Text

ff. 1a–363a · 725 folio sides

  1. 1a

    de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo bzhugs so//

  2. 1b

    bod skad du/ de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das gsang ba mchog gi bdag po/ thig le byang chub sems kyi rdo rje/ de bzhin gshegs pa thams cad kyi sku rnam par dag pa'i bdag nyid/ pad ma chen po rnam par dag pa'i gsung / rdo rje lta bu'i ting nge 'dzin la mnga' brnyes pa/ yid bzhin gyi rin po che rgyal po'i yon tan mnyam pa chen pos kun tu khyab par mdzad pa/ kun tu 'dul ba'i phrin las kyi sgo yangs par kun tu mdzad pa/ sku gsung thugs yon tan dam tshig chen po ma lus pa'i

  3. 2a

    bdag nyid chen po/ dus gsum gyis chos ma lus mi lus lus pa med pa thams cad dang gnyis su med pa'i rang bzhin/ rol pa'i rdzu 'phrul sna tshogs par rnam par 'phrul par mnga' brnyes pa de/ 'og min gyi gnas gsang ba mchog gi dkyil 'khor chen po/ btsun mo'i b+ha ga la pho brang lhun gyis grub pa dur khrod kyi gzhal yas khang / rnam pa sna tshogs kyi kha dog dbyibs la stsogs pa'i 'dod pa'i yon tan gyi khyad par rin po che sna tshogs kyi rnam pa tshad med pa rnams kyis/ phyi dang nang med par phyogs bcur 'khrigs par bklubs par rang byung ba na/ rnal 'byor gyi dbang phyug chen po rgyal ba sangs rgyas nam mkha'i mtha' klas pa dang / rnal 'byor ma chen mo dang / rnal 'byor chen po sems dpa'

  4. 2b

    chen po sems ma dang bcas pa brjod du med pa'i yang brjod du med pa zhing gi rdul snyed dang / gzhan yang he ru ka rol pa'i tshogs grangs med pa brjod du med pa rnams dang / sprul pa chen po sras kyi 'khor ji snyed pa la stsogs pa sems dang sems las byung ba dang / 'byung ba dang / 'byung ba las gyur pa ji lta ba dang ji snyed pa rnams dang / thabs cig tu bsnyengs pa mi mnga' bar bzhugs pa ni/ dper na yungs 'bru snum gyis gang ba bzhin du gang nas khyab par bzhugs so// yum kun tu bzang mo yang nyid kyi sku la 'khril ba'i tshul gyis bsnyengs pa mi mnga' bar mngon par 'du mdzad do// 'khor gyi dkyil 'khor de nyid na rnal 'byor gyi dbang phyug rdo rje yid kun tu bzang po yang btsun mo chos sku kun tu bzang mo dang gnyis su med pa'i tshul bcom ldan 'das kyi spyan snga nas bka' nod cing spong ba can du bzhugs so// de nas bcom ldan 'das gsang ba mchog gi bdag po des/ sems dang sems las byung ba dang / 'byung ba dang / 'byung ba las gyur pa'i chos dus gsum dang / srid pa gsum gyis bsdus pa dang / gzhan yang bsam gtan dang snyoms par 'jug pa dang / 'gog pa dang / sa'i khyad par la stsogs pa'i chos snang grag la rdzu 'phrul gyi spyan gyis kun tu khyab par gzigs so// rnam par gzigs so// de bzhin du phyogs bcu dang

  5. 3a

    dus gsum gyi rgyal ba grangs med pa rnams la yang rnam par gzigs so// rnam par gzigs nas chos thams cad stong pa chen po'i don la mnal te/ sgra bsam las 'das pa de bzhin nyid kyi ting nge 'dzin la snyoms par bzhugs so// de'i tshe 'khor ba dang mya ngan las 'das pa'i chos thams cad stong pa chen por gyur pa ni/ dper na nam mkha'i mtshan nyid tsam du yang bskrun du yod pa ma yin no// de nas yum kun tu bzang mos/ bcom ldan 'das gsang ba mchog gi bdag po dgongs pa chos kyi dbyings la mnal bzhin du stong pa nyid kyi ngang las glu 'di bskul lo// e e ma'o// stong nyid bdag med rnam dag klong yangs nas// snyoms pa'i thugs rje 'byung bar mi dmigs kyang // shes rab don dam chos sku dag pa las// mi 'gog thabs kyi snying rje nam mkhar ston to// zhes bskul bas/ gsang ba mchog gi bdag po des/ bskul bar mkhyen nas/ stong pa nyid kyi ngag la mnal bzhin du/ 'khor ba dang mya ngan las 'das pa'i chos thams cad la khyab pa chen po snying rje'i ting nge 'dzin la snyoms par bzhugs so// de'i tshe chos thams cad snying rje nam mkha'i ngo bo tsam du gnas par gyur to// de nas yang yum kun tu bzang mos stong pa nyid kyi ngang las glu 'dis bskul to// e ma ho// ma ltar byams pa'i snying rje chen po

  6. 3b

    ni// mkha' ltar go yang 'byed cing kun la khyab// rig pa snying rje nam mkha'i dbyings rum nas// longs spyod rdzogs pa'i sku mchog bstan du gsol// a la la ho zhes rnam par bskul lo// de nas bcom ldan 'das gsang ba mchog gi bdag pos bskul bar mkhyen nas/ snying rje'i ngang nas rig pa'i cho 'phrul rnam par 'phrul te/ nam mkha'i dbyings nas rdo rje'i sku mngon du phyung ste/ dper na nam mkha'i dbyings rum nas nyi ma 'bum dus gcig tu shar ba'i gzi brjid lta bu'o// de nas yum kun tu bzang mos smin ring bsgyur te spyan 'dzub bag tu bltas nas/ rmad du byung ba'i gar glus rnam par bskul ba'i phyir glu 'di blangs so// e ma ho// yid bzhin sku mchog nyi ma lta bu las// sprul pa'i cho 'phrul rdo rje gar mdzad cing // brjid pa'i sku mchog yongs su rdzogs pa yi// 'bar ba'i sku mchog bdag la bstan du gsol// a la la ho// zhes rnam par bskul bas/ bskul bar thugs su chud de/ rol pa'i sku zhal gsum pa lta bur snang ba/ ye shes kyi rdo rje rtse mo dgu pa can lta bur sangs rgyas rnams kyis gzigs par gyur to// de nas bcom ldan 'das gsang ba mchog gi bdag po des/ hUM zhes brjod pas 'khor gyi dkyil 'khor de dag thams cad nyid kyi sku la bsdu bar mdzad do// bsdu bar mdzad nas yang nyid kyi sku rnam pa sna tshogs kyi glu

  7. 4a

    dang gar dang bteg pa dang bstim pa dang sbyor ba dang / 'khyud pa'i tshul rnam par rol pas/ yum kun tu bzang mo la smin ring bskur cing / spyan zim bag gi tshul gyis gzigs te/ yang chags pa chen po'i ting nge 'dzin la snyoms par zhugs te cang mi gsung bar gyur to// de nas yang yum kun tu bzang mos zhal 'dzum bag dang bcas nas chags pa'i glu 'dis bskul te/ e ma'o// rol pa'i cho 'phrul 'bar ba'i sku mchog las// khyab pa'i byin rlabs rdo rje'i gar mdzad cing // gsang ba b+ha ga yangs pa'i mkha' dkyil du// re skong bdud rtsi'i char chen dbab tu gsol// a la la ho// zhes rnam par bskul bas/ bcom ldan 'das gsang ba mchog gi bdag po des/ gnyis su med par rol pa'i tshul gyis gar mdzad cing / rdo rje'i glu 'di blangs so// a ho// bde mchog 'du 'bral med pa'i dbyings nyid ni// 'dzum zhing 'khyil ba pad+ma'i b+ha ga ru// dga' mchog rdo rje gsang ba'i byang chub sems// dri med rin chen char 'bab rgyun mi 'chad// ho zhes gsungs so// de nas chags pa yum gyi byang chub sems kyis thabs mchog yab kyi byang chub sems la bskul ba'i cho 'phrul gyi sgra 'di skad ces bsgrags so// a ho/ chags pa chen po dbang gi byang chub sems// dus gsum bder gshegs rnams kyi rtsa gzhi

  8. 4b

    mchog/ dri med skyon bral pad+ma'i 'od zer las// mu tig dri med bsil ba'i 'od zer spros ho// yang thabs mchog yab kyi byang chub sems las/ chags pa yum gyi byang chub sems la bskul ba'i cho 'phrul gyi sgra 'di skad ces grags so// a ho// gsal zhing dag pa zla ba'i dkyil 'khor ni// skyon gyis ma gos rnam dag byang chub sems// dus gsum rgyal ba rnams kyi thugs nyid de// bsil ba'i 'od zer pad+ma'i gnas su spro// ho zhes spros zhing bskul lo// de nas bcom ldan 'das gsang ba mchog gi bdag po des spro bsdu rnam par rol pa zhes bya ba'i ting nge 'dzin la snyoms par zhugs nas yang ched du brjod pa 'di brjod do// e ma'o// bde mchog bde ba'i byang chub sems ni rab 'phros pas// sangs rgyas kun gyi thugs bskul zhing // 'gro ba kun gyi rgyud sbyangs te// slar bsdus dbyings su thim pa las// byang chub sems kyi thig ler gsal// thig le'i 'od kyis khyab pa las// byang chub sems kyis kun tu khyab// ces gsungs so// de'i tshe 'khor ba dang mya ngan las 'das pa'i chos thams cad byang chub kyi sems su gnas so/ de nas bcom ldan 'das gsang ba mchog gi bdag po des btsun mo'i b+ha ga las/ dam tshig chen po'i pho brang gru bzhir byin gyis brlab pa'i phyir nyid kyi sku dang gsung dang thugs rdo rje las snying po 'di

  9. 5a

    phyung ngo // b+h+rUM de nas yang ched du brjod pa 'di brjod do// e ma'o sangs rgyas thams cad kyi// rdo rje gsang ba mchog gi gnas// 'khor lo'i rgyan dang rol mo'i rgyan// 'dod pa'i yon tan lnga yis gang // nyi zla gsal ba'i dkyil 'khor ldan// 'od 'phros 'bar bas phyogs bcur 'khrigs// gru bzhi sgo khyud rnams kyis mdzes// sna tshogs sangs rgyas kun gyi gnas// zhes gsungs so// de nas bcom ldan 'das byang chub kyi sems rdo rje des/ tiSh+Tha badz+ra a zhes brjod de dkyil 'khor chen po'i dbus su bzhugs par gyur to// de nas yang gnyis su med pa'i bdag nyid chen pos thams cad ma lus pa'i tshul rdo rje zhes bya ba'i ting nge 'dzin la snyoms par zhugs te nyid kyi sku dang gsung dang thugs rdo rje las gsang ba'i snying po 'di phyung ngo // hUM badz+ra d+h+r-ika/ de phyung ma thag tu de bzhin gshegs pa thams cad/ zhe sdang gi sku rjes su dran te/ sngags kyi yi ge 'phros 'dus pas/ yig 'bru las cho 'phrul gyis sgra 'di skad ces grags so// e ma'o sangs rgyas kun gyi gsung / bsdu ba'i rdo rje de nyid ni// zhe sdang rgud kyis sangs rgyas rnams// bskyod med yi ger gnas pa'o// zhes grags so// de nas snying po yi ge de nyid thugs kyi mtshan ma rdo rje rtse mo lnga pa lta bur gnas par gyur to// rdo rje de las cho 'phrul gyi sgra 'di skad ces grags

  10. 5b

    so// e ma'o sangs rgyas kun gyi thugs// 'dus ma byas pa'i ngo bo nyid// ye shes lnga ru snang bas na// thugs kyi thugs ni brtan pa'o// zhes grags so// de nas thugs de nyid spro ba dang bsdus pa'i ngo bor mngon par 'du mdzad pa las mi bskyod pa'i sku phyag rgya chen por sbyor ba'i thabs kyis rnam pa'i mchog thams cad dang ldan par 'thon te/ ston pa'i zhal du bltas nas 'di skad ces glengs so// e ma'o nga ni rang byung ste// bde ba thugs kyi mtshan ma yin// gnyen po cis kyang mi shigs pas// bskyod med phyag rgya bstan pa yin// zhes gleng ste/ a/ zhes brjod cing sku gsung thugs rdo rje'i bdag po'i sku gsung thugs nyid la bzhugs so// de nas yang gnyis su med pa'i bdag nyid chen pos/ thams cad gnas par 'byung ba rdo rje'i rgyan zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje las sku gsang ba'i snying po 'di phyung ngo // oM dzi na dzi ka/ 'di phyung ma zag tu de bzhin gshegs pa thams cad gti mug gi sku rjes su dran te/ gsung yig 'bru las cho 'phrul gyi sgra 'di skad ces grags so// e ma'o/ sangs rgyas thams cad kyi// gsung ni gti mug rgyal ba ste// rdo rje rgyal po rnam par dag/ rnam dag gsung ni dri ma med// ces grags so// de nas snying po yi ge de dag 'phro ba dang 'dul ba las/ thugs kyi

  11. 6a

    mtshan ma 'khor lo zur brgyad pa lta bur gnas par gyur to// de'i tshe 'khor lo de las cho 'phrul gyi sgra 'di skad ces grags so// e ma'o sangs rgyas kun gyi thugs// chos kyi 'khor lo rab bsgyur ba// nyon mongs dra ba gcod par byed// sku yi thugs ni brtan pa'o// zhes grags so// de nas thugs kyi mtshan ma de nyid 'phro ba dang bsdu ba las/ snang mdzad sems dpa'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma'o nga ni rang byung ste// sangs rgyas kun gyi sku yi bdag/ sangs rgyas kun ni thams cad kyi// sku yi phyag rgya brtan pa yin// zhes gleng ste/ a/ zhes brjod cing spyan sngar bzhugs so// de nas yang gnyis su med pa'i bdag nyid chen pos// rin chen dpal zhes bya ba'i ting nge 'dzin la snyoms par bzhugs nas/ nyid kyi sku dang gsung dang thugs rdo rje las yid bzhin gyi nor bu'i gsang ba'i snying po 'di phyung ngo // swa rat+na d+h+r-ika/ 'di phyung ma zag tu de bzhin gshegs pa thams cad nga rgyal gyi sku rjes su dran te/ gsung yig 'bru las cho 'phrul gyi sgra 'di skad ces grags so// e ma'o sangs rgyas thams cad kyi// yid bzhin gsung ni bla na med// yon tan kun gyi 'byung gnas gtso// rin chen gsung ni dag pa'o// zhes grags so// de nas snying po yi ge de

  12. 6b

    nyid 'phros 'dus pa las thugs kyi mtshan ma rin po che zur brgyad pa lta bur gnas par gyur to// de'i tshe rin po che de las cho 'phrul gyi sgra 'di skad ces grags so// e ma'o rin chen kun gyi thugs// re skong rin chen rab 'bar ba// mi 'gyur nam mkha'i kha dog 'dra// rin chen thugs ni rab tu brtan// zhes grags so// de nas thugs kyi mtshan ma de nyid spro ba dang bsdu ba las rin chen sems dpa'i sku gsung thugs kyi sbyor ba'i thabs su rnam pa'i mchog thams cad dang ldan par 'thon te/ 'di skad ces gleng ngo // e ma'o nga ni rang byung ste/ yid bzhin nor bu'i mtshan ma yin// zad mi shes pa'i gter du 'gyur// yon tan phyag rgya brtan pa yin// zhes gsungs te/ a zhes brjod cing g.yas phyogs su bzhugs so// de nas yang gnyis su med pa'i bdag nyid chen pos/ gsal ba sgron ma zhes bya ba'i ting nge 'dzin la snyoms par zhugs nas nyid kyi sku dang gsung dang thugs rdo rje las gsung gi gsang ba'i snying po 'di phyung ngo // AM A ro l-i ka/ 'di phyung ma thag tu de bzhin gshegs pa thams cad 'dod chags kyi sku rjes su dran te gsung gi yi ge las cho 'phrul gyi sgra 'di skad ces grags so// e ma'o sangs rgyas thams cad kyi// gsung gi gsung ni kun tu grags// rnam dag gsung ni bsam mtha' yas// dri ma med pas rnam par

  13. 7a

    dag/ ces grags so// de nas snying po yi ge de nyid 'phros 'dus pa las/ thugs kyi mtshan ma pad+ma 'dab ma brgyad pa lta bur gnas par gyur to// de'i tshe pad+ma de las cho 'phrul gyi sgra 'di skad ces grags so// e ma'o gsung mchog kun gyi bdag/ chags med skyon gyis gos pa med// dri med pad+ma rA ga'i mdog/ chos kyi thugs ni brtan pa'o// zhes grags so// de nas thugs kyi mtshan ma de nyid 'phro ba dang 'du ba las/ chos kyi sems dpa'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma'o nga ni rang byung ste/ pad+ma chos kyi mtshan ma yin// thams cad chags med skyon dang bral// chos kyi phyag rgya brtan pa yin// zhes gsungs te/ a/ zhes brjod cing rgyab phyogs su bzhugs so// de nas yang gnyis su med pa'i bdag nyid chen pos rdo rje gro ba ces bya ba'i ting nge 'dzin la snyoms par zhugs te/ nyid kyi sku dang gsung dang thugs rdo rje las dam tshig gi gsang ba'i snying po 'di phyung ngo // hA pradz+nyA d+h+r-i ka/ 'di phyung ma thag tu de bzhin gshegs pa thams cad phrag dog gi sku rjes su dran te/ gsung yig 'bru las cho 'phrul gyi sgra skad 'di skad ces grags so// e ma'o sangs rgyas thams cad kyi// dam tshig gsung 'di mthar phyin pas// don kun ma lus kun grub

  14. 7b

    pa'i// dam tshig gsung ni dga' ba'o// zhes grags so// de nas snying po yi ge de nyid 'phro ba dang 'du ba las thugs kyi mtshan ma ral gri lta bur gnas par gyur to// de'i tshe ral gri de las cho 'phrul gyi sgra 'di skad ces grags so// e ma'o dam tshig kun gyi thugs// mtha' rnams gnyis la mi gnas shing // nyon mongs dra ba gcod par byed// las kyi thugs ni brtan pa'o// zhes grags so// de nas thugs mtshan de nyid 'phro ba dang 'du ba las las kyi sems dpa'i sku gsung thugs su sbyor ba'i thabs kyi rnam pa'i mchog thams cad dang ldan par 'thon te 'di skad ces glengs so// e ma'o nga ni rang byung ste// dam tshig mtshan ma zhes su bya// kun gyi bya ba byed pa po// las kyi phyag rgya brtan pa po// zhes gsungs te/ a/ zhes brjod cing g.yon phyogs su bzhugs so// rdo rje 'khor lo rin chen dang // pad+ma ral gri mtshon cha lnga// ci 'dod las rnams 'grub par 'gyur// de nas bcom ldan 'das gsang ba mchog gi bdag po des/ chos thams cad nam mkha' lta bu'i ting nge 'dzin la snyoms par zhugs nas/ nyid kyi sku dang gsung dang thugs rdo rje las nam mkha'i gsang ba'i snying po 'di phyung ngo // muM d+ha tI shwa rI/ 'di phyung ma thag tu yum dbyings phyug ma'i sku dang gsung dang thugs su sbyor ba'i thabs su rnam pa'i mchog thams cad dang ldan

  15. 8a

    par 'thon te 'di skad ces gleng ngo // e ma'o sangs rgyas thams cad kyi// chos kun dag pa bdag med pa// nam mkha'i ngang du rab sbyor bas// nam mkha'i tshul 'di brtan pa'o// zhes gsungs te/ yum kun tu bzang mo'i sku gsung thugs rdo rje la thim ste/ rdo rje 'dzin pa'i sku la 'khril ba'i tshul gyis bzhugs so// de nas brtan pa rdo rje'i ting nge 'dzin la snyoms par zhugs te/ nyid kyi sku dang gsung dang thugs rdo rje las sa'i gsang ba'i snying po 'di phyung ngo // laM de Sha ra ti/ 'di phyung ma zag tu rdo rje dbyings phyug ma'i sku dang gsung dang thugs sbyor ba'i thabs su rnam pa'i mchog thams cad dang ldan par 'thon te/ 'di skad ces gleng ngo // e ma'o sangs rgyas thams cad kyi// chos kun brtan pa'i bdag nyid de// sra brtan dang du rab sbyor bas// sra brtan tshul du brtan pa'o// zhes gsungs te/ snang mdzad sems dpa'i sku la dgyes pa'i tshul gyis bzhugs so// de nas yang sdud pa rdo rje'i ting nge 'dzin la snyoms par zhugs te nyid kyi sku dang gsung dang thugs rdo rje las chu'i gsang ba'i snying po 'di phyung ngo // maM mo ha ra ti/ 'di phyung ma thag tu rin chen dbyings phyug ma'i sku gsung thugs sbyor ba'i thabs su rnam pa'i mchog thams cad dang ldan par 'thon te/ 'di skad ces gleng ngo // e ma'o sangs rgyas thams cad kyi// chos kun sdud

  16. 8b

    pa'i bdag nyid de// 'khril ba'i ngang du kun sbyor bas// sdud pa'i tshul 'di brtan pa'o// zhes gsungs te rin chen sems dpa'i sku la 'khril ba'i tshul gyis bzhugs so// de nas yang 'bar ba rdo rje'i ting nge 'dzin la snyoms par zhugs te/ nyid kyi sku dang gsung dang thugs rdo rje las me'i gsang ba'i snying po 'di phyung ngo // pAM rA ga ra ti/ 'di phyung ma thag tu chos kyi dbyings phyug ma'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma'o sangs rgyas thams cad kyi// chos kun smin pa'i ngo bo nyid// gsal dro'i ngang du kun tu sbyor// smin pa'i tshul 'di brtan pa'o// zhes gsungs te/ chos kyi sems dpa'i sku la 'khril ba'i tshul gyis bzhugs so// de nas yang g.yo ba'i rdo rje'i ting nge 'dzin la snyoms par zhugs nas/ nyid kyi sku dang gsung dang thugs rdo rje las rlung gi gsang ba'i snying po 'di phyung ngo // tAM badz+ra ra ti/ 'di phyung ma thag tu las kyi dbyings phyug ma'i sku dang gsung dang thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma'o sangs rgyas thams cad kyi// chos kun g.yo ba'i bdag nyid de// g.yo ba'i ngang du kun sbyor bas// g.yo ba'i tshul 'di brtan pa'o// zhes gsungs so// nam mkha' sa chu me dang rlung // ci ltar

  17. 9a

    'dod bzhin brtan byas par// bsgrubs na las rnams thams cad kyang // nges pa nyid du 'grub par 'gyur// gzhan yang sems dpa' sems ma dang // khro bo dang ni khro mo dang // sgo skyong sbrul sku la stsogs te// bsam yas ji snyed bkod pa rnams// gnyis med bdag po'i byin rlabs las// so so rang rig gsang sngags dang // thugs mtshan rang rtags phyag rgya las// so so yongs su rdzogs pa'i sku// rang rang mtshan nyid yongs brjod cing // rdo rje gsang ba'i gral 'khod de// bsam yas dag kyang de bzhin no// gnas dag dang ni dkyil 'khor dang // 'gro rnams bkod pa ji lta bar// de 'drar ston pa mchog gis mdzad// de bzhin gshegs pa thams cad kyi gsang ba dur khrod khu byug rol pa'i mdo las/ ting nge 'dzin rim par bkod pa'i le'u ste dang po'o// // de nas rdo rje yid kun tu bzang po rang gi stan las langs te/ bcom ldan 'das gsang ba mchog gi bdag po la phyi nang gi mchod pa'i sprin thams cad kyis mngon par mchod de/ lan brgya phrag stong du brkyang phyag 'tshal nas 'di skad ces gsol ba btab bo// e ma'o bde gshegs bcom ldan 'das// e ma'o gsang mchog dgyes pa che// e ma'o rnam dag dag pa'i lam// ngo mtshar 'byung ba khyod la 'dud// kye ma sangs rgyas bcom ldan 'das// dkyil

  18. 9b

    'khor rnams kyi de nyid don// byang chub sems kyi mtshan nyid de// bdag cag rnams la bshad du gsol// de nas gsang ba mchog gi bdag pos rdo rje yid kun tu bzang po la bka' stsal pa/ sems dpa' chen po khyod nyon cig/ khyod zhu bar spobs pa legs so// legs par zhus so// 'di ni sngon gyi rgyal ba sangs rgyas thams cad dang / da lta dang / phyis 'byung ba'i sangs rgyas rnams kyis kyang ma gsungs pa gsung bar dka' ba yin te/ ci'i phyir zhe na/ de kho na nyid byang chub kyi sems kyi mtshan nyid de ni brjod du yang med la/ snod du gyur pa yang dkon pa'i phyir ro// sems dpa' chen po de bas na khyod kyis dris shig ces bka' stsal te/ cang mi gsung bar bzhugs so// de nas mi bskyod pa la sogs pa'i de bzhin gshegs pa thams cad kyis rdo rje yid kun tu bzang po la bka' stsal pa/ sems dpa' chen po khyod ni de bzhin gshegs pa'i bka' yin pas zhu bar spobs pas na/ bcom ldan 'das gsang ba mchog gi bdag po the tshom thams cad gcod pa la the tshom dang som nyi yang dang yang du zhus shig dang / de bzhin gshegs pa ni snod ji lta ba bzhin du chos ston pas na/ byang chub sems dpa' blo dman pa rnams la yang byin gyis brlab bo// zhes bka' stsal pas/ rdo rje yid kun tu bzang pos rig lnga'i sangs rgyas kyis

  19. 10a

    bskul ba thugs su chud nas/ 'khor mang po rnams snod du rung bar byin gyis brlab par mdzad nas ston pa'i zhal du bltas nas gnas so// de nas bcom ldan 'das gsang ba mchog gi bdag po des/ de kho na nyid kyi ting nge 'dzin la snyoms par zhugs te/ 'di skad ces bka' stsal to// rdo rje yid kun tu bzang po la stsogs pa 'dus pa'i 'khor rnams nyon cig/ byang chub sems zhes bya ba ni// brjod dang sgra bsam yul las 'das// don dam kun rdzob tha mi dad// rang gi lus ngag yid rdo rje// gcig gis gnyis kyi'ang las byed pa// lus dang ngag yid ma grub pa// rig pa'i skyes bu de yis ni// byang chub mchog tu sems bskyed yin// zhes gsungs so// de nas 'khor 'dus pa rnams la rang rang gi lus ngag yid gsum la sems nas 'khod do// de nas rdo rje yid kun tu bzang pos gsol ba btab pa// e ma bde gshegs bcom ldan 'das// sangs rgyas kun gyi byang chub sems// rtogs par dka' ba'i snying po'i don// rab tu mi rtog gnas med pa'o// zhes gsungs so// de nas bcom ldan 'das rdo rje mi bskyod pas byang chub kyi sems 'di gsungs so// e ma'o gzung 'dzin rnam spangs pa// tshig dang yi ge'i spyod yul min// chos bdag med pa'i mnyam pa nyid// rang sems gzod nas ma skyes pa'o// zhes gsungs

  20. 10b

    so// de nas bcom ldan 'das snang mdzad sems dpas kyang / rang gi byang chub kyi sems 'di gsungs so// e ma'o chos kun stong pa'i bdag/ rang gi ngo bo brjod du med// brjod med de nyid sna tshogs pa'i// chos rnams kun la khyab par gnas// zhes gsungs so// de nas bcom ldan 'das rin chen sems dpas yang byang chub kyi sems 'di gsungs so// e ma'o mnyam nyid byang chub sems// ming du btags pa'i chos rnams kun// mnyam pa nyid la gnas bcas phyir// mnyam pa nyid las gzhan med do// zhes gsungs so// de nas bcom ldan 'das chos kyi sems dpas kyang / byang chub kyi sems 'di/ gsungs so// e ma'o chos su snang ba sna tshogs kun// rang gi ngo bo brjod du med// de nyid byang chub sems su ni// mkhas pas bsgoms na rtogs par 'gyur// zhes gsungs so// de nas bcom ldan 'das las kyi sems dpas kyang byang chub kyi sems 'di gsungs so// chos kun byang chub sems nyid de// nges pa med de dngos rtog bral// de nyid dag pa'i rang bzhin pas// mkhas pas ci dgar bsgoms na 'grub// ces gsungs so// rgyud kyi rgyal po dur khrod khu byug rol pa'i mdo las/ byang chub kyi sems de kho na nyid kyi le'u ste gnyis pa'o// // de nas rdo rje yid kun tu bzang pos bcom ldan 'das gsang

  21. 11a

    ba mchog gi bdag po la gsol ba btab pa/ e ma'o bder gshegs rgyal ba'i gtso// sangs rgyas yab gyur dam pa'i bdag/ rdo rje rin chen pad+mo dang // sna tshogs las kyis rnam par mdzad// dngos grub kun gyi 'byung gnas che// ngo mtshar khyed la phyag 'tshal 'dud// 'gro ba kun la phan pa dang // rnal 'byor can la thugs brtse'i phyir// bde gshegs kun gyi dkyil 'khor dang // de bzhin rdo rje 'dzin pa dang // 'khor lo can gyi dkyil 'khor dang // rin chen 'dzin dang pad+mo 'chang // sna tshogs las kyi dkyil 'khor rnams// bde bar gshegs pas bshad du gsol// a la la ho zhes gsol ba btab bo// de nas ston pa rgyal mchog gis// kun bzang gi ni tshig gsan nas// dkyil 'khor rab tu nyams dga' bshad// rnal 'byor can la brtse phyir ro// las dang dngos grub thams cad ni// slob dpon byed dang rjes 'brengs pas// de yi mtshan nyid bshad bya ba// blo yangs rgyud la goms pa dang // ting 'dzin las su rung ba dang // sems kyi rnam rtog choms pa dang // phyi nang sde snod thams cad la// som nyi med cing the tshom chod// bsran thub mi ldog dad pa che// gsang ba sbas pa'i thabs mchog rnams// snod ngan gzhan la mi spel dang // gsang ba'i dbang mchog thob pa ni// rdo rje 'dzin pa'i las

  22. 11b

    kun dang // dkyil 'khor dag la shes pa yi// yan lag rnams ni ma nyams shing // mdog dang gzugs dang stobs dang ldan// 'khor los sgyur ba'i mtshan dang ldan// lus la dri zhim ngad ldang ba// sangs rgyas 'khor lo can gyi ni// dkyil 'khor bya bar rab tu gsungs// shes pa che zhing yon tan ldan// bzo dang rig pa'i gnas la mkhas// yon tan sgo yangs spyod lam dag/ rdo rje slob dpon spun la gdung // rin chen 'dzin gyi bla mar gzung // rtag tu zlos la brtson pa dang // ngag 'jam mgrin pa bde ba dang // glu dbyangs mkhas shing bde bar smra// chos 'chad pa la rtag tu dga'// tshig 'bru gsal zhing kha dog dmar// pad+ma can gyi bla mar gzung // bya ba las la ma rmongs shing // las dang bya ba'i dbang yang thob// brtson 'grus che zhing dbang po gsal// las kyi lhag chad skong ba ni// sna tshogs rdo rje'i bla ma yin// de dag yon tan ma lus ldan// theg pa kun la 'byams pa ni// spyi yi dkyil 'khor dag la'o// bla ma lung ldan des kyang ni// bu yis mtshan nyid brtags par gces// rkyen thub mi ldog dam tshig gnas// yid kyi sgo nas shin tu sbyang // man ngag lung la rtag dga' zhing // bla ma'i thugs kyang nges par 'dzin// rdo rje can gyi slob mar rung // lus dang yan lag mdzes dang ldan// slob dpon dag la rim gro che// rdo rje spun

  23. 12a

    yang 'khur byed cing // lus la mtshan dang dpe byad ldan// sangs rgyas 'khor lo can gyis bshad// spyod lam rnam bzhir lhun 'thug cing // rin chen nor la rtag dga' ba// gser la stsogs pa'i rin chen gyis// bla ma mnyes par byed pa ni// rin chen dkyil 'khor dag la'o// ngag gi sgo ni shin tu sbyangs// rdzun dang phra ma tshig rtsub med// glu dbyangs dag la dga' ba ni// pad+ma 'dzin pa'i snod du bshad// las la gus shing chos la dga'// dpa' la rtsal che mkhas shing gsal// bla ma'i dgos pa kun byed pa// sna tshogs rdo rje'i bu yin no// yon tan de dag kun ldan pa'am// kun gyi bkur zhing kun la mdzes// spyi yi dkyil 'khor dag la shis// gnas su bya ba'i rnam pa yang // spang blang gnyis su shes par bya// gnod sbyin mo yi sbar rjes sam// gnod sbyin mtshon chas bshal rjes dang // 'byung po dag gi rkun sa dang // klu gdug dag gi rgyu srang dang // nyen dang 'brel sa'i gnas dag dang // kha na ma thor bcas pa'i gnas// spangs na dngos grub myur bar bshad// gnas su rung ba'i mtshan nyid ni// rdo rje'i brag chen gtams pa'am// ri bo 'dus pa'i rtse rnams sam// mdangs bzang gangs ri brag dkar du// rdo rje can gyis bsgrub tu rung // phug dang dgon pa'i ri dwags dang // nags tshal drA ba thibs

  24. 12b

    pa'am// mdangs dkar shar du gzhol ba ni// sangs rgyas 'khor lo can gyi'o// rin chen sna lnga'i kha dog gam// rin chen zur brgyad dbyibs 'dra ba// rin chen dag la rung bar bshad// tsan+dan nags tshal me tog can// chu gling nyams dga' yid 'ong bar// pad+ma sgrub par de shis so// dur khrod ngam grog bshul ba'i gnas// sum mdo grog gle rtsub pa'i ri// sna tshogs rdo rje can gyi'o// ri bran mang po 'dus pa'i spyi// ri bos bskor ba'i lcug phran tshal// de ni las kyi spyi ru bshad// yang na rigs lnga kun gyi ni// yon tan cha dang ldan par bshad// bla ma slob ma gnas rnams kyang // ma brtags nyen dang ya gar bcas// dngos grub ring bas blo can gyis// shes nas spang bar bya ba yin// rnal 'byor blo mchog mi ldan na// gnas dang slob ma la sogs pa// ldan yang 'grub par mi 'gyur zhes// bder gshegs rgyal ba kun gyis gsungs// blo dang ldan pa'i mi rnams kyis// gnas dang slob ma yo byad dang // cho ga la sogs ma ldan yang // 'grub 'gyur 'di la the tshom med// 'on kyang gnas dang slob ma dang // yo byad ldan na myur 'grub ces// bder gshegs kun gyis gsungs pas na// mtshan nyid rnams ni bshad pa yin// mtshan ma'i dngos po gzhom pa'i phyir// gnam dang sa dang bar snang dag/ rigs rnams so so'i mtshan ma

  25. 13a

    ltar// brtags te nges par gzung bar bya// ting 'dzin rtse gcig brtan pa dang // sngags dang phyag rgya bya ba yis// sbyang bar bya ste dngos med bya// des kyang sbyong ba'i las su gyur// de tshe dbang bskur lha mo de// mchod de sbran par bya ba na// ru dra'i rgol bas mi tshugs shing // tshogs bsags dbang du de 'gyur ro// byin dang ldan pa'i sa gzhi de// snang dang mi snang bdag po la// thugs thub ras tshod ma yin par// rin dang bden pas bsgo la bslang // de nas sa stegs gru bzhi las// bdud rtsi rnam lngas bskyang nul bya// gos rgyan mdzes pa'i grogs mchog ma// gsal bar ldan ni byin rlabs las// tshad ldan rdo rje'i srad bu yis// thig gdab pa yi sbyor ba bya// 'gro ba blo rmongs mi shes pa'am// dang po las kyi sgor zhugs la// thugs kyi dkyil 'khor mtshon pa'i phyir// kha dog nyi shu rtsa lnga'am// rnam lnga'i tshon gyis bri bar bshad// rab tu zlum pa'i dkyil 'khor la// thig bzhi gdab pas dkyil 'khor dgu// gru chad par khyams sgo khyud bcas// dbus su sangs rgyas rdo rje 'dzin// nam mkha'i dbyings dang 'khril ba'i tshul// seng+ge'i gdan la yang dag gnas// rnam pa'i mchog rnams rdzogs par gsal// kha dog mthing ga 'od dang bcas// de yi spyan sngar snang mdzad sems// rdo rje dbyings dang thabs gcig tu// glang po'i

  26. 13b

    gdan la yang dag gnas// kha dog dkar po 'od 'bar ba'o// rin chen sems dpa' g.yas su te// rin chen dbyings phyug ma dang bcas// rdzu 'phrul rta yi khri la bzhugs// dzam+bu nA da'i gser 'od 'dra// rgyab tu chos kyi sems dpa' ste// chos kyi sems mar bcas pa yang // khyud chen dag la rnam par bzhugs// dmar po pad+ma rA ga'i mdog/ las kyi sems dpa' g.yon du ste// las kyi dbyings phyug ma dang 'khril// nam mkha' lding gi khri chen la// in+d+ra nI la'i kha dog 'dra'o// phyi nang sems dpa' sems ma rnams// phyi nang gra la de bzhin bri// sgor ni sgo ba ma dang bcas// bar khyams dag la sbrul sku dang // kun bzang yab yum de bzhin te// sangs rgyas rdo rje 'dzin pa yi// dkyil 'khor nyams dga' dam pa'o// sangs rgyas 'khor lo can gyi gnas// 'khor lo rtsibs bzhi mu khyud bcas// gru chad par khyams de bzhin te// dbus su sangs rgyas rnam snang mdzad// nam mkha'i dbyings dang thabs gcig tu// cha lugs 'dzin par de bzhin bri// spyan sngar mi bskyod yum dang bcas// gzhan rnams kyang ni de bzhin du// rdo rje 'dzin pa 'dra bar ni// rin chen dkyil 'khor dam pa yin// rin chen zur brgyad ldan pa la// bar khyams sgo khyud de bzhin no// dbus su rin chen yab yum ste// rdo rje 'dzin pa lho phyogs su// pad+ma 'dab ma brgyad pa

  27. 14a

    la// dbus su chos kyi sems dpa' ste// rdo rje 'dzin pa nub phyogs su'o// gzhan rnams kyang ni de bzhin no// sna tshogs las kyi dkyil 'khor ni// las bzhi'i dbyibs dang ldan pa las// dbus su las kyi sems dpa' ste// rdo rje 'dzin pa byang phyogs su'o// btsun mo dag dang ldan pa bri// gzhan rnams kyang ni de bzhin no// sangs rgyas kun gyi dkyil 'khor ni// rdo rje can dang 'dra ba ste// dbus su sngags kyi bdag po ni// gtso gzungs zung du 'brel bar bri// mi bskyod yab yum thugs la gnas// gzhan yang de bzhin rgyas par bri// dkyil 'khor nyams dga' de dag la// bum pa brgyad dam brgyad gnyis sam// ci 'byor btung ba snum po'am// bdud rtsi lnga'am rin chen bcas// zla ba nyi ma'i dri chu yis// gang ba'i rin chen bum pa ni// dang po gser gyi bum par bshad// gnyis pa shel dang dngul gyi ste// gsum pa bai DUR+Ya yi'o// bzhi pa zangs kyi bum par bshad// lnga pa lcags kyi bum par bshad// drug pa la ni sna tshogs pa'i// bum pa gang ba gzhag par bya// gzhan yang rgyan gyi khyad par dang // rol mo yid 'ong ci 'byor dang // mchod pa'i yo byad thams cad dang // gtor ma la sogs mdzes par bkram// de nas rnal 'byor can gyis ni// dbyings nas dkyil 'khor spyan drang mchod// mnyes

  28. 14b

    nas nye bar bsgrub pa dang // las bzhi'i mchod pa brtsam bya ste// dbyibs dang kha dog mtshan mar bcas// gzugs sgra dri ro btung ba yis// mchod sbyin stob pa'i las rnams bya// de nas rigs kyi bu mchog der// gsang ba'i dkyil 'khor bstan par bya// ci la dga' zhes dris nas su// bdag ni 'di la dga'o zhes// 'jug pa pos kyang len du sbyin// bla ma lung ldan des kyang ni// mna' yi rdo rje sbyin pa'i phyir// bzlas pa'i chu ni blud par bya// gsang ba'i dam tshig 'di dag bsgrag/ skal dang ldan pa rigs kyi bu// khyod kyi bsrung bar bya ba ni// lha dang bla ma spun mi spang // sngags dang phyag rgya de bzhin te// gsang ba gzhan la spel bya min// bsgrub pa'i dam rdzas rnam pa lnga// rtag tu bcang zhing bza' bar bya// sha lnga dag dang chang lnga dang // 'dod pa lnga rnams rtag tu bsten// sbyor dang sgrol dang phra ma dang // mi snyan rku ba spyad par bya// dka' thub dka' ba spyad mi bya// khrims dang sdom pas bcing ba min// snying nas slob dpon smod pas ni// dngos grub bsgrubs kyang don med 'gyur// de nas bla ma lung ldan des// rdo rje'i tshul du dbang dag sbyin// de yang snod kyi khyad par las// ci dang ci 'os de bzhin sbyin// dkyil 'khor dang por bsgrub pa'i dbang // gnyis par rdo rje rgyal po'i dbang // gsum par gsang ba nyan pa'i

  29. 15a

    dbang // bzhi par 'chad pa'i dbang dag sbyin// las kyi dbang ni lnga par sbyin// drug par rab 'byams rgyal po la// stsogs pa'i dbang rnams ji snyed pa// tshang bar bskur du rung bar bshad// de nas dbang mchog thob bya'i phyir// rigs kyi bu mchog de dag gis// yon mchog dag ni dbul bar bya// srog lus man chad sras kyi rnams// ma 'jungs pa yi sems kyis dbul// rang gi lus dang sems dag dang // snying yang yon gyi mchog yin te// sems kyi dgos pa gang dang gang // rdo rje 'dzin gyi yon du bshad// rin chen dang ni 'dod pa yi// yon tan sna tshogs dbul ba ni// sangs rgyas 'khor lo can gyi yin// rin po che dang nor gyi dbyig/ ji snyed yod pa thams cad ni// rin chen 'dzin gyi yon yin no// ma dang bu mo chung ma dang // sring mo shin tu brgyan pa dang // mo yi ming dang mtshan ma can// pad+ma can gyi yon yin no// glang po rta dang shing rta dang // khyogs kyi rnam par sna tshogs dang // theg pa'i bye brag thams cad kun// sna tshogs rdo rje'i yon yin no// sangs rgyas kun la dbul ba ni// sna tshogs sna tshogs ci yod dang // sna tshogs sna tshogs tshang ba dang // sna tshogs sna tshogs ma lus pa// spyi yi dkyil 'khor dag tu dbul// dkyil 'khor dag ni de dag tu// sbas pa gsang ba'i dbang bskur nas// gzungs ma de dang

  30. 15b

    de dag las// yon yang de lta de ltar dbul// dbang mchog thob pa'i bu mchog la// dbang thob rtags dag nges par sbyin// dang por sems kyi gtan tshigs sbyin// gnyis par phyag rgya sgom pa gtad// gsum par gsang ba'i nges don bshad// bzhi par chos kyi glegs bam gtad// lnga par las bzhi'i rgya rtags sbyin// drug par rin chen sna bdun nam// rdzas kyi khyad par can dag gam// yang na sna tshogs tshang bar sbyin// dbang mchog thob pa'i snga ltas kyi// rmi lam dag kyang 'byung bar nges// rang gi sems la dbang thob dang // sna tshogs 'phrul pa lta bu dang // 'gro gang dbang du 'dus pa dang // rdzu 'phrul dag gis 'gro ba dang // sa la mi thogs chur mi bying // nam mkha' dag la bya bzhin 'phur// sems can mang po bsgral ba dang // g.yul ngo dag las rgyal ba dag/ mthong na rdo rje 'dzin pa yi// dbang thob snga ltas yin par nges// lus kyi rdzu 'phrul thob pa dang // 'khor lo lag tu babs pa dang // sa bdag rgyal por gyur pa dang // rdo rje bla mar byed pa dang // 'gro ba gzhan la chos ston dang // rnal 'byor tshogs kyi bla ma dang // kun gyi kha dpon byed pa la// stsogs pa'i rmi lam mthong ba ni// 'khor lo can gyi dbang thob ltas// rin chen sna tshogs spyod pa dang // kha zas sna tshogs za ba dang // rgyan dang bgo ba khyad par dang // de

  31. 16a

    dag gzhan la'ang gtang ba dang // dam pa'i chos ni nyan sems dang // sna tshogs sgra rnam zos pa dang // sngon ma thos pa'i tshig zos dang // de la stsogs pa'i rnam pa ni// rin chen 'dzin gyi dbang thob ltas// pad+ma'i rdzing na rtse ba dang // de la rtse zhing za ba dang // glegs bam zab mo rnyed pa dang // de la 'chad cing klog pa dang // 'gro ba dag la chos ston dang // dge slong dge 'dun rnams kyis bskor// de la stsogs pa'i ltas rnams ni// rdo rje chos kyi dbang thob yin// las rnams kun la 'jug pa dang // ral gri lag tu thogs pa dang // ri rab glad la bskor ba dang // nyi zla lag pas bzung ba dang // gsod dang gsad dang rgyal ba dang // theg pa rnams la zhon pa dang // de la stsogs pa'i ltas rnams ni// sna tshogs rdo rje'i dbang thob ltas// rmi ltas mtshan ma ji snyed pa// ji ltar rmi zhing mthong ba'am// yang na ci yang ma mthong ba'am// mngon sum gsal ba thams cad kun// spyi yi dbang thob ltas su rung // gang zhig dkyil 'khor 'di dag tu// zhugs nas dbang thob gang zag de// 'jig rten gtso dang 'khor gyis bkur// tshe ring bde ba phun sum tshogs// kun gyis bstod cing bkur ba dang // sdug cing bsngags pa brjod pa dang // nad med lang tsho bde ba dang // 'jig rten mthu chen 'dul ba

  32. 16b

    dang // sangs rgyas kun gyis sras su dgongs// rgyal sras rnams kyis grogs su mthong // de la stsogs te bsam mi khyab// sangs rgyas dag ni thams cad kyi// sku yi dkyil 'khor bkod pa las// rnam pa mtha' yas grub par 'gyur// gzhan yang sangs rgyas thams cad kyi// yi ge gsung gi dkyil 'khor ni// ji bzhin dkyil 'khor bris pa las// yi ge gsung gi phyag rgya'i tshogs// ji bzhin gsal bar bkod pa yi// dkyil 'khor dag tu slob ma rnams// zhugs pa yang ni de bzhin no// gzhan yang sangs rgyas thams cad kyi// thugs kyi dkyil 'khor dam pa ni// ji bzhin dkyil 'khor bris nas kyang // so so'i rang rtags phyag mtshan rnams// ji bzhin gnas su bkod pa ru// gzhug pa la stsogs byas na yang // yon tan de dang 'dra bar 'gyur// sku dang gsung dang thugs kyi rnams// gcig la'ang gsum gsum yod pa yin// de bas rnal 'byor blo ldan pas// nges pa med par shes par bya'o// zhes gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ sku gsung thugs kyi gzugs brnyan gyi dkyil 'khor rim par bkod pa'i le'u ste gsum pa'o// // de nas rgyal po rdo rje 'dzin// thams cad mi 'gyur nam mkha' che// rnam dag gsung mchog rgyal po

  33. 17a

    des// gsung ni 'di skad bka' stsal to// rdo rje'i thig ni gdab pa dang // tshon rtsi dag ni bkye ba yi// brnyan ma yi ni dkyil 'khor de// rnal 'byor sems dpas mi bya'o// byas na dngos grub rnyed par dka'// de bas ting 'dzin nan tan bsgom// nam mkha'i rdo rje dbus gnas par// dbang chen dkyil 'khor bsgom par bya// gzhal yas me 'od 'bar bar bsgom// 'khor lo rgyan dang rol mo'i tshogs// der ni rang sngags bdag po bsgom// nam mkha'i dbyings kyi dbus su ni// rdo rje'i dkyil 'khor bsgom par bya// rab sngags rdo rje can gyi gzugs// bsgoms na rdo rje can du 'gyur// nam mkha'i dbyings kyi dbus gnas par// sangs rgyas dkyil 'khor bsgom par bya// rang sngags 'khor lo can gyi gzugs// bsgoms na 'khor lo can du 'gyur// nam mkha'i dbyings kyi dbus su ni// rin chen dkyil 'khor bsgom par bya// rang sngags rin chen can gyi gzugs// bsgoms na rin chen 'dzin par 'gyur// nam mkha'i dbyings kyi dbus su ni// pad+ma'i dkyil 'khor bsgom par bya// rang sngags pad+mo can gyi gzugs// bsgoms na pad+ma 'dzin par 'gyur// nam mkha'i dbyings kyi dbus gnas par// las kyi dkyil 'khor bsgom par bya// rang sngags ral gri can gyi gzugs// bsgoms na las kyi sems dpar

  34. 17b

    'gyur// nam mkha'i dbyings kyi dbus gnas par// sangs rgyas kun gyi dkyil 'khor bsgom// sngags kyi bdag por rab bsgoms na// sangs rgyas kun dang mnyam par 'gyur// rab tu dben pa'i gnas dag gam// ri bor chu gling nags 'dabs su// ting 'dzin 'di dag bsgoms na ni// ji ltar 'dod pa'i dngos grub thob// rnal 'byor can gyis zla drug tu// bsgoms na de ni 'grub par 'gyur// glang po'i sha la stsogs pa yi// sha lnga dag la byin gyis brlabs// zas phyir 'di dag bza' bya ste// kha zas gzhan la chags mi bya// nam mkha'i dbyings kyi dbus gnas par// rang sngags yi ge'i rnam pa kun// ji bzhin bsgoms na'ang 'grub par 'gyur// nam mkha'i dbyings kyi dbus gnas par// rang gi thugs kyi mtshan ma rnams// ji bzhin rnam par bsgoms na yang // 'grub 'gyur 'di la the tshom med// rtse gcig pa yi ting 'dzin 'dis// gang 'dod las de byed pas na// cho ga rdzas dang yo byad rnams// tshogs pa yang ni gtsor ma bshad// ma tshogs na yang nges par 'grub// de bas nan tan cher bskyed de// ting 'dzin dkyil 'khor bsgoms par bya// dper na glang chen smyon pa dag/ gdul thabs lcags kyus 'dul ba ltar// rang sems dmu rgod gdul dka' yang // mnyam gzhag ting 'dzin rtse gcig gis// btul na dngos grub

  35. 18a

    ya mtshan 'grub// mtshan ma dag gi gzugs brnyan dang // lugs ma la stsogs phyag rgya las// mtshan ma'i ting 'dzin bsgoms byas kyang // rang gi rnal 'byor mi 'byung ste// byang chub sems la gzhol ba'i mis// rang gi rnal 'byor lhar 'gyur ro// de bas nan tan rtse gcig gis// mtshan ma med la brtson par 'bad// ces gsungs so// rgyud kyi rgyal po de bzhin gshegs pa thams cad kyi/ gsang ba dur khrod khu byug rol pa'i mdo las/ ting nge 'dzin gyi dkyil 'khor gyi le'u ste bzhi pa'o// // de nas bcom ldan 'das gsang ba mchog gi bdag po la/ rdo rje yid kun tu bzang pos gsol pa/ bcom ldan 'das sangs rgyas thams cad kyi sngags dang phyag rgya rnams kyi mtshan nyid/ sems can thams cad la sman pa'i slad du bshad du gsol// bde bar gshegs pas bshad du gsol// de nas bcom ldan 'das gsang ba mchog gi bdag pos sngags dang phyag rgya 'di dag bshad do// sems dpa' chen po nyon cig/ 'di ni sangs rgyas thams cad kyi// las gang bsgrub pa'i snying po yin// 'di la gang zhig dad mos pa// snang mdzad sems dpa' nyid 'drar 'gyur// oM bud+d+ha bai ro tsa na A~M// lag gnyis khu tshur bcangs pa las// g.yon pa'i mdzub mo bsgreng ba yi// rtse mo g.yas pa'i khu tshur gyis// bzung ba snang mdzad sems

  36. 18b

    dpa'i rgya// rgya 'di bcings pa tsam gyis su// sangs rgyas sras dang bcas pa kun// rab tu dgyes shing mnyes par 'gyur// byang chub mchog tu gdon mi za// gzhan yang rdo rje 'dzin nyid kyi// gsang ba'i sngags ni 'di yin te// badz+ra ak+Sho b+hu hUM/ sems dpa'i skyil mo krung 'dug nas// lag g.yon pad par mnyam gzhag ste// g.yas pa sa gzhi gnon pa'i tshul// rdo rje mi 'khrugs phyag rgyar bshad// sngags dang phyag rgya 'di yis ni// sangs rgyas grags pa chen po yang // rab tu 'dar zhing skrag par 'gyur// bdud rnams tshar gcod smos ci dgos// gzhan yang rin chen 'dzin pa yi// gsang ba'i snying po 'di yin no// rat+na saM b+ha ba traM// mi 'khrugs phyag rgya de nyid las// g.yas pas mchog sbyin byed pa ni// rin chen 'dzin gyi phyag rgya yin// sngags dang phyag rgya 'di yis ni// bde ba'i mchog rnams sbyin par byed// dgang dka' ba yang rab 'gengs nas// bkren pa phyug par ci zhig smos// gzhan yang chos kyi sems dpa' yi// gsang ba'i sngags ni 'di yin no// pad+ma a mi ta b+ha hrIH/ phyag rgya gong ma de nyid las// lag gnyis bsam gtan tshul du byas// pad+ma sems dpa'i phyag rgya yin// sngags dang phyag rgya 'di yis ni// sangs rgyas grags pa chen po kun// dbang du 'gyur bar gdon mi za// khams gsum skye bo smos ci dgos// gzhan yang las

  37. 19a

    kyi sems dpa' yi// gsang ba'i sngags ni 'di yin no// badz+ra a mo g+ha sid+d+hi a// phyag rgya gong ma de nyid las// mi 'jigs sbyin par bya ba ni// las kyi sems dpa'i phyag rgya yin// sngags dang phyag rgya 'di yis ni// las rnams thams cad byed par 'gyur// de nas gzhan yang bshad bya ba// dbyings phyug ma yi sngags 'di yin// oM bud+d+ha lo tsA na oM/ lag gnyis thal mo mnyam sbyar te// spyi bo'i gtsug tu bzhag pa ni// dbyings phyug ma yi phyag rgya yin// sngags dang phyag rgya 'di yis ni// dregs pa gtum po'ang lhan ner gyur// oM ga ga na lo tsa na hUM/ thal mo khong stong sbyar ba las// mdzub gnyis gdu bu ltar byas te// mthe bo'i rtse mo mig gi tshul// rdo rje dbyings phyug ma yi rgya// sngags dang phyag rgya 'di yis ni// sangs rgyas thams cad dgyes 'gyur zhing // las rnams 'grub par byed pa dang // shi ba'ang sos par gdon mi za/ oM ki ri ki ri ma ma ka ri hUM// lag gnyis rdo rje bcings pa las// gung gnyis bsgreng ba'i tshigs gsum par// mdzub gnyis btsug pa rdo rje'i tshul// mA ma kI yi phyag rgya yin// sngags dang phyag rgya 'di yis ni// bsrung ba'i las kun byed pa ste// 'di yis bsrung bar byas pa ni// sangs rgyas kun gyi mi tshugs so// oM ka ta bi ka te ka tang ka te swA hA// lag gnyis thal mo khong stong du// pad+ma kha phye'i tshul

  38. 19b

    byas pa// pad+ma dbyings phyug phyag rgya yin// sngags dang phyag rgya 'di yis ni// chos mdzod chen po 'thob par 'gyur// oM tA re tud tA re tu re swA hA// thal mo khong stong sbyar ba las// mdzub gnyis bkug pa'i rtse mo yis// so so'i gung mo'i rtse mo mnan// mtheb gnyis dbus su bzhag pa ni// las kyi dbyings phyug phyag rgyar bshad// sngags dang phyag rgya 'di yis ni// sangs rgyas sems can thams cad kyang // dbang du 'gyur bar gdon mi za// de nas gzhan yang bshad bya ba// oM sarba ta thA ga ta kA ya badz+ra swa b+hA wa At+ma ko&haM// lag gnyis khu tshur bcangs pa las// mtheb gnyis gyen du bteg pa ni// bder gshegs kun gyi sku yi rgya// sngags dang phyag rgya 'di yis ni// gang la byin gyis brlabs pa de// rdo rje lta bu'i skur gyur ro// oM sarba ta thA ga ta wAka badz+ra swa b+ha wa At+ma ko&haM// phyag rgya gong ma de nyid las// g.yon gyi mthe bo nang bcug ste// g.yas kyi mthe bo de bzhin bteg/ bder gshegs kun gyi gsung gi rgya// sngags dang phyag rgya 'di yis ni// gang la byin gyis brlabs pa de// sangs rgyas kun gyi gsung du 'gyur// oM sarba ta thA ga ta tsit+ta badz+ra swa b+ha wa at+ma ko&haM// phyag rgya gong ma de nyid las// g.yas pa'i mthe bong nang bcug ste// g.yon pa mthe bong bteg pa ni// bder gshegs kun gyi thugs kyi rgya'o// sngags dang phyag rgya 'di

  39. 20a

    yis ni// gang la byin gyis brlabs pa des// sangs rgyas kun gyi thugs su 'gyur// de la stsogs te bsam yas mchog/ chos dbyings mnyam dang mi mnyam pa// nam mkha' dbyings kyi mtha' klas pa// brjod med brjod du med pa yi// yon tan mtha' klas bsam mi khyab// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las// sngags dang phyag rgya rnam par spros pa'i le'u ste lnga pa'o// // de nas rdo rje yid kun tu bzang pos bcom ldan 'das gsang ba mchog gi bdag po la 'di skad ces bstod do// e ma'o rnam dag stong pa'i lam// sangs rgyas kun gyi sku yi mchog/ sna tshogs las byung khyod la 'dud// sangs rgyas kun gyi gsung gi mchog/ rnam dag sgra chen khyod la 'dud// sangs rgyas kun gyi thugs chen po// ye shes gtso la phyag 'tshal 'dud// sangs rgyas ye shes rdo rje can// rdo rje 'dzin la phyag 'tshal 'dud// chos kyi 'khor los rab sbyar ba// sangs rgyas 'khor lo khyod la 'dud// nor bu 'dzin pa khyod la 'dud// pad+ma pad+ma 'chang la 'dud// sna tshogs las la phyag 'tshal lo// zhes gsol ba btab bo// de nas bcom ldan 'das gsang ba mchog gi bdag po ni/ de bzhin nyid la dmigs nas cang mi gsung bar bzhugs so// de tshe rigs

  40. 20b

    lnga'i bde bar gshegs// 'khor rnams rgya mtshor bcas rnams kyis// 'dul ba'i thabs ni sna tshogs kyis// 'gro rnams sna tshogs 'dul bar gyur// la lar sku yi don mdzad pa// 'gro rnams kun la sdig song gzugs// sprul pas so sor 'dul ba ni// dmyal ba rnams la gshed pos 'dul// pre ta rnams la kha 'bar gzugs// dud 'gro rnams la seng+ge'i gzugs// mi rnams kun gyi 'jig rten du// 'khor los sgyur rgyal lta bu'i tshul// lha min rnams la thags bzang gzugs// lha rnams la ni brgya byin gzugs// tshangs ris rnams la tshangs chen gzugs// chags bral rnams la dgra bcom gzugs// rang rgyal rnams la bse ru'i tshul// sa bcu'i byang chub sems dpa' la// sku ni rnam par snang mdzad tshul// 'gro rnams ji ltar 'dul ba la// mthun byas gzugs ni sna tshogs 'dul// 'gro rnams ji ltar 'dul ba bzhin// chos kyi 'khor lo sna tshogs ni// la lar sde snod gsum dag tu// bsdus nas chos kyi 'khor lo bskor// la lar gsung rab bcu gnyis so// la lar stong phrag brgya bcu bzhi// gti mug rmongs pa'i 'gro rnams la// sangs rgyas 'khor los 'khor lo bskor// zhe sdang che la rdo rje 'dzin// rdo rje'i 'khor lo rab tu bskor// nga rgyal can la rin po che'i// 'khor lo bla na med pa bskor// 'dod pas 'chel pa'i 'gro gang

  41. 21a

    la// pad+ma'i 'khor lo rab tu bskor// phrag dog spyod pa'i las gang la// sna tshogs rdo rje'i 'khor lo bskor// 'gro ba'i skad rnams ji tsam par// de snyed sgra skad tha dad ston// la lar lhums su gshegs pa'i tshul// la lar lhums nas bltams pa'i tshul// la lar gzhon nu'i rol rtsed ston// la lar khyim pa lta bu'i tshul// la lar khab nas rab tu byung // la lar dka' thub dka' ba spyad// la lar byang chub mchog sems bskyed// la lar bdud bzhi 'dul bar ston// la lar rdo rje'i sa la gshegs// la lar byang chub shing dbang drung // la lar bskul ba'i sa la gshegs// la lar rnam pa bcu gnyis su// lan gsum dag tu 'khor lo bskor// la lar cho 'phrul chen po ston// la lar mya ngan 'da' tshul ston// la lar sku gdung ring bsrel ston// la lar chos kyi glegs bam ston// la lar phyi rol 'byung ba sa// chos dang mthun pa'i sgra skad 'byung // la lar mu stegs lta bu'i tshul// la lar 'jig rten bsam gtan tshul// la lar sa bcur rim gyis 'byung // la lar spyan lnga rnam par dag/ la lar mngon shes pha rol phyin// la lar khyab 'jug dbang phyug che// la lar 'jig rten skyong ba'i tshul// 'gro rnams ji ltar 'dul ba bzhin// byin rlabs cho 'phrul de ltar bstan// de tshe 'gro rnams thams cad kun// las kyi

  42. 21b

    stobs kyi dbang gyur pa// log pa can gyi rA tra rnams// log lha'i mthus bsnyems ma gtogs pa// sangs rgyas bstan la dad par 'gyur// byang chub spyod sgo ji snyed pa// de snyed 'bras bus bde la bkod// de nas 'khor der 'dus pa'i byang chub sems dpa' rnams ngo mtshar du gyur te/ rdo rje yid kun tu bzang po la 'di skad ces gsol to// e ma'o rdo rje kun tu bzang // ngo mtshar khyod la bdag cag 'dud// e ma'o/ gsang sngags ya mtshan che// e ma'o ston pa cho 'phrul che// e ma'o ngo mtshar rdzu 'phrul che// e ma'o sngags kyis mi 'dul med// 'di ni ngo mtshar ya mtshan no zhes gsol pas/ rdo rje yid kun tu bzang pos bka' stsal pa// rigs kyi bu khyod tshur nyon cig/ gsang ba'i theg pa 'di la ni// su zhig mos pa'i skyes bu des// mi bya ba ni gang yang med// mi 'grub pa ni gang yang med// rtag tu gsod la brtson pa dang // ma byin len dang mi tshangs spyod// rdzun dang ngag rtsub smra ba dang // zas su bshang gci rnag khrag dron mo 'thung ba dang // ngan zos ngan spyod thams cad kyis// gsang ba 'di nyid 'grub par 'gyur// pha dang khu bo myes po dang // bu dang spun dang mdza' bo rnams// zhe sdang sems kyis bsad byas na// rdo rje'i rigs kyi zhing du 'gyur// ma dang sring mo bu mo dang // gdol pa mo dang phyal pa la'ang // 'dod pa'i sems

  43. 22a

    kyis sbyar bas nas// pad+ma'i rigs su nges par skye// zhes gsungs pas/ byang chub sems dpa' de dag skrag ste rab tu brgyal bar gyur to// de nas yang rdo rje yid kun tu bzang pos bcom ldan 'das gsang ba mchog gi bdag po la bltas te/ bcom ldan 'das byang chub sems dpa' de dag slar gso bar gsol zhus pa dang / bcom ldan 'das kyis byang chub sems kyi 'od zer zhi zhing 'khyil pas// de dag la bstims te byin gyis brlabs par mdzad do// de nas byang chub sems dpa' de dag slar dran pa rnyed de bcom ldan 'das gsang ba mchog gi bdag po'i zhal du mig mi 'dzum par bltas te 'khod do// de nas bcom ldan 'das gsang ba mchog gi bdag pos 'di skad ces bka' stsal to// rigs kyi bu rnams rang rang gi 'du shes ngan pa de dag thong zhig/ byang chub spyod pa'i gnas 'di yi// thams cad nam mkha'i mtshan nyid de// nam mkha' la yang mtshan nyid med// de nyid 'jig rten sna tshogs te// phyag rgya'i tshogs chen de nyid do// chos sku sgyu mas dbang bsgyur bas// de la dngos po ga la yod// ci spyod ci bsgoms ci bsgrubs kyang // byang chub nyid de ltung gnas med// dmyal ba'i gnas nyid bla med gnas// sdug bsngal nyid kyang byang chub la// 'khor ba nyid kyang mya ngan 'das// sgrib pa nyid ni mngon sangs

  44. 22b

    rgyas// nges don de la 'dus par sbyor// zhes gsungs pas/ byang chub sems dpa' de dag som nyi dang bral nas rang rang gi de bzhin nyid la dmigs te cang mi smra bar 'khod do// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ thugs rjes 'dul bar bstan pa'i le'u ste drug pa'o// // de nas bcom ldan 'das rigs lnga bde bar gshegs pa la stsogs pa thams cad dgongs pa gcig tu gyur te/ log pa'i lam dngos po la mngon par 'chol ba/ mngon pa'i nga rgyal gyi mthu brnyes nas/ sangs rgyas kyi bstan pa la mngon par ma dad pas/ 'jig rten phung bar byed pa rnams/ zhi bas phan pa'i skabs la ma bab ste/ rol pa'i mdzad spyod kyis 'dul bar gzigs nas/ bcom ldan 'das gsang ba mchog gi bdag po la 'di skad ces gsol ba btab bo// // e ma'o/ log pa'i lam gyis mnar ba la// zhi bas phan par mi 'gyur te// 'o dod 'bod par ltung bar 'gyur// shin tu khro gtum gdug pa la// ye shes khros pas 'dul bar 'gyur// de bas mngon pa'i 'dul mdzad rigs// zhes gsol pas/ bcom ldan 'das gsang ba mchog gi bdag pos gsol ba btab pa de thugs su chud nas/ hUM hUM hUM/ zhes pas rigs lnga'i bde bar gshegs pa la stsogs pa'i 'khor ba thams cad

  45. 23a

    rang gi thugs kar bsdus te/ gnyis su med pa'i dbyings su mi snang bar mdzad do// gnas kyi dkyil 'khor la stsogs pa thams cad kyang nyid kyi sku la bsdus te mi snang bar mdzad do// de nas hUM badz+ra kro d+ha ma hA rA dza phaT/ ces pa'i sgra brjod cing rdo rje khro bo chen po'i ting nge 'dzin la snyoms par zhugs te/ khros pa'i sku mngon par 'du mdzad de/ dbu dang phyag dang zhabs stong khams kyi rdul snyed mtha' yas par snang ba'i thugs ka nas rig pa'i b+h+rUM smug nag las/ rlung nag rdo rje'i dkyil 'khor la brten pa'i khrag gi rgya mtsho 'khrugs pa'i dkyil na/ keng rus chen po'i ri rab 'bar ba'i steng na/ drag po e'i gzhal yas khang nam mkha'i rgya dang mnyam pa/ 'bar ba'i 'phro ba 'khrugs pa'i klong du 'khyil bar 'gyur ro// de nas badz+ra ma hA kro d+hi zhes brjod pas de bzhin nyid kyi dbyings las khro mo dbang phyug mngon par phyung ste/ gnyis su med pa'i byang chub sems las/ hUM hUM hUM bi shwa badz+ra kro d+ha dza la maN+Dal phaT phaT phaT/ ha la ha la zhes brjod pas phyogs bcu'i sangs rgyas thams cad zhe sdang rdo rje'i sku rjes su dran nas/ 'jig rten drug gi phyogs bcu thams cad khro bo 'chol pa'i dkyil 'khor gyis gang bar gyur to// de'i tshe 'jig rten drug gi phyogs mtshams thams cad g.yos rab tu g.yos// kun tu rab tu g.yos// 'khrugs rab tu 'khrugs//

  46. 23b

    kun tu rab tu 'khrugs/ tshig rab tu tshig/ kun tu tshig go/ 'thor rab tu 'thor kun tu rab tu 'thor ro// de'i tshe 'jig rten 'di phung bar byed pa'i dregs pa chen po dang / brgya byin dang / tshangs pa dang / ma hA de ba dang / khyab 'jug rnams rang rang gi che ba ston cing shin tu khros gtum mo// de nas 'jigs byed chen pos hUM hUM hUM badz+ra kro d+ha sarba big+h+nAM baM hUM hUM zhes brjod pas/ khro bo 'chol pa de dag gis phyogs bcu'i dregs pa bsgral nas/ slar 'dus te sras mchog rdo rje gzhon nu'i sku mthing nag dbu gsum pa mdog mthing nag dmar nag ljang nag gi tshul gyis rngams pa/ phyag drug zhabs bzhi stong tshul du bgrad pa/ rdo rje'i gshog pas gtams pa/ sangs rgyas lnga dbu la rdzogs shing skra kham nag tu 'khyil pa/ dpal gyi chas dang dur khrod kyi rgyan gyis brgyan pa/ stod rdo rje'i go cha la smad khro bo'i phur pas gtams pa/ me 'bar ba'i dkyil na yum ral pa gcig ma dang 'khril ba'i tshul gyis gnas pa gcig tu gyur te/ bka' nod pa'i tshul du gnas shing / dregs pa kun zhabs 'og tu brdzis te gnas pa las/ khros pa'i rgyal por dbang bskur ba'i phyir/ hUM krod+ha badz+ra/ hUM dz+nyA na badz+ra zhes brjod nas/ las kyi rdo rje rtse mo lnga pa ni phyag g.yas par mar byin/ ye shes kyi rdo rje rtse mo dgu pa ni g.yas dang por byin te dbang bskur ro// de nas dregs pa

  47. 24a

    de dag brlang po'i gtum tshig smra zhing nga rgyal gyi mthu ston pa las/ lag cha kha T+wAM ga phyag gson gyi bar mas phrog nas rgyal ba'i rtags su bsnams so// de nas yang khrag 'thung chen pos/ rdo rje khro bo phur pa'i ting nge 'dzin la snyoms par zhugs nas/ rdo rje khro bo'i phur pa de nyid kyi sku dang gsung dang thugs rdo rje las 'thon to/ hUM kro d+ha ki li ki la ya sarba big+h+nAM baM hUM phaTaHbadz+ra kI li kI la ya sarba big+h+nAM baM hUM/ hUM phaTaHrat+na kI li kI la ya sarba big+h+nAM baM hUM hUM phaTaHpad+ma kI li ki la ya sarba big+h+nAM baM hUM hUM phaTaHkarma kI li kI la ya sarba big+h+nAM baM hUM hUM phaTaHzhes brjod pas/ khrag 'thung khro bo las kyi phur pa dang // rdo rje khro bo las kyi phur pa dang // rin chen khro bo las kyi phur pa dang // pad+ma khro bo las kyi phur pa dang // phrin las khro bo las kyi phur pa rnams// sku stod zhal gsum phyag drug pa la/ sku smad lcags kyi phur pa drag po'i dbyings su snang ba/ dbu skra kham pa zur gsum gyi thabs su 'greng ba/ dbu la rigs lnga'i gzhal yas khang dang bcas par rdzogs pa/ thugs ka na ye shes sems dpa' dang ldan par/ e'i gdan la sras mchog rdo rje gzhon nu'i spyan snga na bka' nod pa'i tshul du gnas so// de nas yang khrag 'thung chen pos 'di skad ces bskul lo// hUM mthing nag gru gsum drag po'i dkyil 'khor nas// rdo rje 'dus pa'i sras

  48. 24b

    mchog kI la ya// mthing nag chen po gcer bu ral pa can// zhe sdang dregs pa can gyi snying la thob// ces pas/ sras mchog rdo rje gzhon nu'i phyag tha ma gnyis kyis khrag 'thung khro bo las kyi phur pa'i ske nas bzung nas dregs pa chen po pho mo zhabs 'og tu mnan pa'i snying la gzir te bsgral lo// de nas yang khrag 'thung chen pos 'di skad ces bskul lo// hUM gru gsum smug nag drag po'i dkyil 'khor nas// sangs rgyas 'dus pa'i sras mchog kI la ya// smug nag chen po gcer bu ral pa can// gti mug dregs pa can gyi snying la thob// ces pas/ sras mchog rdo rje gzhon nu'i phyag tha ma gnyis kyis rdo rje khro bo las kyi phur pa'i ske nas bzung ste tshangs pa pho mo 'khor dang bcas pa bsgral lo// de nas yang khrag 'thung chen pos 'di skad ces bskul lo// hUM gru gsum ser nag drag po'i dkyil 'khor nas// rin chen 'dus pa'i sras mchog kI la ya// ser nag chen po gcer bu ral pa can// nga rgyal dregs pa can gyi snying la thob// ces pas/ sras mchog rdo rje gzhon nu'i phyag tha ma gnyis kyis rin chen khro bo las kyi phur pa'i ske nas bzung stebargya byin pho mo 'khor dang bcas pa bskul lo// de nas yang khrag 'thung chen pos 'di skad ces bskul lo// hUM gru gsum dmar nag drag po'i dkyil 'khor nas// pad+ma 'dus pa'i sras mchog ki la

  49. 25a

    ya// dmar nag 'jigs pa'i gcer bu ral pa can// 'dod chags dregs pa can gyi snying la gzir// zhes pas/ sras mchog rdo rje gzhon nu'i phyag tha ma gnyis kyis pad+ma khro bo las kyi phur pa'i ske nas bzung ste/ ma hA de ba pho mo 'khor dang bcas pa bsgral lo// de nas yang khrag 'thung chen pos 'di skad ces bskul lo// hUM gru gsum ldang nag drag po'i dkyil 'khor nas// phrin las 'dus pa'i sras mchog kI la ya// ljang nag chen po gcer bu ral pa can// phrag dog dregs pa can gyi snying la thob// ces pas yang sras mchog rdo rje gzhon nu'i phyag tha ma gnyis kyis/ phrin las khro bo'i las kyi phur pa'i ske nas bzung ste khyab 'jug pho mo 'khor dang bcas pa bsgral lo// de nas yang khrag 'thung chen po 'jigs byed rdo rje gzhon nu'i sku za byed du byin gyis brlab pa'i phyir/ dz+wa la raM/ zhes pas me dpung dud ka 'bar zhing 'phro ba phyag g.yon dang por phul lo// 'jigs byed rdo rje gzhon nus kyang // me dpung dud kas dregs pa'i snying dang nang grol dang phung po bsregs sbyangs te ha ha ha zhes zhal du gsol nas phung po lhag ma med par dag par mdzad da// do'i tha zas macag rdo rje gzhan nu lab tham gnyis sa med pa'i byang chub kyi sems kyi sbyin las/ hAn+da hA swA hA hA hA hA k+Sha/ hA hU~M swA hA hA hA hA hA hA hA/ shes brjod pas/ thab

  50. 25b

    po hUM ka ra dang / rnam par rgyal ba dang / dbyug pa sngon po dang / gshin rje'i gshed po dang / mi g.yo mgon po dang / rta mgrin dang / gzhan gyis mi thub pa dang / bdud rtsi 'khyil pa dang / khams gsum rnam par rgyal ba dang / stobs po che rnams la/ khro mo rdo rje sgra 'byin ma dang / snyems ma dang / sder mo dang / dur khrod ma dang / gtun khung ma dang / gtum mo dang / mda' snyems ma dang / rlung 'byin ma dang / gsod ma dang / skyod ma rnams 'khril ba'i tshul gyis 'thon te/ cha lugs dbu gsum phyag drug zhabs drug thur du gtams pa/ gdug pa'i lag cha sna tshogs dang / gshog pa rdo rjes gtams pa/ stod rdo rje'i go cha la smad phur pa'i khro bos gtams pa/ dur khrod kyi rgyan dang ldan pa sha stag ste/ de dag gi 'khor na sprul pa'i phra men lcam dral/ phag dang smig bu dang stag dang bya rgod dang g.yag dang bya rog dang / sha ba dang 'ug pa dang / gzig dang khwa ta dang / byi la dang pu shud dang / spyang ki dang khra dang / seng ge dang pha bong dang / dom dang dred mo dang / dred dang / byi la'i mgo can gyi tshogs dang / sprul pa dang yang sbrul du chas nas 'khor ba dag gis srid pa'i rlung yang mi 'chol bar gtams nas/ nyi zla dang / dbang po dang / me lha dang / gshin rje dang / srin po dang / klu dang / rlung lha dang / gnod sbyin dang / bgegs dang / sa bdag rnams

  51. 26a

    'khor dang bcas pa gong ma ltar bsgral lo// de nas dpal khrag 'thung chen pos gsang ba rol pa'i ting nge 'dzin la snyoms par zhugs te/ hUM hUM hUM e a ra li ru lu ru lu hUM dza zhes brjod pas/ drag po chen po'i ma dang bu mo dang chung ma'i tshogs kyi gtso mo nyi shu rtsa brgyad 'khor grangs med pa dang bcas nas khrag 'thung chen po'i thad du yud tsam gyis 'dus so// 'dus nas kyang nyid kyi sku la 'khril te dgyes pa'i sprin las ha ha zhes pas/ dkar mo dang / rkun mo dang / sbos mo dang / gtum mo dang / rmongs mo dang / ro langs ma dang / thal byed ma dang / sme sha can rnams re re la yang tshogs bsam gyis mi khyab pa rnams rang rang gi lag cha dang / stan dang chas te 'bar ba'i dkyil 'khor du 'khod do// de nas yang dgyes pa'i sprin las he zhes brjod pas/ seng gdong dang / stag gdong dang / wa gdong dang / khyi gdong dang / bya rgod gdong dang / dur bya'i gdong dang / bya rog gi gdong dang / 'ug pa'i gdong rnams re re la yang tshogs bsam gyis mi khyab pa dang bcas pa dang / rang rang gi lag cha dang stan dang chas te dkyil 'khor du 'khod do// yang dgyes pa'i sprin las phaT/ zhes pas/ rta gdong dang / phag gdong dang / seng gdong dang / sbrul gdong rnams re re la yang tshogs bsam gyis mi khyab pa rnams dkyil 'khor du 'khod

  52. 26b

    do// de nas ma mo de dag phaT zhes pas rang rang gi gnas ga la ba der yud tsam gyis phyin par bkye'o// de nas khro bo rnams phyag brang la bsnol te btsir bas/ mi gtsang ba'i rgya mtsho 'khyil te dran pa med pa las/ khrag 'thung chen pos thugs rje'i bdud rtsi 'byung ba'i ting nge 'dzin la snyoms par bzhugs nas/ sbyor mtshams nas khro mo rdo rje dme ba brtsegs ma 'thon te/ mi gtsang ba'i rgya mtsho brngubs pas slar dran pa thob ste/ bden pa mthong nas dpal chen po'i 'bangs su mnas bor te/ lus khro bo rnams kyi gdan khrir phul te/ grub pa lang kar khas 'ches nas phyi rabs pa'i rnal 'byor gyi tshogs skyong bar dam bcas so// de'i tshe phyogs skyong rnams zhabs 'og tu bzhag go/ ma dang bu mo dang chung ma rnams kyang dpal gyi 'khor du phul te dam tshig byin nas gzhal yas khang gi mu ran la bzhag go/ rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ dregs pa can btul ba'i le'u ste bdun pa'o// // de nas yang bcom ldan 'das gsang ba mchog gi bdag po des/ nyid kyi dkyil 'khor 'di dag thugs ka nas phyung ngo // dur khrod dang ni ngam grog gnas// rkang gcig sum mdo khang stong du// rdo rje drag po'i dkyil 'khor bya// 'bar ba'i 'khor lo rtsibs brgyad pa// gru chad bzhis ni rab

  53. 27a

    tu brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// dbus kyi lte ba zlum po la// thig bzhi maN+Dal brgyad du bya// de dag la ni mthing nag gi/ gru gsum me 'od 'bar bar bya// dbus su dregs pa'i gdan dag la// rdo rje gzhon nu yab yum dgod// spyan snga nyid dang phyogs bzhi ru// gru gsum me 'od 'bar ba las// sras mchog phur pa lnga po dgod// rnam rgyal gshed po rta mgrin dang // bdud rtsi 'khyil pa nyid dang bzhi// dri za gshin rje klu gdug dang // gnod sbyin gdan la rtsibs dag la// phyogs bzhi dag tu gzungs dang bcas// mtshams kyi 'khor lo dag la yang // khams gsum rnam rgyal dbyug sngon can// mi g.yo gzhan gyis mi thub rgyal// bgegs dang drang srong srin po dang // rlung lha'i gdan la brkyang bskum tshul// rang rang khro mo dag dang 'khril// mdun dang rgyab tu hUM dang ni// stobs chen gzungs dang bcas pa dag/ tshangs pa dang ni sa bdag gi/ gdan la brkyang bskum tshul du gnas// nang dang phyi yi gra rnams su// phyi nang lha mo bcu drug kyang // rang gi stan dang lag cha dang // ngo mtshar stabs dang ldan par dgod// phyi rol me khyams dang po la// pho nya'i dpung tshogs nyi shu ni// gcig la'ang gsum gsum drug cu dgod// sgo bzhi dag tu sgo srung dgod// phyi rol me

  54. 27b

    khyams 'bar ba la// slas dang byi mo'i tshogs kyi gtso// bcu gnyis dang ni brgyad kyis bskor// dur khrod thod pa dgu'i nang du// tshil chen me mar kha dgur gtad// rdo rje sha chen thang mar bad la// dmar gyi rak+ta rgya mtshor bsgril// rus pa'i phung po ri ltar sbrang // gsur chen dud pa rgyun mi gcad// phyogs bzhi mtshams brgyad dag tu yang // stag dang chu srin shun chen gyi// rgyal mtshan brgyad ni 'bar ba'i gzugs// zhing lpags bla re sprin ltar gtibs// de la stsogs te rgyan gyi rnam// ci rigs par ni dgod par bya// 'bar ba'i tshogs kyis mtshan ma rnams// rang rang skos su gzhag bya ba// mtshan ldan b+han+d+ha lcang lo can// dbang po lnga dang ldan pa ni// gtso bo yab yum mtshan mar bzhag/ dur khrod rkang gi phur pa lnga// sras mchog phur pa'i mtshan mar dgod// thod pa'i dum bu bcu drug ni// lha mo bcu drug mtshan mar dgod// yan lag ne'u seng thams cad ni// khro bo khro mo rnams kyi rdzas// so dang sen mo ba spu rnams// pho nya rnams kyi mtshan mar dgod// sgal tshigs la stsogs rdzas kyi rnam// ci bgyi'i tshogs kyi mtshan mar dgod// yan lag bzhi yi mtshan ma ni// sgo bzhir sgo srung rnams kyi mtshan// so so'i gsung gi yig 'bru rnams// rang rang rigs kyi mtshan ma la// yab yum byang chub sems kyis bri// bla ma lung ldan des kyang

  55. 28a

    ni// khros pa drag po'i rnal 'byor bya// dbang ldan phyogs kyi gra la yang // brub khung las kyi dkyil 'khor ni// hom khung drag po'i dbyibs 'dra ba// rtse mo lho yi phyogs su bstan// hUM dang phaT kyis bskor bar bya// dus la bab pa'i sems can de// las la bab pa'i rnal 'byor pas// mtshan ma ming du bcas par bya// mgo ni lho nub mtshams su bstan// rkang pa byang shar mtshams su bstan// hom khung nang du gzhag par bya// khro bo'i phur pa mang po kun// grwa yi phyogs su spungs te bzhag/ de nas gdeng ldan rnal 'byor des// rdo rje dbyug pa blangs nas su// khrag 'thung tshogs kyi sprin phung rnams// rdo rje'i g.yab mos spyan drangs te// gnyis med brtan par dmigs nas ni// rmad du byung ba'i mchod pa brtsam// 'dod pa'i yon tan lnga yis mchod// mnyes nas nye bar bsgrub pa dang // rdo rje slob dpon brnyas byed dang // bla ma spun la 'khu byed dang // gsang ba'i theg pa smod pa dang // sangs rgyas bstan pa 'jig pa dang // rgyal khams yongs su gnod pa dang // rnal 'byor spyi yi dgrar gyur la// brnag pa'i nan tur bya ba ni// khro bo sum b+ha'i sbyor ba'am// yang na lcags kyu'i rnal 'byor gyis// nyin mtshan dgung la rang bkug ste// de yi rnam shes rlung 'dra ba// mtshan ma ming du bcas pa la// srin bu me khyer 'drar bcug/

  56. 28b

    ste// gzugs la phab ste sgrog gis bcings// de nas mngon sum gyur pa dang // lce pog nag po'i dud pas bdug/ 'go ba'i lha dang phral ba gces// de'i lus tsha ba bskyed pa'i phyir// lus nad skye tshe dug gis bkang // rdo rje drag po'i phur pa 'dis// lte ba snying mgrin dpung 'go dang // gsang gnas yan lag lnga la gdab// yungs kar mtshon cha'i char ni dbab// de nas mtshan ma'i dngos gzhi de// drag po hom gyi dkyil 'khor du// tsher ma can gyi me sbar te// mtshon cha rab tu rnon po yis// rkang pa g.yas g.yon gang yin nas// rdul du gtub cing bsreg sbyang bya// lha yi tshogs la thim par dbul// sangs rgyas nyid kyang 'jig gyur na// 'jig rten pa lta smos ci dgos// zhes gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ drag po'i dkyil 'khor bstan pa'i le'u ste brgyad pa'o// // de nas bcom ldan 'das gsang ba mchog gi bdag pos de dag gi sngags dang phyag rgya rnams bshad do// oM shrI badz+ra kro d+ha ku mA ra rak+Sha hUM/ khros pa'i stabs su gnas nas su// lag g.yas rdo rje 'dogs pa las// lag g.yon phur pa 'debs tshul du// brkyang bskum tshul du gnas byas pa// khrag 'thung chen po'i yin par bshad// sngags dang phyag rgya 'di yis ni// sangs rgyas rdo rje 'dzin pa

  57. 29a

    yang // rab tu brgyal te 'chi gyur na// khams gsum skye bo smos ci dgos// oM badz+ra kro d+hi e ka dzA Ti hUM AH/ khro mo'i stabs su gnas bya ste// g.yas pa thabs kyis gtso la 'khyud// g.yon pas dung khrag gtso la stob// 'di ni khros pa'i rgyal mo ste// sngags dang phyag rgya 'di yis ni// sangs rgyas grags pa chen po yang // mnyes shing dbang du 'gyur bar nges// oM badz+ra kI li ki la ya sarba big+h+nAM baM hUM hUM phaT/ rkang pa mthil sprad thur du gzug/ g.yas pa sta re gyen du phyar// g.yon pa phur pa 'debs tshul gzung // gcu thabs zur gyis mnan cing blta// 'di ni sras mchog phur pa'i ste// sngags dang phyag rgya 'di yis ni// lan gsum drag tu bzlas pa yis// sangs rgyas nyid kyang 'jig gyur na// khams gsum skye bo smos ci dgos// oM badz+ra kro ta hUM kA ra hUM gardza gardza hUM phaT/ lag gnyis thal sbyar gyen du bsgreng // rkang pa mthil sprad thur du gzug/ rol pa'i stabs kyis gar byed pa// hUM chen gyi ni yin par bshad// sngags dang phyag rgya 'di yis ni// sangs rgyas nyid kyang 'gugs gyur na// bu mo rnams lta ci zhig smos// oM badz+ra kro ta bi dza ya hUM ha na ha na hUM phaT/ lag g.yon khro mdzub snying gar bzhag/ g.yas pa lcags kyu ltar byas pa// spyan bzlog stobs kyis blta ba ni// rnam par rgyal ba'i yin par bshad// sngags dang phyag rgya 'di

  58. 29b

    yis ni// rlung dang rlung chen grub pa yang // bzlog par gyur te gdon mi za// ci yang ci yang phyir bzlog byed// oM badz+ra kro ta ni la daN+Da hUM da ha da ha hUM phaTaHg.yon pa khro mdzub snying gar bzhag/ g.yas pa be con tshul du gdengs// brdeg tshul stabs su gnas pa ni// be con sngon po'i yin par bshad// sngags dang phyag rgya 'di yis ni// rdo rje'i brag kyang 'joms par nus// gsang ba'i las la lhag par 'jebs// oM badz+ra kro ta ya man+ta ka hUM pa tsa pa tsa hUM phaT/ lag gnyis khu tshur bcangs pa las// gung mo srin lag gnyis bsgrengs te// gung mo rtse mo'i tshul du bya// rgyab tu srin lag bsnol ba las// mdzub gnyis gdu bu'i tshul du dkri// mtheb gnyis rtse sbrad mdun bzhag ste// kha yi tshul du byas pa ni// gshin rje 'joms pa'i yin par bshad// sngags dang phyag rgya 'di yis ni// rdo rje 'gugs dang bsad pa dang // bskam dang dbye dang bskrad par 'gyur// oM badz+ra kro ta Ar+ya a tsa la hUM/ b+han+da b+haR+Sha hUM phaT/ lag pa gnyis kyi mthe bo yas// srin lag mthe'u chung sen mo mnan// mdzub mo gung mo ral gri ltar// shubs nas phyung bar byas pa ni// mi g.yo mgon po'i yin par bshad// sngags dang phyag rgya 'di yis ni// lha klu la sogs mngag gzhug byed// log 'dren tshogs kun bred cing sreg/ oM badz+ra kro ta ha ya grI wa hUM hu lu hu

  59. 30a

    lu hUM phaT/ rdo rje khu tshur gnyis bcangs te// mthe'u chung lu gu rgyud du mdud// mdzub mo gshibs te bsgrengs pa las// bzlog ste dpral bar bzhag pa ni// rdo rje rta yi yin par bshad// sngags dang phyag rgya 'di yis ni// dug rnams thams cad 'joms par 'gyur// ser ba la stsogs bzlog pa dang // 'jigs pa kun las thar bar 'gyur/ oM badz+ra kro ta a pa ra dzi ta hUM tiSh+Tha tiSh+Tha hUM phaT/ lag gnyis khu tshur bcangs pa las// rgyab sprad mthe'u chung lu gu rgyud// mdzub gnyis rtse sprad zhags pa'i tshul// gzhan gyis mi thub yin par bshad// sngags dang phyag rgya 'di yis ni// sangs rgyas byang chub sems dpa' yang // rab tu 'jigs shing skrag par 'gyur// gdon rnams thams cad gzir bar byed// oM badz+ra kro ta a mr-i ta kuN+Da li hUM ts+tshin+da ts+tshin+da hUM phaT/ lag pa gnyis kyi mthe bong gis// mthe'u chung gnyis kyi sen mo mnan// so sor dpung 'gor bsnol ba ni// bdud rtsi 'khyil ba'i yin par bshad// sngags dang phyag rgya 'di yis ni// sangs rgyas byang chub sems dpa' yang // skrod par 'gyur te gdon mi za'o// oM badz+ra kro ta tre lo kya bi dza ya hUM b+hin+na b+hin+da hUM phaT/ lag gnyis khu tshur bcangs pa las// mdzub gnyis bsgrengs te mkhrig ma bsnol// khams gsum rnam rgyal yin par bshad// sngags dang phyag rgya 'di yis ni// sangs

  60. 30b

    rgyas byang chub sems dpa' yang // bcing bar 'gyur te gdon mi za// oM badz+ra kro ta ma hA ba la hUM s+pho Ta ya s+pho Ta ya hUM phaT/ g.yon pa'i khu tshur snying gar bzhag/ g.yas pas brdeg pa'i stongs su phyar// stobs po che ru bshad pa yin// sngags dang phyag rgya 'di yis ni// zan pa byung na char pa 'bebs// char che na yang gcod par byed// A~M badz+ra kro ta pa ya ba ti hUM/ la se ke hUM/ pra ti tsa hUM/ shwa shan pa ti hUM/ mu sa lI hUM/ tsaN+DA ya ti hUM/ sha bya ya ti hUM/ rik+Sha ya ti hUM/ ma rA Na hUM/ tsin da mu ne hUM/ khro mo'i stangs su gnas nas su// g.yas pa thabs kyis gtso la 'khyud// g.yon pa b+han+na rak+ta stob/ khro mo kun gyi phyag rgyar bshad// sngags dang phyag rgya 'di yis ni// las rnams thams cad byed pa ste// so so'i khro bo'i las su bshad// gzhan yang yang sbrul pho nya dang // ma mo ci bgyi la stsogs kun// so so'i sngags dang phyag rgya rnams// nges pa med do rgyal bas gsungs// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ sngags dang phyag rgya'i le'u ste dgu pa'o// // de nas bcom ldan 'das gsang ba mchog gi bdag po des/ ting nge 'dzin rnam par spro ba 'di gsungs so// nam mkha'i dbyings kyi dbus gnas par// nyi ma'i dkyil 'khor bsgom par bya// de dbus bdag po'i gzugs

  61. 31a

    bsams te// las rnams thams cad brtsam par bya// bka' ye 'khor lo rab bsgyur bas// las rnams thams cad byed par 'gyur// de nas phur bu rgyun gyi ting nge 'dzin 'di gsungs so// gdengs dang ldan pa'i rnal 'byor pas// dang por dngos med byang chub sems// stong pa chen po'i ting 'dzin las// phur pa khro bo'i gzugs su brtags// rgya mdud steng du gzhal yas khang // tshad dang rgya yang ma chad pa// 'khor lo'i rgyan dang rol mo'i tshogs// zhing rnams gdan chen gsal ba'i steng // khrag 'thung tshogs ni rgyas par bsgom// de las sras mchog kI la ya// rgya mdud man chad khro bo'i lus// phur pa'i lha nyid gsal bar bsgom// de nyid byin dang ldan bya'i phyir// oM hrIHphaT/ ces yig 'bru gsum// spyi bo rked pa rtse mo la// sku gsung thugs su bsgom par bya// ye shes lnga yi ge lnga// oM AHhUM swA hA// spyi bo lce dang snying ga dang // sked pa yan lag dag la ste// lnga ru byin rlabs 'od kyi 'bru'o// sgro dang bsdu ba'i yi ge ni// hUM gsum dang ni phaT gsum gyi// ngos gsum dang ni zur gsum la// rtse mo gcig tu bsgom par bya// g.yas g.yon thabs dang shes rab kyi// sor mo yab yum bcu bsgoms te// sbyor ba'i byin brlabs 'od 'phros pas// mu tig dkar po dri med ltar// thim pas lhan byas 'od du gyur// 'du byed lag

