nyA na/ bi sho d+ha ni/ a d+yad ma b+ha ha ri d+hA/ pa ri sho d+ha ni/ ga ti smA ti ma ti/ a ha ra ni/ gan ta/ gan ta ba ti/ sa ra ba ti/ gsang sngags kyi tshig 'di dag ni/ gang dag ri'i rgyal po gangs can la gnas shing chos smra ba'i rigs kyi bu rnams la chos kyi snang ba nye bar sgrub par 'gyur ba de dag dbab pa yin te/ lha de dag ni de bzhin gshegs pas byin gyis brlabs pa yin no/ / ma ti bi go d+ha nI/ su yug tA d+hIr+yA/ a gra hi ta ba ta nir ha re/ a ko lA sa~M ni/ a bi ka lI sa ni ud thA na sam pan no/ bi ni ta sa ma da ba ne/ ma ta~M a gra nug te/ lha 'di dag ni ri'i rgyal po ti sa la gnas shing chos smra ba de dag la mig rnam par dag pa dang / rna ba rnam par dag pa dang / sna rnam par dag pa dang / lce rnam par dag pa dang

  261. 131b

    lus yongs su dag pa'ang nye bar sgrub cing / dus dus su chos ston pa rnam par 'byed pa rnams la ngag gi las 'brel cing rgyun chags pa'ang ston par byed do// pra ta ba ba ti/ bai ro tsa na ba ti// bud d+ha ma ti/ ba su ma ti/ d+harma ma ti/ a sam pra mo sha pa ti/ o ba sa man da ri ba ti/ u ba sad ha ra nir de sha ba ti/ lha 'di dag ni shing sA la'i tshal na gnas pa dag ste/ swa/ la'i tshal ni nye bar rten cing / chos smra ba de dag la lus kyi las dang / ngag gi las dang / yid kyi las yongs su dag pa'ang nye bar sgrub par byed/ tshig dbyangs dang ldan pa dang / snyan cing 'jebs pa'i dbyangs dang / dga' bar byed pa'i dbyangs kyang nye bar sgrub par byed/ tshig snyan pa dang mi mthun pa med pa'ang nye bar sgrub par byed do// ni rA lam b+he/ a gra ka re/ k+She ma bi tsa ye/ nir b+ho sa b+ha na ti/ nir hA ra ba ti o dza ba tiM/ u pa nA mi te/ u pa sang hA ra ka ra ni/ a bi sha tha/ i ha d+hA ra Ni mu khe/ d+ha ra ma mu khe swA hA/ d+harma pa Da le/ bkod pa mtha' yas lha 'di dag ni ri'i rgyal po gangs can gyi lho phyogs kyi ngos la gnas shing / gang dag chos 'di la brtson par 'gyur ba'i chos smra ba de dag la gzi mdangs nye bar sgrub par byed do// d+hA ra ma kA ma/ g+hAr mtshan dI ka/ ka l+ya nar tha bi sar dza ni/ ko'u shal+yA nu ga te/ u pA ya sang gri hI ti/ bi niri mug te/ shan ta pa ta bi sa ra ni/ oM b+hA sa ya sha ba ti/

  262. 132a

    bkod pa mtha' yas lha 'di dag ni rgya mtsho chen po'i ngogs na gnas shing chos smra ba de dag la bsod nams nye bar sgrub par byed de/ de bzhin gshegs pa ni gang dag mdo 'di nyan pa de dag gi don du gsang sngags kyi brda 'di ston par mdzad do/ / gsang sngags 'di dag ni lha rnams kyi dbang po brgya byin 'gugs par 'gyur ba yin te/ de dag kyang gang zhe na/ ma khi pa ti/ ba su ma ti/ de ba rA dza sha tsa mi pa ti/ sarba a su rA NA na nir g+ha ta ni/ badz+re ya su pra tiSh+Thi ta/ pra ma ra da no/ bi ya a su ra nA nA/ de bA na d+ha ba ti/ ma sa dA pu ra skri to bi te de be hI/ sho bA se bA sa ba sad/ pu ran da ra/ ma hA ke tu tA po si/ a su sa ma dA/ d+hA dza gran ta ba pa sh+tsid tA/ bid trad si ta ma hA a su ren/ dra sa ba la bar ti b+hi ta/ trasta di sho di sha/ na man bud d+hA/ s+ya kI ri ti sh+tse/ nA ma go tran ma hA ya sha/ de ba pu rAsmi sad grA me/ bud d+ha shab d+ha/ a nud ta rang shrA ba si ti ba bi dza ya/ na ma bud d+ha bi b+hA shi sang gra mtshan das bi d+hA bud d+hA na me na bA hi ta/ bi dzi ye so ta te/ de ba a su rA sh+tsa bi nI/ ta bAn kri ta te/ rak+Sha de bA nA na/ ma nu sh+ya nAn/ rak+Sha sam bi da/ yang a hi/ rngarje ni rangen o ta ran ti/ su pr-i toSh+Tha tAM/ ni gr-i hI ti dra ya/ a su rA rA k+Sha kin ni rAn gA kum bAn ra/ b+hu tanI/ bi shA tsA dAn pA tathA/ a tsa lA stan prA bi ti sa/ in tra an ru swa ta/ ata

  263. 132b

    gam b+hI ra shan tan tsa/ a gra pu ru sha se bi ta/ mud dra ban to sa daM ben tra/ bud d+hi mAn ta thA bi shud d+ha/ A b+he shi i hA su trasmi rak+Sha sam bid/ ta hi tsa/ sa ha sra ne tre su mu kha/ a ba sa re pa ri bA ra ta/ u pa bun dza swa ka ka ra ma pU ba he tu smi yad kri ta ma/ a ti pa sh+tsa a nu pra ba ta/ a tsa la su pra tiSh+Thi ta/ kri tad hi/ ku sha lang pur be/ ma nu sha shu ma ba ti/ pu rbang ga mo si d+d+he bA nAn pu tse na ti nA/ tsa ma nu shA/ bud d+hA s+ya krid tra/ sad kA rang pU dzA be sh+ya ti te/ ba hu/ ma hA/ tsa mA ne ba bi rang b+ha ga/ na ma ba sho b+ha te/ de bA la ya s+ya ma d+ha smi ya k+Sho yi ba ri pA ro/ pra lam ba hu ta ba ska bi shad a gra bA hi sA ti ma ti/ su ra ta ba hi/ sa ra ta thA pra b+hu skan d+ha/ a ni la tsa mA ra tsA ma hA b+hA gi ma hA skan d+ha/ ma hA he su pra tI ba ma hA ba lam/ e te/ yak+Sha ma hA te dza/ rak+Sha na ti b+ha ba nan ta ba/ ba hu nak+Sha pa ri bA ho/ ye nA sho b+ha si ba sa tsa ba su sarba ba su ta ma hA te dza ma hA ga Ni/ ma hA pra ha ra Nots+tsha ba a bi ni ra hA ha yA ta thai ba tsa/ su me ru mU ra ni ti ba bA sa ba sa ra ba/ de ba pu ra skri to/ sho b+ha ba na/ oM ba sam pra b+ha mun tsa si ti dzi sa/ 'di dag ni lha rnams kyi dbang po brgya byin/ dbab pa'i tshig yin te/ tshig de dag gis lha'i dbang po brgya byin 'gugs par 'gyur ro// de la 'di dag ni ma 'ongs pa'i dus na/ sems can gang dag byang chub la ya

  264. 133a

    par zhugs te/ chos rnams yang dag par 'dzin cing / sems can rnams chos yang dag par bsdu ba la mkhas pa nye bar gnas par 'gyur ba'i gsang sngags kyi tshig yin no/ / lus ngan pa yi bu thu bo// gnod sbyin yang dag shes shes bya// khro med rtsol ba med gnas te// pha dang bcas te rtag tu ni// chos 'di dag la dga' ba gang / de la srung ba byed par 'gyur// rgyal po chen po yul 'khor srung // 'khor dang bcas pas rtag tu ni// legs par bshad pa mdo yi sde// 'di la srung ba byed par 'gyur// mig mi bzang zhes bya ba ni/ / rang gi 'khor bcas stobs dang ldan// tshul 'di la ni gang gnas pa// de dag thams cad srung bar 'gyur// de bzhin rgyal po 'phags skyes po// bzhon bcas stobs dang ldan pa ste/ / chos 'di dag la 'dod pa gang // de dag kun tu srung bar 'gyur// sa ni be sha ni ma hA sa ri/ ma hA ga ni/ ma hA dza ni/ pra b+hU ta bi dzi ye d+h+wa dzA gra u ba bA sa naM/ i nI le sa na/ tu sa ha/ nan ba nad shi da // tsad tA ra lo ka pA lA ni tusme rA dza na ud ts+ya tha/ A be sha na i ha sa man nA hA ratha/ pra dze ni gro hi/ sarba tsa tur dai sha bkod pa mtha' yas 'di ni rgyal po chen po bzhi 'khor dang bcas/ g.yog dang bcas/ bu dang bcas/ chung ma dang bcas/ rjes su 'brang bar bcas pa rnams dpab pa'i rigs

  265. 133b

    yin no/ / shar gyi phyogs na gnas pa yi// srin mo rgyal mtshan tog dang ni// tog chen dang ni stobs chen mo// grags pa chen po gang yin pa// de dag kun tu 'bebs 'gyur zhing / / de dag thams cad 'khor bcas te// rtag tu chos kyi sgo 'di la// srung ba byed cing nye bar gnas// rab 'phyang rnam par 'tsher ba dang // don grub ma dang 'phrog ma'i blo// de dag thams cad nye bar ni/ / lho yi phyogs na gnas pa yin// de dag yang dag 'dir babs nas// gzi mdangs nye bar sgrub byed cing // srung ba'i mchog kyang byed 'gyur bar// thams cad gzigs pas nges par bstan/ / srin mo la ba can dang ni// sdom pa dang ni sgra sgrogs dang // 'dres pa grags dang ldan pa gang // nub kyi phyogs na gnas pa ste// de dag lhan cig kun babs nas/ / chos 'di don shes gang yin pa// de la chos bstan bya ba'i phyir// rtag tu srung ba byed par 'gyur// sgo de la ni ma dad dang // de bzhin bden dang bden min ldan// srin mo grags chen de dag ni/ / byang gi phyogs na gnas pa ste// de rnams yang dag 'dir babs nas// de bzhin gshegs pa'i gzi brjid kyis// mi mchog bsrung ba bya ba'i phyir// thams cad thal mo sbar te 'khod/ bkod pa mtha' yas de la bdud sdig can tshar gcod pa'i tshig dang / tshangs pa dbab pa'i tshig gang yin pa de dag bstan par byas/ legs par rab tu nyon la

  266. 134a

    yid la zung zhig/ mai tre mi tra ba te/ kU ru ne/ kA ru NA kha ti/ bi bud d+hi/ bi bud d+ha ba ti/ bra mo tsa ni/ bra mo tsan pa ti/ kri ta kri ta ba ti/ a nu ga me/ a nu ga ma pa ti/ u pA tats+tshe da ni/ kA ma bi brdza ni trish+na sa mud sho sha Ni/ ni gri ni hA ti mA ra ba lang / u ta ra na pa ti/ pra t+yud ta ra Na ba ti/ u bak+Sha nu sa hi te/ a ram ba na bi sho d+ha ni/ ni dar sha na/ a sa mo ha ni/ ni smra pan tsa pa ni/ bkod pa mtha' yas 'di dag ni bdud sdig can tshar gcad pa'i tshig yin te/ de dag gis bdud sdig can dpung dang bcas shing bzhon par bcas pas glags rnyed par mi 'gyur ro/ / de la tshangs pa chen po dbab pa'i tshig gang zhe na/ a thi pa ti/ ma hA s+thAn pati/ swa ya kri ta s+thA na mi ti/ nan/ ba ha bi bi d+ha pra t+yA pa/ s+thA na ka ra na/ a d+hi ka s+thA na pa ti/ shud d+has+thA na ga to sa ha ma ba ti/ a ti kra na ta bi sho Sha Na/ shu b+ha ba ri/ pa ra shu b+h+r-i d+hi mug ta/ pra ba ta/ shrI ta ni ba sa na/ pra b+hu ta pra ba ni/ gra he ta/ kA ma ma sr-i sti/ kA ma ma pra t+yA be s+thA na/ 'di dag ni tshangs pa chen po dbab pa'i tshig yin te/ dbab pa'i tshig 'di dag gis tshangs pa chen po chos smra ba de dag la tshig dang yi ge yongs su dag pa dang / tshangs par spyod pa shin tu mnyam par gzhag pa yongs su rdzogs pa nye bar sgrub par byed do// bi sho d+ha na pa ti/ an ti ma k+Sha

  267. 134b

    ru NI kA ma/ b+ha ba/ u sA ta ni/ ba ra ni ra mi tA ni/ bar+yan ta pra t+yA pa s+thA na/ bar+ya ba sA na/ a la sa bi sho d+ha ni/ a dz+nyA bar+yan/ te ka ra Ni/ an ti ma de sha pra t+yA stan/ bkod pa mtha' yas 'di dag ni gnas gtsang ma pa'i ris kyi lha rnams kyi chos snang ba'i tshig yin te/ chos snang ba'i tshig de dag gis rigs kyi bu de dag la chos kyi gzhi 'di nye bar sgrisgrub par 'gyur ro/ / bkod pa mtha' yas de la lha'i dbang po dang / klu'i dbang po dang / lha ma yin gyi dbang po dang / mi 'am ci'i dbang po dang / nam mkha' lding gi dbang po dang / sems can gang dag mthu che ba 'am/ mthu chung ba'ang rung / dad pa 'am/ ma dad pa'ang rung ste/ de dag gis gsang sngags kyi tshig nye bar bsgrub par bya'o// de nas sems can dad pa can rnams ni chos bstan pa 'di la mchog tu 'jug par 'gyur la/ sems can ma dad pa de dag kyang cang mi smra ba dang / btang snyoms su 'jog par 'gyur gyi/ rtsod pa dang 'gyed par yang mi 'gyur la/ chos kyi sgo 'di tha ma la bar 'jog gi/ gnod par bya ba dang / nye bar gnod par bya ba dang / tshar gcod pa'i phyir 'ong bar yang mi 'gyur ro// de la dad cing dang ba rnam dbab pa'i tshig gang zhe na/ gu ru da re/ a tsa le/ swa ti nir hA ra ko bi ti/ nir dza na pra ti bi lo ye te/ tsid ta san tsa ni tsing ta/ pa ra ba ga

  268. 135a

    ke/ tsi ta sam pra sa dA ni/ ma na s+ya ha rig kar NI/ bidz+nyA na s+ya a nuswa sti/ a nu d+har mon pak+ShaNe/ he t+ya sa nad rig ni/ tar+tha ak+Sha pa ta niri de sha sho thai ba/ ya thA ga ta ya thA nu kU la sa ma/ u pa ma nir de sha sha d+ha ta/ dang tra kA le na tsa kar ta ba byA/ sam pra sa da nar tha to sa ma/ yang thA nu ku lan tsa mu kha/ u pa sang swa ra lo ni sha/ A kA sha/ s+yai bi shud d+hi sa/ ya tha sha d+ha ti lak+Sha sha nA la k+Shi Ni/ lak+Sha na pa ti lak+Sha Ni bi sho da ni/ pra ti be d+ha ra tha san dad rig ni ku sha la b+ho tha sar be ha praH tsa ye/ sa mo sa ra ni/ kr-i tA nu rak+Shi/ sad d+hAr the/ sad tA nAn su thi sho d+hi ti/ bkod pa mtha' yas 'di dag ni ngang pa rnams dbab pa nye bar sgrub pa'i tshi ga yin te/ 'di dag gis chos smra ba de dag la 'di las ji ltar bstan pa bzhin dge ba'i rtsa ba don dang ldan pa nye bar sgrub par byed par 'gyur ro/ / de la ma dad pa rnams tshar gcad pa'i tshig gang zhe na kA me k+Sha ma ba ti/ mai tri pa ri kar ma/ pra t+yu ba s+thA ne/ kA ru na pra ti le b+ha hi te nu ka ma pa sa na/ dza na ni/ sang gra ha bstu hi ta/ bstu san da ri sha ni/ ba ri bar+d+ha ni bar dza na~M/ bA ba ming tra/ se ba ni/ na ta Sh+Tha ti / s+thA ta ba bya/ yad tra ba gr-i ha ba ra ti ti/ sarba gran tha/ prad la ti/ u btsA ra san da ri sha ni/ ni shra ya~M bi go d+ha ni/

  269. 135b

    ad mA nu ga ma/ pa ra u pa sang ha ra Ni/ nir min ni a nu rak+Sha pra t+yu ba s+thA ne/ bkod pa mtha' yas 'di dag ni sems can ma dad cing ma dang ba rnams tshar gcad pa'i tshig yin te/ des na de dag nyes pa mthong bar 'gyur/ bkod pa mtha' yas chos dge ba la'ang phyir rgol ba mang ba yin na/ chos 'dul ba bla na med pa nyes pa thams cad 'joms par 'gyur ba/ rtsod pa'i mdud pa thams cad spong bar 'gyur ba 'di la lta smos kyang ci dgos/ bkod pa mtha' yas sems can ma dad cing ma dang ba de dag klan ka btsal ba'i bsam pa dang / gnod sems kyi bsam pa mang po dang / rnam par mtho ba tsam pa'i bsam pas nga'i drung du nye bar 'ong ba la ltos/ de bzhin gshegs pa ni de dag gi sems kyi spyod pa dang g.yo ba mkhyen nas ci nas kyang dge ba'i rtsa ba dang ldan zhing rnam par rtog pa spong ba dang / dge ba'i rtsa ba'i rgyu'ang yongs su 'dzin par 'gyur ba de lta bu'i chos kyi sgo dag gis yang dag par skul bar mdzad do// bkod pa mtha' yas de bzhin gshegs pas ni/ sems can thams cad kyi sems kyi spyod pa'ang rab tu mkhyen la/ sems yang dag par bsdu ba'ang rab tu mkhyen to// bkod pa mtha' yas de bzhin gshegs pa ni sangs rgyas kyi chos ma 'dres pa bco brgyad la gnas pa yin no// bco brgyad po gang dag la gnas zhe na/ bkod pa mtha' yas de bzhin gshegs

  270. 136a

    pa gang gi nub mo bla na med pa yang dag par rdzogs pa'i byang chub mngon par rdzogs par sangs rgyas nas/ len pa ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de'i bar du/ de bzhin gshegs pa la 'khrul pa mi mnga' 'o// ca co mi mnga' 'o// bsnyel ba mi mnga' 'o// so sor ma brtags pa'i 'gog pa mi mnga' 'o// 'du shes tha dad pa mi mnga' 'o// sems mnyam par ma gzhag pa mi mnga'a'o// brtson 'grus nyams pa mi mnga'a'o// dran pa nyams pa mi mnga' 'o// 'dun pa nyams pa mi mnga' 'o// ting nge 'dzin nyams pa mi mnga' 'o// shes rab nyams pa mi mnga' 'o// rnam par grol ba nyams pa mi mnga' 'o// rnam par grol ba'i ye shes mthong ba nyams pa mi mnga'a'o// de bzhin gshegs pa'i sku'i 'phrin las thams cad ye shes mngon du 'gro zhing / ye shes kyi rjes su 'brang ba yin/ de bzhin gshegs pa'i gsung gi 'phrin las thams cad ye shes sngon du 'gro zhing ye shes kyi rjes su 'brang ba yin/ de bzhin gshegs pa'i thugs kyi 'phrin las thams cad ye shes sngon du 'gro zhing / ye shes kyi rjes su 'brang ba yin/ de bzhin gshegs pa ni 'das pa'i dus la ma chags ma thogs pa'i ye shes mthong ba 'jug pa yin/ de bzhin gshegs pa ni ma 'ongs pa'i dus la ma chags ma thogs pa'i ye shes mthong ba 'jug pa yin/ de bzhin

  271. 136b

    gshegs pa ni da ltar byung ba'i dus la ma chags ma thogs pa'i ye shes mthong ba 'jug pa yin te/ de bzhin gshegs pa ni sangs rgyas kyi chos ma 'dres pa bco brgyad po de dag dang ldan pa yin bkod pa mtha' yas de bzhin gshegs pa ye shes mthong ba'i stobs tshad med pa dang ldan pas/ sems can ma dang ba rnams dang bar bya ba dang / sems can dang ba rnams chos 'dul ba 'di la ye shes rnam par dag pa thob par bya ba'i phyir/ gzungs kyi sgo rnam par sbyong ba'i chos rim par phye ba ston pa brjod par mdzad do// bkod pa mtha' yas de bzhin gshegs pa bzhed na gzungs kyi sgo'i chos rim par phye ba/ tshig tu brjod pa/ tshad med pa ston par mdzad de/ de bzhin gshegs pas tshad med pa bstan kyang / gzungs kyi sgo bstan pa'i chos the tsom thams cad gcod par byed pa 'di'i brgya'i cha nas/ bye ba phrag brgya stong gi cha dang / grangs dang / dpe dang / matsam yang nye bar bstan par mi 'gyur ro// de ci'i phyir zhe na/ chos kyi sgo 'di ni sgra tshad med pa yin/ sgro bsam gyis mi khyab pa yin te/ sgo 'dis thams cad mkhyen pa'i ye shes thob par 'gyur ro// bkod pa mtha' yas de'i phyir de bzhin gshegs pas ci nas kyang // khyed kyis chos kyi sgo tshad med cing mtha' yas pa 'di kun shes par 'gyur zhing / gzungs thob par bya ba'i phyir/ chos kyi sgo 'di rnam grangs du mas khyed la ston par mdzad do// Ar+ye/ Ar+ya ba ti/

  272. 137a

    Ar+yA nu ga te/ ni tha ne/ ni thAn pa ti/ bar to ba ra me/ bar to btsed na ka ra ni/ A kA sha bi sho d+ha ni/ a nu k+She ba ni/ a bi ga ta pa ra me/ a nu ba ga ti ni/ nir ba na pa tha bi sho d+ha ni/ bya ba ni k+Shi pa ti/ a nud pA da bi ro d+ha pa ra me/ sarba dz+nyA nir bA Na/ san d+ha ri sha ni/ bkod pa mtha' yas 'di dag ni gzungs kyi sgo mngon par sgrub pa ston pa'i chos rim par phye ba 'dir/ gzungs kyi sgo phyag rgya rnam par sbyong ba'i tshig gi rnam grangs bstan pa yin te/ tshig 'di dag kun bzung bas byang chub sems dpa' tshegs chung ngus tshig rab tu dbye ba shes pa mkhas pa'ang rtogs par 'gyur/ snying rje chen po dang yang nye bar 'gyur/ don gyi rjes su song ba'i blos chos thams cad nges par 'byed pa'i shes rab kyang rtogs par 'gyur ro/ / bkod pa mtha' yas tshig 'di dag ni sman chen po yin te/ ma rig pa dang mi shes pa'i nad kyi mun pa mun gnag smag tu gyur pa rnams nye bar zhi bar byed cing / rig pa dang mthun pa'i chos rnams yongs su rdzogs par byed par 'gyur ba yin/ sngon gyi gnas rjes su dran pa mngon du bya ba dang mthun pa'i chos shes pa la mkhas pa yongs su rdzogs par byed pa yin/ lha'i mig mngon par sgrub pa rig pa dang mthun pa'i chos shes pa thob par byed pa yin/ zag bzad pa shes pa mngon du bya ba rig pa dang mthun pa phung po thams cad nges par spong bar byed pa yin/ bslab pa thams

  273. 137b

    cad kyi pha rol tu phyin pa dang / ye shes mthong ba bla na med pa dang / thams cad mkhyen pa'i ye shes mthong ba dang / thams cad mkhyen pa'i ye shes kyis thob par byed pa'ang yin no// bkod pa mtha' yas de bzhin gshegs pa'i chos bstan pa rgya chen po ji tsam du thabs la mkhas pa thams cad yongs su rdzogs par 'gyur ba la ltos/ bkod pa mtha' yas de bzhin gshegs pa ni ye shes chen po dang ldan zhing / thams cad mkhyen pa'i ye shes dang / stobs dang / mi 'jig pa la shin tu gnas te/ chos rin po che'i mdzod bla na med pa bskal pa bye ba 'bum phrag du mar dge ba'i rtsa bas yang dag par bsgrubs pa 'di nges par bstan cing rab tu phye ba'o/ / de'i phyir de bzhin gshegs pas khyed la sogs pa sangs rgyas kyi chos la yongs su smin par bya/ ba dang / chos kyi tshul mngon par sgrub pa la mkhas par bya ba'i phyir chos kyi sgo 'di la 'jug ste/ gzungs kyi sgo rnam par sbyong ba'i chos rim par phye ba bstan pa 'di byin gyis rlob par mdzad do// bkod pa mtha' yas rigs kyi bu 'am / rigs kyi bu mo byang chub den du gnyer ba/ de'i rjes su slob par 'dod pa/ nga'i ches rlos rjesu slob par 'dod pa/ de bzhin gshegs pa rnam kyi chos kyi gter tshad med pa kun gzung bar 'dod pa rnams kyis chos bstan pa 'di la mngon par brtson par bya'o/ / bkod pa mtha' yas 'di la 'dun pa dang / brtson 'grus dang / bag

  274. 138a

    sod pa'i tshul can khams gsum pa thams cad la mi lta ba/ thams cad mkhyen pa'i ye shes kyi sems yid la byed pas legs par byin gyis brlabs pa/ gzug/ la dmigs pa rnam par dag pa la mkhas par brtson pa/ tshor ba dang / 'du shes dang / 'du byed dang / rnam par shes pa la dmigs pa rnam par dag pa la mkhas par brtson pa/ bden pa'i tshig rnam par sgrub pa rnam par dag pa la mkhas par brtson pa rnams kyis chos thams cad la rnam par dag pa'i ye shes 'dod par bya'o// nang rnam par dag pa'i phyir chos thams cad rnam par dag pa'o/ / nang dben pa'i phyir chos thams cad dben pa'o// nang nye bar zhi ba'i phyir chos thams cad nye bar zhi ba'o// nang nye bar len pa med pa'i phyir chos thams cad nye bar len pa med ba'o/ / nang spong ba'i phyir chos thams cad spong ba'o// nang 'gog pa'i phyir chos thams cad 'gog pa'o// nang 'du byed pa med pas chos thams cad 'du byed pa med pa'o// bkod pa mtha' yas byang chub sems dpa'i sgo 'di dag ni/ nang rnam par dag par byed par 'gyur ba yin no// phyi rol rang bzhin gyis rnam par mi rtog pa'i phyir gang du'ang rlom par mi byed pas/ gzungs kyi sgra yongs su dag pa'ang kun 'dzin par 'gyur/ nga rgyal med pa'ang thob par 'gyur/ rjes su 'chags pa dang khong khro ba'ang spong bar 'gyur/ de bzhin gshegs pa rnams kyis kyang bsngags

  275. 138b

    par 'gyur/ sems can thams cad kyi mchog tu'ang 'gyur/ dbang bla na med pa'ang byed par 'gyur/ ye shes chags pa med pa bstan pa la'ang dga' zhing spobs pa thob par 'gyur sngon gyi mtha' dang phyi ma'i mtha' rnam par dag pa shes pa'ang kun 'dzin par 'gyur/ dbus nye bar zhi ba'ang rjes su dran par 'gyur/ mi skye ba'i chos la bzod pa thob pa la brten nas smon lam gyi khyad par yang rtogs par 'gyur/ smon lam yongs su dag pa'ang thob par 'gyur/ chos thams cad shes pa la mkhas pa thun mong ma yin pa'ang kun 'dzin par 'gyur/ tshig btsun zhing chos kyi char chen po'ang 'bebs par 'gyur ro/ / bkod pa mtha' yas byang chub sems dpas smon lam gyi khyad par thob nas/ mi skye ba'i chos la bzod pa'ang thob par 'gyur zhing / chos thams cad rnam par dag pa'ang kun tu 'dzin par 'gyur la/ 'di ltar chos thams cad skye ba med cing 'jig pa med do zhes bya bar shes pa'ang mngon par sgrub par 'gyur/ 'di ltar chos 'di dag thams cad ni ma byung ba las byung ba/ byung nas kyang yongs su grub par mi 'gyur gyi/ yongs su ma grub pa kho nar 'bral bar 'gyur bas/ bral ba'i chos su yang dag par 'du zhing bral ba'i sgo can no zhes bya bar chos shes pa'ang thob par 'gyur/ bral ba ni mi skye ba'i mtshan nyid du yang dag par 'du'o// chos thams cad mi skye ba'i mtshan nyid gang yin pa de ni 'gog

  276. 139a

    pa'i mtshan nyid dang / 'dod chags dang bral ba'i mtshan nyid de/ de ltar mngon par grub pa ni mngon par zhen par yang mi byed/ spros par yang mi byed do// bkod pa mtha' yas 'di ni byang chub sems dpa' rnams kyi chos mi skye ba shes pa'i sgo la mkhas pa yongs su rtogs pa'i gzungs kyi sgor 'jug pa yin te/ des na myur du mi skye ba'i chos la bzod pa'ang thob par 'gyur/ spobs pa phun sum tshogs pa'ang kun 'dren par 'gyur ro// de nas bcom ldan 'das kyis chos kyi sgo sgrub pa 'di yang dag par brjod pa'i phyir/ tshigs su bcad pa 'di dag gsungs so// ma byung ba las chos byung ste// byung nas so sor bral bar 'gyur// byung nas bral ba'i don yin na// 'di la gang zhig 'dzin par 'gyur/ / chos kun dngos po med pa ste// nyon mongs med cing len pa med// gang la chos kyang mi rnyed pa// de dag ji ltar kun tu 'dzin// chos kun ngo ba nyid kyis ni// thob pa med ces rlom pa gang / / de dag mtshan ma spyod pa ste// gzungs 'di thob par mi 'gyur ro// de yi phyir na chos rnams kun// nam mkha' lta bur rab tu gsal// nam mkha' dag ni rab gsal ba/ / de dag gnyis ka yod ma yin// chos 'di thams cad yod min zhing // med pa dang yang bral ba yin// gang gis de ltar chos shes pa// de dag la ni gzungs skye'o//

  277. 139b

    gang zhig mtha' med rjes rtogs shing // dbus su'ang rlom par mi byed pa// de dag rlom sems bral ba ste// chos rnams thams cad med par bshad// gang la snying po mo rnyed pa/ de la snying po yod min na// chos rnams thams cad ji lta bur// yang dag tshul gyis kun tu 'dzin// de ltar chos rnams rang bzhin gyis// nyon mongs med par shes pa gang // de dag rnams la mdor na 'dir// rnam par dag pa'i gzungs su 'gyur// gang zhig chos kun mkha' 'dra zhing // rtag tu bar snang lta bur yang // shes rab kyis ni nges rtogs pa/ / de la gzungs kun skye bar 'gyur// chos rnams thams cad ma skyes shing // ma byung nyon mongs med pa yin// nyon mongs med cing len pa med// 'dir ni ji ltar kun tu 'dzin/ / chos kun ngo bo nyid kyis ni// spros pa med cing mtshan nyid med// chos kun mtshan nyid bral bas na// nyon mongs med par bshad pa yin// gang gis de ltar chos shes shing / / gang du'ang rlom par mi byed pa// de yi chos kun tshul bzhin du// kun tu 'dzin par 'gyur ba yin// gang gis chos kun rang bzhin gyis// med de yod pa ma yin dang // yod pa ma yin don rtogs pa// de la gzungs ni nye bar skyes// dpa' bo gang zhig de lta bur// so sor rtogs pa de la ni// chos rnams kun gyis mi gos shing // stong par

  278. 140a

    mi rlom chos kun 'dzin/ / gang zhig mi rtag don nyid dang // med don sdug bsngal nyid don du// 'dod chags bral bar rnam shes pa// de la shes rab ye shes 'phel/ / blo gros brtan pa gang zhig gis// len med mya ngan 'das don dus// chos kyi tshul bzhin 'dun byed cing // mi rtog rnam par mi rtog pa// des ni snying po med pa'i chos/ / nyon mongs med cing len pa med// dben zhing stong la lta dka' ba// thams cad kun tu 'dzin par 'gyur// gang gis chos su brjod shes shing // brjod pa la yang mi rlom la/ kun tu 'dzin pas len med pa// rlom sems med pa'i tshul 'di yin// gang gis mtshan ma rnam bshig nas// mtshan ma med par rab shes shing // chos rnams kun gyis spong ba yi// 'du shes 'phel bar mi 'gyur ba// des ni rdzogs pa'i sangs rgyas kyis// bshad pa'i don de'i rnam shes shing // dgongs te bstan la shes pa yang // mnyam pa rjes su rtogs par 'gyur/ / gang gis chos kun tshad med par// tshul bzhin du ni nges rtogs pa// de yis tshul 'di tshad dag dang // bral zhing mnyam par rtogs par 'gyur// gang gis chos rnams ming med cing / / mtshan ma med par yongs rtogs pa// de 'dir bzod pa 'phel 'gyur zhing // don 'di'ang rnam par shes par 'gyur// tshul bzhin du ni smon lam gyi// khyad par yongs su

  279. 140b

    rnam rtog cing / / smon pa yi ni ngo bo dang // 'gal bar 'gyur ba ma yin no// bstan pa de ni don gyi lugs// 'di la tshul bzhin yongs rtog kyang // de la chos rnams thams cad kyis// tshul bzhin dogs par mi 'gyur ro// gang gis shes rab chos kun gyis// rnam pa nges par rtog 'gyur zhing // gang zhig rnam pa med pa la// 'jug pa med par rnam shes pa// des ni bstan pa 'di yi tshul/ / bye brag shes shing rab tu gnas// sangs rgyas kyis ni chos rnams dang // mi 'jigs myur du thob par 'gyur// gang zhig chos la spros med cing // mnyam par yang ni mi rtog pa/ / de yis chos kun sbyor shes nas// 'dod chags bral ba rmongs mi 'gyur// gang dag 'gog dang zhi ba'i don// phung po zad par mi rlom pa// de dag gis ni tshul bzhin du/ / mnyam pa'i chos 'di thob por 'gyur// byams pa dang ni snying rje dag/ sgom par byed la rab gnas shing // sems can kun la phan brtson gang // de dag bla med rtogs par 'gyur/ / sems can 'du shes rnam bral zhing // sems can med pa'i chos shes gang // de yis chos rnams spros med pa'i// tshul bzhin don la spros mi byed// gang gis chos 'di thos gyur nas/ / dang ba myur du thob 'gyur ba// des ni byams pa rkang gnyis mchog/ rdzogs pa'i sangs rgyas mthong bar 'gyur// gang dag 'di dang phrad gyur cing // bzang pos

  280. 141a

    chos 'di thos nas ni/ / dga' bar byed pa de dag gis// nga yang kun tu mnyes par byas// gang dag de bzhin gshegs pa la// dad pa mi phyed thob 'gyur/ ba'i// bzang po 'di dag chos 'di rnams// thos nas dga' ba byed par 'gyur// gang dag bskal pa bzang po yi// rgyal ba lta bar 'dod de dag/ tshul 'di la ni legs bslab na// rgyal ba de dag mnyes par 'gyur// tshe dpag med dang gzi brjid che// mi 'khrug pa dang grags chen dag/ blta bar 'dod pa gang yin des// tshul 'di la ni bslab par gyis// byang chub dam pa blta dka' zhing // zhi ba kun tu mnyes byed dang // 'khor los sgyur ba thob 'dod pa// des ni tshul 'di bslab par gyis// gzud kyi tshul ni bla med la// yang dag mkhas par 'dod na yang / / chos 'di la ni legs bslabs nas// rtag tu bag dang ldan par gyis// smon lam dam pa'ang rgya che zhing // gtso bo rtag tu 'thob 'gyur nas// byang chub rtogs par 'dod na yang / / chos 'di dag la bslab par gyis// mdo 'di las ni nges smras pa// phyag rgya bla na med pa ste// chos kun rjod par byed pa yi// gzungs su bshad pa'ang 'di yin no/ / chos rnams thams cad gzungs 'di yi// nang du 'dus par rab tu bshad// 'di dag nam mkha'i sgo can te// mtha' yas don du legs par nges// chos 'di dag

  281. 141b

    las sgo bstan pa/ / sgo ni legs par brjod pa yin// mkhas pa kun tu gzung ba'i phyir// gzungs ni nye bar skye bar 'gyur// shes rab nges par bstan pa 'di// chos kun 'dzin par byed pa ste/ / mkhas pa kun tu gzung ba'i phyir// shes rab nye bar gzung bar bya// rnam grangs 'dir ni bstan pa dag/ sangs rgyas chos shes yang dag bya// byang chub yan lag bla na med// don gyis yang dag brjod pa yin// shes rab dbye ba mkhas pa yang // 'di las yang dag bstan pa yin// byang chub phyogs dang mthun pa'i chos// bla med 'di la bslab par gyis// bla med tshul la mkhas pa yang // chos 'di la ni nges par bstan// thabs shes pa la brten nas ni// chos 'di rab tu bstan par gyis// chos rnams kyi ni rang bzhin 'di// nye bar bstan pa bla na med// 'di las bslabs na bdud rtsi yi// don 'di yang ni bshad par gyis// mkhas pa gang zhig sangs rgyas kyi// ye shes chags pa med 'dod pa/ / de dag don 'di la bslabs nas// ye shes bla med thob par 'gyur// ngas kyang sngon chad chos 'di la// bskal pa bye ba tshad med cing // grangs med dag tu bslabs nas ni/ / tshul 'di zhi bar gyur pa yin// ngas ni sngon chad sangs rgyas dag/ stong phrag mang po mnyes par byas// de phyir bla na med pa'i chos// 'di kun

  282. 142a

    mkhyen cing gzigs pa yin/ / ngas ni khyod dang sems can gyi// tshad gzung med cing mtha' yas pa'i// don chen byas te de las ni// gzungs 'di thob par gyur pa yin/ / mkhas pa gang zhig gzungs kyi sgo'o// phyag rgya 'di las tshig gcig cig/ rnam par bsgoms na'ang tshul 'di la// rab tu 'jig par 'gyur ba yin// nga yi ye shes tshad med cing / / mtha' yas bla na med pa ste// nga yi ye shes phung po des// chos 'di rab tu bshad par mdzad// shes rab ldan pa gang zhig ni// byang chub ched du rtogs 'dod pa/ / 'jigs med de yis don tshul 'dir// yang dag nyid du brtson par gyis// mkhas pa gang zhig shes rab kyi// snang ba mang po 'dod pa des// sangs rgyas / bsnyen bkur rab byas nas// tshul 'di dag la bslab par gyis// chos kyi 'khor lo bskor ba dang // chos dung 'bud par 'dod pa gang // shes rab ldan pa de yis ni// bstan pa 'di la bsgrub par gyis/ / mi gang 'od zer mthar yas pa// 'gye bar 'dod cing sangs rgyas kyi// chos don gnyer ba gang yin des// 'di la tshul bzhin bslab par gyis/ dam pa gang zhig lhar bcas pa'i// 'jig rten zil gnon 'dod pa des// chos kun rnam par nges pa yi// mdo 'di la ni bslab par gyis// nga yi ye shes gzhal du med/

  283. 142b

    ye shes rtsom pa'ang tshad med de// sangs rgyas ye shes 'dod pa gang // de yis 'di la rjes su slobs// sangs rgyas ye shes spros med cing // ye shes dam par gyur pa'i tshul/ / thams cad rab tu ston 'dod gang // de yis don 'di bslab par gyis// gang zhig ye shes chags med pa// ston pa rab tu 'chad 'dod pa// de dag gis ni chos 'di la/ bslabs nas bdud rtsi bstan par gyis// gang zhig gis ni 'jig rten khams// bye brag tshad med mtha' yas pa// snang bar byed par 'dod pa des// bstan pa 'di la yang dag slobs/ / sgo ni bla na med pa ste// chos kun rnam par sbyong ba yin// mdo 'di las ni chos kun gyi// rnam par dag pa rab tu bstan// kun mkhyen rkang gnyis mchog gis ni// bla na med pa'i mdo 'di las/ / shin tu rgyas pa 'dir bshad pa// byang chub sems dpa' rnams la bstan// bkod pa mtha' yas de lta bas na/ byang chub sems dpa' rnams kyis sems can rnams la phan gdags pa'i ched du/ chos 'di yongs su gzung ba dang / yun ring du gnas par bya ba'i phyir/ chos kyi tshul 'di la dad pa bskyed de/ chos 'di yang dag par bsdus nas glegs bam la bris te gzhag par bya'o/ / bkod pa mtha' yas gang dag ma 'ongs pa'i dus na chos 'di thos nas dga' ba dang / rab tu dga' ba dang ldan pa'i

  284. 143a

    sems kyis/ de bzhin gshegs pa yid la byed par 'gyur ba de dag gis ni/ de bzhin gshegs pa rnams kyi chos kyi gter mtha' yas pa 'di'ang thob par 'gyur la/ spobs pa phun sum tshogs pa'ang 'dzin par 'gyur/ myur du chos thams cad la dbang sgyur ba'ang thob par 'gyur/ sangs rgyas kyi zhing phun sum tshogs pa dang / nyan thos phun sum tshogs pa dang / byang chub sems dpa' phun sum tshogs pa bsam gyis mi khyab pa'ang 'dzin par 'gyur ro// bkod pa mtha' yas chos thams cad spros pa med pa la gnas pa'i byang chub sems dpa' rnams la/ gzungs kyi sgo rnam par sbyong bar byed pa'i chos 'di mngon du 'gyur zhing / yon tan gyi khyad par tshad med pa bsam gyis mi khyab pa gzhan yang yongs su 'dzin par 'gyur te/ bkod pa mtha' yas 'di ni gzungs kyi sgo bstan pa'i chos kyi rnam grangs 'di la chos rim par phye ba gsum pa yin no// bkod pa mtha' yas de lta bas na nga'i rjes su slob par 'dod pa'i byang chub sems dpa' phyi ma'i dus na dge ba'i bshes gnyen gyi rjes su 'brang ba dang / mi dge ba'i grogs po yongs su spang ba dang / chos 'di dag kun bsrung bar gnas pa dang / lus dang srog kyang yongs su btang ste/ gzungs kyi phyag rgya 'di yang dag par gzung bar bya'o// bkod pa mtha' yas dper na ston zla 'bring po'i zla banyam

  285. 143b

    dkyil 'khor skar ma rnams kyis yongs su bskor ba ni shin tu lham me/ lhang nger 'dug go// de bzhin du gzungs kyi phyag rgya bstan pa rim par phye bas yang dag par bsdus pa 'di'ang / mdo/ sde thams cad kyi khongs su gtogs shing / snying por gyur la mdzes shing brjid pa yin no// 'di dag thams cad ni gus pa chen pos spobs pa mtha' yas pa la nges par 'byung ba yin pas// 'di la bag yod pa'i sa 'dod par bya'o// bag yod pa'i sa ji lta bu zhe na/ chos 'di dag la sems kyi las tshul bzhin du yongs su rtog pa'i yid la byed pas nges par sems pa dang / ji lta ba bzhin du rab tu rtogs pa'i bzod pa yongs su dag pa la rlom sems med pa yin no// byang chub sems dpa' bag yod pa'i sa la slob par 'dod pa chos la mkhas par mngon par brtson pas/ chos 'di yun ring du gnas par bya ba'i phyir gus pa dang bcas/ zhe sa dang bcas par bya ste/ glegs bam bris nas/ byang chub la yang dag par zhugs pa don du gnyer zhing / 'dun pa rnams la rab tu bstan par bya/ kun tu bgo bar bya zhing lung 'bog pa dang / kha ton bya ba dang / yi ger 'bri ba dang / don nges par bstan pa'i bar du'ang chos yang dag par bgro ba la bcab pa med par/ chos kyi sgo ji ltar kun tu bzung ba bzhin mi mkhyud par bya'o// khyed sems can thams cad sangs rgyas kyi chos bla na med pa

  286. 144a

    'di dag thob par 'dod na/ sems can thams cad sangs rgyas kyi chos 'di dag dang mi 'bral bar bya'o// de ltar zhugs pa'i byang chub sems dpas ni/ chos gang sgrub par mi 'gyur ba dang / don gang rtogs par mi 'gyur ba de cung zad kyang med de/ chos kyi sgo gang 'dir ma brjod pa de ni 'ga' yang med kyis/ bkod pa mtha' yas sems can thams cad la phan pa dang bde bar bya ba'i phyir/ gzungs kyi sgo rnam par sbyong ba'i chos rim par phye ba 'di zung zhig/ de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo chos kyi sgo'i le'u 'di zung zhig/ gsol pa/ bcom ldan 'das de bzhin gshegs pa'i mthus 'di bdag gis bzung lags te/ bcom ldan 'das chos kyi sgo 'di dang ldan pa ni chos kyi sgo tshad med pa mngon du 'gyur ba lags so// bcom ldan 'das kyis bka' stsal pa/ dga' bo de de bzhin te/ de bzhin gshegs pa'i mthus chos kyi sgo 'di la dad pa dang / chos kyi sgo 'di kun 'dzin pa dang / bsnyen bkur byed pa rnams la chos kyi sgo mang po mngon du 'gyur ro/ / kun dga' bo de'i phyir/ khyod kyis chos kyi sgo de bzhin gshegs pa rnams kyi chos mang po'i mdzod 'di kun tu zung zhig/ kun dga' bo chos kyi sgo 'di bstan pa

  287. 144b

    'di'i nang nas byang chub sems dpa' dpag tu med pa dag chos kyi snang ba chen po la gnas par 'gyur te/ chos kyi snang ba des sangs rgyas stong phrag mang po rnams kyi chos bstan pa'ang mngon du 'gyur/ thams cad mkhyen pa'i ye shes dang yang nye bar 'gyur/ smon lam gyi rgyun ji lta bu 'dod pa'ang de bzhin du 'grub par 'gyur ro// kun dga' bo de bzhin gshegs pas chos kyi rnams kyi rang bzhin zab mo mtshan ma med pa dang / ming dang mtshan mar brjod pas ston par mdzad pa la ltos/ chos kyi rang bzhin brjod cing lta ba rnam par dag pa sbyong bar mdzad kyang / 'di la cung zad kyang ston pa med de/ ston par byed pa'ang 'ga' yang med do// kun dga' bo chos kyi sgo 'di ni ye shes tshad med pa yang dag par rtsom pa yin te/ chos kyi sgo 'di bstan pas byang chub sems dpa' dpag tu med pa dag kyang mi skye ba'i chos rab tu rtogs pa'i bzod pa skyes la/ sems can dpag tu med pa dag kyang byang chub la yang dag par zhugs par gyur to/ / kun dga' bo chos kyi sgo 'di la gang sems dang po bskyed nas/ bla na med pa yang dag par rdzogs pa'i byang chub la yang dag par zhugs pa de dag thams cad ni/ bskal pa grangs med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / spobs pa mtha'

  288. 145a

    yas pa nyid la'ang nges par 'byung bar 'gyur ro/ / de nas de'i tshe bcom ldan 'das kyis gzungs kyi phyag rgya bstan pa'i chos kyi sgo 'di byin gyis brlab pa'i phyir 'od zer dag bkye ste/ 'od zer des kyang 'jig rten gyi khams tshad med grangs med pa dag snang bas khyab par byas nas/ 'jig rten gyi khams de dag na gnas pa'i sems can de dag thams cad kyis gzungs kyi phyag rgya bstan pa'i chos kyi le'u 'di thos par gyur to/ / thos nas kyang byang chub kyi phyogs kyi chos rnams yongs su smin par gyur to// 'jig rten gyi khams tshad med grangs med pa dag gi sems can rnams kyis ni/ bla na med pa yang dag par rdzogs pa'i byang chub tu sems bskyed do// de'i tshe sems can thams cad kyang bde ba dang yang dag par ldan par gyur to/ / lha'i me tog gi char yang bab par gyur to// 'khor der 'dus pa'i byang chub sems dpa' thams cad kyis kyang / 'di skad du sems can thams cad sangs rgyas kyi ye shes thob par gyur cig ces tshig tu smras so/ / de nas byang chub sems dpa' spobs pa mtha' yas kyis/ bcom ldan 'das la 'di skad ces gsol to// bcom ldan 'das chos kyi rnam grangs 'di ma ci legs/ ji ltar gzung bar bgyi/ bka' stsal pa/ spobs pa mtha' yas gzungs kyi rgyal po bstan pa zhes bya bar yang zung zhig/ spabs bcad

  289. 145b

    med pa zhes bya bar yang zung zhig/ gzungs kyi phyag rgya spong ba zhes bya bar yang zung zhig/ sde snod gsum yang dag par sdud pa la mkhas pa zhes bya bar yang zung zhig/ spob pa mtha' yas 'di ni don thams cad yang dag par sdud pa la mkhas pa'i chos kyi sgo yin te/ des na chos thams cad snang bar 'gyur ro// chos kyi sgo 'di ni byang chub sems dpa' rnams kyi the tshom thams cad gcod par 'gyur ba yin/ 'di ni nga'i rjes su ston pa yin no// de nas thams cad dang ldan pa'i 'khor des/ bcom ldan 'das la me tog kha dog lnga pas mngon par gtor to// bcom ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dang / lha dang / dri za dang / mi dang lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po chos kyi rnam grangs le'u stong phrag brgya pa las/ sgo mtha' yas pa rnam par sbyong ba bstan pa zhes bya ba'i le'u ste/ sh+lo ka stong nyis brgya ste bam po bzhi pa'o// 'dus pa gnyis pa rdzogs so// rgya gar skad du/ Ar+ya ta thA ga tA a tsin t+ya gu h+ya nir de sha nA ma ma hA yA na sU tra/ bod skad du/ 'phags pa de bzhin gshegs pa'i gsang ba bsam gyis mi

  290. 146a

    khyab pa bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong bzhi khri nyis stong gi dge slong gi dge 'dun chen po dang / byang chub sems dpa' sems dpa' chen po mngon par shes pas mngon par shes pa/ phal cher sangs rgyas kyi zhing gzhan nas 'dus pa'i byang chub sems dpa' brgyad khri bzhi stong dang thabs cig tu bzhugs te/ thams cad kyang bzod pa thob pa/ phyir mi ldog pa/ skye ba gcig gis thogs pa/ gzungs thob pa/ ting nge 'dzin thob pa/ spobs pa thogs pa med pa/ phyogs bcu mtha' yas pa'i sangs rgyas kyi zhing du 'gro ba la mkhas pa/ mngon par shes pa'i ye shes kyis rnam par rtsen pa/ phas kyi rgol ba thams cad kyis zil gyis mi non pa bdud dang phyir rgol ba bcom pa/ sems can thams cad kyi sems dang / bsam pa dang / spyod pa'i sgrub pa shes pa/ dbang po mchog dang mchog ma yin pa shes pa la mkhas pa/ pha rol tu phyin pa thams cad kyi tshul la 'jug par rab tu zhugs pa/ thabs la mkhas pa dam pa'i pha rol tu son pa/ sangs rgyas thams cad kyis bstod cing bsngags te bkur la

  291. 146b

    rab tu bsngags pa/ bskal pa bye ba khrag khrig brgya stong dadag tu med par byang chub kyi lam mtha' yas pa mthar gtugs pa/ sems sa dang / chu dang / me dang / rlung dang mtshungs pa/ nam mkha' ltar mtha' yas pa'i byams pa bsgom pa'i rnal 'byor la brtson pa/ chags pa'i gnas sgrib pa dang / chod pa dang / kun nas ldang ba thams cad las yang dag par 'das pa mthu bo che'i lus thob pa/ rdo rje ltar sra zhing mi tshugs pa'i lus dang ldan pa/ seng ge'i sgra chen po sgrogs pa/ 'khor thams cad zil gyis gnon pa la 'jigs pa med par mkhas pa/ zla ba dang nyi ma mog mog por byed pa/ chos thams cad ji lta ba bzhin du dus gsum mnyam pa nyid thob pa/ chos zab mo rnam par nges pa ye shes kyis ston pa la mkhas pa/ rten cing 'brel par 'byung ba la zhugs pas rtag pa dang chad par lta ba'i mtha' gnyis yongs su spangs pa/ bsam gtan dang / rnam par thar pa dang / ting nge 'dzin dang / snyoms par 'jug pa dang / mnyam par gzhag pa dang / ldang ba shes pa la mkhas pa/ phyogs bcur sgra grags pa/ dam pa'i chos dkon mchog gi mdzod yang dag par 'dzin pa/ dkon mchog gsum gyi rigs mi 'chad par byed pa/ bsod nams dang ye shes kyi tshogs dpag tu med pa bsags pa sha stag la 'di lta ste/ byang chub sems dpa' zla ba'i bla ma zhes bya ba dang / zla ba'i tog dang /

  292. 147a

    ri bong can gyi tog dang / 'od kyi tog dang / 'od dpal dang / dpal brtsegs dang / dpal sbas dang / mthu bo che dang / klu dga' dang / klu'i bla ma dang / klus byin dang / gzungs 'dzin dang / mya ngam gyi lha dang / yon tan sgron ma'i rgyal po dang / lag na sgron ma dang / rtag tu lag bteg dang / rtag tu lag brkyang dang / lag na phyag rgya rin po che dang / lag na rin po che dang / kun tu snang dang / skar ma'i rgyal po dang / lag na rdo rje dang / rdo rje'i blo gros dang / rdo rje blo gros chen po dang / rdo rjes rnam par gnon pa dang / mi g.yo ba'i gom par 'gro ba dang / 'jig rten gsum rnam par gnon pa dang / mtha' yas rnam par gnon pa dang / blo gros mtha' yas dang / blo gros rgya mtsho dang / brtan pa'i blo gros dang / nor gyi blo gros dang / bla ma'i blo gros dang / khyad par blo gros dang / 'phel ba'i blo gros dang / rtag tu mos dang / rtag tu dgod cing rab tu dga' ba'i dbang po dang / ngan song spong dang / sgrib pa thams cad rnam par sel ba dang / shin tu sbyangs pa dri ma med pa'i gzi brjid 'chang ba dang / brtson 'grus 'bar ba dang / shes rab brtsegs dang / rtag par lha dang / spyan ras gzigs dbang phyug dang / mthu chen thob dang / lhun po brtsegs dang / nam mkha' mdzod dang / mi 'dzums pa dang /

  293. 147b

    brjod med dang / rin chen dam pa dang / rin chen sems pa dang / legs par rnam par sems pa dang / don legs par rnam par bsams pa dang / shin tu nges pa'i blo gros dang / gzungs kyi dbang phyug gi rgyal po dang / sa 'dzin dang / bkod pa'i rgyal po dang / zhing yang dag par brgyan pa dang / rin chen 'byung gnas dang / phug sbas dang / dbang po'i lha dang / chu lha dang / tshangs pa dra ba can dang / byang chub sems dpa' dra ba can gyi 'od ces bya ba dang / lha'i cod pan dang / lag bzang dang / mig bzangs dang / spos kyi glang po dang / ba glang spos kyi glang po che dang / seng ge'i tog dang / don grub blo gros dang / kha lo sgyur dang / zhi ba'i blo gros dang / byams pa dang / 'jam dpal gzhon nur gyur pa dang / de dag la sogs pa byang chub sems dpa' brgyad khri bzhi stong dang / gang dag stong gsum gyi stong chen po'i 'jig rten gyi khams 'di na brgya byin dang tshangs pa dang / 'jig rten skyong dang / de ma yin pa lha'i dbang po 'am/ klu'i dbang po 'am/ gnod sbyin gyi dbang po 'am/ dri za'i dbang po 'am/ lha ma yin gyi dbang po 'am nam mkha' lding gi dbang po 'am/ mi 'am ci'i dbang po 'am/ lto 'phye chen po'i dbang po dbang che ba/ dbang che bar grags pa yod pa de dag thams cad kyang 'khor de nyid du 'dus par gyur pa

  294. 148a

    la 'di lta ste/ klu'i rgyal po ma dros pa zhes bya ba dang / klu'i rgyal po rgya mtsho dang / chu lha dang / gzi can dang / 'jog po dang / gser mdog dang / kha dog mtha' yas dang / klu'i rgyal po mtshams bzangs dang / de dag dang gzhan yang klu'i rgyal po 'khor dang bcas pa brgya stong phrag mang po/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// lha ma yin gyi dbang po sgra gcan dang / thag zangs ris dang / lag bzangs dang / sa la dang / ta la dang / bde mchog dang / rab sim dang / che rab dang / lha ma yin gyi dbang po gnod sbyin gzhan dang / de dag dang gzhan yang lha ma yin gyi dbang po 'khor dang bcas pa brgya stong mang po/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// rgyal po ma skyes dgra'ang btsun mo'i 'khor dang bcas/ rang gi gnyen dang 'khor dang bcas te/ bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// de ma yin pa gzhan yang 'khor bzhi po dge slong dang / dge slong ma dang / dge bsnyen dang / dge bsnyen

  295. 148b

    ma dang / bcom ldan 'das la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// sa bla na spyod pa'i lha'i bu rnams dang / 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu rnams kyang / bcom ldan 'das la blta ba dang / phyag bya ba dang / mchod pa dang / bsnyen bkur bya ba dang / chos mnyan pa'i phyir 'khor de nyid du 'dus par gyur to// de nas bcom ldan 'das 'khor brgya stong du mas yongs su bskor cing mdun gyis bltas te/ 'di ltar byang chub sems dpa' sems dpa' chen po rnams kyi tshogs rnam par dag pa'i sgo bsdu ba yongs su bskang ba'i phyir chos ston to// 'di lta ste/ byang chub sems dpa' rnams kyi sbyin pa'i tshogs ni sems can yongs su smin par byed par 'gyur ro/ / byang chub sems dpa' rnams kyi tshul khrims kyi tshogs ni smon lam yongs su rdzogs par 'gyur ro// byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par 'gyur ro/ / byang chub sems dpa' rnams kyi brtson 'grus kyi tshogs ni sangs rgyas kyi chos thams cad yongs su rdzogs par 'gyur ro/ / byang chub sems dpa' rnams kyi bsam gtan gyi tshogs ni cang shes kyi sems su 'gyur ro// byang chub sems dpa' rnams kyi shes rab kyi tshogs ni nyon mongs pa thams cad spong

  296. 149a

    bar 'gyur ro/ / byang chub sems dpa' rnams kyi chos bstan pa'i tshogs ni spobs pa thogs pa med par 'gyur ro// byang chub sems dpa' rnams kyi bsod nams kyi tshogs ni sems can thams cad nye bar 'tsho bar 'gyur ro/ / byang chub sems dpa' rnams kyi ye shes kyi tshogs ni thogs pa med pa'i ye shes su 'gyur ro// byang chub sems dpa' rnams kyi zhi gnas kyi tshogs ni sems las su rung bar 'gyur ro/ / byang chub sems dpa' rnams kyi lhag mthong gi tshogs ni the tshom dang bral bar 'gyur ro// byang chub sems dpa' rnams kyi byams pa'i tshogs ni zhe 'gras pa med pa'i sems su 'gyur ro/ / byang chub sems dpa' rnams kyi snying rje'i tshogs ni yongs su mi skyo ba'i sems su 'gyur ro// dga' ba'i tshogs ni chos kyi kun dga' la dga' zhing mos par 'gyur ro/ / btang snyoms kyi tshogs ni rjes su 'chags pa dang khong khro ba spong bar 'gyur ro// byang chub sems dpa' rnams kyi chos mnyan pa'i tshogs ni sgrib pa spong bar 'gyur ro/ / byang chub sems dpa' rnams kyi mngon par 'byung ba'i tshogs ni yongs su 'dzin pa thams cad 'dor bar 'gyur ro// byang chub sems dpa' rnams kyi dgon pa la gnas pa'i tshogs ni byas pa'i las chud mi za bar 'gyur ro/ / dran pa'i tshogs ni gzungs 'thob par 'gyur ro// blo gros kyi tshogs ni blo gros rab tu 'byed par 'gyur ro// rtogs pa'i tshogs ni don rtogs pa'i

  297. 149b

    rjes su 'gro bar 'gyur ro/ / dran pa nye bar gzhag pa'i tshogs ni lus dang / tsher ba dang / sems dang / chos la so sor rtog par 'gyur ro// yang dag par spong ba'i tshogs ni mi dge ba'i chos thams cad spong ba dang dge ba'i chos thams cad yongs su rdzogs par 'gyur ro/ / rdzu 'phrul gyi rkang pa'i tshogs ni lus dang sems yang bar 'gyur ro// dbang po lnga'i tshogs ni dbang po mchog dang mchog ma yin pa shes par 'gyur ro/ / stobs lnga'i tshogs ni nyon mongs pa thams cad kyis mi brdzi bar 'gyur ro// byang chub kyi yan lag gi tshogs ni chos thams cad ji lta ba bzhin du khong du chud par 'gyur ro/ / lam gyi tshogs ni lam ngan pa thams cad las yang dag par 'da' bar 'gyur ro// bden pa'i tshogs ni mi 'khrugs pa'i chos nyid du 'gyur ro// so so yang dag par rig pa'i tshig ni sam can thams cad kyi the tshom gcod par 'gyur ro/ / ston pa'i tshogs ni gzhan dag la rag ma las pa'i ye shes su 'gyur ro// dge ba'i bshes gnyen gyi tshogs ni yon tan thams cad skye ba'i sgor 'gyur ro// bsam pa'i tshogs ni 'jig rten thams cad la mi slu bar 'gyur ro// lhag pa'i bsam pa'i tshogs ni khyad par du 'gro bar 'gyur ro// sbyor ba'i tshogs ni rtsom pa thams cad nyams 'og tu chud par 'gyur ro/ / nang du yang dag 'jog gi tshogs ni ji skad thos pa'i chos chud mi gson par 'gyur ro// bsdu ba'i dngos po'i tshogs ni sems can yongs su smin par byed par 'gyur ro// dam pa'i chos

  298. 150a

    yongs su 'dzin pa'i tshogs ni dkon mchog gsum gyi rigs rgyun mi gcod par 'gyur ro/ / bsngo ba la mkhas pa'i tshogs ni sangs rgyas kyi zhing yongs su dag par 'gyur ro// byang chub sems dpa' rnams kyi thabs la mkhas pa'i tshogs ni thams cad mkhyen pa'i ye shes yongs su rdzogs par 'gyur ro// de ltar bcom ldan 'das kyis byang chub sems dpa' sems dpa' chen po rnams la tshogs rnam par dag pa'i sgo bsdu ba zhes bya ba'i chos kyi rnam grangs rgyas par bshad do/ / tshogs rnam par dag pa'i sgo bsdu ba bstan pa 'di bshad pa'i tshe/ bcom ldan 'das kyi g.yas phyogs na gsang ba pa'i bdag po lag na rdo rje rdo rje thogs nas 'dug par gyur to/ / de nas bcom ldan 'das la/ gsang ba pa'i bdag po lag na rdo rjes 'di skad ces gsol to// ji tsam du de bzhin gshegs pas byang chub sems dpa' sems dpa' chen po rnams kyi tshogs rnam par dag pa'i sgo bsdu ba zhes bgyi ba'i chos kyi rnam grangs 'di legs par gsungs pa ni/ bcom ldan 'das ngo mtshar lags so/ / yang bcom ldan 'das kyis ji skad bshad pa'i don bdag gis 'tshal ba ltar na/ bdag 'di snyam du bgyid de/ bcom ldan 'das byang chub sems dpa' sems dpa' chen po rnams kyi tshogs de dag thams cad ni bsod nams kyi tshogs dang ye shes kyi tshogs kyi nang du 'dus shing rjes su zhugs par 'tshal bar bgyi'o/ / de ci'i slad du zhe na/ bcom ldan 'das

  299. 150b

    byang chub sems dpa' sems dpa' chen po rnams kyi bsod nams kyi tshogs ni rnam par bsgrub pa thams cad rnam par bsgrub bo/ / ye shes kyi tshogs ni sems can thams cad la legs par bshad pas tshim par bgyid do/ / bcom ldan 'das de lta bas na byang chub sems dpa' sems dpa' chen pos bsod nams kyi tshogs dang ye shes kyi tshogs la brtson par bgyi'o// de ci'i slad du zhe na/ bcom ldan 'das bsod nams kyi tshogs kyis ni/ byang chub sems dpa' rnams kyi thabs la mkhas pa'i pha rol tu phyin pa yongs su rdzogs par bgyid do// byang chub sems dpa'i lam 'di gnyis ni lam thams cad sdud par 'gyur ba lags so/ / byang chub sems dpa' lam la gnas pa ni bdud sdig can gyis thul bar dka' 'o// bdud kyi lam las yang dag par 'das pa'i byang chub sems dpa' ni bla na med pa yang dag par rdzogs pa'i byang chub las phyir mi ldog par 'gyur te/ phyir mi ldog pa'i byang chub sems dpa' la ni sangs rgyas bcom ldan 'das rnams de bzhin gshegs pa'i gsang ba thams cad ston te mi 'chab bo/ / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po khyod ning bzhin gshegs pa'i zham ring ba nye ba na 'dug pa yin na/ gsang ba pa'i bdag po de bzhin gshegs pa'i gsang ba'i gnas gang nyan thos dang rang sangs rgyas thams cad kyi sa'ang ma yin na/ de ma yin

  300. 151a

    pa'i sems can tham lta smras kyang kyi dgas pa la rnams te/ khyed stobs par gyis shig/ de skad ces smras pa dang / gsang ba pa'i bdag po lag na rnga rdzas cang ma bas khas blangs so/ / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rjes cang mi smra bas khas blangs par rig nas/ bcom ldan 'das la 'di skad ces gsol to/ / bcom ldan 'das gang dag thos pas byang chub sems dpa' sems dpa' chen po rnams rab tu dga' bar 'gyur te/ byang chub kyi phyogs kyi chos rnams yang dag par sgrub pa dang / de bzhin gshegs pa'i gsang ba yongs su rdzogs par bgyi ba'i slad du brtson par bgyid par de bzhin gshegs pa'i gsang ba 'khor 'di la 'chad par gsang ba pa'i bdag po lag na rdo rje smra mdzad du gsol/ da skad ces gsol pa dang / bcom ldan 'das kyis/ gsang ba pa'i bdag po lag na rdo rje la 'di skad ces bka' stsal to// gsang ba pa'i bdag po byang chub sems dpa'i gsang ba dang / de bzhin gshegs pa'i gsang ba 'khor 'di nyan par 'dod de khyod la ngas bskul gyis/ de bzhin gshegs pa'i gsang ba la rtsoms te/ 'khor 'dir spobs par gyis shig/ de skad ces bka' stsal pa dang / gsang ba pa'i bdag po lag na rdo rjes/ bcom ldan 'das la 'di skad ces gsol to// bcom ldan 'das 'di ltar sangs rgyas kyi mthu dang /

  301. 151b

    sangs rgyas kyi byin gyi rlabs kyis byang chub sems dpa'i gsang ba rnams dang / de bzhin gshegs pa'i gsang ba rnams la gang cung zad 'jug par bgyi ba tsam zhig bstan pa bdag gis bstan par bgyi'o/ / bcom ldan 'das 'di lta ste/ dper bgyin mtshan mo mun pa mun nag gi nang na mar me'i mthus/ gzugs su gyur pa'i rnam pa thams cad gda' ba de bzhin du/ bcom ldan 'das sangs rgyas kyi mthu dang / sangs rgyas kyi byin gyi rlabs kyis byang chub sems dpa'i gsang ba rnams dang / de bzhin gshegs pa'i gsang ba rnams la gang cung zad 'jug par bgyi brtsam bstan par bgyi'o/ / de nas gsang ba pa'i bdag po lag na rdo rjes/ byang chub sems dpa' sems dpa' chen po zhi ba'i blo gros la 'di skad ces smras so// rigs kyi bu de'i phyir nas byang chub sems dpa'i gsang ba rnams dang / de bzhin gshegs pa'i gsang ba rnams thos nas mi dngang / mi skrag/ skrag par mi 'gyur bar 'khor legs par khod cigade nas byang chub sems dpa' sems dpa' chen po zhi ba'i blo gros kyis/ thams cad dang ldan pa'i 'khor la smras pa/ grogs po dag de bzhin gshegs pas bsam gyis mi khyab pa 'di bzhi gsungs te/ bzhi gang zhe na/ 'di lta ste/ las bsam gyis mi khyab pa dang / klu bsam gyis mi khyab pa dang / bsam gtan pa bsam gyis mi khyab pa dang / sangs rgyas bsam gyis mi khyab pa'o// yang

  302. 152a

    grogs po dag gang gi phyir bla na med pa yang dag par rdzogs pa'i byang chub mngon par rdzogs par sangs rgyas nas/ bsam gyi mi khyab pa 'di bzhi rnam par bkod pa bsam gyis mi khyab pa 'di bzhi'i nang na de bzhin gshegs pas bsam gyis mi khyab pa mchog tu gsungs so/ / grogs po dag de la khyed kyis byang chub sems dpa'i bsam gyis mi khyab pa dang / de bzhin gshegs pa'i bsam gyis mi khyab pa thos nas mi sdang / mi skrag/ skrag par mi 'gyur bar bya'o// thos nas lhag par dga' ba dang / dad pa dang / mchog tu dga' ba rgya cher bskyed par bya'o/ / de nas byang chub sems dpa' sems dpa' chen po zhi ba'i blo gros kyis/ ji ltar thams cad dang ldan pa'i 'khor de bzhin gshegs pa'i gsang ba nyan pa la mos par gyur cing / thams cad dang ldan pa'i 'khor gyi dkyil 'khor du lha'i me tog gis pus mo nub tsam du bkram par gyur pa de lta bu'i byin gyi rlabs kyis byin gyis brlabs so// de nas gsang ba pa'i bdag po lag na rdo rjes byang chub sems dpa' sems dpa' chen po zhi ba'i blo gros la 'di skad ces smras so/ / zhi ba'i blo gros de'i phyir shin tu legs par nyon la yid la zung zhig dang / byang chub sems dpa'i gsang ba pa'i gnas rnams bshad par bya'o/ / zhi ba'i blo gros gang tshun chad bcom ldan 'das de bzhin gshegs pa mar me mdzad kyis/ de bzhin gshegs pa byang chub sems

  303. 152b

    dpar gyur pa na/ bla na med pa yang dag par rdzogs pa'i byang chub tu lung bstan pa de tshun chad kho bo byang chub sems dpa'i zhabs 'bring na 'dug 'dug na/ byang chub sems dpa'i lus 'gyur ba 'am/ lus tshul 'chos pa kho bos nam yang ma mthong ngo // ngag 'gyur ba 'am/ ngag gi kha gsag kyang ma thos so// sems 'gyur ba 'am/ sems g.yo ba'ang ma mthong ngo // de lus dang lus kyi spyad lam gyis sems can rnams yongs su smin par byed de/ tshig tu ni mi spro// sems can yongs su smin par bya ba'i phyir/ de'i lus kyi spyod lam mthara' las ma med par snang ste/ zhi ba'i blo gros sems can thams cad kyi lus kyi spyod lam ji snyed pa/ byang chub sems dpa'i lus kyi spyod lam yang de snyed du lhun gyis grub cing sgrim pa med par gnas so/ / 'di lta ste/ bsam gtan gyis 'dul ba'i sems can rnams la bsam gtan gyi spyod lam ston to// rlud kyi sgra dang klu'i dbyangs kyis 'dul ba'i sems can rnams la rgya kyi sgra dang glu'i dbyangs kyi spyod lam dang / khye'us 'dul ba'i sems can rnams la khye'u'i spyod lam dang / bu mos 'dul ba'i sems can rnams la bu mo'i spyod lam dang / bud med kyis 'dul pa'i sems can rnams la bud med kyi spyod lam dang / skyes pas 'dul ba'i sems can rnams la skyes pa'i spyod las dang / gzhon nus 'dul po'i sems can rnams la gzhon nu'i sku

  304. 153a

    lam dang / bar mas 'dul ba'i sems can rnams la bar ma'i spyod lam dang / rgan pos 'dul ba'i sems can rnams la rgan po'i spyod lam dang / yan lag ma tshang bas 'dul ba'i sems can rnams la yan lag ma tshang ba'i spod lam dang / gdol pa rkang lag chad pas 'dul ba'i sems can rnams la gdol pa rkang lag chad pa'i spyod lam dang / lkugs pa dang 'phye bos 'dul ba'i sems can rnams la lkugs pa dong 'phye bo'i spyod lam dang / long ba dang 'on pas 'dul ba'i sems can rnams la long ba dang 'on pa'i spyod lam dang / sems can dmyal ba pa'i gzugs kyis 'dul ba'i sems can rnams la sems can dmyal ba pa'i gzugs kyi spyod lam dang / dud 'gro'i skye gnas dang / gshin rje'i 'jig rten dang / mis 'dul ba'i sems can rnams la/ dud 'gro'i skye gnas dang / gshin rje'i 'jig rten dang / mi'i spyod lam dang / lhas 'dul ba'i sems can rnams la lha'i spyod lam dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen pos 'dul ba'i sems can rnams la/ klu dang / gnod sbyin dang / driza dang / lha ma yin dang / nam mkha' lding dang / mi 'am ci dang / lto 'phye chen po'i spyod lam dang / brgya byin gyis 'dul ba'i sems can rnams la brgya byin gyi spyod lam dang

  305. 153b

    tshangs pas 'dul ba'i sems can rnams la tshangs pa'i spyod lam dang / 'jig rten skyong bas 'dul ba'i sems can rnams la 'jig rten skyong ba'i spyod lam dang / 'khor los sgyur bas 'dul ba'i sems can rnams la 'khor los sgyur ba'i spyod lam dang / dge slong gis 'dul ba'i sems can rnams la dge slong gi spyod lam dang / dge slong mas 'dul ba'i sems can rnams la dge slong ma'i spyod lam dang / dge bsnyen gyis 'dul ba'i sems can rnams la dge snyan gyi spyod lam dang / dge bsnyen mas 'dul ba'i sems can rnams la dge bsnyen ma'i spyod lam dang nyan thos kyis 'dul ba'i sems can rnams la nyan thos kyi spyod lam dang / rang sangs rgyas kyis 'dul ba'i sems can rnams la rang sangs rgyas kyi spyod lam dang / byang chub sems dpas 'dul ba'i sems can rnams la byang chub sems dpa'i spyod lam dang / de bzhin gshegs pas 'dul ba'i sems can rnams la de bzhin gshegs pa'i spyod lam ston te/ gzugs med pa ni ma gtogs so/ / zhi ba'i blo gros de ltar sems can thams cad kyi gzugs dang / kha dog dang / spyod lam ji snyed pa byang chub sems dpa'i gzugs dang / kha dog dang / spyod lam yang de skad du lhun gyis grub cing yongs su mi rtog par kun tu gnas so/ / de la byang chub sems dpa' rnam par mi rtog cing btang snyoms pa de lus kyis lus kyi spyod lam ston mod kyi lus kyi chos

  306. 154a

    nyid las kyang mi g.yo'o/ / lus kyis lus kyi las byed mod kyi/ lus kyi dben pa'ang mi 'dor ro// de lus yongs su dag pas lus kyi 'od kyis sems can dmyal/ ba pa'i sems can thams cad bde bar byed do// lus la mi lta bas sha za ba'i sems can ji snyed yod pa sha'i longs spyod gang dang gang 'dod pa de lta bu'i sha rnams bdag gi lus las de dag la bstabs nas/ bdag srog dang phral te sems can de dag la sbyin par byed do// khrag 'thung ba rnams la khrag sbyin par byed do// rkang za ba rnams la rkang sbyin par byed do// gzi byin za ba rnams la gzi byin sbyin par byed do/ / zhi ba'i blo gros de ltar sha'i longs spyod ji snyed pa de dag thams cad bdag gi lus las bstabs te/ srog dang phral nas sems can de dag la sbyin par byed do// de'i lus tshad med pa ni chos kyi dbyings tshad med pa'i rjes su 'gro bas mi zad do// de'i lus mi zad pa mngon par sgrub pa ni rten cing 'brel par 'byung ba mi zad pa mngon par sgrub pas rab tu rig par 'gyur ro/ / de lus kyis sems can rnams yongs su smin par byed de/ gang dag 'dod chags la spyod pa sdug pa'i rnam pa dang / mtshan mar 'dzin pa'i sems can de dag gi mdun du bud med gzug bzang zhing mdzes pa blta na sdug pa ston te/ de la sems can de dag chags pa skyes nas byugs shing kun tu byugs te/ de dag pang du 'jog go// de dag skyes bu de dag gi pang du son pa dang rnyis

  307. 154b

    shing bskams nas 'chi ba'i dus byed do/ / mi gtsang zhing dri mi zhim par gyur pas skyes bu de dag des yid byung nas bor te song ba dang / shi ba'i ro de dag nyid las skyes bu de dag bla na med pa yang dag par rdzogs pa'i byang chub las phyir mi ldog par 'gyur ba'i chos bstan pa de lta bu 'byung ngo / / yang zhi ba'i blo gros byang chub sems dpa' de stong gsum gyi stong chen po'i 'jig rten gyi khams 'di lus kyis khyab par byas te/ sor mo'i rtse mos yungs 'bru la bya ba de bzhin du rin po che'i gdugs kyis khebs par byed do// sreg pa'i bskal pa'i me la lag pa'i sor mo'i g.yogs kyang / de'i lus nyams par mi 'gyur ro// de lus kyis sangs rgyas bcom ldan 'das rnams la mchod cing rim gro byed de/ me tog gi gdugs ri rab tsam dag kyang 'bul lo// de bzhin gshegs pa rnams la mchod pa bya ba'i phyir me tog gi skon bu dag kyang 'thor ro/ / de bzhin gshegs pa rnams la mchod pa bya ba'i phyir de stong gsum gyi stong chen po'i 'jig rten gyi khams 'di spos kyi 'bru mar gyis gang ba'i snod gcig tu mos te/ ri rab tsam gyi snying po 'bar bar byas pa'i mar me 'bar bar byed do// de bzhin gshegs pa la mchod pa bya ba'i phyir gang+gA'i klung gi bye ma snyed kyi mar me 'bar bar byed do// de bzhin gshegs pa la mchod pa bya ba'i phyir rang gi lus kyang ras bcos bus dkris nas/ mar dang 'bru mar gyis bskus te mar mer 'bud do// de 'bar bar 'gyur ba'i tshe sangs rgyas kyi zhing gang+gA'i klung

  308. 155a

    gi bye ma snyed snang ba chen pos khyab par gyur te/ sems can dag gis kyang mthong zhing shes te/ byang chub sems dpa'i khyu mchog tu gyur pa de mthong nas kyang // sems can tshad med grangs med pa dag bla na med pa yang dag par rdzogs pa'i byang chub tu sems skyed do/ / nga rgyal dang / rgyags pa dang / dregs pas rlom pa'i sems can rnams la'ang bdag gi gzugs chen po che chen po dang / sred med kyi bu dang / lag na rdo rje'i gzugs su ston te/ der sems can de dag sprul pas 'jigs skrags nas/ byang chub sems dpa' de la mngon par 'dud cing phyag 'tshal lo/ / de la chos kyang nyan par 'dod do// gang yang grong khyer chen po dag gi dur khrod chen po srog chags brgya stong du mas gang bar gyur pa der yang / byang chub sems dpa' sems dpa' chen po des bdag gi lus chen po shi zhing dus las 'das par ston to/ / der yang sems can dud 'gro'i skye gnas su gyur pa de dag gis ji tsam du 'dod par sha la zos nas tshe'i mthar phyin te 'chi ba'i dus su gyur cing / shi nas bde 'gro mtho ris kyi 'jig rten du lha'i nang du skye'o// de yang de dag yongs su mya ngan las 'da' ba'i bar du rgyur 'gyur ro// de ni byang chub sems dpa' de nyid kyi sngon gyi smon lam yongs su dag pa'i phyir te/ bdag 'chi ba'i dus su gyur nas/ shi ba'i lus la sems can gang dag gis zos pa de dag la de nyid mtho ris su skye ba nas

  309. 155b

    yongs su mya ngan las 'da' ba'i bar gyi rgyur gyur cig ces yun ring po nas smon lam btab ste/ tshul khrims dang ldan pa de bsam pa 'grub/ 'dod pa 'grub/ smon pa grub bo// zhi ba'i blo gros rnam grangs 'dis ji ltar byang chub sems dpa'i lus tshad med cing mtha' yas par khyod kyis rig par bya ste/ zhi ba'i blo gros sngon byung ba 'das pa'i dus na/ 'dzam bu'i gling du gtogs pa nam mkhas bskor ba 'di nyid du grong khyer brgyad khri bzhi stong pa phrag bzhi byung ste/ de na grong dang / tshong dus dang / ri khrod stong phrag mang po srog chags bye ba khrag khrig brgya stestong mang po gnas pa yod de/ zhi ba'i blo gros de'i tshe de'i dus na nad chen po'i bskal pa bar ma byung ste/ der sems can dag nad sna tshogs kyis btab par gyur nas/ phal cher lus shu ba can dang / lus rnags pa dang / 'bras dang / phol mig dang / me dpal dang / thor bu dang / rlung dang / mkhris pa dang / bad kan gyi nad rnams kyis rgyas par gyur to// de'i tshe sman pa stong phrag du ma sems can de dag gi nad de zhi bar bya ba'i phyir brtson par gyur kyang / sems can de dag gi nad de bsal bar ma nus so// der sems can de dag gis gso ba'i dpyad ma rnyed de skyabs med rten med nas 'di skad du/ nad 'di las ni thar byed pa// lha 'am klu 'am dri za 'am// gnod sbyin dang ni mi yang rung // mi ma yin pa su zhig yod// sdug bsngal 'di las

  310. 156a

    thar byed pa/ / de la nor rnams thams cad btang // rjes su bstan pa bzhin du bya// byas pa dag kyang gzo bar bya// zhes ku co cher 'don to// ba'i blo gros 'di ltar bcom ldan 'das shAkya thub pa 'di de'i tshe de'i dus na lha'i dbang po brgya byin mig bzangs zhes bya bar gyur te/ des lha'i mig rnam par dag pa mi'i las 'das pas sems can de dag nad sna tshogs mang pos btab pa'ang mthong / lha'i rna ba rnam par dag pa mi'i las 'das pas ku co chen po 'don pa'i sgra'ang thos so// des de dag mthong zhing thos nas kyang snying rje chen po skyed de/ de 'di snyam du bdag ci nas sems can gnas med pa 'di dag gi gnas su 'gyur bar bya'o// skyabs med pa dang rten med pa rnams kyi skyabs dang rten du 'gyur bar bya'o snyam du bsams nas/ des de ma thag tu 'dzam bu gling gi dbus na grong khyer chen po ku ru zhes bya ba zhig yod pa dang / ha cang yang mi ring ba zhig tu srog chags nges pa zhes bya bar rdzus te skyes nas steng gi bar snang la 'dug ste/ 'dzam bu'i gling gi mi thams cad la tshigs su bcad pas bskul ba/ ku ru'i grong khyer nye ba na// srog chags nges pa zhes bya yod// de yi sha la sus zos pa// de ni nang las thar bar 'gyur// 'jigs par ma byed skrag par ma byed par// ji ltar 'dod pa de yi sha long zhig/ de la khro med gshe med gnod sems med// 'dzam bu gling 'dir de ni sman yin no// ni ba'i

  311. 156b

    na grong dang / grong khyer dang / grong rdal dang / tshong dus dang / ri khrod de dag na sems can nad pa ji skad yod pa de dag gis sgra de thos nas/ grong khyer chen po ku ru ga la ba dang / srog/ chags kyi rnam pa nges pa ga la ba der song ste phyin nas/ srog chags nges pa'i lus las sha bcad cing bcad cing khyer yang / de'i lus la sha zad par ma gyur nas/ nges pas tshigs su bcad pa 'di smras so/ / bde ba gang gis byang chub 'thob 'gyur zhing // bdag gi ye shes zad par mi 'gyur ba// bden pa des ni bdag gi lus las sha/ 'dir ni nams kyang zad par ma gyur cig/ zhi ba'i blo gros de ltar phyogs bzhi'i sems can nad pa ji snyed yod pa de dag gis srog chags kyi rnam pa nges pa'i lus las sha bcad cing bcad cing khyer yang / de'i lus la bri ba 'am/ gang bar yang mi mngon te/ yang bcad yang bcad kyang phyir skye bar gyur to// zhi ba'i blo gros de ltar sems can ji snyed kyis srog chags kyi rnam pa nges pa'i sha zos pa de dag zos ma thag tu nad thams cad zhi ba gyur te/ nad med cing bde ba dang nyams pa med par gyur to// de nas mthar gyis 'dzam bu gling gi sems can gyi nang thams rang bsal bar gyur to// zhi ba'i blo gros de nas 'dzam bu gling gi skyes pa dang / bud med dang / khye'u dang / bu mo dag 'di snyam du sems te/ srog chags kyi rnam pa nges pa des bdag cag nang las yongs sa thar cing nang med par byas te/ bde

  312. 157a

    pa med par byas kyis/ bdag cag gis de la mchod pa'i gnas cig bya'o snyam nas/ de dag thams cad gcig tu 'dus te/ srog chags kyi rnam pa nges pa ga la der song nas thal mo sbyar te/ srog chags kyi rnam pa nges pa la tshigs su bcad de smras pa/ khyod ni bdag cag gnas dang skyabs// khyod ni bdag cag sman pa sman// khyod la mchod pa gang bgyi ba/ / khyod kyis bdag cag bka' stsol cig/ de nas srog chags kyi rnam pa nges pas lus de mi snang bar byas te/ bdag gi brgya byin gyi lus su 'dug nas skye bo'i tshogs chen po de la tshigs su bcad pas smras pa/ nga la nor dang zas skom dang // gser dang 'bru rnams dgos pa med// thams cad lhan cig mthun par ni// dge ba bcu yi las lam srungs// sems can kun la phan pa'i phyir/ / byang chub smon lam brtan pa thob// phan pa'i dngos po nyid kyi sems// gcig la gcig kyang byams pa skyed// brgya byin las ni tshig 'di thos// sems can de dag rab dga' ste/ / shin tu yongs su dag pa yi// dge ba bcu yi las lam blangs// zhi ba'i blo gros de ltar de tshun chad 'dzam bu'i gling thams cad du skyes pa dang / bud med dang / khye'u dang / bu mo de snyed las tha na sems can gcig kyang log par ltung bar song ba mi dran no// de tshun chad de dag thams cad de dag shi 'phos te/ shi ba'i dus byas nas kyang bde 'gro mtha

  313. 157b

    ris kyi 'jig rten du sum cu rtsa gsum gyi lha rnams dang skal ba mnyam par skyes te/ de dag yang lha'i dbang po brgya byin des chos kyi gtam gyis yang dag par dga' bar byas/ yang dag par 'dzin du bcug/ yang dag par gzengs bstod nas/ de la kha cig gis ni bla na med pa yang dag par rdzogs pa'i byang chub tu sems bskyed do// kha cig ni chos rnams la chos kyi mig rdul med cing dri ma dang bral ba rnam par dag go/ / zhi ba'i blo gros 'di ni byang chub sems dpa'i lus kyi gsang ba dang / lus kyi las yongs su dag pa ste/ de ltar lus gcig/ yongs su btang bas na sems can tshad med grangs med pa dag yongs su smin par byas so// gzhan yang gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so/ / zhi ba'i blo gros byang chub sems dpa'i lus ni mi shigs pa/ sra ba/ brtan pa/ 'chi 'pho med pa/ rdzus te skye ba ste/ lus de ni 'jig pas 'dul ba'i sems can rnams 'dul ba'i dbang gi phyir 'jig go/ / lus mi 'jig pas 'dul ba'i sems can rnams 'dul ba'i dbang gi phyir thams cad kyi thams cad du mi 'jig ste/ mes mi tshig mtshon gyis mi tshugs shing / dngos rdo rje ltar sra zhing brtan te mi shigs pa'o// zhi ba'i blo gros de ltar byang chub sems dpa' ni lus kyis sems can yongs su smin par byed kyang / byang

  314. 158a

    chub sems dpa' mi sem mi rtog ste/ lus la lus kyi dben pa'i mtshan nyid kyang rab tu shes so// lus kyi dben pa'i mtshan nyid kyis kyang chos kyi dben pa'i mtshan nyid shes so/ / lus kyi dben pa'i mtshan nyid dang / chos thams cad kyi dben pa'i mtshan nyid kyang gnyis su mi 'byed de/ lus kyi dben pa'i mtshan nyid kyi mtshan nyid gang yin pa de ni chos kyi dben pa'i mtshan nyid kyi mtshan nyid do/ / de ltar na dben pa'i mtshan nyid kyis rjes su 'jug go// de rang gi lus kyi dben pa'i mtshan nyid dang / sems can thams cad kyi lus kyi dben pa'i mtshan nyid mnyam par byed do/ / de rang gi lus kyi dben pa'i mtshan nyid dang / sems can thams cad kyi lus kyi dben pa'i mtshan nyid kyang / chos kyi dbyings kyi dben pa'i mtshan nyid du shes so/ / chos phra rab tsam yang mi dmigs pas chos kyi dbyings kyi dben pa'i mtshan nyid dang / chos thams cad kyi dben pa'i mtshan nyid kyang rjes su 'thob bo// de rang gi lus kyi de bzhin nyid kyis sems can thams cad kyi lus kyi de bzhin nyid shes so/ / sems can thams cad kyi lus kyi de bzhin nyid kyis rang gi lus kyi de bzhin nyid shes so// de rang gi lus kyi de bzhin nyid kyis chos thams cad kyi de bzhin nyid shes so/ / chos thams cad kyi de bzhin nyid kyis sangs rgyas thams cad kyi de bzhin nyid shes so// de rang gi lus kyi de bzhin nyid kyis

  315. 158b

    'das pa dang / ma 'ongs pa dang / da ltar byung ba'i de bzhin nyid shes te/ 'das pa'i de bzhin nyid kyang ma 'ongs pa'i de bzhin nyid dang 'gal bar mi byed do// 'das pa dang ma 'ongs pa dang / da ltar byung ba'i de bzhin nyid gang yin pa de phung po dang / khams dang / skye mched kyi de bzhin nyid do// phung po dang / khams dang / skye mched kyi de bzhin nyid gang yin pa de nyid kun nas nyon mongs pa dang / rnam par byang ba'i de bzhin nyid do// kun nas nyon mongs pa dang / rnam par byang ba'i de bzhin nyid gang yin pa de 'khor ba dang mya ngan las 'das pa'i de bzhin nyid do/ / 'khor ba dang mya ngan las 'das pa'i de bzhin nyid gang yin pa de mngon par 'du mi byed pa'i de bzhin nyid do// mngon par 'du mi byed pa'i de bzhin nyid gang yin pa de mngon par 'du byed pa thams cad kyi de bzhin nyid kyang de nyid yin no/ / rigs kyi bu de bzhin nyid ces bya ba ni de kho na nyid dang / de lta bu nyid dang / gzhan ma yin pa nyid dang / mi 'gyur ba nyid dang mi 'byung ba nyid dang / rtsod pa med pa nyid dang / gzugs med pa nyid do// de bzhin nyid la gzugs gang yang med de/ gzugs med pa ni de bzhin nyid ces bya'o// ji ltar de bzhin nyid gzugs med pa de bzhin du gzugs thams cad kyang gzugs med pa ste/ byang chub sems dpa' sems can thams cad la gzugs de ston kyang de bzhin nyid gzugs su mi byed do// de gzugs med cing rtsod pa

  316. 159a

    med kyang lus dang gzugs thams cad kyang ton te/ de bzhin nyid kyang 'khrugs par mi byed do// de bzhin nyid kyi ye shes kyis de bzhin gshegs pa'i sku la rtog go// de bzhin gshegs pa'i sku mnyam pa nyid kyis bdag gi lus mnyam pa nyid la rtog go/ / lus ni shin tu ma skyes pa nyid yin pas na/ lus thams cad ni lus med par yang dag par mthong ngo // lus thams cad ni rten cing 'brel par 'byung bar rab tu shes so/ / shes nas kyang chos kyi sku mngon par sgrub bo// de chos kyi sku mngon par bsgrubs pas chos kyi sku nyid du 'gyur te/ phung po dang / khams dang / skye mched kyi lus ni ma yin no// de chos kyi skus rab tu phye bas na/ mthong bas kyang sems can rnams kyi don byed do// thos pa dang reg pas kyang sems can rnams kyi don byed do// zhi ba'i blo gros 'di lta ste/ dper na sman pa'i rgyal po 'tsho byed kyis rtsos thams cad bsdus te/ rtsi'i shing mang po las bu mo'i gzugs bzang zhing mdzes pa blta na sdug pa legs par byas te/ legs par zin cing legs par byi dor byas pa de 'ong ba 'am/ 'gro ba 'am/ 'greng ngam/ 'dug gam/ nyal yang rtog pa med cing / rnam par rtog pa med de// der nad pa gang btsun pa rgyal po 'am/ rgyal po'i blon po chen po 'am/ rgyal po'i bu 'am/ tshong dpon nam/ khyim bdag gam/ blon po 'am/ rgyal phran gang dag 'ong ba de dag sman pa'i rgyal po 'tsho byed kyis sman gyi bu mo deng sprad nas/

  317. 159b

    de dag phrad ma thag tu nad thams cad byang ste/ nad med cing bde la nyams pa med par 'gyur ro// zhi ba'i blo gros gang sman pa gzhan la med pa sman pa'i rgyal po 'tsho byed kyis 'jig rten gyi nang gso shes pa la ltos/ zhi ba'i blo gros de bzhin du byang chub sems dpa' chos kyi skus rab tu phye ba'ang sems can bud med dang / skyes pa dang / khye'u dang / bu mo 'dod chags dang / zhe sdang dang / gti mug gis yongs su gdungs pa ji snyed pa dag gi lus la reg na/ reg ma thag tu de dag gi nyon mongs pa thams cad rgyun chad par 'gyur ro// lus yongs su gdung ba dang bral bar yang shes so/ / de ni 'di ltar byang chub sems dpa' de nyid kyis sngon gyi smon lam shin tu dag pa'i phyir ro// zhi ba'i blo gros chos kyi skus rab tu phye ba'i phyir 'di'ang bya chub sems dpa'i lus kyi gsang ba'o/ / zhi ba'i blo gros byang chub sems dpa' chos kyi sku dang ldan pa rnams kyi lus ni zas skom gyis bskyed pa ma yin/ kham gyis za ba'i zas kyis kyang lus 'tsho ba ma yin te/ de zas thams cad yongs su shes pa dang ldan pas sems can la snying brtse ba'i phyir zas za'o// de zas za'ang med pa ma yin/ za'ang khong du 'jug par mi byed do// chos kyi sku'i stobs kyis mi nyams/ yongs su mi nyams so// zhi ba'i blo gros byang chub sems dpa' chos kyi sku dang ldan pa la skye ba dang / shi 'pho dang / 'byung ba med kyang

  318. 160a

    sems can yongs su smin par bya ba'i phyir skye ba dang / shi 'pho dang / 'byung ba'ang ston to// de 'chi 'pho'ang chos thams cad la 'chi 'pho med cing mngon par 'du byed pa med par rab tu shes so/ / 'byung yang chos thams cad la 'pho ba med par rab tu shes so// skye'ang chos thams cad la skye ba med par rab tu shes so// de chos kyi sku dang ldan chos kyi zas dang ldan/ chos kyi stobs dang ldan zhing / chos la ston pas de bzhin gshegs pa'i sku rab tu shes te/ zhi ba'i blo gros de bzhin gshegs pa'i sku ni nam mkha'i sku/ mnyam pa dang mnyam pa'i sku/ 'jig rten gsum po thams cad las bye brag tu 'phags pa'i sku/ sems can thams cad kyi de bzhin nyid dang ldan pa'i ska/ dpe med pa/ 'dra ba med pa/ dag pa/ dri ma med pa/ kun nas nyon mongs pa med pa'i sku/ rang bzhin gyis 'od gsal ba'i sku/ rang bzhin gyis ma skyes pa'i sku/ rang bzhin gyis ma byung ba'i sku/ sems dang yid dang / rnam par shes pa dang ma 'brel ba'i sku/ sgyu ma dang / smig rgyu dang / chu zla'i ngo bo nyid kyi sku/ stong pa nyid dang / mtshan ma med pa dang / smon po med pa la nges par brtags pa'i sku/ phyogs bcu ma lus pa nam mkha' khyab pa'i sku/ sems can thams cad la mnyam pa'i sku/ mtha' yas mu med pa'i sku/ 'gyur ba med cing rnam par rtog pa med pa'i/

  319. 160b

    sku/ migayo zhing rlom sems med pa'i sgra/ gnas pa dang / mi gnas pa dang / mi gso ba thob pa'i sku/ gzugs kyi rang bzhin ma yin pa'i sgra/ tshor ba dang / 'du shes pa 'du byed dang / rnam par shes pa'i rang bzhin ma yin pa'i sku ste/ sa'i khams kyis rab tu phye ba ma yin/ chu'i khams kyis ma yin/ me'i khams kyis ma yin/ rlung gi khams kyis kyang rab tu phye ba ma yin te/ ma byung ba kun nas ma byung ba'o// 'byung ba chen po rnams kyis rab tu phye ba ma yin pa'o// 'byung ba ma yin/ 'byung ba'i chos ma yin pa'o// 'jig rten thams cad dang mi mthun pa'o/ / mig las ma byung ba'o// rna ba la mi gnas pa'o// snas shes par bya ba ma yin pa'o// lces rab tu ma phye 'o// lus dang ldan pa ma yin pa'o// yid kyis nye bar spyad pa ma yin pa'o/ / sems dang mi 'jug pa'o// yid kyi rnam par shes pa dang mi 'jug/ mi ldog/ rjes su mi 'jug pa ste/ zhi ba'i blo gros de bzhin gshegs pa'i sku ni 'dra'o/ / de la byang chub sems dpas de bzhin gshegs pa'i sku mnyam pa nyid thob nas/ byang chub sems dpa'i spyad pa yongs su dag pa la spyod cing / stong gsum gyi stong chen po'i 'jig rten gyi khams na gling bzhi pa'ang rung / 'dzam bu'i gling yang rung grong dang / grong khyer dang / grong rdal dang / yul 'khor dang / pho brang 'khor ji snyed yod pa thams cad du byang

  320. 161a

    chub sems dpa' mthong bar yang byed la/ bdud thams cad kyis mi mthong bar yang snang bar 'gyur ro// de mthong bar yang byed la/ mthong bar snang ba'ang med do// mthong bar mi byed pas kyang mthong bar snang ngo // mthong ba dang / thos pa dang / rtogs pa dang / rnam par rig pas rab tu phye ba'ang ma yin no// sems can yongs su smin par bya bas rab tu phye ba yin yang lus su gtogs pa'i dran pa nye bar gzhag pa las kyang mi nyams yongs su mi nyams so/ / de lus mi rtag pa dang / lus sdug bsngal ba dang / lus bdag med par yang sems can rnams la ston la/ lus kyi zhi ba'i chos nyid kyang rab tu shes so// de lus rab tu dbye ba'ang sems can rnams la ston la/ rgyu gang dang / dmigs pa gang dag gis lus mngon par 'grub pa'i rgyu de dag dang / dmigs pa de dag kyang byed pa po med pa dang / tshor ba po med pa yang dag par rjes su mthong ngo // lus rtswa dang / shing dang / rtsig pa dang / lam dang / mig yor lta bur yang rab tu shes shing / de lus kyi las yongs su dag par sems can rnams la ston to// zhi ba'i blo gros 'di ni de bzhin gshegs pa mar me mdzad tshun chad byang chub sems dpa'i lus kyi gsang ba dang / lus kyi las yongs su dag pa'o// de bas lhag par byang chub sems dpa' sems dpa' chen po'i lus kyi las yongs su dag pa bskal pa brgya stong ngam

  321. 161b

    de bas kyang lhag par ston to/ / zhi ba'i blo gros gal te de bzhin gshegs pa nyid kyis byang chub sems dpa'i lus kyi gsang ba gang+gA'i klung gi bye ma snyed kyi bskal par bstan kyang zad par mi 'gyur te byang chub sems dpa'i lus kyi gsang ba bstan pa ni de tsam du tshad med bsam gyis mi khyab bo/ / nges pa'i le'u ste dang po'o// // bam po gnyis pa/ gzhan yang gsang ba pa'i bdag po lag na rdo rjes byang chub sems dpa' zhi ba'i blo gros la 'di skad ces smras so// zhi ba'i blo gros de la byang chub dpa'i ngag gi gsang ba dang / ngag gi las yongs su dag pa gang zhe na/ zhi ba'i blo gros sems can rnams kyi skye ba'i gnas ji snyed par byang chub sems dpa'i skyes pa'i rabs kyang de snyed do// byang chub sems dpa'i skyes pa'i rabs ji snyed par sgra la 'jug pa'ang de snyed do/ / sems can de dag gi sgra brjod pa dang / tshig gi lam brjod pa dang / nges pa'i tshig dang / brda dang / smra ba dang / yang dag par smra ba dang / mtshan ma dang / spyod pa dang / bde ba dang / sdug bsngal brjod pa ji snyed pa'i sgra la 'jug pa de dag thams cad la byang chub sems dpa'i ye shes mthong ba thogs pa med par 'jug ste/ tha na srin bu dang / sbrang bu dang / sha sbrang dang / sbrang ma dang / phye ma leb kyi sgra dag la'ang ye shes mthong ba 'jug go// sgra'i rnam par rig pa bsgrags pa ji lta bus sems can de dag gi

  322. 162a

    lus shin tu sbyangs pa dang / sems shin tu sbyangs pa skye bar 'gyur ba de lta bu'i sgra'i rnam par rig pa bsgrags pa byang chub sems dpa' de'i kha'i sgo nas 'byung ngo // 'di la 'di ni chos nyid yin te/ de la 'di skad ces bya'o// ji ltar sems can mtha' ma gang yang med// de ltar skyes pa'i rabs de dpag tu med// bskal pa brgya snyed bshad kyang mtha' ma med/ / bsam yas de dag ji ltar bshad par bya// skyon rnams med pa bdag nyid che ba'i tshig/ sems dang bsam pa rgya chen rab ston pa// nam mkha' lta bur gang med bri med pa// 'on kyang dpe don ldan pa bshad par bya/ / zhi ba'i blo gros byang chub sems dpa'i tshig ni tshangs pa'i sgra skad du 'byin pa dang / brgya byin gyi sgra skad du 'byin pa dang / 'jig rten skyong gi sgra skad du 'byin pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad kyi sgra skad du 'byin pa dang / sems can thams cad kyi sgra skad du 'byin pa yin te/ sems can thams cad kyi bsam pa tshim par byed pa'o// de la 'di skad ces bya ste/ bdag nyid chen po rnams kyi ma smang tshig/ gang ba med cing bri med nam mkha' bzhin// sems dang bsam pa rgya chen bstan pa dag/ de dag brjod pa rnams la nan tan nyon// byams la sbyor dang snying rjer 'jug pa dang // dga' ba

  323. 162b

    dang ni btang snyoms rab bshad de/ / tshangs pa las kyang 'das pa'i sgra phyung bas// legs bshad de ni tshangs pa tshim par byed// gang dag brgya byin rol mo yid 'ong sgra// de dag de yi sgra brjod zil gyis gnon/ / rol mo sgra dbyangs byung ba de las ni// chos rnams rab tu dbye ba dpag med 'byung // mi 'am ci yi sgra dag gang yod pa// de bas de yi sgra mchog phun sum tshogs/ de ni 'dod chags 'bar bar mi byed de// de yi tshig gis mi ci dga' bar 'gyur// 'dod pa'i khams na yid 'ong sgra yod pa// rol mo'i sgra dang lha yi sgra mang po// chos kyi don 'byor dge bar ldan pa yi// de yi tshig gis kun tu tshim par byed// mi yi 'dren pa'i tshig gi mchog thos nas// 'dod chags zhi zhing zhe sdang rab tu zhi// gti mug g.yo dang nga rgyal dregs pa zhi// don rnams gtan la 'bebs shing the tshom med/ / gzugs kyi khams na lha rnam gang gnas pa// de dag yid ni de yis tshim par byed// mi yi gtso bo'i tshig rnams thos nas ni// 'jig rten sangs rgyas gyur ces byang chub tshol/ / klu dbang dri ba lto 'phye che rnams kyi// rol mo sna tshogs sgra yod de dag pas// yon tan rgya mtsho ldan pa'i sgra bsgrags pa// thams cad rab tu dga' ba rgya chen byed// 'dzam gling 'di ni tha dad phyogs rnams su/ / kun na sgra skad mtha' yas gyur mod kyi// de yi skad kyi rnam pa bsgrags gyur na// de thos mi rnams thar pa rjes su 'thob// sa p+pa'i lha dang de bzhin par snang lnga/

  324. 163a

    de dag sgra skad 'jug pa ci 'dra ba// de ltar de la de yi sgra yang 'jug/ rnam par nges bden gtam yang de 'dra'o// ngang pa khrung khrung ka la bing ka dang // rma bya na ce khu byug shang shang te'u/ / ri skegs dang ni ngur pa kun la kun// ji lta'i skad kyis des ni tshim par byed// stag dang seng ge de bzhin dom dang spre'u// gzig dang byi la ri dgas glang chen pas// rta dang khyi dang phag dang 'ug pa kun// ji lta'i skad kyis des ni tshim par byed// gang dag rkang bzhi pa dang rkang gnyis dang // rkang madra dang ni de bzhin rkang med rnams// bskul dang chad pas bcud dang phan gdags phyir/ / kun la de yi sgra skad shes pa 'jug/ sems can gang dag stong gsum 'jig rten na// rab bam 'bring ngam 'on te tha ma 'am// dmyal ba dud 'gro gshin rje'i 'jig rten dang / / lha mi rnams dang de ni skad kyang mthun// ji ltar rigs par byed pa ston kyang ni// mi sems 'du shes med cing rtog pa med// mtshan ma med cing 'dzin med 'ching ba med/ / mnyam par gzhag pas sems can 'khrug pa med// dag pa'i sems can gal te 'dod na'ang // de la 'bad dang sems 'dzin med par ni// bye ba'i zhing dang de yi gong du yang / / gang+gA'i bye snyed dbyangs kyis go bar byed// stong gsum 'jig rten bdud gang ci yod pa// de dag de yi 'jig rten sgra thos nas// chung mar bcas te 'jigs skrag la gor du//

  325. 163b

    thal mo sbyar te gus par 'dud par byed// sems can gang dag rab tu smra 'dod dang // nga rgyal zil non su la'ang mi 'dud pa// de dag de yi gsal ba'i tshig thos nas// thal mo sbyar te/ gus par 'dud par byed// 'on pa glen pa dag dang lce med dang // rig pa rnams dang gang dag skad 'dzer ba// de dag de yi legs smras snyan thos nas// sgra skad yid du 'ong ba 'byin par byed/ / nyon mongs gdungs shing nyon mongs gzir ba dang // nyes pa'i 'gyod pa brgya yis dkris pa rnams// de dag de yi dge tshig dag thos nas// 'gyod pa btul bar gyur cing bsil bar gyur/ / sangs rgyas dang ni chos dang dge 'dun sgra// mi rtag sgra thos nas ni sems can rnams// sbyin dang thos dang tshul khrims bzod pa dang // brtson 'grus bsam gtan blo gros brtson par byed/ / sangs rgyas dbyangs dang bar med gang gnas pa// mtha' yas dbyangs ldan mtha' yas ye shes can// de dag rnams kyi yon tan thams cad ni// bskal pa bye mang brjod kyang zad mi nus/ zhi ba'i blo gros byang chub sems dpa'i ngag ni chags pa 'am/ sdang ba 'am/ rmongs pa 'am/ nyon mongs pa 'am/ thogs pa 'am/ nye bar thog pa 'am/ dman pa 'am/ rab tu dman pa 'am/ brlang ba 'am/ zher 'debs pa 'am/ mi rdzogs pa 'am/ rtsub pa 'am/ rjes su chags pa 'am/ khong khro ba 'am/

