Text
ff. 1a–444a · 887 folio sides
- 1a
*/ (/dkyil 'khor gyis chos mdor bsdus pa bzhugs/ /)
- 1b
rgya gar skad du/ d+harmma maN+Da la sU tra/ bod skad du/ dkyil 'khor gyi chos mdor bsdus pa/ 'jam dpal gzhon nur gyur pa la phyag 'tshal lo/ /thugs kyi dkyil 'khor chos nyid spros pa med/ /gsung gi dkyil 'khor bstan pa brjod du med/ /sku yi dkyil 'khor snang ba rang bzhin med/ /dkyil 'khor gtso la dkyil 'khor tshul du mos/ / rgyud kyi rgyal po ma lus gzhung don las/ /lha dang pho brang ji snyed bstan pa las/ /gnas shing bzhengs tshul thun mong
- 2a
gyur pa rnams/ /lam gyi rnal 'byor don du cung zad bshad/ /gzhung 'dir tshad mas lus smos pa/ /ngo bo dbye ba nges tshig dang/ /gnas thabs skyon yon dpe dag dang/ /don rtags brgyad kyis don rnams bsdus/ /ngo bo chos rnams thams cad de/ /bden pa gnyis kyi mtshan nyid can/ /don dam spros pa med pa las/ /kun rdzob gtso 'khor de nyid do/ /dbye ba rang bzhin ting 'dzin dang/ /gzugs brnyan dkyil 'khor rnam pa gsum/ /rang bzhin don dam kun rdzob gnyis/ /don dam rnam min rnam grangs can/
- 2b
dang po rnam grangs min pa ni/ /sangs rgyas kun gyi byang chub sems/ /bla na med pa rtogs gyur pa/ /rgyal bas gsungs pa'i ye shes gang/ /de ni dkyil 'khor snying por gsungs/ /de ltar rgyud rgyal kun las bshad/ /rnam grangs can gyi dkyil 'khor ni/ /phung khams skye mched rten 'brel rnams/ /lha dang lha mo'i rang bzhin du/ /ngang gis chos mthun de ltar gnas/ /rang bzhin kun rdzob dkyil 'khor ni/ /'og min bla med gnas mchog na/ /'bras bu rgyal ba'i dkyil 'khor rnams/ /don dam mtshon phyir rtags su snang/ /ting 'dzin dkyil 'khor rnam gsum ste/ /rang bzhin de la sgom pa dang/ /gzugs de la ni bslab pa dang/ /rab kyi rtsal gyis bskyed pa'o/ /gzugs brnyan dkyil 'khor gnyis yin te/ /gzugs brnyan lhag pa'i gzugs
- 3a
brnyan no/ /dang po rnam pa drug yin te/ /gser dngul lugs dang dung rdo 'bur/ /rwa shing bzhogs ras bal ris dang/ /sa myag lder dang rdul tshon gcal/ /lhag pa'i gzugs brnyan rnam gsum ste/ /phyi dang nang dang gsang ba'o/ /phyi ni lus dang yan lag lnga/ /nang ni 'khor lo dangs ma lnga/ /gsang ba rdo rje pad+ma sbyar/ /de dag spyi'i dbye ba'o// //nges tshig dkyil ni gtso bo ste/ /'khor ni de yi sprul pa yin/ /yang na 'das pa'i dkyil yin te/ /'khor zhes 'jig rten pa la bya/ /gnas thabs dkyil 'khor rnam gsum la/ /rang bzhin don dam dkyil 'khor ni/ /ci yang ma yin ji lta'i tshul/ / dang po'i gnas lugs nyid du gnas/ /rang bzhin kun rdzob dkyil 'khor ni/ /rten dang brten pa rnam pa gnyis/ /rten yang gzhi dang gzhal yas khang/ /
- 3b
gzhi ni 'byung ba'i dkyil 'khor bstan/ /gzhal yas dngos dang gdan yin te/ /gzhal yas dngos la rnam pa brgyad/ /dbyibs dang kha dog rtsig pa dang/ /shing dang longs spyod rab 'obs?/ /rgyan dang mdza' yi zhing khams so/ /dbyibs la rnam pa bzhi yin te/ /phyi dang nang dang sgo dang bzhi/ /phyi dbyibs mchod rten mkhar thabs dang/ /rgyal khab ri bo'i gur du 'dod/ /nang dbyibs rigs dang phrin las kyis/ /so so'i rgyud bzhin shes par bya/ /sgo la 'og dang steng yin te/ /'og ni sgo dang sgo khang can/ /steng ni skas dang blang rgyab sogs/ /ji ltar mdzes pa'i tshul du bzhengs/ /gzhi yi dbyibs ni tshad med de/ /rgyam chad de phya le ba'o/ /kha dog rnam pa mang yod kyang/ /rigs dang ye shes phrin las dang/ /spyi mthun lhun po'i tshul nyid du/ /sngags rgyud rnams las tshul bzhin 'byung/ /rtsig pa rmad dang logs dang rtse/ /rmang ni nang du brkyang ba dang/ /phyi ni rin chen lnga ru sbags/ /logs ni rmang bzhin bzhengs pa las/ /phyi yi tse la pha gus bstod/ /sgo phugs gong du bstan pa bzhin/ /shing la sgo phugs rnam pa gnyis/ /phugs na ka ba brgyad po yis/ /gdung chen bzhi yi rtse nas bteg /gdung chen bzhi yi re mig kyang/ /phyam rtsa nyi shu brgyad kyis bkab/ /de bzhin gral thog ci rigs pa'o/ /sgo khang phyi zur bzhi po la/ /ka ba bzhi bzhis gdung sna ni/ /brgyad
- 4a
brgyad bteg pa rta babs rmang?/ /ka gdan ka gzhu ci rigs pa'o/ /longs spyod 'dod yon snam bu la/ /gzugs mdzes sgra snyan dri mchog dang/ /ro zhim yid 'ong chos rnams kyis/ /lha mo rnams kyis dgyes par rol/ /ra ba rdo rje'i mu khyud de/ /'obs ni me 'obs khor yug yin/ /rgyan ni bla rgyan 'og rgyan dang/ /rtse rgyan dang ni logs rgyan dang/ /sgo rgyan dang ni rnam pa lnga/ /don rtags skabs su shes par bya/ /zhing khams sku gsung 'dul tshad kyang/ /so so'i rgyud las bstan par zad/ /gdan gnyis seng ge glang sogs khri/ /nyi zla pad+ma rin chen gdan/ /gtso 'khor rnams la ci rigs par/ /rgyud las gsungs pa bzhin du bsham/ /brten pa lha yi dkyil 'khor la/ /sku dang sku mdog mtshan dpe dang/ /phyag rgya phyag mtshan bzhugs thabs tshul/ /rgyan chas 'od kyis bsdus pa'o/ /sku ni zhal gcig phyag gnyis dang/ /zhal gsum phyag drug de bzhin du/ /pho dang mo yi dbang po can/ /de la sogs pa'i mdza' yas mchog /sku mdog nyi ma zla ba dang/ /gser dang pad+ma rA ga dang/ /in+d+ra nI la la sogs pa/ /'dres dang ma
- 4b
'dres kha dog can/ /mtshan ni sum cu rtsa gnyis te/ /dung dang mdzod spu spyi gtsug dang/ /thun mong mtshan ni nyi shu dgu/ bsod nams khyad 'phags mdo bzhin bshad/ /dpe byad bzang po brgyad cu ste/ /sku gsung thugs dang yon tan dang/ phrin las khyad par gnas skabs las/ /dpe byad bzang po mdo bzhin brtsi/ /phyag rgya phyag gi 'du byed do/ /bcings dang dgrol dang bsgyur ba las/ /dam tshig las su phye ba yang/ /byang chub mchog la sogs pa yin/ /phyag mtshan phyag na bsnams pa ste/ /'khor lo rdo rje rin po che/ /pad+ma ral gri la sogs pa/ /don rnams mtshon phyir rtags su bsnams/ /bzhugs thabs rdzogs dang sems tshul dang/ /bzhengs dang stangs stabs la sogs pa/ /gtso bo nyid ni kun tu zhal/ /'khor rnams gtso bo nyid la blta/ /yum dang bcas pa'i dkyil 'khor ni/ /yum rnams g.yon nas yab la blta/ /sgo ba yab yum ldan pa rnams/ pho mo g.yas g.yon zur gyis gnas/ /tshul ni rnam pa dgu yin te/ /lha dang lha mo'i dkyil 'khor rnams/ /mnyen lcug 'khril ldem gzhon tshul can/ /gsal 'tsher lhun sdug gzi byin no/ /rgyan ni rnam pa bdun yin te/ dbu rgyan snyan cha mgur chu dang/ /do shal dpung rgyan se mo de/ phyag dang zhabs kyi gdu bu'o/ /chas ni rnam pa lnga yin te/ /stod g.yogs dang ni smad dkris dang/ /ze khab dang ni chos gos dang/ /gtsang gos rnam pa lnga ru bshad/ /'od ni 'gyed dang bsdu ba dang/ /ngo bo gzugs brnyan rnam pa dang/ las rnam lnga ya dbye ba yis/ /snang ba gtan la dbab par bya/ /'gyed pa thun mong thun mong min/ /bsdu ba bye brag bcu gnyis te/ /ngo bo gsal ba yon tan can/ /gzugs brnyan sku gsung thugs su snang/ /las ni snod sbyong? bcud sbyin byed/ /de ltar mdo sde dag las gsungs/ /rang bzhin dkyil 'khor ji lta bur/ /lhag ma rnams kyang de bzhin gnas/ /rnal 'byor lam la gnas pa yis/ /de ltar yid la goms par gyis/ /rang bzhin dkyil 'khor ma rtogs na/ /chos nyid lta ba'i don dang 'gal
- 5a
bdag med lta ba ma rtogs na/ /bla med byang chub thob mi 'gyur/ /ting 'dzin dkyil 'khor la bsgoms na/ /rtog pa'i dbang bsgyur ting 'dzin pas/ /ma bsgoms lam la bgrod med cing/ /yun gyis 'bras bu 'gyur mi 'gyur/ /gzugs brnyan dkyil 'khor ma mtshon? na/ /rmongs pas don ro mi tshor te/ /gzhan don mthar ni mi phyin pas/ /byang chub spyod pa nyid dang 'gal/ /skyon bzlog pa ni yon tan te/ dkyil 'khor gsum la gnas byas nas/ bdag gzhan don rnams ma lus pa/ /thabs la mkhas pas myur du 'grub thabs mkhas thugs rje'i mdzad spyod kyis/ /'dod la zhen pa'i gdul bya rnams/ /mi spang lam du drang ba'i phyir/ /'khor los sgyur rgyal chos bzhin mdzad/ /zhing khams dang ni pho brang dang/ /brtsun mo'i sras dang 'khor rnams dang/ /longs spyod rgyan dbar? khrims rnams/ /'khor los sgyur rgyal ngag dang mtshungs/ /don rtags rnam grangs bstan pa ni/ /gzhi lam 'bras bur bcas pa'i chos/ /yon tan rnam grangs ji snyed pa/ /dkyil 'khor gsum la yongs su rdzogs/ /rgyas par rten dang brten pa gnyis/ /rten las bzhi yi don rtags ni/ /sa rlung me dang chu dang sa/ /yum lnga'i rtags te ri rab dang/ /ri phran gling dang gling phran rnams/ /yab kyi rtags te pho brang spyi/ /gtsug tor 'khor los sgyur pa'i tshul/ gzhan yang dbyibs kyi don rtags rnams/ /mchod rten brgyad sogs bstan pa ni/ /sdug bsngal brgyad sgrol mdzad pa brgyad/ mthar? thabs rgyal khab ri bo rnams/ /bdud dpung 'joms dang 'dod spyod dang/ /bsrung ba'i don du shes par bya/ /'khor lo rdo rje rin chen dang/ pad+ma rgya gram rigs kyi rtags/ /zlum pa'i pad+ma le tse zhi/ gru bzhi 'khor lo rin chen rgyas/ /zla gaM gu chad gzhu dbyibs dbang/ /gru gsum b+ha ga khro zhal drag sgo ni ye shes bzhi dag dang/ bsdu ba tshad med rnam thar bzhi/ lam stegs brgyad ni 'phags lam dang/ /theg pa brgyad dang rnam thar brgyad/ sgo khang sgo srungs khang pa ste/ steng? ?
- 5b
ma rig mun pa la/ /ye shes dka' mthongs dbye ba'i phyir/ /bcu gcig rdo rje'i re mig can/ /skas dang glang po'i rgyab 'dra dang/ /gdugs can la sogs steng dbyibs ni/ /gdul bya yid 'ong bya ba'i phyir/ /ji ltar mdzes par bstan pa yin/ /chos dbyibs mu med brdal ba'i phyir/ /gzhi dbyibs tshad med bstan pa yin/ /kha dog don rtags bstan pa ni/ /dkar dmar ser ljang mthing ga rnams/ /sku gsung yon tan phrin las dang/ /thugs kyi rtags ta go rims bzhin/ /me long ye shes so sor rtog /mnyam nyid bya ba nan tan dang/ chos kyi dbyings kyang go rims brtag /yang na spyi mthun lhun po bzhin/ /yang na zhi dbang rgyas pa dang/ /sna tshogs drag po gong ma bzhin/ /rtsig pa'i don rtags bstan pa ni/ /lnga rim ye shes lnga yi rtags/ /sum rim sku gsung thugs su sbyor/ /pa? khu? yon tan pags pa ste/ rtse la rnam pa mang yod kyang/ /re zhig byang chub chen po la/ /dran dang yang dag rdzu 'phrul dbang/ /bang rim bzhi yi don du bzhed/ /bum sten stabs te bum pa ni/ /byang chub laM yin bre dag ni/ /'phags pa'i lam du shes par bya/ /sgo rten rta bab bzhi po ni/ /gsum ni khams gsum bzhi pa ni/ /'phags lam pad+mas mtshan ma can/ /shing gi don rtags bstan pa ni/ /phugs kyi shing gi gnas chu la ni/ ka gdan bsnyen gnas klu chen brgyad/ /ka ba 'phags lam lha chen brgyad/ /ka gzhu rnam thar gza' chen brgyad/ /gdung ni mi 'jigs rgyal chen bzhi/ /phyam rtsa stong nyid pha rol phyin/ /des mtshon rgyu skar nyi shu brgyad/ /phyam ni gnod sbyin nyer brgyad kyis/ /stobs bcu ma 'dres bco brgyad mtshon/ /dral thog yon tan bsam mi khyab/ /sgo khang phyi zur bzhi po na/ /ka gdan ka ba ka gzhu ni/ /dran dang spong dang rdzu 'phrul rkang/ /go rims bzhin du sbyar bar gsungs/ /gdung bzhi snol mar gtang ba ni/ /bden bzhi bsam gtan bzhi dang ldan/ /longs spyod rnams kyi don rtags ni/ bsod nams tshogs ni
- 6a
rdzogs pa'i phyir/ /gzugs sgra dri ro reg chos kyis/ /lha mo rnams kyis mnyes par bsam ? 'obs kyi don rtags ni/ /rdo rje ra bas bdud dpung bzlog/ me yi 'obs kyis nyon mongs bsreg/ chu dang rlung la sogs pa mang/ /ci rigs nyid du sbyar bar bya/ gzhan yang rgyan gyi don rtags ni/ /bla rgyan chos nyid bla re ni/ /thabs dang shes rab nyi zla dang/ /ye shes phra men skar tshogs gsal/ /'og gzhi rgyan gyi don rtags ni/ /gdan gyi skabs su 'chad par 'gyur/ /rtse rgyan rnams cig mchod rten la/ /srog shing sku gsung thugs su bstan 'khor lo shes pa'i khyad par ni/ /char khab thugs rje chen po ste/ /'phan ni mchod pa'i lha mo la/ /dril bu stong pa nyid kyi sgra/ /zla chos thabs dang shes rab yin/ /tog ni mi nub rgyan mtshan no/ /logs rgyan phyam mgo 'dzin pa 'dra/ /kha nas rin chen phreng ba ni// dra ba dra ba phyed gyur pa/ /dbyibs dang ye shes brda yin no/ /sgo rgyan rnam pa mang yod kyang/ /re zhig dbang gi rtags bcu dang/ /rgyan dgu dang ni rdzas brgyad dang/ /rin chen bdun dang brda drug go /bzlog ste brda drug bshad pa las/ /steng gi chos kyi 'khor lo ni/ gtso bo yin ri dags ni/ /'khor gyi brdar ni shes par bya/ /'og gi dbus kyi gcod chen ni/ /des don sgra ste gaN+DI ni/ /drang don sgra zhes gsungs pa'o/ /thabs dang shes rab mtshon pa ni/ /rdo rje dril bu gnyis yin no/ /rin chen bdun ni 'di yin te /dbang gi 'khor lo rin chen dang/ /lha mo btsun mo rin chen dang/ /sgo ba ndmag dpon tshul dgu dang/ /mngon shes blon po bya ba ste/ /stobs bcu glang po rin po che/ /rdzu 'phrul ri dags rta'i tshul/ /yid bzhin nor bu rin chen no/ /rdzas brgyad bdud 'joms rgyal mtshan dang/ /thugs rje'i thugs dang dpal be'u'i thugs/ /bdud rtsi'i bum pa mi snyems nya/ /chos kyi dung dang dgos 'dod skong/ /chos kyi 'khor lo de ltar ro/ /sgo khang nang gi rgyan dgu ni/ smad na nyon mongs zil gyis gnon/ /glang dang seng+ge dang pa dang/ /stobs dang mi 'jigs tshad med/ /sA
- 6b
la'i shing gi tshal yin no/ /bar na sangs rgyas lam rnams so sor 'byed/ /ri dang mi dang srang khram dang/ /g.yo dang 'byed dang bstab pa ste/ /blon po rin po che bzhin no/ /steng ma sdug bsngal dang du len/ /klu dang chu srin ga ru ba/ /ye shes thugs rje'i byin brlabs te// khyung gis klu rgyal bslang ba bzhin/ /dbang gi rtags bcu 'di lta ste/ /dbu rgyan cod pan phreng ba dang/ /go cha rgyal mtshan phyag rgya dang/ /gdugs dang bum pa bza' btung dang/ /snying po lO yi ye shes dang/ /chos mos rdzu 'phrul smon lam dang/ /skye las tshe? dang longs spyod dang/ /sems la dbang ba go rims so/ /gdan gyi don rtags mi 'jigs stobs/ /rdzu 'phrul dbang dang las kyi khri/ /thabs dang shes rab skyon med dang/ dgos 'dod tshul du? mchen pa'o/ /rten pa lha yi don rtags ni/ /lha dang lha mar bstan pa yang/ /gzhi ni gzung dang 'dzin pa ste/ /las ni thabs dang shes rab yin/ /'bras bu dbyings dang ye shes so/ /sku dang sku mdog phyag rgya dang/ phyag mtshan bzhugs stabs tshul dang ni/ /rgyan chos don gyi rnam grangs ni/ /grub pa rtags kyi phyag rgya dang/ mtshan pa thabs kyi phyag rgya dang/ /mdzad pa las kyi phyag rgyar sbyar/ /de yang rgyud rgyal ma lus kyi/ /dgongs pa mdor ni bsdus pa yin/ /mtshan dang dpe byad 'od dang gsum/ /bsod nams rdzogs shing yon tan mtshan/ /sems can don rnams mdzad pa ste/ /rgyas par mdo sde'i dgongs pa bzhin/ /don rtags rtags kyi chos mthun ni/ /gzhung 'dir 'di ltar sbyor mod kyi/ /gzhan du chos mthun mdza' yas pa/ /rgyud dang rtog pa rnams las byung/ /dkyil 'khor dbang dang dam tshig gsum/ /rgyud rnams kun gyi srog shing pas/ /rnal 'byor gsar? skor? zhugs rnams kyis/ /gce sbyang yid kyi gzhung 'di sbyar?/ /dkyil 'khor don bsdus rgyud kyi man ngag 'di/ /nongs su nges kyis lha la bzod bar gsol/ /'di ba rnams? dge bas sems can ma lus kun/ /dkyil 'khor gsum gyi glong du gnas
- 7a
gyur cig/ //slob dpon sangs rgyas gsang bas mdzad pa/ dkyil 'khor gyi chos mdor bsdus pa rdzogs so// //rgya gar gyi mkhan po sangs rgyas gsang bas/ dbas many+dzu sh+rI dang/ bran kha mu ti ta gnyis la brdzangs pa/ bod yul du lo tsa ba ka ba dpal brtsegs la sogs pas bsgyur ba'o// (//gzhal yas khang gsal bar byed pa'i mngon rtogs mun sel sgrol ma slob dpon par mas mdzad pa bzhugs so/) /dpal rdo rje sems dpa' la phyag 'tshal lo/ /rang bzhin lhun grub 'og min gzhal yas dang/ /bris pa rdul tshon bskyed pa ting 'dzin gyis/ /bde gshegs bzhugs gnas gzhal yas gsal byed gting 'dzin mun sel sgron ma bstan par bya/ /de yang lus don tshul du bstan pa ni/ /tshad dbyibs rgyu dang rtse mo'i gnas lugs dang/ /nang dang sgo yi gnas lugs bstan pa dang/ /rgyan gyi bye brag rnams kyis mdor bstan pa'o/ /tshad ni 'di zhes nges par bstan du med/ /blos 'khyud sgom de gang du gnas pa'o/ /dbyibs ni pho brang snying po bum pa zlum po gru chad lha rnams rgyas phyir gru bzhi'o/ /rgyu ni zhi khro gnyis las dang po ni/ /ye shes rgyu las rin po che ru snang/ /pany+tsa re ka rdo rje ra ba dang/ /thog dang ka gdung la sogs de ltar ro/ /rtse mo bum pa chos nyid gcig tu 'khyil/ /sna tshogs chos kyi 'khor lo bya 'dabs ldan/ /nyog ldan rma bya'i mdongs ltar gnas pa'o/ /nang gi gnas tshul 'khor lo pad+ma 'am/ /ka bzhi gdung brgyad gru gsum zla gam sogs/ /rang gzhung gang yin ltar te de nyid kyang/ /lte ba mtho ste 'khor lo pad+ma sogs/ /rim gyis dma' ste gru chad lhag rnams mnyam/ /rdo rje ra ba rin chen skyang sbag gi /bar dang phyi rim rtsig pa dag tu gnas/ /pha gu bad dang mda' yab bang rim tshul/ /steng nas bya 'dab seng mgo mu tig ldan/ /rtsig gseb rin chen ka bdag gis bteg /de 'og rta babs lha mo
- 7b
la sogs gnas/ /phyi nang mchod byed yang na bar khyams la'o/ /sgo la gnyis te khyud can khyud med do/ /khyud med blo 'bur tshul te sgo ba gcig /khyung can sgo ba gnyis ste phyed sgo'o/ /sgo zur rtsig gseb ka thung bcu drug gis/ /rgyan gyis rta babs rim pa brgyad ldan 'degs de nyid rnam thar brgyad dang ldan phyir ro/ /mdzes pa'i rta babs them skas glang chen tshul/ /mchod rten mgo lnga ltar du 'od zer ba/ /'di yi gzhung min gzhan du rig par bya/ /mun pa bad de rin chen chung 'phyang mdzes/ /bcu gcig rdo rje dag dang ldan pa'o/ /rgyan la bdag po phyi nang steng 'og logs/ /bdag po yab yum la sogs skabs dang sbyar/ /bla re gzhi gdan 'dra ba mu tig phreng/ /gdan la seng ge glang chen rta dang khyung?/ /nam mkha' lding dang nyi zla pad+ma khri/ /phyi la rtse mo'i rgyan dang sgo drung ngo/ /rtse rgyan gdugs dang rgyal mtshan ri dags mdzes/ /sgo drung rgyan ni rngam glog 'od rim nas/ /rgyal ba gong ma rnams kyis bshad ltar ro/ /mdza' ma mu khyud rdo rje me ris bskor/ /zhi ba'i gzhal yas don ni de ltar gnas// //khro bo'i gzhal yas don ni 'di lta ste/ /tshad dbyibs rtse mo sgo rnams 'dra gcig la/ /rgyu dang nang dang rgyan gyi bye brag rnams/ /gong ltar mi gnas bye brag bstan pa ni/ /rgyu ni dur khrod 'bar ba'i rtsig pa ste/ /thod pa che phra gnam lcags 'bar bas spras/ /nang gzhi keng rus rak+ta'i zil pa chags/ /zhing dang tshangs pa'i ka gdung rnams dang ldan/ /chu srin sbrul dang nyi zla ka zhu'i rgyan/ /gza' dang rgyu skar phyam dang gral thabs mdzes/ /zhing gi spang leb ma gtang gnas kyis g.yogs/ /rgyan ni steng nas zhing chen 'og gdan kyang/ /nyi zla pad+ma dregs pa sems can no/ /rtse mo tsi ta'i tog la zhing gi gdugs/ /pha gu thod ba sna tshogs bang du/ byas/ /dra ba dra phyed thong sbrul dril bu dang/ /mchod pa'i lha mo phyi nang med par dbul/ /sgo rgyan rta babs thod pa 'bar ba la/ /de steng chu srin chos kyi 'khor lor lta/ /rtse la gdugs dang rgyal mtshan grwa bzhir mdzes//
- 8a
mdza' ma lcags ri mo 'od 'bar ba'i nang/ /dur khrod chen po brgyad kyis gtams pa ni/ /khro bo'i dkyil 'khor gzhal yas bstan pa'o/ /de ni bum pa gcig tu 'khyil ba'i gzhung/ /mchod rten mgo bo ltar du gnas pa ni/ /dbul gyi pho brang mchod rten bum ba'i tshul/ /sgo bzhi rta babs mchod rten tshul du gnas/ de rnams mtho ste gru chad lha rnams dma'/ /bcu gcig rdo rje sgo'i phyam sgo la/ /gru chad gdung mgo zla chos rdo rje'o/ /rta babs bzhir 'dod gsang sngags gyi yi gzhung/ /bdag 'dra u rgyan pad+ma rgyal po yis/ /ting 'dzin nyams len dgongs pa mthar phyin kyang/ /phyir bsal ma pa rnams kyi don phyed du/ /rgyud lung kun dang mi 'gal mun sel ba'i/ /sgron ma a mri ta yi don du brtsams/ /dge bas sems can kun gyis 'phags thob bsngo/ /gzhal yas khang gsal ba'i mngon rtogs mun sel sgron ma zhes bya ba slob dpon pad+ma 'byung gnas kyis mdzad pa rdzogs so// (//tshul gsum gyi sgron ma zhes bya ba slob dpon dri ? dag ma las mdzad pa bzhugs//) /*/ /rgya gar skad du/ na ya tra ya pra dI pa/ bod skad du/ tshul gsum gyi sgron ma/ bcom ldan 'das 'jam dpal gzhon nur gyur pa la phyag 'tshal lo/ /shes rab thugs rje'i snang ba yis/ /'gro ba'i mngon sum spyan gyur cing/ /ye shes 'od kyis mun sel mdzad/ /rgyal ba skyobs phyag 'tshal lo/ /lung dang rigs pa ji bzhin dang/ /bdag gi shes stobs ci yod pas/ /tshul gsum gyi ni sgron ma 'di/ /de nyid grub phyir bshad par bya/ /gal te 'di la skye bo 'ga' / /skal pa dman bas mi 'jug kyang/ /bdag nyid kyi ni rang gi yid/ /sbyong ba'i thabs su 'di gyur mod/ /yang dag rig med bar 'jig rten/ mya ngan 'das pa mi thob ces/ /sangs rgyas kyis gsungs 'di tshad ma/ /rgan po rnams kyis gsal bar bshad/ /'di na theg pa chen po'i tshul la go cha chen po bgos pa'i byang chub sems dpa' chen po nas brtsams te/ /bcom ldan 'das stobs bcu dang thugs rje chen po'i bdud
- 8b
rtsis thugs brlan pas/ /med sde dang rgyud kyi rgyal po de dang de rnams su sa dang/ ting nge 'dzin dang/ gzungs dang/ pha rol tu phyin pa dang/ mngon par shes pa dang/ /rnam par thar pa'i sgo mdza' yas pa rnams thugs rje chen po'i bdud rtsi'i gsung nyid kyis ston par mdzad pa ni gnyis su med pa'i ye shes kho na phun sum tshogs pa ma lus pa'i rgyu yin par gsungs la/ de nyid ni shes rab kyi pha rol tu phyin pa dang/ de bzhin gshegs pa dang/ de bzhin nyid dang/ yang dag pa'i mdza' dang/ chos kyi dbyings la sogs pa'i rnam grangs kyis ston par mdzad pa yin pas de nyid ni thar pa 'dod pa rnams kyis mchog tu blang bar bya ba yin no/ /dris pa sdug bsngal gyi bden pa la sogs gzhan dag kyang/ /de kho na nyid yin par gsungs la/ /ye shes de yang 'jig rten las 'das pa'i ye shes yin no/ /de goms par byed pa'i rim pa nyid gyis zad ba dang mi skye ba'i ye shes skyes pa yang ma yin pa/ bya ba byas pa/ byed pa byas pa zhes bya ba la sogs bar gsungs na ji ltar na gnyis su med pa'i ye shes de nyid gcig bu blang bar bya ba'i de kho na nyid du bshad/ 'di ni sangs rgyas kyi bka' ma yin no zhes brjod par nus pa yang ma yin te/ bde bar gshegs pa'i bstan pa la ni de gtso bor gyur ba nyid yin zhing theg pa chen por yang de ltar khas blangs pa yin pa'i phyir ro/ /yang na 'di dag ni sangs rgyas kyi bka' yin du zin kyang tshang ma dang mi ldan pas de kho na nyid ma yin no zhe na/ de lta na thams cad mkhyen pa ni mi shes pa yin no zhes sangs rgyas spangs pa'i phyir nyes pa chen bor 'gyur la/ de lta yin na ni theg pa chen po la'ang su zhig yid ches par 'gyur/ /'di ni tshad ma dang mi ldan pa yang ma yin te/ 'dir tshad ma ni tshad ma rnam gel nyid du smras bas 'dir ma bshad pa yin no/ /gzhan yang sdug bsngal gyi bden pa la sogs pa ni theg pa chen por yang bcom ldan 'das kyis bstan na de de kho na nyid ma yin no zhes gang las nges par byas/ sangs rgyas kyi bka' nyid la dad pa dang
- 9a
ldan pa rnams de kho na nyid dang cig shos su 'brang pa rigs pa ma yin no/ /gnyis su med pa'i ye shes ni de kho na nyid yin par 'dul ba la sogs par yang ci'i phyir ma bstan/ bcom ldan 'das ni de kho na nyid ma yin pa de kho na nyid sngon par mi mdzad cing de kho na nyid sped par mi mdzad de/ sangs rgyas 'byung ba ni de kho na nyid ston par mdzad pa la brtsom pa dang/ sangs rgyas rnams la ni slob dpon gyi dpe ma khyud mi mnga' zhing phyin ci ma log par ston pa yin pa'i phyir dang/ bden pa la dmigs pa nyid ni 'jig rten las 'das pa'i ye shes yin par bcom ldan 'das kyis yang dag par bsngags pa mdzad de/ 'di ni bde bar 'gro ba'i lam/ /lam 'di rnam par dag pa'i phyir/ /zhugs par byed pa rab spong zhing/ /sgom byed bdud kyi 'ching ba gcod ces bya ba la sogs pa gsungs pa yin pas lung las sam/ de kho na nyid du na sdug bsngal la sogs pa'i bden pa ni bden pa ma yin pa ma yin gyi 'di ni bdag tu 'dzin pa'i bu shing gi me 'bar pa 'ba' zhig yin no/ /'dir brjod par bya ste/ de la re zhig sdug bsngal gyi bden pa la sogs pa yang de kho na nyid yin no zhes gsungs la zhes gang smras pa de la/ dper na mi gtsang sel byed ltar/ /nyon mongs spong phyir bden pa dag /ston par mdzad kyi de nyid ni/ /don dam bdag can yin par 'dod/ /bden pa bsgoms pa las nyon mongs pa spong bas de kho na nyid du mi 'gyur te /mi gtsang ba bsgom pa la sogs pa yang 'dod chags la sogs pa rnam par spong ba'i don yin pa'i phyir/ /de'i dmigs pa rus gong ma sogs pa yang de kho na nyid yin par thal bar 'gyur la/ yang de'i tshe 'jig rten pa'i lam dmigs pa 'am/ nam mkha' la sogs pa cung zad kyang de kho na nyid ma yin par mi 'gyur ro/ /don dam pa ni de kho na nyid yin gyi sdug bsngal ni don dam pa ma yin te/ de las dman
- 9b
pa nyid yin pa'i phyir ro/ /phyin ci ma log pa nyid kyis sdug bsngal don dam pa nyid zhes kho bo cag smra'o/ /de nyid kyi phyir bcom ldan 'das kyis sdug bsngal gyi bden pa zhes gsungs pa dang/ dbyig gnyen gyi zhal snga nas kyis kyang/ gnyis ni 'phags pa rnams kyi bden pa'o/ /yang gnyis ni 'phags pa ma yin pa'i bden pa'o zhes bshad pa yin no zhes na/ de ni yang dag pa ma yin te/ gang gi phyir/ nyan thos rnams ni 'jug pa'i phyir/ /sdug bsngal la sogs bden nyid gsungs pa/ /gang la'ang ni rnyed mi 'gyur/ /dngos po med pa'i ngo bo la/ /byis pa rnams ni 'byung bar 'dod/ /ces gsungs pa dang/ de bzhin du dkon mchog 'byung gnas las/ /gang gi dngos po nyid ni yod min pa/ /de dngos gzhan gyi rkyen du ji ltar 'gyur/ /dngos med gzhan ni ci zhig skyed 'gyur zhes/ /rgyu 'di bde bar gshegs pas bstan pa yin zhes bshad pa dang/ 'phags pa klu'i rgyal po rgya mtshos zhus pa chen po las kyang/ sngon gyi mdza' stong phyi ma'i mthar stong zhing/ /skye dang 'jig dang gnas pa'i dngos po stong/ /dngos po nyid med dngos po med pa'ang med/ /chos rnams thams cad stong pa'i ngo bo nyid ces gsungs pa dang/ 'phags pa dang/ 'phags pa ting nge 'dzin gyi rgyal po las kyang/ dper na chu shing rlon pa'i phung po las/ /snying po 'dod pa'i skyes bus rnam btsal na/ /phyi dang nang na dngos po yod ma yin/ /chos rnams thams cad de 'drar shes par gyis zhes gsungs pa dang/ chos yang dag par sdud pa las kyang/ tshul bzhin 'dri ba ni gang tshul bzhin ma yin par 'dri ba ni gang zhe na/ smras pa ma skyes pa ni tshul bzhin te/ de 'dra ba ni tshul bzhin du 'dri ba zhes gsungs pa dang/ yang de nyid las chos thams cad ni ci'i sgo ste 'chi 'pho dang skye ba dang bral ba'o/ /chos thams cad ni ngo bo nyid kyi sgo ste /ngo bo nyid stong pa nyid nye bar bzung bas so zhes gsungs pa dang/ yab dang sras mjal ba las kyang/ chos 'di dag thams cad ni dus gsum
- 10a
mnyam pa nyid kyis mnyam ste/ 'das pa'i dus kyi chos thams cad ni ngo bo nyid dang bral ba'o/ /ma 'ongs pa dang da ltar byung ba'i chos thams cad ni ngo bo nyid kyis stong pa'o zhes gsungs pa dang/ /yang de nyid las gsal bar mdzad pa ni/ chos thams cad ni ngo bo nyid kyis stong pa ste/ chos gang dngos po med pa de ni 'das pa ma yin/ ma 'ongs pa ma yin/ da ltar byung ba ma yin no/ /de ci'i phyir zhe na/ dngos po yod pa ma yin pa'i phyir 'das pa'o zhes rnam par 'jogs par mi nus /ma 'ongs pa ma yin/ da ltar byung bar 'jog par nus pa ma yin no zhes bya ba gsungs pa yin no/ /de bzhin du bden pa gnyis la 'jug pa las kyang/ yang 'jam dpal yang dag pa'i sbyor ba gang zhig yin/ 'jam dpal dpal gyis smras pa/ lha'i bu don dam pa dang/ de bzhin nyid dang/ chos kyi dbyings dang/ skye ba med pa gang dang mnyam pa mtshams med pa lnga po de dang mnyam mo zhes bya ba la sogs pa kun nas nyon mongs pa dang/ rnam par byang ba'i chos thams cad mnyam pa nyid du rgya cher bshad nas smras pa/ yang 'jam dpal don dam pa'i bar gyi mnyam pa nyid gang gis rnam par byang ba mnyam pa nyid yin pa chos thams cad de dang mnyam pa yin nam/ 'jam dpal gyis smras pa/ lha'i bu don dam par chos thams cad ni ma skyes pa'i mnyam pa nyid dang/ don dam par chos thams cad ni shin tu ma byung ba'i mnyam pa nyid dang/ don dam par chos thams cad dngos po med pa'i mnyam pa nyid kyis chos thams cad mnyam pa nyid yin no zhes rgya cher gsungs pa dang/ sangs rgyas thams cad kyi yul la 'jug pa ye shes snang ba'i rgyan las kyang/ rtag tu skye med chos ni de bzhin gshegs/ chos rnams thams cad bde bar gshegs pa dang 'dra/ byis ba'i blo can mtshan mar 'dzin pa rnams/ /'jig rten dag na med pa'i chos la spyod ces
- 10b
gsungs pa dang/ bcom ldan 'das yum shes rab kyi pha rol tu phyin pa las/ rab 'byor gzugs ni ngo bo nyid kyis stong pa zhes bya ba nas rnam par shes pa'i bar du nye bar bzung ste stong pa'i mtshan nyid can du gsungs pa dang/ /dkon mchog gi za ma tog las kyang 'jam dpal sangs rgyas kyi chos rnams kyang chos ma yin pa yin nam/ smras ba/ brtsun ba rab 'byor sangs rgyas kyi chos rnams kyi yang dag par byung ba ni 'ga' yang med de/ gang byung ba de ni chos rnams kyi chos nyid do zhes brjod par mi bya'o/ /de bas na bcom ldan 'das kyis 'di ltar chos thams cad ni chos ma yin pa'o zhes gsungs pa yin no/ /de bas na 'di dag thams cad yongs su brtogs pa'i ngo bo nyid la dgongs nas gsungs so zhes gang bshad pa de yang bden pa nyid yin no/ /yongs su brtags pa'i ngo bo nyid du brjod pa ni tshad ma dang 'gal pa yin yang byis pa rnams kyis de kho na nyid du nye bar bzung ba yin no zhe na/ de lta na ni skye ba la sogs pa nyid yongs su brtags pa yin pas tshad ma dang 'gal te des na ma skyes pa de nyid de kho na nyid yin bar grub pa yin no/ /'di ni bcom ldan 'das kyis chos yang dag par sdus pa las/ gsal ba kho nar gsungs pa yin te/ rigs kyi bu skyes pa dang 'gag pa la mngon par zhes pa la 'jig rten pa rnams zhugs pa yin te/ de la de bzhin gshegs pa thugs rje chen pos 'jig rten gyis skrag pa'i gnas spang bar bya ba'i phyir skye ba dang 'gag par 'gyur ro zhes tha snyad du gsungs pa yin gyi 'di la chos 'ga' yang skye ba med do zhes gsungs pa yin no/ de bas na bla na med pa dang/ stong pa nyid la sogs pa'i tshig gis bstan pa gnyis su med pa nyid de kho na yin no zhes bya bar gnas so/ /gang yang 'dul ba la sogs par gnyis su med pa 'di ci'i phyir la bstan zhes smra na/ der ni brtson 'grus chung ba'i phyir zhes bshad pa nyid kyi phyir te/ de yang rang gi don tsam la mngon par brtson zhing bden pa bstan pa nyid kyis don byed la/ chos thams cad bdag med pa'i ting nge 'dzin la ni g.yangs dang 'dra bar lta bas/ gnyis su med pa
- 11a
ma bstan pa yin te/ ston pa po rnams ni thams cad la thams cad ston par mi mdzad do/ /nye bar ston pa de ni dgos pa'i dbang du mdzad pa yin pa'i phyir ro/ /byang chub sems dpa' rnams ni zab pa dang rgya che'i bsam pa can yin pa'i phyir rnam pa thams cad dgos pa yin pas na/ 'phags pa'i bden pa bzhi ston par mdzad pa yang dgos pa yin no/ /gal te 'di skad ces sdug bsngal la sogs pa nyid de kho na nyid yin la/ /de mthong ba yang brtul zhugs dang sbyangs pa'i yon tan la sogs pas 'thob par 'gyur ba yin pas stobs dang ldan pa'i 'bad bas sgrub par bya ba yin la/ gnyis su med pa'i ye shes 'di yang de kho na nyid ma yin du zin kyang de kho na nyid du bstan pa ni de kho na nyid la 'gyur pa'i phyir yin pas/ sems can thams cad ji ltar 'dod par bsgom par bya'o zhes ci'i phyir mi 'chad de/ gnyis su med pa'i ye shes kyi phyogs su lhung bas ci zhig bya zhes zer na 'dir brjod par bya ste/ ston pa nyid kyis theg chen du/ /de skad gsungs pas de de bzhin/ /shes kyi de dang mi mthun pa/ /thub gsungs med par ji ltar nus/ /'dir ni rang gi rtog pas smras pa ma yin te/ gzhan du na ston pa nyid kyis lang kar gshegs pa'i mdo las /ting 'dzin dregs pas myos nas ni/ /zag pa med pa'i dbyibs na 'khod ces gsungs ba dang/ /yang de nyid las blo gros chen po 'di ni nyan thos kyi theg pa'i mngon par rtogs pa'i rigs kyi mya ngan las 'das ma yin pa la mya ngan 'das pa'i blo can te/ blo gros chen po 'di la lta ba ngan pa las ldog par bya ba'i phyir rnal 'byor du bya'o zhes gsungs pa yin no/ /de nyid kyis na lam gzhan gyis thar bar 'gyur ba med pas/ /bcom ldan 'das kyis theg pa gcig nyid du gsungs pa yin no/ /de dang der bcom ldan 'das kyis byang chub sems dpa' rnams la nyan thos dang lhan cig gnas pa dang/ kun tu smra ba'i bslab pa la sogs pa dgag pa bstan pa yin la/ bdag cag rnams kyang de ltar 'jug pa yin no/ /'di ltar gsungs pa gang las kyang gnyis su med pa'i
- 11b
yis nyid bden pa'i ye shes thob pa'i thabs yin par ma bstan na ji ltar na phyin ci log tu 'jug par bya/ sngon gyi mkhas pa rnams kyis kyang gcig dang du ma nyid du mi 'thad pas/ dngos po med pa yin par rigs pa'i stobs nyid kyis bstan la/ bcom ldan 'das kyis kyang lang kar gshegs pa las/ ji ltar me long dag la gzugs/ /gcig dang du ma rnam spangs bar/ /snang yang de yod ma yin/ /de bzhin dngos po'i dngos nyid do zhes gsungs pa dang/ yang blo yis rnam par brtags na ni/ /ngo bo nyid ni dmigs su med/ /de phyir de dag brjod med dang/ /dngos po med par bstan pa yin zhes gsungs pa yin no/ /lung dang rig pas gang grub pa/ /de spangs lung med de nyid gzhan/ /tshad ma med par mkhas pa dag/ /khas 'ches par ni ji ltar byed/ /ji ltar gnyis su med pa nyid la skye ba med pa dang/ dngos po med pa dang stong pa nyid la sogs pa'i tshig gis bshad kyi gcig dang du ma la sogs pas de mi 'jal lo/ /da ltar don dam pa ni sgron ma nyid du nges par bshad pas na de nyid nges par gzung bar bya'o/ /de bas na 'di ltar gnyis su med pa nyid gcig bu de kho na nyid yin no zhes bya bar gnas so/ /yang brtul zhugs dang sbyangs pa'i yon tan la sogs pas thob pas bden pa'i ye shes dang/ gnyis su med pa'i ye shes kyang sems can thams cad kyis ji ltar 'dod par bsgom par bya'o zhes gang smras pa de ni theg pa chen po la smod pa'i tshig yin pas mi shis pa 'ba' zhig gsal bar ston pa yin gyi rang gi gzhung gzugs par nus pa ni ma yin te gang du gdung ba nye bar bstan pa de nyid du phyin ci ma log pa nyid ma yin te/ phyi rol pa rnams la yang me lnga bsten pa la sogs pa'i dka' thub chos lhag pa yod mod kyi de la ni phyin ci ma log pa'i ye shes kyi gtam tsam yang med do/ /bcom ldan 'das kyis kyang de'i rigs can rnams la 'khor ba la rgyab kyis phyogs pa'i thabs su de la brtul zhugs la sogs pa ston par mdzad de/ mkhas pa tshul khrims la gnas te/ sems dang shes rab bsgom bar bya/ zhes bya ba la sogs pa gsungs
- 12a
pa yin gyi byang chub sems dpa' rnams kyi ni 'dod chags dang bral ba go 'phang mchog thob pa'i sgo ma yin te/ thugs rje chen po dang ldan pa yin pa'i phyir ro/ /'di ni de rnams kyi 'gro ba la rang bzhin gyis brtse ba yin te/ gang srog chags gcig cig sdug bsngal bar mthong na yang ci na yang mi 'dor bar sems dpa' ma yin pas/ yul gcig la chags pa yang 'khor bar gnas pa'i rgyu yin na/ 'gro ba ma lus pa yul du gyur ba de 'khor ba la rgyab kyis phyogs par ji ltar 'gyur/ de yang gang zhig srog dang bu dang de bzhin sa dang chung ma nor/ /phongs po rnams kyi don du rtsa bzhin legs par gtong byed cing/ /sa gsum gdon par bya phyir go bgos sems can dam ba ni/ /de las lhag pa'i chags la brten pas sa steng gzhan du yod/ ces bshad pa yin no/ /de bas na srid pa gsum gyi dgos pa'i thabs la gzhol ba rnams ni rang gi don tsam don du gnyer ba ma yin pas na de la bcom ldan 'das kyis 'dod chags dang bral ba'i lam rjes su snang ba ma yin no/ /gal te de lta yin na ni bag chags dang bcas pa'i nyes ba ma lus pa dang bral zhing rnam par dag pa'i byang chub kyi ye shes phun sum tshogs pa mdza' yas pa'i gnas de byang chub sems dpa' 'dis ji ltar thob par 'gyur/ 'dod chags la sogs pa ni kha na ma tho ba med pa'i yon tan gyi gnas ma yin pa'i phyir ro zhe na/ de brjod bar bya ste/ ji ltar de'i khams gsum bar/ /chags pa lam shes nyid yin ltar/ /de bzhin de yang blo ldan gyi/ /go 'phang mchog thob thabs yin no/ /pha rol tu phyin pa la spyod pa'i byang chub sems dpa' rnams ni tha mal pa'i brtul zhugs dang/ sbyangs pa'i yon tan la sogs pa yid la byed pa'i bsam pas mi 'jug gi de'i yid la mngon par 'dod pa'i brtul zhugs kyi mchog ni gcig kho na yin te/ 'di lta ste snying rje chen po'o/ /brtul
- 12b
zhugs chen po de spyod pa'i byang chub sems dpa' ni bya ba rnams la nges pa yod pa ma yin te/ ji lta ji ltar de'i gzhan gyi don gyi tshogs phun sum tshogs par 'gyur ba de lta de ltar bya ba rnams la 'jug par 'gyur ro/ /byang chub sems dpa' rnams ni kun tu chags pas ngan 'gror 'gro ba'i bud med btang snyoms su gzhag ste/ so sor thar pa'i sdom pa la sogs pa la ltos par mi byed kyi bla na med pa'i go 'phang thob pa'i spyod pa gang yin pa 'di nyid de rnams kyi tshangs par spyod pa yin no/ /de bas na de rnams ni phyin ci ma log pa'i lam ston cing smad ba'i bya ba ba lang dang khyi'i brtul zhugs la sogs pa la yang 'jug pa yin zhing ngan 'gro thams cad du yang dang pa'i rgyal po mtsho nang du 'jug pa bzhin du 'jug pa yin no/ /mang du bshad pas ci zhig bya ste/ de ji lta ji ltar sems can ma lus pa yongs su skyab pa'i thabs su gyur pa'i snying rje chen po la'i brtul zhugs la spyod cing/ gang gis rim gyis bsod nams dang ye shes kyi tshogs dri ma med pa ma lus pa byas te/ 'gro ba ma lus pa'i dgos pa cig car byed par nus pa'i kun tu bzang po nyid kyis bde bar gshegs pa'i go 'phang bla na med par yang gzhan gyis dgos pa byed nyid kyi phyir 'gro bar 'gyur gyi de rnams sangs rgyas su gyur nas kyang rang gi dgos pa bya bar dgongs pa sngon du 'gro bas 'jug pa ma yin no/ /'dir dpe bstan pa ni ji ltar byang chub sems dpa' chos 'phags kyis byang chub sems dpa' rnams la 'dod chags la rgyab kyis phyogs par mi ston pa dang/ rje btsun rin chen sgron ma las/ byang chub sems dpa' rnams ni ji ltar yang nges pa la mi 'jug ste/ 'di ni sems dpa' chen po rnams kyi lam shes pa yin te/ gang 'dod chags la sogs pa brgyab kyis phyogs par yang 'dod par mi byed par bla na med pa'i go 'phang sgrub bo zhes gsungs pas/ 'dod chags la sogs pa nyid mngon par byang chub pa'i dgos pa'i rkyen du gyur pa yin no/ /nyon mongs pa ma spangs pa rnams
- 13a
ji ltar na mngon par byang chub par 'gyur zhes rtog na/ nyon mongs pa de gang yin/ ci zhig spang bar bya ba de ma mthong ste/ nyon mongs pa rnams sam de spang ba de kho na nyid ma yin pa med de/ chos thams cad gdong ma nas ma skyes pa'i phyir ro/ /rim pa 'dis ci ma lus pa'i phun sum tshogs pa'i gnas thob par 'gyur ram/ mi 'gyur zhes dpyad par bya ste/ gzhan du na gal te 'dod chags ma spangs par gyur kyang/ kun tu bzang po gang yin pa 'dir 'gyur na de spangs pas ci zhig bya/ yang 'dir khyod la 'dod chags spang pa bstan du zin kyang ci'i phyir rtogs par ma gyur/ de yang 'dir bdag tu mngon par zhen pa sngon du 'gro bas rang dang gzhan du rnam par phye ba'i yul rnams la kun tu zhen pa la sogs pa ni 'dod chags la sogs pa rnams yin la/ /gang yang bdag tu 'dzin pa rtsa ba nas bton pa rnams la ni bdag dang gzhan gyi rnam par dbye ba yod pa ma yin te/ de rnams ni chos thams cad ngo bo nyid mnyam pa nyid kyis bsam pas yongs su mya ngan las 'das pa nyid du 'jig rten na rnam par gnas te/ 'dod par bya ba dang/ mi mthun pa'i yul du sgro 'dogs pa med pa yin na ci'i phyir phyin ci log las byung ba'i 'dod chags la sogs pa 'byung bar 'gyur/ yang smras pa/ gang zhig nyes pa ma lus skyed byed 'jig tshogs lta ba'i bud shing nges sreg cing/ /bdag gzhan rab dbye'i yul rnams rtsa nas 'byin pa de ni nyes pa bskyed ma yin/ /nyes med zin kyang rig ltar snying rjes sgyu ma'i skyes bu lta bur las rnams la/ /blo bzang sngon gyi smon lam nyid kyis 'khor lo 'khor ba'i shugs bzhin sbyor bar 'gyur/ /gal te de lta na ni smon lam dang snying rje'i shugs zad nas/ phun sum tshogs pa mdza' yas pa'i kun tu bzang po nyid zad pas/ shin tu rnam par dag pa ma yin par 'khor lo'i dpe nyid
- 13b
kyis 'gyur te/ dper na rdza mkhan gyis 'dus byas pa'i 'phen pa'i shugs zad pa dang/ 'khor lo 'khor ba sdod par 'gyur te/ 'di yang de dang 'dra bar 'gyur ro/ /zhe na/ ci dpe'i chos thams cad ni dpe bstan pa'i rjes su 'gro ba ma yin te/ chos 'ga' zhig gis dpe dang dpes bstan pa mnyam gyi thams cad kyi bdag nyid kyis ni ma yin no/ /de la yang sder mo dang mche ba la sogs pa seng ge'i yan lag ma lus pa dang ldan pas skyes bu seng ge zhes smra ba ma yin gyi 'on kyang dpa' ba la sogs pa 'ga' zhig las de skad ces btags pa yin no/ /'dir yang ji ltar rdza mkhan gyi 'bad pa med par yang 'khor lo 'khor ba de bzhin du dmigs pa med pa'i gnas skabs su yang snying rjes dmigs pa dang bcas pa'i bya ba'i don rdzogs par 'gyur bas na/ dab? de tsam gyo? rnye? nas bstan pa yin no/ /de yang de'i byin brlabs tsam gyis ni/ /skyis bu yid bzhin nor bu ltar/ /rtsig sogs las kyang chos ston pa/ /ci 'dod par ni 'byung bar 'gyur zhes gang bshad pa'o/ /yang kun tu bzang po nyid ji ltar na rtag pa yin pa'i phyir rgyu'i khyad par 'dir brjod de dgos so zhe na/ de bshad par bya ste/ bems po bem po min rten pa/ /'dus byas khyad par nyid yod de/ /phyin log phyin ci ma log pa'i/ /yul du gyur phyir zad pa zad/ /lus kyi gar la sogs par mngon par 'dus byas pa ni bslabs pa rgyun chad pa na yun ring por rjes su 'brel par mthong gi yid ni de'i don khong du chud pa'i yul la dus lhag par rjes su 'brad pa yin te/ de bas na bem po dang bem po ma yin pa la brten pas 'dus byas pa la khyad par yod do/ /'dus byas pa la khyad par med pa ma yin mod kyi 'on kyang ben po ma yin pa la brten pa'i 'du byed kyang shin tu gnas pa ma yin te/ shin tu rgyun mi 'chad par ni spang bar bya'o zhe na/ phyin ci ma log pa'i
- 14a
yul yin pa'i phyir de spang bar bya ba ma yin te/ /de yang ji srid phyin ci ma log par ma rtogs pa de srid kyi bar du sbrul gyi blo skye'i de dang bral nas ni/ thag pa'i yang dag pa'i yul mngon par 'dus byas pa nas/ slar yang phyin ci log la 'jug par ni mi 'gyur ro/ /brjed pa nyid las 'gyur ro zhe na/ brjod pa nyid re zhig ji lta bu yin/ goms pa'i rgyun chad pa yin no zhe na/ de ni rigs par smras pa yin te/ goms pa'i rgyun chad pa las brjed pa yin la/ rjed pa las ni phyin ci log la 'jug par 'gyur ro/ /sems dpa' chen po gang yin pa'i smon pa'i sems nas de kho na nyid la rab tu gnas pas/ sems can ma lus pa la dmigs pa'i snying rje chen po la goms pa ni rgyun rnam par chad pa med pas/ de la brjed pa dang phyin ci log pa yang yod pa ma yin no/ /de ltar mchog tu gyur pa'i de kho na nyid kyi rjes su 'gro ba'i gzhan gyi don byed pa'i bag chags rgyun mi 'chad par grub pa yin pas don thams cad phun sum tshogs pa'i thams cad mkhyen pa nyid du rigs pa kho nar yin no/ /shin tu spros pas chog go /de bas na 'di ni ngo mtshar du gyur pa yin te/ sems can rnams kyi spyod lam shes pas yongs su dag nas gang sems can ma lus pa'i 'khor ba la kun tu chags pa'i sems las kyang rgal te/ 'khor ba'i rgya mtsho las 'gro ba sgrol bar byed pa ni thabs la mkhas pa bsam gyis mi khyab pa yin no/ /dris pa/ tshangs pa'i lta ba la yang gnyis su med pa ni 'chad la/ tshangs pa'i de kho na nyid dang/ yang dag par rig pa'i de kho nyid ces bya bar ming tsam gyis khyad par du phye ba ni rigs pa yin te/ gnyis su med par khas 'ches par mnyam pa'i phyir ro/ /de bas na mu stegs pa'i lta ba nyid dang 'di'i don rtogs pa gcig pa nyid yin pa'i phyir theg pa chen po'i gzhung rgyas pa ni
- 14b
don med pa ma yin no/ /de ni khyed lta bu'i bdag nyid bcom pa rnams la khyad par med pas don med pa ni bden mod kyi nyan thos kyi theg pa'am/ mu stegs kyi tshul las theg pa chen po'i khyad par gang yin pa de brjod par bya'o/ /smon lam dang ni 'jug pa dang/ de bzhin zab dang rgya che nyid/ /mi ldog 'bras bu thob pas kyang/ /theg pa chen po khyad par 'phags/ /smon lam la sogs pa 'di dag kyang gong nas gong du rgyur gyur pas bla na med pa'i bde bar gshegs pa'i go 'phang thob par 'gyur ro zhes bya ba ni theg pa chen po'i don yin la/ don 'di ni gzhan gang du yang ma thos na ci'i phyir theg pa chen po'i gzhung rgyas pa la don med pa yin la/ de la dang po de'i rigs dang ldan pa rnams ni/ smon lam bla na med pa de lta bu gang yin pa de nyid kyis mngon par rdzogs par sangs rgyas pa ltar lha dang lha ma yin rnams kyis mchod pa dang/ dang po sems bskyed pa nyid na bdag nyid chen po de rnams mdza' yas pa la bar chad med par 'jug cing/ bde bar gshegs pa ma lus pa'i yon tan gyi sa bon du gyur pa de lta bu'i yang dag par rdzogs pa'i byang chub thob pa bzhin du lha'i rgyal po la sogs pa thams cad kyis mchod pa dang/ bde bar gshegs pa rnams kyis kyang spyan ras kyis 'tsho ba dang/ byang chub sems dpa' rnams kyang mngon par dga' bar 'gyur ba yin te/ rgya cher bshad ba ci zhig bya ste/ bla na med pa'i thabs la rab tu gnas pa nyid kyis sangs rgyas 'byung ba dang 'dra bar byang chub tu sems bskyed pa ni 'gro ba rnams dbugs 'byin pa'i rgyu yin te/ de ji ltar 'jam dpal gyi smon lam las/ /'khor ba'i tha ma med pa yi// sngon gyi tha ma ji srid pa/ /de srid sems can phan don du/ /spyod pa dpag yas spyad par bgyi zhes bya ba lta bu dang/ rje btsun rin chen sgron ma las kyang/ byang chub sems dpa' sems dang po bskyed pa'i gnas skabs su 'di dag gsal bar bstan pa dang
- 15a
bzang po spyod pa la sogs par yang bshad pa yin te/ 'di dag ni re zhig theg pa chen po la zhugs pa'i bdag nyid chen po rnams kyi smon lam gyi khyad par yin no/ /bdag gi lus dang longs spyod dang/ /dge ba dus gsum skyes pa rnams/ /sems can kun la btang ba dang/ /de bsrung dag pa spel ba'o zhes bshad pas byang chub sems dpa' rnams kyi 'jug pa yang 'di yin te/ sems can thams cad la bdag nyid kyi dngos po rnams sbyin pa dang/ byin nas kyang bsrung ba gang yin pa'o/ /ji ltar na byin pa bsrung bar bya zhe na/ de brjod par bya ste/ sems can ma lus pas yongs su longs spyad pa'i don nyid du bdag nyid kyi dngos po thams cad byin la de yang gang gi tshe ji zhig ltar btang bas sems can thams cad kyis nye bar longs spyod par mi 'gyur bas dran ltar bdag pos nye bar longs spyod pa'i don du bdag nyid kyi dngos po rnams srung bar byed pa la nyes pa med do/ /de yang sems can rnams kyi longs spyad phyir/ /lus la sogs ba sbyin par bya/ /ma bsrungs longs spyod ga las 'ongs/ /gang mi spyod pa ci zhig sbyin/ /de bas sems can longs spyod phyir/ /lus la sogs pa bsrung bar bya zhes bshad pa yin no/ /de bzhin du bsrung ba yang bdag po nyid kyi don du dag par bya ste/ tshul khrims la sogs pa rnam par dag pa'i bdag nyid kyis dngos pos bdag po sems can ma lus pa'i don rdzogs par 'gyur bas spyad par rigs pa yin no/ /dag pa yang bdag po'i don nyid du 'phel bar bya'o/ /bran yang 'khor los sgyur pa la sogs par skyes par gyur pas/ bdag po sems can rnams kyi 'di dang pha rol gyi don de 'grub pa yin par rigs pa nyid yin no/ /de bzhin du longs spyod dang/ dus gsum du rtogs pa'i dge ba'i rtsa ba rnams kyang btang ba dang/ bsrung ba dang/
- 15b
dag pa dang/ 'phel? ba rnams shes par bya ste/ don 'di ni bslab pa kun las btus par gsal bar byas pas 'dir rgya cher ma spros so/ /'jug pa yang thabs la mkhas pa 'di dang/ rjes su 'brel ba yin no/ /sems can la dmigs snying rje gang/ /'jug tshe chos nyid la gnas pa/ /de ni dmigs med nyid thob pas/ /zab cing rgya che nyid du 'gro /byang chub sems dpa' i tshangs pa'i gnas bzhi yongs su rdzogs pas sdug bsngal gsum gyi zin pa'i sems can gyi khams la dmigs pa na sems can ma lus pa la dmigs pa'i snying rje chen po stobs can 'byung bar 'gyur la/ /snying rje chen po des sems can rnams la dmigs nas sbyin pa la sogs pa 'jug pa na ji srid shes rab kyi pha rol tu phyin pa la gnas par ma gyur pa de srid kyi bar du ni sbyin pa la sogs pa yongs su rdzogs par mi 'gyur ro/ /de'i gnas skabs su ni sbyin pa chen po la sogs pa yongs su dag pa'i sgo nas de yang mi dmigs pa'i sbyor bar yongs su dag par 'gyur bas de ni de'i chos la dmigs par gyur pa'i snying rje skyes par gyur pa yin no/ /de ltar bskal pa grangs med pa gsum du chos la dmigs pa'i snying rje goms par byas pa yongs su rdzogs pa la dmigs pa med pa'i snying rje chen po skye bar 'gyur te/ 'di ni de'i zab pa dang rgya che ba yin pas zab pa dang rgya che ba'i khyad par ro// mdza' yas pa dang 'bar ba yi/ /smon lam sogs kyis de nyid du/ /ro gcig chos dbyings nyid thob nas/ /slar yang ldog par ji ltar 'gyur/ /mdza' yas pa'i sems can gyi khams gdon pa'i bsam pas mdza' yas pa'i smon lam dang/ brtson 'grus 'bar bas zhugs pa ni/ ji ltar gzhon nu don thams cad grub pas rgya mtsho bskam pa'i phyir zhugs pa dang 'dra ste/ de ni thams cad zab cing rgya che ba'i rjes su 'gro ba nyid du spyod la/ de dag nyid shes rab kyi pha rol tu phyin pas byin gyis
- 16a
brlabs pa'i mdza' yas pa'i brtson 'grus 'bar ba dang/ smon pa dang 'jug pa la sogs pas rnam par mi rtog pa'i chos kyi dbyings med du zin kyang thugs rje yis/ bdag yod ces gsungs pa lta bu yin zhes bya ba yin te/ bcom ldan 'das kyis nyan thos rnams brtson 'grus chung bas/ byang chub sems dpa' i spyod pa chen po la 'jug par mi nus par mkhyen nas thugs rje chen po dang ldan pa'i thugs kyis sdug bsngal la sogs pa bden pa ma yin du zin kyang bden par gsungs te/ ji ltar na 'di dag dang pa tsam gyis sdug bsngal la sogs par bsgoms pas zag pa med pa'i ye shes thob nas rim gyis khams gsum gyi 'dod chags dang bral bas zad pa dang mi skye ba shes pa thob pa ste/ bya ba byas pa/ byed pa byas pa/ zag pa med pa'i ye shes kyi dbyings su yongs su mya ngan las 'das par gyur pa dang/ slar yang de bzhin gshegs pa'i 'od zer rnams kyis yang dag par bskul nas/ dge ba'i rtsa ba yongs su smin pas dus ring po mi thogs pa nyid du sbrul pa'i tshogs rnams kyis bsod nams kyi tshogs bsags nas/ gnyis su med pa'i chos kyi dbyings la 'jug pas ting nge 'dzin ma lus pa rtogs pa'i ye shes kyi tshogs kyis bla na med pa rab kyi mthar thug pa la zhugs pa'i gnas 'thob par 'gyur ba yin no/ /yang gal te 'di dag sgra ji bzhin pa nyid du gzung/ de'i tshe bdag yod do zhes kyang gsungs pas bdag kyang de kho na nyid du 'gyur ro/ /bdag de yang phyin ci log par gsungs pa'i nyes pa yod pa ma yin te/ dgos pa'i phyir dgongs te gsungs pa ni yon tan byed pa nyid yin pa'i phyir ro/ /de yang 'di ltar rab tu 'bar ba'i khyim gyi nang na gnas pa'i byis? pa rnams gdon pa'i
- 16b
phyir pha yis chad pa stong pa bstan pa la nyes pa ci zhig yod/ bya ba rnams ni bsam pa'i dbang las dge ba dang/ mi dge bar 'gyur te 'di ni 'og nas bshad par bya'o/ /yang na phyin ci ma log pa'i gnas 'thob pa'i rgyu nyid yin na sdug bsngal la sogs ba bden par gsungs te/ dper na sangs rgyas rnams ni 'byung ba bde zhes bya ba lta bu'o/ /de bas na de kho na nyid du na sdug bsngal la sogs pa'i bden pa ni bden ba ma yin gyi zhes bya ba de'i lan btab pa yin no/ /'di na kho bo cag gis gang gis na bdag tu 'dzin pa'i bud shing gi mes sbar bar gyur ba'i sor mo bskyod pa tsam gyis bshad pa yang ma yin te/ gzhan du na bcom ldan 'das nyid kyis de bzhin gshegs pa'i ye shes kyi phyag rgya'i ting nge 'dzin gyi mdo las/ byang chub par 'dug pa na bden pa gcig kyang ji lta ba bzhin du ma mthong na bzhi lta smos kyang ci dgos zhes gsungs pa dang/ 'phags pa chos yang dag par sdud pa las kyang/ skye ba med pa ni bden gyi chos gzhan dag ni bden pa ma yin no zhes gsungs pa dang/ gzhan yang don 'di ni mdo sde gzhan dag las kyang mang du snang na ci'i phyir sangs rgyas kyi gsung de'i rjes su 'jug pa'i kho bo cag la khyed rnams smod par byed/ tshangs ni tshang ma rnam 'grel nyid du spras pas zhes gang smras pa de yang de tshang ma dang 'gal ba yang gnyis su med pa'i tshul gyis rjes su 'brangs nas de nyid du bshad pa ma yin nam/ de ni mu stegs pas khas blangs pa'i rgyus na skad cig ma ma yin pa bkag pa yin la/ zab mo'i tshul bstan pas ni skad cig ma yang bdag pas nyes pa ci yang med do/ /de bzhin du 'grags pa klu sgrub kyi zhal snga nas la sogs pas kyang don dam pa dang kun rdzob kyi bden pa bstan pas bden pa dang cig shos nyid gsal ba kho nar rtogs par mdzad
- 17a
ba dang/ gdod ma nas ma skyes par ni bcom ldan 'das kyis mdo sde mdza' yas pa las rab tu bstan pa yin no/ /de yang glang po'i mchan bcings kyi mdo las/ /gang gi skye ba 'byung ba ni/ /dngos po nyid la rtogs pa la/ /phun sum tshogs pa mdza' yas pa thob pa dang stobs mdza' yas pa dang ldan pa'i phyin ci ma log pa'i rgyu'i stobs kyis na ldog par 'os pa ma yin pas na mi rtog pa'i rgyu'i khyad par yin no/ /kun dga' mi zad snang ba dang/ /sna tshogs rang bzhin mi rtog pa/ /snying rje chen po'i ro yis khyab/ /chos dbyings bdag nyid can 'bras bu/ /gang de mchog tu dga' ba'i ngo bo nyid kyi snang ba can/ /mi zad pa sna tshogs pa'i bdag nyid can/ /rnam par mi rtog pa'i chos kyi dbyings kyi rang gi ngo bo nyid de ni smon lam la sogs pa ma lus pa'i 'bras bu yin no/ /de la snying rje chen po'i shugs kyi dbang gis lhun gyis grub cing rgyun mi 'chad par 'jug la/ gzhan gyis bya ba ma lus pa rjes su bsgrub pa'i bdag nyid can mdza' yas pa'i byang chub kyi rtsis khyab pa mi zad pa'i gser gyi gter lta bu'o/ /gnas 'di ni thams cad mkhyen pa thams cad kyi bdag nyid can thams cad la phan par mdzad pa'i rnam par mi rtog pa'i chos kyi dbyings kyi ngo bo nyid ni ji skad du bshad pa'i rgyu gzhan las 'byung bar ni mi rigs kyi phyin ci ma log pa'i thabs kyi zhing dam pa la gnas pa ni/ gzhan gyi dgos pa'i don du smon lam gyi sa bon dang rjes su mthun pa'i 'dus byas pas mi ldog pa'i chos can 'gro ba la phan par byed pa'i gnas bde bar gshegs pa'i go 'phang du 'gyur ba ni rigs pa nyid yin te 'bras bu ni rgyu dang mthun pa yin pa'i phyir ro/ /de bas na bla na med pa'i go 'phang 'thob pa'i rgyu smon lam la sogs pa ni theg pa chen po nyid
- 17b
du ston na ci'i phyir theg pa chen po'i gzhung rgyas pa don med pa yin/ gang yang 'du shes med pa'i sbyor ba dang/ sa bon med pa'i ting nge 'dzin zhes bya ba la sogs pa'i ming gis mu stegs pa rnams ston la/ de ni 'du shes med pa'i snyoms par 'jug pa nyid la de ltar bshad de/ de nyid ni sems kyi 'jug pa'i 'du shes ma lus ldog pa'i ngo bo yin pa'i phyir ro/ /de yang bsam gtan bzhi pa'i sa yin la/ bsam gtan bzhi pa nyid las 'bras bu che ba'i phyogs gcig na 'du shes med pa'i sems can du skye la 'du shes med pa ni de'i 'bras bu yin no/ /de nyid kyang shin tu rmongs shing dge ba'i bshes gnyen ma bston pas mya ngan 'das pa'i 'du shes kyis snyoms par 'jug la/ lan grangs gzhan la myong bar 'gyur ba'i las mngon du phyogs par gyur pa gang yin pa des ni slar yang dmyal ba dang/ yi dags dang/ dud 'gror skye bar 'gyur ba gang yin pa 'di la ni sa bon med pa'i ting nge 'dzin ces bya ba'i ming du btags pa rigs pa nyid yin te/ thams cad mkhyen pa'i go 'phang 'thob pa'i rgyu dang bral ba'i phyir ro/ /'dir byis pa'i rtsed mo'i tshul gyi 'bras bu brtags pa ni des chog go /de yang rig byed kyi mthar smra ba dang/ zhi ba dang/ grangs can dang/ gcer bu la sogs pa'i gzhung dman pa/ brdzun pa'i blo can don dam pa ma rtogs pa bdag tu lta ba la mngon par zhen pas sems la ril por 'dzin pa brtan par byed pa/ 'dul ba'i dus la ma bab na/ thugs rje chen po dang ldan pa rnams kyis kyang btang snyoms su bzhag pa/ 'khor ba'i mdud pa slar yang dam po nyid du byed pa rnams la ni snying rjes brgyan pa rnams kyis rgud pa la 'jug pa rnams la snying rtse bar bya ba yin gyi zhe sdang bar 'os pa ni ma yin no/ /gang yang bde bar gshegs pa'i tshul can phyin ci ma log pa'i blos 'khor ba dang mya ngan las 'das pa'i phyogs rtogs pa la mkhas pa de
- 18a
la ni ngan par bshad pa'i grub pa'i mdza' i rjes su 'gro ba'i glo can gyis bskyod par nus pa ma yin no/ /de ltar mtshangs pa la sogs pa'i lta ba lam theg pa chen pa'i don gyi khyad par shin tu mang ba yang gdul bya'i bsam pa mang ba nyid yin pa'i phyir ro/ /'di star nyon mongs pas bcings pa thams cad ni/ bcom ldan 'das rnams kyi thugs rje'i gnas yin te/ de yang sems kyi spyod pa mdza' yas pa'i phyir/ /thabs kyi tshul mdza' yas pas 'dul ba yin pas/ sangs rgyas kyi chos bstan pa yang mdza' yas shing sna tshogs pa kho nar rigs pa nyid yin no/ /de bas na thar pa'i lam la gus pas spro bar gyur pa yin zhing/ dbang po'i khyad par gyis myur ba dang ring ba dang/ shin tu ring ba nyid du rnam par grol ba'i skal pa can yin ?? pa nyid lung dam pa'i don phan tshun rnam par dpyod pa ni mdzes kyis/ shin tu dman pa'i blo can lta ba ngan pa'i mes rgyud tshig pa bde ba'i lam las shin tu ring zhing yongs su nyams pa/ dmus long bo ma'i yon tan dkar po la sogs pa yongs su rtogs par byang ba dang 'dra ba gzhan dag dang theg pa chen po yongs su brtags pas ci zhig bya/ 'dir brgal ba/ gal te bla na med pa byang chub kyi 'bras bu'i rgyu'i tshogs ni smon lam la sogs pa yin par pha rol tu phyin pa'i tshul las ston la/ de ltar na smon lam la sogs pa na mi/ pho ba'i gnas thob pa'i rgyur gyur pa nyid yin pas gsang sngags kyi theg pa chen go bsta mnga' ci zhig bya/ rnam pa thams cad mkhyen pa de yang byams pa dang snying rje la sogs pa ma lus pa goms par byas pa'i rab kyi mthar thugs nyid dang/ des kun nas blang ba'i sbyin pa dang/ /tshul khrims la sogs pa las 'byung ba yin no/ /gsang sngags kyi tshul las ni phal cher de dang 'gal ba'i bya ba rnams kun du ston te/ dbang du bya ba dang/ mngon spyod la sogs pa'i las rnams ni 'dod chags la sogs
- 18b
pa'i rgyu las byung ba'i phyir byams pa'i kun nas bslang ba ma yin la/ 'dod chags la sogs pa la rab tu 'jug pa'i las rnams las ni ngan 'gror 'gro bar bcom ldan 'das kyis gsungs te/ dam pa'i chos dran pa nye bar gzhag pa la sogs pa las/ /'dod chags kyis ni gdungs pa rnams/ /dad pa phug ron la sogs dang/ /bong bu 'dod chags can rnams kyi/ /skye gnas srin sogs skye gnas skye zhes bshad pa yin no/ /gang yang 'dir bza' ba dang/ bza' ba ma yin pa la sogs pa'i bya bston pa de ni rnam par mkhas pa dang bral ba'i 'khor ba rnams kyis kyang bsngags pa ma yin na ji ltar 'gro ba ma lus pa la bu gcig pa ltar sems pa'i snying rje chen po dang ldan pa rnams de la 'jug par 'gyur/ 'jug tu zin kyang thams cad mkhyen pa nyid thob par mi 'gyur bas sangs rgyas kyi bka' ma yin pa sgrin pos sbyar blta bur shes so zhe na/ rtogs pa'i tshig ma yin pa ni bden mod kyi/ 'on kyang lta bu zhes pas bsal la/ nyin ces bya ba 'dir gzhug par bya ste/ 'di ni ma rtogs pa'i tshig yin pa nyid kyis na bdag cag rnams kyis brgal ba yi no zhes brjod par bya'o/ /de yang rtogs par 'gyur ba rnams ni sngags kyi theg pa chen po'i snying po'i don ma shes nas 'di ltar de spong bar rgol bas/ bdag nyid phud khrol chen po nyid la sbyor bar mi byed do/ /gsang sngags kyi theg pa chen po ni bdag nyid de'i rigs can gyis blo phyin ci ma log pa'i sems dang ldan pa la/ bcom ldan 'das kyis khyad par gyi rgyu nyid du ston par mdzad de/ de yang pha rol tu phyin pa'i theg pa chen po dang don gcig pa las de'i khyad par gang dag yod pa de brjod par bya'o/ don gcig nyid nam rmongs dang/ /thabs mdo dka' pa med phyir dang/ /dbang po rnon po'i dbang byas pas/ /sngags kyi bstan bcos khyad par 'phags/ /'di ltar gnyis su med pa'i rnam pa thams cad mkhyen par bshad pa'i 'bras bu ni sngags dang pha rol tu phyin pa'i theg pa
- 19a
chen po gnyis la khyad par med pa yin mod kyi 'on kyang rab tu dbye ba rnam pa bzhi po de dag gis pha rol tu phyin pa'i theg pa chen po las sngags kyi theg pa chen po khyad par du 'phags pa nyid yin no/ /de la ma rmongs pa ni 'di yin te gang gi phyir mkhas pa snying rje cher ldan pa/ dpyad de thabs kyi mchog len cing/ /tha mal pa'i thabs smad nas/ /mi 'pho ba'i gnas thob bo/ /pha rol tu phyin pa la spyod pa'i byang chub sems dpa' rnams ni shin tu ma rmongs pa la 'jug pa yin te de yang gang 'di ltar sbyin pa la sogs pa la 'jug pa ni/ de nyid la sbyin par bya ba dang/ sbyin pa po dang/ len pa po'i 'bras bu rnam par dag pa'i sgo nas shes rab kyi pha rol tu phyin pa la gnas par 'gyur ro/ /de nyid kyis ni 'di ni shin tu ma rmongs su zin kyang de'i rigs su lhung bas phyi'i sbyin pa la sogs pa la rab tu 'jug cing/ shin tu dbang po rno ba ma yin pas yun ring pos byang chub mngon par rtogs par 'gyur ro/ /gsang sngags kyi sgo'i spyad pa spyod pa rnams la ni rmongs pa 'di yod pa ma yin te/ de pha rol tu phyin pa yongs su rdzogs par 'dod pa na dbang po rnon po nyid yin pa'i phyir dang po kho nar 'di ltar rnam par dpyod pa la 'jug ste/ ji ltar na sbyin pa la sogs pa yongs su rdzogs par 'gyur/ mgo bo dang/ rkang pa dang/ lag pa la sogs pa btang bas so zhe na/ 'di ni rigs pa ma yin te/ pha rol tu phyin pas sbyin pa la sogs pa pha rol tu phyin pa'i ming 'thob pa yin la/ pha rol tu song ba yang thams cad kyi mngon par 'dod pa cig car yongs su rdzogs par byed pa yin la de yang ting nge 'dzin gyi 'bras bu nyid yin gyi/ pha rol gyi mgo bos ni sems can mdza' yas pa yongs su gso bar nus pa ma yin no/ de bas na mgo bo dang lag pa dang rkang pa la sogs sbyin pa tha mal pa'i thabs nyid yin par nges par bzung nas
- 19b
thabs kyi mchog tshol bar byed do/ /de yang thabs dang shes rab kyi ting nge 'dzin las gzhan ma yin no/ /de bas na gsang sngags kyi sgor spyod pa 'di ni dbang po rnon po yin zhing phyin ci ma log pa'i thabs la mkhas pas sems can gyi khams mdza' yas pa sgyu ma lta bu'i rang bzhin yin yang sdug bsngal gsum gyis gdungs pa la bltas nas/ ma rig pa de nyid kyis de kho na nyid kyis g.yogs pa'i gar gyi rnam par dgod pa sna tshogs par gnas pa dag gi phyir mi bzod pa bskyed nas de kho na nyid rnam par 'byed cing/ ma rig pa'i rab rib rnam par bsal bar bya ba'i phyir/ ma rig pas sprul pa'i 'gro ba'i dbye ba mdza' yas pa mngon par gdon pa'i bsam pas snying rje chen po mngon sum du byed cing/ yul mdza' yas pa nyid kyis thabs dang shes rab gnyis su med pa'i ting 'dzin rab tu rtogs yin no/ /de ltar phyogs chad pa med pa dang rgyun mi 'chad par goms pa'i stobs kyis rim gyis sgrib pa thams cad yongs su zad de shin tu rnam par dag pa'i chos kyi dbyings thob nas/ yid bzhin gyi nor bu'i rgyal po'i bdag nyid can smon lam gyi rab tu sbyor ba ji lta bas sems can gyi khams mdza' yas pa rnams sprul pa'i tshogs rab 'byam gyis mngon par 'dod pa'i don la sbyor bar 'gyur ro/ /gnas skabs der ni snying rje chen pos thams cad la thams cad dus las ma 'das par skal pa bzang po nyid du ster bar 'gyur bas na sbyin pa'i pha rol tu phyin pa yongs su rdzogs par 'gyur ro/ /tha mal pa'i lus sbyin pa la sogs pa la ni mtshan nyid de yod pa ma yin pas pha rol tu phyin par mi bzhag go /de nyid ni sems can gyi don bya ba'i yang dag pa'i tshul khrims la sogs pa yongs su rdzogs par byed pa yin pas/ tshul khrims kyi pha rol tu phyin pa yongs su rdzogs pa yin no/ /sprul pa'i tshogs kyis kyang srog chags thams cad la yang
- 20a
dag par phan 'dogs shing gzhan gyi gnod pa byas pa bzod par gyur pa ni bzod pa'i pha rol tu phyin pa'o/ /brtson 'grus kyang de'i tshe gang gis don thams cad grub cing dgos pa thams cad dang yid la 'dod pa rnams cig car 'thob par gyur pa de na de'i brtson 'grus kyi pha rol tu phyin pa yongs su rdzogs par gyur pa yin no/ /bsam gtan yang de'i tshe bsam gtan thams cad kyi gnas kyi ting nge 'dzin thob pas pha rol tu phyin pa thob pa yin no/ /shes rab kyi pha rol tu phyin pa nyid kyang 'di yongs su rdzogs pa 'di dag pha rol tu phyin par rnam par bzhag pa yin te/ de ltar na pha rol tu phyin pa yongs su rdzogs pa yin no/ /gang yang de las gzhan pa thabs dang/ stobs dang/ smon lam dang/ ye shes la sogs pa'i yon tan de rnams ni shes rab kyi pha rol tu phyin pa nyid yongs su rdzogs par gyur pa yin te/ 'di ni pha rol tu phyin pa'i rnal 'byor pa las gsang sngags kyi sgo la spyad pa spyod pa rnams ma rmongs pa yin no/ /sems can kun don legs bsgrub phyir/ /blo chen la ni thabs thams cad/ /dbye ba rnam bzhir tshul gyi mchog /'gro ba'i ston pas gsungs pa yin/ /tshul gzhan thams cad du ni bcom ldan 'das kyis bka' thub dang/ sdom pa dang/ brtul zhugs la sogs pa mtho ris dang thar pa thob pa'i thabs nyid yin par gsungs la/ sems can thams cad dka' thub dang sdom pa la sogs pa spyod par nus pa ma yin te/ la la ni shin tu zhi ba'i las la spyod pa yod pas de'i dbang du mdzad pa yin pa'i phyir ro/ /de lta bas na des ni sems can thams cad rjes su 'dzin par nus pa ma yin no/ /yang gsang sngags kyi theg pa chen po ni sems can thams cad dge ba'i lam la sbyor ba'i phyir gsungs te/ de bas na thabs sna tshogs pa yin/ /de la thabs kyi dbye ba ni 'di yin te/ /'di na thog ma kho nar gsang ba'i tshul gyi rnal 'byor pas rang gi rang bzhin rang nyid kyis sam de'i bla mas nges par gzung bar bya'o/ /nges par bzung ba yang rjes su phan gdags
- 20b
pa 'dzin par 'dod pas bla mas phyin ci ma log par bstan pa'i nges pa gzung la/ rmi lam du so sor mthong ba'i sgo nas bya ba'am me tog babs pa dang/ dbab pa 'am/ phyag rgya bcing ba la sogs pa las sam/ spyod pa las nye bar mtshon nas 'dod chags la sogs pa'i nyon mongs pa dang/ nye ba'i nyon mongs pa gang la lhag par kun tu spyod pa yin par shes par bya'o/ /de ltar rang gi rigs kyi bdag po yang dag par nges par byas nas 'dod chags la spyod pa'i sngags pas smon lam dang rjes su mthun par sems can thams cad la snying rje chen po'i sems bskyed nas bdag nyid kyi yid dang rjes su mthun par 'dod chags rdo rje'i ngo bo nyid de bzhin gshegs pa 'od dpag med du bsams te/ rgyud las bshad pa'i mig yor tsam gyi bdag nyid can gyi mchod pa'i yo byad rnams kyis yang dag par mchod la/ rang gi sngags dang phyag rgya rjes su dran te/ mdza' yas pa'i kun tu dga' ba'i bdag nyid can 'dod chags chen po'i tshul zhes bya ba'i ting nge 'dzin la snyoms par zhugs/ de yang snying rje chen pos khyab pa'i dga' ba'i bdag nyid can rtogs pa thams cad nye bar spangs pa yin no// de bzhin du zhe sdang la spyod pa dang/ gti mug la spyod pa'i sngags pas smon lam dang rjes su mthun pa'i snying rje chen po'i sems bskyed la/ bdag nyid kyi yid dang rjes su 'thun pa zhe sdang rdo rje'i ngo bo nyid de bzhin gshegs pa mi bskyod pa 'am/ gti mug rdo rje'i ngo bo nyid bcom ldan 'das rnam par snang mdzad du bsgoms la rgyud las bshad pa'i mig g.yor tsam gyi bdag nyid can gyi mchod pa'i yo byad rnams kyis mchod do/ /rang gi sngags dang phyag rgya yang rjes su dran la/ mdza' yas pa'i zhe sdang gis bdag nyid can nam mdza' yas pa'i gti mug gi tshul gyi ting nge 'dzin la snyoms par zhugs la zhes bya ba la sogs par sbyar bar bya'o/ /the tshom dang nga rgyal dag ni la lar tha mi dad par bshad de/ de dag ni gti mug dang zhe sdang gi bdag nyid can yin pa'i phyir ro/ /gang du tha dad par bshad pa der don yod
- 21a
par grub pa dang/ rin chen 'byung ldan gyi ngo bo nyid yin par snga ma bzhin du bshad bar bya'o/ /de bzhin du rgyud kyi dgongs pa'i dbye bas khro ba dang chags pa'i ngo bo nyid kyang phrag dog dang ser sna'i bdag nyid can du sbyar ro/ /de bzhin du gti mug dga' ma la sogs pa'i rig pa'i lha mo rnams ni dga' ba'i gnyen por gyur ba'i bdun pa'i khyad par gyi bdag nyid can gyi sems las byung ba'i ngo bo nyid do/ /gshin rje gshed la sogs pa phyogs bcu'i bgegs sel bar byed pa'i khro bo'i rgyal po rnams kyang ngo tsha med pa dang/ khrel med pa dang/ phrag dog dang/ ser sna dang/ khengs pa dang/ 'gyod pa dang/ gnyis dang rmugs pa ste/ kun nas ldang pa brgyad dang/ khro ba dang 'chab pa ste/ de ltar kun nas ldang ba bcur bshad pa'i sems las byung ba'i ngo bo nyid dang ci regs par sbyar bar bya'o/ de bzhin du sa'i snying po la sogs pa'i byang chub sems dpa' rnams kyang gzugs la sogs pa'i yul drug la 'jug pa'i rnam par shes pa drug gi bdag nyid can gyis yang dag par rig pa'i bdag nyid yin par khong du chud par bya ste/ de ltar na thugs kyi dkyil 'khor gyi cha 'di ni rnam par rtog pa rags pa bsal ba'i blo chen po dang ldan pa rnams la/ bcom ldan 'das kyis bstan pa yin no/ /gang rgyud kyi khyad par gzhan dag las/ /byang chub sems dpa' dang lha mo dang/ khro bo dang/ bdag po rnams lhag par bshad pa de rnams kyang mtshan nyid dang las la sogs pa nges par bzung nas sems dang sems las byung ba'i bdag nyid kyis yin dag gzhan par shes par bya'o/ /gang yang shin tu phra ba'i sems dang sems las byung ba la sems 'jog par mi nus pa dang shin tu rags pa zhal dang phyag la sogs pa dpag tu med pa'i gzugs kyi sku la yang de kho na nyid nges par bya ba bstan par byed ma nus la/ sgra brjod pa med par yang 'dod chags rdo rje la sogs pa'i ngo bo nyid la 'jug par mi nus pa de'i phyir ni/ /bde par gshegs
- 21b
pas gsung gi dkyil 'khor ston par mdzad pa yin no/ /de la man ngag 'di yin no/ /oM A(rgyud 'grel): hUM zhes bya ba de bzhin gshegs pa rnam par snang mdzad dang/ 'od dpag tu med pa dang/ mi bskyod pa'i snying po'i sngags yin la/ dzi na dzi ga ces bya ba la sogs pa na bskyed pa'i snying po yin pa'i phyir snying po'i sngags nyid ma yin no/ /'di gnyis la khyad par ci zhig yod snyam na/ 'di ni shin tu phra bar rtogs pa yin te/ sngags la sogs pa 'di dag ni bzang zhing rang bzhin gyis grub pa thams cad mkhyen pas gsungs pa yin par thams cad mkhyen pa nyid kyis 'di dag gi khyad par mkhyen pa yin la/ kho bo cag ni bla ma'i man ngag sems pa brtan par bya ba'i phyir rnam bar dpyod cing rags ba cung zad cig la nye bar rtog pa yin no/ /bla ma rnams kyis bshad pa rags pa ni rnam par snang mdzad la sogs pa'i skur bskyed pa'i rim pas bdag nyid skyed par byed pa rnams kyis ni/ dzi na dzi ka ces bya ba la sogs pa'i sa bon las bskyed par bya ba yin la/ snying po'i sngags yi ge oM la sogs pa ni bzla bar bya'o/ /de la 'di ltar nye bar mtshon par bya ste/ lha rnams kyi dang po'i yul dang ldan pa ni sa bon gyi sngags yin la/ de kho na nyid ston par byed pa bzlas par bya ba ni snying po'i sngags te/ sprul ba zhes bya ba la don med par bstan pa'i phyir dang/ de kho na nyid la 'jug pa'i phyir yin no/ /la lar ni snying po'i sngags nyid sa bon yin zhing de'i rang bzhin ston pa yin pa bshad do/ /yang gang du yi ge gzhan dang gzhan ba'i sa bon gyi sngags dang snying po'i sngags su/ bcom ldan 'das kyis gdul bya kha cig gi bsam pa'i dbang du mdzad nas gsungs ba der ni/ de'i rigs dang mthun par de kho na nyid la 'jug pa'i thabs yin par rjes su dpag par bya'o/ /ji ltar sku'i dkyil 'khor bsgom pa la sngon po dang ser po la sogs pa'i tshig gi don las rjes su mtshon nas? de'i sku la yang ? rigs dpar? mthun pa yin pa'i phyir ro/ /mi bskyod ba la sogs pa'i skur bsgom pa ston pa ni de kho na nyid la 'jug pa'i thabs
- 22a
nyid yin pa de bzhin du gsung gi dkyil 'khor bsgom pa la haM la sogs pa'i yi ge las nye bar mtshon nas 'dod chags la sogs pa ston bar byed pa nyid ma yin yang de'i rigs dang mthun pa yin pa'i phyir de ston par byed pa nyid ni de kho na nyid la 'jug pa'i thabs de nyid yin par blta bar bya'o/ /de yang ji ltar yi ge a la sogs pa ni tshim par byed pa nyid du gsal bar go bar byed pa de ltar yi ge haM la sogs pa ni ma yin te/ de'i rigs dang mthun pa nyid kyis thams cad mkhyen pa'i dngos grub nyid grub par shes bar bya'o/ /de bas na sngags ji snyed pa de thams cad ni de bzhin gshegs pa lnga'i sngags las byung ba yin pa nyid kyis ma rang rang gi de na nyid la zhugs rang gi bdag po'i sbyor ba nyid kyis rang rang gi las byed pa yin no/ /de yang gang gi phyir sngags gang ci yang rung ba 'am yi ge nyung ba des ni 'dod chags dang zhe sdang la sogs pa bsal bar byas nas rang gi de kho na nyid la thim ste/ rang gi las byed bar nye bar dmigs par 'gyur ro/ /de nyid kyi phyir dag gi tha snyad du bya ba ji snyed ba de thams cad sngags kyi bdag nyid can yin no zhes rgyud rnams las gsungs te/ ngag thams cad ni 'dod chags la sogs pa la gzhol ba nyid kyis rjes su myong ba nyid yin pa'i phyir ro/ /gang yang rab tu zhi ba dang rjes su mthun pa'i tshig de yang kha na ma tho ba dang bcas pa'i yul yin par kun tu bshad ba yin pa'i phyir/ gti mug gi bdag nyid can yin bar blta bar bya'o/ /de nyid kyis na yi ge a la sogs pa nas ha'i bar gyi yi ge thams cad ni sngags kyi ngo bo nyid yin par gsungs te/ ngag thams cad la de dag nyid kyis khyab pa yin pa'i phyir ro/ /rnam par dbye ba'i cha brtags ba la ni snga ma bzhin du de dang rigs mthun pa nyid du bshad par bya ste thams cad mkhyen pa byed pa nyid kyis na de dag las bgrod pa gzhan med pa'i phyir ro/ /de la rnam par dbye ba ni 'di yin te/ a A zhes bya ba ni bcom ldan 'das 'od dpag tu med pa dang gos dkar mo'i 'o/ /i a'i zhes bya ba
- 22b
ni bcom ldan 'das don yod par grub pa dang sgrol ma'i'o/ /u a'u zhes bya ba ni mi bskyod rdo rje dang kun tu bzang po'i bdag nyid can mA ma kI chen po'i 'o/ /ri rI zhes bya ba ni bcom ldan 'das rin chen 'byung ldan dang mA ma kI yongs su gyur pa nor gyi rgyun lta bu'o/ /li lI zhes bya ba ni bcom ldan 'das rnam par snang mdzad dang spyan gyi'o/ /'dir thung ngu de bzhin gshegs pa'i sngags yin la/ ring po ni rig pa'i lha mo rnams kyi sngags yin par blta bar bya'o/ /de ltar de bzhin gshegs pa rnam pa lngar brtags pas char phye nas sku gsum du brtag pa nyid ni e i/ e? aau/ aM a(rgyud 'grel): zhes bya ba ni de bzhin gshegs pa mi bskyod pa dang/ rnam par snang mdzad dang 'od dpag tu med pa rang gi phyag rgya dang bcas pa rnams kyi sngags yin par shes par bya'o/ /de bzhin du ka tsa Ta ta pa la sogs pa'i sde tshan ni re re zhing lha mo bzhi dang bcas pa lnga po'i sngags yin no/ /'dir nga nya Na na ma ni rims bzhin du 'od dpag tu med pa dang/ don yod par grub pa dang/ rin chen 'byung ldan dang/ mi bskyod pa dang/ rnam par snang mdzad kyi yin no/ /ka tsa Ta ta pau la sogs pa re re zhing spyan la sogs pa yin a la sogs pa brgyad ni khro bo brgyad kyi ste/ gnas dang rigs la sogs pa nye bar brtags nas sbyar bar bya'o/ /a la sogs pa'i yi ge rnams ni sngags yin zhes bcom ldan 'das kyis spyi'i tshig tu gsungs mod kyi/ 'on kyang rnam par dbye ba 'di ni char dbye ba'i rgyu gzhan med pa'i phyir ro/ /kho bos de ming dang rigs dang gnas la sogs pa nye bar brtags nas bris pa yin pas 'dir log par gyur pa'i som nyi'i nyes pa'i rtog pa bskyed par mi bya ste/ de yang 'di ltar thams cad kyang gnyis su med pa'i de kho na nyid la gzhol ba nyid du don tha mi dad pa yin pa'i phyir ro// don dam pa tshad mar gyur pa nyid la thams cad don thams cad sgrub par byed pa yin no zhes gsungs pa yin no/ /de bas na ji ltar mngon par zhen pa thams cad kyi bdag nyid can thams cad ni de kho na nyid ston pa yin pas na rang gar sbyar ba las kyang rnam bar dbye ba la nyes pa
- 23a
med do/ /de bas na sngags 'di ni thugs rje chen po dang ldan pa rnams kyi de kho na nyid la mngon par zhen pas/ bzla zhing/ de kho na nyid la sems rab tu gzhag pas sdig pa rnams rab tu zad par byed pa dang/ bsod nams dang ye shes kyi tshogs rdzogs par byed cing/ snyoms par 'jug pa la sems mngon par zhen pa'i las byed pa nas/ dri ma med cing mi zad pa'i bsod nams dang ye shes kyi bdud rtsis tshim par byas nas dgos pa mdza' yas ba'i dga' ba'i bdag nyid can chos kyi dbyings kyang thob pa'i bar du byed de/ chos kyi dbyings rab tu 'byed pa'i rgyu mthun pa nyid kyis 'dod pa'i don thams cad grub pa yin no/ /de bas na 'di ltar gsang ba gtsor gyur pa'i don gsal bar byed pa'i dam pa yin pas na/ sngags zhes bya bar ming du btags pa yin te/ de ltar na gsung gi dkyil 'khor du rnam par brtag pa 'di ni dag gi spros pa la mngon par zhen pa'i gsang sngags kyi sgor sbyar ba spyod pa rnams la bcom ldan 'das kyis gsungs pa yin no/ /gang rags pa'i yul la mngon par zhen pa rnams kyi thog ma kho nar phra ba sgom pa la sbyor bar mi nus pas de la yang thugs rjes non pa'i thugs dang ldan pa'i ston pa'i bdud rtsi'i go 'phang thob par bya ba'i phyir sku'i dkyil 'khor gsungs pa yin pas de brjod par bya ste/ yongs su brtags pa dang byin gyis brlabs pa dang/ yongs su rdzogs pa sgrom pa la rgyud las legs par gsungs pa'i rim pa thams cad bshad par bya bar/ 'dir ni de'i tshig gi don tsam zhig brjod par bya ste/ nam pa'i dbyings kyi dbus na gnas pa'i yi ge brum gi rin po che'i khang pa brtsegs ba'i nang na las kyi rdo rje rnam par sprul par nyi ma dang zla ba dang pad+ma dang rin po che dang sna tshogs rdo rje la sogs pa'i gdan la gnas pa/ badzra d+h+rika ces bya ba la sogs pa'i sa bon las byung ba/ /sku mdog sna tshogs ba gzhal gsum dang
- 23b
phyag drug ba/ dril bu dang/ nor bu dang/ ral gri dang/ 'khor lo dang/ pad+ma dang/ rdo rje la sogs pa'i mtshon cha rnams la spro ba dang/ bsdu ba byed pa/ rang gi snying po'i sngags zlos pa/ sna tshogs ba'i na bza' dang phreng ba dang rgyan gyis brgyan pa/ las sna tshogs pa byed cing sems can mdza' yas pa'i dgos pa byed pas sna tshogs shing mdza' yas pa'i mchod pa'i yo byad kyis thugs mnyes par byed pa rigs pa'i tshogs dang byang chub sems dpa' dang/ /khro bo la sogs pa'i rigs kyi bdag por gyur pa/ de bzhin gshegs pa thams cad kyi rang bzhin dkyil 'khor gyi bdag po'i nga rgyal du rang nyid bsgom zhing bdag po'i snying po bzla bar bya'o/ /de nyid dpe med pa'i rigs pa'i tshogs ma lus pa'i bdag pos yongs su bskor ba yid kyi rang bzhin du yid du 'ong ba'i yul ma lus pa khyab cing dga' ba dang ma yengs par bla ma'i man ngag gi rim pas zlos shing sna tshogs par snang ba dang bral bar yi ge thams cad la sems thim par gyur kyang/ sngags de rnams zhe sdang dang rdo rje la sogs pa gsal bar byed pas de nyid du thim par byas shing /zhe sdang la sogs pa'i sems de yang rim gyis rtog pa'i dri ma ma? lus pa dang bral bas /chos kyi dbyings la 'jug par 'gyur ba yin no/ /de ltar rdo rje gsum gyi dkyil 'khor bsgoms pas kyang rnam pa thams cad mkhyen pa'i mtshan nyid kho na 'bras bu yin pas 'bras bu khyad par med pa yin la/ mngon sum dang gcig nas gcig tu brgyud ba'i rim pa ci khyad par yin no/ /de ltar na dkyil 'khor gsum bsgoms pas 'dod chags la sogs pa nyid thabs kyi sgo yin par bstan pa ni rigs pa yin no/ /de yang gang gi phyir chos thams cad rang bzhin gyis dag par de bzhin gshegs pas bstan pa yin pas na 'dir 'dod chags la sogs pa spang bar bya ba 'am/ 'dod chags dang bral ba la sogs pa blang par bya ba med de phyin ci ma log pa'i de kho na nyid 'ba' zhig rtogs par byas ba las yang dag pa mthong ba skye bar 'gyur la/ phyin ci ma
- 24a
log pa'i ye shes kyi ni grol bar 'gyur ba yin no/ /don 'di ni slob dpon klu sgrub kyi zhal snga nas kyis kyang/ 'di la bsal pa gang yang med/ /gzhag par bya ba ci yang med/ /yang dag nyid la yang dag lta/ /yang dag mthong na rnam par grol?/ /? bya bas gsal bar mdzad pa yin no/ /'dir thugs rje chen po dang ldan pa phyin ci ma log pa'i thugs dang ldan pa rnams ni 'jug pa gang yang rung ba de thams cad thabs dang shes rab kyis yongs su zin pa nyid yin pas na/ gang las kyang bzlog par mi byed do/ /de bas na bcom ldan 'das sems can thams cad kyi bsam pa dang/ dag la nyal ba mkhyen pas sngags kyi bstan bcos rnam pa bzhi gsungs te gang yang re zhig skye ba gzhan du goms pa'i bag chags kyis skye bo med pa'i nags tshal gyi gnas dang khrus dang dkyil 'khor bri ba dang mchod pa dang sbyin sreg dang/ dka' thub dang/ zlas brjod la sogs pa'i bya ba med par yid mnyam par 'jog pa mi 'thob pas de'i phyir ni bya ba'i rgyud ston par mdzad pa yin no/ /gang yang de kho na nyid la mngon par zhen pa'i sems dang ldan pa dag kyang dad pa'i stobs kyis bde bar gshegs pas gsungs pa'i bya ba rnams kyis kyang ye shes thob par 'gyur bas bya ba la ltos pa dang bcas pa yin la/ de rnams la ni bya ba'i yan lag shin tu mang po ma yin pa rtsa ba'i rgyud gsungs pa yin no/ /gzhan dag ni gnyis su med pa'i de kho na nyid bsgom par gcig tu mos pa/ bya ba mang po'i tshogs rnams la g.yeng bar 'du shes ba de'i don du ni rnal 'byor gtso bor mdzad de/ bya ba'i yan lag cung zad cig zhar la ston par mdzad pa'i spyod pa'i rgyud gsungs pa yin no/ /yang gang zhig de'i rigs su rtogs pa dang/ skye ba gzhan du goms pa'i stobs kyis bya ba thams cad dngos po thams cad la gnyis kyi 'du shes 'jug par mi byed pa'i bdag nyid chen po de rnams la bya ba'i nges pa ma gsungs te/ thams cad byed pa dang thams cad spyod pa la
- 24b
yang dgag pa med pa'i rgyud thams cad kyi gong mar gyur pa/ rnal 'byor chen po'i rgyud bcom ldan 'das kyis gsungs pa yin no/ /de ltar na sems can thams cad kyi don gyi bya ba'i phyir rnam ba bzhi pos sna tshogs pa'i thabs dang ldan pa'i sngags kyi bstan bcos gsungs pa yin no/ /gang zhig gang du ji ltar 'dod/ /de nyid de la des sbyor zhing/ /'dod pa'i don ni thob mdzad pa'i/ /dam pa'i don ni thub pas gsungs/ /'di ni gsang sngags kyi theg pa chen po'i lhag pa'i khyad par yin te/ sems can gang yul gang du 'am dus gang du ji ltar mngon par 'dod bar 'gyur ba de de nyid la nges par sbyor zhing thabs bde ba nyid kyis byang chub thob par mdzad pa yin no/ /de bas na skye bo mi bzad pa'i las/ /gang dang gang gis bcings gyur pa/ /thabs dang bcas pa de nyid kyis/ /srid pa'i 'ching ba las grol 'gyur zhes gsungs pa yin no/ /de ltar rjes su mthun ba'i thabs ston par mdzad pas na/ gsang sngags kyi theg pa chen por ni/ bcom ldan 'das dka' bar spyod pa ston par mi mdzad pa yin la/ shes rab kyi pha rol tu phyin pa la sogs par ni ci nas kyang dga' ba med pa'i ming dang ldan ba nyid byang chub pa yin pa de ltar ni thams cad du ston par mdzad pa nyid yin no/ /der ni ming tsam zhig bkag pa yin no zhe na/ ming bkag pa nyid kyis dka' ba nyid bkag par gyur pa ma yin nam/ gang zhig byed pa nyid na dka' ba'i ming 'jug ba de nyid ni dka' ba yin gyi bya ba tsam ma yin no/ /byang chub sems dpa' ni gnyis su med pa'i ting nge 'dzin goms par gyur pas mgo bo dang rkang pa dang lag pa la sogs pa sbyin pa gzhan gyi don gyi 'du shes kyi dga' ba thob pas bde ba'i ming nyid la 'jug pas de'i tshe ji ltar dka' ba yin/ gzhan dag la dka' ba nyid du grags pa yin zhe na/ gal te de ltar na ni gsang sngags kyi sgo la spyad pa spyod pa bde ba'i yo byad thams cad dang ldan ba'i snying rje chen po ro gcig pa'i mchog tu dga' ba'i snyoms par 'jug pa mi 'dod ba rnams sprul ba'i tshogs kyis 'gro ba rnams kyi mngon bar 'dod
- 25a
pa'i don rnams cig car byed pa ni gzhan dag la lhags par dka' ba nyid du grags pas 'di dag mnyam pa nyid yin no/ /de bas na dka' ba ni 'dir rnam pa thams cad du gzhan gyi don gang cung zad la sbyar bar bshad pa ma yin la/ de yang dka' ba'i mi can du rigs pa ma yin/ /de bla na med bkag pas thugs rje chen po dang ldan pa'i de kho na nyid kyi rnal 'byor pa nyid kyi phun sum tshogs pa yin pas bstan pa yin no/ /de la dka' ba byed pa 'am sla bar byed pa ni rigs su rtogs pa ci 'dod par spyod pa nyid do/ /de bas na bde ba nyid kyis bde ba thob par bya ba'i phyir/ bcom ldan 'das gsang sngags kyi theg pa chen por ni dka' ba mi spyod pa ston par mdzad pa yin no/ /de yang 'di ltar gang 'dod chags la sogs pa'i nyes pa'i tshogs rnams la kun tu spyod pa med pa rang bzhin nyid kyis rags pa'i rnams par rtog pa mngon par mi shes pa snying rje chen pa dang ldan pa/ gnyis su med pa'i de kho na nyid tshol ba la brtson pa dbang po rab kyi yang rab tu gyur pa'i bdag nyid chen po de'i phyir phyi dang nang gi bdag nyid can gyi bya ba'i spros pa'i nyes pa ma lus pa spangs pa/ snying rje chen po'i ro gcig pa chos thams cad bdag med pa'i ye shes kyi ngo bo nyid ming gzhan thabs dang shes rab ces bya ba'i phyag rgya chen po gsang ba thams cad kyi dam pa nye bar bstan par mdzad pa yin no/ /gang yang tha mal pa'i yul la nye bar longs spyod pa la rgyab kyis phyogs kyang 'dod chags la sogs pa'i bag chags kyi rnam par rtog pa ma spangs pa rnam par rtog pa'i ye shes sna tshogs par sprul pa/ dbang po mchog gi bar ma gyur pa/ don dam pa'i ye shes kyi rgyu mtsho chen por 'jug par nus pa ma yin pa de'i phyir/ phreng ba dang/ gos dang/ rgyan la sogs pa shes rab dgos pa'i tshogs su gyur pa'i thabs shes rab kyi bdag nyid can de bzhin gshegs pa'i rigs pa'i tshogs sprul pa'i ye shes kyi ngo bo nyid phyag rgya chen po rtogs pa'i thabs su gyur pa/ ye shes kyi phyag rgya gsungs pa yin no/ /gzhan yang
- 25b
dbang po mchog gi tha ma gnyis su med pa'i ye shes la dga' ba yin du zin kyang 'dod pa'i 'dod chags ma spangs shing de'i yul dang nye bar gyur ba las rnam par g.yeng bar 'gyur gyi ting nge 'dzin du mi 'gyur bas de la ni dam tshig gi phyag rgya rjes su gnang ste/ de yang rgyud las ji skad bshad pa'i gzugs dang lang tsho la sogs pa'i yon tan dang ldan pa/ lo bcu gnyis pa la sogs pa'i/ tshad dang ldan pa/ rang gi bdag po'i rigs las byung ba/ sngags dang rgyud shin tu legs par bslabs pa dam tshig phun sum tshogs pa la sogs pa'i yon tan gyi khyad par dang ldan pa ste/ de la yang lha'i dgos pa byas pa'i sngags kyi lus dang/ shes rab kyi bdag nyid can dang/ /bdag nyid gyang snying rje chen po yongs su gyur pa'i thams cad mkhyen pa'i gzugs su bsam pa'i ting nge 'dzin la gnas pa'i ting 'dzin la gnas pa ni kun nas nyon mongs pa ma yin gyi thabs nyid yin no/ /gang zhig 'dod chags lhag par che zhing de lta bu'i rnam pa yongs su rdzogs par mi nus pa'i dbul ba nyid dam/ /rang nyid de la ltas pa med cing de kho na nyid kyi bla chen ba ma yin pa la gnas pa nyid kyis yongs su 'dzin pa de lta bu la mi 'jug par gzhan gyis sems mnyam par 'jog par mi nus pa de'i phyir ni las kyi phyag rgya gsungs pa yin la/ deng yang rjes su mthun pa'i las su byed pa nyid kyis nyams su len pa yin no/ /de ltar sems can gang gang la mngon par 'dod pa de de nyid la nges par sbyor bar mdzad pas/ gtso bos sems can thams cad thams cad mkhyen pa'i gnas thob par mdzad pa'i phyir/ sngags kyi theg pa nyid dka' ba med cing byang chub kyi rgyu'i gtso bo yin no/ /de bas na dka' thub sdom pa mi bzad pa/ bsten pas 'grub par mi 'gyur gyi zhes bya ba la sogs pa gsungs te/ de rnams kyis ni/ rang sems mnyam nyid g.yengs 'gyur la/ /g.yengs pas 'grub par mi 'gyur ro zhes bya ba yang rigs pa nyid yin no/ /'dir bden pa'i de kho na nyid kyi rnal 'byor ba ni
- 26a
de kho na nyid kyi thabs ma shes pa'i phyir/ dbang po brtul ba yin par shes par bya'o/ /pha rol tu phyin pa'i de kho na nyid kyi rnal 'byor pa ni thabs nyid la 'khrul ba yin pa'i phyir/ dbang po 'bring po yin no/ /gsang sngags kyi sgor spyad pa spyod pa rnams ni gang du yang rnam par rmongs pa med pas na/ dbang po rnon po yin no/ /de bas na dbang po rnams ni gang gzhan dag byed na ngan 'gror 'gro bar 'gyur ba de nyid kyi phyin ci ma log pa'i thabs la mkhas pas kun tu spyod pa'i sngags kyi brtul zhugs can ni rnam par dag pa'i gnas thob par 'gyur ro/ /rtul po'i rtul po la sogs pa'i dbye ba ni rang nyid kyis shes par 'gyur bas na ma spros so/ /de bas na de kho na nyid dang thabs mkhas pa dag la ma rmongs pa la sogs pa'i rgyu rnams kyis sngags kyi theg pa nyid tshul thams cad kyi mchog yin par bcom ldan 'das kyis gsungs te/ kun tu bzang po'i thugs rje chen po sems can gyi khams yongs su skyob pa'i mdzad pa 'grub pa ni so sor nges pa'i sems can la phan 'dogs pa'i lam gyis 'grub pa ma yin pas na sngags kyi bstan bcos ni bstan bcos thams cad khyad par du 'phags pa grub pa yin no/ /gang yang rnam pa thams cad mkhyen pa ni byams pa la sogs pa nyid kyis ma lus pa la dmigs pa las 'byung bar 'gyur gyi zhe sdang la sogs pa las ni ma yin te/ byams pa la sogs pas kun nas bslang ba'i sbyin pa la sogs pa ni zhe sdang la sogs pas kun nas bslang ba'i mngon spyod la sogs pa las ni ma yin te/ de dang 'gal ba'i phyi ro zhe na/ 'dir brjod par bya ste/ 'gal ba zhes bya ba 'di ci zhig yin/ gal te phan tshun yongs su spangs par gnas pa'i mtshan nyid yin na ni/ byams pa dang snying rje de yang phan tshun yod zhes rgyu med pa nyid du thal bar 'gyur ro/ /lhan cig mi gnas pa'i mtshan nyid yin no zhe na/ de ni ji ltar na byams pa dang snying de la sogs pa yod pa de ltar zhe sdang la sogs pas kyang mi
- 26b
'gyur te/ gang gi phyir byang chub sems dpa' ni byang chub tu sems bskyed pa yongs su bzung ba byas nas sems can ma lus pa gdon pa'i bsam pa dang/ dang por ma lus pa la dmigs pa'i byams pa la sogs pa nyid kyis byed de/ de yang de'i sems can thams cad sdug bsngal gsum gyis khyab pa la snying rje bas nges par bdag gis 'di dag bde ba'i rab mchog tu gyur pa'i bde bar gshegs pa'i go 'phang la gzhag par bya'o zhes bya ba ni byams pa'o/ /bla na med pa'i chos kyi skus nges par bde bar gshegs pa nyid du 'dis 'gyur ro/ /zhes bya ba ni dga' ba'o/ /'di dag ni bsod nams ma yin pa byed pa yin yang dag gis byang chub kyi sems kyi yul du byas la/ nges par bla na med pa'i dge ba'i skal ba can du bya'o zhes 'ba' zhig la btang snyoms pa yin no/ /de ltar na dmigs pa tha dad pa'i byas pa la sogs pa snying rje chen po'i sems kyi khongs su gtogs pa la 'gal ba med do/ /de bzhin du dmigs pa tha mi dad pa rnams kyi yang byang chub kyi sems kyi rjes su 'gro bas bde ba dang sdug bsngal ba dang/ bsod nams dang bsod nams ma yin pa'i yul rnams la byams pa la sogs pa yang 'gal ba med do/ /ji ltar snying rje chen po'i yul du byas nyid kyis sems can thams cad la yang rnam par dbye bas bde ba'i sems can la sogs pa'i yul la byams pa la sogs pa 'jug pa na snying rje chen po de nyid bstan par byed la/ de bzhin du zhe sdang la sogs pa'i ting nge 'dzin la yang sems can gdug pa'i yul rnams la snying rje chen po 'grub pa'i rgyu nyid du 'gyur ro/ /de yang zhe sdang chos la gnas gnas te/ sems can thams cad rnam par spyod zhes bya ba la sogs pa ji skad gsungs pa dang/ de bzhin du gang gdug cing gdul dka' ba'i spyod pa can de rnams khro bo'i ting nge 'dzin nyid kyis dbang du byas nas lam la sbyor bar nus pa ni rigs pa nyid yin no/ de bas na khro ba yang
- 27a
de rnams kyi snying rje chen po'i gzhir gyur cing 'gro ba la phan ba byed pa'i rgyu kho na yin no/ /de yang nyi ma'i zer gyis gdungs pa'i mtsho chen dang/ /mnyam pa'i gzugs su snying rje chen pos khro/ /nang na kha ba ltar bsil phyi rol du/ /rtsub ba nyid kyis 'gro ba skyong bar byed ces bshad pa yin no/ /de bas na zhe sdang la sogs pa'i ting nge 'dzin rnams kyang byams pa la sogs pa'i ting nge 'dzin ltar 'gro ba la phan 'dogs pa'i dmigs pa nyid yin par bye brag med pa kho nar yin no/ /de bzhin du zhe sdang chen po la sogs pa dang/ rab tu ldan pa'i mngon sbyong la sogs pa'i lan rnams kyang snying rje chen po dang ldan pa'i sngags pa rnams kyis gzhan gyi don byed pa mthong ba'i chos nyid la gzhan gyi dgos pa bya'i gzhan du ma yin no zhes bya ba ni nges pa yod pa ma yin te rnam pa thams cad du gzhan gyi dgos pa med par mngon par 'dod pa yin pa'i phyir ro/ /gang yang chos bstan pa la sogs pas sdig pa las ldog par mi nus la/ ma bzlog na ni nyes par spyod pa mi bzad pa byas pa'i phyir dmyal ba la sogs pa'i ? gdon par mi nus so/ /de'i phyir ni sngags bas gshin rje gshed la sogs pa'i ting nge 'dzin dang sngags dang rgyud kye sbyor bas bsang ba yang rjes su gnang ba yin no/ /de lta bus 'che ba ni gnyis su med pa'i ting nge 'dzin la so sor bsten pas bde 'gror skye zhing byang chub kyi sems kyi sa bon la rjes su zhugs pas ngo'i gos pa chen po nyid du 'gyur ba nyid yin no/ /de bas slob dpon smad pa la sogs pa gtso cher bsad pa nyid du rgyud rnams las gsungs pa yin te/ de rnams nyid ni shin tu nyes par spyod pa byad pa nyid kyis lhag par snying brtse bas bya ba yin pa'i phyir ro/ /de bzhin du dbang du gyur pa yang des bsgo ba la yid rten cing dad pa bskyed pa la sogs pas byang chub kyi sems brtan pa nyid du 'gyur bas na phan 'dogs pa yin no/ /gang yang de
- 27b
bzhin gshegs pa la gnod pa byed pa la sogs pa'i bsam gtan sngon du 'gro bas gsang bar nye bar bstan pa dang/ de bzhin du tshogs pa tsam gyis dbang du ? bstan pa ni kun nas nyon mongs pa gzhan gyi dbang du gyur pa yin na yang ye shes 'dis gnyis med pa'i ye shes snying la 'jog la/ de nas snying rje chen pos bdag tu bya ba'i gnyis su med pa'i ting nge 'dzin la rab tu 'jug pas sbyin la sogs pa'i las thams cad snying rjes yongs su smin par byed pa'i rgyu nyid yin pa'i phyir nyes pa med do/ /de bas na zhe sdang la sogs par yongs su gzhol bas kyang sems can rnams la rnam pa 'dis gzhan gyi don gyi ye shes kyi bdud rtsis tshim par byed pa yin no zhes bya bar dgongs so/ /mngon par 'dod pa'i don yang dag par grub pa rnams ni 'dod chags la sogs pa tsam gyis kyang rab tu 'jug pa ni chos kyi dbyings gyi rgyu mthun pa gang yin no/ /de yang gong gi phyir chos kyi dbyings dbyer med pa yin la/ sna tshogs pa yang de tsam du zad do/ /de ni ji ltar phyin ci ma log par mthong ba'i snyoms par 'jug pa'i sems la rnam par brtags pa de de bzhin du sdang ba'i sems la yangs sor snang ba yin pas byang chub kyi sems kyi yid bzhin gyi nor bu ltar de dag thams cad phun sum tshogs par 'gyur ba yin no/ /de bas na rin chen 'byung ldan la sogs pa'i dam tshig nyams su blang ba la yang nyes pa med de shin tu rnam par dag pa'i chos kyi dbyings la rab tu gzhol ba'i yid ni nyams su len pa thams cad phyin ci ma log par rtogs pa'i rgyu yin pa'i phyir ro/ /nges par bya ba nyid du bstan pa ni de kho na nyid la mngon par zhugs pa'i sems dang ldan pa'i rnal 'byor pa rnams la/ de nyid rnam par rtogs pa'i thabs yin pa'i phyir ro/ /de yang gang 'jig rten pa'i chos kyi rjes su 'jug pa rnams ni chags pa med pa'i gnas rnyed par sla ba ma yin pas 'jig rten pa'i chos rnams la rnam par g.yang ba'i ye
- 28a
shes can rnams ni dag pa dang/ ma dag pa la sogs pa la mngon par zhen pa yin la/ de yang log par mngon par zhen pa nyid la nges par 'dzin pa gsang ba la sogs par rtog pa khyad par du gsong ba'i bdag nyid chen po de'i phyir 'gro ba ma lus pa'i bsam pa mkhyen pa'i thams cad mkhyen pas 'jig rten pa'i chos thams cad dang mi mthun par gyur pa nyid kyis 'jig rten las 'das pa'i go 'phang thob par mdzad cing/ zas dang/ spyod lam gyi bya ba rnams nges pa med pa nyid du bstan pa yin par nges par byas pa yin no/ /de bzhin du shing drung dang dur khrod dang/ bla gab med pa la sogs pa'i gnas rnams kyang sbyangs pa'i yon tan la dga' zhing chog shes pa la 'jog pa lam gtogs pa dgos pa gzhan ni ma mthong ngo/ /mngon par 'dod pa'i de kho na nyid la goms pa nyid ni mya ngan las 'das par yid gzhol bar 'grub par mi 'gyur ba'i phyir sbyangs pa'i yon tan nye bar ston pa ni 'bras bu dang ldan par 'gyur pa yin no/ /de bzhin du de kho na nyid kyi bdud rtsi myong ba dang ldan pa rnams ni 'jig rten pa'i chos gang gi/ /yang rjes su mi 'jug pas rin chen 'byung ldan la sogs pa'i bas bstan cing/ zas bza' ba la sogs pa dgag pa yang rigs pa nyid yin no/ /gang yang nyin re'am ni zla re zhing zhes bya ba la sogs pas nges par bya ba nyid du bstan pa ni de'i rigs su gtogs pa nyid de goms par bya ba'i phyir yin te/ de nyid ni de rnams kyi chos kyi dbyings rtogs pa'i lam yin no/ /de bas na de lta bu'i rigs dang ldan pa gzhan gang ci yang rung bar bshad pa de rnams thams cad kyang de'i rigs su rtogs pa nyid kyi rnal 'byor pa ni gnyis su med pa nyams su len pa las gzhan las gnyis su med pa'i chos kyi dbyings la 'jog par mi nus pa nyid yin par shes par bya'o/ /des na ji ltar lung las 'dod chags dang bral ba'i rnam par rtog pa dang/ mi gtsang ba dang/ zas dang skom la mi
- 28b
mthun pa'i 'du shes nye bar bsgom pa son pa ni rnal 'byor pa rnams kyi rang bzhin gyi dbye ba las gyur pa yin te/ ji ltar bya ba'i rgyud la sogs pa las bstan pa ni rnal 'byor pa'i rang bzhin gyi dbye ba nyid las yin gyi/ der yang bsgrub par bya ba'i dbye ba ni 'ga' yang yod pa ma yin no/ /de bzhin du dam tshig nye bar bstan pa yang sems can ma lus pa'i bsam pa mkhyen nas rang bzhin gyi dbye ba nyid las bstan par shes par bya'o/ /de yang zhe sdang la spyod pa'i rnal 'byor pa rnams la ni zhes sdang rdo rje bsgrub pa rjes su gnang la bsgrub pa de yang ? de 'phel ba nyid rkyen du byas pa yin no/ /de bzhin du 'dod chags la sogs pa sgrub pa la yang spang bar bya ste/ spros pa 'di dag thams cad ni 'dod chags la sogs pa'i nyon mongs pa dang/ nye ba'i nyon mongs pa la nye bar chud pa'i rnal 'byor pa rnams rang bzhin sna tshogs dpa dang ldan pa dag de kho na nyid kyi lam la 'jug par bya ba'i don nyid yin par rtogs par bya'o/ /de bas na bcom ldan 'das gyis sngags kyi tshul gnyis su med pa'i ye shes kyi de kho na nyid de nyid la sems can thams cad gzung bar bya ba'i don du ma mthun pa'i thabs rnam pa sna tshogs pa'i sgo nas kyang rnam par grol ba'i sgro bstan pa nyid kyis tshe 'di nyid du sangs rgya ba zhes pa la sogs pa gang gsungs pa ste/ de dag la sogs pa mngon sum du rtogs pa'i thabs rnam pa sna tshogs pa de sngon par mdzad pa'i phyir mos pa dang/ mngon par brtson pa'i khyad par gyis bsgrub par bya ba nyid du bstan par bya ba yin la gsang sngags kyi sgo'i spyad pa spyod pa rnams ni dbang po rnon po nyid yin pa'i phyir mos pa dang/ mngon par brtson pa med pa ma yin no/ /de ltar na bde bar gshegs pa'i tshul gsum bstan pa thams cad 'gal ba med pa nyid du rigs pa nyid yin no/ /de bas na gnyis su med pa'i ye shes gcig pu nyid de kho na nyid yin la sems can gyi rang bzhin gyi dbye ba las ni spros pa'i dbye ba nyid du rjes su gzung ba yin no//
- 29a
gus pas dri med bla ma yun ring bsten byas pas/ /tshul gsum nges pa'i tshig rnams gsal bar rtogs nas su/ blo zhan rnams kyis ma nges gyur la bdag gis ni/ lung don rgya mtsho mi 'gal 'di ni bshad pa yin/ /bden pa'i de nyid tshul don gang/ /pha rol phyin tshul don gang yin/ /gsang sngags chen po'i tshul don yang/ /bsdus nas 'dir ni bshad pa yin/ /gang zhig tshul gsum rgya mtshor 'jug pa la/ /bla ma'i gzhung gi rjes mthun bdag gi lam/ /rtogs pas 'gro ba phun sum tshogs gyur nas rin chen lta bur gnyis med blo rgyas shog /tshul gsum gyi sgron ma slob dpon chen po mtho btsum tri pe ta? ka ma la'i zhal snga nas kyis mdzad pa rdzogs so// //rgya gar gyi mkhan po pad+ma ka ra barma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// (//de kho na nyid grub pa zhes bya ba'i rab tu byed pa bzhugs so//) // */ /rgya gar skad du/ twAt sid+d+hi nrA ma pra ka ra Na/ bod skad du/ de kho na nyid grub pa zhes bya ba'i rab tu byed pa 'phags pa 'jam dpal gzhon nur gyur pa la phyag 'tshal lo/ /bde chen bde ba 'byung ba'i gnas/ rdo rje theg la phyag 'tshal te/ kun tu rmongs las bzlog pa'i phyir/ /de nyid grub pa bshad par bya/ /'di na gang la la rdo rje'i theg pa chen po la dge ba'i rtsa ba'i bag chags kyi rgyud ma bsags pa/ dngos po sgro btags pa la goms pa/ rang gi rnam par rtog ba'i rlung gis blo phrogs pa/ rtsod pa'i dus kyi rnyog pa'i 'dam gyi tshogs ma lus pa'i dri mas yid dri ma can du gyur pa/ 'khor ba'i rgya mtsho las sgrol ba'i thabs yang dag par mi shes pa/ rang gzo'i rnam par rtog pa mang pos blo gros bslad pa/ nyam nga ba'i mdud pa'i gnas kyi ri sul du lhung ba/ rtogs par dka' ba'i gdon gis zin pa'i dbang gis sems dkrugs ba/ slob dpon rnams nye bar ma brten ba/ don dam pa bsgom pa'i man ngag dang
- 29b
blta rnams ni dpal bde ba chen po rdo rje sems dpa' lam gzhan dag gis bskal pa du ma grangs med pas/ rtog par bya ba/ rdo rje theg pa'i thabs dang ldan pa rnams kyis tshe 'di nyid la dka' ba med par bsgrub par bya ba/ rgyu ba dang ma rgyu ba'i dngos po thams cad kyi ngo bo nyid thog ma bar tha ma med pa/ gnas med pa sems can ma lus pa'i rgyud la rang rig pa'i ngo bo nyid bsod nams chen po'i rgyu mngon bar rtogs pa'i mtshan nyid can de'i thabs su gyur pa rdo rje theg pa chen po ma lus pa'i dam pa'i dam par gyur pa'i lung gi mtshan nyid can rtogs par mi 'gyur ba de rnams kyi mi shes pa'i rab rib kyi ling tog /rnam par bsal bar bya ba'i phyir lung dang rig pa dag gis cung zad brjod bar bya'o/ /de la gzugs la sogs pa yul rnams ni thabs dang shes rab kyis rnam par zan par yongs su longs spyod pa'i ngo bor gyur ba ni 'bras bu khyad par can thob par 'gyur ba yin no zhes rtog pa dang ldan pa rnams kyis nges pa kho nar khas blang bar bya ste/ gang gis na khyad par can gyi tshogs pa rnams ni khyad par gyi 'bras bu nyid skyed bar byed pa yin no zhes smra ba po thams cad la grogs pa yin no/ / de yang dper na sa la sogs pa las skyes ba'i skyu ru ra'i 'bras bu'i ro bskal bar snang ba/ yang 'o mar spang ba la sogs pa'i lhag ma'i rgyu rnams dang phrad pa na de nyid mngar ba nyid du shes par 'gyur ro/ /de bas na ji ltar rgyu'i rnam pa gzhan gyis mngon par 'dus byas pa'i 'bras bu ni 'bras bu khyad par can 'byung bar byed pa nyid du mngon sum nyid na snang ba yin no/ /de bzhin du gzugs la sogs pa'i yul rnams rnal 'byor pas phyag rgya chen por bskyed la/ sngags dang phyag rgyas byin gyis brlabs pa la ni shin tu khyad par can gyis 'bras bu bskyed par byed pa yin no zhes dam pa rnams kyis khong du chud par bya'o/ /de yang gang gi phyir tshogs pa las byung ba yin gyi tshig rkyang ba las byung ba ni 'ga' yang med de/ de bas na khyad par can gyi rgyu gzhan dag las 'bras bu khyad par can nyid 'byung
- 30a
par 'gyur te/ thams cad mkhyen pa'i rgyu dang rkyen gyi nus pa ni bsam gyis mi khyab pa yin pa'i phyir ro/ /de la 'dir sbyor ba ni gang khyad par can gyi rgyus mngon par bsgrubs pa de ni 'bras bu khyad par can nyid 'byin par byed de dper na 'o mar spangs pa'i skyu ru ra la sogs pa ni 'bras bu mngar bar 'gyur te/ gzugs la sogs pa yang rgyu khyad par can gyis mngon par bsgrubs pa yin no zhes bya ba ni rang bzhin gyi gtan tshigs yin te/ de la 'dir khyad par can gyi rgyu gzhan gyis mngon par bsgrubs pa tsam dang/ rjes su 'brel pa'i rang bzhin gyis 'bras bur mngon par 'dod pa'i dngos po khyab par byed pa'i rang bzhin mngon par 'dus byas pa ni khyab par bya ba yin no/ /de lta bas na gang dang gang khyad par can gyi rgyu gzhan gyis mngon par 'dus byas pa'i rang bzhin yin pa de dang de ni rgyu ma tshang ba med pa dang /gegs byed pa med pa yin na/ khyad par can gyi rgyu gzhan gyis mngon par 'dus byas pa las khyad par can gyi 'bras bu 'byung ste/ de tsam dang rjes su 'brel pa yin pa'i phyir ro/ /de bas na khyab par bya ba dang khyab par byed pa'i dngos po grub na khyab par byed pa bsgrub par bya ba la khyab par bya ba ni gtan tshigs yin no/ /dper na khyab par byed pa shing la sogs pa bsgrub par bya ba la khyab par bya ba sha pa la sogs pa ni gtan tshigs yin te/ khyab par byed pa khyab par bya ba'i dngos po yin pa'i phyir ro/ /'dir yang khyab par bya ba dang/ khyab par byed pa'i dngos po las rgyu gzhan ni med de/ de lta bur 'dir yang shes par bya'o/ /de nyid kyi phyir/ zla gsang thig le la sogs pa/ /rnal 'byor rgyu ni ma lus las/ /shes rab thabs ldan sems kyis ni/ /mi bya ba ni ci yang med/ /rtag tu dgos pa med gyur pas/ /'dod pa lnga ni spyad par bya zhes bya ba dang/ /sman gyi phye ma'i sbyor ba yis/ /sbrul nyid 'ching bar 'gyur ba bzhin/ /'dod ldan rtag tu chags byed la/ /glu dang rol mo la dga' zhing/ /'dod pa'i bde bas ngoms med pa
- 30b
'grub 'gyur 'di la the tshom med/ /gang gi byang chub sems brtan zhing/ /blo gros chags pa me 'gyur pa/ /the tshom dag ni mi bya ste/ de yis 'dir nges 'grub par 'gyur zhes bya ba dang/ /legs brtags shin tu dpyad nas ni/ /mkhas pa rnams ni 'jug bya yi/ /gzhan du ser ni? 'jug pa yis/ /bcu drug char yang mi bod do/ /de nyid de nyid kyis shes nas/ /gang zhig lha mo la brten pa/ /de 'grub 'gyur gyi gzhan du ni/ /dmyal ba chen por ltung bar 'gyur/ /zhes gsungs pa yin no/ /gzugs la sogs pa'i yul rnams nyon mongs pa bskyed pa'i rgyur gyur pa nyid kyis na ngan 'gro'i rgyu yin no zhes brjod par nus pa yang ma yin te/ nyon mongs pa rnams ni bdag dang bdag gir 'dzin pa la mngon par zhen pa sngon du 'gro ba can yin pa'i phyir gzugs la sogs pa rgyu ma yin te/ gang gis na/ bdag yod la ni gzhan du 'du shes shing/ /bdag gzhan cha las yongs su 'dzin dang spang/ /'di gnyis dang ni kun tu 'brel pa las/ /nyes pa thams cad 'byung bar 'gyur pa yin/ /de bas na gang la bdag tu lta pa yod pa de la nyon mongs pa 'di dag 'byung bar 'gyur ro/ /gang yang bdag med pa la shin tu goms par byas pas bdag med pa'i ro yang dag par sgrub pa de la ni 'di dag de ltar mi 'gyur ro/ /yang gal te yul rnams rnam pa thams cad du 'dod chags kyi rgyu yin na de'i tshe mi gtsang ba la sogs pa'i rnam pa phyin ci log yin na yang goms pa'i stobs kyis shes pa skyed pa ji ltar byed/ /des na ji ltar sgro btags pa nyid las rnam par shes pa 'di dag nges par 'gyur ba yin no/ /de ltar na khyad par can gyi sgro btags pa dang/ khyad par can gyi yongs su gyur pa las khyad par can gyi 'bras bu skyed par byed pa'i rgyu'i ngo bo nyid yin par 'gyur bar ci'i phyir mi 'dod/ ji ltar bud med cig gi lus la ni/ /rab tu byung dang 'dod ldan khyi/ /ro dang 'dod ldan bca' ? ba ste/ /de ltar rnam pa gsum du rtog /'di dag kyang khyad par gyi sgro btags pa dang/ de bzhin du yongs su gyur pa las
- 31a
'khor bar 'ching ba'i rgyur gyur pa ni ma yin te/ /sbyin par bya ba dang/ sbyin pa po dang/ len pa po ma dmigs pa nyid kyis 'khor gsum yongs su dag pa yin pa'i phyir ro/ /gang gi phyir 'khor gsum yongs su dag pas sngags dang phyag rgya'i rnam par 'gyur te/ de bas na sngags la sogs pas mngon par sbyangs pa'i khyad par gyis gzugs la sogs pa'i yul rnams bla na med pa'i 'bras bu nyid skyed par byed do/ /ji ltar dug la sogs pa sngags la sogs pas mngon par sbyang ba la nye bar sbyar ba na bcud kyis len pa la sogs pa'i 'bras bu gzhan dag 'byin par byed la/ /de byis pa gzhan rnams la ni nges par 'chi ba nyid du byed do/ /de bzhin du yul rnams kyang sngags dang phyag rgyas byin gyis brlabs pa ni shin tu khyad par can gyi 'bras bu nyid mngon du byed pa yin no zhes nges par khong du chud par bya'o/ /de yang dpal mchog dang po las/ 'dod chags zhe sdang gti mug ste/ /gsum po 'di nyid dug nyid du 'gyur/ /mi mnyam pa yis bsten na ni/ /'di dag dug ni nyid du 'gyur/ /bdud rtsi nyid phyir bsten na ni/ /bdud rtsi nyid du 'gyur ba yin zhes gsungs pa dang/ dkon mchog rtsegs pa las kyang/ 'od srungs 'di lta ste dper na/ grong khyer chen po'i lung gang yin pa de ni bu ram shing gi zhing dag dang/ rgun 'brum gyi zhing dag la phan par 'gyur ba yin no zhes gsungs pa dang/ de bzhin du byang chub sems dpa' i nyon mongs pa'i lung gang yin pa de yang thams cad mkhyen pa nyid la phan par gyur pa yin no/ /'od srungs 'di lta ste dper na/ sngags dang sman gyis yongs su zin pa'i dug gis ni 'chi bar byed mi nus so/ /'od srungs de bzhin du shes rab dang thabs mkhas pas yongs su zin pa'i byang chub sems dpa' i nyon mongs pa'i dug gis kyang log par ltung bar byed mi nus so zhes gsungs pa dang/ yang slob dpon nA pA rdzu na'i zhal snga nas kyis kyang/ /mgon po khyod kyi nyon mongs pa/ /bag chags
- 31b
rtsa ba'i mthar thug spangs/ /nyon mongs rang bzhin nyid las ni/ /khyod kyi bdud rtsi nye bar bsgrubs zhes bshad pa dang/ yang nye bar 'khor gyis zhus pa'i mdo las kyang/ 'dod chags ni byang chub sems dpa' sems can gyi don chen po nyid kyis 'jug ste/ sems can la rjes su chags par byed pa'i phyir ro zhes gsungs pas/ tshogs pa'i dbye ba las 'bras bu'i dbye bar snang ba dang/ chos bdag med par rtogs pas de la mngon par zhen ba ci nas kyang 'byung bar mi 'gyur gyi/ bla na med pa'i bde ba chen po'i 'bras bu thob par bya ba la bsgrub pa gzhan med pas/ de'i phyir zas dang spyod lam la sogs pa'i bde ba nyid kyi 'bras bu de mngon sum du bya ste/ gang gi phyir de ci 'dra ba las de 'dra bar 'gyur gyi/ gzhan las 'byung ba las de lta bur ji ltar 'gyur de nyid kyi phyir mnyam spyod las/ bdag nyid sangs rgyas thams cad dang/ /dpa' bo thams cad nyid yin no/ /de bas bdag gi lhar sbyor bas/ /bdag nyid rab tu bsgrub par bya/ /gzugs brnyan lugs la sogs pa la/ /rnal 'byor 'byung bar mi 'gyur gyi/ /byang chub sems la rab brtson na/ /de las rnal 'byor lhar 'gyur ro/ /de nyid yongs su spangs nas ni/ /dka' thub kyis kyang ma gdungs shig /ci bde bar ni bde bar gzung/ /'di ni ma byon rdzogs sangs rgyas/ /'di la khrus dang bsdam mi gos/ /dka' thub dka' bar spyod mi dgos/ /dka' thub sdom pa med pa dang/ /bde ba dang dga' bas 'grub ces gsungs pa dang/ ci ltar bcom ldan 'das kyis gzugs la sogs pa dang/ de las byung ba'i bde ba yongs su gyur ba ni/ 'bras bu bla na med pa'i rgyu yin par gsungs pa de ltar rig pa las byung ba'i bde ba yongs su gyur pa 'di yang de dang 'dra'o/ /'on te lung dang 'gal ba'i phyir mi 'gyur ro zhes na/ lung gi reg pa'i khyad par yang dag par bsten pa las 'bras bu 'thob par 'gyur ba yin pa'i phyir/ ci der yang 'gal ba ci zhig yod/ /
- 32a
de las bkag pa'i phyir ro zhe na/ /ma yin te/ dgag pa'i yul ni nges pa can yin pa'i phyir te/ gang zhig 'di thabs dang shes rab dang bral zhing bdag gir 'dzin pa la mngon par zhen pas yongs su gyur pa mi shes par reg pa'i khyad par kun tu bsten pa ma rig pas yongs su bzung ba'i rang bzhin can de rnams kyis yul bsten pa de ni ngan 'gro'i rgyur 'gyur ro/ /de yang bcom ldan 'das kyis/ gang zhig dge slong dngos gnas dang/ /mi gang rtog la dga' ba dang/ gang yang rgan po'i dngos gnas pa/ /de la de nyid mi bstan to zhes gsungs pas/ bcom ldan 'das kyis de dag las dgongs nas dgag ba gsungs pa yin no/ /dpal gsang ba 'dus pa las kyang/ dge ba bcu'i las kyi lam/ ye shes spangs pa rnams 'dod do zhes gsungs pa dang/ de bzhin du rnam par snang mdzad mngon par byang chub pa las kyang/ thabs dang mi ldan ye shes dang/ /bslab pa dag kyang bshad pa ni/ /dpa' bo chen pos nyan thos rnams/ /de la gzung ba'i phyir bshad do zhes gsungs pas thabs dang shes rab kyis yongs su zin pa'i rang bzhin khyad par can gyi 'bras bu yongs su tshol ba rnams kyi yongs su gyur pa'i 'bras bu ni khyad par nyams su myong ba yin bas don dam ba'i chos kyi de kho na nyid rtogs pa de rnams kyis nyes ba chung ngu'i yang skal ba can du 'gyur ba ma yin no/ /'on kyang bsam pa'i khyad par dang ldan pa de las bla na med pa'i 'bras bu thob par 'gyur te/ sems rnyog pa med pa'i phyir ro/ /de bas na bsam pa'i khyad par gyi bya ba las bsod nams dang bsod nams ma yin pa 'di nyid dbye ba nges par byas pa yin gyi dngos po ji lta ba bzhin gnas pa'i tshul gyis ni ma yin te/ 'phags pa'i lhas kyang/ byang chub sems dpa' i krun rtog las/ /dge ba 'am yang na mi dge ba/ /thams cad dge ba nyid 'gyur te/ /gang phyir de yis dbang gyur yin zhes bshad pa yin no/ /de bas na kun tu rtog pas byas pa'i bsod nams dang bsod nams ma yin pa rnams la khyad par du byas pa'i kun tu rtog pa'i
- 32b
khyad par las de gzugs la sogs pa rnams la bsam pa'i khyad par de las 'bras bu khyad par can nyid nges par 'thob par 'gyur bas gzhan dag mi 'dod du zin kyang khas blang bar bya'o/ /de nyid kyi phyir bcom ldan 'das kyis chos rnams sgyu ma dang 'dra ba la sogs par mos pa dang ldan pas longs spyod thams cad ni rung ba yin no zhes gsungs pa dang/ yang dge slong dad pa med pa ni dad pas byin pa yongs su longs spyod pa'i 'os yin no zhes gsungs pa dang/ yang mnyam sbyor gyi rgyud las/ /thams cad nam mkha' i mtshan nyid de/ / nam mkha' la yang mtshan nyid med/ /khams gsum dag ni ma lus pa/ /thams cad rgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te/ /de bzhin 'gro ba kun gyis tshul/ /phyag rgya 'di yis rnal 'byor bas/ /sa gsum po ni spyad par bya zhes gsungs pa dang/ /lha thams cad 'dus pa'i rgyud las kyang/ /thams cad rdzogs pa'i sbyor ba yis/ gang gis blun po 'ching 'gyur ba/ /de yis 'di nam mkhas pa che/ /sems ni rdzogs pa'i rnal 'byor pa/ /gzhan du mar me ltar 'grub po zhes gsungs pa dang/ yang 'jig rten 'das sbyong gsang ba ni/ /rnam par mi rtog nyid du spyang/ /gzhan du bag med par gyur na/ /der ni rnam rtog 'phyos par 'gyur/ /rnam pa kun gyis thams cad du/ /rnam par mi rtog ngo bor ni/ /sems gzhag na ni dogs med pa/ /de tshe 'grub par the tshom med/ /gnas skabs kun tu thams cad du/ dogs pa med pa'i sems kyis ni/ /spyod pa kun la 'jug na yang/ /'ching ba nyid du mi 'gyur ro/ /rnam par mi rtog sems kyis ni/ / spyod pa ma lus kun spyad cing/ /dpang? po kun la longs spyod pas/ /sems dpar gnas na 'ching mi 'gyur zhes gsungs pa dang/ yang gzugs 'di thams cad stong pa ste/ mig kyang stong pa'i rnam pa yis/ /mthong bzhin rnam par mi rtog pa'i/ /dam pa dge? ba?
- 33a
med par 'gyur/ /yang de nyid las thams cad nam mkha' i rang bzhin te/ /sems kyang nam mkha' i rang bzhin du/ /rten na rnam rtog med nyid dang/ /dogs pa med pa nyid rab skye/ /zhes gsungs pa dang/ yang rnal 'byor pa rnams kyis rtul zhugs ci lta bu yin zhe na/ dogs pa med pa'i sems kyis ni/ /las rnams kun la thabs bcas par/ /gang tshe the tshom med spyod pa/ /brtul zhugs rnams kyi mchog gi mchog /dka' thub ci zhig yin zhe na/ /las rnams thams cad rnam kun tu/ /rnam par mi rtog sems kyis ni/ /dogs pa med par kun spyod pa/ /dka' thub kun gyi mchog gi mchog /rnam rtog med pa'i sems kyis ni/ /yul rnams brten par gyur pa na/ /smod par gyur pas mi gnod pa/ /dka' thub de ni 'da' bar dka' / /gang zhig las rnams thams cad ni/ /shes rab kyis ni des sbyor zhing de yang stong pa'i gnas su sbyar/ /bdag nyid chen po'i dka' thub 'di/ /shes rab 'pho ba'i ngo bos ni/ /rnam par rtog pa med sems kyis/ /dogs pa med par kun spyad spyod/ /bdag nyid che de'i dka' thub yin/ /gal te thabs dang shes rab las/ /sems ni gzhan du mi 'jug pa/ /nges par de ni byang chub che/ /rab tu sbyin byed yin par bstan/ /rnal 'byor pa ni mngon brtson pas/ /rnam par mi rtog rjes 'gro ba/ /de'i 'byor pa thams cad ni/ /longs spyod don du sprul pa yin/ /shes rab me long la 'pho na/ /'du byed de'i rnam pa yin de'i dran shes rab kyis bskyed pa/ /rnam rtog med pa'i bdag nyid sems/ /me long gi ni gzugs brnyan dang/ /rmi lam sgyu ma chu bur dang/ /mig 'phrul dang ni 'dra ba ru/ gang gis mthong de gtso bor bshad/ /'dus byas rnams kyi 'gyur ba ni/ /glog dang dri za'i grong ? gyi/ /rnam pa'i? 'dra ba mthong gyur pa/ /skye dgu de'i dbang gyur bshad/ /ces gsungs pa yin no/ /des na gang du mngon par zhen par 'gyur ba'i gnas ni gang yang yod pa ma yin no/ /gang gi tshe de lta bu'i sgyu ma lta bu'i dngos po khyad par can gyi longs spyod las yang dag par
- 33b
byung ba'i bde ba yongs su gyur pa las 'bras bu khyad par can cung zhig tsam thob pa de'i tshe ci'i phyir mi 'dod/ 'di dag ni ngo bo nyid kyis brtan pa ma yin gyi 'on kyang snang ba tsam gyi mtshan nyid yin no/ /gal te 'di dag khyad par can gyi sgom pa goms pa'i stobs kyis bde ba dang yid bde ba la sogs pa'i khyad par can gyi 'bras bu bskyed pa na bla na med pa thob pa'i rgyu'i ngo bor de'i tshe 'gyur ba la 'gal ba yang med do/ /de yang dpal mchog dang po las/ bdag nyid sangs rgyas thams cad de/ /dpa' bo thams cad nyid kyang yin/ /rang gi lha yi sbyor ba yis/ /bde bas bdag nyid bsgrub par bya/ /dka' thub sdom pa mi bzad pas/ /lus can lus ni skams 'gyur la/ /sdug bsngal gyis ni sems g.yengs shing/ g.yengs pas dngos grub gzhan du 'gyur/ /yid kyi lus ni brtan pa'i phyir/ /bde ba thams cad brtan par 'gyur/ /sdug bsngal gyis ni g.yo 'gyur ba 'am/ 'og pa thob par 'gyur ba yin/ /zhes gsungs pa dang/ yang 'jig rten pa dang 'jig rten las 'das pa'i rdo rje'i rgyud las/ bde bas dngos grub thob 'gyur gyi/ /lus kyi gdung pas 'grub mi 'gyur/ /gang phyir ting 'dzin las byung ba'i/ /bde ba kun la 'tshang rgya nyid/ /zas gcod la sogs drag po dang/ /de bzhin dka' thub gzhan sogs kyis/ /lus gdud pa yis rnam par g.yeng/ /g.yengs pas dngos grub gzhan du 'gyur/ /sems can dman pas mi 'grub ste// de bas dka' spyad min par bshad ces gsungs pa dang/ yang dpal gsang ba 'dus pa las/ /dka' thub sdom pa mi bzad pa/ /brten kyang 'grub par mi 'gyur gyi/ /'dod pa'i longs spyod thams cad la/ /brten na myur du 'grub par 'gyur/ /slongs mo za zhing mi ba zla ste/ /klongs la dga' bar mi bya'o/ /'dod pa kun la longs spyod cing/ /sngags kyi yan lag ma nyams ba zlas/ /lus dang ngag dang sems rnams ni/ /bde bar gnas na byang chub thob/ /gzhan du dus min 'chi ba dang/ /dmyal bar nges par sreg par 'gyur//
- 34a
zhes gsungs pa yin no/ /de bas na gang nor bu tshon shel dang 'dra bar rang bzhin gyis 'od gsal ba yin la/ gzugs la sogs pas mngon par 'dus byas pa'i khyad par las bde ba dang/ yid bde ba'i mtshan nyid can gang yin pa de der thabs dang shes rab kyis yongs su zin pa'i goms pa'i khyad par gyi stobs kyis rab kyi mthar thug pa'i ngo bo nyid thob par 'gyur ba yin no/ /de yang 'di ltar shes rab dang bzo dang sgyu rtsal la sogs pa dang 'dra bar gzugs la sogs pa'i yul nyams su myong ba las yang dag par byung ba'i 'dus byas pa'i khyad par las rnal 'byor pa'i shes pas rgyun tu bsgom pa goms pa'i stobs kyis mchog tu rtag pa'i ngo bo nyid 'thob par 'gyur ba yin te/ bsgom pa'i rab kyi mthar thug par son pa yin pa'i phyir rang gi grub pa'i mdza' las bde bar gshegs pa la sogs pa 'dra la/ 'jig rten na yang 'dod pa dang/ mya ngan dang/ 'jigs pa dang/ smyos pa la sogs pa dang 'dra bar reg pa las byung ba'i bde ba dang/ yid bde ba la sogs pa yang goms pas yin no/ /de bas na de rnams kyang mchog tu khyad par du gyur pa dang ldan pa yin pas rang bzhin 'gal ba dmigs pa yin te/ 'dir yang sdug bsngal la sogs pa dang mi mthun pa bde ba dang yid bde ba la sogs pa'i mtshan nyid can ni 'bras bu yin la/ de yang gang gi tshe goms pa'i stobs mngon sum du gyur pa thob pa dmigs par gyur pa de'i tshe de dang mi mthun pa'i sdug bsngal dang yid mi bde ba la sogs pa ldog par 'gyur zhing/ rang gi yon tan gyi tshogs rnams kyang sdud par 'gyur ro/ /de bas na der goms par gyur pas gnas pa dang/ de dang mi mthun pa'i sdug bsngal la sogs pa'i go skabs dbye ba 'gog par byed do/ /'di lta ste dper na/ grang ba la sogs pa dang mi mthun pa dro ba la sogs pa dang phrad par gyur pa na grang ba la sogs pa med pa skyed par byed do/ /gang gis gzhi gcig la phan tshun mi mthun
- 34b
pa gnyis yod par dmigs par mi 'gyur ro/ /de bzhin du bde ba dang sdug bsngal 'di gnyis kyang rgyud gcig gi bdag nyid du ji ltar yang 'byung mi srid de/ de ni de dang mi mthun pa yin pa'i phyir ro/ /de bas na bde ba dang yid bde ba la sogs pa goms par byed pa nyid ni sdug bsngal la sogs pa ji ltar yang 'byung bar 'gyur ba'i gnas rnyed par mi 'gyur ro zhes bya ba ni rigs par smras pa yin no/ /rang bzhin 'gal ba dmigs pa de'i ngo bo yang med pa go bar byed pa yin pas rab kyi mthar thug par 'gro ba'i yang rgyu ni goms pa'i khyad par yin te/ /shes rab dang bzo dang/ sgyu rtsal la sogs pa dang 'dra la/ de'i khyad par las 'gal ba dmigs pa yin par khong du chud par bya'o/ /'di ltar yang bsgom bzhin pa las gal te khyad par thob par gyur pa na yang slar zlog par 'dod na/ de'i tshe zad par sa la sogs par yang bsgom pa'i rab kyi mthar thug pa la 'jug pa rnams de bzhin du ldog par 'gyur ba zhig na de ltar mi 'dod de gang gi phyir gang zhig rab kyi mthar phyin pa la 'jug pas rang gi bdag nyid kyi ngo bo nyid thob par gyur pa rnams ni de dag ldog par mi 'gyur te/ dper na zad par sa la sogs? pa dang 'dra'o/ /bdag nyid kyi ngo bo nyid thob par gyur pa ni khyad par gyi bde ba dang yid bde ba la sogs pa brten pa de las de yang ldog par mi 'gyur te/ ldog pa'i rgyu med pa'i phyir te/ gang yang nyes pa las ldog pa'i skal ba can yin pa de lta de ltar 'di yod pa ma yin no/ /de'i rjes thogs la sdug bsngal 'byung bar 'gyur ba yang ma yin te/ rab kyi mthar thug par phyin par gyur pa la de mi srid do/ /gzhan du na thar pa'i rjes la yang 'khor bar 'gyur ro zhes bya bar ni 'dod pa 'am rigs ma yin te/ gang gis na? mthar pa thob pa rnams 'khor bar skye bar 'gyur ba ni mi 'dod pa kho na yin no/ /de yang de'i tshe ma rig pa'i bag chags las rnam par ldog pa'i phyir dang rgyu med pa'i phyir ro/ /gang gzhan gyi don du yang dag par skye ba ni 'khor ba po ma yin te/
- 35a
sngon gyi smon lam la sogs pa'i shugs kyi stobs nyid kyis der 'jug pa yin pa'i phyir ro/ /bag chags kyi stobs kyis ni ma yin no/ /de bas na ji ltar thar pa'i rjes thogs la 'khor bar 'gyur ba ma yin pa de bzhin du bde ba rab kyi mthar thug pa'i rjes thogs la sdug bsngal gyi sems kyang skye bar mi 'gyur te/ de ni nor bu tshon shel dang 'dra bar rang bzhin gyis yongs su dag pa yin pa'i phyir ro/ /gang dang gang la brten pa de dang der goms pa'i stobs kyis shin tu khyad par du 'phags pa'i ngo bo nyid gsal bar byed de/ slar yang mi ldog pa'i chos kyi mtshan nyid yin no/ /de bas na dngos po gang dang gang gis ni/ /mi rnams yid ni dga' 'gyur ba/ /de dang de'i rang bzhin 'gyur/ /sna tshogs nor bu ji bzhin no/ /zhes bshad pa yin no/ /des na 'di dag thams cad ni? khyad par can yongs su gyur pa'i phyir yongs su 'gyur bzhin pa las khyad par can gyi 'bras bu thob par byed pa yin no/ /de bas na yongs su gyur pa na legs pa skyed par mi 'gyur zhing/ /sngon gyi las kyi 'phen pa'i shugs las de ltar mi 'gyur ba ni ci yang med de/ /gzhan du na khyad pa can gyi yongs su gyur pa don med par 'gyur zhing thams cad du yid brtan du mi thung bar 'gyur ro/ /de yang rgyal ba'i yum las/ /rab 'byor gzhan yang byang chub sems dpa' sems dpa' chen po de bzhin gshegs pa dang de bzhin gshegs pa'i mchod rten la lha'i dri 'bul zhing de 'di snyam du bdag gi dge ba'i rtsa ba 'dis bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing du sems can thams cad lha'i reg pa'i khyad par sngon du gyur cig ces bsngo la/ gzhan yang rab 'byor 'dod pa tsam gyis 'dod pa'i yon tan lnga sangs rgyas bcom ldan 'das nyan thos kyi dge 'dun dang bcas pa dang/ sems can thams cad la stob cing/ de ltar yang dag par shes pas 'di ltar bdag gi dge ba'i rtsa ba 'dis sangs rgyas
- 35b
kyi zhing du bla na med pa yang dag par rdzogs pa'i byang chub tu mngon par rdzogs par sangs rgyas nas nyan thos kyi dge 'dun dang bcas pa dang/ sems can thams cad kyang 'dod pa tsam gyis yid bzhin du 'dod pa'i yon tan lnga 'byung bar gyur cig ces bsngo la/ gzhan yang rab 'byor byang chub sems dpa' sems dpa' chen po yang dag par rdzogs pa'i sangs rgyas dang nyan thos kyi dge 'dun dang sems can thams cad dang bcas pa la 'dod pa'i yon tan lnga stob par byed cing zhes bya ba la sogs pa gsungs so// de ltar na bag chags kyi stobs las 'gyur te/ de ltar mthong ba'i 'bras bu la yang ji ltar 'jig rten nam du lung ga la sogs pa'i rgya skyegs la sogs pas bsgo na de dang 'dra bar snang ngo/ /de bas na sems kyang phyi'i/ reg pa la sogs pa la brten pa na bde ba la sogs pa sbyang ba'i khyad? par so sor rtogs pa bskyed pa'i khyad par gyis yang de nyid mngon du phyogs par 'gyur te/ sems de la rjes su chags pa'i phyir ro/ /der zhen pa ni de nyid la brten par 'gyur ro/ /de yang ji ltar da du ba? dang/ ras bal gyi sa bon dang/ se'u 'bras la sogs pa rgyu gzhan gyis bsgos pa'i khyad? las der bsgos pa'i dbang gis de dang 'dra ba'i 'bras bu 'byung ngo/ /de bzhin du sems kyang reg pa la sogs pa las nges par 'byung ba'i bde ba dang yid bde ba la sogs pa'i khyad par de las 'bras bu gong nas gong mar gyur pa'i khyad par can thob par 'gyur te/ de'i mi mthun pa'i phyogs la mngon par ma zhen pa'i phyir mi mthun pa'i phyogs 'byung bar mi 'gyur te/ de dang 'gal ba'i phyir dang/ bde ba yin pa'i phyir ro/ /de bas na bcom ldan 'das kyis/ dpal mchog dang po la sogs pa las/ sdug bsngal dang/ yid mi bde ba la sogs pa thams cad kyi go skabs dbye bar mi bya'o zhes gsungs pa dang/ yang lha thams cad yang dag par 'dus pa'i rgyud las/ lha dang lha min 'byung po rnams/ /so
- 36a
sor rtogs pa yod min gyi/ /de'i yan lag bstan pa yis/ /dga' ba nye bar spyod par 'gyur/ /mar me 'dra mar mya ngan 'das/ /de ni shin tu 'gro ba yin/ mya ngan 'das mi mi bzad pas gsal? ba 'ang lus pa med par 'gyur// de la lus ni yod min zhing/ /dbang don ma yin khams rnams min/ /sems med sems las byung ba 'ang? med/ /nga rgyal blo ni yod min zhing/ /sems can med cing shes rab med/ /sems ni ci yang yod ma yin/ /gnyid stug log gnas lta bur ni/ / rnam rtog med cing bdag med pa/ /'du shes med cing spyod pa med/ /gzugs med yon tan gang yang med/ /de ni mya ngan 'das par bstan/ /thar 'dod cha dang bral ba yin/ /'khor ba yi ni ngo bo nyid/ /rang bzhin dngos med shes byas la/ /gal te mya ngan 'das mi 'dod/ /de tshe sad par shes par bya/ /rang bzhin med pa'i ngo bo nyid/ /yang dag ngo bo'i rang bzhin shes/ /mya ngan 'das la gang bsgrub pa/ brtson 'grus mi ldan dngos grub med/ /dman pa'i sems su 'gyur pa las/ /byas pa chung rab gson gzhan med/ /gang dag byang chub mchog bsgrub pas/ /ma grub par ni zhum 'gyur ba/ /bdag nyid 'phrog pa'i rkun po ni/ /de yis sdig pa ci ma byas/ /sangs rgyas bdag nyid can gyi lus/ /bde bas grub pa rgyas mi byed/ /de la brtson pa yod min zhing/ bsnying? stobs la yang gnas pa min/ /byang chub mchog ni rab bsgrubs pa/ /mi 'grub mya ngan 'das par 'gro/ /rab dman de las gzhan med de/ /skye bo ngan pa 'ang gzhan yod min/ /gang zhig byang chub mchog thob nas/ /rang gi lus ni spong byed pa/ /brtson pa de ni brtson 'grus kyi/ /rab tu sang par gnas pa yin/ /de bas dbang po thams cad la/ /nye longs spyod pas 'chid ma yin zhes gsungs pa dang/ yang yid gnyis yang dag par 'joms pa zhes bya ba'i rgyud las/ skyes bu de
- 36b
nyid brtul zhugs med/ /de las 'bras bu cher ldan pa/ /'ga' la sems ni mos gyur kyang/ /bag chags ji ltar 'dor bar 'gyur/ /rnal 'byor rgyud kyi brtul zhugs la/ /gnas pa'i sems ni ma sbyangs pa/ lta ba tha dad yin pa'i phyir/ /rab tu sad kyang brlag par 'gyur// gang zhig rab tu sad gyur mi/ /mar me lta bur mya ngan 'da' / /shin tu byas chud gson gzhan med/ /dngos grub la ni der mi spyod/ rang gi lus las byung ba yi/ /mngon sum 'dod pa dang bral zhing/ /mya ngan 'das pa la zhugs pa/ /snying stobs zhan pa gzhan yod min/ /'di na rab tu sad rgyu las/ /mi gang mya ngan 'das 'gro ba/ /bde ba mdza' yas rab spangs nas/ /de tshe 'bras bu ci zhig 'grub ces gsungs pa dang/ dngul chu me dang phrad pa las/ /dngos po ci 'drar sor gyur dang/ /tshig par mngon pa'ang med gyur cing/ /du bar song ba 'ang yod ma yin/ /lci ba'i gzhom pa'i sbyor ba yis/ /phan tshe skar yang sdus pa ltar/ /de bzhin ye shes phyag rgya che/ /'dra ba ru ni shes par bya zhes bshad pa yin no/ /sbyor ba yang rab kyi mthar thug pa gang dang gang thob pa de las ldog par mi 'gyur te/ dper na thar pa la sogs pa dang 'dra'o/ /rab kyi mthar thug pa'i rgyu'i ngo bo ni bde ba dang yid bde ba la sogs pa yin no zhes bya ba ni rang bzhin gyi gtan tshigs so/ /gzhan yang gang zhig bsgoms par gyur pa'i bsgom pa de goms pa'i stobs kyis rab kyi mthar thug pa la gnas pa 'thob par 'gyur pa yin te/ dper na shes rab dang/ bzo dang/ sgyu rtsal la sogs pa dang 'dra'o/ /bsgom par bya ba yang shes rab dang thabs kyis yongs su zin pa'i rig pa'i khyad par las byung ba'i bde ba dang yid bde ba yin no/ /de bas na de dag kyang rab kyi mthar thug par 'gro bar 'gyur ba yin pa ni rang bzhin gyi gtan tshigs nyid yin no/ /de la 'dir yang rab kyi mthar thug pa tsam dang rjes su 'brel ba goms par byas pa las goms pa'i khyad par de'i stobs kyis slar mi ldog pa'i chos nyid kho na thob par 'gyur ba yin te/ de gzhan
- 37a
gang gis kyang ldog par mi 'gyur ba ni de'i rang bzhin nyid thob pa yin no/ /dper na shing la sogs pa la mes bsreg pa'i khyad par de las log par mi 'gyur te/ bsregs pa la sogs pa'i mtshan nyid de slar mi 'byung ba'i chos can yin pa'i phyir/ de nyid kyi phyir/ dper na shing dang gser lta bur/ /bsregs par slar yang mi 'gyur zhing/ /'gyur ba gang yang mi byed la/ /kha cig ldog pa dag yod ces bshad pa yin te/ gser la sogs pa la mes byas pa'i khyad par de'i rgyun las ldog cing de dang mi mthun pa'i rgyus de'i rang bzhin gyi dngos por bskyed par byed do/ /me dang chu la sogs pa dang 'dra'o/ /gser 'di yang sra ba la sogs pa'i rang bzhin gzhi'i khyad par du 'byung ste/ rang bzhin gyis bsgos pas khyad par gzhan skye bar 'gyur ro/ /de la 'dir sems yul la spyod pa las byung ba'i dga' ba'i bdag nyid kyi khyad par de gong nas gong du 'gro ba'i rgyu la brten pas rab kyi mdza' thob par gyur pa las ldog par mi 'gyur te/ blo de'i phyogs su lhung ba'i phyir ro/ /blo gang gis de la zhen par gyur pa'i yon tan de thob pa na rgyu de nyid nye bar blangs pas de dang mi mthun pa'i sgor nam yang ldog par mi 'gyur ro/ de la gang dang gang gi rang gyi mthar thug par byin pa de dang de'i bdag nyid du 'gyur ba yin te/ dper na bram ze yang goms pa'i dbang gis gtsang sbra la sogs par med par 'gyur te/ 'di ltar bram ze brtul zhugs chen po 'dzin pa 'ga' zhig brtse ba me pa'i bsam pa la goms par byas na de'i rang bzhin du 'gyur ro/ /gang yang rang rig pa'i bde ba dang/ yid bde ba la sogs pa thams cad kyi rgyud la gnas pa rang rer pa'i? mngon sum du grub pa de yang de nyid bsgom pa goms pa'i stobs kyis rgyun mi 'chad par 'jug pas gnas te/ rgyun 'chad pa'i rgyu med pa'i phyir sdug bsngal la sogs pa'i rgyun 'chad par byed pa'i rgyu yod pa ma yin no/ /rtog par
- 37b
ldan pa kha cig ni sdug bsngal la sogs pa la mi phan pa'i rang bzhin can du shes nas 'dor bar 'gyur ba yin/ /yang de skyes pa'i rgyu tshol bar mi byed de/ gzhan du na de rtog pa dang ldan pa ma yin te de las gzhan pa ni smyon pa dang 'dra'o/ /des na re zhig mthar thug bar phyin pa lta zhog gi 'on kyang cung zad tsam brtan pa yang blos de la phan pa dang rjes su 'brel ba nyid kyis de dang mi mthun pa'i rgyu'i 'dod pa ni ci nas kyang skyed par mi byed/ su yang shes bzhin du sbrul dang tsher ma la sogs pa len par mi byed do/ /des na ? 'bras bu thob ba nyid dngos po la bslabs pa'i khyad par gyi stobs kyis goms par 'gyur ba thob pa na de nyid la blos spang par bya ba'i tshul du thog ma kho nar zlog par byed de/ des ni de'i rgyun gcod pa de ni de yin pas rang bzhin gyi gtan tshigs kyis de'i rang bzhin sgrub par byed pa yin no/ /gtan tshigs ma grub pa yang ma yin te/ bsgom pa'i khyad par gyis khyad par thob pa'i phyir dang/ des shes rab la sogs pa goms pa'i phyir gtan tshigs ma grub pa yod pa ma yin no/ /ma nges pa'ang ma yin te/ gang gis bde ba dang yid bde ba la sogs pa la goms par byed pa na mi mthun pa'i sdug bsngal la sogs pa la 'jug pa ma yin no/ /'gal ba yang ma yin te/ gang gi phyir bsgrub par bya ba dang mi mthun pa'i sdug bsngal 'grub pa ma yin no/ /dpe'i chos kyang smrel po thams cad la grags pa yin te/ gang 'di shes rab la sogs pa skyes bu so so la bslabs pa'i dbye bas khyad par tha dad pa bsgrubs par gyur pa snang ba yin no/ /gang yang 'dod chags kyi gnyen por mi gcang ba dang/ zhe sdang gi gnyen par byams pa dang/ gti mug gi gnyen por rten cing 'brel par 'gyur ba yin no zhes gsungs pas de la chags pa ni chags pa dang bral bas rnam par ldog ste/ de dang mi mthun par gyur ba yin pa'i phyir ro zhe na/ /gal te de ltar chags pa la goms par byas pas kyang chags pa dang bral par
- 38a
'gyur te/ de nyid kyi phyir rtsa ba'i rgyud las/ /'dod chags sangs rgyas thams cad kyi/ /chags pa'i ye shes rnyog med yin/ /'dod chags dang ni chags bral bcom/ /de ni bde ba thams cad bskyed ces gsungs pa yin no/ /'dod chags la sogs pa rang bzhin gyi kha na ma tho ba dang bcas pa nyid ni ma yin te/ gzhan du na rgyun tu zhugs pa'i lam thob par mi 'gyur te/ de ni 'dod chags la sogs pa ma spangs pas 'jug pa ma yin pa'i phyir ro/ /gzhan yang bcom ldan 'das kyis tshul khrims kyi le'u las/ byang chub sems dpa' dge ba bcu las kyang nyams par bya ste/ /ji ltar 'dod pa don du gnyer ba'i bud med la la byang chub sems dpa' i phyir/ srog 'dor bar byed na de la 'dod pa brten pa la sogs pas srog gzung bar bya'o/ /de bzhin du sdig pa chen po byed pa mthong na srog dang bral bar byed pa yang de ngan 'gror 'gro bar mi byed kyi bsod nams mang po skye bar 'gyur ro zhes gsungs so/ /de bas na 'dod chags la sogs rang bzhin gyi kha na ma tho ba dang bcas pa yin na de'i tshe ngan 'gro'i rgyur ji ltar mi 'gyur/ bsod nams shin tu mang po skye bar yang ji ltar gsungs/ des na de rnams rang bzhin gyi kha na ma tho ba dang bcas pa ni ma yin mod kyi 'on kyang gang zag gi rgyud kyi khyad par las yon tan gyi khyad par skyed par byed par 'gyur te/ dper na ke ta ka'i me tog spos kyi glang po ches zos na zhu ba na gla rtsi lta bu nyid du 'gyur la/ glang po che gzhan gyis zos na zhu ba na mi gtsang ba'i rang bzhin du 'gyur ro/ /des na me tog ke ta ka'i nyes pa ni ma yin no/ /de bzhin du 'dod chags la sogs pa yang bsam pa'i khyad par gyi dbang gis rgyud rnam par dag pa la gnas pa rnams la ni khyad par can gyi 'bras bu nyid skyed par byed do/ dper na 'o ma sprul la sogs pas 'thungs na zhu ba'i tshe dug la sogs pa'i rang bzhin du 'gyur
- 38b
la skyes bu gzhan gyis 'thungs na ni bdud rtsi'i rang bzhin du 'gyur ro/ /de bzhin du 'dod chags la sogs pa yang bsam pa'i khyad par la brten pas khyad par can gyi 'bras bu nyid skyed par byed de/ rang bzhin gyi kha na mtho ba nyid ma yin pa'i phyir ro/ /gtan tshigs kyi sbyor ba ni khyad par can gyi rgyud gang dang gang la brten ba de dang de ni khyad par can gyi 'bras bu nyid bskyed de dper na ke ta ka la sogs pa bzhin no/ /khyad par du 'phags pa'i rgyud la gnas pa'i 'dod chags la sogs pa yin pa'i phyir ro zhes bya ba ni rang bzhin gyi gtan tshigs yin no/ /'dir yang khyad par can gyi rgyud kyi nye bar longs spyod pa yongs su gyur pa tsam dang rjes su 'brel pa ni khyad par can gyi 'bras bu thob pa tsam nyid skyed par byed pa yin te/ rgyu'i tshogs pa tha ma bzhin no/ /gang zhig gang gi rang bzhin yin pa de tsam la rjes su 'brel pa ni nges de byed pa yin te/ gegs byed pa med pa'i phyir ro/ /gags byed pa yod na ni yid brtan du mi rung ngo/ /de la 'dir khyad par can gyi yongs su gyur pa ni gzhan la ltos pa yod pa ma yin pas de tsam du rjes su 'brel pa yod pa yin la/ de yang sdong pa med pa gags yod pa ma yin te/ sdod pa med pa'i phyir ro/ /sdod pa med pa yang gzhan la ltos pa med pa'i phyir ro/ /de ltar na de tsam dang rjes su 'brel pa'i nges pas rang bzhin gyi gtan tshigs su bshad pa yin no/ /ji ltar bcud kyis len par byed pa yang bcud kyis len gyi sman pa bcud kyi mthu goms par gyur pa na khyad par du 'phags pa nyid kyi gzugs gzhan skye bar 'gyur ro/ /de bzhin du zangs ma la sogs pa dngul chu la sogs pa'i bcud kyi shugs brtan par byas pa'i mthus don gyi rnam pa gzhan skyed par byed pa ni nyes pa med cing slar mi ldog pa'i chos can yin te/ de bzhin du 'dir yang shes par bya'o/ /gzhan du na brangs? ma la sogs pa dngul chu la sogs pas sgyur ba nyid du mi 'gyur ro/ /de ltar nus pa de mthong bas yod pa
- 39a
nyid du gsal ba kho nar rtogs te/ gzhan du na gang du yang nus pa yod par mi 'gyur ro/ /de yang gser 'gyur rtsi'i rnam pa mchog lta bur/ /mi gtsang lus 'di blangs nas rgyal ba'i sku/ /rin chen rin thang med par bsgyur bas na/ / byang chub sems zhes bya ba rab brtan zung/ /bsod nams kyis ni lus bde la/ /mkhas pa yis ni sems bde na/ /gzhan don 'khor bar gnas kyang ni/ /snying rje can dag ji ltar skyo/ /zhes bshad pa yin no/ /gzhan yang ji ltar bcud kyi len grub pa'i skyes bu la la zhig sman khyad par can gyi sbyor ba de'i yon tan gyi che ba'i bdag nyid thob cing/ de la mngon par shes pa lnga yang 'byung bar 'gyur zhing/ 'di ltar 'khor ba ji srid par gnas pa'i yon tan dag kyang byed do/ /de bzhin du khyad par can gyi yul la yongs su longs spyod pa las yang dag par gyur pa'i bcud kyis len ni 'khor ba ji srid par smon lam gyi bya ba byas shing gzhan gyi don la brtson pa'i yon tan gyi tshogs yang dag par bsgrubs pa byang chub sems kyi bcud kyis len gyis bsgyur ba yod par ci'i phyir mi 'dod/ gzhan yang/ 'gro ba gtugs dang nyon mongs bsam pas byang chub mchog thob ma mchis la/ /nyon mongs 'phyos pas rang la sman par bgyed pa'ang 'thob pa 'gyur ma lags/ /de slad khyod kyis byang chub brnyed slad brtson 'grus brtan pa mdzad pa la/ /nyon mongs nges par ma bsregs ran gyi dum bu bzhin du yang bar mdzad/ /khyed kyi nyon mongs dran dang mkhyen pas bzung bas yon tan sna tshogs 'grub/ nyon mongs pa dag yang bar gyur pa byang chub rgyur yang nye bar 'gyur lags te// 'di ltar de yis khyod blo shul gol yul can du yang ma bgyis la/ 'gro ba rnams su skye ba brgyud pa'ang yon tan rnams kyi zhing du mdzad/ /gzhan yang thams cad mkhyen pa'i ye shes bsgom pa rab kyi mthar thug par gnas pa de ji ltar rnam par
- 39b
rtog pa dang bcas pa nyid las yin nam 'on te rnam par mi rtog pa nyid las yin/ de las gal te re zhig rnam par mi rtog pa nyid las yin par 'dod na de'i tshe bsgom pa'i rnam par rtog pa'i nus pa las nges par skyes pa ci ltar na rnam par mi rtog pa nyid yin/ rnam par rtog pa dang bcas pa las rnam par mi rtog pa'i ye shes 'byung ba ji ltar yang srid pa ma yin no/ /'on te nyon mongs pa dang nye ba'i nyon mongs pa'i bag chags rnams ldog pa las rnam par mi rtog pa nyid yin na de ni mi rigs te/ gang gi phyir nyon mongs pa dang nye ba'i nyon mongs pa'i bag chags ldog pa na gang zhig rnam par mi rtog par gyur pa gzhan ci zhig yod de/ de las log pa'i gzhan la tshad ma med pa'i phyir ro/ /de la yang tshad mas grub pa 'ga' yang yod pa ma yin no/ /de yod par mngon sum yang yod pa ma yin te/ de ni dbang po dang/ snang ba dang/ yid la byed pa dang/ yul gyi nus pa las nges par skyes pa yin pa'i phyir ro/ /gzung ba dang/ 'dzin pa'i rnam pa dang bral ba'i shes pa ston par byed pa nyid kyang yod pa ma yin te/ de ni de las go bzlog pa yin pa'i phyir ro/ /rjes su dpag pas kyang ma yin te/ de yang rtags dang rtags can kyi 'brel pa 'dzin pa sngon du 'gro ba yin pa'i phyir ro// gzung ba dang/ 'dzin pa gnyi ga las grol ba'i rnam par shes pa de med na mi 'byung ba 'bras bu zhes bya ba 'am/ /rang bzhin zhes bya ba'i rtags ni nye bar dmigs par mi 'gyur ro/ /mi dmigs pa'i gtan tshigs kyang de rtogs par byed par gyur pa ma yin te/ de dgag pa yul nyid yin pa'i phyir ro/ /de la re zhig 'bras bu'i gtan tshigs grub pa ma yin te/ rgyu dang 'bras bu'i dngos po nyid du mi 'thad pa'i phyir te/ gang gi phyir rgyud nyams pa las 'bras bu skyed pa yang ma yin te/ da ni med pa nyid kyis na skyed pa po ma yin pa'i phyir ro/ /ma nyams pa las kyang ma yin te/ skye ba'i bya ba la mngon du phyogs pa'i dus la sdod pa na skad cig mas 'jig pa med par thal bar 'gyur ro/ /bya ba med na ni nam mkha' i me
- 40a
tog dang 'dra bar skyed par byed pa ga la yin/ de nyid kyi phyir/ /sa bon nyams pa 'am ma nyams las/ /myu gu 'byung bar 'gyur ma yin/ /skye ba sgyu ma skye 'dra bar/ /'di dag thams cad khyed kyis gsungs/ /skye dang 'byung dang 'jigs tshogs dang/ sems can srog sogs ston mdzad pa/ /mgon po khyod kyis de drang don/ /gsungs ba de ni kun rdzob yin zhes bshad pa yin no/ /des na don gyis bskyed par bya ba dang/ skyed pa po mi 'thad pas 'dis na rgyu dang 'bras bur yod pa ma yin no// rang bzhin gyi gtan tshigs kyang rang bzhin gyis lkog tu gyur pa nyid yin pa'i phyir ci ltar yang yod pa ma yin zhing/ /de tsam gyi rjes su 'bral par ma grub pa yin pa'i phyir ro/ /mi dmigs pa yang dgag pa bsgrub pa nyid yin pa'i phyir 'dir skabs ma yin no// gtan tshigs sam tshad ma gzhan dag kyang 'dod pa yin na ye shes rnam par mi rtog pa yin par nges so/ /zhes brjod pa ga la yod/ de yang/ dngos rnams rang las mi skye zhing/ /gzhan dang gnyis ka las kyang min/ /yod min med min yod med min/ gang zhig gang las de ltar 'byung zhes bshad pa yin no/ /des na don dam par rnam par shes pa de mi 'thad pa yin rnam par mi rtog pa can du ji ltar 'gyur/ /nam mkha' i pad+ma la sogs pa ni rnam par rtog pa dang bcas pa dang/ rnam par rtog pa med pa nyid du 'dod pa ma yin zhing/ de la yang dpyod pa 'di 'jug pa ma yin te/ skyes bu'i don la dgos pa med pa nyid yin pas/ nam mkha' i pad+ma dang 'dra la de khas blangs na yang dgos pa ci yang yod pa ma yin no/ /de ngo bo nyid med pas de ni ci yang bsgrub par rigs pa ma yin la/ bsgrub par bya ba mi byed pa yang der bsgrub pa yin par ma bshad do/ /de bas na ye shes 'di dag thams cad ni rten cing 'brel pa las byung ba/ gzung ba dang/ 'dzin pa'i rnam pa'i ngo bo nyid kyis rab tu phye bas 'jug pa na/ rnam par rtog pa dang bcas pa yin
- 40b
par shes so/ /gang gis na khams gsum pa rnams ni gzung ba dang 'dzin pa'i rnam par shes pa'i rkyen gyis brtags pa'o zhes bshad pa yin no/ /de nyid kyi phyir lang kar gshegs pa'i mdo las/ 'phags pas 'khrul pa mi gzigs te/ /yang dag pas? ? skabs? der min/ /'khrul ba nyid 'gyur yang dag par/ /gang phyir skabs der yang dag na/ /nar pa yang dag nyid du 'gyur/ /nor ba thams cad spangs nas kyang/ /gal te mtshan ma skyer zin na/ /de nyid de'i nor ba ste/ /rab rib yongs su ma dag bzhin/ /zhes gsungs pa yin no/ de la phyin ci log tu dngos por sgro btags pa 'ba' zhig ldog pa na khyad par can gyi dngos po'i don bsgom pa'i rab kyi mthar thug par 'gro bas 'bras bu khyad par can nyid 'byung bar 'gyur ba yin te/ bar dang bcas pa dang bar gyi ngo bo med par rang bzhin gcig pa bde ba la sogs pa bsgom pa la goms pa'i khyad par nyid brten pa yin pa'i phyir de'i rnam pa yang dag par rig pa dang 'dra la/ de dang rigs mthun pa'i rgyun du 'jug pa gzung ba dang/ 'dzin pa'i rnam? pa yang dag par rig pa'i dbye ba dang ldan pa rang gi ngo bo rgyun mi 'chad pa'i chos can rang gi sems la dbang thob pa ni rnam par rtog pa dang bcas pa yin na yang ji ltar gnas pa'i dngos po'i don ma lus pa yongs su gcod pa'i shes rab dang thabs kyis yongs su zin pa'i rang bzhin can yin pa'i phyir ro/ /de nyid kyi phyir lang kar gshegs pa'i mdo las/ theg chen pa'i? theg pa min/ /yi ge med cing sgra yang med/ /bsam gtan ma yin rnam thar min/ /snang med spyod yul ma yin no/ /'on kyang theg chen theg pa ste/ /ting nge 'dzin la dbang byed pa/ /yid kyi lus kyi bdag nyid mchog /dpang gis me tog rnams kyis brgyan zhes gsungs pa yin no/ /de bas na rgyu'i khyad par las 'bras bu'i khyad par rtogs par bshad do/ /'on kyang ming dang rigs la sogs pas brtags pa'i sgro btags pa'i don gyi rjes su 'gro ba dang/ ldog pa dang mthun pa'i rnam par
- 41a
rtog pa dang bcas pa'i shes pa mi gsal ba dang mngon par ldan pa yin te/ slob dpon chos kyi grags pa'i zhal lnga nas kyis kyang 'jig rten pa'i tshad ma brtags par/ gang du gzung ba dang 'dzin pa'i dbye bas kun du bskyed ba de gsal bar snang ba nyid du snang ste/ 'di ltar ming dang rigs la sogs par brtags pa dang bral ba nyid kyi shes pa ni gsal bar snang bar gyur pa yin no/ /gzung ba dang 'dzin pa'i rtog pa'i dbye bas phye ba yin la/ de bas na ming dang rigs la sogs par brtags pa la brtan te/ slob dpon gyis mi gsal ba nyid du bsten te gzung ba dang 'dzin pa yang dag par rig pa'i dbye ba la brten pa ni ma yin no/ /de bas na yul gyi rnam pa nyams su myong ba las byung ba'i khyad par ni de dag rigs mi mthun pa la mngon par zhen pa med de/ de goms par gyur pa gsal par snang ba nyid la/ gnod par byed pa med cing/ sgrub par byed pa ni yang yod de goms par gyur pa snyoms bar 'jug pa'i mtshan nyid yin te/ 'dod pa dang/ mya ngan dang/ 'jigs pa dang/ smyo ba la sogs pa bzhin no zhes sngar bshad pa yin no/ /'on te gzung ba dang 'dzin pa yang dag par rig pa'i rnam pa nyid du snang bzhin pa'i ye shes mthar thug par gyur pa na thams cad thugs su chud pa nyid du 'dod na/ de ltar na mi yin te rtog pa'i dra bas bsgrubs pa yin pa'i phyir ro/ /'o na rnam pa ma lus pas stong pa'i yang dag par rig pa tsam ste/ ji ltar na shes bya ma lus pa yongs su gcod pa nyid yin/ snang ba med pa'i ye shes la ji ltar yongs su gcod pa nyid yod/ /'di ni rigs pa dang 'gal ba yin te/ cha shas med pa'i rang bzhin gcig la rtogs par bya ba dang/ rtogs ba po dang/ rtogs pa'i dbye bas ngo bo nyid gsum du mi 'thad pa'i phyir ro/ /'on te rab kyi mthar thug par phyin pa na de'i rang bzhin ni 'di nyid yin pas thams cad thugs su chud pa yin na rang bzhin de ni bdag cag gi phyogs dang 'dra ste/ de ltar gzung ba dang/ 'dzin pa'i rnam pa yang
- 41b
dag par rtogs pa'i dbye ba yod pas yang rab kyi mthar thug par 'gro ba na de 'di ltar khyad par gyi ngo bo nyid du skye la/ gang dngos po'i rigs ma lus pa ji ltar gnas pa nyid du thugs su chud pa yin na/ de'i nus mthu 'di bya rog rnams kyis zos pa ni ma yin no/ /gzhan yang rtog pa'i tshogs ma lus pas stong pa de yod do zhes mnas gdab par gyis shig /rnam par rtogs pa dang bcas pa'i shes pa sems can thams cad kyi mthar rgyud la yod pa mngon sum la sogs pa'i tshad mas rab tu grub pa bsgom pa'i stobs goms pa yang dag par thob pa na thams cad rtogs par 'gyur ba nyid yin no/ /de yang 'di ltar gang dang gang bsgoms pa de dang de nyid bsgom pa'i rab kyi mthar thug par gyur pa na de goms pa klong du gyur pa yin te/ 'di ltar gtsang sgra can dag brtul zhugs chen po la sogs pa gtsang sme med par 'gyur bzhin du bsgom bzhin pa na khams gsum de'i longs spyod du 'gyur ba ni rang bzhin gyi gtan tshigs yin no/ /'di nyid kyis na mnyam sbyor gyi rgyud las/ rnal 'byor thams cad bcom ldan 'das/ /rdo rje sems dpa' de bzhin gshegs/ /de yi nye bar longs spyod gang/ /khams gsum pa ni thams cad do zhes gsungs pa dang/ yang lha thams cad 'dus pa'i rgyud las/ 'byung ba bzhi po gang yin dang/ 'gro bar gtogs pa gang ci yang rung/ /rnal 'byor ba ni sems dag pa'i/ /thams cad longs spyod yin par bshad/ /phyag rgya chen por mnyam gzhag la/ /de nyid chen po zlos byed cing/ /tshig rer thams cad bdag yin par/ /de nyid sbyor bas bsgom par bya zhes gsungs te/ de ltar de dag la sogs pa'i sgom pa'i rab kyi mthar thug par 'gro ba tsam dang/ 'brel pa goms par gyur pa'i rang bzhin de gang dang gang 'byung ba de dang der goms par gyur pa thob pa ni rnam pa thams cad bsgoms pa na der khams gsum pa'i khams su gtogs pa'i dngos po rnams bde ba dang yid bde ba la sogs pa bsgrub pa nyid du gnas so/ /de nyid kyi
- 42a
phyir na nyam sbyor gyi rgyud las/ dbang po gang dang gang lam gyur/ /de dang de yi ngo bor bya/ /mnyam par ma gzhag sbyor ba yis/ /thams cad sangs rgyas mnyam sbyor zhing ngo zhes gsungs pa dang/ yang rtog pa thams cad bsdus pa'i rgyud las sangs rgyas thams cad mdor bsdu na/ /'dod pa'i yon tan lnga ru bshad ces gsungs pa dang/ yang dpal gsang ba 'dus pa'i rgyud las/ gzugs sgra la sogs dngos po rnams/ /lha nyid du ni rab tu brtags ces gsungs pa yin no/ /de bas na de rnams kyang der bsgom pa rab kyi mthar thug pas de goms par 'gyur gyi de rnams spyod yul ma yin par 'gyur ba ni ma yin no/ /de bas na rnam par rtog pa dang bcas pa'i ye shes kyang bsgom pa'i stobs las nges par skyes ba/ khyad par gyi rang bzhin la brten pa/ /yon tan ma lus pa yi gnas/ /dngos grub 'bras bu thams cad stsol/ /de yang sna tshogs thams cad byed/ /'khor ba ji srid bzhugs pa'i rgyu/ /sems can kun gyi don mdzad yin/ /'bad pas nga rgyal spangs nas ni/ /de ni 'bad de shes par bya/ /'di shes gyur na shes bya yi/ /de nyid thams cad rtogs par 'gyur// //de kho na nyid grub pa zhes bya ba'i rab tu byed pa slob dpon zhi ba 'tsho'i zhal snga nas kyis mdzad pa rdzogs so// //rgya gar gyi mkhan po dI paM kA ra sh+rI dz+nyA na dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa/ slad kyi paN+Di ta ku mA ra ka la sha dang/ 'bro dge slong shAkya 'od kyis tshad ma'i skabs bcos shing gtan la bab pa'o// (// */ /de kho na nyid la 'jug pa zhes bya ba bde bar gshegs pa'i bka' ma lus pa mdor bsdus te bshad pa'i rab tu byed pa ye shes grags pas mdzad pa bzhugs so//) #/ /rgya gar skad du/ taN+twA ba ta rA khya sa ka la sA ka ta pa tsa stad parya bya khya ka ra nA ma/ bod skad du/ de kho na nyid la 'jug pa zhes
- 42b
bya ba bde bar gshegs pa'i bka' ma lus pa mdor bsdus te bshad pa'i rab tu byed pa/ rnam rtog dra ba dang bral mkha' ltar rang bzhin ro gcig cing/ /'gro ba kun la phan mdzad ma lus dri med skur ldan pa/ /nyid gzhan don rnams yongs dag rgya che mi g.yo'i bde ba'i gter/ /rgyal ba mchog la btud de rgyal ba grub pa'i cho ga bshad/ /phan la mkhas pa rnams kyis nges par bshad pa'i bsgrub pa'i thabs/ /'bad de byas pa chen po gal te yod mod kyi/ /'on kyang de nyid 'jug pa'i cho gas kyang ni 'di nyid ni/ /mkhas pa rnams kyis de nyid rtog par bya phyir phan par byas/ /lung chen po dang theg chen dang dbu ma las bdag gis ni/ /ji bzhin lung dang man ngag bzhin/ /sgom pa btud de bshad pa yin/ /'di na 'gro ba ma lus pa bdag nyid kyi sgrib pa rnam pa gnyis spangs pa'i bskal ba can du bya ba la mngon par 'du byed pa la 'jug pas ni nyon mongs pa dang/ shes bya'i sgrib pa spang bar bya ba'i phyir rtog pa sngon du gtong ba la 'bad par bya'o zhes bya ba ni man ngag yin no/ /de skad du/ sa stengs skal med yod min pas/ /thams cad sangs rgyas 'gyur ba yin/ /de bas rdzogs pa'i byang chub ni/ /sgrub la sgyid lug mi bya'o zhes gsungs pa yin no/ /de la gsang sngags pha rol phyin bden pa'i/ /de nyid rnal 'byor mngon brtson rnams/ /rang gi mos pa'i khyad par gyis/ /de nyid rnal 'byor rnam gsum min/ /de ltar skal pa dang ldan pa'i gdul bya'i skye bo rnams ni mdor bsdus nas/ rang gi lam la ji lta ba bzhin du lhag par mos pa'i dbye bas bye brag rnam pa gsum du 'gyur te/ gsang sngags kyi sgo'i spyad pa spyod pa rnams dang/ pha rol tu phyin pa la mngon par brtson pa rnams dang/ 'dod chags dang bral ba sngon du 'gro ba'i lam la lhag par mos pa'o/ /de la dang po ni bsgom pa'i stobs rdzogs pas bsod nams dang ye shes kyi tshogs ma lus pa nyid kyis sgom pa la gcig tu gzhol ba'i phyir dus nges pa med par
- 43a
kun tu bzang po nyid rdzogs par byed pa yin no/ /gnyis pa ni spros ba med par sbyin pa la sogs pa'i bya ba mngon par rdzogs pas pha rol tu phyin pa ma lus pa'i tshogs nyid kyis bya ba'i rang bzhin gyi thabs la bslab pa'i mthar thug pa'i phyir skal pa grangs med pa gsum gyis sangs rgyas nyid rdzogs par byed pa yin no/ /de las gzhan pa ni ngo bo nyid med pa'i rang bzhin sgom pa dang bral bas rtag pa la sogs pa'i phyin ci log rnams kyi gnyen po sdug bsngal gyi bden pa la sogs pa bsgom pas 'dod chags dang bral ba mngon du byas nas dus phyi zhig na bsod nams dang ye shes kyi tshogs yongs rdzogs nas bskal pa grangs med pa bzhis sangs rgyas nyid rdzogs par byed pa yin no/ /gsum pa de rnams kyang chung ngu dang/ 'bring dang/ chen po nyid kyis so so zhing rnam pa gsum gsum du 'gyur te/ gsang sngags dang/ pha rol tu phyin pa dang/ bden pa'i rnal 'byor pa rnams ni dgur yang 'gyur ba yin no/ /de rnams kyang re re zhing dbang po rab dang/ 'bring dang/ tha ma nyid kyis gsum du 'gyur ro/ /de la dbang po rab ni gsang sngags kyi sgo'i spyad pa spyod pa rnams kyi/ dbang po rab ni snying rje chen po dang ldan zhing/ nyon mongs ba chung ba nyid dang/ phyag rgya chen po dang gnyis su med par sbyor ba sgom pa la gcig tu mos pa yin pa'i phyir ro// dbang po 'bring ni dngos po med par lhag par mos su zin kyang nyon mongs pa'i dbang du gyur pas stong pa nyid kyi ngo bo nyid ye shes kyi phyag rgya dang gnyis su med pa'i sbyor ba sgom pa la gcig tu mos pa yin no/ /dbang po tha ma yang stong pa nyid la mos su zin kyang sems kyi rgyud 'dod chags la sogs pa'i nyon mongs pa drag po'i dbang du gyur pas ci rigs pa'i dam tshig dang las kyi phyag rgya'i snyoms par 'jug pa'i rnal 'byor dang ldan par thams cad sgom pa yin te/ ye shes dang/ dam tshig dang /
- 43b
las kyi phyag rgya dang gnyis su med par sgom pa 'di dag kyang phyag rgya chen po dang gnyis su med pa'i sbyor ba la 'jug pa'i phyir yin no zhes kho bo smra ste/ 'di dag thams cad kyang so so'i skye bo nyid kyi gnas skabs na phyir mi ldog pa yin no zhes bya ba ni man ngag go/ pha rol tu phyin pa la mngon par brtson pa'i dbang po rab ni zhi gnas dang lhag mthong sgom pas so so'i skye bo'i gnas skabs nyid na phyag rgya chen po las byung ba dang ldan pa yang dag par rtogs pas phyir mi ldog pa'i rtags nyid dang/ snying rje chen po dang ldan pas chog gnyis rdzogs pa'i phyir shin tu mngon par brtson par 'dod pa ma yin no/ /dbang po tha ma yang phyag rgya chen po dang nges par ldan pa ma yin pas ji srid du ring du song ba'i sa ma thob pa de? ? rgyu snying rje chen po med pas rang gi lam la shin tu dman pa'i ?bskyod pa 'dod pa yin no/ /'di rnams kyang dang po zhi gnas dang lhag mthong sgom pa ni phyag rgya chen po'i gnyis su med pa'i sbyor ba sgom pa la 'jug pa'i phyir yin no zhes bshad do/ /'dod chags dang brel ba la lhag par mos pa'i dbang po rab ni sdug bsngal la sogs pa'i bden pa sgom pa la mngon par brtson du zin kyang gzhan gyi don la gcig tu sred pa yin no/ /dbang po bar ma yang bden pa sgom pa la brtson pa nyid kyis cung zad gzhan gyi don la sred pa yin no/ /de bas na 'di gnyis ni rang sangs rgyas su 'gyur ro/ /dbang po tha ma ni bden pa sgom pa la mngon par brtson pa nyid kyis bdag nyid dul ba dang zhi ba la sogs par gcig tu 'dod pas nyan thos su 'gyur ba yin no/ /'dod chags dang bral ba'i lam la mngon par brtson pa rnams kyang phyag rgya chen po'i gnyis su med par sangs rgyas su 'gyur ba ma yin no zhes bshad do/ /de ltar dbye ba dgu po rnam par nges pa ni/ /skyobs pas gdul bya'i 'gro ba'i bsam las phyed/ de bas dbu ma'i rjes su 'brangs nas
- 44a
ni/ man ngag ston byed spyod pa bshad pa yin/ /de kho na nyid la 'jug pa las dbye ba'i rnam par nges pa ste le'u dang po'o// //slob ma brtags dang spyod pa las/ /'bad de shes par byas nas ni/ /ji rigs par ni nges sbyor ba/ /slob dpon yin par thub pas gsungs/ /gdul bya de rnams kyang rtags dang/ kun tu spyod pa 'ga' zhig gis ji skad du bshad pa'i mos pa'i khyad par nges par shes par byas la/ slob dpon gyis ji ltar 'og nas bshad pa'i rang gi bsgom pa'i rim pa la nges par sbyar bar bya ste/ ji skad du/ bla mas slob ma'i bsam shes na/ /rjes su bstan pas nus pa gang/ /de yis slob ma bsdu bya yi/ /rmongs pa slob ma bsdu 'os min zhes bshad pa dang/ de bzhin du/ gang dang gang la dang por phan/ /de dang de yis kun spyod kyis/ /snod nyams gyur la nam yang ni/ /dam chos bstan par mi bya'o zhes bya ba dang/ gzhan yang de nyid tshol la thog mar ni/ /thams cad yod ces brjod par bya/ /don rnams rtogs shing chags med nas/ /de'i 'og tu dben pa'o zhes bshad pas thog ma kho nar thams cad stong pa la nges par sbyor ba bya ste/ shes rab nyams chung ba nyid kyis de spong ba'i rgyus dmyal ba la sogs par yang 'gro bar 'gyur bas de ltar mi 'gyur ba'i phyir ro/ /de yang/ stong nyid bsod nams 'dod pa yis/ /thams cad du ni brjod mi bya/ /gnas min par ni sbyar ba yis/ /bdud rtsi dug ni nyid du 'gyur/ /gzhan yang stong pa nyid la blta nyes na/ /shes rab chung ldan phung bar 'gyur/ /ji ltar sbrul la gzung nyes dang/ /rig sngags nyes par bsgrubs pa bzhin/ /gzhan yang 'di dag ma shes par/ /blun po mkhas par rlom byed pa/ /spong zhing bdag la zhen pas na/ /mnar med thur du kha lta'o/ /de lta bas na slob dpon gyis dang por yum snying rje chen po bskyed la/ /sems can thams cad kyi slob mar khas blangs te/ /khengs pa gdul
- 44b
dka' ba yang gdul bar bya'o/ /de skad du/ 'ga' yi slob mar bya ba dang/ /'ga' yi slob dpon bya ba yis/ /mkhas bas sems can gdul byed pa/ /sna tshogs thabs kyis thabs mkhas yin/ /bsgrub par dka' ba rnams la 'bad pa kho nas rjes su brtse bar bya ste/ ji skad du na ba'i bu la khyad par du/ /ma ni gdung ba skye ba ltar/ /de bzhin byang chub sems dpa' rnams/ /dam pa min la khyad par brtse zhes bshad pa yin no/ /slob ma rnams rang dgar de kho na nyid la 'jug pa ni nam yang 'dod bas yin te/ 'dir bshad pa/ rdzogs sangs kun gyis brtag par ni/ /slob ma rang bzo bzhi min te/ /long pa rang dgar ri bo la/ /'jog pa bde bar 'gyur ma yin/ /lung ni yongs su brtags pa la/ /rang dga' dgag pa ma yin te/ /yongs brtags nyid gyis thams cad du/ gang phyir mkhas pa rab tu 'jug /rab tu 'jug pas de nyid ni/ /bla mar rnam par shes 'gyur zhing/ /bsgom la nges par sbyor 'gyur zhes/ /de ltar rgyal bas gsungs pa yin/ /de la re zhig phyi'i rtags kyi skal ba dang ldan par gzung bar bya ste/ ji skad du so so'i skye bor gyur kyang stong nyid la/ /skad cig skad cig nang du dga' ba thob/ /rab dang las byung mi g.yo mchi ma 'byung/ /lus kyi ba spu ldang ba'ang 'byung bar 'gyur/ /gang yin de la byang chub sa bon yod/ /de nyid bstan pa'i snod du gyur ba de/ de la don dam bden pa brtan bar bya/ /de yi rigs kyi de la yon tan 'byung/ /stong pa nyid kyi sa bon gyi mtshan ma de'i yon tan yang de nyid du bshad do/ /gang stong pa nyid la mngon bar brtson pa ni stong pa nyid la mngon par brtson par shes bar bya zhing/ /gdeng la mngon par brtson pa'i don nyams su blang bar bya ste/ 'di lta ste/ tshul khrims yang dag par blangs pa la rtag tu 'jug pa dang/ sbyin pa gtong zhing snying rje sten pa dang/ bzod par byed cing dge ba'i rtsa ba de yang byang chub kyi phyir smon par byed la/ de gyang 'gro ba rnams
- 45a
dgrol bar bya ba'i bsngo ba dang/ byang chub sems dpa' rnams la gus pa dang/ zab cing rgya che ba'i tshul la mkhas pa zhes bya ba la sogs pa'o/ /de ltar bla ma lam la legs par gnas/ /'gro ba kun la phan bsams yang dag bskyed/ /de bzhin? 'gro ba kun gyi ston 'gyur zhing/ /srid gsum bla ma gcig bu lta bur grags/ /slob dpon ye shes grags pas rnam par sbyar ba de kho na nyid la 'jug pa las slob dpon gyi tshul zhes bya ba'i rnam par nges pa ste le'u go nyis pa'o// // da ni bsgom pa bstan par bya ste/ /de yang rang gi tshig dang tshad ma dang/ /lung dang gang zhig mi 'gal ba/ /de don bsgom pa la spyod pa'i/ /bla mas bstan pa bsgom pa yin/ /bsgom ba zhes bya ba ni rang gi tshig dang tshad ma dang mi 'gal ba/ gsung rab dang rab tu 'brel pa/ /bla ma rnams kyis rab tu bstan pa'i dngos po nyams su blang ba yin no/ /de yang thun mong dang de las cig shos so/ /de la phyag rgya chen po'i mnyam par sbyor ba bsgom pa ni rnal 'byor pa rnams kyi thun mong ste/ gang gi phyir de las phun sum tshogs pa thams cad 'byung ba yin no/ /bsgom pa zhes bya ba ni 'bras bu mngon par rdzogs pa'i phyir yin la/ 'bras bu yang gzhan gyi don byed pa'i mtshan nyid du bsgom pa dgu char la 'jug pa'i spyi yin la/ de yang sems can gyi tshogs ma lus pa'i sgrib pa gnyis spangs nas kun tu bzang po nyid rdzogs par bya'o/ /de yang gdul bya'i skye bo'i bsam pa'i khyad par gyis rnal 'byor dang/ spyod pa dang/ bye brag las phyag rgya dang/ dkyil 'khor dang sngags la sogs pa'i spros pa rab tu bstan par nus shing/ sangs rgyas nyid dang mtsh? gzhan yang kun tu bzang po nyid ces bya ba med par legs par rdzogs par mi 'gyur ro/ /de yang don gyi 'bras bu ste/ de yang bsod nams dang ye shes kyi tshogs yang dag par bsdu ba pha rol tu phyin pa'i mtshan nyid kyi gnas skabs med par ni ma yin no//
- 45b
de yang nges par 'byed pa'i cha'i mtshan nyid can sbyor ba'i gnas skabs kyi mtshan nyid kyis so/ /de'i 'di ltar mdor bsdu na 'bras bu rnam pa gnyis te/ gtso bo ni gzhan gyi don byed pa'i mtshan nyid can no/ /de las gzhan pa thams cad ni de'i don du bya ba ste tha mal pa'o// 'dir bshad pa/ sangs rgyas gzhan don phun tshogs pa'i/ /'bras bu gtso bo yin par 'dod/ /sangs rgyas la sogs de las gzhan/ /de'i don gyi 'bras bur bshad ces bya ba yin no/ /de lta bas na 'bras bu 'di dag thams cad kyang phyag rgyar chen po gnyis su med pa'i sbyor ba bsgoms pa de nyid kyis rdzogs par 'gyur te/ ji skad du/ 'phags pa shes rab kyi pha rol tu phyin pa las/ nyan thos kyi sa la slob bor 'dod pas kyang shes rab kyi pha rol tu phyin pa 'di nyid mnyan par bya'o zhes bya ba nas shes rab kyi pha rol tu phyin pa 'di nyid la rnal 'byor du bya'o zhes bya ba dang/ de bzhin du rang sangs rgyas kyi sa la yang zhes bya ba nas/ sangs rgyas kyi sa la yang zhes bya ba la sogs pa'i bar rgya cher gsungs pa yin la/ yum shes rab kyi pha rol tu phyin pa nyid kyi mtshan gzhan na phyag rgya chen po ste/ de ni gnyis su med pa'i ye shes kyi ngo bo nyid yin pa'i phyir ro/ /bcom ldan 'das kyang chos kyi sku'i bdag nyid can te/ byang chub kyi sems rdo rje de bzhin gshegs pa'i ngo bo nyid kyang de nyid do/ /de yang shes rab kyi pha rol tu phyin pa'i ye shes ni gnyis su med pa ste/ de ni de bzhin gshegs pa rnams kyi bsgrub par bya ba'o/ phyag rgya chen po'i gnyis su med pa'i sbyor ba yang de nyid de/ thugs rje chen po'i bdag nyid can yin pa'i phyir ro/ /de yang byang chub kyi sems kyi bdag nyid can yin pa'i phyir bsod nams thams cad kyi rang bzhin gyi rnal 'byor ro/ /de nas de la goms pa nyid 'bras bu ma lus pa yongs su rdzogs pa yin te/ de ltar na 'di ni phyag rgya chen po gnyis su med pa'i sbyor ba bsgom pa nyid 'bras bu ma lus pa thob par byed par rnal 'byor pa thams cad kyi thun mong
- 46a
yin no/ /de bas na bcom ldan 'das theg pa gcig ston par mdzad par yang sangs rgyas 'gro ba'i mdo las nges par ston pa yin te/ phyag rgya chen po gnyis su med pa'i ye shes kyi ngo bo nyid chos kyi dbyings las ma gtogs par theg pa gzhan 'di na yod pa ma yin no/ /de yang/ chos dbyings dbye ba ma mchis pas/ /gtso bo theg dbye yod min gyi/ khyed kyis theg pa gsum gsungs pa/ sems can rnams ni 'jug phyir ro zhes 'byung ba yin no/ /de ltar na ci'i phyir gsang sngags dang/ pha rol tu phyin pa dang bden pa la sogs pa'i dbye bas/ bcom ldan 'das bsgom pa ston par mdzad ce na/ gdul bya'i skye bo rnams kyi mos pa'i khyad par gyis 'di dag ming tsam gyi khyad par du phye ba ni de dag 'jug pa'i phyir yin no/ /zhes bshad de/ des na ming 'thas pa nyid kyis de rnams de kho na nyid kyi rjes su 'brang bar 'gyur te/ des na ming de dang nges mdo sde bstan bcos la sogs pa de dang der sems can de dang de'i sems kyi 'jug pa'i rjes su 'jug par mdzad pas/ /de kho na nyid du de nyid khyad par med kyang khyad par yod pa lta bur mdzad de sangs rgyas bcom ldan 'das ston pa mdzad pa yin no/ /khyad par du che ba'i ming du bstan na ji ltar khyad par med par shes par zhe na/ sgra rnams kyi ming du brjod pa la ni dngos po yod pa ma yin te/ sgro btags pa las bzlog par bya ba kho na tsam nyid de rnams kyi bya ba yin no/ /de la dbang po brtul po rnams la ni de kho na nyid de nyid la sgro btags pa cung zad las bzlog pa'i phyir mi rtag pa la sogs pa'i sgras bshad pa yin no/ /dbang po bar? ma rnams la yang gzugs la sogs pa'i sgro btags pa ma lus pa las bzlog pa'i phyir ram/ dngos po thams cad du sgro btags pa las bzlog par bya ba'i phyir rig pa tsam mam/ mig g.yor tsam zhes bstan pa yin no/ /dbang po mchod rnams la ni sgro btags pa ma lus pa las bzlog pa'i phyir/ stong pa
- 46b
nyid dang spros pa med pa la sogs pa'i sgras bstan pa yin no/ /de yang ji skad du/ rmongs pa rnams la dngos po sogs/ /nges par yod ces gsungs pa ni/ /dngos por 'dzin la zhen pa yis/ /zab mo'i tshul gyis 'jigs pa la'o/ /'di dag rnam par rig tsam du/ / 'gro sna tshogs yang dag bshad/ /gzung dang 'dzin pa'i sbyor ba dang/ /bral ba dbu ma'i blo can la'o/ /dri za'i grong khyer lta bur ni/ /bden pa gnyis kyi rnam par mtshan/ /rtags pa'i chu bo tshad med par/ /bsgoms pas dag pa'i blo can la zhes bshad pa yin no// de bas na las dang por rnams dang por dpal rdo rje sems dpa' la sogs pa bsgom pa dang/ /sdug bsngal la sogs pa'i bden pa bsgom pa dang/ ming gzhan yang phyag rgya chen por yongs su gyur pa rnams ni stong pa nyid la 'jug pa'i phyir yin no zhes mkhas pa rnams kyis nges par gzung bar bya'o/ /de skad du/ stong nyid lta bas grol bar 'gyur/ /bsgom pa lhag ma de don yin zhes bshad do/ /gsung rab rnams la stong pa nyid bsgom pa nyid ni nges pa'i don yin la/ de las gzhan pa rnams ni stong pa nyid la 'jug pa'i don yin pa'i phyir drang ba'i don yin te/ de bas na nges par bya dgos so/ /de'i phyir bcom ldan 'das spros pa med pa'i bsgom pa ston par mdzad pa ni/ spros pa med pa phyag rgya chen po gnyis su med pa'i sbyor ba bsgom pa la 'jug par bya ba'i don yin no/ /drod du gtogs pa la sogs pa'i yon tan gyi tshogs de la rag lus pa rnams ni phyag rgya chen po gnyis su med pa'i sbyor ba bsgom pa de nyid la gnyis te/ 'di dag ni phyag rgya chen po gnyis su med pa'i sbyor ba de nyid mngon par mtho ba dang/ nges par legs pa thams cad kyi mtshan nyid can gyi 'bras bu ma lus pa mngon par rdzogs pa yin no/ /de ltar gnyis po rgyal sras sras kun gyi/ /snying rje gnyis med rag lus khyad par rgyu/ /de nas gzhan yang bar phye yang dag bshad/ /de la ji bzhin 'jug pa yin par bshad/ /slob
- 47a
dpon ye shes grags pas rnam par sbyar ba'i de kho na nyid la 'jug pa las thun mong bstan pa zhes bya ba ste le'u gsum pa'o// //de la re zhig le'u dang por dbang po rab kyi gsang sngags kyi sgo'i spyad pa spyod pa rnams kyi phyag rgya chen po dang gnyis su med par sbyor ba'i bsgom pa la gcig tu mos pa bstan na de phyag rgya chen po'i gnyis su med pa'i sbyor ba gang yin zhe na/ de bshad par bya ste/ thabs dang shes rab mnyam sbyor ba'i/ /bsgom nyid rnal 'byor mchog gi ni/ /phyag rgya chen po'i mnyam sbyor ba/ /bsgom par rgyal ba rnams kyis gsungs/ /thabs dang shes rab kyi bsgom pa nyid phyag rgya chen po gnyis su med pa'i sbyor ba bsgom pa yin no/ /de ltar na shes rab ni gang thabs ni gang zhig yin/ de dag lhan cig gam tha dad par ji ltar bsgom par bya zhe na/ 'dir bshad par bya ste/ gang zhig spros pa thams cad kyi/ /gnas dang tshig tu ma gyur pa'i/ /'jug de thabs kyi rdo rje yis/ /shes rab ces ni yongs su bsgrags/ des na chos thams cad spros ba med pa nyid du rtogs pa ni shes rab bo/ /spros pa med pa zhes bya ba 'di gang zhig yin zhe na/ stong pa nyid do/ /de lta na ni stong pa nyid ces bya ba spros pa yin na ji ltar spros pa med pa nyid yin ma yin te/ stong pa nyid kyi sgra ni cung zad kyang mi ston to/ /de yang gang gi phyir nam yang ci yang cung zad kyang ma yin no zhes bya ba'i sgras ni dngos po cung zad kyang mi ston te/ sgra rnams kun gyis bya ba ni/ /sgro btags pa ni bzlog pa yin/ /sgra'i don ni bya ba'i don ma yin gyi gzhan du na sgro btags pa las bzlog pa tsam yin par gzhan dag las ston to/ /de bas na stong pa nyid kyi tshig smras pas ni sgro btags pa ma lus pa bzlog bstan pas gdul bya'i skye bo'i rgyud la de kho na nyid kyi rang gi ngo bo mngon par gsal bar byed pa yin gyi gang gi de nyid spros par 'gyur ba'i stong pa nyid kho nar 'jog pa ma yin no/ /de nyid kyis na gang stong pa nyid kyi don mi shes pa la de kho na nyid kyi don
- 47b
nyid du spros par byed pa ni de rnams spros pa med par tshig gis gsal bar de kho na nyid ston pa yin no/ /stong pa nyid spros pa yin du zin kyang spos par 'gyur zhes shes par byas nas gsal bar rtogs par ji ltar 'gyur/ spros pa med pa nyid spros pa yin no zhes brjod par mi bya ste/ gang gis spros pa med pa zhes bya ba'i spros pa yod pa ma yin na de ji ltar spros pa yin/ de dngos bo med pa nyid kyang de kho na nyid du rigs pa ma yin no/ /de ltar na sgro btags pa ma lus pa las bzlog pa ni de kho na nyid yin no zhe na de ma yin te/ gang gi phyir bzlog pa ni dngos pa med pa yin na dngos po med pa de kho na nyid ji ltar yod/ 'gal ba'i mdza' can yin pa'i phyir ro/ /de yang dngos med mya ngan 'das min na/ /de'i dngos po ga la zhig /dngos dang dngos med yongs rtogs pa/ /zad pas mya ngan 'das par bshad/ /ces bya ba dang/ de bzhin du/ rang gi dngos dang gzhan dngos dang/ dngos dang dngos med nyid dag ni/ /gang zhig mthong dang mi mthong de/ /sangs rgyas bstan la de nyid min zhes bshad pa yin no/ /de bas na mdza' gnyis gsal ba'i ngo bo nyid yin pa'i phyir de kho na nyid ni dngos po med pa'i tshul du yang rigs pa ma yin no/ /dris pa/ nyes pa 'di ni khyed nyid kyi yin te/ /gang gi phyir stong pa nyid la sogs pa'i sgras bstan pa ni de kho na nyid yin par khyed nyid kyis bshad la/ stong pa nyid la sogs pa'i sgras kyang sgro btags pa ma lus pa bzlog pa ma yin no zhe na/ stong pa nyid la sogs pa'i sgras de kho na nyid bstan du zin kyang gtso bo nyid ma yin te/ gang gi phyir/ sgro btags kun ni rnam spangs pa/ /rang nyid de nyid ston pa na/ /stong pa nyid sogs ming gis na/ /der ni sgro btags bzlog pa yin/ /sgro btags pa ma lus pa bzlog pas rang nyid de kho na nyid du ston pas dngos po dang dngos po med pa la sogs pa'i tshul gyis de kho na nyid ma yin pa mthong ba la mngon par zhen par mi 'gyur ro/ /des na stong pa nyid la sogs pa'i sgras de la mngon par zhen pa bsal ba byas nas de kho na nyid kyi rang gi
- 48a
ngo bo mngon par ston te /de bas na nye bar gdags bas de'i ming du brjod do/ /stong pa nyid la sogs pa'i sgra las sgro btags pa ma lus pa dang bral ba'i de kho na nyid kyi ngo bo nyid kyi ngo bo'i mthar thug pa yin no/ /de la 'di rnam par dpyad par bya ste/ stong pa nyid du smra ba rnams kyi khyad par bya ba 'di gang zhig yin/ gang gi phyir phyi rol pa dang/ rnam par shes pa tsam du smra ba rnams kyi yang de'i ngo bor ston pa yin te/ tha snyad du 'dogs pa'i skye bo'i nges pas de'i ming nyid kyis nye bar 'jog pa ma yin no zhe na/ 'dir brjod par bya ste/ khyad par bya ba ni 'di yin te/ gang de rnams phyi dang/ rnam par shes pa'i ngo bo ran gi ngo bo med bzhin du yod par rtogs pa yin la/ stong pa nyid la smra ba rnams kyi ni stong pa nyid la sogs pa'i tshul yang ngo bo nyid du yod pa ma yin no/ /de bas na de rnams kyi ni rang gi ngo bo nyid yod par smra ba nyid yin la/ stong pa nyid du smra ba rnams kyis ni chos thams cad ngo bo nyid med par ston pa yin pas shin tu khyad par phye ba yin no/ /dris pa rnam par shes pa tsam du smra ba yang dngos po med par smra ba nyid yin te/ de yang/ 'di dag rnam par rig tsam zhes de snyam du ni dmigs nas su/ /ci yang rung ste mdun 'jog na/ /de ni tsam la mi gnas so/ /nam zhig shes pas dmigs pa rnams/ /mi dmigs de yi tshe na ni/ /rnam par rig pa tsam la gnas/ /gzung ba med pas de 'dzin med ces bshad pa yin no zhe na/ bden mod kyi 'di ni btags pa bkag pa yin gyi de rnams yongs su grub pa ni rnam par shes pa la sogs pa'i spros pa dang bral ba'i rang gi ngo bor yang yod do zhes khas 'che ba yin no/ /ci de lta bu'i rnam pa yang med dam zhe na/ de yang yod pa ma yin no/ /dris pa/ de yang med par bkag na ni mya ngan las 'das pa med par bkag par 'gyur bas shin tu chad par smra ba can nyid du 'gyur ro/ /de yang/ bsam du med cing dmigs med 'di/ /de ni 'jig rten 'das ye shes/ /gnas ngan len gnyis spangs pa las/ /gnas ni yongs su gyur ba yin/ /de nyid zag pa med
- 48b
pa'i dbyings/ /bsam mi khyab dge mi zad pa/ /bde ba rnam par rol sku 'di/ /thub chen chos su bshad pa yin/ /kho bo cag mya ngan 'das pa'i ngo bo nyid med do zhes ni smra bar mi byed kyi gzhan du na de yod mod kyi med do zhes bya ba ni dngos po dang dngos po med par sgro 'dogs par byed pa 'gegs pa yin no/ /de yang bstan bcos las/ blo chung gang zhig yod pa dang/ /med pa nyid du mthong gyur pa/ /des ni spros pa nyer zhi ba'i/ /bsgom pa mthong bar mi 'gyur ro/ /zhes bshad pa dang/ de bzhin du gal te mya ngan 'das dngos yin/ /mya ngan 'das pa 'dus byas 'gyur/ /dngos po gang dang gang na yang/ /'dus ma byas pa yod ma yin/ /dris pa/ yod pa dang med pa nyid bkag pas don gyi dbang gis med pa nyid du bstan par 'gyur te/ gnyig bkag pas gzhan dag yod pa ma yin no zhe na/ ci gnyis po bkag pas gnyis su med pa'i rang bzhin can gyi de kho na nyid kyang med dam/ /de kho na nyid gnyis su med pa'i ngo bor ga la 'gyur yod de med do/ /de ltar na ni med pa de yang med do/ /dris pa/ yod pa bkag na med pa ci'i phyir med/ /de kho na nyid ni 'gegs pa ma yin no/ /de lta na ni dgag pa med pas yod par grub po zhe na/ de yang yod pa ma yin no/ /dris pa/ 'di ni phan tshun 'gal ba yin na de kho na nyid ji ltar ma bkab/ /de yang 'dir smras pa/ gal te de nyid las mi ldog /'jug pa yod pa 'dod dam ci/ /de yang 'gegs par mi byed na/ /ldog pa ci phyir 'gegs par byed/ /'on te de kho na nyid ni brjod du med pa'i rang bzhin no zhe na/ des na 'di thal ches par 'gyur ro/ /de ni ma yin te/ yod bzhin du las ji ltar yang/ /brjod med yod pa ma yin no/ /des na nus pa dang bral te/ de phyir dngos po med pa'ang yin/ /gzhan yang/ gang du bkag pa nyid med pa/ /de nyid dgag pa med par 'chad/ /de bas med par de brjod kyis/ /ngo mtshar rung ba'i lta 'di spongs/ /de bas na gcig tu bkag pas nges par mdza' gzhan dag kyang bkag pa yin no/ /ci sgro btags pa las ldog pa tsam nyid de de kho na nyid yin par thal bar mi 'gyur ro?/
- 49a
'dir brjod par bya ste/ khyed ni phyir rgal ba tsa shes kyi yul yang dag par shes pa ni ma yin te/ de yang gang gi phyir/ 'di ni mdza' gnyis yod par smra ba la/ yod pa thams cad nges par 'jig 'gyur gyis/ /mdza' gnyis smra ba bzlog par byed pa la/ /de la brten pa ma lus zad par 'gyur/ /mdza' gnyis su smra ba khas len pa rnams kyis ni de las mdza' gcig bkag na nges par mdza' gnyis par ltung bar 'gyur gyi mdza' gnyis su smra ba sel ba rnams ni/ /sgro btags pa ma lus pa dang bral ba nyid du khas blangs pa la nyes pa gang yang rung ba 'di dag ga la yod de/ /de yang byang chub la gnas dam bcas dang/ spyod dang sems ni yod min te/ /don gyis gang zhig med gyur pa/ /de la med ces ji skad bshad/ /yod pa sun 'byin gyur 'di la/ /don gyis med par grangs gyur na/ /med nyid sun 'byin pa nyid kyis/ /yod pa nyid du ces mi 'dren ces bya ba dang/ de bzhin du yod dang med dang yod med min/ /gang la phyogs ni yod min pa/ /de la klan ka ring pos kyang/ /smra bar nus pa ma yin no zhes bshad pa yin no/ /de bas na stong pa nyid kyi ngo bo nyid kho na chos thams cad spros pa med pa nyid yin gyi stong pa nyid spros pa ma yin la/ spros pa khongs su chud pa ni shes rab yin no zhes bya bar gnas so/ /thabs gang zhig yin zhes bya ba 'dir brjod par bya ste/ thabs ni byang chub sems dpa' yi/ / 'gro la snying rje chen po ste/ /de yang dmigs pa'i dbye ba yis/ /rnam pa gsum du 'gyur ba yin zhes bya ba'o/ /de la thabs ni bcom ldan 'das yum snying rje chen po yin la/ dmigs pa'i dbye bas rnam pa gsum du 'gyur te/ de la sems can la dmigs pa ni gang sdug bsngal gyi sdug bsngal nyid dang/ 'gyur ba'i sdug bsngal nyid kyis nyin re zhing yongs su gdungs pa'i sems can la dmigs te skye ba'o/ /chos la dmigs pa ni gang skad cig ma re re zhing mi rtag pa'i phongs pa nyid du kun du ltung ba'i chos thams cad la
- 49b
dmigs nas skye ba'o/ /dmigs pa med pa ni chos thams cad dngos po med pa dmigs pa bsgom pa las byung ba'o/ /ji ltar na de dag bsgom pa dang lhan cig gam tha dad ce na/ de brjod par bya ste/ shes rab thabs bdag can de nyid/ /dbyer med bzhin du gcig nyid de/ de bzhin de'i bsgom ba ni/ /goms pa tha dad gyur pa yin/ /dmigs pa med pa'i snying rje bsgom pa'i gnas skabs su ni thabs dang shes rab de'i bdag nyid yin gyi snying rje cig shos bsgom pa'i gnas skabs su ma yin te/ de dngos po'i ngo bo nyid la dmigs pa nyid kyis spros pa med pa nyid med pas shes rab kyi rang bzhin dang gcig pa yin par mi 'thad do/ /de bas na de'i bdag nyid du bsgoms pas lhan cig bsgoms pa nyid thabs dang shes rab kyi tha snyad kyi dbye bar yang rnam par bzhag par byas pa de ltar sngar bstan pa dang phyis kyang ston par 'gyur ro/ / yang dmigs pa med pa'i snying rje sgom pa'i gnas skabs su thabs dang shes rab de'i bdag nyid can du bsgom par ji ltar 'gyur zhe na/ brjod par bya ste/ dngos kun rang bzhin bdag nyid du/ rnal 'byor snying rje can gyur pa/ /bsgom pa'i rim pa phyi nas ni/ /phyag rgya che bdag nyid can 'gyur/ /rnal 'byor pa bsgom pa'i rim pa nyid las dngos po thams cad kyi bdag nyid can du gyur nas snying rje chen po'i rang bzhin can du 'gyur ro/ /de'i 'og tu ni phyag rgya chen po'i bdag nyid can du 'gyur ro zhes bya ba'i mdor bsdus pa yin/ /de la thabs dang shes rab de'i bdag nyid du bsgom pa'i man ngag ni 'di yin te/ dang por re zhig rnal 'byor pas rang gi lhag pa'i lha'i rnal 'byor du skad cig ma nyid kyis bskyed la rim pa 'dis dngos po thams cad kyi ngo bo nyid du bdag nyid bsgom par bya'o/ / de la bdag nyid gti mug gi ngo bo nyid rnam par snang mdzad kyi bdag nyid yin pas na 'gro ba thams cad la khyab pa'i gzugs kyi phung po'i rang bzhin can no/ /bdag ni nga rgyal dang 'dod chags dang phrag dog dang zhe sdang gi ngo bo nyid rin chen 'byung ldan dang
- 50a
'od dpag tu med pa dang/ don yod par grub pa dang/ mi bskyod pa'i bdag nyid can yin pas 'gro ba thams cad la khyab pa'i tshor ba dang/ 'du shes dang/ 'du byed dang/ rnam par shes pa'i phung po'i bdag nyid can no/ /de ltar dngos po thams cad kyi bdag nyid du gyur nas sems can la dmigs pa dang/ chos la dmigs pa'i snying rje chen po mngon sum du byas la/ dngos po dang dngos po med pa dang rang gi dngos po dang gzhan gyi dngos po la sogs pa'i yid la byed pa spangs te thams cad las sems yang dag par bsdus la cung zad kyang mi bsam par bya'o/ /de ltar na ci la yang mi sems pa'i rnal 'byor pa sngon chad yun ring du bla ma bsten par byed pa las gang bla ma'i drin gyis/ bcom ldan 'das yum shes rab kyi pha rol tu phyin pa skye bar 'gyur te/ tshad mas gzhal ba dang/ gzhal bar bya ba'i 'bras bu'i rnam par dbye ba las yang dag par ldog pas rang snang ba'i ngo bo nyid dang/ spros pa med pa nyid kyis spros pa'i bdag nyid can gyi 'khor ba sdug bsngal gyi rang bzhin can dang bral bas mchog tu dga' ba'i bdag nyid can me long lta bu'i sbyor pas yang dag par rtogs la/ de'i mthus kye ma'o gti mug gi mthu gang gis sems can 'di rnams mya ngan las 'das pa'i bdag nyid can yin du zin kyang bdag nyid kyis mi shes na/ ji ltar na 'di bdag gis khong du chud par bya zhes rnam par bsams nas de'i bdag nyid can du sems can thams cad bsams na dmigs pa med pa'i snying rje gang yin pa des skye bar 'gyur la/ de'i bdag nyid can gyi rang nyid dngos po thams cad kyi ngo bo nyid du bsam par ba'o/ /de nas dngos po thams cad kyi bdag nyid can gyi rnal 'byor pa snying rje chen po'i bdag nyid can bsgom pa stobs su gyur nas de'i 'og tu dngos po thams cad kyi ngo bo nyid kyi snying rje chen po'i bdag nyid can du rang nyid bcom ldan 'das yum shes rab kyi ming gzhan yang phyag rgya chen po zhes bya
- 50b
ba de'i bdag nyid can gyi tha mi dad pa'am ngo bo nyid du chu dang 'o ma ltar gcig tu 'dres par gyur pa blta bar bya'o/ /gang gi tshe de ltar gyur pa de'i tshe/ de'i bdag nyid can bsgom pa/ /de nyid yongs su gsal bar 'gyur/ /des na rnal 'byor 'di rgyal bas/ /bsod nams kun gyi rang bzhin gsungs zhes pa ste/ rnal 'byor pa 'di gnas skabs der thabs dang shes rab kyi ngo bo nyid gnyis su med pa'i rang bzhin can yin pas na bsod nams thams cad kyi rang bzhin can te/ de bzhin gshegs pa thams cad kyi sku dang/ gsung dang/ thugs rdo rje'i bdag po byang chub kyi sems rdo rje'i ngo bo nyid yin la/ de yang thabs dang shes rab gnyis su med pa'i rang bzhin can nyid yin pa'i phyir ro/ gong ma de dag ni sgro btags pa'i ngo bo nyid tsam du zad pas na de kho na nyid ni ma yin no zhes rtogs na/ de ni ma yin te/ gang gi phyir sgro btags pa 'di ni phyi rol te/ rang gi ngo bo rang mtshan nyid/ /de bas rnal 'byor shes de'i bdag /rang nyid kun gyi rang bzhin gtso/ /zhes pa ste/ phyi rol gyi shes pa de sgro btags pa yin gyi rang gi ngo bo nyid ma yin no/ /yang ji skad du/ sgra don 'dzin byed gang gang du/ /shes de der ni btags pa yin/ /rang gi ngo bo sgra don min/ /der ni ma lus mngon sum yin/ /de bas na thabs dang shes rab kyi ngo bo nyid gnyis su med pa'i rnal 'byor pa ni rang rig pa'i mngon sum gyi tshang ma yin par grags pas sgro btags pa tsam ma yin no/ /gzhan yang/ spros pa med cing snang ba med/ thabs shes gnyis med bdag can gtso/ /rnal 'byor pa ngo spros bdag gam/ /sgro btags pa ni ji ltar 'gyur/ /gal te gnas skabs de gnas yongs su gyur pa'i rnal 'byor pa/ spros pa med pa'i phyag rgya chen po gnyis su med pa'i ye shes kyi ngo bo nyid rang rig par grags par gyur pa de la spros pa'i rang bzhin can gyi sgro btags pa gang ci yang rung ba de dag ci ltar yod de/ de yang/ shes rab phabs dngos zhi ba 'di/ /de nyid mchog tu bshad pa ste/ /'di nyid gnyis med ye shes te/ /byang chub sems la sogs pa nye bar dmigs
- 51a
pa las ldog pas phyi stong pa'i bdag nyid can du gyur pa dang/ bkug pa rnams kyi rjes su chags pa'i rgyur gyur pa'i rdo rje chags pa'o/ /phyi dang nang gi skye mched dang lus dang gnas su nye bar dmigs pa las ldog pas phyi dang nang gi stong pa'i bdag nyid can du gyur pa dang/ chags pa med pa'i sems can rnams kyi yid bde ba skyed pa'i rgur gyur pas rdo rje legs pa'o/ /mig dang gzugs la sogs pa'i bag chags kyi gnas yongs su gyur pa nyid kyi me long lta bu'i ye shes de'i byin? du gyur pa chen po stong pa nyid la sogs pa bzhi pa'i ngo bo nyid ni rdo rje sems dpa' la sogs pa yin no/ /stong pa nyid du nye bar dmigs pa las ldog pas stong pa nyid stong pa nyid kyi bdag nyid can du gyur pa dang/ byang chub kyi sems mngon par 'phel ba rnams kyi rgyal tshab du dbang bskur ba'i rgyur gyur pas na rdo rje rin chen po don dam par nye bar dmigs pa las ldog cing/ don dam pa stong pa nyid kyi bdag nyid can du gyur pa dang/ dbang bskur ba rnyed pa rnams la mi 'jigs pa rab tu sbyin pa'i mtshan nyid can gyi gzi brjid kyi rgyur gyur pas na rdo rje gzi brjid do/ /'dus byas pa'i bsod nams kyi tshogs su nye bar dmigs pa las ldog pas 'dus byas stong pa nyid kyi bdag nyid can du gyur pa dang/ gzi byin thob pa rnams la byams pa'i mtshan nyid can gyi mtshan ma'i rgyur gyur pas na rdo rje dpal lo/ /'dus ma byas pa'i byang chub kyi chags kyi nye bar dmigs pa las ldog pas 'dus ma byas pa'i stong pa nyid kyi bdag nyid can du gyur pa dang/ byams pa'i rgyal mtshan bsgreng ba'i mtshan ma can rnams la chos kyi sbyin pa bla na med pa'i rgyur gyur pas na rdo rje bzhad pa'o/ /nyon mongs pa can gyi ming gnas gyur pa'i ngo bo nyid kyis mnyam pa nyid kyi ye shes dang/ /ji skad du bshad pa'i de'i phyin ci log spong pa'i mnyam pa nyid kyi ye shes kyi rkyen du gyur pa stong pa nyid stong pa nyid la sogs pa bzhi'i ngo bo nyid ni/ /rdo rje rin po che la sogs pa yin no/ sgro btags
- 51b
pa dang skur pa btab pa'i mthar nye bar dmigs pa las ldog pas shin tu stong pa nyid du gyur pa dang/ chos kyi sbyin pa'i yid bde ba de la zhugs pa rnams kyi ting nge 'dzin gyi rgyur gyur pas na rdo rje chos so/ /'khod bar nye bar dmigs pa las ldog pas thog ma dang tha ma med pa'i stong pa nyid kyi bdag nyid can du gyur pa dang/ ting nge 'dzin rdzogs pa rnams kyi de kho na nyid kyi ye shes skyid pa'i rgyur gyur pas rdo rje rnon po'o/ /dge ba'i phyogs yongs su mi gtong ba'i nye bar dmigs pa las ldog pas dor ba med pa stong pa nyid kyi bdag nyid can du gyur pa dang/ ye shes thob pa rnams kyi chos kyi 'khor lo bskor ba'i rgyur gyur pas na rdo rje rgyu'o/ /chos thams cad kyi rang bzhin la nye bar dmigs pa las ldog pas rang bzhin stong pa nyid kyi bdag nyid kyi bdag nyid can du gyur pa dang/ chos kyi 'khor lo bskor bar zhugs pa rnams kyi gdul bya'i skye bo rnams kyi ngor chos ston par rab tu 'dug pa'i rgyur gyur pas na rdo rje smra ba'o/ /rnam par rtogs pa gnas gyur pa'i ngo bo nyid kyi so sor rtog pa'i ye shes ji skad du bshad pa'i phyin ci log las rnam par dben pa'i ngo bo nyid kyis de'i 'khor du gyur pa shin tu stong pa nyid la sogs pa bzhi'i ngo bo nyid du gyur pa nyid ni rdo rje chos la sogs pa'i ngo bo nyid do/ /stobs dang mi 'jigs pa la sogs pa'i tshul gyi chos kyi sku nye bar dmigs pa las ldog pas chos thams cad stong pa nyid kyi bdag nyid can du gyur pa dang/ don dam pa'i skal pa can rnams kyi sbrul mchog 'di yin no/ /kun rtog thams cad rnam spangs pas/ /gnas ni yongs su gyur pa yin/ /'di ni 'jig rten 'das ye shes/ /thub pa chen po'i chos sku yin/ /rdo rje rdo rje sems dpa' 'di/ /sangs rgyas byang chub bla med yin/ /rnal 'byor kun dang lhag rnal 'byor/ /rnal 'byor 'di ni bla na med/ /shin tu gtso 'gyur rnal 'byor 'di/ /de nyid bsdus par nges mdzad la/ /dam tshig chen po'i rgyud dang ni/ /dpal ldan rdo rje rtse mo dang/ /theg chen
- 52a
mngon par rtogs pa dang/ dpal ldan rdzogs sangs 'dul mdzad dang/ /dpal mchog dang po'i rgyud dang ni/ /dpal ldan rdo rje bde chen dang/ /dpal ldan 'dus pa'i rgyud du ni/ /rnal 'byor 'di ni bla med par/ /dngos grub thams cad sgrub mdzad pa'i/ /thugs kyi rdo rjer gsungs pa yin/ /gang 'dir rgyal ba'i sras po rnams/ /phyin ci log las 'das gyur pa/ /de ni ring po mi thogs par/ /'jig rten gsum las sangs rgyas 'gyur zhes gsungs pa dang/ /rnal 'byor pa ni sgro btags dang/ /skur mdza' gang dang gang dag gi /dbye ba de dang der brten pa/ /de nyid tshul du ltog pa yin/ /de dang de tshul la gnas pa/ /kun mkhyen ye shes dngos rang nyid/ /rdzogs pa'i byang chub sems dpa' i bdag /pha rol phyin kun rang bzhin can/ /de kho na nyid kyi rnal 'byor pa de sgro btags pa ma lus pa las/ ldog pas mngon par byang chub pa rnam pa lnga'i rang bzhin can gyi dkyil 'khor ba'i lha rnams kyi bdag nyid can dang/ pha rol tu phyin pa thams cad kyi rang bzhin du rnam par bzhag pa yin no/ /de la 'dod chags la sogs pa'i dri ma ma lus pa dang bral ba nyid de las gzhan pa'i khyad par can gyi rgyur gyur pa nyid kyis na me? long lta bu'i ye shes kyi ngo bo nyid dang/ dbye ba ma lus pa dang bral ba nyid kyis mnyam pa nyid kyi ye shes kyi ngo bo nyid dang/ phyin ci log ma lus pa dang bral ba'i rang bzhin nyid kyis na so sor rtog pa'i ye shes kyi ngo bo nyid dang/ /'gro ba ma lus pa'i phan pa skyed pa'i rgyur gyur pas bya bsgrub pa'i ye shes kyi ngo bo nyid dang/ gzung ba dang/ 'dzin pa rnam pa gnyis dang bral bas chos kyi dbyings shin tu rnam par dag pa'i ngo bo nyid yin no/ /de bas na me long lta bu'i ye shes la sogs pa'i bdag nyid can mi bskyod pa la sogs pa de bzhin gshegs pa lnga'i bdag nyid can yang de nyid yin pas sangs rgyas thams cad kyi ngo bo nyid yin no/ /de nyid kyi bar dmigs pa rnams las ldog pas stong pa nyid kyi bdag nyid can yin
- 52b
pa'i phyir rdo rje sems ma'o/ /mtshan ma ma lus pa las ldog cing mtshan ma med pa'i bdag nyid can yin pas rin chen sems ma'o/ /log pa'i smon lam las log cing smon pa med pa'i bdag nyid can yin pas na chos kyi sems ma'o/ /phyin ci log gi mngon par 'du byed pa las ldog cing mngon par 'dus ma byas pa'i bdag nyid can yin pas na las kyi sems ma ste/ rdo rje sems ma la sogs pa rigs kyi yum bzhi ni go rims bzhin du stong pa nyid la sogs pa rnam par thar pa'i sgo bzhi'i ngo bo nyid yin pa'i phyir ro/ /de bzhin du de nyid ni snod kyi 'jig rten gyi mthar rtog pa las log cing chen po stong pa nyid kyi ngo bo nyid du gyur pa'i byang chub tu sems bskyed pa'i rgyur gyur pas rdo rje sems dpa' o/ /mig la sogs pa la nye bar dmigs pa las ldog cing nang stong pa nyid kyi ngo bo nyid du gyur pa dang/ byang chub tu sems bskyed pa rnams kyi 'gugs pa'i rgyur gyur pas rdo rje rgyal po'o/ /gzugs la sogs pa'i mchod pa'i las kyi rgyur gyur pas na rdo rje las so/ /rang dang spyi'i mtshan nyid du nye bar dmigs pa'i mtshan nyid las ldog pas na mtshan nyid stong pa nyid kyi bdag nyid can du gyur pa dang/ las la rab tu zhugs pa rnams kyi sprul pa'i rgyur gyur pas na rdo rje srung ba'o/ /nye bar mi dmigs pa dang/ nye bar dmigs las ldog pas na mi dmigs pa stong pa nyid kyi bdag nyid can du gyur pa dang/ bsrung ba la zhugs pa rnams kyi bgegs nye bar zhi ba'i rgyur gyur pas na rdo rje gnod sbyin no/ /dngos po med pa dang/ dngos po mi dmigs pa las ldog pas na dngos po med pa'i ngo bo nyid kyi stong pa nyid kyi bdag nyid can du gyur pa dang/ de ltar bya ba byas bsgrub pa la 'jug pa rnams kyi sku dang gsung dang thugs rdo rjer byed pas dngos grub thams cad rdzogs pa'i rgyur gyur pas na rdo rje khu tshur ro/ /mig la sogs pa'i rnam par shes pa gnas gyur pa'i ngo bo nyid kyis bya ba sgrub pa'i ye shes ji skad bshad pa'i phyir cing log rnams las dbyen pa'i ngo bo nyid kyis de'i 'khor
- 53a
du gyur bas chos thams cad stong pa nyid la sogs pa'i ngo bo nyid ni rdo rje las la sogs pa bzhin no/ /de bzhin du ser sna dang tshul khrims 'chal pa dang khro ba dang le lo la sogs pa nye bar dmigs pa las ldog cing de'i gnyen po nyid kyis sbyin pa dang/ tshul khrims dang/ bzod pa dang/ brtson 'grus kyi pha rol tu phyin pa'i bdag nyid can du gyur phyag rgya chen po gnyis su med pa'i ye shes kyi ngo bo nyid kyi rnal 'byor dbang phyug de ni gsang ba'i mchod pa'i ngo bo nyid rdo rje sgeg mo dang/ phreng ba ma dang glu ma dang/ gang ma'i bdag nyid can te/ rdo rje sgeg mo la sogs pa ni sbyin pa la sogs pa'i pha rol tu phyin pa'i ngo bo nyid yin pa'i phyir ro/ /de bzhin du shes rab 'chal pa dang/ rnam par g.yeng ba dang log pa'i smon lam dang/ thabs med pa las ldog pas shes rab dang/ bsam gtan dang/ smon lam dang/ thabs kyi pha rol tu phyin pa'i bdag nyid can du gyur pa'i phyag rgya chen po gnyis su med pa'i ye shes kyi ngo bo nyid kyi rnal 'byor gyi dbang phyug de nyid ni phyi'i mchod pa'i rang bzhin rdo rje bdug pa dang/ me tog dang/ mar me dang/ dri'i ngo bo nyid yin te/ rdo rje bdug pa la sogs pa ni rim pa bzhin du shes rab kyi pha rol tu phyin pa la sogs pa bzhi'i ngo bo nyid yin pa'i phyir ro/ /de nyid ni theg pa chen po la mngon par yid ches pa las ldog pas dad pa'i bdag nyid can te/ thabs chen po'i ngo bo nyid yin pas na rdo rje lcags kyu'o/ /theg pa chen po la mi 'jug pa las ldog ces brtson 'grus kyi bdag nyid can gyi spyod pa'i ngo bo nyid du gyur pas na rdo rje zhags pa'o/ /deng nges pa bzhugs pa las ldog cing dran pa'i bdag nyid can bar du gcod pa'i dgos pa las ldog pa'i bdag nyid can yin pas na/ rdo rje lcags sgrog go /cho ga mi shes pa las ldog pa'i ting nge 'dzin gyi bdag nyid can yin zhing chos thams cad ma skyes par stong pa nyid du gyur pas na rdo rje 'bebs pa'o/ /
- 53b
des na thabs dang shes rab kyi bdag nyid can gyi rnal 'byor chen po de nyid ni dad pa dang/ brtson 'grus dang/ dran pa dang/ ting nge 'dzin gyi ngo bo nyid du gyur pas rdo rje lcags kyu la sogs pa sgo bsrungs bzhi'i ngo bo nyid yin no/ /gang phyir shes rab thabs bdag can/ /dang po'i sbyor ba'i rang bzhin 'di/ /de phyir byang chub sems kun bdag /dkyil 'khor gyi ni bdag po yin/ /rnal 'byor ba'i phyag rgya chen po dang gnyis su med pa'i ye shes kyi rang bzhin ni thabs dang shes rab kyi bdag nyid can yin pa'i phyir dang po'i sbyor ba'i rang bzhin te/ byang chub pa'i bdag nyid can gyi sems dpa' ma lus pa'i bdag nyid can yin pas na dkyil 'khor gyi rgyal po'i mchog gi rang bzhin can yin no/ /de bsgom pa nyid ni ting nge 'dzin gnyis bsgom pa yongs su rdzogs pa yin par blta bar bya'o/ /gang phyir ji skad bshad stong pa/ /rnam pa bcu drug bdag nyid 'di/ /des ni byams sogs ting 'dzin bdag /byang chub sems dpa' i bdag can yin/ /'di ni stong pa bcu drug gi bdag nyid can yin pa'i phyir stong pa bcu drug gi rang bzhin can gyi ting nge 'dzin gyi bdag nyid can gyi byang chub sems dpa' bcu drug kyang yin no/ /de dag byams pa dang/ mthong ba don yod dang/ ngan song thams cad spong ba dang/ mya ngan dang mun pa thams cad nges par 'joms pa'i blo gros dang/ spos kyi glang po dang/ dpa' bar 'gro ba dang/ nam mkha' i mdzod dang/ ye shes tog dang/ 'od dpag med dang/ zla 'od dang/ bzang skyong dang/ dra ba can gyi 'od dang/ rdo rje snying po dang/ blo gros mi bzad pa dang/ spobs pa brtsegs pa dang/ kun tu bzang po'o/ /gang phyir thabs chen bdag nyid pas/ / 'di ni thabs kun rang bzhin yin/ /de phyir 'jig rten pa'i ye shes/ /ting 'dzin kun bdag nyid can yin/ /tshangs pa la sogs pa nas ba lang rdzi'i? bar du sems can gang ci yang rung ba la yod pa'i shes pa 'am/ mnyam par bzhag pa gzhan gyi
- 54a
dgos pa'i thabs su gyur pa de thams cad de nyid du de'i yin te/ thabs thams cad kyi bdag nyid can yin pa'i phyir ro/ /gang tshe yang dag bshad pa'i rim pa yis/ /rnal 'byor ba ni mnyam par bzhag gyur pa/ /de tshe de ni mgon rtog mi mnga' yang/ /ji srid ji skad bshad pa nyid du bzhed/ /de ltar na re zhig rnal 'byor pa gang gi tshe rnal 'byor pa spros pa med pa'i shes rab dang/ thabs kyi rnal 'byor gyi bdag nyid can yin pa de'i tshe thams cad mkhyen pa'i rang bzhin can te/ dkyil 'khor ba'i lha ma lus pa'i bdag nyid can dang/ pha rol tu phyin pa ma lus pa'i rang bzhin du mgon pos yang dag par 'jog par mdzad do/ /gang tshe de ni rnal 'byor de las langs gyur kyang/ /de tshe 'ang de nyid du na de bzhin nyid bdag can/ /spyod lam ma lus par rtogs pa'i langs ba dag /bdag nyid lus ni kun nas rnam par bsgom par bya/ de tshe 'ang kun la kun du rnam par gnas/ ji skad bshad pa'i de nyid bdag nyid can du 'dod/ /de bas gnas skabs gnyis dang yang dag ldan bdag nyid/ /rgyal ba mgon po ci 'dra de lta nyid du 'dod/ /de kho na nyid kyi rnal 'byor mngon sum du byed pa'i gnas skabs dang/ lhag par mos pa'i gnas skabs te/ ming gzhan du na mnyam par ma bzhag pa'i sbyor ba zhes bya ba dang ldan pa'i de kho na nyid kyi rnal 'byor pa'i rdo rje slob dpon ni de bzhin gshegs pa thams cad kyi byang chub kyi sems rdo rje'i ngo bo nyid du bstan to/ /de yang 'phags pa gsang ba 'dus pa las/ bcom ldan 'das de bzhin gshegs pa thams cad kyi sku dang gsung dang thugs rdo rje gsang ba 'dus par mngon par rtogs pa'i slob dpon la de bzhin gshegs pa thams cad gyis ji ltar blta bar bgyi /rigs kyi bu de bzhin gshegs pa thams cad dang/ byang chub sems dpa' thams cad kyis byang chub kyi sems su blta bar bya'o/ /de ci'i phyir zhe na/ slob
- 54b
dpon ni byang chub kyi sems dang mnyam zhing rnam pa gnyis su dbyer med do/ /rigs kyi bu mdor bstan na/ phyogs bcu'i 'jig rten gyi khams na/ sangs rgyas dang byang chub sems dpa' ji snyed 'khod cing 'tsho la skyong ba de dag thams cad dus gsum du lhags nas/ slob dpon de la de bzhin gshegs pa thams cad kyi mchod pas yang dag par mchod nas/ sangs rgyas kyi zhing der yang 'gro zhing de dag rdo rje'i yi ge yang 'di skad du 'byin to/ /bdag cag de bzhin gshegs pa thams cad kyi pha'o/ /bdag cag de bzhin gshegs pa thams cad kyi ma'o/ /zhes bya ba nas/ bdag cag de bzhin gshegs pa thams cad kyi ston pa'o zhes bya ba'i bar du'o/ /'di lta ste dper na/ rigs kyi bu/ sangs rgyas bcom ldan 'das phyogs bcu na ji snyed bzhugs pa dang/ sangs rgyas bcom ldan 'das de rnams kyi sku dang gsung dang thugs rdo rje las byung ba'i bsod nams kyi phung po ji snyed pa de bas kyang slob dpon gyi ba spu'i bu ga gcig gi bsod nams khyad par du 'phags so/ /de ci'i phyir zhe na/ rigs kyi bu byang chub kyi sems ni sangs rgyas kyi ye shes kyi snying por gyur pa'o/ /skye ba'i gnas su gyur ba nas thams cad mkhyen pa'i ye shes kyi 'byung gnas yin pa'i bar du'o zhes ji skad gsungs pa yin no/ /de nyid kyis na sbyor de las/ /shes rab kyi thabs kyi rang bzhin gtso/ /dngos grub thams cad kun 'byung bar/ /rdzogs pa'i sangs rgyas kun gyis gsungs/ /de nyid las bcom ldan 'das de bzhin gshegs pa thams cad kyi sku dang gsung dang thugs kyi dngos grub gang la gnas/ /de bzhin gshegs pa thams cad kyis gsungs pa/ sku gsum gyi gsang ba sku dang gsung dang thugs rdo rje ni rdo rje slob dpon gyi sku dang gsung dang thugs rdo rje la gnas so/ /sku dang gsung dang thugs rdo rje gang du gnas/ /gang na yang ma yin no zhes ji skad gsungs pa ste/ stong pa nyid kyi ngo bo nyid yin pa'i phyir ro
- 55a
zhes bya bar dgongs so/ /yang shes rab dang thabs kyi rang bzhin gnyis su med pa'i ye shes bsgom pa 'di nyid ni don dam pa can gyi gsang sngags kyi spyod pa ste/ de yang gang gi phyir/ ye shes don gyi yid kyi gzugs/ /sngags ni ye shes yin par bshad/ /gnyis med yid ni skyobs pas na/ gal te de lta na yang sngags/ /skad kyi dbyings las mA na dz+nyA ne zhes pa dang/ mA na a ba bo d+ha ne zhes bya ba yid ni shes pa las bya ba 'am/ yid ni khong du chud pa la bya ba'i phyir dang gtso bo'i don du nges pas ji skad du bshad pa'i phyag rgya chen po gnyis su med pa'i rang bzhin can stong pa nyid kyi ye shes nyid la sngags zhes bya ba 'am/ yang na de lta bu'i ye shes bsgoms pas sgrib pa rnam pa gnyis spangs nas kun tu bzang po nyid thob pa ni yid skyob pa'i don gyis na de nyid ni sngags nyid de/ /de nyid bsdus pa'i rgyud du yang/ /sems ni so sor rtogs pa yi/ /phyag rgya che dang mnyam sbyor ba'i/ /bsgom pa nyid la bya bar bshad/ /de nyid kyis ni dpal de kho na nyid bsdus pa'i rgyud las phyag rgya chen po dang gnyis su med pa'i ye shes kyi dbang du mdzad nas gsungs pa ni/ rigs kyi bu rang gi sems la so sor rtog cing mnyam par zhog rang bzhin gyis grub pa'i sngags 'di ci dgar bzlos shing bsgrub par gyis shig ces bya ba yin te/ 'di yang oM la sogs pa kun rdzob kyi sngags yin la de bsgrubs pa las sems so sor rtogs par byed pa ni don dam pa'i sngags nyams su len pa yin la/ /sems so sor rtogs pa yang phyag rgya chen po gnyis su med pa'i ye shes mngon sum du byed pa yin no/ /de bas na gzhon nu don thams cad grub pas kyang sngags nyams su len pa de nyid de bzhin gshegs pa thams cad kyis mgrin gcig tu bstan pa las bsgrubs te smras pa ni/ de bzhin gshegs pa thams cad rang gi snying gar zla ba'i dkyil 'khor gyi rnam par mthong lags so
- 55b
zhes bya ba ste/ ye shes de nyid 'dod chags la sogs pa'i dri ma ma lus pa dang bral ba nyid kyis 'od gsal ba'i rang bzhin can yin pa dang/ bsod nams dang ye shes kyi tshogs thams cad kyi bdag nyid can nyid kyis 'gro ba ma lus pa/ kun tu tshim par byed pa'i rang bzhin can yin pa'i phyir dang/ dpal rdo rje sems dpa' la sogs pa'i sprul pa'i 'od zer rnams kyis sems can gyi khams thams cad kyi dgongs pa'i don byed par nus pa'i phyir dang/ nam mkha' i khams kyi mthar thug pa'i phyogs kyi tshogs thams cad khyab pa nyid kyis na/ zla ba'i dkyil 'khor dang 'dra ba nyid yin pa'i phyir dang/ mngon par mtho ba dang nges par legs pa'i 'bras bu rgya che ba dang ldan pas/ /yongs su rdzogs pa yin pa'i phyir zla ba'i dkyil 'khor lta bu'o/ /rnam snang mngon par byang chub ba'i/ /rgyud rgyal las ni rab gsal bar/ gnyis med ye shes 'di nyid ni/ /thug pas bsngags zhes bya bar gsungs/ /de yang/ gzhan yang gsang ba'i bdag pos sngags kyi mtshan nyid ni sangs rgyas thams cad kyis ma mdzad/ de bzhin gshegs pa thams cad kyis ma byas/ byed du ma bcug /rjes su yi rang pa ma yin no/ /de ci'i phyir zhes na/ 'di ni chos thams cad kyis chos nyid de/ 'di lta ste/ de bzhin gshegs pa rnams byung yang rung/ ma byung yang rung/ chos rnams kyi chos nyid de ni ye nas gnas pa ste/ de yang 'di ltar gsang sngags rnams kyis gsang sngags kyis chos nyid do zhes bya ba nas/ gang gi tshe sangs rgyas bcom ldan 'das 'jig rten du 'byung ba de'i tshe chos nyid de tshul sna tshogs dang/ dgongs pa sna tshogs kyi sems can bsam pa sna tshogs pa rnams la tshig sna tshogs pa dang/ yig 'bru sna tshogs dang/ yul nges pa'i tshigs tu brjod pa sna tshogs dang/ dbyangs sna tshogs su go ba rnams su byin
- 56a
kyis brlabs te gsang sngags kyi tshul 'chad do zhes ji skad gsungs pa'o/ /dpal ldan 'dus tshogs tshig las kyang/ /btsun mo shes rab nyid du bshad/ /b+ha ga de'i snying po yin/ /bzhugs pa de'i ngo bo nyid/ /der yang bcom ldan 'das de bzhin gshegs pa thams cad kyi sku dang gsung dang thugs rdo rje de bzhin gshegs pa thams cad kyi? bdag po snying rje chen po ni rang bzhin byang chub kyi sems rdo rje nyid yin no/ /de'i btsun mo ni phyag rgya chen po bcom ldan 'das yum shes rab ste/ mtshan gzhan yang kun tu bzang mo zhes bya ba'o/ /b+ha ga ni snying po ste ming gzhan yang stong ba nyid ces bya'o/ /bcom ldan 'das der bzhugs pa ni de'i bdag nyid can du gyur nas tha dad pa'i dbye bas thams cad dang bral bas gcig tu 'dres par gyur pas 'khor ba ji srid pa'i bar du brjod du med pa'i yang brjod du med pa'i byang chub sems dpa' dang/ de bzhin gshegs pa rnams dang/ phyag rgya dang dkyil 'khor dang/ sngags bye ba dang/ lhan cig rnam par rtog pa mi mnga' bar gyur kyang sngon gyi 'phen shugs kyis sems can thams cad la ci bgyi zhes bya ba'i tshul gyis rnam par bzhugs so zhes bya ba'i don to/ /de yang kun rtog rlung ni thams cad kyis/ /mi g.yo yid bzhin nor bu bzhin/ /de ltar bzhugs kyang sems can gyi/ bsam pa ma lus rdzogs par mdzad/ /zhes ji skad bshad ba'o/ /de bzhin rgyud ni bzhi rnams su/ /sngags kyi de nyid dam pa 'di/ /gdul bya'i bsam rjes 'jug mdzad pa'i/ /mgon pos rjes su dpags te bstan/ /sngags kyi de nyid mi shes pa/ /mi nus gang yin de don du/ /zla ba rdo rje sogs rim gyis/ /bskyed pa'i rnam pa bstan pa yin/ /'di nyid las ni mngon dgongs nas/ /sngags kyi de nyid yongs gsal ba/ /de gsal mdzad par dgongs pas de/ /bcom ldan rdo rje can gyis gsungs/ /gleng bzhi'i dbang du mdzad nas kyang/ /sngags ni
- 56b