  62. 31b

    gi byin gyis brlabs// phyogs bcu'i rgyal ba yab yum gyi// gnyis med sbyor ba'i byang chub sems// bar ma chad par de la bstim// des kyang byin chen 'dus par 'gyur// de nas sku gsung thugs nyid du// byin gyis brlabs shing brtan bya ste// lag gnyis sor mo rgyab tu bsnol// gung gnyis gshibs te bsgreng ba yi// bar du phur pa dril byas te// rdo rje'i tshig tu brjod pa'i sngags// oM badz+ra satwa rA tsa hUM/ des ni thugs nyid rdo rjer 'gyur// lag gnyis sor mo rtse bsgrengs te// pad+ma lta bur byas pa yi// rting pas phur pa di la byas te// rdo rje'i tshig tu brjod pa'i sngags/ oM phur bu phaT/ des ni gsung nyid rdo rjer 'gyur// lag gnyis sor mo rgyab bsnol te// mthe bong gshibs pa'i chang pa ru// rdo rje phur bu dril byas shing // rdo rje'i tshig tu brjod pa'i sngags// A~M ha na ha na ti pa ta tsakra hUM phaT/ des ni lus nyid rdo rjer 'gyur// de nas phur bu mchod pa rgyun gyi ting nge 'dzin 'di gsungs so// e yi gdan la bzhugs pa yi// khros pa'i rgyal po de nyid la// nyung dkar rgyal pos brdeg bya zhing // rtse gcig rdo rjer byin gyis brlabs// lag mthil g.yas su bzhag pa yis// gu gul dud pa'i sprin phung gis// bdug ste mchod pas mchod par bsgom// phyi nang mchod pa ci 'byor pas// mchod de las gang bsgo bar bya// de nas bzlas

  63. 32a

    pa rgyun gyi ting nge 'dzin de gsungs so// bdag nyid dang po rnal 'dug ste// snying gar nyi ma'i dkyil 'khor las// mthing nag 'bar ba'i hUM bsgoms te// sngags kyi yi ge rab bskor bas// phur pa la yang de bzhin te// rang sngags tshig tu brjod pa las// phur pa phra mo'i sku spros te// khros pa'i snying gar bstims byas te// grangs kyi bsnyen pa tshang ba na// mtshan mar 'byung bar gdon mi za'o// de nas gdab pa rgyun gyi ting nge 'dzin 'di gsungs so// ti pa ta tsakra phur pa'i lha// khros pa mi bzad 'bar ba yi// ske nas lag g.yon 'debs tshul du// g.yas pa'i tho bas brdeg tshul du// rdo rje sder mo'i sngags 'di yis// bdun nam nyi shu rtsa gcig bzlas// oM na maHsa man+ta kA ya wA ka tsit+ta badz+ra nAM/ oM g+ha g+ha g+ha ta ya sarba duSh+TAn mA ra ya phaT/ kI la ya kI la ya sarba pA baM phaT phaT/ hUM hUM hUM badz+ra kI la ya/ badz+ra d+ha ra A dz+nyA pA ya ti/ kA ya wA ka tsit+ta badz+ra kI la ya phaT/ drag tu brjod cing gdab par bya// btab pa de nyid brtan bya'i phyir// rdo rje'i tshig tu 'di skad brjod// dam tshig can gyi dus la bab// byang chub mchog tu sems bskyed cing // dus gsum rgyal ba'i gdung 'tshob pa'i// rig 'dzin bdag cag rnams la ni// gnod cing gdug pa'i dgra dang bgegs// bdud dam par chod byed pa rnams// dngos grub 'phrog cing 'tshe bar

  64. 32b

    byed// khros pa chen po'i byin rlabs kyis// yud tsam gyis ni de bkug nas// mngon spyod tshul gyi bsgral ba dang // lus ngag rdul du bshig nas kyang // sdug bsngal nyams su myong bar mdzod// oM laM hUM laM staM b+ha ni/ mo ha ya d+ha ga bAn/ shrI kri b+hi kri badz+ra hUM kA ra hUM hUM phaT phaT/ badz+ra kI la ya dzaHhUM baM ho/ rdo rje tshig tu brjod nas ni// bkrag dang gzi mdangs bdag la bstim// sarba big+h+nAM kI la ya hUM hUM phaT phaT/ badz+ra hUM ka/ ra aHa nyid byang chub sems kyi khrus// phur pa nyid kyang gzi byin bskyed// 'od dang mthu dpung lhag par bskyed// de nas phyogs bcu'i khro bo la// rdo rje tshig gis 'di skad bskul// dngos grub par chad byed pa'i bgegs// gdug cing sdang sems ldan pa rnams// zung zhig rgyob cig rnam par chings// gtogs shig grogs dang bral bar gyis// rings par khug la smrar ru chug/ phob tshig rnam par gzir bar gyis// nga yi dbang du gyur nas ni// bsgo ba'i bka' ni can par gyis// hUM pa ra bi d+ham+ba na sAn+da tsAn+da hU~M phaT/ bir+d+ha bid+d+ha hU~M phaT/ gr-ih+Na gr-ih+Na hU~M phaT/ ha na ha na hU~M phaT/ badz+ra ban+d+ha hU~M phaT/ ta tha ya ta tha ya hUM phaT/ sa ra hr-i da na hUM phaT/ shig+h+raM A na ya hUM phaT/ dza la pa ya dza la pa ya hUM phaT/ A be sha ya A be sha ya hUM phaT/ b+hin d+ha ya b+hin d+ha ya hUM phaT/ rdo rje phra me na tshogs rnams la// rdo rje'i tshig gis bskul bya ste// bran dang

  65. 33a

    pho nya bka' nyan tshogs// khyod kyi dam tshig dus la bab// tha tshig ji ltar bcas pa bzhin// drag po'i phrin las myur du mdzod// gal te tha tshig nyams gyur na// rdo rje'i chu yis bsreg par bya// na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka ye dza ye bi dza ye/ a dzi te a pa ra dzi te/ mA ra sen+ya pra marda na ya hUM phaTaHdes kyang brten pa'i las su 'gyur// de nas sras mchog bskul bya ba// rdo rje gsang ba'i bka' las ni/ sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren rnams// rdo rje'i bka' las 'da' ma byed// hUM ma ma ba shaM ku ru ma staM nya ga re/ a da na te/ ma ma karma shang+ga rA ma k+Shi ka re ye swA hA/ de nas dbye ba rgyun gyi ting nge 'dzi 'di gsungs so// gdug cing sdang sems ldan pa yi// lha'am gnod sbyin bdud kyang rung // de yi mthu dpung byed pa rnams// mthu dang rdzu 'phrul med par byos// oM sarba a na ya hUM na phaTaHde nas brdung ba rgyun gyi ting nge 'dzin 'di gsungs so// khro bo rnams kyi dkyil 'khor du// rdo rje tho bas brdung bya zhing // dngos por gyur pa'i gnas chen du// rdul phran bzhin du brdung bar bya// rdo rje'i tshig gis bskul ba ni// rdungs shig rdo

  66. 33b

    rje 'bar ba'i gtun// bka' las 'da' byed sdig can rnams// me dpal rdo rjes snying bsregs nas// lus ngag rdul phran bzhin du brdung // khro mo 'bar ba'i gtun khung du// rdo rje tho bas brdung bya ste// lha yang rung ste brlag par bya'o// kha taM kha taM kha zam/ de nas bstab pa rgyun gyi ting nge 'dzin 'di gsungs so// rdo rje khro bo 'bar ba dang // rdo rje za byed srin po dang // rdo rje gnod sbyin zhal gdangs par// mtshan mo'i dngos po bstim par bsgom// rdo rje'i tshig 'dis bskul bya ste// nam mkha' khro bo'i zhal gdangs su// thugs rjes 'gro kun yud la bstab// ngas bstab khyed kyis yud la bstims// rol nas dgyes pa'i gad rgyangs sgrogs// sdus shig bsregs la myur du zo// badz+ra kro ta yak+ka rak+ta kro ta khA hi khA hi/ ha ha ha/ hUM hUM hUM/ phaT phaT phaT/ de nas bsreg pa rgyun gyi ting nge 'dzin 'di gsungs so// klong yangs 'khyil pa'i hom khung du// 'bar 'phro 'khrug pa'i me 'bar te// ye shes 'bar ba'i me dpung gis// dngos por gyur pa'i gnas rnams bsreg/ rdo rje'i tshig tu bskul ba ni/ raM/ me dpung 'bar ba'i klong dkyil du// mtshan mar gyur pa'i dngos po bsreg/ bsregs pas dngos po kun brlags te// slar mi 'tsho bar bsreg par gyur/ raM dza la raM dza la raM/ s+pha ra Na hUM phaT/ de nas mnan pa rgyun gyi ting nge 'dzin 'di gsungs so// nam

  67. 34a

    mkha' rdo rje'i dkyil 'khor du// dbang chen dkyil 'khor bsgom par bya// ri rab steng du rdo rje ni// rgya gram steng du babs pa ni// las kyi rdo rje'i dkyil 'khor bsgom// skye 'gro thams cad mnan par bsam// rdo rje'i tshig tu brjod pa ni/ hUM las kyi rdo rje 'khor dang bcas// 'jig rten khams na rab 'byams na// log par lta ba'i sems can rnams// skad cig yud la mnan par bya'o// oM badz+ra su me ru hUM sa ma ya s+t+waM/ dkyil 'khor dag ni thams cad pas// ting 'dzin dkyil 'khor mtha' yas mchog/ las su rung ba'i rnal 'byor pa// de yis mi 'grub gang yang med// mi bya ba yang gcig kyang med// ting 'dzin klung du 'dris pa yi// mi zhes bya ba bder gshegs yin// sangs rgyas zhes ni gud na med// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ rgyun gyi ting nge 'dzin rim par phye ba'i le'u ste bcu pa'o// // de nas bcom ldan 'das gsang ba mchog gi bdag po des/ lhun gyis grub pa'i phrin las kyis rnam par sbyong ba 'di gsungs so// kun tu sna tshogs las kyi rnams// kun tu sna tshogs rnal 'byor gyis// kun tu sna tshogs ting 'dzin du// gnas nas sna tshogs don bya'o// 'jig rten khams ni rab 'byams na// rmongs par gyur ba'i

  68. 34b

    sems can la// sna tshogs las kyi zhi bar sbyar// bkra shis dben pa'i gnas dag tu// bkra shis mtshan ldan yum mchog gzung // rnam snang mdzad kyi rnal 'byor ram// mi bskyod phyag rgyar bdag gnas la// dkar la zlum po'i dkyil 'khor la// rdo rje 'od zer 'phro bas brgyan// rin chen kha dog dkar po'am// dkar po'i shing las byas pa yi// phur pa zlum po drug btab ste// zhi ba'i lha tshogs spyan yang drangs// snying rje byams pas mchod sbyin bya// yam shing dkar la sbar ba'i ma// dkar la mngar ba'i rdzas rnams kyis// zhi ba'i tshul du sbyin bsreg bya// dngul phye 'bras chan dkar po la// gtor mar bya ste sbyin par bya// baM gyi tshogs kyi dkyil 'khor du// gti mug las kyi 'chel pa rnams// zhi bar gyur pa'i dbyings su rol// 'jig rten khams ni rab 'byams na// phongs par gyur ba'i 'gro gang la// sna tshogs las kyis rgyas par sbyar// tsan+dan nags tshal me tog brgyan/ nyams dga' skyed mos tshal dag tu// lcug phran ma yi yum mchog gzung // rin chen sems dpar bdag gnas la// ser po gru bzhi'i dkyil 'khor la// rin chen chu skyes dag gis brgyan// rin chen kha dog ser po'am// ser po'i shing las byas pa yi// phur pa zur bzhi bzhi btab ste// rgyas pa'i lha tshogs spyan yang drangs// dwangs byams sems kyis mchod

  69. 35a

    sbyin bya// ser po'i shing la sbyar ba'i mer// kha ba'i ro ldan ser po'i rdzas// rgyas pa'i tshul du sbyin bsreg bya// gser bye 'bru rnams ser po la// gtor ma byas te rgyas par bya// ma yi tshogs kyi dkyil 'khor du// nga rgyal las kyis 'chel pa rnams// rgyas par gyur pas dbyings su rol// 'jig rten khams ni rab 'byams na// chags par gyur pa'i sems can la// dbang du bya ba sbyar bar gsungs// zla mtshan can nam chu gling du// sdong gcig ma yi gzugs ma gzung // snang ba mtha' yas rnal 'byor ram// rdo rje rtar ni rnam par sgom// zla gam dmar po'i dkyil 'khor la// 'od zer 'phros pa'i mda' gzhus brgyan// zangs la stsogs pa'i rin chen ni// dmar po'i shing las byas pa yi// phur pa zla gam lnga btab ste// dmar smug 'phro ba'i lha tshogs rnams// rdo rje sprugs pas spyan drangs te// dga' chags yid kyis mchod sbyin bya// dmar po'i shing la sbar ba'i mer// sgyur zhing dmar po'i rdzas rnams kyis// dbang gi tshul du sbyin bsreg bya// zangs phye 'bru rnams dmar po la// gtor ma byas te dbang du bsdu// ya yi tshogs kyi dkyil 'khor du// 'dod chags las kyis 'chel ba rnams// dbang du bsdus pas dbyings su rol// 'jig rten khams ni rab 'byams na// shin tu gdug cing gtum pa la// drag

  70. 35b

    shul spyod pa sbyar byas te// rkang gcig can nam dur khrod du// rigs ngan sme sha can la stsogs// me reg ma yig gzungs ma gzung // rdo rje khro bor bdag gnas la// nag po gru gsum dkyil 'khor la// rtsang zod rgyan gyis brgyan par bya// lcags sam nag po'i shing rnams sam// tsher ma can gyi shing rnams sam// mi yi rus pa'i phur pa ni// rtse mo zur gsum gsum btab ste// mthing nag 'khrug pa'i lha tshogs rnams// dregs pa 'dul phyir spyan drangs te// btang snyoms khros pas mchod sbyin bya// tsher ma'i shing la sbar ba'i me// nag po tsha zhing rtsub pa yis// drag po'i tshul du sbyin bsreg bya// lcags phye 'bru nag sha khrag las// sbyar ba'i gtor mas drag shul spyad// e yi tshogs kyi dkyil 'khor du// zhe sdang las kyis 'chel ba'i tshogs// brlag par gyur pas dbyings su rol// ji snyed phrin las bsam yas kun// 'gro ba bsam yas bsam pa 'grub// de snyed 'dul ba'i thabs tshul du// bsam yas phrin las rnam par spros// mnyam nyid dbyings kyi ngang nyid las// las kyi bye brag rtsis las 'das// bya byed dang du ldan gyis 'grub// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ las rim par phye ba'i le'u ste bcu gcig pa'o// de nas bcom

  71. 36a

    ldan 'das gsang ba mchog gi bdag pos// dam tshig gsang ba bkod pa 'di gsungs so// e ma'o// sna tshogs log rtog bsam yas la// rtog 'dul dam tshig de snyed spros// spros nyid dbyings las g.yos pa med// 'di ni dam tshig rdo rje che// sku gsung thugs kyi dam tshig ni// grub nas 'jig pa'i dus mtha' med// rdo rje dam tshig lu gu rgyud// rnal 'byor rnams kyi dka' thub dam// du ma gcig tu bsdus pa'i srog/ yan lag dam tshig 'da' bar dka'// rdo rje bla ma slob dpon la// srog la bab kyang bkur bar bya// dam tshig dbang dang shes rab rgyud// man ngag 'bras bu'i slob dpon la// blta zhing bkur bar bya ba ni// pha dang ma dang mig 'bras ltar// bkur zhing gces par bya ba yin// de yi phyi bzhin be'u ltar 'breng // sna tshogs sna tshogs kyi sgo nas// mnyes shing dgongs pa bskang ba dang // bla ma sbran ming sring la// mngan dang 'phyas kyi sems bor te// rdo rje theg pa'i spun yin pas// gcig la gcig gi mig bzhin blta// 'di ni sku yi sa ma ya// dang por tha tshig bcas pa ltar// sngags rnams rgyun du bar mi gcad// phyag rgya sgom zhing bca' ba ni// dngos grub 'byung ba'i rgyu yin pas// 'di dag brtan por gzung bar bya// gsung gi sa ma ya ru bshad// spyi gsang bzhi dang bar gsang bzhi// gsang bar 'os

  72. 36b

    dang gnyer gtad pa'i// gsang ba'i man ngag 'bras bu rnams// snod ngan phal la mi spel ba// 'di ni thugs kyi sa ma ya// sa ma ya ni rdo rje che// de dag nyams par gyur na ni// rtsa ba nyams te rigs brlag 'gyur// nyams 'gyur nyes pa brjod mi langs// rtsa ba'i dam tshig nyams pa dang // dam la gnas pa'i rnal 'byor gnyis// skad cig yud tsam smra mi bya// smras na 'bras bu nyams par 'gyur// 'dod chags zhe/ sdang gti mug dang // nga rgyal phrag dog chen po ni// bder gshegs lnga yi rang bzhin pas// 'di ni mi spang sa ma ya// sha chen bshang gci khu ba khrag/ dag pa'i rgyu ste bdud rtsi dngos// dor bar mi byas ma ya'o// rdzun dang tshig rtsub rku ba dang // sbyor dang sgrol ba'i dam tshig ni// bder gshegs lnga yi mdzad pa de// rtag tu spyad pa'i sa ma ya'o// mi spang mi dor spyad bya yi// yan lag bco lnga'i dam tshig ni// srog gi/ phyir yang mi gtong ste// btang na 'bras bu ga la 'byung // de yi nyes pa brjod mi lang // snying nas slob dpon smod pa dang // sangs rgyas bstan la gnod pa dang // theg pa chen po smod pa dang // sems can yongs la gnod byed dang // rnal 'byor spyi yi dgrar gyur ni// myur du bsgrim ste ma bsgral na// rdo rje'i tha tshig nyams pas na// grims 'byin shugs kyis bsgral bar bya// dam tshig 'di ni rmad po che// sangs

  73. 37a

    rgyas grub pa'i rgyu dang gzhi// yid bzhin nor bu rin po che// dam tshig rnams ni mi gtang ba// legs pa'i yon tan brjod mi langs// sangs rgyas nyid dang 'dra bas na// dngos grub gzhan lha smos ci dgos// de bas nan tan bskyed de bsrung / zhes gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ dam tshig rim par phye ba'i le'u ste bcu gnyis pa'o// // de nas rdo rje yid kun tu bzang po la stsogs pa'i 'dus pa'i 'khor tshogs ma lus pa rnams rang rang gi bsam par rangs par gyur te/ gtsug gi 'dud pa'i phyag rnal 'byor gyi tshul du byas te/ gsang ba mchog gi bdag po la mdun gyis bltas te/ ngo mtshar rmad du byung ba'i tshig 'di skad ces bsgrags so// e ma'o ngo mtshar rmad du byung ba'i mnyam nyid dbyings mchog nas// thugs rje chen pos gsal la ma 'dres kun tu khyab par gdal// sku gsung thugs yon phrin las phyag rgya'i dkyil 'khor brjod mi langs// 'gro ba bsam yas rnam rtog de snyed thugs rje 'phros pa e ma'o ngo mtshar che// e ma ngo mtshar rmad du byung ba'i chos// nam mkha' dang ni mnyam pa las// sgyu 'phrul rnam par 'phrul pa rnams// kun rdzob tsam du bstan pa mtshar// zhes ched du gleng ngo // de nas bcom ldan 'das gsang ba mchog gi

  74. 37b

    bdag po ni/ dus bzhi mnyam pa nyid kyi dbyings la dgongs nas cang mi gsung bar bzhugs so// de nas rdo rje yid kun tu bzang pos yang rang gi stan las langs te 'di skad ces gsol ba btab po// bcom ldan 'das gsang ba mchog gi bdag po mdo 'di nyid kyi don bsdus te bdag cag rnams la bsgo bar gsol// bde bar gshegs pa bsgom par gsol// de nas yang gsang ba mchog gi bdag pos dgongs pa chos kyi dbyings las bzhengs nas// rdzu 'phrul gyi spyan gyis 'khor gyi dkyil 'khor la kun tu gzigs te/ zhal 'dzum pa dang bcas te rdo rje kun tu bzang po la gzigs te/ 'di skad ces bka' stsal to// de nas sems dpa' chen po nyon cig/ rgyud kyi rgyal po'i chos kyi don 'di nyid ngas bsdus te bshad par bya'o// e ma'o chos rnams thams cad sems kyi 'khrul pa ste// sems las ma gtogs chos 'ga' tsam yang yod ma yin// 'khrul pa bzlog phyir rgyal bas chos bstan dang // de yi sgyu 'phrul 'dra 'phrul snang // 'khrul dang 'khrul las snang ba'i chos rnams kun// rang gi sems yin sems nyid snang bar zad// sems kyi rang bzhin dngos por ma grub ste// snga phyi sems nas rang bzhin yongs kyis med// gzod nas ma skyes ye nas rnam par dag/ yi ge med cing sgra dang tha snyad bral// stong pa nyid de stong pa'i yul las

  75. 38a

    'das// de phyir sems ni chos kyi rtsa ba ste// rtsa ba de nyid srid dang grol bar snang // ho// e ma'o sems nyid stong pa chen po'i dbyings nyid las// gnas dang ston pa 'khor zhes bya ba ga la yod// ting nge 'dzin dang yig 'bru phyag mtshan dang // rdzogs dang bzhugs thabs rim par bgrang du med// stong nyid snying rje byang chub sems bskyed med// gzugs brnyan med cing ting 'dzin bsam dang bral// sngags dang phyag rgya med cing thugs rjes 'dul ba'ang med// ma rungs gdul du med cing drag po'i dkyil 'khor med// snying po stong tshul med de rgyun gyi ting 'dzin med// bya ba med cing sdom pa kun las 'das// de kun tha snyad yin te don du med// 'khrul pa bzlog phyir kun rdzob tsam du bstan par zad// de bas bstan pa 'di la rab brten te// don dam bden pa'i nges pa rig par bya// sems las 'das pa'i chos kyi rang bzhin ni// tshig dang yi ge tha snyad kun las 'das// mthun pa'i dpes kyang de la mtshon du med// de bas bstan pa de kun sgrib pa yin// mtshan med blo ldan de la dad mi 'gyur// bden gnyis blo ldan sems la snang bar zad// ces gsungs pas/ 'khor rnams rab tu dga' ste/ 'dus pa'i 'khor tshogs ma lus pa rnams/ de kho na nyid kyi don la sems shing cang mi smra bar gyur te gnas so// de nas

  76. 38b

    bcom ldan 'das gsang ba mchog gi bdag po des rdo rje yid kun tu bzang po'i lce pad+mo'i steng du las kyi rdo rje rgya gram zhig bzhag ste/ rdo rje chos su dbang bskur te/ don bsdu bar byin gyis brlabs nas bka' stsal pa/ sems dpa' chen po nga mngon par rdzogs par sangs rgyas nas/ mdo 'di bshad kyi bar du tshig gcig tsam yang bshad cing brjod pa med do// de ci'i phyir zhe na/ chos thams cad ni bshad cing brjod pa dang bral ba'o// phyogs bcu dus bzhi'i sangs rgyas rnams ni bshad cing brjod pa dang bral ba'i don thugs su chud nas mngon par rdzogs pa sangs rgyas so// de bas na ma 'ongs pa'i rnal 'byor dad pa can rnams kyis kyang brjod pa bral ba'i don bde blag tu rtogs shing khong du chud par bya ba'i phyir/ mdo 'di bshad do brjod do// sems dpa' chen po khyod kyang ma 'ongs pa'i rnal 'byor pa'i don du mdo 'di don bsdus la mi nub pa'i phyir gsung chos kyi yi ger yang snang zhing mi nub par gyis shig/ 'on tang na dad pa can gyi rnal 'byor de dag ni rdo rje theg pa'i gting 'dzugs shing / rnal 'byor gyi dbang phyug chen po'i rgyud 'dzin par 'gyur ro// sems dpa' chen po de bas na mdo 'di ni rnal 'byor pa rnams kyi nye lam chen po nyid yin pas shes par bya'o// de nas yid kun tu bzang po rdo rje chos rab tu dga' ba'i yid kyis

  77. 39a

    rang gi rdo rje gnas su gsor zhing / btsun mo bya ba mo dang gnyis su med pa'i tshul gyis 'di skad ces bstod do// e ma'o bcom ldan 'das dgyes pa che// mi nub rgyal mtshan yongs kyi bdag/ bder gshegs kun gyi thugs kyi thugs// byang chub sems la phyag 'tshal lo// zhes bstod nas/ bcom ldan 'das rnal 'byor gyi dbang phyug 'das pa dang da ltar dang / ma 'ongs pa'i lam chen po nye lam chen por mdo chen po 'di lta bu snang ba lags pas ni/ bdag cag gis mi nub pa'i rgyal mtshan chen por gnas par bgyi'o// gsung chos kyi yi ge yang gnas par bgyi'o// bcom ldan 'das gsang ba mchog gi bdag po nyid du yang gnas par bgyi'o// 'di'i don 'chad cing ston pa'i gang zag skyes bu dam pa gzhan la phan 'dogs par yang gnas par bgyi'o// yid bzhin gyi nor bu'i rgyal po lta bu yang nas par bgyi'o// gzhan gyi sdebs par du mi chod par bgyi'o// zhes gsol to// de nas bcom ldan 'das gsang ba mchog gi bdag pos cang mi gsung bar gyur to// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ yongs su gtad pa'i le'u ste bcu gsum pa'o// // de nas bcom ldan 'das byed pa po rdo rje yid kun tu bzang po la/ 'dus pa'i 'khor

  78. 39b

    tshogs rnams kyis 'di skad ces rnam par bskul lo// sems dpa' chen po khyod ni bcom ldan 'das gsang ba mchog gi bdag pos kyang sdud pa po rdo rje chos su ming btags shing dbang bskur bas na/ da khyod kyis phyi rabs pa'i rnal 'byor gyi don phyir/ the tshom dang som nyi ru gyur pa rnams dris shig ces rnam par bskul lo// de nas byed pa po yid kun tu bzang pos bskul bar rig nas 'dus pa'i 'khor tshogs la legs so legs so zhes bya ba byin te/ rdo rje yid kun tu bzang po la stsogs pa 'dus pa'i 'khor tshogs rnams kyis/ bcom ldan 'das gsang ba mchog gi bdag po la rmad du byung ba'i mchod pas mchod ste// lan brgya phrag stong du skor ba byas shing brkyang phyag 'tshal te bcom ldan 'das la 'di skad ces gsol ba btab po// e ma'o bder gshegs bcom ldan 'das// rdo rje bla med theg mchog gi/ blo la snang ba'i the tshom rnams// bdag cag 'khor tshogs zhu bar 'tshal// zhes gsol pas/ gsang ba mchog gi bdag pos bka' stsal pa/ sems dpa' chen po legs kyis ci dang ci 'dod pa dris shig dang / gnang ba'i skabs dbye bar bya'o// de nas rdo rje yid kun tu bzang po la stsogs pa 'dus pa'i 'khor rnams kyis mgrin gcig tu a la la zhes pa'i sgra phyung ste/ rang rang gi bsam pa gnas su bsdus so// de nas rdo rje yid kun tu

  79. 40a

    bzang po rdo rje chos kyis 'di skad ces gsol to// kye ma bder gshegs bcom ldan 'das// 'di ni dur khrod ji ltar lags// khu byug zhes bgyi ji ltar lags// rol pa zhes ni gang la bgyi// mdo yi don ni ji ltar lags// gsang sngags ming gi mtshan nyid ci// zhes gsol ba btab pa dang / gsang ba mchog gi bdag pos bka' stsal pa/ sems dpa' chen po nyon cig/ dur khrod zhes su bya ba ni// gnas shing sdud pa'i mtshan nyid de// chos dbyings ye nas gnas pa ru// chos kun bsdus pas dur khrod yin// khu byug ces su bya ba ni// shin tu dkon par bshad pa yin// mtshan mar snang ba'i chos kun rnams// rol pas rol par rgyal bas gsungs// rgyal bas gsungs pa'i don 'di ru// kun 'dus phyir na mdo zhes bya'o// dur khrod don nyid gsal byed dang // khu byug lta bur dkon pa dang // bder gshegs rol par bstan pa dang // thams cad kun tu 'dus pa'i phyir// don dang mthun pa'i ming du grags// gsang sngags ming gi mtshan nyid ni// smig rgyu bzhin du dmigs dang bral// ming du btags pa 'khrul pa ste// yang dag nyid la gdags su med// ces gsungs so// de nas yang rdo rje yid kun tu bzang pos gsol pa// mdo 'di'i dgos pa ji lta bu// 'brel pa dang ni brjod pa ci// yang dgos ji lta bu

  80. 40b

    dag bzhed// 'di don ji ltar rtogs par bgyi// gsang ba mchog gi bdag pos bka' stsal pa// khams gsum gnas pa'i sems can la// mdo don 'di ltar gces pas na// dgos pa zhes su bshad pa yin// 'di don rtogs pa'i rnal 'byor pas// gzhan dag bde blag rtogs 'gyur bas// mdo gzhan dag dang 'brel par bshad// mdo 'di dag la brten nas su// dngos grub khyad par can yang thob// de nas dgos pa dag dang 'brel// ting nge 'dzin dang byang chub sems// gzugs brnyan ting 'dzin dkyil 'khor dang // sngags dang phyag rgya thugs rjes 'dul// las dang dam tshig mdo yi don// rnam bshad brjod pa zhes su bshad// dngos grub 'bras bu khyad par can// gdon mi za bar nges 'grub pa// yang dgos yin par rgyal bas gsungs// de bas rnam pa bzhi po yis// bde blag dag tu rtogs 'gyur phyir// rnam bzhi khong du chud par gces// zhes gsungs so// de nas rdo rje yid kun tu bzang pos yang 'di skad ces gsol to// kye ma'o bder gshegs rdo rje 'dzin// stong pa nyid dang snying rje dang // sku nyid yongs su rdzogs pa dang // shes rab thabs su rnam bskul bas// spro dang bsdu ba'i mtshan nyid ci// gsang ba mchog gi bdag pos bka' stsal pa// sems dpa' chen po// de bzhin nyid las gnas bcas

  81. 41a

    phyir// dang po stong pa chen por bsgom// dam pa'i don gyi byang chub sems// rgyu yi tshul du rnam par gnas// rgyu dang 'bras bur 'brel pas na// mtshams su sbyor ba'i ting 'dzin bsgom// 'di ni kun rdzob byang chub sems// rkyen gyi tshul du rnam par gnas// rgyu las 'bras bur snang bas na// yongs su rdzogs pa'i rnam par snang // rang byung sku ste che ba'i mchog/ 'bras bu'i tshul du mngon sangs rgyas// rang byung rgyal ba'i sku mchog las// shes rab thabs kyi 'phro 'du las// sbyor ba'i byin rlabs 'od 'phros pas// 'gro ba'i don rnams rdzogs par 'gyur// stong pa nyid dang snying rje che// tha mi dad pa'i byang chub sems// bsnyen pa zhes su rgyal bas gsungs// rang byung rgyal ba'i sku mchog tu// bdag nyid shes par 'gyur ba ni// nye bar bsnyen pa'i dam tshig yin// shes rab yum gyi mtshan nyid ni// sgrub pa zhes ni bya bar bshad// shes rab thabs su gnyis med pas// sgrub pa chen por rnam par bshad// de bas rnam pa bzhi po ni// kun gyi thog mar 'gro ba yin// zhes gsungs so// de nas yang rdo rje yid kun tu bzang pos 'di skad ces gsol ba btab bo// kye ma'o bder gshegs rgyal ba'i gtso// byang chub sems kyi byin rlabs las// thog mar gzhal yas byang chub sems// de dbus rang sngags skyes bu nyid// gnas dang

  82. 41b

    bdag po'i mtshan nyid ci// gsang ba mchog gi bdag pos bka' stsal pa/ sems dpa' chen po// shes rab yum gyi mkha' dbyings su// b+ha ga yangs pa'i gzhal yas su// rang sngags skyes bur rnam gsal ba// snod dang bcud kyi mtshan nyid dang // shes rab thabs su 'brel pa ni// bder gshegs rgyal ba kun gyis gsungs// zhes gsungs so// de nas yang rdo rje yid kun tu bzang pos gsol pa// kye ma'o/ gsang ba mchog gi bdag/ ting nge 'dzin dang snying po dang // rang mtshan so so'i skur rdzogs pas// rten 'brel don de ji ltar lags// zhes gsol pa dang / gsang ba mchog gi bdag pos bka' stsal pa// sems dpa' chen po nyon cig/ ting 'dzin zhes bya ye shes te// don dam rgyu yi tshul du gnas// snying po zhes su gsung du grags// thugs kyi mtshan ma thugs nyid de// rnam pa kun rdzob sku yi rgya// 'bras bu sku gsung thugs su grags// ting nge 'dzin ni las kyi rgya// snying po chos kyi phyag rgya ste// thugs kyi mtshan ma dam tshig rgya// yongs su rdzogs pa sku yi ste// mdor bsdus phyag rgya rnam pa bzhi// zhes gsungs so// de nas yang rdo rje yid kun tu bzang pos 'di skad ces gsol to// kye ma'o gsang ba mchog gi bdag/ zhe sdang zhes bgyi ji ltar lags// gti mug nga rgyal 'dod chags dang // de bzhin phrag dog ji ltar

  83. 42a

    lags// zhes gsol pa/ gsang ba mchog gi bdag pos bka' stsal pa// thugs ni rnam shes yin pas na// zhe sdang sems la gnas bca' ba'o// gzugs ni sku yi rnam pa bas// gti mug glen pas bcings par bshad// tshor ba myong nas mi gtong bar// nga rgyal nga rgyal zhes su bshad// 'du shes shes nas chags pas chags// 'dod pa chags pas 'dod chags so// phrag dog mngon par 'du byed nyid// sangs rgyas lnga ru rab tu grags// de nas yang rdo rje yid kun tu bzang pos 'di skad ces gsol to// nam mkha' sa chu me rlung dang // dbyings phyug lnga ru bka' stsal pa// ngo bo ji ltar gsal bar bzhed// ces gsol to// gsang ba mchog gi bdag pos bka' stsal pa// gti mug nam mkha'i ngo bo ste// zhe sdang me ni 'bar bar bshad// 'dod chags chu yi ngo bo ste// nga rgyal sra ba sa yi khams// phrag dog rlung gi ngo bo yin// de bas dbyings phyug lnga ru bshad// de nas yang rdo rje yid kun tu bzang pos 'di skad ces gsol to// don dam kun rdzob tha mi dad// byang chub thig le'i rang bzhin de// spros pa'i mtshan ma med lags na// rnam grangs don de ji ltar lags// gsang ba mchog gi bdag pos bka' stsal pa// tha dad med pa'i byang chub sems// spros med rgyu yi tshul nyid las// 'bras bu ye shes lngar bshad

  84. 42b

    pa'am// bde bar gshegs pa thams cad kyi// so so rang gi mtshan nyid de// ji ltar thugs su chud pa bzhin// byang chub sems kyang de bzhin du// bder gshegs rgyal ba kun gyis gsungs// de nas yang rdo rje yid kun tu bzang pos gsol pa// gzugs brnyan spyi yi dkyil 'khor du// rgyal ba sangs rgyas kun bkod par// gsang ba'i dkyil 'khor kun 'dus nas// rang rang spyi ru dbye ba yi// rnam grangs don de ji ltar lags// gsang ba mchog gi bdag pos bka' stsal pa// don dam nyid du dbyer med kyang // kun rdzob bden pa'i dbang tsam du// bder gshegs rgyal bas gang la yang // sku dang gsung thugs yon tan dang // las lnga dang ni spyi dang drug/ rang gi rgyud du gnas pa'i phyir// dkyil 'khor rnams kyang de snyed du// bder gshegs rgyal ba nyid kyis gsungs// rdo rje yid kun tu bzang pos gsol pa// sku dang gsung thugs yon tan las// khyad par spyi yi dkyil 'khor dang // rnam pa drug por bka' stsal pa// drug tshan gsum du gsungs pa de// dgos ched ji lta bu dag mchis// gsang ba mchog gi bdag pos bka' stsal pa// sems dpa' chen po drug tu bshad par ma zad de// de dag re re dag la yang // sku gsung thugs su gnas pas na// gsum gsum dag tu brjod pa yin// spyi dang las dang yon tan yang // don la

  85. 43a

    kun la'ang yod mod kyi// so sor bshad par mi bya'o// ci phyir sku gsung thugs nyid las// gud na yod pa ma yin phyir// de bas rgyal ba sangs rgyas kyis// dkyil 'khor sku dang gsung dang thugs// mi zad rgyan gyi dkyil 'khor du// 'gro ba rnams kyi lus ngag sems// srid pa'i 'khor lo mi zad la// dgongs nas de snyed gsungs par zad// mdor na sku gsung thugs nyid dang // 'gro ba'i lus dang ngag sems kyang // so sor yongs su ma grub ste// nges pa med par rgyal bas gsungs// de nas yang rdo rje yid kun tu bzang pos gsol pa// bder gshegs brnyan ma'i dkyil 'khor la// cho ga lhag gam ma tshang na// dngos grub 'bras bu mi 'byung zhing // rnam par grol bar mi 'gyur ram// gsang ba mchog gi bdag pos bka' stsal pa// dag pa'i rgyud dang mi ldan pa'i// ming gi rnal 'byor gang zhig gis// cho ga'i grangs dang yo byad rnams// tshang bar bstsogs kyang 'bras bu ring // dag pa'i rgyud ldan rnal 'byor gyis// gal te brnyan ma'i las byed kyang // cho ga yo byad gtor ma rnams// tshogs na yang ni gtsor ma gsungs// ma tshogs na yang nges par 'grub// de bas nan tan cher bskyed de// bsam pa dag par shin tu gces// yang rdo rje yid kun tu bzang pos gsol pa// rang bzhin dkyil 'khor bzang po

  86. 43b

    nyid// ye nas lhun grub gnas bzhin du// ting 'dzin bskyed pa'i dkyil 'khor des// yongs su 'grub par mi 'gyur na// 'di yi dgos pa ji ltar lags// 'di la khyad par ci zhig mchis// gsang ba mchog gi bdag pos bka' stsal pa// dag pa'i rgyud dang mi ldan pas// bskyed kyang rdzogs par mi 'gyur la// dag pa'i rgyud ldan dbang phyug de// ye nas sangs rgyas yin pa'i phyir// ting 'dzin bskyed pa'i dkyil 'khor rnams// thugs kyi sras su rdzogs pa dang // des kyang dngos grub ster bar nges// rang rgyud rnam par dag gyur na// rdzogs dang bskyed pa'i dkyil 'khor la// khyad par med par rgyal bas gsungs// de bas rnal 'byor khas 'ches pas// ting 'dzin nan tan dag par bya'o// yang rdo rje yid kun tu bzang pos gsol pa// sna tshogs las kyi sngags rnams dang // sna tshogs las kyi phyag rgya yis// sna tshogs las rnams 'grub 'gyur ba// gang gi stobs kyis 'grub par 'gyur// gsang ba mchog gi bdag pos bka' stsal pa// sems dpa' chen po// sna tshogs sngags dang phyag rgya yis// las rnams sna tshogs 'grub gyur pa'i// ting 'dzin stobs kyis ngo mthon du// sems kyi sprul pa 'byung bar 'gyur// sems nyid dag pa'i ngang nyid las// cho 'phrul sna tshogs zad mi shes// sna tshogs sngags dang phyag rgya dang // sna tshogs yon

  87. 44a

    tan bshad pa rnams// sku gsung thugs kyi dkyil 'khor gyi// las dang yon tan nyid yin par// mkhas pas de bzhin rig par bya// yang rdo rje yid kun tu bzang pos gsol pa// sna tshogs sna tshogs 'gro rnams la// sna tshogs bder gshegs rgyal ba yi// sprul pa sna tshogs sna tshogs pas// sna tshogs sna tshogs cis 'dul bas// btul ba sna tshogs ji ltar lags// gsang ba mchog gi bdag pos bka' stsal pa// kun tu sna tshogs skal bzang gi/ 'gro rnams sna tshogs btul ba dang // sna tshogs 'gro rnams rang rang gi/ las 'phro'i dbang gis snang ba las// de bzhin da kyis bcos pa med// bder gshegs rgyal ba thams cad kyis// dngos po rdul tsam mi gzigs te// ched du rnam par mi sprul yang // sems can lta spyod tha dad pas// bder gshegs sku yang snang mtha' yas// de bas gdul bya'i 'gro rnams dang // bder gshegs sgyu 'phrul sna tshogs kyang // 'khrul pa'i dbang gis snang bar zad// yang rdo rje yid kun tu bzang pos gsol pa// gsang ba'i rdo rje theg mchog la// ngan zos ngan spyod thams cad kun// byas la mi stsogs tshogs 'gyur bar// bshad pa'i don 'di ji ltar lags// gsang ba mchog gi bdag pos bka' stsal pa// sems dpa' chen po// de bzhin nyid la gnas bcas nas// ngan zos

  88. 44b

    ngan spyod thams cad kyang // tshogs chen gnyis su rdzogs par rol// don dam stong pa rgyu yi tshul// chos sku shes rab bcas su bshad// kun rdzob dngos po 'bras bu'i tshul// thabs mchog gzugs skur mngon sangs rgyas// nyon mongs rgyu nas rnam par dag/ dmyal ba'i gnas nyid bla med gnas// rnal 'byor rig pa 'dir ldan na// spyod yul kun tu mi 'da' la// thams cad mnyam pa'i ngang du gnas// yang rdo rje yid kun tu bzang pos gsol pa// thams cad mnyam pa'i ngang nyid las// thams cad dbyer med gcig pa las// log pa'i lam pa'i dregs pa rnams// srid rtsa nyes dmigs ji ltar lags// ma dad rgyu de ji ltar lags// thugs rjes 'dul ba ci yi phyir// gsang ba mchog gi bdag pos bka' stsal pa// log pa'i lam pa'i dregs pa de// gsang ba'i theg pa'i sgor zhugs nas// sems la nyon mongs rgyud 'chang bas// rang bzhin gsang ba ma rtogs par// dngos rtogs rdzas la mngon par 'chel// rang sems skad cig rang bzhin la// rtag pa theg zug bltas pa yis// srid rtsa nyes dmigs de las byung // che ba'i nga rgyal dbang gis na// zhi bas 'dul la dad mi 'gyur// snga mar bstan pa'i stobs shugs kyis// khros pa'i thugs rjes 'dul bar 'gyur// dregs pa'i nga rgyal khros pas kyang // 'jig rten khams kun spa bkod

  89. 45a

    nas// ye shes thugs rje khros pa yis// dgod dang gshe dang za byed pa'o// yang rdo rje yid kun tu bzang pos gsol pa// khrag 'thung kun gyi thugs kyi thugs// rdo rje rab tu ki la ya// dregs pa tshogs rnams sgrol mkhas pa// de yi dngos gzhi ji ltar lags// gdab pa'i thabs su ji ltar bgyi// theg pa'i mtshan nyid ji ltar lags// gso ba'i cho ga ci ltar bgyi// slar dbyung cho ga ji ltar lags// gsang ba mchog gi bdag pos bka' stsal pa// dus gsum bder gshegs thams cad kyi// thugs kyi sras mchog kI la ya// dregs pa 'dul phyir thugs las shar// sras mchog de yi dngos gzhi yang // byang chub sems kyi phur pa ste// ma btab bzhin du las rnams rdzogs// srid pa gdar sha bcad nas ni// mtshan ma dbyings su rtogs gyur te// gzhung bzhin btab na thebs par nges// thebs pa'i rtags su bstan pa ni// yang dag don du bstan pa ni// snang srid chos rnams thams cad kun// mtshan med ngang du rtogs pa yi// drod chen rtags kyang 'byung bar nges// kun rdzob rtags su bstan pa ni// mngon du snang ba 'byung bar 'gyur// thebs nas gso ba'i cho ga yang // bdud rtsi 'khyil pas bya bar shis// btab nas slad dbyung cho ga ni// rdo rje lcags kyu'i sbyor ba yis// snying rjer bsgoms te dbyung bar bya// yang

  90. 45b

    rdo rje yid kun tu bzang pos gsol pa// dregs pa'i las kyis 'chel pa la// khro bo'i thugs rjes 'dul ba'i tshe// dregs pa bsgral ba ci'i phyir lags// dregs pa sbyor ba'i dgos pa ci// gsang ba mchog gi bdag pos bka' stsal pa// zhe sdang las kyis 'chel ba la// zhe sdang chen po'i ting 'dzin gyi// zhe sdang dbyings su dag bya'i phyir// dregs pa pho ni bsgral bar gsungs// 'dod chags las kyi gzir ba las// 'dod chags chen po 'ga' ga Na yin nam na ru// 'dod chags dbyings su dag bya'i phyir// dregs pa mo ni rab tu sbyor// sbyor sgrol bya ba kun byas kyang // de la bya ba rdul tsam med// yang rdo rje yid kun tu bzang pos gsol pa// rdo rje drag po'i dkyil 'khor la// dkyil 'khor rnam par ji ltar 'tshal// sngags kyi bdag po gang gis bgyi// 'gugs 'dren pho nya gang gis bgyi// sgrol ba'i phrin las gang gis bgyi// gsang ba mchog gi bdag pos bka' stsal pa// drag po las kyi dkyil 'khor la/ rnam pa gsum du rgyal bas gsungs// bdag nyid chen po'i dkyil 'khor du// phyogs mtshams khro bo'i dkyil 'khor dang // sras mchog phur pa'i dkyil 'khor de// rdo rje gzhon nu las kyi lha// gtso gzungs zung du 'brel ba ni// bdag nyid chen po yin par bshad// khro bo khro mo phra men tshogs// phyogs mtshams khro bo zhes su

  91. 46a

    bya// sras mchog phur po'i khro bo ni// kI la ya zhes rab tu grags// de dag dkyil 'khor re re la'ang // rang bzhin lhun grub dkyil 'khor dang // bskyed pa ting 'dzin dkyil 'khor dang // rten bca' brnyan ma'i dkyil 'khor te// gsum gsum dag tu rgyal bas gsungs// bdag nyid chen po sngags kyi bdag/ phyogs bcu'i khro bos 'gugs 'dren byed// sras mchog phur pas sgrol bar gces// bder gshegs rgyal ba kun gyis gsungs// de bas nan tan cher bskyed de// drag po'i las la brtson pa'i mis// dkyil 'khor gsum du shes par bya'o// yang rdo rje yid kun tu bzang pos gsol pa// khrag 'thung rnams kyi stangs tshul dang // bzlas pa khro bo'i gsang sngags rnams// ting 'dzin rnal 'byor gang gis bgyi// dgos pa'i dus tshod gang ltar lags// gsang ba mchog gi bdag pos bka' stsal pa// rdo rje khro bo khro mo rnams// so so gang yin gsal bsgoms la// gang yin sngags dang stangs stabs rnams// rang rang las kyi dus su sbyor// yongs ni rang rgyud dag pa na// gcig gis kun gyi las rnams kyang // ci 'dod thams cad bya ru rung // de skad rgyal ba dpa' bos bshad// yang byed pa po rdo rje yid kun tu bzang pos gsol pa// rgyun gyi ting 'dzin bya ba yi// sngon du 'gro ba'i las ni gang // ci ltar mthar phyin pa

  92. 46b

    yis 'grub// grub pa'i mtha' ni ji ltar lags// gsang ba mchog gi bdag pos bka' stsal pa// nan tur ting 'dzin byed pa'i tshe// tshad med snying rje bskyed pa dang // byang chub sems la dga' ba ni// sngon du 'gro ba'i las mchog yin// bsnyen pa dang ni nye bsnyen pa// sgrub pa sgrub chen mthar phyin pas// bsgrubs na nges par 'grub par 'gyur// bdag dang phur bu sems can rnams// tha mi dad par grub mtha' gcig/ ces gsungs so// yang rdo rje yid kun tu bzang pos gsol pa// zhi rgyas dbang dang drag spyod kyi// phrin las rnam bzhir bshad pa gang // gnas skabs gang du 'tshal ba lags// mtshan nyid ji ltar 'tshal bar bgyi// gsang ba mchog gi bdag pos bka' stsal pa// rnal 'byor dgongs pa'i las bzhi po// zhi khro'i dkyil 'khor gang gi yang // cha dang rkyen du rgyal bas bsngags// de bas nan tan cher bskyed de// las bzhi rdzogs pa mchog yin no// mtshan nyid 'byung ba bzhi yin te// e ni bsregs pas me ru bshad// baM ni chu yis dkyil 'khor te// ma ni sa yi mtshan nyid de// ya ni rlung du bshad pa yin// dkyil 'khor chen po nam mkha' yi// mtshan nyid yin par rgyal bas gsungs// las rnams brtsam pa ma byas na// bsgrubs kyang 'grub par mi 'gyur ro// yang rdo rje yid kun tu bzang pos gsol pa// dam tshig

  93. 47a

    gnas rnams bka' stsal pa// dam tshig ces ni gang la bgyi// nyams pa gson ji ltar lags// rang bzhin ji ltar 'tshal bar bgyi// gsang ba mchog gi bdag pos bka' stsal pa// dam tshig dam tshig ces bya ba// rtogs pa'i lta ba dam tshig ste// de las 'das na 'tshig par bshad// chos nyid mnyam par blo bzhag na// gso ba'i thabs ni de ltar ro// nyams pa'i chad pa byung ba na// mgon skyabs de las gud na med// mnyam nyid dbyings kyi rang bzhin du// dam tshig thams cad gcig par ni// bder gshegs rgyal ba kun gyis gsungs// yang rdo rje yid kun tu bzang pos gsol pa// rdo rje theg pa zhes bgyi ba// rdo rje zhes ni gang la bgyi// theg pa chen po ji ltar lags// bde bar gshegs pas bshad du gsol// gsang ba mchog gi bdag pos bka' stsal pa// theg pa chen po'i chen po ste// gsang ba'i theg pa zhes su grags// rang gi lus ngag yid rdo rje// chos sku rdo rje mi phyed phyir// rdo rje zhes su brjod pa yin// de nyid shes rab gsum po yis// rtogs par bya phyir theg par bshad// ces bka' stsal pas// 'dus pa'i 'khor tshogs rnams rab tu dga' ba'i yid kyis/ bcom ldan 'das gsang ba mchog gi bdag po dang / sdud pa po rdo rje yid kun tu bzang po la/ lan brgya phrag stong du bskor ba byas te/ gtsug gis

  94. 47b

    'dud pas phyag rnal 'byor gyi tshul du byas nas/ a la la ho/ ngo mtshar rmad du byung ba'i chos kyi don 'di byung ngo // zhes mgrin gcig tu brjod do// de nas rdo rje yid kun tu bzang po yang rang gi stan las langs te/ bcom ldan 'das gsang ba mchog gi bdag po la 'di skad ces gsol ba btab bo// bcom ldan 'das gsang ba'i mdo chen po la stsogs pa'i gsang ba'i theg pa 'di da lta nyid khyad par du gyur pas de bzhin gshegs pa rnams dang / byang chub sems dpa' rnams kyis 'khor gyi dkyil 'khor du 'chad par spyod na// gsang ba'i theg pa 'di sngar 'das pa'i sangs rgyas gang gi ring la bshad pa dang / slad kyi sa phyogs gang du dad pa can gyi rnal 'byor pas spyod par 'gyur ba/ bdag cag rnams la lung bstan du gsol// bde bar gshegs pas lung bstan du gsol// gsang ba mchog gi bdag pos bka' stsal pa// sems dpa' chen po nyon cig/ gsang ba'i theg pa 'di 'byung ba ni shin tu yang dkon te/ u dum ba ra'i me tog 'jig rten du dper brjod pa dang 'dra'o// sems dpa' chen po gsang ba'i theg pa 'di ni sngon byung ba'i sangs rgyas 'od srungs chen pos/ 'bras bu rdo rje theg pa'i chos kyi 'khor lo bskor ba'i tshe/ de'i dus su yang gsang ba'i theg pa 'di ma bshad do// de ci'i phyir zhe na/ dus de'i 'gro ba rnams gsang

  95. 48a

    ba'i theg pa 'di'i snod du ma gyur pa'i phyir ro// de bzhin du sngar 'das pa'i sangs rgyas bye ba phrag brgyad cu rtsa bzhis kyang gsang ba'i theg pa 'di ma bshad do// sngon bskal pa thog ma bskal pa kun tu bkod pa zhes bya ba byung ba'i tshe/ sangs rgyas mngon 'byung gi rgyal po zhes bya ba de'i bstan pa la/ gsang ba rgya cher grags te nges pa'i don rgya cher spyod do// de'i tshe 'gro ba rnams gsang ba'i nges pa'i don la shin tu dad par gyur te/ rnam par grol ba'i lam chen po la bkod do// sems dpa' chen po da ste bskal ba bye ba 'das pa'i 'og tu/ bskal pa me tog bkod pa zhes bya ba 'byung ba'i tshe/ sangs rgyas 'jam pa'i dbyangs zhes bya ba da ltar dang tshul mthun pa zhig 'byung ste/ des gsang ba rgya cher ston par 'gyur ro// gzhan sangs rgyas gang gis kyang / gsang ba'i nges don ston par mi 'gyur te/ de ci'i phyir zhe na// 'gro ba rnams gsang ba chen po 'di'i snod du ma gyur pa'i phyir ro// sems dpa' chen po da lta nga nyid kyi bstan pa'i gsang ba rgya chen po 'di dag kyang / phyi ma'i dus phyi ma'i tshe na/ 'dzam bu'i gling du spyod par 'gyur te/ der skyes pa'i rgyal po dza zhes bya ba tshogs bsags pa zhig gi gnas 'khor du/ khyod nyid kyis bsdus pa'i don 'di dag kyang // gsung chos kyi glegs bam du snang bar 'gyur ro// der skal ba dang

  96. 48b

    ldan pa rnams kyis rim gyis spyod par 'gyur te/ de yang ched 'ga' ni dar/ ched 'ga' ni nub/ ched 'ga' ni mngon du phyung / ched 'ga' ni gab cing sbas/ la las ni tshul bzhin spyad cing sngags kyi mthu stobs kyang rnyed/ phal cher ni tshul 'dra log par spyod pas ltung ba'i gnas su 'gyur// 'gro ba la la ni dad/ la la ni ma dad par gnas pa las/ dus lnga brgya tha ma'i tshe dar zhing rgyas par 'gyur ro// de bzhin du sangs rgyas sprul pa'i sku'i bstan pa'i bar skabs rnams su yang gsang ba 'di rgyas par 'gyur ro// de dag tshe na yang gsang ba 'di dang 'dra ba'i log pa'i lam ston pa'i chos ston pa yang mang du 'byung ste// 'gro ba dag phal cher ni bdud kyis bstan pa'i chos de la dad par 'gyur ro// sems dpa' chen po de'i tshe de'i dus su gsang ba'i yi ge 'di dag la nan tan du byed cing / gzhan la 'chad pa dang / nyan pa dang / tshul bzhin du yid la byed pa de ni// rdo rje theg pa'i gting 'dzugs shing / rnal 'byor dbang phyug gi rgyud 'dzin pa'i nga'i sras dam par blta'o// sems dpa' chen po khyod kyis kyang spyan dang grogs po nyid du byin gyis rlobs shig/ ces gsungs so// de nas yang rdo rje yid kun tu bzang pos yang 'di skad ces gsol ba btab bo// bcom ldan 'das gsang ba 'di nyid ma nor bar 'chad cing ston pa'i rdo rje slob

  97. 49a

    dpon de la/ bdag cag rnams kyis ji ltar blta bar bgyi/ de'i yon tan gyi tshad ni ji ltar lags/ gsang ba 'di la mos shing ma nor bar 'dzin pa'i gang zag dam pa de'i 'bras bu dang / rnam par smin pa cir 'gyur/ bdag cag rnams kyis ji ltar blta bar bgyi/ gsang ba mchog gi bdag pos bka' stsal pa/ de'i phyir sems dpa' chen po nyon cig/ bla ma rdo rje slob dpon de ni/ khyod kyis sems can lta bur mi blta ste/ yang dag par rdzogs pa'i sangs rgyas nyid du blta'o// byang chub sems nyid du blta'o// nga gsang ba mchog gi bdag po nyid du blta'o// de ci'i phyir zhe na/ yang dag par rdzogs pa'i sangs rgyas dang byang chub kyi sems dang / nga nyid so so ma yin tha mi dad pa'i phyir ro// gang phyogs bcu dus gsum gyi sangs rgyas rnams kyis kyang spyi bo la bkur bar mdzad na// gzhan gyis lta ci smos// gsang ba 'di'i don ma nor bar 'dzin pa'i gang zag dam pa de ni/ sems dpa' chen po da lta khyod nyid dang 'dra'o// zhes smra'o// de'i 'bras bu rnam par smin pa ni/ yang dag par rdzogs pa'i sangs rgyas dang ring ba ma yin no// sems dpa' chen po der yang ma zad de/ gsang ba'i mdo 'di'i chos kyi yi ge 'di gang na gnas pa'i sa phyogs de nyid na yang / nga gsang ba mchog gi bdag po bzhugs pa yin par

  98. 49b

    shes par bya'o// chos kyi 'khor lo chen po rgyun mi chad par bskor ba yin par shes par bya'o// gnas 'khor de nyid du 'jig rten gyi dgos pa yang phun sum tshogs par 'byung bar shes par bya'o// de bzhin gshegs pa'i sku gsung thugs nyid yin par shes par bya'o// sems dpa' chen po de bas na khyod nyid kyis kyang / gsang ba'i mdo 'di mi nub par bag yod par gyis shig/ sems dpa' chen po gzhan yang nyon cig/ gsang ba'i mdo 'di la gang zhig skur cing mi snyan par smra zhing sems pa'i gang zag des ni/ yang dag par rdzogs pa'i sangs rgyas la skur pa yin no// byang chub sems la skur pa yin no// yang dag pa'i lam dang bral ba yin pas rig par bya ste/ de'i rnam par smin pa ni ngan song chen po gsum gyi kha brgyud nas kyang / dam sri dmar po'i lus su skye ste/ gsang ba 'di dang phrad pa'i skabs cung zad kyang mi rnyed do// de bas na de ni rnal 'byor gyi dbang phyug chen pos dam tshig tu blangs te bsgral ba'i rigs so// sems dpa' chen po gzhan yang gsang ba'i mdo 'di nyid bstan pa'i snod kyi gang zag de ni shin tu yang dkon no// de ci'i phyir zhe na/ gang zag dam pa de ni sngon gyi rgyal ba la bya ba byas pa/ lung bstan pa thob pa bsam pa nges pa can/ ma 'jungs pa'i sems kyis bla ma la bkur sti byed cing / zab mo'i don la mi

  99. 50a

    skrag pa/ don du gnyer ba chud mi gson pa/ phyi rol gyi sde pa gzhan gyi khar mi gtong ba'i spyod yul yin pa'i phyir te/ bsam pa log pa can rnams kyi ni ma yin/ sgrib pa zug cing blo zhan pa rnams kyi ni ma yin/ de bzhin du yid gnyis can dang / 'jungs pa'i bsam pa can dang / bla ma la mi gus shing / zab mo'i chos la bzod pa ma thob pa dang / nyams su len pa chud za bar byed cing gzhan gyi sde pa la dga' ba'i bsam pa can rnams kyi rna lam du 'gro ba ni ma yin te de bas na shin tu yang dkon no// de nas 'dus pa'i 'khor tshogs ma lus pa rnams kyis yang dang yang du bskor zhing yang dang yang du rmad du byung ba'i mchod pa rgyas pa de kho na nyid kyi mchod de/ bcom ldan 'das gsang ba mchog gi bdag po dang / sdud pa po rdo rje yid kun tu bzang po rdo rje chos dang / gsang ba'i mdo 'di nyid la mngon par bstod pa/ e ma'o bdud bzhi rnam par bcom nas yon tan drug ldan pa// yod med mtshan ma dngos po'i mtha' las 'das// don dam thugs ni rtogs dka' shin tu gsang // gsung ni gsang sngags 'bras bu kun gyi mchog/ ma lus kun la mnga' brnyes bdag po'i sku// bcom ldan gsang bdag khyod la phyag 'tshal bstod// e ma'o// gsang bdag dgyes pa yum gyi dkyil 'khor na// dus gsum 'du 'bral med par rtag tu

  100. 50b

    sbyor// gnyis med thig le byang chub dag pa'i sku// byang chub rdo rje khyod la phyag 'tshal bstod// e ma'o rol pa'i rdzu 'phrul che la mnga' brnyes pa// bka' yi 'khor lo gsang ba'i sgra sgrogs pa// thugs rje'i cho 'phrul chos kyi char yang 'bebs// gsang sngags bdag po mchog la phyag 'tshal bstod// e ma'o dus gsum bder gshegs kun gyi thugs kyi thugs// mi nub chos kyi rgyal mtshan 'dzin byed pa// smra ba'i seng+ge chen por dbang bskur ba// rdo rje kun bzang khyod la phyag 'tshal bstod// e ma'o gsung gi thigs pa bdud rtsi'i klong // lung dang man ngag gtan tshigs kun gyi mdzod// dus gsum rnal 'byor dbang phyug bgrod pa'i shul// 'og ma zil gnon seng+ge lta bu'i sgra// don gyi mdzod du mig gi sgron mar snang // bdud rtsi thigs pa'i mdzod la phyag 'tshal bstod// a la la ho zhes bstod/ de nas bcom ldan 'das gsang ba mchog gi bdag po ni dgongs pa chos kyi dbyings zhi ba chen po la bzhugs so// 'dus pa'i 'khor tshogs rnams ni che ba'i don la ngam zhing rig pa'i rtsal sbyangs te/ bcom ldan 'das gsang ba mchog gi bdag po'i thugs su zhugs te mi snang bar gyur to// la la ni gsang ba'i mdo 'di la rjes su yi rang zhing mngon par bstod do// rgyud kyi rgyal po de bzhin gshegs pa thams cad kyi gsang ba dur khrod byug

  101. 51a

    rol pa'i mdo las/ don phyi ma rim par bkod pa'i le'u ste bcu bzhi pa'o// // de bzhin gshegs pa thams cad kyi sku dang gsung dang thugs kyi gsang ba dur khrod khu byug rol pa'i rgyud ces bya ba theg pa chen po'i mdo rdzogs so// / @#// rgya gar skad du/ bo d+hi tsin+tanAg ma ma hA ye ga ma hA yA na sU tra/ bod skad du/ byang chub sems 'a gtan megan pams kyang can pa dang mdzad gzu pa mal lung rnal 'byor chen po'i rgyud theg pa chen po'i mdo/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ ye shes thams cad kyi bdag po yon tan che ba'i don la spyod pa de/ ngo mtshar rmad du byung ba'i don 'di nyid bshad pa'i chos/ yang dag gsang ba'i yang gsang ba/ chos nyid kun gzhi'i pho brang rgya yongs su ma chad pa/ chos kyi dbyings kyi nam mkha' las ye shes kyi cho 'phrul rkun dpag tu med pa rin po che'i rgyal po ltar snang ba/ chos nyid kyi nam mkha' la/ rlung gi phung po rgya ma chad pa dang / khrag gi rgya mtsho dang / gser gyi sa gzhi 'bur 'phar bar chags pa'i gzhi la/ 'bar ba'i gzhal med khang sna tshogs 'od zer kun tu 'phro ba/ thod pa skam rlon brtsegs pa la/ gnam lcags kyi gzer ta ler btab pa/ sbrul nag gi rgyan la sogs te 'khor ba'i rgyan thams cad

  102. 51b

    dang / thabs dang shes rab kyi rgyan dang / rdo rje'i rgyan la sogs te ye shes sgo kun tu gsal bar gyur pa'i gnas na/ bcom ldan 'das rnam shes rdo rje zhes bya ba dang / bcom ldan 'das tshor ba rdo rje zhes bya ba dang / bcom ldan 'das 'du shes rdo rje zhes bya ba dang / bcom ldan 'das 'du byed rdo rje zhes bya ba dang / bcom ldan 'das gzugs rdo rje zhes bya ba dang / yum chen mo rdo rje dbyings phyug ma dang / yum chen mo rin chen dbyings phyug ma dang / yum chen mo pad+ma'i dbyings phyug ma dang / yum chen mo las kyi dbyings phyug ma dang / yum chen mo nam mkha'i dbyings phyug ma zhes bya ba la sogs te/ sems dpa' chen po byang chub kyi sems rdo rje dang / byang chub chen po kun tu bzang dang / byang chub chen po thugs rje gzigs dang / byang chub chen po drag shul rdo rje dang / byang chub chen po sgrib pa sel byed dang / byang chub chen po mkhyen rab gzhon nu dang / byang chub chen po brtan pa'i snying po dang / byang chub chen po snang ba'i snying po dang / de dag la sogs te byang chub sems dpa'i 'khor tshogs thams cad dang / gzhan yang bud med kyi 'khor tshogs thams cad kyi dkyil na/ bsnyengs pa mi mnga' bar rdo rje'i gdan mi phyed pa la bzhugs te/ yum chen mo chos nyid kun tu bzang mos nyid kyi sku la 'khril te/ nyid kyi nyid la bltas nas thabs gcig

  103. 52a

    go/ de nas bcom ldan 'das ye shes thams cad kyi bdag po des dgongs pa mnyam pa nyid chos kyi don ma lus par mnyam par mkhyen nas/ sku gsung thugs mnyam pa nyid mi dmigs pa'i ngang la snyoms par gnas so// rnam rtog mi mnga' 'jug ldog thams cad dang bral nas bzhugs so// de nas bcom ldan 'das ye shes thams cad kyi bdag po de chos kyi dbyings las ma g.yos par/ yum chos nyid kun tu bzang mos gsol pa/ chos sku rnam dag nam mkha'i dri med nam mkha' lta bu'i dngos// yod med mtha' las grol bas stong pa'i ngang // brjod bral mtha' las 'das pas nam mkha'i tshul// dngos po kun bral brtags pa'i yul las 'das// mi gnas mi dmigs nam mkha'i dbyings nas bzhengs// zhes gsol pas/ de nas bcom ldan 'das ye shes thams cad kyi bdag po des/ chos rnams thams cad nam mkha' ltar mkhyen nas snang ba med pa las rdo rje lta bu'i skur bstan te/ 'jig rten nyi zla sgrib pa med par shar ba lta bu'o// de nas yum chos nyid kun tu bzang mo la gzigs te zhal bzhed par mdzad pas/ nyi ma 'bum las 'od zer byung ba lta bu'o// 'od zer de dag las kyang byang chub kyi sems kyi sprin mngon par byung bas/ rol pa sna tshogs kyi mchod pa byung nas/ bde ba'i dga' ba la gnas par mdzad

  104. 52b

    do// de nas yum chos kyi dbyings phyug ma des/ spyan bde ba'i tshul gyis/ bcom ldan 'das ye shes thams cad kyi bdag po des bltas te/ 'dud pa'i tshul gyis phyag byas nas/ gsol pa/ tshogs gnyis rdzogs pas ye shes dbyings kyi lha// longs spyod rdzogs pas bde ba chen po'i sku// yon tan thams cad rdzogs pas yid bzhin rin po che// rdo rje sems dpa' skal bzang dpal khyod bdag/ 'khor los sgyur rgyal lta bu'i longs spyod gter// thabs kyi rol pas bde ba'i ngang las bzhengs// zhes gsol pas/ de nas bcom ldan 'das ye shes thams cad kyi bdag po des/ bskul bar mkhyen nas/ bde ba'i ngang las cho 'phrul sna tshogs su bzhengs te/ 'gying ba'am brjid pa'i tshul du yod med thams cad la bcom ldan 'das ye shes thams cad kyi bdag po des kun la khyab par mdzad de/ de rnams kun gyi rang bzhin du gnas so// de nas yum chos kyi dbyings phyug ma de ngo mtshar du gyur te/ 'dud pa'i tshul gyis phyag byas te gsol pa/ ye shes sgyu 'phrul rnam par rol pa'i sku// thabs dang shes rab kun la mnga' ba'i lha// 'phags pa'i thugs rje cho 'phrul 'byung ba'i gnas// 'gro ba'i don mdzad sprul pa mang po 'gyed// ji ltar 'dod pa'i gzugs kyang ston par byed// bder gshegs sprul pa mdzad pa bzhengs su

  105. 53a

    gsol// de nas bcom ldan 'das ye shes thams cad kyi bdag po des/ gsol pa mkhyen nas rtse gcig pa de kho na nyid rol pa'i ting nge 'dzin la gnas nas/ cang mi gsung bar mnyam pa la bzhugs so// de nas yum chos kyi dbyings phyug ma dang / byang chub kyi rdo rje la sogs pa/ 'khor rdul snyed ngo mtshar du gyur te/ de dag gis mgrin gcig tu gsol pa/ e ma ho yid bzhin nam mkha' lta bu'i dang // khyab pa'i byin rlabs rdo rje brjid pa'i sku// sprin phung rol pas rdo rje bsgyings pa'i sku// thogs med rol pas cho 'phrul ston par mdzad// e ma ho// gsung mchog sgra sgrogs snyan pa lta bu las// rdo rje brjod mdzad sgra rnams brjod pa mdzad// gsung gi yan lag rgya mtsho bkod pa'i gsung // seng+ge'i sgra sgrogs gsang sngags nges par ston// e ma ho yid bzhin rin chen gter chen lta bu las// rdo rje'i byin rlabs bde ba'i mchog/ ye shes thig le spros bral mi rtog zugs// rnam grol de nyid nges pa'i cho 'phrul ston// e ma ho sdug bsngal mi zad 'khor ba 'di// thob pa'i bde ba ma thob 'gro ba'i rgyud// mtho ris bde ba ma thob ngan song gnas// yang dag don rnams bdag la bstan du gsol// nyon mongs mi shes 'gro ba rnams// sdug bsngal rgya mtshos bcings pa don gyis khrol// ma rig mun pas ldongs pa gsal bar

  106. 53b

    byed// 'khor ba rgya mtsho thugs rje'i gru yis sgrol// bde bar gshegs pa kun gyi thugs kyi mchog/ ye shes mchog ldan don gyi snying po 'di// rnal 'byor sems kyi don chen ni// 'khor rnams 'dus pa rnams la rgya cher bshad du gsol// don rnams shin tu rtogs pa 'tshal lags na// thugs rje'i byin rlabs cho 'phrul bshad du gsol// a la la ho zhes gsol to// de nas bcom ldan 'das ye shes thams cad kyi bdag po des/ 'khor rnams kyis gsol ba btab par gzigs nas/ bzhad pa mdzad do// bzhad pa mdzad pas/ thugs rnam par dag pa'i klong nas/ rig pa'i ye shes brjod kyi mi langs pa'i yang mi langs pa 'od zer dang bcas pa/ 'od zer des nam mkha' khyab par mdzad do// 'od zer de dag re re las sprul pa'i sku bsam gyi mi khyab par shar bar mdzad do// sprul pa'i sku de dag re re las kyang sangs rgyas 'bum phrag 'khor so so zham 'bring dang bcas pa gnas par mdzad do// de dag las ye shes kyi char mngon par dbab pas// ma rig pa'i klong thams cad gsal bar mdzad do// rig pa'i chos kyi sgra sna tshogs dang / rig pa'i mchod pa sna tshogs byung ste/ kun tu khyab nas byung ngo // sku gsung thugs gar mkhan ltar lang long phyed par byung ste rmad du byung ngo // a la la ho zhes sgra bsgrags pas// sangs rgyas rnams kyang

  107. 54a

    gsung dbyangs gcig tu sgra bsgrags so// 'khor 'bum phrag bsam gyis mi khyab pa dang / gdul bya sna tshogs bsam gyis mi khyab pa yang spro bar gyur/ rig pa'i rtsal sbyangs nas/ ngam zhing mtshar to// 'khor rnams kyang nye bar gnas so// de nas bcom ldan 'das ye shes thams cad kyi bdag po des/ byang chub kyi sems rdo rje la sogs te 'khor rnams sbyang ba'i phyir/ rdo rjes brgyan pa zhes bya ba'i ting nge 'dzin la snyoms par bzhugs nas/ sngags tshig 'di gsungs so// oM hUM swA hrIHA hUM hUM hUM// rigs rnams 'du byar 'dus pa yi// dam pa chen po'i rig 'dzin rnams// bla 'og rim pa ji bzhin gnas// rdo rje gsang ba'i gral la 'god// mu stegs can dang 'jig rten pa// gang dag lha dman gyur rnams dang // rigs ma yin pa rigs mi 'gyur// skal pa bzang po'i dam tshig 'di// skal pa ngan par 'bab mi 'gyur// de las 'das na de brlag byed// oM AHhUM kro d+ha dza la sa ma ya/ hUM rak+ka dza la sa ma ya// hUM tsit+ta dza la sa ma ya// hUM yak+Sha dza la sa ma ya zhes brjod pa tsam gyis// zhal nas 'od zer sna tshogs byung // sprul pa'i 'od kyi phreng bar 'bar// gnod byed thams cad brlag mdzad do// spros pa'i 'od zer slar 'khyil pas// 'khor rnams dag kyang shin tu skrag/ e ma ho e ma ho ngo mtshar che// bdag cag

  108. 54b

    bcom ldan 'das kyis byin gyis brlab tu gsol// zhes gsol pa las// bcom ldan 'das ye shes thams cad kyi bdag po des zhal gyi mdangs phyung ste/ ye shes kyi 'od zer 'khyil pa dang / mdzes shing bde ba dang ldan pa dang / snod du rung ba rnams sbyangs nas/ 'od zer rnams gnas su thim par gyur to// de nas bcom ldan 'das ye shes thams cad kyi bdag po des// mi gnas ye shes klong nas bzhengs nas ni// seng+ge brgyal ba'i sgra lta bu// don bkod gsang ba'i nges pa dang // rgyud 'grel rtags kyi rol pa 'di// rdo rje bsgying ba'i sgra 'dis bshad// a o au bo d+hi tsit+ta sa ma ya a ti a la la ho// zhes cang mi gsung ngongo// ma gsung pa nyid na rgya cher bzhugs so// de nas byang chub kyi sems rdo rje la zhal 'dzum pas gzigs so// byang chub sems rdo rje des bskul bar rig nas rang gi gnas nas langs te/ rang gi mtshan ma gnas su bsams te lce la rdo rje bzhag nas/ ston pa'i zhal du 'bru tshugs kyis bltas te chos kyi rgyal po tshogs bdag dgongs su gsol// mi gsung chos kyi bdag pos dgongs pa bshad du gsol// a la la ho zhes gsol to// de nas bcom ldan 'das ye shes thams cad kyi bdag po des/ smra ba'i dam pa de byin gyis brlab pa'i phyir/ rdo rje rnam par 'phro ba'i ting nge 'dzin la zhugs nas 'di skad gsungs

  109. 55a

    so// badz+ra karma tsakra sa twa raM/ smra ba'i dam pa des smra ba'i dbang dam pa thob nas/ shin tu mi bzod pas bag dang ldan par bzhugs so// lan rnam pa bcu gnyis su bskor bas/ 'jig rten gyi khams thams cad g.yos par gyur te/ zhing khams thams cad ni bde ba'i gnas su gyur/ bcud thams cad ni yang dag pa'i don mthong / rngams pa'i tshul gyis ston pa'i mdun logs su/ seng+ge rdo rjes mtshan pa'i gdan la gnas so// de nas 'dus pa'i 'khor tshogs kyis// bcom ldan 'das la 'di skad gsol// e ma ho bcom ldan ye shes bdag/ byang chub sems ni rdo rje 'di// mthu che ba dang byin rlabs che// rgya che mkhas pa gsal zhing zab// bcom ldan thugs las skyes pa lags// zhes gsol pa dang / bcom ldan 'das kyis bshad pa// nyon cig 'dus pa'i 'khor tshogs rnams// byang chub sems ni rdo rje 'di// byang chub sems kyi phyi mo ste// snying rje kun gyi bdag po yin// sangs rgyas kun gyi rje btsan yin// byang chub rig 'dzin rnams kyi yab// rnal 'byor mes po mya ngan 'das pa'i don// bdud kyi yang bdud chos kyi mdzod// ye shes 'byung gnas chen por gyur pa yin// de ci'i phyir zhe na/ sngon med mi 'byung da ltar mnyam pa'i dus// 'byam klas dus na mngon sangs rgyas// chos la sbyor cing rgyal ba'i thugs las

  110. 55b

    skyes// rgyal ba kun gyi yab yin te// de 'dra'o zhes ni bka' stsal pas// 'khor tshogs thams cad dgar gyur te// e ma ho bcom ldan bde gshegs ngo mtshar lags// byang chub sems la phyag byas te// e ma ho rmad byung tshogs kyis mchod byas te// 'di ltar rmad byung ngo mtshar rgyal ba'i sras// zhing 'dir rgyal sras khyod spyod pas// bka' yi 'khor lo lam mchog dag/ e ma'o tshig gis mtshon de gsal bar mdzod// a la la ho// zhes byang chub kyi sems rdo rje la gsol to/ chag chad song 'dra// tshig gis mtshon de smras pa// IM AHhUM sA hrIHa la la ho// ston pa rgyal ba cang mi gsung // mi gsung bas ni rgya cher bshad// bshad du med pa'i chos rnams ni// sangs rgyas rnams kyis ma bshad do// ston pas brjod par mi bzhed de// skye ba med pa'i chos sku ni// ma skyes pas na chos skur 'dod// snying po don du gyur pa de// tshig tu brjod pa legs ma yin// spros pa nyid ni min no zhes// mkhyen pa rnams kyis nges par bshad// de bas ye shes bdag po nyid// bka' ma stsal par dgongs pa'o// dgongs pa'i don rnams 'byin 'dod pa// gzugs brnyan me long blta 'dod ltar// dgongs pa'i don ni rig la snang // ma skyes don gyi snying po 'di// tshig tu smra ba ma yin kyang // tshig min don rnams mi rtogs pas// ci phyir mi dmigs

  111. 56a

    tshig gis mtshon// rgyal ba'i snying po mnyam nyid de// gsal brjod 'dus pa'i tshogs rnams nyon// nga ni dus gsum rgyal ba'i thugs// ston pa'i don nyid lhun gyis grub// ces gsungs so// rgyud kyi rgyal po chen po byang chub kyi sems lung chen po'i mdo las gleng gzhi le'u ste dang po'o// // de nas bcom ldan 'das ye shes thams cad kyi bdag po dpal kun tu bzang po la byang chub sems rdo rje la sogs pa/ 'khor tshogs rnams kyis gsol pa/ bcom ldan 'das ma skyes pa'i don ji lta bu lags/ chos nyid kyi don ni gang / chos kyi dbyings ji ltar lags// bcom ldan 'das kyis bka' stsal pa// stong pa'i don ni dmigs su med// mtshan ma'i dngos po spros dang bral// nam mkha'i rang bzhin dmigs dang bral// chos nyid rang bzhin spros dang bral// rdo rje sems dpa' nam mkha'i ngang // che ba'i dag nyid sangs rgyas dang // kun bzang yangs pa chos dbyings yin// bya bral mi dmigs dbyings la gnas// rnam rtog mi mnga' chos kyi dbyings// rnam dag lam chen kun sgrol phyir// btsal sems med de rnam grol lo// zhi ba chen po'i ngang nyid do// mi skye mi 'gag cir mi dgongs// gzung 'dzin yul yang ngang gis stong // mi skye mi 'gag mtha' las grol// byams pas don gnyer rnam sbyang phyir// bdag dang

  112. 56b

    sems can gnyis ma mthong // rang bzhin gcig ste gnyis med do// sems kyi rang bzhin skye med de// thugs rjes bzung ba'i mtshan ma med// snying rje chen po cir mi mdzad// yang dag zab mo chen po yin// che ba'i che ba zab mo yin// che ba'i don nyid mnyam pa yin// byang chub med de ngan song med// de bas gnyis med chos kyi dbyings// chos dbyings gnyis med yon tan gter// yon tan cir yang bsngags pa med// yon tan rgya mtshor sgros mi 'dogs// don rnams ji bzhin mi bskyod de// chos nyid nam mkha' lta bu'i dngos// skyon rnams ma lus dag pa'o// bya ba'i yul rnams ngang gis stong // bya ba med pas rang bzhin grol// 'gro ba zhi ba chen po'i ngang // de phyir rang bzhin grol ba ste// gzhan nas 'byung bar 'gyur ma yin// rang byung ye shes btsal med pas// btsal med dam pa zhi ba yin// grol nas grol ba'i lam yang ston// snang phyir grol ba chen po ste// grol dang ma grol gnyis med do// 'khor ba mya ngan 'das nyid du// gnyis su sgro btags yod ma yin// de lta bur ni sus mthong ba// mtshan ma'i g.yul las rgyal ba yin// de lta bu ni sus 'dzin pa// sangs rgyas yin te rgyal ba'i sras// zhes gsungs so// rgyud kyi rgyal po chen po byang chub kyi sems lung chen po'i mdo las/ chos nyid kyi le'u ste gnyis pa'o// // de nas

  113. 57a

    'dus pa rnams kyis gsol pa/ sems dpa' chen po/ 'di ltar snang ba'i chos thams cad rang bzhin gyis sangs rgyas so zhes bgyi ba'i don ji lta bu lags/ bdag cag thos par 'tshal lags na/ bdag cag la rgya cher bshad du gsol// a la la ho// zhes gsol to// de nas byang chub kyi sems rdo rje des 'di skad ces bka' stsal to// nyon cig 'dus pa'i 'khor tshogs rnams// 'khor ba thams cad byang chub ste// 'byung ba chen po bcom ldan 'das// sa chu me rlung nam mkha' che// don nyid ye nas sangs rgyas te// snang ba nyid na dag pa yin// sems can thams cad rang bzhin grol// de phyir chos nyid grol ba yin// 'gro ba kun la rang bzhin gnas// mi shes pas su bslad mi nus// de la 'khrul 'khor 'byung ba min// phyin ci log gi rjes mi 'breng // phyin ci log tu rnam bslad kyang // grol ba rang bzhin gzhan las min// yang dag ye shes dag pa ste// chos rnams thams cad ngang gis stong // de phyir rang bzhin bcom ldan 'das// zhes gsungs so// e ma ho rgyal ba'i sras po yon tan mchog/ rgyal ba kun gyi thugs kyi gter// seng+ge'i sgra sgrogs gsang sngags ston// sangs rgyas kun gyi sku gsung thugs// ngo mtshar che la bdag cag 'dud// ces gsol to// rgyud kyi rgyal po chen po byang chub kyi sems lung chen po'i

  114. 57b

    mdo las/ rang bzhin gyi le'u ste gsum pa'o// // de nas 'khor der 'dus pa rnams kyis sems dpa' chen po la gsol pa/ bdag cag gis ye shes kyi don ji ltar rnyed par bgyi lags/ thabs ji ltar lags/ don ni gang / rnyed par bya ba'i rgyu ni ji ltar lags/ de nas byang chub sems rdo rjes 'di skad ces bka' stsal pa/ chos kun mnyam rdzogs lhun gyis grub// yongs su rdzogs pas rin chen gter// rang bzhin mi dmigs stong pa'i ngang // kun gzhi'i rang bzhin stong pa ste// dngos po thams cad zhi ba yin// de ltar ma mthong sdug bsngal te// sdug bsngal rang bzhin 'khor bar 'khor// de ltar mi shes byis pa dag/ ji ltar sgribs nas grang ba la// nyi ma'i 'od mchog sprin gyis bsgribs// grang bas de nyid bsam 'dod pa// rang gi rtsal gyis sprin la bud byas kyang // sprin rnams bsal bar ga la 'gyur// dngos po brtags pa'i mtshan ma yis// stong pa'i don ni mi ster ro// de phyir che ba'i yon tan mchog/ che ba'i ye shes rnyed dka' ba// zab cing phra la rtogs par dka'// chos nyid mi rnyed sgyu mar bstan// ji ltar sgyu ma snang gyur yang // de la dngos po ga la yod// ye shes bstan las sgyu ma snang // ji ltar sgyu ma byed pa'i skyes bu yis// 'gro ba'i rgyud rnams sna tshogs byas// sgyu ma de la 'gro ba med// 'gro ba'i don du ye shes

  115. 58a

    bstan// ye shes de la chos nyid ga la yod// shes rab thabs la brten pas 'grub// longs spyod chos nyid mi dmigs mnyam pa yin// dus gsum mi dmigs don gyi mchog/ ming tsam gnas pas bstan nas mthong // rang rig ye shes bde ba che// nyid la nyid mthong bde ba yin// ming tsam gzhan la bstan 'dra yang // gzhan nas ma byung de nyid yin// mngon sum bde ba rang las byung // bde ba gang yin stong pa yin// de ltar mthong ba dag pa yin// dag pa de nyid grol ba yin// zhes gsungs so// e ma ho chos kun rgya mtsho dag pa'i gsung // gnyis med don dam bkod pa'i rgyan// rnam rtog mi mnga' ye shes thugs// ngo mtshar dam pa seng+ge'i sgra// kun la snyoms mdzad ye shes dang // dmigs pa med pas nam mkha' 'dra// kun la snyoms pas nyi zla 'dra// nam mkha' lta bur dmigs pa med// gter gyi bcud 'dzin seng+ge'i sgra// sbas pa'i don ston gsung gi mchog/ smra ba'i dam pa de la bdag cag 'dud// ces gsol to// rgyud kyi rgyal po chen po byang chub kyi sems lung chen po'i mdo las/ gzhan pas che ba'i rang bzhin gyis che ba'i le'u ste bzhi pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po don 'di dag btsal lam mi btsal/ ma

  116. 58b

    btsal na don gyi ngo bo ji lta bu// don gang la sgrib/ chos nyid la thog ma dang tha mar mi 'gyur ram/ sems dpa' chen po don 'di dag bshad du gsol/ de nas smra ba'i dam pas 'di skad ces bka' stsal to// chos nyid ngang gi cho 'phrul 'byung // nam mkha'i ngang gis gzugs rnams mthong // chos dbyings nam mkha' bzhin du gnas// nam mkha'i khams la btsal du med// de bzhin chos dbyings btsal du med// cho 'phrul chen po dka' ba min// ji bzhin cho 'phrul chen po zhi// chos dbyings de bzhin nyid mi 'gyur// de ni cho 'phrul dam pa'o// thob par bya ba'i rgyu med de// thob pa'i yon tan bstan pa yang // theg dman rnams la bstan par zad// dper na byis pa'i rang bzhin la// sgyu ma bslu bas brid pa ltar// theg pa dman la bde gshegs yon tan bstan// yon tan kun gyi stobs kyi rnams// thob par bya ba yod ma yin// mi dmigs pa yi chos nyid la// dmigs par bya ba yod ma yin// yang dag ma mthong theg dman dang // 'jig rten pa dang log lta dang // mi shes blun rmongs rmongs rnams kyis// 'jig rten sgyu mar sbyor ba la// bde sdug 'khor ba mya ngan 'das// de ltar gnyis yod ma yin te// lha dman rnams kyis gnyis su mthong // zab mo'i rang bzhin rtogs par dka'// zab mo'i rang bzhin dmigs pa

  117. 59a

    med// chos nyid rang bzhin nam mkha'i tshul// rtog pa kun dang yang dag bral// ji bzhin rtog pa phra ba yis// rtog pa de yi mtshan ma zhi// rtog pa phra rags nyid las 'byung // de bzhin rtog pa'i mtshan ma des// de ma zag tu rang las byung // bya ba med pa'i chos nyid ni// chos rnams nam mkha' lta bu'i chos nyid ni// de la btsal bar bya ba min// rtsol bar byed na sdug bsngal yin/ 'khor ba'i rgya mtsho/ brgal bar dka'// btsal du med pa'i chos nyid ni// ma btsal bzhag pas bsgom pa yin// chos nyid ji bzhin mnyam pa'i tshul// dmigs pa med pas kun tu bzang // ma nyams dang bzhag bsgoms pa yin// de dang der ni rnam btsal na// de yang skyes bu rtsal can gyis// nyid la nyid kyis ga la dgongs// ji ltar mig gi dbang pos kyang // dbang po rang zad ga la mthong // de bzhin yang dag zab mo yang // de las de bzhin de mi 'byung // mtshan ma'i rtog pa thams cad bral// mtshan ma'i yul rnams brjod du med// gzhan gyis rtogs dka' zab mo'i don// mchog tu gsang ba'i chos nyid ni// mi dmigs rang bzhin stong pa'i ngang // de phyir gsang ba dam pa yin// mi dmigs chos dbyings zab mo 'di// rna dbang gzhan las thos mi 'gyur// de phyir chos nyid thos rgyu med// de bzhin lce yi dbang pos kyang // de la

  118. 59b

    brjod du rdul tsam med// chos nyid dam pa brjod med la// brjod par 'dod pa gang yin pa// byis pa blun rmongs mi shes pas// nam mkha' dag la gnas 'dod 'dra// de phyir rtsol med bsgom pa yin// zhes gsungs so// de nas 'khor rnams dam par gyur te// e ma ho sems dpa' chen po dam pa'i mchog/ thugs rje chen po skyabs mdzad pa// ji ltar nad pa gdungs pa la// ji bzhin sman pa don ldan gyis// nad kyi rnam pa gang yin par// sman dpyad gnyen po btang ba bzhin// ji ltar 'khor ba'i sdug bsngal la// 'khor ba dag phyir rnam grol bshad// dag pa chen po a a la la// zhes gsol to// rgyud kyi rgyal po chen po byang chub kyi sems lung chen po'i mdo las/ btsal ba med pa'i le'u ste lnga pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po byang chub kyi sems kyi don ji lta bu lags// 'gro ba'i sdug bsngal ni gang lags/ de nas sems dpa' chen pos bka' stsal pa// sems kyi chos nyid stong pa la// dngos por brjod pa lta ba dman// dper na dmus long 'thibs pa yis// blta bar bya ba'i yul mi mthong // ji ltar gzung 'dzin rtog pa yis// don nyid mthong bar ga la 'gyur// 'gro ba gang yin byang chub ste// 'gro ba'i sdug bsngal byang chub

  119. 60a

    sems// byang chub rang bzhin ma rtogs pas// rtog pa phra rags rnam par 'gyus// rtog pa'i rnam pas byang chub bsgribs// bsgribs pas sdug bsngal sna tshogs yin// dper na 'jig rten grib ma yis// snang ba gsal ba bsgribs pa ltar// de ltar dam pa zhi ba yang // gzung 'dzin dbang gis bsgribs pa yin// bde sdug 'khor ba rtsed mo 'dra// bde sdug 'khor bar byis pas mthong // 'khor ba rtogs pa byang chub ste// kun tu chub pas rnam par rol// bdag med bdag nyid lhun gyis rdzogs// gnyis med dag pas bde gnas pas// de la bskyod pa med bzhin du// nam mkha'i mtha' ltar mnyam par gnas// zhi ba chen po'i rang bzhin no// zhes gsungs so// e ma ho nam mkha'i dkyil na zla mdzes ltar// nyi ma'i zer ltar kun la khyab// thugs rje chen po 'gro ba'i mgon// thugs rje'i ngangal skyabs su mchi// gsol to// rgyud kyi rgyal po chen po byang chub kyi sems lung chen po'i mdo las/ brjod pa dang bral ba'i le'u ste drug pa'o// // de nas byang chub kyi sems rdo rje la sogs pa/ 'khor tshogs mi pham pa la sogs pas/ bcom ldan 'das ye shes thams cad kyi bdag po'i zhal du/ seng+ge'i lta stangs kyis bltas te/ 'di skad ces gsol to// 'khor ba'i las rnams ji lta bu// 'khor ba mya ngan 'das pa'i

  120. 60b

    don// rgyal ba dpa' bos bshad du gsol// de nas bcom ldan 'das ye shes thams cad kyi bdag po cang mi gsung bar mnyam pa'i ngang la bzhugs so// de nas 'dus pa'i 'khor tshogs rnams kyis byang chub kyi sems rdo rje la btud de// de nas sems dpas bka' stsal pa// las kyi khyad par stong pa ste// phyin ci log gis las su brtags// de yang yod pa ma yin te// khyad par ci yang mtshungs pa la// las so zhes ni rnam par brtags// kun bzang byang chub mtshungs par gnas// las des ci phyir 'gro mi 'khol// gal te las kyis 'khol 'gyur na// dag pa'i rang bzhin ga la yod// nyon mongs byang chub rang bzhin te// las nyid bstan pa ga la yin// ci ste las kyi dbang 'gyur na// rtog pa dang bral zhi ba'i ngang // rang byung ye shes yod ma yin// rgyu nyid skye med rdo rje'i don// mi gnas skye med rang bzhin ni// rgyu nyid rdo rje rkyen dang 'dra// ye grub ma yin snying po'i don// ma skyes pas na 'jig pa med// mi skye mi 'gag don gyi ngang // gdod nas snying po byang chub la// 'dus byas rtsol ba bral ba'i phyir// mnyam pa'i chos nyid dam pa de// btsal ba'i bsam pas dbyings mi bskyod// ces gsungs so// rgyud kyi rgyal po chen po byang chub kyi sems lung chen po'i mdo las/ sems kyi rang bzhin las kyis mi 'khol ba'i le'u ste bdun pa'o// /