  326. 164a

    byung rgyal lam/ bag la nyal ba 'am/ 'gal bar 'gyur ba'i tshig gam/ nyon mongs pa sna tshogs bag la nyal ba 'am/ mi brtan pa 'am/ gtsam pa 'am/ khengs pa 'am/ 'gying ba 'am/ myur ba 'am/ dus ma yin par smra ba 'am/ 'dod pa dang ldan pa 'am/ sdug pa la mngon par dga' bar 'gyur ba 'am/ mngon par che ba 'am/ shin tu chags pa 'am/ rab tu lhod pa 'am/ rab tu spangs pa 'am/ rab tu dal ba 'am/ dbang po nyams pa 'am/ gdangs nyams pa 'am/ sems nyams pa 'am/ yo ba 'am/ dman pa 'am/ mi gsal ba 'am/ skad sub sub po 'am/ ngor byas te smra ba 'am/ 'gal bar smra ba 'am/ glags pa 'am/ 'byung ba ma yin pa 'am gshe bar byed pa 'am/ gzhan la gnod par 'gyur ba 'am/ bdag dang pha rol gdung bar byed pa 'am/ tshig blang bar 'os pa ma yin pa 'am/ tshig gzung bar 'os pa ma yin pa 'am/ tshig dang ba ma yin pa'am/ rigs pa'i tshig ma yin pa 'am/ 'byor pa'i tshig ma yin pa 'am/ mi dge ba'i tshig gam/ yang dag pa ma yin pa'i tshig gam/ gzhogs 'drid zer ba 'am/ chos dang mi ldan pa 'am/ 'gal ba 'am/ gnod pa 'am/ dus las yol ba 'am/ tshod las 'da' ba 'am/ lung bstan pa la thogs pa 'am/ tshul 'chos pa dang

  327. 164b

    kha gsag dang ldan pa 'am/ rnyed pas rnyed pa 'dod pa'i tshig gam/ 'byung ba ma yin pa ston pa 'am/ mig 'khrul par 'gyur ba 'am/ rmongs par 'gyur ba 'am/ som nyi'i tshig gam/ sdug par byed pa'i tshig gam/ mi sdug cing gnang du 'bebs pa'i tshig gam/ khyad du gsod pa'i tshig gam/ rang gi phyogs bsten pa'i tshig gam/ gzhan gyi phyogs tshar bcad pa'i tshig gam/ bdag bstod pa la rjes su chags pa'i tshig gam/ gzhan gyi bstod pa la bar du gcod par smra ba 'am/ 'thing slad dang / gzhogs 'drid kyi tshig gam/ gzhan la rab tu rlom pa'i tshig gam/ bya ba ma yin pa'i tshig gam/ bya ba dang 'gal ba'i tshig gam/ gsang rdol ba'i tshig gam/ ngag bsrungs pa ma yin pa'i tshig gam/ mkhas pas smad pa'i tshig gam/ 'phags pa la skur pa 'debs pa'i tshig gam/ brlang 'debs pa'i tshig gam/ ngor mngon du bstod pa'i tshig gam/ gzhan gyi nyes pa dus ma yin par gleng ba'i tshig gam/ zug rngus gnang du 'debs pa'i tshig gam/ gzhan gyi nyes pa kun brjod pa'i tshig gam/ kha 'og tu lus 'khrus par mi byed pa'i tshig gam mngon pa'i nga rgyal gyis brda sprod pa'i tshig gam/ las dang 'gal ba'i tshig gam/ rjes su mthun pa ma yin pa'i tshig mi 'byin to// zhi ba'i blo gros yang byang chub sems

  328. 165a

    dpa'i ngag ni sgra'i mngon par shes pa'i ye shes kyi stobs dang / bsod nams rnam par smin pa'i 'bras bu grub pas bden pa'i rjes su 'brang ba dang ldan pa yin te/ de gang smra ba de de lta bu nyid yin no// gal te de shing drung na 'dug gam/ 'chag gam/ 'dug gam/ nyal yang rung / la la zhig 'ongs nas/ kye skyes bu shing ljon pa 'di la 'dab ma ji snyed cig yod ces zer na/ de shing ljon pa de la'ang mi lta/ 'dab ma la'ang mi bgrang bar/ shing ljon pa de 'dab ma ji snyed yod pa bzhin du mi nyung mi mang bar 'di snyed cig/ go zhes byang chub sems dpa' de'i ngag 'byung ngo // yang gang+gA'i bye ma'i 'bru de brgya phrag ji snyed cig yod/ stong phrag ji snyed cig yod/ 'bum phrag ji snyed cig yod/ bye ba phrag ji snyed cig yod/ ther 'bum phrag ji snyed cig yod/ khrag khrig phrag ji snyed cig yod/ dkrigs phrag ji snyed cig yod/ gtams phrag ji snyed cig yod/ khyad phyin ji snyed cig/ yod/ mi 'khrugs pa ji snyed cig yod/ dpag tu med pa ji snyed cig yod/ grangs med pa ji snyed cig yod/ gtan pa ji snyed cig yod/ phyin byed phrag ji snyed cig yod// stobs phrag ji snyed cig yod/ glang po'i stobs phrag ji snyed cig yod/ bgrang ba phrag ji snyed cig yod ces 'dri na/ de bye ma de dag la'ang mi lta mi bgrang bar bye ma'i 'bru de dag ji snyed yod pa

  329. 165b

    bzhin du 'di snyeskad cig go zhes byang chub sems dpa' de'i ngag 'byung ste/ bye ma de ni de bzhin gshegs pa'i ye shes kyis 'di skad yod do zhes mkhyen pa yin no// zhi ba'i blo gros de la de bzhin gshegs pa nyid mngon sum du gyur pa ma gtogs par lha 'am/ klu 'am/ gnod sbyin nam/ dri ba 'am/ lha ma yin nam/ rlung lha 'am/ nam mkha' lding ngam/ 'am ci 'am/ lto 'phye chen po 'am/ nyan thos sam/ rang sangs rgyas kyi mngon sum ni ma yin no// zhi ba'i blo gros rnam grangs 'dis 'di ltar rig par bya ste/ zhi ba'i blo gros sngon byung ba 'das pa'i dus na/ drang srong snang ba zhes bya ba zhig byung ste/ de'i dus na bram ze sngo bsangs zhes bya ba zhig kyang byung ngo // yang de'i dus na shing n+ya gro d+ha'i rgyal po bzang bo zhes bya ba yal ka dang 'dab ma mang pos yog pa/ khor yug tshad rgyang grags gcig yod pa zhig byung ste/ der drang srong snang ba de gnas so// de na gnas pa'i tshe nges mngon par shes pa'i stobs kyis shing n+ya gro d+ha'i rgyal po bzang po de'i yal ga grangs la du yod pa lo bcu gnyis dang zhag bdun gyi bar du bgrangs te rtogs par byas pa shes par byas so/ / de nas dus gzhan zhig na bram ze sngo bsangs zhes bya ba grong khyer nas kha zas blangs te/ nyin mo gnas pa'i phyir shing n+ya gro d+ha'i rgyal po bzang po zhes bya ba ga la ba der song nas/ des zas kyi bya ba byas te/

  330. 166a

    drang srong snang ba zhes bya ba ga la ba der song nas/ mngon sum du yang dag par mgu bar 'gyur ba dang / yang dag par chags par 'gyur ba'i gtam mang po byas te/ phyogs gcig tu 'dug go// de nas drang srong snang ba zhes bya bas/ bram ze sngo bsangs zhes bya ba la 'di skad ces smras so// kye bram ze ma'i 'jig rten sems can gyi ris na/ gang shing n+ya gro d+ha'i rgyal po 'di'i 'dab ma'i grangs du yod pa rtsi ba 'am/ rtogs par byed pa 'am/ shes par byed nus pa'i sems can 'ga' yod dam/ smras pa/ btsun pa mchis so/ / drang srong gis smras pa/ bram ze de gang yin/ bram zes smras pa/ btsun pa bdag gis bgrang bar bgyi'o// drang srong gis smras pa/ kye bram ze de'i phyir grangs shig de nas bram ze sngo bsangs de shing ljon pa de la'ang mi lta/ 'dab ma rnams la'ang mi bgrang bar skad cig la 'dab ma rtog pa la zhugs nas/ de'i tshe tshogs su bcad pa 'di dag smras so/ / mi 'khrugs drug cu pang stong phrag/ bcu drug dang ni khyad phyin phrag/ bcu gsum dag dang dkrig pa phrag/ dgu bcu rtsa drug khrag khrig phrag/ dgu bcu rtsa ba gang snang ngo / / sum cu rtsa dgu khrag khrig phrag/ sum cu dang ni ther 'bum phrag/ brgyad stong dang yang bye ba phrag/ dgu bcu rtsa gnyis 'dab 'di mchis// bram ze dam pa bdag

  331. 166b

    gis 'tshal/ / de skad thos nas sngo bsangs la// snang bas smras pa bram ze'i mchog/ khyod ni bden pa'i tshig smra ba// legs so legs so 'di bden no// lo ni khyud kor bcu gnyis dang / / nyi ma mdun du mngon shes kyis// 'dab ma rnams ni bdag gis bgrangs// gtso bo khyod kyis skad cig mkhyen// khyod ni gzigs pa mi mdzad cing // bgrang ba mi mdzad skad cig tu/ / 'dab ma rtogs pa'i rjes su zhugs// mkhyen 'di nyid kyi'am lha yis bstan// bram ze bdag la don 'di gsungs// sngo bsangs kyis smras pa/ kye btsun pa gson cig/ 'di ni lha yis smras min mi yis te// bdag tshig bden pa'i rjes 'brang don bzhin 'jug/ nam mkha' zad par grub par 'gyur srid kyi// kho bo brdzun du smra ba mi byed do// snang bar gyur pa bdag nyid chen po shA ri'i bu/ / bram ze sngo bsangs gyur pa shAkya seng ge ste// yon tan rgya mtsho ldan pa rnams kyi ngag 'di 'dra// bden la gnas shing don dang chos dang ldan pa yin/ zhi ba'i blo gros de ltar byang chub sems dpa' rnams ngag yongs su dag pa yin te/ 'di ni byang chub sems dpa'i ngag gi gsang ba dang / ngag yongs su dag pa la 'jug pa cung zad tsam zhig bstan par zad kyi/ de bas gong du bstan na byang chub sems dpa'i ngag yongs su dag pa tshad zin pa 'am/ mthar phyin par mi 'gyur ro// byang chub sems dpa'i ngag gi gsang ba'i le'u zhes bya

  332. 167a

    ste gnyis pa'o/ / / gzhan yang gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so// zhi ba'i blo gros de la byang chub sems dpa'i sems kyi gsang ba dang / sems kyi las yongs su dag pa gang zhe na/ zhi ba'i blo gros 'di la byang chub sems dpa' rnams ni ye shes kyis byas ba'i las rnams byed kyi/ nga rgyal gyis byas pa rnams mi byed do// mngon par shes pa las kyang ma nyams la/ ye shes kyis byas pa'i las rnams kyang byed do// mngon par shes pas kyang rnam par rtsen la/ bya ba thams cad kyang ston to// mngon par shes pa la'ang gnas la/ 'jug pa chen po la'ang gnas so// de dag gi mngon par shes pa de ni ye shes kyi rnam pa ste/ rnam pa thams cad kyi mchog dang ldan pa'o// de dag gi mngon par shes pa de ni shes rab kyi rnam pa ste/ chos thams cad mngon sum du mthong bar bya'o// de dag gi mngon par shes pa de ni mi zad pa'i rnam pa ste/ thams cad kyi rjes su 'brang ba'o// de dag gi mngon par shes pa de ni gzugs thams cad gzugs ma yin pa'i phyir/ gzugs thams cad mthong ba'o// de dag gi mngon par shes pa de ni sngon gyi mtha' dang phyi ma'i mtha'i sgra mnyam pa nyid kyi phyir/ sgra thams cad kyi rjes su song ba'o// de dag gi mngon par shes pa de ni sems can thams cad kyi sems la lta ba dang /

  333. 167b

    sems kyi rang bzhin la so sor rtog cing lta ba'o// de dag gi mngon par shes pa de ni bskal pa mtha' yas pa rjes su dran pa dang / sngon gyi mtha' dang / phyi ma'i mtha' yongs su ma chad pa'o// de dag gi mngon par shes pa de ni rdzu 'phrul dang rnam par 'phrul pa thams cad mngon du gyur cing / mngon par 'du bya ba med pa'i mtshan nyid do// de dag gi mngon par shes pa de ni zag pa zad pa'i rjes su mthun pa dang / dus la lta zhing dus las mi yol ba'o// de dag gi mngon par shes pa de ni 'jig rten las 'das pa 'phags pa la mngon par phyogs pa'i nges par 'byed pa'i cha dang mthun pa'o/ / de dag gi mngon par shes pa de ni nyan thos dang rang sangs rgyas thams cad kyis rtogs par dka' ba'o// de dag gi mngon par shes pa de ni don zab cing bdud phyir rgol ba bcom pa'o// de ngag gi mngon par shes pa de ni byang chub kyi snying po sgrub cing sangs rgyas kyi chos thams cad mngon par rdzogs par byang chub pa'i mchog yin no/ / de dag gi mngon par shes pa de ni chos kyi 'khor lo bskor ba dang mthun pa'o/ / de dag gi mngon par shes pa de ni sems can thams cad 'dul bar byed pa'o// de dag gi mngon par shes pa de ni chos thams cad la dbang byed pa'i phyir dbang bskur ba thob pa'o/ / zhi ba'i blo gros 'di ni byang chub sems dpa'i sems kyi las yongs su dag pa'o// sems yongs su dag pa de nyon mongs pa med cing yongs su byang ba dang /

  334. 168a

    gsal ba dang / nye ba'i nyon mongs pa dang bral ba dang / rab tu dul ba dang / legs par sbyangs pas bsam gtan dang / rnam par thar pa dang / ting nge 'dzin dang / snyoms par 'jug pa la mnyam par 'jog kyang shin tu zad pa dang / mi skye ba nyid du ltung ba'ang ma yin/ bsams bzhin du'ang 'dir skye la/ 'dod pa'i khams na 'khrugs pa'ang med/ bcings bzhin du skye ba'ang ma yin/ bcings bzhin du 'chi 'pho ba'ang ma yin/ bcings bzhin du 'byung ba'ang ma yin no// de ci'i phyir zhe na/ de ni yang dag pa ma yin pa kun rtog pa las grol ba'o/ / kun nas nyon mongs pa'i 'ching ba las grol ba'o// phyin ci log tu 'dzin pa la gnas pa las grol ba'o// des na de grol bzhin du skye'o/ / grol bzhin du 'chi 'pho'o// grol bzhin du 'byung ngo // de skye'ang theg pa chen po las nyams pa med la/ sangs rgyas kyi chos thams cad kyis kyang phun sum tshogs so// phyogs bcur sangs rgyas kyi chos de dag yongs su tshol yang mi rnyed mi dmigs so// de sangs rgyas kyi chos rnams dang chos thams cad kyang sangs rgyas kyi chos su rtogs so// de ltar na sangs rgyas kyi chos dang chos thams cad kyang chos ma yin la/ chos ma yin pa'ang ma yin par khas len to// de ci'i phyir zhe na/ chos thams cad ni kun tu btsal na'ang mi rnyed do//

  335. 168b

    mi dmigs so// chos gang yang dag pa ji lta ba bzhin du btsal na mi rnyed cing mi dmigs pa de la ni bgrang ba gang yang med de/ chos thams cad ni bgrang ba'i lam las yang dag par 'das pa'o/ / gang chos thams cad mnyam pa nyid du shes pa de ni chos sam/ chos ma yin pa la mngon par zhen pa med do// mngon par zhen pa med pa ni chos rnams kyi don te/ la rlom sems su byed pa gang yin pa de nyid de'i gnod pa chen por 'gyur ro// gang yang rlom sems med pa de la ni don nam/ don ma yin pa de'i mdun na mi 'dug go/ don du mi lta ba blo ni gang du'ang thogs pa med do/ / de ni blo thogs pa med pa'o// gang blo thogs pa med pa de ni chags pa med pa'o// gang chags pa med pa de ni rgyun chad pa med pa'o// gang rgyun chang pa med pa de ni nyams pa med pa'o/ / gang nyams pa med pa de'i brtsal ba don med par mi 'gyur ro// gang gi brtsal ba don med par mi 'gyur ba de la skyon med do// gang la skyon med pa de la bdag gi ba med do/ / gang la bdag gi ba med pa de la yongs su 'dzin pa med do// gang la yongs su 'dzin pa med pa de la rtsod pa med do// gang la rtsod pa med pa de la 'gyod pa med do// gang la 'gyed pa med pa de ni mi rtsod pa ste/ dge sbyong gi chos dang ldan pa zhes bya'o// gang dge sbyong gi chos dang ldan pa de nam mkha' dang lag mthil du mnyam pa'o// gang nam mkha'

  336. 169a

    dang lag mthil du mnyam pa de ni 'dod pa'i khams su mi gtogs so/ / gzugs kyi khams su mi gtogs/ gzugs med pa'i khams su mi gtan gang thams cad du gtogs pa ma yin pa de la ni kha dog med/ rtags med/ dbyibs med do// gang la kha dog med/ rtags med/ dbyibs med pa de 'dra ba nyid rjes su rtog de ci 'dra ba rjes su rtogs pa de 'dra ba nyid rab tu rtogs so/ / ci'i phyir rjes su rtogs pa dang rab tu rtogs pa zhes bya zhe na/ de la rjes su rtogs par bya ba 'am/ rab tu rtogs par bya ba'i chos phra rab tsam yang mi dmigs pas/ de'i phyir rjes su rtogs pa dang / rab tu rtogs pa zhes bya ste/ zhi ba'i blo gros 'di'ang byang chub sems dpa'i sems kyi gsang ba'o// zhi ba'i blo gros gzhan yang byang chub sems dpa'i sems kyi gsang ba ni gang byams pa'ang yin la/ bdag med pa nyid kyang yin/ snying rje'ang yin la/ sems can med pa nyid kyang yin/ dga' ba'ang yin la/ srog med pa nyid kyang yin/ btang snyoms kyang yin la/ gang zag med pa nyid kyang yin/ sbyin pa'ang yin la/ sems dul nyid kyang yin/ tshul khrims kyang yin la/ sems zhi ba nyid kyang yin/ bzod pa'ang yin la/ sems mi zad pa nyid kyang yin/ brtson 'grus kyang yin la/ sems dben pa nyid

  337. 169b

    kyang yin/ bsam gtan yang yin la/ sems nges par sems pa nyid kyang yin/ shes rab kyang yin la/ rgyu ba med pa'i sems nyid kyang yin/ dran pa nye bar gzhag pa rnams kyang yin la/ dran pa yid la byed pa med pa'i sems nyid kyang yin/ yang dag par spong ba rnams kyang yin la/ yang dag par sems mnyam pa nyid kyang yin/ rdzu 'phrul gyi rkang pa rnams kyang yin la/ spros pa med pa'i sems nyid kyang yin/ dad pa'ang yin la/ chags pa med pa'i sems nyid kyang yin/ brtson 'grus kyang yin la/ lhun gyis grub pa'i sems nyid kyang yin/ dran pa'ang yin la/ rang byung gi sems nyid kyang yin/ ting nge 'dzin kyang yin la/ mnyam pa nyid shes pa'i sems nyid kyang yin/ shes rab kyi dbang po'ang yin la dbang po med pa'i sems nyid kyang yin/ dbang po rnams kyang yin la/ chos thams cad la dbang po med pa'i sems nyid kyang yin/ stobs rnams kyang yin la/ mi brdzi ba'i sems nyid kyang yin/ byang chub kyi yan lag rnams kyang yin la/ blos rab tu 'byed pa'i sems nyid kyang yin/ lam bsgom pa nyid kyang yin la/ sgom pa med pa'i sems nyid kyang yin/ gnas kyang yin la/ sems nye bar zhi ba nyid kyang yin/ lhag mthong yang yin la/ rjes su mi mthong ba'i sems nyid kyang yin/ 'phags pa'i bden pa sgom pa'ang yin la/ shin tu

  338. 170a

    yongs su shes pa'i sems nyid kyang yin/ sangs rgyas yid la byed pa'ang yin la/ yid la byed pa med pa'i sems nyid kyang yin/ chos yid la byed pa'ang yin la/ chos kyi dbyings su mnyam pa'i sems nyid kyang yin/ dge 'dun yid la byed pa'ang yin la/ mi gnas pa'i sems nyid kyang yin/ sems can yongs su smin par yang byed la/ gzod ma nas dag pa'i sems nyid kyang yin/ dam pa'i chos yongs su 'dzin pa'ang yin la/ chos kyi dbyings dang dbyer med pa'i sems nyid kyang yin/ sangs rgyas kyi zhing yongs su dag pa'ang yin la/ sems nam mkha' dang mnyam pa nyid kyang yin/ mi skye ba'i chos la bzod pa'ang yin la/ mi dmigs pa'i sems nyid kyang yin/ phyir mi ldog pa'i sa'ang yin la/ ldog pa dang 'jug pa med pa'i sems nyid kyang yin/ mtshan rab tu thob pa'ang yin la/ mtshan med pa'i sems nyid kyang yin/ byang chub kyi snying po'i rgyan nyid kyang yin la/ khams gsum gyi snying po'o sems nyid kyang yin/ bdud tshar gcod pa'ang yin la/ sems can thams cad la phan 'dogs pa'i sems nyid kyang yin/ byang chub kyang yin la/ chos thams cad ni dngos po med par khong du chud pa'i sems nyid kyang yin/ chos kyi 'khor lo bskor ba'ang yin la/ mi 'jug mi ldog pa'i sems nyid

  339. 170b

    kyang yin/ yongs su mya ngan las 'das pa chen po'ang ston la/ 'khor ba'i rang bzhin dang mnyam pa'i sems nyid kyang yin te/ zhi ba'i blo gros 'di ni bzod pa thob pa'i byang chub sems dpa'i sems kyi gsang ba dang / sems kyi las yongs su dag pa'o// sems dag pa des sems can thams cad kyi sems yongs su dag par rtogs te/ sems can thams cad kyi sems la byang chub kyi sems de rjes su zhugs pa yin no/ / byang chub kyi sems de la sems can thams cad kyi sems kyang snang bar gyur pa yin no// zhi ba'i blo gros 'di lta ste/ dper na nam mkha' ni thams cad kyi rjes su song ba dang / thams cad kyi rjes su zhugs pa yin no// zhi ba'i blo gros de bzhin du byang chub sems dpa'i sems ni thams cad kyi rjes su song ba dang / thams cad kyi rjes su zhugs pa yin no// gsang ba pa'i bdag po lag na rdo rjes byang chub sems dpa'i lus dang / ngag dang / sems kyi gsang ba bstan pa 'di bshad pa na/ lha dang mi'i skye dgu'i srog chags las stong phrag bdun khri nyis stong gis bla na med pa yang dag par rdzogs pa'i byang chub tu sems bskyed do// byang chub sems dpa' sum khri nyis stong gis ni mi skye ba'i chos la bzod pa thob par gyur to/ / srog chags brgyad khri bzhi stong ni chos rnams la chos kyi mig rdul med cing dri ma dang bral ba rnam par dag go// dge slong brgyad stong ni len pa med par

  340. 171a

    zag pa rnams las sems rnam par grol lo/ / stong gsum gyi stong chen po'i 'jig rten gyi khams 'di'ang rnam pa drug tu rab tu g.yos te/ 'jig rten gyi khams 'di thams cad snang ba chen pos khyab par gyur to/ / steng gi bar snang las me tog gi char mngon par bab bo// ma skyod par sil snyan dang rol mo'i sgra stong snyed rab tu grags par gyur te/ sil snyan dang rol ma'i sgra de dag las kyang gang gsang ba pa'i bdag po lag na rdo rjes bstan pa 'di nyan pa dang / thos nas kyang 'dzin cing mos par byed pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa'i sems can de dag ni byang chub kyi sems la rmongs pa med pa'i bsam pa dang ldan te/ dge ba'i rtsa ba chung ngu dang ldan pa ma yin no/ / de dag ni sangs rgyas mang po la bsnyen bkur byas par rig par byas te/ dge ba'i rtsa ba bskyed pa bsod nams kyi tshogs kyis nye bar brtan pa'o// sems can de dag ni sems can thams cad la phan thogs par gyur pa yin te/ sems can de dag ni lung bstan pa'i sa thob par 'gyur ro zhes de lta bu'i sgra byung ngo // byang chub sems dpa'i / sems kyi gsang ba'i le'u zhes bya ste gsum pa'o// / de nas bcom ldan 'das kyis/ byang chub sems dpa' sems dpa' chen po zhi ba'i blo gros la bka' stsal

  341. 171b

    pa/ zhi ba'i blo gros sil snyan dang rol mo'i sgra las 'di lta bu'i sgra byung ba khyod kyis thos sam/ gsol pa/ bcom ldan 'das thos lags te/ 'di lta bu'i sgra byung ba de su'i mthu lags/ bcom ldan 'das kyis bka' stsal pa/ zhi ba'i blo gros 'di ni 'jig rten gyi khams sprin ldan zhes bya ba na/ bcom ldan 'das de bzhin gshegs po sprin dbyangs rgyal po zhes bya ba'i drung nas/ byang chub sems dpa' sems dpa' chen po sgra dbyangs bsgrags pa zhes bya ba nga la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa dang / lag na rdo rjes bstan pa'i chos kyi rnam grangs 'di'ang mnyan pa dang / byang chub sems dpa' sems dpa' chen po phyogs bcu nas 'dus pa 'di dag la'ang blta ba'i phyir 'jig rten gyi khams mi mjed 'dir 'ongs te/ zhi ba'i blo gros byang chub sems dpa' sgra dbyangs bsgrags pa zhes bya ba de lus mi snang bar steng gi bar snang la gnas nas/ nga dang chos kyi rnam grangs 'di la mchod pa'i phyir 'di lta bu'i me tog gi char mngon par 'bebs shing / sil snyan dang rol mo'i sgra'ang rab tu phyung nas/ sil snyan dang rol mo'i sgra de dag las sgra 'di lta bu byung ngo / / bcom ldan 'das kyis gsung de skad bka' stsal nas ring por ma lon par/ de nas byang chub sems dpa' sgra dbyangs

  342. 172a

    bsgrags pa zhes bya ba bar snang de las babs nas/ bcom ldan 'das kyi zhabs gnyis la mgo bos phyag 'tshal te/ lan brgya stong bskor ba byas nas/ bcom ldan 'das kyi spyan sngar 'dug ste/ bcom ldan 'das la 'di skad ces gsol to// bcom ldan 'das de bzhin gshegs pa sprin dbyangs rgyal pos/ bcom ldan 'das la spyan gsol te/ gnod pa chung ngam/ nyam nga ba nyung ngam/ bskyod pa yang ngam/ stobs dang bde ba la reg par gnas sam zhes snyun gsol lo// yang bcom ldan 'das ngo 'di skad du 'di lta ste/ sangs rgyas kyi mthus gsang ba pa'i bdag pos bstan pa chen po 'di bstan to zhes gsung ngo // bcom ldan 'das 'di 'dra ba'i spyod pas sangs rgyas kyi chos tshad ma mchis pa thob par rngo thogs lags sam/ de nas bcom ldan 'das kyis/ byang chub sems dpa' sgra dbyangs bsgrags pa la 'di skad ces bka' stsal to// rigs kyi bu khyod legs par 'ongs so/ / khyod 'dir 'ongs pa legs so// khyod kyis de bzhin gshegs pa'i gsang ba bsam gyis mi khyab pa'i le'u gsang ba pa'i bdag po las thos par 'gyur ro// sgra dbyangs bsgrags pa 'ongs pa'i le'u zhes bya ste bzhi pa'o// // de nas 'khor de las byang chub sems dpa' kha cig 'di snyam du sems te/ gsang ba pa'i

  343. 172b

    bdag po 'dis dge ba'i rtsa ba gang du bskyed/ sangs rgyas bcom ldan 'das ji snyed cig la 'dis bsnyen bkur byas/ 'dis smon lam ci 'dra ba zhig btab na gang gi phyir 'di 'dra ba'i spobs pa dang ldan par gyur snyam mo/ / de nas bcom ldan 'das kyis byang chub sems dpa' de dag gi sems kyis rtog pa thugs kyis mkhyen nas/ byang chub sems dpa' zhi ba'i blo gros la bka' stsal pa/ zhi ba'i blo gros sngon byung ba 'das pa'i dus na/ bskal pa grangs med pa'i yang ches grangs med pa/ rga chen po tshad med pa/ bsam gyis mi khyab pa/ dpag tu med par gyur pa de'i tshe de'i dus na bskal pa mdzes par snang ba zhes bya ba la 'jig rten gyi khams rnam par brgyan pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yon tan mtha' yas rin chen sna tshogs bkod pa'i rgyal po zhes bya ba 'jig rten du byung ngo // zhi ba'i blo gros 'jig rten gyi khams rnam par brgyan pa de'ang 'byor pa/ rgyas pa/ bde ba/ lo legs pa/ nyams dga' ba/ lha dang mi mang pos gang ba/ lag mthil ltar mnyam par gyur pa/ gseg ma dang

  344. 173a

    gyo mo med pa/ rtswa dag der skyes pa'ang 'jam pa/ gos ka tsa lene di ka ltar reg na bde ba/ rma bya'i mgrin pa ltar sngo zhing g.yung drung 'khyil par g.yas su 'khyil ba/ kha dog dang ldan pa/ dri dang ldan pa/ yid du 'ong ba/ gom pa bor na sor bzhi thur du dma' ba/ rkang pa bteg na sor bzhi gyen du mtho ba/ ha cang yang mi grang / ha cang mi tsha ba'i rlung chung ngu bsil ba 'dod pa dang mthun par ldang ba'o// sa chen po de'ang bai DUR+Ya sngon pos brgyan pa'o// sems can de rnams kyang rnam pa bzang zhing mkhas pa dang ldan par gyur te/ 'dod chags dang / zhe sdang dang / gti mug chung ba/ nyon mongs pa thams cad chung ba/ legs par bshad pa'i don kun shes par byed nus pa'i mthu dang ldan pa sha stag go/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de'i nyan thos kyi dge slong gi dge 'dun ni khrag khrig phrag bcu gnyis yod do// byang chub sems dpa'i dge 'dun ni bye ba phrag sum cu rtsa gnyis yod do/ / de'i sku tshe'i tshad ni lo bye ba phrag sum cu rtsa drug thub bo// mi rnams kyang dus ma yin par glo bar du 'chi ba med do// zhi ba'i blo gros de'i tshe de'i dus na/ rnam par brgyan pa'i 'jig rten gyi khams de na mdzes par snang ba zhes bya ba gling bzhi pa'i 'jig rten par ma rab tu 'byor pa/ rgyas pa/ bde ba/

  345. 173b

    rab tu lo legs pa/ yangs shing thag gru che ba byung ste/ gling bzhi pa re re'ang dpag tshad brgyad khri bzhi stong par gyur to// der grong khyer chen po'ang bar bar na dpag tshad gcig yod pa/ grong dang / tshong dus dang / ri khrod stong gis bskor ba byung ngo // zhi ba'i blo gros gling bzhi pa'i mdzes par snang ba de'i dbus ra pho brang grong khyer rnam par dag pa can zhes bya ba yangs shing rgya che ba/ byang dang lhor ni dpag tshad drug cu rtsa bzhi shar dang nub tu ni dpag tshad bzhi bcu rtsa gnyis yod pa/ skyed mos tshal khris rab tu brgyan pa/ grong dang / tshong dus dang / ri khrod khris kun nas bskor ba yod do// zhi ba'i blo gros rgyal po'i pho brang rnam par dag pa can zhes bya ba der 'khor los sgyur ba'i rgyal po yul 'khor srung zhes bya ba rin po che sna bdun dang ldan pa/ gling bzhi la dbang ba/ sngon gyi rgyal ba la lhag par bya ba byas pa/ dge ba'i rtsa ba bskyed pa/ bsod nams kyi gzi brjid kyis gzi dang ldan pa bla na med pa yang dag par rdzogs pa'i byang chub las phyir mi ldog pa zhig byung ngo / / zhi ba'i blo gros rgyal po yul 'khor srung gi grong khyer gyi dbus ra/ khang pa rgya re zhing yangs pa chu zheng du dpag tshad bcu drug yod pa/ rin po che sna bdun gyi rab rim pa bdun dang / rta babs dang / dril bu g.yer kha'i dra ba rim bdun gyis kun nas bskur ba brtsigs so// ra ba'i nang na

  346. 174a

    skyed mos tshal chen po bzhi byas te/ 'di lta ste/ me tog sna tshogs zhes bya ba'i skyed mos tshal chen po dang / yon tan gyis mngon par dga' ba zhes bya ba dang rma bya'i mngon par dga' ba zhes bya ba dang / dus kyi bde ba zhes bya'o// rdzing khyon dpag tshad phyed pa rin po che'i kha khyer gyis bskor ba/ 'dzam bu chu bo'i gser gyi glegs ma'i babs stegs can gser gyi bye ma brdal ba/ yan lag brgyad dang ldan pa'i chus gang ba/ rin po che'i pad+mas kun nas khebs pa/ ngang pa dang / chu skyar dang / bya gar dang / ngur pa dag sgra 'byin pa bzhi byas te/ 'di lta ste/ dga' ba zhes bya ba dang / dga' mchog ces bya ba dang / spos mchog ces bya ba dang / rku rgyur rjes su 'bab pa zhes bya'o// zhi ba'i blo gros rgyal po yul 'khor srung gi btsun mo'i 'khor bdun 'bum yod de/ thams cad kyang mtshan dang ldan pa'i na chung bud med rin po che'i longs spyod dang 'dra ba sha stag go// de dag thams cad kyang bla na med pa yang dag par rdzogs pa'i byang chub tu yang dag par rab tu zhugs par gyur pa dag go/ / de la bu stong du tshang ba yod de/ dpa' brtul phod pa/ yan lag mchog gi gzugs dang ldan pa/ pha rol gyi snga rab tu 'joms pa/ skyes bu chen po'i mtshan nyi shu rtsa brgyad kyis brgyan pa/ lhag pa'i bsam pas bla na med pa yang dag par rdzogs pa'i byang chub tu zhugs pa sha stag go/

  347. 174b

    zhi ba'i blo gros de'i tshe de'i dus na/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de rnam par dag pa dang ldan pa'i rgyal po'i pho brang 'khor du rten cing bzhugs te/ rgyal po dang / blon po chen po dang / bram ze dang / khyim bdag dang / grong rdal dang / yul gyi mos bsti stang byas/ bla mar byas/ ri mor byas/ mchod par byas so// zhi ba'i blo gros rgyal po yul 'khor srung gis/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa de la dge slong gi dge 'dun dang thabs cig tu lo bye ba tshang bar yid du 'ong ba'i bza' ba dang / btung ba dang / na bza' dang / gtsug lag khang dang / 'chag sa'i longs spyod kyis bsnyen bkur byas te/ dge slong re re la'ang rim gro bya ba dang spyad pa'i phyir g.yog gsum gsum phul lo// zhi ba'i blo gros rgyal bu gzhon nu de dag kyang de bzhin gshegs pa la bsti stang dang mchod pa bya bar mos pa dang / chos mnyan pa don du gnyer bas bag yod par gyur te/ 'dod pa'i yon tan don du mi gnyer ro// de dag bag yod cing dam pa'i chos nyan pa dang / sems kyis nges par sems pas/ ring po ma lon par mngon par shes pa lnga bskyed par gyur to// de dag bskyed nas steng gi bar snang la ngang pa'i rgyal po bzhin du skyed mos

  348. 175a

    tshal nas skyed mos tshal dang / grong khyer nas grong khyer dang / tshong dus nas tshong dus dang / gling bzhi pa'i 'jig rten gyi khams thams cad du mthar gyis rgyu zhing tshigs su bcad pa 'di dag smra'o/ / sangs rgyas 'byung ba brgya lam rnyed par 'gyur// mir skye ba yang shin tu dka' bas rnyed// grogs po dga' dang dad dang chos mnyan pa// 'di 'dra bskal pa brgyar yang rnyed pa dka'/ / mi dbang rgyal po de ni dbyung ste// rab tu zhi bar 'gro ba'i chos ston gyis// bde bar gshegs pa de yi drung du dang // chos thos nas ni bde 'gror 'gro bar gyis// chos thos pas ni ngan 'gro rnam par spong // chos thos pas ni bzang 'gror 'gro bar 'gyur// chos thos pas ni nyon mongs rnams kyang zhi// bsil ba'i dngos po dam pa thob par 'gyur// de dag tshigs bcad 'di dag rab brjod pas/ / sa 'di rnam pa drug tu rab tu g.yos// lha rnams a la la zhes lan brgya smras// lha yi me tog yid 'ong char du bab// ston pa blta phyir gang dag bskul ba rnams/ / rkang gnyis mchog gi zhabs la phyag 'tshal nas// de dag thal sbyar gus bcas 'khod gyur pa// de dag bgrang bas dpag par mi nus so// rgyal bas de dag rnams kyi bsam mkhyen nas/ / de dang mthun pa'i chos ni rab tu bshad// bde bar gshegs los chos thos bye ba phrag/ sum cu rtsa drug byang chub mchog la zhugs// bye ba brgya phrag gsum tshang mi

  349. 175b

    nyung ba/ / de dag chos mchog mig ni rnam par dag/ srid par kun tu yid byung sems gyur nas// de dag der ni bstan 'dir rab byung // gzhan yang bye ba khrag khrig de nyid du/ bslab pa bzung zhing de bzhin gso sbyong blangs// ston la mchod pa byas shing chos mnyan nas// de dag slar yang rang gi gnas su dang / zhi ba'i blo gros de ltar rgyal du gzhon nu de dag gis pa yul 'khor srung la mchod pa'i wa gyi phyir/ lha'i tsan dan sbrul gyi snying po'i khang pa brtsegs pa rgya che zhing yangs pa/ bkod pas legs par brgyan pa/ ba gaH dang / rnam par rgyal ba'i ba dan dang / rta babs dang / kha khyer gyis bskor ba zhig byas te/ 'dzam bu gling ril gyis kyang tsan ngan sbrul gyi snying po srang phyed kyi rin du mi chog pa de lta bu'i tsan dan sbrul gyi snying po'i khang pa brtsegs pa rgya che zhing yangs pa/ chu zheng du dpag tshad bcu yod pa/ rnam par bkra ba/ blta na sdug pa/ ka ba bzhi thug pa/ cha mnyam pa/ shin tu rnam par phye ba zhig byas par gyur to/ / de nas rgyal po yul 'khor srung de nam bcom ldan 'das nyid la blta ba dang / phyag bya ba dang / mchod pa bya ba dang / bsnyen bkur bya ba dang chos mnyan pa'i phyir 'gro bar 'dod pa'i tshe/ pha rgyal po yul 'khor srung dang / rgyal bu gzhon nu de rnams dang / btsun mo'i 'khor dang g.yog dang bcas pa dang / gnyen gyi

  350. 176a

    'khor dang bcas te/ khang pa brtsegs pa der zhugs nas/ pad+ma bkod pa'i seng ge'i khri la 'dug ste/ bla mar bya ba chen po dang / bsti stang dang / ri mor bya ba dang / me tog dang / bdug pa dang / spos dang / byug pa dang / phye ma dang / gos dang / gdugs dang / rgyal mtshan dang / ba dan dang / rnam par rgyal ba'i ba dan dang / sil snyan dang / pheg rdob pa dang / rol mo'i sgra dbyangs len pa'i mchod pa dam pa dang chas nas/ khang pa brtsegs pa de rin po che'i dra bas rab tu g.yogs te/ thams cad lhan cig tu 'dus nas khang pa brtsegs pa de sbyar te/ steng gi nam mkha' bar snang la ngang pa'i rgyal po ltar thogs pa med par/ bcom ldan 'das yon tan mtha' yas rin chen sna tshogs bkod pa'i rgyal po de bzhin gshegs pa ga la ba der song nas phyin pa dang / khang pa brtsegs pa de sa la gzhag ste/ bcom ldan 'das de'i zhabs gnyis la mgo bos phyag 'tshal nas/ dge slong gi dge 'dun la'ang phyag 'tshal te/ lan bdun bskor bar byas nas phyogs gcig tu 'khod do// rgyal po yul 'khor srung gi btsun mo'i 'khor dang / gnyen gyi 'khor yang khang pa brtsegs pa de las babs nas/ bcom ldan 'das de'i zhabs gnyis dang / dge slong gi dge 'dun la mgo bos phyag 'tshal te/ lan bdun bskor ba byas nas chos mnyan pa'i phyir/ bcom ldan 'das

  351. 176b

    kyi spyan sngar btsun mo'i 'khor dang gnyen gyi 'khor du bcas te 'dug go/ / / bam po gsum pa/ de nas bcom ldan 'das de bzhin gshegs pa yon tan mtha' yas rin chen sna tshogs bkod pa'i rgyal pos/ rgyal po yul 'khor srung chos nyan pa'i phyir 'ongs pa mkhyen nas/ chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// de la bcom ldan 'das de'i chos kyi gtam ni 'di yin te/ rgyal po chen po chos bzhi po 'di dag ni theg pa chen po la yang dag par zhugs pa rnams yongs su mi nyams shing khyad par du 'gro bar 'gyur ba'o/ / bzhi gang zhe na/ rgyal po chen po dad pa ni yongs su mi nyams shing khyad par du 'gro bar 'gyur pa'o/ / dad pa de gang zhe na/ dad pa gang gis 'phags pa'i drung du nye bar 'gro ba dang / bya ba ma yin pa mi byed pa'i/ rgyal po chen po gus pa ni khyad par du 'gro bar 'gyur ba ste/ gus pa gang gis 'phags pa rnams kyis legs par bshad pa rnams gus par nyan pa dang / rna ba blags te chos nyan pa'o// rgyal po chen po nga rgyal med pa ni khyad par du 'gro bar 'gyur ba ste/ nga rgyal med pa gang gis 'phags pa rnams la mngon par 'dud pa dang / rab tu 'dud pa dang / phyag 'tshal ba'o// rgyal po chen po brtson 'grus ni khyad par du 'gro bar 'gyur ba ste/ brtson

  352. 177a

    'grus gang gis lus yang ba dang / sems yang ba 'thob pa dang / bya ba thams cad kyang nyams 'og tu chud par byas pa ste/ rgyal po chen po chos bzhi po de dag ni theg pa chen po la yang dag par zhugs pa rnams yongs su mi nyams shing khyad par du 'gro bar 'gyur ba'o/ / rgyal po chen po chos bzhi po 'di dag ni zag pa chen po la yang dag par zhugs pa rnam 'gyod pa med pa dang / bag yod pa yongs su rdzogs par 'gyur ba'o// bzhi gang zhe na/ dbang po sdom pa dang / 'dod pa rnams la skyon du lta ba dang / yongs su 'dzin pa thams cad la mi rtag pa'i 'du shes dang / chos la nges par sems pa ni srog gi dbang po dam pa ste/ rgyal po chen po chos bzhi po de dag ni theg pa chen po la yang dag par zhugs pa rnams 'gyod pa med pa dang / bag yod pa yongs su rdzogs par 'gyur ba'o// rgyal po chen po chos bzhi dang ldan na rgyal po la chos kyi rgyal po zhes bya ste/ bzhi gang zhe na/ byang chub kyi sems rjes su mi gtong ba dang / gzhan dag kyang byang chub la yang dag par 'dzud pa dang / dge ba'i rtsa ba thams cad byang chub tu sngo ba dang / sangs rgyas kyi che ba nyid mthong ngam thos na/ sangs rgyas kyi che ba nyid la mos pa ma gtogs par lha dang / mi dang / nyan thos dang / rang sangs rgyas thams cad kyi che ba nyid la mngon par dga' ba ma yin pa ste/ rgyal po chen po chos bzhi po de dag dang ldan na/

  353. 177b

    rgyal po la chos kyi rgyal po zhes bya'o// rgyal po chen po de lta bas na/ khyod rtag par bag yod par bya ba dang / dad pa dang / dang ba mang ba dang / chos don du gnyer ba dang / chos kyi kun dga' la dga' ba dang / khyod chos yongs su btsal ba la brtson pa dang / chos 'dod par bya'i/ yul la chags par mi bya'o// de ci'i phyir zhe na/ rgyal po chen po 'dod pa rnams la chog pa med pa'i phyir te/ gang dag 'phags pa'i shes rab kyis ngoms pa de dag ni ngoms pa'o// rgyal po chen po mi rnams kyi srog ni thung ba/ tshe'i tshad kyang thung ba ste/ tshe rabs 'phro pabar 'gro ba yin gyis/ khyod 'jig rten pha rol la 'jig par blta bar bya'o// rgyal po chen po khyod kyis gang de bzhin gshegs pa la mchod pa dang / rim gro byas pa'i dge ba'i rtsa ba de khyod kyis yongs su bsngo ba bzhis yongs su bsngo bar bya'o/ / bzhi gang zhe na/ longs spyod mi zad pa dang / chos mi zad pa dang / spobs pa mi zad pa dang / ye shes mi zad pa ste/ bzhi po de dag go/ gzhan yang bzhi ste/ bzhi gang zhe na/ tshul khrims kyi tshogs kyis lus yongs su dag pa dang / thos pa'i tshogs kyis ngag yongs su dag pa dang / shes rab kyi tshogs kyis sems yongs su dag pa dang / ye shes kyi tshogs kyis shes rab yongs su dag pa ste/ bzhi po de dag go// gzhan yang bzhi ste/ bzhi gang zhe na/ sems can yongs su smin par

  354. 178a

    byed pas thabs yongs su rdzogs pa dang / bdud tshar gcod pas shes rab yongs su rdzogs pa dang / ji skad smras pa de bzhin byed pas smon lam yongs su rdzogs pa dang / sangs rgyas mthong ba dang phrad pas sangs rgyas kyi chos thams cad yongs su rdzogs pa'o// de nas bcom ldan 'das kyis/ rgyal po yul 'khor srung la chos kyi gtam des yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad pas tshim zhing mgu la yi rangs te/ rab tu dga' nas dga' ba dang yid bde ba skyes te/ rin thang med pa'i mu tig gi ngo shal gyis de bzhin gshegs pa la mchod pa byas so// yongs su longs spyod par bya ba'i phyir/ rgyal srid thams cad kyang bcom ldan 'das de la phul lo/ / ji srid 'tsho'i bar du lnga pa tshangs par spyod pa dang / bslab pa'i gzhi rnams mnos so// btsun mo'i 'khor de thams cad kyang bla na med pa yang dag par rdzogs pa'i byang chub tu sems bskyed par gyur to/ / lnga pa tshangs par spyod pa dang / bslab pa'i gzhi rnams kyang mnos so// rgyal po'i btsun mo'i 'khor yang bcom ldan 'das las chos kyi gtam thos nas tshim zhing mgu la yi rangs te/ rab tu dga' nas dga' ba dang yid bde ba skyes te/ gos dang rgyan ci thogs pa rnams bcom ldan 'das kyi sku la mngon par gsol bar gyur te/ mngon par

  355. 178b

    gsol nas kyang ji srid 'tsho'i bar du lnga pa tshangs par spyod pa dang / bslab pa'i gzhi rnams mnos so// zhi ba'i zla gros de ltar rgyal po yul 'khor srung chos kyi rnyeng pa phun sum tshogs pas rnyed pa chen po dang ldan nas/ btsun mo'i 'khor dang bcas gnyen gyi 'khor dang bcas shing 'khor dang bcas te/ bcom ldan 'das de'i zhabs dang / dge slong gi dge 'dun gyi rkang pa la mas bos phyag 'tshal nas lan gsum bskor ba byas te/ steng gi bar snang gi nam mkha' las khang pa brtsegs pa de nyid nas/ rgyal po'i pho brang rnam par dag pa can du slar 'khor nas rang gi khyim du phyin to/ / zhi ba'i blo gros de nas rgyal po yul 'khor srung dus gzhan zhig na/ zla ba nya ba'i tshe/ me tog sna tshogs zhes bya ba'i skyed mos tshal gyi sa bzang po blta ba'i phyir song nas/ de skyed mos tshal chen po de na gnas shing sil snyan dang / pheg rdob pa dang / rol mo'i sgra rab tu len pa dang / rtse ba'i dam pas rtse dga' zhing dga' mgur spyod do// chung ma dam pa ma smad pa zhes bya ba dang / dpe med ma zhes bya ba de gnyis rdzing dga' ba zhes bya bar khrus byas te/ spos chus gos brlan nas/ seng ge'i khri pad+ma'i 'byung gnas bzang po la 'dug go// de gnyis der 'dug pa'i pang pa nas rgyal bu gzhon nu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa gnyis skyil mo krung bcas par rdzus te byung ngo // de nas

  356. 179a

    skad cig de nyid la steng gi bar snang las lha rnams kyis/ kye ma khye'u 'di ni chos kyi sems pa'o// kye mkhye'u 'di ni chos kyi blo gros so zhes sgra phyung ngo // khye'u de gnyis byung ma thag tu zhi ba'i blo gros de ltar 'jig rten du khye'u de gnyis chos kyi sems pa dang / chos kyi blo gros zhes bya ba'i ming du gyur to// de la khye'u chos sems ni btsun mo ma smad pa'i pang pa nas byung ngo // chos kyi blo gros ni btsun mo dpe med ma'i pang pa nas byung ngo // khye'u de gnyis byung ma thag tu skyil mo krung ma nyams par gnyis kas tshigs su bcad pa 'di dag smras so// gang dag byang chub tu ni sems bskyed cing / / 'jig rten mgon po yul du byung ba la/ rab tu dang ba'i sems kyis phyag 'tshal ba// de dag rnyed pa rab rnyed grogs po dag/ gang zhig byang chub sems ni ma brjed pa/ / de ni srid pa'i rgya mtsho'i gting du phyin// 'khor ba'i 'khor lo las ni yid kyang log/ sems can rgya chen rnams kyis legs par bzung // steng gi phyogs na yan lag ma smad pa/ 'dren pa mtshan ni dus dpog rgyal po ste// de nas bdag cag chos don gnyer ba dang // 'jig mgon yon tan 'byung gnas blta phyir mchis// khye'u de gnyis kyis skyil mo krung bshig nas// de yi tshe na ma yi pang nas babs// yul 'khor srung po ga lar de gnyis dong // rkang par phyag 'tshal thal mo sbar te 'dag/ yab gcig bdag cag mchi ba gsan du gsol// bskal

  357. 179b

    pa bye bar chos rnyed rab tu dka'/ / de rnyed nas ni byang chub ma thob par// mkhas pa dag ni gzhar yang mi gtong ngo // sangs rgyas 'byung ba rtag tu rab rnyed dka'// pha ma dag ni chos la gnas pa dang / / dal ba 'byor dang chos 'dod grogs po dang // mthun par gnas dang bstan la dang rab dkon// 'dun dang brtson 'grus de bzhin bag yod dang // rab tu byung thob rtag tu shes bzhin can/ / phan pa'i dngos dang gnyen dang ma khengs dang // ngo tsha khrel yod thos dang tshul khrims bzang // zhi dul srog chags rnams la snying rje byams// zab mo'i chos la chos kyi bzod ldan dang / / brtson 'grus mthu dang sems ni ma zhum dang // bsdu bas sems can yongs su smin byed dang // sems las rung zhing dben par gnas pa dang // lus dang de bzhin srog la mi lta dang / / mgo dang gos la 'bar ltar chos sems pa// de dag sangs rgyas yon tan de 'dra 'thob// bdag cag chos mchog gang dag rab brjod pa// chos mchog de dag yab gcig rab rnyed dka'/ / chos rnams de dag don du bdag cag lhags// da ni rgyal ba'i drung du bzhud par bgyi// dkar po'i chos rnams kyis ni yongs zin cing // skad cig gis ni mngon shes lnga thob pa/ / rjes su dran pa sgom zhing ye shes can// byang chub sems dpa' mkhas pa de gnyis dong // rgyal po bu dang bcas shing bud med bcas// byang chub sems

  358. 180a

    dpa' mngon shes thob mkhas gnyis/ / ston pa yon tan rgyal mchog ga la bar// nam mkha' las ni der yang sngon du dong // de bzhin gshegs pa'i zhabs la phyag 'tshal te/ / thams cad 'dus nas gus dang bcas par gnas// de nas rgyal sras chos kyi blo gros spras// byang chub lam de bdag cag bshad du gsol// rgyal bas de dag rnams kyi bsam mkhyen nas/ / zab mo'i chos kyi gtam ni rab gsung ba// chos rnams 'di dag brten nas byung ba ste// bdag po med cing byed pa po dang bral// nang yang stong zhing phyi rol rgyu ba med/ / chos rnams 'di dag gsog dang gsob yin te// lha dang bya ba dag cing g.yo ba med// nam mkha' lta bur rtag tu gzung du med// bde bar gshegs pas chos gtam rnam dag pa/ / rnam pa mang po de dag rnams la bshad// bye ba phrag gsum khrag khrig bdun cu drug/ mi skye bzod pa rjes su thob par gyur// zhi ba'i blo gros de ltar bcom ldan 'das de la rgyal po yul 'khor srung gis zhag bdun gyi bar du mchod pa byas nas/ btsun mo'i 'khor dang bcas gnyen gyi 'khor dang bcas te/ skad cig thang cag yud tsam de la rang gi khyim du slar phyin to/ / zhi ba'i blo gros de nas rgyal po yul 'khor srung gcig pur dben par song ste/ bkod pa chen po'i khang pa brtsegs par seng ge'i khri pad+ma'i 'byung gnas

  359. 180b

    bzang po la 'dug nas/ nang du yang dag bzhag cing 'di snyam du sems te/ bdag gi gzhon nu 'di dag thams cad ni bla na med pa yang dag par rdzogs pa'i byang chub la yang dag par zhugs/ pa sha stag na/ gzhon nu 'di dag thams cad kyi nang na gang thog mar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba bdag gis brtag go snyam mo// de nas rgyal po yul 'khor srung gis de'i mod la rin po che sna bdun gyi bum pa byed du bcug ste/ byi dor legs par byas shing / legs par zin par byas nas/ gzhon nu de dag thams cad kyi ming bris te/ bum pa de'i nang du bcug nas/ rin po che sna bdun gyi pad+ma sna tshogs blta na sdug pa byas nas/ pad+ma de'i steng du bum pa de bzhag ste/ zhag bdun du lha'i mchod pa me tog thams cad dang / spos thams cad dang / phye ma thams cad dang / bdug pa thams cad dang / byug pa thams cad dang / rol mo'i sil snyan thams cad kyis mchod do// ming de dag mchod pa'o tshe na/ lha'i bu khri mchod pa'i las kyi phyir brtson par gyur to// zhag bdun du mchod pa byas nas btsun mo'i 'khor dang / de'i bu stong dang / gzhon nu g nyis kyi mdun du ril gyis gser las byas pa'i khri'u bzang po'i steng du bum pa de bzhag nas/ nang gi rmi bum pa de'i nang nas ming de rnams phyung ngo // zhi ba'i blo gros de'i tshe thams

  360. 181a

    cad kyi thog mar rgyal bu gzhon nu rnam par dag pa'i blo gros zhes bya ba de'i ming byung bar gyur to/ / ming de byung ma thag tu skad cig de nyid la sa chen po 'di rnam pa drug tu g.yos so/ / btsun mo'i 'khor thams cad pang na sil snyan yod pa de dag kyang ma dkrol bar bye bo phrag du ma'i sgra byung ngo // zhi ba'i blo gros 'di ji snyam du sems/ zhi ba'i blo gros de'i tshe de'i dus na thams cad kyi thog mar ming byung ba rgyal bu gzhon nu rnam par dag pa'i blo gros zhes bya bar gyur pa de gzhan yin par de ltar mi blta'o/ / de ci'i phyir zhe na/ de bzhin gshegs pa 'khor ba 'jig de de'i tshe de'i dus na/ rgyal bu gzhon nu rnam par dag pa'i blo gros zhes bya bar gyur to// de'i 'og tu rgyal bu gzhon nu rnam par rgyal ba'i sde zhes bya ba de'i ming byung ste/ bcom ldan 'das gser thub de de'i tshe de'i dus na/ rgyal bu gzhon nu rnam par rgyal ba'i sde zhes bya bar gyur to// de'i 'og tu rgyal bu gzhon nu dbang po zhi ba zhes bya ba de'i ming byung ste/ bcom ldan 'das 'od srung de de'i tshe de'i dus na/ rgyal bu gzhon nu dbang po zhi ba zhes bya bar gyur to// de'i 'og tu rgyal bu gzhon nu don thams cad grub pa zhes bya ba de'i ming byung ngo // de ni nga yin de'i tshe de'i dus na rgyal bu gzhon nu don thams cad grub pa zhes bya bar gyur to/ / de'i 'og tu rgyal bu gzhon nu ska rags can zhes bya ba'i ming byung bar gyur te/ de ni byams pa zhes bya

  361. 181b

    ba'i de bzhin gshegs par 'gyur ro/ / de'i 'og tu rgyal bu gzhon nu mchog gi blo gros zhes bya ba de'i ming byung ste/ de ni seng ge zhes bya ba'i de bzhin gshegs par 'gyur ro// de'i 'og tu rgyal bu gzhon nu glog gi lha zhes bya ba de'i ming byung ste/ de ni tog ces bya ba'i de bzhin gshegs par 'gyur ro// de'i 'og tu rgyal bu gzhon nu bzang po'i rgyal po zhes bya ba'i ming byung ste/ de ni me tog dam pa zhes bya ba'i de bzhin gshegs par 'gyur ro// de'i 'og tu rgyal bu gzhon nu 'od kyi dpal zhes bya ba'i ming byung ste/ de ni me tog ces bya ba'i de bzhin gshegs par 'gyur ro/ / de'i 'og tu rgyal bu gzhon nu rnam par snang ba'i pad+ma zhes bya ba'i ming byung ste/ de ni skar ma rgyal zhes bya ba'i de bzhin gshegs par 'gyur ro// de'i 'og tu rgyal bu gzhon nu dri ma med pa'i 'od ces bya ba'i ming byung ste/ de ni spyan legs pa zhes bya ba'i de bzhin gshegs par 'gyur ro// de'i 'og tu rgyal bu gzhon nu rdul med ces bya ba'i ming byung ste/ de ni lag bzangs zhes bya ba'i de bzhin gshegs par 'gyur ro// de'i 'og tu rgyal bu gzhon nu blo gros rgyal po zhes bya ba'i ming byung ste/ de ni 'od ces bya ba'i de bzhin gshegs par 'gyur ro/ / de'i 'og tu rgyal bu gzhon nu dge ba bkod pa'i rgyal po zhes bya ba'i ming byung ste/ de ni skar ma la dga' ba zhes bya ba'i de bzhin gshegs par 'gyur ro// de'i 'og tu rgyal bu

  362. 182a

    gzhon nu phyogs 'byor pa gre bya ba'i ming byung ste/ de ni mngon 'phags gshegs pa zhes bya ba'i de bzhin gshegs par 'gyur ro// de'i 'og tu rgyal bu gzhon nu rnam par dag pa bkod pa'i rgyal po zhes bya ba'i ming byung ste/ de ni yon tan gyi mchog mnga' ba zhes bya ba'i de bzhin gshegs par 'gyur ro// de'i 'og tu rgyal bu gzhon nu dpal sbas zhes bya ba'i ming byung ste/ de ni nor dpal zhes bya ba'i de bzhin gshegs par 'gyur ro// de'i 'og tu rgyal bu gzhon nu lus shin tu rnam par 'byed pa zhes bya ba'i ming byung ste/ de ni ye shes 'byung gnas zhes bya ba'i de bzhin gshegs par 'gyur ro/ / de'i 'og tu rgyal bu gzhon nu drag shul can zhes bya ba'i ming byung ste/ de ni rin po che 'byung gnas zhes bya ba'i de bzhin gshegs par 'gyur ro/ / de'i 'og tu rgyal bu gzhon nu rin chen grags pa zhes bya ba'i ming byung ste/ de ni kun tu snang ba zhes bya ba'i de bzhin gshegs par 'gyur ro// de bzhin du rgya cher bya ste/ zhi ba'i blo gros de ltar bu stong yod pa de'i nang nas gcig bzhag ste/ rgyal bu gzhon nu cod pan brgyan pa zhes bya ba'i ming gi bar du byung ngo // de ni yon tan mtha' yas grags pa zhes bya ba'i de bzhin gshegs par 'gyur ro/ / zhi ba'i blo gros de'i tshe rgyal bu gzhon nu thams cad kyi tha chung blo mtha' yas zhes bya ba de'i ming byung bar gyur pa dang / snag gi

  363. 182b

    gnyen mtshams thams cad dang / spun rnams na re/ gang gi tshe bdag cag thams cad kyis sems can thams cad yongs su smin par byas shing / sangs rgyas kyi bya ba thams cad byas pa de'i 'og tu khyod kyis ci zhig byar yod ces smras pa dang / blo gros mtha' yas kyis smras pa/ sangs rgyas chos rnams 'di dag nam mkha' mtshungs shing 'dra// bdag gi yid la sems can zad pa med snyam bgyid/ / tshul khrims kyis ni bdag gi smon lam 'di dag gyur// bdag gi smon lam ci 'dra thams cad 'dir gson cig/ khyed kyi tshe tshad ji tsam pa dag bsdoms pa dang / tshogs kyi rgyal po ji snyed de dag kun bsdoms pa// thams cad bsdoms pa de snyed bdag gi tsher gyur te// bdag gi dge slong tshogs kyang de kun ma lus snyed// de yis tshigs su bcad pa de ni smras ma thag/ de yi tshe na legs zhes lha yis sgra phyung ste// sems can dag pa khyod kyi bsam pa rdzogs gyur cig/ khyod kyis ji ltar bsam bzhin sems can don mdzod cig/ zhi ba'i blo gros de ltar rgyal bu gzhon nu thams cad kyi tha chung ngu gyur pa blo mtha' yas zhes bya ba de ni bskal pa bzang po 'di la de bzhin gshegs pa tha ma pa mos pa zhes bya bar 'gyur te/ zhi ba'i blo gros bskal pa bzang po'i de bzhin gshegs pa de dag thams cad kyi tshe'i tshang ji tsam pa dang / nyan thos kyi dge 'dun ji snang bar 'gyur ba/ de bzhin gshegs pa mos pa de'i tshe tshad kyang de srid du 'gyur/ nyan rdzas kyi

  364. 183a

    dge 'dun yang de srid du 'gyur ro/ / bdag de ltar mos pas na de'i phyir mos pa zhes bya'o// zhi ba'i blo gros 'di ltar sangs rgyas stong du gcig gis ma tshang ba dag sangs rgyas kyi mdzad pa ji snyed mdzad pa de snyed de bzhin gshegs pa mos pas byed par 'gyur bas/ thabs mkhas pa'i tshul khrims phun sum tshogs pa'i rgyu mthun pa/ smon lam yongs su rdzogs pa'i khyad par la ltos zhi ba'i blo gros de nas gzhon nu stong po de dag gis byang chub sems dpa' gzhon nu chos sems dang / chos kyi blo gros dang / de gnyis la 'di skad ces smras so// rigs kyi bu khyod gnyis kyis smon lam ji lta bu zhig btab/ chos sems pas smras pa/ grogs po dag bdag ni khyed thams cad kyi lag na rdo rjer gyur te/ nang na spyod cing de bzhin gshegs pa'i gsang ba thams cad las phyi rol du ma gyur la/ phyi nang gi sangs rgyas kyi chos thams cad nyan pa dang / mos pa dang / rtogs pa de ltar bdag smon lam 'debs so// chos kyi blo gros kyis smras pa/ snag gi gnyen 'tshams dag/ bgres rabs dag/ bdag ni khyed rnams thams cad kyis byang chub thob pa na/ chos kyi 'khor lo bskor bar bskul te/ bdag gis bskul bas khyed thams cad kyis chos kyi 'khor lo skor bar gyur cig ces smon lam 'di ltar 'debs so/ / zhi ba'i blo gros de gnyis kyang smon lam ji ltar btab pa bzhin du bcom ldan 'das des lung bstan par gyur to//

  365. 183b

    zhi ba'i blo gros de'i tshe de'i dus na 'khor los sgyur ba'i rgyal po yul 'khor srung zhes bya bar gyur pa de khyod kyis gzhan yin pa de ltar mi blta'o// de ci'i phyir zhe na/ bcom ldan 'das mar me mdzad de de'i tshe de'i dus na 'khor los sgyur ba'i rgyal po yul 'khor srung zhes bya bar gyur to/ / de'i bu gzhon nu stong yod pa de dag ni bskal pa bzang po'i de bzhin gzhan gshegs pa sha stag ste/ de bzhin gshegs pa 'khor ba 'dzeg nas bzung ste/ de bzhin gshegs pa mos pa zhes bya ba'i bar dag de'i tshe de'i dus na rgyal bu gzhon nur gyur to// zhi ba'i blo gros btsun mo ma smad pa zhes bya ba'i pang pa nas rdzus te byung ba khye'u chos kyi sems pa zhes bya bar gyur pa de ni gsang ba pa'i bdag po lag na rdo rje 'di yin te/ de'i tshe de'i dus na khye'u chos kyi sems pa zhes bya bar gyur to// zhi ba'i blo gros btsun mo dpe med ma zhes bya ba'i bang ba nas rdzus te byung ba khye'u chos kyi blo gros zhes bya ba de ni tshangs pa gtsug pud can 'di yin te/ de'i tshe de'i dus na khye'u chos kyi blo gros zhes bya bar gyur to/ / zhi ba'i blo gros rgyal po yul 'khor srung gi btsun mo'i 'khor du gyur pa gang yin pa de dag ni 'khor 'dir 'dus pa'i byang chub sems dpa' rnams yin no// rgyal b u gzhon nu de rnams kyis sems can gang dag bla na med pa yang dag par rdzogs pa'i byang chub tu yongs su smin par byed pa theg pa chen po la yang dag par zhugs pa de dag thams cad ni bskal

  366. 184a

    pa bzang po 'di nyid la mthar gyis lung bstan pa thob par 'gyur ro/ / zhi ba'i blo gros 'di ltar skyes bu dam pa de dag gi bsam pa thams cad 'byor pas dge ba'i rtsa ba'i rgyu las byung ba'i sems bskyed pa chung mi za ba rten cing 'brel par 'byung ba'i mi 'gal ba la ltos/ yul 'khor srung gi sngon gyi tshul gyi le'u ste lnga pa'o// / zhi ba'i blo gros lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyang sems can chen po de dag gi rjes su bslab par bya'o/ / tshig lhur blang bar mi bya'i byang chub kyi lam la mngon par brtson pas bsgrubs pa snying por bya'o/ / de la byang chub kyi lam gang zhe na/ 'di lta ste/ byams pa'i rjes su 'brang ba'i sems skyed pas sems can thams cad la khong khro ba med pa dang / pha rol tu phyin pa rnams la brtson pa dang bsdu ba'i dngos po'i rjes su 'brang ba dang / tshangs pa'i gnas pa bzhi bsgrub pa dang / byang chub kyi phyogs kyi chos rnams la mngon par brtson pa dang / mngon par shes pa yongs su sbyang ba yongs su skang ba dang / thabs la mkhas pas mngon par bsgrubs pa'i dge ba'i chos thams cad kyi tshogs sogs pa ste/ 'di ni byang chub kyi lam zhes bya'o// zhi ba'i blo gros gzhan yang byang chub kyi lam ni/ 'di lta ste/ dad pa dang / bsam pa dang / lhag pa'i bsam pa yongs su dag pa dang /

  367. 184b

    drang ba nyid dang / g.yo med pa nyid dang / yangs pa nyid dang / sgrib pa med pa nyid dang / mnyam pa nyid dang / sems snyoms pa nyid dang / mi 'jigs pa nyid dang / sdig pa thams cad mi byed pa nyid yin no/ / lam de ni sbyin pa'i pha rol tu phyin pas 'byor pa'o// lam de ni tshul khrims kyi pha rol tu phyin pas bde bar 'gro ba'o// lam de ni bzod pa'i pha rol tu phyin pas gnod pa med pa'o/ / lam de ni brtson 'grus kyi pha rol tu phyin pas rgyun chad pa med pa'o// lam de ni bsam gtan gyi pha rol tu phyin pas mi 'khrugs pa'o// lam de ni shes rab kyi pha rol tu phyin pas legs par rtogs pa'o/ / lam de ni byams pa chen pos 'byung ba shes pa'i rjes su song ba'o// lam de ni snying rje chen pos phyir mi ldog pa'o// lam de ni dga' ba chen pos mchog tu dga' bar byed pa'o/ / lam de ni btang snyoms chen pos snying po'i rjes su song ba'o// lam de ni 'dod pa la 'dod chags dang / gnod sems dang / 'tshe ba'i rnam par rtog pa dang bral bas sdong du ma dang tsher ma med pa'o/ / lam de ni zhes 'gras pa'i sems med pas bde bar 'gro ba'o// lam de ni gzugs dang / sgra dang / dri dang / ro dang reg pa dang bral bas g.yon can dang bral ba'o/ / lam de ni phung po dang / khams dang / skye mched la legs par brtags pas phyir rgol ba dang bral ba'o// lam de ni nyon mongs pa thams

  368. 185a

    cad dang bral bas bdud phyir rgol ba bcom pa'o/ / lam de ni nyan thos dang rang sangs rgyas kyi yid la byed pa dang bral bas sems rlabs po cher 'gro ba'o// lam de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis zhugs pa'o/ / lam de ni rnam pa thams cad mkhyen pa'i rin po che dang mthun pas rin po che chen po sgrub pa'o/ / lam de ni chags pa med pa'i ye shes kyi snang bas rtag tu gsal ba'o// lam de ni dge ba'i bshes gnyen gyis legs par yongs su zin pas dge ba ston pa'o// lam de ni rjes su 'chags pa dang khong khro ba med pas mtho dman med pa'o/ / lam de ni gnod sems dang / tha ba dang / khro ba med pas rdul dang bral ba'o// lam de ni mi dge ba'i chos thams cad dang bral bas bde 'gror 'gro ba'o/ / lam de ni mya ngan las 'das pa'i mthar 'gro bas bde ba'i phyogs su 'gro ba'o// zhi ba'i blo gros de ltar na gang la nyan thos dang rang sangs rgyas thams cas kyi 'gro ba med pa dang / lam ma yin pa de 'dra ba ni byang chub sems dpa'i lam ste/ lam de la gnas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya'o// byang chub kyi lam gyi le'u ste drug pa'o/ / / de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag

  369. 185b

    po de bzhin gshegs pa'i gsang ba ci 'dra/ de bzhin gshegs pa'i gsang ba pa'i phyogs tsam zhig la khyod spobs par gyis shig/ de skad ces smras pa dang / gsang ba pa'i bdag po lag na rdo rjes/ byang chub sems dpa' zhi ba'i blo gros la 'di skad ces smras so// sangs rgyas kyi mthu dang / sangs rgyas kyi byin gyi rlabs kyis bstan gyis/ rigs kyi bu nyon cig/ zhi ba'i blo gros gsum po 'di dag ni de bzhin gshegs pa'i gsang ba'o/ / gsum gang zhe na/ 'di lta ste/ sku'i gsang ba dang / gsung gi gsang ba dang / thugs kyi gsang ba'o// zhi ba'i bla gros de la de bzhin gshegs pa'i sku'i gsang ba gang zhe na/ zhi ba'i bla gros 'di la de bzhin gshegs pa ni mi dgongs shing rab tu mi rtog par spyod lam thams cad kyang kum ston te/ rigs kyi bu de la lha dang mi kha cig 'dug pa gtso bor byed pa de dag gis ni de bzhin gshegs pa bzhugs par mthong ngo // lha dang mi kha cig 'chag pa gtso bor byed pa de dag gis ni de bzhin gshegs pa 'chag par mthong ngo / / lha dang mi kha cig 'greng ba gtso bor byed pa de dag gis ni de bzhin gshegs pa 'greng ba mthong ngo // lha dang mi kha cig nyal ba gtso bor byed pa de dag gis ni de bzhin gshegs pa mnal bar mthong ngo / / lha dang mi kha cig chos ston pa gtso bor byed pa de dag gis ni de bzhin gshegs pa ston par mthong ngo // lha dang mi kha cig mi smra ba gtso bor byed pa de dag gis

  370. 186a

    ni de bzhin gshegs pa mi gsung bar gyur par mthong ngo / / lha dang mi kha cig bsam gtan gtso bor byed pa de dag gis ni de bzhin gshegs pa bsam gtan la snyoms par zhugs par mthong ngo / / lha dang mi kha cig langs pa gtso bor byed pa de dag gis ni de bzhin gshegs pa bzhengs par mthong ngo // lha dang mi kha cig mig mi 'dzums par lta ba gtso bor byed pa de ngag gis ni de bzhin gshegs pa spyan mi 'dzums par gzigs par mthong ngo / / lha dang mi kha cig 'dzum pa byed pa gtso bor 'dzin pa de dag gis ni de bzhin gshegs pa 'dzum pa mdzad par mthong / / lha dang mi kha cig mdog gisar gyi kha dog lta bu gtso bor byed pa de dag gis ni de bzhin gshegs pa sku mdog gser gyi kha dog lta bur mthong ngo // de bzhin du la las ni dngul gyi mdog tu mthong ngo / / de bzhin du shel gyi mdog dang / bai DUR+Ya'i mdog dang / rdo'i snying po'i mdog dang / spug gi mdog dang / mu tig dmar po'i mdog dang / mu tig dkar po'i mdog dang / mdog dmar po dang / mdog dkar po dang / btsod ka'i mdog dang / mdog sngon po dang / mdog ser po dang / zla ba'i mdog dang / nyi ma'i mdog dang / me'i mdog dang 'od kyi mdog dang / brgya byin gyi mdog dang / tshangs pa'i mdog dang / ba mo'i mdog dang ldong ros kyi mdog dang / mtshal gyi mdog tu mthong ngo // la las ni chu'i mdog dang

  371. 186b

    la las ni mya ngan 'tshang gi me tog gi mdog dang / tsam pa ka'i mdog dang / sna ma'i me tog gi mdog dang / bar shi ka'i mdog dang / pad+ma'i mdog dang / ku mu ta'i mdog dang pad+ma dkar po'i mdog dang / dpal gyi mdog dang / rnam thos kyi bu'i mdog dang / ngang pa'i rgyal po dang skya'i mdog dang / pad+ma gsar pa'i mdog dang / dpal gyi snying po'i mdog dang / rin po che byu ru'i mdog dang / nor bu rin po che'i mdog dang / an da rnyil gyi mdog dang / nam mkha' dag pa'i gzi brjid kyi mdog dang / lha dang mi kha cig yon tan gyi bsngags pa mtha' yas par mos pa de dag gis ni/ de bzhin gshegs pa'i sku'i yon tan gyi bsngags pa mtha' yas pa dang ldan par mthong ngo // zhi ba'i blo gros de ltar yongs su brtag pa nye bar bzung ste/ stong gsum gyi stong chen po'i 'jig rten gyi khams na sems can ji snyed yod pa dang / gang yang gang+gA'i klung gi bye ma snyed kyi 'jig rten gyi khams kyi sems can de ngag thams cad mi'i lus thob par gyur la/ de'i nang nas sems can gcig gis sems can de dag ji snyed pa de snyed la/ de bzhin gshegs pa'i sku gzugs dang / mdog dang / rtags dang / dbyibs dang / spyod lam du sems shing mos te mngon par sgrub la/ sems can gcig gis ji lta ba bzhin du sems can de dag thams cad re res kyang de snyed la

  372. 187a

    de bzhin gshegs pa'i sku gzugs dang / mdog dang / rtags dang / dbyibs dang / spyod lam du sems shing mos te mngon par sgrub la/ sems can gcig gi sems kyi mos pa gang yin pa de sems can gnyis pa'i ma yin te/ zhi ba'i blo gros rnam grangs de na/ de bzhin gshegs pa sems can de dag thams cad kyi sems kyi mos pa tshim par mdzad de/ ji ltar mos pa bzhin du sems can de dag gis de bzhin gshegs pa'i sku'i mdog dang / gzugs dang / rtags dang / dbyibs dang / spyod lam du shes mod kyi/ de la de bzhin gshegs pa'i sku 'am/ thugs kyi mdzad pa ni ma yin te/ de bzhin gshegs pa sngon gyi spyod pa yongs su sbyangs pa'i khyad par gyis lhun gyis grub pas/ sems can thams cad kyi sems kyi bsam pa tshim par mdzad pa'i gzugs dang / mdog dang / rtags dang / dbyibs dang / spong lam gyis kun tu bzhugs so/ / zhi ba'i blo gros 'di lta ste/ dper na me long gi dkyil 'khor yongs su dag pa la/ gzugs su snang ba ci 'dra ba nye bar gzhag pa de 'dra ba nyid kyi gzugs brnyan de na lhag chad med par mtshungs par snang yang / me long gi dkyil 'khor ni mi sems mi rtog go// zhi ba'i blo gros de bzhin du de bzhin gshegs pa'ang mi dgongs mi rtog par

  373. 187b

    lhun gyis grub par sems can thams cad kyi sems kyi bsam pa'i rnam par rig pa tshim par mdzad do/ / zhi ba'i blo gros 'di ni de bzhin gshegs pa'i sku'i gsang ba'o// bo'i blo gros gzhan yang de bzhin gshegs pa'i sku ni phung pos rab tu phye ba ma yin/ khams kyis rab tu phye ba ma yin/ skye mched kyis rab tu phye ba ma yin/ las las byung ba ma yin/ nyon mongs pa las byung ba ma yin/ pha ma las byung ba ma yin/ 'byung ba chen po'i nur nur po las byung ba ma yin/ sha dang khrag gis g.yogs pa ma yin/ rus pa dang chu ba'i bog res sbrel ba ma yin/ dbugs phyi nang du rgyu ba dang srog dang 'brel ba ma yin te/ zhi ba'i blo gros de bzhin gshegs pa'i sku ni sku med pa ste/ chos kyi sku dang gzugs dang / mtshan med pa'i sku dang / spros pa med cing rgyu ba med pa'i sku yin yang / de gzugs dang mtshan gtso bor byed pa'i sems can sku bstan pas 'dul ba rnams kyi mig la snang bar 'gyur ro/ / gzugs las dben pa chos kyi sku dang / gnyid gtso bor byed pa'i sems can rnams la ni/ lha'i mig gis kyang thams cad kyi thams cad du bltar snang bar ma 'gyur ro/ / zhi ba'i blo gros de la 'khor gcig tu 'dus pa'i sems can gyi nang nas kyang / kha cig gis ni de bzhin gshegs pa'i sku mthong / kha cig gis ni mi mthong / kha cig/

  374. 188a

    gis ni rgyang ring po na 'dug kyang mthong / kha cig gis ni nye ba na 'dug kyang mi mthong / kha cig gis ni thag ring po na 'dug la mthong / kha cig gis ni nye ba na 'dug la mi mthong / la las ni dran pa'i rnam pas mthong la/ g.yeng ba'i rnam pas mi mthong ngo // la las ni g.yeng ba'i rnam pas mthong la/ dran pa'i rnam pas mi mthong ngo // la las ni gzhan gyis nye bar bstan pas mthong zhing / bdag gis bltas pas mi mthong ngo // la las ni bdag gis bltas pas mthong la/ gzhan gyis bltas pas mi mthong ngo // la las ni rmi lam na mthong la/ sad pa na mi mthong ngo // la las ni sad pa na mthong la/ rmi lam na mi mthong ngo // la las ni mnyam par gzhag na mthong la/ langs na mi mthong ngo / / la las ni langs na mthong la/ mnyam par gzhag na mi mthong ngo // la las ni sdug pa'i rnam par mthong la/ mi sdug pa'i rnam par ma yin no// la las ni ma sdug pa'i rnam par mthong la/ sdug pa'i rnam par ma yin no// la las ni ma brtsal bas mi mthong la/ brtsal bas mthong ngo // la las ni ma brtsal bas mthong la/ brtsal bas mi mthong ngo / / la las ni bsgrims na mthong la/ ma bsgrims na ma yin no// la las ni ma bsgribs na mthong la/ bsgribs na ma yin no// zhi ba'i blo gros de ltar de

  375. 188b

    bzhin gshegs pa'i sku ni 'di dag dang / gzhan yang tshad med pa'i rnam par ston pa mdzad do// gang yang gzugs na spyod pa'i lha'i bu lus dang / spyod pa dang / spyod lam rab tu zhi ba/ mnyam par gzhag pa/ lus zhi ba/ dul ba de dag gi mig kyang 'khrul par gyur te/ de bzhin gshegs pa'i sku la dpag par bya ba 'am/ mtshan ma gzung bar mi nus so/ / de ci'i phyir zhe na/ zhi ba'i blo gros de bzhin gshegs pa'i sku ni kha dog tha dad pas tshad med pa'o// chos kyi skus rab tu phye ba'i phyir nam mkha' dang mtshung so/ / zhi ba'i blo gros nam mkhas ji tsam du khyab pa de tsam du de bzhin gshegs pa'i skus khyab po// zhi ba'i blo gros 'di lta ste/ dper na nam mkha' ni thams cad kyi rjes su song ba'o/ / zhi ba'i blo gros de bzhin du de bzhin gshegs pa'i sku'ang thams cad kyis rjes su song ba'o// zhi ba'i blo gros 'di lta ste/ dper na nam mkha' ni spros pa med pa'o// ba'i blo gros de bzhin du de bzhin gshegs pa'i sku'ang spros pa mi mnga' 'o// zhi ba'i blo gros 'di lta ste/ dper na nam mkha' ni sems can thams cad kyi nye bar 'tsho ba'o// zhi ba'i blo gros de bzhin du de bzhin gshegs pa'i sku'ang sems can thams cad kyi nye bar 'tsho ba'o/ / zhi ba'i blo gros 'di lta ste/ dper na nam mkha' ni 'gyur ba med cing rnam par rtog pa med

  376. 189a

    do/ / zhi ba'i blo gros de bzhin du de bzhin gshegs pa'i sku'ang 'gyur ba mi mnga' zhing rnam par rtog pa mi mnga' 'o// zhi ba'i blo gros 'di lta ste/ dper na nam mkha' ni gzugs su snang ba thams cad du zhugs pa'o/ / zhi ba'i blo gros de bzhin du de bzhin gshegs pa'i sku'ang sems can du snang ba thams cad du zhugs so// zhi ba'i blo gros 'di lta ste/ dper na nam mkha'i nang du ni gzugs su snang ba thams cad 'dus so// zhi ba'i blo gros de bzhin du de bzhin gshegs pa'i sku'i nang du'ang sems can du snang ba thams cad du 'dus so// zhi ba'i blo gros 'di lta ste/ dper na nam mkha' la ni rtswa dang / shing gel ba dang / sman dang / nags tshal thams cad rnam par 'phel lo// zhi ba'i blo gros de bzhin du de bzhin gshegs pa'i sku las kyang sems can thams cad kyi dge ba'i rtsa ba dag rnam par 'phel lo/ / zhi ba'i blo gros 'di lta ste/ dper na nam mkha' ni rtag pa'ang ma yin/ mi rtag pa'ang ma yin te/ cir yang brjod pa ma yin no// zhi ba'i blo gros de bzhin du de bzhin gshegs pa'i sku'ang rtag pa'ang ma yin/ mi rtag pa'ang ma yin te/ cir yang brjod pa ma yin no/ / zhi ba'i blo gros de bzhin gshegs pa dgra bcom pa yang dag par rdzogs pa'i sangs rgyas rnams ni spyi gtsug bltar mi mthong ba ste/ zhi ba'i bla gros gang de bzhin gshegs

  377. 189b

    pa'i spyi gtsug mthong bar nus pa de ni kha bas lha dang bcas pa dang / bdud dang bcas pa dang / tshangs pa dang bcas pa dang / dge slong dang bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na ma mthong ngo // de ci'i phyir zhe na/ zhi ba'i blo gros kho bos 'di ltar mngon par shes te/ bcom ldan 'das mngon par rdzogs par sangs rgyas nas ring por ma lon te/ chos kyi 'khor lo bskor nas/ grong khyer wA rA NA si na drang srong ltung ba ri dgas kyi nags na bzhugs pa'i dus gcig na shar phyogs logs kyi de bzhin gshegs pa tsam pa ka'i mdog gi sangs rgyas kyi zhing 'jig rten gyi khams dgra 'dul nas/ byang chub sems dpa' shugs 'chang zhes bya ba de/ bcom ldan 'das la blta ba dang / phyag bya ba dang / mchod pa bya ba dang / bsnyen bkur bya ba'i phyir 'jig rten gyi khams mi mjed 'dir 'ongs te/ des bcom ldan 'das kyi zhabs la mgo bos phyag 'tshal nas/ lan gsum bskor ba byas te/ bcom ldan 'das kyi spyan sngar 'dug go// de nas sangs rgyas kyi mthus/ byang chub sems dpa' shugs 'chang 'di snyam du sems te/ sangs rgyas bcom ldan 'das rnams ni spyi gtsug po ltar mi mthong la/ sku tshad med cing mtha' yas kyang bdag gis de bzhin gshegs pa'i

  378. 190a

    sku'i tshad dang mtha' yongs su btsal bar bya'o snyam mo/ / de nas byang chub sems dpa' shugs 'changagis rang gi lus dpag tshad brgyad khri bzhi stong du byin gyis brlabs te/ de bzhin gshegs pa'i sku la bltas nas/ des de bzhin gshegs pa'i sku dpag tshad 'bum phrag drug cu rtsa brgyad par mthong nas/ des 'di snyam du bsamra te/ bdag ni mngon par shes pa thob pa/ rdzu 'phrul gyi rkang pas rnam par rtse ba yin gyis/ bdag gis de bas kyang rgya cher de bzhin gshegs pa'i sku'i tshad btsal bar bya'o snyam nas/ de sangs rgyas kyi mthu dang rang gi rdzu 'phrul gyi stobs bskyed pas/ steng gi phyogs logs su sangs rgyas kyi zhing gang+gA'i klung gi bye ba phrag brgya'i be snyed 'das te/ 'jig rten gyi khams pad+ma can zhes bya ba de na/ de bzhin gshegs pa pad+ma'i dpal gyi rgyal po'i snying po zhes bya ba da lta na bzhugs shing 'tsho la gzhes chos kyang ston pa der/ byang chub sems dpa' shugs 'chang phyin nas/ de 'jig rten gyi khams der gnas kyang / de bzhin gshegs pa'i spyi gtsug mthong bar ma nus shing de bzhin gshegs pa'i sku'i tshad dam/ mtha' yang mi dmigs so// de nas byang chub sems dpa' shugs 'chang / bcom ldan 'das de bzhin gshegs pa pad+ma'i

  379. 190b

    dpal gyi rgyal po'i snying po ga la ba der song ste phyin nas/ bcom ldan 'das pad+ma'i dpal gyi rgyal po'i snying po de'i zhabs la mgo bos phyag 'tshal te/ lan bdun bskor ba byas nas bcom ldan 'das de'i spyan sngar 'dug ste/ bcom ldan 'das de la 'di skad ces gsol to// bcom ldan 'das bdag thag ji srid cig nas mchis/ bcom ldan 'das nges bka' stsal pa/ rigs kyi bu gang+gA'i klung gi bye ba phrag brgya'i bye ma snyed kyi sangs rgyas kyi zhing 'das pa nas/ khyod 'jig rten gyi khams 'dir 'ongs so// byang chub sems dpa' shugs 'chang gis gsol pa/ bcom ldan 'das bdag thag ring mo zhig nas mchis kyang / bcom ldan 'das de bzhin gshegs pa shAkya thub pa de'i dbu'i gtsug mthong bar yang rngo ma thog la/ sku'i tshad dam/ mtha' rtogs par yang rngo ma thog lags so// bcom ldan 'das des bka' stsal pa/ rigs kyi bu khyod gal te shugs 'di nyid dang / rdzu 'phrul gyi stobs bskyed pa 'di nyid kyis gang+gA'i klung gi bye ma snyed kyi bskal par steng gi phyogs legs su song du zin kyang / bcom ldan 'das de'i sku'i mtha' rtogs par mi nus so// rigs kyi bu gang yang dpe bzhag pa ji snyed pa de bzhin gshegs pa'i tshul khrims kyi dper bya ba 'am/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang

  380. 191a

    sku dang / gsung dang / thugs dang / gzugs dang / mtshan gyi dper bya ba'i dpe dgod pa de dag thams cad ni de bzhin gshegs pa la skur pa 'debs bapa'o/ / dpe gcig ni ma gtogs te/ 'di ltar dpe nam mkha' 'o// nam mkha' ji tsam par de bzhin gshegs pa'i tshul khrims kyang de tsam mo// ting nge 'dzin kyang de tsam mo// shes rab kyang de tsam mo// rnam par grol ba'ang de tsam mo// rnam par grol ba'i ye shes mthong ba'ang de tsam mo// sku'ang de tsam mo// gsung yang de tsam mo// thugs kyang de tsam mo/ / gzugs kyang de tsam mo// mtshan kyang de tsam mo// de bas na nam mkha' tshad med pas de bzhin gshegs pa'i sku tshad med par khong du chud par bya'o zhes bstan to// zhi ba'i blo gros de nas byang chub sems dpa' shugs 'chang gis/ bcom ldan 'das de las bstan pa 'di thos nas ngo mtshar du gyur to// tshim zhing mgu la yi rangs nas rab tu dga' ste/ dga' ba dang yid bde ba skyes nas/ bcom ldan 'das de'i zhabs la mgo bos phyag 'tshal te/ lan bdun bskor ba byas nas/ sangs rgyas kyi zhing de nyid nas mi snang bar gyur pa dang / sangs rgyas kyi mthu dang / rang gi rdzu 'phrul gyi stobs kyis sems kyi rnam par rtog pa tsam gyis/ 'jig rten gyi khams mi mdzad 'dir bcom ldan 'das

  381. 191b

    shAkya thub pa'i spyan sngar phyin te/ des bcom ldan 'das kyi zhabs la mgo bos phyag 'tshal nas/ bcom ldan 'das la lan bdun bskor ba byas te/ bcom ldan 'das kyi spyan sngar 'dug nas thal mo sbyar te/ de'i tshe tshigs su bcad pa 'di dag gsol to// nam mkha' mtshungs shing 'dra ba yi// sangs rgyas chos la mi gang zhig/ pha rol tu ni mchi 'tshal ba// de ni nyam thag 'gyur ba lags// sangs rgyas sku ni blta slad du// gang+gA'i bye ba phrag brgya yi// bye ma ji snyed de snyed kyi// zhing rnams su ni bdag mchis so// de snyeng zhing du mchis nas ni/ / pad+ma can gyi zhing du mchi/ 'on kyang khyod kyi dbu gtsug dang // sku yi tshad kyang ma mthong lags// zhing den ni 'dren bzhugs pa// mtshan ni dpal gyi snying po lags/ de yis bdag gi bsam mkhyen nas// 'di skad du ni bka' stsal to// la las sangs rgyas chos rnams la// dpe dgod ji snyed byed pa ni// de dag sangs rgyas mi 'tsham ste// de dag rgyal la skur pa 'debs/ / 'di la dpe gcig yang dag ste// nam mkha'i khams su bstan pa lags// de ni sangs rgyas chos dang mthun// gang na'ang de yi tshad ma mchis// nam mkha' 'di ni ji tsam par/ / sangs rgyas kyi ni tshul khrims dang // ting nge 'dzin dang rnam grol dang // rnam grol ye shes mthong de tsam// nam mkha'i tshad ni ji tsam pa// sangs rgyas

  382. 192a

    gzugs kyang de tsam ste/ / 'jig rten mgon po'i dbu gtsug kyang / nam mkha'i khams dang mtshungs pa lags// nam mkha' ji snyed khyab gyur pa/ skus kyang de snyed khyab pa lags// sku yis ji skad khyad gyur ba// 'od kyis kyang ni de snyed khyab// 'od kyis ji snyed khyab gyur pa// gsung gis kyang ni de snyed khyab// gsung gis ji snyed khyab gyur pa/ / thugs kyis kyang ni de snyed khyab// thugs kyis ji snyed khyab gyur pa// byams pas kyang ni de snyed khyab// byams pas ji snyed khyab gyur la// ye shes kyis ni de snyed khyab// ye shes ji snyed khyab gyur la// sku yis kyang ni de snyed khyab// gang gis byang chub blo bskyed pa// de snyed bsod nams khyab par bgyid// byang chub sems kyi bsod nams gang / / de la gal te gzugs mchis ni// nam mkha'i khams ni kun gang ste// de ni de bas lhag par 'gyur// sems can kun gyi bsod nams kyi/ / phung po ji snyed yongs bzung ba// de snyed byang chub sems dpa' yi// byang chub sems las rab tu 'byung // byang chub sems dpa'i bsod nams kyi// phung po ji/ snyed brjod pa bas// dam pa'i chos ni yongs 'dzin na// de bas bsod nams ches mang ngo // dam chos 'dzin pa'i bsod nams ni// sangs rgyas kun gyi nan tan du//

  383. 192b

    bskal pa bye bar brjod mdzad kyang // mtha' mar phyin par 'gyur ma lags// dam pa'i chos ni 'dzin pa dang // byang chub sems kyi bsod nams de// stong pa nyid la mos pa yi/ / bcu drug cha yang mi ri lags// stong pa nyid la 'dir mos nas// byang chub sems kyang mi gtong dang // dam pa'i chos ni 'dzin bgyid pa// 'di ni bsod nams sdud pa lags/ / byang chub sems dpa' grags chen po// chos kyi rtog pa 'di thob nas// de yis byang chub spyad spyod cing // sangs rgyas yon tan thob par 'gyur/ / tshigs su bcad pa brjod pa na// zhing rnams bye ba rab tu g.yos// lha ni bye ba phrag stong gis// rol mo sil snyan bye ba blangs// sangs rgyas kyi ni che ba nyid/ / shugs 'chang gis ni bshang thos nas// srog chags bye ba phrag stong dag/ byang chub tu ni sems bskyed de// sangs rgyas thams cad gzigs pa po// rang byung rnams kyi gsang ba'i gnas/ / gnas 'di bsam gyis mi khyab ste// dpag yas bla na ma mchis lags// zhi ba'i blo gros 'di'ang de bzhin gshegs pa'i sku'i gas pa'o/ / // bam po bzhi pa'o// zhi ba'i blo gros de na sems can du ma 'khor gcig tu 'dus pa dag las/ kha cig gis ni de bzhin

  384. 193a

    gshegs pa'i sku mthong ngo / / kha cig gis ni ma mthong ngo // de la gang dag gis mthong ba de dag ni dga' ba skyes nas lta'o// gang dag gis ma mthong ba de dag ni cang mi smra bar gyur cing sdod do/ / zhi ba'i blo gros de bzhin gshegs pa ni zhal zas mi gsol mod kyi/ sems can rnams kyis de bzhin gshegs pa zhal zas gsol bar mthong ngo / / zhi ba'i blo gros de la byang chub kyi rim gro ba'i lha gzi brjid kyi stobs zhes bya ba dag rtag tu de bzhin gshegs pa'i zham ring du 'brang zhing / de dag de bzhin gshegs pa'i zhal zas snod du bzed na/ sems can rnams kyis de bzhin gshegs pas kham tshad du blangs te gsol bar mthong ngo // de bzhin gshegs pas kham tshang du blangs pa de'ang snod de nyid na 'dug ste/ de lha dag gis khyer nas de bzhin gshegs pas 'dul ba'i sems can sngon dge ba'i rtsa ba bskyed pa/ las kyi sgrib pa'i dbang gis skye gnas de dag de dag tu 'phangs pa/ bza' ba dang / btung ba dang / zas mi rnyed pa bkres pas nyam chung bar gyur pa ji snyed pa de dag la de bzhin gshegs pa'i bshos kyi pham babs de byin nas/ sems can de dag gis kyang zas de zos pa dang bkres skom dang bral te/ bde zhing lus tshim nas bsam pa thag pa nas bla na med pa yang dag par rdzogs pa'i byang chub tu

  385. 193b

    sems skyed do/ / gang dag log par ltung ba yi dgas sam/ gshin rje'i 'jig rten na gnas pa byang chub tu sems skyed par mi nus pa de dag la'ang de nyid mya ngan las 'das pa'i bgyi rgyur 'gyur ro/ / zhi ba'i blo gros rnam grangs des na yang khyod kyis ji ltar de bzhin gshegs pa zhal zas mi gsol zhing / de bzhin gshegs pa chos kyi zhal zas can du de ltar rig par bya ste/ zhi ba'i blo gros de bzhin gshegs pa'i sku ni sred med kyi bu ltar mkhregs pa/ sra ba/ snying po can/ mi shigs pa rdo rje'i rang bzhin no// zhi ba'i blo gros de bzhin gshegs pa'i sku la ni pho ba dang long ka med do/ / rnag gam/ khrag gam/ mchil ma 'am/ ngar snabs sam/ ngan skyugs sam/ mi gtsang ba med kyi zhi ba'i blo gros de bzhin gshegs pa'i sku ni 'dzam bu chu bo'i gser gyi gar lta bu ste/ khong stong ma yin pa/ bu ga med pa/ kha na ma tho ba med pa'o// zhi ba'i blo gros 'di ltar lci khyad rdo rje dang 'dra'ang / 'jam khyad ka tsi lin di ka ltar reg na bde bar 'gyur bas de bzhin gshegs pa'i sku'i che ba nyid la ltos zhi ba'i blo gros gang gi tshe gzi brjid che ba/ gaH brjid che ba'i lha'i bu rnams dang / lha'i bu mo rnams de bzhin gshegs pa'i zhabs la phyag 'tshal ba na/ sngon ma reg pa'i reg pa reg nas bla na med pa yang dag par rdzogs pa'i byang chub tu

  386. 194a

    sems skyed de/ de dag nyon mongs pa skyed par mi 'gyur ba'i dus de dang chod de yod do// zhi ba'i blo gros sems can 'dod chags la spyod pa gang dag gis ni de bzhin gshegs pa'i sku mthong ba de dag gis de bzhin gshegs pa'i sku mthong ma thag tu bdag nyid 'dod chags dang bral bar shes so/ / zhe sdang la spyod pa gang dag gis mthong na/ de dag byams pa 'thob bo/ / gti mug la spyod pa gang dag gis mthong na/ de dag ye shes kyi snang ba 'thob bo// cha mnyam pa la spyod pa gang dag gis mthong na/ de dag nyon mongs pa dang bral bar shes so/ / ser sna can gang dag gis mthong na/ de dag gtong ba la mos par 'gyur ro// tshul khrims 'chal pa gang dag gis mthong na/ de dag tshul khrims la mos par 'gyur ro// gnod sems can gang dag gis mthong na/ de dag bzod pa 'thob bo// le lo can gang dag gis mthong na/ de dag brtson 'grus la mos par 'gyur ro// sems g.yengs pa gang dag gis mthong na/ de dag ting nge 'dzin 'thob bo// shes rab 'chal pa gang dag gis mthong na/ de dag shes rab la mos par 'gyur ro// rigs kyi bu mdor na sems can dkar po'i chos gang dang bral ba de dag gis ni de bzhin gshegs pa'i sku mthong ba de dag de bzhin gshegs pa'i sku mthong ma thag tu mi dge ba'i rnam par rtog pa thams cad rgyan chad nas/ dge ba'i sems

  387. 194b

    la rab tu gnas par 'gyur te/ de la'ang de bzhin gshegs pa rnam par rtog pa mi mnga' zhing btang snyoms pa ste/ zhi ba'i blo gros 'di'ang de bzhin gshegs pa'i sku'i gsang ba'o// zhi ba'i blo gros de bzhin gshegs pas sprul pa gang sprul pa de'ang lhun gyis grub cing bsgrim pa mi mnga' ba dang / mngon par 'du mdzad pa mi mnga' bas mdzad de/ de bzhin gshegs pa 'di snyam du ngas sprul pa dag sprul to/ / sprul lo// sprul par bya'o snyam du mi dgongs mod kyi/ 'on kyang sprul pas 'dul ba'i sems can ji snyed par 'jig rten gyi khams 'di'ang / 'jig rten gyi khams grangs med pa brgya stong de dang de dag tu sems can yongs su smin par mdzad pa'i don du de bzhin gshegs pa'i sprul pa de snyed du bzhud de/ zhi ba'i blo gros 'di'ang de bzhin gshegs pa'i sku'i gsang ba'o/ / zhi ba'i blo gros de bzhin gshegs pas sems can yongs su smin par mdzad pa'i don du sku las 'od kha dog du ma pa/ kha dog tha dad pa/ kha dog brgya stong pa dag phyung ste/ 'od des phyogs bcu'i sangs rgyas kyi zhing gang+gA'i klung gi bye ma snyed snang bar byed pa de'ang lhan gyis grub cing bsgrim pa mi mnga' ba dang / mngon par 'du mdzad pa mi mnga' bas mdzad de/ zhi ba'i blo gros 'di'ang de bzhin gshegs pa'i sku'i gsang ba dang / sku'i 'phrin las te/ skra'i 'phrin las yongs su dag pa la 'jug pa cung zad tsam zhig

  388. 195a

    bstan du zad kyi bskal pa 'am/ de bas lhag par brjod kyang de bzhin gshegs pa'i sku'i 'phrin las yongs su dag pa'i yon tan bsngags pa mthar phyin par mi nus so/ / de bzhin gshegs pa'i sku'i gsang ba bsam gyis mi khyab pa bstan pa 'di bshad pa na/ srog chags khris ni bla na med pa yang dag par rdzogs pa'i byang chub tu sems bskyed do/ / byang chub sems dpa' brgyad stong ni mi skye ba'i chos la bzod pa thob par gyur to// thams cad dang ldan pa'i 'khor des kyang de bzhin gshegs pa dang / gsang ba pa'i bdag po lag na rdo rje la lha'i dang mi'i me tog rnams kyis mngon par gtor to/ / bcom ldan 'das kyis kyang phyag g.yas pa gser gyi kha dog can brkyang ste/ gsang ba pa'i bdag po lag na rdo rje'i spyi bo la gzhag nas/ gsang ba pa'i bdag po lag na rdo rje khyod kyis de bzhin gshegs pa'i gsang ba bstan pa 'di legs par smras pa legs so legs so// de bzhin gshegs pas kyang gnang zhing rjes su dgyes so zhes legs so zhes bya ba byin no/ / de bzhin gshegs pa'i sku'i gsang ba'i le'u ste bdun pa'o// // gsang ba ba'i bdag po lag na rdo rjes gzhan yang byang chub sems dpa' sems dpa' chen po zhi ba'i blo gros la 'di skad ces smras so/ / zhi ba'i blo gros de la de bzhin gshegs pa'i gsung gi gsang ba dang /

  389. 195b

    gsung gi 'phrin las yongs su dag pa gang zhe na/ zhi ba'i blo gros gang gi nub mo de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas pa dang / gang gi nub mo len pa mi mnga' bar yongs su mya ngan las 'da' bar 'gyur ba de'i bar du de bzhin gshegs pas tha na yi ge'i 'bru gcig kyang ma gsungs so// gsung bar mi 'gyur ro/ / de ci'i phyir zhe na/ zhi ba'i blo gros de bzhin gshegs pa ni rtag tu mnyam par bzhag pa ste/ de bzhin gshegs pa la dbugs 'byung ba 'am/ rngub pa mi mnga' la// / rnam par mi rtog go// rnam par mi dpyod do// rnam par rtog pa dang / rnam par dpyod pa med na gag mi 'byung ste/ de bzhin gshegs pa de'ang rnam par mi rtog/ rnam bar mi dpyod/ rtog par mi mdzad/ rnam par rtog par mi mdzad/ mi gsung / mi brjod/ gsung bar mi mdzad kyang / sems can rnams 'di snyam du sems te/ de bzhin gshegs pa ni gsung ngo snyam mo// de bzhin gshegs pa ni shin tu mnyam par bzhag pa ste/ yi ge'i rnam par rtog pa thams cad kyi thams cad du rnam par rig par mi mdzad kyang / sems can yi ge lhur len pa rnams 'di snyam du sems te/ de bzhin gshegs pa ni bdag cag la chos ston to// bdag cag ni de bzhin gshegs pa'i chos bstan pa kun

  390. 196a

    shes so snyam mo/ / de la'ang de bzhin gshegs pa ni rnam par mi rtog cing btang snyoms su mdzad do// zhi ba'i blo gros de bzhin gshegs pa'i tshems dang sgros dang / zhal gyi dkan dang / ljags dang / zhal gyi sgo nas sgra 'byung ba'ang med la 'byung bar yang grag go// de bzhin gshegs pa'i gsung gi sgra 'byung ba de ni nam mkha' las byung na/ sems can rnams 'di snyam du sems te/ sgra 'di ni de bzhin gshegs pa'i zhal gyi sgo nas 'byung ngo snyam mo// zhi ba'i blo gros de bzhin gshegs pa'i gsung ni rnam pa drug cu rtsa bzhi dang ldan par 'byung ste/ rnam pa drug cu rtsa bzhi gang zhe na/ 'di lta ste/ mnyen pa'i gsung 'byung ba dang / 'jam pa dang / yid du 'ong ba dang / yid du 'thad pa dang / dag pa dang / dri ma med pa dang / 'od gsal ba dang / snyan zhing 'jebs pa dang / mnyan par 'os pa dang / mi tshugs pa dang / snyan pa dang / dul ba dang / mi rtsub pa dang / ma brlang pa dang / rab tu 'dul ba dang / rnar snyan pa dang / lus sim par byed pa dang / sems tshim par byed pa dang / snying dga' bar byed pa dang / dga' bde skyed pa dang / yongs su gdung ba meng pa dang / kun tu shes par bya ba dang / rnam par rig par bya ba dang / rnam par gsal ba dang / dga'

  391. 196b

    bar byed pa dang / mngon par dga' bar byed pa dang / kun shes par byed pa dang / rnam par rig par byed pa dang / rigs pa dang / 'brel pa dang / zlos pa'i skyon med pa dang seng ge'i sgra'i shugs can dang / glang po che'i sgra skad dang / 'brag gi sgra dbyangs dang / klu'i dbang po'i sgra dang / dri za'i glu dbyangs dang / bya ka la bing ka'i sgra dbyangs dang tshangs pa'i sgra dbyangs sgrags pa dang / shang shang te'u'i sgra dbyangs su grag pa dang / lha'i dbang po'i dbyangs ltar snyan pa dang / rnga'i sgra dang / ma khengs pa dang / mi dma' ba dang / sgra thams cad kyi rjes su zhugs pa dang / tshig zur chag pa med pa dang / ma tshang ba med pa dang / ma zhum pa dang / mi gzhan pa dang / rab tu dga' ba dang khyab pa dang / chub pa dang / rgyun chags pa dang / 'brel ba dang / sgra thams cad rdzogs par byed pa dang / dbang po thams cad tshim par byed pa dang / ma smad pa dang / mi 'gyur ba dang / ma rtabs pa dang / 'khor kun tu grags pa dang / 'dod chags zhi bar byed pa dang / zhe sdang 'dul ba dang / gti mug sel ba dang / bdud tshar gcod pa dang / rnam pa thams cad kyi mchog dang ldan pa 'byung ba ste/ zhi ba'i blo gros de bzhin gshegs pa'i gsung ni yan lag drug cu rtsa bzhi pa de dag dang ldan par

  392. 197a

    'byung ngo / / zhi ba'i blo gros gzhan yang de bzhin gshegs pa'i gsung ni phyogs bcu'i 'jig rten gyi khams thams cad rgyas par 'gengs shing sems can thams cad kyi bsam pa yang dag par tshim par mdzad kyang / zhi ba'i blo gros de bzhin gshegs pa ni 'di snyam du nga mdo'i sde 'am/ dbyangs kyis bsnyad ba'i sde 'am/ lung du bstan pa'i sde 'am/ tshigs su bcad pa'i sde 'am/ ched du brjod pa'i sde 'am/ gleng gzhi'i sde 'am/ de lta bu byung ba'i sde 'am/ skyes pa'i rabs kyi sde 'am/ shin tu rgyas pa'i sde 'am/ rmad du byung ba'i chos kyi sde 'am/ gtan la bab par bstan pa'i snga 'am/ dpe 'am/ sngon gyi tshul lam/ rtogs pa brjod pa'i sde 'am kun tu bsnyad pa 'di ston to zhe 'am/ rab tu gsal bar mdzad do zhe 'am/ rab tu shes par mdzad do zhe 'am/ rab tu 'jog go zhe 'am/ rnam par 'byed do zhe 'am/ rnam par 'grel to zhe 'am/ brjod do zhe 'am/ yang dag par bsgrags par mdzad do snyam du mi dgongs so// de lta mod kyi de bzhin gshegs pa'i 'khor 'dus pa ci 'dra ba dge slong gi 'khor ram/ dge slong ma'i 'khor ram/ dge bsnyen gyi 'khor ram/ dge bsnyen ma'i 'khor ram/ lha dang / klu dang / gnod sbyin dang / dri za dang / lA ma yin dang / nam