gang zhig gsungs gyur pa/ /de las de nyid yin par gsungs/ /lhag ma zhar la 'ongs par bzhed/ de nyid kyis rnam par snang mdzad mngon par byang chub pa'i rgyud la sogs par ji skad du bshad pa'i sngags kyi de kho na nyid bstan ba sngon du 'gro bas zhar la kun rdzob tu sngags kyi mtshan nyid gsungs pa yin no/ /de yang/ rdzogs sangs rgyas kyi gsang sngags ni/ /tshig dang ming dang brnga yis mtshan/ /tshig de dbang du gyur pas na/ /gsang sngags don rnams thams cad sgrub/ /kha cig bskul ba'i tshig dang ldan/ /kha cig rang ming thog mar smos/ /hUM dang phaT dang ldan pa ni/ /gtsug tor rnams kyi yin par bsgrags/ /zung zo tshoms shig ces pa dang/ /snun song drol cig ces pa ni/ /phyag brnyan rnams dang khro bo yi/ /gsang sngags yin par khro bos gsungs/ /nA ma swAhA la sogs ldan/ /ting nge 'dzin ni rtogs pas mtshan/ /zhi ba yi ge rnam par dag /re ba thams cad rdzogs byed pa'i/ /gsang sngags sangs rgyas thams cad dang/ /byang chub sems dpa' skyob ba yin/ /zhes bya ba la sogs pa rgya cher gsungs pa dang/ de bzhin du 'phags pa de kho na nyid bsdus pa la sogs pa'i rgyud rnal 'byor dang spyod pa dang bya ba'i dbye bas phye? ba rnams su gang zla ba dang rdo rje la sogs pa'i tshul gyis bskyed pa'i rim pa de yang don dam pa'i sngags kyi de kho na nyid la 'jug par bya ba'i don nyid yin no/ /de bas na sngags ba rnams kyis ji skad du bshad pa'i spros pa med pa'i phyag rgya chen po gnyis su med pa'i sbyor ba dang ldan pa nyid du bya'o zhes bya bar nges so/ /de la de nyid min sgro btags/ /las ldog pa ? nges pa'i rgyu/ /de tshul nges par byed pa rnams/ /sgro btags de nyid la rab 'jug /des na sgra de'ang de nyid de/ /don dam nyid du dbye med yin/ /rdo rje sems dpa' sogs tshul gyis/ /rtog pa bye brag la rten yin zhes rtogs par bya'o/ /dngos
- 57a
po kun gyi rang bzhin can/ /rang snang lam du gyur pa yis/ /de tshe bdag nyid de mchod bya/ /zhes bya ba la sogs pa la bdag nyid mchod pa nyid kyis phun sum tshogs pa thob pa dang/ rjes su 'brel pa yin na gzugs la sogs pa'i yul thams cad kyis bdag nyid mchod de/ la la ni nyams su myong bar gyur pa yang dgag pa yin na ji ltar mi 'gal bar 'gyur zhes rtog na/ /de ni ma yin te/ gang gi phyir/ gang tshe khams gsum gang du gang/ /sgro btags pa las ma grol ba/ / de tshe de nyid sgro btags pa'i/ /rang bzhin bdag nyid mi smod/ /sgro btags pa ni rnam pa gnyis te/ de kho na nyid kyi tshul dang/ de kho na nyid ma yin pa'i tshul lo/ /de la de kho na nyid kyi tshul du bdag tu sgro btags pa ni ma la sogs par sgro btags pa dang 'dra bar gcig nas gcig tu brgyud pas byang chub sgrub par byed pa yin pas na nyes pa med do/ /gang yang la la dag ni nyams su myong ba dag kyang 'gegs par byed pa nyid yin na ji ltar mi 'gal zhes smra ba de yang rigs pa ma yin te/ gang gi phyir/ snang dang mi snang yul gcig tu/ /gyur pa 'gal ba nyid 'gyur gyi/ /kun nas ldang ba'i dbye nyid kyis/ /yul gyi dbye ba gnyis su grub/ /las ni kun nas ldang ba dang/ /kun nas ldang bar byed pa yi/ /dbye bas rnam pa gnyis gnyis so/ / de la lus dang ngag gi las thams cad ni kun nas ldang bar byed pa yin la/ yid kyi las ni kun nas ldang bar byed pa ma yin no/ /de yang rnam pa gnyis te ma chags pa la sogs pa'i tshul dang de las gzhan pa'o/ /de la 'dod chags la sogs pas kun nas bslang ba'i lus dang ngag gi las thams cad ni mi dge ba yin te/ de ni bkag pa yin la/ ma chags pa la sogs pas kun nas bslang ba thams cad ni dge ba nyid yin no/ /de ltar phyag rgya chen po gnyis su med pa'i sbyor ba
- 57b
dang ldan pa'i rnal 'byor pas ni 'gro ba thams cad ma chags pa la sogs pa'i bdag nyid can du rnam par blta'o/ /de bas na 'di ni spyod lam thams cad dang ldan du zin kyang mi dge ba'i chos ma dmigs pa'i rang bzhin can yin pas dge ba'i bdag nyid can yin no/ /de yang/ byang chub sems dpa' i kun rtog ni/ /dge ba 'am yang na mi dge ba/ /thams cad dge ba nyid 'gyur te/ /gang phyir de yid dbang gyur yin/ /zhes ji skad bshad pa dang/ de bzhin du sdom pa nyi shu pa las kyang/ snying rjer ldan zhing byams phyir dang/ /sems dge ba la nyes pa med/ /ces bshad pa dang/ de bzhin du gzhan dag las kyang thugs rje chen pos don gzigs pas/ /bkag pa rnams kyang de la gnang zhes bshad pa dang/ yang gzhan dag las/ /ma chags la sogs las byung ba'i/ /lus ngag las ni dge ba yin/ /gang zhig chags sogs las byung ba'i/ /las de mi dge bar 'dod do/ /de bas thugs rje'i bdag nyid kyis/ /gzhan phan byas ba thams cad ni/ /las de thams cad dge yin par/ /rdzogs sangs rgyas kyis rab tu bsgrags zhes gsungs pa yin no/ /de ltar yul gyi dbye ba yis/ /gang tshe las lam la gnas pa/ /mkha' gang duAng 'gal ba ni/ /de tshe gang yang mi snang ngo zhes bshad pa dang/ de bzhin du chos mngon pa'i mdzod las kyang/ /gang phyir kun slong med thar pa/ /dam pa'i don du dge rtsa ba/ /ngo tsha khrel yod bdag nyid kyis/ /de dag dang ldan mtshungs ldan gyis/ /zhes bshad pa ste/ de las bzlog pa ni mi dge ba yin no/ / gzhan yang/ gang phyir sgro btags kun las grol/ /phyag rgya chen po'i bdag nyid can/ /de phyir 'di drang ji skad gsungs/ /dam tshig sdom pa'i bdag nyid yin/ /de yang bla na med pa yang dag par rdzogs pa'i sangs rgyas nas sems dpa' chen po'i
- 58a
mthar thug pa dang/ sems can gyi khams rnams stong pa nyid kyis mi snang byed pas srog chags thams cad gsod pa yin par dgongs pas gsod par gsungs so/ /bdag nyid nye bar dmigs na gzhan dag yod pa ma yin pas gzhan gyi nor yang dmigs su med pa la dgongs nas gzhan gyi nor phrog par gsungs pa yin no/ /gzhan gyi sgra ni mchog la yang 'jug pas bud med kyi mchog ni bcom ldan 'das yum shes rab de bzhin gshegs pa thams cad kyi yum du gyur pa mtshan gyi rnam pa gzhan yang phyag rgya chen po zhes bya ba yin te/ de dang gcig tu 'dres par gyur pa la dgongs nas gzhan gyi bud med bsten par gsungs pa yin no/ /de yang sangs rgyas gtso bo'i yum dag la/ /rnam par mi rtog blo can gyis/ /mnyes par byas kyang mi dogs te/ /des ni sangs rgyas 'grub par 'gyur/ /zhes kyang gsungs pa yin no/ /dngos po thams cad dmigs su med pa yin pas de ston par byed pa'i tshig brdzun nyid yin pa'i don 'di las dgongs nas kyang brdzun gyi tshig kyang smra bar bya'o zhes gsungs pa yin no/ /de bas na sdom pa'i bdag nyid do/ /dngos po thams cad kyi ngo bo nyid kyis de kho na nyid kyi rnal 'byor pa'i rnam par snang mdzad la sogs pa'i rdzas rnams chos kyi sku'i bdag nyid can du rang gi thams cad lus kyi nang du bsgom pas de byin gyis brlabs pa yang rigs pa yin no/ /gzhan yang chos kun stong par ro gcig par/ /rdzogs pa'i sangs rgyas kyis gsungs pa/ /'di ni de'i ro myong tshul/ /de tshe rang nyid bzhugs pa yin/ /de bas na dam tshig gi bdag nyid kyang yin no/ /dngos po med la dbang thob pas/ /de phyir dngos po kun bdag nyid/ /gzugs la sogs pa thams cad kyis/ /rnal 'byor ba ni bdag nyid mchod/ /ces
- 58b
nges par bshad par bya'o/ /gzhan yang khas blangs 'di dag ni/ /smras kyi de nyid du ma yin no/ /don dam rnam par dpyad pa la/ 'jug pa 'am ldog pa yod ma yin/ gcig tu don dam pa'i rnal 'byor pa ni gang du yang 'jug pa 'am ldog par mi byed do/ /bya ba'i tshul gyis gang cung zad/ /dam tshig la sogs nges bstan dang/ /mtshams med lnga byed la sogs pa/ /snod du rung ba gang gsungs pa/ /de kun sems can kun gyi don/ /gcig tu mdzad dgyes rgyal ba yis/ /sdig de zad dang gcig tu mkhas/ /de nyid 'jug par bya phyir gsungs/ /de yang/ rigs ngan smig ma mkhan la sogs/ /gsod don don gnyer sems can rnams/ /theg chen bla na med pa yi/ /theg mchog 'di la 'grub par 'gyur/ /sems can mtshams med la sogs pa'i/ /sdig pa chen po byed pa yang/ /rdo rje theg pa rgya mtsho ste/ theg pa mchog ni 'di la 'grub/ /srog gcod pa'i sems can gang/ /rdzun du smra la dga' ba dang/ /gzhan gyi nor la chags pa dang/ rtag tu 'dod la spyod gang dang/ /bshad gci zas su za ba ste/ de dag bsgrub pa'i snod du 'gyur/ /ma dang sring mo bu mo de/ /'dod pa bas ni mnyes byas nas/ /theg chen mchog gi chos nyid kyi/ /dngos grub rgya chen des 'thob po zhes gsungs pa yin no/ /de yang srog gcod pa dang ma byin par len pa dang/ bgrod par bya ba ma yin pa la zhugs pa la sogs pa la bdag nyid zhugs pa dang/ dgag pa med par zhugs pa dag gis de lta bu thos pa dang ji ltar na 'dir bdag cag skal ba dang ldan par zhes rnam par bsams nas dkyil 'khor du 'jug pa la sogs pa'i rim gyis phyag rgya chen po'i gnyis su med pa'i rnal 'byor mngon sum du byas pa dang/ de la bslab pas sdig pa thams cad spangs te rdo rje 'chang ba nyid
- 59a
du bya'o snyam mo/ /phyag rgya chen po'i gnyis su med pa'i rnal 'byor la 'jug pas kha na ma tho ba thams cad rnam par dag par 'gyur bar the tshom med do/ /de yang/ de bzhin gshegs pa'i mdzod kyi mdo las/ 'od srungs pha yang yin la rang sangs rgyas kyang yin pa'i srog bcad pa ni srog gcod pa'i nang na ma rung ba yin no/ /'di lta ste/ dkon mchog gsum gyi nor phrogs pa ni ma byin par len pa'i nang na ma rungs pa'o/ /'di lta ste ma yang yin la dgra bcom ma yang yin pa la nyal po byas na de ni 'dod pas log par g.yem pa'i nang na ma rungs pa yin no zhes bya ba nas/ 'od srung mi dge ba'i las kyi lam bcu po 'di dag ni kha na ma tho ba dang bcas pa chen po ste/ 'od srung gal te sems can la la zhig mi dge ba'i las kyi lam bcu po de ltar kha na ma tho ba dang bcas pa chen po dag dang ldan par gyur pa la/ do de bzhin gshegs pa'i chos bstan pa thos nas/ rgyu rkyen dang ldan pa la 'jug ste/ 'di na bdag gam sems can nam srog gam gang zag gam/ gang byed pa 'am/ gang myong ba gang yang med do/ 'di ltar chos thams cad ni ma byas pa/ mngon du bya ba med pa/ sgyu ma'i chos nyid kun nas nyon mongs pa can ma yin pa/ rang bzhin gyis 'od gsal ba yin par rtogs la/ /chos thams cad gzod ma nas rnam par dag par yid ches shing mos na sems can de ngan song du 'gro bar nga mi smra'o/ /de ci'i phyir zhe na/ nyon mongs pa rnams la phung po'i dngos po med de/ nyon mongs pa thams cad ni byung nas 'jig cing zhu'o/ /rgyu dang rkyen tshogs shing phrad pa las byung la byung ma thag tu 'gag pa'o zhes gsungs so/ /gzhan yang/ gnod sbyin srin po sha za sogs/ /
- 59b
dam tshig nye bar bstan pa ni/ /yid rton la gus sems ldan pa/ de rnams de ni sgrub phyir yin/ /gang zhig de bsgrub par 'dod pa rnams la de'i thabs ni 'di yin no zhes thabs bstan pa yin gyi nges par bya dgos so zhes bstan pa ni ma yin no/ /de ltar de nyid mi shes par/ /thos pa tsam la 'jug byed cing/ /gang zhig bsod nams mi byed pa'i/ /skyes bu tha ma de brlag 'gyur/ /tshig tsam la ni brten nas su/ /chags sogs zhen pa'i sems kyis ni/ /bsod nams ma yin byed pa gang/ /de ni 'og nas 'og tu 'gro/ gang yang ji skad du bshad pa'i dam pa'i chos kyi don mi shes par dam tshig dang sdom pa la sogs pa'i dgongs pa la brten te dge ba la lhod pa 'ba' zhig tu ma zad kyis sangs rgyas bcom ldan 'das rnams kyis de kho bo cag rnal 'byor pa rnams la rjes su gnang ba yin no zhes sgra mthon por sgrogs shing/ chags pa la sogs pa'i dbang du gyur pa'i sems kyis rgyud kyis mi dge ba rnams kyang byed pa de rnams ni sangs rgyas bcom ldan 'das rnams la yang skur pa btang cing bslus pas shin tu dam tshig nyams pa'i phyir/ mnar med pa nyid du ltung bas gnas par 'gyur ro// //shes rab thabs ni mnyam sbyor ba/ /rnal 'byor pa ni gang zhig des// de kun de med sdig sbyor byed/ /sangs rgyas kun gyis rab tu mchod/ /de bas na shes rab thabs kyi rang bzhin gnyis su med pa'i ye shes bsgom pa nyid sdig pa thams cad rnam par spyod par byed pa dang/ nges par legs pa thams cad 'byung bar byed pa yin no/ /de yang/ gang dag rnam par dben pa la/ /g.yo ba'i yid kyang mi g.yo de/ /nyon mongs sbrul gyis dkrugs pa yis/ /mi zad srid pa'i rgya mtsho rgal/ /ces bshad pa yin no/ /'di ni rnal 'byor mchog de yin/ /de phyir de
- 60a
bzhin gshegs phyag bya/ /de la rnal 'byor mdza' yas pa/ /rab tu 'byung bar gsungs pa yin/ /de nyid las ni rnal 'byor dag /mdza' yas pa ni yang dag 'gyur/ /sngags dang dkyil 'khor phyag rgya rnams/ / rnal 'byor de las dag par 'gyur/ /zhi dang rgyas pa'i lam rnams dang/ /gzhan yang gsang sngags byung ba gang/ /gang+gA'i klung gi bye ma snyed/ /dngos grub phra mo ci snyed dang/ /gzhan yang dngos grub che nyid dang/ /sa stengs grags pa ji snyed pa/ / rnal 'byor 'di las kun 'byung zhes/ /thugs kyi rdo rjes gsungs pa yin/ /gang yang nges par 'byed pa'i cha/ /bzhi dang sa ni bcu po la/ /'bras bu'i gnas skabs de thams cad/ /rnal 'byor 'di las yang dag 'byung/ /byung dang 'byung bar 'gyur gang dang/ /byung gyur rgyal ba'i sras po gang/ /'jig rten dbang sogs sems dpa' che/ /de yang 'di ni rnam pa gnas/ /'das dang ma byon sangs rgyas dang/ /de ltar byung ba'i rtogs gang dang/ /rang rgyal nyan thos dge 'dun rnams de yang 'di las byung ba yin/ /rnal 'byor spyod bya'i dbye ba las/ /sprul pa ci snyed byung ba rnams/ /de snyed de dag thams cad ni/ /rnal 'byor 'di las nges par byung/ /bag chags stobs kyis yongs bsgos pa'i/ /yongs su brtags pa'i rang bzhin can/ /bstan g.yo dngos po ji snyed pa/ /de snyed de la brten pa yin/ /zhes bya ba ni/ bsdus pa'o/ /de ltar de nyid rnal 'byor pa la de nyid ci bzhin bstan/ /de la mngon brtson 'gyur phyir yang dag 'di ni bshad pa yin/ /de la rnal 'byor pa gzhan de'i skal med gang de'i phyir/ /de la 'jug 'gyur ye shes phyag rgya chen por bstan pa yin/ /gsang sngags kyi sgo'i spyod pa spyad pa dbang po rab kyi man ngag bstan pa'o// //phyag rgya chen po mnyam sbyor ba'i/
- 60b
skal ba nyid bral bdag nyid la/ /ye shes phyag rgya rnam sgom par/ /thugs kyi rdo rjes gsungs pa yin/ /gang yang sems kyi rgyud 'dod chags la sogs pa la shin tu zhen par 'jug pa rnams/ /de las byung ba'i sems kyi rnam par g.yeng bas ji skad du bshad pa'i bcom ldan 'das yum shes rab mngon du bya bar mi nus pa de'i phyir ye shes kyi phyag rgya dang mnyam par sbyor ba'i thabs dang shes rab bsgom pa don dam pa'i shes rab dang thabs kyis rang bzhin gnyis su med pa'i ye shes bsgom pa la 'jug par bya ba'i don du/ bcom ldan 'das thugs rdo rjes bstan par mdzad pa yin no/ /de yang/ ye shes phyag rgya mnyam sbyor ba/ /zhe sdang rdo rje sogs tshul gyis/ /rigs kyi dbye ba la bsten nas/ /rnal 'byor ba ni rnam lngar 'dod/ /de la sems can thams cad kyi sems kyi rgyud la khams gsum pa'i nyon mongs pas yongs su bsgos pa nyid yin mod kyi/ 'on kyang 'dod chags dang zhe sdang dang/ gti mug dang/ nga rgyal dang/ phrag dog gi bag la nyal ni gzhan dag las shin tu shas che bar byung ba yin pas de rnams la de dang rjes su mthun pa'i bsgom pa ston par mdzad pa yin no/ /de yang/ gang gi rang bzhin chags ldang rnam bral yang/ /'dod chags la sogs chags can ltar ston cing/ /gdul bya'i don du khrod khro ston phyir/ /byang chub mchog brnyes de la phyag 'tshal lo zhes ji skad du gsungs pa yin no/ /de ji ltar 'dod chags la sogs pa gtso bor gyur pa de bzhin du/ /rigs rnams kyang lnga po nyid yin no/ /de yang/ zhe sdang gti mug 'dod chags dang/ /yid bzhin nor bu dam tshig ste/ rigs lngar gtogs pa 'di rnams kyis/ /'dod dang thar pa rab sgrub byed ces ji skad du gsungs pa lta bu'o/ /yid bzhin nor bu dang dam tshig gi rigs gnyis ni/ /nga rgyal dang/ phrag dog gi
- 61a
rang bzhin nyid yin pa'i phyir/ de la zhe sdang dang/ gti mug dang/ nga rgyal dang/ 'dod chags dang/ phrag dog gi rang bzhin ni rim pa ji lta ba bzhin du mi bskyod pa la sogs pa'i de bzhin gshegs pa lnga yin no/ /yang de rnams kyi ye shes phyag rgya mdor bsdu na/ rnam pa bzhi la yang dag brten/ /mA ma kI sogs dbye ba yis/ /rdo rje sems sogs rnal 'byor pa'i/ /mi bskyod rdo rje sems dpar bshad/ /rin chen 'byung ldan rnal 'byor pa'i/ / snyoms 'jug mA ma kI nyid ces/ /bdag cag rnams kyi bla mas bshad/ /ye shes kyi phyag rgya ni rnam pa bzhi ste/ /bcom ldan 'das rnam par snang mdzad kyi rnal 'byor pa'i ni sangs rgyas spyan no/ /rdo rje sems dpa' dang mi bskyod pa dang/ rin chen 'byung ldan gyi rnal 'byor pa'i ni mA ma kI'o/ /'od dpag tu med pa ni na bza' dkar mo'o/ /don yod par grub pa'i rnal 'byor pa'i dam tshig sgrol ma'o/ /gang 'di bcom ldan 'das thog mdza' med pa rnam snang zhing/ / kun rtog brjod dang bral bas spros pa med gyur pa/ /chags sogs rgyal ba lnga'i sku'i rang bzhin gyur/ /sems can bsam las dgongs te de ni de ltar mdzad/ /bcom ldan 'das byang chub kyi sems rdo rje de bzhin gshegs pa thabs dang shes rab gnyis su med pa'i ye shes kyi rang bzhin can de nyid 'dod chags la sogs pa'i rang bzhin de bzhin gshegs pa lnga dang/ rigs pa'i lha mo la sogs pa'i rnam par kun rdzob tu sku kun tu 'dzin par mdzad nas nyon mongs pos kun tu gang ba'i sems can gyi khams rnams kyi sems rgyud dri ma med par bya ba'i phyir dang/ gdul bya de rnams nyid de lta bu'i laM la 'jug pa'i skal ba dang ldan pa rnams de kho na nyid la nges par sbyor bar mdzad cing/ de ltar rnam par
- 61b
bzhugs so zhes bya ba ni man ngag yin no/ /yang ji ltar na tshul 'dis de kho na nyid la 'jug par 'gyur zhe na/ de'i phyir smras pa/ rgyal ba skyes mchog rnams kyi dri med skur gnas nas/ /cha gnyis bral bas char bcas phyi rol spong byed cing/ /sems rtogs pa yis sems tsam la ni des brten te/ /de yang sna tshogs snang bas gcig tuAng yod ma yin/ /sems ni du ma gcig tshul gyis kyang sna tshogs nyid/ /de bzhin kun kyang dngos po med pa nyid du shes/ / rim pa 'di yis dngos rnams de nyid bcas 'gyur la/ /de bsgom nyid kyis slar yang de ni de bzhin 'gyur/ /de ltar ye shes kyi phyag rgya dang mnyam par sbyor ba yi sems dpa' la sogs pa bsgom pa 'dis/ de kho na nyid bsgom pa la 'jug pa'i rim pa bstan pa yin no/ /de yang dang por re zhig gsang sngags kyi sgo'i spyad pa spyod pa rnams kyis zla ba dang rdo rje la sogs pa bsgom pa'i bskyed pa'i rim pas rdo rje sems dpa' la sogs pa'i sku yongs su rdzogs par byas pa dang/ bdag ni rdo rje sems dpa' o zhes bya ba la sogs par sgro btags par byas pa tsam du zad pas phyi dang nang gi bdag nyid can gyis bsgom par bya ba dang bsgom pa bo dang bsgom pa nye bar mi dmigs pas/ gzung ba dang 'dzin pa'i rnam pa las rab tu ldog pa'i phyir bla ma'i man ngag gis rnam par shes pa'i bdag nyid can gyi rang gi sems rnam par rtog pa'i spros pa'i tshogs gzhan nges par bsal ba sngon du 'gro ba'i rim gyis shin tu brtan pa nyid du bya'o/ /rnal 'byor pa yongs su rdzogs shing sems brtan par gyur ba ni mnyam par bzhag pa yin par shes par bya ste/ nye bar brtags pa'i dngos po la sems rtse gcig pa ni ting nge 'dzin yin pa'i rigs pas so/ /de'i tshe 'di ni rdo rje sems dpa' la sogs pa'i ngo bo nyid rang
- 62a
gi sems kyi rnam pa tsam yin yang phyi rol la mngon par zhen pas rang gi sems kyi rnam par mi shes par lta bar bya'o/ /yang gang gi tshe khyed kyi sems 'di nyid rdo rje sems dpa' la sogs pa ni rnam pa yin gyi phyi rol ni ma yin no zhes bla ma'i man ngag las rtogs pa dang/ de'i tshe rdo rje sems dpa' la sogs pa'i sku la brten pa'i phyi rol yongs su 'dor bar 'gyur ro/ /yang gang gi tshe khyed kyi sems tsam 'di la bsgom par bya ba dang sgom pa po dang/ bsgom par mngon pa'i nga rgyal mi bya'o zhes bshad par byas pa de'i tshe sems tsam la brten pa'i gzung ba dang 'dzin pa gnyis dang bral bas rnam par rtog pa med par/ rdo rje sems dpa' la sogs pa'i skur rnam par gnas so/ / yang rdo rje sems dpa' la sogs la sku gcig pa nyid dang du ma nyid la sogs pa dang bral bas bla ma'i man ngag nyid kyis dngos po med pa nyid du rtogs par 'gyur ro/ /de nas bla ma'i man ngag nyid las chos thams cad kyang rdo rje sems dpa' ya sogs pa'i sku dang 'dra bar dngos po med pa nyid du rtogs par 'gyur ro/ /de bas na rim pa 'dis rdo rje sems dpa' la sogs pa bsgoms pas kyang chos thams cad dngos po med par rtogs par 'gyur ro/ /snyam du dgongs nas rdo rje sems dpa' la sogs pa'i bsgom pa de kho na nyid bsgom pa la 'jug par bya ba nyid kyi phyir bcom ldan 'das kyis gsungs pa yin no zhes de kho na nyid shes par 'dod do/ /'di nyid la dgongs nas gdul bya rnams kyi sems kyi 'jug pa dang rjes su mthun par mdzad pa'i mgon po thugs rje dang ldan pas don dang ldan par gsungs pa'i tshul gyis gcig nas gcig tu brgyud pa'i tshul gyis brgyud pa 'am/ rgyur gyur pa'i 'brel bas de dang der rnam pa du mar gsungs pa yin no/ /de yang
- 62b
'di lta ste/ lha mo bzhi dang yang dag 'dus/ /dga' ba'i sbyor la legs par gnas/ /rdo rje rol pa la sogs pas/ /bcom ldan 'dod pa can grub 'gyur/ /'di ni rnal 'byor gtso mchog ste/ /dam tshig chen po bsgrub pa dang/ /dam tshig chen po de nyid las/ /de nyid skul bas bskul ba ni/ /kun gyi bdag nyid 'dir bzhugs nas/ /gsang ba'i snying po grong khyer cher/ /lha mo bzhi dang yang dag par/ /rol mo kun gyi gar mdzad do zhes bya ba yin no/ /de nyid kyis na/ lam la gnas ba'ang thabs kyis ni/ /gdul bya drang ba'i phyir yin gyi/ /nyon mongs dgra las 'jigs byed pa/ /min na ci phyir 'bras gnas yin/ /zhes bshad pa yin no/ /de ltar na ye shes kyi phyag rgya bsgom pa nyid kyi rim pas bla ma'i man ngag nyid las phyag rgya chen por 'gyur bas byas la/ yang dus phyis sngar bshad pa'i rim pa nyid kyis phyag rgya chen po'i gnyis su med pa'i rnal 'byor bsgom pa nyid kyis 'bras bu mngon par rdzogs par 'gyur ro zhes bya ba ni man ngag yin no/ /de ltar lhag pa'i ting 'dzin la gnas pa'i/ /mi 'pho'i gnas mchog dag tu rab myur 'gro /de las gzhan ? ? 'bra bar bshad/ /de las gzhan pa yang ni de bzhin 'gro /gsang sngags kyi sgo'i spyad pa spyod pa'i dbang po bar ma'i man ngag bstan pa'o// //gang zhig gis ni sems? kyi rgyud/ /'dod chags la sogs dbang gyur pa/ /de phyir rgyal bas las kyi ni/ /phyag rgya sogs sgoms yang dag gsungs/ /gang yang shin tu nyon mongs pa che ba las byung ba'i rnam par g.yang bas ye shes kyi phyag rgya la yang sems mnyam par 'jog par mi nus pa de rnams kyi phyir bcom ldan 'das kyis ji skad du bshad pa'i dam tshig dang yon tan dang ldan pa'i dam tshig gi phyag rgya dang snyoms par 'jug pa 'am/ las kyi
- 63a
phyag rgya dang snyoms par 'jug pa'i shes rab dang thabs? kyi rang bzhin can gyi bsgom pa nye bar bstan pa yin no/ /de yang/ de bzhin gshegs pa'i btsun mo mchog /spyan la sogs par bsgom par bya/ / dbang po gnyis ni mnyam sbyar bas/ /sangs rgyas dngos grub thob par 'gyur zhes bya ba dang/ de bzhin du/ b+ha ga la ni ling ga bzhag /sangs rgyas gzugs ni bsgom par bya/ /ba spu rnams kyi bu ga nas/ /mkhas pas sangs rgyas sprin rnams spro zhes bya ba la sogs pa gsungs pas/ sangs rgyas la sogs pas rjes su dran pa bsgom par blta bar bya'o/ /'di dag dang de lta bu'i rnam pa gzhan rgyud las rgya cher gsungs pa de thams cad gcig nas gcig tu brgyud pa'i tshul gyis rgyur gyur pa las dgongs pa nyid shes par bya'o/ /de nyid kyis na/ 'phags pa klu grub kyi zhal snga nas kyis kyang/ gang zhig gnod par mthong de'ang/ /mkhas pas la lar phan par mthong/ /nad kyi dbang gis thams cad kyang/ / sman nyid du ni 'gyur ba yin zhes bshad pa yin no/ /de ni rgyal bas du ma ru/ /shin tu gsal bar rnam par phye/ /de bzhin slob dpon du mas kyang/ /sgrub thabs cho gas bshad pa yin/ /chog 'di ni de lta bur lhag par mos pa gtso bor gyur pa'i gdul bya'i skye bo rnams kyi dor? gyur pa gong ma la sogs pa de dang der bcom ldan 'das nyid kyis shin tu gsal bar gsungs pa dang/ slob dpon rnams kyis kyang/ man ngag sna tshogs kyi dbang du mdzad nas/ spros pa dang bcas par sgrub pa'i thabs la sogs pa'i bya ba'i sgo nas rnam par brtsams pa yod pas 'dir rgya cher ma spros so/ /'on kyang/ nyon mongs pas gtses sems ldan la/ /de ni mnyam 'jog byed par 'dod/ /de bas 'dir bsdus pa nyid
- 63b
bya zhes/ /bdag cag rnams kyi bla mas bshad/ /'dod chags la sogs pa'i nyon mongs pa rnams kyis nye bar gtses pa'i sems mnyam par 'jog pa tsam gyi dgos pa yod pas kyang nyams su blang ba shin tu bsdus pa nyid 'dir mchog yin par bsngags so zhes kho bo cig bla mas bstan to/ /de nyid kyis na/ las kyi phyag rgya sogs bsgom pa/ /gong nas gong du mchog yin te/ /cig shos gong don mi 'dor zhes/ /de ltar bdag gi bla mas bshad/ /ji srid sngags pa ye shes kyi phyag rgya bsgom pa la sems mnyam par 'jog pa dang ldan par gyur pa de srid kyi bar du las kyi phyag rgya dang snyoms par 'jug pa 'am/ dam tshig phyag rgya dang snyoms par 'jug pas shes rab dang thabs kyi rang bzhin bsgom pa la mngon par brtson pa dang ldan par byed par 'gyur la/ /ye shes kyi phyag rgya la snyoms par 'jug pa'i bsgom pa la mngon par brtson pa dang ldan pa yang ji srid bla ma'i man ngag gis bcom ldan 'das yum shes rab mtshan gyi rnam pa gzhan yang phyag rgya chen po zhes bya ba mngon du mi byed pa de srid kyi bar du byed par 'gyur ro/ /de mngon sum du gyur nas kyang phyag rgya chen po'i gnyis su med pa'i rnal 'byor bsgom pa nyid las bde bar gshegs pa'i yon tan gyi tshogs dpag tu med pa yongs su rdzogs pa sngon du 'gro bas kun tu bzang po nyid du gyur cing skye ba 'di nyid dam skye ba gzhan du bsgom pa mchog dang rab tu mchog tu rdzogs pa'i dbang gis sangs rgyas nyid dang/ rdo rje 'chang ba nyid mngon sum du byed par 'gyur ro zhes bya ba ni shin tu bsdus te bstan pa yin no/ /gang zhig ye shes phyag rgya sogs/ /bsgom la mngon dga' med gyur pa/ /shes rab nyam chung nyid yin phyir/ /phyag rgya chen po bsgom pa min/ /de la kun mkhyen phan bzhed pas/ /phyag rgya chen po'i ming
- 64a
gis ni/ /rdo rje sems dpa' la sogs pa'i/ /gzugs de nyid ni nges par bstan/ /ye shes kyi phyag rgya la sogs pa bsgom par mngon par mi dga' ba dang ji skad du bshad pa'i phyag rgya chen po bsgom pa'i phyir snod du ma gyur pa nyid kyis la la dag la rdo rje sems dpa' la sogs pa'i gzugs nyid phyag rgya chen po yin par bstan pa ti? ci nas de bsgoms pa nyid las kyang ji skad du bshad pa'i rim gyis phyag rgya chen po nyid mngon sum du byed par 'gyur ro/ /rnal 'byor spyod pa'i dbye ba las/ /ji snyed gzugs ni rnam bsgoms pa'i/ /de snyed de nyid 'jug don yin/ /de ltar ngo bo? nyid shes rnams 'dod/ /dpal mchog dang po'i cho gar yang/ /tshangs dang drag po sogs bsgom par/ /des 'dul ba la gsungs pa ni/ /de nyid la ni 'jug phyir yin/ /de ltar rdo rje sems sogs sku ni ma lus bsam mi khyab/ /las kyi phyag rgya sogs ldan cha bral min pa gang bshad dang/ /gang yang cha bral gzhan dag thams cad rnam par bsgom par bya/ /gang phyir de yang rnal 'byor pa rnams de nyid rigs 'gyur phyir bstan no/ /gsang sngags kyi sgo'i spyad pa spyod pa'i dbang po tha ma'i man ngag bstan pa'o// //gang zhig bsgom stobs yongs su rdzogs/ /tshogs gnyis kyi ni rgyur gyur pa/ /sangs rgyas nyid la yang dag brten/ /bsgom pa'i skal dang mi ldan pa/ /de phyir 'gro ba'i mgon po yis/ /shes rab zhi gnas bsgom pa gsungs/ /de ni brtse chen rdzogs byang chub/ /'gro ba'i rgyud la skyes byed yin/ /gang yang bsgom pa'i stobs las nges par 'byung ba'i bsod nams dang ye shes kyi tshogs gnyis kyi rgyu kun tu bzang po nyid la rgyun mi 'chad par mngon par brtson pa'i rnal 'byor pas dus yun ring por mi thogs par
- 64b
rdzogs pa mngon sum du byed la/ /de byed pa'i skal ba med pa de rnams kyi phyir/ thugs rje chen po dang ldan pa'i mgon pos zhi gnas lhag mthong zung du 'jug pa'i lam nye bar bstan par mdzad pa yin te/ de ltar na de bsgom pas/ bcom ldan 'das yum shes rab mngon sum du byas nas/ de'i rang bzhin can gyi sbyin pa la sogs pa'i bya ba'i dngos po'i thabs la bslabs pa las sangs rgyas nyid du mngon par 'grub par 'gyur ro zhes dgongs pa yin no/ /de yang snying rje chen po skyes pas byang chub kyi sems bskyed la/ de nyid gong nas gong du rnam par rtog pa spong bas yongs su dag pa bskyed par bya ba'i phyir brtson par byed de/ snying rje chen po dang ldan pa ni gzhan gyi sdug bsngal gyis sdug bsngal ba nyid kyis 'di dag thams cad nyid sdug bsngal rnams las bton la sangs rgyas nyid la nges par sbyar bar bya'o zhes byang chub kyi sems bskyed par byed cing/ /'di rnams kyang dam bcas pa'i gnyis su med pa'i ye shes kyi ngo bo dang/ sbyin pa la sogs pa'i bya ba'i dngos po'i thabs la bslabs pa med par de gong nas gong du yongs su dag pa med par rdzogs par mi 'gyur ro snyam du dgongs nas gnyis su med pa'i ye shes rdzogs par bya ba'i phyir zhi gnas dang lhag mthong zung du 'jug pa'i lam yang sgom par mdzad do zhes bya ba ni mdor bsdus te bstan pa yin no/ /byang chub kyi sems de yang rnam pa du zhig ce na/ smras pa/ byang chub sems gang gzhan don du/ /yang dag byang chub 'dod pa yin/ / de ni dbye ba gnyis kyis gnyis/ /de dag nyi shu gnyis su 'ang 'gyur/ /byang chub kyi sems ni smon pa'i sems dang 'jug pa'i sems so/ /de yang sdong po bkod pa las/ rigs kyi bu sems can gyi tshogs na gang bla na med pa yang dag par
- 65a
rdzogs pa'i byang chub kyi sems ni rnyed par dka' o/ /de bas kyang sems can bla na med pa yang dag par rdzogs pa'i byang chub la mngon par zhugs pa de ni ches rnyed par dka' o zhes gsungs pa yin no/ /gnyis po de dag kyang rnam pa nyi shu rtsa gnyis su dbye bar bya ste/ de yang 'phags pa byams pas/ de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang/ /yid bzhin nor bu nyi ma glu/ /rgyal po mdzod dang lam po che/ /gzhon pa bkod pa'i chu dang ni/ /sgra brnyan chu bo sprin rnams kyis/ /rnam pa nyi shu rtsa gnyis so/ /zhes ji skad bshad pa yin no/ /de la yang 'di ltar blta bar bya ste/ 'dun pa'i gnas skabs sogs dbye bas/ / smon pa'i sems kyi rnam pa gsum/ /'jug pa zhes ni bya ba'i sems/ /rnam pa bcu dgu dag tu 'dod/ /de la smon pa'i sems ni rnam gsum du dbye ste/ /'dun pa dang lhan cig 'dres pa'i chos thams cad mngon par byang chub par 'dod pa'i mtshan nyid can ni sa lta bu yin no/ /bsam pa dang lhan cig 'dres pa ni pha rol tu phyin pa drug gi spyod pa'i mtshan nyid de/ phyis 'byung ba dang de ltar gyi 'gyur ba med pa'i phyir gser bzang po lta bu yin no/ /lhag pa'i sems dang 'dres pa ni byang chub kyi sems chos sum cu rtsa bdun bsgom par 'dod pa'i mtshan nyid can ni dkar bo'i phyogs thams bsgom par 'dod pa'i mtshan nyid can ni dkar bo'i phyogs thams no/ /'jug pa'i sems kyi dbye ba ni rnam pa bcu dgu ste/ sbyor ba dang 'dres pa gcig dang sbyin pa la sogs pa'i pha rol tu phyin pa bcu dang/ mngon par shes pa ldan pa dang/ bsod nams dang ye shes dang ldan pa dang/ byang chub kyi phyogs dang ldan pa dang/ zhi gnas dang lhag mthong dang ldan pa dang/
- 65b
gzungs dang spobs pa dang ldan pa dang/ chos kyi skyes mos tshal dang ldan pa dang/ bgrod pa gcig pa'i lam dang ldan pa dang/ chos kyi sku dang ldan pa'o/ /'di yis de dag ma lus khyab/ /de bas gnas skabs rnam pa bzhi ste/ /'bras bu rgyu dang sbyor sogs dang/ /las kyi gnas skabs dbye bas so/ /de la gsum ni las dang po pa'i gnas skabs so/ /bzhi pas ni nges par byed pa'i cha'i gnas skabs so/ /sbyin pa la sogs pa'i pha rol tu phyin pa'i sems kyis ni rgyu'i gnas so/ /mngon par shes pa la sogs pa'i gnas skabs dang lhan cig gnas pa'i brgyad kyis ni 'bras bu'i gnas skabs khyab pa yin no/ /de la dang po mgon po yis/ /gsol ba'i rnam par yang dag bshad/ /gnyis pa sbyin sogs la 'jug pa/ /'jug pa'i rnam par rab tu bsgrags/ /gsol ba'i rnam pa smon pa'i sems ni rnam pa gsum ste/ de yang sngar bshad pa yin no/ /'jug pa'i rnam pa ni gang nas brtsams te sdom pa 'dzin npa sngon du 'gro bas sbyin pa la sogs pa'i tshogs la 'jug pa de ni 'jug pa'i sems so/ /sdom pa yang bla ma sdom pa la gnas shing mkhas pa nus pa dang ldan pa las blang bar bya'o/ /de med na sangs rgyas dang byang chub sems dpa' rnams mdun du bzhugs par yid la byas la blang bar bya'o/ /de yang/ sbyin sogs shes rab dang bral ba/ /thabs ma yin zhing sa ma yin/ /de bas shes rab bskyed bya zhing/ /zhi gnas kyang mi bskyed par bya/ /shes rab med par ni sbyin pa la sogs pas pha rol tu phyin pa'i ming mi thob cing thabs kyang ma yin no/ /de bas na shes rab bskyed pa'i phyir dang/ zhi gnas bskyed pa'i phyir 'bad par bya'o/ /de la gang zhig khrims ldan sdug bsngal bzod nus dang/ /gang la brtson dang bag yod bstan pa
- 66a
'chang/ /gang tshe yang dag dang yang ldan 'gyur te/ /de'i ting 'dzin ni shin tu myur du rdzogs par 'gyur/ zhi gnas kyi tshogs tshul khrims la sogs pa gsum la rnam par gnas pas yid dang rjes su mthun pa'i phyogs su stan bde ba la 'dug ste /lus drang por gzhag la snying rje chen po mngon sum du bya ste/ sems can ma lus pa gdon pa'i bsam pas sems rtse gcig pa'i mtshan nyid can gyi ting nge 'dzin bskyed par bya'o/ / de la man ngag ni 'di yin te/ khams sogs dbye bas dngos po thams cad la/ /yang dag dmigs te ji srid mnyam bzhag thob/ /de srid yid ni skad cig re re gzhug /dang por re zhig rnal 'byor pas/ /khams la sogs pa'i rnam par dbye bas dngos po ma lus pa la rgya cher rnam par dpyad la /chos thams cad ni 'di tsam du zad do zhes de ltar nges par bya ste/ yang sems kyi rgyud kyi skad cig mas de nyid du gtad par bya'o/ /gal te yid ni chags sogs kyis g.yengs 'gyur/ /mi gtsang la sogs gnyen po bsgom pa yis/ /ji srid de ni brtan pa mthob pa/ /de srid blo dang ldan pas de zhi bya/ /yang gang gi tshe bar skabs su 'dod chags la sogs pas sems rnam par g.yengs par gyur pa de'i tshe mi gtsang bsgom pa la sogs pas rnam par g.yeng bar zhi bar byas la/ sems yang nas yang du de la gong nas gong du gtad par bya'o/ /de la yang bcom ldan 'das kyis yum shes rab kyi pha rol tu phyin pa las 'dod chags rnam pa dgu ni chen po nyid du bstan te/ 'di lta ste/ dbyibs la chags pa dang/ reg pa la chags pa dang/ /tsan dan la sogs pa bskus pa las byung ba'i lus kyi dri la chags pa dang/ rgyan gyis brgyan pa las byung ba'i lus
- 66b
mdzes ba la chags pa dang/ lus kyi kha dog la chags pa dang/ sha rgyas pa la chags pa dang/ lus dang yan lag gi rtse 'jo la chags pa dang/ so mdzes pa las byung ba'i chags pa dang/ kha dog dang dbyibs la chags pa'o/ / de'i gnyen por gyur pa'i mi gtsang ba yang rnam pa dgu ste/ de ni 'di lta ste/ dbyibs la chags pa rnams kyi gnyen po ni rnam par bam pa'i 'du shes so/ /lus kyi reg pa la chags pa'i ni 'bus gzhigs pa'i 'du shes so/ /lus kyi dril chags pa'i ni rnam par rul pa'i 'du shes so/ /lus mdzes pa la chags pa'i ni rnam par dmar ba'i 'du shes so/ /lus kyi kha dog la chags pa'i ni rnam par sngos pa'i 'du shes so/ /sha rgyas pa la chags pa'i ni rnam par zos pa'i 'du shes so/ /lus dang yan lag gi brtse 'jo la chags pa'i ni rnam par 'thor ba'i 'du shes so/ /so mdzes pa la chags pa'i ni rus gong gi 'du shes so/ /kha dog dang dbyibs la chags pa'i gnyen po ni rnam par tshig pa'i 'du shes so/ /zhe sdang las byung ba'i rnam par g.yeng ba'i gnyen po ni byams pa bsgom pa'o/ /gti mug las byung ba'i rnam par g.yeng ba'i gnyen po ni rten cing 'brel par 'byung ba bsgom pa'o/ /gang gi tshe sems der mngon par mi dga' bar mthong pa de'i tshe/ ting nge 'dzin gyi yon tan la bsam pa dang/ mi dga' ba'i skyon la bsam pas de yang zhi bar bya'o/ /gang gi tshe gnyid dang rmugs pa las sems zhum par mthong ba de'i tshe/ snang ba'i 'du shes bsgom pa dang/ rab tu dga' ba yid la byed pa sangs rgyas la sogs pa'i yon tan yid la byed pas zhum pa de yang zhi bar bya'o/ /yang gang gi tshe sngon rgod pa dang/ rtse zhing dga' ba rjes su dran pas sems bar skabs rgod par mthong ba
- 67a
de'i tshe mi rtag pa yid la byed pas de yang zhi bar bya'o/ /yang gang gi tshe zhum pa dang/ rgod pa dag dang/ bral ba nyid kyis cha mnyam par 'jug cing sems rang gi mtshan nyid kyis gnas par mthong ba de'i tshe/ / sgrim pa dang glod pa btang snyoms su byas te/ gal te sems mnyam par 'jug tu zin kyang bsgrim pa byas na/ de'i tshe sems rnam par g.yeng bar 'gyur ro/ /le lo dang ni dmigs pa brjed pa dang/ /de bzhin zhum rgod mi rtsol? ba dang rtsol/ /ting nge 'dzin la thams cad nyes par 'gyur/ /dad sogs sems nyid de'i gnyen po yin/ /mdor na ting nge 'dzin thams cad kyi nyes pa nyid ni rnam pa drug yod de/ 'di lta ste le lo dang/ dmigs pa brjed pa dang/ zhum pa dang/ rgod pa dang/ bsgrims pa dang/ ma bsgrims pa'o/ /de rnams kyi gnyen por spong ba'i 'du byed brgyad bsgom par bya'o zhes bcom ldan 'das kyis gsungs te/ 'di lta ste/ dad pa dang/ 'dun pa dang/ rtsol ba dang/ shin tu sbyangs pa dang/ dran pa dang/ shes bzhin dang/ btang snyoms dang/ sems pa'o/ /de la dang po bzhi ni le lo'i gnyen po yin te/ de yang ting nge 'dzin gyi yon tan rnams la mngon par yid ches pa'i mtshan nyid can gyi dad pas rnal 'byor pa rnams de la mngon par 'dod pa'i sems bskye bar 'gyur la/ mngon par 'dod pa de las rtsol ba brtsom par 'gyur ro/ /de las kyang lus dang sems las su rung ba nyid thob par 'gyur la/ shin tu sbyangs pa de las lus dang sems le lo las ldog par 'gyur ro/ /de bas na dad pa la sogs pa ni le lo spang ba'i phyir bsgom par bya'o/ /dran pa ni dmigs pa brjed pa'i gnyen po'o/ /shes
- 67b
bzhin ni zhum ma dang rgod pa'i gnyen po yin te/ des zhum ba dang rgod pa dag nye bar shes pa yin pa'i phyir ro/ /zhum pa dang/ rgod pa ma zhi ba'i dus su ni mi rtsol ba nyes pa yin te/ de'i gnyen por ni sems pa bsgom par bya'o/ /zhum pa dang/ rgod pa dang/ nye bar zhi bar gyur nas gang gi tshe sems rang gi rgyun gyis 'jug pa de'i tshe ni rtsol ba nyes pa yin pas de'i gnyen por btang snyoms bsgom par bya'o/ /spong ba'i 'du byed brgyad po de dang yang dag par ldan pa'i ting nge 'dzin gang gis rdzu 'phrul la sogs pa'i yon tan rdzogs par byed par mchog tu las su rung bar 'gyur ro/ /de bas na mdo las spong ba'i 'du byed brgyad dang ldan pa'i rdzu 'phrul gyi rkang pa bsgom par byed do zhes gsungs pa yin no/ /bsgom pa'i rim pa 'di nyid las dgongs nas/ bcom ldan 'das yum las/ de la sems mnyam par gzhag par bya/ yang dag par 'jog par byed/ rnam par 'jog par byed/ nye bar 'jog par byed/ dul bar byed/ zhi bar byed/ nye bar zhi bar byed/ gcig pa nyid du byed/ ting nge 'dzin du byed do zhes gsungs pa yin no/ /yang dag par 'jog pa ni dmigs pa de nyid la rgyun gyis 'jug par byed pa'o/ /rnam par 'jog pa ni rnam par g.yeng ba shes par byas te de nye bar zhi bar byed pa'o/ /nye bar 'jog par byed pa ni rnam par g.yang ba nye bar zhi bar byas nas de nyid la gong nas gong du gtong bar byed pa'o/ /dul bar byed pa ni dga' ba skyed par byed pa'o/ /zhi bar byed pa ni mi dga' ba nyer zhi bar byed pa'o nye bar zhi bar byed pa ni gnyid dang rmugs pa la sogs pa byung ba sel bar byed pa'o/ /gcig pa nyid du byed pa ni dmigs pa la mngon par 'du byed pa med par 'jug par 'bad par byed pa'o/ ting nge 'dzin du mnyam par 'jog pa ni sems
- 68a
mnyam pa nyid thob pa la btang snyoms su byed pas yang dag pa 'dzin par byed do zhes bya ba'i don to/ /tshig dgu po 'di dag gi bshad pa ni/ /slob dpon thogs med kyi mdzad pa las bris pa yin no/ /yang rim pa 'dis ting nge 'dzin rdzogs pa gang gi tshe 'gyur zhe na/ de'i phyir smras pa/ gang tshe sems ni rtsol ba med pas ni/ /rang gi ngang gis 'jug par gyur pa nas/ /de tshe sangs rgyas mnyam 'jog la brten te/ /'di ni ting 'dzin kun gyi tshul yin no/ /gang gi tshe dmigs pa de la mngon par 'du byed pa med par 'jug pas sems gnas par gyur pa de'i tshe zhi gnas rdzogs pa yin par shes par bya'o/ /de ltar mnyam 'jog shes nas ni/ /de nas shes rab bskyed bya ste/ gzugs dang gzugs med dbye ba yin/ /don de nyid ni rnam dpyad bya/ /de la re zhig gzugs can nyid rnam par dpyad par bya ste/ ci sngon po la sogs pa'i rnam pa 'di dag rnam par shes pa las tha mi dad pa yin nam/ tha dad pa yin/ de la shes pa las tha mi dad pa nyid yin na/ khams gsum de'i rang bzhin du 'gyur te/ thams cad sems kyi dngos po nyid du ni red na gang gi phyir sngon po la sogs pa'i rnam pa gcig pa nyid du mthong ba de yang shes pa yin te/ de las gzhan nye bar ma dmigs so/ /der ni 'di ltar 'gyur te/ gang yang mdun na gnas pa'i sngon po la sogs pa ni rnam par shes pa'i rang bzhin yin mod kyi/ 'on kyang de ni yul dang dus la sogs pa'i nges pa gzhan du mi 'thad pas phyi'i don du brtags pa yin no zhe na/ de ni ma yin te/ dam pa blo yi nges pa yang/ /nang gi rgyud las grub bar 'dod /nang gi shes par byed pa nyid yul dang dus
- 68b
kyi nges par rigs kyi don gyi dbang gis shes par bya ba med pas/ phyi rol tu rtog pa ni legs pa ma yin no/ /ci phyi rol las ma yin no zhes gal te zer na/ shes par byed pa las gzhan du mi 'thad pa nyid brtag par byas la/ de yang phyi rol nyid du brtag par bya ba ma yin nam zhe na/ de ni ma yin te/ thams cad mi dmigs pa nyid kyis gal te cung zad cig rtag tu zad na/ ma mthong ba brtags pa yin na rta'i rwa la sogs pa yang shes par byed pa nyid du zhan pas thal ches pa nyid du 'gyur ro/ /rta'i rwa la sogs pa ni med pas zhen pa med do zhe na/ phyi rol ji ltar yod/ nges pa gzhan du mi rigs so zhe na/ rta'i rwa dang mnyam pa dang gcig la gcig brten pa nyid kyis gzhan du mi 'thad pa las ni mthong ba nyid yin na/ mthong ba las ni gzhan du mi 'thad pa nyid yin no/ /gzhan nyid na ni 'gro ba rnams/ /gang phyir long ba glen nyid 'gyur/ /sngon po la sogs par bems po nyid kyis mi snang ba'i rang bzhin can yin pa'i phyir/ /'gro ba rnams long bar thal bar 'gyur ro/ /snang bar byed pa de sems kyi rang bzhin can gzhan zhig gyur pa nyid ma yin nam zhe na/ de ni ma yin te/ gang gi phyir sems kyi rang bzhin gzhan dag yod pa ma yin na/ 'di ga la yod/ gang mngon sum du yang med la rjes su dpag par yang med pa der sngon po la sogs pa dang tha dad pa dang sems kyi ngo bo gzhan dag 'di na mngon sum du mi snang la/ de rjes su dpag pa yang med de/ de ni mngon sum sngon du 'gro ba nyid yin pa'i phyir ro/ yang na 'khrul pa la sogs pa'i tshul du gzugs la sogs pa nye bar ma dmigs so zhe na/ de ni ma yin te/ gang gi phyir gzung bar bya ba las bye brag med pa nyid kyis 'khrul pa
- 69a
la sogs pa'i tshul ma yin te/ /'khrul pa nang gi reg bya'i yul gyi tshul nyid kyis phyi rol yin pa'i phyir/ de'i khyad par gyis kyang gzung bar bya ba'i khyad par du mi 'gyur ba dang/ rigs mthun pa dang tha dad pa'i skyes pas kyang ma yin no/ /'on te mngon sum du dmigs su med kyang don gyi dbang gis nye bar dmigs te/ de yang don mi shes pa la gang yang phyi'i dmigs pa mi skye'o shes pa las rjes su dpag pa nye bar dmigs par 'gyur zhes bshad do zhe na/ /de ni ma yin te/ gang gi phyir gzhan du 'thad pa ma yin pa sems kyi ma yin zad par 'gyur/ /sems kyi tshul ma yin pa nyid kyis bems po yin pas na so sor snang ba dang ldan pa ma yin no/ /gzhan du mi 'thad pa 'dzin pa po'i char yongs su brtag pa brtag par 'gyur du ni sems tshul nyid du de mi 'thad do/ /bems po nyid kyi dbang byas nas gzhan du mi 'thad pa yin no zhe na/ de ni ma yin te/ gang gi phyir phan tshun brten pa'i nyes pa ni/ tshangs pas kyang ni zlog mi nus/ /gzhan du mi rigs pa ni 'dzin pa po'i tshar yongs su brtag pa bems po dang bems po ma yin pa gzhan de nyid du rigs pa ma yin no/ /de bas na sngon po la sogs pa'i rnam pa gcig pu nyid du mthong gi de las tha dad pa'i bems po 'am sems kyi tshul gzhan ni yod pa ma yin no zhes bya bar gnas so/ /de ci'i phyir zhe na/ nye bar brtags pa 'dis na/ sems tsam la ni gnas nas su/ /phyi rol don la mi brtag go zhes bya bas te phyi rol med pa gzung par bya ba med pa'i phyir/ 'dzin pa po'i rnam par shes pa'ang yod pa ma yin la bzung bar bya ba dang 'dzin pa'i rnam pa dang bral bas gnyis su med pa'i tshul dang de bzhin gyi ngo bo nyid la gnas
- 69b
nas/ gzung ba dang 'dzin pa'i tshul gyis sems tsam yang spang bar bya'o/ /de yang ji skad du/ de bzhin nyid la dmigs nas su/ /sems tsam las kyang bzla bar bya/ /zhes gsungs pa yin no/ /de'i phyir rnam par shes la brten nas su/ /phyi'i don ni yongs su spang/ /stong nyed dmigs pa la gnas nas/ /'dzin byed cha yang spang bar bya/ /de ltar na tshul rnam pa gnyi ga dang bral bas stong pa nyid kyi rang bzhin can gyi sems kyi tshul ni 'gro ba yin no zhes nges par byas nas/ yang de nyid rnam par dpyad par bya ste/ ci de gcig pa 'am du ma 'am gnyig ni rang bzhin can nam/ skye ba 'am mi skye ba yin/ skye na bdag las sam gzhan las sam/ rgyu med pa las yin te/ de bzhin du dngos po'i rang bzhin can nam/ dngos po med pa'i rang bzhin can min zhes bya ba la sogs pas dpyad par bya'o/ /de la re zhig 'gro ba sna tshogs nyid yin phyir/ gcig nyid ma yin du ma'ang min/ / sems kyi tshul yang mi shes pas/ /de phyir gnyi ga'i tshul nyid min/ /skye ba ma yin 'gag pa med/ /'gro ba dngos dang dngos med min/ /de phyir de ni dngos med phyir/ /rang nyid chos sku'i bdag nyid can/ de la re zhig gcig pa nyid ma yin te/ gal te gcig tu gyur na/ sngon po dang ser po la sogs pa'i tshul gyis sna tshogs par snang ba'i shes par mi 'gyur te/ ser po la sogs pa ma lus sngon po'i nang nyid du 'dus par shes par thal bar 'gyur ro/ /sngon po yang sngon po dang phyi ma dang dbus kyi dbye ba dang rags par snang bas shes par mi 'gyur te/ gang la phyogs kyi cha yod pa/ /de ni gcig ba nyid mi 'thad/ /ces bya ba'i rigs pa nyid kyis so/ /de'i phyir
- 70a
rdul phra rab ci nyid du so sor snang bar 'gyur ro/ /du ma nyid du yang ma yin te/ du ma nyid yin na gzung ba dang 'dzin pa dang bral ba'i stong pa nyid kyi ngo bo nyid kyi de kho na nyid la rdul phra rab dbye ba med pa dang de las gzhan pa'i yang dag pa med pas rdul phra rab re re zhing rang rig pa'i tshul gyis de nyid rdul phra rab tha dad bar snang bar thal bar 'gyur ro/ /gnyi ga'i tshul du yang mi rigs te de lta bu'i shes pa med pa'i phyir ro/ /thams cad du kho bo cag gi tshad ma ni mngon sum pa yin na/ /rjes su 'jug pa 'am/ ldog pa'i tshul du lhan cig gam tha dad par mngon sum du shes pa nye bar ma dmigs so/ /de las gzhan pa yang de sngon du 'gro ba yin pas ma la de ltar ma dmigs na rjes su 'jug pa dang/ ldog pa tshad ma med par ji ltar yongs su brtags par bya/ 'on te sna tshogs pa nyid kyis dags pa'i rnam par rang gi shes pa'i tshul gyis rig pa ni re zhig gzhan dgag pa'i tshul gyis yod pa de yang rjes su 'jug pa dang ldog pa med par ma yin no/ /de ni de'i ngo bo las gzhan du mi 'thong bar yongs su brtag par bya'o zhe na/ ma yin te/ nyams su myong ba'i tshul nyid kyis spros la med pas de shin tu gsal bar bzang bas don gyis shes par bya ba med pa'i phyir ro/ /de nyid kyis na skye pa'ang mi rigs te/ rgyu dang 'bras bu'i tshul gyis tshad ma med pas so/ /sngon dang phyi ma'i tshul gyis tshad ma la 'jug na rgyu dang 'bras bu'i tshul du bzhag pa'i rnam pa gnyis po las rnam par dpen ba gnyis su med pa'i shes pa la ni sngon dang phyi ma'i 'jug pa dang ldan pa ma yin la/ /de las gzhan ba'i shes pa yod pa ma yin pas tshad ma med par bshad pa yin la/ /de ltar gang gi
- 70b
tshe rgyu dang 'bras bu'i tshul gyi tshad ma med pas skye pa nyid kyang med pa de'i tshe bdag dang gzhan las so?/ /gnyi ga las saM?/ rgyu med pa las ga las skye/ /de bas na yang dag pa'i shes pa ni rnam par dbyad pa 'di nyid kyis chos thams cad skye ba mthong bas slob dpon klu sgrub kyi zhal snga nas kyis/ ma rig rkyen las byung ba yi/ /yang dag shes pa la lta bas/ /skye ba 'am yang na 'gag pa ni/ /'ga' yang nye bar mi dmigs so zhes bshad pa yin no/ p/de ltar de kho na nyid la skye ba med pas dngos po'i tshul nyid du yang yod pa ma yin te/ 'byung bas na dngos po ste yod pa sngon du 'gro ba can gyi 'byung ba nyid la rnam par 'jog pa yin no/ /de ltar de 'jig pa'i tshul gyi rang bzhin can dngos po med pa'i tshul nyid kyang med do/ /dngos po dang dngos po med pa'i ngo bo nyid med pas spros pa thams cad kyang med pa yin te/ de rnams ni dngos po dang dngos po med pa dag la gnas pa nyid kyis de gnyis kyis khyab ba yin pa'i phyir te/ de ltar khyab pa po med pas khyab par bya ba yang med pa'i phyir ro/ /de bas na rnam par dpyad pa 'dis spros pa med pa nyid yin pa'i phyir 'gro ba rnams chos kyi sku'i bdag nyid du shes par byas la sems tsam las yongs su bzlas pa gcig dang du ma nyid la sogs pa'i tshul gyis de kho na nyid kyang snang ba med pa'i tshul du bzla bar bya'o/ /de bas na sems tsam las ni 'das nas su/ /snang ba med pa las bzla bar bya zhes gsungs pa yin no/ /spros pa med pa'i tshul yang snang ba med pa la rnam par gnas pa ni de kho na nyid de/ theg pa chen po zhes bya la/ mtshan gyi rnam pa gzhan du na phyag rgya chen po zhes bya ste/ de mthong bar 'gyur ro zhes gsungs pa ni/ snang med gnas pa'i rnal 'byor
- 71a
pa/ de yi theg pa chen po mthong zhes bya ba dang/ 'gro dang ldang dang 'dug pa dang/ /nyal na'ang mnyam par bzhag pa yin/ /mthong dang thos dang de bzhin bsgom/ /myong dang reg par de bsgom yang/ /shes rab mig ni dag pa'i bdag /rnam par dbyod la gcig tu brtson/ /chos rnams thams cad mi shes pas/ /mthong na'ang mthong ba ma yin no/ /de kho na nyid mthong ba 'di ni gang shes rab kyis rnam par brtags na yang dag pa'i ye shes mthong bas chos thams cad mi mthong ba yin no/ /de yang bcom ldan 'das yum las/ sangs rgyas bcom ldan 'das kyi ye shes kyi spyan gang zhe na/ gang gis ci yang ma gzigs pa'o zhes bya ba dang/ de bzhin du don di pa mthong ba gang zhe na/ gang chos thams cad mthong ba med pa'o zhes ji skad gsungs pa yin no/ /de bas na de kho na nyid kyi rnal 'byor pa rnams kyang sbyong lam thams cad la gnas pa na chos thams cad mthong du zin kyang ma mthong ba yin no/ /de lta bu nyid la mthong ba med pa zhes bya bar mngon par 'dod kyi gnyid log pa 'am/ mig btsums pa dang 'dra bar gang yid la mi byed pa ni ma yin no/ /de lta na ni bag chags ma spangs pas 'du shes pa'i? snyoms par 'jug pa la sogs pa las ldang ba bzhin du slar yang gzugs la sogs pa la mngon par zhen pa'i bag chags kyi rtsa ba can gyi 'dod chags la sogs pa skye ba nyid kyis rnal 'byor par mi 'gyur te/ thog ma med pa'i dus can gyi gzugs la sogs pa'i mngon par zhen pa yid la mi byed pa tsam gyis yongs su spangs bar mi 'gyur te/ 'du shes med pa'i snyoms bar 'jug pa la sogs pas kyang de spangs par 'gyur ro/ /gzugs la sogs pa'i
- 71b
yul rnams kyi the tshom ma spangs par de yid la byed pa yongs su spang bar yang nus pa ma yin te/ me yongs su ma spangs par tsha ba spong mi nus pa dang 'dra'o/ /de bas na the tshom gyi sa bon dang bral ba nyid kyis gzugs la sogs pa la mngon par zhen pa bsal bar bya'i/ tsher ma 'byin pa lta bur bya ba ma yin no zhes bya bar nges so/ /the tshom gyi sa bon dang bral bar bya ba yang zhi gnas dang lhag mthong phan tshun rjes su mthun par 'jug par bya'o/ /de yang sems rtse gcig pa'i mtshan nyid can gyi zhi gnas kyi snang ba skyes par gyur na shes rab mig gi rnam par dpyod pa'i rnal 'byor pa'i the tshom dang bral bar 'gyur ro/ /de dang bral bas gzugs la sogs pa la mngon par zhen pa dang bral lo/ / de dang bral nas kyang chos thams cad dngos po med par rtogs te/ de nyid ni shes rab kyi pha rol tu phyin pa'o/ /yang de'i tshe zhi gnas dang lhag mthong dag de'i bdag nyid can yin te/ de nyid ni mchog tu rnam par mi rtog pa'i rnal 'byor ro// de yang/ kun rtog thams cad spangs pa des/ /'di ni rnal 'byor dam pa yin/ /rnal 'byor pa gang mngon sum du/ /gnas pa kun mkhyen bcom ldan 'gyur/ /de ltar rim pa 'dis zhi gnas dang lhag mthong dag gis sam/ / bla ma'i man ngag gis bcom ldan 'das yum shes rab bskyed la/ byang chub sems dpa' dbang po rab dang ldan pa yin pa'i phyir de nges pa'i rgyu nyid kyis phyir mi ldog pa nyid rtogs par byas la/ shes rab kyi pha rol tu phyin pa'i ngo bo nyid dang/ sbyin pa la sogs pa'i thabs la rab tu 'jug go /de yang 'phags pa g.ya'i ? ri las/ gnyis po 'di dag ni byang chub sems dpa' i lam mdor bsdus pa ste/ 'di lta ste/ thabs dang shes rab bo zhes gsungs pa yin te/ thabs ni
- 72a
sbyin pa la sogs pa'i pha rol tu phyin pa dang/ tshang med pa dang bsdu ba'i dngos po la sogs pa'i dbye bas phye ba ste/ de nyid kyang 'phags pa blo gros mi zad pa dang/ dkon mchog sbyin la sogs pa'i mdo las gsungs pa'o/ /shes rab ni thabs de nyid phyin ci ma log par yongs su gcod pa'i rgyu'o/ /des kyang thabs yang dag par brtags nas phyin ci ma log pas bdag dang gzhan gyi don ji lta ba bzhin nyams su len pas sngags kyis zin pa'i dug spyod pa dang 'dra bar kun nas nyon mongs par mi 'gyur ro/ /de yang mdo de nyid las thabs ni bsdu ba shes pa'o/ /shes rab ni yongs su gcod pa'o zhes gsungs pa dang/ 'phags pa dang ba'i stobs bskyed pa las/ thabs la mkhas pa gang zhe na/ gang chos thams cad kyi bsdu ba shes pa la mkhas pa'o/ /shes rab gang zhe na/ gang chos thams cad dbyer med par shes pa la mkhas pa'o zhes gsungs pa 'di yin no/ / 'di dag ni sa la gnas pas kyang brten par bya'i/ shes rab tsam 'ba' zhig ni ma yin no/ /gang gi phyir sa bcu pa la sogs pa'i mdo las/ pha rol tu phyin pa lhag ma rnams la yang mi spyod pa ma yin no/ /zhes gsungs pas byang chub sems dpa' sa bcu po thams cad du yang pha rol tu phyin pa thams cad la kun du spyod par bya'o zhes bshad do/ /de yang shes rab kyi pha rol tu phyin pa la gcig tu dga' ba'i byang chub sems dpa' rnams kyi dbang du mdzad nas yongs su rgyas pa'i mdo chos thams cad bsdus pa las byams pa gang yang byang chub sems dpa' rnams kyis byang chub kyi phyir pha rol tu phyin pa drug yang dag par gzung bar bya ba de la skyes bu blun po rnams 'di ltar byang chub sems dpas
- 72b
shes rab kyi pha rol tu phyin pa 'ba' zhig la bslab par bya'i pha rol tu phyin pa lhag ma rnams kyis ci zhig dgos zhes zer zhing/ nges pha rol tu phyin pa gzhan dag la smos pa nyid du sems par 'gyur ro zhes bya ba la sogs pa rgya cher gsungs pa dang/ 'phags pa rnam par snang mdzad mngon par rdzogs par byang chub pa'i rgyud las kyang/ thams cad mkhyen pa'i ye shes 'di ni snying rje chen po'i rtsa ba can/ byang chub kyi sems kyi rgyud dang ldan pa/ thabs kyis mthar phyin pa'o zhes gsungs pa yin no/ / de bas na gnyi ga yang dus thams cad du brten par bya'o/ /de ltar na bcom ldan 'das mi gnas pa'i mya ngan las 'das par grub pa yin no/ /de yang sbyin pa la sogs pa'i thabs kyis gzugs kyi sku dang zhing dang 'khor la sogs pa'i longs spyod chen po 'bras bu phun sum tshogs pa yongs su 'dzin par mdzad pas bcom ldan 'das mya ngan las 'das pa la gnas par mi mdzad do/ /shes rab kyis phyin ci log ma lus par spangs pas 'khor bar gnas par mi mdzad de/ 'khor bar ni phyin ci log gi bdag nyid can yin pa'i phyir ro/ /de yang chos kyi rnam grangs gzings lta bur shes pa rnams kyis ni chos rnams kyang spad bar bya na chos ma yin pa lta ci smos zhes ji skad du gsungs pa lta bu yin te/ de la ci phyin ci log tu mngon par zhen pa nyid spang bar bya'o zhes gsungs kyi dgos pa'i don rdzogs par bya ba'i don du yang gnas par mi bya'o zhes gsungs pa ma yin no/ /de yang/ chos yongs su gzung bar bya'i mi gzung bar ni mi bya'o zhes gsungs te/ lam log par gzung bar mi bya'o zhes bya ba'i don to/ /de bas na dngos po thams cad de ltar gzigs te gsungs pa ni/ dus kun du ni thabs dang ni/ /shes rab pha rol byin bdag can/ /brten bya gang phyir de las ni/ /mi gnas mya ngan 'das par
- 73a
'gyur zhes bya ba yin no/ /de nyid kyis na sbyor zhes bya'i/ /sems bskyed yin te de yang ni/ /drod sogs dbye ba la brten nas/ /rnam pa bzhir ni gnas ma yin/ /de nyid kyi phyir shes rab dang thabs kyi rang bzhin la bslabs pa las sbyor ba zhes bya ba'i nges par 'byed pa'i cha'i sems skye par 'gyur ro/ /de yang rnam pa bzhi ste/ /'di lta ste drod dang rtse mo dang bzod pa dang/ chos kyi mchog ces bya ste 'di dag ni mnyam par bzhag pa'i bye brag nyid las gyur te/ /de la dang po'i sems ni snang ba thob pa zhes bya ba'i ting nge 'dzin yin no/ /gnyis pa ni snang ba mched pa'o/ /gsum pa ni de kho na nyid kyi don la phyogs gcig pa yin no/ /bzhi pa ni bar chad med pa'i ting nge 'dzin te/ /'di ni rnam rtog dgu po dag /re re yongs su spong byed de/ /gzung dang 'dzin pa'i kun rtog gi /dbye bas dmigs pa'i dbye ba nyid/ /byang chub sems dpa' rnams kyi nyon mongs pa ni rnam par rtog pa nyid yin te/ rnam par rtog pa de yang rnam pa du ma ste/ 'og nas bshad pa'i lam gyis spang bar bya'o/ /de la re zhig nges par 'byed pa'i cha dang po skye ban kun nas nyon mongs pa dang/ rnam par byang ba gnyis la dmigs pa na dang por gzung pa'i rnam par rtog pa dgu spong ba ni 'di lta ste/ ma rig pa'i rnam par rtog pa ni bum pa la sogs pa'i dngos por mi rtog pas so/ /phung por rtog pa dang/ ming dang gzugs su rtog pa dang/ mdza' gnyis su rnam par rtog pa dang / kun nas nyon mongs pa dang rnam par byang ba mi shes pa'i rnam par rtog pa dang/ 'phags pa'i lam la mi gnas pa'i rnam par rtog pa dang/ nye bar dmigs pa'i rnam par rtog pa dang/ bdag la sogs pa'i rnam par rtog
- 73b
dang/ ma skyes la sogs pa'i rna ri rtog pa'o/ /gnyis pa ni gzung ba'i rnam par rtog pa dgu po rnam par byang ba la dmigs pa spong ste/ de la rnam par byang ba'i yan lag can phung po dang khams dang skye mche de rtog pa gsum dang/ de rnams nyid skye ba'i rnam par rtog pa dang/ nang stong pa nyid la sogs pa'i rnam par rtog pa dang/ pha rol tu phyin pa la sogs pa'i rnam par rtog pa dang/ mthong ba'i lam gyi rnam par rtog pa dang/ bsgom pa'i lam gyi rnam par rtog pa dang / mi slob pa'i lam gyi rnam par rtag pa'o/ /gsum pa ni gang zag la dmigs pa'i 'dzin pa po'i rnam par rtog pa rnam pa dgu spong ste/ 'di lta ste/ rang gi brgyud kyi bdag tu 'dzin pa zhes bya ba'i rnam par rtog pa dang/ bdag gcig pu nyid dang/ rgyu'i bdag dang/ lta ba po yang bdag yin pa dang/ de bzhin du kun nas nyon mongs pa 'dzin pa dang/ 'dod chags dang bral ba'i 'dzin pa dang/ mthong ba 'dzin pa dang/ bsgom pa 'dzin pa dang/ don byas pa nyid 'dzin pa'i rnam par rtog pa'o/ /bzhi par ni brtags pa'i skyes bu la gnas pa'i 'dzin pa po'i rnam par rtog pa gnyis pa rnam par dgu spong ste/ de la phung po dang/ skye mched dang/ khams nyid la 'dzin pa po nyid du rnam par rtog pa nyid dang/ rten cing 'grel par 'byung bar brtags pa'i rnam par rtog pa dang/ rnam par byad par brtags pa'i rnam par rtog pa dang/ mthong ba dang sgom pa dang khyad par dang mi slob pa'i lam du brtags pa'i rnam par rtog pa bzhi pa'o/ /de dag ni sbyor ba lhan cig thob pa'i ye shes kyi ma'i khyad par du rtogs pas me dang 'phra ba'i sems skyed pa bzhi pa'o/ /gnas skabs 'dir ni rnal 'byor pa'i mos pa gtsor gyur pa nyid dang/ ji skad du bshad pa'i yon
- 74a
tan gyi gzhir gyur pa nyid kyis 'di ni zag pa dang bcas pa'i mos pa spyod pa'i sa zhes bya bar gnas so/ /de ltar gang nas gong du yon tan gyi bzhir gyur pa nyid kyi zag pa med pa'i sa bcu gcig yin par shes par bya'o/ /de las kyang ni rgyu'i gnas skabs/ /pha rol tu phyin pa bcu'i bdag nyid can/ de las dang po mthong lam nyid/ /de las gzhan pa bsgom bdag can/ /sems bskyed pa dang po ni mthong ba'i lam gyi rang bzhin can yin pas de skyes pa na rnal 'byor pa nyon mongs pa brgya rtsa bcu gnyis spong bar 'gyur ro/ /de ni 'di lta ste/ 'dod pa'i khams kyi sdug bsngal dang/ kun 'byung ba dang/ 'gog pa dang/ lam re re zhing spang bar bya ba bcu bcu yod pas na bzhi bcu'o/ /de bzhin du gzugs dang gzugs med pa'i khams kyi khong khro ba bton na bdun cu rtsa gnyis so/ /de las gzhan pa'i so dgu po ni bsgom pa'i bdag nyid can yin te/ de rnams su bsgoms pas spang par bya ba nyid bcu drug spong ba ni/ 'di lta ste/ rnam par mi rtog pa la 'jig tshogs la lta ba dang log par lta ba ni lhan cig skyes pa dang/ 'dod chags dang khong khro ba dang nga rgyal dang ma rig pa ste gong ma'i khong khro ba ni ma gtogs so/ / de yang nyon mongs pa brgya rtsa bcu gnyis spangs pa dang/ 'dzam+bu'i gling gi dbang phyug tu gyur kyang ji srid ltung ba phra mo rnams la shes bzhin du gnas par gyur par mi nus pa de srid sa dang po'i sems bskyed pa yin no/ /sems can tshad med pa'i sems kyi rgyud tshim par mdzad pas kun tu 'dzin par spyod pas gter chen po dang 'dra ba yin no/ /ltung ba phra mo'i dri mi spong bar nus pa nyid kyis na sa gnyis pa dri ma med pa'o/ /de yang gling bzhi'i dbang phyug tu gyur
- 74b
kyang ji srid 'jig rten pa thams cad kyi ting nge 'dzin la snyoms par 'jug par mi nus pa de srid du ni sa gnyis pa ste/ de ni thams cad rin thang med pa'i rin po che rnams de las 'byung bar byed pa yin pas rin po che'i 'byung gnas dang 'dra'o/ /de nus nas ni ting nge 'dzin gyi mthu thob pas gsum pa 'od byed pa'i sa'o/ /de sun cu rtsa gsum pa'i bdag por gyur kyang ji srid byang chub kyi phyogs bsgom par mi nus pa na/ mi sdug pa'i nye bar 'tshe ba thams cad kyis mi bskyod pas rgya mtsho chen po dang 'dra'o/ /nub par gyur nas ni de'i mthus sa bzhi pa 'ong 'phro ba yin no/ /de 'thab bral gyi bdag por gyur kyang ji srid bden par bsgom par mi nus pa na de yang dag pa'i shes pa la brten pas mi phyed pa'i phyir rdo rje dang 'dra'o/ / nus par gyur nas bdud thams cad kyis zil gyis mi non pas na lnga pa spyad dka' ba'o/ /de dga' ldan gyi bdag por gyur kyang ji srid mtshan ma med pa bsgom pa lhun gyis grub par 'jug mi nus pa de srid dmigs pa thams cad rnam par g.yeng pas bsgrub par mi nus pas ni ri bo dang 'dra'o/ /nub par gyur nas sangs rgyas kyi chos thams cad mngon du gyur pas na drug pa mngon du gyur pa'i sa'o/ /de 'phrul dga' i lha'i rgyal por gyur kyang de srid klags skabs med par bsgom mi nus pa de srid/ de sgrib pa gnyis kyis nad rab tu zhi bar byed pas na sman dang 'dra'o/ /de yan chad kyis pha rol tu phyin pa bzhi ni 'di ltar shes rab kyi bdag nyid can yin pas shes rab nyid khyad par can gyi rnam par 'jug pa ni thabs dang smon lam stobs dang ye shes so/ /mtshan ma med pa'i bsgom pa dang/ bar skabs med par bsgom par nus par gyur pa na lam la 'bad pa med pa'i thabs dang 'byor bas ring du song ba'i phyir sa bdun pa ring du song ba'o/ /de gzhal 'phrul
- 75a
dbang byed kyi bdag por gyur kyang ji srid lhun gyis grub par 'jug par mi nus pa de srid de gnas skabs thams cad du sems can gyi don yongs su mi spong bas mdza' bo dang mtshungs so/ /de nus par gyur nas mtshan ma med pa lhun gyis grub pas mi g.yo ba nyid kyis na sa brgyad pa mi g.yo ba'o/ /de ni stong chung ngu'i bdag por gyur kyang ji srid nges pa'i tshig la sogs pa'i tshig gis rnam pa thams cad du chos thams cad ston par mi nus pa de srid de smon lam ji lte ba'i 'bras bu yid bzhin gyi nor bu dang 'dra'o/ /nus par gyur nas chos ston pa la mkhas pa nyid kyis nas dgu pa legs pa'i blo gros so/ /stong gnyis pa'i bdag po tshangs par gyur kyang ji srid chos kyi longs spyod yongs su rdzogs pas sems can rnams yongs su smin par mi nus pa srid/ gdul bya'i skye bo yongs su smin par byed pas na nyi ma dang 'dra'o/ /nus par gyur nas chos kyi chu'i char 'bebs pas sa bcu pa chos kyi sprin no/ /de gnas gtsang ma pa rnams kyi bdag por gyur kyang ji srid rnam pa thams cad mkhyen pa nyid kyi ye shes bskyed par nus pa de srid/ /de gdul bya'i skye bo rnams kyi yid dga' bar byed pa'i chos ston par byed pas na/ dbyangs snyan pa glu dang mtshungs so// de la 'di ltar rnam par dpyad par bya ste/ dri ma med pa la sogs pa'i sa dgu ni/ bsgom pa'i lam gyi bdag nyid can de'i spang bar bya ba ni bag la nyal bcu drug yin no zhes bshad/ /de ltar gal te sa dgus spang bar bya na/ de'i tshes bcu pa'i mdo dang 'gal bar 'gyur te/ de las sa brgyad par rnam par mi rtog pa'i ye shes kyi nyi ma shar bas nyon mongs pa thams cad mun pa dang 'dra bar spong bar 'gyur ro zhes gsungs la/ de ni khams gsum pa'i chags pa
- 75b
dang bral ba'i dbang du mdzad nas/ gsungs pas de nyid 'di'i mya ngan las 'das par 'gyur ro/ /'dod chags dang ma bral ba'i mya ngan las 'das par brtags pa ni med pa yin pa'i phyir ro/ /'on te spangs pa yin na nyon mongs pa rnams ji ltar nges par ma bsregs zhes bya ba la sogs pa dang/ yang 'khor ba 'gags par gyur na/ ji ltar sangs rgyas kyi chos rnams yongs su rdzogs pa ma gyur zhe na/ 'di la ni brjod par bya te/ 'gags su zin kyang dbang bcu thob pas de yid kyi rang bzhin gyi lus kyis sangs rgyas kyi chos rnams yongs su rdzogs par byed pa la 'gal ba med do/ /nges par ma bsregs pa zhes bya ba la sogs pa gang/ bag chags kyi dbang du mdzad nas gsungs pa yin na 'khor ba dang mya ngan las 'das la nyan thos ji lta bzhin ga la 'gyur te/ 'di dag ni snying po med pa'i tshig tu zad do/ /de yang/ nyes pa bag chags bcas pa ni/ /skyobs gcig pu la me mnga' zhes bshad pa yin no/ / de nas kun bzang zhes bya ba/ /ye shes lnga'i rang bzhin can/ /sku gsum gyi ni ngo bo nyid/ /rnam pa thams cad mkhyen rang bzhin/ /yang gang gi tshe shes rab dang thabs kyi rang bzhin can gyi de kho na nyid la bslabs pas rnam pa thams cad mkhyen pa nyid skyed pa nus pa de'i tshe ye shes lnga'i bdag nyid can/ sku gsum gyi ngo bo nyid kun tu bzang po zhes bya ba'i sangs rgyas kyi sar rnam par bzhag go/ de la chos kyi dbyings kyi ye shes dang/ gang yang kun gzhi rnam par shes pa rnam pa thams cad du rnam par dag pas me long lta bu'i ye shes nyid du yongs su gyur pa ste gnyis po dag ni chos kyi sku'o/ /de yang gang yang kun gzhi rnam shes ni/ /me long lta bu'i ye shes gyur/ /de yang chos
- 76a
dbyings ngo bo ro/ /de yang chos kyi dbyings kyi ni/ /ngo bor la la 'dod pa yin zhes bshad pa yin no/ /de nyid kyis na de nyid kyi ngo bo ni bcom ldan 'das rnam par snang mdzad dang mi bskyod pa nyid der bdag po nyid yin no/ /sprul pa'i 'khor lo ma lus pa ni chos kyi dbyings kyi ye shes nyid la rab tu 'jug pa yin no/ /mnyam pa nyid dang so sor rtog pa'i ye shes kyi bdag nyid ni de yang/ nyon mongs can nyid gnas gyur pa/ /mnyam nyid ye shes yin par bshad/ /yid kyis rnam shes nyid gang yin/ /so sor rtog byed ye shes so/ /chos kyi longs spyod ston pa dang/ /byang chub sems dpa' chen po'i dang/ /chos kyi longs spyod rdzogs nyid kyis/ /de gnyis longs spyod rdzogs sku nyid ces bshad pa yin no/ /de nyid kyis na de dag gi ngo bo nyid bcom ldan 'das rin chen 'byung ldan dang/ 'od dpag tu med pa gnyis ni chos kyi longs spyod rdzogs pa'i ngo bo nyid do/ /bya ba bsgrub pa'i ye shes kyi bdag nyid can ni sprul pa'i sku ste/ de yang/ gang zhig dbang po lnga rnam shes/ /de ni don kun yongs 'dzin pas/ /sems can kun gyi don thob pa/ /bya sgrub ye shes snod nyid do/ /de yang kun du dus kun du/ /ji bzhin dus su bsam pa bzhin/ /sprul ba kun gyi rgyud gyur pas/ /sangs rgyas rnams kyi sprul sku yin zhes bshad pa yin no/ /de bas na de'i ngo bo bcom ldan 'das don yod par grub pa ni mngon par thob pa dang/ nges par legs par grub pa'i sprul pa'i las can yin no/ /der ni sems bskyed rnam pa brgyad/ /gzhan don gcig du la dgongs yin/ /rtog mi mnga' yang 'phen shugs kyis/ /thub pa'i 'jug pa'i chos nyid yin/ /de yang mngon par shes
- 76b
pa dang lhan cig par gtogs pa ni mthu thogs pa med pa mnga' ba nyid kyis gzhan gyi don lhur mdzad pas rgyal chen po 'dra'o/ /bsod nams dang ye shes dang lhan cig pa gtogs pa ni mdzod dang 'dra bas mdzod kyi khang pa dang 'dra'o/ /byang chub kyi phyogs kyi lhan cig pa gtogs pa ni 'phags pa thams cad gtsung cing rjes su 'gro ba yin pas lam chen po dang 'dra'o/ /zhi gnas dang lhag mthong dang lhan cig pa gtogs pa ni 'khor ba dang mya ngan las 'das par mi ltung bar bde bar 'degs pas bzhon pa dang 'dra'o/ /gzungs dang spobs pa dang lhan cig par gtogs pa ni bstan pa mdza' yas pa nye bar 'byed pas bkod ma dang 'dra'o/ /chos kyi sbyin ba dang lhan cig par gtogs pa ni thar pa 'dod pa rnams kyis thos na dga' ba yin pas kun tu dga' ba'i sgra dang mtshungs so/ /bgrod pa gcig pa'i lam dang lhan cig par gtogs pa ni thams cad kyi rgyu gcig bu yin pa'i phyir dang/ rang gi dang? gis 'jug pa nyid kyis na chu bo'i rgyun dang 'dra'o/ /chos kyi sku dang lhan cig par gtogs pa ni don gyi bya ba thams cad de la rag las pa'i phyir sprin dang 'dra'o/ /gzhan dag na re sems bskyed pa brgyad po 'di dag ni ma nges pa'i tshul can yin no zhes zer ro/ /de ltar zhi gnas rnam bsgom shes rab rnam par dpyod pa dang/ /de dang rjes mthun de nyid kyi ni ye shes bskyed nas su/ /ma tshad med pa thabs de brten la nges pa'i bdag nyid can/ /gang yin rnal 'byor ba de kun kyang dbang po mchog tu 'gyur/ /de bas de ni mos spyod las/ /snga ma nyid du mi ldog par/ /shes rab pha rol phyin sogs su/ /rdzogs pa'i sangs rgyas kun gyis brtsis/ /pha rol tu phyin pa mchog gi man ngag bstan pa'o// //'di dag thams cad yongs rdzogs par
- 77a
dbang 'bring gis kyang bsgom par bya/ /shes rab bskyed nas de nas ni/ /de ngang tshul 'thun sbyin sogs yin/ /dbang po 'bring po rnams kyis kyang/ /'di skad du bshad pa'i zhi gnas rnam par bsgoms la shes rab kyis kyang don rnam par dpyad de de gnyis kyis shes rab bskyed pa dang rjes su mthun pa'i thabs la bslab par bya'o/ /de rnams skye mched rnam pa yis/ /don kun dmigs par rgyal ba rnams/ /bzhed kyi zhi gnas bskyed pa la// khams sogs dbye bas ma yin no/ /yang de rnams skye mched kyi rnam pa gnyis kyi don thams cad la yang dag par dmigs te zhi gnas bskyed par byed pa yin na/ /rgyal ba'i sras de ji skad du/ rab dga' i sar ni ma zhugs la/ /de nyid nges gyur de srid du/ /mi ldog nyid kyang ma yin no/ /gang gi phyir de rnams kyis zhi gnas dang lhag mthong dag gi de kho na nyid bskyed du zin kyang ji srid bar du dga' ba'i sa ma thob pa de srid rdo rje lta bu'i de kho na nyid yid la byed pa med pas phyir mi ldog pa ma yin zhing rang gi lam la mngon par brtson par gyur pa'ang ma yin no/ /pha rol tu phyin pa la spyod pa dbang po bar ma'i man ngag bstan pa'o// //dbang po tha ma zhi gnas bskyed// gzugs dang gzugs med dbye bas sam/ phung po yi ni dbye ba yis/ /don kun dmigs pa gsal bar 'dod/ /dbang po thams cad kyang de bzhin du thams cad bsgom zhing brten par bya mod kyi 'on kyang de rnams khams dang skye mched kyi dbye ba rnam par spangs nas gzugs can dang gzugs can ma yin pa'i dbye ba nyid kyi don thams cad la dmigs par bshad do/ /de nyid la ni des rgyu can/ /ji srid ring du song ma zhugs/ /de srid der ni phyir mi ldog /ma
- 77b
yin zhes ni rgyal bas gsungs// //dris pa so so'i skye bor gyur kyang zhi gnas dang lhag mthong dag gis yang dag pa'i ye shes bskyed pa de ji ltar ma nges pa yin no/ /yang bla na med pa'i de kho na nyid mngon sum du byas su zin kyang ji ltar na nges pa tsam med pas phyir ldog par rtog /'dod chags dang bral ba'i lam gyi 'bras bu thob kyang 'bras bu de las nyams pas de nyid de bskyed par byed pa yin no/ /de yang shi nas 'bras bu mi nyams so zhes bshad pa yin/ 'dir brjod par bya ste/ de kho na nyid mngon du ma byas pa ni gang la yang yod pa ma yin gyi/ de las go bzlog pa ma nges pa tsam nyid ni 'khor ba zhes bya'o/ /de bas na zhi gnas dang lhag mthong gnyis yang dag pa'i ye shes bskyed pa la de dang rjes su mthun par spyod pa yin no/ /bris pa gal te thams cad thams cad du de kho na nyid mngon sum du byed pa yin na yang dag pa'i ye shes bskyed pa 'di gang zhig yin/ /de ni gang 'di de dang rjes su mthun par spyod pa byed pa rnams yin no/ /de de lta yin na nges pa yin mod/ de lta ma yin te brtan par gyur pas rdo rje lta bu'i ting nge 'dzin nyid yin par nges pa yin no/ /de lta na nges par 'byed pa'i cha las 'byung ba ji ltar 'byung bzhin de tsam nyid nas de kho na nyid la mos shing mos pa las 'byung ngo zhes de kho na nyid smra ba rnams 'dod do/ /yang phyir ldog par rtog par ji ltar 'gyur zhes gang smra ba de ni rdo rje lta bu'i sems med pa nyid yin no/ /zhes kho bo cag smra'o/ /don 'di nyid la dgongs nas shes rab kyi pha rol tu phyin pa'i phyir mi ldog pa'i rtags kyi le'u las so so'i skye bo'i gnas skabs dang/ sa dang po la sogs pa'i gnas skabs su/ byang chub sems dpa' rnams phyir mi ldog pa'i rtags nyid dang ldan par gsungs pa yin no zhes kho bo cag gi bla
- 78a
mas bshad pa yin no/ /shes rab kyi pha rol tu phyin pa la spyod pa'i dbang po tha ma'i spyod pa bstan pa'o/ /'pho med byang chub la brten shin tu gsal bar bshad 'di la/ /gang zhig de nyid rab myur yang dag min brten pa/ /de la che 'bring tha ma'i lam gzhan dag kyang gang yin pa/ /de las gzhan par gang gis myur 'gyur bdag gis bshad par bya/ /mngon sum ma yin ye shes dang/ /las kyi phyag rgya sogs rim gyis/ /sgro btags kun dang rnam bral gyi'o/ /de nyid bsgom pa mi nus pa/ /de phyir dang por rgyal bas ni/ /de nyid rab tu gsal ba dang/ nyon mongs med pa'i rgyu dang ni/ /sgro btags rnams ni spangs pa gsungs/ /gang zhig ji skad du bshad pa'i rnam pa drug gis/ de kho na nyid skyed par mi nus pa de rnams kyi phyir de kho na nyid de nyid 'dod chags la sogs pa bskyed pa'i rgyu'i sgro btags pa cung zad las ldog pa bsgom par bya ba'i phyir/ sangs rgyas bcom ldan 'das kyis chos mngon par gsungs pa yin no// //de yang bde sogs sgro btags las grol ba/ /sdug bsngal bden sogs ming nyid du/ /rdzogs pa'i sangs rgyas kyis bstan cing/ /de nyid kho nas lhag par brtags/ /de la rtag pa dang bde ba dang bdag dang bdag gir sgro btags pa las bzlog par bya ba'i phyir/ mi rtag pa dang sdug bsngal ba dang stong pa dang/ bdag med pa'i rnam par bsgom pa na de kho na nyid de nyid sdug bsngal gyi bden pa zhes bya bar btags pa'o/ / de nas 'dod pa'i dbang phyug la sogs pa'i rgyu med pas na chos thams cad ni rgyu med pa'o/ /dus la sogs pa ni sems med cing rtags pa'i dngos po'i don gyi rgyu can yin pa'i phyir rgyu gcig pa dang/ /gtso bo tshangs pa la sogs pa'i rgyu
- 78b
can yin pas na/ dngos po 'gyur ba'i rgyu can no/ /dbang phyug la sogs pa'i rgyu can yin pas na blo dang ldan pa'i rgyu can no zhes bya ba de'i gnyen por rgyu dang kun 'byung ba dang rab tu skye ba dang rkyen ces bya ba ldog pa bzhi bstan te/ de bsgom pa na kun 'byung gi bden pa zhes bya bar btags so/ /thar pa med do zhes bya ba dang/ thar pa ni sdug bsngal ba zhes bya ba dang/ bsam gtan gyi bde ba nyid gya nom pa yin no zhes bya ba dang/ grol ba rnams kyang slar 'khor bar ltung bar 'gyur ro zhes bya ba'i gnyen por 'gog pa nyid dang/ zhi ba nyid dang/ gya nom pa nyid dang/ nges par 'byung ba nyid ces bya ba ldog pa rnam pa bzhi bstan te/ de rnams sgom pa na 'gog pa'i bden pa zhes bya bar btags so/ /mya ngan las 'das pa ma thob pas sngon po la sogs pa las tha dad pa dang/ de bzhin du bdag yod pas mtshan nyid can gyi lam med pa dang/ 'di ni lam ngan pa ste lam med pa dang/ slar ldog pa'i lam yin no zhes bya ba'i gnyen por lam dang/ rigs pa nyid dang/ sgrub pa nyid dang/ nges par 'byin pa nyid ces bya ba ldog pa bzhi bstan te/ de bsgom pa na lam gyi bden pa zhes bya bar btags so/ /sngon po la sogs pa las tha dad bar mya ngan las 'das pa mthong ba'i phyir ro/ /de ltar na de kho na nyid dbyer med pa'i rang bzhin can yin na yang ldog pa tsam nyid kyi dbye bas byis pa rnams la sdug bsngal la sogs pa'i bden pa'i dbye bas bstan pa yin no/ /yang mi rtag pa la sogs pa'i rnam par dbye ba rnam pa bcu drug tu yang bstan to/ /de bsgom pa ni gang yin pa/ /mngon par rgyal ba mchog gis bstan/ /mdor bsdus mdzod du slob dpon ni/ /dbyig gnyen gyis kyang de bshad do/ /de bas de ni bsgom 'dod pas/ /de dag las de shes par bya/ /
- 79a
sbyor ba mthong ba lam slob lam /slob pa'i rnam dbye rnam pa bzhi/ /gal te de lta yin du zin kyang chos mngon pa'i mdzod las bshad pa dbang po tha ma dang/ bar ma dang/ rab kyi dbye bas phyi ba gsum char gyis yang cung zad cig 'dir bshad par bya'o/ /de la re zhig dang por rnal 'byor pas so sor thar pa'i sdom blangs pas/ /tshul khrims la gnas par bya ste/ /tshul khrims ltar yon tan ni/ /ma lus sa bon brten 'gyur gyis zhes shes par byas la/ de rnam par dag par bsrung ba la 'bad par bya'o/ /de nas 'phags pa'i bden pa bzhi dang/ rjes su mthun pa'i bstan bcos mnyam pa dang/ dbyed pa bdag gi thos pa dang bsam pa'i rang bzhin can gyi shes rab bskyed la/ bsgom pa la rab tu sbyar bar bya'o/ /de yang tshul gnas thos dang bsam ldan pas/ /bsgom pa la ni rab sbyar bya/ /zhes bshad pa yin no/ /de nas bsgom pa la sbyor ba'i dus su dam pa ma yin pa dang 'dres pa dang/ /rnam par rtog par yongs su spangs pas lus dang sems nye bar bsdus par 'gyur ro/ /de ltar lus dang sems nye bar sdud pa yang chog shes pa dang/ 'dod pa chung bar 'gyur gyi 'dod pa che ba dang chog mi shes ba rnams ni ma yin no/ /de yang 'dod pa che ba dang/ chog mi shes pa las nye bar sdud pa gnyis dang ldan par mi 'gyur ro/ /de yang 'dod chags la spyod pa dang/ rnam par rtog pa la spyod pa rnam pa gnyis yod do/ /de la 'dod chags la spyod pas ni dang por sems mnyam par gzhag par bya ba'i phyir mi gtsang bsgom par bya'o/ /rnam par rtog pa la spyod pas ni dbugs rdub pa dang 'byung ba rjes su dran pa bsgom par bya'o/ /de yang/ de la 'jug pa mi gtsang ba 'am/ dbugs
- 79b
'byung rdub pa dran pas so zhes bshad pa yin no/ /de nas zhi gnas thob par gyur nas ni/ lus dang tshor ba dang/ sems dang/ chos rjes su dran pa ste/ rjes dran bzhi bsgom par bya'o/ /de rnams kyi bsgom pa ni rang dang spyi'i mtshan nyid la yongs su brtag pa'o/ /de la rang gi mtshan nyid ni gzugs gzugs su rung ba zhes bya ba la sogs pa'o/ /spyi'i mtshan nyid ni stong pa dang bdag med pa zhes bya ba la sogs pa'o/ /de yang/ zhi gnas thob par gyur nas ni/ /lus dang tshor ba sems chos kyis/ /mtshan nyid gnyis ni yongs brtags pas/ dran pa nye bar gzhag bsgom bya zhes bshad pa yin no/ /de ltar mi gtsang ba dang/ dbugs 'byung ba dang rdub pa rjes su dran pa'i sbyor ba la bslabs pas rang gi mtshan nyid kyi rigs dang ldan pa dag 'di rjes su dran pa na 'jug par 'gyur te/ de yang mi gtsang ba la gtsang bar 'du shes pa'i phyin ci log pa'i gnyen po yin no/ /de nas tshor ba rjes su dran pa la ste/ de yang sdug bsngal bde bar phyin ci log pa'i gnyen po yin no/ /de nas yang sems rjes su dran pa la ste/ de yang mi rtag pa la rtag par phyin ci log pa'i gnyen po yin no/ /de nas de'i 'og tu chos rjes su dran pa ste/ de yang dad pa la sogs pa'i chos tsam du dmigs pas bdag med pa la bdag tu phyin ci log pa'i gnyen po yin pa/ de bas na phyin ci log bzhi'i gnyen po yin no zhes gsungs pa yin no/ /gang gi tshe rang gi mtshan nyid 'dzin pas na chos zhes bya bas phung po lnga la dmigs pa nyid chos rjes su dran pa ste/ de'i tshe chos thams cad la dmigs pa'i chos rjes su dran pa la mi rtag pa dang/ sdug bsngal ba dang stong pa dang bdag med pa'i rnam par chos thams cad bsgom pa yin no/ /
- 80a
de bas na/ chos kun dran pa nye bar gzhag par/ /ma lus dmigs pa la gnas pa'i/ /mi rtag sdug bsngal stong pa dang/ /bdag med de ni rnam par mthong/ /zhes gsungs pa yin no/ /de nas phyis 'byung bar 'gyur pa'i 'phags pa'i lam gyi me'i snga rtags gtsub shing gi me'i sngon du dro ba 'byung ba dang 'dra ba'i drod du gtogs pa'i nges par 'byed pa'i cha bskyed par byed do/ /de bden pa bzhi'i yul la rnam pa bcu drug tu dmigs la/ de nas yang rtse mor gtogs pa ste/ de dang 'dra ba nyid do/ /de nas kyang bzod pa'o/ /de nas bzod pa las chos kyi mchog go /'di dag ni nges par 'byed par cha bzhi bsgom pa'i rang bzhin can nyid kyi dge ba'i rtsa ba yin no/ / de yang de ltar nges 'byed cha bzhi po/ sgom pa ni rang bzhin can zhes bshad pa yin te/ 'di tsam ni sbyor ba'i lam yin no/ /de yan chad 'phags pa'i bden pa rnams bzhi'i yul la skad cig ma bcu drug can gyi bden pa mngon rtogs pas zag pa med pa mngon par rtogs pa skye bar zad do/ de yang 'di lta ste/ sdug bsngal la chos shes pa'i bzod pa dang/ sdug bsngal la chos shes pa dang sdug bsngal la rjes su shes pa'i bzod pa dang/ sdug bsngal la rjes su shes pa ste/ sdug bsngal gyi bden pa la dmigs pa'i skad cig ma bzhi'o/ /de bzhin du kun 'byung ba dang/ 'gog pa dang/ lam gyi bden pa la yang sbyar bar bya'o/ /de la chos shes pa'i bzod pa dang/ chos shes pa'i skad cig ma brgyad ni 'dod pa na spyod pa'i nyon mongs pa rnams kyi gnyen po yin no/ /rjes su rtogs pa'i bzod pa dang/ rjes su rtogs pa'i chos shes pa'i skad cig ma brgyad ni/ gzugs dang gzugs med pa na spyod
- 80b
ba'i nyon mongs pa rnams kyi gnyen po yin no/ /de yang/ 'jig rten pa'i chos mchog las/ /chos shes bzod pa zag pa med zhes bshad pa yin no/ /de la lam la rjes su rtogs pa'i shes pa'i skad cig ma yongs su spangs nas/ de yan chad ni mthong ba'i lam yin te rjes su rtogs pa shes pa nyid ni mthong ba'i lam yongs su rdzogs pa yin pa'i phyir ro/ /sems skad cig ma bcu drug pa la ni shes par bya ba sngon med pa yod par 'dod gyi mthong bar bya ba ni med de bzod pa nyid mthong ba'i ngo bo nyid yin pa'i phyir ro/ /bsgom pa'i lam gyis yang dag par bsdus pa'i lam gyi rjes su shes pa zhes bya ba ni chos mngon pa las gsal bar bya ste/ de yang/ ma mthong mthong phyir mthong ba'i lam/ der ni skad cig bco lnga'o zhes bshad pa yin no/ /de la bzod pa'i skad cig ma de nyid nyon mongs pa spong bar byed pas bar chad med pa'i lam gyi ngo bo nyid do/ /shes pa'i skad cig ma ni rnam par grol ba'i lam gyi ngo bo nyid do/ /nyon mongs pa yang mdor bsdus na/ sdug bsngal dang kun 'byung dang 'gog pa dang lam dang/ bsgom pas spang bar bya ba'i dbye bas rnam pa lngar 'gyur ro/ /de la sdug bsngal mthong bas spang bar bya ba bcu ste/ 'dod chags dang/ khong khro ba dang/ nga rgyal dang/ ma rig pa dang/ the tshom ste lnga dang/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang/ brtul zhugs mchog tu 'dzin pa dang lnga ste bcu'o/ /kun 'byung dang 'gog pa mthong bas spang bar bya ba ni bdun te/ de dag nyid las/ 'jig tshogs dang/ mthar 'dzin pa dang/ tshul khrims dang/ brtul zhugs mchog tu 'dzin pa ma
- 81a
gtogs pa gong ma rnams so/ /lam mthong bas spang bar bya ba ni brgyad de/ bdun po de dag nyid dang/ tshul khrims dang brtul zhugs mchog tu 'dzin par blta'o/ /bsgom pas spang bar bya ba ni bzhi ste 'dod chags dang/ khong khro ba dang/ nga rgyal dang/ ma rig pa ste 'di dag ni 'dod pa'i khams kyi yin no/ /gzugs dang gzugs med pa'i khams dag la yang de dag nyid las thams cad du khong khro ba bton pa lhag ma gsum mo/ /de nyid kyis na nyon mongs pa dgu bcu rtsa brgyad du 'gyur ro/ /de yang de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim bzhin spong bar byed/ /gzhan ni bsgom pas spang bya yin/ /khong khro ba ma gtogs de dag nyid/ /gzugs khams gzugs med de dang 'dra/ /de ltar dgu bcu rtsa brgyad 'dod ces bshad pa yin no/ /de la 'jig rten chos kyi mchog gi rjes thogs la sdug bsngal la chos shes pa'i bzod pa skye ba na 'dod pa'i khams na spyod pa'i sdug bsngal bcu'i thob pa spong ste/ de yang shes rab kyi bdag nyid can yin pa nyid kyis sdug bsngal mthong ba'i ngo bo nyid yin pa'i phyir ro/ /sdug bsngal la chos shes pa yang bzod pas yongs su mthong ba'i sdug bsngal la nges pa'i bdag nyid yin te/ de yang mtshungs par ldan pa rnams dang thob pa lhan cig skye ba yin no/ /de ltar na bzod pa thams cad ni sdug bsngal la sogs pa mthong ba'i bdag nyid yin la/ shes pa rnams ni nges pa'i bdag nyid can yin te/ 'di gnyis kyis ? po 'byin pa dang sgo gtan 'dzud pa'i tshul du nyon mongs pa thams cad spong
- 81b
bar byed do/ /de bzhin sdug bsngal la rjes su chos shes pa'i bzod pa skye ba na gzugs dang gzugs med pa'i khams na spyod pa'i sdug bsngal mthong bas spang bar bya ba bco brgyad kyi thob pa spong bar byed la/ sdug bsngal la chos shes pa yang de dang mtshungs par ldan pa'i thob pa lhan cig skye bar 'gyur ro/ /kun 'byung la chos shes pa'i bzod pa skye ba na de'i spang bar bya ba'i nyon mongs pa 'dod pa'i khams na spyod pa'i nyon mongs pa bdun gyi thob pa spong bar 'gyur ro/ /chos shes pa yang de dang mtshungs par ldan pa'i thog pa dang lhan cig skye bar 'gyur ro/ /kun 'byung ba rjes su chos shes pa'i bzod pa skye ba na de'i spang bar bya ba'i nyon mongs pas gong ma pa yin pa'i phyir ro/ /nyon mongs pa'i thob pa bcu gnyis spong bar 'gyur la/ rjes su shes pa yang de dang mtshungs par ldan pa'i thob pa dang lhan cig skye bar 'gyur ro/ /'gog pa la chos shes pa'i bzod pa skye bar 'gyur ba/ de'i spang bar bya ba'i nyon mongs pa 'dod pa'i khams na spyod pa'i bdun gyi thob pa spong bar 'gyur la/ chos shes pa yang de yang mtshungs par ldan pa'i thob pa dang lhan cig skye bar 'gyur ro/ /'gog pa la rjes su chos shes pa'i bzod pa skye ba na de'i spang bar bya ba'i nyon mongs pa gong ma bcu gnyis kyi thob pa spong bar 'gyur la/ rjes su chos shes pa yang de dang mtshungs par ldan pa'i thob pa dang lhan cig skye bar 'gyur ro/ /lam la chos shes pa'i bzod pa skye ba de'i spong bar bya ba'i nyon mongs pa 'dod pa'i khams na spyod pa brgyad spong bar 'gyur la / chos shes pa yang de dang mtshungs par ldan pa'o thob pa dang lhan cig skye bar 'gyur ro/ /lam la rjes su shes pa'i bzod pa skye ba na de'i spang bar bya ba'i nyon mongs pas gong ma bcu bzhi'i thob pa spang bar 'gyur ro/ /'di tsam gyis lam la gnas pa'i
- 82a
rnal 'byor pa ni rgyun tu zhugs pa'i rgyu la zhugs pa zhes bya'o/ /rjes su chos shes pa dang mtshungs par ldan pa thob pa lhan cig byung ba'i skad cig ma de'i na rgyun tu zhugs pa'i 'bras bu la gnas pa nyid yin no/ /de lta re zhig mthong ba'i lam gyis de'i spang bar bya ba spangs pa yin no/ /de'i 'og tu ni bsgom pa'i lam skye bar 'gyur te/ des kyang de spang bar bya ba spong bar 'gyur ro/ /de yang 'dod pa dang gzugs dang gzugs med pa'i dbye bas bcur 'gyur la/ bcu po de dag re re zhing yang rnam pa dgu dgur byas te/ 'khor ba ni 'dod pa'i khams dang/ gzugs kyi khams bsam gtan bzhi dang/ gzugs med pa'i khams bzhi ste/ sa dgu yin no/ /de la 'dod pa'i khams na 'dod chags dang/ khong khro ba dang/ nga rgyal dang/ ma rig pa dgur dbye ba dang/ gzugs dang gzugs med pa'i sa rnams kyi 'dod chags dang/ nga rgyal dang/ ma rig pa yang re zhing dgu dgur dbye ste/ de ltar byas na sa'i rnam pa'i dbye bas brgyad cu rtsa gcig tu 'gyur te/ rnam pa 'di nyid kyis bsgom pa'i lam yang brgyad cu rtsa gcig nyid yin no/ /de yang/ sa dang sa la nyes rnam dgu/ de bzhin du ni yon tan rnams/ /chung dang 'bring dang che rnams kyi/ /chung ngu la sogs tha dad phyir zhes bshad pa yin no/ /bye brag ni 'di yin te/ sa re re zhing nyon mongs pa'i rnam pa dang po chen pos? chen po'i nas tha ma chung ngu'i chung ngu'i bar nyid la lam gyi rnam pa yang/ dang po ni chung ngu'i chung ngu yin la/ tha ma ni chen po'i chen po yin no/ /de yang gang gi phyir de ni sdug bsngal gyi bden pa la sogs pa mthong ba rnams la yang dang yang du rtsol bas bsgom pa yin la/ rtsol ba yang dang po ma goms pa'i gnas skabs su ni chung ngu'i chung ngu nyid skye bar 'gyur la/ de las kyang chung ngu'i bar ma nyid skye bar 'gyur ba nas mthar chen po'i
- 82b
bar du skye bar 'gyur ro/ /de nyid kyis na nyon mongs pa'i rnam pa chen po'i chen po lam gyi rnam pa chung ngu'i chung ngus spong bar 'gyur la chung ngu'i chung ngu ni chen po'i chen pos spong bar 'gyur te/ de ni khrus mkhan gyis gos kyi tshul du shes par bya'o/ / de la gang lam gyi rnam pa brgyad cu rtsa gcig po 'di dag gis nyon mongs pa'i rnam pa de las re re spong zhing bar byed pa na re re zhing bar chad med pa dang/ rnam par grol ba'i lam gyi ngo bo nyid yin par shes par bya'o/ /de la gang 'dod par gtogs pa'i nyon mongs pa rnam pa lnga spang ba'i bar ni lan cig phyir 'ong ba'i rgyu la zhugs pa yin la/ drug pa spangs pa ni phyir 'ong ba nyid do/ /nyon mongs pa'i rnam pa bdun pa dang brgyad pa spangs pa ni phyir mi 'ong ba'i 'bras bu la zhugs pa'o/ /'dod par gtogs pa'i nyon mongs pa dgu pa spangs pa ni phyir mi 'ong ba nyid do/ /srid pa'i rtse mo'i cha brgyad spangs pa'i bar ni dgra bcom pa'i rgyu la zhugs pa'o/ /dgu pa spong ba bar chad med pa'i lam ni rdo rje lta bu zhes bya la/ rnam par grol ba'i lam ni zad pa shes pa zhes bya ba'o/ /zad pa shes pa skye bar gyur pa chung ngu dang bar ma dang chen po'i dbye bas phye ba'i khams gsum pa'i nyon mongs pa de dag thams cad spangs pa ni dgra bcom par 'gyur ro/ /de dag ni bsgom pa'i lam yin no/ /de yang g.yo ba dang/ mi g.yo ba'i bar gyi dbye bas rnam pa mang du 'gyur te/ de la gang mi g.yo ba'i chos can gcig phul ni de'i tshe zad par shes pa skye bar 'gyur ro/ /gal te zad par shes pa ma yin na mi slob pa'i shes rab skye bar 'gyur la/ de dag thams cad kyang dgra bcom pa yin par bye brag med do/ /de yang/ gal te mi g.yo zad shes las/ /mi skye ba'i blo gros yod min na/ /zad shes sam ni mi slob ltar/ /de'i dgra bcom thams cad la zhes bshad pa yin no/ /
- 83a
de nyid kyis na zad pa shes pa'i rjes thogs la mi slob pa'i lam du rnam par bzhag pa yin no/ /der yang lus kyi mngon sum du byed pa la sogs pa'i dbye bas gang zag mang po yod mod kyi skabs 'dir dgos pa med pa'i phyir dang/ gzhung mangs kyis dogs pas ma bshad pa yin no/ /khams gsum pa'i nyon mongs zad/ /kun mkhyen ye shes kyis bskul nas/ /phyag rgya che dang mnyam sbyor ba/ thob nas rgyal ba dam par 'gyur/ /de la re shig dbang po rab ni khams gsum pa'i nyon mongs pa rnams spangs pa yin du zin kyang thams cad mkhyen pa'i ye shes dang/ bsod nams kyi tshogs las nges par 'byung ba'i gzugs kyi sku med par sems can ma lus pa'i dgos pa byed nus par ma mthong ba dang/ snying rje chen po'i bdag nyid can nyid kyis sems can ma lus pa gdon pa'i bsam pas/ bcom ldan 'das dbang du byas pa nyid kyis de'i dus phyi zhig na bcom ldan 'das yum shes rab kyi mtshan rnam pa gzhan yang/ phyag rgya chen po zhes bya ba bskyed de/ de bslab pa nyid kyis bsod nams dang ye shes kyi tshogs bsags te/ bla na med pa yang dag par rdzogs par byang chub nas/ sangs rgyas bcom ldan 'das su 'gyur ro zhes bya ba ni man ngag go / de bas na de'i phyag rgya chen po'i sbyor ba bsgoms pa nyid las 'tshang rgya ba nyid ces bya'i/ sangs rgyas nyid thob pa'i lam de las gzhan dag yod pa ma yin no zhes shes par bya'o/ /phyag rgya chen po la 'jug pa'i don du 'dod chags bral ba'i lam bsgom pa ni 'gal ba med do/ stong nyid bsgoms pas grol 'gyur te/ bsgom pa lhag ma de don yin zhes bshad pa yin no/ /gang yang 'dod chags dang bral ba'i lam skyed du zin kyang 'dod chags bral ba'i lam mngon sum
- 83b
du ma byas pa nyid du dus byas pa de rnams ni lus kyi ston par mngon par 'dod pa'i dbang dang lam yongs su smin par dam pa'i chos nub par 'gyur pa/ rang sangs rgyas kyi byang chub mngon sum du byas nas zag pa med pa'i dbyings nyid du 'khod par 'gyur ro/ /de yang bstan bcos las/ rdzogs sangs rgyas rnams ma byung zhing/ /nyan thos rnams ni zad pa na/ /rang sangs rgyas kyi ye shes ni/ /rten pa med pas rab tu skye/ /zhes ji skad bshad pa yin no/ /gang yang dang po nas bdag nyid dul ba dang zhi bar gcig tu mngon par 'dod pa nyid kyis 'dod chags dang bral ba mngon sum du byed pa de rnams kyang mya ngan las 'das pa thob pa zhes bya ste/ zag pa med pa'i dbyings nyid la gnas la/ phyis thams cad mkhyen pa'i ye shes kyi 'od zer gyis yang dag par bskul ba nyid kyis phyag rgya chen po la 'jug pa'i rim gyis sangs rgyas nyid thob par 'gyur pa yin zhes bya ba ni mdor bsdus pa'o/ /de yang bstan bcos las/ thugs rje chen po dang bral bas/ /'di dag rang gi don la gzhol/ /rang byung sgra las skyes pa ste/ /theg pa chen por mi bsngags so/ /theg pa che las bstan pa yi/ /rgyal ba'i yon tan mdza' yas dang/ /byang chub sems dpa' i mthu thos pas/ /de dag stong nyid 'gyur ba yin no/ /gang gi lam gyis theg chen nor/ /ma lus bsregs par gyur pa de/ /byang chub sems dpa' rnams nang na/ /skyes bu dbul po lta bur gnas/ /byang chub gnyis po thob pa de/ /srid pas shin tu sgrag pas na/ /tshe zad pa ni dga' gyur pa/ / mya ngan 'das thob ming can yin/ /'di nyid mya ngan 'das min gyi/ /'on kyang srid gsum skye ba ni/ /de la yod pa ma yin pas/ /de rnams zag med dbyings na 'khor/ /mi shes nyon mongs min yang phyir/ /phyi nas sangs rgyas kyis ? bskul
- 84a
bsod nams tshogs ni bsags pa las/ /de yang 'jig rten 'dren par 'gyur zhes ji skad du rgya cher bshad pa'o/ /de bas phyag rgya che mnyam sbyor/ /rnal 'byor dang ni bral ba nyid/ /rdzogs pa'i byang chub mi thob cing/ /mngon mtho'i 'bras bu nyid ma yin/ /de nyid la ni 'jug pa'i phyir/ /bden pa bzhi ni rnam bsgom pa/ /rdo rje sems sogs bsgom pa yi/ /rnal 'byor pa la 'gal ba med/ /'on kyang gtam du bya ba gzhan yang yod de/ /bdag gzhan lta la chags pa dang/ /sdang bas nyes bcom yid spangs te/ /rnam par dpyad las gzhan pa'i rgyu/ /de nyid des lam mthong ngo/ /de bas der gus rnal 'byor pas/ /rjes chags khong khro spangs nas ni/ /rnam pa kun la mkhas bya zhes/ /de ltar rgyal ba dam pas gsungs zhes bya ba yin no/ /de ltar kun mkhyen gyis gsungs bka' / /kun phan ma lus brtags nas ni/ /mdor bsdus nas ni bstan pa 'di/ /de nyid shes rnams mgu phyir byas/ /de ltar lam la rnam zhugs sems ni nges par mi g.yo gang/ /g.yo bar gyur na'ang de tshe yang dag bka' ni rnams bsgoms la/ /rgyal ba'i gsung gi tshogs ni thog ma par dang mdza' dag la/ /brten cing mi phyed tshul rnams kun gyis rnam par brtags pas brtan par 'gyur/ /de ltar ma lus bde gshegs bka' / /bdag gis yang dag bshad pa yin/ bsod nams gang yin de 'gro kun/ /de yi gzhung la gcig dgar shog/ //de kho na nyid la 'jug pa zhes bya ba bde bar gshegs pa'i bka' ma lus pa mdor bsdus te bshad pa'i rab tu byed pa/ slob dpon dpal ye shes grags pas mdzad pa rdzogs so// //rgya gar gyi mkhan po padmA ka ra ba rma dang/ zhu chen gyi lo tsA ba dge slong rin chen bzang pos
- 84b
bsgyur cing zhus te gtan la phab po'o// // (!/ /sngags kyi tshul gyi snang ba zhes bya ba bzhugs//) // */ /rgya gar skad du/ man+t+ra na yA lo ka/ bod skad du/ gsang sngags kyi tshul gyi snang ba/ bcom ldan 'das 'jam pa'i rdo rje la phyag 'tshal lo/ /rnam dag dga' ba yang dag 'bab/ /rab mdzes rgya che'i sku mnga' ba/ /shes rab thabs bdag nyid rdo rje/ /sku gsung thugs la phyag 'tshal lo/ /dus kyi bdag nyid ngan pa dang/ 'gro ba'ang skal ba med pa dag/ gzigs nas bdag gi bla ma yis/ /gsang sngags tshul bshad bkag pa yin/ 'di ltar de nyid kyis mdzad pa'i/ /de nyid snying po bsdus par ni/ /de ma bshad pa'i rigs pa dang/ /dgongs pa yang ni bstan pa yin/ /gang yang blo dman kha cig ni/ /der des ma gtogs pa nyid dang/ /phrag dog yin par dogs byed cing/ /rmongs pa yis kyang de brnyas byed/ /de spong sdig pa'i me nang du/ /phye ma leb ltar ji srid ni/ /ltung bar ma gyur de srid du/ /de skyob pa la bdag 'bad do/ /'di na chos bdag med pa ni/ /thos pa tsam gyis blo ngan rnams/ /phal cher rgyang pan grub mdza' yi/ /gzhung lugs la ni kun tu brten/ /zas dang spyod lam la sogs pa/ /ngan pa rang dga' nyid du byed/ /bla ma dge ba'i bshes gnyen yang/ /mi shes dregs pas smod par byed/ /bdag dang bdag gir 'dzin smyo byed/ /cung zad tsam yang btsal bar ni/ /mi nus bzhin du chos rnams kyi/ /ngo bo med pa nyid duAng smra/ /thub pa chen po'i bstan pa yi/ /de nyid don ni mi shes par/ /mi bzad las kyis bcom pa rnams/ /gzhan dag kyang ni rlag par byed/ /bde gshegs gzhung du bcos pa yi/ /bstan pa 'jig byed bdud de ni/ /gzhom pa'i don du bdag cag gis/ /de nyid cung zad bstan par bya/ /'jig rten grags lam bzang spong ba/ /'jig rten rgyang phan ma gtogs pa/ /mu stegs pa yang 'dod min na/ /sangs rgyas rjes 'brang smos ci dgos
- 85a
nyon mongs shes bya'i sgrib 'jig cing/ /bdud rnams 'joms pa'i brtan pa ni/ /nyes pa kun las rnam grol ba/ /blo gros ngan pas dri mas bsgos/ /bde gshegs gzhung ni gang yin la/ /zas spyod ngan 'di ga la yod/ /nyi ma dag dang mun nag ni// lhan cig gnas par snang ba yin/ /'on te de nyid rnal 'byor pa/ /bdag cag la ni kha zas dang/ spyod lam sogs kun ci dga' bar/ /rnal 'byor rgyud las skyob pas gnang/ /de yang 'di ni gsal nyid du/ /zla gsang thig le la sogs las/ /rnal 'byor pa yis ma bya ba/ /ci yang med ces gsungs pa yin/ /gzhan yang/ chos dang chos min la sogs pa/ /thams cad bsam pas brtag par zad/ /dngos po de lta'i rang bzhin yin/ /khyod kyi tshang ma ci yang med/ /bya ba'i 'bras bu'i bsam pa la/ /rag las de phyir de bzhin gshegs/ /brtser ldan de nyid gzigs pa yis/ /bkag pa rnams kyang gnang bar mdzad/ /gzhan yang 'di dag rang bzhin gyis/ /chos rnams thams cad bdag med de/ /nam mkha' i utpal sogs bzhin gsog /nyon mongs ci zhig byed par 'gyur/ /yang na 'di dag khyad 'phags pa'i/ /tshogs pa dang ni ldan gyur pas/ /'bras bu khyad 'phags nyid 'byin te/ /rgya skegs kyis bsgos sa bon mtshungs/ /rdzas sogs mnyam nyid goms pa las/ /nges par dag pa nyid gyur ba'i/ /sems kyi byang chub thob 'gyur zhes/ /de ltar de nyid shes rnams gnas/ /chos rnams sgyu ma lta bu yi/ /don dam pa nyid mthong na ni/ /rdzogs sangs rgyas ltar 'jig rten 'dir/ /ci bde bar ni gnas par bya/ /dka' ba'i las ni gang ci yang rung/ /gang zhig nyon mongs skyed 'gyur ba/ /de ni 'jig rten mgon po yis/ /sngags spyod gnas pa rnams phyir bkag /de bas byang chub thob 'gyur sogs/ /gsung la ma gus pa rnams ni/ /bstan bcos mi shes 'di ci zhes/ /dam tshig sdang rnams bdag la smod/ /de ltar yid ni ma rig pa'i//
- 85b
gnyis kyis ye shes mig rgya btab/ /sad ma gyur pas blo ngan rnams/ /de dang de ni smra bar byed/ /spyir ni rgyud rnams thams cad las/ /'di 'dra'i dam tshig sdom pa ni/ /mgon pos gsung ba bden mod kyi/ /'on kyang 'di de rnams dpyad bya/ /bza' min bgrod min brten la sogs/ /gal te byang chub 'grub 'gyur na/ /tha mal pa dang dud 'gro yang/ /ci phyir da dung grol ma gyur/ /dug gi nus pa 'chi ba dang/ /'khru bu'i nus pa 'khru ba ltar/ /bza' min sogs pa sdig skyed de/ /dngos rnams nus pa sna tshogs yin/ /la las dug ni zos pa yis/ /de'i mthu rtogs ma yin gyis/ /'on kyang 'jig rten grags phyir ram/ /bstan bcos las ni shes pa yin/ /gur kum la sogs ser ba dang/ /bshad pa la sogs smad pa nyid/ /ngo bo nyid kyis grub pa la/ /gzhan du bya bar su yis nus// dug sogs nus pa de yang ni/ /mthong ba nyid na nyams myong 'gyur/ /bza' min sogs ni mi mthong yang/ /de ni de bzhin rtogs par 'gyur/ /phyin ci log gi las byed na/ /re zhig 'jig rten smod byed la/ /de bzhin rgyal po la sogs kyis/ /chad pas rmongs pa 'jig par 'gyur/ /ji ltar bcos ma'i gser la sogs/ /gsang ste 'tsho bar byed pa yin/ /de bzhin sngags spyod rang gi ni/ /nyams su len la 'jug par 'os/ bkres skom cha grang rmugs pa dang/ gnyid sogs kyis rab gdungs gyur pa/ /snang na de ru khyod kyi ni/ /dngos po med pa gang du song/ /chos rnams thams cad bdag med la/ /rnyed dang bskur sti 'dod pa nyid/ snang na rnal 'byor ba dag ni/ /shin tu ngo tshar cis mi byed/ /phan byed sdug par mthong ba dang/ /la la gnod byed mthong ba dag /dngos la dbang po 'das zhes la/ /ma mthong ba la'ang nges pa 'di'o/ /khyed kyis spang bya spang ba dang/ /blang bya blang bar cis mi snang/ /'jig rten pha rol dag tu yang/ /'di la ci phyir mngon mi dga' / /bya ba rnams kyi 'bras yod ces/ /khyed rnams kyis kyang nges par
- 86a
bya/ /de ltar min na zas skom sogs/ /'thob phyir spyod pa ci ste byed/ /thub pa'i bstan pa nges pa dang/ /drang ba'i don gyi dbye bas phye/ /dam tshig la sogs drang don ni/ /min zhes nges nyid ji ltar byed/ /'di ni gsal bar drang don ni/ /yin pa dang ye shes grags pas bshad/ /de ni de nyid 'jug pa las/ /de'i tshig 'di ni mnyam par gyis/ /gnod sbyin srin po sha za sogs/ /dam tshig bstan par mdzad pa ni/ /yid rton sems kyi zhen pa dag /de rnams de bsgrub phyir yin no/ / log rtog dra ba thams cad las/ /nges par zlog phyir skyob pa yis/ /rigs kyi dbye ba la brten la/ /dam tshig nges par gsung pa yin/ /gal te dngos rnams stong nyid du/ /yang dag nyid du khas len na/ /ci phyir la lar mngon zhen pas/ /'di nyid la ni khas 'chos byed/ /'on te sems can chen po 'ga' / /dam tshig la sogs brten pa yis/ /dngos grub nye bar thob ces thos/ /bdag cag rnams kyang de rjes 'bred/ /khyed 'dra'i blo gros chung ngu dag /de nyid mthong ba de lta bu'i/ /bsam pa'i rgya mtsho gting zab par/ /'jug par nus pa ga la yin/ /byis pa sa rdul tsam la ni/ /bza' ba 'di dang btung ba 'di/ /tshod ma sna tshogs kyang zo zhes/ /rtsed mo byed pa ji lta bar/ /de bzhin de nyid mi shes pa'i/ /sngags kyi bstan bcos la bsgo pa// rang gi rtog pas kun bskyed pa'i/ /'bras bu med par de ltar snang/ /bstan bcos bden pa la brten cing/ /bla ma'i lung ni bsgom pa dag /byed na rnal 'byor 'bras bu 'di/ /med ces ci phyir sems par byed/ /yang dag pa'i rnal 'byor pa/ /dngos med rtogs shing brtser ldan la/ /rgyal bas 'di gsungs ba den? mod kyi/ /de ltar 'di 'dra 'ga' ma mthong/ /rdzogs sangs rgyas ltar 'jig rten 'dir/ /ci bder gnas bya gang smra ba/ khyod la rdzogs sangs mtshan ma'i cha/ /yod par ci yi phyir mi snang/ /
- 86b
gal te sngags kyi bstan pa la/ /snod du gyur pa khyod yin na/ /bdag cag dam tshig la sdang bas/ /'gal bar smra bar gyur pa yin/ /gal te zas skom sgo nas ni/ /rdzas sogs mnyam par slob byed na/ /sbyin la sogs pa'i lam gyis ni/ /mi slob ces pa ngo mtshar tshe/ /gal te sgyu ma ltar gnas pa/ /'di la khyod kyis brten bcas na/ /bkres skom grang sogs gnod pa la/ /khyed kyi sgyu ma gang du song/ /'jig rten gnyen gyis sngags pa la/ /tshogs pa khyad par can gsungs pa/ /de'i cha khyod la yod min pas/ /rgyu med 'bras bu ga las byung/ /bde bas byang chub thob 'gyur dang/ /dka' bar spyod pa'ang spang ba ni/ /nyin mtshan bsgom brtson rnal 'byor pa/ /gang yin de la de gsungs/ /rgyal bas gsung tshig gang gang yin/ /snga ma'i phyogs su bstan pa rnams/ /rang nyid gsang phyir gshed byed ni/ /rang nyid ji lta slong bar byad/ /de bzhin nyid gnas rnal 'byor pa/ /shes rab thabs mchog bdag nyid can/ /de la gsungs pa de'i nang nas/ /khyed la chung nguAng 'ga' ma mthong/ /gang yang mgon pos sngags tshul las/ /dgag pa mang po gsungs pa dag / de ni skal med phyir yin na/ /rmongs pa khyod kyis cis ma mthong/ /rab brtags shin tu legs spyad nas/ /mkhas pa rnams ni 'jug bya yin/ /gzhan du 'di ni mer 'jug pas/ /bcu drug char yang mi phod do/ /de nyid de nyid kyis shes nas/ /gang zhig lhag mas nges ston pa/ /de 'grub 'gyur gyi gzhan du de/ /dmyal ba chen por ltung bar 'gyur/ /'jig rten 'das spyod gsang bar ni/ /rnam par mi rtog nyid du spyad/ /gzhan du bag med par gyur na/ /de ni rnam rtog 'phyos par 'gyur/ /gal te shes rab thabs dag las/ /sems ni gzhan du mi phro na/ de ni nges par byang chub che/ /rab tu sbyin byed yin par bshad/ /ston byed skye bo ngan pa dang/ /phrad pas bstan pa dkrugs gyur pas/ /bdag gi bla mas sems can rnams/ /de bzhin lam sogs song bar gzigs/ /des na sngags tshul gsang bar ni/ /bya
- 87a
zhes de ltar bstan pa ni/ /gang zhig bskal dang ldan pa des/ /bla ma'i kha las shes par 'gyur/ /de ltar gsang sngags tshul snang ba/ /bla ma'i bka' yi rjes 'brangs te/ /byas pa 'di ni mkhas pa rnams/ /dga' bar 'dir ni nges par 'gyur gang zhig cung zad shes pa yi/ /dregs pas 'di las brnyas mi rigs/ /bdag nyid che dang su zhig 'gro na/ /rnal 'byor can de bzod par mdzad/ /blo chen gang zhig gsang sngags kyi/ /spyod la yang dag 'jug 'gyur ba/ /des ni bdag gi tshig gi ni/ /gces dang mi gces rtogs par 'gyur/ /de ltar bla ma'i tshig gi snying po legs par brtags nas ni/ /rgya chen sems ldan dga' bar byed pa 'di ni bshad byas pas/ /'di las bdag gis dge ba gang bsags des ni 'jig rten rnams/ /thub pa'i khyu mchog gsung gis mun pa thams cad 'jig byed shog /gsang sngags kyi tshul gyi snang ba zhes bya ba/ rdo rje slob dpon chen po mtho btsun bco yags kyi zhal snga nas mdzad pa rdzogs so// //rgya gar gyi mkhan po padmA ka ra ba rma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa// // !/ (/de kho na nyid kyi snying po bsdus pa slob dpon mkhas pa chen po chos kyi dbang pos mdzad pa bzhugs//) // */ /rgya gar skad du/ ta t+ta swa ra saM gra ha/ bod skad du/ de kho na nyid kyi snying po bsdus pa/ gsung gi mnga' bdag 'jam dpal gzhon nur gyur pa la phyag 'tshal lo/ /mi shes mun pa kun bsal ba/ /'jam dpal mgon la phyag 'tshal te/ /tshig nyung don ni mang ba yi/ /de nyid bsdus pa'i snying po bya/ /'di na theg pa chen po'i tshul la blo chung ba la la dag zab pa dang/ rgya che ba nyid kyis yang dag par rtogs par mi nus kyi theg pa chen po'i ming gi sngags tsam thos pa cung zad rtogs par 'dod pa theg pa chen po'i don ma thos pa dang/ de bzhin du
- 87b
theg pa chen po'i tshul gyi don shes pa'i slob dpon dge ba'i gshes gnyen du gyur pa la bsten bskur ma byas pa/ the tshom gyis blo dkrugs pa/ theg pa chen po'i rgya mtsho la 'jug mi nus pa de rnams kyis shes pa'i rab rib gsal bar bya ba'i phyir lung dang rigs bdag gis cung zad cig brjod par bya'o/ /gang 'di slob dpon klu sgrub kyi zhal snga la sogs pas thugs rje chen po'i thugs rig pa dam pa dang ldan pa rnams kyis rang gi bstan bcos su theg pa chen po'i don thar pa 'dod pa rnams la bstan pa dag yod mod kyi de ni blo gros rnon po rnams kyis rtogs par nus kyi gang yang rgya che ba nyid dang zab pa nyid kyis blo chung pa rnams kyis theg pa chen po'i don rtogs pa mi nus so/ /de bas na de rnams kyi tshul de'i rang gi ngo bo nyid rtogs par bya ba'i phyir/ bdag gis bstan bcos de dag las yan lag dang bcas pa cung zad cig bshad par bya'o/ /theg pa chen po'i tshul 'di la snying rje chen po'i go cha bgos pa'i byang chub sems dpa' sems dpa' chen po rnams dang/ thugs rje chen po'i bdud rtsis thugs brlan pa'i sangs rgyas bcom ldan 'das rnams kyis mdo sde dang rgyud kyi rgyal po dpag tu med pa las/ sa dang pha rol tu phyin pa la sogs pa rnam grangs mdza' yas par tshangs pa'i gsung bdud rtsi lta bus gsungs pa ni gnyis su med pa'i ye shes skye ba med pa dang/ chos kyi dbyings la sogs pa rnam grangs du mas ro gcig pa'i mtshan nyid can du gsungs pa yin la/ de nyid ni thar ba 'dod pa rnams kyis mchog tu blang bar bya ba'i de kho na nyid du gsungs la/ de thos pa dang/ bsam pa dang/ bsgom pa'i rim gyis brtson 'grus 'bar bar bslabs pa'i stobs kyis ring po mi thogs par tshe 'di nyid la bla na med pa'i thos thob par 'gyur ba yin no/ /de yang bcom ldan 'das kyis/ bdag gzhan don ni rab grub pa'i/ /thabs gzhan 'khor bar yod ma yin/ zhes bya ba la sogs pa gsungs pa yin no/ /dres pa/ /sdug bsngal gyi bden pa la sogs pa gzhan dag
- 88a
kyang de kho na nyid yin par gsungs la/ ye shes de yang 'jig rten las 'das pa'i ye shes yin no/ /de goms par byed pa'i rim pa nyid kyis zad pa dang mi skye ba'i ye shes skyes pas dgra bcom pa bya ba byas pa byed pa byas pa zhes bya ba la sogs par gsungs na/ ji ltar na gnyis su med pa'i ye shes de nyid gcig pu blang bar bya ba'i de kho na nyid du bshad pa 'di ni/ sangs rgyas kyi bka' ma yin no zhes brjod par nus pa yang ma yin te/ bde bar gshegs pa'i bstan pa la ni de kho na nyid gtso bor gyur pa yin zhing/ theg pa chen por yang der mkhas blangs pa yin pa'i phyir ro/ /yang na 'di dag ni sangs rgyas kyi bka' yin du zin kyang tshad ma dang mi ldan pas de kho na nyid ma yin no zhe na/ 'dir de ltar na ni thams cad mkhyen pa ni mi shes pa yin no zhes sangs rgyas spangs pa'i phyir nyes pa chen por 'gyur ro/ /de ltar ma yin na ni theg pa chen po la yang su zhig yid ches par 'gyur/ 'di ni tshad ma dang mi ldan pa yang ma yin te/ 'dir tshad ma ni tshad ma rnam 'grel nyid du smras pas 'dir ma bshad do// de bas na sdug bsngal la sogs pa bden pa ma yin zhes ni lung las kyang ma gsungs la/ tshad ma las kyang ma yin no zhe na/ 'dir brjod par bya ste/ de la re zhig gang sdug bsngal gyi bden pa la sogs pa yang de kho na nyid yin no zhes gsungs pa zhes gang smra pas de la/ dper na mi gtsang sems byed ltar/ /nyon mongs spong phyir bden pa dag /ston par mdzad kyi de nyid ni/ /don dam bdag cag yin par 'dod/ /bden pa bsgoms pa las nyon mongs pa spong bas de kho na nyid du mi 'gyur te/ mi gtsang ba bsgoms pa la sogs pa yang 'dod chags la sogs pa rnam par spong ba'i phyir/ de'i dmigs pa rus gong la sogs pa yang de kho na nyid yin par thal bar 'gyur la/ /yang de'i tshe 'jig rten pa'i lam la dmigs pa 'am nam mkha' la sogs pa
- 88b
cung zad kyang de kho na nyid ma yin par mi 'gyur ro/ /de bas na don dam pa'i de kho na nyid yin gyis sdug bsngal la sogs pa don dam pa ma yin te/ /de las dman pa nyid yin pa'i phyir ro/ /phyin ci ma log pa nyid kyis sdug bsngal don dam pa nyid yin no zhes kho bo cag smra'o/ /de nyid kyi phyir bcom ldan 'das kyis sdug bsngal gyi bden pa zhes gsungs so zhe na/ de ni yang dag pa ma yin te/ gang gi phyir nyan thos rnams ni 'jug pa'i phyir/ /sdug bsngal la sogs bdan gsungs pa/ /med du zin kyang thugs rje yis/ /bdag yod ces gsungs lta bu yin/ /zhes bya ba yin te/ bcom ldan 'das kyis nyan thos rnams brtson 'grus chung bas byang chub sems dpa' i spyad pa chen po la 'jug par mi nus par mkhyen nas thugs rje chen po dang ldan pa'i thugs kyis sdug bsngal la sogs pa bden pa ma yin du zin kyang bden par gsungs pa yin no/ /yang gal te 'di dag sgra ji bzhin nyid du gzung na de'i tshe bdag yod do zhes kyang gsungs pas bdag kyang de kho na nyid yin pa'i phyir ro// //de yang 'di ltar rab tu 'bar ba'i khyim gyi nang na gnas pa'i byis pa rnams gdon pa'i phyir/ pha yis chad pa stong pa bstan pa la nyes pa ci zhig yod/ /bya ba rnams ni bsam pa'i dbang las dge ba dang mi dge bar 'gyur te/ de ni 'og nas bshad par bya'o/ /yang 'di ni kho bo cag gis sor mo bskyod pa tsam gyis bshad pa yang ma yin te/ gzhan du na bcom ldan 'das nyid kyis de bzhin gshegs pa'i ye shes kyi phyag rgya'i ting nge 'dzin gyi mdo las byang chub par 'dug pa na bden pa gcig kyang ji lta ba bzhin du ma mthong na/ bzhi lta smos kyang ci dgos zhes gsungs pa dang/ 'phags pa chos yang dag par sdud pa las kyang/ skye ba med pa ni bden gyi chos gzhan ni bden pa ma yin no zhes gsungs pa dang/ gzhan yang don 'di ni mdo sde gzhan dag las kyang mang du snang na/ ci'i
- 89a
phyir sangs rgyas kyi gsung de'i rjes su 'jug pa'i kho bo cag la khyed rnams smod par byed/ tshad ma ni tshad ma rnam 'grol nyid du smras pas zhes gang smras/ de yang de tshad ma dang 'gal ba yang gnyis su med pa'i tshul gyis rjes su 'brangs nas de nyid du bshad pa ma yin nam/ de bzhin du 'phags pa klu sgrub kyi zhal snga nas la sogs pas kyang don dam pa dang kun rdzob kyi bden pa bstan pas/ /bden pa dang cig shos nyid kho na gsal ba kho nar rtogs par mdzad pa dang/ gdod ma nas ma skyes par ni bcom ldan 'das kyis mdo mdza' yas pa las rab tu bstan pa yin no/ /de yang glang po'i mtshan bcings kyi mdo las kyang/ /gang gis skye bar 'byung ba ni/ /dngos po med pa'i ngo bo la/ /byis pa rnams ni 'byung bar 'dod ces gsungs pa dang/ de bzhin du dkon mchog 'byung gnas las/ gang zhig dngos po nyid ni yod min pa/ /de dngos gzhan gyi rkyen du ji ltar 'gyur/ /dngos med gzhan ni ci zhig skye 'gyur zhes/ /rgyu 'di bde bar gshegs pas gsungs pa yin/ zhes gsungs pa dang/ 'phags pa klu'i rgyal po rgya mtshos zhus pa las kyang/ /sngon gyi mdza' stong phyi ma'i mdza' stong zhing/ /skye dang 'jig dang gnas pa'i dngos po stong/ /dngos po nyid med dngos po med pa'ang med/ /chos rnams thams cad stong pa'i ngo bo nyid ces gsungs pa dang/ yab sras 'jal ba las kyang/ chos 'di dag thams cad ni dus gsum mnyam pa nyid kyis mnyam ste/ 'das pa'i dus kyi chos thams cad ni ngo bo nyid dang bral ba'o/ /ma 'ongs pa dang da ltar ba'i chos thams cad ni ngo bo nyid kyis stong pa'o zhes gsungs pa dang/ yang de nyid las gsal bar mdzad pa ni/ chos thams cad ni ngo bo nyid kyis stong pa ste/ chos gang dngos po med pa de ni 'das pa ma yin/ ma 'ongs pa ma yin/ da ltar byung ba ma yin no/ /de ci'i phyir zhe na/ dngos po yod pa ma yin pa'i phyir ro/ /'das
- 89b
pa'o zhes rnam par 'jog par mi nus ma 'ongs par ma yin/ da ltar byung bar 'jog par nus pa ma yin no zhes bya ba gsungs pa yin no/ /de bzhin du bden pa gnyis la 'jug pa las kyang/ /yang 'jam dpal yang dag par sbyor ba gang zhig yin/ 'jam dpal gyis smras pa/ lha'i bu don dam pa dang/ de bzhin nyid dang/ chos kyi dbyings dang/ skye ba med pa gang dang/ mnyam pa mtshams med pa lnga byed pa de dang mnyam mo zhes bya ba la sogs pa kun nas nyon mongs pa dang/ rnam par byang ba'i chos thams cad mnyam pa nyid du rgya cher bshad nas smras pa/ yang 'jam dpal don dam pa'i mnyam pa nyid gang gis rnam par byang ba mnyam pa nyid yin pa chos thams cad de dang mnyam pa nyid yin nam/ 'jam dpal gyis smras pa lha'i bu don dam par chos thams cad ma skyes pa'i mnyam nyid dang/ don dam par chos thams cad shin tu ma byung ba'i mnyam nyid dang/ don dam par chos thams cad dngos po med pa'i mnyam pa nyid kyis chos thams cad mnyam pa nyid yin zhes rgya cher gsungs pa dang/ 'phags pa ting nge 'dzin gyi rgyal po'i mdo las kyang/ dper na chu shing rlon pa'i phung po las/ /snying po 'dod pa'i skyes bus rnam btsal na/ /phyi dang nang na snying po yod ma yin/ /chos rnams thams cad de 'drar shes par gyis zhes gsungs pa dang/ yang de nyid las/ dper na gzhon nu rmi lam nang gnas tshe/ /des ni bu skye shi bar gyur pa mthong/ /skyes pas dga' la shi bas gdung bar 'gyur/ /chos rnams thams cad de 'drar shes bar gyis/ zhes gsungs pa dang/ sangs rgyas thams cad kyi yul la 'jug pa'i ye shes snang ba'i rgyan las kyang/ rtag tu skye med chos ni de bzhin gshegs/ chos rnams thams cad de bzhin gshegs dang 'dra/ byis pa'i blo can mtshan mar 'dzin pa rnams/ /'jig rten dag na med pa'i chos la spyod ces gsungs pa dang/ de bzhin du sangs rgyas thams cad dang mnyam par sbyor ba'i rgyud las kyang /
- 90a
thams cad nam mkha' i mtshan nyid de/ /nam mkha' la yang mtshan nyid med/ /khams gsum dag ni ma lus pa/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te// de bzhin 'gro ba kun gyi tshul zhes gsungs pa dang/ de bzhin du bcom ldan 'das yum shes rab kyi pha rol tu phyin pa las kyang/ rab 'byor gzugs ni ngo bo nyid kyis stong pa ste zhes bya ba nas rnam par shes pa'i bar du nye bar bzung ste/ stong pa'i mtshan nyid can du gsungs pa dang/ dkon mchog gi za ma tog las kyang/ 'jam dpal sangs rgyas kyi chos thams cad kyang chos ma yin nam/ smras pa/ btsun pa rab 'byor sangs rgyas kyi chos rnams yang dag par 'byung ba ni 'ga' yang med de/ gang 'byung ba de ni chos rnams kyi chos nyid do zhes brjod par mi bya'o/ /de bas na bcom ldan 'das kyis 'di ltar chos ma yin pa'o zhes gsungs pa yin no/ /de bas na/ 'di dag thams cad yongs su brtags pa'i ngo bo nyid las dgongs nas gsungs so zhes gang bshad pa de yang bden pa nyid yin no/ /yongs su brtags pa'i ngo bo nyid brjod pa ni tshad ma dang 'gal ba yin yang byis pa rnams kyis de kho na nyid du nye bar bzung ba yin no zhe na/ de lta na ni skye ba la sogs pa nyid yongs su brtags pa yin pas tshad ma dang 'gal te/ des na ma skyes pa nyid yin te/ de kho na nyid yin par grub pa yin no/ /'di ni bcom ldan 'das kyis chos yang dag par sdud pa las gsal ba kho nar gsungs pa yin te/ rigs kyi bu skye ba dang 'gag pa la mngon par zhen pa la 'jig rten rnams zhugs pa yin te/ de la de bzhin gshegs pa'i thugs rje chen pos 'jig rten gyi sgrags pa'i gnas spang bar bya ba'i phyir skye ba dang 'gag par 'gyur ro zhes tha snyad du gsungs pa yin gyi/ 'di la chos 'ga' yang skye ba med do zhes gsungs pa yin no/ /de bas na skye ba
- 90b
med pa dang stong pa nyid la sogs pa'i tshig gis bstan pa gnyis su med pa'i de kho na nyid yin no zhes bya bar gnas so/ /gang yang 'dul ba la sogs par gnyis su med pa 'di ci'i phyir ma bstan zhes smra na/ de ni brtson 'grus chung ba'i phyir zhes bshad pa ? kyi phyir te/ de yang rang don tsam la brtson zhing bden pa bstan pa nyid kyis don byed la/ chos thams cad bdag med pa'i ting nge 'dzin la ni g.yang sa dang 'dra bas gnyis su med pa ma bstan pa yin te/ ston pa po rnams ni thams cad la thams cad ston par mi mdzad de/ nye bar ston pa de ni dgongs pa'i dbang du mdzad pa yin pa'i phyir ro/ /byang chub sems dpa' rnams ni zab pa dang rgya che ba'i bsam pa can yin pa'i phyir/ rnam pa thams cad dgos pa yin pa na/ thams cad la nye bar sbyar ba'i phyir de rnams la gnyis su ming pa'i ye shes nye bar ston par mdzad pa yin te/ gzhan gyi don gcig tu byed pa'i bsgrub par bya ba ni bla na med pa'i byang chub yin la/ de yang sems can thams cad la phan par brtson par byang chub sems dpa' nyid kyis 'jug par nus pa yin te/ gang gi phyir de rnams kyi 'jug pa ni rtag tu gzhan gyi don byed par ro gcig pa yin pa'i phyir ro/ /mang du bshad pa ci zhig byas te/ rim pa gang gis bsod rnams dang ye shes tshogs dri ma med pa ma lus par bsags pa kun tu bzang po nyid dam sangs rgyas nyid ces bya ba thob nas/ 'gro ba ma lus pa'i dgos pa'i don mdzad par spyod pa bla na med pa'i bde bar gshegs pa'i go 'phang thob par 'gyur ba/ de lta de ltar sems can ma lus pa'i dgos pa byed pa'i thabs su gyur pa'i snying rje chen po'i brtul zhugs la spyod cing/ gzhan gyi dgos pa byed pa nyid la lhag par 'jug pa yin gyi de rnams sangs rgyas su gyur kyang nyan thos kyi theg pa ltar rang gi dgos par bya bar dgos pa sngon du 'gro bas 'jug pa ni ma yin no/ /'dir dper bstan pa ni ci ltar
- 91a
byang chub sems dpa' chos 'phags kyis/ /byang chub sems dpa' rnams ni 'dod chags la rgyab kyis phyogs par mi byed pa ni/ byang chub sems dpa' chen po rnams kyi lam shes pa yin te gang 'dod chags la sogs pa la rgyab kyis phyogs par yang mi 'dod par bla na med pa'i go 'phang yang sgrub par byed do zhes gsungs pas/ 'dod chags la sogs pa nyid byang chub kyi rkyen du gyur pa yin no/ /nyon mongs pa ma spangs pa rnams ji ltar mngon pa byang chub par 'gyur zhes rtog na/ chos thams cad gdod ma nas ma skyes pa yin pa'i phyir ro/ /nyon mongs pa rnams sam de spang ba de kho na nyid ma yin pa med pas/ nyon mongs pa de gang yin ci zhig spangs par bya de ma mthong ngo/ /rim pa 'dis ci ma lus pa'i phun sum tshogs pa'i gnas thob par 'gyur ram/ mi 'gyur zhes dpyad bar byas te/ gal te 'dod chags ma spangs par gyur kyang kun tu bzang po gang yin pa 'dir gyur na/ de spangs pas ci zhig bya/ yang 'dir khyed la 'dod chags spangs pa bstan du zin kyang ci'i phyir rtogs par ma gyur/ de yang 'di ltar bdag tu mngon par zhen pa sngon du 'gro bas rang dang gzhan rnam par phyi ba'i yul rnams la kun tu zhen pa la sogs pa'i kun tu 'dod chags la sogs pa rnams yin la/ gang yang bdag tu 'dzin pa rtsa nas bton pa rnams la ni bdag dang gzhan gyi rnam par dbye ba yod pa ma yin te/ de rnams kyi chos thams cad ngo bo nyid mnyam pa nyid kyi bsam pas yongs su mya ngan las 'das pa nyid du 'jig rten na rnam par gnas te/ 'dod par bya ba dang mi mthun pa'i yul du sgro 'dogs pa med pa yin na/ ci'i phyir phyin ci logs las byung ba'i 'dod chags la sogs ma byung bar 'gyur/ yang smras pa/ gang zhig nyes pa ma lus skyed byed 'jig tshogs lta ba'i bud shing des bsregs shing/ /bdag gzhan rab dbye'i yul rnams rtsa nas
- 91b
'byin pa de ni nyes pa skyed pa yin/ /nyes med zin kyang rig ltar snying rjes sgyu ma'i skyes bu lta bur las rnams la/ /blo bzang sngon gyi smon lam nyid kyis 'khor lo 'khor ba'i shugs bzhin sbyor bar 'gyur/ /gal te theg pa chen po la mngon par zhugs pa la snying rje chen po'i go cha dgos pa'i byang chub sems dpa' rnams ni chos thams cad la bdag med par rtogs par sems can gyi ming tsam yang mi dmigs shing/ dmigs su med pa'i snying po la gnas pa yin mod kyi 'on kyang sngon gyi smon lam gyi stobs kyis 'phen pa'i shugs 'bad pa med par 'jug pas ma rig pa'i rgyu can thog ma med pa na byung ba'i srid pa'i 'dam gyi chu bor nub pa'i 'gro ba rnams gdon pa la rab tu 'jug par mdzad pa yin no/ /de yang/ gang zhig srog dang bu dang de bzhin chung ma nor/ /phongs pa rnams kyi don du rtsa bzhin legs pa gtong byed cing/ /sa gsum gdon par bya phyir go bgos sems can dam pa ni/ /de las lhag pa'i chags la brten pa sa steng gzhan su yod/ ces bshad pa yin te/ gang gi phyir sa gsum gyi dgongs pa'i thabs la gzhol ba de rnams ni rang don tsam la ched cher sems pa ma yin no/ /de nyid kyis na snying rje chen po'i 'dod chags la brten pa nyid yin pas na lhag pa'i chags pa la brten pa zhes bshad pa yin la/ snying rje chen po yang rang gyi mthar thug par 'gro bas gzhan gyi dgos pa'i bag chags kyi stobs yongs su rdzogs par byas pa don thams cad phun sum tshogs pa'i thams cad mkhyen pa nyid du 'gyur ba ni rigs pa yin no zhes shin tu spros pas chog go/ dris pa/ chos thams cad bdag med par rtogs pa dang/ dmigs su med pa la gnas pa'i byang chub sems dpa' rnams ji ltar 'khor par sems can gyi don byed pa la 'jug par gyur/ gal te sems can gyi don byed pa la 'jug na/ dmigs su med pa'i ye shes la gnas pa nyid du
- 92a
mi 'gyur te/ dgos pa bya ba dang/ dgos pa byed pa dang/ dgos pa dmigs pa 'am/ mi dmigs pas 'jug par mi 'gyur ro zhe na/ 'di ni sngon gyi smon lam gyi 'phan shugs kyi stobs gyis/ 'phags pa de rnams 'bad pa med par sems can gyi don byed ba la 'jug go zhes sngar smras zin pa ma yin nam/ de yang/ de'i byin rlabs tsam gyis ni/ /skyes bu yid bzhin nor bu ltar/ /rtsig sogs las kyang chos ston pa/ /ci 'dod par ni 'byung bar 'gyur zhes bshad pa yin no/ /de ltar na theg pa chen po'i don nyid ni mchog tu blang bar bya ba yin no zhes bya bar gnas so/ /dris pa theg pa gzhan dag las theg pa chen po khyad par ci zhig yod de/ 'bras bu mtshungs pa nyid yin pa'i phyir ro zhe na/ 'dir khyad par gang zhig yod pa de brjod par bya ste/ smon lam dang 'jug pa dang/ /de bzhin zab dang rgya che nyid/ /mi ldog 'bras bu thob pas kyang/ /theg pa chen po khyad par 'phags/ /smon lam la sogs pa 'di dag gong nas gong du rgyur gyur pas/ /bla na med pa'i bde bar gshegs pa'i go 'phang thob par 'gyur ro zhes bya ba ni theg pa chen po'i don yin no/ /yang don 'di nyid gsal bar bya ba'i theg pa thams cad kyi mchog tu gyur pas na theg pa chen po zhes bya'o zhes bya ba'i don ni gang gi phyir nges par legs pa 'thob par bya ba la ni/ de ma gtogs par thabs gzhan yod pa ma yin no/ /de yang 'phags pa klu sgrub kyi zhal snga nas kyi theg pa chen po'i nyi shu pa las/ /rtog pa'i chu yis gang ba yi/ /'khor ba'i rgya mtsho chen por ni/ /theg chen gru la ma zhugs par/ /su zhig pha rol 'gro bar 'gyur/ /zhes bshad pa yin no/ /gal te bla na med pa'i ye shes thob par bya ba'i phyir thabs kyi mchog ni theg pa chen po gcig pu kho na yin na/ bcom ldan 'das ci'i phyir theg pa gsum ston par mdzad
- 92b
ces rtog na/ de brjod par bya ste/ gdul bya ma rig pa'i spros pas rgyud nye bar bcom par gyur pa/ mos pa sna tshogs par gyur pa du ma dag la bcom ldan 'das thugs rje chen po'i shugs kyi dbang gis sems can thams cad kyi bsam pa dang/ yid la re ba/ rdzogs par mdzad pa'i phyir/ theg pa sna tshogs ston par mdzad pas srid pa'i rgya mtsho las sgrol bar mdzad pa'i phyir/ theg pa sna tshogs gsungs pa yin no/ /de yang bcom ldan 'das kyis ji srid sems ni 'jug gi bar/ /theg pa mthar thug yod ma yin/ /sems ni ldog par gyur pa na/ /theg pa med cing 'gro ba med/ /theg pa'i nges pa yod min pas/ theg pa gcig tu nges gsungs pa/ /byis pa rnams ni drang ba'i phyir/ /theg pa dbye ba'ang nges bshad do/ /zhes gsungs pa yin no// yang don 'di nyid slob dpon klu sgrub kyi zhal snga nas kyi mnyam pa med par bstod pa las gsal bar mdzad pa ni/ chos dbyings dbye ba yod min pas/ /khyed theg dbye ba yod min gyi/ sems can rnams ni 'jug pa'i phyir/ /theg pa gsum du gsungs pa yin/ /zhes bshad pa yin no/ /de bzhin du bcom ldan 'das kyis gdul bya rnams kyi dor mdzad pa dang/ dbang po rnams kyis dbye ba'i dbang du mdzad nas/ nyan thos kyi theg pas sdug bsngal gyi bden pa la sogs pa blang bar bya ba'i de kho na nyid yin par gsungs la/ de yang stobs dang ldan pa'i 'bad pas bsgrub par bya ba yin gyi/ shin tu yun ring mo zhig gi dus gzhan zhig na/ dka' bar spyod pas zad pa dang mi skye ba'i ye shes thob pas nyon mongs pa'i sgrib pa spangs pa tsam gyis dgra bcom pa nyid du gyur pa yin la/ de yang rang gi don gyi 'bras bu tsam gyi byang chub yin pas bla na med pa yang dag par rdzogs pa'i byang chub tu ni mi 'gyur ba nyid de/ gang gi phyir nyan thos kyi theg par bya ba byas so/ nga'i skye ba zad do/ /tshangs
- 93a
par spyod pa spyod/ /srid pa 'di las gzhan mi shes so zhes bya ba ni/ bsgrub par bya ba'i mchog tu bshad pa de ltar na de rnams ni 'khor ba la rgyab kyis phyogs shing rang gi don tsam la dga' bas gnas pa yin bas na/ byang chub chen po thob par mi 'gyur ro/ /'di ni rang gi rtog pa tsam gyis smras pa ni ma yin gyi/ gzhan du na stong pa nyid kyis lang kar gshegs pa'i mdo las/ ting nge 'dzin dregs pas myos pa de/ /zag pa med pa'i dbyings na 'khod ces gsungs pa dang/ de bzhin du byang chub kyis sems bshad pa las kyang/ ye shes lus su gcig pa de/ /ting 'dzin dregs pas brgyal nas ni/ /ji srid sangs rgyas kyis ma bskul/ /de srid nyan thos gnas par 'gyur/ /slar yang tshul ni sna tshogs pa'i/ /thabs ni mang pos bskul ba yin zhes bshad pa yin no/ /de rnams kyang rang gi don tsam gyi 'bras bu'i mtshan nyid can gyi byang chub la gnas pa yin la/ de yang bcom ldan 'das kyi mdo sde dang rgyud kyi rgyal po mdza' yas pa'i nang nas byang chub zhan pa nyid yin par gsungs pa dang/ de bzhin du nyan thos kyi theg pa ni theg pa dman pa'o zhes gsungs pa yin la/ de nyid kyis na bcom ldan 'das kyis/ byang chub sems dpa' rnams kyis bslabs par nyan thos rnams dang lhan cig gnas pa dang kun tu smra bar ?? pa bkag par mdzad pa yin la/ kho bo cag rnams kyang de ltar 'dod pa yin no/ /dris pa gal te bcom ldan 'das kyis nyan thos kyi theg pa la sogs pa bstan pa ni bsgrub par bya'i mchog nyid yin pa ma gsungs na/ ci'i phyir ston par mdzad pa ces rtog na/ de ni 'di nyid du smras zin pa yin te/ nyan thos kyi theg pa la sogs pa ston par mdzad pa ni gdul bya mang po'i bsam pa tha dad pa las/ mos pa dman pa la la dag don dam pa la 'jug pa'i phyir yin te/ gang gi phyir bcom ldan 'das kyis thugs rje'i gnas
- 93b
su gyur ba ni/ sems can thams cad yin la/ de dag kyang sems can gyi spyod pa mdza' yas pa yin zhing/ thams cad tshul mdza' yas pas gdul bar bya ba yin pas na/ bcom ldan 'das kyis sangs rgyas kyi chos bstan pa yang mdza' yas shing sna tshogs pa nyid yin no/ /yang dris pa/ mu stegs pa rnams kyang 'di dag thams cad ni bdag 'ba' zhig yin no zhes zer bas gnyis su med pa'i shes pa yod pa nyid yin te/ de bas na 'di dang khyad par ci zhig yod cis rtog na/ de brjod par bya ste/ bdag med pa nyid khyad par yin na gzhan dris pas ci zhig bya/ yang 'dir mu stegs byed gzhan dag dang rtsod par smra bar rtsom pa ni ma yin gyi gang gi phyir bde bar gshegs pa'i lam la gnas pa nyid ni thar pa'i lam la 'jug par spro ba nyid yin pa dang/ dbang po'i dbye bas myur ba dang/ ring ba dang/ shin tu yun ring bas rnam par grol ba'i skal ba can rnams lung gi don la phan tshun rnam par dpyod pa ni mdzes kyi/ lta ba ngan pas sems rgyud tshig par gyur pa/ shin tu tsha ba'i mdag ma'i me'i chogs kyi nang du ltung bar gyur pa/ bde ba'i lam las shin tu yun ring du yongs su nyams pa/ dmus long 'o ma'i yon tan yongs su rtogs par byed pa lta bu'i mu stegs pa gzhan dag dang/ theg pa chen po yongs su brtags pas ci zhig bya/ gang gi phyir gang thams cad mkhyen pa'i go 'phang thams cad kyi bdag nyid can don dam pa'i de bzhin nyid kyi rang bzhin de bzhin gshegs pa'i rang rig pa nyan thos rnams kyi spyod yul ma yin pa/ gcig dang du ma'i rnam par rtog pa'i dra ba dang/ dpe thams cad kyis spangs pa/ thugs rje chen po'i nyams kyis khyab pa/ dngos po thams cad kyi rtog pa dang bral ba/ chos kyi dbyings kyi rang bzhin can/ phyin ci ma log pa'i thabs zhing dam pa'i gnas/ gzhan gyi dgos pa rjes su mthun pa'i smon lam gyi sa bon dang rjes su 'jug pa'i
- 94a
'dus pa'i dus byas pa la mya ngan las mi 'da' ba' i chos can 'gro ba'i don mdzad pa'i gnas su gyur pa ni bde bar gshegs pa yin na/ 'og par lta ba'i gdon gyis zin pa'i sems dang ldan pa'i nyon mongs pa de rnams kyi rtogs par ji ltar 'gyur/ gang yang rang gi sde ba rnams la yang theg pa chen por de bzhin gshegs pa thugs rje chen po'i thugs dang ldan pas snying rje chen po'i gong gos pa'i byang chub sems dpa' sems dpa' chen po rnams la mdo sde mdza' yas pas rnam grangs du mar gsungs pa ni ro gcig pa'i mtshan nyid can dngos po med pa gnyis su med pa'i ye shes mchog tu blang bar bya ba nyid yin par mi shes pas/ gal te 'gro ba rnams dngos po med pa yin na/ bcom ldan 'das nyan thos rnams la phung po rnams kyi mtshan nyid ci'i phyir ston par mdzad ces spong bar byed pa dag yod pas/ de'i phyir brjod par bya ste de ni byis pa'i skye bo rnams kyi dbang du mdzad nas gdul bya'i bsam pa'i dbang gis bcom ldan 'das kyis phung po'i mtshan nyid ston par mdzad pa yin gyi don dam par ni ma yin no/ /de yang slob dpon dbyig gnyen gyi zhal snga nas nyi shu pa las /gzugs sogs skye mched yod pa ni/ /des 'dul ba yi skye bo la/ /dgongs pa'i dbang gis bshad pa ste/ /brdzus te skye ba'i sems can bzhin/ / zhes bshad pa yin no/ /de yang gang gi phyir byis pa log pa'i shes pas zil gyis mnan pa/ ma rig pa'i dri mas yid dri ma can du gyur pa rnams ni don dam pa'i chos nyid du chos bdag med par bstan pas nye bar skrag par 'gyur ro/ /de bas na phung po la sogs pa ston par mdzad kyi gzugs la sogs pa don dam par yod pa ni ma yin no/ /de yang/ gzugs ni dbu ba lta bu bshad/ /tshor ba chu'i chu bur bzhin/ /'du shes smig rgyu lta bu ste/ /'du byed rnams ni chu shing 'dra/ /rnam par shes
- 94b
bsgyu 'dra zhes/ /de ltar phung po bstan pa ni/ /rkang gnyis mchog gis rnam kun tu/ /byang chub sems dpa' rnams la bshad ces gsungs pa yin no/ /de ltar bcom ldan 'das kyis gsungs shing bstan par mdzad pa ni shin tu zab pas rtogs par mi 'gyur gyi/ slar zhing sun 'byin par byed/ gang gi phyir de rnams 'di skad du/ dbang po thams cad kyi yul du gyur pa'i gzugs la sogs pa med pa ji ltar rung zhes smra'o/ /'dir brjod par bya ste/ gzugs kyi phung po ni 'byung ba chen po bzhi'i rang bzhin can yin par bshad la/ lhag ma rnams ni gzugs med par dpyad mi dgos par grub pa yin no/ /de la gzugs kyi phung po ni 'byung ba dang 'byung ba las gyur pa'i 'dus pa yin no/ /de las 'byung ba ni sa la sogs pa rnam pa bzhi'o/ /'byung ba las gyur ba ni gzugs dang sgra dang/ dri dang ro dang reg bya rnams so/ /de yang thog ma dang tha ma med cing 'brel par 'byung ba yin la/ ngo bo nyid dang bral pa'i phyir dang/ de bzhin du rdul phra rab 'dus pa yin pas/ gcig dang du ma de dmigs su med pas/ gzugs brnyan ltar med pa nyid yin pa'i phyir yod pa ma yin no/ /de yang slob dpon zhi ba 'tshos/ dbu ma rgyan las/ bdag dang gzhan smra'i dngos 'di dag /yang dag tu na gcig pa dang/ /du ma'i dngos dang bral ba'i phyir/ /rang bzhin med de gzugs brgyan bzhin// zhes bshad pa yin no/ /yang gzhan dag las/ dngos por brtags pa gang dang gang/ /de dang de yi gcig nyid med/ /gang la gcig pa nyid med pa/ /de la du ma ga la yod/ /ces bshad pa yin no/ /yang rig pa drug cu pa las/ /rgyu yod pa las gang 'byung zhing/ /rkyen med par ni gnas pa med/ /rkyen med phyir ni 'jig 'gyur ba/ /de ni yod par ji ltar shes/ zhes bshad pa yang/ yang de nyid las/ de dang de brten gang byung ba/ /rang gi ngo bor de ma skyes/ /rang gi ngo bo gang ma skyes/ /de ma skyes
- 95a
zhes ji skad bya/ /zhes bshad pa yin no/ /'dir mdor bsdu ba'i don ni 'di yin te/ de dang de'i zhes bya ba ni brnan pa'i don gyi tshig ste/ sa la sogs pa'i rgyu la brten nas 'byung ba gang yin pa ni rgyu la rag las pa yin pa'i phyir/ yang dag par na ngo bo nyid kyis ma skyes pa yin no/ /de ltar shes par gyur ba ni rten cing 'brel par 'byung ba mthong ba zhes bya'o/ /de bas na rigs pa drug cu pa las rten 'byung las 'byung ma skyes par/ /de nyid smra ba mchog gis gsungs/ /zhes bshad pa yin no/ /yang don 'di nyid gsal bar bya ba'i phyir/ 'phags pa klu sgrub kyi zhal snga nas kyis 'jig rten las 'das pa'i bsod pa las/ gang zhig rgyu las byung ba rnams/ /de med pas ni med gyur na/ /de dag gzugs brnyan dang mtshungs pa/ /bsal ba nyid du cis mi 'dod/ /'byung ba mig gis gzung bya min/ /de las byung min ji lta bu/ /khyod kyis de ltar gzugs gsungs pa/ /gzugs su 'dzin pa bzlog par mdzad/ ces bshad pa yin no/ /dris pa/ rten cing 'brel par 'byung ba ni ngo bo nyid dang bral ba'i phyir/ gzugs kyi phung po med par bstan pa gang yin pa re re zhig yin du chug la/ gzugs rtsom par byed pa'i rdul phra rab 'di ni shin tu phra ba yin pa'i phyir dang gzugs med pa nyid kyis rtag pa nyid yin pa'i phyir dang/ gcig pu nyid yin pa gang yin par med par ji ltar rung zhes zer na/ de'i phyir brjod par bya ste/ drug po rnams lhan cig 'dus pa dang/ de bzhin du phyogs kyi cha'i dbye bas rdul phra rab ni phyogs su cha drug yod bar grub bo/ /gang la phyogs cha yod pa de ni gcig pa nyid du mi rigs te/ slob dpon dbyig gnyen gyis/ ji ltar rdul phran mi 'grub phyir/ /drug gis cig car sbyar bas na/ /phra rab phyogs cha drug tu 'gyur/ /drug po dag ni go gcig na/ gong
- 95b
bu rdul phran tsam du 'gyur/ /zhes bshad pa yin no/ /de bas rdul phra rab ni rdzas gcig tu yod pa ma yin te/ gcig med pas rdul phra rab mang po mdza' yas pa nyid du rdzas de'i dbye bas bstan pas/ rdul phra rab yod pa yin no/ /rdul phra rab ma grub pas/ gzugs kyi phung po ni shin tu med par bstan pa yin no/ /tshor ba la sogs pa lhag ma rnams ni gzugs med pa nyid du dpyad mi dgos par grub pa yin te/ gzugs can gyi rang bzhin ma yin pa'i phyir ro/ /yang de rnams gzugs kyi phung po yod na gnas shing dmigs pa las yod par bstan pa yin pa tha dad par brtags par yod pa ma yin no/ /de bas na gzugs kyi phung po med pa'i phyir mdor na 'dir de rnams kyang med par bshad pa yin te/ de ltar na chos bdag med par yang dag par bstan pa yin no/ /de ltar na yang blo dman pa rnams thog ma med pa can gyi spros pa'i bag chags yongs su smin pa'i dbang gis khong du chud cing yid ches par mi 'gyur gyi slar zhing sun 'byin par byed de/ de yang 'di ltar gzugs la sogs pa'i rdul phra rab 'dus pas/ med pa yin pa'i phyir chos bdag med pa yin du chug na sems 'di ni 'dzin par byed pa'i rnam pas de rtogs par byed ba nyid kyis yang dag par yod pa nyid yin no zhes smra par byed do/ /'dir brjod par bya ste/ sngar bshad pa'i rnam pa gzugs la sogs pa bzung bar bya ba'i don rnams ni rten cing 'brel par 'byung ba yin zhing/ ngo bo nyid dang bral ba yin pa'i phyir dang/ de bzhin du rdul phra rab 'dus pa yin pas med pa nyid du bstan la de ltar gzung bar bya ba med pas/ 'dzin pa po yang med pa nyid du bstan par 'gyur te 'dzin pa po ni bzung bar bya ba la ltos pa nyid yin pa'i phyir ro/ /de bzhin du rtogs pa po nyid du bshad pa gang yin pa de yang yod pa ma yin no/ /de yang byang chub kyi sems bshad pa las/ rtogs pa po yis rtogs bya gang/ shes bya med pas shes
- 96a
pa med/ /de ltar shes dang shes bya dag /dngos po med par cis mi 'dod/ /ces bshad pa dang/ rtogs bya rtogs byed rnam par sems/ /de bzhin gshegs pas ma gzigs so/ /gang du rtogs bya rtogs byed dag /der na byang chub yod ma yin/ /mtshan nyid med cing skye ba med/ /bstan du med cing brjod du med/ /byang chub sems ni mkha' 'dra zhing/ /byang chub gnyis med mtshan nyid can zhes bya ba la sogs pa rgya cher bshad pa yin no/ /gal te sems rnam pa thams cad du med pa yin na/ bcom ldan 'das sems tsam mo zhes ston par mi mdzad de/ de yang bcom ldan 'das kyis kye rgyal ba'i sras khams gsum po 'di dag ni sems tsam mo zhes mdo las gsungs la/ bcom ldan 'das ni rang bzhin med la dgos pa med par ston par mi mdzad do zhe na/ de ni bden te bcom ldan 'das ni dgos pa med par mi mdzad kyi gzhan du na dgos pa med pa nyid dgos pa yod pa nyid yin no/ /de yang gang zhig yin par brjod par bya ste/ bcom ldan 'das kyis byis pa'i skye bo'i dbang du mdzad nas thugs rje chen po'i shugs kyi dbang gis sems tsam du ston par mdzad de/ gang gi phyir ma rig pas sems phyin ci log tu gyur pa'i byis pa rnams kyis chos thams cad bdag med par thos na kun tu skrag par 'gyur zhing g.yang sa lta bur 'du shes par 'gyur ro/ /de bas na de rnams kyi nye bar skrag pa spang bar bya ba'i phyir/ /bcom ldan 'das kyis sems tsam du bstan par mdzad pa yin gyi don dam par ni ma yin no/ /de yang/ byang chub kyi sems bshad pa las 'di dag thams cad sems tsam zhes/ /de ltar thub pas gang bstan pa/ /de ni don dam nyid min gyi/ /byis pa skrag pa spang phyir yin/ /stong nyid gcig bu'i bdag nyid du/ /sems tshul brtag pa 'di yin no/ /zhes bshad pa dang/ de bzhin du snang ba'i phreng ba las
- 96b
kyang/ sems tsam las ni brten nas su/ /phyi rol don la mi brtag go /de bzhin nyid dmigs gnas nas su/ sems tsam las ni 'da' bar bya/ /sems tsam las ni 'das nas su/ /snang ba med la gnas par 'gyur/ /snang med gnas pa'i rnal 'byor pa/ /de yis theg pa chen po mthong/ /zhes bshad pa yin no/ /dris pa/ sems 'dzin pa po'i rnam pa dang rtogs pa po nyid du gyur par med du zin kyang/ 'on kyang rnal 'byor pa'i gzhung gis sems tsam yongs su gyur cing/ /dag pa de so so rang rig pa'i bdag nyid kyi spyod yul nyid kyis yang dag par yod do zhe na/ de brjod par bya ste/ sems ni gzugs med pa nyid dang/ de bzhin du thog ma dang tha ma med pa dang/ skad cig ma nyid yin pas dus gsum gnas pa med pas na yod pa ma yin no/ /de yang gang zhig 'das pa med pa yin/ /ma 'ongs pa ni thob med na/ /gnas ni yongs su gyur pa yin/ /da ltar byung ba ga la gnas/ /ji lta ba nyid de mi snang/ /snang ba de nyid de lta min/ /rnam shes bdag gi gzugs min te/ /shes pa med pa gnas kyi mchog /ces bshad pa yin te/ 'dir rgya cher ma spros so/ /chos thams cad bdag med do zhes bya ba ji skad bstan pa de ltar gnas so zhes bya bar ni kho bo cag kyang khas len na/ ji skad du bshad pa'i rnam pas chos thams cad bdag med pa'i 'gro ba rnams ni sna tshogs par snang do zhes zer na/ de brjod par bya ste/ thog ma med pa'i rang bzhin can gyi/ ma rig pa'i dbang gis yang dag pa ma yin pa'i don la 'khrub pa tsam du 'gro ba rnams snang ste/ dper na rmi lam dang sgyu ma dang/ smig rgyu dang/ dri za'i grong khyer la sogs pa rnams ni yang dag par med du zin kyang snang ba dang 'dra'o/ /dris pa/ rmi lam dang mtshungs ba la sogs pa'i dpes 'gro ba rnams med par bstan pa de ni bden pa ma yin te/ rmi lam la sogs? pa ni don gyi bya bas stong pa yin la/ 'gro ba rnams ni don gyi bya ba
- 97a
dang ldan par snang ngo zhe na brjod par bya ste/ rmi lam la sogs pa ni yul du smad ba med du zin kyang don gyi bya ba ni yod de/ dper na rmi lam la skyes pa dang/ bud med kyi dbang po gnyis 'dus pa med du zin kyang/ khu ba byung ba'i mtshan nyid can gyi bya ba ni yod par snang ngo/ /de bzhin du gzugs brnyan dang 'dra ba'i 'gro ba med du zin kyang/ 'khrul pa tsam du 'gro ba rnams snang ba yin no/ /dris pa/ rmi lam dang/ sgyu ma la sogs pa'i dpes 'gro ba rnams med pa dang/ 'khrul pa tsam yin du chug na/ 'on kyang dmigs pa'i rnam pa'i 'khrul pa'i shes pa ni yod de/ dper na sgyu ma dang/ dri za'i grong khyer la sogs pa med pa yin yang/ de la dmigs pa'i rnam pa 'khrul pa'i shes pa ni yod do zhe na/ brjod par bya ste/ 'khrul pa'i shes pa de ngo bo nyid gang gis 'gro ba rnams rtogs shing shes pa'i ngo bo nyid nges 'gro ba'i 'dis sems med par bstan pa yin la/ 'gro ba rnams med par med bzhin du 'gro bar snang ba rang nyid kyang ma dag par 'gyur ro// mdag pa nyid kyis na de'i ngo bo nyid kyis 'khrul pa'i shes pa yang dag par yod par ji ltar 'gyur te med ngo/ /'jig rten na yang gang sa bon la sogs pa med par myu gu la sogs pa'i chos 'di ni ma mthong ngo// // de ltar bshad pa'i rnam pas chos thams cad dngos po med par bstan du zin kyang la la dag gal te chos thams cad ngo bo nyid kyis stong pa yin na chad par smra bar ji ltar mi 'gyur/ chad bar smra bar khas len na ni 'jig rten pha rol med par smra bas phal chen 'jig rten rgyang pan pa'i gzhung dang 'dra bar 'gyur ro zhes rgol bar byed do/ /'dir brjod par bya ste/ /stong nyid tshig tu smra ba la/ /chad par sma ba yod min te/ /mya ngan 'das dang 'khor ba ru/ /bdag nyid chen po 'di mi gnas/ /zhes
- 97b
bshad pa dang/ de bzhin du 'phags pa klu sgrub kyi zhal snga nas kyi bsam kyis mi khyab pa'i bstod pa lam/ de nyid shes la chad pa dang/ /rtag pa nyid du 'dod min te/ /'gro kun dngos po stod pa ste/ smig rgyu dag dang mtshungs par 'dod/ /ji ltar smig rgyu dag gi chu/ /rtag dang chad pa yong ma yin/ de bzhin 'gro ba thams cad dag/ rtag dang chad pa med par bshad/ /ces bshad pa yin pas chos thams cad dmigs su med pa'i ye shes la brten pa nyid kyis bdag nyid chen po rnams su med pa'i snying rje chen po la gnas pa rnams/ sngon gyi smon lam gyi stobs kyi ste sems can rnams gdon par go bgos pa de rnams ni 'khor ba dang mya ngan las 'das pa la gnas pa la yod pa ma yin no/ /don 'di dag gnas par bya ba'i phyir/ 'phags pa klu sgrub kyi zhal snga nas kyis byang chub kyi sems bshad pa las/ chos 'di dag ni chos rnams kyi/ /rang gi ngo bo las mi 'da' / /dper na bu ram mngar ba dang/ me'i rang bzhin tshab mtshungs/ /de bzhin chos rnams thams cad kyi/ /rang bzhin stong pa yin par 'dod/ /rang bzhin smra bar byed pa na/ /gang yang chad par smra ma yin/ /nges ni rtag pa nyid du yang/ /gang yang smra bar mi 'gyur ro zhes bshad pa yin no/ /gal te chos thams cad stong pa nyid yin na/ chos thams cad de'i bdag nyid du nye bar dmigs par ci'i phyir ma gyur ces rtog na/ de brjod par bya ste/ gang 'di bcom ldan 'das thugs rje chen po'i shugs kyi dbang gis thar ba 'dod pa rnams la chos thams cad bdag med pa nyid ni blang bar bya'i mchog tu bstan par mdzad la/ de ni so so rang gis rig pa'i bdag nyid du phyin ci ma log par 'phags pa rnams kyi thugs su chud pa yin la/ gang yang ma rig pas phyin ci log tu gyur pa'i byis pa rnams kyis ni de mthong ba mi 'gyur ro/ /de yang slob dpon phyogs kyi glang po'i zhal snga nas kyis/ 'di ni mya
- 98a
ngan 'das grong lam gcig pu/ /bde gshegs nyi ma'i gsung 'od snang ba can/ /bdag med rang bzhin 'phags pa stong phrag 'jug/ rnam par rgyal ba blo dman mig mi mthong/ /zhes bshad pa dang/ yang 'phags pa klu sgrub kyi zhal snga nas kyis 'di'i tshe ba'i bdag nyid kyi phul du byung ba bstan pa'i phyir dang/ chos nyid so sor rang rig pa nyid la gus pa bskyed par bya ba'i phyir/ byang chub kyi sems bshad pa las/ bdag gis stong nyid mi shes pa/ /de ni thar pa'i skal can min/ /rmongs pa de ni 'gro drug gi /srid pa'i btson ra 'dir 'khyams 'gyur/ /zhes bshad pa dang/ yang de nyid las/ dge dang mi dge rnam rtog gi /rgyun chad pa ni mtshan nyid can/ /stong pa sangs rgyas kyis gsungs kyis med pa'i mtshan nyid ma yin no/ /zhes bshad pa dang/ yang de bzhin du lta ba dag ni ji snyed pa/ /lus can rnams ni 'jug 'gyur pa'i/ /lta ba nyes pa bzlog pa'i phyir/ /rgyal bas stong nyid bstan pa yin/ /gang gis stong pa nyid thos nas/ /lta ngan dag las mi ldog pa/ /lta bgos par med 'gyur te/ /sman pas spangs pa'i nad par mtshungs/ /dper na me yis shing bsregs nas/ /bsregs bya med pas gnas mi 'gyur/ /de bzhin lta ba'i shing bsregs nas/ /stong pa'i me ni 'gag par 'gyur/ /lta ba 'gag pa'i dus su ni/ /ye shes me ni yang dag 'byung/ /nyon mongs thams cad bsreg byed pa/ /nyon mongs bsregs nas rnam par mdzes/ /zhes bshad pa dang/ de bzhin slob dpon kam pa la'i zhal snga nas kyis/ snang ba'i phreng ba las/ nyon mongs shes bya'i sgrib pa mun/ /gnyen po stod pa nyid yin na/ /myur du thams cad mkhyen 'dod pas/ de ni ci phyir bsgom mi bya/ /zhes bshad pa dang/ de bzhin
- 98b
du stong pa nyid shes pa las mchog tu gyur pa bstan pa'i phyir/ /ji snyad sems can thams cad kyi/ /bsod nams tshogs ni yongs gzung ba/ /de snyed byang chub sems dpa' yi/ /byang chub sems las rab tu 'byung/ /ji snyed byang chub sems dpa' yi/ /byang chub sems las 'byung 'gyur ba/ /de bas mang ba'i bsod nams ni/ /dam chos yongs su 'dzin las byung/ /byang chub sems byung bsod nams gang/ /dam chos 'dzin las gang 'byung ba/ /stong pa nyid la mos pa yin/ /bcu drug char yang mi phod do/ /zhes bshad pa yin no/ /de bzhin du stong pa nyid du lta bas 'jigs pa'i byis pa so so'i skye bo rnams kyi dbang du mdzad nas/ de rnams kyi 'jigs pa spangs pa'i phyir/ shes rab kyi le'u las/ gang zhig 'jigs pa skyes pa'i dngos// de las 'jigs pa skye 'gyur gyi/ stong nyid 'jigs pa 'jom byed na/ de las 'jigs pa ci phyir skye/ /gal te bdag ces bya yod na/ /ci yang rung las 'jigs 'gyur na/ /bdag nyid ci yang yod min na/ /'jigs pa gang las 'byung bar 'gyur/ /zhes bshad pa dang/ de bzhin du 'phags pa klu sgrub kyi zhal snga nas kyis rin po che'i 'phreng ba las/ nges par lags pa'i chos dag kyang/ /phra zhing zab par snang ba dang/ byis ba thos dang mi ldan pa/ skrag pa byed par rkyal bas gsungs bdag yod ma yin yod mi 'gyur/ /bdag gi yod min ma 'gyur zhes/ /byis pa dag ni de ltar skrag /mkhas pa la ni skrag pa zad/ /ces bshad pa dang/ yang 'di nyid gsal bar bya ba'i phyir/ 'phags pa klu sgrub kyi zhal snga nas kyis/ /'jig rten las 'das pa'i bstod pa las/ kun rtog thams cad spong ba'i phyir/ /stong nyid bdud rtsi bstan pa ni/ /gang yin de yi 'dzin pa yang/ /khyed kyis med par mdzad pa yi/ /'dod pa med dbang dang ldan stong/ /sgyu ma bzhin du rkyen byung bar//
- 99a
mgon po khyod kyis chos kun ni/ /dngos po med par ston par mdzad/ /ces bshad pa yin no/ /de ltar chos thams cad stong pa nyid kyi ye shes su shin tu gsal bar bstan kyang byis pa gang dag thog ma med pa'i tshul can gyi srid pa'i chu bor ma rig pa'i dbang gis yang dag pa ma yin pa'i don la mngon par zhen pa'i gdon gyis zin pa rnams kyis/ /don dam pa'i chos thams cad stong pa nyid chos kyi dbyings la sogs pa rnam grangs du ma pa yang dag par bstan pa ro gcig pa'i mtshan nyid nges par legs pa 'dod pa rnams kyis mchog tu blang bar bya ba gyur par mi shes pa ste/ de rnams log pa'i shes pas zil gyis mnon pa/ nges par med pa nyid kyi rang bzhin can gyis ma rig pa'i rgyu can/ las dang nyon mongs pa'i mtshan nyid skad cig ma gcig nas gcig tu brgyud de nyams su myong ba'i sdug bsngal gyi bdag nyid kyi srid pa'i 'khor lo'i lam du yongs su khyabs pa yin no/ /de yang/ dmyal ba'i gnas nas yi dags gnas te/ de nas sum pa gsum gnas/ dge ba zad pas sum cu rtsa gsum gnas nas dud 'gro'i skye gnas 'gro/ dud 'gro'i skye gnas las 'pho slar yang mi'i skye gnas thob 'gyur te/ 'gro ba las kyi 'chi bas dbang med shing rta'i 'khor lo bzhin du 'khor/ /zhes bshad pa yin no/ /de ltar ji skad bshad pa'i mtshan nyid can gyi 'gro ba sgyu ma dang mtshungs pa la log pa'i shes pas zil gyis mnan pa'i byis pa bden pa'i tshul du shes pas bcom ldan 'das kyis gsungs pa'i rten cing 'brel par 'byung ba bstan pa mi shes kyi ma rig pa'i dbang gis yod pa ma yin pa'i bdag nyid can gyis nga dang bdag ces bya ba la sogs pa'i mtshan nyid can gyi rnam par rtog pa'i sa bon las/ phung po la sogs pa'i gzugs kyis rnam pa nyid du 'khor bar kun tu 'khor
- 99b
bar 'gyur ro/ /dris pa/ yod pa ma yin pa'i bdag nyid can gyi nga rgyal yod pa nyid kyis srid pa'i sa bon nyid yin par mi 'thad la/ 'di ni yang dag par rig pa'i mtshan nyid can gyi rnam par shes pa gcig pu nyid srid par 'jug pa'i sa bon du yang dag pa'i tshul du yod pa yin la/ de ltar rgyu yod pa nyid kyis 'bras bu yang yod pa nyid yin pas dngos po med par mi 'thad do/ /de ltar yang 'dir slob dpon chos kyi grags pas/ yang dag par rig pa'i tshul 'di gcig bu nyid/ dga' ba dang zhum ba la sogs pa'i rnam pa du mar mthong ngo/ /zhes bya ba la sogs pa rgya cher bshad pa yin no/ /'dir brjod par bya ste/ rnam par shes pa ni rang bzhin med pa'i ngo bo nyid yin pas yod pa'i tshul gyis srid pa'i sa bon du mi rigs so/ /rnam par shes pa ni ming tsam du yod pa yin no zhes sngar rgya che bstan zin mod kyi 'on kyang cung zad cig brjod par bya ste/ don dam pa'i bden pa nyid kyis 'gro ba rnams ngo bo nyid med pa las ma rig pa'i dbang gis rnam par shes pa dang bdag ces bya ba la sogs pa'i tshul gyi yul la nye bar spyod pa nyid kyis bden pa nyid du yod par snang ba de ni sngar bshad pa'i gtan tshigs kyis rigs te/ sa bon bdag med pas de las byung ba yang bdag med pa nyid yin te/ de yang klu sgrub kyi zhal snga nas kyis rin po che'i phreng ba las/ ngar 'dzin las byung phung po rnams/ /ngar 'dzin de ni don du brdzun/ /gang gi sa bon brdzun ba de'i/ /skye ba bden pa gang la zhig/ ces bshad pa dang/ de bzhin du slob dpon Arya de ba'i zhal snga nas kyis kyang/ /srid pa'i rtsa ba rnams shes te/ /yul rnams de'i spyod yul min/ /yul la bdag med gyur na ni/ /srid pa'i sa bon ldog par 'gyur zhes bshad pa dang/ yang 'di nyid gsal bar bya ba'i phyir/ slob dpon chos kyis grags pas tshad ma rnam 'grel las/ /bdag yon na ni gzhan
- 100a
du 'du shes 'gyur/ /bdag gzhan cha la yongs su 'dzin dang sdang/ /'di gnyis dang ni kun tu 'brel pa las/ nyes pa thams cad rab tu 'byung bar 'gyur/ /zhes bshad pa yin no/ /de lta ba na ma rig pa'i rgyu can nyid kyis 'khor ba 'di nang dang bdag ces bya ba la sogs par rtog pa'i dbang gis nyes pa thams cad de'i rang gi phyogs 'dzin cing gzhan gyi phyogs la rgyab kyis phyogs pa'i mtshan nyid can 'byung bar 'gyur ro/ /'di nyid don dam pa'i bden pa nyid kyis gsol bar mdzad pa'i phyir/ 'phags pa klu sgrub kyi zhal snga nas kyis rig pa drug cu pa las/ /rtsod med che ba'i bdag nyid can/ /de dag la ni phyogs med do/ /gang rnams la ni phyogs med pa/ /de la gzhan phyogs ga la yod/ /ces bshad de/ dmigs su rtsig pa'i ri mor mtshungs/ /skyob pas 'di dag ma lus de ltar gzigs/ /spros de yongs rtog yin par mkhyen nas ni/ /dngos med mtshan ma med cing mi zad pa/ /yongs su rtog pa tsam nyid 'ba' zhig yin/ /zhes bshad pa dang/ yang de nyid las/ ji srid ci srid rnam rtog pa/ /re zhig de srid thams cad brdzun/ /gang zhig de nyid mi rtog pa/ /de bden de ni de bzhin nyid/ /ces bshad pa dang/ de bzhin du 'phags pa klu sgrub kyi zhal snga nas kyis theg pa chen po nyi shu pa las/ /yang dag ma yin rtog byas pas/ /dmyal la sogs par bsregs 'gyur te/ 'od ma yi ni me bzhin du/ /rang gi nyes pas sreg par byed/ /sems can sgyu ma ji bzhin du/ /yul ni yongs su spyod par byed/ /de bzhin rten 'brel las byung ba/ /sgyu ma'i rang bzhin bgrod par 'gro/ gang tshe sgyu mkhan sgyu ma yi/ /spangs shing nye bar bsdus pa na/ /de tshe ci yang mi snang ste/ /de ni chos kyi chos nyid yin/ /dper na ri mo mkhan gyis ni/ /gnod sbyin gzugs ni rab 'jigs pa/ /bris nas rang nyid 'jigs
- 100b
pa ltar/ /'khor bar mi mkhas de dang mtshungs/ /ji ltar byis pa rang gis 'dam/ /byas nas la la ltung bar byed/ /de bzhin kun tu rtog pa'i 'dam/ /dgrol dkar sems can bying ba dang/ /dngos med dngos por mthong nas ni/ /sdug bsngal sna tshogs myong 'gyur te/ /log pa'i bsam pa las byung bas/ /rtog pa'i dug gis 'chi bar 'gyur/ /zhes bshad pa dang/ de bzhin du 'phags pa 'jam dpal la bstod pa las kyang/ /rnam par rtog pa ma rtogs pa/ /'khor ba zhes bya 'ga' yang med/ /nges na rnam par rtog bral ba'i/ /srid ba mya ngan 'das bdag nyid/ /ces bshad pa dang/ yang de bzhin du/ /rnam rtog gti mug chen po ste/ 'khor ba'i rgya mtshor ltung byed yin/ /mi rtog ting 'dzin la gnas na/ /mkhar ltar dri ma med par snang/ /zhes bshad pa dang/ yang de bzhin du/ /ji srid rnam dag blo yis gzung dang 'dzin bral ba'i/ /don dam de nyid ji bzhin shes par ma gyur pa/ /de srid rnam rtog brgya'i rlung gis g.yengs pa'i blo/ /'jig rten rnams rmongs dbang med 'di ni rtag tu 'khor/ /zhes bshad pa yin no/ /de ltar na 'di ni chos kyi dbyings la sogs pa'i rnam grangs du mas bshad pa ro gcig pa'i mtshan nyid can skye ba med pa gnyis su med pa'i ye shes zhes bya bar gnas so/ /dris pa/ gal te mchog tu blang bar bya ba'i de kho na nyid ni ma skyes shing gnyis su med pa'i ye shes gcig pu kho na yin na/ bcom ldan 'das kyis mchod rten dang/ sku gzugs la sogs pa bzhengs su gsol ba dang/ de bzhin du sbyin pa dang/ tshul khrims dang/ bzod pa la sogs pa dang/ dge ba'i las sna tshogs pa gzhan dag bya ba gsungs pa dag de bzhin du nga'i rnam par smin pa las bsod nams dang ye shes kyi tshogs mdza' yas pa 'byung bar gsungs pa dang/ de bzhin du sngogs kyi lha sna tshogs pa'i gzugs kyi rnam pa
- 101a
dang bzlas brjod dang sbyin sreg dang/ dkyil 'khor gyi bya ba la sogs pa ye shes thob par bya ba ci'i phyir gsungs/ 'dir brjod par bya ste/ de la re zhig mchod rten dang sku gzugs la sogs pa bzhengs su gsol ba la sogs pa dang/ dge ba'i las mang po gzhan dag bcom ldan 'das kyis ci'i phyir gsungs zhes gang smras pa de la de bzhin gshegs pas thugs rje chen po'i shugs kyi dbang gis sems can thams cad kyi bsam pa dang/ yid la ro ba yongs su rdzogs par mdzad pa yin pas/ byis pa de kho na nyid ma rtogs pa dang/ gso ba dang po'i spyod yul du gyur pa rnams la don dam pa la 'jug par bya ba'i thabs su kun rdzob kyi bden pa gsungs pa yin gyi/ don dam pa nyid kyis thabs las byung ba'i tshul du gsungs pa ni ma yin no/ /de yang slob dpon kam pa la'i zhal snga nas kyi snang ba'i phreng ba las/ chos dang chos min dka' thub stong/ /dul dang sdom dang zhi ba dang/ dmyal ba yi dags dud 'gro dang/ mi rnams lha dang bcas pa dang/ /'byung dang 'byung 'gyur phung po dang/ /khams gsum thub pas bstan pa dang ston pa dang ni nyan thos nyid/ /thams cad kun rdzob dag tu bstan/ /sems can dang po'i las can rnams/ /dam pa'i don la 'jug pa'i phyir/ /thabs 'di rdzogs pa'i sangs rgyas kyis/ /skad kyi rim pa lta bur gzhag /de las byis pa bring pa'i thabs/ /mthar ni thams cad 'jig par 'gyur/ /zhes bshad pa yin no/ /de bzhin du gzhan yang gsang sngags kyi lha sna tshogs la sogs pa'i sku'i rnam pa dang/ de bzhin du bzlas pa dang sbyin sreg dang/ dkyil 'khor la sogs pa'i bya ba bcom ldan 'das kyis ci'i phyir gsungs zhes gang smras pa de brjod par bya ste/ gang don dam pa mngon par rtogs par mi nus pa med pa'i ngo bo nyid mi shes pa de'i bdag nyid can gyi chos la
- 101b
mngon par dga' bar bya ba dang/ yul gyi 'bras bu yod pa la nye bar longs spyod par 'dod pa'i skad cig gis med pa las 'das par gyur par 'phags pa dngos po dang/ dngos po med pa'i brten pa dang bral ba rnams ni sgrib pa thams cad bral bas/ mchog tu zab pa'i tshul du bstan pa'i gnyis su med pa'i ye shes rtogs par 'gyur ro/ /de yang 'phags pa klu sgrub kyi zhal snga nas kyi rigs pa drug cu pa las/ /gang blo yod dang med pa las/ rnam par 'das shing mi gnas pa/ /de dag zab mo dmigs med pa/ /rkyen gyi don la rnam par bsgom/ /zhes bshad pa yin no/ /dris pa/ de ltar theg pa chen por ye shes ni ma skyes pa'i mtshan nyid can zab pa dang/ dmigs su med pa zhes bshad pas bstan du zin kyang/ 'on kyang de ci yang ma yin te/ mtshan nyid med pa'i phyir dang/ ngo bo nyid med pa'i phyir dang dngos po yod dang bral ba'i phyir de mtshan nyid ji lta bu yin pa kho bo cag gis mi shis so/ /de brjod par bya ste/ theg pa chen po'i tshul la ye shes brjod du med pa de ni 'di yin no zhes bstan dang bral? mtshan nyid mtshan bzhi spangs pa/ de bzhin nyid du ro gcig pa'i bdag nyid can/ gcig dang du dang bral ba/ dngos po dang dngos po med pa rnam par spangs pa/ zab pa/ dmigs su med pa/ nyan thos rnams kyi spyod yul ma yin pa/ yod pa dang med pa'i rnam par rtog pa las nges par grol ba/ rtog pa las 'das pa'i spyod yul can/ spros pa thams cad dang bral ba/ skye ba dang 'jig pa spangs pa/ brjod du med pa/ chad pa med pa/ rtag pa med pa chos kyi dbyings kyi rang bzhin du zad? yang dag par gnas pa de ni rang gi rigs phra ba'i phyir/ sangs rgyas shin tu phra bar gzigs pa rnams kyi yul du gyur pa yin no/ /de yang snang ba'i phreng ba las/ de ni rang rig phra bas na/ sangs rgyas phra bar gzigs pa'i
- 102a
yin/ /bdag cag lta bur rang gnas nas/ /blo gros rtsing bas mi mthong ngo/ /zhes bshad pa dang/ de bzhin du chos kyi dbyings ni ma skyes shing/ /nam yang 'gag par mi 'gyur la/ /dus kun du ni nyon mongs med/ /thog mdza' da dus dang bral ba yin/ /zhes bshad pa dang/ 'di dag nyid 'phags pa klu sgrub kyis don dam par bstod pa las/ nye bar ma yin ring par min/ /nam mkhar ma min sar yang min/ /'khor dang mya ngan 'das par min/ /gnas med khyod la phyag 'tshal lo zhes bshad pas gsal bar mdzad pa dang/ yang 'phags pa klu sgrub kyi zhal snga nas kyis bsam gyis mi khyab pa'i bstod pa las gang zhig gcig min du ma min/ /gnyis min gnyi ga min pa'ang min/ /gnas med gsal ba med pa dang/ /bsam du med cing bstan du med/ /gang zhig skye med 'jig pa med/ /chad pa med cing rtag pa med/ /des nam mkha' ltar so sor snang/ /yi ges shes pa'i spyod yul min/ /de ni rten cing 'brel par 'byung/ /de ni stong pa yin khyod bzhed/ /dam pa'i chos kyang da 'dra ste/ /de bzhin gshegs pa'ang de dang mtshungs/ /de ni de nyid don dam pa/ de bzhin nyid kyis dngos por 'dod ces bshad pa dang/ yang de bzhin du/ gang gis rten cing 'brel par 'byung/ /'gag pa med pa skye med pa'i/ rtag pa med pa chad med pa/ /'ong ba med par 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi/ /dam pa de la phyag 'tshal lo/ /gang zhig sangs rgyas spros las 'das/ /'jig rten spros ba med pa dag /rmongs de spros pas bcom pas na/ /de bzhin gshegs pa mi mthong ngo/ /de bzhin gshegs pa'i rang bzhin gang/ 'phro ba 'di yi rang bzhin de/ /de bzhin gshegs pa rang bzhin med/ /'gro ba 'di/ yang rang bzhin med/ /ces bshad pa dang/ de bzhin du 'phags pa
- 102b
shes rab kyi pha rol tu phyin pa las kyang/ gang gis de la gzugs su mthong/ /gang gis nga la sgrar shes pa/ /log pas spong bar zhugs pa ste/ /skye bo de yi nga mi mthong/ /sangs rgyas rnams ni chos kyi sku/ /'dren pa rnams ni chos nyid lta/ /chos nyid shes par bya min pas/ /de ni rnam par shes mi nus/ /zhes gsungs pa dang/ de bzhin du bcom ldan 'das kyis 'phags pa shes rab kyi pha rol tu byin pa la sogs pa'i mdo sde mdza' yas pa las/ chos thams cad ngo bo nyid kyis stong pa dang/ skye ba med pa dang/ 'gag pa med pa ste/ chos gang la'ang gnas pa'am skye ba 'am/ 'gag pa yod pa ma yin te/ chos thams cad ni gdong ma nyid nas ma skyes pa'i phyir rang bzhin gyis yongs su dag pa'o zhes bcom ldan 'das de bzhin gshegs pas gsungs te/ de kho na nyid ji lta ba bzhin du gsung par mdzad pas na de bzhin gshegs pa zhes bya'o/ de kho na nyid ma mthong ba byis pa'i skye bo blo phyin ci log pa'i bsam pa'i dregs pa spangs pa theg pa chen po'i tshul du rnam grangs kyi mtshan nyid mang pos ye shes bshad pa dang/ bcom ldan 'das kyis gsung bla na med pa'i ye shes rtogs par spro ba med pa/ shin tu yun ring ba'i dus gzhan rab tu bla na med pa'i byang chub mngon par rdzogs par 'tshang rgya bar 'gyur ro zhes bya ba skrag par 'gyur bas de'i dbang du mdzad nas/ bcom ldan 'das kyis de dag gsungs pa yin no/ /de yang slob dpon pad+ma'i zhal snga nas kyis sgyu ma zhes pa las byung pa sgyu ma nyid las ldog byed yin/ /sgyu ma lta bu'i 'jig rten na/ /sgyu ma'i thabs ni rab tu bstan/ ces bshad pa dang/ yang 'di dag gsal par bya ba'i phyir 'phags pa klu sgrub gyi zhal snga nas gyis/ dmigs su med par bstod pa las/ /bsam byed bsam gtan bsam byed? spangs pa bden pa mthong ba yin no/ /'di kun rtog pa tsam nyid du/ /gang gis rtogs pa de grol 'gyur/ zhes gsungs pa dang/ mkha' dang mtshungs par mnyam 'gyur dang/ /rnam par mi rtog ngo bo nyid/ /chos rnams rang bzhin dag pa las/ /rol mo 'di dag rnam par bsgom/
- 103a
zhes gsungs pa dang/ yang 'di nyid gsal bar bya ba'i phyir/ ji ltar rmi lam sgyu ma dang/ /dri za'i grong khyer mthong ba bzhin/ /rnal 'byor spyod pa mkhas pa yi/ /sna tshogs 'di dag de bzhin mthong/ /kun rdzob tu ni thams cad skye/ des na rtag pa yod ma yin/ /thams cad yang dag par mi 'gyur/ /des ma chad pa yod ma yin zhes bshad pa yin no/ /de bas na ji skad du bshad pa'i rnam pas bstan pa'i gnyis su med pa'i ye shes nyid ma skyes pa'i mtshan nyid can gyi de kho na nyid yin par bshad pa legs par smras pa yin no/ /de ltar ji skad du bshad pa'i mtshan nyid can gyi gnyis su med pa'i ye shes yun ring du bsgoms shing goms par byas pas so so rang gi rig pas mngon sum du ma byas par thos pa tsam gyis tshig la brten nas bya ba byas zin pa nyid sems pa de'i dbang du mdzad nas/ 'phags pa klu sgrub kyi zhal snga nas kyis/ /rigs pa drug cu pa las/ rnam par dben don mi shes par/ /thos pa tsam du 'jug byed cing/ /gang yang bsod nams mi shes pa/ /skyes bu tha shal de dag brlag /ces bshad pa dang/ de bzhin du slob dpon ka ma pa la'i zhal snga nas kyis snang ba'i phreng ba las/ rtag tu brtson 'grus ldan pa yis/ /'di ltar lam gyi rjes 'jug can/ /ring po mi thogs chos kun ni/ /stong pa nyid du rtogs par 'gyur/ /chos kyi chos nyid thob pa'i phyir/ /yongs su ma bsgoms pas mi 'gyur/ /chu ma 'thungs par thos pa 'am/ /mthong bas sgom bsel 'gyur ram/ zhes bshad pa yin no/ /chos nyid kyi rang bzhin ci zhig yin zhes rtog na/ de brjod par bya ste/? chos thams cad kyi ngo bo nyid gang yin pa don dam pa'i tshul ji lta ba bzhin du gnas pa gnyis su med pa dang/ de bzhin nyid ces bya ba la sogs pa'i rnam grangs kyi mtshan nyid dang ldan pa'i chos thams cad stong pa nyid yin no/ /'di yang bla ma'i man ngag dang snying rje sngon du
- 103b
'gro ba'i bsgom pa goms par byas pa'i stobs kyis so so rang gi rig pa'i shes pa nyid kyis rab kyi mthar thug pas srid pa las nges par grol ba dang/ bla na med pa'i ye shes thob par 'gyur ro/ /de yang grub pa'i slob dpon klu sgrub kyi zhal snga nas kyis chos nyid kyi mtshan nyid bstan pa ni/ 'di la bsal bya gang yang med/ /gzhag par bya ba ci yang med/ /yang dag nyid la yang dag lta/ yang dag mthong na rnam par grol zhes bshad pa dang/ yang mya ngan 'das mdza' gang yin pa/ /de ni 'khor ba'i mdza' yin te/ /de dag bye brag cung zad du/ /shin tu phra ba'ang yod ma yin zhes pa yin no/ /dris pa/ theg pa chen por ma skyes pa la sogs pa'i rnam grangs kyis bstan pa'i gnyis su med pa'i ye shes gzung bar bya ba dang/ 'dzin pa bo dang bral ba/ stong pa nyid kyi ngo bo nyid mchog tu blang bar bya ba'i de kho na nyid du bshad pa gang yin pa de ni phal cher stong pa nyid kyi ngo bo nyid yin pa'i phyir med pa nyid kyis na ming tsam du zad pas ri bong go ra dang 'dra ste/ de ni shin tu chad par lta ba yin pas log pa'i shes pa nyid yin par shes so zhe na/ 'dir brjod par bya ste/ 'di ltar sngar chos thams cad gdod ma nas ma skyes par bshad pas/ rtag pa dang/ chad pa'i mdza' gnyis kyi glags yod pa ma yin gyi ma rig pas phyin ci log tu gyur pa'i byis pa log pa'i shes pa'i ling tog gis bo'i? mig khabs pa/ dngos po dang dngos pa med pa dag la yod pa nyid du mngon par zhen pa'i shing gi mes rgyud bsregs pa/ log pa'i gdon gyis sems kyi rgyud bkrugs pa/ /blo shin tu rags pa'i nyon mongs pa de rnams kyis theg pa chen por chos kyi dbyings la sogs pa'i tshig gi rnam grangs kyis bstan pa ma skyes pa'i mched nyid can skye ba dang 'jig pa dang bral ba/ mchog tu blang bar bya ba'i don dam pa'i de kho na nyid thabs las byung ba'i bdag nyid can gnyis su
- 104a
med pa'i ye shes sangs rgyas kyi spyod yul du gyur pa/ de la 'jug pa'i go skabs rnyed par ga la 'gyur/ des ni de? rnams nges par chad par lta ba dang log pa'i shes pa yin no snyam du sems so/ /gang yang blo gros phyin ci ma log pa yang dag pa'i ye shes so so rang gi rig pas rtogs par gyur pa dang/ de bzhin du blo yod pa dang/ med pa'i ye shes la brten pa nyid kyis bdag nyid che ba gang yin pa de ni bdag nyid chen po ste/ 'phags pa nyid la bya la de rnams la ni rang gi phyogs dang gzhan gyi phyogs yod pa ma yin no zhes bya ba ni bsdus pa'i don yin no/ /gzhan dag ni ma rig pa'i dbang gis pa dang bdag ces bya ba la sogs pa bdag tu lta ba yod pas dngos po la mngon par zhen pa 'byung bar 'gyur la/ dngos po la mngon par zhen pa'i rtsa ba las 'dod chags la sogs pa skye bar 'gyur te/ yang de nyid las/ dngos por khas len yod na ni/ /'dod chags zhe sdang mi bzad 'byung/ /lta ba ma rungs yongs su 'dzin/ /de las byung ba'i rtsod par 'gyur zhes bshad pa yin no/ /'di'i bsdus pa'i don ni 'di yin te/ dngos por khas blang zhing dngos po yod par 'dod pa la ni 'dod chags la sogs pa'i nyes pa rnams rab tu skye bar 'gyur ro/ /don 'di nyid yang dang yang du gsal bar bya ba'i phyir de nyid las/ gnas yod na ni 'dod chags dang 'dod chags bral ba dmigs 'gyur na/ /gnas med bdag nyid chen po rnams/ /chags pa med cing chags bral min/ zhes bshad do/ de'i don ni 'di yin te/ dngos po med pa'i ye shes la brten ?? bde ni bdag nyid chen po gnas pa med pa yin la/ de ni dngos po la brten pas gang la yang chags pa'am chags pa dang bral bar mi 'gyur ro/ /dris pa/ gal te dngos po la dmigs pa de kho na nyid ma yin na/ ci dngos
- 104b
po med pa la dmigs pa de kho na yin nam zhe na 'dir brjod par bya ste/ 'di dag ni sgyu ma dang rmi lam la sogs pa'i dpe sngar bstan zin mod kyi/ 'on kyang cung zad tsam zhig brjod par bya ste/ gang gi tshe ma rig pa'i dbang gis thog ma med pa'i rang bzhin gyis 'khor bar dngos po dang dngos po med par gcig la gcig bltos nas gnas pa yin la/ de nas gnyis ka yang med pa yin no/ /de yang slob dpon klu sgrub kyi zhal snga nas kyis rigs pa drug cu pa las/ yod pas rnam par mi grol te/ med pas srid pa 'di las min/ /yod dang med pa yongs shes pas/ /bdag nyid chen po rnam par grol zhes bshad pa yin te/ byis pa'i skye bo'i spyod yul las 'das pa'i dmigs su med pa'i ye shes la brten nas/ bdag nyid chen po ni 'phags pa ste/ de rnams gang dngos po dang dngos po med pa dag don dam pa'i bden par dmigs su med pas dngos po med pa nyid du so so rang rig pa nyid kyis yongs su mkhyen pa yin la/ mkhyen pa nyid kyis rnam par grol ba brnyes pa yin no/ /rig pa 'dis dngos po dang dngos po med pa nye bar dmigs pa ni de kho na nyid yin no zhes bya ba'i don to/ /de yang/ mya ngan 'das pa dngos po med pa/ /min na de dngos ga la yin/ /dngos dang dngos po med zin pa/ /zad pa mya ngan 'das zhes bya/ /zhes bshad pa dang/ yang/ blo chung gang gis yod pa dang/ med pa nyid du mthong gyur pa/ /des ni spros pa ces? zhi pa'i/ /zhi ba'i dngos po mthong mi 'gyur/ zhes bshad pa dang/ gang tshe dngos dang dngos med pa/ /blo'i mdun na mi gnas la/ /de tshe bgrod pa gzhan med pas/ /dmigs med rab tu zhi bar 'gyur/ /zhes bshad pa yin no/ /de bzhin du bcom ldan 'das kyis dkar gshegs pa'i med las/ ji ltar me long dag las gzugs/ /gcig dang du ma rnam spangs par/ snang yang der ni yod ma yin/ /de bzhin dngos po'i dngos nyid dang/ zhes gsungs pa dang/ yang 'di
- 105a
dag nyid bcom ldan 'das kyis gsal bar mdzad pa'i phyir/ blo yis rnam par brtags pa na/ /ngo bo nyid nyi dmigs su med/ /de bas na de ni brjod med pa/ /dngos po med par bstan pa yin/ /zhes gsungs pa dang/ yang 'di nyid gsal bar bya ba'i phyir/ slob dpon ka ma pha la'i zhal snga nas kyis snang ba'i phreng ba las/ gal te dngos po dngos gyur na/ /slar ni dngos med ji ltar 'gyur/ /de nyid brtan pa'i tshul can pas/ /gzhan du 'gyur bar mi 'thad do/ /ming dang rigs sogs yon tan gyis/ /gang gis chos rnams brdzun par mthong/ /de ni phyin ci log pa yin/ /mkha' la ri mo 'dri dang mtshungs/ /de bas dngos po sna tshogs pa/ /ngo bo nyid kyis rang bzhin med/ /gang gis chos rnams gzhan du shes/ /de ni don dam dang bral 'gyur/ / zhes bshad pa dang/ de bzhin du slob dpon klu sgrub kyi zhal snga nas kyis bsam gyis mi khyab par bstod pa las/ gang zhig dngos po nyer dmigs pa/ de ni gal te de nyid 'gyur/ /byis pa de nyid rig 'gyur bas/ /de tshe de nyid shes ci dgos/ /zhes bshad yin no// 'dir la la dag 'di skad du gal te dang po thams cad kyi nye bar dmigs pa'i don rnam par shes pa yongs su gyur pa nyid du mi 'dod na dngos po sna tshogs par snang ba la 'jug pa 'di ga la 'byung zhes rgol bar byed na/ 'dir brjod par bya ste/ de ni ma rig pa'i dbang gis yang dag pa ma yin pa'i yongs su rtog pa tsam du snang ngo/ /de yang snang ba'i phreng ba las/ /bdag nyid sems kyis yongs rtogs phyir dang ni/ /bkod pa'i dri med phyi rol song gyur pa/ /skye ba du mar yongs bgos nyer 'bar ba/ /'gro ba gtum po cung zad kyi rjes su 'brangs nas bstan pa yin no/ /dris pa/ ji skad du bshad pa'i mtshan nyid kyis na brjod du med pa de ni 'di yin no/ /zhes bstan du med pa sangs rgyas bcom ldan 'das kyi rang rig pa'i ye shes dang/ de bzhin du sgrib pa
- 105b
thams cad dang nges par bral ba'i 'phags pa rnam kyi spyod yul de la thog ma med pa nas zhugs pa'i ma rig pa'i dri mas yi ma can du gyur pa/ bdag dang bdag gir mngon par zhen pa'i dug gis brgyal ba/ srid pa'i 'dam du byed pa'i sems skye ba rnams ji ltar 'jug par 'gyur/ /de rtogs par 'gyur ba stan pa la ga las 'jug par 'gyur ba'i thabs kyi rgyu ni gang zhig yin zhe na/ 'dir brjod par bya ste/ srid pa'i rgya mtsho 'dir sngon thog pa med pa'i sangs rgyas bcom ldan 'das rnams kyis las dang ngo bo'i gnas skabs su thugs dang po bskyed pa na thugs rjes mon pa'i shugs kyis 'gro ba ma lus pa gdon par bya zhing/ sangs rgyas nyid thob par bya ba'i phyir smon lam gyi rgyal po mngon du mdzad pa yin la/ /smon lam gyi shugs de'i dbang gis sku gsum bdag nyid lhun gyis grub pa'i tshul gyis de rnams sangs rgyas kyis mdzad pa la 'jug pa yin no/ /sangs rgyas kyi mdzad pa de gang zhig yin zhe na/ brjod bar bya ste/ sngon bla na med pa'i sangs rgyas kyi zhing du byang chub thod par byed pa'i dge ba'i las sna tshogs ? sa bon btab pa la goms par byas pa gang yin pa dang/ zhing dam pa la skrun pa'i dbang gis 'khor bar sangs rgyas kyis 'dul ba'i sems can rnams 'byung bar 'gyur ro/ /de yang bcom ldan 'das kyis sangs rgyas la skrun pa'i dge ba'i rtsa ba ni 'khor dang yongs su zad par mi 'gyur zhing yongs su gtugs par mi 'gyur gyis/ /mi zad pa'i mya ngan las 'das pa thob par 'gyur ro zhes gsungs pa dang/ de bzhin du dper na chu'i thigs pa rgya mtsho chen ltung ba/ /bskal pa mi 'jig par de mi zad/ /de bzhin byang chub yongs bsngo dge ba ni/ /thar pa ma thob par du zad mi 'gyur/ /zhes gsungs pa dang/ yang de bzhin du/ dri zhes yal zhing rnying la shun phrags dengs 'gyur me tog gcig cig ni/ /rna ba las ston dad ba rnams bsam pas rgyal gyur la
- 106a
phul/ /bsod nams des ni ngan 'gro'i 'jigs pa las grol mtho ris sa steng gi/ /bde ba dpag med dus ? blo bzang bde bas thar pa thob par 'gyur zhes gsungs pa dang/ de bzhin du bung ba rgya mtsho tshad gzhal dang// srang gis ri rab goms pas so/ /tshad gzhal bar ni nus srid kyi/ /rgyal la phul tshad gzung mi nus zhes bshad pa yin no/ /de bas na zhing dam pa'i bdag nyid che ba las sangs rgyas kyis 'dul ba'i sems can rnams 'byung bar 'gyur ro/ /sangs rgyas kyis mngon sum du 'dul ba'i skye bo de la thugs rjes rjes su bzung nas/ sangs rgyas bcom ldan 'das kyis skye bo de nyid srid pa'i rgya mtsho las bsgral bar bya ba'i phyir 'khor bar 'dug par mdzad nas/ mos pa sna tshogs dang ldan pa'i sems can de rnams la sna tshogs par ston par mdzad pa dang/ gzigs par mdzad pas sangs rgyas kyi mngon sum du 'dul bar 'gyur ba de thams cad bsgral nas lhag ma lkog tu 'dul bar bya ba ma 'ongs pa na sangs rgyas kyi chos bstan pas 'dul zhing/ sangs rgyas kyi chos rab tu bstan pa dang/ ye shes nye bar bstan pas dbang po rab dang 'bring dang tha ma'i dbye bas myur ba dang/ yun ring po dang/ shin tu ring pos 'tshang rgya bar byed pa'i theg pa gsum las nye bar ston pa thob par mdzad pa dang/ de bzhin du sna tshogs pa'i bsam pa dang mos pa tha dad pa de rnams srid pa'i rgya mtsho las bsgral bar bya ba'i phyir/ sangs rgyas bcom ldan 'das thugs rje chen po'i shugs kyi dbang gis slob ma dam pa rnams la bsam pa sna tshogs pa'i dbang du mdzad de thabs sna tshogs bstan nas/ de'i 'og tu sangs rgyas bcom ldan 'das kyis nyid kyi mdzad pa rdzogs par gyur pa dang/ 'khor ba las yongs su mya ngan las 'das par 'gyur ro/ /bcom ldan 'das yongs su mya ngan las 'das nas de'i 'og tu slob
- 106b
ma dam pa 'phags pa nyan thos dang rang sangs rgyas dang byang chub sems dpa' de rnams rang rang gi theg pa de la lhag par mos shing de bstan pas 'dul ba rnams kyi sangs rgyas nyid thob bar bya ba'i phyir sangs rgyas bcom ldan 'das kyis bstan pa'i thabs rang rang gi rgyud dang rjes su mthun par nye bar ston par byed do/ /de ltar bla ma gcig nas gcig tu brgyud pa'i rim gyis ye shes bstan pa de rtogs pa la 'jug pa rnams thos pa dang bsam pa dang bsgom pa'i rim gyis goms pa'i stobs kyis ye shes la 'jug par 'gyur ro/ /de'i thabs goms pa la sogs pa la goms par byas pa la 'jug ste/ de la theg pa chen po'i rnal 'byor pa la la dge ba'i rtsa ba la la 'bad pa dang ldan zhing/ dbang po rno ba dang brtson 'grus 'bar bas nyin dang mtshan du bsgom pa la goms par byas pa'i stobs kyis tshe 'di nyid la log pa'i shes pa spangs pa dang/ yang dag pa'i ye shes thob par 'gyur ba yin no/ /de bzhin du dge ba'i rtsa ba la shin tu 'bad pa med pa de goms par byed pa la cung zad 'jug pa dang spro ba chung ba de rnams ni skye ba gzhan dag tu 'thob par 'gyur ro/ /de ltar gzhan gyis rgol ba'i dgos pa bsal nas/ sangs rgyas kyi ye shes la ji ltar 'jug par 'gyur pa de ltar bstan pa yin no/ /dris pa/ bcom ldan 'das yongs su mya ngan las 'das nas de'i 'og tu bla ma gcig nas gcig tu brgyud pa'i rim gyis bla na med pa'i ye shes bstan pa de la theg pa chen po'i rnal 'byor pas tshe 'di nyid la log pa'i shes pa spangs nas yang dag pa'i ye shes 'thob par 'gyur ro zhes bya ba ni mi rigs te/ gang gi phyir ? thog ma med pa'i tshul can gyi ma rig pa'i rgyud dang ldan pa'i log pa'i rang bzhin las dang nyon mongs pa'i bdag nyid can skye ba la sogs pa'i sdug bsngal mdza' yas ba skad cig ma gcig nas gcig tu brgyud pa'i bdag nyid can/ 'khor ba'i rgya
- 107a
mtsho zhes bya ba ni shin tu rgal bar dka' ba yin te/ de ni nyan thos la sogs pa'i thub pa dpag tu med pa rnams kyis skye ba grangs med par dka' ba spyod pa dang/ de bzhin du 'phags pa'i bden pa bsgom pas dge ba'i las sna tshogs pa la goms par byas pa'i dga' bas dus shin tu yun ring po zhig na spong bar byed do zhes de ltar nyan thos kyi theg pa las bshad de/ de bas na tshe 'di nyid la theg pa chen po'i rnal 'byor bas log pa'i shes pa spangs te/ yang dag par shes pa 'thob par ji ltar 'gyur /'dir brjod par bya ste/ theg pa chen po'i rnal 'byor pas tshe rabs snga ma dag tu phyin ci ma log pa'i thabs la bslabs pa dang/ theg pa mchog la gnas pa'i rang bzhin gyi che ba'i bdag nyid che ba nyid dang/ dge ba'i rtsa ba la mi g.yo bar 'bad pa nyid dang/ yang dag pa'i ye shes kyi thabs kyi man ngag dang/ de bzhin du brtson 'grus kyi shugs drag po bsgom pa la goms pa'i phyir/ tshe 'di nyid la ye shes thob par 'gyur ba yin no/ /de yang 'di skad thos te/ 'phags pa klu sgrub kyi zhal snga nas la sogs pa tshe 'di nyid la phyin ci ma log pa'i thabs kyis man ngag bsgoms pa goms par mdzad pas rab tu dga' ba la sogs pa'i sa la bzhugs shing sbyin ba la sogs pa'i pha rol tu phyin pa yongs su rdzogs pa dang/ ye shes dang skye ba la sogs pa la dbang thob pa dang/ mi skye ba'i chos la bzod pa thob pa'i ye shes brnyes pa yin no/ /de ltar de rnams tshe 'di nyid la las dang nyon mongs pa dang/ shes bya'i sgrib pa'i mtshan nyid can gyi log pa'i shes pa spangs nas yang dag pa'i ye shes thob po zhes thos la/ de bzhin du gzhan dag las kyang 'byung bar 'gyur te/ gang gi phyir rgya che ba'i chos nyid kyi bdag nyid che ba 'di ni rang bzhin gyis yod pa yin no/ /de ltar yang sdong po bkod pa'i
- 107b
mdo las kyang/ dper na ma yis shing gi ri/ /skad cig gis ni thal bar byed/ /ye shes me yis rnal 'byor pa'i/ /las kun skad cig dag gis bsreg /las kyi bag chags ldan pa yi/ /kun rdzob dus ni ring po can/ /rnal 'byor ye shes bag chags kyis/ /thams cad skad cig gis 'jig byed/ /dper na mun pa rab gtugs pa/ /mar mes skad cig dag gis 'joms/ /thub pas ye shes sgron ma yis/ /mi shes 'di ni sel bar mdzad ces gsungs pa yin no/ /de ltar na gnyis su med pa'i ye shes ni thar ba 'dod pa rnams kyi mchog tu blang bar bya ba'i de kho na nyid ji ltar yin/ de ltar lung dang rigs pa dag gis bstan pa yin no/ /'dir byis pa rnams kyu blo'i rnam par 'khrul pa'i 'bras bu yang dag pa ma yin pa'i rnam par rtog pa des mchog go/ // da ni theg pa chen po la lhag par mos pa'i dad pa can gyi rigs kyi bus gsol ba btab pa dag la spro ba bskyed cing thar pa ma lus pa 'dod pa la sngar bshad pa'i mtshan nyid can gyi ye shes rtogs par bya ba'i phyir thabs nye bar bstan pas na bdag dang gzhan gyi don rab tu grub par bya ba'i phyir shes rab kyi tshul rjes su dran nas de bstan pa'i man ngag bsgom pa'i rim pa'i cho ga 'dir cung zad cig bshad bar bya'o/ /theg pa chen por ji skad du bshad pa'i ye shes mngon par rtogs pa 'dod pa dad pa dang gus pa dang ldan pas de'i tshul las bshad pa'i cho ga'i rim par sngon du 'gro bas bla ma la gsol ba btab/ de'i drin gyis thob pa'i lung gis bla na med pa'i ye shes kyi man ngag gi rnal 'byor bsgom pa brtsam par bya'o/ /de la dang po re zhig/ bstan bcos rgya chen po ni thos nas su/ /don dam de bzhin nyid ni nges byas la/ /dad ldan de la 'jam pa'i stan gnas te/ /blo dang ldan pas rnal 'byor rtsom par byed/ /gzung dang 'dzin dang gnyi ga gnyis min dang/ bdag dang gzhan dang
- 108a
mya ngan 'das pa dang/ /'khor ba zhes bya ba'i rnam rtog mang ? po ni/ /rab tu spangs la yid ni mnyam par bzhag/ sgyu ma dri za'i grong khyer lta bur ni/ /shes bya ma lus rnam par bltas nas su/ /de bzhin nyid kyi ye shes rdo rje yis/ /lus kyi 'khrul 'khor rab tu gzhig par bya/ /rnam pa thams cad du rab mdzes la/ /thog ma tha ma'i cha bral rnam mi rig /dri ma med pa'i 'od zer stong gis ni/ /mun pa des gsal nam mkha' dang mtshungs ba yi/ /rang gi rnam pa tsam gyi ngo bo ru/ /gzod nas skye ba med pa'i rang sems mthong/ /gang gis kyang ni de mthong gyur ba dag/ de yang de bzhin du ni blta bar bya/ /dmigs pa med dang bcas pa'i sems nyid ni/ /de bzhin nyid dang yang dag mdza' ru bshad// de ltar rims kyis bslabs par gyur pa las/ /ming du shes pa 'gog pa 'thob par 'gyur/ /de la yang dag reg par sbyor ba las/ /'bad ba med par mngon shes lngar ldan 'gyur/ /de dang mngon bar ldan pa'i rnal 'byor pa/ /'gro ba'i don ni dpag tu med pa byed/ /'di ni yongs su rdzogs pa'i rnal 'byor pa/ /shin tu yun rings dus su gnas par 'gyur/ /lus ni rdo rje lta bur mi shigs shing/ /nyon mongs bdud la sogs pas g.yo mi 'gyur/ /shes rab pha rol tu phyin pa zhes bya ba'i/ /rnal 'byor 'di dag rtag tu rab ldan pas/ /nam mkha' mdzod la sogs pa'i ting nge 'dzin/ /mang ba rnams ni yang dag rdzogs par 'gyur/ /'di zab mo'i don gang ci yang rung ba rtogs dka' ba de ni bla ma'i zhal nas cho ga ji lta ba bzhin du bshad pa gzung bar bya'o/ /rigs kyi bu 'am/ rigs kyi bu mo dad pa dang ldan pa gang la la pha rol tu phyin pa'i tshul gyis spyad pa spyod pa ji skad du bshad pa'i rim pa'i cho gas sems can thams cad gdon par bya ba'i phyir sems
- 108b
bskyed nas/ bla na med pa'i ye shes kyi man ngag gi rnal 'byor brtsams nas brtson 'grus dang ldan pas bslabs pa'i stobs dang ldan pa de ni ring po mi thogs par tshe 'di nyid la ji skad du bshad pa'i ye shes thob par 'gyur ro/ /gang yang ji skad bshad pa'i cho ga med par glegs bam tsam la brten ba tsam gyis 'jug pa de dag ni ji skad du bshad pa'i dngos grub la rgyab kyis phyogs par 'gyur zhing sdug bsngal dang yid mi bde ba sna tshogs pa dag 'byung bar 'gyur ro/ /zhes zab mo'i tshul la de bzhin gshegs pas gsungs so/ /dris pa/ bcom ldan 'das thugs rje chen po'i shugs kyi dbang gis theg pa chen po la lhag par mos shing thar pa 'dod pa rnams kyi mchog tu blang bar bya ba nyid du dbang po dman pa dang/ bar ma dang chen po'i dbye bas theg pa chen po'i tshul dbye ba rnam pa gsum du gsungs la/ dbye ba gsum po de dag nyid bcom ldan 'das 'dul ba'i bsam pa mang po'i dbang gis dbye ba mang po'i mtshan nyid la 'jug par mdzad pa yin la/ /de rnams kyang thabs kyi dbye bas phye ba yin gyi thabs las byung ba las ni khyad par med do zhes bshad do/ /de rnams las gong nas gong du khyad par du 'phags pa'i mtshan nyid can thabs kyi rab mchog gi khyad par ni sngags kyi theg pa yin par gsungs la/ /de bas na sngags kyi theg pa'i khyad par gang yin pa de brjod par bya ste/ /tshul gsum gyi sgron ma las/ don cig na'ang? ma rmongs dang/ /thabs mang dka' ba med pa dang/ /dbang po rnon po'i dbang mdzad pas/ /sngags kyi theg pa khyad par 'phags/ /zhes bshad pa dang/ de bzhin du dpal mchog dang po zhes bya ba'i sngags kyi tshul las/ /bdag nyid sangs rgyas thams cad de/ /byang chub sems dpa' kun kyang yin/ /de bas rang lha'i sbyor ba yis/ /bdag nyid nye bar bsgrub pa bya/ /zhes gsungs pa dang/ yang de bzhin du/ ldang dam yang na 'dug pa 'am/ /chags pa 'am ji ltar gnas pa 'am/ rgod dam rab tu
- 109a
smra ba'am/ /gang dang gang du ji ltar gnas/ /dkyil 'khor dag tu ma zhugs pa'am/ /sgrib pa kun dang ldan yang rung/ /rang lha'i sbyor ba'i bdag nyid can/ /bsod nams chung yang 'grub par 'gyur zhes gsungs pa dang/ yang de bzhin du/ mtshams med lnga la sogs pa yi/ /sdig pa chen po byed pa yang/ /theg pa bla na med pa yi/ /theg mchog 'di la 'grub par 'gyur zhes gsungs pa dang/ yang de'i khyad par gsungs pa ni/ /bde bas byang chub thob 'gyur gyi/ /lus kyi gdung ba byang chub min/ /gang phyir ting 'dzin las byung ba'i/ /sems bde ba las 'tshang rgyar 'gyur ces bya ba la sogs pa rgya cher gsungs pa yin no/ /de ltar ji skad du gsungs pa'i mtshan nyid can gyi sngags kyi theg pa chen po ni dka' ba med pa'i spyod pas skad cig ma gcig la mngon par byang chub pa thob par byed pa yin zhing/ /gong nas gong du phyin ci ma log pa'i thabs kyi khyad par du bcom ldan 'das thugs rje chen po'i dbang gang gis gang gsungs pa de/ de kho na nyid kyi snying po bsdus pa 'dir bstan tam zhes/ 'dir brjod par bya ste/ 'di na da ltar srid pa'i lam du da ltar skyes pa dang/ skye bar 'gyur ba'i sems can mthong ba dang/ thos pa rnams ni sngags kyi spyod pa'i snod ji lta ba ma yin no/ /de yang re zhig da ltar byung ba rnams ni ma rig pa'i dbang gis bdag dang bdag gir 'dzin pa la sogs pa lta ba ngan pa'i shing gis spar ba'i mes rgyud bsregs pa/ /rang gi rnam par rtog pa'i rlung gis blo rnam par g.yengs pa dman pa'i blo can log par 'dzin pa la mngon par zhen pa sna tshogs pa'i rims kyis btab pa'i sems dang ldan pa'i nyam thag pa nyon mongs pa'i rba rlabs kyis blo rnam par g.yengs pa de rnams kyis gsang sngags kyi tshul las bstan pa'i phyin ci ma log pa'i thabs kyi khyad par zab mo rnam par phye ba'i mtshan nyid can/ /shin tu rgya
- 109b
che ba'i 'jig rten las 'das pa'i spyod pa spyad par ga la nus/ de lta bu'i mtshan nyid dang ldan pa'i sems can nyid la dgongs nas sngon bcom ldan 'das thams cad mkhyen cing thams cad gzigs pa nyid kyis ma 'ongs pa'i sems can rnams kyi spyod pa mkhyen nas sngags kyi tshul la dgag pa gsungs pa yin no/ /de yang bcom ldan 'das kyis gsang sngags kyi theg pa'i tshul las/ shes rab de ni mi shes shing/ /ngar 'dzin dri mas spags pa rnams/ /de'i 'jig rten 'das spyod pa/ /dmyal bar 'gro ba kho na thad// ces gsungs pa dang/ yang de nyid las/ thabs bzangs rnam par spangs nas ni/ /'gal ba'i dam tshig la sogs pa/ /gang zhig gzhan du byed pa dag /de ni du 'bod dag tu 'tshed/ /dper na 'di na rab 'bar mer/ /rtswa dang shing la sogs pa'i tshogs/ / bcug pa thal ba nyid 'gyur gyi/ /slar ni rab tu skye mi 'gyur/ /de bzhin de nyid rnam bral bar/ /shin tu mi bzad rmad byung las byed pa/ /ji srid nam mkha' gnas par du/ /shi nas dmyal bar 'gro bar 'gyur zhes gsungs pa dang/ gzhan yang/ legs brtags legs par dpyad nas ni/ /mkhas pas rab tu 'jug bya yi/ /gzhan du mer ni 'jug pa yis/ /bcu drug char yang mi phod do zhes gsungs pa dang/ yang de nyid de nyid kyis shes nas/ /lhag par mos par ngas brten gang/ /des grub 'gyur gyi gzhan du de/ /dmyal ba chen por ltung bar 'gyur/ /zhes bya ba la sogs pa rgya cher gsungs pas sems can phal ba rnams la sngags kyi tshul bstan pa dgag par mdzad pa yin no/ /kho bo cag gis kyang bcom ldan 'das kyis dgag par gsungs pa'i bka' 'di ? ? de kho na? nyid kyi snying po bsdus pa 'dir gsang sngags kyi tshul la bstan pa'i thabs kyi khyad par ma bstan pa yin no/ /theg chen don ni cung zad cig /btus nas snying por bsdus pa la/ /gang 'dir cung zad mi gsal ba/ /de ni gzhan du legs
- 110a
par brtag 'di ni chos grags la sogs pas/ dbu ma'i lung du mang por ni/ /spros pas rnam par phyi bas na/ /rnam par rmongs pa bshol ba yin/ /theg chen la dga' i bdag nyid can/ /sems can dang po'i las can rnams/ / yang dag de nyid rtags bya'i phyir/ /de nyid snying po bdag gis bshad/ /snying rje bdud rtsi'i ros brlan cing/ /sems can don la dga' sems kyis/ /dad pas byang chub 'dod pa'i phyir/ /nga yis 'di ni bsdus pa yin/ /'dir gang blo gros dman gyur pa 'am/ /ma dpyad bar ni gang byas pa/ /cung zad bsgol bcas de dag kun/ /mkhas pas bdag la bzod par mdzod/ /de nyid bdud rtsi dag pa 'dis/ /thugs rje'i rgyud ni dag pa yi/ /de bzhin gshegs pa ma gtogs gzhan/ /nyer longs spyod don ma rung yin/ /de nyid kyis na bshad dka' ba/ grub mdza' i rjes 'gro'i blo can la/ blo gros de ni dag bya'i phyir/ /snying rjes bstan la 'jug pa yin/ /rang zab shin tu rgya che la/ /spyangs pa ma byas bdag nyid can/ /rmongs pa'i dgra bo bdag gzhan gyi/ /theg pa che la smod par byed/ /la la rmongs pas bsgribs nas ni/ de nyid la ni 'gegs byed gang/ /de la bde 'gro 'ang yod min na/ /thar pa thob par ga la 'gyur/ /theg pa chen po'i tshul gnas pa /bram ze klu'i dbang po'i bu/ /chos kyi dbang po dpal ldan gyis/ /de nyid bsdus pa'i snying po byas/ /de bzhin gshegs pa'i de nyid bdud rtsi mtsho nang nas/ /'gro la snying rjes blangs nas yang dag dge ba gang/ /bsags pa des ni 'gro ba'i nyes pa kun bsal te/ /lus can thams cad de bzhin nyid gcig la gzhol shog/ //de kho na nyid kyi snying po bsdus pa/ slob dpon chos kyi dbang pos mdzad pa rdzogs so// //rgya gar gyi mkhan po dza nardA na dang/ /bod kyi lo
- 110b
tsA ba dge slong rin chen bzang pos bsgyur cing zhus te gtan la phab pa'o// (theg pa gsum rnam par bzhag pa slob dpon rin chen 'byung gnas zhi bas mdzad pa bzhugs//) // #/ /rgya gar skad du/ tri yA na bya ba s+thA na nA ma/ bod skad du/ theg pa gsum rnam par bzhag pa zhes bya ba/ sangs rgyas dang/ byang chub sems dpa' thams cad la phyag 'tshal lo/ /gang gis theg gsum nyid bzhon sbyin pa'i phyag ni rab ? nas/ rang gi sha dang khrag dag chags bral 'gro la rnam 'byed pa/ theg gsum gsum po shAkya'i dbang po nyid la phyag 'tshal nas/ /bla ma'i bka' dang gzhung mang mthong phyir theg gsum rnam gzhag bya/ /theg pa rnams ni gsum nyid du rnam par bzhag par mthong ste/ nyan thos dang ldan pa'i theg pa dang/ rang sangs rgyas kyi theg pa dang/ zab cing rgya che pa dang ldan pa'i theg pa'o/ /de la nyan thos dang ldan pa'i theg pa ni rnam pa gnyis te/ bye brag tu smra ba dang/ mdo sde pa'o/ /yang bye brag tu smra ba ni kha che'i nyid dang/ yul dbus kyis zhes bya'o/ /de ni rang gi grub pa'i mthar cung zad brjod de/ /dbang po dang don las 'byung ba'i blo rnam pa med cing/ dbang po don ma lus pa ni gong bu dang mthun par gnas pa'i rdul phra rab cha shas med pa'i ngo bor rtog cing 'dus byas thams cad mi rtag la bdag med par 'dod pa ste/ nam mkha' dang 'gog pa dag dang/ de bzhin nyid rnams rtag par 'dod pas rnam par spyod pa'o/ /'di dag ni 'bras bu me shi ba ltar bstan du med pa dang/ de'i sngon du song ba'i phung po lhag ma dang bcas pa zhes bya ba dang gnyis grub par byed pa ste/ de dag grub ba gcig dang sgrub pa la gnas pa bdun gyi skyes bu 'phags pa'i khongs su gtogs pa zung bzhi dang/ gang zag brgyad ces bsgrags pa 'di ltar rgyun tu zhugs pa'i phyir zhugs pa dang/ rgyun tu zhugs pa dang/ lan cig phyir 'ong pa'i phyir zhugs pa dang/
- 111a
lan cig phyir 'ong ba dang/ phyir mi 'ong ba'i phyir zhugs pa dang/ phyir mi 'ong ba dang/ dgra bcom pa'i phyir zhugs pa dang/ dgra bcom pa ste go rims bzhin no/ /yul dbus kyi bye brag tu smra ba rnams kyang gnas 'dir rnams mnyam pa ste/ phra mo dag ni de dag nyid 'don pa'i chos mngon pa rgya cher blta'o/ /mdo sde pa rnams ni blo rnam pa dang bcas pa nyid du skye bar rtog cing blo'i rnam pa rnams kyang de dang 'dra ba gzhan gyi rnam pa las skyes la/ de yang rdul dra rab kha dog dang rjes su mthun par gnas pa'i bdag nyid du 'dod do/ /yang 'di dag ni dus gsum dag 'di khas mi len cir 'dus ma byas rnams kyang mo gsham gyi bu dang 'dra bar 'dod pa ste/ 'bras bu dang de la 'dod pa dang gnas pa sde? ma bzhin te/ 'on kyang mdo sde ba rnams ni rang sangs rgyas su 'gyur ba'i skal ba can no/ /'di ni nyan thos kyi theg pa rnam par bzhag pa'o/ /zhugs pa dang de la gnas pa dang/ de dag nyid dbang po'i khyad par gyis bse ru ltar rgyu ba dang/ tshogs dang spyod pa dang/ gzhir rang sangs rgyas ni rnam pa gnyis las bzhir 'gyur ba'o/ /'di dag gi khong du chus pa ni mthun par rten cing 'brel par 'byung ba yan lag bcu gnyis las 'khor bar 'byung ba dang/ de 'gags pas mya ngan las 'das par 'gro bar rtogs pa'o// 'dir 'di dag gi bar chad med pa'i lam nyi tshe bshad pa ltar yin gyi 'bras bu thob pa la phan pa'i sdom pa'i tshul khrims la sogs pa ni nyan thos rnams dang mthun par de la 'byung zhing/ 'bras bu'i bdag nyid kyang zhi ba nyid nyan thos rnams dang mnyam pas gnas pa'o/ /'di dag la nges par tshul khrims kyis sdom pa la gnas pa 'byung ba dang/ rten cing 'brel par 'byung ba rtogs par 'gyur ba'i rkyen 'byung ba ni tshong dpon bden par smra ba bzhin te/ bskal ba brgya'i bar du de dang
- 111b
'brel pa'i las de dag gis bsags pa'i phyir ro/ /rten cing 'brel par 'byung ba rnams ji ltar bsgom pa ni 'dir ma smras te/ gzhung mangs pa la mi dga' ba dang/ mdo sde rnams las gsal bar snang bas so/ /'di ni rang sangs rgyas kyi theg pa rnam par bzhag pa'o/ /zab cing rgya che ba dang ldan pa'i theg pa ni rnam pa gnyis te/ zab pa 'ba' zhig dang ldan pa dang/ zab pa dang rgya che ba gnyi ga dang ldan pa'o/ /'di dag nyid la theg pa chen po zhes brjod cing/ dbye ba rnam pa gnyis nyid la slob dpon sdams pha rol tu phyin pa'i tshul dang/ gsang sngags kyi tshul gyi theg pa chen po zhes kyang gzhag pa'o/ /gal te gcig la ni zab pa nyi tshe ldan zhing/ /de bzhin du gcig la ni zab pa dang rgya che ba gnyig ldan na/ de'i tshe theg pa dag ni bzhir 'gyur ba ma yin nam/ ji ltar na theg pa gsum du rnam par bzhag ce na/ 'di la nyes pa med de/ bden pa gnyis la gnas pas bdag dang gzhan gyi don phun sum tshogs par sgrub pa la dbye ba med bas so/ /de lta na ci'i phyir zab pa 'ba' zhig dang ldan pa dang zab cing rgya che ba gnyi ga dang ldan pa'i khyad par 'byung/ /gzhan du na 'di dag gi bden pa gnyis nyid la khyad par yod par brjod dgos so/ /'di ni legs par smras pa ste/ don dam pa'i bden pa nyid la ni nam yang dbye ba 'ga' zhig kyang 'byung ba med la/ kun rdzob nyid kyis zab pa dang rgya che bar 'gyur ba'o/ /ci'i phyir kun rdzob kyi bden pa la khyad par yod kyi/ don dam pa'i bden pa la de mi dmigs/ kun rdzob tsam gyis rgya che bar yang ji ltar 'gyur/ 'di na don dam pa'i bden pa dbu ma pa rnams kyis rnam par bzhag pa ni yod pa dang/ med pa dang/ yod pa dang/ med pa gnyi ga dang/ yod pa dang med gnyi ga ma yin pa zhes bya ba'i mdza' nam pa bzhi las nges par grol ba/ spros pa'i mtshan ma nub pa dag gi las 'das pa nyid yin no
- 112a
tshul 'di las gzhan pa'i don dam pa'i bden pa rnam par 'jog na de'i tshe nges par yod pa la sogs pa'i mdza' rnam pa bzhir 'jug par 'gyur te/ /gang mdza' rnam pa bzhi yang ma yin la dbu ma pa dag gis rnam par bzhag pa'i bden pa yang ma yin pa ni nam yang rnyed par mi 'gyur ro/ /gal te mdza' rnam pa bzhi las 'ga' zhig don dam pa'i bden par yongs su rtog na de'i tshe rnal 'byor spyod pa kho na bas 'bad pa chung dus rnam par bzlog par nus so/ /de'i phyir don dam pa'i bden pa/ bcom ldan 'das dang klu sgrub la sogs pas rnam par bzhag pa las khyad par gyur pa'i don dam pa'i bden pa gnyis pa ni med do/ /kun rdzob tsam gyis ji ltar rgya che bar 'gyur zhes gang smras pa ni 'dir/ dmigs pa rnam par dag pa dang/ /grogs kyi mthu dang spyod pa yis/ /blo ldan rnams kyi theg pa ni/ /chen po'i chen po nyid du bsgrags/ /'di'i don ni ji ltar snang ba'i dmigs pa rnams rnam par dag pa'i lha'i bdag nyid du mngon par rtogs pas dmigs pa rgya che ba dang dus gsum du rgyal ba rnams kyis bsten pa'i dam tshig rnams yid bzhin du bzung bas khyad par du byung ba'i byin gyis brlabs skye bar 'gyur ba grogs zhes bya ba rgya che ba dang/ ji ltar sangs rgyas dang sa bcu'i dbang phyug rnams 'gro ba'i don spyod pa dang/ zhing yongs su dag par byin gyis rlob pa ltar rjes su skyes pa'i spyod pa rgya che ba ste/ 'di dag dbu ma pa rnams las khyad par du gyur pas de dag la rgya che ba'i bden pa kho na'o/ de bas kun rdzob kho nas rnam par bzhag pa'i bye brag go /rgya che ba rnam pa de dag gis ni theg pa rnams sangs rgyas dang mnyam par bkod pa ma yin nam/ de lta na ni don dam pa'i bden pa kho na dang cig shos bye bar mi 'gyur te/ thams cad 'bras bu la gnas pa yin pa'i phyir zhe na/ bden mod kyi 'on kyang gang
- 112b
'dir don dam pa'i bden pa lhun gyis grub pa la sogs pas mi 'jug pa ltar ni 'di'i kun rdzob ma yin te/ ji srid don dam pa rtogs pa de srid rtsol ba dang bcas shing lhag par spyos pas so/ /de ltar na ni dbu ma pa rnams kyang yin pas 'di la zab cing rgya che ba dang ldan par ji ltar brjod ce na ma yin te/ dbu ma pa rnams ni rgya che ba dang bral bas/ bskal pa grangs med pa gsum gyi 'bras bu la 'jug cing/ rnal 'byor spyod par rnams kyang ngo/ /de bzhin du nyan thos dang rang sangs rgyas rnams kyang bskal pa grangs med bzhi rang gi 'bras bu dam pa len la/ theg pa'i mchog la zhon pa rnams ni dus cung zad gyis mi gnas pa'i mya ngan las 'das pa thob ste/ de bas na khyad par chen po dang bcas pa'o/ /de lta yin du zin kyang 'di na don dam pa'i bden pa dang dbyer med de/ don dam pa'i bden pa yongs su grub pa byang chub sems dpa' byams pa la sogs pas thogs pa mi mnga' ba'i spyod pas btsun mo'i 'khor du rnam par rtse ba la sogs pa spyod pas 'gro ba smin par 'gyur zhing bdag nyid kun tu 'ching ba mi 'byung ba ltar/ theg pa 'di la gnas pa rnams kyang thabs dang shes rab snyoms par 'jug pa la sogs pa smad pa rnam pa du ma spyad pas tshogs yongs su rdzogs par 'gyur ro/ /'di ni thabs kyi rnam par 'phrul pa smad du byung ba nyid de/ skye bo gang dag lhag par chags pa dang ldan pa dang/ de bzhin lhag par nga rgyal dang ldan pa'i bar rnams nyan thos dang/ rang sangs rgyas kyi theg pa la sogs pa la sbyangs pa thar pa'i skal pa can ma yin pa rnams la 'dod chags dang bcas pa'i spyod ba la sogs pa bstan pas sems yongs su dga' bar byas te/ rim gyis tshogs yongs su bsags nas sems kyi rgyud gser bsregs pa ltar gyur pa na 'dod chags dang bral ba'i spyod pa rdzogs pa'i rim pa kun nas spros pa dang bral ba nyid rtogs par 'gyur te/ de bas na theg pa'i mchog
- 113a
'di nyid skye bo ma lus pa bzhon par bya ba dam pa rnams yid 'phrog pa'o/ /de'i phyir zla gsang thig le la sogs pa rnal 'byor gyi rgyud rnams las/ mi bza' ba ni cung zad med/ /mi bya ba ni cung zad med/ thams cad thabs shes sems kyis ni/ /dogs med gyur pas longs spyod bya zhes bya ba la sogs pa rgya cher gsungs pa ni don gyi dbang rnam pa gnyis la brten pa ste/ skye bo gang dag theg pa gzhan las spangs pa rnams chang ba stong pas me 'bar ba'i khyim nas 'byung ba ltar dregs pa drang ba tsam gyis ched du gsungs la/ yang gang dag yun ring por rdzogs pa'i rim pa bsgoms pas 'dod chags la sogs pas mi 'phrogs pa 'dam gyi pad+ma lta bu rnams kho na la brten te gsungs pa'o// gzhan du 'dod chags la sogs pa tha mal pas 'ching bar mi 'gyur na skye bo thams cad thar pa'i gnas su phyin par 'gyur la/ dam tshig las nyams pa yang 'ga' yang mi 'byung bar 'gyur te/ de nyid kyis ngan song yang rnam par chad par thal bar 'gyur ro/ /de'i phyir gang dag stong pa nyid la sems la mngon par dad pa de dag gis kyang 'dod chags la sogs pa'i 'bras bu nges par nyams su myong bar bya dgos te/ lha'i rnal 'byor yang/ yang dag pa ji lta ba bzhin mthong ba'i bar chad byed pa na 'dod chags pa rnams lta smos ci dgos/ de'i phyir rdo rje'i dkyil 'khor gyi rgyan zhes bya ba rnal 'byor chen po'i rgyud las rnam pa mang por kun rdzob kyi bden pa rnam par bzhag nas yang gsungs pa dngos med nyid kyi phyogs la yang/ /las kyi 'bras bu la sogs pa/ /rmi lam bzhin du nyams myong ba/ 'di ni mngon sum dag tu 'byung/ /zhes bya ba la sogs pas rgya cher don dam pa'i bden pa mngon du ma gyur gyi bar du kun rdzob kyi bden pa la gus pas gnas par gsungs so/ /'di la kun rdzob nyid du yang
- 113b
ma dag pa med par smra ba 'ga' zhig byung na ni mngon sum du rigs pa sbyin zhing bden pa gnyis la gnas pa'i/ theg pa rab kyi mchog 'di ni/ tshul la gnas na thob par 'gyur zhes bya ba la sogs pa rgyud rnams tshig med par 'gyur te/ de'i tshe don dam pa'i bden pa kho na la gnas pa'i phyir ro/ /gzhan yang ji ltar dug sngags kyi rims mi 'phel ba/ zhes bya ba thos pa tsam dang/ gzung pa tsam dang/ de shes pa la dug mig nod par shes pa tsam gyis ni dug chen po rnams zhi bar nus pa ma yin gyi yongs su bsgrubs pa'i skyes bus zhi bar byed do/ /de bzhin du de kho na'i rnam par dag pa thos pa dang/ der 'gyur ba'i lam ston pa gzung ba dang/ rnam par dag pa dang ldan pa rnams 'ching bar mi 'gyur/ shes pa tsam gyis 'dod chags la sogs pas mi gnod par 'gyur ba ni ma yin no zhes bya ba'o/ /shin tu spros pas mchog go/ rang gi brjod par bya ba nges par gzung ste/ rnal 'byor spyod pa dang/ dbu ma pa'i dbye bas zab pa tsam dang ldan pa'i theg pa ni rnam pa gnyis yin la/ rnal 'byor spyod pa rnams kyang/ shes pa rnam pa dang bcas pa dang/ rnam pa med pa'i bye brag gis rnam pa gnyis so/ /de bzhin du dbu ma pa yang kun rdzob shes pa'i rnam par smra ba dang/ de bag chags su smra ba'i bye brag gis rnam pa gnyis so / da ni de dag gi 'dod pa'i rang bzhin brjod de shes pa rnam pa dang bcas pa rnams ni sems rang rig pa skad cig ma'i bdag nyid mi rtag pa rgyun mchad par 'byung ba 'di nyid kyis phyi rol lta bur rnam par gnas pa'i don nyams su myong ba yin gyi 'di na bdag dang skyes bu la sogs pa'i 'dzin pa po gzhan ni 'ga' yang med la/ phyi rol na dum bur gyur pa ltar gnas pa'i don rnams ni nang gi rnam par shes pa nyid kyi rnam pa de ltar nam mkha' la brten nas snang ba 'byung gi /
- 114a
gzhan dbang phyug gis phyung ba la sogs pa'i don bzung bar bya ba ni 'ga' yang med pa'o/ /thams cad rang gi rnam par shes pa'i bdag nyid kho na bas gang la yang rjes su chags pa dang khong khro ba la sogs pa'i skabs mi 'byed par tshogs yongs su rdzogs par byas nas/ sems de nyid gnas par dag pa'i ye shes tha mal pa'i mngon par zhen pa dang bral ba'i bdag nyid skad cig ma rjes su 'brel par 'byung bar gnas gyur pa ni 'bras bu sangs rgyas zhes rtog pa'o/ /shes pa rnam pa med par smra ba rnams ni sems rang rig pa rgyun 'drel bar 'jug pa skad cig ma'i bdag nyid rnam pa dang bral ba 'ga' yang rig par mi byed pa de dag gcig dang tha dad las grol ba'i bag chags rnams rab tu dag cing rnam pa thams cad dang bral ba rang rig pa'i bdag nyid kyis bems po ma yin pa'i ye shes su gnas yongs su gyur pa 'di ni 'bras bu yang dag par rdzogs pa'i sangs rgyas su rnam par dpyod par byed do/ /dbu ma pa kun rdzob shes pa'i rnam par smra ba rnams ni don dam par rigs pa'i tshogs kyis sems dang ye shes dag yod pa ma yin par smra la/ kun rdzob tu 'di ltar rnam par bzhag pa thams cad sems dang yid kyi rnam pa yul du gnas pa kho nar rtog go/ de bzhin du kun rdzob bag chags su smra ba rnams kyi 'dod pa ni don dam pa'i bden pa snga ma lta bu las kun rdzob tu rnam par bzhag pa rnams ni bag chags rnams kho na yin gyi/ sems ni rnam pa dang/ 'go ba'i bdag nyid du snang ba ma yin no zhes par ro/ /'di gnyi gas rten cing 'brel par 'byung ba'i bdag nyid 'dod pa dang/ sems dang rang rig pa 'gog rigs pa sgrub pa ni mthun no/ /kha cig na re 'di gnyis kyis lta ba gzhan sel ba na rim bzhin du/ yod dang med pa dang yod med dang/ yod med gnyi ga min pa ste zhes pa
- 114b