  121. 61a

    de nas 'khor der 'dus pa rnams kyis/ smra ba'i dam pa la 'di skad ces gsol to// sems dpa' chen po/ bsam pa'i don dang bsam pa'i khyad par gang lags/ smra ba'i dam pas bka' stsal pa// 'dam du bying bas 'gro ba kun// ye shes bsam gtan spyod pa rnams// yon tan che ba'i bsam gtan ni// bsam gtan nyid pas bsam du med// bsams pa'i bsam gtan bgrod pa min// ma bsams ma sbyangs chos bzhin du// gnyis su snang bas skyon yin phyir// rnam rtog nyid las ye shes skye// rtog nyid rang byung ye shes yin// phra ba'i sgo mor ming btags nas// phra mo yang dag sgo mo 'di// sems kyi dben pas lam tshol zhing // 'khrul pa phra mos bden bslad de// dgon pa'i rgyud du dben 'dzin pa// brtags na rnam par rtog 'gyur sgom// rgyu 'bras don nyid dbyer med la// rgyu dang 'bras bur ming 'dogs shing // dge sdig gnyis ka rnam par sel// ji ltar byis pa mi shes pas// nam mkha' dag la mdud pa 'dor// de la mdud pa 'ong mi 'gyur// ji ltar chos nyid dag pa la// 'jig rten 'di las 'byung ngo zhes// blang dor brod pa mchog tu bskyed// yang dag de la blang dor med// chags dang ma chags tshig gi lam// dbu ma bzhin te brag cha 'dra// gang du'ang ma gyur dag pa'i lam// bde dang sdug bsngal

  122. 61b

    rgyu mthun zhing // bde dang sdug bsngal don gyi dbyings// 'gro ba'i mgon po sems dpas gsungs// rgyud kyi rgyal po chen po byang chub kyi sems lung chen po'i mdo las/ rtsol ba dang bral ba'i le'u ste brgyad pa'o// // de nas byang chub sems dpa' rdo rje des/ 'khor rnams la 'di skad ces bsgrags so// nyon mongs dug gsum 'khor ba'i rgyud// 'khor ba rnams kyis ji ltar mthong // 'dod chags zhe sdang gti mug rnams// byis pa rnams kyis 'khor bar mthong // byang chub chen por lam la byung // dug gsum byang chub lam yin te// kun spyod yon tan rnam lnga yang // 'dod yon lnga nyid dag pa ste// chos nyid dbyings kyi rgyun zhes gsungs// kun bzang bdud rtsi chos kyi sku// nam mkha' rtog pa skye med cing // rnam rtog med de zhi ba'i sku// rtog pa de nyid nam mkha' 'dra// 'das dang ma 'ongs da ltar rtog/ dug gsum rtog pa nam mkha' 'dra// mi chags nam mkha'i sngo ba la// rgyu gcig sems rig don can yin// rang don chen po nam mkha' 'byung // 'byung tshor rtog pa yod ma yin// zhes 'byung ngo // rgyud kyi rgyal po chen po byang chub kyi sems lung chen po'i mdo las/ rang gsal ye shes 'byung ba'i le'u ste dgu pa'o// // de nas bcom ldan 'das thams cad kyi bdag po chos nyid gsang ba'i sku las ma g.yos par bzhugs so// de nas

  123. 62a

    'gro ba'i don du chos nyid mngon par byang chub pa las bzhengs te/ rdo rje dbyings kyi snying po na sems can rnams la 'dul bar dgongs nas/ shin tu bde ba chen po mnyam pa nyid du spyod pa'i chos nyid rang gi sku las 'dus ma byas pa'i rang bzhin/ zla gsang thig le'i dkyil nas/ gzungs kyi rang bzhin gyi don mi gtong ba dang / don du mdzad pa dang / don ltar ston pa dang / don gyi rjes 'jug pa'i thabs kyi rang bzhin/ yi ge A li ka li zhes bstan te/ gzungs kyi rol pa 'di gsungs so// rtog med mnyam pa zhi ba ste// rtog med mnyam nyid chos kyi sku// bzung bas mi zin chu zla 'dra// rtog pa ming dmigs mtshan ma zhi// A li kA li mnyam sbyar nas// a nyid chos sku stong pa'i ngang // kun tu bzang po rol pa'i gzungs// A li kA li zab tu bstan// byang chub nam mkha'i mtshan nyid de// nam mkha' la yang mtshan nyid med// a ni stong dang mi stong gis// dbu ma yang ni yod ma yin// zhes gsungs so// rgyud kyi rgyal po chen po byang chub kyi sems lung chen po'i mdo las/ 'gro ba'i don du chos kyi dbyings nas bzhengs pa'i le'u ste bcu pa'o// // de nas 'dus pa'i 'khor rnams kyis/ smra ba'i dam pa la 'di skad ces gsol to// sems dpa' chen po/ yi ge'i don ma skyes par 'tshal na/ yi ge gzungs kyi rang

  124. 62b

    bzhin bstan du gsol// de nas byang chub kyi sems rdo rjes 'di skad bka' stsal to// a ni chos sku dag pa ste// zhi ba yul med dag pa'i ngang // de la a ni nut+pan+na swa b+hA wa ste// chos kun rang bzhin skye med dag pa'i klong // zab mo thabs kyi thun mong ste// gsang ba gnas su bzung ba yin// thams cad byed pa shes rab ste// da ni a dang mdzes pa'i ta// sa dang yan lag spros pa bzhin// bdag gis shes rab gnas pa ste// thabs kyi shes rab dam pa ste// 'gro ba'i bde sdug spros gnas te// bdag dang gzhan gnyis kun tu bzang // ma bslad zab mo thun mong ste// 'jig rten yongs kyi spyod yul las// sangs rgyas gsung ni zab mo 'byung // phra zhing zab mo rnyed dka'i phyir// e ma ho sangs rgyas spyod yul 'di// gzhan nas rnyed par ga la 'gyur// btsal bas rnyed pa'i glags med do// dam pa'i don la rgya cher dmigs med pas// spyod yul rang bzhin rnyed par dka'// yul drug rang bzhin stong pa ste// drug gi chos bzhin yul med pas// dmigs pa'i yul rnams stong pa'i phyir// ldongs pas nam mkhar bsnyegs pa bzhin// gong nas gong du tshangs pa'i lam// thob par 'dod pa rmongs pa'i phyir// bya bral chos dang mthun pa med// brgya byin tshangs pa 'khor los sgyur ba'i lam// lam de thob 'dod bcing ba chen po'i phyir// ji ltar 'gro ba

  125. 63a

    dmus long gis// lta ba'i yul rnams blta 'dod kyang // dbang po nyams pas mthong mi 'gyur// de bzhin chos dbyings zab mo yang // lha dman rnams kyis ga la mthong // lam la bgrod par bya min phyir// thob par bya ba'i gnas med pas// ci ste lam la bgrod gyur na// ji ltar byis pa'i rang bzhin gyis// nam mkha'i mtha' dag blta 'dod na// nam mkha' mi mthong byis pa ngal// de bzhin chos nyid zab mo yang // nam mkha'i mtha' bzhin thob pa med// ces gsungs so// rgyud kyi rgyal po chen po byang chub kyi sems lung chen po'i mdo las/ sems dpa' chen po gzungs kyi rol pa'i le'u ste bcu gcig pa'o// // de nas 'khor tshogs rnams kyis smra ba'i dam pa de la 'di skad ces gsol to// sems dpa' chen po zab mo ni gang / chos rnams thams cad yongs su rdzogs pa'i don gang lags// zhes gsol to// de nas byang chub kyi sems rdo rje des bka' stsal pa// chos kun rang bzhin spros bral te// brjod bral stong nyid lhun gyis grub/ de yang ci yi phyir zhe na// chos nyid dmigs pa kun dang bral// de ltar de bzhin de phyir ston// de la der ston de yang thob// de bzhin 'gro kun dbyings su mnyam// ci phyir don nyid mngon sum ma gyur pa// rang bzhin chos nyid ston brjod bral// de ni snying po de bas na// sems ni

  126. 63b

    snying po mngon sum du// de las de byung ngo mtshar che// dus rnams rtag tu bde ba'i 'bras// sngon gyi bde dang da ltar bde// 'das dang ma 'ongs da ltar gyi// dus gsum rtag tu zhi ba bde// de yang chos nyid zhi ba'i gnas// zhi ba mthong ba gang yin pa// de bzhin de yi gnas su che// sems can rgyal ba'i zhing 'gyur yin// thams cad rgyal ba'i ngang gyur pas// de ltar de yi lam 'dra bas// rgyal ba 'gro dang mnyam nyid pas// de ni lam mchog rang bzhin te// de ltar snang ba gang yin pa// de dang 'dra ba yongs kyi lam// zla ba las byung rten dang bcas// klung la zhi ba'i rang bzhin gnas// skye med zhi ba ro gcig phyir// mnyam nyid dag pa gang yin pa// thams cad mnyam nyid zhi ba la// kun gyi mnyam nyid yin pa'i phyir// phyogs su bltas pas grub pa med// de phyir mnyam nyid dam pa la// blta bar 'dod pa gang yin pa// dper na mun nag rdzas 'tshol 'dra// de phyir mnyam nyid ga la rnyed// ces gsungs so// rgyud kyi rgyal po chen po byang chub kyi sems lung chen po'i mdo las/ yongs su rdzogs pa'i le'u ste bcu gnyis pa'o// // de nas 'khor der 'dus pa rnams kyis byang chub kyi sems rdo rje la gsol pa/ sems dpa' chen po chags pa thams cad dang bral ba ji lta bu lags/ chags na skyon du ji lta bur 'gyur/ byang chub

  127. 64a

    kyi sems rdo rje des bka' stsal pa// chos nyid bde sdug nam mkha'i tshul// de bas bde sdug ga la yod// chags dang ma chags ngang gis stong // 'das dang ma 'ongs da ltar gyi// bde sdug rnam par bsal ba'i phyir// da lta'i bde dang phyi ma yi// mngon sum pa dang rgyab nas 'byung // che ba'i yon tan thob zin pas// ye shes dbang gis yon tan rnyed// rnyed par bya ba med bzhin du// shes pas rnyed par bya 'dod pa// de yang rnam pa'i skyon yin pas// de la brten par mi bya'o// zhes gsungs so// rgyud kyi rgyal po chen po byang chub kyi sems lung chen po'i mdo las/ chags pa thams cad dang bral ba'i le'u ste bcu gsum pa'o// // de nas 'khor 'dus pa rnams kyis gsol pa/ sems dpa' chen po/ chos thams cad bya ba med pa'i don ji lta bu lags/ ye nas chos nyid che ba'i rang bzhin ni gang / don nyid ni ji ltar rtogs par bgyi/ zhes gsol to// de nas byang chub kyi sems rdo rje des bka' stsal pa// gnyis med rnam pa zhi ba'i ngang // 'gyur med dag pa zhi ba'i phyir// dus gsum gcig ste khyad par med// dus rnams rtag tu stong pa'i phyir// sngon med phyis med gdod nas med// chos kyi dbyings ni cig char gnas// chos skus khyab pas gcig pa'i phyir// chos kyi sku ni nam mkha' 'dra// gnyis med chos sku'i rgyan yin te// che

  128. 64b

    ba'i rgyan gyis kun khyab phyir// che ba'i chen por rang bzhin gnas// de ltar chen po'i rang bzhin yang // thams cad kun la khyad par gnas// zhes gsungs so// rgyud kyi rgyal po chen po byang chub kyi sems lung chen po'i mdo las/ che ba nyid kyi snying po'i le'u ste bcu bzhi pa'o// // de nas 'khor rnams kyis gsol pa/ sems dpa' chen po chos nyid ni smon pa thams cad dang bral ba lags na/ ci phyir btsal bar bgyi zhes gsol to// smra ba'i dam pas bka' stsal pa// nyon cig 'dus pa'i 'khor tshogs rnams// rang bzhin che ba'i chen po la// btsal dang bsgrub par gang 'dod pa// ji ltar byis pa khu ra 'joms// 'du shes chung ba'i rang bzhin gyis// nye ring rnam pa mi shes ltar// de ltar lta ba dman gyur pas// yang dag blta ba mthong mi 'gyur// yang dag don ldan mkhas pa yis// srid pa gsum na sbyor ba yang // ming tsam sgyu mar snang ba ste// srid pa sgyu ma ming tsam grags// de yang ci lta bu zhe na// ji ltar sgyu ma'i mkhan po yis// rdzas kyi rnam pa gyi na la// srid pa gsum du snang 'gyur yang // srid pa'i dngos po yod ma yin// srid gsum ma lus dag pa'i zhing // 'khor los sgyur ba'i gnas chen yang // mtshan ma byang chub zhi bas 'dul ba'i gnas yin te// 'khor los sgyur ba sgyu ma'i tshul// sgyu mas sbyor ba'i gnas chen yin// dbyings

  129. 65a

    nyid ye nas rdzogs pa la// dag pa'i dus 'dod 'khrul pa ste// sngon du ma he ma mthong bas// 'o ma'i mngar ba 'dod gyur na// nu ma bzhag nas ra la 'jo// chos nyid theg pa ma mthong bas// dus de 'khrul pa yin pa'i phyir// rnam smin dus la bltas pa na// dus der 'byung bar mi 'gyur te// de phyir chos nyid stong pa 'di// ma bral smon pa spyod pas na// stong nyid rang bzhin lhun gyis grub// ji ltar ston pa rgyal bas kyang // stong pa'i rang bzhin gsungs pa bzhin// ji ltar stong pa mtshan med 'di// theg dman rnams kyis mi rtogs pas// rmi lam dag na nor rnyed kyang // de la dbang ba'i dngos po med// ces gsungs so// rgyud kyi rgyal po chen po byang chub kyi sems lung chen po'i mdo las/ smon lam dang bral ba'i le'u ste bco lnga pa'o// // de nas 'khor tshogs rnams kyis smra ba'i dam pa la btud de/ 'di skad ces gsol to// zab mo'i chos nyid gang // tha tshig ji ltar lags/ de nas sems dpa' chen pos bka' stsal pa// nyon cig 'dus pa chen po'i tshogs// de bzhin nyid la khyad med phyir// gcig ste rnam pa yongs kyi med// zab mo mi gnas kun tu bzang // rnal 'byor nam mkha'i bya lam gnas// nam mkha' dag la song gyur kyang // de la rjes ni mthong mi 'gyur// ma byung ma skyes snying po la// brjod dang mi brjod mtha'

  130. 65b

    dbus med// gnyis med don dam spros bral yin// ma byung ma skyes snying po la// smra bsam yul med dag pa'i phyir// sgro btags chos kun ga la yod// phyi nang rtsol ba bdag med zhi ba ste// dbyings la thob pa'i bsam pa ngang gis zhi// phyi nang gnyis ka phyi nyid nang // zab mo byang chub phra mo rtog yul med// 'di dag mnyam zhing srid pa ming tsam ste// zab mo'i cha shas rtog yul med// khams gsum dag tu grags pa yang // srid pa ming tsam log pa'i stobs// zin pa'i dgongs pa bkod pa ste// sgyu ma'i ting 'dzin bcings pa ste// de bas ting 'dzin mnyam dang bral// tha tshig rnam pa 'byung ba yang // 'byung chen lnga la tha tshig phyi dang nang // rang bzhin phung po khams bzhin gnas// zab mo khyad par tha tshig stong // bder gshegs sems can ngang gcig phyir// phung po khams dang skye mched dag/ chos kyi rgyal po lta bur zhi// dus gsum de dang mi bral bas// blang dang dor ba bya med phyir// tha tshig ming du btags pa med// de bzhin chos nyid dag pa la// tha tshig 'dogs pa lta ba dman// nam mkha' dag la rdzas bzhag kyang // de la chags pa'i gnas med ltar// yang dag dam pa zhi ba la// tha tshig ming du btags pa yang // de la tha tshig thogs med 'gyur// zhes gsungs so// rgyud kyi rgyal po chen po byang chub kyi sems lung chen po'i mdo

  131. 66a

    las/ lung ston pa'i le'u ste bcu drug pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// dbyings la dbang ba'i don ni gang / ma btsal bar lhun gyis rdzogs pa'i don ni ji lta bu lags// de nas sems dpa' dam pas bka' stsal pa// nyon cig 'dus pa'i 'khor tshogs rnams// chos kun mnyam nyid lhun gyis rdzogs// mi rtsol dbang sgyur rtogs pa'i phyir// mi bskyod dag pa'i phyir// mi g.yo ba ni sku yi rgya// mi bskyod de nyid ye shes te// chos nyid skye 'gag mnyam nyid dang // chos nyid phyag rgya nam mkha' 'dra// mi len ye shes dag pa ste// bsam pa'i mngon shes mi len phyir// mi len mi 'dor mnyam nyid do/ mi len pas na bdag med cing // mi dor tshig bral mnyam nyid do// smra ba'i seng+ge yul med pas// bsam pa mi 'dor mnyam nyid do// 'das dang 'ongs dus nyid zhi// gang dang gang gi gang du yang // ji ltar yid bzhin rin chen ltar// bdag gzhan gnyis ka'i don byed ltar// rang las dag pa mi zad 'byung ba'i phyir// kun 'khor kun spyod dag las 'byung // chos dbyings kun tu bzang mo'i ngang // rgyal ba 'jig rten mnyam pa yis// 'di la skyes pa bud med ces// mnyam pa'i rgyal pos yongs ma gsungs// de bzhin ston pa rgyal ba yang // mnyam pa'i don

  132. 66b

    la mnyam gzhag ste// nam mkha' bzhin du zhi bar gnas// zhes gsungs so// rgyud kyi rgyal po chen po byang chub kyi sems lung chen po'i mdo las/ mnyam pa nyid la dbang bsgyur ba'i le'u ste bcu bdun pa'o// // de nas 'khor 'dus pa rnams kyis/ sems dpa' dam pa la logs su btud de// 'di skad ces gsol to// sems dpa' chen po bde ba dang / chos thams cad dbyer med pa'i don ji lta bu lags/ zhes gsol pa dang / sems dpa' dam pas bka' stsal pa// nyon cig 'dus pa'i 'khor tshogs rnams// 'gro ba 'khrul pas mi shes pas// bde dang sdug bsngal gnyis bltas phyir// de phyir bde dang sdug bsngal myang // 'khrul pa'i dbang gis myang bar zad// chos nyid rang bzhin dag pa la// bde dang sdug bsngal med pa'i phyir// 'di la brtul zhugs drag po yis// spyod par byed pa gang yin pa// ji ltar dran pa chung ba'i mis// sdang dang brtse ba mi shes phyir// thams cad brtse ba med par mthong // gnas su bya ba ming yang med// de bzhin chos dbyings dam pa 'di// brjod pa thams cad bral ba'i phyir// thams cad stong nyid rang bzhin ni// kun bzang chos dbyings dag pa la// bsgrub dang dka' thub bsrung ba yis// yang dag don de mi mthong gis// sdug bsngal rnam pa sna tshogs bskyed// de ltar spyad na 'ching ba chen/

  133. 67a

    po yin// thams cad skye med bdag nyid zhi ba ste// a dang par ni rnam ldan pas// shes rab skye med zhi ba ste// de ltar bltas pa der snang ste// de yang ci yi phyir zhe na// rang bzhin gcig tu ma nges pas// 'dzin pa ma spangs skyon snang phyir// 'khrul pa kun tu btsal na skyon// snang 'dod rtsol sems bde ba yang // de ni de sgrib sgron can yin// lam bgrod thabs kyi yig 'bru dang // gzugs brnyan 'dzin dang cha lugs bsgom// mtshan dang dpe byad 'khor tshogs 'dzin// chos nyid rang bzhin dngos bral bas// de ltar bsgom pa byis pa yin// byang chub yan lag kun gyi sgo// cha lugs bsgom pa chu zla bzhin// de ltar bsgoms kyang skyon can yin// ma gos ma chags 'byung gyur kyang // bsgoms pas byis pa'i spyod yul yin// dkyil 'khor cha lugs khro gnyer gyis// khro bdag chen po'i lus gzung nas// yi ge mngon du byung na yang // zhi ba'i rang bzhin dam pa ste// ngang nyid rang bzhin dag pa'i dngos// zhi ba de nyid mthong ba min// mnyam pa'i rgyal pos de skad gsungs// rgyud kyi rgyal po chen po byang chub kyi sems lung chen po'i mdo las/ bde ba dang chags pa spangs pa'i le'u ste bco brgyad pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po//

  134. 67b

    rnam grangs kyi chos thams cad sangs rgyas pa ji lta bu/ sems dpa' chen pos bka' stsal pa// rnyed dka'i chos nyid zab mo 'di// thams cad mngon rdzogs byang chub ni// rnam dag lhun grub chos kyi sku// tA la'i mgo bo bcad pa dang // sa bon me yis bsregs pa bzhin// chos nyid zhi ba'i ngang las dben// thar pa sdug bsngal rang bzhin zhi// rnam grangs brgya stong phrag yas pa// gang ltar bskyed kyang mi rtog skye// mngon sum chos nyid rang bzhin la// de la dmigs par bya min phyir// mnyam nyid gang nas bsgrub tu med// chos nyid bcings grol kun tu bzang // mtshan ma med pa'i dbang gis na// dper na yid bzhin rin chen dag/ bsod nams ldan la yod gyur pas// dgos pa gang 'dod 'grub pa ltar// tshad med chos nyid dag pa las// mtshan ma 'byung bar mi 'gyur phyir// bsti gnas 'di la 'byung mi 'gyur// chos nyid mtshan mar mi 'gyur bas// gzhan las chos nyid mi 'byung ste// dag pa'i rang bzhin rgyu med yin// zhes gsungs so// rgyud kyi rgyal po chen po chen po byang chub kyi sems lung chen po'i mdo las/ rnam grangs kyi chos thams cad lhun gyis grub pa'i le'u ste bcu dgu pa'o// // de nas 'khor der 'dus pa rnams kyis/ byang chub sems rdo rje la 'di skad ces gsol to// sems dpa' chen po de bzhin nyid kyi ngang brjod

  135. 68a

    pa dang bral ba'i don ji lta bu lags/ sems dpa' chen pos bka' stsal pa// skye med chos dbyings gleng gzhi bral ba la// ma skyes bder gnas lhun gyis grub pa'i phyir// gleng bral 'di la gnas pa yis// rnal 'byor 'di ni skal ba bzang // chos nyid gter ldan nam mkha'i tshul// rnal 'byor chos nyid yin pa'i phyir// bdag dang gzhan dag med pa'i phyir// bdag dang gzhan don mi byed pas// sgyu ma lhun grub yul la rol// mi gnas dbyings las cir snang yang // snang ba sgyu ma chen po ste// yul la rol pas lhun gyis grub// phyi rol bzung ba'i yul rnams kyang // de phyir bzung ba'i yul rnams kyang // ngang gis grub pa ma yin pas// de phyir shes pa yang grub min// zhes gsungs so// rgyud kyi rgyal po chen po byang chub kyi sems lung chen po'i mdo las/ brjod pa thams cad dang bral ba'i le'u ste nyi shu pa'o// // de nas 'khor der 'dus pa rnams kyis sems dpa' dam pa la 'di skad ces gsol to// sems dpa' chen po de bzhin nyid mi 'gyur ba'i don ji lta bu lags/ sems dpa' dam pas bka' stsal pa// yang dag med 'gyur nam mkha'i tshul// nam mkha' mtha' dbus med par ltar// dbus mtha' med pa'i nam mkha'i tshul// gzugs med chos nyid nam mkha'i dang // ye nas mtha' bral dag pa'i

  136. 68b

    phyir// gang nas mi 'byung chos nyid yin pa'i phyir// lhag ma med pas yongs su rdzogs// 'gyur ba med pas drang por gnas// ye shes dmigs med nam mkha' 'dra// rang bzhin mtha' med mnyam pa che// yul bsam smra ba 'byung mi 'gyur// mtshungs pa med pa'i chos nyid ni// rang gi mthu yis rig pa las// mnyam nyid bsgoms pa gzhan las min// de phyir bsgrub pa don med phyir// chos ni 'byung bar mi 'gyur ro// ye nas rdul tsam mi dmigs phyir// spyod yul bgrod pa shin tu dka'// yang dag chos nyid gcig pa la// bye brag chos su phye bar dka'// sla zhing dka' la sla phyir dka'// zhi ba'i chos nyid dngos bral bas// mngon sum gnas pa kun la khyab// chos nyid mtshan ma med pa ste// chos nyid dmigs pa'i yul med pas// dbang pos mthong bar bya ba min// yul med khyab pas de bzhin nyid// mngon sum snying rjes kun la khyab// rang bzhin chos nyid zab mo la// dmigs pa thams cad yongs bral la// 'jig rten byis pa mi mkhas pas// ri bong ra dang rus sbal sgra// nam mkha'i me tog mo gsham bu// de rnams mthong ba gang 'dod pa// de dag byis pa'i spyod yul yin// thob med ye nas gnas pa'i phyir// mngon par 'char ba gcig pa'i phyir// ming tsam 'di zhes bstan pa ni// rdo rje sems dpas mtshon du med// ces

  137. 69a

    gsungs so// rgyud kyi rgyal po chen po byang chub kyi sems lung chen po'i mdo las/ chos nyid mi 'gyur ba'i le'u ste nyer gcig pa'o// // de nas yang 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po yang dag ma bsgrubs par 'byung ba'i rgyu gang lags/ sems dpa' dam pas bka' stsal pa// yang dag don nyid dam pa 'di// rgyu rkyen 'bras bu yongs med phyir// mi dmigs zhi ba nam mkha'i tshul// ngo mtshar rmad byung rol pa 'di// bya bral nam mkha' ji bzhin te// sku gsung thugs ldan kun tu bzang // bcom ldan chos nyid mnyam par gnas// bya bral ngo mtshar zhi ba nyid// sprul pa'i rol pa sgyu ma 'di// rmad byung bya ba mi 'gyur dang // mi mdzad chos nyid zhir gnas phyir// ci yang mi dmigs gti mug las// de ma zag tu rang las byung // gti mug rang bzhin yang dag ste// stong nyid zhi ba nam mkha'i tshul// shes rab gti mug chos dbyings dang // de bas cir yang mi dmigs gti mug la// de ma thag tu rang las byung // sems can mtshan nyid stong pa'i phyir// rnam grol dag pa gang yin pa// 'di ni thams cad mtshungs pa'i lam// 'gro kun snying po yin pa'i phyir// 'gro ba kun gyi rang bzhin gnas// mi shes byis pas bslad pa'i phyir// yang dag don nyid

  138. 69b

    gzhan nas tshol// sman nyid sman pa tshol ba bzhin// ji ltar nad pa'i mtshan nyid la// sman dang sman pas zhi ba ltar// zhi bas chos nyid dag pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/ chos nyid rgyu rkyen las ma grub pa'i le'u ste nyi shu gnyis pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po/ chos thams cad sangs rgyas nas/ sems can dag pa chen por 'gyur ba'i don ji lta bu/ sems dpa' dam pas bka' stsal pa// 'khor ba thams cad sangs rgyas pa'i// byang chub snying po kun yin phyir// bde ba zhi ba byar med pas// gzung dang 'dzin par mi blta bas// 'jig rten rnam dag kun tu bzang // go ba'i yul na bde ba che// de nyid rnam dag 'jig rten yin// phyogs bcu gnas kyi bla 'og kyang // de dag thams cad ming du grags// ming tsam sgyu mar brten nas kyang // chos nyid mi 'gyur rang bzhin la// las ni sgyu mar bstan par zad// de la phyogs kyi 'od 'dus pas// phyogs bzhi mtshams dang bla 'og grub// las kyi rgyud kun bsags pa yis// skye 'gro sems can rnams su snang // ma nges 'ja' tshon kha dog las// rigs kyi khyad par mngon par snang // snod bcud 'jig rten thams cad kun// g.yo

  139. 70a

    dang mi g.yo thams cad kyang // de bzhin nyid kyis zhi ba yin// de bzhin g.yo ba mi g.yo ba// 'gro ba rnams la bstan bya'i phyir// 'byung ba lnga po gtso chen// thams cad mi 'bral yang dag lnga// thams cad de bzhin nyid du gnas// lhag pa'i dbang gis rtog pa zhi// rtog pa zhi ba gang yin pa// de ni chos sku dag pa ste// rgyal ba dpa' bos de skad bshad// ces gsungs so// rgyud kyi rgyal po chen po byang chub kyi sems lung chen po'i mdo las/ phyi nang snod bcud dag pa'i le'u ste nyi shu gsum pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po/ chos thams cad dag pa chen po yin na rtsol bsgrub kyi don ji lta bu lags// sems dpa' dam pas bka' stsal pa// gal te dmus long mig ldongs pas// bza' ba'i yul cig blta 'dod kyang // yul de mthong ba med pa ltar// chos nyid yang dag zab mo 'di// theg pa dman pas mi rtogs phyir// spyod bsgrub sna tshogs bstan nas kyang // don la yang dag gzung phyir bstan// chos nyid yang dag/ zab mo la// dus gsum bde gshegs mchod pa dang // ting 'dzin phyag rgya spyan drang sems can don// chos nyid la ni de dag med// de phyir rtsol bsgrub bla med gnas su che// zhes gsungs so// rgyud kyi rgyal po

  140. 70b

    chen po byang chub kyi sems lung chen po'i mdo las/ spyod pa thams cad bkag pa'i le'u ste nyi shu bzhi pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po rang bzhin yongs su dag pa'i don ji lta bu lags// sems dpa' dam pas bka' stsal pa// 'das dang ma 'ongs da ltar gyi// dus gsum rtag tu ngo bos stong // rang bzhin skye 'gag/ med pas zhi// byang chub tha snyad mi 'dzin phyir// blang dor chos nyid rtag gnas phyir// 'das dang ma 'ongs da ltar gyi// tha snyad ming la mi gnas te// skye 'gag med par rtag gnas shing // de nyid dus gsum chen por sbyor// mnyam nyid chos dbyings kun tu bzang // phyogs bral chos nyid yongs rdzogs phyir// dus gsum rnam pa zhi ba'i tshul// mnyam pas rim par bkod pa med// gcig pas phyogs su bsngo dang bral// dri med rang bzhin dag pa'i tshul// tshogs kyi rgyan dang bkram pa yang // rang bzhin gnas pas dri ma med// 'dod yon lnga nyid kun bzang rgyan// ye nas chos kun dag pa'i phyir// bsngo ba khyad par med pa'i phyir// gnyis 'dzin bral ba zhi ba ste// gdod nas rnam dag bdud rtsi'i tshul// kun bzang lhun grub yin pa'i phyir// lhun gyis grub pas mi bsngo zhing // gdod nas dag pa bdud rtsi la// phyi nang 'du byed

  141. 71a

    bdud rtsi'i tshul// mi gnas 'du byed zhi ba'i phyir// 'du byed bcu gnyis khyad par yang // lhag pa'i bsam pas gzung ba med// gzung med 'jig rten zhi ba yin// zhes gsungs so// rgyud kyi rgyal po chen po byang chub kyi sems lung chen po'i mdo las/ rang bzhin yongs su dag pa'i le'u ste nyi shu lnga pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' dam pa la 'di skad ces gsol to// sems dpa' chen po chos rnams kyi don ji lta bu lags// sems dpa' dam pas bka' stsal pa// thams cad de bzhin gshegs pa nyid// de bzhin gshegs pa nyid la 'chad// e ma ho chos rnams thabs mkhas ye shes mthong ba dang // rgyu bzhi dmigs dang nges dang dam tshig rnams// thams cad gang yin ji lta bu// chos de ngo bo gang yin zhi ba'i tshul// de phyir chos de yongs su dag pa'i phyir// lha mir bcas pa'i 'jig rten na// dpa' bo chen po dpag med pa// rnam 'dren sems can thams cad kyis// rnam pa kun tu mi 'gyur dang // de ltar stobs dang rnam thar dang // 'jig med gang dag ci 'dra dang // yang dag chos rnams ji 'dra bar// bsdus kyang shes par mi 'gyur ro// de yang ci phyir zab mo 'di// shin tu rtogs par dka' ba'i phyir// rgyal bas grangs med

  142. 71b

    gnas dag na// zab cing shin tu phra ba dang // rig dka' mthong bar dka' ba'i phyir// spyod pa dag gi sngon chad bsnyen// bskal pa grangs med bsam yas su// spyod pa de dag spyod pa'i phyir// 'bras bu de ni ci 'dra bas// byang chub snying po dam pa 'di// de ni 'jig rten rnam 'dren pa// gzhan dag dang ni ngas kyang de// ji ltar yin dang ci 'dra dang // de yis mtshan nyid 'di 'dra shes// de ni bstan du mi nus te// mos pas rtogs par mi 'gyur phyir// de ni brjod du yongs med do// gang la chos de bstan pa dang // bstan pa dag kyang shes pa yi// de 'dra'i sems can su yang ni// 'jig rten dag na yod ma yin// gang dag 'jig rten dag mkhyen pa// lhag par byas pas bde bar gshegs kyis bsngags// zag zad rgyal ba'i ye shes 'di// thams cad gcig tu 'dus gyur nas// zab mo yang dag bsams byas kyang // bde/ gshegs ye shes rtogs mi nus// de bas yang dag zab mo 'di// lha dman theg pa chung ba dang // mu stegs log lta can rnams kyis// nga yi chos kyi phyogs tsam yang // bskal pa bye ba bsam yas su// yang dag don de yongs mi shes// zhi ba rtog med mnyam du ma shes na// shin tu nges don zab mo sgra rnams kyis// de rnams kyis kyang phyogs med gang gyur kyang // smyig ma 'dam bu'i tshal ltar gang bas kyang // shes rab

  143. 72a

    phra rnams gcig tu 'dus nas su// ji ltar mi rtog zab mo la// brtags kyang lta ba dman pa'i phyir// zab mo'i don gang mi rtog pas// byis pa'i spyod yul min pas so// gzhan min gsung rgyal drang srong che// zhes gsungs so// rgyud kyi rgyal po chen po byang chub kyi sems lung chen po'i mdo las/ chos rnams kyi don gyi le'u ste nyi shu drug pa'o// // de nas 'khor der 'dus pa rnams kyis/ zhi ba bdag nyid la 'di skad ces gsol to// zhi ba'i bdag nyid chen po rnam grangs kyi don ni gang lags/ zhi ba'i bdag nyid chen pos bka' stsal pa/ rang bzhin theg pa gcig phyir du// dpag tu med pa bstan gyur kyang // theg pa yang dag rdzogs pa yin// nga yi bstan pa theg pa dgu po yang // 'gro ba dag gi mthu dang stobs la bstan// thabs kyi mchod sbyin ye shes la// gzud pa'i phyir na ngas bshad do// gang zhig rtag tu rnam par dag 'gyur ba// rab tu nges pa sangs rgyas dang // de dag la ni rab rgyas don rnams bstan// de ltar de dag bsam pa rdzogs pa yang // de dag la ni ma 'ongs dus dag dang // shin tu dag pas de/ dag kun la khyab par 'gyur// the tshom med pas thams cad byang chub dang // theg pa tha dad pas ni gang bstan pa// skyes bu mchog rnams thabs mkhas ma gtogs par// theg pa gcig ste gnyis su yod ma

  144. 72b

    yin// bya ba gcig ste gnyis su yod ma yin// byang chub rdul med dam pa thob nas su// 'dod chags zhe sdang gti mug nga rgyal dang // phrag dog gser sna 'khor ba'i chos// de dag rang bzhin zhi ba'i phyir// gdod nas kun rdzogs dbyings kyi ngang // rab zhi mya ngan rtag 'das pas// theg pa gsum du gang dag bstan pa yang // bder gshegs thabs kyi 'gro ba 'dul yin phyir// theg pa thabs kyis de ltar bstan par zad// theg pa gcig ste de bzhin tshul yang gcig/ rnam dag chos kun 'dren pas bshad pas gcig/ thams cad theg pa mchog la gnas// zhi ba'i sa mchog dag pa dag pa'i dang // 'di dag thams cad 'jig rten sangs rgyas 'gyur// bsngags pa mtha' yas chos nyid dngos po dag/ 'di ni yang dag dam pa'i mdzod// rig dka' dam pa zhi ba ste// theg dman rnams kyis rtogs mi 'gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ chos nyid zhi ba'i le'u ste nyi shu bdun pa'o// // de nas 'khor der 'dus pa rnams kyis// byang chub kyi sems rdo rje la 'di skad ces gsol to// sems dpa' chen po chos nyid lhun gyis rdzogs pa'i don gang lags/ sems dpa' rdo rjes bka' stsal pa// bya med lhun grub yongs su rdzogs// mi gnas chos dbyings dngos po

  145. 73a

    dag/ yud tsam ting 'dzin dbyings la dbang // de nyid rang bzhin dag pa'i phyir// yid kyis bsam pa yang dag ste// bltas pa'i stobs ni bkram pa'o// mi dmigs mi 'gyur stong pa'i tshul// mi gnas lhun grub mnyam pa'i ngang // chos nyid yang dag bkram pa'i phyir// mthong bar gyur pas dngos grub la// de nyid mnyam gzhag yongs rdzogs pa'o// sangs rgyas zag med dag pas zhi// chos 'di thams cad zag med zhi ba ste// 'gog pa skye ba rnam par spangs// 'di na chos rnams gang yang ma mchis shes// de ltar bsam na dad mi 'gyur// sangs rgyas ye shes bla na med pa'i phyir// mthong bar gyur pas dngos grub la// bdag nyid mnyam pa chen po'i don// yud tsam bzung bas sbyor ba yin// dga' bar gyur pas dam tshig ste// thog ma'i 'bras bu zag med dam pa thob// ji ltar dbul pos nor rnams rnyed pa bzhin// de bzhin yang dag dam pa thob// thabs kyis gar thabs bskyod pa yin// gnyis med sbyor bas phul ba yin// chos dbyings mi dmigs sbyor ba ste// dga' ba kun bzang mi gtong shugs// chos nyid la ni nyams pa med// ces gsungs so// rgyud kyi rgyal po chen po byang chub kyi sems lung chen po'i mdo las/ lhun gyis grub pa'i le'u ste nyi shu brgyad pa'o// // de nas 'khor der 'dus pa rnams kyis/ byang

  146. 73b

    chub sems rdo rje la 'di skad ces gsol to// las rgya mtsho spyad par dag pa'i don ji lta bu lags/ sems dpa' rdo rjes bka' stsal pa// chos nyid zab mo yang dag yin pa'i phyir// dag pa 'di la mi smon to// rgyal bas 'di ni dam pa'i mthar gsungs so// mya ngan 'das pa'i mthar zug lus 'di la// stong pa nyid du yun ring yongs su bsgom// khams gsum sdug bsngal byang chub zhing // bdag gi rgyal ba'i bstan pa bya ba'i phyir// rgyal ba'i sras la gang tshe rab bstan te// byang chub mchog la gang dag su zhugs pa// de dag la ni chos gang ci 'grub pa// gzung 'dzin mtha' spangs mnyam nyid gnas pa'i phyir// bdag med mnyam nyid gnyis spangs te// mi gzung gtong bas gtor ma yin// bya ba med pas las rnams zin// rnam rtog 'khor ba'i rgya mtsho ste// mnga' brnyes mi rtog bgegs bsal te// phyi nang chos 'dzin bgegs kyi rnam// gzung 'dzin bral ba byang chub ste// ye shes nyi ma chos kyi dbyings// rnam rtog ye shes bgegs bsal nas// mi gsung mnyam gzhag sngags tshig go/ mnyam nyid dam pa zhi ba yin// zhes gsungs so// rgyud kyi rgyal po chen po byang chub kyi sems lung chen po'i mdo las/ spyad du med pa'i le'u ste nyi shu dgu pa'o// // de nas 'khor der 'dus pa rnams kyis sems dpa' dam pa la

  147. 74a

    'di skad ces gsol to// sems dpa' chen po chags sdang zhi ba gang lags// sems dpa' dam pas bka' stsal pa// mtshan mar spyod pa rnams la chos nyid de// chos kyi dbang phyug 'jig rten zhi ba'i tshul// sems can gnas rnams rab tu zhi// rab dang byang chub dam pa 'di// thabs la mkhas pas chos nyid dang // rtag tu mya ngan 'das pa yin// ngang gis chags pa mi mnga' bas// snying po rang rig sangs rgyas phyir// bla ma mchod dang gtong ba dang // de bzhin bsod nams thams cad dang // ma chags mi g.yo'i stobs med na// byas pas 'ching ba chen por 'gyur// byang chub bde gnas snying po'i don// chos nyid mchod pa rin chen sbyin// rdo rje'i don nyid mi shigs pa// chos nyid skye med chos can rnam pa dag/ de ltar zhi ba bsod nams yin// zhes gsungs so// rgyud kyi rgyal po chen po byang chub kyi sems lung chen po'i mdo las/ chags sdang zhi ba'i le'u ste sum cu pa'o// // de nas 'khor der 'dus pa rnams kyis/ sems dpa' chen po/ brdas de bzhin nyid mtshon du med pa gang lags/ sems dpa' rdo/ rjes bka' stsal pa// rnam grol ro gcig mya ngan 'das// mthar thug rtag tu gcig pas nam mkha' 'dra// ye shes de ni shes dka' ste// byis pa rnams kyis mi rtogs la// mi shes pas ni the tshom 'gyur// de

  148. 74b

    las nyams shing de dag 'khyams// ji ltar sprin gyi phung po yis// nyi ma'i 'od mchog bsgribs pa ltar// mi shes byis pa rmongs pa yis// yang dag dkyil 'khor dam pa bsgribs// sprin gyi char pa ro gcig ltar// skal pa gsum yang chos nyid ro// sems can thams cad mngon rdzogs te// sems can sdug bsngal rnam dag yin// rnam dag shin tu mthong bar bya ba'i phyir// de ni mnyam nyid yang dag gcig/ de ni rnam grol mya ngan 'das pa yin// rtag tu byang chub kyi ni gnas yin phyir// des na mnyam pa nyid de mi mnyam med// 'dod chags med cing zhe sdang dag kyang med// nam yang rjes su chags pa med// su la'ang mdza' zhing chags pa med// de la de byang sgrib par 'gyur// de ltar de las de rtogs na// de la de nyid grub pa med// de bzhin nyid tsam 'grub pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/ de bzhin mtshon du med pa'i le'u ste sum cu so gcig pa'o// // de nas 'khor der 'dus pa rnams kyis/ byang chub sems rdo rje la 'di skad ces gsol to// de bzhin nyid mtshan ma dang mtshan ma med pa'i don gang lags// sems dpa' dam pas bka' stsal pa// ji ltar nyi zla dag pa'i 'od// yon tan ldan dang sdig can gyis// mi la mnyam par rab 'char te// de la skye ba 'grib

  149. 75a

    pa med// de bzhin chos nyid shes rab yod// snyoms pas nyi ma zla ba bzhin// lhag cing cad pa med pa bzhin// thams cad sems can rnam dag 'dus// ji ltar kham snod rdza mkhan gyis// 'jim 'dra las snod byas pa dag/ snod kyi rnam pa mang byas la// rdzas kyi rnam pa so so blugs// des ni ming yang so sor grags// de bzhin sems can sangs rgyas bye brag med// tha dad med pas bde bar gshegs// theg pa tha dad rab ston kyang // theg mchog rgyal ba'i theg par 'dud// 'gro ba'i 'khor lo mi shes pas// chos nyid dag pa'ang shes ma yin// chos rnams bdag nyid rnams spangs shing // dag par shes pa stong pa'i phyir// zhi ba sangs rgyas bcom ldan gyi// byang chub yang dag nyid du shes// chos kun rtogs rdzogs sangs rgyas yin// ji ltar dmus long mi mthong 'di skad ces// gzugs rnams kun ni med ces smra// sman pas dmus long rnams la snying rje bskyed// ri la sman btus rab sbyar dmus long la ni shin tu gtong // de yis mig mthong gzugs snang 'gyur// mi shes sems can dmus long 'dra// de phyir zab mo rtogs dka'o// bla med yang dag rdzogs byang chub// theg bshad 'gro ba'i don la dgongs// rnam par dag pa bstan du med// stong nyid rmi lam sgyu ma'i tshul// chu shing snying po med lha'i tshul// gang gis

  150. 75b

    chos nyid rab shes shing // khams gsum rang bzhin rnam par grol// chos kun stong zhing mnyam pa ste// tha dad dbyer med bdag nyid do// de dag la yang mi rtog stong // chos nyid gang yang mthong med na// chos kyi sku ni ma lus par// shes rab chen po des mthong ngo // dgur bstan theg pa gcig tu mnyam// mnyam zhing snyoms te gcig tu mnyam// de ltar mkhas pa zhi ba yis// mi bcing mya ngan 'das pa shes// e ma ho ngo mtshar rmad kyi chos// rang rig skye med ye shes dbyings// mi shigs mi 'gyur rdo rje'i don// ye shes sems dpa' rdo rje yin// rdo rje sems dpa' 'gro ba'i don// rdo rje 'chang rgyal 'di nyid ni// thams cad du yang yang dag gnas// rgyal bas dus gsum rtogs par skye med mnyam// kun gyi chos nyid rgyal ba rgya mtsho'i thugs// rdo rje gsum gyi mtshan ma ji snyed pa// bdag po nyid du gyur pas de bzhin nyid// chos rnams thams cad 'gro kun ni// dbyings su ro gcig skye med do// mnyam nyid rgyal po'i chos nyid de// rdo rje sems dpa' kun tu bzang po'i ngag/ dug lnga chos dbyings ye shes dbyings// skye med chos dbyings ye shes mnyam// de yi yon tan khyad par lngar mthong ba// mtshan nyid de nyid ye shes lnga// 'gro ba'i don du rigs lngar snang // rigs dang yon tan mang po yang // 'gro bzung don du bstan

  151. 76a

    par zad// chos dbyings ye shes khyad med phyir// de phyir dbyings nyid stong pa'i ngang // skye med ye shes me long lta bur gnas// rig pa'i ye shes dang dang gnyis med phyir// chos dbyings ye shes dag pa'i dbyings la brjod// rigs lnga thabs kyi phyag rgya kun// thams cad chos sku rdo rjer ro gcig 'dus ma byas// ji ltar de ltar snang ba yin// gcig bsam de nyid kun gyi ngang // rigs ldan rnal 'byor ting 'dzin gcig/ bdag med gnyis nyid bder gshegs dag pa'i ngang // ston pa 'jig rten sgron mar gyur pa na// kun gyis mtshungs par rab bsngags pa// chos la snying por gyur pa mkhyen pa dag/ chos can zhi ba'i tshul gyi dag pa 'byung // yum gyur dam pa rgyal ba'i lam// nam mkha'i rang bzhin gnas pa ni// byang chub rgyu ni chos dbyings mkha'// yang dag zhi ba zab mo la// bkrus pas mi 'dag nam mkha' 'dra// byang chub la ni rgyu 'bras med// dag pa'i rang bzhin gnas pa'i phyir// thob par bya ba med mos pas// rtsol bas yid bzhin nor bu'i tshul// dpal ldan sangs rgyas rtse gcig 'chang // rdo rje mi phyed gsum gyi dang // rang byung tshogs chen bla med dag/ rgyal ba'i rang bzhin ting 'dzin shes// dus gsum sangs rgyas rang bzhin stong // rang gis shes pas chos nyid stong las su// 'khrul rtog brtags

  152. 76b

    pas thams cad snang ba bzhin// shes rab thugs rje ngang gi 'char// rnal 'byor chos nyid dag gyur na// thugs rje'i byin rlabs btsal mi dgos// gnyis med rnam dag chos kyi sku// bdag med zhi bas snang ba'i phyir// bdag tu snang ba nyid kyi sku// mi 'gyur nam mkha' lta bu dag/ tshul dang mthun pa'i ngo bo bzhi// ngang nyid zhi ba rtogs pa'i phyir// tshul khrims la sogs pha rol phyin lam bcu// spyod pa mtha' dag rgya mtsho'i gzhir gyur pa// yang dag lta bas ma zin na// de dag byang chub gegs su gyur// sems kyi byang chub rnam dag kyang // chos tshul yon tan khyad par ni// ma nor bsgom pa'i mngon 'gyur ro// zhes gsungs so// rgyud kyi rgyal po chen po byang chub kyi sems lung chen po'i mdo las/ mtshan ma med pa'i le'u ste sum cu gnyis pa'o// // des nas 'khor der 'dus pa rnams kyis/ sems dpa' dam pa la 'di skad ces gsol te// sems dpa' chen po/ rnam rtog zhi bar bya ba'i don gang lags/ sems dpa' dam pas bka' stsal pa// chos nyid don nyid rang bzhin la// rdo rje gsum bsgom ma rtogs pa// grub par bya ba'i dngos grub gzhan mi 'tshol// gnas dang med pa la ni gang rtogs pa// de dag chos nyid la yang gang rtogs pa// gnas dang gnas min 'gal bar ma bsams na// yang dag mi dmigs zab mo

  153. 77a

    'di// bzhag pas lus la yang yod med la// btsal bas zab mo ga la rnyed// dbyings kyi rang bzhin stong nyid dam pa yin// rigs kyi khyad par du snang yang // de dag byis pa'i spyod yul snang ba ni// rnam shes rdo rje sems dpa' gtso// tshor ba rin chen 'byung ldan dang // 'du shes snang ba mtha' yas yul// 'du byed don grub gdon mi za// gzugs ni rnam par snang mdzad de// rigs dang zhi khro sprul pa kun// chos sku ro gcig mkhas pas 'gro don bstan pa mnyam// dmigs med byis pa mi mkhas pas// chos dang chos ma yin par mthong // stong nyid mnyam pa chen po la// rgyal ba rigs lngar rtog pa 'khrul// chos nyid la ni rnam rtog med// de phyir de dag 'khrul pa yin// thabs kyi so sor bshad pa'ang don gcig la// dbyings rtog len spang sgrib pa mu mtha' med// rtogs pas sangs rgyas ting 'dzin dge rtsa 'phags// blo dang nam ldan zhi ba sems kyi ngang // dam pa de ni mngon du 'gyur ba na// chos sku dri med nam mkha' 'dra// de la sku gsum mchog tu gyur pa'i chos dbyings su// rdo rje rtse mo mchog nyid 'dus ma byas// mi rtog ye shes chos dbyings de yang de nyid do// de la gang rtog yang dag mthong // zhi ba rnam dag nyid las yon tan ma lus 'byung // ji snyed rnam grol chos su dag pa rnams// de bzhin gshegs pa de

  154. 77b

    dag thams cad kyang // 'dus ma byas nyid rgyal ba kun gyi ngang // gzhan du rigs lnga bstan par bya mi dgos// mi 'khrul pa la yi dam lha med ltar// de nyid rtogs ldan dbyings kyi lha// rgyal bas ma bcos gdod nas skye ba med// rang sems zhi bas bsgom par bya ba min// sems ni skye med thugs kyi dbyings// lus ngag yid gsum mi mnyam mnyam pa'i ngang // nam mkha' bzhin du bsam par bya// nam mkha' bstan du med pa ltar// bdag nyid rang bzhin med par zhi// de phyir byang chub sems nyid rdzogs// de las yon tan de dag de las 'byung // de bzhin sangs rgyas yon tan sna tshogs rdzogs// kun bzang ngang nyid ro gcig phyir// dbyings la dbyings nyid rtag tu dmigs// cir yang min la cir yang snang ba'i phyir// thams cad chos nyid sprul par zad// byang chub don nyid de dag thams cad kyang // 'ching med rgyal ba'i rigs can yin/ chos sku rnam dag lhun grub stong pa'i dngos// de med mi 'byung de phyir chos dang phyir// de ni rnam grol mchog gi lam nyid do// rnam grol zhi ba zab mo byang chub sems// des na rdo rje sems dpa' chos nyid kun tu bzang // de nyid ci 'drar bsgom par bya bar 'gyur// rdo rje de rtogs bsgrub pa bca'// rdo rje de nyid yang dag dam pa ste// phra zhing shes dka' drang srong chen po'i lam// 'di ni zab mo mi

  155. 78a

    rtog rtog las dag/ ji ltar brtag par dka' zhing shin tu zab// bstan par dka' la brjod pa'i tha snyad rnams dang bral// stong nyid dam pa zhi ba la// mtshan ma'i ting 'dzin bcug pas nor// gnas dang zhi ba stong pa la// nam mkha' dbyings kyi dbus gnas par// bde gshegs kun gyi pho brang ngo // e ma ho e ma ya mtshan dag pa'i gzhi// tshig gis mi phebs brjod dang bral ba'i phyir// gzhan dang byis pa'i spyod yul ma yin yang // de phyir chos nyid dngos bral la// byis pa lta dman yod par 'dod// de ni yod pa min pa'i phyir// brjod pa mtha' dag don 'dir blta// zhi ba chos dbyings gzhan nas mi btsal te// mngon dang mi mngon chos rnams kun// de dag thams cad rang bzhin stong // dper na dbu ba rdos dag chu bos khyer mthong na// de la dngos ma mthong ba ltar// mngon sum la gas rgyu yi dngos po rnams// de yang 'jig rten grub pa'i mtha' rtogs pa// rgyu ni dngos bral dam pa ste// de nyid rnam par rtog pa'i rgyu 'bras spyod yul rnams// ji ltar tshad ma bzhag na blo yis 'dzin byed do// mi shes pa dag kun 'dus nas// dag pa'i don la ci bltas kyang // dag pa de nyid ga la mthong // rtogs mtha' rnam pa med pa'i phyir// dpyad mtha' med de snying po med na tshad ma gang // de phyir rnal

  156. 78b

    'byor chos nyid zab mo la// de phyir 'jig rten tha snyad rtog pa rnams// rnal 'byor dam pa'i lam 'dir mi dgos so// yongs su dag pa'i rang bzhin rgyas par 'gyur// ye shes 'di nyid yongs su rdzogs byas na// 'od byed gtso bo rnam par dag/ mnyam thugs zhi bar gyur cing shin tu gnas// rtag par mi g.yo gyur cing mi 'gul te// de la nam yang g.yeng ba mi mnga' la// de ni ngang gis zag pa med la gnas// bde dang sdug bsngal zhi bar mnyam// dge ba 'jig rten sgron ma dag/ thugs brtses rtag tu 'di mtshar te// 'gro ba thams cad kun bslang dag pa yis// sangs rgyas ye shes bla med pa// dga' zhing bde bar rab tu brnyes// de ltar dam pa zhi ba brnyes par bya ba'i phyir// dngos po mtha' yi rgyu ni lo rgyus dag las lam 'dir brtag par bya// brtags pa'i mtshan nyid phung po khams dang skye mched la// so so skye bos dngos po mtshan mar bzung // skye bo kun gyi sems la mngon snang phyi nang grags pa'i chos 'di ni// mi shes byis pas gnyis mthong phyir// gzung dang 'dzin pa gnyis su brtags// dper na byis pa mig nad 'khrul pa yis// nam mkha' dag la bal gyi 'khor lo 'byung ba dang // gzugs rnams med kyang yod par mthong ba ltar// 'dzin pa drug gis ji ltar dngos por mthong zhing bzung // gzung 'dzin brtags

  157. 79a

    pa de ltar ma yin 'khrul// rang gi rtogs pas mos pa de bzhin gzung ba med 'gyur na// de dag dngos po med rtogs dgra bcom 'dra bar grol bar 'gyur ba'i rigs// ma rtogs lha dman byis pa dang // theg rdzogs de gnyis khyad par rigs// de dag dus dgras 'joms pa dang // sdug bsngal gnyen lam des 'khrul mngon par 'gyur// dus las bde sdug ga la 'byung // gzhan nas skye mched sgo nas rig pa de dag tshad mar rung na ni// phyi ma chos su bzung bas dngos po zhi 'gyur ga la yod// de dag skye mched sgo nas zhi ba ga la rtog/ de dag tshad mar gyur pas 'phags pa'i lam de su la'ang dgos mi 'gyur// de phyir don de dbang pos rtogs gyur na// bsgrub dang brtson 'grus de dag mi dgos phyir// stong pa'i chos rtogs khong du chud pa dang // bsam gtan yan lag dam pa ldan rnams dang // yon tan zhi ba dam pa gsungs pa kun// de kun byis pa'i spyod yul min phyir ram// lam de rnam grol lam du bstan cing de yi rtog med 'gyur// dbang po shes pas mi thar te// mig mthong can 'dra lta dman mtshungs// dam rtogs shing zab mo yang // 'khrul pa dag gis yongs mi shes// 'khrul pa dag las dngos 'di byung // 'di la brten nas dngos po mtha' dag byung // ma rig pa sogs bcings pa'i sdug bsngal yod// sdug

  158. 79b

    bsngal 'ga' yang mi 'jil phyir// rnam rig shes des nyon mongs 'byung ba'i gnas// de phyir don nyid ma mthong bas// des na skye bos mthong ba de dag 'khrul// de ltar mun par mngon zhes rgyal bas gsungs// des na 'khrul pa'i dbang gis ji ltar snang bar 'gyur zhe na// rtogs pa dngos su bden pa che las nyams// kyi hud byis pa 'di dag thams cad ni// rnam rtog gis bcings dag pa ma mthong bas// bdag nyid bsgoms pas rin chen che las nyams// kun tu rtog can yang dag ma yin phyir// nyon mongs sgo nga'i sbubs brtol mi nus shing // kun tu rtog pas rtsol med nyams// stong pa gnas med rten yang med pa la// ji ltar yod pa ma rig 'khrul pas shes// yang dag ma mthong blo gros 'khrul pa'i phyir// blo gros phyin ci log tu gyur pas na// log par rtogs shing ma rig rkyen gyi dbang song bas// yang dag/ dben pa'i don rnams mi mthong bas// des na mya ngan 'das pa'i dgongs pa rab tu 'jig/ sems dang sems las byung ba de dag kyang // de nyid rnam shes 'jug ldog bcas rkyen gyis// de nyid lus gsum don du snang ba yin// 'du tshogs dag gi bag chags bsags pa la// dge dang mi dge'i bag chags yongs bsal la// las gang goms pa'i mthu yis brtas pa'i tshe// sems nyid yul dang lus 'dra snang bas rus

  159. 80a

    pas gang bzhin du// 'jig rten 'byung ba thams cad shes pas 'khrul par snang // ji ltar 'khrul pas bag chags sna tshogs bsags// bag chags sna tshogs shes pa brgyad nyid yin// bag chags bsags pa'i rgyu la dmig pa skyes pas na// yid la brtags pa'i bdag ni yod pa min// 'jig rten byis pa shes pa 'khrul pa yis// thag pa la ni sbrul snyam 'dzin// thag mthong shes pa 'khrul pa yin// bag chags rnams la bde bar shes// 'du byed mthu yis bsgribs shing phra mthong de las rnam rig skye// dper na sos kyi nyi ma phyed dus gdungs pa la// skyes bus gdungs pas smig rgyu dag la chu yi rgyun du mthong // de la brtags na chu nyid ga la yod// rgyun dang bcas pa'i sems kyi mthu ni ma rtogs pas// rtog pa'i rjes su 'brengs nas log pa'i dngos// bag chags mthu las sna tshogs snang ma rtogs// de las zag bcas rang bzhin rtogs pas bdag dang chos rnams rgyas par byed// ldan par 'byung ba shin tu phra bar rgyu ba de ma mthong // bdag tu blta la sogs pa mu stegs lta ba sna tshogs ske zhing thar bar rtog/ sems 'di las rnams mtha' yas gnas gyur pa// bag chags mtha' med nges pa med// bag chags brtas shing sad par byed pa'i rkyen yang rnam pa sna tshogs te// rkyen 'gas bag chags 'ga'

  160. 80b

    zhig rmi lam mi yi rgyud kyi lus snang la// rkyen gzhan dag gis bag chags gzhan sad byas pa'i tshe// dbang phyug la sogs byed par 'dod de lam de ma zhi grol mi 'gyur// bdag nyid 'dod chags bcas shing zhe sdang bcas// gti mug bcas par yang ni rab tu snang // de dag spyod pa dag ni ma spangs na// bdag gi gzhi yang yongs su 'da' mi 'gyur// rnal 'byor lam bslad the tshom rgyu yang rgyun 'di phra ba ma rtogs skyes// bdag tu brtags pas bsgribs te 'phags pa'i rigs dang rnam par bral// mngon shes tshe la shin tu mi mkhas pas// des ni chos nyid bsgribs te rnam rtog phyi phyir 'phel// sems can mtha' dag rang bzhin stong nyid dag pa la// mi shes gzung 'dzin 'khrul 'khor ma rig rtog pa las// chos rnams dag pa nyid du snang zhing bde la gzung 'dzin 'khrul pa'i rgyu// chos su brtags pas sdug bsngal sna tshogs 'byung zhing ngan song srid par 'gyur// rnam shes de yang 'du byed rgyu la mtshan ma tha dad 'dzin pas na// las kyi khyad par dag gis rgyan du snang ba'i rigs la du ma med// thams cad mkhyen pa'i ye shes gzung 'dzin bral ba du ma'i ngang la gzung dang 'dzin pa'i rnam rtog des// 'phags pa'i rigs bral 'dra ba'i mya ngan 'das pa yongs su med ces rgyal bas gsungs// 'jig rten bde ldan yang dag zhi ba mya ngan 'das gang

  161. 81a

    mchog tu bde ba de// shes pa du ma rnam pa sna tshogs skye bar mthong bas yang dag 'khrul// shes shing rig pas ris su gcig pas rigs la du ma med// sems kyis rnam pa sna tshogs du ma 'byung ba'i phyir// de phyir sems kyi skad cig ma de lus dang chos sku gnas// sngon dang phyi ma da ltar sems kyi chos kun gcig/ de phyir sems la bsam bzhin phyi ma des 'byung de la snang // dngos po ma spangs de bzhin nyid ni ga la mthong // rnam dag grol gzhi 'di la sems kyi rnam pa 'byung // rang sems rgyud las 'phags pa skye bo chos ni gzhan na yod ma yin// 'di ltar dge dang mi dge lung ma bstan pa'i chos rnams kun// de dag sems kyi rnam pa yin// rgyud drug rigs la sna tshogs de la'ang // de dag 'gro drug de bzhin no// phyogs bcu gang na'ang sems ni dngos po yod min phyir// de phyir sems rgyud de ni phyogs kyang cung zad med pas gcig la rten med de// de phyir phyogs med phyir na mtha' yas zhing khams bdag gi lus// bdag gi lus ni mtha' yas zhing dang skye ba'i lus su rang snang la// sems dang bag chags tha da ma yin cig min brtag par rab tu dka'// 'di la snang phyir rten cing 'brel ba rnams gsungs pa// ma rig la sogs rten cing 'brel 'byung chos rnams kun// 'di kun rten cing 'brel 'byung tshul te skye

  162. 81b

    dang 'gag par 'byung ces pa// ma rig pa la sogs pa so so'i ngo bor ston pa'i phyir// tshig pa'i sa bon bzhin du med las med pa mi 'byung rgyu 'bras med// ci phyir rten 'brel sems can kun la snang // de dag rang bzhin med dag las// mi shes pa su yod mthong phyir// de dag dngos por zhen cing rgyu dang 'bras bur rtogs par sems nyid ni// de nyid gzung 'dzin rgyu dang rkyen du snang // ji ltar bu mo gzhon nu'i rmi lam na// bu pho skyes nas dgar 'gyur shi nas mi dgar 'gyur// de phyir chos kun rmi lam lta bur yin zhes rab tu gsungs// de phyir rten 'brel rang bzhin med pa'i phyir// de gnyis med phyir skye dang 'jig pa med// gzung 'dzin med phyir dngos bral te// skye 'chi med phyir bdag gzhan med de 'chi 'pho med cing rtag chad med// sangs rgyas ye shes 'di nyid dang grol phyir// des na 'khrul 'khor med cing mya ngan 'das pa nyid du mngon// de phyir de bzhin gshegs nyid smon lam mi stsol te// sngon gyi smon lam rnams ni ga la stsol// 'di ni ngang dang rang bzhin bdag nyid chen po yin pa'i phyir// gzhan las ma brten mya ngan 'das pa mthong nas bde ba mchog dang ldan// gnas kyi skad cig nam yang ma 'bral te// sems nyams 'gyur te de med min// ji ltar 'byung ba lus brten la// lus dang 'byung ba tha dad min pa ltar// kun

  163. 82a

    gzhi'i bag chags tha dad med pa'i phyir// yang dag ma yin rtog pas bskyed phyir bag chags yod pa ma yin dang // spyod yul med dang kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skye// de phyir sems 'di yod med mtha' las 'das shing gcig dang du mar bral// bde gshegs byang chub med phyir de yi rdzu 'phrul sgyu 'dra/ 'phrul la snang // de bzhin dag pa'i ye shes shin tu dge ba'i rgyu nyid dang // chos kyi dbyings nyid la ni dmigs shing skye bar brtags pa yang // chos nyid ngang gis sangs rgyas ye shes chos dbyings dam pa la ni mi dmigs rgyal ba'i sku// chos dbyings rnam dag rdo rje gnas med phyir na mnyam par gnas// rang bzhin 'dra 'gyur chos nyid stong pa zhi ba rdo rje 'dus ma byas dang ldan// chos dbyings rdo rje rtse mo de dag phyogs nyid med pas rnam dag skad cig med// dag pa'i dge rtsa gzugs brnyan med pas 'jig rten ye shes yod mi 'gyur// ji ltar sgyu ma byed pa'i skyes bu yis// shing rta skyes pa bud med sna tshogs gzugs bzung ste// de la brtags nas gzugs kyi dngos po ga la yod// chos dbyings zab mo the tshom med cing byang chub don du gnas// sems can zab mo btang nas skye 'gag rnam bral bla na med pa'i mya ngan 'das pa bde

  164. 82b

    gnas zhi ba'i ngang // bsod nams mang 'phel byang chub mchog 'di thams cad kun gyi yul du gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ rnam rtog zhi bar bya/ ba'i le'u ste sum cu gsum pa'o// // de nas 'khor der 'dus pa rnams kyis sems dpa' dam pa la 'di skad ces gsol to// chag rbad yang // sems dpa' dam pas bka' stsal pa// khams gsum las 'das yon tan rin chen gter gyi mdzod// mi rtog zhen chags mnyam nyid ngang du zhi// gzung 'dzin rtog bral zhi ba'i phyir// de phyir byang chub mtshan nyid med cing blang dor med// don de'i tshul gyis don dam rnam grangs skye 'gag med dang mnyam nyid dang // gnyis med bsam 'das stong nyid chos dbyings brjod dang tha snyad bral la sogs// yang dag bstan pa de kun don dam med cing kun sgrib med// gzhan pa thams cad spangs nas 'di 'dra'i don ni shin tu thob dka'i phyir// yang dag zab mo mos pas rnyed pa shin tu dka'// dper na ji ltar la la chu 'dod skam sar khron pa brkos kyang phyi phyir chu ni rab tu dkon// de ltar byis pas don nyid mi shes pas// don 'di mi shes pas ni sangs rgyas ye shes rnyed par dkon// don dam tshul gyis lam 'di nyid ni 'di 'dra ces pa'ang kun sgrib yin// the tshom yod med chos ni gang la'ang

  165. 83a

    spong zhing gnas par mi byed do// sgom pa las ni chos dbyings med phyir som nyi med la dam par lta ba med// sangs rgyas zab mo ye shes 'dis ni srid pa thams cad spangs// dper na sman pa'i rgyal po yon tan kun ldan gyis// nad pa'i tshogs ni gdungs par mthong ba la// sman rnams sna tshogs sbyar nas nad rnams zhi byed ltar// dngos po yod med ltar snang de bzhin gshegs pa ngang gis zhi// yod dang med pa'i mtha' rnams dag gyur na// de phyir dbu ma zhes bya dmigs su ga la yod// dbus mtha' med pas nam mkha'i ngang tshul 'dra// 'dod yon lnga nyid rtag par spyad 'gyur yang // rang bzhin spros bral nga gis zhi ba gang la yang // 'jig rten pad+ma dbang phyug kun kyang mi spangs 'dra mnyam gnas// ji ltar mi shes 'khrul pa yis// ci yang med pa'i nam mkha' la// gzugs dang sgra dang ro la sogs// de ltar mthong ba 'khrul pa yin// chos la 'khrul par mthong ba de nyid 'khrul par yin par rab rtogs te// drug gi brten pa bdud kyi las kyang mi 'dor don du mi rtog go/ rang gi shes pa dam par byas shing kun la rgyal de de bsnyems nas// 'dod chags zhe sdang bskyed rtsol 'byung ste gti mug yin de don mi mthong // bsam gtan gnas lus phyag rgya'i mtshan ma 'dzin pa kun// ma skyes de dag ma skyes zhi ba chos nyid rnal

  166. 83b

    'byor yang dag dam pa'i gnas// g.yo dang mi g.yo tha snyad mi gnas gnas la'ang gnas pa med// snang med dbu ma'i lam de byang chub sems zhes bder gshegs gsungs// bya med mi gnas ma skyes zhi ba nga gi rdzogs pa byang chub sems zhes rgyal ba kun gyis rab tu bsngags// byang chub kun rdzogs chos nyid mnyam par lhun grub yang dag don bsgom ting 'dzin mchog/ de bzhin chos nyid mi 'gyur stong pa dam pa dngos bral bas// gzugs dang mtshan ma smon par 'dzin pa rab tu spangs nas su// rnam thar gsum po sgom pa bdud kyi lam yin gzugs la sogs pa stong pa'o// don dam yang dag dmigs bral sems nyid rgyal ba kun gyi yab gyur thams cad 'byung ba'i rgyu// blang med spang med spang len bdud kyi lam ste don dam zhi ba bden dang bral// 'khor ba'i lam gsum spangs shing mya ngan 'das la ma sgom pa yang bdud kyi las nyid de// de nyid rang bzhin btsal spongs gar mi gnas// dug gsum ngo bo rnam par dag pa'i lhun grub sku gsung zugs// 'phags pa kun gyi yul dang gnas kyang 'das sogs lam nyid gzhan na med// ldang dang mi ldang ched du mi spang sems rten mi 'cha' mngon du min// bde ldan ye shes byang chub zab mo rnyed dka' rdo rje'i rtse yin te// zhi ba chen po kun snyoms 'dus ma byas// sgom pa'i sa mi rnyed phyir

  167. 84a

    sgoms pas rnyed par mi 'gyur te// sems kyi spyod yul shes pa de la de dag chos rnams kyi ni chos nyid yin// sgom dang mi bsgom rnam rtog zhi ba'i ngang // dngos rnams bral gang la'ang mchog dang tha ma med par lam mchog 'di sgom mo// phyi rol yul dang nang la bdag dang gzhan du rtog pa skyes na yang dag don las nyams// de ltar rnam dag zab mo stong nyid zhi ba dam pa de la thams cad ma lus yang dag gnas// 'du byed ma skyes shin tu chos kun chos rnams ma lus mya ngan 'das// dngos med de tshe kun kyang chos kyi dbyings zhes rnam grol yin// ngo bos mngon rdzogs rgyu rkyen rnams ni byis pas ga la shes// nam mkha' ming tsam dge dang mi dger byar med skye ba'ang med// chos nyid rdo rje'i don dang mi dmigs stong pa de nyid rnam grol zhi ba chos kyi sku// dri med rnam dag chos dbyings gang bsgom pa// de dag ma skyes mi 'gag nam mkha'i ngo bo yin// rtsol bar yid la mi byed gang la sems med shes dang bral// nam mkha'i dri med rang bzhin dmigs med stong par shes rnams bral// dran dang dbyer med spang len ga la'ang dga' dang mtshungs med mi dmigs mnyam pa'i ngang // blang dor med pas brjod bral g.yung drung dbyings// mnyam gnas gnyis su brtag med brjod bral bya dang mi bya med de gsog bri med// stong pa'i

  168. 84b

    rang bzhin chos nyid la// bri ba'am 'phel ba ga la yod// ched du rtsol bral yid la mi byed ces kyang mi 'khrugs chos skur mnyam shes dang // chos nyid rnam par rtog pa kun las 'das// gang la'ang chags dang yul gyis myos skrag med de mi 'bral mi gnas shing // gzhan gyis yang dag mi 'phrog chos kun zhi ba'i ngang // mi 'phrog mnyam shes bzhi po phyogs dang pha rol phyin rnams der shes te// chos rnams de bzhin nyid dang stong pa rang nyid ngo bo nyid kyi sku// sems kyi rang bzhin skye med nam mkha'i dbyings dang mnyam// sems kyi dbyings su bsgoms pas lam gyis gzhan du bsgoms pas 'od gsal mi 'gyur ro// sems la sems bsgom rnal ma rtse gcig sems kyi dngos po 'dus ma byas// brda' can yang dag len pa'ang byang chub yin zhes ston pas rab gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin med la rnam rtog ting 'dzin mang po rnams// ting 'dzin de dag ting 'dzin gsum po brtan par byas shing rtags kyi phyag rgya gsum bcings nas// ting 'dzin phyag rgya bye ba mang po de dag bde ba dag/ de dag ma lus sku nyid chos sku yongs su rdzogs// chos sku phyag rgya chen por sems nyid bskyed de snying po brjod cing bsgom// sems ni kun nyon mongs dang mya ngan 'das pa'i chos

  169. 85a

    dag rdo rje 'dus ma byas// de ltar rdo rje sems dpa' bsgoms pas lam kun ma nor bsgom pa yin// ji ltar bsod nams sna tshogs rgya cher spyod pa rnams// sbyin dang tshul khrims bsod nams ci bsags kyang // yang dag chos nyid zab mo'i lta bas ma zin na// de ltar spyad pa de dag mu stegs lta ba yin pa'i phyir// kun tu bzang mo'i spyod pas ma zin dge ba'i chos ni gang yang rung // kun tu bzang po spyod pa'ang bdud kyi las te zab cing mthar zug 'gyur// shes dang mi shes spyod yul thams cad mnyam// de dang ldan pa'i las ni bdud kyi las kyang byang chub spyod par 'gyur// snang dang mi snang mang zhing rgya che ba// rdo rje'i rigs tshogs phyag rgya thams cad sngags don byang chub sems kyi rdo rje kun tu bzang po'i spyod pa dag/ yid bzhin nor bu skye 'gag rnam par grol// rnam par shes pa thams cad 'bar ba chen po'i chos nyid brtson 'grus dang // thams cad 'du 'phro rdo rje thams cad brtan pa'i sems// de bzhin gshegs pa thams cad rang bzhin rnam par dag pa'i chos nyid ye shes rnam par dag las rnam par dag pa nges par gnon mdzes rdo rje can// dzaHhUM baM hoHmi dmigs a'i ngang / oM hUM swA hrIHAM du chos sku rgyal ba'i a ru zhi// de bzhin gshegs pa'i sku gsung rdo rje'i mchog/ de phyir zag pa med pa'i mtha' ni mya ngan 'das

  170. 85b

    pa'i don// chos rnams kun ni mya ngan 'das pa'i mtha' ste mtha' ba'o// mya ngan 'das pa'i dbyings 'di shin tu bstan par dka'// mthong med de ni chos kyi dbyings// chos dbyings de ni sems can brtags dang bral ba'i phyir// de bzhin gshegs pas mkhyen pa ma bskyed de// byang chub ma skyes mngon par ma grub byang chub can du gdags pa'ang med// de yi phyir na byang chub la yang byang chub sems can med// byang chub shin tu 'das pa 'di ni ma skyes pas// 'di ni mngon par ma grub mtshan nyid med pa 'di la sems can med cing mi dmigs so// don 'dir mos pa 'di yang byang chub chen po yin zhes rgyal bas rab tu bsngags// gnas 'dir bskyed pa tsam gyis 'jig rten gsum po bla mar bcas pa yi// mchod gnas nyan thos bdud kyi sde rnams zil gyis gnon zhes sangs rgyas gsungs// byang chub sems kyi chos kun de dag 'di ltar mkhyen// nam mkha'i khams dang sems can khams// de dag la ni 'bri ba ma yin gang ba min// byang chub sems kyi chos nyid la ni 'bri ba'am gang ba'ang med// de ltar khong du chud pa byang chub sangs rgyas mtshan nyid do// chos kun mtshan nyid med pa de ni sangs rgyas mtshan nyid do// byang chub mtshan nyid med de mtshan nyid las bzlog yin// de ltar shes na nyid las mi zhen rdo rje 'dus ma byas// rnam

  171. 86a

    par snang mdzad bcom ldan 'das/ khams gsum mi dmigs phan gnod mi byed so so skye bo'i chos kyang mi 'gog la// rnam rtog zad bral mnyam bsgom bsgom pa'i mchog/ nyan thos rang rgyal theg dman mi dmigs don thos mi skrag mi sngangs spangs par mi 'gyur don la zhi// de ni yang dag don rtogs zab mo mnyam nyid bsgom pa'i dngos// gnas dang mi gnas bde sdug rnam spangs pa// de ltar dag pa mthong bas mi skrag mi sngangs de ltar sgom pa rin chen tog/ 'di ltar snang ba'i chos rnams kun mthong dang // mi mthong mang nyung zhi dang ma zhi dul ma dul// de ltar ngang nyid stong par mthong na yang dag rdzogs pa'i theg chen bsgom pa yin// bdag dang sangs rgyas chos rnams bla dgas mi dmigs la// ma skyes mi 'gag rang bzhin mi dmigs te// sangs rgyas bla dgas don bsgom rtogs par dka'// 'dus byas 'dus ma byas su shin tu rtogs par dka'// ci yang med 'gyur yang dag snang med snang ba sgom pa'i mchog/ de bzhin nyid kyis bder gshegs rig par mi byed cing // bder gshegs kyang ni de bzhin nyid rnams rig par mi dgongs pas// 'gro ba bder gshegs de bzhin nyid du mnyam sgom na// bde ba sgom pa dam pa mnyam bzhag bde ba'i ngang // de ltar lhun sgom rdo rje rtse mo'i mchog/ bsam dang mi

  172. 86b

    bsam las 'das don gyi gtso// so so skye bo 'phags pa'i tshogs rnams mi 'byed dang // chos nyid gnas ni ma 'dres dbyings// bsam gyis mi khyab dbyings la gnas// dbyings la lta dman so so skye bo mi dmigs te// spong dang mi spong so so skye bo dga' bar zhi ba ste// de ltar don la bsgoms pas sgom pa yang dag yin// sgom pa ting 'dzin snyoms 'jug bde ldan zhing // ting 'dzin mnyam snyoms bsam gyis mi khyab sgom// dper na 'phong gi slob dpon dang po slob pa'i tshe// 'di ltar ba glang phur pa dag la phog bya snyam du sems// gang tshe skra la phog 'gyur legs lobs pas// ba lang phur pa dag la bsgrim mi dgos par 'pho ba// gang tshe bdag gis ting 'dzin de la snyoms zhugs nas// ting 'dzin 'dis gnas de'i tshe slar yang ting 'dzin 'dis gnas snyam du mi sems la// gang dang gang gis ting 'dzin 'dir gnas na// gdags su med pa'i ting 'dzin lhun grub ste// bsam gyis mi khyab ting 'dzin 'di bas che zhing lhun grub gzhan na yod mi 'gyur// des na bsam gyis mi khyab ting 'dzin mi dmigs te// de lta mod kyis sgom pa ma thob su yang med// 'gro ba thams cad bsam gyis mi khyab ting 'dzin la gnas pas/ de bas ting 'dzin sgom pa dam pa kun la yod// mi dmigs tshangs par spyod pa yun ring spyad pa yin// bdag

  173. 87a

    gis yang dag gnas ni chos kyi dbyings la gnas te// gnas med kun nas slong ba longs spyod rdzogs sku yid bzhin rin chen sa bcu'i chos kyis tshim// thabs chen byang chub sems dpa' gsang ba'i spyod pa'ang 'di nyid yin// 'di med rgyal ba rnam par snang mdzad theg pa gsum ston mi srid do// sangs rgyas byang chub sems zhes mi rtog par// spyad cing thabs mkhas rlom sems 'du shes mi bskyed 'joms pa'i ngang // rtog dpyod med pa'i tshul gyis byang chub spyod pa spyod pa yin// de ltar chos kun khong du chud cing rab rtogs 'joms pa'i ngang // skad cig tsam du dad pa'i shugs skyes de yang myur du 'jam dpal gzhon nur 'gyur// de ltar shes na byis pa so so skye bo dag gis de yi dang mi shes// dkyil 'khor gsang bar zhugs shing theg chen byang chub mchog kyang bsrung ba yin// tshul khrims dam pa kun kyang bsrungs shing sbyin gnas dam par rab tu gnas// de phyir byang chub sems kyi bsod nams de la gzugs yod na// nam mkha' bar snang de yang snod du chung zhes rgyal bas mtshungs par gsungs// e ma ho 'du byed rtog med skye zhing 'gags pa'i chos can 'di la bden par gang 'dzin pa// skye bo skye ba sna tshogs dag nas skyes shing skye 'gyur skye ba rgyun gyi dbang song ba// phung po khams dang skye mched chos kun bdag dang

  174. 87b

    bdag gir 'dzin pas 'khrul// rtog mtha' mi shes rtog pas bslus shing rtog pa yi// rgyun 'brangs 'khrul pa'i rtog las phyir log med gyur pa// nam mkha' sangs rgyas rang bzhin bye brag med pas bde ba dang // sdug bsngal 'gog dang mi 'gog stong pa nyid las byung min la// so so skye bos mi shes slad nas rtogs pa 'khrul// sgyu ma'i sku shes dag gis glang po 'dra bar sgyu mas rmongs pa'i sgyu ma rnams// rmi lam gyis bslad bzhin du mi yis bden pa nyams shing rmi lam dbang du song ba'i rmi lam pa// lam 'di spangs shing mtha' dag lam gzhan lam du bltas pas ma nor lam zhes ston pa de// de dag rdo la gser bzhin thugs rjer rung zhing thugs rje'i thugs rjes kye ma'o phrog pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/ byang chub kyi sems ma nor bar bstan pa'i le'u ste sum cu bzhi pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po/ chos rnams mi dmigs pa gang lags/ byang chub kyi sems rdo rjes bka' stsal pa// phung po la sogs chos rnams kun// rang bzhin stong ste dmigs dang bral// 'dus byas 'dus ma byas dang zhi dang ma zhi'i chos// bsam gtan rnam thar ting 'dzin snyoms 'jug mngon

  175. 88a

    shes lhun gyis grub// mtshan med smon pa med 'gyur rnam rtog 'dus byas 'dus ma byas nyid ngang gis zhi// 'du dang mi 'du ldog dang mi ldog phung po mngon grub rang bzhin de bzhin nyid// ma nor gzhan nyid khams dang skye mched rten cing 'brel 'byung mngon du grub pa ma nor de bzhin nyid// phyin ci log dang sgrib dang srid pa sna tshogs chos nyid ngang gis stong // ting 'dzin snyoms 'jug mngon shes ma nor bde ba'i lam// zag bcas zag med 'jig rten pa dang 'jig rten 'das/ gnyis med rang bzhin lhun gyis grub pas skye 'gag bral// mi mnyam mnyam pa kun rdzob don dam bde ba'i mchog/ rtag dang mi rtag bde dang sdug bsngal ngang gis zhi ba'i phyir// bdag yod bdag med rdzun dang mi rdzun byed yod byed med sgyu ma'i tshul ltar ro// 'byung dang mi 'byung ngo bo nyid yod nyid med 'chi 'pho skye ba dngos med smig rgyu'i tshul// tshogs dang ma tshogs lhun grub brjod pa kun dang bral// 'dod chags zhe sdang gti mug nga rgyal phrag dog khong khro ser sna mun pa le lo yongs su dag/ zag bcas zag med stong dang mi stong mtshan mar 'dzin pa 'khrul pa yin pas stong // yongs su rnam dag nges pa bzhin du chos rnams rnam dag zhing // dri med rnam dag chos dbyings rin po che// rnam par mi g.yengs shes rab dbyings ma'i ngang // thams cad mi

  176. 88b

    dmigs nam mkha'i ngang tshul zhi bas bde ba'i don// skyes bus rmi lam rmis kyang rmi lam rang bzhin bstan kyang rmi lam rang bzhin bshad pa med// de phyir rmi lam nyid kyang med na rmi lam rang bzhin bstan pa ga/ la yod// de bzhin chos nyid bstan kyang chos nyid la ni dngos po med// 'di ltar skyes bus sgyu ma mthong ba'i sgyu ma'i rang bzhin bstan kyang ngo bo nyid kyis ga la yod// de bzhin zab mo bstan kyang zab mo'i rang bzhin dngos bral te// mig yor mthong ba'i skyes bus mi g.yor bstan kyang dngos po yod ma yin// de bzhin chos sku'i rang bzhin bstan kyang dngos po mthong ba med// ji ltar smig rgyu mthong ba'i dngos po de la ngo bo ga la yod// de bzhin rtog bral zab mo dmigs med yang dag rtogs par dka'// ji ltar brag cha'i spyod yul sgra thos de ni mi mthong ba// bdag gi sgra byung de tshe sgra de thos// de tshe chos nyid zab mo bstan pa'i tshig thos chos gang bstan pa thob 'gyur mngon bshad de tshe kun shes rang bzhin med de thos pas lam du gyur// dbu ba rdos pa'i rang bzhin stong yang dbu ba'i rang bzhin phyi nang mi dmigs bstan pa'i rang bzhin dmigs par ga la 'gyur// de bzhin chos nyid zab mo ston kyang rang bzhin mi dmigs chos gang mngon par grub pa'ang nye bar mi 'gro'o// chu'i chu bur ston kyang chu'i chu bur rang bzhin med na chu bur ngo/

  177. 89a

    bo ga la yod// chos gang mngon par 'grub pa 'byung ba nye bar gnas pa ma yin no// 'on kyang skyes bu chu shing snying po btsal yang mi rnyed mod kyis 'on kyang de yi 'dab ma rnams kyis dgos pa byed// de bzhin chos nyid snying po med mod kyis// chos nyid bstan pa'i dgos pa'ang byed// skyes bu nam mkha' stong par tha snyad rab 'dogs kyang // nam mkha' la ni bstan pa ci yang med// de bzhin chos nyid la ni tha snyad rab btags kyang // bstan pas yongs su grub cing tha snyad btags pa med// grib ma nyin ldog tha snyad gnyis 'dogs chos gang yongs su grub pa'i phyir yang nye bar mi gnas snang ba mngon// de bzhin chos nyid tha snyad 'dogs pa'i tshig tu 'gro yang chos gang bstan pa tha snyad tshig tu mi 'gro chos rnams snang bar byed// ji ltar nor bu rin chen sbyangs na snang ba chen po nye bar gnas 'gyur kyang // snang ba de ni nang ngam phyi rol gnyis na yod ma yin// de ltar chos nyid snang ba'i bya ba chen pos nye bar gnas gyur kyang // snang ba de ni nang ngam phyi rol mthong bar nye bar mi 'gro'o// dper na 'bru mar mes bus na// de yi 'od 'phro yud tsam mi gnas kyis// snang bar byed de snang ba des gzugs rnams kyang mthong bar 'gyur// de bzhin ye shes chos gang la yang mi gnas chos rnams snang ba'i bya ba byed/ snang ba des ni

  178. 89b

    'phags rnams chos kun yang dag ji lta bzhin du mthong gyur to// ji ltar gzugs dang skye mched khams dang rten 'brel gang zag bcu gnyis ma grub pas// de ltar chos dbyings rnam dag zab mo de ltar mtshungs// bden dang rdzun dang phyi nang yongs su ma grub pas// rnam par mi rtog lhun grub zab mo byang chub bde// sa la sogs drug khams su ma grub pas// yang dag ngang nyid zhi bas de 'dra'o// 'khor ba'i chos dang mya ngan 'das pa'i chos rnams kun// de dag rtag tu ma grub zhi ba chos kyi ngang yang rtag tu zhi ba chos kyi dngos// zhi ba bsil 'gyur zhi ba yongs su grub// de ltar bstan pa'i rang bzhin mi dmigs lhun rdzogs ngo bo nyid kyi sku// zhes gsungs so// rgyud kyi rgyal po chen po byang chub kyi sems lung chen po'i mdo las/ rnam pa'i chos yongs su rdzogs pa'i le'u ste sum cu so lnga pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// yang dag pa'i don ci lta bu lags// sems dpa' dam pas bka' stsal pa// ci la'ang mi gnas ma chags yang dag dam pa sgom// gang la'ang sa rnams zhi ba'am 'phel ba'am 'grib pa yod na sgom pa ma yin te// yang dag so so ske bo'i chos rnams mi spang sangs rgas chos rnams mi len pa// de ni yang dag zab mo'i don rtogs sgom pa yin// 'khor

  179. 90a

    ba'i skyon du yang mi 'ching // mya ngan las 'da' yang dag blang dor med// 'phel 'grib skye 'gag bsam pa yi// chos la'ang mi smon yang dag sgom pa'o// 'das dang ma 'das da lta rab dang tha mar bar la ma chags shing // de ltar bsgoms na yang dag sgom pa yin// e e ma ho gzung du ma mchis sangs rgyas chos rnams mchog lags stong pa mngon rdzogs sku// bcom ldan de ltar bsgoms na yang dag zab don rnal 'byor bsgom pa yin// 'byung ba ltar gnas de bzhin te// chos gang gnas med gnas kyang de yin te// bsam gyis mi khyab skye med chos kyi dbyings// dbyings ni bde ldan gnyis med de dag sku yi mchog/ shes pa med pa de ni sangs rgyas kun gyi ye shes so// gang tshe ye shes de ni don dam ye shes te// chags med ye shes de la dngos po med// yul med ma chags ye shes de ni gnas med do// gang tshe rten med ma thob skye med yang dag zhi// chos dbyings ye shes la ni skyon yon gnyis med do// gang gis de ltar shes pa mi dmigs sangs rgyas ye shes so// skye mi skye dang mi dmigs ye shes nub dang ma nub med// rtag dang chad dang 'dra dang mi 'dra med pas ye shes nam mkha' 'dra// ma bsgyur ma bcos ye shes drang por gnas// 'dod chags zhe sdang gti mug mi rtog ye shes dam pa yin// sngags dang phyag rgya la

  180. 90b

    sogs kun ni btags par shes par bya// ces gsungs so// rgyud kyi rgyal po chen po byang chub kyi sems lung chen po'i mdo las/ ye shes dag pa'am bsgom pa'i le'u ste sum cu drug pa'o// // de nas 'khor der 'dus pa rnams kyis chos mchog chen po la 'di skad ces gsol to// ci yang mi dmigs stong pa'i mtshan nyid dang // dngos po rnam par dag pa'i don gang lags// chos mchog byang chub sems dpas bka' stsal pa// bde ba gang yang mi spyod dag pa yin pa'i phyir// phyin ci log dang yang dag gnyis med do// spyod pa ma lus bkag pa spyod pa'i mchog/ chos nyid mi dmigs dag pa chen po byang chub sems// byang chub sems ni mtha' dang mtha' med mi spyod do// yod med mi rtog dbus kyang rjes su mi mthong ngo // dbus rnams yod na mtha' yang yod par 'gyur// mtha' dbus 'byed na skyon yin no// ji ltar dper na nam mkha' la// mtha' dbus rnam par mi rtog ltar// chos nyid zhi la rtag dang chad pa med// chos nyid la ni gzugs su mthong // chos nyid la ni sgrar shes pa// log par shes des zhi mi mthong // chos nyid du ni sangs rgyas blta// 'dren pa rnams ni chos kyi sku// chos nyid rig par mi rung ste// skye ba med la bzod pa rab tu thob// bsod nams phung po mang du bde bskyed do// rang bzhin med pa'i

  181. 91a

    rang bzhin can// 'das dang ma byon da ltar gyi// rgyal ba rnams kyi yum du gyur// byang chub nam mkha'i mtshan nyid de// nam mkha' la yang mtshan nyid med// de bzhin blang ba ma yin dor ma yin// gnas su ma yin gnas rnams sbyang ma yin// kun nas nyon mongs ma yin rnam par byang ma yin// kun nas dben pa ma yin mi dben min// chos nyid g.yo ba med phyir gang du'ang 'gro// 'dus byas rkyen rnams med pas 'jig pa med// ro rnams bag tsha med pa'i phyir// chos rnams skye 'gag med cing stong pa'i ngang // phung po khams dang skye mched med phyir yang dag dam pa'i ngang la mu med do// chos nyid kun mnyam rdo rje mnyam pa yin// gang dag gsang sngags bsgrub par brtson na de dag bgegs med gsang sngags 'grub par 'gyur// e ma ho/ gang gis don 'di mnyam gzhag sgrib pa thams cad byang bar gyur// byang chub nges par gzhol gyur dang // gsang sngags bsgrub par brtson de 'di dag bgegs med gsang sngags 'grub// byams pas mnyam nyid bya ba thams cad bskyed// 'phral du sdig 'phrog rgyal ba'i yum// byang chub sbyin byed sangs rgyas yon tan rdzogs// dkyil 'khor thams cad kyis ni dbang yang bskur bar 'gyur// gsang sngags thams cad ma lus mngon du 'gyur// thams cad grol ces bya ba'i

  182. 91b

    ting 'dzin mnyam par gnas// yon tan lhun grub ting 'dzin mnyam pa'i tshul// yid bzhin nor bu rin chen 'bar ba'i 'od// gzi mdangs 'od ldan nyi ma 'bum gyi gzi// bdag med mnyam snyoms nam mkha'i ngang // zhi ba chen po chos kyi sku// rnam dag lhun grub brdal ba che/ kun khyab rang bzhin ngang gis gsal// sdug bsngal rgya mtsho dag pa'i tshul// ma bcos byang chub de bzhin gnas// chos sku rnam dag zhi ba'i tshul// bde dang ldan pas rnam rtog bral// dri ma rnam dag chos kyi sku// mi 'gyur mi shigs rdo rje can// mi g.yo mi 'gul nam mkha' 'dra// zhi ba chen po de bzhin nyid// de ltar 'dzin pas gzung 'dzin/ g.yul las rgyal// zhes gsungs so// rgyud kyi rgyal po chen po byang chub kyi sems lung chen po'i mdo las/ mtshan ma dang stong pa mi dmigs pa'i le'u ste sum cu bdun pa'o// // de nas 'khor der 'dus pa rnams kyis/ sems dpa' dam pa la 'di skad ces gsol to// dam tshig gi sdom pa ji lta bu lags// sems dpa' dam pas bka' stsal pa// 'dod chags zhe sdang gti mug dang // nga rgyal phrag dog spang mi bya// ma byin par yang blang bar bya// rdzun gyi tshig kyang smra bar bya// mi tshangs par yang spyad par bya// bram ze dag kyang gsad par bya// phra ma'i tshig kyang smra bar bya// brnab sems gnod sems bskyed par