  393. 197b

    mkha' lding dang / mi 'am ci dang / lto 'phye chen po'i 'khor yang rung ste/ der de dag gi dbang po'i rim pa dang / de dag ci 'dra ba'i chos kyi sbyin pa thos par dgengs par 'gyur ba de 'dra ba'i chos kyi sbyin pa thos pa de/ de bzhin gshegs pa'i zhal gyi sgo nas 'byung bar shes kyang / chos bstan pa de ni phan tshun gyis nges pa'i tshig tha dad pa la gnod pa med par thams cad kyang rang rang gi chos rnam par rig par kun tu shes te/ zhi ba'i blo gros 'di ni de bzhin gshegs pa'i gsung gi gsang ba'o// zhi ba'i blo gros gzhan yang de bzhin gshegs pas sems can tshad med pa dag gi spyod pa tshad med pa gsungs na/ sems can gyi spyod pa brgyad khri bzhi stong zhes 'byung ba ni sems can dbang po mthu chung ba rnams gzud pa'i phyir bstan pa 'di de bzhin gshegs pas bstan gyi/ zhi ba'i blo gros sems can gyi spyod pa ni tshad med/ sems can 'dod chags la spyod pa rnams kyi sbed pa gang yin pa de bskal pa tsam du bshad kyang / de bas lhag par 'gyur ro// zhe sdang la spyod pa rnams kyi gang yin pa dang / gti mug la spong ba rnams kyi gang yin pa dang / sems can cha mnyam pa la spod ba rnams kyi spong ba gang yin pa de dag bskal pa tsam du bstan kyang / de dag re re'ang de bas lhag par 'gyuraro// zhi ba'i blo gros gal te de bzhin gshegs

  394. 198a

    pa'i sku'i tshe tshad bskal pa brgyad stong du bzhugs pas/ sems can rnams la chos bstan pa gzhan gyi skabs mi dbye bar sems can gyi spyod pa nyid bstan kyang de bzhin gshegs pa'i sku tshe mthar thug par 'gyur gyi/ sems can gyi spyod pa la mthar thug pa gang yang med do// sems can rnams mgo rmongs su 'ong zhes sems can gyi spyod pa de tsam du tshad med pa de'ang / de bzhin gshegs pas tshad dang ldan par ston to// zhi ba'i blo gros de la de bzhin gshegs pa'i gsung ni ji ltar spyod pa khong du chud par 'gyur ba bzhin du sems can gyi spyod pa thams cad la 'byung ste/ zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros sems can gang dag de bzhin gshegs pa'i gsung gi gsang ba'i ye shes kyi rjes su zhugs pa de dag ni/ de bzhin gshegs pa'i gsung zhal gyi sgo nas 'byung bar mi shes kyi/ nam mkha' las 'byung bar shes so/ / zhi ba'i blo gros sems can rnams kyis de bzhin gshegs pa'i gsung zhal gyi sgo nas 'byung bar shes so snyam du khyed sems na de ltar mi blta'o// de ci'i phyir zhe na/ zhi ba'i blo gros sems can gang dag de bzhin gshegs pa'i gsung gtsug tor nas byung bar shes pa dang / spyi gtsug nas byung bar shes pa dang / dbu skra rnams las byung bar shes pa

  395. 198b

    dang / phrag pa nas byung bar shes pa dang / dpral ba dang / smin mtshams dang / mdzod spu dang / spyan dang / snyan dang / shangs dang / 'gram pa dang // zhal dang / mgur nas byung bar shes pa dang / de bzhin du dpung pa dang / phyag dang / sor mo dang / rtsibs logs dang / brang dang / rgyab dang / lte ba dang gsang ba'i gnas dang / brla dang / pus mo'i lha nga dang / byin pa dang / long bu dang / zhabs kyi mthil dang / mtshan rnams dang / dpe byad bzang po rnams dang spu'i khung thams cad nas de bzhin gshegs pa'i gsung 'byung bar shes pa'i sems can kha cig yod do/ / zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros mos pa ji lta ba dang / yongs su smin pa ji lta ba dang / bsam pa ji lta ba de bzhin du de bzhin gshegs pa'i gsung 'byung bar shes kyang / zhi ba'i zla gros de la de bzhin gshegs pa ni rnam par rtog pa mi mnga' ste btang snyoms pa'o/ / zhi ba'i blo gros 'di lta ste/ dper na rol mo'i sil snyan gyi 'khrul 'khor de tsam du legs par sbyar ba byas pa gang dag la lag gis ma reg par rlung gis bskyod pas sgra snyan pa 'byung ba dag kyang yod de/ 'on kyang de la sgra 'byin par spro ba ni gang yang meng med kyi/ yongs su sbyang ba

  396. 199a

    byas pa'i khyad par gyis sgra snyan pa'ang 'byung ngo / / zhi ba'i blo gros de bzhin du de bzhin gshegs pa'i gsung yang sems can gyi bsam pa'i shes pas bskyod na 'byung ste/ 'on kyang de la de bzhin gshegs pa gsung 'byin par spro ba'ang mi mnga' mod kyi/ sngon yongs su sbyang ba mdzad pa'i khyad par gyis de bzhin gshegs pa'i gsung sems can thams cad kyi yul gyi rjes su 'jug par yang 'gyur ro/ / zhi ba'i blo gros 'di lta ste/ dper na brag cha'i sgra ni gzhan rnam par rig par byed par yang 'byung la/ de ni nang na'ang ma yin phyi rol na'ang ma yin/ gnyis ka med pa las kyang mi dmigs so// zhi ba'i blo gros de bzhin du de bzhin gshegs pa'i gsung yang sems can gyi bsam pa rnam par rig par byed pa'ang 'byung la/ de ni nang na'ang ma yin/ phyi rol na'ang ma yin la/ gnyis ka med par yang mi dmigs so// zhi ba'i blo gros 'di lta ste/ dper na rgya mtsho chen po'i nang na yid bzhin gyi nor bu rin po che bsam pa thams cad yongs su skong ba zhes bya ba yod de/ de rgyal mtshan gyi rtse mo la btags na/ sems can gang gi bsam pa ci 'dra bar gyur pa de 'dra ba'i sgra de las 'byung yang nor bu rin po che de ni rnam par mi rtog go/ / zhi ba'i blo gros de bzhin du de bzhin gshegs pa'i gsung rin po che lhag pa'i bsam pas yongs su dag pa'ang snying rje chen

  397. 199b

    po'i rgyal mtshan gyi rtse mo la btags na/ sems can gang gi bsam pa ci 'dra bar gyur pa de 'dra bar de bzhin gshegs pa'i gsung 'byung bar des shes kyang / de la de bzhin gshegs pa ni rnam par rtog pa mi mnga' zhing btang snyoms pa ste/ zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros sangs rgyas bcom ldan 'das rnams ni gsung dbyangs tshad med pa ste/ zhi ba'i blo gros gang zhig de bzhin gshegs pa'i dbyangs kyi tshad dam/ mtha' gzung bar nus pa de ni kho bos lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i 'jig rten na ma mthong ngo // de ci'i phyir zhe na/ zhi ba'i blo gros kho bos mngon par shes te// bcom ldan 'das rgyal po'i khab bya rgod kyi phung po'i ri 'di nyid la/ byang chub sems dpa'i tshogs kyis bskor cing bzhugs te/ byang chub sems dpa' sems dpa' chen po byams pa la brten nas dbyangs kyi dkyil 'khor yongs su dag pa zhes bya ba'i chos kyi rnam grangs rgya cher rab tu ston pa de mjug tu phyin pa'i dus kyi tshe/ tshe dang ldan pa mo'u 'gal gyi bu chen po 'di snyam du sems te/ de bzhin gshegs pa'i gsung gi dkyil 'khor ji srid cig tu ring du 'gro ba zhig/

  398. 200a

    bdag gis de bzhin gshegs pa'i gsung gi dkyil 'khor dpag par bya'o snyam mo// de nas gnas brtan mo'u 'gal gyi bu chen po rang gi stan gyi steng nas mi/ snang bar gyur te/ ri rab kyi rtse mor phyin nas/ de de na 'dug na'ang de bzhin gshegs pa'i gsung de 'dra ba kho nar thos so// rang gi rdzu 'phrul gyi stobs kyis 'jig rten gyi khams mi mjed 'di'i nub phyog kyi ri rab las 'das shing / gling bzhi pa las kyang 'das/ khor yug las kyang 'das te/ 'jig rten gyi bar gyi khor yug gi zom la 'dug na'ang / bcom ldan 'das kyi gsung lhag chad med cing mnyam par de 'dra ba kho nar thos so// de nas bcom ldan 'das kyis 'di snyam du dgongs te/ kye ma mo'u 'gal gyi bu 'di nga'i sgra skad dpog par 'dod kyis/ ngas 'di la rdzu 'phrul gyis bstang ngo snyam nas/ bcom ldan 'das kyis de la rdzu 'phrul gyis bstangs pa dang / de sangs rgyas kyi mthu dang / rang gi rdzu 'phrul gyi stobs kyis sangs rgyas kyi zhing 'di nas nub phyogs logs su sangs rgyas kyi zhing gang+gA'i klung dgu bcu rtsa dgu'i bye ma snyed 'das pa na/ 'jig rten gyi khams 'od zer rgyal mtshan zhes bya ba de na/ de bzhin gshegs pa 'od zer gyi rgyal po zhes bya ba da ltar bzhugs shing 'tsho la gzhes te/ chos kyang ston pa der gnas brtan mo'u

  399. 200b

    'gal gyi bu chen pos phyin te/ de na 'dug kyang bcom ldan 'das kyi sgra skad de 'dra ba kho nar thos te/ 'di lta ste/ dper na 'dom gang tsam gyi phyogs na 'dug pa'i mis mi cig shos kyi sgra thos pa de bzhin du/ gnas brtan mo'u 'gal gyi bu chen po 'jig rten gyi khams de na gnas kyang / bcom ldan 'das kyi gsung sgra thos so// bcom ldan 'das de bzhin gshegs pa 'od zer gyi rgyal po de'i sku'i khrun ni dpag tshad tsam mo/ / byang chub sems dpa' de dag gi lus kyi khrun ni dpag tshad phyed do// de nas byang chub sems dpa' de dag gi sprad par bya ba'i lhung bzed kyi rton ma gdu bu de la gnas brtan mo'u 'gal gyi bu chen po 'chag cing 'dug go/ / de nas byang chub sems dpa' de dag rab tu dga' nas/ bcom ldan 'das de la 'di skad gsol to// bcom ldan 'das dge sbyong gi kha dog 'dra ba'i srog chags lhung bzed kyi rten ma'i gdu bu la 'chag cing mchis pa 'di ga las mchis pa zhig/ bcom ldan 'das des bka' stsal pa/ rigs kyi bu dag khyed 'di la brnyas pa'i sems ma skyed cig/ de ci'i phyir zhe na/ 'di ni gnas brtan mo'u 'gal gyi bu chen po zhes bya ste/ bcom ldan 'das shAkya thub pa'i nyan thos kyi mchog go// nyan thos chen po rnams kyi nang na rdzu 'phrul dang ldan pa'i mchog go// de nas bcom ldan 'das de bzhin gshegs pa 'od zer gyi rgyal

  400. 201a

    pos/ mo'u 'gal gyi bu chen po la 'di skad ces bka' stsal to// mo'u 'gal gyi bu khyod la byang chub sems dpa' 'di dag khyad du gsod kyis khyod kyis 'di lta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de nyid kyi byin gyi rlabs kyis rang gi rdzu 'phrul ston cig/ de nas gnas brtan mo'u 'gal gyi bu chen pos/ bcom ldan 'das de'i zhabs la mgo bos phyag 'tshal te/ lan bdun bskor ba byas nas/ bcom ldan 'das de la 'di skad ces gsol to/ / bcom ldan 'das rin po che'i gling 'di skyil mo krung gcig gis khyab par bgyi'o// bka' stsal pa/ mo'u 'gal gyi bu khyod kyis de'i dus la bab par shes na gyis shig/ de nas gnas brtan mo'u 'gal gyi bus steng gi nam mkha' la shing ta la bdun tsam gyi gong du mngon par 'phags te/ rin po che'i gling de skyil mo krung gcig gis khyab par byas so// skyil mo krung de las kyang mu tig gi rgyan 'phreng bye ba khrag khrig brgya stong mngon par 'phyang ngo // mu tig gi rgyan 'phreng gi 'bru thams cad las kyang 'od zer brgya stong byung ngo // 'od zer de dag thams cad kyi rtse mo dag las kyang pad+ma rnams byung ngo / / pad+ma thams cad kyi snying po rnams la'ang bcom ldan 'das shAkya thub pa ci 'dra ba'i de bzhin gshegs pa'i gzugs bzhugs par snang ngo //

  401. 201b

    de bzhin gshegs pa'i gzugs de dag thams cad kyang / bcom ldan 'das shAkya thub pa'i dbyangs kyi dkyil 'khor yongs su dag pa'i chos kyi rnam grangs las brtsams te/ bsngags pa gsung ngo // de nas gnas brtan mo'u 'gal gyi bu chen pos/ bcom ldan 'das de la 'di skad ces gsol to// bcom ldan 'das gling bzhi pa'i 'jig rten gyi khams 'di skyil mo krung gcig gis khyab par bgyi'o/ / de bzhin du sbar te de ltar stong dang stong gnyis pa khyab par bgyi'o// bcom ldan 'das stong gsum gyi steng chen po'i 'jig rten/ gyi khams 'di skyil mo krung gcig gis khyab par bgyi'o// bcom ldan 'das nges bka' stsal pa/ mo'u 'gal gyi bu khyod kyis de'i dus la bab par shes na gyis shig/ de nas gnas brtan mo'u 'gal gyi bu chen pos rdzu 'phrul gyi cho 'phrul de bsdus te/ bcom ldan 'das kyi spyan sngar 'dug go// de nas byang chub sems dpa' de dag ngo mtshar gyur te/ bcom ldan 'das de la 'di skad ces gsol to// bcom ldan 'das gnas brtan mo'u 'gal gyi bu chen po 'di ci zhig gi slad du 'jig rten gyi khams 'dir mchis/ bcom ldan 'das des bka' stsal pa/ rigs kyi bu dag bcom ldan 'das shAkya thub pa de'i dbyangs kyi dkyil 'khor shes par 'dod nas/ 'jig rten gyi khams 'dir 'ongs so//

  402. 202a

    de nas bcom ldan 'das des gnas brtan mo'u 'gal gyi bu chen po la 'di skad ces bka' stsal to// mo'u 'gal gyi bu khyod de bzhin gshegs pa'i gsang dbyangs tshad med pa'i gsung gi dkyil 'khor shes par 'dod pas 'arig rten gyi khams 'dir phyin gyis/ khyod kyis lan gnyis su de lta bu'i sems ma skyed cig/ gal te mo'u 'gal gyi bu khyod shugs 'di nyid dang / rdzu 'phrul gyi stobs 'di nyid kyis nub phyogs logs su gang+gA'i klung gi bye ma snyed kyi bskal par song yang / khyod kyis 'di ltar bcom ldan 'das shAkya thub pa de'i gsung gi dkyil 'khor gyi mtha' rtogs par mi nus te/ sangs rgyas bcom ldan 'das rnams ni de ltar gsung dbyangs tshad med pa dang ldan no// de nas gnas brtan mo'u 'gal gyi bu chen pos/ bcom ldan 'das de'i zhabs gnyis la phyag 'tshal te/ nyes pa bshags pa/ bcom ldan 'das de bzhin gshegs pa gsung dbyangs tshad ma mchis pa'i gsung gi dkyil 'khor rtogs par 'tshal bas/ bdag ni nongs pa can te/ nongs pa 'chags so// bcom ldan 'das bdag ji srid cig nas mchis/ bcom ldan 'das des bka' stsal pa/ 'jig rten gyi khams gang+gA'i klung dgu bcu rtsa dgu'i bye ma snyed 'das pa nas khyod 'jig rten gyi khams 'dir 'ongs so// mo'u 'gal gyi bus gsol

  403. 202b

    pa/ bcom ldan 'das bdag ni ring mo zhig nas mchis pas lus dub ste/ 'jig rten gyi khams mi mjed der mchi ba'i rngo mi thog go// bcom ldan 'das des bka' stsal pa moru 'gal gyi bu 'di ji snyam du sems/ khyod rang gi rdzu 'phrul gyi stobs kyis 'jig rten gyi khams 'dir phyin snyam du sems na/ khyod kyis de ltar mi blta'o// de ci'i phyir zhen khyod ni bcom ldan 'das shAkya thub pa de nyid kyi byin gyi rlabs kyis 'jig rten gyi khams 'dir byin gyis/ khyod bcom ldan 'das de nyid la phyag tshol cig dang / de nyid kyis khyod slar 'khring par 'gyur ro/ / mo'u 'gal gyi bu gal te khyod rang gi rdzu 'phrul gyi stobs kyis 'jig rten gyi khams der 'gro na ni bskal pa srid kyis kyang phyin par mi nus te/ 'jig rten gyi khams der ma byin par bar du yongs su mya ngan las 'da' bar 'gyur ro/ / mo'u 'gal gyi bu 'di ji snyam du sems/ shar ram/ lho 'am/ nub bam/ byang ngam/ phyogs gang zhig tu byin/ gsol pa/ bcom ldan 'das bdag phyogs bslang de gang nas 'dir mchis pa ma 'tshal to// bcom ldan 'das nges bka' stsal pa/ mo'u 'gal gyi bu khyod kyis rnam grangs 'dis kyang 'di ltar rig par bya ste/ gal te khyod rang gi rdzu 'phrul gyi stobs kyis 'jig rten gyi khams der 'gro na ni bskal pas kyang phyin par mi nus so// gsol pa/ bcom

  404. 203a

    ldan 'das phyogs gang na bcom ldan 'das shAkya thub pa de bzhugs/ bka' stsal pa/ mo'u 'gal gyi bu bcom ldan 'das de bzhin gshegs pa shAkya thub pa de ni shar phyogs logs na bzhugs so/ / de nas gnas brtan mo'u 'gal gyi bu chen pos de'i tshe na yan lag lnga sa la gtugs te/ shar phyogs logs su phyag 'tshal nas/ de'i tshe tshigs su bcad pa 'di smras so// mthu chen mnga' ba lha dang mis mchod pa// ye shes mtha' yas mtha' yas gsung ldan pa// rkang gnyis rnams kyi dam pa dgongs su gsol/ / slar yang zhing der rab tu mchi bar bgyi// zhi ba'i zla gros de ltar sangs rgyas kyi mthus/ bcom ldan 'das kyi thams cad dang ldan pa'i 'khor bya rgod kyi phung po'i ro la gnas pa des/ gnas brtan mo'u 'gal gyi bus gsol ba btab pa'i sgra de thos so// thos nas kyang tshe dang ldan pa kun dga' bos/ bcom ldan 'das la 'di skad ces gsol to/ / bcom ldan 'das 'di ltar gsol ba 'debs pa 'di su zhig lags/ bcom ldan 'das kyis bka' stsal pa/ kun dga' bo 'di ni mo'u 'gal gyi bu ste/ sangs rgyas kyi zhing 'di nas nub phyogs logs su sangs rgyas kyi zhing gang+gA'i klung dgu bcu rtsa dgu'i bye ma snyed 'das par song ste/ 'jig rten gyi khams 'od zer gyi rgyal mtshan zhes bya bar

  405. 203b

    / bcom ldan 'das 'od zer gyi rgyal po'i sangs rgyas kyi zhing na gnas te/ de 'jig rten gyi khams 'dir 'ong bar 'dod nas gsol ba 'debs pa'i sgra de lta bu phyung ngo // kun dga' bas gsol pa/ bcom ldan 'das mo'u 'gal gyi bu chen po ci'i slad du 'jig rten gyi khams der mchis/ bka' stsal pa/ kun dga' bo mo'u 'gal gyi bu 'dir slar 'ongs pa dang de nyid du thos par 'gyur ro/ / de nas thams cad dang ldan pa'i 'khor des thal mo sbyar te/ bcom ldan 'das la 'di skad ces gsol to// bcom ldan 'das 'jig rten gyi khams 'od zer gyi rgyal mtshan de dang / de bzhin gshegs pa 'od zer gyi rgyal po de dang / byang chub sems dpa' de dag dang / gnas brtan mo'u 'gal gyi bu chen po blta bar 'tshal lo/ / de nas bcom ldan 'das kyis 'khor des gsol ba btab pa mkhyen nas/ mdzod spu nas thams cad kyi rjes su song ba zhes bya ba'i 'od zer phyung ste/ 'od zer ngas sangs rgyas kyi zhing gang+gA'i klung dgu bcu rtsa dgu'i bye ma snyed po de lag las thal te/ 'jig rten gyi khams 'od zer gyi rgyal mtshan de snang ba chen pos khyab par gyur to// de na thams cad dang ldan pa'i 'khor des 'jig rten gyi khams 'od zer gyi rgyal mtshan de dang / de bzhin gshegs pa 'od zer gyi rgyal po de dang / byang chub sems dpa' de dag dang / gnas brtan

  406. 204a

    mo'u 'gal gyi bu chen po yan lag lnga sa la gtugs te/ bcom ldan 'das la gsol ba 'debs pa mthong / de nas bcom ldan gyis ldan pa mo'u 'gal gyi bu chen po la bka' stsal pa/ mo'u 'gal gyi bu 'od kyi dkyil 'khor 'do rjes su 'brongs te shod cig/ de nas gnas brtan mo'u 'gal gyi bu chen pos/ bcom ldan 'das kyi 'od kyi dkyil 'khor la brten te/ sems kyi rnam par rtog pa tsam gyis/ 'jig rten gyi khams mi mjed 'dir bcom ldan 'das shAkya thub pa'i spyan sngar phyin nas/ nges bcom ldan 'das kyi zhabs la mgo bos phyag 'tshal te/ lan bdun bskor ba byas nas/ spyan sngar yan lag lnga sa la gtugs te/ phyag 'tshal nas nyes pa bshags pa bcom ldan 'das bdag de bzhin gshegs pa'i gsung dbyangs tshad ma mchis pa'i gsung dbyangs kyi dkyil 'khor rtogs par 'tshal nas/ de srid du ring du mchis pas bdag nongs pa can te/ nongs pa 'chags so// bcom ldan 'das de srid du ring du mchis kyang / de bzhin gshegs pa'i gsung ni 'di na ci tsam pa de tsam lags so// bcom ldan 'das kyis bka' stsal pa mo'u 'gal gyi bu chen po ji skad smras pa de de bzhin no/ / de bzhin gshegs pa'i gsung la ni tshang gang yang med de/ mo'u 'gal gyi bu gang de bzhin gshegs pa'i gsung gi tshad dam/ mtha

  407. 204b

    yongs su tshol bar sems pa de ni nam mkha'i tshad dam/ mtha' yongs su tshol bar sems pa yin no// de ci'i phyir zhe na/ nam mkhas ji tsam du khyab pa de tsam du de bzhin gshegs pa'i gsung gis khyab bo/ / gnas brtan mo'u 'gal gyi bu chen po 'gro ba dang 'ong ba'i le'u 'di bshad pa na/ srog chags khris bla na med pa yang dag par rdzogs pa'i byang chub tu sems bskyed do/ / zhi ba'i blo gros 'di'ang de bzhin gshegs pa'i gsung gi gsang ba'o// zhi ba'i blo gros 'di ji snyam du sems/ sems can thams cad kyi sems dang sems las byung ba 'jug pa gang dag yin pa de dag ci mang ba yin nam/ zhi ba'i blo gros kyis smras pa/ gsang ba pa'i bdag po sems can gcig gi sems dang sems las byung ba'i 'jug pa gang dag yin pa de dag kyang / stong gsum gyi stong chen por gtogs pa'i sems can thams cad rang sangs rgyas su gyur pa rnams kyis bskal par yang bsam pa 'am/ gzhal ba 'am/ brtsi ba 'am brtag par mi nus na/ sems can thams cad kyi lta smos kyang ci dgos/ lag na rdo rjes smras pa/ zhi ba'i blo gros khyod mos par bya'o// khyod kyis khyod du chud par bya'o// sems can thams cad kyi sems dang sems las byung ba'i 'jug pa ji snyed par 'di lta ste/ sems can thams cad tshim par bya ba'i phyir/ de bzhin gshegs pa chos ston pa'i gsung gi yan

  408. 205a

    lag gi rnam pa'ang de snyed du 'byung ste/ de la'ang de bzhin gshegs pa ni rnam par mi rtog cing btang snyoms pa'o// de la 'di skad ces bya ste/ stong gsum sems can gang yin pa/ / de dag rang rgyal 'dren gyur pas// bskal par sems can gcig cig gis// sems kyi khams kyang mi shes so// sems can gcig yid rdzi snyed pa/ / sangs rgyas kyis ni rab mkhyen kyang // nga yis yid 'di shes so zhes// de ni rtog par mi 'gyur ro// dus gsum sems can thams cad kyi// sems pa dag ni ji snyed pa/ 'jig rten mgon po chos ston tshe// dbyangs kyi yan lag de snyed do// chos kyi bdag po gsung ba na// dbyangs kyi yan lag ji snyed pa// chos kyi ming gis bshad pa yi// chos bstan pa yang de tsam mo/ / sems can kun gyi gzugs dang ni// ming dang sems pa ji snyed pa// sems can snying po'i spu gcig nas// 'od zer byung ba de snyed do// 'jig rten mgon po'i spu kun gyi/ / 'od zer dag ni ji snyed pa// mi yi dbang po chos ston tshe// gsung gi yan lag de bas mang // dpe bkod nas ni sangs rgyas kyis// bskal par rab tu bstan mdzad kyang / / sangs rgyas kyi ni gsung dbyangs kyi// mtha' ma rnyed par mi 'gyur ro// nyon mongs gzugs can ma yin rnams// gzugs can min pa'i tshig gis brjod//

  409. 205b

    gzugs can min pa'i tshig gis ni// nyon mongs gzugs med zhi bar byed// ji ltar tshig ni gzugs med pa// thams cad du ni mi dmigs te// de ltar nyon mongs gzugs med pa/ / shin tu dmigs par mi 'gyur ro// ji ltar tshig ni yod min te// nang dang phyi rol mi gnas pa// de ltar nyon mongs rnam med cing // nang dang phyi rol mi gnas so// ji ltar phyogs bcur sangs rgyas gsung / / gang yang rnyed par mi 'gyur ba// de ltar nyon mongs mi dmigs kyang // de ni tshig gis brjod pa yin// sems can dag ni kun gyi tshig/ rab 'bring tha ma gang yin pa/ / de dag lus dang sems mi gnas// gnas pa med pa'ang ma yin no// ji ltar sil snyan 'khrul 'khor byas// rlung gis bskyod nas sgra 'byung ba// sgra 'byin byed pa gang yang med/ / 'on kyang sgra rnams de dag 'byung // de ltar sngon chad rnam dag phyir// sems can kun gyi bsam pa spyod// sangs rgyas kyi ni gsung 'byung yang // 'di la de ni rtog mi mnga'/ / ji ltar brag cha rnams kyi sgra// nang dang phyi rol mi gnas pa// de ltar mi yi dbang po'i gsung // nang dang phyi rol mi gnas so// ji ltar rin chen mi rtog par// snang bas sems can tshim par byed/ / de ltar rgyal ba'i mi rtog gsung // sgra kun rab tu rdzogs par byed/ zhi ba'i blo gros gzhan yang de bzhin gshegs pa'i gsung gi gsang ba ni

  410. 206a

    sems can thams cad kyi skad kyi 'jug pa ji lta ba bzhin du chos ston par khong du chud par bya'o/ / zhi ba'i blo gros stong gsum gyi stong chen po'i 'jig rten gyi khams 'di na skye ba'i gnas tha dad pa dag yod pa rnams su de bzhin gshegs pas sems can rnams kyi skad kyi 'jug pa ji lta ba bzhin du bden pa rnams ming tha dad pa dag gis rnam par gzhag go/ / zhi ba'i blo gros 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ sa bla ba'i lha rnams kyi 'di skad ces bya ste/ za ba dang / za ba'i rtsa ba dang / za ba sel dang / za ba 'gog ces bya'o// 'dir sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ bar snang gi lha rnams kyis 'di skad ces bya ste/ 'jug pa dang / kun tu 'jug byed dang / kun tu 'jug bral dang / kun tu 'jug sgrol zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ rgyal chen bzhi'i ris kyi lha rnams kyis 'di skad ces bya ste/ 'byung ba dang / dpog pa dang / sreg pa dang / 'jig byed ces bya'o// 'dir sdug bsngal dang /

  411. 206b

    sdug bsngal kun 'byung ba dang / sdug bsngal 'gog pa dang / sdug bsngal 'gogapar 'gro ba'i lam zhes bya ba gang yin pa de/ sum cu rtsa gsum pa'i lha rnams kyis 'di skad ces bya ste/ 'khor ba dang / kun snyen dang / zad pa dang / zad pa ldog byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'thab bral gyi lha rnams kyis 'di skad ces bya ste/ gnod pa dang / gnod pa snyen dang / gnod pa zad par/ gnod pa zad par sgom pa zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de// dga' ldan gyi lha rnams kyi 'di skad ces bya ste/ shin tu mi bsrun dang / mi bsrun rtsa ba dang / ldog pa dang / yang dag par ldog byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'phrul dga'i lha rnams kyis 'di skad ces bya ste/ rgyal pa dang / kun tu rgyal byed dang / rgyal zad dang / rgyal ba sgo zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam

  412. 207a

    zhes bya ba gang yin pa de/ gzhan 'phrul dbang byed kyi lha rnams kyis 'di skad ces byaste/ !ho dang / haha thob byed dang / haha bral dang / bral byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ bdud kyi ris kyi lha rnams kyis 'di skad ces bya ste/ me mur dang / me mur gnod dang / me mur 'dor 'dod dang / me mur sgrol zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs pa'i lha rnams kyis 'di skad ces bya ste/ sdug pa dang / sdug byed dang / sdug pa nyal dang / sdug par 'khor zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs ris kyi lha rnams kyis 'di skad ces bya ste/ 'dzag pa dang / kun tu 'dzag byed dang / rgyun gcod dang / shin tu 'byung zhes bya'o/ / 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs pa'i

  413. 207b

    mdun na 'don gyi lha rnams kyis 'di skad ces bya ste/ rma dang / rma'i mtshams sbyor ba dang / rma ru ba dang / rma nye bar zhi byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ tshangs chen gyi lha rnams kyis 'di skad ces bya ste/ rgyal byed dang / rnam par rgyal byed dang / rkyal ba mthar byed dang / byed pa thob byed ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ 'od chung gi lha rnams kyi 'di skad ces bya ste/ ha hi dang / he hi dang / hu hu dang / ha ra nu san d+hi zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ dge chung gi lha rnams kyis 'di skad ces bya ste/ oM hi ta dang / ni ba hi ta dang / ni ga k+Shi ta dang / ni ga ma ni zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang sdug bsngal 'gog par 'gro ba'i lam zhes bya ba gang yin pa de/ tshad med dge ba'i lha rnams kyis 'di skad ces bya ste/ sten pa dang / yang dag par sten pa dang / zad pa sten pa dang /

  414. 208a

    kun tu ston pa zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog par 'gro ba'i lam zhes bya ba gang yin pa de/ dge rgyas kyi lha rnams kyis 'di skad ces bya ste/ yongs gcod dang / yongs gcod 'byung dang / khyim mtha' dang / rtag tu rnam dag ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ mi che ba'i lha rnams kyis 'di skad ces bya ste/ rjes su 'gro dang / mi 'ong ba ma yin dang / rjes kyi mtshams dang / rjes kyi mtshams zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ mi gdung ba'i lha rnams kyis 'di skad ces bya ste/ dag pa dang / dag pa can dang / dag pa yongs su dag dang / dag par 'gro zhes bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ gya nom snang ba'i lha rnams kyis 'di skad ces bya ste/ ma me ma ma dang / ma ma me me dang / ma na nun pa dang / ma na nu ga ma zhes bya'o// 'dir sdug bsngal dang / sdug

  415. 208b

    bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ shin tu mthong gi lha rnams kyis 'di skad ces bya ste grol ba dang / grol ba can dang / grol ba'i rtsa ba dang / grol ba bye brag phyed pa mtshams sbyor ba zhes bya'o// 'dir sdug bsngal dang / sdug bsngal kun 'byung ba dang sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de 'bras bu che ba'i lha rnams kyis 'di skad ces bya ste/ mi bya ba dang // mi byed pa dang / byed bral dang / byed pa mthar thug ces bya'o// 'dir sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bya ba gang yin pa de/ gnas gtsang ma'i ri kyi 'og min gyi lha rnams kyis 'di skad ces bya ste/ mthar thug dang / shin tu mthar thug dang / mi rtog pa dang / nyid mtshams sbyor ba med pa zhes bya'o/ / zhi ba'i blo gros de ltar ji ltar lha rnams kyi bden pa rnam par gzhag pa de bzhin du klu rnams kyi'ang gzhan no// dri za rnams kyi'ang gzhan no// ma yin rnams kyi'ang gzhan no// nam mkha' lding rnams kyi'ang gzhan no// mi 'am ci rnams kyi'ang gzhan no// lto 'phye chen po rnams kyi'ang gzhan no// gnod sbyin lag na

  416. 209a

    gzhong thogs rnams kyi'ang gzhan no/ / 'phreng thogs rnams kyi bden pa rnam par gzhag pa'ang gzhan no// zhi ba'i blo gros gang yul chen po bcu drug tu bsdu bas bsdus pa'i yul stong gis 'dzam bu'i gling 'di yongs su gang ste/ gang na mi rnams kyi tshig kyang gzhan/ nges pa'i tshig kyang gzhan brda'ang tha dad pa der yang de bzhin gshegs pas skad kyi 'jug pa ji lta ba bzhin du ming tha dad pa rnams kyis bden pa dag rnam par bkod de/ 'di lta ste/ yul ka sha dang / pa hu pa dang / tho gar yul dang / ya ba na dang / kam po dza dang / kha sha dang / hu na dang / rgya yul dang / da ra ta dang / u ra sha dang / bi lin dang / so ma dang / bram ze dang / rgyal rigs dang / rje'u rigs dang / dmangs rigs dang / da tsi ba dang / ki ra ta dang / pu lin ta dang / pun tra dang / ku ru na dang / lnga len dang / shar phyogs dang / phu ru ra ba dang / lho phyogs dang / ka ling ka dang / gcer bu dang / ba na sa ka dang / pa na ta dang / sA la ta dang / khyi gdong dang / wa gdong dang / kri ba sha'i gdong dang / spyi'u tshugs pa dang / gnam gdong po dang / phyi phyogs gdong dang / byang mtshams gdong dang / rjes su rgyug dang / rgya mtsho'i khol ba dang /

  417. 209b

    sul mthas gtugs pa dang / ang ku ra dang / ma kur dang / sna med dang / glo bkra dang / phyogs kyi gcer bu dang / gshog thogs gcer bu dang / skus te 'gro dang / rdzogs byed rnam pa dang / 'jig rten gyi bar na gnas pa'i yul la sogs pa yul stong gis 'dzam bu'i gling yongs su gang ste/ zhi ba'i blo gros gang na mi rnams kyi tshig dang / nges ba'i tshig dang / brda tha dad pa der yang de bzhin gshegs pas skad kyi 'jug pa ji lta ba bzhin du ming tha dad pa rnams kyis bden pa dag bstan kyang / de bzhin gshegs pa'i gsung sems kyi rjes su 'brang ba ma yin zhing / rnam par shes pa'i rjes su 'brang ba ma yin pa 'byung ngo // zhi ba'i blo gros stong gi 'jig rten gyi khams 'di na/ bden pa ming tha dad pas bstan pa bye ba khrag khrig brgya stong phrag dgu bcu rtsa bzhi yod de/ bden pa bstan pa de dag thams cad kyang 'di lta ste/ don dam pa'i bden pa dang / skye ba med pa'i bden pa dang / ji lta ba bzhin gyi bden pa dang / mi 'khrugs pa'i bden par don gcig tu yang dag par 'dus te/ zhi ba'i blo gros 'di'ang de bzhin gshegs pa'i gsung gi gsang ba'o// / bam po lnga pa/ zhi ba'i blo gros gzhan yang de bzhin gshegs pa'i gsung ni sems can thams cad kyi rigs pa gcod pa/ sems can thams cad kyi mam nyi sel ba'o//

  418. 210a

    zhi ba'i blo gros phyogs bcu'i 'jig rten gyi khams tshad med grangs med pa dag na sems can du bsdu bar bsdus pa'i sems can ji snyed yod pa/ sangs rgyas kyi ye shes kyis mkhyen pa'i sems can gyi khams ni ches mang ga/ sa'i khams ni de ltar ma yin no zhes bya ste/ zhi ba'i blo gros yongs su brgyag pa nye bar bzung nas/ sems can de dag thams cad snga phyi med par mi'i lus thob par gyur la/ zhi ba'i blo gros sems can thams cad 'di lta ste/ gnas brtan shA ra dwa ti'i bu'i shes rab dang ye shes de lta bu dang ldan par gyur la/ shA ri'i bu lta bu sems can de dag thams cad kyi shes rab dang / ye shes gang yin pa'i shes rab dang / ye shes de sems can gcig dang ldan par gyur cing / rnam grang 'dis sems can thams cad shes rab dang ye shes de lta bu dang ldan par gyur la/ zhi ba'i blo gros sems can de dag thams cad kyis bskal pa 'am/ bskal pa las lhag par the tshom gyi dri ba bsams shing gzhal te yongs su btsal la/ sems can gcig gi the tshom gyi dri ba gang yin pa de nyis pa'i ma yin zhing / zhi ba'i blo gros rnam grangs 'dis sems can thams cad kyis the tshom gyi dri ba tha dad pa bsams te/ bcom ldan 'das kyi gan du dong nas se gol gtogs pa srid la the tshom gyi dri ba de dag gsol kyang / des sems can gcig gi rjes su zhugs

  419. 210b

    pa'i dran pas thams cad bzung nas/ gsung brjod pa gcig gis de dag gi the tshom gyi dri ba thams cad gcod de/ de dag thams cad kyang rang rang gi the tshom gyi dri ba chad par shes shing / bcom ldan 'das kyis zhus pa lung bstan pas thams cad kyang sems rangs par 'gyur te/ zhi ba'i blo gros de ltar na de bzhin gshegs pa'i gsung ni sems can thams cad kyi dogs pa gcod cing / sems can thams cad kyi som nyi sel kyang / de bzhin gshegs pa ni de la thugs kyis mdzad pa 'am/ gsung du brjod pa'ang mi mnga' la/ mdzad pa de'ang mdzad de/ zhi ba'i blo gros 'di'ang de bzhin gshegs pa'i gsung gi gsang ba'o// 'di ni gsung rmad du byung ba'o// 'di ni gsung yongs su dag pa'o// de bzhin bshegs pa'i gsung ngo mtshar can dang / gsung gi gsang ba 'di gsang ba pa'i bdag po lag na rdo rjes bshad pa'i tshe/ srog chags sum khri nyis stong gis bla na med pa yang dag par rdzog pa'i byang chub tu sems bskyed do/ / bskal pa bzang po'i byang chub sems dpa' sangs rgyas kyi zhing gang dang gang na/ sangs rgyas bcom ldan 'das rnams kyi thad na tshangs par spyad par spong pa'i byang chub sems dpa' de dag gis/ gsang ba pa'i bdag po lag na rdo rje la mchod pa'i las kyi phyir/ me tog rnams kyis kyang gtor/ rin po che'i gdugs rnams kyang btang ngo //

  420. 211a

    de nas me tog de dag bcom ldan 'das kyi sku la'ang phog/ gsang ba pa'i bdag po lag na rdo rje'i lus la'ang phog cing / 'khor thams cad la'ang 'thor ro// rin po che'i gdugs de dag kyang bar snang la gnas te/ bcom ldan 'das kyi dbu'i gtsug gi steng na 'dug go// rin po che'i gdugs de dag las kyang / bcom ldan 'das bdag cag ni bcom ldan 'das la mchod pa bgyi ba dang / des de bzhin gshegs pa'i chos nyid rmad du byung ba 'di bstan pas/ gsang ba pa'i bdag po lag na rdo rjes rjes su gzung ba'i slad du/ bskal pa bzang po'i byang chub sems dpa' rnams kyis btang ba lags so zhes sgra byung ngo / / de nas thams cad dang ldan pa'i 'khor de ngo mtshar du gyur nas/ gsang ba'i bdag po lag na rdo rje la phyag 'tshal zhing gus pa cher bskyed de/ tshig 'di skad ces bdag cag go gsang ba'i bdag po lag na rdo rje mthong ba dang / de bzhin gshegs pa'i gsung bsam gyis mi khyab pa 'di thos pa ni bdag cag gis rnyed pa legs par rnyed do/ / gang dag bstan pa 'di thos nas/ mos shing som nyi za bar mi 'gyur ba'i sems can de dag ni don yod pa'i mi nyid rnyed par 'gyur ro// de dag ni de bzhin gshegs pas 'dul bar 'gyur zhing / bla na med pa yang dag par rdzogs pa'i byang chub las phyir mi ldog par yang 'gyur ro zhes smras so// de nas bcom ldan 'das

  421. 211b

    kyis 'khor thams cad la legs so zhes bya ba byin te/ byang chub sems dpa' sems dpa' chen po zhi ba'i blo gros la bka' stsal pa/ zhi ba'i blo gros de bzhin gshegs pa'i yang dag pa/ de bzhin gshegs pa'i chos 'jig rten thams cad dang mi mthun pa/ de bzhin gshegs pa'i gnas pa gang yin pa de dag ni gsang ba pa'i bdag po lag na rdo rjes chos kyi rnam grangs 'di'i nang du bstan to/ / bsnyad do// yang dag par bshad do// gang dag chos bstan pa 'di la mos pa'i sems can de dag ni ring por mi thogs par chos nyid 'di lta bu dang ldan par 'gyur ro// gang dag chos kyi rnam grangs 'di thos nas mos pa dang / 'chang ba dang / mi sdang / mi skrag/ skrag par mi 'gyur ba dang / don rtogs pa'i rjes su rtogs pa dang / de bzhin nyid du sgrub pa de nyid de dag gi bla na med pa yang dag par rdzogs pa'i byang chub tu lung bstan par 'gyur ro/ / gsang ba pa'i bdag po lag na rdo rjes bstan pa 'di bshad pa na/ phyogs bcu'i 'jig rten gyi khams grangs med dpag tu med pa dag rnam pa drug tu rab tu g.yos te/ snang ba chen pos khyab par gyur to// me tog gi char chen po'ang bab bo// sil snyan dang rol mo'i sgra'ang byung ngo / / sems can grangs med pa dag gis ni byang chub tu sems bskyed do// byang chub sems dpa' grangs med pa dag gis ni rjes su mthun pa'i chos la bzod pa thob par gyur to// /

  422. 212a

    byang chub sems dpa' grangs med pa dag gis ni mi skye ba'i chos la bzod pa thob par gyur to// byang chub sems dpa' grangs med pa dag gis ni skye ba gcig gis thogs/ par 'gyur ba'i dge ba'i rtsa ba rnams yongs su smin par byas so// de nas 'khor gyi khyams de'i dbus nas/ bcom ldan 'das kyi spyan sngar chu'i rgyun shing rta'i srog shing tsam gyis sa chen po dpag tshad stong phrag drug cu rtsa brgyad pa brtol te mngon du byung bar snang ngo / / de dag steng gi bar snang nas/ tshangs pa'i 'jig rten gyi bar du mngon par 'phags te/ stong gsum gyi stong chen po'i 'jig rten gyi khams 'di thams cad spos chus chag chag btab par gyur to/ / de nas bcom ldan 'das kyis/ byang chub sems dpa' zhi ba'i blo gros la bka' stsal ba/ zhi ba'i blo gros khyod kyis chu'i rgyun mngon par 'phags pa 'di dag mthong ngam/ gsol pa/ bcom ldan 'das mthong lags te/ 'di su'i snga ltas lags/ bcom ldan 'das kyis bka' stsal pa/ zhi ba'i blo gros chu'i rgyun 'di dag sems med kyang / ji ltar 'di dag gis sa chen po brtol te mngon par 'phags pa de bzhin du/ gang dag chos kyi rnam grangs 'di 'chang ba dang / de bzhin nyid du sgrub par byed pa'i sems can de dag kyang mngon par 'phags par 'gyur te/ de dag ni ma rig pa dang lta bar gyur pa'i sgo glegs bcag nas/ chos kyi

  423. 212b

    snang ba mi bzad pa dang / shes rab dang spobs pa 'byung bar 'gyur ro// des skyes bu de dag gis legs par bshad pas sems can thams cad kyi sems rnams tshim par byed par 'gyur te/ 'di ni chos kyi rnam grangs 'di'i ma 'dres pa'i mtshan nyid du rig par bya'o// de bzhin gshegs pa'i gsung gi gsang ba bsam gyis mi khyab pa bstan pa'i le'u ste brgyad pa'o// / / gsang ba pa'i bdag po lag na rdo rjes/ gzhan yang byang chub sems dpa' sems dpa' chen po zhi ba'i blo gros la 'di skad ces smras so// zhi ba'i blo gros de la de bzhin gshegs pa'i thugs kyi gsang ba dang / thugs kyi 'phrin las yongs su dag pa gang zhe na/ zhi ba'i blo gros 'di lta ste/ dper na gzugs med pa na spyod pa'i lha'i ris su sems can gang dag skyes pa de dag rnam par shes pa'i dmigs pa gcig gis bskal pa brgyad khri bzhi stong du gnas kyang / ting nge 'dzin gyi tshe'i mthar ma thug gi bar du de dag gi rnam par shes pa de rnam par shes pa gzhan gyi rjes su mi 'brang ste/ de nas shi 'phos nas las ji ltar bsags pa bzhin du skye ba yongs su 'dzin to// zhi ba'i blo gros de bzhin du de bzhin gshegs pa'i rnam par shes pa'ang mi gnas pa ste/ gang gi nub mo byang chub sems dpa' bla na med pa yang dag par rdzogs pa'i byang chub tu mngon par rdzogs par sangs rgyas pa dang / gang gi nub mo

  424. 213a

    de bzhin gshegs pa phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba'i bar du/ de bzhin gshegs pa'i thugs ldog pa mi mnga'/ thugs rtog pa mi mnga'/ thugs rnam par dpyod pa mi mnga'/ thugs 'gyur ba mi mnga'/ thugs kyi tshad mi mnga'/ thugs 'khrul pa mi mnga'/ thug sel ba mi mnga'/ thugs g.yeng ba mi mnga'/ thugs khengs pa mi mnga'/ thugs dma' ba mi mnga'/ thugs kun tu srung ba mi mnga'/ thugs rgyu ba mi mnga'/ thugs shin tu rangs pa mi mnga'/ thugs rnam par 'khrug pa mi mnga'/ thugs la khon du 'dzin pa mi mnga'/ thugs g.yo ba mi mnga'/ thugs nges par sems pa mi mnga'/ thugs dgyes pa mi mnga'/ thugs la gnod pa mi mnga'/ thugs 'jug pa mi mnga'/ thugs rab tu rgyu ba mi mnga'/ thugs la rtog pa mi mnga'/ thugs la rnam par rtog pa mi mnga'/ thugs la yongs su rtog pa mi mnga'/ thugs la zhi gnas mi mnga'/ thugs la lhag mthong mi mnga'/ thugs rnam par shes pa'i rjes su 'brang ba mi mnga'/ rang gi thugs la gnas pa mi mnga'/ gzhan gyi sems la lta ba mi mnga'/ thugs mig la gnas pa mi mnga'/ thugs rna ba dang / sna dang / lce dang / lus dang / yid la gnas pa rtsa

  425. 213b

    mnga'/ thugs gzugs la gnas pa mi mnga'/ thugs sgra dang / dri dang / ro dang / reg la gnas pa mi mnga'/ thugs chos la gnas pa mi mnga'/ thugs dmigs pa la gnas pa mi mnga'/ thugs yid la gnas pa mi mnga'/ thugs nang na gnas pa mi mnga'/ thugs phyi rol la gnas pa mi mnga'/ thugs de chos rnams la mi 'jug go/ thugs de ye shes la mi 'jug go/ thugs de 'das pa 'am/ ma 'ongs pa 'am/ da ltar byung ba la mi rtog go// zhi ba'i blo gros de bzhin gshegs pa ni de ltar thugs yongs su dag/ pa ste/ thugs kyi chos gang yang mngon par mi sgrub la/ chos thams cad la'ang de'i ye shes ma chags ma thogs par 'jug go// rang gi thugs yongs su dag pas sems can gang gi sems kyang yongs su ma dag par mi gzigs te/ de gzigs kyang gzigs pa ma yin zhing rnam par mi rtog go// gzigs kyang spros par mi mdzad do// gzigs pas kun gzigs pa dang / rnam par gzigs pa mi gzigs so// de bzhin gshegs pa'i ye shes de ni sha'i mig gi mthong ba dang ldan pa ma yin/ lha'i mig gis mthong ba dang ldan pa ma yin/ shes rab kyi mig gis mthong ba dang ldan pa ma yin/ chos kyi mig gis mthong ba dang ldan pa ma yin/ sangs rgyas kyi spyan gyis gzigs pa dang ldan pa ma yin/ lha'i rna ba'i thos pa dang ldan

  426. 214a

    pa ma yin/ gzhan gyi sems la lta ba dang ldan pa ma yin/ sngon gyi gnas rjes su dran pa dang ldan pa ma yin/ rdzu 'phrul rnam par 'phrul pa dang ldan pa ma yin/ zag pa zad pa shes pa dang ldan pa'ang ma yin/ de chos thams cad dang mi ldan pa'ang ma yin te/ chos thams cad la chags pa med par ldan pa'ang yin no// de'i de bzhin gshegs ba'i ye shes kyi rgyun rnams ni sgrim pa mi mnga' zhing lhun gyis grub la/ mngon par 'du mdzad pa mi mnga' bar gnas so// sems can gyi spyod pa thams cad la'ang gzigs so// sems can thams cad kyi kun nas nyon mongs pa dang rnam par byang ba'ang rab tu mkhyen to// de'i stobs bcu dang / mi 'jigs pa dang / sangs rgyas kyi chos ma 'dres pa bco brgyad mkhyen pa'ang bsnyel ba mi mnga' ste/ de bzhin gshegs pa'i chos de dag ni lhun gyis grub cing sgrim pa mi mnga' la/ mngon par 'du mdzad pa mi mnga' bar 'jug go// de bzhin gshegs pa ni sems dang / yid dang / rnam par shes pa dang yang bral la/ ting nge 'dzin gyi gnas kyang mi 'dor ro// sangs rgyas kyi mdzad pa thams cad kyang mdzad la/ de'i chos thams cad la chags pa mi mnga' ba'i ye shes kyang gang du'ang mi chags so/ / zhi ba'i blo gros 'di lta ste/ dper na de bzhin gshegs pas sprul pa'i de bzhin gshegs pa gnyis pa gang yang sprul pa de

  427. 214b

    la ni sems kyang mi mnga'/ yid kyang mi mnga'/ rnam par shes pa'ang mi mnga'/ skra'i 'du byed kyang mi mnga'/ gsung gi 'du byed kyang mi mnga'/ thugs kyi 'du byed kyang mi mnga' mod kyi/ 'di lta ste/ sangs rgyas kyi mthu nyid kyis sangs rgyas kyi mdzad pa thams cad kyang mdzad do// zhi ba'i blo gros de bzhin du de bzhin gshegs pa'ang sprul pa dang mtshungs pas mnyam mo/ / sprul pa'i chos nyid kyis rnam par mi rtog go// de la sku'i rtsom pa dang / gsung gi rtsom pa dang / thugs kyi rtsom pa'ang mi snang la/ sangs rgyas kyi mdzad pa thams cad kyang mdzad de/ de'ang lhun gyis grub cing sgrim pa mi mnga' la/ mngon par 'du mdzad pa mi mnga' bas mdzad do// de ci'i phyir zhe na/ zhi ba'i blo gros de bzhin gshegs pas sprul pa'i rang bzhin gyi mtshan nyid du chos thams cad mngon par rdzogs par sangs rgyas te/ mngon par rdzogs par sangs rgyas nas kyang / sems can la thugs brtse bas de bzhin du bstan to/ / zhi ba'i blo gros de bzhin gshegs pa'i ye shes ni 'dus byas la gnas pa ma yin/ 'dus ma byas la gnas pa ma yin/ phung po la gnas pa ma yin/ khams gnas pa ma yin/ skye mched la gnas pa ma yin/ nang la gnas pa ma yin/ byi la gnas pa ma yin/ dge ba la gnas pa ma yin/ mi dge ba la gnas pa ma yin/

  428. 215a

    'jig rten pa la gnas pa ma yin/ 'jig rten las 'das pa la gnas pa ma yin/ kha na ma tho ba dang bcas pa la gnas pa ma yin/ kha na ma tho ba med pa la gnas pa ma yin/ zag pa dang bcas pa la gnas pa ma yin/ zag pa med pa la gnas pa ma yin/ 'das pa la gnas pa ma yin/ ma 'ongs pa la gnas pa ma yin/ da ltar byung ba la gnas pa ma yin/ so sor brtags pa la gnas pa ma yin/ so sor brtags pa ma yin pa la gnas pa ma yin te/ zhi ba'i blo gros de ltar de bzhin gshegs pa'i ye shes gnas pa mi mnga' 'o/ / de chos gang yang mngon par mi sgrub la sems can la thugs brtse bas sems can thams cad kyi sems dang / spyod pa dang / bsam pa rnams la'ang de'i ye shes mthong ba chags pa mi mnga' zhing thogs pa mi mnga' ba 'jug ste/ de'ang lhun gyis grub cing sgrim pa mi mnga' la/ mngon par 'du bya ba mi mnga' bas 'jug go/ zhi ba'i blo gros 'di'ang de bzhin gshegs pa'i thugs kyi gsang ba ste/ mnyam par gzhag pa'i gnas kyang mi mdor la/ sems can thams cad la sems rnam par rig par yang mdzad pas thugs bsam gyis mi khyab pa nyid do/ / de bzhin gshegs pa'i thugs kyi gsang ba'i le'u zhes bya ste dgu pa'o// / de nas bcom ldan 'das la/ tshe dang ldan

  429. 215b

    pa shA ra dwa ti'i bus 'di skad ces gsol to/ / bcom ldan 'das phyogs bcu dag na bskal pa bzang po pa'i byang chub sems dpa' gang dag sangs rgyas bcom ldan 'das rnams kyi thang nang ltar tshangs par spyad pa spyod pa'i byang chub sems dpa' de dag thams cad kyi slad na'ang gsang ba pa'i bdag po mchis lags sam/ bcom ldan 'das kyis bka' stsal pa/ shA ri'i bu bya ba 'di bsam gyis mi khyab kyis zhig cig/ lha dang bcas pa'i 'jig rten byang chub sems dpa'i spong ba 'di la mgo mongs par 'gyur ro// de lta mod kyi/ shA ri'i bu gang dag dang cing dge ba'i bshes gnyen gyis yongs su zin pa de dag gnas 'di la skrag par mi 'gyur ro/ / gsol pa/ bcom ldan 'das kyis bshad du gsol/ bdag de bzhin gshegs pa la yid ches par mchi'o/ / bcom ldan 'das kyis bka' stsal pa/ shA ri'i bu khyod kyis gsang ba pa'i bdag po lag na rdo rje rtag tu nga'i phyi bzhin 'brang ba mthong ngam/ gsol pa/ bcom ldan 'das da ltar sangs rgyas kyi mthus mthong lags te/ 'di bdag gis sngon ni nam yang ma mthong ngo // bka' stsal pa/ shA ri'i bu de bzhin du gsang ba pa'i bdag po lag na rdo rje 'di ni bskal pa bzang po pa'i byang chub sems dpa' rnams kyi rgyab rgya ba na'ang gnas te/ sngon gyi sman lam gyi stobs dang / mngon par shes pa'i stobs kyis thams cad du'ang

  430. 216a

    lag na rdo rje'i gzugs su kun tu ston to/ / shA ri'i bu stong gsum gyi stong chen po'i 'jig rten gyi khams na sems can ji snyed 'khod pa'i sems can de dag thams cad kyi rgyab rgyab tu gsang ba pa'i bdag po lag na rdo rjes lag na rdo rje'i gzugs kun tu bstan kyang / des ye shes kyi byin gyi rlabs yongs su rdzogs par bstan par mi 'gyur ro// shA ri'i bu khyod kyis byang chub sems dpa' byams pa'i rgyab na lag na rdo rje 'dug pa mthong ngam/ gsol pa/ bcom ldan 'das bdag gis da gdod mthong lags te/ sngon ni ma mthong ngo // bka' stsal pa/ 'di ni de'i rgyab na rtag tu gnas na/ khyod kyis de ma mthong ba ma gtogs par/ byang chub sems dpa' 'am/ brgya byin nam/ tshangs pa 'am/ 'jig rten skyong ba gang dag 'jig rten gyi khams gzhan nas lhags pa de dag gis ni byang chub sems dpa' byams pa'i rgyab na lag na rdo rje rdo rje thogs shing rtag tu 'dug par mthong ngo / / shA ri'i bu byang chub sems dpa' byams pa dang / bskal pa bzang po pa'i byang chub sems dpa' thams cad kyis sprul pa bye ba khrag khrig brgya stong dag sprul kyang / de dag thams cad kyi rgyab na'ang gsang ba pa'i bdag po lag na rdo rje gnas par snang ste/ byin gyi rlabs de dag thams cad ni gsang ba pa'i bdag po'i yin no// shA ri'i bu de bzhin gshegs pas sprul pa gang yin pa de

  431. 216b

    dag gi sab na'ang 'di'i byin gyi rlabs kyis gsang ba pa'i bdag po lag na rdo rje gnas te/ shA ri'i bu gsang ba pa'i bdag po lag na rdo rje ni de ltar ye shes dang mngon par shes pa'i byin gyi rlabs kyi stobs dang ldan no/ / gsang ba pa'i bdag po lag na rdo rje'i yon tan yongs su brjod pa'i le'u zhes bya ste bcu pa'o// // de nas byang chub sems dpa' zhi ba'i blo gros kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po byang chub sems dpa'i dka' ba spong pa dang / byang chub kyi snying por 'gro ba dang / bdud 'dul ba dang / chos kyi 'khor lo bskor ba dang / bkod pa bstan pa la brtsams te/ de na rmad du byung ba'i rgyu gang dag byung ba gang du khyod la mngon sum du gyur pa la khyod stobs par gyis shig/ gsang ba pa'i bdag pos smras pa/ zhi ba'i blo gros byang chub sems dpa'i yon tan bkod pa byung ba ni tshad med de/ de dag ni tshe'i tshad bskal par gnas pas kyang rgyas par rnam par phye ste bstan par sla ba ma yin mod kyi/ 'on kyang cung zad tsam zhig brjod par bya'o// zhi ba'i blo gros byang chub sems dpa'i bka' ba spyod pa ni rnam pa gcig ma yin te/ mu stegs can gzhom pa'i phyir byang chub sems dpas spyad do// dka' thub dang lus la yongs su gdung ba ji skad dang / lus kyi spyod lam ji snyed

  432. 217a

    kyis pha rol mu stegs can dag mngon par snyems pa de bas ches khyad par du 'phags pa dang / ches mchog tu gyur pa'i bya dka' ba dang / brtul zhugs dang dka' thub gang dag de dag gis bya bas kun tu bstan par mi nus pa de dag thams cad byang chub sems dpas kun tu bstan te/ zhi ba'i blo gros de la kha cig gis ni byang chub sems dpa' rkang pa ya gcig btsugs te 'dug par mthong / kha cig gis ni lag pa bteg ste 'dug par mthong / kha cig gis ni nyi ma la lta zhing 'dug par mthong / kha cig gis ni gdung ba lngas gdung bar mthong / kha cig gis ni tsog tsog por 'dug cing spong ba la sbyor bar brtson par mthong / kha cig gis ni rkang pa btsugs te mi 'gul bar mthong / kha cig gis ni rkang pa gyen du sgreng ste/ 'dug par mthong / kha cig gis ni kha bub tu 'dug par mthong / kha cig gis ni tsher ma'i steng na nyal bar mthong / kha cig gis ni ba glang gi lci ba'i nang na nyal bar mthong / kha cig gis ni rdo leb la skyil mo krung bcas te 'dug par mthong / kha cig gis ni rtsig pa la skyes pa dang / kha cig gis ni shing leb la skyes pa dang / kha cig gis ni gtun shing la skyes pa dang kha cig gis ni phyag dar khrod na nyal ba dang / kha cig gis ni nyi ma yongs su bsgyur ba dang / kha cig gis ni shing leb gyon pa dang / kha cig gis ni rtswa mun dza'i gos gyon pa dang

  433. 217b

    kha cig gis ni rtsa bal ba dza'i gos gyon pa dang / kha cig gis ni rtsa ku sha'i gos gyon pa dang / kha cig gis ni ri dgas kyi pags pa gyon pa dang / kha cig gis ni rtswa tsar gyon pa dang / kha cig gis ni sgren mor 'dug pa dang / kha cig gis ni rtsa dar d+ha'i gos gyon pa dang / kha cig gis ni shing shun gyi gos gyon pa dang / kha cig gis ni sred za ba dang kha cig gis ni nas za bar mthong ngo / / kha cig gis ni rtsa ba dang lo ma za ba dang / me tog za ba dang / 'bras bu za ba dang / sdong bu za ba dang / gzegs ma za ba dang / pad+ma'i rtsa ba za ba dang / zhag drug smyung ba dang / sha mi za ba dang / rgya shugs za ba dang / nas shin te ma za ba dang / ci tsi za ba dang / mon sran sde'u za ba dang / mon sran gre'u za ba dang / pra yos za ba dang / til za ba dang / 'bras skam za ba dang / chu 'thung ba tsam gyis 'tsho ba dang / mar gyi thigs pa tsam gyis 'tshe ba dang / sbrang rtsi'i thigs pa tsam gyis 'tsho ba dang / 'o ma'i thigs pa tsam gyis 'tsho ba dang / kha cig gis ni zas mi za ba dang / kha cig gis ni gnyid dang bral bar mthong ngo // kha cig gis ni 'dug pa 'ba' zhig tu mthong ngo // kha cig gis ni 'greng ba 'ga' zhig tu mthong ngo // zhi ba'i blo gros de ltar byang chub sems dpa' spyod lam de dag dang / dka' ba spyad pa tshad med pa gzhan dag kyang ston te/ lo drug tshang

  434. 218a

    bar spyod lam gcig kyang ma 'khrugs par thams cad rdzogs par bstan par gyur to/ / brtul zhugs shin tu khyad par du 'phags pa dang / brtson 'grus shin tu sbyangs pa dang / dka' thub shin tu brtan pos lo drug tu brtul zhugs dang dka' thub thams cad ston kyang / sems can gzhan dang gzhan la mos pa dag gis brtul zhugs dang dka' thub gzhan dang gzhan du mi mthong ste/ gzhan du na ci 'dra ba'i brtul zhugs dang dka' thub ci 'dra ba dag gis sems can dag 'dul bar 'gyur ba de 'dra ba'i brtul zhugs dang dka' thub mthong ba ni ma gtogs so/ / zhi ba'i blo gros de la byang chub sems dpa' ni thams cad du kha na ma tho ba med pa'i btang snyoms can yang yin la/ bya ba de dag kyang kun tu ston te/ dka' ba spyod pa 'dis lha dang mi bye ba phrag drug cu rtsa bzhi theg pa gsum po dag la yongs su smin par byas so/ / zhi ba'i blo gros lha dang mi gang dag rgya chen po la mos pa yongs su spang ba byas pa de dog gis ni/ byang chub sems dpa' rin po che'i khang pa brtsegs pa na 'dug cing mkha' khyab kyi bsam gtan la bsam gtan byed pa dang / mi g.yo ba dang / bde ba myong ba dang / lo drug lon nas byang chub sems dpa' ting nge 'dzin de las langs par mthong ngo / / zhi ba'i blo gros de la lha dang mi chos can chos 'dod pa/ chos bstan pas yongs su smin par bya ba gang

  435. 218b

    yin pa de dag gis ni byang chub sems dpa' las gzhan mi byed par rgyun mi 'chad par chos ston par mthong ste/ zhi ba'i blo gros 'di ni byang chub sems dpa'i snying rje chen po la sbyor ba ye shes chen po yang dag par 'byung ba zhes bya'o/ / chos kyi tshub la 'jug pa bsam gyis mi khyab pa la 'jug pa zhes bya'o// bya dka' ba'i ye shes la 'jug pa bdud dang phas kyi rgol ba thams cad 'dul ba zhes bya'o/ / zhi ba'i blo gros de ltar lo drug tshang nas byang chub sems dpa' ji skad smos pas brtul zhugs dang dka' thub de dag las langs te/ klung nai rany+dza na'i 'gram du song nas 'jig rten dang mthun par khrus byas te/ lus gtsang mar byas nas klung nai rany+dza na nas byung ste 'dug par gyur to// de nas grong mi'i bu mo legs skyes ma zhes bya ba des/ ba stong gi 'o ma bskol ba sbrang rtsi dang bsres pa'i 'o thug khyer te byang chub sems dpa' ga la ba der song ngo // gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po bye ba phrag drug cu'ang rang rang gi zas thogs te 'khod nas/ sa sa nas tshig 'di skad du/ kye skyes bu dam pa bdag gi bshos gsol cig/ kye skyes bu dam pa bdag gi bshos gsol cig ces zer ro// zhi ba'i blo gros de nas byang chub sems dpa'

  436. 219a

    grong mi'i bu mo legs skyes ma la sogs pa lha dang / klu dang / gnod sbyin dang / dri ba bye ba phrag drug cu po de dag thams cad kyi khams de dag blangs nas thams cad thos kyang phan tshun ma mthong ngo / / lha'i bu re res kyang byang chub sems dpes bdag gi bshos gsol te/ byang chub sems dpas bdag gi ba shas gsol nas/ blan med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar shes so/ / de dag tham cad kyang byang chub sems dpas bla na med pa yang dag par rdzogs pa'i byang chub tu yongs su smin par byas par gyur te/ zhi ba'i blo gros 'di ni byang chub sems dpa' zas len par sbyor ba dka' ba spyod pa yang dag par 'phags zhes bya'o// zas len pas sems can yongs su smin par byed pa dka' ba spyod pa yang dag 'phags kyi le'u zhes bya ste bcu gcig pa'o/ / // de nas byang chub sems dpa' lus bkrus te/ lus stobs dang ldan par gyur nas zas zos te/ byang chub kyi snying po ga la ba der song ngo // de song ba dang sa la spyod pa'i lha'i bu sa bzangs zhes bya bas/ sa la spyod pa'i lha'i bu thams cad la bos te smras pa/ sa 'dzin gang zhig migs mi bskyed pa// sred pa bsal cing khang khro rab spangs po// byang chub sems dpa' de ni shing drung byon// sa gzhi dag ni legs par

  437. 219b

    btsun par bya/ / legs so zhes te sa la spyod nams dga'// snang gsum thams cad yongs su phyag bdar byed// me tog sil ma bkas zhing spos mchog bdugs// dag gis sa gzhi chag chag btag/ khag na gzhong thogs de bzhin 'phreng ba thogs// gzhal med khang nas de bzhin par snang ba// de dag byang chub sems dpa' mthong nas dga'/ de tshe me tog sna tshogs char du phag/ gling bzhi pa dag rnams na skyong ba bzhi// ji snyed pa dag thams cad 'khor bcas te// rnam par 'dren la mchod pa bya ba'i phyir// gser dra bas stong gsum thams cad bkab/ / stong gsum 'jig rten brgya byin rdzu 'phrul che// de dag byang chub sems dpa' mchod pa'i phyir// sum cu rtsa gsum rnam rgyal khang mdzes ba/ / de ltar stong gsum thams cad mdzes par brgyan// 'thab bral lha rnams thams cad rab dga' ste// skyes bu mchog la yang dag mchod pa'i phyir// mi mjed 'jig rten khams kyi stong gsum kun/ / nam mkha' bai DUR+Ya yi dra bas bkab// dga' ldan rab dang dga' ldan lha rnams kyang // de dag mu tig dra bas brgyan pa byas// rgyan 'phreng de bzhin zla ga ma rnams kyang thogs/ / mu tig sil ma'o char yang rab tu 'babs// lha yi rgyal po rab tu 'phrul gyi bar// rab tu dga' nas 'jam bu chu gser gyi// dril bu'i dra ba gas

  438. 220a

    drar bcas dang / / sgra snyan bcas pas stong gsum thams cad bkab// thams cad don la mi 'jigs mchod pa'i phyir// dbang sgyur dag gis lha yi rin po chetshe/ / rnam par dag cing gzi brjid mtha' yas pa// 'od gsal dri med dra ba gcig kyang sprul// klu dang dri za lto 'phye chen po dang // lha min mkha' lding mi 'am ci kun gyis// rang rang gnas dang bkod pa rnams kyis ni/ / 'dod khams legs par brgyan nas mdzes par byas// zhi ba'i blo gros de nas stong gsum gyi dbang po tshangs pa chen po dbang sgyur zhes bya bas/ byang chub sems dpa' byang chub kyi snying po la mngon du phyogs par mthong nas/ tshangs ris kyi lha rnams la smras pa/ grogs po dag shes par gyis shig/ byang chub sems dpa' sems dpa' chen po go cha chen po mnabs pa/ dam bcas pa chen po ma bor ba/ go cha sra ba mnabs pa/ thugs yongs su mi skyo ba/ byang chub sems dpa'i spyod pa thams cad las nges par byung ba/ pha rol tu phyin pa thams cad kyi pha rol tu phyin pa/ byang chub sems dpa'i sa thams cad la mnga' dbang brnyes pa/ byang chub sems dpa'i bsam pa thams cad shin tu rnam par dag pa/ sems can thams cad kyi dbang po'i rjes su zhugs pa/ de bzhin gshegs pa'i gsang ba thams cad la shin tu zhugs pa/ bdud kyi las kyi lam thams

  439. 220b

    cad las yang dag par 'das pa/ dge ba'i rtsa ba thams cad la gzhan gyi dring mi 'jog pa/ de bzhin gshegs pa thams cad kyis byin gyis brlabs pa/ sems can thams cad la rab tu thar pa'i lam ston pa/ de dpon chen por gyur pa/ bdud kyi dkyil 'khor thams cad 'joms par mdzad pa/ stong gsum na dpa' bo gcig pur gyur pa/ chos kyi sman thams cad yang dag par bsgrubs pa/ sman pa'i rgyal po chen po rnam par grol ba'i thabs brnyed pa/ chos kyi rgyal po chen po shes rab kyi 'od chen po gtong ba/ tog chen po'i rgyal po 'jig rten gyi chos brgyad kyis ma gos pa/ pad+ma chen po lta bu// chos thams cad kyi gzugs ma bsnyel ba/ rgya mtsho chen po dang 'dra ba/ rjes su chags pa dang khong khro ba dang bral ba/ mi g.yo ba/ mi bskyod pa/ ri rab chen po lta bu shin tu dri ma med pa/ shin tu yongs su dag pa/ shin tu dkar ba'i blo dang ldan pa/ nor bu rin po che chen po dang 'dra ba chos thams cad la dbang sgyur ba/ sems las su rung ba/ tshangs pa chen po lta bu'i byang chub sems dpa' de bdud kyi sde rab tu gdul ba dang / bla na med pa yang dag par rdzogs pa'i byang chub tu mngon par rdzogs par byang chub par bzhed pa dang / stobs bcu dang / mi 'jigs pa dang / sangs rgyas kyi chos ma 'dres pa bcwa brgyad yongs su rdzogs par mdzad pa dang /

  440. 221a

    chos kyi 'khor lo chen po bskor ba dang / seng ge'i sgra chen po bsgrags pa dang / chos kyi sbyin pas sems can thams cad tshim par mdzad pa dang / sems/ can thams cad kyi chos kyi mig rnam par sbyang ba dang / phas kyi rgol ba thams cad chos dang mthun par tshar gcad pa dang / sngon dam bcas pa yongs su rdzogs pa sangs rgyas bcom ldan 'das rnams la bstan par bzhed pa dang / chos thams cad la dbang phyug gi mnga' dbang brnyes par mdzad pa'i phyir byang chub kyi snying por bzhud kyis/ de la grog po dag khyed byang chub sems dpa' la mchod pa dang rim gro bya ba la spro bar gyis shig/ de nas stong gsum gyi bdag po tshangs pa chen po ma mjed kyi bdag po de'i yid rab tu dga' nas/ tshangs ris lha thams cad la smras pa/ grogs po dag bskal pa brgya stong mang por brtul zhugs dang dka' thub bsags pa/ skyes bu chen po dam pa de byang chub kyi snying po ga la ba der bzhud kyi del khyed kyis bkad pa chen po rnams kyis stong gsum gyi stong chen po thams cad brgyan par gyis shig/ de nas tshangs pa chen po mi mjed kyi bdag pos de'i tshe tshigs su bcad pa 'di dag smras so/ / sems can rnam dag brtul zhugs chos nges pa// lhar bcas 'jig rten dag la phan bzhed pa// lha dang mi yis mchod pa lha yi lha// thub pa chen po byang

  441. 221b

    chub snying por gshegs/ / sde dang bcas pa'i bdud ni 'dul ba dang / thams cad mkhyen gyi ye shes 'tshang rgya dang // rdzogs pa'i sangs rgyas chos rnams yongs bskang dang // da pa'i chos kyi 'khor lo bskor ba dang / / mkhas pa seng ge'i sgra chen bsgrags pa dang // sems can thams cad tshim par bya ba dang // dam pa'i chos mig yongs su sbyang ba'i phyir/ 'dren pa byang chub snying por nye bar gshegs// phas kyi rgol ba rnams ni tshar bcad dang // sngon gyi dam bcas yongs su bskang ba dang // rdzogs sangs rgyas kyi mdzod pa bstan pa'i phyir/ / 'dren pa byang chub snying por nye bar gshegs// legs par thams cad lhan cig 'dus nas ni// sa gzhi dag ni legs par brgyan par bya// stong gsum brgyan par gyur la ltos shig kye/ / 'dod pa'i khams kyang brgyan par gyur la ltos// 'dod pa'i khams ni ji ltar brgyan pa bzhin// de ltar gzugs kyi khams kyang brgyan par bya// tshangs pa rnams ni sems dang legs so zhes/ / rab tu dga' nas stong gsum brgyan par gyur// ji ltar 'dod pa'i khams na bkod snang ba// de bas lhag pa'i mchod pa de dag ston// me tog rnams kyis bkang zhing spos kyis bkang // rin chen rnams kyis mchod cing sil snyan bsgrags// tshangs pa la sogs 'og min lha yi rnams// rab tu dga' nas

  442. 222a

    gsum thams cad kyang / / dga' bar gyur dang phyag bya'i 'os su byas// rang rang gnas kyi gzhi yang bkod pa byas// lha rnams kyis ni gong nas gong du yang / / lhag pa lhag pa'i rgyan rnams rab tu bstan// lha yi bu mo bye ba drug cu brgyas// byang chub rdo rje gdan ni rgyan par byed// spos chu yis ni kun tu chag chag 'debs/ me tog sna tshogs dag kyang 'thor bar byed// sa gzhi dag la rin chen rnams kyang bkram// byang chub snying por rgyan rnams rab tu bstan// thams cad tshig gis brjod par mi nus pa/ snyed tshad kyi bkod pa 'dir byas gyur/ zhi ba'i blo gros byang chub sems dpa' de byang chub kyi snying por 'gro ba na stong gi dbang po tshangs pa chen po mi mjed kyi bdag pos/ tshangs ris kyi lha thams cad la smras pa/ grogs po dag bskal pa bye ba khrag khrig brgya stong mang por brtul zhugs dang dka' thub rnams kyi spyad pa spyad pa sems can gyi mchog skyes pa chen po 'di byang chub kyi snying por bzhud kyis/ de la khyed kyis stong gsum gyi stong chen po'i 'jig rten gyi khams thams cad bkod pa chen po rnams kyis brgyan par gyis shig/ de nas mi mjed kyi bdag pos/ tshangs ris kyi lha'i bu rnams la tshigs su bcad pa 'di dag smras so// sems can rnam dag brtul zhugs chos nges pa// phan bzhed 'jig rten ngon mdzad

  443. 222b

    bdag nyid che/ / de ni blo ngan sder bcas bdud 'dul du// shing gi dbang po byang chub drung du bzhud// thams cad 'dus te lhan cig 'dong bar bya// steng gsum mi mjed 'ang ni brgyan par bya/ / 'di ni lhar bcas 'jig rten chos kyi dbang // yang dag mchod na bsod nams mtha' yas 'gyur// tshangs pa de dag tshig mchog de thos nas// stong gsum thams cad ma lus brgyan byed cing / / legs par phyags te me tog rgyal mtshan brgyan// 'jig rten khams ni rin chen rang bzhin sprul// nyi ma zla ba'i 'od kyi bkod pa dang // bye ba'i gdugs rnam+ba nam mkhar de dag sprul/ / sA la'i shing rnams me tog mchog spras pa// dga' tshal lta bu de dag rnams kyis sprul// lam gang nas ni drang srong che gshegs pa// de ni shing bdun bsnams tshad du sprul/ / rin chen bzhi la gsar gyi pad+ma bkram// kha khyer rim pa bdun gyis yongs su bskor// brgya byin gyis der bkod pa gang byas pa// de dag mi rnams sngon ma mthong / / sum cu gsum dbang rnam rgyal khang 'dra bar// de ltar gling bzhi dag ni mdzes par brgyan// 'thab bral lnga dang dga' ldan 'phrul dga' dang / gzhan 'phrul ba dang 'og min lha yi rnams// stobs dang shugs 'chang thams cad btsun par ni// byang chub snying pa dam brgyan par byed// byang chub stong par gshegs pa

  444. 223a

    bar der ni/ / 'dod pa'i khams 'dir bkad mchog gang yod pa// lha las klu 'am mi 'am ci rnams kyi// de dag thams cad skad cig de la bstan/ phyogs bzhi dag nas lha mo bye ba blugs// ma tag rnams dang spyas dang byug pa yis// byang chub shi ni mngon du rgyun par byed// sbrus r+b+ba sIs ni kun tu chag chag 'dabs/ chub shing ni legs par brgyan byas te// sum cu rtsa gsum lha yi yongs 'du 'dra// lha rnams bye ba dag gis mdzes sprul pa// bkod pa de dag tshig gis brjod mi nus/ zhi ba'i blo gros de nas byang chub sems dpa' byang chub kyi snying por 'gro ba na/ rkang pa'i mthil 'khor lo rtsibs stong pa gnyis las 'di 'dra ba'i 'od phyung ste/ 'od des sems can dmyal ba dang / dud 'gro'o skye gnas pa dang / gshin rje'i 'jig rten pa'i sems can rnams kyi sdug bsngal gyi tshor ba rnams rgyun gcod do// klu'i rgyal ba nag po'i gnas kyang snang ba chen pos khyab par gyur to/ / de nas klu'i bdag po nag pos/ byang chub sems dpa'i 'od mthong nas tshim zhing mgu la yi rangs te/ rab tu dga' nas dga' ba dang yid za bskyas te/ thams cad dang ldan pa'i rang gi 'khang la tshigs su bcad pas spras pa/ gser gyi kha dag 'dra ba'i 'od// gnas 'dir lgang nger gyur pas na// kha bar lus ni rab

  445. 223b

    tshim/ / sems kyang rab tu dga' bar gyur// kha zas sngon gyi sangs rgyas kyi// ltas bzang mthong ba ltar na ni// gdon mi za bar dpa' chen po// sangs rgyas 'jig rten 'byung ba 'gyur/ / legs par phye ma 'phreng ba dang // spos dang me tog byug pa dang // gser dang nor bu mu tig dang // dung dang rgyan 'phreng mchog rnams dang // rol mo sil snyan rnams thogs la/ gdugs dang rgyal mtshan thogs nas ni// ba dan dag kyang bsgreng byas te// ston pa la ni mchod pa bya// klu yi rgyal po'i gnas 'di na// bzang po'i rgyan rnams ji snyed pa// de dag rab tu dga' ba yis/ / sangs rgyas la ni rim gro bya/ de nas klu'i rgyal po nag bcu ma'i 'khor dang bcas/ gnyen gyi 'khor dang bcas te/ me tog dang / spras dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan thogs pa dang / sil snyan dang / pheg rdob pa dang / rol mo'i sgra 'byin pa rnams dang lhan cig gcig tu rang gi gnas nas byung ste/ spos chus gang ba'i sprin mngon par sprul nas/ spos chu'i char pa 'bebs/ klu'i mu tig dang klu'i me tog gi char ni 'bebs shing klu'i mthu chen po dang / klu'i rdzu 'phrul chen pos byang chub sems dpa' ga la ba der song ste phyin nas/ 'khor dang bcas pas byang chub sems dpa' la mchod pa byas te/ rkang pa

  446. 224a

    phyag 'tshal nas/ rol mo dang sil snyan len pa dang bcas pas byang chub sems dpa' la bskor ba byas te/ phyogs gcig tu 'dug nas mngon par bstod do// de la 'di skad ces bya ste/ skyes bu mchog gis 'od ni rab bkye bas// sangs rgyas zhing 'di thams cad snang bar gyur// skad cig de la ngan song gsum yang zhi// nag po'i gnas kyang 'od kyis khyab par gyur/ / klu yi rgyal po de yis 'od mthong nas// rab tu dga' ste de tshe tshig smras pa// gser gyi mchog gi 'od 'di byung bas na// de ring sangs rgyas 'byung du gdon mi za/ / klu mo khrag khrig dag gis mdun bdar te// gdugs dang me tog gos mchog thogs nas su// byang chub sems dpa' de ni ga lar song // phyag byas mchod pa byas nas gus bcas 'dug/ sa kun rin chen rnams kyis gang zhing de tshe mdzes par brgyan// shing mchog kun dang sman dang rtswa rnam de dag byang chub shing la 'dud// 'di na yod pa'i chu klung tham cad mi 'bab mkha' la rlung mi ldang / / de ring bdud btul nas ni 'jig rten tham cad zil gyis gnon par gyur// srid pa gsum na brgya byin tshangs pa nyi ma zla bar 'od mi snang // mtshungs med khyod kyi 'od kyis reg nas de ring ngan song gsum po zhi/ / bdag gi gnas su 'od byung nas ni sangs rgyas 'byung bar ston par bgyid// de ring rgyal bar byon par 'gyur gyis dgyes mdzod rangs shing tshim pa skyed//

  447. 224b

    bum pa gang ba 'di dag nam mkhar song ste khyod la skor ba dang // rtsa sha'i tshogs rnams 'di dag nam mkhar song ste khyod la skor ba dang // lhar bcas mir bcas 'jig rten dag kyang mchod par brtson par gnas pa las/ / de ring 'gro ba'i sbyin gnas 'gyur zhing shes rab 'dod pa'i lam du 'gyur// bde bar gshegs pa bdag gis rnyed pa legs rnyed gzi brjid che ldan pa/ / mi mchog 'khor ba 'jig dang de bzhin gser thub ces ni bya ba mchod// mi mchog 'od srungs dang ni shAkya thub mchog de ring bdag gis mchod// bdag ni sangs rgyas dpa' mthong ma bral byang chub dam pa don du gnyer// sa ni grum zhing ri rnams g.yos la 'gro ba thams cad med 'gyur srid// su zhig byang chub tu ni sems nges lhag pa'i bsam pas 'phags gyur pa/ / de ni de ring stobs bcu ldan par mi 'gyur gnas ni ma mchis lags// seng ge'i sgra bsgrags tshangs pa'i dbyangs can bcom ldan 'dren pa gsung phyung zhig/ zhi ba'i blo gros de nas klu'i rgyal po nag po'i chung ma dam pa gser 'od ces bya ba de/ klu'i bu mo rab tu mang pos bskor cing mdun du bdar nas/ gdugs sna tshitshogs thogs pa dang / ras bcos bu sna tshogs thogs pa dang / mu tig gi rgyan 'phreng sna tshogs thogs pa dang / nor bu rin po che sna tshogs thogs pa dang / lha'i dang mi'i

  448. 225a

    'phreng ba brgyus pa thogs pa dang / bog por sna tshogs thogs pa dang / sil snyan dang rol mo'i sgra sna tshogs len pa rnams dang lhan cig tu rin po che'i me tog sna tshogs kyis byang chub sems dpa' 'ong ba la 'thor zhing tshigs su bcad pa 'di dag gis mngon par bstod do/ / 'khrul pa mi mnga' mi sdang mi bsnyengs bag mi tsha// mi zhum mi dman rab dgyes mi 'khrul chags mi mnga'/ / sdang dang rmongs dang brkam pa mi mnga' chags bral ba// rnam grol drang srong chen po khyod la phyag 'tshal lo// ngogs bral zug rngu bral zhing dul la ma rig sel/ / 'gro ba thams cad sdug bsngal rnams las rab tu 'grel// gnas dang skyabs dang gling ma mchis par mkhyen nas ni// gnas khyod skyabs khyod 'jig rten gsum po dag tu byung / / ji ltar lha yi tshogs rnams dad cing rab dga' ste// mkha' las me tog char chen rab tu 'bebs pa dang // ji ltar gos chen dag kyang 'dor bar bgyid las na/ / drang srong chen po mgon po rgyal bar dang 'gyur snyam// dgyes skyed shing dbang drung gshegs mi bsnyengs bzhugs mdzod la// bdud sde pham par mdzad de nyon mongs dra ba drol// ji ltar sngon gyi rgyal dbang de dag sangs rgyas pa// de ltar byang chub rab mchog zhi ba 'tshang rgyar mdzod// gang gi ched du khyod kyis bskal pa bye mang du// 'gro ba dag ni grol phyir

  449. 225b

    dka' ba rnams kyang spyad/ / khyod kyi dgongs pa de rdzogs shing dbang drung gshegs te// byang chub mchog la reg par mdzad pa'i dus 'di lags// bam po drug pa/ zhi ba'i blo gros de nas byang chub sems dpa' klu'i rgyal po nag po'i gnas nas byung nas/ byang chub kyi snying po ga la ba der song ste/ 'gro ba na lam gyi g.yas rol na rtswa 'tshong bkra shis pa zhes bya ba rtswa rnga zhing 'dug pa des/ byang chub sems dpa' byang chub kyi snying po la mngon du phyogs pa mthong ste/ lha rnams kyis bskul nas rtswa 'dzam pa shin tu gzhon pa/ nyams dga' ba/ yid dga' bar byed pa/ rma bya'i mgrin pa lta bu/ dga' ba 'khyil pa/ g.yas su 'khyil pa/ kha dog dang ldan pa/ dri dang ldan pa/ ka tsa lin ni ka ltar reg na bde ba spar gang blangs te/ byang chub sems dpa' ga la ba der song nas phyin pa dang / rtswa spar gang byang chub sems dpa' la byin te bsam pa thag pa nas bla na med pa yang dag par rdzogs pa'i byang chub tu sems bskyed do/ / zhi ba'i blo gros khyod rtswa 'tshong bkra shis pa mi snga mi 'phyi bar bya chub tu sems bskyed cing rtswa'ang byin no snyam du sems na de ltar mi blta'o/ / de ci'i phyir zhe na/ de ni rtsa 'tshong bkra shis pa'i sngon gyi smon lam yin te/ ji ltar kho bo bskal pa

  450. 226a

    bzang po'i byang chub sems dpa' rnams kyi byang chub kyi snying por khri gshom pa bzhin no/ / de ci'i phyir zhe na/ zhi ba'i blo gros kho bos mngon par shes te/ 'das ba'i dus na bskal pa bzang po 'di snga rol bskal pa dgu bcu rtsa gcig na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de'i gsung rab la dge slong stong tham pa tshangs par spyod pa spyad nas/ bcom ldan 'das nges khyed cag bskal pa bzang ba la bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes de dag lung bstan to/ / de'i tshe na khyim bdag blo gros ldan zhes bya ba zhig 'khor de nyid du 'dus par gyur te 'dug pa des/ byang chub sems dpa' de dag lung bstan pa de thos nas/ bla na med pa yang dag par rdzogs pa'i byang chub tu sems bskyed de/ 'di skad du bskal pa bzang po pa'i byang chub sems dpa' de dag byang chub kyi snying por 'gro ba na seng ge'i khri byi dor bya'o zhes smon lam btab bo/ / zhi ba'i blo gros de'i tshe de'i dus na khyim bdag blo gros ldan zhes bya bar gyur pa de gzhan

  451. 226b

    zhig yin pa snyam du khyod dogs shing the tshom za 'am/ yid gnyis su gyur na/ khyod kyis de ltar mi blta'o// de ci'i phyir zhe na/ rtswa 'tshong bkra shis pa 'di de'i tshe de'i dus na bdag blo gros ldan zhes bya bar gyur to/ / zhi ba'i blo gros khyod kyis rnam grangs 'di kyang rtsas 'tsho ba bkra shis pa'i sngon gyi smon lam 'di 'di ltar rig par bya ste/ sems can rnams kyi ma pa ji lta ba dang / dbang po yongs su smin pa ji lta ba bzhin du/ de kha cig la ni rtswa spar gang 'bul bar 'gyur/ kha cig la ni rin po che bkod pa'i seng ge'i khri 'bul bar 'gyur ro// zhi ba'i blo gros de nas byang chub sems dpa' byang chub kyi snying po'i shing drung du song ba dang / byang chub kyi snying po'i lha rnams lha'i bu mo me tog gi skon bu thogs pa dang / sbas dang phye ma'i phur ma thogs pa khri dang lhan cig tu byang chub kyi snying po ga la ba der song ste phyin pa dang / byang chub sems dpa'i rkang pa la mgo bos phyag 'tshal nas/ ji ltar thogs pa'i me tog dang / phye ma dang / spos dang / 'phreng ba dang / byug pa rnams kyis byang chub sems dpa' la gtor te/ tshigs su bcad pa 'di dag gis mngon par bstod do// bdag nyid chen po mi bsnyengs dpa' zhing dul zhi ba/ / dgyes shing tshim pa brtan pa khyod la phyag 'tshal lo// 'bar ba nyams dgyes kha na ma tho mi mnga' ba// skyon las grol ba'i sngon la byas

  452. 227a

    'tshal lo/ / sdug bsngal chen por bying ba mgon med 'gro 'di la// khyod ni bde ba rab tu stsol ba'i mgon po gcig/ 'gro ba'i nyon mongs nad rnams spang ba'i phyir byung ba/ / sman pa'i rgyal chen grags ldan khyod la phyag 'tshal lo// ji ltar lha tshogs dad cing rab tu dga' ba yis// lha yi me tog char pa rab tu 'bebs pa las/ / 'dod dgra sde dang bcas pa byams pas bcom nas ni// khyod kyis byang chub dam pa de ring brnyes su nges// shing dbang drung du gshegs te khri der bzhugs nas su// bdud btul nas ni mun pa thams cad gzhom par mdzod// ji ltar sngon gyi thub dbang de dag sangs rgyas pa// de ltar byang chub zhi ba mchog rab 'tshang rgyar mdzod// ji ltar khyod kyis 'gro ba dgrol ba'i don du ni/ / bskal pa bye bar dka' mdzad rnam par dag gyur pa// drang srong chen po khyod kyi dgongs mchog deng rdzogs kyis// shing dbang drung du bzhugs te byang chub 'tshang rgyar mdzod/ / zhi ba'i blo gros de nas byang chub sems dpas rtswa spar gang khyer nas/ byang chub kyi snying po ga la ba der song ste phyin pa dang / byang chub kyi shing drung du bdag nyid kyis rtsa gding ba bting nas/ byang chub kyi shing la phyag 'tshal te/ lan bdun bskor ba byas so// zhi ba'i blo gros byang chub sems

  453. 227b

    dpas rtsa gding ba bting ma thag tu/ de nas lha'i bu brgyad khri bzhi stong gis seng ge'i khri sna tshogs pa blta na sdug pa/ mthong ba/ yangs pa/ ring po che thams cad kyis spras pa/ rin po che'i kha khyer can/ rin po che'i dra bas g.yogs pa/ rin po che'i dril bu g.yer ki'i dra bas sbrel pa/ mu tig gi rgyan 'phreng rab tu sbyangs pa ras btsas bu brgya stong du ma bting ba brgyad khri bzhi stong byang chub sems dpa'i ched du bshams so/ / zhi ba'i blo gros de nas byang chub sems dpas seng ge'i khri brgyad khri bzhi snang po de dag thams cad la bdag nyid 'dug par kun tu bstan par gyur to/ / lha'i bu de dag gis kyang gzhan dang gzhan du mi mthong mo shes te/ lha'i bu re res kyang 'di ltar byang chub se dpa' ni bdag gi seng ge'i khri la bzhugs so/ / bdag gi seng ge'i khril bzhugs nas bla na med pa yang dag par rdzogs pa'i byang chub tu mngon par rdzogs par 'chang rgya bar 'gyur par shes te/ de dag dga' ba dang mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur te// byang chub kyi snang par bzung le'u zhes bya ste bcu gnyis pa'o/ / / ni ba mi zla gras byang chub sems dpa' seng ge'i khri la 'dug me rab tu/ de na mi smin mtshams kyi mdzangad gA'i bar nas bdud du

  454. 228a

    ba zhes bya'i 'od phyung ste/ 'od des stong gsum gyi stong chen po'i 'jig rten gyi khams 'di na 'khod pa'i bdud bye ba phrag bzhi brgya la reg go// 'od des de dag la reg ma thag tu rang rang gi gnas na 'khod bzhin du spu zing zhes byed de/ rang gi bdud kyi gnas tshig cing mog mog por gyur par shes nas/ de dag 'di snyam du sems te/ gang gi phyir gnas 'di dag mog mog por gyur par snang ba 'di la rgyun ci zhig yod/ rkyen ni ci zhig yod/ byang chub sems dpa' 'am/ gcig byang chub kyi snying por 'dug nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur grang snyam ste/ rnam par bltas pa dang / byang chub sems dpa' byang chub kyi snying po la 'dug par mthong ngo/ / de nas bdud sdig can de dag rang rang gi gnas nas mi snang bar gyur nas/ bdud re re'ang gnod sbyin kha dog rnam pa mang po dang / cha byad rnam pa mang po dang / dbyibs rnam pa mang po dang / chu zheng rnam pa mang po dang / g.yo ba rnam pa mang po dang / mgo rnam pa mang po dang / mtshon cha rnam pa mang po dang / rgyal mtshan rnam pa mang po thogs pa bye ba khrag khrig brgya stong dag gis bskor te/ smra ba rnam pa mang po smra zhing bdud kyi mthu chen po dang / bdud kyi rdzu 'phrul chen pos bdud re res kyang bdud kyi 'khor gyis brgyar dpag tshad

  455. 228b

    nyi khri ste khor yug tu dpag tshad brgyad khri bzhi stong bkang nas/ byang chub kyi shing drung du dong ngo // zhi ba'i blo gros 'khor chen po de dag dong ma thag tu/ de nas de'i tshe yid du mi 'ong ba mnyan par mi 'os pa/ mi snyan pa/ u dug ces bya ba dang / bi cig ces bya ba dang / hu lu hu la zhes bya ba dang / rgyob cig/ zung zhig/ sod cig/ chings shig/ ces bya ba'i sgra chen po de lta bu phyung bar gyur to// gal te 'dod chag dang ma bral ba'i sems can rnams kyis sgra de thos la/ zhi ba'i blo gros gal te byang chub sems dpas sgra de mi grag bar ma byas na ni/ de dag kho nas khrag dron po skyug cing 'chi ba 'am/ shi la thug pa'i sdug bsngal rnyed par 'gyur ro// de na ni byang chub sems dpa' snying rje chen pos non pas/ sems can la rnam par 'tshe bar gyur du 'ong zhes sgra de mi grag par byas par gyur to// zhi ba'i blo gros 'di'ang byang chub sems dpa'i thabs la mkhas pa'i yul yin no// zhi ba'i blo gros sgra de lta bu de zos kyang / byang chub sems dpa' ni tha na spu g.yos par yang ma gyur to// de ci'i phyir zhe na/ sgra 'di dag thams cad brag ma dang mtshungs par legs par rtogs ba'i phyir ro/ zhi ba'i blo gros byang chub sems dpa'i bsnyen bkur ba'i lha rnams kyis bdud lpags par rig nas/ bdud sdig can de dag la zlog pa rnam pa bcu drug pa

  456. 229a

    zlog par byed de/ sdig can dag 'phongs par 'gyur ba gdon par dka' ba rnam pa 'di lta bu 'di dag gis ci zhig byas zang zhig/ de ci'i phyir zhe na/ sdig can khyed ni gyang stobs chung ngu la gyad stobs chen po bab pa ltar/ do mod byang chub sems dpas brdabs par 'gyur ro// sdig can khyed ni dpa' bo chen pos pha rol gyi sde bcom pa ltar do mod byang chub sems dpas pham par byas par 'gyur ro/ / sdig can khyed ni srin bu me khyer la zla ba'i dkyil 'khor bab pa ltar/ do mod byang chub sems dpas zil gyis gnon par 'gyur ro/ / sdig can khyed ni phub ma spar gang la rlung mar bab pa ltar/ da mad byang chub sems dpas gtor bar 'gyur ro// sdig can khyed ni shing sA la chen po rtsa nas chang pa ltar/ do mod byang chub sems dpas bsgyel bar 'gyur ro// sdig can khyed ni ri dgas kyi tshogs la seng ge bab pa ltar/ ngo mod byang chub sems dpas spangs par byas par 'gyur ro// sdig can khyed ni brjes kyi chu la nyi tshan bab pa ltar/ do mod byang chub sems dpas yongs su zad par byas par 'gyur ro// sdig can khyed ni mi mdza' ba'i grong khyer la rgyal po chen po bab pa ltar/ do mod byang chub sems dpas brlag par 'gyur ro// sdig can khyed ni mi g.yon can dang gsad par bya ba shar ba ltar/ ngo mod byang chub sems dpas 'bros par byed par 'gyur ro//

  457. 229b

    sdig can khyed ni tshong pa lam brgyags mang po mes tshig pa ltar/ do mod byang chub sems dpas mgo 'khor bar byed par 'gyur ro// sdig can khyed ni chos kyi rgyal po rgyal srid nyams pa ltar/ do mod byang chub sems dpas mya ngan byed du bcug par 'gyur ro// sdig can khyed ni khrung khrung rgan po 'dab ma bregs pa ltar/ de med byang chub sems dpas sems khengs su bcug par 'gyur ro/ / sdig can khyed ni 'brog mgon par lam brgyad chad pa ltar/ do mod byang chub sems dpas 'phongs par byas par 'gyur ro// sdig can khyed ni rgya mtsho chen po dbus su gru zhig pa ltar/ do mod byang chub sems dpas smre sngags 'don du bcug par 'gyur ro// sdig can khyed ni sreg pa'i bskal pas rtswa dang nags tshal ltar/ do mod byang chub sems dpas rnyis par byas par 'gyur ro/ / sdig can khyed ni rdo leb la rdo rje chen po bab pa ltar/ ngo mod byang chub sems dpas rnam par gtar bar 'gyur ro// zhi ba'i blo gros de ltar byang chub kyi bsnyen bkur ba'i lha rnams kyis zlog pa rnam pa bcu drug gis bdud sdig can rnams zlog par byed kyang / bdud sdig can de dag phyir ma log go/ de nas byang chub sems dpa' bskal pa grangs med pa bye ba khrag khrig brgya stong du sbyin pa dang / dul ba dang / legs par sdom pa dang / tshul khrims dang / bzod pa dang / brtson 'grus dang / bsam

  458. 230a

    gtan dang / shes rab dang / byams pa dang / snying rje dang / dga' ba dang / btang snyoms dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong dang / rig pa dang rnam par grol ba yongs su spang ba byas pas lag pa g.yas pa 'jam zhing gzhon la/ shin tu gzhon pa/ gser gyi kha dog ltar 'dug pa brkyang ste/ snying rje chen pos bskod pa dang sems can thams cad rab tu thar pa bya ba'i lhag pa'i bsam pas spyi bo nas bzung ste lus thams cad la byugs nas/ 'jig rten gyi khams thams cad kyi sangs rgyas bcom ldan 'das rnams mngon du byas te/ dran pa dang ldan zhing shes bzhin du sa chen po la brdabs so// zhi ba'i blo gros byang chub sems dpas sa chen po la brdabs ma thag tu/ de nas de'i tshes chen po rnam pa drug tu g.yos so/ / rab tu g.yos so// kun tu rab tu g.yos so// 'gul to// rab tu 'gul to// kun tu rab tu 'gul to// ldeg go// rab tu ldeg / kun tu rab tu ldeg go/ 'khrugs so// rab tu 'khrugs so// kun tu rab tu 'khrugs so// 'ur 'ur ro// rab tu 'ur 'ur ro// kun tu rab tu 'ur 'ur ro// chem tshim me/

  459. 230b

    rab tu chem chem mo// kun tu rab tu chem chem mo// shar phyogs dma' na nub phyogs mtha'o// nub phyogs dma' na shar phyogs mtho'o// lha phyogs dma' na byang phyogs mtho'o/ / byang phyogs dma' na lho phyogs mtho'o// mtha' mtho na dbus dma' 'o// dbus mtho na mtha' dma' 'o// zhi ba'i blo gros de ltar rnam pa drug dang / ltas chen po bco brgyad du sa g.yos pa chen po 'jig rten du byung bar gyur to/ / bdud sdig can rnams kyis kyang 'ur sgra dang / tug chom gyi sgra chen po dang / zung zhig pa dang rgyob cig pa dang / chings shig pa dang / sod cig pa'i sgra thos so// bdud kyi 'khor gyis ni byang chub sems dpa'i mthus/ steng gi bar snang la 'di lta bu'i sgra 'di thos so// drang srong nang na drang srong mchog/ de ni mi 'jigs sbyin pa ste// srog chags kun gyi skyabs yin gyis// 'di la skyabs su 'gro bar gyis// zhi ba'i blo gros bdud kyi 'khor gyis sgra de thos pa dang / gnod sbyin bye ba khrag khrig brgya stong phrag brgyad cu kha bub tu sa la 'gyel nas/ skyes bu chen po yongs su bskyab tu gsol yongs su bskyab tu gsol zhes tshig de smras so/ / bdud sdig can lhag ma rnams ni dpung gi tshogs dang lhan cig tu 'bros par 'dod na 'bros ma nus nas/ de dag la snying brtse ba'i phyir byang chub sems

  460. 231a

    dpas lus las 'od byung ba dang / 'od des de dag 'jigs pa thams cad dang bral te rang rang gi gnas su dong ngo // zhi ba'i blo gros byang chub sems dpas bdud 'dul ba'i rnam par sprul pa 'di bstan pa na/ bdud kyi 'khor de las gnod sbyin bye ba khrag khrig brgya stong phrag brgyad cus ni/ bla na med pa yang dag par rdzogs pa'i byang chub tu sems bskyed do/ / srog chags bye ba khrag khrig brgya stong phrag dgu bcu rtsa dgus ni/ bla na med pa yang dag par rdzogs pa'i byang chub tu sems bskyed do// lha'i ba sngon sbyang ba byas pa brgyad khri bzhi stong ni mi skye ba'i chos la bzod pa thob par gyur to/ / bdud btul ba'i le'u zhes bya ste bcu gsum pa'o// // zhi ba'i blo gros de ltar lha dang mi kha cig gis ni de ltar bdud 'dul ba tshad med pa dang ldan par shes so/ / kha cig gis ni bdud yongs thams cad du ma 'ongs par shes so// kha cig gis ni byang chub sems dpa' rtswa bting ba la 'dug par shes so/ / kha cig gis ni byang chub sems dpa' rin po che'i pad+ma bkod pa'i seng ge'i khri la 'dug par mthong ngo // kha cig gis ni byang chub sems dpa' sa la 'dug par mthong ngo / / kha cig gis ni byang chub sems dpa'anam mkha'i dkyil na gnas pa'i seng ge'i khri la 'dug par mthong ngo // kha cig gis ni byang chub kyi shing shing

  461. 231b

    gi rgyal po a shwad thar mthong ngo / / kha cig gis ni byang chub kyi shing yongs 'du sa brtol du mthong ngo // kha cig gis ni byang chub kyi shing rin po che thams cad kyi rang bzhin can du mthong ngo/ / lha dang mi kha cig gis ni byang chub kyi shing shing ta la'i srid tsam du mthong zhing / seng ge'i khri shing ta la'i phyed tsam du mthong ngo // kha cig gis ni byang chub kyi shing shing ta la bdun srid tsam du mthong zhing / seng ge'i khri shing ta la phyed dang gnyis srid tsam du mthong ngo // kha cig gis ni byang chub kyi shing dpag tshad brgyad khri bzhi stong pa'i bar du mthong zhing / sa ge'i khri dpag tshad bzhi khri nyis stong par mthong ngo / / lha dang mi kha cig gis ni byang chub sems dpa' bdud 'dul bar mthong ngo // kha cig gis ni bdud gcig mthong ngo // kha cig gis ni budad rgya chen por mthong ngo / / kha cig gis ni byang chub sems dpa' bdud 'joms pa la rtse bar mthong ngo // kha cig gis ni byang chub sems dpa' nam mkha'i dkyil na gnas shing nam mkha' la 'dug pa'i byang chub kyi shing drung na seng ge'i khri la 'dug cing / byang chub sems dpa' byang chub mngon par rdzogs par 'tshang rgya bar mthong ste/ zhi ba'i blo gros de ltar byang chub sems dpa' rnams ni yul mtha' med pa yin te/ byang chub kyi snying po mchog dam pa na 'khod pa de dag gi yon tan gyi rgyu'i khyad par ni tshad med par snang ngo // ni

  462. 232a

    blo gros byang chub sems dpa' byang chub kyi snying po mchog dam par 'dug pa dang / sngon mthun par spyod pa'i byang chub sems dpa' grangs med dpag tu med pa dag phyogs bcu'i 'jig rten gyi khams tshad med grangs med pa dag nas lhags te/ mi 'jigs pa'i sgra rjod cing shis pa'i sgra dang / bde ba'i sgra dang / kun dga' ba'i sgra dang mgyogs pa'i sgra dang / myur ba'i sgra dang / legs pa'i sgra dang / don yod pa'i sgra dang / dpa' ba'i sgra dang / skyes bu dam pa'i sgra dang / phyir mi ldog pa'i sgra dang / rgyas pa'i sgra dang / bkra shis pa'i sgra dang / mi gdung ba'i sgra dang / ma zhum pa'i sgra dang / sngon gyi bsam pa'i sgra dang / spong ba don yod pa'i sgra dang / yid bde ba'i sgra dang / rdo rje ltar mkhregs pa'i sgra dang / skyes bu dam pa rnam par rtsen pa'i sgra dang / phan pa'i sgra dang / skad cig gcig dang ldan pa'i sgra dang / thams cad mkhyen pa'i ye shes kyi sgra dang / mngon par rdzogs par byang chub pa'i sgra rjod de/ zhi ba'i blo gros de ltar byang chub kyi snying po mchog dam pa la 'dug pa'i byang chub sems dpa' la phyogs bcu'i 'jig rten gyi khams nas 'dus pa'i byang chub sems dpa' rnams kyi dbugs 'byin pa rnam pa sna tshogs brgya stong dag gis dbugs 'byin to/ / mchod pa rnam pa sna