dang/ rtag dang mi rtag rtag mi rtag /rtag dang mi rtag gnyi ga min zhes pas go rims bzhin du mu bzhi rnam par rtog pa mi 'dra'o zhes zer ro/ /zab cing rgya che ba dang ldan pa'i theg pa ni bya ba dang/ spyod pa dang/ rnal 'byor dang/ rnal 'byor chen po dang/ rnal 'byor bla na med pa zhes bya bas rnam pa lngar 'gyur ro/ /'dir 'di dag gi rang gi ngo bo ni rnam par gsal bar bla ma rnams kho na las shes par nus kyi/ /gzhung gi tshig rnam par sbyar bas ma yin pa dang/ rags pa rnams ni de kho na la 'jug pa la sogs pa'i gzhung rnams su yang rnam par gtan la phab pas/ 'dir bdag gis gsal bar dbye bar mi bya bar bzhag go /'di ni zab cing rgya che ba'i theg pa'i rnam par bzhag pa'o/ /gal te theg pa gsum kho na yin na theg pa gcig tu rnam par bshad pa de ji ltar 'gyur/ /'di ni nges pa med de 'bras bu la dang/ rgyu la brten pa'i phyir te/ theg pa thams cad nges par nye ba dang ring ba rdzogs pa'i sangs rgyas su 'gyur bas 'bras bu la brten pa bshad pa ste/ de bas na mtshan yang dag par brjod pa las/ theg pa gsum gyi nges 'byung la/ /theg pa gcig gi 'bras bur gnas zhes gsungs pa nyid theg pa pa thams cad 'bras bu yang dag par rdzogs pa'i sangs rgyas su 'gyur bar dgongs la/ bcom ldan 'das 'jam dpal yang gdul bya'i dbang las theg pa gsum la zhon cing chos kyi sku las kyang ma g.yos pa'o zhes bstod pa brjod pa'o/ /rgyud las kyang theg pa thams cad ni bdag dang gzhan la spong zhing/ 'bras bu sangs rgyas nyid skyed pa dang/ chos kyi dbyings la tha dad pa med pa na ste/ don 'di la dgongs nas/ theg pa gcig cing tshul yang gcig yin te zhes bya ba la sogs pa rgya cher gsungs so/ /gal te 'ga' zhig theg pa bsam gyis mi khyab par bsgrub pa bcom ldan 'das kyi bka' lang kar gshegs
- 115a
pa la sogs pa'i mdo las shes so zhe na/ 'dir/ ji srid sems ni 'jug kyi bar/ /theg pa dag la thug pa med cing bya ba 'di ni theg pa gsum rnam par bzhag pa zhon pa'i theg pa pa rnams nyid kha cig rten cing 'brel bar 'byung ba mngon du byed pa dang/ la la mi sdug pa bsgom pa dang/ la la zad par gyi skye mched sgom pa'i bar gyis zhugs pa bsam gyis mi khyab pa la gzigs pa yin gyi rnam par bzhag pa gsum gyis ma bsdus pa'i theg pa gzhan ni mi 'byung ste/ de dag las gzhan pa'i lta ba ni nges par phyi rol mu stegs par 'gyur ba'i phyir ro/ /de ltar theg pa gsum rnams gsal bkod pas/ /'gro ba rnams gus bcas theg gsum myur zhon nas/ /srid mtsho las rgal bde ba chen po'i bdag/ stug po bkod pa nyid du 'gyur bar shog/ theg pa gsum rnam par bzhag pa zhes bya ba/ slob dpon ma kha? pa chen po rin chen 'byung gnas zhi ba'i zhal snga nas mdzad pa rdzogs so// //rgya gar gyi mkhan po chen po kriSh+Na ba dang/ zhu chen gyi lo tsA ba dge slong chos kyi shes rab kyis bsgyur cing gtan la phab pa'o// (//rnal 'byor bla na med pa'i rgyud kyi don la 'jug pa bsdus pa zhes bya ba bzhugs//) // */ /rgya gar skad du / yo gA nut+ta ra ya tan+tarthA ba tA ra saM graha nA ma/ bod skad du/ rnal 'byor bla na med pa'i rgyud kyi don la 'jug pa bsdus pa zhes bya ba/ bcom ldan 'das 'jam dpal gzhon nur gyur pa la phyag 'tshal lo/ /gang zhig thugs rje 'gro ba kun la mkha' ltar khyab/ /byin brlabs theg pa la sogs gsung gi 'od zer gyis/ /mngon par mtho dang nges par legs pa sgrub pa'i thabs/ /ston mdzad rgyud dang mdo sde bcas pa'i tshogs la 'dud/ /bde gshegs yon tan kun gyi 'byung gnas kyis/ /thog
- 115b
mar thugs bskyed bar du tshogs gnyis bsags/ /tha mar chos sku brnyes nas gzhan don ni/ /skye med dang las gzugs kyi skur bstan te/ /'og min gnas su longs spyod rdzogs sku dang/ sprul pa'i sku yis dzam+bu'i gling la sogs/ gdul bya sku la mos dbang po tha dad la/ /dgongs nas rnam thar bsam gyis mi khyab gsungs// //de la bcom ldan 'das kyis chos kyi phung po brgyad khri bzhi stong bka' stsal ba de dag kyang 'bras bu'i tshul gyis theg pa gcig tu 'dus te/ theg pa chen po'o/ /de yang mtshan yang dag par brjod pa las/ theg pa gsum gyi nges 'byung la/ theg pa gcig gi 'bras bur gnas zhes gsungs pa dang/ slob dpon phyogs kyi glang pos kyang/ 'di ni mya ngan 'das 'gro lam gcig bu/ /bde gshegs nyi ma'i gsung 'od snang ba can/ /bdag med rang bzhin 'phags pa stong phrag 'jug/ rnam par rgyas pa blo dman gyis mi mthong zhes gsungs pa yin no/ /de dag kyang spyir dus de re zhig pa'i dbang du byas na/ theg pa ni gnyis su bzhag ste/ mngon par mtho ba'i theg pa 'jig rten pa dang/ des par legs pa'i theg pa 'jig rten las 'das pa'o/ /de yang/ lha dang mi'i theg pa ni/ bcu drug char yang mi phod do zhes gsungs pa yin no/ /'jig rten las 'das pa'i theg pa la yang rnam pa gsum ste/ nyan thos kyi theg pa dang/ rang rgyal ba'i theg pa dang/ byang chub sems dpa' i theg pa'o/ /de yang lang kar gshegs pa'i mdo las/ /byis pa rnams ni drang ba'i phyir/ /theg pa tha dad nges bshad do zhes gsungs so/ /theg pa de dag gi don mdor bsdus rnam pa gsum du 'gyur te/ yul dang/ dus dang/ 'bras bur bzhag pa yin no/ /de yang 'di skad du/ mngon par rtogs pa'i rgyan las/ yul gyi rgyu ni gsum dag dang/ /sbyor ba bzhi yi bdag
- 116a
nyid dang/ /chos sku phrin las 'bras bu ni/ /mdor bsdus gzhan de rnam pa gsum zhes gsungs pa lta bu'o/ /de la nyan thos dang rang rgyal ba'i 'jug pa ni ye shes la 'jug pa la sogs pa mngon pa sde bdun dang / bye brag tu bshad pa chen po la sogs pa gzhan du grags par zad do/ /de la byang chub sems dpa' i theg pa ni bdag dang gzhan gyi don phun sum tshogs par 'gyur bas theg pa chen po'i don ni mchog tu blang bar bya ba yin te smon lam la sogs pas bla na med pa'i bde bar gshegs pa'i go 'phang thob par 'gyur pa ni theg pa chen po'i don yin pa'i phyir ro/ /de yang ji skad du tshul gsum gyi sgron ma las/ smon pa dang ni 'jug pa dang/ /de bzhin zab dang rgya che nyid/ /mi ldog 'bras bu thob pas kyang/ /theg pa chen po khyad par 'phags zhes gsungs pa dang/ theg pa chen po nyi shu pa las kyang/ /rtog pa'i chu bos gang ba yis/ /'khor ba'i rgya mtsho chen por ni/ /theg chen gru la ma zhugs par/ /su zhig pha rol 'gro bar 'gyur zhes gsungs so/ /de la byang chub sems dpa' i theg pa la yang rnam pa gnyis te/ sa dang pha rol tu phyin pa'i theg pa dang/ gsang sngags 'bras bu rdo rje'i theg pa'o/ /de las dang pha rol tu phyin pa'i theg pa ni mdo sde'i don bsdus pa mngon par rtogs pa'i rgyan la sogs pas don gyi 'grel pa rgyas par gsungs pa yin no/ /de yang ji skad du/ mngon par rtogs pa'i rgyan las/ rnam kun mkhyen nyid lam shes nyid/ /de nas thams cad shes pa nyid/ /rnam pa kun rdzob rtogs pa dang/ rtse mor phyin dang mthar gyis pa/ /skad cig gcig mngon rdzogs byang chub/ /chos kyi sku dang de rnams brgyad ces gsungs pa yin no/ /de la gsang sngags 'bras bu rdo rje theg pa ni de kho na nyid du smra zhing dbang po rnon po'i don du gsungs pas nas dang pha rol tu phyin pa'i theg pa las
- 116b
khyad par du 'phags pa yin te/ de kho na'i don phyin ci log pa'i dka' ba med par myur du sgrub pa'i phyir ro/ /de yang sgyu 'phrul dra ba las/ rdzogs pa'i sangs rgyas gang 'das dang/ de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs pa dang/ /de dag kun gyis gsang sngags kyis/ /cho gam cho ga bzang 'di brnyes nas/ /dpa' bos byang chub shing drung du/ /thams cad mkhyen pa mtshan med brnyes zhes gsungs pa dang/ gzhan yang tshul gsum gyi sgron ma las/ don gcig na yang ma rmongs dang/ /thabs mang dka' ba med pa dang/ /dbang po rnon po'i don gyi phyir/ /sngags kyi bstan bcos khyad par 'phags zhes gsungs pa yin no/ /gsang sngags 'bras bu rdo rje theg pa la ni 'jug pa'i sgo rnam pa bzhi ste/ bya ba'i rgyud dang/ spyod pa'i rgyud dang/ rnal 'byor gyi rgyud dang/ rnal 'byor chen po'i rgyud ces spyir grags pa yin no/ /de dag kyang gsang zhing spas pas 'grub la snod ma yin pa rnams kyi spyod yul ma yin pas na gsang ba'o/ /de ni sngags kyi theg pa zhes kyang bya ste/ sngags dang phyag rgya'i sgo nas dngos grub rnams sbyang pa'i phyir dang/ des yid skyob par byed cing 'khor ba'i sdug bsngal las dka' ba med par myur du sgrol ba'i phyir dang/ nyan thos la sogs pa blo dman pa rnams skrag par byed pa'i phyir dang/ sangs rgyas dang byang chub sems dpa' rnams kyis bstod cig bku la bsngags pa'i phyir dang/ de kho na nyid kyi don phyin ci ma log par ston pa la sogs pa'i phyir sngags/ /de ni sku dang longs spyod dang gnas dang mdzad pa yongs su dag pa'i tshul gyis 'jug pas na 'bras bu ste/ lam thams cad kyi 'bras bu phyag rgya chen po'i dngos grub yin pa'i phyir ro/ /de nyid ni 'tshe ba med cing yang dag pa'i don thogs pa med par thob par byed pas ni rdo rje'o/ /de ni theg pa yang yin te/ lam des dka' ba med par myur du yid la
- 117a
byed pa'i phyir ro/ /de yang ji skad du/ gsang bas grub phyir gsang sngags te/ rdo rje theg pa 'bras bu che zhes gsungs pa yin no/ /de la gsang sngags kyi theg pa'i sde snod ni theg pa gsum du ma gtogs par 'dod de/ de ni rig 'dzin gyi sde snod ces bya bar grags pa byang chub sems dpa' i sde snod gzhan yin no/ /de yang ji skad du/ phyi nang gsang ba theg pa gsum/ /dam chos yongs su gzung bar bya zhes gsungs pa yin no/ /yang na sde snod gsum du 'dus par yang 'chad de/ gsung rab yan lag dgu ni theg pa chen po'i sde snod yin la/ gsang sngags kyi theg pa'i sde snod kyang gsung rab yan lag dgur 'dus shing/ bslab pa rnam pa gsum ston pa'i phyir sde snod gsum du bzhag pa'o// de yang ji skad du bzhi brgya lnga bcu pa las/ /gdul byas bskyod pa sna tshogs mchog /dam chos gsung rab yan lag dgu zhes gsungs pa yin no/ /de la bya ba'i rgyud ni rig pa mchog dang rab tu grub pa'i rgyud la sogs pa ste/ rgyas par ni dbye ba bsam gyis mi khyab pa yin no/ /de'i gdul bya zab mo'i don la 'jigs par lta zhing shin tu gtsang sbra byed la/ ye shes sems dpa' i bde ba spangs shing/ /lha'i snyems pa med pa rmad du byung ba'i yul la skyon gyi rgyu'i rtag pa'i rab tu spyod pas sgrub par byed pa'i don gsungs pa yin no/ /de la spyod pa'i rgyud la ni mngon par byang chub pa la sogs pa ste/ mdor bsdu na stong phrag brgyad yin la/ rgyas par ni dbye ba bsam gyis mi khyab pa yin no/ /gang dag las kyi bya ba sna tshogs rgya chen po phyag rgya dmigs pa'i mtshan nyid la sogs pa dang/ rnal 'byor gnyis kas dngos grub kyi don la sgrub par byed pa'i don du gsungs pa yin no/ /de la rnal 'byor gyi rgyud ni de kho na nyid bsdus pa la sogs gsungs te/
- 117b
mdor bsdu na stong phrag drug pa yin la/ rgyas par ni dbye ba bsam gyis mi khyab pa yin no/ /gang dag lha'i dkyil 'khor gyi 'khor lo dgod pa dang/ de las byung ba'i las sgrub pa de kho na nyid rnam pa bcu rab tu bskyed pas de rnal 'byor dang phyi'i bya bas kyang ting nge 'dzin gyi yan lag tu sgyur bas dngos grub thams cad thob par 'dod pa'i don du gsungs pa yin no/ /rnal 'byor chen po'i rgyud ni gdul bya dbang po mchog dang rnal 'byor gtso bor byed pa'i don du gsungs pa yin te/ mdor bsdu na stong phrag bcu gnyis yin la/ rgyas par ni dbye ba bsam gyis mi khyab pa yin no/ /de la rnal 'byor chen po'i rgyud ni rnam pa gnyis te/ rang bzhin gyi rgyud dang btags pa'i rgyud do/ /de la rang bzhin gyi rgyud ni mdor bsdu na rnam pa gsum ste/ rgyu'i rgyud dang/ 'bras bu'i rgyud dang/ thabs kyi rgyud do/ /de yang gsang ba 'dus pa'i rgyud phyi ma las/ rgyud ni rgyun ces bya bar grags/ /de ni rnam pa gsum du 'gyur/ /gzhi dang de bzhin rang bzhin dang/ mi 'phrogs pa'i rab phye ba gzhi dang rang bzhin rgyu yin te de bzhin mi 'phrogs 'bras bu'o gzhi ni thabs zhes bya ba ste/ gsum gyis rgyud kyi don bsdus pa'o zhes gsungs pa yin no/ /btags pa'i rgyud kyang rnam pa gnyis te/ rnal 'byor thabs kyi rgyud dang/ rnal 'byor shes rab kyi rgyud do/ /de dag kyang rnam pa gnyis su 'dod de/ rnal 'byor mchog gi rgyud dang/ rnal 'byor bla na med pa'i rgyud ces bya ste/ rig pa'i rgyud dang/ rtsa ba'i rgyud ces btags pa yin no/ /de la thabs dang shes rab kyi rgyud kyi dbye ba ni/ de kho na nyid ston pa dang/ gdul bya dang/ rnam par dag dang/ thun mong du mngon par grags pa la sogs pas tha dad par gzhag par bya'o/ /de yang rgya che ba'i de kho na nyid gang du gtso bor ston pa'i rgyud ni thabs kyi rgyud do/ /gang du zab pa nyid gtso bor byas te/ ston pa ni shes rab kyi rgyud do/ /gang du skyes pa dang/ rang gi sde ba 'dul ba'i
- 118a
phyir lha pho'i rnam pa mang bar ston pa'i dkyil 'khor ni thabs kyi rgyud do/ /gang du bud med dang/ phyi rol mu stegs can 'dul ba'i phyir de dag dang rjes su mthun pa'i lha mo'i rnam pa mang ba'i dkyil 'khor ston pa ni shes rab kyi rgyud do/ /gang du phyi nang gi phung po dang khams dang skye mched kyi rnam par dag pa'i lha ston bzhi thabs kyi rgyud do/ /gang du phyi nang gi rtsa dang/ byang chub kyi sems rnam par dag pa'i lha ston pa ni shes rab kyi rgyud do/ /gang du 'jig rten dang rjes su mthun pa'i lha'i rnam pa ston pa ni thabs kyi rgyud do/ /gang du 'jig rten dang 'gal ba'i lha'i rnam pa ston pa ni shes rab rgyud ces bya ba la sogs pa btags pa yin no/ /de yang shes rab kyi dbye ba yis/ rnal 'byor ba ni gnyis su 'dod ces gsungs pa yin no/ /de la thabs dang shes rab kyi rgyud de dag gi don mdor bsdu na snga ma bzhin du rnam pa gsum yin te/ yul dang/ 'bras bu dang/ rgyu'i rnam pas so/ /de la gang dag de kho na nyid kyi don mthong bar 'dod pa rnams kyis rtogs shing kho bu chud par bya ba'i yul ni mdor bsdu na rnam pa gnyis yin te/ /kun rdzob kyi bden pa dang/ don dam pa'i bden pa'o/ /de la kun rdzob kyi bden pa la yang rnam pa gnyis te/ yang dag pa dang/ yang dag pa ma yin pa'o/ /de yang yang dag pa'i kun rdzob ni sems kyi rang bzhin 'od gsal ba ste/ rnam grangs kyi don dam par 'dod pa yin no/ /de yang ye shes rdo rje kun las btus pa las/ sems ni nam mkha' i mtshan nyid can/ /rnam pa med pa'i ngo bor khyab/ /'gro dang 'ong ba dang bral ba'o zhes gsungs pa yin no/ /yang dag pa ma yin pa'i kun rdzob ni de las bzlog pa'i chos thams cad yin no/ /de dag gi mtshan nyid thun mong du bstan pa ni/
- 118b
rlung gi dbang gis sna tshogs snang zhing nyams su myong bar byed pa yin no/ /de yang dgongs pa lung bstan pa las/ ji srid 'jig rten gyis brtags dang/ /de bzhin brtags pa sna tshogs rnams/ /rnam rtog byang chub sems zhes pa'i/ /rlung ltar rtag tu 'byung ba yin/ /bde sdug la sogs chos rnams kyi/ /sa bon lta bur bshad pa yin zhes gsungs pa dang/ gzhan yang ye shes rdo rje kun las btus pa las/ /rigs kyi bu kun rdzob ni mi brtan pa dang g.yo ba'o/ /de'i bden pa ni chu zla lta bu'o/ /yang de nyid las rnam par shes pa ni 'od gsal ba las 'byung ngo/ /de ni sems dang yid ces bya ste/ kun nas nyon mongs pa dang/ rnam par byang ba'i chos thams cad ni de'i rtsa ba can yin no/ /zhes gsungs pa dang/ rgyud thams cad kyi bla mar gyur pa las/ 'gro ba 'di kun sangs rgyas lnga bdag nyid/ /gar mkhan dag dang rol mo bzang ltar snang/ /gang du bde chen zhes bya gcig pu nyid/ /gcig pu nyams ni du mar gar mdzad do zhes gsungs pa dang/ dgongs pa lung brtan pa las kyang/ byang chub sems las rlung 'byung zhing/ /nam mkha' las ni rnam gnas pa/ /sems can kun gyi sog gyur cing/ /lnga yi bdag nyid bcu ming can/ /rten 'brel bcu gnyis zhes grags pa/ /ngo bo nyid rnams gsum du 'gyur zhes gsungs pa dang/ yang de nyid las/ snying por gyur pa rang srog las/ /khams gsum na ni gzhan med de/ /khams gsum rlung gis sprul pa ste/ rmi lam rmi ba bzhin du blta zhes gsungs pa dang/ yang de nyid las/ skye dang gnas dang 'jig pa dang/ /srid pa bar mar gnas pa ste/ /ji snyed 'jig rten gyis brtags pa/ /sems dang rlung gis rnam 'phrul lo zhes gsungs pa dang/ gzhan yang snang ba'i phreng ba las kyang/ sems tsam la ni brten nas su/ /phyi rol don la mi
- 119a
rtag go de bzhin nyid la dmigs nas su/ /sems tsam las ni bzla bar bya/ /sems tsam las ni bzlas nas su/ /snang ba med la gnas par 'gyur/ /snang med gnas pa'i rnal 'byor pa/ /de yis theg pa chen po mthong zhes gsungs pa dang rin po che phreng ba las kyang/ ngar 'dzin las byung phung po rnams/ /ngar 'dzin de ni don du brdzun/ /gang gis sa bon brdzun pa de/ /skye ba bden pa gang la zhig ces gsungs pa dang/ /ting 'dzin gyi rgyal po las kyang/ /dper na chu shing rlon pa'i phung po las/ /snying po 'dod pa'i skyes bus rnam btsal na/ /phyi dang nang dang snying po yod ma yin/ /chos rnams thams cad de 'drar shes par gyis zhes gsungs pa dang/ yang de nyid las/ dper na gzhon nu/ rmi lam nang gnas che/ des ni bu skyes shi bar gyur pa mthong/ /skyes pas dga' la shi bas gdung bar 'gyur/ /chos rnams thams cad de 'drar shes par gyis zhes bya ba la sogs pa gsungs pa yin no/ /don dam pa'i bden pa yang rnam pa gnyis te/ rnam grangs pa dang/ rnam grangs ma yin pa'o/ /de la rnam grangs pa ni ye shes dang/ de kho na nyid la dmigs pa'i tshul gsum pa'i rtags las skyes pa la sogs pa'o/ /rnam grangs ma yin pa ni chos thams cad rang bzhin gyis ma skyes pa/ /ngo bo nyid kyis gdod ma nas ma grub pa/ las dang skye ba thams cad dang bral ba/ rnam par rtog pa'i yul las 'das pa/ spros ba thams cad rnam par chad pa tsam ste/ bden pa gnyis gnyis su med pa'i ngo bo nyid do/ /de yang ye shes rdo rje kun las btus pa las/ don dam pa'i bden pa ni stong pa bco brgyad de/ yang dag pa'i mdza' o zhes gsungs pa dang/ dpal gsang ba 'dus pa las kyang/ dngos po med pas sgom pa'i dngos/ /bsgom par bya bsgom pa min/ /de bas dngos po dngos med pas/ /bsgom pa dmigs su med pa'o
- 119b
zhes bya ba la sogs pa gsungs pa dang/ gzhan yang de nyid las/ rang sems sems ni dmigs pa las/ /chos rnams thams cad rab tu gnas/ /nam mkha' i rdo rje gnas sems 'di/ /chos med chos nyid med pa'o zhes gsungs pa dang/ tshigs su bcad pa dgu pa las/ spros pa med cing snang ba med/ /rnam rtog med cing shin tu phra zhes gsungs pa dang/ mngon par byang chub pa las kyang/ /thams cad nam mkha' i mtshan nyid de/ /nam mkha' la yang mtshan nyid med/ /gang zhig de rtogs 'dod pa ni/ /byang chub sems dpa' zhes bya'o zhes gsungs pa dang/ glang po mtshan bcings kyi mdo las kyang/ /gang gis skye ba 'byung ba ni/ /dngos po gang la'ang rnyed mi 'gyur/ /dngos po med pa'i ngo bo la/ /byis pa rnams ni 'byung bar 'dod ces gsungs pa dang/ sangs rgyas thams cad kyi yul la 'jug pa ye shes snang ba'i rgyan las kyang/ rtag tu skye med chos ni de bzhin gshegs/ /chos rnams kun kyang bde bar gshegs dang 'dra/ /byis ba'i blo can mtshan mar 'dzin pa yis/ /'jig rten dag na med pa'i chos la spyod ces gsungs pa dang/ /theg pa chen po nyi shu pa las kyang/ /gang tshe sgyu mkhan sgyu ma ni/ spangs shing nye bar bsdus pa na/ de tshe ci yang mi snang ste/ /de ni chos kyi chos nyid do zhes gsungs pa dang/ byang chub kyi sems bshad pa las kyang/ /rtogs pa po yis rtogs bya gang/ /shes bya med pas shes pa med/ /de ltar shes dang shes bya gang/ /dngos po med par cis mi 'dod/ /rtogs bya rtogs byed rnam par sems/ /de bzhin gshegs pas ma gzigs so zhes pa la sogs pa gzhung sna tshogs las gsungs pa yin no/ /de lta bas na de kho na mthong bar 'dod pa rnams kyis khong du chud cing rtogs par bya ba'i yul thams cad ni bden pa gnyis su 'dus pa kho na yin no/ /de yang bden pa gnyis rnam par
- 120a
bstan pa las/ sangs rgyas rnams kyis chos bstan pa/ /bden pa gnyis la yang dag gnas/ /'jig rten kun rdzob bden pa dang/ /dam pa'i don gyi bden pa'o zhes gsungs pa yin no/ /de ltar bden pa gnyis kyi mtshan nyid rtogs na 'bras bu sku gsum gyi rang bzhin la mngon par 'dod pa 'byung bas thams cad mkhyen pa yon tan gyi dbang phyug dang ldan pa bden pa gnyis kyi rang bzhin can bde ba chen po'i rnam pa chos thams cad kyi sku ste/ bde ba chen po'i sku zhes rnal 'byor chen po'i grub pa'i mdza' las 'dod do/ /de yang ji skad du/ rnal 'byor chen po'i bshad pa'i rgyud las/ /dbang phyug brgyad kyis bcom ldan 'das/ /bde ba chen po'i gnas na bzhugs zhes gsungs pa dang/ dpal gsang ba 'dus pa las kyang/ sngags kyi skyes bu ji snyed pa/ /rdo rje gsum gyi ye shes rdzogs/ /dbang po gnyis kyi sbyor ba yis/ /dngos po thams cad brtag par bya zhes gsungs pa dang/ gzhan yang bshad pa'i rgyud las/ /yon tan brgyad dang nyer bar ldan pas/ sems can thams cad rig 'gyur zhing/ /'jig rten khams ni ma lus pa/ /bdag nyid ye shes lus kyi rgyu/ /gtso bo gang du rgyu ba yi/ /de yi khyim ni nam mkha' nyid/ /bde ba chen po'i ting 'dzin gyis de nyid du ni rtag tu dgyes zhes gsungs pa dang/ bde mchog 'khor lo las kyang/ /rnal 'byor thams cad bcom ldan 'das/ /rdo rje sems dpa' de bzhin gshegs/ /khams gsum pa ni ma lus kun/ /de yi nye bar longs spyod nyid ces gsungs pa dang/ /yang de nyid las/ /lha dang mi yi bde ba ni/ /bsdus byas rdo rje 'dzin pa yi/ /bcu drug char yang mi phod do zhes bya ba la sogs pa gsungs pa dang/ de kho na nyid rin po che snang ba las kyang/ /longs spyod rdzogs pa kha
- 120b
sbyor bde chen rang bzhin med/ /snying rjes nges gang rgyun mi 'chad pa 'gog pa med/ /yan lag bdun po nyid dang ldan pa'i bsgrub bya 'di/ /tshad mar yongs bsgoms blo yis sngags pa bdag nyid 'dod ces gsungs pa dang/ gzhan yang/ chos sku bde ba chen po ni/ /sku gnyis la ni khyab par gnas zhes bya ba la sogs ba gsungs pa yin no/ /de la longs spyod rdzogs pa'i sku ni chos kyi sku dmigs pa med pa'i thugs rje chen po'i dbang gis mtshan sum cu rtsa gnyis dang/ dpe byad bzang po brgyad cus rnam par brgyan pa snang bar gyur pa yin no/ /de yang rdo rje rtse mo las/ thub pa'i ngo bo nyid sku las/ /slar yang longs spyod rdzogs par 'gyur/ /zhes gsungs pa yin no/ /de ni 'og min du dbang phyug chen po'i gnas zho'i spri lta bur gyur pa snying po byang chub tu mngon par byang chub pa bstan nas byang chub sems dpa' chen po sa bcu pa rnams la chos kyi longs spyod par mdzad pa yin no/ /de yang ji skad du 'dod pa'i khams dang gzugs med du/ /sangs rgyas rnam par 'tshang mi rgya gzugs kyi khams kyi 'og min du/ /'dod chags bral khyod 'tshang rgya'o zhes gsungs pa yin no/ /gzhan yang chos kyi sku dang/ longs spyod rdzogs pa'i sku ni byin gyis brlabs las byung ba/ sprul pa'i skus kyang 'dod pa'i khams su sangs rgyas pa'i tshul gyis 'gro ba dang rjes su mthun par sku bstan pa yin no/ /de yang ji skad du/ gtsang ma'i gnas ni rnam spangs nas/ /'og min gnas ni nyams dga' bar/ /yang dag sangs rgyas der sangs rgyas/ /sprul pa po dag 'dir sangs rgyas zhes gsungs pa yin no/ /sprul pa'i skus kyang 'khor ba ji srid ma stobs kyi bar du 'jig rten gyi khams mdza' yas bar gdul bya rnams kyi mos pa dang/ skal pa ji lta ba bzhin du sprul sku 'dra ba dang mi 'gro ba dang/ /nges pa dang ma nges pa
- 121a
dang/ rtag pa dang mi rtag pas don mdzad cing bzhugs pa yin no/ /de yang ji skad du rdo rje dra pa las/ /gang dang gang gi gzugs kyis ni/ /mi rnams yid ni 'jug 'gyur ba/ /de dang de yi gzugs kyis ni/ /sna tshogs nor bu ji bzhin no zhes gsungs pa yin no/ /de ltar na sku gsum gyis lam thams cad kyi 'bras bur gyur pa bsdus pa yin te/ bdag dang gzhan gyi don phun sum tshogs pa'i rab kyi mthar thug pa'i phyir ro/ /de yang ji skad du/ lus dang ngag sems rnam dag pas/ /sku gsum du ni bstan pa yin zhes gsungs pa yin no/ /de ltar bden pa gnyis kyi mtshan nyid shes shing 'bras bu sku gsum gyi spyi'i rang bzhin rtogs na de la mngon par 'dun cing de'i thob pa'i thabs la 'jug par 'gyur ro/ /de bas na de'i rgyur gyur pa ni sngags kyi lam rnam pa gnyis su 'dod de/ smin par byed pa'i lam dang/ grol bar byed pa'i lam mo/ /smin par byed pa'i lam la yang bzhi ste/ bum pa'i dbang bskur ba dang/ gsang ba'i dbang bskur ba dang/ shes rab ye shes kyi dbang bskur ba dang/ bzhi pa'i dbang bskur ba'o/ /de yang dpal gsang ba 'dus pa'i rgyud phyi ma las/ dbang bskur ba la gsum du 'byed/ /bum pa'i dbang ni dang po ste/ gsang ba'i dbang bskur gnyis pa yin/ /shes rab ye shes gsum pa ste/ de ltar de bzhin bzhi pa yang zhes gsungs pa yin no/ /yang na dbang bskur ba la gsum du 'byed ces gsungs pa'i dgongs pa ni bum pa'i dbang bskur ba dang/ gsang ba'i dbang dang/ shes rab ye shes te gsum yin no/ /de yang ji skad du/ bzhi brgya lnga bcu pa'i rnam par bshad pa las/ chu dang cod pan rdo rje bdag po dang/ /ming zhes btags dang bum pa zhes bya ba/ /gsang ba dang ni shes rab ye shes te/ dbang
- 121b
bskur rnam pa gsum du shes par bya/ zhes gsungs pa yin no/ /de'i don ni 'di yin te/ byang chub tu sems bskyed cing dam tshig dang/ dbang bskur ba thob par ma gyur pas ni de kho na nyid 'ba' zhig tsam la 'bad cing phyin ci ma log par bsgrubs kyang/ 'bras bu mchog 'dod pa bzhin du 'byung bar mi 'gyur ro/ /de yang ji skad du/ dkyil 'khor du ni ma zhugs shing/ dbang bskur yang ni ma thob dang/ gsang ba'i de nyid mi shes la/ /bsgrubs kyang ci yang mi 'grub po zhes gsungs pa yin no/ /de ltar dbang bskur zhing/ yongs su smin par byas kyang sgrub pa po grol bar byed pa byang chub kyi sems 'phel bar byed pa'i snod du ma gyur na 'dod pa bzhin du 'bras bu 'byung ba mi 'gyur ro/ /de bas na dad pa dang/ brtson 'grus dang/ thos pa dang/ sbyin pa dang/ sdom pa la sogs pa nges par bsten par bya'o/ /de yang rdo rje rtse mo las/ /byang chub sems bskyed gyur nas ni/ /lha gzhan la ni mi mos par/ /gsod dang rku dang 'khrig pa dang/ chang dang brdzun ni rnam par spangs/ khyim pa'i tshul du gnas nas ni/ /rig sngags rgyal po bsgrub par bya/ /gal te de rab tu byung na/ sdom pa gsum la gnas par bya/ /so sor thar dang byang chub sems/ /rig 'dzin rang gi sdom pa'o zhes gsungs pa dang/ yang de nyid las/ byang chub sems ni ma bskyed cing/ /gang gis bka' stsol mi nyan dang/ /the tshom yod pa nyid dang ni/ /ma dad pas ni mi 'grub po zhes gsungs pa dang/ gzhan yang sgyu 'phrul dra ba las/ /brtan zhing dul la blo gros ldan/ bzod ldan dang la g.yo sgyu med/ /sngags dang rgyud kyi sbyor ba dang/ /de nyid bcu ni yongs su shes/ /dkyil 'khor bri ba'i las la mkhas/ /'di ni slob dpon yin zhes bya/ /de yis bstan pa'i gsang sngags rnams/ /'grub 'gyur 'di
- 122a
la the tshom med ces gsungs pas na slob ma'ang yon tan de lta bu 'am/ cung zad dman pas gsol ba btab na/ thar rgyal 'dod pas bstan par bya'i/ /gzhan du slob dpon slob ma dag /gnyis ka nyams pa nyid du 'gyur zhes gsungs pa dang/ gshin rje nag po'i rgyud las kyang/ brtan zhing dul la snying rje gcig pu sems/ /dad ldan lhag pa'i bsam pas bzod pa 'dzin/ /slob ma bla ma la ni gus pa dang/ /dad pas gshin rje gshed la gus pa dang/ brtul zhugs ldan zhing yongs su smin pa yin zhes gsungs pa yin no/ /de lta bas na lung dang man ngag ji lta bu bzhin du bsgrub par bya ba'i don la the tshom rnam par bsal te 'jug par bya'i sgra ji bzhin pa la brten nas rang dgar gyur pas srog gcod pa la sogs pa bsten pas ni 'bras bu mtho ris kyang 'byung bar mi 'gyur na thar pa lta smos kyang ci dgos te/ bdag dang gzhan la phan par 'dod pa rnams kyis lung gi don la gus pa tsam gyis 'jug par mi bya'o/ /de yang bcom ldan 'das kyis dgongs pa lung bstan pa las/ gsang ba'i bdag po don rgyas pa'i/ /tshul chen 'di ni rnyed gyur nas/ /ji bzhin don ni rnyed gzung na/ /des na lam ngan dag tu ltung zhes gsungs pa dang/ yang de nyid las/ gang gis phung sogs dngos med par/ /zhi gnas las byung sems kyis bya/ /de ni srog gcod bya ba ste/ /theg pa mchog la gnas pa yin/ /nang dang de bzhin phyi rol dag /rten 'byung gnyis su ston pa yin/ /de ni brdzun smra dga' ba ste/ gnas med la gnas rnal 'byor pa'o/ /rdzogs sangs rgyas kyi ye shes gang/ /de ni rjes su shes bya ste/ /de 'phrog dang tshul gang yin pa/ /gzhan gyi nor la chags par 'dod/ /de bzhin nyid la rtag sbyor ba/ sems can de ni 'dod la dga' / /sgrub
- 122b
pa mchog la dam par 'gyur zhes gsungs pa dang/ dpal 'khor lo sdom pa las kyang/ mkhar gsil chos gos lhung bzed dang/ /chu tshags sbyangs pa'i yon tan gyis/ /yan lag lung bzhin mi spong ste/ /lung ma rtogs par rnal 'byor par/ / sangs rgyas mu stegs can du 'gyur zhes bya ba la sogs pa gsungs pa dang/ mngon par byang chub pa'i rgyud las/ /rdo rje theg par mkhas 'che zhing/ /mnyam pa'i don nyid mi shes par/ /gsang sngags dam tshig mnyam zer zhing/ /thugs thub dag tu spyad byas na/ /dmyal khams dag tu brgyud par 'gyur zhes bya ba la sogs pa gsungs pa yin no/ /de lta bas na dam tshig dang dbang bskur ba thob cing/ /snying rje chen pos rgyud brlan pa/ /mchog gi byang chub kyi sems la gnas shing/ drang ba dang nges pa'i don gyi bye brag shes pa/ de kho na'i don la brtson 'grus 'bar ba dang ldan pa rnams ni theg pa chen po 'di'i snod yin no/ /de yang ji skad du/ dgos pa sgrub la mkhas rnams sran thub pas/ /dka' ba rnams kyang dka' ba med par dga' zhes gsungs pa lta bu'o/ /de ltar yongs su smin cing snod du gyur pas ni grol lam ste rnal 'byor la mngon par brtson par bya'i ting nge 'dzin gyi gegs su gyur ba rnam par g.yeng ba sna tshogs bdud kyi spyod yul gyis yid mgu ba rnams kyis ni tshogs tsam bsags par 'gyur gyi mchog gi dngos grub la sogs pa'i 'bras bu 'dod pa bzhin du 'byung bar mi 'gyur ro/ /de yang bzhi brgya lnga bcu pa las/ thos pa tsam gyis sangs mi rgya/ /'jug tsam gyis kyang ma yin te/ ji srid bsams par gyur pa dang/ /bsgom pa nyid kyis 'gag par 'gyur zhes gsungs pa dang/ gzhan yang/ de ltar rtogs pa'i snying rjer ldan pa'i bdag /ye shes bsam yas skad cig gis bsgrubs pa/ dpal ldan kun tu bzang po'i rang bzhin
- 123a
gyi/ /ngo bo su zhig nges par bsgom mi byed ces gsungs pa yin no/ /sdong po brgyan pa las kyang/ /yang dag sangs rgyas bstan pa 'di/ /thos pa tsam gyis mi 'grub po/ /la la stobs med chu klung gis/ /nan gyis khyed par gyur pa dag /skom zhing shi bar gyur ba bzhin/ /ma bsgoms chos kyang de bzhin no/ /ji ltar 'gro ba mang po la/ /zas dang skom dag byin byas kyang/ /bdag nyid bkres pas shi ba ltar/ /de bzhin chos la ma bsgoms pa'o/ /ji ltar sman pa la ma zhig /sman rnams tha dad gtod bzhin du/ /lto'i nad kyis shi ba bzhin/ /chos la ma bsgoms de bzhin no/ /ji ltar dbyig gi mdzod dag tu/ /rin chen mang po 'brang byed kyang/ /nam phyed tsam yang mi 'thong ba/ /chos la ma bsgoms de bzhin no/ / ji ltar bde ba kun ldan pa'i/ /rgyal po'i pho brang 'khor skyes kyang/ /zas dang skom dag mi bdog pa/ /de bzhin chos la ma bsgoms pa'o/ /ji ltar 'on pa rol mo yi/ /sil snyan sgra la mkhas pa zhig /gzhan dag de yis dga' byed pa/ /chos la ma bsgoms de bzhin no/ /ji ltar dmun long ri mo mkhan/ /tshong dus dbus su 'drir bcug kyang/ bdag nyid kyis ni mi mthong ba/ /ma bsgoms chos kyang de bzhin no/ /ji ltar mtsho chen mnyan pa zhig /skye bo mang po sgrol byed kyang/ bdag nyid de'i nang 'chi ba/ /chos la ma bsgoms de bzhin no zhes bya ba la sogs pa gsungs pa dang/ snang ba'i phreng ba las kyang/ /rtag tu brtson 'grus ldan pa yis/ /'di ltar lam gyi rjes 'jug na/ /ring por mi thogs chos kun ni/ /stong pa nyid du rtogs par 'gyur/ /chos kyi chos nyid thob pa'i phyir/ /yongs su ma bsgoms pas mi 'gyur/ /chum 'thungs pas thos pa dang/ /mthong bas skom pa sel 'gyur ram zhes gsungs pa yin no/ /de la grol ba'i lam la yang gnyis te/ bskyed pa dang rdzogs pa'i rim pa'o//
- 123b
de yang gsang ba 'dus pa'i rgyud phyi ma las/ sangs rgyas rnams kyis chos bstan pa/ /rim pa gnyis la yang dag gnas/ /bskyed pa yi ni rim pa dang/ rdzogs pa'i rim pa nyid yin no zhes gsungs pa yin no/ /de dag kyang sgrub pa po rnams kyi rnal 'byor gyi bye brag gis rim gyi sa gong nas gong du sems sbyad par bya'i cig car ni ma yin no/ /de la shes rab kyi rgyud kyi man ngag gi rim pa ni sngon gyi slob dpon du ma'i dgongs pa tha dad par 'dod do/ /de yang slob dpon kha cig gis ni 'di skad du bskyed pa'i rim pa dang/ rang la byin gyis brlab pa'i rim pa dang/ bsam gyis mi khyab pa'i rim pa zhes bya ba gsum du gzhag pa yin no/ /kha cig gis rgyud kyi rim pa zhes bya ba la sogs pa 'am/ rnam pa gzhan du 'dod pa yin no/ /rnal 'byor thabs kyi rgyud kyi rim pa la yang sngon gyi slob dpon du ma'i man ngag gis rim pa tha dad pa gsungs so/ /de yang kha cig gis ni sangs rgyas kyi theg pa la bslab pa dang/ theg pa gsar la dran pa gcig pa'i ting nge 'dzin dang/ rtog pa'i rnal 'byor dang/ lus rnam par dben pa dang/ ngag rnam par dben pa dang/ sems rnam par dben pa dang/ kun rdzob kyi bden pa dang/ don dam pa'i bden pa dang/ zung du 'jug pa'i rim pa ste rnam pa dgur gsungs pa yin no/ /gzhan dag gis ni las dang po dang ye shes cung zad dbang ba zhes bya la sogs pas bskyed pa dang/ /rdzogs pa'i rim pa rnam pa gzhan du gsungs pa yin no/ /kha cig gis ni rim pa bzhi la sogs pa rnam pa du mar gsungs te/ rim gyis bslab par bzhed pa yin no/ /de yang snang ba'i breng ba las/ /sems can dang po'i las can rnams/ /dam pa'i don la 'jug pa'i phyir/ /thabs 'di rdzogs pa'i sangs rgyas kyis/ /skas kyi rim pa du mar gsungs zhes bshad pa yin no/ /de ltar sgrub pa la gnas pa de dag kyang yang
- 124a
dag pa'i lta ba ste/ phyin ci ma log pa'i blo mngon du 'gro bar bya'o/ /de yang ji skad du lha mo bzhis zhus pa las/ bskal pa bye ba brgyar yang ni/ /de nyid bral bas 'grub mi 'gyur zhes gsungs pa yin no/ /de la lta ba ni sdod? yul bshad pa'i skabs su bden pa gnyis mdor bstan pa yin no/ /lhag ma ni man ngag las ji lta ba bzhin du khong du chud par byed de/ phyag rgya chen po'i dngos grub kyi rgyu'i gtso bo yin pa'i phyir ro/ /de yang de kho na nyid bsdus pa las/ lta ba ngan cing chags med la/ /gsang ba 'di ni mi rigs so zhes gsungs pa yin no/ /de dag kyang brtul zhugs kyi rang bzhin sngags kyi spyod pa dang ldan pa de kho na nyid mthong zhing 'dod pa bzhin du dngos grub mchog tu 'byung bar 'gyur ro/ /de yang ji skad du mngon par byang chub pa las/ tshul khrims zin pa'i lta spyod rnam gnyis ni/ /lag mthil bsnyal nas 'dag pa ji bzhin du/ /gcig gis gcig dag drin pa rnam gnyis dang/ /ldan na byang chub 'thob par rgyal bas gsungs// spyod pa lta bral 'dram gyi blang chen 'dra zhes gsungs pa dang/ gzhan yang gsang ba 'dus pa las/ /sngags kyi spyod mchog spyod pa rnams/ /chos kyi yi ge mchog brnyes so zhes gsungs pa yin no/ /de la sngags kyi spyod pa ni mdor bsdu na rnam pa gnyis te/ kun tu spyod pa dang/ sngags kyi spyod pa'o/ /de yang bla ma'i lung las shes par bya ba'i spyod pa'i dbye ba rnam pa du ma'i gzhung snang bas 'dir bsdu ba ma byas pa yin no/ /de yang spros bcas la sogs spyod pa yis/ /rnal 'byor pa ni 'dir slob po zhes gsungs pa yin no/ /gzhan yang spyod pa dang rjes su 'brel pa'i dam tshig dang/ sdom pa dag kyang lhag pa'i tshul khrims yin pas dngos grub thams cad kyi yan lag tu gyur pa yin no/ /de ni sdom pa'i tshul khrims dang/
- 124b
dge ba'i chos sdus pa'i tshul khrims dang/ sems can gyi don byed pa'i tshul khrims dang rnam pa gsum du 'dus pa yin no/ /de yang ji skad du/ tshul khrims kyi ni bslab pa dang/ dge ba'i chos ni sdud pa dang/ /sems can don byed tshul khrims gsum/ /bdag gis brtan por gzung bar gyi zhes gsungs pa yin no/ /de dag kyang thog mar nyes pa 'byung ba'i gzhi dang/ nyes pa lci ba dang/ yang ba'i bye brag dang/ nyes pa phyir bcos pa'i thabs la mkhas pa chen po dang/ 'bring dang/ chung ngu'i dbye ba yis shes bzhin dang ldan pas bsrung ba la mngon par brtson par bya'o/ /de yang dpal 'khor lo sdom pa las/ shin tu mnyam bzhag sgrub pa pos/ /rtag tu dam tshig brkyang par bya/ /dam tshig nyams pas dkyil 'khor du/ /dbang bskur dngos grub thob mi 'gyur zhes gsungs pa yin no/ /de yang sngar snod du rung bar bya ba'i phyir skabs su gnang ba dang/ bkag pa'i dgongs pa dang bcas par bshad pa yin no/ /de la dam tshig ni mdor bsdu na chags pa rnam pa gsum ste/ dad pas lha la chags pa dang/ gus pas slob dpon la chags pa dang/ snying rjes sems can la chags pa yin no/ /de yang lha'i rnal 'byor ni rnam pa gnyis te/ zab pa dang rgya che ba'i skur grags pa yin no/ /de la zab pa ste spros pa'i mdza' thams cad spangs pa'i ting nge 'dzin gyis ni de kho na'i don phyin ci ma log par myur du 'dod pa bzhin du mthong bar 'gyur gyi gzhan du ni ma yin no/ /de yang thams cad gsang ba'i rgyud las/ 'bras bu rgyus ni rgyas btab cing/ / rgyu yang 'bras bus rgyas btab bar/ /bsgom gyi gzhan na dngos grub ni/ /bskal pa bye bar 'byung mi 'gyur zhes gsungs pa dang/ rtog pa kun las btus pa las kyang/ /dag pa'i sems ni bzung 'gyur nas/ /rdo rje'i lus ni rnam bsgoms
- 125a
brtan lus khong stong ma yin pas/ /rdo rje'i sku ni des thob 'gyur zhes gsungs pa dang/ byang chub sems bshad pa las/ gang gis stong nyid mi shes pa/ /de yis thar pa'i skal can min/ /rmongs pa de ni 'gro drug gis// srid pa'i btson ra 'dir 'khyam 'gyur zhes bya ba la sogs pa gsungs pa yin no/ /de la rgya che ba bsgoms pas ni tha mal pa'i 'du shes 'gog par 'gyur zhing/ /rnam par grol ba dang rjes su mthun par byin gyis brlabs yin no/ de yang kun tu bzang po sgrub pa'i thabs las/ tha mal rnam rtog rgyun las gzhan pa yi/ /srid pa'i sdug bsngal gzhan dag yod ma yin zhes gsungs pa dang/ dpal gsang ba 'dus pa las kyang/ /sku gsung thugs kyi rdo rje rnams/ /lus dang ngag sems bsgom pa ni/ /byang chub thams cad thob pa'i phyir/ /ye shes rdo rje dag gis bya zhes gsungs pa dang/ yang de nyid las/ mdor na phun po lnga rnams ni/ /sangs rgyas lngar ni rab tu grags/ /rdo rje skye mched nyid dag ni/ /byang chub sems dpa' dkyil 'khor mchog /sa ni spyan zhes bya bar grags/ /chu'i khams ni mA ma kI/ gos dkar mo dang sgrol ma ni/ /med dang rlung zhes bya bar grags/ /gzugs sgra la sogs sngags pa yis/ /lha nyid du ni rnam par bsgom zhes gsungs pa dang/ dpal sangs rgyas thams cad dang mnyam sbyor ba las kyang/ bdag nyid sangs rgyas thams cad dang/ /dpa' bo thams cad bdag yin no/ /de bas bdag nyid lhar sbyor bas/ /bdag nyid rab tu bsgrub par bya zhes gsungs pa dang/ dgyes pa'i rdo rje las kyang/ /tha mal rnam rtog gnyen po'i tshul/ /sangs rgyas skur ni yongs brtags pa/ /lha'i sku ni goms byas na/ /des ni sna tshogs rgya chen 'grub ces gsungs pa dang/ dpa' bo gcig tu grub pa las kyang/ lha nyid gsang sngags
- 125b
tshul ni/ /dngos grub thams cad stsol mdzad pas/ /sngags pa lnga nyid bsgoms nas ni/ /de grub na ni de 'grub 'gyur/ /rim pa 'di yis 'di la ni/ /sa la sogs pa'i thob bo kyi zhes gsungs pa dang/ gzhan yang rdo rje sems dpa' la sogs pa/ lha rnams mngon du mthong ba las/ /bsod nams rtag pa dzi lta ba/ /phyis byas pa yang de bzhin no zhes bya ba la sogs pa gsungs pa yin no/ /de la gus pas slob dpon la chags par bya ba ni skyabs gsum yongs su bzung ba'i rtsa ba yin te/ dngos grub thams cad ni gnas skabs gsum du/ slob dpon la rag las par gyur pa'i phyir ro/ /de yang ye shes grub pa las/ /bla ma sangs rgyas chos gyur cing/ dge 'dun yang ni de nyid de/ 'di'i drin gyis shes gyur pas/ /de bas dkon mchog gsum yin no zhes gsungs pa dang/ gzhan yang sgyu 'phrul dra ba las/ /slob dpon ci 'dra bar lta zhe na/ bla ma sangs rgyas kun dang mnyam/ /de yis rtag tu rdo rje 'tshang/ /de bzhin gshegs pa rin chen tog /de ni ye shes rgya mtsho che/ /yid bzhin nor bu rin chen sbyin/ /slob dpon gyi sa ni yon tan bzung/ /skyon rnams nam yang ma yin no/ /yon tan gyis ni dngos grub cing/ /skyon rnams kyis ni dngos grub nyams/ /de phyir kun nas rab bsgrims te/ bsam yas 'bras bu smin byed pa/ sangs rgyas 'bras bu 'dod pa yis/ /sems can dad pas de mchod cing zhes gsungs pa dang/ gzhan yang rgyud thams cad kyi dgongs pa bsdus pa bla ma lnga bcu pa la sogs par gsungs pa yin no/ /de la snying rjes sems can la chags par bya ba ni/ /theg pa chen po'i don la zhugs pa rnams kyi thabs kyi mchog tu gsungs pa yin no/ /de yang mngon par byang chub pa las snying rje ni rtsa ba yin no/ /zhes gsungs pa dang/ gsang ba 'dus pa'i rgyud phyi ma las/ /thabs ni byang chub sems dpa'
- 126a
yi/ /'gro la snying rje chen po ste/ /de yang dmigs pa'i bye brag gis/ /rnam pa gsum du bshad pa yin zhes bya ba la sogs pa gsungs pa yin no/ /de ltar bcom ldan 'das kyi gsung thams cad ni gdul bya'i dbang po mos pa dang skal pa tha dad pa la dgongs nas thugs rje chen pos gsungs pa yin no/ /de yang ji skad du/ bsam pa gang dang gang gis ni/ /mi rnams yid ni yang dag sbyor/ /des ni de'i rang bzhin 'gyur/ /sna tshogs nor bu ji bzhin no zhes gsungs pa lta bu'o/ /de la dbang po dman pa'i don du ni mngon par mtho ba'i theg pa dang/ nyan thos dang rang rgyal ba'i sde snod gsungs pa yin no/ /de yang/ nyan thos rnams ni 'jug pa'i phyir/ /sdug bsngal sogs bden nyid gsungs pa/ /med du zin kyang thugs rje yis/ /bdag yod ces gsungs lta bu yin zhes gsungs pa yin no/ /dpang po 'bring gi don du pha rol tu phyin pa'i theg pa'i sde snod gsungs pa yin no/ /de yang ji skad du/ thub pa chen po'i chos rnams kyi/ /phung po brgyad khri bzhi stong la/ /gang gis de nyid mi shes pa/ /de'i thams cad 'bras bu med ces gsungs pa lta bu'o/ /de la dbang po rnon po'i mos pa dang skal pa dang ldan pa rnams kyi phyir ni gsang sngags kyi theg pa'i sde snod gsungs pa yin no/ /de yang bya ba'i rgyud la sogs pa dang po gsum gyi rnal 'byor sems sbyangs shing de kho na mthong bar 'gyur ba dang 'brel pa'i tshogs yongs su bsags nas gong nas gong du lam sbyangs te/ rnal 'byor bla na med pa'i rim pas de kho na'i don la 'jug par 'gyur ba yin no/ /de yang ji skad du/ yul dus la sogs bstan pa ni/ /mun du bsgribs pa rnam 'khod pas/ /de dag nge par gzung ba'i phyir/ /cho ga 'di ni bstan pa yin no zhes bstan pa yin no/ /de la rnal 'byor bla na med pa'i rgyud kyi rim pa'i smin pa dang/ grol bar byed pa'i lam gyis ni dka' ba
- 126b
med par myur du 'bras bu 'dod pa bzhin 'grub par 'gyur ro/ /de nyid tshigs su bcad pa ni/ /rigs dang brtul zhugs skye nas yan lag ris/ /las dang nyon mongs yul dus 'ching ba med ces bya ba yin no/ /de yang dpal gsang ba 'dus pa las/ mtshams med pa la sogs pa yi/ /sdig pa chen po byed pa yang/ /theg pa bla na med pa yin/ theg mchog 'di la 'grub par gyur zhes bya ba la sogs pa gsungs pa yin no/ /de lta bas na rnal 'byor pa snod du gyur cing de kho na nyid kyi man ngag dang ldan pa rnams la ni rig pa'i gnas lnga la yongs su sbyang ba ma byas kyang dngos grub rnam pa gnyis ji ltar 'dod pa bzhin du 'byung bar 'gyur ro/ /de yang ji skad du/ gsang sngags smra rnams mang du ni/ /spros te smra bas ci zhig bya/ /khyad par du ni sems bsgrubs te/ sems las rdzogs pa'i byang chub 'byung zhes gsungs pa dang/ /gzhan yang/ gang zag ji tsam yon tan chung pas kyang/ /lhag pa'i bsam pas bskul nas byang chub 'thob/ /ces gsungs pa dang/ nyal lam yang na 'dug pa 'am/ /'chag pa 'am yang na ci dgar gnas/ /rgod pa 'am rab tu smra ba 'am/ /gang dang gang du ji ltar gnas/ /rang lhar sbyor ba'i bdag nyid can/ /bsod nams chung yang 'grub par 'gyur zhes gsungs pa dang/ bsod nams chung pa'ang sangs rgyas mchod/ / bsgrubs na dngos grub thob par 'gyur zhes gsungs pa yin no// //kye ma'o/ bde bar gshegs pa mya ngan 'ba' ? ring? zhig lon/ /rgyal sras dam chos 'dzin pa rnams kyang dus kyis mi snang 'gyur/ /snyigs ma'i dus kyi tha mar gyur pas sde snod phal cher nub/ /des na dman pa'i 'jig rten 'di ni skyabs med dmus long bzhin/ /dmyal ba lta bur sdug bsngal gyur kyang 'khrul pas bde bar 'dzin/ /yi dags lta bur 'byor bas phongs kyang phun sum tshogs
- 127a
par sems /dud 'gro lta bur rmongs par gyur kyang blo yis mngon par dregs/ /lus srog rlung bzhin g.yo bar mthong yang 'chi ba'i 'jigs pa med/ /de ltar bstan pa nyams chung 'khrul zhing mi lus thob pa'i tshe/ /dka' ba'i dus su 'bad pas bsgrubs na 'bras bu mchog tu 'gyur/ /'gro kun bde gshegs snying po yod pas bdag gzhan phan pa'i phyir/ /don la brten nas dus dang sbyar te sgrub la brtson par bya'o/ /zab cing rgya che'i rang bzhin theg pa mchog don la// mos pa yod kyang rmongs sdig mi dge'i grogs bcas kyis/ /spang dang blang ba'i rang bzhin mngon par mi rtogs pas/ /dang po'i las can rnams la rnam bsdus don du 'gyur/ /gang dag dbang po dman zhing thos pas phongs po dang/ rnal 'byor don la brtson pas rgyas bshad yul min dag /mi shes log par rtog dang the tshom bzlog pa'i phyir/ /mdor bsdus 'di ni bdag gis dri med lung bzhin bris/ /rnal 'byor bla na med pa'i rgyud kyi don la 'jug pa bsdus pa slob dpon sh+rad+d+hA ka ra wa rmas mdzad pa rdzogs so// //rgya gar gyi mkhan po sh+rad+d+ha ka ra barma dang/ lo tsa ba dge slong rin chen bzang pos bsgyur ba'o// //sangs rgyas la phyag 'tshal lo/ /theg mchog rdo rje'i theg pa la/ sgro 'dogs pa dang skur ba yi/ /mdza' gnyis rnam par spang pa'i phyir/ /gsang ba'i grub mdza' dbye bar bya/ /dang por re zhig lung gi gsang sngags kyi theg pa thub pa'i bka' nyid du bstan te/ 'phags pa yongs su mya ngan las 'das pa las/ bstan bcos sam rig sngags sam gsang sngags gang ci yang rung ba de dag thams cad ni rdzogs pa'i sangs rgyas kyis gsungs pa yin par shes par kyis shig ces gsungs so/ /yang 'phags pa gsang ba lung bstan pa'i mdo
- 127b
las/ /rgyu la sbyor ba rgyu yi chos/ /'khor lo shin tu bskor byas nas/ /'bras bu'i theg pa nye lam zhig ces bya ba la sogs pa gsungs so/ /de bzhin du 'phags pa lhag pa'i bsam pa skul ba'i mdo las kyang/ byang chub sems dpa' drug cu ma 'ongs pa'i dus na bstan bcos dang gsang sngags la mkhas pa 'byung bar 'gyur bar lung bstan te/ de bas na thun mong gi lung nyid ? gsang sngags kyi theg pa/ sangs rgyas kyi bka' nyid du grub po/ /rigs pas kyang ste/ bden pa rnam pa gnyis la gnas shing bdag dang gzhan gyi don sgrub pa'i phyir ro/ /da ni che ba nyid brjod pa'i mtshan bstan te/ dbyer med pa dang/ 'bras bu nyid lam du gyur pa dang/ thabs kyi che ba dang/ shin tu gsang bar bya ba'i phyir rdo rje'i theg pa dang/ 'bras bu'i theg pa dang/ thabs kyi theg pa dang/ gsang ba'i theg pa zhes bya'o/ /de dag kyang thabs kyi theg pa nyid las byung ba'o/ /da ni thabs kyi che ba zhes bya ba de nyid la brten te/ gsang sngags kyi theg pa 'di pha rol tu phyin pa'i theg pa chen po dbu ma las kyang khyad par ci yod pa bstan te/ dmigs pa bla na med pa dmigs pa'i thabs dang/ sgrub pa bla na med pa dang/ ye shes bla na med pa dang/ brtson grus bla na med pa dang/ gdul bya ma lus pa 'dzin par nus pa dang/ nyon mongs pa byin gyis rlob pa dang/ byin gyis rlob pa myur ba dang/ myur du 'byung ba dang/ nyon mongs pa spong ba dang/ bsam pa bla na med pa dang/ spyod pa bla na med pa'i thabs mkhas pa te/ de ltar thabs mkhas pa nyid rnam pa bcu gcig gis khyad par du 'phags so/ /de la ji ltar na dmigs pa bla na med pa la dmigs pa'i thabs mkhas pa yin zhe na/ lam der ni 'phags pa shes rab kyi pha rol tu phyin pa 'bum pa dang/ sdong po bkod pa la sogs pa dmigs pa yin la/ lam 'dir ni
- 128a
de dag tu ma grags pa dpal dgyes pa'i rdo rje 'bum phrag lnga pa dang/ dpal gshin rje dgra nag po 'bum nyi sri snga stod pa dang/ dpal nam mkha' dang mnyam pa 'bum pa la sogs pa thun mong ma yin pa'i dmigs pa la dmigs pa'i phyir ro/ /sgrub pa bla na med pa ni lam der lus kyi bkod pa thos nas mngon sum ma yin pa'i don byed nus pa ltar 'dir ni ngar? ma thob par ting nge 'dzin 'thob pas mngon sum ma yin pa'i don byed par nus pa'o/ /sems gnas par byed pa'i ting nge 'dzin khyad par can la brten pas rgyud pa ngo bo dang/ las dag las ye shes kyi rgyu myur ba nyid bla na med pa'o/ /dam tshig gi dbang gis brtson 'grus chen po rang dbang med par rtsom pas brtson 'grus bla na med pa'o/ /rigs ngan sme sha can la sogs/ /gsod pa don du gnyer ba yang zhes pa la sogs pas gdul bya theg pa gzhan las spangs pa yang 'dir gnad pas na 'dul bya ma lus pa 'dzin par nus pa'o/ /lha'i kha dog dang dbyibs kyi dam tshig dang thams cad yul khyad par can du byas pas nyon mongs pa rang bzhin gyis spong bas nyon mongs pa spongs bla na med pa'o/ /mchod pa'i rang bzhin dang bde ba la brten pa'i rdzogs pa'i rim pas nyon mongs pa byin gyis rlob pa'o/ /lam der/ de bzhin gshegs pas dbang bskur ba/ /sa la zhugs nas thob par 'gyur zhes gsungs pa lta bu ma yin gyi thabs mkhas pa la brten pas da lta nyid du nas/ de bzhin gshegs pa rnams byin gyis rlob pas na byin gyis rlob pa myur ba'o// snga ma dang phyi ma'i khyad par la gnas pa de ni ches myur bar 'khor ba las 'byung bas na myur du 'byung ba ste/ dpal mchog dang po dang gsang ba'i mdzod las ji skad gsungs pa/ byang chub sems dpa' tshe bcu drug gi /sa de bzhin
- 128b
gshegs pa 'am rdo rje 'chang ba'i dngos grub thob bo zhes pa dang/ de yis skye ba bdun la ni/ ma bsgrubs par ni dngos grub 'thob ces so/ /yang gzhan las/ sangs rgyas che gcig gis thob pa la sogs pa gsungs pa'o/ /bsam pa bla na med pa ni sku gsung thugs la sbyor ba ste/ de yang sku la skyar bas ni yon tan bzhi skyed de/ tha mal pa'i spros pa'i bag chags myur du log pa dang/ las kyi rnam par smin pa myur du ldog pa dang/ bsod nams kyi tshogs chen po skye ba dang/ chos bdag med pa la rang bzhin gyis 'jug pa'o/ /de yang ji ltar zhe na/ tha mal pa'i rtog pa bzlog ste sangs rgyas kyi sku la gnas pas thog ma med pa'i dus can gyi lus dang med dang rigs la sogs pa'i rtog pa smyur du ldog pa'o/ /lha'i sku de ni zhi gnas dang lhag mthong du 'brel pa'i lam gyis cho ga yin la ba ting nge 'dzin de gnyis thab na sngon gyi las kyi 'bras bu myur du ldog pa ste/ ji skad du rnam par snang mdzad mngon par byang chub pa las/ rnam par smin pa 'dir smin pa/ /las rnams kyi ni 'bras bu thog nas dag gi? tshe na grub pa thob/ /de yi tshe na las rnams bzlog /sems ni rang dngos med phyir dang/ 'bras bu rgyu rnams spangs pa'i phyir/ /las kyi skye ba rnams las thar/ skye ba nam mkha' lta bu yin zhes gsungs so/ /sangs rgyas rjes su dran pa dang/ sangs rgyas la shes nas dad par 'gyur ba dang/ longs spyod rnams rtag tu mchod par 'gyur bas bsod nams kyi tshogs chen po skye ba'o/ /lha'i sku sgom pa mngon du gyur ba na chos thams cad rang gyi sems snang ba tsam du shes par 'gyur la/ yang sems de yang ma grub par shes pa 'byung ba'i phyir dang ba gzhan yang bsod nams dang ldan pa'i sems kyi rgyud la ye shes sra bas na bsod nams nyid ye shes kyi rgyu lta bur gnas pa ste/ ji skad du 'phags pa rgya cher ral pa
- 129a
las bcom ldan 'das byang chub chen po brnyes nas gsungs pa/ bsod nams ldan pa'i mi yis bsam pa rnams kyang 'grub ces pa la sogs pa bsod nams nyid sangs rgyas ba'i rgyud bsngags pa'o/ /de bas na lha'i bsgom pa de/ chos bdag med pa'i don la rang bzhin gyis 'jug par byed do/ /gsung la sbyar bas ni yon tan bcu gnyis skyed de/ rgyal ba'i bka' dam pa bton par 'gyur ba dang/ chos rjes su dran par 'gyur ba dang/ chos la shes nas dad par 'gyur ba dang/ ngag bden pa'i tshig 'grub pa dang/ shes rab dang ldan pa'i thabs dang ye shes dang dran pa 'thob pa dang/ ting nge 'dzin rtse gcig pa 'thob pa dang/ 'phags pa mchod par 'gyur ba dang/ 'gro ba'i don byas par 'gyur pa dang/ lha nye zhing grub pa myur bar 'gyur ba dang/ chos thams cad yi ge'i sgyu 'phrul du dbang sgyur bar 'gyur ba dang/ sgra thams cad brag ca dang 'dra ba'i shes pa skye ba dang/ chos bdag med pa la rang bzhin gyis 'jug par 'gyur ba'o/ /de yang ji ltar zhe na/ de bzhin gshegs pa'i gsang ba'i snying po 'bru gcig pa zhig lan cig ton pas zab cing rgya che ba'i mdo sde dag bton bas kyang bskrun du med pa'i yon tan 'thob pas na bka' dam pa bton pa'i yon tan yod do/ /gsang sngags kyi mthu yang de dang yang dran par 'gyur ba dang/ de'i mthu la yid ches shing dang ba'i dang pa 'byung bas na chos rjes su dran pa dang/ chos la shes nas dad par 'gyur ba'o/ /bzlas pa grub pa'i gsang sngags kyi tshig las su yang mi 'da' bas na/ dag bden pa'i tshig grub pa'o/ /gsang sngags dang rig sngags dang gzungs sngags dag gi mthu ni shes rab dang thabs dang shes rab dang ye shes dang/ shes rab dang dran pa thob par byed pas na yon tan de gsum thob pa'o/ /de yang lha po'i ni gsang sngags/ mo'i ni rig sngags
- 129b
sngags gcig nyid lha pho mo gnyi ka'i sngags su 'gyur ba ni gzungs sngags so/ /yang sngags gcig nyid la de gsum char tshang ba dang/ lha gcig nyid la spags de gsum char tshang ba yang yod la/ rig sngags dang gzungs sngags gnyi ga lha mor gzhag pa yang yod pas thams cad du ni gcig tu ma des so/ /bzlas pa'i sngags kyi rnam par rtog pa'i rnam pa blo la snang ba rtse gcig pa de rdo rje bzlas pa la sogs pas thob pa/ de thob pa ni ting nge 'dzin rtse gcig pa yin pas na/ yon tan de 'thob bo/ /gsung yig 'bru las 'od zer 'phros pas mchod par gyur pa des 'phags pa mchod pa dang/ 'gro ba'i don ci rigs su byed pas na yon tan de gnyis 'grub bo/ /spro bsdu dang bzlas pa'i mthus sgrib pa 'byang zhing sgrib pa byang ba na nye bar bya ba nye zhing bsgrub par bya ba 'grub pas na lha nye zhing grub pa myur ba'i yon tan 'thob bo/ /gsung yig 'bru la dmigs pa thob pa na snang ba thams cad yi ge'i rang bzhin du mthong ba dang/ yi ge'i sgyu 'phrul ston par nus pas na chos thams cad yi ge'i sgyu 'phrul du dbang sgyur bar nus pa'i yon tan thob bo/ /bzlas pa byed pa'i dam tshig ni sgra nyid brag ca lta bur shes par bya ba yin pas na rang bzhin gyis 'dris pa'i dbang las sgra thams cad brag ca ltar shes pa'i yon tan 'grub bo/ /bzlas pa'i dmigs pa thob pa na chos thams cad rang gi sems snang ba tsam du shes par 'gyur la/ sems de yang rang bzhin med par shes par 'gyur ba'i phyir dang/ snying po 'di lan cig brjod pas kyang sdig pa thams cad nges par bsreg go zhes bya ba la sogs pa gsungs bas na/ bzlas pa ni sgrib pa zad par byed la/ de zar pa na de'i sems la rang bzhin gyis ye shes skye bas te/ de bas na bdag med pa'i don la rang bzhin gyis 'jug pa'i yon tan 'grub bo/ /thugs la gnas pas ni yon tan thams cad
- 130a
skyed pa ste/ de yang sngags pa dag gi thugs la sbyor ba ni/ dus dang gnas skabs thams cad du chos thams cad sgyu ma dang 'dra bar lta ba dang /mi 'bral bar gnas pa yin te/ ji skad du gsungs pa/ mang du smra ba 'dir ci dgos/ /rdo rje theg pa'i de nyid ni/ /rnal 'byor pa yis gang gang dmigs/ /de dang der ni sgyu mar blta zhes so/ /de ltar kun nas nyon mongs pa dang rnam par byang ba'i chos thams cad la sgyu ma dang 'dra bar lta ba dang/ ma bral bas nyon mongs pa tshegs med par spong pa dang/ dge ba la rlom sems pa la sogs pa 'dor la/ de nyid kyis de'i 'jig rten dang 'jig rten las 'das pa'i phun sum tshogs pa ma lus pa thob pas na thugs la gnas pas yon tan de 'thob bo/ /de lta na de nyid dbu ma dag kyang 'dod pa nyid/ /bdag ni mnyam par bzhag ce 'am longs zhes rloms sems med/ ces pa dang/ ji ltar dug dang 'dres pa'i kha zas bzang za ba/ /dkar po'i chos la dmigs pa'ang rgyal bas de 'drar gsungs/ /zhes bya ba la sogs pas dus dang gnas skabs thams cad du kun nas nyon mongs pa dang rnam par byang ba'i chos thams cad sgyu ma dang 'dra bar lta bar gsungs kyi de las gzhan du ma yin no zhe na/ de ni bden mod kyi 'on kyang lam der ni sdom pa'i dbang du byas te de ltar ma bltas na sdom pa 'di nyams pa zhes ma gzhag la/ de nyid kyis de dag shin tu g.yel bar brgya lam na shes pa de 'byung ba dang 'dra ba yin la/ lam 'dir ni sku gsung thugs kyi dam tshig las shes pa de ma bral na thugs kyi nyams par bzhag pas na dam tshig nyams pas 'jigs pa bskul te/ rtag tu ting nge 'dzin de dang 'bral bar mi byed cing bral bar spyad pas ni yang bag yod pas sdom zhing 'chags pa la yang sbyor ba na rtag tu mi 'bral ba ste/ de bas na ji ltar de
- 130b
bzhin gshegs pa'i thugs dngos por 'dzin pa las rtags par dben pa ltar sngags pa'i shes pa yang rtag par dngos por 'dzin pa las grol zhing sgyu ma dang 'dra bar rang bzhin gcig pa las mi phyed pas 'di rdo rje'i theg pa zhes bya la/ lam gzhan pas myur ba yang yin no/ /de bas na theg pa 'di ni dbang po rnon po'i dbang du byas pa yin no/ /de'i phyir gsungs pa/ rgyal ba'i gzhi rnams ma thob kyang/ /yid brtan par ni 'gyur ma yin/ /ji srid sa brgyad la gnas par/ /theg sman 'jigs pa de la yod/ /gsang ba'i dkyil 'khor chen po 'dir/ /rgyal ba'i sras po rab nges na/ /yid ches par ni gyur pa yis/ /theg pa che la gzhol ba yin zhes so/ /spyod pa bla na med pa ni mi mthun pa'i spyod pa gsum spangs pa ste/ de la nus pa chung bar byed pa'i spyod pa ni/ /dka' thub sdom pa mi bzad pa/ /bsten bas grub par mi 'gyur gyi/ /'dod pa'i longs spyod thams cad la/ /brten nas myur du 'grub par 'gyur zhes gsungs pa ste/ lus 'di ni shin tu gsos shing stobs yod par byas la yid shin tu dga' bar byas te/ de nas de gnyis shin tu drag par dge ba spyad pas tshar bcad kyis/ lus nyam chung ba dang yid mi dga' bas ni rnal 'byor ga la 'grub/ blo'i stobs chung ba dag ni lus shin tu gsos shing stobs can du byas kyang dge bas tshar gcod mi nus kyi/ 'dod chags kyi mdza' la sogs par gyur du dogs nas sbyangs pa'i yon tan la sogs pa brten par gsungs so/ /'dir ni blo'i stobs yod pa dag la dgongs pas longs spyod nyid gnang ngo/ /dge bas tshar gcod par mi nus pa ni sngags pa nyid kyang ma yin la/ longs spyod kyang ma gnang ba nyid yin no/ /g.yeng bar byed pa'i spyod pa ni/ gal te byang chub mchog 'dod na/ /glegs bam klag par
- 131a
mi bya zhing/ /mchod rten bskor ba mi bya'o/ /byas na byang chub rnyed par dka' zhes bya ba la sogs pa gsungs te/ 'dod pa'i 'bras bu byang chub sgrub pa la rgyu'i gtso bo ni/ sems yin pas dang por ni sems tshar bcad cing bya ba gzhan gtsor mi bya'o/ /sems la dbang ma thob pa dag ni glegs bam klag pa la sogs pa lus dang ngag gi bya ba spyod pa na sems g.yeng bar 'gyur bas bya ba thams cad btang ste/ ci bder gnas pas sems legs par blta ste/ sems kyi dmigs pa thob nas nyon mongs pa rags pa gcod pa'i dbang thob pa na bya ba phyi rol ba spyad pa 'am/ yang na sems stong pa nyid 'ba' zhig bsgom pas chog gi lus dang ngag gi bya ba mi dgos te/ rnam par snang mdzad mngon par byang chub pa las/ mtshan mar ces pas mtshan bcas kyi/ /dngos grub rgyal ba dam pa bzhed/ /mtshan ma med la gnas pa ni/ /mtshan mar bcas pa'ang grub tu rung/ /de bas rnam pa thams cad du/ /mtshan med la gnas par bya zhes gsungs so/ /slob dpon ye shes snying pos kyang bden pa gnyis rnam par 'byed pa'i 'grel pa las/ chos kyi dbyings rtogs na 'jig rten dang 'jig rten las 'das pa'i chos thams cad bos pa bzhin du 'du ste/ zad pa shes pa zag bcas kyang zhes pa'i lung dang ldan par bshad de/ /de bas na bdag gi nyon mongs pa spang ba dang/ gzhan gyi don rtsol ba dang bcas pa 'byung bar bya ba la ni stong pa nyid 'ba' zhig bsgom pa 'am/ dang por sems 'ba' zhig dbang du byas la de'i rjes la bya ba gzhan spyad pa 'di ni thabs kyi mchog go/ 'di ni kri ya dang/ yo ga dang/ u pa ya dag la med pas/ rnal 'byor chen po'i tshul spyod pa rnam pa gsum las spros pa med pa'i spyod pa 'am/ shin tu spros pa med pa'i spyod pa dang mthun pa'o/ /dngos por
- 131b
'dzin pa'i spyod pa ni/ sha lnga dang ni bdud rtsi lnga/ /rnam rtog spang phyir ci rigs bsten zhes brjod pa ste/ 'di ni gtsang pa'o/ /'di ni mi gtsang ba'o zhes rtog pa nyid 'ching ba yin pa'i phyir/ sdig pa'i she shin tu smad pa mi dang rta dang ba lang dang khyi dang/ glang po che dag dang/ thabs kyis zin par spyod pa dag gis 'chi bzlog pa'i bdud rtsi khu ba/ /phrag dang bshang ba dang/ gci ba dang/ mi'i sha dag ci rigs pa'i tshul gyis stong par bsam zhing/ yang de dag nyid lha'i bdud rtsi ltar bsams nas / chags pa med par spyad na rim gyis mi gtsang ba dang/ gtsang ba'i rnam par rtog pa mi 'byung la/ de'i tshe chos thams cad la tha dad pa'i rtog pa 'byung ba brdzun yin par nges pa'i shes pa 'byung ba dang/ mi ma yin pa kha cig de nyid kyis de la yongs su dga' ba 'byung zhing chos bzhin du skyob pa dang de'i gdams ngag 'dzin par 'gyur ba yod do/ /sha lnga bdud rtsi lnga ni mtshon pa ste/ yul gang na sha la sogs pa mi gtsang bar 'dzin pa de dang de nyid la ma chags par spyad do/ /mnyam pa'i shes par thob pa na bdag gi don du de dag spyad par bya mi dgos so/ /'di ni spyod pas myur pa'o/ /de ltar thabs mkhas pa bcu gcig po 'di dag gis 'phags pa na 'di thabs kyi theg pa zhes bya'o/ /theg pa chen po'i yang chen po zhes bya'o/ /thabs myur ba dang/ sla ba dang/ mang ba dang/ mkhas pa zhes bya'o/ /gang yang/ don gcig nyid na'ang ma rmongs dang/ thabs mang dka' ba med phyir dang/ /dbang po rnon po'i dbang byas pas/ /sngags kyi bstan bcos khyad par 'phags zhes bshad pa dang/ dmigs pa rnam par dag pa dang/ grogs kyi mthu dang spyod pa yis/ /blo ldan rnams kyi theg pa ni/ /chen po'i chen po nyid du bsgrags zhes pa la sogs pas theg pa 'di'i che ba 'di'i che ba nyid brjod pa yang tshul snga ma dag nyid du 'dus par blta'o//
- 132a
mdor bsdus pa 'di brjod do/ gsang sngags ni gnyis te/ ngo bo nyid kyi gsang sngags thabs dang shes rab gnyis su med pa dang/ btags pa'i gsang sngags lha dang sngags dang phyag rgya dang phrin las dang ting nge 'dzin gyi tshogs dang mchod pa dang bstod ba la sogs ba'o/ de'i dbang gis gdul bya yang gnyis te/ mchog dang/ mchog ma yin pa'o/ /mchog gis ni sngar bshad pa'i thabs bcu gcig po ma lus par sgrub po/ /mchog ma yin pas ni re zhig rnam par byang ba'i sgo khyad par can la zhugs pa tsam las thabs de dag bsgrub par nus pa ma yin no/ /'on kyang de la'ang brnyas par mi bya ste/ ji ltar gsungs pa/ dper na mar gyis gsang ba'i snod/ /me yi dbus su gzhag gyur na/ /mar sar steng du zhu 'gyur zhing/ /snod kyi dri ma 'jig par 'gyur/ /de bzhin sh+rI he ru ka yi/ /mtshan gyis sdig pa 'jig par 'gyur zhes dpal bde mchog phyi ma'i phyi ma las so/ /'di ni skur pa spang pa'o/ /'bras bu yang dag par 'grub pa dang/ /las la ni khyad par med de/ ji srid nam mkha' khyab par sangs rgyas thams cad kyi ye shes kyis khyab la/ ji srid ye shes kyis khyab pa de srid skus khyab pa'i phyir dang/ dang po sems can ma lus pa dang/ zhing ma lus pa sbyar ba'i phyir zhugs pa dang/ spangs pa dang/ ye shes la khyad med pa dang/ slob pa'i gnas skabs na yang sa dang po man chad bgrod pa tha dad pa srid kyang/ sa dang po chos kyi dbyings mthong nas/ lam ma lus pa rang bzhin gyis des par shes pa'i phyir ro/ /'di ni sgro 'dogs pa spong ba'o/ /de ltar gzhung 'di bkod pas bdag/ spros dang bral ba'i gnas thob shog/ 'gro ba'ang mdza' gnyis bral ba yi/ /lam du gyur du 'jug par shog /rdo rje theg pa'i mdza' gnyis sel ba zhes bya ba slob dpon dz+nyA na sh+rIs bkod pa rdzogs so// //
- 132b
de kho na nyid mthong ba'i lam zhes bya ba bzhugs so// / #/ /rgya gar skad du/ tat+tA mArgA barsha na nA mo/ bod skad du/ de nyid mthong ba'i lam zhes bya ba/ spyan ras gzigs mgo na de la phyag 'tshal lo/ /zhi zhing 'byor pa 'gro mgon thugs rje can/ /ri khrod zhabs la gus pas phyag 'tshal te/ sngon las rje yis byin brlabs rgyud kyi don/ /zhabs kyi rdul la ma reg chos 'di ni/ /dad brtson ldan dang bdag nyid brjed 'jigs pas/ /de nyid mthong ba'i lam 'di 'dir bshad bya/ / thams cad mkhyen pas 'di gsungs pa/ /gdul bya'i rim pas gzhag pa ste/ dang por gso sbyong sbyin par bya/ /de rjes bslab pa'i gnas bcu nyid/ /de nas bye brag smra la bslab/ mdo sde pa yang de nas bstan/ /rnal 'byor spyod pa de bzhin te/ de nas dbu ma pa yang bstan/ /sngags kyi rim pa kun shes nas/ /dgyes pa'i rdo rje'i dbang bskur sbyin/ /dgyes rdor rgyud nas de bstan pas/ /gso sbyong gnas bcu bye brag dang/ /chung ba'i mdo sde nyan thos lam/ /theg pa chen po'i mdo sde dang/ rnal 'byor spyod dang dbu ma'i chos/ /sngags gzhan dgyes rdor brjod pa nyid/ /bde ba'i lam dang 'bras bur bsngags/ /de la dang po nyan thos dang rang sangs rgyas pa dbang po rnon pos mdo dang 'dul ba ltar yang shes par bya'o/ /'dir rgyud ltar skal pa dang ldan pas bla ma mnyes pas bsgrub ste/ de yang dang po/ thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes pas theg pa gsum la bslab par bya ste/ nyan thos dang/ rang sangs rgyas gnyis la 'jug par 'dod pas dang po gso sbyong bya ba dang/ gnyis pa bslab pa bsrung ba dang/ gsum pa chos la bslab pa'o/ /de yang byams pas zhus pa'i mdo las/ dang po skyabs dang gso sbyong bya/ gnyis pa bslab pa'i rim pa
- 133a
bzhin/ /gsum pa chos dag de la bstan/ /zhes pas so/ /skyabs la bdun te/ dang po dang/ lus ngag yid kyi sbyor pa dang/ rten dang/ de la mchod pa dang/ dus dang/ yon tan dang/ mi nyams par bya ba'o/ /dang po la gnyis te/ shes pa dag pa'i mkhan po dang slob dpon no/ /sbyor ba ni lus gus pa dang/ dag 'jam pas brjod pas yid chos la/ /dag pa dang gsum mo/ /rten mchog tu gyur pa ni dkon mchog go/ /rten la mchod pa ni ci 'byor pa yis mchod pa bri? lus dbul ba'o/ /dus ni 'di nas zhes pa dang/ ji srid 'tsho'i bar gnyis so/ /yon tan ni sngon gyi sdig pa thams cad 'byang zhing phyi ma'i sdug bsngal thams cad zad bde ba'o/ /mi nyams par bya ba la gsum ste/ sangs rgyas la skyabs nas 'jig rten pa'i lha spangs pa dang/ chos la skyabs nas srog mi gcod pa dang/ dge 'dun la skyabs nas mu stegs dang mi 'grogs pa'o/ /bslab pa bsrung ba la gnyis te/ rten dang bslab pa dngos so/ /rten la gsum ste/ gzhan las skye ba dang/ rang las skye ba dang/ gnyi ga las skye ba'i gzhan las skye ba gsum ste/ mkhan po dang slob dpon te/ dang po bar chad med pas tshul khrims thob pa dang/ nus pa dang ldan pas sdom pa la gnas pa dang/ bdag dang gzhan gyi nyes pa 'chos dgongs pas mkhas pas te/ de gsum dang ldan pa las bslab pa skye'o/ /rang las skye ba la gnyis te/ spyi dang bye brag go /spyi la drug ste/ 'gro ba khyad par du 'phags pa ni/ mi tsam ma yin te/ gling khyad par du 'phags pa'i gling 'di tsam yin te/ rigs khyad par du 'phags pa rgyal rigs dang/ bram ze'i rigs dang/ rje rigs so/ /rigs tsam ma yin te/ gzugs khyad par du 'phags pa skyes pa drang bud med tsam yin te/ lus khyad par 'phags pa dbang po tshang ba/ dbang po tshang ba tsam gyis mi mchog ste/ shes pa dang
- 133b
sems khyad par du 'phags pa rgan gzhon spangs nas lus dar ba'o/ /bye brag spyi dang ldan pa des nam blangs pa'i dus der skye'o/ /gnyi ga las skye ba la gsum ste/ mkhan slob la the tshom med pa dang/ chos dang chos kyi yon tan la the tshom med pa dang/ bslab pa bsrungs pa dang thob par the tshom med pas skye'o/ /bslab pa dngos la brgyad de/ rten gyi khyad par gyis bslab pa'i rim pa dang/ bslab par bya ba'i ngo bo dang/ nyes pa'i tshang dang/ bcos pa'i thabs dang/ nges pa skyed pa dang/ dus ma nges par bslab pa dang/ yon tan dang/ thob pa'o dus bstan pa'o/ /bslab pa'i rim pa la so so thar pa rigs bdun gyi rim pas bslab pa ste/ sngo ba'i 'dod pa mi mthun te/ yang 'dir bsnyen gnas dang/ dge bsnyen la bzhi ste lnga dang/ dge tshul dang/ dge slong dang bdun gyis bslab pa'o/ /ngo bo la gnyis te spyi dang bye brag go /spyi la yang gnyis te rtsa ba 'am rang bzhin gyi sdig bsdoms pa dang yan lag gam bcas pa'i sdig pa sdom pa'o/ /bye brag ni bsnyen gnas la rtsa ba bzhi ste brgyad do/ sna 'ga' bsrung ba'i dge bsnyen la srog mi gcod pa dang/ rtsa ba gzhan gang rung gcig phal cher srung ba la rtsa ba gsum/ yongs su rdzogs pa la rtsa ba gsum dang 'dod log bsrung/ tshangs par spyod pa'i dge bsnyen ni rtsa ba bzhi dang chad bsrung ba'o/ /dge tshul gyis rtsa ba bzhi yan lag bdun/ chang dang glu gar rtse 'jo dang/ /rgyan dang kha dog 'chad ba dang/ mal stan chen po gser dngul gyi khri dang khri stan mthong po khru gang ba yan chad spong ba dang/ phyi dro kha zas dang/ gser dngul 'chang ba spong ba'o/ /mkhan po las thob pa'i rtags gsum ste/ khyim pa'i rtags gtsug phud dang/ gos dkar po spangs te/ rab tu byung ba'i rtags skra dang kha spu bregs nas gos ngur smrig gon pa'o/ /phyi rol mu stegs rtags stong gos g.yas la 'gel ba
- 134a
dang/ spang gos dkris pa spangs nas nang pa sangs rgyas pa'i rtags stong gos g.yon du 'gel pa dang smad gos che bas zur du spung pa'o/ /mi dge ba 'jig rten pa'i rtags de dag spangs nas dge ba dge 'dun gyi rtags gseg shad dang/ lhung bzed gri khab la sogs pa mkhor bo'i rdzas bzung ba'o/ /dge slong gis shes rab can dang/ dngos kyi rtsa ba bzhi dang/ khu ba phyung ba la sogs pa lhag ma bcu gsum/ dben pa dang skyabs ma nges pa gnyis dang 'chang ba 'bral pa la sogs spang ba'i ltung byed sum cu dang/ ltung byed dgu bcu dang/ grong du nyal ba la sogs pa so sor bshags pa bzhi dang sham thabs la sogs pa bslab par bya ba brgya bcu rtsa gnyis dang/ /mngon sum du nga rgyal mi bya ba la sogs te nyis brgya lnga bcu rtsa gsum bka' lung las shes par bya'o/ /'dir 'og nas ston pa'i lus ngag yid kyis mi bya ba dang bya ba rnams so/ /de nas bslab pa'i gnas bcu sbyin zhes pas mi dge ba bcu spangs la dge ba bcu bsten pa'o/ /nyes pa'i tshad la gnyis te/ rtsa ba dang yan lag gi'o/ /rtsa ba la lnga/ rtsa ba dang 'dra bar sbyor ba dang dngos dang/ mjug cing na ltung ba chen pos nyams/ dngos mjug gnyis byung na ltung ba spom po ste nyams/ /sbyor ba dang dngos byung na ?? te nyams/ /sbyor ba dang 'jug byung na ltung ba phra mo ste nyams/ /re re byung na ltung byed de nyams/ lhag ma dang ma nges pa la sogs pa'i yan lag rnams la yang lnga ste/ sbyor ba dang/ dngos dang mjug rdzogs na nyes pa chen po ste nyams dngos mjug gnyis byung na nyes pa spom po ste nyams/ sbyor ba dang dngos byung na nyes ba chung ngu na te nyams/ sbyor ba dang mjug gnyis byung na nyes pa phra mo ste nyams/ re re byung na nyes pa med do/ bcos pa'i thabs la gnyis te/ thabs dngos dang dus so//
- 134b
thabs la bcu gcig ste rtsa ba dang yan lag gnyis yan chad dam/ bzhi man chad byung na 'gyod pas lan gsum du bskyar zhing blang/ rtsa ba'i spom po byung na sngon bzhin du blang/ chung ngu na byung na slob dpon pas de nyid blang/ phra mo byung na slob dpon la bshags pas thub/ ltung byed byung na 'gyod pa dang bsdams sems kyis thub/ nyes pa chen po byung ba sngon bzhin blang/ nyes pa spom po slob dpon las blang/ nyes pa chung ngu na slob dpon la bshags/ nyes pa phra mo 'gyod pa dang bsdams sems kyis thug nyes med phyis ma byas pas thug/ chang rtsa ba dang 'dra'o/ /rtsa ba dang yan lag ltar kun btang sems kyis btang na blang du med/ /rgas pa dang na pa dang gzhan gyi dbang la nyes pa med/ dus la bzhi ste/ bsnyen gnas kyi skabs dang ldan te/ nyin skabs med na zla gcig gam phyed dam brgyad kyi dus de'o/ /dge bsnyen skabs dang ldan na thun gnyis pa la blang/ skabs med na zhag lnga la blang/ dge tshul skabs dang ldan na zhag lnga tshun chad la blang/ mi ldan na zla ba gcig tshun chad na blang/ dge slong skabs dang ldan na de nyid nas zhag bcu mi ldan na zla ba bdun tshun chad/ des pa skyed pa dus de la rtsa ba dang yan lag nyams pa/ thabs des bcos pas thar pa thob ste/ sgrung gi dpes re re bstan pa'o/ /de yang srog bcad pa las thar pa/ dge slong zla ba'i 'od bya ba rigs bram ze yin pas/ lo nyi shu rtsa gcig nas bzhi bcu'i bar du nyi shur sdom pa bsrungs te/ bzhi bcu lon nas ba kun tu 'khor zhes bya bas snyan ngag yod pas rgyal po'i pho brang du snyan ngag blon pas/ rgyal po gzugs can snying po shin tu dga' nas/ go la bdun dang bcas pa byin nas bram ze gzhan gcig gis gcig lam du khyer bas khros nas 'thabs pas kun tu 'khor ba bsad do/ /bu dge slong sems
- 135a
'khrugs te sbyor ba gsang bas las kyi spu gri khyer te/ bram ze khrus byed sar bsgugs te spu gri mdang nas brdar ba dang/ bram ze khrus la byung ba dang spu gris ske bcad de bsad do/ /'jug 'gyod pa med par dga' bar gyur te/ ro yang gar dgar gzhag go/ der kun gyis ro mthong nas 'di sus gsang snyi nas ngas pha'i mi shar gsad ces bsgrags so/ /der kun gyis kyang dpyas par gyur/ /rtags kyang gzhag pa las/ yul der nang 'go ba byung ste/ kun ka ra ba dang/ dka' thub med pa de yang na ba dang/ nad drag pos gzir bas shin tu 'gyod pa'i sems skyes te/ lung nas sangs rgyas 'od ma'i tshal na bzhugs pa la gong gi nyes pa rnams zhus blangs pas sangs rgyas kyis gnang nas bslob pa bskyar te/ dge slong dri ma dang bral bar gyur te ma lhung ngo/ /yul yangs pa can gyi grong na rje'u'i rigs dge slong rin chen srung zhes bya ba cig yod pa la bsod snyoms la phyin nas khyim bdag gi mdzod mthong ste/ lha khang gi logs su sbyor bas la dong brkos te gnas de nas ma ga d+har sangs rgyas kyi spyan sngar 'gro zhes dge 'dun la bsgrags nas song ste/ de nub nam phyed na bang mdzod phug ste/ be'urya dang/ pad+ma rA ga dang/ gser dngul rkus nas da ci'i dong du sbas te/ mjug 'gyod pa med par dga' bar gyur te/ de longs spyod spyod pa las nub mo rkun po rkun 'phyan gzhan dang phrad nas nor khyer ro/ /lus btags pa las shin tu 'gyod nas sangs rgyas kyi spyan sngar phyin te/ gong gi nyes pa bshags nas sdom pa blangs te sangs rgyas kyis gnad nas dge slong rin chen 'byung gnas su gyur te stung ba med do/ /grong khyer ser skyar dge slong shes grags kyis bsod snyoms byed pa las/ re zhig na smad 'tshong ma 'byor pa rnyed bya ba'i sgor phyin te blangs nas yon byin
- 135b
pas/ smad 'tshong ma de shin tu legs par mthong ste/ chags pa'i sems kyis sbyor ba slar log nas ka bya ri'i ras g.yar nas gyon te/ 'gron bu gton cig khyer nas srong la phyin te/ da nyo na byas pa las yar shog zer te phyin chags pa skye ba'i thabs sna tshogs byas dngos su nyon mongs pa la zhen nas bsrubs te/ khu ba phyung ngo/ /mjug bde bar tshor nas phyis kyang phrad do/ /ring zhig na ro mdzo byung ste sdug bsngal bar gyur nas 'gyod de sangs rgyas kyi spyan sngar phyin nas sa la 'gyel te nyes pa rnams bshags nas bslab pa bskyar te/ dge slong zhi ba'i ye shes su gyur te ltung ba med do/ /rgyal byed kyi tshal du dge slong byang chub 'byung gnas su grags pa rgyal rigs su gyur pa zhig byung bas dad pa shin tu che nas kha sar pa Nar phyin pas spyan ras gzigs mthong nas yul de la kha sar pa Na zhes btags so/ /slar log nas ma ga d+har phyin nas/ bstan bcos mang po byas nas de nas nga la sangs rgyas mang pos bstan zhes bsgrags pas/ slob pa mang po yod pa las/ sangs rgyas kyis mkhyen nas mi btang ba las nor sa 'og tu sbas nas phyin pa dang/ sgyu ma byas pa'i sbyor ba mang po byas nas chos 'chad pa'i sbyor ba dang/ dngos su kun bsrubs pa mang ba dang/ 'jug 'gyod pa med par dga' bar longs spyod spyod pa la rgyal po'i chad pa byung la khang pa dang tshor nas shin tu 'gyod pa skyes te/ sangs rgyas kyi spyan sngar phyin te nyes pa kun bshags te/ slar bslab pa gsos nas dge slong rdo rje snying por gyur te ltung ba med do/ /gzhan yang 'dul ba dang mdo nas 'gyod de/ slar gsos pas thar pa mang po dang/ gtan gyi the tshom med par phyir bcos so/ /yan lag gi nyes pa tsho yang bcos pas yang bar shes par bya'o/ /chang rtsa ba ltar shes par bya'o/ /'dir theg pa chen po dang yang sbyar bar bya'o//
- 136a
dus ma nges pa la nyin gcig gam zhag gcig gam zhag bdun nas ji srid 'tsho'i bar du bsrung bar bya'o/ /yon tan la shes rab can gyis re re'i bye brag mdor blta'o/ /'dir spyi ces? bstan pa ni dge bsnyen la sogs kyi gzhi mi las thob pa dang/ lam rten dang ldan nas bsrung ba 'bras bu dgra bcom pa thob pa'o/ /dge slong gi las la dge slong gi mdo dang 'dul bar blta'o/ /'dir gsum ste/ yon tan che ba dang/ dus nges pa dang/ yon tan nges pa'o/ /yon tan che ba la gnyis te/ bdud kyis bar mi chod cing lam nye ba dang/ 'bras bu nye ba'o/ lam nye ba la yang gsum ste/ sangs rgyas la skyabs pas 'jig rten pa'i lha spangs pas/ phyi mar dga' ldan dang bstan pa la byams pa dang mjal lo/ /chos la skyabs pas srog gcod pa spangs pas byams pa la chos nyan pa dang/ dge 'dun la skyabs te mu stegs dang ma 'grogs pas byams pa'i 'khor gyi dge 'dun dang 'grogs pa'o/ /'bras bu la yang gsum ste/ so sor thar pa'i bslab pa rigs bdun rdzogs pas bdag nyid sangs rgyas su gyur pa dang/ lus ngag yid kyis sangs rgyas kyi chos spyad pas bdag nyid sangs rgyas pas chos ston pa'o/ /dben par gcig pu bstan pas bdag sangs rgyas nas dge 'dun gyi 'khor phyug pa'o/ /dus skye ba bdun na dgra bcom pa thob nges so/ /yon tan nges pa la gnyis te/ rgyu dang 'bras bu'o/ /rgyu skye ba bdun du rten khyad par du 'phags pa drug dang ldan nges la 'bras bu lhag bcas dang lhag med gnyis mthong bas pa'o/ /thob pa'i dus la gsum ste/ sbyor ba dang/ blang ba dang/ thob pa dngos so/ sbyor ba la gnyis te/ gong gi dpang po la sogs pa'i skyabs su 'gro ba'i sbyor ba bdun pa dang/ skyabs dngos so/ /dngos la slob dpon dgongs su gsol/ bdag
- 136b
ming 'di zhes bgyi ba dus 'di nas bzung nas/ ji srid 'tsho'i bar du rkang gnyis rnams kyi mchog/ phyogs bcu'i sangs rgyas la skyabs su mchi'o/ /'dod chags dang bral ba rnams kyi mchog /phyogs bcu'i chos la skyabs su mchi'o/ /tshogs rnams kyi mchog /phyogs bcu'i dge 'dun la skyabs su mchi'o/ /zhes lan gsum bskyar ro/ /de la yang dbang po dang/ bskyab par bya ba dang/ dus dang skyob mkhan dang/ grangs dang/ dgos pa shugs kyis bstan pa ste drug go/ blang ba dngos la bskyabs pa'i yon tan shes pas blang ba las so sor thar pa'i bslab pa'i rigs bdun te/ bsnyen gnas blang ba la rang pa zo min pa dang/ blang ba gnyis rang bzo min pa la yang dbang po la sogs drug ste/ slob dpon dgongs su gsol/ bdag ming 'di zhes bgyi bas dus 'di nas bzung nas/ ji srid 'tsho'i bar du sngon gyi dgra bcom pa rnams kyi bslab pa la rjes su slob po/ /rjes su bsgrub bo/ /rjes su bgyid do zhes lan gsum bskyar ro/ /blang pa la yang dbang po la sogs pa drug ste/ slob dpon dgongs su gsol/ bdag ming 'di zhes bgyi bas dus 'di nas gzung nas ji srid dam/ lo 'am zla ba sngon du bstan pa ltung ngo/ /zla ba byung ngo cog gi ngo la stong ngam/ nya 'am brgyad kyi bsnyen gnas srung bar rang 'tshal pas de'i nyin par dang mtshan mo rtsa ba'i dang po srog gcod pa spangs nas slar ldog par bgyid do/ /zhes lan gsum brjod do/ /de bzhin du gcig gam gnyis sam gsum bsrung ba la rtsa ba nas re rer gsum mam yan lag tu bcas par/ slob dpon dgongs su gsol/ /bdag ming 'di zhes bgyi bas dus 'di nas bzung nas ji srid 'tsho'i bar du zla ba byung ngo cog gi ngo la/ nya'i bsnyen gnas bsrung bar 'tshal bas/ de'i nyin par dang mtshan mo rtsa ba'i dang po srog gcod
- 137a
pa dang/ rtsa ba gnyis pa ma byin par len pa dang/ rtsa ba gsum pa mi tshangs par spyod pa dang/ rtsa ba bzhi pa brdzun du smra ba dang/ yan lag gi dang po 'bru'i chang dang/ bcos pa'i chang dang/ /myos par 'gyur ba'i chad dang/ yan lag gnyis pa glu gar rtsed 'jo rgyan kha dog 'chang ba dang/ yan lag gsum pa ma la stan dang/ khri stan dang/ yan lag bzhi pa phyi dro'i kha zas spangs nas slar ldog par bgyid do/ /sngon gyi dgra bcom pa kun gyi bslab pa la rjes su slob bo/ /rjes su bsgrub po/ /rjes su bgyid do/ /thabs yin no/ /legs so zhes so/ /bsnyen gnas kyi bslab pa la 'thob bo/ /slob dpon gyis bsnyen gnas su bzung du gsol lo zhes lan gsum brjod nas phyag lan gsum bya'o/ /thob pa dngos la drug ste/ skyabs 'gro sbyor ba sngon du song ba dang/ blang ba dang/ slob dpon la the tshom ma zos pa dang/ chos la the tshom ma zos pa dang/ ma thob par the tshom ma zos pa dang/ dus de nyid du thob pa'o/ /dge bsnyen la sogs pa drug po yang/ don drug po de dang ldan nas thob ste 'dra bar shes par gyis shig /dge bsnyen gyi skyabs 'gro yang gong ltar blang ba/ slob dpon dgongs su gsol/ bdag ming 'di zhes bgyi ba dus 'di nas bzung nas ji srid 'tsho'i bar du sngon gyi dgra bcom pa rnams kyi bslab pa la rjes su slob po/ /rjes su sgrub po/ /rjes su bgyid do zhes lan gsum brjod do/ dang po la sogs pa drug gong bzhin ldan no/ /slob dpon dgongs su gsol/ bdag ming 'di zhes bgyi ba dus 'di nas bzung nas ji srid 'tsho'i bar du sna 'ga' bsrung ba'i dge bsnyen bgyid pas rtsa ba'i dang po srog gcod pa spangs nas srog gcod pa las slar ldog par bgyid do zhes lo zla ba'i grangs kyis gsum du brjod do/ /slob dpon dgongs su gsol/ bdag ming 'di zhes bgyi ba dus
- 137b
'di nas bzung nas ji srid 'tsho'i bar du sna 'ga' bsrung ba'i dge bsnyen bgyid pas rtsa ba gnyis ma byin par len pa spangs nas slar ldog par bgyid do/ /sngon gyi dgra bcom pa rnams kyi bslab pa la rjes su slob bo/ /rjes su bsgrub po/ /rjes su bgyid do/ / thabs yin no/ /legs so/ /sna 'ga' bsrung ba'i dge bsnyen du gyur/ slob dpon gyis sna 'ga' bsrung ba'i dge bsnyen du bzung du gsol zhes lan gsum brjod do/ /phyag gsum bya'o/ /phal cher bsrung ba'i dge bsnyen du gyur pa skyabs 'gro gi bzhin song ba dang/ rang bzo med pa'i bslang ba yang 'dra bas song nas slob dpon dgongs su gsol/ bdag ming 'di zhes bgyi ba dus 'di nas bzung nas ji srid 'tsho'i bar du phal cher bsrung ba'i dge bsnyen bgyid pas rtsa ba dang po srog gcod pa spangs nas slar ldog par bgyid do zhes lan gsum bzla'o/ /de bzhin du rtsa ba gnyis pa ma byin par len pa dang/ gsum pa 'dod pas log par g.yem pa spangs nas slar ldog par bgyid do zhes lan gsum brjod nas sngon gyi dgra bcom pa rnams kyi? bslab pa la rjes su slob bo/ /rjes su bsgrub bo/ /rjes su bgyid do/ /thabs yin no legs so/ /phal cher bsrung ba'i dge bsnyen du gyur to/ /slob dpon gyis phal cher bsrung ba'i dge bsnyen du gzung du gsol zhes brjod la phyag lan gsum bya'o/ /yongs su rdzogs pa'i dge bsnyen la gzhan sngon du song bas/ slob dpon dgongs su gsol/ bdag ming 'di zhes bgyi ba dus 'di nas bzung nas ji srid 'tsho'i bar du yongs su rdzogs pa'i dge bsnyen la gnas pas rtsa ba'i dang po srog gcod pa dang/ gnyis pa ma byin par len pa dang/ gsum pa 'dod pas log par g.yem pa dang/ bzhi pa brdzun du smra ba spangs nas slar ldog par bgyid do/ /ces re re la gsum gsum brjod la/ sngon gyi dgra bcom pa rnams kyi rjes su slob bo/ /
- 138a
rjes su bsgrub po/ /rjes su bgyid do/ /thabs yin no legs so/ /yongs su rdzogs pa'i dge bsnyen du 'gyur ro/ /slob dpon gyis yongs su rdzogs pa'i dge bsnyen du gzung du gsol zhes bya'o/ /tshangs par spyod pa'i dge bsnyen gyis kyang gzhan sngon du song bas/ slob dpon dgongs su gsol/ bdag ming 'di zhes bgyi pa dus 'di nas bzung nas ji srid 'tsho'i bar du tshangs par spyod pa'i dge bsnyen la gnas pas rtsa ba'i dang po srog bcod pa dang/ rtsa ba gnyis pa ma byin par len pa dang/ gsum pa mi tshangs par spyod pa dang/ bzhi pa brdzun du smra ba dang/ yan lag gi dang po myos pa'i chang dang/ bcos pa'i chang dang/ 'bru'i chang dag spangs nas slar ldog par bgyid pa la gso zhes so re re la gsum gsum brjod nas/ sngon gyi dgra bcom pa rnams kyi bslab pa la rjes su slob bo/ /rjes su bsgrub po/ /rjes su bgyid de do/ /thabs yin no/ /legs so/ /tshangs par spyod pa'i dge bsnyen du 'gyur ro/ /slob dpon gyis tshangs par spyod pa'i dge bsnyen du gzung du gsol/ dge tshul gyis kyang gzhan gong ltar mkhan po slob dpon dad pa'i dge 'dun gyi sngar slob dpon dgongs su gsol/ bdag ming 'di zhes bgyi ba dus 'di nas bzung nas ji srid 'tsho'i bar du dge tshul la gnas pas rtsa ba'i dang po srog gcod pa dang/ gnyis pa ma byin par len pa dang/ /gsum pa mi tshangs par spyod pa dang bzhi pa brdzun du smra ba dang/ yan lag dang po 'bru'i chang dang/ bcos pa'i chang myos par 'gyur ba dang/ yan lag gnyis pa glu gar rtse 'jo dang/ yan lag gsum pa rgyan dang kha dog 'chang ba dang/ bzhi pa mal stan mthon po dang/ lnga pa khri stan chen po dang/ drug pa phyi de'i kha zas dang/ bdun pa gser dngul 'chang pa spangs nas slar ldog par
- 138b
bgyid lags so zhes re re la gsum gsum brjod de/ /sngon gyi zhes pa la sogs pa gong ltar brjod do/ /dge slong dngos kyi las kyi tshogs blang/ 'dir skyabs dang legs par brjod pa gong ltar gsum brjod pa dang/ gong gi rtsa ba bzhi dang/ lhag ma dang ma nges pa gnyos dang/ spang ba'i ltung byed la sogs pa las ldog par brjod do/ /gso sbyong zhes pa la 'am zla ba 'am nya stong gso zhing sbyong ba'o/ /nyams pa yang bcos su yod pas kyang gso sbyong ngo/ /dus ma nges ba zla ba'am lo tsam srung ba la yang gso sbyong ba legs so/ /'dir 'og gi theg pa gsum 'dod pas dus snying po byang chub la mchis kyi bar du brjod cing khas slang ngo/ /sems bskyed pa'i tshe 'og gi gdams ngag gis byang chub snying por shes par bstan par bya'o/ /mdo nas kyang nyes pa skye bas blta'o/ /gsum pa chos la bslab pa la bzhi ste/ spyod lam dang/ lta ba dang/ bsgom pa dang/ skyon spang ba'o/ /spyod lam la bzhi ste/ bsnyen gnas pas spyad pa dang/ dge bsnyen gyis spyad pa dang/ dge tshul bas spyad pa dang/ dge slong gis spyad pa'o/ /de la bsnyen gnas pas spyad pa ni kun tu bzang po'i mdo nas bsnyen gnas pa'i gang zag gis/ de dus lus ngag yid kyis bgrim zhes pas lus kyis khrus dang phyag bya ba dang/ ngag gis 'don pa dang/ snying po bzlas pa dang/ yid ches nyas pa shes pas bslab pa bsrung ba'i sems dang/ yon tan shes pas yi dam gyi lha dran pa dang/ lus ngag gi dbye ba byas pa dang/ bsrung ba'i nyi ma yid la bya ba'o/ /dge bsnyen gyis spyad pa la byams pas zhus pa'i mdo nas/ dge bsnyen dad dang ldan pa yis/ /las man spang zhing dge bcu bsnyen zhes pas ba lang dang/ bya phag gso ba la sogs pa bcu mya ngan las 'das pa'i nang nas bstan pa ltar spang ba'o/ /dge ba bcu ni kun dga' bos zhus pa'i mdo nas bstan pa ltar spyad do/ /srog
- 139a
bskyab pa dang/ 'byor pa sbyin par btang ba dang/ dkon mchog mchod pa dang/ mchod rten dang/ sku gzugs dang lha khang la sogs pa lan bza' dbul ba dang/ bskor ba dang/ phyag dang/ kha ton klag pa dang/ snying po dang/ bstod pa bya ba dang/ zhig pa gso ba dang/ sku dkar byug pa dang/ nyal mo btsun pa'i dge ba bya ba dang/ 'os pa'i pham dang drin can la rim gro bya ba'o/ /dge tshul gyis spyad pa la dge tshul dngos kyis 'bul bar blta'o 'dir kA ri kA nas/ nam gyi cha smad mal langs nas/ /naM langs par du kha ton bya/ /gdong dang so'i dri bkrus la/ de bzhin gshegs la gus phyag 'tshal/ /zhes pas lus ngag yid kyis bya ba ste lus kyi nyes pa 'phel bar mi bya ba la bzhi ste nyin par 'jig rten pa ma dad pa spang ba dang/ mtshan mo phyi sgo phyin chad du mi nyal ba dang/ 'gro ba'i tshe bslab pa ngan pas bag ma ltar 'gro ba dang/ za ba dang 'dug pa dag bag med par mi bya'o/ /dge ba 'phel bas tho rangs srod tsog tsog po dang/ khrus dang lha phyag dus dang skabs su bya'o/ /dag gis mi smra ba drug ste/ mi shes pa dang/ mi khro ba dang/ mtshang mi 'brub dang/ phyar ka mi gtang ba dang/ rta gang mi bya ba dang/ gtsug lag khang dang/ dge 'dun mang po'i gseb tu bcom bsgyud pa'o/ /dag gis brjod par bya ba kha ton dang slag pa dang/ snying po brjod pa dang/ bstod pas bstod pa dang/ zhi bas blang ba dang/ dad pas chos zhu ba dang drug go /yid la gnyis kyi nyes pa spang ba la yang gnyis te/ mchod rten dang/ gtsug lag khang dang/ dge 'dun gyi dkor la gnod sems dang/ rku sems spang pa dang/ bslab pa nyams pa'i nyes pa dran par byas la bslab pa bsrung ba'o/ /yon tan dran pas bsam pa lnga ste/ lus ngag gi dge ba'i yon tan dran par bya ba dang/ 'khor
- 139b
ba sdug bsngal bar shes par bya ba dang/ byas pa mi rtag pa dang mya ngan las 'das pa zhi ba dang/ stong pa bdag med par shes par bya ba'o/ /dge slong gis spyad pa la dge slong dngos dang/ shes rab can gyis 'dul bar yang blta'o/ /'dir lha'i dbang pos zhus pa'i mdo nas/ dag slong rnams kyis bya ba ni/ /mi dge bcu spang dge bcu bsgrub/ /de yang lus ngag yid kyis te/ /ma yengs spyod lam rnam bzhir spyad/ /ces pa dang/ bgyes pa'i rdo rje nas/ de nas bslab pa'i gnas bcu po zhes pas/ dge ba bcu bsgrub ste de yang mi dge ba bcu mi 'phel bar bya ba'i phyir/ dga' bas zhus pa de nyid las/ mi dge ba bcu 'phel bas dge slong rnams nyes byed bcu spongs shig /bcu gang zhe na/ srog gcod pa'i nyes byed ma bsams par dge slong rnams lus kyi bya ba byed pa dang/ ma byin par len pa'i nyes byed gzhan gyi gzugs kyi yul la reg pa dang/ mi tshangs par spyod pa'i nyes byed bud med kyi yul lnga la spyod pa dang/ brdzun gyi nyes byed ma bsams par smra ba dang/ phra ma'i nyes byed mang bar smra ba dang/ ngag 'khyal ba'i nyes byed bre mor smra ba dang/ tshig rtsub mo'i nyes byed mi dga' bar smra ba dang/ brnab sems kyi nyes byed bdag la dgos sems 'chang ba dang/ gnod sems kyi nyes byed gzhan gyis log pa la spyod pa'o/ /log par lta ba'i nyes byed dngos po la chags pa rnams spongs shig ces bka' stsal ba'o/ /mi dge bcu 'gags pas mi dge ba dang bral nas dge bcur 'gyur ba'o/ /de ni bslab pa'i gnas bcu zhes pa'o/ /de nas bye brag pa la bslab ces pa yang de nyid nas/ dge bcu rgyas phyir chos gnyis dang/ /spyod lam bzhir ru dge slong spyod ces pas de yang chos gnyis po nyes pa dang/ mi dge ba spyod lam rnam bzhis mi byed pa dang/ yon tan dge ba 'phel ba spyod lam
- 140a
sogs bya ba ste/ der yang de nyid nas/ dge slong byang chub sems ldan pas/ /rtag tu dben par bsdad par bya/ /sems kyis bdag gzhan don byed la/ /dge slong zhes ni ngas brjod do/ /zhes pas de yang sems gnyis bskyed nas theg pa gsum dang ldan zhing dben par gnas nas mi dge ba mi 'byung zhing dge ba 'phel te/ gal te gzhan don sems kyis byed kyang dngos su mi nus pa dang/ dben par mi gnas pas 'di ltar bya ste/ spyod lam bzhis mi bya ba la gnyis te/ yid kyis dran pa lus kyis mi bya ba dang/ ngag gis mi bya ba dang/ lus kyis gzhi la sdod pa dang 'gro ba dang/ zas za ba'i tshe dang/ nyal ba'i dus so/ /sdod pa la nyes pa 'byung ba dang/ nyes pa chen po 'byung nas mi bsdad pa gnyis kyi nyes pa 'byung bas mi bsdad pa la bcu gnyis te/ 'greng ba dang/ lto rgyal dang/ snyes pa dang/ khyi tshugs dang/ sa rko ba dang/ rtsa gcod pa dang/ chu dang/ me dang/ khyi dang/ bu chung la rtse ba dang/ 'jig rten dang bud med kyi nang du sdod ba spang ba'o/ /nyes pa chen po 'byung bas mi bsdad pa la gnyis te/ bsdad sa min pa dang/ rten no/ /rten la dgu /mchod rten dang/ lha khang dang/ sku gzugs dang/ glegs bam dang/ mkhan po slob dpon dang/ dge 'dun dang/ pha ma dang/ rgyal po dang/ rgan pa'o/ /bsdad sa min pa la gnyis te/ g.yas dang mdun du mi bsdad pa'o/ /'gro ba la gnyis kyi nyes pa 'byung bas mi 'gro ba la bcu bdun te/ mu stegs dang 'grogs te mi 'gro /rgyug cing rgyug cing mi 'gro /mu stegs kyi nang du mi 'gro /sgyu ma mkhan dang mi 'grogs nang du mi 'gro /de bzhin du tshod pa dang mi 'grogs nang du mi 'gro /dmag dang mi 'grogs nang du mi 'gro /bshan pa dang smad 'tshong ma dang mi 'grogs nang du mi 'gro /bud med dang mi 'grogs nang du mi 'gro /phyogs su lta ba dang yul yengs pas mi 'gro
- 140b
gos med pa dang/ stong gos med pa dang/ gzhan dang rtsod pa'i sar mi 'gro ba dang/ 'jigs pa dang/ don med pa dang/ yang ba dang mi 'grogs/ ya nga ba'i sar mi 'gro ba'o/ /nyes pa chen po 'byung bas mi bya ba gnyis te/ rten gong ltar dgu /mi 'gro ba la lnga/ dngos sam grib ma la mi 'gom/ g.yon bstan la mi 'gro /steng nas mi 'gro /mdun nas mi 'gro /rjes non pas mi 'gro ba'o/ /ngag la yid kyis zin par bya ste/ mi smra ba la bzhi ste/ sdod pa'i che mi smra ba la gnyis te/ nyes pa dang nyes pa chen po las mu stegs la sogs pa bden yang mi smra ba dang/ 'dri ba'i lan 'debs pa dang/ zhi ba dang 'jam pa dang/ ngal bas smra ba'o/ /nyes pa chen po 'byung bas mi smra ba la gsum ste 'greng ste sdong pa la sogs pas chos mi bshad pa dang/ mchod rten la sogs pa la rgyu 'bras la skur ba dang/ bre mo'i gtam mi bya ba'o/ /brdzun sogs gong du bkag pas rnams kyang smra ba mi bya'o/ /'gro ba la yang de bzhin te/ za ba dang nyal ba la yang de bzhin no/ /nyes pa dang/ nyes pa chen po dag shes te smra ba'i tshod rig par bya'o/ /lus kyis zas za ba'i che na yang gnyis te/ nyes pa nyi shu ste/ 'greng ba la sogs pa bcus mi bza' ba dang/ 'gro zhing mi za ba dang/ smra zhing dang/ kham che ba dang/ chung ba dang 'gram pa g.yas g.yon spo ba dang/ rgan smras dang rings pas dang/ 'phro gcod pa dang/ ma 'grangs par dang/ ya nga ba'i sar za ba spang ba'o/ /nyes pa chen po 'byung bas spang ba la lnga/ dkon mchog la bsngos pa za ba dang/ mkhan po slob dpon la dad pas/ bsngos pa za ba dang/ pha dang ma la bsngos pa za ba dang/ gtor ma dang byin gyis rlob par za ba dang/ rgyal po dang grong dpon la bsngos pa za ba spong ba'o/ /nyal ba'i tshe'i lus la yang/
- 141a
gnyis te/ /nyes pa la dgu ste/ gal rgyal du mi nyal/ kha bub dang/ gos med pa dang/ dbang po lag pas bzung ba dang/ nub tu mgo bstan pa dang/ 'jig rten pa'i grong dang/ 'jig rten pa'i mi mang po'i nang dang/ nang 'phel ba'i sa dang/ grogs med par mi nyal ba'o/ /nyes pa chen po 'byung bas mi nyal ba la gsum ste/ gong gi lha khang la sogs pa'i rten du 'os pa'i steng dang/ rkang pa bstan pa dang/ rgyab bstan pas mi nyal ba'o// na'am sa ye ma rnyed dam/ srog gi bar chad du 'gyur ram dbang med na/ mdo bzang pa 'phel ba nas/ dang po sa'i chos rnams ni/ /bar chad med par shes byas la/ /gso skyong bya zhing bslab pa bsrung/ /rim gyis rim gyis goms te bla/ zhes pa dang/ gso skyong bya zhing skabs dang sbyar ro/ /bye brag kho na dbang du byas nas 'dod pa dang/ dus gnyis su bsdus te 'dod pa sangs rgyas dang/ sdom pas rgan pa la phyag byed pa dang/ lus ngag gi dge ba rang gi don du 'dod pa gnyis so/ /dus la gsum ste/ dus 'di ji srid 'tsho'i bar dang/ lam skye ba bdun dang/ 'bras bu bskal pa gcig nas chos ston pa'i dus so/ /'dir chos kyi dbyings la dbyer med phyir/ /theg pa gsum du dbyer med kyang/ /gtso bos theg pa gsum bstan pa/ /nga'i thabs la mkhas pa'o zhes pas theg pa gsum la gnas par bya zhing/ /sdom pa gsum dang ldan par byas pas yon tan dang dge ba 'phel ba'i phyir spyod lam bzhis spyad par bya ba yang spong ba la sogs pa thun bzhir bsgrub ste/ snga dro'i thun la gsum ste/ ldang pa dang/ khrus dang/ chos sbyang ba'o/ /ldang ba la sbyor ba dang/ dngos dang/ 'jug gsum ste/ sbyor ba yid dag lus gsum ste/ yid sngon yang
- 141b
le lo dang gnyid kho na la brten nas 'di 'dra'o zhes bsams te nam smad ldang ngo/ /gang gis na na mo bud+d+hA ya/ na mo many+dzu sh+rI/ na mo badzra pA Ni/ na mo lo ke shwa rA ya/ na ma tA ra/ zhes rang gi yi dam gyi lha bskul lo/ /lus dal nas tsog tsog tu ldang ngo/ /dngos lus legs par langs la stong gos dang smad gos bgo ba dang/ ngag snying po sgra dang bcas pas sprul dang sems can bskrad pa dang/ yid dge ba bya ba'i phyir chos dran pa'o/ /mjug le lo dang the tshom med pa'o// khrus la yang sbyor ba dngos mjug gsum ste/ sbyor ba bshad pa che chung dang/ snabs lung sems can la gnod pa dang/ sa min sar min 'dor zhing legs par byas pa dang/ chu srog cha dang dri ma med pas snod bkang ba dang/ bkrus yang mi gnod pa dang/ sa ma yin par bkru ba dang/ chu byin gyis brlab pa chu snod de'i chu la a dkar po bsams la/ a'i 'od kyis 'phags pa spyan ras gzigs spyan drangs te/ mdun na gsal ba'i 'od kyis phyogs bcu'i sangs rgyas thams cad spyan drangs te/ spyan ras gzigs lta bur gyur pas nam mkha' khengs pa phyag mtshan kun de'i mthus sngar gyi chus bkag nas 'o ma ltar bdud rtsi'i chur gyur par bsams te bkru'o/ /bkru ba dngos ni oM ma Ni padme swA b+hA ba hUM/ zhes brjod cing kha dang lag pa dang/ gdong bkru'o/ /yid kyis sgrib pa gnyis sangs rgyas kyi mthu dang/ byin gyis brlabs pa'i chu dang/ sngags kyi nus pas dag par bsam mo/ /mjug mdun gyi sangs rgyas rnams gzhan don la slar gshegs par bsam mo/ / rang nyes pa dang sgrib pa dag pas/ dag ba byas par gnas par bas zhing don che bar bsam mo/ /chos spyad pa la bsam gtan dang/ kha ton dang/ chu byin dang 'byung po la gtor ma gtang ba dang/ maN+Dal bya ba dang lnga'o/ /bsam gtan la
- 142a
yang gsum ste/ sbyor ba lus tsog tsog gam skyil krung du bsdad/ ngag oM A(rgyud 'grel): hUM zhes brjod/ yid oM gyi 'od kha dog lngas/ dngos po sangs rgyas kyi sku'i ngo bor byas/ A(rgyud 'grel): 'i 'od dkar pos sku'i ngo bo de sangs rgyas kyi gsung dang ldan par byas/ hUm gi 'od nag po des sku gsung gi ngo bo de thugs dang ldan par byas te/ thams cad mnyam por bsgrubs pas gnas dang bdag dang ting nge 'dzin dag ste bsrung bar yang de 'gyur ro/ /de nas bsam gtan dngos rtogs pa dang man ngag dang yid mos pa la thun dang nus tshang du gnas par bya'o/ /kha don la lnga ste/ bar chad zhi bar bya ba'i phyir gtsug tor dang/ rdo rje rnam par 'joms pa gdon/ /sgrib pa gsal zhing dge ba sdu'i phyir ltung bshags gdon/ dge ba rgyas par bya ba'i phyir byams pa dang spyan ras gzigs dang bzang spyod kyi smon lam gdon/ dge ba mi nyams par bya ba'i phyir shes rab snying po gdon/ bstan pa rgyas par bya ba'i phyir 'jam dpal gyi mtshan brjod dang/ mgon po nag po'i mdo gdon no/ /de yang gtsug tor rgyal pa'i mdo las/ bgegs rnams gtsug gtor rdo rjes 'joms/ /kun tu dge ba zhus pa yis/ /sgrib sel bsod nams sdud pa dang/ /byams pa smon dang bzang por spyod/ /dge ba rgyas phyir nga yis bskal/ shes rab pha rol phyin de dag /de rnams kun gyi snying por brjod/ /bstan pa rgyas byed 'jam dpal dang/ da la khas blangs mgon nag po/ /zhes so/ /de la yang sbyor ba lha rnams mdun du gsal ba dang/ dag pa dang gsal ba dang bar ma chod par gdon pa dngos dang/ yon tan la the tshom mi za ba dngos po/ /rgyas par bshad pa'i sbyor ba dngos mjug kyang shes par bya'o/ /chu sbyin ni rten snod du gzhag pa 'am/ med na yang rang yi dam gyi lha gang yin pa der bsgoms la/ oM A:
- 142b
hUM brjod pas hUM gi 'od des snod kun stong par bsam/ /stong pa las paM las pad+ma ser po 'dab ma brgyad pa/ de'i lte ba la a las zla ba rgyas pa 'od dang bcas pa/ de'i steng du dzaM ser 'od dang bcas pa/ dzam de gyur pa las nor sbyin ser po pad+ma dang zla ba'i steng du g.yas brkyang ba'i 'og na yid bzhin gyi nor bu mnan pa/ g.yon bskum pa'i pus mo'i 'og na rin po che sna tshogs kyi bum pa mnan pa/ mdog ser po gser bsregs pa dang 'dra ba/ ral pa gyen du brdzes nas rin po che'i zer phrog can zhal rnam par snang mdzad ltar mdangs dang ldan pa/ snyan cha mgul rgyan/ dbu rgyan phyag gdub/ zhabs gdub rin po che sna tshogs kyis byas pa gcig bsgoms la/ de'i thugs ka na padmo'i steng zla ba/ de'i steng na dzam ser po yod pa des rang bzhin gyi nor lha de nyid 'dra ba spyan drangs te dngos sam yid kyis mchod sbyin phul la bdag gzhan gyi 'dod pa skongs shig ces brjod de/ de la bcug la gnyis med du gyur pa'i thugs ka'i zla ba'i dzam gyis phyogs bcu'i sangs rgyas dang byang chub sems dpa' spyan drangs te mchod par nams kyis mchod nas dbang mnos rnam par snang mdzad kyi rgyan dang ldan pa'o/ /sbyor ba des nor sbyin bskyed nas chu snod chu dang bcas pa la sngon du bstan pa'i khrus kyi ltar byin gyis brlabs la sbyor ba de dang ldan pas sbyin pa dngos g.yas pa'i sor mo las bdud rtsi'i rgyun gyis sbyin pa/ oM dzaM b+ha la dza lenda ye swAhA zhes brgya rtsa brgyad sbyin no/ /mjug bdag gi 'dod pa bskongs par gyis shig/ ces brjod la chu de gtsang sar bskyal lo/ /de yang sangs rgyas bya rgod phung po'i ri la bzhugs pa la/ lhas byin gyis brag 'phangs pa la phyag na rdo rjes rdo rje 'phangs pas brag phyed mar chad pa las/ phyed kyis bcom ldan 'das kyi mthe bod la bzhar phyed kyis nor sbyin
- 143a
gyi mgo bkas pas sangs rgyas kyis 'khor thams cad breng pa la/ sangs rgyas kyi zhal nas 'u cag gnyis la kho'i de tsam gyi lan chags pas mi dga' ba ma byed cig/ khyod la ngas phan gdags so zhes brjod nas gong ltar bkrus pas sos te/ 'gro ba la phyin chad nor sbyin par byang chub tu sems bskyed nas phyi rab kyi gang zag chos la mos pa dang ldan pa rnams kyis chu sbyin zhing/ nor sbyin gyis nor sbyin par sangs rgyas kyi spyan sngar dam bcas pa'o/ /'byung po la gtor ma sbyin pa la gtor snod gtsang mar zan dang chu gtsang mas bkang ba mdun du stegs pa gzhag ste/ rang yi dam gyi lhar gsal bas oM A(rgyud 'grel): hUM brjod pas hUM gi 'od sngon pos stong bar byas/ A:I 'od dkar pos snod bcud du bcas pa rgya che zhing zab pa'i bdud rtsir gyur te/ oM gyi 'od lngas ye shes kyi bdud rtsir bsam pa dang/ 'byung po dang yi dags bza' btung gis phongs pa thams cad bkug ste bdud rtsi la zad pa med cing ro dang ldan pa la yi dags dga' nas longs spyod par bsam pa'o/ /gtang ba dngos la lag pa g.yas pa'i sor mo lnga las kyang bdud rtsi dkar me re re 'bab par bsams la/ na ma(rgyud 'grel): san bud+d+hA nAM/ sarba ta thA ga tA a ba lo ki te oM saM b+ha ra saM b+ha ra hUM phaT swAhA zhes lan gsum brjod cing/ g.yas pas se gol lan gsum brdabs la sbyin no/ /mjug gtsang sar bskyal ba dang/ /der tshogs pa'i 'byung po rnams 'grangs ngoms te chos la dang par bsam mo/ /de yang sangs rgyas rgyal byed kyi tshal na bzhugs pa la ma ga d+har khyim bdag phyug po dge zhes bya bas sangs rgyas 'khor bcas spyan drangs nas chos ston drangs te slar gshegs so/ /phyi de lo dus na khyim bdag de ltogs par gyur te/ sangs
- 143b
rgyas kyi spyan sngar phyin te dris pa la/ sangs rgyas kyi zha la nas 'phags pa spyan ras gzigs la zhus zhes bstan nas khyim bdag gis 'phags pa spyan ras gzigs la zhus pas/ khyod kyis snga ma mchod pa'i yi dags dang 'byung po skal pa bcad pas nyes te/ da 'di gzhin du yi dags sgo drung na yod pa dang/ gzhan dag la yang gtor ma 'di ltar byin zhes gong gi de bstan pas de slar mngon bzhin 'byor pa dang ldan par gyur to/ /phyi rabs kyi gang zag chos la dad pa rnams kyang 'byung po'i gtor ma la brtson pas yi dags la phan pa dang/ bdag gi 'byor pa mi nyams pa'o/ /maN+Dal la yang gsum ste/ yid du 'ong ba'i sa la khru gang las mi chung ba'i gru bzhi la sogs pa byas te/ sbyor ba chu gtsang ma dang me tog dang dris byug pa dang/ oM A(rgyud 'grel): badzra b+hU mi hUM/ zhes brjod la byug pas/ rdo rje'i sa gzhir bsam pa dang/ oM A(rgyud 'grel): badzra re ke hUM zhes brjod la/ re ka bskor bas rgya che ba'i gzhal yas su bsam pa dang/ oM A(rgyud 'grel): badzra maN+Dal hUM zhes brjod la snyoms par byug pas rdo rje'i dkyil 'khor du byug par bsam pa dang/ oM A(rgyud 'grel): badzra re ke hUM zhes brjod de bsrung ba gzhag pas rdo rje'i srung ba bgegs bskrad par bsam pa dang/ lag pa bkru ba'o/ /dbul ba dngos po maN+Dal la dbul ba dang/ maN+Dal dbul pa gnyis so/ /maN+Dal la dbul ba ni me tog tshom bu dgu dbus dang shar gyi rim pas phyogs dang mtshams su bkod la/ skad cig gam rim gyis mtsho las pad+ma 'dab ma stong dang ldan pa lto ba na zla ba'i gdan la lha so so'i dam tshig pa sa bon nam mngon byang lngas/ /sgrub thabs ltar bskyed la/ de'i 'od kyis ye shes sems dpa' bkug cing bstim la bsgom ste/ oM A(rgyud 'grel): badzra puShpe A(rgyud 'grel): hUM phaT swAhA/ oM badzra d+hu pe A(rgyud 'grel): hUM phaT swAhA
- 144a
oM badzra dI be A(rgyud 'grel): hUM phaT swAhA/ oM badzra gand+he A(rgyud 'grel): hUM phaT swAhA/ oM badzra nai bi dyA A(rgyud 'grel): hUM phaT swAhA/ oM badzra gand+ha le swAhA/ zhes brjod la gzugs la sogs pa dngos sam yid kyis mchod pa dang/ phyag 'tshal ba dang sdig pa bshags pa dang/ 'jig rten gyi dge gal yi rang ba dang/ /de'i dge ba bsngo ba dang/ gsum la skyabs su 'gro ba dang/ lus dbul ba dang/ sems bskyed pa dang/ bskul ba dang/ gsol ba gdab ba dang/ bdag gi dge ba'i las rnams 'di dag gis/ /'jig rten du ni myur du sangs rgyas shog/ 'gro la phan phyir chos rnams ston bgyid cing/ /sems can sdug bsngal mang pos gzir ba sgrol zhes smon lam gdab pa ni 'jug go/ maN+Dal dbul ba la yang gnyis te/ dkon mchog spyi dang/ bla ma da dbul ba'o/ spyi la dbul ba ni ji ltar mdzes par bya ste dngos sam yid kyis dngos po gzugs la sogs pa lus dang bcas pa dbul ba dang/ mjug bdun rnam par dag pa dang/ smon lam gong ltar gdab po/ /bla ma la dbul ba ni/ oM haM mahA mer be nA ma/ zhes brjod pas maN+Dal gyi dkyil du gzhag la ri rab tu bsam/ oM yam yurba bi da ha ya na ma/ zhes pas shar gyi gling bu bsam/ /oM raM dzaM bu dwI pa ya na ma(rgyud 'grel): zhes brjod pas lho'i gling chags par bsam/ oM laM a pa ra go dA nI ya na(rgyud 'grel): zhes brjod pas nub kyi gling du chags par bsam/ oM baM yut+ta ra ku ra be na ma(rgyud 'grel): zhes brjod pas byang gi gling du chags pa'o/ /oM a(rgyud 'grel): u pa dI pa ya na ma(rgyud 'grel): zhes pas shar lho ba gzhag /oM ra(rgyud 'grel): u pa dwI pa ya na ma(rgyud 'grel): zhes pas lho nub du gzhag /oM la(rgyud 'grel): u pa dwI pa ya na ma(rgyud 'grel): zhes pas nub byang du gzhag/ oM ba(rgyud 'grel): u pa dwI pa ya na ma(rgyud 'grel): zhes pas byang shar du gzhag /oM a(rgyud 'grel): a shwA ratna ya na ma(rgyud 'grel): zhes pas shar gyi
- 144b
gling du rta rin po ches gang bar bsam/ oM ra ma Ni ratna ya na ma:/ zhes pas lhor nor bu rin po ches gang bar bsam/ oM la(rgyud 'grel): hasti ratna ya na ma/ /zhes brjod pas byang glang po ches gang bar bsam/ oM ba(rgyud 'grel): pu ru Sha ratna ya na ma: zhes pas nub tu blon pos gang bar bsam/ oM ya(rgyud 'grel): khadSha ratna ya na ma(rgyud 'grel): zhes pas shar lhor dmag dpon gyis gang bar bsam/ oM ra(rgyud 'grel): sta ratna ya na ma(rgyud 'grel): zhes pas lho nub tu btsun mos gang bar bsam/ oM la tsa kra ratna ya na ma: zhes brjod pas nub byang du 'khor los gang bas ma/ oM ba sarba ni d+hi b+hyo na ma(rgyud 'grel): zhes pas byang shar du gzhag pas rin po che sna tshogs kyis gang bar bsam/ oM haM a d+hi me ra pa na ma(rgyud 'grel): gu rub+haM DDa ra ka ya i daM maN+Da lam ni/ zhes brjod pas dbus su bskyar nas gzhag nas steng gi ri rib kyi khar pad+ma'i gdan la bla ma spyan drangs te mchod pa gzhan dang bcas pas dbul/ mjug gang 'dod smon lam gdab pa dang/ maN+Dal bsdus pa'i me tog gtsang sar bskyal lo/ /dus kyi 'khor lo nas bstan pa'o/ /bla ma la dbul ba mu stegs dang thun mong ngo/ /mjug yon tan dran par bya ba ni/ dkyil 'khor chen po'i mdo nas/ lci ba chu bcas sbyin pa ste/ snyoms par byugs pa tshul khrims so/ /srog chags bsal ba bzod pa yin/ /maN+Dal nyid la brtson pa dang/ /rtse gcig sems dpa' bsam gtan dang/ /phyogs mtshams 'byed pa shes rab drug /sangs rgyas sogs la 'di dbul ba/ /pha rol phyin drug thob par 'gyur/ /nang kun las grol gser mdog 'gyur/ /lha dang mis mchod zla ba bzhin 'bad mngangs/ /nor dang gser dang dbang phyug rgyal por skye/ sangs rgyas gyur nas yongs su zhing khams dang/ ces brjod pa'i yon tan dran par bya'o/ /nyin gung gi thun gyi chos spyod la lnga ste glegs
- 145a
bam kla ga pa dang/ bskor ba bya ba dang/ zan bza' ba dang/ tsha tsha gdab pa dang/ ngal bso ba'o/ /glegs bam klag pa gsum ste/ maN+Dal mdzes pa bya ba dang/ mchod pa bsham pa dang/ kha lag bkru ba'o/ /klag pa dngos la ltung ba thams cad sel bas phung po gsum pa klag /shes rab 'phel bas brgyad stong pa dang/ sdud pa klags pa'o/ /mjug klags pa'i don dang/ yon tan dran par bya ba'o/ /gong ltar bdag gi dge ba'i las kyang bsngo ba yang bya'o/ /bskor ba byed pa la yang gsum ste/ sbyor ba rten gyi rtsar phyin la shar nas phyag gsum bya/ rang yi dam gyi lhar mos pa byas nas/ oM A(rgyud 'grel): hUM brjod la/ hUM gis rten stong par sbyangs te/ a(rgyud 'grel): 'i 'od kyis rang gi yi dam lha yi gdan pad+ma dang/ nyi zla'i gang yin pa'i khar sa bon gsal ba las sku mdog rgyan bzhugs tshul gsal bar bskyed la/ de nyid kyi thugs ska'i sa bon gyi 'od kyis ye shes sems dpa' dkug gzhug bya/ de'i snying po brjod cing snying po'i 'od kyis sangs rgyas dang byang chub sems dpa' thams cad la rten de la 'dus nas yod pa la/ bskor ba dngos ma yengs par snying po de zlos shing bskor te/ dngul gyu na gzhag la mjug 'phro gcod kar spyan drangs pa rnams 'gro don la gshegs su gsol/ /bskyed pa de rang la bsdus te mchod rten nam/ tsha tsha 'am/ glogs pa ma yin na de nyid du gyur nas bzhag go /bza' ba la gsum ste/ sbyor ba la lnga/ gang dang gang gis gang 'tsho pa/ /'tsho ba dag pa de btsal la/ /bkres dang skom sogs zhi bya'i phyir/ /sman bzhin du ni bsam bar bya/ /zhes pas ci tsam dgos pa g.yo sgyus ma btsal zhing/ lus gso bar byed pa'i phyir dgos pa dang/ de la gtor ma btang ba ni snod gtsang mar zan dang/ tshed ma dang pags pa ci yod las bcad de chus bkang
- 145b
la mdun drang bor stegs la gzhag la rang yi dam gyi lhar gsal bas oM A(rgyud 'grel): hUM brjod cing hUM gis stong par bya/ A'i 'od kyis bdud rtsir 'gyur/ oM gyi 'od kyis ye shes kyi bdud rtsir gyur nas 'gron bkug ste/ oM a kA ro mu khaM sarba d+harmA Na ma Adya nud pan na twat+ta aM A(rgyud 'grel): hUM phaT swAhA/ zhes lan gsum brjod la btang/ smon lam gdab pa dang/ oM sarba bud+d+ha bo d+hi sa twe b+hyo badzra nai bi dyA hUM/ zhes brjod la lha bshos dbul/ oM ha ri te pany+tsa ga ta pu tra mahA yak+Sha ni ha ra ha ra sarba pA paM sarba a si ni a ti grihA grida swAhA/ zhes brjod la/ 'phrog ma la chang bu sbyin pa dang/ oM a gra biN+Da a si b+hya swAhA/ zhes brjod la phud kyi chang bu sbyin no/ /bza' ba dngos/ oM A(rgyud 'grel): hUM brjod pas dug thams cad dang bral te bdud rtsir bsam /g.yas pa'i srin lag gis reg pas dug thams cad zhi bar bsam/ de nas ci rigs par bza' o/ /oM u tsiSh+Ta paN+Di a si b+hya swAhA/ zhes pas lhag ma bcad la sbyin no/ /gzhan lhag ma med par bcad do/ /mjug la gnyis te/ yon tan zla ba grags pa'i mdo nas/ gtor ma btang zhing bshos gtsang phul/ /'phrog ma phud kyi chang bu dang/ /lnga pa lhag ma'i chang bu yis/ /'bras bu longs spyod chen por 'gyur/ /zhes bstan pa dang/ bdag la lan chags mi 'ong bar bya ba'i phyir kha bshal te/ gang gis sbyin dang gad la sbyin/ /sbyin pa ji ltar mi dmigs pa/ /sbyin pa dus gsum mnyam pa yis/ sbyin bdag de la yongs rdzogs shog/ ces smon lam gdag go /de yang sangs rgyas la sgyu ma ?? pos chos ston drangs la sangs rgyas skyengs par bya bar 'dod pa la/ sangs rgyas kyis byin gyis brlabs te/ /dngos su 'khor gsum sbyin bdag zas len pa po gsum sgyu ma dang 'dra ste/ sgyu ma'i nus pa yod pas
- 146a
smon pa'o/ /tsha tsha la yang gsum ste/ sbyor ba ni dang po sa dang/ chu dang /me tog dang/ dri dag sbyar la/ ji tsam 'debs pa'i 'dag la dris btab la/ mdun du khri la gzhag ste/ rang yi dam gyi lhar mos pas oM A(rgyud 'grel): hUM brjod pas stong par gyur/ de las bruM bruM ser po/ de las 'khor lor gyur/ 'khor lo'i lte bal a las zla ba/ zla ba'i steng na oM yod pa de'i 'od kyi bar snang khyab ste/ sangs rgyas thams cad kyi thugs dam bskul/ sems can gyi sgrib pa sbyangs te slar 'dus nas oM shin tu gsal ba las rnam par snang mdzad byang chub mchog gi phyag rgya can/ 'khor lo dang zla ba'i gdan la skyil krung gis bzhugs la/ rin po che'i rgyan gyis brgyan pa bskyed de gsal ba dang/ de'i thugs ka'i pad+ma dang zla ba'i steng nas oM las 'od 'phro pas phyogs bcu dus gsum gyi sangs rgyas thams cad bkug ste mdun gyi nam mkhar bzhugs pa la yon chab la sogs pas mchod nas bskyed pa dang/ gnyis med du zhu nas/ sangs rgyas thams cad kyi sku gsung thugs kyi ngo bo bdud rtsi'i ngo bo dkar ba 'od dang bcas par gyur par bsam mo/ /de nas na mo b+ha ga ba te/ bai ro tsa na pra b+ha rA dzA ya/ ta thA ga tA ya /arha de samyaka si bu d+d+ha ya/ tadya thA/ oM su k+Sh+mai su k+Sh+mais mes ma ye/ shAn+te/ dAn+te/ sa mo be/ a na laM b+he/ ta raM d+he/ ya sho ba ti/ ma hA to dze/ nirku le/ nirSha ni/ sarba ta thA ga tA h+ri da ya/ ad+hiShthA na a d+hiShthI te swAhA/ zhes nyi shu rtsa gcig bzlas la gdab ste/ lag pas len tsa na 'od kyi gong bu oM dpal ldan pa blangs ta sku par du bcug la/ gong gi sngags kyis btab la rnam par snang mdzad du 'byung ngo/ /mjug oM ye d+ha rmA he tu pra b+hA ba he tun+te ShAn+ta thA ga to hya bar ta/ teShAny+tsa yo ni ro d+ha e bi thA dI mahA sh+ra ma Na ye swAhA/ zhes lan bdun brjod pas rab gnas su 'gyur ro/
- 146b
me tog la bzlas te tsha tsha la gtor bas skad cig la rnam par snang mdzad grangs med du gyur/ de'i 'od kyis phyogs bcu'i sangs rgyas thams cad bkug ste sngon bzhin dngos sam blos mchod nas tsha tshar gyur pa'o/ /gcig byas pas bye ba snyed kyi bsod nams 'thob bo/ /ngal gso ba la gsum ste/ sbyor ba lus ngal bar bsdad/ dngos chos skyod ba'i rgyal po dang/ khyim bdag dang/ mkhan po dang slob dpon gyi che ba brjod pa dang/ de dag dran par bya/ dge ba byas pa'i yon tan dran par bya/ mjug rgyu 'bras 'drel pas theg pa chen po'i mdo blta'o/ /phyi dro'i thun la gsum ste/ gong bzhin du thun glegs bam klags pa dang/ bskor ba bya ba dang/ gtsug tor la sogs pa'i mdo gdon pa'o/ / srod kyi thun la lnga ste/ gong bzhin du khrus bya ba dang/ gtor ma btang ba dang/ maN+Dal dang mchod ba dbul pa dang bsam gtan bya ba dang/ nyal ba'o/ /nyal ba la gsum ste/ sbyor ba khams dang sbyar la bsam gtan bsdu ba dang ?? phab la nyal ba dngos dang/ nang bar snga bar ldang sems kyis gnyid kyi bsam gtan la 'jug pa'o/ /bye brag pa'i lta ba la yang gnyis te/ nub phyogs bye brag tu smra ba'i nyan thos tha ma dang/ 'bring gnyis kyi lta ba chos kyi bdag pa la/ gang zag gnyis su 'dod de/ chos kyi bdag phyi'i yul dkar dmar/ snyan mi snyan zhim mi zhim/ kha mngar 'jam rtsub sna tshogs su snang ba 'di rdul phra rab 'dus pa'i ngo bo g.yag rnga dang ni gsing ltar 'dod cing/ dge sdig gi rgyu 'bras kyang yul can rdzas su 'dod la/ de yang rkyen gyis mi rtag skad cig mas rtag par snang ste/ bum ba la sogs pa dbyug pas 'jig par dngos su snang ba dang/ sdom brdzas can yul can yin pas nyams na rdza chag pa dang 'dra ba dang ji srid 'tshe ba'i bar du
- 147a
yod pa dang/ phyi mar 'phro 'dod pa dang/ sdig pa yang de bzhin du 'dod pa'o/ /gang zag gi bdag phung po gsum par 'dod de/ bdag btsal bas mgo nas rkang pa'i bar du med la/ bde sdug nyams su myong bas yod pa yang min med pa yang min par 'dod pa'o/ /bsgom pa la gsum ste/ bsgom pa'i skyon dang/ bsgom pa'i thabs dang/ bsgoms pa'i 'bras bu'o/ /skyon ni 'khor dang sdug bsngal ba'o/ /de yang bdag tu mthong pas 'gro ba bzang mo la chag sa pa nyes so/ /bsgom thabs bdag zhi bar mgo nas rkad pa'i bar bdag med par mi gtsang bas mthong/ /bsgoms pas 'bras bu sems de zhi nas dgra bcom par 'dod pa'o/ /skyon rtag pa dang chad par phyi nang 'dod pa dang/ lus gtsang ba dang nyon mongs pa la chags na'o/ /nyan thos 'bring gi bsgom pa la yang gsum ste/ ma bsgoms par rtogs pas 'khor bar sdug bsngal lo/ /de yang rlung phyir shor bas rtog pa 'byung pas bdag tu btags pas nyon mongs pa la chags pas nyes/ thabs chung 'dzin pa ste gsum/ bgrang ba rlung gcig nas bcu dang brgya dang/ stong khri 'bum gyi bar du bgrangs te/ zhe sdang la sogs pa'i nyes pa dag par 'dod/ bsdams nas re re bgrangs pas bdag phung po gsum par 'dod pa dang/ kha dog la slob? pa dang/ dkar sngo 'dra bar phyir 'byung nang du 'ong ba gnyis drag gzhan blo'i gnas bzung nas 'bras bu lhag bcas lhag med de las 'byung bar 'dod do/ /dbyibs la slob pa rdo rje rtse gcig pa dang/ gsum pa dang/ pad+ma dang/ utpa la ltar slob ste rtse gcig pa sna'i rtse mo nas sor bzhi nas/ dpag tshad tsam du phyir bsrid zhing/ sna bi? tshang tshing nas lte bar bsgyil ba'o/ /rtse gsum pa phar la sna sgo gnyis nas spros pa tshur la sna rtser bsdus te gong bzhin bsrid/ pad+ma dang/ utpa la sna rtse
- 147b
nas 'phro la phar la yul gang ba dang/ nang du bum par bkang bas lhag bcas lhag med kyi 'bras bu 'byung bar 'dod pa'o/ /skyon mi gtsang bsgom pa dang/ bum pa ltar 'gags nas sems med pa'o/ /nyan thos rab dang rang sangs rgyas/ /ba cha breg tu smra ba ste/ chos kyi bdag tha ma dang mthun no/ /gang zag gi bdag med par 'dod pa'o/ /des bsgom pa yang bden bzhi bsgom/ de yang las kyi 'byung ba'i mdo las/ sdug bsngal 'di brgyad phung po la/ phung por chags pas dug lnga yin/ zhes pas rgyu kun 'byung dug lnga spong ba dang/ 'bras bu sdug bsngal lus la gnod pas shes pas lnga la mi chags shing bdag med pa dang/ ye shes dang byams pa dang mi gtsang ba dang/ bdag med du lhag gis mthong la/ bdag med pa'i stong pa de bsgom pa'o/ /de yang gong gi lus ngag yid kyi dge ba dang bsdoms pas sngon gyi sgrib pa 'dag la bdag med pa stong pa la gzhag pas dgra bcom pa thob pa'o/ /skyon gang zag gi bdag 'dod pa spong ba'o/ /theg pa chen po'i sdom pa la gnyis te/ byang chub sems dpa' i sdom pa dang/ sngags kyi dam tshig gnyis so/ /byang chub sems dpa' i sdom pa la bzhi ste/ spyod lam dang/ lta ba dang/ bsgom pa dang/ skyon no/ /spyod lam la gnyis te rten dang/ spyod lam dngos so/ /rten la lnga ste/ mdo sde pa dang/ rnam bcas pa dang rnam med pa dang/ sgyu ma lta bu dang/ rab tu mi gnas pa'o/ /spyod lam dngos la gsum ste/ sbyor ba dang/ dngos dang/ 'jug go/ de yang spyod lam khyad par med par dus gsum du lnga car 'dod la lta ba la khyad yod de/ sbyor dngos mjug gsum mdo sde pas rten 'brel du 'dod la/ rnam bcas sems kyi rnam par 'dod/ /rnam med dpas bzang rtog tu 'dod la/ sgyu ma lta bus sgyu ma lta bur 'dod /rab tu mi gnas pas kun rdzob yin gyi don dam ma yin te/ rmi lam lta bu mi bden par snang par
- 148a
'dod de/ don dam la khas len med pa'o/ /gzhan don dam du 'dod pa'o/ /spyod lam dngos kyi sbyor ba la dgu ste/ mchod pa dang/ bstod pa dang/ phyag 'tshal ba dang/ skyabs su 'gro ba dang/ sdig pa bshags pa dang/ yi rang ba dang/ bskul ba dang/ gsol ba gdab pa dang/ bsngo ba'o/ /de yang mchod dang bstod dang phyag 'tshal dang/ /skyabs dang sdig bshags yi rang dang/ /bskul dang gsol ba gdab pa dang/ /bsngo dang dgu po sbyor bar bstan/ /zhes dri ma med pa'i mdo nas bstan to/ /mchod ba la gsum ste gnas dang/ rten dang/ mchod pa dngos so/ /gnas rang byung dang/ byin gyis brlabs ba lha khang la sogs pa nyams dga' bar/ rten byang chub chen po dang/ byang chub sems dpa' dang mkhan po la mchod par bya ba'o/ /mchod pa dngos la gnyis te/ mchod par bya ba dang/ mchod par byed pa'o/ /mchod par bya ba la rten phyogs bcu'i sangs rgyas dang byang chub sems dpa' mchod pa'o// mchod byed bdag /dgos pa de rnams mnyes pa/ de la dgos pa mchod pa yin/ de'i dgos pa bdag gzhan don grub pa'o/ /mchod pa dang yon 'byor na dngos/ ma 'byor na bskal bzang ltar me tog spar gang la brten te slob dpon dang/ yid kyis gzhan na yod pa'i dngos po lus sems su bcas pa dbul te/ mchod pa rnam pa bdun gyis mchod de/ chu gtsang gis sku bsil zhing ras bzangs kyis sku byi dor bya ba dang/ me tog manda ra ba la sogs pa'i phreng ba dang/ sil snyan gyis mchod ba dang/ tsan dan dang/ /a ka ru dang/ ga bur dang/ gla rtsi dang/ rgya spos la sogs pa'i dud pas mchod pa dang/ rin po che 'bar ba dang/ mar me'i phreng ba gcig gam/ bcu 'am brgya stong dbul pa dang/ tsan dan la sogs
- 148b
pa'i dri'i byug pa bya ba dang/ 'bras chan dang/ sran chan dang/ gro chan dang/ nas chan dang/ zho dang mar dang sha skaM dang nya skaM dang/ nya btsos pa dang/ na ri ko la dang/ ya 'bra dang/ bil ba dang/ nyo ti la sogs pa'i 'bras bu dang/ gro ma dang/ nyung ma dang/ la phug dang/ bel sha la sogs pa'i rtsa ba dang/ /khur ba dang la du la sogs pas mchod pa dang/ dung la sogs pa sil snyan dang dbyangs kyi rim pas mchod pa'o/ yon la rin po che sna bdun dang/ bkra shis kyi rdza sa brgyad dang/ chu mig dang/ nags tshal dang/ skyeng mos tshal dang/ spang ljong sa dang/ mtsho dang/ steng ka la sogs pa/ gzugs sgra'i bye brag ji snyed pa blo dang dngos su 'byor pa dbul lo/ 'brel pa nam mkha' i snying po'i mdo nas/ sems gnyis bskyed nas sangs rgyas mchod/ /mchod pa yon dang bcas pa yis/ /rgyal dang de yi sras mnyes nas/ /'gro ba'i don la reg bar 'gyur zhes bya'o/ /bstod pa yang rten gong ltar bstong byed dang/ dgos pa mnyes pa dang/ de la dgos pa phyogs dus kun gyi sangs rgyas sras/ /gang dag 'jig rten khams bzhugs pa'i/ /'gro ba 'dren par gang bzhugs pa/ /sku'i mtshan ldan rnams la bstong/ /tshangs pa'i gsung can rnams la bstod/ /byams pa'i thugs ldan rnams la bstod ces theg ba chen po'i mdo nas sangs rgyas dang/ byang chub sems dpa' bstod pa nyid kyis stod do/ /'brel pas kun nas brjod pas so/ /phyag 'tshal ba la yang gong ltar drug gis theg pa chen po nas phyag 'tshal ba gsum maM/ /bdun nas stong dang khri'i bar du 'tshal ba'o/ /skyabs dngos dang dbye ba gnyis las/ dngos la gsum/ skyabs la sngon gyi sbyor ba rnams shes nas/ slob dpon dgongs su gsol/ bdag ming 'di zhes bgyi ba !dus 'di nas bzung nas snying po byang chub
- 149a
la mchis kyi bar du/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das rnams la skyabs su 'chi'o/ /zhi ba 'dod chags dang bral ba theg pa chen po'i chos la skyabs su mchi'o/ / kun la skyob par mdzad pa'i 'phags pa phyir mi ldog pa'i byang chub sems dpa' i dge 'dun rnams la skyabs su mchi'o/ /zhes lan gsum brjod do/ /dbye ba la brgyad/ dpang po dang/ /rten skyabs su mchi ba nyan thos ltar/ bdun la gzhan 'dra ste/ yid theg ba chen po'i chos dang/ gzhan dag la dad pa'o/ /sbyor ba lus ngag yid gong ltar dang/ gzhan/ skyabs/ sems rten dang/ sangs rgyas sprul skur shes pa/ chos shes rab kyi pha rol tu phyin pa dang/ dge 'dun 'jam dpal la sogs par shes par bya'o/ /mchod pa'i gong gi'o/ /dus mdza' thug pa med pa 'am/ byang chub par du'o/ yon tan 'khor ba las thar pa dang/ gzhan don nus pa'o/ spyod pa la 'jug pa nas/ khyod kyi thugs rjes rjes su bzung bas na/ srid la mi 'jigs sems can phan pa bgyi/ zhes pas so/ /mi nyams pa bya ba la gong ma'i 'jig rten gyi spangs pa'i steng du gzhan don bya ba dang/ srog gcod pa spangs nas gzhan la mi 'tshe ba dang/ mu stegs dang/ nyan thos dang/ rang sangs rgyas dang mi 'grogs pa'o/ /sdig pa bshags brten dang/ mkhan po'i spyan sngar/ bdag ming 'di zhes bya ba yis/ /thog med dus nas 'khor bar 'khor/ /shin tu ma rig sdig pa'i las/ /sna tshogs bgyis dang bgyid du stsal/ /rjes su yi rang bgyis pa bshags zhes pa dang/ mdo gzhan nas bstan pa ltar bshags so/ /yi rang pa'i rim pa mdo gzhan ltar yang bya/ /'jig rten 'di dang gzhan dag na/ /skye bo rnams kyis dge spyad dang/ de yi
- 149b
stobs kyis bder 'gyur la'ang/ bdag ni shin tu yi rang ngo/ /nyan thos rang rgyal bde ba dang/ /byang chub sems dpa' i spyod pa la'ang/ /nges par de ring yi rang ngo/ /sangs rgyas mdzad pa gang byung dang/ sems can bde la yi rang ngo/ /bskul ba/ sangs rgyas rnams dang byang chub sems/ /de dag tshogs la bdag bskul na/ /sems can rang dgar mi gtang bar/ /chos kyis rgyud 'byongs 'khor lo bskor/ gsol ba gdab pa/ phyogs bcu sangs rgyas thams cad dang/ byang chub sems dpa' 'don mdzad la/ /sems can bde la ma bkod par/ /mya ngan mi 'da' bzhugs bar gsol/ /de rnams kyi dge ba bsngo ba/ bdag gis de ltar dge spyad pas/ nam mkha' khyab pa'i sems can rnams/ /dge ba 'di yi byin brlabs kyis/ /pha rol phyin drug mthar phyin nas/ /thams cad byang chub chen por shog /gal te byang chub ma thob par/ /theg chen chos la spyod pa dang/ /'gro don mi 'dor 'khor ba las/ /'gro rnams myur du sgrol bar shog /mdo gzhan ltar yang gdab po/ /dngos la gnyis te/ smon pa dang/ 'jug pa'o/ /smon pa ni slob dpon dgongs su gsol/ bdag ming 'di zhes bgyi ba dus 'di nas bzung nas snying po byang chub la mi chos kyi bar du/ sngon gyi sangs rgyas bcom ldan 'das rnams dang byang chub sems dpa' rnams kyi bslab pa la rjes su slob po/ /rjes su sgrub po/ rjes su bgyid do/ /sngon gyi sangs rgyas dang byang chub sems dpa' 'gro ba rnams la ji ltar phan pa de ltar bdag kyang phan par bgyi'o? zhes lan gsum brjod do/ /dngos 'jug pa ni/ slob dpon dgongs su gsol/ de bzhin gshegs pa dgra bcom pa yang dag par rdzogs pa'i sangs rgyas dang/ byang chub sems dpa' thams cad kyi sbyin pa las byung ba'i dge ba dang /
- 150a
tshul khrims las byung ba'i dge ba dang/ bzod pa las byung ba'i dge ba dang? brtson 'grus las byung ba'i dge ba dang/ bsam gtan las byung ba'i dge ba dang/ shes rab las byung ba'i dge ba'i rtsa ba ji snyed cig yod pa de snyed kyis sems can ma grol ba thams cad grol bar mdzad pa dang/ ma bsgral ba thams cad bsgral bar mdzad pa dang/ dbugs ma phyin pa thams cad dbugs phyin par mdzad pa dang/ mya ngan las ma 'das pa thams cad mya ngan las 'das par mdzad pa de bzhin du/ bdag ming 'di zhes bgyi bas kyang dus 'di nas bzung nas/ nam snying po byang chub la mchis kyi bar du bdag gis sbyin pa las byung ba'i dge ba'i rtsa ba dang/ tshul khrims las byung ba'i dge ba dang/ bzod pa las byung ba'i dge ba dang/ brtson 'grus las byung ba'i dge ba dang/ bsam gtan las byung ba'i dge ba dang/ shes rab las byung ba'i dge ba ji snyed bgyid ba de snyed kyis sems can ma grol ba thams cad dgrol bar bgyi'o/ /ma rgal ba thams cad bsgral bar bgyi'o/ /dbugs ma phyin pa thams cad dbugs dbyung bar bgyi'o/ /mya ngan las ma 'das pa thams cad mya ngan las bzla bar bgyi'o zhes lan gsum brjod par bya'o/ slob dpon dgongs su gsol/ gal te sdom pa las nyams na slar gso bas gnang du gsol zhes lan gsum brjod do/ /mjug gi don shes par bya ba la gsum ste/ dgos pa shes par bya ba dang/ thob par shes pa dang/ mjug mi nyams pa'o/ /dgos pa shes pa la gnyis te/ sbyor ba dang rten no/ /sbyor ba la mchod pa la sogs pa dgu las skye bas dgu dgos par shes pa dang/ rten gzhan dang bdag nyid las/ gzhan la rten dang dbang po gnyis/ dbang po sdom pa la gnas pa mkhas pa'i slob
- 150b
dpon las skye bar shes pa dang/ yi dam dang dpang po las skye ba'o/ /rten byang chub chen po la sogs pa'i mchog gsum las skye'o/ /bdag las skye ba gong gi nyan thos kyi ltar khyad par du 'phags pa drug dang/ phan sems yod pa nus pa dang ldan pa las skye bar shes par bya'o/ /thob par shes pa la bcu ste/ rten dang/ dpang po dang/ sems can dang/ sdug bsngal ba dang/ sbyor ba dang/ blangs pa dngos dang/ sems can byang chub la dgod pa'i bsam pa dang/ mi ldog pa'i bsam pa dang/ blangs pa'i dus de nyid nas yid ches pas thob pa'o/ /mi nyams par bya ba la gsum ste/ shes par bya ba dang/ shes pas spang ba dang/ shes pas bsgrub pa'o/ /shes par bya ba la lnga ste/ sdom pa'i ngo bo dang/ rten gyi khyad par gyis bslab pa'i rim pa dang/ dus dang rigs dang/ sdom pa gsum ldan du shes par bya pa'o/ /ngo bo smon mjug gnyis las smon pa'i ngo bo dang/ grogs gnyis te/ de yang ngo tsha shes pa dang khrel yod pas ngo bo yang dag par blangs pa'i sems pa dge ba rgyun chags 'bras bu la dam 'cha' ba' o/ /de yang dad pa dang/ snying rje dang/ 'dod dang/ khas blang pa bzhi las dang ba'i dad pa gzhan don gyis bdag grol bar shes pa dang/ bden snyam pa dang/ /bdag la snying rje skyes pas gzhan don la mos pa'o/ /mos pa skyes nas rgyun sa bcu man chad du yin dgos pas smon pa'i dge ba'i rgyun sems can la sangs rgyas kyi bya bas smon pa sems can sangs rgyas su 'dod la/ khas len dam 'cha' ba' o grogs la bdun ste/ 'dun pas lta bu 'jug pa'i gzhi byed pa dang/ lhag pa'i bsam pa zla ba chos pa lta bu dge ba 'phel ba dang/ sbyor ba me lta bu dngos po thams cad bsreg pa dang/ bsam pa bzang po gser lta bu sems mi nyams
- 151a
ba dang/ skyob pa lta bu nyes pas mi gos pa dang/ 'brel pa rgyu 'bras lta bu thams cad mkhyen pa 'byung ba dang/ myur ba thog lta bu ma sbyor ba'o/ /'jug pa'i ngo bo de yang ngo tsha shes pa dang/ khrel yod pas yang dag par blangs pa'i sems pa dge ba rgyun chags rgyu la dam 'cha' ba' i ngo bo ste/ de yang ngo gong ltar bzhi/ yid ches pa'i dad pa sangs rgyas gzhan don las 'byung bas gzhan la snying rje skyes te sangs ma rgyas bar du 'phro mi gcod pa dang/ gzhan don byed pas gzhan don khas blangs pa dang/ bdag gzhan sangs rgyas pa'i rgyu sdom pa'i tshul khrims kyi rang bzhin dang bcas pa'i sdig spong ba so so thar pa'i bslab pa/ dge ba chos sdud pas pha rol tu phyin pa drug spyod pa / sems can don byed de gnyis sems can don du spyod la stobs gar cher de la yang 'byed pa dang phyo zhing spyod pa'o/ /de yang sangs ma rgyas bar du sangs rgyas 'dod pa'i rgyu spyod par khas len pa'o/ /grogs la bzhi ste/ sems can thams cad sngon 'drel gyi bur shes nas byams par bya ba dang/ ma chags pa ma 'dod pa la chos nor sbyin pa dang/ chos thams cad bdag med pas rang la 'dod pa med pa dang/ /sangs rgyas gzhan don las 'byung bas rgyu 'bras mi dgag pa'o/ /rten gyi khyad par gyis bslab pa'i rim pa shes par bya ba la gnyis te/ rten dang/ bslab pa'i chos so/ /rten la yang gnyis te/ 'dod pa chung pa dang che ba'o/ /che ba la yang gnyis te/ las dang bo pa dang/ mthar phyin pa dag pa'o// bslab pa'i rim pa la gnyis te/ spyod pa dang 'jug pa'o/ /smon pa la yang gnyis te/ btags pa ba ni gong gi mi dang zhes pa'i rten tsam la yang skye la/ dngos thob nas ngo bo dang ldan par bsrung ba'i las dang po'o/ /'jug pa la gnyis/
- 151b
btags pa ba las dang po ba de la yang yod de/ dngos sa dang po pa dag pa la yod pa'o/ /las dang po pa'i bslab bya la gsum ste/ gzhi lam 'bras bu ste/ gzhi la yang gsum ste/ sbyor ba sngon du song bas mos pa smon bas gsum la skyabs pa dang dbang po shes nas gnas tshol ba dang/ bsam pa'o/ /bsam pa bdag la sems pa dang/ /gzhan la sems pa'o/ /bdag la sems pa la bzhi ste/ bdag gi sdug bsngal zhi bar bya ba dang/ dgos pa lus ngag gi dge ba bya ba dang/ grogs lus ngal/ ngag dben/ yid zhi pa dang/ longs spyod kyis tshogs bsags pa'o/ /gzhan sems pa la gnyis te/ snying rje dang bzod pa'o/ /snying rje chos la dmigs pa dang/ gang zag la dmigs pa'o/ /bzod pa sdug bsngal dang du len pa dang/ sdug bsngal la ji mi snyam pa'o/ /lam pha rol tu phyin pa drug smon pas spyod pa'o/ /'bras bu skye ba la dbang ba dang/ nyon mongs pa dang/ las dang/ thabs dang/ sems can gyi don byed pa la dbang ba lnga'o/ /shin tu rnam par dag pa'i las dang po'i bslab bya la yang gsum ste/ gzhi sbyor ba sngon du song bas skyabs pa dang/ dbang po dang/ bsam pa 'jug pa'i sems kyis gong bzhin 'dod pa'o/ /bsam pa gzhan la sems pa kho na ste/ snying rje dang/ bzod pa la gnyis te/ snying rje la yang gang zag la dmigs pa dang/ chos la dmigs pa dang/ dmigs pa med pa gsum ste/ gang zag la dmigs pa ni mu stegs dang/ nyan thos dang thun mong ste/ sems can rkyen gyis sdug bsngal ba la skye pa'o/ /chos la dmigs pa ni sems tsam ste/ chos nyid ma rtogs pas len te rtogs par byed pa'o/ /dmigs pa med pa dbu ma ste/ sdug bsngal ba chos nyid ma rtogs pa la snying rje bskyed pa'i dus na rab tu mi gnas par shes
- 152a
bas gsum bsdus pa'o/ /bzod pa gzhan du sdug bsngal phra mo la sron? zhing dang du len pa'o/ /goms nas che bas mi gnod la ji mi snyam pa dang/ bzod pa de dang mi bzod pa rab tu mi gnas par brjod pa gsum ga bsgom pa'o/ /lam pha rol tu phyin pa drug gzhan don du rdzogs par byed pa'o/ /'bras bu re ba med pa dang/ sku bzhi dang gis 'byung ba'o/ /dus la 'dod pa chung ba'i mdza' med pa dang/ chen po'i rgyu bskyed pa'i dus blangs ma thog dang/ lam sgrub pa snying po byang chub thob par dang/ sangs rgyas pa'i dus bskal pa grangs med gsum pa'o/ /rigs la gnyis te/ zla ba yar ngo la sems bskyed thob ba rnams byams pa la sogs pa ltar bram ze las sangs rgyas pa dang/ mar ngo las thob pa rnams shAkya thub pa la sogs pa ltar rgyal rigs las sangs rgyas pa'o/ /gsum dang ldan par shes par bya ba la gnyis te/ ldan lugs bstan pa dang/ nges pa bskyed pa'o/ ldan lugs la nam mkha' i snying po'i mdo nas/ chos dang gang zag gcig nyid sems/ /smon dang mjug dang so sor thar/ /rig pa sbyor bas gzhan gyi don/ /nus na gong nas gong du 'gyur zhes gsungs pa bzhin te/ gong gi so sor thar pa'i bslab pa ris bdun gyi bye brag de rang gi sems yin pas 'og ma'i nyan thos ma spangs par theg pa chen po byang chub sems dpa' i sdom pa yang yin la/ de yang sems kyi snang ba phung po dang khams dang/ skye mched rgyud ltar ltar gnas pa'o/ /de yang/ sngags kyi dam tshig ni/ bdag dang dgos pa ltar gnas pa mthong bas lha dang/ lha mi gnod pas nyan thos ltar nyes pa spong ba dang/ lha ma yin pa gzhan gyis ma rtogs pas byang
- 152b
chub sems dpa' ltar phan 'dogs pa dang/ de ltar sems su 'dus pa'i don la sems can rnams shin tu 'khrul nas sems rab tu mi gnas par ma shes shing bdag tu bzung ba la dmigs pa med pa'i snying rje skyes nas so sor thar pa'i bslab pa dang/ dam tshig spyod pa dag la dmigs pa med pas smon 'jug gzhan don du byed pa dang/ de yang sngags kyis lhar snang ba thams cad sems kyi 'phrul bar snang bas nyan thos bye brag tu spyod la/ bye brag ma 'gags na nus pa so sor 'byung bas byang chub sems dpa' ltar 'dogs pa dang/ de ltar sems kyi rgyun la rten nas sku bzhi 'byung bas/ 'gro ba 'dren pa'i snang ba ltar so so thar pa'i bslab pa dang/ byang chub sems dpa' i sdom pa dang/ sngags kyi dam tshig dang gsum ldan pa'o/ /sku bzhi nus pa so so nas snang zhing chos skur 'dus 'byung ba bzhin sdom pa yar ldan du 'gyur te/ so so thar pa byang chub sems dpar 'gyur/ de sngags su 'gyur/ de so sor snang bar yang btub pa bzhin no/ /nges pa bskyed pa yang bzhi ste/ gzhi ma nyams pa dang/ rgyu ma nyams pa dang/ lam ma nyams pa dang/ 'bras bu ma nyams pa'o/ /gzhi ma nyams pa slob dpon la la dag rten dang rten par sdom pa gsum min par 'dod de mi bden te/ ka bas gdung dang 'og khang gis steng khang bteg pa ltar ma yin zer ba mi rigs te/ sdom pa yar ldan du gnas gyur pas sa bon gyi dus na sa bon ma nyams/ myu gu ma spangs/ 'bras bu'i dus na 'bras bu ma nyams la/ sa bon ma spangs te/ dam tshig gi dus na so sor thar par ma song ste/ mi gnas med kyang nyes pa med do/ nyams pa spang/ slob dpon la la mi gcig gis mi mang po gsod na mi gcig po de ma bsad na byang chub
- 153a
sems dpa' i sdom pa nyams la/ bsad na so so thar pa'i sdom pa nyams par 'gyur ba de bzhin du/ ma shin brdzun nam thabs kyi yan lag nyams zer te/ de yang mi bden te so sor thar pa'i ltung ba ni sbyor ba dang/ dngos dang/ mjug rdzogs pas 'od ste/ sbyor ba dang/ mjug med pa dang/ dngos so sor thar pa bdag 'khor ba la 'jigs pa dang/ byang chub sems dpa' sems can gyi don du dmyal ba la mi 'jigs par nyes pa len pa'o/ /de ltar srog mang bar bton pa dang/ gcig la sdig pa dgos pa dang/ bdag dmyal ba la mi 'jigs par rang yang thar ba'o/ /de bzhin du brdzun sogs yan lag dang bcas pa ma nyams pas so/ /lam ma nyams pa yang slob dpon la la dag /so sor thar pa'i bslab pa rten du dgos na/ so sor thar pa'i bslab pa gong gi rten khyad par du 'phags pa drug la skye'i/ byang chub kyi sems 'gro ba gzhan dang gling gzhan la skye zer te/ de yang mi bden te/ de ltar mu stegs ltar rkyen med pas rgyu gtso bas las brdzun te/ 'gro drug so sos bskyed la dge bas thar pa thob pa'i rgyu yin pa la/ dag gi pas ngan 'gror 'gro ba yang long dgos pa la med pa des de lta ma yin te/ sangs rgyas kyi thugs rjes sems can mir skyes la/ mi bsnyen gnas bsrungs bas nyan thos kyi rten bzang ba de goms pa las byang chub kyi sems/ de las sngags su 'gyur bas thams cad mkhyen pa'o/ /rgyu rkyen ma song bar thams cad mkhyen pa 'byung na mu stegs dang nyan thos la thams cad mkhyen pa rigs na/ chos nyid stong pa shes rab pha rol tu phyin pa rtogs pas 'thob zer na/ chos nyid yod pas 'thob na sems can la cis med/ rtogs pas chog na rtogs che dgang kho na/ rtogs tshad gang kho na tsam gyis chog /
- 153b
na da lta ga re/ tshad bstan du yod na thams cad mkhyen te brtag dpyad rigs pa bzhis ci bya/ med na rtsod pa brjod pa la don med/ thob pas mkhyen na thob rgyu brtag ste/ des na lam sngon du ma song bar 'gro ba gzhan dang/ mi gzhan dag la byang chub sems mi skye ba'o/ /'bras bu ma nyams par bya ba la slob dpon las nyin thos kyi rigs dang/ rang sangs rgyas dang/ theg pa chen po dang/ rigs nges pa dang/ ma nges pa dang/ chad pa drug yod la/ sangs rgyas kyang rim gyis dang nyan thos las ldog pa dang/ rang sangs rgyas las ldog pa dang/ so sor yod pa mtshan nyid kyis sangs rgyas pa dang/ /sngags kyis dang/ sangs rgyas so sor yod pa la/ bstan pa yun ring thung dang/ chos theg pa che chung ston la/ bram ze dang rgyal rigs so sor 'dod de/ de mi bden te/ gzhi don dam la yang sems can dang/ sangs rgyas gnyis la khyad med par/ sangs rgyas la khyad yod de/ rgyu rig pa bzang rtog tu sbyod pa la yang 'dra snyam lam sems gnyis dang phar phyin drug sbyor ba la yang 'dra mnyam/ 'bras bu 'dod pa che chung bstan pa dang/ chos rigs kyang gdul bya ste/ sku bzhi la bzang ngan med/ gal te yod na gong bzhin du dge bas ngan song dang/ sdig pa dang thar pa dang/ nyan thos kyis bcu bzhi pa'i sa dang/ sngags dang nyan thos la sogs par 'gro ba'o/ /de nas sangs rgyas thams cad kyi thugs bde ba chen por gnas shing chos skur snang yang ma grub cing snang la/ gsung brjod du med par gnas te/ theg pa gsum dang theg pa'i dgos par yang gsung ngo/ /sku ? bzhi'i sa la bzhugs la rdo rje 'chang gi ngo bo gzugs skur ston no/ /yon tan spros pa dang bral la bzang ngan gyi rtog pa 'dod yon du snang grub po/ phrin las bya btsa la dang bral ba dgyes rdor ltar sems can thams cad /rigs lnga dang/ gsum dang
- 154a
gcig tu grub pa'o/ /da ltar shes pas sdom pa gsum rdzogs nas gsum ldan du bya'o/ /sngags kyi rgyas par 'og gi skabs su bstan pa nas dbang thob par shes par gyis shig /shes pas spang ba la gnyis te nyes pa shes pa dang/ spang ba'o/ /nyes pa shes pa la smon 'jug gnyis te/ smon pa'i rtsa ba'i nyes pa gzhan don la smon pa gzhag nas nyan thos su 'gyur ba'o/ /yan lag la bzhi ste/ dkon mchog /mkhan po/ slob dpon/ rnal 'byor pa/ paN+Di ta/ dge 'dun chos skyong ba'i rgyal po/ pha ma/ mchod par 'os pa bslus pa dang/ byang chub sems dpa' sems bskyed pa mthong ba thos pa/ slob dpon gcig pa dus gcig tu bskyed pa la phrag dog gis bskyed pa dang/ nyan thos dang/ rang sangs rgyas dang/ byang chub sems dpa' i bye brag gong nas gang du 'pho bar mi 'gyur bar de rnams kyi dge ba'i rgyu 'bras la skur nas 'gyod pa bskyed pa dang/ sems can thams cad la bdag gi lus dag gis gnod pa byed pa'o/ /'jug pa'i nyes pa la gnyis te/ rtsa ba pha rol tu phyin pa drug gzhan don bor nas rang don du bsngo ba dang/ yan lag la yang bzhi ste/ zhe sdang gis bshags pa la mi phan par gzhan 'tshog pa dang chags pas ser sna dang ldan te/ chos nor dgos pa dang/ 'dod pa la mi ster ba dang/ chos rnams bdag med par ma shes par gzhan la 'gran sems kyis gnod pa dang/ sangs rgyas gzhan don las mi 'dod par sgyu 'bras bkag nas smon 'jug spong ba'o/ /spang ba la yang gnyis te/ smon pa nyams par shes sman pas nyes pa spang/ 'jug pa'i nyes pa 'jug pas spang ba'o/ shes? pas bsgrub pa la gnyis ste/ yon tan du shes pa dang/ yon tan du shes pa sgrub pa'o/ /yon tan la gsum ste/ sangs rgyas la skyabs
- 154b
pas sangs rgyas kyi zhal mthong ba dang/ chos la skyabs pas sangs rgyas kyi chos nyan cing zhal mthong ba dang/ byang chub sems dpa' i dge 'dun la skyabs pas grogs byang chub sems dpa' dang 'grogs pa'o/ /lam gyi yon tan mkhan po dang bla ma mchod pas da lta nyid sangs rgyas dang 'grogs pa dang/ sems can slu ba dang 'gyod pa spangs nas pha rol tu phyin pa drug spyad pas da lta nyid theg pa chen po'i chos nyan pa dang/ gzhan la gnod sems spangs nas phan sems dang ldan pas byang chub sems dpa' dang da ltar 'grogs pa'o/ /'bras bu'i yon tan 'jug pas pha rol tu phyin pa drug spyod pas gdul bya la sprul sku dang/ tshogs rdzogs pa'i snang ba la longs sku ste/ da lta nyid sangs rgyas yin pa dang/ gang 'dod gang phan spyod pas da lta nyid chos ston pa dang/ bstan pa dang spyod pas phan pas da lta nyid du byang chub sems dpas bskor ba'o/ /bsgrub par bya la bzhi sde/ sdom pa gsum bsgrub pa dang/ mi nyams par bya ba dang/ rgyas par bya ba dang/ nyes pa bcos thabs so/ /sdom pa gsum sgrub pa ni sdom pa dngos dang/ rang bzhin dang bcas pa'i sdig spang ba dang/ sems can rnams kyi dge ba bsgrub pa pha rol tu phyin pa drug sde/ sbyin pa chos skyabs dang/ zang zing gi sbyin pa bdag gtong ba po dang/ gzhan len pa po dang/ sbyin par bya ba'i sku gsum sgyu mar shes pa'i gzhan don sgrub pa dang/ dge ba chos sdud pa'i tshul khrims dang/ sdom pa'i tshul khrims dang/ sems can don byed kyi tshul khrims dang/ sdug bsngal dang du len pa dang/ sdug bsngal la ji mi snyam pa dang/ zab mos bzod pa dang/ go cha'i brtson 'grus dang/ sbyor ba dang/ nges par spyad pa dang/ mi 'god pa'i dang/ dpa' bo'i brtson 'grus dang/ bsam gtan lus dal/ dag dben/ sems zhi ba dang/ thos bsam bsgom pa'i
- 155a
shes rab rnams sgyu mar shes pas gzhan don bsgrub pa'o/ /sems can don byed kyi tshul khrims gzhan don du sbyin sogs stobs gar che'i ma pa dang/ dam bcas pa med pas sgyu ma'i rnam pas sgyu ma shes pas bsgrub pa'o/ /mi nyams par bya ba la brgyad de/ sems can sngon las kyi 'bras bu yin pas dben par bsgrub pa dang/ ma chags pas lus dang longs spyod dge ba sbyin pa dang/ bdag med pas 'bras bu mi re ba dang/ sangs rgyas gzhan las 'byung bas skyo ba mi bya ba dang/ slob dpon sangs rgyas dang 'dra bas bsnyen pa dang/ grogs po byang chub sems dpa' bsnyen pa dang/ dge bar byed pa thams cad la yi rangs pa dang bskul ba dang/ lus ngag yid kyis gzhan don las gzhan mi bya ba'o/ /rgyas par bya ba la gnyis te/ ma rgyas pa dang/ de rgyas par bya ba'o/ /ma rgyas pa la rgyu 'bras gnyis te/ rgyu la bsngo ba ma shes pa/ bsngo ba lus pa/ bsngo ba log pa bsngo ba ma dag pa/ bsngo ba ma rgyas pa'o/ /bsngo ba ma shes pa ni sngon du sems can la khas blangs nas/ chos nor skyabs mi ster ba'o/ /mi 'dod mi dgos mi phan na nyes pa med do/ /bsngo ba lus pa ni sbyin par bsams nas ma byin pa'o/ /de yang mi 'dod mi dgos mi phan phan chung gnod na nyes pa med do/ /bsngo ba log pa ni gcig la bsngos nas gzhan gcig la byin na'o/ /gcig stobs che la gcig mi 'dod sogs gong ltar na nyes pa med do/ /bsngo ba ma dag pa ni lan la re ba dang/ drin brtsis pa dang/ 'di'i phan la mi re ba'o/ /des chos 'phel zhing rang gi yid la tshe 'di yi 'dod pa med na nyes pa med do/ /bsngo ba ma rgyas pa ni grags pa dang/ gzhan 'og tu gzhug pa ste/ des bstan pa la phan zhing yid la med na nyes pa med do/ /'bras bu la yang lnga ste/ bsngo ba lus pa ni pha rol tu phyin pa drug
- 155b
spyad kyang dge ba'i rtsa ba ma bsngos pa'o/ /bsngo ba ma shes pa ni sbyin pa la sogs pa'i rgyu las 'bras bu longs spyod che ba la sogs par re ba'o/ /bsngo ba log pa ni bdag don du bsngos pa'o/ /bsngo ba ma dag pa ni sems can sangs rgyas su mi smon pa'o/ bsngo ba ma rgyas pa ni/ shes rab kyi pha rol tu phyin pa'i rgyas ma thebs pa'o/ /rgyas par bya ba de rnams las bzlog pa ste/ shes pa/ ma lus pa/ ma log pa/ dag pa/ rgyas pa/ byang chub sems dpa' 'dod pa che bas sems can la bsngo ba ma lus pa la sogs pas sbyin no/ /rgyas pa la sogs pas bsngos pa sems can thams cad kyi don du bdag sku bzhi thob ste/ sangs rgyas nas sems can thams cad sku bzhi la dgod par smon la gzhan yang mdo dang/ slob dpon gzhan ltar smon no/ /'dod pa chung ba de dag rnams sems can thams cad sangs ma rgyas kyi bar du sems can gyi don byed cing 'grub par smon la/ mdo dang bstan bcos gzhan ltar yang smon no/ /rgyas pa chen por ni 'jig rten gyi dge ba'i rgyu 'bras la yi rang zhing bsngos par 'gyur ro/ /nyams pa bcos pa'i thabs la gsum ste/ nyams pa'i tshad dang/ thabs dang/ nyams pa bcos pa nyes par bstan pa'o/ /tshad ni rtsa ba'i phe pa bzhi las bdag nyid rnyed pa dang/ bskur sti la rab tu zhen nas bdag la bstod la gzhan la smod na pham pa dang po byung ba'o/ /bdag la nor zas yod pa la sdug bsngal la mgon med pa bkres sogs slong ba la snying sran gyis mi ster ba dang/ dad pa dang/ gus pa dang legs pa sa chos 'dod pa la snying mi brtse bas chos mi ster ba ste gnyis pa byung ba'o// zhe sdang mdo nas gzhan la khros te/ 'thab mo sogs kyis bshags pa la mi nyan par brdeg pa la sogs pa byed par zhe sdang drag pos 'chad na gsum pa byung ba'o/ /theg pa chen po'i sde snod 'gro ba skyob pa la skur pa 'debs shing gzhan gyis
- 156a
zhar la bcos pa'i chos ma yin pas mos dga' ston nyan na byang chub sems dpa' pham pa bzhi pa byung ba'o/ /yan lag sdom pa nyi shu pa ltar nyon mongs na'i sems dang/ nyon mongs pa med pa'i sems kyis dkon mchog gsum gyi mchod pa la sogs pa'i sdom pa rnams so/ /bcos pa'i thabs dngos ni rtsa ba bzhi gang byung yang/ nyon mongs pa drag po byung nas nyams pa sngon bzhin 'gyod bas blang/ nyon mongs pa 'bring na khrel yod pa ngo tsha shes nas mkhas par gnas pa gsum la bshags/ des kyang 'gyod dam zhes dri/ 'gyod do zhes lan gsum brjod cing phyin chad bsdam/ nyon mongs pa chung na gcig po de'i drung du bshags so/ /'gyod dam zhes pa dang 'gyod do zhes lan gsum dri ba zla bar bya'o/ /yan lag rnams byung na'ang de bzhin du bshags te/ nyes pa dang nyes pa med pa'i khyad par sdom pa nyi shu ba'i 'grel pa nas shes par bya'o/ /nges pa bskyed pa la bcos pa dang/ byed pa spro ba gnyis las/ bcos pas nges pa bskyed pa ni ma ga d+har shA ri'i bus sangs rgyas spyan sngar sems bskyed nas bya rgod kyi phung po'i ri'i nub tu gsang ba gsum pa'i phug tu bsgoms pas bram ze gcig slong du byung ste/ ci 'dod byas pas khyod kyi lag pa g.yas pa 'dod zer nas/ lag pa bcad nas g.yon pa'i khar gzhag nas byin pas ma 'dod nas/ /ngas ni sems can gyi don mi 'ong ngo/ /slar zer nas byin pa yang mi 'dod pa snyam ste yi mug par gyur nas smon pa dang 'jug pa gnyis ka btang ba la/ sangs rgyas kyi nam mkha' nas tshigs su bcad pa gsungs te/ thabs dang ldan la byang chub sems/ /thabs med pas ni nyan thos te/ khyod rang thabs la mi mkhas pas/ /g.yon pa mi 'dod mgos sbyin mod/ /ces
- 156b
brjod nas bram ze lag pa g.yon pa mi 'dod pa la g.yon pas ster ba rang gis nyes na ci la yid chad/ mgo thog tu gzhag la sbyin mod/ da yang thabs la mkhas pas sangs rgyas bsgrub par bya'o/ /zhes gsungs pas slar 'gyod nas blangs pas thob/ rgyal po ma skyes dgras sems bskyed nas pha bsad de/ yang 'gyod nas slar blangs pas thob bo/ /mdo gzhan nas kyang blta ste/ byang chub sems dpa' i sdom pa gser dngul ltar bcos su btub pas nyams pa med de/ med pas spros pa la rgyu 'bras gnyis las/ 'bras bu'i yon tan dpag tu med cing rtags mang bas 'dir brjod pas mi zad pas ma bstan te/ mdo gzhan du blta bar bya zhing shes par bya'o/ /rgyu pha rol tu phyin pa drug la sogs pa'i 'bras bu gzhan la bsngos pas tshogs lam la sbyor ba dang/ sbyor lam la sbyor ba'o/ /de'i rgyu 'bras chos thams cad rab tu mi gnas par shes pas mthong ba'i lam la sbyor ba'o/ /de rnams mi gnas par shes nas rgyun chad pa med pas bsgom pa'i lam la sbyor ba'o/ /de sems can gyi don du pha rol tu phyin pa drug spyod pa ltar snang yang 'bras bu la re ba med pas mthar phyin pa'i lam la sbyor ba'o/ /pha rol tu phyin pa drug spyod pa la chos nor la chags pa med na sa dang po la sbyor ro/ /drug dang chags pa med pa dang/ nyon mongs pa med na sa gnyis pa la sbyor ro/ /drug dang ma chags pa dang/ nyon mongs pa med nas zhe sdang med na sa gsum pa la sbyor ro/ /de ltar snyoms las med na bzhi pa la sbyor ro/ /de ltar bcu dang dal ba/ dben pa/ zhi ba na lnga pa la sbyor ro/ /de ltar bcu gsum pa dang/ 'khrul pa can na drug pa la sbyor ro/ /de'i steng du skyon med na bdun pa la sbyor ro/ /de'i steng du zhum pa med na brgyad pa la sbyor ro/ /de'i steng du the tshom med na sa dgu pa la sbyor ro/ /de'i steng du rmongs pa med na sa bcu pa la sbyor ro/ /'bras bu lam
- 157a
dang gnas pa dngos kyi mdo las blta bar gyis shig /de ltar spyod lam du bya ba sems bskyed nas mdo sde pa dang/ dbu ma pa'i bar du sbyad pa la khyad med na/ /'dod pa la khyad med do/ /lta ba la lnga ste/ lnga char la re re ste/ mdo sde pa rten 'brel du 'dod de/ dper na ras sngon po'i khar shel gzhag pa dang 'dra ste/ shes pa dang rnam pa rten 'grel yin/ /ras kyi shel sngo ba sngo byed ras yin/ /de bzhin du ma yin nas tha dad na bye brag pa'i dge bas sems la mi phan pa dang/ sdig pas sems la mi gnod de/ bye brag ma yin pas rten 'brel yin te/ dge ba'i rnam pas sems la phan la/ sems rten 'brel du ye yod pas gnod pa'i rnam pas skyed par byed pa'i rdul phra rab cha dang bcas pa skad cig gis ma rtogs pa'i sil bur 'dod la/ pha rol tu phyin pa drug kyang de tsam du rtogs pas 'bras bu skur bzhir 'dod do/ /bsgom pa ni de ltar rtogs sam shes na/ dngos po thams cad dang sems rten 'brel du ye yod pas pha rol tu phyin pa drug las 'bras bu 'byung ste/ da lta de mi rtogs pas de ltar rten 'brel sems yin par khad kyis khad kyis bsgom par 'dod la/ de yang grub pa'i mdza' ma lus par ston pa theg pa chen po'i mdo nas/ rdo rje skyil krung bcas nas ni/ /skad cig skad cig la brten nas/ /sems ni sna rtser brtan byas la/ /khyim par gyur kyang bsgom par bya/ /zhes pas rten 'brel shes pa'i rnam par bsgom pa'o/ /skyon bsal pa la gsum las lta ba'i skyon bsal ba ni mu stegs rgyu gtso bor 'dod pa na re/ thams cad rgyu la rag las te/ pad+ma la sogs me tog bzhin/ /'gro ba so so'i rgyu nyid las/ /thar pa dang ni thams cad mkhyen ces brjod de/ sangs rgya ba'i rgyu sems gdod mnas yod la/ gdod ma nas med na bsgrubs
- 157b
pas mi 'grub ste/ pad+ma rang la sngo dkar dmar po so so na yod la/ de bzhin du sems can la sangs rgyas pa'i rgyu yod pas sangs rgya rgyu med na btsal bas mi phan/ yod pa la bsgrub mi dgos/ /yod pa shes pas chog zer ba de'i skyon ni 'dir ni rgyu la rtsol sgrub kyis 'ong bar 'dod pa'o/ /sgom pa'i skyon ni zhi ba dang/ bye brag pa ste/ 'ong bar 'gyur ba'i bdag nyid ni/ /phyi'i spyod yul las 'gags nas/ /gnyis kyis bsgrub pa'i zhi bar gnas/ /'bad de bdag gis bsgom par bya/ zhes pas rnam pa la blo log ste/ rang gi sems zhi bar byid nas bde ba snyam byed pa dang/ nyan thos bye brag tu smra ba'i ming te/ mdo las rgyal byed tshal ni nyams dga' bar/ /bdag nyid gang gi gyur kyang bla'i/ /bye brag pa yi thar pa ni/ /nam yang gau tam mi 'tshal lo zhes pa ni gong du bstan pa'o/ /nyan thos mi gtsang ba dang/ dbus dang/ bden pa bzhis gnas pa'i sems de skyon no/ /'dir rten 'brel du pha rol tu phyin pa drug spyod cing gong ltar gsal la mi rtog pa'o/ /theg pa chen po'i skyon ni mdo las bye brag bdag chos phung po gsum/ /gzhan spangs rang gi sdug bsngal zhi/ /bde bar 'dod pa dman pas te/ slar yang chung bas 'khor bar 'gyur zhes pas yul bye brag tu 'dod cing/ gang zag gi bdag yod pa yang min/ med pa yang min zhes phung po gsum par 'dod la/ rang 'khor ba las thar pa'i bde ba 'dod pas bskal pa gcig nas slar 'khor ba'o/ /'dir grub pa'i mdza' ma lus pa ston par byed pa'i theg pa chen po'i mdo nas/ pha rol tu phyin drug gzhan la bsngo/ /theg chen chos la rnam par spyod dge ba sems dang 'brel par brjod/ /mdo sde de ni theg chen bshad/ /ces pas de ltar gsum dang gong gi bsgom pa skad cig zer bas nyan thos bye brag tu smra ba skad cig nas mi rtag pa shes pa dang/ khyim par shes pa dang/ sems tsam snang bar mi 'dod
- 158a
pas de bzhin theg pa chen po'o/ /sems tsam zhe na/ rnam pa sems kho nar mi 'dod rten 'dre la du 'dod de/ des spyod pa sgom pa rnams so so'i rnam bcas kyi lta ba ni mdo sde pa ltar rten 'brel yin te/ thams cad sems yin la rnam pa yang sems kyi rnam par 'dod de/ lung las kyang/ kye rgyal ba'i sras dag khams gsum pa 'di ni sems tsam mo zhes pa dang/ rigs pa yang nyi shu pa nas/ drug gis cig car sbyar bas na/ /phra rab rdul cha drug tu 'gyur/ /drug po dag kyang go gcig na/ /gong bu rdul phran tsam du 'gyur/ /zhes pas mdo sde pa'i phra rab bdun la rdul phran gcig yin pas phra rab drug char shar dang lho dang nub dang byang dang steng dang 'og gi cha des so sor dus gcig la phye zhing blang du btub na phra rab de la drug po'i go sa nas yang drug blangs te phye bas phra rab med na/ shar phyogs gcig gi sa nas gcig len na ri'i gong bu 'di yo rdul phran du rigs te/ des na sems kho na ste/ pha rol phyin drug sems kyi rnam par gzhan don du spyad pas 'bras bu thams cad mkhyen pa'i sku bzhi don dam du 'dod pa'o/ /mdo sde pa dang nyan thos kyang kun rdzob tu mi 'gegs so/ /slob dpon shes rab 'byung gnas spas pa mnyam gzhag na mi rtog /rjes la thams cad mkhyen par 'dod/ /sku gsung bdag po dkar dmar 'di 'khrul pa/ sangs rgyas pas snod gzhal yas khang/ bcud lha dang lha mor mi rtog pa snang bar 'dod do/ /ngag gi dbang phyug grags pa ni/ dgag sgrub gang yang med la mnyam gzhag dang rjes thob yang med par sna tshogs gnyis med du 'dod/ bsgom pa yang thams cad sems yin pas de la rang gis 'jog pa'o/ /skyon la lta ba'i skyon rig byed ltar song ba bsgom pa'i skyon mdo sde pa'o/ /rig byed pa na re/ dngos po gang dang gang snang ba/ bya bral sems nyid chos skur snang/ /sems las gzhan
- 158b
yod ma yin la/ /gsal la mi rtog gnas bde ba/ tshangs pa la yang tshangs de nyid/ /bdag gi ye shes tshangs pa'i mchog /ces pa'i snang pas dngos po ci snang sems yin la/ de yang me nas yin pas/ bya ba brtsal dang rtog pa dang/ the tshom med la de yang chos sku snang yang soms nyid yin la mi rtog par gnas pas bde ste/ gsal mi rtog pa 'di ni lha tshangs pa zhes bya/ chos sku zhes bya/ sangs rgyas zhes bya ste/ de las don lhag pa gzhan med la/ de rtogs pas bdag lhun gyis grub cing sangs rgyas dang 'dra bar 'dod pa'o/ /mdo sde pa'i bsgom pa brtan par bya ba dang/ sna rtser sems 'dzin pa'o/ /'di ltar lta ba skad cig gis mi rtag pas khyad par ro/ /bsgom pa la sems yin pas mnyam gzhag rjes thob med la ye nas rang rig yin pas goms su med pa'o/ /rnam pa med pa'i lta ba ni rnam pa dang bcas pa ma yin te/ rnam pa 'khrul pa'i shes pa yin la don dam du rnam pa med pa'o/ /lung las/ bag chags kyis ni dkrugs pa'i sems don du snang ba rab tu 'jug ces pas rlung gis dkrugs pas chu las chab rom 'byung ste/ de chu yin rlung gis lan/ de bzhin du bag chags kyis dkrugs nas dngos por zhen pas snang ba sems kyi rnam par mthong ste/ sems rnam pa med pa yin te/ rigs pa rnam pa sems yin na/ /tha dad pa yin nam cig car yin/ tha dad na bye brag pa dang 'dra la 'dre ba yang med/ sems rrnam pa yin nam/ gnyis kar yin/ rnam pa sems su yin na ma bcad pa'i yul mi shes pa ci/ sems rnam par yin na bems por 'gyur/ gnyi gar yin na 'dus par yin nam/ ma 'dus par yin/ 'dus par yin na mi 'du ba'i rgyu mtshan yod dam med/ med na sngon du 'am da ltar yang snang ba sems su stong par ram/ sems snang bar cis ma song/ yul dbang po
- 159a
yul du cis ma song/ yod na gar 'dus ma 'dus pa yin par/ gnyis so so na sems la rnam pa gang yong ces so/ /gzhan yang slob dpon gzhan gyi 'dod pa dbu ma'i rigs pa bzhis kyang khegs so/ /slob dpon dag gi dbang phyug grags pa'i sna tshogs gnyis med du 'dod pa ni rnam pa sna tshogs sems su gnyis med ces 'dod pa gong ma dang/ 'dis kyang 'gegs pa'o/ /rnam pa de dkar dmar dang rtog gam mi rtog mi rtog na rnam pa dang sems gnyis med du cis shes/ de mig rgyang ring po bltas pas sna tshogs yod de/ sems su gnyis med ma rtogs pas man ngag tu 'dod do/ /sna tshogs su shes pas mngon sum gyis da lta shes zhes te/ de la skyon mang ste/ de gdod nas sam da ltar gdod nas na sngon du ma shes pa ci/ shes kyang ma phan na dgos pa med/ shes kyang dgos na thug pa med nas ma shes na rang rig nyams da? lta na sngon du med phyis med pas chad par thal/ yang na gnyis med de gnyis med du gang gis shes/ gzhan gyis shes sam de nyid kyis shes/ gzhan gyi shes na rang rig nyams/ de nyid de nyid shes sam/ de las 'byung bas shes de nyid kyis de nyid shes na/ rtag nas sam mi rtag nas/ rtag na mi rtag par thal/ mi rtag na shes rgyu med/ sngon du ma shes pa ci/ rkyen dgos na gzhan gong ltar de nyid du na dus sam mi rtag pas dang/ rigs sngon gyis so/ /dus sam rigs yin na de la rnam pa ci phan/ yang na de las byung bas phan shes bya 'am shes byed/ shes bya shes byed gang/ shes bya gnyis med byung na shes byed med par shes bya gang gis shes/ shes byed byung na shes bya med par shes byed kyis ci byed/ dus gcig tu skad cig la gnyis 'ong ba mi rigs so/ /des na shes
- 159b
bya med par shes byed du mi shes/ shes byed med par shes bya mi shes/ des na gnyi ga mi 'byung na gcig gis ni mi shes so/ /des na rnam pa med pa'i rang rig pa spros pa med pa bsam du med pa skad cig mas mi rtag rgyun tu gnas pa don dam mo/ /shAn ti pa rjes thob la sprul skur 'dod/ gzhan mi rtog pa las so/ /bsgom pa yang de'i ngang la blo 'jog pa'o/ /skyon la lta ba'i dang/ sgom pa gnyis las lta ba'i sems tsam rnam pa dang bcas pa de'o/ /bsgom pa'i nyi ma dang mthun te/ mu stegs nyi ma pa'i rgyud nas/ rtog pa'i rgya mtsho dang ba la/ /chu bur rba rlabs sogs 'byung yang/ shar ba dang ni nub pa dag /chu bo de ru ro mnyam gcig /ces pas dper na 'og gi rgya mtsho nas chu bur dang/ rba rlabs dang/ gzhan yang rnyog mdang/ chu gzhan der 'bab kyang rgya mtsho'i dang du gcig ba ltar/ rang gi sems nyid rnam pa med pa/ spros pa med pa/ mdza' dang mu med pa/ bsam du med pa/ thams cad rtag pa de rtogs na dngos po cir snang/ rtog pa ci byung yang sems nyid kyang tshangs pa chos nyid sangs rgyas yin no zhes 'dod do/ /'dir skad cig mas mi rtag la/ rgyun gyis rtag par 'dod pa'o/ /sgyu ma lta bu'i lta ba ni de nyid mi bden te/ rnam pa sgyu ma skad cig gis mi rtag la rgyun tu gnas par 'dod do/ /lung gis kyang/ gzugs las kyang stong pa nyid de gzhan ma yin/ stong pa nyid las gzugs gzhan ma yin/ zhes gsungs la/ rigs pas kyang rnam pa sems su bden /sems rnam pa yin na dbyed pas ma grub ste/ skyon med na bde sdug nyams su myong ba yang brdzun la/ pha rol tu phyin pa drug bsags pa la dgos pa med/ sku bzhi med pas des na sgyu ma bden te don dam du 'dod pa'o/ /sangs rgyas gsang ba gzugs sku yang rigs pas sgyu ma bag chags ltar 'dod do/ /ka ma la rak+Shi ta mnyam gzhag dang rjes thob tu 'dod do//
- 160a
gzhan mi rtog par gzugs sku sems can gyi snang bar 'dod do/ /rnam pa med pa dang/ rig par 'dod pa dang/ rig pa dang rnam pa med pa gnyis 'gal bas skyon gong bzhin no/ /bsgom pa yang sgyu mar shes pa'i dang la blo 'jog go /skyon lta ba dang sgom pa gnyis te/ lta ba dang sgom pa 'dra ste/ mu stegs grangs can pa ni lung las/ de tsam nyi shu lnga shes na/ ral pa spyi bo bcings pa'ang 'grol/ /ci dga' i spyod pa byed pa dag /bdag ni de las nyams pa yin/ zhes pas phung po lnga/ 'byung ba lnga/ phyogs lngar 'dod de/ rtsa ba'i nyi shu rtsa lnga yang lnga ste/ thams cad so so'o/ /sems 'dod chags zhe sdang gti mug gsum cha mnyam pa las snang ba bden rtag par 'dod pa'o/ /de yang sems su bden pas dpyod pa dang/ rtog pa dang bya ba thabs nyes pa med par 'dod pa'o/ /'di skad cig mas mi rtag pa rgyun du gnas pa'o/ /rab tu mi gnas pa'i lta ba ni de thams cad bden pa ma yin te/ kun rdzob yin la don dam pa la rnams gcod dang yongs gcod med/ rnam gcod yongs gcod med zer ba rang kun rdzob bo/ /lung las kyang bden pa gnyis kyi mdo nas/ don dam pa'i bden pa sangs rgyas 'das pa dang/ ma byon pa dang/ da ltar byung ba phyogs bcu na bzhugs pa thams cad kyis mthong ba dang/ thos pa dang shes pa'ang med na/ rigs kyi bu thob pa 'am nyams su myong du lta ga la yod ces dang/ slob dpon klu grub kyi zhal snga nas kyang/ khyed kyi don dam gang yin pa/ /de ni ba'i? kun rdzob yin/ /zhes gsungs la/ slob dpon blo gros mi zad pa'i zhal nas kyang/ don dam blo sgra'i spyod yul min/ /blo dang sgra ni kun rdzob yin zhes gsungs so/ /rigs pa yang gtan tshigs
- 160b
chen po bzhi ste/ 'dir gtan tshig bzhi yang gzhan ltar gsum dang/ shes bya shes byed ma grub pa bzhi'o/ /de yang rgyu man chad du 'dod pa la rten cing 'brel 'byung gis don dam pa de gang dngos po rnams rnam pa med pa'i rigs sgyu ma de rnams kyang sems nyid stong pa nyid shes rab kyi phyi rol tu phyin pa chos sku yang rten 'brel kun rdzob bo/ /de yang rtog pa snang ba pha rol tu phyin pa lnga/ gzugs sku la ltos nas chos skur btags te/ de yang de rnams stong pa la sogs par mthong ba/ chos sku la chos skur 'dod pa de rnams med na med pa'o/ /des na rdo dkar po zhes pa don dam du med kyang mi bden pa kun rdzob tu/ rdo dang dkar po dang sra ba lci ba kun la grags pas yod pa'o/ /des na rnam bcas rnam med sgyu ma rten 'brel tsam kun rdzob sgyu ma tsam du yod pa'o/ /don dam par med pas chos skur yang med de/ /mu bzhi skye 'gog ni don dam par 'dod pa ni yod nas 'dod dam med nas 'dod/ yod nas 'dod na yod pa ni med pa la ltos nas shes te/ med pa ma grub par yod na ga na grub/ med pa grub na yod pa 'gag pa'o/ /med nas 'dod na yang med pa yod pa la ltos nas shes te/ yod pa ma grub par med pa ga na grub/ yod pa ma grub na med pa 'gag pa'o/ /gnyi ga 'dod nas/ yod pa med pa 'gag la med na yod pa 'gag pas so/ /phung po gsum yang mi rigs la/ gnyi ga med pa yang mi rigs te/ gnyis sngon du ma grub par ro/ /grub nas gnyis med na bden te/ des na kun rdzob sgyu ma tsam mo/ /rdo rje gzegs ma thog pas med pa yang don dam de bdag las sam gzhan las skye/ yod na bdag grub pa las sam/ ma grub pa las/ grub pa las sgrub na sangs rgyas kyang sgrub dgos pas thug pa med/ yang na phan gnod med de/ grub kyang sgrub dgos pa'i phyir ro/ /ma grub pa sgrub na nam mkha' i me
- 161a
tog dang ri bong gi rwa yang sgrub par 'gyur ro/ /ma sgrub na bsgrubs pa la dgos pa ci/ gzhan las skye na rtag pa las sam/ mi rtag pa las rtag pa las skye na rim gyis sam/ cig car/ rims kyis skye na rtag pa nyams te sa bon las myu gu ltar 'gyur ro/ /cig car skye na de nyid 'gyur nas sam ma 'gyur nas 'gyur na mi rtag /ma 'gyur na gcig skye ba'am/ du ma skye/ gcig skye na du lam grub par gcig mi 'grub/ gnyis ka yang go rims bzhin du mi rigs so// mi rtag pa las skye na yang de bzhin du gcig las sam /du ma las kyang mi rigs te/ skad cig ma snga phyi yang snga ma 'das/ phyi ma ma skyes/ da lta ba la yang 'das pa dang/ de ltar ma 'ongs pa gsum ma grub pa'o/ /des na sgyu ma kun rdzob tsam mo/ /shes bya shes byed ma grub kyang nga rgyal gyis 'dod na yang don dam pa de shes bya ba 'am/ shes byed dam/ gnyi ga shes bya nang gis shes/ shes byed yin na gang shes/ shes bya yod na shes byed nyams/ gnyis ka na shes bya sngon du skye 'am/ shes byed sngon du skye shes bya sngon du skye na shes byed ci dgos/ shes byed sngon du skye na shes byar gang gis shes/ lhan cig bar ni shes pa skad cig ma la yang mi rigs so/ /de ltar re re ma grub par gnyis kyang mi 'grub/ shes rab le'ur slob dpon blo gros mi bzad pas bstan pa'o/ /des na sgyu ma kun rdzob tsam du mi 'gag ste/ kun rdzob sgyu ma yin na sangs rgyas bsgrub pa la phan med/ kun rdzob yin pas zer na don dam pa 'dod thog kun rdzob la khyab pa ma grub ste/ kun rdzob sgyu mar 'dra ba la/ chu dang mo'i las tha dang/ bde sdug tshor ba tha dad/ de bzhin du 'khor ba dang mya ngan las 'das pa yang ngo/ /des na 'dir chos sku dang/ ngo bo nyid kyi sku dang/ gzugs sku gnyis
- 161b
car yang kun rdzob bo/ /sgrub pa yang kun rdzob/ /thob pa yang kun rdzob kun rdzob tu rgyun ma chad par sku bzhi skad cig mar mi rtag par 'gyur ba'o/ /kho na re khyod la shes byed yod dam med zer na don dam pa la'i/ kun rdzob la/ don dam pa la /khas len med par shes ci dgos kun rdzob la skad cig gi bye brag gi rgyun la gnyis ka yang ma ste/ shes bya shes byed med pas chad pa'o zer na khas mi len par skyon ci la gnod de/ nam mkha' la skyon ci gdags/ yang khyod la rnam gcod yongs gcod med na/ rgyu man chad la skyon de tsam rnam par bcad pas rnams bcad des yongs su gcod pa'i sgrub pa yang yod pas khyod la yang don dam dpyad pas yod zer na/ nga la don dam rnam gcod yongs gcod med pa khas len med de/ khyod don dam du yongs su bcad nas 'dod pa la nga'i kun rdzob kyi dpyad pa'i skyon yod pa mthong nas rnam par gcod la/ kun rdzob kyis dpyad pas don dam pa grub pa med par yongs su grub kyi/ khyod de ltar don dam pa don du 'dod ba med do/ /yang kho na re 'o na khyod kun rdzob kyi yongs gcod de kun rdzob tu grub pa ma zhe na grub ste/ 'o na grub pa med pa de rnam gcod yongs gcod kyis grub na nga dang 'dra la/ rnam gcod yongs gcod sal na ni sgrub byed gang gis byed la/ sgrub byed med na ci 'grub ces 'dri na/ khyad don dam du 'dod pa rnam par gcod cing/ kun rdzob tu bcas pas ma grub pa de nyid kun rdzob tu grub la/ rnam gcod yongs gcod kun rdzob la re bzhi nas/ don dam la sel byed mi 'dod la/ mi 'dod zer ba dang/ don dam zer ba yang de tsam du brjod par zad kyi mi brjod du ma btub pa las kun rdzob bo/ ci 'grub zer ba don dam la 'dod thog /dam bca' 'thun pa'o/ /kun rdzob tu ci yang ma yin pa de la skad cig gis snga ma
- 162a
rgyun ma chad pa chu bo ltar yin 'jig pa'o/ /yang kho na re/ rnam gcod bdag la mthong ba de rang zhi la/ yongs gcod khyod rang la/ yon tan du mthong ba'i khas len med pa de/ rnam gcod nas sam ma chod nas/ mchod na gnyis sam phung po gsum pa'i skyon yod/ chod na gcod byed gzhan nas 'byung ngam de las yin/ gcod byed shes pa gzhan nas 'byung ba mi rigs te/ sangs rgyas lung rigs kun gyis rang la 'byung gis gzhan gyis mi byed/ byed na sangs rgyas gcig gis sems can yo sangs rgyas la 'god par rigs so/ /de las byung nas rnam par gcod na de bcad pa'i shes pa de la yang gcod byed cig dgos pas thug pa med pa 'am/ phan ma brtags pa'i skyon yod zhe na de ni dper na gzugs sam sgra'i yul yod pas/ mthong ba dang thos pa yod la/ yul med na dbang pos mthong thos med pa la rkyen med du rang zhi la shing ma zad kyi bar la me 'bar la/ shing zad nas me rang zhi ba la rkyen med do/ /de bzhin du rnam gcod med pas ngang gis rab tu mi gnas so/ /sgom pa de ltar kun rdzob rnam gcod yongs gcod med pa de la dang gis kun rdzob tu gnas so/ /kun rdzob la yang gnyis te/ dge sdig gnyis kyi 'bras kyi snang ba'o/ /spyod 'jug nas/ de la kun rdzob rnam gnyis mthong/ rnal 'byor pa dang de bzhin phal zhes pa'o/ /'jig rten pa'i sdig pa'i rgyu 'bras snang ba la dbye na yang mang la/ rnal 'byor pa'i dge ba'i rgyu 'bras snang ba la yang mu stegs dang/ nad pa la yang mdor dbye ba theg pa gsum dang/ bye brag tu smra ba la sogs pa'i lta ba drug gi rim phas rgyu pha rol tu phyin pa drug /'bras bu sku bzhi/ de yang mtshan nyid kyi lugs kyis pha rol tu phyin pa
- 162b
drug bskal pa grangs med gsum du sbyangs pas sku bzhi thob la/ de yang gong bzhin sems bskyed nas spyad pas sbyin pa dang/ tshul khrims la brtson 'grus kyis grogs byas nas gzhan don du bsngo ba bsngos pas sprul sku 'byung la/ bzod pa brtson 'grus kyis grogs byas pas longs sku/ bsam gtan la grogs byas pas ngo bo nyid kyi skur rgyun du rang sems gnas/ de rnams thams cad gdod nas rab tu mi gnas pa'i shes rab la brtson pas chos sku'o/ /de yang byams bas zhus pa'i mdo nas/ sbyin dang tshul khrims bzod pa dag /brtson pas gzugs sku 'byung ba'o/ /bsam gtan shes rab ngo bo chos/ /sku de brtson 'grus kyi 'byung ngo/ /zhes bstan to/ /sngags kyi lugs la slob dpon la la dag laM bde ba yin gyi nye ba yin te/ dper na rdo rje gdan du 'gro ba la rta rkang mgyogs pa nyin gcig gis mi sleb pas rta pa de mi chad rkang thang chad de phyin pa 'dra ba bzhin du/ sngags dang mtshan nyid sangs rgya ba'i dus dang brtson sgrub 'dra ste/ sngags pa thams dang bsam pa dang lus mtshan nyid pa bzhin mi sgrub par longs spyod dang 'dod yon gyis sgrub ces 'dod do/ /'dir lam bde ba dang lam nye bar 'dod de/ thabs dang bsam pa gtso bas nyan thos pas mtshan nyid thog pa chen po nye la/ /de bas sngags nye ba'o/ /sku bzhi'i rgyu yang dam tshig gi phyag rgya las sprul sku dang/ longs sku las kyi phyag rgya las 'byung/ chos kyi phyag rgyas bde ba chen po'i sku 'byung/ phyag rgya chen po rtsol sgrub med pa de ye nas gnas pas chos sku'o/ /lam du bsgom thabs la sogs pa rgyas par 'og nas sngags kyi ? bsu stan to/ /slob dpon la la'i kun rdzob yang dag pa zla ba gcig gam chu dngos bya ba nus pa yin la/ log pa'i kun rdzob smig rgyu'i chu dang/ zla ba
- 163a
gnyis par mthong ba ni 'khrul te mi bden par snang zer ba 'dir mi 'dod de/ 'dir kun rdzob smig rgyu dang chos sku 'dra bar mi bden par snang ba 'khrul pa'i snang pa'o/ /de yang 'khrul ba'i mig rgyu'i chu dang zla ba gnyis 'khrul pa la snang ba tsam las med de/ ma 'khrul pa chu dngos dang/ zla ba gcig byang chub sems dpa' la snang ba tsam las dngos su med pas byang chub sems dpa' i snang ba tsam po de sangs rgyas kyi ngo bo nyid dang/ bde ba chen po la med bya ba de don dam la med pas de kun log par song zhing ma shes pa'o/ /snga ma ltar snang ba tsam pa phye na dge sdig gnyis grangs med par bden pa'o/ /rigs pas gnod kyang kun rdzob tu bden pa tsam po de nyid bden par brjod pa'o/ /skyon ni mu stegs bram ze de nyid de/ kho'i rgyus nas/ tshangs pa gdong bzhi kun tu bzang/ sems nyid don par dam shes shing/ snang ba thams cad kun rdzob ste/ /de ltar rtogs nas phan nod med/ /ces pas rang gi sems 'di tsam las mgo nas rkang pa'i bar du mig dang rna ba dang ba spu la sogs pa yang med la/ phyin yang gzugs sgra la sogs pa gang yang med cing ma rnyed pa de kho na rnyed pa ste/ de nyid nam mkha' ltar brjod pa dang/ bsam pa dang bral zhing mdza' dang bar mtshams dang mu med pa de nyid la rtogs pa zhes bya/ chos sku zhes bya/ tshangs pa zhes bya/ kun tu bzang ngo zhes bya ste sangs rgyas yin la/ de la dge bas phan 'dogs ma myong/ mi 'dogs la/ sdig pas gnod ma myong mi gnod kyi/ gzhan sangs rgyas pa dang/ mu stegs rtsol sgrub la re ba rnams snying re rje/ don dam pa de la rtsol ba med pas 'grub pas so/ /zhes zer ro/ /de yang 'dir skyon yin te/ de nyid dar rtogs pas chog pa de rtogs par gang gis shes/ de las byung ba zhig shes sam/
- 163b
gzhan gyis shes/ gzhan gyis shes na khyod kyis bdag kyang rtogs su chug /nga sangs rgyas su chug/ yang na rang la sangs rgyas yod pa dang yin zer ba yang nyams/ de nyid las byung na de kho na 'dra ba cig byung nas shes sam/ mi 'dra ba cig byung nas shes/ ming 'dra pas 'dra bar mi shes te/ mi 'dra ba de 'dra ba min te/ min pas yin par shes pa ga la yod/ rten long ba la sogs pas mthong ba la sogs pa yod na ston/ des na mi 'dra ba cig byung bas kyang mi shes pas sangs ji ltar rgya/ de kho na 'dra ba cig byung nas shes na/ de sngon nas yod nas shes sam zhar la byung/ sngon nas yod nas shes sam/ da lta shes/ sngon nas yod nas sngon rang du shes na shes pa la phan med cing/ sngon nas shes pas da lta sems can du 'dug pa la mi phan te/ sangs rgyas kyang sems can du yod pas so/ /yang na thug pa med de/ sngon nas yod kyang da lta yang shes dgos pas so/ /sangs rgyas la yang thug pa med do/ /yang na rig pa yod dgos na/ la las sangs rgyas dge ba ma byas kyang 'gro ba 'am sdig pa ma byas kyang ngan song du 'gro ba la sogs pa'i/ /yang na dus rgyur lta ba bzhin du dus yod dgos te/ mi rigs so/ /zhar la byung ba shes na de nyid gnyis su song ba'am/ mang po'i skyon dang rgyu rkyen mi dgos na sngon du yang 'byung bar rigs/ /dgos na de kho na 'dra ba 'byung na thug pa med pa dang/ phan med na dang/ phan pa'i skyon dang/ mi 'dra na 'gyur mi rtag pa dang/ gong ltar rang rig dang kun sangs rgyas su bya ba rigs so/ /des na phyi rol mu stegs pa dang/ nang pa sangs rgyas pa thams cad don dam du khas len pa dang/ sangs rgyas 'dod pa skyon no/ /de yang skad cig ma dang/ rgyu med par rtag pa dang/ ther zug pa'o/ /skad cig dang rgyun ma shes na sems tsam rnam bcas rnam med
- 164a
sgyu ma dang rab tu mi gnas par 'dod kyang mu stegs su 'gro ba'o/ /mtshan nyid kyi de nyid mthong ba'i lam gyi rim pa'i le'u ste dang po'o// //gnyis pa sngags kyi rim pa bshad pa la gnyis te/ snod du bya ba dang/ bcud du bya ba'o/ /snod du bya ba la dbang bzhi ste/ bum pa'i dbang dang/ gsang ba'i dbang dang/ shes rab ye shes kyi dbang dang bzhis pa'o/ /bcud la phyag rgya bzhi'o/ /bum ba'i dbang la gnyis te/ slob ma'i bya ba dang/ slob dpon gyi las so/ /slob ma'i bya ba la gsum ste/ bsnyen pa'i bya ba dang/ sta gon gyi bya ba dang/ zhag gi bya ba'o/ /bsnyen pa'i bya ba la ste/ slob dpon gyi mtshan nyid brtag pa dang/ zhu dbul ba dang/ rdzas bsags pa dang/ bsnyen pa zhu ba dang/ sdom pa bzung ba'o/ /mtshan nyid brtag pa la bzhi ste/ brgyud pa dang ldan zhing don dam mi gnas par rtogs pa dang/ dam tshig dang ldan zhing byin brlabs 'byung ba dang/ rgyud sde shes shing dkyil 'khor la mkhas pa dang/ gzhan don la brtson zhing chags pa med pa'o/ /zhu dbul ba ni bdag yang dag par rdzogs pa'i sangs rgyas thob par bya ba'i don du zhi ba la sogs thun mong gis gzhan don dang/ mchog gis 'gro ba thams cad sangs rgyas la bkod pa'i don gyi phyir slob dpon bdag la bum pa'i dbang zhu 'tshal zhes brjod cing/ maN+Dal dang/ me tog gi phreng ba gdags dbul lo/ /rdzas bsag pa ni rgyud kun nas/ rin chen gser dngul mu thig dang/ /me tog la sogs rgyal srid bcas/ /gtor ma shing rtas bskyal ba dang/ /dpa' bo'i ston mos dga' ston bya/ /zhes pas 'khor lo mchod pa la chu gtsang brgyad stong khri 'bum
- 164b
gyi bar du 'gram/ de bzhin du me tog /spos mar me dri'i bye brag dpag tu med pa dang/ zhal zas dpag tu med pa dang/ sil snyan dpag tu med pa bsag go/ rgyal srid rin po che sna bdun/ bkra shis kyi rdzas brgyad/ gzugs sgra'i bye brag dbul ba dang/ sha lnga dang/ bdud rtsi lnga dang/ rdo rje'i glu gar dang/ nang gi mchod pa dang/ bcu gnyis bcu drug nyi shu mdzes pa de kho na'i mchod pa bsag /bla ma mchod pa la yang de ltar mchod pa gsum dang/ rgyun gyi bye brag bsag ba dang/ chos skyong mchod pa'i yo byad 'bras chan la sogs pa tshan gyi rigs ji snyed yod pa dang/ sha dang nya'i rigs dang/ rtig tas bran pa'i tshod ma la sogs pa'i rigs dang/ zho la sogs pa'i dkar gyi rigs dang/ la du la sogs pa khur ba'i rigs dang/ gur kum la sogs pa sman gyi rigs dang/ na ri ke la sogs pa 'bras bu'i rigs dang/ phog phran la sogs pa la du'i rigs dang/ ka ra la sogs pa mngar gyi rigs dang/ la phug la sogs pa rtsa ba'i rigs dang/ gzhan yang bca' ba dang/ tsha ba dang/ kha ba dang/ skyur ba'i rigs kyi mchod pa'o/ /rdzas bsag pa dang/ dga' ston bya ba yang rgyud nas mchod 'os ma gyur gtor ma dbang/ sde dang rigs rnams dga' bar bya zhes pas dbang thon nas yo byad lhag pa la rnal 'byor pa dang/ ku su lu'i tshogs dang/ paN+Di ta dang/ slob ma'i 'khor dang/ dge 'dun dang/ dge snyen gyi g.yog dang/ rgyal po dang/ rgyal rigs dang/ bram ze dang/ rig byed kyi sde dang/ rje'u rigs dang/ gtsang ma rnams dang/ dmangs rigs dang/ rigs ban rnams la ci rigs pas mchod pa dang sbyin pa bya ba'i phyir bsag go /bsnyen pa zhu ba ni de ltar rdzas tshogs nas slob dpon bdag gi bsam pa sgrub par zhu zhes lan gsum brjod
- 165a
cing/ maN+Dal dang/ me tog gi phreng ba dbul lo/ /sdom pa gzung ba ni bsnyen pa'i dus te/ 'og nas ston to/ /slob dpon gyis las la shes pa dang/ dbang bskur ba ste/ shes pa la bzhi ste/ brgyad pa dang ldan pas sangs rgyas nas bar ma chad pa don dam rtog pa rab tu mi gnas pa'i lta ba 'dod pa/ rtogs pas sku bzhi man ngag gis sgrubs pa'i don shes pa dang/ byin brlabs dam tshig las 'byung bas dam tshig shes nas bsrung ba dang/ rgyud dang dkyil 'khor gyi cho ga la mkhas pas ma tshang ba brgyad kyis kha skong ba dang/ slob ma yongs su skyob pa dang/ gzhan don la brtson zhing ma chags pas bsnyen pa dang ldan zhing 'byor pa la phan pa'o/ /cho ga la gsum ste/ bsnyen pa'i cho ga dang/ dkyil 'khor gyi cho ga dang/ dbang bskur ba'i cho ga'o/ /bsnyen pa la slob ma'i bsnyen pa dang/ lha'i bsnyen pa gnyis las/ slob ma'i bsnyen pa la yang sdom pa sbyin pa dang/ bsrung ba gnyis so/ /sdom pa sbyin pa la slob dpon rim gyis bstan pa dang/ slob ma srung du gzhug pa gnyis las/ slob ma srung du gzhug pa'i sdom pa yang chung ba dang/ che ba gnyis las chung ba ni sngon du bstan pa'i skyabs su gsol ba'i bye brag bdun dang/ rten dang bslab pa'i bye brag rnams rim pas bstan la srung du gzhug pa'o/ /theg pa chen po'i yang de bzhin du gong du bstan pa bzhin du srung du gzhug pa'o/ /bsrung ba la yang gnyis te/ mkha' gsang du rnam par snang mdzad du bya ste/ phyogs bcu'i sangs rgyas thams cad kyis byin gyis brlabs nas gdon pa dang/ rgyu gang bsnyen gyi bsrung sngags zlos su gzhug pa'o/ /lha'i bsnyen pa la bsnyen thabs dang/ rtags gnyis las/ lha'i bsnyen pa'i thabs la rdzas kyis bsnyan pa dang/
- 165b
ting nge 'dzin dang/ sngags kyis bsnyen pa dang gsum mo/ /rdzas la maN+Dal phul bas 'khor lo bsnyen pa dang/ gtor mas chos skyong bsnyen pa'o/ /ting nge 'dzin la rnal 'byor bzhis 'khor lo bsnyen pa dang dgug gzhug skyes pas chos skyong bsnyen pa'o/ /sngags la gtso 'khor gnyis bsnyen pa dang/ yi ge brgya pas mtshams sbyar ba'o/ /rtags la mngon sum dang/ mtshan ma dang/ grangs su bskyal ba'o/ /dkyil 'khor gyi cho ga la yang bzhi ste/ dkyil 'khor rgyu'i bya ba dang/ lhag gnas dang/ dkyil 'khor gyi ngo bo dang/ cho ga dngos so/ /rgyu'i bya ba la bdun te/ sa btsal ba dang/ brtag pa dang/ blang ba dang/ gzung ba dang/ bcad pa dang/ sbyang ba dang/ brtsig pa'o/ /lhag gnas la bzhi ste/ sa'i lha mo dang/ 'khor lo dang/ bum pa dang/ slob ma lhag par gnas pa'o/ /ngo bo la thig gdab pa dang/ tshon dgye ba dang/ rgyan dgos pa'o/ /sa btsal ba la ting nge 'dzin sogs kyi lus lha/ yid gang 'dod kyi 'gro don la dmigs pa dang/ ngag snying po'i sbyor ba dang/ btsal ba dngos la las dang sbyar la phyogs btsal ba dang/ rgyud ltar dben pa 'am mi 'jigs pa'i sa btsal ba'o/ /brtag pa la yang sbyor ba dngos su song bas las dang sbyar bas kha dog dbyibs brtag pa dang/ rgyud ltar bum pa la sogs pa'i mtshan nyid brtag pa'o/ /blang ba la yang bdag po dngos por snang ba la blang ba dang/ dngos po med pa la blang ba'o/ /gzung ba la yang rnal 'byor bzhis gzung ba dang sa'i lha mo dpangs pas gzung ba'o/ /bcad pa la yang ji tsam 'dod pa de sa'i lha mo mkha' la bteg la yid kyis bcad pa dang/ khro bo'i phur bus phyogs ma nor bar bcad pa'o/ /sbyang ba la rdzas dang/ lus dang/ ngag dang/ yid kyis
- 166a
sbyang pa lnga las /rdzas la sa ro mang na legs par bsal la gzhan gyis dgang ba dang/ rin po che'i bum pa bcud can sba ba dang gtor ma btang ba'o/ /lus rkang pa rdo rje brkyang bskum gyis bgegs gsal ba'o/ / ngag slob mas de bzhin gshegs pa kun zhi ba/ zhes pa la sogs pa dang/ yak+Sha zhes brjod pas bgegs gsal ba'o/ /yid dra ba dang/ gur dang/ gdod nas dag pa dang/ rdo rje'i gdan ltar mi 'gyur bar bsam mo/ /brtsigs pa la dri dang ba'i rnam pa lnga bsres la tshad dang ldan par brtsig pa dang/ dri dang spos byug pa'o/ /sa'i lha mo lhag par gnas pa las bskyed pa dang/ mkha' i spyan drang ba dang/ mchod pa dang/ gnyis med byas la bstim pa'o/ / 'khor lo lhag gnas la sa la me tog dgod pa dang/ lha bskyed pa dang/ gsol ba gdab pa gsum las/ me tog dgos pa la rdo rje slob dpon gyis bris lha'i gnas su mtshan ma gdab pa dang/ las kyi slob dpon gyis me tog dgos pa'o/ /lha bskyed pa ni sbyor ba gsum gyis rnal 'byor bzhi sgrub thabs kyi 'dod pas bskyed pa'o/ /gsol ba gdab pa la lnga ste/ slob dpon phyir byung la shar nas yid kyis blta ba dang/ 'khor lo'i lha la gsol ba gdab pa dang/ sangs rgyas dang byang chub sems dpa' spyi la gsol ba gdab pa dang/ chos skyong la gsol ba gdab pa dang/ gsol ba btab la mkha' la gshegs pa'o/ /bum pa'i lha gnas la mtshan nyid dang/ phyi'i bya ba dang/ nang gi bya ba gsum mo/ /mtshan nyid la grangs lha dang sbyor ba dang/ rgyu rin po che 'am sa las byas pa dang/ mu stegs kyi ma yin pa bre gang las mi chung/ bre gsum las mi che ba/ rtsa ba med cing mi gnag pa'o/ /phyi'i bya ba la yang mtshan
- 166b
ma gdab pa dang/ /ba rgyan mgul rgyan gyis brgyan pa dang/ gdan la gzhag pa'o/ /nang gi bya ba bcud la drug ste/ bcud blugs pa/ gzhal yas khang dang lhar bskyed pa dang/ ye shes kyi lha dgug pa dang/ mchod pa dang/ sngags bzlas pa dang/ bzhu bas bkang la gnas su bzhag pa'o/ /slob ma'i lhag gnas la slob dpon dang/ slob ma 'brel pa'i bya ba bdun te/ spro ba bskyed pa dang/ gnang ba sbyin pa dang/ sdom pa sbyin pa dang/ bsrung ba dang/ so shing dor ba dang/ ku sha'i sngas dang stan sbyin pa dang/ gzengs bstod la nyal du gzhug pa'o/ /spro ba bskyed pa la gsum/ slob mas khrus byas la maN+Dal dbul ba dang/ slob dpon gyis sngags kyi dngos grub ces pa'i chos bstan pa dang/ slob mas pha rol la dmigs te rgya che bar shes par bya'o/ /gnang ba sbyin pa la nod pa dang/ sbyin pa gnyis las/ dga' chen zhes spro bas nod pa dang/ /bu tshur zhes brtse bas sbyin pa'o/ /sdom pa la gsum ste/ sangs rgyas zhes skyabs su gzhug pa dang/ skyabs pa'i yon tan sangs rgyas longs sku/ chos bde bas bsgrub pa dang/ dge 'dun gtso bo'i ngo bo bstan pa dang/ sdom pa dang ldan pas slob dpon de gsum dang ldan pa dang/ khyod kyi dbang thob nas yin par 'gyur ro/ /sdom pa dngos la gnyis te/ mtshan nyid kyi dang/ sngags kyi'o/ /mtshan nyid la bdun sngon du song ba'o/ /sngags la gnyis te/ slob dpon gyi dang rigs lnga'i sdom pa 'dzin du gzhug pa/ 'di ni sangs rgyas zhes pas gzhug pa'o/ bsrung ba la 'byor bas bsrung ba dang/ gdams pas bsrung ba 'byor ba bsrung ba la zhi sogs kyi sbyin bsreg bya'o/ /gdams pas bsrung ba la slob ma dang/ slob dpon gyi bya ba gnyis las/ slob mas bsrung ba la/ lus gus pas rkang pa g.yas
- 167a
pa'i pus mo sa la btsugs la bsdad pa dang/ yid bya ba dran par bya'o/ /slob dpon gyis bsrung ba la ting nge 'dzin dang/ mchod pa dang/ rdzas gsum gyis bsung ba'o/ /ting nge 'dzin de mkha' gsang du slob ma rnam par snang mdzad du byin gyis brlabs la gdon pa dang/ sangs rgyas thams cad lus la gzhug pa'o/ /mchod pa la gnas gsum du dris mtshan ma bya ba dang/ lha bskyed pa dang/ phyi nang gi mchod pas dngos su mchod pa'o/ /rdzas la skud pa dang/ gtor ma gnyis las skud pa'i rgyu dang/ ting nge 'dzin dang/ sngags dang/ gdags sa gzhi las rgyu ras sam bal lam ring thung sum sgril mdud pa bdun nam lnga gsum du bya'o/ /ting nge 'dzin la bdud rtsi 'khyil pa la sogs par skyed/ ye shes dgug/ mchod gnyis med du byas te/ sngags de brgya stong du bzlas te go char bsam pa'o/ /gdags sa skyes pa'i g.yon/ bud med kyi g.yas su'o/ /gtor ma la rgyu byin gyis brlab pa 'gron bsngo ba'o/ /rgyu snod ka pA la dang rin po che 'am/ de med na shing dang rdo skyong yang bzang/ byin gyis brlabs pa snod dang bcud las/ snod rlung mi bskyed pa ka pA lar ro/ /bcud bdud rtsi lnga dang sha lnga'o/ /'gron la gnas dang/ lha gnyis las/ gnas chos 'byung pad+ma dang/ lha la bskyed pa dang/ dgug pa las/ bskyed pa bar du chos skyong/ steng du lha chen po/ 'og tu klu ste gzhan ltar ro/ /so shing dor ba la bdun te/ so shing gi mtshan nyid dang/ dor sa dang/ slob ma'i kha lta phyogs dang/ dor ba'i thabs dang dgos pa dang/ de la dgos pa dang/ ltas brtag pa'o/ /ku sha'i sngas dang stan sbyin pa la ku sha bsangs la gtso bo'i sngags kyis sngas su sbyin pa dang/ las bum gyis bsangs la las kyi sngags kyis
- 167b
stan du sbyin pa'o/ /gzengs bstod nas nyal du gzhug pa la/ gzengs bstod pa dang/ nyal ba la gnyis te/ slob dpon gyis 'jig rten du ni kun mkhyen dag ces brtse bas nges par bstan pa dang/ slob mas spro bas yid ches pas mnyan nas dga' bar bya ba'o/ /nyal ba la sbyor ba dang/ rmi lam brtag pa dang/ bzla ba'o sbyor ba la lus seng ge'i nyal stabs kyis dkyil 'khor dang slob dpon la sngas bstan la nyal ba dang/ ngag bsnyen pa'i dus kyi snying po bzlas pa dang/ yid 'gro ba dang bdag gi don 'dod pas tha mal la mi yengs pas nyal ba'o/ /rmi lam brtag pa ni bdag gi so shing gi ltas dang mthun pa'i thun mong dang mchog gi ltas shog cig /ston cig ces brjod do/ /rmi lam bzla ba la bzla ba dang brtag pa'o/ /bzla ba bla ma la maN+Dal phul nas dang po 'am tha ma gang gsal bzla'o/ /brtag pa ni rmi lam bzang ba la sogs pa dang/ ngan pa mar nag gis lus byugs sam/ spre'u dang 'bu sbrang dang/ sdig sbrul gyis so btab pa rmis na zhe sogs man ngag gis sbyin sreg bya/ gzhan yang chus khyer ba la sogs pa rmis na sngags mang du bzla/ gzhan gyis bdag gi nor sogs khyer na bzang ba'o/ /gzhan yang bzang ba mang/ ngan yang sgyu mar shes na zlogs so/ /thig pa rgyu dang/ byin gyis brlab pa dang/ gdab pa'o/ /rgyu dkar po la sogs pa lnga'o/ /byin gyis brlab pa thig skud 'khal ba bdag lha gtso bo'i ngo bor gsal/ 'khal mkhan shar gyi lhar gsal nag po dkar po ser dmar ljang gu gtso bo'i 'od kyis ltar gsal/ 'od kyis rigs kyi thugs dam bskul bas sbyar ba dang snod du lha bskyed pa dang/ ye shes kyi lha dgug/ mchod/ bsgril /gnyis med thig tu gyur pa'o/ /gdab pa ye shes kyi mkha' la gdab pa dang/ dam tshig gi skud pas
- 168a
dkyil 'khor dngos la gdab pa dang/ ye shes kyi skud pas bsre ba'o/ /tshon la rgyu dang/ byin gyis brlabs pa dang dgye ba'o/ /rgyu rin po che 'am/ 'bru 'am dur khrod kyi rdzas sam/ sa dngos dang lnga'o/ / byin gyis brlabs pa lha'i kha dog gis phyogs ma nor bar snod du yi ge'i bris la gzhag pa dang/ lha bskyed pa dang/ ye shes pa dgug pa dang/ mchod pa dang/ gnyis med tshon du gyur pa'o/ /dgye ba la bsrung ba dang/ dgye ba dngos so/ /bsrung pa byang shar du gtso bo'i rim bas sor bzhi dgye ba dang/ lha lnga bskyed pa dang/ ye shes dgug pa dang/ mchod pa dang/ gnyis med du gyur nas bgegs mthar byed kyis bsrungs te ka pA las bkab la gzhag go bgye ba tshen phyogs dang sa la ma nor bar dgye ba dang/ tshon spra brtag pa'o/ /rtsig pa lnga nas re khAs par mchod par phyogs nas bris te sngon gyi bsrung ba nas bar chad dam de bas spoms sam/ 'phras sam phyi nang du yon slob dpon 'chi ba dang/ nang dang/ nor nyams pa dang/ cho ga 'khrugs pa la sogs pa rim pa bzhin 'ong bar shes par bya'o/ /de las log pa bzang ba'o/ /rtog pa med pa 'am mi shes pas bris na nyes pa med/ /rgyan dgram ba ni bla bre la sogs pas dkyil 'khor gyi nam mkha' brgyan pa dang/ phyi nang gi mchod pas dkyil 'khor gyi sa gzhi brgyan pa'o/ /cho ga dngos dbang bskur ba la bzhi las/ bum pa'i dbang la bum pa la/ sgrub pa dang/ bskur ba dngos nyid las/ sgrub pa la rnal 'byor gsum bzhi'o/ /bskur pa dngos la slob dpon gyis blang ba dang/ slob ma la bskud pa gnyis las/ slob dpon gyis blang ba la dkyil 'khor du 'jug pa dang/ dbang dngos gnyis kyi dkyil 'khor
- 168b
du 'jug pa la zhugs pa dang/ zhugs nas phyir shar sgor byung ba dang/ phyogs bcu'i sangs rgyas dang bla ma de'i sa bon gyi 'od kyis spyan drangs te/ de nyid la gzhag pa dang bdag gi sa bon las spros la phyi nang de nyid kyi mchod pa dbul ba dang/ dga' chen zhes gsol ba gdab pa dang/ bdud rtsi btung ba dang/ mkhyen par gsol ba dang/ khyod su zhes dris nas/ slob dpon dang mi bskyod pa spyi bo na yod pa'i ngo bos bskul nas shar gyi sgo bas nang bcug pa dang/ sdom pa sbyin pa dang/ bdag gis kyang sangs rgyas chos dang zhes khas blang ba dang/ phyogs bcu nas yang ngo bos bskul/ shar sgor bkug mchad nas bdag la phyogs bcu'i sangs rgyas thams cad 'khor lor gyur nas bcug pa dang/ mchog gi ye shes byin nas thun mong du rnams kyang 'grub par lung bstan pa dang/ sku rdo rje bkug nas bcug pa dang/ thugs rdo rje bcug pa dang/ gsung rdo rje bkug nas bcug pa dang/ de thams cad slob dpon las byung bas mnyan par shes pa dang/ sku gsung thugs kyi ye shes man ngag ltar dbab pa dang/ de nas bskor ba bya ba dang/ phyag bya ba dang/ de nas yi dam gyi lha ngo shes pa dang/ lha de rnams ngo bo gcig pas tha dad pa ma yin par kun shes pa dang/ bdag la de rnams la gso ba brjod pa'o/ /dbang la byang chub ces zhu ba dang/ bskur ba gnyis las/ bskur ba la bgegs khro bos bskrad ba dang/ bdag la pad sogs gdan dang/ gdugs sogs rgyan dang/ bskur ba dngos te gsum mo/ /bskur ba dngos la bum sogs slob mas blang ba dang/ rdo rje'i de nyid dang/ dril bu'i de nyid dang/ phyag rgya'i de nyid bskur ba ltar man ngag gis byin gyis brlabs la dbang blang ngo/ /gsad dbang man ngag bzhin byin gyis brlab /
- 169a
gtang/ blang ngo/ /shes rab ye shes kyang de bzhin no/ /bzhi pa yang de bzhin no/ /slob ma la dbang bskur ba yang de'i rim pas te/ de yang dkyil 'khor du gzhug pa dang/ dbang bskur ba'o/ /gzhug pa la nang du gzhug pa dang/ gsang ba bsgo ba dang/ dkyil 'khor du gzhug pa'o/ /nang du gzhug pa ni las bum gyis gsang ba'i mig ras A kham gyis byin gyis brlabs la bcing ba dang/ A khaM zlos su gzhug pa dang/ dga' chen zhes gsol ba gdab pa dang/ las kyi slob dpon gyis rdo rje dang me tog su ra ta stwaM/ zhes snying gar sbyin/ A khaM gis nang du gzhug /gang yin zhes dri/ nang du gzhug pa'o/ /gsang ba bsgo ba la gsum ste/ rgyud sbyang ba/ bsgo ba dngos dang/ ye shes dbab pa'o/ /rgyud sbyang ba la lnga ste/ thog ma zhes pas sdig pa sbyang ba dang/ utpA da yas sems bskyed pa dang/ sdom pa 'dzin du gzhug pa dang/ mkha' gsang nas dbyung ba dang/ bgegs bsal ba'o/ /bsgo ba dngos la bdun te/ 'dod chags chen po las byung ba'i/ /'khor lo'i de nyid gzugs brnyan bzhin/ /zhes byin gyis brlab cing gnang ba nod pa dang/ sangs rgyas thams cad kyis byin gyis brlabs kyis brlabs pas smrar mi gzhug pa dang/ mchog gi dngos grub thob pa dang/ 'di ni khyod dam tshig gi rdo rje zhes rdo rjer byin gyis brlab pa dang/ rdo rje sems dpa' zhes thugs rdo rje dang/ 'di ni khyod kyi dmyal ba'i/ zhes gsung rdo rjer byin gyis brlabs la smrar mi rung bar bsgo ba dang/ de rnams slob dpon las byung bas brnyas pa ma byed par bsgo ba'o/ /ye shes dbab pa la slob mas ye shes zhu ba dang/ slob ma'i ye shes dbab pa dang/ babs na zhes lus ngag yid brtag pa'o/ /dkyil 'khor du gzhug pa
- 169b
la dgu ste/ snying po'i zhes dam bca' ba dang/ 'khor lo bskor ba dang/ pra ti zhes me tog dor ba dang/ snang ba dri ba dang/ gtsug tor la sogs pa dngos grub rab 'bring brtag pa dang/ stobs po che zhes me tog mgor bcing ba dang/ oM rdo rje sems dpa' zhes mig dbye ba dang/ ltos shig ces dkyil 'khor bstan pa dang/ shar sgo nas dbus kyi bar du lha bstan pa'o/ /la la de kho na nyid 'dir ston te/ de ni ma yin te/ saM gra ha nas dbang bskur nas ni de nyid bstan/ gzhan du na ni dngos grub dang/ shin tu ring bar 'gyur ro zhes/ rdo rje 'dzin pas yang dag gsungs zhes pas dbang rdzogs nas 'khor lo de nyid bstan par bya'o/ /dbang bskur ba la slob dpon mnyes par bya ba dang/ bskur pa gnyis so/ /mnyes pa la phyi nang de nyid gsum mchod pa las phyi'i mchod pa yon du lus ngag yid gsum dang bcas pa dbul ba man ngag gis so/ /nang sha lnga bdud rtsi lnga 'aM byin gyis brlabs la nang gi sbyin sreg tu bya'o/ /de kho na nyid ni dbang gi ye shes shes pas ga bur ma nyams pa'o/ bskul ba la bum pa la sogs pa bzhi las/ bum pa la sbyor ba dang/ dngos gnyis las sbyor ba rdo rje zhes nod pa dang/ gdan bsham pa dang/ rin po che la sogs pa'i rgyan gyis brgyan pa dang/ gdugs la sogs pa bkra shis kyi rdzas dang/ mchod pa bsham pa dang/ til la sogs pas bgegs bskrad pa dang/ phyogs bcu'i sangs rgyas thams cad spyan drangs te/ bcug la mchod pa dang/ phun sum zhes bkra shis brjod pa'o/ /dngos la phyi nang gsang ba gsum gyis 'khor lo mchod lha mo lnga dang rigs lngar gyur te/ sangs rgyas spyan gyis las bum gyis ji ltar zhes dkrus pas dri ma rkang par bud par bsam pa dang/ he ru ka dang rnam par snang mdzad kyi phyogs bcu'i sangs rgyas thams cad
- 170a
kyis gsang ba gsum zhes pas gtso bo dang/ shar bum bskur bas sku'i rigs thams cad dang bcas pas lus la bcug nas bdud rtsis lus rgyas te dpral bar rnam snang byon pa'o/ /de nas chus bsangs te cod pan dang thor tshugs la rin chen 'byung ldan bskyed de/ ye shes kyi 'khor lo bkug mchod bstims nas thor tshugs su gyur/ mA ma kIs ji ltar zhes dkrus pas dri ma dang sgrib pa rkang par bud bar bsam pa dang he ru ka dang rin chen 'byung ldan gyis phyogs bcu'i sangs rgyas thams cad kyi/ gsang ba gsum las byung ba yi/ zhes gtso bo dang lho'i bum pa thogs nas bskur bas yon tan gyi rigs thams cad dang bcas pa lus la btsud pas bdud rtsis lus brgyan te rna brtag g.yas su rin chen 'byung ldan du gyur pa'o/ /de bzhin du rdo rje dang/ bdag po dang/ ming rnams la yang go bar bya'o/ /rdo rje slob dpon gyi dbang ni slob dpon kha cig 'dir 'dod mod kyi/ rje ri khrod zhabs kyis 'dir bzhi pa yan chad bskur nas so/ /de la 'dir rdo rje'i de nyid sbyin pa ni/ /rdo rje la gong ltar byin gyis brlabs pa rdo rjer gyur pa de tshigs bcad dang sngags kyis sbyin te/ /slob ma'i lag pa g.yas su ma las nyi ma hUM las gser gyi rdo rjer gyur par sgom du bcug la de gnyis med du zung zhes pas sbyin pa'o/ /dril bu'i de nyid kyang de bzhin du byas la lag pa g.yon par a dang kham las zla ba dang dril bur gyur pa dang gnyis med du sbyin no/ /thog mdza' med ces pa dang/ 'di ni sangs rgyas zhes pas gsor pa dang dkrol ba gsum gsum byed du gzhug go /phyag rgya'i de nyid dngos sam bskyed pa yang dam tshig dang ye shes pa mchod pa dang gnyis med du
- 170b
gyur nas sbyin no/ /rigs gang yin pa bsgom du yang gzhug go /de nas phyi nang de nyid kyis mchod do/ /de nas gsang dbang dang shes rab ye shes dang/ bzhi pa brgyud pa'i man ngag las blang ba'o/ /de nas rjes gnang rigs lnga sbyin/ de nas lung bstan te/ slob dpon sku cha lugs phyag rgya sngags des sangs rgyas thams cad kyis byin gyis brlab cing lung ston pa'o/ /de nas gsang ba sgrag /de nas dbugs dbyung ba dang/ de nas de nyid bstan pa'o/ /bcud du bya ba la phyag rgya bzhi'i don shes par bya ba dang/ bsgom par bya ba dang/ bsrung bar bya ba dang/ spyad par bya ba dang bzhi'o/ /phyag rgya bzhi'i don shes par bya ba dang/ dbang gis dgos pa shes par bya ba dang/ rgyud kyi don dang dkyil 'khor gyi cho ga shas par bya ba'o/ /dbang gi dgos pa la bzhi/ bum pa'i dbang tog la rig pa'i lha mos bkrus pa dang/ ma rig pa byad nas ye shes lnga skyes pa dang phung po lnga lha sngar rig pa'o/ /bum pa zlum pas dbye ba med pa chos sku 'byung ba dang/ chu 'dzin pas bde ba chen po'i sku 'byung ba dang/ /'khyer? che pas longs sku 'byung pa dang/ dri ma med pas sprul sku 'byung ba dang/ bcud mgul brgyan mtshan ma gsum rigs gsum gyi bdag nyid 'byung ba dang/ kha rgyan gzungs thag gnyis med kyi 'gro ba 'dren pa dang/ thor tshugs rigs lnga byung nas las lnga byed pa dang/ cod pan gyi ngo bo gcig cing rtog pa med pa'o/ /rdo rje dang dril bu dang/ bdag po dang/ ming ni dbang nas shes par bya'o/ /de nyid gsum yang tshig don ltar nyid do/ /ngas lus kyi nyes pa dag /sprul sku thob pa'i rten byed pa'o/ /gsang dbang gis dag gi nyes pa dag /sangs rgyas nas brgyud pas longs sku'i rten byed pa'o/ /shes rab ye shes kyis yid kyi nyes pa dang/ shes rab la rten pas
- 171a
bde chen sku'i rten byed pa'o/ /bzhi pas lus ngag yid gsum gyi sgrib pa dag /chos sku'i ngo bo rtogs brdas bstan te bla ma las byung bas so/ /rgyud don shes par bya ba pa ni lta ba ste/ 'di rab tu mi gnas pa yin te/ sems tsam du 'dod pa dang/ sgyu mar 'dod pa yang nyes pa med par brjod do/ /de la rgal pa bye brag tu smra ba dang/ /gzhan don med nas ma btub na mdo sde pa theg pa chen por 'dod la sngags su cis ma btub can yul sems so sor 'dod pas zhe'o/ /'o na zla ba grags pas sgron gsal du gnyis bshad pa zhe na/ de kun rdzob tu bstan zhe'o/ /'o na dngos por 'dzin pa skyon nam don dam skyon na rnam bcas kyang zhe na/ de rnam pa sems su 'dod pas zhes so/ /'o na mdo sde pa rnam pa dang/ sems tsam pa rten 'brel zer ba zhe na/ rten 'brel du 'dod pa tha dad ces so/ /rgyud kyi rgyu mtshan gzhan ltar yang shes par bya la/ 'dir rgyu'i rgyud sems can/ thabs kyi rgyur rgyud sde bzhi/ 'bras bu'i rgyud sku bzhi'o/ /de yang brgyud pas rgyud de/ sems can las brgyud pas sku bzhi/ 'brel pas rgyud thabs rgyu des 'brel nas ma nor bas rgyud sku bzhi 'dod pa 'byung la/ de ltar rgyu thabs dang 'bras bur brgyud nas 'brel zhing ma nor bar 'dus pas rgyud du gdags/ 'dus pa las 'bras bu 'dus pa ni 'di lta ste/ rdo rje mkha' 'gro nas/ rgyud kyi don ni gnyis yin te/ /don dam pa dang kun rdzob bden/ /don dam brjod du mi nus te/ /kun rdzob chu'i zla ltar bstan/ /zhes pas don dam la brjod du med do/ /kun rdzob la kun rdzob dngos dang/ don dam la dpyad du med pa'o/ /kun rdzob dngos la gnyis te/ kun rdzob la gong bzhin gnyis/
- 171b
rnal 'byor pa'i yang sngags dang mtshan nyid gnyis sngags la yang gzugs sku dang/ chos sku gnyis/ chos sku la yang bde ba chen po dang/ stong pa gnyis so/ /de yang kun spyod nas/ 'gro ba 'di kun sangs rgyas mnga' bdag nyid// gar mkhan ngag dang ri mo bzang ltar snang/ /gang du bde chen zhes pa gcig po nyid/ gcig po nyams ni du mas gar mthing ngo/ /zhes pas so/ /des na don dam brjod du med kyang/ kun rdzob tu bde ba chen po'i ngo bo kho na yin la/ chos thams cad gsang sngags yin la/ gsang sngags kyis 'chang rgya ba'o/ /de ltar na shAkya thub pa dang/ de bzhin gshegs pa gzhan yang sangs rgyas pa sngags kyis yin par bstan la/ bskal pa grangs med gsum du pha rol tu phyin pa drug ston pas sangs rgyas so zhe na/ kun spyod nas/ rgyud rnams kun tu gsang ba yang/ /rgyud 'di yis ni rnal 'byor pa/ /bden pa gnyis la yang dag brten/ sprul pa dngos la de nyid bstan// zhes pas bde ba chen po brjod du med pa mu bzhi dang bral te/ phyi rabs la bden gnyis zhes pha rol tu phyin par sprul skur bstan yang/ sprul sku 'di sems can la sngags dang/ pha rol tu phyin par snang ste/ sprul sku nyid bde ba chen po nyid do/ /snang ba de sngon du rgyu dang/ rkyen song pas 'byung ste/ tsa ri ka pa bzhin mkha' ltar yas phub ces rgyu med min no/ /des na bde ba chen po yin yang sems can gyi don du pha rol tu phyin pa bstan nas bde ba chen po thob nas tshogs chung zhing sangs rgyas pa'o/ /thams cad gsang ba'i rgyud nas/ dper na sgra'i mkhan po ngag sgra'i skyon med don tshol te/ /ma shes pa la ka kA dang/ ki kI dbyangs yig ston par byed do/ /ces pas 'dir yang sangs rgyas thams cad bde ba chen por gnas la 'gro ba'i khyad par gyis theg pa'i rim par bstan pa'o/ /lam
- 172a
'dus pa yang/ chos kyi phung po brgyad khri dang/ bzhi stong gi ni grangs snyed kun/ /yi ge gnyis su de bzhin 'dus/ /zhes pas gsang sngags kyang thabs gzugs sku bskyed rim dam tshig gi phyag rgya dang/ las kyi phyag rgyar 'dus la/ shes rab chos sku dang bde ba chen por byung pas chos kyi phyag rgya chen por 'dus pas so/ /de yang eM bi ma yang sh+ru ta me kasmin/ zhes pa dang/ 'di skad bdag gis thos pa dus gcig na/ zhes pas rgyud sde bzhi/ phyag rgya bzhi sku bzhi'o/ /de yang e las kyi phyag rgya 'di skad ces dngos min te/ las kyi phyag rgyas dpe mtshon pa'o/ /baM chos kyi phyag rgya 'di ste/ don chos kyi phyag rgya rnyed pa'o/ /ma phyag rgya chen po skad ces pas brdas mtshon pa dang/ rigs pas mi rnyad pa'o/ /ya dam tshig gi phyag rgyas 'di skad ces pas sprul pa sgyu mar snang ba'o/ /de bzhin dang sgra'i stobs kyis/ /sh+ru ta me kasmin bdag gis thos pa'i dus gcig la sbyar nas d+harmA kA ya/ saM b+ho ga kA ya/ nir ma Na kA ya/ mahA su kha kA ya ni rim pa ltar chos dang/ longs spyod rdzogs pa dang/ sprul pa dang/ bde ba chen po'i skur 'byung ba'o/ /rgyu 'dus pas sems can gyi bsam pas 'dul ba dang/ theg pa chung ba kri yog tu 'dus la/ mngon pa dang theg pa chen po nang par 'dus so/ /rdo rje phreng ba nas/ thabs chung bya mang don ring bas/ /phyi pa kri yog spyod lam ste/ thabs che bya nyung don nye bas/ /de phyir nang ste bla na med ces so/ /de yang drang don nges don du 'dus te/ 'jam dpal gyis zhu pa'i mdo nas/ 'og ma gong du 'gro bas drang ba ste/ ma nor de nyid 'byung bas nges pa yin/ /zhes pas de yang mtshan nyid thams cad drang don/ sangs rgyas bde ba chen por 'gro bas gsang sngags thams cad nges don/ sangs rgyas thams
- 172b
cad bde ba chen por gnas pas 'dul ba dang/ theg? pa chung ngu'i mdo drang don chen po dang mngon par 'gro bas mngon pa dang/ theg pa chen po'i mdo thams cad nges don/ /'gro don du nges pas 'dul ba drang don/ chung ba'i mdo sde nges don/ rgyu las dang 'bras bu ston pas pha rol tu phyin pa lnga gong du 'gro bas theg pa chen po'i mdo drang don/ rgyu de rnams shes rab kyi pha rol tu phyin par nges pas nges don no/ /rgyu las dang 'bras bur 'dod pas kri yog drang don/ ma nor ba'i 'bras bu nyid la spyad pas nang pa nges don/ thabs la brten nas 'gro bas pha rgyud drang don/ shes rab rgyud la rtogs pas ma rgyud nges don/ de rnams rim par brgyud pas rgyud rnams drang don/ rgyud don sku bzhi nges pas nges don te/ sku bzhi sgyu ma kun rdzob yin pas drang ba'i don/ don dam mtshon du med pas nges par shes par gyis/ zhes mtshon pas grub med nyams dga' tsam sku bzhi 'grub par rig par bya'o/ /dkyil 'khor gyi cho ga shes par bya ba la sgra don gnyis las/ sgra la bsnyen pa dang/ dkyil 'khor gyi cho ga dang/ dbang bskur ba gong ltar ram/ gzhan ltar shes par bya'o/ /don gyi khyad par la nges don dang drang don du shes par bya ba dang/ drang don nges don du sgrub pa la gnyis las nges don dang drang don du shes par bya ba la gnyis te/ nges don ni dkyil zhes bya/ dbus zhes bya ba dang/ mad+hya ma ste/ dbu ma mu bzhi dang bral ba la/ gang mu bzhi dang bral na 'khor zhes bya/ g.yog ces bya'o// ka bya d+har ste/ dngos por 'dzin pa mu bzhi dang bral la/ che ge ces bya/ sgrub pa zhes bya'o/ /sA d+ha sa ha dza ste/ lhan cig gdod nas gnyis med du yod par shes pa'o/ /drang don la snod du bya ba shes pa dang/ bcud bya ba la yang bsnyen