  183. 92a

    bya// sha khrag rnga rje dri chen chu dang byang chub sems// ba lang khyi sha la sogs rtag tu bza'// oM dang hA dang a rnams kyis// de dag rtag tu sbyangs la bza'// rdo ni rdo rje'i dam tshig mchog/ des ni mchog gi dngos grub thob// 'dod chags zhe sdang gti mug spyod// des ni rdo rje mchog gsum 'thob// gzugs sgra dri ro la sogs pa// de ma thag tu bsten gyur na// dngos grub dam pa myur du 'thob// 'dod pa ma lus kun bsten na// de ni byang chub yang dag 'thob// 'dod pa'i yon tan thams cad kyis// sku gsung thugs ni shes byas nas// byang chub sems ni mchod par bya// dam tshig can rnams thams cad kyis// dam tshig sdom pa bsrung byas na// mthong ba'i tshe ni 'di nyid la// rdo rje gsum ni 'di yis 'thob// mi shes gti mug can gyis tha tshig 'das// de la dngos grub yang dag 'byung mi 'gyur// mdze dang phol mig 'brum bu dang // rims dang dug dang nad dang bgegs// ye 'drog bka' yi chad pa yis// bsad nas sems can dmyal bar 'gro// de bzhin gshegs dang rin chen pad+ma las kyi rigs// de bzhin sangs rgyas byang chub dang // 'phags pa rnams kyis skyob mi mdzad// byin gyis kyang ni mi brlab ste// rang bzhin 'phags pa thams cad la// rin chen phreng ba la sogs dang // me tog bdug spos la sogs

  184. 92b

    rnams// phul yang rgyal bas ga la bzhes// 'jig rten 'dir yang tshe thung zhing // tshe 'di nyid la sdug bsngal dag myong nas// gnad gcod sdug bsngal mi bzad myong nas ni// pha rol du yang dmyal bar 'gro// tha tshig spyod pa nyams pa yi// mi shes byis pas dngos grub mi thob bo// gal te dam tshig sdom pa ma nyams na// dug lnga nyid kyang ye shes lnga// mtshan dang dpe byad bltas mi ngoms// sangs rgyas byang chub sems dpa' dang // de yi 'khor na gnas rnams kyis// de la rtag tu skyob par byed// mthong yul tshe la bde ba dang // rdo rje gsum nyid rtag tu 'thob// tha tshig sdom dang mi sdom dang // bsrung dang mi bsrung phyogs med par// mnyam nyid sdom par gang gnas par// mnyam pa chen po'i dam tshig ste// nam mkha' lta bur mngon shes na// de ni yang dag dam tshig ste// blta ba'i rnam dag dam tshig mchog/ dag pa zhi ba gang bsrung ba// rnam dag dam tshig chen po yin// yang dag chos dbyings zab mo la// bsrung dang mi bsrung ga la yod// bsrung med nam mkha' ltar shes na// de ni yang dag gsang ba'i dam tshig go/ de ltar bsrung ba zab mo'i don// zhes gsungs so// rgyud kyi rgyal po chen po byang chub sems lung chen po'i mdo las/ dam tshig gi le'u ste sum cu brgyad pa'o// // de nas 'khor der 'dus pa rnams kyis// smra ba'i

  185. 93a

    dam pa la 'di skad ces gsol to// sems dpa' chen po/ gzugs brnyan gyi rtog pa bgyi ba dang / 'gro ba'i don du chos tshul bsgrub cing bsnyen pa ji ltar lags// smra ba'i dam pas bka' stsal pa// sgrub pa dang ni sgrub chen dang // bsnyen pa dang ni nye bsnyen dang // de bzhin rnal 'byor bsgrub pa'i gnas// dgon pa chu gling gnas rnams dang // nags tshal chen po'i sa phyogs dang // dben pa chen po'i gnas rnams dang // ri bo ri su la gnas rnams su// yon tan phrin las gang bsgrub rnams// rtag tu bsgrubs na dngos grub thob// mchog dang thun mong rnam gsum 'thob// dkyil 'khor dam pa'i sa bslang ba// bde gshegs rgyal bzhugs pa yis slong na// dgongs shig thub dbang rgyal ba'i sras// mkha' 'am bar snang sa steng 'khod pa yis// bdag por gyur pa thams cad kun// yang dag grub pa'i sa slong na// 'khor bcas khyed las sa 'di blang // yo byad sna tshogs sa la 'khod la sbyin// skyob pa chen po bcom ldan 'das// sa non pha rol phyin pa'i chos// 'khor ba mya ngan 'das gyur la/ yum gyur khyod kyi dpang mdzod cig/ sa yi skyon rnams bsal nas kyang // rin chen sna lngas gter du bya// maN+Dal kun tu gru bzhi la// bdud rtsi rnam lngas skyang nul bya// de nas srad bu'i sbyor ba ste// gzungs ma mtshan dang ldan pa

  186. 93b

    la// dpa' mor byin brlabs mkhal du gzhug/ zhing chen ris kyi rtsa rgyus la// sum sgril 'jur mdud med pa ni// ma d+ha la 'khor khyud tshad du bya// mkhas pas rdo rje gsum du byin gyis brlabs// de nas srad bu gdab pa'i mtshams bcad de// so so rnams su gdab par bya// de nas dam rdzas bdud rtsi yis// zhing chen ris kyi thig ler bya// dbus kyi pho brang dgu pa la// phyogs bzhi dbus la yab yum bcu// phyogs mtshams bzhi la gsang ba'i yum// phyi rol pad+ma 'dab brgyad la// sems dpa' brgyad dang sems ma brgyad// de ltar bcu drug dgod par bya// gru chad la ni lha mo brgyad// 'khor sa la ni sgo gdod bya// sgo bzhi la ni phyag brgya bzhi// de yi khyams ni phyi ma la// sbrul sku thub drug dgod par bya// de yi bar khyams phyi ma la// sgo gdong phrin las rnam bzhi'i phyag rgya dgod// de bzhin dkyil 'khor rgyas pa la// 'od zer sna lnga kun tu gzigs// sangs rgyas rdo rje can gyi gnas// de dbus b+h+rUM ni gnas pa las// gser gyi ri bo 'dra ba yi// sangs rgyas kun gyi gzhal med khang // 'khor lo bsgyur bas bsgom par bya// las kyi rdo rje'i stan nyid du// shes rab ldan pas de 'og bsam// chos kyi dbyings kyi dbus gnas par// bde gshegs kun gyi pho brang ngo // rin chen gzhi dngos mchod rten ni// 'od zer 'bar bas rnam

  187. 94a

    par brgyan// ye shes rgya mtsho dus gsum gyi// gnas su de ni rnam par bsam// gru bzhi pa la sgo bzhi pa// sgo rgyan bzhi dang yang dag ldan// dril bu dar 'phyang 'phan la sogs// sgo khyud kyis ni rnam par brgyan// gra mtshan dag ni thams cad ni// rdo rje rin chen rnams kyis spras// zla kham chun 'phyang gis brgyan cing // nyi ma zla ba la sogs brgyan// bla re bres pas mdzes par gyur// na bza' phreng ba'i tshogs kyis brgyan// de ltar dkyil 'khor dam pa yis// mi shes byis pa rnams la bstan// chos nyid ye nas lhun grub pas// bsgrub dang sgrub pa dmigs su med// dbyings nyid ye nas dag gnas la// bsnyen pa nye bsnyen gdags su med// dper na med las yod btags pa// me long nang gi gzugs brnyan 'dra// chos nyid rnam dag ye gnas la// gnas dang dgon par gnas pa med// dper na nam mkha' stong pa la// gnas rten sa phyogs med pa la// gang dag byis pa mi mkhas pas// mkha' la myu gu sdong skyed 'dra// de dag yod par mi 'gyur ro// ye nas chos nyid rdzogs pa la// phrin las rnam bzhis sbrang bsgrub med// sa rnams ye nas lhun grub la// cho ga rnams kyis sbyang mi dgos// chos nyid dkyil 'khor gsang ba dam pa bkram pa la// gzugs brnyan dkyil 'khor dmigs su med// stong nyid rang

  188. 94b

    bzhin dag pa chos kyi sku// lhun grub rdzogs mdzad longs spyod chen po'i sku// 'gro ba'i don mdzad mtha' yas sprul pa'i sku// de bzhin lhun grub sku rnams la// gzhi dang ngo bo mthun pa'i dpe// gnas dang 'khor dang 'dul ba'i zhing // sku gsum gsung ni bsgrags pa ni// chos sku chen po bskyed dang rdzogs dang rdzogs pa chen po yin// longs spyod che ba'i rdo rje can gyi bsdus gsum yin// sprul pa chen pos 'dul ba mngon pa mdo sde gsungs pa dang // rdo rje sems dpa' rnam snang shAkya rigs dbang po// thugs gsum mnyam nyid ngang du zhi// chos sku'i don rnams bstan pa ni// gzhi ni de bzhin nyid dang mtshan nyid brjod du med// mthun dpe nam mkha' gnas ni yum gyi mkha'// gdul zhing nam mkha' khyab pa 'khor ni rdzogs sangs rgyas// longs spyod rdzogs pa'i don rnams bstan pa ni// gzhi ni chos sku ngo bo rnam snang mdzad// mthun dpe 'khor los sgyur ltar bzhugs// gnas ni lha yi rgyal po gzhan 'phrul dbang byed gnas// 'khor ni nye ba'i sras brgyad sa rnams rim gnon yin// gdul gzhi gzhi dang me tog snying po can// sprul pa'i sku yi don rnams bstan pa ni// gzhi ni longs spyod rdzogs dang shAkya'i rigs dbang po// mthun dpe sgyu ma'i tshul dang gnas ni rdo rje gdan sogs yin// 'khor ni rgyal ba kun dang 'gro

  189. 95a

    drug thams cad do// gdul zhing gling rnams bye ba phrag brgya yin// sku dgu theg dgu bstan kyang 'gro ba'i don bstan ma rtogs pa// theg pa de kun yang dag theg las gzhan na yod ma yin// de bas chos kun rnam dag theg pa gcig rdzogs so// 'das pa'i dus rnams su dran de ni sangs rgyas gnas pa yin// tshad med bsam gyis mi khyab bskal pa na// de'i tshe rgyal bu byung ba skye rgu'i bu yi mchog/ mtshan ni ye shes bdag po zhes bya ba// skye rgu 'dren pa des ni chos bstan te// sems can bya ba mtha' yas ma lus 'dul// byang chub sems dpa' bsam yas bye ba grangs med kun// yang dag ye shes yang dag 'dzud// 'jig rten mgon po de yis chos bshad pas// mtha' yas nges par bstan pa gsang sngags mchog/ rab tu snang bas 'jig rten thams cad mdzes// sems can rnams kyis yang dag don yang ston// de ltar de na rin chen zhing // de bzhin kha dog bai DUr+ya yi mdog/ sangs rgyas rang byung de dag nyid kyang snang // gser gyi mchod sdong lta bur blta na mdzes// bai DUr+ya yi dbus na gser gzugs bzhin// 'khor gyi dbus na ches ni rab tu gsungs// de la 'khor yang grangs yod ma yin te// bskyod pa med cing g.yo ba med par snang // bzod gnas bsam gtan dga' zhing mnyam par bzhag/ yang dag

  190. 95b

    zhi ba zag pa med pa'i gnas// rgyal ba drang srong chen po rnyed par dka'// zhes gsungs so// rgyud kyi rgyal po chen po byang chub sems lung chen po'i mdo las/ sku gsung thugs lhun gyis grub pa'i dkyil 'khor gyi le'u ste so dgu pa'o// // de nas byang chub kyi sems rdo rjes 'di skad ces gsol te// rdo rje dam tshig rin chen cod pan dbang bskur bas// ye shes ldan pa rnal 'byor chen po'i dbang phyug ste// de bzhin gshegs pa'i phyag rgya mnyam nyid thugs chud sna tshogs mdzad pa de// ma lus sems can yongs su bskang ba'i phrin mdzad thugs rje can// rnam par snang mdzad chen po las gsum mnyam nyid la bzhugs pa// sku gsung thugs dang thams cad ma lus rdo rje ste// bde gshegs lha yi rgyal po gzhan 'phrul dbang byed gnas// khams gsum thams cad ma lus yid bzhin rin chen spras pa dang // dar gyi ba dan kha dog sna tshogs dril brgyus rlung gis bskyod pa dang // me tog phreng ba rnga yab rgyan phreng dang // chun 'phyang zla ba nyi ma sbrul chun rnams kyis mdzes byas dang // mtha' dbus med pa'i gnas na de bzhin gshegs pa thams cad bzhugs// yon tan ldan pa'i sras dang thabs gcig ste// de ltar yon tan ldan la bdag phyag 'tshal// longs spyod rdzogs sku yid bzhin rin po che// sa bcu'i rgyal sras chos kyis tshim mdzad

  191. 96a

    cing // 'jig rten mun rum 'od kyis snang mdzad pa// snang mdzad dag pa'i sku la phyag 'tshal lo// bcom ldan sku mchog dbu gsum gser mdog brjid pa'i zhal// 'og min chos rgyal blon por mnga' brnyes pa// log lha thams cad 'jigs pa'i sku// ri rab lta bur brjid la phyag 'tshal lo// dug gsum 'joms mdzad sha rus gsol mdzad cing // gnyis med don la sbyor bas khams gsum sgrol// shin tu brjid pas dur khrod rgyan dgu sku la mnabs// 'khor bar mi ldog dpal gyi chas brgyad sku la brgyan// chos sku mi 'gyur mthing nag 'bar ba'i sku// ye shes ting 'dzin zin pas mche ba gtsigs// dug lnga gtan du bsreg pas me yi klong na bzhugs// ting 'dzin 'du 'phro mdzad pas chos nyid sna tshogs mdzad// spyan gsum sdang mig bgrad pas ngan song brtsad nas bcad// dbu rnams sku lus cig pas chos kyi dbyings// yum dang gnyis su med pas rnam dag don// 'khor ba'i g.yul las rgyal la phyag 'tshal bstod// a la la ho zhes gsol to// de nas bcom ldan 'das rnam par snang mdzad ye shes can gyis 'di skad ces bka' stsal to// dkyil 'khor rdo rje 'dzin pa mtha' dag kun gyi mchog/ khams gsum ma lus mtha' dag 'jig rten gsum las rnam par rgyal// sems can ma lus 'dul ba'i

  192. 96b

    don rnams thams cad 'grub// dam tshig gsang ba'i dkyil 'khor gyis ni g.yogs byas te// yang dag rnam grol don dam 'dis ston te// lag g.yon rdo rje bsgyings te bzhin ni rab 'dzum pas// rdo rje chen po gsor te rang gi snying gar gtod pa'i tshul gyis 'dzin// bde chen don dam rdo rje dam tshig kho na nyid kyi snying po 'di smras so// hUM bcom ldan rnam par snang mdzad kyis// zhi ba'i de nyid mngon rdzogs byang chub bsgrub par bshad// rdo rje mnyam nyid mngon rdzogs byang chub chen po ste// don gyi ngo bo mi rtog mnyam nyid rnam dag zhi// mnyam nyid snying po 'di smras yi ge a// 'dod chags zhe sdang gti mug spros med pas// chos rnams thams cad yi ge a ru rig/ 'jig rten gsum rgyal phyag rgya rdo rje can// 'jig rten dri med rnam dag chos kyi dbyings// nyon mongs skyon gyi ma gos don dam 'di sgras hrIH// khams gsum dbang bskur snying po'i don// nyid la rdo rje rin chen dbang bskur phreng ba bcings shing dam pa 'di spras twa/ sgra yi phyag rgyas dbang bskur chos kyi sku// gsung gi phyag rgyas dbang bskur chos kun thob pa dag/ thugs kyi phyag rgyas dbang bskur ting 'dzin dag pa thob// rdo rje gsum gyi phyag rgya yongs 'dzin pa// lus sems ngag ni rdo rje'i dngos grub thob// de phyir chos nyid zab mo a ru 'dus// thams cad spros

  193. 97a

    med yi ge a// ngo bo'i chos nyid stong pa'i yi ge a// mtshan med smon med chos nyid yi ge a// rdo rje mi shigs dngos grub yi ge a// rdo rje mnyam nyid dkyil 'khor yi ge a// don nyid mnyam 'jug chos nyid yi ge a// a ni ma skyes stong pa ste// a ni chos sku dag pa'i gter// a ni stong dang mi stong gi/ dbu ma dmigs su yod ma yin// hUM gis mchod pa thams cad longs spyod rdzogs// oM ni ye shes lnga yi dngos// sku gsung yon tan phrin las sogs// hUM hUM hUM sems can rdo rje nyid pas khro bo'i ngang // ye shes lnga yang rdo rje khro bo can// hUM gsum rnam dag zhi ba las// dkyil 'khor rnam dag 'byung ba yi// 'khor lo rtsibs brgyad mu khyud bcas// bar khyams bzhis mdzes sgo khyud ldan// gru chad bzhis kyang mdzes par bya// dbus la b+hud+d+ha yab yum ste// 'bar ba'i 'khor lo rgyas par dgod// dkyil 'khor rgyan rnams rgyas 'gyur nas// bsgrub pa de bzhin brtsam par bya// bsgrub pa'i rdzas rnams bsags pa ni// rtsa ba lnga dang yan lag brgyad// a ga ru dang du ru ka/ ga bur gur gum la sogs te// sman rnams rgyas par bsogs te sbyang // ting nge 'dzin rnams rim gyis bskyed par bya// gal te rtags ma byung na spog pa'i cho ga gzhung bzhin bya// de ltar gzhung bzhin bsgrub pa brtsams nas kyang // de ltar don nyid rdo rje

  194. 97b

    yang dag thob pa ni// de ni rdo rje can de legs so legs// cho ga 'di ni legs par smras// sangs rgyas rdo rje 'dzin kun gyis// 'bras bu yod pa 'dus pa'i mchog/ rdo rje can du byin gyis rlobs// cho ga'i rgyal po bla na med// gang rnams 'di dag 'dzin pa ni// bdud la sogs pa thams cad kyis// de dag mi sod mi tshugs so// sangs rgyas byang chub sems dpa' dang // dngos grub dam pa thams cad kyang // sangs rgyas kun gyis gsungs pa bzhin// ring por mi thogs thob par 'gyur// de skad gsungs nas gsang grub phyir// rdo rje can gyis bshad pa la// kun mchog sangs rgyas mkhas bcas pa// thams cad kyis ni mngon par bstod// rnam par snang mdzad gsang ba'i chos nyid rab brnyes pa// spros med bde ba dam tshig rdo rje mnyam nyid chos// mtha' dbus med pa dam pa rdo rje ste// 'dod chags zhe sdang stong pas gti mug ste// bdud dang khams gsum las 'das dbang phyug chen po'i mchog/ de dag don rnams ji lta bu// ji srid 'khor ba'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// chos nyid rnam dag thabs chen dang // ye shes gnas su bsgrags pas ni// chos kun rnam par dag par nus// 'khor la yongs su dag par 'gyur// chags pa la sogs

  195. 98a

    bsal bas na// 'khor ba'i bar du dag par yang // 'jig rten sdig byed de sbyang phyir// 'khor ba srid du bdag nyid 'dul// ji ltar pad+ma rab dmar yang // tshon gyi nyes pas mi gos pa// de bzhin gnas kyi nyes pa yis// 'gro phan rnams la mi gos so// 'dod chags chen po rnam par dag/ bde ba che zhing nor che la// khams gsum dbang phyug thob pas ni// sems can don rnams bstan par byed// ces gsungs so// rgyud kyi rgyal po chen po byang chub kyi sems lung chen po'i mdo las/ bsgrub pa gsang ba'i le'u ste bzhi bcu pa'o// // de nas 'khor der 'dus pa rnams kyis/ byang chub kyi sems rdo rje la 'di skad ces gsol to// gsang sngags kyi don ji lta bu lags// sems dpa' dam pas bka' stsal pa// yang dag gsang ba'i don chen 'di// rgyal ba'i thugs dam bskul ba dang // mtshams gcad gnas par bya ba dang // cho ga rnam gsum bskyed pa dang // 'gro ba'i sgrib pa sbyang ba dang // sku gsung thugs ni rtogs bya dang // dkyil 'khor lha rnams brtan bzhugs phyir// dam pa 'di dag bshad pa yin// oM ni rgyal ba'i sku yi mchog/ hUM ni rgyal ba'i thugs kyang yin// swA ni rgyal ba'i yon tan gter// AHni rgyal ba'i gsung sgra ste// hA ni rgyal ba'i phrin las so// thams cad de bzhin gshegs bya'i

  196. 98b

    phyir// sngags kyi dam pa 'di brjod do// rbAn+na hwA hwA hA/ yau ya/ ta tha da d+ha na/ Ta Tha Da D+ha na/ ka kha ga g+ha// tsa cha dzaH/ pa pha ba b+ha/ wa ya ra la/ nganya ma mA/ sha Sha sa ha/ ma saM/ um+ba/ e ye/ oM ak+Sha/ hUM ba d+h+r-i ka dza/ muM d+hA tI shwa ri/ au dze na dzi ka dza/ laM dwe Sha ra ti/ swA rat+na d+hika dza// maM mo ha ra ti/ AM A ro li ka dza/ pAM rA ga ra ti/ ha pradz+nyA d+h+r-i ka dza/ taM badz+ra ra ti/ k+Shi hi rA dzA ya hAM/ hUM lA s+ye sa ma ya stAM/ tAM A gar+b+hA ya/ tAM mA le sa ma ya hau/ hr-i haM hUM pad+ma pA da ma/ hrIHgI ti rA go&haM/ dzi ku ru pA Na hrIH/ aM nirti rA ga yA mi/ me d+hA ra Ne/ dzaHd+ha pe pra be sha/ b+hI nisma ri b+ha ya swA hA/ hUM puSh+pe A be sha/ hUM sa rA dzA ya/ baM dI pa su gi rI/ muM shrI aM rA gA ya swA hA/ ho gan+d+he tsit+ta/ oM mu ni krI swA hA/ oM mu ni hUM truM swA hA/ oM mu ni sr-i swA hA/ oM mu ni praM swA hA/ oM mu ni k+ShaM swA hA/ oM mu na ye swA hA/ hUM ya mAn+ta kr-ita phaT/ oM badz+ra d+ha ri ma hA kro d+hi shwa ri dza la ni hUM phaT/ hUM big+h+nAM ta kr-i ta phaT/ oM rat+na d+ha ra ma hA kro d+hi shwa ri dz+wa la ni hUM phaT/ hUM A~M pad+mAn+ta kr-i ta phaT/ oM pad+ma d+ha ra kro d+hi shwa ri dza la ni hUM phaT/ hUM pradz+nyAn+ta kri ta phaT/ oM karma d+ha ra ma ha kro d+hi shwa ri dza la ni hUM phaT/ hUM hUM badz+ra tsit+ta/ hUM/ a a badz+ra sa man+ta b+ha drA a/ rgyal ba rnams kyis gzungs brjod pas// bde dang ldan pa yang dag rdzogs// rdzogs par bya ba sngags kyis bskyed// sngags kyi sa bon gang yin pa// yi ge a la bsgyur nas

  197. 99a

    kyang // lha rnams rim par bskyed pa ni// til 'bru tsam gyi rang bzhin las// je che je cher bskyed nas kyang // rang lus rgyal ba'i phyag rgya che// bsgoms pas mngon du gyur pa'i lha// che ba'i yon tan bsam mi khyab// mtshan dang dpe byad mngon shes ldan// 'jig rten 'phangs dang bteg pa dang // cho 'phrul sna tshogs bstan pa dang // rigs rnams so sor bsgrag pa dang // de ltar lha yi skur gyur nas// rig 'dzin phyag rgya chen po yin// de ltar a nyid stong pa la// dngos por 'dzin pa 'khrul pa yin// dngos po ji ltar stong zhe na// a nyid ma skyes zhi ba ste// a las yig 'bru thams cad bskyed// a ltar yig 'bru thams cad de// yig 'bru stong pas lha yi sku bskyed stong // sku gsung thugs dang yon tan phrin las rang bzhin stong // dper na nam mkha' stong pa la// med pas yod par brtags pa bzhin// chos nyid rang bzhin stong pa la// mtshan ma'i dngos por skur bstan pa// mkha' la 'ja' tshon 'byung ba 'dra// de ltar chos nyid dngos med yin// zhes gsungs so// rgyud kyi rgyal po chen po byang chub kyi sems lung chen po'i mdo las/ gsang sngags kyi le'u ste zhe gcig pa'o// // de nas 'khor der 'dus pa rnams kyis sems dpa' dam pa la 'di skad ces gsol to// ting nge 'dzin gyi bye brag ji ltar lags// sems

  198. 99b

    dpa' dam pas bka' stsal pa// ting 'dzin rnam pa 'byung ba ni// rdo rje lta bu'i ting 'dzin dang // dpa' bar 'gro ba'i ting 'dzin dang // chos nyid yang dag ting 'dzin dang // rang bzhin gyis gnas ting 'dzin dang // gnas pa'i rang bzhin ting 'dzin dang // btsal dang bral ba'i ting 'dzin dang // brjod dang bral ba'i ting 'dzin dang // sems kyi chos nyid las kyi mi 'khor ba'i ting nge 'dzin dang // btsal sems ma bral ba'i ting nge 'dzin dang // bdag nyid chen po'i ting 'dzin dang // 'gro don chos dbyings ting nge 'dzin dang // gzungs don chen po'i ting nge 'dzin dang // yongs rdzogs byar med ting nge 'dzin dang // chags dang bral ba'i ting nge 'dzin dang // bya med snying po'i ting nge 'dzin dang // smon lam stobs med ting nge 'dzin dang // lung ston rnam dag ting nge 'dzin dang // dbang bsgyur mi rtsol ting nge 'dzin dang // dngos grub mi spang ting nge 'dzin dang // rnam grangs lhun grub ting nge 'dzin dang // brjod pa dang bral ba'i ting nge 'dzin dang // chos nyid mi 'gyur ting 'dzin dang // rgyu rkyen mi 'grub ting 'dzin dang // phyi nang dag pa'i ting dzin dang // skrod pa bkag pa'i ting 'dzin dang // rang bzhin yang dag ting 'dzin dang // chos rnams don gyi ting 'dzin dang // chos nyid zhi ba'i ting 'dzin dang // lhun gyis grub pa'i ting 'dzin dang // las

  199. 100a

    kun spyod med ting 'dzin dang // chags sdang zhi ba'i ting 'dzin dang // chos nyid mtshon med ting 'dzin dang // mtshan ma med pa'i ting 'dzin dang // rnam rtog zhi bya'i ting 'dzin dang // byang chub ma nor ting 'dzin dang // rnam grangs chos kun mdor bsdus ting 'dzin dang // ye shes dag sgom ting 'dzin dang // stong dang mtshan ma mi dmigs ting 'dzin dang // dam tshig rnam dag ting 'dzin dang // dkyil 'khor lhun grub ting 'dzin dang // bsgrub mchog gsang ba'i ting 'dzin dang // gsang sngags brjod pa'i ting 'dzin dang // phyag rgya chen po'i ting 'dzin dang // dbang rnams skur ba'i ting 'dzin dang // phrin las rnam bzhi'i ting 'dzin dang // yongs su rdzogs pa'i ting 'dzin dang // stong pa nyid kyi ting 'dzin dang // rdo rje mi phyed ting 'dzin dang // skyes bu chen po'i ting 'dzin dang // nga gang las rgyal ting 'dzin dang // rtogs pa chen po'i ting 'dzin dang // ro langs sgrub pa'i ting 'dzin dang // cho 'phrul sgrub pa'i ting 'dzin dang // rigs rnams sgrub pa'i ting 'dzin dang // blo gros chen po'i ting 'dzin dang // sa rnams non pa'i ting 'dzin dang // pha rol zil gnon ting 'dzin dang // nyon mongs sreg pa'i ting 'dzin dang / ye shes snang ba'i ting 'dzin dang // sgron ma snang ba'i ting 'dzin dang // rdo rje 'dzin pa'i ting 'dzin

  200. 100b

    dang // bdud rnams gcod pa'i ting 'dzin dang // dug gsum rnam dag ting 'dzin dang / lus ngag yid gsum ting 'dzin dang // bder gshegs rgyal ba'i ting 'dzin dang // ting 'dzin rnam pa mang po kun// sku dang gsung dang thugs kyi rgyud// chos nyid 'dus pa'i rgyud chen las// ting 'dzin rnam pa mang po'i don// chos nyid ting 'dzin yin pa'i phyir// rnam pa kun la de dag ste// ting 'dzin brjod pa mang po kun// rnam rtog gsal ba bstan pa yin// chos nyid la ni rnam rtog ting 'dzin med// de phyir ting 'dzin bsngags pa med// ces gsungs so// rgyud kyi rgyal po chen po byang chub kyi sems lung chen po'i mdo las/ ting nge 'dzin gyi le'u ste bzhi bcu gnyis so// // de nas 'khor der 'dus pa rnams kyis/ sems dpa' dam pa la 'di skad ces gsol to// lha bskyed phyag rgya bskur dang lha mchod pa// 'khor lo dang ni rdo rje dang // rin po che dang pad+ma dang // rdo rje rgya gram la sogs kyis// phyag rgya ji ltar yin par bsgyur// zhes gsol pa dang // sems dpa' dam pas bka' stsal pa// rgyal ba'i lha rnams bskyed pa ni// mi dmigs dbyings nas yig 'bru gsal ba yi// a la sogs pa'i yig 'bra kun// rgyal ba'i sa bon spos shing bskyed// e ma ho rgyal ba'i sgra rnams bskyed pa ni// phung po khams dang skye mched las// yig 'bru sngags

  201. 101a

    tshig spros bsdus pas// rgyal ba'i sku gsung thugs kyi rkyen// rgyal ba thams cad bskyed pa ni// bde ba'i stan la 'dug nas kyang // gang yin pa yi ting 'dzin bsam// bde ba'i sems de rnam spros pas// sbrul skus thams cad khyab pa bzhin// sems de bkug nas par zhugs las// de bzhin gshegs pa'i rigs su spro// rang sngags yi ge bskyed pa rnams// sku gsum sa bon byin brlabs te// pad+ma'i dbus su bskyed nas ni// rim pa bzhin du sangs rgyas spro// badz+ra d+h+r-i kra/ sa bon dag las bskyed pa yis// rdo rje mi 'khrugs sprul pa de/ khro bo kha dog mthing shun 'dra// gnag dang dmar dang dkar ba'i zhal// ral pa'i cod pan gnas dag la// mi 'khrugs dbang bskur rnam par brgyan// thams cad rgyan ni kun rdzogs pa// phyag drug par ni rnam par bsam// rdo rje 'khor lo rab 'chang ba// chu skyes dag ni 'dzin pa'i mchog/ dril bu nor bu ral gri rnams// g.yon gyi phyag tu rnam par bsam// snying ga nas ni nges spros te// phyogs bcu dag tu rnam par gzigs// sangs rgyas rdzu 'phrul mdzad sogs dang // chos kyi 'khor lo rab tu bskor// zhe sdang spyod pa'i lam gnas pa'i// sems can ma lus rnam sbyangs nas// byang chub sems kyi mdun na ni// rdo rje'i sems la rnam par bzhugs// de la zhugs par dad byas

  202. 101b

    nas// rdo rje'i sems ni rnam par bsam// snga ma'i gzugs ni gnas 'gyur nas// zhe sdang gzugs su rnam par gnas// in+d+ra ni la'i 'od lta bu// zhal gdangs mche ba gtsigs pas 'jigs// mi 'khrugs 'bar ba spyi bor 'chang // 'jig rten khams kun 'khrugs par mdzad// nyi ma'i dkyil 'khor dbus gnas par// nyi ma bye ba phrag brgya'i 'od// dmar po'i spyan ni 'jigs pa che// rgyan rnams kun gyis legs par brgyan/ khro gnyer zhi ba 'dod chags che// zhal gsum dag ni rnam par 'chang // rang gi dam tshig mnyam par ldan// phyag drug gis ni mngon par sprul// 'dzam bu nA da'i 'od 'dra ba'i// sangs rgyas sprin gyis rnam 'khrigs pa'i// rdo rje chen po rtse dgu pa// de yi phyag tu bsnams par sgom// sngags gsum pa yis rim bzhin du// phyag rgya phyi ma rnam par bsgom// zhe sdang rdo rjer byin brlabs pas// dkyil 'khor thams cad rab tu spong // dzi na dzi kra/ sa bon las ni bskyed byas pa// rnam par snang mdzad gtso bo ste// zhi ba'i cha lugs dga' dang ldan// phyogs ni thams cad snang bar mdzad// ston ka'i 'dam bu'i 'od 'dra ba// ral pa'i cod pan dag gis brgyan// mi 'khrugs pa yi dbang bskur zhing // sna tshogs rgyan rnams kun gyis brgyan// dkar dang gnag dang dmar chen po// kha dog gsum pa'i zhal gsum

  203. 102a

    pa// 'od zer sna tshogs chen pos brgyan// phyag drug rnam par sgom par bya// 'khor lo rdo rje pad+ma dkar// g.yas pa'i phyag tu rnam par bsam// dril bu nor bu ral gri rnams// g.yon gyi phyag tu rnam par bsam// snying las de bzhin phyung nas ni// phyogs bcu dgu ru rnam par gzigs// sangs rgyas sgyu 'phrul mdzad la sogs// chos kyi 'khor lo rab tu bskor// gti mug lam la rab gnas pa'i// sems can ma lus sbyangs nas ni// slar yang mdun gyi phyogs rnams na// zla ba'i dbus su rnam par bsam// rat+na d+h+r-i kra/ sa bon las ni bskyed nas ni// dkon mchog dpal ni mkhas pas bskyed// ral pa'i cod pan dkar la zhi// mi 'khrugs dbang bskur pas ni brgyan// zhal gsum kha dog gsum pa ste// ser dang dmar dang dkar ba'i zhal// thams cad rgyan dang rab ldan pa'i// phyag drug par ni rnam par sgom// nor bu rdo rje 'khor lo ni// g.yas kyi phyag tu bsgom par bya// dril bu ral gri pad+ma ste// g.yon pa'i phyag tu rnam par bsam// de bzhin snying ga nas phyung ste// 'jig rten khams ni rnam par gzigs// nga rgyal lam la gnas pa yi// sems can thams cad spong bar mdzad// rin chen chen po gshegs nas kyang // thams cad dbang bskur phun sum tshogs// rdo rje sems dpa'i g.yas phyogs

  204. 102b

    su// rin chen dbus su rnam par bzhugs// A ro li kra/ sa bon las ni grub pa yi// rdo rje snang ba mtha' yas bskyed// pad+ma rA ga'i mdog 'dra ba// mi 'khrugs pas ni cod pan brgyan// zhi ba ral pa'i cod pan 'chang // dmar dang nag dang dkar ba'i zhal// thams cad rgyan gyis brgyan pa yi// phyag drug par ni bsgom par bya// g.yon pa 'gying thabs pad+ma 'dzin// dril bu dkur brten par phyin te// g.yas pas pad+ma bskyod mdzad cing // thugs kar pad+ma kha yang phye// g.yas gnyis rdo rje 'khor lo dang // g.yon gnyis rin chen ral gri bsnams// snying ga nas ni byung gyur nas// thams cad phyogs su rnam par gzigs// sems can 'dod chags lnga sbyangs te// 'dam chen chu yi pad+ma bzhin// slar gshegs pad+ma'i dbus su ni// rgyab kyi phyogs su rnam par bzhugs// pradz+nyA d+h+r-i kra/ sa bon las ni grub pa yi// rdo rje gdon mi za bar bskyed// ljang gu bai DUR+Ya 'dra ba// ral pa'i cod pan rdo rje gnas// thams cad rgyan gyis yan lag brgyan// ljang gu nag dang dkar ba'i zhal// 'od zer sna lngas 'khrigs par 'bar// phyag drug par ni rnam par bsgom// ral gri rdo rje rgya gram dang // 'khor lo g.yas pa'i phyag tu bsam// dril bu pad+ma sdong bcas dang // nor bu g.yon pa'i phyag tu bsam// de bzhin snying ga nas byung nas// phyogs bcu kun tu

  205. 103a

    gzigs mdzad de// rdzun tshig smra ba'i lam gnas pa'i// sems can thams cad kun tu sbyor// sna tshogs chen po slar gshegs nas// gru gsum dkyil 'khor dbus su ni// rdo rje sems dpa'i g.yon phyogs su// sems dpa'i skyil mo krung du bzhugs// rdo rje zhe sdang gti mug 'dod chags dang // yid bzhin nor bu dam tshig ste// rigs lngar gtogs pa 'di dag gis// 'dod dang grol bar rab bsgrub pa'o// gtso bo lnga rnams ji ltar bskyed pa bzhin// yum rnams kyang ni rim bzhin no// sems dpa' sems ma sgo ba rnams// rim pa bzhin du bskyed par bya// ting 'dzin sngags dang brjod pas bskul// de ltar brjod cing bskul bsgrub na// dngos grub rnam gsum 'thob pa dang // bgegs dang dug dang log 'dren dang // bdud rnams 'joms shing log 'dren kun las thar// sku gsung thugs kyi dngos grub 'thob pa dang // ye shes rdo rje'i dngos grub nye ba dang // mtshan dang dpe byad rnams kyis brgyan// 'gro ba'i don du 'gyur ba dang // thams cad kun gyis mchod pa dang // bde ba'i zhing du gnas pa dang // yang dag don rtogs lhun rdzogs nas// thams cad bde ba'i ngang du 'gyur// chos nyid rang bzhin stong pa la// phyag rgya bsgyur dang lha bskyed dang // bsnyen dang bsgrub dang cho ga rnams// ji ltar spyod pa de

  206. 103b

    dag kun// lha dman dag la bstan par zad// bder gshegs rigs lnga 'khor bcas kun// bskyed ltar dngos po yod 'gyur na// dper na nam mkha' dngos med la// pha gu la sogs rin chen gyis// 'dug pa'i gnas rten byas gyur kyang // nam mkha' dngos po med gyur pas// gnas rten khang bu chags pa med// de bzhin chos nyid stong pa la// phyag rgya bsgyur dang sku bskyed dang // bsgrub dang dngos grub thob 'dod dang // mtshan dang dpe byad blta 'dod kun// dper na byis pa mi shes pas// nam mkha'i khang bu thob 'dod 'dra// de bzhin chos nyid dngos med la// bskyed nas thob 'dod byis pa'i tshul// dper na nam mkha' gzhi med la// chags pa'i gzhal med khang rnams dang // ldum ra skyed mos tshal bsam pas// de dag 'byung bar ga la 'gyur// de bzhin chos nyid stong pa la// rgyal ba'i sku bskyed ga la 'gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ lha bskyed pa dang dbang bskur ba phyag rgya'i le'u ste bzhi bcu gsum pa'o// // de nas 'khor der 'dus pa mas kyis sems dpa' dam pa la 'di skad ces gsol to// sems dpa' chen po bsnyen bsgrub kyi dbang gi rim pa thob par bgyi ba dang / yon dbul ba dang dbang rnams bskur ba ci lags/ sems dpa'

  207. 104a

    dam pas bka' stsal pa// dbang mchog bskur bar bya ba ni// nyan dang bsgom dang 'chad pa dang // bsgrub dang phrin las byed pa dang // rdo rje rgyal po thob 'dod dang // sa rnams rim pa bgrod pa dang // sdug bsngal rnams las thar 'dod pas// dbang rnams thob par 'dod pa yis// dad ldan sri zhu che ba dang // bla ma slob dpon mnyes bya dang // dam tshig bsrung dang bsgrub brtson bya// brjod pa bkur dang bder gshegs bsngags pa brjod// slob dpon gyi ni yon tan brjod// skyon rnams brjod par mi bya ste/ gser dang dngul dang bai DUR+Ya/ dung dang man shel bye ru dang / khyogs dang rkang 'gros glang chen rta// dgos pa gang dag gang yang rung // lus srog dag kyang phyogs la dbul/ dbang rnams ji ltar len pa yis// 'di dag ma lus bskyed par bya// gsang ba'i dbang chen dam pa ni// yum yang mtshan nyid ldan pa la// rigs rnams gnas ni dag tu dgod// de yang yum gyi mtshan brtags pa// khrus mkhan gyi ni bdag nyid che// dung dang zla 'dra pad+ma'i mdog/ lus legs sked phra sems ma'i tshul// smin dkyus ring la lag sor phra// tshig mig zlum la phra bar bshad/ kha nas dri zhim ngad ldan zhing // lus la ga pur tsan+dan dri// yid 'ong mtshan ldan sked skabs phyed// skra 'jam mthon mthing g.yas su 'khyil// so dkar tshags

  208. 104b

    dam dkar dmar phyed// mig gi dkyus ring smin dkyus legs// zar ma'i me tog rgyas 'dra'i mdog/ dpral ba'i dbyes che skra mtshams 'khyug sna bzang mdog gsal pad+ma'i rigs// nu ma'i dkyil mtho 'khril bag chags/ khong da la 'gro na gom pa 'jol// skad ni ngang pa gzhon nu sgrogs// cir yang mdzes pa'i stabs tshul ldan// bu mo mig rings nyid pa ni// ut+pal sngon po'i lo ma 'dra// gzugs byed dar la bab pas brgyan// thams cad rgyu ni yongs rdzogs pa// bzhin mdzes yid du 'ong ba ste// bong 'tshams lo ni bcu gnyis pa// bzung nas bsgrub pa brtsam par bya// phyi sa gcin sogs dam tshig las// cho ga bzhin du gru bzhi pa// dkyil 'khor byas nas de dbus su// sngar gsungs pa yi gnas der bzhag/ phyag rgya bzhi dang bdag sbyor ba// bdag nyid mos pa'i lhar yang bsgom// rang gi lus la byugs pa rnams// byin gyis brlabs pa'i gnas su dmigs// nu ma spyi gtsug par dag dang // lte ba rked pa rkang rnams su// rgyal ba bdag nyid gsang las bskyed// rigs lnga rnams ni rab tu dmigs// de yi snying gi dbus su ni// nyi ma'i dkyil 'khor bsam par bya// de dbus mi 'khrugs gnyis su med// phyag rgya bzhi dang ldan par bya// spyi gtsug dbus su zla ba ste// der ni rnam par snang mdzad gtso// de bzhin gnyis med

  209. 105a

    kun sbyor bas// phyag rgya bzhi dang ldan par bya// skyed pa'i dbus su zur brgyad pa'i// nor bu rin chen gtso gnas pa// dkon mchog dpal rnams bsam byas te// phyag rgya bzhi dang ldan par gnas// lte ba'i 'og gi phyogs dag tu// dkar dang dmar ba'i 'dab ma brgyad// pad+ma'i gdan la chos bzhugs pa// phyag rgya bzhi dang ldan par gnas// rkang pa dag gi dbus dag tu// gru gsum me 'dra'i dkyil 'khor te// de yi dbus su gdon mi za// phyag rgya bzhi dang ldan par gnas// shes rab ldan de byin brlabs pas// rgyal ba'i yum ni yon tan ldan// de la gsang ba'i dbang yang bskur// dbang rnams gsum ni 'di ltar bskur// sngags kyi dbang bskur oM gyis drang // phyag rgya'i dbang bskur yan lag bsgyur// rdzas kyi dbang bskur lag tu sbyin// nyan pa la sogs gang byed kyang // slob dpon mnyes par ma byas shing // dbang rnams thob par ma byas na// bsgom mnyan la sogs gang byas kyang // tshe zung 'gyur zhing ngan song skye// rnam par dag pa chen po la// dbang dang rim pa ga la yod// rtag tu gnas pa'i chos ni ming dang gzugs med do// rnam par dag la khyad par med// ces gsungs so// rgyud kyi rgyal po chen po byang chub kyi sems lung chen po'i mdo las/ dbang gi le'u ste zhe bzhi pa'o// // e ma ho bstan pa med

  210. 105b

    pa'i chos nyid zab mo 'di// gnyis med don dam kun la khyab pa las// log par rtog pa rnams la zhi bar bstan pas na// smra ba'i rgyal po nyid las mi gzhan pa/ 'di mtshams mig ston zhig zugs 'a// mgon po khyed kyi dpral ba'i dbyes chen gsang mdog mdzes/ khyod ni gser gyi ri bo brtsegs pa 'dra zhing yid du mchi// yon tan brgyan bltam bdag lus ni// 'dis gsungs 'gro ba'ang bdag 'tshang rgya// thub pa khyu mchog 'jig rten sgron ma la ni su mi 'dud// 'jigs med sgra sgrogs ston pa'i dgongs pa 'byin byed la/ sgra mchog yang dag don ston khyod la phyag 'tshal bstod// e ma ho zhi dang ma zhi thams cad dngos la gsal// lung dang gtan tshigs kun gyi mdzod// dmigs med don dam yang dag 'gro ba'i lam// rnam rtog thams cad zhi bar byed pa'i bka'// thams cad mnyam par byed pa zhi ba'i ngang // ye nas mnyam nyid rang bzhin mi 'gyur la// don dam rtogs gsal bsgom byar byed pa rgyud kyi mchog/ dri med chos sku rnam dag zhi ba'i bka'// phra zhing rtogs dka' zab pa'i gsung // gzhan dang thun mong ma yin gsang sngags tshig/ dam tshig bsrung dang bsgrub pa dang // ji ltar 'tshams pa rnams kyi gsung // gsung rab rgya mtsho rnam thar sgra// 'khor ba'i g.yul rgyal dpa' bo go// mi nub rgyal mtshan rgya mtsho'i gter// gzhan

  211. 106a

    dang thun mong ma yin bka'// bka' gsang rmad 'byung mdo yi don// 'khor ba'i rgya mtsho sgrol ba'i gru// gti mug mun pa sel ba'i sgron// mdo sde 'dul ba chos mngon dang // bka' gsang rmad byung kun las 'phags// don dam dmigs med rgya mtsho'i klong // bstan pa gzhan las 'phags pa'i seng+ge'i sgra// don dam gsang ba'i bka' la phyag 'tshal bstod// e ma ho bsam gtan dag gis rnam grol tshangs pa bzhin// gzugs kyi 'od gsal brgya byin 'dra ba ste// rgyal po bzhin du nor 'bru rab gtong zhing // rin chen mchog mnga' thub pa tshong dpon bzhin// gzugs kyi 'od gsal brgya byin 'dra ba ste// zhi ba sgrogs mdzad ri la seng+ge bzhin// mi 'gul brtan pa lhun po 'dra ba ste// rgya mtsho bzhin du 'khrugs pa mi mnga' zhing // yon tan skyon gyi rang bzhin mtshungs par spyod// dri ma de dag byed pa chu bzhin te// thub pa me ltar nyon mongs nags tshal bsreg/ rlung ltar gang la'ang chags pa mi mnga' zhing // thub pa lha ltar yang dag nyid kyang ston// klu ltar thub pas chos kyi char 'bebs shing // char pa bzhin du 'gro ba ngoms par mdzad// pha rol mu stegs 'joms pas seng+ge'i sgra// me tog bzhin du yon tan dri yang ldang // tshangs pa bzhin du snyan pa'i tshig gsung zhing // 'gro ba'i sdug bsngal grol mdzad sman pa bzhin// sems

  212. 106b

    snyoms zhi bar gnas pa ma bzhin te// 'gro ba rtag tu rjes 'dzin mdza' bshes 'dra// nga rgyal dgra 'joms rdo rje brtan bzhin te// thub pa mtshon bzhin srid pa'i khri shing gcod// zam pa'i shing bzhin 'gro ba sgrol mdzad cing // klu thub me shel bzhin du sbur rnams bsreg/ thub pa zla ltar 'od gsal gtong mdzad cing // blo yi pad+ma kha 'byed nyi ma bzhin// 'bras mchog rdo rje sbyin mdzad ljon shing 'dra// thub pa bya bzhin drang srong tshogs kyis bskor// rgyal ba'i blo yangs rgya mtsho 'dra ba ste// 'gro ba dag la sems snyoms nyi ma bzhin// rmi lam bzhin du stong pa nyid rtogs shing // 'jig rten rjes su mthun 'jug chu dang 'dra// thub pa mtshan mchog mnga' ba thugs rje can/ khyod kyis sems can byang chub lung yang bstan// sems can mang po mtha' yas khyod kyis btul// byang chub mchog rab tu ni bdag lung bstan// drang srong chen po bde gshegs shes rab mchog/ bdag gi 'gro ba nyon mongs 'thab rtsod che// sangs rgyas byang chub lung bstan don chod la// 'gro la dpag med zhi ba'i lam la 'khod// ston pa ye shes can la phyag 'tshal bstod// ces bstod do// rgyud kyi rgyal po chen po byang chub kyi sems lung chen po'i mdo las/ don rtogs pas bstod pa'i le'u ste bzhi bcu lnga pa'i tha ma'o// // rgyud kyi rgyal po chen po byang chub kyi

  213. 107a

    sems lung chen po'i mdo rdzogs so// spa gor be ro tsa nas bsgyur cing zhus te gtan la phab// / @#// rgya gar skad du/ sarba dr-iSh+Ti rA dza sa man+ta b+ha drA d+hi ma tra sA sti tar+tha/ bod skad du/ lta ba thams cad kyi rgyal po/ kun tu bzang po che ba rang la gnas pa'i rgyud/ ji skad go zhing rtogs nas shes pa'i dus gcig na/ sangs rgyas dang sems can ci ltar snang ba'i chos thams cad kun tu bzang po che ba'i 'khor du sangs ma rgyas pa med pa la/ de nas thams cad mi gzhan pa'i kun tu bzang po'i 'khor du gyur pa la/ 'di skad du nyid la nyid gleng bas so// chos rnams sems kyi spyod yul las// thams cad sangs rgyas nyid du bstan// kun tu bzang po'i rang bzhin la// man ngag nges par bstan du gsol// rnal 'byor kun gyi dbang phyug che// gsang ba'i gsang chen nges pa'i don// nyid kyi thugs las byung ba yi// snod ldan rnams la bstan par byos// de nas ston pa kun tu bzang pos/ 'jigs la yang ba 'khor ba'i chos/ sdug bsngal sna tshogs kyi kha brgyud nas/ nyam zag pa 'di nyid dga' sgyid chen po mya ngan las 'das pa'i chos bde ba chen po lhun gyis grub pa ste 'gyur ba med pa yin pa'i phyir ro// kun tu bzang po che ba rang la gnas pa'i rgyud/ sangs rgyas thams cad kyi thugs kyi dgongs pa

  214. 107b

    gcig tu dril ba'i don kun tu bzang po lnga dang che ba bcu drug dang rang la gnas pa dgu bka' stsal to// de la kun tu bzang po man ngag gi rgyud 'di rtogs par 'dod pa rnams kyis/ nges par kun tu bzang po rnam pa lnga yid la zungs zhig/ de la kun tu bzang po lnga gang zhe na// lta ba kun tu bzang po dang // spyod pa kun tu bzang po dang // phrin las kun tu bzang po dang // dam tshig kun tu bzang po dang // rang bzhin kun tu bzang po'o// de la lta ba kun tu bzang po 'di skad ces bka' stsal to// thams cad kun tu bzang po la// 'khor ba'i chos dang mya ngan 'das// rnam rtog nyid kyang ye shes pas// log rtogs zhe sdang ga la yod// phyogs ris med pa chos nyid klong // phyi nang med pa ye shes dang // bzang ngan che chung med par mnyam// skye shi 'gyur med byar med sems// 'khor ba'i log rtogs mtshan ma yis// mkha' la 'ja' tshon snang bzhin gnas// a a rgod re bro// nyams su 'dzin pas gol bas na// dbyer med mnyam pa nyid du gsungs// chos rnams thams cad thog ma nas// rgyu dang rkyen gyis ma btsal te// ye nas lhun gyis grub pa la// bskal par btsal yang mi rnyed pas// ma bcos ye nas dag pa la// thams cad gzhan las sems ma yin// ma btsal gnas pas sangs rgyas yin// kun tu bzang po'i rang bzhin la// rgyu dang 'bras

  215. 108a

    bur btags pas gol// ye nas gnyis med byang chub pas// don de nyid ni btsal du med// sangs rgyas sems can la sogs pa// thams cad sems las gzhan ma yin// bde chen nyid yin bcos su med// ma btsal ma bsgrubs ye nas dag/ rgyu nyid dag pa'i sangs rgyas la// skye shi med par sus shes pa// lta ba kun tu bzang po yin/ de nas spyod pa kun tu bzang po 'di gsungs so// byang chub sems kyi rang bzhin 'di// phyi dang nang du bzung bas nor// rgyu dang 'bras bur btags pas 'khor// log spyod thar pa bde ba med// chags dang ma chags la sogs dang // bde dang sdug bsngal gnyis med pas// gcig ste phyogs ris med pa la// de bzhin gang spyod bde ba che// mtshan 'dzin 'du byed phyogs cha la// yod med chags pas 'ching ba'i rgyu// dbyer med lhun rdzogs 'bras bu nyid// go ba'i ngapal bde ba che// 'jig rten 'khor ba'i chos can la// brtags shing mtshan mar spyod pas nor// de nyid bdag med gzhan med par// gnyis med spyad pas bde ba che// dge dang mi dge'i las rnams kun// ma chags gnyis med thabs kyis spyod// gang la rol pas yon tan snang // rgyu rkyen rten 'brel yod ma yin// longs spyod yon tan rnam pa lnga// thabs dang shes rab la sogs kyang // spyad na skyon med rtogs pa

  216. 108b

    gsal// ma spyad na yang nyes med rdzogs// yod med rtag chad thams cad ni// ma skyes rang bzhin ngang las med// bde dang sdug bsngal gnyis 'dzin pa// tha dad med de byang chub sems// mya ngan 'das dang 'khor ba'i chos// skyon dang yon tan thams cad la// bcings grol med par gang spyod pa// spyod pa kun tu bzang po'o// de nas phrin las kun tu bzang po gsungs pa// kun rdzob dngos por snang ba yi// snod bcud rdzas su snang ba kun// chos nyid ma skyes rang bzhin la// ming dang tshig tu btags pas 'gal// cir snang kun tu bzang po la// de nyid sems kyi rol pa yin// ci ltar mdzad pa 'gal ba med// phrin las bya btsal med pa'o// dge ba dang ni sdig pa'i las// thar pa'i bye brag thams cad la// sems yin gnyis med lhun grub la// byang chub sems kyi phrin las la// rtog dang mi rtog las 'das pa// sangs rgyas mdzad pa khyad par che// cir yang med pas cir spyod pa// bde ba chen po'i mdzad spyod yin// kun gzhi ma byung ma skyes pa// sgrol sbyor la sogs ci spyod pa// gang la yod min med pa ni// blang dor med pas phrin las bzang // de nas dam tshig kun tu bzang po bka' stsal to// nga dang bdag tu phyogs dang ris// mi mthun skyon gyi bye brag kyang // kun tu bzang por dbyer med pas// nyes legs rtog pa bsrung du

  217. 109a

    med// mtha' dbus med pa'i klong gdal bas// chos nyid kun tu bzang po la// mnyam pa'i klong las 'gyur ba med// 'thab rtsod ma skyes phyal pa yin// chags pa'i bde dang nyon mongs dgra/ gnyis su med de rang gi sems// sems kyis sems la dgra med na// bdag nyid sangs rgyas gcig pur spyod// phan pa'i lha dang bar chad bdud// gnyis su med pa'i rtog las 'das// ris su btsal yang mi rnyed pas// lhun gyis grub pa'i dam tshig yin// kun tu bzang po byang chub sems// mi 'gyur gdal ba med pas na// ma yengs phyogs ris med bsrungs pa/ dam tshig kun tu bzang po yin// de nas rang bzhin kun tu bzang po 'di gsungs so// sems kyi chos nyid rang bzhin las// ma skyes ye nas sangs rgyas te// kun la gdal zhing snang ba 'di// rgyal 'gros mdzad cing bcos ma yin// bzang dang ngan pa thams cad dang // gtsang sme che chung la sogs pa// rang bzhin dbyer med byang chub sems// mkhas pas bcos shing btsal du med// skyon dang yon tan dug dang rtsi// 'dzin rtog byis pa'i spyod 'dra la// bzhin yongs kyis dngos po med// 'dren bzhin chos rnams rang bzhin gnas// kun gzhi kun tu bzang po la// rgyu 'bras bde sdug btsal mi rnyed// bzang ngan che chung gtsang sme med// rang bzhin kun tu bzang

  218. 109b

    po yin// bcom ldan 'das dpal kun tu bzang po sems kyi rang bzhin gang yin pa de la phyag 'tshal lo// 'di skad ces go zhing rtogs pa'i dus gcig na/ ston pa kun tu bzang po sems kun tu bzang po la bzhugs nas/ dam chos kun tu bzang po lta ba thams cad kyi rgyal po che ba rang la gnas pa'i rgyud 'di bka' stsal to// rnal 'byor gang zhig rtogs 'dod pas// kun tu bzang po'i rgyud 'di nyon// don rtogs ldan pa'i skyes bu gang // 'di dag shes par su 'dod pa// nges par lung 'di bstan par bya// de nas kun tu bzang po che ba rang la gnas pa'i rgyud 'di/ rtog par 'dod pa'i rnal 'byor gyis/ nges par che ba bcu drug po 'di yid la zung zhig/ de la che ba bcu drug gang zhe na/ sems ye nas che ba dang / chos nyid ye nas che ba dang / 'byung ba ye nas che ba dang / ye shes ye nas che ba dang / sku ye nas che ba dang / sku gsung thugs phrin las ye nas che ba dang / skyon dang yon tan ye nas che ba dang / 'khor ba dang ngan song ye nas che ba dang // mtho ris dang mya ngan las 'das pa ye nas che ba dang / thabs ye nas che ba dang / shes rab ye nas che ba dang / skyon gyi rgyu ye nas che ba dang / yon tan gyi rgyu ye nas che ba dang / sangs rgyas ye nas che ba dang / sems can ye nas che ba dang / rtogs pa ye nas che ba'o// de nas sems ye nas che

  219. 110a

    pa 'di skad ces bka' stsal to// kun tu bzang po nga yi sems// rgya che rol pa kun brten pas// gti mug chen po nga yi sems// gti mug gong na sangs rgyas med// gti mug chen po'i ye shes kyis// byung tshor rtog pa kun bral bas// dmigs med shes rab pha rol phyin// che ba'i rgyal po gti mug shar// sangs rgyas rje btsun dam pa yin// 'dod chags med pa'i sngon rol na// sangs rgyas bya ba'i ming yang med// 'dod chags chen po nga yi sems// zhe sdang med pa'i sngon rol na// sangs rgyas bya ba'i ming yang med// zhe sdang chen po nga yi sems// nga rgyal med pa'i sngon rol na// sangs rgyas bya ba'i ming yang med// nga rgyal chen po nga yi sems// phrag dog med pa'i sngon rol na// sangs rgyas bya ba'i ming yang med// phrag dog chen po nga yi sems// nyon mongs lnga las byung ba las// gzhan nas sangs rgyas yongs med sa// sems kyi rgyal po dug lnga la// kun bzang ye shes rgyal por spyod// thabs kyi 'bras bur sems che bas// rgyal bas thabs su sems su bsngags// nga med bdag dang bral ba yis// kun gzhi sems kyi rgyal po la// thar pa'i 'bras bu'i don 'char bas// 'phags lam nges par sangs rgyas te// bdag nyid chen po rgyal ba'i bka'// mi dmigs pa la dmigs pa med// dmigs med sems kyi nges pa la// yang

  220. 110b

    dag gsang mdzod gsum du bstan// 'byung ba'i bla ma bla ma che// thams cad 'byung ba'i ston pa'i mchog/ snang ba kun la rab gnas pas// de nyid thabs kyis longs spyod de// gang la'ang chags pa'i rgyu med pa// 'dzin chags med pa'i ye shes la// thabs kyis 'brel pa thugs rjes skyong // chos rnams thams cad sems las byung // sems kyi bstan pa'i lung la nyon// phyogs bcu'i sangs rgyas nga yi sems// phyi nang snod bcud nga yi sems// phyogs dang snang ba nga yi sems// phyi dang nang yang nga yi sems// mtho ris ngan song nga yi sems// sems kyi sangs rgyas kun bzang la// sprul pa phyogs bcu'i sangs rgyas nyon// nga la ngas bstan rgyu med na// 'dzin rtog chos ni su yi chos// bdag la phyogs dang ris med na// phyi dang nang ni su yi chos// nga la rgyu 'bras yongs med na// bzang dang ngan pa su yi chos// bcos pa med pa'i sems nyid la// kha dog lnga po gang nas byung // bzang ngan che chung su las byung // tshor ba bde sdug gang gis smras// phyogs ris sa mtshams su la yod// 'khrul pa'i sems de yong re 'khrul// rmongs pa'i blo de yong re sdug/ rtog pa'i blo de yong re nyen// ci ltar snang ba'i chos rnams la// bdag gi sems kyis dbang bsgyur na// bdag pas drag pa gang na yod// sangs rgyas thams cad sems yin na// sems las che

  221. 111a

    ba gang na yod// 'dzin rtog 'das pa'i chos nyid ni// sems kyi che ba de la yod// spang len med pa'i 'bras bu ni// sems kyi che ba de la yod// sems kyi che ba ye gnas la// 'di la rgyu yis btsal med na// 'di la 'bras bur sbyang ba med// nam mkha' bzhin du ye gnas la// 'dzin rtog bcos pa'i rgyu ci yod// chos dang sangs rgyas tshol 'dod na// sems kyi che ba 'di la btsal/ sems ye nas che ba'i le'u ste dang po'o// // de nas chos nyid ye nas che ba 'di skad ces bka' stsal to// kun tu bzang po nga yi chos// rgya che rol pa bstan pa ni// ci ltar snang ba nga yi chos// rang bzhin med pa'i sngon rol na// chos nyid bya ba'i ming yang med// gang zag rnal 'byor su yod na// chos nyid 'bras bu sus 'dod pa// rang bzhin med las btsal bar bya// sems kyi rang bzhin yin pa la// de la rtog pa cher bskyed chos nyid che ba bya ba yin// yang dag nges pa'i chos nyid la// chos nyid che bar mu mtha' med// chos nyid che bar bzang ngan med// chos nyid che bar mtha' dbus med// chos nyid che bar phyi nang med// chos nyid che bar steng 'og med// chos nyid che bar phyogs ris med// chos nyid che bar spang len med// chos nyid che bar yod med med// med pa'ang ma yin khyab par gad la/ khyab par gad la yang rdzas su

  222. 111b

    med// 'di 'dra'i mtshan nyid gang shes pa// de ni chos nyid che ba ste// chos nyid med pa'i sngon rol na// sangs rgyas sems can ming yang med// chos nyid che ba'i byin rlabs las// ci ltar snang ba de ltar snang // gang ltar snang ba de ltar yin// yang dag par yang bka' stsal to// de dag la sogs chos rnams la// chos rnams la yang chos su med// rang bzhin cha phra gang 'dzin pa// 'dzin pa de la chos med de// chos kyi 'bras bu de la med// chos kyi 'bras bu gang 'dzin pa// rig pa'i don ni 'di rnams so// sngon dang phyi mar ma gyur zhing // phyogs dang ris su ma phye bas// zin chags 'dzin rtog skyon spangs na// de ni chos nyid ces bya'o// gzhan yang chos nyid che ba ni// rnal 'byor gang zhig rtogs 'dod na// rgya che shes rab phyogs brdal nas// chos nyid ye nas che ba'i le'u 'di las btsal bar bya'o// chos nyid ye nas che ba'i le'u ste gnyis pa'o// // de nas 'byung ba ye nas che ba 'di skad ces bka' stsal to// nam mkha' ye nas che ba dang // me chu ye nas che ba dang // rlung sa ye nas che ba'o// 'byung ba med pa'i sngon rol na// sangs rgyas sems can ming yang med// 'byung ba lnga yi sangs rgyas ni// sangs rgyas kun gyi rje btsun yin// 'byung ba lnga po ma yi dbyings// ma las skyes pas sangs rgyas sras// 'byung ba lnga po rigs kyi

  223. 112a

    yum// de la bdag rol thabs kyi yab// 'byung ba ye nas gnas kyi che// 'byung ba ye nas dag pa ste// 'byung ba'i gnas ni nam mkha' la// 'byung ba'i rgyu ni sa gzhi'o// 'byung ba'i longs spyod me chu ste// 'byung ba'i sprul pa rlung yin no// 'byung ba'i mtshan nyid rtog pa med// 'byung ba'i rang bzhin 'dus ma byas// 'byung ba'i 'bras bu dmigs pa med// 'byung ba'i yon tan go zhing rtogs// 'byung ba'i don la bskur ba med// chos nyid dang las kun 'byung bas// thams cad 'byung bas 'byung ba che// 'byung ba'i rang bzhin dngos med pas// des na 'byung ba stong pa'o// 'byung ba shes rab pha rol phyin// 'byung ba lnga yi 'phro 'du yis// chos kyi dbyings kyi tshe rol bstan// stong pa'i don rtogs 'byung ba la// nges pa'i rig pas gsal btab nas// thabs dang ldan pa'i byin rlabs kyis// 'di dag 'byung bar ston par zad// don la de ltar bstan pa med// rtags pa'i che ba chen po las// ma rtogs 'byung ba'i las byed na// che ba'i ye shes yod ma yin// che ba'i che bar bdag snang na// che mchog thabs kyi rgyal por snang // thams cad 'byung ba lnga yis bskyed// 'byung ba chen po'i don rtogs na// thams cad che ba'i rgyal por 'grub// che ba'i rdzu 'phrul cir yang ston// bdag nyid thabs kyi byin rlabs las// 'phrul pa lnga yi

  224. 112b

    cho 'phrul gyis// ma rig rtag pa'i ling tog bsal// nga dang bdag tu byed pa bcom// phyogs dang ris su blta ba bsal// mtshan ma'i 'dzin rtog gnas pa bkrol// yang gsang nges pa'i lam du bzhag/ thar pa'i lam zhes de la gsungs// gang zhig ma skyes don 'dod pas// 'byung ba ye nas che ba'i che ba 'di las btsal bar bya/ 'byung ba ye nas che ba'i le'u ste gsum pa'o// // de nas ye shes ye nas che ba 'di/ skad ces bka' stsal to// ye shes rgyal po gang 'dod pas// rang gi sems las btsal bar bya/ chag chad mang // 'gro kun bla med byang chub la// rtogs pa'i rgyud la rang rig pas// de ni ye shes che ba'o// stong gsum ye 'byams don shes shing // gdal ba chen por phyogs med na// ye shes che ba'i dam pa ste// bzang ngan med par don shes na// kun tu bzang por don shes na// chos nyid ye nas ma bcos pa'i// don de shes na ye shes yin// ye shes dam pa 'tshol 'dod pas// gang la'ang the tshom ma bskyed par// rtogs pa'i klong du don spyod dang // rang byung ye shes de la 'chang // mi snang ye shes de la phyi nang med// lhun grub ye shes phyogs ris med// stong pa'i ye shes dngos po med// me long ye shes rtog pa med// mnyam nyid ye shes che chung med// so sor rtogs pas ma 'dres gsal// bya grub yon tan mthar phyin med// ci

  225. 113a

    ste btsal bas 'grub gyur na// rang byung ye shes yongs mi bden// rang byung ye shes bsgoms pas min// ci ste bsgoms pas yin 'gyur na// rig pa'i ye shes yongs mi bden// rig pa'i ye shes nang shar na// btsal ba med par lhun gyis grub// rang byung ye shes don rtogs na// bsgrub pa med par yongs su 'grub// bdag nyid ye shes don rtogs na// chos rnams thams cad bdag la gsal// yangs so bde'o ye shes mchog/ gsal zhing dag la dri ma med// gnyis su med pas rtog pa spang // sangs rgyas sems can so so nas// ye shes chen pos yongs ma zin// phyogs bcu'i sangs rgyas thams cad pas// ye shes chen po 'di dag spangs// sangs rgyas thams cad bskyed pa'i yab// sangs rgyas sras po dam pa ste// nyag gcig yab las ma rtogs pa// gnyis su snang ba bstan pa min// mnyam pa'i don dang mi ldan na// mi mnyam bslab pa'i chos gcig dgos// theg pa'i bye brag bsam yas kyang // ye shes rtogs na gcig las med/ chos dbyings gcig las med pa la// ye shes rtogs par ma bzhag pas// mang por 'byed pa snying re rje// so sor rtog pa nyon re mongs// phyogs char 'dzin pa yong re sdug/ lan cig bye brag phyed par yang // ye shes mgo drang ba tsam// don la 'byed pa blo

  226. 113b

    rgya chung // nges pa gcig pu'i tshig 'di nyon// ye shes ye nas che ba'i le'u ste bzhi pa'o// // de nas sku ye nas che ba 'di skad ces bka' stsal to// rang bzhin spros pa med pa la// g.yos pa med pa'i ye shes bzhag/ gnyis su med pa'i thabs shes pas// de ni chos sku dang po'o// thams cad 'dus ma byas pa'i ngang // mi 'gyur mi shigs rdo rje ste// gnyen po cis kyang mi tshugs pa'i// thams cad kun ldan ye shes sku// rdo rje'i sku ste gnyis pa'o// rig pa rang snang dngos med snang // nyes pa gang gis mi tshugs pa'i// legs pa'i ye shes rang snang ba'i// mngon par byang chub skur bstan pa'o// gnyis med chos la longs spyod pa'i// ma spangs ye shes longs spyod rgyan// thams cad che ba'i rol pa la// longs spyod rdzogs sku mthar phyin pa'o// gnyis med ye shes sems kyi sprul pa la// yongs su ma khyab gcig kyang med// don dam thabs kyis sprul pa 'char// sprul pa'i sku ste kun khyab pa'o// sku yi sku ste kun 'grub pa'o// sku yi bdag nyid skye shi med// rol pa sangs rgyas nyid kyis brgyan// stong gsum stong gi 'jig rten na// 'pho 'gyur med pa sku yi mchog/ stong gsum stong gi 'jig rten na// rang bzhin med pa sku yi mchog/ stong gsum stong gi 'jig rten na// rtag chad med pa sku yi mchog/ sku mchog dri ma med pa la// sems

  227. 114a

    kyi dri ma mthar phyin pa'i// rig pa blo yi brtul zhugs kyis// stong gsum sku yi dbang du 'dus// dbang du ma gyur gang yang med// mi g.yo byang chub mchog gi rgya// rnam par snang mdzad nga yi lus// zla ba dri med dag pa yis// stong gsum kun snang khyab pa'i dbyings// yab la thug pa med bzhin du// shes rab thabs la de bzhin snang // man ngag rgya mtsho chen po 'di// yongs la bstan pa'i shes rab ste// chos sku bdag pos kun bcom ste// dkyil 'khor 'phro 'du nyon re mongs// yongs la shar ba'i don 'byung na// rtog pa klong bsgom snying re rje// mkha' ltar mnyam pa nyid la gnas// rang sems med pa'i sngon rol na// sangs rgyas bya ba rtogs pa yin// kun tu bzang po bdag la 'dri// sangs rgyas bstan pa bdag la mdzad// byang chub dam pa 'dir bstan pas// gdod cig 'khor ba bskyang du med// 'dzin rtog nyon mongs breng zag bcad// ma rig rmongs pa smos ci dgos// man ngag rgyal po 'di bstan pas// lta ba ngan pa'i ming yang med// thams cad kun tu bdag yin pas// sku yi rgyal po dngos grub 'byin// mtha' dbus che chung med par thob// gzod cig sngon gyi sangs rgyas yin// chos rnams thams cad khong nas shar// 'phags pa'i 'phags pas 'phags par bsngags// phyogs bcu'i sangs

  228. 114b

    rgyas thugs ngan sangs// de tshe las chud ma zos na// bdag sems ngal tshi ma chad do// sku ye nas che ba'i le'u ste lnga pa'o// // de nas sku gsung thugs yon tan phrin las ye nas che ba 'di skad ces bka' stsal to// kye stong gsum stong gi 'jig rten na// sku yi dkyil 'khor bsam yas kyang // he ru ka ni sku yi mchog/ de yang skal ldan nga yi sku// stong gsum stong gi 'jig rten na// gsung gi sprul pa bsam yas kyang // yi ge 'bru brgya gsung gi mchog/ de yang skal ldan nga yi gsung // stong gsum stong gi 'jig rten na// thugs kyi dkyil 'khor bsam yas kyang // ye shes sems dpa'i thugs kyi mchog/ de yang skal ldan nga yi thugs// stong gsum stong gi 'jig rten na// yon tan dkyil 'khor bsam yas kyang // rin chen zur brgyad yon tan mchog/ de yang skal ldan nga yi yon tan yin// stong gsum stong gi 'jig rten na// phrin las rnam bzhi bsam yas kyang // rnam bzhi'i rta mgo phrin las mchog/ de yang skal ldan nga yi las// gzhan yang sku gsung thugs yon las// de dag kyang ni sems yin te// sku yi dkyil 'khor bsam yas kyang // chos nyid byang chub sems la yod// gsung gi dkyil 'khor yang dag pa// chos nyid byang chub sems la yod// thugs kyi dkyil 'khor yang dag pa// chos nyid byang chub sems la

  229. 115a

    yod// yon tan dkyil 'khor yongs rdzogs pa// chos nyid byang chub sems la yod// phrin las dkyil 'khor yang dag pa// chos nyid byang chub sems la yod// de yi mtshan nyid gtan tshigs gang shes pas// yang dag nges par mnyan par gyis// sems kyi rang bzhin skye ba med// sems kyi rang bzhin dngos po med// sems kyi 'bras bu ma bcos pa// sems kyi sku ni sangs rgyas la// sems kyi gsung ni brtags pa yin// sems kyi thugs ni go ba ste// sems kyi las ni lhun grub pa'o// der yang mi 'gyur rdo rje ste// 'phags pa'i 'phags pa rdo rje'i sku// sku yi rdo rje brjid pa'i sku// gsung gi rdo rje brtan pa che// thugs kyi rdo rje 'dzin pa che// yon tan rdo rje legs pa che// phrin las rdo rje grub pa che// de yi gong na sangs rgyas med// che ba 'di la su gnas pa// rnal 'byor de ni skal ba bzang // bzang ba ma yin de nyid yin// nges pa'i sangs rgyas gcig las med// don la nges pa'i sa dag la// sems kyi mtshan nyid ci 'dra ba// de la bcos pa med par zhog/ de yi gong na che ba med// yang dag nges pa de la bzhag/ sku gsung thugs yon phrin las kyi ye nas che ba'i le'u ste drug pa'o// // de nas skyon dang yon tan ye nas che ba 'di skad ces bka' stsal to// rnam par dag pa'i spyod yul la// skyon dang yon tan

  230. 115b

    gnyis med la// skyon nyid dag par ma rtogs na// yon tan dag pa gang nas skyes// skyon nyid yon tan yin shes na// spang zhing btsal bar bya ba med// skyon rnams spangs pa'i pha rol na// sangs rgyas bya ba'i ming yang med// dus gsum sangs rgyas skyon las byung // rdo rje sems dpa' skyon gyi bu// skyon nyid sangs rgyas yin shes na// sangs rgyas min pa gcig kyang med// yon tan nyid kyang skyon yin na// spang bar bya/ ba gang yang med// ci snang sangs rgyas mdzad spyod la// de la smad pa ci ste byed// bdud nyid sangs rgyas yin shes na// de la zlog pa'i rdzas ci yod// ma rig pa yang byang chub sems yin pas// ma rig pa yang dag pa'o// rmongs pa thams cad kyang chub kyi sems yin pas rmongs pa yang dag pa'o// 'khrul pa thams cad kyang sems yin pas 'khrul pa yang dag pa'o// bslad pa thams cad kyang byang chub kyi sems so// sangs rgyas kyang byang chub kyi sems so// sems can yang byang chub kyi sems so// mtho ris dang mya ngan las 'das pa yang byang chub kyi sems so// skyon dang yon tan med pa'i sngon rol na/ sangs rgyas bya ba'i ming yang med/ ma rig pa ma rig pa yin par shes na/ rig pa gang las btsal/ ma dag pa nyid yang dag par yin par shes na/ dag pa gang las btsal/ nyes pa nyid legs par shes na/ legs pa gang

  231. 116a

    las btsal/ 'khor ba nyid mya ngan las 'das pa yin par shes na/ mya ngan las 'das pa gang las btsal/ ngan song nyid mtho ris yin par shes na/ mtho ris gang nas btsal/ sems can nyid sangs rgyas yin par shes na/ sangs rgyas gang nas btsal/ rgyu nyid 'bras bu yin par shes na/ 'bras bu gang nas btsal/ rtog pa nyid chos kyi dbyings yin par shes na/ chos kyi dbyings gang nas btsal// skyon nyid yon tan yin par shes na/ yon tan gang nas btsal/ de yang rang rig gi sems yin/ de yang spang zhing dor ba dang / blang zhing spyod pa'i rgyu ci yod de/ skyon ye nas che bas 'bras bu la rag ma lus so// yon tan ye nas che ba ni/ 'bras bu la rten mi bca'o// che ba'i chen po yin par chung ngu'i ming med do// bzang po'i bzang po dang rgyal po'i rgyal po yin pas/ ngan pa dang zhan pa'i ming med do// bde'o skyes bu chen po'i thugs// dag go rnam dag byang chub sems// rang gi don du rang sbyor bas// mchod pa bkur sti rang la bya// rang gi dgongs pa rang lags pas// rnam dag skyes bu chen po'i ngang // rnal 'byor rnam dag nges pa zhes// 'di la bsgyur nas nges par bstan// 'di ni rnam dag nges pa'i sa// gang gis tshol 'dod 'di la nyon// skyon dang yon tan ye nas che ba'i le'u ste bdun pa'o// // de nas 'khor ba dang

  232. 116b

    ngan song ye nas che ba 'di skad ces bka' stsal to// 'khor ba med pa'i sngon rol na// sangs rgyas bya ba yod pa min// ngan song med pa'i sngon rol na// de bzhin gshegs pa yang mi bzhugs// sangs rgyas yang dag bstan pa ni// 'khor ba ngan song nang na yod// sangs rgyas ming du btags pa yang // 'khor ba 'di la btags pa las// gzhan du sangs rgyas yod ma yin// phung po khams dang skye mched dang // khams gsum 'khor ba ma yin pa// gzhan du sangs rgyas gang la bsgoms// lus ngag yid gsum ma yin pa// sku gsung thugs gsum gang nas 'byung // de dag 'byung bar ngas ma bstan// ngan song 'di dag sus shes pa// spyod dang rnam dag sems la phye// rnal 'byor gang zhig 'di 'drar byed// ngan song 'khor bar mi nyan par// ngan song 'khor bar ling bor nas// de dag spangs pa'i pha rol na// mnyan zhing rtog pa'i sangs rgyas dang // bde zhing skyid pa'i sangs rgyas dang // logs las bdag gis thob 'dod pas// thar du re ste mi thar ro// 'grub par re ste mi 'grub bo// 'khor ba yongs su shes pa na// mya ngan 'das zhes de la bya// ngan song yongs su shes pa na// thar pa thob ces de la bya// ma dag med pa'i don rtogs na// sangs rgyas ngas kyang 'khor ba bsngags// bsngags su'ang med de de nyid yin/ don dam bden pa mi

  233. 117a

    rtogs shing // rang byung ye shes ma shar na// dug tu ma song gang yang med// dgrar yang mi gnod gang yang med// bde ba chen po'i don rtogs shing // byang chub sems kyi sgo phye na// 'bras bu ma thob gcig kyang med// che ba 'di las che ba med// brtags shing bshig cing rang sems bzang // phyin cing btsal cing thog ma nyid// su zhig 'chad cing ston 'dod pa// gang la'ang ma 'chad gang la zhog/ gang la'ang ma rtogs bdag la dgos// 'bras bu dam pa 'di la yod// sems la thog tu ma phebs shing // yid la gsal bar ma rtogs na// kha bshad mang pos don mi 'grub// dus gsum sangs rgyas thams cad las// 'khor ba ngan song bsngags par gyis// dus gsum sangs rgyas de na yod// thar pa chen po'i sgo 'byed cing // phyogs bcu'i sangs rgyas gsan du gsol// rgyu ni ma bcos nyid du bzhag/ 'bras bu rang bzhin med par blang // don du thig le chen por bstan// 'di la 'gal ba yod ma yin// 'khor ba dang ngan song ye nas che ba'i le'u ste brgyad pa'o// // de nas mtho ris dang mya ngan las 'das pa ye nas che ba 'di skad ces bka' stsal to// thar pa thob pa'i them skas dang // mya ngan 'das pa'i chos nyid rnams// yang dag che bar bstan pa ni// rnam shes dbang po gsal bar snang // 'di yang

  234. 117b

    mtho ris che ba yin// thams cad rtogs pas longs spyod pa// 'di yang mtho ris che ba'o// gzhan yang mtho ris che ba ni// ci ltar gnas pa de ltar rtogs// gang ltar yin pa der shes shing // kun kyang 'bras bur don rtogs pas// mtho ris dam pa bla na med// mya ngan 'das pa che ba ni// chos nyid phyogs bcur gdal ba dang // rig pa mtha' dbus med pa dang // kun gzhi bzang ngan med pa dang // phyi nang bzang ngan med pa dang // ye shes spang len med pa yis// mya ngan 'das la sogs pas 'grub// ma g.yos pa la rig pa shar// sangs rgyas sems su mya ngan 'das// yul ni chos su mya ngan 'das// rtogs pa ye shes mya ngan 'das// snod bcud sku ru mya ngan 'das// sems can gcig par mya ngan 'das// don dam bden par mya ngan 'das// mya ngan 'das pa'i don rtogs na// 'khor ba ngan song ming yang med// mtho ris dang mya ngan las 'das pa ye nas che ba'i le'u ste dgu pa'o// // de nas thabs ye nas che ba 'di skad ces bka' stsal to// thabs kyi rgyal por bdag gnas pas// thams cad ma grub gang yang med// thabs chen med pa'i sngon rol na// sangs rgyas bya ba yod ma yin// 'gro la thabs kyi rgyud yod pas// thabs mkhas ye nas che ba la// kun tu bzang po'i spyod pa la// byed dang spyod pa rnam 'jig pa// de nyid thabs kyi

  235. 118a

    che ba ste// thabs mkhas yon tan kun ldan pas// sangs rgyas kun gyi bla mar bsngags// rnal 'byor chen po'i spyod pa de'o// 'phags pa'i 'phags pa thabs la gnas// rgyal ba'i rgyal ba thabs las byang // nga nyid thabs kyi rgyal po la// 'khor ba'i rtog pa kun bral bas// rdzogs sangs rgyas kyi thabs la bsngags// thabs dang bral ba'i snying rje ni// skyes kyang ngal ba don med la// 'di dag thabs kyi mchog shes na// gang dag spyod pa bla na med// sangs rgyas byang chub gdon mi za// thabs las thabs byung thabs re che// thabs kyis thabs 'dul thabs bsam yas// rtog pas sangs rgyas thabs su gsal// thabs kyi ting 'dzin bsgom pa na// ngan song 'khor ba thabs kyi zhing // nyon mongs dug lnga thabs kyi lam// thabs chen po yi mdzad spyod kyis// thams cad ma lus sangs rgyas la// thar pa chen por nga yis smras// mun pas 'thibs pa'i sems can la// thabs kyi sgron me 'di btegs pas// kun gyis go zhing bsam par shog/ nga ni rang bzhin med pa ste// spros pa 'dzin pa'i tho brdal bas// mtshan mar 'dzin pa nga yis smras// sems nyid kun tu bzang po la// phyogs dang ris su snang ba dang // nga dang bdag tu rtog pa ni// 'khrul pa yin te ngan pa'i rgyu// bdag gi sems nyid bzang po la// sangs rgyas thog/

  236. 118b

    ma tha ma med// rgyu la bzang dang ngan pa med// 'bras bu grub dang ma grub med// khom ldan chen po'i bde skyid la// sdug bsngal gnyen po 'pho 'jug cing // chos nyid mnyam pa'i bde ba la// gzung 'dzin rtog pa'i rdzas ci yod// sangs rgyas dkyil 'khor ma lus kyang // nga yi thabs la rab tu gnas// thabs ye nas che ba'i le'u ste bcu pa'o// // de nas shes rab ye nas che ba 'di skad ces bka' stsal to// don dam spros pa med pa las// ma g.yos chos nyid skye 'gag med// shes na ye nas che ba yis// 'di yi gong na sangs rgyas med// shes rab chen pos skad cig la// chos rnams khong du chud par byed// skye ba med pas 'gag pa med// dmigs pa med pas spros pa med// 'dus ma byas pas rnam dag dbyings// rang bzhin med par brjod dang bral// kun la khyab pas yab kyi ngang // thams cad bskyed pas yum gyi dbyings// brjod pa med pa'i shes rab la// dmigs pa med pa'i ting 'dzin gsal// kun gzhi yum gyi shes rab la// rang byung thabs kyi ye shes shar// 'dus ma byas pa'i klong dkyil nas// sems kyi rgyal po ye shes 'phro// skye 'gag med pa'i klong dkyil nas// shes rab mig gcig gsal ba ni// yongs la dbang bsgyur rgyal po ste// thams cad rol pa'i dbang phyug ste// ma 'gags pas kyang ye shes

  237. 119a

    gsal// des na dug rnams kun sel ba// nad do cog dang bral ba ni// bdud rtsi'i rang bzhin dkyil 'khor gsal// dbang po yum gyi shes rab la// thabs kyi zhags pas 'brel ba skyong // 'byung ba'i rgyal po gdod nas dag/ dus gsum bde gshegs bskyed pa yis// yum ni shes rab pha rol phyin// mi skye mi 'gag gdal ba la// kun bzang yangs pa chos kyi dbyings// dag go shes rab chen po'i dbyings// 'dzin dang bral lo chags pa med// rtog pa med pas smra bsam 'das// brjod pa med pas nam mkha'i tshul// rang bzhin med pas chos kyi dbyings// phyogs bcur rgya yang ma chad pa'o// phyi nang med par kun tu snang // dag la dri ma med pa'o// snang la rang bzhin med pa'o// chu zla sgyu ma smig rgyu bzhin// med pa zang thal ma yin la// yod pa yang ni ma yin no// yod med gnyis las 'das pa yis// rang bzhin med pa yid la dran// shes rab chen po'i rtog pas btags// mkha' ltar mnyam pa nyid gnas na// shes rab chen pos khyab pa'i rtags// mi g.yo mnyam gzhag 'dus ma byas// shes rab chen por grub pa'i rtags// ma chags thabs kyis gang spyod na// shes rab chen po thob pa'i rtags// rnal 'byor chen po su zhig yod// shes rab chen po rtogs 'dod na// le'u 'di las btsal bar bya// shes

  238. 119b

    rab chen po ye nas che ba'i le'u ste bcu gcig pa'o// // de nas skyon gyi rgyu ye nas che ba 'di skad ces bka' stsal to// skyon gyi rgyu las ma gtogs pa'i// sangs rgyas gzhan nas yongs med de// sman mchog bdud rtsi 'byung ba yang // dug yod pa las sman du 'byung // dug la sman gyi rgyu med na// thams cad sman la sman ming med// legs pa thams cad 'byung ba yang // skyon gyis legs pa 'byung bar byed// skyon gyi mtshan ma ci byung yang // de nyid legs pa yin shes na// gzhan du legs pa bsgrub mi dgos// dug nyid sman gyi don shes na// gzhan nas bdud rtsi btsal mi dgos// skyon nyid dag par ma rtogs shing // rgyu las 'bras bur ma rig na// don ldan nges pa'i gtan tshigs med// smyon pas grib ma bsnyeg pa bzhin// bdas kyang grib ma zin pa med// de bzhin skyon rgyu mi shes pas// bsgoms pas 'bras bu mi rnyed na// brtags pas chos nyid rdzas su gol// bsgrubs pas rdzas su mi snang ste// de bzhin smyon pa'i rang bzhin can// de bas don 'di goms par gyis// byang chub sems kyang skyon gyi rgyu// skyon gyi rgyu 'di ma shes pa// yon tan rgyu 'di su la yod// skyon gyi rgyu 'di ma rig pa// ma rig pa ni dbyings kyi mdzod// de yi gong na che ba med// skyon gyi rgyu ni 'dzin rtog gnyis// 'dzin rtog thabs dang shes rab na// skyon gyi rgyu las

  239. 120a

    che ba med// skyon gyi rgyu ni nyon mongs lnga// nyon mongs ye shes lngar snang na// skyon gyi rgyu las che ba med// skyon gyi rgyu ni rtag chad gnyis// rtag chad dbyings dang ye shes ni// skyon gyi rgyu las che ba med// sku dang ye shes bshad pa yang / skyon gyi rgyu las ma gtogs pa// gzhan nas bshad pa ci yang med// yang dag nges pa'i don bstan pa// 'ong med 'gro med 'pho med pa// sangs rgyas byang chub de la yod// bcos med ma bcos pa med pas// ye shes chos nyid de la yod// ma bslad ma bcal mnyam par bzhag/ mnyam pa'i ye shes de la yod// dag pa'i rgyu ste sngon nas gsal// grub pa'i mtha' ste nang nas shes// thar pa'i lam ste gzhi la bzhag/ mkhyen pa'i rgyu ste sems la sbyang // gza' gtad lam ni thig ler bca'// kun tu bzang po bcom ldan 'das// shes par gyis la sems pa zhog/ skyon rgyu ye nas che ba'o// rnal 'byor gzhung mthun gang yod pa// skyon rgya che ba rtogs 'dod na// le'u 'di las btsal bar bya// skyon gyi rgyu ye nas che ba'i le'u ste bcu gnyis pa'o// // de nas yon tan gyi rgyu ye nas che ba 'di skad ces bka' stsal to// yon tan chen po'i rang bzhin la// dag pa nyid du 'di ltar bshad// sangs rgyas kun gyi yon tan ni// nga yi sems las byung ba ste// nga yi sku ni mi 'gyur ba'o// nga yi gsung ni ma

  240. 120b

    bcos pa'o// nga yi thugs ni ma g.yos pa'o// nga yi mdzad pa khyad par che// nga yi rol pa thabs la mkhas// nga yi byin rlabs 'dus ma byas// nga yi mthu stobs 'dzin rtog bcom// nga la nga zhes bya ba med// nga med bdag med phyogs med pa// 'dzin rtog med pa'i shes rab gad la// rtag chad med pa'i ye shes shar// yon tan ye nas che ba yis// 'di yi gong na sangs rgyas med// 'khor ba med pa'i sngon rol na// mya ngan 'das pa'i ming yang med// 'khor ba nyid na yon tan che// ngan song med pa'i sngon rol na// mtho ris bya ba'i ming yang med// ngan song nyid na yon tan che// sems can med pa'i pha rol na// sangs rgyas bya ba'i ming yang med// sems can nyid na yon tan che// nyon mongs med pa'i pha rol na// ye shes bya ba'i ming yang med// nyon mongs nyid na yon tan che// chos can med pa'i pha rol na// chos nyid bya ba'i ming yang med// chos can nyid na yon tan che// rnam par dag pa'i rgyud dag nas// rang snang 'bras bur dang po nas// 'phags pa'i rang bzhin rgyud la rdzogs// sangs rgyas thams cad 'dus pa'i sku// 'di ni yon tan chen po'i rgyud// ye nas che ba'i don yin te// phyogs bcu'i sangs rgyas thams cad dang // byang chub sems dpa'i lha rnams dang // gang dag pho mo ma ning sku// 'khrul pas brtags pa'i sgo tsam du// shes

  241. 121a

    rab dman la bstan pa'i phyir// rmongs pa'i blo la snang bar zad// kun tu bzang po'i rang bzhin la// byang chub sems kyi rang bzhin ni// pho mo ma yin ma ning min// che chung ma yin rigs rgud min// rtag chad ma yin mtshan mar min// phyi nang ma yin dngos por min// rigs dang kha dog bstan pa med// med pa ma yin snying po'i don// rnal 'byor don ldan rnams kyis rig/ don dang ldan pa'i sems la gsal// rang bzhin yongs kyis dag pa la// gnyen pos bcos shing dpag tu med// mtshan nyid yongs kyis zhi ba la// rtogs ldan tshad mas de ltar gsal// rgyu dang 'bras bur dbyer med la// mtshan nyid 'dzin cing rigs su 'byed// don dang 'gal zhing brtag par dka'// rang sems gdod nas ma skyes na// 'pho zhing 'gyur ba'i gnas kyang med// btsal zhing bsgrub pa'i sa yang med// med pa'ang ma yin 'gyur med sku// 'du 'bral med pa'i dbyings nyid la// bzang ngan spang len rnam rtog med// dbyer med che chung rim pa med// skye shi gnyis kyi mtshan ma med// med pa'ang ma yin khyab pa'i sku// mi 'byed mnyam pa'i spyod pa la// rang snang thabs kyi rgyal por rol// 'dus ma byas pa'i klong nyid na// bcos pa med pa'i ye shes shar// 'dzin rtog med pa'i chos nyid la// btsal ba med pa'i chos nyid gnas// gnas tsam

  242. 121b

    nyid na rtog pa med// rtog med chad med bde ba'o// 'gyur med btsal med rang byung gnas// nga med bdag med phyogs ris med// che chung med pa gsal ba'i mkha'// bzang med ngan med kun bzang che// ma bskyod ji bzhin dbyings na gad la// ma bskyed rdzogs pa rdzogs chen dang // bya bral med pas 'dus ma byas// smon pa med pas rang la rdzogs// khams gsum snod bcud ma lus kun// bde ba chen po nyid kyi rgyan// yon tan chen po'i zhing khams la// ma lus par yang sangs rgyas so// ci ltar snang ba'i chos rnams kun// rang byung dag pa'i dbyings nyid la// rnam dag klong du sangs rgyas pas// yon tan chen po rnams la gsal// btsal dang bcas pas mi 'grub ste// ma btsal bzhag pas gsal bar 'grub// sgro btags mtshan ma'i skyon rnams spang // thams cad yongs su bde gdal na// yon tan chung ba gang yang med// thams cad kun bzang yon tan la// skyon du bya ba gang yang med// shin tu rnal 'byor gang 'dod pas// yon tan rgya cher rtogs 'dod na// le'u 'di las btsal bar bya// yon tan gyi rgyu ye nas che ba'i le'u ste bcu gsum pa'o// // de nas sangs rgyas ye nas che ba 'di skad ces bka' stsal to// sangs rkus ye nas che ba ni// 'khor ba sangs pas bde chen rgyas// snang srid sangs pas bde chen rgyas// ma rig