  463. 232b

    tshogs byed do/ / bstod pa rnam pa sna tshogs byed do// 'di ni byang chub sems dpa' sngon legs par spyad pa ste/ des na phyogs bcu'i 'jig rten gyi khams nas 'dus pa'i byang chub sems dpa' de dag byang chub kyi snying po mchog dam par 'dug pa la dbugra 'byin cing mchod pa byed kyang / byang chub sems dpa' de'ang rjes su chags pa med la/ bdud kyi sde la'ang khong khro ba med do/ / zhi ba'i blo gros byang chub sems dpa' rjes su chags pa dang / khong khro ba dang bral bas skad cig gcig dang ldan pa'i shes rab kyis shes par bya ba dang // blta bar bya ba dang / thob par bya ba dang / mngon par rdzogs par byang chub par bya ba gang ci'ang rung ste/ de thams cad mngon par rdzogs par sangs rgyas so// zhi ba blo gros byang chub brnyes pa'i de bzhin gshegs pa la phyogs bcu nas sangs rgyas bcom ldan 'das grangs med dpag tu med pa dag gis phyag g.yas pa brkyang ste/ sgyu ma mnyal tam zhes spyan gsol lo/ / mnyel ba mi mnga' bar byang chub bam/ rang byung du mngon par rdzogs par byang chub bam/ sgrib pa mi mnga' bar mngon par rdzogs par byang chub bam/ mnyam pa nyid kyi ye shes kyis mngon par rdzogs par byang chub bam/ kun tu ye shes kyis mngon par rdzogs par byang chub bam/ spyod yul ma 'dres pa dang

  464. 233a

    ldan nam/ snying rje chen po'i go cha bgos sam/ dkon mchog gsum gyi rigs bsabs sam/ chos thams cad la dbang sgyur ram zhes yongs su 'dri'o/ / de la sems can gang dag dbang po yongs su smin pa de dag gis ni bya ba de shes so// sems can gang dag dbang po yongs su ma smin pa de dag gis ni bya ba de mi shes so/ / zhi ba'i blo gros byang chub brnyes pa'i de bzhin gshegs pa zhag bdun gyi bar du spyan mi 'dzum par chos kyi dga' ba'i bde ba nyams su bstar te/ sman mi 'dzums par byang chub kyi shing la'ang gzigs so/ / lha'i bu stong yang de la mchod do// bstod do// phyag 'tshal lo// lha'i bu mo brgya stong dag kyang de la mchod pa byed do// bstod do// phyag 'tshal lo// de bzhin gshegs pa'i spyod lam mthong nas/ bla na med pa yang dag par rdzogs pa'i byang chub tu sems kyang bskyed do// zhi ba'i blo gros de bzhin gshegs pas byang chub brnyes pa dang / rgyal po chen po bzhi lhung bzed rnams thogs te/ de bzhin gshegs pa'i gan du dong bar gyur to// bzhi gang zhe na/ yul 'khor srung dang / 'phags skyes po dang / mig mi bzang dang / rgyal po chen po rnam thos kyi bu ste/ rgyal po chen po bzhi po de dag go// gling bzhi pa 'di nas ji ltar dong ba de bzhin du gling bzhi pa bye

  465. 233b

    ba phrag brgya nas rgyal po chen po bye ba phrag bzhi brgya lhung bzed rnams thogs te/ de bzhin gshegs pa'i gan du dong ngo // zhi ba'i blo gros de bzhin gshegs pas lhung bzed bye ba phrag bzhi brgya rnams bzhes te/ bzhes nas kyang lhung bzed gcig tu byin gyis brlabs nas/ rgyal po chen po re re'ang 'di snyam du de bzhin gshegs pas bdag gi lhung bzed bzhes so/ / de bzhin gshegs pa bdag gi lhung bzed du gsol la snyam du sems te/ de dag dga' ba dang / mchog tu dga' ba de nyid kyis bla na med pa yang reg par rdzogs pa'i byang chub las phyir mi ldog par gyur to/ / zhi ba'i blo gros de bzhin gshegs pas byang chub bsnyes nas/ tshong pa ga gon dang / bzang po dang / gzhan yang lha'i bu drug khri de bzhin gshegs pa'i thog ma'i zhal zas thogs nas dong bar gyur te/ de dag ni sngan 'di skad du bdag cag gis de bzhin gshegs pa la thog mar zhal zas dbul lo zhes smon lam btab par gyur pa dag go/ / de dag gis de bzhin gshegs pa la thog mar zhal zas phul nas dga' ba dang / mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to/ / zhi ba'i blo gros de ltar byang chub sems dpa'i byang chub kyi snying po mchog dam par 'dug ste/ thams cad mkhyen pa

  466. 234a

    thob pa las byang chub brnyes pa dang / de bzhin gshegs pas chos kyi 'khor lo ma bskor ba'i bar du sems can gyi don mdzad pa de ni rab tu mang gi/ sems dang po bskyed pa nas bzung ste/ byang chub kyi snying por song ba'i bar du ni de lta ma yin no// zhi ba'i blo gros khyed kyis rnam grangs 'dis kyang ji lta ji ltar byang chub sems dpa' byang chub la nye bar gyur pa de lta de ltar sems can tshad med pa'i don byed pa de ltar shes par bya'o/ / zhi ba'i blo gros de bzhin gshegs pas byang chub brnyes nas tshangs pa gtsug bud can zhes bya ba tshangs ris kyi lha'i bu 'bum phrag drug cu rtsa brgyad kyis bskor cing mdun du bdar te/ tshangs pa'i 'jig rten nas mi snang bar gyur nas/ bcom ldan 'das kyi spyan sngar byin te/ bcom ldan 'das kyi zhabs la mgo bos phyag 'tshal nas lan bdun bskor ba byas te/ bcom ldan 'das la chos kyi 'khor lo bskor ba'i phyir/ sems can chos snod du gyur pa dag mchis te/ de bzhin gshegs pa'i chos bstan pa 'tshal bar 'gyur gyis/ bcom ldan 'das kyis chos bstan du gsol/ bde bar gshegs pas chos bstan du gsol/ zhes gsol ba btab bo// de ni sngon gyi smon lam gyis gyur pa ste/ gang gis rgyal po yul 'khor srung gi bur khas blangs nas/ bdag gis bskal pa bzang

  467. 234b

    po pa'i de bzhin gshegs pa byang chub brnyes pa thams cad la chos kyi 'khor lo bskor bar bskal lo zhes smon lam btab pa yin no/ / zhi ba'i blo gros tshangs pa gtsug pud can nyid kyis de bzhin gshegs pa la chos kyi 'khor lo bskor bar gsol ba btab kyi/ gzhan dag gis ni ma yin no snyam du khyod sems na de ltar mi blta'o// de ci'i phyir zhe na/ ji ltar tshangs pa gtsug bud can gyis gsol ba btab pa de bzhin du/ tshangs pa bye ba phrag bcus kyang de bzhin gshegs pa la gsol ba btab par gyur to// brgya byin bye ba phrag bcu dang / byang chub sems dpa' bye ba phrag bcus kyang bcom ldan 'das la chos kyi 'khor lo bskor bar gsol ba btab par gyur to/ / gang gi tshe bcom ldan 'das kyis chos kyi 'khor le bskor bar gnang ba de'i tshe/ tshangs pa gtsug bud can gyis grong khyer wA ra NA sir drang srong ltung ba ri dgas kyi nags su bcom ldan 'das kyi seng ge'i khri 'phang du dpag tshad bzhi khri nyis stong yod pa/ rnam pa thams cad kyi mchog dang ldan pa/ bkra ba/ blta na sdug pa sa'i steng na 'dug pa bshams par gyur to// ji ltar tshangs pa gtsug pud can gyis de bzhin gshegs pa'i seng ge'i khri bshams par gyur pa de bzhin du/ tshangs pa bye ba phrag bcu dang / brgya byin bye ba phrag bcu dang / byang chub sems dpa' 'khor dang bcas pa bye ba phrag

  468. 235a

    bcus kyang bcom ldan 'das kyi seng ge'i khri bkra ba/ blta na sdug pa/ rnam pa thams cad kyi mchog dang ldan par bshams par gyur to// zhi ba'i blo gros de nas bcom ldan 'das grong khyer chen po wA ra NA si ga la ba dang / drang srong lhung ba ri dgas kyi gnas ga la ba der gshegs te/ byon nas seng ge'i khri de dag thams cad la bdag nyid bzhugs par kun tu bstan to/ / de na re res kyang de bzhin gshegs pa bdag gi seng ge'i khri la bzhugs so// bdag gi seng ge'i khri la bzhugs nas chos kyi 'khor lo bskor bar 'gyur bar shes te/ de dag dga' ba dang mchog tu dga' ba de nyid kyis bla na med pa yang dag par rdzogs pa'i byang chub las phyir mi ldog par gyur to// bcom ldan 'das seng ge'i khri de la bzhugs ma thag tu/ de nas de'i tshe phyogs bcu mtha' yas mu med pa'i 'jig rten gyi khams rab tu g.yos te/ snang ba chen pos khyab par gyur de nas de'i tshe bcom ldan 'das kyis yul mtha' yas pa zhes bya ba'i ting nge 'dzin la mnyam par gzhag go/ / bcom ldan 'das kyis yul mtha' yas pa'i ting nge 'dzin de la mnyam par gzhag ma thag tu/ de nas de'i tshe stong gsum gyi stong chen po'i 'jig rten gyi khams bskam par gyur par gnas te/ lag mthil ltar gyur to// stong

  469. 235b

    gsum gyi stong chen po'i 'jig rten gyi khams na sems can dmyal ba pa 'am/ dud 'gro'i skye gnas pa 'am/ gshin rje'i 'jig rten pa 'am/ mi 'am/ lha 'am/ sems can ji snyed yod pa de dag thams cad de'i tshe bde ba dang ldan par gyur te/ sems can gang la'ang 'dod chags kyis gnod pa med cing / zhe sdang gis ma yin/ gti mug gis ma yin te/ nyon mongs pa thams cad kyis gnod pa med cing gcig la gcig pa ma tsam du 'du shes te byams pa'i sems dang ldan par gyur te// bcom ldan 'das kyis yul bsam gyis mi khyab pa'i ting nge 'dzin de la mnyam par gzhag ma thag tu de'i tshe/ bcom ldan 'das la chos nyan pa'i phyogs bcu nas byang chub sems dpa' grangs med dpag tu med pa dag lhags par gyur to/ / stong gsum gyi stong chen po'i 'jig rten gyi khams na dbang che bar grags pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ji snyed 'khod pa de dag thams cad kyang bcom ldan 'das las chos mnyan pa'i phyir/ bcom ldan 'das ga la ba der dong ngo // zhi ba'i blo gros de ltar de'i tshe stong gsum gyi stong chen po'i 'jig rten gyi khams 'di na/ bcom ldan

  470. 236a

    'das la chos nyan pa dbang che ba/ dbang che bar grags pa dag gis sa phyogs gang khyab par ma gyur pa de ni tha na skra'i rtse mo'i cha bzhag pa tsam yang med do/ / de nas bcom ldan 'das kyis 'khor chen po de 'dus par mkhyen nas dran pa dang ldan zhing mkhyen bzhin du ting nge 'dzin de las bzhengs te/ de bzhin gshegs pa'i spyan thugs rje chen pos bskyod pas thams cad dang ldan pa'i 'jig rten la rnam par gzigs nas dge sbyong ngam/ bram ze 'am/ gang yang rung bas chos dang mthun par 'jig rten du ma bskor ba'i chos kyi 'khor lo bskor to/ / zhi ba'i bla gros de bzhin gshegs pas chos kyi 'khor lo de ni ci nas kyang 'khor 'dus pa'i sems can rnams rang rang gi rnam par rig pa bzhin du kun tu shes te/ sems can thams cad kyi sems kyi bsam pa tshim par bya ba'i phyir bskor te/ gang gi tshe bcom ldan 'das kyis chos kyi 'khor lo bskor ba de'i tshe chos mnyan pa'i phyir phyogs bcu nas byang chub sems dpa' grangs med dpag tu med pa dag 'dus par gyur to/ / 'dod pa na spyod pa dang / gzugs na spyod pa'i lha'i bu bye ba khrag khrig brgya stong dag kyang 'dus par gyur to/ / zhi ba'i blo gros de la gang gi tshe/ bcom ldan 'das kyis gsung 'di skad du/ ko'u di n+ya mig mi

  471. 236b

    rtag go zhes bka' stsal pa de la sdug bsngal gyi sgras 'dul ba rnams kyis ni mig sdug bsngal lo zhes thos so/ / bdag med pas 'dul ba rnams kyis ni mig bdag med pa'o zhes thos so/ / stong pa nyid kyis 'dul ba rnams kyis ni mig stong ngo zhes thos so// zhi bas 'dul ba rnams kyis ni mig zhi ba'o zhes thos so// dben pas 'dul ba rnams kyis ni mig dben pa'o zhes thos so/ / mi rtag pas 'dul ba rnams kyis ni mig mi rtag pa'o zhes thos so// gnas med pas 'dul ba rnams kyis ni mig gnas med pa'o zhes thos so// sgyu ma lta bus 'dul ba rnams kyis ni mig sgyu ma lta bu'o zhes thos so// rmi lam lta bus 'dul ba rnams kyis ni mig rmi lam lta bu'o zhes thos so// chu zla lta bus 'dul ba rnams kyis ni mig chu zla lta bu'o zhes thos so/ / mig yor lta bus 'dul ba rnams kyis ni mig mig yor lta bu'o zhes thos so// brag cha lta bus 'dul ba rnams kyis ni mig brag cha lta bu'o zhes thos so/ / de bzhin du stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang / skye ba med pas 'dul ba rnams kyis ni mig stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang / ma byung bar

  472. 237a

    zos so/ / rten cing 'brel par 'byung bas 'dul ba rnams kyis ni mig rten cing 'brel par 'byung ba'o zhes thos so// mig ji lta ba bzhin du yid kyi bar du rten cing 'brel par 'byung ngo zhes thos so/ / de bzhin du gzugs rnams dang / sgra rnams dang / dri rnams dang / ro rnams dang / reg bya rnams dang / chos rnams stong ngo zhes thos so/ / kha cig gis ni phung po mi rtag pa dang / kha cig gis ni khams mi rtag par thos so// kha cig gis ni skye mched bdag med pa'o zhes thos so// kha cig gis ni phung po mi rtag pa nyid du thos la/ khams la mi rtag pa nyid du ma yin no// kha cig gis ni khams la mi rtag pa nyid du thos la/ phung por mi rtag pa nyid du ma yin no/ / kha cig gis ni sdug bsngal gyi sgras rnam par grol lo// kha cig gis ni kun 'byung ba'i sgras rnam par grol lo// kha cig gis ni 'gog pa'i sgras rnam par grol lo// kha cig gis ni lam gyi sgras rnam par grol lo// kha cig gis ni dran pa nye bar gzhag pa'i gtam du thos so// kha cig gis ni yang dag par spong ba'i gtam du thos so// kha cig/ gis ni rdzu 'phrul gyi rkang pa'i gtam du thos so// kha cig gis ni dbang po'i gtam du thos so// kha cig gis ni stobs kyi gtam du thos so// kha cig gis ni byang chub kyi yan

  473. 237b

    lag gi gtam du thos so/ / kha cig gis ni lam gyi gtam du thos so// kha cig gis ni zhi gnas kyi gtam du thos so// kha cig gis ni lhag mthong gi gtam du thos so// kha cig gI ni brten pa'i gtam du thos so/ / kha cig gis ni nyan thos dang rab tu ldan pa'i gtam du thos so// kha cig gis ni rang sangs rgyas dang rab tu ldan pa'i gtam du thos so// kha cig gis ni theg pa chen po dang ldan pa'i gtam du thos to/ / zhi ba'i blo gros de ltar na de bzhin gshegs pas sems can thams cad kyi sems kyis bsam pa tshim par bya ba'i phyir chos kyi 'khor lo bskor to/ / zhi ba'i blo gros de ltar de bzhin gshegs pas chos kyi 'khor lo bskor ba la sems can gyi don mdzad pa gang yin pa de/ dge slong shA ri'i bus kyang sems can de dag bgrang ba'i rtog pas lo brgyar yang rtogs par mi nus na/ sems can gzhan dag gis lta smos kyang ci dgos/ bcom ldan 'das kyis dka' ba spyad pa dang / byang chub kyi snying por 'gro ba dang / bdud 'dul ba dang / bkod pa dang / seng ge'i sgra dang / rnam par rol pa dang / chos kyi 'khor lo bskor ba bstan pa 'od bshad pa na/ srog chags brgyad khri bzhi stong gis bla na med pa yang dag par rdzogs pa'i byang chub tu sems bskyed do/ / sems can tshad med pa dag ni theg pa gsum la yongs su smin par byas so// chos kyi

  474. 238a

    'khor lo bskor ba'i le'u zhes bya ste bcu bzhi pa'o/ / / de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das bdag gis de skad bstan pas/ de bzhin gshegs pa la skur pa 'am/ gcig tu ma gyur lags sam/ 'on te de bzhin gshegs pa bstan pa dang rjes su mthun pa 'am/ cig tu lta'ang lags sam/ bcom ldan 'das de bzhin gshegs pa'i bstan pa ni zab pa lags/ bcom ldan 'das de bzhin gshegs pa'i gsang ba ni zab ste/ 'jig rten thams cad dang mi mthun pa lags/ bcom ldan 'das de bzhin gshegs pa'i thugs nges par dgongs pa ni zab lags te/ bcom ldan 'das bdag gis gang bstan pa de ni/ 'di ltar de bzhin gshegs pa'i ye shes bdag gi lus la gnas pa lags kyi 'di bdag gi rtsal gyis ni ma lags par 'tshal to// bcom ldan 'das kyis bka' stsal pa/ gsang ba pa'i bdag po de de bzhin no// ji skad du smras pa de bzhin te/ gsang ba pa'i bdag po gang su dag de bzhin gshegs pa'i rjes su 'gro ba'i phyir/ chos smra ba de dag thams cad kyi lus la de bzhin gshegs pa'i ye shes gnas so// de ci'i phyir zhe na/ gsang ba pa'i bdag po gnas ma yin zhing go skabs med de

  475. 238b

    gang de bzhin gshegs pas byin gyis ma rlabs par sems can de dag de bzhin gshegs pa'i gsang ba smra ba 'am/ de bzhin gshegs pa'i chos nyid dang mthun pa de ni gnas ma yin/ no// de ci'i phyir zhe na/ de bzhin gshegs pas byin gyis ma brlabs pa rnams kyis/ de bzhin gshegs pa'i gsang ba shes par ram/ mnyan par ram/ bshad par nus pa su zhig yod/ gsang ba pa'i bdag po de bzhin gshegs pa'i chos nyid ni mchog tu yang dag pa'o// de bzhin gshegs pa'i chos nyid ni de kho na'o// de bzhin gsheg pa'i bzhugs pa ni yang dag pa'o zhes yang dag par smra bas smra ba ni chos kyi rnam grangs 'di nyid yang dag par smra bas smra ba'o/ / de ci'i phyir zhe na/ gsang ba pa'i bdag po 'das pa dang / ma byon pa dang / da ltar byung ba'i sangs rgyas bcom ldan 'das rnams kyis bla na med pa yang dag par rdzogs pa'i byang chub 'jig rten thams cad dang mi mthun pa gang yin pa de ni// chos kyi rnam grangs 'dir bstan to// bsnyad do// rab tu bshad do// gsang ba pa'i bdag po gang dag chos kyi rnam grangs 'di thos nas mos pa dang / yid ches par 'gyur ba'i sems can de dag kyang 'jig rten thams cad dang mi mthun par 'gyur ro/ / gsang ba pa'i bdag po ri'i rgyal po ri rab ni/ mgo bos bsgyel ba 'am/ phrag pa la thogs par nus kyi

  476. 239a

    dge ba'i rtsa ba ma bskyed pa'i sems can rnams kyis ni chos kyi rnam grangs 'di la mos par ram/ dad par ram/ yid ches par yang mi nus na blang bar ram/ kun chub par bya bar ram/ gzung bar ram/ sbyor bar bya ba lta smos kyang ci dgos te/ de ni gnas ma yin no// gsang ba pa'i bdag po gang dag chos kyi rnam grangs 'di nyan pa dang / mos pa'i sems can de dag ni sangs rgyas gcig la bsnyen bkur byas pa ma yin pa nas/ sangs rgyas bcu la bsnyen bkur byas pa ma yin gyi// gsang ba pa'i bdag po skyes bu dam pa de dag ni sangs rgyas bye ba khrag khrig brgya stong mang po la bsnyen bkur byas pa dang / bsod nams kyi tshogs kyi brtan pa dang / theg pa chen po 'di la nges par byas par rig par bya'o/ / gsang ba pa'i bdag po skyes bu dam pa de dag ni sangs rgyas gcig la bsnyen bkur byas pa ma yin/ gnyis la ma yin/ gsum la ma yin/ bzhi la ma yin/ lnga la ma yin/ sangs rgyas bcu la bsnyen bkur byas pa ma yin gyi/ gsang ba pa'i bdag po sems can de dag ni sangs rgyas mang po la bsnyen bkur byas pa dang / yongs su sbyang ba byas pa dang / theg pa chen po 'di la dge ba'i rtsa ba sa bon btab pa yin no// de nas bcom ldan 'das la/

  477. 239b

    byang chub sems dpa' zhi ba'i blo gros kyis 'di skad ces gsol to// bcom ldan 'das nye bar zhi ba nye bar zhi ba zhes bgyi ba la/ nye bar zhi ba zhes bgyi ba 'di ni gang lags gang nye bar zhi bas nye bar zhi ba zhes bgyi/ bcom ldan 'das kyis bka' stsal pa/ rigs kyi bu nye bar zhi ba zhes bya ba 'di ni nyon mongs pa nye bar zhi ba'i tshig bla dgas so// nyon mongs pa nye bar zhi ba zhes bya ba 'di ni kun tu rtogs pa dang / rnam par rtog pa dang / yongs su rtog pa nye bar zhi ba'i tshig bla dgas so// kun tu rtog pa dang // rnam pa dang / yongs su rtog pa nye bar zhi ba zhes bya ba 'di ni 'du shes yid la byed pa nye bar zhi ba'i tshig bla dgas so// 'du shes yid la byed pa nye bar zhi ba zhes bya ba 'di ni byin ci log nye bar zhi ba'i tshig bla dgas so/ / phyin ci log nye bar zhi ba zhes bya ba 'di ni rgyu dang dmigs pa nye bar zhi ba'i tshig bla dgas so// rgyu dang dmigs pa nye bar zhi ba zhes bya ba 'di ni ma rig pa dang srid pa'i sred pa nye bar zhi ba'i tshig bla dgas so/ / ma rig pa dang srid pa'i sred pa nye bar zhi ba zhes bya ba 'di ni ngar 'dzin pa dang nga yir 'dzin pa nye bar zhi ba'i tshig bla dgas so// ngar 'dzin pa dang nga yir 'dzin pa nye bar zhi ba zhes bya ba 'di ni ming dang gzugs nye bar zhi ba'i tshig bla dgas so// ming dang gzugs nye bar zhi ba zhes bya ba 'ang ni chad pa dang rtag par lta ba

  478. 240a

    bar zhi ba'i tshig bla dgas so/ / chad pa dang rtag par lta ba nye bar zhi ba zhes bya ba 'di ni 'jig tshogs la lta ba nye bar zhi ba'i tshig bla dgas so// zhi ba'i rgyu gros de ltar na dmigs pa dang / rgyu dang / lta ba dang ldan pa'i kun nas nyon mongs pa 'byung ba gang yin pa de dag thams cad 'jig tshogs la lta ba las 'byung ngo // 'jig tshogs la lta ba nye bar zhi na lta ba thams cad nye bar zhi'o/ / 'jig tshogs la lta ba nye bar zhe na smon pa thams cad nye bar zhi'o// 'jig tshogs la lta ba nye bar zhi na nyon mongs pa thams cad nye bar zhi'o/ / zhi ba'i blo gros 'di lta ste/ dper na shing gi rtsa ba bcad na yal ga dang / lo ma dang / yal ga phre'u thams cad skam par 'gyur ro// zhi ba'i blo gros de bzhin du 'jig tshogs la lta ba nye bar zhi na nyon mongs pa thams cad nye bar zhi bar 'gyur ro/ / zhi ba'i blo gros 'jig tshogs la lta ba yongs su mi shes na nye bar len pa dang nye ba'i nyon mongs pa thams cad 'byung ngo / / 'dzag tshogs la lta ba yongs su shes par 'gyur na nye bar len pa dang // nye ba'i nyon mongs pa thams cad mi 'byung ste/ gnod par mi 'gyur ro/ / zhi ba'i blo gros kyis gsol pa/ bcom ldan 'das 'jig tshogs la lta ba yongs su 'tshal ba ji lta bu lags/ bcom ldan 'das kyis bka' stsal pa/

  479. 240b

    zhi ba'i blo gros bdag kun nas mi slong ba ni 'jig tshogs la lta ba yongs su shes pa'o// sems can kun nas mi slong ba dang / srog dang gang zag tu lta ba dang kun nas mi slong ba ni 'jig tshogs la lta ba yongs su shes pa'o/ / zhi ba'i blo gros lta ba de ni nang na'ang mi gnas phyi rol na'ang mi gnas so// lta ba gnas pa med pa de la mi gnas par shes pa gang yin pa 'di ni/ zhi ba'i blo gros 'jig tshogs la lta ba yongs su shes pa'o// zhi ba'i blo gros 'jig tshogs la lta ba yongs su shes pa zhes bya ba 'di ni stong pa nyid kyi tshig bla dgas te/ stong pa nyid kyi rjes su mthun pa'i bzod pas lta ba de mi 'dzin pa gang yin pa 'di'ang / zhi ba'i blo gros 'jig tshogs la lta ba yongs su shes pa'o// zhi ba'i blo gros mtshan ma med pa dang / smon pa med pa dang / mngon par 'du byed pa med pa dang / ma skyes pa dang / skye ba med pa'i lta bas 'jig tshogs shes bya ba'i lta ba de mi 'dzin pa 'di'ang / zhi ba'i blo gros 'jig tshogs la lta ba yongs su shes pa'o// zhi ba'i blo gros 'jig tshogs zhes bya ba de ni tshogs ma yin pa/ 'byung ba ma yin pa rnam par 'byung ba ma yin pa ste/ de ni gzod ma nyid nas byung ba ma yin pa kun btags pa'o// byung ba ma yin zhing kun btags pa gang yin pa de ni yongs su brtog pa ma yin/

  480. 241a

    rnam par brtag pa ma yin no// yongs su brtag pa ma yin/ rnam par brtag pa ma yin pa gang yin pa de ni bya ba ma yin pa/ rnam par bsgrub pa ma yin/ pa/ bslang ba ma yin pa/ shes par bya ba ma yin pa'o// bya ba ma yin pa dang / rnam par bsgrub pa ma yin pa dang / bslang ba ma yin pa dang / shes par bya ba ma yin pa gang yin pa de ni zhi ba zhes bya'o/ / gsol pa/ nye bar zhi ba dang ldan pa nye bar zhi ba dang ldan pa zhes bgyi ba/ gang nye bar zhi bas nye bar zhi ba dang ldan pa zhes bgyi bka' stsal pa/ dmigs pas sems 'bar bar byed de/ gang phyis dmigs par mi byed pa de mi 'bar ro// mi 'bar na nye bar zhi ba dang ldan pa zhes byazhi ba gros 'di lta ste/ dper na me ni rgyu las 'bar gyi/ rgyu med na 'chi bar 'gyur ro// de bzhin du dmigs pa las sems 'bar gyi/ mims pa ma / bam po bdun pa// zhi ba'i blo gros de la byang chub sems dpa' thabs la mkhas pa shes rab kyi rang ba zhi ba nyid du'ang rab tu shes la/ dge ba'i rtsa ba la dmigs pa'ang zhi bar mi byed do// nyon mongs pa la dmigs pa'ang mi skyed la/ ral tu d

  481. 241b

    o/ / bdud dang nye ba'i nyon mongs pa'i dmigs pa'ang spong la/ byang chub kyi phyogs dang mthun pa'i chos la dmigs pa'ang mi spang // nyan thos dang rang sangs rgyas kyi chos 'dang / ba la dmigs pa'ang mi len la/ thams cad mkhyen pa nyid kyi sems la dmigs pa'ang mi 'dor ro// stong pa nyid du dmigs pa la'ang rab tu rtog la/ sems can thams cad snying rje chen po'i dmigs par yang lta'o/ / zhi ba'i blo gros de ltar byang chub sems dpa' thabs la mkhas pa shes rab kyi pha rol tu phyin pa yongs su dag pa ni dmigs pa la dab thob ste/ ma skyes pa'i dmigs pa la'ang nges par sems la/ bsams bzhin du skye ba'i dmigs pa'ang mi spong ngo // mngon par 'du bya ba med pa'i dmigs pa la'ang 'jug la/ dge ba'i rtsa ba mngon par 'du bya ba'i dmigs pa'ang nyams 'og tu chud par byed do// mtshan ma med pa'i dmigs pa la'ang dpyod la/ byang chub kyi sems kyi dmi pa'ang chud mi gson to/ / smon pa med pa'i dmigs pa'ang rnam par mthong la/ khams gsum pa'i dmigs pa la'ang mi smod do// shes rab dang thabs las nges par byung ba/ de ni dmigs pa thams cad la dbang byed par 'gyur te/ de mi sdug pa la dmigs nas/ de bzhin gshegs pa'i ska sdug pa la sems gnas so// mi reg pa la dmigs

  482. 242a

    nas/ 'khor ba la sems yongs su mi skyo ba nyid du sems gnas so// sdug bsngal la dmigs nas/ sems can thams cad mya ngan las 'das pa bde ba la bgod par sems gnas so/ / bdag med pa la dmigs nas/ sems can thams cad la snying rje chen po'i sems gnas so// 'dod chags la dmigs nas/ sems can 'dod chags la spyod pa rnams la mi sdug pa'i sman chen po yang dag par bstan par sems gnas so// zhe sdang la dmigs nas/ sems can zhe sdang la spyod pa rnam la byam pa chen po'i sman chen po yang dag par bstan par sems gnas so/ / gti mug la dmigs nas/ sems can gti mug la spyod pa rnams la rten cing 'brel par 'byung ba'i sman chen po yang dag par bstan par sems gnas so/ / cha mnyal dmigs nas/ sems can cha mnyam pa la spyod pa rnams la mi rtag pa'i 'du shes kyi sman chen// po yang dag par bstan par sems gnas so// 'dod chags dang bral ba la dmigs nas/ nyan thos su 'dul bar sems gnas so// zhe sdang dang bral ba la dmigs nas rang sangs rgyas su 'dul bar sems gnas so/ / gti mug dang bral ba la dmigs nas/ byang chub sems dpar 'dul bar sems gnas so// gzugs la dmigs nas/

  483. 242b

    de bzhin gshegs pa'i gzugs thob par bya bar sems gnas so// sgra la dmigs nas/ de bzhin gshegs pa'i sgra dbyangs thob par bya bar sems gnas so// dri la dmigs nas/ de bzhin gshegs pa'i tshul khrims kyi dri bsrung thob par bya bar sems gnas so// ro la dmigs nas/ de bzhin gshegs pa'i skyes bu chen po'i mtshan ro bro ba'i mchog thob par bya bar sems gnas so/ / reg bya la dmigs nas/ de bzhin gshegs pa'i phyag dang zhabs 'jam zhing gzhon pa thob par bya bar sems gnas so/ / chos la dmigs nas/ de bzhin gshegs pa'i sems nges par sems pa thob par bya bar sems gnas so// sbyin pa la dmigs nas/ mtshan dang dpe byad bzang po thob par bya bar sems gnas so/ / tshul khrims la dmigs nas/ sangs rgyas kyi zhing yongs su dag par sems gnas so// bzod pa la dmigs nas// / tshangs pa'i sgra dbyangs dang gser gyi mdog tu 'dug pa'i pags pa thob par bya bar sems gnas so// brtson 'grus la dmigs nas/ sems can thams cad bsgral bar sems gnas so/ / bsam gtan la dmigs nas/ mngon par shes pa bskyed par sems gnas so// shes rab la dmigs nas/ sems can thams cad

  484. 243a

    kyi lta ba dang / nyon mongs pa'i kun nas nyon mongs pa rgyun bcad par sems gnas so// byams pa la dmigs nas/ sems can thams cad la khong khro ba'i sems med par bya bar sems gnas so/ / snying rje la dmigs nas/ dam pa'i chos yongs su gzung bar sems gnas so// dga' ba la dmigs nas/ chos bstan pa la mchog tu dga' bar bya bar sems gnas so// btang snyoms la dmigs nas/ sems can rjes su chags pa dang khong khro ba spong ba la sbyar bar sems gnas so/ / bsdu ba'i dngos po la dmigs nas/ sems can yongs su smin par bya bar sems gnas so// ser sna'i skyon la dmigs nas/ bdog pa thams cad yongs su btang bar sems gnas so/ / 'chal pa'i tshul khrims kyi skyon la dmigs nas/ tshul khrims rnam par dag par bya bar sems gnas so// gnod sems kyi skyon la dmigs nas bzod pa'i stobs dang nges pa la sems gnas so/ / le lo'i skyon la dmigs nas/ de bzhin gshegs pa'i stobs yongs su bsgrub par sems gnas so/ / g.yeng ba'i skyon la dmigs nas/ de bzhin gshegs pa'i bsam gtan thob par bya bar sems gnas so// 'chal pa'i shes rab kyi skyon la dmigs

  485. 243b

    nas/ chags pa med pa'i ye shes rab tu rdzogs par bya bar sems gnas so// nyan thos dang rang sangs rgyas yid la byas nas/ theg pa chen po yang dag par bsgrub/ par sems gnas so// yid 'byung ba yid la byas nas/ sdig pa thams cad mi bya bar sems gnas so// ngan 'gro ngan song yid la byas nas/ ngan 'gro ngan song dang mi khom par skyes pa'i sems can thams cad yongs su bskyab par sems gnas so/ / lha yid la byas nas/ 'byor pa thams cad mthar rgud par 'gyur bar sems gnas so/ / mi yid la byas nas/ snying po blang bar sems gnas so// sangs rgyas rjes su dran pa yid la byas nas/ sangs rgyas dang phrad par bya bar sems gnas so/ / chos rjes su dran pa yid la byas nas/ slob dpon gyi chos la dpe mkhyud med par bya bar sems gnas so// dge 'dun rjes su dran pa yid la byas nas/ phyir mi ldog pa'i chos thob par bya bar sems gnas so// gtong ba rjes su dran pa yid la byas nas/ gtong ba thams cad yongs su gtong bar sems gnas so/ / tshul khrims rjes su dran pa yid la byas nas/ smon pa dang / bsam gtan dang / byang chub kyi yan lag yongs su rdzogs par bya bar sems

  486. 244a

    gnas so/ / lha rjes su dran pa yid la byas nas/ lha thams cad kyis bstod cing bsngags pa'i sangs rgyas kyi ye shes la gnas par bya bar sems/ gnas so// lus yid la byas nas/ sangs rgyas kyi sku thob par bya bar sems gnas so// ngag yid la byas nas/ sangs rgyas kyi gsung zab par bya bar sems gnas so/ / sems yid la byas nas/ sangs rgyas dang mnyam pa'i sems thob par bya bar sems gnas so// 'dus byas la dmigs nas/ de bzhin gshegs pa'i ye shes yongs su rdzogs par bya bar sems gnas so/ / 'dus ma byas la dmigs nas/ sangs rgyas kyi ye shes yongs su rdzogs par bya bar sems gnas te/ zhi ba'i blo gros de ltar na byang chub sems dpa' thams cad mkhyen pa'i ye shes kyi phyir yid la mi byed pa'i dmigs pa de gang yang med do// byang chub sems dpa' de'i dmigs thams cad ni byang chub tu yongs su bsngos pa'o/ / chos thams cad byang chub kyi rjes su song bar mthong ba 'di'ang byang chub sems dpa'i thabs la mkhas pa ste'i blo gra 'di lta ste/ dper na stong gsum gyi stong chen po'i 'jig rten gyi khams na sa la skye ba ni/ skye ba ji lta bar skyes pa'i sems can rnams kyi yongs su spang bar mi 'gyur ba

  487. 244b

    gang yang med do/ / zhi ba'i blo gros de bzhin du byang chub sems dpa' thabs la mkhas pa'i byang chub kyi phyir yongs su spyad pa dang / byang chub kyi phyir phan 'dogs par mi mthong pa'i dmigs pa gang yang med do/ / zhi ba'i blo gros 'di lta ste/ dper na gzugs gang ci'ang rung ste/ de thams cad ni 'byung ba chen po bzhi las gyur pa'o// zhi ba'i blo gros de bzhin du thabs la mkhas pa'i byang chub sems dpa' rnams kyi dmigs pa gang ci'ang rung ste/ de thams cad ni byang chub kyi rnam pa dang yang dag par ldan pa'o// zhi ba'i blo gros sems can gang dag 'jungs pa dang / byas pa mi gzo ba de dag las byang chub sems dpa'i sbyin pa'i pha rol tu phyin pa dang / tshul khrims kyi pha rol tu phyin pa yongs su rdzogs par 'gyur ro/ / sems can gang dag khro ba la spyod pa dang / lo lo can de dag las byang chub sems dpa'i bzod pa'i pha rol tu phyin pa dang / brtson 'grus kyi pha rol tu phyin pa yongs su rdzogs par 'gyur ro/ / sems can gang dag glen pa dang / rmongs pa de dag las byang chub sems dpa'i bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par 'gyur ro// sems can gang dag pan mi 'dogs pa de dag la byang chub sems dpa' khong khro ba'i semaso su

  488. 245a

    mi 'gyur ro/ / sems can gang dag phan 'dogs pa de dag la byang chub sems dpa' rjes su chags pa'i sems su mi 'gyur ro// sems can gang dag bsngags pa rjod pa de dag la'ang byang chub sems dpa' khengs par mi 'gyur ro/ / sems can gang dag bsngags pa mi rjod pa de dag la'ang byang chub sems dpa' rtso bar mi 'gyur ro/ / sems can gang dag sdug bsngal ba de dag la byang chub sems dpa' snying rje chen po skye'o// sems can gang dag bde ba de dag la byang chub sems dpa' dga'// pa dang mchog tu dga' ba skye'o// sems can gang dag gdul dka' ba dang / dmu rgod de dag la byang chub sems dpa' zhi gnas kyi sems skye'o// sems can gang dag cang shes pa de dag la byang chub sems dpa' byas pa gzo ba'i blo skya'o/ / sems can gang dag rkyen gyi stobs can yin pa de dag la byang chub sems dpa' rjes su bsrung ba'i bla skye'o/ / sems can gang dag rgyu'i stobs can yin pa de dag la byang chub sems dpa' chad pas bcad pa dang / bsdigs pa dang / gdams pa'i blo skye'o// sem can gang dag zur tsam gyis go ba de dag la byang chub sems dpas zab mo'i gtam brjod par bya'o/ / sems can gang dag rnam par spros pas go ba de dag la byang chub sems

  489. 245b

    dpas gtam rgyas par brjod par bya'o/ / sems can gang dag kri dgos pa de dag la byang chub sems dpas gtam go rims su phab ste brjod par bya'o// sems can gang dag tshig lhur len pa de dag la tshig dang yi ge bsnyungs te gtam brjod par bya'o/ / gang dag zhi gnas sngon du 'gro ba de dag lhag mthong gi gtam brjod par bya'o// gang dag lhag mthong sngon du 'gro ba de dag la ting nge 'dzin la 'jug pa'i gtam brjod par bya'o/ / gang dag tshul khrims la chags pa de dag la mthar phyin pa ma yin pas yang sems can dmyal ba'i gtam brjod par bya'o/ / sems can gang dag thos pa la chags pa de dag la 'byung ba'i gtam brjod par bya'o// sems can gang dag ting nge 'dzin la chags pa de dag la shes rab la 'jug pa'i gtam brjod par bya'o/ / sems can gang dag dgon pa'i gnas la chags pa de dag la sems dben par bya ba'i gtam brjod par bya'o// gang dag sbyangs pa'i yon tan dang yo byad bsnyungs pa la chags pa de dag la 'phags pa'i shes rab kyi dbang ba'i gtam brjod par bya'o// gang dag gti mug che ba de dag la thos pas snang ba'i gtam brjod par bya'o/ / gang dag 'dod chags kyis non pa de dag la mi sdug pa'i gtam brjod par bya'o// gang dag zhe sdang gis nan pa de dag la byams pa'i//

  490. 246a

    gtam brjod par bya'o// gang dag gti mug gis non pa de dag la rten cing 'brel par 'byung ba'i gtam brjod par bya'o// sems can gang dag cha mnya pa la spyod pa de dag la skabs skabs su gtam rgyas par brjod par bya ste/ 'di lta ste/ mi sdug pa'i gtam dang / byams pa'i gtam dang / rten cing 'brel par 'byung ba'i gtam brjod par bya'o/ / sems can gang dag rjes su mthun pa'i gtam gyis 'dul ba de dag la/ lhag pa'i tshul khrims kyi gtam brjod par bya/ lhag pa'i sems kyi gtam brjod par bya/ lhag pa'i shes rab kyi gtam brjod par bya'o// gang dag sangs rgyas kyis 'dul ba de dag la bden pa'i gtam gyi rjes su mthun par byang chub kyi phyogs kyi chos kyi gtam brjod par bya'o/ / sems can gang dag sma dbab pas 'dul ba de dag la gdong bsgyur te phyis chos kyi gtam brjod par bya'o// gang dag rgyun mi 'chad pa bstan pas 'dul ba de dag la rtag par rgyun du bstan pa bstan par bya'o/ / dbang po yongs su ma smin pa rnams la ni chos kyi gtam brjod par mi bya'o// gang dag sna tshogs kyi gtam gyis 'dul ba de dag la rtogs pa brjod pa dang / gtan la bab pa bstan pa dang / dpe dgod pa'i gtam brjod par bya'o// sems can gang dag zab mo'i gtam gyis 'dul ba

  491. 246b

    de dag la rten cing 'brel par 'byung ba'i gtam dang / sems can med pa'i gtam dang / gang zag med pa'i gtam brjod par bya'o// lta bar bying ba rnams la stong pa nyid kyi gtam brjod par bya'o/ / rnam par rtog pa la spyod pa rnams la mtshan ma med pa'i gtam brjod par bya'o// sems can smon lam spyod pa rnams la smon pa med pa'i gtam brjod par bya'o/ / phung po la gnas pa rnams la sgyu ma'i chos nyid kyi gtam brjod par bya'o// khams la gnas pa rnams la rab tu dben pa'i gtam brjod par bya'o// skye mched la gnas pa rnams la rmi lam lta bu'i gtam brjod par bya'o/ / 'dod pa'i khams la gnas pa rnams la kun tu 'bar ba'i gtam brjod par bya'o// gzugs kyi khams la gnas pa rnams la 'du byed thams cad sdug bsngal ba'i gtam brjod par bya'o/ / gzugs med pa'i khams la gnas pa rnams la 'du byed thams cad mi rtag pa'i gtam brjod par bya'o// sdug bsngal gyis 'dul ba rnams la 'phags pa'i rigs chog shes pa'i gtam brjod par bya'o// bde bas 'dul ba rnams la bsam gtan dang tshad med pa'i gtam brjod par bya'o// lhas 'dul ba rnams la gcig tu bde ba'i gtam brjod par bya'o// mtshan mas 'dul ba rnams la nga'i ba med pa dang yongs su 'dzin pa med pa'i gtam brjod par bya'o// nyan thos

  492. 247a

    kyis 'dul ba rnams la rjes su bstan pa dang de bya ba'i gtam brjod par bya'o/ / rang sangs rgyas kyis 'dul ba rnams la don nyung ba dang bya ba nyung ba'i gtam brjod par bya'o/ / sems dang po bskyed pa'i byang chub sems dpa' rnams la lhag pa'i bsam pa dang snying rje chen po'i gtam brjod par bya'o// spong ba la zhugs pa'i byang chub sems dpa' rnams la 'khor bas yongs su mi skyo ba'i gtam brjod par bya'o/ / phyir mi ldog pa'i byang chub sems dpa' rnams la sangs rgyas kyi zhing yongs su sbyangs pa'i gtam brjod par bya'o/ / skye ba gcig gis thogs po'i byang chub sems dpa' rnams la byang chub kyi snying po'i rgyan gyi gtam brjod par bya'o// sems can gang dag sangs rgyas kyis 'dul ba de dag la byang chub sems dpas ma tshang ba med pa dang 'bras bu yod pa'i gtam brjod par bya'o/ / zhi ba'i blo gros de ltar na byang chub sems dpa' thabs dang shes rab yongs su dag cing dmigs pa la dbang thob pa ni 'bras bu yod pa'i chos ston pa yin/ legs par bshad pas sems can thams cad tshim par byed pa yin no// bstan pa 'di bshad pa na srog chags khris bla na med pa yang dag par rdzogs pa'i byang chub tu sems bskyed do// byang chub sems dpa' lnga brgya ni mi skye ba'i chos la bzod pa

  493. 247b

    skyes so/ / dmigs pa'i le'u zhes bya ste bco lnga pa'o// // de nas 'khor de'i nang nas byang chub sems dpa' kha cig 'di snyam du sems te/ kye ma gsang ba pa'i bdag po lag na rdo rje 'di ji srid cig na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ de'i sangs rgyas kyi zhing ki ming de tsa zhes bya bar 'gyur/ de byang chub thob pa'i ming ni tsa zhes bya bar 'gyur/ de'i byang chub sems dpa'i 'khor ni ci 'dra ba zhig tu 'gyur snyam mo// de nas bcom ldan 'das kyis de'i tshe byang chub sems dpa' de dag gi sems kyis yongs su rtog pa thugs kyis mkhyen nas de'i tshe 'dzum pa mdzad do/ / 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ 'od zer kha dog sna tshogs byung bas/ de nas bcom ldan 'das kyi zhal gyi sgo nas 'od zer kha dog du ma dang ldan pa kha dog tha dad pa 'di lta ste/ sngon po dang / ser po dang / dmar po dang / dkar po dang / bcod kha dang / shel dang / dngul gyi kha dog lta bu byung nas/ zod nas 'jig rten gyi khams mtha' yas mu med byab par byas te/ tshangs pa'i 'jig rten gyi bar du mngon par 'phags nas slar logs/ bcom ldan 'das la lan gsum bsgo

  494. 248a

    byas nas/ bcom ldan 'das kyi dbu gtsug tu nub par gyur to// de nas byang chub sems dpa' sems dpa' chen po zhi ba'i blo gros kyis tshig su bcad pa'i dbyangs kyis/ bcom ldan 'das la 'dzum pa mdzad pa'i don zhus pa/ 'od bzang dri ma mi mnga' gser dang 'dra// zla ba'i zhal 'dra zhi gnas legs par bzhugs/ / nyi ma lta bu mun pa 'joms mdzad pa// mi mchog ci yi slad du 'dzum pa bstan// mos pas zhi gnas rdzing du rab tu bzhugs// thugs rje chu bo brtson 'grus stobs kyi 'khrungs/ / dran pas kha bye yan tan dri zhim ldan// bde gshegs pad+ma tsa slad mdzum pa mdzad// dran pa snang bzang zhi gnas mar lags te// snang ba thugs rje dri ma gsum sel mdzad/ / shes rab mar mes mun pa sel mdzad pa// bde gshegs mar me ci slad 'dzum pa mdzad// dkyil 'khor thugs rje lhag mthong 'od ldan pa/ rab rib sel ba srid pa skam mdzad pa// 'gro ba rgyas mdzad mig ni sbyong mdzad pa// bde gshegs nyi ma ci slad mdzum pa mdzad// khyod ni 'gro ba'i bsam pa rab tu mkhyen// khyod ni lhar bcas 'gro na lhang nge ba// drang srong chen po'i zhal du 'khor rnams lta// mi mchog ci slad 'di ni 'dzum pa mdzad// de skad ces gsol pa dang /

  495. 248b

    bcom ldan 'das kyis/ byang chub sems dpa' sems dpa' chen po zhi ba'i blo gros la 'di skad ces bka' stsal to// zhi ba'i blo gros gsang ba pa'i bdag po lag na rdo rje 'di ni rdo rje thogs nas bskal pa bzang po pa'i de bzhin gshegs pa dgra bcom pa yang dag par rdzogs pa'i sangs rgyas thams cad la mchod pa byed par 'gyur/ dam pa'i chos kyang yongs su 'dzin par 'gyur/ de bzhin gshegs pa'i gsang ba'i chos kyi rnam grangs 'di'ang rgyas par byed par 'gyur/ sems can tshad med pa dag kyang byang chub kyi phyir yongs su smin par byed par 'gyur ro/ / de bskal pa bzang po de 'das nas/ de bzhin gshegs pa mos pa'i bar gyi dam pa'i chos nub pa na/ de bzhin gshegs pa mi 'khrugs pa'i sangs rgyas kyi zhing du skye bar 'gyur te/ de 'jig rten gyi khams mngon par dga' ba der skyes nas/ de bzhin gshegs pa mi 'khrugs pa des phyag rgya brgya rtsa brgyad byang chub sems dpa' de dag la bstan pa de 'dzin par 'gyur/ don gyi tshul la'ang 'jug par 'gyur/ de bzhin nyid du'ang sgrub par 'gyur ro// de'i 'og tu de bzhin gshegs pa grangs med dpag tu med pa mnyes par byed par 'gyur/ bsti stang du byed par 'gyur/ bla mar byed par 'gyur/ rim gro byed par 'gyur/ mchod pa byed par 'gyur/ de dag gi gan

  496. 249a

    na tshangs par spyod par 'gyur/ dam pa'i chos kyang srung bar 'gyur/ sems can bye ba khrag khrig brgya stong tshad med pa dag kyang yang dag par rdzogs pa'i byang chub tu yongs su smin par byed par 'gyur ro/ / de de'i 'og tu bskal pa gang+gA'i klung gi bye ma snyed 'das pa na/ byang chub kyi phyogs kyi chos rnams yongs su rdzogs par byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ bskal pa rnam par sbyong ba zhes bya ba la 'jig rten gyi khams kun nas yongs su dag pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rdo rjes rnam par gnon pa zhes bya ba 'jig rten du 'byung bar 'gyur ro/ / bcom ldan 'das de bzhin gshegs pa rdo rjes rnam par gnon pa de'i sangs rgyas kyi zhing 'jig rten gyi khams kun nas yongs su dag pa de ni 'byor pa dang / rgyas pa dang / lo legs pa dang / nyams dga' ba dang / lha dang mi mang pos gang ba dang / byang chub sems dpas gang bar 'gyur ro// sangs

  497. 249b

    rgyas kyi zhing de rin po che sna bdun 'di lta ste/ gser dang / dngul dang / bai DUR+Ya dang / shel dang / byu ru dang / sdug dang / rdor snying po dang / mu tig dmar pos legs par brgyan par 'gyur ro/ / 'jig rten gyi khams de mig mangs ris su byas pa/ lag mthil ltar mnyam par gyur pa/ ka tsa lin di ka ltar reg na bde ba dar gyi lda ldi mang pos bres pa/ gdugs dang / rgyal mtshan dang / ba dan bsgreng bas legs par brgyan pa/ lha'i me tog dang rin po che'i me tog gis khebs par byas pa/ spos kyi snying po dam pas gdugs pa/ steng gi bar snang la lha'i rol mo'i sgra len pa can du 'gyur ro// 'jig rten gyi khams de ngan song dang mi khom pa thams cad dang bral pabar 'gyur ro/ / 'jig rten gyi khams de dga' ldan gyi lha'i yongs su spyad pa dang 'dra ba dang / yid la bsams pas zas dang / skom dang / skyed mos tshal dang // gzhal med khang dang / gos dang / rgyan grub cing/ legs par brgyan par 'gyur ro// lha dang mi thams cad kyang khang pa brtsegs pa la mtshungs par yongs su spyod par 'gyur ro// lha dang mi de dag thams cad kyang rgya chen po la mos par 'gyur te/ 'di lta ste/ sangs rgyas kyi ye shes la mos pa sha stag go// 'jig rten gyi khams de na 'di lta ste/ nyan thos

  498. 250a

    kyi theg pa 'am/ rang sangs rgyas kyi theg pa'ang rung ste/ theg pa gnyis kyi ming yang mi grag par 'gyur ro// bcom ldan 'das de ni byang chub sems dpa'i gtam 'ba' zhig gsung bar 'gyur ro/ / de bzhin gshegs pa rdo rjes rnam par gnon pa de'i byang chub sems dpa'i 'khor ni 'bum phrag mang por 'gyur ro// 'jig rten gyi khams de na sems can gang yang cho ga nyams pa 'am/ 'tsho ba nyams pa 'am/ tshul khrims nyams pa 'am/ lta ba nyams par mi 'gyur ro// zhar ba 'am/ 'theng po 'am/ sgur po 'am/ gtum po 'am/ rig pa 'am/ mi bsrun pa 'am/ kla klo can nam/ lkug pa 'am/ grum po 'am/ dbang po ma tshang bar mi 'gyur ro// lha dang mi de dag thams cad kyang mtshan nyi shu rtsa brgyad kyis brgyan par 'gyur ro// de bzhin gshegs pa de'i tshe'i tshad ne bar gyi bskal pa brgyad thub par 'gyur ro// lha dang mi rnams kyang glo bur du 'chi bar mi 'gyur ro/ / zhi ba'i blo gros de ltar de bzhin gshegs pa rdo rjes rnam par gnon pa de'i yon tan tshad med pa'i rgyu'i khyad par ni 'di dag dang gzhan yang mang du yod de// / de bzhin gshegs pa de nam chos ston par 'gyur ba de'i tshe/ sku las 'od phyung ba dang / de nas sems can de dag gis 'od de mthong nas/ 'di snyam du sems par 'gyur te/

  499. 250b

    de bzhin gshegs pa chos ston par 'gyur gyis/ bdag bcom ldan 'das la chos nyan du 'dong ngo snyam mo// de na kha cig ni mngon par shes pa'i rdzu 'phrul gyi stobs kyis 'ong bar 'gyur ro/ / kha cig ni de bzhin gshegs pa'i byin gyi rlabs kyis 'ong bar 'gyur ro// der lha dang mi de dag 'dus pa dang / de bzhin gshegs pa de steng gi bar snang la shing ta la 'bum srid du mngon par 'phags te/ gling bzhi pa chen po'i 'jig rten gyi khams su skyil mo krung du bzhugs nas/ skus khyab par mdzad de/ sems can thams cad kyi sems kyi bsam pa tshim par bya ba'i phyir/ phyogs bcu'i 'jig rten gyi khams tshad med pa sangs rgyas kyi gsung dbyangs kyis go bar mdzad de/ de bzhin gshegs pa'i gsung gis byang chub sems dpa' de dag la chos ston par 'gyur ro/ / de'i nang na gang de bzhin gshegs pa'i chos bstan pa dang 'gal bar byed pa 'am/ zlog par byed pa'i sems can ni gcig kyang med do/ / sems can de dag thams cad ni dbang po rna ba/ mgo smos pas go bar 'gyur ba sha stag go/ 'jig rten gyi khams de na chos kyi rgyal po de bzhin gshegs pa rdo rjes rnam par gnon pa de ma gtogs par rgyal po gzhan gang yang med par 'gyur ro/ / 'jig rten gyi khams de na nga'i ba med cing yongs su 'dzin par 'gyur ro//

  500. 251a

    sems can de dag thams cad ni nga'i ba med cing yongs su 'dzin pa med par 'gyur ro// zhi ba'i blo gros de bzhin gshegs pa rdo rjes rnam par gnon pa de lha'i bu 'am/ mir gyur pa gang la bsod snyoms blang bar bzhed par gyur pa'i lha'i bu 'am/ mir gyur pa de'i mdun du de bzhin gshegs pa'i gzugs lhung bzed thogs pa nye bar gnas pa dang / der lha'i bu 'am/ mir gyur pa des de bzhin gshegs pa'i gzugs mthong nas/ 'di snyam du sems par 'gyur te/ bcom ldan 'das de bzhin gshegs pa rdo rjes rnam par gnon pa bdag las bshos gsol bar bzhed do snyam nas yid la bsams pas 'khor gyi khyams su stan dang / zas dang / skom dang / ro brgya pa'i zas sbyar nas/ bcom ldan 'das de la gdugs tshod la bab ces gsol pa dang / der de bzhin gshegs pa de bshos gsol lo// bshos gsol nas slar bzhud par 'gyur ro/ / de bzhin gshegs pa de gang gi tshe nang du yang dag 'jog la 'jug par 'gyur ba de na/ byang chub sems dpa' de dag ting nge 'dzin gyi bkod pas gnas par 'gyur ro/ / 'jig rten gyi khams de ni yon tan gyi rgyu'i khyad par 'di dag dang / gzhan yang tshad med pa dag dang ldan par 'gyur te/ de'i phyir 'jig rten gyi khams de kun nas

  501. 251b

    yongs su dag pa zhes bya'o/ / gsang ba pa'i bdag po lag na rdo rje'i lung bstan pa bshad pa 'di bstan pa na/ srog chags nyi khris bla na med pa yang dag par rdzogs pa'i byang chub tu sems bskyed de/ sangs rgyas kyi zhing der skye bar shog cig ces smon lam yang btab bo// de dag thams cad kyang bcom ldan 'das de bzhin gshegs pa rdo rjes rnam par gnon pa'i sangs rgyas kyi zhing 'jig rten gyi khams kun nas yongs su dag pa der skye bar bcom ldan 'das kyis lung bstan to/ / de nas gsang ba pa'i bdag po lag na rdo rjes rang gi lung bstan pa 'di thos nas tshim zhing mgu la yi rangs te rab tu dga' nas dga' ba dang yid bde ba skyes te/ rdo rje de nam mkha'i dkyil du 'phangs so/ / rdo rje de 'phangs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos so// me tog gi char yang bab bo// rol mo sil snyan brgya'i sgrarang byung ngo / / 'khor thams cad kyi lag pa g.yas par yang me tog kha dog sna tshogs kyi 'phreng ba dag byung ngo // de nas gsang ba pa'i bdag po lag na rdo rjesabacom ldan 'das la tshigs su bcad pa 'di dag gis mngon par bsnyad do/ / chos kyi dbang phyug rgya chen mi pad chos kyi mdzod// chos rnams rab tu 'byeng la mkhas

  502. 252a

    pa 'gro don bzhed/ / chos la thugs ma zhum zhing rtag tu lhug par btang // chos kyi rjes mthun chos sgrub gnas la phyag 'tshal lo// sems can dag pa khyod kyi ye shes spyod rnam dag/ yon tan rgyal grags snyan pa 'jig rten gsum du grags// ye shes rgyun ni dus gsum rtag tu bas ma 'tshal// chags 'das zhabs mnyam legs pa khyod la phyag 'tshal lo/ / zla ba las lhag yongs dag tshul khrims rnam par dag/ nyi ma las lhag 'od mdzes 'od mnga' gzi brjid mchog/ tshangs pa las lhag gsung snyan tshangs pa'i gsung mnga' ba/ / dkon mchag gsum ldan gser 'gra khyed la phyag 'tshal lo// khyed ni sku yang ston la sku dang ldan ma lags// khyod ni gsung yang rjod la sgra skad mi mngara'/ / khyod ni chos kyang gsung la chos kyi 'du shes bral// sems can thar par mdzad la sems can 'du shes bral// gang dag khyod bstan thos nas ji lta bstan pa ltar/ sgrub pa snying por gnas pa dag ni ma gtogs pa// 'gro ba thams cad rtag tu rab tu byung yang ni// khyod kyi bka' drin lan ldon nam yang rngo mi thog de nas gsang ba pa'i bdag po lag na rdo rje dang / thams cad dang ldan pa'i 'khor des ji ltar thogs thogs pa'i rin po che sna tshogs kyi me tog gi 'phreng ba rnams bcom ldan 'das la mngon par

  503. 252b

    to/ / me tog gi 'phreng ba de dag gtor ma thag tu de nas de'i tshe 'di lta ste/ sangs rgyas kyi mthus stong gsum gyi stong chen po'i 'jig rten gyi khams 'di me tog sna tshogs kyi 'phreng bas/ legs par brgyan par gyur cing mig mangs ris su gnas par kun tu snang ngo // gsang ba pa'i bdag po lag na rdo rjes lung bstan pa'i le'u zhes bya ste bcu drug pa'o// / de nas byang chub sems dpa' zhi ba'i blo zas kyis/ gsang ba ba'i bdag po lag na rdo rje la 'di skad ces smras so// gsang ba pa'i bdag pa khyod de bzhin gshegs pas lung bstan mod/ smras pa/ rigs kyi bu rmi lam gyi rang bzhin lta bu'i lung bstan pas bdag lung bstan to// smras pa/ ci zhig thob par bya ba'i phyir khyed lung bstan// smras pa/ rigs kyi bu thob par bya ba med par lung bstan pa thob bo// smras pa/ ci zhig thob pa med/ smras pa/ sems can dang / srog dang / gang zag dang / gas ba dang / skyes bu thob pa med do// phung po rnams dang / khams rnams dang / skye mched rnams thob pa med do// dge ba dang / mi dge ba dang / kha na ma tho ba dang bcas ba dang / kha na ma tho ba med pa dang / zag pa dang bcas pa dang / zag pa med pa dang / 'jig rten dang / 'jig rten las 'das pa dang / 'dus byas dang / 'dus

  504. 253a

    ma byas dang / kun nas nyon mongs pa dang / rnam par byang ba dang / 'khor ba dang / mya ngan las 'das pa'i bar du thob pa med do// smras pa/ gal te thob pa med pa na 'dir ci zhig lung sten/ smras pa/ mi dmigs pa gang yin pa de'i rjes su 'gro ba'i ye shes lung ston to// smras pa/ ye shes gang lung bstan+tu/ smras pa/ gang gnyis kyis rab tu phye ba'o// smras pa/ gal te gnyis kyis rab tu phye bar gyur na/ lung bstan pa thob pa mi 'gyur te/ gang gi phyir ye shes gnyis kyis rab tu phye ba ma yin pa de'i phyir gnyis su med pa'i lung bstan pa nyid byang chub sems dpa' lung bstan pa'o/ / smras pa/ gal te ye shes gnyis su med pas rab tu phye ba yin na// lung bstan pa ni su zhig/ lung ni su la ston/ smras pa/ lung ston pa gang yin pa dang / su la lung ston pa de dag ni mnyam pa nyid du 'gyur ba'o// de dag ni gnyis su med pa'i mtha' la gnas pa'o/ / smras pa/ gsang ba pa'i bdag po gnyis su med pa'i mtha' gang yin pa de la lung bstan du ci yod/ smras pa/ mtha' gang yin pa de nyid gnyis su med pa'i mtha' ste/ mtha' de nyid lung bstan pa'o// smras pa/ gang la gnas na lung bstan pa thob pa'i mtha' gang yin/ smras pa/ bdag gi mtha' la gnas na lung

  505. 253b

    bstan par 'gyur ro/ / sems can gyi mtha' dang / srog dang / gang zag gi mtha' la gnas na lung bstan par 'gyur ro// bdag gi mtha'i gnas gang gi gnas yin/ smras pa/ bdag gi mtha'i gnas ni de bzhin gshegs pa'i rnam par grol ba'i mtha'i gnas so// smras pa/ de bzhin gshegs pa'i rnam par grol ba'i mtha'i gnas gang yin smras pa/ de bzhin gshegs pa'i rnam par grol ba'i mtha'i gnas ni/ ma rig pa dang srid pa'i sred pa'i mtha'i gnas so// smras pa/ ma rig pa dang srid pa'i sred pa'i mtha'i gnas gang gi gnas yin/ smras pa/ shin tu ma skyes pa ma byung ba'i mtha'i gnas so// smras pa/ ma skyes pa dang ma byung ba'i gnas gang yin/ smras pa/ rnam par rig pa ma yin pa'i mtha'i gnas so// smras pa/ rnam par rig pas ci zhig rig par byed/ smras pa/ gal te rnam par rig par byed na/ rnam par rig pa ma yin par 'gyur ro/ / smras pa/ ci zhig rnam par rig par mi byed/ smras pa/ rnam par rig pa thams cad rnam par rig par mi byed do// smras pa/ gal te rnam par rig bar mi byed na ji ltar kun shes par byed/ smras pa/ gal te kun shes par byed na/ rnam par rig par byed pa ma yin te/ gang gi phyir rnam par rig par mi byed pa de'i phyir

  506. 254a

    kun shes par byed do/ / smras pa/ kun shes par byed pa ji lta bu yin/ smras pa/ gang gi tshe rnam pa rig pa khas mi len pa'o// smras pa/ ltar na rnam par rig pa khas mi len/ smras pa/ gang gi tshe tshig 'bru'i rjes su mi rgyug pa'o// smras pa/ ji ltar na tshig 'bru'i rjes su mi rgyug/ smras pa/ gang gi tshe don la ston pa'o/ / smras pa/ don la sbyin la ji lta bu yin/ smras pa/ gang gi tshe don mi mthong ba'o// smras pa/ don mi mthong ba ji lta bu yin/ smras pa/ ga don dang don ma yin pa dan du mi gnyar ba'o/ / smras pa/ gang gi tsho ngan la don ma yin pa dan du mi gnyer bar gyur pa ra zhig don du gnyer bar 'gyur/ sprus pa/ @ t sho don dang don ma yin pa don du mi gnyer bar gyur pa de'i tshe chos don du gnyer bar 'gyur ro/ / smras pa/ gal te chos ngan du gnyer bar gyur na/ bdun du gnyir ba nyid ma yin / gas kyi nas dan du gta pan tsa'ang don du gar bas yin na/ kyi bya na/ gdon du na rgyas ma yin te/ nga/ lus pa/ sa gang yin/ sma ba/ gang la tshis kyi sa'ang mi dmigs pa'o// smras pa/ gang la tshas kyi kA'ang mi dmigs pa la tshal gang yin

  507. 254b

    pa/ rigs kyi bu gang la yi ge rnams kun tu mi 'byung ba de nyid chos yin no// de bas na chos thams cad ni brjod du med pa/ sgra med pa/ brjod pa med pa'o// rigs kyi/ bu su zhig bdag smra'o zhes smra ba de 'chal bar smra'o// gang 'chal bar smra ba de la chos med do// 'dul ba med do// smras pa/ gsang ba pa'i bdag po gang chos gsung ba de bzhin gshegs pa 'chal pa gsung bar mi 'gyur ram/ smras pa/ zhi ba'i blo gros de bzhin gshegs pas yi ge gcig kyang ma gsungs so// ma brjod do zhes kho bos sngar ma bshad dam/ de lta mod kyi smon lam gyi dbang gis de bzhin gshegs pa'i gsung sems can rnams kyis dmigs so// smras pa/ smras na nyes pa ci yod/ smras pa/ ngag gi las kyi nyes par 'gyur ro// smras pa/ ngag gi las las nyes pa ci zhig byung / smras pa/ yi ge la sems pas klags pa'i nyes par 'gyur ro// smras pa/ nyes pa med pa gang yin/ smras pa/ gang mi smra mi rjod pa de la rnam par rig pa gang yang med do// rnam par rig pa med pa ni nyes pa med pa'o// gang bdag la rnam par rig par mi byed pa dang / gzhan la rnam par rig par mi byed pa de nyes pa med pa'o// smras pa/ nyes pa'i rtsa ba gang yin/ smras pa/ nyes pa'i rtsa ba ni

  508. 255a

    'dzin pa'o/ / smras pa/ 'dzin pa'i rtsa bci yin/ smras pa/ mngon par zhen pa ni rtsa ba'o// smras pa/ mngon par zhen pa'i rtsa ba yin/ smras pa/ yang dag pa ma yin pa kun btags pa ni rtsa ba'o// smras pa/ yang dag pa ma yin pa kun btags pa'i rtsa ba ni ci yin/ smras pa/ yang dag pa ma yin pa kun btags pa'i rtsa ba ni ci yin/ smras pa/ lhag par dmigs pa'i lta ba ni rtsa ba'o// smras pa/ ci zhig la lhag par dmigs/ smras pa/ gzugs rnams dang / sgra rnams dang / dri rnams dang / ro rnams dang / reg bya rnams dang / chos rnams la lhag par dmigs so// smras pa/ lhag par mi dmigs pa ji lta bu/ smras pa/ gal te srid pa'i bag la nyal lhag par mi dmigs pa ste/ zhi ba'i zla gros de lta bas na sred pa la dmigs pa spang ba'i phyir/ de bzhin gshegs pas chos bstan to/ / gsang ba pa'i bdag po lag na rdo rjes bstan pa 'di bshad pa na/ dge slong lnga brgya ni sems rnam par grol lo// byang chub sems dpa' nyis brgya ni mi skye ba'i chos la bzod pa thob par gyur to/ / gnyis su med pa brjod pa'i le'u zhes bya ste bcu bdun pa'o// / de nas gsang ba pa'i bdag po

  509. 255b

    lag na rdo rje brnag pa yongs su rdzogs par lung bstan pas dbugs phyin pa thob ste/ tshim zhing mgu la yi rangs nas rab tu dga' ste/ dga' ba dang yid bde ba skyes nas bcom ldan 'das la 'di skad ces gsol to/ / bcom ldan 'das bdag la thugs brtse bar dgongs te/ byang chub sems dpa' rnams dang thabs cig/ nyan thos chen po rnams dang thabs cig tu gsang ba pa bdag gi gnas lcang lo can gyi pho brang 'khor du gshegs shing dgung bdun zhig bzhugs par ci ga nang / de ci'i slad du zhe na/ bcom ldan 'das ltung lo can gyi pho brang 'khor na gnod sbyin dang / grul bum dang / srin po dang / sha za dang / dri za dang / lto 'phye chen po mang du mchis te/ sems can gyi rigs rnam pa sna tshogs gnas pa de dag gis bcom ldan 'das mthong zhing chos kyang thos na yun ring po'i don dang / sman pa dang / bde ba dang / grub pa dang / bde bar 'gyur legs so/ / de nas yang khro ba dang sdang ba'i sems ma mchis par 'gyur lags so// rgyal po chen po bzhi'i g.yog 'khor gang lags pa de dag gi yun ring po'i don dang sman pa dang / bde ba dang / grub pa dang / bde bar 'gyur lags so// bcom ldan 'das kyis gsang ba pa'i bdag po lag na rdo rje la thugs brtse ba dang / sems can

  510. 256a

    tshad med pa dag gi dge ba'i rtsa ba rnam par spel ba dang / gsang ba pa'i bdag po lag na rdo rje'i bsam pa yongs su bskang ba'i phyir/ byang chub sems dpa' chen po rnams dang / nyan thos chen po rnams dang thabs cig tu gsang ba pa'i gnas lcang lo can gyi pho brang 'khor du gshegs te/ zhag bdun bzhugs par gnang ngo // de nas gsang ba pa'i bdag po lag na rdo rjes bcom ldan 'das kyis cang mi gsung bas gnang bar mdzad pa rig nas tshim zhing mgu la yi rangs te rab tu dga' nas dga' ba dang yid bde ba skyes te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ bcom ldan 'das kyi thad nas song nas/ / lcang lo can gyi pho brang 'khor ga la ba der song ste/ rang gi gnas su phyin to// de nas gsang ba pa'i bdag po lag na rdo rjes 'di snyam du bsam ste/ bdag gis bcom ldan 'das de bzhin gshegs pa la mchod pa'i las kyi phyir/ ci nas 'dod pa spyod pa dang / gzugs la spyod pa'i lha'i bu thams cad ngo mtshar du sems par 'gyur ba dang / phyogs nanas 'dus pa'i byang chub sems dpa' thams cad kyang dga' ba skye bar 'gyur ba dang / bdag gis kyang de bzhin gshegs pa la mchod pa rgya chen po byas par 'gyur ba de lta bu'i 'khor gyi

  511. 256b

    khyams bkod pa bya'o snyam mo/ / de'ang 'di snyam du bsam ste/ bdag gis mngon par te/ dus gcig cig na bcom ldan 'das de bzhin gshegs pa bkod pa'i rgyal po'i sangs rgyas kyi zhing du byang chub sems dpa' khri lung bstan pa'i phyir/ bcom ldan 'das mtshan mo mnyal tsam na spyod pa bsam gyis mi khyab pa dang ldan pa zhes bya ba'i ting nge 'dzin la snyoms par bzhugs te/ 'jig rten gyi khams 'di nas shar phyogs logs su sangs rgyas kyi zhing gang+gA'i klung gi bye ma snyed 'das te/ 'jig rten gyi khams yon tan rin po che mtha' yas pa bkod ba zhes bya bar gshegs pa'i tshe/ sangs rgyas kyi zhing der bdag gis lha'i dang / mi'i bkod pa bsam gyis mi khyab pa las yang dag par 'das pa'i bkod pa mthong gis/ bcom ldan 'das la mchod pa'i las kyi phyir/ bdag gis 'jig rten gyi khams yon tan rin po che mtha' yas pa bkod pa de'i bkod pa ci 'dra ba de 'dra ba'i 'khor gyi khyams bkod par bya'o snyam mo/ de nas gsang ba pa'i bdag po lag na rdo rjes/ de'i tshe bkod pa chen po'i rgyal po zhes bya ba'i ting nge 'dzin la snyoms par zhugs so// gsang ba pa'i bdag po l ag na rdo rje bkod pa chen po'i rgyal po'i ting nge 'dzin la snyoms par zhugs ma thag tu de nas de'i tshe 'jig rten gyi khams yon tan rin po ma mtha' yas pa bkang ba de'i bkod pa ci 'dra

  512. 257a

    de 'dra ba'i 'khar gyi khyams bkod pa zhig lung lo can gyi ba zang 'bar gyi dbus na gnas par gnang ngo / / 'khar gyi khyams de'ang yangs shang d+ha cha ste/ nub tu mchung ni dpag tshad drus cu rtsa bani song pa/ wA byang du rgyur ni dpag tshad bani bcu rtsa gnyis yod thA/ sa gag na bai rgyuR+Ya snyan pa'i rang bzhin du gnas pa/ phyir ni yan dade rnyil las byas pa/ zung gi 'thugs rin po che thams cad kyis spras pa/ 'dzam bu chu bo'i gser gyi pad+mas brgyan pa rgyan 'phreng sna tshogs du mas spras pa/ ras bcas bu du ma bting ba/ mu tig gi rgyan 'phreng du ma spangs pa/ dar gyi lnga ldi du mas mdzes par byas pa/ me tog gi 'phreng ba du mas bkab pa/ pog por du ma nas bdugs pa/ lha'i me tog kha dog du ma dang / kha dog sna tshogs bkram pa/ bkra ba/ blta na sdug pa/ yid du 'ong ba/ lus sim par byed pa/ sems la dga' ba skyed pa/ yon tan gyi tshogs mtha' yas pa dang ldan pa/ bsngags pa'i bstan pa tshad med pa ste/ 'khor gyi khyams der seng ge'i khri rin po che'i rtsa bas brgyan pa/ rin po che'i kha khyer gyis bskor ba/ rin po che'i pad+ma bkod pa dang ldan pa/ mu tig gi dra bas g.yogs pa/ mig mangs ris su bres pa/ lha'i ras bcos bu du ma bting ba/ steng du rin po

  513. 257b

    che'i dra bas bres pa/ bkod pa sngan ma mthong sa thos pa 'jig rten gyi khams mang ba dag na med pa brgya stong mang po byung ngo // gab zas ri zla ba brgyas bskos pa'ang bshams so/ / seng ge'i khri sa la mi brten pa brgya stong yang bzhag ste/ seng ge'i khri re re'i bar snang la'ang rin po che'i gdugs rnam pa sna tshogs kyi mchog dang ldan pa dag bres so// de nas gsang ba pa'i bdag po lag na rdo rjes 'khor gyi khyams bkod pa dang / seng ge'i khri bkod pa rnam pa de lta bu byas nas/ dran pa dang ldan zhing shes bzhin du ting nge 'dzin de las langs te/ de'i nub mo nyid de bzhin gshegs pa la mchod par 'os pa'i zhal zas byang chub sems dpa'i bsam pas yongs su dag pa/ ro bro ba mang pa sna tshogs dang ldan pa bsod pa mang po'ang bshams nas/ nam nangs pa dang / rgyal po chen po bzhi la smras pa/ grogs po dag shes par gyis shig/ kho zos bcom ldan 'das byang chub sem dpa' rnams dang / nyan thos chen po rnams dang thabs cig tu gsang ba pa rang gi gnas su spyan drangs na/ bcom ldan 'das kyis kho bo la thugs brtse ba'i phyir gnang gis/ de la khyed dpung dang bcas/ g.yog 'khor dang bcas par mi g.yeng ba'i sems kyiso zhag bdun gyi bar du las gzhan mi byed par de bzhin gshes/

  514. 258a

    ba la mchod pa dang rim gro bya bar spro bar gyis shig/ lcang lo can gyi pho brang 'khor na gnod sbyin dang / zin po dang / yi dgas dang / sha ba dang / dri za dang / grul bum dang / gsang ba pa dang / lto 'phye chen po ji snyed 'khod pa dang / de ma yin pa'i sems can gzhan dag 'khod pa de dag la'ang grogs po dag shes par gyis shig/ kho bos bcom ldan 'das lcang lo can gyi pho brang 'khor 'dir spyan drangs na gshegs par gnang gis/ de la khyed kyis ngan sems med pa dang sdang ba med pa dang / dga' ba dang / dad pa dang / mchog tu dga' ba mang pos bcom ldan 'das de la bsnyen bkur gyis shig/ chos kyang nyan cig ces bsgo'o// / / bam po brgyad pa// de nas gsang ba pa'i bdag po lag na rdo rjes bu thu bo rdo rje'i sde zhes bya ba la smras pa/ bzhin bzang khyod rang gi rdzu 'phrul gyi stobs kyis song la tshangs ris nas bzung ste/ 'og min gyi bar gyi lha rnams la/ bcom ldan 'das gsang ba'i bdag po lag na rdo rje'i gnas lcang lo can gyi pha brang 'khor du gdugs tshod gsol gyis/ khyed kyi nang nas su lta 'dod pa de myur du shog cig ces sbron cig/ yab de ltar bgyi'o zhes te ji skad bsgo ba bzhin du gsang

  515. 258b

    ba pa'i bu des byas so/ / de nas gsang ba pa'i bdag po lag na rdo rjes bu gnyis pa lag babangs zhes bya ba la smras pa/ khyod rang gi rdzu 'phrul gyi stobs kyis song las zla ba'i lha rnams nas bzung ste/ bar snang dang / rgyal chen bzhi'i ris dang / sum cu rtsa gsum pa dang / 'thab bral dang / dga' ldan dang / 'phrul dga' dang gzhan 'phrul dbang byed kyi lha'i bu rnams la/ bcom ldan 'das gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol gyis/ khyed kyi nang nas su lta 'dod pa de myur du shog cig ces sbron cig/ yab de ltar bgyi'o zhes te ji skad bsgo ba bzhin du gzhon nu lag bzangs kyis byas so// de nas skad cig thang cig yud tsam de la 'dod pa na spyod pa dang / gzugs na spyod pa'i lha'i bu brgya stong dag gis dpag tshad khri khor yug gi bar snang khyab par gyur to// de nas gsang ba pa'i bdag po lag na rdo rjes bcom ldan 'das la mchod pa zo shams te/ nam nangs pa dang pus ma g.yas pa'i lha nga si la btsugs te/ bcom ldan 'das ga la ba de lags su thal ma sbyar ba btud nas/ tshigs su bcad pa'i dbyangs kyis bcom ldan 'das la gdugs chod bab pa gsol pa/ thub pa chen po dus 'di lags// skyes bunatso bo gshegs su gsol/

  516. 259a

    skyes bu dam pa gshegs su gsol// skyes ba cang mkhyen gshegs su gsol// zab pa chen pa gdugs tshad pag// nang gnyis gsus gshegs gsol/ / rkang gnyis dam pa gshegs su gsol// rkang gnyis cang mkhyen gshegs su gsol// tshul khrims pad+ma'i rdzing nas 'khrungs// brtson 'grus chab kyis rnam pa 'phel// slob ma bung ba sgra 'byin pa// thub pa pad+ma gshegs su gsol// 'phags pa'i bden par gnas bcas te// byams dang thugs rje'i spyan mnga' zhing // bdag med pa yi sgra sgrogs pa/ / rgyal ba seng ge gshegs su gsol// khrims ni rtsa ba chu ba dran// byang chub yan lag me tog rgyan// rnam grol 'bras bu phun sum tshogs// rgyal ba sdong po gshegs su gsol/ / shes rab rgya chen zab pa bo// ting 'dzin chab ni grang ldan zhing // rnam 'byor pa yi tshong pas gtams// yon tan rgya mtsho gshegs su gsol// thugs rje'i dkyil 'khor dpal ldan pa/ / shes rab 'od zer legs par brgyan// slob ma pad+ma kha 'byed pa// thub pa nyi ma gshegs su gsol// phas kyi rgal bas mi bskyod cing / rnam thar la sogs sman chags can// slob dang mi slob ri dgas gtam// thub pa ri bo gshegs su gsol/ de nas bcom ldan 'das kyis/ gsang ba

  517. 259b

    pa'i bdag po lag na rdo rjes gdugs chod bab par mkhyen nas/ dge slong rnams la bka' stsal pa// dge slong dag gsang ba pa'i bdag pos gdugs tshong bab kyis/ rlom gos gyon la lhung bzed thogs shing zhag bdun byin gyis brlabs pa byin gyis rlobs la gtsug lag khang skyong skas shig/ de na nyan thos dang byang chub sems dpa' gang dag rdzu 'phrul dang ldan pa de dag ni rang gi rdzu 'phrul gyi stobs kyis bar snang las dong ngo / / gang dag rdzu 'phrul dang ldan pa ma yin pa de dag ni de bzhin gshegs pa'i 'od kyi dkyil 'khor gyi khrad du zhugs nas/ bcom ldan 'das dang lhan cig tu nam mkha'i dkyil gyi lam nas dong ngo // de nas bcom ldan 'das bya rgod kyi phung po'i ri las mi snang bar gyur nas/ byang chub sems dpa'i tshogs kyis ni bskor/ nyan thos kyi tshogs kyis ni mdun du bdar/ lha'i tshogs kyis ni mngon par bstod/ lha'i bu mo rnams glu dbyangs len/ 'od zer ni 'gyed me tog gi char ni 'bebs/ rol mo sil snyan bye ba khrag khrig brgya stong ni len/ zhing rnams ni g.yo bar mdzad cing / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi rnam par 'phrul pa chen po dang / sangs rgyas kyi cho 'phrul chen po dang / sangs rgyas kyi dpal chen po dang / sangs rgyas kyi gzi

  518. 260a

    brjid chen po dang / sangs rgyas kyi spyod lam chen po dang / sangs rgyas kyi rnam par rol pa chen pos lcang lo can gyi pho brang 'khor ga la ba der nam mkha' dkyil gyi lam nas ngang pa'i rgyal po bzhin du thogs pa med par gshegs pa dang / 'dod pa na spyod pa dang / gzugs na spyod pa'i lha'i bu de dag gis/ bcom ldan 'das nam mkha'i dkyil gyi lam nas/ ngang pa'i rgyal po ltar thogs pa mi mnga'/ nyi ma'i dkyil 'khor 'char ba ni 'dra/ zla ba nye ba'i dkyil 'khor skar ma'i tshogs kyis bskor ba dang ni mtshungs/ lha'i dbang po brgya byin ltar lha'i tshogs kyis ni bskor/ tshangs pa chen po ltar tshangs pa'i tshogs kyis bskor cing gshegs par rgyang ring po nas mthong ngo / / mthong nas kyang tshim zhing mgu la yi rangs te/ rab tu dga' nas dga' ba dang yid bde ba skyes te/ bcom ldan 'das la mchod pa'i las kyi phyir/ lha'i me tog ut+pa la dang / ku mu ta dang / pad+ma dkar po dang / man da ra ba dang / man da ra ba chen pa dang / yongs su 'du dang / yongs su 'du chen po dang / man dzu sha ka dang / man dzu sha ka chen po dang / s+tha la dang / sba la chen po dang / mdog mdzes dang / mdog mdzes chen po dang / 'khor lo dang / 'khor lo chen

  519. 260b

    dang / dri zhim dang / pad+ma 'dab brgyad dang / 'dab stong dang / skar 'od dang / skar ma dga' dang / kun tu bsrung dang / bsung rtag dang / rtag tu me rto chags dang / mig tu sdug pa de dag dang / me tog gzhan dag gis kyang / bcom ldan 'das la mngon par gtor ro// gdugs dang / rgyal mtshan dang / dan dag kyang bsgreng ngo // rol mo sil snyan brgya stong yang len to// de nas bcom ldan 'das kyis bkod pa rnam pa de lta bu me tog gi char 'bebs pa dang spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan gyi char 'bebs pa dang / sil snyan dang glu dbyangs dang / rol mo'i sgra dang / lha'i bu mo brgya stong glu len pa dag dang / skad cig thang cig yud tsam de la lcang lo can gyi pho brang 'khor du byon te/ byang chub sems dpa' rnams dang / nyan thos chen po rnams dang thabs cig tu rgyal po chen po rnam thos kyi bu'i 'dun khang du bzhugs so// bcom ldan 'das sa la bzhugs ma thag tu/ de nas de'i chos chen po dal zhing mi drag la sems can thams cad la mi gnod par g.yos par gyur to// de nas rgyal po chen po bzhis/ bcom

  520. 261a

    ldan 'das lcang lo can gyi pho brang 'khor du byon par rig nas/ myur ba myur bar la gar du btsun mo'i 'khor dang bcas gnyer gyi 'khor dang bcas te me tog dang / spos dang / 'phreng ba dang / byug pa thogs nas/ bcom ldan 'das ga la ba der dong ste phyin pa dang / bcom ldan 'das kyi zhabs la mag zas phyag 'tshal te/ ji ltar thogs thogs pa'i me tog dang / spos dang / 'phreng ba dang / byug pa rnams kyis bcom ldan 'das la mchod pa byas nas thal mo sbyar te/ bcom ldan 'das la phyag 'tshal zhing phyogs gcig tu 'khod do// btsun mo'i 'khor dang / dpung gi tshogs dang / 'khor 'dus pa gang yin pa de dag thams cad kyis kyang / bcom ldan 'das kyi zhabs la mgo bos phyag 'tshal te/ thal mo sbyar nas bdud pa dang / bcom ldan 'das kyis rgyal po chen po bzhi las brtsams te/ 'bar de ltar 'dus pa de dag pa/ de ku chu'i gtas kyi sbyang ba mdzad pas/ klu dang / gnod sbyin dang / drib dang / thul bus dang / zin pa'i 'khar de'i nang na sa thog chags tas stong gis byang chub tu sems bskyed do/ / rgyal po chen po de dag gi btsun mo'i 'khor gyi nang nas bud med khris bla na med pa yang dag par rdzogs pa'i byang chub tu sems

  521. 261b

    bskyed do/ / de nas gsang ba pa'i bdag po lag na rdo rje btsun mo'i 'khor dang bcas/ gnyen gyi g.yog 'khor dang bcas shing 'khor dang yon tan mtha' yas bkod pa'i g.yog 'khor dang bcas te/ me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang rgyal mtshan dang / ba dan thams cad thogs shing sil snyan dang / pheg rdob pa dang / rol mo'i sgra 'byin pa rnams dang lhan cig tu rgyal po chen po rnam thos kyi bu'i 'dun khang gA la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te lan bdun bskor ba byas nas/ ji ltar thogs thogs pa'i me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis bcom ldan 'das la mchod pa byas te sil snyan dang rol mo byas nas/ bcom ldan 'das la phyag byas te/ dge slong gi dge 'dun dang bcas byang chub sems dpa'i tshogs dang bcas par lhan cig tu rang gi 'khor gyi khyams su spyan drangs so/ / de nas bcom ldan 'das 'khor gyi khyams der sa la mi rten pa rnam pa thams cad kyi mchog dang

  522. 262a

    ldan pa nyid kyis seng ge'i gdan ji lta bshams pa la bzhugs so/ / byang chub sems dpa' dang / nyan thos chen po de dag thams cad dang ldan pa'i 'khor kyang stan ci rigs pa dag la 'khod do/ / de nas gsang ba pa'i bdag po lag na rdo rjes brgya byin dang / tshangs pa dang / 'jig rten skyong ba de dag dang lha'i 'khor chen po de la 'di skad ces smras so/ / khyed de bzhin gshegs pa la bsu bgyis shig/ mchod pa dang rim gro gyis shig/ de bzhin gshegs pas kyang / de la gang dag yi rangs dang // zhal tir bya ba byed pa ni// de dag bsod nams skal ba can// de dag yan tan chung ba min// zhes bka' stsal gyis/ de la grogs pa dag khyed kyis rjes su yi rang ba dang ldan pa dang / zhal ta bya ba dang ldan pa'i bsod nams bya ba'i dngos po long zhig/ de nas lha'i bu de dag gis 'khor gyi khyams bkod pa de dang seng ge'i khri bkod pa'ang mthong ngo / / de mthong nas ngo mtshar du gyur te/ 'di de bzhin gshegs pa'i mthu 'am/ 'on te gsang ba pa'i bdag po'i 'am/ su'i yin zhes ched du brjod pa ched du brjod pa dang / de dag gis bar snang las 'di ni gsang ba pa'i bdag po'i byin gyi rlabs yin te/ grogs po dag sangs rgyas kyi zhing

  523. 262b

    'di nas shar phyogs logs su sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams yon tan rin po chen po che mtha' yas pa bkod pa zhes bya ba de na/ de bzhin gshegs pa bkod pa chen po'i rgyal po zhes bya ba chos ston pa der/ gsang ba pa'i bdag po lag na rdo rjes bkod pa rnams 'di lta bu mthong nas/ gsang ba paba'i bdag pos bkod pa de nyid 'khor gyi khyams 'dir byin gyis brlabs so zhes sgra thos so/ / bcom ldan 'das seng ge'i gdan de la bzhugs ma thag tu/ de nas de'i tshe lung lo can gyi pho brang 'khor na gnod sbyin dang / srin po dang / yi dgas dang / sha za dang / dri za dang / gsang ba pa dang / lto 'phye chen po ji snyed 'khod pa de dag thams cad bcom ldan 'das ga la ba der dong sta phyin pa dang / bcom ldan 'das kyi zhabs la mgo bos phrag 'tshal te/ phyogs gcig tu 'khod nas thal mo sbyar te/ bcom ldan 'das la 'dud do/ / de nas gsang ba pa'i bdag po lag na rdo rjes/ rgyal po chen po bzhi dang / thams cad dang ldan pa'i 'khor la smras pa/ khyed thams cad lhan cig tu 'dus la lhan cig tu tshur shog/ ji ltar bshams pa'i zhal zas bcom ldan 'das la gsol cig/ de nas gsang ba po'i bdag po lag na rdo rjes btsun mo'i 'khor

  524. 263a

    dang bcas/ gnyen gyi 'khor dang bcas/ bu dang bcas/ dpung dang bcas/ g.yog 'khor dang bcas te/ rang gi lag nas gus par bsti stang du byas te/ bza' ba dang bca' ba bsod pa mang po ro bro ba mang po du ma dang ldan pa/ byang chub sems dpa'i lhag pa'i bsam pas yongs su dag pa de bzhin gshegs pa la mchod par 'os pa'i zhal zas kyis/ de bzhin gshegs pa byang chub sems dpa'i dge 'dun dang / dge slong gi dge 'dun dang bcas pa la bstabs te tshim par byas so// bstabs te tshim par byas nas lhung bzed bkrus te/ bcom ldan 'das phyag bcabs par rig nas/ chos mnyan pa'i phyir bcom ldan 'das kyi spyan sngar 'dug go// lcang lo can gyi pho brang 'khor na 'khod pa'i gnod sbyin dang / srin po gang yin pa de dag kyang 'dus nas/ bcom ldan 'das kyi zhal du bltas te/ thal mo sbyar nas phyag 'tshal te 'khod par gyur to// lcang lo can du gshegs nas bshos gsol ba'i le'u zhes bya ste bco brgyad pa'o// // de nas gsang ba pa'i bdag po log na rdo rjes chos mnyan pa'i phyir/ bcom ldan 'das la gsol ba btab pa/ ci nas byang chub tu sems ma bskyed pa'i sems can rnams byang chub tu sems skyed par 'gyur ba dang / phyir mi ldog pa la gnas par 'gyur

  525. 263b

    ba dang / gnod sbyin dang / srin po dang / sha za dang / dri za dang / gsang ba pa dang / lto 'phye chen po'i 'khor 'di'i yun ring po'i don dang / sman pa dang bde ba dang / grub pa dang / bde bar 'gyur ba dang / khyad par gyi khyad par du mngon par du 'phags par 'gyur ba dang / nyams pa'i cha can du mi 'gyur bar de ltar chos kyi tshul la 'jug pa/ bcom ldan 'das kyis bshad du gsol/ de skad ces gsol pa dang / bcom ldan 'das kyis/ gsang ba pa'i bdag po lag na rdo rje dang / thams cad dang ldan pa'i 'khor de la bka' stsal pa/ grogs po dag de'i phyir legs par rab tu nyon la yid la zung zhig dang bshad par bya ste/ rigs kyi bu 'am/ rigs kyi bu mo dag gang la zhugs na/ khyad par du mngon par 'phags par 'gyur zhing / nyams pa'i cha can du mi 'gyur ba'i chos kyi tshul khyed la bstan par bya'o// bcom ldan 'das legs so zhes gsol te/ gsang ba pa'i bdag po lag na rdo rje dang / thams cad dang ldan pa'i 'khor des/ bcom ldan 'das kyi ltar mnyan pa dang / bcom ldan 'das kyis/ de dag la 'di skad ces bka' stsal to/ / grogs po dag 'di la rigs kyi bu 'am/ rigs kyi bu mo bsam pa thag pa nas/ bla na med pa yang dag par rdzogs pa'i byang chub tu sems

  526. 264a

    khaskyed de dad pa yin/ dang ba mang zhing 'phags pa rnams la lta 'dod pa dang / dam pa'i chos mnyan par 'dod pa dang / ser sna med par btang ba gtong ba dang / lag brkyang ste gtong ba la dga' ba dang / mchod sbyin byed pa'i ngang can dang / gtong ba phun sum tshogs pa dang / sbyin pa 'gyed pa la dga' ba dang / khong khro ba med pa'i sems dang ldan pa dang / rnyog pa med pa'i sems dang ldan pa dang / de las kyi rnam par smin pa la yid ches pa dang / mos pa dang / rtogs pa dang / som nyi med la the tsam mi za zhing / yid gnyis mi za ba yin/ de dkar po dang nag po'i las rnams kyi rnam par smin pa chud mi za bar rig nas/ srog gi phyir yang mi bya ba mi byed do/ de srog gcod pa spangs pa yin/ ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig bkyal pa dang / brnab sems dang / gnod sems dang / log par lta ba spangs pa yin te/ mi dge ba bcu'i las kyi lam la mi dmigs bas no/ / da dang par gyur nas dge srung ba/ bram pa gang dag yang dag par song ba dang / yang dag par zhugs pa dang / tshul khrims dang ldan pa dang

  527. 264b

    tan dang ldan pa dang / nges pa dang / dge ba'i chos can dang / mang du thos pa dang / thos pa la mngon par brtson pa dang / tshul bzhin du yid la byed pa la rab tu brtson pa dang / zhi ba dang / dul ba dang / nye bar zhi ba dang / ngo zlogs phod par smra zhing gtsam bur mi smra ba dang / dge ba'i bsam pa can dang / mi dge ba'i chos yongs su spong ba dang / mi rgod pa dang / ma khengs pa dang / mu cor smra ba ma yin pa dang / tshig ma 'chal ba dang / dran pa nye bar gnas pa dang / shin tu mnyam par gzhag pa'i sems dang ldan pa dang / srid pa'i tshul bcad pa dang / zug rngu phyung ba dang / khur bor ba dang / som nyi las nges par brgal ba dang the tshom las brgal ba dang / yang srid pa las brgal ba 'di lta ste/ de bzhin gshegs pa dang / de bzhin gshegs pa'i nyan thos dge sbyong dang / bram ze rnam pa de lta bu la dge ba'i bshes gnyen du rig nas bstan to/ / bsnyen te// bsnyen bkur byed do// mnyes par byed cing / mi mnyes par mi byed la/ dgyes par byed de/ des dge ba'i bshes gnyen de dag mnyes par byas pas/ chos kyi gtam gyis yang dag par ston/ yang dag par 'dzin du 'jug/ yang dag par gzengs bstod/ yang

  528. 265a

    dag par dga' bar mdzad de/ sbyin pas ni longs spyod chen por 'gyur bar yang dag par ston/ tshul khrims kyis ni mtho ris su skye ba dang / sa pas ni shes rab chen por 'gyur ba dang / sgom pas ni 'bral bar 'gyur bar yang dag par ston to// 'di ni sbyin pa'o// 'di ni sbyin pa'i rnam par smin pa'o// 'di ni ser sna'o/ / 'di ni ser sna'i rnam par smin pa'o// 'di ni tshul khrims so// 'di ni tshul khrims kyi rnam par smon pa'o// de ni bzod pa'o// 'di ni bzod pa'i rnam par smin pa'o/ / 'di ni brtson 'grus so// 'di ni brtson 'grus kyi rnam par smin pa'o// 'di ni bsam gtan no// 'di ni bsam gtan gyi rnam par smin pa'o// 'di ni shes rab bo/ / 'di ni shes rab kyi rnam par smin pa'o// 'di ni 'chal pa'i shes rab bo// 'di ni 'chal pa'i shes rab kyi rnam par smin pa'o// 'di ni lus kyi legs par spyad pa'o/ / 'di ni lus kyi legs par spyad pa'i rnam par smin pa'o// 'di ni lus kyi nyes par spyad pa'o// 'di ni lus kyi nyes par spyad pa'i rnam par smin pa'o// 'di ni ngag gi legs par spyad pa'o// 'od ni ngag gi legs par spyad pa'i rnam par smin pa'o// 'od ni ngag gi nyes par spyad pa'o// 'di ni ngag gi nyes par spyad pa'i rnam

  529. 265b

    bar smin pa'o/ / 'di ni yid kyi legs par spyad pa'o// 'di ni yid kyi legs par spyad pa'i rnam par smin pa'o// 'di ni yid kyi nyes par spyad pa'o// 'don yid nyes par spyad pa'i rnam par smin pa'o/ / 'di ni dge ba'o// 'di ni mi dge ba'o// 'di ni bya ba'o// 'di ni bya ba ma yin pa'o// 'di ni byas na yun ring po'i don dang / phan pa dang / bde ba dang / grub pa dang / bde bar 'gyur ro zhes de ltar dge ba'i shwe gnyen de dag chos kyi gtam gyis yang dag par ston/ yang dag par 'dzin du 'jug yang dag par gzengs bstod/ yang dag par dga' bar mdzad do// de nas de dag snod du rung ba mkhyen nas/ zab mo'i gtam 'di lta ste/ stong pa nyid kyi gtam dang / mtshan ma med pa'i gtam dang / smon pa med pa'i gtam dang / mngon par 'du byed pa med pa'i gtam dang / ma skyes pa'i gtam dang / ma byung ba'i gtam dang / bdag med pa dang / sems can med pa dang / srog med pa dang / gang zag med pa'i gtam rab tu ston to// rten cing 'brel par 'byung ba zab mo'i gtam 'di lta ste/ 'di yod pa'i phyir 'di 'byung / 'di med pa'i phyir 'di mi 'byung / 'di yod pa'i phyir 'di skye/ 'di med pa'i phyir 'di 'gag pa 'di lta ste/ ma rig pa'i rkyen

  530. 266a

    gyis 'du byed rnams/ 'du byed rnams kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' zhig pa 'di 'byung bar 'gyur ro// 'di med pa'i phyir 'di mi 'byung / 'di 'gag pas 'di 'gag ste/ 'di ltar ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pa skye ba 'gag/ skye ba 'gags pas rga shi dang / mya ngan dang /

  531. 266b

    smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig pa 'di 'gag par 'gyur ro/ / de la don dam par na 'byung ba 'am/ 'gag pa'i chos gang yang med do// de ci'i phyir zhe na/ chos thams cad ni rten cing 'brel par 'byung ba ste/ bdag po med pa/ byed pa po med pa/ tshor ba po med pa/ rgyu dang rkyen las byung ba'o// 'di la 'jug pa 'am/ ldog pa 'am/ rjes su 'jug pa'i chos gang yang med de/ gzhan du na yang dag pa ma yin pa/ kun tu gti mug pas khams gsum pa 'dogs par 'gyur te/ nyon mongs pa'i rjes su 'jug pa dang / las kyi rjes su 'jug pa dang / sdug bsngal gyi rjes su 'jug pa'i 'dogs pa 'byung ba ni ma gtogs so// yang dag pa ma yin pa kun tu gti mug pa de'ang yang dag pa ji lta ba bzhin du yongs su brtags na chos gang yang chos gang gi byed pa por 'gyur ba med de/ gang la byed pa po mi dmigs pa de la 'jug pa med/ ldog pa med do zhes brjod par bya'o// de chos zab mo'i gtam de lta bu thos nas som nyi med do/ / the tshom mi za'o// chos thams cad la chags pa med par 'jug ste/ de gzugs la mi chags so// tshor ba dang / 'du shes dang /

  532. 267a

    'du byed rnams dang / rnam par shes pa la mi chags so// de ming dang gzugs dang / mig gi rnam par shes pa la mi chags so// rna ba dang / dang / lce dang / lus dang / yid dang / chos rnams dang / yid kyi rnam par shes pa la mi chags so// chos thams cad rang bzhin gyis stong pa dang / chos thams cad rang bzhin gyis dben par yid ches so/ / grogs po dag de ltar dad pa la gnas pa'i byang chub sems dpa' ni sangs rgyas mthong ba las yongs su nyams par mi 'gyur ro// dam pa'i chos nyan pa dang / dge 'dun la bsnyen bkur byed pa las yongs su nyams par mi 'gyur ro// de gang dang gang du skyes pa de dang der sangs rgyas mthong ba dang / chos nyan pa dang / dge 'dun la bsnyen bkur bya ba dang bral bar mi 'gyur ro// sangs rgyas bcom ldan 'das rnams kyi spyan sngar skye bar 'gyur ro// der skyes nas kyang brtson 'grus brtsams par 'gyur/ dge ba'i chos yongs su btsal ba la mngon par brtson par 'gyur ro// de brtson 'grus brtsams pas khyim gyi gnas don du gnyer bar mi 'gyur ro// chung ma dang mo dang / bran po dang / bran mo dang / las byed pa dang / zho shas 'tsho ba yongs su 'dzin pas yongs su spyod pa don du gnyer bar mi 'gyur ba ste/ de na tshad

  533. 267b

    gzhon nur rnam par rtse ba la mi dga' bas/ na tshod mdzes pa la bab pa'i tshe sangs rgyas bcom ldan 'das rnams kyi bstan pa la dad pas khyim nas khyim med par myur du rab tu 'byung // ngo // de dad pas rab tu byung nas/ dge ba'i bshes gnyen rnams dang / dge ba'i grogs po dge ba thob par byed pa rnams dang / dge ba'i bsam pa thob bo// de dge ba'i bsam pa dang ldan pas/ dge ba'i chos rnams nyan to// sgrub pa snying por byed kyi/ tshig lhur len pa'i blo dang ldan pa ma yin no// mang du thos pa yongs su btsal ba'i phyir brtson 'grus brtsams pa'ang yin te/ ji ltar thos pa'i chos rnams kyang zang zing med pa'i sems kyis thob pa dang / bkur sti dang tshigs su bcad pa dag la mi re bar gzhan dag la rgya cher yang dag par ston to/ / bdag gi tshig gi rjes su 'brang bar gzhan dag la chos mi ston to// ji ltar thos pa dang / ji ltar gnas pa de bzhin du gzhan dag la chos ston to/ / chos nyan pa rnams la ni byams pa chen po 'thob bo// sems can thams cad la ni snying rje chen po skyed do// de mang du thos par gyur pas lus dang srog la mi lta ba yin/ 'dod pa chung ba dang / chog shes pa dang / rab tu dben pa dang / mgu sla ba dang / gas sla ba dang / dgon pa dang / bas mthar mngon par dga' ba yin/ ji ltar thos

  534. 268a

    ba'i chos rnams kyi don la yongs su rtog pa yin no/ / don la ston pa yin te/ tshig 'bru la ni ston pa ma yin no// lha dang / mi dang / lha ma yin du bcas pa'i 'jig rten gyi ston par gyur pa yin/ bdag 'ba' zhig gi phyir brtson pa ma yin gyi/ sems can thams cad kyi don gyi phyir bla na med pa'i theg pa chen po 'di lta ste/ sa rgyas kyi ye shes yongs su tshol lo/ / bag yod pa lhur len pa'ang yin te/ de la bag yod pa gang zhe na/ 'di lta ste/ dbang po sdom pa'o// de mig gis gzugs rnams mthong nas mtshan mar 'dzin cing / mngon rtags su mi 'dzin pa yin no// de gzugs rnams kyi ro myang ba dang / nyes dmigs dang / 'byung ba'ang yang dag pa ji lta ba bzhin du rab tu shes so/ / de bzhin du rna bas sgra rnams dang / snas dri rnams dang / lces ro rnams dang / lus kyis reg bya rnams dang / yid kyis chos rnams shes nas mtshan mar mi 'dzin cing / mngon rtags su mi 'dzin pa yin te/ chos rnams kyi ro myang ba dang / nyes dmigs dang / 'byung ba'ang yang dag pa ji lta ba bzhin du rab tu shes te/ 'di bag yod pa zhes bya'o/ / gzhan yang bag yod pa ni gang rang gi sems 'dul ba dang / gzhan gyi sems rjes su srung ba dang / nyon mongs pa la dga' ba sel ba dang / chos la

  535. 268b

    dga' ba'i rjes su 'jug pa dang / 'dod pa la rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa rnams kyi rgyu ba med pa dang / mi dge ba'i rtsa ba chags pa dang / zhe sdang dang / gti mug gi rgyu ba med pa dang / lus kyi nyes par spyod pa'i rgyu ba med pa dang / ngag gi gnyis par spyod pa'i rgyu ba med pa dang / yid kyi nyes par spyod pa'i rgyu ba med pa dang / tshul bzhin ma yin pa yid la byed pa'i rgyu ba med pa dang / sdig pa mi dge ba'i chos thams cad kyi rgyu ba med pa ste/ 'di ni bag yod pa zhes bya'o// grogs po dag de ltaran bag yod par tshul bzhin yid la byed pa la brtson pa'i byang chub sems dpa' ni dad pa dang / bag yod pa dang ldan pa yin no// gsang ba pa'i bdag po dad pa mang ba dang / rtag tu mthun pa dang / chos don du gnyer ba dang / chos 'dod par bya'o// gsang ba pa'i bdag po dad pa dang ldan pa'i skyes bu gang zag ni 'jig rten pha rol tu ngan 'gro'i 'jig pa med pa yin te/ de'i sems nyes par spyod pa la mi 'gro'o// 'phags pa rnams kyis bsngags par 'gyur ro// gsang ba pa'i bdag po gzhan yang chos spyod pa la gar+b+ha pa'i skyes bu gang zag ni chos dang ldan par 'gro ba yin te/ sangs rgyas mthong ba rnams mnyes par byed do// 'phags pa'i lam la gnas so// che ba nyid kyang 'thob bo//

  536. 269a

    gsang ba pa'i bdag po che ba nyid thob nas/ che ba nyid 'di lta ste/ de bzhin gshegs pa'i ye shes thob par byed pa'i byang chub kyi sems yongs su rdzogs par bya'o/ / gsang ba pa'i bdag po gzhan yang bde ba thob par 'dod pa'i skyes bu gang zag gis shin tu grub pa dang / bde ba yongs su mya ngan las 'das pa la brtson par bya'o/ / gsang ba pa'i bdag po sngon gyi dge ba'i rtsa ba rnams kyis 'ongs pa'i 'khor 'di ji ltar lhang nge ba la ltos/ gsang ba pa'i bdag po de la dge ba'i rtsa ba las yongs su mi nyams par bya ba'i phyir shin tu brtson par bya'o/ / gsang ba pa'i bdag po ji ltar dge ba'i rtsa ba las yongs su nyams par mi 'gyur zhe na/ gsang ba pa'i bdag po bag yod par gnas pa'i lha dang mi rnams ni dge ba'i rtse ba las yongs su nyams par mi 'gyur ro/ / de la bag yod pa ni sems rjes su srung ba dang / yul 'dor ba dang / 'dod pa la dga' ba rnam par spong ba dang / chos kyi dga' ba la rten pa dang / 'dod pa la rnam par rtog pa dang / gnod sems kyi rnam par rtog pa dang / rnam par 'che ba'i rnam par rtog pa rnams kyi rgyu ba med pa dang / mi dge ba rnams dang tshul bzhin ma yin pa yid la byed pa rnams kyi rgyu ba med pa dang / chags pa dang / zhe sdang dang /