- 173a
pa dang dkyil 'khor cho ga dang/ dbang bskur ba shes par bya'o/ /nges don dang drang don du shes par bya ba de yang/ dgyes pa'i rdo rje nas/ ston pa po de chos kyang nga/ /nyan pa'i tshogs ldan zhu ba dang/ zhes pas de dag thams cad nges par bcom ldan 'das nyid sems can drang ba'i don du mdzad pa ste/ nyan thos dang/ so so'i skye bo dang mu stegs pa rnams la ni mdo dang 'dul ba ltar yang snang ste/ byang chub sems dpa' rnams la gong ltar sdom pa gsum ldan de snang ba'o/ /bsnyen pa'i dus na slob dpon gyi mtshan nyid bzhir brtag /ces pa sku bzhi dang ldan pa'o/ /brgyud pa dang ldan zhes pa chos skur gnas pa'o/ /dam tshig ces pa bde ba chen po'i skur gnas pa'o/ / rgyud sde zhes pa longs skur gnas pa'o/ /gzhan don zhes pa sprul? skur ston pa'o/ /zhu 'bul zhes pa byang chub mchog tu sems bskyed pa'o/ /'og min du longs sku la zhu ba phul ba bum pa'i dbang zhes pa 'og min du dbang bskur ba'i snang ba de rgyal po zas gtsang gi sras btsas nas khrus gsol ba na bla ma la me tog ces pa ni chos sku bde ba chen po las ma g.yos par sprul sku ston pa'o/ /rdzas byams pa'i stobs phan chad kyis bsag ste spos kyi glang po la sogs pa dkor mang ba la phyogs bcu'i sangs rgyas dang/ byang chub sems dpa' dang/ chos skyong thams cad kyis mchod nas dzam+bu'i gling du lung bstan pa de phyi'i mchod pa'o/ /yab yum gyi gnas su bcas nas yi ge lnga las mngon byang lngar nyams su myong ba de nang mchod/ /de'i dus na yum gyi lhums na bzhugs pa de de kho na'o mchod pa'o/ /yab yum gyi dkor spos kyi glang po la sogs par snang ba de chos skyong la gtor ma ster ba'o/ /rigs bzhi la nor zas kyi sbyin pa gtong bar snang ba de slob
- 173b
ma yongs su skyob pa yin la/ dmangs la nye ring med par pha rol tu phyin pa drug tu spyod par snang ba de dang/ gzhan rjes su smon pa de gnyis ka slob dpon las sdom pa len pa'o/ /sku skyo nas grong khyer du 'chag pa la skye rga la sogs pa'i snang ba mthong ba des 'khor ba la yi mug par ston pa de so so thar pa'i bslab pa srung pa'o/ /de'i dus su rgyal bu ming sring phan chad sbyin pa byas pa'i snang ba de theg pa chen pa'i sdom ba srung ba'o/ /yum las bstams par snang ba de mkha' gsang byin gyis brlab pa'o/ /rgyal rigs dang bram ze'i rigs che bas bstod pa'i snang ba de rgyu gang bsnyen gyi sngags zlo ba'o/ /rdzas kyi bye brag la ma chags pa'i snang ba de/ dpa' o po dga' ston byed pa'o/ /de nas khyim spong zhes yab yum la zhu ba'i snang ba de sangs rgyas 'das pa la zhu ba'o/ /maN+Dal gong ltar ro/ /longs sku la zhu ba'i snang ba de slob dpon shes pa la zhu ba de 'das pa'i sangs rgyas so/ /brgyud pa zhes pa 'das pa'i sangs rgyas de yang sku bzhi dang ldan pa'o// der rgyal srid bzung ba'i snang ba de rdzas kyi lha bsnyen pa'o/ /rgyal po chen po bzhis bteg pa'i snang ba de rnal 'byor bzhis lta bsnyen pa'o/ /dpal lha las babs pa'i rtsar phyin pa'i snang ba de chos skyong ba bsnyen pa'o/ /mchod rten la mkhan po byas pa dang/ bcom ldan 'das nyid las med la/ sdom pa len pa'i rjod byed gtso bo dang 'khor la bsnyen pa'o/ /dbu skra nyid kyis bzhar ba'i snang ba de yi ge brgya pas mtshams sbyar ba'o/ /der chos thos dang khyim pa'i rtags spangs shing sdom pa dang ldan pa'i snang ba de bsnyen pa'i rtags/ /mtshan ma grangs kyi bsnyen pa sngon du skyel ba'o/ /de nas shar du ma ga d+har byon pa'i snang ba de dkyil 'khor gyis tshol ba'o de yang mis ma mthong
- 174a
bar nyid snang ba la 'khor gyis bskor zhes grags pa de ting nge 'dzin dang ldan pa'o/ /shar du gzigs nas byon pa'i snang ba de sangs rgyas zhi bas sgrub pa'o/ /thams cad spangs par snang ba de dben pa btsal ba'o/ /phi li par pa tar bzhugs pa'i snang ba de phyi rabs la brtag pa dgos par bstan pa'o/ /bram ze mo bzang ldan la dris nas bram ze 'ga' yar g.yar ba de/ bdag po la bslang ba'o/ /lha ma yin gyis bar chod byed par bsgrags pa de bdag po dngos snang ba med pa la bslang ba'o/ /bar ma chod par snang ba de rnal 'byor bzhis bzung ba'o/ /sa'i lha mo sku bstod ston pa de dpang du gsol ba'o/ /der 'gyur ba mang du snang ba de ji tsam 'dod pa thugs kyis bcad pa'o/ /de'i zur bzhir rdo rje phur pa bzhi btab bde khro bos mtshams bsrung ba'o/ /lhung bzed bskyur bas sa la thim pa'i snang ba de sa gter bcug pa'o/ /klu u bi ka gnyid sad pa la lhung bzed du shos nas nyal ba'i snang ba de/ sa bdag ma dga' nas sa gta' la chags pa'o/ /bdud rnams kyi mda' mtshon me tog tu song ba'i snang ba de gtor mas lan chags 'jal zhing bar chad zlog pa'o/ /rgyal po chen po bzhis bzhengs par bskul ba'i snang ba de slob ma rigs bzhis bskul ba'o/ /bzhengs nas spyan ltas bas bdud mo rnams 'dod pas steg par mthong ste spyan g.yas pa bstan nas se gol gtogs pas rgan mor song ba'i snang ba de spyan g.yas pa'i te las nyi ma bskal me ltar sreg pa'o/ /'gyod nas bdud mos gus pa phul bas sngar bzhin song ba'i snang ba de spyan g.yon pas a las zla ba'i 'od kyis snying rjes nyams pa gsos pa'o/ /de nas
- 174b
dbang ldan nas phur pa'i mtshams nas phyogs bzhir g.yas bskor du byang chub shing la dbyangs dang ldan pas lan gsum bskor bas rdo rje la sogs pa bzhi zhabs rjes la byung ba'i snang ba de/ rdo rje brkyang bskum gyis dra gur du byas pa'o/ / dbyangs rak+Sha ste/ rdo rje'i mda'i dra bar gyur pa'o/ /rdo rje'i gdan mi 'gyur zhes grags pa de/ de ltar bsrung ba'i byin brlabs dang bsam pa'o/ /sa yul de phyogs gzhan pas mtho bar grags pa de tshad ldan du brtsig pa la sogs pa'o// shin tu dri zhim zhing nyams dga' ba de dri dang ba'i lngas byug pa'o/ /sa'i lha mo de nyid du thim pa'i snang ba de sa'i lha mo lhag par gnas pa'o/ /byang chub kyi shing de sangs rgyas thams cad kyi rten yin pa'i snang ba de me tog bkod pa'o// 'das pa dang ma 'das pa kun gyi yang rten pa'i yang rten zhes grags pa'i snang ba de lha grangs kyi me tog dkod pa'o/ /byang chub kyi shing las 'od zer byung nas sangs rgyas thams cad kyis byin gyis brlabs par grags pa de maN+Dal bkod pa la rnal 'byor bzhis bskyed pa'o/ /de la sangs rgyas tshigs bcad bzhi 'don pa'i snang ba de 'khor lo dang/ gzhan la gsol ba gdab pa'o/ /nges 'khor gyi mu stegs kun dga' nas yi rang ba de chos skyong la gsol ba gdab pa'o/ /'od zer de sangs rgyas pa'i snang ba de 'khor lo mkhan la bteg pa'o/ /phyogs skyong bzhis bum pa phul ba'i snang ba de bum pa sta gon no/ /bum pa gcig tu byin gyis brlabs pa'i snang ba de dkar pos byugs pa'o/ /khong rang gis so sor mthong la gzhan gyis gcig tu mthong ba'i snang ba de rin po che dang sa las byas pa'o/ /byin gyis brlabs pas mdzes shing che ba'i snang ba de mu stegs kyis spangs pa'o/ /tshangs pa la sogs pas rang rang
- 175a
gi nor gyi dgos pas mtshan ba btub pa de mtshan ma btab pa'o/ /phyi dro gsol du ma rung nas ras bkang nas ku sha'i khar bzhag pa'i snang ba de mgul chings dang gdan la gzhag pa'o/ /khyim bdag gi bu mos 'o ma drangs pa yang der blugs pa'i snang ba de bcud blugs pa'o/ /de blugs pa'i byang chub kyi shing gi gzugs der shar ba'i snang ba de lha bskyed pa'o/ /de las rlangs pa byung nas byang chub kyi shing la phogs bas 'dab ma gcig der lhung ba'i snang ba de ye shes kyi lhar spyan drang ba'o/ /de la kun ngo mtshar skyes nas mchod pa'i snang ba de spyan drangs pa de la mchod pa'o/ /bcom ldan 'das kyis na mo bud+d+hA yang/ zhes brjod nas shing lo der bcug nas thams cad 'o mar gyur te gzhag pa'i snang ba de lha mchod bsnyen sgrub tu zhu ba'o/ /de la kun dga' nas spro la sangs rgyas nyid kyang dgyes pa'i snang ba de sta gon la 'jug pas dga' ba'o/ /bcom ldan 'das kyis bkyed nas shing la gzigs pa'i snang ba de dga' chen zhus pa'o/ /shing la yang 'od zer byung bas bcom ldan 'das dang bum pa la phog pa'i snang ba de bu tshur zhes pa dang/ bum pa la sngags kyi gzungs thag gdags pa'o/ /sangs rgyas kyi na mo bud+d+hA ya/ na mo d+harmA ya/ /na ma(rgyud 'grel): saM g+hA ya/ zhes brjod pas phyogs skyong la sogs pas phyag byas pa dang/ ne rany+dze na'i nya che chung dang phrad cing mu stegs rnams 'khor du gyur pa'i snang ba des sangs rgyas sprul pa'i sku ste/ de ltar snang ba dang/ rgyal po'i khab bya rgod phung po'i ri la shes rab kyi pha rol tu phyin pa gsung pa dang/ sh+rI da na pha rgyud gsungs pa la sogs pa gcig yin pas sangs rgyas rdo rje sems dpa' i rnam 'phrul
- 175b
rgyud re re nyid la chos rgyud ltar la de ltar yo gsungs pa yo rgyud do/ /dge 'dun 'khor de yo 'khor lo'i lhar ston pa nyid do gong na ston pa po zhes pas so/ /de ltar yang ldan sngags su shes pas thams cad sangs rgyas 'jig rten na bzhugs pa dang/ thams cad chos ltar gyur pas srog mi gcod pa dang/ thams cad grogs dang dge 'dun yin pas phyir mi ldog pa'i yon tan ston pa'o/ /de nas sangs rgyas 'khor rnams zhi la rang rang gi spyod lam gyi chos ston pa rigs kyi sdom pa 'dzin pa'o// klu kha la me 'bar gyi sangs rgyas bsdigs pas sangs rgyas kyi sku las me dpung dpag tu med pas klu bred pa de zhi sogs kyi sbyin sreg byed pa'o/ /rtsa ku sha la mnyel bso ba de mkha' gsang byin gyis brlabs pa'o/ /tshangs pas me tog gtor ba dang mchod pa'i snang ba de mchod pa gnas su mdzad pa'o/ /pad+ma'i skud pa g.yas kyi dpung pa la bcings pas rlung zhi ba dang/ khyim bdag gi bu mo'i g.yon la btags pas rlung zhi ba'i snang ba de bsrung skud g.yon du btags pa'o/ /khyim bdag gi bu mos 'o thug lhung bzed blangs nas drangs pas gsol ba'i lhag ma 'khor la byin pa'i snang ba de gtor ma btang ba'o/ /zhal du tshoms shing gis dri ma phyis nas dor bas n+ya gro d+har gyur pa de so shing dor ba'o/ /ku sha sngon du bor bas snga phyir byin gyis brlabs stan byas pa'i snang ba de ku sha'i sngas la gtso bo'i sngags btab pa dang/ stan la sngags kyis btab pa gding ba'o/ /yo bskrad nas byang chub kyi shing la dbu gtad nam g.yas sa la phab nas gzims par snang ba de lus ngag yid tha mal la min par 'khor lo mgo gtad seng ge'i nyal stabs su gzims pa'o/ /srod la bdud kyis sprul pa byas pa las/ 'od zer sku la byung ba'i snang ba de rmi lam ngan pa zlog pa'o/ /lha mo rnams kyis mchod pa bzhes nas
- 176a
mnyes pa'i snang ba de rmi lam bzang nas mnyes pa'o/ /de nas shing drung du gshegs pas sku la 'od lnga byung ba'i snang ba de thig skud lnga bkal ba'o/ /'od tshur 'dus byang chub shing la 'od lnga byung ba ni thig skud snod du bcug nas lha lnga bskyed pa'o/ /'od des phyogs bcur khyab nas sangs rgyas thams cad bkug pa'i snang ba de ye shes kyi lha bkug pa'o/ /phyogs bcu'i sangs rgyas byon nas nam mkha' i mdun na bzhugs pa la mchod nas shing la bzhugs pa'i snang ba de thig skud lha mchod nas thig skud du byas pa'o/ /shin tu bsal nas sangs rgyas gnas su gshegs pa'i snang ba de thig btab nas skud pa bsal ba'o/ /tshon yang de bzhin du 'od lnga de phyogs kyi snang ba tshig lnga'i rgyu 'od lnga phyogs nas spros/ phyogs phyogs su thim/ phyogs phyogs su gsal/ rigs lnga grags pa dang/ bcom ldan 'das nyid dbus na gnas pa'i snang ba de/ lha bkye bkug ma chod bsams bkye gsal bdag gi ting nge 'dzin gyis gtso bor bsal pa bsrung ba'o/ /'od zer gyi snang ba la 'khor gyi rtogs tshad ni pra brtag pa'o/ /byang chub kyi shing gi shar nas gzigs pa'i zhabs rjes yod pa de dkyil 'khor du bcug pa'i bye brag lho phyogs su ku sha'i stan la bzhugs pa dang/ shar gyi zhags rjes la bkra shis rdzas brgyad mnga' ba'i snang ba de la dbang stegs la gdugs stsogs gyis mchod pa'o/ /sku la me dpung phyung pas bdud dang mu stegs byar? bros pa'i snang ba de bgegs bskrad phyir sbyin bsreg dang til sngags pa'o/ /byang phyogs su gshegs pas pad+ma bcu gsum byung ba de dbang la bum pa dang/ cod pan dang/ rdo rje dang/ bdag po dang/ ming dang/ de nyid dang/ gsang dbang dang/ shes rab ye shes
- 176b
dang/ bzhi pa dang/ rjes su gnang ba dang/ lung bstan pa dang/ gsang ba bsgrags pa dang/ dbugs dbyung ba bskur ba'o/ /byang chub kyi shing la zla ba gcig tu gzigs pa'i snang ba de dkyil 'khor dang lha'i de kho na nyid lta ba'o/ /nub nas shar du gzigs nas 'od zer bkye ba'i snang bde dbang rdzogs pas 'gro don byed par shes pa'o/ /lha'i dbang po ze'u sprog lnga pa phul bas dbu la gsol ba'i snang ba de rig pa'i dbang lnga thob pa'o/ /tshangs pas bsreg shang dang par bu phul ba phyag g.yas g.yon du gzung ba'i snang ba de rdo rje dang dril bu'i de nyid thob pa'i rtags/ sgrol mas chos gos gsol ba'i snang ba de phyag rgya'i de nyid thob pa'i rtags/ legs skyes sam 'o thug drangs pa gsol nas sku gser du gyur pa de gsang dbang thob pa'i rtags/ legs skyes mas sbyin len nor la ston pas gsungs pa de shes rab ye shes thob pa'i rtags/ me long sgra sogs phul ba la bltas sogs byas nas slang gtang pa de bzhi pa thob pa'i rtags/ lha tshangs pas gser gyi 'khor lo phul ba de rjes gnang thob pa'i rtags/ de ltar phul yang chos ma gsungs pas nam mkha' la sangs rgyas thams cad mngon sum du mthong nas khyod mngon par rdzogs nas sangs rgyas pas chos ston zhes pa de lung bstan to/ mya ngan las 'das par bzhed pa la/ tshangs pas zhus pa de gsang ba bsgrags pa'i rtags/ de nas shAkya'i rigs shing gi lho phyogs su rab tu byung ba'i snang ba de dbugs phyin pa'i brtags/ de nas bya ba gtong gsungs pa de dkyil 'khor gyi de nyid go ba'i rtags so/ /bcud du bya ba la phyag rgya bzhi nges don drang dang drang don du shes par bya ba la yang bzhi ste/ dam tshig gi phyag rgya shes par bya ba dang/ sangs rgyas te chos gos la sogs pa sbyin
- 177a
par btang ba 'byor ba'i tshogs sogs pa'o/ /po ka rir sku khrus mdzad nas mya ngan las 'da' bar bzhed pa la changs pas gsol ba yan chad gdams pas tshogs bsags pa'o/ /rgyal po bzhis chos ston drangs pa bzhes nas gcig tu byas nas tshogs pa la bkye bas tshad med bzhi bstan/ thams cad bzhag nas shing drung du gshegs nas bdud skyengs bas bsrung ba'i grwa gur yan chad bstan to/ /shing la sku brten nas zhal shar du gzigs pas mngon byang lnga las rgyu'i rdo rje 'chang ste sbyor ba dang po'i rnal 'byor ro/ /sku de las 'od phyogs bzhir spros slar 'dus te shing gi zil pa dbu gtsug la phog pas thugs mnyam par gnas pa de'i rgyu'i rdo rje 'chang zhu bgo la/ sgrol ma la sogs pa lha mo bzhis bskul bas de las bzhengs nas sgrol ma la sogs pa la bltas pa de lha mo bzhis bskul nas rdo rje 'chang bzhengs pa go ste rjes kyi rnal 'byor ro/ /sku las 'od byung phyogs bcur spros bas sangs rgyas thams cad mdun du snang bar gyur nas bcom ldan 'das kyi sku la thim pa de 'khor lo rdzogs par bskyed pa ste/ rdzogs pa'i rnal 'byor ram/ dkyil 'khor rgyal mchog tu go ba'o// de nas thugs ka nas 'od 'phros nas snang bas khyab nas slar thim pa de ye shes sems dpa' bcug pa'o/ /de na dbang po rnams nas 'od byung snang bar byas slar 'dus pa skye mched byin gyis brlabs pa'o/ /yang mdzod bu dang/ ljags dang/ thugs ka nas de bzhin du rim gyis 'od 'phros slar bsdu sa pa de sku gsung thugs byin gyis brlabs pa'o/ /gtsug nas 'od byung bar snang ba ni dbang bskur ba'o/ /khyim bdag bu mos yang 'o thug drangs pa ma gsol bar
- 177b
mdun du gzhag pas sku gsal bar gyur pa de bdud rtsi myang ba'o/ /'on kyang thugs ka nas 'phros 'dus lha ma'i tshogs kyis mchod pa de phyi nang gsang ba'i mchod par go la/ de nas changs pa la sogs pas bstod par go ba'o/ /de nas 'od zer de thams cad sku la thim nas gnas pa de bskyed pa rdzogs par go'o/ /de ltar mnyam par gnas pa de dam tshig gi phyag rgyar bsgom par go/ las kyi phyag rgya des don dang drang don du shes par bya ba ni de ltar gnas pa shing la sku rgyab gtang pa de a ba d+hU tI la dbugs yod la sa la ban yod pa'o/ /rtsa ba me rlung la zug pa yang/ rtsa de'i zhabs go ba'o/ /rtse mo lho nub tu 'ong zhing zil pa 'bab pa de bdud rtser sA na g.yas nas 'bab pa'o/ /yan lag byang chub na yar 'ong ba la lnga na'o/ /yal ga phra la mang ba de rtsa phran mang ba'o/ /dus der lo ma rje ba de nyid mongs ye shes su song ba'o/ /me tog nub mo gsal ba de kun la gsang ba'o/ /'bras bu phra zhing shing la thang chu med pa ni ro nyams su myong zhing nyon mongs pa med pa'o/ /sku de grib ma la bzhugs pa de mi spong ba'o/ /chos kyi phyag rgya'i nges don dang drang don du shes par bya ba ni sku drang por zhal shar du gzigs nas bzhugs pa de brgyud pa'i man ngag yod cing nyams su len pa'o/ phyag gnyis sa gnon dang mnyam pa nyid ni rten 'brel thabs shes rab mnyam gzhag dang rjes thob tu bsgom pa'o/ /spyan sna rtser gtang ba de dpas de mtshon cing rnyed pa'o/ /zhabs rdo rje skyil krung du bzhugs pa de ye shes go zhing gdeng dang ldan pa'o/ /phyag rgya chen po sku mi snang bar mdzad nas 'od dang sprul pas kun tu khyab pa'o/ /de yang dam tshig gi phyag rgya ci dgos she na/ 'byor pa dang gdams pas bsod
- 178a
nams kyi tshogs bsags pa ni rgyu las 'bras bu 'byung bas sangs rgyas ltar sprul sku 'byung ngo/ /de yang tshad med bzhi dang ye shes kyi tshogs sogs pas ma nyams shing 'byung ba'o/ /de gnyis rgyud bsod nams med na mi 'byung bas de'i rgyu'i dus so/ /'bras bu rten dang brten pa sangs rgyas re re'i snang ba de bsrungs pas bdud med pa'o/ /de yang stong pas 'chi bdag bcom /mes nyon mongs bcom/ dri gur gyis phung po bcom/ khro bos lha'i bu'i bdud bcom ste/ de ltar bdud med pas gzhal yas khang ji tsam 'dod pa rang rang gis bstan pa'o/ /mngon byang lnga las sku bzhengs pa sbul sku/ pha dang ma'i sil dang ga bur zla nyi hUM zlum po/ /'phro 'du'i tshogs kyi rgyu mthun de las sku bzhengs pa sngon stong pa yi ge lngar byas pa 'og min las chad pa mi 'dod pa thams cad rang gi sems su 'dod pas 'jig rten pa'i snang ba phra ma las rang gi mngon byang lnga las sku byung ba'o/ /zhu nas bskul bas bskyed pas 'dod chags 'dul pa mthong nas yab yum bzhengs pa/ /zhu bar gyur pa mi rtogs pa/ bzhengs pa 'gro ba gdul byar bya ba gzhan mdzad pa'o/ /dkyil 'khor rdzogs pa sras bltam pa'o/ /ye shes sems dpa' bkug bcug gnyis med dgyes pa bdag dang sangs rgyas ngo bo gcig pa/ dus mi mnyam pas bkug pa/ tha dad med pas bcug la/ mi rtog pas gnyis med byas pa'o/ /'gro don nus pas mnyes pa'o/ /skye mched la mngon shes 'byung ba'o/ /rigs gsum 'dus nas 'dul bas sku gsum byin gyis brlab pa'o/ /sangs rgyas la dbye ba med cing mi rtog pas dbang ngo/ /
- 178b
bde ba chen por gnas pas bdud rtsi myang ba'o/ /'jig rten pa thams cad kyis shAkya thub pa la sogs pa mchod pas mchod pa'o/ /sems can 'dren pas bstod pa'o/ /mi rtog pa'i rang bzhin gyis ngo bos rdzogs rims so/ /yang na de ltar byas pas ye shes sems dpa' la sogs pa la sems can gyi snang bas rdo rje gdan du 'ong la sogs pa gong bzhin shes par bya'o/ /gsang sngags bzhin byas pas sgyu ma sogs kyis da ltar bsgom pa de ltar bskyed par shes par bya'o/ /'dir rab tu mi gnas pas byang chub sems dpa' i snang ba la brten nas brten pa'i rnal 'byor bar snang ba sems la rdo rje gdan ltar snang ba'o/ /de yang las kyi phyag rgya'i rtsa yod pas sangs rgyas thams cad kyi lam rgyab na gnas pas sangs rgyas thams cad kyis brten pa /me rlung yod pas thabs dgos pa la lA dang ra sA na sangs rgyas/ /dgos pa spyi bo nas 'bab pa sangs rgyas brgyud pa'i gsang gis ye shes thob pa dang nyams su myong ba'o/ /rtsa bran dang nyon mongs pa med pa la sogs pa long spyod rdzogs pa'i sku byung ba dngos/ chos kyi phyag rgya'i bde ba chen po gnas pa la sku gnyis 'byung ba dang/ pha rol tu phyin pa'i lugs gong gi ltar rdo rje gdan du byung ba'o/ /phyag rgya chen pos sku gdong nas mu bzhi dang bral ba de rnams 'byung zhing de nyid yin par pha rol tu phyin pa'i gong ltar mi snang ba 'od du gyur pa'o/ /de yang sprul sku shAkya thub pa dang/ he ru ka sems can gyi snang ba longs skur byang chub sems dpa' i snang ba/ bde ba chen po rang gi bde ba chos kun la khyab pa'o/ /drang don dang nges don du sgrub pa la snod bsgrub pa dang bcud bsgrub pa'o/ /snod bsgrubs pa ni rdo rje mkha' 'gro nas /lus nyid kyi dkyil 'khor dag tu bsgrub/ /'bras bu
- 179a
de las 'byung ba'o/ /bsnyen pa gong 'og ltar bsgrubs te/ zhes 'byung ba dkyil 'khor cho ga las btsal ba/ bsod nams kyi tshogs sogs pa/ brtag pa ye shes kyi tshogs bsags pa/ bslang ba gzhal yas khang dang rgyu bskyed pa 'bras bu rdzogs pa ye shes bcug pa'o/ /gzung ba skye mched nas bstod pa yan chad do/ /bcad pa phung po khams dang skye mched la sogs pa gang 'dod gdod nas yod pa'o/ /sbyang ba rnams dag shes pa'o/ /rtsig pa lus gru bzhir byung bas phung por chags pa'o/ /thig 'khor lo bzhi la sogs pa'i rtsa/ tshon ga bur snang bas khrag 'bab pa'o/ /rkyen gnas snying dbus na/ ming a ba d+hU tI'i gzugs yi hUM /lha gtso bo dbyibs thig le /ngo bo khu ba/ las can gyi rgyu sems kyi 'phrul pa/ bde ba'i rang bzhin mi rtog pa/ nyams stong pa'i ngang/ rtogs pa dang ldan pas phun sum tshogs pa lnga dang/ sku bzhi de las 'byung bas gnas brgyan la/ ma rtags pa'i 'khor ba de las so/ /byang chub kyi phyogs kyi chos sum cu rtsa bdun/ pha rol tu phyin pa drug /stong pa bco brgyad yin la/ mngon byang lnga las 'khor lo phyung ba'o/ /ma rtogs pa 'khor ba'i gzugs sogs dang/ khrag dang khu ba la sogs pa sems can gyi lus 'byung ba'o/ /dbang bsgrub pa rgyud ltar man ngag gi rtsa dang rlung dang bsgom pa dkyil 'khor gyi sta gon no/ /nyams su myong pa'i bsgrub pa'o/ /rang las byung ba'i dkyil 'khor du bcug pa mthong ba'o/ /lus rgya nas 'byung bas mi gnod pa bum dbang thob lus kyi nyes pa dag la'o/ /spyi bo nas babs pas gsang dbang thob dag gi nyes pa dag pa'o/ /yid mnyam par gzhag pas dbang gsum pa thob yid kyi nyes pa dag pa'o/ /thams cad de ltar rtogs pas lus ngag gi nyes pa
- 179b
dag pa bzhi thob pa'o/ /bcud bsgrub pa la phyag rgya bzhi'i tshul dang/ drang don nges don du bsgrub pa la theg pa che chung gnyis/ chung ba'i skyabs dkon mchog gsum zhes pa gong du bstan pa'i he ru ka phyi nas yor snang ba de dang/ rgyud 'khor lor gyur bas so/ /mchod pa dngos po thams cad lhar shes pa'o/ /dus shes pa de nyid do/ /yon tan de ltar gnas pas so/ /thams cad lhar gsal bas dge 'dun dang 'grogs/ lha la lhas srog mi gcod pa/ bdag nyid lha yin na phyag gang la 'tshal te mi nyams pa'o/ /rten gzhan slob dpon yi dam lha spyi khyad par 'phags pa drug 'gro drug dang bye brag bdun las byung ba'o/ /slob dpon pas lhag pa med /sngags las lhag pa'i chos med /rigs lnga'i sdom pa las lhag pa med pas 'grub pa'o/ /so so thar pa'i ris bdun dag pa'o/ /rtsa ba tshad med pa bzhi /rang bzhin ye shes kyi tshogs/ yan lag rnam par snang mdzad gzhal yas khang rten dang bcas pa lha gtso bor brten pa'o/ /rtsa ba bzhi dang yan lag bzhi ste brgyad gzhal yas khang dur khrod brgyad dang bcas pa'o/ /srog mi gcod pa dang/ rtsa ba gsum sa bon phyag mtshan 'phros 'dus gcig tu gyur pas yongs su rdzogs pa'i sku bzhengs pa'o/ /chang dang lha bsrung ba mngon byang lnga las grub pa'o/ /khyim pa'i rtags spangs pas sangs rgyas kyi sku gsal bar bsgom pa/ rab tu byung ba'i rtags rdo rje pad+ma byin gyis brlab pa/ mu stegs kyi rtags spangs pa ye shes kyi 'khor lo gzhug pa /sangs rgyas pa'i rtags bsgrubs pa bdud rtsi zhal du zhugs pa/ dge ba'i rtags spangs pa bsgrub pa dge ba'i rtags 'khor lo lngar gyur pa'o/ /rtsa ba bzhi dang yan lag bdun sngon du tshad med bzhi bdun dag pa bsags pas lha mo bzhi 'byung ba'o/ /
- 180a
chang dang klu zhes pa glus bskul ba'o/ /dge slong gi rtsa ba bzhi glu bzhi blangs pa'o/ /lhag ma bcu gsum gyis yab yum gyi sku rdzogs par bsgom pa'o/ /ma nges pa la sogs pa'i sdom pa drug yab kyi thugs kyi sa bon dang/ yum gyi thugs ka'i sa bon gsal ba dang/ sa bon de spro ba dang/ rigs kyi thugs dam bskul pa dang/ las sbyang ba dang/ gnyis med du spyan drang ba dang/ yi ge lnga dang 'dres nas zhu ba dang/ zhal du zhugs pa dang/ rtsa rnams nas babs? pa dang/ bsrungs pa dang/ gzhal yas khang bskyed pa dang/ gtso bo la sogs pa'i gdan bskyed pa dang/ gtso bo dang 'khor bskyed pa dang/ gtso bo dang rigs lnga'i las byas nas gzhag pa lnga'o/ /rtsa pa lnga zhes pa 'khor lo rdzogs par bsgom pa rgyu 'bras mngon byang lnga las bskyed pa'o/ /rtsa ba'i sbyor ba dbang ma bskur ba/ dngos ma mnyam pa/ mjug ma bsgoms pa'o/ /de gsum ka med pa las nyan thos kyi sdom pa med na nyams pa chen po'o/ /ma nyams pa sgoms na nyams pa spom pa'o/ /dbang med par nyams na nyams pa chung ngu'o/ /ma mnyan na nyams pa spom po'o/ /dbang dang bsgom pa med na phra mo'o/ /gcig las med na ltung byed do/ /yan lag bsod nams kyi tshogs dang rnal 'byor bzhi rdzogs rims sbyor ba dngos 'jug go /de'i nyes pa yang gong bzhin no/ /rtsa ba'i nyes pa dbang dang sdom pa dang/ bslab pa gsum char blangs na sgom pa'o/ /mnyan la bsgoms nas chung ngu byung ba dbang bskur ba mnyan/ phra mo dang dbang bskur la bsgom/ ltung byed re re med pa blang/ nyes pa la sogs gang spyad de bslang ba'o/ /de yang dbang dang slob dpon la tshogs dbul ba dang/ maN+Dal gyis bshags phyis mi byed par bsdams pas thub pa'o/ /chang zhes pa bdud rtsi myang ba dang/ ga bur ma shor ba'o/ /gtang sems
- 180b
zhes pa sngags gzhag pa'o/ /rgas zhes pa ma nus pa'o/ /bsnyen gnas zhes pa ye shes sems dpa' gzhug pa dang/ skye mched dang sku gsung thugs byin gyis rlabs pa dang/ dbang bdud rtsi bzhi dang/ dge bsnyen bzhi dang/ dge tshul dang/ dge slong chos bstod pa ste/ skabs zhes pa long yod na legs par bcos/ med na bsgom bya'o/ /bcos thabs nges par bskyed ces pa/ de ltar shes pa'i sngags pa la 'dul ba'i rtsa ba yan lag re re mi gnod/ thabs de slar gos pas thug go / sngon yang sangs rgyas kyang he ru ka dang/ rgyud ston par 'khor la snang la/ 'khor yang sdom gsum dang ldan pa'o/ /des nyams pa bcos su btub sngags gtso bo'o/ /des na sngags sgrub pa la blo bskyed cing brtson par bya'o/ /dus nges zhes pa sngags las/ in+d+ra b+hu ti dang/ Dom pi la sogs pa ltar phrad ma thog dang/ rang zhig dang/ nges pa med par thob la /ma grub bar du ngan 'gror mi skye pas ji srid do/ /yon tan yang yi dags ston pa'i rgyud nas /dam tshig phyag rgya legs bsgoms na/ rnal 'byor pa yis gzugs gnyis 'thob/ ces pas mi'i nang nas bram zer skye la/ ngo tsha shes pa dang khrel yod pas sdom pa gsum yang des thub cing sku bzhi yang de las byung ba'o/ /yon tan che ba la sogs pa de ltar gnas pa'o/ /thob dus dbang thob mnyam bsgoms bsod nams kyi tshogs bsags rnal 'byor bzhi rdzogs rim shes bsgoms pas de nyid na'o/ /de ltar yon tan shes na gsum la skyabs su 'gro ba dang/ lus ngag yid kyis sdig pa bshags la/ chos 'gro ba'i don du sna tshogs spyod kyang rang nyid sngogs? don shes pas gzhan don du byed pa'o/ /sangs rgyas dang byang chub sems dpa' rnams kyang nyid la rtog pa med par gzhan don mdzad pa'o/ /gso sbyong zhes pa gong ltar sbyor ba dngos mjug la dus thams
- 181a
cad dam dus khyad par can rgyud nas don bstan pa la spyod pa'o/ /dus mchog thun mong zhag zla ba na yang 'ong pa'o/ /chos zhes pa dang bdag gis gong ltar nyes pas 'gro don du lus ngag yid kyis de rnams ha cang ches te/ 'byor nus yod na lha khang la sogs pa bzhengs shing gso ba dang /rgyud dang mdo dang 'dul ba dang mngon pa dang/ bstan bcos bri ba dang/ mchod par bya'o/ /ma 'byor na yang yid kyis spyod lam bzhi la mi dog pas thun bzhir nyams su blang bar bya'o/ /theg pa chen po'i yang skyabs pa'i yon tan gong ltar sangs rgyas sbrul sku de he ru ka'i gzhug btul spro bsdu yod pa yin zhing chos kyang sems las shes pas shes rab kyi pha rol tu phyin pa yin la/ dge 'dun yang rang la yod pas 'khor ro/ /de ltar shes pas thams cad rang bzhin gyis don sangs rgyas kyi las yin na/ /sbyor dngos mjug gong ltar dang/ de ltar yang mthar thug dpung bzang po/ shes rab dang/ las dang/ smon lam dang/ sngon gyi skal pa la ma rmongs pas de ltar spyar pa shes par bya'o/ /blo de ltar med pa la sogs pas re re 'dra bas spyad de/ phan sems dang dam tshig thub na byang chub na byang chub kyi phyogs dang sngags 'grub bo/ /phyag rgya bzhi'i tshul du drang don dang/ nges don tu bsgrub pa la yang bzhi ste/ dam tshig gi phyag rgya bsgrubs pa'i yon tan de ltar shes pas thams cad dgos pa dang/ zhen pa rnams snying rje bar mthong zhing bya ba gtang ba 'byor pa'i tshogs yin la/ dge ba ci byas pa thams cad sems can gyi ched du sangs rgyas bsngo zhing/ bdun dag pa yid kyis byed pa bsod nams kyi tshogs dang/ bdag don la mi re gzhan don la mi spyod pa nyid tshad med pa bzhi dang/ thams cad sems stong par shes pa ye shes kyi tshogs dang/
- 181b
de ltar shes pas gzhan med pas bsrung ba dang/ de ltar sems gtso bas gzhal yas khang/ shes rab skye bas rgyu'i rdo rje 'chang yin la/ sems su dran pas sems la spros pa ye shes sems dpa' stim pa'o/ /de'i nus pa dbang po yul du snang bas skye mched kyi lha dang/ de yang bdag gzhan gnyis su med par byed pa sku gsum dang/ des 'gro don nus pas dbang dang/ nyams su myong bas bdud rtsi myang ba dang/ bkag pa med pas mchod pa dang/ ngo mtshan che bas bstod par shes pa'o/ /thams cad gsang ba'i rgyud nas/ de las de byung de nyid pa/ 'bad pas de nyid bsgom par bya/ zhes pas bde ba la zhes pas dam tshig gi phyag rgya bsgom pa'o/ /de yang sprul sku 'byung zhing rtog pa med pa la ma zad pa'o// brgyud las 'gro don snang bas dam tshig yin la/ zad pa med pas phyag rgya'o/ /las kyi phyag rgya yang de ltar du shes pas bde ba la bdag gzhan gnyis las 'byung bas rtsol ba'i las dang/ bden pa'i rgya'o/ /thams cad gsang ba'i rgyud nas/ las ni bdag gzhan bya ba ste/ nyams med gnas pa rgya ru bshad/ /ces pa'o/ /chos kyi phyag rgya yang de las shes pas thams cad chos su gyur pa de dogs med pas ma yengs pa'o/ /rgyud las chos las sems 'byung 'khrul pa chad mnyam mam ma langs kyang mi g.yo ba/ /zhes pas so/ /phyag rgya chen po yang de ltar gsum po shes pas bdag la dus dang ris med par sku bzhi 'byung ba'i phyag rgya bzhi la gnas pa'o/ /rgyud las/ phyag rgya chen po mchog chen po/ dus gsum mi nyams chos kyi sku/ /zhes so/ /de shes pas mi phan pas bsgom par bya'o/ /yi dags bton pa'i rgyud nas/ sku bzhi 'dod pas phyag rgya bzhi/ /ma bsgrubs thob pa ma yin te/ /rgyu rkyen med par sa bcus kyang//
- 182a
rgyu med byang chub sprul mi nus zhes pas so/ /las kyi phyag rgya rtsa dang rlung man ngag gis bsgoms pa'o/ /chos kyi phyag rgya ma yengs par bsgom ba'o/ /phyag rgya chen po mi 'dzin par bsgom pa'o/ /de yang slob dpon gzhan dag dkyil 'khor 'khor lo rdzogs nas lha bsdus nas nA da dang/ phra mo thig le bsgom zhing mi rtog par 'dod la/ rjes thob med par phyag rgya chen por 'dod de/ de yang ma yin te/ rims kyis 'og ma dgags te dgos pa med pa'i skyon ni la la mi dgos brtan byed du 'dod de/ yang mi bden te/ gsum la slob pa pas gcig nyid la bstan na skyed par nges te/ 'dir dbang bzhi sngon du song nas lam phyag rgya bzhi ka dgos la skad cig la bsgoms te 'bras bu yang sku bzhi 'byung bas bla ma brgyud pa dbang bzhi bskur nas shes par bya/ /bstan par bya ste/ de nyid nas bzhi ka dgos par dam tshig phyag rgya gcig bsgoms na/ rnal 'byor pa de gzugs gnyis 'thob/ las kyi phyag rgya gcig bsgoms na/ rnal 'byor pa de 'dod khams skye/ chos kyi phyag rgya gcig bsgoms na/ /rnal 'byor pa de gzugs khams skye/ /phyag rgya chen po gcig bsgoms na/ rnal 'byor pa de gzugs med khams/ /de bas sngags pas phyag rgya bzhi/ /lam bzhi sku bzhi bcu gnyis zangs/ /zhes pas man ngag las nges par 'byung bar bsgom mo/ /de ltar bsgrubs pa'i 'bras bu la gnyis te/ mthar phyin na sku bzhi 'byung ba la lam ma nor ba bzhi ste/ bum pa'i dbang thob/ lus kyi nyes pa dag /rig pa'i dbang thob/ lha lngar gyur pas dam tshig gi phyag rgya bsgom du rung ste/ de ltar skur shes shing bsgoms pas sha thams cad sgyu mar snang bas me long lta bu'i ye shes rig ste /sa'i khams dngos po med de/ sangs rgyas spyan ltar mthong bas
- 182b
sangs rgyas spyan gyis sgrub ba'i srogs? dang/ grub nas sems can gyi snang ba la sa'i khams sangs rgyas spyan du 'byung ba'o/ /sgyu ma'i snang pas 'gro don ma 'gags par mdzad la/ gzugs tsam bor shes pas gzugs rnam par snang mdzad kyis sgrub pa'i grogs byed la/ grub nas sems can gyi snang ba la gzugs rnam par snang mdzad du byung/ khrag gis lus khyab cing sdud la rnam pa de thams cad la stong ba'i rgyas thebs pas mnyam pa nyid kyi ye shes rig pa ste/ chu'i khams thams cad sdud pas mA ma kI dang lha ltar za mnyam ste/ mA ma kIs sgrub pa'i grogs dang/ grub nas sems can gyi snang ba la chu'i khams mA ma kIr 'byung ngo/ /skye med du mnyam par 'gro don rtog med du byed pas tsher ba la khyad med dgos pa 'byung bas rin chen 'byung ldan du grub la grub nas sems can gyi snang ba la tshor ba rin chen 'byung du snang ba'o/ /mes dngos po bsreg cing rnam pa de rnams ma 'dres par shes pas so sor rtog pa'i ye shes rig ste/ mes thams cad gsal pas/ gos dkar mos sgrub pa'i grogs dang/ grub nas sems can gyi snang ba la gos dkar mor byung ba'o/ /'du shes tshad med cing 'gro don mi 'chad pas 'du shes snang ba mdza' yas su sgrub cing/ grub nas sems can gyi snang ba la 'du shes snang ba mdza' yas su byung ba'o/ /rlung gi gnas su skyel ba de thams cad spyad pas bya ba nan tan gyi ye shes rig ste/ rlung gi khams bskyod pas sgrol mar gyur te bsgrub pa'i grogs dang/ grub nas rlung gi khams sgrol mar 'byung ba'o// 'gro ba yang ye shes gong nas gong du 'dus byas kyi don byas yod pas don yod grub pas grub pa'i grogs su 'du byed cing/ grub nas 'du byed kyi phung po don yod grub par 'byung pa'o/ /nam mkha' i khams rgya chad pas dngos por snang ba
- 183a
thams cad stong zhing bdag med pas chos kyi dbyings kyi ye shes rig ste/ nam mkha' i khams kyis khyab pa reg bya rdo rje mar gyur te/ grub pa'i grogs nam mkha' i khams reg bya rdo rjes byed la/ grub nas nam mkha' i khams reg bya rdo rjer 'byung ba'o/ /thams cad rang gi sems yin zhing stong par rig pas 'byung la /de ltar gsal bas rnam par shes pa des grogs byas nas rdo rje sems dpar sgrub la/ grub nas sems can gyi snang ba la rnam par shes pa'i phung po rdo rje sems dpar 'byung ba'o/ /de ltar shes tsam na yul thams cad longs spyod du btub pas mchod pa'i lha mo dang/ ye shes su 'gyur bas man ngag gis de lha dang bde ba dang/ me rtog pa'i dang/ stong par yul rnams song bas skye mched ltar 'gyur ba'o/ /de yang dngos po gsal ba myong ba bde ba gnyis med mi rtog pas/ sku gsung thugs su 'gyur ba'o/ /bdag tu gnas pa mi bskyod pa dbang du gyur pa'o/ /nyams su myong ba rdo rje 'dzin pa snang ba mdza' yas bdud rtsir gyur ba'o/ /de bzhin longs spyod ngo mtshar ba rin chen byung ldan dang/ don yod grub pa mchod bstod du gyur pa'o/ /de ltar gcig nyid rnam shes lnga/ /phung po lnga rgya khams lnga dang/ /de bzhin brgya stong khri 'bum du grub nas sems can gyi snang ba la byang ba'o/ /de ltar lus kyi nyes pa dag /rig pa'i lha mos bkrus lha lngar gyur pas dam tshig gi phyag rgya mthar phyin pa'o/ /gsang dbang thob pas dag gi nyes pa dag la ye shes kyi dbang thob longs spyod las kyi phyag rgya bsgom du rung ste/ sangs rgyas kyi ye shes byang chub sems dpas gtor ma byin te lce la gzhag pas a ba d+hU tIr phyin 'khor lo rgyas te/ sangs rgyas kyi byin gyis brlabs pas dag gi nyes pa dag la/ ye shes nyams su
- 183b
myong zhing 'dod yon spyad pas ye shes thob la longs skur gyur nas las kyi phyag rgya mthar phyin pa'o/ /de bzhin du klu sgrub nas brgyun pas de ltar dag /thob gyur mthar phyin pa'o/ /gzhan nas brgyud pa yang de bzhin no/ /shes rab ye shes kyi dbang thob nas yid kyi nyes pa dag /shes rab kyi dbang gis mi rtog par gyur nas chos kyi phyag rgya bsgom du rung ste/ sems nyid shes pa de las 'byung zhing smrar med pas gong ma rnams der bsdu /'dus pas mthar phyin pa'o/ / bzhi pas lus dang/ ngag dang yid kyi sgrib pa dag /tshig gi dbang brjod du med pa brdar bsgom du rung ste/ de ltar de bzhin bzhi pa'i zhes gsungs pas der bzhi'o/ /rgyas pas man ngag las shes par bya'o/ /snang ba'i chos thams cad kyi spyi'i mtshan nyid kyang de ltar shes tsam na phyogs kha dog rten dang/ phra rab tu snang ba gzugs la sogs sa sogs man ngag las brten pa dang/ 'gro ba re re la yang de bzhin gnas shing snang pa 'byar ba'o/ /de bzhin du bzhi par dkyil 'khor gyi cho ga dang bsnyan pa dbang bcu bzhir shes par bya'o/ /bsrung bar bya ba la yang rtsa ba dang/ yan lag ste/ gshin rje'i rgyud nas bstan pa'i rtsa ba bcu bzhi bsrung ste/ slob dpon dbang bskur ba dang/ chos ston pa gnyis dang/ dbang la las kyi dang/ rdo rje slob dpon dang/ gsang ba la sogs pa lnga'o/ /bsrung bya khyod kyi chos nga? mi byed khyod rang khyer/ de nas khyod kyi slob ma nga? min zhes pa dang/ bstan pa mi nyan par sdig las byed pa dang/ 'byor pa la gnod pa dang/ rku ba dang btsun mo la spyod pa dang/ brnyas sems dang/ nyes ra? brjod pa dang/ mang po'i gseb tu mdzes pa'o/ /bka' ni sangs rgyas kyis bsrungs pa ste/ bsrung ba bka' ltar mi byed pa dang/ ma mnyan par rang dga'
- 184a
'chad pa'o/ /rdo rje spu ni dbang dang rgyud dang man ngag slob dpon gcig pa 'am/ dus gcig pa'o/ /bsrung bya zhe sdang gis nyes pa brjod cing nyes pa grags na rung sems so/ /byang chub sems ni gong ltar sems can thams cad la bskyed pa dang/ kun rdzob yul la bskyed pa'o/ bsrung ba ni de dag don du sems pa dang/ ting nge 'dzin nyams par byed pa'o/ /sems can rnams zhes pa 'gro drug/ byams sems stong zhes pa phan mi 'dogs pa dang/ gdags med pa dang/ dge ba mi bsngo ba dang/ sems can gyi sdug bsngal ma shes pas rang 'dod byed pa'o/ /ma smin zhes pa dbang ma thob pa dang/ mi go ba la bsrung bya sngags dang/ /gdam ngag zab mo ston pa'o/ /rang ngam zhes pa sangs rgyas pa dang mu stegs dang gnyis/ bsrung bya dang po mi smad par mnyan rab tu lam yin min gyi grub mdza' bcad /de rab tu mi gnas pas mi smad do/ /tham phyag rgya bzhir rang gi snang ba la dbye ba med pas mi smad do/ /sangs rgyas zhes pas gong ltar sgrub shes tsam na'o/ /bsgrub bya sangs rgyas su mi sgrub pa dang/ srog steng pa dang/ sdig pa'i las kyis lus sdug bsngal par spyad pa'o/ /rang bzhin dag pa zhes pa chos thams cad rab tu mi gnas pa/ bsrung bya rtag pa 'am chad pa 'am/ phung po gsum pa 'am/ rten 'brel lam/ rnam pa dang bcas pa 'am/ rnam med dam sgyu ma don dam du 'dod pa'o/ /gdug la zhes pa bstan pa dang bla ma la sdang ba dang/ bdag grogs po la byams ldan zhes pa/ bsrung bya tshar mi gcod pa ni byams pa dang/ shes par dga' zhing kha spyang gis grogs byed pa'o/ /mi sgrogs zhes pa dang/ bdud rtsi sogs/ bsrung bya der zhes pa mi gced ba dang/ don yod pa mi shes pa'o/ /dad ldan zhes pa phyir mi ldog pa/ sems sun zhes pa bsrung bya ste/
- 184b
blo tshong dang ma sbyar ba gong 'og la sun 'byin par byed pa dang/ sngags la dad pa'i rigs ngan dang/ btsun pa dang bud med nyan du mi 'jug pa'o/ /ji bzhin rnyed ces pa ni rdo rje'i rigs la sogs pa'o/ /mi bsten zhes pa bsrung bya dang/ de la gzhan dbang spyod pa dang/ grogs su gyur pa'o/ /bud med ces thams cad/ bsrung bya mi lus rten bzang ba la ma brten pa dang/ ye shes kyi rten yin pa dang/ sprul sku lhums su bltams pa dang/ mngon byang lnga las byung ba dang/ longs sku de las byung ba'i ye shes kyi snang ba yin la/ bde chen gnas pa /zhes pa ni smad ba tsam mo/ /rtsa ba dang yan lag dang/ bla ma lnga bcu pa yang blta zhing bsrung ngo/ /nyams na skyon te/ rtsa ba nyams na dbang bskur ba dang/ tshogs 'khor bya zhing de nyid bslang/ /yan lag nyams na bshags pa dang/ maN+Dal 'byor pas bla ma dang/ /yi dam mchod cing de nyid bsrung/ /rtsa bar shes dang bsgom dang bsrung/ /spyad par bya ba bzhi po 'di/ /ma yengs gus par bya ba dang/ /gzhan don gtad par mi bya'o/ /spyad par bya ba la gong ma ltar shes pas/ snod dang/ gnas dang/ rgyal po dang/ dus dang ldan zhing bla ma la mi gnod pa dang/ /bstan pa la mi gnod pa dang/ rang la mi gnod pas zhi sogs dang/ dbang dang chos dang/ gtor ma dang/ sbyin sreg dag bdag gi tshe 'di dang/ phyi ma'i don min par gzhan dgrol ba'i bsams pas sbyin pa dang spyod pa'o/ /'gro ba 'dul bas 'dul ba la dang/ 'gro ba sbyor bas byang chub sems/ /rigs la sbyor bas dam tshig ni/ ma yengs spyod lam bzhis spyang bya'o/ /bdag blo rmongs pas gus pa yis/ /yun rings mgon po bsnyen pa las/ /brgyud pa'i brgyud don nyams myong nas/ /byams pa'i sems kyi nan tan byas /yi ges gsol btab dpal mo yis/ de nyid
- 185a
mthong ba'i lam 'di byas/ /'di las bsod nams ci thob des/ /'gro bas sku bzhi myur thob shog /de nyid mthong ba'i lam dpal ye shes rdo rjes mdzad pa rdzogs so// //rgya gar gyi mkhan po dpal de nyid dang/ lo tsa ba rdog bud+d+ha pA las bsgyur te gtan la phab pa'o/ /dpal shin kun tu tshogs 'khor sar gsol ba btab nas lha khang bi ha rar bsgyur ba'o// //*/ /bla ma brgyud pa'i rim pa'i man ngag ces bya ba slob dpon chen po phyag na rdo rjes mdzad pa bzhugs// // !/ /rgya gar skad du /gu ru pa raM pa rakra ma u pa de sha nA ma/ bod skad du/ gla ma brgyud pa'i rim pa'i man ngag ces bya ba/ bla ma dam pa rnams la phyag 'tshal lo/ dngos kun rang bzhin zung 'jug pa'i/ /'od gsal stong pa'i bdag nyid kyi/ /lhun grub de la phyag 'tshal te/ /de nas cung zad bri bar bya/ /shin tu bsdus par 'dod rnams dang/ blo dman skye bos rtogs bya'i phyir/ /de nyid thams cad mdor bsdus nas/ /cung zad tsam zhig bri bar bya/ /re zhig gang zag ni gnyis te/ spre'u lta bu dang/ khwa ta lta bu'o/ spre'u lta bu ni rim gyis 'jug pa'o/ /khwa te lta bu ni cig car 'jug pa'o/ /rim gyis 'jug pa'i dbang du byas na theg pa ni gsum ste/ nyan thos kyi theg pa dang/ rang sangs rgyas kyi theg pa dang/ theg pa chen po'o/ /theg pa gsum ni gnas pa bzhi la gnas te/ gnas pa bzhi ni bye brag tu smra bar gnas pa dang/ mdo sde par gnas pa dang/ rnal 'byor spyod par gnas pa dang/ dbu mar gnas pa'o/ /nyan thos dang rang sangs rgyas ni bye brag tu smra ba la gnas so/ /bye brag tu smra ba la yang gnyis te/ nub phyogs bye brag tu smra pa dang/ kha che bye brag tu smra pa'o/ /nyan thos la gsum ste/ dbang po tha ma
- 185b
dang/ 'bring dang/ rab bo/ /de la tha ma dang 'bring po ni nub phyogs bye brag tu smra ba la gnas so/ /rab dang rkyen rtog ni kha che bye brag tu smra ba la gnas so/ /theg pa chen po la yang gnyis te/ rgyu mtshan nyid kyis theg pa dang/ 'bras bu rdo rje'i theg pa'o/ /de la mtshan nyid kyi theg pa la gsum ste/ tha ma dang/ 'bring dang/ rab bo/ tha ma ni mdo sde pa'o/ /'bring ni rnal 'byor spyod pa'o/ /rab ni dbu ma pa'o/ /rnal 'byor spyod pa la gnyis te/ rnam pa dang bcas pa dang/ rnam pa med pa'o/ /dbu ma pa la yang gnyis te/ sgyu ma lta bu gnyis su med par smra ba dang/ chos thams cad rab tu mi gnas par smra pa'o/ /de ltar na sbyor ba dgu la dbye ba bzhi bzhi ste/ se sor rtog pa dang/ sgom pa dang/ sgom pa'i dri ma dang/ lta ba'o/ /de la dang por re zhig 'jig rten pa'i grub pa'i mthas bdag gcig pu/ rtag pa/ khyab pa/ tshangs par khas len pa'o/ /ma rtogs pa'i blo la de ltar snang na yang yang dag par grub par mi 'gyur te/ bdag gcig pu yin na gcig shi 'am skyes pas thams cad shi 'am skyes par thal ba dang/ gcig yin pa'i phyir skad cig ma yang rtag par khas len na 'chi 'pho dang skye ba med par thal bar 'gyur/ rtag pa yin pa'i phyir ro/ /khyab pa yin na gcig bde ba dang sdug bsngal ba thams cad bde ba dang/ sdug bsngal par 'gyur te/ thams cad la khyab pa'i phyir ro/ /de ltar rigs pas brtags na bdag yod pa ma yin pas de dag las drang pa'i don du nyan thos gyi theg pa brtan to/ /de la re zhig nyan thos tha ma'i so sor rtog pa na phyi'i don dmigs pa'i rkyen mtshan nyid par khas len zhing/ gang zag la bdag med pa zhes bya ba'i khur khur ba'i gang zag rtag pa yang ma yin mi rtag pa yang ma yin pa'o// //rtag pa la yin pa ni skad cig mas mi rtag pa'o/ /mi rtag pa ma yin pa ni rgyun gyis rtag pa'o//
- 186a
de lta bu'i gang zag rtag pa dang mi rtag pa las 'das par 'dod pa ni so sor rtog pa'o/ /lus ni 'dod chags ma spangs na 'khor par 'gyur spangs na ni grol bas lus kyi 'dod chags spang? ba'i phyir lus la mi gtsang ba dang/ mi sdug pa dang/ dur khrod ltar yan lag 'thor bar lta ba ni bsgom pa'o/ /lus la gtsang bar lta ba dang/ gang zag rtag par lta ba ni sgom pa'i dri ma'o/ /dus 'di nas bzung ste ji srid 'tshe'i bar du gsum la skyabs su 'gro ba dang/ dge ba'i rtsa ba ci mchis pa bdag nyid kyi don du bsngo ba dang/ snying rje dang bral ba dang/ rgan pa dang/ bde bar gshegs pa gnyis la phyag byed pa ni lta ba'o/ /'bring po'i so sor rtog pa dang lta ba ni snga ma bzhin no/ /'di ni khyad par cung zhig tsam sems can gyi don byed pa'o/ /sgom pa ni dbugs la slob ste/ kha dog dang dbyibs dang reg bya la slob pa'o/ /kha dog la slob pa ni dbugs dkar po sba lcag gi tshad? sor brgyad dam/ bcu gnyis sam/ sor bcu drug gam/ nyi shu rtsa bzhi 'am/ brgyad cu 'am/ ji tsam 'dod kyi bar du bgrangs la/ tshur 'ong ba lte bar phyin par slob pa ni utpa la 'am/ rdo rje lta bu la bya'o/ /reg bya la slob pa ni lte ba dang sna sgor grang pa'i reg bya la slob cing sgom pa'o/ /bum pa gang ba ltar gang ba'i rlung gis srog dang rtsol ba bkag nas dran pa med par gyur pa ni sgom pa'i dri ma'o/ /de ni nub phyogs bye brag tu smra bar bstan pa'o/ /nyan thos dbang po rab kyi so sor rtogs ni phyi'i don khas len pa sngon du 'gro bas lus bdag med par lta zhing 'phags pa'i bden pa bzhi bsgoms pas/ gang zag dang stong pa nyid du 'dod cing phyi bzung pa ni stong pa/ /nang 'dzin pa'i sems su 'dod pa ni so sor rtog pa'o/ /de la sdug
- 186b
bsngal ba ni phung po'i rang bzhin te/ shes par bya pa'o/ /kun 'byung ba ni rnam par rtog pa ste/ spang bar bya ba'o/ /'gog pa ni dbang po yul las log pa ste mngon du bya'o/ /khams stong pa nyid ni mar me bsad pa ltar bkag nas ci yang mi dmigs pa ni sgom pa'o/ /stong pa nyid dang rtag par sgro 'dogs pa ni bsam gtan gyi dri ma'o/ /gzhan gyi don byed pa'i khyad par ni lta ba'o/ /'di'i 'bras bu yang phung po lhag ma dang bcas pa dang ltag ma med pa'o/ /lhag ma dang bcas pa ni 'dod chags spangs la lus nyid ma spangs pa'o/ /lhag pa med pa ni 'dod chags dang lus gnyis ka spangs pa'o/ /'di ni nyan thos kyi byang chub bo// //rang sangs rgyas kyi so sor rtog pa ni nyan thos rab 'bring bzhin no/ /yang 'di'i khyad par ni slob dpon med par rang 'byung gi ye shes dang bsam gyis mi khyab pa'o/ /de yang rdzogs sangs rgyas ni mi 'byung zhing/ /nyan thos rnams dang 'das pa dang/ rang sangs rgyas kyi ye shes ni/ rten pa med par 'byung bar 'gyur/ /zhes? so/ /'di'i bsam gtan ni zhi gnas dang lhag mthong ngo/ /lhag mthong ni/ dbang po yul gyi grong las bzlog pa'o/ /zhi gnas ni/ lus dang/ ngag dang/ yang dag par sdom pa 'di ni de'i sgom pa'o/ /gnyid yur pa lta bur phyi'i spyod yul 'gags pa dang/ gnyis stug po sems dang sems las byung ba shin tu 'gags pa ni sgom pa'i dri ma'o/ /lta ba ni snga ma bzhi'o/ /'di'i 'bras bu ni tshogs na spyod pa dang/ bse ru lta bu'o/ /yang nyan thos dang rang sangs rgyas kyi snying rje yang sems can la dmigs pa'i snying rje ste/ 'du byed kyi sdug bsngal dang/ sdug bsngal gyi sdug bsngal dang/ 'gyur ba'i sdug bsngal lo/ /'du byed kyi sdug bsngal ni/ tshor ba btang snyoms kyi ngo bo'o/ /sdug bsngal
- 187a
kyi sdug bsngal ni tsher ba sdug bsngal gyi ngo bo nyid de/ 'gyur ba'i sdug bsngal ni tsher ba bde ba'i ngo bo nyid de/ 'di la dmigs shing snying rje byed pa ni sems can la dmigs pa'i snying rje'o/ /kha che bye brag tu smra ba bstan pa de ste theg ba chung ngu mdor bstan pa'o// //de nas gzhan yang theg pa chen po bstan par bya ste/ de la rgyu mtshan nyid kyi theg pa'i dbang po tha ma ni mdo sde pa'o/ /de'i so sor rtog pa ni phyi rol gyi yul cha shas drug gis gzhigs na/ rags snang gi ngo bo med de/ drug chas gzhigs na rdul lo/ /nyi zer gyi rdul bdun cha la glang rdul glang rdul bdun cha la lug gi rdul/ lug rdul bdun cha la ri bong gi rdul/ ri bong rdul bdun cha la chu rdul chu rdul bdun cha la lcags rdul lcags rdul bdun cha la rdul phra mo/ /rdul phra mo bdun cha la rdul phra rab bo/ /de ltar gzhigs pas phyi rol gyi dngos po thams cad rdzas su grub par 'dod do/ /de la phyogs snga ma mu stegs pa'i gzhung gis rdul phra rab thams cad 'dus pa cha shas gcig tu 'dod/ rdul phra rab cha shas can gcig yin na yul kha dog sngon po la dmigs nas shes pa sngon por skye ba'i dus su dkar po dang ser po'i kha dog thams cad gcig par thal bar 'gyur te/ gcig pa yin pa'i phyir ro/ /de bas na rdul phra rab ma 'dres pa cha shas can g.yag rnga dang ni'u sing 'da' 'byor pa mi snang ba'i ngo bor 'dod do/ /'on te mi snang na yod par cis mngon zhe na/ 'di mngon sum du rnam pa dang bcas pa'i shes pa yul gyis skyed cing 'dug pa'i phyir rdul phra rab yod par shes so/ /de ltar na phyi'i don ni rdul phra rab rdzas su grub pa des bskyed pa'i shes pa ni rnam pa dang bcas pa'i shes pa skad cig mar 'dod pa ni so sor rtog pa'o/ /bsgom
- 187b
pa la gnyis te goms par bya ba'i dus dang/ mngon du bya ba'i dus so/ /de la goms par bya ba'i dus ni dang por dbang po yul gyi grong las bzlog pa la bsam gyis mi khyab pa'o/ /de la bsam gyis mi khyab pa ni rdo rje sems dpa' sku mdog dkar po'i thugs ka ru nyi ma rdo rje'i lte bar hUM bsam mo/ /de nas rdo rje sems dpa' i thugs kar nyi ma la bsdu'o/ /nyi ma yang rdo rje la'o/ /rdo rje hUM la'o/ /hUM yang de bzhin gshegs pa drug gi rang bzhin no/ /zhabs skyed u ni don yod grub pa'i rang bzhin no/ /lus po ha ni 'od dpag tu med pa'o/ /mgo bo rin chen 'byung ldan no/ /zla tshes rnam par mdzad do/ /thig le mi bskyod pa'o/ /sgra ni rdo rje sems dpa' o/ /da ltar hUM gi zhabs skyed pa'o/ /ha sgra'i bar du rim par thim pas sgra dngos po med par bsgom/ de ni goms par bya pa'i dus so/ /mngon su bya ba ni skad cig la brten nas/ rdo rje skyil krung bcas nas ni/ /sna rtser g.yo ba'i yid gtad la/ /khyim par gyur kyang bsgom par bya/ /zhe'o/ /de bas na mig gnyis dang sems sna'i rtse mor gtad nas bltas pas cir yang mi dmigs pa de nyid bsgom pa'o/ /dri ma ni rang sangs rgyas lta bu'o/ /rdul phra rab lta bur chos thams cad mi dmigs pa ni shes rab kyi pha rol tu phyin pa ste/ des pha rol tu phyin pa lnga mi dmigs pa gsum gyis 'khor gsum yongs su dag pa byas nas 'bras bu la de pa med par sems can gyi don byed pa ni lta ba'o/ /pha rol tu phyin pa dbang po tha ma mdor bsdus pa'o// //'bring po ni rnal 'byor spyod pa ste/ drug gis cig car sbyar bas na/ pra rab rdul cha drug tu 'gyur/ /drug po dag ni ge gcig na/ /gong duAng rdul phran tsam du 'gyur/ /zhes pa'i rdul phra rab dag cha shas drug gis gzhigs na rdul du 'gyur te/ rdul
- 188a
phra rab ni khas len par nus pa ma yin pa de bas na 'di dag thams cad sems tsam ste/ sems las phyi rol gyi don log na yod pa ma yin pas sems dang sna tshogs gnyis su med par rigs pas rnam par brtag pa la kun tu brtags pa'i ngo bo gzung ba dar 'dzin pas stong zhing dben pa'i shes pa skad cig mas mi rtag pa dang/ rgyun gyis rtog pa skad cig ma snga phyi ma las rgyu 'bras bur skye ba dang bcas pa rang rig pa'i mngon sum gyis grub pa'o/ /lung las kyang kye rgyal ba'i sras dag khams gsum po 'di dag sems tsam mo zhes lung gis grub pa rnam pa dang bcas pa'i so sor rtog pa'o/ /shes bya gang dang gang dag la/ yid mi g.yo ba der sbyar na/ /gang du g.yo zhing 'gro 'gyur ba/ /thams cad de yi rang bzhin no zhes bya bas sems nyid sna tshogs su snang ba gnyis su med pas rtog pa ma lus pa spang bar yid la byed pa ni sgom pa'o/ /sems nyid skad cig ma rtog par 'dod pa ni legs ldan pa'i gzhung ste/ ting nge 'dzin gyi dri ma'o/ /rnam pa dang bcas pa'i rnam par rig ba tsam gyi shes rab kyi pha rol tu phyin pas pha rol tu phyin pa lnga mi dmigs pa gsum gyis 'khor gsum yongs su dag par byas nas bla med byang chub sems can gyi don du spyod pa ni lta ba'o/ /rnam pa med pa'i sems tsam gyis so sor rtog pa ni rnam pa dang bcas pa'i shes pa ni/ 'on te rnam pa bems po yin na shes pa rig pa ma yin la/ dper na nam mkha' rang bzhin med pa yin na bum pa ma yin/ bum pa yin na nam mkha' ma yin/ gzugs can dang gzugs med 'gal ba bzhin du rnam pa bems po yin na shes pa rig pa ma yin la/ shes pa rig pa yin na rnam pa bems po ma yin te/ rnam pa nyid shes pa dang tha mi dad na rnam pa 'dus byas mi rtag pa'i dus su ye shes kyang mi rtag pa ste/ 'dus byas
- 188b
su thal bar 'gyur ro/ /de bas na rnam pa dang bcas pa'i shes pa 'thad pa ma yin no/ /da ni rnam pa med pa dpyad par bya ste/ mnyam par gzhag pa'i shes pa dang/ rjes thob kyi shes pa'o/ /mnyam par gzhag pa'i shes pa ni kun tu brtags pa dang/ gzhan dbang gis stong pa yongs su grub pa'i ngo bo nyid ston ka'i nyi ma phyed kyi nam mkha' i dkyil ltar rnam pa dang spros pa la sogs pa'i dri ma med par rang rig pa bum pa'i nang gi mar me ltar gsal ba lung dang rig pas grub pa'i rang rig pa ni rang rig pa'i mngon sum gyis grub pa'o/ /lung ni ji ltar byis pas brtags pa yi/ phyi'i don yod ma yin na/ /bag chags kyis ni dkrugs pa'i sems/ /don du snang ba rab tu 'jug /gang zhig ji srid snang 'gyur pa/ /de srid sgyu ma bzhin du snang/ /snang ba med pa'i sems nyid ni/ /nam mkha' mdza' med dag pa bzhin/ /thub pa chen po'i chos sku ni/ spros pa med cing snang ba med/ /de las spu ba'i gzugs sku ni/ /rjes la sgyu ma bzhin du gnas/ /zhes bya bas/ mnyam par gzhag pa chos kyi sku'i rang bzhin ni rnam pa la sogs pa phyi'i don gyi spros pa med pa mi rtog pa/ rgyun gyis rtag pa skad cig mas rgyu dang 'bras bur 'dod do/ /rjes thob ni rnam par rtog pa'i bag chags kyi stobs kyis 'khrul nas/ phyin ci log tu snang ba'i sna tshogs nyid yang dag pa ma yin pa sgyu ma lta bu ste rjes la thob pa'o/ /de lta bu'i mnyam gzhag dang rjes thob tu 'dod pa ni so sor rtog pa'o/ /yang/ 'di dag thams cad sems tsam zhes/ /de ltar du ni shes nas su/ ci yang rung ste bdun 'jog na/ /de nyid tsam la mi gnas so/ /shes bya pa'i tshig gis sems nyid gnyis su med pa rang rig pa spros pa dang snang ba med pa mngon su byed pa sgom pa'o/ /sgos pa med pa rnam pa snang ba med pa'i shes pa rtag par 'dod pa ni nyi ma'i gzhung ste/ ting nge 'dzin
- 189a
gyi dri ma'o/ /rnam pa snang ba med pa'i shes rab kyi pha rol tu phyin pa yis pha rol tu phyin pa lnga mi dmigs pa gsum gyis 'khor gsum yongs su dag par byas nas sems can gyi don byed pa ni lta ba'o/ /'dir mdo sde pa dang/ rnal 'byor spyod pa'i snying rje yang chos la dmigs pa'i snying rje ste/ dpe chu'i zla ba rlung gis bskyong nas mi rtag pa ltar/ chos thams cad mi rtag pa'i rlung gis bskyong nas/ chos thams cad mi rtag pa la dmigs nas snying rje byed pa'o/ / rnal 'byor spyod pa'i grub mdza' mdor bstan pa'o// //da ni theg pa chen po dbu ma pa'i grub mdza' ni rnam par rig pa tsam nyid dang don du grub pa ma yin te/ rnam pa dang shes pa tha mi dad na rnam pa gcig dang du mas gzhigs na ma grub pa bzhin du sems nyid kyang yang dag par grub par mi 'gyur ro/ /gzhan yang yod pa dang med pa las skye pa mi 'thad de/ yod pa las skye ba'i 'bras bu yang skye bar thal ba 'am/ med pa skye na nam mkha' i me tog la sogs pa yang skye bar thal bar 'gyur ro/ /de bzhin du skad cig ma snga ma dang phyi ma las kyang skye ba mi 'thad de/ snga ma rgyu yod pa'i dus su phyi ma 'bras bu med de/ phyi ma 'bras bu yod pa'i dus su snga ma rgyu 'gag ste/ rdo rje gzegs mas gzhigs nas kyang rgyu 'bras 'brel pa med pa'i nyes pa yod pas skye ba mi gis? klu'i rgyal po ma dros pas zhus pa zhes bya ba theg pa chen po'i mdo las kyang/ gang zhig rkyen las skyes pa de ma skyes/ de la skye ba'i rang bzhin yod ma yin/ /rkyen la rag las gang de stong pa yin/ /gang gis stong nyid shes na mkhas pa yin zhe'o/ /des na rang rig pa nyams su myong pa nyid rten cing 'brel te 'byung ba'i phyir ma skyes pa'o/ /ngo bo nyid kyis skye ba yon de rkyen las rag ma lus par skye bar thal ba las skye bar ma nus pa'i phyir ro/ /gzhan yang/ rnam
- 189b
pa med pa'i shes pa ni/ yul la 'dzin par mi rigs te/ zhes bya ba'i tshig gis rnam pa med pa'i shes pa skye ru mi rung ste/ shes pa med pa nyid du thal bar 'gyur ro/ /dper na skye bo mig ma dag la mi mkhas pas nam mkha' la bltas na ma dag pa'i stobs kyis skra shad la sogs par snang la mi mkhas pas yang dag par 'dzin to/ /de bzhin du rnam par rig pa tsam yang 'khrul pa'i shes pa ste/ /ma rig pa'i stobs kyis sems su snang ba mi mkhas pa yang dag par 'dzin te/ 'khrul pa'i shes pa ni sems su snang na yang don du yod pa ma yin no/ /dper na rmi lam sgyu ma nyams su myong bas gong gi rmi lam snga ma brdzun pa bzhin du yang dag par gnyid sad na phyi ma nyid kyang brdzun no/ /de bzhin du phyi rol gyi don sna tshogs thams cad sems las logs shig tu ma grub ste/ brdzun pa bzhin yang dag par brtags na sems la rang bzhin med brdzun pa nyid do/ /de na sgyu ma lta bu'i gzhung bshad par bya ste/ yod min med min yod med min/ /gnyis ka min pa'ang ma yin pa/ /mdza' bzhi las ni rnam grol ba/ /de nyid dbu ma pa yis rig /ces bya bas/ yod pa ma yin pa ni gcig dang du ma'i sbyor bas gnod pa'i phyir ro/ /med pa ma yin pa ni snang ba nyams su myong ba yod pa'i phyir ro/ /gnyis ka mi yin pa ni gnyis ka la skyon yod pa'i pa'i phyir ro/ /gnyis ka ma yin pa yang ma yin pa ni rgyu med pa mi srid pa dang/ phung po gsum pa med pa'i phyir ro/ /de bas na mdza' gzhi las grol ba'i sgyu ma lta bu'i shes pa 'od gsal bar 'dod do/ /de yang mya ngan las 'das pa'i chos kyang sgyu ma lta bu rmi lam lta bu la mya ngan 'das pa las chos lhag pa'i chos yod na yang de yang sgyu ma lta bu rmi lam lta bu'o zhes gsungs pas/ sna tshogs dang sems nyid sgyu ma lta bur gnyis su med pa ni so sor rtog pa'o/ /sna tshogs thams cad chu zla 'am me long gi gzugs
- 190a
brnyan ltar bden pa ma yin la brdzun pa yang ma yin par sgyu ma lta bur gnyis su med par 'jog pa ni sgom pa'o/ /tshad par zhen pa ni sgom pa'i dri ma'o/ /sgyu ma lta bu'i shes rab kyi pha rol tu phyin pa yis pha rol tu phyin pa lnga mi dmigs pa gsum gyis 'khor gsum yongs su dag par spyad nas sems can gyi don byed pa ni lta ba'o/ /gzhan yang chos thams cad rab tu mi gnas pas sgyu ma lta bu nyid ma grub par 'dod de/ de yang 'di skad du/ gsal lam mi gsal yang rung ste/ sus kyang ji bzhin ma mthong bas/ /mo gsham gyi nus bzhin du/ /brjod du zin kyang don med de/ zhes bya bas sgyu ma lta bu nyid 'od gsal lam/ 'on te sems las gzhan zhe na/ sems las gzhan pa'i chos ni ma grub la/ sems nyid yin na sems nyid ma grub pa'i dus su sgyu ma nyid kyang mi 'grub bo/ /de ci'i phyir zhe na/ sems nyid las gzhan med pa'i phyir ro/ /rgyu ma lta bu yang mi mkhas pa'i shes pa ste/ sgro 'dogs skur pa 'debs pa ste/ dper na skyes bu ma dag pas mig nam mkha' la bltas na mig ma dag pa'i stobs kyis zla ba gnyis pa dang/ sgra'i 'khor lo la sogs pa snang zhes sgro 'dogs la/ mkhas pa'i shes pas snang ma thag tu med par shes te/ med do zhes skur pa 'debs so/ /de bzhin du sgyu ma lta bu yang las dang ma rigs pa'i dbang gis sna tshogs su snang ngo zhes sgro btags la/ mkhas pa'i stobs kyis snang ma thag tu stong ste/ sgyu ma lta bu zhes skur pa 'debs so/ /de bas na sgro 'dogs pa dang/ skur ba 'debs pa'i mdza' la gnas so/ /de nas gzhan yang chos thams cad rab tu mi gnas pa'i mthar smra bar 'dod pas 'di skad du/ sna tshogs rtag pa ma yin te/ tshad par yod ni khas mi len/ rtag dang chad pa gnyis ka dang/ gnyis ka min pa'ang ma yin no/ /
- 190b
'dir ni thams cad mi gnas par/ /dngos po'i de nyid mkhas pas rig /des na 'di lta'i rnam rtog gi /sems ni sems kyis rig ma yin/ /ji srid sgro 'dogs thams cad ni/ /de kun thams cad du med pas/ /dbu ma'i don la sgro 'dogs med/ / des na dgag dang sgrub pa med/ /ces bya ba dang/ gzhan nas kyang/ 'di la gsal ba ci yang med/ /gzhag par bya ba gang yang med/ /yang dag nyid la yang dag blta/ yang dag mthong na rnam par grol/ zhes bya bas yod pa'i sgro 'dogs dang med pa'i skur ba 'debs pa la mi gnas te/ sems nyid sna tshogs su snang ba nyams su myong ba nyid rten cing 'brel par 'byung bas na ma skyes pa ste/ ma skyes pa nyid skye ba ltar snang ste/ skye ba dang skye ba med/ pa gnyi ga tha mi dad do/ /de bzhin du snang ba nyid rigs pas rtags na stong pa yin la/ stong pa ma grub pa rigs pas brtag mi bzod pa nyid snang ba'o/ /snang ba nyid las kyang stong pa gzhan ma yin la/ stong pa las kyang snang ba gzhan ma yin no/ /dper na smig rgyu la chur snang ba nyid la chu yis stong la/ chu med pa nyid chur snang ste/ chur snang ba dang chu med pa gnyis tha dad pa ma yin no/ /de bzhin du snang ba nyid na rang bzhin med pa/ rang bzhin med pa nyid snang ba'o/ /snang ba dang rang bzhin med pa stong pa nyid ni tha mi dad de/ dper na bud shing dum mes bsregs na me'i ngo bor gcig ste/ de nas bud shing zad pa dang me nyid mi gnas so/ /de bzhin du sna tshogs su snang ba nyid rigs pas stong pa nyid du byas nas dngos po ma grub pa dang stong pa nyid kyang mi gnas so/ /de bzhin du gnyis su mi gnas pa yang gnyis su ma grub pa'i tshe na gnyis su med pa yang mi 'grub po/ /de bas na gzhan gyi zhen pa bzlog pa 'am/ sgro skur bcas pa 'am/ drang ba'i don du stong pa dang skye ba med pa zhes brjod kyi/ mkhas pas gcal ba 'am/ des pa'i don du de nyid mi
- 191a
gnas te/ rnam gcod dang/ yongs gcod dang/ sgro 'dogs dang skur ba 'debs pa yang mi gnas la/ zhen pa med cing dgag pa dang sgrub pa med la mnyam gzhag dang rjes thob gnyis su med cing mi gnas pa ni so sor rtog pa'o/ /sgro skur dang zhen pa med par yid la byed pa med pa ni sgom pa'o/ /don thams cad tshad par lta zhing nyams su myong ba med pas bems por gyur pa ni sgom pa'i dri ma'o/ /sgro skur med pa dang/ zhen pa med pa'i shes rab kyi pha rol tu phyin pas pha rol tu phyin pa lnga mi dmigs pa gsum gyis 'khor gsum yongs su dag pas sems can gyi don byed pa ni lta ba'o/ /dper na skye bo mig dag pa mkhas pa mig gis nam mkha' la bltas pas mig dag pas sgra'i 'khor lo la sogs pa ci yang mi dmigs la/ mkhas pas yod ces bya ba 'am med ces bya bar sgro 'dogs pa 'am/ skur pa 'debs par mi byed do/ /de bzhin du chos thams cad rang bzhin du ma skyes pa'i ngo bo nyid kyis yod med gang yang mi gnas pas yod med kyi sgro skur gang du yang mi gnas pa ni de kho na nyid kyi shes pa'o/ /sgyu ma lta bu dang rab tu mi gnas pa'i snying rje yang dmigs pa med pa'i snying rje ste/ chos thams cad cir yang mi dmigs par yid la byed pas na mi dmigs pa'i snying rje'o/ / theg pa chen po mdor bstan pa'o/ /pha rol tu phyin pa'i grub pa'i mdza' ma lus par mdor bsdus te bstan pa'o// //de nas gzhan yang 'bras bu rdo rje'i theg pa brjod par bya ste/ de yang 'di skad du/ don gcig na yang ma rmongs dang/ /thabs mang dka' ba med pa dang/ dbang po rnon po'i dbang byas pas/ /sngags kyi theg pa khyad par 'phags/ /zhes gsungs pas don de kho na nyid la dbye ba med kyang pha rol tu phyin pa'i theg pa ni rmongs pa ste/ lung
- 191b
dang rig pas gtan la phab ste rtogs pa'o/ /rdo rje theg pa ni ma rmongs pa ste/ lung dang rig pa dang bla ma'i man ngag gis nyams su myong pa'o/ /gzhan yang dka' ba med pa ste/ bde ba chen po lam du byed pa'o/ /pha rol tu phyin pa'i theg pa ni btang snyoms pa dang nyams su myong ba med pa'o/ /rgyu lam du byed pas na rgyu'i theg pa'o/ /'bras bu lam du byed pas na 'bras bu'i theg pa khyad du 'phags so/ /rdo rje theg pa la yang gsum ste/ rgyu'i rgyud dang/ thabs kyi rgyud dang/ 'bras bu'i rgyud do/ /de yang 'di skad du/ rgyud ces bya ba rgyun yin te/ rgyud kyi don ni gsum yin te/ rgyu dang rang bzhin 'bras bu dang/ thabs dang rnam pa gsum yin te/ zhes gsungs so/ /rgyu'i rgyud ni rdo rje 'chang gi rigs can gyi sems can no/ / 'bras bu'i rgyud ni phyag rgya chen po'i dngos grub bo/ /thabs kyi rgyud la lnga ste/ bya ba'i rgyud dang/ spyod pa'i rgyud dang/ rnal 'byor gyi rgyud dang/ rnal 'byor bla na med pa'i rgyud dang/ rnal 'byor gong na med pa'i rgyud do/ /de dag las rnal 'byor gyi rgyud dang/ rnal 'byor bla na med pa'i rgyud la sogs pa nas rim pa gnyis su gsungs so/ /de yang dgyes pa'i rdo rje las/ bskyed pa yi ni rim pa dang/ /rdzogs pa yi ni rim pa gnyis/ /rim pa gnyis la brten nas ni/ /rdo rje 'chang gis chos bshad do zhes gsungs pas bskyod pa'i rim pa gnyis te/ phyi bskyed pa'i rim pa dang/ nang zab mo bskyed pa'i rim pa'o/ /rdzogs pa'i rim pa la gsum ste/ rdzogs pa'i rim pa dang/ yongs su rdzogs pa'i rim pa dang/ ngo bo nyid kyi rim pa'o/ /de bzhin du dbang? la yang gnyis te/ 'jig rten pa'i dbang gtses? ma dang/ 'jig rten las 'das pa'i dbang ma bcos pa'o/ /bcom ma la gsum ste/ slob dpon gyi dbang dang/ gsang ba'i dang/ shes rab ye shes kyi
- 192a
dbang ngo/ /ma bcos pa la gnyis te/ chos kyi phyag dang/ phyag rgya chen po bzhi pa'o/ /de yang 'di skad du/ slob dpon dbang ni dbang po ste/ /gsang ba mchog ni gnyis pa yin/ /gsum pa shes rab ye shes te/ bzhi pa de yang de bzhin no zhes gsungs te/ slob dpon gyi dbang ni lus ngag par byed pa'o/ /gsang ba'i dbang ni ngag dag par byed pa'o/ /shes rab ye shes kyi dbang ni yid dag par byed pa'o/ /bzhi pa ni man ngag ste byang chub sems kyi sa bon no/ /de la dbang po rab 'bring tha ma'i dbang du byas nas phyi bskyed pa'i rim pa ni dam tshig gi phyag rgya ste/ slob dpon gyi dbang dang/ bskyed pa'i rim pa lha'i rnal 'byor ro/ /dbang po tha ma'i las kyi phyag rgya la gnyis te/ de bzhin gshegs pa'i dbugs dbyung ba dang/ rdo rje 'chang gi dbugs dbyung ba'o/ /gsang ba'i dbang dang/ de bzhin gshegs pa'i dbugs dbyung ba ni nang zab mo bskyed pa'i rim pa'o/ /rdo rje 'chang gi dbugs dbyung ba ni rdzogs pa'i rim pa'o/ /de bzhin gshegs pa'i dbugs dbyung ba dang/ rdo rje 'chang gi dbyugs dbyung ba ni las kyi phyag rgya ste dbang po 'bring po'o/ /yongs su rdzogs pa'i rim pa ni chos kyi phyag rgya ste dbang po rab bo/ /ngo bo nyid kyi rim pa ni phyag rgya chen po ste dbang po rab? gyi yang rab bo/ /de nas gyi bskyed pa'i rim pa rdo rje slob dpon gyi dbang lus rnam par dag pa bshad par bya ste/ chu'i dbang dang/ cod pan dang/ rdo rje dang/ dril bu dang/ ming dang/ rig gsum gyi dam tshig dang/ snod du bya ba dang/ rjes su gnang ba dang/ rdo rje'i brtul zhugs dang/ lung bstan pa dang/ dbugs dbyung ba dang bcu gcig go /de la chu'i dbang ni mi bskyod pa'i ngo bo me long lta bu'i ye shes so/ /de bzhin gshegs pa thams cad 'od
- 192b
du zhu ba'i ye shes kyi bdud rtsi'i chus dbang bskur ba ni dper na phyi rol gyi dri ma dag par byed pa ltar 'dir yang ye shes kyi chus ma rig pa'i dri ma dang nyon mongs pa'i sgrib pa dang shes bya'i sgrib pa dag par byed pa ste/ ye shes gang gis dag par byed pa'o zhes khong du chud par bya'o/ /cod pan ni rin chen 'byung ldan gyi ngo bo mnyam pa nyid kyi ye shes kyi rang bzhin gyis dbang bskur ba ni ma 'ongs pa'i dus na sangs rgyas kyi dbu'i gtsug tor gyi sa bon nam che ba'i yon tan yid bzhin gyi nor bu ltar 'byung ba'i sa bon du ster ba'o/ /rdo rje'i dbang bskur ba ni 'od dpag du med pa'i ngo bo so sor rtog pa'i ye shes kyi rang bzhin rten cing 'brel par 'byung ba bcu gnyis kyi 'khor lo rnam par ngag pa'i tshul du rdo rje sor bcu gnyis pa lte ba zlum po chos kyi dbyings mdza' thams cad dang bral ba'o/ /lte ba'i yi ge hUM ni chos nyid mtshon par byed pa ste/ ha ni he ru yo ga zhes bya ste/ rgyu dang bral ba ste ma skyes pa'o/ /a'u ni rtogs pa dang bral ba'o/ /a ni a pra ti ha ta zhes bya ba ste mi gnas pa'o/ /pad+ma'i kha nas skyes pa'i rdo rje'i rtse mo lnga ni pad+ma las skye ba bzhin du 'khor ba'i chos la yang 'dod pa skye bas 'khor ba las skye ba'i phung po lnga rnam par dag pa'o/ /phyogs kyi rtse mo bzhi/ dbus kyi rtse mo la phyogs pa ni chos thams cad sems kyi ngo bo ste/ sems las logs shig na phyi'i don med do/ /sems nyid gzung ba dang 'dzin pas stong pa'o/ /rang rig pa nyid de bzhin gshegs pa'i dbugs dbyung ba'o/ /me tog gsum rwa rnams la mtshon pa ni rnam par thar? pa'i sgo gsum ste/ sems nyid stong pa nyid dang/? mtshan ma med pa dang/ smon pa med pa stong pa nyid du byed pa ste/ rdo rje 'chang gi dbyugs dbyung ba'o/ /de lta bu'i rdo rje slob ma'i lag tu
- 193a
gtad pa ni chos thams cad kyi rang bzhin gnyis su med pa'i ye shes mtshon par byed pa ste/ dbyer mi phyed pa'i ye shes kyi ngo bo ster ba dang/ ngas khyod la gnyis su med pa'i ye shes sbyin no zhes bya ba'i don to/ /dril bu'i dbang bskur ba ni don yod grub pa'i ngo bo bya ba nan tan gyi ye shes kyi rang bzhin te/ dgongs pa snga ma'i tshul gyis rten cing 'brel par 'byung ba bcu gnyis kyi 'khor lo rnam par dag pa'i tshul gyis sor bcu gnyis pa'o/ /kha thur du bltas pa ni shes rab kyi pad+ma mtshon par byed pa'o/ /dbyer mi phyed pa'i gnas chos kyi 'byung gnas rtogs pa'i phyir dril bu'i stong dang 'og gi cha la rdo rje'i phreng ba zung gis mdzes pa'o/ /sgra dkrol ba ni thabs dang shes rab kyi rdo rje dang pad+ma mnyam par sbyor ba ste/ chos thams cad rten cing 'brel par 'byung bas na rang gi ngo bo ma skyes pa ste/ sgra de yang btsal na gang nas kyang mi rnyed pa ste/ yang dag par rang bzhin med la/ de bzhin du chos thams cad rang bzhin med par rtog par byed pa'o/ /khams gsum po thams cad kyi ngo bo dkyil 'khor du bstan pa'i phyir dra ba dang dra ba phyed pa ste/ de la dra ba dang dra ba phyed ba zhes bya ba ni/ ha ra dang ha ra ard+ha zhes bya ste/ 'grogs pa dang 'phrog pa phyed pa zhes bya'o/ /dra ba ni nyon mongs pa chen po bcom pa'i rtags so/ /dra ba phyed pa ni nyon mongs pa chung ngu bcom pa'i rtags so/ /rten gzhal yas khang der rtan pa lha'i dkyil 'khor bstan pa dang/ phung po dang khams la sogs pa de bzhin gshegs par bstan pa'i phyir de bzhin gshegs pa lnga dang lha mo rnams kyi phyag mtshan bkod pa'o/ /stong pa dang snying rje dbyer mi phyed pa'i rang bzhin nam rgyu bstan pa'i phyir de steng du shes rab kyi gdong bstan pa'o/ /padmo las skyes pa'i rtse mo lnga ni srid pa las skyes pa'i
- 193b
phung po 'am/ sa la sogs pa 'byung ba lnga rnam par dag pa'i ye shes lnga'i ngo bo de bzhin gshegs pa lnga'o/ /phyogs kyi rtse mo rnams dbus rtse mo la phyogs pa ni phung po dang khams dang skye mched la sogs pa'i chos thams cad sems las phyi rol du med de/ sems kyi ngo bo gzung ba dang 'dzin pa'i rtogs pas stong pa rang rig pa'i ye shes te/ de bzhin gshegs pa'i dbugs dbyung ba'o/ /rwa rnams la me tog gsum mtshan pa ni rnam par thar pa'i sgo gsum ste/ sems nyid stong pa nyid dang/ mtshan ma med pa dang/ smon pa med pas sems nyid rang bzhin med pa ste/ rdo rje 'chang gi dbugs dbyung ba'o/ /de lta bu'i dril bu slob ma'i lag tu gtad pa ni brjod par byed pa'i sgra dang chos nyid rtogs par byed pa'i rgyur ster ba'o/ /ming gi dbang skur ba ni rnam par snang mdzad kyi ngo bo chos kyi dbyings kyi ye shes kyi rang bzhin te/ chos thams cad sgro ma btags pa dang/ ming med mtshon par byed pa'i phyir sngar gyi ming dor ba'o/ /phyis kyi ming 'dogs pa ni me tog gar lhung pa'i rang gi rigs kyi lha las ming drangs nas 'dogs pa ste/ bla na med pa'i byang chub kyi go 'phangs la 'os pa 'am skal pa dang ldan no zhes bya ba'o/ /de ltar dbang lnga po de dag ni de bzhin gshegs pa lnga'i ngo bo yin pas rigs lnga'i dbang zhes bya'o/ /de bzhin gshegs pa lnga dang ye shes lnga'i rang bzhin gyis ma rig pa bkag nas rig pa'i ngo bor byas pas na rig pa'i dbang lnga zhes bya'o/ /rjes su gnang ba dang/ de nas gzhan yang drug pa ni rdo rje sems dpa' i dbang zhes bya ste/ rdo rje rigs kyi dam tshig rdo rje ni gnyis su med pa'i ye shes zung du 'jug pa brjod par bya ba yin pas khyod kyis nam yang mi 'bral? bar bya zhing rtogs par bya ba'i dam tshig go /dril bu rigs kyi dam tshig la dril bu ni chos kyi phung po brgyad
- 194a
khri bzhi stong gi rang bzhin te/ brjod par byed pa yin pas khyod kyis sems can rnams la bsgrags par bya'o zhes rtogs par bya ba ni dam tshig go /phyag rgya rigs kyi dam tshig ni rang nyid yi dam lha'i ngo bor rtog par bya ba ni dam tshig go /de dag ni rigs gsum gyi dam tshig go /snod du bya ba ni dkyil 'khor gyi de kho na nyid dang/ dkyil 'khor gyi rnam par dag pa dang/ /lha'i de kho na nyid dang/ lha'i rnam par dag pa dang/ slob dpon gyi las dang/ dkyil 'khor bsgrub pa'i las dang/ bza' ba la sogs pa'i dam tshig go /rjes su gnang ba ni/ sems can kun la phan pa'i phyir/ sems can kun la thams cad du/ /ji ltar 'dul ba sna tshogs la/ /chos kyi 'khor lo skor par gyis/ /khyod kyis sems can rnams la chos bshad pa dang/ dbang bskur par gyis shig pa'i gnang ba ste/ de dag bya ba'i skal ba dang ldan par rtog par bya ba'o/ /rdo rje'i brtul zhugs kyi dbang ni phyi rol gyi dka' thub kyi brtul zhugs spangs te gnyis su med pa 'di ni khyod kyi brtul zhugs yin pas zung shig ba'i don ster pa'o/ /lung bstan pa ni khyod nyid rdo rje sems dpa' o ste/ sangs rgyas kun dang mtshungs pa'o zhes khong du chud par bya'o/ /dbugs dbyung ba ni 'di nas bzung nas slar ngan song du mi ldung ngo zhes bya 'o/ /drug po 'di dag ni rdo rje sems dpa' i ngo bo yin pas na rdo rje sems dpa' i dbang zhes bya'o/ /bum pa'i bya ba thams cad 'jug pa yin pas na bum pa'i dbang zhes bya'o/ /slar ngan song du mi skye pas na phyir mi ldog pa'i dbang zhes bya'o/ /chos bshad pa'i skal ba dang ldan pas na slob dpon gyi dbang zhes bya'o/ /ye shes lnga 'am rigs lnga'i ngo bor lus ngag par byed pas na lus rnam par dag pa zhes bya'o/ /de dag ni bskyed pa'i rim pa'i rdo rje slob dpon gyi
- 194b
dbang mdong bsdus te bstan pa'o/ /da ni gzhan yang lha'i sgo nas rtogs par bya ba ni phung po la sogs pa'i kun brtags rnams gzhan ? lha'i ngo bo ste/ de yang 'di skad du/ mdor na phung po lnga rnams ni/ /sangs rgyas lngar ni rab tu grags/ /khams dang skye mched thams cad ni/ /byang chub sems dpa' i dkyil 'khor mchog ces gsungs pas na phung po lnga ni sangs rgyas lnga'i ngo bo yin te/ de la gzugs kyi phung po rnam par snang mdzad do/ /tshor ba'i phung po rin chen 'byung ldan no/ /'du shes kyi phung po 'od dpag med do/ /'du byed kyi phung po don yod grub pa'o/ /rnam par shes pa'i phung po mi bskyod pa zhes bya ste/ phung po la sogs pa'i zhen pa spangs pa'i phyir kun brtags phung po la gzhan dbang de bzhin gshegs pa lngas rgyas btab ste/ de yang gang la gang gis rgyas btab pa/ /de dang de'i ngo bor grags zhes bya bas phung po lnga de bzhin gshegs pa lngas rgyas btab pa'i dus na phung po lngar 'dzin pa'i zhen pa dang bral te de bzhin gshegs pa lngar rtogs par byed do/ /de bzhin gshegs pa lnga yang tha dad ma yin te/ rnam par snang mdzad ni sku/ 'od dpag tu med pa ni gsung/ mi bskyod pa ni thugs/ rin chen 'byung ldan ni yon tan/ don yod grub pa ni phrin las so// //de ltar tha dad ma yin pa la tha dang gzhan dbang lha'i rnam par 'dzin pa'i zhen pa bzlog pa'i phyir dang/ rnam par rig pa tsam du rtog par bya ba'i phyir bzhi la mi bskyod pas rgyas btab ste/ de yang/ gang dang gang la rgyas btab pa/ de dang de'i ngo bor 'gro/ /zhes gsungs pas rnam par snang mdzad la sogs pa bzhi la mi bskyod pa rnam par shes pa'i phung po chos kyi dbyings kyi ye shes kyi rgyas btab pa'i gzhan dbang ltar
- 195a
'dzin pa'i zhen pa spangs nas bzung ba dang 'dzin pa'i rtog pa spangs de bzung pa dang 'dzin pa'i rtog pas stong pa yongs su grub pas sems nyid rang rig par rtog pa ste/ de bzhin gshegs pa'i dbugs dbyung ba'o/ /de la de bzhin gshegs pa rnam par snang mdzad dang/ rin chen 'byung ldan la sogs pa dang/ phung po dang/ khams dang/ skye mched la sogs par 'dzin cing rtog pas skyo zhing dub? pa'i sdug bsngal bar gyur pa rnams mi bskyod pa sems kyi ngo bo? rang rig par rtogs par bya ste/ rtog pa dang bzung 'dzin gyi zhen pa med par ngal sos pa 'am dbugs dbyung bas na de bzhin gshegs pa'i dbugs dbyung ba zhes bya'o/ /de yang bzung ba dang 'dzin pa'i rnam par rtog pa med kyang rang rig pa tsam du 'dzin pa'i zhen pa yod pas rnam par rtog pa'i zug rdu la khyad par med dam/ dper na lcags las byas pa'i sgrog dang/ /gser las byas pa'i sgrog la rgyu la khyad par yod kyang 'ching pa la khyad par med do/ /de ltar phyi rol tu 'dzin pa dang/ nang sems nyid rang rig par 'dzin pa la bzang ngan yod kyang mngon par zhen pa'i rnam par rtog pa'i zug rdu la khyad par med pas de nyid kyi zhen pa spangs pa'i phyir rnam par shes pa'i phung po'i rang bzhin mi bskyod pa la rdo rje sems dpa' i rgyas btab ste/ de yang/ gang la gang gis rgyas btab pa/ de dang de'i ngo bor 'gro zhes gsungs te/ rdo rje sems dpa' stong pa nyid kyi mi bskyod pa la rgyas btab pas sems nyid stong pa nyid du rtogs par bya'o/ /de yang 'di skad du/ snying po brtan phyir khor stong min/ /mchod mi phyed mtshan nyid can/ /mi tshig pa dang mi nyams pas/ /stong pa rdo rje zhes brjod zhes gsungs so/ /rdo rje sems dpa' stong pa nyid kyis ni rtog pa'i mdza' gsal
- 195b
la/ mi bskyod pas ni chad pa'i mdza' gsal te zung du 'jug pa ni rdo rje 'chang gi dbugs dbyung pa ste/ sems nyid rang rig pa'i rtog pa'i zhen pa nyid rang bzhin med par byas te dbugs dbyung ba la rdo rje 'chang gi dbugs dbyung ba zhes bya'o/ / phyi bskyed pa'i rim pa ste dbang po tha ma mdor bstan pa'o/ /de nas gzhan yang zab mo bskyed pa'i rim pa la gsang ba'i dbang gis ngag rnam par dag pa bstan par bya ste/ de la gsang ba'i dbang ni dang po slob dpon gyi gsang ba'o/ /yum? ? gnyis ma? bskyed pa'i rim pa lha'i nga rgyal du byas te mkha' gsang byin gyis brlabs nas snyoms par zhugs te rang gi snying ga'i sa bon las 'od zer spros te phyogs bcu'i de bzhin gshegs pa thams cad spyan drangs te de nyid du thim pa las 'od du zhu ba'i gnyis las byung ba'i byang chub kyi sems slob ma la sbyin par bya'o/ /de la gsang ba'i dbang la gnyis te/ rje btsun gyis gsang ba'i dbang dang/ rje btsun ma'i gsang ba'i dbang/ rje btsun gyi gsang ba'i dbang ni byang chub kyi sems rdo rje las lces blang bar bya'o/ /rje btsun ma'i gsang ba'i dbang ni byang chub kyi sems pad+ma nas lces blang bar bya'o/ /de yang 'di skad du/ /lag tu blang bar mi bya zhing/ /nya phyis dur phyis dag tu min/ /mi 'chi lce yis blang par bya'o/ / zhes so/ /de bas na lce kho nas blang bar bya'o/ /ngag dag par byed pa ni de bzhin gshegs pa thams cad 'od du zhu ba'i byang chub kyi sems slob ma'i lce la gzhag pas zhi rgyas la sogs pa'i sngags nus pa dang ldan zhing grub par byed pa 'am/ bza' bya dang bza' bya ma yin pa'i rtogs pa dang/ btung bya dang btung? bya ma yin pa'i rtog pa bcom ste rang bzhin med par byed pa'o/ gsang ba ni thabs dang shes rab gnyis kyi gsang ba las byung bas na gsang pa'o//
- 196a
'di'i don ni gnyis kyi snying po byin pas thabs dang shes rab gnyis su med pa'i byin no rtogs par bya'o/ /da ni de bzhin gshegs pa'i dpugs dbyung ba'i zab mo bskyed pa'i rim pa dang/ /rdzogs pa'i rim pa la sogs pa bstan pa'i phyir rim pa lnga rim pa bzhir 'dus te/ las kyi phyag rgya dang/ chos kyi phyag rgya dang/ phyag rgya chen po dang/ dam tshig gi phyag rgya'o/ /de la dbang po rab kyi dbang du byas te las kyi phyag rgya la rim pa gnyis 'dus te/ las kyi phyag rgya'i dus su tha mal pa'i 'du shes kyis ma gsungs pas lha'i ngo bor bsgom zhing mkha' gsang byin gyis brlab pa ni phyi bskyed pa'i rim pa'o/ /de nas bo la dang ka ko la srub cing srub pa'i sbyor bas de bzhin gshegs pa'i dbugs dbyung ba'i rdo rje 'chang gi dbugs dbyung ba'ang rung ste/ lhan cig skyes pa'i ye shes rang rig pa nyams su myong ba ni nang zab mo bskyed pa'i rim pa'o/ /de ltar las kyi phyag rgya la rim pa gnyis dang ldan pas na rim pa bzhir 'dus te las kyi phyag rgya ni dpe'o/ /chos kyi phyag rgya ni rdzogs pa'i rim pa ste lam mo/ /phyag rgya chen po ni yongs su rdzogs pa'i rim pa ste 'bras bu'o/ /dam tshig gi phyag rgya ni mnyam gzhag dang rjes thob dang/ chos sku dang gzugs sku gnyis su med cing zung du 'jug par ston pa na ngo bo nyid kyi rim pa ste gzhan gyi don du byung ba'o/ /de la re zhig las kyi phyag rgya la lus rnam par dag par byed pa bstan par bya'o/ /de la las kyi phyag rgya lus las byung/ chos kyi phyag rgya dag las te/ /phyag rgya chen po yid las so/ /dam tshig phyag rgya kun tu 'gro/ zhes pas lus kyi las so/ /phyag rgya ni des mtshon par byed pas so/ /las kyi phyag rgya de yang gsum ste/ drag po'i dbang dang dbang bskur ngan pa dang/ yang dag pa'i dbang bskur ro/ /de la drag po'i dbang ni phyi rol gyi'o byed pa dang/ la byung pa la sogs pa'i cha'i skabs su bzung
- 196b
ba dang 'dzin pa'i rtog pa yod pa la rnam pa sna tshogs kyi skad cig ma ste dga' ba'o/ /de la srub dang srub pa'i sbyor ba phyi bzung ba'i rtog pas stod la nang 'dzin pa'i shes pa ni rnam par smin pa'i skad cig ma ste mchog tu dga' ba'o/ /byang chub kyi sems nor bu'i grong du phyin pa las gzung 'dzin gyis stong pa'i shes pas yongs su grub pa ni rnam par nyed ba'i skad cig ma ste dga' bral lo/ /de nas byang chub kyi sems lhung ba las gzung 'dzin gyi shes pa rtog pa dang bcas pa ni mtshan nyid dang bral ba'i skad cig ma ste/ lan cig skyes pa'i dga' ba'o/ /'dir yang/ bzhi pa de yang de bzhin no zhes bya bas rtog pa dang bcas pa dang mi rtog pa de bzhin nyid du shes par bya'o zhe na/ 'o na de lta na mchog dang dga' bral dbus su ni/ mtshon bya shes nas brtag par gyis/ /shes gsungs pas ni mchog dga' dang dga' bral gyi dbus su lhan cig skyes pa'i dga' ba mtshon nas 'dor ba'o/ /des na khyod kyi gzhung dang 'gal lo/ /de yang drag po'i gzhung gis 'di ltar 'dod de/ sgra'i nges par gzung ba drug pas gnyis kyi bar nas gang gtso bor gyu par bzung ba ste/ mchog dga' dang dga' bral gnyis kyi nang ngam dbus nas gtso bor gyur pa ni dga' bral lo/ /de bas na dga' bral nyid gtso bo yin zhe na/ mchog gi mdza' dang dga' bral dbus/ stong dang stong min he ru ka zhes gsungs pas lhan cig skyes pa ni mchog dga' dang dga' bral gnyis kyi dbus su shes par bya'o/ /yang drag po'i sbyor ba'i gzhung gis de lta bu ni ma yin te/ 'di yang mchog tu dga' ba'i mdza' ma lhan cig skyes pa la ltos nas dang po dga' bral te/ des na dga' bral yang min la dang po yang yin no/ /'o na yang/ lhan cig skyes pa'i rang bzhin mchog /dga' bral dang po nyid dang ni/ /mun pa la ni mar me ltar//
- 197a
de bzhin bus kyang yid ches kyis/ zhes gsungs pa ni lhan cig skyes pa rdo rje 'chang gi ngo bo ste/ dper na mar mes mun pa bcom nas gsal bar byas pa bzhin du mtshon byed dpe'i lhan cig skyes pas ma rig pa'i mun pa bcom ste/ mtshon bya don gyi lhan cig skyes pa gsal bar byed pa ni mchog tu dga' ba'i mdza' ma dga' bral dga' bral gyi dang por lhan cig skyes pa shes par bya'o/ /gzhan yang/ 'khyud dang 'o byed la sogs pa/ sna tshogs rnam pas sna tshogs bshad/ rnam par smin pa de las zlog /bde ba'i ye shes zab nyid/ /bdag gis bde ba zos pa yi/ /ros ni rnam par nye ba brjod/ /mtshan nyid bral ba gsum las gzhan/ /chags dang chags bral rnam par spangs/ /shes gsungs pa'i tshig gis ni gong du gsungs pa lhan cig skyes pa zos pa ni nyams su myong ba ste/ byis bzhag dga' bral gyi dus na grogs ni gong ma la rtog cing dpyod pa ste/ rtog pa nyid yin gyi mi rtog par grub pa ma yin no/ /yang drag pa'i sbyor ba'i gzhung gis rnam par nyed pa nyid rtog pa dang bcas pa yin yang gnod par mi 'gyur te bsgrub par bya ba dga' bral ni mi rtog pa yin no zhe na/ 'di skad du/ sna tshogs dang po dga' ba nyid/ /rnam smin la ni mchog dga' nyid/ /rnam nyid dga' bral dga' ba nyid/ /mtshan bral lhan cig skyes pa nyid/ ces gsungs pa/ des na dga' bral ni rnam par nyed pa'i skad cig ma nyid du gsungs so/ /rnam par nyed pa rtog pa dang bcas pa yin pas dga' bral yang rtog pa dang bcas pa yin par shes par bya'o/ /de bzhin du gzhan yang/ dang por dga' ba 'gro ba'i gzugs/ /de bzhin mchog dga' 'gro ba nyid/ /dga' bral dga' ba 'gro ba nyid/ /gsum pa lhan cig skyes pa med ces bya ba yang gnod pa
- 197b
ste/ 'gro ba ni 'khor ba'o/ /'khor ba ni rtogs pa'i ngo bo 'khrul pa yin pas na dga' bral yang rtog pa dang bcas pa nyid du shes par bya'o/ /des na drag po'i gzhung gis sgrub bya dga' bral nyid kyang nyams par 'gyur ro/ /de bas na dga' bral gyi dga' ba ni brgyud nas grangs kyi gsum pa la bshad kyang don gyis bzhi pa log bar bya'o/ /lhan cig skyes pa grangs kyi bzhi pa la bshad kyang don gyis gsum pa la rig par bya'o/ /'o na ci'i phyir rgyud dag las yang dag dbang bskur gyi rim pa lhan cig skyes pa gsum pa la ma bshad pa ci'i phyir zhe na/ de ni ma yin te glegs bam la mkhas pa phyi rol la sogs pa'i mkhas pa rnams bla ma la mi ltos par sgra yis tshig gtan la phab ste/ tshad ma'i don gtan? la phab nas sngags kyi don zab mo dbang za bar byed pa de rnams dgag pa'i phyir rgyud du dkrugs pa'o/ /bla ma la ma ltos na skyon cir 'gyur zhe na/ de yang 'di skad du/ dngos grub bla ma'i rjes 'brangs gsungs/ zhes bya ba dang bla ma mnyes byas yang dag 'dod pa sla// zhes bya ba'i tshig gis so/ /drag po'i sbyor ba dgag pa bstan pa'o/ /de nas gzhan yang dbang bskur ngan pa bstan par bya'o/ /de la phyi rol gyi 'o byed pa dang 'khyud pa la sogs pa las gzung ba dang 'dzin pa'i rtog pa yod pa ni rnam pa sna tshogs pa'i skad cig ma ste dga' ba'o/ /de nas bo la dang ka ko la mnyam par sbyor ba las phyi gzung ba'i rtog pas stong la nang 'dzin pa'i ngo bo ni rnam par smin pa'i skad cig ma ste mchog tu dga' ba'o/ /rdo rje nor bu'o dkyil du kun rdzob kun da lta bu don dam pa bde ba'i rang bzhin gyis khyab pa'o/ /byang chub sems kyis sleb par gyur ba las gzung pa dang 'dzin pa stong pa'i sems yongs su grub par rig pa nyid mtshan nyid dang bral ba'i skad cig ma ste lhan cig skyes ba'i dga' ba'o/ /de nas byang chub sems kyi khu ba
- 198a
lhung ba las bde ba nyams te rtog pa dang bcas par gyur pa las gzung 'dzin shes pa'i rnam par nyid pa'i skad cig ma ste/ dga' bral gyi dga' ba'o/ /bzhi pa de yang de bzhin ni zhes bya ba'i bzhi pa dga' bral/ / rtog bcas dang/ gsum pa lhan cig skyes pa mi rtog pa bzhin du shes par bya'o zhes bya ba ni de bzhin gshegs pa'i dbugs dbyung ba ste/ /thab mo bskyed pa'i rim pa'o/ /de bzhin gshegs pa'i dbugs dbyung pa yang rnam par rig pa btsam du 'dod pa ste dman pa'o/ /ci'i phyir zhe na/ phyi rol ba'i gzhung zhi ba dang rig byed pa dang mthun pa'i phyir ro/ /ci zhi ba la sogs pa la 'di lta bu yod dam zhe na/ yod de/ zhi ba nges par bsgrags pa'i lha mos zhus pa zhes bya ba'i rgyud las lha mo rin chen grong khyer 'dir/ /pad+ma'i ze'u 'brur zhu bar 'gyur/ /mnyam 'dus drag po zhi ba mchog /de nyid nus pa mchog gi mchog ces bya ba la sogs pa dbang rnam par nges pa nas gsungs so/ /de bas na mu stegs pa dang thun mong gi grub mdza' ste/ sangs rgyas pa'i gzhung ni ma yin no/ /des na dbang bskur ngan pa 'am dman pa zhes bya'o/ /'on kyang dag pa ma yin na ci'i phyir de bzhin gshegs pa dbugs dbyung ba'i dbang bskur ngan pa bstan ces na/ ma yin te/ /'di ni sems can blo dman pa'i las dang po pa drang ba'i don du bstan pa'o/ /de bas na drang pa'i don yin gyi nges pa'i don ni ma yin no/ /de nas gzhan yang nges pa'i don yang dag pa'i dbang bskur ba'i rim pa rdo rje 'chang gi dbugs dbyung ba bstan par bya ste// thog mar phyi rol gyi bya ba'o byed pa dang 'khyud pa nas brtsams te po la dang ka ko la/ mnyam par sbyor ba'i srub pa dang srub pa'i sbyor ba'i dus su gzung ba dang 'dzin pa'i rtog pa'i shes pa ni rnam pa sna tshogs pa'i skad cig ma ste dga' ba dang po'o//
- 198b
de yang 'di skad du/ e yi cha byad bzang po gang/ dbus su bam gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /ces gsungs pas dga' ba thams cad chos kyi 'byung gnas su shes par bya ba'i phyir 'o byed 'khyud pa'i bya ba gcig pu la dga' ba ni ma yin no/ /de yang 'dod rgyal ma yin te/ lung las mdor bstan pa dang/ rgyas par bstan pa dang/ rab tu rgyas par bstan pa'o/ /de la mdor bstan pa ni/ 'khyud dang 'o byed la sogs pa/ sna tshogs rnam pa sna tshogs bshad/ /ces bya ba ni 'khyud pa dang 'o byed pa nas brtsams te/ de la sogs pa'i sgras b+ha ga dang ling ga mnyam par sbyor bas srub dang srub pa'i sbyor ba ni dga' bar rig par bya'o/ /'o na ci sogs pa'i sgras mnyam par sbyor ba ji ltar rtogs par bya zhe na/ rtogs par bya ba'i phyir rgyas par bshad pa/ shes rab bcu drug lon pa la/ /lag pa gnyis kyis yang dag 'khyud/ /rdo rje dril bu mnyam sbyor bas/ /slob dpon dbang du rab tu brjod/ /ces gsungs pas slob dpon gyi dbang ni dang po ste/ rdo rje dril bu mnyam sbyor ba/ /zhes bya ba ni bo la dang ka ko la mnyam par sbyor ba'o/ /des na dga' ba dang po yang mnyam par sbyor ba las rtogs par bya'o/ /'o na ci dga' ba dang po sgrub par byed pa la slob dpon gyi dbang gi tshigs su bcad pas ji ltar rtogs par bya zhe na/ de nyid kyi phyir rab tu rgyas par bshad pa/ slob dpon gsang bar shes rab dang/ /bzhi pa de yang de bzhin no/ /dbang ni bzhi'i grangs kyis ni/ /dga' ba la sogs rim la shes bya zhes gsungs pas slob dpon dbang ni dga' ba ste/ bo la dang ka ko la mnyam par sbyor ba las rig par bya'o/ /'o na chu'i dbang la sogs pa slob dpon gyi dbang du bshad pa de dgos par mi 'gyur ram zhe na/ ma yin te/ de ni phyir bskyed pa'i
- 199a
rim pa ste/ rdzogs pa'i rim pa ma yin no/ /de nas byang chub kyi sems kun rdzob kun da'i kha dog lta bu la don dam bde ba'i rang bzhin gyi rdo rje nor bu'i dkyil na gnas pa la gzung ba dang 'dzin pas stong pa'i shes pa rang rig pa yongs su grub pa nyams su myong ba ni rnam par smin pa'i skad cig ma la mchog tu dga' ba 'grub pa'o/ /de yang mdor bstan pa dang/ rgyas par bstan pa rnam pa gnyis kyi rtogs par bya'o/ /de la mdor bstan pa ni/ /rnam par smin pa de las zlog /bde ba'i ye shes zab nyid ces gsungs pas rnam par smin pa de las zlog pa ste/ de zhes bya ba ni rnam pa sna tshogs te bzung 'dzin no/ /gzung 'dzin las bzlog pa ni gzung 'dzin gyis stong pa yongs su grub pa rang rig pa ni rnam par smin pa'i skad cig ma ste/ mchog tu dga' ba'o/ /'on te 'di yang rnam par smin pa'i skad cig ma ste/ mchog tu dga' ba ni ma yin no zhe na/ mchog tu dga' ba rtogs par bya ba'i phyir rgyas par bshad pa/ mchog tu dga' ba yang dag thob/ /sna tshogs spangs pa'i skad cig la/ ston pas smras pa sems dpa' che/ bde ba chen po rnam par zung/ /zhes gsungs pa'i sna tshogs spangs pa yin te/ /sna tshogs ni rnam pa sna tshogs so/ /de spangs pa'i skad cig ma ni rnam par smin pa ste mchog tu dga' ba'o/ /da ni lhan cig skyes pa bstan pa'i phyir rgyud chen sgyu 'phrul dra ba las/ bcu drug phyed phyed thig le can/ /yan lag med pa'i rtsis las 'das/ /zhes gsungs te/ bde ba chen po'i 'khor lo'i yi ge haM 'od du zhu nas bcu drug gis byed brgyad/ brgyad kyi phyed thig le bzhi ste/ gnyis ka ko lar lhung nas/ gnyis rigs kyi bdag po'i kha dang mdzes ma'i spyi bo na mnyam par gnas so/ /de yang 'di skad du/ gnyis gnas gnyis ni mnyam
- 199b
pa'i dbus/ /rdo rje nas lhung pad+mar reg /mi bskyod rdo rje nas lhung ba/ /rdo rje pad+ma la reg pa/ /rgyu la 'bras bus rgyas btab cing/ /'bras bu la yang rgyud rgyas gdab/ /'di ni bde chen rgyal po yin/ /zhes gsungs pas thig le gnyis lhung nas gnyis mnyam par gnas te/ de yang rigs kyi bdag po'i kha na gnas pa mi bskyod pa ste/ rang rig pa nyid nyams su myong ba ni thabs so/ /mdzes ma'i spyi bo na gnas pa'i rdo rje sems dpa' ste/ stong pa nyid rang bzhin med pa ni shes rab bo/ /'bras bu rdo rje sems dpa' yis rgyu mi bskyod pa la rgyas btab pas rtag pa'i mdza' bsal nas nyams su myong ba nyid rang bzhin med par byed do/ /yang mi bskyod pas rdo rje sems dpa' la rgyas btab pas chad pa'i mdza' gsal nas rang bzhin med pa nyid nyams su myong bar byed do/ /de ltar na nyams su myong ba dang stong pa nyid zung du 'jug pa'o/ /de nyid la rdo rje sems dpa' stong pa nyid dang/ snying rje dang thabs dang shes rab gnyis su med pa zhes bya ste/ mdza' gnyis la mi gnas pa'o/ /de nyid gzhan gyis bsgrub pa'i phyir mdor bstan pa dang/ rgyas par bstan pa dang/ rab tu rgyas par bstan pa'o/ /bco lnga cha'i bdag nyid kyi/ /zla ba byang chub sems su 'gyur/ /bde ba chen po A li'i gzugs/ /rnal 'byor ma rnams de'i cha/ /zhes gsungs pa ni zla ba yongs su gang ba bcu drug la bco lnga'i yon tan dang yang ldan pas ni byang chub kyi sems mtshon te/ byang chub kyi sems bde ba chen po ste/ A li kA li'i gzugs so/ /A li las yi ge A ni rje btsun kye'i rdo rje'o/ / cha bco la ni lha mo rnams kyi sa bon no/ /des na bcu drug pa'i a(rgyud 'grel): ni tsheg drag ste/ thig le gnyis su 'gyur ro/ /de bas na zla ba ni byang chub kyi sems/ bde ba chen po ni A'i 'o/ A li bcu drug pa ni thig le gnyis gnyis su shes par bya'o/ /'o na ci'i
- 200a
phyir A li bcu drug la rje btsun kye'i rdo rje'i rang bzhin bde ba chen po yin no zhe na/ de nyid gsal bar bstan pa'i phyir rgyas par bstan pa/ gang phyir bcu drug cha med pa/ /'bad pas kun gyi lhag ma spangs// don gyi bya ba mi byed phyir/ /zhes gsungs te/ A li bco lngas lha mo rnams kyi sa bon byed la/ bcu drug pa'i A li ni skye ba med pa ste/ don gyi bya ba 'am 'gag pa med do/ /des na skye ba med pa ni rje btsun kye'i rdo rje'o/ /de nas rje btsun kye'i rdo rje nyid kyis thig le gnyis su ji ltar shes zhe na/ /gnyis su bsgrub par bya ba'i phyir rab tu rgyas par bstan pa/ mchog gi mdza' dang dga' bral dbus/ stong dang stong min he ru ka /zhes gsungs so/ /de bas na mchog tu dga' ba dang/ dga' bral gyi dbus su rje btsun he ru ka ni kye'i rdo rje thig le gnyis so/ /'o na stong pa'i sgras thig le ji ltar shes she na/ de yang sngags btu ba'i le'u las/ /ushma rnams kyi bzhi pa la/ /rdo rje mkha' 'gro ma yis brgyan/ /stong pas mnan cing sum 'gyur nyid/ /ces 'dus pas ushma'i bzhi pa ni hal/ /rdo rje mkha' 'gro ma ni a'u'o/ /stong pas mnan pa ni thig le'o/ /de bas na thig le gnyis ni stong pa dang/ stong pa ma yin pa ste/ dngos po ma yin pa stong pa ni rdo rje sems dpa' i thig le'i rgya dang ldan pa'o/ /stong pa ma yin pa ni mi bskyod pa'i thig le'i rgya dang ldan pa'o/ /de bas na zung du 'jug pa ste he ru ka'o/ /de yang 'di skad du/ sh+rI ni gnyis med ye shes te/ he ni rgyu sogs stong pa nyid/ /ru ni sna tshogs dang bral ba nyid/ /ka ni gang duAng mi gnas pa'o/ /zhes gsungs so/ /des na sh+rI ni gnyis su med pa ste he ru ka'o/ /he ni he ru yo ga zhes bya ste/
- 200b
rgyu med pas na ma skyes pa'o/ /ru ni ru pa ka zhes bya ste/ rang bzhin med pa 'am/ rnam par rtog pa'i tshogs dang bral ba'o/ /ka ni ka ko ti sti shes bya ste/ rtag chad la sogs pa'i mdza' gang la yang mi gnas pa'o/ /de lta bu'i zung du 'jug pa gnyis su med pa ni mtshan nyid dang bral ba'i skad cig ma la lhan cig skyes pa'o/ /de nas byang chub sems khu ba ltung bar gyur pa las bde ba nyams pa ste/ gzung 'dzin gyi rtog pa dang bcas par gyur pa las rnam par nyid pa'i skad cig? ma ste/ dga' bral gyi dga' ba'o/ /dga' bral ni dga' ba rtog pa dang bcas pa dang/ lhan cig skyes pa mi rtog pa gnyis gnyis su med par bstan pa'i phyir/ /bzhi pa de yang de bzhin no/ /zhes gsungs pas bzhi pa ni dga' bral lo/ / de zhes bya ba ni lhan cig skyes pa'o/ /yang zhes bya ba ni dga' bral gyi dga' ba'o/ /rtog pa dang bcas pa dang rigs pas dpyad na mdza' bzhi las grol ba mi rtog par bsdu bar bya'o/ /de bzhin no zhes bya ba ni dga' bral gyi dga' ba rtog pa dang bcas pa yang lhan cig skyes pa mi rtog pa bzhin du shes par bya'o/ /de bas na rtog pa dang mi rtog pa gnyis ni tha mi dad par shes par bya'o/ /rdo rje 'chang gi dbugs dbyung ba rdzogs pa'i rim pa'o/ /las kyi phyag rgya'i dbang ba rnams lhan cig skyes par ro gcig ste/ de yang 'di skad du/ dga' ba chen po gcig nyid la/ /phye bas rnam pa bzhi ru 'gyur/ /zhe'o/ /de bas na dga' ba rnams ni ngo bo gcig pa ste/ ma rtog pa'i gang zag la de rtogs par bya ba'i phyir las kyi phyag rgya bstan pa las bde ba mi rtog pa skyes pa dang rtog pa stong pa'i sems kyi khyad par gyis skad cig ma ste/ skad cig mas bya bas dga' ba bzhi'o/ /des na dga' ba thams cad skad cig ste/ rgyu mthun pa'i 'bras bu
- 201a
zhes bya'o/ /dpe las kyi phyag rgya mdor bsdus te bstan pa'o/ /las kyi phyag rgya bcos ma las ma bcos pa'i phyag rgya chen po mi 'byung ste/ 'dra ba'i rgyud las 'dra ba'i 'bras bu 'byung ste mi 'dra ba las ma yin pa bzhin chos kyis phyag rgya ma bcos pa las phyag rgya chen po 'byung gi/ bcos ma las kyi phyag rgya las ni ma yin no/ /de yang 'di skad du/ mi yi phyag rgya ngang gis 'jig /de yi ye shes kyang ni 'jig/ ces gsungs so/ /des na las kyi phyag rgya las ni ma yin no/ /de nas gzhan yang chos kyi phyag rgya bstan par bya ste/ de la chos kyi phyag rgya'i rang gi ngo bo ni chos ni phung po dang khams dang skye mched la sogs pa 'gro ba sna sogs yin la/ /phyag rgya ni de dag gi rang bzhin lhan cig skyes pa las ma 'das pa'o/ /de la re zhig dpe las kyi phyag rgya la dga' ba bzhi bstan pa bzhin du lam chos kyi phyag rgya la yang dga' ba bzhir shes par bya'o/ /de la dga' ba bzhi ni dpe las kyi phyag rgya las skad cig ma gsum pa la mtshon byed dpe'i lhan cig skyes pa nyams su myong ba ji lta ba des mtshon pa'i mtshon bya don gyi lhan cig skyes pa ste/ de 'di skad du/ lha dang mi yis bde ba yis/ /bsdus byas rdo rje 'dzin pa yi/ /bcu drug char yang mi phyod do/ /zhes gsungs pas las gyi phyag rgya las mtshon byed dpe'i lhan cig skyes pa nyams su myong ba las khyad par du 'phags pa'i mtshon bya don gyi lhan cig skyes pa'i ye shes mi rtag pa gnyis su med pa nyid rgyen las dang ma rig pa'i stobs kyis ma rtogs kyang lhan cig skyes pa de nyid 'gro ba sna tshogs kyi rang bzhin du snang gi /de las gzhan pa rnams ma yin par shes pa ni rnam pa sna tshogs pa'i skad cig ma la dga' ba'o/ /des na 'khor ba spangs nas gzhan du ni/ /mya ngan 'das pa thob
- 201b
mi 'gyur/ /zhes gsungs pas 'gro ba spangs pa'i pha rol nas lhan cig skyes pa rnyed par mi 'gyur te/ 'gro ba'i rang bzhin yongs su shes na de nyid lhan cig skyes pa yin pas na 'gro bar 'dzin pa'i zhen pa spangs pa'i phyir 'gro ba'i rang bzhin lhan cig skyes par shes nas de bzhin nyid la goms par byas na goms pa rab kyi mthar phyin tsam na 'gro ba sna tshogs kyi zhen pa sangs nas thams cad lhan cig skyes par rtogs pa ni rnam par smin pa'i skad cig ma la mchog tu dga' ba'o/ /'gro ba sna tshogs kyi zhen pa spangs kyang lhan cig skyes pa'i 'dzin pa'i zhen pa phra mo yod pas de yang khyad par ma dmigs na dper na lcags las byas pa'i sgrog dang gser las byas pa'i sgrog gnyis rgyu la khyad par yod kyang 'ching ba la khyad par mdo/ /de bzhin du tha mal pa'i 'gro ba sna tshogs su 'dzin pa'i rtog pa dang/ gya nom pa la lhan cig skyes pa tsam du 'dzin pa'i rtog pa la bzang rtog dan rtog khyad par yod kyang zhen pa'i rnam par rtog pa'i zug rngu'i rang bzhin du khyad par med pas lhan cig skyes pa nyid du 'dzin pa'i zhen pa la 'jug pa las slar ldog par bya ste/ yang tu na 'gro ba spang par bya ba 'am/ lhan cig skyes pa bsgrub par bya bar ma grub ste/ 'gro ba spangs pa las lhan cig skyes pa gzhan ma yin no/ /ma rtogs pa'i blo la tha dad du snang yang rtogs na 'gro ba nyid lhan cig skyes pa nyid 'gro ba'o/ /de ltar 'gro ba dang lhan cig skyes pa gnyis kyi zhen pa spangs te gnyis su med pa'i shes pa zung du 'jug pa ni mtshan nyid dang bral ba'i skad cig ma la lhan cig skyes pa'i dga' ba'o/ /de ltar mnyam par bzhag pa'i shes pa la gnyis su med kyang rjes las thob pa la sna tshogs kyi rtog pa gzung ba dang 'dzin pa dang bcas pa ni rnam par nyid pa'i skad cig ma la dga' bral lo//
- 202a
mnyam par bzhag pa'i shes pa dang/ rjes la thob pa'i shes pa gnyis su bstan pa'i phyir/ bzhi pa de yang de bzhin no zhes bya ba la/ bzhi pa zhes bya ba ni dga' bral dang rjes thob bo/ /de ni lhan cig skyes pa ste mnyam par bzhag pa'i shes pa'o/ /yang na rjes thob kyi rtog pa nyid mdza' bzhi las grol ba ste/ rang bzhin med pa'o/ /de bzhin no zhes bya ba ni rjes thob kyi rtog pa yang mnyam gzhag gi rtog pa bzhin no/ /de bas na mnyam gzhag dang rjes thob gnyis su med de zung du 'jug pa'o/ /chos kyi phyag rgya'i dga' ba bzhi yang dgongs pa snga ma bzhin du dga' ba rnams gcig gi ngo bo ste/ rnam par smin pa'i 'bras bu'o/ /de yang rgyu chung 'bras bu che ba'i phyir/ rnam par smin pa zhes su brjod/ ce'o/ de bas na rgyu las kyi phyag rgya bas dka' ba chung la 'bras bu phyag rgya chen po thob tu rung bas ni rnam par smin pa'i 'bras bu ste/ rnam par smin pa'i skad cig ma la mchog tu dga' ba zhes bya'o/ /lam chos kyi phyag rgya yongs su rdzogs pa'i rim pa mdor bsdus te/ bstan pa'o/ /chos kyi phyag rgya yang las kyi phyag rgya la bltos na ma bcos pa yin la/ phyag rgya chen po la bltos na bcos ma yin te/ dgag pa dang sgrub pa dang bcas pa ste bcos ma'o/ /gzhan yang dpe las kyi phyag rgya las mtshon byed dpe'i lhan cig skyes pa nyams su myong ba yang mtshon bya don gyi lhan cig skyes pa nyams su myong ba med pas na phyag rgya chen po sgrub pa'i yan lag ma yin no// // da ni phyag rgya chen po nyid bstan par bya ste/ phyag rgya chen po'i rang gi ngo bo ni phyag rgya ni mi 'da' bas na phyag rgya ste/ dper na 'khor los sgyur ba'i rgyal po chen po'i bka' rtags kyi phyag rgya las mdza' khob kyi rgyal phran dang blon po
- 202b
gang gis kyang 'da' mi nus pa bzhin du/ phyi nang gi chos sna tshogs pa rnams phyag rgya chen po lhun gyis grub pa'i ye shes zung du 'jug pa'i ngo bo las mi 'da' ba nas phyag rgya yin la/ chen mo ni las kyi phyag rgya dang/ chos kyi phyag rgya dang/ dam tshig gi phyag rgya gsum gyi ngo bo yin pas na chen po'o/ /ci phyag rgya chen pa la yang dga' bzhir dbye 'am ci zhe na/ de ni ma yin te/ phyag rgya gsum la dga' ba bzhir dbye'i phyag rgya chen po la ma yin no/ /de ci'i phyir zhe na/ phyag rgya chen po ni dri ma dang bral ba'i 'bras bu ste/ de bas na skad cig ma gsum dri ma dang bcas pa 'dir mi 'byung bas des bye ba'i dga' ba gsum yang 'dir mi 'byung ngo/ /des na dga' ba bzhir mi dbye'o/ /rgyu mtshan yang phyag rgya chen po ni 'bras bu lam du byed pa'o/ /'bras bu ni phyag rgya chen po ste/ dngos po'i de kho na ji lta bar rtogs pa de nyid de/ de la dgag pa dang sgrub pa med de/ /de bas na dga' ba shi ru mi dbye'o //de yang 'di skad du/ skad cig gcig gis rdzogs sangs rgyas/ zhes gsungs pas gang gi tshe ma rtogs na 'khor ba yin la/ rtog na de nyid phyag rgya chen po yin la dgag bya bsgrub bya med do/ /des na dga' ba bzhi ru dbye ba ni ma yin no/ /de la phyag rgya chen po ni gnyen po dang / de kho na nyid dang/ 'bras bu gsum la re ba med pa'o/ /de la gnyen po la re ba med pa ni mi mthun pa'i phyogs ser sna dang/ 'chal pa'i tshul khrims dang/ khong khro dang/ le lo dang/ rnam par g.yeng ba dang/ ma rig pa spangs pa'i phyir gnyen po'i phyogs pha rol tu phyin pa drug gis spang bya spong byed gang la yang zhen pa med pa'o/ /de kho na nyid la re ba med pa ni de kho na gang gis thar pa dang/ thams cad mkhyen pa thob par byed do snyam pa'i zhen pa med pa'o/ /'bras bu la re ba
- 203a
med pa ni 'khor ba las gzhan pa'i phyag rgya chen po thob par 'gyur ro snyam du sems pa'i zhen pa'i rtog pa med pa ni phyag rgya chen po ste/ de nyid don lnga dang ldan pa'o/ /lnga ni ngo bo nyid kyis ma skyes pa dang/ rang bzhin med pa dang/ thams cad du khyab pa dang/ mi 'gyur ba dang/ dus thams cad pa'o/ /de la ngo bo nyid kyis ma skyes pa ni chos thams cad sems las phyi rol gyi don logs su ma grub pa ste/ rigs pas brtags na phyi'i don gcig kyang yod pa ma yin no/ /'o na snang ba ci'i phyir zhe na/ sems nyid las dang ma rig pa'i dbang gis sna tshogs su snang ngo/ /des na sems las gzhan pa phyi rol gyi don yod pa ma yin te/ sems nyid rab tu snang ba'o/ /sems nyid kyang yang dag par brtags na rang rig pa nyams su myong ba nyid rkyen gzhan la rag las nas rten cing 'brel te skye ba'i phyir yang dag par na ngo bo nyid kyis ma skyes pa'o/ /de yang gang zhig rkyen las skyes pa de ma skyes/ /de la skye ba'i rang bzhin yod pa ma yin/ /rkyen la rag las gang de stong pa ste/ /gang gis stong nyid shes de bag yod min/ /zhes gsungs pas sems nyid kyang rkyen gzhan la rag las nas nyams su myong ba skye bas na rang gi ngo bos ma skyes pa'o/ /gzhan yang yod pa dang med pa gnyis ka las skye ba mi 'thad do/ /yod pa skye na sngar skyes pa yang skye la/ med pa skye na nam mkha' i me tog kyang skye bar thal bas so/ /de bas na ma skyes pa ste/ ma skyes pa ni ngo bo nyid kyi skye ba yod pa ma yin/ /rang bzhin med pa ni yod pa dang med pa dang/ gnyis ka dang/ gnyis ka med pa'i ngo bor mi gnas pa'o/ /de la yod pa ma yin pa ni gcig dang du ma la sogs pa'i rigs pas brtags na gang gi ngo bor yang ma grub pa nyid do/ /med pa ma yin pa ni nyams su myong ba yod pa'i phyir dang/ med
- 203b
pa'i dgag bya ma grub pa'o/ /gnyis ka ma yin pa ni/ yod pa'i dngos po nyid la rang bzhin med de/ de las gzhan pa'i med pa mi 'grub la/ rang bzhin med pa ma grub pa nyid snang gi/ rig pas grub pa snang ba ni ma yin no/ /des na snang ba nyid stong pa yin la stong pa nyid snang ba'o/ /gnyis ka med pa ma yin pa ni gnyis ma grub pas na gnyis su med pa nyid kyang ma yin no/ /thams cad du khyab pa ni chos thams cad de'i ngo bo las ma 'das te/ 'khor ba dang mya ngan las 'das pa gcig pa'i rang bzhin te tha mi dad do/ /dper na rgya mtsho chen po la rlabs du ma snang yang gzhi rgya mtsho na chen po'i chu'i rang bzhin du ro gcig go /de bzhin du chos sna tshogs du mar snang yang don du gnyis su med pa'i rang bzhin las ma 'das so/ /de bas na dngos po thams cad kyi rang bzhin de nyid yin gyi /de las gzhan pa ni ma yin/ /mi 'gyur ba ni 'gro 'ong med pa ste/ rtogs pa dang ma rtogs pa'i khyad par gyis 'khor ba dang mya ngan las 'das pa dang/ rtogs pa dang ma rtogs pa'i ye shes zhes brjod kyi/ don yang dag par na tha dad pa ma yin te/ dper na tha gur sprul du snang ba ni tha gur ma rtogs par sbrul du snang gi/ /rtogs na sbrul du snang ba'i rang bzhin nyid tha gu yin la tha gu nyid sbrul lo/ /sbrul bsal bar bya ba 'am tha gu gzhag par bya ba ci yang med do/ /de bzhin du phyag rgya chen po zung du 'jug pa'i rang bzhin ma rtogs na sna tshogs su snang ste/ yang dag par rtogs na rtogs pa sna tshogs kyi rang bzhin nyid mi rtog pa'i rang bzhin zung du 'jug pa yin la/ mi rtog pa nyid rtog pa sna tshogs su snang ste/ 'dir rtog pa bsal bar bya ba 'am/ mi rtog gzhag par bya ba ci yang med do/ /de yang 'di skad du/ 'di rnams tshos ni mya ngan 'das/ /rmongs pa la ni 'khor ba'i tshul/ /rmongs med 'khor ba dag pas ni/ /'khor ba mya ngan
- 204a
'das par 'gyur/ zhes gsungs so/ /dus thams cad pa ni rtogs kyang rung ma rtogs kyang rung rang gi ngo bo gnyis su med pa las gzhan du 'gyur ba med pa'o/ /gzhan yang phyag rgya chen po la sku gsum gzhag pa ni nyams su myong ba'i shes pa nyid la gzhag ste/ de yang 'dus ma byas pa chos kyi sku/ /rtogs pa longs spyod rdzogs mtshan nyid/ /sna tshogs 'byung ba sprul pa'i sku/ /zhes gsungs so/ /des na rtog pa gang gis kyang me bslad pa'i shes pa ni yod med ces bya ba dang/ gnyis dang gnyis su med pa zhes bya ba'i sgro sgur gang med pa ste chos kyi sku'o/ /gnyis su med pa'i rang bzhin rtogs nas bde ba chen po nyams su myong ba ni longs spyod rdzogs pa'i sku'o/ /rang gi ngo bo las ma g.yos kyang sna tshogs su snang ba ni sprul pa'i sku'o/ /de ltar tha snyad tsam du gsum du dbye ba yod na yang de kho na nyid kyi shes pa la dbye ba med de/ ngo bo gcig pa ni ngo bo nyid kyi sku'o/ /theg pa thun mong gi sku gsum rnam par bzhag pa ni ngo bo nyid la dbye ba med/ chos tshul gyis brtsis na yang dag par rdzogs pa'i sangs rgyas kyi thugs yang dag pa'i ye shes kyi spyod yul rnam par mi rtog pa cir yang mi 'dzin pa ni chos kyi sku'o/ /sa chen po la spyod pa'i byang chub sems dpa' o spyod yul du snang ba ni rten gzhal yas khang dang/ brten pa lha'i dkyil 'khor mtshan dang dpe byad dang/ mi 'jigs pa la sogs pas brgyan par snang ba ni longs spyod rdzogs pa'i sku'o/ /lha dang mi'i mthong ba ma dag pa la ni phyin ci log tu snang/ mthong ba dag pa la ni gang dang gang gis 'dul ba la de dang de'i ngo bor sku sna tshogs su de bzhin gshegs pa'i thugs rje chen po'i byin brlabs dang/ sngon gyi smon lam dang sems can gyi mos pa'i dbang gis snang ba ni sprul
- 204b
pa'i sku'o/ /'di rnams tha snyad tsam du bshad kyang rang gi ngo bo la tha snyad kyi dbye ba med de/ ngo bo lhun gyis grub par gcig pas na ngo bo nyid sku'o/ /de'i yang 'di skad du/ 'chad pa po nga chos kyang pa/ rang gi tshogs ldan nyan pa dag 'jig rten ston pa bsgrub bya de/ 'jig rten 'jig rten 'das pa dag zhes gsungs pas 'chad pa po ni longs spyod rdzogs pa'i sku/ chos ni chos kyi sku/ rang gi tshogs ldan nyan pa ni sprul pa'i sku'o/ /des na thams cad kyi ngo bo yin pas na ngo bo nyid kyi sku'o/ /de lta bu'i rim pa ni zung du 'jug pa lhun gyis grub pa'o/ /zung du 'jug pa ni 'od gsal ba dang ston pa gnyis su med pa ste/ ngo bo nyid la dbyer med kyang chos tshul gyis brtsis na 'od gsal ba dang/ stong ba'o/ /rigs pas yang dag par brtags na dngos po med pa ni stong pa yin la/ mnyam par nyams su myong ba ni 'od gsal ba'o/ /'od gsal las kyang stong pa gzhan ma yin la stong pa las kyang 'od gsal ba gzhan ma yin te/ dper na smig rgyu las chur snang yang dag par na chu'i dngos po med do/ /de bzhin du 'od gsal ba nyid la rnam par dpyad na rang bzhin med pa stong pa yin yang gtan ma grub pa ri bong gi rwa lta bu'i stong pa ni ma yin no/ /rang bzhin med pa stong pa nyid 'od gsal ba nyams su myong ba ste/ dngos po yod par rig pas grub pa snang ba ni ma yin no/ /de bas na 'od gsal ba nyid stong pa yin pa stong pa nyid 'od gsal ba'o/ /tha dad ma yin pas gnyis med de zung du 'jug pa'o/ /zung du 'jug pa yang gzhan gyis gnyis su snang ba'i zhen pa zlog pa'i phyir zung du 'jug pa dang gnyis su med pa zhes brjod kyi/ rang gi mtshan nyid la zung du zung pa dang gnyis su med pa gnyis ma grub pas na zung du 'jug pa dang gnyis su med pa nyid kyang mi gnas so/ /des na 'di la ming
- 205a
ngam/ ngos bzung ba 'am/ 'di zhes bya ba ni gzhag pa med do/ /lhun gyis grub pa ni dper na mtho yor la mir shes pa 'khrul nas snang ste/ ma rtogs na mir snang ste/ rtogs na de nyid mtho yor yin la/ des mi gsal bar bya ba 'am/ mtho yor bsgrub par bya ba ci yang med do/ /de bzhin du don rang gi ngo bo gnyis su med pa'i rang bzhin ma rtogs na gnyis su snang ste/ rtogs tsam na de nyid gnyis su med pa'i ye shes so/ /'dir yang rtogs pa dang ma rtogs pa'i khyad par gyis gnyis su snang ba'i rtog pa dang gnyis su med pa'i mi rtog pa zhes dgag sgrub byed kyang de kho na nyid kyi shes pa la ma rtogs pa'i dus na yang don rang gi ngo bo dang gnyis su med de/ zung du 'jug pa'o/ /bla ma dam pa'i zhal nas rtogs pa'i dus na yang zung du 'jug pa'o/ /'bras bu phyag rgya chen po thob pa'i dus na yang de nyid do/ /des na dus thams cad du mi 'gyur pa ni ma bcos pa'o/ /de lta bu dang ldan pa'i phyag rgya chen po ste/ de ltar rtogs pa ni lta ba'o/ /sgom pa ni de nyid las sems ma yengs par 'jog pa yin te/ de yang/ sgom pa po med sgom pa'ang med/ /lha med sngags kyang yod ma yin/ /spros pa med pa'i rang bzhin las/ /lha dang sngags kyang yang dag gnas/ /zhes gsungs pas na phyag rgya chen po nyid mi rtog pa ni bcos ma'i sgom pa ched du gtad pa gang yang mi 'dod de/ /de nyid kun gyi ngo bo yin pas na bar ma chod par spyod lam bzhir ma yengs par sgom par bya'o/ /de yang 'di skad du/ chu bo? klung 'bab gzhung dang ni/ /mar me 'bar ba'i rtse mo ltar/ /sngags kyi de nyid rjes 'brang gnas/ /rgyun mi 'chad pa'i bsam gtan thob/ /ces gsungs pas mnyam par bzhag pa dang rjes thob med par chos thams cad de nyid kyi ngo bor shes par
- 205b
bya/ goms par bya'o/ /gzhan yang /gang yang sgom pa po nyid med/ /gang yang rnam par bsgom pa med/ /bsgom bya nyid kyang yod ma yin/ /de yi de nyid bsgom par bya/ /zhes gsungs pas sgom pa po dang/ bsgom par bya ba dang/ sgom pa'i chad du bya ba med de/ de nyid la ma yengs par gzhag go /de nyid la ma yengs par sgom pa yang rtog pa thams cad blo bur tu? rkyen gzhan la brten nas bskyed de/ rang bzhin ngo bos ni ma skyes la/ gong du rtogs pa'i rkyen ma tshogs pa na/ shes pa rkyen gyis ma bslad pa ma bcos pa'i gnyug ma sgro skur dang bral ba ni phyag rgya chen po ste/ de las phyis shes pa skye ba rkyen gyis bslad pa ni brtags na ngos gzung du med pas na/ bzhi pa de yang de bzhin no zhes bya bas gong bzhin du shes par bya ste/ bzhi pa ni phyis kyi rtog pa'i rkyen gyis bslad pa'o/ /de zhes bya ba ni shes pa gnyug ma ma bcos pa rkyen gyis ma bslad pa'o/ /yang zhes bya ba ni phyis kyi shes pa rtog pa dang bcas pa ni gong? mar bsdu'o/ /de bzhin no zhes bya ba ni snang? ba 'am rtog pa skyes ma thag tu gong ma'i rang bzhin du shes par bya'o/ /de bas na dbang po rnams yul la mi dgag ste/ ci dang ci snang ba thams cad de'i rang bzhin du shes par bya'o/ /de la rtog pa ci skyes pa la rig ma pas brtags shing rang bzhin med par byed pa ni dman par 'gyur ro/ /dper na skyur ru ra'i ro nyams su myong nas mthong ma thag tu skyur mor shes te/ skyur mo nyid kyang skyu ru ra yin la skyu ru ra nyid kyang skyur mor shes so/ /de bzhin du gong du lung dang/ rigs pa dang bla ma'i man ngag gis nyams su blangs nas rtogs pas phyis dngos po snang ba nyid stong par shes la/ /stong pa nyid snang bar shes so/ /de bas na dbyer med par shes par bya'o/ /de yang 'di skad du/ gang phyir yid kyis mi sgom par/ /'gro pa
- 206a
thams cad bsgom par bya/ /thams cad chos ni yongs shes na/ /sgom pa nyid ni sgom pa min/ zhes gsungs pas de nyid la ma yengs par 'jog pa ni sgom pa'o/ /de yang doha? las /mnga' snun gyis smras pa kye lags gang zhig brdzun pa de bor la/ /gang la zhen pa yod na de yang thong/ /rtogs par gyur na thams cad de yin te/ de las gzhan pa sus kyang shes mi 'gyur zhe'o/ /des na sna tshogs su snang ba thams cad sems nyid yin la sems nyid zhen pa thams cad med par rtogs pa na ci byung ba thams cad de ltar shes par byas la bsgom mo/ /sgom pa la yang dpe gsum ste/ chu dangs pa dang/ nor bu chu 'dang bcug pa dang/ ma rnyogs par gzhag pas dang bar 'gyur te/ de bzhin du rtog pa thams cad 'gegs pa dang/ mi mthun pa'i phyogs kyi rtogs pa spang ba'i phyir gnyen po ye shes sgom pa ni bcos ma'i sgom pa'o/ /chu ma rnyogs par gzhag na rang dangs pa bzhin du dngos po thams cad kyi rang bzhin shes par byas nas ma bcos par 'jog pa ni phyag rgya chen po'i sgom pa'o/ /de lta bu'i shes pas ci dang ci byed pa thams cad de'i rang bzhin du byed pa ni spyod pa ste/ de yang spyod pa ni gsum ste/ spros pa dang bcas pa'i spyod pa dang/ spros pa med pa'i spyod pa dang/ shin tu spros pa med pa'i spyod pa'o/ /de la spros pa dang bcas pa'i spyod pa ni mtshan ma dang bcas pa'o/ /spros pa med pa'i spyod pa ni gsang ba la sogs pa'i spyod pa'o/ /shin tu spros pa med pa'i spyod pa ni phyag rgya chen po las gzhan du ma bstan te/ des zin pa'i spyod pa ci byas thams cad ni spyod pa'o/ /de lta bu la goms par gyur pas lhun gyis grub pa ste/ mngon du gyur pa ni 'bras bu'o/ /de lta bu'i phyag rgya
- 206b
chen po ni dri ma dang bral ba'i 'bras bu'o/ /dri ma ni dgag pa dang bsgrub pa la sogs pa'i rtog pa rnams med pa ni dri ma dang bral ba'i 'bras bu ste/ mtshan nyid dang bral ba'i lhan cig skyes pa'i dga' ba'o/ /'bras bu phyag rgya chen po na? bcos par lhun gyis grub pa ngo bo nyid kyi rim pa mdor bstan pa'o/ /de lta bu'i phyag rgya chen po las sems sems can gyi don du 'bras bu gzugs kyi sku gnyis 'byung ba ni dam tshig gi phyag rgyar bshad de/ de la dam tshig ni sa ma ya 'bum sde ste/ sa las drangs nas sa soM ke ta zhes bya ste brda yin la/ phyag rgya ni mtshon pa ste/ he ru ka'i brda'i sgo nas thabs snang ba mtshon cing/ btsun mo'i brda'i sgo nas shes rab stong pa nyid mtshon par byed la/ gnyis 'khyud pa'i brda'i sgo nas gnyis su med pa'i ye shes zung du 'jug pa mtshon pa ni dam tshig phyag rgya'o/ /dam tshig gi phyag rgya la yang las kyi phyag rgya bzhin du dga' bzhir dbye ste/ de la dang po rgyu bsod nams kyi tshogs nas brtsams te rgyu'i he ru ka mngon par byang chub pa lngas bskyed pa ni sna tshogs kyi rtog pa yod pas rnam pa sna tshogs pa'i skad cig ma la dga' ba'o// //lha mo'i 'khor lo dbyung ba'i phyir mkha' sbyin gyis brlabs nas snyoms par zhugs nas rdo rje nor bu'i gong gi dkyil du byang chub kyi sems khu ba'i rnam pa las bde ba'i ngo bo nyams su myong ba ni rnam par smin pa'i skad cig ma la mchog tu dga' ba'o/ /de nas sku gsung thugs kyi yi ge gsum 'dod chags chen po'i rang bzhin ho dmar po gnyis kyi bar du chud pa'i dri na'i srog chags zhal du chud bas rje btsun dang rje btsun ma gnyis 'od du zhu ste/ zla ba dang nyi ma'i dbus na gnas pa'i thig le gnyis
- 207a
ni 'od gsal ba dang stong pa'o/ /de zla ba la reg pa'i thig le ni shes rab ste stong pa'o/ /steng nyi ma la reg pa ni 'od gsal ba ste thabs so/ /gnyis dbyer med pa ni phan tshun gcig la gcig rgyas btab pa ste zung du 'jug pa'o/ /de ni mtshan nyid dang bral skad cig ma la lhan cig skyes pa'i dga' ba'o/ /de nas smon lam gyi dbang gis puk+ka sI la sogs pa'i tshad med pa'i lha mo bzhi'i rdo rje'i glus bzhengs su gsol nas 'bras bu'i he ru ka gzugs kyi sku bzhengs pa ni rnam par nyed pa'i skad cig ma la dga' bral gyi dga' ba'o/ /'dir yang bzhi pa de yang de bzhin no zhes bya bas snga ma bzhin du shes par bya'o/ dgongs pa snga ma bzhin du dam tshig gi phyag rgya'i dga' ba bzhi yang gcig tu byas nas/ skyes bu'i byed pa'i 'bras bu zhes bya ste/ sems can gyi don byed pas na gzugs kyi sku ni skyes bu byed pa'i 'bras bu yin te/ rnam par nyed pa'i skad cig ma la dga' bral gyi dga' bar gzhag go /de ltar na dga' ba bcu drug go /'dir yang phyag rgya chen po dang/ dam tshig gi phyag rgya gnyis/ bzhi pa de yang de bzhin no zhes bya bas gong ma bzhin du gnyis su med par shes par bya'o/ /dam tshig gi phyag rgya mdor bsdus te bstan pa'o/ /gang zhig brgyud pa'i rim pa 'di// bla ma'i zhabs la yun rings su/ /bsnyen pa kur las byung goms pa yis/ /bdag nyid dran phyir dris pa yin/ /gzhan yang sems can bdag 'dra dang/ /don du gnyer ba gzhan dag dang/ /dang ldan byang chub don gnyer ba'i/ /don du bdag gis cung zhig bris/ /gang yang bdag blo gti mug pas/ /legs bshad gang yin nyes gyur pa/ /ma rtogs dbang gis nor na yang/ /mkhas pa rnams kyis bzod par mdzod/ /bla ma brgyud pa'i rim pa 'di/ 'bad pas bdag gis bris pa
- 207b
las/ /des ni dge ba ci thob pas/ /sems can phyag rgya chen por shog /bla ma brgyud pa'i rim pa'i man ngag ces bya ba phyag rgya chen po rnal du mtshon par byed pa/ slob dpon chen po badzra pA Ni'i zhal snga nas kyis mdzad pa rdzogs so// // rgya gar gyi mkhan po rdi? roSh+kri dz+nyA na'i zhabs dang/ bod kyi lo tsa ba 'brog mi jo sras kyis bsgyur cing zhus te/ gtan la bab pa'o// //*/ /rgya gar skad du/ mahA yA na pa da kra ma/ bod skad du/ theg pa chen po'i lam gyi rim pa/ dpal 'jam pa'i mgon la phyag 'tshal lo/ /dpal ldan mgon po kun rang bzhin/ /rnam snad mdzad la phyag 'tshal te/ skal chen dang ldan dga' ba'i phyir/ /theg chen laM rim bshad par bya/ gang zhig mi khom gnas spangs te/ /chos spyod skal pa ldan pa'i tshe/ /bdag nyid brtson par mi byed pa/ /'chi ba'i sdug bsngal gyis nyen cing/ /bzhin gyur mdangs yal bkrag bros tshe/ /bdag la 'gyod par cis mi 'gyur/ /'tsho ba phra mo'i ched dag tu// sdug bsngal chen po bzod gyur na/ /sdug bsngal kun dang bral 'dod pas/ /bzod pa chen po cis mi bsten/ /de bas sdug bsngal mdor 'dod rnams/ theg chen lam la brtson pa dang/ /dge ba'i bshes la bsnyen bkur zhes/ /bdag ni phyed la de skad gdams/ /lnga brgya tha ma'i dus kyi tshe/ /snyigs ma lnga yi sems can rnams/ /theg chen skal ldan ngo tshar che/ /de bas spro ba chen po bskyed/ /de la theg chen rnam gnyis te/ /pha rol phyin sogs theg pa dang/ theg pa chen po gsang sngags te/ de don bsdus rgyas shin tu rgyas/ /ngo bo la sogs brjod par bya/ /dad sogs bcas rnams mnyan par gyis/ /gang zhig pha rol phyin 'dod pas/ /chog lnga yi rim pa yis/ /lam rnams la ni bgrod bya ste/ /pha rol phyin sogs ldan
- 208a
par ro/ /sems bskyed sdom pa cod pa dang/ de bsrung mtshan nyid shes bya dang/ /sems sbyang spyod pa dag pa ste/ /'di ni cho ga lngar 'dod do/ /bsdus pa'i tshigs su bcad pa'o/ /da ni de nyid rgyas par bya ste/ ni yang dang po rigs dang ldan pa'i gang zag gis/ yang dag pa'i dge ba'i bshes gnyen la/ byang chub mchog tu sems bskyed par bya zhing/ sdom pa nod par bya'o/ /de nas de mi nyams par bsrung ba la 'bad par bya'o/ /de ltar snod du rung ba dang thos pa'i shes rab gyis theg pa chen po shes rab kyi pha rol tu phyin pa la sogs pa mnyan nas/ spang bar bya ba dang/ spong byed dang/ spong ba'i thabs dang/ spang ba'i 'bras bu la sogs pa'i mtshan nyid shes par bya'o/ /de nas sems sbyang bar bya ste/ de yang yan lag rnam pa lnga'o/ /de la yan lag lnga ni/ lam dang lam gyi grogs rgyud la bskyed pa dang/ de'i yul dang/ spang bar bya ba dang/ spang pa'i thabs dang/ lam des spangs pa'i 'bras bu'o/ /de la lam ni tshogs kyi lam dang/ sbyor pa'i lam dang/ mthong ba'i lam dang/ sgom pa'i lam mo/ /lam gyi yan lag ni zhi gnas dang/ lhag mthong rnam pa gnyis so/ /yul ni 'jug pa'i yul dang/ dmigs pa'i yul rnam pa gnyis so/ /spang bar bya ba ni nyon mongs pa'i sgrib pa dang/ shes bya'i sgrib pa'o/ /spang pa'i thabs ni lam gyi rim pa bzhin du bya ste/ spang bya chen po gnyen po chung dus spyod la/ spang bya chung du gnyen po chen pos spong ba'o/ /spangs pa las 'bras bu rnam pa gnyis 'byung po// spyod pa dag par bya ba ni rnam pa gnyis te/ 'gro ba la sogs pa'i gnas skabs dang/ mnyam par ma bzhag pa'i gnas skabs so/ /de ltar rgyas par bstan nas shin tu rgyas par bstan par bya ba'i phyir byang chub tu sems bskyed pa'i ngo bo la
- 208b
sogs pa brjod par bya ste/ byang chub tu sems bskyed pa'i yul ni gzhan gyi don no/ /ngo bo yang dag par rdzogs pa'i byang chub 'dod pa'o/ /dbye ba ni rgyas par dbye na nyi shu dang gnyis so/ /bsdu na rnam pa bzhi'o/ /shin tu bsdus ni rnam pa gnyis de la nyi shu rtsa gnyis ni chos thams cad mngon par byang chub 'dod pas/ 'dun pas lta bu dang pha rol tu phyin pa drug gi spyod pa'i mtshan nyid do dus thams cad du mi 'gyur bar 'dod pas na bsam pa gser lta bu dang/ byang chub kyi phyogs kyi chos la sogs pa de dag 'phel bar 'dod pas/ lhag pa'i bsam pa zla ba tshes pa lta bu dang rnam par mi rtog pa'i ye shes me'i khyad par dang 'dra ba rtogs pas sbyor ba me lta bu dang/ sems can tshad med pa'i rgyu tshim par mdzad pas sbyin pa'i pha rol tu phyin pa gter lta bu dang/ yon tan rin po che rnams de las 'byung bas na tshul khrims kyi pha rol tu phyin pa rin po che'i 'byung gnas lta bu dang/ mi sdug pa'i mtshan ma thams cad kyis mi bskyod pas na bzod pa'i pha rol tu phyin pa rgya mtsho chen po lta bu dang/ yang dag pa'i shes pa la brtan pas mi byed pa'i phyir brtson 'grus kyi pha rol tu phyin pa rdo rje lta bu dang/ dmigs pa thams cad kyi rnam par g.yeng bas bskul bar mi nus pas na bsam gtan gyi pha rol tu phyin pa ri bo lta bu dang/ sgrib pa gnyis kyi nad rab tu zhi bar mdzad pas na shes rab kyi pha rol tu phyin pa sman lta bu dang/ gnas skabs thams cad sems can thams cad kyi don yongs su mi spong bas thabs kyi pha rol tu phyin pa bla ma lta bu dang smon lam ji lta bu'i 'bras bus don mdzad pas smon lam gyi pha rol tu phyin pa yid bzhin gyi nor bu lta bu dang/ gdul bya'i skye bo rnams yongs su smin par byed pas na stobs kyi pha rol tu phyin pa nyi ma lta bu dang/ gdul bya'i skye bo
- 209a
rnams kyi yid dga' bar byed pa'i chos ston pas na/ ye shes kyi pha rol tu phyin pa dbyangs snyan pa lta bu dang/ mthu thogs pa med pa'i mngon par shes pa dang/ lhan cig par gtogs pa ni gzhan gyi don lhur mdzad pas na rgyal po chen po lta bu dang/ bsod nams dang ye shes kyi tshogs dang lhan cig par gtogs pa ni mdzod lta bu dang/ byang chub kyi phyogs kyi chos dang lhan cig par gtogs pa ni 'phags pa thams cad kyi rjes su 'gro zhing bzhung pas lam chen po lta bu dang/ zhi gnas dang lhag mthong dang lhan cig par gtogs pa ni 'khor ba dang mya ngan las 'das par ni ltung bar bde blag tu 'gro bas bzhon pa lta bu dang/ gzungs dang spobs pa dang lhan cig par gtogs pa ni bstan pa mdza' yas pa 'dzin cing mi zad pas bkod ma lta bu dang/ chos kyi dbyings lhan cig par gtogs pa ni thar pa 'dod pa rnams kyis thos na dga' ba yin pas sgra brnyan pa lta bu dang/ bgrod pa gcig pa'i lam dang lhan cig bar gtogs pa ni/ thams cad kyi rgyu gcig pu yin pa'i phyir/ rang gi dang gis 'jug pa'i phyir chu bo'i rgyun lta bu dang/ chos kyi sku dang lhan cig par gtogs pa ni don gyi bya ba thams cad de la rag las pas sprin lta bu'o/ /de ltar nyi shu rtsa gnyis po de nyid bzhir bsdu ste/ de yang 'dun pa la sogs pa gsum ni/ /las dang po pa'i gnas skabs te/ chung dang 'bring dang chen po'o/ /sbyor ba ni nges par 'byed pa'i gnas skabs so/ /sbyin pa la sogs pa bcu ni rgyu'i gnas skabs so/ /mngon par shes pa la sogs pa brgyad kyis ni 'bras bu ste/ de yang dang po lnga ni khyad par gyi lam mo/ /'og ma gsum ni sbyong ba dang/ dngos dang 'jug gi sgo nas sangs rgyas kyi sas bsdus pa
- 209b
ste sems gang gis dang po'i las la mngon par sbyor ba dang/ gang gi las rdzogs par byed pa dang/ las rdzogs par byas pa las legs par byas pas so/ zhes bya ba la sogs pa dang go rims bzhin no/ /de dag nyid gnyis su bsdus ste/ dang po gsum ni smon pa'i sems so/ /lhag ma bcu dgu ni 'jug pa'i sems te/ de la smon pa ni don du gnyer ba'i rgyu ste/ des na 'dir gzhan gyi don gyi phyir sangs rgyas su 'grub par gyur cig ces gsol ba 'debs pa ni smon pa'o/ /'jug pa'i sems ni sdom pa 'dzin pa sngon du 'gro bas sbyin pa la sogs pa nyams su len pa ni 'jug pa'i don yin no/ /de la sdom pa'i ngo bo ni sdom pa'i sems pa ste/ /lnga kun tu 'gro ba'i sems pa nyid do/ de'i mtshan nyid ni bstan du med pa thogs pa med pa'o/ /dbye ba ni thun mong ste/ srog gcod pa spong ba la sogs pa dang thun mong ma yin pa ste/ gnod sems la sogs pa spong zhing gzhan gyi don la 'bad pa la sogs pa thams cad do/ /sdom pa'i sems pa des lus ngag yid gsum bya ba ma yin pa'i las la mi 'jug pas sdom pa'o/ /sems bskyed cing sdom pa nong pa yang/ bla ma byang chub tu sems bskyed cing/ /sdom pa la gnas pa mkhas pa nus pa dang ldan pa las blang ngo/ /de med na sangs rgyas dang byang chub sems dpa' rnams yid kyis dmigs la blang bar bya'o/ /sems bskyed cing sdom pa nor pa'i cho ga'o/ /de nas bsrung bar bya ste srog gi phyir yang sdom pa nyams par mi bya ste/ bdag nyid shi ba ni bla'i tshe rabs thams cad du sha bsags na ni ri rab bas tshel/ khrag bsags na ni rgya mtsho bas mang zhing/ rus pa bsags par gyur na ni rtsi shing bas mang zhing/ don med par 'khyams nas tshe 'di'i bar du mi gtsang ba'i phung po sna tshogs pa blangs shing/ 'khor ba'i sdug bsngal
- 210a
chen po yang dang yang du nyams su myong bar gyur pas/ sdom pa ni nyams par mi bya'o/ /sdom pa yang ji ltar bla ma las blangs pa bzhin du bsrung ba la 'bad par bya'o/ /de mi nyams par bsrung ba'i cho ga'o/ /de ltar theg pa chen po'i snod du rung ba de theg pa chen po'i gdams ngag mnyan nas/ theg pa thun mong gi chos dang/ thung mong ma yin pa'i chos kyi spang bya la sogs pa'i mtshan nyid thams cad shes par bya ste/ /mtshan nyid ma shes par ni bsgrub par mi nus te/ dmus long gi mar la sogs pa bzhin no/ /de bas na thos pa'i shes rab sngon du song bas mtshan nyid shes par bya'o/ /mtshan nyid yongs su shes par bya ba'i cho ga'o/ /de ltar snang du rung zhing mtshan nyid shes par byas pa des/ sems sbyang ba'i phyir ting nge 'dzin bskyed par bya ste/ thos pa tsam gyis 'grub par mi 'gyur ro/ /de bas na bsgom pa'i shes rab kyis sems sbyang bar bya'o/ /de yang yan lag rnam pa lnga ste/ rigs dang ldan pa'i gang zag gis lam rgyud la bskyed pa dang/ de yi yul dang/ spang bar bya ba dang/ spang ba'i thabs dang/ spang ba'i 'bras bu'o/ /lam rgyud la bskyed pa la yang lam gyi grogs zhig nas dang/ lhag mthong la bslab pa dang/ de nas lam dngos te thabs dang shes rab la bslab pa'o/ /de la zhi gnas ni dngos po gang yang rung ba zhig la nges par bya ste/ sems kyi rgyun gyi skad cig ma de nyid du yang dang yang gtad par bya'o/ /gang gi yul de la sems gnas par gyur pa de'i tshe/ zhi gnas rdzogs pa yin par shes par bya'o/ /lhag mthong ni zhi gnas kyi 'bras bu yin te/ don de nyid la dpyod pa'o/ /lhag mthong gi 'bras bu ni zung du 'brel pa ste/ yul gang la yang mi gnas pas yul de nyid bye
- 210b
phrag tu mthong la/ de nyid kyi tshe sems rtse gcig tu gyur pas dmigs pa du ma la rgyug pa rab tu zhi bar gnas pa'o/ /gal te rnal 'byor pa de 'dod chags la sogs pas sems g.yeng bar gyur na 'dod chags kyi gnyen por ni mi sdug pa ste/ mi gtsang ba la sogs pa sgom pa'o/ /de bzhin du zhe sdang gi gnyen por ni byams pa'o/ /gti mug gi gnyen por ni rten cing 'brel par 'byung ba'o/ /nga rgyal gyi gnyen por ni khams kyi rab tu dbye ba'o/ /byid pa'i gnyen por snang ba'i 'du shes dang/ sangs rgyas la sogs pa'i yon tan yid la byed pa'o/ /rgod pa'i gnyen por ni mi rtag pa yid la byed pas sngon rgod pa dang rtse zhing dga' ba rjes su dran pa de yang zhi bar bya'o/ /sems der mi dga' bar 'gyur pa'i tshe ni mi dga' pa'i skyon bsam zhing ting nge 'dzin gyi yon tan la bsam pas de yang zhi bar bya'o/ /byid rgod la sogs pa dang bral nas sems cha mnyam par 'jug cing gnas par gyur pa'i tshe/ /bsgrim pa glod la gtang snyoms su bya ste/ sems mnyam par 'jug pa la bsgrim par byas na g.yeng bar 'gyur ro/ /de ltar zhi gnas dang/ lhag mthong la slob pa'i gang zag des gong nas gong du gyur pas las ni mtshan ma med pa'i zhi gnas so sor rtog pa'i shes rab las mtshan ma med pa'i lhag mthod rnam par mi rtog pa'i ye shes skye bar 'gyur ro/ /de yang lam dngos te thabs dang shes rab bsgoms pas so/ /bsgom pa yang rnam par dbye bas lnga ste/ tshogs kyi lam dang/ sbyor ba'i lam dang/ mthong ba'i lam dang/ bsgom pa'i lam sa gnyis pa nas bdun pa dang/ brgyad pa nas bcu ba ste/ mos pas spyod pa'i sa gsum mo/ /'dir mos pa zhes bya ba'i sgra ni/ bdag dang gzhan gyi don la mos pa dang/ brtson pa che thang du byed pas mos pa ste/ sbyor ba'i lam ni ma yin par dgongs so/ /khyad par gyi lam ste/ rdo rje lta bu'i ting nge 'dzin no/ /de la
- 211a
thabs ni sbyin pa la sogs pa'i pha rol tu phyin pa gzhan rnams dang/ tshad med pa dang dge ba'i chos thams cad do/ /shes rab ni thabs de phyin ci ma log par byed pa ste/ chos thams cad skye ba med pa stong pa nyid kyi rang bzhin shes pa'o/ /de la tshogs kyi lam thar pa'i cha dang mthun pa'i skabs su/ /lus dran pa nye bar gzhag pa dang/ de bzhin du tshor ba dang/ sems dang chos dran pa nye bar gzhag pa bzhi bsgom pa ste/ dran pa nye bar gzhag ba bzhi dang/ mi dge ba'i chos thams cad skyes pa med par byas pa dang/ ma skyes pa mi bskyed pa dang/ dge ba'i chos ma skyes pa rnams bskyed par bya ba dang/ skyes pa rnams 'phel bar bya ste/ yang dag par spong ba bzhi dang/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ de bzhin du brtson 'grus dang/ sems dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang ba bzhi bsgom par bya'o/ /de nas sbyor ba'i lam des par 'byed pa'i skabs su dbang po lnga dang/ stobs lnga ste/ de yang drod dang rtse mo'i dus su dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po ste lnga'o/ /de'i 'og tu bzod pa dang/ chos kyi mchog gi dus su dad pa la sogs pa de nyid stobs dang ldan par 'gyur ba la stobs shes bya ste/ dad pa'i stobs la sogs pa bsgom par bya'o/ /de'i 'og tu mthong ba'i lam ste/ byang chub kyi yan lag gis phye ba'o/ /de yang dran pa yang dag byang chub kyi yan lag dang/ de bzhin du chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag ste/ de la sdug bsngal gyi bden pa dang/ kun 'byung gi bden pa dang/ 'gog pa'i bden pa dang /
- 211b
lam gyi bden pa ste bden pa rnam pa bzhi chos bcu drug tu dmigs pa med par bsgoms pas shes bzod bcu drug tu rtogs nas mthong ba'i lam thob pa'o/ /de'i 'og tu bsgom pa'i lam ste/ lam gyi yan lag rnams so/ /de yang yang dag pa'i lta ba ba dang/ de bzhin du yang dag pa'i rtog pa dang/ ngag dang las kyi mdza' dang/ 'tsho ba dang rtsal ba dang dran pa dang/ yang dag pa'i ting nge 'dzin te/ bsgom pa'i lam sa gnyis nas sa bcu pa'i bar du rtog pa'o/ /de dag kyang kun rdzob sgyu ma tsam pu dpyod pa ni thabs so/ /don dam par de dag kyang rang bzhin med par bsgom pa ni shes rab bo/ /de bar chad med pa'i lam rdo rje lta bu'i ting nge 'dzin zhes kyang bya/ ming gi rnam grangs gzhan yang kun tu bzang po zhes bya ba la sogs pa skyed par byed pa'o/ /lam zhes bya ba'i ngo bo ni yid kyi rnam par shes pa sems las byung ba dang bcas pa ste/ de yang shes rab la sogs pa'o/ /'phags pa thams cad gshegs pa 'am/ yang na 'phags pa'i sar phyin par byed pa'i phyir lam zhes bya'o/ /de la dran pa nye bar gzhag pa ni shes rab kyi rang bzhin no/ /'di dag gis dran pa nye bar gnas pas dran pa nye bar gzhag pa'o/ /yang dag par spong ba ni brtson 'grus kyi rang bzhin no/ /mi mthun pa'i phyogs yang dag par spong bas na yang dag par spong ba ste/ 'dis nang gi sems yang dag par spong ba ste/ spang bya'i ming spong byed la'o/ /rdzu 'phrul gyi rkang pa ni ting nge 'dzin gyi rang bzhin no/ /rdzu 'phrul gyi rgyur gyur pas rdzu 'phrul gyi rkang pa ste/ mngon par shes pa la sogs pa'i rgyu zhes bya'o/ /nges par 'byed pa'i cha dang mthun pa rnams ni/ ting nge 'dzin dang shes rab mtshungs par ldan pa'i rang bzhin no/ /thar ba'i cha dang mthun pa'i dge ba'i rtsa ba bskyed pa la/ dbang byed pas dbang po'i/ /mi mthun
- 212a
pa'i phyogs bsrabs pa'i phyir de dag nyid stobs so/ /des mi mnyun ba'i phyogs ni ma dad pa dang/ le lo dang/ brjed ngas pa dang/ rnam par g.yeng ba dang/ shes bzhin med pa rnams so/ /dbang po'i skabs ni ma bsrabs pas 'dre ba'o/ /'di ni 'dre ba med pa'o/ /de yang dad pa la sogs pa ni gsum ste/ chung ngu dang/ 'bring po dang/ chen po'o/ /de yang chu ngu ni drod kyi gnas skabs so/ /'bring po ni rtse mo'i dus so/ /chen po yang bzhir dbye ste/ chung dang/ 'bring po dang/ chen po ni bzod pa chung ngu dang/ 'bring dang/ chen po dag dang go rims su sbyar ro/ /shin tu yang chen po ni 'jig rten chos kyi mchog go/ de la dro bar gyur pa ni/ dper na gtsubs shing gtsubs pa las thog mar me'i mtshan ma dro bar 'byung ngo/ /de bzhin du 'phags pa'i lam me lta bu skye ba'i dang po yin pas dro ba zhes bya ste/ dpe'i sgo nas so/ /dge ba'i rtsa ba rgya chen po g.yo ba'i rtse mor gzod phyin pas rtse mo'o/ /bden pa'i don la bzod pas bzod pa'o/ /zag pa dang bcas pas 'jig rten no/ /zag pa dang bcas pa gzhan pas mchog tu gyur pas mchog ste/ de ma thag tu mthong ba'i lam skye bas so/ /mthong ba'i lam ni mi dmigs pa'i ting nge 'dzin la sogs pa byang chub kyi yan lag dang mtshungs pa nyid rang bzhin te/ de yang rnam par grol ba ni byang chub po/ /chos rnam par 'byed pa ni byang chub kyi yan lag ste/ bar chad med pa'i lam du gtogs pa'o/ /dran pa la sogs pa drug ni byang chub dang mthun pa'i phyir byang chub kyi yan lag go /de la dran pa ni gnas kyi yan lag /chos rnam par 'byed pa ni rang bzhin gyi yan lag/ brtson 'grus ni nges par 'byung ba'i yan lag /dga' ba ni phan yon gyi yan lag/ shin tu sbyangs pa
- 212b
ni nyon mongs pa med pa'i gzhi'i yan lag ting nge 'dzin ni nyon mongs pa med pa'i gnas kyi yan lag/ btang snyoms ni nyon mongs pa med pa'i ngo bo'i yan lag ste/ go rims bzhin du ste/ dmigs pa de las mi g.yeng ba'i phyir dang/ byang chub ni shes pa rnam par grol ba'i ngo bo nyid yin pa'i phyir dang/ so so skye bo'i sa la 'da' ba' i phyir dang/ lus dang sems la phan 'dogs pa'i phyir dang/ kun nas nyon mongs pa'i gzhi'i gnyen por gyur pa'i phyir dang/ sems mnyam par gzhag na yang dag pa ji lta ba bzhin shes bas nyon mongs pa spong ba'i phyir dang/ bying ba dang rgod pa'i gnyen po ste/ sems mnyam pa dang/ rnal du 'jug pa dang/ lhun gyis grub pa'i phyir ro/ /de la mthong ba'i lam skad cig ma bcu drug ste/ yon tan gyi sgo nas so/ /skad cig ma bzhi ste chos tsam gyis so/ /skad cig ma gcig ste ngo bo nyid kyi sgo nas so/ /de la skad cig ma bcu drug ni/ sdug bsngal dang/ kun 'byung ba dang/ 'gog pa dang lam rnams la chos shes pa'i bzod pa dang/ chos shes pa dang rjes su shes pa'i bzod pa dang/ rjes su chos shes pa ste/ bzhi bzhir byas pas bcu drug go/ de yang sdug bsngal gyi chos ni mi rtag pa la sogs pa'o/ /kun 'byung gi chos ni rgyu la sogs pa'o/ /'gog pa ni zhi ba la sogs pa'o/ /lam gyi ni rigs pa la sogs pa ste/ de dag la dag pa dang/ mi rtag pa dang/ sdug bsngal dang/ sdug bsngal yang ma yin pa dang/ stong ba dang/ mi stong pa dang/ bdag dang bdag med pa mi dmigs pa dang/ de bzhin du kun 'byung ba dang/ kun 'byung ba ma yin pa la sogs pa mi dmigs pa'i rnam par shes shing bzod pa'o/ /chos shes pa ni bdag gis spang bya spangs nas thob bya thob mnyam pa ste/ rnam par grol ba mngon du byed pa'o/ /rjes kyi bzod shes gnyis kyis ni ji ltar na yul mi dmigs pa
- 213a
bzhin du/ de la mi dmigs pa'i shes pa yang de bzhin du shes shing bzod pa dang/ shes pa de nges par 'dzin pa ste/ bden par rtogs pa'o/ /mdor na dang po gnyis ni yul la dmigs pa'i sgo nas yul mi dmigs pa'i rnam par mthong pa dang/ de nges par 'dzin pa'o/ /rjes kyi gnyis kyis ni yul ji lta ba'i rjes su yul can yang de bzhin du rtogs pa dang de nges par 'dzin pa'o/ /mthong ba'i lam skad cig ma bzhi ni/ dag pa dang/ dag la bstan pa dang grol ba dang/ grol ba 'dzin pa ste/ shes bzod bzhi dang go rims bzhin no/ /gcig ni chos kyi mchog gi skad cig ma gcig la mthong ba'i lam mngon du gyur pa'o/ /spyir spyor pa dang/ mnyam par gzhag pa dang/ rjes kyi shes pa 'am/ ye shes zhes gsum du shes par bya'o/ /sngon du de kho na nyid ma mthong pa gzod mthong pa so/ /nges par 'byed pa'i gnas skabs na ni dar las chod pa lta bur bden pa rnams rtogs so/ /mthong pa'i lam gyis ni de bsal pa lta bur rtogs so/ /sgom pa'i ? mi dmigs pa'i ting 'dzin yang dag pa'i lta ba la sogs pa dang mtshungs par bcas pa'o/ /bsgom pa'i lam chung ngu dang/ 'bring po dang chen po'i dbye bas rnam pa dgu'o/ /de yang yang dag pa'i lta bas ni mthong ba'i lam gyis rtogs pa'i don bdag gis 'di lta bu rtogs so/ /zhes dpyod cing/ mthong ba'i lam la lta bas yang dag bar lta ba'o/ /yang dag pa'i rtog pa ni ji ltar rtogs pa bzhin du rnam par 'jog pa ste/ yang dag pa'i ngag kun nas slong bas gzhan la rtogs pa'i don de nyid ston pa'o/ /las kyi mdza' la sogs pas ni srog gi phyir yang bya ba ma yin pa mi byed pas tshul khrims rnam par dag pa dang/ gos la sogs pa rigs pa dang/ tshod zin par tshol ba dang/ mi mthun pa'i gnyen por lam sgom pa
- 213b
dang/ dran pa shin tu nye bar gnas pa dang/ byid rgod med pa dang/ mngon par shes pa la sogs pa yon tan gyi rang bzhin gyi mi mthun pa'i phyogs spong ba ste/ go rims bzhin no/ /mthong ba'i don de nyid gong nas gong du bsgom pa'o/ /khyad par gyi lam ni spyir kun tu yang brtsi brgya ste/ de yang sbyor ba'i lam dang/ bar chad med pa'i lam dang/ rnam par grol ba'i lam dang/ khyad par gyi lam ste bzhi'o/ /de la gang gis nyon mongs pa spong bar sbyor ba dang/ spong ba la bar chad med pa dang/ spangs nas rnam par grol ba mngon du byed pa dang/ de nyid sngon pas khyad par du gyur pa yin pa ste go rims bzhin no/ /'on kyang 'di ni/ rdo rje lta bu'i ting nge 'dzin gyi skabs mos pa spyod pa'i sa bzhi pa dang sbyar bar bya'o/ /yul ni rnam pa gnyis te/ 'jug pa'i yul dang/ dmigs pa'i yul lo/ /de la 'jug pa'i yul ni ston pa'i byung tshul la spyod pa'o/ /dmigs pa'i yul yang rnam pa gnyis te/ thun mong ste bden pa bzhi dang/ thun mong ma yin pa ni gnyis te/ mtshan ma can dang/ de bzhin nyid kyi ngo bo'o/ /spang bar bya ba ni/ nyon mongs pa can ma yin pa'i mi shes pa dang/ nyon mongs pa mang ba'o/ /de yang sngar ni spang bya chen po la sogs pa gnyen po chung du la sogs pas rim pa bzhin du spangs nas/ tha mar rdo rje lta bu'i ting nge 'dzin gyis cha phra ma'o yang phra mo spong ste/ ming gi dbye ba med do/ /gnyis pa ni ming gi dbye ba yang yod la/ gnas skabs kyi spang bar bya ba yang yod de/ de yang dran pa nye bar bzhag pas ni log par blta ba ste/ gtsang ba dang/ rtag pa dang/ bde bar lta ba la sogs pas spong ngo/ /yang dag par spong bas ni le lo spong ngo/ /rdzu 'phrul gyi rkang pas ni nyes pa lnga spong ste/ le lo dang/ brjed ngas pa dang/ byid rgod dang/ skyon byung ba'i tshe mngon par
- 214a
'du mi byed pa dang/ skyon med pa'i tshe mngon par 'du byed pa ste/ skyon ni bying rgod gnyis so/ /de spong ba'i gnyen po ni brgyad de/ le lo'i gnyen po ni brtsod 'grus so/ /de'i gnas na 'dun pa'o/ /'dun pa'i rgyu ni dad pa'o/ /brtson 'grus kyi 'bras bu ni shin tu sbyangs pa ste/ yid ches pas ni 'dod pa skye la/ 'dod pas ni brtson 'grus brtsams la/ brtson 'grus kyis ting nge 'dzin khyad par can brtsams pas ni/ lus dang sems gnyis las su rung ba ste/ de ltar bzhi'o// dran pa ni brjed nges pa'i'o/ /shes bzhin ni byid rgod kyi'o/ /sems pa ni 'du mi byed pa'i 'o/ /btang snyoms ni 'du byed pa'i'o/ /de yang dran pa nye bar gnas pas shes bzhin dang ldan la/ des sems mngon par 'du byed cing nyes pa med nas btang snyoms su gnas pa/ go rims bzhin no/ /dbang po dang stobs kyis ni ma dad pa la sogs pa lnga'o/ /mthong ba'i li la sdug bsngal dang/ kun 'byung dang/ 'gog pa dang/ lam gyi bden pas 'dod khams na spang bya bcu bcu yod pas bzhi bcu'o/ /de bzhin du khams gong ma gnyis na khong khro pa med pas dgu dgu ste/ bdun bcu rtsa gnyis te spyir brgya rtsa bcu gnyis spong ngo/ /bsgom pa'i lam gyis ni 'dod khams na 'jig tshogs la lta ba dang/ mthar 'dzin par lta ba lhan cig skyes pa dang/ 'dod chags dang/ khong khro ba dang/ nga rgyal dang/ ma rig pa dang drug spong ngo/ /khams gong ma gnyis na khong khro ba ma gtogs pa lnga lnga ste/ bcu spong ngo/ /de ltar mder bsdu na bsgom pas spang bar bya ba ni nyon mongs pa bcu drug go /spang ba'i thabs ni gong du bstan pa'i lam des rim pa bzhin du spong ste/ snang ba dang mun pa'i tshul du gnyen po chung ngus spang bya chen po spong zhing/ gnyen po chen pos spang bya chung ngu spong ba'o/ /spangs pa'i 'bras bu ni/ de ltar
- 214b
rdo rje lta bu'i ting nge 'dzin gyis bag chags cha phra mo spangs pa'i skad cig ma gnyis pa la ni sangs rgyas zhes bya'o/ /de nas skad cig ma gsum pa la yang dag par rdzogs pa'i sangs rgyas shes bya ste/ chos kyi sku yon tan thams cad ni rdzogs pa nus pa thams cad dang ldan par 'gyur ro/ /de las sngon gyi smon lam dang thugs rjes gzugs sku rnam pa gnyis su byung/ de yang 'og min gyi gnas stug po bkod pa'i zhing khams na/ longs spyod rdzogs pa'i sku bstan pa dang/ sprul pa'i sku ci la ci las 'dul ba bzhin du rnam pa sna tshogs pa'i sku bstan pa ste/ de la snga ma ni 'khor nye ba la dgongs pa'o/ /phyi ma ni ring ba la dgongs pa'o/ /spyod pa dag par bya ba ni gnyis te/ 'gro ba la sogs pa'i dus su dran bzhin du 'gro ba la sogs pa dang/ gnas skabs su bya ba'i cho ga phyag 'tshal ba la sogs pa dang/ bskor ba bya ba dang/ maN+Dal la sogs pa bya ba'o/ /theg pa chen po lam gyi rim pa las/ pha rol tu phyin pa'i lam gyi rim pa'i le'ur phye ba ste/ dang po'o// //pha rol tu phyin pa'i theg pa yis/ /lam gyi rim pa bstan byas nas/ /gsang sngags theg pa'i lam gyi ni/ /rim pa yang dag bshad par bya/ /de la theg chen gsang sngags ni/ /khyad par gyur phyir khyad par te/ thabs mang dka' ba med pa dang/ dbang po rnon po mchog gyur dang/ /don gcig phyir na'ang ma rmongs pas/ /sngags kyi bstan bcos khyad par 'phags/ /de phyir dam tshig sogs ldan gzhug /dam tshig mi ldan spang bar bya/ / dam tshig dang ldan bzlog pa ni/ /mkha' 'gro ma yis 'che ba dang/ dus ma yin par 'chi ba dang/ shi nas dmyal bar 'gro ba'o/ /dam tshig ma ldan bcug pa yang/ /tshul de nyid du shes par bya/ /theg chen sngags kyi spyod pa la/ /skyon 'dogs
- 215a
smod par byed pa ni/ /mkha' 'gro ma yis myur du gsod/ /de nas dmyal bar skye bar 'gyur/ /de bas zab mo'i spyod pa la/ /skyon 'dogs smod pa spang bya ste/ /skal ba dang ldan gang zag gis/ /bla ma dam par gyur pa la/ /sems bskyed sdom blang dbang nod cing/ /de nyid bsrung dang mtshan nyid shes/ /sems spyad spyod pa dag pa dang/ /cho ga lnga yi mtshan nyid de/ /theg pa dman la'ang yod pa ste/ /skabs ma yin pas 'di mi brjod/ /bsdus pa'i tshigs su bcad pa'o/ /nga ni de nyid rgyas par bstan par bya ste/ /de yang dang por skal ba dang ldan pa'i gang zag gis/ bla ma dam pa theg pa mdza' dag gis grub pa'i mdza' las rmongs shing rgyud kyi dgongs pa shes pa dang/ dkyil 'khor gyi cho ga la sogs pa la mkhas shing/ snying rje chen po dang ldan pa bla ma'i bka' thob pa la chogs kyi dga' ston bya ste/ yon phul nas gsol ba gdab par bya'o/ /de ltar gsol ba btab pa dang/ bla mas kyang bsnyen pa dang/ sa'i cho ga dang/ lhag par gnas pa'i cho ga dang/ dkyil 'khor gyi cho ga rgyas pa dang/ 'jug pa dang/ dbang bskur ba dang/ yon bslang bar bya'o/ /de nas bsrung ba la 'bad par bya ste/ bsrungs pa'i yon tan dang/ ma bsrungs pa'i skyon ni gzhan las bsal bas bdag gis ma brjod/ /de ltar snod du rung ba dang/ bla ma dam pa las sngags kyi mtshan nyid shes par bya'o/ /de shes nas sems sbyar bar bya ste/ sems ma sbyangs par ni byang chub mi 'grub la/ de ma grub par ni gzhan gyi don mi 'grub pas sems spyad bar bya'o/ /de yang yan lag rnam pa lnga ste/ lam rgyud la bskyed pa dang/ de'i yul dang/ spang bar bya ba dang/ spang ba'i thabs dang/ spangs pa'i 'bras bu'o/ /de la lam la rnam pa
- 215b
gsum ste/ lam dngos dang/ de'i grogs dang/ nye ba'i grogs so/ /de la lam dngos ni bya ba'i rgyud dang/ spyod ba'i rgyud dang/ rnal 'byor gyi rgyud kyis ni mtshan ma dang bcas pa'i sgrub pa'i thabs dang/ mtshan ma med pa'i sgrub pa'i thabs shes bya bar gsungs so// rnal 'byor chen pos ni bskyed pa'i rim pa dang/ rdzogs pa'i rim pa zhes bya ste/ de nyid ni la mo/ /grogs ni lnga ste/ /bdag dang gzhan gyi bar chad nye bar zhi bar bya ba'i phyir gtor ma'i cho ga dang/ lha tshim zhing bgegs la sogs pa zhi bar bya ba la sogs pa'i phyir sbyin sreg gi cho ga dang/ dngos grub myur zhing lha la sogs pa khyad par du bya ba'i phyir rab gnas kyi cho ga dang/ bsod nams khyad par can bsag pa'i phyir tsha tsha'i cho ga dang/ bag chags sbyang ba dang/ dbang bskur ba'i phyir bum pa'i cho ga bya'o/ /nye ba'i grogs kyang lnga ste/ sgrub pa'i gnas dang/ shis pa'i dus dang/ mtshan dang ldan pa'i grogs dang/ gzhung dang mthun pa'i rdzas/ chos dang mthun pa'i 'tsho bo ba'i yo byad dang lnga'o/ /rdzas la gsum ste/ mchod rdzas dang/ sngags rdzas dang/ sgrub rdzas so/ /yul ni rnam pa gnyis te/ 'jug pa'i yul dang/ dmigs pa'i yul lo/ /de la 'jug pa'i ni pha rol tu phyin pa dang mthun no/ /dmigs pa'i yul ni rnam pa gnyis te/ yi ge la sogs pa mtshan ma can dang/ mtshan ma med pa ste/ stong pa nyid kyi rang bzhin la dmigs pa med pa'i tshul gyis dmigs pa'o/ /spang bar bya ba ni rnam pa gnyis te/ ngan rtog dang/ bzang rtog go /spang ba'i thabs ni ngan rtog mi bzang rtog gis spong la/ bzang rtog ni mi rtog pas spang bar bya'o/ /spang pa'i 'bras bu ni rnam pa gnyis te/ thun mong dang/ thun mong ma yin ba'o/ /de la thun mong pa ni mngon par shes pa la sogs pa'o/ /thun mong ma
- 216a
yin pa la gnyis te/ mthar thug ste sku gsum dang mthar thug ma yin ste/ phyag rgya chen po'i dngos grub ste/ mthong ba'i lam skyes pa'o/ /spyod pa ni gnyis te 'gro ba la sogs pa'i dus lha'i rnam par bya ba dang/ gnas skabs su bya ba'o/ /lha'i rnam par bya ba la yang/ lhag pa'i lha 'am/ rigs gsum mam/ lnga 'am/ gzugs kyi rdo rje ma sogs par bya ba'o/ /gnas skabs su bya ba ni/ khrus byas nas phyag 'tshal ba la sogs pa dang/ bskor ba dang/ maN+Dal dbul ba dang/ yi dam bklag pa la sogs pa bya ba'o/ /de ltar rgyas par bshad nas shin tu rgyas par bya ba'i phyir/ cho ga'i rim pa dang/ don gyi rim pa dang/ dgos pa'i rim pa dang/ ngo bo dang/ nges tshig dang/ dbye ba la sogs pa bshad par bya ste/ de yang dang por bla ma dam pa las sgom pa la sogs pa thob pa des bsrung ba la 'bad cing/ gdams ngag mnyan bar bya'o/ /de nas gnas yid du 'ong bar grogs chos dang mthun pa 'am/ bdag nyid gcig pu dus tshigs bzang?? po la 'dug la/ gtor ma bya ba dang/ sa tsha gdab pa dang/ sbyin sreg dang/ yi dam bklag pa yang bya'o/ /de nas khrus byas nas/ maN+Dal byas la me tog bkram nas bsrung ba'i 'khor lo bsgom par bya'o/ /de nas snying rje bsgom par bya'o/ /sems can thams cad sdug bsngal dang bral bar 'dod pa'o/ /de nas byams pa ste/ sems can thams cad bde ba dang ldan par 'dod pa'o/ /de nas dga' ba ste/ bdag gis byang chub chen po thob par byas la/ sems can gyi don bya'o zhes spro bar bya'o/ /de nas btang snyoms te/ de gsum mi dmigs par bsgom pa'o/ /de yang snying rje ni rtsa ba lta bu'o/ /byams pa ni sdong bu lta bu'o/ /dga' ba ni yal ga lta bu'o/ /tshogs gnyis ni lo ma lta bu'o/ /rnal
- 216b
'byor gzhan rnams ni me tog lta bu'o/ /rnal 'byor pa rgyud yongs su smin pa ni 'bras lta bu ste/ rtsa ba med par sdong bu la sogs pa mi 'byung ba dang 'dra bar snying rje med par byams pa la sogs mi 'byung ngo/ /de nas lha dang bla ma sprul pa la phyag 'tshal ba la sogs pa bya ste/ bsod nams kyi tshogs so/ /de nas stong pa nyid kyi sngags brjod pa'i sgo nas stong pa nyid kyi rang bzhin mngon du bya ba ste/ ye shes kyi tshogs so/ /de nas so so'i gzhung bzhin du bdag dam tshig sems dpar bskyed pa dang/ mdun du dam tshig sems dpa' sprul pa dang/ ye shes sems dpa' spyan drang ba la sogs pa byas nas/ mchod pa dang bstod pa byas la/ yi ge 'am/ phyag mtshan nam/ sku 'am/ thig le dang/ phra mo 'am/ spro bsdu la sogs pa la dmigs nas bsgom par bya'o/ /skyo bar gyur na ngag gis bzlas pa bya'o/ /shin tu skyo bar gyur na lha mo la sogs pas mchod pa la sogs pa byas nas spyan drangs pa ni gshegs su gsol bar bya'o/ /sprul pa rnams ni bsdu bar bya'o/ / yang na bdag nyid lhar bskyed la 'khor gyi dkyil 'khor sprul nas mar me'i 'od gyis pa'i tshul du gnyis su byas la/ gcig dkyil 'khor gyi gtso bor snang la/ gcig las kyi lhar byas la mchod pa la sogs pa de bzhin du thams cad bya'o/ /yang na bdag ltar byas nas ye shes sems dpa' spyan drang ba la sogs pa bdag nyid la byas la/ bdag gi snying kha nas lha mo sprul pa 'am/ 'khor gyi lha mos bdag la mchod bstod byas nas/ yang bdag gi snying kha 'am/ sku la bsdus la gong du bstan pa ltar bya'o/ /bzlas pa'i dus su thabs ni/ mgal me bskor ba lta bu 'am/ thag mdung 'phen pa lta bu 'am/ sgro'i tshun po lta bu 'am/ thi gu bsgril ba lta bu 'am/ /lcags sgrog sprel ba lta bu
- 217a
bya ste skabs kyi stobs kyis shes par bya'o/ /de ltar bsgoms pa las mtshan ma brtan po 'byung bar 'gyur ro/ /mtshan ma thob nas mtshan ma med par bsgom par bya'o/ /mtshan ma med pa mngon du gyur pa la ni phyag rgya chen po'i dngos grub ces bya'o/ /de yan chad ni lam thun mong ste gnyis su med do/ /cho ga'i rim pa'o/ /don gyi rim pa ni/ de bzhin gshegs pas tshad med pa bsgoms pa dang/ tshogs gnyis bsags pa dang bdud thams cad btul ba dang/ thams cad la ma tshogs pa dang/ snga phyir byang chub tu sems bskyed pa dang/ thos pa'i shes rab dang/ bsams pa'i shes rab dang/ bsgoms pa'i shes rab mthar phyin pa rnams byin gyis brlabs nas/ go rims bzhin du tshad med pa dang/ tshogs gnyis dang/ bsrung ba'i 'khor lo dang/ pad+ma dang/ zla ba dang/ yi ge dang/ phyag mtshan dang/ skur gyur pa bstan to/ /yang de bzhin gshegs pas tshogs kyi lam dang/ sbyor ba'i lam dang/ mthong ba'i lam dang/ bsgom pa'i lam bsgoms pa dang/ mi slob pa'i lam dang/ gzhan gyi don du gzugs rnam pa gnyis byung ba de nyid byin gyis brlabs nas rim pa bzhin du bsod nams kyis tshogs bsags pa dag ye shes kyi tshogs bsags pa dang/ yi ge 'am zla ba tshes pa 'am zla ba rgyas pa 'am/ yi ge'i 'gro 'du 'am/ zla ba 'am zla ba gnyis pa dang phyag mtshan dang/ sku dag tu bstan to/ /de bzhin gshegs pa'i 'du ba mdzad pa ni spro ba dang/ bsdu ba dang/ byin gyis brlab par bstan to/ /don gyi rim pa'o/ /dgos pa'i rim pa ni dang por de bzhin gshegs pas bden pa gnyis lam bzhir bsgoms shing/ /tshogs bsags pas sku gsum thob bde bzhin du/ da ltar rnal 'byor pas
- 217b
thun gcig la bsgoms pas kyang tshul de bzhin du snang la/ goms pa las phyis de bzhin du 'grub par 'gyur te/ de bas na thabs khyad par can 'bras bu lam du gyur pa zhes bya'o/ /dgos pa'i rim pa'o/ /da ni sngags la sogs pa'i rang gi ngo bo la sogs pa brjod par bya ste/ de la ngo bo ni thams cad kyi mthun par thabs dang shes rab gnyis so/ /gzhan du ni bden pa gnyis kyi ming can no/ /de la thabs ni kun rdzob sgyu ma tsam du snang ba'o/ /shes rab ni don dam par sgeg med pa ste/ stong pa nyid kyi rang bzhin no/ /gzhan dag gis ngo bo la sogs pa brjod pa ni/ don gyi phyogs re tsam bzung ba ste/ bdag gis ni khyab pa spyir btang ba'o/ /nges pa'i tshig ni skyob pa'i phyir na sngags te/ yid skyob par byed pa'i don to/ /dbye na rnam pa gnyis te/ don dam pa'i sngags dang/ kun rdzob kyi sngags so/ /de la don dam pa'i sngags ni gnyis su med pa'i rang bzhin stong pa chen po'i ye shes dang/ de yul du byed pa'i ye shes te/ de nges par rtogs pas 'khor ba las skyob pa'i phyir ro/ /de la ngo bo'i dbang du byas na dbye ba med do yul can gyi dbang du byas na dbye ba yod de/ rnal 'byor ba'i shes pa'i dbye bas gzhag go/ /yul can gyi sgo nas dbye na de yang rnam pa gnyis te/ gzung sngags dang/ rig sngags so/ /gzungs la bzhi ste/ bzod pa thob pa'i rgyur gyur pa'i gzungs dang/ gsang sngags kyi gzungs dang/ chos kyi gsungs dang/ don gyi gzungs so/ /de la bzod pa'i gzungs ni/ bskyed pa'i rim pa mthar phyin pa'i rnal 'byor pa 'am/ mtshan ma dang bcas pa'i rnal 'byor mthar phyin pas rdzogs pa'i rim pa 'am/ mtshan ma med pa'i rnal 'byor gyi skabs su yi ge a la sogs pa de dag brjod bya dang/ rjod byed rang bzhin med pa sems so/ /de ltar des
- 218a
rang bzhin med pa de rtogs pa la ni dga' ba dang/ mchog tu dga' ba chen po skyes te gzungs thob pa zhes bya'o/ /dran pa dang shes rab gcig tu byas pas bzod pa 'dzin par byed pas na gzungs zhes bya'o/ /gzungs thob pa nges de ma thag tu phyag rgya chen po'i ye shes skye ba dang mthun pa'i bzod pa chen po skye ste/ don dam pa'i chos rnams la bzod pa na bzod pa'o/ /bzod pa de skyes nas ring po mi thog par phyag rgya chen po'i ye shes 'thob par 'gyur ro/ /de bas na gzungs de ni rdzogs pa'i rim pa 'am/ mtshan ma med pa bsgom pa'i skabs so/ /pha rol tu phyin pa'i gzhung ltar na nges par 'byed pa'i skabs so/ /bskyed pa'i rim pa 'am mtshan ma dang bcas pa'i rnal 'byor ni thar pa'i cha dang mthun pa'o/ /gzungs gsum ni phyag rgya chen po thob pa yan chad du 'thob ba'o/ /de yang phyag rgya chen po thob pa de yan chad des ting nge 'dzin dang/ sngon gyi smon lam gyi stobs bskyed pas gsang sngags kyi tshig de dag gis sems can thams cad kyi nang la sogs pa med par gyur cig ces/ ting nge 'dzin gyi dbang gi stobs kyis sems can rnams kyi yams kyi nad la sogs pa med cing byin gyis brlab pa ltar 'grub par 'gyur ro/ /de bas na ting nge 'dzin gyis dbang de ltar gyur bas gsang sngags rnams 'dzin par byed pas na gsang sngags kyi gzungs zhes bya'o/ /gsang zhes bya ba ni snod ma yin pa la thabs de gsang ba'i phyir ram/ /rtogs par dka' ba'i phyir gsang ba'o/ /chos kyi gzungs ni phyag rgya chen po thob pa 'am/ pha rol tu phyin pa'i ltar na sa dang po thob pa yan chad kyis sangs rgyas dang byang chub sems dpa' am/ /mkha' 'gro ma la chos nyan pas sngon ma thos shing mi shes pa'i chos tshad med grangs med pa dpag tu med
- 218b
pa thos tsam gyis mi brjod par 'dzin pa'i dran pa dang/ shes rab ni chos kyi gzungs shes bya'o/ /don gyi gzungs ni de bzhin du gsungs pa'i chos de dag gi don gang dang gang yin pa de dag mi brjed par 'dzin pa'i dran pa dang/ shes rab ni don gyi gzungs so zhes bya'o/ /de la rig sngags ni stong pa chen po'i ye shes de yul du byas shing rtogs pa ma rig pa spong zhing rig pa bskyed pa'i phyir rig sngags shes bya'o/ /yang na stong pa chen po'i ye shes de nyid la gzungs zhes bya ste/ gnod pa'i 'tshe ba thams cad nub pas na mi bzod pa med pas bzod pa dang/ de rnam par mi rtog pa'i ye shes ma rtogs pa rtog pa can gyi yul ma yin pas gsang ba dang/ chos tshig dang yi ge dang ming du brjod pa thams cad de rtogs pa las byung ba'i phyir chos dang/ brjod pa thams cad kyi don shes par bya ba'i don gyi ngo bo de yin pa'i phyir don zhes bya'o/ /gzungs ni 'dzin pa'i phyir zhes bya ste/ thams cad mkhyen pa'i sangs rgyas bcom ldan 'das man chad nas/ dmyal ba'i yin yan chad kun la nges khyab cing 'dzin pas so/ /yang na dran pa dang shes rab gnyis kyis 'dzin cing mi brjed par bya bas na gzungs so/ /de bas yul de ltar grub pas yul can la yang grub la/ de rtogs pa'i thabs la yang grub la/ de ston par byed pa'i tshig la yang grub ste/ gcig gi ming gcig la btags pa'o/ /kun rdzob kyi sngags ni de thob pa'i thabs te/ de yang sngags kyi gzungs dang/ sngags kyi mdo dang/ brda dang/ tshig la sogs pa thams cad do/ /rgyud ces bya ba ni 'drel pa'i phyir rgyud de/ de yang bzhi dang thabs/ 'bras bu rnam pa gsum 'brel pa'i phyir ro/ /dbye ba rnam pa gnyis te/ tshig gi rgyud dang/ tshig ni sgra'o/ /don la rnam pa gsum ste/ gzhi'i rgyud dang/ thabs kyi rgyud dang/ 'bras bu'i rgyud do/ /de la
- 219a
gzhi ni bden pa gnyis kyi rang bzhin du gnas pa'o/ /thabs ni sgrub pa'i rim pa gnyis so/ /'bras bu sku gnyis te/ chos kyi sku dang/ gzugs kyi sku'o/ /de bas na gzhi la brten nas thabs bsgoms 'bras bu thob par ma 'brel pa'i phyir rgyud ces de la bya'o/ /bskyed pa ni zla ba la sogs pa bskyed pas na bskyed pa'o/ /gzhan ni rim pa'o/ /rdzogs pa ni stong pa chen po'i ye shes te/ de ni thabs la rdzogs par yod pa 'am/ yang na de rdzogs pas yon tan rdzogs pa'i phyir rdzogs pa'o/ /gzhan ni rim pa'o/ /ma chags par gtong bas na gtor ma'o/ /rtog pa la sogs pa bsreg cing gang 'dod pa'i don sbyin pas na sbyin bsreg go /mchod pa'i yul du gyur pas na sa che'o/ /khyad par du gyur pas na rab tu gnas pa'o/ /yon tan thams cad 'dus pas dgos pa byed pa'i phyir bum pa'o/ /dga' ba byed pas mchod pa'o/ /yon tan brjod pas bstod pa'o/ /gtor ma ni gnyis te/ 'byung po spyi'i gtor ma dang/ so so'i gtor ma'o/ /sbyin bsreg la yang gnyis te/ don dam pa'i sbyin sreg mi rtog pa bsgom pa dang/ kun rdzob kyi sbyin bsreg go /de la rnam pa gnyis te/ nang gi dang/ phyi'i 'o/ /nang gi kha thab khung du bsam pa la sogs pa de nyid do/ /phyi'i sbyin bsreg la yang gnyis te/ las thams cad pa'i sbyin bsreg dang/ las so so'i sbyin bsreg ni mos ba dang/ rig dang/ las kyi dbang du byas pas ci rigs su brtsi bar bya'o/ /sa tsha yang rnam pa gnyis te/ cho ga rgyas pas dang/ 'bral du bya ba'o/ /rab tu gnas pa ni rnam pa gsum ste/ de bzhin gshegs pa'i skuAm rten rab gnas bya ba dang/ gleg 'bam rab tu gnas par bya ba dang/ rdo rje la sogs pa rab tu gnas pa'o/ /bum pa la gnyis te/ gnas skabs su bya ba dang/ dkyil 'khor bzhengs pa'i dus su bya ba'o/ /dkyil 'khor byed pa'i dus su ni bum pa gsum ste/ dbang gi bum pa dang/ khrus
- 219b
gyi bum pa dang/ mchod pa'i bum pa'o/ /spyir bum pa ni mang ste/ phyi'i bum pa dang/ nang gi bum pa dang/ gsang ba'i bum pa zhes rgyal po in+d+ra b+hU ti la sogs pas bshad pa der shes par bya ste/ bdag gis mi spro'o/ /mchod pa ni so so'i gzhung gis mi mthun te/ 'on kyang rnam pa gsum du 'dus so/ /de yang dngos su bshams pa dang/ yongs su bzung ba med pa dang/ ting nge 'dzin gyis sprul pa'o/ /de ltar ngo bo la sogs pa bdag gis spyir khyab che bar brjod pa ni/ bla ma'i man ngag gzung zhing rgyud thams cad dang mthun par bya ste/ bdag gi rtog pa tsam ni ma yin no/ /slob dpon gzhan dag gis gzhan du brjod pa ni don kyi phyogs re tsam blangs nas gsungs te/ 'on kyang bdag gis bla ma'i man ngag brgyud nas brjod pa'i nang du 'dus pas 'gal ba med par shes par bya'o// de ltar skal pa dang ldan pa rnams kyis shes par byas la 'jug par bya'o/ /de ci'i phyir zhe na/ gang zhig yul gzhan mthong 'dod pas/ /ma grol bar du mthong mi 'gyur/ /de bzhin na de rnams sel ba yang/ /sman sogs med par sel mi nus/ /de bzhin bdag gzhan don 'dod pas/ /dngos grub rnam gnyis ma thob par/ /don rnams grub par mi 'gyur te/ /de bas dngos grub gnyis la 'bad/ /de rgyu thabs ni rnam pa gnyis/ /de rgyu gdams dag thob pa'o/ /de rgyu 'jug pa la sogs pa/ /de rgyu snying rje chen po yin/ /gang zhig shes rab snying rje med/ /theg pa dman de spang par bya/ shes rab snying rje che ldan pa/ /theg pa che de gzung bar bya/ /spyir na theg pa gnyis med do/ /sems dang sems byung khyad par ro/ /gang zhig shes rab snying rje med/ /sdom dang dam tshig la mi gnas/ /'jug dang dbang bskur ma thob la/ /gsang sngags brjod par mi bya'o/ /de bzhin dbang bskur med pa dang/ dbang bskur dman te ma gnang bas/ /las rnams mkhas kyang mi bya ste/ 'bras bu med cing bdag la 'tshe/ /de bas sdom
- 220a
gnas dbang thob ni/ /gces par sangs rgyas kun dag dang/ /bla ma kun gyis mthun par gsungs/ /dad sogs ldan rnams shes par mdzod/ /theg pa chen po'i lam gyi rim pa las sngags kyi lam gyi rim pa le'ur phye ba ste gnyis pa'o// bdag gis dang sogs snod ldan phyir/ /theg chen lam rim mdor bsdus byas/ /'di yi bsod nams gang yin pas/ /kun gyis byang chub thob par shog /theg pa chen po lam gyi rim pa zhes bya ba slob dpon skal bzang po'i rdo rje zhes bya bas mdzad pa rdzogs// //rgya gar gyi mkhan po ga ya d+ha ra dang/ sgra bsgyur gyi lo tsa ba shAkya ye shes kyis bsgyur cing zhus te gtan la phab pa'o// /rgya gar skad du/ man+t+ra ba ta ra/ bod skad du/ gsang sngags la 'jug pa/ 'phags pa 'jam dpal gzhon nur gyur pa la phyag 'tshal lo/ /dngos po'i de nyid rang bzhin 'od gsal mngon mdzad nas/ /gdul bya'i dbang gis sku yi cha byad sna tshogs dang/ cheg dang yi ge dag gis de nyid ston mdzad pa/ /rdo rje mi phyed gsum dngos sku la phyag 'tshal nas/ /rab tu gsang ba blo mchog yul gyur gsang sngags don/ /log par rtog pa'i dbang gis sgro 'dogs skur 'debs shing/ /nyon mongs dbang gis sgo bzhin 'jug par byed pa rnams/ /go bar bya ba'i mdor bsdus cung zhig bdag gis bri/ /bskal pa chen por rab mang bas/ /bgrod par bya ba'i sa rnams dang/ /'og min la sogs zhing dag par/ /bsgom dang bzlas dang chod sogs kyis/ /skye ba 'di 'am gzhan dag la/ /sngags ba gyur du 'jug par 'gyur pa'i/ /rgyu dang rkyen ni gang dang gang/ bya ba dang bcas byed pa gang/ /de yi grub pa gang zhig yin/ /grub pa de yi spyod pa gang/ /grub pa'i dus ni nges pa gang/ /'bras bu dman 'grub ci lta bu/ /bdag dang lha de'i bdag
- 220b
nyid gang/ /sngags kyi de nyid ji lta bu/ /lam dang lam min gang dang gang/ /gzhi dang yan lag dam tshig dang/ /cho ga'i bya ba rnam nges gang/ /dper na skyes bu stobs chung ba 'am/ /phyugs kyi shing rtas dus ring gis/ /bgrod par bya ba'i gnas der ni/ /rkang 'gyogs grub pa'am nyi zlas ni/ /myur ba nyid du 'gro bar 'gyur/ /de bzhin pha rol phyin pa 'am/ /lam gzhan dag la brten nas ni/ /yun ring 'jug par gyur pa der/ /sngags pas tshe 'dis 'jug pa ni/ /mnyam med mthu la brten phyir ro/ /de yang rgyu rkyen phun tshogs kyis/ /rgyu yang lus ngag yid kyi las/ /sngon che legs par spyad pa yis/ /da ltar rnam par smin pa'i rgyud/ /mtshan dang ldan pa'i lus thob cing/ /tshangs dbyangs ka la bid ka'i ngag/ 'dod chags zhe sdang gti mug tshogs/ /nyon mongs srab pa'i sems ldan pa'o/ /rkyen yang rnam pa gsum nyid de/ /'jug dang sbyor dang sgrub pa yi/ /spyad pa rnam pa gsum nyid do/ /de la 'jug pa'i spyod pa ni/ /sngags la dad pa'i slob ma yis// bla ma yon tan ldan pa la/ dus ring bsnyen pa sngon 'gro bas/ /mnyes nas gsol ba gdab byas la/ dkyil 'khor 'jug dang dbang bskur zhing/ rang gi 'dod lnga gzung ba ste/ /de ni gzhi'i rkyen ces bya/ /de la sbyor ba'i spyod pa ni mthun pa'i gnas sogs de dang der/ /dang por stong nyid byams sogs dang/ /rang 'dod lha yi cho ga yis/ /thun gsum mam ni thun bzhi ru/ /bsgom dang bzlas dang kha ton drang/ /gtor ma sbyin pa 'am mchod sogs brtson/ /sdig chen kun las grol nas ni/ /bskal pa du mar spyad pa yis/ /byang chub sems dpa' dang mtshungs 'gyur/ /'di ni yongs 'gyur rung ba'i rkyen/ gnyis pa yin par bstan pa yin/ /de la sgrub pa'i spyod pa ni/ /dper na legs par bkrus pa'i ras//
- 221a
kha dog rnams su bsgyur ba na/ /tshogs ni chung ste gzab 'os ltar/ /sgrub pa'i spyod ba 'am bsgrim dgos kyi/ /ha cang dka' ba'ang ma yin no/ /sbyor ba'i spyod pas rgyud min pa'i/ /gang zag bsgrub la 'jug pa na/ / gnas dang grogs dang longs spyod dang/ /bsam pa ma yin pa rnams spang/ /dmigs pa'i don la rtse gcig gzhag /'di ni myur du 'phag pa'i rkyen/ /gsum pa yin par bsdan pa yin/ /de la 'jug pa'i spyod pa ni/ /dngos grub skye ba zhing dang 'dra/ /de la sbyor ba'i spyod pa ni/ /dngos grub 'byung ba myu gu 'dra/ /de la sgrub pa'i spyod pa ni/ /'bru yi tshogs rnams smin pa bzhin/ /de dag kun la 'ang gtso bo ni/ /las bzad du mas smin byas pa'i/ /sems ni sa bon 'dra ba'i phyir phul du byung ba'i rgyud rab gnas/ /de ltar rgyu rkyen phun tshogs pa'i/ /sngags pas sa rnams rab gnon cing/ /mngon par shes pa lngas rtse la/ /dag pa'i sangs rgyas zhing du 'gro/ /de la bya ba dang bcas pa'i/ /byed pa po dang 'dra bar ni/ / rnam pa gsum du shes bya ste/ /brtson 'grus shin tu 'bar ba dang/ /sems ni dmigs la rtse gcig dang/ /yang dag lta dang ldan pa'o/ /de lta'i bya ba dang ldan pa'i/ /grub pa'i dngos grub gang zhe na/ /lus dang gnas dang longs spyod dang/ /mi las khyad par 'phags pa ste/ /cho la dbang sgyur mi khom par/ /skye las gtan du grol ba dang/ /sangs rgyas 'byung dang phrad sogs dang/ 'dod yon lnga po shes bzhin du/ /spyod la 'bring bar mi 'gyur dang/ /bdag gzhan phan pa bskyed nus pa'o/ /grub pa'i spyod pa gang zhe na/ /yul dang dus ni de dang der/ /'byor pa'i bde ba la spyod cing/ /de bzhin 'phags pa rnams la yang/ /ci nus par ni mchod pa dang/ phan gdags tshar gcod kyis 'dul ba'i/ /sems can rnams la rjes
- 221b
mthun par/ /rdzu 'phrul sna tshogs kyis 'dul zhing/ /dmyal la sogs bar yud tsam la'ang/ /bsil dang drod sogs sbyin pa dang/ de bzhin sems can sna tshogs la/ /chos rnams sna tshogs ston pa ste/ /sman gyi ljon shing chen po ltar/ /mthong dang thos dang rog pa dang/ /dran pas kun la phan gyur pa'o/ /grub pa'i dus ni gang zhe na/ /rgyu dang rkyen ni phun tshogs shing/ /rgyun tu bzlas dang bsgom pa dang/ /rgyal ba sras bcas la dad pa'i/ /dka' thub can gyi dngos grub na/ /cha 'di nyid la'ang 'grub par 'gyur/ /rgyu dang ldan yang rkyen 'ga' zhig /ma tshang ba ni tshe gsum gyis/ /stong nyid legs mthong du med grol/ /'bras bu dman ba rnam mang las/ /nyan thos rang rgyal 'grub pa ni/ /tsandan shing ni bsil mod kyang/ /byug pa'i sbyor ba la bsten par/ /bud shing sbyor bas bsten na ni/ /shin tu bsreg cing gdung bar 'gyur/ /de bzhin gsang sngags sgor spyod pas/ /sems can kun gyi nyon mongs pa'i/ /gdung ba zhi byed yin na yang/ /snying rje'i lcags kyu dang bral zhing mtshan med dgon par zhugs gyur na/ /theg pa dman pas mya ngan 'da' / /nges na 'bras bu dman zhes bya/ /bdag lus sha /drag rus pa dang/ /rtsa rgyus spu sogs 'dus pa tsam/ /bdag tu brjod par bya ba yin/ /chos dbyings sbyor ba'i gsang sngags dang/ de nyid la ni mos pa'i mthus/ /lha'i gzugs su 'byung ba'i rten/ khyad par can du gnas pa ni/ /rag pa'i bdag gi bde nyid yin/ /gzhan yang rtog pa zhib pa dag /'khor bar mngon par phyogs pa'i sems/ lus dang gnas dang longs spyod dang/ /dpa' ? rlabs ldan pa'i 'di kho na/ /bdag tu brjod pa'i bzhi ru 'dod/ /de ni gzung 'dzin dang bral zhing/ /rang rig 'od gsal dngos gyur pa/ /bdag gis de nyid ces brjod do/ /de la lha yi de nyid ni
- 222a
rang sngags chos dbyings thugs chud cing/ /nam mkha' i ngos ltar gyur pa las/ /klu rnams kyi ni byin rlabs kyis/ /mdog dang dbyibs ni tha dad pa'i/ /sprin rnams nam mkhar 'byung ba ltar/ /lha'i sku ru 'byung ba yin/ /rnam thar sgo gsum gyis brtags pas/ /yod med gnyis las 'da' bar 'gyur/ /de la sngags kyi de nyid ni/ /thabs dang shes rab tshul gnas lha/ /mi rtog bzhin du der ston cing/ /spyan drangs mchod nas gshegs gsol ba'o/ /lam ni spyod pa rnam gsum sogs/ /ji skad gong du sngar bstan pa'o/ /lam ma yin pa 'di lta ste/ /log par 'jug cing tshal ba ste/ bkag ba'i mi dge bcu sbyor pa'o/ /dper na mu stegs can 'ga' zhig /'jug pa'i spyod pa'i dus na yang/ /bud med brten pa'i dbang bskur zhing/ /thog ma med nas der zhen pas/ /sbyor ba'i spyod pa'i dus na yang/ /de la 'khyud cing zhen pa yis/ /bsgom dang bzlas sogs byed na yang/ /chags pa phyir zhing 'phel bar 'gyur/ /sgrub pa'i spyod pa'i dus na yang/ /de'i tha snyad la dga' zhing/ /tshul bzhin ma yin yid byed pas/ /'dod khams 'da' ba 'ang mi nus na/ /rmad byung thob par ga la 'gyur/ /de bzhin zhe sdang gti mug sogs/ /sngon du song bas byas pa'i las/ /srog gcod ma byin len pa dang/ /rdzun du sra dang phra ma sogs/ /de dag thams cad lam min bstan/ de la gzhi yi dam tshig ni/ /rnam pa bzhir ni shes bya ste/ /yang dag lta dang ldan pa dang/ dkon mchog gsum po mi spong dang/ /byang chub sems dang ldan pa dang/ dbang bskur yang dag mi spong ba'o/ /de la yan lag dam tshig ni/ /bzhi po de la brten pa yis/ /thun mong thun mong ma yin pa'i/ /bye brag lhag pa thams cad do/ /
- 222b
cho ga'i bya ba rnam nges ni/ /yang dag lta sogs gsum ldan zhing/ bla ma mnyes byed bslab la gus/ /dus gsum lha mchod klog 'don zlos/ /rnam thar sgo gsum la gzhol zhing/ /dmigs pa gcig la brtan par bya/ /byang chub sems dpa' rab byung bas/ /rang gi 'dul dang cho ga las/ /ma 'das par ni 'bad pa yis/ /sngags kyi dngos grub la reg bya/ /khyim par gyur pa'i sngags pa yis/ /rab tu byung ba'i sngags pa dag /bdag gi slob mar gyur pa na/ /rkang pa bkru dang phyag la sogs nam yang bdag gir mi bya'o/ /rtag tu rab tu byung ba la/ /shAkya'i dbang po ltar 'dzin pas/ /gus pas bsnyen bkur bya ba yin/ /sangs rgyas bstan pa rin chen sgron/ /'bar ba'i snod ni dka' thub can/ /dur smig 'dzin pa shAkya'i sras// dge slong rnams ni yin phyir ro/ /de ltar dgongs pa can gyi gsung/ /dgongs bcas dgongs min ji lta bar/ /mdor bsdus bdag gis dris pa las/ /ston ka'i zla ba ltar dkar ba'i/ /dge ba cung zhig gang thob des/ /'gro bas ma nor lam rtogs shog /ma nor rgyud kyi don bstan nas/ blo chung rnams phyir bris pa la/ /tshig dang don la 'khrul pa dag /mkhas pa rnams kyis bzod par mdzod/ gsang sngags la 'jug pa'i rab tu byed pa drug cu pa slob dpon dz+nyA na A ka ras mdzad pa rdzogs so// //paN+Di ta dz+nyA na A ka ra nyid dang/ lo tsa ba dge slong tshul khrims rgyal bas bsgyur cing zhus te gtan la phab pa'o// //*/ /rgya gar skad du/ paN+trI pa ta ra pritri/ bod skad du gsang sngags la 'jug pa'i 'grel pa/ 'phags pa 'jam dpal gzhon nur gyur pa la phyag 'tshal lo/ /nyon mongs shes bya'i sgrib pa dag /bag chags bcas par gtan spangs kyang/ /thugs rjes 'gro ba'i don bzhugs pa'i/ /skyob pa
- 223a
rnams la phyag 'tshal nas/ /dgongs don zab mo bsdus pa'i don/ /tshig re nas ni dbye bar bya/ /dngos po'i de nyid rang bzhin 'od gsal mngon mdzad nas zhes bya ba la sogs pa la/ dngos po ni gzung ba dang 'dzin pa'i mtshan nyid can rnams so/ /de'i de nyid ni skye ba med pa'o/ /sems rang bzhin gyi 'od gsal ba des de nyid mngon sum du mdzad pa ni de'i bdag nyid du gyur pa'o/ /de lta bu mngon du mdzad na yang/ /thugs rje chen pos gdul bya'i dbang gis sku'i cha byed sna tshogs dang/ tshig dang yi ge du mas de kho na nyid ji ltar 'os pa ston par mdzad pa'i sku dang gsung dang thugs rdo rje gsum mi phyed pa'i bdag nyid can gyi sku la phyag 'tshal nas so/ /ci zhig bya zhe na/ rab tu gsang ba blo mchog yul gyur gsang sngags don zhes bya ba la sogs pa smos te/ /rab tu gsang ba ni dngos por mngon par zhen pa rnams la'o/ /blo mchog yul gyur zhes bya ba ni zab cing rgya che ba la mos pa rnams kyi spyod yul yin pas so/ /gsang sngags don zhes bya ba ni dgongs pa sna tshogs kyis bstan pa'i tshig rnams so/ /log par rtogs pa ni phyin ci log tu gzung ba dang/ dam pa ma yin pa'i bla ma'i gdams ngag gi dbang gis sgro 'dogs skur pa 'debs shing/ 'dod chags la sogs pa nyon mongs pa'i dbang gis sgra ji? bzhin 'jug par byed pa rnams phyin ci ma log pa'i don rtogs shing go bar byed pa'i phyir dris pa'i lan gdab pa'i tshul gyis/ rgyud yang dag pa rnams las btus nas cung zad cig tsam bdag gis dri bar bya'o zhes bya ba'i don to/ /bskal pa chen po rab mdangs zhes bya ba la sogs pa la pha rol tu phyin pa'i tshul lam/ /lam gzhan gyis bskal pa chen po rab tu mang pos bgrod bar bya ba'i sa rnams dang /'og min la sogs pa sangs rgyas kyi zhing yongs su dag pa rnams su
- 223b
ji ltar bsgom pa dang/ bzlas pa dang mchod pa la sogs pas bsdus pa dam tshig dang/ lha'i nga rgyal la sogs pas/ /skye ba 'di'am zhes bya ba tshe 'di la 'am/ gzhan dag ces bya ba tshe gsum gyis so/ /sngags pa zhes bya ba ni sgo 'dir zhugs pa'i rnal 'byor pa'o/ /myur du 'jug pa ni tshe 'di 'am/ skye ba 'gas so/ /rgyu dang rkyen ni gang dang gang zhes bya ba ni/ de ltar myur du 'jug pa'i rgyu ni gang yin/ /rkyen ni gang yin zhes dris pa'o/ /de bzhin du 'og ma dag la yang sbyar bar bya ste/ bya ba dang bcas pa'i byed pa po lta bu ni gang yin/ de'i grub pa'i dngos grub ni gang zhig yin/ grub pa thob pa de'i spyod pa ni ci lta bu yin/ 'grub pa'i dus kyi nges pa ni ji tsam gyis yin/ gsang sngags kyi tshul la zhugs pa las /'jig rten pa'i dngos grub 'grub pa 'am/ nyan thos sam rang sangs rgyas su 'gyur ba ni ji lta bu yin/ bdag gi de kho na nyid ni ji lta bu yin/ lha'i de kho na nyid ni gang yin/ /sngags kyi de kho na nyid ni ji lta bu yin/ lam ni gang yin/ lam ma yin pa ni gang yin/ gzhi'i dam tshig ni gang yin/ yan lag gi dam tshig ni gang yin/ rtag tu bya ba'i cho ga'i rnam par nges pa ni gang yin zhes dri tshig bco lngas dris pa dang/ de dag re re nas lan gdab pa'i phyir dper na skyes bu stobs chung ba 'am zhes bya ba la sogs pa smos te/ dper na skyes bu bkres pa'am/ sgom? pa 'am/ nang kyis mnar ba nyam chung bar gyur pa 'am/ phyugs te pa lang la sogs pas drangs pa'i shing rtas lo 'am zla ba mang pos bgrod par bya ba'i gnas der/ rkang 'gyogs grub pa'i skyes bu 'am nyi ma dang zla ba ni skad cig ma 'gas 'gro bar 'gyur ro zhes bya ba'i don to/ /de bzhin pha rol phyin pa 'am zhes bya ba la sogs pa la/ de bzhin zhes bya ba ni dpe bzhin du'o/ /pha rol tu phyin pa'i theg pa 'am/ lam gzhan te nyan thos dang/ rang sangs rgyas kyi lam mam/ pha rol tu phyin pa'i
- 224a
theg pa dag la brten nas so/ /yun rings 'jug pa zhes bya ba ni bskal pa grangs med pa gsum mam/ de pas kyang lhag par 'jug pa'i gnas der ro/ /sngags pa zhes bya ba ni brtson 'grus brtul ba can gyi rnal 'byor pas yin gyi sngags kyi sgor zhugs pa tsam gyis ni ma yin no/ /tshe 'dis 'jug ces bya bas ni tshe 'di nyid la yon tan 'di dag 'thob bo/ /de dag rgyu ci zhig yin zhe na/ sngags kyi tshul ma nor bar bsgrub pa'i mnyam pa med pa'i mthu la brten pa'i phyir ro/ /de yang 'phags pa zhi ba'i blo gros kyis dris pa las dper na skyes bu stobs chung ba 'am/ /phyugs kyi shing rtas yun rings zhig gis bgrod par bya ba'i gnas der?/ dang? 'gyogs grub pa 'am/ nyi ma 'am zla bas ni myur du 'gro bar byed do/ /de bzhin du pha rol tu phyin pa la spyod pa'i rigs kyi bu dag bskal pa rab 'byams ngag gis 'da' ba' i sa de dag /rig sngags 'chang rab tu brtul bas 'jug pas tshe 'di nyid la 'thob pa ni mthu mi mnyas? la brten pa'i phyir ro/ zhes gsungs pa yin no/ /de yang rgyu rkyen phun tshogs kyis zhes bya ba la sogs pa la/ de la rgyu gang dag yin zhe na/ rgyu yang lus ngag yid kyi las shes bya ba ste/ sngon gyi skye ba rnams su srog gcod pa spong ba la sogs pa dge ba bcu la legs par spyad pas/ da ltar rnam par smin pa'i dbang gyis thob pa'i rgyu 'di mtshan dang ldan pa'i lus thob cing zhes bya ba la sogs pa bstan te/ lus mtshan sna tshogs 'bar ba dang/ dag tshangs pa'i dbyangs dang/ ka la bing+ga'i skad dang/ 'brug gi sgra dang ldan pa dang/ sems 'dod chags srab cing zhe sdang gi zug rdu phyung ba dang/ gti mug gi mun pa bsal ba yin te/ /de ltar lus ngag yid gsum phun sum tshogs pa gsum dang ldan
- 224b
pa ni sgrub pa'i mchog gi rten du 'dod do/ /de yang/ kye rgyal ba'i sras 'di la rgyu ni rigs gtso bo gsum thob pa/ sngon shin tu legs par spyad cing byas pas 'phangs pa can yin no zhes rgyud las gsungs pa yin no/ /de ltar rgyu phun sum tshogs pa brtan nas/ rkyen phun sum tshogs pa bstan par 'dod nas/ /rkyen yang rnam pa gsum nyid de zhes bya ba la sogs pa bstan to/ /gsum pa de dag kyang gang zhe na/ 'jug dang sbyor dang sgrub pa yis/ /spyod pa rnam pa gsum nyid do zhes bya bas smras so// de dag re re nas bstan par 'dod nas/ de la 'jug pa'i spyod pa ni zhes bya ba la sogs pa smos te/ dang po ji ltar bya zhe na/ sngags la dad pa'i slob ma yis zhes bya ba ni gsang sngags kyi tshul la mos shing yid ches pa'i slob mas/ bla ma yon tan dang ldan pa zhes bya ba ni shes rab dang snying rje la sogs pa'i yon tan dang ldan pa la'o/ /dus ring bsnyen pa sngon 'gro bas zhes bya ba la lo 'am zla ba mang por dus gsum du maN+Dal bya ba dang/ phyag 'tshal ba dang/ gos dang/ zas dang/ sa rtsi la sogs pa 'bul zhing mnyes par byas nas bla ma'i bya ba sgrub pa'o/ /mnyes nas gsol ba gdab pa byas la zhes bya ba ni/ de la dus ring bor bsnyen bkur la sogs pa byas pas bla ma'i thugs mnyes pa dang gsol ba gdab par bya ste/ ci'i phyir gsol ba gdab ce na/ dkyil 'khor 'jug dang dbang bskur zhing zhes bya ba la sogs pa smos te/ de ltar don du gnyer ba'i slob ma la dkyil 'khor du gzhug pa dang/ dbang bskur ba dang/ dam tshig dang sdom pa la sogs pa bla mas byin la rang gang 'dod pa'i lha gzung nas bzlas ba byed pa ni/ rang gi 'dod lta gzung ba ste zhes pa'o/ /da ni rkyen rnams pa gsum las gzhi'i rkyen zhes bya ba la/ de ltar 'jug pa'i spyod pas bdag nyid zhengs bshin? pa ltar bsgrub pa'i snod du
- 225a
rung bar byas nas dngos grub sgrub par 'dod na/ de la sbyor ba'i sbyod pa ni/ 'thung pa'i gnas sogs de dang de zhes bya ba la sogs pa smos te/ phug gam/ lha khang stong ba 'am/ sman ljongs sam/ sngar grub pa'i gnas la sogs par gnas la/ 'jig rten pa'i las kyi mdza' ngan pa rnams par g.yengs pa'i rgyu thams cad spangs nas/ rang gi 'dod pa'i lha'i ras bris la sogs pa bris nas/ dang por sba b+hA ba shud+d+ha(rgyud 'grel): zhes bya ba la sogs pa'i sngags bzlas la stong pa nyid du bsgom zhing byams pa la sogs pa tshad med pa rnams bsgom pa dang/ rang gi 'dod pa'i lha dpa' bo gcig pu 'am/ dkyil 'khor gi lha yang rung/ cho ga bzhin du thun gsum mam /thun bzhir bsgom pa dang/ bzlas pa byas la/ langs pa'i dus su yang/ kha ton dang gtor ma btang ba dang/ dkon mchog la mchod pa dang/ sbyin pa btang ba la sogs pa bya'o/ /de ltar spyad pas cir 'gyur zhe na/ sdig chen kun nas grol nas ni zhes bya ba smras te/ mtshan med pa lnga la sogs pa byas pa'i sdig rnams byang bar 'gyur ro/ /de tsam du zad dam zhe na/ byang chub sems dpa' dang mtshungs 'gyur zhes bya ba la/ pha rol tu phyin pa'i tshul la zhugs pa'i byang chub sems dpa' rnams kyis bskal pa mang por 'bad pa byas pa dang/ tshe 'di nyid la mtshungs par 'gyur ro/ /'di ni yongs 'gyur rung ba'i rkyen/ /gnyis pa yin par bstan pa yin zhes bya ba la/ 'di ni zhes bya ba ni sbyor ba'i spyod pa 'di'o/ /yangs 'gyur rung ba'i rkyen zhes bya ba'o/ /gnyis pa zhes bya ba ni/ /'jug pa'i spyod pa la ltos nas so/ /de ltar sbyar ba'i spyod pa bstan nas/ da ni sgrub pa'i spyod pa bstan pa'i phyir/ de la sgrub pa'i spyod pa ni/ dper na legs par bkrus pa'i ras/
- 225b
kha dog rnams su bsgyur ba na/ /tshogs ni chung ste gzab bos ltar/ sgrub pa'i spyod pa bsgrim dgos kyis/ ha cang dka' ba'ang ma yin no zhes bya ba smos te/ sgrub pa'i spyod pa ni dper na legs par bkrus pa shal byas pa'i ras dang/ snam bu la sogs pa tshon rnams su kha dog bsgyur ba na/ dka' blas ni chung la gzab ni dgos pa yin pa ltar/ sgrub pa'i spyod pa gcig yang shin tu sgrims shing ma yengs bar ni bya dgos la/ ha cang dka' zhing tshe ga che ba ni ma yin no/ /de yang byang chub sems dpa' zhi ba'i blo gros kyis dris pa las 'di lta ste yongs su spyod pa'i ras la tshon gyis kha bsgyur ba ni rab tu gzab par rigs la/ tshegs che bas ni ma yin no/ /de bzhin du bsgrub pa'i spyod ba 'di yang rab tu sgrims pas 'jug dos kyis chos dka' bar ni mi brjod do zhes gsungs pa yin no/ /de yang ci'i phyir zhe na/ /sbyir ba'i spyod pas rgyud smin pa'i gang zag bsgrub pa la 'jug pa na zhes bya ba smos te/ 'di ltar sngar sbyor ba'i dus su tshogs khyad par can ring du bsags pas rgyud smin par byas pa'i sgrub pa po yin pas so/ /de lta bu'i gang zag de yang bsgrub pa la 'jug pa na/ ji ltar bya zhe na/ gnas dang grogs dang longs spyod dang/ bsam pa ma yin pa rnams spang zhes bya ba smras? te/ gnas ma yin pa ni byang chub chen po la sogs pa sgrub pa'i gnas bstan pa las gzhan pa/ mu stegs su 'gyur ba'i rkyen zhes bya ba ni/ ming dang rus dang rigs dang bdag 'dzin la sogs pa dang ldan pa'i sems can gyi rgyud 'di las sangs rgyas dang byang chub sems dpa' sku dang yon tan dpag tu med par yongs su 'gyur du rung ba'i rkyen ni sbyor ba'i spyod pa yin pas mu stegs byed kyi gnas dang tshong 'dus dang skye bo mang po 'du pa'i sa rnams spang ba'o/ /grogs ma yin pa ni 'dod pa dang
- 226a
gnyid dang rmugs pa la dga' ba dang/ zhe sdang dang phrag dog che ba dang/ dbang ma bskur ba dang/ gsang sngags la dad pa med pa spangs la/ bdag pas yon tan lhag par gyur pa 'am/ /bdag dang mnyam pa dang lhan cig gnas pa'o/ /longs spyod ma yin pa ni sngags pa sems rnam par g.yeng bar byed pa'i rgyu bud med dang chang la sogs pa lhag par zhen pa skye ba'i gnas su gyur pa rnams spang ba'o/ /bsam pa ma yin pa ni 'dod chags dang/ zhe sdang dang/ gti mug dang nga rgyal dang/ phrag dog la sogs pa sngon du song ba'i sems kyi 'jug pa spang ba'o/ /de yang rgyud las rang rgyud rab tu smin par bya ba'i sngags pa bsgrub pa'i spyod pa la 'jug pa na/ gnas mi mthun pa dang/ grogs ma yin pa dag rdzas ma yin pa dang/ bsam pa ma yin pa rnams spang bar bya'o zhes gsungs pa yin no/ /dmigs pa'i don la rtse gcig bzhag ces bya ba ni mnyam par bzhag pa'i tshe ni bdag gi de nyid dam/ lha'i de nyid la rtse gcig tu byas la/ langs pa'i tshe ni thams cad sgyu ma lta bur mos pas spyod pa'o/ /'di ni myur du 'phags pa'i rkyen/ /gsum pa yin par bstan pa yin zhes bya ba la/ 'di ni zhes bya ba ni sgrub pa'i spyod pa 'di'o/ /myur du 'phag pa'i rkyen zhes bya ba ni grub ba mngon sum du byed pa'i rkyen yin pa'o/ /gsum pa zhes bya ba ni 'jug pa dang sbyor ba'i sbyod pa la ltos nas gsum pa yin pas so/ /da ni spyod pa gsum po dag gi ngo bo ji lta bu yin pa dang/ rgyu'i gtso po gang yin pa bstan pa'i phyir/ de la 'jug pa'i spyod pa ni/ dngos grub skye ba zhing dang 'dra/ /de la sbyor ba'i sbyod pa ni/ /dngos grub 'byung ba myu gu 'dra de la sgrub pa'i spyod pa ni/ /'bru'i tshogs rnams smin pa bzhin/ /de dag kun la'ang gtso bo ni/ /las bzang du
- 226b
mas smin byas pa'i/ /sems ni sa bon 'dra ba'i phyir/ /phul du byung ba'i rgyu rab gnas zhes bya bas bstan te/ sngar rkyen rnam pa gsum rgyas par bstan pa'i 'jug pa'i spyod pas ni zhing sa bzang po ltar sems dngos grub skye ba'i zhing du byas pa yin la/ sbyor ba'i spyod pas ni sa bon dang bcas pa'i zhing sa bzang po las myu gu 'byung ba lta bu yin no/ /sgrub pa'i sbyod pa ni rim gyis 'gru'i tshogs smin pa lta bu yin te/ spyod pa de dag kun la'ang gtso bo ni sngon gyi tshe rabs dag tu las bzang po du mas smin par byas pa'i sems kho na sa bon dang 'dra ba yin pa'i phyir/ phul du byung ba'i rgyur rab tu gnas pa yin te/ rgyas par gang du bstan pas yang ma spros pa yin no/ /de ltar rgyu rkyen phun sum tshogs pa dang ldan pa'i sngags bas 'bras bu ci zhig 'thob par 'gyur zhe na/ /sngags pas sa rnams rab gnon cing/ /mngon par shes pa lngas rtse la/ /dag pa'i sangs rgyas zhing du 'gro zhes bya ba smas te/ de ltar rgyu rkyen phun sum tshogs pa dang ldan pa'i sngags pa de ni skye ba 'di las rnams rab tu gnon cing mngon par shes pa lngas rtse zhing 'go min gyi 'jig rten nam/ mngon par dga' ba la sogs pa'i sangs rgyas kyi zhing yongs su dag pa rnams su yang tshe 'di nyid la 'gro bar nus par 'gyur ro/ / 'o na de ltar rgyu rkyen phun sum tshogs pa'i spyod pa de dag thams cad la gtso bor gyur pa'i byed pa po gang yin zhig yin zhe na/ de la bya ba dang bcas pa'i/ /byed pa po dang 'dra bar ni/ rnam pa gsum du shes bya ste zhes bya ba smras? so/ /gsum po nyid gang dang gang yin zhe na/ brtson 'grus shin tu 'bar ba dang/ sems ni dmigs la rtse gcig dang/ yang dag lta dang ldan pa'o/ /de la brtson 'grus shin tu 'bar ba ni mgo la me 'bar ba gsod pa shin tu brtson pa ltar dge ba'i phyogs la
- 227a
gcig tu brtson pa'o/ /sems dmigs pa la rtse gcig pa ni dmigs pa la mnyam par bzhag pa'i tshe char dang nyi ma dang/ rlung dang/ rnga dang dung gi sgra la sogs pas kyang mi g.yo ba'o/ /yang dag pa'i lta ba dang ldan pa ni rgyu dang 'bras bu la skur pa mi 'debs bde rnam par smin pa la yid ches ba'o/ /de lta'i bya ba dang ldan pa yi/ grub pa'i dngos grub gang zhe na/ zhes bya ba ni 'o na de ltar dka' ba sna tshogs dang ldan pa'i bya ba sgrub pa'i dngos grub de ji lta bu zhig yin zhes dris pa dang/ lus dang gnas dang longs spyod dag ces bya ba la sogs pa bstan to/ /mi las khyad par 'phags pa ste zhes bya bas lus mi las khyad par du 'phags pa ni gser gyi kha dog dang /mtshan dang dpe byad kyis brgyan pa la sogs pa la'o/ /gnas dang longs spyod ni lha'i gzhal yos khang la sogs pa dang/ chos kyi longs spyod pa la sogs pa dga' ba'o/ /tshe la dbang sgyur ba ni 'dod na bskal par yang gnas shing sems can gyi don mthong na lus gzhan len pa'o/ /mi khom par skye ba las gtan dgrol zhes bya ba ni mi khom pa brgyad po de dag tu sems can gyi don mthong nas rang gi 'dod pa'i dbang gis skye bo len pa ni srid kyi/ las dang nyon mongs pa'i rgyus de dag tu mi skye ba'o/ /sangs rgyas 'byung dang phrad sogs dang/ zhes bya ba ni tshe rabs thams cad du sangs rgyas 'byung ba phrad pa 'am/ de'i dam pa'i chos gnas pa dang phrad pa'o/ /sogs pas bsdu ba ni byang chub sems dpa' rnams dang 'grogs pa dang mi 'bral ba'o/ /'dod yon lnga po shes bzhin du/ /spyod la 'ching bar mi 'gyur dang/ zhes bya ba la 'dod pa'i yon tan lnga po rang gi sems gzung bar snang ba nyid gzugs rdo rje la sogs pa longs spyod du shes shing/ phung po dang/ khams dang skye mched rnams sangs rgyas dang byang chub sems dpar
- 227b
rtogs pas mchod pa dang/ mchod pa'i gnas rnams sems gzung 'dzin gyi rnam pa can du ro gcig bar shes pas longs spyod kyang 'ching bar yang mi 'gyur la bsod nams chen por yang 'gyur ba'o/ /gzhan phan skyed nus pa'o zhes bya ba ni ma 'ongs pa'i dus ring po dag tu bdag dang gzhan yi mtho ris dang thar pa'i bde ba skyed nus pa'o/ /grub pa'i sbyod pa gang zhe na zhes bya ba la de lta bu'i grub pa thob pa'i grub pa'i skyes bu de spyod pa ji lta bu yin zhe na/ yul dang dus ni de dang der zhes bya ba la sogs pa smos te/ sangs rgyas kyi zhing yongs su dag pa rnams sam/ lha'i gnas la sogs pa de dang der ro/ /'byor pa'i bde ba la skyo cing zhes bya ba la/ mi las khyad par du 'phags pa'i gzugs la sogs pa'i longs spyod kyi bde ba gya nom pa la bdag nyid sbyod pa'o/ /de bzhin 'phags pa rnams la yang/ ci nus par ni mchod pa dang zhes bya ba la/ bdag spyod pa de bzhin du 'phags pa rnams la yang ste/ sangs rgyas dang byang chub sems dpa' rnams dang/ dgra bcom pa dang/ rang sangs rgyas rnams la yang mchod pa'i sbyin rab 'byams dpag tu med pa dbul zhing rang 'dod pa'i lha mnyes par byed ba la yang skad? mig? kyang gong nas gong du khyad par du 'phags par 'jug pa'o/ /phan gdags par gcod kyis 'dul ba'i zhes bya ba la sogs pa la nad dang 'tsho ba sna tshogs kyi gnod pa rnams la ni sdug bsngal sna tshogs zhi bar byed cing tshe dang long spyod pa la sogs pa rgyas par byed do/ /shin tu gdug cing gtum la rang bzhin ngan? pa gzhan la cho ba rnams la ni khro bo shin tu mi bzang ba lag na mtshon cha sna tshogs 'dzin cing gsod pa la 'ga' ba lta bur sprul nas 'dul bar byed do/ /gzhan yang sems can rnams dang rjes su mthun par nam mkha' la 'gro ba dang/ me 'bar ba dang/ chu 'bebs pa la sogs pa rdzu 'phrul
- 228a
sna tshogs bstan pas 'dul bar byed do/ /dmyal la sogs pa yud tsam la'ang/ bsil dang drod sogs sbyin pa dang/ zhes bya ba ni tsha ba'i dmyal ba rnams su ser bu bsil ba dang spos kyi char la sogs pa 'bebs bas bsil ba sbyin par byed do/ /grang pa'i dmyal ba rnams la ni me'i phung po la sogs pa sbrul nas dro ba spyin par byed do/ /de bzhin sems can sna tshogs la/ /chos rnams sna tshogs ston pa ste zhes bya ba la lha dang/ mi dang/ lha ma yin la sogs pa sems can mos pa dang/ skad sna tshogs can rnams la so so'i skad kyis mos pa bzhin du chos sna tshogs stan pa'o/ /sman gi ljon shing chen po ltar/ mthong dang thos dang reg pa dang/ dran pas kun la phan 'gyur ba'o zhes bya ba la/ dper na sman gyi ljon shing tshan po la zhe sdang gis gcad dam dga' bas gcad kyang rung ji ltar yang phan 'dogs par byed pa yin pa ltar/ grub pa'i skyes bu de la yang sems can rnams kyi chags pa'i sems sam/ sdang pa'i sems kyis kyang rung/ mig gis mthong ngam/ rna pas thos sam/ lus kyi reg gam /sems kyis dran yang rung/ ci nas kyang phan par 'byung bar 'gyur ba yin no/ /de ltar dngos grub thob pa'i spyod pa ji lta bu yin pa bstan nas/ dus ji tsam gyis 'grub par bstan pa'i phyir/ grub pa'i dus ni gang zhen zhes bya ba dris pa dang/ rgyu dang rkyen rnams phun tshogs shing zhes bya ba la sogs pa smras? te/ rgyu sngon gyi las bzad bo du mas bskyed ba'i lus dang ngag dang sems yon tan mang po 'byung ba'i rten du rung pa dang ldan pa dang/ rkyen spyod pa rnam pa gsum la go rims bzhin du legs par slob pa ni/ rgyu dang rkyen phun sum tshogs pa'o/ /de yang rgyun du bzlas pa dang/ bsgom pa dang ldan zhing/ sangs rgyas dang byang chub
- 228b
sems dpa' rnams la dad pa'i dka' thub can yin na/ de'i dngos grub ni tshe 'di nyid la 'grub bar 'gyur ro/ de'i phyir rgyan du bzlas ba dang bsgom pa dang/ rgyal ba sras bcas la dang ba'i/ /dka' thub can gyi dngos grub ni/ /tshe 'di nyid la 'grub par 'gyur zhes smras? pa yin no/ /rgyu dang ldan yang rkyen 'ga' zhig/ sman gyi ljon shing chen po ltar/ /ma tshang pa ni tshe gsum gyis/ stong nyid legs mthong dus med grol zhes bya ba la/ las bzang po du mas bskyod pa'i rgyu skye mched khyad par can yod cing/ spyod pa 'ga' zhig las spyad kyang sgrub pa'i spyod pa bsam bsgrub na ni tshe gsum nas 'grub pa'o/ /stong pa nyid la legs bar mthong ba'i sgrub pa po la ni grol ba la dus nges pa yod pa ma yin no/ /de ltar grub pa'i ngo bo dad/ grub pa thob pa'i spyod pa dang/ 'grub pa'i dus nges pa bstan nas/ de ni 'dir dpyad par bya'o/ /gsang sngags kyi tshul la zhugs shing dpyad par 'dra ba las kha cig gis ni zhi ba dang rgyas ba la sogs pa dang/ 'jig rten pa'i dngos grub chen po brgyad 'grub la/ kha cig gis ni nyan thos dang rang sangs rgyas kyi 'bras bu 'grub pa ji ltar yin snyam du sems na/ de'i phyir 'bras bu dman pa rnam mang las/ nyan thos rang rgyal 'grub pa ni zhes smras? te/ 'bras bu dman pa ni 'jig rten pa'i dngos grub la sogs pa sngar bstan pa rnams so/ /de rnams gyi nang nas nyan thos la sogs pa 'grub pa ji lta bu yin zhe na/ tsandan shing gi bsil mod kyang/ /byug pa'i sbyor pas ma bsten par/ /bud shing sbyor bas bsten na no/ /shin tu sreg cing gdung par 'gyur zhes bya ba ste/ dper na tsandan gyi 'dir shin tu bsil pa yin na yang brdar nas lus la bsku zhing byus pa'i tshul gyis ma bsten par bud shing du byas nas me spar na srog cod gdung bar 'gyur ro/ /dpes mtshon pa'i don bsten ba'i phyir de bzhin gsang sngags sgor spyod pas/ sems can kun gyi
- 229a
nyon mongs pa'i gdung ba zhi byed yin na yang/ snying rje'i lcags kyu dang bral zhing/ /mtshan med dgon par zhugs gyur na/ theg pa dman pas mya ngan 'da' / /des na 'bras bu dman zhes bya ba smos te/ dpe bstan pa de bzhin du gsang sngags kyi sgor zhugs shing/ spyod pa yang nam mkha' i khams kyi mthas gtugs pa'i sems can thams cad kyi las dang nyon mongs pa'i gdung ba thams cad zhi par bya ba'i phyir zhugs shing sems bskyed pa yin na yang snying rje chen pos sems can yongs su mi gtong pa'i lcags kyu dang bral zhing/ byang chub chen po'i sems dang bral nas 'khor bas skyo la mtshan ma med pa'i dgon par 'jug par gyur na nyan thos dang rang sangs rgyas kyi theg pas mya ngan las 'da' bar 'gyur ro/ /de bzhin du 'jig rten pa'i 'bras bu don du gnyer pa rnams kyang de tsam zhig thob nas zad par 'gyur ro/ /de bzhin du zhe sdang sngon du song pas ma gnang ba'i mngon spyod byed cing srog gcod pa la dga' pa rnams ni dmyal ba 'am/ srin po 'am/ gnod sbyin la sogs par skye bar 'gyur ro/ /de ltar bsam pa dang las kyi khyad par gyis gzhan yang mtshon par bya'o/ /de yang 'og nas rgyas par ston pas 'dir ma brjod do/ /de'i phyir gsang sngags kyi sgor zhugs so ces thams cad kyis rdo rje 'chang gi go 'phang thob pa ma yin gyi/ 'gal par spyod pa kha cig ni ngan song du skye bar yang nges so/ /des na sngags kyi sgor zhugs kyang dman pa'i gnas thob par 'gyur bas na 'bras bu dman pa zhes bya'o/ /da ni bdag gi de kho na nyid gang yin/ lha yi de kho na nyid gang yin snyam pa la/ de la dang por bdag gis de kho na nyid bstan pa'i phyir/ bdag lus sha khrag rus pa dang/ rtsa rgyus spu sogs 'dus pa tsam
- 229b
bdag tu brjod par bya ba yin zhes smras te/ rtog pa rtsid ba dag bdag ces 'dogs pa'i gzhi ni/ bdag gi lus sha dang/ khrag dang/ lus pa dang/ rtsa rgyus dang/ mi gtsang ba la sogs pa 'dus pa tsam la bdag tu nga rgyal byed cing bdag ces brjod pa yin no// chos dbyings sbyor ba'i gsang sngags dang/ de nyid la ni mos pa'i mthus/ /lha'i gzugs su 'byung ba'i brten/ /khyad par can du gnas pa ni/ /rags pa'i bdag gi de nyid yin zhes bya ba ni/ de ltar rtog pa rtsing bas bdag tu btags pa de la/ oM shU n+ya tA dz+nyA na badzra swab+hA ba At+ma ko haM/ zhes bya ba chos kyi dbyings sbyor ba'i gsang sngags dang/ de kho na nyid la mos pa'i mthus/ phyis lha'i gzugs khyad par can 'byung ba'i rten stong pa nyid kyi rnam pa can du gnas pa'i blos khyad par can gyi rags pa'i bdag gi de kho na nyid ces bya'o/ /gzhan yang rtog pa zhib pa dag /'khor bar mngon par phyogs pa'i sems/ /lus dang gnas dang longs spyod dang/ rba rlabs ldan pa 'di kho na/ /bdag tu brjod pa'i gzhir 'dod do zhes bya ba ni/ gzhan yang rtog pa zhib pa dag ni 'khor ba la mngon par phyogs pa'i sems lus dang gnas dang longs spyod kyi rba rlabs dang ldan pa 'di kho na bdag ces brjod pa'i gzhir 'dod do/ /de bdag gi de kho na nyid gang yin zhe na/ de ni gzung 'dzin dang bral zhing/ /rang rig 'od gsal dngos gyur pa/ /bdag gi de nyid ces brjod do ces bya ba smras te/ phung po dang/ khams dang skye mched thams cad kyi rang bzhin gcig la gzung 'dzin dang bral ba/ rang rig pa 'od gsal ba nyid ni bdag gi de kho na nyid ces brjod do/ /'o na lha'i de kho na nyid gang yin zhe na/ bye brag tu dbye na mang du yod na yang/ spyir phyogs gcig tu bstan par bya ba'i phyir/ de la lha yi de nyid ni/ /rang sngags chos dbyings thugs chud cing/ /nam mkha' i ngos ltar gyur pa las/ /klu rnams kyi ni
- 230a
byin rlabs kyis/ mdog dang dbyibs ni tha dad pa'i/ /sprin rnams nam mkhar 'byung ba ltar/ /lha'i sku ni 'byung ba yin/ zhes bya ba la lha'i de kho na nyid ni sngar bstan pa'i sngags brjod cing de'i don la mos pa'i mthus chos kyi dbyings kyi rang bzhin du rtogs shing khong du chud pa las ston du bsod nams kyi tshogs bsags pa dang/ smon lam khyad par can gyis mthus/ /lha'i sku mtshan dang dpe byad kyis brgyan pa 'byung bar 'gyur te/ dper na klu rnams kyi byin gyis rlabs kyis rnam par rtog pa med bzhin du nam mkha' i dkyil du mdog dang dbyibs tha dad pa'i sprin gyi phung po 'byung ba bzhin no/ /de lta bu'i bdag gi de kho na nyid de dang/ lha'i de nyid zung du 'jug pa bstan pa'i phyir/ rnam thar sgo gsum gyis brtags pas yod med gnyis las 'dus par 'gyur zhes bya ba smos te/ de ltar bdag tu brtags pa'i gzhi lus sam/ sems sam/ 'byin pa po'i mtshan dang dpe byad kyi rnam pa can gyi lha'i sku la dpyad pa na/ dngos po 'gal yang ma rnyed pas/ dngos por 'dzin pa'i blo log pa na rim par thar pa'i sgo stong pa nyid do/ /de bzhin du de dag gi rgyu ci zhig yin zhes dpyad pa na/ ngo bo 'ga' yang ma mthong pa ni mtshan ma med pa'o/ /de bzhin du rgyu dang bcas pa'i 'bras bu la smon par bya ba'i gnas 'ga' yang legs par brtags na ma mthong ba ni rnam par thar pa'i sgo smon pa med pa'o/ /de lta bu'i tshul gyis yod med gnyis las 'das pa de ni zung du 'jug pa'i gnyis su med pa'i ye shes shes rab kyi ? ? phyin pa zhes bya'o/ /da ni sngags kyi de nyid bstan par 'dod nas/ de la sngags kyi de nyid ni/ /thabs dang shes rab tshul gnas ltar?/ mi rtog bzhin du der ston cing/ /spyan drangs mchod nas gshegs gsol pa'o/ zhes spras te/ sngags zhes bya
- 230b
ba ni thabs dang shes rab kyi tshul du byung ba'i lha rnams so/ /de 'di nyid ni mi rtog bzhin du yul dang dus de dang der gdul bya'i bsam pa smin pa'i dbang gis thogs pa med par sku sna tshogs kyi snang ba ston cing yid la re ba rdzogs par bya ba'i phyir brtan pa dang/ g.yo ba dang/ skyes pa dang/ bud med kyi gzugs su ston pa la/ rang rang gi chog ji lta ba bzhin du spyan drangs shing bzhugs su gsol te mchod nas bzlas pa byas la gshegs su gsol ba ni 'di'i go rims yin no/ /da ni lam dang lam ma yin pa bstan par 'dod nas/ lam ni spyod pa rnam gsum sogs/ /ji skad gong du sngar bstan pa'o zhes bya ba smras te/ de la 'am ni 'jug pa dang/ sbyor ba dang/ sgrub pa'i spyod pa la sogs pa sngar bstan pa thams cad de/ phyi nang gi sde snod thams cad dang mi 'gal bar bstan pa rnams so/ /lam ma yin pa gang zhe na/ lam ma yin pa 'di lta ste/ log par 'jug cing tshol ba ste/ bkag pa'i mi dge bcu spyod pa'o/ /dper na mu stegs can kha cig/ 'jug pa'i spyod pa'i dus na yang/ bud med bsten pa'i dbang bskur bzhin/ /zhes bya ba smras te/ lam ma yin pa ni dge ba bcu las bzlog pa ma gnang pa'i mi dge ba rnams spyod pa dang/ gzhan yang dper na gzhan mu stegs can kha cig dang po 'jug pa'i dus na yang bud med bsten pa'i mngon par dbang bskur ba? len par byed pa lta bu'o/ /thog ma med nas der zhen pas/ zhes bya ba la/ de dag bud med kyi lus la thog ma med dus nas zhen pa dam pos bcings shing rang gi sems kyi rba rlabs su ma shes nas/ lhag par chags pas de la brten pa'i lam du 'gro zhing log pa'i dbang bskur bas dbang bskur te dus nga'i phyi nas/ sbyor ba'i spyod pa'i dus su yang sgrub pa po de dag bud med kyi mgul nas 'khyud cing bsgom pa dang/ bzlas brjod byed na yang rim gyis 'dod chags 'phel bar 'gyur ro/ /de'i phyir
- 231a