  243. 122a

    sangs pas yang dag rgyas// gti mug sangs pas shes rab rgyas// de yang btsal ba ma yin te// rtogs pa nyid kyi klong na sangs// rig pa nyid kyi klong na rgyas// sangs rgyas ye nas che ba'o// 'di yi gong na sangs rgyas med// phung po lnga ni rigs lnga'i ngang // rigs lnga'i sangs rgyas ye shes klong // sprul pa chen po btsal med pas// sangs rgyas ye nas che ba yin// 'byung ba lnga po yum lnga'i ngang // yum chen lnga po 'byung lnga'i ngang // chos dbyings chen po 'byung med pas// sangs rgyas ye nas che ba yin// rnam par shes pa sems dpa'i ngang // sems dpa' chen po sprul pa'i klong // sprul pa chen po btsal med pas// sangs rgyas ye nas che ba yin// yul gyi rnam pa sems ma'i ngang // 'khor gyi sems ma khyab pa'i klong / khyab pa chen po btsal med pas// sangs rgyas ye nas che ba yin// yan lag khro bo khro mo'i dang // khro bo khro mo rol pa'i klong // rol pa chen po btsal med pas// sangs rgyas ye nas che ba yin// 'jig rten drug po thub pa'i ngang // thub pa chen po 'dul ba'i klong // 'dul ba chen po btsal med pas// sangs rgyas ye nas che ba yin// dbyings dang rig pa bzang mo dang // kun bzang yab yum gnas pa'i klong // gnas pa chen po btsal med pas// sangs rgyas ye nas che ba yin// sangs rgyas ye nas

  244. 122b

    gnas pa yin// 'di yi gong na sangs rgyas med// gang zhig mtshan ma'i rtag 'dzin la// grangs sbyar ba tsam bgrang kyang sangs rgyas grangs las 'das/ bgrang yang mu med brjod las 'das// don dam du ni gang yang med// ji srid mtshan ma'i rtag 'dzin la// de bzhin sangs rgyas sku yang yod// ci srid mtshan ma med na ni// de bzhin sangs rgyas sku yang med// ji srid rnam grangs yod kyi bar// de bzhin lha yi grangs kyang yod// ji srid rnam grangs med na ni// de bzhin lha yi grangs kyang med// ma rig 'khrul pa'i sgo tsam na// grangs la rtags kyis mtshon par zad// don dam bcos pa med pa la// gdal ba'i sku gcig bsdus pa la// rigs dang rtags su gang las bstan// sangs rgyas ye nas che ba ni// yod de dngos po ma yin te// chu zla bzhin du rang bzhin med// med de chad pa ma yin te// nam mkha'i dbyings ltar cir yang snang // cir yang snang la'ang cir yang med// gcig ste rnam pa ma yin te// don dam gcig tu thams cad 'dus// gnyis med phyal ba ma yin te// yongs la khyab pas gdal ba'i sgra// phyogs char mi 'dzin ris mi dbye// gnyis su mi rtog ngar mi 'dzin// yangs la phra spang dogs pa med// kun la mthun dang don dang mtshan// bdag tu shes pa gzhan sdud pa// sangs rgyas ye nas che ba yin// sangs rgyas ye nas che/

  245. 123a

    ba ni// btsal ba ma yin rtogs pa min// bsgrub pa ma yin gnas pa min// gzhan du ma yin bdag tu min// bdag tu ma yin gzhan ma yin// gzhan la ma phyin phyogs ris med// nus mthu ma yin byin brlabs min// sprul pa ma yin gcig tu sbyor// nyon mongs mi snang 'phro 'du'i tshul// cir yang bstan te cir ma bstan// gang ltar snang yang gang du med// gang ltar brtags kyang gang du med// yod pa ma yin dran zhing tshor// chad par ma song rig cing rtogs// rtag par ma song dngos po med// gnyis su ma song rtag pa med// gcig tu ma song kun la khyab// dang po bskyed pa'i rgyu med pas// tha ma 'chi ba'i 'pho ba med// de ltar dngos po rdzas med pas// brtags pas chags shing gzung du med// 'khor ba sgyu ma'i rdzas 'dra bas// bde sdug bzang ngan don la med// mi rtag sdug bsngal rmi lam 'dra// gang la brtags kyang de la 'khrul// brtags pas chos ni gcig kyang med// med pa ma yin rig pa tsam// chu ni rgya mtsho nyid kyi rgyun// sangs rgyas rtogs pa nyid las 'byung // chos ni bcos pa med pa'i chos// rtags ni ma 'dres gsal ba'i rtags// don ni 'gyur ba med pa'i don// de ltar thob pa sangs rgyas zhes// ye nas che ba yin zhes bshad// rnal 'byor 'di rtogs bcom ldan 'das// shes par gyis la de la zhog/ sangs

  246. 123b

    rgyas ye nas che ba yin// rnal 'byor skyes bu gang 'dod pa// sangs rgyas che ba rtogs 'dod na// le'u 'di las btsal bar bya// sangs rgyas ye nas che ba'i le'u ste bcu bzhi pa'o// // de nas yang sems can ye nas che ba 'di skad ces bka' stsal to// sems can med pa'i pha rol na// sangs rgyas bya ba'i ming yang med// sems can ye nas che ba yis// don ni bstan pa 'di yin no// 'byung ba'i rtags su nam mkha' che// sangs rgyas rtags su sems can che// chos nyid rtags su chos can che// sangs rgyas thams cad bskyed pas ni// de phyir sems can sangs rgyas yum// sangs rgyas thams cad 'byung bas na// de phyir sems can sangs rgyas yab// snga rabs 'das pa'i sangs rgyas ni// snga rabs 'das pa'i sems can yin// sangs rgyas pas kyang sems can che// da ltar bzhugs pa'i sangs rgyas kyang // da ltar bzhugs pa'i sems can yin// slad kyis 'byon pa'i sangs rgyas kyang // slad kyis byon pa'i sems can yin// des na sangs rgyas sems can yin// sangs rgyas pas kyang sems can che// rtogs pas sems can thams cad gcig/ sems can gcig la chos kyi sku// chos kyi sku yang sems can yin// sems can brtags pas dngos po med// dngos po med pa chos kyi dbyings// chos kyi dbyings kyang sems can yin// sems

  247. 124a

    can shes pas gsal bar go/ gsal bar go bas ye shes te// ye shes nyid kyang sems can yin// sangs rgyas kun gyi 'byung gnas gtso// de phyir sems can sangs rgyas med// sangs rgyas sprul pa cir yang ston// de phyir sems can sangs rgyas 'bras/ khams gsum sems can sku gsung thugs// srid pa gsum ni dbyings kyi klong // rgyud drug sems can don dam dang // mtha' yas sems can las kyi mchog/ thabs kyi rgyal bar gang shes pa// de nyid don rdzogs thabs kyi sku// ma skyes shes rab don shes pas// de nyid bcos med man ngag tshangs// rang byung rgyal po sems can la// rig pa'i rgyal po rnam shes shar// phung po'i thig le chen po la// rnam par dag pa'i thig le shar// skye mched ting 'dzin gsal ba la// thabs kyi 'phro 'du gsal bar ston// gang la dpes bstan de bzhin du// de bzhi sems can dpe bstan par// bde ba chen po'i man ngag 'byung // dag pas brtags kyang kun kyang gtsang // rtog pas bsam pas gang yang 'grub// lta ba yangs pa'i nam mkha' la// 'dzin rtog med pa'i 'od gsal bas// gang yang ma spangs lhun gyis grub// mu mtha' med pa'i shes rab la// skye ba med pa'i klong gdal bas// rnam par dag pa'i dbyings su mkhyen// skye med nyid la sgro btags pas// nan gyis nam

  248. 124b

    mkha' 'dzin pa ltar// de ltar rtogs su mi snang bas// shes rab chung bas 'khrul par 'gyur// tshig dang ldan yang don la gol// man ngag gdeng du yongs ma chud// gang zhig shes rab zhen pa yis// sgro btags chos la yi rang ba// long bas lam nor 'khrul pa ltar// ngam grog gcong rong nges par lhung // des na theg rgyal nges pa 'di// shes rab dman la bstan mi bya// don du mi 'ong skur ba 'debs// gang zhig bka' smod 'gal byed pa// don du mi 'gyur log pa'i lam// thar pa'i gnas med ltung ba'i sa// nor ba'i lam tshol 'khrul pa'i zhing // kun bzang ston pas yongs ma bshad// gang zag sgra tshig mtshan ma can// bden pa'i don med sdug pa'i tshig/ ma rig rmongs pas 'khrul pa'i sems// log pa'i lam tshol nga 'or 'dzin// shes rab dman pas phyogs char 'dzin// don ldan snod can ma yin pas// bskal pa brgyad khri bzhi stong du// nges pa'i don la gzhug mi bya// mkhas pas don dang mi ldan zhing // bden pa'i don por phyogs char 'dzin// tshig tu smra la don du g.yel// log pa'i lam dga' dka' tshol na// de ni bdud kyis bslus pa yin// skye bo'i gzugs dang sdig la sogs// spyod pa'i don dang mi 'gal zhing // kun la spyod pas kun spangs shing // gang dang mthun zhing dul ba'i sems// spyod cing gang la'ang ma

  249. 125a

    chags pas// ci ltar spyad cing bka' dang mthun// gdeng can don dang ldan pas mthun// nges par brten pa'i gzhung 'tshol na// de ni sangs rgyas sprul pa yin// yang dag bden pa'i sems can no// mnyam pa nyid kyang sems can no// spang len med pa'i spyod pa la// 'du 'bral med pa'i dam tshig 'byung // bzang ngan med pa'i lta ba la// phyogs ris med pa'i bsgrub pa 'grub// bden pa'i don dang tshul shes na// sems can yin na yin par zad// yin yang sems can che ba yin// don ldan skyes bus shes par gyis// shin tu rnal 'byor gang yod pa// sems can rtog pa che 'dod na// le'u 'di las btsal bar bya// sems can ye nas che ba'i le'u ste bco lnga pa'o// // de nas rtog pa ye nas che ba 'di skad ces bka' stsal to// rtog pa med pa'i sngon rol na// sangs rgyas bya ba'i ming yang med// rtog pa ye nas che ba yin// don ni bstan pa 'di yin no// mkhas pa mi gtso rtogs pa gtso// mkhas pa tshig gi than yin no// rtogs pas chos nyid klong na 'phyo// bshad pa mi gtso sgom pa gtso/ bshad pa tshig gi bshad ra yin/ bsgoms pas lha dang gnyis su med// bsgrub pa bas kyang rtogs pa gtso// rtogs pa gdeng du ma chud na// bsgrub pa rtog pa'i rgyun la bsgrub// sgom pa mtshan ma'i ngang la sgom// rtsol ba nyon mongs zhen pa

  250. 125b

    'tshol// rtogs pa ye nas che ba ni// snang srid rtogs pas ye shes che// phyi nang rtogs pas thig le che// che chung rtogs pas mnyam nyid che// yang dag rtogs pas ye shes che// bzang ngan rtogs pas bde chen che// bya btsal rtogs pas bde chen che// bde chen rtogs pas byang chub che// rtogs pa'i glang chen phyogs ris med// yang dag don ldan bsnyen bsring med// bden pa'i don 'char 'dzin rtog med// rang byung rang shar bya btsal med// thar pa'i gnas ris spang len med// dbyings kyi bde gad la phyogs ris med// rtogs na bcos med snying po rtogs// ston na rang byung 'bras bu ston// thob na rnam dag bcos med thob// nyi ma shar bas mun pa sangs// rgyud 'di thos pas 'dzin rtog nub// lung 'di byung bas 'dzin rtog bros// stong gsum ma lus g.yul ngor ded// khams gsum ma lus tshar la bton// srid gsum ma lus tho les btab// 'dzin rtog gnyis ni 'chor med bzung // chags sdang gnyis ni dbang du byas// rtag chad gnyis ni rdul du brlags// spang len gnyis ni phye bar btags// bzang ngan gnyis ni khrug gis bsres// sangs rgyas sems can gcig tu byas// mtho ris ngan song gcig tu bsnos// bde ba chen po'i zhal du gsol// dmyal ba chos nyid ngang du sbyang // yi dwags bkres skom raM gyis bsregs// byol

  251. 126a

    song gti mug yaM gis dbus// mi yi sdug bsngal khaM gis bkrus// lha min 'thab rtsod laM gyis zhi// lha yi phrag dog e yis sbyangs// thams cad bde chen dbyings su bsdus// bdag nyid chen por sangs rgyas pas// bdag gzhan bya ba'i ming yang med// sangs rgyas mdzad pa de ltar mdzad// rtogs pa spyod pa de ltar spyod// nam mkha' yangs pa'i mtshan nyid la// dngos po mtshan ma kun shar ltar// rtogs pa yangs pa'i lta ba la// 'dzin rtog mtshan ma ci yang shong // shong ba bas kyang yongs kyang shong // snang srid rtog pas phyi ru bde// don dam rtogs pas nang du bde// dbyer med rtogs pas gnyis med bde// sems can sangs rgyas yin rtogs na// gzhan nas sangs rgyas nor ba'i lam// snang srid chos nyid yin rtogs na// gzhan nas chos nyid nor ba'i lam// thams cad 'dus pas dbyings nyid che// ma lus 'dus pas thig le che// kun la rtog pas ye shes che// gang zhig rtog med shes rab 'tshal// rmongs pa 'khrul pa'i bya bas nong // don dang ma ldan nor ba des// gang yang mi shes don mi shes// ci yang ma rtogs don ma rtogs// sangs rgyas byang chub sems dpa' yang // gang ma rtogs pa de yi bdud// bdud dang log pa'i chos rnams kyang // gang gis rtogs na de yi lha// lha yi rgyal pos dmag dpung

  252. 126b

    drangs// skye shi med par g.yul ngo sprad// bzang ngan med par lhan cig skyes// phyogs ris med par tho les btab// dngos po mtshan ma gtan nas blangs// rigs lnga'i sangs rgyas thugs ngal sangs// rtogs pa'i rgyal po 'gyod pa med// lam ni nye lam bde rdzogs pas// bcos pa med pa'i chos nyid las// sa ni rang bzhin lhun gyis grub// kun tu bzang po bcos med pas// de yi ngang la su gnas pa// rtogs pa ye nas che ba'o// don rtogs rnal 'byor shes par gyis// don 'chang rnal 'byor gang yod pa// rtogs pa chen po tshol 'dod na// le'u 'di las btsal bar gyis// rtogs pa ye nas che ba'i le'u ste bcu drug pa'o// // kun tu bzang po'i man ngag 'di// ming tsam 'dzin pa gang byed pa// chos nyid rtogs par ngas bshad de// sangs rgyas kun gyi rje btsan yin// 'di thos sangs rgyas lag tu lon// thams cad kun gyi bdag nyid du// brgyud pa 'dis zin shes rab gnas// man ngag 'di ni nga yin zhes// kun tu bzang po ngas bshad de// gang zhig pa nyid rtogs 'dod na// man ngag 'di la blta bar gyis// de skad yongs gsungs med pa yis// kun tu bzang pos bka' stsal pas// phyogs ris med pa'i snang srid thams cad/ gnyen pos ma bcos pa'i thabs kyis/ rtogs pa gcig tu thob pa med pa'i sku thob bo// grub pa

  253. 127a

    med pa'i 'bras bu thob nas/ rang bzhin btsal ba med par sangs rgyas pa'i don sus kyang ma bslabs par shes so// gang gis kyang ma bstan par rang rig go/ lta ba thams cad kyi rgyal po// kun tu bzang po che ba rang la gnas pa'i rgyud/ man ngag snying po'i nying khu bka' yang dag pa rdzogs so// // de nas kun tu bzang po che ba rang la gnas pa'i rgyud kyi don 'di nges par rtogs par byed pa rnams/ rang gnas chen po dgu'i don 'di yid la zung zhig/ de yang gang zhe na/ rgyu dang 'bras bu thams cad btsal ba med par rang gnas pa dang / 'khor ba dang mya ngan las 'das pa thams cad ma skyes par rang gnas pa dang / phyi nang snod bcud thams cad chos kyi skur rang gnas pa dang / sangs rgyas dang sems can thams cad gnyis su med par rang gnas pa dang / bde ba dang sdug bsngal thams cad bcos pa med par rang gnas pa dang / bzang ngan thams cad ma g.yos par rang gnas pa dang / mtho dman che chung thams cad ma bcos par rang gnas pa dang / skye 'chi 'pho 'gyur thams cad 'gyur ba med par rang gnas pa dang / blang dor chags sdang thams cad phyogs ris med par rang gnas pa'o// de la rgyu 'bras btsal ba med par rang gnas pa ni/ brgyad khri bzhi stong chos rnams dang // rgyu 'bras theg pa cir bstan

  254. 127b

    pa// gsang nyid nges par dbyings gcig par// rim pas btsal zhing bsgrub tu med// dbyar dgun ston dpyid la sogs pa// rgyu 'bras rim gyis 'byung ba yang // dus gsum 'gyur ba med pa'i phyir// rgyu dang 'bras bur bstan pa med// rang sems sangs rgyas ma yin na// mching bur nor bur mi 'gyur bzhin// las dang rnam smin ci btsal kyang // sangs rgyas byang chub thob pa med// rgyu nyid 'bras bu yin shes na// sa gser bzhin du ye dag pas// sangs rgyas ye nas yin pa la// btsal ba'i bsam pas dbyings mi bskyod// sangs rgyas ma rtsol sems la yod// byang chub sems 'di rin po che// nyes par spyad kyang dpal du che// bya btsal med par lhun gyis grub// rgyu nyid ma btsal 'bras bur gnas// thams cad dbyer med gdod nas dag/ bsgrub cing 'grub pa'i 'bras bu ni// btsal med ngang la rdzogs par gnas// zhes pa'o// de la 'khor ba dang mya ngan las 'das pa ma skyes pa ni// 'khor ba'i chos dang mya ngan 'das// gnyis su bstan pa'i tshig tu nor// ma skyes rang bzhin rnam par dag/ kun tu bzang po nyid kyis gsungs// thar pa thob ces btags pa yi// sku dang ye shes che ba dang // ngan song 'khor ba'i sdug bsngal ni// ma skyes dbyings su yon tan gsal// khams gsum 'khor ba'i chos nyid la// phyin ci log

  255. 128a

    tu rnam brtags kyang // rang bzhin ye nas dngos med pas// sgyu ma 'dra ste grub pa med// de bzhin chos rnams thams cad kyang // dbyer med ngo bor tshul gcig pas// rang bzhin gdod nas skyes phyir// bcos pa med par rang bzhin gnas// skye dang mi skye lha tshogs pa// smig rgyu 'dra ste rang bzhin med// de bzhin brtan g.yo la sogs kun// don gcig gnyis med tha mi dad// thams cad de yang byang chub sems// sangs rgyas nyid las rim gnyis med// ma skyes pa yi rang bzhin la// ma bcos pa nyid blo yin no// zhes pa'o// phyi nang snod bcud chos kyi skur gnas pa ni// phyi yi 'byung ba la sogs pa'i// yul gyi rnam pa thams cad ni// ma byung ma skyes chos kyi dbyings// mi skye mi 'gag spros dang bral// rang bzhin yongs kyis zhi ba la// rgyu dang rkyen la ma ltos te// dus gsum 'dus ma byas pa'i nga / mtha' dbus phyogs ris med pa yis// chos nyid ma skyes klong du gad la// de bzhin nyid kyis gar khyab par// rang rig ye shes chen por rol// dngos med dngos bral byang chub sems// chos nyid de bzhin pa nyid la// rig pa de bzhin nyid gnas pa// dbyer med gnyis su med pa yis// chos kyi sku zhes de la bya// dus gsum 'pho 'gyur med pa yis// skye shi med pa'i g.yung drung du// ye nas chos skur

  256. 128b

    gnas pa yis// sangs rgyas gzhan du btsal mi dgos// chos sku sems kyi byin rlabs las// sku yi khyad par cir snang yang // byang chub sems las gzhan med pas// btsal mi dgos par rang bzhin gnas// de bzhin thams cad sangs rgyas pas// chos sku byang chub sems gnas pas// ma btsal ma bsgrubs ye nas bdag/ de la bcos su ye nas med pa'o// sangs rgyas sems can gnyis su med pa ni// thams cad mkhyen pa'i sangs rgyas dang // log rtogs 'khrul pa'i sems can gnyis// che chung khyad par byung ba yang // gser mgar 'dra ste cir snang gcig/ rtsi shing nags tshal thams cad kyang // sbyor shes na ni sman yin la// sbyor ba mi shes dug tu 'gyur ba bzhin// sangs rgyas sems can de bzhin no// ma bcos sems kyi chos nyid la// byang chub sems las 'gyur med na// rin chen gling du phyin pa ltar// sangs rgyas sems can btsal du med// 'bras bu smin pa'i snye ma yang // sa bon nyid las gzhan ma yin// bla na med pa'i sangs rgyas kyang // sems can sems las gzhan ma yin// de bzhin rgyu 'bras gzhi ma yang // ye nas gnyis med byang chub sems// bde ba chen por ye brdal bas// ye nas gnyis med kun tu bzang // gser bzhin ma bcos ye nas gnas// rang bzhin gdod nas dag pa la// tshig

  257. 129a

    dang yi ges bcos su med// gang ltar spyad kyang thog ma pa'o// // bde dang sdug bsngal bcos su med pa ni// bde dang sdug bsngal gnyis med pas// rang 'dod bcos pa'i smon pa min// ye nas de ltar gnas pa ni// kun gzhi kun tu bzang pos gsungs// nam mkha' bzhin du ye nas gsal// rtog dang mi rtog gnyis med pas// mtho ris ngan song btsal du med// de rtog byis pa'i spyod yul yin// rang bzhin med pa'i chos nyid sems// ye nas kun tu bzang po la// gtsang dang sme gnyis med pa ltar// bde sdug rtog pa shin tu bral// rang sems 'byung ba'i chos can ni// bde dang sdug bsngal rim pa des// sems kyi chos nyid 'gyur med pas// bde sdug btsal yang rnyed mi 'gyur// thams cad rang gi sems yin na// sdug bsngal nyid kyang bde ba'i klong // rang byung ye shes yin shes na// ngan song nyid kyang sangs rgyas shing // mnyam pa nyid du lhun grub pas// phyogs dang ris su btsal du med// ma bcos kun tu bzang po la// bde dang sdug bsngal gnyis su med// byang chub sems nyid bde chen po// rgyu nyid dag pa 'bras bu ste// tshig dang yi ger las 'das pa// btsal med lhun grub rang gnas pa'o// bzang ngan gtsang sme ma g.yos par ni// ma rig mun pa'i phung po la// ye shes nyi ma shar ba ltar// rtogs

  258. 129b

    dang ma rtogs rang bzhin la// byang chub sems gsal bzang ngan med// bdud rtsi chen po'i rang bzhin la// dug dang rtsi gnyis med pa ltar// byang chub sems kyi rang bzhin la// skyon dang yon tan ming yang med// ngan pa las kyang bzang ba med// skyon dang yon tan nyid du dag/ mi gtsang ba la gtsang ba med// dug nyid bdud rtsi'i rang bzhin pas// gnyis med don 'chang ye nas dag/ dbyer med smon du med pa la// 'du byed rtsol ba shin tu rmongs// ma bcos thig le ye nas dag/ med la yod par 'dzin pa'i chos// nam mkha' bgo bsha' med pa 'dra// tshe chad las la grub pa med// gzhan du rnal 'byor ma tshol cig/ don med sgra tshig sgra phyir 'brangs// theg pa nges med sa ma zin// nges pa'i man ngag rtog par gol// don med de 'dra mnos na 'khyal// de bas 'gyur med byang chub don// rdzogs chen 'di la gang spyod pa// ye shes kun bzang nyid yin pas// bzang ngan gtsang sme gnyis su med// man ngag don dang ldan pa'i gdeng // sems las ma yengs dgongs pa'i klong // 'di ltar spyod pa'i rnal 'byor pa// sangs rgyas nyid du rang gnas pa'o// // mtho dman che chung ma bcos pa ni// theg pa'i rim pa mtho dman dang // shes rab rtog pa che chung ni// gar mkhan lag gi 'du byed bzhin// cir yang bstan la cir yang

  259. 130a

    med// rang bzhin gcig tu ma nges pas// sku gsung thugs kyang so sor snang // shes pa gcig tu ma gyur pas// byang chub sems kyang so sor go/ de bzhin nyid las gzhan med na// mi mthun rnam pa cir bstan kyang // ye shes nyid las nyams pa med// tshig dang yi ger brjod las 'das// stong gi 'jig rten nam mkha'i khams// ji snyed thug pa med pa yang // til 'bru rta rnga bcur bshags nas// ma skyes klong du che chung med// kun gzhi ma byung ma skyes med// ye nas rnam par dag pa la// sangs rgyas che bas ma bcos la// sems can che bas bcos su med// chos rnams sems su sangs rgyas pas// ji ltar 'dod pas rang dbang bsgyur// mya ngan 'das dang 'khor ba'i chos// che chung med par rang gnas pa'o// // skye shi dang 'pho 'gyur thams cad mi 'gyur ba ni/ sems dang chos dang nam mkha' gsum// dang po skye ba'i rgyu med pas// tha mar 'pho zhing 'chi mi 'gyur// de bzhin thog ma tha ma med// 'das dang ma 'ongs da ltar dang // tha tshig brtags pa ga la 'byung // dus gsum dus ni med pa'i phyir// sngon med phyis med gdod nas dag/ skad cig yun dang bskal pa'i grangs// ring thung bye brag grangs bstan pa// ma rtogs rmongs par 'gyur snang yang // chos nyid don la ring thung med// de bzhin tshad la sogs pa

  260. 130b

    yang // lus med grangs kyi grangs kyang bstan// rmi lam 'pham rgyal bgrang ba bzhin// grangs dang ring thung brtags pas nor// bdag ni bskal par bgrang gyur kyang // thog pa nyid nas 'gyur ba med// mtha' dbus phyogs ris cir bstan kyang // thig le'i ngang las nyams pa med// 'jigs dang bdud dang dgrar snang yang // sems la bzung zhing gsang du med// snang srid me dang chur 'gyur yang // byang chub sems la 'gyur ba med// bde ba'ang ma yin cir yang snang // gsal tsam nyid na phyogs ris med// yod med brjod pa'i tshig las 'das// mi 'gyur g.yung drung nyid gnas pa'o// // de la blang dor phyogs ris med par rang gnas par 'di skad do// skyon rnams byang chub sems yin pas// skyon du bor ba'i sems med do// ci ltar spyad pa legs pa che// kun bzang don gyi spyod yul yin// yon tan nyid kyang gzhan med de// ci ltar snang ba thams cad kun// ye nas btsal med de bzhin cad// gzhan nas rgyal bas btsal du med// yod med blang dor spyod pa'i chos// nam mkha' 'dra ste grub pa med// mkhas pas ye nas yongs mi 'dzin// de la cir yang 'gyur ba med// ma btsal rang sems sangs rgyas pas// bde tshogs gzhan du rtsol bzhi// brtags shing btsal bas mi rnyed pas// de bsam rtogs sems nyid tshol// ci

  261. 131a

    ltar bstan pa bde ba che// gang ltar spyad pas kun tu bzang // nges pa'i don du nyid gnas pas// don 'dir ma rdzogs med pa'o// kun tu bzang po rnam pa lnga dang che ba rang gnas chen po'i rgyud rdzogs so// // @#// bod skad du/ dbang gi rgyal po dbang skur rgyal po'i rgyud/ ston pa kun tu bzang po la phyag 'tshal lo// 'di skad bskur nas shes pa'i dus gcig na/ bcom ldan 'das yid kun tu bzang po chags pa'i dbang dkyil 'khor rin po che gnas pa'i ngang gnas na/ nyid kyi che ba'i rgyan chen po las/ 'od zer phreng ba'i sgra 'di dag phyung ngo // s+pha ra Na phaT/ ces bya ba brjod pas/ phyogs bcu'i 'jig rten gyi khams mu mtha' med pa'i dbyings nas/ chos nyid ma skyes pa'i klong phyogs bcur brdal te/ ma skyes pa dang ma 'gags pa dang / rang bzhin med pa 'dus ma byas par byin gyis brlabs te/ sangs rgyas kyi sku dngos por mi snang ba'i byin rlabs mang pos don gyi bya ba re re byas te/ bskul ba'i sa la gzhes pa'i sangs rgyas rnams kyis 'gro ba'i don du chos kyi 'khor lo bskor bar dbang bskur/ skye bas thogs pa'i gang zag dang / byang chub sems dpa' thams cad ni/ chos kyi rgyal mtshan du dbang bskur// bde ba chen po'i longs spyod la mnga' rab tu mdzad nas yongs su khyab pa chen po'i ye

  262. 131b

    shes bskyed do// de nas bcom ldan 'das dpal kun tu bzang pos/ snang zhing srid pa'i chos thams cad yum kun tu bzang mo'i mkha' dbyings su rnam par dag pa'i rtags/ dpag cing gzhal ba las 'das pa'i gzhal yas khang / rtse mo'i dbyibs bdag las ma spags shing / gzhan las mi mthong ba'i mtho ba can/ rgya khyon phyogs bcur brdal bar yongs la khyab pa/ phyi nang ma grub pa'i rig pa phyi nang med par phyogs ris su rgyun ma chad pas brdal ba chen po// byin rlabs lha'i rgyan dang gzhal yas sprul pa'i rgyan dang / rtogs pa ye shes kyi rgyan gyis yongs su ma brgyan cing brgyan par gyur to// de'i che ba'i yon tan kyang grangs bgrang du med pa'i bcud gcig tu gyur to// de nyid ma skyes pa'i rang bzhin yin pas tshig tu ma brjod par grags/ dgongs pas ma bskyed par gsal bas rang rgyud du gnas so// de nas nyid kyi tshe ba'i ngang nas/ skyed pa'i yum kun tu bzang mo byung ste/ gnyis su mi snang ba'i yab yum gnyis/ zla gam spros pa med pa dbang gi dkyil 'khor na/ ma chags pa'i dgyes pa bzhin mdangs kyis/ gzigs pa mi mnga' bar gzigs te/ yab kyis yum la 'di skad ces bskul lo// e ma ho sangs rgyas thams cad ni/ rdo rje gsang ba byang chub sems// sku dang gsung dang thugs yon gyi// phrin las rdzogs pa bla na

  263. 132a

    med// 'phags pa rnams kyi rtogs bya ba// nga yi byang chub sems la gnas// sangs rgyas sprul pa bsam yas pa// byang chub sems kyi cho 'phrul te// sangs rgyas byang chub bla na med// thams cad sangs rgyas pa yis byas// rigs nas rigs kyi thar pa ste// thams cad 'di la nges par bkur// yi ge med pa'i tshig 'di la// sangs rgyas dngos bral byang chub sems// cho 'phrul 'byung ba'i yum nyid la// bde bar rol pas rgyan btags nas// snod bcud ma lus dbang bskur ro// ho de nas yum gyis yab la 'di skad ces gsol to// e ma ho ngo mtshar rab 'byams kyi// sangs rgyas mdzad pa khyad par che// sangs rgyas sku yi sku sprul pa// sangs rgyas 'dren pa ya mtshan che// med las byung ba'i cho 'phrul dang // rol pa'i phrin las rdzogs mdzad pa// dbang bskur bka' rtags bstan pa'i phyir// dgyes mdzad rdo rje gsor nas kyang // ma lus yongs kyi re ba bskang // byang chub sems kyi char chen phob// hoHzhes gleng ba dang / yab yum gyi sku 'brel ba med pa zhal nas zhal/ thugs nas thugs/ mtshan nas mtshan/ ma 'brel bar 'brel/ chags pa'i yid ma g.yos pa g.yos par gyur te/ dgyes pa chen po'i ngang la bzhugs pas/ phyi nang gi chos thams cad snang ba med par sangs rgyas/ rang bzhin med par lhun gyis

  264. 132b

    rdzogs// bya btsal med par mthar phyin// bskyed rdzogs med par sku rdzogs te// yun cung zad tsam yang ma lon par dgyes pa'i rol thabs rgyas par gyur to// de nas gnyis su med pa'i khyad par las/ ma bskyed pa rang bzhin rdzogs pa'i tshul gyis/ rigs lnga'i sangs rgyas dang byang chub sems dpa' la sogs pa'i sku thob par gyur te/ che chung med pa'i rim pa/ rnam grangs med pa'i gnas/ brjod du med pa'i sgras/ rtag pa chos nyid/ chad pa la sku mdog/ yod pa la mi dmigs pa/ med pa la sku gsung thugs/ rang rgyud du shar zhing dpag pa las 'das par bstan to// de nas de ltar bstan pa'i byin gyis rlabs kyis// sems dran pa'i shes pa thams cad ni/ kun tu bzang po rang gnas kyi rgyal por dbang thob/ dbang po yul gyi shes pa thams cad ni kun tu bzang mo 'dus ma byas pa'i chos kyi dbyings khyab pa chen po spyi la yongs su ma grub pa'i man ngag brdal bas/ sgom pa'i dgongs pa rang rgyud du shar/ bskyed mi dgos par rang chas su rdzogs te/ shes rab pha rol phyin par dbang thob/ de'i rdzas med pa'i yon tan gyis// chags sdang thams cad shes rab tu dbang thob/ dug lnga sangs rgyas lngar lhun gyis grub ste/ ye shes lnga'i ngo bor dbang thob/ dug gsum sku gsung thugs su lhun gyis grub pa'i dbang thob/ ma skyes mi 'gag

  265. 133a

    pa'i klong na nyal/ bskyed pa ji bzhin pa'i dbyings la mnal te/ dbang gi rgyal po bskur mi dgos par rang rgyud du shar te/ phyi nang gi chos la sems kyi dbang ma thob pa 'ga' tsam yang med de/ ye 'byams kyi dbang la phyogs med de/ spyi 'byams kyi dbang la ris med/ de lta bu'i tshig sus zos shing blo la snang ba/ sangs rgyas kyi rje btsan yin pas/ dbang mi dgos pa'i tshul ni/ dbang thams cad de la rdzogs te/ thabs kyi rgyal po dbang gi mes zhes bya ste/ gang ltar byas kyang dbang gi rgyal po dkyil 'khor las ma gtogs pa gzhan gang yang med/ mthong na mthong du zad de dbang po'i rig pa rgyan bkra ba'i rig pa'i dbang thob/ ma mthong na ma mthong du zad de/ thabs kyi rgyal po zin chags dang bral ba'i dkyil 'khor gyi dbang thob// rna bas thos na thos su zad de/ dbyangs snyan dgyes pa'i glu'i dbang thob// ma thos na ma thos su zad de/ sgra skad dang brtags pa dang bral ba ye shes kyi dbang thob/ snas dri tshor na tshor du zad de/ dbang po tshims byed gnyis su med pa'i dkyil 'khor gyi dbang thob/ ma tshor na ma tshor du zad de/ byung tshor gyi sgo 'gags pas/ 'khor ba thabs kyi dbang thob/ lces ro myangs na myangs su zad de/ chos nyid kyi ro myangs pas ni stong / ye shes kyi ro myangs pas ni rtogs/ thabs kyi ro myangs pas ni

  266. 133b

    reg/ shes rab kyi ro myangs pas shes pas/ 'du 'bral med pa'i ro myong ba'i dkyil 'khor gyi dbang thob/ ma myangs na ma myangs su zad de/ chos nyid la rdzas su mi spyad/ sangs rgyas la gzugs su mi bstan/ thig le rdzogs pa med pa'i dkyil 'khor gyi dbang thob/ lus kyi reg na reg tu zad de thabs dang shes rab gnyis su med par rdo rje pad+mar reg pas/ yab yum 'du 'bral med pa'i dkyil 'khor gyi dbang thob/ ma reg na ma reg par zad de/ dngos po med na chos nyid/ 'dzin chags med na ye shes/ yod med 'das na dbu ma ste/ ma bcos gzhi bzhag gi dkyil 'khor gyi dbang thob/ yid kyis chos rtogs na rtogs su zad de/ spros pa med pa'i dkyil 'khor gyi dbang thob/ ma rtogs na ma rtogs su zad de/ yid chos nyid la/ yid las ma gtogs pa'i chos gud na med pas gnyis su mthong ba'i rdo rje'i dkyil 'khor gyi dbang thob/ de ltar dkyil 'khor drug gis ji ltar byas kyang dbang thob la/ dkyil 'khor bcu gnyis kyi gang du bsgrubs kyang dngos grub thob ste/ thos pas sangs rgyas/ nyan pas dbang thob/ rtogs pas don yod pas/ dbang bskur rgyud ces bya ste 'di las tshig tu ji skad kyang bstan/ btags su ji skad kyang grags/ don du gang du yang mi dmigs shing bstan du med de/ tshig dang yi ger bri ba las

  267. 134a

    'das pas/ 'phags pa'i 'phags pa/ sangs rgyas kyi sangs rgyas zhes bya ste/ 'jig tshogs lta bu lung gi rgyal po zhes bya ste/ kun tu bzang pos bshad cing 'da' bar dka' ba'o// de bzhin gshegs pa spyi dbang bskur ba'i rgyud las/ gleng gzhi lta ba'i le'u ste dang po'o// // de nas rdo rje sems dpa' la sogs pa rigs lnga'i sangs rgyas rnams kyis/ shin tu ngo mtshar du gyur nas/ ston pa kun tu bzang po la 'di skad ces gsol to// e ma ho ngo mtshar che'o// e ma ho mtshar che'o// e ma ho ngo mtshar shin tu che'o// dbang bskur ba mi dgos pa de ngo mtshar ro// dkyil 'khor bskyed mi dgos pa de ngo mtshar ro// don gcig la gcig tu ji skad kyang bstan pa ngo mtshar ro// che ba'i lha bdag cag la lung bstan du gsol/ a la la ho zhes gsol pa dang / kun tu bzang pos bka' stsal pa/ rigs lnga de dag rtog pa gzhom pa'i phyir/ dgyes pa'i glu 'di dag blangs so// a ho ru tra shu pa ra hang / mang nya ti pa shi su ba sho ta ka la ti/ ma ma pradz+nyA dum pa ka la ti da lis/ mang nyag ba ha ya ku ba ri ho/ sang shi dur mang ma ho ba ra la sti/ kri ti krun mang sha ra ta ho// zhes glu blangs/ 'khor rnams dga' ba skyes nas/ yang 'di skad ces bka' stsal to// sems las ma gtogs chos med pas/ gzhan du chos rnams bstan pa med// sems

  268. 134b

    la mtshan nyid yongs med pas// dbang mchog sems la yod pa ni// dus gsum rgyal ba'i lung las byung // dbang mchog rang la med pa ni// bskur bas thob par yongs mi 'gyur// pra sran 'bras bu'i dbang bskur yang // de la 'bras kyi mngon snang med// ma rtogs ma bshad sgam po la// phyi nang dbang rnams gang bskur kyang // de la dbang rtags dngos grub med// slar la dregs pa skye bar nges// de bas dbang rnams thob 'dod pas// dang ma chos 'di bshad par bya'o// de la dbang bskur zhing thob 'dod pas/ rang la dbang bskur ba'i slob ma'i mtshan nyid ji lta bu la dbang bskur ba dang / dbang gi slob dpon ji lta bu la dbang nod pa dang / dbang gi yul gang gis bya ba dang / dbang gi rgyal thebs dang karma tshul ji lta bu la bya ba dang / dbang gi rdzas ci dgos pa dang / dbang gi dkyil 'khor ci ltar bri ba dang / dbang gi yon ci ltar dbul ba dang / dbang gi bsnyen bsgrub zhag grangs dur gsungs pa dang / dbang gi rtags ci sbyin pa dang / dbang bskur ba'i dus tshod gang la bskur ba dang / dbang bskur ba'i dgos pa dang bcu gcig gis bstan dgos te/ de la dbang bskur ba'i slob ma'i mtshan nyid ji lta bu la dbang bskur bar bya ba ni/ dang por slob dpon gyis btsal bar bya ste/ gsungs pa'i thig las/ rang bzhin bzang bas

  269. 135a

    nam mkha' 'dra// spyod pa bzang po sa gzhi 'dra// dam tshig 'jigs med mkha' ltar bsrungs// lba ba bcas pa med par 'chang // sgra gsung thugs kyis zad med pa// phongs med yon gyis 'dren cing // phyi nang tan tra mtha' dag la// thos shing shes pa gdeng gyur pa// 'khu ldog med pa'i rnal 'byor la// dbang mchog ci yod bskur bar bya// dbang bskur ba yi rim pa ni// yon dang sbyar te bskur na'ang rung // yang na dbang bskur rim pa ni// phyi nang tan+ta mtha' dag la// thos zhing goms pa gtsor gyur na// de la bshad pa'i dbang bskur ro// shes shing zin rung ma zin rung // gsang sngags rgyud kun nyan 'dod na// de la nyan pa'i dbang rnams bskur// rnal 'byor gsung mchog dgos pa'i don// 'dzab bzlas mngon la don dka' na// de la bsgom pa'i dbang rnams bskur// 'du 'dzis mi g.yengs dben la 'a// yi dam lha la rtag gnas na// de la'ang sgom pa'i dbang rnams bskur// las dang mchod pa gzhung bsrang zhing // ma nor shes rab don 'chang la// de la karma'i dbang rnams bskur// bsam rgyud dag pa'i blo 'chang ba// de la gong gi dbang rnams bskur// rnam par rtog pa med pa la// de la 'dzin med dbang rnams bskur// nyon mongs gcod pa'i tshul shes na// de la sgrol ging dbang rnams bskur// phung po

  270. 135b

    ye shes gsal stobs la// de la stob ging dbang bskur ro// brtse gdung bral ba'i shugs 'chang la// lu gu rgyud du dbang bskur ro// shes rab mtshan ldan mig dkyus ring // so dkar de bzhin thags dam dang // dpral ba'i dbyas mig dkar nag phyed// smra ba mi mang khong yang gsal// mthon mthing lcang lo yid tsam 'khyil// ha cang mi ring mi zung ba// ha cang mi sbom mi phra ba// lU ran sor mo rnams kyang ring // gsang thub khod dam spyod gsal bar// shes rab yum du dbang bskur ro// gzhan yang mtshan ldan dag pa dag/ de dbyibs gzugs su dbang bskur ro// shes rab rgya cher blo gsal zhing // cis kyang mi 'khrugs dpa' sems can// nges pa'i gzhung gsol dbang thob par// rdo rje karmar dbang bskur ro// che ba'i yon tan gdeng gyur cing // sngon chad rtags dang mtshan phyin par// dkyil 'khor gzung bar dbang bskur ro// dbang mi bskur ba'i rim pa ni// sngags pa dam tshig nyams pa dang // gzungs ma 'phyar sham ta ra sogs// de bi mtshan med dag bros can// rdo rje sbran grogs khong 'gras can// rdo rje bla ma gzhung nyams pa// dkyil 'khor bdag po rtogs med dang // rgyal thebs shes rab 'thibs pa dang // karma rtog pa che ba la/ dbang rnams gang yang mi bskur ro// gzhan yang dbang rnams mi bskur ba// rim

  271. 136a

    par yang dag bshad par bya'o// dang por chos la nyams yod dang // bar du slob dpon brnyas byed dang // tha mar sdug la sun 'byin pa// bskal pa brgyar yang dbang mi bskur// dad med g.yo sgra zol gyis bslu// bka' 'gal grogs po thabs kyi smod// rang shes byed 'dod thos pa chung // theg pa chen por ltung byed pas// de la dbang rnams mi bskur te// de rnams dus gsum dag tu yang // dbang gi dkyil 'khor la mi bsnyen// bskur yang slar la nyams pas non// gzhan yang dbang rnams mi bskur ba// spyod pa zab mo dbang la g.yengs// phrin las zab mo khrom du sgrogs// gsang ba'i rdzas rnams mngon par ston// 'di la dbang rnams yongs mi bskur// bskur yang nyams pa chen por 'gyur// gzhung du 'gro ba'i chos bor nas// 'og ma'i chos la blo 'jug cing // theg pa che la 'phyas 'dogs pa// de la dbang rnams yongs mi bskur// bskur yang gsang sngags bka' sun 'byin// de yi sdig kyang bdag la 'ong // de ni dbang gi slob ma yi// mtshan nyid yin pas shes par bya'o// dbang gi slob dpon ji lta bu la dbang nod par bstan pa yang gsungs pa// sngags pa rnal 'byor blo yod pa// dbang thob pa yi rtags dag ni// rgyud 'di yongs su 'chad cing ston// dbang rtags phyag rgya 'di 'dzin cing // rim pas dbang

  272. 136b

    bskur thob pa dang // rigs kyi btsun rgyud mkhas rgyud dang // rdo rje zam pa ma chad legs// de dag rnams dang ma ldan kyang // rgyud 'di 'chad pa gang byed pa// rigs dang sde chen gang yin yang // de ni dbang nod slob dpon yin// gzhan yang dbang nod slob dpon ni// shes rab yangs pas chos rnams ston// lta ba yangs pas phyogs dang bral// spyod pa ma 'gags thabs su spyod// sgom pa sran che 'gyur ba med// dam tshig gang yang ma nyams pa// de ni dbang nod slob dpon yin// gzhan yang dbang nod slob dpon ni// phyi nang tan+ta kun gsal zhing // byin che snga mar dbang thob dang // dkyil 'khor sgrub pa zhal phye zhing // las dang cho ga gzhung rdzogs la// bsngags pas dbang rnams nod par bya// gzhan yang slob dpon mtshan nyid ni// bde bar gnas shing gtsam mi byed// ci skad gsungs pa de bzhin mdzad// rdzun dang zol gyi tshig spangs pa// byin rlabs ya mtshan chen po can// de la dbang rnams nod par bya// gzhan yang slob dpon mtshan nyid ni// lung dang man ngag thugs la 'chang // rgyud dang bsgrub pa rim pas 'thob// zhang blon bu tshar gyur pa na// sngon nas thabs dang yid tshang thob// phal pa gang dag su yin yang // mtshan rdzogs kun la lung rdzogs shing // rig pa tshad ma'i gzhung yod na// rigs ni gang zhig yin/

  273. 137a

    yang rung // de la dbang rnams nod par gsungs// dbang rnams nod par mi bya ba'i// slob dpon mtshan nyid rtogs pa ni// khro gtum che la 'jigs 'dod dang // rang bzhin ngan la bcos dka' dang // mtshan nyid ngang tshul mi shis dang // phrag dog la sogs sems la 'chang // sems ni chos kyis ma dul pa// chos re thos shing kho bor skye// spro thung tshig gi go mi 'jigs// de 'dra'i slob dpon mtshan nyid la// dbang rnams nod par mi bya ste// mnos kyang dbang thob mi 'gyur te// slar la nyams pa chen por 'gyur// gzhan yang slob dpon mtshan nyid ni// shes pa sgo dogs zos pa chung // nga rgyal kha 'dor khengs pa dang // rab tu tshul ngan khengs pas bcings// sgom bsgrub dza gad dbang du btang // de 'dra dbang gi slob dpon min// de la dbang gi rgyu mnos kyang // rnal 'byor yo yis dpyas ka la// slob dpon ngan pa khad kyis spang // slob ma ngan pa drag pos spang // 'di dag spang bar nges par gsungs// 'di dag ma spangs skyon rnams ni// lta spyod mthun par ma gyur pas// gang du'ang nyams par 'gyur bar nges// dran pa bka' rtags gzhung 'dzin pa// de la phyi dbang bskur bar bya// skye med chos la blo zhugs pa// de la nang dbang bskur bar bya// byang chub sems la mngon dad cing // dam rdzas rnams la rtog pa

  274. 137b

    med// de bI mtshan ldan rtag bsten la// de la gsang ba'i dbang rnams bskur// tan+t+ra mtha' dag blo la gsal// phrin las bsgrub pa mthar phyin pa// rdo rje rgyal po chen po yi// rab 'byams bka' yi dbang bskur ro// lung dang man ngag nges pa'i don// snying dang 'dra ba kun bshad la// thos shing rtogs par gyur nas kyang // bla ma dag la mnyes byed pa// de lta bu yi slob ma la// rgyal thabs spyi blugs dbang bskur ro// 'byor pa'i longs spyod kun ldan zhing // yongs la phan 'dogs nus pa la// rig 'dzin tshe yi dbang bskur ro// rdzas dang yan lag ma nyams par// 'dzab bzlas sran tshe dpa' brtul can// don dang ldan pa drag shul spyod// dpa' brtul ldan pa'i gang zag la// bstan pa bsrung bar dbang bskur ro// dbang gi yul gang gis bya ba yang gsungs pa// khrel dang gtsug lag cher ldan zhing / tshul dgur shis pa'i yum mchog de// btsal te rnyed par 'gyur nas ni// lag pa g.yas nas bzung nas kyang // bla ma la ni 'di skad dbul// e ma ho rnal 'byor yongs kyi lha// rdo rje sgra yi gzugs 'chang ba// thabs kyis che thob rgyal po'i tshul// thams cad ma spangs nyid kyi rgyal// longs spyod chen po thams cad la// chos nyid rgyan gyis spyod mdzad de// gnyis med yum chen 'di bzhes la// thabs dang shes rab gnyis med pa'i// byang chub

  275. 138a

    sems kyi dbang rnams dang // pad+ma rak+ta'i dngos grub rnams// rnal 'byor bdag la stsal du gsol// a la la ho// zhes brjod la phyag tu dbul lo// de nas dbang nod pa bdag gi yum ci lta bu btsal dgos pa gsungs pa// lta spyod yid mthun bsam pa gcig/ brtse ba'i shugs 'chang gsal ba'i grogs// mtshan ldan mi mo yid 'ong ma// dbyibs legs ran cing mdzes pa la// rgyan rnams ci yod pas brgyan nas// lus ngag yid gsum khrus byas te// phyi nang dri ma dag byas nas// dri zhim spos kyis lus byugs te// mdzes ldan dar gyi ltab lhub kyis// yid du 'ong bar brgyan nas kyang // thogs chags med par chags byas la// gsang ba'i rje ru gzhag par bya// yang na dbang nod gzungs ma ni// so so'i dbang rnams gang nod pa// rigs dang mthun par sbyar bar bya'o// de yi yon tan mtshan nyid gang // so so'i rigs la shes par bya// dbang gi rgyal thebs dang karma'i tshul ji lta bu'i bya ba'i don la/ yang gsungs pa// thogs chags med pa'i blo ldan zhing // sde snod chos la rnam grol bas// rgyal bas gsungs pa'i lung dag las// gang dag shes rab shin tu grol// rnam par dag pa'i slob dag gis// thams cad mkhyen pa'i stobs grol bas// sngon chad slob dpon mkhas pa yis// rdo rje rgyal thabs dbang bskur nas// gzhung

  276. 138b

    dang mthun pa'i dbang thob ste// rdo rje rgyal thebs yin zhes grags// de ni dbang gi rgyal thebs su// nges par btsal ba gzhung las 'byung // gal te de dag ma rnyed na// bdag gi bla mas ci mkhyen pa// de yis mkhyen pa dag yod na// de yang dbang gi rgyal thebs bya// gzhan yang dbang gi rgyal thebs ni// bla ma de la sras yod pa// yon tan bla ma dang 'dra ba// de dag yod na rab tu legs// gzhan yang bla ma slob dpon gyis// rgyal thebs zhal chab gang stsal ba// de la dbang gi rgyal thebs bya/ tshul ni de dang mi ldan zhing // yon tan de rnams yongs med na// gzhan gyi yon tan kun tshang yang // dbang gi rgyal thebs mi bya zhes// nges par nga yis yang dag bshad// bdag dang bla ma'i gzungs ma rnams// tshul dang yon tan de rnams dang // ldan par gyur na su yang rung // rgyal rigs rje'u rigs dmangs rigs dang // rigs ngan gdol pa'i phyag rgya mo// yon tan de ldan gang yang rung // tshul dgur sbyor na dbang thob cing // dngos grub rtags kyis dam pa 'grub// gzhung gi rtags dang mtshan med na// rgyal rigs rje'u rigs gang yang rung // gzhan ma'i yon tan kun tshang yang // dbang gi gzungs mar mi bya zhes// nges par nga yis yang dag bshad// gzhan yang rang gi yum dang gzungs// mchog tu gzhan las ma brlams

  277. 139a

    shing // srin mo'i mdung shul med pa yi// bu mo gzhon nu shes par bshad// de la dbang rtags dam pa yod// sna dgu dag gi bya ba ni// kun tu bzang po ngas ma bstan// mnyam pa de bI gzhung las med// karma'i mtshan nyid tshul bstan pa// las dang bya ba gzhung bsrang shing // phrin las thogs pa yongs med pa// nges par bla ma'i lung thob pa// sngon chad dbang bskur gnas pa thob// mi 'gal legs par spyod pa'i lung // gsang ba'i dkyil 'khor dam srung ba// dbang gi karma yin zhes bya// gzhan yang dbang gi karma ni// thams cad kun la blo gros zhing // lhag par phrin las don la mkhas// de ni dbang gi karma yin// mnyen zhing des la bka' blo bde// gzhan gyi yid 'ong mthun bzhin byed// nges pa'i tshig sgra rdzun spangs shing // rtags las nges pa'i lung thob cing // bka' yi don la nges par rtogs// sngags phyag rgya dam du 'dzin// rnam par rtogs pa bral ba des// dbang gi karma bya bar bshad// yon tan de dag ma ldan na// gzhan ma yon tan kun tshang yang // dbang gi karma yongs mi bya// bden pa'i chos med snyan tshig dang // bka' med lung med bde ba med// ras chod gzu lums byed 'dod pas// dbang gi karma bya ba ni// kun tu bzang po ngas ma bshad// nyams par gyur pa'i mtshan mas ni// bskur kyang mi

  278. 139b

    phan 'chi ba'i rgyu// dbang gi rdzas ci dgos pa'i don yang gsungs pa// dbang bskur ba yi rdzas rnams ni// rdzas la grangs ni bsam yas kyang // nges pa'i rdzas ni lnga ru gsungs// khro bo dur khrod rgyan gyi rdzas// rgyal srid dbang gi longs spyod rdzas// bsgrub pa rdzas kyi gzungs ma'i rdzas// dngos grub bsgrub pa'i go rim rdzas// rdzogs sangs rgyas kyi rkyen gyi rdzas// rdzas kyi rnam pa lnga gsungs de// khro bo dur khrod rgyan rdzas ni// ral gri dgra sta gshol la sogs// mda' gzhu gri dang mtshon cha ni// de dag rdzas su yod na legs// gzhan yang che mchog phyag mtshan ni// rdo rje dril bu 'khor lo dang // pad+ma rin chen ral gri dang // rgya gram spu gri la sogs pa// rigs lnga'i khro bo'i phyag mtshan ni// dngos su rdzas su yod na legs// de dag gzugs su ma grub na// ri mo mkhan dang bris mkhan gyis// de dag gzugs brnyan bris la bskur// che mchog khro bo la sogs pa// he ru dgu po thams cad dang // dkyil 'khor lha yi phyag mtshan rnams// dngos su rdzas su yod na legs// med na de bzhin bris la bskur// glang po che yi ko rlon dang // zhing chen g.yang gzhi 'khor ba dang // khyung gi gshog pa me dpung dang // stag gi sham thabs sug sdom dang // thod pa skam rlon phreng ba dang // sbrul nag chun po la sogs pa// de dag ming gi rjes su

  279. 140a

    dgos// yang zhig rdzas su ma 'byor na// tha na gzugs brnyan bri bar bya'o// dbang bskur ba yi b+han d+ha ni// drag shul las la dga' ba la// khyab 'jug ma yi snod kyis bskur// dum bu gcig pa la sogs pa// rigs dang mthun pa'i b+han d+ha yi// ji ltar bskur 'dod rtags su dpag/ thal chen mtshan ma la sogs te// khro bos mtshan ma'i dur khrod rdzas// de dag dngos su tshogs par bsags// rgyal srid longs spyod rdzas rnams ni// rigs kyi khyad par rnams la sbyar// ci ltar mthun pa'i rdzas rnams bsags// 'khor los sgyur ba'i rgyal po yis// rdzas su rin chen sna bdun bsags// slob ma sa bdag rgyal po ni// rta dang glang po rol mo'i sgra// dbu rgyan dpung rgyan gdugs la sogs// rgyal po'i ris su gang yod pa// de dag rdzas su bsag par bya// slob ma bram ze rje dang dmangs// khrus mkhan gar mkhan rngon pa la// ci ltar tshogs pa'i rdzas bsags la// bla ma dag gi rkyen du bzhag/ sgrub pa gzungs ma'i rdzas rnams ni// gsum dang lnga dang gang bskyed pa// mtshan ni gong du bstan pa bzhin// rkyen dang ris su tshang bar bya// dngos grub bsgrub pa'i rdzas rnams ni// dam rdzas bdud rtsi rnam lnga dang // rtsa ba brgyad dang yan lag stong // lung las byung ba bzhin du bsags// gzhan yang mda' dang dar sna dang // me long

  280. 140b

    tshon skud rnam lnga dang // kha dog sna lnga'i tshon rtsi dang // rin chen lnga yi bum pa dang // gos dang rgyan dang lham la sogs// de dag ci 'byor dbang bskur ba// rang gi dngos grub gang bsgrub pa// nyams dang sbyar te dngos su bsags// rdzogs sangs rgyas gyi rkyen rdzas ni// rim pas brgyud pa'i slob dpon dang // man ngag phyag len la sogs pa// gang yod pa yi rdzas rnams dang // bla med 'bras bu chags gcod pa// bka' gsang nges pa'i rim pa rnams// bdag la gang gnas yod pa dang // the tshom gang la che ba yis// man ngag yi ge gang yod pa// bla med zag bcad nges bsgrubs pas// de yang bsags pas des dbang nod// rdzas rnams 'di dag gang yod pa// rim pas gzhung bzhin bsags par 'byung // so sor 'chol ba'i rdzas rnams dang // ma nges rnyed tsam rdzas rnams ni// kun tu bzang po ngas ma bshad// dbang gi dkyil 'khor ji ltar bri ba'i don gsungs pa// dkyil 'khor thams cad brtsig pa'i lugs// dang po sa gzhi sbyar byas nas// de dag rtog pa'i gegs bsal te// maN+Dal chag chag kun byas nas// sa la tshig 'di brjod par bya'o// hUM ma chags skye ba med pa yi// chags med yum gyi gzhal yas na// thabs kyi 'phro 'du ye nas rol// thabs dang shes rab 'brel ba yi// gnyis med sbyor ba'i mkha' dbyings

  281. 141a

    nas// byang chub sems su dbang bskur phyir// dbang gi dkyil 'khor brtsig par bya'o// lan gsum dag tu brjod par bya// de nas dkyil 'khor brtsigs nas kyang // dam rdzas dag gis chag chag gdab// hUM 'byung ba yum du dbyer med pa'i// thabs kyi phyag rgya sku mchog la// srid gsum yongs la dbang bsgyur phyir// gnyis med sbyor ba'i rang bzhin la// bdud rtsi dam rdzas chag chag gdab// thams cad 'chi med ye shes dbang // yongs la dbang bskur 'di dag byug/ oM badz+ra a mr-i ta maN+Dal hUM// de nas gzungs ma mtshan ldan la// thig skud gtsang ma 'khal du gzhug/ de nas dgongs pa'i gzhung bsrangs la// dkyil 'khor thig ni gdab par bya// dkyil 'khor 'dom gang gru bzhi la// phyogs bzhi mtshams brgyad ma 'grus par// ran par cha bsgoms thig gdab po// de nas dkyil 'khor bri bar bya/ dbus su zla gam gcig pa bri// phyogs bzhi mtshams brgyad de mthun par// dbang gi zla gam gru bzhi la// tshon gyis kun kyang dmar por bsgyur// de la ling tshe dgu ru bya// zla gam bar la ser po btang // gru chad la ni ljang gu btang // kun gyi phyi rol nag pos bskor// re khA dbyibs kun dkar por drangs// de nas bum bu lnga dang dgu/ gang 'byor sman gyis bkang la bzhag/ dkyil 'khor bla rgyan 'og

  282. 141b

    na dang // slob ma'i rdzas rnams gang yod pa/ de yi rdzas su dgod par bya// dkyil 'khor de yi mtha' ma la// rdo rje'i rwa ba me yis bskor// de yi phyi rim nag po la/ dbang phyug ma yi 'khor rnams bzhag/ mda' dang ral gri me long dang // dar sna'i lhab lhub me tog dang // 'phan dang bla rgyan 'og rgyan dang // gdugs dang rgyal mtshan dar dpyangs dang // me tog chun po la sogs pa// rgyan rnams ci tsam yod pa dgram// khro bo'i dkyil 'khor rgyan gyi rdzas// dbang po lnga dang b+han+d+ha dgu/ thod tshal zhing rdzas kun rdzogs pa'i// gzhung dang mthun par rdzogs par dgram// de yang yongs su shes pa na// dbang gi dkyil 'khor bri bar bya// bka' gzhung don gyi don med pa'i// dkyil 'khor bri bar ma gsungs so// dbang gi yon ji lta bu dbul ba yang gsungs pa// dbang bskur gnang ba thob 'dod pa'i// skyes bu gang zag rnal 'byor pas// dpa la dbang gi yon dbul te// 'dzam gling rin chen gang ba dang // rta dang glang po dud 'gro'i tshogs// rgyal srid dang ni rang lus dbul// rab tu gces dang yid 'thad dbul// bu dang chung ma spun dang grogs// 'khor dang longs spyod ji yod pa// dbang rnams thob phyir yon du dbul// de dag gang dang ma ldan na// lus kyi phung po 'bangs su dbul// sems kyi dran pa brtse byas la// me

  283. 142a

    tog kha dog sna tshogs pa// rtswa dang shing las skyes pa ni// gang rnyed pa la dmigs bcas la// bla ma la ni yon du dbul// yon mchog 'di la dbang mchog yod// yon 'bul phangs na dbang yang phangs// gshe brnyas byas na bka' dang 'gal// thug thub byas na gzhung las nyams// yon mchog 'bul bar mi bra na// dbang yang bskur bar mi bya'o zhes// ston pa nyid kyi zhal nas gsungs// de nas dbang gi yon tan ni// shin tu brjod pa las 'das te// man ngag nyid du 'di bsngags so// dbang gi bsnyen bsgrub zhag grangs dur bya bar yang gsungs pa// dbang nod bsnyen bsgrub zhag grangs ni// rab kyis lo gsum bar tu bsgrub// 'bring gis zla ba gsum tsam bya// tha mas zhag gsum bar du ni// dbang gi bsnyen bsgrub dam bcad la// de nas dbang rnams nod par bya// so so'i rim pa gang yin pa// zhag grangs de dag ma tshang bar// ras chod dag tu mi bya zhes// yang nas yang du nan gyis gsungs// de dag bsnyen bsgrub rim pa yin// dbang gi rtags slob ma la ci sbyin gsungs pa// gang dag yid dang 'thad pa yi// snying gi bu dang 'dra ba la// thog mar bdag la slob dpon gyis// dbang rtags phyag rgya gang gnang ba// de nyid slob ma de la sbyin// gzhan yang slob ma dbang nod pa// de yi grangs ni bstan pa ste// dngos

  284. 142b

    grub rtags kyi gzhung thob kyang // lan bdun dbang bskur rtags tshad ni// de nas de la dbang med de// phyin chad bskur bar mi bya'o// de la dbang rtags sbyin pa ni// phrin las lag tu len pa la// rdo rje dril bu'i dbang rtags sbyin// bsgrub pa'i don la lhur len pa// rdzas mchog bzang po'i dbang rtags sbyin// 'chad par 'dod pa'i slob ma la// rgyud kyi gsung rab glegs bam dang // rin po che yi phyag shing dag/ dbang rtags su ni sbyin par bya// gzhan yang dbang gi slob ma yis// yon la chags pa med phul na// rang la dbang rtags ci yod pas// slob ma de la sbyin par bya// gos dang rgyal mtshan lhab lhub rdzas// zang zing rdzas rnams ci yod pa// dbang bskur rtags su sbyin par bya// slob mas yon gyi mchog dbul na// dbang rtags med du mi rung zhes// bcom ldan 'das kyis yang gsungs pa// dbang bskur ba'i dus tshod gang la bskur gsungs pa// dbyar dgun ston dpyid ra ba yi// tshes brgyad gnam stong nya la bskur// de yang ston zla ra ba bzang // dus tshod 'di dag ma yin par// gzhan du bskur bar mi bya'o// bskur yang thob par mi 'gyur ro// dbang bskur dgos pa'i don gsungs pa// dbang bskur ba yi dgos pa ni// phyi nang las rgyud thams cad kyang // dbang bskur nas ni bya dgos la// dbang bskur ba

  285. 143a

    yi dgos pa ni// sangs rgyas kun la dbang bskur zhing // srid pa gsum la mthu dbang che// mkha' 'gro dbang phyug bran du 'khol// 'jig rten dgos pa thams cad 'grub// gzhan yang dbang bskur dgos pa ni// rgyud kyi rgyal po 'di yin no// rgyud kyi rgyal po de bzhin gshegs pa thams cad kyi spyi dbang skur ba'i rgyud las/ dbang gi bye brag gi le'u ste gnyis pa'o// // de nas rdo rje sems dpa' la sogs pa rigs lnga'i sangs rgyas rnams kyis gsol pa/ kye kye/ shin tu ngo mtshar dang ldan pa/ shin tu byin rlabs chen po dang ldan pa'i bcom ldan 'das kyis dbang bskur ba'i rim pa dang // dbang bskur ba'i phrin las bdag cag la stsal du gsol/ a la la ho// de skad ces gsol pa dang / bcom ldan 'das dpal kun tu bzang pos bka' stsal pa/ khyed la sogs pa'i dbang gi rim pa 'di yid la zung zhig/ dbang bskur ba'i rim pa nyi shu rtsa gcig ste// rdo rje rgyal po'i dbang dang / chos kyi rgyal srid kyi dbang dang / rdo rje slob dpon gyi dbang dang / 'bar ba chen po'i dbang dang / 'khor los sgyur ba'i rgyal po'i dbang dang / rgyal thabs spyi blugs kyi dbang dang / rdo rje rgyal thebs kyi dbang dang / karma'i dbang dang / ging gi dbang dang / nyan pa'i dbang dang / bsgrub pa'i dbang dang / phrin las mthar phyin pa'i dbang

  286. 143b

    dang / thabs dang shes rab kyi dbang dang / 'jig rten tshe'i dbang dang / dngos grub rnam gsum gyi dbang dang / mthu stobs phun sum tshogs pa'i dbang dang / 'chad pa'i dbang dang / de bI gsang 'di dmas pa yum gyi dbang dang / rgyan chas rtags kyi dbang dang / dur khrod chas kyi dbang dang / longs spyod rdzas kyi dbang dang / phyi nang gsang ba gsum gyi dbang ste nyi shu rtsa gcig go/ de bzhin gshegs pa thams cad kyi spyi dbang bskur ba'i rgyud las/ dbang gi rim pa'i le'u ste gsum pa'o// // de nas ston pa kun tu bzang pos dbang bskur bar bya ba'i phrin las thabs kyi rgyal po 'di gsungs so// de la dang po rdo rje rgyal por dbang bskur ba ni/ hUM mkha' mnyam dbyings kyi dkyil 'khor nas// phyogs bcu'i bde gshegs thams cad kyis// thugs kyi byin rlabs rmad po che// thams cad 'dul ba'i dbang gi mchog/ byin rlabs thabs kyis brtser dgongs te// thabs kyi cho 'phrul bsam yas pa// 'jig rten gsum na med pa yi// sku gsung yon tan bsam mi khyab// thams cad kun la rgyal ba dang // srid pa gsum la dbang bsgyur zhing // rdo rje thabs kyi rdzu 'phrul gyis// khams gsum re skong rgyal por shog/ oM sarba ta thA ga ta kA ya IM/ wA ka AHtsit+ta hUM/ badz+ra rA dza ma hA/ g+hu h+ye shwa ra At+ma ko&haM/ badz+ra AM/ zhes brjod la/ dkyil

  287. 144a

    'khor gyi steng du drangs la/ dam rdzas ci yod pas dbang bskur la/ rdo rje slob dpon dang phyogs bcu'i rnal 'byor pa yongs kyis kyang rdo rje rgyal po'i dbang che ge mos thob par gyur cig ces brjod la/ bdag nyid kyis kyang rdo rje rgyal po'i dbang bdag che ge mos thob par gyur cig ces brjod la/ phyogs bcur grags pa bskyed la dbang rdzas blang ngo // de nas chos kyi rgyal srid kyi dbang bskur ba ni// hUM rang bzhin dbyer med dkyil 'khor nas// 'khor ba mya ngan 'das pa yi// chos kyi rgyal srid dam pa ni// mya ngan 'das pa'i yon tan rnams// rdo rje'i dkyil 'khor ngas sprul pas// rdo rje slob ma che ge khyod// chos kyi rgyal srid ma lus pa// rigs kyi bu mchog thob par shog/ oM sarba ta thA ga ta d+harmA rA dza tsakra g+hu h+ye shwa ra At+ma ko&haM/ zhes brjod la gong ma bzhin no// de nas yang rdo rje slob dpon du dbang bskur ba 'di skad do// hUM bde gshegs thugs kyi sras po dam pa'i mchog/ sngon gyi thugs dam bka' dang mi 'gal zhing // dgongs pa yid bzhin nam mkha'i mtha' dang mnyam// phrin las skyabs mdzad ma rig 'dren mdzad cing // chos nyid don ston kha lo sgyur byed pa// phrin las thabs kyi rdo rje slob dpon mchog/ ma lus 'gro ba yongs kyi re skong ba// ston pa'i sgron ma ma lus kha lo 'dren// shes bya'i mtha' rdzogs

  288. 144b

    yon tan lhun gyis grub// sdug bsngal bskyab mdzad ma rig 'dren mdzad cing // chos nyid don ston kha lo sgyur byed pa// sangs rgyas gdung 'tsho ba rdo rje slob dpon mchog/ gang yin mngon du gyur pa grub pa'i dbang // dbang mchog ma lus khyod kyis 'thob par shog/ au ta thA ga ta ma hA g+hu ru g+hu h+ye shwa ra badz+ra swa b+ha wa At+ma ko&haM/ de yang gong ma ltar bsgrags so// de nas 'bar ba chen po'i dbang bskur ba ni// hUM thugs rje thabs mkhas rang byung he ru ka/ khams gsum dbang bsgyur rang byung bcom ldan 'das// gdug pa bsregs mdzad 'bar ba chen po ni// che ba'i che mchog dbang mchog che ba'i sku// rtogs pa thugs rje 'bar ba'i dkyil 'khor la// ye shes me 'bar rtogs pa'i 'od 'bar te// khro tshogs 'bar ba'i dbang mchog rab 'bar ba'i// ye shes me dpung 'bar ba chen po'i dbus// gdug pa zil gnon ma rig bsreg mdzad cing // sdug bsngal rgya mtsho skem pa'i mes bsregs shing // ma rig sems can thugs rje thabs 'bar ba// kun la med pa'i 'bar ba chen po'i dbang // rigs kyi bu mchog dbang mchog 'thob par shog/ A~M sarba ta thA ga ta dza la ma he shwa ra At+ma ko&haM/ de nas rim pa gong ma bzhin bya'o// de nas 'khor los sgyur ba'i rgyal po'i dbang bskur ba 'di skad do// hUM rgyal srid longs spyod dpal

  289. 145a

    dang ldan// 'khor lo rin chen glang chen rin chen bdun// 'dzam bu gling bzhi yongs bskor ba// lha yi rgyal po man chad nas// rgyud drug sems can thams cad la// yongs su skyong ba'i rgyal po ste/ thams cad ma lus 'dren byed pa// sems can kun gyi don byed cing // ma lus yongs la dbang bsgyur ba'i// rgyal thebs go 'phang 'thob par shog/ oM sarba ta thA ga ta pa ri ku ru ma ha shwa ra g+hA h+ye sa ma yA rat+na tsakra swa b+hA wa At+ma ko&haM/ de yang rim pa bzhin no// de nas rgyal thabs spyi blug gi dbang bskur ba 'di skad do// hUM thams cad lhun sdug kun tu bzang po'i rdzas// rang bzhin spros med kun tu bzang mo'i nga // gnyis med thabs kyi rgyal pos yongs la khyab// thabs kyi rgyal pos yongs la dbang bskur te// kun tu bzang po rang byung bcom ldan 'das// chos kyi dbyings la gcig tu bzhugs pa yi// rang rig byang chub sems kyi lha yin te// don dang sems kyi lha la phyag 'tshal lo// kun tu bzang po dri ma med pa yis// yongs la dbang bsgyur sems kyi rgyal por shar// rang sems rnam dag rtogs pa'i ye shes shar// byang chub snying po bde ba chen po'i ngang // thams cad ma lus lhun grub chos kyi sku// chos rnams thams cad rang gi sems su 'dus// sems kyi rang bzhin ci yang ma yin pa'i// thig le spros pa med pa'i

  290. 145b

    rang bzhin la// mnyam pa'i rgyal pos kun la dbang bsgyur te// chos nyid theg pa'i rgyal po rdzogs pa che// ma 'dres cir yang ston pa'i theg pa'i mchog/ 'di dag ma lus myur du rdzogs pa'i phyir// rgyal thabs spyi blugs dbang mchog 'di bskur bas// yongs kyi dbang phyug thabs kyi rgyal por shog/ oM sarba ta thA ga ta ma hA g+hA h+ye rA dza sta sha ne shwa ra swa b+hA wa At+ma ko&haM// de rnams kyang gong ma bzhin no// de nas rdo rje rgyal thebs kyi dbang bskur ba 'di skad do// hUM bla med rgyal ba rnams kyi gsang chen gang // nges par brtags pa'i go 'phang gang yin pa// bde gshegs gdung 'dzin dgongs pa yab dang mnyam// thabs kyi phrin las lhun rdzogs nyer bsdogs nas// sdang ba'i phyogs 'dul ma rig 'dren mdzad pa// thabs kyi rdzu 'phrul gdug pa shin tu 'dul// snod ldan rnal 'byor 'dul ba'i mched 'dren pa'i// rdo rje rgyal thebs dbang rnams thob par shog/ oM sarba ta thA ga ta ma hA g+ha h+ye badz+ra ba li ka g+ha ra ya swa b+hA wa At+ma ko&haM/ de nas karma ging gi dbang bskur ba 'di skad do// hUM 'gro kun bla med thar pa'i lam ston cing // ngan song gnas spangs thar pa'i phrin las mdzad// thams cad 'dul bas las kyi karmar bskos// phrin las ma lus rdzogs par bya ba dang // mchod pa dus drug gnas su stob pa dang // las dang

  291. 146a

    bya ba ma lus gzhung bsrang ba'i// karma ging gi dbang mchog 'thob par shog/ oM sarba ta thA ga ta ma hA g+hu h+ye ra swa b+hA wa At+ma ko&haM/ de nas ging gi dbang bskur ba ni 'di skad do// hUM thabs dang sa rab ldan pa yi// gsal ba thabs kyi 'phro 'du las// yang dag snying po rab bstan pa'i// bde ba'i phrin las 'phro 'du yis// 'dzin ging stob ging la sogs pa'i// gdung ba'i thugs rje chen po yis// sems can gnas nas bton pa yis// 'dren pa'i dam pa bla na med// thabs kyi gar thabs bskyod nas kyang // ging gi dbang rnams 'thob par shog/ oM sarba ta thA ga ta ma hA g+hu h+ye ka ta ri swa b+hA wa At+ma ko&haM/ de nas nyan pa'i dbang bskur ba 'di skad do// hUM shes rab rnam gsum dag pa yis// shes pa'i rgyud rnams grol ba'i phyir// bde gshegs bka' yi byin rlabs las// dam pa'i rjes su gang bsgrub papa// gsang chen thugs kyi man ngag dang // theg pa phyi nang mtha' dag kun// rna ba'i dbang pos nyan pa dang // shes rab blo yis 'dzin pa yi// nyan pa'i dbang rnams 'thob par shog/ A~M sarba ta thA ga ta ma ha g+ha h+ye d+harmA kha ne swa b+ha wa At+ma ko&haM// de nas bsgrub pa'i dbang bskur ba 'di skad do// hUM rnal 'byor bde chen sku gsung thugs// sdug bsngal gnas nyid byang chub re bsgrubs pa'i// rdzas nyid ye shes lnga ru lhun

  292. 146b

    grub phyag rgya'i tshogs// rnam shes phung po lha rnams dkyil 'khor rdzogs// skye mched khams rnams sangs rgyas mang po'i lha// bde gshegs thabs kyi 'bras bu gang yin pa// rnal 'byor tshul ldan khyod kyis 'grub par shog/ oM sarba ta thA ga ta sarba yo ga ma hA swa b+hA wa At+ma ko&haM/ de nas phrin las mthar phyin pa'i dbang bskur ba 'di skad do// hUM shes rab thabs kyi rol pa'i phrin las kyis// khams gsum srid gsum mtha' yas pa// thar pa'i phrin las mdzad pa'i phyir// zhi rgyas dbang dang dngos grub dang // ta na ga Na'i sbyor sgrol rnams// rnal 'byor dag pa'i phrin las te// las rnams mngon par rdzogs pa yi// sangs rgyas bde ba'i rol pa yi// las kyi dbang mchog gang yin pa// phrin las mthar phyin dbang mchog 'di// gnas 'dir khyod kyis 'thob par shog/ oM sarba ta thA ga ta ma hA g+hu h+ye badz+ra ba li ka ma hA sa b+ha wa At+ma ko&haM/ de nas thabs dang shes rab kyi dbang bskur ba ni// shes rab mtshan ldan ma'i lag pa g.yas pa nas bzung la 'di skad do// hUM skye med chos dbyings rig pa 'byung ba'i yum// mtshan ldan mi mo mchog gi rim pa'i rgyan// thabs dang shes rab dbyer med rol pa las// lhag pa'i byang chub sems las dkyil 'khor smros// 'phags mchog kun mnyes 'bras bu bde sgrub pa// gnyis med bde spyod chos

  293. 147a

    nyid dag pa'i rgyan// dgyes pa'i ro mchog chos nyid dbang mchog 'di// rnal 'byor slob bu khyod kyis 'thob par shog/ oM sarba ta thA ga ta ma hA g+hA h+ye pradz+nyA swa b+hA wa At+ma ko&haM/ de nas 'jig rten tsheche'i dbang bskur ba 'di skad do// hUM zla gam dmar po rdo rje dbang gi tshe// gzhan gyis mi 'phrog khams gsum kun las rgyal// lha mo dmar mo rdo rje 'chi med tshe// legs pa'i yon tan 'dod pa'i longs spyod rdzas// mi 'gyur 'chi med tshe lo stong phrag dang // rang nyid gang 'dod phung po rdo rje'i tshe// A yuHdmar po yongs su 'gyur med pa// mi 'phrog nges pa'i tshe mchog gang yin pa// yun ring gong nas bsnyen bsgrub bsgrubs pa yis// rdo rje tshe yi dbang mchog gang yin pa// rigs kyi bu mchog 'di dag 'thob par shog/ oM sarba ta thA ga ta ma hA g+hu h+ye A yudz+nyA na b+hir+N+Na yu tshe shwa ra swa b+hA wa At+ma ko&haM/ de nas dngos grub rnam pa gsum gyi dbang bskur ba 'di skad do// hUM sku gsung thugs kyi dngos grub rin chen dbyig/ 'jig rten 'das dang 'jig rten 'di dag na// tshe dang longs spyod dpal dang gzi byin dang // 'byor pa kun rdzogs bsam kun rdzogs pa yi// rdzu 'phrul mthu stobs che ba sna tshogs pa'i// 'jig rten 'di yi dngos grub thams cad dang // 'jig rten 'das pa'i dngos grub gang yin pa// byang chub sa mchog stug pos brgyan pa

  294. 147b

    yis// sangs rgyas sa gsum 'phags pa'i yon tan tshogs// sku dang ye shes bzhi dang pho brang dang // 'phags pa'i yon tan bsam gyis mi khyab pa// de yi legs pa'i 'bras bu thams cad dang // 'jig rten mtshan ma rdzas kyi dngos grub pa// gnyis med longs spyod bdud rtsi sman la sogs// de dag dngos grub dbang mchog gang yin pa// rigs kyi bu mchog de ring 'thob par shog/ oM sarba ta thA ga ta ma hA g+hu h+ye sid+d+hi pha la b+h+rUM swa b+hA wa At+ma ko&haM/ de nas mthu stobs phun sum tshogs pa'i dbang bskur ba 'di skad do// hUM khams gsum kun na bla na med pa yi// che btsan gar gyis 'gran gyi do med pa// che ba'i che ba dbang phyug che ba'i lha// zhe sdang thugs rje'i me 'bar khro mchog hUM sgra can// sdang ba'i phyogs 'dul bdud srin 'dul ba'i lha// dbang phyug chen po dpal gyi king ka ra// dregs pa dbang sdud dbang phyug dam la 'dogs// khams gsum tshogs 'joms dregs pa 'joms pa'i mthu// khengs pa kun 'dul khams gsum sgrol ba'i mthu// yongs la dbang bskur gang gis mi thub mthu// bdud bgegs tshar gcod par chad sgrol ba'i mthu// mthu stobs phun sum tshogs pa'i dbang mchog rnams// rdo rje'i slob ma khyod kyis 'thob par shog/ oM sarba ta thA ga ta ma hA g+hu h+ye ha na d+ha ha pa tsa swa b+hA wa At+ma ko&haM/ de nas 'chad pa'i dbang

  295. 148a

    bskur ba 'di skad do// hUM sku gsung thugs kyi 'dul ba rnam gsum las// gsung rab rgya mtsho dam chos bdud rtsi'i mdzod// chos kyi char 'bebs 'gro ba'i rgyud 'grol ba// theg pa'i bye brag ma 'dres don ston pa// snod ldan slob ma'i shes pa'i rgyud bkrol nas// chos nyid don rtogs bden pa'i lam 'dzud pa// sangs rgyas rnams kyi bka' gsang dam pa yi// dam chos mtha' dag ma lus 'chad pa'i dbang // chos rnams 'chad pa'i dbang rnams 'thob par shog/ oM sarba ta thA ga ta ma hA b+hu h+ye d+harmA d+hA tu ti swa b+ha wa At+ma ko&haM/ de nas rgyan chas rtags kyi dbang bskur ba 'di skad do// hUM chos nyid cir yang snang ba'i longs spyod rgyan// rigs lnga rin chen dbu rgyan 'di bcings pas// ye shes lnga dang rigs lnga dbyer med pa'i// rigs lnga'i dbu rgyan dbang mchog 'thob par shog/ oM sarba ta thA ga ta ma hA g+hu h+ye b+hud+d+ha sa twa/ badz+ra sa twa/ rat+na sa twa/ pad+ma sa twa/ karma sa ta/ swa b+hA wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan rin chen snyan cha 'di// gnas pa ma 'gags rin chen snyan cha'i mchog/ sil snyan snyan pa'i dbang mchog 'thob par shog/ oM sarba ta thA ga ta ma hA g+hu h+ye rat+na bi ma ling swa b+ha wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan rin chen

  296. 148b

    mgur chu 'di// yon tan mthar phyin mkhyen pa'i skur rdzogs rtags// mgur chu rin chen dbang mchog 'thob par shog/ oM sarba ta thA ga ta ma hA g+hu h+ye rat+na ku na swa wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan phreng ba 'di// che ba'i yon tan rgyan rtags rin chen phreng // do shal phreng ba'i dbang mchog 'thob par shog/ oM sarba ta thA ga ta ma hA g+hu h+ye na ma ku ta swa b+hA wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan rin chen dpung rgyan 'di// mi 'jigs bzhi la mnga' brnyes dpung rgyan rtags// gser gyi dpung rgyan dbang mchog 'thob par shog/ oM sarba ta thA ga ta ma hA g+hu h+ye rat+na byi shra swa b+hA wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan rin chen phyag gdub 'di// tshul khrims rnam par dag pa'i rtags su bstan// phyag gdub bsil snyan dbang mchog 'thob par shog/ oM sarba ta thA ga ta ma hA g+hu h+ye rat+na badz+ra swa b+ha wa At+ma ko&haM// hUM chos nyid cir yang snang ba'i longs spyod rgyan// nang rtags phyir bstan phyag gdub dam pa 'di// stobs bcu rnam par dag pa'i rtags su bstan// phyag gdub bsil snyan dbang mchog 'thob par shog/ oM sarba ta thA ga ta ma hA g+hu h+ye rat+na b+hi du swa b+ha wa At+ma ko&haM// hUM chos nyid cir yang snang

  297. 149a

    ba'i longs spyod rgyan// nang rtags phyir bstan dar gyi sham thabs 'di// mkhyen pa'i bye brag ma 'dres gsal ba'i rtags// bas+t+ra sham thabs dbang mchog 'thob par shog/ oM sarba ta thA ga ta ma ha g+hu h+ye sa mung+ga te swa b+hA wa At+ma ko&haM// hUM chos nyid cir yang snang ba'i longs spyod rgyan// nang rtags phyir bstan nyi zla pad+ma'i gdan// thabs dang shes rab ma chags pad+ma'i gdan// gdan gyi dbang mchog dam pa 'thob par shog/ A~M sarba ta thA ga ta ma hA g+hu h+ye sUr+ya tsan+da pad+ma d+ha ra swa b+ha wa At+ma ko&haM/ hUM chos nyid cir yang snang ba'i longs spyod rgyan// nang rtags phyir bstan rin chen khri rkang 'di/ 'gro ba'i re skong yon tan bzhi yi rtags// rin chen khri rkang dbang mchog 'thob par shog/ oM sarba ta thA ga ta ma hA g+hu h+ye rat+na ra tri traM swa b+hA wa At+ma ko&haM// hUM chos nyid cir yang snang ba'i longs spyod rgyan// nang rtags phyir bstan glang chen seng la sogs// mi 'jigs stobs dang rdzu 'phrul dbang dang las// thogs pa med pa'i dbang mchog 'thob par shog/ oM sarba ta thA ga ta ma hA g+hA h+ye dz+nyA na d+ha ra swa b+ha wa At+ma ko&haM// hUM chos nyid cir yang snang ba'i longs spyod rgyan// nang rtags phyir bstan dar dpyangs kha dog gsum// chos kyi rgyal srid klu 'dul phrin las bzhi// dar dpyangs dbang mchog dam pa 'thob par shog/ oM sarba ta thA ga ta ma hA g+hu

  298. 149b

    h+ye d+harmA rA dza swa b+hA wa At+ma ko&haM// hUM rdo rje 'khor lo pad+ma rin chen dang // ral gri chos kyi sgra sgrogs dril bu dang // chos kyi 'khor lo ye shes lnga dang ldan// dgos 'dod re skong phyag rgya'i phrin las rdzogs// phyag rgya'i dbang mchog 'thob par shog/ oM sarba ta thA ga ta ma hA g+hu h+ye tsakra badz+ra rat+na karma badz+ri ra na badz+ra swa b+ha wa At+ma ko&haM/ de nas dur khrod chas brgyad kyis dbang bskur ba 'di skad do// ngo la zhag gi tshom bu byas la// hUM he ru ka yi gnas bcu dang // dur khrod chen po'i gnas brgyad nas// zhing chen gsar rnying ti rar bcas// dmar gyi ar+g+haM rgya mtshor bskyil// zhag gi tshom bus mtshan pa yis// 'di yang sngon gyi dam tshig la// 'di yang rtags kyi phyag rgya ste// chos nyid zhag gi tshom bus dbang bskur bas// chos nyid dbyings las rgyal ba dang // gdug pa thabs kyis 'dul ba dang // che ba'i yon tan rgyas pa dang // chos nyid zhag gi dbang 'thob shog/ A~M nga ta b+ha ga ta a la la ho// de nas khrag gi thig le byas la 'di skad do// hUM he ru ka yi gnas bcu dang // dur khrod chen po'i gnas brgyad nas// dpal chen khrag 'thung spyan drangs te// zhing chen gsar rnying ti rar bcas// dmar gyi ar+g+ha rgya mtshor bskyil// khrag gi thig les mtshan pa 'di// 'di yang sngon gyi dam tshig la// 'di yang rtags kyi phyag rgya ste// 'dod chags gnas su dag pa

  299. 150a

    yi// khrag gi thig les dbang bskur bas// gtum khro drag po 'joms pa dang // nga rgyal drag po 'joms mdzad pa'i// dbang mchog dam pa 'thob par shog/ oM ma hA rak+ta na ti la ka hUM/ de nas thal chen gyis mtshan ma byas la 'di skad do// hUM he ru ka yi gnas bcu dang // dur khrod chen po'i gnas brgyad dang // dpal chen khrag 'thung 'khor dang bcas// zhing chen gsar rnying ti rar bcas// dmar gyi ar+g+ha rgya mtshor bskyil// thal ba'i mtshan mas brgyan pa 'di// gdug pa ma lus rab 'dul ba// che ba'i bdag po kun gyi bdag/ thams cad kun tu dpa' ba'i bdag/ gdug pa zil gnon thal ba'i mtshan// dbang mchog 'di yi dbang bskur bas// khams gsum gdug pa thal bar rlog/ de 'dra'i dbang mchog 'thob par shog/ oM ba ta ba ya hUM/ de nas thod pa skam rlon gyi phreng ba thogs la dbang bskur ba 'di skad do// hUM dur khrod khong seng dbang po lnga dang ldan// sku gsum tshul 'chang skam rlon ra ris tshul// 'khor ba gnas su sdud pa'i thabs kyi phreng ba'i rgyan// khams gsum thogs med phreng bas dbang bskur bas// sku gsung thugs kyi dbang mchog 'thob par shog/ oM pad+ma b+han+d+ha ka pA la ha sta hUM/ de nas sbrul gyi chun pos dbang bskur ba 'di skad do// hUM thod sbrul mnyen lcug 'jigs byed rgyan du

  300. 150b

    che// sbrul nag stong gis brgyan pa'i rngom brjid can// sku la mchod phyir sku yi gnas lngar 'khril// dug lnga ma spangs dbang gi thabs su ston// mnyen lcug 'khril ldem zhe sdang drag pos 'joms// rdzu 'phrul shugs kyis klu rgyal dbang du sdud// gti mug rnam 'dul dbang phyug yin pa'i phyir// sbrul nag stong gi chun pos dbang bskur bas// zhe sdang drag po 'bar ba'i gnas dag nas// thabs mkhas rgyal po mnyes pa'i dbang 'thob shog/ oM badz+ra nA ga rA tsa ha ha ru lu hUM phaT// rdo rje'i gshog pas dbang bskur ba 'di skad do// hUM khams gsum yongs la khyab pa'i gshog pa 'di// kun la khyab pas thugs rje 'byung ba'i yum// ma ltar byams pas yongs la skyob pa'i tshul// thugs rje thabs mkhas rgya che rol pa yi// phyogs bcur khyab pa'i gshog pas dbang bskur bas// phyogs bcur khyab pa'i chos la dbang bsgyur ba'i// rdo rje'i dbang mchog dam pa 'thob par shog/ oM dza li ni badz+ra sum b+ha ni hUM/ de nas zhing gi g.yang gzhis dbang bskur ba 'di skad do// hUM khams gsum rtags su gsol ba'i dur khrod bdag/ g.yang gzhi tshe'u sdug skud pa sku la bcings// 'khor ba ma spangs gnas su dag pa yi// dur khrod tshogs kyi bdag po yin pa'i phyir// zhing chen g.yang gzhis khyod la dbang bskur bas// zhing chen rlon pa thabs la

  301. 151a

    mkhas pa yis// 'khor ba'i gnas nas ma lus thar bar shog/ oM baM sni ga ta khang hUM/ de nas stag lpags kyi sham thabs kyis dbang bskur ba 'di skad do// hUM zhe sdang drag po stag gi sham thabs can// stag lpags sham thabs dpa' bar bstan pa yis// sug sdom 'doms su bsnol bas phyi nang gsang ba gcig/ phrag dog gnas 'joms stag lpags dbang bskur bas// zhe sdang gnas 'joms phrag dog kun rgyal ba'i// dbang mchog dam pa gnas 'dir 'thob par shog/ oM badz+ra bya g+h+r-i su ga hUM/ de nas glang po che'i ko rlon gyis dbang bskur ba 'di skad do// hUM glang chen ko rlon brjid du che ba ni// gti mug ma spangs gnas su dag pa'i rgyan// na bza' rgyan gyis sku la mnga' gsol zhing // thabs kyi ko rlon rgyan gyi dam pa yis// gang la dmigs pa'i dbang mchog 'di bskur bas// stobs kyis rgyal ba'i dbang mchog 'thob par shog/ oM ma hA ra ta pa sha hUM// de nas bskal pa'i me ris dbang bskur ba 'di skad do// hUM 'bar ba 'phro ba'i ye shes thugs dang ldan// gdug pa'i tshogs 'joms nyon mongs dug sel ba// bskal pa'i me dpung 'bar ba'i stongs la gnas// ye shes gsal bas phyogs bcu'i mun pa sel// bskal pa'i me ri 'bar bas dbang bskur bas// bar chod bgegs kyi rtog pas mi tshugs

  302. 151b

    shing // mtshan ma 'dzin rtog med pa'i dbang 'thob shog/ oM dza la badz+ra raM hUM// de nas kha T+wAM la sogs pa khro bo'i phyag mtshan sna tshogs pas dbang bskur ba 'di skad do// hUM bdud dpung 'joms pa'i rtags kyi phyag rgya ste// gdug pa 'dul phyir phyag mtshan sna tshogs bsnams// rdo rje kha T+wAM rnge'u chung be con dang // ral gri dgra sta khra dang gshol la sogs// gdug pa'i phyag mtshan mtshon cha sna tshogs kyis// dpa' bo bdud las kun tu rgyal ba dang // tsham rngams stabs kyis dregs pa 'dul ba yi// nyon mongs tshar gcod sdang ba 'dul ba dang // khams gsum dregs pa kun las rgyal ba yi// dbang mchog dam pa de yang 'thob par shog/ oM badz+ra tsakra shig ri dum bu s+pho ta ya tshal pa hUM// de nas longs spyod rdzas kyis dbang bskur ba 'di skad do// hUM dam rdzas dag pa lnga dang zhal zas lnga// sku lnga 'khor lnga gsung lnga dbyer med pa'i// 'dod pa'i yon tan bza' dang bca' ba dang // btung la sogs pa'i longs spyod sna tshogs pa'i// dbang mchog dam pa 'di yis dbang bskur bas// bde ba chen po'i rgyan gyi longs spyod rdzas// gang yang ma spangs thams cad lhun grub pa'i// dbang mchog dam pa de yang 'thob par shog/ oM badz+ra nirma tsa la hUM// de nas longs spyod la rol pa'i dbang bskur ba 'di skad do// hUM yid bzhin bde mchog sku