  537. 269b

    gti mug rnams kyi rgyu ba med pa dang / lus dang / ngag dang / yid kyi gnas ngan len rnams kyi rgyu ba med pa nas/ nyams pa'i cha dang mthun par 'gyur ba'i chos thams cad kyi bar gyi rgyu ba med pa ste/ 'di ni bag yod pa zhes bya'o// gsang ba pa'i bdag po su dad pa dang ldan zhing bag yod pa dang ldan pa des/ brtson 'grus gang gagis bag yod par byed pa dang / dad pa byed pa'i chos de dag yang dag par bsgrub par 'gyur ba'i brtson 'grus dang ldan par bya'o// gsang ba pa'i bdag po su dad pa dang brtson 'grus dang ldan pa des dran pa dang shes bzhin la brtson par bya'o/ / dran pa dang shes bzhin des byang chub kyi phyogs kyi chos thams cad chud za bar mi 'gyur ro// gsang ba pa'i bdag po su dad pa dang / bag yod pa dang / brtson 'grus dang / dran pa dang / shes bzhin dang ldan pa des tshul bzhin du sbyor ba la brtson par bya'o// gsang ba pa'i bdag po tshul bzhin la brtson pa'i byang chub sems dpa' ni gang yod pa de'ang rab tu shes so/ / gang med pa de'ang med pa rab tu shes so// de la yod pa ni gang med pa ni gang zhe na/ yang dag par sbyor ba dang ldan pa la ni 'phags pa'i rnam par grol ba yod do// 'di ni yod pa zhes bya'o// de la med pa gang zhe na/ log par sbyar ba dang ldan

  538. 270a

    pa lan 'phags pa rnas par thub pa ma dang / ngan meng pa#// gzhan yang las dang nam pa sbyin pan ma da// gang snang dA rnam par / ba dang ldan pa ni med do// gzhan yang kun rdzob tu mig dang / rna ba dang / sna dang / lce dang / lus dang / yid ni yang ngo // gang mig nas yid kyi bar dang ldan pa ni med do/ / gzhan yang byang chub sems dpa' brtson 'grus brtsams pa la ni byang chub yod do// le lo can la ni byang chub med do// phyin ci log las byung ba'i phung po lnga dag ni yod do/ / rgyu med pa las chos 'byung ba ni med do// gzhan yang mi rtag pa dang / sdug bsngal ba dang / 'gyur ba'i chos can gyi gzugs ni yod do// rtag pa dang / brtan pa dang / zer zug dang / mi 'gyur ba'i chos can dang / yang dag par de bzhin nyid du gnas pa'i gzugs de ni med do// de bzhin du mi rtag pa dang / sdug bsngal ba dang / 'gyur ba'i chos can gyi tshor ba dang / 'du shes dang / 'du byed rnams dang / rnam par shes pa ni yod do// rtag pa dang / brtan pa dang / thar zug dang / mi 'gyur ba'i chos can dang / yang dag par de bzhin nyid du gnas pa'i rnam par shes pa de ni med do// gzhan yang ma rig pa'i rkyen gyis du byed

  539. 270b

    zhes bya ba de dag ni yod do/ / ma rig pa med na 'du byed rnams zhes bya ba de dag med do// 'du byed kyi rkyen gyis rnam par shes pa zhes bya ba de ni yod do// 'du byed rnams med na rnam par shes pa zhes bya ba de ni med do/ / rnam par shes pa'i rkyen gyis ming dang gzugs zhes bya ba de ni yod do// rnam par shes pa med na ming dang gzugs zhes bya ba de ni med do/ / ming dang gzugs kyi rkyen gyis skye mched drug ces bya ba de ni yod do// ming dang gzugs med na skye mched drug ces bya ba de ni med do// skye mched drug gi rkyen gyis reg pa zhes bya ba de ni yod do/ / skye mched drug med na reg pa zhes bya ba de ni med do// reg pa'i rkyen gyis tshor ba zhes bya ba de ni yod do// reg pa med na tshor ba zhes bya ba de ni med do/ / tshor ba'i rkyen gyis sred pa zhes bya ba de ni yod do// tshor ba med na sred pa zhes bya ba de ni med do// sred pa'i rkyen gyis len pa zhes bya ba de ni yod do/ / sred pa med na len pa zhes bya ba de ni med do// len pa'i rkyen gyis srid pa zhes bya ba de ni yod do// len pa med na srid pa zhes bya ba de ni med do// srid pa'i rkyen gyis skye ba zhes bya ba de ni yod do/ / srid pa med na skye ba zhes bya ba de ni med do// skye ba'i rkyen gyis rga shi dang / mya ngan dang / smre sngags 'don pa dang /

  540. 271a

    sdug bsngal ba dang / yid mi bde ba dang / 'khrug pa rnams ni yod do// skye ba med na rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams med do// gzhan yang sbyin pas longs spyod chen por 'gyur ba ni yod do// sbyin pas dbul por 'gyur ni med do/ / tshul khrims kyis mtho ris su skye ba ni yod do// tshul khrims kyis ngan song du skye ba ni med do// thos pas shes rab chen por 'gyur ba ni yod do// rdzas pas shes rab 'chal par 'gyur ba ni med do/ / bsgom pas 'bral bar 'gyur ba ni yod do// bsgoms pas 'bral bar mi 'gyur ba ni med do// tshul bzhin ma yin pa yid la byed pa dang ldan na nyon mongs pa 'byung ba ni yod do/ / tshul bzhin ma yin pa yid la byed pa dang bral na nyon mongs pa 'byung ba ni med do// mngon pa'i nga rgyal can la rna kun shes pa brda sprod pa med do/ / mngon pa'i nga rgyal med pa la ni mya ngan las 'das pa yod do// gzhan yang thams cad kyi rjes su song ba'i stong pa nyid ni yod do// nang gi rjes su song ba'i bdag ni meng ngo / / ye shes dang ldan pa la ni thar pa yod do// nga rgyal dang ldan pa la ni 'byung ba med do// bdag gam/ sems can nam/ @

  541. 271b

    gam/ gang zag ces bya ba gang yin pa de ni med do// gsang ba pa'i bdag po de ltar na bag yod pa dang / tshul bzhin yid la byed pa dang ldan pa'i byang chub sems dpas 'jig rten na mkhas pa rnams la yod par grags pa gang yin pa de ni yod par rab tu shes so/ / 'jig rten na mkhas pa rnams la med par grags pa gang yin pa de ni med par rab tu shes so/ / de yod do zhes tha snyad 'dogs pa la'ang mi chags so// med do zhes tha snyad 'dogs pa la'ang mi chags te/ sangs rgyas bcom ldan 'das rnams kyis gsungs pa yang dag pa'i don rjes su rtogs so/ / gsang ba pa'i bdag po de la de bzhin gshegs pas chos thams cad mdor bsdus te/ chos kyi mdo bzhir rnam par gzhag go/ / bzhi gang zhe na/ dge sbyong dang / bram ze rtag par smra ba rnams dang / lha tshe ring po rtag par 'du shes pa rnams kyi gzhom pa'i phyir 'du byed thams cad mi rtag go zhes bya ba dang / lha dang mi bde bar 'du shes pa rnams kyi gzhom pa'i phyir 'du byed thams cad sdug bsngal lo zhes bya ba dang / mu stegs can bdag tu smra ba rnams kyi gzhom pa'i phyir chos thams cad la bdag med do zhes bya ba dang / rnam par rtog pa la dpyod pa mngon pa'i nga rgyal can rnams kyi gzhom pa'i phyir mya ngan las 'das pa ni nga zhes bya'o//

  542. 272a

    gsang ba pa'i bdag po mi rtag ces bya ba de ni shin tu mi rtag pa'i don gyi tshig bla dgas so// sdug bsngal zhes bya ba de ni smon pa dang bral ba'i tshig bla dgas so/ / bdag med ces bya ba de ni stong pa nyid kyi mtshan nyid kyi tshig bla dgas so// mya ngan las 'das pa ni zhi ba'o zhes bya ba de ni mtshan ma med pa mngon du bya ba'i tshig bla dgas so// gsang ba pa'i bdag po de ltar na chos thams cad la de ltar mos shing tshul bzhin yid la byed pa dang ldan pa'i byang chub sems dpa' ni dge ba byang chub kyi phyogs kyi chos rnams las mi nyams shing yongs su nyams par mi 'gyur te/ sangs rgyas kyi chos thams cad kyang myur du yongs su rdzogs par byed do// de nas bcom ldan 'das la 'jig rten skyong ba rgyal po bzhis 'di skad ces gsol to/ / bcom ldan 'das rgyal po chen po bzhi po bdag cag 'jig rten skyong ba zhes bgyi na/ bcom ldan 'das bdag cag gis ji ltar 'jig rten bskyong bar bgyi/ de nas bcom ldan 'das kyis/ 'jig rten skyong ba rgyal po chen po bzhi la 'di skad ces bka' stsal to// grogs po dag khyed kyis chos kyi bya bas 'jig rten skyongs shig/ de la dge ba bcu'i las kyi lam 'di dag ni 'jig rten skyong bar byed pa'o// bcu gang zhe na/ 'di lta ste/ srog gcod pa spong ba

  543. 272b

    dang / rang gi longs spyod kyis chog par 'dzin pa dang / gzhan gyi chung ma dag la mi 'phyo ba dang / chos spyod pa rnams la bden pa nyid dang / gzhan gyi 'khor mi 'byed ba dang / za ba'i tshig med de zher mi 'debs pa dang / tshig tsam ji lta ba bzhin te gzhan la mi slu ba dang / gzhan gyi longs spyod la 'dod pa med pa dang / gnod sems nye bar zhi ba dang / lta ba yongs su dag cing yang dag par song ba ste/ grogs po dag dge ba bcu'i las kyi lam de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos brgyad de/ brgyad gang zhe na/ 'di lta ste/ ji skad smras pa de bzhin du byed pa dang / bla ma la gus pa dang / thams cad du mthun par 'dzin pa dang / drang ba dang / mnyen pa dang / sems can thams cad la byams pa'i sems dang ldan pa dang / sdig pa thams cad mi byed pa dang / dge ba'i rtsa ba thams cad yang dag par sdud pa ste/ grogs po dag chos brgyad po de dag ni 'jig rten skyong bar byed pa'o// grogs po dag gzhan yang yang dag par mgu bar bya ba'i chos 'jig rten skyong bar byed pa drug ste/ drug gang zhe na/ 'di lta ste/ ston pa dang / tshangs pa mtshungs par spyod pa mkhas pa rnams dang / sems can thams cad

  544. 273a

    byams pa'i lus kyi las 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba dang po'o// de bzhin du ston pa dang / tshangs pa mtshungs par spyod pa mkhas pa rnams dang / sems can thams cad la byams pa'i ngag dang yid kyi las 'di ni yang dag par mgu bar 'gyur ba'i chos dga' bar byed pa dang / bla mar byed po dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba gnyis pa dang gsum pa'o// rnyed pa gang dag chos dang mthun pa/ chos kyis rnyed pa tha na lhung bzed kyi nang du chud pa 'am/ lhung bzed par g togs pa de lta bu'i rnyed pa dag gis tshangs pa mtshungs par spyad pa mkhas pa rnams dang lhan cig tu rnyed pa mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom par bya ba

  545. 273b

    dang / bsdu ba dang / ting nge 'dzin du bya bar 'gyur ba bzhi pa'o// tshul khrims ma nyams pa/ skyon med pa/ 'dren ma ma yin pa/ sra sra ma yin pa/ rang dbang can/ ma 'bags pa/ mkhas pas bsngags pa/ tshangs pa mtshungs par spyod pa/ mkhas pa rnams kyis ma smad pa/ gang dag yin pa de lta bu'i tshul khrims rnams kyis tshangs pa mtshungs par spyod pa mkhas pa rnams dang lhan cig tu tshul khrims mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / mgu bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang / bsdu ba dang / ting nge 'dzin du bya bar 'gyur ba lnga pa'o/ / lta ba gang 'phags pa nges par 'byung ba nges par 'byed pa'i cha dang mthun pa de byed pa'i sdug bsngal yang dag par zad par 'gyur ba dang / sdug b sngal mthar 'byin pa nges par 'byung ba'i lta ba de lta bus tshangs pa mtshungs par spyad pa rnams dang lhan cig tu lta ba mthun par bya'o snyam pa 'di ni yang dag par mgu bar 'gyur ba'i chos dga' bar byed pa dang / bla mar byed pa dang / yid du 'ong bar byed pa dang / dga' bar bya ba dang / bla mar bya ba dang / gus par bya ba dang / bsgom pa dang

  546. 274a

    bsdu ba dang / ting nge 'dzin du bya bar 'gyur ba drug pa ste/ grogs po dag yang dag par mgu bar bya ba'i chos drug po de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos bzhi ste/ bzhi gang zhe na/ 'di lta ste/ 'dod pa dang / zhe sdang dang / gti mug dang / 'jig pa spangs pas 'dod pas 'gro ba ma yin par mi 'gro ba dang / zhe sdang gis 'gro ba ma yin par mi 'gro ba dang / gti mug gis 'gro ba me yin par mi 'gro ba dang / 'jigs pas 'dra ba ma yin par mi 'gro ba ste/ grogs po dag 'gro ba ma yin par 'gro ba spangs pa'i chos bzhi po 'di dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos gnyis te/ gnyis gang zhe na/ 'di lta ste/ ngo tsha shes pa dang / khrel yod pa ste/ chos gnyis po de dag ni 'jig rten skyong bar byed pa'o// grogs po dag gzhan yang 'jig rten skyong bar byed pa'i chos ni gcig kho na te/ 'di lta ste/ bden pa ni 'jig rten skyong bar byed pa/ bka' blo bde ba ni 'jig rten skyong bar byed pa/ gya med pa ni 'jig rten skyong bar byed pa ste/ grogs po dag chos gcig pu de ni 'jig rten skyong bar byed pa'o// grogs po dag de lta bu'i chos la brtson na 'jig rten sbyang bar byed de/ grogs

  547. 274b

    po dag khyed kyis chos de lta bu la brtson pas 'jig rten skyongs shig/ 'jig rten skyong ba'i le'u zhes bya ste bcu dgu pa'o// // de nas bcom ldan 'das 'di snyam du dgongs te/ gsang sngags kyi tshig gang dag brjod pas 'khor 'di thams cad dge ba dang ldan par 'gyur ba dang / de bzhin gshegs pa'i byang chub 'di'ang yun ring du gnas par 'gyur ba'i gsang sngags kyi tshig de dag ngas 'khor 'di la brjod par bya'o snyam nas/ de nas bcom ldan 'das kyis/ gsang ba pa'i bdag po lag na rdo rje la bka' stsal pa gsang ba pa'i bdag po ngas klu'i rgyal po sog ma med kyi gnas su gsang sngags kyi tshig gang dag smras pa de dag dang / byang chub kyi snying po mchog dam par 'dug nas 'gro ba la phan pa dang bde ba'i phyir/ ngas sems kyi dran pas gang dag smras pa de dag khyod kyis dran nam/ gsol pa/ bcom ldan 'das dran lags so// bcom ldan 'das kyis bka' stsal / gsang ba pa'i bdag po gsang sngags kyi tshig de dag la khyod spobs par gyis shAH/ de nas gsang ba pa'i bdag po lag na rdo rje stan las langs te/ bam 'das kyi spyan sngar tsug cig pur 'dug nas/ lag pa gnyis bcom ldan 'das kyi zhabs gnyis la gtugs te/ gsang sngags kyi tshig 'di dag smras so// 'di lta ste/ A r+yal/

  548. 275a

    / @##/ na// / masan s+yA / ma ga tas pa / da ma// nabid+d+ha/ ta / tAn / Ta na / toho/ nA kA nA ma/ yak+Sha rAs/ gan d+harbA d+hAm/ kin nA ra NAm/ ma sor ga rnam/ swa sIr b+ha ba N+Da la nAm/ bkau ran du ma hA bar rba tA/ sam bya ba tan gardza tu sa mu dra ba ga i ti/ gsang sngags kyi tshig bstan pa 'di bshad pa na lha'i gnas thams cad rab tu g.yos sa// sa thams cad kyang rab tu g.yas so// rgya mtsho chen pa'ang rab tu 'khrug go/ de na thams cad dang ldan pa'i 'khor de'ang 'dar bar pad nas/ bcom ldan 'das kyi zhabs gnyis la phyag 'tshal bar gyur to// bcom ldan 'das kyis stong gi 'jig rten gyi khams de la zhabs gcig gis reg par mdzad do/ / de na thams cad dang ldan pa'i 'khor de/ de bzhin gshegs pa'i zhabs la ma reg tsam du nye bar 'dag ste/ 'di skad ces gsol to// bcom ldan 'das bdag cag bsrung du gsol/ bde bar gshegs pa bdag cag la bskyab tu gsol/ bdag cag la gnod lags so// bdag

  549. 275b

    cag la rab tu gnod lags so/ / bdag cag 'dar bad bad lags so// bcom ldan 'das kyis bka' stsal pa/ grogs po dag ma 'jigs shig/ ma 'jigs shig/ de bzhin gshegs pas byin gyis brlabs pa'i gsang sngags kyi tshig 'di dag gi yul ni/ 'di lta ste/ sa chen po 'di rab tu g.yos pa dang / rgya mtsho chen po 'khrug pa dang / khyed kyang nam mkha' la gnas nas rab tu g.yos pa yin no// de nas bcom ldan 'das kyis gsang ba pa'i bdag po lag na rdo rje'i 'khor gyi khyams su/ ci nas srog chags brgyad khris byang chub tu sems bskyed pa dang / sems can tshad med pa de dag gis bslab pa'i gnas rnams blangs par gyur pa de ltar chos rgya cher bstan to// / / bam po dgu pa/ de nas gsang ba pa'i bdag po'i bu rdo rje'i sdes bcom ldan 'das la rin po che'i dra bas mngon par bkab nas/ bcom ldan 'das la 'di skad ces gsol to/ / bcom ldan 'das byang chub sems dpa' ji ltar na bla na med pa yang dag par rdzogs pa'i byang chub la mi 'khrugs pa'i chos can du 'gyur ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po ches bcu dang ldan na/ bla na med pa yang dag par rdzogs pa'i byang

  550. 276a

    rgyub la mi 'khrugs pa'i chos can du 'gyur ro/ / bcu gang zhe na/ kha zab med pa byams pa chen po dang / yongs su ma skye ba'i snying chen po dang bya ba thams cad nyams 'og tu chud par byed pa'i brtson 'grus dang / stong pa nyid kyi rnam par sbyar ba'i ting nge 'dzin dang / mngon sum du rtogs pa'i shes rab dang / thams cad kyi rjes su sang ba'i mkhas pa dang / dus gsum yongs su sbyang ba'i ye shes dang / bdon pa mthong ba sbyang bar bya ba'i sgrib pa med pa dang / rnam pa thams cad kyi mchog dang ldan pa'i stong nyid dang / ji lta ba bzhin gyis yongs su dag pa'i lam la 'jug pa ste/ gzhon nu byang chub sems dpa' chos bcu po de dag dang ldan na/ bla na med pa yang dag par rdzogs pa'i byang chub la mi 'khrugs pa'i chos can du 'gyur ro/ / gsang ba pa'i bdag po'i bu rdo rje'i sdes/ bcom ldan 'das la yang 'di skad ces gsol to// bcom ldan 'das ji ltar na byang chub sems dpa' sangs rgyas kyi chos bsam gyis mi khyab pa nyid thos na/ mi sdang mi skrag cing skrag par mi 'gyur ba lags/ bcom ldan 'das kyis bka' stsal pa/ gzhon nu byang chub sems dpa' chos brgyad dang ldan na/ sangs rgyas kyi chos bsam gyis mi khyab pa nyid thos na/ mi sdang mi skrag cing skrag par mi

  551. 276b

    'gyur te brgyad gang zhe na/ shes rab kyis brtan pa yin/ ye shes kyis brtan pa yin/ dge ba'i bshes gnyen gyis yongs su zin pa yin/ rgya chen po la mos pa yin// sgyu ma dang mtshungs pa'i chos las nges par byung ba yin/ chos la mi rtag par mos pa yin/ sems nam mkha' dang mtshungs pa yin/ chos thams cad rnam par bsgrub par gnas pa'i mtshan nyid du shes pa yin te/ gzhon nu byang chub sems dpa' chos brgyad pa de dag dang ldan na/ sangs rgyas kyi chos bsam gyis mi khyab pa nyid thos na mi sdang mi skrag cing skrag par mi 'gyur ro/ / gsol pa/ bcom ldan 'das byang chub sems dpa' chos du dang ldan na/ bgyi ba thams cad la dbang dang ldan par 'gyur ba lags/ bcom ldan 'das kyis bka' stsal pa/ gzhon nu byang chub sems dpa' chos bzhi dang ldan na/ bya ba thams cad la dbang dang ldan par 'gyur te/ bzhi gang zhe na/ legs par bskams shing nyams par ma gyur pa'i mngon par shes pa lnga dang ldan pa yin/ rnam par thar pa'i sgos yongs su bsgos pa'i bsam gtan bzhi dang ldan pa yin/ tshangs pa'i bla ma 'jig rten las 'das pa'i tshangs pa'i gnas pa bzhi dang ldan pa yin/ thams cad kyi rjes su rnam par rgyu ba'i thabs dang shes rab las nges pa

  552. 277a

    byung ba yin te/ gzhon nu byang chub sems dpa' chos bzhi pa de dag dang ldan na/ bya ba thams cad la dbang dang ldan par 'gyur ro// gsal pa/ bcom ldan 'das byang chub sems dpa' rnams kyi sgo du mchis/ bcom ldan 'das kyis bka' stsal pa/ gzhan nu byang chub sems dpa' rnams kyi sgo bzhi ste/ bzhi gang zhe na/ 'di lta ste/ sems can gyi dbang po la 'jug pa ye shes kyi sgo dang / tshig rab tu dbye ba bstan pa shes rab kyi sgo dang / skad thams cad kun tu 'dzin pa la 'jug pa gzung kyi sgo dang / chos mi zad pa bstan pa so so yang dag par rig pa'i sgo ste/ gzhon nu bzhi po de dag ni byang chub sems dpa' rnams kyi sgo'o// gsol pa/ bcom ldan 'das byang chub sems dpa' rnams kyi stobs du mchis/ bcom ldan 'das kyis bka' stsal pa// gzhon nu byang chub sems dpa' rnams kyi stobs ni dgu ste/ dgu gang zhe na/ snying rje bar bya ba'i phyir nges par sems dpa'i stobs dang / phyir mi ldog par bya ba'i phyir brtson 'grus kyi stobs dang / shes rab chen por bya ba'i phyir thos pa'i stobs dang / rnam par grol ba yongs su rdzogs par bya ba'i phyir rmo pa'i stobs dang / 'bral bar bya ba'i phyir bsgoms pa'i stobs dang / sems can bsrung ba'i phyir bzod pa'i stobs dang

  553. 277b

    bdud tshar gcod pa'i phyir byang chub kyi sems kyi stobs dang / sems can yongs su smin par bya ba'i phyir snying rje chen po'i stobs dang / stobs bcu yongs su rdzogs par bya/ ba'i phyir mi skye bar bzod pa'i stobs te/ gzhon nu dgu po de dag ni byang chub sems dpa' rnams kyi stobs so// bstan pa 'di bshad pa na/ gsang ba pa'i bdag po'i bu de dag mi skye ba'i chos la bzod pa thob par gyur te/ de dag bzod pa thob nas/ bcom ldan 'das la 'di skad ces gsol to// bcom ldan 'das chos kyi rnam grangs 'di gsang ba pa'i bdag po'i gnas su yun ring du gnas shing spyod par 'gyur ba dang / sems can snod du gyur pa de dag gi rna lam du grags par 'gyur ba dang / de bzhin gshegs pa yongs su mya ngan las 'das pa'i slad du na 'dzam bu gling du rgyas par 'gyur zhing / ci nas kyang nub par mi 'gyur bar byin gyis brlab tu gsol/ de nas bcom ldan 'das kyis/ gsang ba pa'i bdag po'i bu de dag gis gsol ba btab pa mkhyen nas/ gsang ba pa'i bdag po lag na rdo rje la bka' stsal pa/ gsang ba pa'i bdag pa 'di lta ste/ dam pa'i chos kyi tshul yun ring du gnas par bya ba dang / bdud dang phas kyi rgol ba thams cad chos dang mthun pas char gcod par bya ba'i phyir ngas khyod la

  554. 278a

    'phrul gyis/ byang chub sems dpa' byang chub kyi snang ba mtshas dam pa la 'dug pa 'byung ba dang / bdud kyi sa 'ongs pa na 'dud char gtsang pa'i phyir byad/ kyis gsang sngags kyi gzhi gang dag pasams shing brjod pa dang / kha ton bya ba de dag la khyad spabs par gyis shig/ de nas gsang ba pa'i bdag po lag na rdo rjes bcom ldan 'das kyis bskul bar rig nas/ stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ de'i tshe gsang sngags kyi gzhi 'di dag smras so// tad+ya thA/ hu lu/ hu lA/ hu le/ d+hA ra/ d+hA rA te/ a ku sha la kA ye/ tsa le/ tsa la ba ti/ sA raM/ kU re/ krAn ti ba le/ krA me/ krAn ti ka/ sha me/ hu lu/ a li khi/ khi ri kha re/ A be sha ni sa ra Ne/ dza ma dza ya ba ti/ s+thi re/ a brti/ bi brte/ a brta naM/ mai tra b+hU tA nan sang gra he/ da me/ da ma sam ban ne/ tIr+Ne ta ra ya se/ swa yan/ swa sti de be b+h+yo/ nA ge r+g+ga/ yawe b+h+yo/ gan d+harma rAk+ka se b+h+yo/ ma nu Sha a ma nu She b+hu swa stir b+ha ba tum dA su kham/ gsang sngags 'di dag rab brjod pas// ri yi rgyal po rnams kyang g.yos// sa yang rab tu

  555. 278b

    g.yos par gyur/ / chu yi rgyal po rnams kyang 'khrugs// gsang sngags 'di dag rab brjod pas// bas kyi rgol rnams tshar yang gcod// chos smra ba ni yang dag bsdus/ chos kyi mdzod ni kun tu bsrungs// gsang sngags gzhi 'di thos nas ni// lha tshogs kun tu dga' gyur nas// dam chos ring du gnas 'gyur zhes// phan tshun du ni smra bar byed/ / stong gsum po yang rab tu g.yos// khor yang rab tu 'dar gyur nas/ mi yi dbang po'i zhabs gnyis la// gtugs pa byas te skyabs su dong // de dag mi 'jigs der phyin nas/ / ston pas 'di skad bka' stsal te// mdo 'di byin gyis brlabs pas na// dam chos ring du gnas par 'gyur// de nas bcom ldan 'das kyis gsang ba pa'i bdag po lag na rdo rje'i gnas su zhag bdun 'das 'das su sems can tshad med pa dag gi don mdzad nas/ zhag bdun 'das te lcang lo can gyi brang 'khor du sems can gyi don mdzad pa ji snyed pa de dag thams cad rgyas par mdzad nas/ gsang ba pa'i bdag po lag na rdo rje'i gnas nas gshegs te/ nam mkha'i dkyil gyi lam de nyid nas byang chub sems dpa'i tshogs kyis ni bskor/ nyan thos kyi tshogs kyis ni mdun du bdang / lha'i tshogs kyis ni phyag byas/ lha'i bu mo'i tshogs kyis ni mngon

  556. 279a

    par bstod/ gnod sbyin dang / dri ba dang / lha ma yin dang / nam mkha' lding du mag ni bskrur/ brgya byin dang / tshangs pa dang / 'a rten skyong ba rnams kyis ni mngon par bstod/ 'od zer gyi dra ba ni rab tu 'gyed/ rol mo sil snyan ni len/ me tog gi char ni 'bebs/ zhing rnams ni rab tu g.yo bar mdzad cing / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi rnam par 'phrul pa chen po dang / sangs rgyas kyi cho 'phrul chen po ba sangs rgyas kyi dpal chen po dang / sangs rgyas kyi gzi brjid chen po dang / sangs rgyas kyi spyod lam chen po dang / sangs rgyas kyi rnam par rol pa chen pos dang ba'i rgyab po ltar thogs pa med par gshegs te/ slar bya rgod kyi rung ba'i ril byon te// gsang ba pa'o bdag pa lag na rdo rje'ang bcom ldan 'das kyi zhabs 'bring du 'brang bar gyur to// bzhud pa dang byon pa'i le'u zhes bya ste nyi shu pa'o// // de nas bcom ldan 'das byang chub sems dpa' rnams dang / nyan thos chen po rnams dang thabs cig tu bya rgod kyi phung po'i ro la bzhugs so/ / de nas bcom ldan 'das phye ma red kyi dus kyi tshe nang du yang dag 'jog las bzhengs nas chos ston to// de nas rgyal po'i khab

  557. 279b

    kyi grong khyer chen po'i srog chags drug khri dang / rgyal po ma skyes dgra 'khor dang bcas pas/ bcom ldan 'das slar gshegs par rig nas/ phye ma red kyi dus kyi tshe me tog dang / spos dang / 'phreng ba dang / byug pa thogs to/ rgyal po'i khab kyi grong khyer chen po nas byung nas/ bya rgod kyi phung po'i ri ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang rgyal po ma skyes dgras/ bcom ldan 'das la 'di skad ces gsol to// bcom ldan 'das bdag 'di na 'dun khang na mchis mchis na/ gzhon nu 'jigs byed sbyin mchis te 'di skad ces mchi'o/ / yab bcom ldan 'das ni gsang ba pa'i bdag po lag na rdo rje'i gnas lcang lo can gyi pho brang 'khor du gdugs tshod gsol nas slar gshegs shes gda'o zhes mchis nas/ bcom ldan 'das de la bdag gis 'di snyam du bsamra te/ gang gi slad du gsang ba pa'i bdag po lag na rdo rje'i gnas lcang lo can gyi pho brang 'khor du bcom ldan 'das spyan drangs na yang / sems can yongs su smin par mdzad pa'i slad du/ lcang lo can gyi pho brang 'khor du gshegs pas/ 'di ltar gang de bzhin

  558. 280a

    gshegs pas yongs su btang ba'i sems can de ni sems can gyi rigs na gang yang ma mchis te/ sems can rnams la sangs rgyas bcom ldan 'das rnams kyi thugs rje chen po 'jug pa ni ngo mtshar to/ / bcom ldan 'das de bzhin gshegs pas chos rnam par nges pa lung bstan pa lung bstan pas/ gsang ba pa'i bdag po lag na rdo rje dga' bar gyur pa'i bdag nyid chen po ngo mtshar to snyam du bgyid do/ / bcom ldan 'das gsang ba pa'i bdag po lag na rdo rjes de bzhin gshegs pa dgra bcom pa yang dag par rdzogs pa'i sangs rgyas ji snyed cig la dge ba'i rtsa ba bskyed na des 'di 'dra ba'i spobs pa dang ldan par gyur/ de skad ces gsol pa dang / bcom ldan 'das kyis/ rgyal po ma skyes dgra la 'di skad ces bka' stsal to// rgyal po chen po sems can dge ba'i rtsa ba ma bskyed pa rnams kyis ni gnas 'di la mos par dka' ste/ 'on gyis kyang dge ba'i rtsa ba bskyed par gyur pa de dag ni mos par 'gyur ro/ / rgyal po chen po phyogs bcu'i 'jig rten gyi khams gang+gA'i klung gi bye ma snyed po de dag ni bgrang ba'i tshul gyis mtha' rtogs par nus kyis/ gsang ba pa'i bdag po lag na rdo rjes sangs rgyas bcom ldan 'das ji snyed cig la mchod pa dang / bsnyen bkur byas pa'i sangs rgyas bcom ldan

  559. 280b

    'das de dag ni bgrang ba'i tshul gyis mtha' rtogs par mi nus te/ de dag gi gan nas tshangs par spyad pa spyad pa des na spobs pa 'di lta bu dang ldan par gyur to/ rgyal po chen pa khyod kyis rnam grangs 'dis kyang 'di ltar rig par bya ste/ rgyal po chen po sngon byung ba 'das pa'i dus na/ bskal pa grangs med pa'i yang chos grangs med pa rgya che ba'i yang ches rgya che ba/ tshad med pa/ bsam gyis mi khyab par gyur pa/ de'i tshe de'i dus na ma smad pa zhes bya ba'i bskal pa la 'jig rten gyi khams rnam par rgyal ba can zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par zhi spyod ces bya ba 'jig rten du byung ste/ bcom ldan 'das de bzhin gshegs pa rnam par zhi spyod de/ rigs kyi bu dag khyed kyis yus dang srog kyang btang ste/ brtson 'grus brtsams par bya ba zhes byang chub sems dpa'i gtam 'ba' zhig yang dag par stan to/ / rgyal ba chen po de'i tshe byang chub sems dpa' dpa' stobs zhes bya ba 'khor der 'dus par gyur te 'dug pa des/ bcom ldan 'das la 'di skad ces gsol to// bcom

  560. 281a

    ldan 'das kyis byang chub sems dpa' rnams lus srog kyang btang ste/ brtson 'grus brtsam par bya'o zhes de skad bka' stsal pa la/ bcom ldan 'das kyis bka' stsal ba'i don bdag gis 'tshal ba ltar na/ bcom ldan 'das byang chub sems dpa' 'di snyam du myur du bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du sems pa de ni le lo can du grags pa lags pa snyam du bdag bgyid do/ / de ci'i slad du zhe na/ bcom ldan 'das byang chub sems dpa' brtson 'grus brtsams pa rnams ni 'khor ba la yongs su skyo ba'i blo skye bar mi 'gyur te/ bcom ldan 'das byang chub sems dpa' rnams ni sems can yongs su smin par bgyi ba'i slad du 'khor ba la phan yon du lta ba lags kyis/ mya ngan las 'das pa la ni de lta ma lags te/ bcom ldan 'das byang chub sems dpa' rnams ni sems can gyi don la brtson pa lags so/ / de ci'i slad du zhe na/ bcom ldan 'das byang chub sems dpa' brtson 'grus la mos pa rnams la 'khor ba ni ches pa de'i/ mya ngan las 'das pa ni de lta ma lags so/ / de ci'i slad du zhe na/ bcom ldan 'das byang chub sems dpa' sems can gyi don la brtson pa de dag ni ji lta ji ltar sems can rnams kyi don bgyid pa de lta de ltar

  561. 281b

    bde bar 'gyur te/ bcom ldan 'das yongs su mya ngan las 'das na slad kyis ci zhig bgyi bar 'gyur/ bcom ldan 'das de lta bas na byang chub sems dpas 'khor ba'i bde ba'i ro mi myang bar 'khor ba spyod yul du bgyis te/ mya ngan las 'das pa spyod yul du mi bgyi'o// bcom ldan 'das byang chub sems dpa' 'khor ba'i bde ba'i ro mi myang babar 'khor ba spyod yul du bgyod cing sems can gyi don la brtson pa ni/ sangs rgyas bcom ldan 'das tshad ma mchis pa mthong bar 'gyur/ chos tshad ma mchis pa nyan par 'gyur zhing / sems can tshad ma mchis pa yongs su smin par bgyid do// bcom ldan 'das byang chub sems dpa' 'khor ba spyod yul du bgyid pa ni sems can gyi spyod yul gyi rjes su 'jug go/ / bcom ldan 'das byang chub sems dpa' mya ngan las 'das pa spyod yul du bgyid pa ni btang snyoms su ltung logs so// bcom ldan 'das gal te byang chub sems dpa' 'khor ba'i spyod yul gyis skrag na/ spyod yul ma lags par ltung ste/ slad kyis sems can gyi don mi bgyid/ de bzhin gshegs pa'i spyod yul la gnas par mi 'gyur zhing / sems can thams cad kyi nye bar 'tshe bar mi 'gyur lags so// de'i spyod yul ma lags pa gang zhe na/ 'di lta ste/ nyan thos dang rang

  562. 282a

    sangs rgyas kyis 'tshal zhing / sems can yongs su smin par bgyid pa la g.yel ba lags so// de ci'i slad du zhe na/ bcom ldan 'das nyan thos rnams kyi spyod yul gang lags pa de ni/ byang chub sems dpa'i spyod yul ma lags so// de ci'i slad du zhe na/ bcom ldan 'das nyan thos dang rang sangs rgyas rnams ni 'khor bas skrag pa'i spyod yul ba lags so/ / byang chub sems dpa' rnams ni 'khor ba dpag tu ma mchis pa yongs su 'dzin pa lags te/ bcom ldan 'das de la byang chub sems dpa' rang gi sprad yul la gnas par bgyi'o/ / rgyal po chen pos de skad ces gsol pa dang / de bzhin gshegs pa rnam par zhi spyod kyis/ byang chub sems dpa' dpa' stobs la 'di skad ces bka' stsal to/ / skyes bu dam pa khyod kyis tshig 'di legs par smras pa legs so legs so// byang chub sems dpas rang gi spyod yul gyi bya ba dag la gus par byas te/ rang gi spyod yul la spyad par bya'i/ gzhan gyi spyad yul la spyad par mi bya'o// gsol pa/ bcom ldan 'das byang chub sems dpa' rnams kyi rang gi spyod yul gang lags bka' stsol pa/ rigs kyi bu byang chub sems do pa'i rang gi spyod yul ni/ 'di lta ste/ 'khor ba dpag tu med pa yongs su 'dzin pas mi skrag pa dang / byang chub sems

  563. 282b

    dpa'i spyod pa'i phan yon dang / nyan thos dang rang sangs rgyas kyi sa la 'dod pa med pa dang / nying mtshams sbyor ba med par yang shes la/ khams gsum du'ang mtshams sbyor ba dang / sel ba dang / sdud pa dang / dge ba'i rtsa ba rnams spel ba dang / tshul la mkhas pa dang / bsdu ba shes pa dang / dge ba thams cad sogs pa la mkhas po dang / zad pa'ang shes la/ bsod nams kyi tshogs mi zad pa la'ang mkhas pa dang / skye ba med par yang rab tu rtogs la/ bsams bzhin du skye ba la'ang mkhas pa dang / sems can yang med la/ sems can yongs su smin par byed pa la'ang mkhas pa dang / chos thams cad la dben par shes la/ dam pa'i chos yongs su bzung ba la'ang mkhas pa dang / sangs rgyas kyi zhing thams cad nam mkha'i rang bzhin du'ang shes la/ sangs rgyas kyi zhing yongs su sbyong ba la'ang mkhas pa dang / sangs rgyas thams cad chos kyi sku yin par yang shes la/ mtshan dang dpe byad bzang po'i rgyan rnam par bsgrub pa yongs su tshol ba la'ang mkhas pa dang / mngon par 'du byed pa med par yang shes la dge ba'i rtsa ba thams cad mngon par du bya ba'i rgyun mi gcod pa la'ang mkhas pa dang / 'dus byas kyi chos kyang yongs su sbyang la/ don nyung zhing bya ba nyung ba dang / sems can

  564. 283a

    thams cad kyi tsi d+ya'o cog la'ang mkhas la/ lus dang sems dben par dga' ba'ang shes pa dang / chos bstan pa'ang mi 'dor la/ smra ba la smra ba la'ang mkhas pa dang / bsam gtan yang skyed la/ bsam gtan gyi ro myang bar yang mi byed pa dang / chos zab mo rtogs pa'ang shes la/ sems can gyi spyad pa sna tshogs kyi rjes su'ang 'jug cing / gtam yang dag par ston pa la mkhas pa dang / 'byung ba med par yang shes la/ bsams bzhin du sring ba'ang yongs su 'dzin pa 'o kA mthong yang shes la/ 'bras bu thob par mi byed pa la'ang mkhas pa dang / nyan thos dang rang sangs rgyas kyi yul yang yin la/ de bzhin gshegs pa'i rnam par grol ba 'a dang pa'i rgyan mi gcod pa la'ang mkhas pa dang / byang chub sems dpa'i spyod pa mi 'dor ba'ang shes la/ sangs rgyas kyi yul la lta ba la'ang mkhas pa ste/ rigs kyi bu 'di ni bar chub sems dpa' rnams kyi rang gi spyod yul lo/ / rgyal po chen po de ltar na byang chub sems dpa' dpa' stobs des/ bcom ldan 'das de bzhin gshegs pa rnam par zhi spyod pas/ spyod yul yongs su dag pa bstan pa 'di thos nas ngo mtshar du gyur te/ bcom ldan 'das la 'di skad ces gsol to// bcom ldan 'das de bzhin gshegs pas/ byang chub sems

  565. 283b

    dpa' rnams kyi rang gi spyod yul yongs su dag pa bstan pa 'di legs par gsungs pa ni ngo mtshar lags so/ / bcom ldan 'das kyis bka' stsal pa'i don bdag gis 'tshal ba dang bdag sems pa ltar na byang chub sems dpa' thabs la mkhas pa'i rang gi spyod yul ni chos thams cad lags pa snyam bgyid do/ / bcom ldan 'das 'di lta ste/ dper bgyi na gnas gang lags pa dang / gzugs snang ba thams cad la mi sgrib pa dang / nam mkha'i spyod yul sgrib pa mchis pas gzugs su gda' ba thams cad ni nam mkha'i spyad yul lags so// bcom ldan 'das de bzhin du mngon par rdzogs par 'tshang rgya bas/ byang chub sems dpa' thobs la mkhas pa'i spyod yul ni chos thams cad lags so// bcom ldan 'das 'di lta ste/ dper bgyi na gnod pa ma mchis pa'i slad du gzugs su gda' ba thams cad ni nam mkha'i spyod yul lags te/ dug go shing ljon pa 'am/ sman gyi shing ljon pa 'am/ tsher ma can gyi zhing ljon pa 'am/ me tog gi shing ljon pa 'am/ 'bras bu'i shing ljon pa 'am/ spos kyi shing ljon pa gang lags pa de dag thams cad ni nam mkha' las rnam par 'phel yang / nam mkha' ni de dag gis kun nas nyon mongs par yang mi 'gyur/ rnam par dag par yang mi 'gyur/ rjes su 'chags par yang mi 'gyur/ khong khro bar yang mi 'gyur lags so// bcom ldan 'das de bzhin du byang chub sems

  566. 284a

    dpa' thams la mkhas pa/ shes rab las nges par byung ba'i rang gi spyod yul ni chos thams cad lags te/ so so'i skye ba'i chos gang dag lags pa dang / slob pa'i chos dang / mi slob pa'i chos dang / rang sangs rgyas kyi chos dang / byang chub sems dpa'i chos gang dag lags pa dang / de bzhin gshegs pa'i chos gang dag lags pa rnams so/ / de ci'i slad du zhe na/ de dag thams cad ni nges mngon par rdzogs par rdzogs par bgyi ba lags so// bcom ldan 'das 'di lta ste/ dper bgyin zhugs ni rtswa 'am/ nags tshal gang yang rung ste/ de las mi 'bros kyi/ de dag thams cad ni me sgron gsal bar 'bar bar bgyid pas phan par gyur pa lags so// bcom ldan 'das de bzhin du shes rab kyis me sgron 'bar bar bgyid pas/ chos thams cad ni byang chub sems dpa'i rang gi spyod yul lags so// bcom ldan 'das 'di lta ste/ dper bgyi ma chen po che'i lus ni zhugs kyis mi 'tshig/ mtshon gyis mi khums/ dug gis mi 'gum ste/ de pha rol gyi gnod pas mi tshugs so// bcom ldan 'das de bzhin du byang chub sems dpa'i shes rab dang ye shes kyang nyan thos dang 'dris par bgyid pa dang / rang sangs rgyas dang 'dris par bgyid pa dang / nyon mongs pa dang 'dris par bgyid pas zhi bar bgyid mi nus te/ de ji lta ji ltar 'dris par bgyid ba de

  567. 284b

    lta de ltar byang chub sems dpa' lhag mthong la brtson pa shes rab gsal bar 'gyur ro/ / bcom ldan 'das 'di lta ste/ dper bgyi na nor bu rin po che chab dang bar bgyid pa ni rnyog pa thams cad dang bar bgyid do/ / bcom ldan 'das de bzhin du byang chub sems dpa'i shes rab rin po che'ang sems can rnams kyi nyon mongs pa'i dri ma thams cad dang bar bgyid do// bcom ldan 'das 'di lta ste/ dper bgyi na sman gyi rigs 'bral byed ces bgyi ba de ni dug dang lhan cig tu'ang mi gnas la/ dug thams cad kyang zhi bar bgyid do// bcom ldan 'das de bzhin du byang chub sems dpa'i thabs dang shes rab bsgom pa'ang sems can gyi nyon mongs pa 'am/ rang gi nyon mongs pa rnams dang lhan cig tu mi gnas shing / sems can rnams kyi nyon mongs pa thams cad kyang zhi bar bgyid do/ / bcom ldan 'das rnam grangs 'dis na/ chos thams cad byang chub sems dpa'i rang gi spyod yul lags so// rgyal po chen po byang chub sems dpa' dpa' stobs kyis de skad bstan pa na/ srog chags brgyad stong gis bla na med pa yang dag par rdzogs pa'i byang chub tu sems bskyed do// byang chub sems dpa' nyis brgya ni mi skye ba'i chos la bzod pa skyes so/ / rgyal po chen po 'di ji snyam du sems/ de'i tshe de'i dus na bcom ldan 'das de bzhin gshegs pa rnam par zhi spyod kyi gsung rab la

  568. 285a

    byang chub sems dpa' dpa' stobs zhes bya bar gyur pa de gzhan zhig yin snyam du sems na/ de ltar mi blta ste/ gsang ba pa'i bdag po lag na rdo rje 'di nyid tshe de'i dus na byang chub sems dpa' dpa' stobs zhes bya bar gyur te/ rgyal po chen po skyes bu dam pa 'di ni brtson 'grus kyi go cha brtan po 'di lta bu bgos so// de ltar sangs rgyas mang po la bsnyen bkur byas so/ / dpa' stobs kyi le'u zhes bya ste nyi shu gcig pa'o// // de nas rgyal po ma skyes dgra 'di snyam du sems te/ gsang ba pa'i bdag po lag na rdo rje lag pa g.yas pa na rdo rje thogs pa de ci lci ba zhig gam/ 'on te yang ba zhig/ gang gi phyir na gsang ba pa'i bdag po lag na rdo rje 'di stobs kyi shugs chen po bdog pa zhes byasnyam mo// de nas gsang ba pa'i bdag po lag na rdo rjes rgyal po ma skyes dgra'i sems kyis rnam par rtog pa sems kyis shes nas/ rgyal po chen po ma skyes dgra la 'di skad ces smras so// rgyal ba chen po rdo rje 'di ni lci ba'ang yin la/ yang ba'ang yin no// smras pa/ ci'i phyir ni lci ba yin la/ ji ltar na yang ba'ang yin/ smras pa/ rgyal po chen po sems can nga rgyal dang / rgyags pa dang / dregs pas snyems pa rnams yongs su gdul ba'i phyir lci ba yin no// sems can nga rgyal med pa dang / drang ba rnams la ni yang ba yin no// de nas

  569. 285b

    gsang ba pa'i bdag po lag na rdo rjes sa phyogs de rdo rjer byin gyis brlabs nas/ rdo rje de sa'i steng du bzhag pa dang / de bzhag ma thag tu/ stong gsum gyi stong chen po'i 'jig rten gyi khams rnam pa drug tu rab tu g.yos so/ / de nas gsang ba bdag po lag na rdo rjes/ rgyal po ma skyes dgra la 'di skad ces smras so// rgyal po chen po khyod kyis rdo rje 'di sa steng 'di nas theg cig/ de nas rgyal po ma skyes dgras tshan po che chen po'i stobs kyi shugs chen po dang ldan pas rdo rje de stobs kyi shugs thams cad kyi 'deg par bskyod na/ skra'i rtse mo cha tsam yang bskyod pa 'am/ bsgral bar ma nus na/ de ngo mtshar du gyur te thal mo sbyar nas/ bcom ldan 'das la 'di skad ces gsol to// bcom ldan 'das bdag ni chen po che chen po'i stobs kyi shugs dang ldan te/ go cha dang ya lang bskon pa'i glang po che'ang lag pa la gcig gis gdeg pa'i rngo thog na/ bdag gis rdo rje 'di ltar chung ba 'ang bskyod pa 'am/ bskul ba'i rdo'ang ma thog na/ gdeg par lta smos kyang ci 'tshal te/ 'di la rgyu ci zhig mchis/ bcom ldan 'das kyis bka' stsal pa/ rgyal po chen po rdo rje 'di ni ltos/ 'di la khyed yi ma 'chad cigade nas rgyal po ma skyes dgras/ lha'i dbang po brgya byin la 'di skad ces smras so// ka'u shi ka khyod rdo rje 'chang ba zhes bya na/ rdo rje 'di sa'i steng 'din

  570. 286a

    theg / / de nas la'i dbang pa rgya rkyen gyis rangag skabs kyi thugs dang / rdu yul gyi stobs dang / bas kyi grags sems cad bstan / de bskyod pa 'am/ bskul bar ma nus so// de nas lha'i dbang po brgya byin ngo mtshar du gyur te/ bcom ldan 'das la 'di skad ces gsol to// bcom ldan 'das bdag gang gi lha ma yin dang g.yul 'gyed pa de'i tshe lag pa g.yas pas lha ma yin gyi dbang po thag zangs ris kyi shing rta dpag tshad bdun brgya pa drag tu mchi ba'ang 'dzin pa'i rngo thog na/ bdag gis rdo rje chung ngu 'di bskyod pa 'am/ bskul ba'i rngo ma thog pa 'di/ bcom ldan 'das ci lags/ sangs rgyas kyi byin gyi rlabs lags sam/ bcom ldan 'das kyis bka' stsal pa/ ko'u shi ka rdo rje 'di ni lci ste/ 'di la nga'i byin rlabs ma yin par rig par bya'o// koru shi ka 'di ji snyam du sems/ ri'i rgyal po ri rab lci ba yin nam/ gsol ba/ bcom ldan 'das ri'i rgyal po ri rab ji tsam du lci ba ni dper bgyi bar yang sla ba ma lags ma/ / bcom ldan 'das kyis bka' stsal pa/ 'u shi ka rdo rje 'di ni lci ste/ ko'u shi ka gal te gsang ba ba'i bdag po lag na rdo rje'i rang bzhin gyi khor yug gi ri la bsnun na/ de'ang dper na phub ma spar gang gtor ba bzhin du rnam par 'thor te/ ko'u shi ka rdo rje 'di'i stobs kyi shugs ni de tsam mo//

  571. 286b

    de nas lha'i dbang po brgya byin gyis/ tshe dang ldan pa mo'u 'gal gyi bu chen po la 'di skad ces smras so// btsun pa mo'u 'gal gyi bu chen po khyod bcom ldan 'das kyis nyan thos rnams kyi nang na rdzu 'phrul dang ldan pa'i mchog tu bstan pa yin na/ rdo rje 'di sa'i steng 'di nas theg cig/ de nas tshe dang ldan pa mo'u 'gal gyi bu chen pos 'di snyam du bsams gal te bdag gis lha dang bcas pa'i 'jig rten 'di'i mdun du/ rdo rje 'di gdeg ma nus na ni bdag la dbang za bar 'gyur ro snyam nas/ des de 'dra ba'i stobs kyi shugs kyis rdo rje de la bzung ba dang / stong gsum gyi stong chen po'i 'jig rten gyi khams 'di rnam pa drug tu g.yos/ rab tu g.yos te/ chu'ang gnam du brgal cing / rgya mtsho thams cad 'khrugs kyang rdo rje de bskyod pa 'am/ bskul bar ma nus so// de nas tshe dang ldan pa mo'u 'gal gyi bu chen po ngo mtshar du gyur nas/ bcom ldan 'das kyi zhabs gnyis la mgo zos phyag 'tshal te/ 'di skad ces gsol to/ bcom ldan 'das bdag bcom ldan 'das kyis nyan thos kyi nang na rdzu 'phrul dang ldan pa'i mchog tu bstan pa lags te/ bcom ldan 'das bdag de ltar rdzu 'phrul che zhing / de ltar dbang che bar grags la/ de ltar mthu che ba lags te/ bcom ldan 'das bdag gang gi tshe 'tshal na/ rgya mtsho chen po bzhi'i chab kyi phung po lag mthil gcig tu 'jog go// bcom ldan

  572. 287a

    ' das stong gsum gyi stong chen po'i 'jig rten gyi khams 'di'ang dper bgyi na mi la la zhig gis kar sha pa Na gcig mjug mo'i rtsems bsgo bzlog pa de bzhin du bdag gis bsgra bzlog go/ / bcom ldan 'das nyi ma dang zla ba 'di ltar rdzu 'phrul che zhing mthu che ba mchi ba'ang bdag gis thogs par bgyid do// ri'i rgyal po ri rab kyang lag pa ya gcig gis blangs te/ tshangs pa'i 'jig rten gyi bar du 'phen to// bcom ldan 'das bdag gis klu'i rgyal po dga' bo dang nye dga' bo de gnyis kyang btul lo// bcom ldan 'das bdag 'jig rten gyi khams 'od zer can du rang mchis/ bdag gis ri rab tsam gyi khams de dag kyang 'tshal 'tshal na/ bcom ldan 'das bdag gis rdo rje 'di ltar chung ba 'di bskyod pa 'am/ bskul ba'i rdo'ang ma thog pa 'di/ bcom ldan 'das bdag rdzu 'phrul gyi stobs de las yongs su nyams pa 'am/ gcig tu ma gyur lags sam/ bcom ldan 'das kyis bka' stsal pa/ mo'u 'gal gyi bu chen po khyod rdzu 'phrul gyi stobs de las yongs su nyams pa ni med mod kyi/ byang chub sems dpa'i stobs kyi byin gyi rlabs 'di/ nyan thos dang rang sangs rgyas tham cad kyis kyang rnam par dkrug par mi nus na/ sems can gzhan dag gis lta smos kyang ci dgos/ mo'u 'gal gyi bu sangs rgyas kyi zhing gang+gA'i klung gi bye ma snyed dag na ri'i rgyal ba

  573. 287b

    rab yod pa rnams ni bskyod pa 'am/ bskul bar nus kyi/ rdo rje 'di na sa phyogs 'di nas bskyod pa 'am/ bskul bar mi nus so// tshe dang ldan pa mo'u 'gal gyi bu chen pos gsol pa/ bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje ni stobs che ba lags so// bcom ldan 'das kyis bka' stsal pa/ mo'u 'gal gyi bu stong gsum gyi stong chen po'i 'jig rten gyi khams na ri rab ji snyed yod pa de dag thams cad ri gcig tu gyur kyang de ni gdeg par nus kyi/ rdo rje 'di ni gdeg par mi nus so/ / de nas gnas brtan mo'u 'gal gyi bu chen po ngo mtshar du gyur te/ bcom ldan 'das la 'di skad ces gsol to// bcom ldan 'das 'di ltar rdo rje 'di 'chang bas gsang ba pa'i bdag po lag na rdo rje 'di ni stobs kyi shugs chen po dang ldan pa lags te ngo mtshar to/ / bcom ldan 'das ci lags/ gsang ba pa'i bdag po lag na rdo rje'i stobs de pha ma las gyur pa lags sam/ 'on te rdzu 'phrul gyi stobs lags/ bcom ldan 'das kyis bka' stsal pa/ mo'u 'gal gyi bu pha ma las gyur pa'i stobs de ni gang ci'ang rung ste/ 'jug pa tsam du ming bstan par zad do// gal te byang chub sems dpa' rnams kyi rdzu 'phrul gyi stobs de ma lus par bstan na/ lha dang bcas pa'i 'jig rten rgya rgya bor 'gyur

  574. 288a

    ro/ / de nas bcom ldan 'das kyis glang po che'i lha stangs kyis phyogs thams cad du kun tu gzigs te/ gsang ba ba'i bdag pa lag rdo rje la 'di skad ces bka' stsal to/ / gsang ba pa'i bdag po khyod kyis rdo rje 'di sa'i steng 'di nas thog cig/ de nas gsang ba pa'i bdag po lag rdo rjes de'i tshe stong gsu stong chen po'i 'jig rten gyi khams g.yos par byas nas/ sa'i steng de nas rdo rje de lag pa g.yon pas blangs te stang gi bar snang du 'phangs nas/ des de bar lda @ bdun bskor te lag pa g.yas par bzhag go/ / de na thams cad dang ldan pa'i 'khor de ngo mtshar du gyur te thal mo sbyar nas/ gsang ba pa'i bdag po lag ra rdo rje la phag 'tshal te/ 'di ltar rdo rje 'di 'chang bas gsang ba pa'i bdag po lag na rdo rje ji tsam du stobs kyi shugs dang ldan pa ni ngo mtshar to// bcom ldan 'das sems kyang 'di lta bu'i stobs dang ldan par gyur cig ces smras so/ / de nas bcom ldan 'das la/ rgyal po ma skyes dgras 'di skad ces gsol to// bcom ldan 'ang byang chub sems dpa' chos du dang ldan na stobs 'di lta bu thob/ bcom ldan 'das kyis bka' stsal pa/ rgyal po chen po byang chub sems dpa' chos bcu pa

  575. 288b

    bu 'thob ste/ bcu gang zhe na/ rgyal po chen po 'di la byang chub sems dpa' lus dang srog ni yongs su gtong gi/ dam pa'i chos ni yongs su mi gtang ba dang / sems can tha/ cad la 'dud cing nga rgyal 'phel bar mi byed pa dang / sems can mthu chung ba rnams la bzod cing khong khro bar mi byed pa dang / sems can bkres pa rnams la kha zas bzang po mchog sbyin pa dang / sems can 'jigs pa rnams la mi 'jigs pa sbyin pa dang / sems can nad pa rnams la yang dag pa'i gso ba bya bar spro ba dang / sems can dbul po rnam lo longs spyod dag gis tshim par byed pa dang / de bzhin gshegs pa'i mchod rten la rdo thal gyis ska ba dang / sems can rnams la kun tu dga' bar 'gyur ba'i tshig sgrogs pa dang / sems can dbul po sdug bsngal ba ngal ba chang pa rnams kyi khur khyer ba ste/ rgyal po chen po byang chub sems dpa' chos bcu po de dag dang ldan na/ stobs 'di lta bu 'thob bo/ / gsol pa/ bcom ldan 'das ji ltar na byang chub sems dpa' cang shes pa la gnas shing cang shes pa'i 'gro bar 'gro ba lags/ bcom ldan 'das kyis bka' phul pa/ rgyal po chen pa byang chub sems dpa' chos brgyad dang ldan na cang shes par 'gyur zhing / cang shes pa'i 'gro bar 'gro ste/ brgyad gang zhe na/ 'di lta ste/ bka' /

  576. 289a

    bde ba dang / drang ba dang / mnyen pa dang / nges pa dang / g.yo med pa dang / sgyu med pa dang / phrag dog med pa dang / sems las su rung ba ste/ rgyal po chen po byang chub sems dpa' chos brgyad po de dag dang ldan na cang shes par 'gyur zhing / cang shes pa'i 'gro bar 'gro'o// gsol pa/ bcom ldan 'das byang chub sems dpa' rnams kyi cang shes kyi 'gro ba du zhig mchis/ bcom ldan 'das kyis bka' stsal pa/ rgyal po chen po byang chub sems dpa' rnams kyi cang shes kyi 'gro bzhi ste/ bzhi gang zhe na/ gang gi tshe mi'i 'jig rten du skyes pa de'i tshe 'khor los sgyur ba'i rgyal por 'gyur te/ der yang sangs rgyas 'byung ba mnyes par byed pa dang / lha'i dbang po brgya byin du 'gyur te/ der yang sangs rgyas 'byung ba mnyes par byed pa dang / mi mjed kyi bdag po tshangs par 'gyur te/ der yang sangs rgyas 'byung ba mnyes par byed pa dang / khyim bdag tshong dpon du 'gyur te/ der yang sangs rgyas 'byung ba mnyes par byed pa ste/ rgyal po chen po bzhi po de dag ni/ byang chub sems dpa' rnams kyi cad shes kyi 'gro ba'o/ / rgyal po ma skyes dgras gsal pa/ bcom ldan 'das dad pa'i rgyu mthun pa ci lags/ bcom ldan 'das kyis bka' stsal pa/ rgyal po chen po dang pa'o//

  577. 289b

    rgyu mthun pa ni dge ba'i bshes gnyen no// gsol pa/ bcom ldan 'das sbyin pa'i rgyu mthun pa ci lags/ bka' stsal pa/ rgyal po chen po sbyin pa'i rgyu mthur pa ni longs spyad do/ / gsol pa/ bcom ldan 'das thos pa'i rgyu mthun pa ci lags/ bka' stsal pa/ rgyal po chen po thos pa'i rgyu mthun pa ni shes rab bo// gsal ba/ bcom ldan 'das tshul khrims kyi rgyu mthun pa ci lags/ bka' stsal pa/ rgyal po chen po tshul khrims kyi rgyu mthun pa ni bde 'gro thams cad du 'gro ba'o// gsol pa/ bcom ldan 'das bzod pa'i rgyu mthun pa ci lags/ bka' stsal pa/ rgyal po chen po bzod pa'i rgyu mthun pa ni sems can rjes su srung ba'o// gsol pa/ bcom ldan 'das brtson 'grus kyi rgyu mthun pa ci lags/ bka' stsal pa/ rgyal po chen po brtson 'grus kyi rgyu mthun pa ni sangs rgyas kyi chos thams cad yongs su rdzogs par byed pa'o// gsol pa/ bcom ldan 'das bsam gtan gyi rgyu mthun pa tsa lags/ bka' stsal pa/ rgyal bachen pa bsam gtan rtsa rgyumathun pa na nya ba pan pa'o// gsam hA/ bcam ldan 'das shes rab mthun pa ci lags/ bka' stsal pa/ rgyal po chen po shes rab kyi rgyu mthun pa ni nyon mongs pa thams cad sel ba'o// gsol pa/ bcom ldan 'das chos nyan pa'i rgyu mthun pa ci

  578. 290a

    lags/ bka' stsal pa/ rgyal po chen pa chos nyan pa'i rgyu mthun pa ni the tshom spong ba'o// gsol ba/ bcom ldan 'das chos yongs su 'dri ba'i rgyu mthun pa lags/ bka' stsal pa/ rgyal po chen po chos yongs su 'dri ba'i rgyu mthun pa ni som nyi med pa'o// gsol pa/ bcom ldan 'das dben par gnas pa'i rgyu mthun pa ci lags/ bka' stsal pa/ rgyal po chen po dben par gnas pa'i rgyu mthun pa ni bsam gtan dang mngon par shes pa thob pa'o// gsol pa/ bcom ldan 'das bskam pa'i rgyu mthun pa ci lags/ bka' stsal pa/ rgyal po chen po bsgom pa'i rgyu mthun pa ni 'bral ba'o// gsol pa/ bcom ldan 'das mi rtag pa thos pa'i rgyu mthun pa ci lags/ bka' stsal pa/ rgyal po chen po mi rtag pa thos pa'i rgyu mthun pa ni yongs su 'dzin pa 'dor ba'o// gsol pa/ bcom ldan 'das sdug bsngal thos pa'i rgyu mthun pa ci lags/ bka' stsal pa/ rgyal po chen po sdug bsngal thos pa'i rgyu mthun pa ni nye bar len pa med pa'o/ / gsol pa/ bcom ldan 'das bdag med pa thos pa'i rgyu mthun pa ci lags/ bka' stsal pa/ rgyal po chen bo bdag med pa thos pa'i rgyu mthun pa ni ngar 'dzin pa dang nga yir 'dzin pa 'gog pa'o/ / bcom ldan 'das zhi ba thos pa'i rgyu mthun pa ci lags/ bka' stsal pa/ rgyal po chen po zhib

  579. 290b

    thos pa'i rgyu mthun pa ni nye bar zhi ba'o/ / gsol pa/ bcom ldan 'das tshul bzhin yid la bgyid pa'i rgyu mthun pa ci lags/ bka' stsal pa/ rgyal po chen po tshul bzhin yid la byed pa'i rgyu mthun pa ni 'phags pa'i yang dag pa'i lta ba skye ba'o/ / gsol pa/ bcom ldan 'das lus dang sems dben pa'i rgyu mthun pa ci lags/ bka' stsal ba/ rgyal po chen po lus dang sems dben pa'i rgyu mthun pa ni bsam gtan dang mngon par shes pa skye ba'o/ / gsol pa/ bcom ldan 'das lam gyi rgyu mthun pa ci legs/ bka' stsal pa/ rgyal po chen po lam gyi rgyu mthun pa ni 'bras bu mngon par rtogs pa'o/ / gsol pa/ bcom ldan 'das mos pa'i rgyu mthun pa ci lags/ bka' stsal pa/ rgyal po chen po mos pa'i rgyu mthun pa ni rnam par grol bar yongs su rdzogs par byed pa'o/ / gsol pa/ bcom ldan 'das sangs rgyas 'byung ba'i rgyu mthun pa ci lags/ bka' stsal pa/ rgyal po chen po sa rgyas 'byung ba'i rgyu mthun pa ni byang chub kyi phyogs kyi chos thams cad 'thob pa'o/ / gsol pa/ bcom ldan 'das sangs rgyas 'byung ba ji lta bu lags/ bka' stsal pa/ rgyal po chen pa byang chub tu sems bskyed pa ji lta ba bzhin no/ / gsol pa/ bcom ldan 'das byang chub tu sems bskyed pa ji lta bu lags/ bka' stsal pa/ rgyal po chen po snying rje chen po bskyed

  580. 291a

    pa ji lta ba bzhin no/ / gsol pa/ bcom ldan 'das sangs rgyas 'byung ba su'i lags/ bka' stsal pa/ rgyal po chen po su dad pa skyed pa'i'o// gsol pab/ bcom ldan 'das dad pa skyed pa su lags/ bka' stsal pa/ rgyal po chen po su byang chub tu sems bskyed pa'o// gsol pa/ bcom ldan 'das byang chub tu sems bskyed pa de su lags/ bka' stsal pa/ rgyal po chen po su lhag pa'i bsam pa rnam par mi 'khrugs pa'o// gsol pa/ bcom ldan 'das su lhag pa'i bsam pa rnam par mi 'khrug pa lags/ bka' stsal pa/ rgyal po chen po su snying rje chen po bskyed pa'o// gsol pa/ bcom ldan 'das snying rje chen po skyed pa ji lta bu lags/ bka' stsal pa/ rgyal po chen po ji ltar sems can rnams la yongs su mi gtong ba skyed pa lta bu'o/ / gsol pa/ bcom ldan 'das ji ltar na sems can rnams yongs su mi gtong ba lags/ bka' stsal pa/ rgyal po chen po gang gi tshe bdag gi bde ba yongs su gtang ba'o// gsol pa/ bcom ldan 'das bdag gi bde ba gtong ba ji lta bu lags/ bka' stsal pa/ rgyal ba chen po su dkon mchog gsum yongs su mi gtong ba yin no/ / gsol pa/ bcom ldan 'das dkan mchog gsum yongs su mi gtong ba su lags/ bka' stsal pa/ rgyal

  581. 291b

    chen po su nyon mongs pa thams cad yongs su gtong ba de dkon mchog gsum yongs su mi gtong ba yin no/ / de nas bcom ldan 'das la/ rgyal po ma skyes dgras 'di skad ces gsol to/ / ji tsam du de bzhin gshegs pas chos 'dul ba bstan pa legs par gsungs pa dang / ji tsam du de bzhin gshegs pas bslab pa legs par bcas pa dang / ji tsam du sangs rgyas bcom ldan 'das rnams kyi chos bstan pa rjes su mthun pa dang / rgyu dang 'bras bu chab mi 'tshal ba dang / rtag pa dang chad pa ma mchis pa dang / las dang bya ba la 'jug pa bstan pa dang / dge ba dang mi dge ba chab mi 'tshal ba dang / mi slu ba'i mtshan nyid legs par gsungs pa na/ bcom ldan 'das ngo mtshar lags so// bde bar gshegs pa ngo mtshar lags so// bcom ldan 'das dge ba'i rtsa ba ma bskyed pa dang / sdig pa'i grogs pos yongs su zin pa dag ma gtogs par/ 'di ltar rgya che zhing 'di ltar gya nom pa'i bstan pa 'di la brtson pa rnams la su zhig zlog par bgyid/ gnod par bgyid/ spang bar bgyid/ bcom ldan 'das bdag gis ni sngon gyi dge ba'i rtsa ba rnams la byas pa mi gzo bar mi bgyi'o/ / gang gi mthus bdag nyid nyon mongs pa'i dri ma thams cad dang sdig pa thams cad las rnam par log pa'i de bzhin gshegs pa la/ bdag gis sha dang zag

  582. 292a

    gis kyang bka' drin lan blan pa'i rnga ma thogs lags so/ / bcom ldan 'das gang gi mthus bdag gi bzang po ma lags pa'i 'gyod pa chen po bsal ba dang chos snang ba chen po thob par bgyis pa'i 'jam dpal gzhon nur gyur pa yun ring po'i dge ba'i bshes gnyen la'ang bdag gis drin lan blan pa'i rngo ma thog lags so/ / tshangs pa'i spyod bapa 'di mtha' dag ni/ 'di lta ste/ dge ba'i bshes gnyen las byung ngo zhes bgyi ba ni/ bcom ldan 'das kyis legs par gsungs pa'o// ma skyes dgras zhus pa lung bstan pa'i le'u zhes bya ste nyi shu rtsa gnyis pa'o/ / // bam po bcu pa ste tha ma'o// de nas byang chub sems dpa' sems dpa' chen po zhi ba'i blo gros kyis gsang ba pa'i bdag po lag na rdo rje la 'di skad ces smras so/ / gsang ba pa'i bdag po gang gi tshe/ bcom ldan 'das kyis sprul pa sprul pa de'i tshe/ khyod kyang sprul pa sprul lam/ lag na rdo rjes spras pa/ bcom ldan 'das mngon sum du bzhugs pa 'di kha za'i dbang yin te/ zhi ba'i blo gros gal te de bzhin gshegs pas de bzhin gshegs pa gang+gA'i klung gi bye ma snyed cig sprul na/ kho ba sprul pa gzugs tha dad pa rnam par rtsen pa tha dad pa'ang de snyed de dag gi rjes su 'brang ba yin te/ zhi ba'i blo gros 'di ni sngon gyi bsam pa yongs su dag pa'i rgyu mthun pa'o//

  583. 292b

    denas byang chub sems dpa' chen bzhi pa'i blo gras kyis/ gsang ba pa'i bdag po lag na rdo rje la 'di skad ces smras so// gsang ba pa'i bdag po gang gi phyir phyi ma'i tshe lnga brgya tha ma la/ chos kyi rnam grangs 'di spyod pa dang / rgyas par 'gyur ba dang / chos kyi rnam grangs 'di dam pa'i chos yongs su 'dzin pa skyes bu dam pa de dag gi lag tu 'gro bar de bzhin gshegs pa la gsol ba thob cig/ gsang ba pa'i bdag pos smras pa/ rigs kyi bu chos kyi rnam grangs 'di sangs rgyas thams cad kyis byin gyis brlabs zin to// de ci'i phyir zhe na/ yi ge gang dag gis chos kyi rnam grangs 'di bsnyad pa'i yi ge de dag ni ma skyes pa/ zad par mi 'gyur ba/ nub par mi 'gyur ba'o// yi ge gang gis don gang brjod pa'i don de'ang nub par bya bar mi nus ba'o/ / zhi ba'i zla gros de bzhin gshegs pa'i dam pa'i chos ni nub par 'gyur ba ma yin pa'o// de ci'i phyir zhe na/ de la skye ba ci'ang med do// gang skye ba med pa de ni 'gag go// bcom ldan 'das kyis 'di la dgongs nas/ de bzhin gshegs pa rnams byung yang rung / ma byung yang rung ste/ chos rnams kyi chos nyid dang / chos kyi dbyings dang / chos gnas pa nyid dang / chos ji lta ba bzhin 'di ni 'dug pa nyid do zhes gsungs te/ de ltar na rten cing 'brel par 'byung ba dang mi 'gal ba yin no// gang rten cing 'brel par 'byung ba dang mi 'gal

  584. 293a

    ba de dam pa'i chos yin no/ / dam pa'i chos gang yin pa de rtag par mi nub ste/ des na dam pa'i chos zhes bya'o// zhi ba'i blo gros kyis smras pa/ gsang ba pa'i bdag po gang dag dam pa'i chos yongs su gzung ba'i phyir go cha gyon pa de dag gang du go cha gyon/ smras pa/ gang dag dam pa'i chos yongs su gzung ba'i phyir go cha gyon pa de dag ni/ chos thams cad dang mi 'gal bar bya ba'i phyir go cha gyon no// de ci'i phyir zhe na/ gang chos thams cad dang mi 'gal ba de nyid dam pa'i chos so// smras pa/ ji ltar na chos dang 'gal ba gang yin/ smras pa/ yi ge dang 'gal na chos dang 'gal ba yin te/ chos dang ni nam yang 'gal bar mi 'gyur ro// de la gang dag mi 'gal ba de dag dam pa'i chos yongs su 'dzin pa'o/ / smras pa/ gsang ba pa'i bdag po gang dag 'jig rten thams cad dang 'gal ba de dag dam pa'i chos yongs su 'dzin pa'i rnam grangs yod dam/ smras pa/ zhi ba'i zla gros yod de/ de ci'i phyir zhe na/ zhi ba'i blo gros 'jig rten ni lta ba la mngon par zhen pa yin la/ de ni stong pa nyid du smra ba yin te/ des na de 'jig rten thams cad dang 'gal lo/ / 'jig rten ni rtog pa dang / bde ba dang / bdag dang / bdag gir smra ba yin la/ de ni mi rtag pa dang / sdug bsngal ba dang / bdag med pa dang

  585. 293b

    mi sdug pa dang / bdag dang / bdag gi med par smra ba yin te/ des na de 'jig rten thams cad dang 'gal lo// 'jig rten ni rgyun phyogs su 'gro ba yin la/ de ni rgyun las bzlog ste 'gro ba des na de 'jig rten thams cad dang 'gal lo/ / 'jig rten ni tshe 'di ltar len pa yin la/ da ni tshe rabra 'pho ba lhur len pa yin te/ des na de 'jig rten thams cad dang 'gal lo/ / 'jig rten ni phung po dang / khams dang / skye mched rnams la mngon par zhen pa yin la/ de ni chos thams cad la mngon par zhen pa med par bya ba'i phyir chos ston to// des na 'jig rten thams cad dang 'gal lo// zhi ba'i blo gros rnam grangs 'dis ni gang dag 'jig rten thams cad dang 'gal ba de dag dam pa'i chos yongs su 'dzin to// smras pa// gsang ba pa'i bdag po khyod dam pa'i chos yongs su 'dzin tam/ smras pa/ rigs kyi bu yongs su 'dzin te/ bdag yongs su mi 'dzin sems can yongs su mi 'dzin/ chos yong su mi 'dzin to/ / smras pa/ ji ltar yongs su mi 'dzin/ smras pa/ bdag dben pa dang / sems can dben pa dang / chos dben pa dang / bdag dang / sems can dang chos dben pa ma yin pa dang / 'das pa dben pa dang / ma 'ongs pa dben pa dang / da ltar byung ba dben pa dang / 'das pa dang / ma 'ongs pa dang / da ltar byung ba'i dus dben pa

  586. 294a

    dang / 'das pa dang / ma 'ongs pa dang / da ltar byung ba'i dus dben pa ma yin pa dang / sangs rgyas dben pa dang / sangs rgyas dben pa ma yin pa dang / zhing dben pa dang / zhing dben pa ma yin pa dang / chos dben pa dang / chos dben pa ma yin par gang de ltar chos rnams rjes su rtogs pa de ni dam pa'i chos yongs su 'dzin pa'o// / de nas bcom ldan 'das kyis/ gsang ba pa'i bdag po lag na rdo rje la legs so zhes bya ba byin te/ skyes bu dam pa legs so legs so// 'di ni dam pa'i chos yongs su 'dzin pa'o/ / gsang ba pa'i bdag po dam pa'i chos yongs su 'dzin pa ni gang thams cad mi 'dzin pa dang / mchog tu 'dzin pa med pa dang / gang chos thams cad la mtshan ma dang spros par mi 'dzin pa dang / kun tu spyod pa med pa dang / gang yongs su rtog pa thams cad la mi rtog cing rnam par mi rtog pa'o// de'i tshe lha'i bu rgyal po bzang zhes bya ba 'khor de nyid du 'dus par gyur pa des/ bcom ldan 'das la 'di skad ces gsol to// bcom ldan 'das nye bar zhi ba ni sangs rgyas kyi bka' lags so// bcom ldan 'das sangs rgyas kyi bka' na nye bar zhi bar bgyi ba'i ched lags te/ nye bar zhi ba gang lags pa de sangs rgyas kyi bka' 'o// bcom ldan 'das de la gang dag dmigs pa thams cad nye bar zhi bar mthong ba de dag nye bar zhi

  587. 294b

    ba lags te/ de dag ni slad kyis 'bar ba ma lags/ mchod pa ma lags/ 'bar bar bgyid pa ma lags so// gang dag zhi ba dang / rab tu zhi ba dang / nye bar zhi ba dag da bzhin gshegs pa'i dam pa'i chos 'dzin cing mi 'dor ba lags te/ ji ltar chos thams cad mi 'dzin mi 'dor ba de ltar 'dzin to// lha'i bu des de skad bstan pas/ dge slong sto ni sems rnam par grol lo/ / lha'i bu stong ni chos kyi mig rnam par dag go// de nas byang chub sems dpa' zhi ba'i blo gros kyis/ lha'i bu rgyal po bzang la 'di skad ces smras so/ / lha'i bu spobs pa 'di su'i yin/ smras pa/ spobs pa 'di su bag chags thams cad spangs pa dang / tshig gi lam thams cad med pa dang / don dam par brjod du med pa dang mngon par zhen pa med pa de dag gi spobs pa yin no/ / smras pa/ lha'i bu spongs pa ji ltar skye/ smras pa/ spobs pa med pa dang / spobs pa ma yin pa'i phyir ro// de ci'i phyir na/ spobs pa med pa zhes bya ba de ni nying mtshams sbyor ba med pa'i tshig go// spobs pa ma yin pa zhes bya ba de ni spob pa med pa'i tshig go/ rigs kyi bu 'di skad du spobs pa 'di su'i yin zhes smras pa la/ 'di ni su gzhan gyi rnam par rig pa la rnam par shes pa mi 'jug pa dang / bdag gi rnam par rig pa la rnam par shes pa mi gnas pa de'i spobs pa'o// 'di ni su

  588. 295a

    dmigs pa la'ang yid kyi rnam par rig pa mi dmigs la/ dmigs pa med pa'i chos nyid la'ang mi gnas pa de'i spobs pa'o// 'di ni su chos thams cad la'ang shes pa mi 'jug la/ de shes pas chos gang yang rab tu ma rtogs pa med pa de'i spobs pa'o// 'di ni su gnas med pa dang / len pa med pa dang / 'dor ba med pa dang / chu bo las brgal ba de'i spobs pa'o// 'di ni skye ba med pa las skyes pa dang 'gog pa'ang med la/ mya ngan las 'da' bar 'gyur ba de'i spobs pa'o// de nas bcom ldan 'das la/ byang chub sems dpa' zhi ba'i blo gros kyis 'di skad ces gsol to// bcom ldan 'das lha'i bu rgyal po bzang 'di'i spobs pa ni ngo mtshar lags so// bcom ldan 'das kyis bka' stsal pa/ zhi ba'i blo gros lha'i bu rgyal po bzang 'di ni gsang ba pa'i bdag po lag na rdo rjes de bzhin gshegs pa'i gsang ba bstan pa'i chos kyi rnam grangs 'di nyan par 'dod nas/ de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' ba nas 'dir 'ongs so// zhi ba'i blo gros lha'i bu rgyal po bzang 'dis chos kyi rnam pa'i rjes su 'jug pa zhes bya ba'i gzungs thob ste/ de 'dod na bskal pa brgya stong du thogs pa med pa'i spobs pas bstan kyang / 'di'i spobs pa zad par mi 'gyur ro//

  589. 295b

    rgyal po bzang gi le'u zhes bya ste nyi shu rtsa gsum pa'o// / de nas bcom ldan 'das la/ byang chub sems dpa' zhi ba'i blo gas kyis 'di skad ces gsol to// bcom ldan 'das chos kyi rnam pa'i rjes su 'jug pa zhes bgyi ba'i gzungs de gang lags/ bcom ldan 'das kyis bka' stsal pa/ zhi ba'i blo gros chos kyi rnam pa'i rjes su 'jug pa ni gang yi ge rnams la yi ge'i rjes su 'jug pa shes pa ste/ zhi ba'i blo gros chos thams cad ni a zhes bya ba'i rjes su 'jug pa'o// chos thams cad ni a zhes bya ba'i skra'o/ / a zhes bya ba las byung ba'o// a zhes bya ba'i mtha'a'o// a zhes bya ba ni tshig gi las thams cad kyi las byed do// a zhes bya ba ni mi shes pa'o// rnam par mi shes pa'o/ / chos thams cad ni a zhes bya ba'i rjes su 'jug ste/ de'i phyir rnam pa'i rjes su 'jug pa zhes bya ba'i gzungs zhes bya'o// zhi ba'i blo gros rjes su 'jug pa ni de la chos phra rab tsam yang zhugs pa med pa dang byung ba med pa'o/ / zhi ba'i blo gros yi ge de dag ni ga zhig nas lhags nas khong pa'i nang du 'jug pa med do// yi ge de dag ni khong pa'i nang du gnas pa ma yin no/ / yi ge de dag ni byung nas phyogs 'ga' zhig tu 'gro ba ma yin no// yi ge de dag ni phan tshun 'bar bar byed pa ma yin no// yi ge de dag ni smras kyang

  590. 296a

    rung ma smras kyang rung ste/ zad par 'gyur ba 'am/ 'phel bar 'gyur ba ma yin no// yi ge de dag ni chos zhe 'am/ chos ma yin zhes bya bar rnam par mi rtog go/ / yi ge de dag ni sus kyang bskyed pa 'am/ bkag pa med do// yi ge de dag ni sus kyang byas pa 'am/ chung gsan pa med do// zhi ba'i zla gros yi ge bgrang ba ji lta bar sems bgrang ba'ang de bzhin na/ / sems bgrang ba ji lta bar chos thams cad bgrang ba'ang de bzhin no// chos thams cad bgrang ba ji lta bar bgrang ba med pa'ang de bzhin no// de ci'i phyir zhe na/ chos ni bgrang bar nye bar 'gro ba ma yin te/ bgrang ba med pa ni chos bgrang ba'o// ji ltar chos bgrang bar nye bar mi 'gro ba bzhin du/ a zhes bya ba'i rjes su 'jug pa'ang de lta bu ste/ gzod ma nyid nas ma skyes pa la 'jug pa/ skye ba med pa la 'jug pa'o// ma skyes pa dang ma byung ba gang yin pa de la 'jug pa gang yang med do// de ltar na 'jug pa med pa ni rjes su 'jug pa'o/ / zhi ba'i blo gros su bgrang ba 'di la zhugs pa de'i spobs pa rgyun bcad par mi nus so// de ci'i phyir zhe na/ rgyun chad pa med pas des chos nyid rjes su rtogs so/ / des chos nyid mi zad par rjes su rtags so// de ji lta ji ltar chos ston pa de lta de ltar chos de dag rjod cing mngon du 'gyur ro// de chos kyi rnam pa'i rjes su

  591. 296b

    'jug pa 'di lta bu 'dis sems can gyi rnam pa la 'jug par 'jug go/ / sems can gyi rnam pa'i rjes su 'jug pas mos pa ji lta ba bzhin du chos ston to// zhi ba'i zla gros gzungs thob pa'i byang chub sems dpa' ni sems kyi dri ma med pa yin no/ / bsam pas rnam par dag pa yin no// sbyor bas gtsang ma yin no// lhag pa'i bsam pas mngon du 'phags pa yin no/ / bsgrub pa la legs par gnas pa yin no// shes rab kyis mngon du 'phags pa yin no// dam bcas pa nyams 'og tu chud pas brtan pa yin no// bdud rnams kyis mi shigs pa yin no/ / pha rol mu stegs byed rnams kyis mi 'dus pa yin no// nyon mongs pa rnams kyis mi brdzi ba yin no// phyir rgol pa rnams kyis mi thub pa yin na/ lus kyis stobs dang ldan pa yin no// sems kyis zhum pa med pa yin no// spobs pas mi zad pa yin no// bstan pa rnams la mtha' yas pa yin no// nges pa'i tshig rnams la mu med pa yin no/ / ye shes kyis chags pa med pa yin no// blos gting dpag dka' ba yin no// bden pa bstan pa rnams la don zab pa yin no// thos pas rgya mtsho lta bu yin no/ / ting nge 'dzin gyis lhun po dang mtshungs pa yin no// 'khor gyi nang na seng ge dang mtshungs pa yin no// 'jig rten gyi chos rnams la pad+ma dang mtshungs pa yin no// sems

  592. 297a

    can thams cad kyi nye bar 'tsho bas sa dang mtshungs pa yin no/ / nyon mongs pa dang sred pa 'khru bas chu dang mtshungs pa yin no// sems can thams cad yangs su smin par byed pas me dang mtshungs pa yin no/ / sems can thams cad la sems mnyam pas zla ba dang mtshungs pa yin no// nyon mongs pa'i mun pa sel bas nyi ma dang mtshungs ba yin no/ / nyon mongs pa'i dgra 'joms pas dpa' bo dang mtshungs pa yin no// sems shin tu dul bas glang po dang mtshungs pa yin no// chos mngon du sgrog pas 'brug dang mtshungs pa yin no/ / chos kyi char 'bebs pas char dang mtshungs pa yin no// sems can rnams kyi nyon mongs pa'i nad zhi bar byed pas sman pa dang mtshungs pa yin no// chos kyi rgyal srid byed pas rgyal ba dang mtshungs pa yin no/ / 'jig rten gyi chos skyong bas 'jig rten sbyang ba dang mtshungs pa yin no// lha dang mi rnams kyi spyan du gyur pas brgya byin dang mtshung pa yin no/ / dbang thob ste rang gi sems la dbang sgyur bas tshangs pa dang mtshungs pa yin no// gnas med par rgyu bas bya dang mtshungs pa yin no// 'du 'jis 'jigs shing skrag pas ri dgas dang spre'u dang mtshungs pa yin no/ / sems can thams cad kyis nyes par byas pa thams cad bzod pas ma dang mtshungs pa yin no// bzo thams cad slob pas

  593. 297b

    pha dang mtshungs pa yin no/ / chos rim po che thams cad sbyin pas rnam thos kyi bu dang mtshungs pa yin no// bsod nams dag gis brgyan pa yin no// mtshan rnams kyis klubs pa yin no/ / dpe byad bzang po rnams kyis smras pa yin no// 'jig rten gyis blta bar bya ba yin no// blta ba'i gzhi yin no// 'phags pa'i nor bdun dang ldan pas mi dbul ba yin no/ / sangs rgyas rnams kyis yongs su bzung ba yin no// rig pa rnams kyis bsngags pa yin no// mkhas pa thams cad kyis skur pa mi gdab pa yin no// rnams kyis legs par bsrungs pa yin no// klu dang gnod sbyin rnams kyis legs par bzung ba yin no// chos bstan pa rnams la dbang phyug tu gyur pa yin no// mngon par shes pa rnams la dbang sgyur ba yin no/ / sems can gyi bsam pa rnams la rjes su song ba yin no// sems can gyi dbang po rnams la rjes su zhugs pa yin no// chos bstan pa la chog mi shes pa yin no/ / rnyed pa dang bkur sti don du mi gnyer ba yin no// chos bstan pa dag la ser sna med pa yin no// tshul khrims rnam par dag pa nyon mongs pa med pa yin no// bzod pa yongs su dag pas gnod pa med pa yin no/ / brtson 'grus yongs su dag pas las kyi mtha'i legs par mthar phyin pa yin no// bsam gtan yongs su dag pas cang shes pa

  594. 298a

    yin no/ / shes rab yongs su dag pas blo legs par dkar ba yin no// tshad med pa rnams la tshangs pa'i bla ma yin no// bsam gtan dang / ting nge 'dzin dang / snyoms par 'jug pa rnams la 'jig rten las 'das pa yin no// byang chub kyi lam gyis bla na med pa yin no// dbang bskur ba thob pas yon tan gyi rnam pa thams cad dang ldan pa yin no/ / zhi ba'i blo gros de ltar byang chub sems dpa' gzungs thob pa ni yon tan gyi bsngags pa tshad med pa de lta bu dang ldan pa yin te/ zhi ba'i blo gros gal te de bzhin gshes bas 'phrin las gzhan mi mdzad par lo brgya stong rgyun du byang chub sems dpa' gzungs thob pa'i bsngags pa rjod kyang zad par mi 'gyur ro/ / de nas byang chub sems dpa' zhi ba'i blo gros kyis/ lha'i bu rgyal po bzang la 'di skad ces smras so// grogs po de bzhin gshegs pas khyod kyi yon tan gyi bsngags pa mtha' yas pa rjod pa mdzad pa ni khyod kyis rnyed pa legs par rnyed do/ / de skad ces smras pa dang / lha'i bu rgyal po bzang gis/ byang chub sems dpa' zhi ba'i blo gros la 'di skad ces smras so// rigs kyi bu 'di la yang dag pa don dam par na gang de ltar bsngags pa'i chos gang yang mi dmigs so/ / rigs kyi bu gang la kha dog med pa dang / gzugs med pa dang / dbyibs med

  595. 298b

    pa de'i yan tan gyi bsngags pa dang / gzugs kyi mtha' rtogs par mi nus so// gang la gzugs dang / kha dag dang / dbyibs 'ba' zhig yod pa de'i bsngags pa ni rdzang par nus so/ / de nas bcom ldan 'das la/ lha'i rgyal po bzang gis 'di skad ces gsol to// bcom ldan 'das chos thams cad ni ma bsgrubs pa/ nga'i ba ma mchis pa dang yongs su 'dzin pa ma mchis pa gang gis kyang nye bar sprad par bgyi ba ma lags pa/ gang gis kyang bsal ba ma lags pa ste/ 'di la brtson pa dang yang dag par sbyor bar bgyi'o/ / bcom ldan 'das brtson pa dang yang dag par sbyar bar 'gyur ba rnams la chos de dag mngon du 'gyur lags so// bcom ldan 'das 'di lta ste/ dper bgyi na sa chen po chab kyi phung po'i steng na gnas te/ de la mi gang zhig khron pa 'am/ khron pa chen po rko ba de chab dang ldan par 'gyur te/ gang mi rko ba des ni chab mi rnyed lags so// bcom ldan 'das de bzhin du thams cad kyi rjes su zhugs pa'i ye shes de la su zhig brtson par bgyid pa de ni ye shes 'tho par 'gyur te/ su brtson par mi bgyid pa des ni ye shes 'thab bar mi 'gyur lags so/ / bcom ldan 'das de lta lags pas byang chub don du gnyer ba rnams kyis rtag tu brtson pa dang / brtson 'grus brtsam par bgyi'o// de ltar na brtson pa

  596. 299a

    de dag la chos de dag mngon du 'gyur lagaso/ / bcom ldan 'das 'di lta ste/ dper bgyi na skyes bu dmus long gis de las skyes pa'i gzugs rnams mi mthong lags so/ / bcom ldan 'das de bzhin du nyon mongs pas ldongs pa'i sems can rnams kyang / de las skyes pa'i chos rnams mi mthong lags so// bcom ldan 'das 'di lta ste/ dper bgyi na skyes bu mig dang ldan yang snang ba ma mchis na'ang mi mthong lags so// bcom ldan 'das de bzhin du gang dag lha'i mig dang ldan du lags kyang // de dag dge ba'i bshes gnyen gyi man ngag ma mchis na mos par mi 'gyur/ mthong bar mi 'gyur lags so// bcom ldan 'das 'di lta ste/ dper bgyi na lha'i mig la ni snang bas bgyi ba ma mchis so/ / bcom ldan 'das de bzhin du yongs su sbyang ba bgyis pa la'ang rjes su bstan mi 'tshal lo// bcom ldan 'das 'di lta ste/ dper bgyi na mngal na mchis pa'i sems can ni mi gda' mi mthong yang skye lags so/ / bcom ldan 'das de bzhin du byang chub sems dpa' brtson 'grus brtsams pa'i byang chub kyang mi mthong mod kyi/ sangs rgyas kyi chos rnams kyis kyang skye'o/ / bcom ldan 'das 'di lta ste/ dper bgyi na ri'i rgyal po gangs can la shing ldan pa gang skyes de ni bar ma dor chag pa 'am/ skam par mi 'gyur lags so//

  597. 299b

    bcom ldan 'das de bzhin du 'phags pa'i chos la sbyor bar brtson pa gang gi shes pa skyes pa de'ang mi 'jig cing yongs su nyams par mi 'gyur lags so// bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po byung ba de'i tshe rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che 'byung bar 'gyur lags so// bcom ldan 'das de bzhin du gang gi tshe/ byang chub kyi sems skye ba de'i tshe/ chos rin po che sna bdun 'di lta ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs 'byung bar 'gyur lags so// bcom ldan 'das 'di lta ste/ dper bgyi na gang gi tshe 'khor los sgyur ba'i rgyal po gling bzhi pa'i 'jig rten gyi khams su rgyu ba de'i tshe/ sems can rnams la de'i byams pa tha dad pa ma mchis lags so// bcom ldan 'das de bzhin du gang gi tshe byang chub sems dpas bsdu ba'i dngos po bzhi po sbyin pa dang / snyan par smra ba dang / don spyad pa dang / don mthun pas sems can dag sdud pa de'i tshe/ sems can rnams la de tha dad pa ma mchis lags so// dper bgyi na gang gi tshe 'khor las

  598. 300a

    sgyur ba'i rgyal po 'dun khang na mchis pa de'i tshe 'thab pa dang rtsod pa ma mchis lags so/ / bcom ldan 'das de bzhin du gang gi tshe/ byang chub sems dpa' chos kyi 'bel ba'i gtam gyi slad du mchis pa de'i tshe 'thab pa 'am/ rtsod pa'i gtam ma mchis lags so// bcom ldan 'das 'di lta ste/ dper bgyi na gang gi tshe stong gsum gyi stong chen po'i 'jig rten gyi khams gnas par 'gyur ba de'i tshe/ thog mar ri'i rgyal po ri rab dang rgya mtsho chen po gnas par 'gyur lags so// bcom ldan 'das de bzhin du gang gi tshe/ byang chub sems dpa' thog mar byang chub tu sems bskyed pa de'i tshe/ lhag pa'i bsam pa dang snying rje chen po thog mar gnas lags so// bcom ldan 'das 'di lta ste/ dper bgyi na gang gi tshe gdugs 'char ba de'i tshe ri gang mtho ba de dag la thog mar 'od ce bab bo// bcom ldan 'das de bzhin du gang gi tshe byang chub sems dpa' ye shes kyi snang ba thog mar 'byung ba de'i tshe/ sems can gang dag dge ba'i rtsa ba sbyangs pa de dag gis ye shes kyi snang ba de myong bar 'gyur lags so// bcom ldan 'das 'di lta ste/ dper bgyi na sa bon thams cad dang / rtswa dang / shing gel ba dang / sman dang / nags tshal thams cad ni sas bzod de/ thams cad las bcud mnyam du gtong ngo //

  599. 300b

    bcom ldan 'das de bzhin du gzungs thob pa'i byang chub sems dpa' yang sems can thams cad la chos kyi bsam pa'i gtong bas sems chags pa ma mchis par gtong ngo // de nas bcom ldan 'das kyis/ lha'i bu rgyal po bzang la legs so zhes bya ba byin te/ lha'i bu khyod kyis byang chub sems dpa' rnams kyi dpe dgod pa bstan pa 'di legs par smras pa legs so legs so/ / lha'i bu rtswa dang nags tshal ji snyed pa dang / ming gi brda dang / chos kyi brda dang / sgra'i brda dag ji snyed pa dang / gzugs dang kha dog gi brda dag ji snyed pa dang / sems can gyi sems kyi spyod pa la 'jug pa ji snyed pa dang / ming dang gzugs rab tu brjod pa ji snyed pa dang / sems can rnams kyi spyod pa ji snyed pa dang / sems can rnams kyi yongs su spyad pa zas skom ji snyed par/ lha'i bu byang chub sems dpa' gzungs thob pa'i dpe dgod pa bstan pa'ang de snyed do// lho'i bu gzungs thob pa'i byang chub sems dpa'i tshig gang ci'ang rung ste/ sangs rgyas kyi bka' ma yin pa med do// gzugs su snang ba 'am/ sgra 'am/ dri 'am/ ra 'am/ reg bya 'am/ chos su snang ba gang ci'ang rung ste/ de la gang snang bar mi 'gyur ba med do// de la gzhan las thos pa la rag las pa'i spobs pa med do// gzhan gyi

  600. 301a

    blta ba la rag las pa'i bstan pa med do/ / de mi zad pa dang / mtha' yas pa dang / thams cad kyi rjes su 'gro ba dang / thams cad la 'jug pa'i rjes su song ba yin no/ / de la rgyun chad pa med do// chags pa med do// lus lci ba med do// sems zhum pa med do// de sangs rgyas brgya stong gi spyan sngar ston kyang zhum par mi 'gyur te/ 'di ltar sangs rgyas kyi byin gyi rlabs kyis byin gyis brlabs pa'i byang chub sems dpa' des gzungs dang / shes rab dang / ye shes dang / spobs pa thob bo/ / de ston kyang zhum par mi 'gyur/ kun tu zhum par mi 'gyur zhing / zlog par mi 'gyur te/ 'di ltar byang chub sems dpa' de chags pa med pa gsum gyi rjes su song yin no/ / gsum gang zhe na/ bdag la chags pa med pa dang / sems can la chags pa med pa dang / chos la chags pa med pa'o// yongs su dag pa gsum gyi rjes su song ba yin te/ gsum gang zhe na/ chos kyi dbyings yongs su dag pa dang / de bzhin nyid yongs su dag pa dang / yang dag pa'i mtha' yongs su dag pa'o// ma zad pa gsum gyi rjes su song ba yin te/ gsum gang zhe na/ chos mi zad pa dang / yi ge mi zad pa dang / bstan pa mi zad pa'o// byin gyi rlabs gsum thob pa yin te/ gsum

  601. 301b

    gang zhe na/ spobs pa'i byin gyi rlabs dang / chos kyi don gyi byin gyi rlabs dang / chos la 'jug pa'i byin gyi rlabs so// dga' ba gsum thob pa yin te/ gsum gang zhe na/ shes kyis dga' ba dang / shes rab kyis dga' ba dang / the tshom chad pas dga' ba'o// myur ba gsum thob pa yin te/ gsum gang zhe na/ dran pa myur ba dang / blo gros myur ba dang / rtogs pa myur ba'o// gzungs kyi yon tan bsngags pa'i dpe dgod pa mi zad pa bstan pa 'di bshad pa na/ byang chub sems dpa' brgyad brgyas gzungs thob par gyur to// gzungs kyi yon tan gyi bsngags pa'i dpe dgod pa mi zad pa'i le'u zhes bya ste nyi shu rtsa bzhi pa'o// // de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das slad ma'i tshe/ slad ma'i dus lnga brgya tha ma la ci nas chos kyi rnam grangs 'di 'dzam bu'i gling du spyod par byin gyis brlab tu gsal/ bcom ldan 'das kyis bka' stsal pa/ gsang ba pa'i bdag po dam pa'i chos yongs su gzung ba'i phyir/ ngas de bzhin gshegs pa rin chen zlo ba las chos sba ba dang / bsrung ba'i gsang sngags kyi gzhi gang dag thos pa de dag khyod kyis dran nam/ gsol pa/ bcom ldan 'das dran lags so// bcom ldan 'das kyis bka' stsal pa/ gsang ba pa'i

  602. 302a

    bdag po de bas na chos kyi rnam grangs 'di yun ring du gnas par bya ba'i chos sba ba dang / bsrung ba'i gsang sngags kyi gzhi 'di dag khyod kyis 'khor 'di la rjod cig/ de ltar chos kyi rnam grangs 'di yun ring du gnas par 'gyur ro/ de nas gsang ba pa'i bdag po lag na rdo rjes phyogs bcu'i sangs rgyas thams cad la phyag 'tshal te/ gsang sngags kyi gzhi 'di dag smras so// tad+ya thA/ dzA ye/ dzA ya ma te/ dzA ya sha tU/ A le a ma laM/ a lu li taM/ ma me/ ma ma ma ti/ nA ma san ti ud te me/ ut+ta ma ti/ ut+ta ra NaM/ A re/ A ra ma Ni/ a ri sha ma ni/ a mu 'u li/ a mu 'u li/ a bat+ti te/ mu 'u la a nu ga te/ ad Te/ mang Te/ mad Ti te/ A di/ mA Di/ mA Di te/ khu ru khu ru san d+hi/ d+har+m+ma a nu ga te/ d+harmA dak+She/ d+har+m+ma pra ze she/ sa re sa ra/ sa re/ a be d+he/ be d+ha san d+hi/ i hi/ e ha ni/ e ta dA nu ga me/ bdud rnams tshar gcod pa/ mu stegs can rnams 'joms pa/ chos la gnod par sems pa rnams rmugs par byed pa/ nyon mongs pa rnams sel ba/ chos kyi tshul rnams 'bar bar byed pa/ chos smra ba rnams kun tu srung ba/ mya ngan las 'das par 'dzud pa/ byang chub yongs su smin par byed pa rnams yongs su

  603. 302b

    'dzin pa/ 'khor yang dag par 'jams pa/ chomanyan pa rnams la lus sbyin par byed pa/ yang dag par song ba rnams kyis bsam pa/ yang dag par zhugs pa rnam kyis blta ba/ gsang sngags kyi gzhi rnams mngon du gyur pa/ gsang sngags kyi mtshams 'gugs pa/ brjod pa shes pa/ phyad pa mi thul pa/ bstan pa'i ngo bo nyid du chud za bar ma gyur cig/ gsang ba pa'i bdag po lag na rdo rjes gsang sngags kyi gzhi 'di dag yongs su brjod ma thag tu/ de nas stong gsum gyi stong chen po'i 'jig rten gyi khams 'di rab tu g.yos so/ / stong gsum gyi stong chen po'i 'jig rten gyi khams 'di na bdud gang dag 'khod pa de dag thams cad dpung dang bcas/ g.yog 'khor dang bcas te/ bcom ldan 'das kyi gan du lhags nas lus btud thal mo sbyar te/ bcom ldan 'das la 'di skad ces gsol to// bcom ldan 'das bdag cag gis chos smra ba su'i kha'i sgo nas gsang sngags kyi gzhi 'di dag 'byung ba de la rim gro bgyi'o/ / bsnyen bkur bgyi'o// bcom ldan 'das gsang sngags kyi gzhi 'di dag gi dpal ni/ lha dang bcas pa'i 'jig rten gyi bzod par rngo ma thogs lags so/ / bcom ldan 'das bdag cag nyid kyis chos kyi rnam grangs 'di sba bar bgyi'o// glags lta ba gzhan dag kyang tsharabacad par

  604. 303a

    @bgyi'o/ / de nas bcom ldan 'das kyis glang po che'i lta stangs kyis phyogs bzhi kun tu gzigs te/ de'i tshe gsang sngags kyi gzhi 'di dag bka' stsal to/ / dza ye/ dur dza ye/ dza ya ma ti/ sha me sha tu nire g+ha ta ni/ a mu 'u le/ mu 'u la ba ri ts+tshi na ne/ mA ra se'i n+ya bi tra sa ni/ mug te mug ta ba ti/ shud de/ a b+he d+hi/ b+ha ya mo tsa ni/ b+hA ro ha ra Ne/ tad de bi d+ya ba bya ba rod ti ma/ pha rol rgol ba tshar gcod pa// chos smra ba dag kun sdud pa// chos kyi mdzod ni kun srung ba// rig sngags 'di ni sangs rgyas gsungs/ / a me/ a ma ma me/ ma ma ts+tshe de/ ar+the/ ar+tha ni/ sta ra Ne/ 'jig rten skyong ba bzhi dgug pa'i tshig rnams smras pa'o// d+hI re/ d+hI ra b+ha ti/ gu ba te/ shu b+he/ shu b+ha ba ti sa maM/ lha'i dbang po brgya byin 'dir dgug par bya'o// mai trI/ so ma ba ti/ k+Shan ti/ kri ba ka ru/ No d+hA hi te/ pra ti/ u paM k+Sha saM pan ne/ tshangs pa yang 'dir bkug par bya'o// a ra De bi ra De/ kha khe/ a mu'u le/ mu'u la sho d+ha ni/ bdud 'di tshar gcod bya ba'i phyir// gsang sngags gzhi ni 'di dag smras/ / mdo sde legs par bshad pa 'di// mi yi dbang pos byin gyis brlabs// gang tshe shes par 'gyur ba na// de yi tshe na spyad par 'gyur// gsang sngag

  605. 303b

    'di dag rab brjod pas/ / sa ni rab tu g.yos par 'gyur// bdud rnams thams cad lhags gyur te// 'di skad kyi ni tshig smras so// phyi ma'i dus na mdo sde 'di// gang dag lag tu mchi 'gyur ba/ / chos smra mkhas pa de dag ni// bdag cag rnams kyis bsrung bar bgyi// de nas bcom ldan 'das kyis/ gsang ba pa'i bdag po lag na rdo rje la bka' stsal pa/ gsang ba pa'i bdag po chos kyi rnam grangs 'di de bzhin gshegs pa nyid kyis byin gyis brlabs par shes par gyis shig/ byin gyi rlabs 'di ni sus kyang rnam par dkrug par mi nus so/ / de ci'i phyir zhe na/ gsang ba'i bdag po ngas mngon par shes te/ 'das pa'i dus na bskal pa ma smad pa zhes bya ba la/ 'jig rten gyi khams ma smad pa zhes bya bar/ de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ da mi rnams kyi ston pa sangs rgyas bcom ldan 'das rin chen zla ba zhes bya ba 'jig rten du byung ngo // de bzhin gshegs pa de'i gsung rab la/ dge slong chas smra ba/ rdzu 'phrul che ba/ dbang che bar grags pa/ mthu che ba/ shes rab 'phags zhes bya ba dang / bden pas byin zhes bya ba gnyis byung ste/ chos smra ba de gnyis kyis/ de bzhin gi shegs pa de laH/

  606. 304a

    gsang sngags kyi gzhi 'di dag bzung nas/ bcom ldan 'das des chos kyi 'khor lo bskor ba bskal pa phyed tshang bar rjes su bskor nas/ stong gsum gyi stong chen po'i 'jig rten gyi khams na/ bdud bye ba phrag brgya 'khod pa gang yin pa de dag thams cad yongs su smin par byas te/ byang chub yang dag par 'dzin du bcug go/ de nas bcom ldan 'das la/ byang chub sems dpa' zhi ba'i zla gros kyis 'di skad ces gsol to// bcom ldan 'das de bzhin gshegs pa rin chen zla ba de bzhugs sam/ 'on te yongs su mya ngan las 'das lags/ bcom ldan 'das kyis bka' stsal pa/ zhi ba'i blo gros de bzhin gshegs pa rin chen zla ba de ni/ shar phyogs logs kyi sangs rgyas kyi zhing bye ba brgya stong phrag bcu pa na/ 'jig rten gyi khams ma smad pa zhes bya ba na bzhugs so// de bzhin gshegs pa de'i tshe tshad ni bskal pa khri thub bo// rigs kyi bu de bzhin gshegs pa de'i sangs rgyas kyi zhing na bdud gang dag 'khod pa de dag khros shing sdang bar gyur pa dang / de bzhin gshegs pa des gsang sngags kyi gzhi 'di dag gis de dag btul/ legs par yongs su btul te/ de dag thams cad byang chub tu yongs su smin par byas so// rigs kyi bu nga dang / gsang ba pa'i bdag po lag na rdo rje gnyis kyis de bzhin gshe