de la 'khyud cing zhen pa yis/ /bsgom dang bzlas brjod byed na yang/ chags pa phyir zhing 'phel bar 'gyur zhes bya ba smras so/ /sgrub pa'i spyod pa'i dus na yang/ de yi tha snyad la dga' zhing/ tshul bzhin ma yin yid byed pas/ /'dod khams 'da' par yang mi nus/ /rmad byung thob par ga la 'gyur zhes bya ba smos te/ de bzhin du sgrub pa'i spyod pa'i dus na yang 'khrig pa'i tha snyad kyis bsgom par byed pas 'dod chags phyir zhing brtan par 'gyur te/ tshul bzhin ma yin pa yid la byed pa dang ldan pa'i phyir ro/ /des na 'dod pa'i khams las kyang 'da' bar nus pa ma yin na rmad byung zhes bya ba rdo rje 'chang gi go 'phang 'thob par lha ga la 'gyur zhes bya ba'i don to/ /de bzhin zhe sdang gti mug sogs/ sngon du song ba byas pa'i las/ srog gcod ma byin len pa dang/ brdzun du smra dang phra ma sogs/ /de dag thams cad lam min bstan/ /de bzhin du zhe sdang dang/ gti mug dang/ nga rgyal dang/ phrag dog dang/ lta ba la sogs pa sngon du song bas byas pa'i las/ sngags dang sman la sogs pa'i mthus srog gcad dam/ thabs gzhan gyis kyang rung ste/ srog gcod pa dang/ ma byin par len pa dang/ brdzun dang phra ma la sogs pa ci byas pa thams cad lam ma yin par bstan pa yin no/ /'o na rnal 'byor chen po'i rgyud dpal gsang ba 'dus pa la sogs pa las/ bu mo lo ni bcu drug pa/ byin gyis rlabs kyis gnas bsams te/ dben par mchod pa brtsam par bya zhes gsungs pa dang/ de bzhin du/ b+ha ga la ni ling ga gzhag /dbang po gnyis ni mnyam sbyor te zhes bya ba la sogs pa gsungs pa dang/ khyod kyis srog chags gsad par bya/ ma byin par yang blang bar bya/ /brdzun gyis tshig kyang smra bar bya/ gzhan gyi bud
- 231b
med spyad par bya/ /zhes gsungs pa ji lta bu yin zhe na/ de dag sgra ji bzhin pa dang/ ji bzhin ma yin par shes par bya ste/ sgra ji bzhin pa ni gcig tu bud med kyi yul la sred cing zhen pa rnams de ma brten par ye shes tshol ba'i skabs med pa'i khyim pa rnams rim gyis drang ba'i phyir gsang ba'i dbang bskur ba la sogs pa bstan pa/ de ni brdzun smra dga' ba ste/ gnas med la gnas rnal 'byor pa'o/ /rdzogs sangs rgyas kyi ye shes gang/ de ni rdzas su shes bya ste/ de 'phrog dang tshul gang yin pa/ /gzhan gyi nor la chags par 'dod/ /gang zhig de nyid dngos gcig pu/ /de bzhin nyid la rtag sbyor ba/ /sems can de de 'dod la dga' / /bsgrub pa mchog la dam par 'gyur/ /phung po la sogs med ston tshig mnyam min gang yin ngag rtsub sogs/ /de don rnal 'byor pas brlabs na/ /myur du byang chub thob par 'gyur zhes bya bas gsungs pa yin no/ /de lta bu'i dgongs pa can gyi don mi shes bzhin du sgra tsam gyi rjes su zhugs nas spyad pa'i nyes pa ni slob dpon ye shes grags pas kyang/ /tshig tsam la ni brten nas su/ /chags sogs zhen pa'i sems kyis ni/ /bsod nams ma yin byed pa gang/ de dag 'og nas 'og tu 'gro/ zhes bshad pa yin no/ /'o na de bzhin gshegs pas kyang/ /btsun mo dang sras la sogs pa'i longs spyod phun sum tshogs pa gzung nas longs spyod pa'i tshul bstan pa ji lta bu yin zhe na/ de ni de bzhin gshegs pa nyon mongs pa'i dbang du gyur nas sras dang btsun mo la sogs pa 'khor gyi nang na 'dod pa la dngos su longs spyod pa ma yin gyi/ 'dod pa'i dbang phyug la sogs pa'i lha rnams bu dang chung ma la sogs pa longs spyod kyis dregs pa rnams kyi nga rgyal gsal ba'i phyir/ lha de bas kyang ches khyad par du 'phags pa'i 'khor dang longs spyod
- 232a
la sogs pa bstan pas de dag yid byung zhing nga rgyal dang bral nas de bzhin gshegs pa'i phun sum tshogs pa la 'dod pa skyes nas de'i rgyu chad med pa bzhi dang/ pha rol tu phyin pa drug la sogs pa la nan tan byas nas de thob par bya ba'i phyir bstan pa yin gyi de bzhin gshegs pa chags sdang dam/ rmongs pas de ltar spyod pa ni ma yin no/ /da ni dam tshig rnams bstan par 'dod nas/ de la gzhi yi dam tshig ni/ /rnam pa bzhir ni shes bya ste zhes smos te/ de dag kyang gang zhe na/ yang dag lta dang ldan pa dang/ /dkon mchog gsum po mi spong dang/ byang chub sems dang ldan pa dang/ dbang bskur yang dag mi spong ba'o/ /zhes bya ba smras so/ /de la rgyu dang 'bras bu la skur pa mi 'debs shing rnam par smin pa la yid ches pa ni chos 'di pa 'am/ phyi rol pa yang rung mtho ris dang thar pa 'dod pa thams cad kyi dam tshig yin pas gzhi zhes bya'o/ /des na yang dag pa'i lta ba dang bral bar gyur na dam tshig thams cad nyams shing bcom par brjod par bya'o/ de las gzhan yang dkon mchog gsum la skyabs su 'gro zhing/ lha gzhan mi 'dzin pa 'di ni bstan pa 'di la zhugs pa rnams kyi thun mong ma yin pa'i dam tshig ste/ des gang gi tshe dkon mchog gsum btang na de'i tshe de'i chos 'di pa'i dam tshig thams cad nyams shing zhig par brjod par bya'o/ /gzhan yang gzhi khyad par can la gnas pa des/ /de nas gong du byang chub chen por sems bskyed par gyur na/ de'i tshe gzhi shin tu khyad par can gyi dam tshig blangs pa yin no/ /gang gi tshe des byang chub kyi sems btang na de'i tshe theg pa chen po'i dam tshig thams cad rtsa ba nas nyams par brjod par bya'o/ /de'i phyir rab tu byung pa'i bslab pa thams cad rab tu byung ba nyid la
- 232b
brten pa yin pa bzhin du/ gsang sngags kyi sgo nas spyod pa'i dam tshig thams cad kyang sngar bstan pa'i chos gsum po de la brten pa yin pas dam tshig gsum po de dag srog gi phyir yang btang bar mi bya'o/ /de'i steng du 'jug pa'i spyod pa'i tshul gyis mngon par dbang bskur ba ni gzhi khyad par can gyi dam tshig ste/ dbang ma bskur ba la sngags pa zhes bya ba'i tha snyad med pa'i phyir ro/ /de nyams pa ni sngar gyi chos gsum po spangs pa dang/ bla ma dang dbang bskur pa nyid spangs pas nyams par 'gyur ro// da ni yan lag gi dam tshig bstan pa'i phyir/ de la yan lag dam tshig ni/ /bzhi po de la brten pa yis/ /thun mong thun mong ma yin pa'i/ /bye brag lhag pa thams cad do/ /zhes bya ba smos te/ de la yan lag gi dam tshig thun mong pa nyid gang zhe na/ khyim pa dang rab tu byung ba dang/ skyas pa dang bud med thams cad la khyad par med par bstan pa bzhi po 'am/ srog gcod pa spong ba la sogs pa'o/ /de la thun mong ma yin pa bye brag gi dam tshig gang zhe na/ gang dag yul tha dad pa la gsungs pa ste/ rab tu byung ba dang/ khyim pa dang skyes pa dang/ bud med dag la so sor bcas pa 'am/ rigs dang lha'i bye brag gis bsgom pa dang/ bzlas pa dang/ bsam rgyud tha dad du bsten pa rnams so/ /de la lhag pa'i dam tshig gang zhe na/ yul dang dus thams cad du gang zag thams cad la bstan pa ni ma yin gyi/ yul dang dus la lar gang zag 'ga' la bsten pa ni lhag pa'i dam tshig ces bya'o/ /da ni dus thams cad du bya ba'i las bstan pa'i phyir/ cho ga'i bya ba rnam nges ni/ /yang dag lta sogs gsum ldan zhing/ blo ma mnyes byed bslab la gus/ dus gsum lha mchod klog 'don bzlos/ /rnam thar sgo gsum la gzhol zhing/ /dmigs pa gcig la brten par bya zhes bya ba smos te/ de la cho ga'i bya ba rnam par nges
- 233a
pa ni 'di dag ste/ yang dag pa'i lta ba la sogs pa gsum ni sngar bstan pa dag go /bla ma mnyes par byed pa ni yod cing bdog na rgyal srid dam rgyal srid kyi phyed dam/ bu dang bu mo dang chung ma dang bdag nyid dam/ rta 'am glang po 'am gos sam zas sam/ lus kyi bsnyen bskur gyis kyang bsnyen bskur byed pa'o/ /bslab pa la gus pa ni sngar bstan pa'i dam tshig rnams sam/ so sor thar pa'i sdom pa 'am/ 'og nas bsngon ba rnams la gungs nan tan byed pa'o dus gsum du lha mchod pa ni/ /snga dro dang phyi do dang nyi ma gung la yi dam gyi lha bsgom pa dang/ bzlas pa dang mchod pa la sogs pa byed cing de dag rdzogs pa'i mthar/ rgyal po dang ni yon bdag dang/ sems can bung po gzhan dag kyang sha che ring nad med phun sum tshogs/ /rtag tu bde ba thob gyur cig ces bya ba la sogs pa'i smon lam dag kyang brjod par bya'o/ rnam par thar pa'i sgo gsum ni sngar bstan pa rnams so/ /de la gzhol ba ni lha'i rnal 'byor la 'jug pa'i sngon dang phyis kyang de'i rang bzhin du lta ba'o/ dmigs pa gcig la brtan pa ni dang por dmigs pa gcig la zhi gnas brtan par bya ba 'am/ 'dod pa'i lha yang dang yang spo bar mi bya ba 'am/ res 'ga' ni lha'i sku bsgom/ /des? 'ga' ni stong pa nyid bsgom pa la yang dang yang mi spong ba'o/ /byang chub sems dpa' rab byung bas /rang gi 'dul dang cho ga las/ /ma 'das par ni 'bad pa yis/ /sngags kyi dngos grub la reg bya zhes bya ba 'dos ni sdom pa gsum la gnas par byas la dngos grub bsgrub par bstan te/ byang chub sems dpa' rab tu byung ba des so sor thar pa'i sdom pa dang/ byang chub sems dpa' i sdom pa dang/ sngags kyi dam tshig gsum la gnas te/ de dag las ma 'das
- 233b
par 'bad la gsang sngags kyi dngos grub myur du bsgrub par bye'o/ /gal te rdo rje slob dpon khyim pa yin la slob ma rab tu byung ba yin na ji ltar bya zhe na/ khyim par gyur pa'i sngags pa yis/ rab tu byung ba'i sngags pa dag /bdag gi slob mar gyur pa na/ /rkang pa bkru dang phyag la sogs/ /nam yang bdag gir mi bya'o/ /de dag ni go sla bar bya ba'i phyir ma bshad do/ /'o na ji ltar bya zhe na/ rtag tu rab tu byung ba la/ shAkya'i dbang po ltar 'dzin pas/ gus pas bsnyen bskur bya ba yin/ /zhes bya ba smos te/ rtag tu zhes bya ba dus thams cad du'o/ /shAkya'i dbang po ni shAkya'i rigs kyi gtso bo ste/ bcom ldan 'das shAkya thub pa'o/ /de dang 'dra bar bltas la gus pa dang bcas pas bsnyen bkur thams cad bya ba'o/ /de ci'i phyir zhe na/ sangs rgyas bstan pa rin chen sgron/ 'bar ba'i snod ni dka' thub can/ /dur smrig 'dzin pa shAkya'i sras/ /dge slong rnams ni yin phyir ro zhes bya ba smras te/ sangs rgyas kyi bstan pa dam pa'i chos ni nor bu rin po che dang 'dra ba yin te/ de la brten nas 'jig rten dang 'jig rten las 'das pa'i bde ba thams cad 'byung ba'i phyir ro/ /de'i phyir de ni nor bu rin po che 'od 'bar ba lta bu yin la/ /de 'dzin cing 'tshang ba'i snod gser gyi za ma tog lta bu ni shAkya'i sras te/ bcom ldan 'das kyi slob ma dka' thub can dur smrig gyon pa'i dge slong rnams yin pa'i phyir ro/ /byang chub sems dpa' i spyod pa la 'jug pa las kyang/ /bstan rtsa dge slong nyid yin na/ dge slong nyid kyang dka' bar gnas zhes bstan pas dge slong ni bstan pa 'dzin pa'i rtsa ba yin par bstan pa yin no/ gzhan yang rtag tu bya ba'i cho ga ni gtor ma gtad ba dang/ tsha tsha gdab pa dang/ bzang po spyod pa la sogs pa smon lam rgya chen po gdab pa dang/
- 234a
tshad med pa bzhi sgom pa la sogs pa dge ba'i las thams cad bya ba kho na'o/ /de ltar dgongs pa can gyi gsungs/ /dgongs bcas dgong smin ji lta bar/ /bsdus nas bdag gis bris pa las/ /ston ka'i zla ba ltar dkar ba'i/ /dge ba cung zhig gang thob des/ /'gro ba ma nor lam rtog shog ces bya ba dgongs pa can gyi gsung zhes bya ba ni rdo rje'i tshig don sna tshogs ston pa rnams so/ /dgongs bcas dgongs min ji lta bar zhes bya ba la/ dgongs pa dang bcas pa ni gsang ba'i rgyan ces bya ba'i rgyud las/ /sangs rgyas thams cad chags las 'khrungs/ /de bzhin sdang dang rmongs las 'khrungs zhes gsungs pa dang/ zla gsang thig le las kyang/ 'dod chags zhe sdang gti mug rnams/ /bsten na dngos grub myur du thob ces gsungs pa lta bu'o/ /dgongs pa can ma yin pa ni/ /srog chags dag ni gsang mi bya/ /ma 'byin par yang mi blang ngo/ /'dod spyod dag ni mi bya zhing/ /brdzun du smra bar mi bya'o/ /gnod pa kun gyi rtsa ba yi/ /tshang ni rnam par spang bar bya zhes gsungs pa lta bu'o/ /gzhan yang sgra ji bzhin par bstan pa dang/ sgra ji bzhin ma yin par bstan pa rnams so/ /mdor bsdus pa ni rgyas par bstan pa'o/ /ston ka'i zla ba ltar dkar ba'i zhes bya ba la sogs pa ni go sla'o/ /ma nor rgyud kyi don brten nas/ /blo chung rnams phyir bris pa la/ /tshig dang don la 'khrul pa dag /mkhas pa rnams kyis bzod par mdzod/ /ces bya ba rgyud ma nor ba ni gsang ba 'dus pa dang/ dgongs pa lung ston pa dang/ 'jam dpal gyi rgyud la sogs pa'o/ /de dag gi don phyin ci ma log pa la brten nas bdag las blo chung brten shes rab dman pa rnams
- 234b
kyi phyir bris pa ste/ bstan pa la tshig dang don la 'khrul pa ste tshig sdebs ma legs pa dang/ don log pa bstan pa yod nam mkhas pa rnams kyi ste/ mang du thos shing mkhyen pa che ba rnams kyis bzod par mdzod cig ces bya ba ni so so'i skye bo la 'khrul pa 'byung ngo mtshar mi che bas bzod pa mdzad pa 'os zhes bya ba'i don to/ /'jig rten gsum gtso thams cad mkhyen pa'i gsung/ /bdud rtsi lta bu'i tshig 'bru 'ga' bstan pas/ /gzhan la phan ba byung na dge ba des/ /'gro ba kun gyi sangs rgyas thob par shog/ //gsang sngags la 'jug pa'i rab tu byed pa drug cu pa'i 'grel pa paN+Di ta A tsarya dz+nyA na A ka ras mdzad pa rdzogs so// // rgya gar gyi mkhan po dz+nyA na A ka ro nyid dang/ lo tsa ba dge slong tshul khrims rgyal bas bsgyur cing zhus te gtan la phab pa'o/ //*/ /theg pa chen po bsdus pa'i sgron ma slob dpon nag po zhabs kyis mdzad pa bzhugs so// rgya gar skad du/ mahA yA na me la pa na pra dI paM/ bod skad du/ theg pa chen po bsdus pa'i sgron ma/ sangs rgyas dang byang chub sems dpa' thams cad la phyag 'tshal lo/ /nyes pa'i dri ma ma lus spangs shing chos nyid zab mo rgya mtsho lta bu gzigs/ /thugs rjes 'khor ba ji srid bar du bzhugs shing gzhan gyi don mdzad pa'i/ /thub ba'i dbang po sras dang bcas pa rnams la phyag 'tshal lo/ /mdo rgyud kun las btus pa'i theg chen bsdus pa'i sgron ma 'di/ ma rig dbang du song ba'i sems can rnams kyi don du bdag gis rab gsal bya/ /de la rigs kyi bu 'am rigs kyi bu mo rigs dang skal pa dang ldan pa des sangs rgyas kyi bstan pa la ji ltar 'jug par bya zhe na/
- 235a
des ni sangs rgyas kyi bstan pa la rim gyis 'jug pa la bslab par bya'i/ /cig car ni ma yin te/ de ltar yang bcom ldan 'das kyis lang kar gshegs pa'i mdo las gsungs te/ bcom ldan 'das la byang chub sems dpa' blo gros chen pos zhus pa/ bcom ldan 'das rang gi sems rim gyis sam cig car gyis dag par 'gyur lags/ bcom ldan 'das kyis bka' stsal pa/ blo gros chen po rang gi sems ni rim gyis 'jug pas rnam par dag ste cig car ni ma yin no/ /blo gros chen po 'di lta ste shing a 'bra'i 'bras bu ni rim gyis smin par 'gyur gyi cig car ni ma yin no/ /blo gros chen po de bzhin du sems can rnams kyi sems kyang rim gyis rnam par dag ste cig car ni ma yin no/ /blo gros chen po 'di lta ste rdza mkhan gyis snod rnams ni rim gyis byed kyis cig car ni ma yin no/ /blo gros chen po de bzhin du de bzhin gshegs pa yang sems can rnams kyi sems rim gyis/ rnam par sbyong? ste cig car ni ma yin no/ /blo gros chen po 'di lta stes chen po las rtsa ba dang shing gel ba dang sman dang nags tshal rnams rim gyis 'jug par skye cig car ni ma yin no/ /de bzhin du blo gros chen po de bzhin gshegs pa yang sems can rnams kyi sems rim gyis sbyong ste cig car ni ma yin no/ /blo gros chen po 'di lta ste gzhad gang dang/ rol mo dang/ glu dang pi wang dang sil snyan dang rol mo la mkhas pa ni rim gyis 'byung gi cig car ni ma yin no/ /de bzhin du blo gros chen po de bzhin gshegs pa yang sems can rnams kyi sems rim gyis rnam par spyod ste cig car ni ma yin no/ /rim pa 'di gnyis ni sa'i snying po'i mdo las gsungs te/ gang la mtho ris theg ba yod min/ /de la nyan thos theg ba med de/ /gang la nyan
- 235b
thos theg pa yod min/ /de la rang rgyal theg pa med de/ /gang la rang rgyal theg pa yod min/ /de la theg pa chen po med de zhes gsungs so/ /sems can dang po'i las can rnams// //dam pa'i chos la 'jug pa la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /des na sangs rgyas kyi bstan pa la rim gyis bslab par bya'o/ /de'i phyir rigs kyi bu 'am rigs kyi bu mo dal 'byor gyi rten thob pa rigs dang skal pa dang ldan pa des dang po dkon mchog gsum la skyabs su phyin la dad pa dang ngo tsha shes pa dang khrel yod pa dang ldan pa des srog gcod ba dang/ ma byin par lan pa dang/ /mi tshangs pa spyod pa dang/ brdzun dang/ phra ma dang/ ngag 'khyal ba dang/ tshig rtsub mo dang/ brnab sems dang/ gnod sems dang/ log lta dang/ chang spang ba dang/ /dran ba dang/ shes bzhin dang/ bag yod pa la gnas par bya'o/ /rin po che'i phred ba las/ /gsod pa yis ni tshe thung 'gyur/ /rnam par 'tshe ba gnod pa mang / rku pa yis ni long spyod phongs/ /byi bo byed ba dgra dang bcas/ /brdzun du smras pas skur ba ste/ phra ma yis ni ba shes dang 'byed/ /tshig rtsub kyis ni mi snyan thos/ /ma 'brel ba yis tshig mi btsun/ /brnab sems yid la re ba 'joms/ /gnod sems 'jigs pa sbyin por bshad/ /log par lta bus lta ngan nyid/ /chang 'thung ba yis blo 'khrul te/ ma byin pa ni dbul ba nyid/ /log pas 'tsho bas slu ba ste/ /bengs pa yis ni rigs ngan nyid/ /phrag dog gis ni gzi chung nyid/ /khro bos kha dog ngan pa nyid/ /mkhas pa mi 'dri blun pa nyid/ /mi nyid la ni 'bras bu 'di/ /kun gyi dang por ngan 'gro'o/ /mi dge zhes bya de dag gi/ /rnam smin grags ba gang yin pa/ /dge ba dag ni thams cad la/ /'bras bu de ni bzlog ste 'byung/ /chags dang zhe sdang
- 236a
gti mug dang/ des skyed las ni mi dge ba/ /ma chags zhe sdang gti mug med/ /des bskyed las ni dge ba yin/ /mi dge ba las sdug bsngal kun/ /de bzhin ngan 'gro thams cad do/ /dge las bde 'gro thams cad dang/ skye ba kun tu bde ba dag/ 'byung ba 'di la the tshom med/ /yid dang lus dang ngag gis ni/ /mi dge kun las ldog bya zhing/ /dge la rtag tu 'jug par bya/ /chos 'di rnam pa gnyis su bshad/ /chos 'dis dmyal ba yi dags dang/ dud 'gro dag la rnam grol zhing/ /lha dang mi yi nang dag tu/ /bde dpal rgyal srid rgyas pa thob/ /bsam gtan tshad med gzugs med ni/ /tshangs sogs bde ba myong bar byed/ /de ltar mtho ris chos 'di dang/ /de'i 'bras bu mdor bsdus pa'o zhes gsungs so/ /des ni mi dge ba bcu las los cing 'khor ba la yid spro ba bzlog ste yid ches pa'i dad pa dang dang ba'i dad pa dang/ 'dod pa'i dad pa brtan pa bskyed la srod gis bsdus pa'i sems can thams cad la byams pa dang snying rje sngon du 'gro bas sems can la blta ba'i sems kyi ga dkon mchog gsum la snying po byang chub la thug gi bar skyabs su 'gro ba dang/ dge ba'i bshes gnyen mkhas pa dang/ btsun pa dang/ snying rje dang ldan pa dang/ chos dang zang zing la ser sna dang pha dog med cing bya ba la yid bzhugs pa dang/ skyo ba med cing rigs dang spabs pa dang kha dog dang ldan pa la byang chub mchog tu sems bskyed par bya'o/ /de nas dad pa dang/ ngo tsha shes pa dang/ khrel yod pa dang/ dran pa dang shes bzhin dang/ bag yod pa la gnas te/ byang chub kyi sems dang sdom pa dang 'gal ba'i las brtags te spang bar bya'o/ /sreg gis bsdus pa'i sems can la byams pa dang snying rje sngon du 'gro bas srog gcod pa dang/ ma byin par len pa
- 236b
dang/ 'dod pa la phyin ci log pa dang/ brdzun dang/ phra ma dang/ tshig rtsub dang/ ngag 'khyal ba dang/ brnab sems dang/ gnod sems dang/ log lha dang sha dang nya dang chang dang sgog pa dang la phug dang/ rgya skyabs kyi las dang/ til gyi las dang/ zhing lhas slogs pa ni rtag tu spang bar bya'o/ /dge slong dang/ byang chub tu sems bskyed pa dang/ dam tshig dang ldan pa la gus par bya zhing brnyas par mi bya'o/ /sbyangs pa'i yon tan dang ldan zhing rang la rnam par 'tsho ba la bzod par bya'o/ /byang chub kyi sems rgyun dub sgom zhing smon lam rgya chen po gdab par bya'o/ bla ma dang/ dkon mchog dang/ phan 'dogs pa dang/ sdug bsngal ba dang/ nod pa dang/ nad g.yogs pa dang/ pha dang ma dang/ glo bur gyi 'gron po dang/ bram ze la zas dang/ gos dang btung ba dang/ sman dang/ rin po che dang/ mar me dang/ dri dang/ spos dang/ yo byad kyi dngos po sbyin zhing/ lus dang bsod nams kyi dngos po thams cad gtad ba dang/ chos dang mi 'jigs pa spyin pa dang/ gzhan gyis dgos pa'i grogs dang nad g.yog la sogs pa bya'o/ /rin po che phreng ba las/ gom pa bdun pa'i dus su yang/ /bdog pa kun gtong sems 'chad ba/ byang chub sems dpa' rnams la ni/ /bsod nams mkha' 'dra dpag med skye gsung/ /rgyal ba'i yum las kyang/ rab 'byor 'di ji snyam du sems shar phyogs kyi nam mkha' tshang gzung bar sla 'am/ rab 'byor gyis gsol pa/ bcom ldan 'das de ni ma lags so/ /rab 'byor de bzhin du byang chub sems dpa' gang mi gnas par sbyin pa yongs su gtong ba de'i bsod rnams kyi phung po yang tshad gzung bar sla ba ma yin no/ /yang de nyid las/ rab 'byor 'di lta ste dper na/ mig dang ldan pa'i mi zhig mun par zhugs na ci
- 237a
yang mi thong ba de bzhin du gang dngos por ltung bas sbyin pa yongs su gtong ba'i byang chub sems dpar blta'o/ /rab 'byor 'di lta ste dper na/ nam langs te nyi ma shar nas mig dang ldan pa'i mis gzugs rnam pa sna tshogs dag mthong ba de bzhin du gang dngos por ma lhung bas sbyin pa yongs su gtong ba'i byang chub sems dpar lta'o zhes gsungs so/ /des na gang sbyin pa de 'khor gsum yongs su dag par byin na nyid byang chub sems dpa' rnams kyis phyin ci ma log pa'i sbyin pa ste mya ngan las 'das pa'i rgyur 'gyur pa'o/ /de yang gti mug med pa'i dge ba'i rtsa ba'o/ /de bzhin du thos pa dang/ bsam pa dang/ bsgom pa dang/ dka' thub la gnas pa dang/ gzhan gyi grogs byed pa'i tshe lus dang sems kyi sdug bsngal byung ba dang du blang ba dang/ de bzhin du bdag gi ba la gnod pa mthong ba'i tshe gnyen po sran thub par bya ba dang/ gnod pa byed pa dang/ gnod pa'i dngos po dang/ gnod bya rnams sgyu ma lta bu dang stong par shes te bzod pa la gnas par bya'o/ /de ltar bzod pa la gnas pa'i gang zag ni 'di nyid la lus dang sems bde ba dang/ 'khor mang ba dang/ lha la sogs pas srung ba dang/ tshe 'phos nas kyang sangs rgyas kyi zhing khams dag par skye ba dang/ rigs bzang pa dang/ gzugs dang kha dog bzang ba dang/ nad med pa dang/ tshe ring ba dang/ 'khor g.yog byams pa dang/ 'byor ba phun sum tshogs pa bskye zhing mtho ris lha dang mi'i rgyal por 'gyur ba dang/ mthar thug mya ngan las 'das pa'i rgyur 'gyur ro/ /de ltar bzod pa dang ldan pa des le lo dang snyoms las dang zhum pa bsal te/ dge ba'i las la sems spro ba dang yid gzhung bar bya'o/ /le lo dang snyoms las dang sems
- 237b
zhum pa la gnas na sbyin pa nas shes rab kyi bar du med do/ /bsdu ba'i dngos po bzhi med do/ sbyangs pa'i yon tan dang/ tshad med pa dang/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po lnga dang byang chub kyi yan lag bdun dang/ 'phags pa'i lam yan lag brgyad thob pa med do/ /dkon mchog mchod pa dang/ gzhan gyi grogs bya ba dang/ dge ba'i bshes gnyen bsnyen pa med do/ /de'i phyir na dge ba'i las la dus rtag tu mgo dang gos la me 'bar ba gsod pa bzhin du bya'o/ /dkon mchog gsum dang/ bla ma dang/ grogs tshangs pa mtshungs par spyod pa dang/ bslab pa la gus pa bskyed par bya'o/ /sems can thams cad la pha dang ma dang/ mkhan po dang/ slob dpon dang/ ston pa'i 'du shes skyed la/ ma gus pa dang/ brnyas pa dang/ zhe sdang dang/ khong khro dang/ nga rgyal dang/ khyad du gsod pa spang ba la nan tan bya ba dang/ de ltar dge ba la lus dang ngag dang sems las su rung na lus dang sems ldang ba yang ba dang/ dge ba'i tshogs mang po dang ldan par 'gyur ro/ /de ltar dge ba la gnas pa'i gang zag la lha dang/ klu dang/ gnad sbyin dang/ dri za dang/ lha ma yin dang/ nam mkha' lding dang/ lto 'phye chen po la sogs dga' zhing gus pa dang srung ba byed par 'gyur ro/ /de'i phyir 'dun pa dang dad pa la gnas te dge ba'i bshes gnyen bsten pa dang/ de la dam pa'i chos nyan pa dang/ tshul bzhin du bsam pa dang/ de'i don yin la bsgom pa dang/ bla ma dang dkon mchog la mchod pa dang/ bsdu ba'i dngos po bzhi dang/ 'phags pa'i bden pa bzhi dang/ rjes su dran pa drug dang/ 'phags pa'i nor bdun yid la bya ba dang/ ngo tsha shes pa dang/ khrel
- 238a
yod pa la gnas te bslab pa la gus par bya ba dang/ gzhan gyi 'khrul pa la mi rtag pa dang/ rang gi 'khrul ba la rtag pa dang/ nga rgyal spangs te zhi zhing dul ba la gnas par bya ba dang/ dran pa dang shes bzhin la gnas te lus dang ngag dang yid kyi las don yod par bya ba dang/ dben pa la gnas te zhi gnas dang lhag mthong bsgom pa dang/ 'khor ba'i skyon dang mya ngan las 'das pa'i yon tan yid la bya ba dang/ chos thams cad sgyu ma lta bu dang/ chu zla lta bu dang/ mig yor lta bu dang/ smig rgyu lta bu dang/ rmi lam lta bu dang/ brag cha lta bu dang/ dri za'i grong khyer lta bu dang/ mig 'phrul lta bu dang/ 'ja' tshon lta bu dang/ glag lta bu dang/ chu'i chu bur lta bu dang/ me long gi gzugs brnyan lta bu ste/ sgyu ma'i dpe bcu gnyis lta bur yid la bya ba dang/ rang bzhin gyi 'od gsal zhing skye ba med par yid la bya'o/ /de ltar dge ba la spro ba dang/ 'dun pa dang/ dad par gyur ba'i gang zag des 'khor ba'i rtsa ba 'jig rten gyi chos brgyad la me dang/ mtshon dang/ dug dang/ zug rngu lta bu'i du shes bskyed la ting nge 'dzin dang rjes su mthun pa'i gnas su zas kyi tshod rig pa dang/ srod dang tho rangs mi nyal bar rnal 'byor la brtson par bya'o/ /der yang yid du 'ong ba'i sems can nas phyogs bcu'i sems can thams cad la byams pa dang snying rje rgyun ma chad par rtag tu gus par bsgom par bya'o/ /byams pa dang snying rje yis rgyud brlan na zhe sdang dang khong khro zhi bar 'gyur ro/ /'phags pa klu sgrub kyi zhal nas kyang byams pa'i phan yon gsungs pa/ ro dang ldan pa'i kha zas dag /nyin re dus gsum byin pa bas/ byams pa yud tsam thang gcig gi/ bsod nams gang la char mi
- 238b
phod/ /lha mi byams par 'gyur pa dang/ de dag kyang ni srung ba dang/ yid bde ba dang bde mang dang/ dug dang mtshon gyis gnod med dang/ 'bad ba med par longs spyod thob/ tshangs pa'i 'jig rten skye 'gyur te/ gal te grol bar ma gyur kyang/ /byams chos yon tan brgyad thob po zhes gsungs so/ /gzhan yang byams pa dang snying rje'i phan yon ni zla ba sgron ma'i mdo dang chos yang dag par sdud pa'i mdo las shes par bya'o/ /gzhan yang rang dang gzhan gyi lus mi gtsang ba'i 'du shes rgyun ma chad par dus rtag tu yid la bya'o/ /de ltar yang rin po che'i phreng ba las gsungs pa/ /bud med chags pa phal cher ni/ /bud med gzugs gtsang sems las byung/ /bud med lus la don du ni/ /gtsang ba cung zad yod ma yin/ /kha ni kha chu rul pa dang/ /so rkyag mi gtsang snod yin no/ /sna ni rnag snabs sna chu'i snod/ /mig ni mig rdul mchi ma'i snod/ /lto ba'i khong ni gshang gci dang/ glo ba mchin pa'i snod yin no/ /rmongs pas bud med ma mthong ba/ /de'i lus la chags par byed/ /mi shes 'ga' zhig mi gtsang ba'i/ /bum pa brgyan la chags pa ltar/ /'jig rten mi shes rmongs pa yis/ /bud med rnams la de bzhin no/ /lus rul shin tu dring ba/ /chags bral rgyu ni gang yin pa/ /de la'ang 'jig rten tshes chags na/ /gang gis 'dod chags bral bar 'gyur/ /ji ltar gshang gci gtsang ba la/ /khyi phag rab tu chags pa ltar/ /de bzhin bshang gci gcer ba la// 'dod ldan rnams ni chags par 'gyur/ /lus kyi grong khyer mi gtsang ba/ /'byung ba'i bu gdod pa gang/ de ni skye bo blun po yis/ /dga' ba'i don du nye bar brtags/ /khyod rang nyid kyis bshang gci sogs/ /so sor mi gtsang
- 239a
mthong nas ni/ /de 'dus lus la ji lta bur/ /yid du 'ong ba nyid du 'gyur/ /khrag dang khu ba 'dres pa yi/ /sa bon mi gtsang snying pos bskyed/ /mi gtsang gzugs su shes bzhin du/ /'di la 'dod pa gang gis chags/ mi gtsang phung po de rlan gyis/ /brlan pa'i pags pas g.yogs pa gang/ /nyal ba de nyid bud med dang/ /lto ba sprang de nyal bar zad/ /gzugs bzang ba'am gzugs ngan nam/ /rgan nam yang na gzhon yang rung/ /bud med gzugs kun mi gtsang na/ /khyod chags khyad par ga la skye/ /gal te mi gtsang kha dog bzang/ /shin tu gsal la dbyibs legs kyang/ /de la chags par mi 'os ltar/ /khung med gzugs la'ang de bzhin no/ /khong rul phyi rol pags pas g.yogs// ro myags 'di yi rang bzhin ni/ /shin tu mi bzad snang bzhin du/ /mi gtsang bar ni mthong ma gyur/ /mi gtsang gang ba'i bum pa 'di/ /phyi rol bkra yang smad pa ltar/ /mi gtsang ba yi rang bzhin lus/ /mi gtsang gang ba cis mi smad/ /ji ltar bud med gzugs mi gtsang/ /khyod kyi rang lus de dang 'dra/ /de bas phyi dang nang nyid la/ /'dod chags bral ba rig min nam/ /rma dgu dag nas 'dzag pa can/ /bdag nyid mngon sum 'khru byed kyang/ /lus mi bzang bar mi rtogs nas/ khyod la bshad pas ci zhig phan/ /zhes gsungs so/ /gzhan yang shes rab kyi pha rol tu phyin pa'i mdo dang dkon mchog sprin gyis mdo las kyang shes par bya'o/ /sa lu ljang pa'i mdo las 'byung ba bzhin du phyi rten cing 'brel par 'byung ba dang/ nang rten cing 'brel bar 'byung ba yang shes rab kyi mig gis blta bar bya'o/ /de ltar byams pa dang/ snying rje dang/ mi sdug pa dang/ rten cing 'brel par 'byung ba'i don yid la byed pa'o/ /'og nas lhag mthong bsgom pa'i
- 239b
dus su yang mdor na ting nge 'dzin thams cad kyi nyes pa drug yod de/ /le lo dang/ dmigs pa brjed pa dang/ /bying ba dang/ rgod pa dang/ mi rtsol ba dang rtsol pa'o/ /de rnams kyi gnyen por spong ba'i 'du byed brgyad bsgom mo/ /'di lta ste dad pa dang/ 'dun pa dang/ brtson 'grus dang/ shin tu sbyangs pa dang/ dran pa dang/ shes bzhin dang/ sems pa dang/ btang snyoms so/ /de la gong ma bzhi ni le lo'i gnyen po yin te/ 'di ltar ting nge 'dzin gyi yon tan dag la mngon par yid ches pa'i mtshan nyid dang ldan pa'i dad pas rnal 'byor pa rnams de la 'dod pa skye'o/ /de nas 'dod pas brtson 'grus tsom mo/ /de brtson 'grus kyi stobs kyis lus dang sems las su rung ba nyid du byed do/ /de nas lus dang sems shin tu spangs par gyur pas le lo ldog ste/ de bas na dad pa la sogs pa ni le lo spong ba'i gnyen po'o/ /dran pa ni dmigs pa brjed pa'i gnyen po'o/ /shes bzhin ni bying ba dang rgod pa'i gnyen po ste/ bying ba dang rgod pa yang dag par rtogs pa'i phyir ro/ /bying ba dang rgod pa rab tu ma zhi ba'i dus na mi rtsol ba'i gnyen po ste/ de'i gnyen por sems pa bsgom mo/ /bying ba dang rgod pa rab tu zhi ste gang gi tshe sems rnal du 'jug pa de'i tshe rtsol ba nyes pa yin te/ de'i gnyen por de'i tshe btang snyoms bsgom mo/ /spong ba'i 'du byed brgyad po de dag dang ldan na ting nge 'dzin shin tu skyon med par 'gyur ro/ /ting nge 'dzin la skyon med na rdzu 'phrul la sogs phan yon rnams bsgrub par byed do/ /de ltar sems las su rung par gyur pa des bden pa des bden pa gnyis kyi don la 'jug par bya ste/ dbu ma rtsa ba las gsungs pa/ sangs rgyas rnams kyis chos bstan pa/ /bden pa gnyis la yang dag brten/ /'jig rten kun rdzob bden pa dang/ de bzhin don dam bden pa'o
- 240a
gang gis bden pa gnyis po yi/ /rnam dbye rnam par mi shes pa/ /de dag sangs rgyas bstan pa yi/ /zab mo de dag rnams mi shes zhes gsungs so/ /de la kun rdzob kyi bden pa ni rnam pa gnyis te/ /yang dag pa'i kun rdzob dang/ /log pa'i kun rdzob bo/ /de la yang dag pa'i kun rdzob ni ma brtags na nyams dga' ba don byed nus pa'i dngos po'o/ /log pa'i kun rdzob ni snang ba bzhin du don byed pas stong pa'i phyir ro/ /don dam pa'i bden pa ni rang bzhin gyis rnam par dag pa spros pa'i mdza' dang bral ba/ skye ba dang gnas pa dang 'gag pas stong pas brjod du med pa dbyibs dang bral ba'o/ /de ltar dri ma med par grags pa'i mdo las kyang/ gzugs kyi rang bzhin ni stong pa ste/ bshig pas stong pa ni ma yin no/ /de bzhin du tshor ba nas rnam par shes pa'i bar du bshig pas stong pa ni ma yin te/ rang bzhin dang bral phyir ro zhes gsungs so/ /gsang ba 'dus pa'i rgyud las kyang/ /rang sems gzod nas ma skyes pa/ /stong pa nyid kyi rang bzhin no zhes gsungs so/ /chos yang dag par sdud pa'i mdo las kyang gsungs te/ chos thams cad ni dmigs pa med pa ste de la rnam par shes pa mi 'jug go /yang de nyid las/ bcom ldan 'das chos thams cad mi mthong pa ni yang dag pa mthong ba'o/ /zhes gsungs so/ /de ltar chos thams cad rang bzhin med pa yin na 'jig rten mdza' dag nam mkha' i me tog dang 'dra bar 'gyur te/ /de'i phyir mthong ba dang/ thos pa dang/ bye brag phyed pa dang/ 'phags pa dang 'phags pa ma yin pa'i tha snyad la sogs pa med par 'gyur ro/ /zhe na klan ka 'di ni snying po yod pa ma yin te/ dngos po rnams kyi rang bzhin ni/ /rigs pa'i lam gyi rjes 'brang bar/ /gzhan dag
- 240b
'dod pa sel bar byed/ /de phyir rgol ba dan gnas med/ /yod dang med pa gang yang rung/ /khas mi len pa gang yin pa/ /sus kyang klan ka bya mi nus/ /byis pa'i gnas skabs nas bzung ste thams cad mkhyen pa'i ye shes kyi bar du snang ba nyams su myong ba gang ma brtags na nyams dga' ba'i dngos po ni kho bos bkag pa med de/ ser skya la sogs pas brtags pa gang yin pa de ni med do/ /de'i phyir chos thams cad rang bzhin med par smra ba 'di ni stong pa nyid kyi don log par mthong ba ma yin no/ /de'i phyir yang dag nyid du na/ /dngos po gang yang grub pa med/ /de'i phyir de bzhin gshegs pa rnams kyis/ /chos rnams thams cad ma skyes gsung/ /dngos po rnams ni rnam dpyad na/ /de dang de la gcig nyid med// gang la gcig nyid yod min pa/ /de la du ma nyid kyang med/ /yang dag par grub pa'i dngos po gang yang med de/ gcig dang du ma'i rang bzhin dang bral ba'i phyir ro/ /gcig dang du ma ma gtogs par/ /rnam pa gzhan dang ldan pa yi dngos po mi rung 'di gnyis ni/ /phan tshun spangs te gnas phyir ro/ /de'i phyir na yang dag par na skye ba dang gnas pa dang 'gag pa yang yod par mi 'gyur ro/ /de lta bas na blo gros rgya mtshos bstan pa las gsungs pa/ gang dag ldan cing 'brel 'byung ba/ /de dag dngos nyid ci yang min/ /gang dag ngo bo nyid med pa/ /de dag gang duAng 'byung ba med ces gsungs so/ /glang po'i rtsal gyi mdo las kyang/ /gang zhig skyes par gyur pa yi/ /chos de gang yang mi dmigs na/ /'byung ba med pa'i chos rnams la/ /byis pa dag ni 'byung par 'dod ces gsungs so/ /yang smras pa/ bdag dang gzhan smras dngos 'di dag /rang las ma yin gzhan las min/ /gnyis las ma yin rgyu med min/ /dngos po gang dang gang yang ni/ /skye ba nam
- 241a
yang yod ma yin/ /de ltar ma skyes ngo bo la/ /sus kyang klan ka bya ru med/ /dkon mchog 'byung gnas kyi mdo las kyang/ /gang la rang bzhin yod pa ma yin te/ /rang bzhin med pas gzhan rkyen ji ltar 'gyur/ rang bzhin med pas gzhan gyis ji ltar skyes ces gsungs so/ /yab dang sras mjal ba'i mdo las kyang gsungs pa/ /chos gang la rang bzhin ma mchis pa de ni dngos po ma mchis pa'o/ /gang la dngos po ma mchis pa de yongs su ma grub pa'o// gang yongs su ma grub pa de ni mi skyed pa'o/ /gang mi skye ba de ni mi 'gag pa'o/ /gang ma skyes ma 'gag pa de ni 'das pa zhes bgyi bar gdags pa ma lags/ ma 'ongs pa dang da ltar byung ba zhes gdags par bgyi ba ma lags so/ /de ltar na don dam par ni dngos po dang dngos po med pa dang/ skye ba dang mi skye ba dang/ stong pa dang mi stong ba la sogs pa'i spros pa'i dra ba mdza' dag dang bral ba'o/ /de phyir rtag tshang lta ba rnams/ /gzhung 'di la ni ring du spangs/ /de yang kun rdzob kyi bden pa la brten nas ni rgyu 'thun pa'i 'bras bu 'byung ste/ rgyu rnam par dag pa las ni 'bras bu rnam par dag pa 'byung ste/ dad pa dang/ 'dun pa dang/ ngo tsha shes pa dang/ khrel yod pa dang/ bag yod pa la gnas te/ sbyin la nas shes rab kyi bar la slob pa dang/ bsdu ba'i dngos po dang/ tshad med pa dang/ sbyangs pa'i yon tan la nan tan byed pa dang/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa la sogs pa la nan tan byed pa la 'khor los sgyur ba'i rgyal po dang/ tshangs pa dang/ brgya byin dang/ nyan thos kyi byang chub dang/ rang sangs rgyas kyi byang chub dang/ bla na med pa yang dag par rdzogs pa'i sangs rgyas thob par 'gyur te/ dper na sa bon
- 241b
grub po la sogs pa las 'bras bu 'byung ba bzhin no zhes gsungs so/ /rgyu rnam par ma dag pa gang zhe na/ de yang bcom ldan 'das kyis rdo rje phreng ba'i rgyud las gsungs pa/ gsang ba pa'i bdag po nyon cig/ lus kyi nyes par sbyong ba ni rnam pa gsum mo/ /ngag gi nyes par spyod pa ni rnam pa bzhi'o/ /yid kyi nyes par spyod pa ni rnam pa gsum ste/ de dag gis sems can dmyal bar ltung bar 'gyur ro/ /phyag na rdo rje gsol pa/ lus kyis nyes par spyod pa dang/ ngag gis nyes par spyod pa dang/ yid kyis nyes par spyod pa du zhig mchis pa bcom ldan 'das kyis bshad du gsol/ bde bar gshegs pa bshad du gsol/ bcom ldan 'das kyis bka' stsal pa/ gsang ba pa'i bdas po nyes par spyod pa de nyid ni lci bar gyur pa dang/ tha mal pa rnams te/ de la pha dang/ ma dang/ bla mar gyur pa la sogs pa la gsod pa dang brdeg pa ni nyes par spyod pa lci ba'o/ /srog gcod pa la sogs pa mi dge ba'i las kyi lam rnams ni nyes par spyod pa tha mal pa'o/ /ngag gi nyes par spyod pa gang zhe na/ dam pa'i chos spong ba dang/ lha rnams la tshig rtsub mo smra ba dang/ pha ma dang bla mar gyur pa la sogs pa rnams la tshig ngan pa smra ba ni/ ngag gi nyes pa lci ba'o/ /skyes bu 'ga' zhig gang zag dad pas nan tan nyams su len cing dge ba rtsom pa'i gtam gyi skabs de ni 'jig rten pha rol med do zhes bya ba'i rgya che ba'i tshig/ 'jig rten las 'das pa'i brdzun smra bas dge ba'i las kyis bar chad byed pa dang/ tshig 'khyal pa smra ba dang/ lkog phyas byed pa dang/ mi dge ba'i las kyi lam gyi gtam rnams ni dag gi nyes par spyod pa tha mal pa'o/ /yid kyi nyes par spyod pa ni bla ma dang/ pha dang ma dang/ theg pa chen po la zhugs pa'i sems can rnams yang dag par spong ba la zhugs
- 242a
pa dang/ yang dag par rdzogs pa'i sangs rgyas la ngan sems pa dang/ gnod par sems pa ni yid kyi nye bar spyod pa lci ba'o/ /dud 'gro la sogs pa tha mal pa'i sems can rnams la ngan sems dang gnod par sems pa ni tha mal pa'o zhes gsungs so/ /de ltar na 'bras bu ni rgyu'i rjes su 'jig pa'i phyir na dge ba la 'jug cing mi dge ba las ldog par bya'o/ /da ni ming la mngon par zhen pa rnams kyi 'khrul pa bsal ba'i phyir don dam pa'i bden pa'i ming gi rnam grangs 'ga' zhig la 'jug par bya ste/ de la dang po 'od gsal ba dang/ thams cad stong pa dang/ dngos po med pa dang/ snang ba med pa dang/ bdag med pa dang/ mya ngan las 'das pa dang/ srog med pa dang/ gang zag med pa dang/ gso ba med pa dang/ skye ba med pa dang/ 'gag pa med pa dang/ yi ge med pa dang/ tshig med pa dang/ brjod du med pa dang/ bsam gyis mi khyab pa dang/ mdza' yas pa dang/ grangs med pa dang/ dbang po las 'das pa dang/ gnas med pa dang/ mtshan nyid med pa dang/ 'dus ma byas pa dang/ mtshan ma med pa dang/ zad pa med pa dang/ sgrib pa med pa dang/ tshul gcig pa dang/ zhi ba dang/ nam mkha' dang mnyam pa dang/ rang bzhin gyis dag pa dang/ thog ma med pa dang/ dbus med pa dang/ tha ma med pa dang/ 'gro ba med pa dang/ 'ong ba med pa dang/ ring po ma yin pa dang/ nye ba ma yin pa ste/ de ltar rtogs par dka' ba'i gnas so/ /de'i phyir gsang ba 'dus pa'i rgyud las kyang/ byang chub kyi sems ni de bzhin gshegs pa thams cad kyi ye shes 'byung ba med pa'i gnas lta bu ste/ byang chub kyi sems de yang lus la mi gnas/ dag la mi gnas/ sems la mi gnas so/ /chos gang khams gsum
- 242b
na mi gnas pa de skye ba yang med/ 'gag pa yang med pa ste/ 'di ni ye shes 'byung ba'i gnas so zhes gsungs so/ /de ltar bzod nas zhi zhing ma skyes pa'i/ /rang bzhin dag pa'i chos nyid la/ /byis pa'i blo dang ldan pa rnams/ /yod dang med par rtog par bya zhes gsungs so/ /de'i phyir byis pa so so'i skye bo thog ma med pa nas sgro 'dogs pa dang/ skur ba 'debs pas dkrugs shing log pa'i lta ba can gyis dag pa'i chos kyi dbyings 'od gsal ba'i don rtogs par dka' ba'i phyir na sgyu ma rnam par dag pa yid la bya'o/ /phung po khams dang skye mched rnams/ /gzugs brnyan lta bur yongs shes na/ yul gyis 'di la mi chags so/ /de ltar yang shes rab kyi pha rol tu phyin pa brgyad stong pa las gsungs pa/ rab 'byor gyis smras pa/ lha'i bu dag mya ngan las 'das pa yang rmi lam lta bu sgyu ma lta bur ba smra'o/ /mya ngan las 'das pa las kyang ches lhag pa'i chos gzhan zhig yod kyang de la sgyu ma lta bu rmi lam lta bu zhes gsungs so/ /de bzhin du rgyal ba skyes ma las kyang/ gzugs nas rnam pa thams cad mkhyen pa'i ye shes kyi bar du sgyu ma lta bu rmi lam lta bur gsungs so/ de ltar ye shes rdo rje kun las btus pa zhes bya ba rnal 'byor chen po'i rgyud las kyang gsungs pa/ sems dang sems las byung ba'i rnal 'byor chen po ni bde ba chen po'i ting nge 'dzin to/ /de ni sgyu ma'i dpes nye bar mtshon pa ste/ de bas na sangs rgyas kyi zhing gang+ga'i klung gi bye ma snyed kyi de bzhin gshegs pa thams cad ni sgyu ma lta bu dang/ chu zla lta bu dang/ mig yor lta bu dang/ smig rgyu lta bu dang/ rmi lam lta bu dang/ brag ca lta bu dang/ dri za'i grong khyer dang/ mig 'phrul dang/ 'ja' tshon dang/ glog dang/ chu'i chu bur dang/ me long gi gzugs brnyan te/ sgyu ma'i dpe bcu gnyis kyis bde ba chen po'i
- 243a
ting nge 'dzin nye bar mtshon par 'gyur ba yin te/ de ltar phyogs bcu'i 'jig rten gyi khams na gnas pa'i de bzhin gshegs pa thams cad 'khor ba ji snyed pa'i bar du sgyu ma lta bu'i ting nge 'dzin gyis bzhugs nas sangs rgyas kyi zhing nas sangs rgyas kyi zhing du sems can gyi don mdzad do zhes gsungs so/ /dpal gsang ba 'dus pa'i rgyud las kyang gsungs pa/ kye bcom ldan 'das de bzhin gshegs pa thams cad rmi lam 'di ni bdag gis khams gsum du rmi lam mthong bar bya'o snyam du mi sems so/ /rmi lam yang bdag gis rmi lam mthong ngo snyam du mi sems te/ khams gsum gyi bya ba de rnams kyang rmi lam lta bu rmi lam dang 'dra ba rmi lam las byung ba'o/ /de bzhin du de bzhin gshegs pa thams cad dang/ byang chub sems dpa' rnams dang/ sems can thams cad rmi lam lta bu bdag med pa'o/ /rog med pa'o/ /gang zag med pa'o zhes gsungs so/ /glang po'i rtsal gyi mdo las kyang/ shA ri'i bu 'di ji snyam du sems/ /gang chos rnams kyi ngo bo nyid shes pa de yod pa yin nam/ 'on te med pa yin/ gsol ba bcom ldan 'das gang chos thams cad kyi ngo bo nyid 'chol ba de ni sgyu ma'i ngo bo nyid 'tshal lo/ /de ci'i slad du zhe na/ bcom ldan 'das kyis chos thams cad sgyu ma ngo bo nyid do zhes bstan pa'i glad du ste zhes gsungs so/ /yab dang sras mjal ba'i mdo las kyang/ me long yongs su dag pa la/ ji ltar rang bzhin med pa yi/ gzugs brnyan snang ba de bzhin du/ /ljon ba chos rnams shes par gyis zhes gsungs so/ /rigs pa drug cu pa las kyang/ /dngos po gzugs brnyan lta bur ni/ /ye shes mig gis rab mthong na/ /bdag nyid chen po de dag ni/ /yul gyi 'dam la mi chags so zhes gsungs so/ /theg pa chen po nyi shu ba las kyang/ /dngos po rnams kyi rang bzhin ni/ /gzugs
- 243b
brnyan dang ni mtshungs par 'dod ces gsungs so/ /rin chen phreng ba las kyang gsungs pa/ so so'i skye bo la gsang ba/ /gang yin de ni zab pa'i chos/ /'jig rten sgyu ma lta bu nyid/ /sangs rgyas bstan pa bdud rtsi yin/ /ji ltar sgyu ma'i glang po la/ /skye dang 'jig pa nyid snang yang/ /de la don gyis yang dag tu/ /skye dang 'jig ba nyid med ltar/ /de bzhin skya 'dra'i 'jig rten la/ /skye dang 'jig pa 'di snang yang/ /dam pa'i don du skye ba dang/ 'jig pa nyid ni yod ma yin/ /ji ltar sgyu ma'i glang po ni/ /gang nas mi 'ong gang me 'gro/ sems rmongs tsam du zad pas na/ /yang dag nyid du gnas pa med/ /de bzhin sgyu 'dra'i 'jig rten ni/ /gang nas ma 'ongs gar mi 'gro/ sems rmongs tsam du zad pas na/ /yang dag nyid du gnas pa med ces gsungs so// de ltar phung po dang khams dang skye mched rnams ni sgyu ma'i rang bzhin te/ sgyu ma'i rnal 'byor yid la byed pa'i gang zag ni nyon mongs pa dang/ las dang/ sdug bsngal las grol bar 'gyur te/ rim gyis sgyu ma'i rang bzhin spyod par shes par 'byung ste/ de lta bas na chos thams cad sgyu lta bur yid la byas na ye shes sgyu ma lta bu nyid thob par 'gyur ro/ /de lta bas na lus dang ngag dang sems sgyu ma lta bus nyon mongs pa dang las dang/ sdug bsngal sgyu ma lta bu las log la/ tshogs gnyis sgyu ma lta bu la 'jug na 'khor ba sgyu ma lta bu las thar bar byed pa 'di ni yang dag pa'i lam mo/ /de ltar na sgyu ma'i dpe brgyad di bcu gnyis la brten te 'jug par bya'o/ byis pa so so'i skye bo shes rab kyi mthu chung ba rnams kyis lam ma nor ba'i 'jug pa'i rim pa dang/ lam gyi ngo bo mi shes pa rnams kyi don du bla ma dang/ mdo sde dang/ rgyud sde la rten nas/ gzhung du bkod pa'o/ /theg chen don bsdus sgron ma 'di/ /gzhung du bkod ba'i bsod nams des/ /'gro ba ma
- 244a
lus thams cad dag /sku gsum myur du thob par shog/ theg pa chen po'i don bsdus pa'i sgron ma zhes bya ba/ slob dpon nag po zhabs kyis mdzad pa rdzogs so// //rgya gar gyi mkhan po kriSh+Na ba la nyid dang/ lo rtsa ba dge slong chos kyi shes rab kyis bsgyur cing zhus te gtan la phab pa'o// // */ /rgya gar skad du/ gu ru pany+tsa bi shi ka/ bod skad du/ bla ma lnga bcu pa/ bcom ldan 'das rdo rje sems dpa' la phyag 'tshal lo/ /dpal ldan rdo rje sems dpa' i gnas thob rgyur gyur pa/ /bla ma'i zhabs kyi pad+ma ji bzhin btung byas te/ /de bsten pa ni dri med rgyud mang las gsungs pa/ /mdor bsdus bshad pa 'di ni gus pas nyan par gyis/ /dbang bskur mchog thob rdo rje yi/ slob dpon la ni de bzhin gshegs/ phyogs bcu'i 'jig rten khams bzhugs pas/ /dus gsum du ni mngon phyag 'tshal/ /mchog tu dad pas dus gsum du/ /dkyil 'khor me tog bcas thal mos/ /ston pa bla ma bsnyen bkur zhing/ /zhabs la spyi bos phyag bya'o/ /khyim pa 'am ni gsar pu la/ 'jig rten snod pa spang pa'i phyir/ /dam tshig la sogs mdun bdan te/ /brtul zhugs 'dzin pas blos phyag bya/ /gdan bslab pa dang ldang ba dang/ don gyi bya ba sogs bsnyen bkur/ /brtul zhugs can gyis kun bya ste/ phyag byad dam pa yin las spang/ /bla ma dang ni slob ma dag /mtshungs par dam tshig nyams 'gyur bas/ /dpa' bos dang? por slob dpon dang/ slob ma'i 'brel ba brtags par bya/ /blo ldan slob mas bla mar ni/ /snying rje med cing khro la gdug khangs shing chags gam? gdams dang/ sbyoms? dang bcas par mi bya'o/ /brtan zhing du la blo gros ldan/ /bzod ldan dang la g.yo sgyu med/ /sngags dang rgyud kyi sbyor ba shes/ /snying brtser ldan zhing bstan bcos mkhas/ /de nyid bcu ni
- 244b
yongs su shes/ /dkyil 'khor 'dri pa'i las la mkhas/ /sngags bshad pa yi sbyor ba shes/ /rab tu zhi zhing dbang po du la/ /de 'dra'i mgon la bsams byas nas/ /slob mar gyur nas brnyas na ni/ /sangs rgyas thams cad brnyas pas na/ /des ni rtag tu sdug bsngal 'thob/ /slob dpon la ni smod pa de/ /yams dang 'tshe ba'i nad rnams dang/ /gdon dang rims dang dug rnams kyis/ /rmongs chen de ni 'chi bar 'gyur/ /rgyal po me dang sbrul gdug dang/ chu dang mkha' 'gro kun po dang/ /gdon dang log 'dren rnams kyis kyang/ /bsad nas sems can dmyal bar 'gro/ nam yang slob dpon dag gi ni/ kun tu sems dkrugs mi bya ste/ gal te rmongs pas byas gyur na/ /dmyal bar nges par 'tshed par 'gyur/ /mnar med la sogs 'jigs rung ba'i/ /dmyal ba bstan pa gang yin pa/ /slob dpon la ni smod pa rnams/ /der ni gnas par yang dag bshad/ /de bas 'bad pa thams cad kyis/ /rdo rje slob dpon blo gros che/ /dge ba rab tu mi spyoms pa/ /nam yang dmad par mi bya'o/ /bla ma la ni gus bcas yon/ /rjes su mthun par sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rang gi dam tshig slob dpon ni/ /sbyin min bu dang chung ma dang/ rang srog gis kyang bsten bya na/ /longs spyod g.yo ba smos ci dgos/ /gang phyir bskal pa bye ba ni/ /grangs med par yang rnyed dka' ba'i/ /sangs rgyas nyid kyang brtson ldan la/ /tshe 'di nyid la ster bar byed/ rtag tu rang gi dam tshig bsrung/ /rtag tu de bzhin gshegs pa mchod/ /rtag tu bla ma la yang 'bul/ /'di ni sangs rgyas kun dang 'dra/ /mi zad de ni 'dod pa yis/ /cung zad yid 'ong gang dang gang/ shin tu khyad par gyur pa nyid/ /de dang de ni bla mar sbyin/ /de byin sangs rgyas thams cad la/ rtag tu byin pa nyid du 'gyur/ /de byin bsod nams tshogs yin te//
- 245a
tshogs las dngos grub mchog tu 'gyur/ /de bas slob ma snying rje gtong/ /tshul khrims bzod pa'i yon tan ldan/ /slob dpon dang ni rdo rje 'dzin/ /tha dad par ni mi rtag go/ mchod rten bshig 'dra'i sdig 'jigs bas/ /grib ma 'ang bgom par mi bya na/ /lha ma dang stan dang bzhon pa sogs/ /bgom mi bya ba smos ci dgos/ /blo gros chen po dga' sems kyis/ /bla ma'i bka' ni 'bad de mnyan/ /rigs pa yis ni mi nus pa/ /mi nus de la tshig gis sbyang/ /bla ma las ni dngos grub dang/ mtho ris dang ni bde ba 'thob/ /de bas 'bad pa thams cad kyis/ /bla ma'i bka' las 'da' mi bya/ /bla ma'i rdzas ni srog ji bzhin/ /bla ma'i sdug pa'ang bla ma bzhin/ /de yi 'khor ni gnyen bzhin du/ /mnyam par bzhag pas rtag tu bsams/ /mal stan 'dug dang sngon 'gro dang/ /gtsug tor dag dang bcas pa dang/ /stan la rkang 'jog rkad par ni/ /lag gzhag mnye bar mi bya'o/ /bla ma dag ni langs pa na/ /nyal dang 'dug par mi bya'o/ /rtag tu de yi bya ba la/ /ldang mkhas phun sum tshogs par bya/ /mchil ma la sags 'dor ba dang/ /stan la rkang 'jog rkyong ba dang/ /'chag dang rtsod par smra ba dag/ /bla ma'i mdun du mi bya'o/ /yan lag mnye dang gar dag dang/ glu dang rol mo mi bya zhing/ /gtam gyi sbyor ba mang po rnams/ /thos pa'i nye 'khor du mi bya/ /gtud de stan las ldang ba dang/ /gus pa yis ni 'dug par bya/ /mtshan chu 'jigs bcas lam du ni/ /bsgo ba thob na mdun 'gro bya/ /slob dpon gyis ni mthong mdun du/ /blo dang ldan pas lus bcu dang/ ka ba la sogs brten mi bya/ /sor mo'i tshigs ni drang mi bya/ /rkang pa bkru dang lus bkru dang/ /dril dang mnye ba la sogs pa/ /phyag ni sngon du 'gro bas bya/ /de bzhin mthar
- 245b
ni ci bder bya/ /de yis mtshan smos brjod na ni/ /ming mthar zhal sngar ldan pas bya/ /gzhan dag gus par bya ba'i phyir/ /khyad par gyi ni tshig kyang brjod/ /bla ma la ni bka' stsal zhu/ /bka' bzhin bgyid ces brjod byas la/ /thal mo sbyar zhing ma yengs bar/ bla mas bsgo ba mnyan par bya/ /rgod dang lud ba la sogs pa/ /lag pas kha ni dgab par bya/ /bya ba zin nas 'jam pa yi/ /tshig dag gis ni brdas par bya/ /mdun du dul bar 'dug pa dang/ /gos sogs tshul bzhin gdams pa dang/ / pus btsugs thal mo sbyor ba yis/ /mnyan sogs 'dod la gsol gsum gdab/ /bsnyen bkur spyod pa thams cad la/ /yid ni nga rgyal med par bya/ /ngo tsha 'jigs shing bsdams ba yis/ /bag ma gsar ba'i tshul gnas bya/ /sgeg pa la sogs bya ba kun/ /ston pa'i mdun du spang bar bya/ /gzhan yang de 'dra'i bya ba ni/ /rang gis brtags la dor bar bya/ /rang gnas dkyil 'khor sbyin sreg dang/ /slob ma sdud dang 'chad pa rnams/ /yul der bla ma gnas pa na/ /rjes ma gnang bar mi bya'o// spyan dbye sogs las ci thob pa/ /de kun bla ma rnams la dbul/ /de yis bstabs pa blangs nas ni/ /gzhan dag la ni ci bder bya/ /bla ma'i slob ma slob mar min/ /slob ma'ang bla ma'i mdun du min/ /bsnyen bkur dag dang ldang ba dang/ /phyag sogs byed pa bzlog par bya/ /slob dpon la ni gang 'bul dang/ /bla mas kyang ni gang stsal ba/ /de la btud de lag gnyis kyis/ /blo dang ldan pas bslang bar bya/ /dran pa rjed mad gyur pa dang/ /rang gi kun spyod la brtson pas/ /spun gyi rang spyod las 'das pa/ /dga' bas phan tshun bzlog par bya/ /na bas bla ma'i bya ba la/ /btud de rjes ma snang bar yang/ /bkag pa rnams ni spyad byas kyang/ /dge sems ldan la sdig mi 'gyur/ /'dir yang smra ba ci zhig dgos/ /bla ma dgyes byed gang yin bya/ /mi mnyes byed kun
- 246a
spang bar ni/ /de dang de la 'bad de spyad/ /dngos grub slob dpon rjes 'brang zhes/ /rdo rje 'dzin pa nyid gsung bar/ /shes nas dngos po thams cad kyis/ /bla ma yongs su mnyes par bya/ /bsam pa dag pa'i slob ma ni/ /dkon mchog gsum la skyabs song la/ /bla ma'i rjes su 'jug pa ni/ /kha thon bya bar sbyin par bya/ /de nas sngags sogs sbyin pa yis/ /dam chos snod du byas nas su/ /rtsa ba'i ltung ba bcu bzhi ni/ /bklag dang 'dzin pa nyid du bya/ /de ltar bla ma'i rjes 'jug slob ma ni/ /ma lus phan bskyed skyon med 'di byas pa'i/ /dge ba mdza' yas bdag gis ci bsags pa/ /des ni 'gro kun myur du rgyal gyur cig /bla ma lnga bcu pa slob dpon chen po rta dbyangs kyis mdzad pa rdzogs so// // rgya gar gyi mkhan po pad+ma kA ra warma dang/ zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// // /rdo rje 'dzin la phyag 'tshal te/ /de ltar ston pa mchod byas nas/ /lam gyi rnal 'byor rnams don phyir/ /rgyud gsum nges par gsal byed pa'i/ /dam tshig chen po mdor bshad bya/ /lam gyi rgyud la zhugs rnams kyis/ /bslab pa gsum la gnas byas nas/ /don gnyis mngon du byed? pa yang/ /? ris la la mun snang bzhin/ /gcig gis 'thar ba ma yin la/ /la la cha mthun spyod pa'i rigs/ /gdul bya skas kyi rim spyod pa/ /sangs rgyas mdzad pa de gsungs so/ /gnyer 'di lung gis lus gzhag pa/ /ngo bo rnam grangs bsrung thabs dang// nyams rgyu snga rtags skyon yon gnyis/ /bskad thabs dpe dang mdo bcur bshad/ /ngo bo rtsa ba bzhi dang ni/ /thun min thun mong yan lag gnyis/ /rtsa ba chen po mdor 'brel ba'o/ /dam tshig rnam pa'i grangs dag ni/ /sems can grangs dang log rtog
- 246b
grangs/ /sangs rgyas nyid kyis mi mkhyen phyir/ /rtog 'dul gnyen po dam tshig grangs/ /rgyal ba nyid kyis brjod las 'das/ /'on kyang rmongs pa'i mdo bzung na/ /byang chub sems gnyis slob dpon drug/ mched bzhi sngags gsum phyag rgya bzhi/ /gsang bcu rtsa bar shes par bya/ /spyad pa lnga dang mi spang lnga/ /dang du blang dang sgrub de bzhin/ /shes bya lnga rnams thun man bshad/ /nyid lag skabs su shes par bya/ /thun mong dam tshig mdza' yas pa/ /mdor bsdus bdag gzhan don gnyis po// rnam grangs skabs su shes par bya'o/ /bsrung ba'i thabs ni 'di lta ste/ rang lus rgyal ba'i phyag rgya cher/ /sems can khams kyang der shes shing/ /snang stong gnyis med ye shes sku/ /byas mthong zos pa thams cad la/ /sems phyir gang yang byas snang med/ / dran pa shes bzhin sngon btang la/ /dus gsum rgyun du ma dran na/ /theg chen sngags par ci ste tshud/ /lta spyod dam tshig 'brel ba yis/ /spyi dang 'dren dang dam tshig dbang/ /nyams chags skong dang shes rgyud 'grel/ /man ngag lung gi slob dpon rnams/ /lus la dbang ba'i rgyal po dang/ /kho bo ma dang pha dang mig /snying pas lhag pa'i tshul bltas te/ sgo gsum zol sgrub med pa yi/ /yi dam lha lngar rgyun du bsam/ /bsrung rim 'chad pa bzhin shes bya/ /mdza' yas sems can rang rig phyir/ /gang yang bdag las gzhan med dang/ /bde gshegs snying pos spun yin phyir/ /ma 'ongs sangs rgyas rang bzhin no/ /spyi'i mched de pha tshan bzhin/ /sangs rgyas chos bzhugs ring ba dang/ /lta spyod mthun pa nye bar bshad/ /pha cig dam tshig gang 'dres pa'i/ /nang tshan pha spun spun pas kyang/ /lhag par bltas te bsrung ba ni/ /lus kyi zla nor mnyes bya ba/ /spur ma lta bur phungs pa med/ /gdan gding khur sogs las bya ba/ /bran bzhin des par dang du blang/ /bla ma'i rigs 'khor de bzhin no//
- 247a
nor rdzas blangs pa rnam smin phyir/ /til 'bru tsam yang ma 'bag cig /mal ges phyags sogs 'gom mi bya/ /mchod rten bshig dang 'dra bar gsungs/ /brdeg gsod rku 'phrog sngo ba ni/ /dngos su bya ba ci smos kyi/ /rtsed mo'i las suAng bya ba min/ /dag gis skyon spangs yon tan bsgrags/ /tshul brjod pas ni nyams par 'gyur/ /sgro skur la sogs mtshan nyid can/ /bre mo gtam yang zur mi bya/ /yid kyi g.yo sgyu phrag dog dag/ /ngan sems 'phya sems nor la brkam// se gol yul duAng bya ba min/ /shin tuAng brtse zhing gdung bar bya/ /spyod lam cis kyang mnyes byed cing/ /bka' yi zur yang mi gcog pa/ /de ni ldog par ma gsungs so/ /rtsa ba bskyed dang las sngags kyis/ /dam tshig las dang chos dang ni/ /sku gnyis phyag rgya chen po bzhi/ /rang gi sgo gsum yi dam gyi/ /sku gsung thugs su sngon sbyar la/ /rtag tu bzlas pa byed pa ni/ /byang chub gzungs la zhugs pa yin/ /rab kyi chu bo'i rgyun bzhin nam/ /nyin gsum mtshan gsum gnyis gcig tu/ / ma yengs ba ni gang gis bzlas/ /'bring gis zla gcig dus drug tu/ /dus bzhi bar du mi gtsang cing/ /tha ma spyad pa'i rnal 'byor pas/ /zla re 'am ra ba'i dus dag tu/ /brtson pas 'bad de mi byed pa/ /byang chub sa bon rlag pa yin/ /tshogs dang gtor ma de bzhin te/ /tha na lo zla mi bzla'o/ /lta zab spyod pa glang po dang/ /lha min gzugs dang grub rtags dang/ /spyir gsang rnam pa bzhir bshad do/ /sgrub pa'i gnas dus grogs dang rjes/ /rab tu gsangs la bsgrub par bya'o/ /gsang bar 'os pa mdor bsdu na/ /bud dang gtor ma tshogs dag dang/ /band+ha phur pa mar me'i snod/ /rdzas dang lag cha dkyil 'khor dang/ /skye bos mthong bar yongs mi bya/ /dril bu rde chung la sogs sga/ skye bos thos par yongs
- 247b
mi brdung/ /grogs po'i spyod dang 'tshad rnams dang/ /sems can kun gyi ngan spyod rnams/ /shin tu spangs na byang chub rgyu/ /gnyer gtad pa yi gdams pa ste/ /sngar bshad slob dpon ched kyis so/ /gsang sngags skyon yod ma yin te/ /sems can don phyir shin tu gsang/ /gsang thub dngos grub mi yal bas/ /gsang phyir gdams ngag sna tshogs gsungs/ /dam nyams dam las log pa dang/ /dam med dkyil 'khor ma mthong zhing/ /'dres dang ma 'dres thams cad la/ /sems kyis bstan par mi bya zhing/ /lus kyis thams cad sbas la gzhag /ngag gis rdo rje lce yod kyang/ /brjod pa dag tu bya ba med/ /de dag rtsa ba bzhir bshad do/ /thun min yan lag bshad bya ba/ /sbyor sgrol ma byin len pa dang/ /rdzun smra ngag rtsub spyad pa lnga/ /rang bzhin gyis ni sbyor grol dang/ /dbang po'i yul du sbyor sgrol dang/ /ting nge 'dzin gyis sbyor sgrol dang/ /thabs chen po yi sbyor sgrol dang/ /sngon du bya ba'i sbyor sgrol lnga'o/ /gnyis ni shes bya'i thun mong bshad/ /ting nge 'dzin bslab pa thun mong gsum/ /dngos byung dam? tshig chen po la/ /byed pa'i tshig sngar shes par bya/ /lta spyod ting nge 'dzin 'brel goms pas/ /dkon mchog slob dpon sku dgra gnyis/ /dam nyams log dang mkhus pa dang/ /'dus par 'ongs dang yongs la gnod/ /dam dgra ngan pa'i ngang tshul can/ /ngan song gsum dang bcu pa ni/ /rnal 'byor kun gyis dang du blang/ /grangs ni rtsa ba bcu bzhi'o/ /ting 'dzin sngags dang phyag rgya rnams/ /shin tu goms pas dbang sgyur te/ /byang chub zhing du dgod par bya/ /ting 'dzin sngags rgyas bag chags sbyang/ /rnam shes lha ba bskyed dbang bskur 'phang/ /ye shes tshogs kyang rdzogs par 'gyur ro/ /phung po byin brlabs mchod pa bsngo/ /bsod nams mchog tu 'di 'gyur ro/ /de ltar bsgral ba'i dgod phyed kyang/ /byang chub spyod 'phel sems can bde/ /lha mnyes
- 248a
bdag gi dam skongs shing/ /las ngan bar chad sdug yun thung/ /rang gis bsags med ngan song la/ /bde lam 'di las gzhan med do/ /thabs kyi spyod pas 'ching 'gyur na/ /byang chub sems dpa' 'dul dbang gi/ rngon dang smad 'tshong ston pa ltar/ /khye dang spyod pa de min phyir/ /thabs chen lam la gnas pa'i phyir/ /skye bo kun gyis bya ba 'byung/ /ga Na'i dam tshig chen po ni/ /log par chags yid g.yo spangs pa'i/ /don gnyis sngon du 'dod pa'i min? bang can dung can ri mo can/ /be lang can dang lcug phran ma/ /sdong cig mi reg phyal ba brgyad/ /gnyen dang rka ring stod smad phyed/ /yan lag 'phra 'jam tshigs mi zlum/ /dpral ba'i dbyes phye smin dkyus ring/ /dmig dbrag dkyil na utpal mdog/ chu zhing gnyis ka 'bring du bshad/ /lus la chu klung ga bur dri/ /gsang thub shes rab spyod pa dal/ /dad ldan 'grogs shing yid dad che/ /gsang ba'i gnas su spyad par bya'o/ /dbang skur dam dpog chos gsum bshad/ /lus la rigs lnga'i rdul tshon dgye/ /thabs la mkhas pas skabs kyi sbyar/ /dam tshig rnam grangs bcu gnyis kyis/ /dngos grub yon tan bsam mi khyab/ /slob bu smin cing las rnams 'grub/ /skye gnas ngan 'gro rigs su nges/ /thabs kyi theg pa 'dir bshad do/ /mtshan nyid cha dang rnam grangs dang/ /ltos ba'i kun rtags rnam pa gsum/ /dngos po de nyid las brdzun zhes/ /thams cad rang rig snang phyir bden/ /shes nas kun smra skyes bu'i yul/ /dkon mchog gsum dang slob dpon mched/ sems can gnod par 'ongs ba la/ /brdzun du smra ba'i tshig dag bya/ /gang la gsang bar bya rnams dang/ /gsang bcud la 'dri brdzun bcu smra/ /bsrung ba bcu bdun nyams su blang/ /zhing bcur gyur pa'i nor bcu dang/ /mtshan ldan
- 248b
gzungs dang bkra shis rdzas/ /sbas chos phal 'char byin can rdzas/ /bsrung ba yod dang med pa'i gter/ /phyug pa ser snas bcings pa'i nor/ /ming gis blangs la tshogs su bsngo/ /dam tshig bcu bdun spyad par bya/ /zhing bcur gyur pa'i sems can la brlang tshig bcu yis zhes bcad de/ /drag shul spyod pa'i sngags dag dang/ /gzungs la brlang po'i sbyor tshig dang/ /slob bu snod ces zhe gcod dang/ /'byung po zhe spyod rngam pa'i sgra/ /snod ldan bu la blang chos bshad/ /ngag gi dam tshig bco lnga bsrung/ /mi spang dam tshig bshad par bya/ /yang dag dug lnga log dug lnga/ /bshad pa'i thabs mkhas 'dod chags dang/ /'dod spyod sems kyi rgyan shes nas/ /shin tu zhen pa'i lam du gsungs/ /zhing bcu rlag byed zhe sdang gcod/ /ltas ba ni 'joms pa de bzhin te/ /thabs la mkhas pas spyod pa yin/ /mngon par mtho ba'i lta ba dang/ /ting 'dzin nges par sran tshugs dang/ shin tu rgyal ba'i mchog tu gsungs/ /lta bas phyogs rigs mi 'byed pa/ /spyod pas blang dor mi byed pa/ / theg pa chen po'i gti mug go/ lta spyod dman la phrag dog cing/ /dam ma 'dres sogs spod byed pas/ /phrag dog dam tshig bsrung ba'o/ /log dug sems can kun ldan pas/ /dug lnga rang rig rang ldan phyir/ /dran pa thams cad shes pa la/ /shes pa thams cad rtsol ba yin/ /rtsol ba'i sems phyir thabs mkhas pas/ /thabs mkhas rang rig yes te/ nyi ma'i dkyil na mun med ltar/ /rig la rang snang ma gtogs pa/ /nyon mongs 'khor ba rang gis med/ /de shes ye shes rang rigs las/ /spang bar bya ba dmigs mi 'gyur/ /dam tshig bco lnga gnas pa yi/ /rnal 'byor chen po'i don gnyis rdzogs/ /kun gyis blang ba'i dam tshig lnga/ /dri chen dri chu mangs dang/ /zil ba lhag pa'i sems rnams dang/ /grub pa bzhi yis brgyan pa'i phyir/ /nad lnga bsal phyir
- 249a
blang ba dang/ /gtsang rme rtog sbyang phyir blang dang/ /thun mong dgos pa lnga phyir dang/ /rigs lnga grub pa'i yon tan no/ /sdug bsngal las grol dngos grub thob/ /bcud ldan ltung lnga lam gyi mchog /thabs kyi lus la brten shes nas/ /yon tan brjod las 'das par gsungs/ /phye ba'i dam tshig sum cu gnyis/ /skabs kyis dang du blang bar bya'o/ /bsgrub bar bya ba rnam lnga la/ /rigs dang ye shes yab yum la/ /gcig la'ang lnga lngar shes par bya/ /sku dang gsung thugs yon tan la/ /gcig la'ang lnga lngar phye bas na/ /bzhi bcu rtsa lnga'i bye brag rnams/ /mtshan nyid shes nas sgrub par bya/ /shes pa lnga las bye brag tu/ /phung po lnga dang 'byung ba lnga/ /dbang po yul dang yan lag song/ /nyon mongs dam rdzas sha dang ni/ /phyogs dang kha dog 'gro ba dang/ /snyigs ma bag chags lnga lnga'o/ /bdun bcu la sogs 'khor ba'i chos/ /ye shes sku rigs yab yum sogs/ /rang gzhan gyis skur dag la/ /blo la nyams su len pa ni/ /spyod yul yongs? dag rnal 'byor pa'o/ /thun mong dam tshig mdor bsdu na/ /bdag gzhan don du shes par bya'o/ /rgyan 'gyed lus mdzes 'du lta dang/ /chang dang dregs spyod khengs sems dang/ /tshe dag dge smod sdig spyod dang/ /le lo ser sna gnyis g.yengs dang/ /khro gtum ye shes sngon mi gtong/ /bka' bcog sdig pa'i grogs sten dang/ /bag med spyod dang dam chos 'dor/ /chog mi shes dang rdon la dga' / /spang bya nyi shu gcig bzlog pa/ /bdag don mchog tu gyur pa ste/ /kun gyis bdag nyid bkur bar gyur/ /pha rol phyin drug chos spyod bcu/ /rnam gzhi las kyi spyod pa dang/ /mthun 'jug las kyi spyod pa ni/ /theg pa dgu dang mu stegs dgu/ /'gro ba drug gi spyod pa rnams/ /'dzin dang nyam pa med par spyod/ /don 'gyur ci yang
- 249b
nyams su blang/ /bzhi bcu bzhi la sogs pa yis/ /gdul bya gang yang dor mi bya/ /bsrung bya de dag grangs btab pa/ /dran dang shes bzhin gyis spyod pa/ /rnal 'byor dbang phyug chen por gsungs/ /nyams par gyur pa'i rgyu dag ni/ /mi chos blon po las byed dang// bdag stod gzhan smod gzung 'dzin mkhas/ /khengs dregs gnyis phyir 'du ba ste/ /rdzas la chags sems rang phyogs che/ /'chad dang rang mthong lta spyod snyoms/ /chos la phyogs ris doms skyon dang/ /gsang chung le lo gtsang rme che/ /sgro skur grogs kyi nyams len dang/ /'khor ba'i rigs rgyud spel 'dod cing/ /gcig pur mi dga' 'du la dga' / /nyi shu nyams pa'i rgyur 'gyur ro/ /snga rtags sngon du 'byung ba ni/ /nyam nga ba'i nad rnams dang/ /dgra bgegs gnyis la bde mi 'jug/ 'khor dang longs spyod yid 'ong 'bral/ /yag ma nyes la sogs 'byung/ /brtsams pa'i las la 'bras med cing/ /yid du mi 'ong sna tshogs 'byung/ /gal te nyams la rtags med par/ /legs par snang na mi rung ste/ /bde ba zad med gtan du sdug /gal te nyams la rtags byung na/ /sngon gyi rnam smin zad 'gyur phyir/ /bskang pa'i las rnams brtson byas na/ /ngan song sdug bsngal myong mi 'gyur/ /nyams par gyur pa'i skyon bshad pa/ /byang sems dam tshig nyams gyur na/ /bskal par dge ba ci bsags kyang/ /gzhi rten med par gyur pa yis/ /'khor ba'i khams gsum zag par 'gyur/ /sku'i dam tshig nyams gyur na/ /ya nga'i nad sogs sdug bsngal 'byung/ /dus min tshe zad par chad mang/ /bskal par rdo rje dmyal bar ltung/ /bde bas rab tu brel bar 'gyur/ /gsung gi dam tshig nyams gyur na/ /bgegs rnams thogs med 'ong ba dang/ /rkyen dang ye 'drog mang ba dang/ /chos la byin brlabs med 'gyur zhing/ /bskal pa gnyis su dmyal bar lhung/ /sgrub pa'i dam las 'das par 'gyur/ /thugs
- 250a
kyi dam tshig nyams 'gyur na/ /smyo 'bod dbang po nyams dang 'tshal/ /myos shing skur pa'i gnas su 'gyur/ /gang yang sgrub la rtags med cing/ /lce la zhing rmo la sogs pa'i/ /dmyal bar bskal pa gsum la gnas// rtsa ba kun nyams pa la pa dag /gsol bar nye bar mi brtson na/ /rdo rje dmyal ba phal pa thams cad kyi/ /sdug bsngal gcig tu bsdom pas ni/ /de'i 'bum gyi char mi phod/ /sangs rgyas stong gi 'od zer dang/ /byang chub sems dpa' i 'phrin las kun/ /rgyun du mdzad kyang phan mi 'gyur/ /bskal ba ther 'bum la sogs su/ /de ni thon pa mi 'gyur te/ /'jig rten 'jig na'ang gzhan du 'pho/ /se gol gcig gis phyin par byed/ /de bas shin tu nan tan gyis/ /yan lag dam tshig nyams gyur na/ /longs spyod mang du 'phel ba med/ /theg pa che la 'phyas 'dogs shing/ /thun mong mchog gis dngos grub rnams/ /shin tu ring bar gyur pa dang/ /gdul bya'i don rnams yal 'gyur zhing/ /lta spyod ya char gyur pa yis/ /theg pa phyi mar 'dres pa nyid/ /bka' byin nyams 'grub par dka' / /bsrung pa'i lha rnams g.yel ba dang/ /zab mo'i chos las ring 'gyur zhing/ /bsgal par ngan song ltung bar 'gyur/ /rnal 'byor sngo skams nyid du 'gyur/ /rnal 'byor skyes bu chen po yis/ /dam tshig ma nyams gzhung mthun dang/ /lus la nad nyung mtshan ldan zhing/ /thun mong nyes byas dag par 'gyur/ /srid pa gsum la dbang bsgyur zhing/ /theg chen zab mo'i don thob gyur/ /gsung gis lha mnyes rgyud 'phel zhing/ /mthu dang byin brlabs bsam mi khyab/ /las rnams dus su 'grub par 'gyur/ /bsam pa thams cad yongs su rdzogs/ /thugs kyi skyo dub med pa dang/ man ngag snod 'gyur dngos grub nye/ /dgongs zab don la mkhas pa
- 250b
dang/ /lha rnams kyis ni dbang bskur 'gyur/ /yan lag dam tshig ma nyams na/ /skyon bzlog pa nyid yon tan 'gyur/ /bdud bzhi bcom zhing ngan song skyob/ /theg chen lta spyod gzhung bsrang bas/ /lha rnams 'go zhing bsams pa 'grub/ /don gnyis yongs su rdzogs par 'gyur/ /theg chen dam tshig la gnas na/ 'og ma'i 'dul sdom dam tshig kun/ /bsrung ba med par thub pas na/ /dge slong byang chub sems dpa' dang/ /rnal 'byor rnal 'byor chen po yin/ /nyams na bskang ba'i thabs rnams ni// byang chub sems kyi dam nyams na/ /mkhas la gnas te gnas par bya/ /sku yis dam tshig nyams gyur na/ /gang la nyams pa der song la/ /nor rdzas mnyes pa der phul nas/ /gang nyes tshig tu bshags byas la/ /phyin chad sdom pa legs par bca' / /gal te grongs chad gyur pa na/ /de yi slob dpon bzhugs pa la/ /dam tshig gong ma bzhin du bshags/ /med na mnyam pa brgya la bshags/ /de yang rnyed par ma gyur na/ /de dang mnyam pa gsum bkug la/ /sbyin sreg me thab rab brtsi nas/ /dkyil 'khor lha la mchod rjes su/ /spyan drangs gsang mtshan la sogs mchod/ /gong du smos pa'i yon rnams kyang/ /mnyam pa gsum la dbul bar bya/ /gal te gus bar mi len na/ /gnyis ka rdo rje dmyal bar skye/ /de bas myur tu tshangs pa bya/ /gsung gi dam tshig nyams gyur na/ /sgo gsum sku gsung thugs nyid du/ /nges par shes te skongs par 'gyur/ /bzlas pa sngags kyis bsab pa dang/ /bsgrub pa chen po gsum gyis bskang/ /thugs kyi dam tshig nyams gyur na/ 'gro drug sems su gsal rtogs na/ /bdag nyid bdag la gsang bar byed/ /mi rtog ting 'dzin ? zhugs te/ /ma yengs blo la 'gris par bya'o/ /yan lag dam tshig nyams gyur na/ /gang 'das de nyid sor bcug la/ /brgya rtsa brgyad kyi tshogs
- 251a
kyi sa bskang/ /de ltar nyams su blangs na skongs/ /snga rtags sdug bsngal 'byung mi 'gyur/ /dam tshig chen po dpes bstan pa/ /sa gzhi lta bu'i rang bzhin pas/ /lam dang 'bras bu'i chos rnams kun/ /dam tshig med par 'byung mi srid/ /sa mdza' i mkhar gyi rang bzhin pas/ /srung ba thub dang ma thub las/ /legs nyes stobs chen spyod pa'o/ /rin chen lta bu'i rang bzhin pas/ /dngos grub dgos 'dod thams cad 'byung/ /nam mkha' lta bu'i rang bzhin pas// 'di yod thams cad shod bar 'gyur/ /rno dbal mtshon gyi rang bzhin pas/ /'khor ba'i dra ba gcod pa la/ /pha ma lta bu'i rang bzhin pas/ /dus gsum rgyal ba thams cad skyed/ /rgya mtsho lta bu'i rang bzhin pas/ /rlabs chen dus dus 'byung bar byed/ /me dpung lta bu'i rang bzhin pas/ /gangs mtshe thams cad tshig par 'gyur/ /de bzhin rtsi sman rang bzhin pas/ /'khor ba'i gcod rnying ma lus 'byin/ /rgyal po lta bu'i rang bzhin pas/ /phyogs 'ga' brten yang rims kyis 'tsho// rgya mtsho nor len ded dpon dang/ /thog ma nas mthar 'dis phyin pas/ /'di la shin tu nan tan bya'o/ /dam tshig dam tshig ces bya ba/ /gung na yod pa ma yin te/ /rang gi sems nyid dam tshig yin/ /ji snyed snang ba'i chos rnams kun/ /rang rig rkyen bral nyid snang bas/ /cir snang cir srid rang rig nyid/ /'gro ldog spyi gtsugs gang sor yang/ /snying po'i don las 'da' mi srid/ /rang bzhin dam tshig chen po yi/ /rang bzhin lhun grub dam tshig la/ /rigs pas phyin ci ma log na// mngon snang gdags pa'i chos med pas/ /lta ba'i dam tshig chen por bshad/ /de dag blo la 'dris pa yis/ /spyod lam kun yang ma nyams bar/ /ting 'dzin rgyun gyi dam tshig ste/ /sangs rgyas nyid dang spyod yul gcig/ 'di la bsrung
- 251b
ba ci yang med/ /nyams pa rdul tsam 'byung mi srid/ /ma 'gags spyod pa 'dzin med pas/ /lhag pa'i dam tshig rnam bzhi ldan/ /bsrung bya ma lus 'dir 'dus phyir/ /dam tshig kun gyi mdo zhes so/ /sgyu 'phrul rnam bkod gtor tshogs rgya mtsho'i rgyun chen las/ /lam 'bras snying bo me long bcu gcig gis mtshan pa/ /'khor ba'i ngang mchus tshul gyis sgeg pa'i blos bsdus pa'i/ /dge rtsas kun kyang dam gnas 'gro kun byang chub shog /spyi'i dam tshig mdor bsdus ba/ /dpal sgeg pa'i rdo rjes mdzad pa/ /dam tshig chen po'i mdo rdzogs so// (tshul khrims dang sdom pa dang dam tshig mi 'gal ba ye shes dpal gyis mdzad pa bzhugs so//) // */ /rgya gar skad du/ shI la sam+ba ra sa ma yA bi rud+d+ha nA ma/ bod skad du/ tshul khrims dang sdom pa dang dam tshig mi 'gal ba zhes bya ba/ sangs rgyas dang byang chub sems dpa' thams cad la phyag 'tshal lo/ /dpal tshogs kun mkhyen dam pa'i dbang phyug snying rje'i mchog gi bdud rtsis brlan pa'i blo gos can// gzhan don yon tan dri med bden pa'i rin chen rin thang med pa mang po 'phob pa'i mchog/ 'gro ba nyon mongs ha la ha la'i dug zos rnams la chos kyi bdud rtsi'i char pa yis/ /mya ngan 'das pa dam pa'i don byed pa yi dpal ldan gang yin khyed kyis rtag tu bsrungs/ /dge ba'i bshes gnyen dang bral zhing/ /bde gshegs byin brlabs med pa dang/ /mang du thos pa dang bral zhing/ /thos pa nyung dus chog shes pa/ /mkhas pa nyid du rlom byed rnams/ /rgyud dang sngags dang phyag rgya sogs/ /sbyin la sogs dang sangs rgyas yum/ /lung nod ji bzhin ma rtogs pas/ /dpal ldan sangs rgyas kyis bstan pa'i/ /byang chub sems dpa' rnams kyi sdom/ /dang por bzung nas de 'og tu/ /rab tu byung nas dge slong ngam/ /dang por rab tu byung brten nas/ /sngags dang pha rol
- 252a
phyin lam gnas/ /phyi nas de rnams rmongs sogs kyi/ /'dul ba yi ni bstan bcos las/ /nyan thos la sogs sdom gnas pa/ /so sor thar dang lo drir gnas/ /der bstan pa yi bslab pa rnams/ /phal cher ? bar ma lus pas/ /byang chub sems dpa' i sdom pa dang/ /'gal ba nyid du gnas bzung nas/ /de ltar de spangs rnam par gnas/ /de dag mi shes bsal phyir dang/ /bstan pa 'khrul pa zlog pa'i phyir/ /rig 'dzin gyi ni dam tshig rnams/ / byang chub sems dpa' i bslab pa dang/ /so sor thar gsungs sdom pa ni/ /rgyu 'bras ltos 'brel grub rnams la/ /mi 'gal 'brel pa gsal bar bya/ /sgrub ba lung bzhin bya ba ni/ /dpal ldan bla ma'i zhal snga nas/ /yang dag shes rab pha rol phyin/ /mngon par rtogs pa brgyad rnams dang/ /dam tshig dbang bskur thob pa yis/ /shin tu man ngag dang ldan bas/ /dpal ldan 'dus sogs rgyud kyi don/ /rim pa gnyis ni rnam dbye ba/ /thob pa des bsam snying rje yis/ /bdag dang gzhan gyi byang chub phyir/ /byang chub tu ni sems bskyed de/ /kun las phyir mi ldog brtan bya/ /thabs kyi rang bzhin bya ba 'am/ /sgom pa yi ni lam dag ste/ /sbyin la sogs pa'i bslab pa la/ /yang na sngags spyod rim pa las/ /rtag tu dge ba'i bshes gnyen ni/ /bsten pa yongs su btang mi bya/ /mdo sde chos mngon 'dul ba yi/ /gtsug lag gi ni bstan bcos dang/ /gtsug lag ma yin lo dri sogs/ /slob dang rang sangs rgyas rnams dang/ /byang chub sems dpal thams cad kyi/ /so sor bar sogs sdom pa ni/ /dge slong blo dang ldan pa yi/ /byang chub sems dpa' yang dag bsten/ /bdag dang gzhan gyi byang chub dang/ /dpal ldan 'chi bdag las rgyal ba'i/ /bstan pa yang ni bsrung phyir dang/ /de bzhin 'jig rten gsum gnas
- 252b
pa'i/ /mi dang lha sogs 'jig rten rnams/ /sems sun 'byin pa gzhom phyir ro/ /sdom pa'i rnam par dbye ba ni/ /dpal ldan rgyal bas gang gsungs pa/ /phan tshun 'gal ba dag tu ni/ /gang yang nam duAng gnas ma yin/ /chos 'dul las ni bcom ldan gyis/ /so sor thar pa'i sdom pa ni/ /rnam pa brgyad gsungs 'di lta ste/ /dge slong dang ni dge slong ma/ /dge slob dge tshul dge tshul ma/ /de bzhin dge bsnyen dge bsnyen ma/ /bsnyen gnas la ni gnas pa'o/ /de rnams bslab pa'ang rnam dbye ba// dpal ldan thub pa'i dbang chen po/ /snying rje ldan pas gsungs pa ni/ /dge bsnyen pho mo dag gi sdom/ /rnam pa lnga ru rab bstan te/ /'di ltar srog gcod spong ba nas/ /myos 'gyur chang mi 'thung ba'i bar/ /dge tshul pho mo'i sdom dag ni/ /mgon pos rnam pa bcur gsungs te/ /srog gcod pa la sogs pa nas/ /ji srid gser dngul la sogs pa/ /len pa spong ba'i bar du'o/ /de bzhin gzhin ni rab slob? ma'i/ /'dul las bcu gnyis nyid yin te/ /chos dang rjes su mthun pa rnams/ /thar pa'i lam ni dag phyir gsungs/ /thub pa thugs rje chen po yis/ /spang bya thams cad spangs pa ni/ /dge slong dge slong ma rnams kyi/ /sdom pa yin par gsungs pa yin/ /thub pa thugs rje chen po yis/ /glu dang gar sogs phreng ba sogs/ /gcig byas phyed dang dus min zas/ /bar gyi spang bya brgyad spangs la/ /bsnyen gnas kyi ni sdom par gsungs/ /sbyin la sogs pa'i sangs rgyas chos/ /bya ba thabs kyi bdag nyid gnas/ /shes rab pha rol phyin pa ru/ /bstan pa rgyal ba'i dbang po yis/ /byang chub sems dpa' thams cad kyi/ /sdom pa nyid du gsungs pa yin/ /phyag rgya sngags sogs rnal 'byor gyi/ /rim pa gnyis la brten pa las/ /rdo rje ye shes lus ngag gi/ lha'i rnam par rab bsgoms pa/ /thabs dang ldan par sgrub pa ni/ /byang chub sems dpa' i bslab 'grub pas//
- 253a
so sor thar sdom gyis de 'grub/ /gsang sngags sbyin sogs dbye ba las/ /rgyu dang 'bras bu'i dbye ba yis/ /dge slong la sogs dbye bya ste/ /dge slong sogs sdom dbye ba med/ /dge slong nyid sdom gcig yin te/ /de bzhin len dang sgrub pa'ang gcig /rab byung sdom pa btang nas ni/ /sngags kyi sdom dang sbyin sogs kyi/ /sdom pa yang ni gzung mi bya/ /gsang sngags kyi ni sdom pa dang/ /spyin sogs sdom pas bsdams pa dang/ rnyed dang bkur sti'i rgya yis saM// gnas kyi 'tsho pa 'grub don du/ /rab byung sdom pa len 'dod na/ /dge slong min pas sdom mi bya/ /gsang sngags sbyin sogs ldan pa ni/ /rab byung sdom pa bsgrub pa'o/ /'phags pa mgon po byams pa yis/ /'di ltar mkhyen te gsungs pa ni/ /rab tu byung ba'i phyogs dag ni/ /yon tan tshad med rnams dang ldan/ /de ltar sdom brtson khyim pa yi/ /byang chub sems las khyad par 'phags/ /gsang so gis lam dang sbyin sogs kyi/ /lam nyid dag ni dge slong gis/ /dge slong mkhas las blang bya yi/ /gzhan nyid las ni ma yin no/ /sngags dang sbyin sogs la gnas pa'i/ /byang chub sems dpa' i sdom pa ni /tshul khrims pha rol phyin rnam gsum/ /dang po sdom pa'i tshul khrims dang/ dge ba chos sdud tshul khrims dang/ /sems can don byed tshul khrims te/ /des bsgrub 'di bsgrub nges pa yin/ /rgyal bas 'dul ba'i sde snod las/ /dge slong sdom gang gsungs de ni/ /dge slong byang chub sems dpa' yi/ /tshul khrims sdom pa'i cha ru 'gyur/ /dpal ldan de bzhin gshegs pa dang/ /dpal ldan rdo rje sems dpa' yi/ /dbugs dbyung dag la brten nas ni/ rdo rje'i lam ni gnyis su gnas/ /de la bde gshegs dbugs dbyung ba/ /dge slong rnams la zhi sems kyis/ /ma lus spros pa dang bral ba/ /gsungs
- 253b
pa dbang spyod sogs rim bya/ /phyi rol shes rab spangs nas ni/ rtag tu rang snang shes rab ldan/ /de la 'dul las gsungs pa yi/ /sdom pa yi ni byang chub sgrub/ /rdo rje'i bdag nyid thob pa yi/ /rdo rje sems dpa' i rol pa ni/ /dge slong bdag nyid gyur pa yi/ /dpal ldan rnam par snang mdzad sogs/ /gos dkar sogs dang snyoms 'jug pa/ /do shal dpung rgyan gdu bu yis/ /rnam par brgyan cing gos dag ni/ /shin tu bzang po mnabs par ru/ /dpal ldan 'dus sogs las byung bas/ /sems can kun gyi don 'gyur ro/ /rdo rje sems dpa' i dbugs dbyung ba/ /rtag tu khyim pa spyang pa'i phyir/ /dbang bskur la sogs rim pa ni/ /spros dang bcas pa de la gsungs/ /sems sogs 'os su gyur pa la/ /phyi rol rig ma'i dbang bskur bya/ /spros pa med pas rab byung la// dge slong rnams kyis de sbyin te/ /'dul la sogs ba'i sdom pa ni/ /thams cad ldan pa'i slob ma la/ /rtag tu rang snang shes rab kyi/ /bsgom pa gsal bar bya phyir ro/ /sbyin sogs spyod dang sngags sogs spyod/ /rnal 'byor gnas pa'i bdag nyid dag /rdzogs pa'i byang chub sangs rgyas chos/ /rang dang gzhan la rab bsgrub par/ /rab tu 'jug pa'i dge slong gi /dngos gnas byang chub sems dpa' dang/ /bse ru nyan thos nyid gnas pa'i/ /zhi ba 'dod pa'i dge slong gis/ 'dul las gsungs pa'i sdom pa yang// phra mo tsam yang gtar mi bya/ /khyim pa'i byang chub sems dpa' yang/ /gang tshe tshangs spyod nyid bsrung na/ /rab byung byang chub sems dpa' yis/ /rang gi tshul khrims ji ltar dor/ /dpal ldan mgon po byams pa yis/ /rtag tu tshangs par spyod nyid dang/ /'tsho ba rnam par dag nyid du/ /byang chub sems dpa' la gsungs so/ /dge slong byang chub sems dpa' yis/ /sbyin sogs bya ba'i lam gyis saM/ /yang na sngags kyi sdom pa yis/ /gnas te de nyid sgrub byed pas/ /'dul las gsungs pa'i sdom
- 254a
ba ni/ /ji srid 'tsho'i bar du bsrung/ /dpal ldan thub pa'i dbang po ni/ /thams cad mkhyen pa gang yin des/ /theg pa gsum gyis nges 'byung la/ /theg pa gcig gis 'bras bur gnas/ /zhes bya bar ni gsungs pa yin/ /sdom pa rnams ni sdom pa yin/ /gong nas gong du rjes 'jug ste/ /'di ltar dge bsnyan sdom pa ni dge tshul gyi ni rjes su 'jug /gang de dge slong rjes su 'jug /gang dag nyan thos dge slong gi/ sdom gsungs byang chub sems dpa' yi/ /rjes su 'jug ste kun ldan pas// dge slong shin tu khyad par 'phags/ /bya ba thabs kyi sbyor pa ni/ /byang chub sems dpa' i sdom pa ste/ /sngags pas sbyin la sogs pa ste/ thams cad du ni 'jug par bya/ /gal te sdom pa 'gal gyur na/ /dge slong gi ni sdom pa rnams/ /phul bar gyur na dge tshul dang/ /dge bsnyen yang ni mi gnas 'gyur/ /sems can don la ltos pa yis/ /so sor thar gsungs sdom gtong zhes/ /gal te de ltar brjod byed na/ /de dag nges par rmongs pa yin/ /blo ldan khyad par 'phags pa yi// dge slong byang chub sems dpa' ni/ /thabs la mkhas pas thams cad du/ /rmi lam du yang 'gal mi bsam/ /sbyin la sogs pa bya ba 'am/ /yang na de nyid bsgom bya yin/ /dge slong sems can bsgrub pa 'am/ /byang chub sems dpa' snying rje che/ /gzhan don byed par 'dod rnams kyis/ /'dul la sogs pa'i dge slong gi/ bya ba tshul khrims khyad 'phags phyir/ /tshul khrims lhag par brtan par bya/ /'dul ba las brjod tshul khrims ni/ /dge slong nyid du bsgrub bya'i phyir/ / ji srid 'tsho bar brten bya ba/ /sems can don yin btang mi bya/ /sngags sogs bsgom la gnas pa dang/ sbyin la sogs la gnas pa nyi/ /dge slong byang chub sems dpa' yis/ /so sor thar gsungs bslab pa ni/ /nam yang btang bar mi bya'o//
- 254b
btang na dmyal sogs 'gro bar 'gyur/ /de ltar ma gyur rnam nges na/ /yang dag byang chub bsgrub pa'i phyir/ /dge slong sdom pa yang dag pa/ /so sor thar la gnas par bya/ /rgyal dang rgyal ba'i sras la gus pas lung dang rig pa yis/ /shin tu dri ma med cing mi 'gal sdom rnams byas pa las/ /bdag gis zla 'od lta bu'i dge ba bsags pa gang yin des/ /'jig rten ma lus dpal ldan rgyal ba'i dbang po myur grub shog/ tshul khrims dang sdom pa dang dam tshig mi 'gal ba zhes bya ba/ /slob dpon mkhas ba chen po ye shes dpal bzang po'i zhal snga nas mdzad pa rdzogs so// //kha che'i mkhan po dz+nyA na sh+rI b+ha dra de nyid dang/ zhu chen gyi lo tsa ba dge slong blo gros snying po dang/ dge slong rab zhi bshes gnyen gyis bsgyur cing zhus te gtan la phab pa// // */ /rgya gar skad du/ sarba sa ma ya saM gra ha nA ma/ bod skad du/ dam tshig thams cad bsdus pa zhes bya ba/ bcom ldan 'das dpal rdo rje sems dpa' la phyag 'tshal lo// oM A hUM/ rdo rje mi phyed gsum bdag nyid/ /dpal ldan bde chen rdo rje la/ btud de gsang sngags theg pa'i gzhung/ /rgyud las gsungs pa bri bar bya/ /byang chub sems dpa' gsang sngags kyi sgor zhugs pas 'di ltar shes par bya'o/ /theg pa chen po'i yang chen po 'di 'og ma rnams las khyad par du 'phags te/ /ji ltar zhe na 'di skad du 'phags pa klu sgrub kyi zhal snga nas thams cad chos kyi skur rtogs pas kun tu bzang po'i rgyas thebs pa dang 'jig rten gyi lha chen po dam tshig can 'khor dang bcas pas bkur gnas byed pas byin gyis brlabs dang ldan pa dang/ dus gsum gyi sangs rgyas sras dang bcas pas thugs la dgongs shing byin gyis brlabs pas dngos grub myur ba dang/ bde bar gshegs pa rnams dang spyod yul gcig pas 'khor ba
- 255a
dang ngan song gi 'jigs pa dang bral zhing dbugs phyin pa dang/ rdo rje byang chub kyi sems dang ldan zhing sku dang gsung dang thugs mi phyed pas bar du gcod pa gang yang med pa dang/ phyi nang thams cad rang bzhin gyis rnam par dag par yid ches pas dam tshig nyams par mi 'gyur ba dang/ gal te nyams na yang rang bzhin gyis skongs par 'gyur pa'i khyad por zhes gsungs so/ /yang slob dpon chen po in+d+ra bo d+hi'i zhal snga nas bla ma'i khyad par dang snod kyi khyad par dang cho ga'i khyad par dang las kyi khyad par dang dam tshig gi khyad par dang lta ba'i khyad par dang spyod pa'i khyad par te bdun gyis 'phags so zhes gsungs/ /slob dpon chen po ye shes zhabs kyi zhal snga nas sngags kyi theg pa ni rnam pa gsum gyis thun mong ma yin te/ /'di ltar sgrub pa po dang lam dang 'bras bu gsum mo zhes gsungs so/ /slob dpon tri bid tra ma'i zhal snga nas ni/ /don gcig na yang ma rmongs dang/ /thabs mang dka' ba med pa dang/ dbang po rnon po'i dbang byas pas/ /sngags kyi theg pa khyad par 'phags/ /zhes gsungs so/ /slob dpon DoM bi he ru ka'i zhal snga nas kyang 'dir ni snod kyi khyad par dang snod du byed pa'i chos dang gzhung dang lam gyi khyad par dang 'bras bu dag gi khyad par gyis sngags kyi theg pa khyad par 'phags zhes gsungs pa dang/ gzhan yang rdo rje dril bu pa'i zhal nas kyang gsang sngags kyi them pa ni theg pa chen po'i yang chen po yin te/ 'di ltar rten gyi gang zag gi khyad par dang/ 'jug pa lam gyi khyad par dang/ mthar thug pa 'bras bu'i khyad par dang/ mngon par 'byung ba'i khyad par ro zhes gsungs so/ /slob dpon ratna A ka ra shIn+ta pa'i zhal snga nas 'dir/ dmigs pa rnam par dag pa dang/ grogs kyi mthu dang spyod pa yis/ /blo ldan rnams kyi theg
- 255b
pa 'di/ /chen po'i chen po nyid du bsgrags zhes gsungs so/ /bdag gi bla ma rje btsun dam tshig rdo rje'i zhal nas ni pha rol tu phyin pa'i theg pa las theg pa 'di gong du gyur pa yin te bla ma dang dbang bskur ba dang dam tshig dang man ngag dang brtson 'grus kyis khyad par du 'phags so zhes gsungs so/ /de la 'dir dam tshig 'ba' zhig brjod par bya ste/ dam tshig ni sngags pa rnams kyi gnad kyi gnas su gyur pa dang theg pa chen po'i chos kyi lo rtog skye ba'i sa gzhir gyur pa yin pas de bri bar bya'o/ /dam tshig kyang gang zhe na/ rten dang rgyu dang rtsa ba dang ngo bo dang nges pa'i tshig dang dbye ba dang ming gi rnam grangs dang rkang grangs dang brda dang bdud dang dgra dang nyams pa'i tshad dang spongs pa dang ma nyams pa'i rtags dang bsngo bgrang bya ba dang bskad ba dang bsdus pa'i dam tshig dang nyams pa'i nyas dmigs dang ma nyams pa'i phan yon dang 'bras bu rnams so/ /des na rten ni theg pa chen po'i rigs can skyabs su 'gro ba gnyis sngon du song ba bla na med pa byang chub kyi sems bskyed pa dkyil 'khor du zhugs shing dbang bskur ba thob pa'o/ /de la rgyu ni byang chub kyi sems so/ rtsa ba ni snying rje'o/ /ngo bo ni ngo tsha shes pa dang khrel yod pa dang/ snying rje dang shes rab mtshungs par ldan pa shes pa'i rgyun no/ /nges tshig ni rtogs pa'i phyir ram/ /mnyam pa nyid du 'gro ba'i phyir ram/ /thob cing mi 'da' ba' i phyir ro/ /de la dbye ba ni rtsa ba dang sbom po yan lag gi sgo nas dbye ba dang bsrung ba dang bsgrub pa'i sgo nas dbye ba dang spyod pa dang lta ba'i sgo nas dbye ba dang spyi dang khyad par dang lhag pa'i sgo nas dbye ba dang thun mong dang thun mong ma yin pa'i sgo nas dbye ba dang/ rags pa dang phra ba'i sgo nas dbye ba dang/ bsrung bar bya ba dang nyams su blang ba dang spyad par bya ba dang spyod lam dang thun mong ma yin pa'i
- 256a
sgo nas dbye ba'o/ /de la ming gi rnam grangs ni dam tshig dang sdom pa dang brtul zhugs dang spyod yul dang dka' spyad dang spyod pa dang shI la la sogs pa'o/ /de la rkang grangs ni thun mong gi rtsa ba'i ltung ba bzhi dang pha rol tu phyin pa'i rtsa ba'i ltung ba bcu gnyis dang kri ya'i rgyud kyi rtsa ba'i ltung ba bcu gsum dang/ spyod pa'i rgyud kyi rtsa ba'i ltung ba bcu bzhi dang rnal 'byor gyi rgyud kyi rtsa ba'i ltung ba bcu bzhi dang/ rnal 'byor chen po'i rgyud kyi rtsa ba'i ltung ba bcu bzhi dang/ /yang lnga dang yang bzhi dang/ rtsa ba'i ltung ba bdun bcu tham pa'o/ /de la yan lag gi dam tshig rnams ni 'di rnams so zhes bgrang bar mi nus te/ mdo sde dang mngon pa dang 'dul pa dang rgyud sde rnams su blta bar bya'o/ /de la dam tshig gi brda ni ji skad du/ /mi bshig pa ni seng+ge ste/ /gcan zan rgyal po yin pas so/ /za ma tog ni rgyal mo mdzod/ /dug sbyong ba ni der mi rigs/ /rat na myu gu lcug phran dag /brabs te 'byung rgyun gcad mi bya/ /gangs kyi zhu chu phal pa yang// mkhas pas btung bar mi bya'o/ /pad+ma'i ze 'bru kha ma dbye/ /zla zer ma yin dbye mi bya/ /ma rtags bug rdol can snod du/ /bdud rtsi sman blugs zags par 'gyur/ /don med bcos pa'i tshul brtags can/ /bsrel zhing spyad par bya ba min// shel dkar ratna sgo nga dang/ /'dam rdzab khung du nub mi bya/ /seng ge dkar mo'i 'o ma dag /gser snod ma yin blug mi bya/ /yid bzhin nor bu rin po che/ /bseg par bya ba yod ma yin/ /khyung chen gshog pa gar brkyang pa// de dag gcag par bya ba min/ /gnam lcags me'i dur mo dag/ brdab par bya ba ma yin no/ /rdo rje brag chen gtams pa'i gzhi/ /gzhig par bya ba ga la yin/ /bur shing bsregs pa'i sgron med de/ /mthor rlung drag po bskyod mi
- 256b
bya/ /rdo rje tshig gi chu rgyun dag/ 'ol kar bkag par bya ba min/ /rgyal pos bka' rtags phyag rgya dag /nam yang bshig par mi bya'o/ /gtsug gi yid bzhin nor bu de/ /rgyal mtshan rtse las dbog mi bya/ /zhes gsungs pas/ zla ba'i dam tshig kyang brdar gsungs te/ dpal dgyes pa rdo rje las/ tsa'u sa ma ya/ ka stu ra/ sihla/ kapbu ra /bA la zhes pa dang/ snyoms 'jug gi dam tshig kyang bo la/ /ka ko la /kun du ru zhes gsungs so/ /rtsa ba'i ltung ba bcu bzhi yang brdar gsungs te/ /dpal dus kyi 'khor lo las/ ri bong can dang mig dang yon tan rig byed dang/ mda' dang dbang po ri dang bkra shis gza' dang phyogs/ /drag po nyi ma yan lag sa rnams yin zhes gsungs pa lta bu'o/ /de la dam tshig gi bdud ni rnam rtog 'phrig pa'i bdud dang/ btang snyoms le lo'i bdud dang longs spyod g.yeng ba'i bdud dang/ tshig rtsub mtshon cha'i bdud dang khro gtum 'khrug pa'i bdud do/ /de la dam tshig gi dgra ni gsang ba 'phel pas bcos kar song ba'i dgra dang chos log par spyad bas bar chad 'ong ba'i dgra dang rtsa ba byung bas chad pa chen po 'byung ba'i dgra dang/ sgrub pa mi brtson pas dge ba 'phrog pa'i dgra'o/ /de la dam tshig gi nyams pa'i tshad ni nyams pa che chung gi tshad dang dus kyi tshad do/ /de la nyams che chung gi tshad ni kun du nyams pa chen po dang rtsa ba nyams pa dang/ yan lag nyams pa dang zlas pa nyams pa dang zhar la nyams pa'o/ /de la dang po bla ma'i dam tshig ni de bskrongs pa dang de la mtshon la sogs pas brgyab pa dang sku la smad pa dang/ 'khus pa dang bsnyas pa dang 'khon pa dang bka' bcag pa dang ngan sems dang 'phya ba la sogs pa'o/ /rdo rje spun pho mo'i dam tshig ni de bsad pa dang 'khus pas dang brdegs pa dang nor rdzas dang chung ma la sogs pa phrogs pa dang/ lkog kha dang dor
- 257a
kha dang nan dur dang brnyas pa dang 'tshang 'bru ba dang ngan sems dang khon pa dang brtse gdung med pa la sogs pa'o/ /gzhan yang byang chub kyi sems gtan spangs pa ni kun tu nyes pa chen po'o/ /de la rtsa ba'i ltung ba bdun cu las bla ma dang rdo rje spun dang byang chub kyi sems ma gtogs pa drug cu rtsa gsum nyams pa dang/ gzhan yang rang gis dpang ma thob par gzhan la bskur pa dang mi shes par dal 'bri ba dang rab gnas dang sbyin sreg dang/ tshogs kyi 'khor lor zhugs pa dang/ gsang sngags rang shes su bla ma med par spyod pa dang thun mtshams kyi rnal 'byor chag pa dang lha dang bla ma la mchod pa dus su chag pa dang mi dge ba bcu dang mtshams med pa lnga dang nye ba'i mtshams med pa lnga dang/ dam pa'i chos spong ba dang 'phags pa la skur pa 'debs pa dang rang gi gsang ba bzhi bo bag med par gzhan la smra ba dang ngo tsha med pa dang khrel med pas sdig pa ci la yang mi 'dzem pa rnams ni rtsa ba'i ltung ba zhig ral du 'gyur ro/ /de la rtsa ba'i yan lag tu gyur pa yan lag gi ltung ba bdun dang bco lnga la sogs pa spyir bzhi par skabs bzhi gsang ba nye bar btang pa bzhi gsang bar 'os pa'o/ /sngags kyi rgyud la sogs pa nas gsungs pa ji snyed pa rnams dang/ gzhan yang gzugs sku dang po ti dang rdo rje dril bu dang phur bu 'joms pa dang 'chod pa dang 'gom pa dang mchog tu yi dam lha'i sku dang/ glegs bam dang phyag rgya rnams sbyin pa dang 'tshong ba la sogs pa rnams ni yan lag gi ltung ba zhig ral du 'gyur ro/ /de la byang chub kyi sems gtan spangs te rtsa ba mdang? byung ba ni kun tu nyon mongs pa chen po'o/ de ma shor yang rtsa ba'i nyes pa gcig gam 'ga' byung ba ni rtsa ba nyams pa'o/ /rtsa ba ma shor ba yang nyes pa gzhan byung ba ni yan lag nyams pa'o/ /bla ma ngan pa dang grogs ngan pas nyes pa byung
- 257b
na ni bzlas nyams pa'o/ /mi shes pa dang ma gus pa dang bag med pa dang nyon mongs pa che bas nyes pa byung ba na zhar la nyams pa'o/ /de la dus kyi nyams ba ni brtson pa rab kyi rab kyis ni nyes pa byung ba'i rjes nyid la ma bskangs na nyams so/ /rab kyi 'bring gis snga dro nyi ma phyed dang phyed kyi phyed dang dgongs ka dang de bzhin du dus su ma bskangs na nyams so/ /rab kyi tha mas ni nyin bar nyes pa mtshan mo la/ /mtshan mo'i nyes pa nyin par ma bskangs na nyams so/ /'bring gi rab dang 'bring gi 'bring dang 'bring gi tha ma ni zhag bdun dang dus khyad par can dang zhag nyi shu rtsa gcig tshun chad du ma bskangs na nyams so/ /tha ma'i rab dang tha ma'i 'bring dang tha ma'i tha mas ni zla ba gcig dang zla ba bdun dang zla ba bcu gnyis tshun tshad du ma bskangs na nyams so/ /shin tu dmags pas kyang skye ba 'di la nyams pa lus pa las 'chi kar bskangs na de bskongs pa las de ma bskangs na nyams so/ /de la dam tshig nyams pa'i rtags ni gdung sha rI ra ma dang khrel ma khrel dang rmi lam dang bar chad mang nyung las brtag par bya'o/ /de la dam tshig bskang ba ni so so dang thun mong gi'o/ /de la so so bskang ba ni spyod pa rlabs po che tsha tsha dang sbyin sreg dang gtor ma dang yan lag bdun ba dang chos spyod bcu dang tshogs kyi tsakra dang nye'u 'don pa dang dge 'dun la chos ston yon dang bcas pa dang grwa chen po'i bzhi gzugs pa dang gzugs khyad par can dang rang gi lha'i snying po bzlas brjod bya ba ni 'bum phrag lnga dang khri phrag gsum dang khri phrag lnga stong phrag sum dang stong phrag lnga dang brgya phrag gsum dang brgya phrag lnga dang bcu phrag gsum dang bcu phrag lnga dang nyi shu rtsa gcig ste nyams pa chen po la sogs pa lnga dang rim pa bzhin du sbyar ro/ /gzhan yang rdo rje slob dpon gyi nyams na slar yang dkyil 'khor du 'jug par bya ba dang/ rdo rje spun gyi dam tshig nyams pa
- 258a
na tshogs kyi tsakra la sogs ba ste/ nyes pa so sor bskang ba'i thabs so sor ji skad bshad pa bzhin du bskang bar bya'o/ /de la thun mong gi bskang ba ni bshags pa dang/ sbyang ba dang slar blang ba'o/ /gzhan yang gong du bshad pa'i dge ba'i las kyis bskang ba dang rdzas kyis bskang ba dang don gyis bskang ba dang ting nge 'dzin gyis bskang ba dang gsang ba'i thabs kyis bskang ba'o/ /de la dang po gong du bshad do/ /gnyis pa ni bla ma spyan drangs nas rin po che dang khyad par can phul nas nyes pa bshags te dkyil 'khor du zhugs nas rdzas de dag slar slu ba'i tshul du bla ma las dam tshig slu bar bya'o/ /gsum pa ni chos thams cad nam mkha' ltar rnam par dag pas bsgom pa dang chos zab mo nyan pa dang bsam ba dang klag pa dang/ kha ton bya ba de la brtag pa dang bri ba dang gzhan la sbyin par bya'o/ /de la bzhi pa ni sdig pa bkru ba dang sdig pa sreg pa dang sdig pa gtor ba dang dam tshig rdo rje bsgoms nas de'i ting nge 'dzin gyis bskang ba'o/ /de la lnga pa ni bla ma la rdzas dang rang gi chung ma phul te/ gsang ba'i dbang dang shes rab ye shes kyi dbang dang bzhi pa'i dbang zhu bar bya'o/ /gzhan yang yi dam lha'i ting nge 'dzin dang bzlas pas shin tu yang bskongs so/ /khyad par du rdo rje byang chub kyi sems bsgoms nas bskang du mi btub pa yang skongs te/ mdzod kyi mdo la sogs pa lta bar bya'o/ /de la dam tshig rnams bsngo bgrang bya ba ni mdor bsdu na dran pa'i tshul gyis bsngo bgrang bya ba dang/ kha ton dus gsum du bsngo bgrang bya ba dang/ dus drug tu yi dam nar ma'i dus su bskang zhing bsngo bgrang bya ba dang/ glegs bam ltas pas bsngo bgrang bya'o/ /de la dam tshig skongs pa dang ma nyams ba'i rtags sngar bshad pa bzhin du shes par bya'o/ /de la dam tshig nyams pa'i nyes dmigs ni ji skad du dpal sangs rgyas mnyam sbyor gyi rgyud
- 258b
las/ /dam tshig nyams pas dkyil 'khor du/ /dbang bskur dngos grub 'thob mi 'gyur/ /zhes gsungs pas dang po dkyil 'khor du zhugs shing dbang bskur ba thob nas dam tshig sdom pa mnos nas phyis ma bsrungs na 'jig rten dang 'jig rten las 'das pa'i dngos grub mi 'byung la/ mi 'dod pa sna tshogs pa 'byung bar 'gyur ro/ /yang dam tshig med pa'i mi rnams la/ /sngags dang phyag rgya mi sbyin zhing/ /de dang 'grogs par mi bya ste/ snying rje bskyed la spang bar bya zhes pa dang/ dang por bla ma rje btsun las/ /dam tshig thob nas mi bsrung ba/ /mkha' 'gro srin pos bsad nas su/ /ngu 'bod la sogs dmyal bar 'gro /shes rab snying rje mi ldan pa/ /gsang sngags la ni 'jug mi bya/ /yan lag dam tshig nyams gyur na/ /rdo rje'i dmyal bar skye bar 'gyur/ /de bas dam nyams sdig can de'i/ /nyams pas grib ma 'go bas na/ /lhan cig gnas par mi bya zhing/ /de la snying rje bskyed par bya/ /zhes gsungs pa dang/ dpal sangs rgyas thod pa las kyang/ re zhig dam tshig nyams pa las/ /dngos grub thob pa lta zhog gi /mi yi skye ba'ang rnyed par dka' / /gang yang bla ma brgyud pa yi/ /rims 'ongs de nyid man ngag ni/ /de yis ji ltar 'grub mnyam dgongs zhes gsungs pa dang/ gzhan yang rtsa ba'i dam tshig nyams na dper na shing chen po rtsa ba tshig pa 'am skams pa 'am 'bag pa dang 'dra ste/ 'jig rten dang de las 'das pa'i dngos grub thams cad med par 'gyur ro/ /sbom po'i nyes pa ni sngar bshad pa bzhin du shing chen sdong po dang 'dra ste/ 'jig rten gyi dngos grub chen po brgyad mi 'byung ngo/ /yan lag gi ltung ba ni shing gi yal ga dang 'dra bar phrin las bzhi'i dngos grub kyi bar du gcod do/ /gzhan yang 'di la g.yel ba dang mchod pa dang
- 259a
gtor ma chags na byin brlabs chung ba dang rnal 'byor sngo skams so/ /bla ma'i thugs ma zin zhing bka' bcag na bgegs ldang ngo/ /spyod pa rtsir ba dang bag med na 'byor ba brlag par 'gyur ro/ /gal te dam tshig ma bsrungs kyang bkra shis pa 'dra na yang 'phral du tshe la gnod pa med kyang de nyid chad pa chen po 'byung ba'i rtags yin te/ dper na rgyal po'i bka' chad byung na de la zan dang chang mang po blud nas gzi bar byas na phyis gsod do/ dam tshig kha cig legs par bsrungs pa las sdug bsngal dang bar chad mang ba ltar 'dug kyang de tshe rabs snga ma'i las kyi lhag ma lus pa ma yin pas des ni myur du phyag rgya chen po'i dngos grub 'thob par 'gyur ro/ /gzhan yang dam tshig nyams pa ni tshe 'dir yang bkra mi shis pa mang po 'byung la/ /dus ma yin pa brgyad dang/ gshis ngan du 'chi ba bcu gnyis kyis 'chi bar 'gyur ro/ /de nas shi nas kyang rdo rje'i dmyal bar skyes nas de nas thon pa'i dus med do/ /de la dam tshig ma nyams pa'i phan yon ni tshe ring ba dang longs spyod che ba dang ci bsam pa 'grub pa dang/ mthu dang byin brlabs che ba dang bkra shis par 'gyur ro/ /bsgom pa dang bzlas pa dang mchod pa la brtson pas rnal 'byor pa sngo ma skams par longs spyod che ba dang bla ma'i bka' ma bcag cing gus pas bar chad med pa dang rdo rje spun la brtse gdung byas pas mi ma yin rnams kyis bkur sti byed do/ /g.yo sgyu med pas mi dang mi ma yin pa rnams dga' bar 'gyur ro/ /gsang sngags 'chol par ma spyad pas 'byor pa brtan pa dang bkra shis so/ /'chi ba'i dus su yang rdo rje mkha' 'gro ma rnams kyis bsu nas rig 'dzin gyi gnas su khrid do/ /gzhan yang des skye ba 'di dang phyi ma dang skye ba bdun dang skye ba bcu drug tshun chad kyis
- 259b
'grub pa la the tshom med do/ /de la dam tshig thams cad bsdu na gnyis te/ snying rje rus pa'i gting nas skye ba dang shes rab tshig tsam ma yin pa gting nas go ba'o/ /'di gnyis rgyud la brtan na dang po nyid nas nyes pa mi 'byung ba gal te byung na yang myur du bskongs par 'gyur ro/ /gzhan yang dam tshig thams cad ni byang chub kyi sems su 'dus te de yang rnam pa bzhi'o/ /byang chub kyi sems dang bla na med pa byang chub kyi sems dang kun tu bzang po'i sems dang rdo rje byang chub kyi sems so/ /de la so so thar pa'i sdom pa ni las dge sdig gtsor ston no/ /mdo sde'i sdom pa ni snying rje gtsor ston no/ /gsang sngags kyi sdom pa ni sku gsung thugs kyi mi phyed pa gtsor ston no/ /de de la so sor thar pa'i sdom pa ni mya ngan las 'das pa'i bsam pa brtan po las skye 'o/ /byang chub sems dpa' i sdom pa ni lhag pa'i bsam pa bzang po las skye'o/ /gsang sngags kyi sdom pa ni rdo rje byang chub kyi sems las skye'o/ /de la so so thar pa'i sdom pa ni spong ba bdun no// byang chub sems dpa' i sdom pa ni spong ba bcu'o/ /sngags kyi sdom? pa ni spong ba gcig go /so sor thar pa'i gzhung du ni kha na ma tho ba gnyi ga brjod do/ /byang chub sems dpa' i gzhung du ni rang bzhin 'ba' zhig brjod do/ /sngags kyi gzhung du ni de gnyi ga'i tha snyad ma brjod do/ /yang so so thar pa'i sdom pa ni/ /rdzas kyi bdag nyid du yod par 'dod do/ /byang chub sems dpa' i sdom pa ni brtag pa tsam du yod par 'dod do/ /sngags su ni de gnyi ga'i tha snyad ma brjod do/ /yang nyan thos kyi sdom pa la bar chad kyi chos mang du yod do/ /byang chub sems dpa' i sdom pa la bar chad kyi chos nyung zad gcig go /sngags kyi sdom pa la ni bar chad kyi chos bshad pa med do/ /yang sdom pa dang po la ni pham pa byung na phyis blang ba'i skal ba
- 260a
med do/ /bar ma la ni pham pa byung na phyis blang pa'i sa la ba yod do/ /tha ma ni rdo rje byang chub kyi sems dang ldan na nyams pa med do/ /de la sdom pa dang po la ni mkhan po dang slob dpon dgos so/ /bar ma'i sdom pa la ni bla ma gcig po 'am yang na mad pa'o/ /tha ma de la ni bzhi ste/ bla ma'i zhal nas byung ba'i dbang dang/ ye shes lha'i byin gyi rlabs kyi dbang dang/ rdo rje mkha' 'gro mas lung bstan pa'i dbang dang/ rang nyid kyi sems kyi rtsal gyis thob pa'i dbang dang ngo/ yang snga ma ni gzhan la gnod pa byed pa las ldog go/ bar me ni de'i steng du gzhan la phan 'dogs pa'o/ /phyi ma ni de'i steng du sangs rgyas kyi mdzad spyod nyams su len pa'o/ /yang dang po'i sdom pa ni dgra bcom pa rnams kyi rjes su slob pa'o/ /bar ma'i sdom pa ni sngon gyi byang chub sems dpa' rnams kyi rjes su slob pa'o/ /sngags kyi sdom pa ni sangs rgyas rnams kyi rjes su slob pa'o/ /yang dang po'i sdom pa ni bdag 'ba' zhig gi don no/ /bar ma'i sdom pa ni gzhan 'ba' zhig gi don ni/ /phyi ma'i sdom pa ni gnyi ga'i don no/ /yang dang po'i sdom pa ni ji srid 'tsho'i bar du gnas so/ /bar ma'i sdom pa ni snying po byang chub kyi bar du'o/ /phyi ma'i sdom pa ni nam mkha' ji srid gnas kyi bar du'o/ /sdom pa dang po'i 'bras bu ni mya ngan las 'das pa gnyis so/ /bar ma'i 'bras bu ni sa bcu 'am sa bcu gcig pa'o/ /tha ma'i 'bras bu ni sa bcu gnyis pa'o/ /gzhan yang bsgom sgrub dang chos spyod yi dam gyi lhas ma khrel ba dang/ dad pa dang bsnyen bkur bla mas ma khrel ba dang/ dam tshig dang sdom pa rdo rje mkha' 'gro ma rnams kyis ma khrel ba dang/ brtse gdung phan gnod rdo rje spun pho mos ma khrel ba dang/ bzlas brjod dang gtor ma dang cho ga'i nus pa dang byin brlabs mtshan mo rgyu ba'i 'byung po'i tshogs kyis ma khrel ba dang/ rdo
- 260b
rje bla ma'i man ngag zab mi zab rang gi slob mas ma khrel ba dang/ lta ba zab mi zab mkhas pa rnams kyis ma khrel ba dang ji ltar dam bcas pa'i don rang gi sems kyis ma khrel ba dang/ spyod pa bzang ngan grogs pos ma khrel ba dang/ gtong phod pa dang? gsol gshog dang/ ro tshod dang/ zhi nges dang/ mthun 'jug 'jig rten gyi mi rnams kyis ma khrel ba'o/ /mnyam par gzhag pa'i rnal 'byor ni/ /bskyed dang rdzogs pa'i ting 'dzin bsgom/ /spyod lam rnal 'byor dus ni/ phyi nang thams cad gzhan min te/ /sems nyid lta nyid sgyu ma nyid/ /'od gsal yin te mnyam nyid gzhi/ /dag pa bzhi yang de nyid yin/ /nyin dang mtshan mo rtog par ni/ /sems kyi skad cig re re la/ /de ltar mos pa yang yang bya/ /rdo rje shugs dang mi ldan yang/ /snang ba byin gyis brlabs pa yin/ /de lta bu yi sngags pa ni/ /dam tshig nyams pa'i dogs pa med/ /b+haM ga lar skyes dge slong ni/ /mar me mdzad dpal ye shes kyis/ /gzhung dang bla ma'i man ngag gis/ /dam tshig thams cad bsdus nas bris/ /dam tshig thams cad bsdus pa zhes bya ba mkhas pa chen po dI paM kA ra sh+rI dz+nyA nas mdzad pa rdzogs so/ //rje btsun bla ma chen po de nyid kyi zhal snga nas dang/ lo tsa ba dge slong tshul khrims rgyal bas bsgyur cing zhus te gtan la phab pa'o// // */ (/las dang po pa'i dam tshig mdor bsdus ba ye shes byang chub kyis mdzad pa bzhugs so/) /rgya gar skad du/ karma pra ma tha sa ma ya sU tra so gra ha/ bod skad du/ las dang po pa'i dam tshig mdor bsdus pa/ 'phags pa 'jam dpal la phyag 'tshal lo/ /gsang sngags kyi rnam par thar pa'i sgor zhugs pa'i las dang po rnams kyi dam tshig mdor bstan pa/ hUM rdor las byung mthing ka'i mdog 'dra ba'i/ /dpal ldan rdo rje 'dzin
- 261a
la phyag 'tshal nas/ sngags 'chang rnams kyi bsung ba'i dam tshig ni/ /mdor bsdus brtse ba'i yid kyis bshad par bya/ /sdug bsngal tshogs kyis bsregs pa'i sems can la/ /snying rjer ldan pa'i yongs la khyab pa dang// g.yo dang mi g.yo'i chos rnams ma skyes par/ rtogs pa'i shes rab snying rje'i gzhir bya'o/ /rtag tu dad dang brtson 'grus dran pa dang/ /shes bzhin ting 'dzin mchog la gnas par bya/ /dang por sngags pas srog gcod rku ba dang/ / 'khrig dang rdzun smra chang 'thung? la sogs pa'i/ /tshul khrims sngags kyi rtsa bar sangs rgyas gsungs/ /de bas srog bzhin bslab ba bsrung bar bya/ /zhes so/ /yul gangs ri'i rtsa na gnas pa'i slob dpon dz+nyA na sa twa sa mdzad pa'i gsang chen sgron pa'i dam tshig las/ /nyan thos tshul khrims theg chen sdom pa dang/ /sa bdag khrims las 'da' bar mi bya'o/ /zhe'o/ rdo rje rtso mo'i rgyud las/ byang chub sems 'dzin gyur nas ni/ lha gzhan dag la mi mos dang/ /dkon mchog gsum la dad pa dang/ de la gzhol zhing 'bab pa yis/ gsod dang rku dang 'khrig pa dang/ /brdzun dang chang ni rnam par spang/ /khyim pa'i tshul du gnas nas ni/ /rig sngags rgyal po bsgrub par bya/ /gal te de ni rab byung na/ /sdom pa gsum la gnas par bya/ /se so thar dang? byang chub sems/ /rig 'dzin sngags kyi sdom pa'o zhes 'byung bas sdom pa dang dam tshig mdza' dag la gnas par bya'o/ /de lta bas na rnal 'byor bas thog mar rig sngags bzung ba'i dam tshig la gnas par bya'o/ /ji ltar bus gsum mgon po rnams/ /byang chub tu ni nges mdzad pa'i/ /byang chub sems ni bla? med pa/ /dam pa bdag gis bskyed par bgyi/ /tshul khrims kyi ni sdom pa dang/ /dge ba'i chos ni sdud pa dang/ /son don
- 261b
byed tshul khrims gsum/ /de bzhin brtan por bzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa deng nas gzung bar bgyi/ /rdo rje rigs mchog chen po yis// slob dpon nyid kyang bzung bar bgyi/ /rdo rje dril bu phyag rgya yang/ /yang dag nyid du gzung bar bgyi/ /rin chen rigs mchog chen po las/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa las/ /phyi nang gsang ba'i theg pa gsum/ /dam pa'i chos kyang gzung bar bgyi/ /las kyi rigs mchog chen po las/ /sdom pa thams cad ldan par ni/ /yang dag nyid du gzung bar bgyi/ / mchod pa'i las kyang ci nus bgyi/ /bla na med pa'i byang chub sems/ /dam pa bdag gis bskyed par bgyi/ /sems can kun gyi don gyi phyir/ /bdag gis sdom pa ma lus gzung/ /ma bsgral ba rnams bdag gis bsgral/ /ma grol ba ni bdag gi dgrol/ /dbugs ma phyin pa dbugs dbyung zhing/ /mya ngan 'das la sems can dgod/ /dus 'di nas ni bzung nas ni/ /ji srid byang chub snying po'i bar/ /bdag ni rab tu gnas par bgyi/ /lus dang ngag dang yid dag gi /mi dge ba ni rnam bcu dang/ bag med pa yi gnas byung ba/ /'bru char bcos pa'i tshang dag dang/ /theg pa dman la 'dod pa dang/ /de bzhin lha dang lha min dang/ /gsang ba pa rnams brnyas pa dang/ /phyag rgya mtshan ma gzhom pa dang/ mtshon cha la sogs 'gom pa rnams/ /dus 'di nyid nas gzung nas ni/ /ji srid byang chub snying po'i bar/ /bdag ni rab tu ldog par bgyi'o/ /zhe'o/ gal te rig sngags gzung ba nyid du nges pas ni/ /sdom pa dang dam tshig tshul bzhin du ma bsrungs na/ /'phags pa rnams
- 262a
bslus pa/ bdag nyid la 'khu bar byed pa/ dngos grub chen po la rgyab kyis phyogs pa/ de ni g.yon can shing rul pa lta bu yin no/ /dam tshig la mi gnas par gsang sngags tshig tsam gyis/ bdag dang gzhan gyi don du las sna tshogs byed pa'o/ /dbor na mdze can nang na 'bus rnyings pa la phyi rol gyi gos dang rgyan gyis bkab pa lta bu yin no/ /des ni bdag gi don yang bya bar mi nus na gzhan gyi don lta ci smos/ de ni lha dang bcas pa'i 'jig rten gyis smod cing bshud pa yin no/ /gsang sngags kyi dngos grub sgrub pa dang gzhan gyis don du dkyil 'khor la sogs pa'i las byed pa ni/ dus yun ring por bdag gi sems kyi rgyud sbyangs pa dang/ sdom pa dang dam tshig la sngags spyod pa'i yon tan dang ldan pas/ dben par tshul bzhin du las byas na dngos grub tu yang 'gyur la gzhan gyi don phun sum tshogs pa yang 'grub po/ /dam tshig spangs te gzu lums su gsang sngags dgongs pas bshad pa'i don/ /sgra ji bzhin du bzung nas snod min pa'i slob ma dang/ grong la sogs par log par spyad na ni/ /de bzhin gshegs pa'i bka' rgyud khyad du bsad pas slob dpon 'phags pa klu sgrub dang/ in+d+ra bo d+hi la sogs pa'i zhal snga nas kyi tshig gi bdud rtsi spangs pa yin pas bdag legs su 'dod pa'i mkhas pa rnams kyi zas dug dang bcas pa bzhin du spang bar bya'o/ /de bas na dngos grub kyi snod du rung ba'i sgrub pa pos/ /dang por dam tshig mnos pa nyid nas bzung nas byang chub kyi snying po'i bar du mi nyams par bya'o/ /phyir mi ldog pa'i dbang thob pas ni dam tshig gnyis bsrung ste/ bza' ba'i dam tshig dang/ bsrung ba'i dam tshig go /de la bza' ba'i dam tshig ni/ ga bur mtshal dang pi pi ling/ /tsan dan dmar dang gur gum sogs/ /man ngag bzhin du sgrub pa pos//
- 262b
rtag tu brten cing bza' par bgyi/ /bsrung bdag gi dam tshig ni/ /rang lus phyag rgya nyid bsgoms la/ /ma lus 'gro ba'i tshogs bsam bya/ /rdo rje slob dpon rdo rje rnams/ /rdo rje de ni spun rnams la/ /gtso dang/ sems dpa' bskyed par bya/ /'di ni sku yi dam tshig ste/ /tshul khrims bsrung la brtson par bya/ /srid 'byung ngag gi skyon spangs te/ /rig sngags lha yi snying po dang/ /rdo rje phra sogs rtse gcig pas/ /rgyun mi 'chad par bzlas par bya/ /de ni gsung gi dam tshig de/ /rtag tu 'di las 'da' mi bya/ /rgyun du ting 'dzin gnyis po dang/ /spyod bzhin dran pas zin par bya/ /thun mong ma yin gsang chen dang/ /man ngag gzhan du mi spel lo/ /lta dang spyod dang lha dag dang/ /slob dpon mchog gnyis gsang ba ste/ /'di dag gsang chen gzhan du min/ /'di dag thugs kyi dam tshig go /sku gsung thugs kyi gsang ba 'di/ /srog gi phyir yang mi gtong ngo/ /rgyal bas dgongs te gsungs pa yi/ /dam tshig bzhi la gnas par bya/ /ji bzhin don ldan bcu bzhi ni/ /phas pham par ni rab tu bsgrags/ /spang zhing 'dor bar mi bya ste/ rtsa ba'i ltung bar shes par bya/ /slob dpon la ni brnyas pa dang/ /bder gshegs bka' las 'das pa dang/ sdang bas spun gyi bsngags min smra/ /byams pa chen po rnam spong dang/ /byang chub sems ni 'dor pa dang/ /theg pa gsum la snod pa dang/ /skal min gsang ba sgrogs pa dang/ rgyal ba'i bdag nyid phung po smod/ /dam pa'i chos la yid gnyis za/ /gdug la byams dang chags bral dang/ /chos la gnyis su 'byed pa dang/ dang ba'i sems la rab tu smod/ /dam tshig bsten pa ji snyed pa/ /brtags pa'i rig ma smod pa ste/ /rtsa ba'i ltung bar 'gyur ba des/ /sngags pa'i dam tshig zad par 'gyur/ /nyin dang mtshan mo lan gsum du/ /nyin re bzhin ni bzla bar bya/ /gal te nyams gyur rnal 'byor
- 263a
pa/ /kha na mtho sbom por 'gyur/ /dam tshig dang ni mi ldan pa'i/ /rig ma bsten par dga' ba dang/ /tshogs kyi 'khor lor rtsod pa dang/ /gsang ba'i chos ni ston pa dang/ sems can dad dang ldan pa la/ /dam chos gzhan du ston pa dang/ /nyan thos dag tu rlom byed pa'i/ /nang du zhag bdun 'jug pa dang/ /sbyor ba nges par ma byas pa'i/ /snod min gsang ba ston pa rnams/ /kha na ma tho bcas 'gyur te/ /sngags pa de yi dam tshig zad/ /zad pas 'grub par mi 'gyur zhing/ /bdud dang sdug bsngal rab tu 'phel zhe'o/ /phyir mi ldog pa'i dbang thob pas kyang dam tshig rnams/ dang po thob pa nyid nas byang chub chen po'i bar du yang dag par gzung ngo/ /gal te nyams par byas na don dam par bsrung du med pa dang/ dgongs pa'i don gyi tshig gi gzugs brnyan la brten nas/ dam tshig mi bsrung bar gzu lums su dkyil 'khor la sogs pa byed pa ni 'phags pa dang 'gro ba kun bslus pa ste/ yon tan de gsang sngags seng+ge'i 'o ma lta bu skye bo snod dang mi ldan pa'i mi la bstan pa dang/ dkyil 'khor la sogs pa'i las byas pas sems can dmyal ba la sogs pa'i 'gro ba'i skye ba dang/ bdag dang gzhan rlag par byed pa/ sangs rgyas dang byang chub sems dpa' rnams la rgyab kyis phyogs pa/ de nam du yang dngos grub kyi snod du mi 'gyur ba yin no/ /de lta bas na dam tshig rnams lus dang srog la ltos pa med par bsrung bar bya'o/ /dam tshig nyams pa gso ba ni gnang ste/ thun mtshams sbyor ba las gyur na/ /bde gshegs las rigs bsam gtan gyis/ /de yi nyes pa bsal bar bya/ /gser sbyangs dri med lta bur 'gyur/ /sbyor ba'i yan lag sbom nyams na/ /mchod pa la sogs tshul bzhin bya/ /'phags
- 263b
la bzod gsol dam bcas na/ /phyin chad bsdams te gus par blang/ /rtsa ba'i dam tshig nyams gyur na/ /rdo rje slob dpon bdag nyid las/ /dang por rigs bdag dkyil 'khor du/ /tshul bzhin yang dag blang bar bya/ /de ltar ma bshags par blangs pas nyams pa khyad du gsod cing de'i nyes pa 'phel ba dang bcas par gyur na skyon che ste/ gsang ba 'dus pa zhes bya ba rnal 'byor chen po'i rgyud las/ sangs rgyas rdo rje sems dpa' dang/ /de bzhin chos kyi sems dpa' dang/ rmongs pa 'gal bar byas na ni/ /tshal bar 'gas par gdon mi za zhi'o/ /de lta bas na sangs rgyas dbu 'gas na mi rnams lta smos kyang ci dgos te/ dam tshig nyams pa ni bdag nyid dang/ gzhan phyogs su yang nyes pa sna tshogs su 'byung la/ phyi mar yang bskal pa gsum la sogs par ngan 'gror 'gro ba'o/ /dpal 'khor lo sdom pa zhes bya ba shes rab kyi rgyud chen po las/ dam tshig med cing ngan spyod po/ /bslus 'gyur ngan pa'i mtshan nyid de/ /mkha' 'gro ma yis zos nas kyang/ /de las nga ni skyob mi byed/ gsang ba pa'i nang nas ni/ /sgrub pa po de phyugs dang 'dra zhe'o/ /bla ma lnga bcu pa las kyang/ /slob dpon la ni smod pa de/ /yams dang 'tshe ba'i nad rnams dang/ /gdon dang rims dang dug rnams kyis/ /rmongs chen de ni 'chi bar 'gyur/ /rgyal po me dang sprul gdug dang/ chu dang mkha' 'gro rkun bo dang/ /gdon dang log 'dren rnams kyis kyang/ /bsad nas sems can dmyal bar 'gro/ nam yang slob dpon dag gi ni/ /kun tu sems dkrugs mi bya ste/ gal te rmongs pas byed 'gyur na/ /dmyal bar nges par 'tshed par nges/ /mnar med la sogs 'jigs rung pa'i/ /dmyal ba bstan pa gang yin pa/ /slob dpon la ni smod pa dag /der ni gnas par yang dag bshad/ /zla gsang thig le'i rgyud las kyang/ /dam tshig sdom pa nyams pa las/ /sangs
- 264a
rgyas byang chub sems dpa' rnams/ /byin gyis brlabs par mi mdzad de/ spos dang me tog la sogs pa/ /phul yang bzhes par mi 'gyur te/ /nad dang dug dang dgra rnams kyis/ /bsad nas sems can dmyal bar 'gro zhe'o// sangs rgyas thams cad mnyam par sbyor ba mkha' 'gro ma sgyu ma bde mchog las kyang/ /dam tshig 'di las 'das gyur na/ /ji snyed sangs rgyas thams cad dang/ /byang chub sems dpa' rdo rje 'dzin/ /lha rnams dang ni mi dag dang/ /sgrub pa po dang rnal 'byor bcas/ /de dag las ni snying ring nas/ /snying nas khrag chen drang nas 'thung zhe'o/ /yang de nyid las/ /dkyil 'khor du ni ma zhugs dang/ /dam tshig rnam par spangs pa dang/ /gsang ba yang dag mi shes pas/ /bsgrub kyang ci yang ma 'grub po zhe'o/ /phyag na rdo rje dbang bskur ba zhes bya ba spyod pa'i rgyud las/ dam tshig 'di las su 'da' dang/ /sdang sems ldan pa de dag ni/ /mgo ni dpal ldan rdo rje 'chang/ /rdo rje rnams kyis rtag tu 'gems zhe'o/ /yang mtshams med lnga byas pa'i sdig pa ni bla'i/ /gsang sngags log par spyod pa ni de lta ma yin no/ /gzhan las ni/ dam tshig 'di las su 'da' ba/ /bskal pa grangs med gsum du ni/ /mnar med shin tu mi bzad sogs/ /bcu drug dmyal bar skye bar 'gyur zhe'o/ /ye shes grub pa las babs ni/ /dam tshig nyams pa sdug bsngal zhing/ /lus dang de bzhin yid dang ni/ /de'i yon tan nyams 'gyur zhing/ /myur ba nyid du 'chi bar 'gyur/ /shi nas dmyal ba'i sdug bsngal ni/ /bskal pa bye ba brgya phrag tu/ /myong nas gnas la 'pho 'gyur bas/ /gdol pa 'am dman pa'i rigs su skye/ /lkugs par skye 'am yang na 'on par? skye zhe'o/ /de kho na nyid bsdus pa'i rgyud las/ /'di ni khyod kyi dmyal ba'i chu/ /dam tshig nyams na sreg par byed ce'o/ /dpal
- 264b
mchog dang po'i rgyud las kyang/ /drag po'i dam tshig mdud rtse dang/ /ma mo rnams kyis rgyas 'debs pas/ /gal te 'das na khyod kyi snying/ /rtag tu 'jigs par byed par 'gyur zhe'o/ /gal te dam tshig 'di las 'das gyur na/ /pha gsod 'gro ba yin pa dang/ /ma gsod pa yi 'gro ba gang/ /'gro ba der ni 'gro bar 'gyur/ /zhes bya ba la sogs pa gsungs pas/ /dam tshig nyams na skyon che bas na lus dang srog gi phyir yang mi btang bar bsrung bar bya'o/ /sdom pa dang dam tshig tshul bzhin du bsrung ba yang don che ste/ /dpal 'khor lo sdom pa zhes bya ba'i rgyud las kyang/ /'gro ba'i don dang de don du/ /dam tshig sdom pa bsrung byas nas/ /bsod nams gtsang sbra las byung gang/ /bsgrub pa'i yon tan rgya chen po/ /stong phrag brgya yi kha min par kha cig gis kyang brjod par mi nus she'o/ /gzhan las ni/ dam tshig sdom pa 'di rnams kun/ /tshul bzhin bsrung dang sgrub pa yis/ /rgyal ba thams cad mnyes gyur nas/ /dngos grub thams cad 'grub par 'gyur zhe'o/ /dam tshig rnams ni rdo rje ste// sangs rgyas kun gyi bdag nyid yin zhe'o/ /phyag na rdo rje dbang bskur ba zhes bya ba spyod pa'i rgyud las kyang/ /rdzogs pa'i sangs rgyas bcas pa yis/ /brtul zhugs dang ni tshul khrims dang/ /spyod pa bzlas pa'i gzhi rnams la/ /gal te gnas na de yi tshe/ sngags pas 'di ltar sngags bsgrub po zhe'o/ slob dpon rdo rje bzhad pa'i sgrub thabs las/ /sngags pas rnam pa 'di dag gis/ /dam tshig sdom pa bsrung byas na/ /tshe 'di nyid rla dngos grub kyis/ /rdo rje gsung nyid thob par 'gyur zhe'o/ /gsang ba 'dus pa zhes bya ba rnal 'byor chen po'i rgyud las kyang/ /gang+gA'i bye ma snyed kyi bskal par byang chub sems dpa' rnams kyis 'bad cing btsal yang byang chub sems dpar mi 'gyur te/ gsang ba 'dus pa
- 265a
la dga' zhing de'i dam tshig la gnas shing bsgrubs na tshe 'di nyid la mngon par 'tshang rgya'o/ /rnam bar snang mdzad sgyu 'phrul dra ba zhes bya ba'i rnal 'byor chen po'i rgyud las/ /dbang po gnyis ni mnyam sbyor te/ / lus dang ngag dang sems bsdus nas/ /nga yi snyam pa'i gzi bskyed gzugs/ /rnam pa kun gyis rnam brgyan na/ /rnal 'byor ldan pa tshe de la/ /ye shes rdzogs pa nyid du 'gyur zhe'o/ /gzhung gzhan las thabs kyi dam tshig thams cad la spyod cing mi nyams par bsrungs la/ /shes rab kyis bsrung du med par shes pa ni rnal 'byor pa mchog ces bya'o/ /gsang ba 'dus pa zhes bya ba rnal 'byor chen po'i rgyud las/ rnam par mi rtog las byung ba'i/ /'dod chags zhe sdang gti mug rigs/ /theg pa mchog 'di bla med pa/ /mchog tu blar gyur sgrub par byed/ /rigs ngan rme sha can la sogs/ /gsod pa don du gnyer ba rnams/ /theg pa bla na med pa yi/ /theg mchog 'di la 'grub par 'gyur/ /mtshams med pa la sogs pa yis/ /sems can dag gis bsgrub na 'grub/ /srog gcod pa'i sems can rnams/ /brdzun du smra bar dad pa dang/ /gzhan gyi nor la chags pa dang/ /rtag tu 'dod la spyod pa dag /de dag bsgrub pa'i snod du 'gyur zhe'o// ye shes grub pa las/ de ltar gnas pa'i rnal 'byor pa/ /yar ngo'i zla ba ji bzhin du/ /rims kyis yang dag 'phel 'gyur gyis/ /nam yang 'grib par mi 'gyur ro/ /brtson 'grus dman pa la la zhig/ sangs rgyas thob par ma gyur kyang/ /'khor los sgyur rgyal bde ba ni/ /skye ba kun tu thob par 'gyur/ /sangs rgyas kun gyi bsod nams ni/ /phyogs bcu dus gsum yod pa rnams/ /de yi ba spu'i khung bu zhes/ /rgyal ba mchog gi rab tu gsungs/ /zhe'o//
- 265b
le'u brgyad pa las/ sems can kun gyi gnyen gcig pas/ /rnam pa slu ba med pa'i sems/ /de bas brtan pa bskyed par bya/ /'di byas pa yis rdzogs sangs rgyas/ /dgyes pa'i bdag nyid can kun mnyes/ /bdud dang bgegs la sogs pa yang/ /glags skabs tshol bar mi byed cing/ /phyag na rdo rje la sogs pa/ dgyes par rtag tu bsrung bar mdzad ce'o/ /gzhan las ni/ stong chen po'i 'jig rten gyi khams rin po che sna bdun gyis bkang ste 'phags pa rnams la phul ba bas/ /gang gis dam tshig la yang dag par gnas te 'du 'dzi spangs te dgon pa la gnas nas/ /skad cig tsam ting nge 'dzin gnyis kyi mnyam par gzhag na de gnyis las mnyam par gzhag pa de bsod nams kyi phung po dpag tu med pa 'thob par 'gyur ba dang/ dper na 'khor los sgyur ba'i rgyal po mtshan gyis brgyan pa ni gling bzhi la dbang ba'i mthu yod cing chos kyi 'khor lor sgyur to/ /de bzhin du rgyal ba'i sras dam tshig dang sdom pa la yang dag par gnas pa'i mtshan gyis brgyan pa ni ring por mi thogs par skye ba bdun la sogs pa 'tshang rgya zhing/ sangs rgyas kyi mdzad pa thams cad byed pa yin no/ /yang yid bzhin gyi nor bu rin po che dbang gi rgyal po ni su'i spyi gtsug na yod pa la 'gro ba gang gis kyang bar mi chad do/ /de bzhin du sngags pa gang zhig sdom pa dang dam tshig gis nor bus sgo gsum brgyan pa la bdud la sogs pa gang gis kyang bar du mi chod do/ /yang skyes bu mig dang rkang par ldan pa ni gang 'gro ba'i gnas su phyin cing dgos pa thams cad sgrub par byed do/ /mnyam pa'i dam tshig mig dang 'dra ba dang spyod pa'i dam tshig rkang pa dang 'dra ba la brten te ye shes kyi lam srang du zhugs pas thams cad mkhyen pa'i nor bu blangs te/ bdag dang
- 266a
gzhan gyi don lhun gyis grub bar byed par 'gyur ro/ /yang dper na ri'i rgyal po gangs la sman 'bral bar dka' ba zhes bya ba yod de/ /de gang gis rnyed pa de ni dug dang nad la sogs pa rtsa ba nas 'byin cing tshe ring ba yang 'grub bo/ /de bzhin du rdo rje slob dpon gyi thugs nor bu rin po che'i nor bu blangs te/ las dang skal ba dang ldan pa gang zhig dam tshig rnams kyi sman thob pas 'khor ba thog ma med pa nas bsags pa'i bag chags dang nyon mongs pa'i nad thams cad zhi zhing byang la bla na med pa'i byang chub ma thob kyi bar du mi 'chi ba'i tshe yang 'thob bo/ /dper na ded dpon bsod nams kyi gzi brjid dang thabs dang ldan pas rgya mtsho chen por zhugs te/ rin po che'i gling du phyin te nor bu rin po che blangs nas bdag dang gzhan la phan 'dogs so/ /de bzhin du dge ba'i bshes gnyen 'gro ba 'khor ba las 'don pa'i ded dpon la brten te/ tshul khrims dang dam tshig tu sbyar nas thabs la mkhas pa dang brtson 'grus kyi skya pa bskyod nas// 'khor ba'i rgya mtsho las bsgral te/ dngos grub rnam pa gsum gyi nor bu blangs te/ bdag dang gzhan la phan 'dogs so/ /de lta bas rnal 'byor pa thams cad mkhyen pa'i ye shes bsgrub par 'dod pa dag gis dam tshig dang sdom pa mdza' dag tshul bzhin bsrungs la/ /rgyud dang sgrub thabs dang mthun par dgongs pa'i gnas su/ /nam lhun gyis grub pa'i bar du/ rdo shing ngam ri dags shi ba'i ro bzhin du gnas te bsgrub par bya'o/ /bdag nyid dran gso rnal 'byor pa la phan gdags phyir/ /rgyud dang sgrub thabs dag las dam tshig mdor bsdus pas/ /'phags dang mkha' 'gro'i tshogs la gnod ste bzod par gsol/ /des ni 'jig rten gsum bcas rdo rje 'dzin thob shog/ dbang pos mtshan ma'i
- 266b
yul gyis rtsa na gnas pa'i slob dpon dz+nyA na bo d+his mdzad pa/ las dang po pa'i dam tshig mdor bsdus pa rdzogs so// //rgya gar gyi mkhan po ka ma la gupta dang/ lo tsa ba bsod nams rgyal bas bsgyur ba'o// // rgya gar skad du/ tri sam+ba ra pra b+hA mA lA nA ma/ bod skad du/ sdom gsum 'od kyi phreng ba zhes bya ba/ bla ma dang 'jam pa'i dbyangs la phyag 'tshal lo/ /rnam dag zab yangs shes bya'i rgya mtsho las/ /bstan pa'i gru dang bdag blo'i ded dpon gyis/ /mkhyen ba'i dar 'phyar brtse ba'i rlung bskyed nas/ /snga gsum yid bzhin nor bu kho bos blang/ /deng sang bstan pa'i gsham 'di ru/ /sdom pa gsum gyi rnam gzhag la/ /mkhas pa'i rgyu skar 'ga' zhig gis/ /phyogs re'i cha tsam rtags 'gyur mod/ /so sor thar dang byang chub sems/ /rig 'dzin sngags kyi sdom pa la/ /'thob tshul gnas tshul gtong ba'i tshul/ /gnyis ldan gsum ldan 'thad pa'i gzhung/ /nyes pa phan yon rim pa dag/ bdag blo nyi ma'i 'od zer gyis/ /phyogs las rgyal bar byas te dgod/ gling gsum skyes ba bud med kyis/ /rang nyid 'khor ba bsgral don du/ /mkhan slob cho ga tshad ldan las/ /ji srid 'tsho yi bar dag tu/ /gnod pa gzhi dang bcas pa las/ /gtso cher lus ngag sdom pa de/ /nyan thos bye brag smra ba'i sdom/ gang zag glang pu 'dra ba la/ /sdom pa khal dang 'dra ba zhig /thob pa'i thag pas sprel bar gnas/ /so sor thar pa'i gnas tshul yin/ /bslab pa phul dang shi 'phos dang/ /mtshan nyid dag ni byung ba dang/ /rtsa ba chad dang mtshan 'das las/ /so sor thar pa'i 'dul ba gtong/ /gsungs so pham pa spyad pas kyang/ /so sor thar pa'i tshul yin no/ /lha mi la sogs gang rung gis/ /'gro ba ma lus skyob pa'i phyir/ /slob dpon cho ga tshad ldan las/ /ji srid byang chub snying po'i bar/ /smon dang 'jug
- 267a
ba'i bdag nyid can/ /lus ngag yid gsum rang don dang/ /gzhan don thabs ma yin las sdom/ /kun rdzob byang chub sems kyi'o/ de nyid snang la rang bzhin med/ /'jig sogs bzhin du sgoms pa las/ /yul dang yul can gnyis las grol/ /don dam byang chub sems yin no/ /sems dang sems byung sems bskyed gnyis/ /rang don bza' dang bral bas na/ /nyi ma dang ni 'od zer bzhin/ /de dag gnas pa'i tshul yin no/ /rang don blangs dang nag po yi/ /chos bzhi la sogs zhugs pa dang/ /'bras bu dag ni thob pa na/ /tsha grang gru bzhin sems bskyed gtong/ /rigs bzhi la sogs gsod nams ldan/ /rang gzhan dgos 'dod phun tshogs don/ /bla ma cho ga tshad ldan las/ /nam mkha' ji srid gnas bar du// lhan skyes ye shes brda don sprod/ /rnam rtog dri ma kun las sdom/ /rig 'dzin sngags kyi sdom pa'o/ /sku gsung thugs kyi rgyal mtshan la/ /rim gnyis yid bzhin nor gyis spras/ /'dod yon lnga yis kun nas mchod/ /dgos 'dod kun gyi 'byung gnas sa/ /rig 'dzin sdom pa'i gnas tshul yin/ /dgos 'dod med do skyon rnams 'byung/ /dpag bsam shing bu 'gyel ba ltar/ /rtsa ba'i ltung ba byung ba na/ /rig pa 'dzin pa'i sdom pa gtong/ /rgyud ni sum brgya pa las ni/ /'khor bzhi po la rjes su gnang/ /rang gi bslab pa dang yang ldan/ /dge slong rdo rje 'dzin pa bya/ /gsungs dus kyi 'khor lo las/ /rten ni gsum las dge slong mchog /'bring ni dge tshul yin par 'dod/ /gzhan yang rdo rje rtse mo las/ /gal te de ni rab? byung? na/ /sdom pa gsum dang yang dag ldan/ /so so thar dang byang chub sems/ /rig 'dzin sngags kyi sdom pa'o/ /gzhung 'bum pa las 'di skad du/ /rdo yi rigs kyi bye brag bzhu/ /lcags dang zangs dang dngul du 'byung/ /gser
- 267b
'gyur rtsi yi dngos po yis/ /kun kyang gser du 'gyur pa bzhin/ /rigs can gsum gyi sdom pa yang/ /dkyil 'khor chen po 'dir zhugs na/ /rdo rje 'dzin pa zhes bya'o/ /gsungs pa'i don la 'ga' zhig ni/ /sdom gsum gnas gyur ngo bo gcig/ gong ma'i rtsa ltung byung ba na/ /'og ma gtong zhes sgrogs pa yod/ /de la cung zhig brtag par bya/ /gsum ldan gsungs pa'i dgongs pa'i don/ /gcig ldan spong ba'am dgongs pa min/ /rigs pas kyang ni shin tu gnod/ /bud med la smod ltung ba yis// reg srung sdom ba gtong ngam ci/ /gal te gtod na ha cang thal/ /mkha' la sprin chen 'khrig pa yis/ /sa yi lo tog skam zhes bsgre/ /gzhan yang sdom pa gtong thob rgyu/ /sangs rgyas gsung las gzhan pa yi/ /chog mkhan du byed rigs sam// gzhan yang 'gal ba ltag spros la/ /gnas gyur rtsi ba rigs ma yin/ /rigs na nyi ma'i dkyil 'khor 'di/ /gang gA'i chu las gyur zhes bsgre/ /des na rang gis brtags la blang/ /sdom gsum ldan zhes gsungs ba de/ /shes rgyud gcig la rtsi na ni/ /gcig tu 'dod kyang gsum du 'gyur/ /ldan chos rdzas gzhan tha dad phyir/ /'on te snga phyi la rtsi na/ /gsum ldan zhes pa'i sgra don med/ /'on te sdom gsum rdzas gcig tu/ /shes rgyud gcig la ldan zhe na/ /gtong thob cho ga gcig tu 'gyur/ /des na so sor thar ldan pas/ /byang chub mchog gi sems blangs na/ /dang po de ni kun gzhi la/ /bag la nyal ba'i tshul du gnas/ /rig 'dzin sdom pa thob pa na/ /'og ma gnyis ka bag la nyal/ /dper na mkha' la skar ma shar// cung zad snang bar byas gyur mod/ /zla ba'i dkyil 'khor shar ba'i tshe/ /skar 'od nyams mod 'jig rten gsal/ /rta mdun tsha zer byung ba na/ /zla ba'i 'od nyams 'jig rten gsal/ /gal te rig pa 'dzin pa yis/ /gdul bya gang la gang don du//
- 268a
'og ma'i sdom pa blangs pa na/ /gong ma zil gyis mi non mod/ /sdom pa tshogs 'thob pa yin/ /mkha' la nyi ma gnas gyur mod/ /rgyu skar 'char ba bkag pa med/ /des thob tshul dang gtong pa'i tshul/ /rang rang cho ga bzhin du gnas/ /kun gzhi bag chags mang po can/ /yin yang shes rgyud tha dad med/ /'og ma'i ltung ba byung gyur mod/ /gong ma ji srid gnas kyi bar/ /rnam par smin pas gos pa med/ /dper na zla skar nub gyur mod/ /nyi ma mkha' la gnas kyi bar/ /cung zad 'grib par byas pa med/ /gong ma'i ltung ba byung ba na/ /'og ma ji ltar gnas gyur kyang/ /cung zad phan gyi skyob mi nus/ /rta bdun tsha zer byung ba na/ /zla skar gnas kyang mun pa'i bag/ gser 'gyur rtsi zhes gsungs pa'i don/ /zil gnon yon tan mchog la dgongs/ /zla skar gnyis kyi 'od zer yang/ /nyi ma'i dkyil 'khor gnas kyi bar/ /nyi ma'i 'od ces kun gyis sgrogs/ /gzhan yang kha cig sdom pa gsum/ /sa chu gru 'dra gzhi rten du/ /'dod ces sgrogs pa 'khrul pa yin/ /de yi 'khrul gzhi kho bos bstan/ mkhas pa chen po rta dbyangs dang/ /slob dpon sgeg pa rdo rje sogs/ /sdom gsum de nyid rig pa yis/ /don de ldog pa du mas phye/ /khyab bya khyab byed gsungs pa la/ / rten dang brten par byed na 'khrul/ /byang sems sdom pa'i don gcig la/ /phan sgrub sgrub pa'i ldog pa dang/ /gnod spong dgag pa gnyis 'dug mod/ /phan sgrub ngo bo gang yin la/ /gnod pa spong ba khyab pas na/ /khyab bya khyab byed rdzas gcig tu/ /ba lang rdzes kyang mi go 'am/ /des na rig 'dzin gcig pu la/ /gsum ldan sbyor ba 'thad ma yin/ /gal te 'thad na 'og ma gnyis/ /cho ga mi dgos skye bar 'gyur/ /sdom gsum cho ga thun mong du
- 268b
thug pa chen pos gsungs pa med/ /phrag dog nar 'dod gti mug can/ /rang gzo byed pa su yis khegs/ /mdo rgyud spungs kyang phyogs su 'phen/ /sgra chad byung na gtam gzhan sgyur/ /bstan pa'i byi dor ji ltar bya/ /rig 'dzin sdom pa kho na bas/ /gsum ldan bsngags pa'i dgongs pa ni/ /'bras bu'i sgo nas ma yin te/ yin na kun mkhyen mchog dman 'gyur/ /des na lam dus gdul bya'i don/ /gcig dang gsum gyi khyad par dang/ sdom pa rdzas chos gzhan nyams mod/ /gzhan yod pa yi/ khyad par yin/ /sdom gsum gang yang mi ldan na/ /lha mi'i lus kyang rnyed par bka' / /nyams na mthong tshes rnams smin gyi/ /rim pa gnyis kyis bstan par bya/ /de las so zar nyams gyur na/ /rang gis rang bslus gnod pa nyung/ /rgyal dang de sras thams cad kyis cung zad khrel gyi shin tu min/ /pham pa lci yang bye brag gis/ /lo grangs ngan song gsum du gnas/ /byang sems nyams na 'gro ba kun/ /bslus pas gnod pa shin tu mang/ /rgyal dang de sras thams cad dang/ /'gro ba kun gyis shin tu khrel/ /pham pa lci yang bye brag gis/ /bskal pa'i grangs kyis dmyal bar gnas/ /rig 'dzin sdom pa nyams pas ni/ /yid du mi 'od sna tshogs can/ /rgyal dang de sras kun brnyas pas/ /mi 'jig mnar med gnas dag tu/ /sdug bsngal chen po de yis myong/ /rtsa ba kun nyams phyal pa dag /gso la nye bar mi brtson na/ /rdo rje dmyal bar de ltung ste/ dmyal ba pham pa thams cad kyis/ /sdug bsngal gcig tu bsdoms pa bas/ /de yi 'bum gyi char mi phod/ /'jig rten 'jig na gzhan du 'pho/ /se gol gcig gis phyin par byed/ /sangs rgyas stong gis 'od zer dang/ /byang chub sems dpa' i phrin las kun/ /rgyun du mdzad kyang phan mi 'gyur/ /bskal pa ther 'bum la sogs su/ /de ni thon par ma gsungs so/ /so sor thar pa'i phan yon ni//
- 269a
gnas skabs lha mi mthar thug ni/ /dgra bcom 'bras bu nges par 'thob/ /byang chub sems kyi phan yon ni/ /gnas skabs bde mang ring mon/ /sangs rgyas nyid du nges par 'grub/ /rgyas par mdo sde blta bar byos/ / rig 'dzin sdom pa'i phan yon ni/ /gnas skabs kun mkhyen bde longs spyod/ /gal te bsgom pa dang bcas na/ /tshe 'di nyid la sangs rgyas 'gyur/ /ma bsgoms gyur kyang ltung med na/ /skye ba bcu drug nyid na'o/ /mkhyen brtse dung phyur ldan pa yi/ /paN chen blo yi rgya mtsho las/ /sdom gsum nor bu'i phreng ba blangs/ /bdag gzhan 'gro ba ma lus kyi/ /blo gros gtsug lag legs gnas te/ /kun mkhyen dgos 'dod spyod par shog go/ /rgya gar shar phyogs dzA sa ta la'i paN+Di ta chen po bi b+hu ti tsan+d+ras mdzad de rang 'gyur du mdzad pa rdzogs so// //rgya gar skad du/ badzra yA na mU lA pat+ti karma shat+trAM/ bod skad du/ rdo rje theg pa rtsa ba'i ltung ba'i las kyi cho ga/ bcom ldan 'das dpal rdo rje sems dpa' la phyag 'tshal lo/ /rdo rje theg pa'i sgor zhugs pa'i ka? rab 'byor pa yis dpyad bya ba/ /las kyi cho ga 'di ltar mdzod/ /spyi ba nyi zla bar stengs su/ /bla ma sangs rgyas bsam byas te/ /rtag tu dran dang gsol gdab bya/ /srog gcod brdzun dang ma byin len/ /'dod pas log par g.yem pa ni/ /ci la bab kyang bsrung bar bya/ /byams dang snying rje dga' ba ni/ /lus grib bzhin du 'bral mi bya/ /bum pa'i dbang thob gyur nas ni/ /lha dang bzlas pa rnal 'byor dang/ /phyag 'tshal mchod dang sdig bshags dang/ /rjes su yi rang skor dang gsol/ /dge bsngo sdom pa byul ba dang/ /sbyin ba bla ma dran dang chos/ /dam tshig rnam pa bco lnga 'di/ /nyin re thebs re ma byas na/ /zhag gsum 'das na bum dbang gi/ /dam
- 269b
tshig nyams pas bshags par bya/ /de yang brgya pa brgya rtsa brgyad/ /bzlas te phyis ni mi nyams bya/ /gsang ba'i dbang thob rnal 'byor pas/ /mi 'chi lnga dang sgron ma lnga/ /rlung dang lta stangs 'khrul 'khor dang/ /tshogs dang gtor ma brtul zhugs dang// glu dang gar dang ni ram shu/ /dam tshig rnam pa bcu gcig po/ /zla ba phyed du bral gyur na/ /gsang ba'i dam tshig nyams par gsungs/ /nyams na tshogs 'khor sbyin sreg bya/ /gsum pa'i dbang thob rnal 'byor pas/ /bde ba thig le rtsa gnas dang// me 'dzag bde ba skad cig dang/ phyag rgya ma dang sbyor ba dang/ /zla ba gcig bral nyams par gsungs/ /dbang dang sbyin sreg gshags pa bya/ bzhi pa'i dbang thob rnal 'byor pa/ /spang blang rtsol dang dngos dang zhen/ /skad cig skyes kyang nyams pas na/ /mi dmigs bde chen spos bral gzhag/ dbang bzhi spyi yi dam tshig ni/ /rgya mtsho'i dkyil du gzings mi bshig/ btsan dug gar ma bza' mi bya/ /'thab khang rtse nas dbab mi bya/ /za ma tog tu sbrul mi gzhug /blangs? dkyis? bsang mi bya/ /g.yos legs gzhan la drang mi bya/ /de drug rdo rje dmyal ba'i rgyu/ /rgyal khrims bshig par mi bya zhing/ /chung ma nyams par mi bya'o/ /pha ma btsongs nas rin mi bza' / /me mdag bgam par mi bya'o/ /'di bzhi ngan song gsum gyi rgyu/ /spu gri'i sbrang rtsi bldag ma bya/ /g.yos 'gyed bza' ru phyog mi bya/ /sman zos mi gseb sgrag mi bya/ /ri rab rtse nas bsnyil mi bya/ /gnyen la snying rings mi bya'o/ /de lnga sems can dmyal ba'i rgyu/ /ma bu 'bral ba'i las mi bya/ /gdung sas thag pa rgyun mi gcad/ /chu zla bden par gzung mi bya/ /sbrang rtsi'i ro la chags mi bya/ /'di bzhi khams gsum 'khor pa'i rgyu/ /dug chu khol mar lus ni/ bkru/ /rtsi dug sbyar ba'i dug mi bldag/ rdza snod seng ge'i zho ma bzho/ /chang rdza'i them bu gtang mi bya/ de bzhi
- 270a
byol song phag gi rgyu/ /'dir yang tshe thung dngos grub bgyang/ /mthon po'i kha nas ldang mi bya/ /chags mi gseb bcag mi bya/ /gzhi gzhan la brjod mi bya/ /lam du tsher ma 'gram mi bya/ /'di ni rang ngan sgrub pa'i rgyu/ /lce ? zas zhim skyur mi bya/ /mdzod phugs? dbral bstan mi bya/ /rkun nor gzhan la bstan mi bya/ /ser ra'i ro tshogs mi bya zhing/ /mi lang ba mi shes min/ /khyi rgod phang du blang mi bya/ /'di drug dngos grub yal ba'i rgyu/ /lha khang dud pas mi bdug cing/ /mchod rten bshig par mi bya'o/ /'di gnyis dman pa'i byang chub rgyu/ /me long g.ya' yis mi bsko zhing/ /khab rtse gnyis pas btsam mi bya/ /'di gnyis bdud kyis khyer pa'i rgyu/ /dug gi phyag tshang mi bya zhing/ /stag la zhan bu mi bya'o/ /'di gnyis mkha' 'gros za ba'i rgyu/ /nam mkha' chos kyis bsgyur mi bya/ /ri bong rwas phug 'jig mi bya/ /'di gnyis 'khor bar sdod pa'i rgyu/ /myu gu than pas bskur mi bya/ /lcug phrag rtsa dgug breg mi bya/ /'gro ba'i lam sna dgag mi bya/ /'di gsum ngan sor skyur ba'i rgyu/ /mchog la dman par gzung mi bya/ /byams tshig khyad du gsad mi bya/ /dgos pa yal bar deng mi bya/ /'di gsum gtan gyi bar chod yin/ /bde la skur pa gdab mi bya/ /ma la ngan tshig smra mi bya/ /bu me sring mo spyo mi bya/ /'di gsum mkha' 'gro 'khrug pa'i rgyu/ /las kyi cho ga 'di rnams las/ /'gal na rtsa ba'i ltung bar 'gyur/ /ltung ba chen po byung gyur na/ /dbang rdzogs bdun dang sbyin sreg khri/ /tshogs 'khor brgya rtsa brgyad dang ni/ /'khor gsum yongs su dag pas bshags/ /ltung ba bzhi bo byung gyur na/ /dbang bskur gcig dang sbyin sreg brgya/ tshogs 'khor bdun dang mchod sbyin gcig/ smre sngags drag pos bshags par bya/ /ltung ba chung du
- 270b
byung gyur na/ /lus la tshab ma smre bshags bya/ /maN+Dal gcig dngul bzod gsol bya/ brgya pa bdun nam nyi shu gcig/ bzlas pas de las ldang ba yin/ /ngag la rgyal dang smre bshags bya/ /maN+Dal dbul zhing bzod gsol bya/ /brgya pa brgya rtsa brgyad dang ni/ /lnga bcu nyer gcig bdun dag dang/ /lan gcig brjod pas 'dag par gsungs/ /yid la 'gyod dang maN+Dal dang/ /brgya pa gong bzhin bzlas pas 'dag/ kun gyi kha skong gtor ma dang/ maN+Dal bdun po rnam dag shis/ /brgya pa rtag tu bzlas par bya/ /yan lag dam tshig ces bya ba/ /sngags med btsan dug bza' mi bya/ /rtsi med ri mo bkru mi bya/ /stobs med ral kha sprad mi bya/ /tshod med zhal ce bcad mi bya/ /dpung? med skyel ma mi bya ste/ /rgyus med sa mkhan mi bya'o/ /yang rtsal med par 'phyor mi bya/ /dga' ba'i sa ru shags 'gyeng min/ /bye ma'i ril mkhar mi btsig/ rgya mtsho'i gling du yul mi gzung/ /tsan dan nags la me mi 'jug /me tog ldum dar sad mi gsad/ /rgyal po 'bangs kyi g.yog mi bya/ /rang gi las la g.yo mi bya/ /rgyal po btsun mo brdeg mi bya/ /'dod la mi ster spang bar bya/ /mi 'dod ster ba spang bar bya/ /lcags sgrog bcing bar mi bya'o/ /byis pa rnams dang 'dris mi bya/ /'gyogs po 'gran bar mi bya'o/ /g.yang lugs rtag tu bgo mi bya/ /stan la 'dug pa spang bar bya/ /mtshon cha'i snod kha dam par bya/ /rtag tu mda' ni bsrang bya zhing/ /rtag tu gzhu ni gdung bar bya/ /rtag tu phub gzugs bya ra bya/ /mkhar dpe stod kyin 'obs btsad bya/ /shi ba'i rol yang yang brtag /rang gi srog zon dus drug bya// mdor na de la sogs pa yi/ /dam tshig dpag tu med mod kyang/ /rang sems drang por bsrang byas te/ /rtag tu bla ma dran byed cing/ /sgo gsum tho mal ma lus na/ /dam tshig sdom pa thams cad ni/ /gdon mi za bar bsrung bar nges/ /bag yangs chen po ci
- 271a
bder sbyod?/ /dam tshig dang sdom pa'i rnam par bshad pa/ rdo rje theg pa'i rtsa ba'i las kyi cho ga/ rnal 'byor gyi srog ces bya ba/ bla ma rdo rje gdan pas mdzad pa rdzogs so// //rgya gar gyi mkhan po a b+hyA ka ra gupta dang/ bod kyi lo tsa ba tsa mi sangs rgyas grags pas klen skad du bsgyur ba'o/ /karma shad twan rdzogs so// (// !/ /'phags pa klu sgrub kyis mdzad ba'i zhen 'og sgron ma zhes bya ba bzhugs so//) // */ /mchod gnas dkon mchog gsum la phyag 'tshal lo/ /chos la 'jug thabs don 'di bstan par bya/ /gang zhig bdag gzhan sdug bsngal spong 'dod cing/ /bde ba 'dod pas dam chos spyad par bya/ /mi rtag chos la bye brag bsam las 'das/ /ci phyir 'jig rten 'di dag mi rtag ste/ snod kyi 'jig rten ri rab lhun po dang/ /gser gyi ri bdun rol mtsho chen po bdun/ /gling bzhi gling phran lcags ri mu khyud yang/ /'jig pa'i dus na bskal pa'i me byung bas/ /thal ba'i lhag ma tsam yang mi lus te/ /tha mar chu dang rlung gis 'jig pas na/ /brtan zhing nges pa 'dra ste brtag mi bzod/ /lo zla chos grangs shol ni me thebs pas/ /lo zla 'das shing 'jig pa'i dus dang nye/ /dus bzhi 'khor bsdod pa med pas na/ /dbyar dro skye la dgun grang skam pa dang/ /lo legs lo nyes than zhod nges pa med/ /rtsi tog ljon shing lo 'dab rgyas pa 'dra/ /dus kyi drod bral rlung gis mi rtag go /rtag pa lags na ci phyir 'gyur zhing 'gro/ /de la sogs pa mi rtag dgongs nas gdal/ bcud kyi 'jig rten 'di yang mi rtag ste/ /nyin zhag 'das shing shi dang phar phar nye/ /'khor ba'i sdug bsngal gsum gyis rtag tu 'khor/ /skye rga na 'chi rang thag ri mo 'dra/ /'chi bdag bdud ni se bya nya sdod 'dra/ /'jig rten 'di na che chung
- 271b
phyug dbul kun/ /'chi bdag bdud kyi lag tu mi 'gro med/ /snga ma shi ba'i mi rnams kun gyis kyang/ /rtag tu re zhing bu dang nor bsags kyang/ /rang ni dge sdig gnyis dang 'grogs te 'gro/ bu nor phyir lus bdag la phan med pas/ /de phyir bu nor zas la chags mi bya/ /yod pas dge ba'i las la mi 'bad na/ /de ni 'jig rten 'di yi gter bsrungs yin/ /shes pas dam pa'i chos la mi spyod na/ /brtags pas bcam bu don med glen pa yin/ /de bas nor med dbul lo bsnyen dga' dang/ /bram ze ldan pa phul ba dag la spyod/ /de ni 'jig rten 'di yi gter bsrungs yin/ /shes pas dam pa'i chos la mi spyod na/ /brtags pas bcam bu don med glen ba yin/ /de bas nor med dbul lo bsnyen dga' dang// bram ze ldan ba phul bdag la spyed/ /'jig rten 'di yi pha ma bu tsha dang/ /phu nu mdza' shes bran khol nor rnams kun/ /sdug bsngal skal len 'ga' yang mi 'ong ste/ /'chi ba'i phyir ni gcig kyang mi 'ong ngo/ /don de ma rigs na mang po kun/ / tsha 'di'i 'khor ba'i nye bshes tshad dag tu/ /sdig pa'i bye brag rnam pa mang po spyod/ /phan med rang ni ngan song gsum du ltung/ /de tsha 'gyod kyang phan med nyon mongs snon/ /tshe 'dir phrad pa'i las mthun nye ba'i rnams/ /'gron po gnas mthun tsam ste so sor 'gro/ /sdig dang sdos nas zas dang nor bsags kyang/ /sdig pa'i rnam smin rmongs pa bdag gis khur/ /bsags pa'i nor ni phyir lus bu tshas khyer/ /sbrang bus 'bad de sbrang rtsi bsags pa 'dra/ /de bas longs spyod med cing dbul ba yang// rgyu 'bras mi slu chos la yid ches pa/ ?mos pas dag bya dang pa'i yon phul nas/ /dge slong gsel 'byig lta bur gyur pa yod/ /de phyir 'phags pa'i nor bdun dang du blang/ /dad dang tshul khrims gtong dang thos pa dang/ /dri med ngo tsha shes shing khrel
- 272a
yod shes rab ni/ /'phags pa'i nor bdun lags par thub pas gsungs/ /dper na nor gyi nang na chog shes pa/ /rab mchog lags par lha mi'i ston pas gsungs/ /kun tu chog shes mdzod cing chog mkhyen na/ /nor mi bdog kyang yang dag 'byor par 'gyur/ /bdag la shin tu 'phangs pa'i lus 'di yang/ /gos rnying lam du bor ba bzhin du 'gro/ /da lta sa stengs 'di na gnas pa kun/ /lo brgya tshun ched gcig kyang mi lus so/ /brgya thub 'bum la gcig kyang mi 'byung na/ /brgya la srid kyang phal cher yongs 'gyur te/ /mtshan mo nyal bas brgya phyed gnyid dbang du/ /song ste de la dran med shi dang 'dra/ /lhag ma lnga bcu yod du zad kyang ni/ /ra ro nyal dang 'du byed rnams kyi rkyen/ /lnga bcu phyed ni der yang zad pas ni/ /legs par dran pa nyi shu rtsa lnga yod/ /de yang rang la dbang byar ma mchis te/ /de ring do nod 'chi 'am rtol med kyi/ /da lta nyid du brtun te 'bad la bya'o/ /tshe 'di zil pa 'dra ste med la khang/ /dbugs ni na bun 'dra ste yal la khang/ /lus ni sgyu ma 'dra ste snang la med/ /sems ni glog dang 'dra ste skad cig ma/ /phung po mi rtag 'chi zhing 'gyur ba ste/ /da ra ba'i mdog ni nyon mongs nang kyis 'phrog/ 'chi ba'i srog ni 'chi bdag bdud kyis 'phrog/ dper na chu 'gram g.yang sa'i sdong po 'dra/ /ring po mi thogs bya khyi dur ba dang/ /srin bya 'ug pa bya rgod khwa skeg dang/ /khyi ltogs wa dang 'bu sbrang gzan du 'gyur/ /de bzhin sgyu mar mi rtag mi rtogs par/ /phung po 'di yi ched du sdig spyod pa/ /ma rig glen pa nyon mongs snying re rje/ /zas nor 'brel pa'i longs spyod 'ja' tshon 'dra/ /rmi lam longs spyod rnyed dang mtshungs pa ste/ de ltar 'dus byas thams cad mi rtag pas/ /dam pa'i chos la myur du 'bad par bya'o/ /de bas 'phags pa'i gzugs brnyan mchod
- 272b
gnas la/ /mos pa'i dad pas dge la brtson pa ni/ /bla med byang chub thob par 'gyur ba'i dpe/ /rgyal po gsal thub lta bur gyur pa'o/ /de phyir mchod pa'i las la brtson par bya/ /cis te mi lus thob pa shin tu dka' / /khom ldan mi lus thob par gyur pa na/ /phyi ma'i phan pa 'di la ma bsgrubs na/ /phyis ni mtho ris thob par ga la 'gyur/ /ngan song skyes nas sdug bsngal 'byung ba'i tshe/ /tshe 'di'i btsan phyug bde bskyid ci la phan/ /snga mar ci spyad dran pas shin tu sdug /de phyir 'khor ba'i chos la ma yengs par/ /zhe sdang chen po me ltar 'bar ba la/ /snying rje chen po'i chu yis myur du sod/ /'dod chags ser sna'i mdud pa dam po de/ /chags med sbyin pa chen po'i sems kyis khrol/ /gti mug mun pa chen po'i thibs pa de/ /shes rab gsal ba'i sgron me chen po theg/ nyon mongs kun la gnyen po bcug nas ni/ /'khor ba'i chu bo chen po bzhi rnams la/ /brtson 'grus gru btsugs nas ni rgal bar bya/ /do cig yod pas sang phod yod pa bzhin/ /tshe 'di yod pas phyi ma yod par nges/ /sang phod lo dang sku tshe slad ma ni/ /gang sngar 'ong ba su la'ang rtol med pas/ /sang phod don du so nam 'bad pa bzhin/ /phyi ma'i don du dam chos spyad par rigs/ /de ring do nub kho na mi 'chi zhes/ /bag med bde bar 'dug pa rigs ma yin/ /tshe 'di mi sdod ri gzar chu dang 'dra/ /ring por mi rtag rtswa kha'i zil pa 'dra/ /yang na skye shi chu yi chu bur 'dra/ /'khor bar skye ba shing rta'i 'khor lo 'dra/ /de bas rang gi lus la ma chags par/ /skyabs kyi sbyin pas 'gro la phan btags na/ /bla med byang chub thob par 'gyur ba'i dpe/ /rgyal po shi byin lta bur gyur pa'ang yod/ /mi yi chos lugs legs par spyad pas na/ /mtho ris lha yul bgrod pa thag mi ring/ /mtho ris thar pa'i go 'phang gang yin pa/
- 273a
gzegs na thar pa ? man 'dug pas na/ /de bas mi dge bcu spong dge bcu spyod/ /grags pa nyams par 'gyur ba'i chos drug spongs/ /dge la mi skud sdig la mi bstod de/ /'bras bu gang spyod de dang mnyam par gsungs/ /ngan song sdug bsngal shes kyang mi 'jigs par/ /mi rtag lus la chags nas sdig spyod pa/ /e ma'o rang gis rang brlag snying re rje/ /yi dags byol song sdug bsngal skyi ru bung/ /dmyal khams bco brgyad sdug bsngal ya re cha skye rga na 'chi'i sdug bsngal rgyun re zhing/ /phung bo sgyu ma zas nor brnyan ma yin/ /'khrul pa'i gnyen bshes 'khor ba'i bshal thag pas/ /de ring rang dbang yod pa'i mi rnams kyis/ /rang dang 'brel pa'i zas nor gnyen bshes la/ / ser snas mi bcing chags sems mi bskyed do/ /sems can rtsa la shugs med la bskul mi bya/ /char ni ha la'i dug bzhin rab tu bsrung/ /gzhan gyi bud med dag la chags mi bya/ /rnam smin med pa'i so nam mi bor zhing/ /gzhan gyi nor la brtsig dab chom rkun spang/ /don du lus ngag yid gsum spyod pa gzab/ /mdor na mtshams med lnga dang nye ba lnga/ /lci bzhi log brgyad kha na ma tho gsum/ /'di spyod ngan song gsum du gdon mi za/ /mi rig sdig pa sngon du spyod pa las/ /'gyod pa drag po sems ni bskyed nas su/ /sdig pa 'phro gcad dge ba spyod pa ni/ /'bras bu mtho ris thob par gdon mi za/ /de yang cis mngon ston pa'i bka' las ni/ /dang po rgyal po ma skyes dgra yis su/ / mtshams med pa yi sdig pa byas pa las/ /nags kyi drang song dag las sems bskyed nas/ /'gyod pa'i sems kyis 'bras bu thob pa 'dra'o/ /de phyir nges pa'i 'phral bshags dge la spyod/ /gzhan yang dang po kha na ma tho ba'i/ /tshig gis
- 273b
skur pa btab ste smad pa las/ /mod la 'gyod pa de bshags pa phul na ni/ /du mo rdo rje lta bur skyes pa'o/ /mdor na gzhan don spyod bar gsungs pa ste/ /bdag phyir gzhan la gnod byas bde bar 'gyur/ /ma rig skye bo rang gi don byed dang/ /ston pa sangs rgyas gzhan gyi don byed gnyis/ /'bras bu che chung khyad par de 'dra bas/ /sems can bkres pas nyen par gyur pa las/ /zas nor lus kyi sgo nas pham 'dogs pa/ /rgyal po shud lo gang ne lta bu ste/ /gzhan don spyad na 'bras bu thob par 'gyur/ 'di dag shes nas dge med sdig spyod pa/ /mi shes sdig spyod sdig pa brgya 'gyur che/ /de bas don med ? ma brtson par/ /dge ba'i las la rtag tu spyad par bya/ /rgyu 'bras shes byed rkyen ni dge ba'i bshes gnyen pas/ /de phyir dge bshes dam pa btsal bar bya/ /de ni legs pa kun ston nyes pa skyob/ /yang dag lam ston 'bras bu skyed byed pas/ /pha mas mkhan dus kyis dbyar dang 'dra'o/ /de phyir dge bshes dam pa rtag tu bsten/ /chos kyang shes pas mi chog spyad ba gces/ /ci yi phyir na chos son ma 'dra/ /chos kyi bdag bshad bdag gis chos ma bshad/ /don rtogs bya phyir dang po mnyan yang dgos/ /nges pa rnyed nas tshig mang bslab mi dgos/ /tshig mi zad phyir nyan pas mthar thug med/ /nyan cir 'chad pa spyad thabs bca' phyir yin/ /mi spyod nyan 'chad don chung tshe ri chad/ /gzhan la 'chad pa tshig gi than pa yin/ /gzhan gyi than 'byal rang la mi phan te/ /bro mkhan sgrung mkhan bro sgrung 'chad pa 'dra/ /de ni mi nag chos kyi lo rgyus mkhan/ /thos pas rgyabs nas rang sems mthul na/ /mkhas kyang phan med slar la 'khor ba'i rgyu/ /thos mad tshig la mkhas pa ne tso 'dra/ /'gro ba gang zhig rang la med pa yi/ /nor bu rin po che yi yon tan dag/ ji snyed brjod
- 274a
kyang rang la phan med 'gyur/ /de bzhin chos shes chos dang mi ldan pas/ /spyad thabs che pa'i yon tan ji snyed cig/ brjod kyang rang gi don la phan med 'gyur/ /gzhan yang shes nas dam chos ma spyad na/ / rgya mtsho'i nang du skom nas shi ba 'dra/ /gzhan yang khe phyir gzhan la chos 'chad pa/ /rin chen rnyed kyang sbrang ba 'dra zhes gsungs/ /dper na sman mkhan nad la ma btang dang/ /dbul mos phyug pa'i nor bgrangs pa dang 'dra/ /lam rgyus shes kyang ma phyin 'dra zhes gsungs/ /de bas 'gro ba kun kyang chos la gzung/ /pha ma bu che gnyen 'dun thams cad dang/ /'khor g.yog las kyi 'brel pa thams cad kun/ /gros btab gal gyis bcud de dge la gzung/ /chos la chud na byang chub spyod pa yin/ /ge ba nyams chung sdig pa stobs chen dag/ bla med byang chub sems ni ma bskyed par/ /dge ba gzhan gyis zil gyis mi non pas/ /'khor ba'i btson rar bsdams shing nyam thag pa'i/ /bdag gzhan mi bde gsal bar 'dod pa des/ /byang chub sems gnyis rtag tu btang mi bya/ /sdig med dge ba'i sems dang ldan de la/ /bder gshegs rnams kyi sras su dgongs pa dang/ /lha mi nga dgongs pa kun gyis phyag bya'i 'os/ /mdor na byang chub rnam pa gsum dgongs te/ /dang por smon dgos par du 'jug kyang dgos/ /tha mar don de nyid la gnas par bya/ /smon kyang ma zhugs don la ma gnas na/ /yid smon byas pas 'bras bu mi thob pas/ /byang chub spyod pa rlabs chen spyad par bya/ /rgyu ni dka' ba dang du ma blangs par/ /'bras bu byang chub thob par mi 'gyur te/ /gang la sbyin par mchog tu btang dga' ba/ /yan lag kun gyi dang po mgo bo yin/ /sbyin par gtong ba rgyal po zla yod yon/ /de
- 274b
bzhin spyad na byang chub thob par 'gyur/ /de phyir 'khor ba'i chos 'di gtan du spang/ /mya ngan 'das pa'i lam la 'jug par bya/ /sbyin pa'i pha rol byin pa yongs rdzogs na/ /sa ni dang po rab tu dga' ba thob/ /tshul khrims pha rol phyin pa yongs rdzogs na/ /gnyis pa dri ma med pa'o sa yang thob/ /bzod pa'i pha rol phyin pa yongs rdzogs na/ /gsum pa 'od byed pa yi sa yang thob/ /brtson 'grus pha rol phyin pa yongs rdzogs na/ /bzhi pa 'od 'phro ba yi sa yang thob/ /bsam gtan pha rol phyin pa yongs rdzogs na/ /lnga pa shin tu spyang ka'i sa yang thob/ /shes rab pha rol phyin pa yongs rdzogs na/ /drug pa mngon du gyur pa'i sa yang thob/ /thabs kyi pha rol tu phyin pa yongs rdzogs na/ /bdun pa ring du song ba'i sa yang thob/ /smon lam pha rol phyin pa yongs rdzogs na/ /brgyad pa mi g.yo ba yi sa yang thob/ /stobs kyi pha rol phyin pa yongs rdzogs na/ /dgu pa legs pa'i blo gros sa yang thob/ /yi shes pha rol phyin pa yongs rdzogs na/ /bcu pa chos kyi sprin gyi sa yang thob/ /'bras bu sku gsum lhun gyis grub par 'gyur/ /ji ltar sngon gyi bde gshegs rnams kyis su/ /byang chub mchog tu thugs ni bskyed pa dang/ /byang chub sems dpa' i spyod pa rlabs po che/ /rim par gnas nas 'bras bu thob pa ltar/ /de bzhin bdag dang gzhan la phan don du/ /sems bskyed nas ni dge ba gzhung du spyod/ /de ltar dam chos gzhung du spyad pa na/ /nyon mongs 'chi bdag bdud ni 'joms pa yi/ /bdud rtsi mchog nyid kyang ni de yin no/ /de phyir dam chos gzhung bzhin spyad par bya/ /chos gzhung mi spyod chos pa'i ming ci yod/ /tshul khrims mi bsrung dge slong ci la zer/ /dam tshig med na sngags pa gang la zer/ /sdig ni chung yang mi brnyas spang bar bya/ /dge ba chung yang dang du blang bar bya/ /mdor
- 275a
na tshad med bzhi dang bsdu ba bzhi/ /gzhan don spyad na bdag don chud mi za/ /de phyir sgrib gnyis spangs la tshogs gnyis bsgrub/ /ston pa'i dka' dang don du mthun byed cing/ /chags med dge bar gtong ba'i gang zag ni/ /byang chub sems dpa' i rigs can yin pas na/ /de la phrag dog dbang gis sgro skur zhing/ /thabs kyis smod byed 'khor ba'i g.yang sar ltung/ /dge ba'i don la zhugs pa'i gang zag gis/ /nyon mongs 'du 'dzin med pa'i dge gnas ni/ /mtshan mo stod smad dge la gnas nas ni/ /gung la nyal tshe dge dran 'phro la nyal/ /de yis bag chags dge la gnas par 'gyur/ /bag chags rtag par gnas na dang po'i drod/ /yin bas dge ba nyams 'og chud de bya/ /zas kyang chags phyir ma yin rgyags phyir min/ /dag rtags bya phyir tshod ni zin par bza' / /rgod dang 'gyod dang gnod sems rmugs pa dang/ /gnyid dang 'dod la 'dun dang the tshom ste/ /sgrib pa lnga po 'di dag dge ba'i nor/ /'phrog pa'i chom rkun lags par rig par mdzod/ /ston pa'i bka' la brdzun pa mi mnga' bas/ /the tshom nem nur yid gnyis mi bya'o/ /don la spyad cing tshig phyir mi 'brang ste/ /don ni gser 'dra tshig ni sgron ma bzhin/ /gser rnyed nas ni sgron ma gdeg mi dgos/ /don la spyad cing bsgoms na rang rig skye/ /tshig phyir nyan cing 'chad pa mang byas kyang/ /rang rig mi skye nyon mongs 'phel ba'i rgyu/ /mdor na theg pa kun la blo sbyangs te/ /nges pa gcig la zhugs te mi sgrub par/ /ye rngaM zos nas byang chub 'phrul pa ste/ /des ni 'bras bu thob par mi 'gyur ro/ /chos kyang rang gi nyams dang spyad cing spyang/ /'bras bu gong ma che la
- 275b
gtad byas na/ /nyams kyis mi lcogs bzhin du khas len pa/ /thang stod sdig pa rang gis blangs pa yin/ /theg pa'i grangs ni gcig tu ma nges la/ /theg pa'i khyad par shes rab che chung ste/ /nyams 'og chud par spyad na chud mi za/ /dam chos gzhung du spyod pa'i mi de la/ /dam can kun kyang ma bskul rang bzhin 'go/ /mkhas pa chen po'i mthun nyi shar 'dra/ /'gro ba kun kyang dad cing 'dun pas na/ /'dus byas 'dus ma byas kyi dge ba la/ /thun mong dag tu spong len med par bya/ /spong len byas na ston pa'i bka' dang 'gal/ /theg chen sgor zhugs gang zag rnams kyis kyang/ /shes rab snying rje gnyis kyis gzhi gzung ste/ /thams cad dbyer med rtog pa shes rab yin/ /kun la bu bzhin byams pa snying rje yin/ /de gnyis mi ldan theg chen khas che ba/ /long spyad rgyal po yin zhes zer te brdzun/ /da lta' gang zag sngags kyi sgor zhugs bas/ /gsang sngags zab mo nor rdzas brnyan mar bcongs/ /'khor ba'i bu tsha pho mo khyim thabs byed/ /gsang sngags shes pas bdag phung snying re rje/ /des ni tsan dan sol bar 'tshang ba dang/ /gser phye spang phyer 'tshong dang 'dra bar gsungs/ /gzhan yang dad pa can gyi nor blangs nas/ /dge bar ma spyad mi chos nor du spyad/ /'bras bu dag ni rnga mo'i lus su skye/ /de yi nor la nor bdag longs spyod bya/ /sbyong ros sdug bsngal nyams su myeng bar 'gyur/ /lcags rdo dngul rdo bzhu ru btub pas na/ /dad pa can gyi nor ni bzhur mi btub/ /tshig tsam ma yin sems kyis mnyam pa nyid/ /rtogs nas klong du gyur cing drod ldan dang// chags med dge bar spyod pa'i gang zag gis/ /ma byin blangs nas spyad kyang mi sgrib bo/ /mdor na sngags kyi rtsa ba dam tshig bsrung/ /bya ba'i rgyud kyi dam tshig bstan pa ni/ /thun mong bslab pa bzhi po nyams mi bya/ /bla med rnam gsum mchod
- 276a
cing bla ma bkur/ /grogs la bdud zhing mi mthun kha zas spang/ /mtshan mar byas shing lha la phul ba yis/ /khrus la brtson pa bskyed cing lus spyod bzang/ /ma nyams bsrungs na rig gsum dngos grub thob/ /rnal 'byor byi pa'i dam tshig bstan ba na/ /spyi yi dam tshig gsum po nyams ma bya/ /rtsa ba'i dam tshig drug ni gzhung du bsrung/ /yan lag dam tshig gsum dang ldan bar bya/ /mnyams bsrungs na 'bras bu thob bar 'gyur/ rnal 'byor nang pa'i dam tshig bstan pa ni/ /dam tshig bye brag bsam gyis mi khyab kyang/ /mdo ru bsdus na rtsa ba gsum du 'dus/ /lus srog skyed pa'i dus gsum pha ma dang/ /ma rig sgo 'byed 'dren ston slob dpon dang/ /dam pas 'brel pa'i grogs mched rnams la ni/ /lus ngag yid gsum don dang mthun par bsrung/ /yi dam lha yi ting 'dzin g.yel mi bya/ /de yi sngags dang phyag rgya rgyun mi gcad/ /dam tshig nyams dang ma 'dres snod med la/ /gsang ba'i man ngag spel bar mi bya'o/ /da lta gang zag sngags par khas 'chos nas/ /sku'i dam tshig gzhung du mi srung bar/ /pha ma spong rdung bla ma sman mi 'khur/ /phrag dog dbang gis grogs la brtse gdung gcad/ /ngan song gnas su the tshom med par 'gro/ /gsung gi dam tshig gzhung du mi srung bar/ /ting 'dzin 'dod sgrub 'dzab du rna 'cha' zhing/ /phyag rgyar ma byin zas nor len byed pa'i/ /sngags par khas 'ches 'khor ba'i g.yang sar ltung/ gsang sngags zab mo dgon par mi spyod par/ /snod dang mi ldan nyan mi rnyed thang la/ /bag rtse bcas nas man ngag lhug? par bshad/ /thugs kyi dam tshig nyams ba dmyal bar skye/ /gsang sngags gab pa'i don rnams mi rtogs par/ /dam med mi? nag? khal thig kun bsdus nas/ /spas pa'i gsang ba mngon sum 'chol bar spyod//
- 276b
bka' dang 'gal bas 'khor ba'i g.yang par ltung/ /dang por dam tshig gzhung du mi srung dang/ /bar du dbang rnams rim par mi nod dang/ /tha mar dka' gzhung bzhin du mi sgrub par/ /sngags bar khas pa ches gang thag snying re rje/ /bza' shing ra bar dug gi sdong skyes nas/ /dug des bza' shing byin yang med byed pas/ /bdag pos dug de do ni shes ma thag/ rtsa nas phyung ste myur du med byed ltar/ /gang zhig rtsa ba nyams pa'i phyal ba dang/ /'dres nyams 'gyur ba nyes pa'i 'phel 'gyur bas/ / don rig nas ni myur du spang par bya/ /dper na 'o ma nyung ngu'i thig pa gcig /rul pas 'o ma kun kyang 'drul pa bzhin/ /dam nyams snod ni de dang ma 'dres na/ /nyams pa de dang de ni 'dra bar gsungs/ /de bas lung gcig chu la'ang mi btung ngo/ /dam tshig sa gzhi 'dra ste kun gyi rten/ /dam tshig nor bur 'dra ste 'dod pa 'byung/ /dam tshig mkhar dang 'dra ste 'jigs pa skyob/ /dam tshig gru dang 'dra ste chu bo sgrol/ /mdor na chos kyi rtsa ba dam tshig gsungs/ /phyi rabs rnal 'byor rnams kyis sems la 'jog/ rnam smin gzhan ni khad dang rims kyis smin/ /gsang sngags thun mong ma yin rnam smin drag /rgyu mar sprul zhugs bzhin du 'gro'o zhes/ /gsang ba'i rgyad rnams kun las gsal bar 'byung/ /gang zag sngags par khas len rnams kyis ni/ /rang bzhin ting 'dzin gzugs brnyan dkyil 'khor gsum/ /dam tshig dbang dang mchod pa'i sgor zhugs nas/ /rang nyid zab mo'i don dang ldan par bya/ /theg pa 'og ma'i sgor zhugs bsrang sdom dang/ /chos spyod byed ba mi dgag mi smod do/ /ci phyir chos la spong len phyogs ris dang/ /bzang ngan gnyis su ston pa ma gsungs pas/ /'di ltar snod pa'i chos 'di thams cad la/ /gnyis med mnyam pa chen por rtogs pa ni/ /'bad rtsal ci byas dge par gyur pas na//
- 277a
dge ba'i rtsa ba phyogs ris med par bya'o/ /da lta'i gang zag theg pa 'og ma pa'i/ /rgyu 'bras don la zhes pa kha cig ni/ /gsang sngags zab mo'i don rnams ma rtogs par/ /sngags kyi stan 'gan chos spyod 'phrigs mthong na/ /ban? de log chos spyod cing rtsing chos byed/ /gsang sngags chos min ston pas ma gsungs zer/ /man ngag zab mo'i don la smrar btab pas/ /'bras bu mnar med dmyal ba'i yang gting du/ /skye bar gyur pas rmongs pa snying re rje/ /ston pa'i zhal nas ngas par gsungs pa yi/ /man ngag don dam gsang sngags zab mo la/ /bka' slad gzhung bzhin dang du mi len par/ /mtshan nyid chos spyod dag la blo zhen pas/ /bskal pa gsum du sangs rgyas zhal mi mthong/ /skal pa chung zhing shes rab zhan pa dang/ /blo ngan don la rmongs pa'i gang zag gis/ /zab mo'i don la ma zhugs skur pa btab/ /rnam smin dpag gis mi lang brjod las 'das/ /gsang sngags zab mo'i don la yid ches nas/ /lha spyod dam tshig gzhung du ldan pa dang/ /sgrub la shin tu brtson pa'i gang zag ni/ /sangs rgyas sa la the tshom med par 'gro/ skye bo ma rig chos la gzung pa dang/ /chos la chos dang mi ldan pa rnams kyi/ /don du bdag gis yi ge 'di brtsams pas/ /kun kyang dang cing don la 'jug par smon/ /zhen log sgron ma zhes bya ba/ slob dpon mkhas pa klu sgrub kyis mdzad pa rdzogs so// //rgya gar skad du/ mahA rA dza bai sh+ra ba na sA d+ha naM/ bod skad du/ rgyal po rnam thos sras kyi sgrub thabs/ /dpal phyag na rdo rje la phyag 'tshal lo/ /nor gyi dbang phyug rin chen gter mnga' ba/ /gnod sbyin kun gyi nor 'chang kun gyi rje/ /byang phyogs skyong ba'i rgyal po rnam thos sras/ /dngos grub mchog
- 277b
stsol mdzad la phyag 'tshal lo/ /ngal so dge ba stobs po che/ /sgom zhing seng ge'i gdan la bzhugs/ /phyag gnyis be con ne'u le bsnams/ /de sgrub cho ga bshad par bya/ /ga pur la sogs lci ba yis/ /sngags brjod sa gzhi legs par byug /tshom pu dgur ni me tog 'god/ /dam tshig bdun dang ldan pa yis/ rgyal po'i rten gsum gzugs par bya/ /bdag nyid cho ga rdzogs byas la/ /sngags brgya bcu gsum pa bzlas pa/ /phyogs mtshams sur du gsab? gtor bya/ /snying khar sa bon bsam pa las/ /byang phyogs 'od zer rab spros te/ /gnod sbyin bye ba 'bum gyi gtso/ /rgyal po rnam thos spyan drang te/ /mdun du legs par bzhugs par bsam/ /de la gsang gtor nas brtsams te/ /rgyal po 'khor bcas legs par mchod/ /oM a mri ta kuN+Da li ha na ha na hUM phaT/ /de la mchod pa'i yi ge la/ /yi ge gsum dang ldan pa yis/ /so sor legs par sbyar te dbul/ /spyi gtsug lkog ma snying ma yi/ /oM A hUM gis 'od zer gyis/ /rgyal po 'khor dang bcas pa rnams 'od zhu stong pa'i rang bzhin bya/ /de nas mdun du brum las ni/ /rin chen khang pa brtsegs par bsgom/ /zur bzhi rim gsum khang brtsegs pa/ /dbus ma'i pho brang gsum brtsegs te/ /rtse mo rin chen nor bus brgyan/ /dra ba dra ba phyed pas bskor/ /shar sogs shel dang bai DUrya/ /pad+ma ra ga gser gyi ni/ /ka ba stong phrag bcu yis brgyan/ /de'i phyi rol phyogs 'tshams su/ /bum pa bzang po dpag bsam shing/ /rin chen rdzing bu 'dod 'jo ba/ /brgyad brgyad lnga yis rab tu mdzes/ /rin chen 'bar bas yongs su bskor/ /dbus su sa bon yi ge las/ /'od zer sna tshogs rab 'phros nas/ /don byos slar 'dus bai la thim/ /de las rgyal chen 'khor bcas rdzogs/ /rin chen pho brang dam pa dang/ /mi 'jigs
- 278a
seng ge'i gdan steng na/ /bai las byung ba'i mgon po ni/ /ngal so dge ba stobs po cha/ /g.yas na rin chen rgyal mtshan 'dzin/ /g.yon na gter gyi ne le bsnams/ /sku ni gser gyi 'od pas mdzes/ /zhal nas rin chen char pa 'bebs/ /thugs rjes phongs pa las sgrol mdzad/ /sku la rin chen rgyan gyis sgras/ /phrag gong g.yas g.yon nyi zlas brgyan/ /nyi ma 'bum gyis gzi mdangs can/ /dbu la rin chen rgyan gyis spras/ /gnod sbyin bye ba'i 'khor rnams dang/ /nam mkha' i sprin tshogs bzhin du bsam/ /nam mkha' i mdzod la mnga' mnyes pa/ /sems dpa' i skyil mo krung gis bzhugs/ /de nas rgyal po spyan drangs te/ mgon po kun gshegs dam tshig can da lta snyigs ma lnga yi dus/ /mtshams med lnga ni kun spyod cing/ /thams cad nyon mongs 'dam 'byings ser/ /gzigs shing gshegs pa'i gnas ngan yang/ /shAkya seng+ge'i spyan sngar khyod/ /thugs dam gang bzhes de dgongs la/ 'dren pa'i bstan pa bsrung ba dang/ /sems can kun la sman slad du/ /byang phyogs gnas na bzhugs pa rnams/ /sems can don phyir gshegs su gsol/ /phyag na rdo rje thugs gnas pa'i/ /hUM las spros pa'i 'od rnams kyis/ /rang bzhin rgyal po rnam thos sras/ /gnod sbyin 'bum bcas bkug nas ni/ /nor bu'i grong khyer de dbus su/ /mdun gnas rgyal po de la bzhugs/ /rin chen dbang bskur byin brlabs nas/ /de nas bsang gtor nas brtsams te/ /rin chen bdun dang bkra shis brgyad/ /'dod pa'i yon tan lnga yis mchod/ /gu gul dud ba dbul zhing bstod/ /de nas thugs kha'i zla ba la/ /sa bon sngags kyis yongs bskor te/ lce rdo rje sbu gur
- 278b
bsam/ /sngags kyi bzlas pa spro bsdu ni/ /so so'i thugs kar dmigs la zlas/ /tad ya thA oM hi li ma Ni b+ha dra hi li hi li ma Ni b+ha dra/ ki li ma Ni b+ha dra/ ki li ki li ma Ni b+ha dra/ /ku ru ma Ni b+ha dra/ ku ru ku ru ma Ni b+ha dra/ /tu ru ma Ni b+ha dra/ tu ru tu ru ma Ni b+ha dra/ su ru ma Ni b+ha dra/ su ru su ru ma Ni b+ha dra/ tsu ru ma Ni b+ha dra/ tsu ru tsu ru ma Ni b+ha dra/ oM e hya hi tiSh+Tha tiSh+Tha a ba ta ra tiSh+Tha me tsa ya/ tad ya thA bud d+ha ni su te ne/ su ra me na/ su pa de re/ su su sh+ye/ hi li mi li swAhA/ hUM be sh+ra man ya swAhA/ 'di brjod bsnyen pa 'bum phrag bcu/ /zla ba yar ngo'i bco lnga la/ /tsandan dkar po'i dkyil 'khor byas/ de nas rgyal po la dmigs nas/ /a ka ru bsregs sngags bzlas bya/ /'dir ni brgya dang rtsa brgyad bzlas/ / nyin dang mtshan mo lan drug tu/ /rgyal po la dmigs sngags bzlas na/ /rtag tu rjes su 'brang bar bgyid/ /dpag tshad brgya ni tshun chad du/ /gnod sbyin rnams kyis bsrung bar byed/ /bsam pa thams cad yongs rdzogs shing/ /kha na ma tho med pa yi/ /zas dang skom dang bca' ba dang/ /nor bu dbyig dang gser gsal bgyid/ /rin po che'i gter la sogs/ /bsod nams tshang med 'grub par 'gyur/ /phun sum tshogs pa thams cad 'grub/ /de la sogs pa la lus 'grub/ /ngal bar gyur na gshegs su gsol/ /mchod bstod bzod par gsol ba dang/ /dkar gtor gtang la phrin las bcol/ /brum la sogs pa'i snod bskyed la/ /khaM las zhal zas bskyed par bya/ /oM a ka ro mu khaM sarbaM d+harma NaM/ a dya nud pan nAd twad oM A hUM/ /sangs rgyas kyis spel byas la/ /sngags rgyal bcu gsum pa bzlas bya/ /hUM bai sh+ra ma Na ye i dam ba li ma grih+Na du sa ma ya rak+Shan tu mA ma si ti bra yad tshad/ /ma ma sarba karmA sA d+hu a mo g+ha swAhA
- 279a
so so'i sngags la btags la dbul/ /hUM byang phyogs skyong ba'i rgyal chen rnam thos sras/ gtor ma phul ba 'di dag bzhes nas kyang/ /bdag cag 'khor dang bcas pa la/ bu sdug bzhin du bskyang bar mdzod// bdag la gnod par sems dpa' yi/ /log par zhugs pa'i sems can kun/ /de'i phru ma gzhom pa dang/ gtan nas brlag pa'i phrin las mdzod/ /bai yig sum cu rtsa gnyis bsring/ /snying kha'i lcags kyu bkrol la gshegs/ /oM khyod kyis sems can don kun mdzad/ /rjes su 'thun pa'i dngos grub gsol/ /byang phyogs gnas su gshegs nas kyang/ /slar yang byon par mdzad du gsol/ /dam tshig sems dpa' 'od du bya/ /rgyal po'i gzugs brnyan byas pa la/ /rang bzhin rgyal po bkug la bstim zhabs kyis mnan la dbang du bsdu/ /hUM bai sh+ra ma ne ye a nu ra tsa kyu ru hUM/ de ltar rdzogs par byas gyur na/ /rgyal po rnam thos sras bcas kyis/ /'dod pa thams cad bskong bar byed/ /nam mkha' mdzad la mda' brnyes 'gyur/ /slob dpon chen po 'gro bzang snying pos mdzad pa'i rnam thos sras kyis bde byed kyi rtog pa rdzogs so// //rgya gar gyi mkhan po paN+Di ta de tsa ba dang bod kyi lo ts+tsha ba dge slong 'phags pa'i shes rab kyis bsgyur cing zhus pa'o/ //rgya gar skad du/ mahA rA dza bi ru ta ka kar ma kal sA d+ha na/ bod skad du rgyal po chen po rnam thos sras kyi las brtag pa'i sgrub pa'i thabs/ /dpal phyag na rdo rje la phyag 'tshal lo/ /thugs gtse phyag na rdo rje yis/ /dngos su lung bstan byin brlabs pa'i/ /spyod mdzad chos kyi rdo rjes ni/ /grags 'dzin la sogs pha rol sde/ cho gas bsad sogs las rnams ni/ /bla ma brgyud pa las
- 279b
byung ba'i/ /gnod sbyin rgyal po gtsor gyur pa'i/ /stong phrag brgya dang gnyis lhag pa'i/ /de bsgrub cho ga bshad par bya/ /dpal ldan khro rgyal rdo rje can/ /sngon 'gro rdzogs pa'i rnal 'byor pas/ lha sogs gdug pa gzhom pa'i phyir/ /dang por cho ga la 'jug bya/ /ske tshe yungs kar dug sna tshogs/ bong bu'i chu dang spangs sogs dang/ /tsha dang gdug pa'i tsher spangs chu/ /hUM brjod sa gzhi legs par byugs/ /kha ro tsher ma can gyi shing/ /nam phyed byad ba ltar me tog blang/ /tshom bu ru ni legs par dgos/ /khrus byas bsrung ba bdun byas la/ /sems dpa' i skyil krung bde bstan la/ /byang du mngon phyogs 'jug par bya/ /de nyid rigs kyi me tog dang/ /sna tshogs dug phye mi rus phye/ /legs par sbyar ba'i de bzhin spos/ /mi rkang las byung mar me gtad/ sa lu dmar po sha lnga sogs/ /gcig tu byas pa'i lha bshos dang/ /mi dang bong bu'i dri chu dang/ /rma bya'i sgro dang ku shar bcas/ /bsang gtor dri'i chu dang ldan/ /sngags rgyal bcu gsum pa bzlas bya/ /phyogs 'tshams kun du bsang gtor bya/ /de nas bdag nyid rnal 'byor pa/ /gdong bkrus nas brtsams sgrub thabs gzhung/ bdag nyid cho ga rdzogs byas la/ /yi ge bcu gsum bzlas pa ni/ /'bum phrag gcig tu bzlas byas la/ /snying khar yi ge bsam pa las/ /'od zer byang du rab 'phros te/ /gnod sbyin bye ba 'bum gyi gtso/ /klu chen brgyad kyis bskor ba yi/ /rnam thos rgyal po spyan drangs te/ /mdun gyi dkyil 'khor steng du ni/ /rim pas legs par bzhugs par bsam/ /de la bsang gtor nas brtsams te/ / gong gi mchod pa'i rim pa yis/ /yi ge gsum dang ldan pa rnams/ rgyal po 'khor bcas legs par mchod/ /oM a mri ta kun Da li ha na ha na hUM phaT/ de la mchod pa'i yi ge ni/ /so sor legs par sbyar te dbul/ /spyi gtsug lkog ma snying kha
- 280a
yi/ /yi ge gsum gyi 'od zer gyis/ /rgyal po 'khor dang bcas pa rnams/ /'od zhu sa bon rang bzhin bya/ de la rang sngags bskor ba dmigs/ /'od kyis gdug pa bcom byas te/ /slar bsdu hUM sogs la thim nas/ rgyal chen 'khor bcas yongs su rdzogs/ /de nyid rgyal po chen po ste/ sku mdog sngon po gzi brjid can/ /zhal gcig pa la phyag gnyis pa/ /khro gnyer mche ba cung zhig gtsigs/ /cod pan sbrul mog mchu sder can/ /phrag god g.yas g.yon nyi zlas mtshan/ /nyi ma 'bum gyi gzi brjid can/ /seng+ga'i la sogs 'jigs pas mtshan/ /sku las nam mkha' gang par 'phro/ /g.yas ni rdo rje rab mtshan pa'i/ /dbyug pa ba dan bcas pa 'dzin/ /g.yon pa phyag na sku gdung 'dzin/ /klu rnams gdug pa'i rang lus 'chad/ /gnod sbyin srin po'i gzugs rnams ni/ /nam mkha' i sprin tshogs bzhin du bsam/ /thugs ka'i sa bon las 'phros pa'i/ /'od kyi rgyal po rnam thos sras/ /'khor dang bcas pa bkug nas ni/ /mdun nas dkyil 'khor dag la bstim/ /de nas bsang gtor nas btsams te/ /gong gi sngags kyis mchod pa dbul/ /gong gi gtor ma'i bzhin/ /legs par byin gyis brlabs nas ni/ /oM badzra bi ru ra ga ku be ra/ ad ma ka /mahA yak+Sha rA dza/ aSh+Ta nA ga bi ga bir bai sha sarba yak+Sha ba ri/ /b+ha ra i daM ba ling grih+NaM du/ sa ma ya rak+Sha du/ ma ma sid+d+hi pra yats+tsha/ ma ma sarba karma sa da a mo ka ma ra ya hUM phaT swAhA/ /yig bcwa lnga sngags la ni/ /brtags te gtor ma dbul bar bya/ /de nas bdag nyid bsrung bar bya/ /gser la sogs pa'i rdzas rnams la/ /hUM di khri gyi phyi rol du/ /yi ge bcu gsum bskor bar bya/ /yungs kar dang bcas spyi bor bzhag /bla rtsi ba'i rnam lnga la/ /gos sngon can gyi sngags bzlas te/ mgo lus khyab par byugs la bsrung/ /de nas rten
- 280b
'brel sngags kyis ni/ /lus la go cha dgod par bya/ /spyi bo lkog ma snying kha ru/ kha dog gsum ldan yi ge bsam/ /so sor sngags kyis bskor ba bya/ /thugs khar zla ba la gnas hUM/ /de la sngags kyis yongs bskor te/ /lce la rdo rje spu gu bsam/ /spros? bsdu'i sngags kyi bzlas pa ni/ /rgyal po'i thugs kar dmigs la bzlas/ /dal min myur ba ma yin dang/ /gsal min mi gsal ma yin par/ /rtse gcig sems kyi bzlas par bya/ /oM ni lAM ba ra d+ha ra badzra pA Ni mahA yak+Sha rAM dza ku be ra be ru ra Da? ga sid d+hi me pra yats+tsha hUM hUM hUM phaT/ 'di rjod bsnyen pa 'bum phrag gcig /rdzogs nas rmi ltas 'byung ba ste/ /chu bo skams dang sgrub mthong ngam/ dgra khyim nags la me mched mthong/ /sog po srin pos bskor ba yi/ /dbus na gnas pa mthong ba'aM// seng+ge'i la sogs gcan zan tshogs/ /mdun 'dus par mthong ba na/ /de nas las sbyar ba rtsam par bya/ /gnas gsum thig le byas nas su/ /gong gi bsrung ba'i cho ga rnams/ bsrungs te byin gyis brlab par bya'o/ /dur khod b+ho leb thog tu ni/ /sna tshogs rdo rje bris byas la/ /steng du dug dang lan tsha dang/ /khrag dang chu 'gram gnyis kyis/ /rkang rjes sa la sogs pa la/ /bsgrub bya'i gzugs sam gdug pa'i gzugs/ /rang gzugs mtshan nyid ldan par bya/ /dgug dang bcing la sogs pa yi// bsad pa'i cho ga byas nas ni/ /de la sbyin bsreg brtsam par bya/ /me thab gru gsum thab khung la/ /zur khru re'i chad yod de/ /zabs su khru phyed la sogs la/ /sbyin bsreg cho gar gsungs pa bzhin/ /thab kyi mtshan nyid shes par bya/ /de'i dbus su mchod rten ni/ /dur khrod mtshon ni nag pos bris/ /de'i dbus rdo rje dbyug pa ni/ /ba dan rtse lngas mtshan par bya/ /de'i phyi rol phyogs 'tshams su/ /kha dog nag po sbrul brgyad bri/ /gzhan dag dkyil 'khor phyag mtshan rnams/ /sbyin bsreg
- 281a
cho gar shes par bya/ /tsher ma dug shing khru gang la/ /dbus su zur gsum brtsig byas te/ /mi skra'i skud pas bcings bya yi/ /tsher ma khru gang dbus su gzhag /de nas mngon spyod rdzas rnams bzhag /bseg rdzas ling ga gnyis su bya/ /dug dang khrag dang ske tshe dang/ /yungs kar chu 'gram gnyis kyi sa/ /rkang rjes sa dang da du ra/ /bra bsron ma mi rus phye/ /byang du mgo bstan shi ba'i skras/ /kun la bsreg pa byas nas ni/ /dug shing tsher ma sor brgyad la/ /khrag dang dug chus spags pa yi/ /de yi yam shing dbul bar bya/ /rus phye la sogs mchod pa rnams/ /gong du gsungs pa bzhin du bya/ /de nas me ni spang bya ste/ dbus su rgyal po chen po ni/ /klu dang gnod sbyin tshogs bskor ba'i/ /thams cad rdzogs par bsam par bya/ /rang bzhin rgyal po bkug la bstim/ /sku bstod khra dang 'ug pa dang/ /gcan zan 'jig tshogs spro bar bya/ /rkyed par gnod sbyin 'jigs pa'i gzugs/ mtshon cha sna tshogs 'dzin pa spro/ /sku smad seng ge'i la sogs pa/ /gcan zan 'jigs pa'i tshogs su spro/ de dag gzugs kyi bsgrub bya dang/ /bgegs kyi tshogs rnams bkug byas te/ /gong gi ling gar bstim pa dang/ /nam mkha' i dum bur gtubs nas ni/ /gnod sbyin rgyal po'i zhal du dbul/ /dug dang khrag la sogs pa ni/ /bdun nam nyi shu rtsa gcig par/ /gong gis rdzas rnams dbul bar bya/ /oM badzra bai ru ke ku be ra mahA yak+Sha? rA dza/ che ge mo a na la ha na sarba du Sh+TaM na sarba b+hasmiM ku ru che ge mo mA ra ya hUM phaT/ /des ni sbyin bsreg dbul bar bya/ /gnod sbyin rgyal po'i phyag rgya yis/ /stong phrag cig tu bsreg par bya'o/ /thal ba lan tsha ske tshe dang/ /dug dang khrag gis sprus nas ni/ /bsgrub bya'i gzugs ni khru gang
- 281b
tshad/ /legs par byas pa'i snying kha ru/ /'khor lo'i rtsibs ni bcu gnyis pa/ /'khor lo ra'i yi lte bar ni/ /hUM gnyis par la ming bgod de/ /de yi lte ba'i mu khyud la/ /yi ge bcu gsum dgod par bya/ /phyi rol rtsibs ni bcu gnyis la// badzra bi ru Da ka mahA yak+Sha ku be ra/ yi ge de la bsgrub bya dang/ /bsang pa'i yi ge gdags par bya/ /mchod pa snying khar gdags par bya/ /dug la sogs pa'i rdzas rnams kyis/ /gzugs la legs par byug par bya/ /de yi steng du rdo leb la/ rdo rje rgya gram bris nas ni/ /ling ga'i snying khar gzhug par bya/ /de yi steng du mchod rten ni/ /sngon po khru gang tshad du brtsig /bum par rgyal po chen po yis/ /bsad pa'i sngags ni bris te gzhug /slob dpon chen po 'gro bzang snying pos mdzad pa'i rnam thos sras kyi drag byed kyi cho ga rdzogs so// //rgya gar dbus kyi paN+Di ta chen po te tsa de ba dang bod kyi lots+tsha ba dge slong 'phags pa'i shes rab kyis bsgyur ba'o/ /rgya gar skad du/ yak+Sha rA dza sA d+ha ni/ bod skad du/ gnod sbyin gyi rgyal po sgrub pa'i thabs/ /dpal phyag na rdo rje la phyag 'tshal lo/ /rnam dag ye shes dngos rang bzhin/ /skyob pa'i stobs chen la phyag 'tshal/ /bstan pa dam pa'i gnas 'chad pa'i/ /de yi dgos pa bsgrub pa'i phyir/ /gnod sbyin kun bdag sgrub thabs bri/ /de la dben zhing nyams dga' ba'i/ /gnas su sdig bshags lan chags sbyangs/ /de nas phan? gnod gang gi las kyang grub cing bdag gir sgrub ste/ stegs bu khru gang ba la rin chen gzhal yas khang bris te/ de ru rgyal po sku dmar nag /g.yas pa na mdung dmar ram/ /dbyug to g.yon pa dbyig gi rgyal pa/ dbu cod pan gyi dbus na rin po che yod pa/ /seng ge'i dang spren gyi gdan la bzhugs pa/
- 282a
rin po che'i phreng bas phyag dang zhabs brgyan pa/ g.yas kyi dpung rgyan rin po che dang seng thos kyis rgyan pa'o/ /g.yas g.yon du dung sa rna buM rna rna gsum/ rna ba che ser ljang dmar ljang/ ljang nag /dkar ljang gsus pa ldir ba mdung dmar dang rgyal mtshan dang mdung dang dbyig tho bcas pa dang ne'u le'o/ /mdun du yum rgyal po dang 'thun pa la phyag g.yas pa bum pa/ g.yon bskyang bskum mo/ /de lta bu'i legs par bris pa bzhugs par bya'o/ /de la dar ser po'i 'og gi gdugs dar dmar po'i yol ga dkar po'i rgyal mtshan ljang khu dang mthing kha'i ru mtshon bri bar bya'o/ /spros dang me tog gi phreng ba la sogs pa dgram par bya'o/ /de nas dri dang ldan pa'i steng du mchod yon dang me tog dang/ spos dang mar me dang dri chu dang lha bshos khru gang ba gcig la snyug ma gtsang ma la rtse mo la rtsi kra ka dang/ snying zhe sha /de'i 'og tu chu srin gyi rgyal mtshan/ /de'i 'og tu rin po che sna lnga/ /spos lnga za 'og dang dar sna dang stag ras dang bse'i me long de'i steng du bu mar dang sman sna tshogs dang mar dang thung dang lug dang g.yag snying dang/ dkor cha rnams kyis brgyan te thod du gzhag go /de'i rtsar chad la rin po che dang ldan par bya'o/ /de nas byang du kha bltas te stan la 'dug la bdag nyid phyag na rdo rje'i sku gsung thugs su bskyed de/ /mchod pa rnams byin gyis brlabs te/ spos la sogs pa rang rang gi sngags kyis rgya che bar byin gyis brlab bo/ /rten gyi dkor cha sogs yongs su gyur pa las rten rnams mang zhing mdzes par bya'o/ /cha a yongs su gyur pa las bdud rtsir bya'o/ /de nas rang gi mchod pa dang bstod pa yan chad yongs su rdzogs par bya'o/ de nas nyams dag la nyid kyis chos skyong ba mnyes par bya ba'i phyir bsnyen pa byas te//
- 282b
de la 'jug pa ni/ oM sarba de wa da la ye dza(rgyud 'grel): hUM baM ho:- e ma ho sa na ka ga nan ta pa ka ra sle dza:- hUM baM ho:- sa ma ya swAhA/ mchod pa'i dus su gdags so zhes brjod pa'i don no/ /thugs ka'i hUM las brjod pa'i nyi zer ltar 'thon nas rgyal po'i thugs kar thim pa bas/ des chos skyong ba'i thugs sngon bzhin du g.yos nas gdan seng ge'i shugs kyis rin chen po'i khang pa dang nyid la so sor thim par bsams te stong brjod do/ /deng nas mchod pa dbul te rtsa ba'i sngags sbyar ba dang bcas pas dbul te/ oM ni ri ste hUM khaM zhal du'o/ /badzra puShpe hUM swAhA me tog spyi bor ro/ /oM badzra d+hU be hUM swA hAM/ /dri thugs kar ro/ /oM badzra dI be hUM swAhA mar me bdun du'o/ /oM badzra gand+he hUM swAhA/ dri chab bdun du'o/ /oM badzra ni be te hUM swAhA/ lha bshos phyag tu'o/ /dkor cha dang thogs te sngags kyi tshig brjod/ /rang gi lus zhing gi rdul snyed du sprul te nyes pa ma lus pa dang bas mthol zhing rdzas gcig kyang 'jig rten gad bar sprul te/ nyes pa byang zhing rjes su 'thun pa'i tshig gis gsol ba gdab bo/ /de nas bstod cing bskul ba ni/ /sngon tshe bsang bdag spyan snga ru/ /dam chos bsrung bar zhal bzhes bzhin/ /sku gsung thugs kyi gdung 'tshob pa'i/ /sems bskyed pa'i rnal 'byor pa'i/ /gnod pa'i bar chod mang po rnams/ /stobs ldan rgyal chen yab yum dang/ /gnod sbyin pho mo sde brgyad bcas/ /bstan pa bsrung bar gnyed gtad bzhin/ /rdzu 'phrul bye ba sna tshogs kyis/ /gnod pa thams cad rdul du lhog / dam bcas las la ma brtson na/ /sangs rgyas kun gyis sems gyur pa'i/ /rang gi byang sems gnyen por 'gyur/ /de dran byos la las rnams kyis zhes brjod la/ /dam tshig rtsa ba'i sngags kyis bdud rtsi zhal du dbul lo//
- 283a
de nas dgongs sngags zhal du thim pas nyid kyis dam tshig de thugs ka nas phyung la bdag la thim pas rgyal po dang dbyer med par bsgom pas brtan par bya'o/ mchod pa rnams stong pa ma lnga stong zhing dbul lo// de ltar byas pas nyes pa byang ba'i rtags rim par 'byung ste/ /'khru ba dang/ bskur ba dang dbang bskur ba dang/ sems la dogs pa med pa la sogs pa 'byung ngo/ /de ltar 'bum tsho gcig bzlas par bya'o/ /de de la yid brtan pa dang/ chang gi nang du sha dang bdud rtsi dang mi rta dangs ma'i khrag blugs la sgrub par bya ste/ /nye bar dgug pa la na mo rad na tra ya yA/ na mo bEe sha ra ma na ye mahA yak+Sha da ku be pa ra mArta ni dza(rgyud 'grel): dza(rgyud 'grel): dza hi dza hi zhes brjod pa'i don ni bdag la rgyal po bstims la/ 'khor gnod sbyin pho mo sde brgyad khugs par bkug la drang/ rgyal po yang mdun bzhugs te 'khor dang bcas pa'i dgug pa gnyis ni bsnyen pa'i nyams las rigs par bya'o/ /dgongs pa ni sngags nyid dgug bya'i srog yin pa'i nus ba dang ldan pa'i phyir 'khol lo phreng ba lta bu so sor bstim par rab tu dad pas mang po dbul zhing gus pas bdag gir gyur pa'i rtse gcig pa'i bsam gtan gyis bzlas te/ de la ma brten na nus pa 'ga' byung yang dbang du mi 'gyur ro/ /mchod pa sngags dang sdom la la dbul lo/ /bzlas pa drug 'bum du bya'o/ /rtags rab sku 'byung ba dang/ 'bring sa dang bar snang la sgra dang 'od 'byung/ /tha ma dmag tshogs dang 'gro ba la dbang byed pa'o/ /chod 'phrul ni tha dad do/ /phan pa ni bzlas pa 'di rdzogs pa dang rdzas ci 'byor pa phul la gshegs su gsol/ /rdzas ri rtse la bas?/ /dus kyi mchod pa bya'o/ /des ni chad pa dang phral bar chad pas gnod pa'i//
- 283b
byor pa ni sbyar ba'i rim pa nus pa rdzogs pa dang/ khru gang ba'i 'byung khung gyen thur du phyed phyed brtsig /gcig byung la ri khya phag gi bris? pa dur khrod kyi sol bas byugs la/ de'i nang du 'bru sna lnga'i ling ga byas la ming rus pa mchad pa'i rgyu gro ga la bris la snying khar bcug la/ ma ra gas gdab sha'i gtor ma dang/ ra ga ta dang bdud rtsi dang lha bshos drug gsum mthing nag go /a nu ru ki pi khi ha su ru pa na khA haM/ ku pe ra tsa na tra khA haM/ da ku pa ra ma ta khA hi zhes dbul zhing btag go /de nas gsum dang tshe ba gsum dang pad+ma'i sha khrag la thun sngags la/ dun dun mugs shang ha la ha la/ tsa la tsa la/ pa tsa pa tsa/ hiM hiM/ rbad na rbad na/ rbad pu li rbad/ me sha ya mA ra ya mA ra ya phaT/ zhes zhag bdun bar du ma chad par rdeg go /tha ma brtson dang gris btub cing brdung ngo/ /de'i don ni rlung la sngags zhan nas srog gi gnas su thim pas sems 'khrul nas/ /gnod sbyin pho mos sna tshogs bcud bseg cing bzhib par bya'o/ /de nas gzugs kyang mchod par dbul zhing bstabs pa gtor ma dug sor du 'phang bar bya'o/ /de nas mchod pa'i ring lus kyis bshags pa phul la gshegs su gsol/ /las rjes snang ba med par bya/ 'grub na ming dang rjes la btab pa 'byung ngo/ /rgyun du mchod cing bsnyen pa byas na ci 'grub nges pas dal bar mi gnas so/ /rnal 'byor dge sprod brtan pa yi/ /dngos grub brtan pa'i rgyas bstan phyir/ /stobs ldan rgyal chen nyer sgrub byas/ /mi mthun kun gyi gnyen por shog /rgyal po rnam thos sras kyi gsang ba'i sgrub thabs slon po dga' rab rdo rjes mdzad pa rdzogs so// //rgya gar skad du/ mahA rA dza ku bai ra sA d+ha naM nA ma/ /bod skad du/ rgyal po chen po lus ngan po'i sgrub thabs zhes bya ba/ ngal sos rgyal po la
- 284a
phyag 'tshal lo/ /dang por snod ldan gang zag gis/ /gnas rnams shin tu dben pa ru/ /rdo rje 'chang ba bsgrub par bya/ /de nas las rnams myur 'dod nas/ /bka' yi pho nya bsgrub par bya/ /de yang rang rgyud dag dang ni/ /gtso bo 'khor du gnas pa'o/ /thabs ni tshogs bsags tshad med bsgom/ /bsrung ba stong nyid dang nas bya/ pad+ma'i gdan steng hUM las ni/ mchod rten la ni sku bskyed do/ /ljang khu zhal gcig phyag gnyis pa/ /g.yas na mchod rten gdug pa sel/ /g.yon na nor ldan ne'u le 'dzin/ /rang bzhin gnas pa spyan drangs la/ /dbang skur byin brlabs tshul bzhin bya/ /mchod pa rnam lnga phul nas ni/ /bstod pa 'di dag brjod par bya/ /bstan bsrungs rgyal po chen po ni/ /mchod rten gyis ni don rnams bsgrub/ /rin chen ne'u le bsnams nas ni/ /dgos 'dod ster ba'i ljang khu bstod/ /bskyed rims rdzogs nas bzlas pa bya/ /sems dpa' sum brtseg ldan pa la/ /'od zer spro bsdu 'khor lo'i tshul/ /sgrub pa'i dus spro bsdu spang/ /dgug sogs man ngag bzhin du bya/ /rtags ma byung bar 'phro mi gcad/ sngags ni oM nI lam ba ra d+ha ra badzra pA Ni hUM hUM phaT/ oM bai sh+ra nA ma ye yak+ShA d+hi pa ta ye swAhA/ a mu kaM mA ra ya phaT/ dam tshig brtan zhing gtor ma sbyin/ /de nas rang rgyud sgrub 'dod na/ /gtso bo 'khor du bcas pa yang/ /tshogs bsags la sogs gong ma ltar/ /'khor lo chen po'i lte bar gtso/ /mdun du rgyal pa bskyed par bya/ /bka' sgo la sogs las dang sbyar/ /dgug dang gsad la sogs pa yi/ /bsgrub pa ci rigs shes bya ste/ 'khrul 'khor sbyor ba dag tu shes/ /rnal 'byor sgrub par byed 'dod na/ /gnod sbyin g.yas su bskyed byas la/ bka' bsgo rgyal pos bya bar rigs/ /klu rgyal g.yon
- 284b
du bkol ba'i phyir/ /bde gshegs sprul pa sgrub 'dod na/ /mdun nam g.yon du pad+ma la/ /cho ga gsum mam skad cig las/ /sku mdog dkar po sprul zhags can/ /de 'dra'i klu rgyal spyan drangs bstim/ /mchod bstod gang 'dod bzlas pa bya// dam la ma thogs klu rnams ni/ /sgrub pa po la bar chod byed/ /dang po zhi bas gdul bar bya/ /ma nyan drag po'i las rnams brtsam/ /gsod na dngos su gzugs brnyan gzhug /dgug la bsad sngags shes par bya/ /khro bo 'am yang na mtshon cha yis/ /lus rnams gtub cing bsad par bya/ /yang na sbyin bsreg rnams kyang bya/ /yang na 'khrul 'khor sbyor bar bya/ /yang na ma mo rnams kyang bskul/ /gnod na gro ga rnams la ni/ gzugs bri 'od zer rnams kyis bgug? /de nas zhing chen nang du gzhug /kha dgab mtshon bcing thal bas dgang/ /yang na pha bong dug la sogs/ /gong ma bzhin du shes par bya/ /bskrad sogs gzhan yang man ngag sbyar/ /rgyal po chen po lus ngan po'i bsgrub thabs/ grub pa brnyes pa'i slob dpon chen po dpa' bo rdo rjes mdzad pa rdzogs so// //sgra pa chen po rgyal ba'i snyan la legs par zhus zhing/ /bstan bcos kyi skad cung zad shes pa'i lots+tsha ba shAkya'i dge slong nyi ma rgyal mtshan dpal bzang pos dpal? thar pa gling gi gtsug lag khang du legs par bsgyur ba'o/ /sa steng nyi zla ltar gyur cig/ //rgya gar skad du/ bai sh+ra bA Ni swa d+hA naM nA ma bod skad du/ rnam thos sras kyi sgrub pa'i thabs zhes bya ba/ bcom ldan 'das rin chen med la phyag 'tshal lo/ /byang chub sems dpa' rin chen mang/ /'gro ba kun gyi don gzigs nas/ /drang srong rnams mang thos pa dang/ /lha mo dpal tshul bzang mo yi/ /sras su smon lam btab pa
- 285a
pa yis/ /'gro ba'i bsam pa yongs rdzogs mdzad/ /lha rnams 'byor ba'i 'dod pa yis/ /lha rnams kyis ni phyag byas pa'i/ /bcom ldan lha'i lha zhes bstod/ /de'i sgrub thabs brtsam par bya/ /brum las skyed pa'i 'khor lo las/ /drod mdza' da ro lnga bas brgyan/ /steng du rjes 'jug dbyangs dang ldan/ /'od zer 'phro 'dus 'gro don mdzad pa yi/ rang gi phyag mtshan las skyes gtso bo ni/ /phyag na rdo rje ljang ser 'gying bcas bri/ /bsod nams tshogs bdun dam stong nyid las/ /skyes pa'i rang bzhin sku gsung thugs pa po/ /yes shes sems dpa' gzhug dang dbang bskur dang/ /gnas gsum byin brlabs dbang drug rdo rje bskyed/ /rdo rje dril bu rgyan rnams bcu dang ldan/ /'od zer spro bsdus khams gsum lhar bskyed nas/ /gsal byed oM dang chu'i yi ge dang/ gsum pa me'i bu dang yang dag ldan/ /lnga pa'i thog ma bzhi pa'i tha ma na/ /nga ro bzhi pa yin mnan pa la/ gtum po chen po rungs tshigs mnan/ /hUM gnyis phaT dang ldan pa'i sngags kyis ni/ /dus rnams kun tu gtso bo'i thugs kar bkor/ /rgyun mi 'chad par rtse gcig yid kyi bzlas/ /de'i mdun du b+hUM las ni/ /rin chen khang pa brtsegs pa bsgom/ shar du shel gyis ka bas brgyan/ /lho ru rin chen baiDUrya/ nub tu pad+ma ra ga ste/ byang du gser gyi ka ba mdzes/ /zur bzhi rim gsum khang brtsegs dgu /dbus ma'i pho brang sum rtseg ni/ /rtse mo rin chen nor bu bzang/ /rnam pa bcu yis spras pa po/ /de dbus 'jig byed yi ge las/ /seng ge'i stan la legs bzhugs pa/ /ngal so dge ba'i lag pa na/ /g.yas na rin chen rgyal mtshan 'dzin/ /g.yon na gter gyi ne'u le bsam/ /rin chen cod pan rna rgyan dang/
- 285b
mgul brgyan ni do shal dang/ /dpung brgyan dang ni lag gdub ces/ /ska rags phreng ba do shal can/ /nying lag brgyan gyis rnam par mdzes/ /gsus khyim che ba skyil krungs bzhugs/ /bum pa bzang po rnam brgyad dang/ /dpag bsam shing dang rin chen shing/ /rdzing bu bzang po brgyan mdzes pa/ /yid bzhin nor bu'i ra bas bskor/ /de'i dbus na mgon po ni/ /nam mkha' mdzod kyis ting 'dzin gyis/ /rin chen bdun gyi char ba 'bebs/ /de nas rgyal po spyan drangs te/ /mgon po kun gshegs thugs rje can/ /da lta snyigs ma lnga'i dus/ /thams cad nyon mongs 'dam bying bar/ /gzigs shing gshegs pa'i gnas ngan yang/ /shAkya seng ge'i spyan sngar khyed/ /thugs dam gang bzhes de dgongs la/ /'dren pa'i stan pa bsrung ba dang/ /sems can kun la phan slad du/ /byang phyogs gnas na bzhugs pa rnams/ /sems can don phyir gshegs su gsol/ spyan drangs nas ni mchod pa dbul/ /dbang bskur nas ni nam bza' gsol/ /rin chen bdun dang bkra shis brgyad/ /phyag tu phul la dngos grub blang/ /bza' btung 'dod yon la sogs pa/ /rtag rten lha la dbul bar bgyi/ /snying po chu'i yi ge la/ /dbyangs yig bcu gnyis pa yis brgyan/ /mig btsums sum cu rtsa gnyis bsrid// nye ba'i snying po ni/ /oM be sh+ra ba na ye swAhA/ /'bum phrag gcig gis mkha' la g.yo/ /'bum phrag gnyis kyis sa rnams g.yo/ /'bum phrag gsum gyis phyogs rnams bsregs/ /'bum phrag bzhi yis bza' btung 'thob/ /'bum phrag lnga yis nor dang ldan/ /'bum phrag drug gis 'khor mang snyed/ /'bum phrag bdun gyis rigs rgyud 'phel/ /'bum phrag brgyad kyi tshe 'phel zhing/ /dgus ni bcud len sman rnams rnyed/ /bcu yis mngon par shes pa 'thog
- 286a
gshegs su gsol tshe bzod par gsol/ /smon lam gdab cing 'phrin las bcol/ /yang phyis 'byon par gsol ba gdab/ /sna tshogs rab tu sgrub rgyud dang/ /gar mkhan mchog gis rgyud las ni/ /phan pa'i yan lag gces pa bsdus/ /'gro kun gnas srung thob par shog /slob dpon shu ram ga bar mdzad pa rdzogs so// //paN+Di ta he? dza da ba dang lots+tsha ba 'phags pa shes rab kyis bsgyur cing zhus pa'o/ /dang por bdag nyid yi dam gyi lhar bskyed la/ /bcom ldan 'das rnam thos sras seng ge la bcibs pa/ mdog ser po lag na rin po che'i rgyal mtshan 'bar ba thogs pa/ /gnod sbyin gyi bdag po brgyad kyis bskor ba/ mdun na rmugs 'dzin rin po che thogs pa ser po/ /g.yas su gang ba bzang po bum pa thogs pa ser po/ /rgyab tu nor bu bzang po rin po chen po 'bar ba thogs pa dkar po/ /g.yon du rta bdag ku be ra lag na ral gri thogs pa nag po gos sngon po can/ /mtshams bzhir yang dag shes ser po lag na ral gri thogs pa/ /'brog gnas lag na mdung thogs pa nag po/ /lnga rtsen ser skya lag na khang bu brtsegs pa bsnams pa/ tsi bi kun d+ha li lag na ral gri dang phub thogs pa dkar po/ /de rnams rta la bcibs pa/ /'khor bye ba bye bas bskor ba lag na mtshon cha phyar ba bsams te/ gu gul gyi dung pa'am/ 'bras kyi phye'i dud pa gtang la/ /dung dang rnga brdungs te spyan drang bar bya'o/ /oM bi sh+ra ba Na sa pa ri ba ra badzras sa ma ya dza:- hUM baM ho:- oM bai swAhA/ de bdun du byon pa'i rtags snying 'dar ba dang mgo sbrid pa dang grags la babs pa dang/ /mthong ba na bdug pa dang/ me tog dang/ gtor ma byin la/ 'phrin las bcol nas/ gshegs su gsol bar bya'o/ /sgrol ma'i
- 286b
phyag rgya bcas la/ oM swa b+ha ba pi shud d+ha:- sarba d+harma swa b+hA ba bi shud d+ho haM zhes brjod pas stong par bsam/ de la gtor ma'i snod rin po che'i khang bu brtsegs pa dpag tshad kyi tshad tsam bsams la/ de'i nang du lha'i zhal zas ro brgya pa bsams te/ oM A hUM/ gsum gyis byin gyis brlabs la/ oM A ka ro zhes bya ba'i sngags lan bdun bzlas la/ kha dog bzang po'i 'od kyis bcus par bsams par bya'o/ /de la bsngo ba ni/ oM bai sh+ra ba nA ye swAhA/ oM dzaM b+ha lA ye swAhA/ oM puN+Na b+ha dra ye swAhA/ oM ma Ni b+ha dra ye swAhA/ oM ku be rA ye swAhA/ oM saM pra dza Na ye swAhA/ oM gu ha ta nA ye swAhA/ oM pan tsi kA ye swAhA/ oM tsi pi kun DA lI ye swAhA/ de rnams la zhi rgyas dbang dang mngon spyod kyi 'phrin las bcol la/ snying kha'i lcags kyu dkrol/ oM bai zhes yi ge sum cu rtsa gnyis kyi chad du gdon/ ner b+har tsa na bsreg pa bslab/ bar bar du gtor ma rgya chen po btang/ bai sh+ra ba na pa'i rtog pa rdzogs so// //bstod pa ni byang phyogs skyong pa'i rgyal chen rnam thos sras/ /gtor ma phul ba 'di dag bzhes su gsol/ /'jig rten skyong pa grags dang ldan/ snga po che la stobs po che/ /pha rol dgra rnams 'joms par byed/ /gzhan gyis mi thub drag shul che/ /rdzu 'phrul ldan zhing 'od dang ldan/ /kha dog ldan zhing grags dang ldan/ /bdag nyid chen po de dag la/ /mchod cing bstod de phyag kyang 'tshal/ /byang phyogs skyong ba'i rgyal chen rnam thos sras/ /phyag na rdo rje'i bka' nyan dam tshig can/ /rig pas byin brlabs nam mkha' i mthas klas pa'i/ /'dod yon lnga bcas gtor ma phul ba bzhes/ /sras dang btsun mo gnyen dang dmag dpung bcas/ /'di dag dgongs shing 'go bar gyur nas kyang/ /sngon gyi thugs dam 'phrin las ma bsnyel bar/ /
- 287a
bdag gi 'phrin las 'bras bu mdzod// //dpal phyag na rdo rje la phyag 'tshal lo/ /de nas gsang ba bshad par bya/ /zla ba yar ngo'i bcwa lnga la/ /dam tshig ldan pa'i rnal 'byor pas/ /thun mong ma yin mchod pa ste/ /gang gis bdug pa tsam gyis ni/ /dngos grub myur du thob byed pa'i/ /sgrub pos bdug spos bdug pa ni/ /brtul shugs 'dzin pas 'di ltar bya/ /'bras dkar btags pa'i phye ma ni/ /sa rdza ra rdza dag dang ni/ /ga bur tsan dan dkar dmar dang/ /cha mnyams nas ni de dag bsras/ /a ka ru nag gis bsgos nas/ /'be ta dkar mo'i char rgyun gyis/ /rnam par sbrus nas rab sngags te/ /rtsa ba'i rig pa gang de la/ dbab pa'i gsang sngags rab tu sbyar/ / stong rtsa brgyad du bzlas nas ni/ /dngos grub phyir ni rdzas de yis/ /de nas mkhas pas ri lu bya/ /gang zhig mchod pa'i dus su ni/ /sems kyi dbang phyug ting 'dzin gyis/ /rnam par sbyangs pa'i sa gzhi la/ /rten sogs dgram par byas nas ni/ /cho gas gter bdag mdun bkug nas/ /rdo rje can gyi bdug pa dbul/ /gser swo mdzes pa'i snod du ni/ /tsan dan la sogs 'dag me la/ /sngar bshad pa'i ri lu bsreg /des ni rten la 'dug par bya/ /sbyor des skyob pa mnyes gyur nas/ /gnyer rnams de'i mod la ster/ /gal te da ltar ma gyur na/ gter bdag nyams par gdon mi za/ /'di ni rab tu gsang ba ste/ /gsang ba'i gnas su spyad par bya/ /bdug spos kyi sbyor ba'o/ /de nas dam tshig bshad bya ba rtag par khrus dang gtsang sbra bya/ /rgyal dril la sogs rol mo'i sgra/ /sna tshogs me tog dri ldan dang/ /sna tshogs 'bru'i cha na dang bshos/ /mdzes pa'i dar snas btags mchod bya/ /chad rnams dbul bar mi bya ste/ /sha ni brtags
- 287b
te dbul bar bya/ /rtag tu sngon po'i gos 'chad zhing/ lung thang 'bras bu'i bgrang phreng bgrang/ /myur 'gro sha yi bza' ba spang/ /nyams shing chag pa'i snod mi bza' / /rtsub cing nag po'i stan mi 'dug /gza' bral mas bstab bza' btung rnams// rnam pa kun du mi spyad do/ /srog bral ba la reg pa spang/ /bsrung bar bya ba'i dam tshig go /de nas rten ni bshad par bya/ /phyi nang gsang ba'i bye brag gis/ /gter bdag rten pa'i rten yang ni/ /rnam pa gsum du mkhas pas brtag /phyi rten rta mchog rab sngo la/ /mdzes pa'i brgyan brtags mgon la dmigs/ /rtag tu yang ni bcad par bya/ /yang na gzugs legs rab tu gzung/ /gsang rten gro ga'i shu na sogs la/ /gur kum dri bzangs rab ser bas/ /bEe yig bris la sngags kyis bskor/ /rin chen dang bcas rin chen gzugs/ /'bru mchog btags nas ba smos byas la/ /mkhas pas byas te snying po gzhug /tshon byugs nas ni mdun bzhag go /gnyis pa bram ze'i rigs dag gam/ /gzhon nu ma yis legs bskal ba'i/ /ras la dri yis rab bskor nas/ gter bdag sku mdog phyag char ldan/ /lugs gnas 'byung ba'i rim pa yis/ /dam tshig ldan pas myur bris la/ /phyi rol shing la sogs rgyan gyis mdzes/ /sngags rigs pas ni mdun 'gram bya/ / rten gzugs pa'i rim pa'o/ /de nas gsang ba bshad bya ste/ sgrub po gsang bdag phyogs ltas te/ /gtor ma'ang de nyid phyogs su byin/ /gsang rten ne'u le'i glud bur gzhug/ /sngon dmar kha spro rgyun 'chang zhing/ /'bras sogs 'bru rnams 'dor gzhug bya/ /gzhan gyis mthong na dngos grub nyams/ /gtor sgrub pa la gsang ba shis/ /cho ga'i sbyor ba 'di yis ni/ /nam mkha' mdzod la rnam par rol/ /rgyal po chen po rnam thos sras kyi rtog pa bde byed kyi cho ga sna tshogs pa'i mdzad ces bya
- 288a
ba rdzogs so// //panDi ta te dza de ba dang/ lots+tsha ba 'phags pa shes rab kyis bsgyur cing zhus pa'o// (//chos skyong ba'i rgyal po rnam thos sras la bstod pa bzhugs so//) */ /rgya gar skad du mahA rA dza d+harmA pA la bai sh+ra ba Na stod tra/ bod skad du/ chos skyong pa'i rgyal po chen po rnam thos sras la bstod pa/ dpal phyag na rdo rje la phyag 'tshal lo/ /dbang phyug chen po 'jig rten skyong ba'i lha/ /bskal ba mang por rgyal ba'i lam sgrubs nas/ / srid shing drungs phyung nyes brgya rtsad bcad de/ /'jig rten 'das pa'i phun tshogs kun brnyes kyang/ /smon lam stobs kyis gnod sbyin tshul 'dzin pas/ /drang srong rnam mang thos pa'i sras gyur nas/ /phongs pa'i ngal bso dbul ba dbugs 'byin pa// stobs tshon rgyal ba'i sras la phyag 'tshal lo/ /lha dbang drang srong tshogs dang grub pa dang/ /'jig rten mes po seng ge 'phrog byed dang/ /snang byed la sogs lha tshogs thams cad kyang/ /'jig rten bla ma khyod zhabs rtag tu 'dud/ /lha yul dang ni sa stengs thams cad tu/ /lha'i lha khyod bstod pa mang mod kyang bdag kyang mgon po khyod la gus pa yis/ /yon tan phyogs tsam bstod cing gsol 'debs na/ /gzhan don lhur len skyo ngal med pa yi/ /sgrib med ye shes snyan gyis gsan du gsol/ /gnas rabs lcang lo can gyi pho brang na/ /rgyal chen rnam thos sras de gser gyi mdog /dpal ldan rnam mang gter tshogs thugs mnga' ba/ /thub mchog bstan pa skyong la phyag 'tshal lo/ /khyod sku gser sogs rin chen rgyan gyis phyug /bzhin 'dzum spyan rgyas zla ba nya ba 'dra/ /seng ge'i gdan bzhugs mtshan dang dpe byang rdzogs/ /gzi brjid mdza' yas sku la phyag 'tshal lo/ /nyon mongs las dang sdug bsngal bud shing rnams/ /drang srong mchog gi sngags kyis sreg
- 288b
par byed/ theg chen gsung rab seng ge'i sgra dbyangs sgrogs/ /bdag med gnyis ston gsung la phyag 'tshal lo/ /lta ba ngan pa'i khri shing dra ba rnams/ /dri med ye shes blo gros rdo rje yis/ /spros pa kun bcad shes bya kun rtogs pa'i/ /chags thogs mi mnga' i? thugs la phyag 'tshal lo/ /gnod sbyin dbang po'i phrag gong g.yas g.yon na/ /thabs dang shes rab nyi zla'i 'od shar bas/ /'jig rten gsum dang dus gsum sa lir gzigs/ /shes rab spyan ldan khyod la phyag 'tshal lo/ /rgyal srid 'khor los sgyur ba'i dbu rgyan mtho/ /thams cad zil gnon mdzes pa'i dar dbyangs 'dzin/ /yon tan rgyas mdzad na bza' ser khra gsol/ /chos kyi rgyal srid brnyes la phyag 'tshal lo/ /phyag g.yas rin chen dbyug pas dbul ba 'joms/ /dgongs ba kun bsgrub g.yon pa ne'u le 'dzin/ /spyi gtsug nor bus nor gyi char 'bebs pa/ /dpal ldan bkra shis khyod la phyag 'tshal lo/ /'jig rten 'das kyang 'jig rten tshul ston pa/ /gnod sbyin dbang po 'khor lo sgyur ba'i gzugs/ /ting 'dzin nam mkha' i mdzod kyis 'gro ba kun/ /ci 'dod re ba skong la phyag 'tshal lo/ /'gro ba gcig kyang yal bar mi 'dor med/ /nang kyis nyen pa'i bu sdug ma bzhin du/ /dman la rjes brtse 'dod pa'i dngos grub ster/ /'phongs pa bzlog mdzad khyod la phyag 'tshal lo/ /srid na bdag cag nyon mongs tshom kun gyis/ /bcom nas 'phags nor phrogs te sdug bsngal ba/ mgon po khyod dran tsam gyis zhi byed pa/ /pha rol dpung 'joms khyod la phyag 'tshal lo/ /rnam mang yon tan ldan pa'i sras rnams dang// pho nya las mkhan sbrul ba'i tshogs rnams ni/ /sna tshogs gzugs ldan sna tshogs mtshan ma 'dzin/ /sna tshogs 'phrin las mdzad la phyag 'tshal lo/ /mgon po yon tan dran can gyis mnyes pa/ /khyod ltar gzhan la brtse ba 'di na med/ /de phyir bsod
- 289a
nams mi ldan rab bkren pa/ /bdag gis sgo gsum spyod pa gzhan spangs nas/ /bcom ldan 'bad pa'i sgo nas btsal btsal nas/ /sgo gsum dang bas rtag tu dran byed cing/ /mchod pa sbyar bas lus kyang dug po dang/ rtag par ngag tu khyod sngags brtson bar zlas/ /skad cig kyang ni khyod sku brjed mi gyur/ /sdom gnas dam tshig tshogs dang 'gal ma bgyis/ /de ltar byang chub grogs su khyod brten nas/ /tshe rabs kun du thugs rjes bzung du gsol// bdag bkren 'bad bas mchod pa bshams byas pas/ /bdag gi don slad 'di dag mi bzhes sam/ /mgon po'i thugs dang 'gal ba bshags bgyid na/ /thugs rje can khyod tshangs pa mi stsol lam/ /kho bo dbul phongs sdug bsngal gyis gdungs la/ /pad ltar yangs ba'i spyan gyis mi gzigs sam/ /phongs pas 'o dod 'bod cing gsol 'debs na/ /kun mkhyen sgrib med snyan gyis mi gsan nam/ /bdag gdong mchi mas g.yogs shing sdug bsngal ba/ /brtser ldan shes rab spyan gyis mi gzigs sam/ /sdug bsngal sna tshogs me yis rgyu bsregs pa/ /skyon bral dag pa'i thugs kyis ma dgongs sam/ /bar chad bgegs dang dgra tshogs 'di dag kun/ /bde chen dpa' pa'i stobs kyis mi 'joms sam// byang chub sgrub pa'i grogs su gsol 'debs na/ /thar lam 'dren pa'i ded dpon mi mdzad dam/ /tshul bzhin bsgrubs kyang grub pa mi ster na/ /sngon gyi dam bcas blo de ma nyams sam/ /gal te mgon khyod tshe 'dir 'grub 'gyur ba'i/ bdag la sngon gyi smon lam 'brel med bas/ /de phyir nyid kyis bdag la mi dgongs na/ /thugs rjes dgongs ba'i lha gzhan gang yin mos/ /kye ma'o bcom ldan srid 'joms thugs rje yi/ /sprin chen mnga' ba khyod rten gyur kyang/ /sdug por?