  303. 152a

    gsung thugs kyi rgyan// cir yang longs spyod don la g.yos pa med// chos nyid longs spyod bde ba chen po'i rgyan// gang yang ma spangs chos nyid dag par rol// bde chen longs spyod 'di las gzhan na med// thams cad ma spangs gnyis med rol pa yis// rol pa nyid kyi 'bras bu 'thob pa yi// dbang mchog dam pa de yang 'thob par shog/ oM badz+ra nirma kha kha hUM/ de nas phyi nang gsang ba gsum gyi dbang bskur te// phyi'i dbang ni phyi rnal 'byor phyi ba thub pa'i rgyud las byung ngo // nang gi dbang ni slob ma'i phung po dang rnam par shes pa la gsang ba'i dkyil 'khor gyi lha bkod la 'di skad do// hUM stong nyid mi dmigs rnam dag dkyil 'khor na// bde gshegs thugs rje can kun rgyan du bzhugs// phung po ma spangs rnam dag dkyil 'khor la// gsal zhing rdzogs pa'i dbang rnams 'thob par shog/ oM badz+ra d+he wa DA ki ni d+harma d+hA tu maN+Da la hUM/ de nas lhag pa'i byang chub sems kyi dbang bskur ba 'di skad do// hA dri med skyon bral kha dog dmar po'i mdog/ pad+ma rak+ta chags pa chen po'i gnas// chos nyid chags pas 'gro don mthar phyin cing // byang chub sems kyi dbang mchog thob pa dang // bo d+hi tsit+ta yab kyi byang chub sems// dkar la dag pa mu tig dri ma med// shin tu 'tsher ba chos nyid byang chub sems// don dam dbyer med

  304. 152b

    byang chub che ba'i ngang // gnyis med rol pas chags pa'i byang chub ste// thar pa'i lam mchog gnas 'dren cing // 'khor ba'i 'khor las kun rgyal dbang 'thob ste// ye shes byang chub sems kyi dbang thob shog/ oM bo d+hi tsit+ta ka ma la tsit+ta hUM// de nas dbang ma lus 'gro ba yongs kyi re ba skong bar bskur ba ni// hUM ston pa'i sgron ma ma lus kha lo 'dren// shes bya'i mthar rdzogs yon tan lhun gyis grub// sdug bsngal skyabs mdzad ma rig 'dren mdzad cing // chos nyid don ston kha lo sgyur byed pa// sangs rgyas gdung 'tsho ba rdo rje slob dpon mchog/ gang yin mngon du gyur pa grub pa'i dbang // dbang mchog ma lus khyod kyis 'thob par shog/ oM sarba ta thA ga ta ma hA g+hu h+ye/ rgyud thams cad kyi rgyal po de bzhin gshegs pa thams cad kyi spyi dbang bskur ba'i rgyud las// dbang yongs rdzogs bskur bar bya ba'i phrin las kyi le'u ste bzhi pa'o// // de nas yang rdo rje sems dpa' la sogs pa rigs lnga'i sangs rgyas kyis gsol pa/ dbang gi dkyil 'khor gyi gsung gi dkyil 'khor bstan du gsol/ de nas bcom ldan 'das kyi gsung gi dkyil 'khor dbyung ba'i ting nge 'dzin la snyoms par zhugs nas 'khor rnams la bka' stsal pa/ gsung gi dkyil 'khor gyi don yid la zung zhig/ Ak+Sha/ Sha tha Ta ta Da da/ b+ha d+ha Na na/ ka kha ga g+ha/ tsa

  305. 153a

    8\u0f7f/ ba ba Sh+Ta/ 1[]/ 2 la/ panyamamam/ 5!/ []/ sa? k+Sha/ !/ !/ !k+Sha / n+danaH/ aHtAthA ga zhan/ banyaka r+raH/ ma ya s+t+waM/ sa ma ya hUM/ bskyed pa'i snying po gzhan bzhin no// gzhan yang de la khro bor spros// ru lu ru lu hUM b+h+yo hUM/ rgyud kyi rgyal po de bzhin gshegs pa thams cad kyi spyi dbang bskur ba'i rgyud las/ gsung gi le'u ste lnga pa'o// // de nas ston pa kun tu bzang pos dbang bskur ba'i yon tan 'di dag 'khor rnams la gsungs so// dbang bskur ba yi phan yon ni/ yang dag nyid du bshad bya ste// chos kyi dkyil 'khor lo bskor ba yang // dbang bskur nas ni bskor bar bya// bsgrub pa gsang ba'i dkyil 'khor yang // dbang bskur nas ni bsgrub par bya// phrin las mtha' dag bya ba yang // dbang bskur nas ni bya bar 'byung // dbang bskur gnang ba thob nas kyang // gang brtsam las de 'grub par nges// dbang bskur ba yi yon tan ni// sangs rgyas sems can thams cad la// yid la cir dgar dbang yang bsgyur// ma mo mkha' 'gro bran bzhin bkol// tshe dang longs spyod phun sum tshogs// 'jig rten 'di yi yon tan kyang // bsam gyis mi khyab 'grub par 'gyur// dmyal bar skye bar nges na yang // dbang bskur ba yi yon

  306. 153b

    tan gyis// dmyal bar nams kyang mi ltung ste// ngan song gsum po kun spangs nas// bla med 'bras bu 'grub par 'gyur// tshe zad 'chi bar nges na yang // dbang 'di rab tu bskur nas ni// tshe zad 'chi bar nges pa yang // tshe tshad dpag med thob par 'gyur// gzhan yang tshe 'di'i yon tan yang // brjod kyis mi lang 'thob par 'gyur// 'jig rten 'das pa'i yon tan ni// rig 'dzin rnam gsum yan chad nas// kun tu bzang po'i dgongs pa kun// sangs rgyas yon tan thams cad kun// sems kyis bsams bzhin lhun gyis grub// chos kyi dbyings su sangs rgyas te// 'bras bu rdzogs pa'i ngang la gnas// gzhan yang dbang gi rim pa ni// tshig tu brjod kyis mi langs so// don la yid bzhin nor bu 'dra// dbang bskur rgyal po'i rgyud las/ dbang gi yon tan gyi le'u ste drug pa'o// // de nas yang ston pa kun tu bzang pos/ dbang ma bskur ba'i skyon 'di dag kyang gsungs so// dbang ma bskur ba'i skyon rnams ni// nges pa nyid du shes par gyis// dbang bskur gnang ba ma thob par// gang zhig sngags la 'jug byed cing // nyan cing sgrub par byed pa rnams// 'bras bu med cing brlag par 'gyur// slob dpon mnyes par ma byas na// dbang thob na yang mi phan no// dbang ma thob par brtsam pa dang // nyams ma

  307. 154a

    brtas par khal 'gel ba// de dag phung ba'i rgyu yin no// dbang ma thob pa'i gang zag ni// gzhan ma yon tan gang tshang yang // 'khor lo srog shing med pa 'dra'o// bsgrub pa zhag grangs dus tshang yang // rtags kun phyin par mi 'gyur ro// de yang dbang ma thob pa'i skyon// mchod pa bsnyen bsgrub shugs phyung yang // dngos grub thob par mi 'gyur na// de yang dbang ma thob pa'i skyon// sngags pa dbang med ras gcod mkhan// smyo dang mdze dang lkugs pa dang // rims dang mu ge 'khrug pa dang // nad rnams sna tshogs 'byung ba yang // slob dpon de yi rgyu las 'byung // dbang bskur gnang ba ma thob par// rig pa shes rab rtsal rdzogs kyang // slob dpon bya bar mi 'byung ngo // gang zhig sngags la spyod 'dod na// shes par gyis la dbang rnams nos// rnal 'byor sngags pa tshe zung dang // rdo rje lcam dral rkyen 'ong ba// dam sri langs pa ma yin te// 'phags pa nyid kyi bka' chad yin// rang dga' rung rung byed pa la// sangs rgyas ko long mi mdzad na// rang gi gzugs phung brlag ta re// gzhan yang dbang rnams ma thob par// ras chod byed pa'i skyon bsam gyis mi khyab pa gcig gsungs na'ang // 'jigs la skrag pas lo tsA bas bod la ma bsgyur ro// de bas rnal 'byor sngags 'chang gis// dam pa'i don du dbang 'di

  308. 154b

    nos// rang la rang rdzun ma bslu bar// sangs rgyas bka' 'di gzhung bzhin gyis// man ngag thams cad bdag la yod// bka' bzhin gzhung bzhin ma byas na// ljon shing me yis tshig pa bzhin// yan lag med cing brlag ta re// kun tu bzang po'i lung la nyon// dbang skur rgyal po'i rgyud las/ dbang ma bskur ba'i skyon gyi le'u ste bdun pa'o// // de nas ston pa kun tu bzang pos// de dag yod par bya ba'i phyir// dam tshig nges pa 'di gsungs so// bla ma yi ni bka' bzhin bya// sngags dang phyag rgya lag tu bzung // gsang ba'i man ngag legs par sba// rdo rje'i mched lcam 'gal mi bya// rnal 'byor dman dang me 'brel zhing // rdzas dang yo byad tshang bar byas// dpyang zag chad pa'i sems can rnams// thugs rje'i thabs kyis bsgral bar bya// mtshan dang ldan pa'i mi mo la// sbyor ba dag kyang rab brtsam pa// ser snas bcings pa gang yod pa// ma byin blangs nas rkyen du spyad// yang dag don du mi 'dul ba// rdzun dang sgra dang mi tshangs spyod// rdo rje lu gu rgyud kyi dam// yang nas yang du bsdu bar bya// dbang bskur rgyal po'i rgyud las/ dam tshig gi le'u ste brgyad pa'o// // bcom ldan 'das kun tu bzang pos/ dbang skur rgyal po'i rgyud bshad pas/ rdo rje sems dpa' la sogs pa rigs lnga yab yum dang // sems dpa' dang sems

  309. 155a

    ma dang // khro bo dang khro mo dang / thub pa la sogs pas/ dbang skur rgyal po'i dbang gi dngos grub thob pas/ 'khor ba dang mya ngan las 'das pa'i chos thams cad la/ sems kyi dbang du ma gyur par gang yang med de/ thams cad ma skyes pa chos kyi dbyings kyi dbang la ci ltar snang bar longs spyod par gyur to// de nas rdo rje sems dpa' la sogs pa'i lha mo rnams kyis/ rang rang gi lus rdul snyed du sprul nas/ bla na yod pa dang / bla na med pa'i mchod pa la sogs pas/ sa gzhi la rtsi shing 'khrungs pa ltar bskyed de/ bar snang la sprin phung bzhin du gtibs// nam mkha' la char bzhin phab nas/ phyi nang gsang ba'i mchod pa phul te/ tshigs su bcad pa 'di dag gis bstod do// kye kye 'dren pa bcom ldan 'das// kye kye mdzad pa bcom ldan 'das// kye kye grub pa bcom ldan 'das// sangs rgyas mdzad pa khyad par che'o// mi gnas mi dmigs rang bzhin dkyil 'khor nas// sangs rgyas khyod kyi sku mchog ci 'dra ba// nam mkha'i dbyings las cir yang snang ba'i sku// dbyings dang ye shes gnyis med chos kyi sku// dus gsum 'dus ma byas pa thabs kyi sku// sku mchog kun bzang sku la phyag 'tshal bstod// sangs rgyas khyod kyi gsung ni ci 'dra ba// sgrar snang brjod med don las ma g.yos kyang // thugs rjes 'dul phyir gsung

  310. 155b

    brjod cir yang ston// brjod med gsung mchog shes rab pha rol phyin// gsung mchog kun bzang gsung la phyag 'tshal bstod// sangs rgyas khyod kyi thugs ni ci 'dra ba// rnam rtog mi mnga' cir yang sa ler gzigs// ye shes mkhyen ldan thams cad 'dus ma byas// dran med rig pa'i rgyal por yongs su shar// thugs mchog kun bzang thugs la phyag 'tshal bstod// sangs rgyas khyod kyi yon tan ci 'dra ba// che ba'i yon tan med las cir yang snang // snang tsam nyid nas thugs rjes ngang gis 'dul// lhun rdzogs mthar phyin yon tan rgyal ba'i sku// yon tan kun bzang lha la phyag 'tshal bstod// sangs rgyas khyod kyi phrin las ci 'dra ba// thabs kyi phrin las 'gro ba yongs la bsgyur// skye 'gro mang po thar pa'i lam 'god mdzad// thabs mkhas mthar phyin phrin las rgyal ba'i sku// phrin las kun bzang lha la phyag 'tshal bstod// bdag lus phung po khams dang skye mched rnams// chags med mchod pa'i sprin phung rab sprul nas// chags pa med pa'i tshul du dbul lags na// bcom ldan 'das kyi thugs rjes bzhes su gsol// ston pa khyod kyi bka' drin dpag tu med// ma rig rmongs pa'i shes rab gsal mdzad nas// thar pa'i lam ston de la phyag 'tshal bstod// theg pa'i yon tan khyad par bsam yas pa// ma 'dres so

  311. 156a

    sor gsal ba'i go phye nas// rnal 'byor yongs la theg pa 'di ston pa// 'dren pa'i lha khyod la ni phyag 'tshal bstod// ces mgrin gcig tu bstod do// de bzhin gshegs pa thams cad kyi spyi dbang skur ba rgyud kyi rgyal po'i rgyud las/ mchod pa bstod pa'i le'u ste dgu pa'o// // de nas ston pa kun tu bzang pos/ rdo rje sems dpa' la sogs pa'i 'khor gyi lha rnams la/ shin tu dga' ba bskyed pa'i phyir 'di dag gsungs so// rdo rje sems dpa' sems dpa' che// rdo rje zhags pa dga' ba che// rdo rje sems dpa' dgyes pa che// rdo rje lus te rdo rje gsung // rdo rje thugs te rdo rje blo// rdo rje shes rab bla na med// rdo rje ma lus kun gyis shig/ oM rdo rje go cha brtan pa che// thub pa dka' ba brtson 'grus mchog/ nga ni rdo rje thabs chen de// rdo rje thabs kyis gtso bor shog/ sangs rgyas byang chub bla na med// bla med rnams kyi yid bzhin te// thams cad ma lus rdzogs sangs rgyas// rab 'byams 'bar ba'i don rtogs shog/ ces 'khor rnams la dga' ba bskyed nas/ thams cad ma lus par 'dus pa'i dbang gi rgyal po dbang bskur ba'i rgyud 'di yongs su gzung ba'i phyir// rdo rje sems dpa' la rgyud 'di yongs su gzung ba 'di bka' stsal to// phyogs bcu'i sangs rgyas thams cad kyis// bdag la rab tu dbang bskur

  312. 156b

    ba'i// bdag gi dam pa bla na med// dbang skur rgyal po'i rgyud chen 'di// rdo rje sems dpa' khyod kyis zung // lus dang ngag dang sems la chongs// dbang rnams kun gyi byed po par// rdo rje sems dpa' nyid du shog/ ces bka' stsal pa dang // de nas rdo rje sems dpas ston pa kun tu bzang po la/ dbang bskur gnang ba de thob nas/ a la la ho zhes brjod nas/ zhabs spyi gtsug gis blangs nas/ ston pa kun tu bzang po'i spyan sngar rgyud yongs su gzung ba dam pa 'di gsungs so// de bzhin gshegs pa thams cad kyi spyi dbang bskur ba'i rgyud kyi rgyal po'i rgyud 'di yang / snod dang skal bar ldan pa'i gang zag gcig las ma gtogs pa/ kun dang kun la bshad par mi bgyi'o// 'di la dbang zos shing kun la bstan na rdo rje sems dpa' bdag gi mgo lus kyang tshig par shog cig ces dam du bcas so// de nas 'khor sems dpa' dang sems ma la sogs pas kyang ston pa kun tu bzang po la 'di skad ces gsol to// bdag cag sems dpa' dang sems ma la sogs pa'i 'khor rnams kyis kyang rgyud kyi rgyal po dbang skur ba'i rgyud kyi bka' las 'gal bar mi bgyid do// 'di'i gzhung yang rnal 'byor pas bsgoms shing bsgrubs na'ang // nod cing tshul bzhin bgyid na yang / bdag cag gis ston pa kun tu bzang po nyid bzhin du

  313. 157a

    bka' thams cad bsrungs shing de las 'da' bar mi bgyid do// bdag cag rnams kyis dbang skur rgyal po'i rgyud 'di gang zag skal bar ldan pa gcig las ma gtogs pa// gang la yang bstan cing spel bar mi bgyid do// gal te bdag cag gis dam zos shing kun la bstan na/ bdag cag rnams kyi mgo lus gas shing 'tshig par shog cig ces dam du bcas so// de nas 'jig rten gyi mkha' 'gro dang / dbang phyug ma la sogs pa gsung thos pa tsam gyi 'khor rnams kyis kyang rgyud kyi rgyal po 'di 'chad cing ston pa dang nod cing bsgrub pa lta a cang yang ches/ ming tsam 'dzin pa'i rnal 'byor pa su yod pa la yang / bcom ldan 'das dpal chen po bzhin du bka' nyan cing de'i 'tshal ba bdag gis bsgrub pa bsgrub par bgyi'o// gang zhig 'di dang mi ldan zhing snod du ma gyur pa rnams la/ ming tsam bstan par mi bya zhing / bka' dang 'gal ba rnams/ shin tu rtswa phung la me mched pa bzhin du/ lus ngag yid gsum thal ba bzhin du brlag par bgyi'o// ci ste bdag gis de bzhin du ma bgyis na// bdag cag rnams kyis mgo lus 'tshig par dam du bca' 'o// de nas bcom ldan 'das dpal rdo rje sems dpas 'khor thams cad yongs su bsdu bar mdzad nas/ rgyud kyi don 'di dag kyang yongs su gnang bas 'di gsungs

  314. 157b

    so// phyogs bcu dus gsum gyi de bzhin gshegs pa thams cad kyi sku gang yin pa yang / dbang skur rgyal po'i rgyud 'di nyid do// dbang skur rgyal po'i rgyud 'di yang kun tu bzang po'o// phyogs bcu dus gsum gyi dus gsum gshegs pa thams cad kyi gsung gang yin pa yang dbang skur rgyal po'i rgyud 'di nyid do// dbang skur rgyal po'i rgyud 'di yang kun tu bzang po'o// phyogs bcu dus gsum gyi de bzhin gshegs pa thams cad kyi thugs gang yin pa yang / dbang skur rgyal po'i rgyud 'di nyid do// dbang skur rgyal po'i rgyu 'di yang kun tu bzang po'o// kun tu bzang po yang rang gi byang chub kyi sems so// sems can thams cad kyang dbang skur rgyal po'i rgyud 'di nyid do// dbang skur rgyal po'i rgyud 'di nyid kyang kun tu bzang po'o// kun tu bzang po yang rang gi sems so// phyogs bcu dus gsum gyi de bzhin gshegs pa thams cad kyi yon tan phrin las gang yin pa thams cad kyang / dbang bskur rgyal po'i rgyud 'di nyid do// dbang skur rgyal po'i rgyud 'di yang kun tu bzang po'o// kun tu bzang po yang rang gi byang chub kyi sems so// mtho ris ngan song yang dbang skur rgyal po'i rgyud 'di nyid do// rgyud 'di yang kun tu bzang po'o// kun tu bzang po yang rang gi sems so// zhes gleng bas 'khor rnams kyis kyang dbang skur rgyal ba'i rgyud

  315. 158a

    'di rtogs so// de nas dbang skur rgyal po'i rgyud 'di yang / rdo rje sems dpa'i thugs ye shes la snang bar gyur to// de nas snod dang ldan pa'i rnal 'byor pa'i blo la snang bar gyur to// de bzhin gshegs pa thams cad kyi spyi dbang skur ba rgud kyi rgyal po dbang skur ba'i rgyud las/ rgyud yongs su gzung ba'i le'u zhes bya ba ste bcu pa'o// // de nas 'khor thams cad mi snang bar gyur nas kun tu bzang po rang gnas kyi dbang thob nas/ lhun gyis grub pa'i ngang la gnas so// de bzhin gshegs pa thams cad kyi spyi dbang dbang skur rgyal po'i rgyud kyi rgyal po chen po de dag gis 'khor lo bskor bas sems kyi 'bras bu mchog rdzogs so// rdo rje yang dbang gter gyi man ngag go// ting nge 'dzin mchog gi rgyud// bcom ldan 'das dpal kun tu bzang po rdo rje sems dpa' bde ba chen po la phyag 'tshal lo// 'di skad bstan pa'i dus gcig na/ bcom ldan 'das yid byed pa po kun tu bzang po/ chos nyid mi g.yo ba'i ting nge 'dzin la snyoms par zhugs so// phyi nang snod bcud thams cad chos nyid mnyam pa'i ngang la bsdus nas bzhugs so// de ltar bsdus tsa na yang ji lta bu'i ngo bor yang ma grub bo// ma grub tsa na khyab pa'i snying rje chen po phyogs dang ris med par sems can thams cad la skyes so// snying rje chen

  316. 158b

    po skyes tsa na/ snying rje chen po'i bdag nyid du sangs rgyas pa'i rtags chos kyi sku zla ba'i dkyil 'khor ltar dkar la ldem par gyur to// de ltar zla ba'i dkyil 'khor ltar snang ba yang / don ci yang med pa las ni rdul tsam yang ma g.yos so// ci yang med pa'i rtogs pa rtogs pa'i ye shes shar ro// de nas de nyid kyi ngang las rdo rje sems dpa' hUM zhes bya ba'i sgra bsgrags pas/ rang byung ye shes shar bas yi ge'i rang bzhin du sangs rgyas so// de bzhin nyid du ci yang ma grub pas/ chos stong pa zab mar 'chad pas mtshan nyid sde gsum rdzogs pa chen por la bzlas te 'phags so// de las ma g.yos pa'i snying rje chen pos/ kri yog byams pas phan 'dogs pa khyab pa'i snying rje la la bzla ba ste// rdzogs pa chen po ye shes kyi nyi ma shar ro// de nas yi ge 'brur bstan pas don kun tshang bar la bzla ste/ hUM du snang ba tsam zhig ma g.yos pa la bzhag go/ ma g.yos tsa na yig 'brus don ma byas pa 'ga' yang med do// yig 'brus don byas pa las ma g.yos par thugs phyag mtshan gyis rig pa'i go gsal lo// des kyang don chos nyid stong pa las ma nyams so// hUM tshig tu glengs pa tsam gyis yi ge'i 'bru tshogs kyi las kyi bya ba re byas te/ 'byung ba khod bsnyams nas/ rang rang gi las kyi bya ba'i don rer sangs rgyas pa 'di lta ste/ rlung g.yo byed ma g.yos par

  317. 159a

    'degs pa chen por sangs rgyas/ nam mkha' mi 'gyur khyab gdal chen por sangs rgyas/ chu sdud pa klong dkyil du sangs rgyas/ sa bskyod pa ma bslad par sangs rgyas/ me drod snyom don 'byung du sangs rgyas/ de yang don de bzhin nyid la tshig tu 'phen pas yi ge yin pa 'di lta ste/ e yaM maM laM raM/ de nas de bzhin nyid kyi ting nge 'dzin la ma g.yos par 'gyur ba med pas/ de la rin po che ri rab bya bar ming du btags te hUM hUM/ de nas chos nyid de bzhin nyid du rgyas btab pas des thams cad yongs su bskyed pas rang la khyab par yod pa la gzhal yas khang zhes tshig tu btags te/ b+h+rUM bi shra bi shud+d+he/ de la ting denge 'dzin gyi tshogs mang po 'dus pa la/ rgyan gyis brgyan pa zhes ming du btags te/ ci yang med pa las chu srin tA ra na dang / mu tig gi shar bu dang / rin po che'i chun 'phyang dang / rgyan dang shar bu dang / gser dang rin po che'i dra ba dang / gser gyi dril bu la sogs pa/ rgyan gyi ting nge 'dzin mang po'i mang po/ nyung ngu'i nyung ngu/ chen po'i chen po/ chung ngu'i chung ngu/ gang la'ang ma g.yos mi snang bar yongs su khyab cing gsal bar gyur to// gsal zhing thams cad snang ba cir yang ma grub bo// mi snang ba'i dbyings las ma g.yos pa'i ye shes phyi nang du byung nas/ gang yang phyi nang med par ma grub pa'i phyi nang du bstan

  318. 159b

    to// gzhal yas de la dbus med pa'i dbus su rgyan med pa'i rgyan nyi zla med pa'i nyi zla skar khung la ma brgyan pa'i mthongs khung du mi gsal bar kun mthong bar bstan to// gzhal yas cir yang ma grub pa'o// nang med pa'i phyis bskor ba/ dkyil med pa'i dbus su/ mi 'khor ba'i 'khor los/ de dag thams cad la 'khor te/ rtsis ma bgrangs pa'i grangs bzhi yod pa/ zlum po zur gsum can du bstan to// chos nyid stong pa la gcig kyang ma g.yos shing ma bstan par/ kun gyis mthong zhing rtogs par byas so// 'khor lo de'i steng min pa'i khri/ gzugs med pa'i seng ge glang po rta dang rma bya nam mkha' lding la sogs pa/ tshig med pa'i ming du btags nas/ don med pa'i rang rgyud du shar ro// rin po che khri rig pas brgyan pa la ming du btags pa/ dgos 'dod mi skong ba'i skong ba/ yod pa'i med pa dang / ma chags pa'i chags pa chen po'i pad+mar bzhugs pa med pa'i bzhugs pa'i gdan nyi zla pad+ma med pa'i yod pa/ ma g.yos pa'i g.yos pa chen por bstan to// mi bzhugs pa'i bzhugs gnas glo bur dang bar khyams gru bzhi sgo khyud la sogs pa gdan pad+ma dang nyi zla sra sti med pa'i rdo rje'i brag la sogs pa'i mi bzhugs pa'i gdan/ ma bkod pa'i bkod pa/ mi snang zhing rab tu gsal bar snang ngo // de tsam na chos nyid ma g.yos

  319. 160a

    pa'i klong las rdul tsam yang ma g.yos la/ ma khyab pa dang ma skyes pa med pa'o// de ni kun tu bzang po rang bzhin du ci yang ma grub par sangs rgyas te rgyu gdod ma nas dag go/ de nas gzhal yas khang ci la yang mi bsgom zhing / gang du yang ma khyab pa med par rdo rje sems dpa' rtogs so// stobs dngos po chos nyid ma grub par 'grub bo// rgyud kyi rgyal po ting nge 'dzin mchog gi rgyud las/ gzhal yas khang gi gleng gzhi'i le'u ste dang po'o// // de nas yid kun tu bzang pos/ ma g.yos pa'i yi ge a las/ yi ge bzhi bcu rtsa gnyis su byung ste/ ming du ma btags pa'i lha grangs dang / tshig tu ma byung ba'i yi ge 'bru sum cu rtsa gnyis kyis ma 'phros par ma khyab pa med pa 'di ltar ste/ tha Tha ta Ta da Da d+ha D+ha na Na/ ka kha ga g+ha/ tsa tsha dza dz+ha/ pa pha ba b+ha/ 'a ya ra la/ nga nya ma o/ sha Sha sa ha/ ak+Sha/ a A/ i I/ u A/ yongs su khyab bo// ma g.yos so// kun tu gtor ro// ma 'phros so// thams cad yig 'brur sangs rgyas te/ tshig dang yi ger ma grub bo// phyag rgya'i dkyil 'khor rdo rje la sogs par btags pas bshad/ bstan pas bkrol/ snang bas don byas/ med pas skyon grol/ 'phros pas rtog pa gsal/ ci yang mi snang bas rgyas btab bo// de nas yid byed pa po kun tu bzang pos ston pas ma gsungs pa'i sgra rang byung ba

  320. 160b

    ni 'di ltar ste/ hUM badz+ra d+h+r-ika au dzi na dzag/ sA rat+na d+h+r-ika AM A ro lika/ hA pradz+nyA d+h+r-ika lAM dwe Sha ra ti/ mAM d+hA tI shwa rI/ mAM mo ha ra ti/ pAM rA ga ra ti/ tAM badz+ra ra ti/ k+Shi hi rA dza ya/ traM A gar+b+ha ya/ hI ha hUM pad+ma pA da ma/ dzi ku ru pA Na/ hUM lA s+ye sa ma ya stAM/ tAM mA le sa ma ya hoH/ hI gI ti rA go&haM/ aM nirti rA ga yA mi/ me d+ha ra Ne swA hA/ b+hI nisma raM b+hA ya swA hA/ hUM sa rA dzA ya swA hA/ mAM shrI aM rA gA ya swA hA/ dzaHd+hA pe pra pe sha/ hUM puSh+pe A be sha/ baM dI baM su gi rI/ ho g+han+d+he tsit+ta/ hUM ya mAn+ta kr-i ta phaT/ hUM pra dz+nyAn+ta kr-i ta phaT/ hUM pad+man+ta kr-i ta phaT/ hUM big+h+nAM ta kr-ita phaT/ oM ma hA badz+ra d+ha ra kro d+hi shwa rI dza la ni hUM phaT/ oM ma hA rat+na d+ha ra ma hA kro d+hi shwa rI dza la ni hUM phaT/ oM ma hA pad+ma d+ha ra ma hA kro d+hi shwa rI dza la ni hUM phaT/ oM ma hA karma d+ha ra ma hA kro d+hi shwa rI dza la ni hUM phaT/ hUM hUM hUM badz+ri tsit+ta A~M/ a a a/ badz+rI b+ha dra sa man+ta oM/ oM mu ni kr-i s+t+waM hA/ oM mu ne hUM swA hA/ oM mu ne sr-i swA hA/ oM mu ne praM swa hA/ oM mu ni k+ShaM swA hA/ oM mu ne ye swA hA/ zhes bya ba'i sgras sku phyag rgya'i dkyil 'khor du gsal lo// snang la rang bzhin med pa'i ye shes chen por sangs rgyas so// ma khyab cing ma 'dus pa med pa'i bsgom pa chen po'o// gsung yig 'bru dang / sku phyag rgya dang / bzlas pa'i snying po la sogs pa/ so sor bstan pa gcig gi bdag nyid de/ yi ge med pa'i a ming med pa'i kun tu bzang po tshig med

  321. 161a

    pa'i sku phyag rgya chen po gcig las kyang ma g.yos pa'i mang po bsam gyis mi khyab pa bsgom pa dang / yi ge med pa'i k+Sha ming med pa'i kun tu bzang mo tshig med pa'i sku phyag rgya chen po gcig las kyang ma g.yos pa'i mang po bsam gyis mi khyab par bsgom pa dang / yi ge med pa'i tha ming med pa'i rdo rje sems dpa' tshig med pa'i sku phyag rgya chen po gcig las kyang ma g.yos par mang po bsam gyis mi khyab par bsgom pa dang / yi ge med pa'i tha ming med pa'i nam mkha'i dbyings phyug ma tshig med pa'i sku phyag rgya chen po gcig las kyang ma g.yos par mang po bsam gyis mi khyab par bsgom pa dang / yi ge med pa'i ta ming med pa'i rnam par snang mdzad tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i Ta ming med pa'i sangs rgyas spyan tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i da ming med pa'i rin chen 'byung ldan tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i Da ming med pa'i ma mA kI tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i d+ha ming med pa'i snang

  322. 161b

    pab mtha' yas tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i D+ha ming med pa'i gos dkar mo tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i na ming med pa'i don yod grub pa tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i Na ming med pa'i dam tshig sgrol ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i ka ming med pa'i sa'i snying po tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i kha ming med pa'i nam mkha'i snying po tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i ga ming med pa'i spyan ras gzigs tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i g+ha ming med pa'i phyag na rdo rje tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i tsa ming med pa'i lha mo la skye ma tshig med pa'i sku

  323. 162a

    phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i tshe ming med pa'i lha mo mA le ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i dza ming med pa'i lha mo girti ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i dz+hadzA ming med pa'i lha mo ni rta ma tshig ming med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i pa ming med pa'i kun tu bzang po tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i pha ming med pa'i sgrib pa rnam par sel ba tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i ba ming med pa'i byams pa tshig med pa'i sku phyag rgya chen po gcig kyang ma grub par bsam gyis mi khyab par bsgom pa dang / yi ge med pa'i b+ha ming med pa'i 'jam dpal tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i 'aming med pa'i lha mo d+hU pe ma tshig med pa'i sku phyag rgya chen po gcig kyang ma

  324. 162b

    grub par mang po bsam gyis mi khyab par bsgom pa dang / yi ge med pa'i ya ming med pa'i lha mo puSh+pe ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi gige med pa'i ra ming med pa'i lha mo A lo ke tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i la ming med pa'i lha mo gan+d+he ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i nga ming med pa'i gshin rje gshed tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i nya ming med pa'i khro bo dpal ldan gzhan gyis mi thub pa tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i ma ming med pa'i khro bo rta mgrin tshig med pa'i sgra phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i rna ma tshan nam dacas ming med pa'i khro bo bdud rtsi 'khyil pa tshig med pa'i sku phyag rgya chen po gcig kyang ma grub par bsam gyis mi khyab par bsgom pa dang / yi ge med pa'i sha ming med pa'i yum ro langs ma tshig med pa'i sku phyag rgya chen po gcig kyang ma

  325. 163a

    grub par mang po bsam gyis mi khyab par bsgom pa dang / yi ge med pa'i Sha ming med pa'i yum mi pham ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i sa ming med pa'i khro gnyer ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i ha ming med pa'i khro mo ral gcig ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i a ming med pa'i lha'i thub pa dbang pos brgya byin tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i A ming med pa'i lha ma yin gyi thub pa thags bzang ris tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i i ming med pa'i mi'i thub pa shAkya thub pa tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i I ming med pa'i byol song thub pa seng+ge rab brtan tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i u ming med pa'i yi dwags

  326. 163b

    kyi thub pa kha 'bar ma tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa dang / yi ge med pa'i U ming med pa'i dmyal ba'i thub pa chos kyi rgyal po tshig med pa'i sku phyag rgya chen po gcig kyang ma grub par mang po bsam gyis mi khyab par bsgom pa'o// rgyud kyi rgyal po ting nge 'dzin mchog gi rgyud las/ dkyil 'khor bskyed pa'i le'u ste gnyis pa'o// // de nas yid byed pa po kun tu bzang pos bsgoms pa'i nyes pa bshad de/ dang po de bzhin nyid kyi ting nge 'dzin la/ stong pa byang chad pa rang rgyud du bsgoms na/ med pa phyogs gcig pa'i 'thibs chad do// ji la yang mi sems pa rang rgyud du bsgoms na/ ma rig pa'i bla thabs su 'gyur ro// ji la yang mi rtog pa rang rgyud du bsgoms na/ mtha' chad par lhung ngo // ji la yang mi gnas par rang rgyud du bsgoms na/ ye shes kyi lam dang 'bral lo// kun tu snang ba'i ting nge 'dzin la snying rje rang rgyud du bsgoms na/ mnyam pa'i don mi rtogs/ zla ba'i dkyil 'khor rang rgyud du bsgoms na/ ske shi'i rgyun yod do// rgyu'i ting nge 'dzin la yig 'bru rang rgyud du bsgoms na/ 'khor ba dang nam yang mi 'bral lo// hUM rang rgyud du bsgoms na/ gzugs phung gi rdos pa mi shigs te/ tsan+dan gyi sdong por skye'o// a rang rgyud du bsgoms na/ dngos po'i 'dzin chags

  327. 164a

    la zhen pas gtsug lag gi 'dus byas rdzas kyi mchod rten du skye'o// 'byung ba lnga rang rgyud du bsgoms na/ 'jig tshogs kyi dgra ldang ngo // nam mkha' rang rgud du bsgoms na/ stong pa'i mtha' mi legs ma yin nas/ len no// rlung rang rgyud du bsgoms na/ las kyis rnying du khrin lhung ngo // chu rang rgyud du bsgoms na/ nyon mongs pa'i rlan dang mi bral lo// sa rang rgyud du bsgoms na/ 'khor ba las 'das pa'i dus med do// me rang rgyud du bsgoms na/ nyon mongs pa las 'gro sa med do// ri rab rang rgyud du bsgoms na/ mu stegs rtag pa'i mur lhung ngo // gzhal yas khang rang rgyud du bsgoms na/ nyon mongs pa'i gtan gzhi bskyed do// chu srin gyi tAr na rang rgyud du bsgoms na/ 'dzin chags dang 'bral mi shes so// mu tig gi shar bu rang rgyud du bsgoms na/ dbang po'i sgo 'gag go/ rin po che'i chun 'phyang rang rgyud du bsgoms 'dod pas yid gdungs par 'gyur ro// rgyan rang rgyud du bsgoms na/ ngar shes pa rta yi g.yang du lhung ngo // shar bu rang rgyud du bsgoms na/ mtshan ma'i rtog pa skye'o// gser dang rin po che'i dra ba rang rgyud du bsgoms na/ bdud kyi rgyas zin to// gser gyi dril bu rang rgyud du bsgoms na/ chos skye ba med pa'i sgra mi zos so// phyi nang dngos por rang rgyud du bsgoms na/ chos nyid mnyam pa'i sa mi chod do// nyi zla'i

  328. 164b

    mthongs kun rang rgyud du bsgoms na/ 'dzam bu gling bzhi'i mtha' 'khor ro// 'khor lo rang rgyud du bsgoms na/ shing rta'i 'khor lo 'dra'o// glo bur dang bar khyams rang rgyud du bsgoms na/ 'khor ba'i rnyis 'dzin to// gdan khri rang rgyud du bsgoms na/ byol song spyod bkol gyi sdig smin no// rin po che'i khri rang rgyud du bsgoms na/ 'dzin chags kyi sgo mi khegs so// pad+ma'i gdan rang rgyud du bsgoms na/ rnam par shes pa sdug bsngal gyi rjes su 'brang ngo // nyi zla'i gdan rang rgyud du bsgoms na/ dbyings ye shes kyi don mi 'char ro// rdo rje'i brag rgyud du bsgoms na/ sems can gyi sdug bsngal gyi rang bzhin gyi gtan gzhi mi shigs so// tA la'i skye shing rang rgyud du bsgoms na/ 'dod pa la chog shes pa'i dus med do// 'od zer rang rgyud du bsgoms na/ sems can gyi rtog pa skye'o// 'phro 'du rang rgyud du bsgoms na/ bdud kyi bar chad du 'gyur ro// sprul pa rang rgyud du bsgoms na/ bgegs kyi cho 'phrul 'byung ngo // kha dog rnam lnga rang rgyud du bsgoms na/ chos nyid du la mi zlos so// rgyud kyi rgyal po ting nge 'dzin gyi rgyud las/ ting 'dzin rnam gsum dang / gzhan yas khang gi skyon btsal ba'i le'u ste gsum pa'o// // da ni yid byed pa po kun tu bzang pos sku phyag rgya'i nyes pa bshad do// b+hud+d+ha bzhi bcu rtsa gnyis yab kyi sku rang rgyud du bsgoms

  329. 165a

    na/ 'dod pa'i rgyu skyed do// yum gyi sku rang rgyud du bsgoms na/ chags pa'i gzhi sog go/ sems dpa' brgyad rang rgyud du bsgoms na/ mtshan nyid kyi phyogs dang pha rol phyin pa'i sa las mi 'das so// sems ma rang rgyud du bsgoms na/ 'dod chags kyi chags yul las mi 'das so// khro bo bzhi rang rgyud du bsgoms na/ nga rgyal khengs pa'i rgyur gyur to// yum bzhi rang rgyud du bsgoms na/ gdug rtsub kyis gzhi sog go/ thub pa drug rang rgyud du bsgoms na/ bla na med pa'i byang chub bsgrub pa'i thag ring ngo // yid byed pa po kun tu bzang po rang rgyud du bsgoms na/ rang byung gi ye shes mi 'byung ngo // chos bya ba mo kun tu bzang mo rang rgyud du bsgoms na/ skye ba med pa'i don mi 'char ro// rigs lnga'i sangs rgyas rang rgyud du bsgoms na/ ma hA de ba'i 'khor du skye'o// yum lnga rang rgyud du bsgoms na/ u ma de ba'i sbyor skul byed do// phyag mtshan rang rgyud du bsgoms na/ mtshan mo'i rdzas su lhung ngo // rdo rje rang rgyud du bsgoms na/ me long lta bu'i ye shes las 'khyal/ 'khor lo rang rgyud du bsgoms na/ stong pa nyid kyi ye shes las 'khyal/ rin po che rang rgyud du bsgoms na/ mnyam pa nyid kyi ye shes las 'khyal/ pad+ma rang rgyud du bsgoms na/ so sor rtog pa'i ye shes las 'khyal/ ral gri rang rgyud du bsgoms na/ bya ba nan tan gyi ye

  330. 165b

    shes las 'khyal/ yum rnams kyi phyag mtshan dril bu rang rgyud du bsgoms na/ chos kyi dbyings rnam par dag pa'i ye shes las 'khyal/ dbu gsum rang rgyud du bsgoms na/ byol song mgo gsum par skye/ lag drug rang rgyud du bsgoms na/ klu phrug lag mang du skye/ lag gnyis rang rgyud du bsgoms na/ gti mug bya lag tu skye/ zhabs gnyis rang rgyud du bsgoms na/ 'dzin pa'i gdos dang mi 'bral/ sku mdog mthing ka rang rgyud du bsgoms na/ ma rig pa'i mun pa'i klong du skye/ dkar po rang rgyud du bsgoms na/ nyon mongs pa'i dri ma 'go/ ser po rang rgyud du bsgoms na/ yon tan gyi tshogs dang bral// dmar po rang rgyud du bsgoms na/ chags pa'i skyon gyis gos so// ljang gu rang rgyud du bsgoms na/ phrin las kyi don mi rtogs so// sems dpa' dang sgo ba yan chad kyi sku mdog kyang de bzhin shes par bya'o// phyag mtshan la mi mthun pa'i don 'dir bshad pa ni/ sems dpa' dang sems ma'i phyag mtshan rin po che gru gsum rang rgyud du bsgoms na/ 'dzin chags kyi skyon chags so// ral gri rang rgyud du bsgoms na/ phung po'i nad 'byung ngongo// pad+ma rang rgyud du bsgoms na// chags pa'i gzhi yin no// rdo rje rang rgyud du bsgoms na/ ngo bo gshin rjer 'gyur ro// khu tshur rang rgyud du bsgoms na/ rtog pa'i skyon 'byung ngo // rin po che'i phreng ba rang rgyud

  331. 166a

    du bsgoms na/ 'bras bu'i sgo lam 'gag go/ pi wang rang rgyud du bsgoms na/ shes pa bslu brid kyi g.yang sar lhung ngo // gar rang rgyud du bsgoms na/ mi nag gi chab brgal du 'gyur ro// klu shing rang rgyud du bsgoms na/ byol song gi gling du skye'o// gaN+DI rang rgyud du bsgoms na/ dngos po'i rdzas snod du 'gyur ro// po ti rang rgyud du bsgoms na/ chos nyid kyi don 'gag go/ rin po che'i snye ma rang rgyud du bsgoms na/ mi dmigs pa'i shes rab mi skye'o// ut+pal la rang rgyud du bsgoms na/ mkhyen pa'i gsal mi phyed do// spos me rang rgyud du bsgoms na/ 'byung po'i tshogs su skye'o// me tog rang rgyud du bsgoms na/ lha'i bu'i bdud kyis bslu'o// mar me rang rgyud du bsgoms na/ rgyun gyi ting nge 'dzin chad do// dri chab rang rgyud du bsgoms na/ spang len gyi skyon 'byung ngo // sgo ba'i phyag mtshan dbyug to rang rgyud du bsgoms na/ shes pa'i sgo 'gag go/ gtun shing rang rgyud du bsgoms na/ phung po'i rang snyigs byed do// ral gri rang rgyud du bsgoms na/ nags tshal lo mar 'gyur ro// dril bu rang rgyud du bsgoms na/ yengs pa'i rgyud yod do// sdigs mdzub rang rgyud du bsgoms na/ las kyi sgrib pa che'o// dgra sta rang rgyud du bsgoms na/ mtshon gyi bskal pa 'byung ngo // be con rang rgud du bsgoms na/ gnod sbyin gyi gling du skye'o// pad+ma rang

  332. 166b

    rgyud du bsgoms na/ klu'i gling du skye'o// rdo rje rgya gram rang rgyud du bsgoms na/ lha chen mtshon char skye'o// rdo rje gdengs pa rang rgyud du bsgoms na/ phrag dog gi gnyen po mi shigs/ go mtshon rang rgyud du bsgoms na/ nga rgyal gyi sgo mi shigs// gseg par rang rgyud du bsgoms na/ 'dod chags kyi sgo mi bshigs/ po ti rang rgyud du bsgoms na/ gti mug gi sgo mi shigs/ rin po che'i bum pa rang rgyud du bsgoms na/ ser sna'i sgo mi shigs/ me chu rang rgyud du bsgoms na/ zhe sdang gi sgo mi shigs/ mnyam par bzhag pa'i phyag rgya rang rgyud du bsgoms na/ dngos po lder so'i skyon/ pad+ma'i phyag rgya rang rgyud du bsgoms na/ stor khung gi skyon no// rgyud kyi rgyal po ting nge 'dzin gyi mchog gi rgyud las/ sku phyag rgya'i skyon bsal ba'i le'u ste bzhi pa'o// // da ni kun tu bzang pos rgyan dang cha lugs kyi nyes pa bshad de/ rigs lnga yab yum gyi sku'i rgyan la/ dbu rgyan rang rgyud du bsgoms na/ mya ngan 'das pa'i don mi rtogs/ snyan cha rang rgyud du bsgoms na/ mtshan ma'i sgeg chos su 'gyur/ mgur chu rang rgyud du bsgoms na/ gzung 'dzin gyi sgrib pa che/ dpung rgyan rang rgyud du bsgoms na/ 'dzin rtog gi shas mi spang / phyag gdub rang rgyud du bsgoms na/ mtshan ma'i las la 'phros so// zhabs gdub rang rgyud du bsgoms na/ zug gzer gyi lcags

  333. 167a

    sgrog gis sdom/ do shal rang rgyud du bsgoms na/ 'khor ba'i zhags pas 'dzin// dar dpyangs rang rgyud du bsgoms na/ 'khor ba'i gzhi 'dings/ sems dpa'i skyil mo krung rang rgyud du bsgoms na/ rtag pa ther zug pa'i skyon yod/ mnyam pa'i skyil mo krung rang rgyud du bsgoms na/ bsam gtan rkyang pa'i gol sa che/ rdo rje'i skyil mo krung rang rgyud du 'dzin na/ las kyi nyon mongs pa 'byung / spyan la sogs pa'i dbang po rang rgyud du bsgoms na/ byung tshor gyi rjes su 'breng / sems dpa'i rgyan rang rgyud du bsgoms na/ chos kyi sku mi rtogs/ sems ma'i rgyan rang rgyud du bsgoms na/ 'dod chags chos nyid du mi 'byongs/ khro bo khro mo'i rgyan rtags rang rgyud du bsgoms na/ phrag dog gi rlung 'tshubs/ sbrul rang rgyud du bsgoms na/ zhe sdang gi me 'bar/ ko rlon rang rgyud du bsgoms na/ gti mug gi gtibs chad/ zod phreng rang rgyud du bsgoms na/ 'khor ba'i gnas nas mi g.yos so// thub pa'i rgyan la/ dbu zlum rang rgyud du bsgoms na/ nyan thos 'gog pa las mi thar ro// zhabs rjen rang rgyud du bsgoms na/ 'dod pa'i yon tan mi 'char ro// chos gos rang rgyud du bsgoms na/ sdug bsngal gyi sgo 'byung ngo // 'phrag phyung rang rgyud du bsgoms na/ tshul khrims kyi rtsa ba dka'o// rgyud kyi rgyal po ting nge 'dzin mchog gi rgyud las/ rgyan dang

  334. 167b

    cha lugs kyi skyon bsal ba'i le'u ste lnga pa'o// // da ni yid byed pa po kun tu bzang pos/ ci yang ma g.yos pa la ni mang po bsam gyis mi khyab pa/ mang po bsam gyis mi khyab tsam ni gcig gi ngang las kyang ma g.yos te/ srid pa'i sa bon ngan pa dang / sbas pa las mngon par 'chel pa dang rnam par rtog pa'i gnyen po/ mi rtog pa'i ye shes shar nas/ hUM hUM hUM bi shwa badz+ra kro ta dz+wa la maN+Dal phaT phaT/ ces tshig tu ma brjod pa'i sgras/ snang zhing srid pa'i chos thams cad skye ba med pa'i klong du rgyas btab par sangs rgyas so// sangs rgyas pa'i ngang de las rnam par rtog pa la zhen pa mun pa la sgron me 'degs pa'am/ bar snang la nyi ma shar ba bzhin mi gnas pa'i ye shes chen por bsgral nas/ dz+nyA na tsakra dza la maN+Dal hUM/ zhes brjod pas mang po 'dus pa'i dur khrod la/ 'khor ba dag pa'i zhing ngo // 'dod chags zab pa'i khrag gi rgya mtsho dang / rdo rje'i rlung nag 'tshubs ma dang / zhe sdang keng rus kyi ri rab sogs kha gyen du 'khyil ba'i steng du/ dur khrod sna tshogs las grub pa'i gzhal yas khang / ming dang mkhan du ma btags pa/ tshad dpag tu med pa dag gis rang byung gi ye shes shar ba'i phyir skam rlon gcal ba'i brtsigs pa la/ gnam lcags kyi thog gis thal phyung nas/ ye shes tshangs pa'i gdung kun tu 'byams klas pa/ grangs med pa

  335. 168a

    gzhis g.yogs shing / zhing gi ka phya ma dang / dral dral dang / bla re dang 'phan gdugs la sogs pas brgyan pa med pa'i rgyan/ ma mthong zhing mi dmigs par rig pa la bkra zhing gsal bar gyur to// de las gzhal yas khang de'i nang med pa'i nang du/ 'od med pa'i 'bar ba chen po/ rtsibs med pa'i 'khor lo rtsibs bzhi pas brgyan cing / bar khyams dang snam bu la sogs pas mdzes te/ sgo bzhi dang / thod phreng la sogs pa'i ming du med cing bdag nyid rig pa shar bas sangs rgyas so// de la gzugs med pa'i sems can khyu mchog ma he gzig dang stag dom la sogs pa dang / de wa lha chen bsnol ba'i gdan dang / zhing rkyang pa dang / tsi ber nen teg dang / ras stan 'bar ma dang / wa yi cang tse la sogs pa ma bkod pa'i rgyan dang / mdzes pa chen po'i lhun la gcig kyang ma grub par yon tan gyi tshogs bsam yas pa snang ngo // de ltar snang tsam na chos nyid skye ba med pa'i klong las gang yang g.yos pa med do// de ltar g.yos pa med tsam na/ nga ru rtog pa dang / bdag tu 'dzin pa dang / srid pa'i sa bon gyis ded pa dang / log pa'i phyogs la yid 'thad pa/ gdug rtsub dang / dug lnga rang thad du phyin ci log tu khrid pa rnams/ byas pa'i ngo bo ci yang med par/ ras bal rlung gis ded pa'am/ sog phung la me mched pa bzhin//

  336. 168b

    'dzin rtog gi blo bshigs nas/ snang ba chen po rang byung gi me sbar te/ dgyes pa chen po'i lhun la nub pa'i dus med pa'i sgra ha ha dang phaT phaT kyi sgra phyogs bcur yongs su sus kyang ma bsgrags par rang grags so// de yang sems can gyi spyi mthun gyi las las ma byung ste/ mnyam pa chen po'i klong gi ye shes la/ rang byung gi ye shes mngon du byung ba'i rol pa yin par zad de/ de ni rnam smin sun phyung nas/ 'khor ba ru bzlog pa'i dpa' brtul lo// de tsa na rtogs pa don dang ldan pa rnams ni/ skye ba med pa chos kyi sku gcig tu sangs rgyas dang sems can med par gsang ba dgyes pa'i ro gcig tu bstar ro// de dag phyin ci/ log tu 'dzin pa dngos po la 'chel pa rnams ni/ sus kyang ma byas par/ shin tu mi zad pa'i mtshon cha dang / drag po'i sngags zor dang / tshod sod dang / gtogs shig pa'i sgrar thos pa dang / mi bzad pa'i nad kyis cung zad cig gzir nas/ gcig la gcig nyam thag par mthong nas/ gdung ba'i smre sngags kyis 'bod de/ bdag cag 'bangs su bzhes pa 'di lta bu'i cho 'phrul ma ston/ dpal chen po lags gang tsam na bzhugs zhes 'bod do// brgyal ba dang / yang shi dang / yang sos cung zad byed do// sngon gyi bag chags drag po'i 'gyod pa yang rjes su dran no// rgyud kyi rgyal po ting nge 'dzin mchog gi rgyud las/ drag 'dul

  337. 169a

    zla ba'i le'u ste drug pa'o// // de nas chos nyid mnyam pa 'dus ma byas pa las ma g.yos par/ hA ha he phaT/ b+hu ru lu kha'i zhes ma brjod pa'i sgras/ yi ge med pa'i hA lnga/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par byung ba dang / yi ge med pa'i hUM lnga/ ming med pa'i he ru ka lnga/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par byung ba dang / yi ge med pa'i hUM lnga/ ming med pa'i kro d+hi shwa rI lnga/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par bsgom pa dang / yi ge med pa'i ha brgyad/ ming med pa'i ke'u ri ma brgyad/ tshig med pa'i sku phyag rgya chen po gcig kyang ma grub par mang po bsam gyis mi khyab par sgom pa dang / yi ge med pa'i he brgyad/ ming med pa'i phra men ma brgyad/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par sgom pa dang / yi ge med pa'i phaT bzhi/ ming med pa'i sgo ma bzhi/ tshig med pa'i sku phyag rgya chen po gcig kyang ma grub par mang po bsam gyis mi khyab par sgom pa dang / yi ge med pa'i b+h+yo nyi shu rtsa brgyad/ ming med pa'i dbang phyug ma nyi shu rtsa brgyad/ tshig med pa'i sku phyag rgya chen po gcig kyang ma grub par mang

  338. 169b

    po bsam gyis mi khyab par sgom pa dang / drag shul gyis gzhan sba bkong zhing gdul zhing tshar gcod pa'i bzlas pa'i sngags sus kyang ma brjod pa 'di dag kyang grags so// oM badz+ra ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM b+hud+d+ha ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM pad+ma ma hA shI/ he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM karma ma hA shri he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM ma hA badz+ra d+ha ra ma hA kro d+hi shwa rI badz+ra dza la ni hUM phaT/ oM sarba ta thA ga ta ma hA kro d+hi shwa rI sarba duSh+TAn hUM phaT/ oM sUr+ya rat+na ma hA kro d+hI shwa rI bi da ma hUM phaT/ oM hrI shru ta sa ma tA pad+ma ma hA kro d+hi shwa rI khA hi hUM phaT/ oM sarba a mo g+ha ma hA kro d+hi shwa rI bi shwa hUM phaT/ oM badz+ra go rI ha/ badz+ra tsau rI ha/ badz+ra pra mo he ha/ badz+ra be tA lI ha/ badz+ra puk+ka si ha/ badz+ra g+hasma rI ha/ badz+ra sma sha nI ha/ badz+ra tsaN+Da lI ha/ oM badz+ra sid+ha mu khI he/ badz+ra b+ha g+h+ri mu khI he/ badz+ra sr-i gA la mu khI he/ badz+ra shwa na mu khI he/ badz+ra gr-i D+ha ma khI he/ badz+ra kang+ka mu khI he/ badz+ra ka ka mu khI he/ badz+ra u lU ka mu khI he/ oM badz+ra Ar+ya te dza teng dza/ badz+ra a mu khe hUM/ badz+ra lo ka baM/ badz+ra b+ha smi pa la ya ba tu ho/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo

  339. 170a

    b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ sngags dang snying po de rnams kyis/ lha lnga bcu rtsa brgyad kyi dkyil 'khor shin tu bkra zhing mi snang bar gsal lo// de tsam na chos nyid mnyam pa las ma g.yos shing 'jig rten gyi khams lha'i dkyil 'khor gyis ma khengs pa med pa la/ don mi byed pa med cing / don bya ba'i rgyu yang med do// don byas pa'i mthu ma rtogs pa/ smre sngags 'don pa rnams/ chos nyid la ro nyams su myang du bcug nas/ bde ba chen po'i rgyan du byas/ snang srid chos kyi dbyings su 'dus pas/ gzhal yas khang la ma brgyan dgus brgyan no// brdal ba chen po'i ye shes shar nas/ ma byung dgu byung / ma bkag pa'i rol pa byung bas ma sbrul dgu sprul lo// bdag nyid chen por sangs rgyas pas gcig kyang mthar ma grub bo// rol pa'i cho 'phrul yin pas/ sku mdog dang phyag mtshan rgyan dang cha lugs thams cad kyang gsal lo// ye shes la ye shes gdul mi dgos pa'i tshul gyis btul/ rol mi dgos pa'i tshul gyis spyod nas/ snang srid ye rgya chen pos btab bo// rgyud kyi rgyal po ting nge 'dzin mchog gi rgyud las/ gsung yig 'bru'i cho 'phrul gyis/ bdud btul ba'i le'u ste bdun pa'o// // da ni ye shes rgyal po'i gzhal yas khang gi rtogs pa bshad de/ yi ge hUM 'bar rang rgyud du bsgoms na gdug rtsub kyi tshogs su

  340. 170b

    skye'o// drag po'i sngags zer rang rgyud du go na/ bdud kyi spyod pa 'byung ngo // rdo rje'i rlung nag rang rgyud du go na/ 'pho 'phyugs kyi gnas 'khyim mo// khrag gi rgya mtsho rang rgyud du go na/ dmyal ba'i mtshor skye'o// keng rus ri nga ba rang rgyud du go na/ srin po'i mkhar brtsig go/ 'bar ba'i me dpung rang rgyud du go na/ lnga phung gi yan lag tshig go/ dur khrod kyi gzhan yas rang rgyud du go na/ srin po 'bar bar skye'o// ban+d+ha skam rlon gyi brtsigs pa rang rgud du go na/ dbang po'i sgo lnga'i tshogs 'chad do// gnam lcags kyi thog gzer rang rgyud du go na/ 'dzin chags kyi blo rtog mi 'chad do// zhing chen gyi ka gdung rang rgyud du go na/ 'khor ba'i dpyis mi phyin no// mchog chen gyi dral phyam rang rgyud du go na/ ngan song gi gnas mi stongs so// srad gsal gyi zhing gi g.yang gzhi rang rgyud du go na/ sems can gyi gnas mi stongs so// tshangs pa'i gdung bzhi rang rgyud du go na/ 'phags pa'i go 'phang nub bo// 'bar ba'i 'khor lo rang rgyud du go na/ dmyal ba'i 'khrul 'khor gyi gzhi 'dings so// nang dkyil 'khor gyi bar khyams dang / sgo bzhi rang rgyud du go na/ rtag pa'i skyon dang mi 'bral lo// zhing rkyang pa'i gdan rang rgyud du go na/ yi dwags 'dre rigs su skye'o// ras stan dar stan rang rgyud du go na/ 'jig rten pa'i rtog pa dang mi 'bral

  341. 171a

    lo// rgyu mchog rang rgyud du go na/ gti mug gi blo 'khyim mo// ma he rang rgyud du go na/ nga rgyal gyi brag 'tsher ro// gzig rang rgyud du go na/ 'dod chags kyi mtsho bskyil lo// stag rang rgyud du go na/ phrag dog gi rlung ldang ngo // dom rang rgyud du go na/ zhe sdang gi me 'bar ro// rA tra bsnol ma rang rgyud du go na/ gdug pa'i sngags zer gyis 'chi'o// 'khor ba bsgral ba rang rgyud du go na/ them skas kyi sgo 'gag go/ 'od zer gyi 'phro 'du rang rgud du go na/ bdud kyi cho 'phrul 'byung ngo // sgra'i chem rgyang rang rgyud du go na/ srid pa'i bskal pa g.yo ba'i sgrib pa 'byung ngo // chags pa'i gzhi med cing ma chags pa'i gleng brjod spong ngo // rgyud kyi rgyal po ting nge 'dzin mchog gi rgyud las/ gzhal yas khang gi rtog pa bshad pa'i le'u ste brgyad pa'o// // da ni ye shes rgyal pos khro bo'i dkyil 'khor gyi sku phyag rgya'i rtog pa bshad de/ khro bo'i dkyil 'khor gyi sku zhal gsum phyag drug pa rang rgyud du bsgoms na/ las kyi srin por skye'o// gsung nga ro'i yi ge 'bru brgyad rang rgyud du bsgoms na/ gsang sngags kyi sgo 'tshal lo// thugs ye shes sems dpa' rang rgyud du bsgoms na/ rnam par rtog pa'i sdong skogs su 'byung ngo // khro bo dang khro mo rnams kyi spyan rang rgyud du bsgoms na/ rnam par thar pa'i sgo 'gag go/ snyan rang rgyud du bsgoms na/ spang

  342. 171b

    len gyi sgra 'byung ngo // shangs rang rgyud du bsgoms na/ rgyu 'bras so so'i drir 'khyams so// zhal rang rgyud du bsgoms na/ sems can gyi lhung sar 'gyur ro// mche ba rang rgyud du bsgoms na/ za byed kyi bdud phopor 'gyur ro// phyag rang rgyud du bsgoms na/ dngos po ther zug gis gang ngo // zhabs bzhi rang rgyud du bsgoms na/ phyin ci log bzhi'i gnas 'khyams so// khro bo dang khro mo'i phyag mtshan la/ rdo rje 'bar ba brtse dgu rang rgyud du bsgoms na/ khams gsum sa dgur ltung ngo // kha T+wAM rang rgyud du bsgoms na/ bdud kyi lag char 'bar ro// rde'u chung rang rgyud du bsgoms na/ sgyu ma'i rdzas su 'gyur ro// dril bu rang rgyud du bsgoms na/ mi rtag pa'i rdzas su 'gyur ro// dung dmar rang rgyud du bsgoms na/ 'byung po khrag 'thung du skye'o// rgyu zhags rang rgyud du bsgoms na/ sdig pa'i rgyun mi 'chad do// 'khor lo rang rgyud du bsgoms na/ srid pa'i 'khor lor 'khyams so// rin po che rang rgyud du bsgoms na/ yon tan gyi tshogs dang 'bral lo// pad+ma rang rgyud du bsgoms na/ 'dzin chags kyi sgron 'byung ngo // rdo rje rgya gram rang chud du bsgoms na/ las kyi dbang btsan du skye'o// stong gi 'jig rten khor yug rang rgyud du bsgoms na/ rtag pa'i brag brtsig go/ ral gri rang rgyud du bsgoms na/ mtshon gyi bskal pa 'byung ngo // dgra sta rang rgyud du bsgoms

  343. 172a

    na/ srog gi bdud du 'bab bo// gshol rang rgyud du bsgoms na/ lce la me 'bar bar 'gyur ro// zhing dbyug rang rgyud du bsgoms na/ 'khor ba'i g.yang sar lhung ngo // mda' gzhu rang rgyud du bsgoms na/ bde ba chen po'i thugs dam mi skye'o// chu srin rgyal mtshan rang rgyud du bsgoms na/ rgyal ba'i ye shes mi thob/ byis pa za ba rang rgyud du bsgoms na/ sa bdag byis can du skye'o// rgyu ma 'dren pa rang rgyud du bsgoms na/ sa bdag nag po rgyu 'dren du skye'o// khrag 'thung ba rang rgyud du bsgoms na/ 'byung mo khrag 'thung mor skye'o// snying za ba rang rgyud du bsgoms na/ gnod sbyin ma ru tser skye'o// mgo lus 'brel ba rang rgyud du bsgoms na/ dur khrod kyi 'dre mor skye'o// zhing stod smad bsnol nas dkrugs shing za ba rang rgyud du bsgoms na/ ne'u le sha zan du skye// zhing gi nang khrol 'dren pa rang rgyud du bsgoms na/ nag po rgyu zan mar skye/ zhing phrag pa la bkal ba rang rgyud du bsgoms na/ mu stegs ro kun tu skye/ zhing 'drad pa rang rgyud du bsgoms na/ dregs pa sha zan du skye/ gre thogs pa rang rgyud du bsgoms na/ lus kyi 'jigs pa che/ ti ra spri nas 'joms pa rang rgyud du bsgoms na/ rnam smin 'chal bar skye/ lcags kyu rang rgyud du bsgoms na/ phung po lnga po 'dzin pa'i rgya las mi thar/ zhags pa rang rgyud du bsgoms na/ mgo lus dam

  344. 172b

    par 'ching / lcags sgrog rang rgyud du bsgoms na/ lnga phung yan lag bsdam/ dril bu rang rgyud du bsgoms na/ tshe srog gzhan du spor/ dbang phyug ma'i phyag mtshan rang rgyud du bsgoms na/ srin po ru tra'i tshogs bskyed do// rgyud kyi rgyal po ting nge 'dzin mchog gi rgyud las/ sku phyag rgya'i rtog pa bshad pa'i le'u ste dgu pa'o// // de nas ye shes rgyal po des dbu dang rgyan chas kyi rtog pa bshad de/ dbu skra ral pa kham nag gyen du 'khyil ba rang rgyud du bsgoms na/ mya ngan gyi zug rngu skye'o// thod skam gyi dbu rgyan rang rgyud du bsgoms na/ sdug bsngal gyi gzhi sog go/ seng ge'i mgo can rang rgyud du bsgoms na/ lnga phung zil gyis gnon pa'i byol song seng ger skye'o// stag mgo rang rgyud du bsgoms na/ yul rong gi stag tu skye'o// wa mgo rang rgyud du bsgoms na/ yul gyi mtshal khung gi wa mor skye'o// spyang ki'i mgo can rang rgyud du bsgoms na/ nags kyi spyang kir skye'o// bya rgod mgo can rang rgyud du bsgoms na/ rgyu ma skyegs kyis 'gong ngo // kang ka'i mgo rang rgyud du bsgoms na/ dur khrod bya ru skye'o// bya rog mgo rang rgyud du bsgoms na/ bkres skom gyi gnas su 'khyams so// 'ug mgo rang rgyud du bsgoms na/ shes pa nyin mtshan du 'khrul lo// rta mgo rang rgyud du bsgoms na/ mi'am ci'i gling du skye'o// phag mgo rang rgyud du bsgoms na/ sri can

  345. 173a

    du sprugs so// dred mgo rang rgyud du bsgoms na/ tsha ba'i dred mor skye'o// sbrang mgo rang rgyud du bsgoms na/ ga lags ca/ dbang phyug ma'i mgo rang rgyud du bsgoms na/ byol song so so rang rang gi gzugs su skye'o// khro bo khro mo'i sku'i rgyan cha rang rgyud du bsgoms na/ sdug bsngal gyi dbang btsan du skye'o// stag gi sham thabs rang rgyud du bsgoms na/ phrag dog gi rlung 'tshubs/ sbrul nag gi chun po rang rgyud du bsgoms na/ zhe sdang gi me 'bar/ glang chen gyi ko rlon rang rgyud du bsgoms na/ gti mug gi shing srung / zhing chen gyi g.yang gzhi rang rgyud du bsgoms na/ dur khrod kyi bdag por skye/ zhag gi tshom bu rang rgyud du bsgoms na/ log 'dren gyi kha zas su 'gyur// khrag gi thig le rang rgud du bsgoms na/ ma mo'i rngan zas su 'gyur/ thal chen gyi mtshan ma rang rgud du bsgoms na/ srin po thal ba yod par skye/ bskal pa'i me nga rgyud du bsgoms na/ 'bras bu mes tshig/ b+haM ku Ti gnyer ma rang rgyud du bsgoms na/ gnas kyi dregs par 'gro/ rdo rje'i gshog pa rang rgyud du bsgoms na/ ltung ba'i g.yang sa che/ thod phreng rang rgyud du bsgoms na/ sku gsum gyi sgo 'gags/ thod skam rang rgyud du bsgoms na/ chos sku dngos por gol/ thod pa ra ri rang rgyud du bsgoms na/ longs spyod rdzogs pa'i sku dngos por gol/ thod pa rlon pa rang rgyud du

  346. 173b

    bsgoms na/ sprul pa'i sku rang rgyud du gol/ sku mdog rang rgyud du bsgoms na/ kha dog lnga'i sgrib pa che/ mthing nag rang rgyud du bsgoms na/ zhe sdang rang ga ma/ smug nag rang rgyud du bsgoms na/ gti mug rang ga ma/ ser nag rang rgyud du bsgoms na/ nga rgyal rang ga ma/ dmar nag rang rgyud du bsgoms na/ 'dod chags rang ga ma// ljang nag rang rgyud du bsgoms na/ phrag dog rang ga ma/ sngon mo rang rgyud du bsgoms na/ nam mkhal mtha' la chags mi bslad/ ser mo rang rgyud du bsgoms na/ dngos po gser sdong du 'gyur/ dmar mo rang rgyud du bsgoms na/ nyi ma'i dmar thag chad/ nag mo rang rgyud du bsgoms na/ gling bar gyi mun par 'khyams// dmar ser rang rgyud du bsgoms na/ nyi ma'i 'od zer du 'phros/ ljang gu rang rgyud du bsgoms na/ lo 'dab kyi rdzas la chags/ ser skya rang rgyud du bsgoms na/ nam zla'i tshod la lhultung / gro mo rang rgyud du bsgoms na/ las dang sdig par gol/ snar mo rang rgyud du bsgoms na/ phung po sha'i rdos che'o// dbang phyug ma'i sku mdog rang rgyud du bsgoms na/ so so rang rang gi kha dog dngos po rdos pa can du skye'o// rgyud kyi rgyal po ting nge 'dzin mchog gi rgyud las/ khro bo'i rgyan chas kyi rtogs pa bshad pa'i le'u ste bcu pa'o// // da ni ye shes rgyal po des ta na ga Na'i rtog pa bshad de/ sbyor ba rang

  347. 174a

    rgyud du bsgoms na/ mngal gyi srin par skye'o// sgrol ba rang rgyud du bsgoms na/ las kyi srin bur skye'o// yum rang rgyurgud du bsgoms na/ chos nyid kyi ro mi myong / pad+ma rang rgyud du bsgoms na/ b+ha ga 'dus pa dang 'gal lo// gsang ba'i rdo rje rang rgyud du bsgoms na/ rigs pa dbyes ring du skye'o// 'jam dpal rang rgyud du bsgoms na/ tsha ba'i nad mi 'chad do// tsit+ta len pa rang rgyud du bsgoms na/ srog gi lan chags 'ong ngo // phung po rang rgyud du bsgoms na/ ngan song gsum gyi gzhi sog go/ byang chub sems dkar dmar rnam gnyis rang rgyud du bsgoms na/ sems can gyi gzugs su smin no// rgyud kyi rgyal po ting nge 'dzin mchog gi rgyud las/ ta na ga Na'i rtog pa bshad pa'i le'u ste bcu gcig pa'o// // de skad ces yid byed pa po kun tu bzang pos/ ci yang ma gsungs par bka' stsal pas/ rdo rje sems dpa' la sogs pa rigs lnga yab yum dang / zhi khro'i lha brgya rtsa brgyad kyi 'khor gyis/ rgyud kyi rgyal po ting nge 'dzin mchog gi rgyud kyi don rtogs so// rgyud kyi rgyal po ting nge 'dzin mchog gi rgyud las/ 'bras bu nges par bkod pa rdzogs so// s+thi// phrin las thams cad kyi rgyal po skabs sbyor bdun pa'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis shes pa'i dus gcig na//

  348. 174b

    bcom ldan 'das yid byed pa po rang byung gi gnas na bzhugs pa la/ yid kyi sras gnyis su med pas 'di skad ces gsol to// bcom ldan 'das de bzhin gshegs pa thams cad kyi phrin las kyi rgyal po'i skabs sbyor bdun pa'i rgyud ces bgyi ba de gang lags/ sku'i phrin las kyi skabs sbyor ba gang lags/ gsung gi phrin las kyi skabs sbyor ba gang lags/ thugs kyi phrin las kyi skabs sbyor ba gang lags/ blta ba'i phrin las kyi skabs sbyor ba gang lags/ bsgrub pa'i phrin las kyi skabs sbyor ba gang lags/ spyod pa'i phrin las kyi skabs sbyor ba gang lags/ bcom ldan 'das kyis lung bstan du gsol/ bde bar gshegs pas lung bstan du gsol/ bcom ldan 'das kyis bka' stsal pa/ sras mchog dam pa nyon cig/ skabs sbyor bdun pa'i rgyud 'di ni/ phyogs bcu dus gsum gyi bde bar gshegs pa rnams kyis kyang gsungs shing bshad la gsungs pa yang mi mnga'/ ngas kyang bshad la bshad pa yang med do// de ci'i phyir zhe na/ rtag pa can gyi mtshan nyid ma yin pa'i phyir te/ des na rigs kyi bu phrin las zhes bya ba yang / dmigs su med pa'i man ngag las ma gtogs par/ 'dus byas kyi mtshan ma'i las su bstan pa ma yin te/ de la sku'i phrin las kyi skabs sbyor ba 'di yid la zung zhig/ de la sangs rgyas kyi sku gang yin pa ni

  349. 175a

    sems can gyi lus la/ sems can gyi lus gang yin pa de ni bdag ste/ bdag gi phung po langs kyang rung / 'dug kyang rung / 'gro yang rung / 'grengs kyang rung / gnas kyang rung / mi gnas kyang rung / rol kyang rung ste/ phrin las kyi skabs sbyor nyid du mdzad pa ste/ de ci'i phyir zhe na/ lus langs na skye ba med pa chos kyi dbyings nas bzhengs pa'i sku ste/ don chos nyid du sbyor ba'i phrin las so// lus 'dug na yum kun tu bzang mo'i rang bzhin dag pa'i mkha' la bzhugs pa'i sku ste/ yab yum du sbyor ba'i phrin las so// lus 'gro na thugs rje chen pos yongs la khyab pas sprul pa'i sku ste/ thabs dang shes rab tu sbyor ba'i phrin las so// lus 'grengs na/ bde chen longs spyod pa'i sku ste/ yab yum gnyis su med par sbyor ba'i phrin las so// lus gnas na dbyings dang ye shes gnyis su med pa'i chos kyi sku ste/ gnyis su med pa'i phrin las so// lus mi gnas na ma skyes pa'i chos nyid mngon par byang chub pa'i sku ste/ ye shes chos nyid du dbyer med pa'i phrin las so// lus rol na/ 'chi ba med pa rdo rje'i sku ste/ lus dngos su snang ba thams cad rdo rje'i rigs te/ sangs rgyas spyan dang gnyis su med de/ me long lta bu'i ye shes kyi phrin las so// lus thams cad du rlan zhing sdud pa thams cad ni/ rin po che'i rigs te mA ma ki

  350. 175b

    dang gnyis su med de mnyam pa nyid kyi ye shes kyi phrin las so// lus la drod 'byung ba thams cad ni/ pad+ma'i rigs te gos dkar mo dang gnyis su med pa'i so sor rtogs pa'i ye shes kyi phrin las so// lus kun tu spyod tub tub pa thams cad ni/ las kyi rigs te dam tshig sgrol ma dang gnyis su med de bya ba nan tan gyi ye shes kyi phrin las so// lus gzhig na/ rang bzhin med pa thams cad ni de bzhin gshegs pa'i rigs te/ kun tu bzang mo dang gnyis su med de stong pa nyid kyi ye shes kyi phrin las so// de bas na lus sku'i phrin las thams cad ni yang dag pa'i phrin las la yengs pa med par mdzad de/ de la 'di skad ces brjod par bya'o// gdod nas ma skyes rnam dag dbyings kyi sku// yongs la khyab pas thugs rje sprul pa'i sku// thabs mkhas rol pas longs spyod rdzogs pa'i sku// skye shi med pas rdo rje sems kyi sku// don dam rtogs pas mngon par byang chub sku// gnyis med g.yung drung bde chen chos kyi sku// sku lnga dbyer med rol pa'i phrin las kyi// don dam phrin las yengs pa med par mdzad// lus kyi bskul bskyod phyag rgya'i dkyil 'khor la// sku yi phrin las cir yang g.yos pa med// ma lus thabs su bsgyur ba'i phrin las kyis// gang zhig bsgral ba byang chub de thob nas// srog bcad nyid kyis thar lam bde

  351. 176a

    ba thob// lus kyi spyad pas sangs rgyas zhing du grags// sku yi rol pas bde chen 'du 'bral med// snying po byang chub ma bkag yan du khye// don la 'dus ma byas pa'i rang bzhin la// ma lus yongs la snyoms pa'i phrin las mchog/ na dang tsha bas sdug bsngal na// dngos po mtshan ma'i nad 'jom pa// 'di yang sku yi phrin las mchog/ bkres dang skom pas sdug bsngal na// chos nyid dngos po mtshan bsgribs pas// 'di yang sku yi phrin las mchog/ rgas dang rgud pas sdug bsngal ni// rtag chad don gyi mthar sbyor bas// 'di yang sku yi phrin las mchog/ grang dang 'dar bas sdug bsngal na// mtshan mar zhen pa rang spyod pas// 'di yang sku yi phrin las mchog/ skye dang 'chi bas sdug bsngal na// mi rtag gdon gyi mthar sbyor bas// 'di yang sku yi phrin las mchog/ bde dang skyid pa'i longs spyod dang // dro dang 'jam pa'i longs spyod dang // ro dang 'dod par longs spyod na// chos nyid don gyi ro tshor bas// 'di yang sku yi phrin las mchog/ sku yi phrin las 'di shes pa'i// rnal 'byor blo ldan gang spyod pa// don la the tshom med par 'grub// dgongs dang sku dang dus gsum du// 'du 'bral med pa'i phrin las mdzad// yengs pa med par bsgrub pa'i klong // gang zhig 'di dang mi ldan pa// thar pa'i dus med 'ching ba'i rgyu// legs

  352. 176b

    par spyad kyang sdig pa'i shas// bsgrubs kyang don med g.yeng ba'i rgyu// 'di la gang zhig goms byed pas// nyes par spyad kyang legs pa'i lam// ma bsgrubs par yang grub pa'i gdeng // g.yung drung sku yi gter btsugs pa'o// sku yi skabs sbyor dang po'o// // da ni gsung gi skabs sbyor yid la zung zhig de la sangs rgyas kyi gsung gang yin pa sems can gyi ngag yin la/ sems can gyi ngag gang yin pa bdag gis smra ba ste/ bdag gis smra ba brjod kyang rung / ma brjod kyang rung / bden par smras kyang rung / rdzun par smras kyang rung / snyan par smras kyang rung / mi snyan par smras kyang rung / sgra lhang lhung por smras kyang rung / gsang ste shub bur brjod kyang rung / gang zag gi sgren tshig tu smras kyang rung / man ngag gi chos nyid du brjod kyang rung / 'dod chags kyi sbyor sngags su brjod kyang rung / bzhad gad kyi bre mo'i gtam du smras kyang rung / zhe sdang gi khro gtum dang byams pa'i gtam ngag tu smras kyang rung ste/ phrin las kyi rgyal po skabs sbyor nyid du mdzad pa ste/ de ci'i phyir zhe na/ de ni 'di ltar ngag smra zhing brjod na/ skye ba med pa'i chos kyi dbyings rum nas/ 'gro ba 'dul ba'i thabs su thugs kyis dgongs nas/ mgur gyi bum pa las phyung / ljags kyi dbang po la bkram nas/ snod kyi rim par bsgrags pas/ ngag gsung chos

  353. 177a

    kyi 'khor lo bskor ba'i phrin las so// ngag gis ma brjod cing ma glengs na/ gsung chos nyid bden pa'i don la tshig tu ma gsungs pas kyang don go bar bzhed pas/ ma g.yos pa'i chos nyid kyi gsung la/ skye ba med pa'i gsung cang mi gsung bar bzhugs pas/ ngag gsung brjod pa med pa'i phrin las so// ngag gis bden par smra na/ mar khu khol ma'i nang du chu mi gnas pa bzhin du/ chos nyid la rdzun gsung du mi mnga' ste/ ci gsungs pa don dang ldan pas/ rdzun med pa'i rang bzhin te/ gsung bden pa'i phrin las so// ngag gis rdzun du smras shing brjod na/ gsung rab dam pa'i chos kyis nyon mongs pa 'khor ba'i chos bslu zhing 'brid la/ rdzun dang 'dra ba yin pas/ gsung 'khor ba 'dren pa'i phrin las so// ngag gis snyan par smras shing brjod na/ chos nyid kyi byin rlabs kyis 'gro ba kun gyi yid tshim pa'i rang bzhin pas/ dbang po tshim zhing go bar byed pas snyan par smra ba ste gsung kun dang mthun pa'i phrin las so// ngag gis mi snyan par smras shing brjod na/ dper na dgra sdang ba nyid kyang dge ba'i bshes gnyen la/ mi snyan par smras pa nyid ni/ rgyu la shes pa che bas/ 'bras bu 'khor bar chags kyis dogs pas mi snyan par brjod pa ste gsung chags pa dang bral ba'i phrin las so// ngag gis sgra lhang lhung por

  354. 177b

    brjod na'ang / sgras dbang po tshim zhing sgra mthar stong pa dang 'dra bar/ chos nyid skye ba med pa'i don gyis pha rol gyi yid tshim par byed cing / chos thams cad rang bzhin gyis sgra mthar stong ste/ des sgra lhang lhang por brjod pas/ gsung go bar sgrogs pa'i phrin las so// ngag gis gsang ste shub bur brjod de snying po ma yin pa'i snying po yid la bzlas pas/ gsang ste shub bur brjod pa ste gsung gsang ba'i snying po sngags kyi phrin las so// gang zag gis sgren tshig tu smras na/ 'dul ba'i dus la gang la bab par gsung ji skad bsgyur du rung bas/ don du mi 'gal na ni tshig nyid kyang sgren tshig tu smra ba ste gsung thabs mkhas pa'i phrin las so// man ngag gi chos nyid du brjod na/ chos kyi 'khor lo gsung dbyangs brgya dang ldan pas/ dbang po rab 'bring gsum la ji ltar 'dul ba bzhin go ba ni chos nyid du brjod pa ste/ gsung chos kyi 'khor lo bskor ba'i phrin las so// ngag 'dod chags kyi sbyor sngags su brjod na/ thams cad yab yum gyi tshul du sbyor ba'i brda skad du smra ba ste/ gnyis su med pa'i chos rnams kyi rang bzhin pas/ 'dod chags kyi sbyor sngags su brjod pa ste gsung gnyis su med pa'i phrin las so// ngag bzhad gad kyi bre mo'i gtam du brjod na/ dgyes pa chen po chos nyid kyi sgra brnyan du bstan pa ste/ rang bzhin gyis bstan pa

  355. 178a

    nyon mongs pa rang ga mas mi dka' ba med pas/ bzhad gad bre mo'i gtam du smra ba ste gsung dgyes pa chen po'i phrin las so// ngag zhe sdang gi khro gtum dang byams pa'i gtam ngag tu brjod pa ni// gzung 'dzin gyi rnam par rtog pa sun phyung ba dang / chos nyid zug rngu med pa'i snying rje bzung bas khro gtum dang gdams ngag smra ba ste gsung ji ltar 'dul ba bzhin du mdzad pa'i phrin las mdzad pa'o// de bas man ngag gsung gi phrin las mdzad pa ni/ thams cad chos nyid du phrin las yengs pa med par mdzad pa ste/ de la 'di skad ces brjod par bya'o// rang bzhin spros bral de bzhin gshegs rnams kyi gsung // brjod med ma skyes ye nas stong pa'i gzhi// tshig dang yi ger ma brtags mtshan ma med// dngos med ma skyes chos rnams 'byung ba'i mdzod// thabs la mkhas pas yongs la khyab par sgrogs// 'gro ba'i don mdzad gsung rab bdud rtsi'i bcud// ma rig log rtog kha lo gyen la bsgyur// dam pa chos kyi yon tan brjod mi langs// ji snyed brjod pas gsung rab rgya mtsho ste// theg pa'i bye brag blo la snang bar 'gyur// don 'di gang zhig blo la 'chang ba dang // nges par sems la gsal ba'i rnal 'byor des// ji snyed brjod pa chos kyi sgo mo la// pha rol gzhan gyis shes pas grol ba yis// gsung rab don dang ldan pa

  356. 178b

    rgyal bas gsungs// gang zhig 'di dang ma ldan chos smra ba// bden par smras kyang pha rol mi go ste// dper na rgyal po ma yin dmangs rnams kyis// bden par smras kyang nyan pa med pa ltar// 'di dag mi shes rnal 'byor gzhan rnams kyis// don dang ldan yang gang yang 'dul ba med// zhal nas ci gsungs gsung rab bdud rtsi la// gzhan la ci brjod man ngag ston pa'i mchog/ tshig gi sgra skad skye med chos kyi dbyings// don gyi bden pas ngar 'dzin rtog pa med// lung dang ldan pas brjod pa don gyi dbang // bla ma'i lung las phyung ste bstan par bya'o// 'di dang mi ldan chos ston pa// dam chos nyams pa'i rgyur 'gyur ro// bshad kyang don med g.yengs pa'i rgyu// 'di ltar rtogs nas gang smra ba// log par bstan kyang nges pa'i lung // spros pa med pa'i chos mdzod de// man ngag bdud rtsi'i char phab pa'o// gsung gi skabs sbyor gnyis pa'o// // da ni thugs kyi phrin las kyi skabs sbyor 'di yid la zung zhig/ de la sangs rgyas kyi thugs gang yin sems can gyi yid la/ sems can gyi yid gang yin pa bdag gi sems te/ bdag gis bsams kyang rung / ma bsams kyang rung / yid la dran yang rung / ma dran yang rung / nyon mongs pa lnga'i sems skyes kyang rung / ma skyes kyang rung / bzang por bsams kyang rung / ngan par bsams kyang

  357. 179a

    rung / gtsang bar bsams kyang rung / mi gtsang bar bsam kyang rung / dga' bar bsams kyang rung / mi dga' bar bsams kyang rung / skye bar bsams kyang rung / 'chi bar bsams kyang rung / rung bar bsams kyang rung / mi rung bar bsams kyang rung / skyes par bsams kyang rung / bud med dang ma ning la sogs pa 'gro ba rigs drug tu bsams kyang rung / ma bsams kyang rung / gzugs dang kha dog la sogs pa yul dang dbyings su bsams kyang rung / ma bsams kyang rung ste/ phrin las kyi rgyal po skabs sbyor ba nyid du mdzad de/ de ci'i phyir zhe na/ de ni 'di ltar yid la bsams na/ chos nyid kyi klong na rig pa'i ye shes ma brjod pa'i dgongs pa rgyun mi 'chad pa ste yid rnal 'byor gyi dgongs pa la bzhugs pa'i phrin las so// yid kyis ma bsams pa 'dzin rtog med pa'i shes rab kyis rang bzhin byung tshor spong ba'i thabs la mkhas pa'i rol pa ste rnam par mi rtog sgra bsam brjod las 'das pa'o// yod ces sgro ma btags/ med ces skur pa ma btab/ ci la yang sems kyis mi rtog pa'i sgo nas phrin las so// yid dam sems kyis dran na rang byung gi ye shes btsal ba med par rang byung ba ste/ mtshan ma med pa las mtshan ma med pa'i dbyings bye brag/ skye ba med pa las skye ba'i cho 'phrul du sems la ci dran snying

  358. 179b

    rje chen po'i rang bzhin te/ snang la rang bzhin med la phyogs dang ris med par khyab pas/ de tsam na phyogs dang ris su ma bzung bas thugs kun snang gi dgongs pa'i phrin las so// sems la nyon mongs pa lnga'i sems skyes na/ nyon mongs pa nyid rgyu'i byang chub sems kyi rtsa ba ma nor ba ste/ sems 'dod chags na chos nyid spros pa med pa blo la snang ba'i 'dod chags pas/ gsung byang chub sems kyi rgyu/ sems zhe sdang na rnam par rtog pa'i mtshan ma mi gnas par sun 'byin pas/ thabs mkhas pa'i zhe sdang yin pas/ thugs byang chub sems kyi rgyu/ sems gti mug na/ gzung 'dzin gyi rnam par rtog pa mgo rmongs shing mi gnas par/ gti mug pas sku byang chub sems kyi rgyu/ sems nga rgyal na/ che ba'i yon tan gang gis kyang dpag gis mi langs pas/ gang gi dbang du mi btang bas/ yon tan byang chub sems kyi rgyu/ de nyid rgyu 'bras kyi don mi dmigs pa'i ye shes shes rab kyi sa zin pas/ thugs ting nge 'dzin gyi dgongs pa'i phrin las so// sems de ltar ma skyes na gleng brjod kyi bsam pa ril dang bral bas/ thugs thig le chen po'i dgongs pa'i phrin las so// sems kyis bzang por bsams na de bzhin gshegs pa'i sku dang ye shes dang mdzad spyod la sogs pa blta bas mi ngoms pa'i don bzang po// gsal la rtogs par snang la

  359. 180a

    rang bzhin med pas/ thugs yongs su rdzogs pa'i ting nge 'dzin du dgongs pa'i phrin las so// sems kyis ngan par bsams na/ ngan pa nyid kyang rgyu nas bdas pas bzang po la/ bzang po nyid kyi 'bras bu nas ded pas ngan pa la thug pas/ de yang gnyis su med pas thugs mnyam pa nyid dgongs pa'i phrin las so// sems kyis mi gtsang bar bsam na/ mi gtsang ba nyid kyang gtsang ba gtsang ba yang dag par shes pas/ mi gtsang ba nyid don che ba yin pas/ thugs kun tu bzang po'i dgongs pa'i phrin las so// tshig khags chad// de ltar dbang thob pa la mi dga' bas/ de yang tha mi dad pas thugs gnyis su med pa'i dgongs pa'i phrin las so// sems skye ba yang bsams na rang bzhin med pa las skyes pas/ sku gsung thugs su byin gyis brlabs pas thugs byin gyis brlabs pa'i cho 'phrul du dgongs pa'i phrin las so// sems 'chi bar bsams na/ 'gyur ba med pa chos kyi skur ni dngos po dang mtshan ma thams cad ma skyes par 'chi bas/ thugs chos kyi sku'i phrin las so// sems rung bar bsams na/ thams cad du gsal la mi bsgrib pas/ ting nge 'dzin gyi cho 'phrul pas/ thugs ting nge 'dzin gyi cho 'phrul du dgongs pa'i phrin las so// sems kyis mi rung bar bsams na yang / chag chad dang / so de las mi zhan pas/ thugs

  360. 180b

    dbyer med pa'i dgongs pa'i phrin las so// sems kyis skyes pa dang bud med la sogs pa 'gro ba rigs drug gi sems su bsams na/ sems can gyi gzugs nyid sangs rgyas yin la/ 'gro ba rigs drug dang ye shes drug dang rigs lnga rang yin pas/ thugs kyi dkyil 'khor du dgongs pa'i phrin las so// sems kyi spyod pa bsgom du bsams na/ ma bskyed kyang rtogs pa la tshang bas/ thugs bskyed bsgom dang bral ba'i dgongs pa'i phrin las so// sems gzugs dang kha dog la sogs pa yul dang dbyibs su bsams na/ rgya khyon dpag tu med pa'i gzhal yas khang rgyan dang kha dog gis brgyad pa'i rang bzhin pas/ thugs ye nas lhun gyis grub pa'i gzhal yas khang du dgongs pa'i phrin las so// sems kyis ma bsams na/ gzhi nyid snying po byang chub kyi rang bzhin la/ ye nas byas zin pa la thugs btsal ba med cing / bskyed bsgom dang bral bas dgongs pa'i phrin las so// de bas na yid thugs kyi phrin las ni/ thams cad du ye shes kyi phrin las las yengs pa med par mdzad do// de la 'di skad ces brjod par bya'o// rang rig ye shes bde gshegs rnams kyi thugs// mi brjed ma yengs don gyi snying por rtogs// rang rig spros bral 'dzin med ye shes la// thabs mkhas bde chen byang chub sems rnams 'byung //

  361. 181a

    thugs rje chen pos yongs la khyab par mdzad// 'gro ba'i don rdzogs thugs kyi phrin las ni/ mun pa'i sgo phye kha lo gyen du bsgyur// ye shes thugs kyi yon tan brjod mi langs// ci ltar dgongs pa ye shes rgya mtsho ste// dgongs pa'i man ngag yid la snang bar 'gyur// nges pa'i don 'di gang zhig rtogs pa dang // don la goms pa'i skyes bu chen po des// ci ltar bsams kyang dgongs pa'i klong du 'gyur// sems can gzhan gyi don kyang byed par nus// yang dag don dang ldan par rgyal bas gsungs// gang zhig 'di dag mi ldan thugs dgongs pa// don du bcos kyang shes par mi 'gyur te// dper na tshangs pa ma yin ngan rnams yin// legs par spyad kyang nyes par gyur pa dag/ 'di ltar ma rtogs gang zag gzhan rnams kyis// gzhung du bsgoms kyang gang yang 'grub pa med// sems la ci dran dgongs pa'i rgya mtsho la// gzhan la ci bsam rnal 'byor dgongs pa'i phul// sems kyi dran rtog thig le spros pa med// don gyi dgongs pas phyogs re'i rtog pa spangs// bka' dang 'tshams par brjod pa 'gyur// ston pa'i bka' las phyung ste bshad par bya'o// 'di dang mi ldan sems kyis sgom/ tshe chad ltung ba'i rgyur 'gyur ro// bsgoms kyang don med yengs pa'i rgyu// 'di ltar rtogs nas gang sgom pa// log