  607. 304b

    pa rin chen zla ba de'i gsung rab la tshangs par spyod pa spyad nas/ byang chub tu nges par byung ste/ nga ni shes rab 'phags zhes bya bar gyur to// gsang ba pa'i bdag pan bden pas zhes bya bar gyur to/ / zhi ba'i blo gros de ltar dod gnyis lhan cig tu mthun par bag yod par sangs rgyas bcom ldan 'das tshad med pa dag la bsti stang du byas so// bla mar byas so// rim gro byas so// mchod pa byas so// zhi ba'i blo gros de ltar na gsang sngags kyi gzhi 'di dag ni bdud tshar gcad pa dang / dam pa'i chos yongs su gzung ba'i phyir gces spras byed par 'gyur ro/ / de nas bcom ldan 'das kyis thams cad dang ldan pa'i 'khor la gzigs nas 'di skad ces bka' stsal to// grogs po dag de bzhin gshegs pa yong su mya ngan las 'das pa'i 'og tu/ bskal pa grangs med par bsgrubs pa'i byang chub 'di nub par mi 'gyur bar bya ba'i phyir gzung ba dang / yongs su bsrung bar khyed kyi nang na su spro/ de nas 'khor de'i nang nas byang chub sems dpa' khri nyis stong dam pa'i chos yongs su gzung ba'i phyir langs te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ de'i tshe tshigs su bcad pa 'di dag smras so// lus dang srog kyang spang bgyis la// rnam par smin la mi re bar// 'jig rten

  608. 305a

    mgon pos gsungs pa yi/ / mdo sde 'di ni gzung bar bgyi/ rgyal ba bzang la sogs pa lha'i bu lnga stong gis thal mo sbyar te/ bcom ldan 'das la 'di skad ces gsol to/ / bcom ldan 'das bdag cag gis de bzhin gshegs pa'i byang chub 'di gzung bar bgyi'o// de'i tshe tshigs su bcad pa 'di'ang smras so// sems can kun gyi don slad du/ / snying rje brtan par bskyed nas ni// sangs rgyas kyis gsungs zab pa yi// mdo sde 'di ni gzung bar bgyi/ de nas lha'i dbang po brgya byin dang / tshangs pa gtsug pud can dang / rgyal po chen po rnam thos kyi bus/ de'i tshe tshigs su bcad pa 'di smras so// nad kun las ni thar bgyid pa// sad 'di sman dang 'dra bab lags/ / ston pa legs par sems bskyed de/ bdag cag gis kyang gzung bar bgyi/ de nas bcom ldan 'das la/ gsang ba pa'i bdag po lag na rdo rjes 'di skad ces gsol to/ / bcom ldan 'das bdag gis kyang de bzhin gshegs pa'i bla na med pa yang dag par rdzogs pa'i byang chub bskal pa grangs ma mchis par bsgrubs pa 'di gzung bar bgyi'o/ / de'i tshe tshigs su bcad pa 'di'ang smras so// chos 'di yi ge ma mchis na// mi yi dbang pos thugs rje yis// yi ge rnams kyis rab bshad pa// de ni bdag gis

  609. 305b

    / gzung bar bgyi/ de nas bcom ldan 'das kyis/ tshangs pa gtsug pud can la bka' stsal pa/ tshangs pa gsum po 'di dag ni/ de bzhin gshegs pa la mchod pa dang / rim gro byed pa bla na med pa'o// mchod pa'i las bla na med pa'o// bsod nams tshad med pa 'byung ba'o// gsum gang zhe na/ gang bla na med pa yang dag par rdzogs pa'i byang chub tu sems bskyed pa dang / gang de bzhin gshegs pa rnams kyi chos 'dzin pa dang / gang ji ltar thos pa'i chos rnams de bzhin nyid du bsgrub pa ste/ tshangs pa gsum po 'di ni bzhin gshegs pa la mchod pa dang / rim gro bya ba bla na med pa'o// tshangs pa gal te de bzhin gshegs pa tshe'i tshad bskal par bzhugs pas mchod pa'i dngos po gsum po 'di dag gi bsod nams kyi rnam par smin pa bskal pa'i bar du bstan du zin kyang mthar phyin par mi 'gyur ro/ / tshangs pa de lta bas na de bzhin gshegs pa la mchod pa dang / rim gro bya ba bla na med pas mchod pa byed 'dod pas mchod pa'i dngos po gsum po 'di dag gis mchod par bya'o/ / tshangs pa de bzhin gshegs pa gcig gi dam pa'i chos kyi tshig bzhi pa'i tshigs su bcad pa yongs su bzung na/ 'das pa dang / ma byon pa dang / da ltar byung ba'i de bzhin gshegs pa rnams kyi byang chub yongs su gzung bar 'gyur ro// de ci'i phyir zhe na/ tshangs pa b

  610. 306a

    zhin gshegs pa rnams kyi byang chub ni chos la nges par byung ba yin pas/ de chos kyis mchod par bya'i/ zang zing gis ni ma yin na// dam pa'i chos kyis mchod pa ni mchod pa thams cad kyi nang na mchog tu bshad do/ / dam par bshad do// phul du bshad do// tshangs pa ngas mngon par shes te/ 'das pa'i dus na nga rgyal po'i pho brang zhig tu skyes te/ rgyal bu gzhon nu blo gros ldan zhes bya bar gyur pa de ni/ nga nyid kyis log pa'i rmi lam na tshigs su bcad pa gnyis thos nas bzung ba dang / nga sad nas 'di snyam du bsams te/ bdag gis gter chen po zhig rnyed do snyam nas/ ngas gter chen po rnyed do zhes skad cher phyung ba dang / nga'i pha ma gnyis na re/ gzhon nu gter ga la yod ces zer ro/ / ngas pa ma gnyis la tshigs su bcad de smras pa/ 'jig rten gter chen rnams ni rgyal po dang // rkun po mi chu bslus pas zad par 'gyur// de bzhin gshegs ba rnams kyi chos gter ni/ / bskal pa bye ba mang por chud mi za// sems can don brtson byang chub sems dang ni// tshul bzhin nyid kyis dben sems gang yin dang // rtag tu bag yod 'chi mang rgyu yin te/ yongs su 'dzin med bde ba kun gyi rgyu// tshangs pa tshigs su bcad pa 'di gnyis ngas rmi lam du zos te/ tshangs pa ngas tshigs su bcad pa 'di gnyis kyis sems

  611. 306b

    can brgyad stong ni byang chub tu yongs su smin par byas so/ / srog chags bzhi khri nyis stang ni bde 'gror 'gro bar byas so// tshangs pa khyod kyis rnam grangs 'dis kyang ji ltar gang dag thos pa la brtson pa dang / brtson nas yang dag par sgrub pa dang / sgrub pa la gnas nas kyang gzhan la phan 'dogs pa de dag gis/ gter chen pa zab par de ltar rig par bya'o// tshangs pa theg pa chen po la gces spras byed pa'i chos gnyis te/ gnyis gang zhe na/ sems can thams cad la khong khro ba med pa dang / thos pa tshol bas chog ma shes pa ste/ gnyis po de dag go/ / tshangs pa de lta bas na chos kyi tshul 'di rgyun ma gcad cig/ tshangs pa khyod kyis bskal pa bzang po pa'i de bzhin gshegs pa thams cad la gsol ba gdab pa dang / dam pa'i chos yongs su bzung ba gyis shig/ tshangs pa bskal pa bzang po 'di la sangs rgyas bcom ldan 'das gzhan 'byung bar 'gyur ba de dag de 'dra bar yongs su dag pa'i sems can du 'gyur nani/ der khyod btang snyoms can du 'gyur ro// tshangs pa 'di ltar nyon mongs pa can gyi dus 'di na/ su zhig nyin gcig gam/ mtshan gcig dam pa'i chos 'dzin pa de ni ches mang gi sangs rgyas kyi zhing yongs su dag pa rnams su bskal pa brgya stong gis ni de lta ma yin no/ / tshangs pa de lta bas na khyod kyis dus ngan pa 'dir dam pa'i chos yongs su gzung ba'i phyir brtson

  612. 307a

    'grus su bya'o/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo de bzhin gshegs pa'i gas babalag na rdo rje'i le'u klu'i gzungs chen po bstan pa 'di long zhig/ zung zhig/ lhogs shig/ gzhan dag la rgya cher yang dag pa ston cig/ kun dga' bo chos kyi rnam grangs 'di khyad la yongs su gtad do/ / de bzhin gshegs pa'i gsang ba bsam gyis mi khyab pa 'di skye bo phal pa la ma bshad cig/ kun dga' bo sems can dman pa la mos pa rnams ni 'di la mgo rmongs par 'gyur te/ kun dga' bo chos kyi rnam grangs 'di ni de tsam du mos par dka' ba/ de tsam du rtogs par dka' ba'o// sems can gang dag cang shes pa/ sbyang bar legs par byas pa/ chos 'di dag gi snod du gyur pa ma gtogs te/ de dag ni chos kyi tshul gyi rgyud 'di thos na skrag par mi 'gyur ro// de skad ces bka' stsal pa dang / tshe dang ldan ba kun dga' bos/ bcom ldan 'das la 'di skad ces gsol to// bcom ldan 'das sangs rgyas kyi mthus bdag gis chos kyi rnam grangs 'di blangs lags te/ mthu ci mchis pas rje rtsa thog tu gzung bar bgyi'o/ / bshad par bgyi'o// bcom ldan 'das kyis bka' stsal pa/ kun dga' bo khyod kyis sems can chen po dam pa'i chos yongs su gzung ba'i phyir langs pa

  613. 307b

    'di dag mthong ngam/ gsol pa/ bcom ldan 'das mthong lags so// bcom ldan 'das kyis bka' sprul pa/ kun dga' bo 'di dag thams cad ni khyod chas kyi rnam grangs 'di ston pa na/ phan 'dogs par 'gyur ba sha stag go/ gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo da lta bas na khyod kyis chos kyi rnam grangs 'di lag na rdo rje'i le'u zhes bya bar zung zhig/ 'di de bzhin gshegs pa'i gsang ba bstan pa'i le'u zhes bya bar yang zung zhig/ 'di sangs rgyas kyi chos bsam gyis mi khyab pa bstan pa zhes bya bar yang zung zhig/ 'di bsod nams tshad med pa 'byung ba zhes bya bar yang zung zhig/ kun dga' bo byang chub sems dpa'i theg pa pa'i skyes bu gang zag gang zhig sangs rgyas kyi spyan gyis gzigs pa'i sangs rgyas kyi zhing rnams sa'i steng nas bzung ste/ srid pa'i rtse mo'i bar du rin po che thams cad kyis yongs su bkang nas sbyin pa byin te/ de'i rnam par smin pa la re ba bas/ gang gis chos kyi rnam grangs 'di legs par bton te/ zang zing med pa'i sems kyis gzhan dag la'ang rgya cher yang dag par bshad na/ 'di ni de bas bsod nams ches mang du bskyed do// de bas na chos kyi rnam grangs 'di de bzhin gshegs pa'i gsang ba bstan pa'i

  614. 308a

    le'u dang / bsod nams tshad med par byung ba zhes bya'o// dam pa'i chos yongs su btad pa'i le'u 'di bstan pa na/ srog chags bye ba rgya phrag bcus bla na med pa yang dag par rdzogs pa'i byang chub tu sems bskyed do/ / byang chub sems dpa' dgu khri drug stong ni bzod pa thob par gyur to// srog chags brgyad khri bzhi stong chos rnams la chos kyi mig rnam par dag go/ dge slong stong drug brgya ni sems rnam par grol lo// phyogs bcu'i sangs rgyas kyi zhing tshad med pa dag ni rab tu g.yos so// lha brgya stong dag gis ni rol mo sil snyan blangs shing / me tog gi char yang rab tu phab ste/ 'di skad du chos kyi rnam grangs 'di 'dzam bu'i gling du shin tu yun ring du gnas par gyur cig ces kyang smras so/ / bcom ldan 'das kyis de skad ces bka' stsal nas/ gsang ba pa'i bdag po lag rdo rje dang / byang chub sems dpa' zhi ba'i blo gros dang / lha'i bu rgyal po bzang dang / rgyal po ma skyes dgra dang / byang chub sems dpa' de dag dang / dge slong de dag dang / tshe dang ldan pa kun dga' bo dang / lha dang / mi dang / lha ma yin dang / dri bar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// dam pa'i chos yongs su gtad pa'i le'u zhes bya ba sta ci shu

  615. 308b

    pa'o/ / / 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa de bzhin gshegs pa'i gsang ba bsam gyis mi khyab pa bstan pa zhes bya ba'i le'u ste/ 'dus pa gsum pa rdzogs so// // rgya gar gyi mkhan po dzi na mi tra dang / dA na shI la dang / mu ne bar ma dang chen gyi lo tsa ba ban+de ye shes sdes bsgyur cing zhus te/ skad gsar bcad kyis kyang gtan la phab pa/ sh+lo ka sum stong bam po bcu'o// / rgya gar skad du/ Ar+ya swa ba na nor de sha nA ma ma hA sA na sU tra/ bod skad du/ 'phags pa rmi lam bstan pa zhes bya ba theg pa chen po'i mdo// / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong drug khri'i dge slong gi dge 'dun chen po phal cher/ bla na med pa yang dag par rdzogs pa'i byang chub la yang dag par zhugs pa dag dang thabs cig tu bzhugs te/ nyan thos chen po mngon par shes pa/ mngon par shes pa sha stag dang yang thabs cig go// de nas bcom ldan 'das zhal zas kyi bya ba mdzad nas/ 'di lta bu'i ting nge 'dzin la snyom

  616. 309a

    par zhugs te/ ting nge 'dzin de'i mthus stong gsum gyi stong chen po'i 'jig rten gyi khams 'di na brgya byin dang / tshangs pa dang / 'jig rten skyong ba 'cha dang bcas pa gang dag yod pa de dag thams cad bcom ldan 'das ga la ba der song ste lhags pa dang / bcom ldan 'das kyi zhabs la mgo bos phyag byas nas/ thal mo sbyar te phyog gcig tu 'khod do/ / ting nge 'dzin de'i mthus phyogs bcu nas/ stong gsum gyi stang chen po'i 'jig rten gyi khams 'dir lhags pa'i dge slong ji snyed pa de dag thams cad kyang // bcom ldan 'das ga la ba der dong ste lhags pa dang / bcom ldan 'das kyi zhabs la mgo bos phyag byas te/ phyogs gcig tu 'khod do// ting nge 'dzin de'i mthus/ 'khor brgyad kyi gang zag byang chub sems dpa'i theg pa pa ji snyed pa de dag thams cad kyang / bcom ldan 'das ga la ba der dong ste lhags pa dang / bcom ldan 'das kyi zhabs la mgo las phyag byas te/ phyogs gcig tu 'khod do/ de nas gnas gtsang ma'i ris kyi lha'i bu dga' ba dang / rab dga' dang / rtogs dga' dang / bzang dga' dang / dpal b.rangs dang yongs su dga' ldan dang / dbang phyug dang / dbang phyug chen po zhes bya ba rnams gnas gtsang ma'i ris kyi lha'i bu rab tu mang po dag dang lhan cig tu bcom ldan 'das pa

  617. 309b

    la ba der dong ste lhags pa dang / bcom ldan 'das kyi zhabs la mgo bos phyag byas te/ phyogs gcig tu 'khod do// phyogs gcig tu 'khod nas kyang / bcom ldan 'das la gnas gtsang ma'i ris kyi lha'i bu de dag gis 'di skad ces gsol to/ / btsun pa bcom ldan 'das sngon gyi yang dag par rdzogs pa'i sangs rgyas rnams kyis gsungs pa/ byang chub sems dpa'i mtshan ma bstan pa zhes bgyi ba'i chos kyi rnam grangs 'di ni sngon yang bshad la/ slad kyis kyang 'chad par 'gyur bas/ bcom ldan 'das kyis kyang skye bo mang po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi don dang / sman pa dang / bde ba'i slad du de yang dag par bshad du gsol/ bcom ldan 'das yongs su mya ngan las 'das na'ang ma 'ongs pa'i byang chub sems dpa' rnams kyis chos kyi rnam grangs 'di thos na bla na med pa yang dag par rdzogs pa'i byang chub tu 'dun pa rgya chen po skyed par 'gyur zhing / bdag nyid kyi dge ba yang dag pa ji lta ba bzhin du mthong ba na/ gzhan dag la rlom sems bgyid par mi 'gyur zhing / de bas kyang bag ma mchis par mi 'gyur la/ sdug bsngal bar gyur pas kyang sgyid lug par mi 'gyur lags so// bcom ldan 'das kyis/ gnas gtsang ma'i ris kyi lha'i bu de dag la cang mi gsung bas

  618. 310a

    gnang bar mdzad do/ / de nas byang chub sems dpa' rdo rjes rab 'jom gyis/ lha'i bu de dag gis gsol ba btab par rig cing / 'khor mtha' yas pa dag lhags par yang rig nas/ de'i tshe tshigs su bcad pa 'di dag gsol to// yon tan brgyas gtams pa la 'di zhu lags// lha mi dga' mdzad pa la 'di zhu lags/ / bdud 'joms mdzad pa po la 'di zhu lags// skye mang sman pa'i mchog la 'di zhu lags// 'khrul med gsung gis chos rnams ston mdzad cing // 'gro ba'i 'jig rten mkhas pa bla na med/ / 'di gnyis brgya stong rab tu gcod mdzad cing // skye mang mig stsol ba la 'di 'u lags// nyi ltar mnyam med mun pa sel mdzad cing // zla ltar yongs dag bas ba'i 'od ldan pa/ / mi sdug sdug la mig ma lhun 'dra zhing // mtsho 'dra yan tan mchog la 'di zhu lags// dog sa bzhin du nangs pa bgyis bzod cing // chab ltar skya dgu'i dri ma sbyang ba mdzad/ / zhugs bzhin nyon mongs dra ba sreg mdzad cing // srid gsum 'khor yi mnga' la 'di zhu lags// sman pa bzhin du 'gro ba gso mdzad cing // rnam thos bu ltar sdug lan sbyin mdzad/ / sprin bzhin skom pas gdungs pa zhi mdzad cing // nges pa gsung mchog ston la 'di zhu lags// 'gro ba zug rngu sdug bsngal nga rgyal bcas// tha ba nyan mongs dri bcas g.yon

  619. 310b

    can dag/ 'dul mkhas bde dang bde ba stsol mdzad cing // 'gro bas dran bgyi ba la mchog 'di zhu// 'jam dang snang ldan blo gros brtan ldan zhing // rtogs dang dran ldan bla ma rnams kyis mchod/ / mnyam med tshul mi 'chos shing thugs mi gnas// yon tan rgya mtsho 'dra la mchog 'di zhu// skye dgu'i 'thab rtsod nyon mongs zhi mdzad cing // rtag tu des shing zhal bzang dga' bar mdzad/ / shin tu zhal 'dzum mnyen zhing byams pa'i thugs// srid gsum pha rol gshegs la 'di zhu lags// sor bcu thal sbyar 'di yis bstod bgyis shing // bde gshegs stobs bcu khyod la gsal 'debs kyis/ / sems can rin chen de dag rnams kyi spyod// zhus pa bzhin du bka' stsol bshad du gsol// byang chub tshul gyi spyod de ci 'dra ba// thos na lha mi tshogs kyang spyod 'gyur bas/ / 'di ni skyes mchog lags shes bdag cag gis// 'di ltar 'tshal 'gyur mtshan ma bdag la gsungs// de skad ces gsol pa dang / bcom ldan 'das kyis/ byang chub sems dpa' sems dpa' chen po rdo rjes rab 'jom la 'di skad ces bka' stsal to// rdo rjes rab 'jom de'i phyir legs par rab tu nyon la yid la zung zhig dang / rnam pa gang dag dang / rtags gang dag dang / mtshan ma gang dag gis gang zag byang chub sems dpa'i theg pa pa yin par shes par bya ba ngas khyod la bshad par bya'o//

  620. 311a

    byang chub sems dpa' rdo rjes rab 'jom gyis/ bcom ldan 'das de ltar 'tshal lo zhes gsol te/ bcom ldan 'das kyi ltar nyan pa dang / bcom ldan 'das/ kyis/ de la 'di skad ces bka' stsal to// rdo rjes rab 'jom mtshan ma brgya rtsa brgyad kyis ni gang zag byang chub sems dpa'i theg pa pa yin par rig par bya ste/ brgya rtsa brgyad gang zhe na/ gnyid log pa'i rmi lam na/ de bzhin gshegs pa'i sku mdzes pas bka' stsol ba'i gzugs mthong ba dang / gzhan yang de bzhin gshegs pa cang mi gsung ba mthong ba dang / gzhan yang de bzhin gshegs pa dbu dang zhabs su bcas par g.yogs pa mthong ba dang / gzhan yang de bzhin gshegs pa zhal phyir phyogs pa mthong ba dang / gzhan yang de bzhin gshegs pa'i sku 'jam pa las byas pa mthong ba dang / gzhan yang de bzhin gshegs pa'i sku tshon gyis bris pa mthong ba dang / gzhan yang 'gro ba na de bzhin gshegs pa'i sku mthong ba dang / gzhan yang de bzhin gshegs pa gzhan dag la chos ston par mthong ba dang / gzhan yang de bzhin gshegs pa rdzu 'phrul gyis nam mkha' las gshegs pa mthong ba dang / gzhan yang de bzhin gshegs pa yongs su mya ngan las 'das pa mthong ba dang / gzhan yang de bzhin gshegs pa zhugs la bzhen pa mthong ba dang / gzhan yang rmilam

  621. 311b

    shin gshegs pa'i sku gdung dag rnyed pa dang / gzhan yang rmi lam na de bzhin gshegs pa'i dbu skra rnyed pa dang / gzhan yang rmi lam na sngon ma mthong ba'i mchod rten dag mthong ba dang // gzha yang rmi lam na de bzhin gshegs pa'i mchod rten rin po ches brgyan pa dag mthong ba dang / gzhan yang de bzhin gshegs pa'i mchod rten cho 'phrul mdzad pa dag mthong ba dang / gzhan yang de bzhin gshegs pa'i 'od mthong ba dang / gzhan yang rmi lam na de bzhin gshegs pa'i sgra thos la ma mthong ba dang / gzhan yang bdag de bzhin gshegs pa'i sku yin par kun tu shes pa dang / gzhan yang bdag de bzhin gshegs pa'i mchod rten la me tog gam/ me tog 'phreng ngam/ spos sam/ byug pa 'bul zhing skud par kun tu shes pa dang gzhan yang de bzhin gshegs pa na bza' dri ma can gsol ba mthong ba dang / gzhan yang rmi lam na sngon ma thos pa'i chos dag thos pa dang / gzhan yang rmi lam na ma bstan pa'i chos dag shes la/ sad na chos 'chad pa'ang med la/ ci'ang mi dran pa dang / sngon ma mthong ba'i dge slong chos smra ba dag mthong ba dang / gzhan yang rmi lam na bdag chos kyi khri stan la 'dug ste/ chos ston par kun tu shes pa dang / gzhan yang rmi lam na bdag 'jigs pa med par kun tu shes pa dang / gzhan yang rmi lam na byang chub kyi snying po mthong ba dang

  622. 312a

    gzhan yang de bzhin gshegs pa 'chag pa mthong ba dang / gzhan yang de bzhin gshegs pa chos kyi 'khor lo bskor ba mthong ba dang / gzhan yang de bzhin gshegs pa yongs su mya ngan las 'das pa'i mchod rten mthong ba dang / gzhan yang de bzhin gshegs pa'i chos gos rnyed pa dang / gzhan yang de bzhin gshegs pa'i ltung bzed rnyed pa dang / gzhan yang de bzhin gshegs pa nyag gcig mthong ba dang / gzhan yang de bzhin gshegs pa skye bo mang pos yongs su bskor ba mthong ba dang / gzhan yang de bzhin gshegs pa'i gdugs mthong ba dang / gzhan yang de bzhin gshegs pa'i chags dag mthong ba dang / gzhan yang de bzhin gshegs pa'i gdan mthong ba dang gzhan yang bdag de bzhin gshegs pa la zhal zas 'bul bar kun tu shes pa dang / gzhan yang bdag de bzhin gshegs pa la na bza' 'bul bar kun tu shes pa dang / gzhan yang bdag de bzhin gshegs pa la me tog dag 'bul bar kun tu shes pa dang / gzhan yang bdag ri la 'dug par kun tu shes pa dang / gzhan yang rmi lam na bdag gcer bur 'dug par kun tu shes pa dang / gzhan yang rmi lam na bdag phyogs mtshams na 'dug par kun tu shes pa dang / gzhan yang rmi lam na bdag sngon ma mthong ba'i yul du phyin par kun tu shes

  623. 312b

    pa dang / gzhan yang rmi lam na bdag chu bo'i nang na 'dug par kun tu shes pa dang / gzhan yang rmi lam na sprin las char 'bab pa mthong ba dang / gzhan yang rmi lam na sa g.yos par kun tu shes pa dang / gzhan yang rmi lam na bdag g.yul 'gyed pa'i nang du song bar kun tu shes pa dang / gzhan yang rmi lam na bdag na bar kun tu shes pa dang gzhan yang rmi lam na bdag g.yang sa nas g.yang du ltung zhing bton pa med par kun tu shes pa dang / gzhan yang rmi lam na bdag gsad pa las btang bar kun tu shes pa dang / gzhan yang rmi lam na bdag dgra'i nang na 'dug par kun tu shes pa dang / gzhan yang rmi lam na bdag nam mkha' la 'gro bar kun tu shes pa dang / gzhan yang rmi lam na bdag gi/ lag pa na sgron ma thogs par kun tu shes pa dang / gzhan yang rmi lam na byang chub sems dpa' phyir byung ba mthong ba dang / gzhan yang rmi lam na glegs bam rnyed pa dang / gzhan yang rmi lam na gzungs kyi sgra thos pa dang / gzhan yang rmi lam na ting nge 'dzin gyi sgra thos pa dang / gzhan yang rmi lam na shin tu rgyas pa'i sde'i mdo sde'i sgra thos pa dang / gzhan yang rmi lam na chos smra ba'i dge slong che ge mo zhes bya ba rnams kyi ming thos pa dang / gzhan yang rmi lam na bdag tshigs su bcad pa la spobs pa thob par kun tu shes pa dang /

  624. 313a

    nga rmi lam na bdag mdo sde la spobs pa thob par kun tu shes pa dang / gzhan yang rmi lam na chos kyi gter gyi sgra thos pa dang / gzhan yang lam na 'jig rten gyi khams gzhan gyi de bzhin gshegs pa'i mtshan thos pa dang / gzhan yang 'jig rten gyi khams gzhan gyi byang chub sems dpa' che ge mo zhes bya ba'i ming thos ba dang / gzhan yang bdag rgya mtsho'i dbus na 'dug par kun tu shes pa dang / gzhan yang bdag rin po che dag 'thu bar kun tu shes pa dang / gzhan yang bdag ri rab kyi rtse mor son par kun tu shes pa dang / gzhan yang bdag ri la 'dzeg par kun tu shes pa dang / gzhan yang bdag ri'i rtse mo na 'dug par kun tu shes pa dang / gzhan yang bdag shing ljon pa la 'dzeg par kun tu shes pa dang / gzhan yang glang po che'i gtso bo mthong ba dang / gzhan yang bdag glang po che'i gtso bo la zhon par kun tu shes pa dang gzhan yang bdag rta la zhon par kun tu shes pa dang / gzhan yang bdag bden pa'i byin gyi rlabs byed par kun tu shes pa dang / gzhan yang 'bras bu'i shing ljon pa dag mthong ba dang / gzhan yang me tog gi shing ljon pa dag mthong ba dang / gzhan yang sngon ma mthong ba'i grong khyer mthong ba dang / gzhan yang mchom zos pa mthong ba dang

  625. 313b

    gzhan yang lha'i bu mthong ba dang / gzhan yang klu mthong ba dang / gzhan yang bdag 'dzam bu'i gling gzhan du son par kun tu shes pa dang / gzhan yang bdag gos dkar/ bopo gyon par kun tu shes pa dang / gzhan yang bdag gi mgo la rin po che'i 'phreng ba thogs par kun tu shes pa dang / gzhan yang bdag gi bgo la me tog gi 'phreng ba rgyan dang bcas pa thogs par kun tu shes pa dang / gzhan yang bdag me tog gi sil sa dag bsrel bar kun tu shes pa dang / gzhan yang bdag rnga bo che rdung ba 'am/ rol mo'i sgra gzhan dag 'byin par kun tu shes pa dang / gzhan yang nyi ma spyang kis zin pa dang / zla ba spyang kis zin par mthong ba dang / gzhan yang bdag mi gtsang bas 'bags par kun tu shes pa dang / gzhan yang bdag rgyal por gyur par kun tu shes pa dang / gzhan yang bdag rgyal po'i spyan snga 'am/ rgyal po'i blon po chen po 'am/ skye bo phal po che'i nang na 'dug par kun tu shes pa dang / gzhan yang bdag skyed mos tshal na 'dug pa kun tu shes pa dang / gzhan yang sngon ma mthong ba'i gtsug lag khang ngam/ grong ngam/ yul lam/ ljongs mthong ba dang / gzhan yang rmi lam na gdugs rnyed pa dang / gzhan yang rmi lam na bdag skye bo phal po che la chos ston par kun tu shes pa dang /

  626. 314a

    gzhan yang bdag grong gzhan du zhugs par kun tu shes pa dang / gzhan yang bdag bam pa 'dogs par kun tu shes pa dang / gzhan yang bdag gru/ sbyor bar kun tu shes pa dang / gzhan yang rmi lam na sprin las 'brug grag pa 'am/ glog 'byung bar kun tu shes pa dang / gzhan yang rmi lam na mtshon cha'am/ go cha rnyed pa dang / gzhan yang rmi lam na snod dag rnyed pa dang / gzhan yang rmi lam na bdag sems can rnams la lam ston par kun tu shes pa dang / gzhan yang rmi lam na bdag skyed mos tshal du 'jug par kun tu shes pa dang / gzhan yang rmi lam na lo tog phun sum tshogs pa mthong ba dang / gzhan yang bdag sems can nad pa rnams gso bar kun tu/ shes pa dang / gzhan yang bdag byang chub tu lung bstan pa'i sgra thos pa dang / gzhan yang bdag mngon par rdzogs par byang chub par kun tu shes pa dang / gzhan yang rmi lam na bum pa gang ba dag rnyed pa ste/ rdo rjes rab 'jom rmi lam gyi mtshan ma brgya rtsa brgyad po 'di dag kun tu snang na/ gang zag byang chub sems dpa'i theg pa pa yin par rig par bya'o/ / rdo rjes rab 'jom de la byang chub sems dpa' gang gis rmi lam na/ de bzhin gshegs pas bka' stsal pa mthong na/ byang chub sems

  627. 314b

    dpa' de gal te gzungs thob par gyur pa zhig gam/ mngon par shes pa thob par gyur pa zhig gam/ bden pa'i byin gyi rlabs grub par gyur pa zhig yin na ni/ sa/ brgyad par lung bstan par 'gyur bar blta'o// yon tan de dag 'thob tu nye ba zhig yin na ni/ sa dang po bdun po dag las sa gang yang rung bar blta'o// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa cang mi gsung ba mthong na/ byang chub sems dpa' de ni chos la sgrib par 'gyur ba'i las bsags pa yin pas/ des chos mnyan pa yang dag par 'dzin du gzhug par bya zhing / kha ton la yang dag par brtson pa'i gang zag rnams la'ang bde ba'i bsnyen bkur dag nye bar bsgrub par bya'o/ / des na de'i las kyi sgrib pa de rnam par dag par 'gyur te/ gang zag de ni sa dang po bdun po dag las sa gang yang rung bar blta'o/ / de'i tshes dang po la gnas pa zhig yin na ni/ des sbyang ba'i phyir lo bdun du phung pa gsum pa'i chos kyi rnam grangs nyin lan gsum mtshan lan gsum gdon par bya'o/ / ci ste sa gnyis pa la gnas pa zhig yin na ni/ de so lo drug tu gdon par bya'o// ci ste sa gsum pa la gnas pa zhig yin na ni/ des lo lngar gdon par bya'o//

  628. 315a

    kyi lta sa gzhi pa la gnas pa zhig yin na ni/ des lo bzhir gdon par bya'o// rtsi skye sa lnga pa la gnas pa zhig yin na ni/ des la gsum du gdon par bya'o/ / ci ste sa drug pa la gnas pa zhig yin na ni/ des lo gnyis su gdon par bya'o// ci ste sa bdun pa la gnas pa zhig yin na ni/ des lor gdon par bya'o/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa dbu dang zhabs su bcas par g.yogs pa mthong na/ des ni sems can rnams dge ba'i bshes gnyen la lta ba dang / chos nyan pa dang phral ba yin pas/ des zhe 'gras pa med pa'i sems kyis spobs pa byed pa'i dngos po nye bar bsgrub par bya'o/ / des na de'i las kyi sgrib pa de rnam par dag par 'gyur te/ gang zag de ni las dang po par blta'o// rdo rjes rab 'jom gzhan yang byang chub sems dpa' ga gis rmi lam nA/ de bzhin gshegs pa zhal phyir phyogs pa mthong na/ des ni rab tu 'byung ba'i bar chad byas shing chos nyan pa rnams la'ang sgrib pa bskyed pa yin pas/ des chos kyi khri stan bshams pa'i ngang tshul can du bya/ sems can rnams kyang chos nyan du gzud par bya'o// des na nga'i las kyi sgrib pa de rnam par dogapa su

  629. 315b

    gang zag de ni sa dang po bdun po dag las sa gang yang rung bar blta'o/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i sku 'jim pa las byas pa mthong na/ byang chub sems dpa' de ni sa dang po par blta ste/ des ni chos smra ba'i spyod pa la dbyas byas pa yin pas/ des na de bzhin gshegs pa'i mchod rten nam/ chos yig khang du mgo la mar me gzhag par bya zhing / des zhe 'gras pa med pa'i sems su'ang bya'o// des ni de'i las kyi sgrib pa de rnam par dag par 'gyur ro/ / gal te sa gzhan la gnas pa'i byang chub sems dpa' zhig gis mtshan ma de lta bu mthong na ni/ bdud kyi las su rig par bya'o// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i sku tshon gyis bris pa mthong na/ byang chub sems dpa' de ni sa lnga po gang yang rung ba dag tu blta ste/ sangs rgyas kyi sku bris pa la spros sam/ me tog dag gis mchod pa byed par kun tu shes na/ byang chub sems dpa' de ni sa dang po par bltar/ / ci ste thal mo sbyar na ni sa gnyis par blta'o// ci sta bstod pa byed na ni sa gsum par blta'o// ci ste yan lag lngas phyag 'tshal na ni/ ya bzhi par blta'o//

  630. 316a

    ci ste skor bar byed na ni sa lnga par blta'o// des chos zab mo dag la bzod pa bskyed par bya ste/ de'i 'og tu lung bstan pa thob par yang 'gyur ro// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i sku bzhud pa mthong na/ des ni brnyas thabs byas shing kha ton dang lung phog pa yin pas/ des bag yod par brtson 'grus brtsam par bya zhing / yang dang yang du chos mnyan pa'ang byin par bya/ de bzhin gshegs pa'i mchod rten dag kyang byi dor bya'o/ / des na de'i las kyi sgrib pa de rnam par dag par 'gyur te/ byang chub sems dpa' de ni sa gsum par blta'o// de ci ste byang chub sems dpa' gzhan zhig 'gro ba na de bzhin gshegs pa mthong ba na/ de la mtshan ma cir 'gyur zhe na/ gal te bkad sar 'gro la de bzhin gshegs pa mthong na sa dang por blta'o// gal te gtsug lag khang du 'gro la de bzhin gshegs pa mthong na sa gnyis par blta'o/ / gal te chos nyan du 'gro la de bzhin gshegs pa mthong na sa gsum par blta'o// gal te nang du yang dag 'jog na sa bzhi par blta'o/ / gal te dben pa na 'dug na sa lnga par blta'o// gal te smra zhing 'gro la mthong nas drug par blta'o// gal te rab tu 'dud

  631. 316b

    cing 'gro la mthong na sa bdun par blta'o/ / gal te cho 'phrul byed cing 'gro la mthong na sa brgyad par blta'o// gal te sprul pa sprul zhing 'gro na sa dgu par blta'o// gal te/ g.yas g.yon du blta zhing 'gro la smra zhing stong pa nyid brjod na sa bcu par blta'o// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa 'khor gyi nang na chos ston pa mthong la rnam par mi shes na/ byang chub sems dpa' de ni sa bcu po dag las sa gang yang rung bar blta ste/ des ni ston pa yongs su mya ngan las 'das pa'i chos smra ba la 'di ni shes bzhin du spyod pa ma yin no zhes smad pa yin pas/ des dge ba'i bshes gnyen dang mi 'bral bar thos pa yongs su btsal bar bya zhing / des glags lta ba med par yang bya'o// des ni de'i las kyi sgrib pa de rnam par dag par 'gyur ro// gal te de bzhin gshegs pa sbyin pa'i gtam ston pa thos na ni/ de sa dang po par blta'o// tshul khrims kyi gtam gyis ni sa gnyis par ro// bzod pa'i gtam gyis ni sa gsum par ro// brtson 'grus kyi gtam gyis ni sa bzhi par ro/ / bsam gtan gyi gtam gyis ni sa lnga par ro// shes rab kyi gtam gyis ni sa drug par ro// snying rje chen po'i gtam gyis ni sa bdun par ro// ma so yang

  632. 317a

    dag par rig pa'i gtam gyis ni sa brgyad par ro/ / ting nge 'dzin gyi gtam gyis ni sa dgu par ro// stobs bcu yongs su rdzogs pa'i gtam gyis ni sa bcu par ro/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa rdzu 'phrul gyis nam mkha' las gshegs pa mthong na byang chub sems dpa' de ni sa bdun pa la byang chub tu lung bstan par blta ste/ de ni nang du yang dag 'jog la gdu bar bya zhing / chos zab mo la bzod pa dang ldan par yang bya'o// des na de myur du mngon par rdzogs par byang chub par 'gyur ro// gal te de bzhin gshegs pa nam mkha' la bzhugs pa mthong na ni sa dang por ro// de bzhin du gshegs pas ni sa gnyis par ro/ / sa la bzhugs shing 'od rab tu 'gyed pas ni sa gsum par ro// bzhugs shing chos ston pas ni sa bzhi par ro// cho 'phrul mdzad pas ni sa lnga par ro/ / sa la bzhugs shing snyoms par zhugs pas ni sa drug par ro// sa la bzhugs shing 'od gyen du gtong bas ni sa bdun par ro// bzhengs shing nam mkha' las gshegs pa dang / me snang bar mdzad pas ni sa brgyad pa la gnas par 'gyur ro// rdo rjes rab 'jom gzhan yang byang chub sems dpa' gang gis rmi lam na/ de bzhin

  633. 317b

    gshegs pa yongs su mya ngan yas 'das pa mthong na/ des ni dam pa'i chos spangs pa dang / rab tu byung nas kyang tshul 'chos pa dang / brdzun gyis rnyed pa yongs su btsal ba yin pas/ des dkon mchog gsum la bsnyen bkur bya ba la brtson par bya zhing chos smra ba rnams la'ang gos kyi sbyin pa bya/ sgo gsum yang shin tu bsnga bar bya'o/ / des na de'i las kyi sgrib pa de rnam par dag par 'gyur te/ de ni sa dang po lnga po dag las sa gang yang rung bar blta'o// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pazhugs la bzhen pa mthong na/ des ni sdig pa'i grogs po'i dbang gis dam pa'i chos nub pa la rjes su yi rang bar byas pa yin te/ byang chub sems dpa' de ni sa dang po par bltas kyi'o// byang chub tu sems bskyed nas ring po me lon pa zhig yin na ni/ las dang po par blta ste/ des zhag bdun du chos smra ba dang / de bzhin gshegs pa'i mchod rten gyi spyan sngar mtshan thog thag tu mar me gzung bar bya zhing nyin lan gsum mtshan lan gsum du sdig pa'ang bshags par bya/ sems can rnams dam pa'i chos yongs su gzung ba yang dag par 'dzin du gzhug par yang bya ste/ des na de'i las kyi sgrib pa de rnam par dag par 'gyur ro// rdo rjes

  634. 318a

    rab 'jom gzhan yang byang chub sems dpa' gang gis rmi lam na/ de bzhin gshegs pa'i sku gdung dag rnyed na/ de ni sa gsum par blta ste/ tshe brjes na'ang sangs rgyas dang phrad par 'gyur zhing / lung bstan pa'ang thos par 'gyur/ pha rol tu phyin pa dag kyang yongs su rdzogs par 'gyur ro// sa gzhan la gnas pa dag rmi lam na/ de bzhin gshegs pa'i sku gdung dag rnyed na/ de'i mtshan ma ni 'di dag yin te/ gang gis dbu skra dag rnyed na/ de ni sa dang po par blta'o// sen mos ni sa gnyis par ro// ring bsrel gyis ni sa gsum par ro// tshems kyis ni sa bzhi par ro// mche bas ni sa lnga par ro// mdzod spus ni sa drug par ro// phyag gis ni sa bdun par ro// gtsug tor gyis ni sa brgyad par ro// sku so sor phye bas ni sa dgu par ro// sku ril pos ni sa bcu par ro// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i dbu skra 'thor ba dag rnyed na/ byang chub sems dpa' de ni sa dgu par blta ste/ sngon gyi de bzhin gshe ba dgra bcom pa yang dag par rdzogs pa'i sangs rgyas rnams kyang byang chub tu lung bstan pa yin la/ de'i las kyi sgrib pa thams cad kyang tshe brjes pas rnam par dag par 'gyur ro//

  635. 318b

    gal te khyim pa'i tshul du gnas pa zhig gis dbu skra dag rnyed na/ de ni sa dang po par blta'o// gal te khyim nas mngon par byung zhig gis rnyed nas gnyis par blta'o// srang du song ba zhig gis rnyed na sa gsum par blta'o/ / gal te sum mdor rnyed na sa bzhi par blta'o// grong khyer gyi sgor rnyed na sa lnga par blta'o// phyir byung bas rnyed na sa drug par blta'o/ / skyed mos tshal na 'dug pas rnyed na sa bdun par blta'o// skye bo'i nang na 'dug pas rnyed na sa brgyad par blta'o// nam mkha' las rnyed nas dgu par blta'o// snyoms par zhugs pas rnyed na sa bcu par blta'o/ / rdo rjes rab 'jom gzhan yang byang chub sems dpa' gang gis rmi lam na/ sngon ma mthong ba'i mchod rten dag mthong na/ byang chub sem dpa' de ni las kyi sgrib pa chung zhing / de la bdud kyi las kyang chung bar rig par bya ste/ gal te de dge ba'i bshes gnyen dag la rten par byed na/ chos kyi bzod pa'ang thob par 'gyur zhing / gzungs kyang thob par 'gyur te/ de ni sa bcu po thams cad du shes par bya'o// gal te de bzhin gshegs pa'i mchod rten 'jim pa la byas pa mthong na/ byang chub sems dpa' de ni sa dang po par blta'o/ / gal te rdo las byas pa mthong na sa gnyis par blta'o// gal te rdo thal gyis byi dor byas pa mthong nas gsum par blta'o// gal

  636. 319a

    te stegs bu dang gdugs byi dor byas pa mthong na sa bzhi par blta'o/ / gal te rdo'i ka ba byi dor byas pa mthong na sa lnga par blta'o// gal te gser gyis sbrel ba mthong na sa drug par blta'o/ / gal te rin po che'i dra bas kun nas g.yogs pa mthong na sa bdun par blta'o// gal te dril bu g.yer ka'i dra bas kun nas g.yogs pa mthong na sa brgyad par blta'o/ / sa dang po bdun po dag la mthong ba gang yin pa des ni/ bdud kyi las kyang rig par bya'o// sa dgu pa dang bcu pa dag la ni rmi lam log par mthong ba med do/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i mchod rten rin po ches brgyan pa dag mthong na/ de ni ring po me thogs par mngon par rdzogs par byang chub par 'gyur zhing / de la lha rnams kyang sems par 'gyur te/ byang chub sems dpa'o de ni sa brgyad par rig par bya'o/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i mchod rten cho 'phrul mdzad pa dag mthong na/ byang chub sems dpa' de ni tshe 'di nyid la las kyi sgrib pa thams cad rnam par dag par 'gyur te/ byang chub sems dpa' de ni sa brgyad par blta zhing / byang

  637. 319b

    chub sems dpa' rnams kyis kyang bsams pa yin no/ / des sdig pa'i grogs po dag yongs su spang bar bya zhing / sa dang po la dad par bya/ sa gnyis pa la ye shes yongs su btsal/ sa gsum pa la mos pa mang du bya/ sa bzhi pa la sems dag par bya/ sa lnga pa la dad pas mos par bya/ sa drug pa la sems mnyam par bya// sa bdun pa la don dam pa la mos par bya/ sa brgyad pa la bkod pa dag la mos par bya/ sa dgu pa la byin gyis brlabs par bya'o// sa bcu pa la ni gang dag gzhan la gnas pa de'i mtshan ma byung bar gyur pa de dag gi chos de la phyin ci log med par blta'o/ / sa dang po dang bdun pa'i bar dag la ni bdud kyi las kyang rig par bya'o// gong ma dag la ni bdud kyis bar chad byed par mi nus so/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i 'od mthong na/ byang chub sems dpa' de ni sa gsum par blta ste/ des ni gzhan dag gi bsam pa yongs su rdzogs par bya ba la bslab par bya'o// gal te brtson 'grus byas na gzungs thob par 'gyur zhing / sa bcu po thams cad du'ang 'gyur ro// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i sgra thos la

  638. 320a

    mthong na/ byang chub sems dpa' de ni sa bzhi par blta ste/ des ni rgyal por gyur cing longs spyod dang ldan na/ sems can rnams sangs rgyas la lta ba dang bral zhing / rab tu byung nas kyang g.yos chos pa dpyas byas pa yin pas/ des phung po gsum pa'i chos kyi rnam grangs zla bar nyin mtshan du gdon par bya'o// des na de'i las kyi sgrib de rnam par dag par 'gyur ro// rdo rjes rab 'jom gzhan yang byang chub sems dpa' gang gis rmi lam na/ bdag de bzhin gshegs pa'i sku yin bar kun tu shes na/ byang chub sems dpa' de ni sa dang po par rig par bya zhing / sa dgu pa'i bar du'ang rig par bya ste/ byang chub sems dpa' des ni gzungs bsgrub par nus shing / ting nge 'dzin bsgrub par yang nus la/ mngon par shes pa bsgrub par yang nus so// byang chub sems dpa' de la ni sangs rgyas kyang dgongs par mdzad pas/ des kyang sems mnyam par bya'o// des na myur du byang chub 'grub par 'gyur zhing / mngon par rdzogs par byang chub par yang 'gyur ro// gang gis de bzhin gshegs pa bzhengs pa la bsod snyoms 'bul ba mthong na/ byang chub sems dpa' de ni sa dang po par blta'o// gang bzhugs pa la 'bul ba de ni sa

  639. 320b

    gnyis par blta'o/ / gang bkod pa phun sum tshogs pa la 'bul ba de ni sa gsum par ro// gang gnyen 'dab kyis yongs su bskor ba la 'bul ba de ni sa bzhi par ro// gang skye bo mang pos yongs su bskor ba la 'bul ba de ni sa lnga par ro// gang skye bo gnyis kas yongs su bskur ba la 'bul ba de ni sa drug par ro// gang bkod pa thams cad la snyoms par zhugs pa la 'bul ba de ni sa bdun par ro/ / gang ston pa mdzad pa la 'bul ba de ni sa brgyad par ro// gang cha 'phrul mdzad pa la 'bul ba de ni sa dgu par te/ thams cad du'ang bdud kyi las ni rtogs par bya'o// rdo rjes rab 'jom gzhan yang byang chub sems dpa' gang gis rmi lam na/ bdag de bzhin gshegs pa'i mchod rten la me tog gam/ me tog 'phreng ngam/ spos sam/ tsan dan gyi phye ma dag gsol lam byug pas skud par kun tu shes na/ byang chub sems dpa' de ni sa dang po lnga po dag las sa gang yang rung bar blta ste/ sbyin pa'i pha rol tu phyin pa la spyod pa las gal te sad pa na sbyin pa'i mtshan ma de dag kyang dran zhing // sbyin pa la sems kyis rlom sems su mi byed na/ de ni sa dang po par blta'o// gal te tshul khrims la sems kyis rlom sems su mi byed na sa gnyis par blta'o//

  640. 321a

    gal te bzod pa la sems kyis rlom sems su mi byed na sa gsum par blta'o// gal te brtson 'grus la sems kyis rlom sems su mi byed nas gzhi par blta'o/ / gal te bsam gtan la sems kyis rlom sems su mi byed na sa lnga par blta'o// des kyang sems can thams cad la zhe 'gras pa med pa'i sems su bya ste/ des na myur ba nyid du phyir mi ldog pa'i sa non par 'gyur ro// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa na bza' dri ma can gsol ba mthong na/ byang chub sems dpa' de ni las kyi sgrib pa che ba ste/ sa dang po bzhi po dag las sa gang yang rung bar blta'o// gal te de la shin tu gnod pa byed pa'i rkyen mi 'dod pa dag 'byung bar 'gyur na sa dang po par blta'o/ / gal te 'dren mar 'byung na sa gnyis par blta'o// gal te lus kyi 'byung na sa gsum par blta'o/ / gal te sems kyi 'byung na sa bzhi par blta'o// gal te rmi lam na bdag la bdag gan ba byed na/ de ni sa lbu bar bltar// yongs su rdzogs pa'i byang chub sems dpa' rnams la ni tha na rmi lam na'ang las kyi rnam par smin pa myong ba med de/ des mngon pa'i nga rgyal med par bya zhing phrag dog med par sems can rnams kyang

  641. 321b

    gzhan mchod pa yang dag par 'dzin du gzhug par bya/ des yang dang yang du phung po gsum pa'i mdo sde'ang kha ton du bya ste/ des na de'i las kyi sgrib pa de rnam par dag par 'gyur ro/ / rdo rjes rab 'jam gzhan yang byang chub sems dpa' gang gis rmi lam na/ spen ma thos pa'i chos dag thos na/ byang chub sems dpa' de ni sarba rgyas mang po la bsnyen bkur byas pa dang / chos smra ba'i gang zag mang po dag la'ang bsnyen bkur byas pa yin par rig par bya ste/ byang chub sems dpa' de ni sa dang ba bdun po dag las sa gang yang rung bar blta'o/ / des ni ji skad smras pa de bzhin du byed par bya ste/ des na myur ba nyid du byang chub tu nges par 'byung bar 'gyur ro// gal te chos kyi gtam sna tshogs dag thos na ni sa dang po par blta'o/ / gal te yo byad bsnyungs pa'i gtam dag thos na ni sa gnyis par blta'o// gal te the tsom gcod pa'i gtam dag thos na ni sa gsum par blta'o/ / gal te gzungs kyi gtam dag thos na ni sa bzhi par blta'o// gal te mtshan nyid kyi gtam dag thos na ni sa lnga par blta'o// gal te// don dam pa'i gtam dag thos na ni sa drug par blta'o// gal te gtam thams cad thos na ni sa bdun par blta ste/ sa dang sa dag la de ltar shes par bya zhing las

  642. 322a

    sgrib pa dag kyang rtogs par bya'o/ / rdo rjes rab 'jom gzhan yang byang chub sems dpa' gang gis rmi lam na/ ma bstan pa'i chos dag shes la de sad na mi shes na/ des ni chos la sgrib pa'i las byas shing / zang zing dang bcas pa'i sems kyis chos kyi sbyin pa byin pa yin pas/ des chos smra ba la bsnyen bkur bya zhing / dngos po thams cad mi bsri bar chos smra ba dag la dbul bar bya'o// des na de'i las kyi sgrib pa de rnam par dog par 'gyur te/ byang chub sems dpa' de ni sa gnyis par blta'o/ / gal te rmi lam na chos thos nas sad nas ma mthong na de ni sa dang po bar blta'o// gal te sad nas kyang ma brjed na/ de ni sa gnyis par blta'o// gang la nyams par mi 'gyur ba'i byang chub sems dpa' de ni lung bstan pa'i chos can yin zhing / pha rol tu phyin pa drug po dag dang ldan par yang blta ste/ sa gzhan dag gi bar la gnas pas ni bzung nas mi nyams par yang mi 'gyur ro/ / des las kyi sgrib pa dang bdud kyi las dag kyang rtogs par bya'o// rdo rjes rab 'jom gzhan yang byang chub sems dpa' gang gis rmi lam na/ sngon ma mthong ba'i dge slong chos smra ba mthong na/ byang chub sems dpa' de ni byang chub sems dpa' rnams kyis bsam pa yin zhing / de las kyi sgrib pa chung ba dang

  643. 322b

    bdud kyi las chung bar rig par bya'o/ / gal te brtson 'grus byas na snang ba thob par yang 'gyur te/ byang chub sems dpa' de ni sa dang po drug po dag las sa gang yang rung bar blta'o/ / gal te tshigs su bcad pa'i sde smra la mdo'i snga ma yin na ni sa dang po par blta'o// gal te mdo'i snga smra na ni sa gnyis par blta'o// gal te tshigs su bcad pa'i sde dang mdo'i sde smra ba na ni sa gsum par blta'o/ / gal te sna tshogs smra na ni sa bzhi par blta'o// gal te zab mo smra na ni sa lnga par blta'o// gal te so so yang dag pa sma na ni sa drug par blta'o/ / rdo rjes rab 'jom gzhan yang byang chub sems dpa' gang gis rmi lam na/ bdag chos kyi khri stan la 'dug ste chos bstan par kun tu shes nades na sngon gyi sangs rgyas rnams kyi khri gdan bshams shing / bdag nyid kyis bshams pa yin te/ byang chub sems dpa' de ni zab mo la bzod pa'i snod du gyur cing / sa dang po brgyad po dag las sa gang yang rung bar blta'o// gal te ma mgu bar byas te ston na ni sa dang po par blta'o// gal te mgu bar byas te ston na ni sa gnyis par blta'o/ / gal te 'brel bar ston na ni sa gsum par blta'o// gal te rgyun rjes su 'brel bar ston na ni sa bzhi par blta'o// gal te shes pa chen po'i yul ston na

  644. 323a

    ni sa lta par blta'o/ / gal te nyan thos kyi yul ston na ni sa drug par blta'o// gal te byang chub sems dpa'i yul ston na ni sa bdun par blta'o// gal/ te sangs rgyas kyi yul ston na ni/ byang chub sems dpa' de sa brgyad par blta'o// rdo rjes rab 'jom gzhan yang byang chub sems dpa' gang gis rmi lam na/ bdag gnas su son par kun tu shes na/ byang chub sems dpa' de ni las kyi sgrib pa las rnam par rgal cing / bdud kyi las las shin tu 'das pa yin te/ sa dgu po dag las sa gang yang rung bar blta'o/ / gang mi brdzi bar gnas na/ byang chub sems dpa' de ni sa dang po par blta'o// gang nor rnyed cing gnas na/ byang chub sems dpa' de ni sa gnyis par blta'o/ / gang chos rnyed cing gnas na/ byang chub sems dpa' de ni sa gsum par blta'o// gang dge ba'i bshes gnyen la lta zhing gnas na/ byang chub sems dpa' de ni sa bzhi par blta'o/ / gal te tshul bzhin gyi sems la gnas na/ byang chub sems dpa' de ni sa lnga par blta'o// gang lus bde ba nyid la gnas na byang chub sems dpa' de ni sa drug par blta'o/ / gang sems bde ba nyid la gnas na/ byang chub sems dpa' de ni sa bdun par blta'o// gang mngon par shes pa lags

  645. 323b

    na/ byang chub sems dpa' de ni sa brgyad par blta'o// gang lung bstan pa la gnas na/ byang chub sems dpa' de ni sa dgu par blta'o// rdo rjes rab 'jom gzhan yang byang chub sems dpa' gang gis rmi lam na/ byang chub kyi snying po mthong na/ byang chub sems dpa' de ni byang chub las phyir mi ldog par nye ba ste/ sa bcu po las sa gang yang rung bar blta'o/ / byang chub sems dpa' gang gis byang chub kyi snying po ni mthong la/ byang chub kyi shing ma mthong na/ de ni sa dang po par blta'o// gang gis byang chub kyi shing yang mthong na/ byang chub sems dpa' de ni sa gnyis par blta'o// gang gis shing ljon pa mang pos yongs su bskor ba mthong na/ byang chub sems dpa' de ni sa gsum par blta'o/ / gang gis lo ma phun sum tshogs par mthong na/ byang chub sems dpa' de ni sa bzhi par blta'o// gang gis me tog phun sum tshogs par mthong na/ byang chub sems dpa' de ni sa lnga par blta'o/ / gang gis 'bras bu phun sum tshogs par mthong na/ byang chub sems dpa' de ni sa drug par blta'o// gang gis gdan bshams pa mthong na byang chub sems dpa' de ni sa bdun par blta'o/ / gang gis byang chub kyi snying po mis yongs su bskor ba mthong na/ byang chub sems dpa' de ni sa brgyad par blta'o// gang gi

  646. 324a

    klus yongs su bskor ba mthong na/ byang chub sems dpa' de ni sa dgu par blta'o// gang gis lhas yongs su bskor cing me tog dag gis kyang gtor la/ a la la zhes bya ba'i sgra'ang thos na/ byang chub sems dpa' de ni sa bcu par blta'o// rdo rjes rab 'jom gzhan yang byang chub sems dpa' gang gis rmi lam na de bzhin gshegs pa 'chag pa mthong na/ byang chub sems dpa' des ni brnyes par byas shing chos kyi sbyin pa byin pa yin pas/ des ni brtson 'grus dang ldan pas gzhan dag gis yongs su thob par bya ba dang / nyes par mi 'dzin pa la spro bar bya ste/ byang chub sems dpa' de ni sa bdun po dag las sa gang yang rung bar blta'o// gang gis de bzhin gshegs pa mi mdzes par 'chag pa mthong na/ byang chub sems dpa' de ni sa dang po bar blta'o// gang gis mdzes par 'chags pa mthong na/ byang chub sems dpa' de ni sa gnyis par blta'o/ / gang gis gdan bshams par mthong na/ byang chub sems dpa' de ni sa gsum par blta'o// gang gis bzhugs par mthong na/ byang chub sems dpa' de ni sa bzhi par blta'o/ / gang gis shing ljon pas yongs su bskor ba dang bcas par mthong na/ byang chub sems dpa' de ni sa lnga par blta'o// gang gis ma

  647. 324b

    tog kun tu bkram pa mthong na/ byang chub sems dpa' de ni sa drug par blta'o// gang gis bla res kun nas bkab par mthong na/ byang chub sems dpa' de ni sa bdun par blta'o/ / rdo rjes rab 'angs gzhan yang byang chub sems dpa' gang gis rmim man/ de bzhin gshegs pa chos kyi mkha lo thog pa mthong na/ byang chubasems dpa'in sa bdun po dag las sa gang yang rung ba las phyir mi ldog cing las kyi sgrib pa yongs su dag pa yin par blta'o/ / gang gis gdan ma bshams par mthong na/ byang chub sems dpa' de ni sa dang po par blta'o/ / gang gis gdan bshams par mthong na/ byang chub sems dpa' de ni sa gnyis par blta'o// gang gis gdan sna tshogs bshams par mthong na/ byang chub sems dpa' de ni sa gsum par blta'o// gang gi gdan la me tog mngon par bkram par mthong na/ byang chub sems dpa' de ni sa bzhi par blta'o// gang gis steng du bla ra sna tshogs bres par mthong na/ byang chub sems dpa' de ni sa lnga par blta'o// gang gis bar snang la glu dbyangs kyi sgra dag thos na/ byang chub sems dpa' de ni sa drug par blta'o// gang gis gdan gyi steng na rin pa tsha'i dra bas yongs su g.yogs pa'i gdugs dkar po mthong na/ byang chub sems dpa' de ni sa bdun par blta'o// rdo rjes rab 'jom gzhan

  648. 325a

    yang byang chub sems dpa' gang gis rmi lam na/ de bzhin gshegs pa yongs su mya ngan las 'das pa'i mchod rten mthong na/ byang chub sems dpa' de ni sa dang po brgyad pa dag las sa gang yang rung bar bltar/ / de ni byang chub tu rtsa zhing las kyi sgrub pa chung bar blta ste/ gang gis de bzhin gshegaso pa'i mtshad rten dus chags par mthong na/ byang chub sems dpa' de ni sa dang po par blta'o// gang gis rdul med cing dag par mthong na byang chub sems dpa' de nas gnyis par blta'o/ gang gis rtswa'i rigs 'dres pa dag skyes par mthong na/ byang chub sems dpa' de ni sa gsum par blta'o// gang gis rtswa sngon po dag skyes par mthong na/ byang chub sems dpa' de ni sa bzhi par blta'o/ / gang gis me tog rgyas pa'i shing ljon pa sna tshogs kyis yongs su bskor ba mthong na/ byang chub sems dpa' de ni sa lnga par blta'o/ / gang gis me tog dang 'bras bu phun sum tshogs par mthong na/ byang chub sems dpa' de ni sa drug par blta'o// gang gis bya 'dab chags sna tshogs dag skad 'byin bar mthong na/ byang chub sems dpa' de ni sa bdun par blta'o// gang gis rgyal mtshan dang / bla re dang / gdugs dag gis brgyan par mthong na/ byang chub sems

  649. 325b

    dpa' de ni sa brgyad par blta'o/ / rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i chos gos rnyed na/ byang chub sems dpa' de ni sa dang po brgyad po dag las sa gang yang rung bar blta ste/ des ni sangs rgyas rjes su dran pa la mngon par brtson pas ye shes yongs su btsal bar bya'o// byang chub sems dpa' de ni las kyi sgrib pa chung ba yin/ gal te de bzhin gshegs pa'i chos gos dri ma can rnyed na ni/ byang chub sems dpa' de sa dang po par blta'o// gal te de bzhin gshegs pa'i chos gos dri ma med pa rnyed na ni/ byang chub sems dpa' de sa gnyis par blta'o// gal te de bzhin gshegs pa'i chos gos tshon gyis bsgyur ba rnyed na ni/ byang chub sems dpa' de sa gsum par blta'o/ / gal te de bzhin gshegs pa'i chos gos bcags shing shin tu byi dor byas pa rnyed na ni/ byang chub sems dpa' ngas bzhi par blta'o/ / gal te de bzhin gshegs pa chos gos 'od dang ldan pa rnyed na ni/ byang chub sems dpa' de sa lnga par blta'o// gal te de bzhin gshegs pa'i chos gos cho 'phrul byed pa rnyed na ni/ byang chub sems dpa' des drug par blta'o// gal te de bzhin gshegs pa'i chos gos gcig rnyed na ni/ byang chub sems dpa' nges bdun par blta'o//

  650. 326a

    gal te de bzhin gshegs pa'i chos gos gsum char rnyed na ni/ byang chub sems dpa' des brgyad par blta ste/ gal te brtson na ni mtshan ma de dag 'byung / bar 'gyur ro// ci ste mi brtson na ni byang chub sems dpa' de la bdud kyi las ma gtogs par las de med do// rdo rjes rab 'jom gzhan yang byang chub sems dpa' gang gis rmi lam na// de bzhin gshegs pa'i lhung bzed rnyed na/ byang chub sems dpa' de ni sangs rgyas rnams kyis dgongs pa yin te/ byang chub sems dpa' de sa brgyad pa la chos kyi snang ba'i snangad du gyur par 'gyur ro/ / des kyang sgrib pa med pa'i bzod pa bsgom par bya ste/ des na de byang chub tu nges par 'byung bar 'gyur ro// gal te lhung bzed skyon can rnyed na/ byang chub sems dpa' de ni sa dang po par blta'o/ / gal te skyon med pa stong pa rnyed na/ byang chub sems dpa' de ni sa gnyis par blta'o// gal te ro zhim pos yongs su gang ba rnyed na/ byang chub sems dpa' do na sa gsum par bsgo'o// gal te me tog dang bcas pa rnyed na/ byang chub sems dpa' de ni sa bzhi par blta'o// gal te 'bras bu dang bcas pa rnyed na/ byang chub sems dpa' de ni sa lnga par blta'o// gal te kha zas dang bcas pa rnyed na/ byang chub sems dpa' de ni sa drug par blta'o// gal te dris yangs

  651. 326b

    su gang ba rnyed na/ byang chub sems dpa' de ni sa bdun par blta'o// gal te me tog 'brang gis dkris brnyed na/ byang chub sems dpa' de ni sa brgyad par bltar/ gal te chos gos dang bcas te rnyed na/ byang chub sems dpa' de ni sa dgu par blta'o// gal te nam mkha' las rnyed na/ byang chub sems dpa' de ni sa bcu par blta'o// de la gang rlom sems med pa ma gtogs par bdud kyi las ni rtogs par bya'o// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa nyag gcig mthong na/ des rab tu dben par gnas par bya zhing / stong pa nyid kyi ting nge 'dzin la'ang brtson par bya ste/ byang chub sems dpa' de ni sa brgyad par blta'o// des ni las kyi sgrib pa sbyang ba'i phyir/ bsam pa rnam par dag pas rab tu brtson par bya ste/ des na de'i las kyi sgrib pa de rnam par dag par 'gyur ro// rdo rjes rab 'dzum gzhan yang byang chub sems dpa' gang gis rmi lam na/ de bzhin gshegs pa skye bo mang pos yongs su bskor ba mthong na/ des skye bo mang po bsdu zhing nyon mongs pa bzod par bya'o/ / byang chub sems dpa' de ni sa bcu po thams cad las sa gang yang rung bar blta ste/ byang chub sems dpa' de ni brtson 'grus la reg las pa yin no// gal

  652. 327a

    te de bzhin gshegs pa dmang rigs dang rje'u rigs kyis yongs su bskor ba mthong na/ byang chub sems dpa' de ni sa dang po par blta'o// gal te bzhin gshegs pa rgyal rigs kyis yongs su bskor ba mthong na/ byang chub sems dpa' de ni sa gnyis par blta'o// gal te de bzhin gshegs pa bram zes yongs su bskor ba mthong na/ byang chub sems dpa' de ni sa gsum par blta'o// gal te de bzhin gshegs pa rgyal po dag gis yongs su bskor ba mthong na/ byang chub sems dpa' de ni sa bzhi par blta'o/ / gal te de bzhin gshegs pa klu dag gis yongs su bskor ba mthong na/ byang chub sems dpa' de ni sa lnga par blta'o// gal te de bzhin gshegs pa rgyal ba chen po dag gis yongs su bskor ba mthong na/ byang chub sems dpa' de ni sa drug par bltara'o// gal te de bzhin gshegs pa brgya byin dag gis yongs su bskor ba mthong na/ byang chub sems dpa' de ni sa bdun par blta'o/ / gal te de bzhin gshegs pa tshangs pa dag gis yongs su bskor ba mthong na/ byang chub sems dpa' de ni sa brgyad par blta'o// gal te de bzhin gshegs pa gnas gtsang ma'i ris kyi lha rnams kyis yongs su bskor ba mthong na/ byang chub sems dpa' de ni sa dgu par blta'o// gal te de bzhin gshegs

  653. 327b

    pa byang chub sems dpa' rnams kyis yongs su bskor ba mthong na/ byang chub sems dpa' de ni sa bcu par blta'o// bdud kyi las ni ma gtogs so// / bam po gnyis pa/ rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i gdugs mthong na/ byang chub sems dpa' de ni sa dang po dgu po dag las sa gang yang rung bar blta ste/ bdud kyi las ma gtogs par las kyi sgrib pa ni yod do// gal te rnyed pa dang / bkur sti dang tshigs su bcad pa la dga' bar mi byed na/ myur bar byang chub tu nges par 'byung bar 'gyur ro// gal te lo ma'i gdugs mthong na/ byang chub sems dpa' de ni sa dang po par blta'o// gal te 'od ma'i gdugs mthong na/ byang chub sems dpa' de ni sa gnyis par blta'o// gal te gro ba'i gdugs mthong na/ byang chub sems dpa' de ni sa gsum par blta'o// gal te shing gi gdugs mthong na/ byang chub sems dpa' de ni sa bzhi par blta'o// gal te shing 'dab kyi gdugs mthong na/ byang chub sems dpa' de ni sa lnga par blta'o// gal te lcags kyi gdugs mthong na/ byang chub sems dpa' de ni sa drug par blta'o// gal te gser gyi gdugs mthong na/ byang chub sems dpa' de ni sa bdun par blta'o//

  654. 328a

    gal te rin po che'i gdugs mthong na/ byang chub sems dpa' da na sa brgyad par blta'o// gal te dril bu gser ka'i thab dbyangs pa'i gdugs mthong na/ byang chub sems dpa' de ni sa dgu par blta / sa drug po dag la ni bdud kyi las kyang rtags par bya'o// rdo rjes rab 'jam gzhan yang byang chub sems dpa' gang gis rmilam na/ de bzhin gshegs pa'i chags dag mthong na/ byang chub sems dpa' de ni sa bcu po dag las sa gang yang rung bar blta'o// des brtson 'grus brtsams na nges par 'byung bar 'gyur te/ byang chub sems dpa' de ni lung bstan pa yin par bzung zhing lung bstan pa'i mtshams bcad pa yin no// gal te khyim du chags dag mthong na/ byang chub sems dpa' de ni sa dang po par blta'o/ / gal te sgo na 'dug ste mthong na/ byang chub sems dpa' de ni sa gnyis par blta'o// gal te skyed mos tshal na 'dug ste mthong na// byang chub sems dpa' de ni sa gsum par blta'o/ / gal te 'chag ste mthong na/ byang chub sems dpa' de ni sa bzhi par blta'o// gal te gnas khang na 'dug ste mthong na/ byang chub sems dpa' de ni sa lnga par blta'o/ / gal te snyoms par zhugs pa na mthong na/ byang chub sems dpa' de ni sa drug par blta'o// gal te chu klung gi nang du mthong na/ byang

  655. 328b

    chub sems dpa' de ni sa bdun par blta'o/ / gal te ri la 'dug ste mthong na/ byang chub sems dpa' de ni sa brgyad par blta'o// gal te nam mkha' la mthong na/ byang chub sems dpa' de ni sa dgu par blta'o/ / gal te cho 'phrul mdzad par mthong na/ byang chub sems dpa' de ni sa bcu par blta ste/ bdud kyi las ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ de bzhin gshegs pa'i gdan mthong na/ byang chub sems dpa' de ni sa dang po drug pa dag tu blta ste des rab tu zhi ba la mngon par dga' bar bya'o/ / des na byang chub tu nges par 'byung bar 'gyur te/ byang chub sems dpa' de ni las kyi sgrib pa chung ba yin no// gang gis gangan legs par ma byas pa mthong na/ byang chub sems dpa' de ni sa dang po par blta'o// gang gis gdan legs par byas pa mthong na/ byang chub sems dpa' de ni sa gnyis par blta'o/ / gang gis gdan byi dor byas pa mthong na/ byang chub sems dpa' de ni sa gsum par blta'o// gang gis gdan khra bo mthong na/ byang chub sems dpa' de ni sa bzhi par blta'o/ / gang gis gdan bshams pa mthong na/ byang chub sems dpa' de ni sa lnga par blta'o// gang gis gdan legs par bshams pa mthong na/

  656. 329a

    chub sems dpa' de ni sa drug par blta ste/ bdud kyi las kyang rtogs par bya'o// rdo rjes rab 'jos gzhan yang byang chub sems dpa' gang gis rmi lam na/ bdag de bzhin gshegs pa la zhal zas 'bul bar kun tu shes na/ byang chub sems dpa' de ni sa dang po bdun po dag tu blta'o// gal te des brtson 'grus byas na/ byang chub tu nges par 'byung bar yang 'gyur te/ byang chub sems dpa' de ni las kyi sgrib pa chung ba yin no// gang de bzhin gshegs pa grong du gshegs shing bzhengs pa la bsod snyams 'bul na/ byang chub sems dpa' de ni sa dang po par blta'o// gang de bzhin gshegs pa grong na bzhugs pa la bsod snyoms 'bul na/ byang chub sems dpa' de ni sa gnyis par bltar/ / gang de bzhin gsheg pa sgo gshegasas bsod snyoms 'bul na/ byang chub sem pa de ni sa gsum par blta'o// gang de bzhin gshegs pa zung du gshegs pa la bsod snyoms 'bul na/ byang chub sems dpa' de ni sa bzhi par blta'o// gang de bzhin gshegs pa grang khyer gyi sgor gshegs pa la bas stobs 'bul na/ byang chub sems dpa' de ni sa lnga par blta'o// gang de bzhin gshegs pa dgon pa na bzhugs pa la bsod snyoms 'bul na/ byang chub sems

  657. 329b

    dpa' ngan sa drug par bsgyur/ / gang de bzhin gshegs pa gtsug lag khang du gshegs pa sa thasad skams 'bul na/ byangab chub sems dpa' ngoms bdun par bkra'o// rdo rjes rab 'jom gzhan yang byang chub sems dpa' gang gis rmi lam na/ bdag de bzhin gshegs pa la na bza' 'bul bar kun tu shes na/ byang chub sems dpa' de ni sa dang po brgyad po dag tu blta'o/ / des ni mtshan ma med pa'i ting nge 'dzin la brtson par bya ste/ des na byang chub tu nges par 'byung bar 'gyur ro// gal de bzhin gshegs pa la gus par byas te na bza' 'bul bar byed na/ byang chub sems dpa' de ni sa dang po par blta'o// gal te de bzhin gshegs pa la na bza' dkar po 'bul bar byed na/ byang chub sems dpa' de ni sa gnyis par blta'o// gal te de bzhin gshegs pa la na bza' dmar po 'bul na/ byang chub sems dpa' de ni sa gsum par blta'o/ / gal te de bzhin gshegs pa na bza' khra bo 'bul na/ byang chub sems dpa' de ni sa bzhi par blta'o// gal te de bzhin gshegs pa la na bza' gser gyi mdog lta bu 'bul na/ byang chub sems dpa' de ni sa lnga par blta'o// gal te de bzhin gshegs pa la na bza' rin po ches spras pa 'bul na/ byang chub sems dpa' de ni sa

  658. 330a

    drug par blta'o/ / gal te de bzhin gshegs pa la na bza' tshon gyis bris pa 'bul na/ byang chub sems dpa' de ni sa bdun par blta'o// gal te de bzhin gshegs pa la na bza' 'od chags pa 'bul na/ byang chub sems dpa' de ni sa brgyad par blta'o// rdo rjes rab 'jom gzhan yang byang chub sems dpa' gang gis rmi lam na bdag de bzhin gshegs pa la me tog dag 'bul bar kun tu shes na/ byang chub sems dpa' de ni sa drug po dag las sa gang yang rung bar blta ste/ gang zag de ni las kyi sgrib pa che zhing lung mnod pa la brtson pa'ang tshegs chen pos snang bar 'gyur ro/ / gal te de bzhin gshegs pa la me tog rnyis pa dag 'bul na/ byang chub sems dpa' de ni sa dang po par blta'o// gal te de bzhin gshegs pa la me tog gsar pa dag 'bul na/ byang chub sems dpa' de ni sa gnyis par blta'o// gal te de bzhin gshegs pa la me tog kha dog sna tshogs dag 'bul na/ byang chub sems dpa' de ni sa gsum par blta'o// gal te de bzhin gshegs pa la me tog dag gis 'thor bar byed na/ byang chub sems dpa' de ni sa bzhi par blta'o// gal te de bzhin gshegs pa'i phyag tu lag pas me tog ga 'bul bar byed na/ byang chub sems dpa' de ni sa lnga par blta'o// gal te de bzhin gshegs pa la lha'i me tog dag 'bul na

  659. 330b

    byang chub sems dpa' de ni sa drug par blta ste/ bdud kyi las ni ma gtogs so// gang zag gnyis po las dang po pa dang som nya can yang ma gtogs so// rdo rjes rab 'dzam gzhan yang byang chub sems dpa' gang gis rmi lam na/ bdag ri la 'dug par kun tu shes na/ des ni 'gyod pa bskyed pa dang chos spangs pa yin te/ las kyi sgrib pa che ba dang / nad mang ba dang / shes rab chung bar yang 'gyur ro// gal te sems can thams cad la zhe 'gras pa med pa'i yid kyis brtson par byas na/ des byang chub tu nges par 'byung bar 'gyur te/ byang chub sems dpa' de ni sa lnga po dag las sa gang yang rung bar blta'o// des lo bdun du phung po gsum pa'i chos kyi rnam grangs nyin lan gsum mtshan lan gsum du gdon par bya zhing / sa po la ye shes snang ba la brtson pa rnams la bde ba'i bsnyen bkur nye bar bsgrub par bya'o// sa gnyis pa la ni rim gro dang bsnyen bku byar/ / sa gsum pa la ni dkon mchog gsum la mchod par bya'o// sa bzhi pa la ni chos zab mo dag la bzod pa bsgom par bya ste/ byang chub sems dpa' de ni sa lnga po dag tu blta'o/ / rdo rjes rab 'jom gzhan yang byang chub sems dpa' gang gis rmi lam na/ bdag gcer bu 'dug par kun tu shes na/ byang chub sems dpa' de ni las kyi sgrib

  660. 331a

    pa chung ba ste/ des stong pa nyid la brtson par bya'o// byang chub sems dpa' de ni sa dang po bzhi po dag tu blta ste/ gang gis bdag gcer bur grong na 'dug par kun tu shes na/ byang chub sems dpa' de ni sa dang po par blta'o// gang gis bdag gcer bur grong khyer gyi dbus na 'dug par kun tu shes na/ byang chub sems dpa' de ni sa gnyis par blta'o/ / gang gis bdag gcer bur dgon pa na 'dug par kun tu shes na/ byang chub sems dpa' de ni sa gsum par blta'o// gang gis gcer bur ri la 'dag par kun tu shes na/ byang chub sems dpa' de ni sa bzhi par blta ste/ bdud kyi las kyang rtogs par bya'o// rdo rjes rab 'dzem gzhan yang byang chub sems dpa' gang gis rmi lam na/ bdag phyogs mtshams na 'dug par kun tu shes na/ gang zag de ni dge ba'i bshes gnyen gyis yongs su spangs pa ste/ byang chub sems dpa' de ni sa dang po par blta'o/ / de ni blo chung ba dang / le lo che ba dang / sems la mya ngan mang ba dang / gnod pa mang ba dang / skye bo mang po sdang ba dang / nang mang ba dang / sems g.yeng bar yang 'gyur ro// dge ba'i rtsa ba dga' rab tu 'byung bar 'gyur zhing phyir yang ldog par 'gyur ro// longs spyod dag kyang tshegs chen pos 'thob par 'gyur zhing nyon mongs pa

  661. 331b

    mang por yang 'gyur ro/ / de ni rnyed pa'i phyir chos smra ba la smad cing chos kyang spangs la ma dad pa dang / ma mos pa dang / ngo tsha med pas chos smra ba la bsnyen bkur byas pa yin pas/ des drang pos chos smra ba la brten par bya'o// des gal te zhe 'gras pa med pa'i sems kyis rdzas thams cad yongs su btang bar gyur na/ des na byang chub tu nges par 'byung bar 'gyur te/ byang chub sems dpa' de ni sa drug pa'i bar dag la'ang reg par 'gyur bas/ des kyang skyon chung ngu dang / 'bring dang / chen po de dag gzhon pa la rtson par bya'o// rdo rjes rab 'jom gzhan yang byang chub sah+la dpa' gang gis rmi lam na/ bdag sngon ma mthong ba'i yul du phyin par kun tu shes na/ de la bdud kyi las dang las kyi sgrib pa dag yod pa yin pas// des rtogs nas brtson par byas na rnam par dag par 'gyur ro// byang chub sems dpa' de ni sa dang po gsum pa dag las sa gang yang rung bar blta ste/ dkon mchog gsum la dge ba'i rtsa ba bskyed pa la brtson pas ni sa dang po la sbyor bar 'gyur ro/ / stong pa nyid sgom pas ni sa gnyis pa la sbyor bar 'gyur ro// chos la bzod pas ni sa gsum pa la sbyar bar 'gyur ro/ / gal te sa drug gi par dag lo gnas pa'i byang chub sems dpa' la mtshan ma de dag byung bar gyur na bdud kyi las su rtogs par bya'o// las kyi sgrib

  662. 332a

    pa ni ma yin no/ / rdo rjes rab 'jom gzhan yang byang chub sems dpa' gang gis rmi lam na/ bdag chu bo'i nang na 'dug par kun tu shes na/ byang chub sem dpa' de ni sa dang po lnga po dag las sa gang yang rung bar blta ste/ de la ni mi dge ba'i chos dang / dge ba'i chos gnyis ka'ang shas che ba yin no// de gal te srog yongs su gtong bas yongs su gdung bar mi 'gyur zhing / sdig pa'i grogs po'ang yongs su spong bar byed la/ g.yo med pas chos la mos pa'i gang zag la rten par byed na/ des de'i las kyi sgrib pa de rnam par dag par 'gyur ro/ / des ni gnod pa dang rtsub pa'i sems kyis chos gnas par bya ba'i phyir/ dge ba'i bshes gnyen dag la brten pa yin no// byang chub sems dpa' gang gis bdag chu bo 'khrugs pa'i nang du song bar kun tu shes na/ byang chub sems dpa' de ni sa dang po bar blta'o// gang gis bdag chu bo dbu ba can gyi nang du song bar kun tu shes na/ byang chub sems dpa' de ni sa gnyis par blta'o// gang gis bdag chu bo dba' rlabs chen po'i nang du song bar kun tu shes na/ byang chub sems dpa' de ni sa gsum par blta'o/ / gang gis bdag chu bo'i glong 'khyil ba'i nang du song bar kun tu shes na/ byang chub sems dpa' de ni sa bzhi par blta'o// gang gis

  663. 332b

    bdag chu bo rab tu dang ba'i nang du song bar kun tu shes na/ byang chub sems dpa' da na sa lnga par blta'o// rdo rjes rab 'jom gzhan yang byang chub sems dpa' gang gis rmi lam na/ sprin las char 'bab par mthong na/ de la bdud kyi las mang ste/ byang chub sems dpa' de ni pa dang po bdun po dag tu blta'o// de ni dbang phyug dang ldan pa na/ chos smra ba dag la mtho btsams shing / rab tu byung nas kyang rnyed pa dang bkur stis zil gyis non pas/ chos smra ba dag la bsngags pa ma yin pa brjod la/ mngon pabar brtson pa rnams la'ang gdams ngag log par smras pa yin pas/ des bzod pa lhur blang ba dang / thos pa la brtson par bya ba dang / rnyed pa dang bkur sti la lhag par chags pa med par bya zhing / gal te gzhan la phan pa la shin tu brtson par byas na/ des de'i las kyi sgrib pa de byang bar 'gyur ro// de la gang gis rdul gyis yog pa'i sprin las char pa 'bab pa mthong na/ byang chub sems dpa' de ni sa dang po par blta'o// gang gis rlung gis 'khrug par mthong na/ byang chub sems dpa' de ni sa gnyis par blta'o/ / gang gis sprin gyis 'khrugs par mthong na/ byang chub sems dpa' de ni sa gsum par blta'o// gang gis 'brug grag pa'i sprin mthong na

  664. 333a

    byang chub sems dpa' de ni sa bzhi par blta'o/ / gang gis glog gis spangs par byed pa mthong na/ byang chub sems dpa' de ni sa lnga par blta'o// gang gis thog 'bab par mthong na/ byang chub sems dpa' de ni sa drug par blta'o// gang gis char chu'i rgyun mthong na/ byang chub sems dpa' de ni sa bdun par blta ste/ sa dang sa dag la bdud kyi las ni shes par bya'o// rdo rjes rab 'jom gzhan yang byang chub sems dpa' gang gis rma lam na/ sa g.yos par kun shes na/ byang chub sem dpa' de ni sa dang po par blta ste/ las dang po pa dmigs pa la mang du spyod pa yin zhing / de la ni bdud kyi las dang las kyi sgrib pa'ang shas che yin te/ sems can mang po 'jigs par byas pa yin pas/ des gal te sems can rnams la mi 'jigs pa'i sbyin pa byin zhing rnam pa gsum bsdams par gyur na/ des de'i las kyi sgrib pa de rnam par dag par 'gyur ro/ / de la yang dang yang dus g.yo bar mthong na/ de ni las dang po pa'i byang chub sems dpa' ste/ sa dang po par blta'o// grong khyer zhig pa 'am/ ljongs kyi mi kun tu 'khrugs par mthong na/ byang chub sems dpa' de ni sa gnyis par blta'o// yun ring du g.yo bar mthong na/ byang chub sems dpa' de ni sa

  665. 333b

    gsum par blta'o/ / bden pa'i byin gyi rlabs kyis g.yo bar mthong na/ byang chub sems dpa' de ni sa bzhi par blta'o// bdud kyi las kyis g.yo bar mthong na/ byang chub sems dpa' de ni sa lnga par blta'o/ / g.yo bas mtho 'tsham par byed na/ byang chub sems dpa' de ni sa drug par blta'o// gzungs la brtson pas g.yo bar mthong na/ byang chub sems dpa' de ni sa bdun par blta'o// g.yos nas dbang che bar grags pa'i lha rnams 'dra bar mthong na/ byang chub sems dpa' de ni sa brgyad par blta'o// g.yos nas klu dang tsangs pas gzi byin skyed par mthong na/ byang chub sems dpa' de ni sa dgu par blta'o// sa g.yos nas de bzhin gshegs pa'i sgra thos sam mthong na byang chub sems dpa' de ni sa bcu par blta ste/ sa dang sa dag la de ltar khong du chud par bya'o// rdo rjes rab 'jom gzhan yang byang chub sems dpa' gang gis rmi lam na// bdag g.yul 'gyed pa'i nang du son par kun tu shes na/ byang chub sems dpa' de ni sa dang po bzhi po dag las sa gang yang rung bar blta'o// sa gong ma sa bdun pa man chad la mi brtson pa dag la ni bdud kyi las kyang 'byung ngo / / des ni chos ma yin par smra ba dag yongs su bzung zhing rnyed pa dang bkur sti la lhag par chags pas chos smra ba dag yong

  666. 334a

    su spangs la/ des chos smra ba dag la g.yos bsnyen bkur byas pa yin pas/ des gal te thabs la mkhas pa la bslabs shing lhag pa'i bsam bas pha rol tu phyin pa drug po dag la spyad na/ des de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la bdag gang na gan+da par g.yul 'gyed pa mthong na/ de ni sa dang po par blta'o// mtshon cha 'debs par mthong na sa gnyis par blta'o// bong ba dang dbyug pa 'bab par mthong na sa gsum par blta'o// / gshe ba dang rgyad bkag pa mthong na sa bzhi bar blta ste/ mi brtson pa la ni bdud kyi las kyang rig par bya'o// rdo rjes rab 'jom gzhan yang byang chub sems dpa' gang gis rmi lam na/ bdag na bar kun tu shes na/ byang chub sems dpa' de ni sa dang po gnyis po dag las sa gang yang rung bar blta'o// de la ni 'jig rten pa dang 'jig rten las 'das pa'i bya ba thams cad la bar chad mang ba yin no/ / des ni chos kun tu bsdu ba byas nas yang phyir bshig pa dang / yo byad dag byin nas yang phyir phrogs pa yin pas des gal te chos smra ba'i gang zag rnams la ji ltar 'os pa'i mchod pa dag phul zhing zhe 'gras pa med pa'i sems kyis 'bul bar byed na/ des de'i las kyi sgrib pa de rnam par

  667. 334b

    / dag par 'gyur zhing / byang chub tu nges par 'byung bar yang 'gyur ro// sa gzhan la gnas pa dag gis bdag na bar kun tu shes na/ des ni bdud kyi las su rtogs par bya'o/ / rdo rjes rab 'jom gzhan yang byang chub sems dpa' gang gis rmi lam na/ bdag g.yangs nas g.yang du lhung zhing bton pa med par kun tu shes na/ byang chub sem dpa' de ni sngon gyi mtha' bsam pa nyams par gyur cing shin tu g.yon can dang / ma mos pa mang ba dang / las kyi sgrib pa thams cad mang ba dang / bdud kyi las mang ba dang / lus nyam chung ba dang / sems zhan pa yin te/ de la ni chos kyi lung phog na myur du mthong zhing 'dun pa skyes nas kyang yang phyir nub par 'gyur zhing / de ni sbyin pa byin na'ang 'gyod pa dang bcas pas sbyin par 'gyur la/ byin nas kyang som nyir 'gyur ba dang / chos kyi rjes su mthun pa'i chos smra na'ang nub par 'gyur te/ des ming spyod rgud par mthong ba dang / des bstan pa rgud par mthong ba dang / des bzod pa rgud par mthong ba dang / de dmigs pa mang bar 'gyur ba dang / chos ma yin por smra ba gang yin pa la brten pa dang / zab mo la mos pa'i gang zag rnams la mos pa ma yin pa mang bar 'gyur te/ byang chub sems dpa' de ni sa gnyis par blta'o//

  668. 335a

    gang gis bdag g.yangs spyan mtshan cha'i nang du ston par kun tu shes na/ byang chub sems dpa' de ni sa dang po par blta'o// gang gis bdag zag las g.yang du lhung bar kun tu shes na/ byang chub sems dpa' de ni sa gnyis par blta'o// sa gzhan la gnas pa dag la ni las kyi sgrib pas g.yang du lhung bar kun tu shes pa 'byung gi/ bdud kyi las kyis ni ma yin no// des gal te zla ba gsum gyi bar du nyin lan gsum mtshan lan gsum du 'jig rten mthun pa'i sbyin pa spyad par byas shing // shes pa dang ldan pa'ang mchod la/ zhe 'gras pa med pa'i sems su'ang byas na/ des de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / rdo rjes rab 'jom gzhan yang byang chub sems dpa' gang gis rmi lam na/ bdag gsad pa las thar par kun tu shes na/ de la bdud kyi las mang gi/ las kyi sgrib pa ni med do// des smon pa med pa'i ting nge 'dzin bsgom par bya zhing / byams pa la gnas par yang bya ste/ byang chub sems dpa' de ni sa dang po drug po dag tu blta'o/ gang gis bdag dgon par gsad pa las thar par kun tu shes na/ byang chub sems dpa' de ni sa gnyis par blta'o// gang gis bdag grong gi nyen kor du gsad pa las thar par

  669. 335b

    kun tu shes na/ byang chub sems dpa' de ni sa lnga par blta'o// gang gis bdag nye du'i nang du gsad pa las thar par kun tu shes na/ byang chub sems dpa' de ni sa drug par blta'o/ / mi brtson pa dang / las dang po pa dang / lhag pa'i bsam pa nyam chung ba la ni byang chub las bzlog pa'i phyir bdud kyi las kyang 'byung bar 'gyur ro// rdo rjes rab 'jom gzhan yang byang chub sems dpa' gang gis rmi lam na/ bdag dgra'i nang du son par kun tu shes na/ byang chub sems dpa' de ni sa dang po lnga po dag tu blta ste/ des ni rgyal por gyur pa na tshul khrims dang ldan pa la mtho btsams pas/ dgra bo mang ba dang bar chad mang ba yin te/ des mi gnas pa la sprad par bya zhing sgrib pa med pa'i mtha' la'ang mos par bya/ gcig tu phan pa la'ang brtson par bya ste/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang gis bdag mtshon sna tshogs thogs pa'i nang du son par kun tu shes na/ byang chub sems dpa' de ni sa dang po par blta'o// gang gis bdage mtshon sna gcig thogs pa'i nang du son par kun tu shes na/ byang chub sems dpa' de ni sa gnyis par blta'o// gang gis bdag dbyug pa thog pa rnams

  670. 336a

    kyi nang du song bar kun tu shes na/ byang chub sems dpa' de ni sa gsum par blta'o// gang gis bdag rdo ba thogs pa rnams kyi nang du song bar kun tu shes na/ byang chub sems dpa' de ni sa bzhi par blta'o// gang gis bdag lag pa stong pa rnams kyi nang du song bar kun tu shes na/ byang chub sems dpa' de ni sa lnga par blta ste/ gzhan dag la ni bdud kyi las su rig par bya'o// rdo rjes rab 'jom gzhan yang byang chub sems dpa' gang gis rmi lam na/ bdag nam mkha' las 'gro bar kun tu shes na/ byang chub sems dpa' de ni mi skye ba'i chos la bzod pa 'thob par 'gyur ba dang / dmigs pa las 'da' bar 'gyur ba'i mtshams la gnas pa dang lha rnams kyis bsams pa yin te/ des ni gtsang sbrar spyad pa dang / rtag tu brtson pa dang / byang chub kyi sems yang dag par 'dzin du gzhug par bya zhing // sems can rnams dang phyogs gcig na yun ring du gnas par mi bya'o// des na de'i las kyi sgrib pa de rnam par dag par 'gyur zhing / byang chub tu nges par yang 'byung bar 'gyur ro/ / byang chub sems dpa' de ni sa dang po bdun po dag las sa gang yang rung bar blta'o// gal te nam mkha' la sbyin pa byin zhing 'gro bar mthong na/ byang chub

  671. 336b

    sems dpa' de ni sa dang po par blta'o/ / drang srong mthong na byang chub sems dpa' de ni sa gnyis par blta'o// dge sbyong mthong na byang chub sems dpa' de ni sa gsum bar blta'o/ / klu mthong na byang chub sems dpa' de ni sa bzhi par blta'o// lha mthong na byang chub sems dpa' de ni sa lnga par blta'o// tshangs pa mthong na byang chub sems dpa' de ni sa drug par blta'o/ / byang chub sems dpa' 'am/ de bzhin gshegs pa mthong na/ byang chub sems dpa' de ni sa bdun par blta ste/ bdud kyi las ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ bdag gi lag pa na sgron ma thogs par kun tu shes na/ des chos kyi snang bsgrub par bya ste/ byang chub sems dpa' de ni sa dang po lnga po dag tu blta'o// gal te des lus dang srog la mi lta bar zang zing med pa la rab tu sbyor bar byed cing / ye shis kyi spyod pa la'ang nem nur med par byas na/ des de'i las kyi sgrib pa rnam par dag par 'gyur zhing / byang chub tu nges par 'byung bar yang 'gyur ro// de la sa dang po la gnas pa ni dmigs pa la mngon par brtson pa la dga' bar byed do/ / sa gnyis pa la gnas pa ni bsam gtan la mngon par dga' bar byed do// sa gsum pa la gnas

  672. 337a

    pa ni byams pa la dga' bar byed do/ / sa bzhi pa la gnas pa ni snying rje la dga' bar byed do// sa lnga pa la gnas pa ni btang snyoms la dga' bar byed do// / sa dang po la gnas pa snang ba 'dod pas ni sangs rgyas rjes su dran pa bsgom par bya'o// sa gnyis pa la gnas pas ni mchog tu dga' ba sbyin par bya'o// sa gsum pa la gnas pas ni thos pa btsal bar bya'o/ / sa bzhi pa la gnas pas ni gzungs bsgom par bya'o// sa lnga pa la gnas pas ni stong pa nyid bsgom par bya ste/ des na snang ba thob par 'gyur ro/ / rdo rjes rab 'jom gzhan yang byang chub sems dpa' gang gis rmi lam na/ byang chub sems dpa' phyir byung ba mthong na/ byang chub sems dpa' de ni sa dang po drug po dag las sa gang yang rung bar blta ste/ de tshe brjes nas phyir mi ldog pa'i sa 'thob par 'gyur zhing / 'di tsam zhig na sangs rgyas su 'gyur ro zhes lung bstan par 'gyur ba'i mtshams gcad pa'ang yin no/ / gang gis rkang pas phyir byung ba mthong na/ de ni sa dang po par blta'o// gang gis glang gi shing rtas phyir byung ba mthong na/ de ni sa gnyis par blta'o// gang gis rta'i shing rtas phyir byung ba mthong na/ da ni sa gsum par blta'o// gang gis glang po che'i shing rtas phyir

  673. 337b

    byung ba mthong na/ de ni sa bzhi par blta'o// gang gis mi'i shing rtas phyir byung ba mthong na/ de ni sa lnga par blta'o// gang gis nam mkha' las phyir byung ba mthong na// de ni sa drug par blta ste/ bdud kyi las ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ glegs bam rnyed na/ byang chub sems dpa' da ni sa dang po gsum po dag las sa gang yang rung bar blta ste/ byang chub sems dpa' de la ni phyir rgol ba dang skur pa 'debs pa mang po dag 'byung bar 'gyur yang / bar chad byed par ni mi 'gyur ro// des sdig pa bshags pa lan mang du bya zhing / rtag tu mngon par brtson par yang bya ste/ des na de'i las kyi sgrib po rnam par dag par 'gyur zhing / byang chub tu nges par 'byung bar yang 'gyur ro// gal te 'jig rten pa dang nyan thos dang ldan pa'i glegs bam rnyed na/ byang chub sems dpa' de ni sa dang po par blta'o/ / pha rol tu phyin pa dang ldan pa'i glegs bam dag rnyed na/ byang chub sems dpa' de ni sa gnyis par blta'o// gang gis zab mo dang ldan pa'i glegs bam rnyed na/ byang chub sems dpa' de ni sa gsum par blta'o// brtson pa dag la lha'i bus byin nam/ byang chub sems dpa'

  674. 338a

    de bzhin gshegs pa chos kyi gdan la bzhugs pas byin na/ de ni sa bdun pa'i bar dag tu'ang blta'o// rdo rjes rab 'jom gzhan yang byang chub sems dpa' gang gis rmi lam na/ gzungs kyi sgra thos na byang chub sems dpa' de ni sa dang po drug po dag las sa gang yang rung bar blta ste/ sangs rgyas rnams la mngon sum du gzungs thob pa yin no/ / byang chub sems dpa' de ni las kyi sgrib pa chung la bdud kyi las mang ba yin pas/ des ni spobs pa sbyin par bya zhing / glags lta ba med pa la brtson par yang bya ste/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gal te tshigs su bcad pas mngon par bsgrubs pa'i gzungs kyi sgra thos na/ byang chub sems dpa' de ni sa dang po par blta'o// yi ges mngon par bsgrubs pa'i gzungs kyi sgra thos na/ byang chub sems dpa' de ni sa gnyis par blta'o/ / legs par bris pas mngon par bsgrubs pa'i gzungs kyi sgra thos na/ byang chub sems dpa' de ni sa gsum par blta'o// klus yongs su bzung ba'i gzungs kyi sgra thos na/ byang chub sems dpa' de ni sa bzhi par blta'o// lhas yongs su bzung ba'i gzungs kyi sgra thos na/ byang chub

  675. 338b

    sems dpa' de ni sa lnga par blta'o/ / gang gis don dam pa'i gzungs kyi sgra thos na/ byang chub sems dpa' de ni sa drug par blta'o// rdo rjes rab 'jom gzhan yang byang chub sems dpa' gang gis rmi lam na/ ting nge 'dzin gyi sgra thos na/ byang chub sems dpa' de ni sa dang po brgyad pa dag las sa gang yang rung bar blta ste/ des ni 'jig rten gsum la lhag par chags pa med par bya zhing / rtag tu dben pa la mngon par dga' bar yang bya'o// de la ni las kyi sgrib pa chung zhing / de la bdud kyi las kyang chung mod kyi/ 'on kyang de la nyon mongs pa'i sgrib pa'i gas che bas/ nges chos sna tshogs dag mnyan par bya zhing / so sor brtags pa mang du'ang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la rtog pa dang bcas pa'i ting nge 'dzin ni sa dang po la gnas ba'i'o/ / rtog pa med la dpyod pa tsam gyi ting nge 'dzin ni sa gnyis pa la gnas pa'i'o// rtog pa'ang med la dpyod pa'ang med pa'i ting nge 'dzin ni sa gsum pa la gnas pa'i'o// tshangs pa'i gnas pa ni sa bzhi pa la gnas pa'i 'o// stong pa nyid kyi ting nge 'dzin ni sa lnga pa la gnas pa'i 'o// dgos pa thams cad mngon par bsgrubs pa ni sa drug

  676. 339a

    pa 'a gnas pa'i'o/ / rig pa chen po nas bdun pa la gnas pa'i'o// sangs rgyas kyi bkod pa sgrub pa ni sa brgyad pa la gnas pa'i'o// rdo rjes 'jom gzhan yang byang chub sems dpa' gang gis rmi lam na/ shin tu rgyas pa'i sde'i mdo sde'i sgra thos na/ byang chub sems dpa' de ni sa dang po drug po dag tu blta ste/ des ni chos la mos pa dang nges par gyur pa la bzod par bya'o// byang chub sems dpa' de ni sgrib pa chung ba dang rtogs pa 'bul ba yin pas/ des gcig tu yongs su zhu ba'i ngang tshul can dang / bsnyen bkur bya ba la gdu bar bya ste/ des na de'i las kyi sgrib pa de rnam par dag par 'gyur ro// sbyin pa'i pha rol tu phyin pa'i mdo sde'i sgra thos na sa dang po par blta'o/ / tshul khrims kyi pha rol tu phyin pa'i mdo sde'i sgra thos na sa gnyis par blta'o// bzod pa'i pha rol tu phyin pa'i mdo sde'i sgra thos na sa gsum par blta'o/ / brtson 'grus kyi pha rol tu phyin pa'i mdo sde'i sgra thos na sa bzhi par blta'o// bsam gtan gyi pha rol tu phyin pa'i mdo sde'i sgra thos na sa lnga par blta'o// shes rab kyi pha rol tu phyin pa'i mdo sde'i sgra thos na sa drug par blta'o/ / mngon par brtson pa dang / sangs rgyas kyis byin gyis brlabs pa dang / lhag pa'i bsam pa phun

  677. 339b

    sum tshogs pa'i gang zag ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ chos smra ba'i dge slong che ge mo zhes bya ba rnams kyi ming thos na/ byang chub sems dpa' de ni sa dang po bzhi po dag tu blta ste/ des ni dge ba'i bshes gnyen la brten par bya'o// byang chub sems dpa' de ni bar chad mang ba dang / sems la 'gyod pa mang ba dang / shes rab zhan pa yin te/ des sems can thams cad la zhe 'gras pa med pa'i sems dang / thabs la mkhas pa dang / thabs kyi sdom pa dang / yid la nem nur med par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang gis sngon ma mthong ba'i dge slong gi ming thos na/ byang chub sems dpa' de ni sa dang po par blta'o// gang gis sngon mthong ba'i dge slong gi ming thos na/ de ni sa gnyis par blta'o// gang gis 'jig rten gyi khams gzhan gyi dge slong gi ming thos na/ de ni sa gsum par blta'o// gang gis sra ba gcig gis thogs pa'i ming thos na/ de ni sa bzhi par blta ste/ sa gong ma dag tu'ang 'dod par bya'o// rdo rjes rab 'jom gzhan yang byang chub sems dpa'

  678. 340a

    gang gis rmi lam na/ bdag tshigs su bcad pa la spobs pa thob par kun tu shes na/ byang chub sems dpa' de ni sa dang po gsum po dag tu blta ste/ byang chub sems dpa' de ni spobs pa phun sum tshogs pa yin no// des gal te chos gsum yongs su spangs na myur du snang ba thob par 'gyur te/ chos gsum gang zhe na/ byang chub sems dpa' gang gzhan mchod pa la phrag dog byed pa dang / rnyed pa dang bkur sti 'dod pa dang / g.yo la rten pa ste/ chos gsum po de dag yongs su spang bar bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gal te tshigs su bcad pa nyung ngu la spobs na/ de ni sa dang po par blta'o// tshigs su bcad pa sna tshogs la spobs na sa gnyis par ro// zab mo'i tshigs su bcad pa la spobs na sa gsum par ro// rnam pa mang po de la spobs na sa gong mar ro// rdo rjes rab 'jom gzhan yang byang chub sems dpa' gang gis rmi lam na/ bdag mdo sde la spobs pa thob par kun tu shes na/ de ni sa dang po brgyad po dag tu blta ste/ de la dgra bo mang ba dang yon tan mang ba yin pas/ des yang dag par mgu bar byed pa'i ngang tshul can du bya zhing /

  679. 340b

    khyad par du 'phags pa dag la mchod par bya ba dang / ji lta ba bzhin du spyod pa'i gang zag la'ang mchod par bya zhing / shes pas lhag pa'i nga rgyal du'ang mi bya'o// des na ngo'i las kyi sgrib pa de rnam par dag par 'gyur zhing / rmi lam du rmis pa'i las kyi sgrib pa de'ang rnam par dag par 'gyur la/ myong bar 'gyur ba chung bar yang 'gyur zhing / byang chub tu nges par 'byung bar yang 'gyur ro// de la bzhi pa bsgrub pa la spobs na sa dang po la gnas par 'gyur ro// yo byad bsnyungs pa bsgrub papa'i mdo sde la spobs na sa gnyis par ro/ / sna tshogs bsgrub pa'i mdo sde la spongs na sa gsum par ro// sngon gyi tshul bsgrub pa'i mdo sde la spobs na sa bzhi par ro// dus gsum bsgrub pa'i mdo sde la stobs na sa lnga par ro// pha rol tu phyin pa'i mdo sde la spobs na sa drug par ro// mdo sde zab mo la spobs na sa bdun par ro// thams cad rnam par gtan la 'bebs pa la spobs na sa brgyad par blta'o/ / rdo rjes rab 'jom gzhan yang byang chub sems dpa' gang gis rmi lam na/ chos kyi gter gyi sgra thos na// de ni sa dang po bdun po bdag tu blta'o// byang chub sems dpa' de ni nyon mongs pa mang la las kyi sgrib pa chung ba yin/ des yongs su 'dri ba'i rang bzhin can du bya zhing

  680. 341a

    dad pas mos par yang bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis bdag grong na 'dug pa na chos kyi gter gyi sgra thos par kun tu shes na/ de ni sa dang po par blta'o// gang gis bdag gnas khang na 'dug par kun tu shes na de ni sa gnyis par ro/ / gang gis bdag gtsug lag khang na 'dug par kun tu shes na/ de ni sa gsum par ro// gang gis bdag dgon pa na 'dug par kun tu shes na/ de ni sa bzhi par ro// gang gis bdag stan la 'dug par kun tu shes na/ byang chub sems dpa' de ni sa lnga par ro// gang gis bdag skyed mos tshal na 'dug par kun tu shes na/ de ni sa drug par ro// gang gis bdag ri'i rtse mo la 'dug par kun tu shes na/ de ni sa bdun par blta'o// rdo rjes rab 'jom gzhan yang byang chub sems dpa' gang gis rmi lam na/ sngon ma thos pa'i 'jig rten gyi khams gzhan gyi de bzhin gshegs pa'i mtshan thos na/ byang chub sems dpa' de ni sa dang tha brgyad po dag tu lung bstan pa yin te/ nga rgyal gyi dbang gis nges par 'byung bar 'gyur ro// des ni bdud kyi las mang du bsags shing / de la las kyi sgrib pa'ang mang ba

  681. 341b

    yin no/ / des gal te mchod par 'os pa mchod cing spyod lam brtags pa ma yin na/ des de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / de gtong ba la nga rgyal byed na sa dang po par ro// tshul khrims la nga rgyal byed na sa gnyis par ro// thos pa la nga rgyal byed na sa gsum par ro// mngon par brtson pa la nga rgyal byed na sa bzhi par ro// yo byad bsnyungs pa la nga rgyal byed na sa lnga par ro// shes pa la nga rgyal byed na sa drug par ro// spobs pa la nga rgyal byed na sa bdun par ro/ / byin gyi rlabs la nga rgyal byed na sa brgyad par te/ bya ba thams cad mthar phyin par byed pa ni nga rgyal yin no// rdo rjes rab 'jom gzhan yang byang chub sems dpa' gang gis rmi lam na/ 'jig rten gyi khams che ge mo'i byang chub sems dpa' che ge mo zhes bya ba'i ming thos na/ byang chub sems dpa' de ni sa dang po lnga po dag tu blta ste/ byang chub sems dpa' de byang chub sems dpa' rnams kyis bsams pa dang nyon mongs pa chung ba yin par rig par bya'o// des gal te lhag par rgyal med par byas shing / nye du rnams la'ang bkur sti cher byas na/ des de'i las kyi sgrib pa de rnam par dag par 'gyur zhing / byang chub tu nges par 'byung bar yang