- 289b
bzod dka' i tsha bas gdungs gyur kyang/ /zhi ma gyur na 'di rgyu ci zhig lags/ /sems can rnams pa sna tshogs gang dang gang/ /de kun sman slad nor bu rin po che/ /sna tshogs gter gyi char pa 'bebs zhes kyang/ /phongs pa bdag la thigs tsam bab ma myong/ /nyi ma'i 'od dang lhan cig mun 'khyams bzhin/ /thugs rje'i bdag nyid mgon khyod brten bzhin du/ /sdug phongs me yis bdag gi rgyud gdungs na/ /khyod kyi thugs rje che ba gang du thal/ /'jig rten skyong ba khyod zhal blta 'dod pas/ /'khor bcas rtag bar mngon du bsgoms byas kyang/ /khyod sku phyogs gcig kyang ni mngon ma gyur/ /'gro don mdzad pa'i sku mchog med dam ci/ /bum bzang yid bzhin nor dang dpag bsams shing/ /de dag gis kyang 'gro ba'i re skor na/ khyod blo bskal pa mang por skyed bskyed pa'i/ /gzhan don thugs rje'i rgyun de gang du thal/ /'jig rten skyong ba'i dbang phyug rnam thos bu/ /ngal bso dge ba'i stobs zhes khyod kyi mtshan/ /thos pa tsam mam skad cig dran pas kyang/ /nyes pa kun zhi bde dpal rgyas 'gyur na/ /bdag gis yun ring khyod mtshan brjod byas kyang/ /mngon bar 'dod pa'i 'bras bu thob ma byug/ /gang te bdag cag 'dod lan nyon mongs bcas/ /de phyir khyod kyis grub pa mi ster na/ /nyon mongs zad tshe longs spyod ci zhig dgos/ /kun mkhyen thob nas gzhan la gsol ci 'tshal/ /gal te bdag mthus dbul ba ngos 'dor nus na/ /bcom ldan snyan la bzang bgyid mi rigs mod/ /bdag la yus med mgon khyod skyon bras bas/ /'khrug med snying rje ? stobs la gsol ba 'debs/ /nad kyis dal gyur phongs pas sems brgyal nas/ /rmi lam tsam du mgon pos ci zhig bstan/ /rab tu skyo bas bla bcol 'di dag rdol/ /bcom ldan thugs rje'i zhags pas gzung du gsol/ /bdag cag rtsol
- 290a
ldan sems can skyon mang bas/ /sgron bral khyod la smra bar mi rigs kyang/ /skyabs su chags sdang bral dang mgon khyed la/ /nyams thag dus na 'bod cing ? ma mchis/ /brel zhing phongs pas cho des btab byas kyang/ /'di na bdag la gdong sdebs gzhan ma mchis/ /sdug phongs dus na mgon po khyod 'bod na/ /sngon gyi dam bcas blo de rjes dran nas/ /ma byams bu sdug bzhin du 'dir gshegs la/ /mdzes pa'i sku mchog bdag la bstan du gsol/ /dbul phongs sdug bsngal nyes pa'i bud shing rnams/ /khyod sngags bzlas pa'i mes ni bsreg par mdzod/ /rtse gcig thugs rjes brtse gdung shugs phyung ste/ /nor gyi dbang phyug gter gyi dngos grub stsol/ /bsod nams bar du gcod pa'i bgegs rnams dang/ /rnam par sdang bas log zhugs ngag? tshogs kun/ /sde chen 'khor mang g.yog dang pho nyar bcas/ /gnod sbyin dbang po'i stobs kyis bzlog tu gsol/ /de ltar mgon po nyes pa'i tshogs 'joms la/ /bstod cing gsol ba btab pa'i bsod nams des/ /gnod pa'i rkyen bral 'dod pa'i 'bras smin nas/ /khyod bzhin phun sum tshogs pa'i gnas thob shog /chos skyong pa'i rgyal po rnam thos sras la bstod cing gnang nas bskul ba'i tshigs su bcad pa thugs rje'i ba 'jo zhes bya ba'i snyan sngags kyi phreng ba slob dpon nag po zhabs kyis mdzad pa rdzogs sto// //panDi ta te dza de ba dang/ lots+tsha ba 'phags pa shes rab kyis bsgyur cing gtan la phab pa'o// // */ /rgya gar skad du/ u tsu shma sA d+ha naM/ bod skad du/ 'chol pa'i sgrub thabs/ 'phags pa 'dzam b+ha la la phyag 'tshal lo/ /mi bskyod pa 'am tha mal snying khar ni/ /a la zla stod nag po gser 'od can/ /las byung rdo rje rtse dgu lte ba la/ zla steng hUM gis 'od
- 290b
kyis lha spyan drangs/ /mchod pas mnyes te rang gi snying khar zhugs/ /tshad med bzhi dang byang chub sems bskyed la/ /rdo rje 'od kyis dngos kun lhar bsgyur thim/ /oM A(rgyud 'grel): sa spyan drangs der bstim lhar gsal bya/ /sad ma nyi mar nor bdag rgyan spras pa/ /nor skyug mgo rkang gnon pa khro bo'i gzugs/ /mi bskyod dbu mdzes thong khrag ne'u le 'dzin/ /klus brgyan thugs khar zla ba sngar bzhin bsam/ /dbu zhal? dpung pa g.yon dang thugs kha dang/ g.yas g.yon brla dang gsang gnas byin gnyis la/ /zla bar yig bcu pa gser 'od 'phro/ /'od kyi mchod dang lhar bsgyur nor bsdus skyug /lag mthil paM las gser bum rin chen skyug/ mdzub mo gud mo ming med mthe'u chung dang/ /mthe bong nor 'chad g.yas g.yon yi ge bcu/ /oM in+d+ra ni mu khaM b+ha ma ri swAhA/ oM dzu luM swAhA/ rim bzhin byin gyis brlab dang dbul sngags so/ /phyag dang zhal dang gsang gnas nas phyag/ de nas zhal du dmar ser chu rgyun 'jug/ ma mo radna tra yA ya/ na mo ma Ni b+ha dra ya/ mahA yak+Sha se na pa ta ye/ /oM dzaM b+ha la dza len dra ye swAhA/ lo phyed thun drug chu phul 'byor chen 'grub/ /spogs na hUM mdzad khros pas dug khrag dang/ tsha ba ske tshi mar khu byugs te skam/ ram las khang par gru gsum me bsams dbul /sa 'am rdo las 'khyid gang sku gzugs bya/ /lha bstim thab khung gzhug ste mchod par bya/ rtsibs brgyad 'khor lor sku 'am sngags bris te/ /lha bstim dril te rin chen 'bar gzugs bcas/ /sna tshogs rgyun tu zhabs nas chu 'dzag pa'i/ /'og tu lha sku ye shes bstim pa bzhugs/ mal logs sngags sam sku bris ye shes gzhug /gzugs brnyan snod nang 'char byas chu dbul lo/ /u tsu shma sgrub pa'i thabs thun mong ma yin pa/ /slob dpon sgeg pa rdo rjes
- 291a
mdzad pa rdzogs so// //rgya gar shar phyogs kyi paN+Di ta chen po da na shi las bsgyur ba'o// //rgya gar skad du/ utsa shma dzi b+hA la sA d+ha na na ma/ bod skad du/ rmugs 'dzin 'chol ba'i sgrub thabs zhes bya ba/ dpal ldan rmugs 'dzin 'chol pa la phyag 'tshal lo/ /gang zhig spyan gsum grags pa'i gtsug phud kyi/ /rgyan gyi nor bu la reg zhabs ldan pa/ /thub pa'i gzhon nu des ni thub dbang sras/ /rnams gyi phun tshogs mchog mar rgyas mdzad gyur/ /bla med yon tan gnyis med pa'i/ /rin chen grong khyer 'dren pa ste/ /'gro ba rang gi phun tshogs la/ /myur du len 'dod 'di brten bya/ /de la dang po re shig bdag gis dzam b+ha la mnyes par byas nas/ /ma rtogs pa'i de'i bdag nyid du gyur te/ 'gro rnams mngon par mtho ba dang/ nges par legs pa'i phun sum tshogs pa la rab tu dgod par bya'o/ /zhes bya ba'i bsam pa dang ldan pas snying gi nang gis bu gar thig le dang bral ba'i yi ge A dkar po 'od zer 'phro ba de las skyes pa'i zla ba'i dkyil 'khor ro/ /der hUM yig dbus sngo ba phyi rol kun nas cung zad ser ba/ /'od zer gyi tshogs 'phro ba mgon rgyan du bstan ba ste/ de las bya ba rdo rje rtse dgu ?/ kha dog dang bya ba hUM yig dang 'dra pa ste/ lte ba'i nang du son pa'i zla ba la gnas pa'i hUM de lta bu dang ldan pa bsgom par bya'o/ /de nas oM a(rgyud 'grel): zhes bya ba'i sngags brjod pa sngon du 'gro bas tAM yig dang rdo rje dag las 'od zer 'phros te/ phyogs bcu nas sems can gyi /don mdzad pa'i dzam b+ha la'i gzugs mdza' yas pa rnams mar me blang ba'i tshul gyis spyan drangs nas mdun du de'i sku gcig tu rnam por bsgoms la 'od zer rnams
- 291b
kyis mchod pa lngas mchod pa dang/ sdig pa bshags pa nas btang snyoms kyi bar du bsgom par bya'o/ /de'i rjes su hUM dang rdo rje'i 'od zer rnams la lus mdza' dag bstims la spros pa thams cad dang bral ba nyid kyis stong pa nyid kyis rang bzhin zla ba dang/ rdo rje dang/ sa bon gyi 'od zer rnams la oM A(rgyud 'grel): zhes bya ba 'di dang 'od zer spros pas bcom ldan 'das spyan drangs lo gzhug par bya'o/ /gzhug pa'i mjug thogs su skad cig gis zla ba la sogs pa rnams kyis rdzogs pa'i bcom ldan 'das rmugs 'dzin 'chol pa gzhon nu lo lnga lon pa lta bu/ mi 'u thung gis rnam pa can/ sna tshogs pad+ma la gnas pa'i zla ba'i steng du nor sbyin ser po rgyan thams cad kyis brgyan pa/ rin po che'i dbu rgyan can/ /zhal nas rin po che skyug cing gan rkyal du nyal ba'i dpral bar zhabs g.yas pa dang/ rkang pa gnyis kyi steng du g.yon pas mnan pa/ g.yon brkyang gi gom stabs can/ gcer bu rtags mje gyen du bgrang bas gsum pa 'chang ba thugs kar phyag g.yas na thod pa khrag gi bkang bo bsnams pa la g.yon du phyogs nas gzigs pa brla g.yon pa la brten pa'i phyag g.yon pas na'u le kha nas 'og tu rin po che'i tshogs skyugs pa bsnams pa snyan ma bug cing gug pa zhal mche pa zla ba lta bu gtsigs pa/ spyan dmar la zlum pa/ dprel ba'i dbes su khro gnyer byas pa/ dbu skra dmar ser gyen du 'greng ba/ dbu la thub pa mi bskyod pa sngon po sa gnon gyi phyag rgya can gyis rgyas btab pa/ /mdza' mas sngon po ta ma la'i lo ma lta bus dbu skra bcings ba/ 'jog po dmar pos rna ba dkris pa/ pad+ma chen po pad+ma'i rtsa ba ltar dkar bas do shal byas pa/ stobs kyi rgyu ljang khu dur ba lta bus tshangs skur byas pa/ nor rgyas dkar pos skye rags byas pa/ /pad+ma me tog kund+ha ltar mdzes pas
- 292a
rkang gdub byas pa/ dung skyong ser pos lag gdub byas pa/ /rigs ldan du ba'i mdog can khra bos dpung rgyan byas pa/ sku mdog sngon po 'od zer ser pa'i tshogs 'phro pa bsgom nas dpral ba dang kha dang dpung pa g.yas g.yon dang snying ga dang rdo rje'i steng dang brla g.yas g.yon dang/ zhabs g.yas pa dang g.yon pa'i nang gis rtsa bu gar zla ba'i dkyil 'khor bcu rnams la/ oM dzaM b+ha la dza len dra ye swAhA zhes bya ba'i yi ge ser po rnams ni 'od zer po can du blta bar bya'o/ /de'i rjes la sna'i rlung phyir 'byung ba'i dus su/ oM yig la sogs pa'i 'od zer rnams dang/ thugs kha'i hUM dang/ rdo rje'i 'od zer rnams phyogs thams cad du spros te reg pa tsam gyis sems can thams cad kyi sems dang sems las byung ba bcom ldan 'das kyi ngo bor gyur pa rnams rlung 'jug pa'i dus su hUM yig la bcug la sems brtan par byed pa yis brtan par bya'o/ /'jig rten gyi khams thams cad na gnas pa rin po che sna tshogs pa rnams kyang klu dang ne'u le dang nor sbyin gyi kha rnams su gzhug par bya'o/ /slar rlung 'byung ba na klu la sogs pa rnams kyis mid pa'i rin po che rnams mdun du skyug par bsgom par bya'o/ /de ltar yang dang yang du spro ba dang bsdu ba la sogs pa byed do/ /de'i rjes su ngal bar gyur na/ na mo rad na tra yA ya/ na mo ma Ni b+ha dra ya mahA yak+Sha se nA pa ta ye/ /oM dzaM b+ha la dza len dra ye swAhA/ zhes pa'i sngags sam/ yang na gong gis sngags yi ge bcu pa bzlas par bya'o/ /chu sbyin pa'i dus su ni lag pa g.yas pa gan rkya/ gyi dbus su bam yig gi 'od zer rnams kyis lag pa bum pa bzang po lta bur byas la/ lag pa'i rtsa bar oM yig gi 'od zer rnams kyis gdu bu'i rnam pa dang
- 292b
ldan pa dang/ bam yig dbus su dzam dang mdzub mo dang gung mo dang ming med pa dang/ mthe'u chung dang/ mthe bong rnams kyi rtse mo la b+ha la dza len dra yi zhes bya ba'i yi ge rnams rim pa ji lta bar dang/ oM dang baM yig dag gi bar du ya yig dang/ ya yig gi g.yon dang g.yas ngos dag tu swAhA zhes bya ba'i yi ge dag ste/ oM yig la sogs pa 'di rnams rang rang gi gnas kyi bu ga rnams su zla ba la gnas pa ser po can du bsgoms nas/ lag pa'i nang du me tog chu dang bcas ba kha dang nye bar byas la/ /oM in+d+ra ni mu khaM b+ha ma ri swAhA/ zhes bya ba'i sngags kyis lan bdun du mngon par bsngags par bya'o/ /de'i rjes la lag pa brkyang bas sbyin par bya ba'i chu rang gi kha nas zhugs pa dzam yig 'od zer rnams dang/ thugs kar gnas pa'i rdo rje dang/ hUM yig 'od zer rnams kyis kha dog ser po byas pa rdo rje'i kha nas thon nas lag pa g.yon pa skad cig gis bcom ldan 'das zhal mngon du phyogs par bsgom pa 'am/ /sku gzugs kyi zhal gyi nang du oM dzU swAhA/ zhes bya ba'i sngags kyis lan brgya rtsa brgyad dang/ na mo rad na tra yA ya zhes bya ba la sogs kyis lan bdun du dbul bar bya'o/ /na mo rad na tra yA ya zhes bya ba la sogs pa lan gcig rjod pas 'bras rngos pa bu ram dang bsres pa la sogs pa rnams kyi gtor ma bcom ldan 'das la dbul bar bya'o/ /de ltar ji ltar nus pa thun gsum mam/ /thun gcig la rjes su bsgrubs te/ bstod pa dang/ smon lam gdab par bya'o/ /de'i rjes la bsgoms pa'i bcom ldan 'das oM badzra mu:- zhes bya bas gshegs su gsol bar bya'o/ /gzhan yang smin drug gi zla ba dang dpyid zla ra ba dang/ dpyid zla tha chungs dang/ dbyar zla 'bring po rnams gang yang rung ba'i nya 'am dge ba'i nyi ma gzhan la yang rngo? ma gas pa la skad cig
- 293a
gis bcom ldan 'das kyi ngo bor bsgrubs te yang dag par mchod nas gshegs su gsol bar bya'o/ /bzo bo bsnyen gnas kyi sdom pa bzung bas nyin zhag gcig nyis la dpa' bo'i yon gyis sku gzugs byed du gzhug go/ byas pa la yang bdag nyid la bkod pa bzhin du rim pa ji lta bar bcom ldan 'das gzugs yi ge dgod pa dang bcas pa rnam par sgoms nas chu sbyin pa la sogs pas mnyes par bya'o/ /zhes bya ba ni man ngag go /de'i tshe ni gshegs su gsol bar mi bya ste/ /bcom ldan 'das sku gzugs kyi rnam par rtag tu bzhugs pa la bskur sti dang mchod par bya'o/ /paN+Di ta a b+hya ka ra gu pa tas mdzad pa'i u tsushma dzaM b+ha la sgrub pa'i thabs rdzogs so/ /rgya gar gyi mkhan po paN+Di ta a lang ka de ba dang/ /lots+tsha ba shakya'i dge slong tshul khrims 'byung gnas spas pas/ chos 'khor shongs ma'i gtsug lag khang du bsgyur te gtan la phab pa'o/ /slad kyis paN+Di ta mahA bi b+hu ti tsan dra dang/ chag lots+tsha ba dge slong chos rje dpal gyis bsgyur cing dag par bgyis so// //rgya gar skad du/ Arya dzaM b+ha la stong tra/ bod skad du/ 'phags pa rmugs 'dzin la bstod pa/ /bcom ldan 'das ji b+ha la la phyag 'tshal lo/ /mchod sbyin brgya pa me lha gdong bzhi dang/ seng ge 'phrog byed nyin mor byed rnams kyis/ /zhabs gnyis ? bco ldan sdug bsngal ba/ /bdag la pad ltar yangs pa'i spyan ras gzigs/ /bcom ldan chab khyer gang gis mnyes 'gyur na/ thugs rje mnga' ya? gzhan gang lags pa gsungs/ /de phyir mchod pa bshams la mi rtsi zhing/ /khyod dang 'dra ba phal cher snyed pa dka' / /brtse bas 'bad pa'i sgo nas btsal btsal nas/ /phongs par gyur pa
- 293b
dag la bde mdzad nas/ /kho bo mchi ma dag gis gdong sbags pa/ spyan sngar mchis kyang ci ste gzigs ma lags/ /e ma ho rab tu rgyas pa thugs rje yi/ /gzhu mo mnga' ba khyod lta bzhugs gyur kyang/ /skye tshogs bzlog dka' sdug bsngal tshom rkun gyi/ /sde yis rnam par 'joms pa ji ltar lags/ /sems can sman slad nor bu rin po che/ rnam pa sna tshogs dgung 'char 'bebs grag na/ /kho bo khyod nyid gcig pu'i mthar thug pa/ /ci ste thigs spangs yang ni 'babs ma ?/ khyod bzhugs bzhin du mi yis 'bar ba ltar/ /kho bo phongs pas shin du cher sreg nad/ /khyod kyi lta zhig thugs rje 'jo ba'i ba/ /sa gsum khur du khur ba gang du thal/ bum pa dpag bsam shing dang yid bzhin gyi/ /nor bu sems pa dang ldan ma lags pa/ /de dag gis kyang sems can phan bgyid na/ /thugs rje'i bdag can bcom ldan smos ci 'tshal/ /gang zhig rmugs 'dzin chu yi bdag po zhes/ /skad cig kyang ni khyod kyi mtshan smos pa/ /de la pad+ma'i 'byung gnas legs bzhin du/ /pad rgyas dpal ni 'jug par bgyis pa lags/ /de ltar bcom ldan sred 'joms khyod spyan sngar/ /cho nges btab nas bsod nams 'byam klas pa/ /gang yang de yis skye bo khyod bzhin du/ /mngon par 'dod pa'i 'bras bu 'byin par shog /bcom ldan 'das dzaM b+ha la bstod pa/ slob dpon chen po btsun pa zla bas mdzad pa rdzogs so// //rgya gar gyi mkhan po mu ta ti sh+rI dz+nya na'i zhal snga nas/ /bod kyi lots+tsha ba la tshab nyi ma grags kyis legs par bsgyur ba'o// //na mo u tsushma dza b+ha la pa oM A zhes bya bas spyan drangs la/ /rang gi snying khar A yig yongs su gyur pa las zla ba'i dkyil 'khor gyi dbus su/ /hUM yig yongs su gyur pa las rdo rje rtse
- 294a
dgu pa de'i dbus su inDa go pa dang mnyam ma'i dza yig las/ /sngar brjod pa'i spyan 'dren pa'i sngags kyis/ dzaM b+ha la'i mgon po rang gis snying khar gzhug ste/ u tsushma byis pa'i gzugs rna ba ma phug pa/ sku mdog nag po skra gyen du brdzes pa/ mi lu thung gi rnam pa khro gnyer can/ rin chen 'byung ldan gyi dbu rgyan can/ phyag g.yon pas rin po che skyug pa'i ne'u le 'dzin pa/ g.yas pas khrag gis bkang pa'i thod pa 'dzin pa/ lho phyogs su mgo bstan pa'i gser gyi mdog can/ rgyan sna tshogs kyis brgyan pa'o/ /nor gter gan skyal du bsgyel ba/ /zhabs gnyis kyis mnan pa/ rin po che'i phreng ba skyug pa'i bdag nyid las/ 'od zer gyi phreng ba'i tshogs 'phro bar bsam/ u tsushma'i phrag g.yas oM yig las skyes pa'i gdug bu'i/ /baM yig las skyes pa'i bum pa bzang po dang 'dra ba 'bo bzhin po lag pa'i dbus su dzaM yig go /'dzub mo la baM yig go /gung mo la la yig go /srin lag la dza yig go/ mthe chung la yin yig go /mthe bong la dra yig go /khrig ma la ya yig go /de nas swAhA yig go /'di ni sngags pa'i rim pa'o/ /kha sngags kyis byin gyis brlabs la chu skyor sbyin no/ /oM dzluM swAhA chu skyor byin pa'i sngags so/ /oM a in+d+ra ya ni mu khaM b+h+ra ma ri swAhA/ lag pa nas kha nas lag par de dben par sbyin no/ /'di ltar snying rjes sems can thams cad phongs pa'i sdug bsngal thams cad gcod pa'i don du dzaM b+ha la bsgom par bya'o/ /u tsu shmA dzaM b+ha la zhes bya ba'i sgrub thabs rgyal po Arya ma tis mdzad pa'o/ /rdzogs so// //dge slong dar ma grags kyis bsgyur ba'o// // */ /rgya gar skad du/ arya u tsuSh+ma dzam+b+ha la kriSh+Na sA d+ha ni/ /bod skad du
- 294b
'phags pa rmugs 'dzin 'chol pa nag po'i sgrub thabs/ /rje btsun dzam+b+ha la'i zhabs la phyag 'tshal lo/ /dpal gyi dbang phyug dbang chen bcu gnas rin chen rnam pa mang ldan pa/ /thabs mang stobs chen dri med thugs rje drang srong lha mo'i sras gyur de'i/ sras gcig mtshungs med ma lus srid dang zhi ba'i nor bdag gter chen ni/ /mi'u thung cha byad thod khrag ne le 'dzin mdzad khyod kyis bdag la bsrungs/ /re shig bsgrub pa po dam tshig can gzhan la phan par brtson pas 'phags pa ?? ? mi phyed pa'i dang ba thob pas skyabs su song la/ /pad+ma'i mdang ma mchog gi snod dang/ /gnod sbyin mo kun tu rgyug gi lus ling ga chen po'i rdzas dang ldan pas nor bu brtsegs pa lta bu'i gnas su 'dug ste/ thog ma kho nar mi bskyod pa'i rgyal po'i cho ga ji lta ba bzhin mnyes par bya'o/ /de'i 'og tu de'i nga rgyal gyis bdag dang gnas dang rnal 'byor bsrung ba byas la/ /rang gi snying khar A las zla ba'i dkyil 'khor rgyas pa la gnas pa'i hUM yig nag po gser gyi mdangs can las byung ba'i rdo rje rtse dgu pa gyen du langs shing rnam par 'gyur pa'i ngang tshul can/ /dbus kyi rwa rtse rnam par dkar po nor bu'i tog gis mtshan pa dang rwa gzhan gnag cing kun nas dgrad pa'i bar byed pa de nyid kyi lte bar dri ma med pa la hUM yig bEeDUrya'i 'od 'bar bas mtshan pa blta bar bya'o/ /yi ge de'i 'od kyis nam mkha' i dbyings khyab par bkang nas zhing gi dkyil 'khor yongs su spyod pas don gnyis byas te/ /tshur 'dus pa las rje btsun rmugs 'dzin nag po sras dang bcas pa rdul phra rab kyi grangs dang mnyam pa spyan drangs la/ /khrus gsol pa sngon du 'gro bas mched pa'i yan lag bcu gsum yongs su rdzogs par bya'o/ /mnyes pa'i 'od kyis phreng ba bdag gi snying la zhugs te bskul ba'i yid kyis tshad med pa bzhi spel zhes
- 295a
byang chub kyi sems brtan pa yang dag bgos bskyed par bya'o/ /de nas rdo rje'i 'od zer chen pos brtan pa dang g.yo ba'i dngos po mdza' rnam par bcu nas rdo rje sems dpa' ngo bor thim pa dang yang ches 'bas rang gi lus kyang nye bar bsreg nas gzi brjid kyi phung po sgyu ma lta bu'i bdag nyid du bsam mo/ /de'i 'og tu oM A zhes skad gsang stod da bspran? pas ? par 'gyur ba'i mtshan nyid can gyi mgon po byang phyogs kyi mgon tshe la rdo rje'i ri pa'i zom nas spyan drangs te/ /kun nas dang zhing si ma la gdung ba'i yid kyi rgyu'i sems dpa' 'od zer gyi 'phreng ba 'bar ba la bstim par bya'o/ /de dag yongs su gyur pa las bcom ldan 'das nor gyi dbang phyug/ lha dang klu dang mi'i nor thams cad 'dzin pa mthing nag 'jigs pa'i gzugs can mi'u thung gi cha byad rigs ngan gyi rnam pa rna ba ma phug lhag ma za zhing mi srun pa gsus pa cher 'phyang zhing/ /rab tu brjid pa'i bdag nyid/ /khye'u lo drug lon pa'i na tshod can/ /gcer bu mtshan ma 'gred pa/ /zhabs gnyis dor stabs su nye bar gnas pas nor 'dzin ser po kha nas nor bu skyug pa'i mgo /g.yas su rnam par mnan pa/ /mche ba cung zad gtsigs shing/ /ljags rkan phugs su nye bar 'dril ba zhal dang spyan sum me'i phung po ltar 'bar zhing/ /spyan kun nas zlum zhing zlog la rnam par gyur pa can/ /dpral ba la rin po che'i mig gsum pa'i gzugs can gyi khro gnyer gyi rim pa dang ldan pa dbu skra dang smin ma rnams kyi spu kham pa re re nas gyen du langs shing 'od zer 'phro ba'i me stag thur du 'dzag pa/ phyag g.yas dang g.yon gyis pad ma'i snod ru ti ras bkad pa dang/ ne'u le'i rgyal pa lha dang klu dang mi'o nor bu rin po che'i rigs mi 'dra ba du
- 295b
mas khengs par byas pa kha na re chen po'i rgyun snod skyug pa 'dzin pa/ /sangs rgyas mi bskyod pa'i cod pan gyi rgyan can/ /klu'i rgyal po mdza' yas dang/ /'jog po dang pad+ma chen po dang stobs kyi rgyu dang rigs ldan dang dung skyong dang nor rgyas dang pad+ma rnams nag po dang dkar po dang ser po dang sngon po dang khra bo dang ser po dang dmar po rnam pa brgyad kyi ko rims ltar thor tshugs dang rna ba dang do shal dang tshangs sku dang dpung ba dang lag pa dang rked pa rkang pa rnams la brgyan pa'o/ /thugs khar zla ba la ji skad bshad pa'i snying po can gyi mtshan ma bsgom par bya'o/ /de nas rdo rje'i yig bcu'i go cha bgo bar bya ste dpral ba dang zhal dang dpung pa g.yas pa dang g.yon pa dang thugs kha dang zhabs dang g.yas dang/ g.yon dang chu so dang zhabs bol gong g.yas dang g.yon dang grangs bzhin du/ /oM dang dzaM dang b+ha dang la dang dze dang len dang dra dang ye dang swA dang hA rnams kyi yig 'bru rnams zla ba'i gdan dang/ /rdo rje phyed pa la gnas pa nyi ma'i snying po 'bar pa 'am gser gyi mchod sdong rnam par dag pa ltar bsam par bya'o/ /thugs ka'i mi byed yi ge las 'phros phyogs bcu'i 'dren pa kun mchod cing/ /go cha bcur bcas skyob dbang nyid 'phros ma lus 'gro rnams rang 'drar byas/ /na'u le klu dbang nor bdag 'od ldan lha klu mi yin nor rnams bsdus?/ /chos cing? pos nye 'grangs gyur btsir? pas de skyugs dngos grub yang yang blang/ /de nas chu sbyin par bya ste/ /lag pa'i mthil du bam ser po las gser gyi bum pa bzang po rin chen sna tshogs skyug pa kha phyir bskal? pas yi ge ngam? de nyid kyis mtshan pa blta ba'o/ /bam gi nang du dzaM yig go/ /khrig ma la ni oM mo/ 'dzub mo la ni b+ha'o/ gung mo la ni la'o/ /srin lag la ni dza'o/ mthe'u chung la le'o/ the bong la dra'o/ /nor bu 'ching ba'i gnas su ye'o/ /lag
- 296a
mthil gyi lto g.yon du swA de'i g.yas su hA'o/ /thams cad kyang zla ba gang ba gnas shing/ /gser 'od dri ma dang bral ba ltag par 'tsher ba ltar bsam mo/ /de nas yang chu khyor ba gang kha la nye bar tu gas te/ /oM a'i dra ni mu khaM b+h+ra ma ri swAhA zhes bya bas sor mo lnga la lan re re dang/ kha dang lag pa byin gyis brlabs pa la gnyis te/ bdun gyis byin gyis brlab bo/ /de'i 'og tu nag po chen po mdzes pa'i sku yongs su rdzogs pa zhig mdun gyi pad+ma rin chen rgyan snod du bzhugs te rang gi thugs kha nas ci 'dri ba'i gzugs phyung ste bstims la/ /rin po che'i bum pa rgyan thams cad gyis spras pa yongs su gang ba rgyun mi 'chad pas chu sbyin par bya'o/ /'di ltar bya ste oM dzluM swAhA zhes bya ba rin po ches brgyan pa'i lag pa nas zhal du'o/ /zhal nas rdo rje nor bu'i rtse mo ru'o/ /des nas slar lag mthil du 'bab pa'i rim pas mthar chu'i bdag po zhal du 'jug par bsam te cho ga de nyid kyis khyor ba brgya rtsa brgyad 'khrul pa med par sbyin par bya'o/ /de'i tshe phyag gis mthil gyi bum pa dang ne'u le dang ltos 'gro rnams kyi kha dang sna'i sgo la sogs pa bu ga'i rnam pa thams cad las rin po che'i rigs mi 'dra ba sdug cing yid du 'ong ba rnam pa du ma'i char chen po phab pas gnas khang la sogs pa mdza' dag g.yogs cing nor bar gyur par bsam mo/ /de'i rjes la yi ge bcu pa la mchod pa lnga'i sngags sbyar bas mchod cing/ thun mong dang khyad par gyi sgo nas bstod do/ /sngags de dag nyid kyis gtor ma byin gyis brlabs te dbul bar bya'o/ /na mo rad na tra yA ya/ na mo ma Ni b+ha dra yA/ ma hA yak+Sha se na pa ta ye swAhA/ oM dzaM b+ha la dza len tra ye swAhA/ zhes lan bdun nam brgya rtsa brgyad kyi bar du zlas te ji ltar 'dod pa'i don la gsol ba gdab bo/ /de nas
- 296b
yang mchod pas gtang rag phul te me tog dbu la bzhag nas yi ge brgya pas lhag chad kha bskangs la rten sbyin po dang chu'i phung srin lag gis reg ste lce la bzhag cing/ chu'i cho gas rgya mtshor 'jug pa'i dngos su dor bar bya'o/ /de ltar zla ba drug la sogs pa'i nyin lan gsum mtshan lan gsum du bar ma chad par chu sbyin pa la brtson par byed na/ des ji ltar mngon par 'dod pa'i 'byor pa thams cad gdon mi za bar 'grub par 'gyur ro/ /dbang phyug snying po gter bum las/ / lcags kyus lcag btab zas nor ster/ /bram ze'i tshangs skyogs lnga tshan lngas/ /bskangs te bcud bsdus dngos grub len/ /rin chen snying po nyi zla dang/ pad+ma rab sbyangs bde chen thob/ /rim bzhin gnod sbyin ne'u le mo/ /thod khrag bur ling sbyor bar bshad/ /dbyar dgun ston zla tha chungs dang/ /dpyid zla 'bring po rten bzhengs nas/ 'di nyid rgyal ba'i ting 'dzin gyis dam tshig ye shes mnyam sbyor bya/ /rna ba mnan dang mdangs 'phrog dang/ dgra bo byis pa'i gzugs 'jigs pas/ /rigs ngan 'dug pa'i las gsum byed/ khro zhal phrin las bgegs skod yin/ /klu rgyal gdon 'grol char 'bebs byed/ /nor bdag gzir bas nor rnams 'phrog /rig 'dzin dgug dang gter 'byed dang/ /'jigs skyob rkun po bsrung ba nyid/ /bu ster tshe? ni bsring ba dang/ /phyug skyod shing gzugs ba dang/ /dbang bskur bkra shis gsol ba dang/ rim bzhin oM nas swAhA'i bar/ 'od dang lhan cig rjes 'gro dang/ /slar bzlogs yi ge bcu yis so/ /rdo rje hUM mdzad khros pa yis/ /tshwa ba drug dang khrag skye tshe/ mar khu lus bugs pu re ling gdung/ /bdun phrag gcig gis dpogs na 'grub/ /ye a d+he bam swAhA/ snyigs dus sgrubs rnams rab dbul nyen rnams kyis/ /phan 'dod bzhin yang rang gzhan don nyams par/ /mthong nas rmugs 'dzin cho ga
- 297a
tshul bzhin bris/ /dge bas kun la 'dod sbyin gter gyur cig /dpal rmugs 'dzin 'chol pa nag po'i sgrub thabs/ /gsang ba las kyang ches gsang ba sbas pa'i bum pa zhes bya ba slob dpon nor sbyin gyis mdzad pa rdzogs so/ /dpal chos kyi rje sa'i steng na 'gran zla dang bral ba'i paN+Di ta chen po shAkya b+ha dra dang bod kyi lots+tsha ba byams pa'i dpal gyis bod yul dbus kyi bsam yas kyi gtsug lag khang du bsgyur ba'o/ /dge'o// // rgya gar skad du/ Arya dzam+b+ha la kriSh+Na sA d+ha naM/ bod skad du/ 'phags pa dzam+b+ha la nag po'i sgrub pa'i thabs/ /'phags pa 'dzam+b+ha la la phyag 'tshal lo/ /'phags pa dzam+b+ha la bsgrub par 'dod pas/ /yid dang 'thun pa'i gnas su stan bde ba la 'dug ste/ sangs rgyas dang byang chub sems dpa' i go 'phang thob par byas te sems can thams cad mtho ris dang thar pa'i bde ba la dgod par bya/ /de'i ched du dzam+b+ha la la mchod par bya snyam du sems bskyed la/ / gnas dang bdag dang/ rnal 'byor bsrung ba ni gzhan dang 'thun/ rang gi snying khar yi ge A dkar po 'od zer 'phro ba dang ces pa yongs su gyur pa las zla ba'i dkyil 'khor/ de'i steng du yi ge hUM nang gnag la phyir ser ba 'od zer ser po 'phro ba bsams la/ /de yongs su gyur pa las/ /rdo rje rtse dgu pa hUM dang kha dog mtshungs pa bsgom/ /de'i lte ba'i? nang du bsams/ /hUM de las 'od zer phyogs bcur 'phros shing dag tu oM A:- zhes brjod pas phyogs mtshams thams cad nas sems can gyi don byed pa'i u tsusma bsam gyis mi khyab pa spyan drangs nas mdun gyi nam mkha' la bzhugs pa la/ /dad cing gus pas phyar btsal dngos su 'byor pa dang yid las byung ba'i mchod pa mngon du 'gro ba'i bdun rnam dag
- 297b
bya/ /tshad med pa bzhi bsgom pa ni bsod nams gyi tshogs sog pa yin/ de nas yang rdo rje hUM zla ba rnams la 'phros pas snod bcud la phog /de 'od du zhu slar 'od kyi gnas la thim bdun gyi 'phags pa'ang oM A:- zhes brjod pas rdo rje dang hUM dang tha mi dad du gyur rang lus kyang 'od du zhu nas rdo rje la sogs pa la thim de rnams rmi lam sgyu ma ltar bsam de ye shes kyi tshogs bsag pa yin rdo rje hUM zla ba u tsusma hUM gis 'od zer/ /de lnga po yongs su gyur pa las sna tshogs pad+ma dang zla ba'i steng du rnam thos kyi bu sku mdog ser po mgo g.yas su bstan pa gan rkyal du nyal ba kha nas rin po che sna tshogs skyug pa dbu rgyan la sogs pa rin po che sna tshogs kyis spras pas brgyan pa de'i mgo thur du mnan pa/ /'od zer gyi phreng ba 'khrug cing 'phro ba'i gdan gyi lte bar/ dbang po sbas pa ltar gnag pa'i dza yig yongs su gyur pa las u tsusma byis pa'i gzugs can shin tu gnag pa/ /rna ba ma phug pa/ /sna thung ba/ /skra kham pa gyen du brdzes pa/ /lus thung ba mthug pa/ gsus pa che ba mche ba gtsigs pa/ /spyan dmar ba/ khro gnyer gnyer ba/ /spyan zlum pa/ phyag gnyis kyi g.yas pa na khrag gis bkang ba'i thod pa nu ma g.yas pa la bsten cing/ zhal du gsol ba'i tshul gyis bsnams pa/ /g.yon pa na rin po che sna tshogs skyug pa'i ne'u le pus mo g.yon gyis steng du bzung ba/ /zhabs g.yas bskum pas gdan gyi mgo bo mnan pa/ /g.yon brkyang ngas rkang ba mnan pa/ /mi bskyod pas dbu brgyan pa/ /cer bu thor tshugs la klu mdza' yas nag pos bkra shis pa/ /rna ba do shal/ tshangs skud/ dpung pa lag pa/ rked pa/ rkang pa rnams la rim pa ltar/ 'jog po dmar po/ pad ma chen po dkar po/ stobs kyis rgyu sngon po rigs ldan khra bo/ dung skyong ser po/ ba su ki
- 298a
dkar po/ pad+ma dkar po ste klu chen brgyad kyis brgyan pa'o/ /de'i thugs khar zla ba'i gdan la rdo rje rtse dgu pa/ de'i lte bar zla ba'i gdan la hUM/ dpral bar oM lce? la dzaM/ dpung pa g.yas la b+ha/ g.yon la la/ thugs khar dza(rgyud 'grel): lte ba len?/ bar gdang g.yas la tra/ g.yon la ye/ bol gong g.yas la swA g.yon la hA/ yi ge de rnams zla ba'i gdan dang ces pa'o/ /kha dog nag cing/ 'od ser po 'phro ba'o/ /yi ge de rnams dang/ thugs ka'i rdo rje'i lte ba'i nang gi hUM zla ba'i gdan rnams las 'od 'phros te/ sems can la reg pas thams cad dzam+b+ha lar gyur nas yid kyis hUM la bsdu/ yang de rnams las 'od 'phros pas/ rin po che thams cad bsdus te rlung nang du rdubs pas/ klu chen brgyad dang rnam thos bu dang ne'u le'i kha nang du song/ phyir rdubs gyur? pas de rnams kyi kha nas skyugs/ rin po che'i phung po chen po byung yang zos yang skyugs pa lan mang du bsgom/ de rjes su rang gi lag pa g.yas pa oM las dka' i gzugs kyi lag pa'i mthil du bam yig las 'od zer 'phros pa las skyes pa'i bum pa'i lag pa bsam pa'i/ bum nang du dzaM/ khrig ma la oM/ mdzub mo la b+ha/ gung mo la la/ srin lag la dza/ mthe chung la len/ mthe bong la dra/ khrig ma'i mtshams? su ye/ g.yon la swA/ g.yas la hA re re la zla ba'i gdan re'o/ /de nas zang gi zhong ba'i nang du rten yod na bzhugs/ med na rang dang 'dra ba'i rten du bskyed la chu khyor gang/ oM inda ni? mu khaM b+ha ma yi swAhA/ ces pa lan bdun gyis byin gyis brlabs la chu khyor ba gang khar blugs par bsams te phul ba khar song bas kha nang gi dzaM gyis ser por gyur/ snying kha'i hUM la sogs pa'i nus pas bdud
- 298b
rtsir gyur pa slar gyen du log ste rang gi lag pa'i mthil du byung ba/ mdun gyi dzam+b+ha la'i zhal du phul bar bsams shing/ /oM dzluM swAhA/ ces pa lan re dang chu khyor ba brgya rtsa brgyad rim pa 'di nyid kyis so/ /'jug tu/ na mo ma Ni b+ha dra yA ma hA yak+Sha se na pa ta ye/ oM dzam+b+ha la dza len dra ye swAhA/ zhes lan bdun brjod la chu khyor ba bdun dbul/ 'di nyid gtor ma'i sngags kyang yin/ de nas rten chu nang nas bton te/ logs su bzhugs/ bskyed pa yin na badzra mu(rgyud 'grel): sa gshegs su gsol/ gtor ma gtsang sar gtang/ rgyun du sngags zlos na/ oM dzam+b+ha la dza len dra ye swAhA/ zhes pa dang na mo rad na tra ya la sogs sngags phreng 'dam kha yin gsung zla ba drug gis nges par 'grub par the tshom mi dgos gsung/ rjes su bdag gzhan thams cad kyi tshe dang/ bsod nams 'phel ba dang dpal 'byor rgyas pa dang 'khor dang chab sring 'phel ba dang/ 'dod pa'i don ci dang ci bsam pa thams cad myur du 'grub par mdzad du gsol/ zhes gsol pa bde ba/ bsngo ba dang smon lam gdab po/ /dzam+b+ha la nag po'i sgrub thabs bsdus pa paN chen shakya sh+ri'i zhal nas gsungs pa/ bsnubs lots+tsha ba byams pa'i dpal gyi bsgyur ba'o/ sa brgyad dbang phyug lha yi lha/ mgon po 'gro kun phongs pa sel/ /mi'u thung gzugs can nag po che/ u tsuSh+ma la phyag 'tshal lo/ /zhes pa'i bstod pas bstod par bya'o/ /dge 'o/ /rgya gar skad du/ Arya dza b+ha la dza len dra ye ba She sha stod tra nA ma/ /bod skad du/ 'phags pa rmugs 'dzin chu'i dbang po la khyad par gyis bstod pa zhes bya ba/ 'jig rten dbang phyug la phyag 'tshal lo/ /nor gyi dbang phyug rin chen gter mnga' ba/ /lcags kyus lcags
- 299a
btab 'dod dgu sbyin par byed/ /nyi shu drug ldan gsang sngags yi ge yis/ /lha min lha dang mi 'am ci bdud rgyal/ /nyi shu lnga'i sman mchog gis gang ba'i/ /tshangs skyogs las bsgrub dngos grub bdud rtsi'i rgyun/ /rab 'bab bcud kyi ril bu sbyin mdzad gang/ /nor rgyun lha mos legs bsten khyed la 'dud/ /thabs chen shes rab zab rgyas rin chen bgyis/ /snying po nyi zla'i sbyor ba las byung ba/ /dga' chen ye shes bzhin sam bu te/ /mchog brnyes rmugs 'dzin khyed zhabs rtag tu 'dud/ /dzaM yig las skyes lha chen yi ge bzhes/ /legs drangs rdo rje'i thugs gsung skur ldan pa/ /sum cu rtsa gnyis mtshan brgya rab ldan pa// nyams dgu'i gar gyis brgyan la phyag 'tshal lo/ /Sh+ToM pa Ni ro d+ha yis rna ba mnan/ /phu brgyad kha yis dgra bo'i mdangs 'phrog byed/ /lugs bzlogs lugs 'byung bzhi gnyis yi ge yis/ /byis pa'i srogs dang gzugs 'jig mdzad la 'dud/ /k+Shu brgyad rgyan gyis nor bu'i gdon 'grol zhing/ /chu 'dzin sprin 'dra'i lus la char chen 'bebs/ /khyod ni nor bdag gzir bas sa gsum gyi/ nor 'phrog zhal bzhi bgegs 'joms mdzad la bstod// stobs bcu mnga' ba khyod kyi ye shes yi ge bcu/ /rig 'dzin dgug dang gter 'byed 'jigs las skyob/ /rkun po bsrung dang bu ster tshe bsring dang/ /phyugs skyong skyed shing dbang bskur shis mdzad 'dud/ /gang phyir sa gsum skye bo rmugs byed pa'i/ /nor 'dzin sa brgyad dbang phyug yud tsam zhig/ mthong nas gus 'phel nyi shus bstod bgyis pas/ /sgrub rnams 'phrin las nyi shus rgyal gyur cig /'phags pa rmugs 'dzin chu'i dbang
- 299b
po la phrin las nyi shu'i sgo nas khyad par gyi bstod pa zhes bya ba/ slob dpon chen po nor 'dzin dpal gyi zhabs kyis mdzad pa rdzogs so/ /paN+Di ta chen po bud+ha sh+rI dz+nyA na dang lots+tsha ba byams pa'i dpal gyis/ mang yul gyi grong du 'phags pa warti'i pho brang du bsgyur ba'o/ / /rgya gar skad du/ Arya dzam+b+ha la sto tra/ bod skad du/ 'phags pa rmugs 'dzin la bstod pa/ bcom ldan 'das dzam+b+ha la la phyag 'tshal lo/ /mchod sbyin brgya ba me lha gdong bzhi dang/ seng ge 'phro byed nyin mor byed rnams kyis/ zhabs gnyis la btud bcom ldan sdug bsngal ba/ /bdag la pad ltar yangs pa'i spyan ras gzigs/ /bcom ldan chab khyor gang gis mnyes 'gyur na/ thugs rjes mnga' ba gzhan gang lags pa gsungs/ /de phyir mchod pa bshams la mi rtsi zhing/ khyod dang 'dra ba phal cher rnyed par dka' / /brtse bas 'bad pa'i sgo nas brtsal brtsal nas/ /phongs par gyur pa dag la bde mdzad na/ /kho bo mchi ma dag gis gdong spags pa/ /spyan sngar mchis kyang ci ste gzigs ma lags/ e ma'o rab tu rgyas pa thugs rje yi/ gzhu mo mnga' ba khyod lta bzhugs gyur kyang/ skye tshogs bzlog dka' i sdug bsngal chom rkun gyi/ /sde yis rnam par 'joms pa ji ltar lags/ /sems can sman slad nor bu rin po che/ /rnam pa sna tshogs dgung char 'debs grags na/ /kho bo khyod nyid gcig bu'i mthar thug pa/ ci ste thig pa yangs ni 'bebs ma lags/ khyod bzhugs bzhin du me yis 'bar ba ltar/ kho bo phongs pas shin du cher bsregs ni/ khyod kyi lta zhig thugs rje 'od ba'i ba/ sa gsum khur du khur ba gang du thal/ bum pa dpag bsam shing dang yid bzhin gyi/ nor
- 300a
bu sems pa dang ldan ma lags pa/ de dag gis kyang sems can phan bgyid na/ /thugs rje'i bdag can bcom ldan smos ci 'tshal/ gang zhig rmugs 'dzin chu yis dbang po zhes/ /skad cig kyang ni khyed kyi mtshan smos pa/ de la pad ma'i 'byung gnas legs bzhin du/ pad rgyas dpal ni 'jug par dgyes pa lags/ /de ltar bcom ldan srid 'joms khyod spyan sngar/ tshe nges btab pa'i bsod nams 'byams klas pa/ gang yin de'i skye bo khyod bzhin du/ mngon par 'dod pa'i 'bras bu 'byin par shog /bcom ldan rmugs 'dzin la bstod pa slob dpon chen po btsun pa zla bas mdzad pa rdzogs so// //rgya gar gyi mkhan po mu ti ta shI dz+nyA na'i zhal snga nas dang/ bod kyi lots+tsha ba pa tshab nyi ma grags kyis legs par bsgyur ba'o/ /rgya gar skad du/ Arya dzam+b+ha la sto tra/ bod skad du/ 'phags pa rmugs 'dzin la bstod pa/ 'phags pa dzam+b+ha la la phyag 'tshal lo/ /dpal ldan chu dbang mgon po ni/ zhal gcig phyag gnyis brjid pa'i sku/ sku mdog sngo nag 'od zer 'phro/ /mi bskyod sangs rgyas dbu la bzhugs/ klu chen brgyad kyi rgyan gyis brgyan/ dgos 'dod 'byung la phyag 'tshal bstod/ phyag g.yas thod pa khrag bkang bsnams/ /g.yon pa gter gyi ne'u le 'dzin/ 'gro ba dbul bas rab gdungs pa'i/ re 'dod skong la phyag 'tshal bstod/ /khro bo'i cha lugs dbu skra gyen du rdzes/ /me'u thur gyis ba gzhon pa'i sha rgyas pa/ nor bdag gdan la rkyang bskum tshul du bzhugs/ /dgos 'dod ma lus 'byung la phyag 'tshal bstod/ mche ba rab gcig hUM sgras ma rungs 'dra la/ /dran pa tsam gyis ci bsam 'grub pa mdzad/ /yid
- 300b
bzhin nor bu yon tan kun ldan pa/ /dpal ldan chu dbang khyod la phyag 'tshal bstod/ /u tshtsuSh+mA? la gus pas bstod pa yi/ /bsod nams mdza' yas dam pa gang thob des/ /bdag dang sems can ma lus thams cad kyi/ /dbul phongs sdug bsngal 'ching las grol bar shog/ 'phags pa rmugs 'dzin la bstod pa/ /paN+Di ta dz+nyA na badzras mdzad pa rdzogs so/ /rgya gar skad du/ dzam+b+ha la sto tra/ bod skad du/ /dzam+b+ha la'i bstod pa/ dzam+b+ha la la phyag 'tshal lo/ /lha dang lha min dri za mi 'am ci rnams kyi/ /cod pan 'od kyis zhabs kyi khri ni gsal mdzad pa/ byang chub mchog du nges mdzad gnod sbyin dbang phyug la/ /sems can rnams la sman pa'i bsam pas bdag gis gsol/ /gang zhig brtse ba'i bdag nyid byang chub sbyin mdzad khyod/ /snying rje'i rtse ba sems can don du rab tu grags/ mgon khyod sems can rnams la rtse bar mi mdzad na/ khyod kyis sangs rgyas dran par gang gis 'gyur te mtshar/ /shin tu mi bzad dbul ba'i rgya mtsho'i nang du ni/ /'gro rnams lhung ba khyod kyis mthong bar ma gyur tam/ /rin chen gter chen rnams ni mtshan ni bzung byas nas/ khyod kyis chu bo yang ni rdzing gis bcing bar mdzod/ /shin tu dbul ba'i byin za mi bzad drag po yis/ /'gro ba gang zhig nyin dang mtshan du bsreg par byed/ /rtse ba nyid kyis ser sna rnam par spongs mdzad la/ /rin chen bdud rtsi'i char gyis char rgyun drag tu phob/ /khyod ni bsgom pas brgya byin gyi ni rgyal srid dang/ /spyan zur tsam gyis khyab 'jug gis ni dpal mo dang/ /mnyes pas dbang phyug gis ni ri'i gnas kyang thob/ /mgon po sdug phongs 'gron bu tsam yang mi ster na/ /'gro ba'i dbang phyug rnams la dpag med bde ba rnams/ rtag tu khyod ster sdug sngal can la de lta min/ khyod kyis sngon ma mthong ba snying
- 301a
rje'i yul gyur pa'i/ /dbul ba'i sdug bsngal can la ji ltar khyod 'jigs sam/ /nor gyis nor slod grub ldan rnams la khyod 'gengs kyi/ /yang dag skal med sdig byas rnams la khyod min zhing/ /nor gtor nor gyis nor ldan par ni 'dzin gyur te/ /mgon po slong ba'i tshogs rnams nges par spyod byed dam/ /gal te khyod kyis nor gtong rnams la khyod kyis ster/ /skye bo'i tshig ngan rnams la ji ltar khyod 'jigs sam/ /rab tu 'bad pas nges par smra ba de yis mchog /gnod sbyin rgyal po bdag gis gsol ba gsan du gsol/ /rab tu 'bad byas de 'dra'i nor dang ldan gyur na/ /ji ltar dbul po'i sgra ni thos par ma gyur cig/ dbul ba'i me ni rab tu 'bar bas 'gro ba rnams/ /bsreg par ngas mthod yid kyis ngo mtshar nyid du 'gyur/ /gang zhig bdag gis smras pa'i tshig rtsub tshig rnams ni/ /chu'i dbang po brtse phyir 'di rnams bzod/ /gang zhig bstod pa 'di yis ni/ /rtag tu 'bad pas dzam?? bstod/ /de ni dbul por mi 'gyur zhing/ /shin du mi g.yo'i dpal thob shog /mi'i dbang po nyi ma rnam par gnon pas dzam+b+ha la la bstod pa mdzad pa rdzogs sto/ /ka lyA Na mi tra gzhon nu shes rab kyis bskul nas// rgya gar gyi mkhan po d+harmA d+ha ra dang/ /yar lungs pa grags pa rgyal mtshan gyis dpal ldan sa skye'i gtsug lag khang du bsgyur ba'o/ /rgya gar skad du/ u ts+tshuSh+mA dzam+b+ha u pa de sha sto tra/ /bod skad du/ rmugs 'dzin 'chol pa'i man ngag gi bstod pa/ /dpal rdo rje sems dpa' la phyag 'tshal lo/ /mgon po nam mkha' i mdog can nor gyi char 'bebs pa/ /ma skyes rang bzhin dag pas sku mdog nag por bzhugs/ /khyod ni rdo rje sems dpa' nyid
- 301b
de bdag dran na/ khyod la 'dud kyis thugs rjes ci'i phyir mi gzigs/ /lo drug byis pa'i gzugs la gzhon pa'i sha rgyas pa/ 'dzum zhing khro la byams pa'i mche ba dkar po gtsigs/ /khro gnyer dpral bar bsnyer zhing ral pa dmar ser langs/ /dbul pa sel mdzad spyan yangs snying rje can la 'dud/ /mi bskyod dbu la bzhugs pas thugs kyi rigs 'dzin cing/ /byams pas kun la khros te gcer bu sbul gyi brgyan/ /oM A las skyes nor sbyin gdan la bzhugs shing 'gying/ /re ba bskong mdzad dpag bsam shing 'dra khyod la 'dud/ /phyag g.yas snying rje don mdzad thod pa khrag gis bkang/ phyag g.yon nor sbyin ma bzung ne'u les rin chen 'bebs/ /g.yas g.yon zhabs kyi rnam thos sras kyi rkang ba brdzis/ /nor bdag gan rkyal gnon cing brkyang bskum bzhugs la 'dud/ /rna ba ma phugs rigs don cha lugs du ma bzung/ /lag nas kha ru 'o ma'i bdud rtsi rtsa lam rdo rje nas byung ste/ /gur kum mdog 'dra zhal du phul bas mnyes mdzod la/ /nyid kyis bdag gis bsam mkhyen re ba myur du bskongs/ /yi ge bcu pas byin brlabs me tog dang bcas pas/ /oM las 'od 'phros gdub bu rin chen spras pas brgyan/ /oM las byung ba'i bum pa bzang pos chu phul nas// bcom ldan mgon po ci phyir re ba mi bskod lags/ /'gro drug kun la re bskong nor gyis char pa dag /ci 'dod mang po 'bebs pa'i thugs rjer grags lags na/ /bdag gis mos pas khyod kyi yon tan rtag tu brjod/ /thigs pa gcig kyang mi gsol skal ba med dam ci/ /nyi ma re re bzhin du rtag tu khyod 'bod na/ /bdag ni yid chad sgyid lug gdong pa dag mod kyang/ /khyod kyi sngon gyi dam bcas thugs rje gang du thal/ /gter chen bskal pa med kyang log 'tsho
- 302a
med tsam byin/ /bdag gis snying nas smos kyang bdud ma gzigs na/ sa gsum kun la snyoms par dam ni ma bcas sam/ /bdag la skal pa med kyang thugs rjes ci mi gzigs/ /sems can min nam dbul ba'i sdug sngal bral bar mdzod/ /bdag gis pos pas khyod kyi thugs rje'i zhags pa yis/ /srid 'dir dbul phongs sol la bde chen gnas su drongs/ /'jigs 'jigs 'jigs pa rmi byed khyod kyis byin brlabs te/ 'di dang pha rol gnyis kar rtag tu skyab bar mdzod/ /rmugs 'dzin 'tshol pa'i man ngag gi bstod pa/ /bla ma d+ha byang chub sems dpas mdzad pa rdzogs sto/ /kha cig slob dpon nyi ma spas pas mdzad zhes kyang zer ro/ /rgya gar skad du/ de pi ba su d+ha rI sto tra/ /bod skad du/ lha mo nor rgyan ma la bstod pa/ lha mo nor rgyu ma la phyag 'tshal lo/ /oM ma bum pa rin chen gter ldan ste/ de steng skyon bral nyi ma'i dkyil 'khor la/ /gdod nas dag pas sku mdog gser lta bu/ ma bcos rang bzhin byis pa'i gzugs 'dra pa/ /snyen mgur phyag zhabs rin chen phreng bas brgyan/ /zla rgyas ltar mdzes 'phags ma'i sku la 'dud/ brtse ldan sten pa grub pa'i tshul mda' ba/ pad ma'i zhabs mda''gag med seng+ge'i sbras/ /'gro ba'i sdug bsngal ma lus sel byed ma/ /dpal ldan lha mo khyod 'dra'i gsung la 'dud/ /tshogs gnyis mthar phyin sa bcu rim bgrod nas/ /thugs rje'i dbang gis sems can re 'dod bskyod// spros pa'i mdza' bral bde ba chen po'i ngang/ yang dag don rtogs lha mo'i thugs la 'dud/ /phyag g.yas mchod sbyin bi dza pha la yis/ /'jigs pa brgyad skyob 'gro rnams dbang du bsdud/ /dbul bsel zhing mkha' spyod
- 302b
'dre na mdzad pa/ g.yon pa thugs ka rin chen snye ma 'dzin/ /dges 'dong re skong dpag bsam shing lta bu/ /yid bzhin nor 'dra khyod la phyag 'tshal 'dud/ /bdag gis khyod la rtag tu mchod byed cing/ /gus dang bcas pa'i sems kyis rab bstod na/ /gdong la mchi mas rab tu gos gyur kyang/ /dbul ba'i sdug bsngal skad cig ma 'dor na/ sngon gyi thugs rje'i smon lam gang du thal/ /las kyis 'phro med sbyin shugs zad pa yin/ /phun sum tshogs pa'i skal pa med gyur kyang/ /tshe 'dir phongs pas log 'tsho spong tsam gyi/ /thugs rje'i thigs pa 'ga' tsam cis mi sbyin/ /dus 'di nas bzung tshe rabs thams cad du/ /'phags ma nor rgyun ma la mchod byed cing/ /theg chen gsang sngags chos la spyod pa dang/ bla ma rdo rje 'dzin pa'i bka' nyan cing/ /dbyer med phyag rgya chen po'i don rtogs shog /rta dang glang po rin chen gos rnams 'grub pa dang/ /khrus kyi rdzing bu rin chen bang mdzod dang/ /'dod 'dzo'i ba dang ma rmos 'bru rnams la/ /rtag tu chos dang ldan pa'i longs spyod shog /paN+Di ta dza mA ris lha mo nor rgyun ma la bstod pa rdzogs so// //dza ma ri'i rad 'gyur ro// // */ /rgya gar skad du/ ma hA yak+Sha a pa ra dzI ta sA d+ha ni tra na tra/ bod skad du/ gnod sbyin chen po gzhan gyis mi thub pa'i sgrub thabs kyi rgyud/ /dpal phyag na rdo rje la phyag 'tshal lo/ /de nas bcom ldan 'das kyis nor bdag gi sgrub thabs 'di gsungs so/ /nor rgyas sgrub par 'dod pa gang dag gis gnas dpen zhing nyams dga' ba'i sar man Dal legs par byas te/ der me tog dang/ spos dang/ mar me dang/ byug pa dang/ bshos dang/ snyil snyan dgod pa'i dbus su bum pa mdzes pa 'o ma dang/ sman dang/ 'bru dang/ rin po che dang/ spos
- 303a
dang/ snying po dang/ chus bkang ste/ lhu sdug? dang bcas pa snam bu gtsang mas dkris te/ srad bu sngon po btags la phyag na rdo rje'i bsnyen pa byas te/ yid bzhin nor bu 'bum du bzlas la bdag nyid la dbang bskur bar bya'o/ /oM tsa Na Da mahA ro kha Na hUM phaT/ de nas nor lha nyid bsgrub pa ni khang bu shin tu dben par dkyil 'khor gru bzhi la ba'i rnam lngas byugs te/ de la pad+ma 'dab ma brgyad lte pa dang bcas pa bri/ lte ba dkar po 'dab ma brgyad ser por bya'o/ /de la rin po che dang me tog dkram/ /dbus su bum pa dgong steng du sku bzhag/ mdun du zas dkar gsum dang/ dngar gsum dang/ tshong ma sna tshogs dang/ dri dang rtsi sman gyis brgyan te gzhag go/ mchod ba'i rdzas dag kyang bkod la/ dang po byang chub tu sems bskyed de/ dpal phyag na rdo rje bskyed rims ji lta pa bzhin bsgoms pa'i mdun du paM las rin po che'i pad+ma'i lteng la hUM dkar dmar las skyes pa'i nor lha zhal cig phyag gnyis pa/ dkar zhing dmar ba'i mdangs dang ldan pa phyag g.yas pas rdo rje lcags kyu 'dzin pa g.yon gyis rin chen bai DUrya'o/ /rin po che'i gdan la 'bab bzhugs kyi skyil krung du bzhugs ba/ gsus po che byis pa'i gzugs lta bu can/ bzhin mdzes pa can 'bor la che ba/ rin po che'i rgyan gyis kun tu klubs pa'i dam tshig gi gnod sbyin chen po gzhan gyis mi thub pa bsams la/ bdag dang g.yog pa'i dpral par oM/ mgrin par h+rIM/ snying khar phrim/ / lte bar hUM/ gsang bar phaT kyis bsrungs te/ ye shes dgug gzhug bya'o/ /tshur gshegs tshur gshegs 'byung po kun gyis rgyal/ /gnod sbyin chen po gzhan gyis mi thub pa/ /gnas 'dir mchod pa 'bul gyis myur du
- 303b
spyon/ /bdag la zas nor gsol zhing bzhugs su spyon/ /e hya hi yak+Sha a pa ra dzI ta sa pa ri wa ra a bar? dzi ya hUM dza /de nas ni mdun du byon par bltas te /bdud gsal ba'i phyir rdo rje rtse gcig pa'i phyag rgya 'am yungs dkar 'phangs zhing oM A:- big+ha na Na ta kri da ni hUM phaT/ ces pas rnam par phye nas/ mchod yon phul te/ dam tshig la mngon par gcug la mchod pa phul nas/ bstod pa bya ste/ oM gnod sbyin chen po gzhan gyis mi thub pa/ zhal gcig phyag gnyis byis pa'i gzugs 'dra can/ phyag g.yon yid bzhin rin chen bai DUrya/ /thugs kar 'dzin mdzad mi zad nor gyi bdag/ phyag g.yas lcags kyu 'dzin zhing rgyal po dang/ /btsun mo la sogs dgug dang dbang du mdzad chung mdog 'od 'phro rin chen rgyan mdzes ldan/ /rin chen gdan la rgyal sras skyil krung bzhugs/ /'jig rten zas nor kun gyis bdag po ste/ /gang gis khyod bsgrub 'phongs pa'i 'jig sel mdzad/ /nor lha'i rgyal po bkra shis 'byung ba'i gnas/ /'dzam pa'i rdo rje khyod la phyag 'tshal lo/ / de'i rjes la rgyal ba sras bcas mchod la/ de dag gis lha mo mngon par sprul te/ bum pa lha'i bdud rtsis bkang bas mngon par bkrus bkrus pa bsam mo/ /spyi bor dpal phyag na rdo rjes rgyas gdab po de nas snying po'i sngags 'di/ skad che bar ma yin/ chung bar ma yin/ myur bar ma yin/ bul bar ma yin par smra ba bcad cing rnam par g.yengs pa la sogs pa spangs te bzlas so/ /oM hUM phriM a pa ra dzI ta dza dza hI phaT/ bzlas pa gtong pa'i dus su mchod pa phul la/ gtor ma yang sbyin te/ gtor snod brum las rin po cher bsam/ gtor ma oM gyis sbyangs/ A:- yis spar/ hUM gis bdud rtsir bsgyur te phyag na rdo rje la rang sngags kyis dbul/ gnod sbyin lha la sngags oM h+riM dza yak+Sha a pa ra dzI ta sa pa ri wa ra a mri ta ba ling kha kha khA hI khA hi
- 304a
i dam ba lim bak+Sha yam/ ma ma bsu puSh+Ta ku ru sarba dza ga b+ha shi ku ru me da swAhA/ oM akA ro mu khe sarba d+harma Na a dyA nud pan na twad oM A:- hUM phaT swAhA zhes pa dang/ tshigs su bcad pas kyang bsngos la/ bstod pa bya/ chos bshad de phrin las bcol/ oM b+hu ta tri a pa ra dzi ta ran ma sarba tri sa ma pa ti swAhA/ zhes pa brgya rtsa brgyad bzlas te bskul lo/ /de nas dge ba bsngos la a pa ra dzI ta badzra mu zhes pas gshegs su gsol/ /thun gnyis pa la sogs pa la dam tshig tshig rdzogs su bskyed la/ ye shes dgug pa la sogs pa sngar bzhin du bya'o/ /tshes gcig nas bcw? lnga'i bar du sgrub bo/ /bcwa lnga'i zhig dang po nas tho rangs kyis bar du sngags rgyun ma chad par bzlas /lce pog dkar po'i bdug pa dbul/ tho rangs grub pa'i rtags snang ba ni rang gzugs mngon sum du ston te bdag gis ji ltar bya zer te/ sgrub pa pos bdag gis bka' nyon cig bya'o/ /mna'i bsgag dam chu klung ci 'dod bcol/ rgyal mtshan gyi phyag rgya bstan/ de phan chad bka' nyan te de la zhon nas tshangs pa'i 'jig rten mthong ngo/ /lha'i gnas su bskyal nas lha'i dbang pos dbang bskur bar byed do/ /'bri sgra dang tug chem 'ongs/ gzugs sgra gang byung yang skrag par mi bya'o de lta bu'i mtshan ma ma byung na nam langs pa'i dus su rmi lam brtag /des ma grub na phyi ma'i zla ba la de bzhin du bsgrub/ des kyang ma grub na yang phyi ma'i zla ba la sgrub po/ de nas dngos grub ni rab rig pa'i rgyal po'i dbang 'thob bo/ / lha dang/ mi dang/ gnod sbyin thams cad dbang du 'gyur/ /dgra dang nad thams cad zhi bar byed to/ /tshe ring ba bskal pa bdun thub par 'gyur/ /nor mdzad pa med cing dpag tu med pa brjod kyis mi langs ba 'gyur ro/ /gal
- 304b
de gnod bar byed pa byung na yang khros ba tsam gyis de ma thag tu 'chi bar byed do/ /'bring ni lta sgom gyis nyams myong skye/ bud med thams cad dbang du 'gyur zhing nor gyi dbang phyug thob par 'gyur bkra shis par byed pa dang/ dgra 'chi bar yang byed do// lam? yang nor 'phel bar byed cing dgra 'chi bar 'gyur ro/ /grub nas rtag tu bsten pa ni zla ba nya gang pa thams cad la gtor ma gtang bar bya'o/ /dngos grub gang byung ba de cha drug tu bgos te/ bla ma dang dkon mchog gsum spyi dang /sems can dag la cha re re sbyin khyed kyis grub pa po'i 'tsho ba bya'o/ /sgrub pa'i dus su zas dkar gsum bza' zhing gtsang sbra dang ldan par bya'o/ /rtag tu khrus la brtson par bya'o/ /'di 'grub na yon tan dpag tu med do/ /'di la gdeng bzhi dang ldan pas 'grub ste/ 'og gnon ye shes bsnyen pa'i gdeng/ yang dag lta ba'i gdeng/ mi nyams pa dam tshig gi gdeng/ the tshom med pa nges pa'i gdeng/ de la lta ba ni chos thams cad sgyu ma lta bur rmi lam lta bur shes par bya'o/ /dam tshig ni bla ma mnyes par bya zhing/ gsang la sgrub te/ gzhan la thabs? 'di bstan par mi bya'o/ /gnod sbyin chen po gzhan gyis mi thub pa'i sgrub thabs kyi rgyud rdzogs so// //rgya gar gyi ma dza mA ris bsgyur ba'o// // rgya gar skad du/ badzra kun la tan tra kar ma ma d+ha la sa ta kra ma a trI sA d+ha naM nA ma/ bod skad du/ rdo rje bkod pa'i rgyud las dkyil 'khor bdun pa'i rim pa rnam pa phye ba'i sgrub thabs zhes bya ba/ /bcom ldan 'das dpal sgrol byed thugs rje'i rgyal po shin tu rnam par grol ba nyid du la phyag 'tshal lo/ /hUM khro la khros pa'i rgyal po yis/ /khro bo nye bar zhi mdzad pa/ /de bzhin gshegs pa kun zhi mdzad/ /khro zhi che la phyag 'tshal te/
- 305a
dgongs pa 'dus pa'i rgyud dag la/ /dkyil 'khor bdun pa'i rim pa dag /sems can ye shes bskyed pa'i phyir/ /legs par bsdus te bstan par bya/ slob dpon mnyes par ma byas shing/ /dbang rnams thob par ma byas na/ nyan pa la sogs rtsom pa rnams/ /'bras bu med cing brlag par 'gyur/ /yi ge'i sgras btags ming tshogs la/ /brten pa'i tshig gis rab mchog ste/ khongs nas gab rdzas don 'phyin pa/ /ston pa rdo rje thugs la gnas 'di ni gsang chen nges pa yin/ /'bras bu lam du gyur pa yin/ /rgyal ba'i dkyil 'khor ma lus la/ /'di las gsang ba'i nges don med/ /kun gyis phyag rgya rdzogs chen mchog /snod ldan dang tshul bzad la sbyin/ /gzhan du nams kyang sbyin mi bya/ /rmongs la brgyar bas gzhan du min/ /dus min par ni srog zad nas/ /bsreg dang sgribs pa yun rings gnas/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ / 'gro ba'i tshul du sngon 'byung ba/ /de tshe sems can thams cad ni/ /stong nyid ther zug 'gog pa dang/ /khro gtum log lta bkam zhing 'dzum/ /le lo gti mug chags sogs pas/ /log lta dgu pos de myos 'gyur/ /de dag rnam par grol bya'i phyir/ /rgyal bas dkyil 'khor bdun du gsungs/ /de rtsom gang zag lngar 'dod do/ /bdun pa dang ni ma rigs chen byed/ /dbyugs chen 'byin dang lung chen thob/ /rtsal chen rdzogs pa'i rnal 'byor bas/ /drag shul can zhes bya ba'i gnas/ /dgon pa chen po'i gnas che ni/ /ye shes snying po can rnams kyi/ /thub chen gsang ba 'byung bas ni/ /dam pa rnams kyis bsngags pa yin/ /de gnas nges don dgod pa ni/ /ji bzhin nyid kyi dkyil 'khor las/ /
- 305b
phyag rgya dngos grub dkyil 'khor dang/ /byang chub sems kyi dkyil 'khor mchog /bsod nams tshogs kyi dkyil 'khor sprin/ /bka' stong pho nya'i dkyil 'khor drag /'brug dung las kyi dkyil 'khor che/ gtang khram gnan pa'i dkyil 'khor ro/ /de ni dbye ba'i sgo nas gsungs/ /mi bskyod zhing khams mngon dga' na/ /dge slong thub dka' gzhon nu yis/ /khyim bdag kau shi ka'i bu/ /dge slong thar pa nag po dang/ /g.yog po ngan 'phags gnyis po la/ /ji bzhin nyid kyi dkyil 'khor gsungs/ /ji bzhin nyid de ma bcos na/ /dngos po bzhi la gnas spyad kyang/ /nam mkha' la ni sprin bzhin du/ /'di ni rnal 'byor dam pa'i lam/ /ji bzhin nyid kyi dkyil 'khor ro/ /phyag rgya dngos grub dkyil 'khor ni/ /mi 'khrugs pa'i zhing khams na/ /sgyu 'phrul dra ba'i rgyud dag las/ /drag po rdo rje sems dpa' yis/ /mi 'khrugs rgyal po nyid la gsungs/ /gnas chen dam pa dag tu ni/ /tshul? dang ldan pa'i rdzas bsogs nas/ /maN+Dal la sogs mdzes byas la/ /khrus byas snying kar nyid kyi la hUM/ /'od kyi snang ba dkon mchog rnams/ /spyan drangs dkon mchog bskor phyag 'tshal/ /de nas mchod pa dbul ba ni/ /oM na ma(rgyud 'grel): sarba ta thA ga ta badzra he ru ka badzra da re mahA dz+nyA na maN+Da la badzra a ha ra pU dza hUM swAhA/ de bzhin du badzra d+hU pa/ puShpe A ?? gand+he/ nai bi dya pU dza hUM swAhA/ oM A(rgyud 'grel): hUM swAhA/ zhes byin gyis brlab/ de nas ragta sbed zhing bdud rtsi yis tshogs mchod de rak+ta khA hi/ ba le te khA hi/ a mri ta khA hi/ go ro tsa na khA hi/ ba su ta khA hi/ tsi ta khA hi zhes brjod de/ thugs ka nas byung lha mos mchod rjes la/ /hUM bdag 'dra log pa'i stobs ldan pas/ /thog ma med pa'i dus mdza' nas/ /srid pa'i 'khor bar 'khyams par nges/ /skye ba mang por lus blangs pa/ /sus kyang ma byas rang gi las/ /de tsam cha gcig
- 306a
don spyad na/ de tsam don gyi sangs rgyas zin/ /rang lus gtod par ma phod cing/ /chags pa'i mdza' la mngon zhen pas/ /zug rngu nad kyis zin pa yin/ /srid pa'i btson rar chud pa 'di/ /mkha' la 'dud pas nyes par nges/ /'khor ba'i rlung sgor ltung ba 'di/ /las kyi rlung gis nyes par nges/ /dus gsum rgyal ba ma lus la/ /'di dag mi 'chab mthol lo bshags/ /rdo rje sems dpa' i dam tshig rjes su srung/ /ye shes sems dpa' nye ba nyid du sbyon/ /rig pa'i rgyal po bdag la rtag par dgongs/ /gsang ba'i dbang phyug bdag la dgongs par gsol/ /rtogs pa mchog sbyin bdag la dgyes par dgongs/ /'dod pa kun byed bdag la chags par dgongs/ /dang po mnyam nyid sangs rgyas thugs rje can/ / las rnams kun byed bdag sems dge 'gyur ba/ /dus gsum dge bshes dag dang thams cad/ /rdo rje can dang dam tshig sems dpar bsgrub/ /bdag kyang rdo rje sems dpa' gtan du mi stong na/ /rdo rje sems dpas gtan du bdag ma btang/ rjes su yi rang bskul dang skyabs 'gro dang/ lam rten bsngo dang sems bskyed dang/ /tshangs par gyur pa'i las rnams kyis/ /'gro ba kun bral bzhin du smon ta ke ma ta ke ma phaT/ /ha la ha la raM/ tig sna tig sna khaM/ kro ta kro ta ya ma zhes/ dngos po thams cad stong par sbyangs/ /e ma'o ngo mtshar smad kyi chos/ /rdzogs pa'i sangs rgyas kun gyi gsang/ /skye ba med las thams cad skyes/ /skyes ba nyid nas skye ba med/ stong nyid rab tu bsal ba yi/ /snying rje yum ni bsgom par bya'o/ /des pa las ni rdo rje gur/ /brum bi sha tsa shud de zhes bzlas/ /dur khrod chen po rab 'jigs pa'i/ /khrag gi rgya mtsho 'khrug cing 'khyil/ /rkeng rus chen po ri rab kyi/ /steng gi 'bar ba'i klod dkyil na/ /ye shes 'bar ba'i
- 306b
gzhal yas khang/ /phyogs bcur rgya yongs ma chad pa/ /phyi dang nang med kun du snang/ /'bar ba'i 'khor lo rtsibs bzhi pa/ /gru chad bzhi yis rnam par brgyan/ /gru bzhi sgo khyud bzhi dang ldan/ /'bar ba'i bar 'khyams gnyis kyis mdzes/ thod sbrul sna tshogs nyi mas brjid/ /'bar ba'i khro bo mang po 'khrug /khyu mchog ma he gzig dang stag/ /gtum pa dom gyi yar ba ni/ /dbang phyug lha chen la sogs gzung/ /dbus kyi nyi ma'i snying po la/ /hUM las ri lu'i sgra grags pas// sems dpa' i sku ru gyur pa yis/ /rang gi ngang tshul de bzung la/ /lhun gyis grub par bya ba'i phyir/ /khro rgyal rnams la bskul bar bya/ /bdag 'dra sems can ma lus kun/ /mchog nyid sgrub par sbyor bas na/ /rgyal ba rgya mtsho kun 'dus pas/ /sku'i dbyib tu bdag skyed cig /de nas phyogs 'dus khro rgyal gyis/ sems dpa' bdag la der dbang bskur/ /rim pa gsum gyis sku ru bskyed/ /de nas bcom ldan dges chen po/ /dbu dang phyag zhabs stong khams kyis// rdul snyed mtshon cha 'dzin pa ste/ /g.yas dkar g.yon dmar dbus mthing zhal/ /rdo rje kha TwA nga rde chud g.yas/ /g.yon dril dung dmar rgyu zhags 'dzin/ /'bar chen klong dkyil 'khor lo'i dkyil/ /dbang phyug che dang dur khrod kyi/ /steng na zhabs bzhi brkyang bskum bzhugs/ /dur khrod rgyan can gar gyis rol/ /bdag nyid sangs rgyas thams cad kyis/ /sku gsung thugs kyi rdo rje bdag /khro rgyal ye nas yin pa'i phyir/ /de bzhin nyid kyi dbyings las ni/ /khro mo dbang phyug mngon phyung ste/ he hi dgyes pa'i gzi mdangs kyis/ /rin chen pad+ma rgyas mdzad de/ /hUM hUM rol pa'i 'od zer gyis/ /bde chen thugs mtshan byin brlabs nas/ /gnyis med dgyes pa 'khril bas thim/ /rdo rje lam byung yum gyi mkha'
- 307a
chos sku byang chub sems su gnas/ /lha rnams so so'i snying po'i sgra/ /hUM dang he he phaT byung nas/ /gsung gi phyag rgya nyid rdzogs te/ /'od zer spro bsdu'i sbyor ba yis/ /thugs kyi phyag rgya rab tu 'bar/ /de las phra mo'i sku spros bsdus// phyag rgya chen po'i sku rdzogs nas/ /phyogs bcu'i rdul snyed 'thon par 'gyur/ /sems can rgyal ba'i sras byas nas/ /slar bsdus rang gi gnas 'khod pa/ /dpal ni khrag 'thung chen po dang/ /rin po che dang pad+ma dang/ /las su gyur te so sor bzhugs/ /de kun 'jigs byed chen po yis/ /cha lugs rngam pa'i nga ro yis/ /'bar ba'i klong na dbu gsum pa/ /phyag drug zhabs bzhis dri za dang/ /gnod sbyin chu bdag gshin rje sogs/ /dregs pa khyo shug stan la bzhugs/ /btsun mo khrag 'thung chen mo rnams/ /so so'i sku la 'khril de 'khod/ /dkar mo tshogs dang rkun mo dang/ /rmongs pa dang ni thal byed ma/ /lcob mo dang ni gtum mo dang/ /sme sha can dang tsan d+ha laM/ /sgo'i khyams kyi nang du 'khod/ /seng+ge gdong chen ma mo'i tshogs/ /stag dang rtsa dang khyi dang gzhad/ /kang ka dur bya 'ug gdong che/ 'khor bar rngam pa'i mdangs dkyil 'khor/ /rdo rje srid 'gro ma tshogs dang/ /gdong mi 'jig rten ro langs ma'i/ /sgo bzhir rngam pa'i gzugs kyis gnas/ /srin po smug nag la sogs pa'i/ /'jig rten ma mo nyi shu brgyad/ /gsang ba'i dkyil 'khor phyi rol na/ /bran gyi tshul du gnas shing 'khod/ /de ltar gsal bar dgod pa'i sngags/ /oM sarba ta thA ga ta mahA sh+rI he ru ka mahA tsaN+Da sa dur tan+ta ka ha na da ha pa ni? hUM hUM hUM phaT/ oM badzra sh+rI he ru ka mahA tsaN+Da sarba duSh+Tan+ta ka ha na da ha pa tsa hUM hUM hUM phaT/ oM ratna mahA sh+rI he ru ka mahA tsaN+Da sarba duSh+Tan+ta ka ha na da ha pa tsa hUM hUM hUM phaT/ oM pad+ma mahA sh+rI he ru ka mahA tsaN+Da sarba duSh+Tan+ta ka ha na da ha pa tsa hUM hUM hUM phaT
- 307b
oM karma mahA sh+rI he ru ka mahA tsaN+Da sarba duSh+Tan+ta ka ha na da ha pa tsa hUM hUM hUM phaT/ oM sarba ta thA ga ta mahA kro ti shwa ri sarba duSh+Tan hUM/ oM badzra da ra mahA kro ti shwa ri dzA la hUM phaT/ oM mahA su rya ratna mahA kro hi shwa ri bi da ma hUM/ oM d+hi shwa bi mu ka mahA kro to shwa ri kha'i hUM phaT/ oM sarba a mo ka ma hA kro ti shwa ri hUM phaT/ badzra ke ri ha/ badzra tsi ri ha/ badzra pra mo ha/ badzra ba ta li ha/ badzra pu sa ha/ badzra kasma ri ha/ badzra sma sha ni ha/ badzra tsaN+Da li ha/ badzra sid mu kha he/ badzra bya kri mu ka he/ badzra sri la mu kha he/ badzra sho na mu kha he/ badzra kri ta mu ka he/ badzra kang ka mu ka he/ badzra kha kha mu kha he/ badzra hu lu mu kha he/ badzra a rya ta dza te da dza/ badzra u mu ka hUM/ badzra lo ka paM/ badzra ba sme pa la ya ba de ho/ /badzra ma nu raksha si b+hyo/ pra mo ni b+hyo/ ro 'u tri b+hyo/ pe sna pi Dhyo/ ko ma ri b+hyo/ oM na tra yo b+hyo/ badzra bid ga laM b+hyo/ a mri taM b+hyo/ sai me b+hyo/ da na taM b+hyo/ bag raksha si b+hyo/ bakshaM si b+hyo/ ra ti badzra haM b+hyo/ e ka tsa raM b+hyo/ si ti ka b+hyo/ ba ya b+ha b+hyo/ mahA ma ra na b+hyo/ agne ye b+hyo/ ba raM hi b+hyo/ tsa mun+ti b+hyo/ pu ta na b+hyo/ ba ra na b+hyo/ badzra mahA ka ha la b+hyo/ badzra tsa ka su saM gar na b+hyo/ badzra laM po dar b+hyo/ /de dag gis ni dkyil 'khor bskyed/ /dam tshig dkyil 'khor yongs su rdzogs/ /da ni ye shes 'khor lo ni/ /rang gi snying kha nas 'od 'phros/ /dbyangs dang ldan pa'i lha mo yis/ /phyogs bsdus dkyil 'khor bdag nyid che// mi dmigs thugs kyi dkyil 'khor nas/ /dkyil 'khor thams cad spyan drang ngo/ /dmigs med mkha' ltar dag pas khyab pa'i sku/ /spyan brangs gshegs su gsol bar mi dmigs kyang/ /thugs rje'i dang gis chos sku dag pa las/ /ye shes sgyu mas rol cing gshegs su gsol/ /ru rlung lu hUM ye hye hi badzra dza dza/ badzra kro ta sa ma ya hUM zhes brjod nas phyag byas te/ bdag med phyogs bral don dam thugs chung cing/ /byams dang snying rjes 'gron zur mi mnga' yang/ /thugs rje chen pos
- 308a
gdug pa 'dul mdzad pa/ /'jigs med he ru ka la phyag 'tshal lo/ /nam mkha' i lus can gar yang thogs med cing/ /'dod dgur bsgyur ba'i gzugs can 'phrul mo cho/ /ma srid byams pa'i tshul gyis grogs mdzad ma/ /phyi nang mkha' 'gro'i tshogs la phyag 'tshal lo/ /'jig rten 'khor los sgyur ba'i dbang phyug ma/ /ci bgyi bka' nyan yang sbrul bsam mi khyab/ /bdud 'dul ye shes pho nya drug cu'i tshogs/ /'khor bcas rab 'bar kun la phyag 'tshal lo/ /a ti pu ho pra ti pu ho sarba ta thA ga ta b+hand+ha naM ka ro mi/ /i daM d+hu pa puShpa b+ha liM pra tits+tsha ho/ sh+rI ban yo ki ni ho/ ta ki na ho zhes gus byas/ /hUM khro la khros pas zhi mdzad pa/ /thugs rje khros pas rngam pa'i tshogs/ /'bar ba'i byin brlabs rmad po che/ de nyid du ni bdag la rtsol/ /badzra kro ta sa ma ya hUM/ badzra kro ta sa ma ya phaT/ badzra kro ta sa ma ya ho/ /der bstim lus kyi dkyil 'khor rdzogs/ /sku gsung thugs kyi phyag rgyar ldan/ so so rigs kyi 'bras bur 'gyur/ /snying gar mi bskyod rdo rjes mtshan/ /de las ma mo brgyad spros te/ /phyi rol mchod pa byin gyis brlab/ /dbyangs dang ldan pas dbul byas te/ /ngang la thun mong rdzas lngas mchod/ /de nas khyad par rdzas kyis mchod/ /bdud rtsi smad kyis mchod rjes la/ /spreng zhing brtags pa bya ba ni/ /bla med mchog gi mchod pa dam pa sbyar ba 'di/ /ye shes lnga'i 'od zer rnam par 'phro/ /'dod pa'i yon tan lnga yis rab brgyan te/ dam chos gsang ba'i mchod pa bzhes su gsol/ /he ru ka'i gnas bcu dang/ /dur khros chen po'i gnas brgyad nas/ /dpal chen 'khor bcas spyan drangs te/ dur khrod mchog gi gnas chen 'dir/ /zhing chen g.yang gzhi ste cing? bcas/ /dmar gyi arga rgya mtshor 'khyil/ /mkha' 'gro 'bar ba'i tshogs
- 308b
bcas kyis/ /ma lus bzhes nas bsnams su gsol/ /hUM mnyam pa'i grub rdzas chen po 'di/ /bdag dang mnyam pa'i tshogs la dbul/ /bza' dang bca' dang btung dang? ?/ longs spyod ltar ldan mchod pa 'di/ /dkyil 'khor la ni dkyil 'khor thim/ mchod pa dam pa bzhes su gsol/ /kha hi mahA mi se kha hi/ /mahA rag ta kha hi/ de nas 'khril te snyoms zhugs pas/ /dgyes mnyam mchog gi mchod pas rol/ mi dmigs thugs kyis mchod pa 'di/ /rdo rje sems dpa' nyid kyis dang/ de nas phyi rol 'thon po las/ /ma mo rnams kyis bstod pa ni/ /hUM gtum chen du mdza' i me ltar 'bar/ /'od zer nyi ma 'bum gyi gzi/ /khro gnyer glog stong 'gyur ba bzhin/ /mtsho? bzang yang za byed che ho/ /hUM rngam pa'i nga ro 'drug stong di ri ri/ /thugs chen ri rab 'bum snyil skad/ /ha hA ha la gad rgyangs che/ /sbyugs pa 'khor lo g.yeng ba che ho/ /hUM khro bo shes rab 'od po che/ /ye shes dkyil 'khor kun la gsal/ /'bar ba'i ye shes kun la 'joms/ /sna tshogs ye shes thig le che ho/ /hUM khro bo rgyal po sprin chen po/ /khros pa'i dkyil 'khor char chen 'babs/ /dkyil 'khor yid bzhin 'byung ba'i gter/ /sna tshogs khros pa'i thig le che ho/ /hUM bdud kun gyi ni bdud chen po/ /bdud kyi bdud ste bdud rnams 'joms/ /'jigs pa'i tshogs kyang 'jigs par byed/ /'jigs byed chen po thig le che ho/ /hUM rdo rje brag chen sar ba che/ /rdo rje chu bo sud chen po/ /rdo rje med ste kun char che/ rdo rje rlung 'thor g.yeng ba che ho/ hUM sgeg po dpa' o 'jigs su rung ba dang/ rgod dang gshe dang 'jigs par byed pa dang/ /snying rje rngam dang zhi ba la sogs pa/ /sku'i dngos po shin tu bsgyur ba yin/ /gar gyi phyag rgya 'bar ba'i dbang phyug gnon/ /h+ri mos byed stong pas lhag par 'dod pa'i gzugs/ /gdul
- 309a
ba'i dbang gis gshin rje stong pas lhag par 'jigs tshul ston/ /zhi ba'i skur yang tshangs pa stong pas lhag pa ston/ /thams cad dkyil 'khor gsum du snang bar mdzod/ /h+ri rnam par 'dul ba'i ngo mthon thabs kyis non pas gnon/ ho ho ha ha he he hi hi/ /dgyes pa'i gad mo khong/ /dbang phyug thams cad rab bshig rab tu bshig /rab kyi rtsal gyis ngo mtshar rmad byung ba/ /rtog pa mang po rgyud kyi gdul bya ma lus pa/ /ye shes sgyu ma ma 'dres yongs su rdzogs par bstod// de rjes sngon gyi gnas su bzhugs thim nas/ /rang gi phyag rgya'i nga rgyal ni/ sngon du gsungs pa'i khro bo 'am/ /yang na spyan ras gzigs sprul ba'i/ /khro bo 'bar ba dbu dgu pa/ /phyag ni bco brgyad lta bu yi/ /snying gar drag po'i 'khor lo bsam/ /ru lu rtsa ba'i sngags dag ni/ /'bum mam bye ba'i bar du bzlas/ /phyag rgya dngos grub dkyil 'khor ro/ /thun mtshams mnyam par bzhag pa dang/ /rang gi nor du rin po che/ /yod par ma shes stor bar dran/ / tshol bar 'dod na 'di ltar bsam/ /byang chub sems kyi dkyil 'khor ni/ /chos 'dzin rigs kyi grub gnas su/ /thugs rjes sa la mngon sprul gshegs/ /byang chub sems kyi dkyil 'khor mchog /byams mgon dam pa zhig gis bstan/ /e ma byed kyis ma shes sam/ /mthun yun kun tu bde ba yin/ /sgron mas mun kun gser tshol ltar/ /gsang ba'i snying po mdzod brtol te/ /thig le gcig gis kun la khyab/ /thams cad lung chen nges par bstan/ /'jig rten g.yo rdul mi'i rang bzhin rnams/ /'bar ba lnga bcu'i khro bo dang du snang/ /mya ngan 'das dang 'khor ba'i rang bzhin rnams/ /brtsal med ma bcos de nyid rnam dag nas/ /thig le yungs kar
- 309b
tsam zhig gsal bar bsgom/ /de las 'od zer rdul snyed spros/ /mun bsal dngos po kun sbyangs te/ thams cad me bcos sku ru gsal/ /slar 'dus thig le la thim nas/ /'od du zhu nas rim gyis bsdus/ /rdo rje sems dpa' snying gi nang/ /a gzugs pad+ma 'dab bzhir gnas/ /de steng gsang ba nad gnas sa rlung dang/ snying ga nad gnas chu rlung gnyis/ /rnam par dge las zla ba ste/ /rdo rje rin chen gnyis rang bzhin/ /de steng rdo rje sems dpa' ni/ /thig le 'od zer lnga ldan pas/ /de steng mgrin pa gnas me rlung dag /mgo ba'i nad gnas rlung dkyil gnyis/ /dag pas nyi ma'i dkyil 'khor steng/ /pad+ma'i rigs dang las rigs so/ /kha sbyar dbus su thig le bsam/ /yang dang yang du 'dris bsams pas/ /mar 'gro mar 'gro gnyis 'gog go /'gog pa bzhin du mtshan ma ste/ lam skye 'gag med pa'i chos nyid rnam par snang ba'i sgo'o/ /maM mi zad pa chos nyid rnam par snang ba'i sgo'o/ /paM gnyis skyon med pa chos nyid rnam par snang ba'i sgo'o/ /ta thogs pa med pa chos nyid rnam par snang ba'i sgo'o/ /muM brjod pa las 'das pa'i chos nyid rnam par snang pa'i sgo'o/ /hUM mi g.yo ba'i chos nyid yongs su snang ba'i sgo'o/ /oM cir yang snang pa'i chos nyid rnam par snang pa'i sgo'o/ /sa ni chu la thim pas ni/ /kun tu mnyam blos zag med pa'i las kyi ye shes dang por skye/ /chu ni me la thim pas na/ /sems la dbang thob du ba 'dra/ /me ni rlung la thim pas na/ /ting 'dzin 'ba' zhig ldan pa ste/ /rlung gi rnam pa lta bur mthong/ /rlung ni rnam par rig pa la/ /thim pas 'dod pa rnam bral te/ /mar me lta bur mthong ba'o/ /rnam par rig pa'i 'od gsal la/ /thim pa thams cad snang ba ni/ /phyi nang mun pa thams cad sbyangs/ /nam mkha' lta bur mthong ba'o/ /e ma'o dngos po med pa las/ /smon dang snying rje'i dbang gis ni/ /ji ltar snang ba ma bkag pa'o//
- 310a
'dun pa'i dus na rigs kyi bu/ /yid la byed pa zhes thob ste/ /sems gsum bskyed cing mdza' bcu grol/ /brten pas gzhi yis bar gnas/ /rigs chen 'byed pa'i rnal 'byor la/ /'phro 'du cig pa'i ting 'dzin thob/ /sems gzhi rdzogs te mdza' bcu shes/ /bdag nyid yi ge'i phreng bar ni/ /snang ba'i ltas mthong bsod nams gter/ /dbugs chen 'byin pa'i rnal 'byor la/ /sems cig rdzogs te mdza' chub nas/ /'jig pa lnga yangs khyad par sa/ /yongs su mi ldog ting 'dzin sa/ /'jig rten nor bu rin chen gyis/ /gang bar spyod pa'i ltas mthong 'gyur/ /sgyu ma sbyor ba'i skyes bu ste/ /'khor lo sgyur ba'i cha byad du/ /rin chen bdun dang dpung tshogs kyis/ /dbang sgyur thabs kyi theg pa ston/ /lung chen thob pa'i skabs su ni/ /seng+ge dag la zhon nas ni/ /thams cad gnon pa'i ltas mthong 'gyur/ /sems bdun rdzogs pa'i sa phar gnas/ /'bras bu nyid la laM shes pas/ /lam gyi yan lag bde rdzogs te/ /gzhan dag smin par bya ba'i phyir/ /ji ltar 'dod ltar thabs mchog sbyor/ /rtsal chen rdzogs pa'i skabs su ni/ /kun snang ting 'dzin nyid thob ste/ /des ni nyi zla'i chad bskor bas/ /thabs dang gsol bar byed ltas mthong/ /sems gsum bskyed cing mdza' drug chub/ /gdeng du gyur pa'i ngo bo las/ /de nas rgyal mtshan skyes bu de/ /chos kyi rgyal po gang de yi/ /gdung 'tsho ba dga' ldan theg chen ston/ /mi gnas bcu dus cho 'phrul snang/ /bshes gnyen dam pas bka' stsal pa/ /sa bcu pa la gnas pa ??/ /chos nyid du 'jog spyod par byed/ /ma rtog dang du mi gnas te/ /rdzogs pa'i sangs rgyas mi byed do/ /e ma'o skyes bu dam pa blong/ /gang gi ngo bo ci phyir lags/ /skyes bu dam pas bka' stsal pa/ /gsang sngags dngos
- 310b
po brgyad kyis bcings/ /mnyam par ma bzhag par du ni/ /sangs rgyas dgongs pa myong ma yin/ /skyes bu dam pa khyod ci gu /gang zhig mos pa su zhig gis/ /ji ltar grol 'gyur ngo bo ci/ /skyes bu dam pas bka' stsal pa/ /grol bar 'dod pas bla ma bsten/ /rig pa rang 'byung rang bzhin ni/ /byang chub sems kyi dkyil 'khor ro/ /bsod nams tshogs kyi dkyil 'khor ni/ /zhing khams rin chen yod pa na/ /rgyal ba kun tu bzang po yis/ /sras mchog 'jam dpal chen po la/ /ji ltar rims kyis brgyud pa bzhin/ /de bzhin 'byor pa'i yo byad la/ /rnam gsum tshul du nan tan bya/ /bsod nams tshogs kyi dkyil 'khor ro/ /bka' bstod pho nya'i dkyil 'khor ni/ /sangs rgyas mi bskyod pa yi ni/ /zhing khams mngon par dga' ba na/ /rgyal tshab skyes bu kun gyis gsungs/ /de'i gdam ngag mdor bkod pa'o/ /rtags dang rten ni gzhung ltar bsham/ /dur khrod chen po rab 'jigs pa'i/ /mcho ni rkong rkang thang dmar na/ /ri ni byin lag mchongs kyi rtse/ /steng na 'dab chags rgyal po gnas/ /rkeng rus thod pa mkhar du brtsigs/ /ru las tshogs bdag bskyed nas ni/ /nye nas kro ti shu rim/ /rang gi 'khor tshogs ldan pa bskyed/ /de nas dpa' bo chen po'i ru lu hUM gi 'od zer spros/ /drag pos gnas nas gdug pa dgug/ /zhal du rdubs te sna nas bton/ /gzhon nu sme brtsegs zhes gyur te/ /bskyed dang gnyis su med par byas/ /de la ming dang mtshan btags pa/ /ging gi rgyal po zhes kyang bya/ /lha chen legs ldan nag po ste/ /lha'i sde dpon ka ru na/ /tshogs bdag chen po bdud kyi rjes/ dge slong thar pa nag po yin/ /tshogs bdag chen po de gsol la/ /dpa' bo chen po gshegs su gsol/ /bdag cag skal ldan 'dus pa'i tshogs/ /sgo 'dir 'jug par 'tshal lags na/ /rgyal ba'i
- 311a
sras su bzung du gsol/ /dpa' bo chen pos bka' stsal ba/ /hUM hUM hUM byi sha badzra kro ta/ badzra la maN+Da la phaT/ ta keM ta ke phaT/ ha la ha raM/ tig sna tig sna khaM kha ta kro ta yaM/ /oM hUM muM/ skal ldan 'dus pa'i tshogs chen khyed/ /bde bar 'ongs so legs par 'ongs/ /grub pa'i rlung sgo gsang sgo 'dir/ /su dag 'ongs pa slar mi ldog /tshogs bdag chen pos yang gsol ba/ /bdag cag mdza' yas sems can rnams/ /don gyis sangs rgyas yin mos kyang/ /rtog pa'i dbang gis 'khor ba la/ /byang chub mchog tu sems bskyed do/ /sems nyid sangs rgyas yin pa la/ /mun pas bsgribs pas de mi shes/ /byang chub sems kyi lam 'di nas/ /sangs rgyas sa la 'jug par bgyi/ /dpa' bo chen pos bka' stsal pa/ rdo rje can gyi rnal 'byor khyer/ /rdo rje can du cig nges na/ /gsang ba gsum du mnyan pa nyid/ /mi phyed rdo rje dam tshig sbyin/ /mi phyed rdo rje dam tshig ni/ /gsang ba gsum gyi dbyings nas byung/ /dkyil 'khor gsum gyi dam tshig ni/ /grub na 'jigs pa'i dus med do/ /nag po chen pos yang gsol pa/ /ye shes rin chen dbu rgyan mchog /gzi brjid phung po bla na med/ /sangs rgyas rin chen kun 'dus pa/ /rnam par rgyal la phyag 'tshal lo/ /dbyig gi ye shes gtso mchog nyid/ /rdo rje dam pa mchog 'dzin pa'i/ /khyod ni dam tshig gtso lags kyis/ /dbang phyug rgyal pos bdag dbang bskur/ /dpa' bo chen po des gnang pas/ /oM badzra a mri ta a hi ha sarba maN+Dal hUM/ /e be she ka h+ri ta/ nag po chen pos yang gsol pa/ /bdag ni skyes bu khyod kyis dbang bskur bas/ /sangs rgyas kun gyi de nyid bdag dang bskur/ /bcom ldan thams cad mchog nyid bdag lags te/ /mchog nyid bsgrub phyir dbang rnams blang bar bgyi/ /de'i rjes su
- 311b
'khor rnams kyis/ /mos dang snyan pa'i tshil gsol te/ seng ger sbrul te gdan du phul/ /la las lus kyis rgyan du phul/ /la las sham thabs dag tu phul/ /la las thig ler phul byas shing/ /la las byug par mnyes byas nas/ /la las phreng bar mdzes pa'i rgyan/ /la las phyag mtshan phul te gnas/ /de nas gang gi rgyal po la/ /mnga' gsol mchod pa'i tshul du bstag /nye bar spyod pa lnga yang bzhin/ /dam tshig dam rdzas bsngo ba ni/ /dka' thub chen po tshur gson cig / legs ldan nag po ma rungs pa/ /rang gi rgyal srid la gnas te/ khrim la btab pa'i dgra bgegs rnams/ /rol gcig dgongs shig dam tshig gtso/ /khyed kyi dam tshig dus la bab/ /bso byang khram la btab pa yi/ /ma dang sring mo bud med la/ dpa' bo khyod kyi rol mdzod cig /dam tshig chen pos ma gtang cig /zhe sdang can gyi bdag po rnams/ /sems can kun gyi srog 'phrog pa/ bse byang khram la btab pa yi/ /sha dang khrag la longs stod kyis/ /gnod sbyin chen po ma rungs rnams/ /bse byang khram la btab pa yis/ /gser sogs yul 'khor blangs nas ni/ /rang gi 'dod pas longs spyod kyis/ /rtog pa'i rgyal po rnams gson cig /bse byang khram la btab pa yis/ /mgo thod bcad nas rtags rten dang/ dge mtshan rnal 'byor des 'dod na/ /yid bzhin lta bus dngos sgrub gsol/ /rigs ngan sme sha can gyi tshogs/ /ba lang gi sha rta sha dang/ /mi sha rlang chen sha sogs bzhes/ /srin mo khrag 'phrog ma lus la/ /bsang ba'i khrag ni dron mo dag /bzhes shig dgra bo'i khrag la rol/ /sprul pa'i phre men chen mo rnams/ /thod ?? dang 'bru mar khrag /chad dang a mri tar sbyar ba yang/ /rdzu 'phrul sgrub pa'i dam rdzas bzhes/ /rig ngan chen po ma rungs pa//
- 312a
sha chen bshang gci khu ba khrag /dam rdzas 'bar ba 'di bzhes la/ /bdag gi nad rnams bzlog tu gsol/ /dmigs bya 'di la rims nang thong/ /srid pa'i bud med ma rungs khyed/ /bro gar glu tshig mchod pa bzhes/ /dmigs bya 'jo tshul stobs kyis 'phrogs/ /shor ba gzhon nu bdud mo'i tshogs/ /rnal 'byor chen po'i bka' 'byung gis/ /sngags sgra rang gi mchod pa bzhes/ /dmigs bya'i phung po rdul du rlogs/ /log 'dren can gyi gdon rnams nyon/ / yang dag nang du kun rig na/ /che chung las ni gang byas kyang/ /gnyis kyi dbang du mi 'gyur gyis/ /rnal 'byor de'i las 'di bsgrubs/ /gsang tshig sten pa'i tshogs rnams nyon/ /bshang gci khrag dang sol khu'i gos// brgya 'am stong du gon nas ni/ /ling ga bcad na sangs rgyas 'jig /dam rdzas mchod pa 'di bzhes la/ /bcol ba'i las rnams grub par gyis/ /mnga' bdag chen po ma rungs pa/ /rdo rje sems dpa' i sprul pa ste/ /khro ba chen po ging chen po/ /mnga' bdag bdud kyi rgyal po bzhengs/ /rnal 'byor chen po nges bstod cing/ /khyod kyis mthun pa'i rdzas phul bas/ /sngon gyi bskal pa bzang po la/ /khas blangs dam bcas mna' bor ba'i/ /sngon du rigs 'dzin gong mas bsgrubs/ /da lta rnal 'byor bdag bsgrub na/ /baM ri thod pa mkhar gyi rtser/ /du mtshon nag po pu ru ru/ /mtshon cha nag po char du phab/ /bdud bya nag po lding zhing 'jums/ /dur khrod mang po rgyan rnams rdzogs/ /mche gtsigs rngaM can? zhal gdangs nas/ /khro bo khro mo'i sprul bar khrims/ /srin po srin mo rkan sgra rdebs/ /gnod sbyin pho mo 'brug ltar sgrog /za byed pho mo glog ltar 'gyur/ /so so mos pa tha dad pa'i/ /yid bzhin nor bu dam tshig ni/ /yongs su rdzogs
- 312b
pas blang par byos/ /de ltar mchod bstod byas rjes la/ /rang rgyud dam tshig gis gnas te/ /de dag rnams la mthun rdzas bsngo/ /de nas ging chen 'khor bces kyis/ /'bangs su mchi'o bdag lus 'bul/ /'bangs la nan tan ma chung zhig /de nas slan chad bka' bzhin du/ /bka' lung bzhin du rjes su bsgrubs/ /gal te bka' bzhin ma bgyis na/ /dam pa'i lung las 'gal 'gyur bas/ /bdag cag rnams kyi mgo lus snying/ /rul myags skams nas tshig par 'gyur// ma srid bu mo chung ma rnams/ /'bangs su dbul lo tshig ma chud/ /dbus su mchis skal mi ldan gyis/ /'bar ba'i dkyil 'khor mdza' la zhog /phud la 'tshal skal mi ldan gyis/ /lhag ma zhal chab bron la gsol/ /nye gnas gdung mo ma srid rnams/ /deng nas rgyal ba'i 'bangs yin gyis/ /khyod kyi ci bgyi las mkhan te/ bka' i las byung rtag par myur du bsgrubs/ /ru lu ru lu b+hyo zhes pas/ /rang gi srog la tshang du bzhag /dpa' bo chen pos bka' stsal pa/ /brtse? bar byed na mar bya'o/ /gdud bar byed na sring mo ste/ /brtson par byed na bran du bya/ /byang chub dag ni bur bya'o/ /bdud bral med na slob mar bya'o/ /bskul ba mgyogs na pho nya bya'o/ /bka' bzhin byed na bka' la gdags/ /rdo rje ljags kyi 'od zer las/ /rag sha sh+ri raM he ru ka /ru tra ma tra ha haM zhes bsdus te bzlas pa bya/ /bsnyen pa bzlas pa 'bum byas la/ /don chen brtsal pa zhes su bshad/ /thun mtshams kun tu mched pa yang/ /dung chen la sogs btang bar bya/ /don chen rnyed par gyur nas ni/ /sna'i bu ga'i hUM rings las/ /khro bo ging gi rgyal po ste/ /las kyi rgyal po srog bdag ni/ /ljang sngon drag po gsal zhing can/ /spros dang gnyis su med par bstim/ /rgyu zhags khar nag skud pa 'am/ /mthing nag
- 313a
dar chen 'bar ba la/ /phyi ma'i ri lu gsum sprul te/ /rang gi lag pa g.yon par gzung/ /gzung thag blangs te sngags bzlas pa/ /nye ba'i bsnyen pa 'bum du bzlas/ /don chen bsnyen par gyur pa yi/ /de nas don la 'jug par bya/ /rang gi lag pa g.yon pa yi/ /thum po bar pa kha phye nas/ /mkhar gyi nang du pho nyas bskul/ /'bum du sgrub pa dag ni bzlas/ /de nas tshogs kyi mchod pa ni/ /gsum du byas te dbul byas nas/ /gdeng du gyur pa'i gsang sngags mchod/ /bsgrub pa chen po 'bum du bzlas/ /pho nya mnga' gzhug bdag dkyil 'khor/ /'brub khung las kyi dkyil 'khor ni/ /stug po bkod pa'i zhing khams na/ /rnam dag lam gshegs rgyal ba rnams/ /rkong rkang thad mar rgya mtsho'i de/ /'grub khung drag shul can gyi gnas/ /rdo rje thabs kyis blta ba'i yul/ /dur khrod bdag po tshogs dang bcas/ /bdag ni bka' i las mkhan te/ /bka' yi las kyi dus byung bas/ /sangs rgyas kun gyis gdul bka' ba/ /de dag ma lus bdag gis gdul/ /bka' las de dag mdor bkod pa'o/ /lho phyogs las kyi maN+Dal sum rtseg la/ /dang po thod pa'i phreng bas brgyan/ /de 'og mtshon cha'i char gyis spres/ /de 'og me ri 'bar bas spras/ /nang du rgyal sol nag po byugs/ /de'i nang du ling ka ni/ /ji ltar ba'i tshul gyis bzhag /yan lag phyag rgya bzhi yis brgyad/ /kho ran dang por 'phra men mkhar ma la ni mgo mnyan te/ /tha ma la ni srin po tshogs// gdug pa'i cher ma'i pur bu la/ /mtshon par byas te rnam par bkod/ /mgul nas gdags shing rten la 'dud/ /de ni ? sgyur ba yi/ /gtor ma la sogs mchod pa rnams/ /mnyes shing mgu ba gzhung bzhin bya/ /ji srid mtshan
- 313b
ma rnyed kyi bar/ /las la sbyor ba drug pa'i sngags/ /rngam pa'i da ros gdon par bya/ /mnyems la sogs pa gzhu dper gsol/ /de nas pho nya mdag par bya/ /'di tha dag po mi bzad pa'i/ /rtog pa med pa'i rgyal po las/ /rdo rje lcags kyi 'od zer gyis// badzra kro ta la sa ma ya/ /khro bo rgyal po sprin phud po/ mdag gzhug tho nyar spro bar bya/ /rag sha dzwa la sa ma ya/ /sngon po mdag pa'i drag sngags so/ /gnod sbyin rbad pa'i dreg sngags so/ /tsit+ta dzwa la sa ma ya/ /zang byed bskul ba'i pho nya'o/ /sngags dang mang du spel nas ni/ /khros pas khri 'am 'bum du bzlas/ /dung chen btang la bskul ba ni/ /sngon tshe dpal chen nyid kyi bka' / /de nas rnal 'byor rigs rgyud bka' / /da lta rnal 'byor bdag sgrub kyis/ /khas blangs dam bcas brjed dam ci/ /dam bcas bzhin du phrin las mdzod// ji ltar ma byams bu la gdung ba bzhin/ /dam tshig can la dung dung gdung bar gyis/ /gang du sing byams ming la gdung ba bzhin/ /dam tshig can la ltar ltar brtse bar gyis/ /mdza' bo grogs la ji ltar gdung tshul bzhin/ /rnal 'byor can la/ kril kril brtse bar gyis/ /ji ltar g.yog byams dpon la snying brtse bzhin/ /dam pa rnams la mnyes par nye par gyis/ /rgyal pa kun gyi cho sku pad+ma'i gdung/ /chos rje 'od dpag med la rdo rje chos/ /spyan ras gzigs sprul h+ri las ? tshul ston/ /ngag gi dbang phyug rta gdong zhabs kyis gnon/ /'jigs byed chen po 'bar ba la/ /sngon ba 'bar ba'i ral pa can/ /dbu dgu phyag ni bco brgyad pa/ /rdo rje gshog pas bar snang khebs/ /pa spu lcags kyu bsreg 'dra yi// snga ma dang sdig dang smig pa sprul/ /'jigs pa'i gzugs kyi sa gzhi khebs/ /thogs skyob sa sti ru rgyu zhags dang/ /nyi zla khyud dang 'ug pa khra/ /rdo rje mdung rtse gsum pa dang/ /za ma tog dang rdul yab rnga/ /ri rab phyi bskor stong gsum 'ben/ /
- 314a
? dang 'bum gyis brgyan gyis klubs/ /dus mdza' bskal pa'i me ltar 'bar/ /khro gnyer sdang mig 'bar ba ni/ /nyi shu rtsa bdun spyan ras gzigs/ /zhabs kyis 'bar ba'i lha brgyad gnon/ /rdo rje srin po khro bor gyur/ /lha dang bdud las rnam par grags/ /mi mchog thugs kyi sprul pa las/ /lha chen nag po mi bzad pa/ /mtsho ni rkong rkang thang dmar na/ /ri bo byan lag mchongs kyi rtse/ /ma la ya'i rtse la lhags/ /sku gsung thugs kyi rdo rje las/ /sprul pa'i sras mchog rdo rje 'dzin/ /gzhon nu bye ba sa yar mdzad/ /baM ri thed pa mkhar gyi rtsar/ /mgon po thugs kyi sprul pa ni/ /bdud kyi spyod yul kun mdzad de/ /drag tu mdag cing bskul ba'i tshe/ /'jig rten khams kun 'phung bar byed/ /thams cad dbyar gyi sprin phung bzhin/ /nam mkha' i dbyings kyi mdza' klas par/ /baM ri thod pa'i rtse la lhags/ /mthun 'jug thabs kyi cha byung du/ /baM ri thod pa mkhar gyi rtsal/ khrag dang bshang gci sha chen dang/ /rkang dang klad pa klang rgyas dang/ /rnag dang chu ser la sogs pa'i/ /'bu dang shin tu 'bu chen po/ /sbrag ma sbrang rgod bung ba dang/ /sprul dang sdig pa sdom la sogs/ /ci sbyang stag seng la sogs pa'i/ /gdug pa can gyi 'khor gyis bskor/ /lha'i sde dpon ka ru na'i/ /bu mo chung ma ma srid dang/ /'jig rten dbang phyug lha chen gyi/ /ma sring bu mo chung ma rnams/ /phyogs nas dbang du byas pa rnams/ /zlas dang byi mo bran mo'i tshogs/ /bcu gnyis dang ni brgyad la sogs ma mo 'phra mo na gnod sbyin ma/ /srin mo sha za khrag 'phrog ma/ /bdud kyi ming 'dzin bla kun ma/ /dam nyams 'di'i bla la yang/ /blon po sde dpon sde dpon mo/ /ru mtshon nag po phyar nas ni/ /ru dpon pho nya mdag par bcas/ /rang rang
- 314b
stan dang lag char chas/ /ci bgyi bka' nyan bka' stong 'khor/ /sbad dang rngam pas dgra snying khos/ /srid pa'i bu mo dri za brgyad/ /stag seng ce spyad bzhad sogs dang/ /dur bya rog po 'ug pa'i tshogs/ /bstod cing rngam pa'i tshul du 'khod/ /nyams pa 'di'i snying dkyil du/ /cho 'phrul sna tshogs khyed la bsregs/ /srin mo'i nye gnas chen mo brgyad/ /ke ri tse ri phra mo ha/ /be ta li dang pu ka si/ /g+hasma ri dang sma sha ni/ /maN+Dal li la sogs pa yis/ /srog la hur thums dus la bab/ /dur khrod sa'i sgo srungs pa ni/ /brtson mo gdong mo gar la gam/ /de bzhin 'jug mo chen mo bzhi/ /gsang sgo 'dzin cing bka' sgo srung/ /rnal 'byor 'khor ded bcas pa la/ /bar chad bsrung ba'i dus la bag/ dam nyams 'di'i yan lag chings/ /dur khrod bdag mo grub 'debs ma/ /rkam ma shin tu rkang ma dang/ /ra ro ma dang khrag mthung ma/ /chags pas myos pa'i mdangs kyis 'khor/ /dam nyams 'di'i dbugs long la/ /smyo 'bogs gtang ba'i dus la bab/ /nyams su myong bar khros dus ni/ / sngon du snyen phul mnga' gsol ba'i/ /mtshon cha nag po thogs nas ni/ /skab der thun gzer brdeg par bya/ /bde gshegs rgyal ba ma lus kyis/ /mar ku lta bu'i snying po gsungs/ /de 'dra'i bstan pa dam pa la/ /sgro skur rnal 'byor yongs la 'tshe/ /da lta rnal 'byor nga yi dgra/ /pho nya mdag gzhug ma lus kun/ /'di la dam tshig ma gnas kyis/ /drag po las kyi thun la bab/ /rdo rje gzhon nu sme ba brtsegs/ /mthing nag khro gnyer ral pa can/ /'bar ba chen po gar dgu mdzad/ /dur khrod bdag po ji bzhin du/ /dbu dang phyag zhabs der mdzad de/ /sprul pa chen po'i dus la bab/ /rdo rje zla rtsal nyi ma'i mdangs can dang/ /rdo rje seng ge nam mkha' i rdo rje dang/ /rdo rje spyang ki rdo rje dus mtshams
- 315a
dang/ /rdo rje phyogs 'dul rdo rje dur khrod bdag/ /rdo rje ro langs rdo rje ma rungs pa/ /legs ldan nag po bdud kyi rje/ /gsung gi ngar drag po mi bzad pa/ /'ur 'ur chem chen drag po'i sgra dang ldan/ /rab tu brtsigs pa'i sku ni mi zad pa// mgul ldag rab g.yas dgra la thun/ /dpa' o khyed kyi shes rab ma/ /baM ri thod pa brtsegs pa'i dbus/ /gnam lcags 'bar ba'i gzer chen gyis/ /brtan par btab pa'i nang bdag mo/ /nye gnas kro ti shwa ri ma/ /thod skyogs khrag gis bkang ba dang/ /'bru mar rdzas lnga tshang sbyar ba/ /rtag par rang gi longs spyod 'dzin/ /chags bas myos shing rkang pa nas/ /ches 'ga' drag tu bskul ba'i tshe/ /sngags sgra drag po mi bzad pas/ /rang la rang yang brtsig cing 'dum/ /srin po srin po'i tshogs rnams kun/ /drag por sngags drag ngas bzlas shing/ /gdug pa'i lus can mtshon char bcas/ /glang pa'i dkyil du rgyab pa yis/ /rkang pa'i mthil dus ma ya/ /a bi ra tsa'i gnag pa yin/ /thun 'jug khrid pa'i sbyor thabs kyis ? rtsa lnga'i mdangs sbyor bas/ /gshung ba lnga ni bdud rtsir bsgyur/ /byas la mi rtsogs phrin las dang/ /spyod lam chags ye shes kyis/ /thams cad stong zhing rdo rje sbyangs/ /sgyu ma'i phung po lhag ma la/ /khro bo khro mos rta pra brdung/ /'dod chags rdo rje zhe sdang gti mug gsum/ /mnan no mnan no 'og tu mnan/ /sha khrag rus spungs lhag ma rnams/ /za byed cho gas kyi zhal du btab/ /las rnams gzhan yang bstan bya'i phyir/ /drag po'i las rnams sgrub pa ni/ /nag po phyir la sbyor goms pas/ /drag po yi ni sbyin bsreg brgyad/ /rnal 'byor khros pa'i sems kyis byas/ /ling ga bcad cing bsregs pas na/ /sangs rgyas nyid kyang 'jig 'gyur na/ /gzhan lta smos kyang ci zhig dgos/ /'brub khung las
- 315b
kyi dkyil 'khor ro/ /gtang khram gnan pa'i dkyil 'khor ni/ /gdug 'dul zhing khams chen po ni/ /ston pa gsang bdag nyid kyis gsungs/ /de'i gdams ngag rgyud ba ni/ /slob dpon hUM ka ra yi ni/ /de'i gdam ngag mdor bkod pa'o/ /gong du las la sbyor ba na/ /sa sna bdun gyis 'dag pa las/ /tshad ldan pa'i mkhar byas la/ /steng du bya khyung rgyal po bya/ /nang du mgon po nag po ste/ /mche gtsigs zhabs ni bgrad pa'i 'og/ /sbyin sreg byas pa'i thal ba dang/ /dri ma la sogs rjes rnams la/ ling ga ming byang bris te bzhag /a ra ma ru sha dang ni/ /kra sne sku ra bzhi chad yi/ /thod pa kha sbyar zhags pas gsum/ /ka ru na'i phyag rgya dang/ /gnam lcags 'bar ba'i gzer chon gyis/ /blangs te dur khrod nag po'i tshal/ /mi mthun 'dus pa'i sar song la/ /gtor ma la sogs rngan pas mchod/ /gru gsum khru do rko byas la/ /gong gi mkhar chen bcug nas ni/ /g.yam pa nag pos kha bcad nas/ /rdo rje rgya gram gyis mnan bya/ /chu mig nag po ma rungs dang/ /lha khang mgon po'i zhabs 'og tu/ /mnan pa byas kyang 'grub par gsungs/ /gtad khram mnan pa'i dkyil 'khor ro/ /de gting sgrub pa'i gnas phyin nas/ /'jig rten 'das dang 'jig rten pa'i/ /spyan drangs lha rnams ma lus la/ /mchod bstod bshags pa bya ba dang/ /gtang rag lhag mi'i gtor ma gtang/ /de nas dbyings su ci bder gshegs/ /bskyed pa'i lha rnams lus la bsdu/ /mtshams dang phyag rgya la sogs la/ /ngo bo nyid kyis dgrol bar bya/ /smon lam gdab cing spyod lam la sgyu ma'i tshul gyis ci bder sbyang/ /grub dang lung bstan ma thob kyang/ /bdag pas blo dman ched du ni/ /dkyil 'khor ba dan pa'i sgrub thabs phye/ /tshang ma dang ldan mkhas pa rnams/ /bdag gi blo la mi bya zhing/ /mkhas pa rnams kyi bzod pa
- 316a
bzhes/ /'di brtsams 'di la mos pa rnams/ /rdo rje sems dpa' nyid thob shog/ /slob dpon chen po sti ra ma tis dgongs pa las/ rdo rje bkod pa'i rgyud bstan pa bsrung ba/ /rnal 'byor yongs kyi mgon po legs ldan nag po'i sgrub thabs kyi dkyil 'khor bdun gyi rim pa rnam par phye ba slob dpon snang mdzad myu gus mdzad pa rdzogs so// //'jig rten mgon po la phyag 'tshal lo/ /lho phyogs kyi rgyud long pa'i yul na dpal 'bras kyi phung po zhes bya ba'i pho brang yod de/ /de na chos kyi dbyings dag gi dbang phyug chen po'i dkyil 'khor mchod rten gyis yongs su g.yogs pa'i rje btsun bzhugs so/ /der phyin nas rje btsun gyi mchod rten la phyag stong phrag lnga btsal bar bya'o/ /rdo rje lcags sgrog ces bya ba'i gzungs bzlas par bya'o/ /de la brjod par bya ste/ /na mo b+ha ga wa ti AryA badzra sh+rI kha lU yai/ ha na ha na/ tshinda tshinda/ pi ba pa Sha/ ka pA khaM hUM ta ra ta ra/ ta naM ga pa ti a DaM gany+tsa badzra A ya te/ badzra pra k+Sha re oM na mo b+ha ga wA te/ Arya badzra sh+rI kha le purba di shi band+ha/ dak+Shi na di shaM band+ha/ piny+tsa ma di shaM band+ha/ ut+ta ra daM shaM band+ha/ A d+ha di shi band+ha/ da sha d+hi sha band+ha/ ma sA pA da band+ha/ yak+Sha rak+Sha saM band+ha/ b+hU ta pre taM pi shA tsi band+ha/ sid+ha yo gaM DA ki ni band+ha/ /e ka pA daM band+ha/ dI pa dAM band+ha/ /twi pA daM band+ha/ tsa tu:pA daM band+ha/ pany+tsa pA daM band+ha/ ShaT bA daM band+ha/ sa ha pra pA daM band+ha/ prik+Sha daM ba ni mu la pA daM band+ha/ /de paM band+ha/ de baM ku laM band+ha/ nA gaM band+ha/ nA ga ku laM band+ha/ /pa ra ku laM band+ha/ gu ha naM band+ha/ tri kro Na pri thi ba'i na band+ha band+ha hUM/ mA tsi la mA tsa la/ tiShthA tiShthA/ sa paM hIM band+ha/ brahma ba tsa naM/ band+ha band+ha/ /oM na mo rtag wa te Arya badzra sh+rI kha le pany+tsa kro shi ? manDa laM band+ha/ ha na ha na/ hUM hUM phaT phaT swAhA/ sngad pa thams cad kyi snying rnam par 'joms
- 316b
ma 'phags ma rdo rje lcags sgrog ma zhes bya ba'i gzungs rdzogs so// //de gnod sbyin bgegs 'byung bar mi 'gyur ro/ /de nas de'i rjes su ma la ya'i yul du 'gro bar bya'o/ /der phyin nas chos kyi rgyal po'i mchod rten rje btsun la bskor ba stong phrag gsum bya'o/ /byas nas bsngags khri phrag drug stong bzlas par bya'o/ /de la sngags ni 'di yin te/ /oM ma ni badzra hUM/ gal te gang zhig skyes bu chen po brtson 'grus chen po rnams kyis 'gro bar 'gyur ba nyid du 'dod pas khyim gyi bsam pa dran par mi bya'o/ /byas na sdug bsngal dang nyon mongs pa rnams kyis 'joms par 'gyur ro/ /dpal ldan po ta la ka'i rje btsun gyi zhal mthong ba don du gnyer ba'i sems can de rnams kyis nges par brtson 'grus brtan pa de rnams kyis bgrod par bya'o/ /de'i tshe skyes bu de rnams kyis nges par rang gi lus sems can thams cad la phan pa'i don du bdag nyid kyi lus sbyin par btang bar bya'o/ /lus sbyin par byin nas phyis dpal po ta la kar bgod par bya'o/ /bsam pa thams cad yongs su spangs te 'dod 'chags la sogs pa'i bsam pa dor nas bgrod par bya'o/ /spro ba'i sems kyis klu dang gar dang dam pa'i chos kyi yid mdong bcas pa dang/ sngags la sogs pa dang bsgom par bya'o/ /g.yeng ba'i sems kyis 'gro bar mi bya'o/ /nges pa nyid du rje btsun gyi zhal lmthong bar 'gyur bar bya'o zhes smras nas spro ba'i sems kyis bgrod par bya'o/ /sems de nyid kyis 'gro ba na gal te rje btsun gyi zhabs mthong bar ma gyur na/ /de'i tshe bdag nyid 'jam pa'i mgon po mtshams med pa lnga'i las byed par 'gyur ro/ /de ltar byas na ? sa ma la ya'i ri la bgrod par byas pas ri'i dbus su u dum ba ra'i nags? mthong bar 'gyur ro/ /mthong nas kyang 'bras bu rnams bza' bar bya'o//
- 317a
bza' ba byas nas kyang 'bras bu rab tu mang po rnams bzung bar bya'o/ /bzung nas yang 'go ba na sum rtsegs ces bya ba'i gnas kyi 'dugs mthong bar 'gyur ro/ /de'i tshong 'dus kyi dbus su 'jug par bya'o/ /zhugs nas sngags stong phrag gsum bzlas par bya'o/ /de'i sngags ni 'di yin te/ oM ma Ni padme hUM/ tshong 'dus de la g.yon nas bskor te 'gro ba na rigs ldan ma zhes bya ba'i dri ma med pa'i chu rgyun mthong par 'gyur ro/ /de rnams las rgal te mthong bar 'gyur ba ni shing rta la dang shing sa la dang/ pi pa la'i shing dang/ sbya bshul dang/ aM bu dang/ dzam+bu dang/ sha kos Ta ka dang/ ba ru ra la sogs pa'i 'bras bu dang ldan pa'i shing ljon shing du ma mthong nas 'bras bu yang bzung bar mi bya'o/ /bza' bar yang mi bya'o/ /de rnams la g.yon nas bskor te 'gro bar bya'o/ /dri med ldan pa zhes bya ba'i chu rgyun mthong bar 'gyur ro/ /rdo ba'i rang bzhin 'ba' zhig ste/ de mthong bas 'jigs par mi bya'o/ /rdo dang brag de las 'das te pha rol tu phyin te/ /ku sha btogs te bsgrub pa po'i skyes bu rnams kyis sngags 'di yis spyi bo gtsug bcing bar bya'o/ /oM mu ni rak+Sha swAhA/ /byas nas kyang yig drug pa'i rig pa chen mo'o sngags khri phrag gcig bzlas par bya'o/ /bzlas pa byas nas yang dge ba'i rtsa ba sbyang nas ro? btung bar bya'o/ /des mi smra bar 'gyur bar bya'o/ /mi smra bar gyur pas glu blang ba dang/ rgod pa dang/ gar dang chos klog pa dang/ /'don pas 'grod bar bya'o/ /sems g.yeng par mi bya'o/ /lha'i rnal 'byor gyis 'gro bar bya'o/ /dpal ldan rje btsun gyi zhabs mthong bar bya'o zhes smras nas 'gro zhing song ba las sgyu ru ra'i 'bras bu rnams gzung nas bza' bar bya'o
- 317b
zos nas kyang 'bras bu rab tu mang po rnams bzung bar bya'o/ /bzung nas 'gro ba na nyi ma bzhin rig pa 'dzin pa'i tshe'u mthong bar 'gyur ro/ /ut pa la la sogs pa'i sna tshogs pa'i chu las skyes pa'i me tog rnams kyis brgyan pa ste/ 'gram bzhi ni lho'i 'gram ni rig pa 'dzin pa rnams kyi'o/ /nub kyi 'gram ni lha rnams kyi'o/ /byang gi 'gram ni gnod sbyin la sogs pa'i tshogs kyi'o/ /shar gyi 'gram ni nags kyi lha mo rnams kyi ste/ tshe'u der 'grod bar mi bya zhing/ / chu btung bar mi bya'i/ /ji srid zhags phye dang gnyis su phyin te mtsho de la bltas la sngags 'di brjod par bya'o/ /de la sngags ni 'di yin te/ oM hUM hUM hUM dza dza dza pra yats+tsha pra yats+tsha ya phaT phaT kaM kan le mahA ba la si ne mo Ta ya mo Ta ya oM hUM hUM hUM swAhA/ mtsho de la g.yon nas bskor te 'gro bar bya'o/ /smin drug gi bu nyon cig sems can gang la la bdag gi drung du 'ong bar brtson pa/ dad pa dang ldan pa bden par smra ba don du gnyer ba ltos pa med pa rnams 'ong ba na de rnams kyis gal te grub par ma gyur cing nga dang lhan cig mthong bar ma gyur na de'i tshe bdag nyid mtshams med pa lnga'i las byed pa por 'gyur ro/ /dpal ldan po ta la ka'i rje btsun gyi dam bcas pa brtan pa'o/ /nyi ma lnga'i bar du dka' pa chen pos 'gro bar bya'o/ /phyi nas yang rgya shugs gi bsti gnas mthong bar 'gyur te/ /de la sna tshogs pa'i shing la sogs pas brgyan nas/ /aM bud dang dzam bud dang/ nA rang ga dang/ ka Na DA ha la dang/ bI la ba dang skyu? ru ra dang/ /rgun 'drum dang/ ka ling tha dang/ dzaM bir la sogs pa'i 'bras bu dang ldan pa la sogs pa'i sna tshogs pa'i shing rnams gnas so/ /shing la la ni 'bras bu skye bzhi pa/ la la ni me tog 'byin/ la la ni 'bras bu skye bar 'gyur/ kha
- 318a
cig ni 'bras bu dang ldan pa'i shing rnams gnas te/ de las 'bras bu rnams bzung nas bza' bar bya'o/ /zos nas kyang 'bras bu rnams bzung nas sems can thams cad kyi phyir gzugs par bya zhing gzhag par bya'o// nyi ma bzhi'i bar du bsti gnas der 'bras bu sna tshogs bzung ste phud kyang gtor zhing bza' bar bya'o/ /thos? nas kyang lus tshon por bya'o/ /byas nas kyang slar yang gal te sdod par 'dod na de'i bsti gnas de la bskor ba bya zhing nyi ma brgyad tshun chad sna tshogs pa'i 'bras bu rnams bzung bar byas la/ /de'i tshe bsti gnas la g.yon nas bskor te nyi ma bdun tshun 'gro bar bya'o/ /der phyin pas spa tsher ma can gyi nags mthong bar 'gyur te/ zhag phyed dang gnyis kyi bar de las spa tsher ma can sor brgyad pa'i tshad rnams mthong nas 'jigs par mi bya'o/ /tsher ma'i steng du rkang pa'i zur gyis 'grod par bya'o/ /tsher ma rnams ci nas kyang rkang pa la mngon par ma zug par bya'o// spa'i nags las brgal ba na yi ge drug pa'i sngags bzlas par bya'o/ /der phyin nas nyi ma bzhi'i bar du bil ba'i nags kyi blti gnas mthong bar 'gyur te/ bil ba'i 'bras bu rnams bza' bar bya'o/ /nyi ma bdun gyi bar du bsdang ngo/ /bsdang nas yang 'gro bar bya'o/ /nyi ma bzhi na bdag po med pa zhes bya ba'i mtsho mthong bar 'gyur ro/ /de la g.yon nas bskor te 'gro bar bya'o/ /de mthong ma thag tu brjod pa ni/ /de la oM ma Ni padme hUM sngags kyi yi ge 'di'i grangs ni 'bum bzlas pas bcom ldan 'das kyi byin brlabs thob pa dang/ sdig pa dang bral bar 'gyur ro/ /slar yang nyi ma gsum na 'dzam bu'i nags mthong bar 'gyur te/ der nyi ma bzhi bsdad nas 'dzam bu'i
- 318b
'bras bu rnams bza' bar bya'o/ /zos nas kyang 'bras bu mang po rnams bzung nas nyi ma bdun gyi bar du phyin pa na/ /rkang gu na'i nags kyi zhing mthong bar 'gyur te/ de rnams kyi gseb nas myur ba myur bar 'gro bar bya'o/ /de nas 'bras bu gcig kyang blang bar mi bya zhing blta bar yang mi bya'o/ /bsdad par yang mi bya'o/ /de la 'gro ba na sre mo chen mo'i mtsho mthong bar 'gyur te/ /de mthong ba na sngags brjod par bya'o/ /de la sngags ni 'di yin te/ oM rI rI d+hi ni d+hi mle mle sarba bud d+ha ma ma rak+Sha tu hA hA h+rI(rgyud 'grel): dre mre hUM hA swAhA/ de nas song bas rgya shug gi nags mthong bar 'gyur zhing/ /nyi ma gsum gyi bar du bsdad par bya zhing 'bras bu bza' bar bya'o/ /zos nas kyang 'gro bar bya ste/ nyi ma sum cu rtsa gnyis na spre'u glang po che'i tshad can gyi tshogs mthong par 'gyur te/ /spre'u de rnams mthong ba na 'jigs par mi bya zhing/ skrag par mi bya'o/ /blo brtan par gyur pas sngon du bshad pa'i sngags brjod par bya'o/ /spre'u rnams 'bros par 'gyur ro/ /phyi nas 'gro bar bya ste/ song bas yang nyi ma gsum na spa ko Ta ka'i nags mthong bar 'gyur te/ der nyi ma drug bsdad cing ci tsam sdod pa de srid du 'bras bu bza' bar bya'o/ /zos nas yang 'bras bu rnams bkye bar bya'o/ /song bas phag gi tshogs shin tu 'jigs mar? byed pa 'dam rnams kyis rnam par gos pa mthong bar 'gyur te/ de mthong na 'jigs par mi bya'o/ /yang nyi ma gnyis pa na stag gi tshogs mthong bar 'gyur te/ de mthong bas 'jigs par mi bya zhing slar yang sngon du brjod pa'i sngags bzlas par bya'o/ /stag gi tshogs de dag 'bros par 'gyur ro/ /phyi nas song bas se 'bru'i nags mthong bar 'gyur te/ nyi ma dgu'i bar du bsdad la 'bras bu rnams bza' bar bya'o/ /zos nas 'bras bu rab tu mang po rnams bkye bar bya'o/ /nyi ma
- 319a
gsum na seng ge'i tshogs shin tu 'jigs par byed pa khro bo'i gzugs mthong bar 'gyur te/ de rnams mthong bas skrag pa cung zad kyang mi bya'o/ /bdag nyid seng ge'i gzugs su bltas te cho gas rnams kyi mdun du gyur pas sngon du brjod pa'i sngags smras pas 'dug par mi 'gyur ro/ /de thams cad las grol zhing song bas phyi nas 'gro bar bya'o/ /de nas phyin pa na nyi ma bzhi na gu yu'i shing dang mnyam pa'i bu ram gyi shing gi nags rgyad grags gcig 'khor ba gnas pa mthong bar 'gyur te/ bu ram shing de rnams kyi bar ba'i dbus na bye ma dkar po dang 'dra ba'i ka ra yod pa mthong bar 'gyur te/ de rnams kyang ji ltar bde bar bza' bar bya'o/ /phyag tshang rku ba'i 'bras bu sor mo gcig gi phyed pa chu yis bkang ba bkye bar bya'o/ /kar rab tu mang po bkye bar bya'o/ /chu de zad par ma gyur pa na lci bar mi 'gyur ro/ /nyi ma drug phyin pas kla klo'i grong khyer de nas kla klo rnams gnas so/ /de rnams la g.yon nas bskor te 'gro bar bya'o/ /nyi ma gnyis pa na rig pa 'dzin pa'i skyes mos tshal shing phun? na ga dang/ klu shing dang/ shing ba ku la dang/ /shing skya snar dang/ shing tsam pa ka ba dang/ shing mya ngan med pa la sogs pa'i sna tshogs pa'i ljon shing rnams kyis nye bar brgyan pa mthong bar 'gyur te/ skyed mos tshal myur pa myur bar dor bar bya'o/ /nyi ma gnyis pa na khyi ri kha'i nags dang/ kha ra tshu ri kha ri nags mthong bar 'gyur te/ /de dag nyi ma bdun gyi bar du ji ltar bde bar bza' bar bya'o/ /'bras bu rab tu mang po rnams bzung ste/ nyi ma drug gi bar du 'gro bar bya'o/ /song pas phyi nas shin tu 'jigs pa'i 'dam rdzab mthong bar 'gyur te/ de rnams mthong ba na 'jigs par mi bya zhing sems
- 319b
skyo bar 'gyur bar mi bya'o/ /yi ge drug pa'i sngags bzlas shing 'gro bar bya'o/ /der 'dam rdzab las brgal te/ /dzal pa yi ka yi nags yod do/ /'bras bu rnams zhag lnga'i bar du ji ltar bde bar bza' bar bya'o/ /zos nas kyang 'bras bu mang po khyer te 'gro ba na nyi ma gsum sa la'i nags mthong bar 'gyur ro/ /de 'das nas slar yang ke ta kyi'i nags puShpa sna tshogs 'khrigs ba me tog sna tshogs dri dang ldan pa mthong bar 'gyur te/ ka ta ke la sems kyi 'dod par mi bya'o/ /de rnams las g.yon gyis bskor te 'gro ba na nyi ma gsum na dngul chus yongs su gang ba'i rdzing bu mthong bar 'gyur te/ de'i dbus dngul chus yongs su byugs pa'i skyes bu yod do/ /gal te dngul chu'i skyes bu blta bar 'dod na dngul chu'i rdzing gi shar log nas se ka li ka la sogs pa sna tshogs pa'i me tog gi nags gnas te/ sgrub pa pos me tog de dag gzung ste/ skud pa phra mos phreng ba rgyud par byas nas phyis rdzing bu'i phyogs su dor bar bya'o/ /me tog dor ma thag tu dbus kyi gnas su song nas me tog gi phreng ba rab tu gzhug go/ /zhugs pas dngul chu'i skyes bu'i mgo la phog par 'gyur ro/ /slar yang sgrub pa pos nyi ma gzhan la sna tshogs pa'i me tog bzung nas me tog gi phreng bar brgyus te rdzing gi dbus su dor bar bya'o/ / nyi ma snga ma la dor ba'i me tog gi phreng ba 'thon nas rdzing gi 'gram du chags par 'gyur ro/ /bsgyur ba'i me tog dngul chu'i skyes bu'i mgo la 'bab par 'gyur ro/ /de mthong nas gal te dngos grub chung ngu 'dod na de'i tshe bsgrub pa ngos me tog gi phreng ba bzung nas rdzing bu'i 'gram du 'jug par bya'o/ /der phyin nas gzhu 'dom brgya phyin pas ka ba bzhis nye bar brgyan pa'i bsil khang mthong bar 'gyur te/ de'i dbus na lo bcu drug lon pa'i rnam pa'i dngul chu'i skyes bu gnas te/
- 320a
rgod bzhin du 'dri bar 'gyur te/ kye skyes pa brtson 'grus dang ldan pa gang nas 'dos/ /ci 'dzin par byed/ /mig sman dang/ mchil lham dang/ rkang bol byugs pa dang/ ri lu dang ral gri la sogs pa'i sna tshogs pa'i dngos grub gang dag 'dzin par byed/ /gal te bzung bar byas pa de'i tshe phra mo'i dngos grub 'grub par 'gyur ba 'di la the tshom med do/ /gal te mi 'dod pa de'i tshe brgal te g.yon nas bskor te 'gro ba na/ /rkyen du shing la sogs pa'i nags mthong par 'gyur te/ nyi ma lnga'i bar du de'i 'bras bu rnams bza' bar bya'o/ /'bras bu bzung nas 'gro bar bya ste/ /de rnams las g.yon du bskor nas 'gro bar bya'o/ /de dag 'das nas nyi ma gsum na lo bcu drug lon pa'i rnam pa mi'i gtso mo zhes bya ba'i rig pa 'dzin pa'i bud med lha'i gzugs can rnams ra skyong zhing gnas te/ sgrub pa pos de'i drung du phyin nas reg pa dang brtse bar yang bya'o/ /sgrub pa po'i skyes bu bltas pas des skrag pa chen po skyed par byed de/ /bgegs rtsam par yang 'gyur ro/ /mi'i gtso mo la bltas nas sgrub pa po'i skyes bu brtson 'grus chen po dpa' 'gong ba'i sems dang yid la mngon par 'dod par mi bya'o/ /yud tsam 'dug nas kyang dga' bar 'gyur te/ ra rnams yongs su bsdus nas 'gyur ro/ /de'i phyi bzhin du rjes su 'jug par bya'o/ /nyi ma drug rnams kyi 'bras sA li dri zhim po'i zhing rnams mthong bar 'gyur te/ de la snye ma lnga bzung nas 'gro bar bya'o/ /nyi ma gsum phyin pa na gser ldan zhes bya ba'i mtsho mthong bar 'gyur ro/ /mtsho de la khrus bya zhing chu btung bar bya'o/ /pad+ma'i rtsa ba bza' bar bya'o/ /zos nas kyang rtsa ba la sogs pa mang po bzung par bya'o/ /bzung nas yang 'gro bar bya zhing song ba na shing skya snar
- 320b
gyi nags mthong bar 'gyur te/ de la g.yon zhes bya ba'i mtsho mthong bar 'gyur ro/ /mtsho de la khrus bya zhing chu btung bar bya'o/ /pad+ma'i rtsa ba bza' bar bya'o/ /zos nas kyang rtsa ba la sogs pa mang po bzung bar bya'o/ /bzung nas yang 'gro par bya zhing song pa na shing skya snar gyi nags mthong bar 'gyur te/ de la g.yon nas bskor te 'gro bar bya'o/ /de la shin tu 'das nas ga bur shing rnams mthong bar 'gyur te/ blang ba byas nas ji ltar bde bar bza' bar bya'o/ /bzung bar bya ste ji ltar nus par bkyer bar bya'o/ /de 'das nas nyi ma gcig na shing a sha ta'i nags mthong bar 'gyur te/ de la g.yon bskor gyis bskor te phyin pa na rig pa 'dzin pa la sogs pa rnams kyi skyed mos tshal dang lha ma yin gyi skyed mos tshal sna tshogs pa'i shing la sogs pa ba ku la dang a ma la sogs pa'i 'bras bu rnams dang/ me tog 'dza ti dang/ kun da dang/ ma li ka dang/ tsam pa ka dang/ /na ga ge sar la sogs pa'i me tog yang dag par khyab pa mthong bar 'gyur te/ de la cung zad kyang blang bar mi bya'o/ /de las 'das nas chu'i rgyun dri ma med pa mthong bar 'gyur te/ de la g.yon nas bskor nas 'gro ba na nyi ma gsum na dri ma med par ldan ma zhes bya ba'i rdzing bu mthong bar 'gyur te/ rdzing bu de la khras bya'o/ /rtsa pa rnams bza' bar bya zhing nyi ma gsum bsdad nas 'gro bar bya'o/ /nyi ma gsum na 'dod pa'i rgyal mo zhes bya ba'i rig pa 'dzin pa'i rgyal mo nu ma byed g.yegs pa khang pa dang ldan pa go la za bzhin du gnas pa de mthong par 'gyur te/ de'i drung du 'gro bar bya'o/ /rig pa 'dzin pa'i rgyal mo zhes bya ba'i bud med des dris pa/ gang du 'gro bar 'gyur bar byed/ /sgrub pa pos kyang lan smra bar bya ste/ dpal ldan po ta la ka'i bcom ldan 'das 'phags pa spyan ras gzigs dbang
- 321a
phyug bzhugs sar 'gro bar byed do/ /de thos nas smras pa/ bdag gi khyim du zo la 'gro bar byos zhes so/ /de nas yang de rang gi skyed mos tshal gyi dbus na zangs dang dngul dang gser gyis rab tu bskor ba'i rab can rin po che du mas nye bar brgyan pa'i khang pa brtsegs pa kha'i 'phang sna tshogs pa'i rin po che bkod pa'i ka bas nye bar brgyan par 'gro bar 'gyur te/ rang gi khyim du phyin nas 'khor bos te smras pa/ myur du tshogs cig pos las de skad smras ma thag tu bud med kyi yongs su bskor ba'i bud med de rnams kyis tshogs pa rnam pa sna tshogs pa khyer nas 'ongs te/ bud med rnams rim pa ji lta bar sna tshogs pa'i rin po che'i rang bzhin gyis spras pa'i stan rnams bting ste/ ston rnams la rin pa ji lta bar zas bza' o/ /kha bshal ba byas nas ga bur dang bcas pa'i go la ster ro/ /byin nas yang smas pa/ cung zhig bzhes shig /phyin nas rang nyid kyis 'bras bu dang/ rtsa ba mang po bzung bar bya ste/ bdag gis gzhag na 'di nyid du stod par byed dam/ gal te khyod nyid tshangs par spyod par yin na de'i tshe slar byang gi sgo nas go la bsnams la bzhud par byos shig /'di la yid kyis mngon par 'dod par mi bya'o/ /der gal te bsgrub po zhen pa med pa ngo tsha dang bcas pa'i tshangs par spyod pa 'gro bar 'gyur ro/ /de'i tshe bud med des 'gro ba'i dus su byang gi sgor gzhug par 'gyur te/ byang gi sgor zhugs nas smras pa/ de nas sde shing 'bras bu'i nags mthong bar 'gyur te/ myur ba myur bar bse shing 'bras bu'i dbus su sngags zlos shing gi 'gro bar bya'o/ /de la sngags ni 'di yin to/ /oM d+hI d+hI d+hI(rgyud 'grel): hA oM hUM khaM a ba bAd a ba bAd/ der phyin nas nyi ma bzhi nas dga' ba'i tshal tshan po
- 321b
mthong bar 'gyur te/ slar yang shar phyogs nas zhugs nas bltas pas/ shing sA la dang/ shing blta la dang/ pI yAl dang/ a mra dang/ 'bras bu tsher ma can dang/ chu shing gi 'bras bu dang/ bil ba dang/ na rang ga dang/ ka pid Ta dang/ dza bi la sogs pa'i 'bras bu rnams dang/ me tog manda ra ba chen po dang/ shing yongs 'dud dang/ tsam pa ka dang/ mya ngan med dang/ klu shing dang/ ba ku la la sogs pa dang/ dzA ti dang/ kun da dang/ se pha li ka dang/ a mA lA dang/ hA sa ra ke na du la sogs pa rnam pa sna tshogs pa'i me tog rnams dang/ rnam pa sna tshogs pa'i rdzing bu rnams ni pad+ma dang utpa la la sogs pa'i me tog mthong bar 'gyur ro/ /sna tshogs pa'i 'bras bu bza' bar bya ba rnams slar yang nags kyi dbus su zhugs te 'bras bu sna tshogs bza' bar bya'o/ /de las 'das nas lha ma yin gyi gnas gzhi chen po mthong bar 'gyur te/ gnas gzhi der 'jug par bya ste/ de la g.yon nas bskor ba na/ /sa la'i shing chen po yod do/ /de la yang g.yon nas bskor nas 'gro bar bya'o/ /nyi ma gsum tshangs pa'i gnas bdun rtsegs pa mthong bar 'gyur te/ sna tshogs pa'i 'bras bu mang po rnams bzung nas 'jug par bya ste/ bde ba dang po ni rje btsun seng ge sgra bzhugs par mthong 'gyur te/ de mthong nas lus sa la phab pa'i phyag bya'o/ /sgo nas zhugs nas rje btsun dpal nag po chen po 'jigs pa chen po mdzad pa po bstod che ba de mthong nas 'jigs par mi bya'o/ /g.yas nas bskor nas brang khang so sor 'jug par bya ste/ rje btsun phyag bya bar 'os ba la mchod pa dang bsnyen bkur la sogs pa bya'o/ /mi mthong bar mi 'gyur te gang po'i tshig thos par 'gyur bas de la 'jigs par mi bya ste/ gal te bdun rtseg gi gnas thams cad kyi bar du 'jug par bya'o//
- 322a
de'i tshe thams cad kyi steng na rje btsun sangs rgyas mthong bar 'gyur te/ mchog tu dad pas lus sa la phab pa'i phyag bya'o/ /phyag byas nas gsum la skyabs su 'gro ba'i tshigs su bcad pa klag par bya ste/ sangs rgyas bla ma la phyag 'tshal lo/ /skyob pa chos la phyag 'tshal lo/ /dge 'dun che la phyag 'tshal lo/ /rnam gsum la yang bdag phyag 'tshal/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ /sangs rgyas chos dang tshogs mchog la/ /byang chub bar du skyabs su mchi/ /rang dang gzhan don rab bsgrub phyir/ /byang chub sems su 'di ?bya'o/ /byang chub mchog gi sems 'di bskyed par bgyi/ /sems can ma lus bdag gis 'gron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /sdig pa thams cad bshags par bya/ /bsod nams la yang rjes yi rang/ /'phags pa'i gso sbyong yan lag brgyad/ /bsnyung bar gnas pas sbyad par bgyi/ /de nas khyab mjug gi gnas mthong bar 'gyur te/ der zhugs pa na bris sku dang po ti dang lugs ma la sogs pa'i rje btsun rnams mthong bar 'gyur te/ phyag byas la skor ba bya ste dbang por byas nas 'gro bar bya'o/ /khyab 'jug gi dgu rtsag pa'i gnas de la g.yon nas bskor nas 'gro ba na nyi ma gcig na rnam pa thams cad shel la sogs pa'i lha khang mthong par 'gyur te/ der 'jug par mi bya ste/ lha khang de la g.yas nas bskor bar bya'o/ /shel gyi rnam pa'i rdzing bu mthong bar 'gyur te/ der 'jug par mi bya'o/ /de 'das nas Am pa'i skyed mos tshal mthong bar
- 322b
'gyur te/ de yang ci ltar bde bar bza' bar bya'o/ /zos nas kyang bkye bar bya'o/ /slar yang dbang phyug chen po'i gnas bcu drug tu brtsegs pa chen po rin po che du mas nye bar brgyan pa mthong bar 'gyur te/ de na bza' shing rab las 'bras bu rnams ji ltar bde bar bza' ste ngal bso bar bya'o/ /nyi ma gnyis kyi bar du 'gro bar bya'o/ /phyin pas yang nyi ma gsum pa na rdzing bu shin tu ring ba rab tu zab pa ngos bzhi rnams na sna tshogs pa'i ljon shing rnams yod de/ /AM bA la sogs pa'i 'bras bu rnams kyis yongs su gang ba khu byug la sogs pa'i bya sna tshogs kyis yongs su gang ba/ dur ba la sogs pas chu la sogs pa yongs su gang ba ste/ rdzing bu der 'jug par mi bya zhing 'gro bar mi bya'o/ /de rnams la g.yon nas bskor bas 'gro bar bya'o// ji srid nyi ma gsum na rdo'i rang bzhin sna tshogs lta bu'i 'od dang mnyam pa'i lha khang lnga yod pa mthong bar 'gyur te/ de na rje btsun ling ga sa ya brgyad stong du ma yod de/ de'i dbus na rig pa'i grub pa'i rje btsun ling ga bzhugs te/ der zhugs nas gal te dngos grub chung ngu 'dzin par byed na ling ga de la reg pa tsam gyis mkhas spyod kyi dngos grub tu 'gyur ro/ /de nas bsgrub pa po'i skyes bu rnams kyis lha'i khang par zhugs nas ling ga re re la reg par bya'o/ /de la sngags ni 'di yin te/ hUM gal te yang dngos grub chung ngu 'dzin par mi byod na/ de'i tshe slar yang 'gro bar bya'o/ /lha'i khang pa la g.yon nas bskor ba na 'gro ba na/ nyi ma gnyis song pa na sbrang rtsi'i shing mthong bar 'gyur te/ 'bras bu de la ji ltar bde bar bza' bar bya'o/ /nyi ma bzhi bsdang par bya zhing bsdang na dang 'bras bu rnams khyer nas g.yon bskor gyis seng song ba la/ ni bring ba'i nags mthong bar 'gyur te/ de nas g.yon nas bskor nas 'gro ba na sna tshogs pa'i me tog la sogs pas
- 323a
brgyan pa'i rdzing mthong bar 'gyur te/ de nas rig pa 'dzin pa'i bud med rnams dpal ldan 'jig rten mgon po rje btsun gyi bkas smra bar 'gyur te/ kye sgrub pa po'i skyes bu dag slar 'dzam bu'i gling du phyir log la rang gi khyim du song zhig dang kho mo mthong bas ji lta ba bzhin 'gyur bar byed de/ ji ltar sa nyid la dpal 'bras kyi phung por bskor bar gyis shig /bsgrub pa po rnams kyis kyang ltos pa med par gyur pas sngags zlas par bya'o/ /rje btsun ma'i zhal ltos pa med par bltas pas brda phrin 'jog par 'gyur te/ kye ha a g+hi ba pha rol tu song la 'dzam bu'i gling ba'i mi shin tu dad pa'i shugs kyis 'ongs pa de rnams khrid la shog cig /rje btsun de ni bong tshod che ba/ mdog gnag pa khrag gis bslan pa dar dar sgrogs pa spyan dmar bas bka' gsol bar 'gyur te/ kye sgrub pa po'i skyes bu dag gang 'dod bzung shig dang bzung nas dzam+bu'i gling du song ste sems can gyi don byos shig go zhes so/ /de nas gal te mi 'gro ba de'i tshe bcom ldan 'das kyi khang pa brtsegs pa la 'dod par byos shig /sgrub pa po rnams kyis smra bar bya ste/ bcom ldan 'das bdag ni rje btsun nyid bltar 'gro'o/ /de nas bcom ldan 'das ma 'phags ma sgron mas bka' stsal pa/ lam 'di nyid nas song shig ces so/ /de nas song bas 'gro ba'i dus su dad pas bskor ba lan gsum bya ste/ 'gro ba na gser gyi rang bzhin gyi skas pa logs gnyis sna tshogs pa'i ratna rnams kyis spras pa'o/ /sna tshogs pa'i skyed mos tshal yod de/ skyed mos tshal re re na rnam pa sna tshogs pa'i ljon shing gis brgyan pa/ khu byug dang rma bya dang ka la bid ka dang/ ne tso dang/ sa ri ka du ma rnams kyis sgra nges par sgrogs pa/ rdzing bu
- 323b
chen po na pad+ma dang utpa la sogs pas brgyan pa mthong bar 'gyur te/ des skas la 'dzegs pa na mkha' yas pa'i ratna du mas nye bar spras pa'i rnam pa sna tshogs dpe med pa rnam par phye ba nyams dga' ba'i brag ri'i rtse mo na/ dpal ldan po ta la ka'i ri'i rgyal po grub pa dang/ rig 'dzin pa dang/ lha dang mi 'am ci du ma rnams kyis gsol ba 'debs pa ste/ der chu dri zhim po bsil pa'i 'obs mthong bar 'gyur te/ de dag mthong pas skom par 'gyur te/ de la btung bar mi bya zhing brgal bar bya'o/ / gal te brgal ba de'i tshe dpal gyi ri la a sgra'i rtsa ba zhes bya ba'i lha khang der 'gro bar 'gyur te/ 'obs de dag las 'das nas bsil khang na mthong bar 'gyur te/ de nas bcom ldan 'das 'jam dpal lha la sogs pa'i tshogs kyis bskor ba la chos ston par gyur pa bzhugs te/ 'di ltar sgrol ma dang/ khro gnyer can dang/ kun tu bzang po dang/ phyag na rdo rje la sogs pa byang chub sems dpa' i tshogs kyis yongs su bskor ba bzhugs pa mthong bar 'gyur/ dpal ldan po ta la ka'i ri'i rtse mo na dpe med pa'i rin po che du ma'i gzhal yas khang na bzhugs pa'i spyan ras gzigs kyi dbang po zhal mngon sum du bzhugs pa mthong bar 'gyur te/ de'i tshe lus thams cad kyis sa la phab pa'i phyag bya ste/ g.yas phyogs nas lan brgya stong du mas bskor bar bya ste mdun du 'dug par bya'o/ /de nas rje btsun gyis bka' stsal pa/ kye skyes bu brtson 'grus chen po dang ldan pa yid la bsams pa'i mchog slar phyir bos nas dzam+bu'i gling pa'i sems can rnams kyi don byed par 'dod pa 'am/ yang na chos kyi sa'i gzungs kyi ting nge 'dzin gyi rnam par thar pa thob par 'dod pa 'am/ yang na yid bzhin gyi nor bu dang bum pa bzang po la sogs pa 'dod ces bcom ldan 'das kyis mchog gi don du gsungs so
- 324a
des gang yid la bsams pa'i mchog de rnams thams cad bcom ldan 'das kyis bsgrub pa pos thob par mdzad do/ /de nyid du sdod par 'dod na de tshe bcom ldan 'das 'khor ba ji srid par bzhugs pa de srid du gnas par 'gyur ro/ /sngon du bshad pa'i yon tan rnams kyang thob par 'gyur ro/ /sangs rgyas thams cad dang byang chub sems dpa' thams cad dang bde ba can gyi 'jig rten gyi khams kyang mthong bar 'gyur ro/ /de bzhin du bdag nyid kyis bya zhing nga dang 'dra ba'i byang chub sems dpa' bar byos shig /yi ge drug pa'i rig sngags chen mo'i nga'i kha la mnyan par gyis shig /de nas thos pa tsam gyis phyir mi ldog pa'i byang chub sems dpa' nga dang 'dra bar 'gyur ro/ /zhes dpal ldan po ta la ka'i rje btsun gyi zhal snga las gsungs pa rdzogs so// //pho brang skyid kyi byang mkhar du lha bla ma zhi ba'i blo gros kyi lung gis/ rgya gar shar phyogs kyi paN+Di ta a b+hi yu gu ta de ba sh+rI dang/ bod kyi lo tsa ba band+he? d+harma yon tan gyis ji ltar rnyed par bsgyur ba'o/ /'di ni gzhu min ri dags ma yin phag gi phru gu min/ /yongs rdzogs pa'i zla ba lta bu'i mdo/ /gdong can mdzes ma ma yin te/ sprul pa 'di dag thams cad don gnyer skye bo'i 'jig rten du/ /ri khrod lhag pa'i rgyal ba ri? bo dpe'i mchog la yang dag bzhugs/ // */ (/bla ma rdo rje gdan pas mdzad pa'i grub thob brgyad bcu rtsa bzhi'i gsol 'debs bzhugs so//) // */ /dkon mchog gsum la phyag 'tshal lo/ /bla ma sangs rgyas bla ma chos/ /de bzhin bla ma dge 'dun te/ bla ma dpal ldan rdo rje 'chang/ /bla ma rnams la phyag 'tshal lo/ /gsol ba 'debs so/ /thugs rjes dgongs la byin gyis brlab tu gsol/ /dge slong lus la dngos
- 324b
grub brnyes/ /nags kyi lha mos bdud rtsi phul/ /klu sgrub snying po zhes bya ba'i/ /bla ma de la phyag 'tshal lo/ /bla ma la gus dngos grub brnyes/ /pad+ma las 'khrul lus mchog 'dzin/ /Arya de ba zhes bya ba'i/ /bla ma de la phyag 'tshal lo/ /yig mkhan rigs la skal par ldan/ /nya lto za zhing dngos grub brnyes/ /lU yi ba zhes bya ba yi/ /bla ma de la phyag 'tshal lo/ /khyim pa'i lus la thar pu'i rigs/ /shing tog za zhing lam mchog brnyes/ /pad+ma badzra zhes bya ba'i/ /bla ma de la phyag 'tshal lo/ bram ze'i rigs la gar mkhan lus/ /dpal gyi ri la dngos grub brnyes/ /sa ra ha zhes bya ba yi/ /bla ma de la phyag 'tshal lo/ /zla ba'i rigs la dngos grub brnyes/ /pad+ma ni dang lhan cig bzhugs/ /mtsho skyes rdo rje zhes bya ba'i/ /bla ma de la phyag 'tshal lo/ /gding ba bting nas gang+gA brgal/ /stag la zhon nas dngos grub brnyes/ /DoM bi he ru ka zhes bya'i/ /bla ma de la phyag 'tshal lo/ /chu bo chen po gyen la bzlog /chang la nyi ma gte bar btsung/ /bi rU pa zhes bya ba yi/ /bla ma de la phyag 'tshal lo/ /na len+d+ra ru thugs dam gzigs/ /bstan bcos rtsom zhing mkha' la gshegs/ /b+hu su ku ba zhes bya ba'i/ /bla ma de la phyag 'tshal lo/ /bu smad bcas shing dngos grub brnyes/ /b+haM g+ha la ru dngos grub thob/ /rdo rje dril bu zhes bya ba'o/ / bla ma de la phyag 'tshal lo/ /dka' thub mdzad cing dngos grub brnyes/ /ral gri khyer nas mkha' la gshegs/ /na len dra pa zhes bya ba'i/ /bla ma de la phyag 'tshal lo/ /dge slong lus la gdol ba'i rigs/ /phyag rgya ma dang dngos grub brnyes/ / ku ku ri pa zhes bya ba'i/ bla ma de la phyag 'tshal lo/ /dge slong lus la ye shes spyan/ /shing kun gnas su gsang 'dus gzigs/ /sangs rgyas ye shes zhes bya ba'i/ /bla ma de la phyag 'tshal lo/ /dka' thub dor nas spyod pa mdzad//
- 325a
stang stabs mdzad cing dngos grub brnyes/ /nag po rdo rje zhes bya ba'i/ /bla ma de la phyag 'tshal lo/ /rgyal rigs o rgyan gnas na bzhugs/ /lcam dang lhan cig dngos grub brnyes/ /in+d+ra b+hU ti zhes bya ba'i/ /bla ma de la phyag 'tshal lo/ /bram ze rang gi bu mo bsten/ /rdo rje bsnun cing sa 'og bgrod/ /nA ro pa zhes bya ba yi/ /bla ma de la phyag 'tshal lo/ /tha ru'i rigs la shing mkhan lus/ /phyag rgya ma dang dngos grub brnyes/ /tog rtse ma zhes bya ba yi/ /bla ma de la phyag 'tshal lo/ /bram ze dman pa'i spyod pa mdzad/ /thabs kyis 'tsho zhing dngos grub brnyes/ /tan twa la zhes bya ba yi/ /bla ma de la phyag 'tshal lo/ /dge slong spros med spyod pa mdzad/ /'jag spyil nang du dngos grub brnyes// la? pa? zhes bya ba yi/ /bla ma de la phyag 'tshal lo/ /mu stegs rtsod pa las rgyal zhing/ /rgya mtsho'i gling la sgrol ma skyabs/ /tsan+d+ra go mi zhes bya ba'i/ /bla ma de la phyag 'tshal lo/ /rgyal rigs dman pa'i spyod pa mdzad/ /'bras so 'bru zhing dngos grub brnyes/ /shAn ti ba zhes bya ba yi/ /bla ma de la phyag 'tshal lo/ /rig pa'i gnas lnga mkhyen pas brgyan/ /bdag gzhan gnyis su med par mdzad/ /mar me mdzad ces bya ba yi/ /bla ma de la phyag 'tshal lo/ /til brdung mchog gi dngos grub brnyes/ /b+haM ga la ru sangs rgyas 'jal/ te lo pa zhes bya ba yi/ /bla ma de la phyag 'tshal lo/ /bla ma'i bka' bcag spyod pa mdzad/ /srid pa bar dor rdzogs sangs rgyas/ /nag po spyod pa zhes bya ba'i/ /bla ma de? la phyag 'tshal lo/ /bla ma zo? sangs rgyas dngos dang mjal/ /dge bsnyen lus la dngos grub brnyes/ /phag tshang pa zhes bya ba yis/ /bla ma de la phyag 'tshal lo/ /nyi shu rtsa bzhi gnas mchog btsal/ /ta la bshags nas b+ha ling sgrogs
- 325b
bzang po pa zhes bya ba yi/ /bla ma de la phyag 'tshal lo/ /gar mkhan dpal gyi ri la bzhugs/ /lcam sring gnyis kyis dngos grub brnyes/ /sha ba ri pa zhes bya ba'i/ /bla ma de la phyag 'tshal lo/ /rgyal rigs tha mal spyod pa mdzad/ /smad tshong ma dang dngos grub brnyes/ /dA ri ka pa zhes bya ba'i/ /bla ma de la phyag 'tshal lo/ /pa lang skyong zhing dngos grub brnyes/ /lus mchog dpal gyi ril bzhugs/ /nA ga bo d+hi zhes bya ba'i/ /bla ma de la phyag 'tshal lo/ /sna tshogs lus la dngos grub brnyes/ /dur khrod gnas su rgyan drug gsol/ /mar me lha zhes bya ba yi/ /bla ma de la phyag 'tshal lo/ /'bras bu spyod cing dngos grub brnyes/ /mda''chod lnga brgya mkha' la gshegs/ /lding gi ba zhes bya ba yi/ /bla ma de la phyag 'tshal lo/ /gzhan gyi spyod pa las rgyal zhing/ /b+ha ga la ru dngos grub brnyes/ /dze ta ri zhes bya ba yi/ /bla ma de la phyag 'tshal lo/ /smon lam dbang gis thugs dam gzigs/ /yid ches mchog gi dngos grub brnyes/ /sar ka pa zhes bya ba yi/ / bla ma de la phyag 'tshal lo/ /rgyal rigs spyod pa mthar phyin nas/ /'dul 'dzin gsang sngags dngos grub brnyes/ /shAn ti pa zhes bya ba yi/ /bla ma de la phyag 'tshal lo/ /gdol pa'i lus la thabs mkhan las/ /phyag rgya ma dang dngos grub brnyes/ /thag pa zhes bya ba yi/ /bla ma de la phyag 'tshal lo/ /rdo rje phag mos byin gyis brlabs/ /rgyud sde bzhi yi dgongs pa mkhas/ /dza land+ha ra zhes bya ba'i/ /bla ma de la phyag 'tshal lo/ /sgra tshang lung rigs bstan bcos mkhas/ /rig 'dzin cha yi dngos grub brnyes/ /ka ma la zhes bya ba yi/ /bla ma de la phyag 'tshal lo/ /thabs dang shes rab pha rol phyin/ /sde snod dgongs pa thugs la shar/ /gser gling pa zhes bya ba yi/ /bla ma de la phyag 'tshal lo/ /gdol pa'i rigs
- 326a
la mar nag mkhan/ /phyag rgya ma dang dngos grub brnyes/ /b+ha wa pa zhes bya ba yi/ /bla ma de la phyag 'tshal lo/ /bram ze'i rigs la snyan dag mkhan/ /bu smad bcas shing mkha' la gshegs/ /kong ka na zhes bya ba yi/ /bla ma de la phyag 'tshal lo/ /rgyal rigs lkugs pa'i spyod pa mdzad/ /gsang spyod mchog gi dngos grub brnyes/ /ka mA la zhes bya ba yi/ /bla ma de la phyag 'tshal lo/ /bram ze'i rigs 'grangs? mgar lus/ /rdzu 'phrul rkang mgyogs dngos grub brnyes/ /tam pak zhes bya ba yi/ /bla ma de la phyag 'tshal lo/ /rgyal rigs pi wang gling bu 'khrol/ /thugs dam zhal gzigs mkha' la gshegs/ /b+hi na sa zhes bya ba yi/ /bla ma de la phyag 'tshal lo/ /bram ze'i rigs dman pa'i lus/ /smad 'tshong ma dang dngos grub brnyes/ /su ta lo ki zhes bya pa'i/ /bla ma de la phyag 'tshal lo/ /chu stegs rigs la sgra tshad mkhan/ /phyir rgol tshar bcad mkha' la gshegs/ /d+harmA kIrti zhes bya ba'i/ /bla mdo la phyag 'tshal lo/ /lha mkhan rigs la skal bar ldan/ /dur khrod gnas su dngos grub brnyes/ /ku mA ra zhes bya ba yi/ /bla ma de la phyag 'tshal lo/ /dge tshul lus la mdze me? ma khur/ /gang+gar bzhugs nas mkha' la gshegs// tshe 'u ba zhes bya ba yi/ /bla ma de la phyag 'tshal lo/ /rams mkhan lus la dge bsnyen lus/ /tshangs spyod o rgyan gnas na bzhugs/ /ni la pa zhes bya ba yi/ /bla ma de la phyag 'tshal lo/ /dge slong lus kyi phyag rgya bsten/ /lho nub srin po'i kho? gnon mdzad do/ /pad+ma ka ra zhes bya ba'i/ /bla ma de la phyag 'tshal lo/ /shan pa'i rigs la skal par ldan/ /seng ge zhon nas spyod pa mdzad/ /sid+d+hi pa zhes bya ba yi/ /bla ma de la phyag 'tshal lo/ /nya pa'i rigs la dge
- 326b
bsnyen lus/ /rgya mtsho'i gling du dngos grub brnyes/ /min pa? zhes bya ba'i/ /bla ma de la phyag 'tshal lo/ /rgyal rigs rig pa'i gnas lnga mkhas/ /nam mkha' i lha dang the tshom med/ /sprin gyi shugs can zhes bya ba'i/ /bla ma de la phyag 'tshal lo/ /tha ru rigs la mnyen pa'i lus/ /sdug bsngal rgya mtsho kun las rgal/ ka ru pa zhes bya ba'i/ /bla ma de la phyag 'tshal lo/ /rgyud sde bzhi yi sgra don mkhas/ /dbang bzhi rdzogs nas mkha' la gshegs/ /da si ri pa zhes bya ba'i/ /bla ma de la phyag 'tshal lo/ /bram ze'i rigs la spyod pa byed/ /rtog med sems la rang dbang thob/ /a nan ta zhes bya ba yi/ /bla ma de la phyag 'tshal lo/ /spyan ras gzigs kyis byin gyis brlabs/ /bum pa thogs nas dri ma 'khrud/ /seng ge pa zhes bya ba yi/ /bla ma de la phyag 'tshal lo/ /bram ze'i rigs la rnal 'byor lus/ /ldom bu mdzad cing dngos grub brnyes/ /zla ba bzang po zhes bya ba'i/ /bla ma de la phyag 'tshal lo/ /sgrol ma dkar mos byin gyis brlabs/ /rnal 'byor rgyud la 'brel pa mdzad/ /kun dga' snying po zhes bya ba'i/ /bla ma de la phyag 'tshal lo/ /'jam dpal sku'i sprul par 'khrungs/ /klu sgrub dgongs pa thugs la chung/ /zla ba grags pa zhes bya ba'i/ /bla ma de la phyag 'tshal lo/ /mi g.yo? zhal gzigs spyod pa mdzad/ /gcer bu brtul zhugs dur khrod gnas/ /smad dkris pa zhes bya ba yi/ /bla ma de la phyag 'tshal lo/ /rgyal po dman pa'i spyod pa mdzad/ /rigs ngan mdang dngos grub brnyes// gang? Na? pa zhes bya ba yi/ /bla ma de phyag 'tshal lo/ /thugs rje sgrol mas byin gyis brlab/ /gnod sbyin 'jigs pa brgyad las thar/ /a bo d+h+ru tI zhes bya ba'i/ /bla ma de la phyag 'tshal lo/ /rtsa rlung thabs kyi lam la mkhas//
- 327a
'byung ba rlung la rang dbang thob/ /ce ra pa zhes bya ba yi/ /bla ma de la phyag 'tshal lo/ /shing thun rigs la dngos grub brnyes/ /theg chen klu sgrub rjes su 'brangs// shAkya bshes gnyen zhes bya ba'i/ /bla ma de la phyag 'tshal lo// nya pa'i rigs la rtsa rlung mkhan/ /bde ba lam slongs gcer bu mdzad/ /tsaN+Da li zhes bya ba yi/ /bla ma de la phyag 'tshal lo/ /rang 'byung rtan la bskor ba mdzad/ /thugs dam zhal gzigs mkha' la gshegs/ /glu dbyangs mkhan zhes bya ba yi/ /bla ma de la phyag 'tshal lo/ /bram za'i rigs la dge slong lus/ /spyangs pa bcu gnyis spyod pa mdzad/ /b+ha g+ha la na zhes bya ba'i/ /bla ma de la phyag 'tshal lo/ /ri khrod mi tra'i brgyud pa 'dzin/ /phyag rgya chen po thugs la shar// sgra mkhan zhabs zhes bya ba yi/ /bla ma de la phyag 'tshal lo/ /dur khrod la sogs mdza' ru bzhugs/ /skal ldan 'dul zhing tshogs 'khor mdzad/ /kon ta li zhes bya ba yi/ /bla ma de la phyag 'tshal lo/ /rta mgrin zhal gzigs gdug pa 'dul/ /'dod yon spyod cing mkha' la gshegs/ /tsa pa ri zhes bya ba yi/ /bla ma de la phyag 'tshal lo/ /rgyal rigs dman pa'i spyod pa mdzad/ /dur khrod rgyu zhing sha chen gsol/ /si ya li zhes bya ba yi/ /bla ma de la phyag 'tshal lo/ /sgrol ma'i zhal gzigs lung yang bstan/ /gtsug lag khang du dngos grub brnyes/ /nyi ma spas? pa zhes bya ba'i/ /bla ma de la phyag 'tshal lo/ /rgyal rigs nyi ma'i zer la gshegs/ /ri lu mig sman sa 'og spyod/ /ngag gi dbang phyug ces bya ba'i/ /bla ma de la phyag 'tshal lo/ dman pa'i rigs la dge slong lus/ /gdan cig mdzad cing dngos grub brnyes/ /ho la pa zhes bya ba yi/ /bla ma de la phyag 'tshal lo/ /glang chen zhon nas dur khrod rgyu/ /rgyal po btul nas mkha' la gshegs/ /ka la ka zhes bya ba yi/ /bla ma de la
- 327b
phyag 'tshal/ /bde mchog zhal gzigs spyod pa mdzad/ /dug sbrul chen po dbu la bcings/ /ku bu rtsa zhes bya ba yi/ /bla ma de la phyag 'tshal lo/ /rgya mtsho'i gling du dka' thub mdzad/ /o rgyan gnas su dbang bzhi rdzogs/ /seng ge pa zhes bya ba yi/ /bla ma de la phyag 'tshal lo/ /nags tshal nang du dka' thub mdzad/ /byams pa'i zhal gzigs bstan bcos brtsams/ thog pa med pa zhes bya ba'i/ /bla ma de la phyag 'tshal lo/ /dpal gyi ri la bskor ba mdzod/ /o rgyan gnas su dka' thub byas/ /na ta pa zhes bya ba yi/ /bla ma de la phyag 'tshal lo/ /o ta pa yi gtsug lag tu/ /dgyes pa rdo rjes byin gyis brlabs/ /gling bu mkhan zhes bya ba yi/ /bla ma de la phyag 'tshal lo/ /b+ha g+ha la ru dka' thub mdzad/ /rdo rje gdan du thugs dam gzigs/ /sa ra pu zhes bya ba yi/ /bla ma de la phyag 'tshal lo/ /b+ha g+ha la yi byang shar du/ /gshin rje dmar pos byin gyis brlabs/ /ka la nga? ge zhes bya ba'i/ /bla ma de la phyag 'tshal lo/ /seng ldeng nags la dka' thub mdzad/ /khar sa pa Ni thugs dam gzigs/ /b+ha yin zhes bya ba yi/ /bla ma de la phyag 'tshal lo/ /ma g+ha d+ha ru rgyal po brtul/ /dur khrod gnas su rol pa mdzad/ /me tog pa zhes bya ba yi/ /bla ma de la phyag 'tshal lo/ /gzhan yang gsang sngags lam rten pa'i/ /mkhas spyod gshegs pa thams cad dang/ dngos grub thob pa thams cad la/ /bdag ni gus pas phyag 'tshal lo/ /phyag 'tshal gsol ba 'debs pa na/ /thugs rjes dgongs la byin gyis rlobs/ /de ltar gsang sngags spyod mdzad pa/ /grub thob brgyad cu rtsa bzhi la/ /bdag nyid gus pas gsol 'debs na/ /thugs rjes dgongs la byin gyis brlabs tu gsol/ /sku yi byin gyis brlab tu gsol/ /lus la bde chen spar du gsol/ /gsung gis byin gyis brlab tu gsol/ /dag la nus par byin gyis brlobs/ /thugs kyis byin brlab ye shes phog? /sems
- 328a
la 'od gsal bskyed du gsol/ /sku gsung thugs kyis byin /gyis rlobs/ /byin rlabs chu rgyun ma gcod cig /chos sku gcig tu ma gyur par/ /thugs rje lcags kyu ma btang zhig /khyed la bdag gis gsol btab pas// de las byung ba'i bsod nams kyis/ /'gro drug gnas pa'i sems can don mdzad nas/ /snying po phyag rgya chen po'i don rtogs shog /sgrub thob brgyad cu rtsa bzhi'i gsol 'debs/ /bla ma rdo rje gdan pas mdzad pa rdzogs so// // rgya gar skad du/ gu ru pa ra ma pu N+ya sh+rI nA ma to straM/ bod skad du/ bla ma dam pa bsod nams dpal zhes bya ba la bstod pa/ chos 'byung rab gzigs shin tu yangs pa'i sku/ bsod nams dpal gyi zhabs zung dag la bsten par bgyi/ /mkhas pa 'di ni kun tu bskyod par gyur pa la/ /sngon chad ma mthong stong nyid rtse mos ngo mtshar mthong/ /shin tu rgya chen zab pa 'di ni chen po'i tshul/ /mchod rten bskyod pa lta bu'i sku la lhag par brten/ /dpal mchog bla ma ston pa'i bstan pa la/ /dus des gsal ba 'od gsal chen po'i tshul/ /mtshungs med snying rje'i bcud kyis sems ca na bde mdzad pa/ /'di ni ngo mtshar bsod nams dpal gyi ye shes sku/ /de ni kun la byams pas phyag rkyang rab tu 'tshal/ /bde zhing bde ba'i snang ldan spros pa mi mnga' ba/ /bzod pa'i gter chen dga' ba'i ro mchog dang/ /rnam pa kun tu rdzogs sangs byang chub lam rnams mkhyen/ /gti mug mun ljongs 'gro la rab tu gsal bar mdzad/ /de ni rtse ldan bsod nams dpal gyi ye shes sku/ /pa ta la gar spyan ras gzigs dbang zhabs pad la/ /bung ba rol pa zhes bya'i stobs ldan spyan dag gis/ /lho phyogs yul du lam tshol yang dag bskyod pa yis/ /rim
- 328b
bzhin 'chag la dub pa med pa'i bsod nams dpal/ /sangs rgyas mthu yis rgya mtsho zla bas gang ba bzhin/ /dpal mchog bla ma 'di ni lam mchog ded dpon mkhas/ /ye shes bdud rtsi'i brlabs kyis lam gyis dub pa la/ /nyer phyin lam la mkhas rnams kun gyis brten par bya/ /dpal mchog bla ma 'di ni ston pa'i bstan pa la/ /dus la rab gsal 'od gsal chen po'i tshul/ /mtshungs med bla ma'i zhabs la rab tu 'dud/ /rgya gar lho phyogs kyi yul dpal ldan 'bras kyi phung po zhes bya'i mchod rten bzhugs pa'i gnas der/ bla ma man lungs pa'i sku gsung thugs kyi spyod pa rlabs po che/ byang chub sems dpa' i rnam par thar pas cha mthun pa la mos pa'i paN+Di ta bi ma la sh+rI zhes bya mkhas shing btsun pa des tshigs su bcad pa 'dis bstod pa'o/ /dpal ldan man lungs kyi gtsug lag khang chen por/ /paN+Di ta go ta ma b+ha dra dang/ lo tsa pa grags pa byang chub gnyis kyis bsgyur pa'o/ /bla ma'i bstod pa chos 'byung rab gzigs zhes bya ba lags so/ /'di thams cad kyis kha ton du gdon par bya'o// // */ /rgya gar skad du/ maN+Dal bi d+hi/ bod skad du/ maN+Dal gyi cho ga /bcom ldan 'das 'jam dpal gzhon nur gyur pa la phyag 'tshal lo/ /rje btsun 'jam dpal gzhon nu la/ /phyag 'tshal maN+Dal cho ga bshad/ /maN+Dal bsdu na rnam gnyis te/ yid kyis bsam dang dngos byed pa'o/ /yid kyis dbul ba yid kyis yin/ /dngos byed yan lag dgu rdzogs dbul/ /rgyu rkyen sngon 'gro mtshams dang tshad/ /dbyibs dang kha dog byin brlabs rgyan/ /sa bzang bye ma gci ba la/ /srog chags la sogs gsal ba la/ /'jim pa legs par bsgrub par bya/ /de nas tshad med stong nyid bsam/ /bdud rtsi 'khyil pa'i sngags 'di yis/ /thog mar mtshams bcad bdag nyid
- 329a
bsrung/ /oM a mri ta kuN+Da li ha na ha na hUM phaT/ zheng du bru gang yan chad tshad/ /dbyibs ni gru bzhi ltam pa la/ /nang du zlum por bskor bar bya/ /kha dog kun ka sngo yang rung/ /yang na yid dang ci 'thad bya/ /yang na tshad dang kho dag dbyibs/ /phrin las rnam bzhi tshul dang sbyar/ /de nas snying ga'i sa bon las/ /'od 'phros yi ge traM zhu bsam/ /stegs ni rin chen sna lngar bsam/ /oM pany+tsa ratna maN+Dal hUM/ pa yi rnam lnga dri lnga la/ /sa bon 'od 'phros a zhu bas/ /bdud rtsi'i rang bzhin gyur par bsam/ /oM a mri ta hUM phaT/ de nas legs par byug par bya/ /tsan dan la sogs dri lnga la/ /'od 'phros yi ge du zhu bas/ /bdug pa'i mchog tu gyur par bsam/ /oM badzra d+hU pa A: hUM rnal 'byor 'byor pa chung na'ang rung/ /tsan dan med du mi rung ngo/ /de ltar dri zhim legs par byug /de nas me tog rgyan bkram pa/ /lnga sogs yang na lha grangs bstun/ /de steng paM las pad+mar bsam/ /oM pad+ma maN+Dal hUM/ de'i steng a las zla dkyil bsam/ /oM tsan+d+ra maN+Dal hUM/ de steng bruM las gzhal yas khang/ /shin tu mdzes ba bsam par bya/ /de nas mgon po spyan drangs la/ /phyag 'tshal mchod dang sdig pa bshags/ /gzhan gyi dag la yi rang bya/ /chos kyi 'khor lo bskor bar bskul/ /mya ngan mi 'da' gsol ba gdab/ /dge ba dag ni thams cad la/ /'gro ba'i don du byang chub bsngo/ /de ltar phul ba'i yon tan ni/ /pha rol phyin bcu rdzogs ldan zhing// sgrib pa gnyis byad tshogs rdzogs te/ ting nge 'dzin dkyil 'khor gsal gyur nas/ /rang bzhin dkyil 'khor mthong par 'gyur/ de ltar ma byas nyes dmigs ni/ /rdzogs la brtan pa ma thob par/ /maN+Dal 'jog nam mkha' 'gros
- 329b
gsod/ /de bas nan tan gus par bya/ /lung dang man ngag bla ma las brgyud pa/ /maN+Dal cho ga rim bar bkod pa 'di/ /blo zhan don du bdag gis cung zad bsdus/ /'khrul na bzod mdzod mkhas rnams gzhan du rtsoms/ /dri med blos bsdus dge ba 'dis/ /srid gsum rigs drug 'gro kun gyis/ /mnyam pa nyid kyi don rtogs nas/ /bde chen thang la phyin par shog/ maN+Dal gyi cho ga dngos grub brnyes pa'i slob dpon mkhas pa chen po kam pa la'i zhal snga nas mdzad pa rdzogs so/ /sngon gyi lo tsa ba chen po rnams kyis bsgyur ba ste 'gyur rnying lags skad do/ /gsang sngags kyi theg pa'i maN+Dal gyi cho ga'o/ /de ltar bsod nams kyi tshogs bsags pa gtso bor ston pa'i chos kyi sde tshan lags so// // rgya gar skad du/ maN+Dal kri ya bi d+hi/ bod skad du/ maN+Dal bya ba'i cho ga/ sangs rgyas dang byang chub sems dpa' thams cad la phyag 'tshal lo/ /dang po dkyil 'khor che chung gi/ bsdus pas yog pa'i mar bshams la/ /gtser? dngos po nyi shur 'gyur chu yang srang gi nyi shur 'gyur 'o ma dag dang zho dag kyang/ /dang po mar gyi sum 'gyur ro/ /dang por gci ba btsir ba yang/ /ba yi chu yis mnos la btsir/ /da nas tshags kyis bcag bya ste/ /de nas de rnams sbyar byas la/ /zhag ni gnyis dang gsum bar du// de ni ngas su bcug pa yang/ /nyi ma gnyis gnyis par chod par/ /nyi ma bdun du rim gyis byug/ de nas lag snum dag gis byug/ de ni mi brtan par yang bshad/ /brtan par bya ba'i cho ga ni/ /maN+Dal zur ni rams kyis byugs/ /mdangs ni byung na legs par bshad/ /de nas sa rdza ra rdza dang/ mar gyi 'di gu byas ba yis/ /dkyil 'khor la ni bskus byas na/ /me long khu? ni chu shel ltar/ /bzhin la sogs pa snang bar 'gyur/ /maN+Dal bya ba pa'i cho ga dngos grub
- 330a
brnyes pa'i slob dpon sangs rgyas gsang ba'i zhal snga nas mdzad pa rdzogs so/ /maN+Dal bya ba'i cho ga 'di ni pha rol tu phyin pa dang gsang sngags gnyis ka'i thun mong ba'o// rgya gar skad du/ maN+Dal bi d+hi/ bod skad du/ maN+Dal gyi cho ga /sangs rgyas dang byang chub sems dpa' thams cad la phyag 'tshal lo/ /dkyil 'khor byug pa sngon du 'gro ba yi/ /skye ba gzhan du 'byor ba mi zad la/ /da ltar bzhed pa nyid kyi phyag gnas ltar/ /slu ba med pa bdag gis brjod par bgyi/ /oM badzra re ge A(rgyud 'grel): hUM/ gtsang spyod pa yi gci ba ni/ /chu dang 'o ma zho dang mar/ /thams cad de las byung ba dag/ snod gcod bkol te chu rnams dbo/ /tshigs ma dor te dbus kyi chas/ /dbyibs ci dga' ba'i maN+Dal ni/ /sa bdag khru gang yan chad bar/ /gsang sngags don la gzhol bar byug /de nas de ni gus pa yis/ /rgyal ba sras su bcas la dbul/ /mjug tu thub bas gsungs pa yi/ /tshigs bcad 'di dag brjod par bya/ /ba yi lci ba chur bcas sbyin pa ste/ legs par nyug par byed pa tshul khrims so/ /srin dang grog sbur bsal ba bzod pa yin/ /bya ba la ni nyer zhugs brtson 'grus te/ /de la skad cig sems ni gcig byed ba/ /bsam gtan shes rab ri mo gsal ba'o/ /grub pa'i maN+Dal byas pa yis/ /pha rol phyin pa 'di drug thob/ /gser gyi mdog 'gyur 'di dag ste/ nad rnams kun dang bral bar 'gyur/ /zla ba ltar mdzes gsal ba yi/ /lha dang mi ni dam par skye/ /nor dang gser ni 'byor pa yi/ /rgyal po'i rigs su skye bar 'gyur/ /bde bar gshegs pa'i pho brang mchog/ maN+Dal gang zhig byed pa dang/ sdig pa thams cad mi byed cing/ /dge ba phun
- 330b
sum tshogs pa dang/ rang gi sems ni yongs 'dul ba/ /'di dag sangs rgyas rnams kyi bsngags zhes so/ /de nas dge ba da nyid rgyu mtshan du byas la/ /dkon mchog gsum la bdag phyag 'tshal/ /dkon mchog gsum la skyabs su mchi/ /bdag ni khyed la rnam kun 'bul/ /sdig pa thams cad bshags par bgyi/ /'gre ba'i dge la rjes yi rang/ /dam chos 'khor lo mchog bskor dang/ /yongs su mya ngan 'das spang phyir/ /bdag ni khyed la gsol ba 'debs/ / 'di sogs dge ba'i las rnams ni/ /byang chub bla na med par bsngo/ /'gro ba'i sdug bsngal khur chen 'bor ba'i phyir/ /bdag gi sems ni byang chub phyir bskyed de/ /ma rgal bsgral dang ma gral dgrol ba dang/ /dbugs ma phyung ba bdag gis dbugs dbyung ste/ mya ngan ma 'das bdag gis mya ngan 'das/ /de ltar byang chub kyi sems rab tu brtan par bskyed la/ ji ltar 'dod pa'i bya ba dge ba la 'jug par bya'o/ /maN+Dal dbul ba'i cho ga slob dpon chen po byang chub sems dpa' dgra las rgyal gsang ba'i zhal snga nas mdzad pa rdzogs so/ /rgya gar gyi mkhan po A du lo pa dang/ lo tsa ba dge slong chos kyi shes rab kyis bsgyur cing zhus te gtan la phab pa// //rgya gar skad du/ maN+Dal baM d+hi/ bod skad du/ maN+Dal gyi cho ga/ sangs rgyas dang byang chub sems dpa' thams cad la phyag 'tshal la/ /gdod nas zhi ba'i chos kun la/ /gang gis rang bzhin med par ni/ /sems ni ri rab ltar gnas pa/ /de la bde nang mthong zhes brjod/ /dam pa'i chos klog pa la sogs pa dang/ /bla ma'i maN+Dal gyi cho ga ni/ /oM badzra b+hU mi A(rgyud 'grel): hUM zhes brjod pas sems bskyed pa sngon du 'gro ba'i sgo nas gci ba chu dang bcas pas phyogs su byug par bya'o/ /de nas dkyil
- 331a
'khor gyi dbus su me tog bzhag ste/ oM badzra re ge A(rgyud 'grel): hUM zhes bya bas ni byin gyis brlab par bya'o/ /de nas me tog dgram pa'i sngags ni/ oM haM mahA me ra be na ma dbus so/ /oM yaM burba bi de ha ya na ma(rgyud 'grel): shar phyogs su'o/ / oM raM dza bu dwI pa ya na ma(rgyud 'grel): lho phyogs su'o/ /oM laM a pa ra go dA ni ye na ma(rgyud 'grel): nub phyogs su'o/ oM baM u t+ta rA ku ra be na ma(rgyud 'grel): byang phyogs su'o/ /oM ya u pa dI pa ya na ma(rgyud 'grel): 'di lan gnyis brjod de/ shar phyogs kyi mtshams g.yas g.yon gnyis su me tog gi tshom bu dgod do/ /de bzhin du oM ra(rgyud 'grel): u pa dI pa ya na ma(rgyud 'grel): 'dis lho phyogs kyi g.yas g.yon du'o/ /oM la(rgyud 'grel): u pa dwI pa ya na ma(rgyud 'grel): nub phyogs kyi g.yas g.yon du'o/ /oM ba(rgyud 'grel): u pa dwI pa ya na ma: byang phyogs kyi g.yas g.yon du'o/ /de nas nang gi phyogs dang mtshams su'o/ /oM ya ga dza ratna ya na ma(rgyud 'grel): oM ra pu ru Sha ratna ya na ma(rgyud 'grel): oM la a shwa ratna ya na ma(rgyud 'grel): oM ba stri ratna ya na ma(rgyud 'grel): oM yA kha Da gar ratnA ya na ma(rgyud 'grel): oM rA ma Ni ratna ya na ma(rgyud 'grel): oM lA tsakra ratnA ya na ma(rgyud 'grel): oM bA sarba ni d+hi b+hyo na ma(rgyud 'grel): shar nas bzung ste g.yas skor du phyogs mtshams brgyad du bskor bar bya'o/ /nang gi shar dang nub tu oM sUrya ya nA ma(rgyud 'grel): oM tsan+d+ra ya na ma(rgyud 'grel): 'di rnams kyis na gling bzhi gling phran brgyad/ /rin po che sna bdun gter chen po dang brgyad/ /ri rab nyi zla dang bcas pa rin po che sna tshogs kyis bkang bar dmigs te/ sangs rgyas dang byang chub sems dpa' 'am/ chos sam bla ma gang yang rung ba la dbul bar bsam mo/ /phan yon dpag tu med pa yod de gzhung gzhan nas shes par bya'o/ /bla ma dang sangs rgyas dang byang chub sems dpa' la sogs pa la mdun du bsnyen bkur bya'o/ /maN+Dal gyi cho ga dngos grub
- 331b
brnyes pa'i slob dpon mkhas pa chen po rin chen 'byung gnas sbas pa'i zhal snga nas mdzad pa rdzogs so/ /mtshan yongs su grags par gyur pa dge bshes rdo rje gdan pas mdzad pa lags so/ /zhu chen gyi lo tsa ba dge slong dar ma grags kyis bsgyur cing zhus te gtan la phab pa/ pha rol tu phyin pa'i theg pa'i maN+Dal gyi cho ga'o// //ye shes nyi mas nyon mongs mtsho skems shing/ 'jam pa'i gsung gis srid pa gsum sgrol ba/ /yid bzhin nor ltar sems can re skong ba'i/ /mgon po 'jam dpal dbyangs la phyag 'tshal lo/ /tshogs sogs rnal 'byor rnams la phan gdags phyir/ /bya ba'i cho ga'i rim pa bdag gis dbye/ /rnal 'byor rnam pa gnyis su bstan/ /dngos grub sgrub dang tshogs sog pa'o/ /dngos grub bsgrub par bya ba'i thabs/ /rgyud dang bla ma so so yi/ /gdams ngag dag las gsal bar bshad/ /tshogs sogs rim pa gnyis yin te/ rigs pa dang ni lung yin no/ /rigs pas bye na gnyis yin te/ /slob dpon byed dang slob ma dag? slob dpon la yang rnam gsum ste/ /rab dang 'bring dang tha ma'o/ /slob ma la'ang de bzhin no/ /gang zag drug gi bya ba ni/ /bye brag thun mong gnyis su bstan/ /slob dpon rab gyi bya ba ni/ /thun drug tu ni sgrub pa dang/ /dbang bskur chos bshad dkyil 'khor dang sbyin sreg rab gnas gtor ma bya/ slob dpon 'bring gi bya ba ni/ /thun bzhi ru ni bsgom pa dang/ /chos bshad sbyin sreg gtor rab gnas/ /slob dpon tha ma'i bya ba ni/ /thun gsum du ni bsgom pa dang/ sbyin sreg rab gnas gtor ma bya? slob ma rab kyi bya ba ni/ /thun drug bsgom dang mchod gtor gsum/ /slob ma 'bring gi bya ba ni/ thun bzhi bsgom dang mchod gtor gnyis/ /slob ma tha ma'i bya ba ni/ /thun gsum bsgom dang mchod gtor gcig/ de ni bye brag cho ga'o/ /slob dpon
- 332a
slob ma gnyis la yang/ /dam bcas pa dang ma bcas pa'i/ bye brag gnyis su shes par bya/ /thun mong rim pa'i cho ga ni/ /sgrub dang sgrub thabs bsgom pa dang/ /khrus dang bla ma phyag 'tshal dang/ /bton 'den dang glegs bam klog/ rgyud chags bdun dang chos spyod dang/ /de nas kha zas rnal 'byor bya/ /tsha tsha gdab dang bskor ba dang/ dus kun bya ba'i spyod lam dang/ /nyin phyed dus kyi chos spyod dang/ /gangs dag chos spyod rgyas par bya/ /nyams bshags snying ga'i dkyil 'khor dang/ /gnyis med sbyor bas nyal ba'o/ /thun mong bsdus pa bcu dang gsum/ /de la ldang ba'i dus su ni/ /stong pa nyid la gnas pa las/ /lha mo bzhis bskur ldang bar bsam/ /sgrub thabs so so'i gzhung las gsum/ /khrus la rnam bzhir shes par bya/ /chu yi rdul phran 'dus pa las/ /khro bo bdud rtsi 'khyil bar 'gyur/ /sku mdog ljang ser zhal gcig pa/ /phyag gnyis mtshan ldan 'jigs pa'i gzugs/ /g.yas na sna tshogs rdo rje la/ /g.yon na bdud rtsis bkang thod pa bsnams/ /de yi bgegs bsgrad gyur par bsam/ /rang snying hUM las spyan sogs spros/ /bdud rtsi'i bum pa phyag na bsnams/ /rang gi lus la dbang bskur bsam/ /bskur pas lus kun bdes gang bas/ /dri ma kun las dag par bsam/ /bdud rtsi byin brlabs chu yis ni/ /dzam+b+ha la yi dbu bkrus bsam/ /a kA ro yi sngags sogs kyis/ /yi dags kun la chu sbyin bya/ /phyag 'tshal cho ga gnyis zhes bya/ /ting 'dzin ldan pa'i bla ma la/ /dus su gus pas phyag 'tshal bya/ /ting 'dzin ldan pa'i bla ma la/ /lag pa dal bus sgo brdungs nas/ /gus pas phyag 'tshal khams bde zhu/ /bya bar 'os pa'i man ngag nod/ /kha don glegs bam klog pas ni/ /
- 332b
bsam pa'i rim pa bzhir shes bya/ /bdag nyid gsung gi rdo rje 'am/ yi dam so so'i lhar bsams nas/ /mdun du lha klu la sogs bsam/ /zab mo'i mdo sogs legs 'don bya/ /de yis de rnams tshim gyur nas/ /gnyis med ye shes don rtogs bsam/ /rgyun bshags bdun ldan cho ga ni/ /bcu gsum du ni shes par bya/ /maN+Dal shin tu mdzes pa la/ /bdud rtsi la sogs dris byug la/ /me tog yid 'ong bsil bkram nas/ /phyogs bcu dus gsum bzhugs pa yi/ /dkon mchog gsum lo de bsams nas/ /yon tan phun tshogs kyis bstod pa'i/ /gus pa'i tshul gyis phyag 'tshal bya/ /ci 'byor mchod pa bshams nas ni/ /rim pa ji bzhin sngags dang dbul/ /sdig pa thams cad bshags pa dang/ byed pa yang ni bsdam pa dang/ /bsod nams kun la yi rang bya/ /dkon mchog gsum la skyabs 'gro bya/ /byang chub mchog tu sems bskyed bya/ /chos kyi 'khor lo bskor bskul bya/ /mya ngan 'da' la gsol 'debs dang/ /bdag gi lus sogs dbul ba dang/ /dge kun byang chub mchog tu bsngo/ /dkon mchog gsum dgyes gnang sbyin bsam/ /kha zas kyi ni rnal 'byor ni/ /sbyang dang za gtor sbyin bsreg ni/ /nang dang bla med bzhir shes bya/ /spyad dang za gtong so sor gzhung snying gar yi dam lha bkrod de/ /bdud rtsir byin brlabs zas kyis ni/ /dkyil 'khor de la tshim par bsam/ /de ni nang gi sbyin sreg go /tshim pa'i ye shes 'od 'phros pas/ /sems can sdig bsregs slar 'dus nas/ /bdag lus bsregs nas stong par bsam/ /bla med sbyin sreg yin pas bshad/ /tsha tsha gdab pa'i rnal 'byor ni/ /sa dang chu dang bye ma la/ /nam mkha' la yang gdab par bya/ /cho ga'i rim pa gzhung bzhin bya/ //bskor ba'i rnal 'byor bshad par bya/ dus gsum
- 333a
sangs rgyas mdun bsams nas/ /lus kyi g.yas nas bskor bar bya/ /gang gis yi ge brgya pa bzlas/ /yid kyis mchod pa sna tshogs mchod/ /sangs rgyas kun dgyes 'od zer ni/ /dus mdza' i me bzhin 'phros pa yis/ /bdag dang sems can ma lus pa'i/ /sgrib pa thams cad bsregs bar bsam/ /dus kun bya ba'i spyod lam ni/ /lus ngag yid gsum bya ba'o/ /lus kyi phyag rgya la sogs bya/ /ngag gis sngags sogs bzlas par bya/ /yid kyis kun rdzob lhar bsgom dang/ /rang bzhin med bar mos par bya/ /mtho gang tsam gyis 'phags pa ni/ /spyi bor zla dkyil rtag bar bya/ /oM ni dbus su gnas bsams nas/ /bdud rtsi lnga po 'bab par bya/ /rkang mthil bar du lus khyab nas/ /ngal dub bsal bar gyur par bsam/ /ji srid mi skyo'i par du bsgom/ /rtsa ba yan lag dam tshig ni/ /shes bzhin bag yod bsgom ste bsrung/ /nyin byed chos spyod gong dang mthun/ /rgongs ka'i chos spyod gsum yin te/ chos spyod dang ni mdo gdon dang/ /smon lam dag ni gdab par bya/ /chos spyod byed pa gong ma bzhin/ /bcu gsum du ni shes par bya/ /mdo gdon shes rab snying po de/ /zab mo'i don la bskul phyir ro/ /dge ba mi zad bsngo ba'i phyir// smon lam dam pa gdab par bya/ /nyams bshags snying ga'i dkyil 'khor ni/ /rang nyid yi dam lhar bsams nas/ /de snying pad+ma zla dkyil 'khor/ /rigs lnga 'am yang na don grub ni/ /lha ni snying khar bskyed par bya/ /de la don grub bskyed pa ni/ /khaM bsam de las ral gri bsam/ /ral gri kham las 'od 'phros bas/ /sems can don byas slar 'dus pas/ /bde gshegs las rigs nyid du gyur/ /sku mdog ljang khu g.yas sngo g.yon dkar/ /zhal gsum
- 333b
pa la phyag drug pa/ /dang po gnyis ni yuM la 'khyud/ /g.yas kyi gnyis pa ral gri 'dzin/ /gsum pa sna tshogs rdo rje ste/ /g.yon gyi gnyis pa 'khor lo 'dzin/ /g.yon gyi gsum pa pad+ma bsnams/ /de la skye mched byin gyis brlob/ /sku gsung thugs kyang byin gyis brlob/ /dbang bskur rigs kyi gtso bor gyur/ /de yi thugs las 'od 'phros te/ /sangs rgyas kun la gsol 'di gdab/ /rdo rje 'dzin pas 'gro skyabs phyir/ /yon tan 'byung gnas gsol ba ltar/ /sangs rgyas kun gyis dbang bskur ba/ /de bzhin du ni bdag la gsol/ /de bzhin gsol ba btab pa yis/ /de bzhin gshegs pa kun mnyes nas/ /spyan la sogs pa'i lha mo rnams/ /bdud rtsi lngas gang bum pa yi/ /dbang bskur bar ni bsam par bya/ /zhal nas tshig 'di 'don par bsam/ /dbang bskur ba ni rdo rje che/ /khams gsum kun gyis phyag byas pas/ /gsang ba gsum gyi gnas las byung/ /dbang bskur ba ni sbyin par bya/ /zhes ni tshigs bcad 'don par bsam/ /dbang bskur lus kun bde gang bas/ /dam tshig nyams pa'i sdig pa kun/ /bsal zhing rnam par dag par 'gyur/ /spyi bor thugs kyi bdag po bsam/ /gnyis med sbyor bas nyal ba ni/ /ye shes lha ni gshegs gsol cing// dam tshig lha rnams rang la bsdu/ /nyi zla kha sbyor dbus su ni/ /rang rang yum dang sbyor bar bsam/ /yang na stong nyid rnal 'byor bya/ /thun mong cho ga bcu gsum dang/ /khyad bar cho ga bcu gnyis ni/ /de nyid bsdom pa nyi shu lnga/ /slob dpon rab kyi bya ba yin/ /khyad par brgyad dang thun mong dang/ /de dag bsdom pas nyi shu gcig /slob dpon 'bring gi bya ba yin/ /khyad par cho ga drug dang ni/ /thun mong sdom pa bcu dang dgu/ /slob dpon tha ma'i bya ba yin/ /thun mong bcu gsum
- 334a
slob ma rab/ /'bring dang tha ma ci rigs bya/ /de ltar rigs pas bshad zin nas/ /da ni lung gis yid ches bya/ /mkha' 'gro ma yi rdor gur las/ /ji srid byang chub snying po'i bar/ /dkon mchog gsum ni spang mi bya/ /rtag tu dam tshig bsrung bar bya/ /rdo rje dril bu 'ang bzung bar bya/ /rtag tu sbyin sreg gsal bar bya/ /rtag tu dkyil 'khor bzhengs par bya/ /rtag tu bde gshegs rab gnas bya/ /'byung po che la gtor ma sbyin/ phyag rgya bcing ba rnam spang zhing/ /mchod rten las ni mi bya zhing/ /rdo rje gsum mchog phyag mi bya/ /dkyil 'khor la sogs lus kyi las/ /rmi lam du yang mi bya zhing/ /slob dpon gzhon la phyag mi bya/ /bla ma rgan la phyag 'tshal te/ rtag par rgyun du sngags bzla zhing/ /bsam gta gnyis kyang rnam par spang/ /rtag tu slob ma bsdu mi bya/ /rtag pa ru ni chos bshad kyis/ /rtag tu sems can bskyang par bya/ /rtag tu sangs rgyas cher mnyes bya/ /dzam+b+ha la la chu sbyin bya/ /las rnams thams cad yang dag sbyang/ /bye ma'i mchod rten las la yang/ /mkhas pas cho ga bzhin du bya/ /gzhan yang rgyud rnams du ma las/ /bya ba'i rim pa mang du gsungs/ /bsod nams ye shes tshogs 'dod bas/ /rtag tu dad dang brtson 'grus dran pa dang/ /shes bzhin ting 'dzin mchog la gnas byas nas/ /g.yed spangs bag yod tshul gyis ni/ /rtag tu de la brten par gyis/ /bdag ni blo chung shes rab dman gyur kyang/ /tshogs sogs rnal 'byor rnams la phan don du/ /cho ga'i rim pa cung zad bsdebs pa las/ /'phags dang mkha' 'gro'i tshogs rnams bzod par mdzod/ /bdag phan snying rje'i sems kyis 'di
- 334b
bsams pas/ /bsod nams dri med phun tshogs gang thob pas/ /nam mkha' i mdza' kla sems can ma lus kun/ /rdo rje 'dzin pa'i sa dge thob par shog/ slob dpon srid gsum rnam par dag pa'i rdo rjes mdzad pa'i las dang po pa'i tshogs sog bya ba'i rim pa mdor bsdus pa rdzogs so// // */ /rgya gar skad du/ po d+hi pa da ti nA ma/ bod skad du/ byang chub kyi gzhung lam zhes bgyi ba/ /sangs rgyas 'od dpag tu med pa la phyag 'tshal lo/ /thub pa che la phyag 'tshal nas/ /them skas lta bu'i lam gang yin/ /dang po'i las mchog rgyas pa las/ /snying po mdo ru bsdus te brjod/ /'dir nges par sangs rgyas byon pa dang/ de'i chos thos pa dang/ dad pa dang ldan pa dang /dmyal ba dang yi dags dang dud 'gro dang/ kla klo dang lha tshe ring por skye ba dang/ sangs rgyas kyi gsung mi thos pa dang/ log par lta ba dang/ dbang po ma tshang ba'i mtshan nyid can mi khom pa'i gnas brgyad las thar ba'i mi'i dngos po thob pa yang shin tu rnyed par dka' ste/ de thob par shes nas myur du sdig pa las byung ba'i ngan 'gro'i sdug bsngal bsal zhing dge ba las byung ba'i bde 'gro'i dge ba mdza' dag dang/ /bde gshegs dang rgyal sras kyi phun sum tshogs pa rang dang gzhan gyis thob par bya ba'i phyir shin tu dad pa dang snying brtse ba'i rang bzhin gyis bdag gis yang dag par ? pa'i sdom pa gzung/ /cho gas dge bsnyen gyi sdom pa thob cing byang chub tu sems bskyed nas mchod rten bya ba la sogs pa dang po'i las rnams dang/ sbyin pa la sogs pa pha rol tu phyin pa drug gi bdag nyid la cho ga bzhin du goms par bya'o/ /de nas sngar nyid kyi bla na med pa'i 'bras bu 'thob bo/ /de la oM na mo b+ha ga ba te bai ro tsa na pra b+ha/
- 335a
rA dzA ya/ /ta thA ga tA ya/ arha te samyaksaM bud+d+ha ya/ tadya thA/ oM su k+Sha me su k+Sha me/ sa me sa ma ye/ shAn+te dAn+te a sa mA ro pe a na lam be/ ta ra laM be/ ya sho ba ti/ mahA te dze ni ra ku la nir bA Ne sarba bud+d+he a d+hiSh+Tha na/ a d+hiSh+Thi te swAhA/ gzungs 'dis sa'i gong bu 'am bye ma'i gong bu la lan nyi shu rtsa gcig bzlas te mchod rten bya'o/ /de la rdul phra rab ji snyed yod pa de snyed kyi mchod rten bye ba rnams byas par 'gyur ro/ /rdul phra rab rnams kyi grangs dang mnyam pa'i bsod nams 'thob par 'gyur ro/ /sa'i dbang phyug tu yang 'gyur ro/ /myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de skad du bcom ldan 'das de bzhin gshegs pa rnam par snang mdzad 'od kyi rgyal pos gsungs te/ phan yon chen po dang ldan pa'i gzungs so/ /ye d+harmA he tu pra b+ha bA he tun+te ShAM ta thA ga to hya ba dat/ te ShAny+tsa yo ni ro d+ha e baM wA dI ma hA sha ma Na(rgyud 'grel): zhes bya ba'i tshigs su bcad pas rab tu gnas pa byas nas/ oM na mo b+ha ga ba te puShpa ke tu rA dzA ya/ ta thA ga tA ya/ arha te samyaksaM bud+d+hA ya/ tadya thA/ oM puShpe puShpe mahA puShpe puShpe/ su puShpod b+ha be puShpa saM b+ha pe puShpa a pa kir+Ni swAhA/ zhes pa'i gzungs 'dis lan bdun bsngags pa'i me tog dbul lo/ /me tog ji snyed de bye ba snyed kyi me tog phul bar 'gyur ro zhes so/ /de nas oM na mo b+ha ga ba te ratna ke tu rA dzA ya/ ta thA ga tA ya/ arha te samyaksaM bud+d+hA ya/ tadya thA/ oM ratne ratne mahA ratne ratna bi dza ye swAhA/ zhes bya ba 'dis mchod rten la phyag bya'o/ /mchod rten gcig la phyag byas pas mchod rten bye ba la phyag byas par 'gyur ro/ /mchod rten bya ba'i cho ga'o/ /de nas
- 335b
na ma(rgyud 'grel): sa man+ta bud+d+hA nAM/ oM badzra a yu She swAhA zhes pa 'jim pa blang ba'i sngags so/ /oM badzro db+ha bA ya swAhA/ zhes pa 'bi 'bi bya ba'i sngags so/ /oM a ra dze bi ra dze swAhA/ zhes pa 'bru mar byug pa'i sngags so/ /oM d+harmA d+ha tu garb+he swAhA/ zhes bskor phor du gzhug pa'i sngags so/ /oM badzra mung+ga ra A ko TA ya hUM phaT swAhA/ zhes pa brdung ba'i sngags so/ /oM d+harmA ra te swAhA/ skor phor nas dbyung ba'i sngags so/ /oM su pra tiSh+Tha badzre swAhA/ zhes pa bzhugs su gsol ba'i sngags so// oM sarba ta thA ga ta ma Ni sha ta dI ba te dzwa la dzwa d+harmA d+hA tu garb+he swAhA/ zhes pa rab tu gnas pa'i sngags so/ /oM swA b+ha ba bi shud+d+he A ha ra A ha ra A gats+tsha A gats+tsha d+harmA d+hA tu garb+he swAhA/ zhes pa gshegs su gsol ba'i sngags so/ / oM a kA sha d+hA tu garb+he swAhA/ zhes pa bzod par gsol ba'i sngags so/ /'di ni tsha tsha gdab pa'i cho ga'o/ /de'i rjes su na ma(rgyud 'grel): sa man+ta bud+d+hA nAM a pra ti ha ta shA sa nA naM/ oM ki Ni ki Ni ta thA ga ta udb+hA bA/ shAn+ta pa ra d+he ut+ta ma ut+ta ma/ ta thA ga ta/ udb+ha ba hUM phaT swAhA/ 'di gzung bas 'phags pa sdong po bkod pa'i mdo gzung bar 'gyur ro/ /bcom ldan 'das ma 'phags ma shes rab kyi pha rol tu phyin ma la phyag 'tshal lo/ /tadya thA/ oM mu ni d+harma saM gra ha d+harme ba muk ti d+harme sa dA a mugra ha d+harme be sh+ra ba Na pa ri barti ta d+harme sarba kA ra ya pa ri pra ba Na d+ha rme/ sa ma tA pa ri barti ta d+harme swAhA/ oM pradz+nye sh+ru ti smri ti bi dza ya d+hI d+hA ra Ni ye swAhA/ 'di gzung bas shes kyi pha rol tu phyin pa stong phrag brgya pa gzung bar 'gyur ro/ /na ma(rgyud 'grel): sa man+ta bud+d+hA nA a pra ti ha ta shA sa nA nAM oM d+hu na d+hu na hUM hUM phaT phaT swAhA/ 'di gzung bas 'phags pa ting nge 'dzin gyi rgyal po'i mdo gzung bar 'gyur ro/ /na ma(rgyud 'grel): sa
- 336a
man+ta bud+d+hA nAM a pra ti ha ta shA sa nA nAM/ oM ma Ni d+ha ri badzri Ni mahA pra ti sa re hUM hUM phaT phaT swAhA/ 'di gzung bas so sor 'brang ma chen mo gzung bar 'gyur ro/ /gzungs 'di dag dang tshigs su bcad pa la sogs pa bklags te phyag byas nas de nas mchod rten la sogs pa mi 'jig pa'i sa phyogs su bzhugs par bya'o/ /'di'i phan yon yang bcom ldan 'das kyis mchod rten nam gzugs brnyan rnams la rdul phra rab ji snyed yod pa de snyed du nges par sa steng dang lha'i rgyal po byed par 'gyur ro/ /gzugs dang gzugs med pa'i ting nge 'dzin phun sum tshogs pa mdza' dag dang bde ba thams cad myong nas mthar skye ba dang rga ba'i rgud pa spangs te byang chub kyi go 'phangs thob par 'gyur ro/ /gsal rgyal gyis zhus pa las kyang/ thub pa'i dbang po'i mchod rten byas pa yis/ /mya ngan rnams la lus kun rgyas shing brtan/ /gtso bor 'gyur zhing rin chen mdzod mang dang/ /sa steng dgra yi tshogs las rgyal bar 'gyur zhes so/ /de'i rjes su lag par bsgoms pa'i zla ba'i dkyil 'khor gyi gdan la bzhugs pa'i b+h+ruM la sogs pa'i sa bon lnga las byung ba'i rtag pa la sogs pa zhu ba dang lhan cig 'dres pa'i chu mdun du dza ma las byung ba'i dzam+b+ha la mer po dung dang pad+ma'i kha gter gyi ming can gyi gter bdag la zhabs gnyis kyis mnan te bzhugs pa rdo rje nyi ma'i cod pan dang utpa la'i phreng ba can phyag gnyis na ne le dang bi tsa pUM? ra bsnams pa bsams te/ oM dzam+b+ha la dzwa len drA ya swAhA zhes pas brgya rtsa brgyad de'i spyi bor mdzub mo brkyang pas sbyin par bya'o/ /dzam+b+ha la la chu sbyin pa'i cho ga'o/ /oM dza la mi daM sarba pre te b+hya(rgyud 'grel): swAhA /zhes pas yi dags thams cad la byams pas dmigs te chu
- 336b
sbyin no/ /de nas na ma(rgyud 'grel): su rU pa ya ta thA ga tA ya/ arha te samyaksaM bud+d+hA ya/ tadya thA/ oM su rU su rU pra su rU pra su rU/ ta ra ta ra/ b+ha ra b+ha ra/ saM b+ha ra saM b+ha ra/ sma ra sma ra/ san tar pa ya san tar pa ya/ sarba pre tA nAM swAhA/ gzungs 'dis chu dang bcas pa'i zas la lan bdun yongs su bzlas te lag pa g.yon bas sa gol gyi sgra lan gsum du byas nas yi dags thams cad la dben pa'i sa phyogs su sbyin par bya zhing/ 'di skad kyang brjod par bya ste/ skabs tshol ba dang glags lta ba rnams dengs shig/ 'jig rten gyi khams thams cad na gnas pa'i yi dags rnams la bza' ba 'di bdag gis sbyin par bgyi'o zhes pa'o/ /zas ma zos pa'i sngon rol nyid du sbyin par bya'o/ /de ltar na yi dags thams cad la 'bras bre bo cha re'i bza' ba so sor byin par 'gyur ro/ /de ltar byas na skye ba nas skye bar yang nyam chung bar mi 'gyur ro/ /dbul por mi 'gyur ro/ /stobs che ba dang/ mdzes pa dang mthong na dga' ba dang/ phyug cing longs spyod che bar 'gyur ro/ /tshe ring zhing nad med pa dang myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /shi 'phos nas kyang bde ba can gyi 'jig rten gyi khams su skye bar 'gyur ro/ /gzugs legs shes bya ba'i gsungs so/ /na ma(rgyud 'grel): sa man+ta bud+d+hA nAM sarba ta thA ga ta a pa lo ki ni b+ha ra saM b+ha ra hUM phaT swAhA/ sngags 'di lan bdun brjod cing lag pa g.yas pa brkyang ba'i sor mo lnga po las rnam par byung ba'i bdud rtsi lnga'i rgyun gyis sgo'i rtsar bzhag pa'i chu dang bcas pa'i gtor ma'i bza' ba mngon par gang bas 'bru nyag ma de la yul ma ga d+ha'i bre lo che kha la lnga tsam gyi bza' bar bltas la yi dags mdza' dag tshim par byed pa na se gol lan gsum brdabs nas byang chub
- 337a
sems dpas gtor ma sbyin no/ /yi dags la chu sbyin pa la sogs pa'i cho ga'o/ /de'i rjes su shar gyi lus 'phags dang/ 'dzam bu'i gling dang/ ba lang spyod dang/ sgra mi snyan te gling bzhi'i rnam par dag pa zla bam dang gru gsum dang/ zlum po dang/ gru bzhi dang/ gzhan yang mngon par 'dod pa'i maN+Dal gyi cho ga bzhin sangs rgyas la sogs pa rab tu mchod par bya'o/ /de la 'di ni cho ga ste/ rkang pa bkru ba byas nas/ oM A badzra snA ne hUM zhes pas khrus bya ste/ oM h+rI(rgyud 'grel): swAhA zhes pas lag pa bkru ba dang kha bshal ba byas nas/ oM A(rgyud 'grel): hUM zhes pa'i sngags kyis gnas dang bdag dang rnal 'byor bsrung ba'i cho ga bya ste/ oM hUM zhes pas stan byin gyis brlabs nas oM A: badzra b+hU me hUM zhes pas? sa bzung bar bya ste/ oM sarba ba g+ha uts+tsha rA ya hUM swAhA/ zhes pas mngon par bsngags pa'i srog chags med pa'i lci ba dang tsan dan la sogs pas sa gtsang ba'i sa phyogs su maN+Dal byug pa la sogs pa bya ste/ oM A badzra de khe hUM zhes pa'i sngags kyis lag pa g.yon pas me tog gcig bzung ste lag pa g.yas pa'i rgyab kyi steng du gzhag nas maN+Dal du dor ro/ /oM su re khe sarba ta thA ga ta a d+hiSh+Ta n+tu swAhA/ zhes brjod de lag pa bkru'o?/ /oM ma Ni? d+haM ra badzri rbi? mahA pra ti sa ri? rak+Sha rak+Sha maM hUM hUM phaT phaT swAhA/ zhes pa'i sngags kyis rang gi spyi bor me tog bdag nas bdag nyid bsrung bar bya'o/ /maN+Dal byas pas kyang pha rol tu phyin pa drug yongs su rdzogs pa'i gser gyi mdog dang ldan pa la sogs pa'i yon tan 'thob ste/ de ltar yang maN+Dal gyi phan yon gyi mdo las/ chu bcas lci ba sbyin pa ste/ yang dag byug pa tshul khrims yin/ /grog sphur phra sel bzod pa ste
- 337b
brtson 'grus bya ba byed la brtson/ /bsam gtan der sems rtse gcig byed/ /ri mo legs 'bar shes rab ste/ /pha rol phyin drug 'di rnams nyid thub pa'i maN+Dal byas pas 'thob/ /bde gshegs phro brang dam pa 'dir/ /lus kyi las rnams byas pas ni/ gser gyi kha dog dang ldan zhing/ /nad kun las ni grol ba dang/ /zla ba ltar gsal yid 'ong ba'i/ /lha mi khyad par 'phags pa dang/ /nor dang gser ni phun tshogs pa'i/ /rgyal po'i rigs su skye bar 'gyur/ /zhes pas maN+Dal de nyid mngon par byugs te maN+Dal la nyi ma dang zla ba'i dkyil 'khor la sogs pa dmigs nas oM tsa na dra arka bi la le swAhA zhes pa'i sngags kyis byin gyis brlabs la dkyil 'khor der sna tshogs pa sma'i lte ba hUM las skyes pa'i mi bskyod pa sngon po sa la reg pa'i phyag rgya'o/ /shar la sogs pa'i 'dab ma rnams la oM trI h+rAM kham las skyes pa'i rnam par snang mdzad dang/ rin chen 'byung ldan dang/ 'od dpag med dang/ don yod grub pa rnams dkar po dang ser po dang dmar po dang ljang gu dang/ byang chub mchog dang mchog sbyin dang bsam gtan dang mi 'jigs pa'i phyag rgya can rnams so/ /lnga ga yang chos gos gsum dang gtsug gtor dang bcas pa rnams so/ /me la sogs so pa'i mtshams su lAM mAM pAM tAM rnams yongs su gyur pa las spyan ma dang mA ma kI dang gos dkar mo dang sgrol ma rnams dkar ba dang sngo ba dang dmar ba dang ljang ba dang/ 'khor lo dang rdo rje dang chu skyes dmar po dang/ utpa la sngon po 'dzin pa rnams so// 'di rnams las rnam par snang mdzad zla ba la gnas pa gzhan rnams nyi ma la gnas pa'o/ /lha'i 'khor lo 'di dag bltas te/ oM A gats+tsha A gats+tsha b+ha ga wAn ak+She b+hya badzra a(rgyud 'grel): zhes pas rnam par snang mdzad la sogs pa'i lha
- 338a
rnams so so'i ming gzhug pa sngon du 'gro bas spyan drang ngo/ /oM na mo ak+Sho b+hya ya hUM oM A(rgyud 'grel): badzra puShpe hUM swAhA so sor lan gsum gsum dbul lo/ /oM na mo bai ro tsa nA ya oM oM A(rgyud 'grel): badzra puShpe hUM swAhA/ oM na mo ratna sam b+ha bA a trAM/ oM a(rgyud 'grel): badzra puShpe hUM swAhA/ oM na mo a mri ta pra b+hA bA ya h+rI/ /oM A(rgyud 'grel): badzra puShpe hUM swAhA/ oM na mo a mo g+ha sid+d+hi ye khaM/ oM A(rgyud 'grel): badzra puShpe hUM swAhA/ oM na mo lo tsa na ye laM/ oM badzra puShpe hUM swAhA/ oM na mo mA ma kI maM/ oM badzra puShpe hUM swAhA/ oM na ma(rgyud 'grel): paN+Da rA ye baM oM badzra puShpe hUM swAhA/ oM na mo tA ra ye tAM oM badzra puShpe hUM swAhA/ slar yang mi bskyod pa la me tog mang po khyad par du dbul lo/ /rim pa 'di nyid kyis/ oM A(rgyud 'grel): badzra puShpa hUM swAhA/ oM A(rgyud 'grel): badzra d+hU pe hUM swAhA/ oM A(rgyud 'grel): badzra dI pe hUM swAhA/ oM A(rgyud 'grel): badzra gand+he hUM swAhA/ oM A(rgyud 'grel): badzra nai bidya hUM swAhA/ zhes nye bar spyod pa lnga yang dag par dbul lo/ /oM sarba ta thA ga ta pU dza me g+ha pra sa ra sa mu dra spha ra Na hi maM ga ga na khaM hUM zhes pas mchod pa rnams byin gyis brlab po/ /nus pa med na yid las byung ba'i mchod pa chen po rnams bya ste/ 'di lta ste/ gos dang rgyal mtshan dang nor bu dang mu tig gi do shal la sogs pa rgyan gyi bye brag rnams dang/ pad+ma dang utpa la sogs pa me tog gi bye brag rnams dang/ sku chings dang chos gos dang lhung bzod dang gsil byed la sogs pa yo byad kyi bye brag rnams dang/ gling bzhi dang nye ba'i gling rnams rin po che sna bdun la sogs pas bkang ba dbul lo/ /de nas mchod pa mngon par 'phrul par byed pa'i rig pa'i rgyal mo 'di lan brgyad brjod par bya'o/ /na ma(rgyud 'grel): sarba bud+d+hA bo d+hi satwA nAM sarba thA ud+ga te spha ra
- 338b
Na hi ma ga ga na khaM sa man+ta swAhA/ de nas sangs rgyas dang byang chub sems dpa' rnams kyi mdun du mchod pa'i sprin rnams ji ltar bsams pa bzhin bden par gnas par 'gyur ro/ sku bkrus kyi mchod pa yang oM A(rgyud 'grel): sarba ta thA ga ta a b+hi She ka sa ma ya sh+ri ye hUM swAhA/ zhes pas sku khrus byas la sngar bzhin mchod pa la sogs pa bya'o/ /bdag che ge mo zhes bgyi ba chos kyi dbyings su gtogs pa'i sangs rgyas dang byang chub sems dpa' 'khor dang bcas pa rnams la bdag nyid dbul bar bgyi'o/ /rnam pa thams cad dang dus thams cad du thugs rje chen po dang ldan pa khyed rnams kyis bdag la byin gyis brlab tu gsol/ /yongs su bskyab tu gsol/ /dngos grub dang mchog bdag la rab tu stsol cig ces pas bdag nyid dbul ba dang/ de nas sangs rgyas gtso la phyag 'tshal lo/ /skyob pa chos la phyag 'tshal lo/ /dge bdun che la phyag 'tshal lo/ /gsum rnams la yang rtag phyag 'tshal/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab bsgrub phyir/ /byang chub kyi ni sems 'di bgyi/ /byang chub mchog gi sems ni bskyed bgyi zhing/ /sems can thams cad bdag gis 'gron du bgyi/ /byang chub mchog gi spyod pa yid 'ong spyad/ /'gro la phan phyir sangs rgyas 'grub par shog /ces gsum la skyabs su 'gro ba'i tshigs bcad bklag par bya'o/ /de nas bstod pa bya ste/ gang zhig thog ma dbus mdza' med zhi sangs rgyas nyid rang rnams sangs rgyas/ /sangs rgyas nas ni ma rtogs rtogs phyir 'jig med rtag pa'i lam ston pa//
- 339a
mkhyen brtse'i ral gri rdo rje mchog bsnams sdug bsngal myu gu gcod mdzad cing/ /sna tshogs lta thibs kyis bskor the tsom rtsig pa 'jig mdzad de la 'dud ces pa la sogs pas so/ /de nas sangs rgyas dang byang chub sems dpa' rnams la bden par bstod pa nye bar 'byung bar byed pa'i rig pa'i rgyal mo 'di lan brgyad brjod par bya'o/ /na ma(rgyud 'grel): sarba bud+d+ha bo d+hi satwA nAM sarba tra saM ku su mi ta a b+hi dz+nyA rA si ni na mo stu te swAhA zhes pa'o// bdag skye ba nas skye bar sangs rgyas la gus pa dang/ rang bzhin gyi g.yo med pa dang/ sems can thams cad la byams pa dang/ gtong ba la goms pa dang/ /'bras bu la phyir phyogs pa'i byang chub kyi sems thob par gyur cig/ shes rab rno ba dang rigs bzang por skye ba dang/ gzugs mdzes pa dang/ bde gshegs kyi snyan dngags rgya chen po la mkhas par gyur cig /tshe ring zhing mtho ris su skye ba dang skyes bu blo gros sgrin zhing mkhas pa dang/ dbang po ma nyams pa bde zhing snying rje dang bcas pa dang/ rab tu dang zhing snyan dngags mkhas pa dang/ pha ma la byas pa shes shing gus pa nyid dang/ rtag tu skye ba dran zhing tshul khrims dang ldan pa dang chos kyi bdag nyid dang/ nor dang ldan pa dang/ rab tu sbyin pa la nges par dga' ba dang/ dge ba'i bshes gnyen dang ldan pa dang/ spro zhing stobs dang ldan pa dang/ yid du 'ong zhing mang po dga' ba dang/ nad thams cad spangs shing sems can la brtse ba can thos pa 'dzin cing bsam bdag pa dang/ gtsang sbra dang ldan pa dang/ ji srid 'jig rten la phan pa 'byung ba'i phyir bcom ldan 'das kyi byang chub kyi go 'phang ma thob kyi bar de srid du bdag yon tan 'di rnams kun gyis brgyan par
- 339b
gyur cig ces smon lam btab ste/ phan yon chen po dang ldan pa de bzhin gshegs pa thams cad kyi snying po sangs rgyas thams cad kyis byin gyis brlabs pa'i yi ge brgya pa sngags kyi rgyal po 'di bzlas par bya'o/ /na ma(rgyud 'grel): strai ya d+hi kA nAM/ ta thA ga tA nAM/ sarba tra a pra ti ha tA bApti d+harmA tA ba li nAM/ aM aM a sa ma sa ma sa man+ta to a nan+tA bApti shA sa ni ha ra ha ra /sma ra sma ra Ne/ bi ga ta rA ga /bud+d+ha d+harmA te/ sa ra sa ra/ sa ma ba lA/ ha sa ha sa/ tra ya tra ya /ga ga na ma hA ba ra lak+Sha Ne dzwa la dzwa la na sA ga re swAhA/ zhes pa'o/ de nas phyogs rnams kun na lus dang sems/ /sdug bsngal nad pa ji snyed pa/ /de dag bdag gi bsod nams kyis/ /bde dga' rgya mtsho thob par shog /lha yang dus su char 'bebs shing/ lo tog phun sum tshogs par shog /rgyal po chos bzhin byed gyur cig /'jig rten dag kyang dar bar shog /ngan song sdug bsngal ma myong zhing/ /dka' ba spyad pa med par yang/ /lha bas lhag pa'i lus kyis ni/ /de dag sangs rgyas myur grub shog /ces pa la sogs pa bklags nas/ /ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi ye shes dang sangs rgyas kyi spyan gyis mkhyen cing gzigs pa'i dge ba'i rtsa ba dang/ de rigs gang yin pa dang/ sde gang dang ci 'dra ba dang/ rang bzhin gang dang/ mtshan nyid gang dang chos nyid gang gis gnas pa de bzhin du dge ba'i rtsa ba de la rjes su yi rang ngo/ /ji ltar yang de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi mngon par shes pas yongs su bsngos pa de bzhin du dge ba'i rtsa ba de dag bdag gis kyang bla na med pa yang dag par rdzogs pa'i byang chub tu yongs su bsngo bar bgyi'o zhes brjod do//
- 340a
rjes su yi rang ba dang bsngo ba'i rjes la oM sarba ta thA ga ta su la li ha na mi tre nA ma mi b+ha ga ban+taM ak+Sho b+hya na thaM dza(rgyud 'grel): hUM baM ho(rgyud 'grel): pra tIts+tsha ku su mAny+dza li nA tha ho zhes brjod de 'dud par bya'o/ /de nas khyed kyi sems can don kun mdzad/ /rjes mthun dngos grub stsal nas kyang/ /slar yang byon par bya ba'i phyir/ /sangs rgyas yul du gshegs su gsol/ /oM mu(rgyud 'grel): swAhA zhes pas gshegs su gsol bar bya'o/ /de nas maN+Dal gyi ri mo dbyi bar bya'o/ /mchod pa'i phan yon yang bcom ldan 'das kyis dad pa'i stobs bskyed pa la 'jug pa'i phyag rgya'i mdo las gsungs te/ /'jam dpal rigs kyi bu 'am rigs kyi bu mo gang la la zhig gis 'jig rten gyi khams thams cad kyi rdul dang mnyam pa'i rang sangs rgyas rnams la nyin dang nyin la ro brgya pa'i kha zas dang lha rdzas kyi na bza' rnams byin zhing/ /de bzhin du gang gA'i klung bcu'i bye ma snyed kyi bskal par byin pa dang/ 'jam dpal rigs kyi bu 'am rigs kyi bu mo gzhan zhig gis ri mo mkhan gyis bris pa'i sangs rgyas sam glegs bam du byas pa mthong na 'di nyid de bas bsod nams ches grangs med pa bskyed na slar yang gang zhig thal mo sbyor ba 'am/ /me tog gam spos sam/ mar me 'bul bar byed na/ 'di nyid de bas de bsod nams mchog tu grangs med pa bskyed pa lta ci smos zhes so/ /dpal gsang ba 'dus pa las kyang/ /sangs rgyas rnams la rtag tu ni/ /'dod yon lnga dang nyer spyod lngas/ /cho ga bzhin du mchod byed na/ /myur du sangs rgyas nyid 'thob 'gyur zhes so/ /gzhan nas kyang/ /gang zhig bzhugs la mchod pa dang/ /gang zhig mya ngan 'das pa la/ /mnyam pa'i sems kyis rab dang na/ /bsod
- 340b
nams khyad par med pa yin zhes so/ /dge ba'i las byed pa 'di ni gnyen po kun tu spyod pa'o/ /dge ba'i las rnams byed pa ni don la mngon par sbyor ba'i ngo bo'o/ /yang na sngar bzhin byas pa'i maN+Dal gyi dbus su rang 'dod pa'i lha 'jig rten dbang phyug la sogs pa de dang de'i rang gi sa bon las byu bstod pa nyid dang snying rje dbyer med pa byang chub kyi sems su ro gcig pa sangs rgyas dang byang chub sems dpa' thams cad kyi ngo bo nyid du mos te/ sngar bzhin spyan drangs nas de'i cod pan la 'od dpag med la sogs pa rigs kyi gtso bo bskyed nas man ngag ji lta ba bzhin du lha thams cad gnas ji lta bar dmigs te/ sngar mchod pa dang/ bstod pa dang sngags kyis mnyes par bya ba la sogs pa rnams bya'o/ /mthar na ma(rgyud 'grel): sarba bud+d+hA bo d+hi sa twe b+hya(rgyud 'grel): sarba big pU ra pU ra sU ra sU ra/ A bartA yA bartA ye swAhA zhes brjod pas de bzhin gshegs pa rnams la mchod pa dang nye gnas dang zhabs la spyi bos phyag byas par 'gyur ro zhes so/ de bzhin gshegs pa dang byang chub sems dpa' la sogs pa'i mchod pa'i cho ga'o/ /dam pa'i chos bklag pa la sogs pa'i don du sngags pas rkang pa la sogs pa bkru ba dang/ kha bshal ba la sogs pa byas nas bde ba'i stan la gnas te/ oM badzra satwa sarba bi g+ha na ud sa ra hUM phaT ces pa'i sngags kyis sa gzhi byin gyis brlabs te dri bzang po la sogs pas maN+Dal zlum po byas nas oM badzra me? khe hUM zhes pa 'dis byin gyis brlabs te/ maN+Dal la me tog gcig gzhag nas lag pa bkru'o/ /de nas maN+Dal de'i dbus su ri rab gru bzhi pa la rtse mo brgyad kyis nye bar mdzes pa/ shar dang lho dang nub dang byang gi ngos rnams ni baiDUrya dang shel dang phyad? dang gsor gyi bdag nyid de rin po che bzhi'i rang bzhin no/ /de'i mdun du zla ba phyed pa'i rnam pa shar gyi lus 'phags dang/ g.yas su gru gsum pa'i dzam+bu'i gling dang/ rgyab tu yongs su zlum po'i ba lang
- 341a
spyod dang/ g.yon du gru bzhi'i sgra mi snyan no/ /shar lus 'phags la sogs pa dang nye bar lus 'phags dang/ g.yo ldan dang li mchog 'gro ba dang/ rnga yab dang rnga yab gzhan dang/ sgra mi snyan dang sgra mi snyan gyi zla zhes pa nye ba'i gling rnams te so sor pad+ma rA ga dang/ in+d+ra nI la dang/ baiDUrya dang/ mar gang dang/ rdo rje dang mu tig dang/ byu ru la sogs pas yongs su bsang? ba'o/ /shar la sogs pa'i phyogs su glang po dang skyes pa dang/ rta dang btsun mo rnams so/ /me la sogs pa'i mtshams su ral gri dang 'khor lo dang nor bu dang/ gter chen po rnams bsams te sngar phul ba'i me tog bsal la/ oM badzra puShpe hUM zhes pa 'dis bsngags te ri rab dang gling dang nye ba'i gling dang glang po la sogs pa rin po che dang/ gter chen po rnams su me tog dbul lo// oM badzra d+hU pe hUM zhes pa la sogs pa'i sngags kyis bdug spos la sogs pa ji ltar 'byor pa rnams kyang ngo/ /de nas mchod pa thams cad cho ga bzhin de bzhin gshegs pa thams cad kyi chos kyi sku'i bdag nyid dam pa'i chos kyi glegs bam yang maN+Dal gyi dbus su bzhugs te ji lta ba bzhin bklag go /lha'i steng du ni pa yin no/ /de nas yang mchod pa'i cho ga ni bla ma sangs rgyas dang byang chub sems dpa' thams cad dang gcig nyid du 'am rang 'dod pa'i lha stong nyid snying rje dbyer med pa'i byang chub kyi sems su ro gcig la de bzhin gshegs pa thams cad kyi ngo bor mos te/ rin po che sna tshogs kyis spras pa'i seng ge'i gdan dang pad+ma la rdo rje sems dpa' i rol pas bzhugs par bsams te/ mchod pa dbul zhing bstod pa bklag pa la sogs pa bya'o/ /oM A(rgyud 'grel): sh+rI man badzrA gu ru tsar na ka ma lA ya samyaka dz+nyA na a ba b+hA sa ka rA ya na ma(rgyud 'grel): hUM/ gang gi sku drin 'od kyis bsal byas bdag nyid kyi/ /de nyid rin chen 'od kyi tshogs kyis mun bcom ste/ mthong ba skyon med bdag rnams
- 341b