  362. 181b

    par bsams kyang nges pa'i sa// kun tu bzang po'i thugs nyid la// sems kyi dgongs pa mthar phyin pa'o// thugs kyi skabs sbyor gsum pa'o// // da ni lta ba'i phrin las kyi skabs sbyor ba 'di yid la zung zhig/ de ltar sangs rgyas kyi lta ba nyid sems can gyi yid du gcod la/ sems can gyi yid kyang sangs rgyas kyi lta bar yangs pa/ bdag cag gi lta ba chos thams cad la/ yod par blta yang rung / med par blta yang rung / bde bar blta yang rung / sdug bsngal du blta yang rung / rtag par blta yang rung / mi rtag par blta yang rung ste/ phrin las kyi skabs sbyor nyid du mdzad pa ste/ de ci'i phyir zhe na/ chos thams cad yod par blta na/ chos thams cad ye nas sangs rgyas par yod par blta ba'i rgyu/ rnam par dag pa'i phrin las so// lta bas chos thams cad med par blta ba/ bdag nyid chen por lhun gyis grub par sangs rgyas pa la/ ngan song 'khor ba'i sdug bsngal ye nas med par blta ba'i 'bras bu rnam par dag pa'i phrin las so// lta bas chos thams cad la bde bar blta ba ni/ 'dzam bu'i gling du gser du 'gyur na/ btsal gyis mi rnyed pa bzhin/ lta ba'i rgyal po 'di la sdug bsngal med cing / thams cad du legs pa'i rang bzhin pas/ ci ltar snang ba bde bar gyur pas lta ba'i klong du gnas pa'i phrin las so// lta bas

  363. 182a

    chos thams cad la sdug bsngal du blta na/ bcos pa med pa g.yung drung du lta ba las ma gtogs pa/ zin chags dang rtsol sgrub sdug bsngal bas/ lta ba gdengs su gyur pa'i phrin las so// lta bas chos thams cad la rtag par blta na/ skye shi 'pho 'gyur med pa'i chos kyi sku de ni/ dus gsum du 'pho 'gyur med par rtag pas/ lta ba ma yengs pa'i phrin las so// lta bas chos thams cad la chad par blta na/ dngos po dang mtshan ma rgyu dang 'bras bu la sogs pa rang bzhin bde ba chen po'i ngang du mi gnas par chad pas/ lta ba mngon du gyur pa'i phrin las so// don ldan bka' las bkrol te bshad par bya'o// 'jig rten med par gang blta ba// 'di yang blta ba'i phrin las yin// 'pho 'gyur med par gang blta ba// 'di yang lta ba'i phrin las yin// skye shi med par gang blta ba// 'di yang lta ba'i phrin las yin// bya btsal par gang blta ba// 'di yang lta ba'i phrin las yin// yangs dog med par gang blta ba// 'di yang lta ba'i phrin las yin// rgyu 'bras med par gang blta ba// 'di yang lta ba'i phrin las yin// thams cad nga yin gang shes pa// 'di yang lta ba'i phrin las yin// lta ba'i rgyal po nam mkha' che// yongs la khyab cing dogs pa med// phyogs la brdal zhing dogs pa med// lta ba 'di la gang gnas pa// de ni lta ba'i

  364. 182b

    phrin las yin// 'di dang mi ldan skye bo rnams// ci ltar bltas kyang dogs pa'i lam// don gyi shes pa 'byung bar dkon// 'di ni 'dren pa'i lam mchog tu// rgyal ba nyid kyis snying por gsungs// 'di 'dra zhes bstan dka' ba'i phyir// lta ba'i skabs sbyor bzhi pa'o// // da ni bsgrub pa phrin las kyi skabs sbyor 'di yid la zung zhig/ de la sangs rgyas kyi bsgrub pa gang yin pa/ sems can gyi rtsol ba yin la// sems can gyi rtsol ba nyid kyang sangs rgyas kyi bsgrub par 'gyur bas/ sku dang phyag rgyar bsgrubs kyang rung / ma bsgrubs kyang rung / bsgrubs pa'i phrin las rdzogs kyang rung / ma rdzogs kyang rung / bsgrubs pa'i phrin las kyi skabs sbyor nyid du mdzad pa ste/ de ci'i phyir zhe na/ de ni 'di ltar bsgrub pa sku dang phyag rgyar bsgrubs na/ sku dang phyag rgya la sogs pa thams cad byung yang bdag nyid las byung la/ chos thams cad kyang bdag nyid kyis thob par rang la rang chas su yod pas/ bsgrub pa'i gzhung ma nor ba'i phrin las so// bsgrubs pa'i phrin las rdzogs na rig pa'i klong du gyur pa la/ las dang bya ba tshang zhing don dang man ngag rdzogs pas bsgrub pa thogs chags med pa'i phrin las so// bsgrubs pa'i phrin las ma rdzogs na/ don gyi man ngag nang nas shar ba la/ gnyis su med cing rtsol ba las ma grub pas/ ma rdzogs su zad

  365. 183a

    pas/ bsgrub pa btsal du med pa'i phrin las so// bsgrubs pa'i dngos grub thob pa'i don yin pas/ shes pa gdengs su chud/ rig pa nang nas gsal/ man ngag nges par thob pas/ bsgrub pa mthar phyin pa'i phrin las so// bsgrubs pa'i dngos grub ma thob na/ ye nas lhun gyis grub pa'i dngos grub la/ grub kyang gzhan du ma spangs la/ ma grub kyang med cing lus pa'i rgyu med pas/ bsgrub pa tshang zhing rdzogs pa'i phrin las so// de bas na bsgrubs pa'i phrin las dus gsum du yengs pa med par 'grub pa ste/ de la 'di skad ces brjod par bya'o// bsgrubs pa'i rgyal po sangs rgyas rnams kyi bka'/ tshul 'chang gzhung las phye ste bshad par bya'o// rgyu nyid dag pa gang bsgrub pa// 'di yang sgrub pa'i phrin las yin// rtsol bsgrub med par gang bsgrub pa// 'di yang sgrub pa'i phrin las yin/ ma btsal bzhag pas gang bsgrub pa// 'di yang sgrub pa'i phrin las yin// bcos med snying por gang bsgrub pa// 'di yang sgrub pa'i phrin las yin// mnyam pa nyid du gang bsgrub pa// 'di yang sgrub pa'i phrin las yin// thig le chen por gang bsgrub pa// 'di yang sgrub pa'i phrin las yin// ma bkag klong du gang bsgrub pa// 'di yang sgrub pa'i phrin las yin// kun tu bzang por gang bsgrub pa// 'di yang sgrub pa'i phrin las yin// bsgrub pa'i

  366. 183b

    rgyal po rtsol ba yang // thams cad bsgrubs pas thams cad 'grub// grub tsam nyid na grub pa med// bsgrub pa med tsam rdzogs kyang rdzogs// snying po byang chub bcos med pa'i// rgyu 'bras med pa'i dngos grub 'di// sangs rgyas byang chub nyid kyis mkhyen// gang la phyogs char bstan pa 'di// de ni bde gshegs snying po min// don dang mthun pa'i rnal 'byor pa// don la the tshom med pa'i blos// sngags pa blo ldan 'di ltar bsgrub// de ni nam mkhar 'gro zhes bshad// pha dang ma la sogs pa dang // bu dang chung ma gang yin pa// yid 'ong chags pa'i gnas med de// rtog pas bsgral la bsgrub pa brtsam// byang chub snying por 'grub ces bshad// de skad ces ston pas bka' stsal pa/ rdo rje sems dpa' rtog pa skyes nas/ bcom ldan 'das la 'di skad ces gsol to// bcom ldan 'das pha ma la sogs pa/ mtshams med pa lnga'i las de/ bsgrub pa'i mchog tu gsungs pa de/ e ma ho ngo mtshar lags na zhes gsol pa dang / bcom ldan 'das kyis bka' stsal pa/ rdo rje sems dpa' pha ma rig pa dang / ma 'dod chags dang / bu snying rje dang / chung ma nyon mongs pa dang / yid 'ong gnyen sdug rtag chad rnams ni/ rang bzhin gyis mi gnas pas ni/ ma skyes pa nyid yid rang byung du bsgral na/ snying po byang chub sems kyi don ma nor bar rtogs pa yin te/

  367. 184a

    des na 'di skad ces bshad par bya'o// rnal 'byor rtog pas bsgrub pa na// pha bsgral ma bsgral gdod nas dag/ chung ma bu bsgral rnam rtog med/ yid 'ong gnyen bsgral bde ba thob/ 'di mamams nas brlab pa'i ma bar dang da pa'i gabs gyur gyi dgra ma chang / sangs rgyas 'bras bu zag mi ring // goms pa'i ye shes sus spyod pa/ spyod pa don dang mi 'gal ba'i phrin las so// spyod pa nang gi sems dran rtsol du mi spyad na/ rnam par mi rtog pa'i don gyi ye shes sus kyang ma byas ma bcos pas/ rang bzhin mi 'gyur ba'i don la spyod pas/ spyod pa rtsol bsgrub dang bral ba'i phrin las so// spyod pas thams cad la gnyis su med par spyod na/ phyi'i yul dang nang gi sems gnyis su med pas/ stong pa'i zhing nang gi sems dang / phyi'i yul gnyis su med pas ma bcos pa/ de yang gnyis su med pa'i byang chub sems su lhun gyis grub pas/ 'du 'bral med pa'i klong de nyid 'dus ma byas par spyod pas/ spyod pa mthar phyin pa'i phrin las so// spyod pa gnyis su med par mi spyod na// ye nas spyad zin pa la/ da rtsol ba nan tan du 'gyur ba de/ de dag rgyu 'bras gang la yang rag ma lus pa'i don du yin pas/ spyod pa ma yengs par grub pa'i phrin las so// de bas na spyod pa'i phrin las ni/ thams cad du bde ba chen po'i rgyan gyis longs spyod spyod pa ste/ de la 'di

  368. 184b

    skad ces brjod par bya'o// spyod pa'i rgyal po bde gshegs rnams kyi las// rnal 'byor thugs kyi sgrom bu dam pa las// nges par gsal ba'i lde mig sgo phye nas// rgyal ba'i bka' las phyung ste bshad par bya'o// phyi nang chos rnams thams cad la// dmigs pa med par gang spyod pa// 'dir yang spyod pa'i phrin las yin// 'khor ba'i las rnams thams cad la// rtogs dang ldan pas gang spyod pa// 'dir yang spyod pa'i phrin las yin// bdag dang gzhan du snang ba rnams// gnyis su med par gang spyod pa// 'dir yang spyod pa'i phrin las yin// phyogs dang ris su snang ba rnams// gnyis med rgyal por gang spyod pa// 'dir yang spyod pa'i phrin las yin// las rnams sangs rgyas las yin pa// spyod pa sangs rgyas nyid du spyod// rol pas thabs dang shes rab la// 'dod pa thabs kyis longs spyod pa'i// spyod pa gnyis su med par spyod// de bas rnal 'byor rdzogs ldan gyis// spyod pa'i phrin las brtsams so// hUM rang gi sems nyid gdod nas ma dag na// phyogs tsam bsgoms pas dag mi 'gyur// chos nyid bcos med ye nas yin shes na// de bzhin nyid kyi ting 'dzin ma bsgoms gsal// thabs kyi rtsa bar snying rjer ma shar na// 'phral du phyogs chas yongs la khyab mi 'gyur// gdal ba chen po'i blo yis spyir khyab na// kun tu snang gi ting

  369. 185a

    'dzin ma bsgoms gsal// rgyu nyid dag pa'i don nyid ma shes na// 'phral gyi dmigs pas rang rig gsal mi 'gyur// ye nas yin par rang sems gsal rtogs na// rgyu yi ting nge 'dzin nyid ma bsgoms gsal// rang rig gis yongs la ma brdal na// 'phral du yum mchog bskyed pa'i sku mi rdzogs// shes rab pha rol phyin par dbyer med na// snying rje'i yum mchog thabs dang shes rab rdzogs// sems kyi dbang phyug 'dod dgur bsgyur ba ma shes na// 'phral du thabs kyi ye shes lnga yi dbang mi chags/ kun gzhi phyogs bcur dbang bsgyur bas// ye 'byams chen po'i dbang mchog ma lus rdzogs// bde ba'i byin rlabs thig ler ma brlabs na// 'phral du dgongs pas sku gsung thugs mi rlob// rang byung bde bas khams gsum byin rlabs pas// sku gsum byin rlabs cho 'phrul rang bzhin tshang // yid kyi mchod pas stong gsum ma khyab na// 'phral du yud tsam bde ba rnyed mi 'gyur// yongs la khyab pa'i mnyes pa rgyun med na// mchod pa'i cho 'phrul don du ma bsgoms tshang // dgongs pa yid kyi ting 'dzin ma gsal na// 'phral du 'phro 'dus rig pa'i lha mi gsal// chos nyid rang gsal don gyi gting go na// ting nge 'dzin gyi cho 'phrul ma bsgoms gsal// don gyi bsnyen pa khong nas ma shes na// 'phral du mtshan mar

  370. 185b

    brjod pas grub pa min// yid kyi bzlas brjod dus dang rgyun med na// rnal 'byor bsnyen pa'i cho ga yang dag rdzogs// rnam smin las kyis bdas pa'i srin po dang // nyon mongs 'dam gnas 'khor ba'i rA tra rnams// rtogs dang ldan pa'i lta bas ma btul na// mtshan mar bsgoms pas rtog pa'i gnas mi 'byongs// rnal 'byor rnams la don du 'di ltar bde// ma skyes phyir na thams cad gsal gsang bar yin nam par rigs// dngos po med pas 'di dag btul ba'i rdzas// zhen chags che bas mi bzhag bsgral bar bya'o// log par lta ba'i don gyi tsit+ta dbyung / rgyu 'bras bslu bas phung po dug gsum sbyangs// nyon mongs rtsad bcad nang khrol thabs kyis drangs// dgongs pa'i ting 'dzin gsal bas don du gcig/ nam mkha'i mtha' ltar kun tu thug pa med// skye med byang chub sems ni yan du khye// mtha' la thug pa med cing dbyings las g.yos pa med// chos sgra 'gyur med dus gsum klong na bzhugs// byang chub nyid de don du 'khrul pa med// ma bcos thig le dur khrod gcig tu 'khyil// rtag chad mtshan mar ma yin klong nas bad la// 'du 'bral med pa'i byang chub sems chen po// bde ba chen po'i drod ni nyams su myong // mi skye mi 'gag klong du phrin las rdzogs// thig le dgu ni dbyings su gsal// rnam shes dgu ni klong na

  371. 186a

    'phyo// he ru dgu ni rol pa mdzad// ye shes dgu ni mya ngan 'das// theg pa dgu ni don la gsol// phrin las dgu ni mkha' la rdzogs// lung chen dgu ni bka' las bkrol// zla gam dgu ni yum gyi dbyings// snang gsal dgu ni rig pa'i gdeng // dag go skyes bu chen po'i lha// rdo rje la yang nyid sbyor nas// rang gi don du bsgrubs pa'i lha// gzhan na sangs rgyas gnyis med pas// dus gsum rgyal bas 'di bsngags pa'o// // de nas rdo rje sems dpas 'di skad ces gsol to// e ma ho ngo mtshar rab 'byams kyis// sangs rgyas spyod pa khyad par che// ci ltar spyad kyang don dang mthun// 'dren pa'i lha la phyag 'tshal lo// zhes gsol to// de nas bcom ldan 'das kyis/ khams gsum gyi sems can thams cad rnam par dag pa ma rtogs pas/ las dang spyod pa thams cad 'khor ba'i rgyur gol bas/ rnal 'byor pa gsar bus don ma rtogs pas the tshom za ba la/ gang zag ras chod mkhan gyis bka' phyin ci log tu bslad/ rgyu 'bras log par khrid/ drag shul gyis btsan thabs la ston pa 'jig rten gyi sgron mas kyang ma thul/ nga rgyal gyi btsan tshig la byams pa'i ting nge 'dzin gyis kyang ma zhi/ gti mug gi ched ngag la zhi ba'i chos kyis kyang ma grol ba/ lta ba med pa'i ras chod/ dam tshig nyams pa'i gzu lums/ spyod pa rtsing

  372. 186b

    pa'i tho tsho/ man ngag med pa'i btsan sbyor/ snying rje med pa'i btsan sgrol/ thar pa'i lam nub cing bden pa'i shan shor ba'i gang zag srin po'i spyod pa byed rnams dang por thabs kyis 'dul ba'i phyir/ hUM he he phaT b+h+yo// de nas drag pos 'dul bar mdzad pa'i phyir/ gu h+ya he ru ka rU tra tsal pa ha na ha na hUM phaT/ de nas mngon spyod kyis 'dul ba'i phyir/ gu h+ya rA tra mA ra ya pra b+han+da na pra we sha ya swA hA/ de nas rnam shes hUM/ de nas phung po b+h+rUM/ de nas dug gsum phaT/ de nas lta bas 'dul bar mdzad pa'i phyir/ zhi zhi de ma mA A/ de nas don dang mthun par bya ba'i phyir 'di skad ces bka' stsal to// dang por gang yin nga yin/ pa// nga ni rgyal ba kun gyi yab// bar du thams cad ngas spyod pas// nga ni thams cad kun gyi rje// tha mar thabs kyis ngas 'dul ba// nga ni rnal 'byor yongs kyi dpon// khams gsum dag na nga dbang che// yi gong na su yang med// srid gsum char ltar phab kyang nga mi 'chi// khams gsum chu ltar 'brug kyang nga mi 'khyer// rgyud drug me ltar 'bar kyang nga mi 'tshig/ stong gsum rlung ltar 'phyo yang nga mi bskyod// dug gsum mun ltar 'thibs kyang nga mi 'thob// ye shes nyi ma shar yang gsal rgyu med// ma rig mun pa byung yang gnag rgyu med// skye shi ris su bcad kyang 'ching ba med// nyon mongs dug gsum gnas kyang yengs

  373. 187a

    pa med// dngos grub rnam gsum yin yang chags pa med// chos sku 'gyur med 'grub kyang btsal ba med// rang byung nyid du gnas pas rag mi lus// snying po lhun gyis grub pas rten mi bca'// rnal 'byor spyod pa'i phrin las ni// dang po tha ma med pa la// yengs pa med pa'i las spyod pa// 'di ni phrin las dang po'o// yid kyi shes pa gsal btab nas// gsang chen nges pa'i don rig pa// 'di ni phrin las gnyis pa'o// rnal 'byor bla ma blo ldan la// lung dang mthun pa'i don bstan pa// 'di ni phrin las gsum pa'o// gzhan yang phrin las 'di spyod pa// rgyud 'di nyan par gang byed pa// snod kyi rim pa 'di dag go/ dang por dad pa'i yon gyis bsten// bar du slob dpon mig ltar khur// tha mar man ngag gting nas nos// lta ba'i man ngag gdeng du tshud// sgrub pa'i man ngag phul du phyin// spyod pa'i man ngag gzhung du spyod// mtshan nyid ngang tshul bzang la shis// yongs la phrag yangs dogs pa med// kun dang mthun la spyod lam gsal// rang shes bskyungs la gzhan mi smod// dam la gnas shing bsgrubs la brtson// g.yo med khong skyon rnam par spang // bka' bzhin byed dang don dang mthun// 'di dag bshad pa'i snod yin no// snod med rnams kyi rim pa ni// don med khyod la bshad par bya'o// dang por dad

  374. 187b

    pa'i gzhung med pas// dbul bar mi dga' gzhan yang sdom// man ngag lung med gzhogs slong byed// ston pa'i bka' med yug sa'i tshig/ khe dang grags pa'i mtshan nyid pas// bla ma bkur bar mi sems shing // rang nyid che 'dod tshul 'chos byed// bka' la mi nyan 'khor kun bsgyur// phan pa med pa'i tshig rnams kyis// grogs po rnams kyi zhe gcod cing // bsnyen bsgrub rtsol ba ma byas par// mkhas par 'chos nas gzhan la smod// gsang ba'i bka' 'chal yongs su 'khyams// man ngag gsang 'dzag phyal par btang // mtshan nyid ngang tshul ngan pa der// 'di dag bshad kyang go mi 'gyur// khams la sogs snod nang du// seng ge'i 'o ma bzhos pa ltar// snod kyang chag la bcud kyang 'bo// de bas rin chen snod nang du// bcud mi bo bar gnas pa bzhin// bka' bzhin mi ldan rnal 'byor pa// bka' gsang yul du bstan mi bya// nyams pa'i rgyur 'gyur tshig par nges// de bas snod dang ldan pa yi// don gyi gter du 'di bcang ngo // 'di ni spyod pa'i phrin las te// 'jam por spyad na zhi ba'i las// mang bar spyad na rgyas pa'i las// kun gyi bzlums na dbang gi las// drag por spyod na mngon spyod las// ma spyad bzhag na chos nyid las// spyod pa'i phrin las mthar rdzogs pas// 'di ltar spyod pa'i phrin las yin// spyod pa'i rgyal po

  375. 188a

    bde ba yin// kun la rol cing thams cad 'grub// sbyangs su spyod cing yangs pa med// snod dang mthun pas thams cad 'grub// spyod pa 'di la gang gnas pa// de ni mi 'ching grol bar 'gyur// rnal 'byor tshogs gnyis rdzogs pa yis// nges pa'i gzhung du de 'gyur ro// 'di dang mi ldan gang zag rnams// ci ltar spyod pa log pa'i lam// thar pa'i dus med 'o dod 'bod// 'khor bar khyams pa'i log pa'i chos// mnar med nyams par der 'gyur ro// de la dngos grub 'byung bar dka'// bus pas nor bas 'khrul pa'i chos// shin tu mtha' ring spyod par dka'// glang chen 'dam du zhugs pa bzhin// yan lag g.yab pas phyi phyir dam// 'di 'dra mi shes glen pa yis// dpyad cing btsal kyang phyi phyir dam// de bas rnal 'byor skal ba bzang // thams cad kun gyi snying po mchog/ ston pa nyid kyis 'di bsngags pas// snod ngan rnams la mi bstan pa'i// spyod pa'i skabs sbyor drug pa'o// // da ni dam tshig gi skabs sbyor 'di yid la zung zhig/ de la sangs rgyas kyi dam tshig gang yin pa sems can gyi sdom pa yin la/ sems can gyi sdom pa gang yin pa sangs rgyas kyi dam tshig yin te/ rtsa ba dang yan lag gi dam tshig bsrungs kyang rung / ma bsrungs kyang rung / nyams kyang rung / ma nyams kyang rung / shes kyang rung //

  376. 188b

    mi shes kyang rung ste/ phrin las kyi rgyal po skabs sbyor nyid du mdzad pa de/ de ci'i phyir zhe na/ de ni 'di ltar te dam tshig shes na/ dam pa ni sangs rgyas des zhal nas gsungs pa'i tshig yin pas/ dam tshig chos rnams sgrogs pa'i phrin las so// dam tshig 'di dag ma shes na/ yang dag pa ma nor ba'i chos nyid de ni/ tshig dang yi ger bri ba las 'das pas// dam tshig chos nyid kyi phrin las so// rtsa ba dang yan lag gi dam tshig 'di ltar bsrungs na/ thams cad du ma g.yos pa'i don yin pas/ tshig dang yi ge gzung 'dzin gyi rtog pa bsrung bas/ dam tshig bka' dang mthun pa'i phrin las so// dam tshig 'di dag mi bsrung na/ thams cad du bdag nyid byang chub sems su snang bas/ gzhan gang yang ma grub pas ci zhig bsrung ste/ dam tshig 'da' ba med pa'i phrin las so// dam tshig 'di dag nyams na'ang // rtogs pa klong du grol// brtsams pa mthar phyin nas/ dngos grub las su rung bas/ dam tshig ma nyams pa'i phrin las so// dam tshig 'di dag nyams na'ang / ye rgya chen pos thams cad la btab pas/ nyams pa'i rgyu med pas dam tshig bsrung du med pa'i phrin las so/ de bas dam tshig gi phrin las thams cad ni/ thams cad nas thams cad du bsrung du med cing mnyam pa'i dam tshig ste/ de la 'di skad ces brjod par bya'o// dam tshig

  377. 189a

    rgyal po lhun grub snying po mchog/ gsang chen nges pa 'da' med dam pa las// don gyi skyes bus zhus pas rab bkrol nas// mi yis seng+ges kun la bstan par bya'o// dngos po mtshan ma thams cad la// 'da' ba med par gang bsrung ba// 'di yang dam tshig phrin las yin// nyon mongs zug rngu thams cad la// g.yos pa med par gang bsrung ba// 'di yang dam tshig phrin las yin// lung dang mthun pa yang byed pa// 'di yang dam tshig phrin las yin// shes pa sgo yangs chos dang mthun// 'di yang dam tshig phrin las yin// gtsang sme med par gang za ba// 'di yang dam tshig phrin las yin// bzang ngan med par gang sbyor ba// 'di yang dam tshig phrin las yin// byams sdang med par gang sgrol ba// 'di yang dam tshig phrin las yin// spang len med par gang bgrod pa// 'di yang dam tshig phrin las yin// thogs chags med par gang spyod pa// 'di yang dam tshig phrin las yin// chags sdang med par gang shes pa// 'di yang dam tshig phrin las yin// nogs dang ldan pas gang thub pa// 'di yang dam tshig phrin las yin// snod dang ldan pas don 'byin na// 'di yang dam tshig phrin las yin// nges pa'i klong las yengs med par// 'di yang dam tshig phrin las yin// rgyud 'di 'dzin nam 'chang ba dang // klog gam rab tu

  378. 189b

    bsgrub pa dang // yid la shes pa gang yin pa// 'di yang dam tshig phrin las yin// sngags pa blo ldan dad pa can// zang zing nor la chags med pa// 'di yang dam tshig phrin las yin// g.yo sgyu zol spang bden pa'i lam// 'di yang dam tshig phrin las yin// dngos po'i chos rnams thams cad kun// skye ba med par gang shes pa// 'di yang dam tshig phrin las yin// dam tshig phrin las mi shes pas// bslab pa ni las rnams log par byed// sgros med chos la ya ga 'dogs// rang bzhin med la phyogs char 'dzin// mnyam pa nyid la blang dor byed// nges pa'i don la dbye bsring can// bla ma'i lung med nga rgyal tshig/ rang shes byed 'dod nges pa med// log pa'i lam tshol bden pa nub// yongs la phrag dog kun dang 'gras// dam tshig tshul med nyams pa'i zhing // 'khor ba'i chos rten log pa'i lam// shes rab don med 'chal ba'i tshig/ don med yug sa mu su na// don dang mthun pa'i gtan tshigs med// mu med gang zag spro ba'i tshig/ des ni 'khor ba'i sgo phye bas// lag nas bzung la mngon du bskal// sems nyid bdag dang gcig pa'i phyir// snying khrag khar yang btung bar bya'o// de dag bsgral na bde chen thob// de yang dam tshig phrin las yin// bzhag na nyams pa'i rgyur 'gyur ro// de nas bston pa mnyam gzhag gis// rdo rje slob dpon

  379. 190a

    bka' 'di bshad// yid bzhin rin chen 'byung ba yi// slob dpon blo ldan man ngag can// nges pa'i sgo 'byed gang yin pa// phangs med yon gyis sna drangs nas// lus ngag yid gsum phung po rnams// de la gus pas dbul bar bya'o// slob dpon de la mchod byas na/ phyogs bcu'i sangs rgyas mchod dang 'dra// bla ma de la phyag byas na// sangs rgyas bkur sti byas pa yin// rdo rje slob dpon brnyas byas na/ sangs rgyas thams cad bslus dang 'dra// slob dpon bkur bar ma byas shing // man ngag nges pa ma thob par// gang zhig lung la spyod pa ni// 'bras bu med cing brlag par 'gyur// dus gsum nam du'ang mi 'bral zhing // bla ma de la yon gyis bslu// thugs nyid byang chub sems drang bas// rgyal ba kun la mchod dang 'dra// gnyis med dngos grub de yis thob// sangs rgyas nyid du de 'gyur ro// de nas rig pa'i bu mchog des// rgyud 'di gzhung dang bstan par mnyan// legs par bsgrims la sems la 'chang // sngags dang phyag rgya rgyun med pas// dus dang grangs dang bskal pa yis// 'di dag nams kyang bar mi gcad// gsang ba la ni dbyer med kyang // dam tshig nyams la gsang ba dang // snod du min la shin tu gsang // spyad par bya ba de dag la// gang yin rim par gsal rtogs nas// nges par phye ste bshad

  380. 190b

    pa'i phyir/ lung las bkrol te bshad par bya'o// de skad ces bka' stsal pa dang // rdo rje sems dpas gsol pa// bcom ldan 'das chos thams cad rgyu dang bral te/ ye nas lhun gyis grub pa'i ngo bo lags na/ de ci'i slad du dam tshig gi rim par phye ba lags/ bcom ldan 'das kyis bka' stsal pa/ rdo rje sems dpa' phyogs bcu dus gsum gyi bde bar gshegs pa thams cad ni/ mdzad pa thams cad mi mdzad pa yin/ de ci'i phyir zhe na/ de ni 'dzin chags mi mnga' ba'i don no// sems dpa' chen po pa'i don rtogs gshegs pa rnams ni/ mi mdzad pa thams cad mdzad pa yin/ de ci'i phyir zhe na/ skye ba med pa las skye ba'i cho 'phrul du 'byung ba'i don no// sems dpa' chen po/ phyogs bcu dus gsum gyi bde bar gshegs pa thams cad ni/ zhal nas gsungs pa thams cad ma gsungs pa yin te/ de ni 'di lta ste/ chos nyid stong pa la ci yang gsung du mi mnga' ba'i don to// sems dpa' chen po/ bde bar gshegs pa rnams ni/ mi gsung ba gsung ba yin/ de ci'i phyir zhe na/ de ni ting nge 'dzin gyi sgo nas chos ston pas ma yengs pa'i blo gsal bar byed pa'i don to// sems dpa' chen po/ phyogs bcu'i bde bar gshegs pa ni bzhugs pa mi bzhugs pa yin/ de ci'i phyir zhe na/ de la snang la rang bzhin med pa'o// sems dpa' chen po//

  381. 191a

    bde bar gshegs pa ni/ ma bzhugs pa bzhugs pa yin te/ de ci'i phyir zhe na/ de ni thugs nam mkha' lta bus kun la khyab la/ mngon par shes pa'i ye shes lnga dang ldan pas/ ji ltar brtags pa bzhin/ mtshan dang dpe byad dang ldan pa'i don to// sems dpa' chen po/ bde bar gshegs pa rnams kyi dam tshig 'di dag bsrung ba mi bsrung ba yin/ de ci'i phyir zhe na/ de ni mnyam pa nyid kyi don la 'da' zhing nyams pa med pa'i don to// sems dpa' chen po/ de bzhin du chos thams cad yod pa med pa yin/ de ci'i phyir zhe na/ de ni dngos por ma grub cing / rtag pa can ma yin pa'i don no// sems dpa' chen po/ chos thams cad med pa yod pa yin/ de ci'i phyir zhe na/ de ni stong nyid chad pa nyid dngos po'i rgyur 'gyur ba'i phyir ro// sems dpa' chen po/ chos thams cad snang ba mi snang ba yin/ de ci'i phyir zhe na/ mi rtag pa'i mtshan nyid do// sems dpa' chen po/ chos thams cad mi snang ba snang ba yin// de ci'i phyir zhe na/ nyon mongs pa phyin ci log gi las btsan pa'o// sems dpa' chen po/ chos thams cad don mi dmigs pa'i gtan tshigs kyis so sor 'grel te ji skad gsung la/ gang du yang gsung ba med pa'i don to// de skad ces bka' stsal pas/ rdo rje sems dpa'i rtogs pa'i bag chags byang ngo // de nas yang

  382. 191b

    bcom ldan 'das kyis 'di skad ces bka' stsal to// dam tshig 'di dag gang bsrung ba// de ni ma nyams thar bar 'gyur// sngags pa dam tshig mthar phyin pa'i/ sa ma ya yi gzhung du 'gyur// gal te gzhung 'di ma shes pas// ci ltar bsrungs kyang nyams par 'gyur// dmyal ba'i skrod pa ya re nga // 'khor ba'i sdug bsngal bzod blag med// de las thar bar rab tu bka'// nor pas lam nor bar khrid pa// 'khrul pas byang chub nyid las gol// thams cad kun gyis brtag dka' bar// snying po'i lung du 'di bstan pas// snod dang ldan la bstan pa'i phyir// dam tshig skabs sbyor bdun pa'o// // bcom ldan 'das kyis rgyud kyi phan yon 'di skad ces bka' stsal to// sems dpa' chen po/ rgyud 'di gang zhig 'dzin pa na/ sangs rgyas thams cad kyi sku gsung thugs kyi phrin las nyid yongs su rdzogs par 'dzin pa ste/ de ni chos kyi dbyings dang za mi dad do// rang byung gi ye shes kyang btsal ba med par lhun gyis grub pas/ phyogs bcu dus gsum gyi sangs rgyas thams cad kyi thugs ye shes kyang rgyud 'di nyid yin la/ rgyud 'di yang thugs ye shes te/ rgyud 'di 'dzin pa la thams cad kyis bdag nyid ston pa 'jig rten gyi mgon zhes bstod de/ dus gsum du phan yon che bar gyis bshig/ de skad ces bka' stsal pa dang / rdo rje sems

  383. 192a

    dpa' la sogs pa gnyis su med pa'i 'khor thams cad phrin las kyi rgyal po mthar dus gcig tu rdzogs nas/ ma bcos pa'i klong dgongs pa lhun gyis grub nas bzhugs so// 'di lta bu'i rgyud 'di ston pa gang gis kyang zhal nas ma gsungs/ gsung bar yang mi 'gyur la/ ston pa nyid kyis gsungs shing bstan pas/ de nyid kyi don de nyid la yid ches nas/ de nyid la gsal bar gyur to// de bzhin gshegs pa thams cad kyi sku dang gsung dang thugs la sogs pa'i phrin las kyi rgyal po skabs sbyor bdun pa'i rgyud/ nges par bstan pa'i 'bras bu bskor ba rdzogs so// // rdo rje yang dbang gter gyi lags// / bod skad du/ spyod pa thams cad kyi rgyal po brtson pa don ldan gyi rgyud/ bcom ldan 'das rdo rje sems dpa' kun tu thabs mkhas pa de la phyag 'tshal lo// 'di skad bstan pa'i dus gcig na/ bcom ldan 'das dpal kun tu bzang po ma skyes pa rang bzhin med pa'i ngang la bzhugs pa'i tshe/ rdo rje sems dpas mi g.yo ba'i ting nge 'dzin las langs nas/ ston pa kun tu bzang po la ma 'dres pa chen po'i don gyis phyag btsal nas 'di skad ces gsol to// bcom ldan 'das sems can thams cad ni lus ngag yid gsum la spyod do// des khams gsum la spyod na/ lus kyi spyod pa gang ltar spyod cing

  384. 192b

    blta ba gang dang ldan na don dang ldan/ ngag gi spyod pa gang ltar spyod cing blta ba gang dang ldan na don dang ldan/ sems kyi spyod pa gang ltar spyod cing blta ba gang dang ldan na don dang ldan/ thabs kyi spyod pa gang ltar spyod cing blta ba gang dang ldan na don dang ldan/ bcom ldan 'das kyis lung bstan du gsol/ bde bar gshegs pas lung bstan du gsol/ de skad ces gsol pa dang / bcom ldan 'das kyis bka' stsal pa/ rdo rje sems dpa' thabs chen po// 'gro la phan par 'dod pa yis// legs par dris pa bstan par bya'o// sems can gang zhig 'khrul pa la// 'khor ba sgyu mar ma shes pas// spyod pa'i don du mtshan ma spyod// de 'dra rtag pa'i mtshan nyid pas// de bzhin spyod pa 'khor ba'i rgyu// de ni man ngag gter 'dod pas// legs par rgyud 'di mnyan par gyis// lus kyi spyod pa gang ltar spyod cing blta ba gang ltar ldan par bya ba yang / lus kyi spyod pa thabs dang shes rab tu spyod pa dang / lus kyi spyod pa mi 'gog la ma chags par spyod pa dang / lus kyi spyod pa bskul bskyod phyag rgya'i dkyil 'khor du spyod pa dang / lus kyi spyod pa rnam par dag pa'i klong du spyod pa dang / lus kyi spyod pa snang la gsal bar spyod pa dang / lus kyi spyod pa ma spangs pa la mi gnas par spyod pa dang / lus kyi spyod pa sku ma g.yos pa'i ngang du spyod

  385. 193a

    pa'o// de la lus kyi spyod pa thabs dang shes rab tu spyod pa ni/ lus ni thabs/ de gong nas gong du phyin pa ni shes rab bo// 'byung ba chen po lngas bskyed pa'i phung po lnga ni zabs/ de 'byung ba chen popo gang la yang mi gnas pas shes rab bo// rnam par shes pa tshogs brgyad ni thabs/ des gang mthong zhing zos pa dang myong zhing tshor ba dang shes shing rig pa ni shes rab bo// nyon mongs pa dug gsum ni zabs/ de khams gsum rgyud drug tu gnas shing spyod pa 'di shes rab/ dbang po ni thabs/ yul ni shes rab/ rig pa ni thabs/ gnas pa ni shes rab ste/ de bas na de skad ces bstan pa yin te/ snod bcud thabs dang shes rab la// mtshan ma kun la cir spyad kyang // thabs la mkhas pa shes rab ste// zabs dang shes rab don rtogs na// sangs rgyas nyid kyi lung dang ldan// 'di las man ngag yongs med par// kun tu bzang po ngas bshad do// de la lus kyi lta ba gang dang ldan pa'i don dang ldan pa ni/ lus ma skyes par shes pa ni dbyings rnam par dag pa/ de nyid de bzhin med par yongs la khyab pa ni rnam par dag pa'i klong / de la mi 'dzin mi chags shing yongs la khyab pa ni zabs la mkhas pa'i bdag nyid do// des na rdo rje sems dpa' lus ni yod kyang yod la med kyang med do// lus ni brtan kyang brtan la ma

  386. 193b

    brtan kyang mi brtan pa'o// lus ni khyab kyang khyab la mi khyab kyang mi khyab pa'o// de ci'i phyir zhe na/ rtags su bgrangs la don mi 'dzin pas so// chos nyid ni lus so// lus ni chos nyid do// de ci'i phyir zhe na/ de ni gnyis su med pa'o// rdo rje sems dpa' lus chos nyid ma yin/ chos nyid lus ma yin/ de ci'i phyir zhe na/ de ni mtshan mar ma brtags pa'o// rdo rje sems dpa' lus lha'i dkyil 'khor ro// lha'i dkyil 'khor ni lus so// de ci'i phyir zhe na/ de ni so so ma yin tha mi dad pa'o// rdo rje sems dpa' lus lha'i dkyil 'khor ma yin/ lha'i dkyil 'khor lus ma yin/ de ci'i phyir zhe na/ de ni rtag pa can gyi lus ma yin pa'o// rdo rje sems dpa' lus ni man ngag go/ man ngag ni lus so// de ci'i phyir zhe na/ nges par bstan cing don la bstan pa'o// rdo rje sems dpa' lus ni man ngag ma yin/ man ngag ni lus ma yin// de ci'i phyir zhe na/ nga rgyal can gyi skam shing ma yin pa'o// de bas na 'di skad ces bstan pa yin te/ lus ni bskul bskyod thams cad ni// phyag rgya chen po'i rang bzhin pas// skyon du bya ba gang yang med// legs nyes rnam par dbyer med pas// thabs kyi phyag rgya'i dkyil 'khor la// bskul bskyod thugs dam rgya mtsho bskul// gnyis med rol pa'i thig le che// nges par gsungs pa'i lung yin

  387. 194a

    pas// rtogs dang ldan pas ci dgar spyod// don mthun pa yi skyes bu ni/ cham gacheg ca// gang ltar spyad kyang gser du 'gyur// gang la reg pa gser du 'gyur// sman gyi rgyal po la ki ta// gang la reg pa sman du 'gyur// man ngag gdeng chen rnal 'byor pas// nyes pa spyad pas dpal du che// mtshams med lnga yang thar pa'i lam// srog gcod rgyu yang sangs rgyas la// don dang mi ldan gang zag rnams// lus spyod gzab kyang nyes pas gol// rang nor spyad kyang lan chags nor// thar pa spyad kyang 'ching ba'i rgyu// grol bar bsams kyang 'khor ba'i rgyu// bde chen nyid du don shes shing // rang byung rgyal por klong rdol na// lus kyi spyod pa yin zhes bshad// de la lus kyi spyod pa gang la'ang ma chags par spyod pa ni/ lta ba goms pa'i gdeng dang / man ngag nges pa'i drod tshad 'di zin pas/ lus kyi spyod pa don dang ldan du zad kyi/ lus dang mi ldan zhing gang zag 'og ma'i sgren tshig dag gis spyad kyang spyod pa'i don dang ldan par 'gyur ro// de la lus kyi spyod pa dbyings dang ye shes su spyod pa ni/ phyi snod kyi 'jig rten la sogs pa 'byung ba chen po lnga'i mtshan nyid du snang ba thams cad lus mtha' med pas dbyings/ yongs la khyab pas dbyings/ zad pa med pas kyang dbyings/ nam mkha'i ngang du dbyer med pas kyang dbyings/

  388. 194b

    de bskyod pa'i lus dang dbang po dang / rnam par shes pa dang / snang ba thams cad ma bcings pa'i don dang ldan pas ye shes/ de nyid rig pa spros pa dang bral bas kyang ye shes/ rtag par mi 'dzin zhing mtshan mar mi 'dzin pas kyang ye shes yin pas na/ don 'di ltar lus su rigs shing sems la bcangs pas na/ lus kyis ci spyod pa dbyings dang ye shes de/ ci ltar snang ba kun la dbyings dang ye shes su shes par byas nas/ sangs rgyas kyi dgongs pa la yang dbyings dang ye shes las med/ sems can gyi spyod pa lus kyi spyod pa thams cad dbyings dang ye shes kyi klong du spyod cing / nyin dang mtshan med/ dus dang rgyun mi 'chad par gnas na/ lus kyi spyod pa nyid sangs rgyas kyi che ba'i bdag nyid 'byung bas/ lus kyi spyod pa dbyings dang ye shes su spyod pa ste/ des na 'di skad ces bstan pa yin te/ lus kyi spyod par rab spyod pas// dbyings dang ye shes gnyis su med// 'du 'bral med pa'i klong du rol// yab yum gnyis su med pa'i ngang // byang chub sems kyi ngang du zhu// dbyer med gcig tu bstan pa'o// de'i phyir lus lha'i dkyil 'khor du spyod pa ni/ lus ni lha'i dkyil 'khor du spyod pa'i rang bzhin ye nas yin pa ste/ spyod kyang lha'i dkyil 'khor du spyod de/ lus kyi bskul bskyod lha'i dkyil 'khor gyi phrin las so// lus kyis

  389. 195a

    gang la khyab pa don mdzad pa/ lus la grangs su snang ba ni lha'i grangs/ lus la rtags su snang ba ni lha'i rtags/ lus la gzugs su yod pa ni lha'i gzugs/ lus gzhig na rang bzhin med pa lha'i dkyil 'khor gyi rang bzhin med pa ste/ lus skyes na lha'i dkyil 'khor du sku rdzogs par snang bar spyod do// lus mi rtag par 'chi na lha'i dkyil 'khor ma bskyed par bsdu'o// lus longs spyod na lha'i dkyil 'khor la longs spyod do// lus bzhengs na lha'i dkyil 'khor 'gro ba'i don la bzhengs so// lus bskyod na 'gro ba sems can gyi don la bskyod do// lus mnal na lha'i dkyil 'khor mnyam pa nyid la mnal lo// des na lus kyi spyod pa lha'i dkyil 'khor du spyod pa'o// lus kyi spyod pa rnam par dag pa'i dbyings su sdud pa ni/ chos nyid ma skyes pas lus kyi spyod pa rnam par dag pa'i klong du spyod pa'o// dbyings su mu mtha' med pas lus kyi spyod pa rnam par dag pa'i klong du spyod pa'o// snang srid thig le chen por sangs rgyas pas lus rnam par dag pa'i klong du spyod pa'o// don dam pa la phyi nang med pas lus ma g.yos par shes pa la lus kyi spyod pa rnam par dag pa'i klong du spyod pa'o// lus kyi spyod pa snang ba gsal bar spyod pa ni thabs kyi snying por shes pas lus kyi spyod pa bde ba chen por snang zhing thams cad du bya ba med

  390. 195b

    pas/ don dam pa'i man ngag dgongs pa'i klong la gsal bar spyod pas lus kyi spyod pa snang la gsal bar spyod pa'o// lus kyi spyod pa ma spangs la mi gnas par spyod pa ni/ 'khor ba'i lus chos nyid kyi rang bzhin yin pas ma spangs la/ de la rtag pa can du mi gnas pas chos nyid lus kyi spyod pa yin pas lus kyi spyod pa ma spangs la mi gnas par spyod pa'o// lus kyi spyod pa bskul bskyod phyag rgya'i dkyil 'khor du spyod pa ni/ mi 'da' ba dang rtag pa dang ldan pa dang / don dang ldan pa la dus med pa'o// chos kyi spyod pa chos nyid kyi sku ma g.yos pa'i ngang du spyod pa ni/ lus nyid ma skyes pa'i g.yung drung du 'dus ma byas pas/ rtogs pa'i klong las 'pho 'gyur med pa'o// lus kyi spyod pa rnam par dag pa'i ngang du spyod pa ni/ dper na nyi mas gang du khyab par mun pa gsal bar 'dra bas/ lus rnam par dag pas lus kyis gang nas gang du 'khor ba'i chos kyang rnam par dag pa'i ngang du gyur pa'o// de nas 'di skad ces bstan to// lus su spyod pas sangs rgyas te/ sangs rgyas spyod pa lus yin pas// ye shes lus ni sangs rgyas pa'o// sangs rgyas gzhan na yongs med pas// 'gro ba'i mgon pos lus la brjod// 'di ltar goms pa gdeng chen gyis// dus ni nyin dang mtshan med pas// de yi brtson pa don dang ldan// lus la yengs

  391. 196a

    pa'i rgyu med pas// des ni brtson pa'i don dang ldan// rdo rje sems dpas rtogs par gyis// rdo rje rgyal ba'i dus spyod pa// bsngags pas nges pa de ltar spyad// nges pa nyid du bstan pa ste// sangs rgyas rnams kyis zab par gsungs// spyod pa thams cad kyi rgyal po brtson pa don ldan gyi rgyud las/ lus kyi spyod pa gang ltar spyad cing lta ba gleng gzhi'i le'u ste dang po'o// // de nas bcom ldan 'das kyis ngag gi spyod pa gang ltar spyad cing lta ba gang dang ldan pa 'di ched du brjod do// ngag gi spyod pa gang yin pa'ang shin tu rnal 'byor rnams kyis nyon cig de la ngag gi spyod pa la rnam pa gsum ste/ ngag chos nyid du spyod pa dang / ngag bzlas pa'i thig ler spyod pa dang / ngag stong pa nyid du spyod pa'o// de la ngag chos nyid du spyod pa ni/ ji ltar snang ba thams cad ngag gis ming btags pas tshig thams cad chos nyid// chos thams cad yi ge/ yi ge thams cad ma skyes pa'i rang bzhin du shes pas chos nyid do// de la 'di skad ces bshad pa ste/ gnam ri dang ni sa brag dang / rtsi shing dang ni nags tshal rnams/ yi ge nyid du bstan pa ste// yi ge ma skyes rang bzhin na// de la ngag smras chos nyid de// de bzhin ngam grogs g.yang sa dang // gyen dang zur dang snod kyi rdzas// 'byung ba lngas bsdus thams cad kun// yi ge ma skyes rang bzhin

  392. 196b

    na// de la ngag spyod chos nyid do/ de la ngag ni spyod pa ni// sems can lus dang dbang po dang // rnam grangs shes pa'i rang bzhin dang // 'phags pa'i sku dang ye shes dang // yon tan bye brag bstan pa yang // de yang yi ger bstan pa ste// yi ger thog mar ma skyes pas// de la ngag spyod chos nyid do// legs dang nyes pa gang smras pa// snyan dang mi snyan sgra bsgrags nas// zhi dang khro bo'i tshogs rnams kun// yi ge nyid du tshig smras pas// yi ge ma skyes chos nyid na// de la ngag spyod chos nyid do// bde ba dang ni sdug bsngal dang // sgyu ma brag cha la sogs dang // de bzhin rmi lam smig rgyu rnams// yi ge nyid kyis btags pas na// yi ge'i rang bzhin ma skyes pas// de la ngag spyod chos nyid do// de bzhin btags pa gang yin pa// chos nyid yin pas gzhan nas min// don gyi man ngag 'di shes na// ci smras ngag gi chos nyid du// de las gang bzlas pa'i yi ger spyod pa ni/ ngag lhang lhung por sgra ci brjod kyang de thams cad yi ge bzhi bcu rtsa gnyis kyis ma bsdus pa gang yang med do// ka kha ga g+ha nga / tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ au/ i i/ u u/ e e/ o ak+Sha mig gcig cag/ gu gu dbyings kyi 'dren stangs dang // zhabs bskyed thugs rje'i shugs bskyed pa// 'greng bu ma bkag

  393. 197a

    gsal ba'i sku// na ro chos nyid klong na rol// zla tshes 'dab mchog 'dren pa'i yum// thig le byang chub dbyings su 'khyil// don du man ngag gdeng du gnas// dgongs pa lha yi dkyil 'khor gsal// bzlas pa bsnyen 'dzab snying po rdzogs// rtogs pas bde chen klong du 'phyos// bshad pas sems can ngas 'grel// ci brjod chos kyi bzlas par 'gyur// don la mi 'gyur gang yang med// ngag gis brjod pa don re che// chos kyi mdzod rnams thams cad gsal// ma brjod na yang don re che// chos kyi tshig dang yi ger med// tshig tu btags na btags te legs// chos rnams tshig dang yi ger bstan// ma btags na yang pa tra don du che 'dra yin nas che// tshig dang yi ger sgro ma btags// ma yengs dran pa bzlas brjod yin// don dang mthun pa bsgrub pa yin// 'di ltar don dang gang ldan pa// log par smras kyang nges pa'i don// bzo bo goms pa'i lag dang 'dra// don chen 'di dang ma ldan na// bden par spras kyang log pa'i sa// dper na blun po'i bzo dang 'dra// chos mdzod thams cad ngag las 'byung // sangs rgyas thams cad ngag gi bstan// byang chub sems rnams ngag gis bstan// dngos grub rlabs chen ngag gis bsgrub// 'di ni ngag gi spyod pa yin// don chen gti mug go ba de// brtson pa don dang ldan

  394. 197b

    pa'o// dus gsum sangs rgyas thams cad la// gsung gi spyod pa 'di las med// gsung gi spyod pa ngag yin pas// ngag gi spyod pa 'di shes na// sangs rgyas byang chub zag mi ring // de la ngag stong pa nyid du spyod pa ni/ legs nyes kyi don gang dag gis smras shing brjod kyang / de la dngos po med pas/ de nyid snga ma ni stong / da lta ni mi gnas/ phyis mi rtog pas/ dus gsum du brjod pa ma skyes stong pa nyid du gnas pa ni/ ngag stong pa nyid du sbyong ba ste/ de la 'di skad ces bshad pa'o// rdzas la dngos por bstan pa yang / tshig la dngos por ma grub pas// rdzas kyang dngos med stong pa'i zhing // bzang dang ngan par bstan pa yang // tshig la dngos por ma grub pas// bzang ngan dngos med stong pa'i zhing // bde dang sdug bsngal brjod pa yang // tshig la dngos por ma grub pas// bde sdug dngos med stong pa'i zhing // de bzhin gleng brjod thams cad kun// tshig la dngos por ma grub pas// gleng brjod thams cad stong pa'i zhing // ma skyes pa yi chos nyid la// ngag gi gleng brjod thams cad kun// bcos med stong par shes par bya/ sus kyang smra med smra mi 'gyur// 'dren pa'i dbang pos kyang mi gsung // sus kyang gsung ba med pa'o// de 'dra'i don la gang gnas pa// de ni ngag gi skrod pa ste// de la nyin dang mtshan med pas// brtson

  395. 198a

    pa don dang ldan zhes bya// de la blta ba gang dang ldan na don dang ldan pa ni/ lta ba rnam pa lnga ste/ brjod pa med pa'i lta ba ma yengs par lta ba dang / zabs mkhas pa'i lta ba gang ltar drangs kyang don dang mi 'gal ba dang / don dang mthun pa'i lta ba gzhung du 'gro ba dang / chos nyid stong pa'i lta ba stong pa'i zhing du dag pa dang / ma byung ma skyes pa'i lta ba ma bcos par gnas pa ste/ des na 'di skad ces bshad par bya ste/ 'gyur ba med pa'i mkha' dbyings nas// ngag gi brjod pa ma skyes pas// don gyi lta ba thag bcad pa'o// spyod pa thams cad kyi rgyal po brtson pa don ldan gyi rgyud las/ ngag gi spyod pa gang ltar spyod cing lta ba'i le'u ste gnyis pa'o// // de nas bcom ldan 'das kyis sems kyi spyod pa gang ltar spyod cing lta ba gang dang ldan pa 'di ched du brjod do// sems kyi spyod pa gang yin pa// rdzogs chen rnal 'byor rnams kyis nyon// de la sems kyi spyod pa la don rnam pa lnga ste/ sems kyis nyon mongs pa gnas su dag par spyod pa dang / sems rang byung gi ye shes su spyod pa dang / sems 'gyur ba med pa'i snying por spyod pa dang / sems bcos pa med pa'i snying po nyid du spyod pa dang / sems btsal ba med pa'i ye shes su spyod pa'o// de la sems nyon mongs pa gnas su dag par spyod pa ni/ 'dod chags zhe sdang gti

  396. 198b

    mug nga rgyal phrag dog la sogs pa sems la 'dzin pa thams cad dang / ye shes chen po'i don dang 'byung ba las/ gtong ba gting chad pa las ma byung ste/ de chos nyid ma nor ba'i don mthun par shes pa'i sems nyon mongs pa gnas su dag par spyod pa ste/ de la 'di skad ces bshad par bya'o// chags pa chen po'i sems nyid ni// sangs rgyas thugs rje yab dang yum// gnyis su med pa'i don gyis chags// 'di/ ltar lung dang ldan pa ni// bde ba'i ro las ma gtogs pa// log par gol ba gang yang med// gti mug chen po'i sems nyid ni// chos kyi sku ste tha mi dad// don gyi dmigs pa med pa'i ngang // 'di ltar lung dang ldan pa ni// ma skyes pa las ma gtogs pa// mi shes rmongs pa'i gol ba med// zhe sdang chen po'i sems nyid ni// rnam rtog mtshan ma kun 'joms pas// thabs la mkhas pa rol pa'i sku// 'di ltar lung dang ldan pa ni// rol pa'i sku las ma gtogs pa// 'khor bar 'khyams pa'i gol ba med// nga rgyal chen po'i sems nyid ni// kun la khyab par dpag pa ste// thabs kyi rgyal po rang byung bas// 'di ltar lung dang ldan pa ni// che ba'i sku las ma gtogs pa// nyon mongs khengs pa'i gol ba med// phrag dog chen po'i sems nyid ni// nyon mongs mtshan ma mi shong bas// chos nyid ngang las rnam rtog med// 'di ltar lung

  397. 199a

    dang ldan pa ni// man ngag don las ma gtogs pa/ phyogs char gol ba gang yang med// de ltar spyod pa gang yin pa// nyon mongs spyod kyang spyod du bas// spyad kyang yon tan yin pa las// don du ma song gang yang med// 'di ltar nyin dang mtshan med par// man ngag 'di las ma yengs na// sems kyi spyod pa dam pa yin// kun tu bzang pos lung bstan to// de la sems rang byung gi ye shes su spyod pa ni// rang byung gi ye shes btsal ba dang bcas pa las 'gyur ba ma yin te/ de ci'i phyir zhe na/ ye thog ma nas kun tu bzang po'i ngang las thams cad byas zin pas/ rgyu rkyen gang gis kyang bskyed du med de/ rang byung ye shes ma skyes par klong nas shar bas/ dang por ma bskyed bar du ma btsal tha mar ma bsgrubs pas/ nam mkha' la btsal ba med par snang ba dang 'dra bar/ rang byung gi ye shes rtogs pa'i don dang ldan pa de/ rnal 'byor tshad ma rnams kyi blo la rang snang bar tshad mar byung ba ste/ de la 'di skad ces bshad par bya'o// rgyud drug skye 'gro ma lus pa// sus kyang ma byas byed mi 'gyur// yul dang dbang po thams cad dang // rnam par shes pa'i tshogs rnams kun// rang sems rtogs pa'i khyad par las// dper na nam mkha'i mtshan nyid las// 'byung ba cha snyoms snang 'gyur yang // nam mkha' nyid du rang 'byung

  398. 199b

    bzhin// kun khyab sems kyi mtshan nyid las// ci ltar snang zhing grags pa dang // go zhing rtogs pa thams cad kun// rang byung rgyal po'i ye shes las// gal te las kyi dbang btsan na// rang byung ye shes de yang med// 'khor ba nyid du sems pa yang // 'khor ba rang byung ye shes pas// rtogs pa'i man ngag ma bstan 'byung // dus gsum nyid du sems pa yang // dug gsum rang byung ye shes pas// ji ltar sems pa de bzhin bzang // rang byung ye shes spyad pa la// 'khor ba ngan song ming yang med// sems can dang las spang len med// rtogs pa klong du rang byung bas// rgyal ba nyid kyis 'di la bsngags// sems la dran rig 'byung ba yang // rang byung rgyal po ye shes yin// sems la byung tshor byung ba yang // rang byung rgyal po ye shes yin// rang byung ye shes chen po ni// dus gsum rgyal ba'i rje btsan te// lta ba skye shi med pa'i klong // rtogs pa 'du 'bral med pa'i ngang // spyod pa bcos med snying por spyod// sgrub pa btsal ba med par bsgrub// don gyi snying po nges pa'i lung // rang la yod pas bde ba'i zhing // rgyu nyid dag pas thar pa'i gnas// gzhung dang mthun pas nges pa'i don// 'di ltar sems spyod gang yin pas// ci ltar spyad kyang spyad du zad// rang byung nyid las ma gtogs pa// zhen cing chags pa gang yang med// 'di ltar dus

  399. 200a

    dang rgyun med par// man ngag 'di las ma yengs na// sems kyi rang byung spyod par bshad/ de la sems 'gyur ba med pa'i snying por spyod par bshad pa ni/ sems kha dog dang dbyibs su 'gyur ba med pas/ 'gyur ba med pa don gyi snying po yin pas/ dper na gsal ba gang yin pa nyi ma yin la/ nyi ma gang yin pa gsal ba dang 'dra bar/ dus mi 'gyur ba thog ma dang tha ma med par shes pa dang / spyod pa mi 'gyur ba nyin dang mtshan med par shes pa dang / sems mi 'gyur ba skye shi med par shes pa nyid 'gyur ba med pa'i snying po yin la// 'gyur med kyi snying po nyid de ltar shes pa yin pas/ de ni 'byung ba'i snying po yin// bar snang mtshon gyi char 'babs na// skye shi gnyis kyi ming btags kyang // byang chub sems la 'gyur ba med// de ni sems kyi snying po yin// sems la dngos po rdzas med pas// kha dog dbyibs su 'gyur ba med// sems la brtag pa'i mu med pas// skye shi gnyis su 'gyur ba med// sems la brten pa'i gnas med pas// phyogs ris gnyis su 'gyur ba med// sems la chags pa'i gzhi med pas// spang len gnyis su 'gyur ba med// sems la nga dang bdag med pas// bzang ngan gnyis su 'gyur ba med// sems la rig pa'i rgyu med pas// rgyu 'bras gnyis su 'gyur ba med// sems la 'dzin pa'i

  400. 200b

    sems med pas// mtha' dbus che chung 'gyur ba med// sems la dmigs pa'i sems med pas// yangs dog mtho dman 'gyur ba med// de ni snying po nges pa'i lung // 'di ltar rtogs pa'i rnal 'byor pas// 'gyur med snying por spyod pa bzang // de ltar dus gsum 'gyur med pas// lta ba 'di la gang gnas pa// sems bskyed brtson pa don dang ldan// ngang nyid bcos med snying por 'grub// sangs rgyas rnal 'byor dus gsum du// kun tu bzang po'i dgongs pa 'chang // gang ltar spyad kyang spyad du zad// 'gyur med snying po yin par nges// de la sems bcos med chos nyid kyi don du spyod pa ni/ chos rnams kyi chos nyid ni yang dag par sangs rgyas nyid kyis kyang bcos par dka' la kun rdzob tu sems kyang ma bslad bslad du med pas/ de bzhin du sems kyi don yang gnas pas gzhan du bstan pa med de/ de ci'i phyir zhe na/ de ni dper na dngos po med pa la/ gang gis bzung bar dka' ba bzhin/ chos nyid stong pa la sgro 'dogs par dka' bas/ don nyid yin par shes par dka' ba la/ ma bcos par de dang mthun par spyod pa ni/ bcos pa med pa chos nyid kyi ngang du spyod pa ste/ de la 'di skad ces bshad par bya'o// sems nyid ma skyes chos nyid ni// tshig dang yi ge kun spangs pas// 'di 'dra'i sems ni brtag par

  401. 201a

    dka'// sems kyi mtshan nyid de bzhin la// rang bzhin bcos pa med pa yis// de ni chos nyid yin zhes bya// rang bzhin ma skyes gang shes pa// de ni chos nyid spyod pa yin// ci ltar bzo mkhas tshul shes kyang // sems nyid bcos par yongs ma gsungs// tshig dang yi ger ma bcos pa// de ni skye 'gag med pa'i dbyings// rang bzhin du ni bzang po zhig/ nges par yang dag bstan par bya'o// ma bcos pa yi chos nyid la// sangs rgyas thams cad kun 'byung ba// byung tsam nyid nas bcos su med// dper na nam mkha'i mtshan nyid la// 'ja' tshon gzugs brnyan snang ba yang // snang tsam nyid nas rang bzhin med// de bzhin bcos pa med pa yis// skye dang 'gag spangs chos nyid dbyings// gnyis med so so ma yin pas// skye ba med las spros pa med// rang bzhin med pas 'dzin pa med// 'pho 'gyur med pas yum gyi klong // de la skye dang 'gag spangs pa'i// kun la rol pas yum gyi dbyings// yab yum gnyis med so so min// de bzhin bcos med chos nyid de// sus kyang bcos med bcos mi 'gyur// 'di ltar rtags pa'i rnal 'byor pas// bcos med chos su spyod pa de// de ltar nyin dang mtshan med par// man ngag 'di la gang gnas pa// sems spyod spyod pa don dang ldan// nges pa nyid du bsgrub pa ste// de ni rtag tu nges pa

  402. 201b

    yin// man ngag klong la gnas pa'o// de la sems btsal ba med pa'i ye shes su spyod pa ni// sems kyi mtshan nyid ye nas ye shes kyi don dang ldan pa ste// de la rgyu rkyen rten 'brel gyis btsal ba med de/ rang gi rang bzhin gyi snying po man ngag gi don dang ldan pas// thams cad du legs pa 'byung ba'i rang bzhin pas/ de lta bu'i don shes shing rtogs pa dang ldan par spyod pa ni/ btsal ba med pa'i ye shes su spyod pa ste/ de ci'i phyir zhe na/ de ni rig gar yang ma lus par yid bzhin gyi nor bu rin po che ltar/ dgos pa 'byung bas/ man ngag dang ldan pa'i dgos pa nyid ni rig pa gsal ba nang nas shar bas/ btsal ba med par spyod pa yin pas/ de la 'di skad ces bshad par bya'o// btsal ba med pa'i sems nyid ni// chos kyi sku yi gdeng chen te// ma g.yos pa yi dbyings nyid la// ma bcos pa yi chos nyid gsal// ma btsal pa yi ye shes shar// shar bas sangs rgyas thams cad thob// sangs rgyas thob pas sems can zad// nyi ma shar bas mun pa nub// rig pa gsal bas mun pa stongs// ye shes gsal bas 'khor ba dngas// de la sus kyang btsal ba med// btsal med snying por shar ba las// rgyu 'bras can du de ma bstan// bcos pa med par shes pa las// gnyen po can du de ma bstan// 'gyur ba med pa'i shes pa las// 'chi 'pho can

  403. 202a

    du de ma bstan// ma g.yos pa yiye shes pa las// 'dzin rtog can du de ma bstan// mnyam pa nyid kyi shes pa las// che chung can du de ma bstan// kun tu bzang po'i shes pa la// gtsang sme can du de ma bstan// mtha' dbus med pa'i shes pa la// phyogs ris can du de ma bstan// de ltar shes pas sems shes la// sems shes pas ni ma btsal ba// ma btsal bas ni ye shes che// ye shes de zhes spyod pa yin// thig le chen po btsal ba med// stong pa chen po btsal ba med// skye 'gag med pas btsal ba med// ma g.yos chos nyid btsal ba med// de ltar shes pa'i sems can ni// de ni spyod pa don dang ldan// 'di ltar rtogs pa btsal ba med// btsal ba nyid na btsal ba med// 'di ltar rtogs pa spyod pa yin// spyod pa nyid na spyod pa med// 'di ltar brtson pa don dang ldan// yengs med brtson pa don dang ldan// 'di ltar rtogs pa'i rnal 'byor pa// btsal ba med par sus spyod pa// brtson pa don ldan yin zhes bya// de nyid sangs rgyas nyid du bstan// bcom ldan 'das kyis yang lung bstan// man ngag nges pa nyid lung bstan// 'di ltar spyod pa thar pa ste// thar pa nyid na mthar gnas// de phyir btsal ba med pa'o// btsal ba med par bshad pa yang // lus dang gnas la btsal ba dang // 'du 'dzi g.yeng bas btsal

  404. 202b

    ba dang // sdug bsngal phyogs ris btsal ba dang // gzhan nas gzhan du btsal ba med// de bzhin de la de bzhin btsal// man ngag de la nying khur btsal// 'gyur med de la klong du btsal// bcos med de la spros med btsal// yin pa'i don la nges par btsal// gnas pa'i don la brtags par btsal// shes pa'i don la spyod par btsal// de ni btsal ba med pa yis// ye shes spyod pa yin zhes bya// de la sems kyi lta ba gang dang ldan na don dang ldan pa ni// sems kyi lta ba yengs pa med pa dang // sems kyi lta ba 'gyur ba med pa dang // sems kyi lta ba bcos su med pa ste// de la sems kyi lta ba ma yengs pa gnyen pos bcos pa ma yin/ rang gi rang bzhin gyis ma yengs pa ste/ de ci'i phyir zhe na/ ci ltar spyad pa bde ba chen po'i klong yin pas/ yengs pa med pa'o// sems kyi lta ba 'gyur ba med pa ni/ rang bzhin mi g.yo ba la tshig dang yi ges gzhan du bstan par dka' bas gcig kyang mi 'gyur ba'i don no// sems kyi lta ba bcos pa med pa ni// dper na nam mkha' la cha shas su bgos shing bcos pas tshe chad pa dang 'dra bar kun gzhi byang chub sems kyi mtshan nyid ye nas khyab cing gdal ba chen po grub zin pa la/ tshig dang yi ges 'chos par dka' ba'i don de la 'di skad ces bshad par bya'o// rang sems med

  405. 203a

    pa'i sngon rol na// sangs rgyas byang chub yod ma yin// dus gsum rje btsan byang chub sems// gzhan la phan 'dogs nus pa'i mthu// rang la gnas med goms pa'i gdeng // gzhi bzhag don gyi snying por blta'o// spyod pa thams cad kyi rgyal po brtson pa don ldan gyi rgyud las/ sems kyi spyod pa gang ltar spyod cing lta ba'i le'u ste gsum pa'o// // de nas bcom ldan 'das kyis thabs kyi spyod pa gang ltar spyod cing lta ba gang dang ldan na 'di ched du brjod do// thabs kyis spyod pa gang yin pa// rdo rje sems dpas nyan par gyis/ nges par lung 'di bstan par bya'o// de la thabs kyis spyod pa rnam pa gsum ste/ kun rdzob dngos po'i chos la thabs kyis spyod pa dang / nyon mongs pa nang gi chos la thabs kyis spyod pa dang / bde ba chen po yum gyi b+ha ga la gnyis su med par thabs kyis spyod pa'o// de la kun rdzob dngos po'i chos la thabs kyis spyod pa ni/ gnam ri dang sa brag rtsi shing dang nags tshal la sogs pa/ ji srid rdzas su yod pa thams cad dang / 'byung ba chen po la sogs par bskyed cing snyoms pa thams cad skyon du bltas nas spang ba ma yin/ de nyid thams cad kyi spyod pa ste/ dper na skyes bu dpa' rtsal dang ldan zhing thabs la mkhas pas sdang ba'i phyogs thams cad thabs kyis btul nas yon tan du snang ba

  406. 203b

    'dra bar thabs mkhas pa'i spyod pas mtshan ma rdzas su snang ba thams cad sgyu ma yin pa dang / rang bzhin ma grub pas gnyis su med pa dang / ma skyes pas gang la spyad kyang yon tan las skyon med de/ sgyu ma ltar shes shing ma skyes par go bas srog gcod pa yang yon tan las skyon med de/ rang bzhin med par shes la/ mnyam pa nyid du go bas ma byin pa blangs pa yang yon tan las skyon med de gnyis su med pa shes la/ tha mi dad pas mi tshangs par spyad kyang yon tan las skyon med de/ de don las so ma gsogs su mi ston/ man ngag spyi ldings su ston pa thabs kyis spyod pa'o// de la phyogs cha'i ris su ma phye/ bdag med kyi shes rab tu brdal bas kyang thabs kyis spyod pa'o// de la bzang ngan gyi spyod par ma phye/ rang byung gi longs spyod du mdzad pas kyang thabs kyis spyod pa ste/ de la 'di skad ces bshad par bya'o// snang srid mtshan ma'i rdzas rnams kun// ma rig rmongs pa'i blo rnams kyis// yod pa nyid du snang ba ste// thabs la mkhas pa'i rnal 'byor pas// rang bzhin med par 'dris par spyod// rgyu 'bras mtshan ma'i chags sems la// gang zag 'khrul pas rtog pa chags// mkhas pas ye nas dngos med rtogs// 'byung ba ma skyes yum gyi klong // 'gyur med snying po yin par ston// spyod pa'i rgyal po 'di las byung // lus kyi spyod

  407. 204a

    pas thams cad bsgral// sems can thams cad bsgral ba ni// rgyal ba mnyes te sras su skye// gtsang sme med par za ba ni// rgyal ba mnyes te sras su skye// spang len med par sbyor ba ni// rgyal ba mnyes te sras su skye// bzang ngan med par spyod pa ni// rgyal ba mnyes te sras su skye// thabs kyi spyod pas ma spyad na// spang ba nyid kyang 'khor ba'i rgyu// thabs kyi spyod pas spyad pa ni// bdag po zhing la longs spyod 'dra// gang zhig de dang mi ldan na// rang nor spyad kyang ma byin blangs// thabs la mkhas pa'i spyod pas ni// 'byung ba'i chos nyid yum du spyod// snang srid kun tu bzang mor spyod// yul ni chos kyi dbyings su spyod// lus ni phyag rgya chen por spyod// phung po rnam grol zhing du spyod// dug gsum sku gsung thugs su spyod// don dam nyid du ma skyes pas// thabs kyis spyad kyang gol sa med// ma chags rtog pa med par spyod// don dang mthun zhing 'gal med pa'o// de la nyon mongs pa nang gi chos la thabs kyis spyod pa ni// dper na nyi ma'i dkyil 'khor la mun pa ngang gis mi gnas pa bzhin du// mkhas pa'i spyod pa la nyon mongs pa ngang gis mi gnas te// thabs kyis spyod pas 'dod chags chos nyid dag pa'i rgyan du spyod// zhe sdang thugs rje chen po'i zhing du spyod// gti mug ma skyes pa'i dbyings su spyod// nga rgyal che ba'i

  408. 204b

    yon tan gyi mchog tu spyod// phrag dog rnam par rtog pa mi gnas par spyod// dper na de bzhin gshegs pa'i sku la gang ltar bltas pas legs pa bzhin// thabs mkhas pa'i spyod pas ji ltar bltas pa legs pa'i zhing yin pas// de la 'di skad ces bshad par bya'o// nyon mongs rgyu rnams thams cad kun// thabs kyis spyod pa'i zhing yin pas// de la mi spang spyad par bya// gti mug thabs kyis ma spyad na// de bzhin rigs kyi sku mi 'grub// zhe sdang thabs kyis ma spyad na// rdo rje'i rigs kyi sku mi 'grub// nga rgyal thabs kyis ma spyad na// rin chen rigs kyi sku mi 'grub// 'dod chags thabs kyis ma spyad na// pad+ma'i rigs kyi sku mi 'grub// phrag dog thabs kyis ma spyad na// las kyi rigs kyi sku mi 'grub// nyon mongs lnga po thabs su mnyam// rigs kyi sku lnga spyod par 'dus// nyon mongs lnga po sgyu mar spyad// rigs kyi sku lnga gnyis med zabs// nyon mongs lnga po ye nas dag/ rigs kyi sku lnga gdod nas byung // nyon mongs lnga po nam mkha'i khams// rigs kyi sku lnga gza' skar tshul// nyon mongs lnga po rgya mtsho bzhin// rigs kyi sku lnga nyi zla ltar// rgya mtsho chu zla dbyer med mnyam// don la gnyis med thabs spyod pas// nyon mongs chos la thabs kyis spyod// man ngag don 'di sus spyod pa// dus drug nyin dang mtshan med par// phrin las cho

  409. 205a

    bar ma chags pas// brtson pa don dang ldan zhes bya'o// de la bde chen yum gyi b+ha ga la gnyis su med par thabs kyis spyod pa ni/ thams cad du bde ba'i longs spyod de/ dper na gser gyi gling la rdo btsal gyis mi rnyed la/ 'dod chags kyi dga' ba bstar na gang la yang mi dga' ba dang mi bde ba med pa bzhin/ chos nyid bde ba chen po'i don man ngag la/ 'khor ba'i skyon dang zug rngu btsal gyis mi rnyed la/ chos nyid dga' bde sems kyi ro snyoms su bstar nas/ dga' ba'i longs spyod ma yin pa dang / bde ba'i longs spyod gang yang ma yin pa gang yang med par shes pas/ de nyid blo'i chags par bya ba'i yul du gyur pa yin pas yum gyi b+ha ga yin la/ de gnyis su med par spyod pa ni thabs te/ dus thams cad du stsol ba dang ma bral bas/ gnyis su med pa'i rol pa rgyun ma chad pa/ bral na bral te legs pas// btsal med kyi dga' ba de la zhugs/ sems kyis thams cad du dran rig skyes pas/ dus gsum rig pa'i dbyings lon pas/ 'du 'bral med pa'i gzugs su rgyun ma chad/ dran rig ma skyes na ma skyes su zad de/ dran med shes rab kyi klong na/ 'dzin med thabs kyi rgyal po// 'gyur med dga' ba de'i klong na bzhugs pas/ de la 'di skad ces bshad par bya'o// btsal ba gnyis su med pa ni// yab yum gnyis

  410. 205b

    su spyod pa ste// don 'di rtogs shing shin tu bde'o// dbyings la sbyor ba yum zhes bya'o// thabs la spyod pas yab ces bya'o// nyams su lon pas byang chub sems// blo la bstar bas dgyes pa'i ro// gang yin pa yi chos rnams la// de yi shes pa de bzhugs pas// bde ba chen po thabs su spyod// mu mtha' med pa'i spyod pa la// de yi rtsol ba de zhugs pas// bde ba chen po'i thabs su spyod// ma spangs pa yi rgyu rnams la// rol pa chen po'i thabs zhugs pas// bde ba chen po'i thabs su spyod// gnyis su med pas dga' zhes bya'o// gsal ba dga' bas bde zhes bya// chags par bya ba yum zhes bya// dmigs par bya bas yab ces bya'o// gnas par bya ba b+ha ga'o// dga' bde skyes pas b+ha ga'o// spyad par bya bas b+ha ga'o// rdo rje sems dpa'i dga' ba'o// kun tu bzang po'i bde ba'o// mnyam pa nyid kyi spyod pa'o// skye 'gag med pa'i phrin las so// rnal 'byor thugs kyi dgongs pa'o// sangs rgyas rnams kyi mdzad spyod do// 'di ltar man ngag don 'chang ba// thabs kyi spyod pa dam pa 'chang // 'di ltar thams cad du gnas pa// brtson pa don dang ldan pa'o// thabs kyi spyod pa yin zhes bya'o// de la lta ba gang dang ldan pa ni// lta ba thog ma nyid nas lta ba la// de ji ltar du yin pa de bzhin du lta ba'o// de yang gang zhe na/ de yang thog

  411. 206a

    ma nyid nas rang bzhin med pa ma skyes pa yin pas de bzhin du blta ba dang / thog ma nyid nas ma g.yos bzhin gnyis su med pa de bzhin du lta ba dang / thog ma nyid nas ma bcos shing mi 'gyur ba de bzhin du lta'o// de nas de la 'di skad ces bshad par bya'o// ye nas bcos pa med pa yi// rang byung snying po yin pa la// de bzhin btsal ba med pa yis// de bzhin g.yos pa med par bzhag/ de bzhin chos nyid yin shes na// gzhan du chos nyid btags mi dgos// ma bcos pa yi man ngag la// de la goms pa'i gdeng chen du// nges par lung bstan bshad par bya'o// des ni yid ches la bzlas so// spyod pa thams cad kyi rgyal po brtson pa don ldan gyi rgyud las/ thabs kyi spyod pa gang ltar spyod cing lta ba'i le'u ste bzhi pa'o// // de nas bcom ldan 'das kyis de skad ces bka' stsal pa dang / rdo rje sems dpas shin tu gdung ba'i mchi mas ngus so// de nas bcom ldan 'das kyis rdo rje sems dpa'i thugs ngal bsang ba'i phyir/ 'di skad ces bka' stsal to// 'gro la phan pa'i gtso chen gyis// gdung ba skye bar shin tu legs// gang zhig mnyan par brtson pa ni// legs 'ong bu la bshad par bya'o// de nas rdo rje sems dpas gsol pa/ sangs rgyas thams cad spyod pas sangs rgyas na/ sems can spyod pas de ltar ma

  412. 206b

    rtogs pa shin tu 'gyod do// lus kyi spyod pa rol pa gnyis su med pa'i thabs dang shes rab yin pa la/ sems can gyis de ltar ma rig pa shin tu 'gyod do// sems can gyis spyod pa ci bsams shing dran pa thams cad ye shes ngang gis rol pa lags pa de/ ma rtogs pa shin tu 'gyod do// sems can thams cad kyis lus kyi spyod pa ma shes pas sdug bsngal sna tshogs nyams su myong nas/ thabs dang shes rab nub par gyur pa dang / ngag gi spyod pa ma shes pas lce la zhing rmo ba la sogs pa sdug bsngal nyams su myong nas/ chos nyid skye ba med pa'i don nub par gyur pa dang / sems kyi spyod pa ma shes pas nyon mongs pa kha lo bsgyur bas/ sdug bsngal sna tshogs nyams su myong nas/ rig pa'i ye shes nub par 'gyur ba dang / thabs kyi spyod pa ma shes pas/ 'jig tshogs kyi dbyen spros pas/ sdug bsngal sna tshogs nyams su myong nas/ sangs rgyas kyi dgongs spyod dang bral bar gyur pa'i sems can glen pa rnams la/ thabs mkhas pa'i lta ba'i rgyal po spyod pa 'di lta bu mnga' ba de/ sems can gyis de lta bu ma 'tshal ba de ni ji lta bu lags/ sems can gnas pa yang spyod pa/ 'khor bar 'khyams pa yang spyod pa// nyon mongs shing nyam thag pa yang spyod pa/ 'di ltar gsungs na de nyid bde ba yang dag pa las skyon du ma song ba de/ sems

  413. 207a

    can gyis de ltar ma 'tshal bar de ji lta bu lags/ sangs rgyas kyi thugs yang dag pa'i ye shes btsal ba med pa'i snying po de/ sems kyi spyod pa dang skyon nyid las byung ba las/ sems can gyis ma 'tshal ba de ji lta bu zhig lags/ chos kyi sgo bka' ci snyed pa gsungs pa yang / 'khor ba nyid na de nyid byang chub kyi chos su gsungs pa de/ sems can rnams kyis chos de bzhin du ma 'tshal ba de ci lta bu zhig lags/ de dag ni ji lta bu zhig lags/ des bdag ni shin tu mchi ma dku'o zhes dus so// de bzhin du rigs lnga kun kyang ngus so// rnam par snang mdzad kyis sems rtag chad gnyis su lta ba la dus so// rin po che'i rigs kyi sangs rgyas kyis sems bzang ngan gnyis su lta ba la dus so// pad+ma'i rigs kyi sangs rgyas kyis sems gtsang sme gnyis su lta ba la dus so// las kyi rigs kyi sangs rgyas rnams kyis sems spang len gnyis su lta ba la dus so// rigs kyi yum rnams kyis kyang / sems can rnams thabs la mi mkhas pa la dus so// sras byang chub sems dpa' rnams kyis sems can rnams kyis lam ma shes pa la dus so// de ltar dus tsam nyid na/ rdo rje sems dpa' la sogs pa rigs lnga'i sangs rgyas yab yum dang / byang chub sems dpa' la sogs pa gang yang med cing gang gis kyang ma dus so// de nas bcom ldan

  414. 207b

    'das kyis ma gsungs par bka' stsal pa/ rdo rje sems dpa' sems can gyi spyod pas/ sdug bsngal gyi kha brgyud pa ni/ dper na sman gyi sbyor btang mi shes pas/ sman du sbyar yang dug tu 'gyur la/ sman gyi sbyor thabs la mkhas pas/ dug sbyar yang nad 'jil ba'i mthu stobs yod pa bzhin du/ spyod pa'i rgyal po 'di ma thos pas ni/ sangs rgyas kyi spyod pa btsal yang sdug bsngal gyi gtan zhing du 'gyur la/ rgyud kyi rgyal po 'di thos pas ni sdug bsngal zhing spyad kyang thar pa bde ba chen po sangs rgyas kyi mdzad spyod du 'gyur ro// rdo rje sems dpa' sems can gyi spyod pas 'khor zhing 'khyams pa la rgyud 'di gsungs na 'khor ba nyid bde ba yang dag par 'gyur ba ni/ dper na zas spyod ma legs pas nad du 'gyur/ 'chi bar 'gyur la/ de nyid spyod pa legs pas gzi mdangs bkrag dang ldan pa bzhin du rgyud 'di ma rtogs shing ma go bas/ sems can 'khor bar 'khyams la/ rgud 'di rtogs shing go na/ 'khor ba nyid bde ba'i ror bstar bar 'gyur ro// rdo rje sems dpa' sangs rgyas kyi thugs yang dag pa'i ye shes btsal ba med pa'i snying po nyid sems kyi spyod pa dang skyon las byung ba/ sems can gyi ngo ma shes pas ni/ dper na rgyal rigs sam/ bram ze'i rigs sam/ khyim bdag gi rigs lta bu gzhon pa la/ brda' dang / rtsed mo

  415. 208a

    dang / gzhon nu'i rol pa la sogs pa bus pa de nyid rang la tshang bar yod kyang / 'tsho ba'i ma ma dang / rtse grogs la sogs pa rnams kyis ma bstan na/ de ltar ngo mi shes la/ bstan na ngo shes pa bzhin/ don gong ma 'di dag sems kyi skyon nyid yin pa de/ lung nges pa 'di ma bstan na de bzhin du mi shes shing mi rtogs pa/ lung 'di dag bstan na skyon yang yang dag pa'i lung du 'gyur ro// rdo rje sems dpa' chos kyi sgo sems can nyid las byung ba ni/ dper na nam mkha' la char pa bab pa de nyid mtsho nyid las byung zhing de nyid du 'babs pa bzhin gnas kyang / shes pa dag pas de bzhin rtogs la/ shes pa ma dag pas de bzhin du mi shes pa bzhin/ chos kyi sgo mo bsam gyis mi khyab par gsungs pa yang / sems can gyi rgyu gnyis nyon mongs pa dang / 'khor ba nyid kyis gsungs la/ yin yang de nyid yin la/ 'bras de nyid gzhan du btsal du med pa'i don/ rgyud 'di blo la 'dris pa rnams kyis de bzhin du shes pa las/ 'di blo la ma 'dris pa rnams kyis de bzhin du mi shes pas/ 'di blo la ma 'dris pa rnams kyis rtogs par dka'o// de ci'i phyir zhe na/ de ni spyod pa nyid du gnas pa dang / gnas pa nyid du gnas pa med pa'i don ma rtogs pas/ de la 'di skad ces bshad par bya'o// kun nas gsang ba'i man ngag ni/ gnas pa

  416. 208b

    nyid kyis ma rtogs te// 'jig rten khams na 'phyan zhing nyen// yang gsang nges pa'i theg pa 'di// rang nyid yin pas brtags pa'i rgyu// zhes bya ste/ de bas na rdo rje sems dpa' sems can gyi nyon mongs pa med pa'i dngos grub ni/ bde bar gshegs pa la yang mi mnga'o// sems can gyi skyon med pa'i yon tan ni/ bde bar gshegs pas kyang ma bshad do// sems can gyi spyod pa chos nyid yin pa las/ de las gzhan pa'i chos ni ston pas kyang ma gsungs so// 'khor ba mya ngan las 'das pa yin pa las/ gzhan du mya ngan las 'das pa ma bstan to// sems can gyi ci byas ci spyad pa nyid/ rnam par dag pa'i sangs rgyas kyi mdzad spyod yin pa las/ gzhan du sangs rgyas kyi mdzad spyod ma byung ngo // rgyu nyid gdod ma nas dag pa'i 'bras bu yin pa las/ btsal ba dang bcos pa'i 'pho 'jug gi rang rig pa'i blong nas ma phye'o// de lta bu'i don sems can la rang la rang chas su yod na 'gyod pa'i rgyu ci yod/ ces bka' stsal pas/ rdo rje sems dpa' mya ngan las 'das par gyur to// spyod pa thams cad kyi rgyal po brtson pa don ldan gyi rgyud las/ rdo rje sems dpa' mya ngan las 'das pa'i le'u ste lnga pa'o// // de nas rdo rje sems dpas/ bcom ldan 'das la 'di skad ces gsol to// bcom ldan 'das 'khor ba mya ngan las

  417. 209a

    'das par bstan pa'i rgyud 'di/ ma bslad pa'i yon tan khyad du che bas che ba dang / ma btsal ba'i mthu dpag tu med pa dang / ma bsgrubs pa'i dngos grub shin tu brjod kyis mi langs pa dang / ma gsungs pa'i chos bsam gyis mi khyab pa dang ldan pa'i rgyud 'di ni/ nyan thos dang theg pa dman pa rnams kyis rtogs pa lta ci smos kyi/ ming tsam yang thos par mi 'gyur la/ sangs rgyas thams cad kyis kyang // 'di'i yon tan brjod kyis mi langs pa lags te/ nam mkha' la cha shas su phye zhing bsngo bar rung gi 'di'i yon tan brjod par mi nus so// 'byung ba thams cad ni 'bru'i nyag ma tsam nas bgrang bar nus par zad kyi/ 'di'i yon tan bgrang ba las 'das pa'o// de ci'i slad du zhe na/ bcom ldan 'das 'di'i don ni grangs sam mu mtha' dpag tu med pa'i phyir ro// de lta bas na rgyud 'di yang sus thob pa ston pa nyid do// ston pa nyid kyang rgyud 'di'o// kun tu bzang po yang rgyud 'di'o// 'di yid la dran pas sangs rgyas thams cad kyi thugs kyi ye shes so// gong du bstan pa ltar dkon pa nyid kyi dpe ni/ u dum wa ra dang 'dra'o zhes gsol pa dang / bcom ldan 'das kyis bka' stsal pa dang / rdo rje sems dpa' legs so legs so// rgyud 'di nga kun tu bzang pos dus gsum du dgongs pa nyid yin no// nga'i dgongs pa nyid

  418. 209b

    'dir bstan pa yin pas/ rgyud 'di yang rim gyi snang ba las/ kun tu rgyas par ma bstan te yang dag pa'i man ngag nges par 'dod pa dang / don man ngag 'di dang phrad na zang zing yon dang grogs tshegs la mi blta ba'i rnal 'byor pa 'ga' zhig srid pa dag la bstan par bya'o// gang zhig snod dang mi ldan pa rnams la ni/ dmus long la bzhin mthong du mi btub pa'i dpe bzhin/ man ngag bstan kyang go zhing rtogs pa mi nus pa yin pas/ de bas shin tu gsang bar bstan pa'o// rdo rje sems dpa' rgyud 'di'i ming tsam 'dzin pa'am yang tha na tshig 'bru gcig tsam yang / kha ton du 'dod na man ngag gi dngos grub thob pa yin pas// de la ni gol ba med do// de skad ces sus kyang ma gsungs par bka' stsal pas/ rdo rje sems dpa' de dang mi gnyis gcig pa'i gang zag rnal 'byor pa rnams kyis rgyud 'di'i don rtogs par gyur to// spyod pa thams cad kyi rgyal po brtson pa don ldan gyi rgyud las/ yon tan rang rgyud gtad pa'i le'u ste drug pa'o// // spyod pa thams cad kyi rgyal po brtson pa don ldan gyi rgyud las gsungs pa med pa'i mdzod/ sems kyi 'bras bu mchog sa ma ti rdzogs so// // bar 'dir dam tshig rgyal po dam tshig bkod pa'i rgyud 'dzud//

  419. 210a

    rgya gar skad du/ shan+ti de wa tan+t+ra ma hA nA ma/ bod skad du/ zhi ba lta rgyud chen po zhes bya ba/ bcom ldan 'das dpal kun tu bzang po la phyag 'tshal lo// 'di skad bdag gis bstan pa'i dus gcig na/ de bzhin gshegs pa thams cad kyi yab kun tu bzang po de ni/ bcom ldan 'das de bzhin gshegs pa thams cad kyi sku dang gsung dang thugs rdo rje'i snying po/ de bzhin gshegs pa kun gyi btsun mo'i b+ha ga la bzhugs so// bcom ldan 'das de bzhin gshes pa rnam par snang mdzad dang / yum sangs rgyas spyan ma dang / rdo rje sems dpa' dang / yum dbyings phyug ma dang / rin chen 'byung ldan dang / yum mA ma ki dang / snang ba mtha' yas dang / yum gos dkar mo dang / don yod grub pa dang / yum dam tshig sgrol ma dang / nyid las mi gzhan pa'i 'khor rigs lnga'i sangs rgyas yab yum rnams kyang chos kyi dbyings na zhugs so// byang chub sems dpa' sems dpa' chen po rnams ni/ sa'i snying po dang / rdo rje sgeg mo dang / nam mkha'i snying po dang / rin chen phreng ba dang / spyan ras gzigs dang / pad+ma dbyangs mkhan ma dang / phyag na rdo rje dang / las kyi gar mkhan ma dang / nang gi byang chub sems dpa' yab yum rnams kyang bzhugs so// byams pa dang / rdo rje bdug spos ma dang / sgrib pa rnam par sel ba dang / rin chen me

  420. 210b

    tog ma dang / kun tu bzang po dang / pad+ma mar me ma dang / 'jam dpal dang / las kyi dri chab ma dang / phyi'i byang chub sems dpa' sems ma rnams kyang bzhugs so// gzhan yang rigs drug 'dul bar mdzad pa ni/ lha'i thub pa srid thub 'dzin dang / lha ma yin gyi thub pa rnam par rgyal ba dang / mi'i thub pa shAkya seng+ges mtho ris gnas gsum po 'dul ba'i zhing du yang gzigs so// byol song gi thub pa seng+ge rab brtan dang / yi dwags kyi thub pa kha 'bar rgyal mo dang / dmyal ba'i thub pa chos kyi rgyal pos ngan song gnas gsum 'dul ba'i zhing du gzigs so// gzhan yang gdug pa can 'dul ba ni gshin rje gshed dang / gsang ba'i yum rgyas 'debs ma dang / stobs po che rnam par rgyal ba dang / gsang ba'i yum tshe 'phel ma dang / rta'i mgrin pa can dang / gsang ba'i yum za byed ma dang / bdud rtsi 'khyil ba dang / gsang ba'i yum rmongs byed ma dang / rig pa'i khro bo khro mos sgo bsrung bar mdzad do// gzhan yang rig 'dzin byang chub sems dpa' mang po dang bcas pa ni dper na til gyi gang bu ltar bzhugs so// zhi ba lha rgyud las gleng gzhi'i le'u ste dang po'o// // de nas bcom ldan 'das dpal rdo rje 'chang chen pos 'khor gyi 'jig rten thams cad la gzigs nas/ rang gi btsun mo la snyoms par zhugs par mdzad do// zhugs

  421. 211a

    ma thag tu 'khor thams cad la bde bas khyab pa ni/ la la ni go rim gyi bde ba bzhir shar ro// la la ni phyi nang gi gnas la ltos pa'i bde ba bzhir shar ro// la la ni spang bya la ltos pa'i bde ba bzhir shar ro// la la ni rang gi ngo bo la ltos pa'i bde ba bzhir shar ro// de nas 'khor gyi sangs rgyas dang byang chub sems dpa' rnams ngoms nas 'di skad ces brjod do// mar me mang po khyim du sbar gyur kyang // mig med pa la mun par snang ba bzhin// lhan cig skyes pas kun la khyab mod kyang // nye yang rmongs pa nyid la shin tu ring // skal ngan sems can thabs kyis grol ba'i phyir// dngos po gshis kyi gnas lugs las byung ba'i// ka dag lhun grub rtsol bral chen po'i chos// gnas lugs rang bzhin zhi ba ji ltar gnas// khams gsum sems can rang sems ma reg pa// khams gsum nyon mongs snang ba'i bzhin can// rgyu drug sems can skye ba rnam bzhir la// rang rgyud phung po'i zhi ba gang du gnas// rnal 'byor pa ni nyams kyi snang ba la// gdul bya sprul pa'i zhi ba rnam pa ru// ska gsung mi zad rkun gyi 'khor lo'i thugs// bde bar gshegs pa'i snang ba rnam dag pa// sku gsum sku bzhi sku lngar snang ba yi// mthar phyin 'bras bu'i zhi ba ji ltar bzhugs// skal ngan sems can gdul dka' ba// khyod kyis 'dul ba'i