  682. 342a

    'gyur ro/ / gzungs thob pa'i ming thos na sa dang po par 'gyur ro// mngon par 'byung ba'i na sa gnyis par ro// dka' ba spyod pa'i na sa gsum par ro/ / byang chub kyi snying por bdud 'dul bar byed pa'i na sa bzhi par ro// mngon par rdzogs par 'tshang rgyu ba'i na sa lnga par ro// mang du thos shing mthong na sa gong mar yang 'gyur ro/ / gnas med cing lhag pa'i bsam pa nyam chung ba zhig gi na sa dang po par blta'o// 'gyod pa dang bcas par gnas pa'i na sa gnyis par ro// sdig pa byed pa'i na sa gsum par ro/ / mngon par bag med pa'i na sa bzhi par ro// zhi gnas mang ba'i na sa lnga par ro// rdo rjes rab 'jom gzhan yang byang chub sems dpa' gang gis rmi lam na/ bdag rgya mtsho'i dbus na 'dug par kun tu shes na/ byang chub sems dpa' de ni sa brgyad po dag las sa gang yang rung bar lung bstan par blta ste/ des ni thos pa'i mthar phyin par bya zhing / des brtson 'grus dang ldan pa dang shes rab la mos par yang bya'o// des na de'i las kyi sgrib pa de rnam par dag bar 'gyur zhing / byang chub tu nges par 'byung bar yang 'gyur ro// gang gis ma phyin par mthong na/ de ni sa dang po bar blta'o// gang gis 'gram du son par mthong na//

  683. 342b

    de ni sa gnyis par ro// gang gis spang leb la 'dug par mthong na/ de ni sa gsum par ro// gang gis ko grur zhugs par mthong na/ de ni sa bzhi par ro// gang gis gru na 'dug par mthong na/ de ni sa lnga par ro// gang gis chu na 'dug par mthong na/ de ni sa drug par ro// gang gis gru na 'greng bar mthong na/ de ni sa dadun par ro/ / gang gis rin po che thams cad kyis bkang ba'i gru pha rol tu sgrol bar mthong na/ de ni sa brgyad par ro// rdo rjes rab 'jom gzhan yang byang chub sems dpa' gang gis rmi lam na/ bdag rin po che dag 'thu bar kun tu shes na/ byang chub sems dpa' de ni sa dang po gsum po dag las sa gang yang rung bar blta ste/ de la ni rnam par mthe 'tsham pa mang zhing / dkar po'i chos rnams kyang sdug bsngal bas yang dag par 'thob par 'gyur te/ des chos 'dod par bya la/ chos smra ba dag la 'khrul pa mi btsal zhing byas pa gzo bar yang bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis sa brkos nas rin po che dag rnyed na/ de ni sa dang po par blta'o// gang gis sa rdul dang 'dres pa rnyed na/ de ni sa gnyis par ro// gang gis rtswa dang

  684. 343a

    'dres pa rnyed na/ de ni sa gsum par blta'o// mngon par brtson pa dag gi mtshan ma ni de dag yin gyi/ mngon par mi brtson pa dag la ni bdud gyi las dag kyang med de/ lhag par yang sa drug pa la 'byung ngo // sa gzhi pa lan ma btsun pa dang ldan pa dag bdud kyi las dang las kyi slob pa las ma bral ba yin no// rdo rjes rab 'jom gzhan yang byang chub sems dpa' gang gis rmi lam na/ bdag ri rab kyi rtse mor son par kun tu shes na/ byang chub sems dpa' de ni sa dang po lnga pa dag las phyir mi ldog par blta ste/ de la ni sdig pa'i grogs po'i dbang dang / g.yo la brten pa dang / ma mos pa mang bas yon tan gang yin pa dag cung zad mi skye ste/ des ni dge ba'i bshes gnyen la brten par bya zhing / g.yo med pa dang mos pa mang du'ang bya'o// des na de'i las kyi sgrib pa de rnam par dag par 'gyur zhing / byang chub tu nges 'ar 'byung bar yang 'gyur ro// gang gis bdag ri rab la 'dzeg par kun tu shes na/ de ni sa drug par ro// 'dzeg ste 'greng na sa bdun par ro// bdag phyogs bzhir rnam par lta na sa brgyad par ro/ / 'dug na sa dgu par ro// skul bar byed na sa bcu par ro// sa dang po nas sa bdun pa'i bar bdag gis ni mngon par brtson

  685. 343b

    pa 'am/ bsam pa phun sum tshogs pa 'am/ dge ba'i bshes gnyen gyi lag tu son pa 'am/ bdud kyi las kyis mthong bar 'gyur ro// rdo rjes rab 'jom gzhan yang byang chub sems dpa' gang gis rmi lam na/ bdag ri la 'dzeg par kun tu shes na/ byang chub sems dpa' de ni sa dang po lnga po dag tu blta ste/ byang chub sems dpa' de la ni rnam pa thams cad du gnod pa dag kun tu 'byung bar 'gyur ro/ / des ni chos smra ba la brnyas par byas pa yin pas/ des dngos pa thams cad sba ba med par bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur te/ sa dang po la ni phung po gsum pa'i chos kyi rnam grangs gdon par bya'o/ / sa gnyis pa la ni sangs rgyas rjes su dran pa bsgom par bya'o// sa gsum pa la ni stong pa nyid bsgom par bya'o// sa bzhi pa la ni snying rje chen po bsgom par bya'o/ / sa lnga pa la ni lhag mthong bsgom par bya'o// gang gis bdag ri la 'dzeg par kun tu shes na/ de ni sa dang po par blta'o// gang gis dbus su phyin na/ de ni sa gnyis par ro// gang gis rtse mor phyin na/ de ni sa gsum par ro// gang gis mngon par lta bar byed na/ de ni sa bzhi par ro// gang 'dug

  686. 344a

    na/ de ni sa lnga par ro// rdo rjes rab 'jom gzhan yang byang chub sems dpa' gang gis rmi lam na/ bdag ri'i rtse mon 'dug par kun tu shes na/ byang chub sems dpa' de ni sa dang po bdun pa dag tu blta ste/ byang chub sems dpa' del ni las kyi sgrib pa chung la/ bdud kyi las shes che ba yin pas/ des ni sdig pa'i dngos po yongs su gtang bar bya zhing / nye du'ang mchod par bya/ nye du gzhan dag kyang dga' bar bya'o// de'i na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// ri tshon po bdun po dag ni sa bdun po rnams kyi'o// ri rab ni sa lhag ma rnams kyi'o// rdo rjes rab 'jom gzhan yang byang chub sems dpa' gang gis rmi lam na/ bdag shing ljon pa la 'dzeg par kun tu shes na/ byang chub sems dpa' de ni sa dang po bzhi po dag las sa gang yang rung bar blta ste/ de la ni bdud kyi las dang las kyi sgrib pa'ang 'bring tsam ste/ des ni dge ba'i bshes gnyen gang dag snang ba thon pab rnams dang / gang dag gis dus dus su de'i chos kyi the tsom sel bar nus pa'i dge ba'i bshes gnyen dag la brten par bya'o// des na de'i las kyi sgrib pa de rnam

  687. 344b

    par dag par 'gyur zhing / byang chub tu nges par 'byung bar yang 'gyur ro// de la sgrib shing lo ma phun sum tshogs pa la 'dzegs na sa dang por ro// spos kyi shing la ni sa gnyis par ro/ / me tog gi shing la ni sa gsum par ro// 'bras bu'i shing la ni sa bzhi par te/ mngon par brtson pa dag gi mtshan ma de dag yin gyi/ mngon bar mi brtson pa la ni bdud kyi las kyang yod do/ / sa gong ma dag gis ni thams cad phun sum tshogs pa'i shing ljon pa dag mthong bar 'gyur te/ las kyi rnam par smin pa ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ glang po che'i gtso bo mthong na/ byang chub sems dpa' de ni sa dang po drug po dag las sa gang yang rung bar blta ste/ byang chub sems dpa' des sbyin pa spyad pa ltar shes rab de ltar ma spyad pas/ de la dge ba'i rtsa ba dag dka' bas skye bar 'gyur te// des ni dad par bya zhing nges par brtag pa mang du rang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar 'gyur ro// de la glang po che'i gtso ba yongs su ma dag pa mthong na sa dang por ro/ / thal kar mthong na sa gnyis par ro// mche ba drug pa mthong na sa gsum par ro// rgyan gyis brgyan pa

  688. 345a

    mthong na sa bzhi par ro/ / rgyal mtshan dang gdugs thogs pa mthong na sa lnga par ro// sgra 'byin par mthong na sa drug par ro// / bam po gsum pa ste tha ma'o// rdo rjes rab 'jom gzhan yang byang chub sems dpa' gang gis rmi lam na/ bdag glang po che'i gtso bo la zhon par kun tu shes na/ byang chub sems dpa' de ni sa dang po bdun po dag tu blta ste/ byang chub sems dpa' skye ba gcig gis thogs pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyis dgongs shing de ye shes la 'jug pa dang / dbang phyug chen po'ang yod pa yin pas/ des ni gus pa dang bcas pa yin pas/ byang chub kyi sems yang dag par 'dzin du gzhug pa dang / sgyu med pa dang / ngan ngon tsam gyis chog shes pa dang / yid du 'thad pa sbyin par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis bdag glang po che'i gtso bo tha mal pa la zhon par kun tu shos na/ de ni sa dang po par blta'o// gang gis gos dkar po bgos te zhon par kun tu shes na/ de ni sa gnyis par blta'o// gang gis tshon dmar po can bgos te na

  689. 345b

    de ni sa gsum par blta'o/ / gang gis tshon sna tshogs can bgos te na/ de ni sa bzhi par blta'o// gang gis dri zhim pos kha bsgyur ba'i gos dag bgos shing rgyan gyis brgyan te na/ de ni sa lnga par blta'o// gang gis cod pan thogs te na/ de ni sa drug par blta'o// gang gis rgyan gyis brgyan pa'i gdugs thogs te na/ de ni sa bdun par blta'o/ / sa gong ma pa dag gis ni thams cad phun sum tshogs par mthong ste/ las kyi sgrib pa dang mngon par mi brtson pa ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ bdag rta la zhon par kun tu shes na/ byang chub sems dpa' de ni sa dang po bzhi po dag tu blta ste/ de ni tshul khrims kyi pha rol tu phyin pa la brten par bya'o/ / de la ni bdud kyi las shas che la/ las kyi sgrib pa chung ba yin pas/ des stong pa nyid gtso bor bya ba dang / lhag mthong mang du bya ba dang / nan tan gyis bsgrub par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / de la bdag rta 'greng ba la zhon par kun tu shes na sa dang po par blta'o// 'gro ba la zhon par kun tu shes na sa gnyis par blta'o// rgyug pa la zhen par kun tu shes na

  690. 346a

    sa gsum par blta'o/ / brgyan pa la zhon par kun tu shes na sa bzhi par blta ste/ bdud kyi las ni ma gtogs so// sa gong ma dag la ni thams cad phun sum tshogs par yang mthong ste/ byang chub sems dpa' lhag pa'i nga rgyal can rnams dang / bdud kyi las ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ bdag bden pa'i byin gyi rlabs byed par kun tu shes na/ byang chub sems dpa' de ni sa bcu po thams cad las sa gang yang rung bar blta ste/ de la ni bdud kyi las chung ba las kyi sgrib pa shas che ba yin pas/ de ni yul mang po la nges par brtag par bya zhing / ting nge 'dzin bsgrub pa la mkhas par yang bya/ spyod lam drang po dang sogs pa dang bral bar yang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang sbyin pa dang ldan pa'i byin gyi rlabs byed na/ byang chub sems dpa' de ni sa dang po par blta'o// bcings pa thar par bya ba'i phyir na sa gnyis par blta'o// nad pa thar par bya ba'i phyir na sa gsum par blta'o// grong khyer gyi phyir na sa bzhi par ro// rgyal po'i phyir na sa lnga par ro// gling bzhi pa'i phyir na sa drug par ro// stang gi

  691. 346b

    phyir na sa bdun par ro/ / stong gnyis pa'i phyir na sa brgyad par ro// stong gsum pa'i phyir na sa dgu par ro// 'od 'byung ba dang / sa g.yo ba dang / lha rnams/ kyis me tog go char dbab pa'i phyir na sa bcu par te/ sa drug po dag la ni bdud kyi las ma gtogs so// rdo rjes rab 'jom gzhan yang byang chub sems dpa' gang gis rmi lam na/ 'bras bu'i shing ljon pa mthong na/ byang chub sems dpa' de ni sa dang po bdun po dag tu blta ste/ lung bstan pa yongs su rdzogs pa'i chos dang ldan pa yin no/ / des ni rnyed pa dang bkur sti la ma chags pa dang / drang po dang nyes par mi 'dzin par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang gis 'bras bu nyung ngu'i shing ljon pa mthong na/ de ni sa dang po par blta'o// gang gis 'bras bu mang po'i shing ljon pa mthong na/ de ni sa gnyis par blta'o// gang gis 'bras bu ro zhim pa'i shing ljon pa mthong na/ de ni sa gsum par blta'o// gang gis 'bras bu dri zhim po'i shing ljon pa mthong na/ byang chub sems dpa' de ni sa bzhi par blta'o// gang gis 'bras bu sman du rung ba'i shing ljon pa mthong na/ byang chub sems dpa' de ni sa lnga par blta'o// gang gis lha

  692. 347a

    yul ba lta bu'i 'bras bu'i shing ljon pa mthong na/ byang chub sems dpa' de ni sa drug par bltar// gang gis bdud rtsi'i ro dang ldan pa'i 'bras bu'i shing ljon pa mthong na/ byang chub sems dpa' de ni sa bdun par blta'o// rdo rjes rab 'jom gzhan yang byang chub sems dpa' gang gis rmi lam na/ me tog gi shing ljon pa mthong na/ byang chub sems dpa' de ni sa dang po bdun po dag las sa gang yang rung bar blta ste/ des ni dge ba'i rtsa ba sna tshogs bya ba la brtson par bya zhing / dge ba'i rtsa ba'i chos de la kun tu spyod pa na/ des 'khor bzhi po dag dang ma 'dres par ri khrod du 'gro ba la brtson par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis me tog mang la dri zhim pa'i shing ljon pa mthong na/ byang chub sems dpa' de ni sa dang po par blta'o/ / gang gis me tog dri zhim po'i shing ljon pa mthong na/ byang chub sems dpa' de ni sa gnyis par blta'o// gang gis me tog mang zhing dri zhim pa'i shing ljon pa mthong na/ byang chub sems dpa' de ni sa gsum par blta'o// gang gis me tog dang 'bras bur bcas pa'i shing ljon pa mthong na/ byang chub sems

  693. 347b

    dpa' de ni sa bzhi par blta'o/ / gang gis lo ma nyung ba'i me tog gi shing ljon pa mthong na/ byang chub sems dpa' de ni sa lnga par blta'o// gang gis lha'i me tog gi shing ljon pa mthong na/ byang chub sems dpa' de ni sa drug par blta'o// gang gis byang chub kyi shing ljon pa mthong na/ byang chub sems dpa' de ni sa bdun par blta ste/ bdud kyi las ni ma gtogs so// sa gong ma dag la ni mtshan ma log pa dag med do// rdo rjes rab 'jom gzhan yang byang chub sems dpa' gang gis rmi lam na/ sngon ma mthong ba'i grong khyer mthong na/ de ni sa dang po drug po dag tu blta ste/ byang chub sems dpa' de la ni chos kyi sgrib pa med do// byang chub sems dpa' de ni mi skye ba'i chos la bzod pa dang nye bar rig par bya ste/ des ni stong pa nyid bsgom pa'i phyir yi dam la brtan pa dang / bde ba dang sdug bsngal dag gis zhe 'gras pa med pa'i sems su bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// grong khyer dang po brtsigs ma zag pa mthong na sa dang po par blta'o/ / grong khyer phyis byi dor byas pa mthong na sa gnyis par ro// ra ba phun sum tshogs pas ni sa gsum par ro// skyed mos tshal phun

  694. 348a

    sum tshogs pas ni sa bzhi par ro/ / 'bab chu phun sum tshogs pas ni sa lnga par ro// rdzing bu phun sum tshogs pas ni sa drug par te/ sdig pa'i grogs po'i lag tu song ba dang / dmigs pa can dang / mngon par mi brtson pa dang / bdud kyi las ni ma gtogs so// sa gong ma dag la ni thams cad phun sum tshogs par mthong ngo / / rdo rjes rab 'jom gzhan yang byang chub sems dpa' gang gis rmi lam na/ mtsho ma dros pa mthong na/ de ni sa dang po brgyad po dag tu blta ste/ de la nyon mongs pa ni chung ngo // gal te lhag pa'i bsam pas brtson par byed cing / lus dang / srog dang / yo byad dag la lhag par chags pa mi byed na/ de la myur du snang ba skye bar 'gyur ro/ / des gzhan gyi bsam pa yongs su rdzogs par bya ba la mngon par brtson par bya ste/ des na de'i las kyi sgrib pa de rnam par dag par 'gyur zhing byang chub tu nges par 'byung bar yang 'gyura'o/ / gang gis mtsho ma dros pa'i 'gram mthong na/ de ni sa dang po par blta'o// gang gis dbus mthong na/ de ni sa gnyis par ro// gang gis thams cad mthong na/ de ni sa gsum par ro// gang gis lag pas reg na/ de ni sa bzhi par ro// gang gis khrus byas na/ de ni sa lnga par ro// gang gis

  695. 348b

    'gram na 'dug na/ de ni sa drug par ro// gang gis ma dros pa'i klu mthong na/ de ni sa bdun par ro// gang gis gnas dang gzi byin sbyin par mthong na/ de ni sa brgyad par ro/ / sa drug po dag la ni bdud kyi las ma gtogs so// rdo rjes rab 'jom gzhan yang byang chub sems dpa' gang gis rmi lam na/ lha'i bu mthong na/ byang chub sems dpa' de ni sa dang po lnga po dag las sa gang yang rung bar blta ste/ de la las kyi sgrib pa dang bdud kyi las ni chung la/ 'dod pa tsam ni yod de/ des zla ba gsum du brtson par byas na las kyi sgrib pa rnam par dag par 'gyur zhing / rnam par ma dag pa'ang chung ngur 'gyur la/ snang ba thob par yang 'gyur ro// byang chub sems dpa' de ni phyogs bcu'i byang chub sems dpa' rnams kyis bsams pa yin te/ de gal te skyo bar mi 'gyur zhing mngon par brtson par gyur na/ des de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la rgyal chen bzhi'i rigs kyi lha'i bu mthong na sa drug po dag tu blta'o// sum cu rtsa gsum pas ni sa bdun par ro/ / dga' ldan pas ni sa brgyad par ro// tshangs ris pas ni sa dgu par ro// gnas gtsang ma pas ni sa bcu par ro// sa dang tha

  696. 349a

    la mngon par brtson pas ni sa thams cad kyang mthong ste/ bdud kyi las kyang yod do// sa bcu po dag la lhag pa'i bsam pa phun sum tshogs pas ni thams cad mthong ngo / / rdo rjes rab 'jom gzhan yang byang chub sems dpa' gang gis rmi lam na/ klu mthong na/ de ni sa dang po brgyad po dag las sa gang yang rung blta ste/ de ni chos la rjes su mthun pa'i bzod pa dang ldan pa yin no// de ni brtsams nas yang phyir rnam par rtse bar 'gyur ba dang / sbyor ba bzung nas kyang yang phyir spong bar 'gyur te/ des ni longs spyod kyi gzhi las chos smra ba la skur pa btab pa yin pas/ des sdug pa'i dngos po yongs su gtang ba la mngon par brtson par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis ri la gnas pa'i klu mthong na/ de ni sa dang po par blta'o// gang gis nags khung na gnas pa mthong na/ de ni sa gnyis par blta'o// gang gis chu klung gi pha rol tu mthong na/ de ni sa gsum par blta'o// gang gis nags khrod du mthong na/ de ni sa bzhi par blta'o/ / gang gis skye bo'i nang du mthong na/ de ni sa lnga par blta'o// gang gis rgyal po'i pho brang gi nang du mthong na/ de ni sa drug par blta'o// gang gis

  697. 349b

    bo mang pos yongs su bskor ba mthong na/ de ni sa bdun par blta'o// gang gis nam mkha' la mthong na/ de ni sa brgyad par blta'o// sa dang po drug po dag la ni bdud kyi las ma gtogs par blta'o/ / rdo rjes rab 'jom gzhan yang byang chub sems dpa' gang gis rmi lam na/ bdag 'dzam bu gling gzhan du son par kun tu shes na/ byang chub sems dpa' de ni sa dang po drug po dag tu blta ste/ bzod pa thob pa yin no// de la sgrib pa ni chung na/ de mngon par mi brtson pa dang / le lo dang / gal la brten pa dang / nga'o snyam pa'i nga rgyal gyi tshul gyis snang ba thob par mi 'gyur bas/ des tshul de dag ji lta ba bzhin du rab tu brtson par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis 'dzam bu'i gling nyams mi dga' ba mthong na/ de ni sa dang bor ro// gang gis nyams dga' ba mthong na/ de ni sa gnyis par ro// gang gis grong dang / grong khyer dang / grong rdal mdzes pa mthong na/ de ni sa gsum par ro// gang gis skyed mos tshal me tog kun tu rgyas pa mthong na/ de ni sa bzhi par ro// gang gis ljongs kyi mi 'dus par mthong na/ de ni sa lnga par ro// gang gis kun dga' rab

  698. 350a

    dang tshal phun sum tshogs par mthong na/ de ni sa drug par te/ bdud kyi las ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ bdag gos dkar po 'gyon par kun tu shes na/ byang chub sems dpa' de ni sa dang po brgyad po dag tu blta ste/ de ni las kyi sgrib pa rnam par dag la/ bdud kyi las shas che ba yin pas/ des chos la 'dun pa skyes kyang yang phyir nub par 'gyur zhing / de'i yon tan dag la bar chad mang bar 'gyur bas/ des dngos po thams cad mi sba bar bya zhing / ye she la brtson par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// yo byad thams cad dang / gding ba thams cad dang / mang du thos par bya ba dang / skyon dang / lus dang / srog dang / dge ba'i rtsa ba dag la'ang mngon par brtag par bya'o// gang gis gos dkar po gtsang ma rnying pa gyon par mthong na/ de ni sa dang por ro// gang gis gsar pa kha tsar med pa gyon par mthong na/ de ni sa gnyis par ro// gang gis kha tsar can na/ de ni sa gsum par ro// gang gis byi dor byas pa na/ de ni sa bzhi par ro// gang gis bkrus shing bcags pa na/ de ni sa lnga par ro// gos rin po ches ni

  699. 350b

    sa drug par ro/ / dang ris can gyis ni sa bdun par ro// lha'i gos kyis ni sa brgyad par ro// rdo rjes rab 'jom gzhan yang byang chub sems dpa' gang gis rmi lam na/ bdag gi mgo la rin po che'i 'phreng ba 'am/ rgyan gyi 'phreng ba thogs par kun tu shes na/ byang chub sems dpa' de ni sa dang po dgu po dag tu blta ste/ de la bdud kyi las kyang med/ las kyi sgrib pa'ang med na/ rang gi nyes pas nges par mi 'byung bas/ des thos pa yongs su btsal bar bya zhing / chos kyang bsgom par bya/ 'thab mo/ med pa dang / rtsod pa med par yang bya'o// des na de'i las kyi sgrib pa rnam par dag par 'gyur zhing / byang chub tu nges par 'byung bar yang 'gyur ro// rin po che sna gcig gi 'phreng bas ni sa dang por ro/ / rin po che sna bdun gyis ni sa bdun pa'i bar du'o// 'khor los sgyur ba'i nor bu rin po ches ni sa brgyad par ro// lha'i bu'i nor bu rin po ches ni sa dgu par te/ bdud kyi las ni ma gtogs so// las dang po pas mtshan ma de dag mthong na 'phyar bar 'gyur zhing / le lo skye bar yang 'gyur/ bag 'bebs par yang byed/ gzhan la brnyes par yang byed pas/ de'i phyir des bdud kyi las ni rtogs par bya'o// rdo rjes rab 'jom gzhan yang byang chub sems dpa' gang gis rmi lam

  700. 351a

    na/ bdag gi mgo la me tog gi 'phreng ba thogs par kun tu shes na/ byang chub sems dpa' de ni sa dang po brgyad po dag tu blta ste/ de la las kyi sgrib pab ni med la/ bdud kyi las ni yod do// des gal te dang po dang / dbus dang / tha mar nges par rtogs nas dad par bya zhing thams cad yongs su gtong bas skyo ba med par byas na/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// me tog sna gcig gis 'phreng bas ni sa dang bor ro// me tog sna gnyis kyi 'phreng bas ni sa gnyis par ro// me tog sna tshogs kyi 'phreng bas ni sa gsum par ro// me tog thams cad kyi 'phreng bas ni sa bzhi par ro// klu'i me tog gi 'phreng bas ni sa lnga par ro/ / lha'i me tog gi 'phreng bas ni sa drug par ro// lha'i me tog sna tshogs kyi 'phreng bas ni sa bdun par ro// lha dang mi'i me tog sna tshogs kyis 'phreng ba 'od 'byung bas ni sa brgyad par ro/ / rdo rjes rab 'jom gzhan yang byang chub sems dpa' gang gis rmi lam na/ bdag me tog sil ma dag bsrel bar kun tu shes na/ byang chub sems dpa' de ni sa dang po bdun po dag tu blta ste/ des ni byang chub sems dpa' dag yang dag par 'dzin du gzhug par bya'o// gang zag de ni g.yog 'khor mang ba dang rkyen

  701. 351b

    mang ba yin te/ des gal te bsam pa rnam par sbyang bar byas na/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang gis bdag kha dog dang ldan pa'i me tog sil ma dag bsrel bar kun tu shes na/ de ni sa dang po bar ro// dri dang ldan pas ni sa gnyis par ro// reg pa dang ldan pas ni sa gsum par ro// sna tshogs kyis ni sa bzhi par ro/ / chu las skyes pa dang skam las skyes pas ni sa lnga par ro// thams cad kha 'bus par gyur pas ni sa drug par te/ sa gong ma bzhi po dag la mngon par brtson pa 'am/ bdud kyi las kyi mtshan ma ni de dag yin te/ yid du 'ong ba dang yid du mi 'ong ba thams cad kyang 'bul bar byed do// rdo rjes rab 'jom gzhan yang byang chub sems dpa' gang gis rmi lam na/ bdag rnga bo che rdung ba 'am/ rol mo'i sgra 'byin par kun tu shes na/ byang chub sems dpa' de ni sa dgu po dag las sa gang yang rung bar blta ste/ de la las kyi sgrib pa dang bdud kyi las shas che ba yin pas/ des brtson 'grus brtsam zhing thos pa la mngon par brtson par bya'o// des sems can thams cad la sems mnyam par yang bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang thibs por song

  702. 352a

    ste rnga bo che rdung bar byed na/ de ni sa dang po par ro// gang sa mnyam par song ste rdung na/ de ni sa gnyis par ro// gang grong du song ste rdung na/ sa gsum par ro// gang grong khyer chen por na/ de ni sa bzhi par ro// gang skye bo phal po che'i dbus su na/ de ni sa lnga par ro// gang skyabs su song ste na/ de ni sa drug par ro/ / gang ri la na/ de ni sa bdun par ro// gang ri'i rtse mor na/ de ni so brgyad par ro// gang nam mkha' la 'dug sta na/ de ni sa dgu par ro// ye shes la brtson pa la bdud kyi las ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ nyi ma gzas zin pa 'am/ zla ba gzas zin par kun tu shes na/ byang chub sems dpa' de ni sa dang po drug po dag tu blta ste/ chos kyis 'phongs par 'gyur ba'i las dang ldan zhing nyon mongs pa mang ba yin pas/ des ni dngos po thams cad yongs su gtong bar bya zhing rnam par smin pa mi 'dod pa la'ang mngon par brtson par bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / nyi ma 'am/ zla ba 'char kar gzas zin par kun tu shes na/ da ni sa dang po par ro// snga dro'i dus su na sa gnyis par ro// sprin yang 'khrugs na sa gsum

  703. 352b

    bar ro/ / rlung yang 'khrugs na sa bzhi par ro// rdul gyis nges par bcom na sa lnga par ro// nyi ma phyed kyi dus su na sa drug par te/ las kyi sgrib pa dang / bdud kyi las ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ bdag mi gtsang bas bskus par kun tu shes na/ byang chub sems dpa' de ni sa dang po gsum po dag tu blta ste/ sngon 'phags pa la skur pa btab pa'i byang chub sems dpa' dmu rgod yin pas/ des lo gsum du phung po gsum pa la ji ltar lung phog pa bzhin du gdon par bya zhing / gang la'ang ma dad par mi bya bar mos pa mang du'ang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / lus thams cad mi gtsang ba'i rdzab kyis bskus na sa dang po par ro// lus kyi gzhogs phyed bskus na sa gnyis par ro// yan lag dang nying lag bskus na sa gsum par ro/ / sa drug pa'i bar dag la ni bdud kyi las su rtogs par bya'o// rdo rjes rab 'jom gzhan yang byang chub sems dpa' gang gis rmi lam na/ bdag rgyal por gyur par kun tu shes na/ byang chub sems dpa' de ni sa bcu po thams cad las sa gang yang rung bar blta ste/ de la ni dge ba'i rtsa ba stug la/ bar chad kyang

  704. 353a

    stug pa yin pas/ de la ni rlom sems med par bya zhing / gzhan la g.yo mi bya ba dang / kun 'gyed pa'i ngang tshul can dang / bdag la mi bstod pa dang / gzhan la mi smod par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// grong na 'dug ste rgyal por kun tu shes na/ de ni sa dang po par blta'o// gtsug lag khang na 'dug ste rgyal por kun tu shes na/ de ni sa gnyis par blta'o// skyed mos tshal na 'dug ste rgyal por kun tu shes na/ de ni sa gsum par blta'o// lha khang na 'dug ste rgyal por kun tu shes na/ de ni sa bzhi par blta'o// grong khyer chen po na 'dug ste rgyal por kun tu shes na/ de ni sa lnga par blta'o// ri'i rtse mo na 'dug ste rgyal por kun tu shes na/ de ni sa drug par blta'o// 'dzam bu gling gi rgyal bor kun tu shes na/ de ni sa bdun par blta'o// 'khor los sgyur ba'i rgyal por kun tu shes na/ de ni sa brgyad par blta'o// rgya mtsho'i dbus su na/ de ni sa dgu par blta'o/ / ri rab kyi rtse mor na/ de na sa bcu par blta ste/ bdud kyi las la mngon par brtson pa dang / sangs rgyas dang byang chub sems dpas ma dag

  705. 353b

    pa ni ma gtogs so/ / rdo rjes rab 'jom gzhan yang byang chub sems dpa' gang gis rmi lam na/ bdag rgyal po'i spyad snga 'am/ rgyal po'i blon po chen po 'am skye bo phal po che'i mdun na 'dug par kun tu shes na/ byang chub sems dpa' de ni sa dang po brgyad po dag tu blta ste/ kun nas nyon mongs pa dang bcas pa yin pas des ni sems can yongs su smin par bya zhing / nye du'i mchod pa spang bar bya ba dang / shin tu yongs su dag par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la sbyin pas kun nas nyon mongs par gyur na sa dang pa par ro// tshul khrims kyis ni sa gnyis par ro// thos pas ni sa gsum par ro/ / ting nge 'dzin gyis ni sa bzhi par ro// gzungs kyis ni sa lnga par ro// mngon par shes pa rnams kyis ni sa drug par ro// chos ston pas ni sa bdun par ro/ / g.yog 'khor phun sum tshogs pas ni sa brgyad par ro// rdo rjes rab 'jom gzhan yang byang chub sems dpa' gang gis rmi lam na/ bdag skyed mos tshal du son par kun tu shes na/ byang chub sems dpa' de ni sa dang po dgu po dag tu blta ste/ des ni bsam gtan gyi pha rol tu phyin pa la mngon par brtson par bya'o//

  706. 354a

    byang chub sems dpa' de ni 'jig rten gyi zang zing ni rnyed la shes pas ni ma yin pas bdud kyi lcags kyus kun tu drangs pa yin te/ las kyi sgrib pa ni chung ngo / / des ni chos smra ba la nye bar 'tsho ba dag bsgrub par bya zhing / nang du yang dag 'jog kyang bsgrub par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la sa dang po la ni spyod pa'i shes pa med do// sa gnyis pa la ni thos pa'i shes pa med do// sa gsum pa la ni nges pa'i shes pa med do/ / sa bzhi pa la ni bsam gtan gyi shes pa med do// sau lnga pa la ni gzungs kyi shes pa med do// sa drug pa la ni so so yang dag par rig pa'i shes pa med do/ / sa bdun pa la ni bsgrub pa'i shes pa med do// sa brgyad pa la ni bkod pa'i shes pa med do// sa dgu pa la ni smon lam gyis shes pa med do// rdo rjes rab 'jom gzhan yang byang chub sems dpa' gang gis rmi lam na/ sngon ma mthong ba'i gtsug lag khang ngam/ grong ngam/ yul lam/ ljongs mthong na/ byang chub sems dpa' 'di ni sa dang po drug dag tu blta ste/ de ni bar chad mang ba yin pas/ des sangs rgyas rjes su dran pa sgom par bya zhing / dad par yang bya/ bya ba thams cad la dad pa'i sbyin pas mos par yang

  707. 354b

    bya'o/ / des na de'i las kyi sgrib pa de rnam par dag par 'gyur zhing / byang chub tu nges para'abyung bar yang 'gyur ro// gang gis mtshan ma'i bya ba de dag byi ngor ma byas par mthong na/ de ni sa dang po par ro// gang gis byi dor byas par mthong na/ de ni sa gnyis par ro// gang gis rgyan gyis brgyan par mthong na/ de ni sa gsum par ro// 'khor bzhi po dag 'dus na/ de ni sa lnga par ro// lha'i 'khor dag 'dus na/ de ni sa drug par ro// rdo rjes rab 'jom gzhan yang byang chub sems dpa' gang gis rmi lam na/ gdugs rnyed na/ de ni sa dang po bdun po dag tu blta ste/ sangs rgyas kyi byin gyi rlabs kyang yod/ bar chad kyang mang / mi choms pa'ang yin no// de ni chos smra ba la brnyes par mi bya ste/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// de la lo ma'i gdugs kyis ni sa dang por ro// 'od ma'i gdugs kyis ni sa gnyis bar ro/ / gro ba'i gdugs kyis ni sa gsum par ro// ras kyi gdugs kyis ni sa bzhi par ro// khro bas ni sa lnga par ro// dril bu g.yer kas yongs su bskor bas ni sa drug par ro// rin po che'i dra bas glags pas ni sa bdun par ro/ / bdud kyi las dang mngon par mi brtson pa ni ma gtogs so// rdo rjes rab 'jom gzhan yang byang chub sems dpa' gang gis rmi lam na/ bdag

  708. 355a

    skye bo phal po che'i dbus na 'dug ste chos ston par kun tu shes na/ byang chub sems dpa' de ni sa bcu po thams cad du blta ste/ des sa dag la bdud kyi las dang las kyi sgrib pa'ang ji lta ba bzhin du rtogs par bya zhing / des spobs pa yongs su btsal bar bya ste/ spobs pa rnyed nas kyang rnam par nges pa bsgrub pa'i lung dbog par bya'o// dngos po thams cad la'ang lhag par zhen pa med par bya zhing des dngos po rnyed pa la'ang yang dag par dga' bar 'gyur ba'i ngang tshul can du bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// sbyin pa'i gtam ston par kun tu shes na sa dang po la gnas par 'gyur ro// dge ba bcu'i las kyi lam gyis ni sa gnyis par ro/ / thos pa'i gtam gyis ni sa gsum par ro// sbyadra pa'i yon tan dang yo byad bsnyungs pa'i gtam gyis ni sa bzhi par ro// snyoms par 'jug pa'i gtam gyis ni sa lnga par ro// legs par sbyar ba yongs su brjod pa'i gtam gyis ni sa drug par ro// bdag med pa'i gtam gyis ni sa bdun par ro// ye shes bkod pa'i gtam gyis ni sa brgyad par ro// sangs rgyas bkod pa'i gtam gyis ni sa dgu par ro/ / lus kyi tshad kyi gtam gyis ni sa bcu par ro// sa dang po la ni yo byad la rtsol ba dang bcas pa'o// sa gnyis pa la ni tshul khrims la rtsol ba dang

  709. 355b

    bcas pa'o/ / sa gsum pa la ni 'od la rtsol ba dang bcas pa'o// sa bzhi pa la ni nor bdun la rtsol ba dang bcas pa'o// sa lnga pa la ni mi gnas pa la rtsol ba dang bcas pa'o// sa drug pa la ni rnam par gtan la dbab pa la rtsol ba dang bcas pa'o// sa bdun pa la ni nges pa la rtsol ba dang bcas pa'o// sa brgyad pa la ni mngon par shes pa dang so so yang dag par rig pa la rtsol ba dang bcas pa'o/ / sa dgu pa la ni spyod pa la rtsol ba dang bcas pa'o// sa bcu pa la ni tshad med pa la rtsol ba dang bcas pa'o// de'i sa dang po la ni dge ba'i rtsa ba la bar chad yod do/ / sa gnyis pa la ni tshul khrims la bar chad yod do// sa gsum pa la ni mngon par rtsol ba la bar chad yod do// sa bzhi pa la ni dmigs pa la bar chad yod do// sa lba pa la ni rnam pa la bar chad yod do/ / sa drug pa la ni zab mo la bzod pa la bar chad yod do// sa bdun pa la ni rnam par 'byed pa'i ye shel bar chad yod do// sa brgyad pa la ni sems can yongs su smin par bya ba la bar chad yod do/ / sa dgu pa la ni rnam par shes pa'i tshogs la bar chad yod do// sa bcu pa la ni zhing yongs su dag par bya ba la bar chad yod do// rdo rjes rab 'jom gzhan yang byang chub sems dpa' gang gis rmi lam na/ bdag grong khyer na gnas par byed par kun tu shes na/ byang chub sems dpa' de ni sa brgyad po dag la phyir mi ldeg par lung

  710. 356a

    bstan du nye ba yin te/ des ni zab mo la mos pa'i gang zag la brten par bya zhing bsnyen bkur bya/ mchod par bya'o// chos la the tsom mang zhing sgrib pa yod pas/ des chos smra ba la brten cing bsnyen bkur byed/ mchod par byed na 'gyod pa sel bar 'gyur la/ des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / de la sa dang po la gnas pa ni sangs rgyas su 'gyur ram/ 'on te mi 'gyur snyam du byang chub la the tsom za'o// sa gnyis pa la gnas pa ni yang dag par blang ba la the tsom za'o/ / sa gsum pa la gnas pa ni ye shes la the tsom za'o// sa bzhi pa la gnas pa ni ting nge 'dzin bsgrub pa la the tsom za'o// sa lnga pa la gnas pa ni yang dag pa ji lta ba bzhin gyi shes pa la the tsom za'o/ / sa drug pa la gnas pa ni lam dang 'bras bu la the tsom za'o// sa bdun pa la gnas pa ni nges pa'i tshig la the tsom za'o// sa brgyad pa la gnas pa ni rnam par 'phrul pa la the tsom za'o/ / rdo rjes rab 'jom gzhan yang byang chub sems dpa' gang gis rmi lam na/ bdag bam pa 'dogs shing chu bo'i dbus su song bar kun tu shes na/ byang chub sems dpa' de ni sa dang po bdun po dag tu blta ste/ de la las kyi sgrib pa shas che zhing / bdud kyi las kyang shas che bas/ des ni 'dun pa drag por bya zhing rten med pa dang /

  711. 356b

    ba la mi gan+da par bya ba dang / tshogs pa la mngon par brtson par byas na mi skye ba'i chos kyi snang ba rnam par dag par 'gyur ro// gang gis shes pa'i snang ba la bar chad yod pa de ni sa dang po/ par ro// gang gis ji ltar brtson pa'i dge ba'i rtsa ba la lus nyams bde ba med na/ byang chub sems dpa' de ni sa gnyis par ro// sems kyi bar dag pa nyams bde ba med na/ byang chub sems dpa' de ni sa gsum par ro/ / gang la snang ba 'ga' zhig yod na/ byang chub sems dpa' de ni sa bzhi par ro// gang la mi 'jigs pa chung ba de ni sa lnga par ro// gang la yongs su smin par bya ba la bar chad yod pa de ni sa drug par ro/ / gang gis bstan pa la bar chad yod pa de ni sa bdun par ro// rdo rjes rab 'jom gzhan yang byang chub sems dpa' gang gis mi lam na/ bdag gru 'dren par kun tu shes na/ byang chub sems dpa' de ni sa dang po drug po dag tu blta ste/ pha rol tu phyin pa drug po thams cad la cha mnyam par spyod cing bar chad dang / bcas pa yin pas/ des ni mi gnas par pha rol tu phyin pa drug po thams cad la brten par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gru'i shing ma sbyangs pa 'dren par kun tu shes na sa dang por ro// sbyangs pas ni sa gnyis par ro// sbyar bas ni sa gsum par ro// ma sbyar bas ni sa

  712. 357a

    bzhi par ro/ / skye bo zhugs pas ni sa lnga par ro// sgrol bas ni sa drug par ro// rdo rjes rab 'jos gzhan yang byang chub sems dpa' gang gis rmi las na/ sbyin/ las 'brug grag pa 'am/ glog 'byung bar bdag gis kun tu shes na/ byang chub sems dpa' de ni sa dang po lnga po dag tu blta ste/ de la bdud kyi las ni shas che la las kyi sgrib pa ni chung bas/ des nges par brtag pa mang du bya zhing / sdug pa'i dngos po yongs su btang ste/ gzungs yang dag par bsgrub par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang gis sprin nam/ glog mthong nas skrag na/ de ni sa dang por ro// gang mi skrag na/ de ni sa gnyis par ro// gang chos yid la byed na/ de ni sa gsum par ro// gang sangs rgyas yid la byed cing ri'i rtse mo na 'dug na/ de ni sa bzhi par ro// gang nam mkha' la na/ de ni sa lnga par te/ de la bdud kyi las ni ma gtogs so/ / klu 'ongs shing byi dor ram/ sgom par byed na sa gong ma dag tu'o// rdo rjes rab 'jom gzhan yang byang chub sems dpa' gang gis rmi lam na/ mtshon cha 'am/ go cha rnyed na byang chub sems dpa' de ni sa dang po gsum po dag tu blta ste/ de la bdud kyi las dang las kyi sgrib pa che ba yin pas/ des ni bzod pa'i pha rol tu phyin pa dang / brtson

  713. 357b

    'grus kyi pha rol tu phyin pa dang / shes rab kyi pha rol tu phyin pa la kun tu brten par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / gang gis mtshon cha'am/ go cha dri ma can rnyed na/ de ni sa dang po bar blta'o// dri ma med pas ni sa gnyis par ro// rnon pas ni sa gsum par ro// rdo rjes rab 'jom gzhan yang byang chub sems dpa' gang gis rmi lam na/ snod dag rnyed na/ byang chub sems dpa' de ni sa bdun po dag tu blta ste/ des mtshan ma ji lta ba bzhin du yongs su gdul bar bya'o// de la ni bdud kyi las dang las kyi sgrib pa'ang ma nges pa yin pas/ des bsdu ba'i dngos po bzhi po dag gis mngon par brtson par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// sa drug po dag la ni phyir mi ldog pa'i chos rnams sbyang bar bya'o// bdun pa la ni nga'o snyam pa'i nga rgyal shes par bya'o// rdo rjes rab 'jom gzhan yang byang chub sems dpa' gang gis rmi lam na/ bdag sems can rnams la lam ston par kun tu shes na/ byang chub sems dpa' de ni sa bcu po thams cad du 'gyur te/ des las kyi sgrib pa dang nyon mongs pa'i sgrib pa'i dngos po ji lta ba bzhin du rtogs par bya zhing / chos smra ba la bsnyen bkur bya ba dang / dngos po dz+ra

  714. 358a

    cad yongs su gtang bar bya ba dang / brtson 'grus brtsams par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro/ / bzhon pa'i lam gtsang ma ston na sa dang po par ro// skyed mos tshal gyi lam gyis ni sa gnyis par ro// grong khyer gyi lam gyis ni sa gsum par ro// lam po ches ni sa bzhi par ro// ri'i lam gyis ni sa lnga par ro// rgya mtsho'i lam gyis ni sa drug par ro// lha'i lam gyis ni sa bdun par ro// 'di ni nyan thos kyi sa'i lam mo zhes bya bas ni sa brgyad par ro/ / byang chub sems dpa'i lam gyis ni sa dgu par ro// sangs rgyas kyi lam gyis ni sa bcu par te/ sa dang po drug po dag la ni bdud kyi las dang las kyi sgrib pa'ang rtogs par bya'o/ / sa gong ma bzhi po dag la ni skyon de dag med do// rdo rjes rab 'dzam gzhan yang byang chub sems dpa' gang gis rmi lam na/ bdag skyed mos tshal du zhugs bapar kun tu shes na/ byang chub sems dpa' de ni sa dang po brgyad po dag tu blta ste/ de'i rmi lam du bdud kyi las dang las kyi sgrib pa dag rnam par smin par 'gyur zhing / rmi lam na skrag par yang 'gyur la/ de sad pa na yid mi bde ba nyams su myong bar yang 'gyur bas/ des stong pa nyid bsgom par bya zhing / chos zab mo'ang mnyan par bya/ nang du yang dag

  715. 358b

    'jog kyang gzung bar bya/ rmugs pa dang gnyid kyang spang bar bya/ byang chub rnam par gtan la 'bebs pa la mkhas pa'i gang zag la'ang brten par bya'o// des na de'i las kyi sgrib pa rnam par dag par 'gyur zhing / byang chub tu nges par 'byung bar yang 'gyur ro// rgyal srid rnam par nyams pas 'jigs na sa dang po bar ro// tshul khrims ral bas 'jigs na sa gnyis par ro/ / chos nub pas 'jigs na sa gsum par ro// chos smra ba 'chi bas 'jigs na sa bzhi par ro// mes tshig pas 'jigs na sa lnga par ro// bdag gsad pa dang 'go ba'i nad kyis 'jigs na sa drug par ro/ / ri las g.yang du lhung bas 'jigs na sa bdun par ro// ston pa yongs su mya ngan las 'da' bas 'jigs na sa brgyad par te/ sa brgyad po dag la mngon par brtson pa la bdud kyi las kyang rtogs par bya'o/ / rdo rjes rab 'jom gzhan yang byang chub sems dpa' gang gis rmi lam na/ lo tog phun sum tshogs par mthong na/ byang chub sems dpa' de ni sa dang po brgyad po dag tu blta ste/ sa dang po la gnas pa sa gnyis pa la mngon par brtson pas de lta bu mthong na/ bdud kyi las yid la rton par 'gyur ba 'am/ sngon gyi rgyal ba la lhag par bya ba byas pa 'am/ bar chad mang ba yin pas/ des na 'jig rten thams cad la brten par mi bya zhing mi lta bar yongs su gtong ba dang / rnam pa gsum legs par

  716. 359a

    bsdam par yang bya'o/ / des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gal te byang chub sems dpas bdag gam yo'i lo tog phun sum tshogs pa mthong na/ de ni sa gsum par ro// grong gi lo tog phun sum tshogs par mthong na sa bzhi par ro// ljongs kyi lo tog phun sum tshogs par mthong na de ni sa lnga par ro/ / 'dzam bu gling gi lo tog phun sum tshogs par mthong na sa drug par ro// gling bzhi pa'i lo tog phun sum tshogs par mthong na sa bdun par ro// stong gsum pa'i lo tog phun sum tshogs par mthong na sa brgyad par ro/ / lo tog yongs su smin pa phun sum tshogs par mthong na sa dgu par ro// de la 'jug par byed na sa bcu par ro// rdo rjes rab 'jom gzhan yang byang chub sems dpa' gang gis rmi lam na/ bdag sems can nad pa rnams gso bar kun tu shes na/ byang chub sems dpa' de ni sa dang po brgyad po dag las sa gang yang rung bar blta ste/ de la las kyi sgrib pa chung la bdud kyi las shas che bas/ des snying rje chen po yongs su sbyang bar bya zhing gzhan la phan pa la brtson pa dang / phyir re ba med par yang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// gang khye'u gso bar byed na/ de ni sa dang po par ro// gang bud med dag gso bar

  717. 359b

    byed na/ dani sa gnyis par ro// gang mi chen thogs par byed na/ de ni sa gsum par ra// gang rims kyis btab pa gso bar byed na/ de ni sa bzhi par ro// gang sgyu lta nad kyis btab pa gso bar byed na/ de ni sa lnga par ro// gang sha bkra'i nad kyis btab pa gso bar byed na/ de ni sa drug par ro// gang skam nad kyis btab pa gso bar byed na/ de ni sa bdun par ro// gang 'byung pos zin pa gso bar byed na/ de ni sa brgyad par te/ bdud kyi las ni ma gtogs so// snying rje chen po dang ldan pa'i byang chub sems dpa' des bzad ba'i pha rol tu phyin pa la spyad cing lhag pa'i bsam pa phun sum tshogs par bya'o/ / rdo rjes rab 'jom gzhan yang byang chub sems dpa' gang gis rmi lam na/ bdag byang chub tu lung bstan pa'i sgra thos na/ byang chub sems dpa' de ni sa bcu po dag las sa gang yang rung bar blta ste/ des ni byang chub sems dpa' rnams kyi lung bstan pa bcu po dag tu ji ltar lung bstan pa la bdud kyi las dang las kyi sgrib pa dag rtogs par bya'o/ / bcu gang zhe na/ sa dang po la byang chub tu lung ston pa dang / sa gnyis pa la byang chub kyi spyod par lung ston pa dang / sa gsum ba la bzod par lung ston pa dang / sa bzhi pa la smon lam du lung ston pa dang / sa lnga pa la mnyam pa nyid du lung ston pa dang / sa drug pa la ye shes su lung ston pa dang / sa bdun pa la

  718. 360a

    thabs la mkhas par lung ston pa dang / sa brgyad pa la nyan thos dang rang sangs rgyas kyi sa las yang dag par 'das pa thams cad mkhyen pa nyid du lung ston pa dang / sa dgu pa la skye ba gcig gis thogs par lung ston pa dang / sa bcu pa la sangs rgyas su dbang bskur bar lung ston pa'o// nges snying rje chen po dang / shes rab kyi pha rol tu phyin pa dang / thabs la mkhas pa la brten par bya'o// des na byang chub tu nges par 'byung bar yang 'gyur ro// rdo rjes rab 'jom gzhan yang byang chub sems dpa' gang gis rmi lam na/ bdag mngon par rdzogs par sangs rgyas par kun tu shes na/ byang chub sems dpa' de ni sa phyi ma gsum po dag tu blta ste/ des ni bdud kyi las rtogs par bya zhing / rtag tu mngon par brtson par yang bya/ lhag pa'i bsam pa bsgrub par yang bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// rdo rjes rab 'jom gzhan yang byang chub sems dpa' gang gis rmi lam na/ bum pa gang ba rnyed na byang chub sems dpa' de ni sa bcu po thams cad du blta'o// des ni yul ji lta ba bzhin du rtogs par bya ste/ gal te grong nas rnyed na/ de ni sa dang po par blta'o// gal te sgo nas rnyed na/ de ni sa gnyis par blta'o// gal te lam nas rnyed na/ de ni sa gsum par blta'o// gal te shing drung

  719. 360b

    nas rnyed na/ de ni sa bzhi par blta'o// gal te 'greng ste rnyed na/ de ni sa lnga par blta'o// gal te 'dug ste rnyed na/ de ni sa drug par blta'o// gal te thal nas rnyed na/ de ni sa bdun par blta'o/ / gal te nam mkha' las rnyed na/ de ni sa brgyad par blta'o// gal te zas za ba'i tshe rnyed na/ de ni sa dgu par blta'o// gal te bzhon pa la zhon pa 'am/ skyed mos tshal na 'dug pa na rgyan gyis brgyan pa rnyed na/ de ni sa bcu par blta ste/ bdud kyi las dang las kyi sgrib pa ni rtogs par bya'o// des na de'i las kyi sgrib pa de rnam par dag par 'gyur zhing / byang chub tu nges par 'byung bar yang 'gyur ro// rdo rjes rab 'jom gzhan yang byang chub sems dpa'i mtshan brgya rtsa brgyad po de dag gis na/ gang zag byang chub sems dpa'i theg pa pa yin par rig par bya zhing shes par bya'o/ / de nas de'i tshe bcom ldan 'das kyis tshigs su bcad pa 'di dag bka' stsal to// gang la mtshan ma de dag yod gyur pa// de ni bdag nyid che bar the tsom med// spyad pa cung zad tsam zhig rtogs gyur kyang // yon tan shes pas nyes pa ma skyed cig/ rgya mtsho chen po las ni me 'bar zhing // me yi dbus nas chu ni byung gyur kyang / / gang la mtshan ma gcig tsam yod gyur pa// de ni byang chub phyir ldog ngas ma mthong // sdig sbrul sos ni lhun po bzung gyur cing // gang+gA'i bye snyed zhing du 'gro gyur kyang //

  720. 361a

    de 'dra'i byed rgyu de dag yod pa ni// byang chub sems las phyir ldog yod ma yin// spyod pas sa las log par snang gyur kyang // 'di la byang chub phyir ldog 'ga' yang med/ / gang zag ji tsam yon tan chung bas kyang // lhag pa'i bsam pas bskyod na byang chub 'thob// nam mkha'i khams dang de bzhin sems can khams// sangs rgyas ye shes de bzhin byang chub sems/ / chos bzhin gang yin de dag tshad med de// de dag 'jig rten kun gyis rtogs mi nus// gang dag byang chub sems dpa'i spyod rtog pa// de dag smon pa yin par shes par bya/ / sems can spyod pa bsam yas sems byed pa// gang zhig rtswa yis rgya mtshog ting dpog bzhin// gang zag 'tsho bar 'dod pas lcags bzhun gyi// rgya mtsho chen po 'thung bar byed bla yi/ / byang chub sems dpa' tha ba mi bskyed de// de yi sdug bsngal de la grangs kyang med// 'ga' zhig las kyis bsgribs par gyur pa 'am/ yang na bdud kyis kun tu dkrugs gyur pa/ / de la gang zag phal pa bde 'dod pa// sus kyang khong khro bar ni mi bya'o// mdog ngan glen nam yang na rnyed med dam// brnyes shing smad par bya ba yin na yang // mi yi khams dang spyod pa shes dka' bas/ / de la gya tsam skyon ni gdags mi bya// shA ri'i bu dben 'dug ste bsgom pa na// des ni sems kyi skad cig lnga bcu rtogs// ston pas skad cig gcig la

  721. 361b

    tshad med sems/ / mkhyen pas de la som nyi ma byed gsungs// dgra bcos kun gyis rang khams mi shes na// sems cad spyod pa shes pa smos ci dgos// des ni skad cig tsam gyis gzhan shes pas/ / gang zag de la brnyes par ma byed cig/ 'dod chags bral bas gos dmar blangs nas ni// gyon par byed cing de bzhin myur du ni// skad cig 'jig par 'gyur ba ngas mthong bas/ / su zhig nyes dben 'ga' zhig smra bar byed// ma skyes dgra yis pa ni bsad gyur cing // de bzhin gshegs pa bkrongs par sbyar byas kyang // de sems gcig gis ngan 'gro rnams grol na/ / gang zag dag pa gang yin smos ci dgos// sems kyis 'ching bar byed cing grol byed pas// lus sems 'di la nges pa ci yang med// lus kyi 'du 'dzi mthong nas gshed ma byed/ / pha rol rgol bar ma byed lus sbyongs shig/ gser ni mi gtsang nang du bcug gyur kyang // 'bar ba'i rang bzhin nam yang mi 'bri ltar// des pa gang zhig 'jig rten chos spyod kyang // nam yang bsam pa'i rang bzhin de mi spang // rgyal bu tshong dpon bu dang lhan cig tu// dga' ba bdag nyid chen pos rtse ba ltar// de bzhin spyod pa'i sems can dbus na yang // de yang gzhan kha lhar bcas 'gro ba'ang gzhan/ / la las dug zos 'chi bar mi 'gyur la// me dag bzung yang tshig par mi 'gyur na// gang dag ye shes spyod pa bslabs de dag/ byis pa'i spyod

  722. 362a

    pas mi 'phrogs smos ci dgos/ / byang chub sems dpa' dag la yon phul ltar// rang sangs rgyas dang de bzhin dgra bcom gyis// stong gsum sa 'di thams cad gang gyur pa/ / de dag mchod byas rnam smin dpag med min// sems dag gyur na sbyin pa'i gnas 'gyur zhing // sems dag gyur pa rgyal ba rnams dang 'dra// gang dag rgyal 'dra'i byang chub sems dpa' de'i/ / byang chub gzhol ba'i lhag pa'i bsam la ltos// gang dag gid+hA'i bye snyed sangs rgyas zhing // 'gron bus bkang ste rgyal la phul bas ni// gang gis mdo 'di bris te 'chang ba yi/ / de yi bsod nams dpe dang char mi phod// gang dag byang chub sems ni ma brjed pa// de dag rnyed pa rab rnyed legs 'tsho ba// nor 'dod pa dag rgya mtsho chen po ltar// de bzhin de dag rnyed pa phun sum tshogs// gang gis skye mang don du mdo sde kun// kun tu chub byas 'chang zhing klog pa bas// mi gang mdo sde 'di la mkhas gyur pas// sems can spyod ba ma rtogs bcom pa yin/ / gal te byang chub mchog la reg 'dod na// de phyir bstan bzhin 'di la brtson gyis la// bdag bstod gzhan la smad par ma byed par// lha'i bsam pas spang pa rnam par sbyongs/ / dgon par dga' zhing rtag tu dbang bsdams te// brtson 'grus brtsams shing nye du thag bsrings la// byams la gnas shing don dam mkhas gyur pa// des ni de'i

  723. 362b

    byang chub thob par 'gyur/ bcom ldan 'das kyis chos kyi rnam grangs 'di bshad pa na/ lha dang mi'i skye dgu drug khri bla na med pa yang dag par rdzogs pa'i byang chub las phyir mi ldog par gyur to/ / lha dang mi'i skye dgu sngon sems ma bskyed pa khrag khrig phrag bco brgyad kyis ni byang chub tu sems bskyed de/ de dag gis chos kyi rnam grangs 'di thos ma thag tu bskal pa brgyad cu'i 'khor ba phyir bsnyil bar gyur to/ / de lta bas na gal te byang chub yongs su mi gtong na/ chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing / 'dun pa drag po dang / 'bed pa dang / spro ba dang / rab tu spro ba la mngon par brtson par bya'o// de nas 'khor de na gang dag byang chub las phyir ldog par 'dod pa dang / skrag pa dang / sgyid lug pa dang / sam nyi dang bcas pa/ the tsom dang bcas pa/ khyim gyi gnas su 'gro 'dod pa/ bdud kyi las dang las kyi sgrib pa mi shes pa'i byang chub sems dpa' khris/ bcom ldan 'das kyi spyan snga nas chos kyi rnam grangs 'di thos nas skyon yongs su spangs shing lhag pa'i bsam pa rnam par sbyang ste/ de dag ni 'jig rten gyi khams gzhan du skye bar 'gyur zhing / de dag thams cad byang chub sems dpa' byams pa dang lhan cig tu byang chub mngon par rdzogs par 'tshang rgya bar 'gyur te/ de dag gis ni

  724. 363a

    bskal pa nyi shur bdud kyi las rnam par sbyong bar 'gyur ro/ / gang dag 'jig rten gyi khams gzhan du skyes pa/ skye ba gcig gis thogs pa la gnas pa/ stan la/ 'khod pa de dag thams cad kyang byang chub sems dpa' byams pa dang lhan cig tu byang chub mngon par rdzogs par 'tshang rgya bar 'gyur te/ de dag gis ni bskal pa nyi shur bdud kyi las dang las kyi sgrib pa rnam par sbyangs so/ / de ltar na chos kyi rnam grangs 'di thos pa'ang byang chub sems dpa' rnams kyi gces spras byed pa yin na/ 'dzin pa dang / 'chang ba dang / ston pa lta smos kyang ci dgos/ / bcom ldan 'das kyis de skad ces bka' stsal nas/ byang chub sems dpa' rdo rjes rab 'jom dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya pa las/ 'a'ags/ barmi lam bstan pa'i le'u zhes bya ste 'dus pa bzhi pa rdzogs so// / sh+lo ka dgu brgya bam po gsum pa/ rgya gar gyi mkhan po badz+nyA bar ma dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa/ slar yang skad gsar bcad kyis bcos nas gtan la phab pa'o// /

  725. 363b

    rgya gar skad du/ Ar+ya a mi kA ba b+hU ha/ na ma mahA swAn k+Shu u0f7f/ bod skad du/ 'phags pa 'od dpag med kyi bkod pa zhes bya ba theg pa chen pa'i mdo// bas p o dang po/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong sum khri nyis stong gi dge slong gi dge 'dun chen po dang thabs cig tu bzhags te/ thams cad kyang dgra bcom pa zag pa za da pa/ nyon mongs pa med pa/ gnas pa dang ldan pa/ yang dag pa'i shes pas sems shin tu rnam par grol ba/ srid par kun tu sbyor ba yongs su zad pa/ bdag gi don rjes su thob pa/ rnam par rgyal ba dang ldan pa/ dul ba dang zhi ba'i mchog thob pa/ sems shin tu rnam par grol ba/ shes rab shin tu rnam par grol ba/ cang shes pa/ glang glang chen po/ mngon par shes pa drug dang ldan pa/ dbang dang ldan par gyur pa/ rnam par thar pa brgyad la bsam gtan pa/ stobs thob pa/ mngon par shes pas mngon par shes pa/ gnas brtan nyan thos chen po sha stag la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang

  726. 364a

    ldan pa ming chen dang / tshe dang ldan pa rgyal bzang dang / tshe dang ldan pa grags lha dang / tshe dang ldan pa dri ma med pa dang / tshe dang ldan pa lag bzangs dang / tshe dang ldan pa byams ma'i bu gang po dang / tshe dang ldan pa ba glang bdag dang / tshe dang ldan pa lteng rgyas 'od srungs dang / tshe dang ldan pa chu klung 'od srungs dang / tshe dang ldan pa ga ya 'od srungs dang / tshe dang ldan pa gzhon nu 'od srungs dang / tshe dang ldan pa 'od srungs chen po dang / tshe dang ldan pa shA ri'i bu dang / tshe dang ldan pa mo'u 'gal bu chen po dang / tshe dang ldan pa gsus po che dang / tshe dang ldan pa ka pi na chen po dang / tshe dang ldan pa skul byed chen po dang / tshe dang ldan pa ma 'gags pa dang / tshe dang ldan pa grum po dang / tshe dang ldan pa dga' yod dang / tshe dang ldan pa kim pi la dang / tshe dang ldan pa rab 'byor dang / tshe dang ldan pa nam gru dang / tshe dang ldan pa seng ldeng nags pa dang / tshe dang ldan pa ba ku la dang / tshe dang ldan pa legs 'ongs dang / tshe dang ldan pa don yod rgyal po dang / tshe dang ldan pa pha rol son dang / tshe dang ldan pa lam bstan dang / tshe dang ldan pa lam phran bstan dang / tshe dang ldan pa sgra gcan zin dang / tshe dang ldan pa dga' bo dang / de dag dang gzhan yang mngon par shes pas mngon par shes pa/ gnas brtan nyan thos chen po sha stag ste/ gang

  727. 364b

    gcig ma gtogs pa ni/ 'di lta ste/ slob pa'i lam la gong du bya ba yod pa tshe dang ldan pa kun dga' bo'o// byams pa la sogs pa byang chub sems dpa' sems dpa' chen po mang po dang yang thabs cig go/ de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'dra la 'di skad ces gsol to// bcom ldan 'das khyod kyi dbang po rnams ni shin tu dang / zhal gyi mdog ni yongs su dag/ pags pa'i mdog ni yongs su byang zhing ser por gda' ste/ 'di lta ste/ dper na ston gyi gos ser skya yongs su dag pa/ yongs su sbyangs pa/ se por gda' ba de bzhin du bcom ldan 'das kyi dbang po rnams ni shin tu dang / zhal gyi mdog ni yongs su dag/ pags pa'i mdog ni yongs su byang zhing ser bar gda' ste/ btsun pa pa bcom ldan 'das 'di lta ste/ dper bgyi na 'dzam bu'i chu bo'i gser brgya tshad pa mgar ba 'am/ mgar ba'i slob ma mkhas pas zhi ga'i nang du stsal te shin tu sbyangs nas/ la ba ser po'i nang du stsal na shin tu yongs su dag cing / yongs su byang la ser por gda' bar 'gyur ro// de bzhin du bcom ldan 'das kyi dbang po rnams ni shin tu dang / zhal gyi mdog ni

  728. 365a

    yongs su dag/ pags pa'i mdog ni yongs su byang zhing ser por gda'o// bcom ldan 'das bdag gis snga bas kyang ches snga ba na/ de bzhin gshegs pa'i dbang po rnams 'di ltar dang ba dang / zhal gyi mdog 'di ltar yongs su dag pa dang / pags pa'i mdog yongs su byang zhing ser bar gda' bar ma 'tshal to// bcom ldan 'das de la bdag 'di snyam du bgyid de/ de bzhin gshegs pa de ring 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams rjes su dgongs shing / de bzhin gshegs pa de ring sangs rgyas kyi gnas pas bzhugs te/ rgyal ba'i gnas pa dang / thams cad mkhyen pa nyid kyi gnas pa dang / glang po che'i gnas pas bzhugs pa snyam bgyid do/ / de skad ces gsol ba dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo legs so legs so// / ci don 'di khyod la lha rnams kyis bsnyad dam/ 'on te sangs rgyas bcom ldan 'das rnams kyis sam/ 'on te bdag rang gi dpyod pa'i shes pas de ltar shes/ de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das don 'di ni lha rnams kyis bdag la bsnyad pa'ang ma mchis/ sangs rgyas

  729. 365b

    bcom ldan 'das rnams kyis kyang ma lags kyi/ bcom ldan 'das bdag rang gi dpyod pa'i 'tshal bas/ 'di snyam du de bzhin gshegs pa ni de ring 'das pa dang / ma byon pa dang / / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams rjes su dgongs shing / de bzhin gshegs pa de ring sangs rgyas kyi gnas pas bzhugs te/ rgyal ba'i gnas pa dang / thams cad mkhyen pa nyid kyi gnas pa dang / glang po che chen po'i gnas pas bzhugs so snyam bgyid do// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo khyod kyi rtog pa rgya che ste/ dpyod pa bzang zhing spobs pa dge ste/ kun dga' bo khyod skye bo mang po la phan pa dang / skye bo mang po la bde ba'i phyir zhugs pa dang / 'jig rten la snying brtse ba dang / skye bo'i tshogs phal po che dang / lha dang mi rnams kyi don dang / phan pa dang bde ba'i phyir khyod de bzhin gshegs pa la don 'di 'dri bar sems pa legs so legs so/ / kun dga' bo de de bzhin te/ de bzhin gshegs pa dgra bcom pa yang dag par rdzogs ba'i sangs rgyas dpag tu med grangs med pa dag gis ye shes mthong ba sdud kyang / de bzhin gshegs pa ye shes mthong ba la gnod pa med do// de ci'i phyir zhe na/ kun dga' bar

  730. 366a

    bzhin gshegs pa'i ye shes mthong ba thogs pa med pa'i phyir te/ kun dga' bo de bzhin gshegs pa bzhed na bsod snyoms gcig gis bskal pa 'am/ bskal pa brgya 'am/ bskal pa stong ngam/ bskal pa brgya stong ngam/ de bas kyang lhag par bzhugs kyang / de bzhin gshegs pa'i dbang po rnams la nyams pa med do// zhal gyi mdog gzhan du 'gyur ba med do/ / pags pa'i mdog la gnod pa med do// de ci'i phyir zhe na/ kun dga' bo 'di 'di ltar de bzhin gshegs pa ni ting nge 'dzin gyi bde ba'i pha rol tu byon pa'o/ / kun dga' bo yang dag par rdzogs pa'i sangs rgyas rnams 'jig rten du 'byung ba shin tu dka' ste/ 'di lta ste/ dper na u dum wa ra'i me tog 'jig rten du 'byung bar dka' ba de bzhin du/ kun dga' bo/ de bzhin gshegs pa dgra bcom pa yang dag par rdzogs pa'i sangs rgyas sems can thams cad kyi don bzhed pa/ phan pa bzhes pa/ thugs brtse ba can/ thugs rje chen po la bzhugs pa rnams 'jig rten du 'byung ba ni shin tu dka' 'o// kun dga' bo gang khyod 'jig rten thams cad kyi slob dpon khong dpa' ba dag 'jig rten du 'byung bar bya ba dang / byang chub sems dpa' sems dpa' chen po rnams kyi don gyi phyir/ de bzhin gshegs pa la don 'di 'dri bar sems pa de ni de bzhin gshegs pa'i mthu

  731. 366b

    yin no/ / kun dga' bo de'i phyir legs par rab tu nyon la yid la zung zhig dang ngas khyod la bshad do// kun dga' bos/ bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// kun dga' bo sngon byung ba 'das pa'i dus na/ 'di nas bskal pa grangs med pa de'i yang ches grangs med pa shin tu rgyas pa tshad med pa bsam gyis mi khyab par gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad ces bya ba 'jig rten du byung ngo / / kun dga' bo de bzhin gshegs pa mar me mdzad kyi snga rol gyi yang ches snga rol du de bzhin gshegs pa 'od ldan zhes bya ba byung ngo // de'i snga rol gyi yang ches snga rol du de bzhin gshegs pa 'od mdzad ces bya ba byung ngo / / de'i snga rol gyi yang ches snga rol du de bzhin gshegs pa tsan dan gyi dri zhes bya ba byung ngo // kun dga' bo de bzhin gshegs pa tsan dan gyi dri de'i snga rol gyi yang ches snga rol du de bzhin gshegs pa ri rab lta bu zhes bya ba byung ngo / / de bzhin du de bzhin gshegs pa zla ba'i zhal zhes bya ba byung ngo // de bzhin gshegs pa dri ma med pa'i zhal zhes bya ba dang / de bzhin gshegs pa mi gos pa zhes bya ba dang / de bzhin gshegs pa 'od dri ma med ces bya ba dang / de bzhin gshegs

  732. 367a

    bkru zil gyis gnon zhes bya ba dang / de bzhin gshegs pa nyi ma'i zhal zhes bya ba dang / de bzhin gshegs pa ri'i rgyal po'i dbyangs zhes bya ba dang / de bzhin gshegs pa ri rab dbyangs zhes bya ba dang / de bzhin gshegs pa ri rab brtsegs zhes bya ba dang / de bzhin gshegs pa gser 'od ces bya ba dang / de bzhin gshegs pa skar ma'i 'od ces bya ba dang / de bzhin gshegs pa bai DUR+Yar snang ba zhes bya dang / de bzhin gshegs pa tshangs pa'i dbyangs zhes bya ba dang / de bzhin gshegs pa zla ba zil gyis gnon zhes bya ba dang / de bzhin gshegs pa nyi ma'i dbyangs zhes bya ba dang / de bzhin gshegs pa me tog sil ma'i 'od kyis brgyan zhes bya ba dang / de bzhin gshegs pa dpal brtsegs zhes bya ba dang / de bzhin gshegs pa rgya mtsho mchog gi blos rnam par rol pa'i mngon par mkhyen pa zhes bya ba dang / de bzhin gshegs pa 'od mchog ces bya ba dang / de bzhin gshegs pa spos kyi rgyal po chen por snang ba zhes bya ba dang / de bzhin gshegs pa tha ba dang / dri ma dang / khong khro ba dang bral ba zhes bya ba dang / de bzhin gshegs pa dpal brtsegs zhes bya ba dang / de bzhin gshegs pa rin po che gtong ba zhes bya ba dang / de bzhin gshegs pa yon tan chen po mnga' ba'i blo brnyas pa'i mngon par mkhyen pa zhes bya ba dang / de bzhin gshegs pa 'od kyis

  733. 367b

    nyi zla zil du rlag par mdzad ces bya ba dang / de bzhin gshegs pa bai DUR+Ya sbyangs par snang ba zhes bya ba dang / de bzhin gshegs pa sems kyi rgyud kyi blo shin tu rgyas pa mngon par 'phags pa zhes bya ba dang / de bzhin gshegs pa me tog gi 'phreng ba'i rgyal po me tog kun tu rgyas pa mngon par mkhyen pa zhes bya ba dang / de bzhin gshegs pa me tog gi 'byung gnas zhes bya ba dang / de bzhin gshegs pa chu zla lta bu zhes bya ba dang / de bzhin gshegs pa ma rig pa'i mun pa rnam par 'joms pa zhes bya ba dang / de bzhin gshegs pa 'jig rten dbang po zhes bya ba dang / de bzhin gshegs pa mu tig byu ru 'dra ba'i gdugs zhes bya ba dang / de bzhin gshegs pa bzhed pa zhes bya ba dang / de bzhin gshegs pa chos kyi blo gros kyis bsgrags ba'i rgyal po zhes bya ba dang / de bzhin gshegs pa seng ge dang rgya mtsho dang brtsegs pa ltar bsgrags pa'i rgyal po zhes bya ba dang / de bzhin gshegs pa rgya mtsho ri rab zla ba zhes bya ba dang / de bzhin gshegs pa tshangs pa'i dbyangs kyi nga rol mngon par dgyes pa zhes bya ba dang / de bzhin gshegs pa me tog 'byung zhes bya ba dang / de bzhin gshegs pa sde brnyes zhes bya ba dang / de bzhin gshegs pa nyi zla zhes bya ba dang / de bzhin gshegs pa lhun po brtsegs zhes bya ba dang / de bzhin gshegs pa zla 'od ces bya ba dang / de bzhin gshes

  734. 368a

    pa dri ma med pa'i spyan zhes bya ba dang / de bzhin gshegs pa ri bo'i rgyal po'i sgra dbyangs zhes bya ba dang / de bzhin gshegs pa me tog 'od ces bya ba dang / de bzhin gshegs pa me tog gi char rab tu 'thor ba zhes bya ba dang / de bzhin gshegs pa rin po che'i gdugs zhes bya ba dang / de bzhin gshegs pa pad+mas srang mdzes par mdzad ces bya ba dang / de bzhin gshegs pa tsan dan gyi dri zhes bya ba dang / de bzhin gshegs pa rgya spos dri zhes bya ba dang / de bzhin gshegs pa rin po cher snang ba zhes bya ba dang / de bzhin gshegs pa mu khyud ces bya ba dang / de bzhin gshegs pa bkod pa chen po zhes bya ba dang / de bzhin gshegs pa tha ba dang zhe sdang dang bral ba zhes bya ba dang / de bzhin gshegs pa tshangs pa'i dbyangs zhes bya ba dang / de bzhin gshegs pa rin po che sna bdun gyi char 'bebs pa zhes bya ba dang / de bzhin gsheg pa yon tan can po mang ba zhes bya ba dang / de bzhin gsheg+sa ba ta ma la'i sa dang ca dan kyi rdza ba can zhes bya ba dang / de bzhin gshegs pa me tog mngon par mkhyen ces bya ba dang / de bzhin gshegs pa mi shes pa rnam par 'job zhes bya ba dang / de bzhin gshegs pa ral pa can zhes bya ba dang / de bzhin gshegs pa mu tig gi gdugs zhes bya ba dang / de bzhin gshegs pa gsar gyi snying po zhes bya ba dang / de bzhin gsheg pa'i sgra'i snying po zhes bya ba dang / de bzhin gshegs pa tog chen po zhes bya ba dang / de bzhin gshegs pa chos kyi tog ces bya ba dang / de bzhin gshegs pa rin chen

  735. 368b

    dpal zhes bya ba dang / de bzhin gshegs pa mi'i dbang po zhes bya ba dang / de bzhin gshegs pa 'jig rten dbang po zhes bya ba dang / de bzhin gshegs pa thugs rje can zhes bya ba dang / de bzhin gshegs pa 'jig rten mdzes zhes bya ba dang / de bzhin gshegs pa tshangs pa'i tog ces bya ba dang / de bzhin gshegs pa chos kyi blo gros zhes bya ba dang / de bzhin gshegs pa seng ge zhes bya ba dang / de bzhin gshegs pa seng ge'i blo gros zhes bya ba byung ste/ kun dga' bo de bzhin gshegs pa seng ge'i blo gros kyi snga rol gyi yang ches snga rol du/ de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten dbang phyug rgyal po zhes bya ba 'jig rten du byung ngo // kun dga' bo de bzhin gshegs pa dgra bcom pa yang dag par rdzogs pa'i sangs rgyas 'jig rten dbang phyug rgyal po de'i bstan pa la/ dge slong chos kyi 'byung gnas zhes bya ba shas cher dran pa dang ldan pa/ blo gros dang ldan pa/ rtogs pa dang ldan pa/ shes rab dang ldan pa/ brtson 'grus dang ldan pa/ rgya chen po la mos pa zhig byung ngo // kun dga' bo de nas dge slong

  736. 369a

    chos kyi 'byung gnas de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa 'jig rten dbang phyug rgyal po ga la ba de logs su thal mo sbyar ba btud nas/ bcom ldan 'das la phyag 'tshal te/ de'i tshe tshigs su bcad pa 'di dag gis mngon sum du bstod do/ / 'od ni dpag med blo ni mtha' yas mtshungs// gzhan gyi 'od ni gang yang mi gsal te// nyi zla nor bu tshogs kyi 'di rnams ni// 'jig rten kun la lham me lhan ma lags// sems can snying po gzugs ni mtha' yas te/ / de bzhin sangs rgyas gsung ni mtha' yas dbyangs// tshul khrims ting 'dzin shes rab brtson 'grus kyang // khyod 'dra 'jig rten 'di na gzhan ma mchis/ / zab cing shin tu rgyas pa'i chos brnyes pa// sangs rgyas mchog gi thugs ni rgya mtsho bzhin// des kyang ston la khengs pa mi mnga' ste// tha ba zhe sdang spangs nas pa mthar sgrol/ / ji ltar sangs rgyas mchog gi gzi mtha' yas// mi dbang gzi brjid phyogs kun lham me mda'// de ltar bdag kyang sangs rgyas chos rgyal gyur// skye dgu rga dang 'chi las rab thar bgyi/ / sbyin dang dul dang tshul khrims bzod brtson 'grus// bsam gtan ting 'dzin de bzhin gre ba mchog/ brtul zhugs 'di dag bdag gis yang dag blang // sems can kun

  737. 369b

    skyab sangs rgyas 'gyur bar bgyi/ / byang chub zhi mchog mtshungs med tshol bgyid cing // sangs rgyas bye ba brgya stong du ma'i thag/ gang+gA'i bye ma lta bur mtha' yas pa// mgon pa de kun/ bdag gri mchod par bgyi// gang+gA'i rdul dang mnyam pa'i 'jig rten khams// de bas gong du mtha' yas zhing gi rnams// de dag kun tu 'od ni rab 'byin pa// 'di 'dra'i brtson 'grus stobs ni brtsam par bgyi/ / bdag gis zhing yangs gtso bo dam pa mchog/ 'dus byas 'dir ni brgyan pa bgyis nas su// mtshungs pa ma mchis mya ngan 'das dbyings te/ dpang // ma log brtson 'grus stobs ni bskyed par 'tshal// phyogs bcu'i 'jig rten mi chags mkhyen pa can// mkhas pa de dag rtag tu bdag sems mkhyen// bdag ni mtshan med mchis te rtag gnas bgyi/ / smon lam stobs las ldog par song mi bgyi/ kun dga' bo de nas dge slong chos kyi 'byung gnas des/ bcom ldan 'das de bzhin gshegs pa 'jig rten dbang phyug rgyal po la tshigs su bcad pa 'di dag gis mngon sum du mngon par bstod nas/ 'di skad ces gsol to// bcom ldan 'das bdag ni bla na med pa yang dag par

  738. 370a

    rdzogs pa'i byang chub tu mngon par rdzogs par 'tshang rgya bar 'tshal te/ yang dang yang du bla na med pa yang dag par rdzogs pa'i byang chub tu sems bskyed cing yongs su/ sngo ba bgyid na/ ci nas kyang bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya ba dang / 'jig rten du de bzhin gshegs pa mi mnyam pa dang mnyam par 'gyur ba de lta bu'i chos bcom ldan 'das kyis bdag la legs par bstan du gsol/ rnam pa gang dag gis bdag gi sangs rgyas kyi zhing gi yon tan gyi rgyan bkod pa phun sum tshogs pa yongs su 'dzin par 'gyur ba'i rnam pa de'ang bcom ldan 'das kyis bdag la yongs su rjod du gsol/ kun dga' bo de skad ces gsol pa dang / bcom ldan 'das de bzhin gsheg pa 'jig rten dbang phyug rgyal po des/ dge slong chos kyi 'byung gnas de la 'di skad ces bka' stsal to// de'i phyir dge slong khyod bdag nyid kyi sangs rgyas kyi zhing gi yon tan gyi rgyan bkod pa phun sum tshogs pa yongs su zung zhig/ des gsol pa/ bcom ldan 'das bdag spro ba ma mchis so// de bzhin gshegs pa gzhan dag gi sangs rgyas kyi zhing gi yon tam bkod pa'i rgyan phun sum tshogs pa gang thos nas/ bdag gi rgyan bkod pa thams cad yongs su rdzogs par 'gyur ba bcom ldan 'das kyis bshad du gsol/ kun dga' bo de nas de

  739. 370b

    bzhin gshegs pa dgra bcom pa yang dag par rdzogs pa'i sangs rgyas 'jig rten dbang phyug rgyal po des/ dge slong de'i bsam pa mkhyen nas don bzhed pa/ phan pa bzhed pa/ thugs brtse ba can gyis thugs brtse ba nye bar bzung ste/ sangs rgyas kyi tshul mi gcad pa'i phyir/ sems can rnams la thugs rje chen po bskyed nas lo bye ba tham pa/ sangs rgyas bye ba khrag khrig brgya stong phrag brgyad cu rtsa gcig gi sangs rgyas kyi zhing gi yon tan gyi rgyan bkod pa phun sum tshogs pa rnam pa dang bcas/ yul phyogs dang bcas/ gzhi ci las gyur pa dang bcas par yang dag par rab tu bshad do/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das/ bcom ldan 'das 'jig rten dbang phyug rgyal po de'i sku tshe'i tshad ji tsam zhig thub par gyur/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / de bzhin gshegs pa 'jig rten dbang phyug rgyal po de'i tshe'i tshad ni bskal pa bye ba khrag khrig brgya stong phrag bzhi bcu tham pa thub par gyur to// kun dga' bo de nas dge slong chos kyi 'byung gnas des/ sangs rgyas bye ba khrag khrig brgya stong phrag brgyad cu rtsa gcig po de dag gi sangs rgyas kyi zhing gi yon tan gyi rgyan bkod pa phun sum tshogs

  740. 371a

    pa gang yin pa de dag thams cad sangs rgyas kyi zhing gcig tu yongs su bzung nas/ bcom ldan 'das de bzhin gshegs pa 'jig rten dbang phyug rgyal po de'i zhabras la mgo bos phyag 'tshal te bskor ba byas nas/ bcom ldan 'das de'i gan nas song ngo // gong du'ang bskal pa lngar sangs rgyas kyi zhing gi yon tan gyi rgyan bkod pa phun sum tshogs pa shin tu thag gru che ba/ shin tu gya nom pa/ sngon phyogs bcu'i 'jig rten gyi khams thams cad du ma byung ba dag kyang yongs su bzung bar gyur to// smon lam shin tu rgya chen po yang yang btab bo/ / kun dga' bo da ltar dge slong chos kyi 'byung gnas des sangs rgyas bye ba khrag khrig brgya stong phrag brgyad cu rtsa gcig po de dag gi zhing phun sum tshogs pa gang brjod pa de bas kyang sangs rgyas kyi zhing phun sum tshogs pa ches lhag par thag gru che ba/ ches gya nom pa/ ches dpag tu med pa yongs su bzung ste/ bcom ldan 'das 'jig rten dbang phyug rgyal po ga la ba der song ste phyin nas/ bcom ldan 'das de'i zhabs la mgo bos phyag 'tshal te/ 'di skad ces gsol to// bcom ldan 'das bdag gis sangs rgyas kyi zhing gi yon tan gyi rgyan bkod pa phun sum tshogs pa yongs su bzung lags so/ / kun dga' bo de skad ces gsol pa dang / de bzhin gshegs pa 'jig rten dbang phyug rgyal po des/ dge

  741. 371b

    slong chos kyi 'byung gnas de la 'di skad ces bka' stsal to/ / de'i phyir de bzhin gshegs pa'ang rjes su yi rang ba mdzad kyis/ dge slong gis spros shig/ 'di ni dus yin gyis 'khor dga' bar gyis shig/ mgu ba skyed cig/ seng ge'i sgra sgrogs shig/ de thos na byang chub sems dpa' sems dpa' chen po dag da ltar dang ma 'ongs pa'i dus na sangs rgyas kyi zhing phun sum tshogs pa smon lam gyi gnas 'di lta bu yongs su 'dzin par 'gyur/ yongs su rdzogs par byed par 'gyur ro// kun dga' bo de nas dge slong chos kyi 'byung gnas des/ de'i tshe bcom ldan 'das de la 'di skad ces gsol to// de'i slad du ji ltar bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing de yon tan gyi rgyan bkod pa bsam gyis mi khyab pa dang ldan par 'gyur ba'i bdag gi smon lam gyi khyad par bcom ldan 'das kyis bdag la gsan du gsol/ bcom ldan 'das gal te bdag gi sangs rgyas kyi zhing de na sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi ris mchis par gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag gi sangs rgyas kyi zhing der sems can

  742. 372a

    gang dag skyes par gyur pa de dag de nas shi 'phos nas sems can dmyal ba 'am/ dud 'gro'i skye gnas sam/ yi dgas kyi yul lam/ lham yin gyi ris su ltung bar gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshong rgya bar mi bgyi'o// bcom ldan 'das gal te bdag gi sangs rgyas kyi zhing der sems can gang dag skyes pa de dag thams cad 'di lta ste/ gser gyi kha dog gcig par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag gi sangs rgyas kyi zhing de na lha dang mi tha dad pa dag gda' bar gyur pa/ gzhan du na kun rdzob kyi tha snyad tsam du ming dang brdas lha dang mi zhes bgyi ba'i grangs su mchi bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag thams cad gal te tha na sems kyi skad cig thang cig la/ sangs rgyas kyi zhing bye ba khrag khrig brgya stong 'da' ba'i rdzu 'phrul la dbang ba'i dam pa'i pha rol tu son par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya

  743. 372b

    bar mi bgyi'o/ / bcom ldan 'das gal te bdag gi sang rgyas kyi zhing der sems can gang dag skyes par gyur pa de dag thams cad tha na bskal pa bye ba khrag khrig brgya stong rjes su dran pa'i tshe rabs dran par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag thams cad tha na 'jig rten gyi khams bye ba khrag khrig brgya stong mthong ba'i lha'i mig thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag thams cad tha na sangs rgyas kyi zhing bye ba khrag khrig brgya stong du cig car chos nyan pa'i lha'i rna ba thob par ma gyur pa de srid du/ bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bgyi'o/ / bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag thams cad tha na sangs rgyas kyi zhing bye ba khrag khrig brgya stong du gtogs pa'i sems can rnams kyi sems kyi spyod pa yongs su 'tshal bar pha rol gyi sems 'tshal ba la mkhas par ma gyur pa de srid du/ bdag bla

  744. 373a

    na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag tha na rang gi lus la yongs su 'dzin pa'i 'du shes 'ga' zhig skyed na'ang de srid du/ bdag bla na med pa yang dag par rdzogs pa'i byang chub tu mngon pa rdzogs par 'tshang rgya bar mi bgyi'o/ / bcom ldan 'das gal te bdag gi sangs rgyas kyi zhing der sems can gang dag skyes par gyur pa de dag thams cad yongs su mya ngan las 'das pa chen po'i bar du 'di lta ste/ yang dag pa nyid la nges par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing de na sems can 'ga' zhig gis nyan thos rnams kyi tshad kyi grangs rnyed par 'gyur ba lta na/ tha na stong gsum gyi stong chen po'i 'jig rten gyi khams su gtogs pa'i sems can thams cad rang sangs rgyas su gyur la/ bskal pa bye ba khrag khrig brgya stang du bgrangs te grangs rnyed par gyur na'ang de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o//

  745. 373b

    bcom ldan 'das gal te bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing der bdag gi 'od tha na sangs rgyas kyi zhing bye ba khrag khrig brgya stong gi tshad ces dang ldan par gyur na'ang de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing de na smon lam gyi dbang ma gtogs par sems can rnams kyi tshe'i tshad la tshad ma mchis par gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe ri tshad tha na bskal pa bye ba khrag khrig brgya stong du bgrang bas mthar phyin par gyur na'ang de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing de na sems can rnams la mi dge ba'i ming mchis par gyur na'ang de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag bya

  746. 374a

    chub thob pa'i tshe/ sangs rgyas kyi zhing dpag tu ma mchis pa dag na sangs rgyas bcom ldan 'das grangs ma mchis dpag tu ma mchis pa dag ming yongs su rjod par ma gyur tam/ bsngags pa bsngags par mi rjod dam/ bstod pa mi rjod dam/ grags pa mi rjod pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sems can gang dag 'jig rten gyi khams gzhan dag tu bla na med pa yang dag par rdzogs pa'i byang chub tu sems bskyed nas/ bdag gi ming thos te sems rab tu dad par gyur la/ bdag rjes su dran pa de dag gal te 'gum pa'i dus nye bar gnas pa'i tshe/ bdag dge slong gi dge 'dun gyis yongs su bskor cing mdun du bdar ba'i mdun du 'di lta ste/ g.yeng ba ma mchis pa'i sems kyis gnas par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing grangs ma mchis dpag tu ma mchis pa dag na sems can gang dag gis bdag gi ming thos nas/ sangs rgyas kyi zhing der skye bar bgyi ba'i slad du/ sems gtong zhing dge ba'i rtsa ba rnams kyang

  747. 374b

    yongs su sngo bar bgyid na/ mtshams ma mchis pa bgyid pa dang / dam pa'i chos spong ba'i sgrib pas bsgribs pa'i sems can rnams ma gtogs par/ de dag tha na sems bskyed pa'i 'gyur ba bcus sangs rgyas kyi zhing der skye bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa de dag thams cad skyes bu chen po'i mtshan sum cu rtsa gnyis dang ldan par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa byang chub sems dpa' sems dpa' chen po'i go cha chen po bgos pa/ 'jig rten thams cad kyi don du go cha bgos pa/ 'jig rten thams cad kyi don la brtson pa/ 'jig rten thams cad yongs su mya ngan las 'da' ba la mngon par brtson pa/ 'jig rten gyi khams thams cad du byang chub sems dpa'i spang ba spyod par 'tshal ba/ sangs rgyas thams cad la phu dud bgyi bar 'tshal ba/ sems can gang+gA'i klung gi bye ma snyed bla na med pa yang dag par rdzogs pa'i byang chub la dgod par 'tshal

  748. 375a

    ba'ang gong ma'i spyod pa la mngon du phyogs pa/ kun tu bzang po'i spyod pas nges par byung ba rnams kyi smon lam gyi khyad par ma gtogs par/ de dag thams cad bla na med pa yang dag par rdzogs pa'i byang chub tu skye ba gcig gis thogs par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa de dag thams cad snga dro gcig bzhin sangs rgyas kyi zhen dag tu mchis la/ sangs rgyas brgya phrag mang po dang / sangs rgyas brgya stong phrag mang po dang / sangs rgyas bye ba phrag mang po nas/ sangs rgyas bye ba khrag khrig brgya stong phrag mang po dag la 'di lta ste/ sangs rgyas kyi mthus bde bar sbar ba thams cad kyis bsnyen bkur bgyid par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing de na byang chub sems dpa' de dag 'di lta ste/ gser ram dngul lam/ nor bu 'am/ mu tig gam/ bai DAR+Ya 'am/ dung ngam/ man shel lam/ byu ru 'am/ shel lam/ spug gam/ rdo'i snying po 'am/ mu tig dmar pa

  749. 375b

    la sogs pa gang yang rung ba 'am/ rin po che thams cad dam/ me tog dang / spos dang / 'phreng ba dang / byug pa dang / bdug pa dang / phye ma dang / gos dang / gdum dang / rgyal mtshan dang / ba dan dang / mar me thams cad dang / glu dang / gar dang / rol mo'i dbyangs sgra 'am/ rnam pa ji lta bu dag 'tshal ba nas/ dge ba'i rtsa ba rnams bskrun pa rnam pa de lta bu de dag sems bskyed ma thag tu gal te de dag la byung bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa de dag thams cad thams cad mkhyen pa nyid dang ldan pa'i chos kyi bka' mchis mchi bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing de na byang chub sems dpa' dag 'di snyam du bdag cag 'jig rten gyi khams 'di na gnas bzhin du/ sangs rgyas kyi zhing grangs med dpag tu med pa dag tu sangs rgyas bcom ldan 'das rnams la 'di lta ste/ na bza' dang / zhal zas dang / gzims cha dang / bstan gsos kyi sman dang / yo byad rnams dang /

  750. 376a

    tog dang / bdug pa dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams dang glu dang / gar dang / sil snyan dang / rin po che rnam pa tha dad pa'i char rnams kyis bsti stang du bgyi ba dang / bla mar bgyi ba dang / rim gror bgyi ba dang / mchod par bgyi bar sems bskyed la/ de dag gis sems bskyed ma thag tu gal te 'di ltar sangs rgyas bcom ldan 'das de dag gis thugs brtse ba nye bar bzung ste/ mchod pa 'di dag bzhes par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'isangs rgya kyi zhing der sems can gang dag skyes par gyur pa de dag thams cad sred med kyi bu dang rdo rje ltar mkhregs pa'i lus dang mthu thob par ma gyur pa de srid du/ bdag bla na med pa yang dag par rdzog/ pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing de na rgyan gyi kha dog sems can 'ga' zhig gis lha'i mig gis mtha' blta na'ang / sangs rgyas kyi zhing 'di'i gzi brjid ni 'di lta bu'o// kha dog ni 'di lta bu'o// 'byor pa ni 'di lta bu'o zhes kha dog tha dad pa dag 'tshal bar ma gyur pa de

  751. 376b

    srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing de na thams cad kyi nang nas byang chub sems dpa' gang dge ba'i rtsa ba chung ba des kyang byang chub kyi shing dpag tshad stong drug brgya tsam du mthong bar 'tshal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing de na byang chub sems dpa' gang lung mnod pa dang kha ton bgyid par gyur pa de dag thams cad so so yang dag par rig pa thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa de dag thams cad shes rab dang spobs pa mtha' yas pa thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing der gang na kun tu sangs rgyas kyi zhing dpag tu ma mchis/ grangs ma mchis/ bsam gyis mi khyab mtshungs pa ma mchis//

  752. 377a

    tshad ma mchis pa dag kun tu gda' ba 'di lta ste/ dper bgyi na shin tu phyis pa'i me long gi dkyil 'khor la bzhin gyi dkyil 'khor gda' ba de lta bu'i 'od gsal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing de na sa'i steng nas bzung ste/ bar snang gi bar las lha dang mi'i yul las shin tu 'das pa'i bdug pa rigs bzang po de bzhin gshegs pa dang / byang chub sems dpa' la 'od bdag dri rab tu bda' ba'i spos snod rin po che sna tshogs las bgyis pa brgya stong dag nas rtag tu bdugs par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing de na me tog dri rab tu bda' ba tha dad pa'i char rtag tu 'bab par ma gyur pa dang / rol mo'i dbyangs sgra'i nga ro yid du mchi ba'i sprin rtag tu sgra 'byung bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das bdag gal te byang chub thob pa'i tshe/ bdag gi 'od kyis 'jig rten gyi khams grangs ma mchis bsam gyis mi khyab/ mtshungs pa ma mchis pa dag

  753. 377b

    tu/ sems can gang dag la gsal bar gyur pa de dag thams cad lha dang mi las shin tu 'das pa'i bde ba dang ldan par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ kun tu sangs rgyas kyi zhing dpag tu ma mchis/ grangs ma mchis/ bsam gyis mi khyab mtshungs pa ma mchis/ tshad ma mchis pa dag tu byang chub sems dpa' dag gis bdag gi ming thos te/ thos ma thag pa las byung ba'i dge ba'i rtsa bas tshe brjes nas/ byang chub kyi snying po'i mtha'i bar du gzungs thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyi'o// bcom ldan 'das gal te bdag byang chub thob pa'i tshe/ kun tu sangs rgyas kyi zhing grangs ma mchis bsam gyis mi khyab mtshungs pa ma mchis/ tshad ma mchis pa dag na bud med gang dag gis bdag gi ming thos nas rab tu dang ba skyes te/ byang chub tu sems bskyed par gyur la/ bud med kyi lus la smod par gyur te/ de dag tshe brjes nas/ gal te bud med kyi lus ldan gnyis thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas

  754. 378a

    kyi zhing dpag tu ma mchis/ grangs ma mchis/ bsam gyis mi khyab mtshungs pa ma mchis/ tshad ma mchis pa dag na sems can gang dag gis bdag gi ming thos par gyur la/ ming thos pa tsam gyis byang chub kyi snying po'i mtha'i bar du tshangs par spyod par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ phyogs bcu kun tu sangs rgyas kyi zhing dpag tu ma mchis/ grangs ma mchis/ bsam gyis mi khyab/ mtshungs pa ma mchis/ tshad ma mchis pa dag na sems can gang dag gis bdag gi ming thos la/ yan lag lnga'i phyag bgyi bas phyag 'tshal ba dang / de dag byang chub sems dpa'i spad pa spyod pa na/ lha dang bcas pa'i 'jig rten gyis bsti stang du bgyi bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bor mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing de na byang chub sems dpa' gang chos gos 'khru 'am/ skams sam/ 'drub bam/ 'tshed pa'i las bgyid par gyur la/ chos gos rin po che gsar pa khre'u tshang rigs bzang ba/ de bzhin gshegs pas gnang ba dag sems bskyed ma thag tu

  755. 378b

    bgos par bdag gis 'tshal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das ga la te bdag byang chub thob pa'i tshe/ sangs rgyas kyi zhing der sems can dag skyes ma thag tu 'di lta ste/ dper na dge slong dgra bcom pa yongs su gdung ba ma mchis pa bsam gtan gsum pa la snyoms par zhugs pa lta bur bde ba rnam pa de lta bu thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing der byang chub sems dpa' gang dag skye bar gyur pa de dag sangs rgyas kyi zhing gi yon tan gyi rgyan bkod pa rnam pa ji lta bu/ dag 'dod par gyur pa rnam pa de lta bu dag rin po che'i shing sna tshogs las 'tshal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ byang chub sems dpa' sangs rgyas kyi zhing gzhan du skyes pa dag gis bdag gi ming thos la dbang po ma tshang ba med pa thob par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob

  756. 379a

    pa'i tshe/ sangs rgyas kyi zhing gzhan na gnas pa'i byang chub sems dpa' dag gis bdag gi ming thos ma thag tu shin tu rnam par phye ba zhes bgyi ba'i ting nge 'dzin thob par ma gyur pa dang / byang chub sems dpa' ting nge 'dzin de la gnas nas skad cig gcig 'das pa tsam gyis sangs rgyas bcom ldan 'das dpag tu ma mchis/ grangs ma mchis/ bsam gyis mi khyab/ mtshungs pa ma mchis/ tshad ma mchis pa dag mthong la/ ting nge 'dzin de bar ma dor chab 'tshal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sems can dag gis bdag gi ming thos la/ thos ma thag pa las byung ba'i dge ba'i rtsa bas sems can rnams byang chub kyi mtha'i bar du/ rigs bzang po'i rigs su skye ba thob par ma gyur pa de srid du/ bdag bla na med pa yang dag par rdzogs pa'i byang chub tu mngon rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ 'di las gzhan du gyur pa'i sangs rgyas kyi zhing rnams su byang chub sems dpa' gang dag gi bdag gi ming thos par gyur la/ de thos ma thag pa las byung ba'i dge ba'i rtsa bas byang chub kyi mtha'i bar du/ thams cad byang chub sems dpa'i spyod pa la dga' ba dang mchog tu dka'

  757. 379b

    dge ba'i rtsa ba dang phrad par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ 'di las gzhan du gyur pa'i 'jig rten gyi khams rnams su byang chub sems dpa' dag gis bdag gi ming thos ma thag tu kun gyi rjes su song ba zhes bgyi ba'i ting nge 'dzin thob/ par ma gyur pa dang / byang chub sems dpa' dag ting nge 'dzin de la gnas nas skad cig gcig 'das pa tsam gyis/ sangs rgyas bcom ldan 'das grangs ma mchis/ dpag tu ma mchis// bsam gyis mi khyab/ mtshungs pa ma mchis/ tshad ma mchis pa dag la bsti stang bgyid la/ ting nge 'dzin de byang chub kyi snying po'i mtha'i bar du bar ma ngor chab 'tshal bar ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// bcom ldan 'das gal te bdag byang chub thob pa'i tshe/ sangs rgyas kyi zhing der sems can gang dag skyes par gyur pa de dag chos bstan pa rnam pa ji lta bu nyan 'tshal bar gyur pa chos bstan pa rnam pa de lta bu sems bskyed ma thag tu thos par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o/ / bcom ldan 'das gal te bdag byang chub thob pa'i tshe/ sangs rgyas kyi zhing gzhan dag tu byang chub sems dang

  758. 380a

    gang dag gis bdag gi ming thos pa de dag bdag gi ming zas ma pag tu bla na med pa yang dag par rdzogs pa'i byang chub las phyir mi ldog par ma gyur pa de srid du/ bdag bla med pa yang dag par rdzogs pa'i byang chub tu mngon par rdzogs par 'tshang rgya bar mi brgya'o/ / bcom ldan 'das gal te bdag byang chub thob po'i tshe/ sangs rgyas kyi zhing gzhan dag tu byang chub sems dpa' ga dag gi bdag gi ming thos par gyur pa de dag bdag gi ming thos ma thag tu bzod pa dang po dang / gnyis pa dang / gsum pa thob par ma gyur pa dang / sangs rgyas kyi chos rnams las phyir mi ldog par ma gyur pa de srid du/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bgyi'o// kun dga' bo do nas dge/ slong chos kyi 'byung gnas des smon lam gyi khyad par rnam pa 'di lta bu 'di dag bstan nas/ sangs rgyas kyi mthus de'i tshe tshigs su bcad pa 'di dag gsol to// gal te bdag gis byang chub thob smon lam mchog/ khyad par 'phags pa rnam pa 'di 'drar ma gyur na// stobs bcu mnga' ba mtshungs pa ma mchis sbyin pa'i gnas// mi yi seng ge sems can snying por bdag ma gyur// gal te bdag zhing rnam pa de 'drar ma gyur la// sems can dbul mang nor mang stsal bar ma gyur cing // sdug bsngal gyur pa'i mi dag bde bar ma bgyis par// mi la rgyal po dkon mchog tu ni/

  759. 380b

    bdag ma gyur// bdag ni byang chub snying por nye bar mchis pa'i tshe// phyogs bcu dag gi zhing rnams mang po thag gru che// mtha' yas dag tu myur du ming grags ma gyur par// 'jig rten mgon po'i stobs brnyes par ni bdag ma gyur/ / byang chub mtshungs med zhi ba yang dag tshol ba ni// dran dang blo gros rtogs pa rnam par nyams gyur cing // gal te bdag ni 'dod pa'i longs spyod spyod gyur na/ / 'jig rten ston pa stobs brnyes par ni bdag ma gyur// shin tu rgyas 'od mtshungs pa ma mchis mtha' yas pas// phyogs dang phyogs mtshams mgon po'i sangs rgyas zhing kun khyab/ / 'dod chags zhe sdang gti mug thams cad rab zhi zhing // sems can dmyal bar dong ba'i me rnams zhi bar bgyi// shin tu mdzes shing yangs pa'i mig ni phye nas su// mi rnams kun gyi mun nag rnam par bsal bar bgyi// dal ba med pa dag ni ma lus bsal nas su// gzi brjid mtha' yas mtho ris lam du gzung bar bgyi// sngon gyi spyod pa yong su dag pa spyad nas ni/ / mkha' la nyi zla'i 'od ni lham me ma lags shing // nor bu'i tshogs dang me dang lha yi 'od rnams kyang // mi yi seng ge'i 'od kyis thams cad zil gyis minan// skyes bu mchog gyur sdug bsngal rnams kyi gter gyur te// phyogs mtshams phyogs na de 'dra'i gzugs ni ma mchis shing // dge ba brgya stong dag ni rab tu rdzogs gyur nas// 'khor nang

  760. 381a

    mchis te sangs rgyas seng ge'i sgra skrag go/ / sngon gyi rgyal ba rang byung dag la gus bgyis te// brtul zhugs dkar thub bye ba dpag med spyad nas ni// ye shes phung dam pa mchog rab stsal nas su/ / smon lam stobs ni rdzogs bgyis sems can snying por 'gyur// ji ltar bcom ldan ye shes gzigs pa chags mi mnga'// mi yi dbang po 'dus byas rnam gsum rab mkhyen pa/ / bdag kyang mtshungs pa ma mchis sbyin gnas mkhas pa dang // mi rnams nang na mi yi 'dren pa mchog gyur cig/ mi dbang bdag gis byang chub rab tu thob nas ni// / gal te smon lam 'di 'dra 'di dag 'grub ce na// stong gi 'jig rten khams 'di rab tu g.yos gyur cing // lha yi tshogs kyis mkha' las me tog char phob cig/ sa yang rab tu g.yos te me tog char yang bab/ / nam mkha' las kyang sil snyan rnams kyi sgra yang byung // lha yi tsan dan mdzes pa dag gi phye ma yang // mngon par 'thor bar gyur te 'jig rten sangs rgyas 'gyur// / bam po gnyis pa// kun dga' bo dge slong chos kyi 'byung gnas byang chub sems dpa' sems dpa' chen po smon lam phun sum tshogs pa rnam pa de lta bu dang ldan te/ kun dga' ba sman lam phun sum tshogs pa rnam pa 'di lta bu dang ldan pa'i byang chub sems dpa' ni nyung ngo // smon las rnam pa 'di lta bu dag 'jig rten du 'byung ba nyung ste/

  761. 381b

    nyung ngu zad kyi ye med pa ni ma yin no// kun dga' bo dge slong chos kyi 'byung gnas des/ bcom ldan 'das de bzhin gshegs pa 'jig rten dbang phyug rgyal po de'i spyan sngar lha dang bcas pa'i 'jig rten bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa/ lha dang / mi dang / lha ma yin dang bcas pa'i mdun du smon lam gyi khyad par rnam pa de lta bu de dag bstan nas/ yang dag pa ji lta ba bzhin du sgrub pa la gnas par gyur te/ de sangs rgyas kyi zhing yongs su dag pa dang / sangs rgyas kyi zhing gi che ba nyid dang / sangs rgyas kyi zhing thag gru chen po rnam pa de lta bu de dag ni sgrub/ byang chub sems dpa'i spyad pa ni spyod cing / lo bya ba khrag khrig brgya stong dpag tu med/ grangs med bsam gyis mi khyab mtshungs pa med/ gzhal du med/ tshad med/ brjod du med par lan 'ga' yang 'dod pa dang / gnod sems dang / rnam par 'tshe ba'i rnam par rtog pas rnam par rtog par ma gyur/ lan 'ga' yang 'dod pa dang / gnod sems dang / rnam par 'tshe ba'i 'du shes bskyed par ma gyur/ lan 'ga' yang gzugs dang / sgra dang / dang / r-i dang / reg bya'i 'du shes bskyed par ma gyur te/ gzhon nu de des shing 'grogs na bde ba dang / dang du len pa'i rang bzhin can dang / dgang sla ba dang / gas sla ba dang /