rol pas lhag lta ba/ /bla ma nyi ma de la gus pas phyag 'di 'tshal/ /zhes pa la sogs pa sa ram ha'i zhabs kyis mdzad pas bla ma la phyag bya'o/ /sngar bzhin dge ba'i rtsa ba yongs su bsngo ste/ oM khyed kyis sems can don kun mdzad/ /rjes mthun dngos grub stsal nas kyang/ /slar yang byon par bya ba'i phyir/ /sangs rgyas yul du gshegs su gsol/ /mu(rgyud 'grel): zhes pas gshegs su gsol lo/ /'di ni dam pa'i chos dang lha dang bla ma'i mchod pa'i cho ga'o/ /gzhan du ni maN+Dal zlum po'i dbus su ri rab la sogs pa rang rang gi sa bon las bskyed nas mchod pa'i sngags kyang so sor gsungs pa de dag gis me tog la sogs pa dbul te/ de la oM hAM ma hA me ra be na ma(rgyud 'grel): de'i steng du oM haM suk+Sha ma me ra be na ma(rgyud 'grel): zhes pa dbus su'o/ /de'i rjes la oM yaM pUr ba bi de hA ya na ma(rgyud 'grel): oM ram dzaM bu dwI pa ya na ma(rgyud 'grel): oM laM a pa ra go dA nI ya na ma(rgyud 'grel): oM bi ut+ta/ ra ku ra be na ma(rgyud 'grel): /oM ya(rgyud 'grel): u pa dwI pA ya na ma(rgyud 'grel): oM ra(rgyud 'grel): u pa dwI pA ya na ma(rgyud 'grel): oM la(rgyud 'grel): u pa dwI pA ya na ma(rgyud 'grel): oM wa(rgyud 'grel): u pa dwI pA ya na ma(rgyud 'grel): oM ya ga dza ratna ya na ma(rgyud 'grel): oM ra pu ru Sha ratna ya na ma(rgyud 'grel): oM la a shwa ratna ya na ma(rgyud 'grel): oM wa stri ratnA ya na ma(rgyud 'grel): oM yA khaDga ratnA ya na ma(rgyud 'grel): oM rA tsa kra ratnA ya na ma(rgyud 'grel): oM lA mahA ma Ni ratnA ya na ma(rgyud 'grel): oM wA mahA ni d+hi b+hyo na ma(rgyud 'grel): zhes pa'o// gzhan thams cad sngar bzhin no/ /'di dag thams cad med kyang phyi rol gyi dngos por rab tu dang ba'i dngos po rang gi kun rtog gis dpag bsam shing las byung ba dbul te 'bras bu shin tu che ba nyid du 'gyur ro/ /rdzas kyi dngos po dngos su yod pa la yang sems g.yengs pa dang zhan pa dag gis 'bul ba ni 'bras bu cung zad med ces lung las te byang chub spyod 'jug las kyang/ /bzlas brjod dang ni dka' thub kun/ /yun rings rus su spyad byas kyang/ /sems g.yengs zhan pas byas pa ni/ /thams cad
- 342a
rig? pas don med gsungs zhes so/ /de bzhin du dge 'dun gyi ston mo dang gtsug lag khang gi mchod yon sbyin pa? chos kyi mchod yon sbyin pa la yang dge 'dun la sogs pa ri rab tsam? steng du gtso bor byas te bzhugs nas mchod pa bya'i/ gang dang gang? tshe 'tsho bya ba/ /dag pa'i 'tsho ba des bsgrub ste/ bkres skom nad ni zhi ba'i phyir/ /zas skom sman dang 'dra bar bsam/ /de yang drag shul can gyi zhus pa las/ /khyim bdag 'di la byang chub sems dpa' khyim pa chos dang mthun pas longs spyod de tshol zhing chos ma yin pa ya nga bas mi tshol na yang dag pa'i 'tsho bar gyur te log pa'i 'tsho bar mi 'gyur ro zhes so/ /de nas ji ltar rnyed pa'i zas la gtor ma dang lha bshos dang 'phrog ma dang phud kyi chang bu dang lhag ma ste lnga po 'bras bu chen po longs spyod pa'i phyir rtag tu sbyin no/ /de nas oM A(rgyud 'grel): hUM lan gsum brjod nas/ oM a kA ro mu khaM sarba d+harmA Ni adyA nutpa nan+twad oM A(rgyud 'grel): hUM phaT swAhA zhes pas 'byung po thams cad pa'i gtor ma sbyin no/ /oM A(rgyud 'grel): badzra nai ba dyA hUM zhes pas lha bshos so/ /oM ha ri te mahA badzra yak+Shi ni ha ra ha ra sarba pA ba ni k+Shi swAhA zhes pas 'phrog ma la zan gyi chang bu gnyis sbyin no/ /oM a gra piN+Da a si b+hya(rgyud 'grel): swAhA zhes pas phud kyi chang bu'o/ /na ma(rgyud 'grel): sarba bud+d+ha bo d+hi satwA nAM oM ba linda de te dzo ba li ni swAhA zhes pa dang/ oM A(rgyud 'grel): hUM zhes pas bza' ba la lan brgyad mngon par bsngags te/ dang por mthe bong dang ming med kyis reg nas bza' ste dug la sogs pa'i nyes pa zhi bar byed do/ /kha bkang sgra dang bcas pa dang/ kha gdangs pa dang/ ha cang myur ba dang/ bul bas mi bza' ste phan pa dad ran pas so/ /oM uts+tshiSh+Ta piN+Da a shi b+hya(rgyud 'grel): swAhA zhes pa 'dis lhag ma'i chang bu sbyin no/ /zas lhag ma ched du ma byas pa kho nar sbyin zhing kha bkru ba la sogs pa byas nas byang chub
- 342b
sems dpa' khyim gyi nang na gnas pa'i khyim gyi gnas las nges par byung ba'i rab tu byung pas 'jig rten gyi khams mdza' dag na gnas pa'i skye bo rnams kyi dge ba spel ba'i phyir/ rgyal po sbyin bdag nyid dang ni/ gang yang sems can chogs gzhan rnams/ /tshe dang nad med phun sum tshogs/ /rtag tu bde dang ldan gyur cig /sbyin pas 'byung po dbang du 'gyur/ /sbyin pas dgra rnams med par 'gyur/ /pha rol gnyen yang sbyin pa nyid/ / de phyir sbyin pa gtso bor brjod/ /sbyin pa 'jig rten rgyan yin te/ /sbyin pas ngan gro zlog par byed/ /sbyin pa mtho ris skas yin te/ sbyin pa zhi byed dge ba'o/ /byang chub sems dpa' i longs spyod rnams/ /mi zad na mkha' lta bu gang// longs spyod de ni thob bya'i phyir/ /sbyin pa de ni yang dag spel/ /zhes pa la sogs pa sbyin pa'i tshigs su cad pa rnams brjod par bya'o/ /gzhan du mu stegs rnams la gus pa la sogs pa mi bya ste/ de yang skyabs gsum bdun cu pa las gsungs pa bdag bsnyen? du ni dam bcas nas/ /skyabs gsum po ni bsrung bar bya/ /mu stegs gzhan la gus pa dang/ phyag dang mchod pa rnams mi bya zhes so/ /brgyad stong pa las kyang lha gzhan rnams la me tog dang bdug spos dang mar me rnams sbyin par mi bya ri mor mi bya zhes so/ /de nas na ma(rgyud 'grel): sa man+ta pra b+ha rA dzA ya ta thA ga tA ya/ arha te samyaksaM pu d+d+ha ya/ na mo many+dzu sh+rI ku mA ra b+hu tA ya bo d+hi satwA ya/ mahA satwA ya/ mahA kA ru Ni kA ya/ rtadya thA/ oM ni ra la b+he ni rA b+hA se/ dza ye dza la la ba d+hi mahA ma te dak+She dak+Shi NAM pa ri sho d+hA ya swAhA/ gang gzungs 'di lan gcig brjod par byed pa de ri rab tsam gyi bsod snyoms yang yongs su sbyod par 'gyur ro zhes pa bsod snyoms yongs su spyod pa'i gzungs brjod par bya'o/ /
- 343a
mtshan mo'i dang po mi nyal bar dam pa'i chos kyi kha don dang bzlas pa la sogs pa byas nas/ nyal ba na mal du yan lag thams cad btud pas sangs rgyas dang byang chub sems dpa' thams cad la phyag bya zhing gsol ba yang btab nas nyal te/ sangs rgyas dang byang chub sems dpa' thams cad kyis bdag la byin gyis brlab tu gsol/ bla na med pa'i dngos grub dang mchog bdag la stsol cig /nye bar 'tshe ba thams cad kyang med par mdzad du gsol zhes pa dang/ rang gi 'dod lha'i rnal 'byor dang ldan pas/ na maM b+h+ra ga ba te/ Arya pra dz+nyA pA ra mi tA ye/ sarba ta thA ga tA pa ri mi tA ba ra bU? ri ta ye/ tadya thU oM sid+d+hi sid+d+hi bud+d+ha bud+d+ha/ bo d+ha ya bo d+ha ya/ tsa la tsa la/ tiShtha/ tiShtha/ hi kaM pa kaM da ka pA ra bA ra/ gats+tsha gats+tsha A gats+tsha A gats+tsha b+ha ga ba ti ma bi laM ba swAhA/ gzungs 'dis lag pa g.yas pa la lan nyi shu rtsa gcig yongs su bzlas te/ de'i steng du mgo bzhag ste sa de ge'i nyal stabs kyis nyal lo/ /mtshan mo tha ma nas de bzhin du yid ma yengs pa dang rgyun chad pa med par yi dam mdza' dag bya'o/ /de ltar nyin re zhing byas na rigs kyi bu 'am rigs kyi bu mo myur du byang chub tu 'gyur ro/ /de yang gsungs pa/ sbyin dang tshul khrims bzod brtson 'grus/ /bsam gtan la sogs rtag brten ba/ /dus ni yun mi ring ba yi/ /byang chub mchog ni thob par 'gyur/ /zhes so/ gzhung bsdus pa ni bsod nams las kyi ni/ /bdag cag byang chub gzhung lam 'di brten nas/ /spro bas sna tshogs spyod pa spyad nas ni/ /skye bos bla med go 'phang thob par shog byang chub gzhung lam zhes bgyi pa slob dpon mkhas pa chen po 'jigs med 'byung gnas spas pas mdzad pa rdzogs so// //ji ltar mthong pa bzhin bsdus pa ste gzhung gi tshad ni shle ka sum brgya nyi shu rtsa lnga'o/ dang po'i las
- 343b
kyi bya ba ma brten par/ nges par byang chub mchog thob mi nus kyang/ /tsed dus skye bo stong pa nyid snra zhing/ /bzhung lam dang po'i las kyi bya ba rnams/ /mi shes mi nus mi byed pa rnams mthong/ /spyod 'dod mi shes 'gro la phan 'dod nas/ /thub pa'i dge slong chag ston lo tsa bas/ /byang chub gzhung lam 'di ni 'bad pas bsgyur/ /nyes kun bzod gsol dge bas bdag gzhan rnams/ /sgrib bral tshogs gnyis rdzogs pa'i sangs rgyas shog kha tsha'i mkhan po chen po chos kyi rje shAkya sh+rI b+ha dra las mnyan nas/ /'bod yul dbus gyi sde snod 'dzin pa chag lo tsa ba dge slong dgra bcom gyis bsgyur ba'o// //rgya gar skad du na maN+Dal pi b+hi/ bod skad du/ maN+Dal gyi cho ga/ thugs rje chen po rnam par skyob la phyag 'tshal lo/ /dkyil 'khor bzang pos nyid dang/ /rin chen rang bzhin ngos mnyam la/ /dri zhim pa yi byug pas byug /mu tig me tog nor bu dgod/ /dbus su 'dab brgyad 'dab bzhi yi/ /me tog dmar po sa bon can/ /gzhag la de sted thub pa bzhugs/ /gdugs dkar gyis ni steng nas dbug /sgra ? pad+ma'i phreng ba yi/ /nga rgyal 'dzin pas rdo rje'i lag /gnyis gshibs gyon du bskyod pa'i rgyas/ /sa gsum gtso bo bar bya/ /rab tu dbyibs legs kha dog mdzes/ /dri bsung ro mchog reg bzang ba'i/ /me tog spungs pas go rim bzhin/ /gling sogs bkod ?? brtag /oM A(rgyud 'grel): badzra tsa tu d+hi pa hUM/ oM A(rgyud 'grel): badzra pa ASh+Ta dwI pa hUM/ oM A(rgyud 'grel): badzra Sh+Ta ratna hUM/ oM A(rgyud 'grel): ba dze Shpa? maM ga la hUM/ oM A(rgyud 'grel): badzra sid+hi pi sha ti hUM oM A(rgyud 'grel): badzra suryA? tsan+d+ra hUM/ rnam dag zhing du phun tshogs gling dang rin chen dang/ bkra shis grub pa rim gsum phreng ba legs? bcod? la/ /gsal? byed sgron ma 'bar ba gnyis kyis brgyan gyur pa/ /sngags 'chang rdo rje rol pa'i gar gyis bstabs pas dbul/ /de nas lus can thams cad la/ /'jig rten mgon po nyer 'khor gzugs/ /dpag med rnam par 'phul? pa yis/ /zhing rnams
- 344a
kun tu don yod sbyod/ /ji srid snying po byang chub par/ /de dag nam yang 'dren pa'i mthus/ /ngan 'gro'i sgra yang mi grag cing/ /rtag tu dga' skyid 'tshe bar byed/ /gal te blo gsal spobs sgyod na/ /sku gsum la sogs gang bshad pa/ / cho ga de dag 'das/ yang/ /gdon mi za bar bya ba nyid/ /gang tshe bsdu bar 'dod pa na/ /se gol brdabs pas spar byas la/ /bzod par gsol dang smon lam gdab/ dran pa'i rgya yis gzungs gdab bya/ /maN+Dal gyi cho ga rdzogs so/ /gnubs byams pa'i dpal gyis bsgyur ba'o/ /bcom ldan 'das rdo rje sems dpa' la phyag 'tshal lo/ /de la gang jag gcig gi nyin zhag gcig gi bya ba brjod par bya ste/ /dang po mtho rangs kyi cha nas brtsams te/ /ji srid nyal ba la thug pa'i bar la/ /bya ba bsdus pa ni? ?brgyad de/ /gos dang khrul? ? ma mchod/ /cham dang skom dang spyod lam dang/ ting 'dzin ? pa thar thug pa/ /brgyad po 'di ni bsdus pa'o/ /zhes sprin las grol gsungs te/ mdor bsdus pa'o/ /da ni de dag gi mtshan nyid re re nas rgyas par bshad par bya ste/ /de la dang po 'gos dang zhes pa ni/ thog mar mal nas langs gos bgo ba'i phyir/ /gos kyi rnal 'byor bya ta/ /rang gi gos byin gyis brlabs pa 'am/ ma brlabs pa yang rung ste/ gos cung zad stong pa nyid du bsams te rang gi snying ga nas 'od 'phros pas/ /bcom ldan 'das rdo rje 'chang gi thugs ka ?? ste/ de las yi ge hUM dpag tu med pa bkug ste rang gi ges la bstim /de zhu rdo rje rgya gram du gyur/ /rang gi sngags brjod gos gyur te/ /rang lha'i nga rgyal la gnas pas/ /bgos pas bar chad rnam sel dang/ ma 'ong pa na rdo rje 'chang/ /'gro ba'i don rnams byed par 'gyur/ /de phyir nan tan thams cad kyis/ /dang po dbang bskur dus dag tu/ /gos kyi dbang bskur bya ba bcas/ /khrus dang zhes pa ni/ de nas khrus kyi dus dag tu/ /rang gi lha yi nga rgyal gyis/ /bum pa'am gzhan yang rung ba ni/ /chu
- 344b
yis bkang ste mdun bzhag nas/ /thugs ka'i hUM las 'od 'phros pas/ /dbang bskur bla ma'i thugs kar phog /de las kyang 'od 'phros pa las/ /phyogs bcur bzhugs pa'i sangs rgyas dang/ /rang 'dod lha la 'od zer las/ sgra byung gsol ba btab par bsam/ / byang chub rdo rje sangs rgyas la/ /ji ltar mchod chen bgyid pa ltar/ /bdag kyang rab tu bsgral slad du/ /nam mkha' rdo rje dang bdag stsol/ /zhes bskul bas de dag gi thugs ka nas/ /bgegs rnams ma lus tshad gcod pa'i/ /rigs pa'i rgyal po ma lus dang/ /byang chub sems dpa' grangs med rnams/ /ji ltar bltams ba tsam gyis ni/ /lha rnams kyis ni khrus gsol ltar/ /lha yi chu ni dag pa yis/ /de bzhin bdag gi khrus bya'o/ /oM sarba ta thA ga ta ka la sha a b+hi She ka sa ma ya sh+rI hUM zhes brjod mkha' la sprin phung bzhin/ /lha mo phyag dang bum pa ni/ /bdud rtsis gang pa gar skar gyi/ /phyag rgyas bzung ste glu 'di len/ /dbang bskur rdo rje chen po ni/ /khams gsum kun gyi phyag byas pa/ /gsang gsum gnas las byung ba 'di// sangs rgyas kun gyis byin pa yin/ /zhes pas bdag pa dbang bskur bsam/ /lus kyi dri ma dag pa ltar/ /sgrib pa rnams ni dag par bsam/ /chu yi zer ma 'phros pa las/ /mdza' yas sems can ma lus pa'i/ /sgrib pa rnams ni dag par bsam/ /rang gi? khrus ? ? ni/ /mi bskyod pas ma zhing sngags 'di bzlas/ /oM badzra sna na hUM/ bla ma mchod ces pa ni/ de nas bla ma mchod pa ni/ thang la maN+Dal byug bya zhing/ /byin gyis brlabs par bya ba ste/ lci ba chu dang bcas pa yis/ /badzra re ge zhes brjod cing/ /ra ri a? ye med par byug /de nas rang snying? sa bon las/ /yi ge hUM 'phos maN+Dal stong/ /gnas la sngags 'di brjod par bya/ /oM tAM ratna maN+Dal badzra re? hUM/ /lan bdun nam gsum mam gcig kyang rung/ /brjod pas zhu ste sa gzhi ni/ /rin po che yi rang
- 345a
bzhin gyur/ /de yi steng du a dkar 'phros/ /sngags 'di bzlas la zla bar bsam/ /oM tsan+d+ra maN+Dal la badzra re ke hUM/ de'i steng du tsan dan gyi/ /chu gtor yi ge hUM gyur te/ /sngags 'di bzlas zhu dri zhim pa'i/ /rang bzhin maN+Dal gyur par bya// oM d+hU pa ra ya ratna maN+Dal badzra re ke hUM/ de nas nor buAm sman nam 'bru/ /me tog nyid kyis dgram bya ste/ /rang gi 'dod pa'i bye brag gis/ /ji snyed 'dod pa'i tshom bu bya/ /de dag baM bsam sngags 'dis zhu/ /pad+ma'i gdan du gyur par bsam/ /oM pi pad+ma maN+Dal badzra re ke hUM/ de'i steng du brum yig bsam/ /oM bruM bi sha bi shud+d+he maN+Dal badzra re ke hUM/ rin chen las byung gzhal yas khang/ /mdzes pa nyid du gyur par bsam/ /de dbus bla ma yi dam lha/ /phyogs bcur bzhugs pa'i sangs rgyas rnams kyi sras dang bcas pa spyan drangs la/ /dang por lus ngag yid kyis ni/ /gus ba yis ni phyag 'tshal te/ /phyi nang gsang ba bla med pa'i/ /mchod pa'i sprin gyis mchod par bya/ /bla ma dkon mchog gsum po dang/ zhes pa la sogs tshig rnams kyis/ /sdig bshags sdom pa gzung bar bya/ /de yi rang rgyud dag 'gyur te/ bdud rtsi'i snod du 'gyur ba yin/ /de nas yi ge brgya brjod cing/ /bzod gsol oM A(rgyud 'grel): hUM mu(rgyud 'grel): yis/ /gshegs gsol smon la gdab par bya/ /zas dang zhes pa ni de nas zas kyi dus dag tu/ /sbyang ba rnam pa bzhi bya ste/ /zas sbyang gter ma dang mthun no/ /de nas lte ba'i lkog tu yaM/ /zhu bas rlung gi dkyil 'khor bsam/ /de steng raM las tsan+d+ra li/ /mar me rtse mo lta bur gsal/ /de ni lto ba sbyang ba'o/ /de nas rlung gis me sbar ba/ /snying nang lha dang phung po khams/ /skye mched la sogs lhar gsal bya// de ni snying gar sbyar bar 'dod/ /gal te la la 'di skad du/ snying ga'i lha nyid gsal ba ni/ /snying ga sbyang par rigs mos kyi/ /phung po khams la sogs pa la/ /snying ga sbyang zhes ci'i phyir/ /zhe na de ni gtso bo ste/ dang po dbang bskur dus na ni/ /ye shes lha ni du ma
- 345b
dag/ lus la bcug cing byin brlabs la/ /snying gi gcig bur bcug pa ni/ /mthong dang thos pa med phyir dang/ /rnal 'byor rgyud ni du ma las/ /phung po khams dang skye mched sogs/ /lha nyid yin pa gsungs phyir ro/ /de nas kha ni thab khung la/ /lce la me lha rnam par bsam/ /de nas lag gnyis dgang blugs kyis/ zas za sbyin bsreg yin par 'dod/ /yang na lce la rdo rje la/ /rkan la pad+ma rab bsams ta/ /gnyis sbyor ba byas pa las/ /byang chub sems byung lha rnams kun/ /tshim par byed pa la la 'dod/ /de ni lce rkan sbyang pa'o// de nas lus kyi dkyil 'khor ni/ /tshim par bya phyir ma yengs par/ /za ba 'di ni mchog yin no/ /skom dang zhes pa ni/ /de nas skom gyi rnal 'byor ni/ /rang nyid lha yi rnal 'byor gyis/ /lag mthil g.yas par nyi ma ni/ /mam las skyes pa blta bar bya/ /de steng char snod a las ni/ /thod pa chang gis bkang ba yi/ /kha ni zla bas mnan pa'o/ /de nang ha zhu kha dog sbyangs/ /hos ni ro yi rtog pa sbyang/ /h+rI(rgyud 'grel): ni bdud rtsi chen por zhu/ /de nas ye shes dbab pa'i phyir/ /srin lag tshigs ni dang po la/ /mthe bo rtse mo sbyar byas te/ /sum las srin lag ri rab bskyed/ /hUM las mthe bong sa bzhir bsam/ /bar du mam mar bsam byas te/ /de las 'od 'phros 'og min du/ /rang 'dod lha yi smin mtshams phog/ /yab yum snyoms bzhugs bdud rtsi dbab/ /thod par bab ste sa gzhi dang// ri rab bcas las dkrugs pas ni/ /sa gzhi ri rab nyid kyang zhu/ /oM A(rgyud 'grel): hUM dam ha he h+rI/ /lan gsum bdun sogs bzlas par bya/ /de yi nang du chos 'byung dang/ /zla ba lta bu bri bya la/ /de stengs bla ma yi dam lha/ /gzhan sogs bsams te mchod pa 'am/ /yang na bdun gyi bar snang la/ /de dag bsams la mchod par bya/ /rang rang sngags la bdud rtsi'i sngags/ /btags pas lus ngag yid gsum dang/ /bla ma la ni dbul bar bya/ /de nas gong du bshad mchod bya/ /de nas ci ran gnod
- 346a
med par/ /tshod zin par ni btud par bya/ /tshogs kyi mchod pa'i dus su ni/ /nad la gnod par gyur na yang/ /thigs pa gsum ni dam tshig go/ /de ltar ma byas glang po che/ /smyon pa bzhin du 'thung byed na/ /skye ba lnga brgyar smyon bar 'gyur/ / spyod lam dang zhes pa ni de nas spyod lam gyi dus su so sor brtags pa rnam pa gnyis te/ /snod kyi 'jig rten gzhal yas khang/ /bcud kyi sems can bye brag gi/lha dang lha mor mos par bya/ /rang gi bya ba ci byed kyang/ /lha yi nga rgyal la gnas nas shes rab pha rol phyin la sogs so/ /pa ti klog pa'i tshe bdag nyid/ /lce la rda rdungs rdo rje bsam/ /rkan la rnga chen rab bsams te/ rdo rjes rnga la rab brdungs pas/ /sgra skad chen po phyogs bcur khyab/ /mdza' yas sems can ma lus kyi/ /rna bar gang dang gang mos la/ /de dang de ltar rtog par bsam/ /yang na mdza' yas sems can rnams/ /ma lus mdun du bkug byas la/ /bdag gi skad ni gang mos par/ /so sor go bar chos byas la/ /rtag tu dag par bsgrag par bya/ /'dir mang smra bas ci zhig bya/ /gang byed lha yi nga rgyal gyis/ kha dge dang gzhan gyi byang chub ni/ /thob par bsam zhing bya ba'o/ /ting nge 'dzin zhes pa ni/ /de nas phyi dro'i thun dag la/ /rang gi rtog pa'i don la ni/ /blo gzhag lha yi nga rgyal ni/ /cho ga lnga 'am cho ga gsum// skad cig bsdus rgyas shin tu bsdus/ /gang mos pa la bol? gzhag la/ /thun mong dngos grub 'dod pa 'am/ /dag gi sgrib pa sbyong 'dod pas/ /bzlas pa gang mos las gzhi la/ mi skye'i bar du bzlas par bya/ /bzlas pas skyon rdzogs rims? mi/ steng dang 'og gi sgo dag la/ /bsten nas bsgom par bya ba'o/ /de nas gal te gtong 'dod na/ /man ngag bzhin du gtor ma ni/ byin gyis brlabs te dbul bar bya'o/ /de nas bstod dang bshags pa dang/ phrin las bcol la
- 346b
gshegs su gsol/ /rang gi ye shes gshegs par bya'o/ /de nas smon lam gdab pa dang/ /stong pa nyid kyis rgyas gdab bya/ /nyal ba'i mthar thug ces pa ni/ /de nas nyal na rnam gsum ste/ /stong pa nyid kyis nyal ba dang/ /bskyed ba'i rim pa'i nyal lugs dang/ / 'chi ba bslu ba'i nyal lugs so/ /stong pa nyid kyi nyal ba ni/ /snod kyi 'jig rten bcud la bsdu/ /bcud kyi sems can yum la bsdu/ /yum yang bdag la bsdus nas ni/ /bdag nyid ye shes sems dpa' la'o/ /ye shes sems dpa' rdo rje la'o/ /rdo rje hUM ste hUM rims kyis/ /nA da'i bar du bsdu ba'o/ /nA da stong pa nyid la bsdu/ /de yi ngang la nyal ba'o/ /bskyed pa'i rim pa'i nyal lugs ni/ /ye shes lha rnams gshegs gsol te/ /dam tshig sems dpa' i nga rgyal gyis/ /gnyid kyis dub ba bsal ba dang/ /snga bar ldang zhing snang ba yi/ /dran pa yid la gzhag pas nyal/ /'chi ba bslu ba ka pA ra la/ /skam po dmigs te nyal ba'o/ /brgyad ba 'di ni bsdus par zhes pa'i don ni/ /nad par langs te snga ma bzhin/ /kos nas brtsams te nyal ba'i bar/ /bya ba brgyad po rdzogs par bya/ 'di lta'i bya ba brgyad pa ni/ /dbang bskur thob cing dam tshig skyong/ /bla ma la gus gtod phong che/ /dad ldan brtson 'grus che ba dang/ /lus ngag spyod pa mdzes pa yis/ /bla ma rdo rje spun la gus/ nga rgyal chung zhing bshags la brtson/ /gsod par smra zhing gzhan don phyag/ de? lta bu la sbyin bya yi/ /bla ma mi bsten dam tshig med dang rnam par smin la mi 'dzem rang tshul dregs/ /thos bsam bsgom la ma sbyangs dro ni rtog pa'i dra bas rnam par g.yengs/ /tsan dan shing bzhin yon tan chung la nga rgyal tshe phyir bla ma rdo rje spun sogs la/ /bskur sti'i sems bral 'jig rten grags pa don du gnyer zhing gzhan tshig khyad du gsod/ /'di 'dra'i gang zag rnams dang stan gcig la yang mi 'dug po ti'ang mi bstan na/ /bshad dang gdams ngag sbyin par bya ba yid kyis kyang
- 347a
ni bsam par mi bya dngos su smos ci dgos/ /de kho na nyid bsdus pa'i man ngag /slob dpon shI la sam b+ha bas las dang po pa'i ngor? bsdus te mdzad pa rdzogs so// (//rgyud sna tshogs las btus pa'i gtor ma'i tshogs zhu?) rgya gar skad du/ nA nA tan+tod+d+hi to pa li bid+hi/ bod skad du/ rgyud sna tshogs lA btus pa'i gtor ma'i cho ga/ oM rdo rje sems dpa' la phyag 'tshal lo/ /ye shes lnga yi rang bzhin can/ /sku mchog rang gi snang bas 'khyud/ /skyob pa ma lus spre? mdzod pa/ /rdo rje sems dpar phyag 'tshal nas/ /de bzhin gshegs rnams rab ster ba/ /lha mo chos dbyings dbang phyug ma/ /ma lus rgyal ba rnams kyi yum/ /'gro ba skyob la rab btud nas/ /gang gi sku drin chen po yis/ /gsung ni bla med thob 'gyur ba/ /'jam pa'i dbyangs kyi zhabs pad+ma/ /chu skyes gnyis la phyag 'tshal lo/ /gang gi reg pa 'khor ba yi/ /gdung ba dag ni zhi 'gyur ba/ /bla ma'i zhal snga nas kyi zhabs/ /pad+ma dang 'brel brtul bstod nas/ /sems can rnams la phan pa'i phyir/ /gtor ma'i sgrub thabs bdud rtsi mtshungs/ /sna tshogs rgyud kyi rgya mtsho las/ /yang dag btus nas bdag gis bshad/ /sngon gyi dus su bcom ldan gyis/ /zhal gyi man ngag gsungs par gyur/ /de tsam kho nas sems can rnams/ /grub gyur glegs bam dag las min/ /de nas gsum ldan du gyur nas/ /rtsa ba'i rgyud rnams sbrul par gyur/ de las don gyi 'brel rtogs nas/ /bsams te skye bos dngos grub thob/ /gnyis ldan du ni gtsor rgyal bas/ /bshad pa rgya chen mdzad par gyur/ /de don rtogs pa nyid kyis ni/ /mkhas pas dngos grub thob par 'gyur/ rtsed pa'i dus gyur deng sang ni/ /gsung rab yan lag bcu gnyis po/ /bcom ldan 'das kyis mang du gsungs/ /'on kyang skye bos zhi ma gyur/ /ci phyir 'di ltar sems can
- 347b
rnams/ /rtag tu tshe dang brtson 'grus chung/ /chags sogs nyon mongs gdung ba yis/ /rtag tu rang gi sems gdung gyur/ /rang gi lto ba dag la brtson/ /'ba' zhig lhur len yid ldan pa/ /rgyal po mnyes sogs byas pa dang/ /tho rangs langs nas s? par ?// nang par bshad gci dag gis te/ nyi ma phye 'phreng zas skom gyis/ /tshim nas 'dod pas gnod 'gyur te/ /skye bo mtshan mo gnyid kyis so/ /re zhig lo ni brgya thub pa/ /tshe yi mchog tu brjod par bya/ /sems can de dag gnyid kyis ni/ /phyed ni yongs su zad par 'gyur/ /byis pa rgas pa nad rnams kyis/ /de las kyang ni phyed zas 'gyur/ /tshe yi cha shas lhag ma yis/ /nang du dge ba ji snyed byed/ /'on kyang gal te dge ba yis/ /las la brtson 'grus dang bcas 'gyur/ /sangs rgyas nyid ni thob 'gyur na/ /de min gzhan gyi dbang gyur pas/ /'dod ngan kha cig bud med kyi/ /dbang po'i chu sgo nyam pa ru/ /lhung bar gyur nas 'khor ba yis/ /rgya mtshor rab tu 'byung bar 'gyur/ /chos kyi lam las yongs nyams shing/ /skad cig longs spyod la bskul brtson/ /de nyid nyams? pa'i grogs? ngan? gyis/ /kha cig rnam par nyams par 'gyur/ kha cig tshol ba'i sdug bsngal nyen/ /bza' btung dag ni brtsal pa'i phyir/ /rmongs pa 'phad pa dang ldan pas/ /phyogs bcu dag tu 'khyam par 'gyur/ /nyin mtshan gnyid ni mi ldog cing/ /rgyal po mnyes sogs nyon mongs kyis/ /yongs su gdungs pa'i sems ldan pa/ /gzhan dag 'bras bu med par 'gyur/ /de ltar sems can rnam dpyad nas/ /rtag tu mi khom pa yi tshogs/ /brtson 'grus mi ldan de bas na/ /bdag gis ngal 'di 'bras bur bcas/ /sems can la ni phan 'dod pas/ /rtogs par sla zhing gzhung nyung la/ /rab tu don mang yid 'ong ba/ /gtor ma'i las kyi cho ga bshad/ /'di na kha cig phyogs snga ma/ /rab tu byed pa 'di lta ste/ /chos rnams dag ni ma skyes shing/ /gnyis kyis stong la sngags
- 348a
rig par/ /ji ltar gtor sbyin gang zhig la/ /yang dag par ni bgegs gang yod/ /byung nas rab tu zhig 'gyur na/ /sngags kyis gang zhig rab rgyas byed/ /rang bzhin gyis ni bskal pa yi/ /lha tshogs rnams la gtor ma ni/ /de nyid rig pas ji ltar gtang/ /de rnams de ni ji ltar za/ /mtshan ma gcig sogs gnas su ni/ /gtor ma ji ltar bor par bya/ /gzhan du min zhing der gtor yang/ /de rnams kyis de ji ltar 'khyer/ /gzhan yang shin tu nyung ba yi/ / chu dang bza' ba la sogs pas/ /nam mkha' dang mtshungs grangs med pa'i/ /'byung po kun ni ji ltar tshim/ /yi dags la sogs gang 'ga' zhig /khrag gi btung ba mthung byed pa/ /sngags pas gtor ma tsam gyis ni/ /de dag ji ltar mgu bar 'gyur/ /gzod nas ma skyes rdzogs byang chub/ /thob pa'i skyob pa rnams dang ni/ /mkha' 'gro ma dang de rnams la/ /gtor sbyin rig pa ci zhig yod/ /de tsam gyis ni mnyes gyur nas/ /bskal ba mang por rnal 'byor pas/ /thob 'gyur 'dod pa'i dngos grub gang/ /mi rnams la ni ji ltar ster/ /'dir ni brjod bya rang bzhin gyis/ /chos rnams re zhig bdag med cing/ /sgyu ma smig rgyu dri za yi/ /grong khyer dang ni rmi lam mtshungs/ /'on kyang sangs rgyas rnams kyis ni/ /'gro 'di bden pa gnyis su bstan/ /rnam rtog dang bas cig shos las/ /kun rdzob dang ni don dam mo/ /chos nyid la ni rab zhugs pa/ /gnyis med rig pa'i rnal 'byor pas/ /re zhig gtor ma dag gi las/ /dam pa'i don du ji ltar bya/ /'on kyang kun rdzob phyogs brten nas/ /bsod nams tshogs ni 'phel bya'i phyir/ /de la dang po'i las can gyis/ /gter ma'i las ni bya ba yin/ /de nyid kyi ni rim gyis 'dir/ /bgegs rnams kun tu 'byung ba yod/ /de bas de rab zhi bya'i phyir/ /mkhas pa rnams
- 348b
kyi gtor ma bsngags/ /dngos rnams skad cig nyid yin yang/ /sngags rnams la ni nus pa yod/ /dug 'joms pa'i sngags bzhin du/ /de dag mngon sum nyid du 'grub/ /sngags rnams nus pa 'di 'dra ste/ mi snang lha tshogs gang yin pa/ /de nyid re zhig spyan drangs pas/ /mi'i mngon sum nyid du 'gyur/ /shing gcig drung la sogs pa yang/ /dngos grub gnas su bcom ldan gsungs/ /des na rnam pa de lta bu/ /gtor ma'i gnas su gsungs par gyur/ /lha rnams rang mthus gtor ma las/ /ro dag myang bar byed pa nyid des na snang bar gyur kyang ni/ /nyes pa rtsod pa ma yin no/ /gzhan yang dngos grub mchog thob pa'i/ /rnal 'byor la gnas gtor ma mi/ /glangs na lha rnams za bar byed/ /nags su klu'i byang chub bzhin/ /sngags kyis bdud rtsi lngar byas nas/ /mkhas pa rnams kyis gtor ma gtong?/ /de'i mthu yis lha tshogs rnams/ /mnyes 'gyur chung ba'i nyes pa med/ /zang zing la sogs rab dbye ba/ /de bzhin gshegs pas sbyin rnam bzhi/ gsungs te de bas yi dags kyi/ /gtor ma la ni chos bshad gyur/ /'di ltar 'dam gyis rnyogs pa bzhin/ /gang+gA'i chu bo gang gi rgyun/ /mthong nas kyang ni khyed rnams khrag /lag pa dag gis ci phyir 'thung/ /des na ma byin blangs pa yis/ /'di'i rnam smin mi bzad yin/ /de bas tshim byed gtor ma ni/ /khyed rnams kyis ni blang bar gyis/ /de ltar rim pa 'di bzhin du/ /rnal 'byor pa 'di sa yi dags rnams/ /chos 'dod par ni de bas skyon/ /cung zad tsam ni yod ma yin/ /bcom ldan 'das dang ma mo la/ /cung zad sogs pa med mod kyi/ /'on kyang bsod nams tshogs dag la/ /dang po'i las can bskul bar bya/ /rim gyis ye shes tshogs dag kyang/ /thob nas rnal 'byor pa dag ni/ /rdzogs pa'i byang chub snod 'gyur te/ /des na dngos grub cis mi 'thob/ /grangs med bskal pas byang chub ni/ /thob 'gyur 'di ni bden mod kyang/ /thabs dang ma tshad nyid gyur pa/ /rim 'di theg pa chen po yin/ /sngags
- 349a
tshul chen por rnal 'byor pas/ /skad cig gcig gis nges pa ru/ /rdo rje 'chang ni chen po'i gnas/ /thob 'gyur blo yis khyad par gyis/ /de ltar phyogs rnams brtsams nas ni/ /gtor ma'i cho ga'i gzhung lugs 'grub/ /yang dag byang chub 'dod rnams kyis/ /de yang mgu bar bya ba yin/ /nyin dang mtshan du rnal 'byor pas/ /de thun gsum mam bzhi dag tu/ /bsod nams tshogs dang ye shes kyi/ /tshogs ni spel phyir bya ba yin/ /tshogs kyi 'khor lo'i cho ga gang/ /de ni gtor ma chen por bshad/ / gang phyir dkyil 'khor 'khor lo yi/ /rnam pa dang bcas rab brnyes phyir/ /re zhig de'i rim pa 'di/ /ji ltar dkyil 'khor 'khor lo yi/ /phyi rol mkhas pas tshim bya ba/ /mkhas pa rnams kyis mnyan par gyis/ /re zhig dang po rnal 'byor pa/ /rang gi 'dod pa'i lha'i nga rgyal dang ldan pas dang po sbyor ba la sogs pa'i ting nge 'dzin gyi bar las langs te/ /sngar bsdus pa pul+li ra ma la sogs pa gnas nyi shu rtsa bzhi'i mkha' 'gro ma'i 'khor lo sna khur g.yas pa dang g.yon pa'i srog dang rtsol bas bskul ba ji lta ba bzhin du rjes su 'od zer spro ba'i sbyor ba sa'i rdul tshon la sogs pas sbrul pa'i phyi rol gyi dkyil 'khor 'khor lor so so'i gnas su rnam par spros te bkod la mchod pa'i cho ga'i rim pa bzhin du yang dag par mchod de gtor ma'i las bya'o/ / de la re zhig dang po dkyil 'khor gyi phyi rol na gnas pa'i lha dang/ /klu dang gnod sbyin dang/ 'byung po rnams la rim pa 'dis gtor ma sbyin par bya'o/ /de la 'jig rten pa'i lha rnams dkyil 'khor gyi phyi rol tu rnam par dgod pa'i rim pa ni 'di yin te/ / nang gi dkyil 'khor las phyi rol gyi rdo rjer ba las phyi rol gyi shar du dur khrod ma dang/ dra mi ri dang/ gtum mo bdud rtsi'i chu'i snod lag na thogs pa dkar mo dang/ ser mo dang/ dmar mo'i bdag nyid can dgod par bya'o/ /byang du drag mo dang/ khrag ma dang
- 349b
sha za ma lcags kyu lngas gang ba'i snod lag na thogs pa ser mo dang dkar mo dang/ /dmar mo'i mdog can rnams so/ /nub tu mi ? ma dang/ 'bar ma dang/ 'jigs rung ma lag na gtor ma'i snod thogs pa dmar mo dang/ ser mo dang/ sngon mo'i mdog can rnams so/ /lho ru thod pa mo dang/ rdo rje ma dang/ bum pa ma bza' ba dang btung ba la sogs gang ba'i snod thogs pa nag mo dang/ dmar mo dang/ dkar mo'i mdog can rnams so/ /dbang ldan gyi phyogs su sgeg mo dang/ dri ma dkar mo dang/ ser mo'i mdog can dag go/ me'i phyogs su pi bang ma dang me tog pa dkar mo dang/ nag mo'i mdog can rnams so/ /bden bral gyi phyogs su glu ma dang/ bdug pa ma nag mo dang/ dmar mo dag go /rlung gi phyogs su gar ma dang/ mar me ma dmar mo dang/ ser mo dag go /de dag thams cad 'bar ba'i phreng bas khyab pa'i 'od dang ldan pa/ sgra bshig pa sbrul rnams kyis brgyan pa/ gos dang brgyan sna tshogs kyis brgyan pa/ /bzang po'i 'dug stangs kyis gnas pa rnams so/ /de nas phyi rol gyi sa gzhi'i g.yas phyogs nas bskor bar 'chad par 'gyur ba'i gtor ma'i sngags kyi rjes su 'brangs nas zhing skyong brgyad yongs su brtag ste/ phyogs brgyad du drag po nag po la sogs pa zhing gi bdag po rnams blo yis dgod par bya'o/ /de la rim pa 'di yin te/ shar du drag po nag po/ byang du drag po chen po/ nub tu lha sbyin/ /lho ru nag po/ /dbang ldan gyi phyogs su brtsigs pa/ me'i phyogs su 'jigs su rung ba/ bden bral gyi phyogs su rnon po/ rlung gi phyogs su log 'dren te/ de dag thams cad kyang mig gsum pa/ lag pa bzhi pa/ gdong gcig pa ji skad bshad pa'i phyag mtshan dang/ gos dang rgyan gyis brgyan pa nag po dang/ ser po dang/ dkar po dang/ dmar po'i mdog can dang/ dbang ldan la sogs pa'i mtshams rnams kyi dkar nag dang/ dkar ser dang/ dkar gnag dang/ dmar gnag rnams te 'khor dang bcas pa dag go/ nag po drag po'i mdun du tsA muN Di/ g.yon du drag mo/ rgyab tu 'jigs su rung ma/ g.yas su
- 350a
lha mo dbu ma bsam par bya'o/ /lha mo de dag kyang mkha' 'gro ma la sogs pa'i mdog can mchod pa rnam pa lnga la sogs pas lag pa brel ba mchod pa rnam pa lnga kho nas yang dag par mchod par byed pa'o/ /de bzhin du byang du rgyal ma dang/ rnam par rgyal ma dang/ rgyal byed ma dang/ gzhan gyis mi thub ma zhes bya ba drag po chen po'i 'khor rnams te/ thugs kyi 'khor lo'i mkha' 'gro ma rnams kyi mdog can no/ /de bzhin du nub du nag mo chen mo dang/ nag mo sbom ma dang/ rnal 'byor ma dang/ lha sbyin gyi mkha' 'gro ma gsung gi 'khor lo'i mkha' 'gro ma'i mdog can rnams bsam bar bya'o/ /de bzhin du lho ru dbang ma dang/ zla ba ma dang/ drag mo dang/ gdug pa zhi byed ma dang/ 'phyang ma dang/ lha'i dbang phyug ma zhes bya ba nag mo'i lha mo sku'i 'khor lo'i mkha' 'gro ma'i mdog can rnams so/ /dbang ldan gyi phyogs su kam po dzi ma dang/ 'bar ma dang/ 'jib ma dang/ grong na kun tu gnas pa'i rnal 'byor ma rtsigs pa'i mkha' 'gro ma khwa'i gdong can ma'i mdog can rnams so/ /me'i phyogs su drag po'i gzugs can mdang/ mche ba'i gzugs can ma dang/ gtsigs ma zhes bya ba 'jigs su rung ba'i mkha' 'gro ma 'ug pa'i gdong can ma'i mdog can rnams so/ /bden bral gyi phyogs su thod pa'i phreng ba can ma dang/ phreng ldan ma dang/ mgo can ma dang/ mthu chen ma zhes bya ba'i rnon po'i mkha' 'gro ma khyi'i gdong can ma'i mdog can rnams so/ /rlung gi phyogs su lag na ral gri ma dang/ lag na dgra sta ma dang/ rdo rje ma dang/ lag na gzhu thogs ma zhes bya ba log 'dren gyi mkha' 'gro ma dag gi gdong can ma'i mdog can rnams so/ /de nas shar gyi sgar khyab 'jug dbyig pa thogs pa/ lhor tshangs pa rnga yab thogs pa/ nub tu drag po mtshan nas sgrogs lhung len pa/ byang du dbang po gdugs thogs pa/ de bzhin du lho'i snam bu la dbang
- 350b
ldan gyi phyogs su brgya byin/ /me'i phyogs su lus ngan po/ /bden bral gyi phyogs su 'byung po'i bdag po/ /glu'i phyogs su rlung gi bdag po'o/ /de rnams bu dang chung ma dang 'khor dang bcas pa ste/ kha dog dang lag pa dang phyag mtshan ni sgrub thabs gzhan gyi rjes su 'brang bar bya'o/ /de la phyi rol gyi khyams kyi shar gyi char rus gong 'jigs byed dang/ kha TwAM ga dang ldan pa'i tshogs kyi srin po dang/ tshogs kyi dbang phyug dang/ dril bu'i rna ba can zhes bya ba mkha' 'gro ma la sogs pa'i mdog can rnams bsam bar bya'o/ /de bzhin du byang du gtum mo'i dbang phyug dang/ 'dun sa'i lha dang/ rga po'i dbang phyug dang/ sil sgras 'jigs byed ces bya ba la sogs pa'i mdog rnams so/ /lho ru ni gtum po ra'i dbang phyug dang/ sgra chen dang/ mche ba gtsigs pa dang gzhu 'dzin ces bya ba kam po dzi ma la sogs pa'i mdog can rnams so/ /de bzhin du 'dod pa drag po dang/ gnas kyi dbang phyug dang/ cang te'u 'dul ba dang/ rnga sgras 'jigs byed ces bya 'jib byed ma la sogs pa'i mdog can rnams so/ /'di rnams kyang lag pa bzhi pa kha TwaM ga thogs pa lha mo la 'khyud cing lag na rtsi gsum thogs pa mig gsum pa stag gi pags pa'i sham thabs can sprul gyi rgyan gyis brgyan pa thod pa'i phreng ba can rnams so/ /de nas phyi rol gyi mu khyud kyi sa gzhi la 'byung po dang/ /sha za la sogs pa ca co'i sgra sgrogs pa rnams dang/ de dag gi 'khor rnams kyang blta bar bya'o/ /drag po la sogs pa dang/ rus gong 'jigs byed la sogs pa rnams kyi yi ge ni rang gi ming gi dang po'i yi ge de kho na yin no/ /rdo rje khu tshur gnyis bcings te gung mo dang mdzub mo dag brkyang nas lcags kyu'i rnam par sbyar bar bya'o/ /oM A karSha ya hUM phaT ces bya ba ni 'jig rten pa'i lha rnams spyan drang ba'i sngags so/ /oM yuM swAhA zhes bya ba dang/ rtse gsum gyi phyag rgya ni dur khrod ma la
- 351a
sogs pa rnams kyi dam tshig gi phyag rgya dang sngags so/ /thal mo sbyar nas de nyid g.yas su phab ste gzung bar bya zhing/ /oM g+haM swAhA zhes bya ba ni drag mo la sogs pa rnams kyi'o/ /rdo rje thal mo bcings nas dbye bar bya zhing/ /oM ku ru ku ru swAhA zhes bya ba ni gtsigs ma la sogs pa rnams kyi'o/ /lag pa g.yas pa kyang nas rgyab gnyis sbyar te sor mo rnams so sor bcing zhing/ oM pa ta li hUM swAhA zhes bya ba ni mi bzad ma la sogs pa rnams kyi'o/ /rdo rje khu tshur gnyis bcings te/ dgu dag tu gzung zhing/ oM hUM swAhA zhes bya ba ni sgeg mo'i 'o/ /g.yon gyi brkyang ste mthe bong dang srin lag sbyar nas g.yas pas gzung bar bya zhing/ oM su pri ya gan d+he hUM zhes bya ba ni dri ma'i 'o/ /pi bang gi zlos gar dang/ oM hUM ho swA hA zhes bya ba pi bang ma'i'o/ /thal mo sbyar ba spyi bor gzhag nas/ /oM sh+rI swAhA zhes bya ba ni me tog ma'i 'o/ /rdo rje khu tshur gnyis bcings nas 'dzum mo bsgrengs te/ bar bskyod nas hUM hUM hUM swAhA zhes bya ba ni glu ma'i 'o/ /rdo rje khu tshur gnyis bcings te lag pa bskyod pa'i tshigs su bzung zhing/ oM i? swAhA/ zhes pa ni gdug pa ma'i'o/ /lag ba g.yon pas g.yas kyi rked pa'i char sgeg pa dang bcas par gzhag nas g.yas phrag par gzhag cing/ oM su ni ra te swAhA zhes bya ba ni gar ma'i 'o/ /thal mo sbyar ba spyi bor gzung zhing/ /oM kluM swAhA zhes bya ba ni mar me ma'i 'o/ /g.yas pa khu tshur bcings nas mdzub mo dang gung mo dag bsgrengs te dpral bar reg par bya zhing oM mu mu hUM swAhA zhes bya ba ni brgya byin gyi'o/ /rdo rje bsdams pa bcings nas mdzub mo gnyis rin po che'i rnam par sbyar zhing/ /oM ratne gre swAhA zhes bya ba ni nor sbyin gyi'o/ /g.yas pa khu tshur bcings te sdigs mdzub bsgrengs nas g.yas pa'i ba dan gsum spyi bor gzhag nas oM hUM swAhA zhes pa ni drag po'i'o ?
- 351b
g.yas pa'i khu tshur snying gar bskyod cing/ oM swAhA tshangs pa'i 'o/ /lag pa g.yas pa brkyang ste kha spub nas g.yon pa'i khu tshur gyis khro bo'i sor mo brkyang ste dbus su sbyar zhing gdugs kyi rnam par byas nas/ oM mu swAhA zhes bya ba ni dbang po'i 'o/ /drag po nag po la sogs pa rnams dang/ rus gong 'jigs byed la sogs pa rnams kyi ni drag po'i dam tshig gi sngags dang phyag rgya kho na yin no/ /de la lha rnam par bkod pa'i rjes thogs la mchod pa rnam pa nyi shus yang dag par mchod de/ sgeg mo'i phyag rgya bcings te yi ge hUM gi sgra brjod nas/ hUM hUM hUM hUM TuM hUM hUM hUM/ oM g+he g+he g+he/ hUM oM g+he tya g+he tya hUM swAhA zhes bya ba'i sngags 'dis shin tu mnyes par bya'o/ /de nas rdo rje de nyid kyis bzung nas/ /dril bu chos kyi dkrol bar bya/ /rdo rje khu tshur gnyis bcings gnas/ /rgyab tu rgyab ni sbyar bar bya/ /mthe'u chud gnyis ni bcings byas nas/ /cung zad du ni bcing bar bya/ /oM badzra g+ha Na Te ho/ /de nas oM badzra g+ha Na Te/ ra Na ra Na/ pra ra Na pra ra Na/ saM pra ra Na saM pra? ra Na/ sarba bud+d+ha k+She tra pra tsa ni te/ pra dz+nyA pA ra mi tA nAM saM b+ha pe/ badzra h+ri da yaM saM shi ni hUM hUM swAhA zhes bya pa'i sngags kyi dril bu bzung ste/ dpal mchog dang pUM rgyud las gsungs pa'i mtshan brgya rtsa brgyad kyis yang dag par bstod la/ /rdo rje'i glu blangs te/ de bzhin du rnam pa sna tshogs ba'i bstod pa dang mchod pa byas la/ /yang dag par mnyes par bya ba'i phyir dril bu dkrol bar bya'o/ /de nas snying gar rdo rje thal mo bcings te snying khar gzhag la/ /oM shud+d+ha d+harme hUM a A oM a zhes bya ba brjod pas lha'i nga rgyal brtan par byas phyi rol gyi lha rnams la gtor ma sbyin par bya'o/ /ji skad bshad pa'i gos dang rgyan gyis rnam par brgyan pa/ rdo rje dang dril bu thogs pa/ brgya byin la sogs pa'i 'khor dang ldan pa'i slob dpon rkang pa g.yas pa sems dpa' i skyil mo krung du gnas pa g.yon brkyang bas rol pa'i tshul du gnas pa rdzas
- 352a
dri zhim po rnams kyis dkyil 'khor gru bzhir byas la/ /kha dog dkar po la sogs pa'i me tog la sogs pas yang dag par mchod de/ 'bras sA lu'i dri zhim po'i 'bras chan zho dang sha kha ra dang/ sbrang rtsi dang/ mar nag dag bsres pa rdzas? la sogs pa las byas pa'i snod rnams su bzhag pas shar gyi sgor gtor ma sbyin par bya'o/ /'dod pa'i rgyal po'i phyag rgya bcings la/ oM wad ta li mahA wad ta li/ hUM hUM hUM dza(rgyud 'grel): swAhA zhes bya ba'i bar sngags 'dis lha rnams dgug par bya'o/ /oM wa hi nI/ mahA wa ni sUrya tsan+d+ra sid+d+hya mu khi/ dza ya ra dzi sau ma dzi u ma de ba ga gsu ru pi ta ra ya/ sa tod gra ha ga Na sarbe ga Na pa ti karti kar sh+ri sha sh+rir te be di ga lo a su ra sa ro tse/ puk+ka si/ mahA puk si hUM he ho/ arSha ya a karSha ya/ sa ma ya de be hUM hUM hUM phaT swAhA/ spyan drang pa'i phyag rgya gnyis bsgreng ba dang/ oM b+hakA ya b+hakA ya/ sa ma ye tiSh+Tha ba hUM phaT swAhA/ zhes bya bas mnyes par byas te se gol gsum grdabs la gtang bar bya'o/ /de nas shar gyi phyogs su sa phyogs gtsang mar dor bar bya'o/ /de nas lha'i gtor ma'o// //de nas sngar bshad pa'i cho ga bzhin du byas pa'i dkyil 'khor 'o ma la sogs pa las byas pa'i lha bshos kyis yongs su bskor bar mngar gsum dang bsres pa'i 'o thug gis bkang pa'i gser la sogs pa las byas pa'i snod du bzhag ste/ sngags dang phyag rgya de nyid kyis mdza' yas dang/ nor rgyas dang/ 'jog po dang/ stobs kyi rgyu dang/ pad+ma dang/ pad+ma chen po dang/ dung skyong dang/ rigs ldan dang/ lha ldan dang/ lha ldan chen po dang/ zla ba dang/ gtsug tor dang/ gtsug tor chen po dang/ dbyig pa thogs pa dang/ /hU lu dang/ dga' bo dang/ nye dga' bo dang/ rgya mtsho chen po dang/ gdung ba dang/ gdung ba chen po dang/ dpal 'od dang/ 'od chen dang/ rin po che'i 'od dang/ gzugs bzangs dang
- 352b
gzugs chen dang/ sbrul bzangs dang/ gsus po che dang/ dzi li dang/ mahA dzi li ste/ oM A gats+tsha A gats+tsha/ ma hA nA ga a d+hi pa ti sarba b+hur b+hu phruM phruM phruM phu rdo rje khu tshur bcings nas ni/ /mthe bong dang ni mthe chung sbyar/ /dbus kyi sor mo dag brkyang nas/ /gdengs ka'i rnam par sbyar bar bya/ /de lta bu 'dis srin lag bzung ste btang bar bya'o/ /byang phyogs su chu bo la dor bar bya'o/ /klu'i gtor ma'o// //de nas nub phyogs su mngon par phyogs pa'i rnal 'byor pa dkyil 'khor gyi 'gram na gnas pas tsan dan dmar po la sogs pa las byas pa'i dkyil 'khor gru gsum me tog dmar po la sogs pas mdzes par byas la/ snga ma bzhin du zho dang sbrang rtsi dang bcas pa'i 'bras can bdud rtsi lnga dang yang dag par ldan pa'i snod mdun du bzhag la snga ma bzhin du nor bu bzang po dang gang ba bzang po dang/ rgyal ba bzang po la sogs pa gnod sbyin gyi bdag po rnams bos te/ rdo rje bsngags pa snying gar bcings pas bzung zhing/ oM nA gA d+hi pa ti pat+ta li hUM swAhA zhes bya ba'i sngags 'dis mnyes par bya'o/ /de kho na bzhin du btang nas lho'i phyogs su shing gcig par dor bar bya'o/ /de ni gnod sbyin gyi gtor ma'o// //yang de kho na bzhin du lho ru mngon par phyogs par gnas pa rdo rje'i 'gros dang ldan pas tsan dan dmar po la sogs pa las byas pa'i dkyil 'khor gru gsum me tog dmar po la sogs pa bkram par lha bshos la sogs pa yang phul te/ nya sha skam po dang/ sgog pa dang/ btsong dang/ khrag dang/ til dang/ bag phye la sogs pa'i khur ba dang/ bdud rtsi lnga dang/ bza' ba dang/ bca' ba dang/ btung ba dang/ myang ba dang/ gzhib pa rnam pa tha dad pa dang nya'i gzugs brnyan gyis gang ba'i mdun du bzhag la/ sngags dang phyag rgya de rnams kyis snod la reg ste/ gdan bzhi pa'i rgyud las gsungs pa'i e ka prikA zhes bya ba la sogs pa'i sngags
- 353a
brjod la 'jig rten gsum las rnam par rgyal ba'i phyag rgya bcings te mdzub mo gnyis lu gu rgyud byas la/ phyag rgya de dang/ oM tiSh+Tha tiSh+Tha hUM/ b+hak+Sha b+hak+Sha dza(rgyud 'grel): phaT swAhA/ zhes bya ba'i sngags kyis mgu bar btang la/ rnga la sogs pa'i sgra dang/ dril bu'i sgra dang/ 'byung po'i gtor ma yo byad kyi sngags dang/ phyag rgya dang nyid kyis gdan dkyil 'khor gyi gzhi yod pa de la phyi rol gyi mtshams kyi phyogs brgyad du gtor ma dor bar bya'o/ /de ni 'byung po'i gtor ma'o// // gtor ma de dag thams cad la/ /sngags pa bzang pos gtong dus su/ /dge bsnyen gyi ni spyi bo ru/ /lan gsum du ni bskor bar bya/ /gtor ma skyel byed dang ldan gang/ /'phags pa 'khyil ba'i sngags kyis ni/ /de la bsang gtor bya ba nyid/ /min na de rnams kyis zos 'gyur/ nang gi dkyil 'khor dag gi ni/ gtor ma gang gis rnal 'byor pas/ /dngos grub mchog ni 'grub 'gyur ba/ /de nas yang dag bshad bya ba/ sgyu ma'i rgyud las ji skad bshad pa bzhin/ /skra bshig rkang pa yis ni gar stabs byas/ /gcer bu lho phyogs gnas pa'i bdag nyid kyis/ /thun mtshams kun tu gtor ma rab sbyin bya/ /dang por phyogs ni brgyad rnams su/ /khro mo mkha' 'gro ma bsam bya/ /de rnams la ni blo rgya ches/ /bdud rtsi lnga ldan gtor ma sbyin/ /bdud rtsi lnga dang yang dag ldan/ /thun bzhi ru ni rab tu bya/ /snga dro rdo rje mkha' 'gro la/ /mkha' spyod rnams la nyin byed na/ /mtshon dus sa spyod rnams la'o/ /mkha' 'gro ma la mtshan byed na/ /g.yas brkyang gnas pas mkha' 'gro la/ /g.yon brkyang ba yis mkha' spyod la sa? spyod rnams la khyad bar du/ /rkang pa mnyam par bya ba yin/ /pad+ma'i bskor ba'i sbyor ba yis/ /gcer bu gang dang yang dag ldan/ /drag po'i lha stangs dang ldan pa/ /mig ni g.yon pa dag gis blta/ /rus sbal phyag rgya bcings nas ni/ /dpral ba'i steng du
- 353b
yang dag bzhag/ skad cig rnam pa'i tshul gyis ni/ /he ru ka'i gzugs su bya/ /cig car sngags ni brjod bya zhing/ /cig car phyogs ni rgyas gdab cing/ /dur khrod dam ni chu bo'i 'gram/ /mtshan ma gcig gam bzhi mdo ru/ /'dod pa'i 'bras bu rab ster ba/ rnal 'byor rgyal pos rtag tu sbyin/ /bdud rtsis kha ni bkang nas su/ /rus gong steng dag gnas byas la/ /phyag rgya lnga ni 'ching ba yis/ /sngags ni brjod cing gtor ma sbyin/ /oM sarba kro d+ha DA ki n+ya maM ba laM pra tits+tshan+tu hUM phaT swAhA/ de nas gtor ma dur khrod la sogs su/ /rnal 'byor skyes mchog dag gis dor/ /de nas me tog mgor bzhag ste/ rang gi gnas su 'jug par bya/ /de ni nang gi rdo rje mkha' 'gro ma rnams kyi gtor ma'o// //grangs ni bzhi ru gyur pa yi/ /rgyal chen ji ltar tshim gyur pa/ /gtor ma'i las ni yid 'ong ba/ /de'i rjes la bshad par bya/ /rtsa ba'i dkyil 'khor shar sogs kyi/ /phyogs rnams su ni 'khor lo bzhi/ /rnam par bsgoms nas gang ba'i snod/ /bzhi ni de ru bzhag par bya/ /yul 'khor skyong gi snod gang yin/ /de ni bza' ba chang sbangs pas/ yongs su gang bar rab tu bya/ /de bzhin rnam thos sras kyi ni/ /sha dang chang la sogs pas dgang/ /de bzhin lus 'phags po'i snod/ /khrag gis gang bar gyur par bya/ /mig mi bzang gi snod dag ni/ /'o ma dag gis dgang bar bya/ /de ni snod kyi cho ga yin/ /byas nas rgyal po chen po ni/ /bskyed pa'i phyir ni bsgom par bya/ /dang po'i yi ge las byung ba'i/ /rgyal po chen po bzhi po ni/ /yi ge gsum gyis byin brlabs shing/ /ye shes sems dpa' dang ldan bsgom/ /he ru ka yi skur gnas te/ /lag na rdo rje dril bu thogs/ /brtul zhugs bzang pos sngags 'di yis/ /de rnams so sor gtor ma sbyin/ /oM d+h+ri ta raShDA ya gand+harba sa nA d+hi pa ta ye i maM pa liM pra tIts+tsha sa ma ya ma nu sma ra A(rgyud 'grel): hUM hUM phaT swAhA/ oM na mo bai sh+ra ba NA ya yak+Sha se nA d+hi pa ta ye i mi
- 354a
ba liM pra tIts+tsha sa ma ya ma nu sma ra A(rgyud 'grel): hUM hUM phaT swAhA/ oM bi ru b+ha kA ya mahA ku be ra ad+hi pa tA ye i maM pa liM pra tIts+tsha sa ma ya ma nu sma ra A(rgyud 'grel): hUM hUM phaT swAhA/ oM bi rU b+hak+Sha ya ma hA nA gA d+hi pa ta ye i maM ba liM pra tIts+tsha sa ma ya ma nu sma ra A(rgyud 'grel): hUM hUM phaT swAhA/ sngags tshig bla med 'di rnams kyis/ /snod bzhi byin gyis brlabs nas ni/ /rnal 'byor pa yis rim bzhin du/ /shar la sogs par dor bar bya/ /de ni rgyal po chen po bzhi'i gtor ma'i cho ga'o// //bde mchog cho ga las gsungs pa'i/ /skye bo rnams ni mchod 'gyur ba/ /gtor ma 'byung po thams cad la/ /de nas yang dag rab bshad bya/ /dam tshig 'khor lo'i phyi rol tu/ /hUM gi sa bon las byung ba/ /shing gcig dang bcas dur khrod brgyad/ /rnal 'byor rig pas bsam par bya/ /gnod sbyin srin po 'byung po dang/ /de bzhin yi dags sha za dang/ /grul bum brjed byed mkha' 'gro dang/ /mkha' 'gro ma'i tshogs nyid dag/ shing drung gcig ni brgyad po'o/ /rtse mor drag po rnams bsam bya/ /shing gi rtsa ru de mtshungs pa'i/ /'khor dag rnam par bsam par bya/ /khwa'i gdong can la sogs pa'i/ /'khor gyi rang gi gzugs dag ni/ /thams cad hUM las yang dag byung/ /mtshon cha sna tshogs dag thogs pa/ chang dang sha dang gtsong la sogs// khu ba de bzhin sha'i gzugs/ /snod du bcug nas de nyid ni/ /bdud rtsi'i rang bzhin nyid du bya/ /sngar bzhin skra bshig la sogs ldan/ /g.yon brkyang la sogs sbyor byas pa/ /brtul zhugs bzang pos sngags 'di yis/ /de rnams nyid ni bod? par bya/ /oM badzra a ra li to dza(rgyud 'grel): hUM baM ho(rgyud 'grel): badzra DA ki ni sa ma ya stwaM dra sh+ya ho(rgyud 'grel): sngags 'di lan gsum brjod nas ni/ /rang nyid kyi ni snying gar yang/ /snod kyi phyag rgya lan gsum du/ bskor nas gtor ma sbyin par bya/ /mkha' spyod phyag rgya bcings nas ni/
- 354b
khro cig mtshan cig la sogs su/ /sgrub pa po yis sngags 'di yis/ /dogs pa med par gtor ma btang/ /oM kha kha khA hi khA hi/ sarba yak+Sha rAk+Sha sa b+hUd tra ta pi shA tson ma da a ba sma ra DA ka DA ka n+ya da ya i maM pa li grih+naM tu sa ma ya rak+Sha d+hu ma ma sarba sid+d+hi me pra yats+tshandu ya the paM/ ya the Sh+TaM /b+hu ny+dza tha pi pa tha/ dzi Ta tha/ ma ti kra ma tha ma ma sarba karta ya sad su khaM bi shud+d+ha ye/ sa ha yi ka b+ha bandtu hUM hUM phaT phaT swAhA/ de 'dra'i sngags chen brjod byas nas/ /dur khrod du ni gtor ma sbyin/ /'jigs byed sems can drag po'i bdag/ snying rjer ldan pas gtor ma dor/ /de lta bu yi rim 'di yis/ /'di ni 'byung po thams cad brjod/ /bgegs rnams zhi bar bya phyir yang/ /gtor ma 'di ni sngags pa yin/ /de ni 'byung po thams cad pa'i gtor ma'i cho ga'o// // gzhan yang rdo rje mkha' 'gro ma/ /gur las gsungs pa'i gtor ma'i las/ /khams gsum dag tu gcig car du/ /tshim par bya phyir yang dag bya/ /nam mkha' i dbyings kyi dbus su ni/ /chu skyes 'dab brgyad dbus su sgom/ /dbang po shar gyi 'dab mar bsam/ gshin rje lho ru dgod par bya/ /chu lha nub kyi 'dab mar te/ byang du gnod sbyin dgod par bya/ /me'i phyogs su me chen po/ /bden bral phyogs su bden bral te/ rlung gi phyogs su rlung lha bsam/ /'byung po'i bdag po dbang ldan du/ /zla ba nyi ma tshangs la sogs/ /tshangs ris dam pa rnams dang ni/ /tshangs pa'i 'dun na 'don bdag nyid/ /dga' ldan 'thab bral na gnas dang/ rgyal po chen po kun du skyes/ /gzhan 'phrul dbang byed dag dang ni/ /'phrul dga' yi ni lha rnams dang/ /gang dag gtsang ma'i gnas 'dug dang/ /bde ba can na kun tu gnas/ /'og min na ni gnas pa dang/ /'od can 'jig rten khams gnas dang/ /sum cu rtsa gsum na gnas pa/ /de dag thams cad steng du bsam/ /stobs rgyu dang ni dung skyong dang/
- 355a
mdza' yas de bzhin nor? rgyas dang/ 'jog po dang ni rig ldan nyid/ /pad+ma che dang pad+ma ni/ /chos 'byung gi ni dbus na gnas/ /lha ma yin dang sems dmyal dang/ /chos 'byung gi ni 'og tu'o/ /oM las tshangs pa la sogs pa/ /yi ge hUM las dbang po sogs/ /a las stobs rgyu la sogs pa/ /zhal gcig phyag ni gnyis pa'o/ /steng ga lha ni shin tu dkar/ /dbang po la sogs mdog sngon po/ /stobs rgyu la sogs shin du dmar/ /rang snang rig mas yan lag 'khyud/ /rdo rje dril bus phyag brel ba/ /g.yas brkyang ba yi gnas pas gnas/ /tshangs sogs rtag pas rgyas gdab cing/ /rdo rje can gyis brgya byin sogs/ /ltos 'gro la sogs gar dbang gis/ /thams cad rigs las byung ba yi/ /go'u rI yis ni dgug par bya/ /rkun mos gzhug par bya ba ste/ ro langs ma yis zhags pas bcing/ /dril bu za bod ma dpang bya/ /de nas mchod yon zhal bsil dbul/ /de bzhin me tog bdug pa sogs/ /mnyam par bzhag pa'i sems kyis ni/ /sngags 'di yis ni tshim par bya/ /oM A(rgyud 'grel): hUM/ gsang sngags 'di dag nyid kyis ni/ /sngar bzhin rdzas kyis gang ba yi/ /thod pa de rnams dag la dbul/ /mtshan gcig la sogs rnams su dor/ /gtor ma'i cho ga bzhin byas nas/ /dogs pa med pa'i sems kyis ni/ /de nas 'thor 'thung phul byas nas/ /sngags 'di yis ni gshegs su gsol/ /oM badzra DA ki sa ma ya me nu pA la ya/ /badzra DA ki twe na pa tiSh+Tha dri Dho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi ma me pra yats+tsha/ sarba karma su tsa me tsit+taM sh+re ya(rgyud 'grel): ku ru hUM ha ha ha ha ho(rgyud 'grel): b+ha ga baM sarba ta thA ga ta mA me muny+dza DA ki b+ha ba mahA sa ma ya satwA a(rgyud 'grel): mu/ de nas gtor ma'i las byas nas/ /dkyil 'khor rang gi yan
- 355b
lag la/ /bsdu ba byas nas sngar rim bzhin/ /ye shes 'khor lo gshegs su gsol/ /snga dro'i thun la de bzhin du/ thams cad mnyam par gzhag par bya/ /thun bzhi dag ni thams cad la/ /skad cig gis ni bsgom par bya/ /de ltar gur gyi rgyud gsungs pa/ /cig car 'byung po thams cad ni/ /tshim pa ru ni byed pa'i mchog /gtor ma bdag gis bshad pa yin/ /de ni dus gcig tu khams gsum pa tshim par byed pa'i gtor ma'i cho ga'o/ /gang tshe rnal 'byor sngar bshad pa'i/ /gtor ma'i cho ga byed pas ni/ /gnod pa bya byed bgegs mthong ba/ /de tshe der bzhi bya'i phyir/ /gtor ma bya ba de rim pa/ /dpal ldan rgyud dra dgyes rdo rje/ /rgyud gnyis kyi ni rjes 'brangs nas/ /bdag gis bzang por bshad par bya/ /re zhig dang por rnal 'byor pas chos thams cad stong pa nyid du bsams te/ de nas ram las byung ba'i nyi ma'i dkyil 'khor gyi steng du yi ge kha dog sngon po las byung ba'i bcom ldan 'das rdo rje hUM mdzad zhal gsum pa phyag drug pa phyag g.yas pa na ral gri dang/ rdo rje dang/ /rtse gsum bsnams pa/ g.yon pa na dril bu dang/ dgra sta dang/ tho ba bsnams pa/ mche ba gtsigs pa/ /ljags bskyod pa/ /dbu skra dmar ser/ spyan dmar po/ mgul ba sbrul gyi rgyan gyis brgyan pa g.yon pa brkyang ba'i sa'i steng mnan pa/ /khro bo 'bar ba'i phreng ba 'phro ba/ /snying gar yi ge hUM gis mtshan pa/ ha ta zhes sgrogs par bdag nyid bsgoms la/ /de nas mdun du ci nus par rdul tshon la sogs pas dkyil 'khor kun tu dris te/ bum pa srog chags med pa'i chu dri bzang po dang ldan pas/ yongs su bkang ba lcug mas kha rgyan byas pa/ gos kyis mgrin pa dkris pa/ /nang du 'bru dang/ rin po che dang/ sman bcug pa bcu 'am/ lnga 'am/ gcig de nyid du gzhag la/ g.yon du mchod yon gyi snod dang/ g.yas su me tog la sogs pa'i yo byad gzhag ste/ mchod yon gyi
- 356a
snod la rang gi 'dod pa'i lha'i sngags lan nyi shu gcig bzlas par bya'o/ /las thams cad pa'i snod la yang bdud rtsi 'khyil pa'i sngags de kho na bzhin du yongs su bzlas par bya'o/ /de nas zla ba dang rdo rje la sogs pa'i rim pa mdor bsdus pas bum pa rnams su rdo rje sems dpa' la sogs pa bdud rtsi 'khyil pa la thug pa'i gzugs bskyed la rje btsun gyi yi ge brgya pa lan gsum brjod nas oM A(rgyud 'grel): hUM zhes bya ba'i sngags kyis rdo rje yang dag par mchod de oM badzra g+haN+Te ra na zhes bya ba'i sngags kyis mchod la/ spos kyis gdugs te/ oM badzra d+h+rika ces bya ba la sogs pa'i sngags kyis bum pa dag spyan drang bar bya'o/ /de nas me tog dang spos dang/ yon chab dang/ dri dang/ lha bshos phul/ rang rang gi sngags rnams yi ge brgya ba 'don pa sngon du 'gro ba can rdo rje rtse gsum pa'i phyag rgya bum pa rnams la brgya rtsa brgyad yongs su bzlas te/ ras la sogs pa la bzhugs pa'i bcom ldan 'das la khrus bya'o/ /ri mo bris pa rnams la ni me long la dang/ sku gzugs rnams la ni dngos su'o/ /sku khrus kyi yo byad 'bru la sogs pa rnams ni khrus kyi cho ga las bstan te/ de nyid las shes par bya'o/ /de nas rang gi sngags kyis dkyil 'khor gyi bum pa dag gis dbang bskur la dkyil 'khor mchod pa lnga la sogs pas mchod par bya'o/ /de'i rjes la phyogs bcu na gnas pa'i sprin nag po dang mtshungs pa'i gnod sbyin dang srin po dang sha za la sogs pa lag na ral gri dang / tho ba dang/ mda'o che la sogs pa thogs pa rnams te/ nam mkha' la yang paM las byung ba'i pad+ma chen po de'i 'dab ma brgyad la 'jig rten skyong ba brgyad kha dog dang dbyibs dang/ cha byad ji lta ba bzhin dang ldan pa/ lte ba'i
- 356b
dbus su bgegs kyi rgyal po log 'dren mdog dmar po glang po che'i gdong can/ /gdong gcig pa/ lag pa bzhi pa/ lag pa g.yas na dgra sta dang/ ral gri thogs pa/ lag pa g.yon na phreng ba dang/ lag du thogs pa/ gsus ba 'phyang ba gar byed pa/ tshangs pa rgyab tu rkang pa gnyis mnan pa/ glang po che'i sgras gang ba'i mchu'i rtse mo'i sgras phyogs bcu'i gtos kyi nang 'gengs pa/ me tog gi mche ba can gyi tshogs kyis rkang ba'i pad+ma gnyis la phyag byas pa rnam par bsgoms la/ /oM badzra a ra li ho dza(rgyud 'grel): hUM paM ho(rgyud 'grel): badzra DA ki ni sa ma ya stwaM dri sh+ya ho zhes bya ba'i sngags kyis bos la/ dkyil 'khor gyi phyogs bcu kun tu bsam par bya'o/ /de nas yi ge hUM gi sgra 'jigs su rung ba brjod nas 'khyil pa'i sngags kyis yungs kar byin gyis brlabs te bgegs thams cad la dmigs nas oM ri ri ti ti phaT swAhA zhes bya ba'i sngags dang oM sarba pA paM da ha na badzrA ya swAhA zhes bya ba'i sngags kyis me'i snod du gzhug par bya'o/ /de nas bgegs rnams kyi spyi bo dang snying ardza ka'i dog pa bzhin du 'gas par 'gyur ro/ /gal te dam tshig la gnas par mi byed na de'i tshe bag phye las bgegs rnams kyi gzugs brnyan byas te dkyil 'khor gyi dbus su gsor ba'i rdo rjes phye mar byas na skad cig de nyid la de rnams dam tshig la gnas par 'gyur ro/ /de nas sum b+ha ni suM b+ha zhes bya ba la sogs pas phur bu gdab cing/ /de bzhin du sngags rkang pa phyi mas brdung bar bya'o/ /de'i rjes las la sogs pa'i bum pa 'am phru ba tshad chen po dang ldan pa chus yongs su gang bar bya ste/ nya'i sha rlon pa dang/ btsos pa dang/ bsregs pa'i dbye ba rnam pa gsum dang/ de bzhin du pri yang ku dang ko la tha dang tsa na ka dang/ 'breng bu'i chun po dang/ 'bras yos dang/ star ga'i 'bras bu dang/ snum khur dang/ sha dang/ ma yo sta dang/ thug ba dang/ btsong dang/ sgog spya dang/ ke'u dang/ khab dang/ 'gron bu dang
- 357a
snye ma'i 'bru dang/ lan tshwa dang/ sbrang rtsi dang/ 'bru'i chang dang/ rgyun chang dang/ gos sngon po dang/ sgron bu'i tshogs kyis gang bar byas la/ /khro bo dud rtsi 'khyil pa'i sngags brgya rtsa brgyad yongs su bzlas par bya'o/ /'dir sngags ni 'di yin te/ oM na ma(rgyud 'grel): sa man+ta kA ya bIk+tsi t+tga? badzra NAM na mo badzra kro d+ha ya mahA daMSh+Tod ka Ta b+hai ra bA ya/ a si mu sa la pa ra shu pA sha ha sta ya/ oM a mri te kuN+Da li kha kha khA hi khA hi/ tiSh+Tha tiSh+Tha/ band+ha band+ha/ ha na ha na/ da ha da ha/ pa tsa pa tsa/ gardza gardza/ bi spho? Ta ya bi spho Ta ya/ sarba bag+h+ni bi nA yaka? na/ mahA ga na pa ti dzi bi ta an+ta ka rA ya swAhA/ de'i rjes la rje btsun yi ge brgya pas me tog dang spos rnams kyis mchod la/ g.yas brkyang ba'i 'dug stangs nye bar bcings te dril bu dkrol zhing rdo rje gsor bas sngags 'dis brjod par bya'o/ /oM iN+Ta dza ma dza la dzek+kha/ b+hud? ba N+Ni? bA u rak+kha tsa n+d+ra su dzdza mA da ba phu/ ta la pa ta laM aN+Tha? sa bu sa hha/ i daM ba lim+b+hu dza dza g+ha/ phu l+la TU? pu maM sa bi g+haM/ a ma sa pa kA dzdza sA da/ khanhi kha NI phe Da ga ta/ de bzhin du oM a kA ro mukhaM? sarba d+harmA NaM A dyA nu ta pan na twa ta ta oM A(rgyud 'grel): hUM phaT swA hA yang na so so'i gtor ma sbyin bar bya'o/ /'di lta ste oM in+d+ra ye swA hA/ dbang po'i phyogs su'o/ /ge? ba swa ye swA hA gshin rje'i phyogs su'o/ /oM a pAM pa ta ye swAhA/ chu'i phyogs su'o/ /oM yak+Sha baryi d+ha raM swAhA/ lus ngan po'i phyogs su'o/ /oM ru drA ya swAhA/ dbang ldan gyi phyogs su'o/ /oM agna ye swAhA/ me'i phyogs su'o/ /oM rak+Sha sid+d+hi pa ta ye swAhA/ bden bral gyi phyogs su'o/ /oM wa ya be swAhA/ rlung gi phyogs su'o/ /oM gaM ka ri swAhA/ srin po rnams kyi'o/ /oM be tsi li tsi swAhA/ sha za rnams kyi'o/ /oM g+huM g+huM swAhA/ 'byung po rnams kyi'o/ /oM gaM ra la ye swAhA/ lha ma yin rnams kyi'o/ /oM
- 357b
ma ti b+hyo swAhA/ ma mo rnams kyi'o/ /oM bi shud+d+ha swAhA/ ba ha ni swAhA/ dri za rnams kyi'o/ /oM yak+Sha shar ya swAhA/ gnod sbyin rnams kyi'o/ /oM pi shA tsa ga ti swAhA/ sha za rnams kyi'o/ /oM gra ha sardza prab? ta dzhyo? ti ma yaswAhA/ rgyu skar rnams kyi'o/ /rim pa 'di kho na bzhin du sngags 'di rnams kyis chu snyim pa gsum sbyin par bya'o/ /de nas thams cad phur bu las thal bar 'gyur ro/ /'dir phyag rgya yang 'byung ste/ mdzub mo 'dus byas god? mo sbyar/ /mthe bong rdo rje brten por sbyar/ /de ni dbral ba'i dbus bzhag nas bskor zhing bskor nas bskyod par bya/ /lho ru lus ni bltas byas nas/ /gcer bu sgra ni bshig gyur cing/ /drag cing khros pa'i sems ldan pas/ /thun gsum du ni gtor ma sbyin/ /yang rkad? pa'i phyogs? su lag pa g.yon pa'i dril bu dang bcas pa bzhag la g.yas pas snyems tshal dang bcas pa'i rdo rje gsor zhing gtor ma sbyin par bya'o/ /yang na gung mo dang srin lag dag bkug nas de dag gi rtsa bar mthe bong bcug ste/ mdzub mo dang mthe'u chung dag lcags kyu'i rnam par bya zhing lag pa g.yon pa'i rgya tshigs rgyab tu lag pa g.yas pa'i rgya tshigs bzhag ste snying ga'i gnas su gzhag par bya'o/ /de lta bu de yang gtor ma'i phyag rgya yin no/ /thun mtshams thams cad du rgyu'i rgyud las gsungs pa'i cho ga bzhin du gtor ma sbyin par bya'o/ /de nas sgrub ba'i grogs mchog gis oM a mri te hUM phaT ces ba'i sngags brjod pas sgrub pa pos bsrung ba byas thor tshugs bcing bar byas shing gcig gam/ lam gyi bzhi mdo 'am/ /sum mdo 'am/ /mtshan ma gcig pa 'am/ /chu bo dag tu gtor ma dong bar bya ba 'am/ bkres pa rnams la sbyin bar bya'o/ /de nas dkyil 'khor gyi rdul tshon chu ba'o la dbo? bar bya'o/ /dkyil 'khor gyis gzhi ba'i lci bas byugs la bcom ldan 'das ma shes rab
- 358a
kyi pha rol tu phyin ma klag par bya'o/ /bsod nams yongs su bsngos te/ de bzhin gshegs pa thams cad la phyag byas nas bskor ba byas te langs nas khyed kyis zhes bya ba la sogs pa dang/ ngo mtshar gyi phyag rgyas btab la rang gi lha'i nga rgyal gyis spyod lam rnam bzhi'i sgo nas ji ltar 'dod pas gnas par bya'o/ /de ni bgegs rab tu zhi bar byed pa'i gtor ma'i cho ga'o// //gdon dang phyogs skyong tshim bya'i phyir/ /dpung bzangs rgyud las ji skad gsungs/ /gtor ma'i las ni lung bzhin du/ de nas dang po rab bshad bya/ /re zhig dang por sngar bshad pa'i/ /bza' ba dang bca' ba la sogs pa nye bar bsogs te/ cha gnyis su byas nas cha gcig la gdon rnams tshim par bya ba'i phyir tshigs su bcad pa 'di rnams brjod par bya'o/ /lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang/ gang dag sa la gnas pa'i rdzu 'phrul can/ /bdag cag pus mo sa la btsugs nas ni/ /thal sbyar khyed rnams la yang gsol 'debs na/ /bu smad bcas shing g.yog 'khor bcas pa rnams/ /gsan nas phan 'dogs slad du 'dir sbyong cig/ 'byung po gang dag ri rab steng gnas dang/ dga' ba'i tshal dang lha yul kun gnas dang shar nub ri dang nyi zla'i khyim rnams dang/ grong khyer kun na gang dag gnas pa dang/ /chu bo kun dang chu bo'i dong rnams dang/ rin chen gnas na lhag par gang gnas dang/ rdzing dang mtsho dang lu ma lter ka dang/ khron pa dang ni ngam grog chu mig dang/ grong dang phyugs dag dang ni nag tshal dang/ /khang stong dang ni lha yi khang pa dang/ gang dag gtsug lag khang dang mchod rten gnas/ /so nam khyim dang glang po'i khang rnams dang/ /gang dag rgyal po'i dkor khang gnas pa dang/ srang dang
- 358b
khyams dang grong dang 'dun sa dang/ /gang dag shing gcig drung dang lam chen gnas/ /dur khrod dang ni nags tshal che gnas dang/ /seng ge glang chen dred kyi gnas rnams dang/ /'jigs su rung ba'i dgon pa che gnas dang/ chu gling mchog dag tu ni gnas bcas dang/ gang dag 'brog dgon dur khrod gnas na gnas/ dga' zhing mgu nas dri dang me tog 'phreng/ /spos dang me tog mar me gus phul ba/ /'di dag snoms te so sor bzhes nas kyang/ /las 'di dag gi 'bras bu mchim par brjod/ /gdon la mchod pa bya ba'i phyir de ltar bya ste /de nas cha gci la phyogs skyong rnams la mchod par bya ba'i phyir tshigs su bcad pa 'di rnams brjod par bya'o/ /shar phyogs rdo rje can te lha tshogs bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag/ chu bdag rlung bdag nor gyi bdag po dang/ /steng gi nyi zla tshangs pa chen po dang/ lha rnams la lus sa'i klu dag dang/ ri'i lha dang gsang ba'i tshogs 'dus la/ /so so so sor gtor ma phul ba rnams/ /rang rang gi ni phyogs su bzhugs nas kyang/ /rang gi bu smad grogs dang g.yog 'khor bcas/ /dpung dang sde bcas mnyes nas bzhes su gsol/ /spos dang me tog gtor ma lha bshos ni/ /'di dag bzhes shing so sor sngo nas kyang/ /bya ba 'di ni 'bras bu mchis par mdzod// 'di ni bgegs nye bar zhi bar byed pa'i don duAm/ dgos pa gzhan 'dod pa'i mkhas pa rnams kyis sgrub par bya'o/ /gtor ma 'di la sngags rnams ni/ /kun tu 'byung ba med mos kyi/ /'on kyang tshigs bcad tsam gyis ni/ /'dir ni gdon sogs tshim par 'gyur/ /dka' thub mthu dang bden ba rnams/ /lhag par yang dag thob 'gyur ba/ /bcom ldan 'das kyi bkang lung ni/ /'di ltar sngags dang mtshungs par brjod/ /slu ba med pa'i tshig gang yin/ /de ni gsang sngags nyid du 'dod/ /mu stegs kyi ni
- 359a
bstan pa'i sngags/ /de nyid phyir ni tshad ma min/ /de bas dngos grub thob rnams kyi/ /tshig gang de sngags nyid yin te/ /spyod lam bzhi po de dag ni/ /phyag rgya nyid du bshad pa yin/ /de bas gtor ma'i las 'di la/ /tshigs bcad gsang sngags nyid du 'grub/ /de bas 'dir ni swAhA sogs/ /spel ba'i sngags ni dgos pa med/ /de ni gdon dang phyogs skyong rnams kyi gtor ma'i cho ga'o// //dkyil 'khor thams cad tshim bya'i phyir/ /dus kyi 'khor lo las gsungs pa/ /gtor ma'i las ni shin tu gsang/ /de bzhin gshegs dang lha mo rnams/ /dkyil 'khor gyi ni 'khor rnams dang/ khro bo mkha' 'gro ma rnams kyis/ /sum cu drug gi bar gsal bar/ /de nas gzhan yang rab bshad bya/ dang po'i sbyin pa sogs dbye bas/ /ting nge 'dzin ni gsum du 'dod/ /de'i tha mar rnal 'byor pas/ /phyi rol dkyil 'khor tshim par bya/ /ye shes 'khor lo rab snying nas/ /sna'i bu ga g.yas dang g.yon/ /gnyis nas kun tu spro bya zhing/ /dkyil 'khor lo ni yang dag dgod/ /chos kyi 'khor lo'i phyogs kyi mdza' / /bzhi po las kyang mkha' 'gro sogs/ /gnas ni nyi shu rtsa bzhi las/ /rab tu gtum mo la sogs spro/ /khwa'i gdong can la sogs pa/ /thams cad za byed mkha' 'gro ma// rul pa'i dri ldan la sogs sgo/ /dur khrod rnams nas yang dag spro/ /'khor lo'i dkyil 'khor nang du ni/ /mkha' 'gro ma yid dkyil 'khor mchog /mthong nas mchod yon zhabs bsil sogs/ /sngar bzhin rnal 'byor so sor dbul// de nas sngar bzhin chu skyes sogs/ /rnal 'byor pas ni rnam par bsam/ /bdud rtsi lnga yang bsam par bya/ /rang gi sa bon byin brlabs shing/ /'od kyi tshogs ni rnam par 'phro/ /byang chub sems kyi rang bzhin du/ /de dag brtul zhugs chen pos
- 359b
bsam/ /de las rnam par sbyang ba la sogs pa'i sngags kyi tshig ni 'di rnams yin no/ /oM na ma(rgyud 'grel): sh+rI badzra DA ki ya oM A(rgyud 'grel): hUM/ yi ge oM gyis sbyang bar bya'o/ /yi ge hUM gis spar bar bya'o/ /yi ge h+rI(rgyud 'grel): yis bdud rtsir bya'o/ /lag pa g.yon pas sbyang bar bya'o/ /lag pa g.yas pas rtogs par bya'o/ /thal mo bkab nas spar bar bya'o/ /nam mkha' lding gi phyag rgyas zla ba zhu ba'i rang bzhin du bdud rtsir bya'o/ /de nas g.yon pa'i srin lag gis dbus nas thig le blangs te sa la chos 'byung gru gsum bya zhing/ de'i nang du zlum po'i thig le'i gzugs can bya'o/ /de'i nang du me long gi gzugs brnyan bzhin du gsal ba'i dkyil 'khor gyi 'khor lo bsam zhing de tshim par bya'o/ /oM A hUM/ a A/ i a'i/ u a'u/ ri rI/ li lI/ zhes bya ba ni rnam par shes pa la sogs pa'i phung po rnams dang/ nam mkha' la sogs pa'i khams rnams so/ /a A/ i a'i/ e i/ ar Ar/ o aau al Al/ oM A hUM zhes bya ba ni dbang po drug go/ ya yA/ ra rA/ wa wA/ la lA/ ha hA/ zhes bya ba ni thabs dang shes rab kyi sku can gyi khro bo bcu dang/ las kyi dbang po dang/ zhe sdang rdo rje la sogs pa'i bdag nyid can dag go/ ka kA kha khA ga gA g+ha g+hA da dA/ tsa tsA tsha tshA dza dzA dzha dzhA nya nyA/ Ta TA Tha ThA Da DA Dha Dha Na NA/ pa pA pha phA ba bA b+ha b+hA ma mA ta tA tha thA da dA d+ha d+hA na nA/ sha shA Sha ShA sa sA ha hA/ tsh+ya tsh+yA ha hA ya yA ra rA wa wA la lA k+Sha k+ShA zhes bya ba ni thabs dang shes rab kyi rigs su sum cu rtsa drug tshim par bya ba'i cho ga'i sngags so/ /de ltar brjod nas dkyil 'khor gyi 'khor lo'i mkha' 'gro ma tshim par bya ba'i phyir srin lag dang mthe bong dag gis thig le phul te/ dkyil 'khor rang gi yan lag la bsdu par byas nas/ /rang gi kha mtshan ma gcig par bdud rtsi lnga'i thig le mkha' 'gro ma'i grangs dang mnyam pa sngags
- 360a
'dis gtor bar bya'o/ /oM sarba kro d+ha DA ka n+ya i maM pa lim pra tIts+tsha na tu sa ma ya ma nu sma ra A(rgyud 'grel): hUM phaT swAhA/ de nas yongs su mnyes par bya ba'i don du yang sngags 'di brjod par bya ste/ /oM di bya na ne sa mA d+hyi d+hya na pri Na ne swAhA de'i rjes la mkha' 'gro ma'i 'khor lo ma lus pa yongs su mnyes par gyur nas khams gsum pa yang de kho na bzhin du bsgom par bya'o/ /de nas langs te ye shes kyi 'khor lo gshegs su gsol pa/ /dam tshig gi 'khor lo nang du bcug ste/ / smon lam btab la bsod nams yongs su bsngos te/ rang gi lha'i nga rgyal du dmigs la/ snang ba tsam gyis rang gi ngo bo sbyod lam rnams kyis gnas par bya'o/ /de ni dus kyi 'khor lo'i man ngag gi rim pa'i rdo rje mkha' 'gro ma nams kyi gtor ma'i cho ga'o// //gang gis lus ni rab rgyas shing/ /bde ba chen po thob 'gyur ba/ /yi dags tshim byed gtor ma ni/ /de nas gzhan yang rab bshad bya/ /dang po chu ni drag blugs shing/ /chu bo nub bltas song nas ni/ /lag pa la sogs bkrus nas ni/ /gus pa yis ni bzlas par bya/ /pad+ma'i phreng ba blangs nas ni/ /mkhas pas brgya dang rtsa brgyad bzlas/ /sngags ni yi ge drug pa ste/ dngos su 'phags pa spyan ras gzigs/ /oM dang ma Ni padme dang/ hUM gi mdza' can sngags rgyal po/ /yi dags rnams kyi bkres skom sogs/ /nyon mongs gdung ba 'joms byed pa/ /'o ma'i 'tsho ltar dkar ba'i 'od/ /zhi ba 'phags pa spyan ras gzigs/ /ral pa'i thor tshugs kyis brgyan pa/ /zhal gcig phyag ni gnyis pa ste/ mchog sbyin chu skyes dag gis mtshan/ /thugs rje'i rang gi shugs kyis ni/ /gdungs par 'gyur ba'i yid mnga' ba/ /mtsho skyes chen po'i ge sar gyi/ /lte ba'i dbus na yang dag bzhugs/ /skyil krung phyed
- 360b
par bzhugs gyur pa/ 'od dpag med pas dbu rgyan byas/ /zla pa'i 'od kyis brgyan gyur cing/ /'od kyi 'khor los rnam par brgyan/ /sdug bsngal gsum gyis sdug bsngal gyur/ /ma lus 'gro ba skyab brtson pa/ /rnal 'byor pas ni bdag nyid bsam// skrag 'gyur ri dags gzhon nu ma'i/ /g.yo ba'i mig ni zil gnon mdzad/ /yid 'ong lha mo sgrol ma ni/ /g.yas logs su ni bsgom par bya/ /g.yon du de bzhin ser por snang/ /phyag byed pa la yang dag brtson/ /zla ba phyed pa dang mtshungs pa'i// phral ba dang ldan khro gnyer can/ /de nas snying ga'i pad dbus su/ /yi ge hwi(rgyud 'grel): ni yang dag bsam/ /de'i 'od kyis 'gro ba kun/ /gsal bar byas nas rab tu dgang/ /'od zer mang po de nyid kyis/ /shin tu skem pa'i yi dags blta/ /rang gi skra dang ba spus g.yogs/ /gsus pa ri bo dag dang mtshungs/ /mgrin pa'i wa las byung ba yi/ /rnag ni 'thung bar kun du 'dod/ /rus pa snabs lud bkres pas nyen/ /rang gi mchu dang lkog ma rnams/ /de rnams bltas nas bsod ldan pas/ /snying rje chen po bskyed byas nas/ /de rnams stong du bkrus byung ba'i/ /'od zer 'khor lo dbab par bya/ /de nas snying rje'i shugs kyis ni/ /lag pa dag las shin tu byung/ /'o ma'i rgyun gyis de dag ni/ /snying ma kha dang 'brel pa dgang/ /de nas lo ma 'bras ? ? dang?/ 'o ma dang ni ? gsum gyis/ /snod ni shin tu gang byas nas/ /de rnams 'di ltar bod par bya/ /oM a yan tu a ya ni tu ma ha pre ta sang g+ha shuSh+ka ma kan tho ShA pu ta/ k+Shad pi pA sA wa sh+rI kri ta d+hi ni tsit+ta i mi bi bi? grih+na? ta dzi gra tha/ pi ba tha/ b+huny+dza tha/ su kha wa tyaM raM ma tha/ pu na ra ku sha la d+hi ma ra tha swAhA/ sngags 'di yis ni yi dags kyi/ /rigs chen pos la de nas ni/ /gtor ma sbyin phyir sngags 'di ni/ /rnal 'byor pas ni gsal bar brjod/ /oM na mo b+ha
- 361a
ga ba te a ba ya b+hi ru ka te dzo rA dzA ya ta thA ga ta ya arha te samyaksaM bud+d+ha ya/ tadya thA/ oM sarba ba ta thA ga ta a ba lo ki te/ b+ha ra b+ha ra/ saM b+ha saM b+ha ra/ hUM dzdza sarba pre ta ka la ni san tar ba ni swAhA/ de nyid kyi phyag rgya 'byung ste/ lag pa gnyis kyis thal mo ba cung zad phye ba byas la mdzub mo dag rna cha'i rnam par byas phyag rgya byas te/ yi dags kyi gtor ma'i sngags dang phyag rgya'o/ /de nas chu bo de nyid 'o mar 'brug par bsams la/ de nyid du gtor ma de dor bar bya'o/ /yi dags de rnams kyang lus yongs su rgyas pa 'od zer gyi tshogs de nyid kyi steng du bteg la/ /bde ba can gyi 'jig rten gyi khams 'jig rten dbang phyug bzhin du pad+ma'i stan la nye bar gnas pa bsam gtan la dga' ba'i yid can du bsgom par bya'o/ /de ni yi dags kyi gtor ma'o// //bdag nyid skal bzang bsgrub pa dang/ rgyal po la sogs dbang bya'i phyir/ /dri za'i gtor ma bsgrub pa na/ /de nas gtor ma rab bshad bya/ /dkyil 'khor gru bzhi bya ste/ gla rtsi dang/ ga bur dang/ gzhi mnyam dang/ gur gum dang/ tsan dan dang/ si la ra sa dang/ ba laM la sogs pa rnams kyis nye bar byug la/ dbus kyi gnas su a ka ru'i spos dud sna tshogs kyis dri bsung yid du 'ong ba/ /nor bu mthing shun rang bzhin can shin tu mtho ba/ /dngul dang/ byu ru dang/ gser las byas pa'i rtse mo gsum gyis nye bar mdzes pa'i gzugs kyis dri za'i rgyal po rnams rkang pa'i cha sna tshogs la sna tshogs rgyan ldan dang/ /sna tshogs mthu ldan la sogs pa dri za'i rgyal pos rnam par brgyan pa'i ri'i rgyal po spos kyi dang ldang rnam par bsgoms la/ de'i steng du sngar bshad pa'i dri za'i bdag po lus rdzas dri zhim po dag gis nye bar byugs pa dri zhim po'i tshogs kyis phyogs bcur gtogs pa'i khong gang bar byas la/ /lus lha'i me tog sna tshogs
- 361b
kyis phreng bas rnam par brgyan pa/ dri za'i bu mo nu ma'i ljid kyis skyibs dgu pa la 'khyud pa las byung ba'i dga' ba dang ldan pa/ sa 'dzin pa la sogs pa glu'i bye brag glu yongs su len pa'i sgra snyan pas lkog ma khyab pa dag rnam par bsgoms te/ dkyil 'khor gyi 'gram du gtor ma'i snod chu dri zhim po dang/ /zho dang 'bras yos dang/ sman thams cad dang/ yungs kar dang/ tsan dan dkar po dang/ tsan dan dmar po dang/ gla rtsi dang tsan dan dang/ gur kum dang/ spang spos dang/ dwa tshwa dang/ a ka ru la sogs pa'i dri zhim po rnams kyis yongs su bkang la/ /snod gzhan yang zho dang/ sbrang rtsi dang/ mar sar dang/ sha kha ra dang/ bu ram dang/ 'bras can dag gis gang bar bya ste/ de rnams bod pa'i don du sngags 'di gsum brjod par bya'o/ /oM gand+ha ? sarba a d+hi pa ta ye/ pi tsa tri ang ga d+ha d+ha ye/ ma ma ka tya sid+d+ha ye/ i hA a yan du/ sa sa ma yaM pa la yan+tu/ b+ha ga bang badzra d+ha ra shA sa ne tiShthan+tu/ a tra sa na ni ho ta b+ha wan+tu swAhA/ dri rdo rje ma'i phyag rgyas gtor ma'i snod yongs su brgyas btab ste sngags brjod par bya'o/ /oM swa b+hA ba shud+d+ha sarba d+harmA(rgyud 'grel): swa b+ha ba shud+d+ho haM/ oM a kA ro mu khaM sarba d+harmA NI AdyA nud pan+na? twat oM A(rgyud 'grel): hUM phaT swAhA/ de nas gtor ma'i snod ri'i rtsa ru dor bar bya'o/ /khyod kyis zhes bya ba la sogs pas btab ste rnal 'byor pas gnas par bya'o/ /de nas rgyal po la sogs pa rnams 'dis dbang du 'gyur ro/ /de ni dri za'i gtor ma'o// //zhing ni bsrung bar byed pa dag /thams cad kyis ni rab mnyes 'gyur/ /zhing spyad gtor ma'i bya ba ni/ /de nas gzhan yang rab bshad bya/ /de nas bcom ldan 'das kyi zhing/ /thod pa'i dum bu la sogs pa/ dngos grub don du gang du gnas/ /nyi shu rtsa bzhi gsungs par gyur/ /de la 'di rnams ni zhing rnams kyi brda'i ming yin te//
- 362a
pu dza o a go ra de ma/ ka o tri ko /ka la ka hi pri gri so su nA si ma ku/ pu li ra ma ya dang/ dza lan d+ha ra dang/ oM Di ya na dang oM? rbu ta rnams ni gnas dag yin no/ /go nga wa ri dang/ rA me shwa ra dang/ di bi ko Ti dang/ mA lA ba rnams ni nye ba'i gnas so/ /kA ma ru pa dang/ o De dag ni zhing ngo/ /tri sha ku ne dang/ ko sa la dag ni nye ba'i zhing ngo/ /ka liM ka /lam ba ga dag ni ts+tshan do ha'o/ /kany+tsi dang/ hi ma la ya dag ni nye ba'i ts+tshan do ha'o/ /pre ta pu ri dang/ gri ha de pa ta dag ni 'dus pa'o/ /sau raSh+Ta dang/ su war+N+Na dwI pa dag ni nye ba'i 'dus pa'o/ /na ga ra dang/ sin d+hu sha dag ni dur khrod do/ /ma ru dang/ ku lu ta dag ni nye ba'i dur khrod do/ /zhing de rnams kyi bdag po dag ni ming rnams brjod par bya ste/ /rgas pa med dang chur 'gyur dang/ de bzhin i dang rkun po dang/ zla ba'i gzugs can dug gong dang/ drod za dang ni drag po 'joms/ /lus med byug pa'i lus can dang/ rol pas 'don byed mche ba can/ /sa srung dang ni rlabs can dang/ /de bzhin du ni smad 'joms dang/ /mdza' yas dang ni nyon mongs sems/ /a mra len dang mi bzad gdong/ /ba lang gdong can dril bu'i 'od/ /za byed gtum po dang ldan dang/ ral pas 'gying pa zhing srung rnams/ /go rims bzhin du shes par bya/ /spyan ser dgu sgra gyen du brdzes/ /mche gtsigs pa yi zhal mnga' dang/ /thod pa'i phreng ba'i rgyan dang ldan/ /phyag na thod pa kha TwAM ga /nags dang 'brog dang grong so so/ /ri dang tshang tshing chu 'gram dang/ chu bo rdzing 'gram dag dang ni/ /khang stong dang ni bzhi mdo dang/ dbyen ba tshong 'dus yul 'khor dang/ grong khyer shing drung dag dang ni/ /dur khrod dang ni tshang tshing khyim/ /smad 'tshong khyim dang mun khung dang/ gnas gzhan dag tu de dag ni/ /gnas bcas nas ni rtag tu gnas/ /hUM gis sa bon las byung ba//
- 362b
nang gi yig gsum byin gyis brlabs/ /rnal 'byor pas ni mdun gnas par/ /'bad pa yis ni bsgom par bya/ /chang dang sha dang 'bru'i chang/ /'bras kyi rgyal po'i chan gyis dgang/ /snod ni nyi shu rtsa bzhi dag /blangs nas gtor ma dbul bar bya/ /dril bu'i sgra bcas spos phul nas/ /rnal 'byor rig pas spyan drang bya/ /de nas spyan drang don du na/ /de yis sngags 'di brjod par bya/ /oM a An+tu/ oM a yan tu/ k+She tra a d+hi pa ta ye/ mA ma shAn ti puSh+Ti wa sh+yas di d+hi sA d+hA na ya/ na mo g+ha naM na shtsa Dha na pa te sa pa ri wA ri sa rak+ShA raM s+than+na hi ta i ha b+ha ban+tu swAhA/ /de nas bos te dri'i chus/ /zhal bsil mchod yon dag phul nas/ /sngags 'di gsang sngags rig pa yis/ /de rnams la ni gtor ma dbul/ oM hIM(rgyud 'grel): hUM a mu ka a ba ta rak+She tra pA la/ mahA ba la ka li la dza ti la ma hA ba la b+ha su ra tri ni tra dzwa la mu/ ga gand+ha d+hu pa ba li pu dza gri h+na gri h+na/ b+hai ra ba rU be ta ra ta ra/ tu ru tu ru tu ru/ mu ru mu ru/ kha kha khA khA la la la/ he he ha ha/ mahA d+ha ma ra a ti pa ta ye swAhA/ zhes bya ba brjod la/ /dpal bde mchog 'khor lo'i rgyud las bshad pa'i mkha' 'gro phyag rgyas btab ste/ shing gcig gi drung du gtor ma dor bar bya'o/ /de ltar byas na rnal 'byor pas/ /gang gis sems can dag gi don/ /rgyun mi 'chad par byed pa'i las/ /zhi ba la sogs de 'grub 'gyur/ /gal te thun ni gsum mam bzhir/ /rnal 'byor pas ni gtor ma sbyin/ /des na de la zhing srung rnams/ /rtag tu srung bar byed par 'gyur/ /dgra bo dang ni rgyal po dang/ /seng ge stag la sogs pa dang/ /gzhan yang gsod byed rigs can dang/ rkun ma'ang de la gnod mi byed/ /langs pa 'am ni 'dug pa 'am/ /nyal lam 'gro bar 'gyur kyang rung/ /spyod lam thams cad dang ldan pa/ /de la de rnams srung bar byed//
- 363a
bdag nyid dang ni gzhan dag la/ gang zhig myur du skyob 'dod pa/ /de yis zhing srung gtor ma ni/ /gus pa yis ni rtag tu bya/ /de ni nam mkha' dang mnyam pa'i rgyud kyi man ngag gi sgo nas dpal bde mchog gi zhing gi bdag po'i gtor ma'i cho ga'o// //gang gis rims sogs rnal 'byor pas/ /skad cig gis ni rab zhi byed/ /sha za'i gtor ma'i sgrub pa ni/ /de nas gzhan yang rab bshad bya/ /dang por ting 'dzin las langs te/ /'jigs rung dur khrod song nas ni/ /dogs pa med pa'i yid kyis ni/ /de ru dkyil 'khor bri bar bya/ /dur khrod kyi ni so phag tshogs/ /lag pas brdungs te khyer byas nas/ /tshon rtsi kha dog lnga pa dag /de ni rnal 'byor rig pas bya/ /de ni bde mchog dkyil 'khor ni/ /go rims bzhin du legs bris nas/ /me tog ka ra bi ra sogs go ku da ha na rnams dang/ bdud rtsi yi ni rdzas dag dang/ bza' btung de bzhin shes rab dang/ /snyoms 'jug mchod pas sgrub pa pos/ /gtso bo he ru ka mchod bya/ /ji srid dkyil 'khor las 'od zer/ /kha dog sngon po rnam byung ba/ /de srid rkang pa brgyan pa'i sngags/ /mnyam gzhag rnal 'byor ba yis bzla/ /de mthong yid ches shes byas nas/ /sha za'i gtor ma brtsam par bya/ /chang gi btung ba dang ldan khrag /nya sha rlon pa dag dang ni/ /bsregs dang bcos pa'i bye brag dang/ /dri zhim me tog dmar po dang/ /khab dang ras ni sngon po dang/ zangs dang mkhar ba las byas dang/ /lcags kyi phye ma dag dang ni/ /'bru sna'i chan gyis yongs gang ba/ byas nas spos dang me tog sogs/ /byin te bod pa yang dag brtsam/ /khro bo'i sems ldan thub dka' ba/ /dogs med yid kyis sngags pa yis/ /dur khrod gnas pa'i shing gcig la/ /'jogs nas
- 363b
rtse mo la gnas pa/ /gcer bu skra bshig gyur pa yis/ /dpa' bo drug gi go cha dgod/ /Ta dang ma las yang dag byung/ /zla ba dang ni nyi ma dag /mig la bsams nas gnod mdzes ni/ /rgyal po phyogs dag bcing bar bya/ /oM a ra li ho dza(rgyud 'grel): hUM baM ho(rgyud 'grel): badzra DA ki n+ya sa ma ya stwaM dri sh+ya ho/ /de nas sha za blo ldan gyis/ /'di yis bong pa byas nas su/ /brtse ba'i bdag nyid khro tshig gis/ /tshigs bcad 'di ni brjod par bya/ /sha za 'am de'i yid 'ong ba/ /'dir ni mi bzad su zhig gnas/ /ming ni 'di zhes bya ba des/ /kye lus gtor mar sbyin par bya/ /nga'i lus las sha khrag sogs/ /bza' ba dang ni btung bar gyis/ /tshigs dang rkang dang glang pa dang/ /de bzhin khams ni bdun po dag /'ongs te nga las blangs nas ni/ /ci bde bar ni gnas par gyis/ /rnal 'byor pa ni de'i tshig /de skad mtshan phyed nas thos nas/ /rab tu dga' ba'i yid ldan pa/ /sha za kun kyang mthong bar 'gyur/ /gus pas sha ni bza' ba'i phyir/ /byin cig ces ni nges par smra/ de nas de yi tshig thos te/ 'di ni khyer cig ces brjod bya// gal te nus yod pa'i lus las/ /khrag la sogs pa dag khyer cig /de nas he ru ka'i gzugs su mthong nas/ /de dag 'jigs par 'gyur/ /rnal 'byor pa'i rang la gnas/ /gtor ma blangs te 'gro bar byed/ /de la gtor ma'i sngags ni 'di yin te/ oM pi tsi pi tsi pi sma shA na wa si b+hyo/ mahA pi shI tsa b+hyo(rgyud 'grel): i maM ba liM gri h+na tu/ b+hu dza tha/ bi ba tha/ ya the ShA da ma me pra yats+tshan tu swAhA/ de nas rab tu gsang bar bya/ /tshig brgyad pa'i sngags brjod cing/ /de ni shing rtse nas babs te/ ye shes 'khor lo gshegs su gsol/ /rims la sogs pa'i nad zhig /de nas de yi rab 'grub 'gyur/ /rnal 'byor pa ni ji ltar 'dod/ /las byed 'gyur 'dir the tshom med/ /de nas rang gi gnas phyin te/ /chu'i gtor ma gtang bar bya/ /de yis sngar bshad rim pa
- 364a
bzhin snyim pa gsum ni sbyin par bya/ /de ni rdo rje 'byung ba zhes bya ba'i rgyud kyi man ngag gi cho ga'o// //rgyud chen sgyu 'phrul dra ba las/ /btus nas dug ni zhi bya'i phyir/ /mkha' lding gtor ma bya ba ni/ /de nas gzhan yang rab bshad bya/ /pha rol chu rol med pa'i mchog /'o ma'i rgya mtsho zab mo ni/ /chu srin 'dzin kri kun tu khyab/ /g.yo zhing nam mkha' i gtos reg pa/ /rlabs kyis chu ni kun tu 'khrugs/ /'o ma mu tig kun da mtshungs chu ni dkar po mkha' gsal ba/ /yi ge sam las byung bar bsam/ /de'i dbus gnas yi ge tAM/ /shin tu dkar po bsam par bya/ /de las yongs su grub pa'i gru/ /gser gyi rgyan ni sna tshogs pas/ /phyogs bzhi nas ni rnam spras pa'aM// ka ba dag gis brgyan pa bsam/ /de'i steng paM las byung ba yi/ /pad+ma dkar po 'dab brgyad pa/ /lte ba ge sar dang bcas shing/ /'od kyi tshogs kyi rab 'bar bsam/ /yaM sogs sa bon las byung ba/ /rlung la sogs pa'i dkyil 'khor bzhi/ /de'i steng du phyogs su ni/ /go rims bzhin du bsam par bya/ /sngar bzhin bdud rtsi zhes bya ba/ /spro dang bsdu pa'i rim pa yis/ /mkha' lding bdag po skyed byed pa/ /sa bon de'i steng du dgong/ /de nas de ni gyur pa las/ /mkha' lding bdag bsam par bya/ /gdong cig lag pa bzhi pa ste/ /kha dog dkar po 'od chen ldan/ /gser gyi gshog pa'i dbu rgyan can/ /nor bu bai DUrya'i mchu/ /rkang sder gyu ru las byung ba/ /shel ltar dkar ba'i gdong dang ldan/ /rkeng lte bar du bdud rtsis gang/ /bum pa lag pa gnyis kyis ni/ /phyag byed pa la rab tu brtson/ /mig sogs la ni gti mug sogs/ /rdo rje gsum la tshigs gsum dgod/ /bskyed nas de'i yan lag gi /tshigs rnams la ni hUM dgod bya//
- 364b
rig byed yi ge dang po ni/ de'i spyi bor bsam par bya/ /snying ga'i yi ge hUM byung ba'i/ /'od zer mang po tshogs kyis ni/ /mkha' lding dbang phyug 'khor rnams ni/ /rang gi rnam pa can nyid spro/ /de nas mkha' lding dbang phyug gi /dkyil 'khor rdzogs par bltas nas ni/ /dri zhim chu yis de nyid la/ /mchod yon byin nas de bzhin yod/ /dug 'joms pa la brtson ldan pa'i/ /phyag rgya 'bar ba bcing bar bya/ /oM pa she swAhA/ snying ga'o/ /oM khri ba swAhA/ mgo bo'o/ /oM sa kI pa swAhA/ gtsug phung ngo/ /oM ha k+Shi pa swAhA/ cho ga'o/ /ha sak+Shi pa oM mtshon cha'o/ /yang oM ba k+She swAhA/ lte ba'o/ /de ni yan lag drug la go cha dgong pa'o/ /de bzhin du bod pa'i phyag rgya 'byung ste/ lag pa g.yon pa'i gung mo bsgreng ste/ mdzub mo dang srin lag cung zad bkug nas mthe'u chung dang mthe bong dag dgug par bya'o/ /de ni nam mkha' lding bong pa'i phyag rgya'o/ /oM h+ri(rgyud 'grel): pak+Shi rA dzA ya A gats+tsha sarba duSh+Ta pra duSh+TA nI mA khaM band+ha ku ru mahA kA la kU Ta pi sh+ra pa ha ri ni shI g+h+raM sa ma yaSh+Ta sbruM sbruM sbruM/ sa sa sa hUM hUM hUM phaT phaT phaT swAhA/ nam mkha' ldang bod pa'i sngags so/ /de nas mdun du ba lang dang ma he la sogs pa'i kha na ma tho ba med pa'i srog chags kyi rigs rnams kyi 'o mas snod yongs su bkang ste/ gang+gA'i chu dang yang bsres nas de bzhin du snod gnyis pa'o/ /thugs yongs su gang bar byas la sngags 'dis byin brlabs bya'o/ /sarba ta thA ga ta mi bai dya sa ma ya mu tra sa pa ra Na sh+rI ye hUM/ de nas spos dang me tog dang/ mar me dang/ dri dang/ lta bu shos rnams/ dzA ti pa la dang/ gla gor zho sha la sogs pa rnams kyis gtor ma la mchod de rtse gsum pa'i nam mkha' lding gi phyag rgyas mngon par btang la yi ge brgya pa lan gsum bzlas te gtor ma'i sngags brjod par bya'o/ /oM na mo b+ha ga tyai Arya pa ra ma a sh+ya
- 365a
ya/ /ta thA ga tA ya arha te samyaksaM bud+d+ha ya/ oM tA re tut+tA re tu re swAhA/ oM gri h+Na gri h+Na puShpa d+hU pa ba liM i maM sarba u pa tsa ra saM pan+naM/ kha g+hA d+hi pa te/ kha kha khA hi khA hi sa ma ya ma nu sma ra A(rgyud 'grel): hUM phaT swAhA/ zhes brjod la snying gar pad+ma bskor ba la lan lnga byas te/ rdo rje dang dril bu dkrol ba sngon du 'gro ba can gyi snying po 'jug pa'i phyag rgya bcings la/ rta'i rgyal po nga rgyal dang ldan pas gtor ma dor ba bya ste/ pad+ma'i mtsho 'gram mam/ rdzing chen po'i 'gram du gtor ma dor bar bya'o/ /de nas langs te/ oM b+ha k+Sha swAhA/ zhes bya ba'i yi ge lnga'i sngags kyis lag pa g.yon pa'i sor mo rnams byin gyi brlab la/ lag pa'i dbus su dbyangs drug pa rnam par bkod de/ de yongs su gyur pa las zla ba'i dkyil 'khor rnam par bsgoms la/ de'i steng du ba'i 'o ma ltar mdog dkar po dang ldan pa'i yi ge haM rnam par bkod de/ lag pa des chul mngon par bsngags la/ /ku ru kul+le'i sngags kyis gang gi kha ru chu blugs de skad cig nyid la dug skyugs par 'gyur ro/ /brtan pa 'am ni g.yo ba 'am/ /bcos pa yi ni dug kyang rung/ /mche ba'i dug gam dran pa'i dug /reg dang mthong ba'i dug la sogs/ /sbrul gang gis ni zos pa yi/ bdug ni skad cig de la 'joms/ /tha na drag po'i mgrin gnas pa 'ang/ /ma lus par ni 'joms byed na/ /ka la ku Ta'ang 'joms pa ni/ /'gyur ba ru ni the tshom med/ /de bas mkha' lding mchod pa'i phyir/ /rnal 'byor pa ni gtor ma'i las/ /gzhan la phan pa'i sems kyis ni/ /brtson pa yis ni kun tu bya/ /bza' btung khyad par can sogs dang/ gos dang rgyan dang byug pa yis/ /sems can khams ni ma lus pa/ /rab gsos las byung bsod nams
- 365b
gang/ /gsod nams de nas sems can cig /srog ni yongs su srung las byung/ /de bas dug ni gzhom ba'i phyir/ /mkha' lding bdag po'i gtor mar 'dod/ /de ni rig pa 'dzin pa'i sde snod las/ /bdag gis gtor ma'i cho ga gsal bar btus/ /mkhas pas sems can la ni phan gdags phyir/ /'bad pa yis ni rtag pa nyid du bya/ /dpal rig pa 'dzin pa'i sde snod kyi nang nas btus pa'i mkha' lding gi gtor ma'i cho ga'o// //ro langs gtor ma sgrub pa ni/ /rdo rje bdud rtsi'i rgyud las gsungs/ /cho ga yis ni rim bzhin du/ gsal bar de nas yang dag bshad/ /gtor ma'i las ni thams cad la/ /bsgom pa'i stobs kyis 'byung po rnams/ //bskyed nas mgu bar bya zhes grags/ /rnal 'byor pas 'dir de bzhin min/ / dang por ro langs dag gi tshogs/ /sngags kyi mthu yis bsgrangs nas ni/ /de nas 'das sogs kun bris nas/ /rdo rje chen pos gtor ma sbyin/ /re zhig dang por shin tu 'jigs/ /dur khrod ro yis 'jigs byed par/ /song nas dogs med sems kyis ni/ /mtshan mo ro ni btsal bar bya/ /rgyal pos nyes pa la brten nas/ /bsgegs par gyur pa gang yin dang/ /bsal shing la skyon yan lag ni/ /ma nyams ro chen btsal bar bya/ /'khyud pa dang ni 'o byas te/ de bzhin dpyag rab bya ba yis/ /dgyes gang bcom ldan 'das kyis ni/ /'di gsungs mA ma gI la gsungs/ /ro langs chen po sgrub pa ni/ /de nas yang dag rab bshad bya/ /mar ngo'i brgyad dam bcu bzhi la/ /mtshan ma gcig gam bzhi mdo 'am/ /shing gcig gam ni dur khrod nas/ /chu yi 'gram dang ri bo ru/ /bya ba dag ni thams cad bsgrub/ /de bzhin ro langs bslang ba ni/ /mtshan rnams thams cad yang dag rdzogs/ /bsgegs nas shi ba gang yin pa/ /gdol pa 'am ni g.yung mo 'ang rung/ /sdug
- 366a
cing mdzes la rma med pa/ /sum cu rtsa gnyis so dang ldan/ /lo ni nyi shu rtsa lnga lon/ /yang na btsa' ba' i dus su ni/ /shi ba'i bud med bslang bar bya/ /sngags dang sman dang ldan pa yi/ /chu mdog dag gis khrus bya zhing// tsan dan dkar po gla rtsi yis/ /de la rnam par byug par bya/ /spos dang me tog dag gis mchod/ /gtor ma sna tshogs sbyin par bya/ /til mar chen pos byug nas ni/ /yungs kar gyis ni gdong la brdeg /sgrub pa pos ni he ru ka/ zhes bya'i dkyil 'khor de bri bya/ /zla ba phyed pa thong mtshungs pa/ /gzhu gdungs pa yi rnam pa can/ /rig ma brgyad dang yang dag ldan/ /thod pa rnams kyis nye bar mdzes/ /gzhi ni thod pa dag yin te/ /thams cad kha TwAM ga bsnams pa/ /spyan gsum drag po'i gzugs can te/ spyan drug ral gri phyag bsnams pa/ /dkyil 'khor 'di'i phyi rol tu/ /sgo bsrungs dag ni rab tu brtag /ba lang sna dang glang po'i sna/ /bzhin bzangs de bzhin bzhin ngan pa/ /drag po'i zhags pa lcags kyu thogs/ /mi sdug rnam gtsigs 'jigs rung ba/ /zhal gcig pa la phyag gnyis pa/ /spos dang me tog la sogs bri/ /rol cha rnam pa sna tshogs mchog /dkyil 'khor du ni rim bzhin bri/ /de nas dpa' bo sgrub pa po/ /he ru ka'i gzugs 'dzin pa/ /dung chen dag gis rnam par brgyan/ /kha na sha chen za byed pa/ /thod pa'i phreng ba'i dbu rgyan can/ shin tu rnam gtsigs 'jigs rung bas/ /de ru cang te'u brdung bya zhing/ /gar gyis grong khyer 'jug par bya/ /lus la sngags kyis go bgos pas/ /der ni yi ge phaT brjod bya/ /dkyil 'khor mchog ni sngar bzhin du/ khrag chen po yis bsang gtor bya/ /he ru ka'i sngags chen po/ /sgrub pa pos ni bzlas par bya/ /khro bo bcas nas ro langs ni/ /'brug gi sgra ni sgrogs par 'gyur/ /sngags
- 366b
bas 'jigs par mi 'gyur zhing/ /he ru ka ni rjes dran bya/ /he ru ka ni 'jigs rung bshad/ /tshangs pa'i yul sa za byed brtson/ /drag po chen po ljags bskyod pa/ /'gro ba kun tu sdud pa po/ /ha ha zhes ni sgrogs bzhad pa/ /'jigs byed ji bzhin 'jigs rung ba/ /rgya mtsho'i gling gi me ltar 'bar/ /nyi ma bcu gnyis dang mtshungs 'od/ /dpa' bo dbang phyug gzugs can pa/ /khams gsum dag ni g.yo mdzad pa/ /sgom pa'i bdag ldan de yis gzugs/ /sgrub pa pos ni dbang po bsam/ /langs par gyur nas ro langs te/ /sgrub pa po la 'di skad smras/ /dpal chen bdag gis ci zhig bgyi/ /rdo rje can mchog bka' stsal cig /ral gri mig sman sa 'og dang/ /mkha' spyod phab par bya ba dag /ji ltar bsgrub par 'dod bzhin bu/ /las de rab tu sgrub par byed/ /yid la 'dod pa'i las gang yin/ /sgrub pa pos ni de la brjod/ /de dag thams cad sgrub par byed/ /pad+ma rgya chen mA ma kI/ da nas de yi kha las ni/ /'das dang ma 'ongs sogs shes bya/ /rgyal po la sogs tshe tshad dang/ /bdag nyid kyi yang de las yin/ /sha chen rgun chang zang zing dang/ /skye ba bdun pa las byung ba/ /sha ni chen po dag gis kyang/ de nas de la gtor ma sbyin/ /yang na lus ni ma nyams par/ /gzhon nu'i gzugs can yon tan ldan/ /ba la kha na ma tho med/ /rnyed nas gtor ma'i snod du gzhug /bdud rtsi dag gis kha bkang nas/ /he ru ka yi gzugs 'dzin cing/ /sngags pa phyag rgya lnga 'chang ba/ /rdo rje dril bu snyems bcas pas/ /bshang gci khrag ldan bud med gos/ /bdud rtsi gu gul gyis thod par ro bsregs me la spos btul te/ /sgra'i mchod pa phyir ldan zhing/ /de byas sor gtub dang ldan pas/ /'bebs par byed pa'i mchog 'gyur te/ gsang sngags 'di ni brjod par bya/ /oM b+hUr b+hu ba swa/ sh+rI he ru ka ya bid ma he/ bidya rA dza yA d+hi
- 367a
ma he swAhA zhes bya ba de yis phab nas ni/ /mkha' spyod phyag rgya bcings nas su/ /blo gros chen pos ro langs la/ /lag pa gnyis su gtor ma sbyin/ /'di ni sngags ni 'di yin te/ /hUM badzra ka ra mu ka ya na ma(rgyud 'grel): sh+rI badzra rA ga sa ma yA na ma(rgyud 'grel): kha TwAM ga badzra pra dza la ya ya na ma(rgyud 'grel): sh+rI badzra g+haN+Da tsa la ya ya na ma(rgyud 'grel): lag pa g.yas dang g.yon dag gis/ /sgeg bcas rtsed mo'i gar dag gis/ /bskal bzang rdo rje ha har bzhad/ /gtor ma mi chod pa sbyin par bya/ / de ni rnal 'byor gyis bteg ste/ che mchog las byung mchog 'dzin pas/ /dpral ba ru ni bskor byas te/ spyi bo'i gtsug tu bzung bar byas/ /de nas gar byed phab byas nas/ /lha mo'i rnal 'byor gyis glu dag /blang zhing phyag rgya brgyad kyis ni/ /de nyid gsang ba la sbyar bya/ /de ltar thams cad byas nas ni/ /gtor ma'i cho ga rab rdzogs nas/ /de nas ro langs de yid ni mgu bar rtogs nas gus bcas pas/ /de la rnal 'byor bde mchog gis/ /tshig ni 'di skad brjod par bya// khyod kyi mgul nas zhags pa gang/ /de ni grogs mchog nga la byin/ /kha nas byung bar gyur pa yin/ /be ne 'di ni nga la byin/ /de nas zhags pa pe ne dag /de yis de la ster bar 'gyur/ /de dag blangs nas rnal 'byor pa'i/ /rmad chen las ni byed par 'gyur/ /zhags pa'i thal ba blangs nas ni/ /chu grang lhan cig 'thung byed gang/ /brjed byed 'jigs pa chen po las/ /de ni skad cig gis grol 'gyur/ /btsong pa'i don du gang zhig la/ /sngags pa gang gis pe ne byin/ /de ni lag tu slar ldog par/ /'gyur ba ru ni the tshom med/ /de nas btang bar byas nas ni/ /rnal 'byor rang gi gnas 'gro bya/ /smon lam btab ste dge ba nyid/ /yongs su bsngos te bde bar gnas/ /de ni rdo rje bdud rtsi'i rgyud las btus pa'i gtor ma'i
- 367b
cho ga'o// //dpal ldan gdan bzhi'i rgyud gsungs pa'i/ /cho gas rgyas pa'i las la ni/ /chu'i las bya gter ma'i las/ /de nas yang dag bshad par bya/ /ngo mtshar gyur pa'i lha thos te/ /chu'i sbyin sreg ji lta bu/ /de nyid chu'i sbyin sreg gi /mtshan nyid ji ltar shes par bgyi/ /bcom ldan 'das kyis bka' stsal pa/ chu sogs mtshan nyid yang dag pa/ /rdo rje de nyid yang dag byin/ /bla re dag ni rnam par bres/ /sna tshogs gos ni rab tu 'chang/ /de dag gis ni kun tu byugs/ gru bzhi shin tu rgya che ba/ /dbus su snod ni dkar po bzhag /rdzas ni dkar por byugs par bya/ /chu ni 'o ma dang bsres shing/ /gtsang ma'i chu yis yongs gang ba/ /dri'i chu yis kun tu gang/ /lcug ma dag gis rgyan gyur pa/ /bum pa brgyad po dag kyang ni/ /phyogs brgyad du ni bzhag par bya/ /skad cig rnam pas bskyed pa yis/ /ye shes mkha' 'gro bdag nyid la/ /spos dang me tog dri sogs kyis/ /bdag gis dngos po mchod par bya/ /de nas phyi rol gnas su ni/ /chu yi las rnams bya ba yin/ /lag gnyis thal mo sbyar byas nas/ /pad+ma'i rnam par bzung bar bya/ /oM ka ma la ye swAhA/ /pad+ma'i sngags dang phyag rgya'o/ /chu'i dbus su pad+ma ni/ /zla ba'i dkyil 'khor brgyan pa dgod/ /gdugs ni dkar po g.yogs pa yi/ /sa bon dbus su bsgom par bya/ /rang gi dbyugs las byung gyur pa/ /sa bon gyis ni gzugs bskyed bya/ /phyag gnyis sems dpa' i skyil krung bcas/ /rgyan ni thams cad kyis brgyan pa/ /phyag na rdo rje dbyug pa bsnams/ /sku mdog dkar por rab tu grags/ /bzhad cing khro bo sgeg ldan pa/ /rab tu mdzes pa'i gos kyis brgyan/ /dam tshig phyag rgya bstan bya zhing/ /dam tshig sngags ni brjod par bya/ /lag gnyis phan tshun khu tshur bcas/ /mdzub mo gnyis ni rab brkyang zhing/ /bkug cing mdud pa byas pa ni/ /dam tshig phyag
- 368a
rgyar rab tu bsgrags/ /oM sa ma ye tiSh+Tha hUM phaT/ /dam tshig sngags dang phyag rgya'o/ /shar gyi bum par nor bu bzang/ /lho ru gang ba bzang po ste/ /nor sbyin nub kyi bum par ro/ /de bzhin byang du rnam thos sras/ /rna cha bzang po dbang ldan du/ /rtse ldan zhes bya me phyogs su/ /bden bral phyogs su phreng ldan nyid/ /mu cor smra ba rlung phyogs su/ /yang dang yang du mngon bsngags nas/ /dza b+ha la ni dbus su dgod/ /de ni bum pa dgod pa'o/ /nor 'dod pa'i rnal 'byor pas/ de nas lag pa lang gong bya/ /lag pa dri yis byug pa la/ /nor bu bzang sogs yang dag dgod/ /nor bu bzang po mdzub mo la/ /gang ba bzang po gung mo la/ /nor sbyin gnod sbyin srin lag la/ /rnam thos sras ni mthe'u chung la/ /mthe bong la ni rna cha bzang/ /'khrig mar rtse ldan phreng can dag /lag pa yi ni lag ngar la/ /kun tu mu cor smra dbang phyug /yang dang yang du mngon bsngags te/ /dzi b+ha la ni dbus su dgod/ /oM dzui? puM puM sa zhes bya ba'i sa bon rnams gung mo nas brtsams te mthe bong la thug pa la dgod par bya'o/ /de nas so so'i phyag mtshan ni/ /dam tshig phyag rgya bzhin du bstan/ /spos dang me tog la sogs dris/ /mkhas pa yis ni mchod par bya/ /rdo rje khu tshur gnyis bcings te/ g.yon pa snying gar bzhag bya zhing/ /g.yas pa gong du bzhag bya ba/ /rtsa'i phyag rgyar rab tu bsgrags/ /oM na mo ratna tra yA ya/ /oM dzaM hUM swAhA/ rtsa ba'i sngags so/ /me tog dkar po kun da sogs/ /dur ba bdun du dbul bar bya/ /sbyor ba brgya rtsa brgyad pa ni/ /mkhas pas mgo bo'i steng du blugs/ /sbyor ba re re zhing ni blugs/ /lan cig brjod nas dbul bar bya/ /khri phrag gcig gis de'i lan/ /thams cad dag ni 'grub par 'gyur/ /me tog ka ra bi ra sogs/ /me tog kha dog dkar po rung/ /khyor ba'i? phrag
- 368b
gcig phul na/ /khyim ni zhi bar byas par 'gyur/ /yang zhing nA ga pus pa dag /'e ma dang bsres dbul bya zhing/ /khyor iba khri phrag gcig pul na/ /de bzhin grong ni zhi bar 'gyur/ /las rnams kun la sbyar bya zhing/ /pad+ma rnam pa sna tshogs pa/ /khri phrag phul ra tsam gyis ni/ /yul ni zhi bar byas par 'gyur/ /pri yang ku dang bil ba dang/ utpal dang ku mu da/ /rgyal po'i skyon la sbyar byas na/ /pha rol yul 'khor 'jig par 'gyur/ /gang zhig nang par brgya rtsa brgyad/ /chu la gtor ma sbyin byed pa/ /sngags pa de la yid 'ong ba'i/ /nor dag rgyas par gyur ba yin/ /de nas snga ma bzhin du gser la sogs pa las byas pa'i snod dgu chu dri zhim pos gang bar byas te de'i nang du 'bru dang rin po che dang sman dang de bzhin du ba'i 'o ma bcug la/ /me tog dang spos la sogs pa'i mchod pa rnam pa lngas yang dag par mched de/ sngar bshad pa'i phyag rgyas kyang mngon par rgyas btab nas dril bu dkrol ba sngon du 'gre bas sngags 'di brjod par bya'o/ /oM dzaM b+ha la dza len dra ya swAhA/ ji srid oM mu khe shwa rA ya swAhA zhes bya ba la thug pa'i sngags dgu brjod la spyan drang ste/ /de rnams mngon sum du gyur par bltas la gtor ma sbyin pa'i phyir yang sngags 'di brjod par bya'o/ /oM na mo b+ha ga ba te dzaM b+ha la dza len drA ya mahA yak+Sha se nA ba ta ye/ /i maM ba liM pra tIts+tsha sa ma ya ma mu sma ra hUM badzra dza phaT swAhA/ mA ma hi ran Nu su bar+Na ma Ni mug ta ratna he ma ni d+ha ni de he maM/ dzaM g+han tu/ pi ban hu/ ba dan du/ ma ma shAn ti puSh+TiM ku ru badzra d+ha ri ka pa li pra tIts+tsha sa ma ya ma nu smra? ra dzaM dzaM dzaM dzaM hUM dzUM dzI dza phaT swAhA zhes bya ba brjod la drag tu 'brug pa'i chu bo la dor bar bya'o/ /de nas gtor ma bsgrub pa dang/ /de'i bdag rdo rje gnod sbyin dang/ /bu ste rnam thos sras kyi ni/ /de bas gzhan yang rab bshad bya/ /re zhig dang por rang gi khyim mam/ /lha khang ngam
- 369a
mchod rten gyi gnas sam lha'i khang pa 'am/ gang yang rung bar gnas pas nyin zhag rtag tu bya ba'i rim pas gtor ma'ang bya'o/ bza' ba'i bya ba'i dang por yi ge dang po yongs su gyur pa las gnod sbyin ma chen po 'phrog ma gdong cig pa lag pa gnyis pa kha'i nad mche ba gtsigs pas 'jigs su rung ba kha na lce 'dril ba/ rked pa'i cha ma'i pags pas g.yogs pa/ lag pa g.yon pas mi'i mgo bo bzung ba g.yas na ngo mtshar gyi phyag rgya 'dzin pa/ gar gyi 'gying tshul byas pa sna tshogs mdog can rnam par bsgoms la/ /de bzhin du de'i bdag po rdo rje gnod sbyin de kho na bzhin du byung ba ste/ 'on kyang gcer bu skra bshig pa rnam par bsgoms te/ re bzhin du de'i bu rnam thos sras yi ge dang po las byung ba mdog dmar po lag pa gnyis pa gdong gcig pa mche ba gtsigs pa'i gdong can seng ge la zhon pa g.yon seng ge'i rgyal mtshan thogs pa g.yas na rin po che'i gter thogs pa/ rung gi gter dang/ pad+ma'i gter gnyis kyis sgeg ba dang bces pa'i g.yon dang g.yas pa na thogs pa'i rnga yab dkar po g.yon par yang rnam par bsgoms la/ /de nas de rnams bod ba'i phyir utpa la'i phyag rgya bcing bar bya'o/ /'dir sngags ni oM e hye hi ? te yA ba shU pu tra sha ta pa ri bA re badzra yak+Sha pri ye a smin san ni hi to b+ha ba swAhA/ bod pa'i sngags so/ /de nas zas kyi snod nas 'bras chan gyi chang bu gsum byas te sa la gzhag par bya'o/ /chang dang sha la sogs pa ji ltar rnyed par cung zad tsam byin la sngags brjod par bya'o/ /oM ha ri tya mahA yak+Sha se nA pa ta ye ha ra ha ra/ sarba pa pa pi ni k+ShiM sarba yak+Sha ni pra be sha ta pa ri pA rA i maM ba liM grih+Na grah+Na hUM phaT swAhA/ oM badzra yak+Sha ru dra phaT swAhA/ oM pe sh+ra ba NA ye swAhA zhes bya ba'i sngags
- 369b
brjod la chu'i snod du bcug ste dpen par gzhag par bya'o/ /de ni rtag par bya ba'i gtor ma'i cho ga'o/ /mkhas spyod gtor ma'i rim pa ni/ /cho ga rab gsal la brten nas/ /rnal 'byor ma rgyud rjes 'brangs nas/ /de nas gzhan yang rab bshad bya// gtor ma'i las la bya rnams las/ /bya rog gi ni rigs rnams bsngags/ /'di ltar de dag mkhas rnams kyis/ /gtor zan nyid du bshad pa yin/ /sngags pas bza' ba'i sngon rol tu/ /dur khrod chen por song nas ni/ /bya rog lha'i bdag nyid can/ /tshim phyir de ru gtor ma bya/ /mngon brjod bla ma'i rim pa bzhin/ /de ru dkyil 'khor bsam par bya/ /ge sar lte ba dang ldan pa'i/ /pad+ma 'dab ma brgyad pa bsam/ /de'i dbus su lha mo dgod/ /drag po'i gzugs can mdangs can ma/ zhal gcig phyag ni bzhi ba ste/ thod pa kha DA ga yis brgyan/ /phyag na gri gug mgo bsnams nyid/ /lte ba'i dbus su bsgom par bya/ /spyan gsum smin ma kham ldan pa/ /rol pa'i 'dug stangs gar dang ldan/ /sgeg pa la sogs ro ldan pa/ /gar gyi sbyor ldan bsgom par bya/ /khro bo'i rgyal po stobs chen rnams/ /phyag rnams kun na tho sogs bsnams/ /mi sdug drag po 'jigs rung ba/ /'dab ma brgyad la rnam dgod bya/ /de nas rang rang sngags rnams dang/ spro dang bsdu ba byed pa yin mkhas spyod phyag rgya bcings nas ni/ /de nas kun tu spyan drang bya/ /spos dang me tog mar me dang/ dri dang lha bshos lnga rnams dang/ mchod yon zhabs bsil rim gyis ni/ /dkyil 'khor mchog ni mchod par bya/ /khwa'i gdong can mkha' 'gro mar/ /bdag nyid kyang ni bsam par bya/ /ji ltar dkyil 'khor 'khor lo bzhin/ /'khor rnams brgyad po bsam par bya/ /de nas shing rtse la gnas pa'i/ /bya rog tshogs rnams gus bcas pas/ /kha gdor cha byad gzugs can dag /
- 370a
rim pa la ni brtan nas bsgom/ /de nas de'i sngags kyis ni/ /de rnams kyang ni spyan drang bya/ /rnal 'byor pas ni spyan drangs nas/ /de rnams la ni gtor ma dbul/ /zho dang 'bras chan yid 'ong bas/ /snod ni rab tu gang byas nas/ /blo ldan gyis ni chang gu dgus/ /gnyis pa yang ni dgang bar bya/ /mchod yon me tog sogs rnams kyis/ /sngar bzhin snod gnyis mchod par bya/ /de nas rnal 'byor mnyam gzhag pa/ /khwa'i gdong can gzugs 'dzin cing/ /dpa' bo sems ldan rtse bdag gis/ /gtor ma'i sngags ni brjod par bya/ /de nas thugs kyi 'khor lo gnas/ /mkhas spyod ma'i tshogs ji snyed/ /'ol ba bya rog gzugs nyid du/ /de dag thams cad der 'ong 'gyur/ /phyogs bcu'i 'jig rten khams gnas pa'i/ /mkha' spyod ngag ni ci 'dra dang/ ji snyed yod pa de dag kun/ /bya rog rnam par de gnas 'gyur/ oM na ma sh+rI badzra DA kA ya oM kA kA sye hUM hUM phaT/ de yis rab tu gang pa'i snod/ /snying gar rab tu bskor byas nas/ /de nas mdun sbyin rnal 'byor pas/ /de ru mtshan ma brtag par bya/ /des ni sa rab g.yo bar 'gyur/ /phyogs rnams las ni 'brug sgra 'byung/ /gla rtse mtsho skyes dag dang ni/ /dri bsrung yid du 'ong ba 'ang 'byung/ /de yis slar yang tshim bya zhing/ / se gol bcu po dag gis ni/ /phyogs bcu bcings pa sngon 'gro bas/ /sdom brtson gyis ni sngags 'di brjod/ /oM badzra DAM ki n+ya khe tsa ri ru ka kA pa sa ya rtse la la ga ru Da i maM ba liM grih+Na tu sa ma ya rak+Shan+ta/ /ya the Sh+TaM sarba sid d+hi pra ya ts+tshan+tu hUM hUM swAhA/ de nas shing gcig drung du ni/ /gtor ma chen po der dor nas/ /sngar bzhin gshegs su gsol byas te/ /bstod pa'i tshigs bcad 'di rnams brjod/ /kun tu rtog pa'i 'chir ba bcad/ /'jig rten bya ba grub byed pa'i
- 370b
ji snyed rdo rje mkha' 'gro ma/ /de snyed rnams la rtag phyag 'tshal/ /mkha' 'gro ma'i 'khor lo sgyur/ /sku gsum ye shes lnga ldan pa/ /'gro ba skyob/ /mdzad dpal ldan pa'i/ /rdo rje mkha' 'gro phyag 'tshal lo/ /de ni mkha' spyod ma'i gzugs can gyi bya rog gi gtor ma'i cho ga'o/ /gang gis sa sbyong tshogs dag ni/ /mchog tu tshim par 'gyur ba yi/ /phyi'i gtor ma'i rim pa ni/ /de nas gzhan yang rab bshad bya/ /dgon pa chen po'i rnal 'byor ches/ /dkyil 'khor chen po bsam bar bya/ /sngar bzhin 'dab brgyad dag gis ni/ /yongs su mdzes byas pad+ma ni/ /de dbus lha mo khyi gdong can/ /snga ma bzhin du bsams nas ni/ /rnal 'byor dbang phyug bdag nyid kyang/ /de bzhin kho nar rnam par bsam/ /de nas mchod pa rnam lnga yang cho ga ji bzhin mchod pas nas/ /'bras chan sha dang khrag rnams kyis/ /gtor ma'i snod ni rab dgang bya/ /gtor snod yang dag mchod byas nas/ /phyogs bcing bar ni rab byas nas/ /phyag rgya bcings te bzlas byas la/ /de yis spyan drang nyid kyang bya/ /oM a yan/ tra yan tu DA ki n+ya sha na wa ga tra ma ho gra b+hIM ma wa pu Sha i maM pa liM b+huny+dza/ dzi gra tha bi pa tha grih+Na twa asma kaM pu Sh+Ti ku ru sa ma yam nu sma ra a(rgyud 'grel): hUM phaT swAhA/ /sngags 'di yis ni spyan drang bas/ /phyogs bcu nas ni khyi'i gzugs can/ /khyi gdongs spyod 'khor lo dang/ /gtor ma bza' phyir mdun 'ong 'gyur/ /de rnams tshim par byas nas ni/ /smon lam btob nas gshegs gsol te/ /shin tu mnyam gzhag bsgrub pa po/ /ci 'dod gzugs kyi gnas par bya/ /yang na cho ga gzhan gyis ni/ /ji ltar 'jig rten thams cad la/ /'bras bu bde 'gro ster 'gyur ba/ /khyi rnams la ni gtor ma sbyin/ mngon par 'dod pa'i don sgrub phyir/ /'pho zhag gnyis la rten nas ni/ /bza' ba'i
- 371a
sngon du gus bcas pas/ /khyi rnams la ni gtor ma sbyin/ /phyi dro khang pa'i sgo khang du/ /chon rtsi dkar pos dkyil 'khor ni/ /gru bzhi shin tu mdzes 'gyur ba/ /ri mo brgyad par rab tu bya/ /kham phor 'bras chan dag dang gzhan/ /chad ma yid 'ong de bzhin du/ /lha'i yo byad rnams kyis bkang/ /sa las byas pa der bzhag bya/ /gnyis pa chang gis kun tu dgang/ /snod ni de'i 'gram du bzhag /gsum pa spos dang me tog sogs/ /snod ni g.yas kyi 'gram du'o/ / de nas khyi ni bos nas su/ /dkyil 'khor mdun du bzhag par bya/ /khyi gdong rtsa ba'i sngags kyis ni/ /de la bsang gtor kun tu bya/ /de la me tog sngags sogs kyis/ /go rims bzhin du mchod par bya/ /de nas sngags ni 'di dag gis// gtor ma mdun du sbyin par bya/ /oM shwa na sye b+hu tsa ri ye i mi ba li grih+Na grih+Na hUM hUM phaT/ tri srid mdun du khyi gtor za/ /de nas bzlas pa rab tu bya/ /zos pa yi ni tha ma ru/ /sngar bzhin rab tu btang bar bya/ /gtor ma 'di ni nyin re bzhin// gal te sngags pas byas na ni/ /thams cad 'grub par 'gyur ba yin/ tshogs pa med na sngar bshad pa'i/ /rim pa nyid la brton par bya/ /yang na zla ba re re zhing/ /yar gyi ngo yi bcu gnyis la/ /de ni sa spyod ma'i gzugs can gyi khyi'i gtor ma'i cho ga'o/ /gang gis sa'i gser 'dzugs pa/ /rnal 'byor pas ni 'grub 'gyur ba/ /sa 'og gnas pa'i gtor ma'i las/ /de nas nga yis gshad par bya/ /bsod nams 'bras chen thob bya'i phyir/ /nyin re zhing ngam bco lnga 'am/ /bcu gnyis bar gyi gtor ma'i las/ /'di ni rnal 'byor dbang po bya/ /chu bo 'am rgya mtsho'i chu 'gram du/ /sa 'og gnas pa'i sems can rnams/ /tshim par bya phyir rdul tshon gyis/ /dkyil 'khor dag ni chen po bya/ gau ri nag
- 371b
mo phyag gnyis pa/ /zhal gcig phyag ni gnyis pa ste/ /nya dang gri gug bsnams pa mchog/ /nya'i gdan can nya gsol ba/ /nya'i rgyan dag gis brgyan pa/ /dkyil 'khor dbus su dgod par bya/ /'dab ma gzhan la snga ma bzhin/ gang gyi 'gying tshul la brtson pa/ /ha ha hi hi zhes sgrogs 'jigs/ /khro bo'i gzugs dag rnam par dgod/ /de nas dkyil 'khor de nyid ni/ /spos dang me tog lha bshos sogs/ /dri yis cho ga bzhin mchod nas/ /gtor ma'i las ni yang dag bya/ /gau ri'i gzugs 'dzin rnal 'byor pa/ /sems dpa' gsum dag sku 'dzin pas/ /skad cig gis ni sngar brjod nas/ /gcig car du ni phyogs bcing bya/ /skad cig du ni bsgom par bya/ /de ni dbang rnon rim pa'o/ /de nas yi ge tha las byung/ /nya rnams khyab 'jug gzugs can du/ /rnam par bsams nas bsgrubs pa pos/ /de rnams sngags kyis bong par bya/ /oM e hya hi ma hI ba la bi tya pa ra kra ma/ /mahA yo dza na sa hA sra pra laM ba wa bu shA/ /ti li ti mi gi li/ ma hA ta mi giM li pra b+hi ta yo/ /mahA mi na a d+hi pa ta ye/ atras ni ha tai b+ho ban+tu/ ma ma a b+hi/ pre tArtha sid+d+hi ma bi ta ran+tu swAhA/ de nas de rnams bod byas nas/ /kha ra khan d+ha 'bras chan phye/ /la du glo kha sa sogs kyis/ /gtor ma'i snod ni rab tu dgang/ /chu ni gtsang ma dri zhim po/ /srog chags dag ni rnams spangs pa/ /khyab 'jug gis ni chang sang phyir/ /chang ma gtogs pa sbyin par bya/ /mchod yon zhabs bsil mchod nang du/ /byin nas me tog la sogs gzhug /byin nas sngags ni 'di nyid kyis/ /gtor ma'i snod ni dor bar bya/ /oM a A i a'i u a'u/ ri rI/ li lI e i o aau aM a(rgyud 'grel): swAhA/ /de nas de dag sngar bzhin du/ /myur du btang ba byas nas ni/ /dkyil 'khor gyi ni rdul tshon de/ /dogs pa med par dor par bya/ /de ltar byas nas sa 'og na/ /gnas pa rnams ni mgu bar 'gyur/ /de la mkha' 'gro
- 372a
ma'i chogs/ /dngos grub yid 'ong ster bar 'gyur/ /'dod chags bral bstong phrag la/ /nyin re gsang ba mchog phul las/ /byung ba'i bsod nams gang yin te/ nya rnams tshim par byas las 'byung/ /rang rgyal gyi ni dge 'dun la/ /bsod snyoms phul las dge gang 'byung/ /nya rnams tshim par byas pa las/ /bsod nams de ni thob par 'gyur/ /de ni sa 'og na gnas pa'i gzugs can gyi nya'i gtor ma'i cho ga'o// //gang gis spyod lam rnam bzhi ru rnal 'byor pa yis 'grub 'gyur ba/ /phyogs spyod gtor ma bsgrub ba ni/ /de nas gzhan yang rab bshad bya/ /rab tu grags pa'i bzhi mdo ru/ /rgyal po'i skyed mos tshal brten nas/ /rdul tshon kha dog lnga pa yis/ /de ru dkyil 'khor bri bar bya/ /pad+ma 'dab brgyad lte bar bcas/ /pad+ma sna tshogs dang ldan pa/ /rnal 'byor pa yis der bris bya/ /dbus su thod pa bri bar bya/ /sdigs mdzub rdo rje 'gying bcas pas/ /shin tu mi bzad 'jigs mdzad pa/ /sprin ni sngon po'i mdog dang ldan/ /'bar ba sngon po rab tu khyab/ /gau ri gau ri'i bdag po yis/ /snying gar g.yas brkyang zhabs kyis mnan/ /lte ba'i dbus su bcom ldan 'das/ /rdo rje hUM mdzad bsgom par bya/ /shar 'dab tshangs pa'i lha mo bsam/ /khyab 'jug gi ni lhon gnas/ /gzhan du yi ni nub tu bsgom/ /gshin rje'i byang gi phyes na gnas/ /srin po'i phyogs su lus ngan po/ /me'i phyogs su tsA mun Di/ /dbang ldan phyogs su dbang ldan ma/ /rlung gi lha go dang phyogs gnas zhal gcig spyan ni gsum pa ste/ /phyag gnyis gar la rab brtson pa/ /lag pa yi ni phyag rnams su/ /phreng ba de bzhin 'khor lo dang/ rtse gsum dbyug pa dbyug to dang/ ral gri mdung dang gos nyid de/ /phyag mtshan 'di rnams bsam par
- 372b
bya/ /spyi blugs dang ni pad+ma dang/ /phreng ba dang ni de bzhin mgo /seng ge'i rgyal mtshan thod pa dang/ /khaTwaM ga dang ngo mtshar gzhan/ /g.yon pa rnams su bsam par bya/ /dmar po ljang gu gser dang tshungs/ /sngon po dmar po dmar dkar 'od/ /in+d+ra nI la'i ? ldan pa/ /mi mo mchog ni 'di rnams bsam/ /sngags dang dam tshig phyag rgya yis/ /de ru spyan ni drang bar bya/ /de nas gtor ma rgya chen po/ /sngags pas sbyin bya lung ji bzhin/ /oM na mo b+ha ga ba te/ badzra hUM ka ra/ h+riSh+TI sarba b+huta ni stwaM b+ha ya swAhA/ /oM brahma NI ye hUM hUM phaT/ o baiSh+Na bI ye h+rI(rgyud 'grel): hUM phaT/ oM gau mA rI ye h+rI(rgyud 'grel): hUM phaT/ oM ya mA nI ye h+rI(rgyud 'grel): hUM phaT/ oM ku bai rE ye h+rI(rgyud 'grel): hUM phaT/ oM tsA mun Di ye h+rI(rgyud 'grel): hUM phaT/ oM e Sha b+hyo h+rI(rgyud 'grel): hUM phaT/ oM ba ya byai h+rI(rgyud 'grel): hUM phaT/ /lag pa gnyis ni brkyang nas su/ / gung mo'i rtsa bar mthe bong dag/ thal sbyar tshig 'don sbyor ba ni/ /tshangs pa'i phyag rgyar rab tu bsgrags/ /rdo rje khu tshur gnyis bcings nas/ /mdzub mo rna cha'i dbyibs byas pa/ /khyab 'jug lha mo'i phyag rgya yin/ /g.yas pa'i khu tshur gzhon nu ma'i/ khu tshur gnyis ni gshin rje ma'i/ /gnyis kyis mchog sbyin nor sbyin ma'i/ /lag gnyis khu tshur bcings byas nas/ /mdzub gnyis bsgreng ba tsA mun Di'i/ /mthe'u chung mthe bong dag bkug nas/ /gzhan dag bsgreng ba dbang ldan ma'i/ /gos kyi rol bas lag ba gnyis/ /spyi bo ru ni gzhag par bya/ /phyag rgya 'di ni rlung gi ste/ de ni phyag rgya'i tshig rim pa/ /de nas snod ni gang ba dgu /khyad par du ni bdud rtsi ldan/ /snga ma bzhin du gzhag par bya/ /ba lang khyim bya las byung dang/ /bod mi rus sbal rnga mo dang/ khye dang ci spyang rta las byung/ /sha rnams kyis ni go rims bzhin/ /rnal 'byor pa yis dgad bar bya/ /dogs pa med pa'i sems kyis ni/ /spos dang me tog sogs phul nas/ /sngar bshad sngags dang phyag rgya yis/ /de rnams lam gyi
- 373a
bzhi mdong dor/ /ma mo rnams ni rang gnas su/ /de nas gshegs su gsol byas nas/ /bsod nams bsngos te rnal 'byor pa/ /skyes mchog ji ltar 'dod gnas bya/ /'gro ba 'am ni 'greng yang rung/ /gnyid log pa 'am sad pa 'ang rung/ /mi gcad pa 'am gcang yang rung/ /ma mo rnams ni bsrung bar 'gyur/ /blo mchog rnams ni zhi rgyas sogs/ /las ni cung zad gang byed pa/ /de la gtor ma dag gis ni/ /mnyes nas de'i grogs byed 'gyur/ /de'i bka' nor la brtson pa/ /bgegs la sogs pa 'ga' yang rung/ /de rnams kyang ni de nyid la/ /srung dang skye ba dang sbed par 'gyur/ /mar ngo yi ni ches brgyad dam/ /yang na chos ni bcu bzhi la/ /mtshan phyed la ni gtor ma bya/ /de ni dus kyi cho ga rim pa'o/ /de ni phyogs na spyod pa'i sgo nas ma mo rnams kyi gtor ma'i cho ga'o// //byas na bsod nams mdza' yas pa/ /mi bzad gang du 'byung 'gyur ba/ /gang zhig thang la spyod rnams kyi/ /gtor ma gzhan yang rab bshad bya/ /thang spyod rnams kyi nang nas ni/ /ba lang mchod pa rab tu bsngags/ /skyugs ldang byed pa'i lha yin pas/ /bde mchog las ni bcom ldan gsungs/ /sgrub pa pos ni yar ngo yi/ /bcu bzhi la ni sngar langs te/ /chu po dri med chu ldan par/ /song nas khrus ni kun tu bya/ /mdo las gsungs pa'i chog bzhin/ /lus ni rab tu bkru bar bya/ /sdom brtson gyis ni gdong la sogs/ /dbang bar bshang gci dor byas te/ /mtshan mar bdun dang 'phongs su bdun// lag par sa phur bdun blugs shing/ /de nas chu yis bkrus nas ni/ /de nas lan gsum 'thor 'thung bya/ /rna sogs lte ba la thugs par/ /lan bdun nye reg byas nas ni/ /dbang bskur byas pas lan gsum du/ /chu la ji bzhul byas
- 373b
nas ni khyor ba dag ni brgya rtsa brgyad/ /dza b+ha la la sbyin par bya/ /rdo rje 'dzin pa'i dkyil 'khor la 'ang/ /chu ni snyim pa gsum dag nyid/ /re re zhing ni rang sngags kyis/ /mkhas pa rnams kyis dbul bar bya/ /de nas snyim ba gsum gyis ni/ /yi ge brgya pas tshim par bya/ /yi dags rnams la chu snyim lnga/ /'jig rten dbang po'i sngags kyis ni/ /de nas langs te ba brgyad ni/ /khyu mchog mthon po dang ldan pa/ /'khor lo'i tshul du bzhag nas ni/ /dbus su khyu mchog mthon pa gzhag /de nas sa mchod yon dag gi snod/ /ba'i rnam lngas dgang bar bya/ /dur ba'i tshun pos bsangs nas ni/ /mkha' 'gro drag mo ro langs ma/ /de bzhin gzhan yang gtum mo dang/ seng mo stag mo 'ug pa mo/ /de bzhin gzhan yang ce spyang ma'i/ /sa bon de dag la dgod bya/ /rdo rje sems dpa' i sa bon gyis/ /dbus su khyu mchog byin brlabs bya/ /de la sa bon ni 'di rnams yin te/ /ye shes mkha' 'gro ma rnams kyi sa bon ni yi ge hUM/ /drag mo'i sa bon ni yi ge k+ShuM/ /ro langs ma'i sa bon ni yum/ /gtum mo'i sa bon ni yi ge hUM/ /seng mo'i sa bon ni yi ge smi/ /stag mo'i sa bon ni yi ge hUM/ /'ug pa mo'i sa bon ni yi ge ymryuM/ ce sbyang ma'i sa bon ni k+Sh+mrmu /sa bon brgyad pad dag dang/ /dgu ba ye shes sa bon ni/ /de dag snying gar bkod nas ni/ /de nas gtor ma sbyin par bya/ /'bras chan chang bu rnams kyis kyang/ /snod ni dgu dag dgad bar bya/ /'o thug yul na tshwa dang ldan pa/ /de rnams kyi ni nang du gzhug/ de rnams logs su sa la ni/ /chu ni snyim pa gsum blugs bya/ /me tog spos la sogs rnams kyis/ /mnyam par gzhag pas mchod par bya/ /bdag nyid zhi bar mthu ldan pa/ /bcom ldan sgrol ma dbang phyug ma/ /ma du lung ka rtse gsum bsnams/ /khyu mchog la ni bcibs par
- 374a
bsgom/ /de nas gsang sngags 'di yis ni/ /gang gi sems can khams rnams ni/ /bde byed rnal 'byor pas 'grub 'gyur/ /gtor ma de'i mdun du sbyin/ /oM a A aM a kA ro mu kham sarga d+harmma NAM adya nut pan nA twat ta zhes bya ba'i sngags 'di yis/ /gtor ma'i snod ni gus bcas pas/ /lan gsum byin gyis brlabs nas su/ /de nas de rnams la sbyin bya/ /ji srid pa la za 'gyur ba/ /bzhi pa'i mthu ldan sgrol ma yi/ /de nyid gsum dang yongs spel ba'i/ sngags 'di de srid brjod par bya/ /oM tA re tut+tA re tu re A(rgyud 'grel): hUM phaT swAhA/ mu'i mdza' can sngags kyis ni/ /de nas sngags pas gshegs gsol bya/ /gus pa yis ni bza' ba dag/ dge slong dge 'dun dag phul nas/ /dge ba bsngos te bsted pa dag /brjod nas sgrol ma'i rigs dag la/ /phyag byes nas ni kun langs te/ /de nas ji ltar 'dod bzhin gnas/ /de ni thad la spyod pa'i gzugs can gyi ba lang rnams kyi gtor ma'o// //gang gi 'khor lo gsum mkha' 'gro/ /bsgrub ba po la kun tu srung/ /gzhon nu ma'i gtor sgrub pa/ /de nas yang dag rab bshad bya/ /re zhig dang por nam mkha' nyi ma'i steng gi zla ba'i mchod rten gyi dbus su yi ge maM las yongs su sprul pa gzhon nu ma'i gzugs can/ gser btso ma lta bu nyi ma 'chang ka'i 'od zer gyi phreng ba stong phrag 'phro ba'i me tog man du dzi ba ka dang/ dza ba lta bu'i gos dang ldan pa/ /ang ga regs dang stod g.yogs dmar po rnam pa sna tshogs pa dang ldan pa/ lag gdub dang/ rna rgyan dang/ ske rags dang/ rkang gdub? dang/ g.yer ga rnams gyi sgra dang/ sor gdub kha dog sna tshogs pa'i rgya mdag gis rnam par brgyan pa/ /rnam bar snang mdzad kyis dbu rgyan byas pa/ /mgo la mya ngan med pa'i phreng bas rnam par
- 374b
brgyan pa/ /phyag brgyad pa/ /zhal gsum pa/ spyan gsum pa phyag g.yon pa rnams na gzhu dang/ shing mya ngan med pa dang/ skur pa dang zhags pa bsnams pa/ phyag g.yas pa rnams na rdo rje 'bar ba dang/ khab dang/ lcags kyu dang/ mda' gsor ba la brtson pa/ zhal dang po zhi ba pad+ma kha rab tu bye ba lta bu gser rab tu ser ma'i me tog can mig rab tu yangs pa mchu li khri'i phye ma bzhin du dmar ba sgeg cing rol pa dang bcas pa/ /zhal g.yon pa phag gi gdong can khro ba dang bcas shing rnam par gtsigs pa la/ /mi sdug cing drag po 'jigs su rung ba in+d+ra nI la'i mdog dang mtshungs pa mthing shun ltar snang ba/ /nyi ma stong phrag bcu gnyis dang mtshungs pa'i 'od dang ldan pa/ khro gnyer gtsigs pa dang bcas pa 'jigs par mdzad pa/ zhal g.yas pa pad+ma rA ga ltar shin tu dmar ba mchog tu 'bar ba'i nyi ma stong phrag ltar rab tu gsal zhing zhi ba mchod rten gyi bum pa las byung ba'i shing mya ngan med pa'i me tog gis g.yogs pa/ de'i 'og tu rnam par snang mdzad ral pa'i thor tshugs kyis brgyan cing zhig gser rab tu ser po'i mdog ltar 'bar ba/ /byang chub mchog gis phyag rgya dang yongs su ldan par bzhugs pa/ /phag pa'i gdan la g.yon brkyang ba'i gnas pas/ /gzhon nu ma'i na tshong du bzhugs pa/ de'i 'og tu rlung gi dkyil 'khor la yi ge raM las yongs su sprul pa'i gza' chen po sgra can 'dzin dang/ mchan du zla ba dang nyi ma dag za bar byed ba rnam par bsgoms la/ /rang gi sngags kyis bdag nyid byin gyis brlabs te/ /oM mA rI tsyai swAhA/ zhes bya ba'i sngags 'di bzlas par bya'o/ /de nas mdun du khyi'u gcig tu bu mo dang brgyad bkug ste go rims bzhin du dkyil 'khor gyis rim pas rnam par bzhag la/ de dag la ni bcu gnyis lon pa'i mig yangs rab tu mdzes rnyed nas/ /
- 375a
sa phyags dben par khrus legs byas shing gos ni gar dgar gon pa yi/ /gur kum dang ni gla rtsi la sogs byugs shing spos kyis rab bdugs la/ /de dag thams cad de kho na bzhin nye bar byugs te bdug byas nas/ /de'i mdun sa gzhi ba'i lci bas byugs te de nyid du bzhag la/ /gu gul bdug pa rab byin gsang sngags brgya rtsa brgyad bzlas bsgrub bya yi/ /snying gar zla ba'i dkyil 'khor rnam par bkod de de yi steng du yi ge maM/ /rnam pa de bkod pas 'od zer can gyi nga rgyal rab tu bsnyems tshul gyis/ /dril bu'i sgra dang gu gul bdugs pas skad cig de nyid la 'bab 'gyur/ /'dir ni sngags kyang 'byung ba ste/ oM mA rI tsyai A pe sha ya A be sha la/ kaM pa kaM pa/ d+hu na d+hu na/ grih+Na grih+Na/ hUM mA rI tsye swAhA/ zhes bya ba'i sngags 'dis bab ste/ de nas de rnams la me tog dang spos la sogs pas ji ltar rjes su mthun pa nyid kyi sngags rnams kyis byin la/ /me tog phreng ba gtsug phud kyi nang du btsug ste mdun du bza' ba dang bca' ba dang btung ba la sogs pas yongs su gang ba'i snod gzhon nu ma'i grangs dang mnyam pa rnams oM mA rI tsyai bar le ba da le/ bar ta li bA rA ha mu khi sarba duSh+TA nAM mu khaM band+ha band+ha hUM hUM phaT/ i maM baM li pra tIts+tsha sa ma ya ma nu sma ra A(rgyud 'grel): hUM swAhA zhes bya ba'i sngags kyis sbyin par bya'o/ /de nas ji srid gtor ma za ba de srid du bcom ldan 'das ma'i rtsa ba'i sngags bzlas bar bya'o/ /zas kyi bya ba'i mdza' mar mgron bu dang/ star kI 'bras bu dang/ /tshon sna lnga'i skud pa sna tshogs pa dang/ rna ba dang lag pa dang/ mgul brgyan ci 'byor pa'i yo byar byin te/ /byang gyis zhes bya ba la sogs pa'i tshigs bcad kyis btab ste/ /ye shes kyi 'khor lo gshegs su gsol nas 'od zer can gyi nga rgyal gyis gnas par bya'o/ /de ni gzhon nu ma'i gtor ma'i cho ga go/ //
- 375b
gang gis sa gzhi ji srid par/ /mchod rten rgyal ba'i gnas srung 'gyur/ /nag po chen po'i gtor ma'i rim/ /de nas gzhan yang rab bshad bya/ /lha khang la sogs zin nas ni/ /rab gnas rgyud las gsungs pa yi/ /tshogs de rab gnas byas te/ /de nas gtor ma kun tu bya/ /rgyal ba'i gnas ni bsrung ba'i phyir/ /gtsug lag khang gi sgor gnas shing/ /dri gtsang khang gi nang gnas par/ /nag po che dgod rnal 'byor pas/ /sku mdog nag po zhal bzhi pa/ /lto pa chen po phyag bcu ba/ /nam mkha' i gos can stag lpags kyis/ /smad kyis cha ni rab bkris pa/ /dbu la thod pa'i phreng bar ldan/ /mche ba gtsigs shing mi bzad pa/ /thod pa'i phreng ba bkod ba yis/ /mgrin pa rkang pa rnam brgyan pa/ /smin ma kham pa'i smin khyugs dang/ spyan gsum gyis ni rnam par spras/? dang po'i zhal ni nag po mtshungs/ /g.yas pa sngon por snang ba ste/ g.yon pa dmar po shin tu mdzes/ /nyi ma khri dang mtshungs pa'i 'od/ /rgyab ni dri bcas du ba'i mdog /de'i gdong ni bsam par bya/ /ral gri dang ni mtho ba dang/ /rtse gsum rgyud mangs dag gi rgyud/ /sgreng ba la ni brtson 'gyur ba/ /de'i g.yas kyi phyag du bsam/ /g.yon du thod pa kha TwAM ga /pi wang de bzhin gar byed pa'i/ /mi'i pags pa khrag 'dzag pa/ /steng gi phyag dag na bsnams shing/ /g.yas brkyang 'dug stangs gar byed ba/ /mnyam par bzhag pas bsgom par bya/ /de bzhin du ni de'i 'khor/ /mi sdug gdong can mkha' 'gro ma/ /seng ge glang chen dred dang sbral/ /byi la khyi'i gdong can te/ /ha ha zhes sgrogs ca co'i sbras/ /rmongs pa rnams ni skrag byed pa/ /thod pa'i nang du blugs pa'i khrag /'thung byed pa ni bsgom par bya/ /de ltar bsams nas rnal 'byor dbang/ /bdag nyid ma he la zhon cing/ /drag po chen po gshin rje gshed/ /gdug pa thams cad 'joms mdzad pa/ /zhal drug
- 376a
dang ni zhabs drug dang/ phyag drug nyid kyis rnam rgyan pa/ /lha dang lha min za byed pa/ /g.yas pa'i phyag rnams na tho ba/ /ral gri lcags kyu bsnams sdigs mdzub/ /zhags pa dang ni dril bu yis/ /g.yon pa rnams ni mdzes byas ba/ /g.yas brkyang ba dang g.yon brkyang dang/ de bzhin mnyam pa'i 'dug stangs kyis/ /lha'i tshogs rnam drug po yis/ /stobs ni kun du mnan nas bzhugs/ /snying ga'i yi ge hUM las byung/ /'od zer 'khor lo 'bar ba las/ /khro bo'i sprin gyi tshogs dag ni/ /cha byad mtshungs ba'i tshogs rnams spro/ /in+d+ra nI la ltar snang bsam/ /de 'dra'i gzugs su gnas nas ni/ /nag po chen po snying 'ges par/ /brtson par gyur pa'i sngags 'di yang/ /khro bo'i tshig gi brjod par bya// oM h+rI(rgyud 'grel): Sh+TI bi kri tA na na sarba sha truM nA sha ya staM b+ha ya hUM hUM phaT swAhA/ de'i rjes la de la 'di skad du bka' bsgo bar bya'o/ /sngar bshad pa'i sngags nyid kyis bkug ste/ bcings de dbang du byas nas gshin rje gshed kyi rnal 'byor nyid kyis bka' bsgo bar bya ste/ kye nag po chen po btsug lag khang 'di ji srid gnas pa de srid du khyod kyis bsrung bar bya zhing 'khor dang bcas pa khyod kyis 'phags pa'i dge 'dun gyi bka' yang mnyan par bya'o/ /de'i rjes la rnal 'byor pa de nyid kyis yongs su mnyes par bya ba'i phyir da la gtor ma sbyin par bya'o/ /zangs la sogs pa las byas pa'i snod tshad chen po dang ldan pa tsan dan dmar po las byas pa'i dkyil 'khor gru bzhi pa bzhag ste/ thug pa nag po dang/ glo ba dang/ 'o thug dang/ rlon ba dang/ bcos pa dang/ bsregs pa'i dbye bas nya'i sha rnam pa gsum dang/ khrag dang/ zhag dang/ glad pa dang/ tshil rnams dang/ rgyun chad dang/ 'bru'i chang dang/ nya'i gzugs brnyan dang/ 'brang bu'i chun po dang//
- 376b
sgog pa'i bye brag bdun dang/ snum khur dang/ nas dang/ gro la sogs pa'i bye brag gi 'bru rnams dang/ zangs dang lcags las byas pa'i khab kyi chags kyis yongs su bkang la/ me tog dang spos la sogs pa'i mchod pa'i yo byad rnam pa lngas ye? mchod? de/ gshin rje gshed kyi phyag rgyas kyang mngon bar btab la phyogs bcing bar bya te/ khros pa'i sems dang ldan zhing dril bu dang rdo rje gsor ba la brtson pa'i rnal 'byor pas sngags 'dis spyan drang bar bya'o/ /oM mahA kA la a ya ti mahA bi he ra pA la na ya/ sarba DA ki nI yak+Sha rAk+Sha ma sa ba rI wa ra na tra san ni ti to b+ha ba swAhA/ de'i rjes la sngags 'di dang snyoms par 'jug pa'i phyag rgyas tshim bar bya ba'i phyir gtor ma byin gyis brlabs par bya'o/ /oM a(rgyud 'grel): da sha dig tri a d+ha saM bya ba s+thi ta/ sarba da sha dik lo ka d+ha tu pa ra ma nub ran ta ra pa ti sarba ba te ka lo ka pA la/ mahA kA la badzra A yu d+ha ma ya badzra/ badzra nI la/ badzra kA la badzra mus la/ nA ga badzra/ badzra a ni la/ badzra sho na d+ha/ badzra kuN Da li mo na badzra/ be ma tsi tri/ pri ti ba de ba ta/ sarba i tya ba sar ga u ba shAn+ti ye/ sarba gand+ha puShpa d+hU pa/ dI pa ne pe ta/ sarbo pa tra a laM ka ra dan shtsa pra tIts+tsha/ u pa pu dzya/ sarba Sha naM/ kA ya bAk tsit+taM/ staM b+ha ya staM b+ha ye/ ma ma sarba a shaM pa ri pu ra ya tha ya ba dA saM sa ra/ ma ma sarba atwA nAM tsa/ sad su kha sid+ha ye swAhA/ kA ya b+ha band+hu hUM hUM phaT swAhA/ zhes brjod la/ gtor ma'i snod sgrub pa'i grogs mchog thor tshugs bcings pa'i lag tu byin te dur khrod chen por dor bar bya'o/ /de nas nag po chen po ni/ 'khor dang bcas ba mnyes gyur nas/ /ji srid nam mkha' nyi zla dang/ /ji srid skar ma dag dang sa/ /ji srid rgya mtsho dang ni gling/ /ji srid 'gro ba ris drug gnas/ /de srid rgyal bcas gtsug lag khang/ /mchod rten bcas ba des srung 'gyur/ /de ni 'phags pa'i
- 377a
de 'dun yang/ /tshe ni ring por byed par 'gyur/ /me la sogs pa bgegs kyi tshogs/ /'byung ba de yis 'jig par byed/ /rab gnas dus su rnal 'byor pas/ /gtor ma 'di ni yang dag bya/ /phan phyir bya ba'i rgyud las ni// bcom ldan 'das kyis de skad gsungs/ /de ni nag po chen po'i gtor ma'o// //skye'o sdig pa byed pa rnams/ /gang gis bde 'gror skye 'gyur ba/ /'chi ba'i dus kyi gtor ma ni/ /bzang po de nas bshad par bya/ /blo gros chen pos bud med dam/ /skyes pa shi ba mthong nas ni/ /de tshe bdag nyid byang chub sems/ /phyag na rdo rjer bsam par bya/ /zhal gcig pa la phyag gnyis pa/ /utpa la sngon po'i 'dab 'dra'i 'ong/ /mche ba cung zad gtsigs pa ste/ /sgeg pa yi ni ro yis brgyan/ /g.yon pa sdigs mdzub dang ldan zhing/ /g.yas pa rdo rje gsor mdzad pa/ /gar bcas de dag mtshungs nyid kyis/ /'dren pa rnams kyis yongs su bskor/ /sa snying la sogs sa don gyis/ /yan lag drug gi go cha dgong// /mig la sogs pa byin brlabs nas de nas lha'i mig sogs 'gyur/ /de'i mgo dang logs sogs su/ /de yis gshin rje'i pho nya mthong/ /lag pa dbyug pa'i tho ba can/ /de nas mthong nas 'di ltar bsdigs/ /gshin rje'i pho nya khyed rnams ni/ /'di ni mdun nas 'gro bar gyis/ /nga ni gnas pa 'di ru khyed/ /skad cig tsam yang gnas skabs med/ /de min rdo rje rnan po yis/ /khrag dang rnag 'dzags 'jigs rung bar/ /khyod kyi mgo ni dags par bya/ /rdo rje 'dzin pa'i rnal 'byor pa/ /de'i tshigs de thos nas ni/ /mi bzad gshin rjes pho nya sogs/ /phyogs rnams kun du 'gros par 'gyur/ /de nas nga'i snying ga nas/ /'byung bar 'gyur ba'i rlung dag dang/ rnam par she pa tshim bya'i phyir/ /gtor ma dang ni bya ba yin/ /rna ba'i drung du sngags 'di ni/ /rnal 'byor
- 377b
rig pas bsangs nas ni/ bzlas na/ de las rdor 'dzin dang/ /mtshungs pa nyid du 'grub par 'gyur/ /oM na mo b+ha ga ba te sarba du rga ti pa ri sho d+ha ni rA dza ya ta thA ga tA ya ar ta te samyksaM bud+d+ha ya/ tadya thA/ oM b+hyo ma bya bi ne/ b+hyo ma ru spA ya/ sarba b+hya bi ne / shi ba ya h+riM/ brahma ma hA/ h+riM piSh+Na ra ye te/ k+Sh+yaM ru drak+Sha bi sarbi ni hUM ru tra sa ru pe/ /h+ri nA da A ta ma ke/ hUM bin du sha rI re oM shag saM ya dza ne me b+hyo ma yo dza ni/ bI shA ta ke ba lye pa de b+hama bi d+hye na ma(rgyud 'grel): yuM rluM lpuM k+ShaM k+Sh+myuM na mA tha oM oM aM a mUM thtyo? me bya bi ni b+hya phaT/ de nas gsang sngags 'od yis ni/ /mi skyod gnas ni nyams dga' ba/ /rga dang 'chi ba rnam spangs par/ /rnam par shes pa byung nas 'gro/ /de'i tshangs pa'i sgo nas ni/ /rnam shes myur du 'byung bar 'gyur/ /bzhin ni rab tu 'dzum byed cing/ /do ni ngo mtshar phyag rgyar ldan/ /rlung rnams kyi sngags 'di yis ni/ /oM hUM pra nA ya swAhA/ oM aM pA nA ya swAhA/ oM a sa mA nA ya swAhA/ oM sa u d+hu na ya swAhA/ oM hA bya nA ya swAhA/ oM k+ShaM ud wa ha ya swAhA/ /oM badzra baM wa ha ya swAhA/ oM gaM sa wa hA ya swAhA/ oM k+Sha Sh+Ta ni wa hA ya swAhA/ oM saM bi dz+nyA na ya a ru bi ni ga ga na/ ru pa ya/ a hye hi pra b+ha swAhA swa b+hA ba badzra d+ha ba ru ra pa ne hUM ? phaT/ sngags mchog gi bzang po 'di rnams kyis/ /tshigs dag nas ni rlung lo rgyud bas/ /skye bo bde bar byed par 'gyur/ /nam mkha' i rang bzhin du mar 'gyur/ /de'i rjes la nam mkhar srid pa bar ma'i yi ge ho gnyis kyis brten pa rnam par bsgoms te de'i mngon sum kho nar shi ba'i ro bsregs par bya'o/ / 'phags? pa 'khyil pa'i sngags kyis ni/ /byin gyis brlabs nas chus bsangs te/ /de nas chu bor khrus byas nas/ /ba'i rnam lngas dga' bar bya/ /de nas dri ma dag byugs te/ /kha ru go la gzhug par bya/ /me tog spos la sogs rnams
- 378a
kyis/ /mchod byas nas ni spos kyis dkris/ /glu dang rol mo yid 'ong bas/ /de la rab tu mchod par bya/ /yig gsum byin brlabs me lha ni/ /sbyin sreg las bshad cho gas gzhag /tshig par gyur gyi bar du ni/ /mkhas pas lan brgya rtsa brgyad dam/ /stong dam khri ni bzlas nas ni/ /'di ni shi ba'i chog rim pa/ /rus pa blangs nas dag byas te/ rdul ni chu bo la dar bya/ /rdul tshon kha dog dmar po yis/ /khro bo'i gzugs can gshin rje gshed/ /dkyil 'khor de ru bri bar bya/ /khro bo brgyad dang yang dag ldan/ /sngar bshad sku mdog phyag mtshan sogs/ /gdan bcas khro bo'i sku 'dzin pa/ /de nas mnyam gzhag gyur pa yis/ /sngags kyi bzlas brjod sngon 'gro ba'i/ /me tog la sogs yid 'ong ba'i/ /dkyil 'khor de ru bri bar bya/ khro'o brgyad dang yang dag ldan/ /sngar bshad sku mdog phyag mtshan sogs/ /gdan bcas khro bo'i sku 'dzin pa/ de nas mnyam gzhag gyur pa yis/ /sngags kyi bzlas brjod sngon 'gro ba'i/ /me tog la sogs yid 'ong ba'i/ /dkyil 'khor ba yang mchod nas ni/ /brgyad po go rims bzhin du 'bul/ /dbus su yang ni mar me'i snod/ /cho ga bzhin du gzhag par bya/ /mchod pa byas nas gtor mi sbyin/ /kham pa'i snod ni bcu gcig dang/ 'o ma sbrang rtsi de bzhin du/ /tsan dan dkar po'i chus bkang ste/ me tog bkram pa mdzes gyur pa'i/ /ba'i rnam lngas dag byas nas/ /de nas 'bras chan chang bu gcig snod gcig tu ni gzhag par bya/ /gnyis pa gnyis de gsum pa la/ /de bzhin gsum te bcu gcig par/ /bcu gcig bar du gzhag pa 'di/ /gtor ma sbyin pa'i cho ga rim pa/ /sngar bshad sngags ni bcu drug gis/ /byin gyis brlabs nas me tog spos sogs ngam de rnams rab mchod de/ /de nas chu bor dor bar bya/ /dkyil 'khor gshegs su gsol nas kyang
- 378b
rdul tshon chu bor dor nas ni/ /nam mkha' srid pa bar ma ni/ /de bzhin gshegs pas yongs bskor cing/ /chos ston pa ni lhur len pa/ /mi bskyod gzugs can blta bar bya/ /de nas langs nas de nyid kyi/ /rus pa blangs te phye mar bya/ /sa las byas pa'i mchod rten gyi/ /nang du rab tu gzhug par bya/ /de la rim pa 'di yin te/ oM wa ba ra d+he dzi ni go le ya sho te sarba bud+d+ha a d+hiShthi te swAhA/ 'dze ba la lan nyi shu rtsa gcig yongs su bzlas te mchod rten bya'o/ /oM badzra A yu She swAhA/ zhes bya bas skor phor du gzhug par bya/ /mchod rten 'byin pa na yang 'di skad brjod par bya ste/ /oM d+harmma d+hA tu gar b+he swAhA/ oM a b+ha ba swa b+ha ba d+harmma te swAhA/ oM pra ma rda na ye swAhA/ /oM sa pra tiSh+Thi ta stu pe swAhA/ oM na mo ratna tra yA ya/ /oM na mo b+ha ga ba te ak+Sho b+hya(rgyud 'grel): ya ta thA ga tA ya ar ha te samyksaM bud+d+ha ya/ /oM na mo b+ha ga ba to/ na ma AryA ba lo ki te shwa rA ya/ bod+hi sa twa ya/ mahA sa twa ya/ mahA ka ru ni kA ya/ tadya thA/ oM ci laM? band+ha mi/ mi li band+ha mi/ tsi li mi li band+ha mi/ si maM band+ha mi/ /si maM de ba dAd te shtsa ma ka shin bya ti kre ma tu swAhA/ sngags 'dis yungs kar la lan nyi shu rtsa gcig yongs su bzlas te phyogs bcur gtor na phyogs bcing ba byas par 'gyur ro/ /des ni mchod rten rab tu gnas par bya'o/ /de'i rjes la bdag dang gzhan bsrung ba'i don du sngags 'di brjod par bya'o/ /oM na mo ratna tra yA ya/ na ma shatsaN+Da badzra pA Na ye/ /mahA yak+Sha se nA pa ta ye/ oM badzra gro d+ha mahA ba la mahA te tsa ya mahA te tsa ya/ /mahA ha na da ha pa tsa ma tha/ bi ki ran bi d+hAM sa ma ya/ bi dra ba ya/ dzA ti yaM bo d+ha ga uts+tshu sma kro d+ha hUM phaT/ rak+Sha rak+Sha/ dza paM ma ma de ba rat+ta sya tsa sarba baM yo ba dra be b+hya(rgyud 'grel): swAhA/ 'dis bdag bsrung ba dang/ gzhan bsrung bar bya'o/ /de nas langs te ci
- 379a
bder gnas par bya'o/ /'chi ba'i dus kyi gtor ma'i cho ga'o// //de nas zos pa'i tha ma ru/ gang gi rnal 'byor zhi ba dang rgyas par 'gyur ba'i gtor ma ni/ /lhag ma zhes bya rab bshad bya/ /tshogs kyi 'khor lor zos pa yang/ /yang na rang gis zos pa'i mthar/ /bza' ba la sogs kun bsdus te/ /snod gcig tu ni gzhug par bya/ /chang dang sru yi chang lta ? gang/ /de yang gcig tu blugs par bya/ /de ru 'bras kyi phye ma yis/ /de ni dkyil 'khor glu gsum bya/ /dbus su dang po'i dbyangs dgod cing/ /zur gsum du ni yi ge gsum/ /bcom ldan 'khor ba las sgrol ba/ /dbus su sgron ma bsam par bya/ /spyan ni rtag pa dang ldan pa/ /oM gyi grwa ru yang dag bsam/ /A(rgyud 'grel): 'i gra ru lha mo ni/ /gos dkar mo ni bsgom par bya/ /mi bskyod dang ldan mA ma kI/ hUM gi grwa ru yang dag bsam/ /'bar ba'i phreng bas khyab cing dag/ gru gsum mkhas pas bsgom par bya/ /de'i dbus bum pa gang ba ni/ /sa las byas pa la sogs gzhag bza' dang bca' ba sogs gang de/ /bum pa da ru rab tu gzhug/ de nas gru gsum tha ma ru/ /dur khrod chen po bsam par bya/ /kha TwaM ga dang mgo la sogs/ /thod pa rnams kyis yongs su brgyan/ /shing gcig dang ni ldan pa nyid/ /khwa dang khyi sogs rnam 'jigs pa/ /dpa' bo rnal 'byor ma tshogs kyis/ /nye bar spras pa'i gzugs 'dzin pa/ /keng rus mkha' 'gro ma nyid ni/ /dur khrod gnas par de bsgom bya/ /drag mo gri gug snod thogs pa/ /skra bshig spyan ni gsum pa ste/ kha ni yi dags za byed cing/ /rgyas pa mi bzad gsus pa 'phyang/ /stag gi pags pa'i gos kyis ni/ /smad kyi cha ni rnam par brgyan/ /mgo bo'i steng du rkang pa gnyis/ /gang gyi 'gying tshul la brtson pa/ /thod pa'i phreng ba'i rgyan dang
- 379b
ldan/ /rgyu ma'i phreng bas rnam par brgyan/ /yi dags blang po tshil dang zhag/ rab tu byugs pa la dgyes pa/ /mi yi rus pa'i phreng ldan pa'i/ /ska rags khrag gi thig le can/ /lag 'gro chen po'i rna cha can/ /brang 'gro'i rkang gdub 'jigs rung/ /kha dog dmar po 'bar ba'i tshogs/ /gzi brjid thub par dka' ba yi/ /shin tu mi bzad khros pa yis/ /gnod sbyin la sogs bsdigs byed pa/ /yak+Sha chen po'i sgra sgrogs pa/ /sha za la sogs rnams kyis bskor/ /de bltas nas ni rtse gsum gyi// phyag rgya bcings nas rnal 'byor pas/ /spyan 'dren sngags ni bzlas bya zhing/ /chad gi btung ba dbul bar bya/ /oM e hya he shma shA na wa se ni ma ma se ba ri ba rA sya rak+Sha ku ru i ha san ni ho to b+ha ba swAhA/ /rang rang sngags kyis go rims bzhin// de nas me tog sogs phul nas/ /sngags kyi rgyal po 'di yis ni/ /de la gtor ma dbul bar bya/ /oM ku ru ku ru/ wad ta li mahA wa ta li/ /sid ta mu khi shma shA na wa si ni/ /pra ti wa da ni/ tsaN+Da ka ra li ru b+hi ra pri ye/ sa ma ya rak+Shi ta yo ga d+ha raM ki li ki li/ ra bai badzra praM ti wa ma ni d+he bu dza te/ /bag ti gU ha na dA te/ hUM maM ga gra ri/ /tsaN+Da ka ra li/ tiShtha tiShtha/ a maM uts+tshiSh+Ta ba liM grih+Na sarba duSh+Tan b+hak+Sha ya/ ha hUM phroM phaT swAhA/ /zhes bya ba'i lhag ma'i sngags brjod la/ /gtor ma'i snod lan gsum bskor la mtshan ma gcig par dong bar bya'o/ /de nas langs te lag pa dang kha bkrus la dkyil 'khor phyis te/ snga ma bzhin du gshegs su gsol la ci bder nyal bar bya'o/ /de ni lhag ma'i gtor ma'i cho ga'o/ /nyal ba'i dus sam rab gnas sam/ /sbyin sreg mthar yang rnal 'byor pas/ /phyogs bcu tshim par bya ba'i phyir/ /khro bo'i rgyal po'i gtor ma bya/ /gshin rje mthar byed nas btsams te/ gnod mdzes rgyal po la thug pa'am sku mdog phyag
- 380a
mtshan cha lugs ni/ /ji bzhin khro bo bcu po bsgom/ /mdun du dkyil 'khor bsam par bya/ /yang na rdo rgyus dag gis dris/ /mtsho skyes 'dab ma brgyad pa ste/ /de la khro bo rnam par bsam/ /dbus su dpal ldan rdo rje sems/ /gshin gshed gtsug tor la thug rnams/ /go rims bzhin du shar sogs dang/ 'og dang steng gi phyogs su bsam/ /sha dang 'bras chan chad btung bas/ /gad par gyur pa'i snod bcu dag /rim pa bzhin du bzhag bya zhing/ /mchod yon phul te de nas mchod/ /sngags 'di yis ni sgrub pa pos/ /de nas spyan ni drang bar bya/ /oM e hye hi b+ha ga pAn/ /i hA b+ha ga hya tsa sa ma ye na tsa arg+haM puShpaM pra tIts+tsha i dam pu dza wA dya pra sa da mi/ /de nas rang rang gi sngags bcu po kho nas gtor ma'i snod rnams byin gyis brlab par bya'o/ /oM na ma(rgyud 'grel): sa man+ta bud+d+he b+hyo/ /na mo badzra mud ga ra hasta ya tsan+d+ra maN+Da la ak+Sho pa ka rA ya hUM phaT/ gshin rje gshed kyi'o/ /oM na ma(rgyud 'grel): sa man+ta bud+d+ha b+hyo/ ma ha na d+ha ra/ bi bi d+ha/ so ra so ra kha ra da na bud+d+he ni ra ma tha ni rma tha hUM phaT/ shes rab mthar byed kyi'o/ /oM na ma(rgyud 'grel): sa man+ta bud+d+ha b+hya hu lu hu lu/ mahA pad+ma a mi t+tha ku ru mahA pi sha na A/ pad+ma mthar byed kyi'o/ /oM na mo(rgyud 'grel): sa man+ta bud+d+ha b+ho/ /na mo badzra kro d+ha ya/ mahA te aSh+Ta? ud ga te lhe ra bA ya/ badzra san b+ha ra bA ye/ a mri te kuN+Da li hUM phaT/ bgegs mthar byed kyi'o/ /oM na ma(rgyud 'grel): sa man+ta bu d+d+he b+hya/ ya ma daN+Da ya/ tu ru tu ru/ mu ru mu ru/ sarba duSh+Ta mA rA ya hUM phaT/ dbyug pa sngon po can gyi'o/ /? mdza' man+ta bud+d+he b+hyo/ na mo mahA ba la ya/ uts+tshuSh+ma kro d+ha rA dzA ya/ sarba nA ga nI h+ri de ya hUM phaT/ /stobs po che'i 'o/ /oM na ma(rgyud 'grel): sa man+ta bud+d+he b+hyo/ /na mo a tsa la ka na tsa ta tsa ta/ mu Ta Ta mu Ta Ta/ tu Ta tu Ta/ g+ha Ta g+ha ta/ ga ga g+ha
- 380b
ta ya hUM phaT/ mi g.yo ba'i 'o/ /oM na ma(rgyud 'grel): sa man+ta bud+d+he b+hyo/ oM Tak+ki hUM dza/ 'dod pa'i rgyal po'i'o/ /oM sum b+ha ni sum b+ha hUM/ grih+Na grih+Na hUM/ grih+Na pa ya grih+Na pa ya hUM/ A na ya ho b+ha ga pa na bidya rA dza hUM phaT/ gnod mdzes rgyal po'i 'o/ /oM na ma: san+ta bud+d+ha nAM na ma(rgyud 'grel): sa man+ta d+harmA NI na ma(rgyud 'grel): sa man+ta sa g+hA NAM/ oM si tA ta tre/ oM bi ma la/ oM shang ka ra/ oM pra tyad ga ra/ badzra uSh+Ni Sha tsakra warti sarba yan tra man tri tran tra mU la karma/ baTd+ha? nA dA Da ni/ ki li ni wa/ ma kri tya ye na tsi ta gri taM tad sarba na tu ts+tshind+ha ts+tshind+ha b+hinda b+handi b+handi/ tsi ri tsi ri/ gi ri gi ri/ mi ri mi ri/ hUM hUM hUM hUM hUM hUM hUM hUM hUM hUM phaT phaT phaT gtsug tor 'khor los sgyur pa'i 'o/ /thams cad bsrung bar byed pa'o/ /sngags mchog bzang po 'di rnams kyis/ /khro bo'i rgyal po bcu po ni/ /rdzogs par tshim par byas par 'gyur/ /de nas shar sogs phyogs rnams su/ /sngags kyi go rims ji bzhin du/ /khro bo rnams kyi go rims bzhin/ /gtor ma'i snod rnams dor bar ba/ /de yis nam yang rmi lam ni ngan pa nyid ni mthong mi 'gyur/ /khro bo tshim las rnal 'byor dbang/ /rmi lam bzang po nyid mthong 'gyur/ /rab gnas mdza' mar gtor ma 'dis /lha khang shin tu brtan par gyur/ /sbyin sreg mdza' ma mkha' 'gro ma/ /stobs chan ma dag rab mnyes 'gyur/ /gang phyir sna tshogs ma lus 'di/ /phyogs bcu'i sems can dang bcas pa/ /khro rgyal gyis ni ? gi mthus/ /rtag tu pham par byas te gnas/ /de phyir de ni tshim byas pas/ /klu dang 'byung po drang song dang/ /gnod sbyin lha min bcas 'gro ba/ /rgyu dang mi rgyu tshim par 'gyur/ /rang gi 'dod lha'i rnal 'byor ram/ /rta'i rgyal po'i rim gyis ni/ /rtse gcig sems ldan sgrub pa pos/ /khro rgyal rnams la gtor ma dbul/ /des khro bo'i rgyal po bcu'i gtor ma'i cho ga'o//
- 381a
gang zhig byas pas rnal 'byor dbang/ /rdo rje sems dpa' nyid thob 'gyur/ /nang gi gtor ma zhes bya ba/ /de nas gzhan yang rab bshad bya/ /bzhin bzangs mig ni rab yangs pa'i/ /sihla ga bur dag gis brgyan/ /phang pa ru ni gzhag bya ste/ nu ma bzung par rab tu bsam/ /rdo rje pad+mar 'o byas zhing/ /rdo rje bskyod pas mnye bar bya/ /rdo rje 'khyud pas 'khyud nas ni/ /rdo rje mchu ni rab tu gzhig/ /rdo rje sems ma'i sbyor ba yis// //rdo rje gnas ni rab tu bskyod/ /rdo rje sems ni rab phyung nas/ /rdo rje'i lce yis bza' bar bya/ /de nas de'i bde chen du/ /rdo rje sems dpa' rab tu gzhug /rdo rje bsdams pa'i sbyor ba yis/ /rdo rje'i mchod pa rab tu brtsams/ /rdo rje sems dpa' thob pa na/ /brtul zhugs can gyis rdor sems spro/ /pad+ma'i me tog yang dag ldan/ /me tog dmar pos mchod par bya/ /pad+ma mnyes gyur rdo rje can/ /pad+ma dmar pos khyad par du/ /dri lnga yi ni sbyor ba dang/ /spos dang ga bur mchod pas so/ /'di yis rgyas par 'gyur ba ste/ /stobs? dang mthu dang rtsal ldan 'gyur/ /bltas pa tsam gyis bskul nas ni/ /'jig rten dag ni dbang du 'gyur/ /shes rab yan lag sbyor ba yis/ /nang gi gtor ma'i ri mo 'di bshad/ /gzhan yang bza' ba'i sbyor bas kyang/ /nang gi gtor ma bshad par bya/ /ji skad du dpal ldan lha mo bzhis chos kyi dbyings zhus pa las lha mo sgrol ma'i the tshom bsal ba'i phyir bcom ldan 'das kyis te/ /rdzas kyi sgrub pa yan lag brgyad/ /chos rnams bsgrub pa bshad par bya/ /mi dang glang po rta dang ni/ /ba lang khyi dang bong bu nyid rnga mong dang ni ma de nyid/ /cha dag mnyam par byas nas ni/ /mthe bong gi ni rtse mo tsam/ /mnyam par mnyam pas nges par sbyar/ /bshang gci khrag dang khu bdag /nas kyi 'bru'i tshang tsam yang/ /sngags kyi sgo nas sbyar bya zhing/ /byin gyis kyang ni
- 381b
brlab par bya/ /oM dang yi ge A(rgyud 'grel): dang ni/ /dbus su yi ge hUM nyid dang/ dzwa la dzwa la ya h+rI ste/ 'di ni dgu par rab tu grags/ /lan grangs nyi shu rtsa gcig gam/ /sngags 'di brjod pas gdags par bya/ /tshes brgyad dam ni bcu bzhi la/ /lnga lnga dang ni bsre bya zhing/ /yungs kar lnga'i tshad tsam gyis/ /de nas ri lu dag byas nas/ /pad+ma'i snod du bzhag nas su/ /stong phrag brgya ni bzlas par bya/ /nyin re bzhin du bza' bya zhing/ /thun bzhi dag tu bsgoms byas na/ /bskal pa'i mdza' la thug pa ru/ /dngos grub rgya chen thob bar 'gyur/ /ri lu chen po zos pa yis/ /mdog dang gzi brjid stobs dang mthu/ /lnga pa smon lam nyid dang ni/ /mngon par shes pa lnga thob 'gyur/ /zhes gsungs pa bzhin no/ /de ltar nang gi gtor ma ni// rtag tu bya ba rnal 'byor pos/ /'dir ni dpal ldan rdo rje sems/ /rga shi med pa'i gnas myur 'grub/ /de ni nang gi gtor ma'i cho ga'o/ /sna tshogs rgyud kyi rgya mtsho las/ /bdag gis gtor ma'i cho ga ni/ /ma lus thams cad mnyes byed pa/ / rin chen tshogs mtshungs sum cu btus/ /rgya chen rgyud 'dzin 'jigs pa la/ /gzhung chad dgu brgya dang ldan pa/ /lag mthil 'bras mtshungs gtor ma yi/ /sgrub thabs 'di ni bdag gis byas/ /rnam pa sna tshogs rgyud las btus las ngal bar gyur pa bdag gis ni/ /phan dang bde ba phyogs yang dag sgrub byed gtor ma'i sgrub thabs byas pa las/ /de ring zla ba'i 'od mtshungs shin tu rgya chen dge ba gang bsags pa/ /de yis deng sang skye bo mang po bde gshegs nyid ni rab thob shog /bdag kyang srid pa 'di ru ni/ /rdo rje sems dpar 'gyur par shog /ma lus bde gshegs bsam bya ba/ /lha chen sogs gyis bsam mi khyab/ /rtogs pa'i rlabs ni 'joms byed blo mchog skal ldan skye bo yi/ /snying la rtag
- 382a
tu shin du brtan par gnas par byed par shog /rgyud sna tshogs las ? pa'i gtor ma'i cho ga slob dpon dpal klu sgrub kyi zhal snga nas mdzad pa rdzogs so// //rgya gar gyi mkhan po slob dpon karma badzra'i zhal snga nas dang/ lo tsa ba dge slong gzhon du tshul khrims kyis bsgyur cing zhus pa'o// // */ /rgya gar skad du/ sarba d+harmma pA la ba lin+ta bi d+hi/ bod skad du/ chos skyong thams cad pa'i gtor ma'i cho ga /dpal phyag na rdo rje la phyag 'tshal lo/ /bsod nams tshogs sogs par chad zhi/ /phrin las rnam bzhi 'grub pa dang/ chos skyong thams cad mnyes par 'gyur/ /de phyir gtor ma'i cho ga brtsam/ /dad dang ldan pa'i sgrub pa pos/ /snying rje che zhing gzhan phan dga' / /ser sna med cing gtor brtsom pas/ /bsang ba'i btung ba lcags kyu rnams/ /nya dang 'khur ba 'bras chan rnams/ /la phug la sogs bza' btung rnams/ /brtson pas nye bar tshogs la na/ /'dod lha'i rnal 'byor dang ldan pas/ /dpen zhing gtsang ba'i sa phyogs su/ /dbang chen dkyil 'khor rnam lngas byug /de steng par snod mdzes pa'i nang/ /sngar bsags rdzas kyis yongs su dgang/ /byang chub mchog tu sems bskyed la// 'og tu g.yo ba'i dkyil 'khor bsgom/ /de stengs 'bar ba gru gsum bsam/ /'bru gsum steng du bang snod bsam/ /rlung bskyod me 'bar rdzas rnams zhu/ /thog mar nyi ma shar lta bu/ /de nas spyang dang spang rtogs ni/ /zla ba rdo rje oM gyis bsgrub/ /ye shes bdud rtsis sangs rgyas sogs/ /'bad pas de nyid thim par bsam/ /sku gsung thugs kyis byin brlab bya/ /rang snying sa bon 'od zer gyis/ /phyogs bcu'i sangs rgyas zhing rnams ni/ /'jig rten 'jig rten 'das
- 382b
pa yi/ /chos skyong srungs ma thams cad rnams/ /mdun gyi nam mkhar spyan drangs la/ /thog mar zhal bsil bsang gtor bya/ /de nas me tog sogs lnga mchod/ /rjes su gtor ma dbul ba ni/ /rdo rje thal mo'i steng gzhag nas/ /dad pa'i blo yis kun la bstab/ /thams cad dgyes pa'i thugs kyis ni/ /ljags kyis myu gus drangs gsol bsam/ /oM sarba d+harmmA pA la/ sarba k+Sha tra pA la/ /a kA ro mu kham sarba d+harmma NAM Adya nud pan+na twot tA oM A(rgyud 'grel): hUM phaT swAhA/ sarba shAn ting ku ru/ sarba puSh+Ti ku ru/ sarba me b+ha sha na ya ho/ /sarba duSh+Ta Na mA ra ya/ /hUM phaT ces brjod la dbul bar bya'o/ /de nas gsol gdab las bcol bya/ /phyogs bcu'i zhing khams mdza' yas na/ /bzhugs pa'i sangs rgyas byang chub sems/ /gnyis mde? thugs rje'i dbang gis ni/ /dpa' dang mkha' 'gro'i tshogs su sprul/ /'bar ba'i sku rnams khro gtum che/ /rdzu 'phrul sna tshogs mthu stobs ldan/ /rab zhi 'od gsal thugs chud kyang/ /thabs mang thugs rjes 'gro 'dul ba'i/ /dpa' bo dpa' mo'i tshogs rnams la/ /bsnyen bskur gtor ma yid 'ong 'bul/ /sangs rgyas bstan pa bsrung du gsol/ /bdag cag sgrub pa po rnams la/ /zhi rgyas dbang dang mngon spyod kyi/ /phrin las rnam bzhi'i dngos grub gsol/ /sgrub la bar chad byed pa yi/ dgra bgegs thams cad zhi bar mdzod/ /bsod nams tshogs chen bsags las byung/ /rgyal chen bzhi dang phyogs skyong bcu/ /lag na rdo rje gos sngon tshogs/ /gzhan yang mthu rtsal che ldan pa'i/ /lha dang lha min mi 'am ci/ /lto 'phye grul bum nam mkha' lding/ /sha za srin po phra men tshogs/ /sman dang btsan la sogs pa yi/ /chos la dga' ba'i dge bsnyen rnams/ /dkon mchog gsum la skyabs song nas/ /bstan pa bsrung bar khas blangs pa'i/ /dge bsnyen pho mo
- 383a
thams cad la/ /bsnyen bkur gtor ma rgya chen dbul/ /bstan pa gnyan po bsrung du gsol/ /bdag cag sgrub pa po rnams la/ /rang rang las kyi dngos grub gsol/ /dkon mchog gsum gyi bka' nyon la/ /rnal 'byor kun gyi las bcol bsgrubs/ /log 'dren thams cad tshar gcad nas/ /kun kyang dam tshig la gnas te/ /rtag par tshogs gnyis rab bsags nas/ /'phags pa rnams kyis brnyes pa yi/ /rab zhi bde chen thob par shog / yi ge brgya ba brjod la oM A(rgyud 'grel): hUM badzra mu(rgyud 'grel): zhes pas thams cad gshegs su gsol/ /gtor ma sum mdo 'am bzhi mdor sa gtsang sar bskyal lo/ /chos skyong thams cad pa'i gtor ma'i cho ga slob dpon chen po ba ling A tsAryas mdzad pa rdzogs so// //bod kyi lo tsa ba rma ban chos 'bar gyis bsgyur ba'o// // */ /rgya gar skad du/ tsa tu rA dza mahA ba li nA ma/ /bod skad du/ rgyal po chen po bzhi'i gtor ma zhes bya ba/ /lha mo sgrol ma la phyag 'tshal lo/ /yon tan rgyud la skye ba yi/ /bar chad sel ba'i gtor ma'i mchog /rgyal chen bzhi'i gtor ma brtsam/ /de nas sngon du 'gro ba'i cho ga tshad med pa bzhi byang chub kyi sems bsgoms la/ /gtor ma khyad par du bya ba bzang du bshams la/ /de nas rang khyad par du bya ba yi dam gyi lhar bsgoms la/ sku gsung thugs yi ges byin gyis brlab/ gtor ma swa b+ha ba'i sngags kyis stong par bsgoms la/ stong pa'i nga las yaM las rlung gi dkyil 'khor/ /de'i steng du ram las me'i dkyil 'khor a(rgyud 'grel): las thod pa'i ? ba/ de'i nang du a zhub las bdud rtsi/ de nas 'khru gang tsam nas a las zla ba'i dkyil 'khor gyi steng du hUM dkar po yongs su gyur pa las rdo rje dkar
- 383b
po rtse lnga pa khong seng can de'i steng na/ a las zla ba'i dkyil 'khor gyi steng na tAM ljang khu las 'od zer thur la 'phros/ bdud rtsir zhu yar 'phros sangs rgyas dang byang chub sems dpa' i thugs kha nas ye shes kyi bdud rtsi char rgan po tsam bab par bsams la a kA ro'i sngags lnga 'am bdun brjod A(rgyud 'grel): hUM yang lnga 'am bdun brjed/ /de ni gtor ma khyad par du bya ba'o/ /de nas 'gron khyad par du bya ba ni mdun gyi nam mkha' la paM las pad+ma'i gdan 'dab ma bzhi pa/ /lte ba las a las zla ba'i dkyil 'khor de'i steng du tAM yig ljang khu las 'od spro bsdu byas pas/ /utpa la tAM gyis mtshan pa/ de las 'od 'phros tshur 'dus pas rje btsun ma sgrol ma zhal gcig phyag gnyis pa sku mdog ljang khu g.yas skyabs sbyin/ /g.yon pa sdod gu dang bcas pa'i utpa la 'dzin pa bsam/ /de nas ye shes pa spyan drangs la dza(rgyud 'grel): hUM baM ho(rgyud 'grel): sa bstim/ sku gsung thugs kyi yi gas byin gyis brlab/ /de nas shar gyi pad+ma la rgyal po yul 'khor skyong zhal gcig phyag gnyis pa/ sku mdog dkar po lho'i pad+ma la rgyal po 'phags skyes po sku mdog sngon po zhal gcig phyag gnyis pa/ nub gyi pad+ma la rgyal po chen po mig gi bzang sku mdog dmar po zhal gcig phyag gnyis pa/ byang gi pad+ma la rgyal po rnam thos sras sku mdog ser po zhal gcig phyag gnyis pa/ de bzhi skad cig la wal? gyis bskyed la/ de nas snying kha nas 'od zer 'phros pas ye shes sems dpa' dgug gzhug bya/ sku gsung thugs kyi yi ges byin gyis brlab/ de nas de bzhi'i ljags mi dmigs pa las yi ge hUM ? yongs su gyur pa las/ lce stong rdo rje lce smad spu gu can gyis gtor ma la tar gyis gtsugs nas gsol bar bsams la/ /ba liM ta khA he zhes lan gsum btab po/ /de nas bka' bsgo ba ni shar phyogs dri za'i gdon dang/ lho phyogs
- 384a
gshin rje'i gdon dang/ nub phyogs grul bum gyi gden dang/ byang phyogs gnod sbyin gyi gdon dang/ gdon chen po bco brgyad dang/ bgegs rigs stong phrag brgyad cu la sogs pa las bsrung du gsol zhes gsol ba gdab bo/ /de nas ye shes sems dpa' gshegs/ dam tshigs sems dpa' mi dmigs par bsam/ gtor ma sa gtsang sar bskyal/ rgyal po chen po bzhi'i gtor ma rdzogs so// //paN+Di ta dI paM ka ra sh+rI dz+nyA na dang/ lo rtsa ba dge bshes ston pas bsgyur pa'o// (//gtor ma chen po'i las kyi rin pa'i 'brel pa bzhugs//) // */ /rgya gar skad du/ mahA ba ling karma kra ma brit+ti/ bod skad du/ gtor ma chen po'i las kyi rim pa'i 'grel pa/ 'phags pa 'jam dpal gzhon nur gyur pa la phyag 'tshal lo/ /dngos po kun bdag rdo rje sems/ /ston ka'i zla ba ltar dkar ba/ /sangs rgyas kun gyi bdag nyid che/ rgyud bdag mgon po phyag 'tshal bstod/ /'jam dbyangs la sogs thams cad la/ /rdo rje gus par phyag 'tshal nas/ /gtor ma chen po'i rim pa 'di/ /blo dman rnams la phan phyir bshad/ /nyan pa po rtog pa dang ldan pa rnams dgos pa la sogs pa med pa la mi 'jug pas dang po re zhig dgos pa la sogs par brjod par bya ste/ de la dgos pa ni gtor ma chen po'i las kyi rim pa shes par bya'o/ /de yis bdag dang gzhan gyi don phun sum tshogs pa ni dgos pa'i dgos pa'o/ /de yang slob dpon gyi gzhung 'dis rtogs pa 'bral pa'o/ /brjod bya las kyi rim pa nyid do/ /shes rab ye shes 'od ldan pa/ /yan lag thams cad bsdus pa yin/ 'phags pa 'jam dpal gzhon nu la btud ces bya ba ni slob dpon gyis yi dam gyi lha la mchod pa byas pa'o/
- 384b
de yang shes rab ni stong pa nyid kyi ye shes kyi rang bzhin yum shes rab kyi pha rol du phyin pa'o/ /de yang shes rab spros dang bral ba'o zhes pa dang/ stong pa nyid ni shes rab brjod ces 'byung ba'i phyir ro/ /ye shes ni rnam pa lnga'o/ /shes rab ye shes 'od gsal ba yod pas na de skad ces bya'o/ /yan lag ni mtshan dang dpe byad do/ /bsdus pa ni tshad pa'o/ /thams cad ni ma lus pa'o/ /yang na yan lag ni/ stobs dang mi 'jigs pa dang gzungs dang ting nge 'dzin/ /so so yang dag rigs dang bsrung ba med pa dang/ sangs rgyas chos ma 'dres pa bco brgyad 'od ldan pas/ /rgyu dang 'bras bu'i yon tan khyad par kun ldan pa'o/ /zhes pa ni sangs rgyas kyi yan lag go /ma lus par tshang zhing rdzogs pas na thams cad 'dus pa ste shing rta'i yan lag bzhin no/ sdig pa rnams las ring du song pas 'phags pa'o/ /'jam zhing mnyen pa dang ldan pas 'jam dpal lo/ /sra zhing rtsub pa med pa'i dpal mda' bas bgres shing 'gyur pa med pa'i sku na tshod lo brgyad lta bu gnyis su med pa'i bde ba'o/ /yang na shes rab ni spros pa dang bral ba stong pa nyid ye nas gnas pa'o/ /de yang de bzhin gshegs pa rnams byung yang rung ma byung yang rung chos rnams kyi chos nyid ni gnas pa nyid de zhes pa dang/ sems can thams cad bde bar gshegs pa'i snying po can zhes gsungs pa'i phyir ro/ /de gsal zhing rtogs pas shes rab ye shes 'od ldan no/ /shes rab ye shes nyid yan lag ste/ bsdus pa'i sgra bsres pa la yang 'jug pas dbyer med do/ /de nyid 'phags pa 'jam dpal gzhon nu ste/ 'khor ba'i nyal? ba ? pa gzugs skus 'gro ba'i don rdzogs pa chos sku bde ba zag pa med pa la phyag btsal bas na btud pa'o/ /gzhung rdzogs pa dang le lo med par bya bas
- 385a
na/ gtor ma bdag gis brtsams/ shes pa ste rdzas mang pos bsres pa la mi 'dzin pas gtor ma ste/ mi 'dzin gtor bas gtor ma'o zhes gsungs so/ /las dang po pas shes par bya ba'i phyir las kyi rim pa bri ba'o/ /slob dpon gyis grags pa dang chags pas ma yin gyi ma rtogs pa'i gang zag la snying rje bas brtsams pa ni/ /snying rje chen po'i sems bskyed pas/ /'gro ba ma lus don du ni/ /gtor ma chen pa'i rim pa 'di/ /zhi ba'i rgyud kyi don bsdus yin zhes bya'o/ /snying rje ni sems can la dmigs pa dang/ chos la dmigs pa'o/ /de la sems can sdug bsngal gyis sdug bsngal pa la snying rje ba dang/ phyin ci log la yang dag tu 'dzin pa la snying rje ba ste go rims bzhin no/ /thams cad khyab pas chen po'o/ /'gro ba ris drug ni lha dang lha ma yin dang dud 'gro dang yi dags dang dmyal ba ste spyi la gtong bas ma lus don no/ /chen po zhes bya ba ni snga ma bzhin no/ /'jam dpal khri drug stong pa ni zhi ba dang khro bo'i rgyud kyi rtog pa med pas na zhi ba'i rgyud kyi don bsdus pa'o/ /rgyud ni rgyu dang thabs dang 'bras bu'o/ /de la rgyud ni smin par byas pa dam tshig dang ldan pa'o/ /thabs ni de kho na nyid bcu la sogs pa'o/ /'bras bu ni mchog bsgrub pa'o/ /gang zhig snying rje'i rlan sems kyis/ /bdag dang gzhan don bsgrub 'dod pas/ /zhes bya ba ni 'jug pa'i gang zag gi mtshan nyid de/ theg pa chen po la snying rje dang mi 'grub pas rtsa ba ni snying rje chen po zhes gsungs so/ /bdag gas? na med pa'i byang chub 'dod pa dang/ sems can gyi don bya bar 'dod pas bla ma dam pa bsten par bya zhing rgyud kyi don btsal bar bya ba yin pas/ dang po mkhas la bslab par bya zhes
- 385b
smos te/ dbang dang dam tshig thob pa'i slob mas bla ma mkhas pa snying rje dang ldan pa mang du thos pa mnyes par byas la/ bla ma'i bka' dang mi 'gal bar spyad cing rgyud kyi dgongs pa bcas par bya'o/ /lobs nas gtor ma'i rdzas bsogs te/ rin chen snod mdzes chu gtsang dang/ /rin chen lnga dang sman lnga dang/ /'bru lnga dang ni snying po lnga/ /spos dang me tog mdzes pa lnga/ dkar gsum mngar gsum phye 'am zan/ /'bras la sogs pa'i chan khrol dang/ khur ba la sogs gtsang ma'i zas/ /ji tsam 'byor tsam bsham par bya/ /zhes bya ba ni bla ma mnyes par byas shing rgyud thos nas las kyi rim pa shes nas rin po che'i snod la sogs pa'i rdzas 'byor pa yod du bsogs te/ snod rin po che las byas pa bzo legs pa'i nang du chu ma 'bags pa mi gtsang pa la sogs pas sme bar ma gyur pa dang/ gser dang byu ru dang dngul dang mu tig dang shel la sogs pa rin po che sna tshogs pa dang/ kan ta ka ri dang/ ha sa de ba dang/ bri ha ti dang/ daN+Da tpa dang/ she ta a pa ra tsi ta la sogs pa sman thams cad dang 'bras dang nas dang til dang gro dang ma sha sran ma la sogs 'bru thams cad dang/ tshwa dang mar dang sbrang rtsi dang pu ram dang gser la sogs pa snying po thams cad dang/ ga bur dang tsan dan dang/ gur kum dang/ a ka ru dang/ du ru ka la sogs pa spos thams cad dang/ utpa la dang/ padmo dang/ man da ra ba dang/ tsam pa ka dang/ a shwe ka la sogs pa me tog thams cad dang/ mar dang 'o ma dang/ zho dang/ ka ra dang bu ram dang/ sbrang rtsi dang/ 'bras dang nas la sogs pa 'bras bu rnams kyi chan dang/ khur ba dang/ la du dang dwags dang/ thung sna tshogs pa dang/ gzhan yang dri zhim zhing gtsang ma'i zas sna tshogs pa dang/ phye dang zan ni gnyis ka dgos pa ma yin gyi yang na zhes pa'i don to/ de yang rnam pa
- 386a
thams cad du dgos pa ma yin gyi nus tshad du 'byor tshad do/ /mi nus pa dang mi 'byor na ji lta bu snyam pa la de dag med na chu nyid la/ rin chen sna 'ga' bdar la btang zhes pa'o/ /'ga' ni gcig tsam de las lhag pa'o// don ni 'di skad ston pa yin te/ 'byor tshad kyi rdzas yin gyi rgya chad pa ma yin no/ /ting nge 'dzin nam dngos su rnam lnga'i mchod pa 'ang mdun du bzhag ces pa ni rnal 'byor rgyud la phyi rol gyi bya ba gtso bo ma yin pas so/ /rdzas dang ldan pas ting nge 'dzin gyi yan lag tu lus bde bar bya ba nas/ /de nas stan bde ba la 'dug ste zhes smos so/ /thams cad kyi don du snying rje 'gro bas na snying rje'i sems kyis mnyam par gzhag la zhes bshad do/ /mngon par rdzogs par byang chub ni tshogs rdzogs pas 'grub kyi gzhan du ma yin pas tshogs bsag dgos la/ de la yang rten khyad par can dgos pas bde bar gshegs pa/ spyan drang ba ni ting nge 'dzin kho nas 'grub pas/ /de nas rang snying paM pad dkar/ /de dkyil a las zla dkyil 'khor/ /de dkyil d+hI las ral grir gyur/ /chang ba'i d+hI las 'od zer 'phros/ /bde gshegs sras bcas 'od kyis bkug /mdun gyis mkha' la gsal bar bsam zhes smos te/ de'i don 'di yin te/ rang gi snying gar pi dkar po bsams la/ de yongs su gyur pa las pad+ma dkar po 'dab ma bzhi pa'i steng du a dkar po gyur ba las zla ba'i dkyil 'khor bsams pa'i steng du d+hI dkar po gyur pa las ral gri'i chad pa la d+hI dkar pos mtshan pa'o// thams cad bu dkar po ni skyon gyis ma gos pa'o/ /pad+ma ni shes rab kyi pha rol tu phyin pa pad+ma'i rigs so/ /zla ba ni byang chub kyi sems so/ /ral gri ni shes rab rno ba'o/ /d+hI las 'od zer lcags kyu'i dbyibs tsam gyis sangs rgyas
- 386b
dang byang chub sems dpa' dang nyan thos thams cad mdun gyi nam mkha' la bzhugs par bsams la phyag dang mchod pa la sogs pa rgyan dang ldan pas mchod pa dbul te/ spro bsdu gong dang 'dra ba'o/ /de yang phyogs bcu'i rgyal ba sras dang bcas pa la sems kyis sprul te phyag 'tshal lo/ /de yang snying ga'i d+hI las ni mchod pa'i lha mo mang po spros te mchod pa dpag med dbul bar bya zhes pa'o/ /bdag ni skye gnas thams cad du zhes bya ba ni skye gnas bzhi'o/ /mngal dang drong? gsher dang sgo nga dang brdzus pa las skyes pa thog ma med pa nas sgye ba blangs pa kun tu sdig pa srog gcod pa dang/ ma byin par blangs pa dang/ mi tshangs par spyad pa dang/ brdzun dang/ phra ma dang/ tshig rtsub smras pa dang/ ngag khyal ba dang/ brnab sems dang/ gnod sems dang/ log par blta ba dang/ pha gsod pa dang/ ma gsod pa dang/ dgra bcom pa gsod pa dang/ de bzhin gshegs pa la ngan sems kyis khrag bton pa dang/ dam pa'i chos spong pa la sogs pa thams cad rang gis byas pa dang/ gzhan la bcol ba dang/ gzhan byed pa la rjes su mi rang ba byas pa thams cad bshags so/ /sdig pa bgyis pa thams cad so sor bshags zhes pa'i don to/ /bdag gi dge ba spel ba'i phyir gzhan dge ba byed pa la rjes su yi rang ba ni sangs rgyas dang byang chub sems dpa' thams cad dge ba rgya chen po'i stobs kyis mchog bsgrub cing da ltar rgyun mi 'chad pa dang/ 'gro ba gya nom pa rnams dge ba rgyun mi 'chad pa dang/ phal pa rnams dge ba bag 'ga' byed pa la dga' ba'o// bde gshegs sras bcas bsam dag pa'i/ /'gro ba'i dge la rje yis rang zhes smras so/ /bsam dag ni nyon mongs pa'i dri ma dag pa'o/ /sems can thams cad la phan 'dogs pas na mgon po'o/ /de nyid thugs rje chen po mnga' bas na sems
- 387a
can thams cad la snod kyi rim pa dang 'tsham pa'i chos kyi 'khor lo bskor cig pa'o/ /ji snyed ces bya ba ni mdza' dag ces pa'i don to/ /de nyid kyis na sangs rgyas ma lus pa zhes bya'o/ /sems can ma rig pa'i mun nag gi nang na gnas pa rnams la ye shes kyi snang bas gsal bar mdzad cing bzhugs shig pa ni/ mya ngan mi 'da' bzhugs su gsol zhes bshad do/ /de ltar ma yin na skye shi med pa'i sku la grongs pa mi mnga' o/ /mya ngan 'das pa'i tshul ston pa ni rtag par lta ba sun dbyung ba dang le lo can la phan gdags pa'i phyir ro/ /bdag gis dge ba 'di dag gis/ /'gro rnams thams cad myur rdzogs shog ces bya ba ni sems can thams cad la bsngo ba dang bla na med pa'i byang chub tu bsngo ba thabs khyad par can yin pas so/ /oM badzra mu(rgyud 'grel): zhes pa ni gong gi spyan drang ba rnams gshegs su gsol ba'o/ /gzhan dag ni rang gi snying gar bsdu bar 'dod do/ /de ni bdag la byin gyis brlob par dgongs pa'o/ /gshegs su gsol ba ni bsod nams bsags pas dgos pa grub par dgongs po'o/ /da ni ye shes kyi tshogs kyi yan lag tu 'gyur ba byang chub kyi sems bskyed par bya ste/ de yang smon pa dang 'jug pa'o/ /de la smon pa ni bla na med pa'i byang chub dang/ nga las grub par 'dod do/ /'di ni 'jug pa'i sems so/ /de yang byang chub sems de mdor bsdu na/ /rnam pa gnyis su shes bya ste/ /smon pa byang chub sems dang ni/ /'jug pa byang chub sems nyid do/ /'gro bar 'dod dang 'gro ba yi/ /bye brag ji ltar shes pa ltar/ /de bzhin mkhas pas 'di gnyis kyi/ bye brag rim bzhin shes par bya zhes bshad pa'o/ /de las kyang dang po kun rdzob byang chub kyi sems su gyur pa tshad med pa'i byams pa la sogs pa'o/ /sems bskyed pa ni
- 387b
gzhan don phyir/ /yang dag rdzogs pa'i byang chub 'dod/ /ces byams pas gsungs so/ /tshad med pa ni tshad gzhal du med pa ste khams gsum pa thams cad la'o/ /de yang sems can thams cad la chos dang/ zang zing gi phan gdags pa dang/ nad la sogs pa'i gnod pa zhi bar bya zhing nyon mongs pa spang bar bya ba dang/ de ltar phan btags pa dang gnod pa spangs pas sems can thams cad bde ba dang ldan zhing tshogs rdzogs pas/ de la dga' bar bya ba dang/ dgra zun thams cad mnyam pa bsgom pa na/ /de nas tshad med bzhi bsgom bya/ /'gro la phan sems byams pa'o/ /pha rol gnod sel snying rje'o/ /sems can don grub dga' ba ni/ /de ni dga' ba tshad med yin/ /gzhan gyis gnod pa tshad med byed/ /de la mnyam gzhag btang snyoms so/ /zhes gshang ba'o/ /de ltar tshad med bzhi rdzogs nas/ /de bzhin nyid kyi ting 'dzin bsgom zhes bya ba ni mtshams sbyar ba ste/ de bzhin nyid ni chos thams cad kyi chos nyid do/ /shes rab kyi pha rol tu phyin pa'i mtshan brgya rtsa brgyad ba bshad pa ni de bzhin nyid kyi rnam grangs so/ /de nyid bshad pa na/ phyi nang snod bcud thams cad kun/ /ngo bo nyid kyis rnam par stong zhes bya ba ste/ phyi ni ri dang khang pa la sogs pa sems kyi gnas yin pas snod ces bya'o/ /de thams cad ngo bo nyid kyis stong pa ni stong pa nyid las ma 'das pa'o/ /de yang shes rab kyi pha rol tu phyin pa las/ de la phyi stong pa nyid gang zhe na/ /phyi'i chos gzugs dang sgra dang dri dang ro dang reg dang chos rnams te/ mi rtag mi 'jig pa'i phyir gzugs gzugs kyis stong ngo/ /sgra sgras stong ngo/ /dri dris stong ngo/ /ro ras stong ngo/ /reg reg gis stong ngo/ /chos chos kyis stong ngo zhes gsungs pa'i phyir ro/ /nang gi sems can du gtogs pa rnams te snod ma yod pas bcud do/ /de yang stong
- 388a
pa nyid de/ /yang de nyid las nad gi chos mig dang/ rna ba dang/ sna dang/ /lce dang/ lus dang/ yid do/ /de yang mi rtag mi 'jig pa'i phyir mig mig gis stong ngo/ /rna ba rna bas stong ngo/ /sna snas stong ngo/ /lce lces stong ngo// lus lus kyis stong ngo/ /yid yid kyis stong ngo zhes gsungs pa'i phyir ro/ /gzung bar rnam par rtog pa ni gzugs la sogs pa 'byung ba dang 'byung pa las gyur pa'o/ /de thams cad ni rnam par rtog ba tsam ste phyi rol na med do/ /ci'i phyir zhe na/ gcig dang du ma dang bral ba'i phyir ro/ /gal te gzugs la sogs pa de dag yod na gcig po zhig gam/ /du ma zhig ces de dang por bya'o/ /gal te gcig pu zhig yin na ni zin pa dang ma zin pa dang/ rags pa dang phra ba dang dman pa dang gya nom pa'i cha tha dad pa mi 'thad do/ /du ma yang mi 'thad pa nyid de phra rab phyogs cha tha dad pa'i phyir ro/ /tha dad med pa yang ma yin te gegs byed pa'i phyir ro/ /gegs mi byed na ni gcig gi go de nyid gzhan gyi go yang yin pas thams cad phra rab gcig tshad du yang 'gyur la/ /de nyid kyang mi snang bas gzugs la sogs pa phyi rol na mi sna ba nyid do/ /de'i phyir phra rab la cha shes dang bcas pas phra rab gcig tu mi 'grub la/ /ma grub pas du ma mi 'grub ste du ma yang khas mi blang ngo/ /yang na gzugs la sogs pa mi 'grub pa yin te 'brel ba med pas so/ /'brel pa yod pa yang ma yin te/ sems nyid ma yin pa dang/ sems dang rgyu 'bras ma yin pa'i phyir ro// rgyu 'bras kyis kyang 'grub pa ma yin te dus mi mtshungs pa'i phyir ro/ /'brel ba med pa rtogs pa ni ha cang thal bar 'gyur ba'i phyir ro/ /de'i phyir yul thams cad rnam par rtog pa tsam mo/ /de bas na stug po bkod pa las/ /sems ni
- 388b
rnam pa gnyis dngos su/ /gzung dang 'dzin ltar snang ba ste/ /bum pa snam bu la sogs la/ /yul ni gang yang yod ma yin/ /zhes gsungs pa dang/ /sa bcu pa las kyang/ kye rgyal ba'i sras dag khams gsum po ni sems tsam ma zhes gsungs pa dang/ 'phags ba lang kar gshegs pa las kyang/ /phyi rol gzugs ni yod ma yin/ /bdag gi sems ni phyi rol snang zhes gsungs pa'i phyir ro/ /'o na bcom ldan 'das kyis gzugs la sogs pa bshad pa ji ltar zhe na/ de ni bdag med pa tsam bstan pas 'dul ba'i nyan thos la phan gdags pa'i ched du dgongs pa can no/ /bdag med pa rtogs pas mya ngan las 'das pa'i 'bras bu thob po zhe na/ des ni thar pa tsam thob kyi bla na med pa thams cad mkhyen pa'i ni ma yin no/ /re shig pa'o/ /de yang dmyal bar 'gro ba byang chub la/ /gtan du gegs byed ma yin te/ /rang sangs rgyas kyis sa rnams dang/ nyan thos rnams kyis gegs byed do zhes gsungs pa'i phyir ro/ /sems kyang rnam par rtog pa tsam las don dam par grub ba ma yin te/ bdag dang gzhan dang gnyis ka dang rgyu med pa las mi skye ba'i phyir ro/ /bdag las mi skye ste/ skyes zin pa ni skye mi dgos la/ ma skyes pa ni dngos po med pas rgyu ru mi 'thad pa nyid do/ /gzhan las kyang ma yin te gal te gzhan skye na rtag pa 'am mi rtag pa de dpyad do/ /rtag pa las mi skye ste rim gyis mi 'byung bar thal ba'i phyir ro/ /rim gyis 'byung na rtag pa ma yin no/ /cig car skye ma ni thams cad dus cig car skye bas sngon dang da ltar med do yang na sngar skyes pa rnams phyes kyang skye'o/ /snga phyi tha dad na mi rtag pa lo mi skye bar 'grub bo/ /mi rtag pa la skye na 'das pa dang ma 'ongs pa las mi skye ste/ med pa'i phyir ro/ /bltar ba ni dus mnyam pa rgyu 'bras su mi 'thad do/ /dus mi mnyam par
- 389a
ltar ma yin to/ /yang na 'brel pa las sam ma 'brel pa las shes de dpyad par bya'o/ /ma 'brel ba ni ha cang thal bar 'gyur ro/ /'brel na yang phyogs gcig gam thams cad/ /phyogs gcig na 'brel ba tha dad pas de ltar ba mi 'thad pa nyid do/ /phyogs thams cad do zhe na/ de yang mi 'thad pa nyid de snga phyi gcig pa'i phyir ro/ /de nyid kyis na gnyis ka las skye ba yang ma yin te long ba 'dus pa bzhin no/ /rgyu med pa la skye na rag las pa med pas dus thams cad du skye bo/ /de'i phyir bcom ldan 'das kyis kyang dngos rnams skye ba kun rdzob tu/ dam pa'i don du rang bzhin med/ /rang bzhin med la 'khrul pa gang/ /de na yang dag kun rdzob bo zhes gsungs pa dang/ 'phags pa 'jig rten las 'das pa'i le'u las/ /kye rgyal pa'i sras dag khams gsum pa 'di dag sems tsam ste dus gsum yang sems su rtogs shig ces gsungs pa dang/ 'phags pa lang kar gshegs pa las kyang/ sems tsam la ni brten nas/ /phyi rol don la mi brtag go /de bzhin nyid la gnas nas su/ /sems tsam las kyang bzla bar bya/ /sems tsam las ni bzlas nas su/ /sang ba med las bzla bar bya/ /snang pa med gnas pa'i rnal 'byor pa/ de yis theg pa chen por mthong zhes gsungs pa dang/ 'phags pa shes rab kyi pha rol tu phyin pa las kyang/ gzugs kyang rmi lam lta bu sgyu ma lta bu zhes pa nas/ mya ngan las 'das pa yang rmi lam lta bu sgyu ma lta bu/ mya ngan las 'das pa las lhag pa'i chos zhig yod na yang rmi lam lta bu sgyu ma lta bu'o zhes gsungs pa'i phyir ro/ /de'i phyir gzung ba dang 'dzin pa rnam par rtog pa yin pas de las 'das pa ni yul du mi byed cing ma chags pa ste/ stong pa nyid bsgoms nas sems nyid mnyam pa'i ngang du bsgom zhes bya'o/ /mnyam pa'i ngang ni sems kyis mtshan nyid stong pa nyid do/ /
- 389b
de nyid byin gyis brlab pa ni bsang sngags kyis mthus bsam gyis mi khyab pa'o/ /de nyid kyis na oM swa b+hA ba zhes pa gzhan gyis dag par byed ba dbang phyug lta bus ma yin pas rang bzhin gyis dag pa de yang gcig 'ga' ma yin bas chos thams cad rang bzhin gyis dag pa zhes bya ste/ chos thams cad rang bzhin stong pa nyid yin gyi gzhan gyis stong par byas pa ma yin pas oM swa b+hA ba shud+d+ha(rgyud 'grel): sarba d+harmA(rgyud 'grel): swa b+hA ba shud+d+ho haM zhes pa'o/ /sngags de brjod pas bdag nyid dang ni chos rnams thams cad dag par bsam par zhes bya ba ni bdag ni sems so/ /de yang bdag ni legs par dul gyur na/ /mkhas pas mtho ris thob par 'gyur zhes gsungs pa dang/ yang sems dul ba ni dge ba ste/ sems dul bde ba thob par byed ces gsungs pa'i phyir ro/ /chos ni gzugs dang sgra la sogs pa'o/ /rnam shes pa ni mang po'i tshig ste ma lus pa la mi 'jug pas thams cad ces bsnan pa'o/ /dag pa'i don ma rtogs pa la gsang sngags kyi byin gyis brlabs gyis rtogs pa ni bsam gyis mi khyab pa'o/ /pha rol tu phyin pa las stong nyid rtogs pa dang/ sbyin pa la sogs pas bsod nams bsags pa dang/ snying rjes sems can gyi don byed na gsang sngags shes bya ba dgos pa med pa yin nam zhe na ma yin te/ thabs khyad par can bsam gyis mi khyab pa'i phyir ro/ /thabs ji lta bu zhe na/ 'di lta ste dam tshig dang dbang thob pos?/ ma ro/ /de nas nam bsgom pa dang/ bzlas brjod dang/ sbyin sreg dang gtor ma dang/ sAts+tsha dang/ dkyil 'khor dang/ gzhan bsrung ba dang/ gang dag mi 'dul ba rnams la rdzu 'phrul la sogs pa 'dul ba'i thabs bsam gyis khyab pa'o/ /theg pa chen po nyid nas gtor ma la sogs pa sbyin ba dang/ gzhan bsrung ba la sogs pa'i sems can gyi don byed pa'i tshul khrims dang/ mchod
- 390a
rten la sogs pa yang yod do zhe na/ de thams cad du dbang dang dam tshig med pas gdol pa can gyi dag dang 'dra pas med pa nyid do/ /yang de rnams thabs dang bral bas de thams cad la rmongs pa nyid kyi phyir ro/ /de nyid kyi phyir dpal de kho na nyid bsdus pa las/ ji ltar phyag rgyas 'grub 'gyur ba/ /de ltar byang chub spyod la sogs/ /thabs kun cho ga'i rim pas kyang/ /sangs rgyas sems can don mi 'grub ces gsungs so/ /des na lha'i rnam pa med pas nyan thos bzhin du lus ngag gtso bor byed pas rmongs pa nyid do/ /sems nyid sgyu ma lta bu de nyid thabs kyi dam pa lta dang mi 'bral pas thams cad 'grub pas na/ /bsam pa gang dang gang dag gis/ /mi rnams yid ni yang dag sbyor/ /des ni da yi rang bzhin 'gyur/ /sna tshogs nor bu ji bzhin no zhes gsungs so/ /thams cad mkhyen pa nyid 'grub pa'i rgyu ni thabs dang shes rab yin la/ de la yang tshogs pas 'grub kyi ma tshogs pas ma yin no/ /thabs dang shes rab med pa ma yin te/ thabs ni pha rol tu phyin pa'o/ /shes rab ni rang bzhin med pa'o zhe na/ de yang 'brel ba yod pa ma yin te/ mnyam bzhag thabs dang bral ba dang gzhan du shes rab dang bral ba'i phyir ro/ /de'i phyir sa bon rkyen dang bral ba lta bu'o/ /sbyin pa la sogs pa bsam pas kyang 'grub pa thams cad lha dang mi 'bral bas sgyu ma lta bur shes pa ni rgyu tshogs pa ste/ gang la yang mi 'dzin pa'i shes pa de nyid lha'i rnam pas sbyin pa la sogs pa dngos su dang/ sems kyi sprul pas thabs khyad par can zhes bya'o/ / lha'i rnam pa ni kun brtags pa ste smig rgyu lta bu'o/ /dngos po med pas don dang phrad pa yang med la/ brtags pas snang ba yang dngos po ste keng rus kyi gzugs brnyan la sogs pa lta zhe na ma yin te/ longs spyod rdzogs pa'i sku dang sprul
- 390b
pa'i sku yang snang ba yod la/ sems can thams cad kyi ngan pa yang byed pas don dang phrad pa yin no/ /keng rus ni zhes pas dngos por lha'i rang bzhin med par ma rtogs so/ /de'i phyir gzhag pa 'di ni mthun pa ma yin no/ /gal te longs spyod rdzogs pa'i sku la sogs pa yod na 'dus byas yin sangs rgyas ma yin no zhe na/ /dngos po yang dag par grub pa ma yin pa snang ba tsam sgyu ma lta bu dang/ yang dag par rdzogs pa'i sangs rgyas la 'gag pa yod pa ma yin pas ha cang yang thal bar 'gyur ro/ /gzugs kyi snang ba tsam med na sems can gyi don yang med cing bka' ba thams cad kyang med pas de ni skur ba'o/ /de nyid kyi phyir 'phags pa chos yang dag par sdud pa las/ /dper na sgyu ma? mkhan po zhig/ sprul ba thar bar bya phyir brtson/ /des ni snga nas de shes pas/ /sprul pa da la chags pa med/ /srid gsum sprul pa 'dra bar ni/ /rdzogs pa'i sangs rgyas mkhas pas shes/ /'gro ba'i ched du go bgos te/ /'gro ba de ltar snga nas shes/ /zhes gsungs pa dang/ 'phags pa lang kar gshegs pa las kyang/ ji ltar me long dag la gzugs/ gcig dang gzhan yang rnam spangs par/ /snang yang de ni yod ma yin/ /de bzhin dngos po'i ngo bo nyid ces gsungs so/ /lha'i rnam pa med pa la blos brtags pa yin no zhe na/ de kho na nyid sgoms pa yang de bzhin te mtshungs so/ /las dang po pa la de kho na nyid mos pa'i sgo nas sam rnam rtog brtan po'i sgo nas yin gyi mngon sum ma yin te/ mngon pa'i nga rgyal can mngon sum mo snyam du log par rtogs pa nyid do/ /dbang dam tshig gi thabs ni thabs dang shes rab tu mi 'dod de/ shes rab ni rang bzhin med par shes pa thabs ni sbyin pa la sogs pa yin/ thams cad mkhyen pa'i rgyu ma yin no zhe na/ 'phags pa dang bla ma la mchod pa rgya chen po phul
- 391a
ba dang/ sbyin gtong bya ba dang/ zhi ba dang dul ba dang/ sems can gyi don bya zhing gnod pa spangs pa dang/ dge ba la brtson par bya ba dang/ /bsam pa rnam rtog gzhan gyis g.yengs ba ma yin pa dang/ ye shes phang pa la sogs pa bsam gyis mi khyab pa yin zhing yang dag par rdzogs pa'i sangs rgyas kyi bag chags 'jug pa'o/ /de yang byang chub tu sems bskyed pa dang/ so sor thar pa'i sdom pa'i cho ga bzhin te gzhi de la brten pa'o/ /de bas na gsang sngags kyi theg pa ni rdo rje'i theg pa zhes bya ste mi phyed pa'o/ /'bras bu lam du byed pa yin zhing tshe gcig la sogs pas 'grub pas lam nye ba'o/ /de nyid kyang kun tu snang gi ting nge 'dzin ni de'i rjes la bsgom par bya zhes bya ba ni la sogs pa'o/ /kun ni ma lus pa ste snang ba ni snying rje'i sems so/ /rjes ni phyi nas te bar ma chad pa'o/ /sems can la dmigs pa yang yod pas de ma rtogs pa'i sems can la snying rje chen po bskyed pa ni nam mkha' lta bur khyab par bsgom zhes bshad do/ /de zhes bya ba ni 'das ma thag pa'o/ /ma rtog pa ni ma shes pa ste stong pa nyid mgo zhes bya ba'i don to/ /de yang sems can la bsgom gyi gcig 'ga' la ma yin pas chen po'o/ /de nyid kyis na nam mkha' dang 'dra ba'o/ /de rjes rgyu'i ting nge 'dzin ni/ /shel ltar dkar ba'i yi ge e/ nam mkha' i dkyil du gsal bar bsam/ /de nas 'od 'phros 'phags pa mchod/ /sems can don byas 'dus gyur nas/ /a la thim nas 'od du zhu/ /muM yig 'od dang ldan pa zhig/ nam mkha' i dkyil du gsal bar bsam zhes bya ba ni de rjes bsam zhes 'brel te/ rgyu ni nye ba'i rgyu ste de las skye zhes bya ba'i don to/ /shel ni gsal zhing ? ba ste de lta bu'i a dkar po ni rgyu'o/ /
- 391b