  762. 382a

    par gnas pa thams cad kyis bsti stang du byas/ bla mar byas/ rim gror byas te mchod par byas ma// sems can ji snyed rab tu smin par byas pa dang / tshong/ dpon dang / khyim bdag dang / blon po dang / rgyal rigs dang / bram ze'i rigs shing sA la chen po lta bu dag la rab tu bkod pa de dag kyang tshig gis bstan pas mthar phyin par bla ba ma yin no/ / de bzhin du 'dzam bu'i gling gi dbang phyug nyid dang / 'khor los sgyur ba nyid dang / 'jig rten skyong ba nyid dang / brgya byin nyid dang / rab 'thab bral nyid dang / yongs su dga' ldan nyid dang / rab 'phral dga' nyid dang / dbang sgyur nyid dang / lha'i rgyal po nyid dang / tshangs pa chen po nyid la rab tu bkod do// sangs rgyas bcom ldan 'das med pa de snyed la bsti stang byas/ bla mar byas/ rim gror byas te mchod nas chos kyi 'khor lo rab tu bskor bar bya ba'i phyir/ gsol ba btab pa de dag kyang ngag gi las kyis brnya pa mthar phyin par bla ba ma yin no/ / de byang chub sems dpa'i spyad pa spyod pa na bskal pa bye ba khrag khrig brgya stong dpag tu med/ grangs med/ bsam gyis mi khyad/ mtshungs pa gzhal du med/ tshad med/ brjod du med par kha nas lha'i las shin tu 'das pa'i tsan dan gyi dri rab tu zhing pa'i bsung 'byung ba dang / spu'i khung bu thams cad nas me tog ut+pa la'i bsung

  763. 382b

    'byung ba dang / 'jig rten thams cad na gzugs bzang zhing mdzes la blta na sdug pa dang / kha dog bzang po rgyas pa mchog dang ldan pa dang / mtshan dang dpe byad bzang pos lus legs/ bar brgyan pa dang / de'i rin po che'i rgyan thams cad dang / gos dang chos gos mngon par bsgrub pa thams cad dang / me tog dang / spos dang / bdug pa dang / 'phreng ba dang / byug pa dang / gdugs dang / rgyal mtshan dang / ba dan mngon par bsgrub pa thams cad dang / rol mo'i dbyangs sgra dang / glu dbyangs mngon par bsgrub pa thams cad kyang spu'i khung bu thams cad dang / lag pa gnyis nas 'byung ba dang / zas dang / skam dang / bza' ba dang / bca' ba dang / bldag pa dang / ro bro ba mngon par bsgrub pa thams cad dang / longs spyod dang yongs su spyad pa mngon par bsgrub pa thams cad kyang lag pa gnyis nas zag cing 'byung bar 'gyur ba rnam pa de lta bu'i dge ba yang dag par bsgrubs so// kun dga' bo de ltar dge slong chos kyi 'byung gnas de sngon byang chub sems dpa'i sprad pa spyod pa na/ yo byad thams cad la dbang ba'i pha rol tu son par gyur to// de skad ces bka' stsal pa dang bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ci lags/ byang chub sems dpa' sems dpa' chen po chos kyi 'byung gnas de bla

  764. 383a

    'dod pa chung ba dang / chog shes pa dang / rab tu dben pa dang / zhe sdang med pa dang / rmongs pa med pa dang / drang ba dang / mi dman pa dang / g.yo med pa dang / sgyu med pa dang / ngang tshul bzang ba dang / mnyen pa dang / snyan par smra ba dang / rtag tu brtson pa dang / dkar po'i chos yongs su tshol ba la brtson pa mi 'dor bar gyur te/ sems can thams cad kyi don du smon lam chen po yang dag par bsgrubs par gyur to// sangs rgyas dang / chos dang / dge 'dun dang / slob dpon dang / mkhan po dang / dge ba'i bshes gnyen la gus pa dang bcas shing byang chub sems dpa'i spyod pa la rtag tu go cha bgos te/ drang ba dang / mnyen pa dang / tshul 'chos pa med pa dang / kha gsag med pa dang / yon tan dang ldan zhing sems can thams cad dge ba'i chos thams cad yang dag par 'dzin du gzhug pa'i sngon du ni 'gro// stong pa nyid dang / mtshan ma med pa dang / smon pa med pa dang / mngon par 'du bya ba med pa dang / skye ba med pa dang / 'gag pa med pa'i gnas pas ni gnas pa ste/ nga rgyal med cing ngag legs par bsrungs par gyur to// byang chub sems dpa'i spyad pa spyod pa na/ des ngag gi las 'byung ba gang bdag dang gzhan dang gnyis ka la gnod par 'gyur ba rnam pa de lta bu spangs nas/ ngag gi las gang bdag dang gzhan

  765. 383b

    gnyis ka la phan par 'gyur ba de la brtson par gyur te/ de ltar shes bzhin can du gyur cing / grong dang / grong khyer dang / grong rdal dang / yul 'khor dang / rgyal po'i pho zang 'khor rnams su 'jug pa na/ nam yang gzugs dang / sgra dang / dri dang / ro dang / reg bya dang / chos la rjes su chags pa dang / khong khro ba med par gyur to// de byang chub sems dpa'i spyad pa spyod pa na bdag nyid kyang sbyin pa'i pha rol tu phyin pa la spyod cing / gzhan yang de nyid yang dag par 'dzin du bcug go// bdag nyid kyang tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod cing / gzhan yang de nyid yang dag par 'dzin du bcug go// gang dag dang ldan na gang dang gang du skyes pa de dang der gter bye ba khrag khrig brgya stong du ma sa las 'byung bar 'gyur ba rnam pa de lta bu'i dge ba'i rtsa ba rnams yang dag par bsgrub par gyur to/ / de byang chub sems dpa'i spyad pa spyod pa na/ sems can bye ba khrag khrig brgya stong grangs med dpag tu med pa gang dag ngag gi las kyis mthar phyin par bla ba ma yin pa de snyed bla na med pa yang dag par rdzogs pa'i byang chub la bkod do/ / sangs rgyas bcom ldan 'das grangs med dpag tu med pa de snyed la na bza' dang / zhal zas dang / gzims cha dang / bsnyun gyi gsos sman dang / yo byad rnams dang / bde bar sbyar ba la reg

  766. 384a

    na med pa yang dag par rdzogs pa'i byang chub tu mngon par rdzogs par sangs rgyas te/ yongs su mya ngan las 'das lags sam/ 'on te mngon par rdzogs par/ sangs ma rgyas sam/ 'on te da ltar byung ba na mngon par rdzogs par sangs rgyas te/ da lta na bzhugs la 'tsho zhing gzhes te chos kyang ston/ bcom ldan 'das kyis bka' stsal pa/ kan dga' bo de bzhin gshegs pa de ni 'das pa'ang ma yin/ ma 'ongs pa'ang mayin gyi/ de bzhin gshegs pa de bla na med pa yang dag par rdzogs pa'i byang chub tu mngon par rdzogs par sangs rgyas nas da lta na bzhugs te 'tsho zhing gzhes la chos kyang ston te/ 'di nas nub phyogs su sangs rgyas kyi zhing bye ba khrag khrig brgya stong na/ 'jig rten gyi khams bde ba can na/ de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ste/ byang chub sems dpa' sems dpa' chen po tshad med pa dag dang / nyan thos mtha' yas pa dag gis yongs su bskor cing mdun du bdar te/ sangs rgyas kyi zhing phun sum tshogs pa mtha' yas pa dang ldan no// de'i 'od ni dpag tu med de/ de ni sangs rgyas kyi zhing 'di skad cig dang / sangs rgyas kyi zhing brgya phrag 'di skad cig dang / sangs rgyas kyi zhing stong phrag 'di snyed cig dang / sang rgyas kyi zhing brgya stong phrag 'di snyed cig dang / sangs

  767. 384b

    rgyas kyi zhing bye ba phrag 'di skad cig dang / sangs rgyas kyi zhing bye ba brgya thag 'ad skad cig dang / sangs rgyas kyi dang bye ba stong phrag 'di skad cig dang / sangs rgyas kyi ning bye ba stong phrag 'di snyed cig dang sangs rgyas kyi zhing bye ba khrag khrig brgya stong phrag 'di snyed cig khyab par byas te 'dug go zhes mtha'i tshad rtogs par bla ba ma yin no/ / kun dga' bo 'on kyang mdor bstan na/ shar phyogs su sangs rgyas kyi zhing bye ba khrag khrig brgya stong phrag gang+gA'i klung gi bye ma snyed dag/ bcom ldan 'das 'od dpag med de'i 'od kyis rtag tu khyab bo// de bzhin dulho dang / nub dang / byang dang / 'og dang / stang dang / phyogs mtshams kyi phyogs re rer yang sangs rgyas kyi zhing bye ba khrag khrig brgya stong phrag gang+gA'i klung gi bye ma snyed dag/ bcom ldan 'das de bzhin gshegs pa 'od dpag med de'i 'od kyis rtag tu khyab ste/ sangs rgyas bcom ldan 'das rnams kyi sngon gyi smon lam gyi byin gyi rlabs kyis 'od 'dom gang ba dang / 'dom ngo ba dang / gsum pa dang / bzhi pa dang / lnga pa dang / bcu pa dang / nyi shu pa dang / sum cu pa dang / bzhi bcu pa dang / lnga bcu pa dang / 'od dpag tshad pa dang / 'od dpag tshang brgya pa dang / 'od dpag tshad stong pa dang / 'od dpag tshad brgya snang ba nas/ dpag tshad bye ba khrag khrig brgya stong phrag du ma'i 'od kyis 'jig rten gyi khams kyi bar du khyab par gyur te/

  768. 385a

    gnas pa ni ma gtogs so// kun dga' bo dpe gang gis/ bcom ldan 'das de bzhin gshegs pa 'od dpag med de'i 'od kyi tshad gzung ba'i dpe bzhag pa med de/ kun dga' bo rnam grangs des na/ de bzhin gshegs pa de 'od dpag med ce bya ste/ 'od dpag tu med pa dang / snang ba dpag tu med pa dang / 'od thug pa med pa dang / 'od chags pa med pa dang / 'od thogs pa med pa dang / 'od rtag tu gtong ba dang / lha'i nor bu'i 'od dang / thogs pa med pa'i 'od zer gyi rgyal po'i 'od dang / chags par 'gyur ba'i 'od dang / dga' bar 'gyur ba'i 'od dang / mchog tu dga' bar 'gyur ba'i 'od dang / tshim par 'gyur ba'i 'od dang / lta bar 'gyur ba'i 'od dang / 'brel bar 'gyur ba'i 'od dang / bsam gyis mi khyab pa'i 'od dang / mtshungs pa med pa'i 'od dang / mi'i dbang po dang lha'i dbang po zil gyis gnon pa'i 'od dang / nyi ma dang zla ba zil gyis gnon cing mog mog por byed pa'i 'od dang / 'jig rten skyong ba dang / brgya byin dang / tshangs pa dang / gnas gtsang ma pa dang / dbang phyug chen po dang / lha thams cad zil gyis gnon cing mog mog por byed ba'i 'od dang / mdor bsdu na 'od thams cad kyi pha rol tu phyin pa zhes bya'o// de'i 'od de ni dri ma med pa/ shin tu rgyas pa/ lus la bde ba skyed pa/ sems dga' bar byed pa

  769. 385b

    lha dang / lha ma yin dang / klu dang / gnod sbyin dang / dri za dang / nam mkha' lding dang / lto 'phye chen po dang / mi 'am ci dang / mi dang / mi ma yin pa rnams la dga' ba dang / mchog tu dga' ba dang bde ba skyed pa/ sems can dge ba'i bsam pa can rnams la dge ba dang / yang ba dang / rtogs pa dang / mkhas pa dang / blo dang / mchog tu dga' ba byed pa'o// kun dga' bo rnam grangs 'dis sangs rgyas kyi zhing gzhan mtha' yas mu med pa dag de bzhin gshegs pas yongs su gang ste/ bskal par de bzhin gshegs pa 'od dpag med de'i mtshan gyi las rgyur byas pa dang 'od phun sum tshogs pa las brtsams te brjod kyang mtshan bstan pa dang / 'od phun sum tshogs pa'i yon tan gyi mtha' yang rtogs par mi nus la/ de bzhin gshegs pa'i mi 'jigs pa'ang rgyun chad par mi 'gyur ro// de ci'i phyir zhe na/ kun dga' bo 'di lta ste/ bcom ldan 'das 'od dpag med de'i 'od kyi yon tan 'byor pa dang / de bzhin gshegs pa'i shes rab dang / spobs pa bla na med pa dang / de gnyis ka'ang grangs med dpag tu med cing / bsam gyis mi khyab la mu med pa'i phyir ro/ / kun dga' bo de bzhin gshegs pa 'od dpag med de'i nyan thos kyi dge 'dun dpag tu med de/ nyan thos bye ba phrag 'di snyed cig ce 'am/ nyan thos

  770. 386a

    bye ba brgya phrag 'di skad cig ce 'am/ nyan thos bye ba stong phrag 'di snyed cig ce 'am/ nyan thos bye ba brgya stong phrag 'di skad cig ce 'am/ gtams phrag 'di snyed cig ce 'am/ dkrigs phrag 'di snyed cig ce 'am/ khrag khrig phrag 'di snyed cig ce 'am/ 'ther 'bum phrag 'di skad cig ce 'am/ mi 'khrugs pa phrag 'di snyed cig ce 'am/ rnam 'deg phrag 'di snyed cig ce 'am/ rgyun 'bab phrag 'di skad cig ce 'am/ rgyal ba phrag 'di snyed cig ce 'am/ dpag tu med pa phrag 'di snyed cig ce 'am/ grangs med pa phrag 'di snyed cig ce'am/ bgrang du med pa phrag 'di snyed cig ce 'am/ mtshungs pa med pa phrag 'di snyed cig ce 'am/ bsam gyis mi khyab pa phrag 'di snyed cig ces de'i tshad gzung bar sla ba ma yin no/ / kun dga' bo 'di lta ste/ dper na dge slong mo'u 'gal gyi bu chen po rdzu 'phrul la dbang thob pa de 'dod na stong gsum gyi stong chen po'i 'jig rten gyi khams na skar ma'i gzugs ji snyed yod pa de dag thams cad nyin zhag gcig gis bgrang ba de lta bu'i rnam pa'i rdzu 'phrul dang ldan pa bye ba khrag khrig brgya stong yod par 'gyur la/ de dag las gzhan mi byed par lo bye ba khrag khrig brgya stong du de bzhin gshegs pa 'od dpag med kyi nyan thos dang po 'dus pa bgrangs kyang / de dag gis brgya'i char yang bgrangs par mi 'gyur te/ stong dang

  771. 386b

    brgya stong dang / cha dang / dpe dang / rgyu'i bar du'ang bgrang bar mi 'gyur ro// kun dga' bo 'di lta ste/ dper na rgya mtsho chen po zabs su dpag tshad brgyad khri bzhi stong yod pa/ khyon dpag tu med pa la mi la la zhig sgra tshal ba brgyar gshegs pa'i rtse mos chu'i thigs pa gcig blangs na/ kun dga' bo 'di ji snyam du sems/ gang skra tshal pa brgyar gshegs pa'i rtse mos chu'i thigs pa gcig blangs pa dang / gang rgya mtsho chen po'i chu'i phung po phyin las pa de gnyis gang mang / gsol pa/ bcom ldan 'das dpag tshad stong yang rgya mtsho chen po bas nyung lags na/ skra tshal pa brgyar gshegs pa'i rtse mos chab thogs pa gcig blangs pa lta smos kyang ci 'tshal/ bcom ldan 'das kyis bka' stsal pa/ kun dga' bo chu thigs pa gcig lta bur ni/ bcom ldan 'das de bzhin gshegs pa 'od dpag med kyi nyan thos dang por 'dus pa la/ 'u 'gal gyi bu lta bu'i dge slong rnams kyis lo bye ba khrag khrig brgya stong du bgrangs te/ 'di snyed cig go zhes grangs kyis chod pa lta bu yin no// rgya mtsho chen po'i chu'i phung po phyin las pa lta bu ni grangs kyis mchod par blta ba yin na/ nyan thos 'dus pa gnyis pa dang gsum pa rnams lta smos kyang ci dgos te/ bcom ldan 'das de'i nyan thos kyi dge 'dun ni de ltar mtha' yas mu med de/ de ni dpag tu med do zhes bya ba'i grangs su 'gro ba

  772. 387a

    yin no/ / kun dga' bo bcom ldan 'das de bzhin gshegs pa 'od dpag med de'i tshe'i tshad kyang dpag tu med de/ bskal pa 'di skad cig ce 'am/ bskal pa brgya phrag 'di skad cig ce 'am/ bskal pa stong phrag 'di snyed cig ce 'am/ bskal pa brgya stong phrag 'di snyed cig ce 'am/ bskal pa bye ba phrag 'di skad cig ce 'am/ bskal pa bye ba brgya phrag 'di snyed cig ce 'am/ bskal pa bye ba stong phrag 'di snyed cig ce 'am/ bskal pa bye ba brgya stong phrag 'di snyed cig ces bya ba nas/ bskal pa bye ba khrag khrig brgya stong phrag 'di snyed cig go zhes bya ba'i bar du de'i tshad rtogs par sla ba ma yin no/ / kun dga' bo bcom ldan 'das de bzhin gshegs pa 'od dpag med de'i sku tshe'i tshad de ltar dpag tu med de/ de'i phyir de bzhin gshegs pa tshe dpag med ces bya'o// kun dga' bo bcom ldan 'das de bzhin gshegs pa 'od dpag med de/ bla na med pa yang dag par rdzogs pa'i byang chub tu mngon par rdzogs par sangs rgyas nas/ ji ltar da ltar 'jig rten gyi khams 'di na bskal pa'i grangs dang / bskal pa bgrang ba'i brdar brtags pa de lta bu'i bskal pa bcu lon no// kun dga' bo bcom ldan 'das 'od dpag med kyi 'jig rten gyi khams bde ba can zhes bya ba ni 'byor pa mod pa/ bde ba/ lo legs pa/ nyams dga' ba

  773. 387b

    lha dang mi mang pos gang ba'o/ / kun dga' bo 'jig rten gyi khams de na sems can dmyal ba med do// dud 'gro'i skye gnas med do// yi dgas kyi yul med do// lha ma yin gyi ris med do/ / mi khom par skye ba med do// 'jig rten gyi khams bde ba can na snang ba'i rin po che gang yin pa de dag ni 'jig rten na mi spyod do// kun dga' bo 'jig rten gyi khams bde ba can de ni spos sna tshogs dri rab tu zhim pa'i ngad ldang ba'o/ / me tog dang 'bras bu sna tshogs 'byor pa'o// rin po che'i shing ljon pos legs par brgyan pa'o// de bzhin gshegs bas sprul pa'i bya sna tshogs sgra yid du 'ong ba can gyi tshogs kyis bstan pa'o/ / kun dga' bo rin po che'i shing ljon pa de dag ni kha dog tha dad pa/ kha dog du ma kha dog brgya stong phrag du ma yod pa'o/ / kun dga' bo dan rin po che'i shing ljon pa gser gyi kha dog lta bu dang / gser gyi rang bzhin dag yod do// dngul gyi kha dog lta bu dang / dngul gyi rang bzhin dag yod de/ / bai DUR+Ya'i kha dag lta bu dang / bai DUR+Ya'i rang bzhin dag yod do// shel gyi kha dog lta bu dang / shel gyi rang bzhin dag yod do// spug gi kha dog lta bu dang / sdug gi rang bzhin dag yod do/ / mu tig dmar po'i kha dog lta bu dang / mu tig dmar po'i rang bzhin dag yod do// rngar snying po'i kha dog lta bu dang / rdo'i snying po'i rang bzhin du

  774. 388a

    yod do/ / kha cig ni gser dang / dngul dang / rin po che sna gnyis pa dag yod do// gser dang / dngul dang / baiDUR+Ya dang / rin po che sna gsum pa dag kyang yod do/ / gser dang / dngul dang / bai DUR+Ya dang / shel dang / rin po che sna bzhi pa dag kyang yod do// gser dang / dngul dang / bai DUR+Ya dang / shel dang / spug dang / rin po che sna lnga pa dag kyang yod do// go sar dang / dngul dang / bai DUR+Ya dang / shel dang / spug dang / mu tig dmar po dang / rin po che sna drug pa dag kyang yod do/ / gser dang / dngul dang / bai DUR+Ya dang / shel dang / spug dang / mu tig dmar po dang / rdo'i snying po dang / rin po che sna bdun pa dag kyang yod do/ / kun dga' bo de na gser gyi shing ljon pa rnams kyi rtsa ba dang / sdong po dang / yal ga dang / lo ma dang / 'dab ma dang / me tog rnams gser gyi rang bzhin la/ 'bras bu rnams dngul gyi rang bzhin no// dngul gyi shing ljon pa rnams kyi rtsa ba dang / sdong po dang / yal ga dang / lo ma dang / 'dab ma dang / me tog rnams dngul gyi rang bzhin la/ 'bras bu rnams bai DUR+Ya'i rang bzhin no// bai rAR+Ya'i shing ljon pa rnams kyi rtse ba dang / sdong po dang / yal ga dang / lo ma dang / 'dab

  775. 388b

    ma dang / me tog rnams bai DUR+Ya'i rang bzhin la/ 'bras bu rnams shel gyi rang bzhin no// shel gyi shing ljon pa rnams kyi rtsa ba dang / sdong po dang / yal ga dang / ma dang / 'dab ma dang / me tog rnams shel gyi rang bzhin la/ 'bras bu rnams spug gi rang bzhin no// spug gi shing ljon pa rnams kyi rtsa ba dang / sdong po dang / yal ga dang / lo ma dang / 'dab ma dang / me tog rnams spug gi rang bzhin la/ 'bras bu rnams mu tig dmar po'i rang bzhin no// mu tig dmar po shing ljon pa rnams kyi rtsa ba dang // sdong po dang / yal ga dang / lo ma dang / 'dab ma dang / me tog rnams mu tig dmar po'i rang bzhin la/ 'bras bu rnams rdo'i snying po'i rang bzhin no// rdo'i snying po'i shing ljon pa rnams kyi rtsa ba dang / sdong po dang / yal ga dang / lo ma dang / 'dab ma dang / me tog rnams rdo'i snying po'i rang bzhin la/ 'bras bu rnams gser gyi rang bzhin no/ / kun dga' bo shing ljon pa kha cig ni rtsa ba rnams gser gyi rang bzhin la/ sdong po rnams dngul gyi rang bzhin/ yal ga rnams bai DUR+Ya'i rang bzhin/ lo ma rnam shel gyi rang bzhin/ 'dab ma rnams spug gi rang bzhin me tog rnams mu tig dmar po'i rang bzhin/ 'bras bu rnams rdo'i snying po'i rang bzhin no// kun dga' bo sha

  776. 389a

    ljon pa kha cig ni rtsa ba rnams dngul gyi rang bzhin la/ sdong po rnams bai DUR+Ya'i rang bzhin/ yal ga rnams shel gyi rang bzhin/ lo ma rnams spug gi/ rang bzhin/ 'dab ma rnams mu tig dmar po'i rang bzhin/ me tog rnams rdo'i snying po'i rang bzhin/ 'bras bu rnams gser gyi rang bzhin no// kun dga' bo shing ldan pa kha cig ni rtsa ba rnams bai DUR+Ya'i rang bzhin la/ sdong po rnams shel gyi rang bzhin/ yal ga rnams smug gi rang bzhin/ lo ma rnams mu tig dmar po'i rang bzhin/ 'dab ma rnams rdo'i snying po'i rang bzhin/ me tog rnams gser gyi rang bzhin/ 'bras bu rnams dngul gyi rang bzhin no// kun dga' bo shing ljon pa kha cig ni rtsa ba rnams shel gyi rang bzhin la/ sdong po rnams spug gi rang bzhin/ yal ga rnams mu tig dmar po'i rang bzhin lo ma rnams rdo'i snying po'i rang bzhin/ 'dab ma rnams gser gyi rang bzhin/ me tig rnams dngul gyi rang bzhin/ 'bras bu rnams bai DUR+Ya'i rang bzhin no// kun dga' shing ljon pa kha cig ni rtsa ba rnams spug gi rang bzhin la/ sdong po rnams mu tig dmar po'i rang bzhin/ yal ga rnams rdo'i snying po'i rang bzhin/ lo ma rnams gser gyi rang bzhin/ 'dab ma rnams dngul gyi rang bzhin/ me tog rnams

  777. 389b

    bai DUR+Ya'i rang bzhin/ 'bras bu rnams shel gyi rang bzhin no// kun dga' bo shing ljon pa kha cig ni rtsa ba rnams mu tig dmar po'i rang bzhin la/ sdong po rnams rdo'i snying / pa'o rang bzhin/ mal ga rnams gser gyi rang bzhin/ lo ma rnams dngul gyi rang bzhin/ 'dab ma rnams bai DUR+Ya'i rang bzhin/ me tog rnams shel gyi rang bzhin 'bras bu rnams spug gi rang bzhin no/ / kun dga' bo shing ljon pa kha cig ni rtsa ba rnams rdo'i snying po'i rang bzhin la/ sdong po rnams gser gyi rang bzhin/ yal ga rnams dngul gyi rang bzhin/ lo ma rnams bai DUR+Ya'i rang bzhin / 'dab ma rnams shel gyi rang bzhin/ me tog rnams spug gi rang bzhin 'bras bu rnams mu tig dmar po'i rang bzhin no/ / kun dga' bo shing ljon pa kha cig ni rtsa ba rnams ni rin po che sna bdun gyi rang bzhin la/ sdong po rnams kyang rin po che sna bdun gyi rang bzhin/ yal ga rnams kyang rin po c he sna bdun gyi rang bzhin lo ma rnams kyang rin po che sna bdun gyi rang bzhin 'dab ma rnams kyang rin po che sna bdun gyi rang bzhin me tog rnams kyang rin po che sna bdun gyi rang bzhin/ 'bras bu rnams kyang rin po che sna bdun gyi rang bzhin no// kun dga' bo shing ljon pa de dag thams cad kyi rtsa ba dang / sdong po dang / yal ga dang / lo ma dang / 'dab

  778. 390a

    ma dang / me tog dang / 'bras bu rnams ni 'jam pa/ reg na bad ba/ dI ma pa dag go// rlung gis bskyod nang dag las spyan cing yid du' ba'i sgra 'byung ste/ mnyan pa dang mthun zhing mnyan pas chog mi shes pa'o// kun dga' ba sangs rgyas kyi zhing de ni rin po che sna bdun gyi shing ljon pa rnam pa de lta bu dag gis gang ste/ mtha' ni rin po che sna bdun gyi chu shing gi sdong po dang / rin po che'i shing ta la'i 'phreng gis yongs su bskor to// thams cad kyang gser gyi dra bas khebs pa'o// kun tu rin po che sna bdun gyi pad+ma rnams kyis khebs pa'o// de na pad+ma'i tshad dpag tshad phyed tsam yang yod/ dpag tshad kyi tshad tsam yang yod/ dpag tshad gcig dang gnyis dang / gsum dang / bzhi dang / lnga'i tshad tsam yang yod/ dpag tshad bcu'i bar gyi tshad tsam dag kyang yod do// rin po che'i pad+ma thams cad lnga kyang 'od zer bye ba stong phrag sum cu rtsa drug drug 'byung ngo / / 'od zer gyi rtse mo thams cad las kyang sangs rgyas kyi sku gser gyi kha dog can/ skyes bu chen po'i mtshan sum cu rtsa gnyis mngara' ba bye ba stong phrag sum cu rtsa drug drug 'byung ste/ de dag shar phyogs su 'jig rten gyi khams grangs med dpag tu med pa dag tu gshegs nas sems can rnams la chos ston to// de bzhin

  779. 390b

    du lho dang / nub dang / byang phyogs dang / 'og dang / stang dang / phyogs mtshams rnams su 'jig rten gyi khams tha dad pa grangs med dpag tu med pa dag tu gshegs nas sems can rnams la chos ston to/ / kun dga' bo sangs rgyas kyi zhing de na ri nag po rnams pa med de/ raM thams cad kyang rin pa che'i risha stag go// ri rgyal po ri rab thams cad dang / khor yug dang / ri'i rgyal po khor yug chen po thams cad dang / rgya mtsho chen po rnams med do// sangs rgyas kyi zhing de ni kun tu mnyam pa nyams dga' ba/ lag mthil ltar mnyam pa/ sa phyogs rin po che rnam pa sna tshogs kyis smras pa'o// de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das rgyal chen bzhi'i ris kyi lha ri rab kyi ngos la gnas pa dang / sum cu rtsa gsum pa ri rab kyi rtse mo la gnas pa de dag gang na gnas/ bcom ldan 'das kyis bka' stsal pa/ kun dga' bo 'di ji snyam du sems/ 'di na ri'i rgyal po ri rab kyi gong ma 'thab bral gyi lha rnams dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen nas 'og min gyi bar gyi lha rnams gang na gnas

  780. 391a

    gsol pa/ bcom ldan 'das las kyi rnam par smin pa dang / las mngon par 'du bgyid pa bsam gyis mi khyab bo// bcom ldan 'das kyis bka' stsal pa/ kun dga' bo las kyi rnam par smin pa dang / las mngon par 'du byed pa bsam gyis mi khyab pa ni rnyed par rung gi/ sangs rgyas bcom ldan 'das rnams kyi dge ba dang / rdzu 'phrul dang / byin gyi rlabs bsam gyis mi khyab pa ni sus kyang mtha' 'am/ tshad rtogs pa 'am/ bsam par mi nus te/ gzhan du na sangs rgyas kyi yul bsam gyis mi khyab po zhes rab tu 'byed do/ / de ltar sems can bsod nams byas pa dang / dge ba'i rtsa ba bskyed pa'i bsod nams dang / ye shes dang / rdzu 'phrul dang / 'byor pa bsam gyis mi khyab pa dag sangs rgyas kyi zhing der 'byung ngo / / gsol pa/ bcom ldan 'das bdag ni de la dogs pa 'am/ yid gnyis sam/ the tsom ma mchis te/ bdag ni ma 'ongs pa'i sems can rnams kyi dogs pa dang / yid gnyis dang / the tsom bsal ba'i slad du de bzhin gshegs pa la don 'di yongs su zhu'o// bcom ldan 'das kyis bka' stsal pa/ kun dga' bo legs so legs so// de lta bu ni khyod kyi bya ba yin no// kun dga' bo 'jig rten gyi khams bde ba can de na chu klung rnam pa sna tshogs

  781. 391b

    dga' bab ste/ de na chu klung chen po kha tshon dpag tshad tsam dag kyang yod/ dpag tshad bcu dang / nyi shu dang / sum cu dang / bzhi bcu dang / lnga bcu'i bar dang / tshon dpag tshad brgya stong gi tshad tsam dag kyang yod de/ zabs su ni dpag tshad bcu gnyis pa dag go// chu klung de dag thams cad kyang spos dri rab tu zhim pa sna tshogs kyi chur 'bab cing rin po che'i me tog sil ma'i tshogs dang 'bab pa dag go/ sgra dbyangs snyan pa tha dad pa sna tshogs dang yang ldan pa dag go// kun dga' bo chu klung chen po de dag las lha'i glu'i dbyangs yan lag bye ba brgya stong dang ldan pa'i sil snyan dag mkhas pa rnams kyis byas pa bas lhag pa'i sgra yid du 'ong ba 'byung ste/ chu klung chen po de dag las rnam pa 'di lta bu'i sgra 'byung ba ni zab pa dang / kun shes par bya ba dang / rnam par shes par bya ba dang / brdzun pa ma yin pa dang / rna bar bde ba dang / snying du 'ong ba dang / dga' bar bya ba dang / snyan pa dang / yid du 'ong ba dang / mnyan pas chog mi shes pa dang / mnyan pa dang mthun pa dang / mi rtag pa dang / zhi ba dang / bdag med ces bya ba dang / mnyan na bde ba ste/ de dag sems can de dag gi rna ba'i dbang po la grag go/ kun dga' ba chu klung chen po de dag gi 'gram sa

  782. 392a

    ni rin po che'i spos kyi shing ljon pa dag gis gang ste/ de dag la yal ga dang / lo ma dang / me tog dang / dog pa sna tshogs 'byung ngo // den sems can gang dag chu klung gi 'gram de dag tu zang zing med pa lha'i dga' ba dang rtse ba myong bar 'dod pa de chu klung de dag tu 'jug pa'i tshe/ 'dod na chung long bu nub tsam du gnas so// 'dod na pus mo nub tsam dang / 'dod na rked pa nub tsam dang / 'dod na mtshan kun nub tsam dang / 'dod na med pa nub tsam du chu gnas par gyur te/ lha'i dga' ba dag kyang 'byung ngo / / der sems can gang dag chu grang bar gyur cig snyam du 'dod na'ang de dag la bsil bar 'gyur ro// gang dag dro bar gyur cig snyam du 'dod na'ang de dag la dro bar 'gyur ro// gang dge bsil ba dang dro bar gyur cig snyam du 'dod na'ang / de dag la chu de bsil ba dang dro bar 'gyur te bde bar 'gyur ro// chu klung chen po de dag ni lha'i shing ta ma la'i lo ma dang / a ka ru dang / dus kyi rjes su 'brang ba dang / rgya spos dang / tsan dan sbrul gyi snying po dang / spos mchog gis bskas pa'i chus yongs su gang ste/ 'bab pa lha'i me tog ut+pa la dang / pad+ma dang / ku mu ta dang / pad+ma dkar po dang / dri rab tu zhim pa dag gi me tog gis khebs pa/ khol khol dag na bya ngang pa dang / bzhang dang /

  783. 392b

    khrung khrung dang / ngur ba dang / ka ran da pa dang / ne tsa dang / ri skegs dang / khu byug dang / kun la dang / ka la bing ka dang / rma ba la sogs pa'i sgra yid du 'ong ba dang ldan pa/ de bzhin gshegs pas sprul pa'i bya'i tshogs kyis bsten pa/ ngang pa dang ngang pa'i rgyal po rnams kyis mdzes par byas pa dang / 'babs stegs bde/ ba/ 'dam rdzib med pa/ gser gyi bye ma bdal ba dag go/ de na gang gi tshe sems can de dag bdag cag gi bsam pa 'di 'dra ba yongs su rdzogs par gyur cig snyam du 'dod pa de'i tshe de dag gi bsam pa de lta bu dag chos dang ldan par yongs su rdzog par 'gyur ro/ / kun dga' bo chu de las yid du 'ong ba'i sgra 'byung ba gang yin pa des sangs rgyas kyi zhing der thams cad dang ldan pa'i la go bar byed do/ / de na sems can gang dag chu ngogs na 'khod pa dag sgra 'di bdag cag gi rna ba'i dbang po la grags par ma gyur cig ces 'dod na de de dag gi lha'i rna ba'i dbang po la grag par mi 'gyur ro/ / gang sgra rnam pa ji lta bu thos par 'dod pa de rnam pa de lta bu'i sgra yid du 'ong ba thos so// 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / pha rol tu phyin pa'i sgra dang / sa'i sgra dang / stobs kyi sgra dang / mi 'jigs pa'i sgra dang / sangs rgyas kyi chos

  784. 393a

    'dres pa'i sgra dang / mngon par shes pa'i sgra dang / so so yang dag par rig pa'i sgra dang / stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung ba dang / dngos po med pa dang / 'gag pa med pa'i sgra dang / zhi ba dang / rab tu zhi ba dang nye bar zhi ba'i sgra dang / byams pa chen po dang / snying rje chen po dang / dga' ba chen po dang / btang snyoms chen po'i sgra dang / mi skye ba'i chos la bzod pa dang dbang bskur ba'i sa rab tu thob pa'i sgra dag thos so/ / de sgra rnam pa de lta bu thos nas dga' ba dang mchog tu dga' ba rgya chen po thob bo// dben pa dang ldan pa dang / 'dod chags dang bral ba dang ldan pa dang / zhi ba dang ldan pa dang / 'gog pa dang ldan pa dang / chos dang ldan pa dang / byang chub yongs su 'grub pa'i dge ba'i rtsa ba dang ldan pa'i sgra 'byung ngo/ / kun dga' bo 'jig rten gyi khams bde ba can na mi dge ba'i ming yong med do// sgrib pa'i sgra yong med do// ngan song ngan 'gro rnam par ltung ba'i sgra'ang yang med do// sdug bsngal gyi sgra'ang yong med do/ / kun dga' bo de na sdug bsngal yang ma yin/ bde ba'ang ma yin pa'i tshor ba'i sgra'ang med na/ sdug bsngal dang sdug bsngal gyi sgra

  785. 393b

    lta ga la yod/ kun dga' bo mdor bsdu na rnam grangs 'dis 'jig rten gyi khams bde ba can zhes bya ste/ rgyas par ni ma yin no// kun dga' bo rgyas par byed na bskal pa 'am/ bskal pa las lhag pa zad zad du 'jig rten gyi khams bde ba can gyi bde ba'i rgyu yongs su brjod kyang / bde ba'i rgyu de dag gi mtha' rtogs par mi nus so// kun dga' bo 'jig rten gyi khams bde ba can der sems can gang dag skyes pa dang / skye ba dang / skye bar 'gyur ba de dag thams cad kyang gzugs dang / kha dog dang / stobs dang / mthu dang / chu zheng dang / dbang dang / bsod nams bsags pa dang / mngon par shes pa dag dang / gos dang / rgyan dang / skyed mos tshal dang / gzhal med khang dang / khang pa brtsegs pa yongs su spyad pa rnam pa de lta bu dag dang / gzugs dang / sgra dang / dri dang / ro dang / reg bya yongs su spyad pa rnam pa de lta bu dag dang / madra spyod dang yongs su spad pa rnam pa de lta bu thams cad dang ldan te/ dper na gzhan 'phrul dbang byed kyi lha rnams dang 'dra'o// kun dga' bo 'jig rten gyi khams bde ba can gyi sems can dag kham gyis zo ba rags pa'i kha zas mi za'o/ / kha zas rnam pa ji lta bu 'dod pa rnam pa de lta bu 'byor pa nyid du shes te/ lus tshim par 'gyur/ gzugs tshim par 'gyur

  786. 394a

    ra/ / de dag yang lus la 'jug par mi byed do// de dag lul tshis nas spos kyi rnam pa ji lta bu 'dod pa de lta bu'i lha'i spos kyi rnam pa dag gis sangs rgyas kyi zhing thams cad bdugs par 'gyur ro/ / de na gang dri de la sdom par mi 'dod pa de la spos dri'i dri'i 'du shes dang bskus pa tsam yang 'byung bar mi 'gyur ro// de ltar gang dag spos dang / 'phreng ba dang / byug pa dang / phye ma dang / gdugs dang / rgyal mtshan dang / ba dan dang / sil snyan rnam pa ji lta bu dag 'dod pa de dag gi rnam pa de lta bu de dag gis sangs rgyas kyi zhing de thams cad yongs su khyab par 'gyur ro/ / de dag gos kha dog tha dad pa/ kha dog brgya stong du ma ci 'dra ba 'dod pa de lta bu gos rin po dag gis sangs rgyas kyi zhing de thams cad yongs su khyab par 'gyur zhing / lus la bgos par bdag nyid kyis shes so// de dag 'di lta ste/ mgo'i rgyan nam/ rna ba'i rgyan nam/ mgul ba dang / lag pa dang / rkang pa'i rgyan 'di lta ste/ cod pan dang / rna cha dang / gdu bu dang / dpung rgyun dang / do shAl dang / sa mo dang / rna rgyan dang / sor gdub dang / gser gyi cong tshong dang / ska rags dang / gser gyi dra ba dang / mu tig gi dra ba dang / rin po che thams cad kyi dril bu g.yer kha'i dra ba dang /

  787. 394b

    rgyan ji lta bu 'dod pa rnam pa de lta bu'i rgyan rin po che brgya stong du mas spras pa dag 'di lta ste/ rin po che'i shing ljon pa la 'byung bas sangs rgyas kyi zhing de gang bar mthong ste/ rma de dag bdag gis brgyan par yang shes so/ / de dag gang kha dog dang / rtags dang / dbyibs dang / chu zheng gi bar dang / rin po che sna tshogs kyi ba gam brgya stong gis brgyan pa/ rin po che'i khri lha'i ras bcos bu sna tshogs bting ba/ sngas khra bo bzhag pa dang ldan pa'i gzhal med khang ji lta bu 'dod pa de lta bu'i gzhal med khang de dag de dag gi mdun du 'byung ste/ de dag rin po che'i gzhal med khang grub pa de dag gi nang na/ lha'i bu mo bdun stong bdun stong gis yongs su bskor cing mdun gyis bltas nas 'khor de/ rtse zhing dga' la dga' mgur spyod do// 'jig rten gyi khams de na lha dang mi rnams tha dad pa med de/ gzhan du na kun rdzob kyi tha snyad kyis lha dang mi zhes bya ba'i grangs su 'gro ba ni ma gtogs so/ / kun dga' bo 'di lta ste/ dper na 'khor los sgyur ba'i rgyal po'i mdun na mi ma rabs dang mi za ma ni lham mo ma yin/ lhan ne ma yin/ ldang de ma yin zhing / mi 'jigs pa ma yin la/ 'od gsal ba ma yin no// de bzhin du gzhan 'phrul dbang byed kyi lha rnams kyi mdun na/ lnga'i dbang po brgya byin yang 'di lta

  788. 395a

    ste/ skyed mos tshal dang / gzhal med khang dang / gos dang / rgyun dang / dbang dang / rdzu 'phrul dang / cho 'phrul dang / dbang phyug gis lham me ma yin/ lhan ne ma yin/ lhang nge ma yin te/ chos mngon par rtogs pa dang / chos la yongs su spyod pa ni ma gtogs so// kun dga' bo de la gzhan 'phrul dbang byed kyi lha rnams ci 'dra ba de 'dra bar bde ba can gyi 'jig rten gyi khams kyi mi rnams blta bar bya'o/ / kun dga' bo 'jig rten gyi khams bde ba can de na/ snga rdo dus nye bar gnas pa'i tshe/ phyogs bzhi kun nas 'khrugs shing / kun tu 'khrugs pa'i rlung ldang ste/ de dag gis rin po che'i shing ljon pa bkra ba blta na sdug pa/ kha dog tha dad pa/ kha dog du ma yod pa/ lha'i spos dri rab tu zhim pa sna tshogs kyis bsgos pa de dag bskyod/ kun tu bskyod/ bskul/ kun tu bskul nas/ de dag las me tog rnam pa mang po yid du 'ong ba'i bsung can/ blta na sdug pa dag rin po che'i sa chen po de la 'phrul te/ me tog de dag gis sangs rgyas kyi zhing de kun tu mi 'greng bdun srid du bkram par 'gyur ro/ / 'di lta ste/ dper na skyes bu se la me tog 'grams mkhas pa zhig gis lag pa gnyis kas bkram ste/ mnyam par bkod na shin tu bkra zhing bltan

  789. 395b

    sdug go/ / de bzhin du me tog bsung dang kha dog tha dad pa dang ldan pa de dag gis sangs rgyas kyi zhing de kun tu mi 'greng bdun tsam du khyab par 'gyur ro// me tog gi rnam pa de dag ni 'jam pa ste/ dpe tsam du de na gos ka tsa lin da ltar reg na bde ba'o// de dag gi rkang pa 'jog pa na sor bzhi tsam gyis dma' bar 'gyur zhing / rkang pa bteg pa na sar bzhi tsam gyis mtho bar 'gyur ro/ / snga dro'i dus 'das nas ni me tog de dag kyang ma lus par med pa 'gyur te/ de'i 'og tu sangs rgyas kyi zhing de dben pa dang / nyams dga' ba dang / dga' bar 'gyur zhing / me tog snga ma rnams kyis brnyogs pa med par 'gyur ro// de nas yang phyogs bzhi kun nas rlung langs te/ gang sngon ma byung ba'i me tog gsar pa dag mngon par 'thor ro/ / snga dro ji lta bar nyi ma'i gung dang / phyi dro'i dus kyi tshe dang / mtshan mo'ang srod dang / nam gyi gung dang / zo rangs kyang de bzhin no/ / spos dri sna tshogs kyis bsgos pa'i rlung de dag langs nas/ sems can de dag la reg na 'di lta ste/ dper na dge slong 'gog pa la snyoms par zhugs pa lta bu'i de ba dang ldan par 'gyur ro/ / kun dga' bo sangs rgyas kyi zhing de na/ de bzhin gshegs pas bsnyad pa ma gtogs par ma dang dang / nyi ma dang / zla ba dang / gza

  790. 396a

    dang / rgyuskar dang / sa'i gzugs dang / wAnA b+hU srAnA sat+taka seMng du gdags pa yang da// rgyun mo dang sa ldan mar ga gas pa'ang ma do/ / khyim yongs su 'dzin po'i 'du shes kyang yong med do// kun dga' bo 'jig rten gyi khams bde ba can de na dus dus su lha'i spos chu'i sprin gyi char mngon par 'bab bo// lha'i me tog kha dog thams cad dang ldan pa dag dang / lha'i rin po che sna bdun dang / lha'i tsan gyi phye ma dang / lha'i gdugs dang / rgyal mtshan dang / ba dan gyi char mngon bar 'bab bo/ / lha'i bla re dag kyang 'dzin to// lha'i rin po che'i gdugs rnga ma'i bsil yab dang bcas pa dag kyang nam mkha' la 'dzin to// lha'i rol mo'i dbyangs sgra dag kyang sgrogs shing / lha'i bu mo dag kyang gar byed do// kun dga' bo sangs rgyas kyi zhing der sems can gang dag skyes pa dang / skye ba dang / skye bar 'gyur ba de dag thams cad mya ngan las 'das kyi bar du yang dag pa nyid du nges par 'gyur ro/ / de ci'i phyir zhe na/ de ni 'di lta ste/ mangs pa dang log pa nyid du nges pa'i phung po gnyis rnam par gzhag pa 'am/ gdags pa med pa'i phyir ro// kun dga' bo mdor bsdu na rnam grangs 'dis 'jig rten gyi khams de bde ba can zhes bya ste/ rgyas par ni ma yin no// kun dga' bo rgyas par

  791. 396b

    bstan na ni bskal pa zang zad du 'jig rten gyi khams bde ba can gyi bde ba'i rgyu rnams yongs su brjod kyang / bde ba'i rgyu de dag gi mtha' rtogs par mi nus so// de nas de'i tshe bcom ldan 'das kyis tshigs su bcad pa 'di dag bka' stsal to// sems can thams cad bde bar gshegs gyur la// dam pa'i don mkhas ye shes rnam dag ste/ / de dag bskal pa'am 'on te lhag par ni// bde ba can gyi bsngags pa rab rjod kyang // bsngags pa'i 'phreng ba rab tu brjod pa na// bskal pa bye ba de dag zad 'gyur gyi// bde ba can gyi bsngags pa mthar mi byin// de dag spobs pa'ang zad par 'gyur ma yin// gang gis phra rab rdul snyed 'jig rten khams// bshig cing btags te rdul du byas gyur ba/ / de bas mang ba'i 'jig rten khams kyi rnams// rin chen bkang ste sbyin pa byin pa ni// gang gis dpag tu med pa'i 'od mtshan dang // bde ba can gyi yon tan khyad 'phags rnams/ thos nas dga' ste thal mo sbyor byed pa// bsod nams 'di yi char yang 'gyur ma yin// de lta bas na de bzhin gshegs de yi// yon tan thos nas mgu dang ngang skyed la/ / bde ba can gyi 'jig rten khams mchog tu// 'gro bar bya phyir mos pa drag po skyed// gang gis bde ba can gyi 'jig rten gyi// ming thos pa yi bsod nams de la ni//

  792. 397a

    zhing mchog thag gru chen po de dag kun// cha dang dpe yang 'gyur ba ma yin no// gang dag rgyal ba'i bka' dang shes rab can// de dag de bas bsod nams mang du 'gyur/ / don dam thob phyir dad pa rtsa ba ste// de lta bas na thos nas yid gnyis sol// kun dga' bo 'jig rten gyi khams bde ba can gyi yon tan dang bsngags pa de ltar dpag tu med do/ / kun dga' bo phyogs bcu'i phyogs re rer yang / sangs rgyas kyi zhing gang+gA'i klung gi bye ma snyed dag na/ sangs rgyas bcom ldan 'das gang+gA'i klung gi bye ma snyed dag bcom ldan 'das de bzhin gshegs pa 'od dpag med de'i mtshan yongs su brjod do/ / bsngags pa gsung ngo // grags pa rab tu sgrogs so// yon tan rjod do// de ci'i phyir zhe na/ sems can gang dag kha cig gis bcom ldan 'das 'od dpag med de'i mtshan thos la/ thos nas kyang tha na sems bskyed pa gcig tsam zhig bsam pa thag pa nas dang ba dang ldan pas skyed pa de dag thams cad bla na med pa yang dag par rdzogs pa'i byang chub las phyir mi ldog pa'i phyir ro/ / kun dga' bo sems can gang dag kha cig/ de bzhin gshegs pa de rnam pas yang dang yang yid la byed pa dang / dge ba'i rtsa ba mang po dpag tu med pa skyed pa dang / byang chub tu sems yongs su bsngos te/ 'jig rten

  793. 397b

    gyi khams der skye bar smon lam 'debs pa de dag 'chi ba'i dus nye bar gnas pa na/ de bzhin gshegs pa dgra bcom pa yang dag par rdzogs pa'i sangs rgyas 'od dpag med de/ dge slong gi tshogs du mas yongs su bskor cing mdun gyis bltas nas bzhugs par 'gyur te/ de dag gis bcom ldan 'das 'od dpag med de mthong nas rab tu dang ba'i sems kyis shi 'phos te/ 'jig rten gyi khams bde ba can de nyid du skye bar 'gyur ro// kun dga' bo rigs kyi bu 'am/ rigs kyi bu mo gang la la bdag gis tshe 'di nyid la de bzhin gshegs pa 'od dpag med mthong yang ci ma rung snyam du sems pa des bla na med pa yang dag par rdzogs pa'i byang chub tu sems bskyed la/ lhag pa'i bsam pa'i rgyud kyis sangs rgyas kyi zhing der skye bar bya ba'i phyir sems yang dag par btang ste/ dge ba'i rtsa ba rnams bskyed par bya zhing / yongs su bsngo bar bya'o// kun dga' bo gang dag yang de bzhin gshegs pa de'ang yid la byed cing / dge ba'i rtsa ba mang po dpag tu med pa rgyun du skyed la/ sangs rgyas kyi zhing der sems yang dag par gtong ba de dag 'chi ba'i dus nye bar gnas pa na/ de bzhin gshegs pa dgra bcom pa yang dag par rdzogs pa'i sangs rgyas 'od dpag med de'i kha dog dang / dbyibs dang / chu zheng dang / zhabs

  794. 398a

    'bring ba dge slong gi dge 'dun ci 'dra ba de 'dra ba'i sangs rgyas kyi sprul pa dag mdun du gnas par 'gyur te/ de dag de bzhin gshegs pa mthong bas rab tu dang ba la dmigs pa'i ting te 'dzin de dang / brjod pa med pa'i dran pas shi 'phos nas/ sangs rgyas kyi zhing de nyid du skye bar 'gyur ro// kun dga' bo sems can g ang dag de bzhin gshegs pa de tha na sems bskyed pa gcig tsam rjes su dran par byed cing sangs rgyas kyi zhing der skye bar yang 'dod la chos zab mo dag 'chad pa na dga' ba 'thob cing sgyid lug pa med la/ mi 'gong mi zhum cing / za na sems bskyed pa gcig tsam de bzhin gshegs pa 'od dpag med de yid la byed de/ 'dod pa'ang skyed na de dag rmi lam na de bzhin gshegs pa 'od dpag med de mthong zhing 'jig rten gyi khams bde ba can du skye bar 'gyur/ bla na med pa yang dag par rdzogs pa'i byang chub las phyir mi ldog par yang 'gyur ro/ / kun dga' bo de bzhin gshegs pa de dag don gyi dbang de gzigs nas/ phyogs bcu'i 'jig rten gyi khams grangs med dpag tu med pa dag na/ de bzhin gshegs pa 'od dpag med de'i mtshan kyang yongs su rjod/ bsngags pa'ang gsung bstod pa'ang sgrags so// kun dga' bo phyogs bcu'i phyogs

  795. 398b

    nas kyang byang chub sems dpa' gang+gA'i klung gi bye ma snyed dag/ de bzhin gshegs pa 'od dpag med de la blta ba dang / phyag bya ba dang / bsnyen bkur bya ba dang / yongs su dri ba bya ba dang / byang chub sems dpa'i tshogs de dang / sangs rgyas kyi zhing gi yon tan gyi rgyan bkod pa phun sum tshogs pa'i khyad par de dag blta ba'i phyir sangs rgyas kyi zhing der 'dong ngo / / de nas de'i tshe bcom ldan 'das don 'di nyid rgyas par gsung zhing tshigs su bcad pa 'di dag bka' stsal to// 'dren pa 'od dpag med kyis sangs rgyas la/ / phyag bya'i phyir ni shar gyi sangs rgyas zhing // mtha' yas gang+gA'i klung gi bye snyed na// rdzogs pa'i byang chub sems dpa' de dag lhags// de dag me tog kha dog tha dad pa/ / dri zhim yid 'ong mang po snyim thogs te// tshe dpag med pa lha dang mis mchod pa// mi yi 'dren pa mchog la rab tu 'thor// 'dren pa 'od dpag med kyi sangs rgyas la/ / phyag bya'i phyir ni de bzhin lho nub dang // byang phyogs sangs rgyas zhing rnams ji snyed nas// rdzogs pa'i byang chub sems dpa' de dag lhags// de dag spros kyi kha dog tha dad pa/ / dri zhim yid 'ong mang po snyim thogs te// tshe dpag med pa lha dang mis mchod pa// mi yi 'dren pa mchog la rab tu 'thor// byang chub sems dpa' mang

  796. 399a

    po de dag gis/ / mchod pa byas te dpag med 'od zhabs la// phyag 'tshal bskor ba byas nas 'di skad du// sangs rgyas zhing ni ngo mtshar mdzes shes 'dzer/ / dga' zhing mgu ba'i sems ni gzhal yas gyis// de dag gis ni me tog snyim gtor nas// 'dren pa de yi spyan sngar 'di skad du// bdag cag zhing yang 'di 'drar gyur ces smras/ / de dag me tog snyim pa gtor ma thag/ de tshe dpag tshad brgya pa'i gdugs gyur te// legs par brgyan cing yu ba bkra bas mdzes// sangs rgyas sku la kun tu khebs par nas/ / byang chub sems dpa' de dag de bzhin du// bsnyen bkur byas nas 'ga' ste 'di skad du// gang dag gis ni mi mchog mtshan thos pa// sems can de dag rnyed pa legs rnyed 'dzer/ / sangs rgyas zhing 'dir bdag cag lhags pas na// bdag cag gis ni sngon rnyed legs par rnyed// bskal pa stong du ston pas gang bsgrubs ba/ / rmi lam lta bu'i zhing ni ci 'dra ltos// 'od ni dpag med gzi brjid dpag bde pa// sku tshe dpag med dge 'dun dpag med pa// byang chub sems dpas bskor cing mdzes gyur pa/ / sangs rgyas bsod nams phung po mchog la ltos// de nas tshe dpag med kyis 'dzum mdzad nas// 'od 'phro bye ba khrag khrig sum cu drug/ de dag zhal gyi dkyil

  797. 399b

    'khor nas byung ste/ / zhing stong bye ba dag ni khyab par mdzad// 'od 'gro de dag thams cad slar log ste// 'dren pa'i smig tsug dar ni nub par gyur// ngatsha 'ang 'phro nub par/ gyur nas ni// lha dang mi rnams dga' ba rab tu skyed// de nas sangs rgyas sras po grags chen po// spyan ras gzigs kyi dbang phyug de langs te// gang slad 'jig rten mgon po 'dzum mdzad pa/ / bcom ldan de yi rgyu dang rkyen gang lags// sems can yang 'gro la phan pa thugs brtse can// don dam mkhas pa de ni lung bstan sol// gsung mchog yid du mchi ba de thos nas/ / sems can dag ni dga' ba'i sems su 'gyur// 'jig rten khams mang byang chub sems dpa' dag/ sangs rgyas blta slad bde can 'dir mchi ga/ / de dag thos nas dga' ba cher bskyed de// myur du zhing 'di rnam par lta bar 'gyur// rgya chen zhing 'dir lhags par gyur nas kyang // lha yi mig dang lha yi rna ba dang / tshe rabs dran dang blo gros mkhas mchog dang // rdzu 'phrul stobs kyang myur du thob par 'gyur// sangs rgyas tshe dpag med kyis lung bstan pa// ngas ni sngon tshe smon lam 'di skad btab/ / sems can dag gis nga yi ming thos na// nga yi zhing du rtag tu 'ong bar shog/ nga yi smon lam bzang ba de rdzogs pas// 'jig rten khams mang dag nas sems

  798. 400a

    can 'ong / / de dag nga yi zhing du lhags nas ni// de dag skye ba gcig las phyir mi ldog/ de'i phyir byang chub sems dpa' gang zhig 'dir// bdag gi zhing yang 'di 'drar 'gyur ba dang / / bdag gis ming dang sgra dang lta bas kyang // sems can mang po sgrol bar bya 'dod pa// de ni myur du rings par la gong du// bde ba can gyi 'jig rten khams song la/ / 'od dpag med kyi gan du son nas ni// sangs rgyas bye ba stong la mchod pa gyis// rdzu 'phrul stobs kyis zhing mang son nas ni// sangs rgyas bye ba mang la mchod byas te/ / bde bar gshegs la mchod pa byas nas kyang // dro khar bde ba can du slar yang 'ang // / bam po gsum pabapa ste tha ma'o/ / kun dga' bo de bzhin gshegs pa dgra bcom pa yang dag par rdzogs pa'i sangs rgyas 'od dpag med de'i byang chub kyi shing ni 'phang du dang ga tshad stong drug brgya yod pa yal ga dang / lo ma dang / 'dab ma dpag tshad brgyad rgya tshun chad du 'phyang ba/ rtsa ba'i sboms dang khrun dpag tshad lnga brgya yod pa/ rtag tu la mi chags pa/ rtag tu me tog chags pa/ rtag tu 'bras bu chags pa/ kha dog tha dad pa/ kha dog brgya stong du ma yod pa/ lo mtha dad pa/ me tog tha

  799. 400b

    dad pa/ 'bras bu tha dad pa/ rgyan sna tshogs kyis brgyan pa/ zla ba lta bur snang ba'i nor bu rin po ches yongs su gsal ba/ brgya byin thogs pa'i nor bu rin po ches rnam par spras pa/ yid bzhin gyi nor bu rin po ches gang ba/ rgya mtsho'i nor bu rin po che mchog gis shin tu rnam par spras pa/ kha dog lha'i las 'das pa gser gyi skud pa 'phyang ba/ se mo do mdzes pa dang / rin po che'i chun po dang / rgyan 'phreng dang / do shal tshig rgyan dang / mu tig dmar po'i rgyan 'phreng dang mu tig sngon po'i rgyan 'phreng dang / seng ge'i kha nas 'phyang ba'i ska rags kyi tshogs yod pa rin po che'i skud pa dang / rin po che thams cad dang / dung gis mngon par smras pa/ gser gyi dra ba dang / mu tig gi dra ba dang / rin po che thams cad kyi dra ba dang / dril bu g.yer kha'i dra bas bla rer bres pa/ chu srin dang bkra shis pa dang / g.yung drung 'khyil ba dang / zla gam lta bus legs par brgyan pa/ nor bu 'khrol ba dang / gser dang / rin po che'i rgyan thams cad kyis brgyan ba/ sems can gyi bsam pa'i rnam par rig pa ji lta ba bzhin du legs par brgyan pa'o// kun dga' bo byang chub kyi shing de rlung gis bskyod na/ sgra dbyangs 'byung ba gang yin pa

  800. 401a

    des 'jig rten gyi khams tshad med pa go bar byed do/ / kun dga' bo de la byang chub kyi shing gi sgra de sems can gang dag gi rna lam du grags pa de dag byang chub kyi mtha'i bar du rna nad kyis ma btab par shes par bya'o/ / sems can dpag tu med/ grangs med/ bsam gyis mi khyab/ mtshungs pa med/ gzhal du med tshad med/ brjod du med pa gang dag gi mig lam du byang chub kyi shing de snang ba de dag byang chub kyi mtha'i bar du mig nad kyis ming btab par shes par bya'o// kun dga' bo sems can gang dag byang chub kying shing de'i dri tshor ba de dag kyang byang chub kyi mtha'i bar du nam yang sna nad kyis mi btab par shes par bya'o/ / sems can gang dag byang chub kyi shing de'i 'bras bu'i ro myang ba de dag kyang byang chub kyi mtha'i bar du nam yang lce nad kyis mi btab par shes par bya'o/ / byang chub kyi shing de'i 'od kyis sems can gang dag la khyab par gyur pa de dag kyang byang chub kyi mtha'i bar du nam yang lus la nad kyis mi btab par shes par bya'o/ / kun dga' bo sems can gang dag byang chub kyi shing de chos nyid du nges par sems pa de dag kyang de nas bzung ste/ byang chub kyi mtha'i bar du nam yang sems mi g.yeng bar shes par bya'o// sems can de dag thams cad ni byang chub kyi shing de mthong ma thag tu bla na med pa yang

  801. 401b

    dag par rdzogasaba'i byang chub las phyir mi ldog par 'gyur/ / de bzhin gshegs pa cha dpag med pa nyid kyi sman gyi smad las kyi byin gyi rlabs dang / sngon gyi rgyal bal lhag par bya ba byas pa dang / sngon gyi smon lam dang spyod pa shin tu rdzogs pa dang / shin tu bsgoms pa dang / mi nyung ba dang / ma tshang ba med pas 'di lta ste/ sgra'i rjes su 'gro ba dang / rjes su mthun pa dang / mi skyo ba'i chos la bzod pa dang / bzod pa rnam pa gsum 'thob bo// kun dga' bo byang chub sems dpa' gang dag sangs rgyas kyi zhing der skyes pa dang / skye ba dang / skye bar 'gyur ba de dag thams cad skye ba gcig gis thogs par gyur nas/ bla na med pa yang dag par rdzogs pa'i byang chub tu mngon bar rdzogs par 'tshang rgya bar 'gyur te/ smon lam gyi dbang ni ma gtogs so// byang chub sems dpa' de dag ni seng ge'i sgra chen po sgrogs pa/ go cha rgya chen po bgos pa sems can thams cad yongs su mya ngan las 'das pa la mngon par brtson pa sha stag go/ / kun dga' bo sangs rgyas kyi zhing de na nyan thos gang dag 'khod pa de dag ni 'od 'dom gang pa sha stag go/ / byang chub sems dpa' gang dag 'khod pa de dag ni 'od dpag tshad bye ba brgya stong pa sha stag ste/ byang chub sems dpa' gang 'ad kyis 'jig rten gyi khams de dag tu rgyun

  802. 402a

    mi 'chad par khor rug tu snang bas khyab par byed pa gnyis ni ma gtogs sa/ de nas bcom ldan 'das la/ tshe dang ldan pa kun dga' zas 'ang ces gsol to/ / bcom ldan 'das byang chub sems dpa' sems dpa' chen po de gnyis kyi ming ci zhes bgyi/ bcom ldan 'das kyis bka' stsal pa/ kun dga' bo de gnyis las gcig gi mang ni/ byang chub sems dpa' sems dpa' chen po spyan ras gzigs dbang phyug ces bya'o// gcig gi ming ni mthu chen thob ces bya ste/ kun dga' bo de gnyis ni sangs rgyas kyi zhing 'di nas shi 'phos nas sangs rgyas kyi zhing der skyes so/ / kun dka' bo byang chub sems dpa' gang dag sangs rgyas kyi zhing der skyes pa de dag thams cad ni/ skyes bu chen po'i mtshan sum cu rtsa gnyis dang ldan pa/ lus yongs su rdzogs pa/ bsam gtan dang mngon par shes pa la mkhas pa/ shes rab kyis rab tu dbye ba la mkhas pa/ dbang ba rna ba/ dbang po bsdams pa/ kun shes pa'i dbang po dang ldan pa ma zhum pa/ dbang po mi g.yo ba/ bzod pa thob pa/ yon tan mtha' yas mu med pa sha stag go// kun dga' bo byang chub sems dpa' gang dag sangs rgyas kyi zhing der skyes pa de dag thams cad na sangs rgyas mthong ba dang mi 'bral ba/ byang chub kyi mtha'i bar du log par mi ltung ba'i chos can sha stag ste/ de dag thams cad 'di nas nye bar bzung nas/ nam yang tshe rabs mi dran par mi 'gyur gyi/ tshe radra

  803. 402b

    dran par 'gyur te/ gang dag dper na da ltar gyi nga bzhin du snyigs ma'i dus na/ gang gi tshe sangs rgyas bcom ldan 'das dag 'jig rten du 'byung bar 'gyur ba de lta bu'i bskal pas dkrugs pa dag tu gan par sngon smon lam btab pa rnams ni ma gtogs so/ / kun dga' bo byang chub sems dpa' gang dag sangs rgyas kyi zhing der skyes pa de dag thams cad snga dro gcog bzhin 'jig rten gyi khams gzhan dag tu dong nas/ sangs rgyas bye ba khrag khrig phrag du ma la bsnyen bkur byed de/ de dag rnam pa 'di lta bu'i me tog dang / bdug pa dang / mar me dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / sil snyan dang / glu dbyangs dang / rol mo'i dbyangs sgra dag gis mchod pa bya'o snyam du ji lta ji ltar sems skyed cing / ji snyed 'dod ba rnams de dag gis sems bskyed ma thag tu sangs rgyas kyi mthus rnam pa de lta bu'i mchod pa'i yo byad thams cad lag pa nas 'byung bar 'gyur te/ de dag gis me tog na so rol mo'i dbyangs sgra'i pabar de dag gis sangs rgyas bcom ldan 'das de dag la mchod pa byed la/ dge ba'i rtsa ba mang po tshad med grangs med pa dag kyang skyed cing sogs so// gal te me tog gi skon bu rnam pa 'di lta lag pa nas byung bar gyur cig ces 'dod na'ang / de dag gis sems bskyed ma thag tu lha'i me tog kha dog tha dad pa/ dri tha dad pa/ dri du ma yod pa'i skon bu dag lag pa nas byung ste/ de dag gis

  804. 403a

    skon bu'i me tog rnam pa de lta bu de dag sangs rgyas bcom ldan 'das de dag la 'thor/ mngon par 'thor/ mngon par rab tu 'tha ga// skon bu'i me tog gtor ba dag thams cad las nang gi chung ngu gang yin pa de'ang steng gi bar snang la dpag tshad bcu'i tshad tsam gyi me tog gi gdugs su 'gyur te/ phyi ma shos ma gtor gyi bar du snga ma sa la mi ltung ngo // de na skon bu'i me tog gtor ba gang steng gi bar snang la dpag tshad nyi shu'i tshad tsam gyi gdugs su 'gyur ba'ang yod/ dpag tshad sum cu dang bzhi bcu'i tshad tsam yang yod/ steng gi bar snang la me tog gi gdugs dpag tshad brgyad stong gi tshad kyi bar tsam du 'gyur ba dag kyang yong ngo do/ / de na gang dag dga' ba dang mchog tu dga' ba rgya chen po skyed cing / sems dga' ba rgya chen po thob pa de dag dge ba'i rtsa ba grangs med dpag tu med pa bskyed nas/ sangs rgyas bye ba khrag khrig brgya stong phrag mang po la bsnyen bkur byas te/ snga dro gcig la skor lag nas 'jig rten gyi khams bde ba can du gnas so// bcom ldan 'das de bzhin gshegs po tshe dpag med de'i sngon gyi smon lam gyi byin gyi rlabs kyis yongs su zin pa dang / sngon chos mnyan pa byin pa dang / sngon gyi rgyal ba la dge ba'i rtsa ba bskyed pa dang sngon gyi smon lam 'byor cing yongs su rdzogs pa dang / mi nyung ba dang / shin tu rnam par phye ba dang / shin tu bsgoms pas smon lam btab pa grub bo// kun dga' bo byang chub sems dpa' gang dag sangs

  805. 403b

    rgyas kyi zhing der skyes par gyur pa de dag thams cad ni/ thams cad mkhyen pa nyid dang ldan pa'i chos kyi gtam smra ba dag go// sangs rgyas kyi zhing de na sems can dag yongs su 'dzin pa'i 'du shes 'ga' yang mi skyed do/ / de dag thams cad sangs rgyas kyi zhing de kun tu 'chag cing rnam par rgyu ba na dga' ba dang mi dga' ba mi skyed do// 'gro ba na'ang ltos pa med pa nyid du 'gro'i/ ltos pa dang bcas par ma yin no/ / 'di lta ste/ dngos po yongs su 'dzin pa dang / gnas kyi sems dang / sems de lta bu dag de dag la yong med de// kun dga' bo byang chub sems dpa' gang dag 'jig rten gyi khams bde ba can der skyes pa de dag la gzhan gyi 'du shes med/ rang gi 'du shes med/ bdag gi 'du shes med/ 'thab pa med/ rtsod pa med/ mi mthun pa med/ mi mnyam pa'i sems med de/ de dag ni sems can thams cad la sems mnyam pa dang / phan pa'i sems dang / byams pa'i sems dang / mnyan pa'i sems dang / 'jam pa'i sems dang / dge ba'i sems dang / rab tu dang ba'i sems dang / brtan pa'i sems dang / sgrib pa med pa'i sems dang / 'khrugs pa med pa'i sems dang / rnyog pa med pa'i sems dang / shes rab kyi pha rol tu phyin pa la spyad pa spyod pa'i sems dang / sems kyi rgyud sgyu ma'i rang bzhin la blo rab tu zhugs pa/ shes rab rgya mtsho chen po dang mnyam pa/ blo ri rab dang mtshungs pa/ yon tan du ma bsags pa/ byang chub kyi yan log yang dag par 'gro

  806. 404a

    pas rnam par rtsen pa/ sangs rgyas yang dag par 'gro ba la mngon par brtson pa/ sha'i mig rab tu rnam par 'byed pa/ lha'i mig mngon par bsgrub pa/ shes rab kyi mig rtogs par khong du chud pa/ chos kyi mig gi pha rol tu son pa/ sangs rgyas kyi spyan bsgrub cing 'chad de ston la/ rgya cher yang dag par rab tu ston cing chags pa med pa'i yo shes mngon par bsgrub pa/ khams gsum mnyam pa nyid du mngon par brtson pa/ sems dul ba/ sems zhi ba/ chos thams cad mi dmigs pa dang ldan pa/ kun 'byung ba'i nges pa'i tshig la mkhas pa/ chos kyi nges pa'i / tshig dang ldan pa/ gsal ba dang mi gsal ba la mkhas pa/ tshul dang tshul ma yin pa'i gnas la mkhas pa/ 'jig rten pa'i gtam la mi lci bar gnas pa/ 'jig rten las 'das pa'i gtam rnam kyis snying po rtogs pa/ chos thams cad yongs su tshol ba la mkhas pa/ chos thams cad rang bzhin gyis nye bar zhi bar shes pas gnas pa/ dmigs pa med pa'i spyod yul ba/ ci'ang med pa/ len pa meng ba/ sems pa med pa/ phung po med pa/ len pa med pas shin tu rnam par grol ba/ nyon mongs pa med pa/ mngon par shes pa rnams la thug pa med par gnas po/ rtsa ba med pa gnas pa/ sems chags pa med pa/ zhum pa med pa/ chos zab mo rnams la mngon par brtson pa/ sgyid lug pa med pa/ sangs rgyas kyi ye shes rtogs par dka' ba la 'jug pas 'phags pa/ bgrod pa gcig pu'i lam

  807. 404b

    rjes su thob pa/ tsom mad pa/ dag pa las rgal ba/ shes pa gzhan gyi dring la mi 'jog pa/ lhag pa'i ngargyal med pa/ ye shes kyis mngon par 'phags te ri ba dang brdungs pa/ 'khrugs pa med pa blo rgya mtsho dang 'dra ba/ shes rab kyi 'od dang / dkar zhing shin tu dkar la dag cing dge ba'i sems dang / gser btso ma'i kha dog dang 'dra ba snang zhing 'od 'byung ba'i yon tan gyi mchog gis nyi zla'i las shin tu 'das pa/ sems can thams cad kyi dge ba dang mi dge ba bzod pas sa dang mtshungs pa/ nyon mongs pa'i dri ma 'khra bar 'bab pas chu dang 'dra ba/ chos thams cad la rlom sems su byed pa dang nyon mongs pa sreg pa'i phyir me'i rgyal po dang mtshungs pa/ 'jig rten thams cad la mi chags pa'i phyir rlung dang 'dra ba/ chos thams cad nges par phigs pa dang thams cad du ci'ang med pa'i phyir nam mkha' dang mtshungs pa/ 'jig rten thams cad kyis mi gos pa'i phyir pad+ma dang 'dra ba/ chos dang chos ma yin pa mngon par sgrogs pas dus kyi rjes su 'brang ba'i 'brug chen po dang mtshungs pa/ chos kyi chu'i char mngon par 'bebs pas char pa chen po dang 'dra ba/ tshogs chen po zil gyis gnon pas khyu mchog dang mtshungs pa/ sems shin tu mchog tu dul bas glang po che chen po dang 'dra ba shin tu dul bas rta cang shes bzang po dang mtshungs pa/ rtsal dang mi 'jigs pas skrag pa med pa'i phyir ri dgas kyi rgyal po seng ge dang 'dra ba/ sems can thams cad yongs su skyobs pas shing gi

  808. 405a

    rgyal po n+ya gro d+ha dang mtshungs pa/ phas kyi rgol ba thams cad kyis mi g.yos pas ri'i rgyal po ra rab dang 'dra ba/ byams pa tshad med pa bsgoms pas nam mkha' dang mtshungs pa/ dge ba'i chos thams cad kyi dbang du bya ba'i sngon du 'gro bas tshangs pa chen po dang 'dra ba/ gnas su sogs pa med pas bya dang mtshungs pa/ phas kyi rgol ba thams cad rnam par 'joms pas bya'i rgyal po nam mkha' lding dang 'dra ba/ 'byung bar dka' ba'i phyir u dum wa ra'i me tog dang mtshungs pa/ rgya mtsho ltar shin tu mnyam par gzhag pa/ rnam par g.yeng ba med pa/ dbang po rmugs pa med pa/ rnam par gtan la 'bebs pa la mkhas pa/ bzod pa dang nges pa mang ba/ pha rol phun sum tshogs par smon pas phrag dog med pa/ chos kyi gtam rnams la 'jigs pa med pa/ chos yong+ga su tshol bas ngoms mi myong ba/ tshul khrims kyis bai DUR+Ya dang 'dra ba/ thos pas rin po che'i 'byung gnas dang mtshungs pa/ chos kyi rnga sgra chen pos sgra snyan pa/ chos kyi rnga chen po rdung ba/ chos kyi dung chen po 'bud pa/ chos kyi rgyal mtshan chad po bsgreng ba/ chos kyi ba dan chen po 'dzin pa/ chos kyi sgron ma chen po rab tu 'bar bar byed pa/ shes rab kyis rnam par lta ba/ rmongs pa med pa/ zhe sdang med pa/ zab / tul ba/ dag pa/ dring ba med pa/ brkam pa med pa/ yang dag par 'gyed pa la dga' ba/ gtong ba btang ba/ sbyin pa la lag brkyang ba/ chos dang zang zing yang dag par 'gyed pa la dga' ba/ sbyin pa la

  809. 405b

    ser sna med pa/ 'dres pa med pa/ yid 'jigs pa med pa/ chags pa med pa/ brtan pa/ dpa' ba/ gces par 'dzin pa/ mos pa dang ldan pa/ ngo tsha shes pa dang ldan pa/ zug rngu phyung/ gtan pa med pa/ mngon par shes pa thob pa/ nges pa/ 'grogs na bde ba/ don byed pa/ 'jig rten gsal bar byed pa/ 'dren pa/ dga' ba'i 'dod chags dang / rjes su chags pa dang / khong khro ba spangs pa/ dag pa/ mya ngan dang bral ba/ dri ma med pa/ dri ma gsum spangs pa/ mngon par shes pas rnam par rtsen pa/ rgyu'i stobs can/ smon lam gyi stobs can/ mi dman pa/ gya gyu med pa/ sangs rgyas bye ba khrag khrig brgya stong mang po la dge ba'i rtsa ba bskyed pa/ nga rgyal gyi zug rngu bton pa/ 'dod chags dang / zhe sdang dang / gti mug dang bral ba/ dag pa/ dge ba la mos pa/ rgyal ba dam pas bsngags pa/ 'jig rten mkhas pa/ sbyangs pa'i ye shes yang dag par bsgrubs pa/ rgyal bas bstod pa/ sems dga' ba dang ldan pa/ brtul bod pa/ sran thub pa/ mnyam pa med pa/ gzhal du med pa/ rdul med pa/ 'dus pa/ rgya che ga khyu mchog tu gyur pa/ bden pa smra ga blo dang ldan pa/ dran pa dang ldan pa/ blo gros dang ldan pa/ rtogs pa dang ldan pa/ shes rab kyi mtshon cha'i lag cha can/ bsod nams dang ldan pa/ 'od dang ldan pa/ tha bo dang / dri ma dang / khong khro ba dang bral ba/ chos la rtag tu brtson pa/ chos thams cad la thos pa rgya mtsho lta bur gyur pa sha stag go/ kun dga' bo mdor bsdu na sangs rgyas kyi zhing

  810. 406a

    de'i byang chub sems dpa' rnams ni 'di lta bu sha stag go/ / rgyas par bya na gal te de bzhin gshegs pa tshe'i tshad bskal pa bye ba khrag khrig brgya stong du gnas pas bstan kyang / skyes bu dam pa de dag gi yon tan gyi mtha' bstan par mi nus la/ de bzhin gshegs pa'i mi 'jigs pa'ang rgyan chad par mi 'gyur ro// de ci'i phyir zhe na/ kun dga' bo 'di lta ste/ byang chub sems dpa' de dag gi yon tan rnams dang / de bzhin gshegs pa'i shes rab kyi spobs pa bla na med pa de gnyis ka'ang bsam gyis mi khyab cing mtshungs pa med pa'i phyir ro// kun dga' bo longs la nub phyogs su phyogs te/ me tog gtor la thal mo sbar te/ gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med rdul med cing rnam par dag pa bzhugs shing 'tsho la gzhes shing chos kyang ston pa'i phyogs der phyag tshol cig/ de'i mtshan de'ang sgrib pa med par phyogs bcur grags te/ phyogs re re na'ang sangs rgyas bcom ldan 'das gsung chags pa mi mnga' zhing gsung thogs pa mi mnga' ba gang+gA'i klung gi bye ma snyed dag lan 'ga' lan 'ga' ma yin par bsngags pa brjod cing bstod de snyan pa gsung ngo / / de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das bdag de bzhin gshegs pa dgra bcom pa yang dag par rdzogs

  811. 406b

    pa'i sangs rgyas 'od dpag med de dang / tshe dpag med de dang / byang chub sems dpa' sems dpa' chen po sangs rgyas bye ba khrag khrig brgya stong mang po la dge ba'i rtsa ba bskrun pa de dag la lta 'tshal lo/ / tshe dang ldan pa kun dga' bos tshig 'di smras ma thag tu/ de nas de'i mod la de bzhin gshegs pa dgra bcom pa yang dag par rdzogs pa'i sangs rgyas de'i phyag gi mthil nas 'od gang gis sangs rgyas kyi zhing bye ba brgya stong snang bas khyab par 'gyur ba de lta bu'i 'od byung ngo / / de nas de'i tshe sangs rgyas kyi zhing bye ba brgya stong thams cad na ri nag po 'am/ rin po che'i ri 'am/ lhun po 'am/ lhun po chen po 'am/ btang zung ngam/ btang zung chen po 'am/ khor yug gam/ khor yug chen po 'am/ rtsig pa 'am/ ka ba 'am/ shing ljon pa stug po 'am/ skyed mas tshal lam/ gzhal med khang ngam/ lha dang mi gang su dag yod pa de dag thams cad las de bzhin gshegs pa 'od dpag med de'i 'od kyis thal bar gyur cing / zil gyis non par gyur to// 'di lta ste/ dper na nyi ma shar nas mi zhig 'dom gang tsam na 'dug ba la mi zhig lta ba de bzhin du/ de'i tshe 'di lta ste/ sangs rgyas kyi mthu dang 'od de yongs su dag pa'i phyir/ dge slong dang / dge slong ma dang / dge bsnyen dang / dge bsnyen ma dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag sangs rgyas kyi zhing 'di nas/ de bzhin gshegs pa dgra bcom pa yang dag par rdzogs po'i

  812. 407a

    sangs rgyas 'od dpag med ri'i rgyal por rab ltar/ sangs rgyas kyi zhing thams cad nas mngon par 'phags te/ phyogs thams cad zil gyis mnan nas lham me lhan ne/ lhang nger mdzes pa de dang / byang chub sems dpa'i tshogs chen po dang / dge slong gi dge 'dun chen po de la lta'o// 'di lta ste/ dper na sa chen po 'di chu gcig tu gyur na// de la shing ljon pa rnams med/ ri rnams med/ gling rnams med/ rtswa dang / shing gel ba dang / sman dang / nags tshal rnams med/ chu klung rnams med cing / ngam grog dang g.yang sa rnams mi snang ste/ gzhan du na sa chen po rgya mtsho gcig tu gyur pa ni ma gtogs so// de bzhin du sangs rgyas kyi zhing de na nyan thos rnams kyi lus las mngon par grub pa'i 'od 'dom gang ba dang / byang chub sems dpa' rnams kyi 'od dpag tshad bye ba brgya stong yod pa ma gtogs par gzhan rtags sam mtshan ma cung zad kyang med do/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med des/ nyan thos kyi tshogs de dang byang chub sems dpa'i tshogs de zil gyis mnan nas/ phyogs thams cad du gsal bar kun tu snang ngo // de'i tshe 'jig rten gyi khams bde ba can der/ byang chub sems dpa' dang / nyan thos dang / rang sangs rgyas thams cad dang / lha dang mi de dag thams cad dang / 'jig rten gyi khams mi mjed 'di dang / de bzhin gshegs

  813. 407b

    pabashAkya thub pa dge slong gi dge 'dun chen pos bskor cing chos ston pa'ang snang ngo / / de nas bcom ldan 'das kyis/ byang chub sems dpa' sems dpa' chen po mi pham pa la bka' stsal pa/ mi pham pa khyod kyis sangs rgyas kyi zhing de'i yon tan gyi rgyan bkod pa phun sum tshogs pa 'di dang / steng gi bar snang la kun dga' ra ba nyams dga' ba dag dang / nags tshal nyams dga' ba dag dang / skyed mos tshal nyams dga' ba dag dang / chu klung dang rdzing bu nyams dga' ba dag dang / rin po che'i me tog pad+ma dang / ku mu da dang / pad+ma dkar pos gang ba dag dang / 'og tu sa'i steng nas bzung ste/ 'og min gyi gnas kyi bar gyi nam mkha'i ngos la me tog bkram pa dang / me tog gi 'phreng bas kun tu mdzes par byas pa dang / rin po che sna tshogs kyi ka ba'i 'phreng bas gang ba dang / de bzhin gshegs pas sprul pa'i bya sna tshogs kyis bsten pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ mi pham pa khyod kyis 'di las gzhan pa'i bya'i tshogs sangs rgyas kyi zhing thams cad sgras go bar byed cing / nges byang chub sems dpa' de dag rtag tu sangs rgyas rjes su dran pa dang mi 'bral bar 'gyur ba dag mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ mi pham pa khyod kyis sangs rgyas kyi zhing 'di na sems can 'di dag gzhal med khang dpag tshad brgya stong yong

  814. 408a

    ba dag tu zhugs te/ bar snang la chags pa med par 'gro ba dag kyang mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pabapa/ mi pham pa 'di ji snyam du sems/ gzhan 'phrul dbang byed kyi lha rnams dang / 'jig rten gyi khams bde ba can du skyes pa'i mi rnams tha dad du bya ba yod dam/ gsol pa/ bcom ldan 'das bdag gis ni tha dad du bgyi ba gcig kyang yang dag par rjes su ma mthong ste/ 'jig rten gyi khams bde ba can de'i mi rnams ni rdzu 'phrul che ba'i bar bu lags so// bcom ldan 'das kyis bka' stsal pa/ mi pham pa khyod kyis 'jig rten gyi khams bde ba can de na mi kha cig pad+ma chen po dag gi mngal na gnas pa mthong ngam/ gsal ba/ bcom ldan 'das 'di lta ste/ dper na sum cu rtsa gsum dang 'thab bral gyi lha rnams gzhal med khang dpag tshad lnga bcu pa 'am/ dpag tshad brgya pa 'am/ dpag tshad lnga brgya pa rnams su zhugs te cadag zhing dga' mgur spyod pa de bzhin du/ bcom ldan 'das bdag gis 'jig rten gyi khams bde ba can de'i mi kha cig pad+ma chen po dag gi mngal na gnas par mthong lags so/ / bcom ldan 'das de na sems can rdzus te 'byung ba gang dag pad+ma rnams la skyil mo krung bcas te 'byung ba dag kyang mchis na/ bcom ldan 'das kha cig pad+ma'i mngal na gnas pa dang / kha cig pad+ma la skyil me krung bcas nas rdzus te 'byung ba de'i rgyu ni ci lags/ rkyen

  815. 408b

    ni gang lags/ bcom ldan 'das kyis bka' stsal pa/ mi pham pa byang chub sems dpa' gang dag sangs rgyas kyi zhing gzhan dag na gnas te/ the tsam du ltung ba'i sems kyis 'jig rten gyi khams bde ba can du skye bar bya ba'i phyir/ dge ba'i rtsa ba rnams skyed pa de dag ni de na mngal na gnas so// gang dag the tsom med cing som nyi chad de/ 'jig rten gyi khams bde ba can du skye bar bya ba'i phyir/ dge ba'i rtsa ba rnams skyed la/ sangs rgyas bcom ldan 'das kyi ye shes chags pa med pa la yid ches shing dang la mos pa de dag ni pad+ma rnams la skyil mo krung bcas nas rdzus te 'byung ngo // mi pham pa byang chub sems dpa' sems dpa' chen po sangs rgyas kyi zhing gzhan na gnas pa gang dag/ de bzhin gshegs pa dgra bcom pa yang dag par rdzogs pa'i sangs rgyas 'od dpag med lta ba dang / phyag bya ba dang / bsnyen bkur bya bar sems skyed cing / the tsom mi skyed la/ sangs rgyas kyi ye shes chags pa med pa la som nyi med cing rang gi dge ba'i bu ba'ang sogs pa de dag ni snyil mo krung bcas nas rdzus te 'byung bar 'gyur te/ 'di lta ste/ dper na byang chub sems dpa' skyes nas ring po ma lon pa gzhan dag dang 'dra bar yud tsam gyis lus rnam pa de lta bur 'gyur ro// mi pham pa shes rab kyi khyad par dang / shes rab kyi rim pa dang / 'di lta ste/ the tsom du lhung ba'i 'du shes yid la byed pas 'di ltar lo lnga brgyar sangs rgyas mthong ba las yongs su nyams shing / byang chub sems dpa'

  816. 409a

    mthong ba dang / chos nyan pa dang / chos kyi gtam dang / dge ba'i spyod pa dang / dge ba phun sum tshogs pa thams cad las yongs su nyams pa'i shes rab yongs su nyams pa dang shes rab chung ba la ltos/ mi pham 'di lta ste/ dper na rgyal po rgyal rigs spyi bo nas dbang bskur ba la/ khri mon gser dang bai DUR+Ya thams cad kyis spras pa/ dar dang / 'phreng ba dang / lnga ldi'i tshigs dbyangs pa/ tshon sna tshogs kyi blabA re bres pa/ ras bcos bu bting ba/ me tog gi sil ma sna tshogs bkram pa/ bdug pa rgya chen pos bdugs pa/ khang bzangs dang / bsil khang dang / skar khung dang / kha khyer dang / rta babs dang / ba gam rin po che sna tshogs thams cad kyis brgyan pa/ gser dang rin po che'i dril bu g.yer kha'i dra ba bres pa/ gru bzhi lham pa/ ka ba bzhi zug pa/ sgo bzhi gtod pa/ them skas bzhi bcas pa zhig yod la/ rgyal po de'i bu nyes pa zhig gi phyir khri mon der bcug ste/ 'dzam bu'i chu bo'i gser gya khong sgril du bcug la/ der de'i khri bshams te/ stan go ni ka bting la/ bar tshangs can dang pa la li ka bting ste/ yul ka ling ka'i ras kyi bting ba bting la/ de'i steng du dar bting ste/ g.yas g.yon gnyis su rten ma dmar po bzhag pa/ bkra ba/ blta na sdug pa de la 'dug kyang rung / nyal yang rung / de'i zas skom gtsang ma bsod pa rnam pa mang po du ma bshams na/ mi pham pa 'di ji snyam du sems/ rgyal po'i bu de'i yongs su spyad pa rgya che ba yin nam/ gsol pa/ bcom ldan 'das rgya che lags so// bcom ldan 'das kyis bka' stsal pa/ mi pham pa 'di ji snyam du sems/ des de'i ro myang bar byed

  817. 409b

    dam/ mid par byed dam/ des dga' ba 'thob bam/ gsol pa/ bcom ldan 'das de ni ma lags te/ nongs pa gang gi slad du rgyal pos khri mon der stsal ba de las thar par 'tshal zhing / rigs bzang po rigs bzang po'i gzhon nu dang / blon po dang / btsun mo'i 'khor dang / tshong dpon dang / khyim bdag dang / khams kyi rgyal po 'am/ gang gis khri mon de las yongs su thar par 'gyur ba yongs su tshol te/ bcom ldan 'das rgyal po'i bu de btson ra de na dga' ba ma mchis shing / rgyal pos ma gnang gi bar du mi thar ro// bcom ldan 'das kyis bka' stsal pa/ mi pham pa de bzhin du byang chub sems dpa' gang dag the tsom du lhung bas dge ba'i rtsa ba bskyed cing / sangs rgyas kyi ye shes mi mnyam pa dang mnyam pa'i ye shes la som nyi za ba de dag sangs rgyas kyi mtshan thos pa de dang / sems dang ba tsam des 'jig rten gyi khams bde ba can der skye'ang pad+ma rnams la skyil mo krung bcas shing rdzas te 'byung ba ma yin gyi/ pad+ma rnams kyi mngal na gnas pa myong ste/ de dag de la skyed mos tshal dang gzhal med khang du 'du shes shing gnas te/ bshang gci med/ mchil ma dang snabs med/ yid dang mi mthun pa mi 'byung mod kyi/ lo lnga brgyar sangs rgyas mthong ba dang / chos nyan pa dang / byang chub sems dpa' mthong ba dang / 'bel ba'i chos kyi gta' rnam par nges pa dang

  818. 410a

    pa'i chos spyod pa thams cad dang bral ba yin te/ de dag de na mngon par mi dga' zhing mgu ba mi 'thob kyi sngon gyi nyes pa zad nas de dag pad+ma'i mngal rnams nas 'byung ste/ de dag de nas byung yang steng ngam/ 'og gam/ zad kar byung ba mi shes so// mi pham pa 'di ltar lo lnga brgyar sangs rgyas bye ba khrag khrig brgya stong mang po la bsnyen bkur bya ba dang / dge ba'i rtsa ba mang po grangs med/ tshad med/ dpag tu med pa dag bskyed par bya ba dang / sangs rgyas kyi chos dpag tu med pa yongs su gzung bar bya ba de thams cad kyang the tsom za ba'i nyes pa bsgrubs par ma gyur pa la ltos/ mi pham pa the tsom gyis byang chub sems dpa' rnams la gnod pa chen po ji tsam du 'gyur ba la ltos/ mi pham pa de lta bas na byang chub sems dpa' dag gis the tsom yongs su spangs te/ byang chub tu sems bskyed la myur du sems can thams cad la phan pa dang bde ba'i stobs bskyed pa'i mthu thob par bya ba'i phyir/ gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med bzhugs pa'i 'jig rten gyi khams bde ba can du skye bar bya ba'i phyir/ dge ba'i rtsa ba rnams yongs su bsngo bar bya'o// de skad ces bka' stsal pa dang / bcom ldan 'das la/ byang chub sems dpa' mi pham pas 'di skad ces gsol to// bcom ldan 'das sangs rgyas kyi zhing 'di nas/ byang chub sems dpa' yongs su grub pa dang /

  819. 410b

    sangs rgyas kyi zhing gzhan dag gi sangs rgyas bcom ldan 'das rnams kyi gan nas ji skad cig 'jig rten gyi khams bde ba can du skye bar 'gyur/ bcom ldan 'das kyis bka' stsal pa/ mi pham pa byung chub sems dpa' yongs su grub pa bye ba khrag khrig phrag bdun cu rtsa gnyis sangs rgyas kyi zhing 'di nas 'jig rten gyi khams bde ba can du skye bar 'gyur te/ sangs rgyas bye ba khrag khrig brgya stong phrag mang po la dge ba'i rtsa ba bskyed pas phyir mi ldog par yongs su 'grub na/ dge ba'i rtsa ba de bas chung ngu rnams lta smos kyang ci dgos/ de bzhin gshegs pa bzod par dka' ba'i gan nas/ byang chub sems dpa' bye ba khrag khrig phrag bco brgyad 'jig rten gyi khams bde ba can du skye bar 'gyur ro/ / byang shar gyi phyogs mtshams na de bzhin gshegs pa dkon mchog 'byung gnas zhes bya ba bzhugs te/ de'i gan nas byang chub sems dpa' bye ba phrag dgu bcu 'jig rten gyi khams bde ba can du skye bar 'gyur ro/ / de bzhin gshegs pa skar ma'i 'od kyi gan nas/ byang chub sems dpa' bye ba phrag nyi shu rtsa gnyis 'jig rten gyi khams bde ba can du skye bar 'gyur ro/ / de bzhin gshegs pa dbyangs dpag med kyi gan nas/ byang chub sems dpa' bya ba phrag nyi shu rtsa lnga 'jig rten gyi khams bde ba can du skye bar 'gyur ro/ / de bzhin gshegs pa 'jig rten sgron ma'i gan nas/ byang chub sems dpa' bye ba phrag drug cu'i 'jig rten gyi khams bde ba can du skye bar 'gyur ro// de bzhin gshegs pa klu/

  820. 411a

    zil gyis gnon pa'i gan nas/ byang chub sems dpa' bye ba phrag drug cu rtsa bzhi 'jig rten gyi khams bde ba can du skye bar 'gyur ro// de bzhin gshegs pa rdul bral 'od kyi gan nas/ byang chub sems dpa' bye ba phrag nyi shu rtsa lnga 'jig rten gyi khams bde ba can du skye bar 'gyur ro// de bzhin gshegs pa seng ge'i gan nas/ byang chub sems dpa' khri brgyad stong 'jig rten gyi khams bde ba can du skye bar 'gyur ro/ / de bzhin gshegs pa dpal brtsegs kyi gan nas/ byang chub sems dpa' bye ba khrag khrig phrag brgyad cu rtsa gcig 'jig rten gyi khams bde ba can du skye bar 'gyur ro/ / de bzhin gshegs pa mi'i dbang po'i gan nas/ byang chub sems dpa' bye ba khrag khrig phrag bcu 'jig rten gyi khams bde ba can du skye bar 'gyur ro// de bzhin gshegs pa stobs mngon par shes pa'i gan nas/ byang chub sems dpa' khri nyis stong 'jig rten gyi khams bde ba can du skye bar 'gyur ro// de bzhin gshegs pa me tog rgyal mtshan gyi gan nas/ byang chub sems dpa' brtson 'grus thob pa/ 'jug pa gcig gis yang dag par zhugs pa/ nyi ma brgyad pa gcig gis bskal pa bye ba khrag khrig brgya stong phrag dgu bcu rtsa dgu'i 'khor ba bsnyil ba bye ba phrag nyi shu rtsa lnga 'jig rten gyi khams bde ba can du skye bar 'gyur ro/ / de bzhin gshegs pa 'bar ba'i bdag po'i gan nas/ byang chub sems dpa' bye ba phrag bcu gnyis 'jig rten gyi khams

  821. 411b

    bde ba can du skye bar 'gyur ro/ / de bzhin gshegs pa mi 'jigs pa brnyes pa'i gan nas/ byang chub sems dpa' bye ba phrag drug cu rtsa dgu de bzhin gshegs pa 'od dpag med la blta ba dang phyag bya ba dang / bsnyen bkur bya ba dang / yongs su dri ba dang / yongs su dri bar bya ba'i phyir/ 'jig rten gyi khams bde ba can du skye bar 'gyur ro// mi pham pa rnam grangs de lta bus de bzhin gshegs pa gang dag gi gan nas/ byang chub sems dpa' de dag 'jig rten gyi khams bde ba can du de bzhin gshegs pa 'od dpag med de la blta ba dang / phyag bya ba dang / bsnyen bkur bya ba'i phyir 'dong ba'i de bzhin gshegs pa de dag gi mtshan bskal pa bye ba khrag khrig tshang bar brjod kyang mtha' rtogs par mi nus so/ / mi pham pa gang dag de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi mtshan thos pa'i sems can de dag rnyed pa ji snyed cig legs par rnyed pa la ltos/ sems can gang dag de bzhin gshegs pa 'od dpag med de la tha na sems dad pa gcig tsam rnyed pa dang / chos kyi rnam grangs 'di la dad pa mi phyed pa de dag ni dman pa la mos par mi 'gyur ro// mi pham pa de lta bas na khyod mos par bya/ khyod kyi// khong du chud par bya ste/ lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu dang bcas pa'i 'jig rten gyi mdun du chos kyi

  822. 412a

    rnam grangs 'di gzung ba dang / bcas pa dang / bklag pa dang / kun chub par bya ba dang / gzhan dag la'ang rgya cher yang dag par bstan par bya ba dang / bsgom pa la mngon par dga' bar bya'o// mi pham pa chos kyi rnam grangs 'di nyin gzhag gcig tsam yang bzung zhing bcangs te/ bklags shing kun chub par byas la/ bsam ba zag pa nas gzhan dag la'ang rgya cher yang dag par bshad par bya'o/ / tha na glegs bam la legs par bris te bcang bar bya zhing / de la ston pa'i 'du shes kyang bskyed par bya'o/ / gang zhig sems can dpag tu med pa dag myur du bla na med pa yang dag par rdzogs pa'i byang chub las phyir mi ldog pa la dgod pa dang / bcom ldan 'das de bzhin gshegs pa tshe dpag med de la blta ba dang / bdag nyid kyang sangs rgyas kyi zhing gi yon tan gyi rgyan bkod pa phun sum tshogs pa khyad par du 'phags pa yongs su gzung bar 'dod pa des chos kyi rnam grangs 'di mnyan pa'i phyir/ stong gsum gyi stong chen po'i 'jig rten gyi khams mas yongs su gang ba las brgal te chos kyi rnam grangs 'di mnyan par bya'o// thos nas kyang g.yor ma lhung ba'i rgyud kyis bsam pa thag pa nas rjes su dga' bar bya'o/ / chos kyi rnam grangs 'di gzung ba dang / kun chub par bya ba dang / bcang ba dang / yi ger bri ba dang /

  823. 412b

    bsgom pa'i phyir brtson 'grus rlabs po che chen po brtsam par bya'o// tha na pa gcig 'jos pa de srid du'ang gzhan dag la brjod par bya'o// stong gsum gyi stong chen por 'jig rten gyi khams mas yongs su gang ba des brgal nas kyang / 'gyod pa dang ldan pa'i sems gcig kyang bskyed par mi bya'o// de ci'i phyir zhe na/ mi pham pa 'di ltar byang chub sems dpa' bye ba khrag khrig phrag du ma dag chos kyi rnam grangs rnam pa 'di lta bu 'di mnyan cing / bla na med pa yang dag par rdzogs pa'i byang chub las phyir mi ldog pa'i phyir ro/ / ma 'ongs pa'i dus na dam pa'i chos rab tu rnam par 'jig pa'i bar du chos kyi rnam grangs rgya chen po rnam pa 'di lta bu/ sangs rgyas thams cad kyis yang dag par bsngags pa/ sangs rgyas thams cad kyis bstod pa/ sangs rgyas thams cad kyis gnang ba/ thams cad mkhyen pa'i ye shes chen po myur du grub pa 'di gang dag gau rna lam du grag pa'i sems can de dag ni rnyed pa shin tu legs par rnyed cing dge ba'i rtsa ba rnams bskyed pa dang / sngon gyi rgyal ba la lhag par bya ba byas bi dang sangs rgyas kyi byin gyi rlabs kyis byin gyis brlabs par 'gyur ro/ / thos nas kyang dga' ba dang / mchog tu dga' ba rgya chen po thob pa dang / 'dzin

  824. 413a

    pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par rab tu ston pa dang / bsgom ba la dga' bar 'gyur ba dang / za na yi ger bris te mchod pa byed pa de dag kyang bsod nams mang du skyed par 'gyur te/ de bgrang bar sla ba ma yin no// mi pham pa de ltar na ngas de bzhin gshegs pa'i mdzad pa de byas pa yin te/ khyod kyang de the tsom med par brtson par gyis shig/ sangs rgyas kyi ye shes chags pa med cing sgrib pa med pa la som nyi ma za zhig/ rnam pa thams cad kyi mchog dang ldan pa'i rin po che'i brtson rar chud da re/ mi pham pa sangs rgyas 'byung ba rnyed par dka'o// chos bstan pa rnyed par dka'o/ / dal ba phun sum tshogs pa rnyed par dka'o// mi pham pa ngas khyod la dge ba'i rtsa ba thams cad kyi pha rol tu phyin pa bsnyad kyis/ da khyod kyis mngon par sbyor la sgrubs shig/ mi pham pa chos kyi rnam grangs 'di chud mi za bar bya ba'i phyir yongs su gtad pa chen po bya'o// sangs rgyas kyi chos mi nub par bya ba'i phyir brtson par gyis shig/ de bzhin gshegs pa'i bka' ma 'khrugs par gyis shig/ yun ring por gnod pa dang / mi phan pa dang / mi bde ba dang / sdug bsngal ba dang / log

  825. 413b

    par ltung bar gyur ta re/ de nas de'i tshe bcom ldan 'das kyis tshigs su bcad pa 'di dag bka' stsal to// bsod nams dag ni ma byas pa// 'di 'dra 'di dag thos mi 'gyur/ / dpa' bo gang dag don grub pa// de dag gsung 'di thos par 'gyur// gang gis 'od mdzad 'jig rten mgon// rdzogs pa'i sangs rgyas mthong nas ni// gus dang bcas pas chos thos pa// de dag dga' ba dam pa 'thob// lta ba can dang dman dang zhum rnams kyis// sangs rgyas chos la dad pa rnyed mi nus// gang dag sngon gyi/ sangs rgyas mchod byas pa// de dag 'jig rten mgon gyi spyad la slob// dper na skyes bu long ba mun kha na// lam yang mi shes bstan par ga la nus// de ltar nyan thos thams cad sangs rgyas kyi/ / ye shes mi rtogs sems can gzhan ci smos// sangs rgyas kyis ni sangs rgyas yon tan mkhyen// lha klu lha min gnod sbyin nyan thos min// sangs rgyas ye shes rab tu bshad pa ni// rang sangs rgyas kyi lam yang 'di ma yin// gal te sems can thams cad bde bar gshegs// ye shes rnam dag don dam mkhas gyur te/ / de dag bskal pa'am 'on te lhag par ni// sangs rgyas gcig gi yon tan rjod byed kyang // de dag bar du mya ngan 'das gyur gyi// bskal pa

  826. 414a

    bye ba mang por rab brjod kyang / / sangs rgyas ye shes tshad rnyed mi 'gyur te// de ltar rgyal ba'i ye shes ngo mtshar to// de bas mkhas pa rig pa'i rang bzhin mi/ / gang zhig nga yi tshig la yid ches te// rgyal ba'i ye shes phung po dbang byas te// sangs rgyas nyid kyis mkhyen ces tshig tu brjod// brgya lam na ni mi yi lus rnyed la/ / brgya lam na ni sangs rgyas 'byung bar 'gyur// dang dang shes rab yun ring rnyed par 'gyur// de bas don thob bya phyir brtson 'grus skyed// gang zhig chos mchog 'di 'dra thos nas ni/ / bde gshegs dran pa dga' ba thob par 'gyur// gang zhig sangs rgyas byang chub mos skyed pa// de dag 'das pa'i dus na nged dang bshes// chos kyi rnam grangs 'di bshad pa na/ sems can bye ba phrag bcu gnyis chos rnams la chos kyi mig rdul dang bral zhing dri ma med pa rnam par dag go/ bye ba brag nyi shu rtsa bzhis ni phyir mi 'ong ba'i 'bras bu thob bo/ / dge slong brgyad brgya ni len pa med par zag pa rnams las sems rnam par grol lo// byang chub sems dpa' bye ba phrag nyi shu rtsa lnga ni mi skye ba'i chos la bzod pa thob bo/ / lha dang mi'i skye dgu bye ba khrag khrig brgya stong phrag bzhi bcu ni sngon sems skyed pa las bla na med pa yang dag par rdzogs pa'i byang

  827. 414b

    chub tu sems bskyed nas/ bcom ldan 'das de bzhin gshegs pa 'od dpag med la blta ba dang / phyag bya ba dang / bsnyen bkur bya ba'i phyir bde ba can du skye bar dge ba'i rtsa ba rnams yongs su sngo bar byed do/ / de dag thams cad der skyes nas kyang mthar gyis byang chub sems dpa'i spyod pa yongs su rdzogs par byas te/ sangs rgyas kyi zhing gzhan dag tu de bzhin gshegs pa 'jam pa'i dbyangs zhes bya bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / de bzhin gshes pa mar me mdzad las bzod pa thob ste/ bla na med pa yang dag par rdzogs pa'i byang chub las phyir mi ldog pa bye ba khrag khrig phrag brgyad cu de bzhin gshegs pa 'od dpag med kyi sngon byang chub sems dpa'i sprad pa spyod pa na bla na med pa yang dag par rdzogs pa'i byang chub tu yongs su smin par byas pa de dag kyang 'jig rten gyi khams bde ba can du skyes te/ gyi smon lam dang sprod pa yongs su rdzogs par 'gyur ro/ / de'i tshe stong gsum gyi stong chen po'i 'jig rten gyi khams 'di rnam pa drug tu g.yos te/ cho 'phrul rnam pa sna tshogs dag kyang kun tu snang ngo / / me tog man nga ra ba dag kyang sa la pus mo nub tsam bkram par gyur to// lha dang mi'i sil snyan rnams kyang rab tu grag par gyur te// 'og

  828. 415a

    min gyi gnas kyi bar du'ang rjes su yi rang ngo zhes bya ba'i sgra grags par gyur to/ / bcom ldan 'das kyis de skad ces bka' stsal nas/ byang chub sems dpa' sems dpa' chen po mi pham pa dang / tshe dang ldan pa kun dga' bo dang / thams cad dang ldan pa'i 'khor de dang lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs stong phrag brgya ba las/ de bzhin gshegs pa 'di dpag med kyi bkod pa'i le'u ste lnga pa rdzogs so// / rgya gar gyi mkhan po dza na mi tra dang / dA na shI la dang / zhu chen gyi lo tsa ba ban de ye shes sdes bsgyur cing zhus te/