ting 'dzin ni de'i rnam par sems rtse gcig pa'o/ /nam mkha' ni stong pa nyid de de'i ngang la skye ba med pa'i yi ge a'o/ /de nyid ni 'od gsal ba dang ldan pas 'jig rten khams su spro ba'o/ /'phros nas sems can gyi don bya ba dang 'phags pa la mchod pa ste de yang sems can la zang zing dang/ chos dang byams pa dang skyabs kyis phan gdags la/ 'phags pa rnams thams cad mchod par dbul ba yin pas so/ /de nas 'od a nyid la 'dus pa na thim pa'o/ /bu zhes bya ba ni a'i dngos po med pa'o/ /'o na ci'i dngos por gyur mnyam pa la muM yig 'od dang ldan pa zhes bya'o/ /'od la sogs pa ni sdu ma bzhin no/ /'di skad ston pa yin te stong pa nyid kyi ngang las rang rang gi sems a dkar por snang ba las 'od 'phros pas sems can dang 'phags pa la phan gdags pa dang mchod pa byas te 'dus pas muM du gyur pa'o/ /de'i don na 'di yin te/ chos kyi sku skye ba med pa'i ngang las thugs rje chen pos don mdzad pa'i gzugs sku dang ldan pas na de bzhin nyid bsgoms nas ma rtogs pa la snying rje zhing de'i don du snang bar ldan la a la sogs pa yang de bzhin no/ /de ni don dam pa byang chub kyi sems su gyur pa gnyis su med pa'o/ /da ni gzugs kyi sku nyid sems can gyi don mdzad cing gdul bya la snang ba bshad par bya ste/ de las kyang dang por/ rten bshad pa ni/ de las e yi sgra byung bas/ /'og gi phyogs su yig e/ /de las gru gsum dkar po ni/ /gyen du 'greng ba tshad med bsam zhes bya ste/ de zhes bya ba ni muM ste e zhes grags pa las chad pa lta bur 'og phyogs su grub pa ni dbyibs gru gsum mo/ /kha dog dkar po'i gzhal yas khang dbangs mtho zhing rgya che bas na gyen du 'phreng ba tshad med ces bya'o/ /gzhal yas khang du gang na bsam pa ni//
- 392a
de nas paM gyi sgra byung bas/ /de dkyil paM byung pad 'dab ljang/ /'dab ma bzhi pa nyi zlar ldan zhes pa'o/ /de nas zhes bya ba ni gzhal yas khang grub nas so/ /sgra la sogs pa ni snga ma bzhin no/ /dkyil ni snying po ste gzhal yas khang gi snying po la bya'o/ /pi? nyid gyur pa las pad+ma 'dab ma bzhi pa kha dog ljang gu 'dab ma gnyis dang snying po la nyi ma 'dab ma gnyis la zla bas brgyan te gru gsum ni chos kyi dbyings so/ /pad+ma ni nyes pas ma gos pa'o/ /nyi ma thams cad mkhyen pa yin shing zla ba byang chub kyi sems so/ /rten de lta bu dang ldan nas lha nyid sgom pa ni de'i rjes d+hi sgra byung bas/ /nyi ma'i dkyil du d+hi dkar bsam/ /de las ral gri d+hi ldan bsam/ de las 'jam dpal zhes bya ste sgra la sogs pa snga ma bzhin no// shes rab kyi thams cad gcod pa ral gri'i tshangs pa la d+hi yi mtshan pa'o/ de yongs su gyur pa las 'jam dpal lo/ /mtshan nyid ji lta bu zhe na/ sku mdog dkar po g.yas na ral gri glegs bam g.yon gzhon nu'i gzugs can zur phung lnga pa/ phyag rgya lnga ldan bdag nyid bsam zhes bshad pa'o/ /'di skad ston pa yin te/ muM las e grags pa las/ e kha dog dkar po gru gsum gyi gzhal yas khang du/ muM la baM grags pas pad+mar gyur pa'i dkyil du d+hi gyur pa'i ral gri 'jam dpal sku mdog dkar po zhal gcig pa/ phyag gnyis pa ral gri dang shes rab kyi pha rol tu phyin pa'i po ti bsnams pa/ na tshod lo brgyad pa'i mtshan nyid can ral pa'i thor tshugs can/ /dbu rgyan rigs lngas mtshan pa phyag dang zhabs kyis lde'u dang/ mgul rgyan dang sku'i se mo de la sogs pa'i rgyan dang ldan pa'o/ /mdun du ma yin pas bdag nyid ces pa'o/ /de la sku gsung thugs kyi rgyas gdab pa ni/ /dpral pa mgrin pa snying ga ru go rims bzhin
- 392b
du oM A(rgyud 'grel): hUM ni bsam par bya zhes bya'o/ /de nas nam mkha' i muM yid thams cad kyi 'byung gnas de bdag 'jam dpal gyi dbus su babs te gyur pa las ye shes sems dpar gyur par bsam mo/ /'khor rnams bskyed pa ni de nas bdag gis rtsa brjod pas g.yas kyi pad 'dab zla dkyil du/ /lha mo sgra can sku mdog dmar/ /zhal gcig phyag gnyis rin chen g.yas/ /skyil krung phyed bcas rgyan mtshan g.yon zhes bya/ tsa zhes brjod pas zla ba'i steng du tsa byung nas de gyur nas lha mo dkar po ming sgra can ma'o/ /g.yas brkyang g.yon bskum pa'i skyil krung phyed do/ /skra ni tsha reg dang grang reg las skyo ba na de bzhin du me long lta bu'i ye shes kyi rnam rtog gi cha grang las skyob pa'o/ /de rjes bdag gis ra brjod pas/ /mdun gyi pad 'dab nyi dkyil du// lha mo dra can sku mdog dmar/ /g.yas na ral gri g.yon pad sngo/ /skyil krung phyed pa'i gar du bzhugs/ /yang ni bdag gis pa brjod pas/ /rgyab kyi pad 'dab zla dkyil du/ /lha mo zla 'od sku mdog ser/ /skyil krung phyed bcas ral gri g.yas utpal sngon po g.yon pa na/ /bdag gis na yi sgra brjod pas/ /g.yon gyi pad 'dab nyi dkyil du/ /nye ba'i sgra can sku mdog ljang/ /g.yas na ral gri po ti g.yon/ /g.yas brkyang g.yon bskum stabs su bzhugs/ /zhes bya ba ni rjes na phyi nas te lha mo dra can bskyed nas so/ /ra la la sogs pa'i yi ge rnams ni snga ma bzhin no/ /mdun la sogs pa'ang ni go sla'o/ /dra can ni nyon mongs pa dang bral bas so sor rtog pa'i ye shes de nyon mongs 'phrogs pas dra ba can te/ /nyon mongs phyed 'phrag dre phyed yin zhes gsungs pa'i phyir ro/ /de dang ldan pas dra ba can no/ /dmar ba ni sems can gyi don la chags pa'o/ /zla 'od ces bya ba ni mnyam pa nyid kyi ye shes te/ zla ba'i 'od thams cad la gsal zhing bsil
- 393a
ba ltar thams cad mnyam pa nyid kyi ye shes so/ /ser ba ni rin po che'i rigs sems can thams cad kyi tshe dang bsod nams 'phel par byed pa'o/ /nye ba'i skra can ni bya ba grub pa'i ye shes te ma long lta bu'i ye shes kyi shugs kyis byung bas nye ba'o/ /ljang gu kha dog sna tshogs zhes bya ste las thams cad pa'o/ /nga ni de rnams kyi phyag mtshan bshad par bya ste/ rin po che ni dgos 'dod skong pa'o/ /rgyal mtshan ni chos mi nub pa'o/ /ral gri shes rab kyi thams cad gcod pa'o/ /pad+ma sngon po ni 'gro ba'i don byas kyang nyes pas ma gos pa las mi 'gyur ba'o/ /utpa la ni thams cad la phan 'dogs shing lan la re pa med pa'o/ /bo te ni chos kyi char 'bebs pa'o/ /lha mo bzhi po de rnams kyang phyag rgya lnga dang ldan par bsam zhes bya ba ni snga ma bzhin no/ /rnal 'byor pa'i lus ni rgya mtsho'i gzings bzhin du skyong bar bya ba yin na bsrung ba'i de kho na nyid ji lta bu snyam pa la/ /bdag nyid 'jam dpal yin phyir dang/ yi ge gsum gyi byin brlabs phyir/ /lus bsrung cho ga bya mi dgos shes bya ste/ bdag 'jam dpal gyi rnal 'byor nyid bsrung ba'i cho ga yin pas gzhan gyi bsrung ba la rag ma las pa dang/ sku gsung thugs kyi byin gyis brlabs pa yang bsrung ba mchog tu gyur pa'o zhes pa'i don to/ /tho rangs la sogs pa thog ma 'jug pa'i dus dang/ gnas skabs gzhan gyi bya ba dang/ mchod pa la sogs pa'i yan lag tu khrus dang phyogs dang dus dang skad ma dang rdzas rnams kyang rkyen du gyur pa yin na ci'i phyir ma bshad ce na/ snying rje'i sems kyi mnyam 'jog phyir zhes bya ste gtan tshigs de'i phyir ro/ /de'i phyir phyi rol gyi khrus dang phyogs dang skar ma dang rdzas kyi kha dog ni sogs
- 393b
pa zhes bya bar bsdu'o/ /de rnams kyi rtsol ba bya mi dgos te snying rje chen po dang/ stong pa nyid lha'i rnal 'byor nyid kyis 'grub pa'i phyir ro/ /de yang khrus dang gcang sbra 'dir mi dgos/ /dka' thub dka' spyang mi dgos te/ sangs rgyas kun dang sems dpa' che/ /rtag tu sbyor bas 'grub par 'gyur/ /zhes gsungs pa lta bu'o/ /snying rje dang ldan na sdom pa gsum la gnas te/ de yang khrus kyi cho ga yin pas na sdom pa gsum la gnas pa ni/ /dang po khrus su bshad pa yin zhes gsungs so/ /byas pas nyes par 'gyur ram snyam pa la byas pa la yang nyes pa med de de lta bu la dga' ba dang rnal 'byor gyi rkyen du 'gyur na bya ba nyid do/ /rnam pa thams cad du dgos pa ma yin gyi bya ba ni yin no zhes pa'i don to/ /de ltar lha'i rnal 'byor dang ldan pas/ bsgom pa dang/ bsgom pa dub pas bzlas pa bya ba la sogs pa ni/ /bdag gi nang gi snying ga ru/ /muM yig 'od dang ldan par bsam/ de las 'khor lo rtsibs brgyad bsam zhes bshad do/ /bdag 'jam dpal gyi nang gi ye shes sems dpa' ste/ de'i thugs kar muM dkar po 'od zer sna tshogs can gyur pa las/ 'khor lo rtsibs brgyad dang ldan par bsam zhes pa'i don to/ /mdo sde dang/ 'dul ba dang/ mngon pa theg pa che chung gis drug dang gsang sngags las bya ba gtso bo dang/ rnal 'byor gtso bo ste brgyad kyis chos kyi 'khor lo skyon med par bskor ba? dkar po rtsibs brgyad pa'o/ /de'i mtshan nyid ji lta bu zhe na/ mu 'khyud gnyis dang ldan par bsam zhes bya ste mu khyud rim pa gnyis kyis bskor ba'o/ /de yang yig 'bru dgong ba ni phyi rol gyi mu khyud la kA li zhes bya ste/ ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha(rgyud 'grel): de rnams bsam mo/ mu khyud nang ma la A li zhes bya ste/ a A i a'i u a'u ri rI li lI
- 394a
e i o aau aM a(rgyud 'grel): de rnams bsam mo/ /dbus kyi lte ba ste 'khor lo'i snying po la oM bsam mo zhes pa ni gzhan 'dren pa ste 'khor lo'i rtsibs kyi yig 'bru'o/ /de'i bshad pa ni/ a ra pa tsa na d+hi dang/ mthar ni swAhA yod ba rnams shes bya ste deng ni swAhA bsdu pa'o/ /snying po las mthar gyur pa ni rtsibs nyid do/ /kha cig ni swAhA 'i mdza' can zhes bya bar 'dod do/ /don ni 'di yin te/ a ra pa tsa na d+hi swAhA brgyad/ rtsibs re la yig 'bru re dgod pa'o/ /de nyid kyis ni rtsibs brgyad la ni klag phyogs su/ sems kyis bris shing bsam par bya zhes bshad pa'o/ /klag phyogs ni mdun nas g.yas phyogs nas phar rim pas so/ /rims kyis bra ba ni bsal bar bsam pa'o/ /de yang gang gi cho bar skabs su skyo bar gyur pa de'i tshe mchod pa dang/ bstong ba byas la bsgom par bya'o/ /de nas kyang skyo bar gyur na bzlas pa bya ste/ oM a ra pa tsa na d+hi swAhA zhes bzlas so/ /'di skad ston pa yin te/ tho rangs kyi dus su khrus la sogs pa byas sam ma byas kyang rung ste stan bde pa la 'dug nas snying rje'i sems kyis mnyam par gzhag la mchod pa rnam pa lnga dang ras ris la sogs pa'i sku gzugs dang maN+Dal byi dor legs par byas par me tog tshom bur dgram pa dang sngar bshad pa'i gtor ma bshams pa 'am yang gtor ma ma bshams yang rung ste sngar bshad pa'i yan lag bdun pa la sogs pa byas pa ste tshang med pa bzhi bsgom pa dang/ yang na yan lag bcu gcig pa bya ste/ phyogs dus kun na bzhugs pa yi/ /sangs rgyas chos dang dge 'dun te/ /dkon mchog gsum la skyabs su mchi/ /bdug pa me tog mar me sogs/ /dngos su bshis dang sprul pas mchod/ /bdag gi skye gnas thams cad du/ /sdig pa ci bgyis thams cad bshags/ /bde
- 394b
gshegs sras bcas bsam dag ba'i/ /'gro ba'i dge la rjes yi rang/ /mgon po thugs rje che rnams kyi/ /chos kyi 'khor lo bskor du gsol/ /ji snyed sangs rgyas ma lus pa/ /mya ngan mi 'da' bzhugs su gsol/ /bla na med pa'i byang chub du/ /dus 'di phan chad sems bskyed bgyi/ /mgon po rnams la lus 'di dbul/ /thugs khral bzhengs shing dngos grub gsol/ bdag gis dge ba de dag gis/ /'gro rnams thams cad myur rdzogs shog /so so thar dang byang chub sems/ /rig 'dzin sdom la gnas par bgyi/ /zhes brjod la gshegs su gsol lo/ /de nas tshad med pa bzhi la sogs pa nas snying gar 'khor lo bsgom pa'i bar du snga ma bzhin du byas la/ lte ba'i oM las 'od 'phros pas ye shes sems dpa' spyan drangs la mchod pa rnam pa lnga la sogs pa dbul zhing bstong la de nas gsal bar bsgom pa'o/ /de nas skye bar gyur na mchod pa la sogs pa bya ste/ de nyid bshad pa de nas oM las 'od zer ni/ lcags kyu'i dbyibs 'phros yi dam lha/ /'khor bcas bkug nas nam mkhar bsam zhes bya'o/ /snying ga'i oM las 'od zer lcags kyu'i dbyibs 'dra ba 'phros pas yi dam gyi lha 'jam dpal 'khor lha mo bzhis bskor ba'i ye shes sems dpa' spyan drangs la mdun du bzhugs su gsol ba'o/ /de yang bsgom pa gtso bor byed pas dza(rgyud 'grel): hUM baM ho(rgyud 'grel): zhes brjod pas dgug pa dang gzhug pa dang bcing ba dang dbang du bya ba gnyis su med par bsgom mo/ /bzlas pa gtso bor byed na mdun nyid du'o/ /de nyid mchod par 'dod pas de la dngos sam ting nge 'dzin gyis phyag dang mchod pa dbul bar bya zhes bya ste/ snyan ngag dang bcas pa'i phyag byas pas bdag gi snying ga'i oM las lus mdzes pa rgyan dang ldan pa grangs med pas phyag byas par bsam pa dang/ yang de nyid du rim par bsam pa la lha mo dpag tu med pa
- 395a
yang oM las 'od 'phros te mchod pa byed par bsam zhing dngos su dbul lo/ /de nas yang oM nyid la thim pa'o/ /dngos sum 'byor na ting nge 'dzin gyis gyang dbul lo/ /bdun gyi lha rnams gsal bsam la/ /rang gi snying ga'i sngags gsal bar zhes bya ba ni 'das brjod bya ste/ rang gi snying ga'i sngags ni oM dang rtsibs brgyad kyi yi ge'o/ /mdun gyi lha ni 'jam dpal 'khor dang bcas pa'o/ /de thams cad gsal bar bsgom zhing bzlas shes pa'i don to/ /bzlas pa'i bsam pa ni bzlas pa yi ni mchod pa 'di/ /yid kyi bzlas pas 'od 'phros te/ /'od las lha mo mang spros te/ bdun gyi lha rnams mchod bsam zhing/ /lha mo nyid ni der thim par zhes bya ste/ bzlas pa byas pas snying ga'i yig 'bru las 'od 'phros pas lha mor gyur pas mchod pa phul nas slar 'dus pa'o/ /brgya rtsa brgyad kyi grangs su bya zhes bya ba ni mchod pa tsam du zad kyi nges pa kho na ma yin no/ /de yang bsgom pa gtso bor byed pa ni snying ga'i yig 'bru kho na gsal bar bya zhing pad+mas la/ bzlas brjod gtso bor byed pas mdun gyi lha dang sngags kyi 'od zer spro bsdu gsal bar bya'o/ /kha cig ni 'od 'bros pas thugs dam bskul nas slar 'dus pas dngos grub stsol bar gsung ngo/ /de nas yang skyo bar gyur na mchod pa dbul/ rdo rje gnod sbyin yongs su bzlas pa'i chus mchod pa'i yan lag rnams bsangs la oM badzra d+huShpe hUM zhes spos byin gyis brlab/ /oM badzra puShpe hUM/ oM badzra a lo ke hUM/ oM badzra gaDd+ha? hUM/ zhes me tog dang mar me dang dri chab byin gyis/ brlabs te/ de rnams rang rang gi lha mor ro/ /oM a kA ro mu khaM sarba d+harmA NAM adyA nud ban+na twad ces pa lha'i zhal zas ro brgya dang ldan pa mi rtog pa'i ye shes thob par byin gyis brlabs la/ de nas dung
- 395b
la sogs pa chu gtsang dri dang me tog dang sman sna tshogs dang ldan pa la rdo rje sems dpa' yongs su bzlas pa dbul te/ de yang kha cig tu ni khrus kha cig tu ni byang chub kyi mchod pa'o/ /de nas mchod pa thams cad dbul bar bya ste/ oM sarba ta thA ga ta d+hu ba pu dza me g+ha sa mu dra spha ra Na sa ma ye hUM zhes bdug spos dbul/ oM na ma sarba ta thA ga ta puShpa bu dza me b+ha sa mu dra sphar Na sa ma ye hUM/ oM sarba ta thA ga ta a lo kA bU dza me g+ha sa mu dra spha ra Na sa ma ye hUM/ oM sarba ta thA ga ta gand+ha pU dza me g+ha sa mu dra spha ra Na sa ma ye hUM zhes me tog dang/ mar me dang/ dri chab rnams go rims bzhin dbul/ /oM sarba ta thA ga ta nai bi tyA pU dza me g+ha sa mu dra spha ra Na sa ma ye hUM zhes zhal zas dbul/ gzhan yang ni bza' la sogs ba yang oM dang mngon par bzlas la dbul lo/ /de nas bstod pa bya ba ni/ /gzhon nu mdzes pa'i sku 'chang shig /shes rab sgron mas rab rgyan pa/ /'gro ba'i gti mug mun sel ba/ /'jam dpal dbyangs la phyag 'tshal bstod ces bya'o/ /gzhin nu snga ma bzhin no/ /mdzes pa ni tha dad pa dang tha mi dad pa'i rgyan tshad ba'o/ /tha dad pa ni dbu rgyan la sogs pa'o/ /tha mi dad pa ni mtshan dang dpe byad de de lta bus mdzes par byas pa'i sku dang ldan pas 'chang zhes pa ste sku la bstong ba'o/ /shes rab ni shes pa thams cad las phul du gyur pa ste gnyis su med pa'i ye shes so/ /de nyid sgron ma ste ma rigs pa'i thun nag 'joms pa dang/ thams cad gsal bas na thugs la bstod pa'o/ /rang nyid kyi rtogs pa gzhan la bstod pas gzhan gyi ma rig pa 'joms shing ye shes gsal bar byed bas 'gro ba'i gti mug gi mun pa sel ba zhes gsung la bstod pa'o/ gzhan dag ni longs spyod rdzogs pa'i sku dang/ chos kyi sku dang sprul pa'i
- 396a
sku la bstod pa ste go rim bzhin du 'dod do/ /de lta bu dang ldan pas 'jam pa'i dbyangs zhes bya ste snyan dngags kyi bstod pa'o/ /de la gtor ma tsam gtong par 'dod pas ni 'khor lo yig 'bru la nga rgyal tsam byas la bzlas brjod brgya rtsa brgyad tsam byas nas bstod pa'o/ /gtor ma la mi 'jug pa rnams kyi ni 'di nyid du lha rnams gshegs su gsol te rgyas par 'og nas 'byung ngo/ de nas langs la mtshan yang dag pa brjod pa yang lha'i nga rgyal dang ldan pas dus gsum du gdon no/ /spyod lam gzhan du yang lha'i nga rgyal du gnas par bya'o/ /kha zas la sogs pa yang raM gyis nyes pa dang brul bar bsam/ oM sarba d+harmA ti badzra si d+hi hUM zhes brjod pas a las bdud rtsir gyur par bsam/ oM a mri te hUM phaT ces brjod pa'o/ /gzhan dag ni oM sarba ka ri zhes pas nyes pa dang bral zhing oM sarba sa ti zhes brjod pas yon tan thams cad kyi 'byung gnas bdud rtsir bsam zhes gsung ngo/ /de nas lha'i nga rgyal gyis bza' bar bya'o/ /gzhan yang sbyin sreg la sogs pa gsang sngags kyi bya ba thams cad dang klog pa la sogs pa chos spyod bcu'i bdag nyid kyi mdo don dran pa'i blo gzhag nas shes gsungs pa thams cad kyang nga rgyal shes par bya ste/ lha'i nga rgyal de nyid kyis bya'o/ /de yang gang dag tu ni rnams med pa/ /las kyi cho ga rnams med pa/ /der ni spyi'i rgyud las gsungs pa yi/ /cho ga mkhas par/ bsten par bya zhes gsungs pa lta bu'o/ /gtor ma gtong bar 'dod pas gtong ba'i rim pa ji lta bu zhe na/ bstod pa'i rjes la btad par bya ba yin te de nyid bshad pa/ de rjes gtor ma byin brlabs te/ lag pa rdo rje thal sbyar nas shes bya ste/ bstod pa'i rjes te phyi nas par ma chad par gtor ma byin gyis brlabs
- 396b
pa'i phyag rgyas lag pa thal mo sbyar ba ste/ /thal mo sbyar ba'i sor mo phan tshun rtse bsnol ba'o/ /de yang thal mo dam du bsdams pa las sor mo thams cad bsnol ba ni rdo rje thal mo bka' stsal te zhes gsungs so/ /lag sor rnams la ram kha dog dmar po bsam mo/ /lag sor kho na la 'am zhe na gtor ma yang ni zhes bsnan pa'o/ /raM kha dog dmar po bsgoms te de nas lag sor gyi ram 'od zer las 'phros pas gtor ma'i raM la phog ste 'od zer de rnams kyis gtor ma'i nyes pa dang skyon du gyur pa 'phags pa dang nyams pa dang/ rme ba dang/ dri ma can du gyur pa dang mi mthun pa thams cad dag par bsam mo/ /sngags bdun bzlas shing phyag rgya bca' zhes pa ni/ /lus ngag yid gsum gyi spyod pa nus pa can du bya ba'i phyir lan grangs bdun no/ /de nyid kyi sngags ni oM swab+ha wa shud+d+ha(rgyud 'grel): sarba d+ha rma swa b+ha wa shud+d+ho haM zhes bya ba'o/ /lag par rin chen sgron bu zhes bya ba ni snyim pa bdun du gzhag pa'i sor mo rnams rtse mo sbyar te tshigs zur can du bya ba'o// de lta bur byas pa'i tshigs kyi bar dang gtor ma'i nang du swa kha dog ser po bsam pa'o/ /swa las 'od zer byung ste 'phros pas gtor ma'i rtsa la phog pas rgya chen po 'jig rten thams cad gang ba/ 'dod pa'i yon tan gzugs mdzes pa dang// sgra snyan cing yid du 'ong ba dang/ dri zhim pa dang/ ro dang ra zhing zhim pa dang/ reg bya 'jam zhing yid du 'ong ba lnga'i rang bzhin du gang bar bsam mo/ /sngags dang phyag rgya lan bdun bzlas zhes bya ba ni snga ma bzhin no/ /oM na ma(rgyud 'grel): sarba ta thA ga ta b+hyo bi shwa mu khe b+hya(rgyud 'grel): sarba tad khaM ud ga te spha ra Na hi maM ga ga na khaM swAhA zhes bya ba ni sngags so/ /lag pa thal sbyar gshog par gdengs zhes bya ba ni thal mo sbyar ba las bskyed pa gshog pa gdengs pa ltar byas pa'o la gsor
- 397a
dang gtor ma'i nang du a dkar po bsam pa las 'od 'phros pas gtor ma'i a la phog pas bdud rtsir gyur pa'o/ /de nyid kyi lag sor dang ni gtor mar a/ /de las bdud rtsi'i rgya mtshor 'khyil zhes bya ba'o// phyag rgya sngags ni lan bdun bzlas zhes bya ba ni bshad zin to/ /sngags ni oM a mri ta kuN+Da li ha na ha na hUM phaT ces bya'o/ /lag pa lcags kyu'i phyag rgya bcas shes bya ba ni lag pa gnyis khu tshur bcangs pa'i mkhrig ma bsnol la/ /mthe'u chung lu gu rgyud du 'brel/ mdzub mo lcags kyu ltar byas pa'o/ /snying ga'i 'khor lo'i lte ba'i oM las 'od zer lcags kyu'i dbyibs can 'phros pas 'od zer dang sngags 'og nas 'byung ba 'di gnyis kyis spyan drangs te zhes bya ba'i don to/ /oM A(rgyud 'grel): hUM/ e hye hi b+ha ga bAn mahA kA ru Ni ka dri sh+ya ho sa ma ya ho zhes bya ba ni sngags so/ /spyan su drang snyam pa la/ bde gshegs sras bcas 'khor bcas kun zhes bya ba ste/ sangs rgyas rnams bde bas bde bar gshegs pa'o/ /sras ni byang chub sems dpa' o/ /'khor ni nyan thos dang rang sangs rgyas rnams so/ /yang na thams cad kyang bde bar gshegs pa'i 'khor te khams gsum ni sems can thams cad dang bcas pa zhes kha cig 'dod do/ /kun zhes bya ba ni ma lus pa'o/ /mdun gyi nam mkha' i gdan thog tu yid kyis mngon sum dang 'dra bar gsal ba ni bzhugs pa'o/ /de nas ting nge 'dzin gyi spro bsdu yis de la phyag 'tshal ba dang/ mchod pa dbul ba'o// spro bsdu gang las zhe na/ thugs ka'i oM las spro bsdu zhes bya'o/ /ji lta bu zhe na/ bdag lus dpag tu med pa dang/ /lha mo dang gtu med pa spro zhes bya ste/ dpag tu med pa ni grangs dang mtshan nyid do/ /ting nge 'dzin 'ba' zhig gam zhe na
- 397b
ma yin te/ mchod par dngos su yod na yang/ /tshigs bcad dang ni sngags kyi dbul zhes bya ste tshigs su bcad pa ni/ /bdug spos phal cher bdug spos bla dri ste/ /bdug spos bkod pa'i 'od zer rab brgyan cing/ /bdug spos sna tshogs bdug spos gcal du bkram/ /bdag nyid chen po rgyal ba de dag mchod ces bya ba la sogs pa'o/ /sngags ni sngar bstan pa rnams so/ /da ni 'gro ba la gtor ma sbyin pa bshad par bya ste/ de rjes gtor ma bsngo bar bya zhes dam bcas pa'o/ /de nyid bshad pa ni lag pa g.yas pa rdo rje khu tshur bcangs mdzub mo bsgengs nas rtse mo hUM dkar po bsam mo/ /hUM las 'od 'phros pas so so'i gnas su 'byung ba ni ji ltar mos pa dang ji ltar dga' bar spro ba'o/ /sngags dang phyag rgya lan bdun bzlas zhes bya ba ni bshad zin to/ /oM sarba ta thA ga ta a ba lo ke te saM b+ha ra saM b+ha ra hUM zhes bya ba ni sngags so/ /lag pa g.yas pa rdo rje khu tshur snying gar bcas la g.yon pa mchod sbyin gyi snod 'degs pa ltar byas la g.yon pa'i sor mo bre ga la ste rtse mo'i nang lnga la yi ge hUM dkar po lnga ni sor mo re la hUM re bsam mo/ hUM rnams las 'od 'phros pas mchod pa'i lha mo dpag tu med pa 'thon nas de rnams ni byan pa ltar thams cad la ster byed pas lag tu lhan lhan gtad par bsam zhing sngags dang phyag rgya lan bdun bca' zhes bya'o/ /sngags ni oM dz+nyA na a ba lo ki te sa man ta spha ra Na rasmi b+ha ba sa ma ya mahA ma Ni du ru du ru h+ri da ya dza la ni swAhA zhes bya ba'o/ /lag gnyis so sor nang du bsngo la zhes bya ba ni gcig gi nang di gcig gis sor mo rnams bcug pa'i mthe bong gnyis brkyang ste lto gnyis la dza dmar po bsam mo/ /dza de gnyis las 'od zer lcags kyu lta bu 'phros bas 'phags pa dang sems can thams
- 398a
cad dbang du bsdus nas de nas ni thams cad la ci bcol ba'i 'phrin las mdzad pa dang byed par bsam mo/ /de nas sngags 'og nas 'byung pa 'di phyag rgya dang bcas pa lan bdun bzlas so/ /oM na ma(rgyud 'grel): sa man ta b+hA ta nan gra he shwa re pra dzo ti ni mahA sa ma ya swAhA/ /de nas thams cad nus pa bstan pas na rten cing 'brel par 'byung pa'i snying po sngags/ o ye d+harmA he tu pra b+hA pA he tun te ShAn+ta thA ga to hya ba dat/ te ShAny+tsa yo ni ro d+ha e baM bA dI mahA sh+ra ma Na(rgyud 'grel): zhes bya ba bzlas so/ /kyang zhes bya ba ni bsdu ba ste chos kyi sbyin pa la yang kha don bya zhes bya ba'i don to/ /de nyid bshad pa de nas chos kyi sbyin pa ni/ rgya chen rab zab mdo don bye zhes bya bas bstan to/ /chos bshad pas thams cad kyi mnyan pas thams cad byang chub sems su ldan par bsam pa dang/ bdag gi dag yang nyan pa dang/ gsal ba dang/ thams cad du thos pa dang/ thams cad kyi skad du go ba dang/ chos kyi sgo mo mdza' ya pa dus gcig la ston par bsam la kha don bya ba 'am/ klog pa yang rung ste zab pa dang don dam pa spros pa dang bral ba ston pa dang rgya che ba thams cad phun sum tshogs pa ston pa'o zhi zhes bya ba ni bsnan pa 'am go rims zlog pa'o/ /da ni gshegs su gsol bar bya ste/ de yang de'i rjes mdun gyi lha 'jam dpal 'khor dang bcas pa dang sangs rgyas dang byang chub sems dpa' la sogs pa rnams ting 'dzin gyis gsal bar ni/ mchod pa dang ni bskor ba dang/ phyag bya ba dang/ bstod pa byas par bsams nas yi ge brgya pa'i bshags pa/ oM badzra satwa sa ma ya/ ma nu pA la ya/ badzra satwa twe no pa tiSh+Tha/ dri Dho me b+ha wa/ su to Sh+yo me b+ha ba a nu rak+to me b+ha ba/ su bo Sh+yo me b+ha ba/ sarba sid+d+hi ma me pra yats+tsha/ sarba karma su tsa me
- 398b
tsit taM sh+rI yaM(rgyud 'grel): ku ru hUM/ ha ha ha ha ho b+ha ga bAn/ sarba ta thA ga ta/ badzra mA me muny+tsa/ badzri b+ha ba/ mahA sa ma ya satwa a(rgyud 'grel): zhes bya ba bzlas la/ de nas gshegs su gsol ba ni oM badzra mu(rgyud 'grel): zhes bya'o/ /ji ltar zhe na/ thams cad rang rang gi gnas su gshegs pa ni bgyes nas snyan dngags dang bcas pas bsam mo/ /'o na bdag nyid lha'i 'khor dang bcas pa ci lta bu zhe na/ bskyed pa'i lha mo bzhi po ni snying ga'i 'khor lo yi ge rang rang gi sa bon du gyur pa dang/ pa dang/ tsa dang/ na la bsdu ba'o/ /'khor lo rtsibs brgyad kyi yi ge brgyad po ni lte ba'i oM la bsdu bar bya'o/ /de nas oM la bsdus pas oM las 'od byung ste lus thams cad la 'od kyis khyab nas de yang slar 'dus pas oM nyid la 'od dang lus su bcas pa thim nas oM nyid kyang 'od du zhu ste/ chos thams cad stong pa nyid kyi rang bzhin te gzung ba dang 'dzin pas stong pa stong pa nyid rnam par thar pa'i sgo dang/ rgyu mtshan dang bral ba mtshan ma med pa'i sgo dang/ 'bras bu re re smon pa med pas smon pa med pa'i rnam par thar pa'i sgo gsum dang ldan par bsam mo/ /las kyi rim pa gang byed kyang sngon 'gro'i cho ga gtor ma 'di yin la/ 'di rtsom pa'i gang zag la phan yon ni/ /shes bya dang nyon mongs pa'i sgrib pa gnyis byang/ bsod nams dang ye shes kyi tshogs gnyis rdzogs nas bla na med pa'i byang chub ni shin tu myur bar thob par 'gyur ro/ /srid pa nyid gti mug gi dgon pa ste chos kyis dben pa yin la/ des na rnal 'byor pa rnams kyang lam gyi rab gsang sngags kyis lam stor na gzhan rnams lta ci smos zhes bya'o/ /lam stor ba rnams la de bstan pa'i don du bdag gis lam 'di brtsams pas 'gro ba sems can tshad med gzhal du med pa grol bar shog cig pa'o/ /rgyud dang slob dpon dgongs
- 399a
pa dang/ klu grub la sogs man ngag dang/ /bla ma rgyud pa'i rim pa rnams/ /mi 'gal tshul du brtsams pa yin/ 'di don ma rtogs gang zag rnams/ lam gyi sgron mas dga' bya'i phyir/ /chos kyi rgyal mtshan gus pa yis/ /rdo rje dag gis 'bad de bris/ /bkra shis mar me brtsams pa bshad pa'i dge ba 'dis/ /rmongs pas de don rtogs shing 'jam dpal grub par shog/ bla ma dam pa yun rings byed cing gzhan grol shog/ gzhan rgyud bkrol pas 'gro rnams 'jam dpal nyid thob shog /gtor ma chen po'i las kyi rim pa'i 'grel pa slob dpon rdo rje mi skyod pas mdzad pa rdzogs so// //rgya gar gyi mkhan po badzra kIrti dang bod kyi lots+tsha ba dge slong dge ba'i blo gros kyis bsgyur cing zhus te gtan la phab pa'o// // */ /bla ma dang 'jam dpal dbyangs la phyag 'tshal lo/ /gtor ma cha gsum gtong ba rnams kyis dang po maN+Dal byed du bcug la/ mchod pa dang gtor ma bshams te bdag nyid lhar bskyed nas skad cig ma'i ting nge 'dzin gyis rigs kyi khro bor bskyed la/ de'i 'og tu gtor ma byin gyis brlabs par bya ste/ bsang ba dang sbyang ba dang spel ba dang/ bdud rtsir bsgyur ba dang/ 'dod pa bsgrub pa dang/ thob pa dang/ mnyam por thob pa dang/ stobs brjod pa de 'di tsam gyis ni gtor ma byin gyis brlab pa bstan to/ /spyan drang ba dang mchod yon? sbrengs te bzhugs su gsol ba dang/ dam tshig gi phyag rgya bstan pa dang mchod pa dang/ bstod pa dang/ bsngo ba dang las bcol ba dang/ slar gtang ba de 'di tsam gyis ni gtor ma sbyin pa'i cho ga bstan to/ /de la dri chu la las thams cad bcad pa'i sngags bzlas pa'i chus gtor
- 399b
ma ni bsngos pa'o/ /gtor ma'i dbus su yi ge raM bsams te sreg pa ni sbyang ba'o/ /oM swa b+ha wa bi shud d+ha d+harma te badzra sid+d+hi hUM zhes bya bas kyang sbyang bar bya'o/ /nam mkha' mdzod kyi sngags dang phyag rgyas spel bar bya ste/ thal mo gnyis bkan la snyim pa'i tshul du bya ba ni phyag rgya'o/ /sngags ni na ma(rgyud 'grel): sarba ta thA ga te b+hyo bi shwa mu khe b+hya(rgyud 'grel): sarba tad khaM ud+ga te spha ra Na i maM ga ga na khaM swAhA zhes pa ni spol ba'o/ /lag pa sngo mo bsnol la gung mo gnyis rtse sprad de nas bcag ste dpral bar bcings dgrol te/ oM a mri te hUM phaT ces brjod pa ni bdud rtsir bsgyur ba'o/ /lag pa g.yas pa mchog sbyin gyi phyag bcas la dag tu/ oM a kha ro mu khaM sarba d+harma NaM/ adya a nut pan+na twad oM A(rgyud 'grel): hUM phaT ces pa ni 'dod pa bsgrub pa'o/ /g.yas pa khro bo'i khu tshur bcangs la rdzas la mdzub mo sgrengs pa gtad de se gol brda cing bkrol la/ na ma(rgyud 'grel): sarba ta thA ga ta a ba lo ki te oM saM b+ha ra saM b+ha ra hUM zhes pas thob par bya'o/ /lag pa g.yas pa mchod sbyin gyi phyag rgya bcas te oM ru ru sphu ru dzwa la tiSh+Tha ni sarba artha sA d+ha ne swAhA zhes pa spyan gyi sngags kyi mnyam por thob pa'o/ /stobs brjod pa ni/ bdag gi bsod nams stobs dang ni/ /de bzhin gshegs pa'i sbyin stobs dang// chos kyi dbyings kyi stobs rnams kyis/ /'phags pa'i tshogs rnams mchod pa dang/ sems can rnams la phan gdags phyir/ /don rnams gang dag bsam pa kun/ /'jig rten khams 'dir ma lus par/ /de dag thams cad ci rigs pa/ / thogs pa med par 'byung 'gyur cig ces brjod do/ /mgon po kun gshegs gdan las bzhengs/ /da lta snyigs ma lnga yis dus/ /gshegs shing bzhugs pa'i gnas ngan yang/ /shAkya'i bstan pa bsrung ba dang/ bdag cag rnams la
- 400a
phan gdags phyir/ /gnas 'di nyid du gshegs su gsol/ phyogs skyong 'jig rten skyong ba dbang dang ldan/ /thugs rje'i thabs mkhas thugs bsgam skyel po che/ /lha dang drang srong yi dags srin bu klu /rigs 'dzin rgyal po dang ni gdon gyi 'dag /de dag so so'i dbang po'i skur ston cing/ /phyogs bcu'i 'jig rten skyong pa zhugs so 'tshal/ /bstan pa rgyas pa'i slad du spyan 'dren gyis/ /'gro ba'i don phyir mchad phyir gshegs su gsol/ /oM e hye hi da sha di ka lo ka pA la sa pA ri wa ra sa ma ye swAhA zhes bya ba dang/ dril bu dkrol zhing spos kyis sbrengs te rang rang gi sngags dang phyag rgya dang/ e hye hi zhes pas spyan drang ngo/ /mchod yon gyis spyan drangs nas me tog gi gdan phul la/ dam tshig gi phyag rgya bstan pa ni lag pa g.yon pa rdo rje'i phyag rgya bstan te/ g.yas pa rdo rje'i phyag rgya sta zur logs su gzhag ste g.yas pa'i mdzub mo'i lcags kyus g.yab pa ni brgya byin spyan drang ba'i phyag rgya'o de nyid las mdzub mo lcags kyur byas pa ni brgya byin gyi dam tshig gi phyag rgya'o/ /spyan drang ba'i phyag rgya las mdzub mo brkyang ba ni slar gtang ba'i phyag rgya'o/ /lag pa g.yas pa'i mdzub mo zlum por bkug ste gong mo'i tshigs gsum par bkug la the bong lag mthil du gzhag pa ni me lha spyan drang ba'i phyag rgya'o/ /spyan drang ba'i phyag rgya las the bong gi des la mdzub mo btsug pa ni me lha'i dam tshig gi phyag rgya'o/ /de nyid las mdzub mo the bong gi ngos la bcugs pa phyir grag tu brkyang ba ni slar btang ba'i phyag rgya'o/ /snyim pa mdun du bzhag ste sor mo phan tshun bsnol lu tshur bcangs nas srin lag gnyis bsgrengs te gzhibs la g.yabs te nang du gzhag pa ni gshin rje spyan drang ba'i phyag rgya'o//
- 400b
de bzhin du bsgrengs te snying gar bzhag pa ni dam tshig gi phyag rgya'o/ /de nyid las srin lag gnyis drag tu brkyang ba ni slar gtang ba'i phyag rgya'o/ /lag pa g.yas pa'i khu tshur bcangs pa mdzub mo dang gung mo gnyis ral gri 'dra bar gzhibs la bsgrengs te bzhag/ lag pa g.yon pa 'ang de bzhin du byas te sta zur logs su bzhag la g.yen pa'i mdzub mo bkug ste g.yab pa ni bden bral spyan drang ba'i phyag rgya'o/ /phyag rgya de nyid las lag pa g.yon sta zur logs su ral gri 'dra bar bzhag pa ni bden bral gyi dam tshig gi phyag rgya'o/ /spyan drang ba'i phyag rgya las mdzub mo brkyang ba ni slar gtang pa'i phyag rgya'o/ /lag pa g.yon pa khu tshur bcangs nas mthe bong mdzub mo gcig tu sbyar te zhags mig ltar byas la/ g.yas pa'i khu tshur yang de ltar byas te snying gar bzhag la g.yon pa'i mdzub mo lcags kyus g.yab pa ni chu lha spyan drang ba'i phyag rgya'o/ /phyag rgya de nyid las g.yon pa'i mdzub mo khu tshur du bzhag pa las zhags mig ltar byas pa ni chu lha'i dam tshig gi phyag rgya'o/ /g.yon pa'i mdzub mo brkyang ba ni slar gtang ba'i phyag rgya'o/ /lag pa g.yon pa khu tshur bcangs te gung mo bsgrengs pa'i tshigs dang pos mdzub mo bkug pa'i thor tho bcugs la sta zur la bzhag /g.yas pa'ang de bzhin sta zur la logs su bzhag cing mthe bong bsgul ba ni rlung lha spyan drang ba'i phyag rgya'o/ /de nyid las mthe bong snga ma ltar byas pa ni rlung lha'i dam tshig gi phyag rgya'o/ /spyan drang ba'i phyag rgya las mthe bong brkyang ba ni slar gtang pa'i phyag rgya'o/ /lag pa gnyis thal mo khong stong du sbyar la rdo rje ba cing ba nang du bzlog sta mthe chung gzhibs la brkyang ste/ de'i rgyab tu srin lag gnyis so sor bzhag nas gung mo
- 401a
gnyis rdo rje ltar bkug ste g.yab pa ni ku be ra spyan drang pa'i phyag rgya'o/ /de nyid las gung mo gnyis nang du rdo rje bcings pa'i tshul ltar bya ste snying gar bzhag pa ni ku be ra'i dam tshig gi phyag rgya'o/ /spyan drang ba'i phyag rgya las gung mo gnyis brkyang ba ni slar gtar ba'i phyag rgya'o/ /lag pa gnyis gcig tu sbyar te thal mo gcig tu sbyar ba'i srin lag dang mthe'u chung nang du bkug ste bsnol la/ gung mo gnyis gzhibs te bsgrengs pa'i rgyab logs su mdzub mo gnyis dang gung mo gnyis rdo rje 'dra bar bya/ /mthe bong gnyis bar du gzhibs te bzhag la de nas mdzub mo gnyis phan tshun rtse sprang nas nang du g.yab pa ni dbang ldan spyan drang ba'i phyag rgya'o/ /de gnyis las snga ma ltar mdzub mo rdo rje'i tshul du snying gar bzhag pa ni dbang ldan gyi dam tshig gi phyag rgya'o/ /spyan drangs ba'i phyag rgya las mdzub mo gnyis brkyang ba ni slar gtang ba'i phyag rgya'o/ /lag pa thal mo khong stong du sbyar te bzhag la steng du kha bltas te mdzub mo gnyis kyis lcags kyus g.yab pa ni tshangs pa la sogs pa spyan drang ba'o/ /de nyid las mdzub mo gnyis snga ma ltar byas te snying gar bzhag pa ni dam tshig gi phyag rgya'o/ /spyan drangs pa'i phyag rgya las mdzub mo gnyis brkyang ba ni slar gtang ba'i phyag rgya'o/ /phyag rgya de rnams nyid la kha 'og tu bltas na 'og gi lha spyan drang ba la sogs par 'gyur ro/ /lag pa gnyis gcig tu sbyar te sor mo rnams bar mtshams med par phan tshun rtse sprang la/ mthe bong dang mdzub mo gnyis zlum par byas pa'i lcags kyus g.yab pa ni sa'i lha mo la sogs pa spyan drang ba'i phyag rgya'o/ /mdzub mo mi g.yab par snga ma ltar snying gar bzhag pa ni dam tshig gi phyag rgya'o/ /mdzub mo gnyis brkyang
- 401b
pa ni slar gtang ba'i phyag rgya'o/ /sngags ni oM ru tra ye gri h+Na dam arg+haM swAhA/ de bzhin du puShpaM swAhA/ d+hU paM swAhA/ dI paM swAhA/ gand+haM swAhA/ nai bidyAM swAhA/ oM shapta swAhA/ sh+ra ak+Shi ye gri h+Ne daM arg+haM swAhA/ oM ag nA ye swAhA/ oM ya mA ye swAhA/ oM nri tI ye swAhA/ oM ba ru NA ye swAhA/ oM bA ye be ye swAhA/ oM ku be rA ya swAhA/ oM a'i sha na ye swAhA/ oM urd+haM pra hma Na ye swAhA/ oM sUrya na gra ha a d+hi pa ta ye/ oM tsan+d+ra nak+Sha tra a d+hi pa ta ye/ a d+hi pa ti b+hya/ a su re b+hya/ nA ge b+hya/ gri h+Ne daM arg+haM swAhA zhes bya ba la sogs pas mchod la bstod pa bya ste/ dbang po rdo rje 'chang ba'i lha/ /lha'i rgyal po gdon gyi bdag /shar phyogs gdon gyi tshogs bcas la/ /mchod cing bstod de phyag kyang 'tshal/ /me ste bsreg bya za ba'i lha/ /drang srong rgyal po gdon gyi bdag/ shar lho gdon gyi tshogs bcas la/ /mchod cing bstod de phyag kyang 'tshal/ /gshin rje dbyug pa 'chang ba'i lha/ /ma mo'i rgyal po gdon gyi bdag /lho phyogs gdon gyi tshogs bcas la/ /mchod cing bstod de phyag kyang 'tshal/ /bden dang bral ba legs ldan lha/ /srin po'i rgyal po gdon gyi bdag /bden bral gdon gyi tshogs bcas la/ /mchod cing bstod de phyag kyang 'tshal/ /zhags pa thegs pa chu'i lha/ /klu'i rgyal po gdon gyi bdag /nub phyogs gdon gyi tshogs bcas la/ /mchod cing bstod de phyag kyang 'tshal/ /rlung ste srog kyang 'dzin pa'i lha/ /rig 'dzin rgyal po gdon gyi bdag /nub byang gdon gyi tshogs bcas la/ /mchod cing bstod de phyag kyang 'tshal/ /gnod sbyin lag na be con thogs/ /nor skyong gdon gyi bdag po ste/ /byang phyogs gdon gyi tshogs bcas la/ /mchod cing bstod de phyag kyang 'tshal/ /dbang
- 402a
dang ldan pa 'dran pa'i lha/ /'byung po'i rgyal po gdon gyi bdag /dbang ldan gdon gyi tshogs bcas la/ mchod cing bstod de phyag kyang 'tshal/ /steng gi tshangs pa chen po dang/ /nyi ma zla ba gza' chen po/ / gza' dang rgyu skar bcas pa la/ /mchod cing bstod do phyag kyang 'tshal/ /'og gi klu ste sa yi lha/ /sa 'dzin lag pa chen po ste/ /dam tshig shes pa'i tshogs bcas la/ /mchod cing bstod de phyag kyang 'tshal/ /zhes bstod de gtor ma sbyin no/ /oM ba shu pa ti nI la kan+tha u ma pri yA ya na ma(rgyud 'grel): sarba ta thA ga te b+hyo baM shwa mu khe b+hya(rgyud 'grel): sarba ta da khaM ud ga te spha ra Na hi maM ga ga na khaM grih+Ne daM ba liM ta swAhA/ oM sha ta hA sh+ra ak+Shi ye oM ag ne ma hA te dza sa ma ye swAhA/ oM karma nu sha ma d+harmA ra dza ya/ oM rAk+Sha sa a d+hi pa ta ye/ rak+ta mA la/ rak+ta pri ya/ oM mahA nA ga pri ya pad+ma pri ya/ padmA la d+ha ra ya/ oM ga ga na bi sa ri sarba satwa an+ta kA ya/ oM du ra g+ha pri ya sarba de pa ta la ya/ oM urd+haM pra hma NA ye swAhA/ oM sUrya na grah+Na a d+hi pa ta ye swAhA/ oM tsan+d+ra nak tra a d+hi pa ta ye swAhA/ oM a d+hi pra ti b+hya/ a su re b+hya/ na ge b+hya(rgyud 'grel): swAhA zhes bya ba'i sngags kyis gtor ma sbyin par bya'o/ /shar phyogs rdo rje gdan gyi lha tshogs 'khor dang bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po dang/ /dbang ldan lha ste 'byung po'i bdag po dang/ steng gi nyi zla tshangs pa chen po dang/ /lha rnams kun dang sa yi klu rnams dang/ /ri'i lha dang gtsang ma'i tshogs bcas la/ /de dag so sor gtor ma phul ba 'di/ /rab tu dgyes pa yis ni bzhes nas su/ /rang rang phyogs
- 402b
su legs par bzhugs nas kyang/ /rang gi bu smad mdza' shes gnyen 'dun dang/ /nang mi dmag dpung bcas dang lhan cig tu/ /gtor ma me tog dri dang bdug par bcas/ /'di dag gsol zhing legs par bsnams nas kyang/ /bdag gi las 'di 'bras bu mchis par mdzed ces bsngo bar bya'o/ /chos thams cad rang bzhin gyis rnam par dag pa ste ci yang ma yin pa'i bden pa dang/ sangs rgyas dang byang chub sems dpa' thams cad kyi thugs rje rnam par dag pa'i byin gyis brlabs dang/ gsang sngags dang/ rig sngags dang/ phyag rgya dang/ bdag gi mos pa'i mthu dang/ ting nge 'dzin dang/ smon lam gyi dbang gis mchod sbyin gyi gtor ma 'di lha'i zhal zas dri dang ro dang kha dog dang bcud phun sum tshogs pa dang ldan pa/ gnas dang gos dang bkol ba dang bzhon pa dang rgyan la sogs pa ste 'dod pa'i yon tan lngas brgyan pa dbang po drug gi spyod yul dang 'tsham zhing tshim par byed pa yid bzhin gyi nor bu rin po che dang/ dpag bsam gyi shing la sogs te 'phags pa kun tu bzang po'i rnam par thar pa las byung ba'i mchod pa'i sprin gyi phung po chen po lta bur bsam gyis mi khyab pa zhig 'byung zhing 'khor ba'i mthas gtugs pa'i bar du gnas par gyur cig /chos rnams thams cad rgyu las byung/ /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos 'di skad gsungs/ /sdig pa ci yang mi bya ste/ /dge ba phun sum tshogs par spyad/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ni/ /ngag gi sdom pa legs pa yin/ /yid kyi sdom pa legs pa ste/ /thams cad du ni sdom pa legs/ /thams cad srung pa'i dge slong dag /sdug bsngal kun las nges
- 403a
grol lo/ /chos rnams gzugs brnyan lta bu ste/ dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /ngo bo med cing gnas pa med/ /de ltar chos rnams shes kyis la/ /sems can don ni mnyam med byos/ /'on kyang skyob pa'i sras su skye/ /de ltar gyur pa'i mchod spyin gyi gtor ma rgya chen po 'di che ge mo'i don du bsngo zhing 'bul ba'i gnas ni phyogs skyong ba'i srung ma dam tshig can khyed rnams byin gyis brlabs bsam gyis mi khyab pa dang ldan pa/ /sangs rgyas kyi bstan pa mdza' dag la gnas shing bstan pa dang 'khor rnam bzhi bsrung bar zhal gyis bzhes pa'i dam tshig can khyed rnams la mchod pa dam par dmigs te 'bul lo/ /mchod do/ 'gron no/ de dag gi spyan lam mnga' ris su yang so so ci la dgyes pa dang/ gang dang gang gis 'dul ba de lta bu'i chos dang zang zing gi longs spyod 'jig rten dang 'jig rten las 'das ba'i bde ba phun sum tshogs pa dang ldan pa sgrub pa po so so'i rnam par thar pa dang 'tsham zhing/ /thar pa'i sgor tshud pa bsam gyis mi khyab pa zhig 'khor pa'i mdza' ji srid du 'byung zhing rgyas par gyur cig /srungs ma dam tshig can khyod rnams kyis che ge mo'i don du thugs brtse bar dgongs te gsol zhing bzhes su gsol/ /bdag gi bar du mdzad du gsol/ /che ge mo'i sngon gyi las las gyur kyang rung 'phral gyis rkyen las gyur kyang rung ste/ /da ltar gyi lus la gnod pa'i sbyor ba bgyid pa gang yang rung ba de dag thams cad kyi sems zhi ba chen por bsgyur zhing gnod pa mi bgyid par mdzad du gsol/ /gal te zhi bas bsgyur du mi btub na yang khyad par can khyed kyis
- 403b
mnga' ris su ma 'dus pa gang yang ma mchis pas so so'i rigs kyi chad pas gcad pa dang/ bskrad cing 'tshams gcad pa dang/ gzhom pa dang/ bsdigs pa dang/ dpa' skong bar mdzad du gsol/ che ge mo zhes bgyi ba 'di yon tan phun sum tshogs par byin gyis brlabs te/ bdag cag gis bsngags pa'i las yid bzhin du 'grub bar mdzad du gsol zhes bya ba las bcol lo/ /gong du smos pa'i rang rang gi sngags dang slar gtang ba'i phyag rgyas gats+tsha zhes brjod de slar gtang ba'o/ /'byung po spyi'i gtor ma yang bsang ba la sogs pa snga ma dang 'dra'o/ /dang po spyan drang bar bya ste/ lha dang klu dang gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang gang dag sa la gnas pa'i rdzu 'phrul can/ /bu smad bcas shing g.yog 'khor bcas pa la/ /bdag gis pus mos sa la btsugs nas ni/ /thal sbyar khyed rnams la ni gsol 'debs kyis/ /gsan nas phan gdags slad du 'dir spyon cig ces bya bas gong ma bzhin du spyan drang ngo/ /oM e hye hi lo ka ka rA ya /de ba nag yak+Sha/ gand+ha rba a su ra/ ga ru Da kin+na ra/ ma ho ra ga ma nu Sh+ya a ma nu Sh+ya sa pa ri wA ra sa ma ye swAhA zhes bya ba spyan drang ngo/ /dam tshig gi phyag rgya ni gzhung na mad do/ /mchod pa ni rang rang sngags dang gong ma bzhin du dbul lo/ /sngags ni 'di dag yin no/ /oM de ba gand+he b+hya(rgyud 'grel): oM swAhA/ oM nA ga gand+he b+hya(rgyud 'grel): swAhA/ oM yak+Sha gand+he b+hya(rgyud 'grel): swAhA/ oM gand+harba gand+he b+hya(rgyud 'grel): swAhA/ oM a su ra gand+he b+hya(rgyud 'grel): swAhA/ oM ga ru Da gand+he b+hya(rgyud 'grel): oM kin+na ra gand+he b+hya(rgyud 'grel): swAhA/ oM ma ho ra ga gand+he b+hya(rgyud 'grel): swAhA/ oM ma nu Sh+ya gand+he b+hya(rgyud 'grel): swAhA/ oM a ma nu Sh+ya gand+he b+hya(rgyud 'grel): swAhA/ zhes bya ba dang mchod yon nas gtor ma'i bar gyis mchod do/ /bstod
- 404a
pa'ang med do/ /bsngo ba ni/ 'byung po gang dag ri rab steng gnas dang/ /dga' ba'i tshal dang lha yi gnas rnams dang/ /shar nub ri dang nyi zla'i khyim rnams dang/ ri bo kun la gang dag gnas ba dang rin chen gnas na lhag par gang gnas dang/ /chu bo kun dang chu yi mdo rnams dang/ /mtsho dang rdzing bu steng ka chung ngogs dang/ g.ya' chu sil ma can na gang gnas dang/ grong dang phyugs lhas grong khyer stong pa dang/ khang stong dag dang lha yi khang pa dang gtsug lag khang dang mchod rten gnas dag dang/ /dka' thub gnas dang glang chen bres dang ni/ /rgyal po'i dkor khang dag na gang gnas dang/ lam srang su mdo dang ni bzhi mdo dang/ gang dag lam chen dang ni shing gcig drung/ /dur khrod chen po nag tshal chen po dang/ seng ge dred dang gcan zan gnas rnams dang/ /'brog chen 'jigs su rung bar gang gnas dang/ /gang dag gling mchog dag na gnas ba dang/ /lhun po dur khrod dag na gnas pa rnams/ /rab tu dgyes shing mgu bar gyur nas kyang/ /phreng ba me tog dri dang bdug pa dang/ /bstod dang gtor ma mar me gus phul na/ /'di dag bzhes te tshul zhing bsnams nas su/ /las 'di dag gi 'bras bu mchis par mdzod ces bya bas bsngos la/ de'i rjes la las bcol ba ni/ /de ltar gyur pa'i mchod sbyin gyi gtor ma rgya chen po 'di brgya byin gtan pa med pa'i mchod par dmigs te lha klu khyed rnams la 'bul lo/ /mchod do/ mgron no// sbyin no/ /stsal lo/ /de dag thams cad kyi gnas ris so so gang la/ mos pa dang ci la dga' pa dang/ gang gis 'dul zhing 'tsham pa'i mchod sbyin chos dang zang zing gi longs spyod 'jig rten dang 'jig rten las 'das pa'i
- 404b
bde ba phun sum tshogs pa dang ldan pa so so'i rnam par thar pa dang mthun pa dang/ nam mkha' i dbyings kyi mdza' klas pa phyi ma'i mdza' i mur thug pa'i bskal pa dang spyod pa grangs med par gnas pa dang/ tshad med pa bsam gyis mi khyab pa 'byung bar gyur cig /chos rnams thams cad rgyu las byung zhes pa nas/ sras su skye zhes pa'i bar du gong bzhin du brjod/ /chos kyi sbyin pas sgrib pa rnam pa gnyis ni byang/ tshogs rnam pa gnyis ni rdzogs nas mya ngan las 'das pa'i bde ba dam pa la myur du gnas par gyur cig /de ltar tshad med pa'i chos dang zang zing gi sbyin pa 'dis che ge mo zhes bya ba'i sngon gyi las las gyur kyang rung/ /'phral gyi rkyen las gyur kyang rung ste/ da ltar gyi lus kyi na tsha dang/ sems kyi sgrib pa dang bkra mi shis pa dang rmi lam ngan pa la sogs pa thams cad zhi bar gyur cig /tshe ring ba dang/ nad med pa dang/ mthu dang longs spyod dang/ gzi mdangs dang ldan pa dang/ dpal dang 'byor pa phun sum tshogs pa la sogs pa dang/ 'jig rten dang 'jig rten las 'das pa'i yon tan 'phel zhing rgyas par gyur cig ces brjod de las bcol nas gong du smos pa'i rang rang gi sngags dang gats+tsha zhes brjod la mchod yon bsgrengs la slar gtang ngo/ /bgegs gtor ni bsang ba nas stobs brjod ba'i bar du gong ma bzhin du bya ste/ de'i 'og tu bdag nyid khro bor gsal bar dmigs la khro 'o gang yin pa de'i sngags brgya 'am stong bzlas te bskul la sangs rgyas kyi bden pa dang/ chos kyi bden pa dang/ dge 'dun gyi bden pa dang/ gsang sngags dang/ rig sngags dang/ phyag rgya dang/ snying po dang/ ting nge 'dzin gyi bden pa'i byin gyis brlabs kyis/ bgegs kyi rigs gang yin pa de thams cad skad cig thab cig yud tsam la 'dir mchi bar gyur cig ces brjod la lcags kyu 'am/ 'dod
- 405a
pa'i rgyal po'i sngags dang phyag rgyas dgug par bya'o/ /mchod yon sprengs la mdun du bzhag la/ oM guM ka ri guM ka ri swAhA/ pi tsi pi tsi swAhA/ oM guM guM swAhA zhes bya ba dang/ phyogs skyong mchod pa'i sngags grih+Ne dam zhes bya bas mchod par bya'o/ /de nas tshigs su bcad pa 'dis bsngo bar bya'o/ /hUM gang dag mtshan mo rgyu ba yi/ /'byung po rnams dang sha za dang/ /srin po sha rjen za ba dang/ /sems can rnam pa sna tshogs pa/ /ljon shing gel pa la sogs pa/ de dang de la gtor ma ni/ /bza' dang sha chang la phug bcas/ /'bras chan 'bras bu mang po dang/ mchod sbyin 'di yis mgu byos la/ /gnod pa'i bsam pa zhi ba dang/ bdag cag rnams la phan pa'i yid/ /di ring phan chad skyed par gyis/ /zhes bya bas bsngo bar bya'o/ /de nas tshig 'dis bden pa bdar ro/ /rgyan gyis brgyan par byas kyang chos spyod cing/ /dul zhing yang dag sdom la tshangs par spyod/ /'byung po kun la chad pa spangs pa ste// dge slong dge sbyong de yin bram ze'ang de/ /mtshon chas mi 'jigs gang yang med/ /'chi ba'i srog la kun kyang 'dzim/ /rang gi lus la dpe long la/ /gzhan la gnod pa ma byed cig /oM chen po 'am chung du gang dag gis/ /lus la mngon par gnod gyur pa'i/ /nad de rab tu dbyung bar gyis/ /gdon rnams rang gi gnas su dengs/ /de ltar bdag gis ci nus su/ /mchod dang bsnyen bskur byas pa yis/ /dam tshig gnas la gnas nas su/ /bdag gi bsam pa skong bar mdzod/ /rtag tu dam tshig la gnas shing/ /'dis ni che ge mo zhig gis/ /nang de rab tu bsal mdzod la/ /gdon rnams rang gi gnas su song zhes brjod la/ /oM sarba big+hanan gats+tsha zhes bya bas slar btang ngo/ /de nas
- 405b
bdud rtsi 'khyil pa'i sngags kyis mtshams gcad pa ni/ /na ma(rgyud 'grel): sa man+ta kA ya bAk+tsit+ta badzra NA na/ na mo badzra kro d+ha ya/ mahA daMSh+TO da ka Ta b+he ra bA ya/ a si mu sa la pa ra shu bA sha hasta ya/ oM a mri ta kun Da li kha kha ? khA hi khA hi/ hu lu hu lu/ tiSh+Tha tiSh+Tha/ band+ha band+ha/ ha na ha na/ da ha da ha/ gardza gardza/ bi spho Ta ya bi spho Ta ya/ sarba big+hAn bi nA ya kan mahA ga Na pa ti dzi bi ta an+ta ka rA ya swAhA zhes brjod par bya'o/ /cha gsum 'bring po'i cho ga rdzogs so/ / nor bu gling pa bde ba'i rdo rje'i gdams ngag la brten nas pa ni ta sh+rad+d+hA ka ra warmas nye bar sbyar ba'o/ /rgya gar gyi mkhan po de nyid dang bod kyi lo tsa ba dge slong rin chen bzang pos bsgyur ba'o// //rgya gar skad du/ dza la ba liM bi d+hi nA ma/ bod skad du/ chu gtor gyi cho ga zhes bya ba/ dkon mchog gsum la phyag 'tshal lo/ /dad ba can gang zhig gis las su bya ba la phan yon che la sla ba ni chu gtor yin pas 'di la brtson par bya'o/ /de la rin po che'i snod mdzes pa'i nang du chu blugs la phye dang me tog la sogs pa ci 'byor pa dang/ gser la sogs pa rin po che rnam pa lnga bdar ba dang/ kha zas ma smas pa ma smres pa sna tshogs dang/ skran? dang 'bru dang dri la sogs pa sbyar na lhag par yang bzang ngo/ /spyir gtor ma'i las bgyi'o 'tshal la brtag pa drug ste/ sbyang ba la sogs pa'o/ /de la sbyang ba ni chos nyid rnam par dag pa'i sngags dang phyag rgyas so/ /spel ba ni nam mkha' mdzod kyis sngags dang phyag rgyas so/ /mos par bsgyur ba ni bdud rtsi thab sbyor gyi sngags dang phyag rgyas so/ /sbyong pa la dbang ba ni rgyal chen shugs ldan 'od kyi sngags dang phyag rgyas so/ /thob par byed pa ni ye shes sar? mda'i sngags?
- 406a
dang phyag rgyas so/ /dbang du bya ba ni lha mgon spyi'i sngags dang phyag rgyas te dbang sgyur 'khor lo'i sngags dang phyag rgyas so/ /de la bsam rgyud ni dang por bdag nyid lus bsrung zhing lha'i sku phyag rgya chen por dran pa bskyed la/ tshad med pa bzhis byang chub mchog tu sems bskyed la dkon mchog gsum la skyabs su gsol zhing snying rje chen pos 'gro ba'i don dran par bya'o/ /bsngo ba yang bla na med pa'i byang chub chen por bsngo bar bya ste/ de yang dmigs kyis bsngo ba ni sri zhu'i 'gron sangs rgyas byang chub sems dpa' dang/ nyan thos dang rang sangs rgyas la sogs pa dang yon tan gyi 'gron tshangs pa dang brgya byin dang 'jig rten skyong ba bzhi dang/ phyogs skyong bcu gcig dang srungs ma dam tshig can rnams dang/ snying rje'i 'gron 'gro ba ris drug gi sems can dang/ khyad par du yang bdag gi lha mgon dang/ yul gang na gnas pa'i sa bdag lha klu dang/ lan chags kyi 'gron tshe rabs bgrangs pa'i rkyen bgegs dang/ phan gnod byed pa'i lha 'dre kun la yang mnyam snyoms su bsngo bar bya'o/ /de la dang po lag pa thal mo khong stong du sbyar la 'di skad du brjod do/ /oM swa b+hA ba shud+d+ha: sarba d+harmma(rgyud 'grel): swa b+hA ba bi shud+d+ho haM/ lag pa thal mo khong stong du sbyar la sor mo rnams rtse sprad de tshigs zur can rin po che lta bur byas la sngags 'di brjod do/ /na ma(rgyud 'grel): sarba ta thA ga te b+hyo bi shwa mu khe b+hya(rgyud 'grel): sarba tad khaM ud ga te spa ra Na i maM ga ga na khaM swAhA/ lag pa thal mo sbyar la phyir bkyed de mthe bong gnyis bsnol la sngags 'di brjod do/ /oM a mri ta kunDa li ha na ha na hUM phaT/ lag pa g.yas pa rdo rje khu tshur bcangs la mdzub mo
- 406b
bsgreng ste sngags 'di brjod/ na ma(rgyud 'grel): sarba ta thA ga ta a ba lo ki te oM saM b+ha ra saM b+ha ra hUM/ lag pa g.yas pa rdo rje khu tshur snying gar bstan la/ g.yon pa mchod sbyin gyi snod 'degs pa'i tshul du byas te sngags 'di brjod/ oM dz+nyA nA pa lo ki te sa man+ta spha ra Na rasmi b+ha ba sa ma ya mahA ma Ni du ru du ru h+ri dA ya dza la ni hUM/ lag pa thal mo khong stong du sbyar la/ /sor mo rnams nang du bsnol te mthe bong gnyis bzhibs te brkyang la sngags 'di brjod/ na ma(rgyud 'grel): sa man+ta? bud+d+hA naM/ gra he shwa ra pra ba ta dzyo ti na ma(rgyud 'grel): sa ma ya swAhA/ sngags dang phyag rgya 'di gcig la yang lan bdun bdun bzlas so/ /de yang dang bos ni gtor ma'i skyon med cing dag ba chen por byin gyis rlob/ /gnyis pas ni mchod pa'i rdzas kyi khyad par bsam gyis mi khyab pa dang/ sems can thams cad kyi mos pa ji lta ba bzhin nam mkha' i khams 'dod pa'i yon tan lngas gang bar byin gyis brlab po/ /de ltar spel nas gsum ba ni bdud rtsi'i rgya mtsho dang/ zas la sogs pa longs spyod 'di ltar so sor mos pa bzhin du longs spyod kyi rkyen dug lnga'i gsos dang/ ye shes lngar byin gyis brlab pa'o/ /bzhi pas ni 'phags pa rnams kyi spyan lam du yang gzhal med khang rtseg ma la sogs pa mchod pa'i sprin phung mang por sbrul nas mchod pa dang/ sems can rnams kyi dbang po'i spyod yul du ji ltar 'dod pa bzhin 'dod pa'i yon tan lnga char bzhin du 'byung bar bsams zhing/ khyad par du yang yi dags kyi rnam pa mang po dang sems can kun gyi bsam pa yongs su skong bar byin gyis brlab bo/ /lnga pas ni bdag gis lus zhing gi rdul snyed du sbrul nas 'phags pa rnams la mchod par phul bas mnyes pa dang/ sems can la byin pas 'pham rgyal med pa dang/ 'thab?
- 407a
rtsod med pa so so'i mos pa bzhin thob par byin gyis brlab po/ /drug pas ni sri zhu'i 'gron dang yon tan gyi 'gron dang/ snying rje'i 'gron dang/ lan chags kyi 'gron du gyur pa'i rigs la yang dam tshig gi dbang gis 'go zhing stong grogs su gyur par mngon sum du dmigs so/ /sems can gyi don du 'gyur ba'i las mi 'gal bar ci bcol ba yang 'grub ste phyag rgya yang phyogs bcur bstan la dbang du bya'o/ /de nas tshigs su bcad pa 'di dag gis kyang bsngo bar bya'o/ /gtan pa med pa'i mchod sbyin rgyal po 'di/ /chos nyid rnam par dag pa'i byin rlabs dang/ dkon mchog yon tan dpag med che ba dang/ /snying po phyag rgya nges pa'i dam tshig dang/ rgyu rkyen rten 'brel tshogs ba'i nus mthu dang/ /drang srong rig 'dzin rnams kyi grub pa dang/ /bdag gi smon lam ting 'dzin shes rab kyis/ /ye shes lnga yi 'od zer rnam par 'phro/ /dbang po lnga yi longs spyod mkho dbur ldan/ /nam mkha' i mthas klas gtor chen gyur pa 'di/ /mchod gnas bla ma khyed kyi pho brang du/ /mchod pa'i sprin gyis rgyas shing 'phel bar bsngo/ /sems can thams cad bde gyur cig /kun kyang gnod pa rnams dang bral/ /yang na de bzhin gshegs bsngags pa'i/ /'dod pa phun sum tshogs gyur cig /yang na sems can thams cad kyang/ /bsam pa yid bzhin grub gyur cig /byol song gcig la gcig za ba'i/ /gnod pa de dag yong ma 'byung/ /yi dags rnams la zas skom sogs/ /thogs pa med par 'byung gyur cig /sems can dmyal ba'i sdug bsngal gang/ /mi bzad rnam pa sna tshogs pa/ /bsod nams byin pa'i byin brlabs kyis/ /de dag
- 407b
myur du zhi gyur cig /sa 'am mkha' la 'khod pa yi/ /lha klu gnod sbyin dri za dang/ /'byung po mang po gang 'khod pa/ /dge pa'i bsam pa rdzogs gyur cig /de nas chos kyi sbyin pa yang rgya cher bya'o/ /chos rnams thams cad rgyu las byung/ / de rgyu de bzhin gshegs pas gsungs/ /de la 'gog ba gang yin pa/ /dge sbyong chen pos de skad gsungs/ /sdig pa ci yang mi bya ste/ /dge ba phun sum tshogs par sbyang/ /rang gi sems ni yongs su gdul/ /'di ni sangs rgyas bstan pa yin// zhes bya ba la sogs pa zhal nas gsungs pa'i tshigs su bcad pa mang pos chos gnyis su med pa'i sbyin pa rgya chen por bya'o/ /de ltar chos dang zang zing gi sbyin pa rnam pa gnyis kyis sgrib pa rnam pa gnyis byang tshogs gnyis rdzogs te bla na med pa'i byang chub 'grub par shes par bya'o/ /slob dpon dza ya se nAs mdzad pa rdzogs so// //zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// // !/ (/phyag rgya chen po'i rnal 'byor la 'jug pa'i man ngag bzhugs//) */ /rgya gar skad du/ mahA mu dra yo gA pa ta ra pi na dartha/ bod skad du/ phyag rgya chen po'i rnal 'byor la 'jug pa'i man ngag du bshad pa/ sangs rgyas dang byang chub sems dpa' thams cad la phyag 'tshal lo/ /chos nyid zab mo'i rgya mtsho chen por rab zhugs pa'i/ /ye shes mtsho chen ma lus de snyed bdag po mdzad/ /shes rab bdud rtsi las byung dri med byis pa'i gzugs/ /bde gshegs sras po 'jam pa'i dbyangs la phyag 'tshal lo/ /bdag dang gzhan gyi don ma lus par myur du rdzogs par 'gyur par 'dod pa'i rnal 'byor pa rnams kyi don du/ /rab tu bsdu ba mdzad pa'i cho ga'i rim par phye ba la som nyi spangs pa'i blos 'jug par bya ba'i
- 408a
phyir 'di brtsams so/ /gang dag bstan bcos rtsom par 'dod pa gang dag kyang ya rabs dang tshul mthun par bya ba'i phyir bla ma dang dad pa'i lha la phyag 'tshal ba dang po kho nar nges par byed do/ /'dir yang slob dpon gyis 'jug par 'dod pa'i gang zag rnams kyi phyir rnam pa bsdu ba mdzad pa la tshogs kyis rgyur 'gyur ba'i phyir dang po kho nar dkon mchog gsum la phyag 'tshal lo zhes smos te/ 'di ni bdag dang gzhan gyi don la yon tan gyi rnam pa mdza' yas pa'i phyir yid bzhin gyi nor bu dang 'dra bas de brjod pa yin no/ /snyam bsams nas de bshad pa'i phyir/ /dkon mchog gsum zhes bya ba la sogs pa smos te/ de yang rnyed dka' ba dang/ rin che ba dang/ don chen po nyid du 'gyur pa dang/ rab tu snang ba'i don gyis na yid bzhin gyi nor bu rin po che dang 'dra bas na dkon mchog ste/ ji ltar zhe na/ bsod nams dang ye shes kyi tshogs dpag tu med pa'i rin gyis rnyed par 'gyur bas na rin po che'o/ /phyi dang nang gi mun pa thams cad ma lus par yang dag par sel bar byed pa'i don dang/ 'khor ba thams cad kyi dbul ba la sogs pa thams cad gcod par byed pa'i 'jig rten dang 'jig rten las 'das pa thams cad kyi bde ba dang/ yid bde ba shin tu rnam par dag pa'i gnas su 'gyur ba'i don gyis na rab tu snang ba dang/ don chen po nyid du 'gyur bas na yid bzhin gyis nor bu'o/ /de yang dus yun ring po zhig nas thos pa la sogs pa las byung ba'i phyir rnyed par dka' ba ste/ ji skad du/ thams cad mkhyen pa 'jig rten du/ /u duM ba ra'i me tog bzhin/ /brgya lam na yang res 'ga' zhig /'byung 'gyur yang na mi 'byung zhing/ /zhes 'byung ba'i phyir ro/ /de bas na sangs
- 408b
rgyas bcom ldan 'das rnams ni yid bzhin gyi nor bu'i dpes dkon mchog nyid du 'grub bo/ /'dis gsum zhes pa ni chos dang dge 'dun yang dkon mchog nyid du bshad pa'i phyir te/ de yang thog mar de khong du chud pas 'khor ba'i rgya mtsho chen po las rab tu sgrol ba dang/ rgyu dang bcas pa'i sdug bsngal dang gtan du bral ba'i bdag nyid de so sor brtags pa'i 'gog pa mngon du byas pa'i mtshan nyid pas gzhan gyis 'khor ba'i chu bo'i rgyun bzlog pa'i mtshan nyid kyis tha dad pa ma rtogs par khyad par ci yang med pa'i phyir chos rkyang dkon mchog nyid du grub bo/ /der bzhugs shing de las byung nas 'bras bu rnams la rim pa bzhin gnas te/ thob par bya ba la bde legs su gyur pa'i gnyen pos 'bras bu mthar phyin bar 'dod pa dag kyang 'das pa la sogs pa'i dus kyis khyad par ma rtogs par don dang smon lam dang gdul bya la mi mtshungs par gyur pa 'ga' yang ma mthong bas dge 'dun yang dkon mchog nyid du brjod pa de'i phyir dkon mchog gsum du nges par grub bo/ /nyan thos kyang dkon mchog nyid du bshad pa ni rang gi las kyi sgrib pa'i phyogs gcig spangs te/ 'bras bu 'khor ba'i dgra ma lus par bcom nas zhi ba la gnas pas 'phags pa'i khongs su 'gro bas de'i phyir 'di yang dge 'dun dkon mchog ces bshad do/ /de la sangs rgyas ni 'dir nyon mongs pa dang shes bya'i sgrib ba bag chags dang bcas pa drungs phyung zhing spangs pa dang/ de'i gnyen po zag pa med pa'i chos kyi sa bon rab tu rgyas bas sangs rgyas te/ gnas 'gyur ba'i mtshan nyid chos thams cad la mnga' brnyes ba'i kun gzhi med pa'i zhes bya ba ni sangs rgyas rnams kyi chos kyi sku'o/ /mdor na me long lta bu'i ye shes shin tu dri ma med pa'i de bzhin nyid du gnas 'gyur
- 409a
ba'i mtshan nyid do/ /longs spyod rdzogs pa'i sku ni de'i snang ba ste/ sku gang la bzhugs nas mngon par byang chub pa'i mtshan nyid /mthar phyin pa'i byang chub sems dpa' rnams dang thabs cig tu 'khor gyi dkyil 'khor rnams na theg pa chen po'i chos kyi 'gro ba myong bar 'gyur ba 'di ni sangs rgyas rnams longs spyod rdzogs pa'i sku ste/ bzung ba dang 'dzin pa rnam par dag pa'i mtshan nyid mnyam ba nyid kyi ye shes so/ /sprul pa'i sku ni sems can gyis bsam pa la gzigs nas thugs rje'i dbang gis gdul bya'i phyir bya ba la zhugs pa dang/ rab tu bya ba mdza' yas pa ni sangs rgyas rnams ni sprul pa'i sku ste/ sgo snga'i rnam par shes pa gnas gyur pa'i mtshan nyid so sor rtogs pa dang bya ba nan tan gyi ye shes rnam par dag pa'o/ /mdor na sems rnam par shes pa tshogs brgyad lam khyad par can gyis grub pa'i mdza' gnas gyur ba'i mtshan nyid ye shes bzhi'i bdag nyid yin no/ /chos ni bstan pa dang lam dang don dam pa ste de yang bstan pa ni bstan pa ste gdul bya'i gnyen por gang de bzhin gshegs pas gsungs pa'i chos de lan gsum du gang gi rgyud la bskor bas gang gi rgyud la rnam bar rig pa 'byung ste/ gcig la gcig gi dbang gis na/ rnam par rig pa phan tshun ni nges shes pa lta bu'o/ /de dag gi khyad par ni yi ge'i tshogs mang su dogs nas 'dir ma bris pas gzhan las shes par bya'o/ /lam ni 'phags pa'i lam yan lag brgyad ba ste/ mthong ba'i lam gyi rjes las thob pa'i mtshan nyid yang dag pa'i lta ba la sogs pa'o/ /de yang yang dag pa'i lta ba ni mngon pa'i nga rgyal dang bral bar gyur
- 409b
te/ rang gis rtogs pa yang dag pa ji lta ba bzhin du yongs su shes pa'o/ /yang dag pa'i rtog pas kun nas bslang ba'i tshig gis seng ge'i sgra yang dag par sgrogs so/ /yang dag pa'i ngag dang las kyi mdza' dang/ 'tsho ba rnams kyis ni rang gi dam bcas pas yang dag par brjod do/ /yang dag pa'i rtsol ba dang dran pa dang ting nge 'dzin ni mi mthun pa'i phyogs bsgom pas spangs par bya ba'i nyon mongs pa dang nye ba'i nyon mongs pa dang/ snyoms par 'jug pa'i sgrib pa dag gi go rims bzhin du gnyen po gyur pa dag go/ de yang mnyam par bzhag pa'i dus 'ba' zhig na gnyen po 'di dag mngon du byed do/ /langs pa'i tshe ni rnam pa lnga'i sgo nas sems can la dmigs so/ /'di dag ni byang chub sems dpa' i lam khyad par du 'phags pa dag yin no/ /don dam pa ni don dam pa ste ye shes dam pa'i yul yin pas na don te de yang dag pa'i 'jig rten las 'das pa'i ye shes so/ /de'i yul yin pa'i phyir don dam pa ste/ de bzhin nyid kyis bya ba'i tha tshig go /yang na dam pa yang yin la don yang yin pas don dam ba ste lam gyi dgongs pa yin bas don to/ /'dus byas dang 'dus ma byas dang chos kyi mchog yin pas na dam par ro/ /gnod pa'i nyes pa thams cad dang bral ba'i phyir mya ngan las 'das pa nyid don to/ /mdor na so sor brtags pa'i 'gog pa mngon du byas pa'i mtshan nyid yin no/ /'di dag ni chos te ji snyed pa'i gsungs pa'i chos ma lus pa dag kyang 'dir 'dus par 'gyur ro zhes bya ba'i tha tshig go/ byang chub sems dpa' i dge 'dun ni zad pa mi skye ba'i ye shes yin la/ der sems pa ni byang chub yid la byed pa ste de thob par 'dun pa zhes bya ba'i don to/ /yang na byang chub dang sems can la dmigs pas na byang
- 410a
chub sems dpa' ste/ byang chub mngon par rtogs nas sems can rnams 'khor ba'i btson ra las gdon par bya ba'o zhes gang la de lta bu'i sems yod pa de byang chub sems dpa' o/ /ji skad du bdud rtsi thob phyir lam 'di ma yin pa/ /lam ngan spongs la lam la mnos shig ces/ /lta ngan sems can mthong na go 'byed de/ /rgyu des byang chub sems dpa' zhes brjod do zhes tshigs su bcad pa'o/ /de bas na gang la de lta bu'i sems dpa' yod pa thun mong dang khyad par gyi lam la gnas pa'i byang chub sems dpa' rnams yin no/ /gang de'i khongs su 'gro ba nyid kyis rang gi lam thun mong bas 'gro bas 'bras bu mngon du byed pa nyan thos kyang ste/ bden pa rtogs pa'i rgyus mthong ba dang bsgom pa mngon du byas pa'i 'bras bu gang zag rnam pa brgyad dag ste/ 'di dag la rim gyis sam cig car 'jug cing sprul pa'i sku 'ba' zhig gi 'khor du gyur pa rnams yin te/ de ltar na ji skad du bshad pa'i dkon mchog gsum po'i yon tan rin po che'i 'byung gnas la/ bla ma'i zhal snga nas gzhan la phan gdags pa'i bsam pa la bar chad med cing/ tshogs kyi rgyur 'gyur ba'i phyir phyag btsal ba sngon du gtang ba yin no snyam bsam pa yin no/ /de ltar tshogs kyi rgyur gyur pa brjod nas de'i 'og tu rnal 'byor pa brjod pas de bshad par bya ste/ de'i phyir dad pa can gang zhig gi las su bya ba smos te/ de yang rnal 'byor pa ni 'dod pa'i 'bras bu yon tan dang bcas pa ste/ de brjod pas gzhan dag 'jug pa'i yan lag tu 'gyur ro snyam du bsam nas dang po kho nar yul 'di nyid bstan pas 'jug bar 'gyur ba dang shes bya ba la tshegs chung ba nyid yin no zhes 'dir
- 410b
bstan nas/ de'i rab tu dbye ba ni 'di ste/ de yang 'di'i sgra 'jug pa'i rgyu mtshan ni bstan bcos las/ las dang 'bras bu dang bden pa dang dkon mchog la yid ches pa dang 'dod pa dang sems dad pa'o/ /zhes 'byung ba nyid do/ /de yang las dang 'bras bu dang bden pa gnyis ni yid ches pa'i dad ba skye la /bden pa gnyis dang dkon mchog la ni 'ded pa dang sems dad ba'i dad pa skye ste/ de la las ni 'dir lus dang ngag dang yid kyi las te de yang dge ba dang mi dge ba dang mi g.yo ba'o/ / de la lus dang ngag dang yid kyi las mi dge ba rkyen tshangs pas bskyed pa ni lus ngag yid gsum gyi las mi dge ba ste/ des 'phangs pa'i 'bras bu ni sdig pa'i las kyi 'phangs pa'i 'bras bu ste/ 'bras bu ngan pa gsum du sdug bsngal chen po myong bar byed do/ /'di la skur ba 'debs pa ni rgyu 'bras la yid mi ches pa'o/ /de las bzlog pa ni yid ches pa ste yid 'byung ba'i rten byed pa'i las can no zhes bya'o/ /lus dang ngag dang yid kyi las mi dge ba ni lus ngag yid gsum gyi las 'bras bu dang bcas pa la skur pa 'debs pa ste bde 'gro la rgyab kyis phyogs pa'o/ /de las bzlog pa ni yid ches pa ste brtson 'grus 'byung ba'i rten byed pa'i las can no/ /mi g.yo ba ni lus dang ngag dang yid kyi las mi g.yo ba ste rnam par smin pa mi g.yo ba zhes bya ba'i tha tshig go /des 'phangs pa'i 'bras bu ni bsam gtan gyi gnas rnams te/ 'di dag 'grub par byed ba'i ting nge 'dzin 'dod pa'i khams na mngon par 'du byed pa rnams so/ /'di dag ming ngo zhes skur pa 'debs pa ni 'di la yid mi ches pa ste gzugs yod pa na spyod pa'i bsam gtan rnams la rgyab kyis phyogs pa'o/ /de las bzlog pa ni 'di las yid ches pa ste tshangs pa'i gnas rnams mngon par 'grub pa
- 411a
la brtson 'grus skye ba'i rten can yin no/ /bden pa ni bzhi ste/ sdug bsngal dang/ kun 'byung dang/ 'gog pa dang lam mo/ /de la sdug bsngal dang kun 'byung la yid mi ches pa ni 'khor ba mngon du 'grub par byed pa ste/ mya ngan las 'das pa la rgyab kyis phyogs pa'i rgyur 'gyur ba'o/ /de las bzlog pa ni mngon par yid ches pa ste yid 'byung ba'i rten byed pa'i las can no/ /'gog ba dang lam la yid mi ches pa ni khams gsum las mi 'da' ba ste/ yang 'byung ba dang bcas pa'i skye bo yongs su 'dzin pa'o/ /de las bzlog pa ni yid ches pa ste/ nges par 'byung ba dang 'byin pa'i lam dang 'bras bu dang bcas pa mngon par 'dod pa'o/ /dkon mchog ni gsum ste ji skad bshad pa'i yon tan gyi 'byung gnas su gyur pa dag ste/ de yang sangs rgyas dkon mchog ni yon tan dang nyes pa thams cad phul du phyin pa dang ma lus par bsal ba'i mthar thug pa'i gnas su gyur pa dang/ chos kyi 'khor ba'i rgya mtsho las rab tu sgrol ba dang/ rgyu dang bcas pa'i sdug bsngal dang/ gtan du bral ba'i bdag nyid dang/ de khong du chud par yongs su shes par byed pa dang/ dge 'dun ni dge sbyong? gi 'bras bu la gnas pa dang der zhugs pa dang/ bla na med pa dang/ sbyin gnas kyi zhing yin par yongs su shes nas sems rab tu dang bar 'gyur ba'i gnas yin zhes bya ba'i tha tshig go/ /'dir sngags kyi spyod pa la mos pa rnams kyi ni khyad par du 'dod pa nyid gzung bar bya ste/ 'dir 'dod pa ni 'dod pa ste 'dod pa 'dod par bya ba zhes bya ba'i tha tshig go /'di ni phyag rgya chen po'i rnal 'byor te/ des don ma lus par yongs su grub pa'i
- 411b
phyir ro/ /can zhes bya ba ni de dang ldan pa ste rnal 'byor pa zhes bya ba'i tha tshig go /'di ni gang zhig ste khyad par med pa nyid du bstan pa yin no/ /gis shes bya ba ni 'dir byed par sbyar te de yis shes bya ba'i tha tshig go/ las su bya ba ni las su bya ba ste lus dang ngag dang yid kyi las so/ /de ni 'dir rnal 'byor la mngon du byas pas don chen po ma lus par yongs su rdzogs par 'gyur pa ste/ sku gsung thugs rgyud la mngon sum du bya'o zhes bya bar 'gyur ba yin no/ /gzhan du na ji srid 'tsho'i bar du lus ngag yid gsum phyag rgya'i mtshan ma mngon du bya ba las mi mda' ba' o zhes bya bar yang 'gyur ro zhes bya ba'i don ni/ /'dod par bya ba la rnal 'byor du bya ba yin par shugs nyid kyis bshad zin to/ /de'i 'og tu de nyid kyis don chen po yongs su rdzogs par 'gyur ba dang de'i rgyu yang tshegs chung bar bstan pa'i phyir phan yon che zhing bla ba ni zhes bya ba smos te/ de la bla ba ni bla ba ste nyams su blang ba la tshegs chung dus don yongs su rdzogs par 'gyur ro zhes bya ba'i tha tshig ste/ 'dir slob dpon gyis dad pa can gang zhig gis shes sngar bshad pas/ phyag rgya'i rnal 'byor nyams su len pa nyid dang/ 'chad par 'gyur ba'i yo byad cung zad tsam gyis rgyus 'jig rten dang 'jig rten las 'das pa'i don mdza' dag ma lus par yongs su rdzogs par 'grub par bstan te 'dir 'khor ba thams cad kyi dbul ba la sogs pa'i sdug bsngal thams cad yang dag par gcod par byed pa'i don dang/ bsod nams dang ye shes kyi tshogs dpag tu med pa yongs su rdzogs par 'gyur ba'i don gyi don mdza' dag bsdus pas de dag ma lus par 'dir 'grub par 'gyur ro zhes bya ba bstan pa yin no/
- 412a
de nyid ni chu gtor 'di yin pas zhes ba ste/ 'di zhes bya ba ni mngon sum pa'i mtshan nyid do/ /rdzas cung zad la brten pa'i rnal 'byor pa 'di nyid de/ ming 'di skad ces bya ba'i rnal 'byor nyid 'dod pa'i bdag nyid ma lus par 'grub par 'gyur ba nyid yin pas na 'di la brtson par bya'o zhes bya ba yin te/ 'dis ni dmigs par bya ba'i yul 'bras bu dang bcas pa bstan pa yin te/ de nyams su len pa la brtson 'grus 'byung ba'i rgyur 'gyur ba bstan par 'gyur ro/ /de'i 'og tu de nyid nyams su blang ba'i thabs bstan bas de bshad par bya ste/ de'i phyir de la rin po che'i snod mdzes par zhes bya ba smos te/ de yang rdzas la brten pa'i rnal 'byor la chu gtor zhes bshad pas de'i phyogs gcig 'dir 'chud pas de la zhes 'di brtsams pa yin no/ /rin po che'i snod ni rin po che'i snod de rin po che las byas pa'am/ rin po che lta bur byas pa 'am rin po ches spras pa'o/ /de la rin po che las byas pa'i rin po che'i rgyu las byas pa sto gser la sogs pa la bzo'i khyad par du mas mdzes pa byas pa'o/ /rin po che lta bur byas pa ni rin po che'i dbyibs su byas pa ste rin po che 'dra zhes bya ba'i tha tshig go/ rin po ches spras pa ni rin po ches brgyan pa ste mdzes par byas pa'o/ /mdzes pa ni yid du 'ong ba'i khyad par dang ldan pa'o/ /tshul 'dis 'byor pa rab 'bring gsum la ci rigs bstan pa yin te/ sngar sla bas shes bshad pas de dang 'gal ba'i nyes pas ji rdzi bar bstan pa'o/ /kha na ma mtho ba med pa'i snod de'i nang du chu blugs la/ gzhan yang phye dang me tog la sogs pa ci 'byor ba zhes smos te/ 'di yang ci rigs par bshad pa ste/ 'gro ba dbul
- 412b
ba nyon mongs pas sems zhum par 'gyur ba'i nyes pa spangs pa'i phyir 'di bstan pa yin te/ de bas na rang gi rnal 'byor pa shin tu chung ba rnams la khyad par du 'di bstan pa yin no/ /gzhan yang gser la sogs pa rin po che sna lnga bdar ba dang zhes bya ba la sogs pas 'di yang ci rigs pa ste 'byor pa dam par gyur pa la sogs pa rnams te/ rang gis ji ltar 'byor pa bzhin du kha zas ma smas pa ma sme ba sna tshogs pa dang/ gzhan yang sman dang 'bru dang gzhan yang dri sna tshogs 'byor na lhag par yang bzang ngo zhes bya ba yin no/ /de la ma smas pa ni gzhan du longs ma spyad pa'o/ /ma sme ba ni kha na ma tho ba'i nyes pa dang bral ba'o/ /de ltar yo byad ci rigs par bstan nas de'i phyogs gcig po rnal 'byor la mngon sum du bya ba de bstan pa'i phyir ro/ /spyir gtor ma'i las bgyi'o 'tshal la brtag pa rnam pa drug ste zhes bya ba la sogs pa smos te/ rim par bkod pa 'di dag ni bkrugs pa'i mtshan nyid de ci'i phyir zhe na/ sngags kyi spyad pa spyod par 'dod pa'i gang zag rnams la sngags kyi spyod pa ni slob dpon la rag las kyi rang nyid mtshan ma thug thub tu bzung bar bya ba ma yin no/ /zhes bya bar bstan pa'i phyir ro/ /'dis cir 'gyur zhe na/ sngon gyi rnal 'byor pa rgyud dag par gyur pa'i gang zag rnams kyang bla ma'i man ngag las rgyud yongs su dag par gyur to zhes 'byung ba'i phyir ro/ /de ltar ma yin na ni yongs su rdzogs pa'i dngos grub kyi rgyur mi 'gyur te/ de bas na bla ma'i man ngag 'dod pa'i dngos grub kyi rgyur 'gyur ro snyam du shes par bya'o/ /de ni 'di lta ste/ dam tshig gis phyag rgya'i /rnal 'byor sngon du bya ba'i bsam rgyud kyi rim pa bstan pa dang/ mchod pa dang sbyin pas mnyes shing tshim pas yongs su bsngo bar bstan pa'o/ /de'i rim pa yang/ de yang
- 413a
bsam rgyud ni zhes bya ba la sogs pa ste/ de yang dang por snying rje chen pos 'gro ba'i don bya ba dran par bya'o/ /de'i 'og tu dkon mchog gsum la skyabs su gsol/ de'i 'og tu tshang? med pa bzhis byang chub tu sems bskyed// de'i 'og tu lha'i sku phyag rgya chen por dran par bskyed do/ /de nas lus bsrung bar bya'o/ /zhes bya ba'i rim pa 'di sbyar bar bya'o/ /ci'i phyir rim pa 'di sbyar bar bya zhe na/ 'dod par bya ba mngon du bya ba la phyin ci ma log par 'gyur ba'i phyir ro/ /ji ltar zhe na/ 'gro ba ma lus pa'i don bya bar 'dod pa des dang po kho nar 'khrul pa'i dbang gis dngos po la mngon par zhen pas khams gsum 'khor ba'i 'gro ba lnga po 'di dag la snying rje chen po bskyed de/ sdug bsngal sna tshogs kyis gsungs pa las grol bar bya'o snyam du yid la dran par bya'o/ /de yang las kyi rnam par smin pa'i lus 'dis nus par mi 'gyur bas 'dod par bya ba la mngon sum du byas te des 'gro ba'i don nus par 'gyur bas des mngon sum du bya'o snyam du yid la bya'o/ /de'i rgyu yang gsum la skyabs su 'gro ba yin pas de'i phyir dus gsum gyis 'phags pa mngon sum du dmigs nas de'i spyan sngar gsum la skyabs su 'gro bar bya ste/ de yang nye bar mtshon pa tsam du zad do/ /de bas na sdig pa bshags pa la sogs pa yang bya'o/ /de ni 'di lta ste/ dkon mchog gsum la phyag 'tshal lo/ /dkon mchog gsum la skyabs su mchi /sdig pa thams cad so sor bshags/ /dge ba kun gyis rjes su smon/ /sangs rgyas byang chub yid kyi gzung/ /byang chub mchog gi sems ni bskyed par bgyi/ /sems can ma lus bdag gi 'gron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog ces brjod pas/ de'i
- 413b
'og tu chad med pa bzhis byang chub mchog tu sems bskyed ba 'di bya ste/ des 'di ltar khams gsum gyi sems can ji snyad pa sdug bsngal gyi phung po dang phral bar bya'o snyam du bsam bar bya'o/ /de yang sdug bsngal dang bral nas kyang bde ba dang phrad par bya'o/ snyam du mos par bya'o/ /bde bar dang phrad nas kyang nam du yang mi 'bral bar bya'o snyam du bsam par bya'o/ /mi 'bral bar gyur nas kyang de la phan pa dang bde bar bya'o snyam du bsam par bya'o/ /de dag la tshad med pa ni 'di ltar sems can gyi khams la chad med pas de dag la yang tshad med pa'i ngo bo nyid du mos par bya'o/ /de ltar sems bskyed nas de'i 'og tu lha'i sku phyag rgya chen por dran pa bskyed de/ de yang 'di ltar lha'i sku ni lha'i sku ste phyag rgya chen po nyid do/ /de mngon sum du byed pa ni dran pa bskyed pa'o/ /dran pa ni dran pa ste de shin tu nye bar gnas pas byid rgod gnyis dang bral ba'o/ /de'i stobs kyis 'dod par bya ba las mi g.yeng ba yin te/ 'dod pa la rtse gcig tu byed ces bya ba'i tha tshig go/ de yang rim gyis saM cig car du ste las dang po pa dang mngon du gyur pa dag gi khyad par gyis yin no/ /de ni 'di lta ste/ lha drug gi sgo nas dran pa bskyed de la phyi nang gi chos thams cad don dam par stong pa nyid du mos pa 'di ni rnam par mi rtog pa'i lha'o/ /stong pa nyid las bA gI shwa ra maM zhes bya ba'i sgra tsam grag par mos pa ni sgra'i lha'o/ /de'i 'og tu rang gi snying gi tshad tsam gyis nam mkha' la zla ba'i dkyil 'khor nya gang ba gcig tu mos pa byas la de'i dkyil du thA gI shwa ra maM zhes bya ba'i yig 'bru dngul gyi glegs (ba dang oM wA gI shwa ra maM zhes 'don rgyu yin zhes bu ston gsungs//) bam la gser chu gcig tu zhen pa bzhin du mos par bya ba 'di ni yi ge'i lha'o/ /de'i 'og tu zla ba'i dkyil 'khor yig 'bru dang bcas pa 'phros shing 'dus pa las bdag
- 414a
nyid 'phags pa 'jam dpal sku mdog dmar ser phyag g.yas na ral gri g.yon na utpa la'i me tog snams pa rgyan thams cad kyis brgyan pa/ gdan pad+ma la bzhugs pa gcig tu gyur par bsam pa 'di ni gzugs kyi bye brag gi lha'o/ /de nas lag pa gnyis sor mo phan tshun bsnol te gung mo gnyis sbrengs la rtse sbrad de mdzub mo gnyis gung mo'i rgyab tu sbyar la/ mthe bong gnyis gung mo la sbyar spyi bor bzhag la/ na ma(rgyud 'grel): sa man ta bud d+ha naM hUM hUM zhes brjod pas dbu gtsug tor dang ldan par bsam mo/ /de nas yang lag pa gnyis khu tshur bcangs la gung mo dang srin lag bsgreng ste mthe bong drung du sbyar la/ na ma(rgyud 'grel): sa man ta bud d+ha nAM/ ga ga na spa ra lak+Sha Na kA ru Na/ mahA ta thA ga ta tsak+Shu swAhA zhes brjod do// ye shes kyi spyan dang ldan par bsam pa 'di ni phyag rgya'i lha'o/ /des shin tu yan lag rdzogs par snga ma las khyad par du gyur par bsam pa 'di ni rnam par rtog pa dang bcas pa'i lha'o/ /yang na dran pa 'di ni 'bris pa dngos po nyid ma brjod? pa ste/ /sngar lha'i sku la mngon sum du byas pa'i dbang gis phyis snying po tsam brjod pa'i sgo nas dran pa bskyed de/ mngon sum du byed pa 'di ni cig car yid la byed pa dag gi mos pa yin no/ /gzhan dag ni tshul gnyis po gang yang rung ba'i sgo nas las kyi lha gang yang rung ba dran pa skyed do bya bar yang 'chad do zhe'o/ /mdor na rnal 'byor pa'i mos pa ji lta ba bzhin phyag rgya chen por dran pa bskyed do zhes bya ba'i tha tshig go/ de'i 'og tu lus bsrung bar bya ste de yang rdo rje go cha dang/ bsrung ba chen mos bsrung bar bya ste/ lag pa gnyis thal mo sbyar la mdzub mo gnyis gung mo'i rgyab tu sbyar la/ mthe bong gnyis kyang gung mo la sbyar la/ na ma(rgyud 'grel): sa man ta badzrA NAM badzra ka ba tsa hUM zhes brjod
- 414b
pas rdo rje'i go zhu lub tu gon par gyur par bsam mo/ /de nas yang lag pa gnyis sbyar la mdzub mo gnyis nang du bcug ste/ gung mo dang mthe bong gnyis rtse sprad? la srin lag gnyis brkyang la mthe'u chung gnyis bkug ste / na ma(rgyud 'grel): sarba ta thA ga te b+hyo/ sarba bik De b+hyo/ bi shwA mu khe b+hya(rgyud 'grel): sarba tad khaM rak+Sha ma hA ba le/ sarba ta thA ga ta pu na nir dza te/ hUM hUM tra tha tra tha a pra ti ha te swA hA zhes brjod pas bar du gcod pa'i bgegs thams cad kyi mi tshugs par bsam mo// de ltar phyag rgya la dran pa sngon du byas nas de'i 'og tu thugs dang mngon gyi smon lam gyi dbang gis dus gsum gyi 'phags pa dang khams gsum gyi 'gro ba ma lus pa mnyes shing tshim par bya ba'i phyir rim pa 'di bya ste/ de yang bsngo ba ni rnal 'byor gyi rim pa nyid du brjod zin pas/ bsngo bar bya ba dang spyir yongs su bsngo par bya ste/ de la bsngo bar bya ni bsngo bar bya ba ste bsngo pa'i gnas shes bya ba'i tha tshig go /de ni 'di lta ste/ bsngo ba yang bla na med pa'i byang chub chen por bsngo ste zhes bya ba la sogs pa smos te/ de yang bla na med pa zhes bya ba'i sgra ni khyad par du gtogs pa'i rnam grangs su rtogs pa'o/ /ji ltar nyan thos dang rang rgyal ba'i byang chub pas khyad par du 'phags pa'i byang chub chen po ste rgyu dang 'bras bu shin tu mchog tu gyur pa'i phyir ro/ /der yongs su bsngo ba ni bla na med pa'i byang chub chen por yongs su bsngo ba ste/ 'dis ni sems can gyi khams brjod kyis mi lang ba'i don bskal pa 'am bskal pa las lhag pa 'am nam 'khor ba las ma grol gyi bar du ma lus pa med par 'gyur ro/ /de ltar spyir yongs su bsngo ba bstan nas khyad par du yongs su bsngo ba bstan pa'i phyir/ de yang dmigs kyis bsngo ba ni zhes bya ba la sogs pa smos te/ de ni
- 415a
'dir rnam pa bzhi ste/ gang zhe na srid zhu'i 'gron sangs rgyas dang byang chub sems dpa' dang nyan thos dang rang rgyal ba la sogs pa ji snyed pa brjod pas rdzogs pa dag go/ 'dis ni mchod sbyin gyi gnas spyi dang/ khyad par du bstan pa ma lus par bsdus pa yin no/ /de yang rim pa kha cig las ni mchod pa la sogs pa'i gnas skabs ting nge 'dzin la sogs pa'i gnas skabs drangs te mnyes pa'i yan lag gis mnyes par bya bar 'byung na 'dir ni de ltar ma yin te/ /rnal 'byor pa'i mos pa nyid dang chos thams cad kyi rten 'brel la sogs pas/ rang rang pho brang la sogs pa rnams su 'am/ sangs rgyas kyi zhing yongs su dag pa rnams su yid du 'ong ba'i mchod pa'i sprin phung la sogs pa mngon par sprul pas mnyes pa dang tshim pa nyid du brtag go /'di nyid las kyang nam mkha' mdzod la sogs pa dang mchod gnas bla ma khyod kyi pho brang du zhes bya ba'i gtan tshigs kyis rang gi gzhal yas khang la sogs pa nyid du 'byung bar 'grub po zhes bya ba yin no/ /sngags kyi tshul kha cig las kyang de bzhin gshegs pa ni sngon gyi smon lam gyi dbang gis sems can re re'i mdun na yang rtag tu bzhugs te/ rang gi nyon mongs pa la sogs pa'i dbang gis 'di la mngon sum gyi blo ma skyes par zad do zhes bshad do/ /sku ji lta ba bzhin du gsung dang thugs kyang ste/ rtag tu 'gro ba'i don la bzhugs so zhes bshad pa'i phyir ro/ /gzhan yang 'di skad pu de bzhin gshegs pa rnams ni sngon gyi smon lam gyi shugs kyi dbang gis sems can yongs su smin par mdzad pa'i phyir byung bas sems can gyi khams
- 415b
ji tsam du sprod pa de thams cad na bzhugs pa yin te/ rnam pa thams cad du sems can gyi don mdzad par kun tu snang ngo zhes 'byung ba'i phyir ro/ /de ltar bsngo ba byas par bstan nas de'i 'og spyir yongs su bsngo ba'i rdzas de bshad par bya ste de yang gtor ma nyid yin te/ de'i phyir spyir gtor ma'i las bgyi'o 'tshal la zhes bya ba spyir bstan te/ de nyid brtag pa rnam pa drug ste/ de bstan pa'i phyir de yang gang zhe na zhes dris pa nas sbyang ba dang zhes bya ba la sogs pa drug po rdzas nyid du brtag go/ de ltar rtag par bya ba bstan nas de'i 'og tu gang gis brtag pa de bstan pa'i phyir/ /de la skyang ba ni zhes bya ba dang po ste/ chos nyid rnam par dag pa'i sngags dang phyag rgyas so zhes bya ba la sogs pa ste/ 'di dag gis de'i byed pa nyid du bstan pa yin no/ /de'i 'og tu 'dis ji ltar yongs su brtag pa de bstan te/ de la chos nyid rnam par dag pa'i sngags dang phyag rgya'i gang yin snyam pa la/ lag pa thal mo khong stong du sbyar la sngags 'di brjod do/ /oM swa b+hA ba bi shud+d+ha(rgyud 'grel): sarba d+harmma(rgyud 'grel): swa d+ha ba shud+d+ho haM zhes bya ba la sogs pa'i tshul gyis so/ /des rnal 'byor pa'i mos pa nyid ji ltar snang bar gyur par brtag pa bstan ste de ni 'di dag gis shes par bya ste/ /de yang dang pos ni gtor ma'i nyes skyon med cing dag pa chen por byin gyis brlob po zhes bya ba la sogs pa ji ltar gyur pa rnams yin no/ /bsngo ba'i ting nge 'dzin de ltar bshad pas sems can gyi mos pa ji lta ba bzhin du gyur pa de nyid tshigs su bcad pas kyang bsngo ba'i phyir/ de nas tshigs su bcad pa 'di dag gis kyang bsngo bar bya'o zhes bya ba ste/ de yang 'dir tshul 'dis yongs su bsngo bar bya ste/ /gang? gang? gi dbang gis gang la yongs su bsngo ba'i tshul gyis te de brtag par bya ba'i phyir/ /gtan pa med pa'i mchod sbyin rgyal po 'di/ ye shes
- 416a
lnga yis 'od zer rnam par 'phro zhes bya bar sbyar te/ rgyu gang dang rkyen gang gis snyam pa la 'dir rnam pa drug gis te/ chos nyid rnam par dag pa'i byin brlabs dang zhes bya ba la sogs pas so/ /gang la yongs su bsngo ba'i ji skad bshad pa'i rnam pa bzhi po nyid la/ dbang po lnga'i longs spyod mkho dgur ldan zhes bya ba dag gis so/ /de ltar mdo'i don bstan nas tshig gis don bstan pa'i phyir/ gtan pa med pa'i mchod sbyin rgyal po 'di zhes smos so/ /de la gtan pa ni bdag la sogs pa blo rnam pa gsum gyis dmigs pa ste/ de med pa ni gtan pa med pa ste dmigs pa dang bral ba'i yongs su bsngo ba zhes bya ba'i tha tshig go /de lta bu'i 'dzin pa rnam pa gsum dang bral ba'i mchod pa dang sbyin pa ni mchod sbyin rgyal po ste/ gtso bor gyur pa dang dbang bsgyur ba'i phyir ro/ /gtso bo ni thabs kyi brjod pa dang bsngags pa'o/ /dbang bsgyur ba ni mthu thogs pa med pa mnga' ba 'am ldan pa'o/ /'di zhes bya ba ni 'dzin pa dang bral ba'i mos pa'i blo ste gang la de lta bu'i mngon du gyur pa yod pa'i mtshan nyid can yin no/ /rkyen 'di dag gis byin gyis brlabs 'di dag gis kyang sems can gyis don du 'gyur ba nyid dang rjes su mthun par mthu skyed pa'i phyir/ chos nyid rnam par dag pa'i byin brlabs dang zhes bya ba la sogs pa rnams yin no/ /'di ltar chos thams cad rang bzhin gyis rnam par dag pa'i bden pa'i byin gyis brlabs dang/ sangs rgyas la sogs pa'i yon tan yid bzhin gyi nor bu rin po che ltar dgos pa thams cad kyi gnas su gyur pa'i bden pa'i byin gyis brlabs dang/ snying po dang phyag rgya la mngon sum du gyur pa rnal 'byor pa'i bden pa'i byin gyis brlabs dang/ chos thams cad kyi rten
- 416b
cing 'brel te 'byung ba dang/ mos pa dang ting nge 'dzin rten cing 'brel te 'byung ba mthu thogs pa med pa'i bden pa'i byin gyis brlabs dang/ drang srong dang rig 'dzin rnams rang gi 'dod pa la the tshom mi za ba'i bden pa'i byin gyis brlabs dang/ rang gi shes rab kyis chos spyi dang rang gi mtshan nyid la phyin ci ma log dang/ don dam par rang bzhin med par rtogs pa'i bden pa dang/ sems can gyi don du bla na med pa'i byang chub chen por smon te/ mngon par rdzogs nas smon lam gyi dbang gis snod bcud yongs su sbyong zhing/ sems can yongs su smin par bya ba'i phyir thabs sna tshogs kyis 'dul bar gyur cig ces smon lam gyi bden pa'i byin gyis brlabs dang/ nam mkha' mdzod la sogs pa'i ting nge 'dzin gyi dbang gis de dang rjes su mthun pa'i mchod pa'i sprin gyis sangs rgyas kyi zhing yongs su bkang nas dus gsum gyis 'phags pa thams cad mnyes shing/ khams gsum pa'i 'gro ba thams cad kyi bsam pa yongs su rdzogs par 'gyur ba'i bden pa dang/ de lta bu'i bden pa'i byin gyis brlabs kyi rnal 'byor pa'i mos pa yongs su dag pa'i 'di nyid ye shes lnga'i 'od zer rnam par 'phro bar gyur nas dus gsum gyis 'phags pa dang/ khams gsum pa'i 'gro ba lnga po'i dbang po lnga yis longs spyod mkho dgur ldan te/ yid du 'ong pa'i rdzas phun sum tshogs pa snang bar gyur to/ /de yang kha cig la snang bas thams cad la snang bar 'gyur ram snyam pa la/ nam mkha' i mthas klas gter chen gyur pa 'di zhes bya ba smos te/ nam mkha' i mthas ji tsam du khyab pa de tsam du sems can gyi khams kyis khyab la/ sems can gyi khams ji tsam na yod pa de thams cad du rnal 'byor pa'i mos pas khyab par snang ste de ltar bsam pa yongs su dag pa'i rnal 'byor pa'i mos pa las byung ba'i gter chen po nam mkha'
- 417a
mdza' dang mnyam par sprul pa'i mchod pa'i sprin phung phyogs bcur 'khrigs par gyur pa 'di sri zhu'i gnas dang yon tan gyi 'gron du gyur pa'i mchod gnas bla ma khyod kyi pho brang du/ mchod pa'i sprin gyis gtibs? shing rgyas par bsngo zhes bya ba yin te/ bsam pa dang bden pa'i mthus dus thams cad du 'byung bar gyur cig ces yongs su bsngo ba yin no/ /de nas yang sems can thams cad la thun mong du bsngo ba'i phyir/ sems can thams cad bde gyur cig /kun kyang gnod pa rnams dang bral zhes bya ba smos te/ ji ltar mos pa las byung ba'i longs spyod dang de'i bsod nams kyi dbang gis 'gro ba lngar gtogs pa'i sems can thams cad gnod pa'i mi mthun pa dang bral nas/ bde ba'i longs spyod phun sum tshogs pa dang ldan par gyur ces bya bar yongs su gzung ba med par bsngo ba yin no/ /yang na de bzhin gshegs bsngags pa'i/ /'dod pa phun sum tshogs gyur cig ces bya ba yin te/ gzhan du na sangs rgyas kyi rab tu bsngags pa'i longs spyod sems can gyi kha na ma tho ba med pa'i rdzas rnams la nye bar longs spyod pa'i bde bas tshim par gyur cig ces yongs su bsngo ba yin no/ /yang na sems can thams cad kyi/ /bsam pa yid bzhin 'grub gyur cig ces bya ba ste/ gzhan du na dpag bsam gyi shing dang/ yid bzhin gyi nor bur bsam pa'i dngos po la yid bzhin du 'byor bas tshim par gyur cig ces yongs su bsngo ba yin te/ de ltar na dang pos ni gnod pa'i nyes pa dang bral ba dang/ gnyis pas ni kha na mthol med pa'i 'dod pas tshim pa dang/ gsum pas ni bsam pa ji ltar 'dod pa bzhin du 'byung bar 'gyur pa yongs su bzang ba med pas bsngo ba yin no/ /de ltar thun mong
- 417b
ba bstan nas khyad par du bsngo ba bstan pa/ byol song gcig la gcig za ba'i/ gnod pa de dag yongs ma 'byung zhes bya ba la sogs pa smos te/ byol song gi 'gro ba ji snyed pa dag rang gi las kyis gcig la gcig phan tshun du zas la sogs par mthong nas de'i sems kyi gcig la gcig gsod pa la sogs pa'i gnod pa 'di dag rgyun chad nas phan tshun du 'tshe ba med par bya ba dang/ snying rje'i sems dang ldan par gyur cig ces yongs su bsngo ba yin no/ /sems can dmyal ba'i sdug bsngal gang/ mi bzad rnam pa sna tshogs pa zhes bya ba gang du rang gi las kyi rnam par smin pa'i 'bras bu/ sa bon gyi mthu rab tu rgyas par gyur pa shin tu mi bzad pa'i sdug bsngal drag po rab tu ma rungs pas nyen par gyur pa 'di dmyal ba'i tsha ba dang grang bas bsdus pa ji snyed pa rnams/ bsod nams byin pa'i byin brlabs kyis te bsod nams byin pa ni bsod nams kyi sbyin pa ste/ de yongs su bsngos pa dang/ tshim par byas pa'i mthus/ /de dag myur du zhi gyur cig ces bya bar yongs su bsngo ba yin no/ /de ltar khyad par du yongs su bsngo ba 'dis ni ngan 'gro gsum gyi sems can rnams rang rang gi sdug bsngal dang bral nas/ bde 'gro'i 'jig rten du lha dang mi'i lus mngon par grub nas/ las kyi lam kha na ma tho med pas nges par 'byung bar gyur cig ces yongs su bsngo ba yin no/ /de ltar bzung ba med pa'i yongs su bsngo ba bstan nas/ de'i 'og tu lha la sogs pa ste brgyad du bsdus pa dang/ mi ma yin pa dag rang gi lus kyi rdzu 'phrul mngon par ston cing/ sems can gyi srog ma rungs par byed cing 'tshe bar byed nyams par byed pa rnams sa 'am bar snang la sogs pa la brten nas zhe sdang la sogs pa'i bsam pas thams cad du mtshan mo la sogs par rgyu bar byed pa dag de las bzlog par yongs
- 418a
su bsngo ba'i phyir/ sa 'am mkha' la 'khod pa yi/ /lha klu gnod sbyin dri za dang/ 'byung po mang po gang 'khod pa/ /dge ba'i bsam pa rdzogs gyur cig /ces rang gi nyon mongs pa las byung ba'i sems gnod pa'i bsam pa nye bar gnas pa de dag sdig pa dang bral bar bya'o snyam pa bsam pa yongs su rdzogs par gyur cig ces bzlog par yongs su bsngo ba bstan pa yin no/ /de ltar zang zing gi sbyin pas tshim par gyur nas rang rang gi las mi dge ba las bzlog pa'i phyir/ de nas chos kyi sbyin pa yang rgya cher bya'o zhes smos pa yin te/ 'dir nye bar mtshon pa tsam du bstan pa 'di yin te/ chos rnams thams cad rgyu las byung zhes bya ba la sogs pa ste/ de la chos rnams ni 'bras bur gyur pa'i chos te/ de thams cad ni chos rnams thams cad de/ ngan 'gro dang bde 'gro la sogs par smin pa rnams so/ /de dag rang rang gi las kyi rgyu las bskyed pa'i 'bras bu rnams yin no zhes rigs pas shes par bya'o zhes bya ba yin no/ /de nges par rtogs par the tshom spang ba'i phyir/ de rgyu de bzhin gshegs pas gsungs shes pa ste/ ngan 'gro la sogs pa de'i rgyu sdig pa las byung ngo zhes de bzhin gshegs pa don thams cad la tshad mar gyur pas kyang gsungs te/ de bas na rgyu dang 'bras bu ni cig med na gcig mi 'grub pas yod pa nyid du grub po/ /de bzhin du sdig pa dang dge ba yang phan tshun 'gal ba yod pas/ gang na me shes che ba de na chu mi gnas so snyam du rtogs pa dang/ de la 'gog pa gang yin pa zhes bya ba smos te/ phyogs gnyis las gcig 'gog pas na de la zhes bya'o/ /'gog pa ni bral bar gyur par rnam grangs te/ sdig pa'i las mi byed ces bya ba'i tha tshig go /gang yin pa zhes bya ba ni tshul 'di ltar spong ba'o/ /dge sbyong
- 418b
chen po 'di skad gsungs/ dge slong de ni bzhin gshegs pa nyid de de bas dge sbyong chen po'o/ /des ji skad gsungs she na/ sdig pa ci yang mi bya ste/ /dge ba phun sum tshogs par spyad/ /rang gi sems ni yongs su dul zhes bya ba 'di gsungs te/ lus dang ngag dang yid kyi las lam ngan pa'i phyogs ma lus par spangs nas/ de'i gnyen po dge pa phun sum tshogs pa spyad cing/ 'dod chags la sogs pas kun nas bslang ba'i sems mi gtsang pa'i gnyen pos rim gyis btul nas 'dod chags med pa'i dge ba'i rtsa ba la/ sogs pa'i spyod pa'i khyad par du 'gro ba can du nye bar gnas pa 'di ni sangs rgyas bstan pa yin zhes bya ba yin no/ /gzhan yang mdo sde la sogs pa zhal nas gsungs pa'i tshigs su bcad pa'i chos kyi sbyin pas kyang shes pa'i rgyud brlan par bya'o/ /gsang sngags don rnams ma nor blos 'byed pa'i/ /snying rjer ldan pa'i 'gro ba dngul rnams la/ /phan phyir rim pa 'di dag legs par mdzad/ /blo ldan de la bdag kyang gus pa skye/ /khyod kyi bsam pa bdag gis mi dpogs kyang/ /shin tu blo dman bdag pas rmongs brtul ba'i/ /'gro la phan phyir gsal bar cis mi dbye/ /dka' dang mi 'tsham nyid kyis bzod par mdzod/ /bdag ci shes rab blo dang mi ldan yang/ /'gro la phan phyir blo yi stobs bskyed de/ ci nus mthu yis rim par gsal bshad pa'i/ /bsod nams tshogs gyur 'gro bas rab thob nas/ /sgrib pa gnyis spangs tshogs che na yongs rdzogs te/ /bla med chos kyi 'khor lo skor bar shog /chu gtor gyis las byang rim par phye ba gsal bar bshad pa slob dpon shAkya mi tras mdzad pa rdzogs so// //dge slong rin chen bzang pos bsgyur cing zhus pa// //
- 419a
*/ (/gtor ba'i 'grel pa zhes bya ba rgyal ba'i sdes mdzad pa bzhugs//) //*/ /rgya gar skad du/ ba liM ta prit+ti/ bod skad du/ gtor ma'i 'grel pa/ 'phags pa 'jam dpal la phyag 'tshal lo/ /'gro mgon byams ldan thugs rje che mchog nyid kyi gsung dag skyon gyis mgos pa yis/ /sangs rgyas nyid dang dgongs mnyam gdan mchog de dang nyer gyur de la phyag 'tshal te/ /drug pa'i don du cher bsgrubs zhal mthong gsol gdab rtser dgongs bka' stsal pa/ de don dza ya se nas gsal bshad de la ma gsal gang yin dang ldan dang bas bdag la mang du gsol btab nas/ /dad ldan de dang rgyud lngar brtse phyir shugs phyung lung dang bden gnyis mi 'gal mdo tsam zhig /bdag gis 'di brtsams de la skyes bu mchog gyur mang thos nad? mkhas rnams kyis bzod par mdzod/ /ji ltar 'phags pa rnams kyis bka' stsal pa yang/ dbang po rab 'bring gsum gyi don du gsungs te/ 'dir yang dbang po rnon po rnams kyis ni/ mtshan bstan pas go ba la dbang po rnon po zhes bya ste/ mtshan bstan pa ni theg pa chen po nyid kyi gzhung gis gtor ma zhes bya ba thabs dang shes rab zung du 'brel ba la bya ste/ dbang po rnon po rnams la de tsam zhig bstan pas go bar 'gyur ro/ /dbang po 'bring po rnams kyi don du bstan pa ni spyi don drug tu bstan nas te/ drug pa de dag nyid rnam par phye ste bstan pas go bar 'gyur ro/ /dbang po tha ma'i don du bstan pa ni/ dkon mchog gsum la phyag 'tshal lo zhes bya ba la sogs pa re re nas bstan pa ste/ 'on kyang dkon mchog gsum la zhes bya bas ni/ don drug gi skabs dang po bsdus te/ u dum ba ra'i me tog la dkon pa'i dpe gzhag pa dang/ che ba'i yon tan gyi mchog dam pa dang/ ldan pa dang
- 419b
sangs rgyas chos dang dge 'dun dang gsum du grangs nges par gzhag pas na/ /dkon mchog gsum zhes bya'o/ /la zhes bya ba ni gong ma de nyid dang 'brel to/ /phyag 'tshal lo zhes bya ba ni bdag nyid dang 'brel to/ /de yan chad kyis ni rnam par dbye ba dang po bsdus so/ /da ni skabs gnyis pa ston te/ /dad pa zhes bya ba ni/ /'dir dad pa gsum dang ldan pa ste/ 'di la sems dad ba dang/ dad ba'i sgo nas 'di nyid la 'bad par 'dod pa dang/ 'bad par 'dod pa'i sgo nas 'di la yid ches pa dang gsum la dad pa zhes bya'o/ /can zhes bya ba ni gsum po nyid dang 'brel to/ /gang zhig gis zhes bya bas ni/ thams cad kyis mi dmigs pa'i sbyin gtong bya'o zhes bya ba'i tha tshig go /las su bya ba la zhes bya ba ni gang zag gi las dge sdig rnam pa mang po'i nang nas zhes bya ba'i don to/ /phan yon che la bla ba ni chu gtor 'di yin pas 'di la brtson par bya'o zhes bya ba las su bya bar zhes bya ba'i tshig dang 'brel te/ de yang phan yon che la zhes bya ba ni/ 'di dang phyi ma gnyis kar mngon par mtho ba dang/ nges par legs pa'i lam gnyis dang/ phan yon gzhan dag kyang 'byung zhes bya ba'i tha tshig go /bla ba ni zhes bya ba ni 'bad rtsol chen po bskyed dgos pa'i tha tshig go / chu gtor 'di yin pas zhes bya ba ni don stong pa nyid dang 'brel to/ /'di la brtson par bya'o zhes bya ba ni/ gong ma'i tshig rnams dang 'brel te go bar bla'o/ /de yan chad kyis ni rnam par dbye ba gnyis pa bsdus so/ /da ni skabs gsum pa ston te/ de la zhes bya ba ni skabs gsum pa bkar ba'i tha tshig go /rin po che'i snod mdzes pa'i nang du chu blugs la/ phye dang me tog la sogs pa ci 'byor pa dang/ gser dngul la sogs pa rin po che sna lnga bdar ba dang/ kha zas
- 420a
ma smas pa sna tshogs pa dang/ sman dang/ 'bru dang/ dri sna tshogs pa dang/ sbyar na lhag par yang bzang ngo zhes bya ba skabs gnyis pa'i chu gtor zhes bya ba dang 'brel te/ de nyid kyis snod dang rdzas kyi khyad par bstan pa yin te/ de ni dkyus ma nyid brjod pas go sla'o/ /de yan chad kyis ni rnam par dbye ba gsum pa bsdus so/ /da ni skabs bzhi pa ston te/ spyir gtor ma'i las bgyi'o 'tshal zhes bya ba ni/ gtor ma thams cad kyi mtshan nyid ston te/ 'og nas 'byung ba rnams dang ldan par bya ba'i don te/ /brtag pa rnam pa drug ste/ zhes bya ba ni/ 'dir dngos po dang mtshan mar brtag par bya ba ni ma yin te/ rang rig pa'i ting nge 'dzin gyis bdag dang gzhan dang rdzas gsum du dmigs su med par sgom pa 'am/ rtag pa la grangs nges pa drug tu bstan te/ bstan pa de yang dngos gang zhe na/ zhes dris pa'i tha tshig go /de'i lan du grangs drug po nyid bstan pa la rdzas dang yo byad rnams kyi nyes pa'i skyon rnam par dag par sbyar ba dang/ rdzas dang yo byad grangs nyung ba rnams mang por spel ba dang/ spel ba rnams 'gron so so la 'dod pa bzhin du mos par bsgyur ba dang/ de ltar mos par bsgyur ba rnams mgron so so la spyod par dbang bskur ba dang/ de ltar dbang bskur ba rnams kyi nang na 'dod pa bzhin du ma thob pa rnams la ji ltar 'dod pa bzhin du so sor thob par bya ba dang/ de ltar so sor thob nas mgron rnams bdag gi dbang du bya ba bsdus ba dang drug go / de la zhes bya ba ni bkar nas ston pa'i tha tshig go /nyes pa'i skyon spyad pa ni chos nyid rnam par dag pa'i sngags dang phyag rgya sbyad par bya'o zhes bya ba'i tha tshig go /mang por spel ba ni nam mkha' mdzod kyi sngags dang phyag rgyas spel bar bya'o
- 420b
zhes bya ba'i tha tshig go /mgron so so la mos par bsgyur ba ni bdud rtsi thabs sbyor gyi sngags dang phyag rgyas mos par bsgyur ro zhes bya ba'i tha tshig go /mgron so so la spyod par dbang bskur ba ni rgyal chen shugs ldan 'od kyi sngags dang phyag rgyas spyod par dbang bskur ro zhes bya ba'i tha tshig go /so so'i yid la 'dod pa bzhin du ma thob pa rnams la so sor 'dod pa bzhin thob par bya ba ni/ ye shes skad mda'i sngags dang phyag rgyas 'dod pa bzhin du thob par bya'o zhes bya ba'i don to/ /mgron rnams bdag gi dbang du bsdu ba ni/ /lha mgon spyi'i sngags dang phyag rgya ste/ ming dbang bskur 'khor lo'i sngags dang phyag rgyas mgron rnams bdag gi dbang du bsdu 'o zhes bya ba'i don to/ /de yan chad kyis ni rnam par dbye ba bzhi bsdus so/ /da ni skabs lnga ba ston te/ de la zhes bya ba ni skabs lnga bkar nas ston pa'i tha tshig go /bsam rgyud ni zhes bya ba ni bdag nyid dang 'brel te/ bdag ting nge 'dzin gyis bsgom par bya ba'i yul bcad pa 'am/ bsgom pa ni zhes bya ba'i tha tshig go /gnas skabs 'dir ma rtog pa'i gang zag gang zhig dge ba'i bshes gnyen la mi rten pa rnams sun dbyung ba'i phyir/ dkyus ma dkrugs te/ de bas na brten te/ dang por tshad med pa bzhis byang chub tu sems bskyed la zhes bya ba ni phyogs med pa'i byams pa dang/ phan 'dogs pa'i snying rje dang/ 'gyod pa med pa'i dga' ba dang/ dmigs pa med pa'i btang snyoms dang bzhi'o/ /de rnams la ci'i phyir chad med pa zhes bya zhe na/ bsgom pa'i yul dang/ bsgom pa'i 'bras bu dang/ de dag gi rang bzhin gsum gyi tshad 'di tsam mo/ /zhes bzung du med pa'i phyir ro/ /byang chub tu sems bskyed la zhes bya ba ni/ don dam pa byang chub kyi sems ji lta bur yang dmigs su med
- 421a
pa dang kun rdzob kyi byang chub kyi sems phyag rgya chen po'i sgo nas sems can gyi don bya ba na/ byang chub tu sems bskyed la zhes bya'o/ /de'i 'og tu lha'i sku phyag rgya chen por dran pa dgos te/ de yang bya ba'i rgyud kyi gsung gis lha drug gi sgo nas skyed par gsungs te/ lha drug kyang dngos po gang zhe na/ sme brtsegs kyi rgyud las/ dang po stong chos kyi sgra/ yig 'bru phyag mtshan ye shes lha/ yongs su rdzogs pa sku'i lha zhes 'byung ste/ drug po de'i sgo nas bdag nyid dam tshig gi sems dpar gsal bar bsgom pa yin te/ de yang bdag nyid kyi sgo gsum dang lha'i sgo gsum mnyam par dam tshig gi sems dpa' bsgom pas na dran pa bskyed ces bya'o/ /de'i 'og tu bdag gis lus bsrung ste/ lus bsrung ba yang yi ge hUM gi 'phro 'du las rdo rje phra mos bdag gi lus la dper na shing ka ran ta byi ra'i tshar ma ltar gtams pa las rdo rje go cha'i phyag rgyas gnas lngar gtugs pas go cha rnams rdo rje go cha bgo ba dang/ /de'i 'og tu mi 'jigs pa'i mdzub mo la khro bo gshin rje gshed dang/ rdo rje gnod sbyin bsgom pa'i ting nge 'dzin gyis ka nan lu gu rgyud kyi gnas ltar bcing ba dang/ ting nge 'dzin phra mo gzhan dag kyang bsgom pas na lus bsrung zhing zhes bya'o/ /de'i 'og tu lus dang ngag dang yid kyi sgo gsum nas ci ran du/ dkon mchog gsum la skyabs su gsol zhing/ de'i 'og tu lha ye shes sems dpa' yang bsgom bar bya'o/ /de ltar bdag lha'i sku phyag rgyar nga rgyal chen por bskyed pa de/ gol ba'i sa dag tu song gis dogs pa'i phyir snying rje chen pos 'gro pa'i don bya bar bdag gis dran par bya'o/ /zhes bya ba'i tha tshig go/ de yan chad kyis ni rnam par dbye ba lnga pa bsdus so/ /da ni skabs drug pa
- 421b
ston te dge ba'i rtsa ba gang thabs gang gis bla na med pa'i byang chub tu bsngo ba yin te/ de yang bsngo ba ni zhes bya ba ni/ skabs drug pa la gsum gyis bstan pa'i dang po ston te/ dge ba'i rtsa ba rnams bsngo ba yang zhes bya ba'i don to/ /gang zhig gar bsngo zhe na/ dang por sems bskyed nas tha ma byang ma chub kyi bar gyi dge ba'i rtsa ba rnams dang/ mchod sbyin 'di nyid 'jig rten 'di dang 'jig rten phyi mar bsngo ba yang ma yin/ bdag dang gzhan gyi don du bsngo ba yang ma yin/ 'o na gar bsngo zhe na/ bdag dang sems can thams cad kyi don bya ba'i phyir/ bla na med pa'i byang chub chen por mi dmigs bar bsngo ste zhes bya ba'i tha tshig go /bla na med pa'i byang chub tu 'di dag la yang mnyam snyoms su bsngo mod kyi de zhig mgron de yang dmigs kyis 'di dag yin no zhes bsngo ba ni zhes bya ba'i don to/ /'di la mgron ni rnam pa bzhir nges te/ snar ba dang mi snar ba kun byang bzhi po 'dir ni ma 'dus pa med do/ /bzhi po nyid bstan pa la sri zhu'i mgron zhes bya ba ni/ lha dang bcas pa'i 'jig rten pa rnams kyis gus pa'i sgo nas mchod cing bstod pa'i gnas yin bas na/ sri zhu'i mgron zhes bya'o/ /dngos gang zhe na/ 'dir mgron dag la ngo bo dang nges pa'i tshig dag tu shes par bya'o/ /sangs rgyas dang zhes bya ba ni/ chos kyi sku la sogs pa'i sku gsum gyis bsdus pa'o/ /ci'i phyir zhe na rgyud las ma rig gnyid las sangs rgyas phyir dang/ blo rgyas gnyis phyir sangs rgyas yin zhes 'byung ba lta bu'o// byang chub sems dpa' dang zhes bya ba ni nges par 'byed pa'i sa la mos par spyod pa nas/ sa dang po nas sa bcu'i bar la rtogs pa'i khyad par gyis gnas pa dag go /de yang rnam par snang mdzad dag las/ byang chub nam mkha' i mtshan
- 422a
nyid de/ rtogs pa thams cad spangs pa yin/ gang zhig de rtogs 'dod pa de/ byang chub sems dpa' zhes bya'o zhes 'byung ba lta bu'o/ /ci'i phyir zhe na/ spang pa'i rgyu gnyis po dag las mi gnas par spangs pa dang/ shes rab kyi rtogs par bya ba'i yul shes bya rtogs nas/ tshogs gnyis rdzogs shing chub pa dang/ bsam pa'i yul gnyis la cher sems shing de nyid la dpa' ba' i phyir ro/ /nyan thos dang zhes bya ba ni/ sgo bzhir zhugs nas rgyu 'bras brgyad po sgrub cing thob pa'i skyes bu dag go /ci'i phyir zhe na/ rdzu 'phrul gyi rna ba lta bus zhal nas gsungs pa dag thos shing shes pa ste/ de'i phyir ming du btags pa'o/ /rang sangs rgyas dang zhes bya ba ni/ shes rab chen po dag cig pur gnas pa dang/ de ma yin pa dag ni gcig gi slob dpon gcig la ltos pa'i phyir khyus gnas pa dag go /ci'i phyir zhe na/ rang gi shes rab kyis brtags nas 'bras bu thob par 'dod cing thob pa dag go / de dag kyang thugs kyi sras dang/ gsung gi sras dang/ byin gyis brlabs kyi sras so/ /la sogs pa dang zhes bya ba ni/ /byang chub de gsum gyi sgor zhugs pa dag bsdus so/ /mgron gnyis pa bstan pa la yon tan gyi mgron zhes bya ba ni/ yon tan chen po can du byin gyis rlabs pa'i srung ma dam tshig can rnams kho na ste/ de nyid bstan pa la/ tshangs pa dang zhes bya ba ni/ gzhan 'phrul dbang byed kyi gnas na/ tshangs ris kyis bskor cing de dag la dbang byed pa ste/ ci'i phyir zhe na/ 'dod pa'i khams kyis 'dod chags dang/ mi dge ba bcu'i gyod khrin dang 'dra ba las tshangs pa'i phyir ro/ /brgya byin dang zhes bya ba ni/ sum cu rtsa gsum gyi gnas na sum cu rtsa gsum gyi lha'i rgyal po blon po nye dbang rnams kyis bskor ba ste/
- 422b
ci'i phyir zhe na/ 'dod ba'i khams kyi lha'i rgyal po yab ti na ka pa ti yis/ /longs spyod kyi rkyen yid bzhin gyi nor bu brgya byin pas de las byung ba'i longs spyod brgya brgyas mchod pa byed cing sbyin pa brgya brgya 'gyed pa'i phyir brgya byin no/ /'jig rten skyong ba bzhi dang zhes bya ba ni/ yul 'khor bsrung la sogs pa bzhi/ ri rab kyi ngos bzhin/ dri za la sogs pa bzhi la dbang byed cing gnas pa la bya ste /ci'i phyir zhe na/ phyi nang snod dang bcud kyi 'jig rten la/ so so'i phyogs phyogs nas chags 'jig ma byung gi bar du/ sngon gyi dam tshig dran pa la bzhag nas bde bar skyong ba bzhi dang zhes bya'o/ /phyogs skyong ba bcu gcig dang zhes bya ba ni/ 'byung bo'i rgyal po dbang ldan la sogs pa bcu gcig tu nges so/ /ci'i phyir zhe na/ shar phyogs la sogs pa na gnas shing/ sngon gyi dam tshig dran pa la gzhag nas rang rang gi phyogs na bde bar skyong bas phyogs skyong ba bcu dang zhes bya'o/ /srung ma dam tshig can rnams dang zhes bya ba ni/ lha ma srin sde brgyad kyi gtso bo dang/ gtsug lag khang gi srung ma gang ba bzang po la sogs pa la bya ste/ ci'i phyir zhe na/ bstan pa bsrung bar dam bcas pa'i sgo nas/ sngon gyi dam tshig dran pa la gzhag nas /rnal 'byor pa rnams bsrung ba ste/ de bas na srung ma dam tshig can rnams dang zhes bya'o/ /mgron gsum pa bstan pa'i phyir/ snying rje'i mgron 'gro ba rigs drug gi sems can dang zhes bya ba ni/ lha dang mi la sogs pa 'gro ba rigs drug la bya ste/ ci'i phyir zhe na/ sdug bsngal gsum dang brgyad kyis gtses shing nyen pa'i phyir dang/ grangs drug tu ngas pas na/ snying rje'i mgron 'gro ba rigs drug gi sems can dang zhes bya ba'i don to/ /khyad par du yang bdag gi lha mgon dang zhes bya ba ni/ bdag la gnod sbyin lta bu
- 423a
'jig rten ba grogs byed pa dag la bsngo'o zhes bya ba'i tha tshig go /ci'i phyir zhe na/ gnod sbyin yin yang bdag la grogs byed pa'i thad kar tshig bla dags su lha zhes bya ste/ sngon chad pas grogs cher byed du gzhug pa'i phyir bdag nyid yul gang na gnas pa'i yul de'i sa bdag lha klu dang zhes bya ba ni/ sa bdag chen po pa ti la'i 'khor du gtogs pa'i sa bdag dang /lha klu dag gang na gnas pa'i yul de'i nye 'khor na gnas pa'i sa 'am chu 'am bar snang la gnas pa gang dag go /ci'i phyir zhe na/ yul gang yin pa'i sa bdag tu gyur pa'i phyir dang/ yul gang gis mi rnams la 'go ba'i phyir dang/ yul gang gis skye 'khrung skyed pa'i phyir sa bdag lha klu zhes bya ba'i tha tshig go / mgron tha ma bstan pa'i phyir lan chags kyi mgron dngos gang zhe na/ tshe rabs bgrangs pa'i bgegs dang zhes bya ba ni/ bgegs stong phrag brgyad cu rtsa bzhi'o/ /de ci'i phyir zhe na/ sngon gyi dus nas bar du gcod ba'i phyir bgegs zhes bya'o/ /spyod lam ma legs pa las gyur pa 'am/ phra mo klan ka tshol ba ste/ 'phral du gnod ba byed pa'o/ /dngos gang zhe na/ rkyen bgegs dang yi dags kyi bgegs kyi ris la bya ste/ de ci'i phyir zhe na/ 'phral du bar chad byed pa'i phyir bgegs dang zhes bya'o/ /de dag kun la mnyam snyoms kyi ting nge 'dzin bstan ba la phan pa byed pa la tshig bla dags su lha zhes bya ba dang/ gnod par byed pa la tshig bla dags su gnod pa byed pa'i 'dra zhes bya ba gnyis kyis bsdus ba gzhan dag dang/ 'gro ba ris drug kun la yang bdag ting nge 'dzin gyis mnyam snyoms su bsngo par bya'o zhes bya ba ni/ gcig tu bsdus nas 'pham rgyal med bar bya ba'i phyir te/ gong gi bla na med pa'i byang
- 423b
chub tu bsngo ba dang 'brel to/ /de la zhes bya ba ni sngags dang phyag rgya dang/ yig 'bru dang/ de bzhin gshegs pa rnams dang/ ting nge 'dzin rnams nyi tshe zhig bkar te bstan pa la de la zhes bya'o/ /'dir brjod pa rnams ni skabs bzhi dang 'brel te/ skabs bzhi pa las sbyang ba dang zhes bya ba dang/ de la sbyang ba ni chos nyid rnam par dag pa'i sngags dang/ phyag rgyas zhes bya ba la sogs pa'i sngags dang phyag rgya nyid rnam par phye ba drug pa'i skabs 'dir gsal bar byas pas/ de yang sngags ni 'dir slob dpon gyis sngags kyis thu nyams su dogs pa'i phyir ma bshad do/ /phyag rgya rnams ni dkyus ma nyid brjod pas go bar sla'o/ /yig 'bru rnams ni a ste skye ba med pa dang/ swa ste 'dod pa 'byung ba'i rgyu dang ram ste mos par bsgyur ba'i rten dang /ha ste spyod par dbang bskur ba'i rgyu dang/ oM ste skye ba med pa las skye ba'i cho 'phrul gyis ma thob pa rnams thugs rje myur pos thob par gdon par bya ba dang/ dzdza ste mgron dbang du bsdu ba rnams ni go rims bzhin du sbyar ro/ /de bzhin gshegs pa rnams ni/ de bzhin gshegs pa shAkya thub pa dang/ de bzhin gshegs pa rin chen 'byung ldan dang/ de bzhin gshegs pa snang ba mdza' yas dang/ de bzhin gshegs pa phyag na rdo rje dang/ de bzhin gshegs pa mi 'khrugs pa dang/ de bzhin gshegs pa rnam par snang mdzad rnams kyang rim pa bzhin sbyar ro/ /ting nge 'dzin rnams ni chos nyid rnam par dag pas sbyang ba dang/ nam mkha' mdzod du byin gyis brlobs dang/ bdud rtsi thab sbyor dang rgyal chen shugs ldan 'od dang/ ye shes skar mnga' dang/ dbang sgyur 'khor lo dang/ drug kyang go rims bzhin du sbyar ro/ /gong du bstan pa'i sngags dang phyag rgya 'di gcig la yang lan bdun bdun bca' zhing bzlas pa'i dgos
- 424a
ched ni/ ting nge 'dzin ma gsal gyi bar grangs bdun yan chad bzlas so/ /ting nge 'dzin de rnams bstan pa la/ ting nge 'dzin de yang sngags dang phyag rgya dang pos ni gtor ma 'di nyid la mtshan ma la sogs pa nyes pa'i skyon med cing dag pa chen por byin gyis brlab bo/ /sngags dang phyag rgya gnyis pas ni mchod pa'i rdzas kyi khyad par 'jig rten dang 'jig rten las 'das pa'i longs spyod bsam gyis mi khyab pa dang/ 'gro ba ris drug gi sems can thams cad kyi so so'i yid la mos pa ji lta ba bzhin du nam mkha' i khams rin po che'i rgyu las byung ba'i 'dod pa'i yon tan lngas gang zhing rgyas par byin gyis brlab bo/ /gong ma de ltar spel nas sngags dang phyag rgya gsum pas ni bdud rtsi rgya mtsho dang zhes bya ba ni/ skabs gsum pa dang 'brel te/ chu blugs pa zhes bya ba'i tshig kho na ste/ /chu thigs ba gcig la bdud rtsi'i rgya mtshor byin gyis brlab po/ /zhes bya ba'i tha tshig go/ zas la sogs pa'i zhes bya ba de yang skabs gsum pa las phye dang zhes bya ba nas/ kha zas ma smas pa bya ba'i bar dang 'brel te/ zas tsam pa nyag gcig la yang ri rab tsam du byin gyis rlab po zhes pa'i tha tshig go/ sogs pa'i khongs su ni me tog dang rin po che dang dri la sogs pa skabs gsum pa'i yo byad bsdu'o/ /'dod pa'i yon tan yang dngos gang zhes na /'gro ba ris drug so so'i longs spyod la yid la ji ltar mgron so so'i mos pa ji ba bzhin du longs spyod 'dod pa rnams la longs spyod kyi rkyen 'dod chags la sogs pa dug lnga'i gsos/ de yang dngos gang zhe na ye shes lngar byin gyis brlab po/ /sngags dang phyag rgya bzhi pas ni/ /'khor ba'i sdug bsngal las khyad ches 'phags pa dang
- 424b
'gro ba'i don la dgongs pas sri zhu'i mgron ma lus pa thams cad kyi spyan lam du yang gnas kyi khyad par rin po che'i gzhal med khang brtsegs pa la sogs pa'i nang du longs spyod kyi khyad par 'jig rten dang 'jig rten las 'das pa'i mchod pa'i sprin phung mang por sprul nas 'phags pa rnams la mchod pa dang/ yon tan gyi mgron dang/ /snying rje'i mgron dang/ lan chags gyi mgron dag ste/ de dag kyang dam tshig can dang/ ris drug dang/ gnod pa byed pa la sogs pa ste/ sems can thams cad kyi so so'i dbang po lnga'i spyod yul dang/ so so'i 'dod pa'i khyad par gyis ji ltar 'dod pa bzhin du/ 'dod pa'i yon tan lngas dper bya na char gyi rgyun bzhin du 'byung bar bsam zhing/ snying rje'i mgron khung pa ste/ de nyid bstan pa la khyad par du yang yi dags kyi sdug bsngal bkres skom dang/ dbyug to can gyis srung ba la sogs pa'i sdug bsngal gyi rnam pa mang po can dang/ gzhan yang bzhi po dag gis bsdus pa'i sems can ma lus pa kun gyi so so'i bsam pa yongs su rdzogs par byin gyis brlab cing dbang bskur ro/ /sngags dang phyag rgya lnga pas ni/ bdag nyid kyi lus rdul phra mo snyed du sprul nas/ rdul phra mo re re las mchod sbyin rdul phra mo re re'i grangs ri rab tsam mang bo 'byung bas/ 'phags pa thams cad la phul bas mnyes pa dang/ ting nge 'dzin skar mda' lta bus sems can rnams la byin pas thob ba dang ma thob pa'i 'pham rgyal med pa dang/ de dag kyang phan tshun 'thab rtsod med par so sor yid la mos pa bzhin thob par byin gyis brlab bo/ /sngags dang phyag rgya drug pas ni /sri? zhu'i mgron dang/ yon tan gyi mgron dang/ snying rje'i mgron dang/ /lan chags kyi mgron dang/ de ma
- 425a
yin pa'i bzhis bsdus pa gzhan gang dag mgron du gyur pa kun la yang sngon ston pas dam tshig phog pa rnams ni/ dam tshig gi dbang gis mgo zhing stong grogs byed par 'gyur la/ dam tshig ma phog pa rnams la mchod sbyin byin pa de dran pa la gzhag nas/ 'go zhing stong grogs su gyur par mngon sum du dmigs so/ /de ltar gyur pa dang/ sems can gyi don du gyur pa'i las sems can gyi don dang mi 'gal ba ci bcol ba yang 'grub ste/ phyag rgya yang phyogs bcur bstan la/ mgron rnams bdag gi dbang du bya'o/ /phrin las ji ltar bdag 'dod pa de yang sems can gyi don bya ba dang/ /bdag dang gzhan dgrol ba'i phrin las bcol ba'i tha tshig go /gzhan du na mgron dang bdag nyid don dam par ma skyes pa'i phyir bcol du nyid med/ med pa'i phyir mchod sbyin nyid kyang med ces bya'o/ /'di man chad tshigs su bcad nas/ sbyin pa gnyis bdag dang gzhan gyi don du sngo bar ston te/ ston pa de nyid bstan pa la/ mchod sbyin la sogs pa zang zing rnams tshul ji ltar gang dag bsngo zhe na/ lan nyid ston pa la/ de nas tshigs su bcad pa 'di dag gis kyang bsngo bar bya'o zhes bya ba smos pa ni/ de nas zhes bya ba la sogs pa ni ting thogs su smos pa ste/ 'di dag ni mngon sum pa kho na'o/ /gtan pa med pa zhes bya ba ni/ 'khor gsum yongs su dag pa'i bsngo ba mi dmigs pa de la dmigs pa'i gtan pa med pas na gtan pa med ces bya ba 'am/ gzhan du chos nyid chos kyi dbyings shes rab kyi rtogs pa'i dus na mi rtogs dmigs pa'i gtan pa med pa'o zhes bya ba'i don to/ /mchod pa'i rgyal po 'di zhes smos pa ni/ 'phags pa la mchod
- 425b
pa dang/ sems can la sbyin pa rnams kyi nang na mi dmigs pa'i sbyin pa 'di ni dam pa yin pas na/ rgyal po zhes bya ba'i tha tshig go /gong ma lta bu'i mi dmigs pa de las byin brlabs dgu pas bsngo ste/ de nyid bstan pa la chos nyid rnam par dag pa'i byin brlabs dang/ zhes smos pa ni/ chos nyid rnam par dag pa ni ji ltar sngon du smos pa'i phyir 'dir yang sngon du smos pa ste/ nam mkha' mdzod la sogs te/ tshogs drug car gyis ji ltar byin gyis brlabs pa'i byin brlabs gang yin pa dang zhes bya ba'i tha tshig go /ji ltar skabs dang por bstan pa'i dkon mchog gsum gyi che ba'i yon tan khams gsum dag las khyad ches dpags te che ba gang yin pa dang zhes bya ba'i tha tshig go /ji skad du gong du smos pa'i a la sogs pa'i snying po rnams dang/ thal mo khong stong la sogs pa'i phyag rgya rnams don ma nor ba'i phyir nges pa'o/ /ci'i phyir zhe na/ ji ltar ting nge 'dzin kyis sgrub pa sems la gnas pa dang/ bdag nyid chen po rnams kyi phyag rgya'i mtshan ma'i gzugs su gyur pa'i don de las pha rol pos 'da' bar bya ba ma yin pa'i phyir dam tshig dang zhes smos pa yin no/ /skabs gsum pa las smos pa'i rgyu dang skabs lnga pa las smos pa'i rkyen gnyis dmigs pa'i rten dang/ don zab mo dang 'brel pa de dang bdag rnal 'byor pa gnyis gang du tshogs pa'i dus na bsam pa rnam par dag pa'i nus pa'i mthu gang yin pa dang/ zhes bya ba'i don to/ /'dir byang chub sems dpa' rnams kyi che ba'i yon tan gyi ming bstan pa ste/ 'khor ba'i sems can/ 'khyogs pa'i lam ngan par 'gro ba gang yin pa dag/ thabs thugs rje'i mdzad spyod kyis mngon par mtho ba dang/ nges par legs
- 426a
pa'i lam drang pos srong bas na/ drang srong zhes bya ba'i don to/ /'di'i sgo nas byang chub sems dpa' rnams kyi rigs ma nor bar 'dzin pa 'am/ /gzhan du na theg pa chen po la 'bad par byed pa'i phyag rgya chen po dang/ lhun gyis grub pa dang/ tshe la dbang ba'i grub pa tshe gcig gis thogs pa ste/ de lta bu grangs mang po rnams kyis bsgrubs nas/ grub pa dag gis byin gyis brlabs gang yin pa dang zhes bya ba'i tha tshig go/ ji ltar rnal 'byor pa bdag gis smon lam rgya chen po btab ste/ dngos gang zhe na/ 'di nyid kyi skabs lnga pa las tshad med pa bzhi po dag gis smon lam rgya chen por btab pa de dag shes rab kyis rtogs shing ting nge 'dzin gyis bsgoms pa'i byin gyis brlabs kyis zhes bya ba'i don to/ /de lta bu'i byin brlabs dgu yis/ /mchod sbyin 'di ji ltar snang zhes dris pa'i lan du/ ye shes lnga'i 'od zer rnam par 'phro zhes bya ba la sogs pa smos te/ de ni sems can gyi dug 'dod chags la sogs pa lnga gsos te/ /dngos gang zhe na/ /ye shes lngar byin gyis brlabs pa dang 'drel te/ dug lnga gsos nas/ kha dog dkar po la sogs pa lngar 'phros te/ 'od zer de yang rigs dang go rims su kha dog dang ye shes su sbyar te/ rtags kyi 'od zer kha dog gi 'od zer rnam pa lngar 'phro zhes bya ba'i tha tshig go dbang po lnga'i longs spyod mkho dgur ldan zhes bya ba ni/ mig gi dbang po la sogs pa lnga'i yon tan lnga 'byung ste ji ltar mkho ba'i rdzas kyang lnga po nyid yin pa'i phyir ro/ /de ltar 'dod pa lnga dag bsngos pa'i rdzas de/ mang nyung gi tshad ji tsam zhe na/ nam mkha' i mthas klas shes bya ba smos te/ ji ltar nam mkha' la mthar thug pa
- 426b
med pa de kun 'dod pa'i yon tan lngas gang bar bsngo 'o/ /'o na 'di ltar bsngo ba ni yun ji tsam zhe na/ gter chen gyur pa 'di zhes bya ba smos te/ gter chen po yod pa la zad pa'i dus med pa dang 'dra bar gong ma ltar phyogs bcu'i nam mkha' la thug pa mdza' med pa de kun kyang sbyin pa'i gter 'di zad pa'i mdza' med par bsngo'o zhes bya ba'i tha tshig go/ de lta bu de yang gang la bsngo zhe na/ lan du gnyis bstan pa mchod gnas bla ma khyed kyi pho brang du zhes bya ba smos te/ de ni sangs rgyas dang byang chub sems dpa' dang zhes bya ba la sogs pa dang 'brel to/ /sri zhu'i gnas kyi gan du zhes bya ba'i don to/ /ji lta bu zhe na/ mchod pa'i sprin gyis rgyas shing gtibs par smon zhes bya ba smos te/ 'dod pa'i yon tan lnga las gyur pa'i mchod pa'i sprin mang pos kun nas kun tu rgyas shing gtibs par smon to zhes bya ba'i don to/ /yon tan gyi mgron dang/ snying rje'i mgron la yang sngo ste/ sems can thams cad ces bya ba ni/ sangs rgyas pa'i sa bon rtsa ba rang gi sems yod pa ste/ de nyid bstan pa la tshangs pa dang zhes bya ba la sogs pa'i lha dang/ 'gro ba ris lnga dang/ yi dags bgegs kyi rigs pa shA tsi pa la sogs pa thams cad sbyin pa 'dis bde bar gyur cig bya ba'i don to/ /de lta bu'i mgron kun kyang gnod pa'i 'tshe ba rnams dang bral bar gyur cig ces bya ba'i don to/ /de'i thog tu sbyin pa dag bsnan pa la/ yang na de bzhin gshegs bsngags pa'i/ /'dod pa phun sum tshogs gyur cig ces bya ba ni/ de bzhin gshegs pas byin gyis brlabs nas/ mchod pa'i rkyen du bsngags pa'i 'dod pa lnga? po dag gis yid la 'dod pa phun sum tshogs par gyur cig ces bya ba'i tha tshig go /yang bsnan pa
- 427a
la/ yang na sems can thams cad kyang/ bsam pa yid bzhin 'grub gyur cig ces bya ba ni/ gong du sems can zhes smos pa dag la/ 'dod cing dgos pa'i bsam pa dag/ dper bya na nor bu dam pa rnyed pa ltar grub par gyur cig ces bya ba'i tha tshig go /de yan chad du mgron dag la spyir bsngos nas/ nga ni snying rje'i mgron khung ba sdug bsngal can dag la bsngo ste/ de dag gi go rims ni mdon no/ /dud 'gro gcig la gcig za ba'i/ /gnod pa de dag yod mi 'gyur zhes bya ba ni/ ji ltar chu srin nya ming lta bu dang/ khra dang 'phar spyad lta bu dang/ brdeg brdad dang bkol ngas ba dang/ glen lkugs la sogs pa'i sdug bsngal yong gis ma byung zhig ces bya ba'i tha tshig go /yi dags rnams la zas skom sogs/ thogs pa med par 'byung gyur cig ces bya ba ni zas 'dod pa la zas/ skom 'dod pa la skom/ stsog pa'i nang du sdug bsngal phyi dang nang gi sgrib pas sgribs te/ bskal ba mdza' i bar du gor ma ma myong nas ring cing skem pa dag la lha dang mi'i kha zas lta bus thob pa med par 'byung gyur cig ces bya ba'i tha tshig go /sems can dmyal ba'i sdug bsngal gang/ mi bzad rnam pa sna tshogs pa/ /bsod nams byin pa'i byin brlabs kyis// de dag myur du zhi gyur cig ces bya ba ni/ sdug bsngal gyi rnam pa gang zhe na/ brjod kyi mi lang ste/ sna tshogs pa zhes bya ba'i khongs su btso zhing bsreg pa dang/ gsheg cing btub pa dang/ a tsha tsha dang/ a chu chu dang la sogs te/ sdug bsngal de dag kun kyang sbyin pa'i stobs kyis myur du zhi bar gyur cig ces bya ba'i tha tshig go /sa 'am chu 'am mkha' la 'khod pa yi/ /lha klu gnod sbyin dri za dang/ /'byung po gar 'khod pa/ dge ba'i bsam pa rdzogs gyur cig
- 427b
ces bya ba ni/ yul gang na gnas pa'i zhes bya ba dang 'brel te/ yul gang na gnas shing skye 'khrung lo tog skyed pa 'am/ sa'i bdag tu gyur pa la sogs pa'i bya ba byed pa dang gnas skabs kun tu klan ka tshol du 'byung ba'i 'dre srin la sogs pa yul khams gang dag na 'khor ba rnams so so'i sdug bsngal zhi nas/ mi dge ba zhe la 'chang ba gang dag dge ba'i bsam pa rdzogs gyur cig ces bya ba'i tha tshig go /mchod sbyin la sogs pa'i zang zing de ltar bsngos nas da ni chos kyi sbyin pa/ phyag rgya chen po bsngo ste/ de yang ji ltar bsngo zhe na/ lan gnyis bstan pa la/ skabs lnga pa las/ bdag nyid lha'i rnal 'byor du byas pa gang yin pa de'i zhal gyi sgo nas ljags kyi dbang po bye ba 'phrag brgya phyung nas/ ljags kyi dbang po de re re las kyang gsung dbyangs kyi yan lag brgya phrag drug cu drug cu phyung bas/ /dzam bu'i gling bye ba phrag brgyar/ sprul pa bye ba phrag brgyas gsung gi sgo nas/ 'gro ba so so'i skad dang mthun par 'gro ba re re la yang theg pa'i khyad par mi mthun pa sna tshogs pas so so'i mos pa dang/ skal pa ji lta ba bzhin du chos bstan pas sems can thams cad sgrol zhing smin par rnal 'byor ro/ /de ltar rnal 'byor pas de nas zang zing las gzhan pa de gang zhe na/ de nas chos kyi sbyin pa rgya cher bya'o zhes bya ba smos te chos kyi sbyin pa ni 'di lta ste/ chos rnams thams cad rgyu las byung/ de rgyu de bzhin gshegs pas gsungs/ /de la 'gog pa gang yin pa/ dge sbyor chen pos 'di skad gsungs/ /shes bya ba smos ta de la chos rnams thams cad ces bya ba ni/ sdug bsngal bdun gyis bsdus pa'i zag pa dang bcas pa'i chos rnams thams cad la bya ste/ de dag ni rang 'byung mi srid de rgyu rkyen la brten nas 'byung ba'i phyir rgyu las byung zhes bya'o/ /rgyu
- 428a
rkyen de yang gang yin zhe na/ lan bdun du rten cing 'brel pa bcu gnyis la/ dang po ma rig pa dang/ brgyad pa sred pa dang/ dgu pa len pa ni nyon mongs pa ste rgyu'o/ /gnyis pa 'du byed dang/ bcu pa sred pa ni las te rkyen no/ /gsum pa rnam par shes pa dang/ bzhi pa ming dang gzugs dang/ lnga pa skye mched drug dang/ drug pa reg pa dang/ bdun pa tshor ba'i bar dag dang/ bcu gcig pa skye ba dang/ bcu gnyis pa rga shi ste bdun ni sdug bsngal ba ste 'bras bu'o/ /de ltar 'bras bu sdug bsngal bdun po de ni rgyu nyon mongs pa gsum dang zhes bya ba dang/ rkyen las gnyis zhes bya ba dang/ gnyis las 'byung bas na chos rnams thams cad rgyu las byung zhes bya ba/ gzhan du na kun nas nyon mongs pa dang/ rnam par byang bas bsdus pa'i chos rnams thams cad kyi rgyu ni dge ba dang/ mi dge ba las byung la/ dge ba dang mi dge ba de ni/ 'khrul pa'i rtog pa rang snang ba can/ rtsa ba rang gi sems las byung bas na/ chos rnams thams cad rgyu las byung zhes bya ba'i don to/ /'on kyang kun rdzob tu rten cing 'brel bar 'byung ba las dang 'bras bu dang/ kun nas nyon mongs pa dang/ don dam par rtso bo rang gi sems de ni chos thams cad kyi rgyu yin par gang gis gsungs she na/ lan du de lta zhig yid brtan du rung ba'i tshad ma/ de bzhin gshegs pas gsungs na/ de rgyu de bzhin gshegs pas gsungs shes bya ba'o/ /de la 'gog pa gang yin pa zhes bya ba ni/ 'khor ba'i yan lag bcu gnyis dang/ rtsa ba rang gi sems chos kyi rgyu gnyis la lugs las bzlog pa'i thabs gang gis 'khor ba rgyu dang 'bras bur bcas pa dang/ sems kyi rtog pa chos kyi rgyu de la 'gog pa ni/ mya ngan
- 428b
las 'das pa ste/ de ni skye rga na 'chi sdug bsngal bzhi dang bral ba yin la/ de thob par bya ba'i thabs gang yin pa ni/ dge sbyong chen po shAkya thub pas 'di skad gsungs so zhes bya ba'i tha tshig go /da? ni sdom pa bshad de sdig pa ci yang mi bya ste zhes bya ba ni lhag pa'i tshul khrims la bzhag pa ste/ sdig pa ci yang ni dper bya na ltas ngan dang 'dra ste/ sdig pa byas pa nas gzung ste/ 'di dang phyi ma la sdug bsngal 'byung ba'i phyir sdig ba ci yang mi bya ste/ zhes bya ba'i don to/ /dge ba phun sum tshogs par spyad ces bya ba ni sgo gsum gyi kha na ma tho ba dag par byas la spyod pa bcu dang/ shes rab gsum gyi sgo nas phun sum tshogs par spyad do zhes bya ba'i tha tshig go /de las lhag pa'i shes rab 'phel par 'gyur ro/ /rang gi sems ni yongs su gdul zhes bya ba ni/ sems ni thog ma med pa nas nyon mongs pa la rang yan du 'phyan pa'i dpe ni/ rta dmu rgod dang 'dra ste/ de dag 'dul ba ni srab yin pa'i dpe de bzhin du sems rang yan du yul la 'phyan pa'i rtog ge 'dul ba'i thabs ni/ lhag pa'i ting nge 'dzin gyis sems mnyam par gzhag pas yongs su 'dul zhes bya ba'i tha tshig go /de ltar lhag pa'i bslab pa gsum la gnas par bstan de ni/ dus gsum gyi de bzhin gshegs pa de dag gis 'gro ba rnams sangs rgyas par bya ba'i phyir bstan pa yin zhes bya ba la sogs pa ston pa'i zhal nas gsungs pa'i mdo sde rnams kyi nang nas 'byung ba'i tshigs bcad mang pos chos kyi sbyin pa yang rgya cher bya'o/ /gong du gsungs pa'i tshul de ltar chos kyi sbyin pas the tshom bsal ba dang/ de'i sgo nas shes bya'i sgrib pa spong la/ zang zing gi sbyin pas 'dod pa'i nyon mongs pa zhi par byas pa dang/ de'i sgo nas
- 429a
nyon mongs pa'i sgrib pa spong ste/ de ltar chos dang zang zing gnyis kyis nyon mongs pa'i sgrib pa dang/ shes bya'i sgrib pa gnyis byang nas/ de'i gnyen po bsod nams dang/ ye shes kyi tshogs chen po gnyis rdzogs nas/ bla na med pa'i sangs rgyas su 'grub par shes par bya'o/ /de yan chad du rnam par phye ba drug pa bsdus so/ /gtor ma las rnams kun gyi mchog/ las rnams kun gyi sna la 'gro/ shes rab dman la bstan pa'i phyir/ /gtor ma'i don ni rgya che ba/ /don chen yi ge dam pa 'dis/ /rgyud lngar skyes pa dgrol ba'i phyir/ /ma nor tsam du bshad pa yis/ /'di byas bsod nams ci yod pas/ /mdza' yas sems can ma lus kun/ /bden gnyis chu gtor don rtogs nas/ /bla med byang chub thob par shog /gtor ma'i 'grel pa slob dpon chen po bid da dz+nyA nas mdzad pa rdzogs so// //rgya gar gyi mkhan po shAn ting garb+ha dang/ zhu chen gyi lo tsha ba A tsArya rin chen mchog gis bsgyur cing zhus te gtan la phab pa'o// (//bdud rtsi 'byung ba zhes bya ba'i gtor ma'i cho ga bzhugs//) // */ /rgya gar skad du/ a mri ta dA ya bi d+hi ba liM nA ma/ bod skad du/ bdud rtsi 'byung ba zhes bya ba'i gtor ma'i cho ga /bcom ldan 'das 'jam dpal gzhon nur gyur pa la phyag 'tshal lo/ /rtog pa'i dri ma kun bcom yul can dpal ldan bsod nams nyag gcig mun yul dang/ shang de'i sha las byung zhing dang ba'i 'khor rnams rgya chen yongs dag mi g.yo la sogs pa rab gnas spyod yul dang/ /mnyam nyid klod las rmi lam thugs rje smon lam dbang gis chu yis zla ba lta bur skal ldan rnams la ston pa yi/ /mthu snyems rab btud
- 429b
'bad de de la bdag gis don mthong bdud rtsi 'byung ba'i cho ga gsal bar bshad par bya/ /de la re zhig sgrub pa bo rnam pa gnyis te/ zab pa la mos pa dang/ rgya che ba la mos pa'o/ /de yang spyod pa gnyis la gnas pa ni/ theg pa mchog la zhugs pa yin zhes gsungs so/ /zab mo la mos pa rnams ni ji lta zhe na/ bdag nyid zab pa 'ba' zhig la mos pa spyod pas 'bras bu sgrub par byed do/ /stong ba nyid la gzhol ba'i bsam bas bsgrub par bya'o zhes so/ /rgya che ba la mos pa gnyis te/ bsam pa rgya che ba la mos pa dang/ spyod pa rgya che ba la mos pa'o/ /bsam pa rgya che ba la mos pa ji lta bu zhe na/ sngon du 'gro ba'i sems kyis khams gsum ma lus pa'i sems can nyon mongs pa'i chu bo las bsgral bar bya'o snyam pa ni dngos su smon pa byang chub kyi sems so/ /spyod pa rgya che ba la mos pa ji lta bu zhe na/ de'i don du spyod pa dri ma med pa'i spyod pa sna tshogs la 'jug pa ste dngos su 'jug pa byang chub kyi sems so/ /de yang byang chub sems ni mdor bsdu na/ rnam pa gnyis su shes bya ste/ smon pa'i byang chub sems dang ni/ 'jug pa'i byang chub sems yin no zhes pa dang/ dang por sems bskyed par mi sgul bar gnas par bya ste/ de yang ji skad du thams cad mkhyen pa'i rgyu ni byang chub sems yin no zhes gsungs so/ /de'i 'og tu de brtan zhing brnyan par byed pa ste snying rje la gnas par bya'o/ /de yang snying rje'i rtsa ba las byung ba yin no zhes gsungs so/ /de'i 'og tu zil gyis gnon pa'i lam la gnas par bya ste/ de yang thabs kyis mthar phyin pa yin zhes gsungs so/ /zil gyis gnon pa'i lam ni mang ba nyid theg pa chen po'i spyod pa mdza' yas pa'i phyir ro/ /'on kyang mdor sdu na rnam pa gnyis te/ bsod nams dang/ ye shes
- 430a
kyi tshogs gnyis yin te/ de yang ji skad du/ byang chub sems dpa' i lam mdza' yas pa yin te bsod nams dang ye shes kyi tshogs zhes gsungs so/ /de la bsod nams kyi tshogs ni rnam pa gsum ste/ sbyin pa dang/ tshul khrims dang/ bzod pa dang/ gsum mo/ ye shes kyi tshogs ni rnam pa gnyis yin te/ bsam gtan dang shes rab gnyis so/ /brtson 'grus ni gnyis ka'i grogs yin no/ /de yang ji skad du/ bsod nams rgyu ni rnam pa gsum yin te/ tshim byed dang ni spong shes dang/ rtse gcig blo ni ye shes rgyu/ /smra ba'i seng+ges de skad gsungs shes pa'o/ /de la 'di ni rgyu'i phyogs gcig ste sbyin pa'i phyogs gcig gi yan lag go /blos rnam par spyad na ni tshul khrims dang ting nge 'dzin la sogs pa ni ma yin no/ /de lta bas na lam thams cad kyi mngon du 'gro ba ste dgongs pa dang bcas pa kho na'o/ /'o na de lta bu'i sbyin ba la sogs pa nyams su len pa'i spyod pas ci zhig pa ste/ don yod pa ma yin no zhes ji skad du/ rigs kyi bu gang la gnas na sems can thams cad rjes su 'brang bar 'gyur ba dang/ 'od 'dom gang ba zhes bya ba la sogs pa rgya cher gsungs ba las don yod pa kho ni yin pas nges par som nyi za ba bzlog par bya'o zhes pa'i don no/ /gzhan du na shing ta la mgo bo bcad pa dang 'dra'o zhes bya ba ni bsgrub pa la gdams pa ste chogs la 'bad par bya ba'i don to/ /de ltar re shig spyi don yin no/ /da ni yan lag gi don brjod par bya ste/ rnal 'byor pa skal ba can gang zhig nye bar spyod par 'dod pa de la phan gdags par bya ba'i phyir mchod
- 430b
sbyin gyi gtor ma nar ma zhes pa nas zhal nas gsungs pa yang gdon no zhes pa la sogs pa smras pa yin te/ rnal 'byor pas nyams su blang bar bya ba kho na yin par shes par bya'o/ /de la mchod sbyin gyi gtor ma nar ma byed bar 'dod pas shes bya ba la sogs pa ni rnal 'byor pa khyad par can bstan te thams cad ni ma yin no zhes bya bar snyegs so/ /mchod sbyin zhes bya ba ni 'phags pa la gus pas 'bul bar bya ste de yang mngon sum du dmigs la mchod par bya'o/ /zhes bya ba'i tha tshig go /sbyin pa zhes pa ni sems can la dmigs te btang ba'o/ /de yang 'khor gsum yongs su dag par bya ba'i don to/ /de yang mchod pa'i las kyang ci nus bgyi/ /sems can kun gyi don kyang bgyi zhes gsungs so/ /'di skad ston pa yin te/ pha rol tu phyin pa thams cad kyi thog mar sbyin pa'i pha rol tu phyin pa 'gro ba yin la gsang sngags kyi sgo'i spyod pa la spyad pa rnams kyi dam tshig yin te/ de'i phyir dgongs pa'o/ / gtor ma zhes bya ba ni thabs shes rab tu thams cad la khyab pa'i phyir ro/ /de yang ma tshang ba med pas thabs yin te 'khor gsum yongs su dag pas shes rab po zhes gsungs so/ /des na rgyu bstan pa dang/ byin gyis brlabs pa dang/ bden pa'i stobs brjod pa rnams ni thabs yin la 'khor gsum yongs su dag pa ni shes rab yin zhes ston par 'gyur gyi zhes pa ni tha dad pa ma yin par sbyor ba'o/ /nar ma byed par 'dod pas zhes pa ni 'bad rtsol dang bcas pa rgyun du bya'o zhes pa'i tha tshig go /de ci'i phyir zhe na/ 'bras bu rgya che ba la/ dmigs pa ste gong du bshad pa yin no/ /de yang rgyun du sbyor byed rnal 'byor yin zhes pa'o/ /de nas rang gi lhag pa'i lha rjes
- 431a
su dran zhing bsrung bar bya ba'i phyir dang por bdag nyid lha'i rnal 'byor du 'jug pa'am zhes bya ste/ dang po zhes pa ni nye bar sbyor ba'i dus gang yang rung ste thog ma'o/ /bdag nyid ces pa ni gzhan ma yin ba te mdun la sogs pa ni ma yin no zhes pa'i don to/ /lha'i rnal 'byor du zhes pa ni de yang mi gnyis snyoms par 'jug pa'o/ /'jug pa 'am zhes pa ni 'jug pa ste/ sgo yin no/ /de gang zhe na dang po bdag nyid mngon du byas la bsrung par bya'o// ji skad du rang dag par ni shes pa la/ 'che ba med kyis ma 'jigs shig/ mchod sdong las byung dge ba bzhin/ /'tshe ba rang gi sems las byung zhes pa'o/ /gzhan yang/ bdag nyid bsrung ba byas pa yis/ /lha yis rnal 'byor rab tu 'grub/ /ces gsungs so/ /de'i 'og tu yud tsam gyis 'phags pa rnams mngon du bya ste sdig pa bshags pa la sogs pa bdun po de bya ste/ de yang bdun po 'di dag ni tshogs kyi yan lag yin no zhes gsungs so/ /de'i 'og tu yang dag pa'i snying po mngon du byas te/ stong pa nyid du bsam mo/ /de nas ji ltar bzung ba'i lha'i rnal 'byor byas te rim pa ji lta bar bla ma'i zhal las shes par bya'o/ /yang dam tshig thob par 'gyur ba rnams kyi dbang du byas te chos bdag med par bsgoms te zhes pa ste/ chos shes pa la sogs pa phung po la sogs pa rnams ni mtshan nyid 'dzin pa rnams su 'dod de/ bdag ces pa ni gang zag dang chos la rang bzhin med par shes pa ni phung po la sogs pa du ma'i rang bzhin dang/ /skad cig ma'i rang bzhin yin la de la rtag pa dang gcig pur 'dzin pa ni phyi rol gyi lam la gnas pa rnams so/ /de la sogs pa las bzlog pa ni
- 431b
gang zag la bdag med par shes par bya'o/ /chos la bdag med par yang de nyid la gnyis su zhen pa dang bral ba ste dngos po'i mdza' yid la mi byed pa'o/ /bsgoms te zhes pa ni de la rtse gcig tu byed ba dang sbyar ro/ /'di yang bsrung zhing bdag byin gyis brlabs pa yin te/ de yang ji skad du stong pa nyid kyis stong pa nyid la glags mi rnyed ces pa la sogs pa gsungs so/ /'di skad ston pa yin te/ /bdag med pa sngon du byas nas mchog sbyin la sbyar bar byas na khyad par du bsgrub par 'gyur ro zhes pa'i don to/ /de nas yang de'i rgyu nye bar bstan pa'i phyir chu gtor gyi snod che chung ci 'byor pa'i nang du phye stsal te zhes bya ba smos te/ de la chu zhes pa ni brlan bar byed pa'i phyir ro/ /dngos su ni byams pa 'am snying rje'i bdag nyid de bsgrub pa po de dang ldan par bya'o zhes pa'i don to/ /gtor zhes pa ni gong du bshad pa'i don to/ /snod che zhes pa ni yangs pa'o/ /chung ba ni de'i don las bzlog pa ste rin po che'i snod do/ /ci 'byor zhes pa ni nges par bzung du yod pa ma yin te tshad ma gsungs pa'i phyir ro/ /nang du zhes pa ni brda phrad par zad do/ /phye stsal te zhes pa ni nyams pa ma yin pa dang/ yongs su brtags pa'i phye blugs pa ste sems can thams cad kyi nye bar 'tshe ba yin pa'i phyir ro/ /de yang ji skad du/ shin tu mdzes pa'i gtor snod du/ dri med chu gtsang la sogs pa/ /gsang sngags pa rnams kyis rab sbyar te/ yongs su bsngo bya don chen phyir/ /zhes bya ba la sogs pa gsungs so/ /'di skad bstan te/ rgyu rkyen gang la brten nas don gnyis la 'jug par byed pa ni thabs dam pa ste de la 'jug par bya zhes pa'i don to/ /de nas
- 432a
yang yongs su sbyong ba'i thabs bstan pa'i byir gtor ma'i nang du zla ba'i dkyil 'khor gyi steng du ye ge raM dkar po bsams te zhes pa la sogs pa smos so/ /gtor ma'i nang zhes pa ni de nyid kyi nang gi nam mkha' la'o/ /zla ba'i dkyil 'khor zhes pa ni a las gyur pa ste byang chub kyi sems mtshon par byed pa'o/ /ji yang ji skad du zla ba'i dkyil 'khor gnyis pa ni/ byang chub sems ni rab rdzogs pa zhes gsungs pa'o/ /steng du zla ba go sla'o/ /yi ger zhes pa ni bdun pa gnyis pa la stong pa'i lhas mnan pa'o/ /dkar po zhes pa ni dri ma dang bral ba'o/ /bsam ste zhes pa ni yi ge de la dmigs pa'o/ /de nyid kyis cir 'gyur zhe na/ skyon rnams spong ba ste 'og nas ston pa la 'jug pa'o/ /de yang ji skad du/ ra zhes bya ba ni rdul dang bral ba'i phyir chos thams cad kyi sgo yin no zhes gsungs so/ /'di skad ston te des gtor ma'i dri nga ba la sogs pa stong ste de la rtse gcig tu bya'o zhes pa'i don to/ /de nas sbyang ba'i thabs nyid bstan pa'i phyir/ yi ge de la zhes pa la sogs pa smos te/ yi ge de las zhes pa ni las so/ /chos thams cad ces pa ni chos ni gong du bshad zin no/ /thams cad ces pa ni chos kyi khams du mas 'dus pa la sogs pa ste/ rdul dang bral lo zhes pa ni bzung 'dzin la sogs pa de nyid de dang bral ba'o/ /zhes pa'i sgra byung bas shes pa ni don de nyid stong pa ste bdag med par bsgom pa'o/ /gtor ma'i dri ma zhes pa ni mi gtsang ba'i sgra'o// lhag par gyur pa ni ma gnang ba'i yo byad de rnams so/ /de nyid ni skyon rnams yin no/ /des shes pa ni yi ge ram bsgoms pa'i stobs so/ /dag par bya zhes pa ni mchod sbyin no/ /de la ji skad du/ mi gnyis pa'i ye shes
- 432b
de lta bu de'i sa bon las bskyed pa'i me'i sa bon du gsungs pa ste/ 'di skad du ston pa yin te/ gong gi yongs su spyod ba'i yi ge'i sbyor ba'i rjes thogs la 'og nas 'byung ba'i phyag rgya dang/ /sngags kyis btab la de nyid yongs su dag par bsam mo zhes lan ston to/ /de'i 'og tu rnyed pa la yang bdud rtsir 'gyur ro/ /de'i thabs ston pa'i phyir de nas zhes pa la sogs pa smos so/ /de nas shes pa ni yongs su sbyangs pa'i rjes thogs so/ /zla ba'i dkyil 'khor de la zhes pa ni snga ma'i zla ba'i dkyil 'khor de nyid la'o/ /yi ge a zhes pa ni ma skyes par ston pa'i yi ge ste de yang/ a ni yig 'bru kun gyi mchog ces pa nas/ khong nas 'byung ba skye ba med ces pa la sogs pa gsungs te/ de nyid ni bdud rtsi'o/ /dkar po zhes bya ba ni dri ma dang bral ba'o/ /bsams te zhes pa ste rnal 'byor pa ste gong du smos pa bzhin no/ /gtor ma zhes pa ni yongs su spyad ba byas pa'i gtor ma de'o/ /lha'i bdud rtsi sna tshogs pa dang zhes pa ni lha la yod pa ste de dang rjes su 'thun par spro bar bya'o/ /zhes bya ba dang sbyar ro/ /longs spyod ces pa ni nye bar spyod pa'o/ /rnam pa sna tshogs pa yang bsam zhes pa ni zas dang skom la sogs pa'o/ /yang zhes pa ni bdud rtsi la ltos pa'o/ /yi ge de las zhes ba ni a las so/ /phyogs bcu zhes pa ni shar la sogs pa'o/ /sems can gyi khams zhes pa ni 'gro ba lnga yis bsdus pa rnams la khyab par gyur zhes pa ni thams cad la'o/ /gang gis khyab ce na/ bdud rtsi'i rgyun la sogs pa ste des khyab pa'o/ /bsam zhes pa ni 'od zer spro pa'o zhes bya bar sbyar ro/ /de yang ji skad du ston zhe na/ a las spros pa'i 'od zer gyi rnam pa de bdud rtsir bsam pa ni 'og nas 'byung ba'i sngags brjod de a de nyid las spro bar bya'o zhes pa'i don to/ de'i 'og tu
- 433a
bdud rtsi nyid nam mkha' dang mnyam par bya ba'i phyir de nas zhes bya ba la sogs pa smos so/ /de nas shes pa ni bdud rtsir gyur pa'i rjes thogs la'o/ /zla ba'i dkyil 'khor de la zhes pa ni snga ma dang sbyar ro// yi ge oM ser po zhes pa ni oM ni snying po'i don te ser po ni rgyas pa'i don ston pa'o/ /bsam zhes pa ni yid kyis te 'og gi sngags brjod par bya'o zhes pa'i don to/ /de yang oM ni snying po ste thams cad kyi 'byung gnas su ngas dgongs zhes gsungs so/ /des cir 'gyur zhe na 'phags pa dang zhes smos so/ /'phags pa zhes pa ni 'dus ma byas kyi khams la gnas pa ste/ de yang 'dus ma byas la gnas pa ni 'phags pa'i gang zag go zhes gsungs so/ /de yang rnam pa gnyis te slob pa'i rnam pa dang mi slob pa'i bye brag gis rnam pa gnyis so/ /slob pa'i lam la gnas pa la gsum ste/ nyan thos dang rang sangs rgyas dang byang chub sems dpa' o/ mi slob pa'i lam la gnas pa ni de bzhin gshegs pa rnams te/ de dag gi mchod pa'i gnas yin pa dang sbyar ro/ /de dag kyang gang las she na/ mdo sde las byung ba bzhin no/ /sems can zhes pa ni 'gro ba lnga la gnas pa ste de yang gzugs can dang de las bzlog pa'o/ /de yang sems can gyi khams ni mdza' yas pa nyid de mdor bsdu na rnam pa gnyis te/ gzugs can dang gzugs can ma yin pa'o/ /zhes gsungs so/ /de la zhes pa ni gnas kyis don no/ /phrul zhes pa ni 'phags? pa'o/ /bsos? shing zhes pa ni sems can la'o/ /bzhin du zhes pa ni de dang mthun pa'o/ /so sor zhes pa ni go sla'o/ /rnam par rig pa zhes pa nas mngon sum la skye sems kyi spyod yul gnas su zhes pa ni bzhugs
- 433b
pa'i gnas de 'phags pa rnams kyi'o/ /snang zhing 'byung bar bsam pa zhes pa ni de dag gi dbang po'i spyod yul te de skom pa'o/ /de yang ji skad du mchod gnas bla ma khyed kyi pho brang du mchod pa'i sprin gyis gtibs par sde? sems can thams cad bde gyur cig /kun kyang gnod pa rnams dang bral zhes bya ba la sogs pa gsungs so/ /de 'di skad du ston te/ rnal 'byor bas oM ser po bsams te 'og nas 'byung ba'i sngags brjod de spro bar bya'o zhes pa'i don to/ /de nas yongs su sbyang ba la sogs pa'i phyag rgya bstan pa'i phyir/ de nas shes bya ba la sogs pa'i sbyor ba'i rjes thogs la lag pa g.yas pa'i zhes pa rnal 'byor ba ste thabs kyi rang bzhin yin pa'i phyir mthe chung mthe bos mnan to zhes pa ni bla 'og tu byas pa'o/ /sor mo gsum zhes pa ni gung mo dang srin lag dang mdzub mo rnams so/ /phral nas zhes pa ni phan tshun ma reg pas te phral te yangs pa'o/ /rdo rje ltar byas pa ni rdo rje rtse gsum pa ltar byas pa ste khas phul la zhes pa ni go sla'o/ /gtor ma'i snod la zhes pa ni rin po che la sogs pa'i snod du dngos kyi byang chub kyi sems so/ /reg par byas nas zhes pa ni de nyid la reg par bya ba ste rdo rje rtse gsum pa'i phyag rgya'o/ /de yang rdo rje'i phyag rgya rab sbyar la/ /yongs su sbyar la sogs bya zhes gsungs so/ /'di skad kyang ston to/ /snong ni rten byed pa'i phyir byang sems de thabs yin la rdo rje'i phyag rgya ni shes rab yin pa ni thabs dang shes 'brel bar bya'o zhes pa'i don to/ /de nas yongs su sbyang ba la sogs pa'i sngags bstan pa'i phyir sngags 'di zhes pa la sogs pa smos so/ /de rnams las kyang yongs su sbyang ba'i sngags thog
- 434a
mar bstan pa'i phyir/ sngags 'di zhes pa ni grub par byed pa'i phyir ro/ /lan gsum zhes pa ni shes pa'i phyir ro/ /brjod pas zhes pa ni rdo rje'i tshul du'o/ /rnam par dag par bsam zhes pa ni gtor ma te lhag par gyur pa'i skyon de nyid gang zhe na/ oM sarba d+harma badzra si ta hUM zhes pa ste chos rnams rang bzhin gyis rnam par dag par ston pa'o/ /de nas bdud rtsir bsgyur ba'i sngags bstan pa'i phyir de la sngags 'di zhes bya ba la/ sogs pa smos te/ sngags ni 'di zhes pa gong ma bzhin no/ /btab ste zhes pa ni brjod pa'o/ /bdud rtsir gyur par bsam zhes pa ni bdud rtsis nye bar mtshon pa ste/ de ltar bsam pa'o/ /de nyid gang zhe na/ oM a mri te hUM phaT ces pa ste bdud rtsir 'byung ba'o/ /de nas zhes pa ni spro ba'i sngags yin pa'i phyir de nas zhes pa la sogs pa smos te/ de nas zhes pa bdud rtsi 'byung ba'i rjes thogs la'o/ /sngags 'di btab ste zhes pa ni spel ba'i sngags kyis te gong ma bzhin no/ /spel bar bsam zhes pa ni nam mkha' i dbyings thams cad du'o/ /de gang gis spro zhing spel zhe na/ na ma(rgyud 'grel): sarba ta thA ga te b+hyo/ bi shwa mu khe b+hya(rgyud 'grel): sarba tang khaM ud ga to spha ra Na hi maM ga ga na khaM swAhA zhes pa ste spros pa des 'jig rten dang 'jig rten las 'das pa'i bde bas khyab par byed pa'i sngags bstan pa'i phyir/ sngags 'di btab ste zhes pa ni khyab par byed pa'i sngags so/ /de nyid kyang gang yin zhe na/ oM ni ma(rgyud 'grel): sarba ta thA ga ta a ba lo ki te saM b+ha ra saM b+ha ra hUM zhes pa'o/ /de nas zhi bar byed pa'i sngags bstan pa'i phyir/ sngags 'di zhes bya ba la sogs pa smos so/ /ma nor bar grub par byed pa'i phyir na btab ste zhes
- 434b
pa ni zhi bar byed pa'i sngags so/ /mnyam par thob par byed ces pa ni mnyam par thob par byed pa ste sems can gyis so/ /de nyid gang zhe na/ oM ru ru sphu ru dzwa la tiShthA sid+d+ha lo tsa ni sarba artha sA d+hA ni swAhA zhes pa'o/ /des cir 'gyur zhe na/ thams cad kyis mnyam par thob cing mi mthun pa med cing thob pa ste de nyid kyi phyir don thams cad grub par byed pa yin no/ /de yang ji skad du/ gsang sngags rnams ni brjod pa dang/ rdo rje'i phyag rgyar rab ldan pas/ /dngos po gang la btab pa ni/ /dag pa la sogs rim bzhin 'grub ces gsungs so/ /de nas byin gyis brlabs pa'i gtor ma de yang yongs su bsngo ba bstan pa'i phyir na sngags 'di rnams bya ba la sogs pa smos so/ /sngags 'di rnams shes bya ba ni gong du gsungs pa rnams so/ /lan gsum zhes pa ni thams cad la sbyar bar bya'o zhes so/ /de'i 'og tu 'di skad brjod do zhes bya ba dang sbyar ro/ /ji skad brjod ce na/ sangs rgyas dang zhes pa la sogs pa smos so/ /sangs rgyas zhes pa ni gang gi rgyud la spangs pa dang sbyangs pa dang bya ba dang ye shes phun sum tshogs pa yod pa'o/ /de skad du yang/ ma rig gnyid las sangs pa dang/ shes bya rnams la ye shes rgyas/ /zhes gsungs so/ /byang chub ces bya ba ni gang nam mkha' lta bu'i chos nyid khong du chud par 'dod cing spyod pa ni sbyin pa la sogs pa'i lam la yongs su zhugs pa'o/ /ji skad du/ byang chub nam mkha' i mtshan nyid de/ kun tu rtog pa thams cad spang/ /gang zhig de thob 'dod pa ni/ byang chub sems dpa' zhes bya'o zhes gsungs so/ /thams cad ces pa ma lus pa ste sems dang po bskyed pa nas bzung ste mi slob pa'i sa la gnas pa thams cad do/ /mthu zhes pa ni lhag pa'i stobs te de rnams kyi'o/ /de ni
- 435a
thugs rje phyi nang gi dbang gis so/ /chos kyi dbyings kyi zhes pa ni don dam pa'i chos te bstan pa tha dad pa rnams reng par byed pa'i rgyu yin pa'i phyir ro/ /byin gyis brlabs dang zhes pas ni stong pa nyid kyis bzung pa ste de nyid kyi byin gyis brlabs so/ /de skad du byin gyis brlabs med pa'i tshul khrims de byin gyis brlabs so zhes gsungs so/ /de nyid ni mthu yang yin no/ /bdag gi bsam pa zhes pa ni bdag gi bsam pa ste sems can thams cad kyi don du chos la zhugs pa'o/ /de nyid ni rnam par dag pa ste byang chub chen po la yongs su gzhol bar gyur pa'i stobs kyis so/ /de rnams kyis ji ltar gyur par bsam zhe na 'phags pa thams cad ces pa la sogs pa'o// 'phags pa zhes pa ni snga ma bzhin du sbyar ro/ /thams cad ces pa ni sngon du zhugs pa la sogs pa yang bsdu'o/ /pho brang zhes pa ni bzhugs pa'i gnas te 'og min chen po'i gnas la sogs pa'o/ /sems can thams cad ni snga ma dang 'dra'o/ /gnas dang zhes pa ni lcags khang la sogs pa'o/ /sems kyi rgyud ces pa ni nang 'du byed kyi phung po ste zag pa dang bcas pa rnams so/ /la ni gnas kyi don to/ /de rnams 'byung zhe na chos dang zhes pa la sogs pa smos so/ /chos dang zhes pa ni chos kyi sbyin pa ste de yang rnam pa gnyis so/ /de yang gang zhe na 'jig rten pa dang 'jig rten las 'das pa'i chos kyi sbyin pa'o/ /'jig rten pa'i chos ni bsam gtan dang tshad med pa dang snyoms par 'jug pa dang dge bcu la sogs pa ste/ de gang la ston? pa ni 'jig rten pa'i chos kyi sbyin pa'o/ /'jig rten las 'das pa ni 'phags pa'i lam yan lag brgyad dang/ de bzhin gshegs pa'i stobs bcu dang/ ma 'dres
- 435b
ba'i chos la sogs pa ste de gang la ston pa ni chos kyi sbyin pa ste/ zas dang skom dang gser dang/ mu tig la sogs pa'o/ /de yang ji skad du/ sbyin pa ni rnam pa gnyis te/ chos kyi sbyin pa dang/ zang zing gi sbyin pa'o/ /chos kyi sbyin pa gang zhe na/ 'jig rten dang 'jig rten las 'das pa'i chos kyi sbyin pa'o/ /zhes rgyas par gsungs so/ /longs spyod ces pa ni gong ma nyid rnams te sems kyi rgyud tshim par byed pa'i phyir ro/ /dpag tu med pa zhes bya ba dang bsam gyis mi khyab ces bya ba dang brjod kyis mi lang ba zhes bya ba dang/ go rims bzhin du lus dang ngag dang yid kyi spyod yul las 'das pa zhes bya ba'i tha tshig go /'byung zhing rgyas par gyur cig ces bya ba ni 'phags pa la ni chos kyi longs spyod mdza' yas pa 'byung ba dang/ sems can rnams la ni zang zing gi sbyin pa'i longs spyod mdza' yas par gyur cig ces pa'o/ /de skad du 'phags pa rnams la chos la longs spyod pa'o/ /sems can rnams la zang zing la nye bar longs spyod pa'o zhes gsungs so/ /'di skad ston te/ bsngo ba'i gnas ni gnyis yin pa'i phyir tshig de skad brjod de/ bsngo ba'i 'bras bu rnam pa yongs su bzung zhing thabs dam pa la 'jug go zhes pa'i don to// gong gi spel ba'i sngags lan gsum brjod pa ni nam mkha' mdzod kyi sngags grub par byed pa'i yan lag go /de nas yongs su bsngo ba byas pa'i rjes thogs la bden pa'i stobs brjod pa'i phyir ro/ /de nas bden pa bdar te zhes pa la sogs pa smos so/ /de nas zhes pa ni yongs su bsngo ba byas pa'i rjes thogs la bden pa bdar te zhes pa ni 'og nas 'byung ba rnams so/ /de yang gang zhe na/ sangs rgyas kyi bden pa dang zhes smos te/ sangs rgyas zhes pa ni gang las spangs pa dang
- 436a
ye shes phun sum tshogs pa yod pa ste gong du bshad pa bzhin no/ /de yang sku rnam gnyis kyi bdag nyid yin te/ de nyid gang zhe na/ chos kyi sku dang/ gzugs kyi sku yin te/ de skad du bdag dang gzhan don grub pa'i phyir/ /rnam pa gnyis su sku bstan no zhes gsungs so/ /chos shes pa ni 'dus byas dang 'dus ma byas kyis khams kyis bsdus pa'o/ /de yang rnam pa gsum ste/ bstan pa dang/ sgrub pa dang/ don dam pa'o/ /de skad du/ bstan pa la sogs rnams gsum te/ /'brel med phyir na 'chos pas chos/ /zhes gsungs so/ /dge 'dun zhes pa ni dge ba la/ srid pa'i tha tshig go /mthong ba'i lam dang bsgom pa'i lam la gnas pa rnams so/ /de yang rgyun tu zhugs pa rgyu la zhugs pa dang 'bras bu la zhugs pa rnams dang gnas pa'i bye brag gis brgyad do/ /de skad du/ zag pa med pa las rim bzhin du bskyed pa'i phyir na bzhir bshad do/ /'jug pa dang gnas pa'i bye brag go /gang zag brgyad du rnam par grags zhes gsungs so/ /bden pa zhes bya ni de rnams kyi che ba'i yon tan rnams phyin ci ma log pa'i de kho na nyid de/ de'i byin gyi brlabs kyis zhes pa dang sbyar ro/ /gsang sngags dang zhes bya ba dang sbyar ro/ /gsang sngags dang zhes pa la gsang ba ni mi 'dra ba ste thabs so/ /sngags ni de'i rgyu ste yang yang du bzlas shing 'da' bar mi bya'o/ /cir 'gyur zhe na/ yid skyob pa'i phyir na sngags yin te/ thun mong min phyir gsang ba/ zhes gsungs so/ /rig sngags zhes pa ni ye shes/ /sngags ni de grub par byed pa'i rgyu de gong du bshad pa bzhin no/ /phyag rgya zhes pa ni rgyas 'debs pa'i don gyi phyag rgya ste thabs dang shes rab gcig tu sbyor zhing mi bshigs pa ste/ nyan thos la sogs mi
- 436b
ldan pas/ /rdo rje la sogs mtshon pa'o/ /de skad du/ thabs shes rab 'byor pas rgyas 'debs pa'i phyir na phyag rgya'o zhes gsungs so/ /ting nge 'dzin zhes pa ni yul la sems rtse gcig tu gnas pa gang yin pa de la 'di skad ces bya ste/ gang la zhe na thabs dang shes rab la tha mi dad par rgyas btab pa de la'o/ /de skad du/ gsang sngags thabs su shes par bya/ /rig sngags la ni ye shes brjod/ /de sbyor rgyas 'debs phyag rgya ste/ de la rtse gcig ting 'dzin 'dod/ / ces gsungs so/ /'di skad ston te/ thabs dang shes rab 'brel pas rgyas btab la/ de la rnal 'byor pas sems rtse gcig tu bya'o zhes pa'i don to/ /byin gyis brlabs pa ni de las byung ba'i nus mthu'o/ /bden pa zhes ba ni de phyin ci ma log pa ste/ gyur cig ces pa dang sbyar ro/ /dam tshig can gyi mthu dang zhes pa ni mi 'da' ba' i dam tshig thob pa ste dpal tshangs pa la sogs pa'o/ /de rnams kyi stobs kyi mthu'o/ /bden pa nyid du thob pa ni bden pa'o/ / byin gyis brlabs kyis zhes pa ni de bzhin 'byung ba ni byin gyis brlabs so/ /de ci zhig 'byung zhe na/ chos dang zang zing zhes pa la sogs pa smos te chos kyi longs spyod ni 'og nas byung ba rnams so/ /zang zing gi longs spyod ni 'dod pa'i yon tan lta'o/ /'di zhes bya ba ni snying ga 'di ste gtor ma yin no zhes pa'o/ /snod rin po che sna tshogs las grub pa zhes pa ni gser dang pad+ma rA ga las mdzes par byas pa'o/ /bcud lha dang mi'i longs spyod ces pa ni lha rnams dang mi rnams la yod pa ste/ bza' ba dang bgo ba la sogs pa ste/ longs spyod ces pa ni tshangs pa rigs pa gzhan du med pa'o/ /bza' yis mi zas ces pa ni zas rnams so/ /bgo yis mi dengs shes pa ni gos rnams so/ /gzhan yang dbang po
- 437a
lnga tshim par byed pa smos pa rnams dang bzung ngo/ /de dag rgyu ci las zhe na/ /phye dang sman la sogs pa rnams la/ /sman la sogs pa ji ltar ci'i phyir 'gyur zhe na sangs rgyas la sogs pa'i bden pa'i byin gyis brlabs kyis te/ rnal 'byor pa'i bden pa'i byin gyis brlabs te/ rnal 'byor pa'i ting nge 'dzin gyi stobs kyis so/ /gang las 'byung zhe na /sems can dang 'phags pa rnams la'o/ /des cir 'gyur na lus dang sems tshim par byed pa la sogs pa smos te/ lus tshim pa ni 'byung ba rgyas pa ste reg bya'i khyad par rnyed pa'o/ /sems tshim par byed pa ni nyon mongs pa'i dbang du mi 'gyur ba ste tshor pa bde ba dang ldan pa'o/ /rgyu gang zhes pa ni gong du gzhi med par tshim par grub pa'o/ /rkyen zhes pa ni stobs nyams pa las/ lhag pa'i stobs rnyed pa'o/ /gyur ces pa la sogs pa ni sangs rgyas la sogs pa'i bden pa dang mthun pa yin zhes bya bar rnyeg go/ de ni 'di skad ston/ rgyu rkyen gang la brten nas 'phags pa rnams dang sems can rnams la ting nge 'dzin la sogs pa'i yan lag rnams kyis chos dang zang zing yongs su 'byung bar gyur cig pa'o/ /zang zing ni gong du smos pa rnams yin no/ /da ni chos kyi longs spyod bstan pa'i phyir gzhan yang zhes bya ba la sogs smos te/ gzhan zhes bya ba ni zang zing las gzhan pa'o/ /de gang zhe na/ chos kyi longs spyod ces bya ste chos ni rnam par dkar ba'i phyir ro/ /longs spyod ces pa ni 'phags pa'i nor bdun dang ldan pa'i phyir ro/ /de nyid bstan pa'i phyir byang chub kyi phyogs dang zhes pa ste byang chub ni stong pa nyid do/ /phyogs ni de dang rjes su mthun pa'i rgyu rnams te dran pa nye bar gzhag pa la sogs pa ste
- 437b
de skad du yang/ byang chub kyi phyogs kyi chos sum cu rtsa bdun lam bzhi dag gis bsdus pa yin zhes so/ /pha rol tu phyin pa ste sbyin pa la sogs pa bcu yin no/ /de skad du/ sbyin pa nas brtsams ye shes la/ /lam bzhi dag gis bsdus ba yin/ /zhes pas so/ /la sogs pa'i sgra ni bsdu ba'i dngos po rnams dang tshad med pa la sogs pa rnam par dag pa ste/ lam dri ma med pa la smos pa rnams bsdus pa'o/ /de dag gis ci zhig 'grub ce na/ sems rgyu rnam par sbyong zhing zhes bya ba smos te/ sems kyi rgyud ni phung po dang khams dang skye mched dag gis bsdus pa ste/ de ni kun nas nyon mongs pa dang rnam par sbyod pa'i rgyu dang rten du gyur pa'i rgyud do/ /rnam par sbyod zhes pa ni nyon mongs pa la sogs pa sgrib pa rnams so/ /gang gis sbyod zhe na/ dran pa nye bar gzhag pa rnams la sogs pa'i gong du smos pa rnams kyis so/ /tshul ji ltar sbyod zhe na/ de rnams nyid goms par byas shing gong nas gong du rnam bar thar pas so/ /sbyang bar bya ba de nyid bsdus nas bstan pa'i phyir mdor na zhes pa'o/ /de gang la rnam bar brtan pa ni 'phags pa dang sems can gyi rgyud ces smos te 'phags pa zhes pa ni khams gsum las ring du 'phags par song ba ste mthong ba dang bsgom pa'i lam la gnas pa'i phyir ro/ /rgyud ni gong du smos shing bshad pa bzhin no/ /la zhes pa ni bdun pa'i don to/ /sbyangs pa'i dngos po de nyid bstan pa ni nyon mongs pa shes bya'i sgrib pa thams cad ces pas smos te/ nyon mongs pa rnams ni 'dod chags la sogs pa rnams so/ /sgrib pa zhes pa ni thar pa la bar du gcod pa'o/ /shes bya'i sgrib pa ni spyi'i mtshan nyid de sangs rgyas kyi spyod yul lo/ /sgrib pa thams cad mkhyen pa nyid la'o/ /de skad du 'dod chags
- 438a
la sogs pa mngon du gyur bag la nyal nyon mongs pa can med gnyis su snang ba ste thar ba dang thams cad mkhyen pa go rims bzhin na zhes gsungs so/ /rnam par byang zhing dag dang zhes ba ni rdul tsam yang mi gnas pa ste spangs pa'o/ /de nas 'bras bu'i khyad par gzhan bstan pa ni de bzhin gshegs pa zhes bya ba la sogs pa smos te/ de bzhin du song ba ni de bzhin gshegs pa'o/ /thams cad ces bya ba ni ma lus par bzung ba lte nam par snang mdzad la sogs pa'o/ /klu dang zhes pa ni de rnams kyi phyag rgya chen por gsungs pa ste chos kyi phyag rgya'o/ /thugs ni de rnams kyi thugs te dam tshig gi phyag rgya'o/ /yang na sku ni sbrul pa la sogs pa gsum mo/ gsung ni bstan pa'i chos te mdo'i sde la sogs pa'o/ /thugs ni me long lta bu'i ye shes so/ /de yang ji skad du /sku la sogs pa phyag rgya ste/ rnam gsum gyis ni 'byed pa'o/ /sprul pa la sogs dbye ba yis/ / rnam pa gzhan du 'ang 'dod pa yin zhes gsungs so/ /rdo rje lta bu'i zhes pa ni sku gsung thugs dbyer med pa'i rdo rje lta bu ste stong pa nyid du'o/ /dam tshig ces pa ni 'da' bar bya ba ma yin te stong pa nyid las so/ /gang mi dge 'da' zhe na/ sku gsung thugs rdo rje dang ldan pa des so/ /ldan te zhes pa ni 'phags pa rnams dang sems can rnams kyi tshogs to gong du bshad pa'i cho ga'i rims kyis ldan no/ /de nas de'i bsgras bu bstan pa'i phyir sdug bsngal zhes pa la sogs pa smos te/ sdug bsngal zhes pa ni byung nas bral bar 'dod pa'i mtshan nyid kyi tshor ba ste khams gsum gyi mi 'dod pa rnams so/ /gsum zhes pa ni 'du byed kyi sdug bsngal la sogs pa'o/ brgyad ces pa ni
- 438b
'dod pa'i dngos po mi rnyed pa la sogs pa'o/ /yang na rab tu tsha ba la sogs pa dang chu bur can la sogs pa dang chu bur can la sogs pa de dag nyid spangs te gang la mi gnas pa de ni bral ba'o/ /mthar zhes pa ni thabs kyi cho ga brgyud? pa'i rim pa ni mdza' ste mi slob pa'i lam mo/ /de nyid du smos pa ni bla na med pa'i sangs rgyas su zhes bya ba smos te/ bla na med pa zhes pa ni nyan thos dang rang sangs rgyas rnams las mchog tu gyur pa'i bla na med pa'o/ /de nyid ni mthong ba dang bsgom pas spad par bya ba'i nyon mongs pa spangs ye shes bzhi dang ldan pa'i phyir sangs rgyas so/ /grub par gyur cig ces pa ni sangs rgyas kyi go 'phang de thob cing de dang ldan par gyur cig pa'o/ /brjod do zhes pa ni rnal 'byor pas bden pa'i stobs kyis smos pa brjod pa'o/ /de ni 'di skad du/ thabs gang gis so so'i skye bo'i sa la gnas pa rnams ni zang zing gi sbyin pa 'byung ba dang/ nyon mongs pa'i gnyen por 'gyur ba dang/ chos kyi longs spyod kyi phyogs su 'gyur ba dang/ 'phags pa'i sa la gnas pa rnams la shes bya'i sgrib pa'i gnyen po'i phyogs chos kyi longs spyod 'byung zhing rnam par 'gyur pa de'i lam dam pa ste de la nges par 'jug par bya'o zhes ston pa yin no/ /yang de rnams chos kyi sbyin par shes pa'i rgyud brlan par byas pa'i phyir ro/ /zhal nas gsungs pa'i mdo gdon no zhes smos pa/ zhal nas gsungs pa zhes pa ni bde bar gshegs pa'i bar du'o/ /de nyid ni/ chos rnams thams cad rgyu las byung/ /de rgyu de bzhin gshegs pas gsungs/ /de la 'gog pa gang yin pa/ /dge sbyong chen pos 'di skad gsungs/ /zhes pa la sogs pa gcig dang gnyis la sogs pa bstan pa'o/ /sing ga la yi yul du skyes
- 439a
pa de'i mtshan/ /'gro ba skal ngan rnams la mar me mdzad ltar snang mdzad pa/ /chos rnams rdzogs par 'gro ba kun dpal 'byung/ /ye shes bya rnams thogs med ye shes mtshan/ /de'i kun ban snying rjes bskyed pa'i dbang rlabs nas/ /bod yul mthil du bskyed pas log par spyod pa mthong/ /de yi don du bdag nyid dran nas rab 'bad de/ /'gro kun 'chi med bdud rtsi chu 'dis rab gtor bas/ /longs spyod dbang gis skyes shing gdungs pa rnams/ /yang dag lta rnams skye shing rgyun bcad de/ /theg chen rdo rje theg pa'i lam bgrod nas/ 'gro ba phan phyir sangs rgyas 'grub par shog /bdud rtsi 'byung ba zhes bya ba'i cho ga rdzogs so// // rgya gar gyi mkhan po dI paM ka ra sh+rA dz+nyo nas mdzad nas bsgyur ba ste lo tsa ba khu dngos grub kyis gtan la phab pa'o// //thugs rje chen po la phyag 'tshal lo/ /chu gtor gyi yo byad rnams mdun du sta gon byas la/ rang dang por sgrub thabs bzhin lha'i rnal 'byor du byas la/ lus dang ngag dang yid gsum byin gyis brlab par bya'o/ /de nas oM swa b+hA ba shud+d+ha(rgyud 'grel): sarba d+harma(rgyud 'grel): swa b+hA ba shud+d+ho haM zhes brjod do rang ma gtogs pa'i snod bcud thams cad stong pa nyid du bsams te/ de nas stong pa nyid kyi ngan las mdun du snod du yid kyi thad kar pa ljang khu re bsams la/ de dag yongs su gyur pa las rin po che sna tshogs las grub pa'i snod re re bsam/ snod byin gyis brlab pa'o/ /bcud ni snod re re'i nang du bdud rtsi'i rang bzhin dang/ sman sna tshogs las grub pa'i ljon shing dang/ rin po che sna tshogs las grub pa'i gter gyi bum pa dang/ der la sogs pa gos sna tshogs pa bsam//
- 439b
sman shing ljon pa de rtsa ba phun sum tshogs par zug pa/ lo ma bzang ba dag yal ga bzang ba rgyas pa dang/ me tog dang/ 'bras bu mang po phun sum tshogs pa bsams la/ ljon shing de'i lus la sku gsung thugs ye shes kyi rang bzhin can gyi oM A(rgyud 'grel): hUM ho rnams rim pa bzhin du dgod do/ dam tshig gi gtor ma sbyang ba'o/ /yi ge de rnams las 'od zer 'phros pas phyogs bcu'i bde bar gshegs pa thams cad kyi thugs dam bskul nas de dag gi thugs ka nas ye shes kyi bdud rtsi mdo ga 'o ma'i rgya mtsho lta bu'i chu rgyun bkug nas 'ongs pa dang/ de dag thams cad ro gcig tu gyur pas dri ro gcig pa nus pa phun sum tshogs par blta'o/ /ye shes kyi gtor ma dgug pa'o/ /de nas sgrub pa po bdag nyid kyi snying ga nas 'od zer lcags kyu dang zhags pa lta bu byung nas 'gro ba rigs lnga so so rang rang gi gzugs kyis mdun gyi bar du snang la dgug go/ mgron spyan drangs pa'o/ /rdo rje thal mo bca' ba 'am rtse gsum pa'i phyag rgya yis sngags 'di yis btab par bya'o/ /oM na ma(rgyud 'grel): sarba ta thA ga ta a ba lo ki te saM b+ha ra saM b+ha ra hUM 'dis kha drag gzhan med par mnyam por thob par bsam mo/ /oM ru ru sphu ru dzwa la tiSh+Tha sid+d+ha lo tsa ne sarba artha sA d+ha ne swAhA/ sngags 'di gnyis lan bdun bdun bzlas la btab po/ /sngags 'og nas ni sems can thams cad kyi bsam pa la ci dang ci 'dod pa'i longs spyod dang 'dod pa'i yon tan lnga la sogs pa'i so so'i rnam par rig pa dang mthun pa thob par bsam mo/ /da ni zang zing gi sbyin pa'o/ /de nas chos kyi sbyin pa ni zhal nas gsungs pa'i mdo tshigs su bcad pa ci nus ci lcogs kyis bya'o/ /de nas smon lam gdab po/ /de nas bden pa bdar ba ni /sangs rgyas kyi bden pa dang/
- 440a
chos kyi bden pa dang/ dge 'dun gyi bden pa dang/ gsang sngags dang/ rig sngags dang/ phyag rgya dang/ ting nge 'dzin dang/ bdag gis bsam pa rnam par dag pa'i stobs kyis so so'i sems can gyi gnod pa thams cad zhi nas bar chad dang gnod 'gal spangs te dam tshig la gnas par gyur cig /de nas smon lam ni/ dam chos bdud rtsi thams cad mkhyen pa yi/ /zhal nas gsungs pa bsil ba'i ro 'di yis/ /nyon mongs chang pa me yis gdungs pa yi/ /'gro kun rtag tu sdug bsngal zhi byed shog ces bya ba la sogs pa gdab po/ /de nas sems can thams cad kyi lus ngag yid gsum gyi sgrib pa byang nas tshogs gnyis rdzogs te so so'i bsam pa dang mthun pa'i longs spyod rgya chen po thob nas dam tshig la gnas shing rnam par mi rtogs pa'i ye shes rtogs nas bdag la phan 'dogs pa'i bsam pas/ oM mu(rgyud 'grel): zhes brjod nas se gol gtogs nas so so'i gnas su song bar blta'o/ /rkyen dang bar chad thams cad bzlog par byed pa yon tan thams cad nye bar sdud par byed pa chu gtor dri ma med pa'i gzhung/ slob dpon dpal mar me mdzad ye shes kyis mdzad pa rdzogs so// // slob dpon de nyid la zhu ba po kan ston legs pa'i shes rab kyis tshogs bsogs pa'i yan lag tu zhus nas mang yul gyi kyi grong du gzhung bris so/ /paN+Di ta de nyid dang lo tsha ba tshul khrims rgyal bas bsgyur ba'o// //*/ /rgya gar skad du/ a ba nA ga rA dza ba liM bi d+hiM/ bod skad du/ klu gtor gyi cho ga/ rje btsun ma 'phags ma sgrol ma la phyag 'tshal lo/ /rang nyid lha yi nga rgyal gyis/ /byams dang snying rje byang chub sems/ /yang dang yang du bsgom byas la /
- 440b
mdun du paM las pad+ma ni/ /kha dog dmar po 'dab brgyud steng/ /phu brgyad las ni klu brgyad bskyed/ /de nas snying ga'i 'od zer dang/ oM phe phu zhes pas klu chen brgyad/ /'khor dang bcas pa bkug la bsti/ /dkar gsum mngar gsum bdud rtsi bcas/ /dam tshig ye shes klu rnams mchod/ /de nas gtor ma byin brlabs te/ /snod ni haM las rin po che/ /shin tu mdzes shing lta na sdug/ yangs la rgya ni che bar bsam/ /rin chen snod mchog de nang du/ /dkar gsum mngar gsum bdud rtsir bcas/ /snod ni shin tu gang bar bsam/ /de yi steng du yi ge gsum/ /kha dog dri dang ro sbyangs nas/ /bdud rtsi'i ro mchog brgya dang ldan/ /g.yas pa mchog sbyin phyag rgya la/ /ha ho hi baM dag las ni/ /dpag bsam shing ni bsam byas la/ /lo ma yal ga thams cad la/ /rin chen bum pa bdud rtsis bkang/ /dpag tu med pa bsams nas ni/ /bruM las bdud rtsi'i char bab bas/ /gtor ma yongs su gang bar bsam oM A(rgyud 'grel): hUM zhes lan gsum brjod/ /mgron rnams thams cad lce las ni/ /hUM las rdo rje'i spu gus rdub/ /oM a nan+ta ba liM i daM kha kha khA hi khA hi/ oM tak+Sha ka oM u li ka/ oM bA su ti/ oM shaM kha pA la/ oM mahA pad+ma/ oM ba ru na/ oM nanda nA ga rA dzA ya/ oM pheM klu'i rgyal po sogs ma med/ /ba li i da kha kha khA hi/ bA hi/ mdza' yas dang ni 'jog po dang/ stobs kyi rgyu dang rig ldan dang/ nor rgyas dang ni dung skyong dang/ pad+ma dang ni chu lha dang dga' bo dang ni nye dga' o/ /rgya mtsho dang ni rgya mtsho che/ /dpal gyi 'od dang 'od po che/ /gzugs chen sbul bzangs stobs po che/ /klu chen brgyad po 'khor dang bcas/ /'dir gshegs mchod sbyin gtor ma bzhes/ /mdzes pa'i dkar gsum gtor ma 'di/ /mngar gsum 'o ma'i rgya mtshor bcas/ /rin chen phreng ba'i them skas cam/ /klu yi gnod pa skyo ba byed pa/ /mthun pa'i rdzas su gyur cig /mchod sbyin gtor ma 'di bsnoms la/ /bdag cag 'khor dang bcas rnams la/ /klu la gyur pa'i nad rnams ni/ /mthong ba'i dug/
- 441a
dang kha zas dug /bsams pa'i dug la sogs pa kun/ /de dag thams cad zhi gyur cig /bdag pas ces pa'i rdzas khyer la/ /bdag la gnod pa ma byed par/ /rtag tu byams pa'i sems dang ni/ /pha ma lta bu'i sems kyis ltos/ /gzhan yang las las skyes pa yis bka' dang dam las ma thogs pa'o/ /gdug pa can gyi klu tshogs kun/ /bka' yi pham phabs 'di bsnoms la/ /so so rang re'i gnas su dengs/ /de'i rjes la gtor ma btang/ /bden pa bdar/ chos bshad bya'o/ /klu'i gtor chen sgrol ma'i zhabs kyi rdul la reg pa'i mkhas ba chen po dpal mar me mdzad ye shes kyis mdzad pa rdzogs so// //lo tsha ba rin chen bzang pos bsgyur ba'o// //dkon mchog gsum la phyag 'tshal lo/ /bkra shis gang zhig rgyal ba rnams kyi chos kyi sku/ /gcig nyid dang ? ? nyid kyang rnam spangs pa'i/ /ma gos gzugs med rdul dang bral ba gang yin pa'i/ bkra shis de yis khyed la rtag tu bde legs shog/ /bkra shis gang zhig sangs rgyas sras kyis yongs bskor cing/ /longs spyod rdzogs sku dam chos kyi ni gsung dang bcas/ /mtshan dang dpe byad bzang pos yongs su brgyan gyur la/ /bkra shis de yis khyed la rtag tu bde legs shog bkra shis gang zhig nags kyi me ni mched pa ltar/ /'jug dang 'bar dang yongs su mya ngan 'das pa yis/ /sprul pa'i sku mchog gzhan gyi don ni mdzad pa'o/ /bkra shis de yis khyed la rtag tu bde legs shog /bkra shis gang zhig sems can kun la phan byed pa'i/ /sangs rgyas rnam dag blo ldan nyes pa'i tshogs dang bral/ /shes rab yan lag 'dus pas mdzes pa bde ba'i bdag gi / bkra shis de yis khyed rnams lan dbang mchog bskur ba'o/ /bkra shis gang zhig lha dang lha min mis mchod pa/ /de yis bstan pa'i dam chos bla na med pa ni/ /bdag med 'jig rten gsum la rab tu grags pa yi/ /
- 441b
bkra shis de yis/ /khyed rnams la ni dbang mchog bskur/ /bkra shis gang zhig rab mchog dam chos rtag tu 'dzin/ /bzang po'i sar zhugs sangs rgyas sras po tshogs kyi mchog /rnam pa kun tu sems can don mdzad bkra shis bzang/ /bkra shis de yis khyed rnams la ni dbang mchog bskur zhes bya ba ni slob dpon snang byed zla bas mdzad pa sangs rgyas sku gsum chos dang dge 'dun dang bcas pa'i bkra shis tshigs su bcad pa'o// //rgya gar skad du/ pany+tsa ta thA ga ta ma ga le gA thA bod skad du/ de bzhin gshegs pa lnga'i bkra shis tshigs su bcad pa/ dkon mchog gsum la phyag 'tshal lo/ /rnam par snang mdzad ye shes dam pa mtsho chen ldan/ /zla ba nya 'dra'i sku mnga' srid pa'i mthar phyin pa/ /dgongs pa mdza' dag rdzogs pa'i bkra shis gang yin pa/ /bkra shis des ni skye dgu rnams la zhi byed shog/ mi 'khrugs rgyal ba srid dang gti mug rnams spyod pa/ /mgon po yon tan thams cad rdzogs bas bkra shis pa/ /dge mnyam bsam sems ldan pa'i bkra shis gang yin pa/ /bkra shis des ni skye dgu rnams la zhi byad shog /sangs rgyas yon tan kun gyis brgyan gyis brgyan mdzad cing/ /yang dag bden pa'i 'byor pa sbyin mdzad mi slu ba/ /rin chen 'byung ldan zhes bya'i bkra shis gang yin pa/ /bkra shis des ni skye dgu rnams la zhi byed shog /bsam gtan ting 'dzin ye shes dam pa pha rol phyin pa'i gnas/ /ye shes pad+ma'i steng bzhugs dpag med tshe ldan zhing/ /tshe grangs med par byin gyis rlob pa'i bkra shis gang yin pa/ bkra shis des ni skye dgu rnams la zhi byed shog/ sems can don gyi las la thugs ni sbyor mdzad cing/ /'gro ba kun gyis 'ching bas bcings las grol mdzad ba/ thub mchog don yod grub pa'i bkra shis gang yin pa/ /bkra shis des ni skye dgu rnams la zhi byed shog/ de bzhin gshegs pa lnga'i bkra shis tshigs
- 442a
su bcad ba rdzogs so// //dpal rnal 'byor gyi rgyud kyi dkyil 'khor gyi lha de bzhin gshegs pa rigs lnga 'khor dang bcas pa lha sum cu rtsa bdun gyi bkra shis tshigs su bcad pa/ dpal rdo rje sems dpa' la phyag 'tshal lo/ /bcom ldan rnam bar snang mdzad rgyal ba mi bskyod pa/ /rin chen 'byung ldan 'od dpag med dang don yod grub/ rigs lnga bde gshegs rnams kyi bkra shis gang yod pa/ /bkra shis dam pa des kyang ding 'dir bkra shis shog /rdo rje sems ma dang ni rin chen sems ma dang/ /chos kyi sems ma dang ni las kyi sems mar bcas/ /bcom ldan yum mchog rnams kyi bkra shis gang yod pa/ /bkra shis dam pa des kyang deng 'dir bkra shis shog /rdo rje sems dpa' dang ni rdo rje rgyal po dang/ /rdo rje chags pa dang ni rdo rje legs par bcas/ /bcom ldan mi bskyod 'khor gyi bkra shis gang yod pa/ /bkra shis dam ba des kyang deng 'dir bkra shis shog /rdo rje rin chen dang ni gzi brjid dang/ rdo rje rgyal mtshan dang ni rdo rje bzhad par bcas/ /bcom ldan rin 'byung 'khor gyi bkra shis gang yod pa/ /bkra shis dam pa des kyang deng 'dir bkra shis shog /rdo rje chos ra ba dang ni rdo rje rnon po dang/ rdo rje 'khor lo dang ni rdo rje smra bar bcas/ /bcom ldan snang mdza' i 'khor gyi bkra shis gang yod ba/ /bkra shis dam pa des kyang deng 'dir bkra shis shog /rdo rje las rab dang ni rdo rje bsrung ba dang/ /rdo rje gnod sbyin dang ni rdo rje khu tshur bcas/ /bcom ldan don grub 'khor gyi bkra shis gang yod pa/ /bkra shis dam pa des kyang deng 'dir bkra shis shog /lha mo sgeg mo dang ni lha mo phreng ba ma/ /lha mo klu ma dang ni lha mo gar mar bcas/ /nang gi mchod pa'i lha mo'i bkra shis gang yod pa/ /bkra shis dam pa des kyang deng 'dir bkra shis shog /lha mo bdug spos ma dang lha mo me tog ma/ /lha mo mar me dang lha mo dri mar bcas/ /phyi yi mchod pa'i lha mo'i bkra shis gang yod ba//
- 442b
bkra shis dam pa des kyang deng 'dir bkra shis shog /sgo ba lcags kyu dang ni sgo ba zhags pa dang/ /sgo ba lcags sgrog dang ni sgo ba dril bur bcas/ /bcom ldan sgo bsrungs rnams kyi bkra shis gang yod pa/ /bkra shis dam pa des kyang deng 'dir bkra shis shog /dpal rnal 'byor gyi rgyud kyi dkyil 'khor gyi lha de bzhin gshegs pa rigs lnga 'khor dang bcas pa lha sum cu rtsa bdun gyi bkra shis tshigs su bcad pa rdzogs so// // */ /rgya gar skad du/ mig la aSh+Ta ka /bod skad du/ bkra shis brgyad pa/ sangs rgyas dang byang chub sems dpa' thams cad la phyag 'tshal lo/ /'jam pa'i dpal dang 'jig rten mgon po rgyal ba mchog gi cod pan dang 'jam b+ha la/ /rdor sems byams pa phyag na rdo rje lag na utpal bzang skyong dang ni sgra gcan 'dzin/ /sangs rgyas rnam par snang 'dzad la sogs sa gsum phyag byas nyes pa ma lus zad gyur pa/ dgyes pa rnams kyis dri med yid bde don kun grub pa'i bkra shis khyod la stsal du gsol/ /rdo rje hUM mdzad phyug bdag 'dul byed rdo rje dril bu pad+ma'i lag pa can dang ni/ /ha lA ha lA ser po dag dang dgra yi tshogs 'dzoms Tak+ki'i rgyal po bdag nyid che/ /mi skyod pa dang spos kyi glang po rin chen tog dang rab 'jigs mi g.yo gshin rje'i dgra/ dgyes pa rnams kyi dri med yid bde don kun grub pa'i bkra shis khyod la stsal du gsol/ /yon tan tshogs mnga' byang chub sems kyis sems brgyan dge 'dun 'jig rten gsum gyis phyag byas dang/ dga' ba rab grub sangs rgyas rtsod pa'i dri ma las rgyal he ru ka dang dpyig sngon can/ /sangs rgyas sa la'i dbang po rgyal po rgyal ba'i yon rigs sems can kun la rjes brtse ba/ dgyes pa rnams kyis dri med yid bde don kun grub pa'i bkra shis khyod la stsal du gsol/ /shes rab skul byed sgrol ma dag dang ye shes tshogs ni bsags par gyur pa'i khro gnyer can/ /bdud kyi bdud gyur 'od zer can ma zhal gsum mdog ser 'jigs pa mdza'
- 443a
dgar ba 'joms ma/ /rma bya chen mo ma mA kI dang dgra yi tshigs 'joms gos dkar mo dang sangs rgyas spyan/ /dgyes pa rnams kyis dri med yid bde don kun grub pa'i bkra shis khyod la stsal du gsol gan+tA ri dang lag na ltos 'gro zhags pa lcags kyu ral gri 'dzin byed dug sel ma/ /rdo rje lag pa ma dang phog mi dgra sta ral gri 'dzin byed chos kyi dbang phyug ma/ /bde mchog las byung ye shes dpa' bo dpung rgyan phyag drug rgyal mtshan rab tu 'char byed pa/ /dgyes pa rnams kyi dri med yid bde don kun grub pa'i bkra shis khyod la stsal du gsol/ /rgyal ba mchod byed pa'i wang phreng ma glu ma dang ni ri khrod bdug spos rdo rje ma/ /ro langs mar me dri yi rdo rje rab tu bzhad gdong bde 'gro dag dang mi pham ma/ /sangs rgyas byang chub dpal mo dang ni rgyal ba mdza' dag mnyes par byed pa'i dbyangs can ma/ /dgyes pa rnams kyi dri med yid bde don kun grub pa'i bkra shis khyod la stsal du gsol/ /rgyal ba mchog gi chos 'khor bskor gyur yangs pa can dang bya rgod phung po'i ri bo dang/ /lum bi ni dang mnyan yod dang ni sa yi steng gnas ko ka med dang byang chub shing/ /dpal gyi be'u dang a sha? 'dab ma zho 'bras me tog dpal 'bras dung dang 'khor lo can/ /dgyes pa rnams kyis dri med yid dga' don kun grub pa'i bkra shis khyod la stsal du gsol/ /gdugs dang dur pa pad+ma dang ni rgyal mtshan dag dang nya dang gi wang sil snyan 'dzin?/ /phag pa dag dang rab gang bum pa thub pa gsung mchog rdo rje dril bu'i sgra dang ni/ sangs rgyas cho 'phrul 'jo sgeg gzhad 'gros rnam par rol pa lha dang mi yis phyag byas pa/ /dgyes pa rnams kyis dri med yid dga' de kun grub pa'i bkra shis khyod la stsal du gsol/ /rje btsun 'phags ma sgrol mas gsungs pa'i bkra shis brgyad ba rdzogs so// //rgya gar gyi mkhan po bi ma ya sh+rI mi tra dang/ lo tsha ba 'dan ma tshul khrims seng+ges
- 443b
bsgyur ba'o/ /'di la 'phags mos mdzad pa'i bkra shis kyi tshigs su bcad pa brgya dang zhes rgya gar na grags pa chen po bod skad do// // */ /rgya gar skad du/ mi ga la gA tha/ bod skad du/ bkra shis tshigs su bcad pa/ dkon mchog gsum la phyag 'tshal lo/ dam pa tog? dkar dga' ldan pho brang dam pa ru/ /mi pham mgon la rgyal tshab dam par dbang skul zhing/ /'dzam gling nyid du glang chen thal ka ltar gshegs gang/ /bkra shis dam pa des kyang deng 'dir bde legs shog /ser skya'i gnas kyi grong khyer dam par zas gtsang sras/ /bud med skyon bral g.yo sgyu spangs pa lha mdzes yu/ /lhums su zla bcur blo gros ldan pa shAkya'i rigs/ bkra shis dam pa des kyang deng 'dir bde legs shog /lum pa'i tshal dben zhing nyams dgar plakra'i?/ /yal ga nas gzung bltams gyur tshangs dang brgya byin bdud/ /mkha' la gshegs te phyogs bcur pad+ma byung gyur gang/ bkra shis dam pa des kyang deng 'dir bde legs shog /gzhal med khang mdzes dam par drang srong 'dun mdzad nas/ /mtshan ltas shis par brjod de ston pa 'byung gyur gang/ /shAka rigs bud med ? ldan kun bsus rgyan btags gang/ /bkra shis dam pa des kyang deng 'dir bde legs shog/ gzhon nu'i stobs ni sgyu rtsal yig rtsis 'phongs la sogs/ /kun las mthar byung lha mi la sogs kun gyis mchod/ /shAkya'i rigs 'khrungs log rtog bsal phyir btsun mo'i 'khor/ /bkra shis dam pa des kyang deng 'dir bde legs shog /pho brang nas byung rgan shi ba la sogs gzigs/ /mi rnams rmongs mdzad lha yis mdun ba dang mkha' la ni/ /srid gsum dag las rgal phyir mthon? mthing dbus phyogs/ /bkra shis dam pa des kyang deng 'dir bde legs shog/ /lha rnams rdzu 'phrul gyis ni phur smigs gang rnams phul/ /no rany+dza na'i chu bor dka' thub ma lus rdzogs/ /thub pa bsam gtan las bzhengs bkra shis ? thug
- 444a
bzhes/ /bkra shis dam pa des kyang deng 'dir bde legs shog /pad+ma las byung khyu mchog byang chub shing drung du/ /skyil mo krung bcas mi g.yo mchog gi bdud btul nas/ /tho rangs bdud btul mi 'gyur phun sum sangs rgyas pa/ /bkra shis dam ba des kyang deng 'dir bde legs shog /bA ra Na sir chos kyi 'khor lo mgon pos bskor/ /kun shes la sogs lnga sde bzang la bden bzhi bstan// lha klu lha min mi dang mi min 'dun gyur gang/ /bkra shis dam pa des kyang deng 'dir bde legs shog /nga rgyal bsnyems par ldan pa'i ston pa drug btul cing/ /glang chen rab smyon mi bzad lha byin gyis sbad btul/ drang srong mchog la spre rgyal cang shes sbrang rtsi phul/ /bkra shis des kyang deng 'dir bde legs shog /padmo gzhon nu lta bu'i mtshan ltas shAkya'i rigs/ /zas gtsang sras su rgyal rigs 'khor lo sgyur rgyal du/ /bltams pa nas bzung lha'i tshal du ma lus rdzogs/ /bkra shis dam ba des kyang deng 'dir bde legs shog/ byams pa'i stobs ni 'gro ba ma lus sgol mdzad cing/ /sems can mdza' yas zhi bde'i lam la bkod gyur te/ grong khyer rtswa mchog dam par dgongs pa yongs rdzogs gang/ /bkra shis pa dam pa des kyang des 'dir bde legs shog /bkra shis kyi tshigs su bcad pa rdzogs so// mang+ga laM // //