  422. 211b

    dus la bab// gzhi lam 'bras bu mi shes pa// khyed kyi bstan pa'i dus la bab// ces brjod nas/ ston pa'i zhal du gzigs so// zhi ba lha rgyud chen po las/ gleng slong ba'i le'u ste gnyis pa'o// // de nas bcom ldan 'das dpal rdo rje 'chang chen po ni chos thams cad kyi de kho na nyid ma bcos pa'i gnyug ma dngos po rnams kyi gnas lugs kyi ting nge 'dzin la snyoms par zhugs nas/ byang chub sems dpa' rnams 'gro don rdzogs par bya ba'i phyir 'di gsungs so// e ma ho rab tu gsang ba'i chos// gnas lugs ngo bo nyid kyi gzhi// 'khor dang 'das pa kun gyi rgyu// bcings grol med par ngang gis gnas// e ma ho rab tu rtogs pa'i chos// rgyud chen rnal 'byor chen po ni// snod bcud thams cad shes rab tu// phyag rgya ka dag chen por rtogs// e ma ho rab tu rtogs pa'i chos// lung chen rjes su rnal 'byor ni// kun bzang yab yum dbyings ye shes// bde chen sras su sangs rgyas so// e ma ho rab tu mkhyen pa'i chos// man ngag rdzogs pa chen po ni// snang zhing srid pas bsdus pa'i chos// sel med sangs rgyas nyid du gnas// dag pa chen po chos kyi sku// bya rtsol mi mnga' ngang gis rdzogs// e ma ho ngo mtshar rmad kyi chos// chos can mtshan ma'i dngos po rnams// chos nyid ngang du lhun gyis grub// dus gsum rgyal pa ma lus

  423. 212a

    la// lhun grub mchog tu dgongs pas go/ gang yin de las dpag tu med// sangs rgyas kun gyis rab tu bsngags// ye nas lhun gyis grub pa'o// 'khor ba ka dag rin chen gling // mya ngan 'das par der brjod do// nyi ma'i dkyil na mun med ltar// ye shes rang snang ma rtogs pa// nyon mongs 'khor ba ngang gis med// gnas lugs nyid du ka dag pa'o// dngos po gshis kyi gnas lugs nyid// bcing med rnam par grol med pa'i// ye nas lhun grub sangs rgyas chos// bstan phyin spro ba sna tshogs mdzad// ces gsungs so// zhi ba lha rgyud chen po las// gzhi gnas lugs rang bzhin gyis zhi ba bstan pa ste le'u gsum pa'o// // de nas bcom ldan 'das dkon mchog dpal rin chen 'byung ldan nyid/ 'khrul pa thams cad grol bar byed pa'i ting nge 'dzin la snyoms par bzhugs nas/ 'di gsungs so// bde gshegs snying po'i rang bzhin 'di// khams gsum yongs la ye nas gnas// lhan cig skyes pa'i ma rig pa// lus dang grib ma lta bur byung // bskal pa sngon las bsags pa yi// 'khor ba sngon gyi rnam smin byung // las su nyon mongs lnga po yis// 'byung lnga 'dus pa'i phung por smin// snod kyi 'jig rten snang ba yang // sangs rgyas zhing khams yin par shes// shar phyogs mngon par dga' ba'i zhing // lho na

  424. 212b

    dpal ldan nub phyogs bde// byang phyogs rnam dag bkod pa la// dbus kyi byang chub snying por gnas// 'di la sogs pa'i sangs rgyas zhing // gud na med par rab rtogs la// mi dge bcu po khro bcu'i mtshams// nyon mongs lnga po mtshon cha lnga// spyi bo sna tshogs rdo rje la// rkang mthil rdo rje'i sa gzhi la// rtsib ma rdo rje'i ra ba dang // pags pa rdo rje'i gur du phub// ba spu mda' yi dra ba yin// sen mo me dpung rab tu 'bar// lus khams bdud rtsi rnam pa lnga// 'byung ba lnga'am bzhir gnas pa// khams dgu 'dus pa'i dngas ma ni// rang byung bdud rtsi'i mchod pa nyid// dbang po rnam drug 'dod yon drug/ pad+ma rak+ta mchod rdzas nyid// kun gzhi chos kyi pho brang du// yid ni kun bzang rang byung sku// lus dang ngag yid rnam pa gsum// ye nas gshegs par gnas pa'o// rang gi lus nyid 'dom gang la// thams cad tshang bar gnas pa ni// kun gzhi de rting nyon yid med// yid ni rgyu nyid ar gnas so// rkang mthil rlung la sum mdo me// lte ba chu la snying ga sa// sgal tshigs ri rab sgra ni me// mi mnyam med pa'i gru bzhi lus// snying ga'i rtsa bzhi sgo bzhi la// rkang brgyad ka ba rnam pa brgyad// mig gnyis pany+tsa re khA la// sna ni rin chen pha gu nyid// so ni dra ba dra phyed la// lce chu 'dod yon lha mo 'byung // rna ba rta babs nyid du gnas// snying ni

  425. 213a

    mi 'jigs seng+ge'i gdan// mkhal ma stobs bcu glang po che// mtsher pa rdzu 'phrul rta yi khri// mchin pa dbang bcu rma bya nyid// glo ba thogs med nam mkha' lding // pho ba rin chen khri rkang la// mchin dri dkar nag nyi zla'i gdan// rgyu long chags med pad+ma yin// khyab byed gzugs phung rnam snang mdzad// srog 'dzin rnam shes mi bskyod pa// me mnyam tshor ba rin chen 'byung // gyen rgyu 'du shes snang mtha' yas// thur sel 'du byed don yod grub// sra ba sa ni sangs rgyas spyan// nam mkha' dbyings phyug ma nyid la// mnyen pa'i chu dbyings mA ma ki/ dro ba'i me dbyings gos dkar mo// bskyod pa'i rlung ni dam tshig sgrol// bcud ni yab la snod ni yum// spyad byar gyur pa'i btsun mo yin// rgyu ba sa snying me rlung mig/ gzugs ni sgeg mor gnas pa'o// shin tu rgyu ba nam mkha' nyid// nam snying sna la gnas pa dang // dri ni lha mo phreng ba mo// mngon par rgyu ba spyan ras gzigs// rdo rje myong bar byed pa ste// ro ni lha mo glu len ma// rab tu rgyu ba phyag rdor nyid// rna ba lag nas zos pa la// sgra ni las kyi gar byed ma// rnam shes dbang po'i byang chub sems// yul la snang ba mched pa dang // thob par byed pa snang ba gsum// byams pa me yi rlung du bshad// dpyid ni 'das dus spos me ma// sgrib sel sna yi rlung yin te// de

  426. 213b

    ltar dbyar ni me tog ma// kun bzang me ni mngon par rgyu// 'byung dus ston te mar me ma// 'jam dpal rlung nyid gnas pa yang // ma nges dgun de dri chab ma// dbang por snang ba'i lha 'di kun// rang la ye nas dus spyod yul// yid ni snying rje thabs mchog yab// chos ni stong pa shes rab yum// zhe sdang dmyal bar snang ba yang // thub pas zhe sdang me yang gsod// ser snas yi dwags snang ba yang // nga rgyal ri snyil thub pa yin// gti mug byol song skyes pa la// thub pas gti mug mun pa sel// 'dod chags mi yi skye gnas nyid// 'dod chags dug 'joms shAkya thub// khong khros lha ma yin du skye// bdag zhan bral bas lha min thub// phrag dog lha yi gnas snang bas// phrag dog lcags 'gro la lha yi thub// lus kyi 'dus te reg pa ni// rdo rje reg pa gshin rje'i gshed// reg pa sra ba sa yin te// rtog par ma yin lcags kyu ma// lus kyi dbang po reg byed nyid// yab kyi rdo rje stobs po che// gsher bar 'byung ba chu nyid ste// chad par ma yin zhags pa ma// lus kyi yul ni reg bya nyid// yum gyi pad+ma rta mgrin dpal// tsha zhing dro ba me yin te// bdag tu ma yin lcags sgrog ma// lus kyi rnam par shes pa ni// dam rdzas dkar dmar bdud rtsi 'khyil// g.yo rlung stong bde'i nam mkha' ni// mtshan mar ma yin dril bu ma// srid gsum khams

  427. 214a

    gsum sems can la// ye nas rang la lhun gyis grub// rang gnas chen po rtogs gyur nas// rang bzhin dkyil 'khor bskyed par bya// de nas bcom ldan 'das dkon mchog dpal gyis/ chom bu'i dkyil 'khor rang la gnas pa 'di gsungs so// spyi gtsug bde chen dkyil 'khor na// rnam par snang mdzad yab yum la// sgo ba yab yum brgyad kyis bskor// 'di ni sku yi dkyil 'khor te// rtsa dang thig le sngags dang rlung // dbu yi gtsug tor rtse mo ni// rigs bdag kun bzang yab yum la// thub drug sprul pa'i 'khor gyis bskor// 'di ni spyi yi dkyil 'khor yin// mgrin pa longs spyod dkyil 'khor la// snang ba mtha' yas yab yum la// spyan ras gzigs dang glu ma dang // kun bzang mar me ma yis bskor// 'di ni gsung gi dkyil 'khor nyid// gnas rten grub pas g.yo bar grub// snying ga chos kyi 'khor lo la// mi bskyod yab dang yum du bcas// sa yi snying po sgeg mo dang // byams pa bdug spos ma yis bskor// 'khor lo thig le sngags dang rlung // 'di ni thugs kyi dkyil 'khor nyid// lte ba sprul pa'i dkyil 'khor nas// dkon mchog dpal ni yab yum la// nam mkha'i snying po phreng ba ma// sgrib sel me tog ma dang bcas// 'di ni yon tan 'khor bcas te// 'khor lo khams bcud sngags dang

  428. 214b

    rlung // gsang ba me rlung 'khor lo la// grub pa gdon mi za ba la// phyag na rdo rje gar ma dang // 'jam dpal dri chab ma yis bskor// 'khor lo bdud rtsi yi ge g.yos// 'di ni phrin las 'khor lo yin// gnas pa rtsa yi rang bzhin las// dkyil 'khor spros pa bsgom par bya// grub pa sngags kyi yi ge las// tshom bu spros pa bsgom par bya// lus khams bdud rtsi thig le las// zhal phyag spros pa bsgom par bya// snying po rlung gi yan lag las// rnam grangs spros pa bsgom par bya// rnal 'byor blo yi khyad par las// chu las nya ldang ji bzhin du// snying po brjod pas phyag rgyar gsal// cig char lam du bsgom par bya// srid pa mngal nas chags tshul du// lo dang zla ba'i smin pa bzhin// rgyu rkyen 'dus pa las byung ba// rim gyis bslabs te bsgom par bya// zhes gsungs so// zhi ba lha rgyud chen po las/ rang rgyud phung po'i zhi ba sems can thams cad la gnas pa ste le'u bzhi pa'o// // de nas bcom ldan 'das snang ba mtha' yas kyis gdul bya thams cad zhing dag par gzung ba 'di gsungs so// ji ltar gdul bya sbrul byung nas// de da lam du byas pa yi// chos 'di snod ldan kun don du// rdo rje snying po nyid la bshad// sangs rgyas kun tu bzang po nyid// stong gsum zhing khams grangs med par// thub pa'i dkyil 'khor kun spros

  429. 215a

    nas// khams gsum sems can mtha' yas pa// 'dul phyir dkyil 'khor sna tshogs pa// yid bzhin nor bu bzhin du snang // gang zhig rigs kyis 'dul ba la// gti mug can la bde gshegs rigs// zhe sdang 'dul phyir mi bskyod pa// nga rgyal can la dkon mchog dpal// 'dod chags pad+ma tshe dpag med// phrag dog don grub las kyi rigs// rigs lngar gtogs pa 'di dag gis// 'dod dang thar pa rab sgrub byed// gang gis mtshon pas 'dul ba la// rang bzhin sku mdog snang ba yang // snum zhing drangs la mdzes shing sdud// dbyibs mdzes mdangs gsal mdog phyed 'phro// gang zhig bsgyur bas 'dul ba la// rtag pa chen po shad+ba ste// mi bskyod in+da nI la'i mdog/ rin chen 'byung ldan btso ma gser// pad+ma rA ga tshe dpag med// don grub in+d+ra nI la yin// rigs mthun mdog tu gnas pa'am// yang na nyi shu rtsa lngar ston// zhal phyag 'dul bar dgongs pa la// chos sku spros pa med pa'i phyir// zhal ni gcig tu bstan pa yin// dbyings dang ye shes 'brel ba'i phyir// phyag ni gnyis su bstan pa yin// thabs dang shes rab mnyam pas na// zhabs kyang rdo rje'i skyil krung bzhugs// bkri drang 'bras bu rnam thar gsum// nges don 'bras bu sku gsum snang // de phyir zhal yang gsum du bstan// nges par chos nyid zhal las

  430. 215b

    'das// pha rol phyin drug snang ba yang // sbyin pa btang zhing tshul khrims bsrungs// brtson 'grus brtsams zhing bsam gtan bsgoms// bzod pa bsgoms nas shes rab rtogs// rgyu yi lam nas bgrod 'dul ba// rdo rje'i phyag kyang drug tu byung // stong pa nyid kyi ye shes dang // chos dbyings me long lta bu dang // so sor rtog dang mnyam pa nyid// bya ba grub par mthar phyin pas// 'bras bu'i sgo nas mthar phyin pas// rdo rje'i phyag mtshan drug po rnams// dbyings dang ye shes mi 'bral zhing // thabs dang shes rab sbyor ba dang // snang stong zung du 'jug pa dang // yul sems dbyer med snang bas na// gdul bya'i shes par grol mtshon pas// yab yum zhabs dang skyil krung 'khril// rgyan chas 'dul bar gyur pa la// rig pa'i dbang lnga rdzogs pa dang // rigs gcig rigs lnga dbyer med phyir// dbu la rin chen ze'u phrog lnga// kun 'dar nang du sems bzlog pas// gtsug tor thor tshugs yid bzhin 'bar// mu stegs lha ngan rab 'joms pas// mgon po ral pa'i cod pan 'phyang // ro rkyang thabs dang shes rab ldan// phyogs rnams mdzes pa'i cod pan mdzes// rigs rnams bde bas gang bas na// me tog chun pos thod bcings mdzes// byang chub yan lag bdun ldan pas// rna rgyan mgul chu dpung rgyan dang // sku reg dang ni do shal

  431. 216a

    dang // phyag zhabs gdu bus rab tu mdzes// 'phags lam yan lag brgyad ldan pas// bkra shis rtags brgyad lus la rdzogs// cha lugs chen pos brjid pas na// sku yi stod g.yogs rab mdzes shing // gsung gi smad dkris lhub dang ldan// thugs kyi ze'u ldan rnam par bgos// yon tan chos gos bsnams nas ni// mdzad pa las kyi phu rung ldan// zhing khams rnam par dag pas na// rgyab yol zla ba'i dkyil 'khor dang // sna lnga 'od kyis gang bu dang // 'od zer dra bas rab tu spras// gdul bya'i re ba bskang mdzad pas// ba spu'i bu ga re re nas// 'od zer bye ba drug stong 'phro// bde gshegs snang ba sna tshogs ston// mtshan gyi me tog rgyas pa la// dpe byad 'bras bus spras pa'i phyir// sems dpa' yab yum rang gi rig/ sras kyi tshogs kyis kun nas spras// sras tshogs ma lus pa rnams kyang // rigs lnga'i dgongs pa tshang bas na// rigs kyi bdag pos dbu brgyan cing // snyan cha rin chen 'byung ldan la// mgul chu snang ba mtha' yas te// do shal sku reg rnam snang mdzad// phyag zhabs gdu bu don grub la// dbu rgyan mi bskyod pa yi brda// phyag mtshan 'dul bar dgongs pa la// dngos po 'joms pa'i rdo rje dang // rmad byung sgrogs pa'i 'khor lo bskor// dgos 'dod skong ba'i rin po che// skyon gyis ma gos pad+ma

  432. 216b

    'bar// log lta 'joms pa'i ral gri dang // chos kyi sgra sgrogs dril bu rnams// rigs rnams dbyer med yin pas na// phyag mtshan gcig la kun kyang tshang // sa bcu thob dang rig 'dzin pas// sa snying dkar skya rin chen myug/ nam snying mthing ga ral gri 'dzin// spyan gzigs dmar po pad+ma dkar// phyag rdor ljang gu rdo rje bsnams// snang ba gsum gyis grol ba dang // rdzas kyi longs spyod ldan pas na// sgeg mo me long rin chen 'phreng // pad+ma gling dung gar byed las// byams dkar klu shing spos me yum// sgrib sel mthing ga pu sti nyid// yum ni me tog phreng ba nyid// kun bzang dmar skya rin chen ste// yum ni mar me 'od gsal snang // 'jam dpal ldang ser ut+pa la// yum ni dri chab srin mtheb 'thor// rigs bdag thams cad dbyer med pas// kun bzang yab yum mnyam gzhag bya// lha rnams le los g.yengs pa la// brtson 'grus mthar phyin pi wang rol// lha min khong khro 'thab rtsod pa// 'dul phyir bsam gtan go mtshon bsnams// mi rnams 'dod chags bza' btung chags// de phyir tshul khrims gseg par bsnams// byol song gti mug 'thib bsal phyir// po ti shes rab pha rol phyin// yi dwags bkres skom 'jungs pas na// de phyir sbyin pa rin chen sgom// dmyal ba zhe sdang tsha grang la// me chu bzod pa'i pha rol

  433. 217a

    phyin// 'chi bdag bdud 'dul 'khor ba 'dren// gshin rje thod dbyug lcags kyu yum// stobs chen phung po'i bdud 'dul bas// rdo rje gnon te zhags pa yum// nyon mongs bdud 'joms rta mgrin dpal// thod sbrul bsnams te lcags sgrog yum// lha bdud bdud rtsi 'khyil 'dul bas// rdo rje rgya gram dril bu yum// zhi ba'i mdzad pas 'dul don du// yab kyi sku yi tshul bzhi ni// gsal 'tsher lhun sdug gzi byin ldan// yum gyi tshul lnga ldan pas na// mnyen lcug 'khril ldem gzhon tshul can// thub drug sems dpa' don mdzad pas// 'od zer 'phro ba'i tshogs chen po// sgo skyong gdug pa 'dul bas na// 'bar ba'i 'phreng bas 'khrigs pa ste// spyir ni kun dang kun bzang yum// mtha' dbus med par khyab pa'o// bzhugs thabs 'dul bar dgongs pa las// sangs rgyas rnams ni yab yin pas// rdo rje'i skyil mo krung du bzhugs// rig ma gzungs ma yum rnams ni// pad+ma'i skyil mo krung du bzhugs// byang chub sems dpa' yab yum rnams// sems dpa'i skyil mo krung du bzhugs// thub pa 'gro ba'i don mdzad pas// bzhengs nas gdul byar mthun par bzhugs// sgo ba gdug pa 'dul bas na// yab yum brkyang bskum dor thabs bzhugs// phrin las 'dul bar dgongs pa la// yab lngas phung po byin gyis

  434. 217b

    brlab// yum lngas 'byung ba byin gyis brlab// byang sems rang rgyud bkra shis byed// thub pas nyon mongs 'dul zhing sbyong // kun bzang zabs shes 'brel bar brlab// khro bos mtshams gcod gdug par 'dul// gdan khris 'dul bar dgongs pa dang // chos kyi 'khor lo bskor ba'i gdan// 'og gzhi 'khor lo rtsibs bzhi 'bar// dgos 'dod re ba skong bas na// yid bzhin rin chen khri rkang brtsegs// yon tan che bas bcom pas na// stobs bcu tshang ba glang po'i gdan// mi 'jigs bzhi bcom seng ge nyid// rdzu 'phrul rkang bzhi rta yi gdan// dbang bcu mtshon pas rma bya la// phrin las thogs med nam mkha' lding // sa yi khyad par bgrod pas na// nyi ma zla ba pad+ma'i gdan// 'bras bu'i sa gsum gnon pa'o// gnas kyis 'dul bar dgongs pa la// khyad par 'phags pa'i 'og min gnas// gzhan min rang snang sprul pa'i khyim// gsang ba yum gyi b+ha ga nyid// de nyid kun gzhi pho brang la// gdos pa can las rab grol bas// phyi nang med par gsal ba ni// shel gyi phor par bcud bzhag 'dra// khyad par zhing khams lngar yang snang // zhes gsungs so// zhi ba lha rgyud chen po las// ji ltar gdul bar bya ba sprul par byung ba'i le'u ste lnga pa'o// // de nas bcom ldan 'das rnam par snang mdzad kyis de nyid lam du bya ba

  435. 218a

    'di dag gsungs so// de bzhin gshegs pa rigs lnga la// lam ni rnam pa gnyis yod de// grol lam lta ba bstan pa dang // thabs lam dbang gis bgrod par bshad// lta ba bden par dbyer med nyid// skor bdun ngo bo nyid du gnas// bder gshegs dkyil 'khor spyan drangs nas// mchod pas rab tu dgyes par bya// rang gi gnas rnams sbyang bar bya// yi ge a dkar las skyes pa// ri rab rtse la lha yi gnas// lha ma yin gyi su ser po// ri rab khong seng nang na gnas// gling bzhi mi ni nr-i sngon po// bzhi dang gling phran bcu gnyis gnas// byol song du yig dud ka ni// phyi yi rgya mtsho'i nang na'o// bre mar las skyes yi dwags rnams// grong khyer ser skya'i gnas na yod// dmyal ba tri yig nag po de// rdo rje gdan gyi 'og na gnas// 'di drug 'dod khams gnas rnams sbyangs/ 'di skor yig skyon zhig yod dam// gzugs khams bsam gtan mu bzhi sogs// yi ge IM du shes par bya// gzugs med skye mched mu bzhi A// nyams ni sems la 'char ba yin// gar ni lus la 'char ba yin// sngags ni ngag la 'char ba dang // mthong snang yul la 'char ba la// bag chags rmi lam shar ba ni// khams gsum gnas las nges par grol// 'bru gsum sbyangs na nges par ni// sku gsum gnas la bzhugs par 'gyur// rtogs pas

  436. 218b

    bdag ni bsgral zhes bya// gang zhig thugs rjes gzhan bsgral na// zhing du gyur pa'i bsgral bya rnams// mnyes pa lnga dang stong pa lnga// dgongs pa lnga dang gyur pa lnga// de sogs yum gyi mkha' la 'phangs// sku gsum rgyal ba'i zhing du nges// tshogs chen gnyis kyang rdzogs par 'gyur// thabs kyi lam la sbyor 'dod na// rang don gsal ba rnam pa gsum// gsang dbang shes rab ye shes dang // bde ba chen po'i dbang gsum nyid// gtum mo 'khor lo srog shing gsum// 'di las 'byung ba'i lam yin no// lus kyi 'khrul 'khor legs gnas na// rlung gis me ni rab tu 'bar// k+Sha ni kun tu bzang po nyid// bdud rtsi 'bab pa kun bzang mo// bde ba'i ye shes rol mo yis// rang gi lus kyi lha rnams mnyes// ye shes sgyu ma'i dngos grub ni// rnal 'byor pa yis thob par 'gyur// lus la dkyil 'khor rnam pa bzhi// bsgoms pas bde ba rnam pa bzhi// gsang ba sngags kyi yig 'bru bzhi// snying po rlung gi gnas pa bzhi// dkyil 'khor srog shing rnam pa gsum// lus dang ngag dang yid du gnas// srid pa gsum dang grong khyer gsum// 'khor ba gzung 'dzin 'das pa gsum// gzhan don sbyor ba'i mchod pa 'bul// bde gshegs yum lnga gzungs ma ni// glang po can ma sangs rgyas spyan// dung can ma ni dbyings phyug ma// ri dwags

  437. 219a

    can ma mA ma ki// ri mo can ni gos dkar mo// sna tshogs can ma dam tshig sgrol// sbyor ba nyid ni rigs lnga nyid// rig pa sra ba sa yin te/ de nyid rtag pa rnam par snang // gsher ba chu ste dkon mchog dpal// dro ba me ni tshe dpag med// g.yo ba rlung gi don yod grub// thig le nam mkha' mi bskyod yin// bde ba bcu drug sems dpar shar// phyi yi gnas la ltos pa ni// lus kyi khol bur byams pa skyes// lus la phal cher sgrib sel nyid// kun tu bzang pos lus kun khyab// 'jam dpal snang dngos bde bar 'char// nang gi gnas la ltos pa yum// bde ba spyi mgrin spos ma nyid// mchog bde mgrin snying me tog 'thor// snying ga lte ba mar me gsal// lte ba gsang gnas lhan skyes dri// spang bya ltos pa rnam pa bzhi// sa snying gzugs 'dzin rags rim 'gog/ nam snying bdag rtog rags rim 'gog/ gzugs kyi rtog 'gog spyan ras gzigs// bde gsum rtog 'gog phyag rdor nyid// rang gi ngo bor ltos pa bzhi// bde ba rdo rje sgeg mo ma// mchog bde rin chen phreng ba ma// bde bral pad+ma glu len ma// lhan skyes las kyi gar mkhan nyid// skad cig bzhi ru shar ba ni// rnam pa sna tshogs skad cig ma// khro bo gshin rje'i gshed po yin// rnam par nyed pa'i skad cig ma// khro bo stobs chen gzhan

  438. 219b

    mi thub// rnam par smin pa'i skad cig ma// khro bo rta mchog chen po la// mtshan nyid bral ba'i skad cig ma// khro bo bdud rtsi 'khyil ba yin// drod gsum rnam pa bzhir byung ba// 'bar ba'i drod ni rnam pa gnyis// dang po 'bar ba lcags kyu ma// rab tu 'bar bzhags pa nyid// lcags sgrog thig le g.yo ba'i drod// dril bu thig le brtan pa'i drod// 'gyur ba drug ni thub pa drug/ rgya mtsho ri rab skam pa nyid// chos kyi rgyal pos 'dul ba yin// gling bzhi dbang du bya ba ni// shAkya seng+ges 'gro don mdzad// ro 'dzin rang gi gnas su sbyar// yi dwags kha 'bar 'dul byed do// dbang po'i mchog ni steng du bzhag/ lha yi bltas pas tshim pa 'dul// ngag tu stobs kyi hUM drag ring // seng+ge dam ldan 'dul ba la// ting 'dzin hUM phaT mda' gzhu 'phangs// bgad pas tshim pa lha ma yin// kun tu bzang po'i bya ba bzhi// 'bebs pa mi mkhas myur du nyams// gzung ba mi mkhas bde yun zung // bzlog pa mi mkhas chu dang bsdang // dgram pa mi mkhas nad du 'gyur// kun tu bzang mo'i mkhas pa bzhi// dbab par mkhas pas rus sbal 'gros// gzung mkhas lus ngag 'gyur ba gsum// bzlog mkhas dud 'gro'i 'gyur ba bzhi// khyab mkhas rnam grol phyag rgya bca'// 'dod chags thar pa byang chub sems// bzhi bcu rtsa gnyis

  439. 220a

    lhun gyis grub// ces gsungs so// zhi ba lha rgyud chen po las/ lam dbang du bya ba chags lam lha rgyud kyi le'u ste drug pa'o// // de nas bcom ldan 'das de bzhin gshegs pa thams cad kyis/ dgongs pa'i phrin las 'di dag yongs su rdzogs par gsungs so// hUM chos nyid spros dang bral ba'i rang bzhin las// cir 'dul thabs kyis bstan pa'i las mdzad pa// bde gshegs dkyil 'khor thig le chen po nas// 'khor 'das byang chub sems kyi rgyun yang 'bebs// longs spyod dkyil 'khor chen po'i zhal hom du// 'dod yon lnga yi mchod pas dgyes mdzad cing // chos dbyings dkyil 'khor chen po'i klong yangs nas// 'khor dang mya ngan 'das pa kun mkhyen zhing // sprul pa'i dkyil 'khor chen po bde ba 'bebs// 'gro drug skyed mdzad mya ngan 'das par 'dren// dkyil 'khor bzhi yi bdag pas phrin las mdzad// dang po sangs rgyas rnam par snang mdzad ni// yi ge A~M las bskyed nas sku ru snang // sangs rgyas snang mtha' tshe dpag med pa ni// yi ge AHlas bskyed nas gsung du snang // bde gshegs rdo rje sems dpa' mi bskyod pa// 'gyur med hUM las sprul nas thugs su snang // yon tan rin 'byung sangs rgyas dkon mchog dpal// swA las sprul nas yon tan yid bzhin snang // las mdzad grub pa gdon

  440. 220b

    mi za ba ni// hA las skyes nas phrin las mdzad par snang // rigs kyi sangs rgyas lnga yi rang bzhin gyis// grub pa sngags kyi phrin las khyed kyis mdzod// bdud rtsi dri chen gser mdog rnam snang mdzad// mi bskyod byang chub sems kyi khu ba'i sku// sha chen dgos 'dod 'byung ba dgos 'dod sku// pad+ma rak+ta snang ba mtha' yas nyid// dri chu las rab mgon po don yod grub// glang chen mangs yum mchog sangs rgyas spyan// bya sha mkha' la 'phyo ba dbyings phyug ma// mgyogs byed rta ni dbyings phyug mA ma ki/ ba glang skyon gyis ma gos na bza' dkar// khyi sha las rab dam tshig sgrol mar snang // khams kyi dngas ma bdud rtsi mchog gi sku// rigs lnga yab yum khyed kyis phrin las mdzod// khyab byed rnam snang sangs rgyas spyan dang 'khril// srog 'dzin mi bskyod yum chen dbyings phyug ma// mi mnyam rin chen 'byung ldan mA ma ki/ gyen rgyu snang ba mtha' yas gos dkar ma// thur sel don yod grub pa dam tshig sgrol// rgyu ba sa yi snying po sgeg mo'i sku// byams pa bdug spos ma yi sku ru snang // phyir la ldang ba kun tu bzang po nyid// nang du 'jug pa thub drug 'gro don rdzogs// khong du gnas pa kun tu bzang mo nyid// kha sgor bzung ba sgo srung yab yum brgyad// bzhi bcu rtsa gnyis rgyal ba thugs dam can// 'du byed snying po'i phrin las khyed kyis

  441. 221a

    mdzod// rtsa gnas dkyil 'khor grub pa'i gzhal yas nas// khams kyi bdud rtsi sangs rgyas sku bzhugs shing // grub pa sngags kyi nus mthu ngag la 'char// snying po rlung gi thugs kyis yongs la khyab// gnas pa rtsa yis sku dbyibs gsal byed cing // khams kyi bdud rtsis rnam pa bde ba dang // sngags kyi yig 'brus rang bzhin stong gsal byed// snying po rlung gis ngo bo zung du 'jug/ lus kyi sgrib sbyangs bum pa'i dbang rnams rdzogs// ngag gi sgrib dag gsang ba'i dbang chen 'bebs// yid kyi sgrib dag shes rab ye shes spyod// lus ngag yid sgrib dag byed bde chen dbang // bdag tu blta ba'i gzung 'dzin rnam spong ba// sangs rgyas bde gshegs khyed kyis byin gyis rlobs// zhes gsungs so// zhi ba lha rgyud chen po las// phrin las bcol ba ste le'u bdun pa'o// // de nas bcom ldan 'das don yod grub pas mthar phyin pa'i ting nge 'dzin la snyoms par zhugs nas 'di gsungs so// bsnyen bsgrub rnam bzhi'i gsang sngags kyis// thun mong rig 'dzin sa thob nas// sku lnga lhun grub nyid du gnas// thugs rjes mdzad byed ma lus 'dul// oM dzi na dzig hUM badz+ra d+h+r-ig sA rat+na d+h+r-ig AM a ro lig ha pradz+nyA d+h+r-ig lAM dwe Sha ra ti/ mr-i d+hA ti shwa ri/ maM mo ha ra ti/ bI rA ga ra ti/ tAM badz+ra ra ti/ bsnyen pa'i gsang sngags zhes bya ba/ rgyal ba

  442. 221b

    rigs lnga yab yum gyi// gsang sngags rab tu bzlas gyur na// phung po lnga dang 'byung lngar sbyong // k+ShI hi rA dza ya/ traM A gar+b+ha ya/ hrIM ha hUM pad+ma pA da ma/ dzi ku ru pA Na/ hUM lA s+ye sa ma ya s+t+waM/ traM mA le sa ma ya hoH/ hrI gi ti rA go&haM/ a nirti rA ga yA me/ me d+ha ra Ne sA hA/ b+hI nisma raM b+hA ya swA hA/ hUM sA rA dza ya swA hA/ mr-i shrI aM rA gA ya sA hA/ dzaHd+hu pe pra be sha hUM puSh+pe A be sha/ baM dI pa su gi rI/ hoHgan+d+he tsit+ta/ nye bsnyen nang gi dbang po yul// phyi yi dbang po dus bzhi rnams// byang chub sems dpa' yab yum gyi// 'khor du nye bar bsnyen pa'o// hUM hUM hUM badz+ra tsit+ta oM/ a a A badz+ra b+ha drA sa man ta aH/ oM mu ne kr-i swA hA/ oM mu ne hUM hUM swA hAha/ oM mu ne suM swA hA/ oM mu ne praM swA hA/ oM mu ne k+ShaM swA hA/ oM mu ne ye swA hA/ bsgrub pa kun bzang yab dang yum// thub drug sprul pa'i sangs rgyas rnams// 'gro ba'i don la rab brtson pas// zhi ba'i 'gro don bsgrub par bya// hUM ya man+ta kr-ita phaT/ hUM big+h+nAM ta kr-ita phaT/ hUM pad+mAn+ta kr-i ta phaT/ hUM pradz+nyAn+ta kr-i ta phaT/ oM ma hA badz+ra d+ha ra ma hA kro d+hI shwa rI dza la ni hUM phaT/ oM rat+na d+ha ra ma hA kro d+hi shwa rI dza la ni hUM phaT/ oM pad+ma d+ha ra ma hA kro d+hI shwa rI dza la ni hUM phaT/ oM karma d+ha ra ma hA kro d+hI shwa rI dza la ni hUM phaT/ sgrub chen sgo skyong yab dang yum// dkyil 'khor phyi nas las byed pas// phyag rgya bzhis ni kun la khyab// de phyir sgrub chen nyid du

  443. 222a

    'grub// yid kyis lha yi gzugs bzung ba// seng+ge mngal rgyar chud pa ltar// khyung gi sgong rgya lta bu ste// rnal 'byor pa ni lus kyi rgya// sgron ma bzlog na sba ba nub// lte ba mkhrang la seng pa'i khog/ gdung khebs gtsug tor drug pa ni// nyi zla'i tshe dang mnyam pa yin// rang don stong dang drug brgya nyid// gzhan don lo brgyar gzugs su gnas// bsgoms pas mngon du gyur pa'i lha// gang bsgom lha yi cha byad nyid// dgongs pa nyid la sangs rgyas shing // mnyam par ma bzhag de min pa// rig 'dzin kun gyi rgyal po ste// lhun grub rig pa 'dzin pa'o// chos sku dri ma med pa dang // longs sku 'khor los sgyur rgyal 'dra// sprul pa mdzad pa mthar phyin cing // skye 'jig bral ba rdo rje nyid// yul med rang gsal mngon byang sku// sku lnga lhun gyis grub pa'o// chos ni skye med don gyi gsung // longs spyod dgongs pa brda yis ston// sprul pa tshangs pa'i gsung dbyangs snyan// mngon byang rig pa byin gyis brlabs// 'jigs med dbyer med rdo rje'i gsung // gsung lnga nyid du lhun gyis grub// so sor snang ba gdul bya'i blo// tha dad bya ba gang la yod// bde ba chen po'i thugs dang ni// rnam par mi rtog thugs nyid dang // 'gro ba thams cad sgrol ba dang // mnyam pa chen po'i mchog gnas dang // dbyer med rdo rje'i thugs lngar gnas// tha dad

  444. 222b

    'dod na tha dad snang // dbyer med 'dod na dbyer med snang // zhing khams dang ni gzhal yas khang // 'od zer dang ni gdan khri rgyan// longs spyod lnga ni yon tan te// bde bar gshegs la rtsol med snang // zhi rgyas dbang dang mngon spyod dang // lhun gyis grub pa'i phrin las yin// phyogs med rang snang zhing khams na// gdung rten rang snang gzhal yas khang // 'od zer sgrib med 'od gsal ba// gdan khri 'bras chos rdzogs rang gdan// rgyan ni ma spangs rang snang rgyan// de yang rnam pa lnga lngar snang // gad la khyab chen po'i mkha' khyab zhing // bde ba can ni 'og min gnas// mos pa can ni rigs drug gnas// phyogs bcur ma lus rigs snang ba// pad+ma can de yum gyi mkha'// yongs rdzogs phyi nang med par snang // 'og min nges pa lnga ldan te// tha dad ma nges sbrul sku'i khang // sku nyid 'od de rig pa nyid// yum mkha' skye gnas gzhal yas khang // kun khyab ye shes don 'od zer// kha dog drug ste rtags kyi 'od// dbu phyag las byung 'gro 'dul 'od// 'od rigs kun de rang bzhin 'od// bde chen chos nyid 'od zer ro// mi 'jigs stobs dbang rdzu 'phrul las// de rtags sems can chen po lnga// nyi rkyang khro la pad rkyang thub// chos nyid ji bzhin 'bras bu'i gdan// gsang pad nyi zla thig le'o// rig pa rang snang 'od kyi rgyan// mtshan dang

  445. 223a

    dpe byad rtags kyi rgyan// stod g.yogs smad dkris khrims kyi rgyan// chos rnams ma spangs rang bzhin rgyan// khu ba ye shes las kyi rgyan// chos sku'i phrin las rnam pa lnga// mtshan ma thams cad dang gis zhi// de nyid shes bya thams cad rgyas// 'bras bu'i chos rnams dbang du 'dus// rtog pa ngang gis rlag byed drag/ bzhi ga lhun grub gsal ya'i las// snang mdzad la sogs rigs lnga po// las lnga sbyar ba dngos snang las// las bzhi'i tshad rgyu bzhi sbyar zhing // bsdu bzhi'i lhun grub phan 'dogs las// las bzhi stongs gnas chags dang 'jig/ rig par lhun grub ngo bo'i las// las bzhi'i rtog dag bde ba rgyas// ye shes rang shar mtshan ma non// rang shar lhun grub dngos kyi las// de ltar 'bras bu nyer lnga'o// gzhan nas yod 'ong ma yin te// 'gro ba gcig nyid re re la'ang // lus ngag yid la nus pa lnga// gnas bzhin ma 'dres yongs rdzogs shes// lhag pa'i chos sku chen po las// rtag pa rgyun du thugs rje skye// sems can rnams kyis de ma rig/ dper na chu bo gang+gA bzhin// longs spyod rdzogs pa'i sku la ni// bskul zhing gsol ba btab pas skye// sbrul sku byang chub rnam pa drug/ yul dang phrad na thugs rje skye// mngon byang sku dang rdo rje'i sku// rang bzhin shugs kyis thugs rje skye// zhes gsungs so// zhi ba lha rgyud

  446. 223b

    chen po las// mthar phyin pa'i zhi ba sku lnga lhun gyis grub par bstan pa ste le'u brgyad pa'o// // de nas rdo rje snying po yis// bcom ldan 'das la 'di skad bstod// rtsa rnams gtsug tor mchog tu gyur// sbrul pa sku yi rang bzhin nyid// sngags rnams hUM gi gzugs su 'dus// bde chen longs spyod rdzogs par gnas// khams kyi dngas ma bdud rtsi nyid// khams dgu 'dus pa chos kyi sku// snying po rlung rnams rang gdangs mar// dbyer med rdo rje mngon byang chub// rigs bdag dbyer med kun la khyab pa'i sku// ston pa'i bdag nyid kun bzang khyod phyag 'tshal// ye shes lnga las skur snang longs spyod rdzogs// phung po lnga yi rang bzhin nyid du snang // 'byung ba lnga yi yum dang rnam par 'khril// 'chad pa'i skyes bu khyed la bdag phyag 'tshal// chu bo bzhin du rgyun chad med par gnas// dang po de las byung nas bya ba byed// mtha' ma der thim rang gi gnas la bzhugs// 'gro ba'i nad sos mdzad pa sman gyi gnas// 'jig rten thags bzhin snang ba'i rang bzhin can// rgyud rgyal dgongs pa can la phyag 'tshal bstod// bdag sogs rnams kyis ji ltar gzung bar bya// zhes gsol pas/ bcom ldan 'das kyis gsungs pa/ rgyud 'di snod ngan kun la gsang ba dang // dam ldan snod ldan rnams la khyod kyis gtod// ces gsungs pas rjes su yi rang

  447. 224a

    ngo // zhi ba lha rgyud chen po las// rjes su yi rang ba ste le'u dgu pa'o// / zhi ba lha rgyud chen po rdzogs so// rgya gar gyi mkhan po pra ma sa twa las/ lo tsA ba pad+ma ru rtses bskur ba'o// // @#// rgya gar skad du/ d+harmA tA shan+ta de ba tan+t+ra/ bod skad du/ chos nyid zhi ba'i lha rgyud/ bcom ldan 'das kun bzang kun tu zhi ba'i lha la phyag 'tshal lo// 'di skad bstan pa'i dus gcig na/ bcom ldan 'das kun tu bzang po zhes bya ba'i lha zhig thams cad du rang gi sems la gnas so// sems ni nam mkha' la gnas so// nam mkha' ci la yang mi gnas/ ci la yang ma yin// med pa yang ma yin pa'o// de bzhin du sems dang kun tu bzang po yang de bzhin no// de de bzhin nyid do// chos nyid ni sangs rgyas so// sangs rgyas ni mtha' la mi gnas shing dbus su mi 'dzin pa'o// sangs rgyas ni phyogs su mi 'dzin cing / nga ru mi byed pa'o// sangs rgyas ni dang du mi len cing gtsor mi 'dzin la/ skyon du mi 'dor zhing spang bar mi byed pa'o// de bzhin du dbyings 'pho 'gyur med pa'o// sems skye shi med pa'o// rig pa 'du 'bral med pa'o// kun gzhi bzang ngan med pa'o// rtog pa skyo dub med pa'o// ye shes ldog 'gyur med pa'o// dus la nyin mtshan med pa'o// bsgom pa 'byung 'jug med pa'o// sku la

  448. 224b

    mdun rgyab med pa'o// gsung la skye 'gag med pa'o// thugs la rtag chad med pa'o// yon tan bde sdug med pa'o// phrin las rtsol bsgrub med pa'o// de lta bu zhig gi rang bzhin yin kyang / chos nyid skyon du mthong ba dang / chos can mtshan mar 'dzin pa dang / sems la dngos por 'dzin pa rnams la/ rnam par dbye ba 'di skad ces bka' stsal to// yul dang dbang po'o// sems dang phung po'o// phyi dang nang ngo // rgyu dang 'bras bu'o// sangs rgyas dang sems can no// de la sems can thams cad ni/ ma rig pas sems can no// de bas kyang thams cad la chags pas sems can no// de bas kyang thams cad la 'dzin pas sems can no// de bas kyang 'dzin pa'i mthu brtas pas sems can no// de la sangs rgyas thams cad ni/ bsam pa rnam par dag pas sangs rgyas so// de bas kyang thams cad la ma chags pas sangs rgyas so// de bas kyang thams cad la mi 'dzin pas sangs rgyas so// de bas kyang mi 'dzin pa'i mthu brtas pas sangs rgyas so// sems can thams cad ni yod par 'dzin pas sems can no// de bas kyang yod la rtag par 'dzin pas sems can no// de bas kyang rtag la zer zug par 'dzin pas sems can no// de bas kyang ther zug par 'dzin pa'i mthu brtas pas sems can no// sangs rgyas thams cad ni gang la yod

  449. 225a

    med du mi blta bas sangs rgyas so// de bas kyang rtag par mi 'dzin pas sangs rgyas so// de bas kyang theg zug par mi 'dzin pas sangs rgyas so// de bas kyang zer zug par mi 'dzin pa'i mthu brtas pas sangs rgyas so// sems can thams cad ni skye bar 'dzin pas sems can no// de bas kyang 'chi bar 'dzin pas sems can no// de bas kyang 'pho zhing 'gyur bar 'dzin par sems can no// de bas kyang 'pho 'gyur du 'dzin pa'i mthu brtas pas sems can no// sangs rgyas thams cad ni mi skye bar mkhyen pas sangs rgyas so// de bas kyang mi 'chi bar mkhyen pas sangs rgyas so// de bas kyang 'pho 'gyur med pas sangs rgyas so// de bas kyang 'pho 'gyur med par mkhyen pa'i mthu brtas pas sangs rgyas so// sems can thams cad ni phyogs dang ris su bltas pas kyang sems can no// de bas kyang gzung ba dang 'dzin par blta bas sems can no// de bas kyang rtag pa dang chad par blta bas sems can no// de bas kyang yod pa dang med par blta bas kyang sems can no// de bas kyang gtsang ba dang mi gtsang bar blta/ bas sems can no// de bas kyang bzang ba dang ngan par blta bas sems can no// de bas kyang grub pa dang ma grub par blta bas sems can no// de bas kyang bde ba dang sdug par blta bas sems can no// de

  450. 225b

    bas kyang yin pa dang ma yin par blta bas sems can no// de bas kyang snang ba dang mi snang bar blta bas sems can no// de bas kyang de rnams kyi mthu brtas pas sems can no// sangs rgyas thams cad ni phyogs dang ris su mi blta bas sangs rgyas so// de bas kyang snang ba gzung 'dzin gnyis su mi blta bas kyang sangs rgyas so// de bas kyang rtag chad gnyis su mi blta bas kyang sangs rgyas so// de bas kyang yod med gnyis su mi blta bas sangs rgyas so// de bas kyang gtsang ba dang mi gtsang ba gnyis su med par mkhyen pas sangs rgyas so// de bas kyang bzang ba dang ngan pa gnyis su med par mkhyen pas sangs rgyas so// de bas kyang grub pa dang ma grub pa gnyis su med par mkhyen pas sangs rgyas so// de bas kyang bde ba dang sdug bsngal gnyis su med par mkhyen pas sangs rgyas so// de bas kyang yin pa dang ma yin pa gnyis su med par mkhyen pas sangs rgyas so// de bas kyang snang ba dang mi snang ba gnyis su med par mkhyen pas sangs rgyas so// de bas kyang de rnams kyi mthu brtas pas sangs rgyas so// chos thams cad ni rang bzhin med na chos nyid do// mtshan ma med na chos nyid do// stong pa nyid na chos nyid do// dngos po med na chos nyid do// skye ba med na chos nyid do// 'gag pa med na chos nyid do// 'phos pa med na chos

  451. 226a

    nyid do// sems can thams cad ni mtha' la mi gnas na sems nyid do// dbus la mi gnas na sems nyid do// mtha' dbus gnyis ka la mi gnas na sems nyid do// yod pa la mi gnas na sems nyid do// med pa la mi gnas na sems nyid do// yod med gnyis ka med na sems nyid do// skye ba la mi gnas na sems nyid do// 'chi ba la mi gnas na sems nyid do// skye 'chi gnyis ka la mi gnas na sems nyid do// thog ma la mi gnas na sems nyid do// tha ma la mi gnas na sems nyid do// thog ma dang tha ma gnyis ka la mi gnas na sems nyid do// de'i shes pa ye shes so// de lta bu'i klong du gnas pa la 'khrul pa dang phyin ci log pa'i dbang gis/ sems can gyi gzugs dang dbyibs rnam grangs tha dad par snang ngo // kha dog dang yul grangs tha dad par snang ngo // gnas dang spyod pa grangs tha dad par snang ngo ngo// de yang thams cad du rang gi sems so// de 'dul ba'i don du sems nyid ma skyes pa'i klong nas/ kun tu bzang po chos kyi skur bzhengs pa'i byin gyis brlabs las/ sangs rgyas kyi sku dang dbyibs grangs rnam pa tha dad par snang ngo // 'od zer dang zhing khams grangs rnam pa tha dad par snang ngo // bzhugs gnas dang phrin las grangs rnam pa tha dad par snang ngo // de yang snang tsam na thams cad rang gi sems

  452. 226b

    so// sems can gcig gi lus la yang 'byung ba chen po lngas bskyed do// sangs rgyas kyis de lta bu'i rdos pa can ma yin gyi chos nyid du mkhyen pas/ sangs rgyas kyi sku snang la dngos po med par byung bas/ de 'dul ba'i don du yum chen mo lngar snang ngo // sems can gcig gi lus la phung po lnga tshang bar gnas so// sangs rgyas kyis de lta bu'i rdos pa can ma yin pa don chos nyid byang chub sems su mkhyen pas/ sangs rgyas kyi sku snang la rang bzhin med pa byung bas/ de 'dul ba'i don du rgyal ba rigs lngar snang ngo // de bzhin du sems can gyi rnam par shes pa'i tshogs brgyad kyang sems dpa' brgyad do// yul dang dus kyang sems ma brgyad do// phyin ci log pas khro bo/ yul gyis khro mo'o// mtshan dang sems dpa' bcu drug la sogs pa snang la rang bzhin med par de 'dul ba'i don du snang ngo // sems can gyi gnas na 'gro ba rigs drug tu snang ngo // sangs rgyas kyis de lta bu'i rdos pa can ma yin gyi/ don thugs ye shes su mkhyen pas/ sangs rgyas kyi sku snang la rang bzhin med pa byung bas de 'dul ba'i don du thub pa'i skyes bu drug tu snang ngo // sems can gcig la yang phyi nang snod bcud gnas so// sangs rgyas kyis de lta bu'i rdos pa can ma yin gyi/ don dbyings dang ye shes su mkhyen pas/ sangs rgyas kyi sgra snang la rang bzhin med par

  453. 227a

    byung bas/ de 'dul ba'i don du yid dang chos su snang ngo // sems can gcig gi shes pa'i rgyud la yang nyon mongs pa brgyad khri bzhi stong tshang bar gnas la/ sangs rgyas kyis de lta bu'i rdos pa ma yin gyi skye ba med par mkhyen pas/ de gdul ba'i don du chos kyi sgo mo brgyad khri bzhi stong du snang ngo // sems can gcig gi gnas skabs la/ lam rgyud lngar gnas so// sangs rgyas kyi gnas skabs na/ de 'dul ba'i don du dpa' bo 'bru lngar snang ngo // sems can gcig gi gnas skabs na/ nyon mongs pa lngas dbang byas te/ phyin ci log tu gnas so// sangs rgyas kyi gnas skabs na/ de 'dul ba'i don du byang chub kyi sems kun tu bzang po'i rang bzhin las/ zhe sdang 'dul ba'i don du rdo rje sems dpa'i sku phyag rgyar gsal lo// gti mug 'dul bar rnam par snang mdzad kyi sku phyag rgyar gsal lo// nga rgyal 'dul bar rin chen 'byung ldan gyi sku phyag rgyar gsal lo// 'dod chags 'dul bar snang ba mtha' yas kyi sku phyag rgyar gsal lo// phrag dog 'dul bar don yod grub pa'i sku phyag rgyar gsal lo// ngan song gsum zad par mdzad pas/ de rnams dbu gsum par gsal lo// sku gsung thugs su snang bas kha dog gsum du gsal lo// rgyud drug 'dam nas 'don pas de rnams phyag rgya drug tu gsal lo// de yang ye shes drug

  454. 227b

    tu mthar phyin pas/ phyag mtshan drug tu gsal lo// de yang don chos nyid mnyam pa'i ngang la bzhugs pas skyil mo krung du gsal lo// de phyin ci log thams cad las rgyal bas/ dbu rgyan snyan cha la sogs pa 'khor los sgyur ba'i cha byad du gsal lo// mkhyen pa'i ye shes gsal la ma 'dres pas/ bsta tsi tra'i sham thabs la sogs pa gsal lo// de yang thabs mkhas pas yab kyi bzhugs tshul du byung ba dang / phyogs bzhi dbus dang lngar brtags pas rigs lngar snang ba dang / de nyid ye shes lnga dang ldan pas kha dog lngar gsal lo// yang chos nyid longs spyod rgyun mi 'chad par mdzad pa'i rtags gdan dang khri rkang du gsal lo// thams cad du smon lam mthar phyin pas/ sems can chen po la sogs par gsal lo// de yang chos kyi dbyings dang 'du 'bral med pa'i rtags su yum du byung ste/ sra bar mtshan mar 'dzin pa'i don du sangs rgyas spyan ma dang / gsher bar mtshan mar 'dzin pa'i don du mA ma kI dang / dro bar mtshan mar 'dzin pa'i don du gos dkar mo dang / bskyod par mtshan mar 'dzin pa'i don du dam tshig sgrol ma dang / stong par mtshan mar 'dzin pa'i don du kun tu bzang mo dang / thams cad skyed par byed pa'i rtags su bud med yum gyi gzugs su gsal lo// gnyis su med pas gtso gzungs 'khril ba'i tshul du

  455. 228a

    gsal lo// gnyis su med pa las thams cad byung bas rnam par shes pa la sogs pa mtshan mar 'dzin pa'i don du/ mig gi rnam par shes pa mtshan mar 'dzin pa'i don du/ sa'i snying por gsal lo// de bzhin du sna nam mkha'i snying po dang / lce spyan ras gzigs dang / rna ba phyag na rdo rje dang / mig gi dbang po la sogs pa bzhi/ kun tu bzang po dang / byams pa dang / sgrib pa rnam par sel ba dang / 'jam dpal la sogs par gsal lo// de nyid kyang thabs dang shes rab dang ldan pa'i don du/ sems mar byung ste/ yul gzugs lha mo lA s+ye mar gsal lo// sgra mA le dang / dri girti dang / ro ni rtir gsal lo// de rnams kyang dus bzhir gsal bar byed pas/ lha mo bzhi ste/ 'das pa d+hA per gsal lo// de bzhin du da ltar me tog go/ slad kyis 'byung ba mar me/ dus 'byung bar ma nges pa drir gsal lo// de rnams kyang gnyis su med pa chos nyid kyi ros tshims pa'i rtags su sems dpa' sems ma rnams dbyer med par bzhugs so// de yang thams cad du gsal zhing mthar phyin pas/ bus pa khye'u dang bu mo la sogs gzhon sha chags pa'i mtshan nyid du gsal lo// de yang rgyu dang 'bras bu mthar phyin par mdzad pas/ rgyu dang 'bras bu'i byang chub sems dpa' sum cu rtsa gnyis te/ shar phyogs na rdo rje sems dpa'

  456. 228b

    dang / rdo rje rgyal po dang / rdo rje chags pa dang / rdo rje legs pa gsal lo// shar lho mtshams na dpa' bar 'gro ba dang / kun tu bzang po dang / zla 'od gzhon nu dang / bzang spyod kun gsal lo// lho'i phyogs na/ rdo rje rin chen dang / rdo rje nyi ma dang / rdo rje rgyal mtshan dang / rdo rje bzhad pa gsal lo// lho nub mtshams na/ dra ba can gyi 'od dang / rdo rje snying po dang / 'od dpag med dang / nam mkha' mdzod gsal lo// nub phyogs na/ rdo rje chos dang / rdo rje rnon po dang / rdo rje 'khor lo dang / rdo rje smra ba gsal lo// nub byang na/ mya ngan kun 'joms dang / rgyal ba'i ye shes tog dang / blo gros mi zad pa dang / spobs pa brtsegs par gsal lo// byang phyogs na rdo rje las dang / rdo rje go cha dang / rdo rje mche ba dang / rdo rje khu tshur du gsal lo// byang shar mtshams na/ ngan song kun 'dren dang / mai tri dang / spos kyi glang po dang / don yod grub par gsal lo// de yang skye bo las dbang 'dul ba la brtson pas/ byang chub sems dpa' dbu lcang lo can du bzhugs so// de las yang rigs bsam gyis mi khyab na yang / mdor drug tu 'dus pas/ lha la brgya byin du gsal lo// de bzhin du lha ma yin pa thags bzang ris dang / mi la shAkya thub pa dang / byol song la shAkya seng+ge dang / yi dwags la kha 'bar ma dang / dmyal ba la gshin rje chos kyi rgyal

  457. 229a

    po la sogs par gsal lo// phyi nang yid chos la kun bzang yab yum du gsal lo// gzhan yang rnam par rtog pa mi gnas par sel ba'i rtags su khro bo dang khro mo la sogs par gsal te/ nam mkha'i mdzod dang phur pa las 'byung ngo // de thams cad kyang sems can ji ltar 'dul bar cha mthun par don mdzad pas/ zhal gcig phyag gnyis pa la/ mtshon cha sna tshogs par gsal lo// de las kyang thugs ye shes gsal la ma bsgribs pa'i phyir/ ye shes kyi 'od zer kha dog rnam pa drug tu 'phros te/ dkar po dang / ser po dang / dmar po dang / ljang gu dang / gnag pa dang / rin po che'i kha dog la sogs pa/ re re la yang 'od zer bye ba khrag khrig grangs drug cu drug cu ste/ drug cu tsho drug las 'od kyi lha mo drug cu tsho drug byung bas/ phyi snod kyi 'jig rten gyi gling bzhi dang / gling phran dang / lcags ri dang / nyi zla la sogs pa sangs rgyas kyi zhing du bsgyur/ nang bcud kyi 'jig rten skye 'gro ris drug la sogs pa/ grangs bsam gyis mi khyab pa thams cad/ long bas gzugs mthong ba/ 'on pas sgra thos pa la sogs pa thams cad dang / snod du rung ba dang / bskul ba dang / dong sprugs pa dang / sangs rgyas par lung bstan pa nas rgyal ba rgya mtsho la zug dam gyi rgyud bskul ba la sogs pa la/ chos nyid kyi longs spyod chen

  458. 229b

    por mdzad de/ phar 'phro ba dang / tshur 'du ba dang / 'od bsnol mar 'khrugs pa dang / mnyes pa dang / tshim pa dang / dngos grub stsol ba dang / gnyis su med pa dang / gdod nas dag pa'i rang bzhin lhun gyis grub pa'i dkyil 'khor na/ dgyes pa chen po mthar phyin pa'i rang bzhin du bzhugs so// de la ma khyab pa med cing / ma 'dus pa dang / mi shong ba dang / phyi nang dang / steng 'og dang / yangs dog med pas/ gzhal yas khang gi rgyan sna tshogs par yang gsal lo// don de bzhin du sems can la sogs pa yod pa'i chos su phyi nang du snang na yang / lha'i dkyil 'khor la sogs pa rnam pa sna tshogs par snang la/ mi snang na ye shes kyi chos nyid skye ba med pa'i klong phyogs bcur ye nas gdal lo// zhes 'khor ba dang mya ngan las 'das pa'i chos thams cad chos nyid zhi ba'i lha rgyud du gnyis su med par sangs rgyas par bzhugs par thams cad kyis mkhyen to// rgyud kyi rgyal po chen po/ chos nyid zhi ba'i lha rgyud rdzogs so// rgya gar gyi paN+Di ta bi ma la mi tra dang / bod kyi lo tsA ba gnyigs dz+nyA na ku mA ras bsgyur cing zhus te gtan pa phab pa'o// //

  459. 230a

    rgya gar skad du/ kro ta de wa tan+t+ra ma hA nA ma/ bod skad du/ khro bo lha rgyud chen mo zhes bya ba/ bcom ldan dpal khrag 'thung rngam brjid kyi rgyal po la phyag 'tshal lo// 'di skad bdag gis zos pa'i dus gcig na/ he ru ka'i gnas bcu na bzhugs shing / dur khrod chen po'i gnas brgyad na spyod pa ni/ dus gsum gyi sangs rgyas bcom ldan 'das/ rnam pa thams cad mkhyen pa'i bde bar gshegs pa rnams/ gdul bya gdug pa can la sku khro bor bstan pa ni/ bcom ldan 'das dpal kun bzang he ru ka ni 'bar ba chen po'i zhal dgu la/ dbus kyi zhal mthing nag tu gnas pa/ g.yas smug nag/ g.yas kyi tha ma ser nag g.yon dang po dmar nag g.yon tha ma ldang nag dbus ma de'i zhal steng ma dmar por gnas/ de'i g.yas dkar po/ g.yon mthing ga de'i steng gi zhal dkar por gnas so// phyag bco brgyad pa'i g.yas dang po rdo rje rtse dgu pa/ gnyis pa na rtse lnga pa/ gsum pa na 'khor lo/ bzhi pa na khor yug lnga pa na rin po che 'bar ba/ drug pa ral gri bdun pa na sta re rin po che'i dbyug pa/ brgyad pa na dbang phyug chen po'i ling+ga/ dgu pa na dbang phyug chen po'i snying bsnams pa'o// g.yon dang po na dung chen bdud rtsis bkang ba/ gnyis pa na dril bu/ gsum pa na pad+ma/ bzhi pa na dgra sta/ lnga pa na ral gri/ drug pa na gshol/ bdun

  460. 230b

    pa na kha T+wAM ga/ brgyad pa na u ma de bI'i ling+ga/ dgu pa na rgyu ma'i 'phreng ba'i zhags pa/ zhabs rnam pa brgyad kyis dregs pa'i gdan la bzhugs so// gnas na bzhugs pa ni/ dkar mo dang / rkun mo dang / rmongs mo dang / thal byed ma'o// nye ba'i gnas na bzhugs pa ni/ spos mo dang / gtum mo dang / sme sha can dang / ma tshogs ma'o// gzhan yang yul na bzhugs pa ni/ seng gdong dang / stag gdong dang / spyang gdong dang / wa gdong ma'o// nye ba'i yul na bzhugs pa ni/ bya rgod gdong dang / kang ka'i gdong dang / bya rog gdong ma dang / 'ug gdong ma'o// zhing dang nye ba'i zhing na bzhugs pa ni/ rta'i gdong dang / phag gdong dang / spre'u gdong dang / sbrang gdong ma'o// dur khrod dang nye ba'i dur khrod na bzhugs pa ni/ mi'i srin mo dang / tshangs ma dang / 'khrug mo dang / dbang mo dang / 'jug sred mo dang / gzhon nu ma dang / dmar mo dang / bdud rtsi mo dang / zhib mo dang / be con mo dang / srin mo dang / za ba mo dang / dga' mo dang / ra ro khrag 'thung myos ma dang / gcig pur spyod ma dang / yid 'phrog ma dang / grub mo dang / rlung mo dang / gsod byed mo dang / me mo dang / phag mo dang / rgan byed mo dang / sna chen mo dang / chu lha mo dang / tshan+do dang / nye ba'i tshan+do dag na ni/ nag mo chen mo dang / ra mgo dmar ser chen mo dang / bum rna sngo

  461. 231a

    nag chen mo dang / gsus 'dzin ser nag chen mo rnams bzhugs so// de bzhin gshegs pa'i rigs thams cad kyi mnga' bdag bud+d+ha he ru ka dang / bud+d+ha kro d+hi shwa rI dang / rdo rje'i rigs thams cad kyi bdag por gyur pa badz+ra he ru ka dang / badz+ra kro d+hI shwa rI dang / rin chen rigs thams cad kyi bdag por gyur par rat+na he ru ka dang / rat+na kro d+hi shwa rI dang / pad+ma'i rigs thams cad kyi bdag por gyur pa pad+ma he ru ka dang / pad+ma kro d+hi shwa rI dang / karma'i rigs thams cad kyi bdag por gyur pa karma he ru ka dang / karma kro d+hi shwa rI dang / de dag kyang rU tra dang / lha chen dang / gshin rje dang / klu dang / gnod sbyin 'dul bar bzhugs so// de nas rdo rje snying po rang gi gdan las bzhengs nas/ bcom ldan 'das kun bzang he ru ka la 'di skad ces gsol to// gzhi la 'khor 'das dbyer med pa'i// gnas lugs rang bzhin khro bo dang // sems can nyon mongs kun ldan pa'i// ma dag pa yi snang ba la// rang rgyud phung po'i khro bo ni// kun la ji ltar gnas pa yod// rnal 'byor lam pa'i ting 'dzin la// nyams kyi snang ba shar ba ni// gdul bya sprul pa'i ngo bo gang // ji ltar sprul pa gyur pa lags// bde bar gshegs pa'i sku gsung thugs// mi zad rgyan gyi 'khor lo la// yang dag pa yi snang ba gang // skal ngan sems can gdul dka'

  462. 231b

    ba// ji ltar 'dul ba'i don du gsungs// zhes gsol ba 'debs so// de nas bcom ldan 'das kyis 'di skad gsungs so// gnas lugs rang bzhin khro bo ni// ka dag lhun grub gzhi yi don// ngo bo'i gzhi dang btags pa'i gzhi// rang bzhin khro bor de bshad do// rang rgyud phung po'i khro bo ni// rtsa dang sngags dang thig le rlung // grol lam dang ni zabs lam ste// 'khrul pa'i snang bar gnas pa yin// gdul bya sprul pa'i khro bo ni// nyon mongs rags pa'i rA dra la// zhal phyag rnam par snang ba ni// gdul bya'i snang ba bsam yas snang // mthar phyin 'bras bu'i khro bo ni// sku lnga lhun grub sku gsung thugs// rig 'dzin/ bgrod par bya ba dang // mi zad rgyan gyi 'khor lor snang // zhes gsungs so// khro bo lha rgyud chen po las/ gleng gzhi dang gleng slong ba'i le'u ste dang po'o// // de nas bcom ldan kun bzang he ru ka la rdo rje snying pos 'di skad ces gsol to// bdag med gnyis rtogs sgrib pa gnyis spangs pa// thugs rje'i sprul pas 'gro ba ma lus sgrol// yul med ma skyes byams pa'i chos dbyings las// 'dzin pa mi rtog snying sa zhen chags khro// gnyis med dga' las phrin las snying rje snyoms// dpal chen khrag 'thung khyod la phyag 'tshal lo// rtog 'joms spyod pa mthun pas 'gro 'dul zhing // brda' can yang dag len pas don

  463. 232a

    go la// lha rgud brjod pas dngos grub kun dang 'bral// da lta 'dir gnas dman la bshad pa dang // ma 'ongs rjes 'jug rnal 'byor kun don du// bka' don gtan tshigs rig pas brjod par 'os/ khyod kyis lung bstan ma 'ongs rgyud rtogs byed// skabs 'dis lha rgyud bshad pa'i dus la bab// go rim bzhin du dpa' bos gsung du gsol// bdag cag ma 'ongs don du nges par gzung // zhes gsol to// de nas bcom ldan 'das kyis gzhi'i gnas lugs ston pa'i ting nge 'dzin la snyoms par zhugs nas 'di dag gsungs so// ye nas rang sems sangs rgyas pas// 'khor bar snang ba 'khrul pa'i chos// de nyid sangs na sangs rgyas nyid// ka dag chen por bshad pa yin// bde gshegs ye shes sgyu ma'i sku// 'khor ba log rtog sgyu ma'i sku// ye shes bag chags tha dad pa// sgyu ma'i ngang du rang bzhin mnyam// chos rnams dbyings su ka dag pa// sangs rgyas rnams kyis rab tu gsungs// phung po khams dang skye mched sogs// sangs rgyas nyid las ma gtogs pa'i// chos nyid gud na yod ma yin// de phyir phyag rgya ka dag pa'o// 'khor 'das bcings grol ma grub phyir// ngo bo lhun gyis grub par gnas// chos nyid 'dus byas 'khor bar snang // 'dus byas stong pas chos nyid grub// 'khor 'das bzang ngan 'dzin

  464. 232b

    'gyur yang // rig pa byang chub sems la 'dus// de nyid chos can lhun gyis grub// rang gi ngang gis der gnas so// rdo rje'i sku la ther zug bral// rtag chad kun min lhun gyis grub// rtag chad blo yi ngan rtog ste// chos nyid gshis la de ma grub// chos rnams rtsa ba byang chub sems// mchog tu lhun grub rnam par dag/ ngang khro shugs kyis khro ba yin// de nyid khro bo'i dkyil 'khor gnas// zhes gsungs so// khro bo lha rgyud chen po las// gzhi'i chos nyid dngos po gshis kyi gnas lugs bstan pa'i le'u ste gnyis pa'o// // de nas bcom ldan 'das dpal khrag 'thung rigs lngar snang ba'i sangs rgyas rnams ni 'chad pa'i skyes bu mdzad pa'i phyir/ sems can ma lus pa'i lus sangs rgyas par ston pa 'di gsungs so// kun gzhi kun tshang rtsa ba'i rgyud// de rtogs lus ni bshad pa'i rgyud// rtsa bshad rgyud la lha gnas so// ro rkyang kun 'dar srog shing gsum// nyi ma zla ba rA hu la// dkyil 'khor bzhi ldan dkyil 'khor ni// lus la ye nas gnas pa'o// gnas lugs shes nas bsgom pa ni// bde chen longs spyod chos sprul bzhi// dkyil 'khor la ni dkyil 'khor bsgom// spyi bor bud+d+ha he ru ka/ nyi shu rtsa brgyad dbang mos bskor// gti mug mi rtog dang na gnas// mgrin par longs spyod pad+ma la// pra mo hA dang sma sha ni/ sr-i la mu kha

  465. 233a

    bya rog gdong // 'dod chags bde ba'i ngang tshul can// snying ga chos la rdo rje nyid// go rI ma dang puk+ka sI// sing ha ma dang gre D+ha ma// zhe sdang gsal ba'i ngo bo nyid// lte ba sprul pa rin chen la// rI ma dang tsaN+Da lI// byA g+h+ri ma dang kang kA ma// nga rgyal zhes pa rno ba nyid// gsang bar me rlung las kyi rigs// be tA lI dang g+hasma rI// shra nA ma dang u lU ka/ phrag dog lta ngan 'joms pa nyid// dkyil 'khor dkyil 'khor las byung bas// rang gnas ru tA 'dul ba ni// gsang gnas dmar nag yi ge k+Sha// srin po ru trar rang gnas pa// rtogs na kun bzang he ru ka/ gnas lugs rtogs pa mchog gyur pa'i// thugs dam dkyil 'khor dkyil 'khor mchog/ khams kyi bdud rtsi rnam pa lnga// ye shes khrag 'thung yab dang yum// mnyes byed gtum mo'i bde bar gnas// khams dgu 'dus pa'i drangs ma de// snying po thig le mnyam sbyar nas// bde ba'i ye shes rol mo yis// ye shes dgyes la mchod pa 'bul// zag pa med pa'i bsod nams kyis// ye shes sgyu mar rang snang ba// rol mo'i dkyil 'khor mtha' yas mchog/ rlung bcu snying po de kho na// snang ba'i thig le'i dkyil 'khor dbyings// sa chu me rlung nam mkha' lnga// 'byung ba shes rab rigs kyi yum// nam mkha' lta bur khyab pa'i rlung // sa ltar brtan zhing chu ltar

  466. 233b

    'grogs// me dang mnyam pa rlung ltar yang // chen po rigs kyi de bzhin te// khrag 'thung lnga yi ngo bo nyid// snying po rlung du ngang gis shar// rgyu ba rab rgyu shin tu rgyu// mngon rgyu yang dag rgyu ba yin// byang chub sems ma rdo rje'i tshogs// dbang po yul dus rig pa rnams// dbang po thub pa sbrul 'dul ba// kun tu bzang po'i dkyil 'khor la// srog ni nang na gnas pa la// rtsol ba phyir la ldang ba nyid// bdag nyid chen po lhag pa yis// thugs kyi ye shes lnga blta zhing // hUM las bskyed pa'i he ru ka/ ha las shar ba'i mkha' 'gro ma// he las byung ba'i phra men ma// phaT las bskyed pa'i sgo ma bzhi// b+h+yo las gnas pa'i dbang phyug ma// rang gnas dkyil 'khor lhun gyis grub// rang gnas dkyil 'khor gnas pa ni// bdag nyid sngon gyi sangs rgyas nyid// bdag gi sras su sangs rgyas bya// rigs rnams mi nub lhun grub phyir// bde gshegs sras su bdag byas so// de bskyed 'khrul snang rang log 'gyur// zhes gsungs so// khro bo lha rgyud chen po las// phung po rang rgyud khro bo'i le'u ste gsum pa'o// // de nas bcom ldan 'das dpal khrag 'thung gi tshogs rnams 'dul ba la snang ba'i ting nge 'dzin la snyoms par zhugs te/ rU dra'i tshogs rnams la rang shar bar snang ba 'di gsungs so// lung gsum man ngag gsum dang spyi don gsum// lung

  467. 234a

    gi man ngag spyi spyod gdeng du bya// spyi khog bcu bzhis stod kyi khog phub la// bzhi bcom drug ldan rtsis 'gos sa bcad do// khro bo'i rtog pa mtshan ma'i gnyer gyis bshad// 'di ni khrag 'thung rngam brjid rgyal po'i lung // de la thog mar lung gsum ni// zhi gnas mi rtog dngos po mkha' khyab 'dra// lhag mthong ma rmongs mkha' la gza' skar bkram// don bcas pa dang btu zhing mtshams par bshad// ting 'dzin shes rab dka' lung gsum du shes// de la man ngag rnam gsum ni// bdag tu mi rtog sprul pa mdzod// yul du ma grub gzhan med mdzod du gshegs// yul sems gnyis med ma skyes dbyings su gcig/ nyan thos rang rgyal sems tsam spong man ngag/ de la spyi don gsum po ni// med rgyu btags chags bsgrubs 'grub brtas par snang // spyod mthun khro drag gdug pa dpa' bos 'dul// rtog 'joms slad sa dang len dngos grub rgyu// 'di ni khro bo'i spyi yi don du bshad// de la spyi khog rnam pa bcu bzhi ni// gang khro gang la ci phyir gang gis khro// gang khro rnam pa bzhir ni shes bya ste// ngang khro shugs khro khro bar bcas dang bcos// rtogs pas thugs rje rang bzhin 'dul ba'i dbang // gang la snying rjes khros te yul dang gnas// las dang 'bras bu sems can grub pa'o// las bzhi 'bras bu sku gsung thugs// ci phyir rgyu dang

  468. 234b

    'bras bu gnyis las ni// dug gsum mi spong sha rus khrag la rol// gang gis rgyu ni hUM dang ha he phaT// gnas ni steng 'og mkha' ste ye shes sku// skyed thabs cho 'phrul gsum pos khro bo'i sku// 'bras bu dpal chen phra men 'khor gyis bskor// phrin las drag pos 'gro ba cis 'dul mdzad// de la bdud bzhi bcom pa ni// tsham rngams drag pos lha chen 'dar bsgyel brdzis// brtul zhugs rol pas rdos bcas phung po bshig/ dug gsum mi spong sha rus khrag la za// rnam shes 'chi med rgyal ba'i sras su stob// de las sa bcad rtsis 'go drug po ni// dbang dang rab tu ldan pa dang // dpal dang gzugs dang grags pa dang // ye shes dang ni nan tan dang // drug dang yang dag ldan phyir ro// de la dbang dang ldan pa ni// chags sdang nga rgyal gti mug phrag dog ni// mnyes stob yum dang 'jigs tshul sku yi sprul// dran med thod pa kham phor g.yang gzhi dang // kha T+wAM rgyal mtshan che dang lha chen dregs pa gnon// de la khro bo'i dpal drug ni// byams pas khyab pas thugs dam dmigs kyis sgrol// thugs rjes 'gro ba thams cad bu ltar dgongs// smon lam dbang gis 'khor ba ji srid bzhugs// gzhan don mdzad pas bdag don lhun gyis grub// yongs su rdzogs pas bde ba chen po'i dpal// khro rgyal khrag 'thung dpal chen rnam drug

  469. 235a

    yin// de la bde chen yongs rdzogs pa'i// dpal ni bsam mi khyab bzhi ste// sku gsum sa gsum sems dpas rtogs dka' ba// mkha' khyab sprin brdal char 'bab chu bo'i rgyun// ting 'dzin bsam yas byang chub thogs pa med// bsam yas bsam khyab mkha' la gza' skar gsal// klu mthu 'dul phyir klu lngas sku brgyan pa// rnga chen gsung sgra byams dang pho nya'i tshogs// dug lnga rdos bcas 'dul byed rgyan byas pa// khrag sbrul g.yang gzhi kha T+wAM dregs pa gnon// de la khro gzugs rnam bzhi ni/ gnyis byung // mi zung byis pa'i gzugs 'dra la// a kon la ni yan lag btags// drang srong khros pa'i cha byad la// shin tu skem zhing 'khrang bag bri// gnod sbyin snyil bag mi thung gzugs dang ni// 'dul dbang yi dwags srin po drang srong 'dra// de la grags pa zhes pa ni// sangs rgyas byang chub bstod la de sras gongs// gti mug gzengs bstod nga rgyal gnon par grags// de la ye shes bya ba ni// rnam dag dbyings mkhyen 'khor ba'i skon dang bral// 'gro ba'i rgyud mkhyen mya ngan mtha' las 'das// gnyis su med pa mkhyen pa dbu ma'i ngang // mdor na thams cad mkhyen pa'i ye shes yin// de la nan tan bshad pa ni// nan tan snying po zag bcas zag med 'du// nan tan phrin las 'gro ba'i gnas na ston// bsam yas

  470. 235b

    'gro ba nan tan chud mi gzon// nan tan mchog gi mchog tu shes par bya'o// da ni khro bo'i rtog pa bshad// de yang mi zad rgyan gyi lung // che mchog yon tan lung dang ni// yan lag rtags kyi lung gis bshad// de la mi 'da' rgyan lung ni// glang chen 'dul stobs theg pa'i rgyan zhes pa// bdud 'joms sman rdzas grub pa blta ba'i lung // stag ni dpa' rtul za byed rgyan zhes pa// ye shes thugs rje phrin las rgyan du bstan// sbrul ni dpa' brjid mnyen lcug rgyan zhes pa// 'jigs tshul gdug gnon 'khril ba'i yum zhes bya// thod phreng dbang chas sgrol ba'i rgyan zhes pa// sku gsum theg gsum dus gsum dbang chas sgrol// g.yang gzhi tshul khrims gos kyi rgyan zhes pa// byang chub sems tshul dam khrims gos zhes bya// rak+ta thugs rje chags pa'i rgyan zhes pa// mi rtog dbyings nas thugs rje pad+ma'i spyan// gzi chen don dam bcud kyi rgyan zhes pa// bcud kyi thig le don dam kun tu 'od// thal ba 'dul byed phrin las rgyan zhes pa// yi ge 'khor los mtshan ma thal bar rlog/ me 'bar 'phro 'du sreg klong dkyil zhes pa// ye shes thugs rje'i dbyings 'du phrin las te// zad par byed pa'i mtha' 'das dkyil zhes bya// me sgra sgra chen tha dad sgra zhes pa// chos skus khyab dang ting 'dzin sna tshogs 'phro// ral pa 'dzings shing kham nag

  471. 236a

    'phyo ba ni// ye nas chos nyid dbang drag sprul pa 'phro// sku mdog mthing nag nam mkha'i rgyan zhes pa// 'dul dbang yon tan mtha' med dgongs pa'i gting // mi dpogs de la yan lag rtags kyi lung // spyi dang bye brag snang ba yang // spyir na dpal chen he ru ka'i// sku mdog phyag mtshan ma nges te// gang ltar bsgrubs kyang 'grub par 'gyur// mtshan nyid med pa'i phyag rgya dang // de ltas dngos 'byung phyag rgya rnams// nges pa med par dpa' bos bshad// mkhas pas ci dgar bsgoms na 'grub// bye brag yan lag rtags lung ni// grub pa rtags kyi phyag rgya dang // mdzad pa las kyi phyag rgya'o// grub pa rtags kyi phyag rgya ni// dbu gsum dug gsum sku gsum lhun gyis grub// lta spyod rnam pa gsum gyis grub pa'i rtags// spyan dgu sa gsum sku gsum ye shes so// bgrod med thob med dmigs pa'i yul las 'das// rtag chad spyan gnyis mtha' spangs dbu ma'i ngang // shangs gsum srog la mnga' mdzad ting 'dzin gsum// de bzhin nyid rgyu kun tu snang zhes bya// sgra chen tha dang sgra ste chos sku ting 'dzin snyan// zhal gsum rnam thar sgo gsum lhun gyis grub// ljags gsum theg gsum mthar phyin shes pa'i rtags// mche bzhi phrin las mthar phyin bzhi yi tshul// ye shes drug ni mthar phyin phyag drug ste// pha rol phyin drug

  472. 236b

    mthar phyin phyag mtshan drug/ zhabs bzhis lam bzhi bgrod pa med par thob// de la mdzad pa rtags kyi phyag rgya ni// spyi dang phyag mtshan rtags kyi lung // spyan dgus sa dgu 'dul ba'i bye brag gzigs// spyan gsum srid gsum 'gro rgyun so sor mkhyen// shangs gsum nas byung sprul pas stong gsum 'gengs// snyan drug 'gro drug gnas nas ci gsol gsan// dbu gsum srid gsum mgon mdzad sku gsung thugs// zhal gsum dbyings su dug gsum zad par rngub// ljags gsum theg gsum ston pa'i gdangs dang sgrogs// khams gsum nyug byed rdo rje srin po'i lce// mche bzhi skye bzhi rtsad nas gcod par byed// phyag drug rgyud drug 'khor ba gting nas 'don// phyag mtshan pha rol phyin drug 'gro don mdzad// zhabs bzhi phrin las rnam bzhis bgrod med sgrol// de la phyag mtshan yan lag rtags lung ni// rdo rje ye shes pha rol phyin pa ni// rang bzhin mi 'gyur las ni 'phags shing 'joms// chos sku mi 'gyur rtog dang bag chags bsreg/ ye shes yin phyir de la de skad bya// b+han+d+ha bzod pa'i pha rol phyin pa ni// chos dbyings spros med ye shes bzhi dang ldan// ye shes dbyings rtogs zhen chags thugs rje skye// mtha' gnyis skyon gyis mi sbags bzod pa'i mchog/ kha T+wAM stobs kyi pha rol phyin pa ni// dug gsum sgrol byed

  473. 237a

    dregs pa lnga bdud gnon// stobs gsum srid gsum yongs 'dul rgyal ba'i rtags// kun la mnga' mdzad 'khor rnams dbang du sdud// zhing chen smon lam pha rol phyin pa ni// 'bod pa g.yab mos 'khor rnams dbang sdud cing // sbyin pa'i bza' bas mkha' 'gro tshims par byed// brdeg pa'i dbyug pas rdos bcas phung po bshig/ rtogs pa'i chos nyid dran med shes lngas bzung // ji ltar smon bzhin grub pas de skad bya// zong gshol thabs kyi pha rol phyin pa ni// nyon mongs thugs rjes za ba bzlog mdzad cing // ye shes chos dbyings mtha' dang bral ba rtogs// thabs kyi sku gsum lhun grub sprul pa 'phro// rnga ni shes rab pha rol phyin bstan pa// yul med rnam dag chos kyi rnga logs la// 'dzin pa bdag med rig pa'i dbyig gus bdungs// gsung rab rnga sgras 'gro ba shes rab bskyed// 'khor lo bsam gtan lhag pa gsum gyi mtshan// tshul khrims ting 'dzin ye shes gsum dang ldan// bdag med sems las rin chen dgos 'dod skong // mi zad par ldan sbyin pa'i pha rol phyin// pad+ma 'dam skyes ma chags thugs rjes spyod// tshul khrims pha rol phyin pa'i ngang du bstan// ral gri ye shes thugs rjes mtha' gnyis gcod// rtse gcig ting 'dzin gnyis la brtson 'grus mdzad// dgra sta zhags pa la sogs phyag

  474. 237b

    mtshan rnams// rang gnyer las kyi brda' tsam chos sku rtogs// che mchog yon tan spyir dril lung bshad na// yon tan dag gi brjid bzhi la// phrin las rngam ni sum cu drug/ de la sku yi rngam bzhi ni// nam mkha'i ri mo phyag rgya rngam// cir yang 'gyur ba'i bzhugs stabs rngam// zil gyis gnon pa'i gdan yang rngam// cham rngams chen po'i stobs ldan rngam// de yang kun rdzob rang bzhin med// nam mkha'i sprin ni dngas pa'i tshul// lha 'phags tshangs pa smon lam dang // cir yang 'gyur ba'i bzhugs stabs tshul// srid pa'i 'khor lo zil gnon pa// dri med pad+ma nyi zla yon tan rtags// gdan khri'i tshul rnams stobs chen bcu'i// de la gsung gi rngam bzhi la// hom lngar 'brel 'byung zhal yang rngam// zla gam cir ston ljags kyang rngam// skye shi rtsad gcod mche ba rngam/ 'brug ltar sgrogs pa'i gsung dbyangs rngam// de zhal ye shes phyag rgya las// ro mchog rnam lnga bsreg khang du// tshim zhing 'brel ro lnga yi tshul// gsung dbang tshul gyis 'dus byas dang // rang bzhin ma 'dres ston pa'i tshul// mche ba ye shes 'phro 'dus ni// dug bzhi rnam shes bzhi gcod tshul// 'brug sgrogs yan lag drug cu'i dbyangs// bsnyad pas mdo sde go bar grags// zil gyis gnon pa'i tshul rnam brgyad// thugs kyi rngam ni rnam bzhi la// ting 'dzin nam mkha'i skar

  475. 238a

    tshogs rngam// phrin las rgya mtsho'i rba rlabs rngam// yon tan mi zad rtsi shing rngam// mdzad pa'i rol mo gar zabs rngam// rgyan bzhi rang bzhin rgyan du dbye// lhag mthong dag gi rang bzhin las// lhag mthong ma g.yos snang ba'i tshul// zhi gnas dag gi rang bzhin las// zhi gnas rgyan gyi khyad 'byung tshul// zhi gnas rang bzhin bzod pa las// lhag mthong phan pa 'dogs pa'i tshul// zhi gnas rang bzhin mi zad las// lhag mthong cir 'byung dga' bskyed tshul// de la mthu yi rngam bzhi ni// ru tra bcom pa'i gnas kyang rngam// lha chen gnon pa'i gdan yang rngam// khams gsum bsgral ba'i zhing rngam zhing // rtog 'joms spyod pa'i brtul zhugs rngam// de yang gnas ni khyad par can// bkra shis cis kyang mi tshugs tshul// gdan khyad thams cad zil gnon tshul// zhing khyad khams gsum yongs bsgral tshul// spyod khyad srid rtog dus gcig 'joms// de ltar rngam tshul sum cu gnyis// de la sku yi brjid bzhi la// sku che yan lag rags pas brjid// grangs mang rkyen dang 'tshams pas brjid// bkur 'os gtso bor mthong bas brjid// khyad zhugs yid dang 'thad pas brjid/ chos sku mnyam byung sgo nas che// thugs rje mnyam byung sgo sbrul rags// 'du byed mnyam byung sgo sbrul mang / smon lam sgo rigs mthun rkyen

  476. 238b

    'tshams// spyod lam sgo nas bkur bar 'os// rigs btsun pa yi gtso bor mthong // rang bzhin grub sgo nas khyad zhugs// phrin las sgo nas yid dang 'thad// de yang gsung gi brjid bzhi la// gdangs che stong gsum gang bas brjid/ tshig myur the tshom gcod pas brjid// bdag la nyi tsher ston pas brjid/ khyad zhugs yon tan mthong bas brjid// chos skus khyab sgo nas gdangs che// tha dad sgra sgrogs stong gsum 'gengs// dbyangs kyi sgo nas go bar myur// nye bar gyur pas the tshom gcod// byams pa'i sgo nas bdag la gzigs// thugs rje'i sgo nas nyi tsher ston// shes pa'i bye brag sgo khyad zhugs// tshig gi yon tan sgo kun 'dul// de yang thugs kyi brjid bzhi la// yangs la re dogs med pas brjid// gsal ba mtha' gnyis spangs pas brjid// thugs rje thugs dam mthar phyin brjid// ma rmongs thabs kyis 'dul bas brjid// gnyis su med pa'i sgo nas yangs// spang blang med sgos re dogs med// lhag mthong sgo nas dbu mar gsal// zhi gnas mi 'gyur mtha' rnams spangs// mdzad rgyun mi 'chad thugs rje che// thugs dam mthar phyin ji srid bzhugs// shes rab sgo nas ma rmongs shing // ting 'dzin sgo nas thabs kyis 'dul// de yang yon tan brjid bzhi la// med la zad mi shes pas brjid// gcig las 'dod dgur 'byung

  477. 239a

    bas brjid// gnod sbyor phan par mdzad pas brjid// thabs mkhas skyon gyis ma gos brjid// bdag tu mi 'dzin sgo nas med// med pa'i sgo nas zad mi shes// ye shes dag gi sgo nas gcig/ sems kyi bsam sgo 'dod dgur ston// sems can sgo nas gnod par sbyor// grub rgyu'i sgo nas phan par mdzad// shes bya'i sgo nas thabs la mkhas// spyod pa'i sgo nas skyon ma gos// de la phrin las brjid bzhi la// mi dngangs nyams bag che bas brjid// 'khor ba yun ring mi bsnyel brjid// mgon skyabs rgyun du mdzad pas brjid// dgongs pa'i don rnams bsgrubs pas brjid// sgyu mar ston sgo nas mi dngangs// rang bzhin sgo nas nyams bag rol// don mdzad 'khor bar yun ring bzhugs// bya med sgo nas mi bsnyel la// mthu yi sgo nas mgon skyabs che// dam bcas 'gro don myur du mdzad// rtse gcig mtha' gnyis don la dgongs// nan tan sgo nas bya ba 'grub// de dag brjid ni nyi shu sgo/ bzhi bcu dang ni spyir drug cu// rgyal rtags nang nas phyi rol la// de la rin chen sna bdun ni// 'khor lo dbang bcu skye bzhi bsgyur// btsun mo yum bzhis rgyal mnyes 'bul// dmag dpon tshul dgus dpung yang 'joms// khyim bdag tshad med chab srid 'dzin// glang po stobs bcus bdag gzhan don// rta mchog rkang bzhis

  478. 239b

    bgrod par sleb// yid bzhin rnam bzhis re 'dod skong // de la 'khor lo'i dbang bcu ni// skye bzhi skur ston skye shi skyol mdzad pa// lha mi sdig sbrul skye ba bzhi ru bstan// sbrul yang 'dug yo byad srid pa'i 'dod yon lnga dang ni// rtog pa gzhom phyir sman lnga dang len rol// ji ltar 'dod bzhin tshul dgu'i gzugs ston pa// gar dbang thabs kyi tshul dgus rol pa mdzad// rdzu 'phrul ba spu'i dbyings nas phra men 'phro// lus ni cir brdzu sems ni cho 'phrul ston// gad rgyangs gdangs ngar sna tshogs phyogs bcur sgrogs// mche bas zil gnon tha dad chos rnams ston// shes rab thabs ldan spyan gnyis dbu ma'i ngadang // dbyings las mi g.yo ci yang sa ler mkhyen// sems kyi bye brag ting 'dzin sa ya 'phro// bsam gyis mi khyab bzhi la rol par mdzad// rdo rje'i sder mo pags pa spu phreng rgyan// 'khor ba ji srid bzhugs pa'i tshe la dbang // lta ba rnam bzhi'i spyan zur gyis bskul bas// phra men bzhi 'phro phyogs bzhir las bzhi mdzad// smon lam dbang gi drag po'i skur ston zhing // dus mtha'i bskal pa bzhin du bshol du med// de la btsun mo rin chen yum bzhi ni// ma chags rdo rje'i gzugs kyi yum gyis 'khyud// zhi gnas ting 'dzin mi g.yo yum gyis sbyor// thogs med shugs 'chang don grub yum gyis bskyod// lhag mthong ye

  479. 240a

    shes yum gyis gnyis med 'bebs// 'byung ba bzhi po rdo rje'i lha mo des// bde ba chen po'i sku la mnyes pa 'bul// de la dmag dpon rin chen tshul dgu ni// nang dang phyi yi tshul gnyis ni// sgeg pas 'gro ba shes rab bskyed pa'i tshul// nyam nga med pas mdzad spyod dpa' bo'i tshul// gdug rtsub rngams pas brgyan pas 'jigs pa'i tshul// log par lta ba zhe gcod gshe ba'i tshul// rmad du byung ba'i chos sgrogs bzhad pa'i tshul// shin tu gdul dka' khro bo'i snying rje'i tshul// smon lam dbang gis mi bshol rngams pa'i tshul// nyon mongs grub pa'i rgyur mdzad ngo mtshar tshul// khro drag dbyings nas mi g.yo zhi ba'i tshul// de la phyi tshul gar dgu ni// sgeg pa dpa' ba 'jigs pa'i sku// rgod dang gshe dang rngams pa gsum// ngo mtshar snying rje zhi ba'i thugs// dbang phyug 'dod chags nyams can bcom pas sgeg/ lha min ba su ka ra bsad pas dpa' bor mdzad// khyab 'jug seng+ge phag gdong sbrul btul 'jigs// gzhon nu smin drug rta skad drag por dgod pas btul// tshogs bdag glang sna gshe ba'i gdul bya btul// sgra gcan rA hus nyi zla khar ni mid pas rngams// klu chen pe shwa rA tsas 'gre ldog sa g.yos ngo yang mtshar// brgya byin rang gi 'khor rnams skyong mdzad snying rje'i tshul// me lhas 'jig rten bsreg mdzad stong pas

  480. 240b

    zhi// khyim bdag rin po che yi tshad med rnam bzhi ni// khro gtum tshad med byams par snang // gsod chen snying rje'i mtshan nyid de// bsgral zhing bstab pas dga' ba'i mchog/ yal bar mi 'dor btang snyoms so// glang po rin chen stobs bcu ni// thugs rje'i stobs ni dregs chen sbyi nas gnon// chos nyid stobs ni mi dmigs nam mkha'i mdog/ mi 'byed spyod pa'i stobs ni glang po'i rdzas la rol// grub pa'i stobs ni bdud rtsi'i dngos grub rgyu// ma spangs stobs ni rdos bcas sku la brgyan// ma g.yos stobs ni don mthun grol ba'i brgyan// smon lam stobs ni bskal par g.yo sgrol mdzad// sprul pa'i stobs ni mgo brnyan phra men 'phro// phrag dog 'khor bar log par gcig mi gtong // 'dod chags phrag dog yul chags spyan dmar zlog/ rta mchog rin chen rdzu 'phrul rkang bzhi ni// chos nyid rdzu 'phrul med bzhin cir snang ba// mkha' la 'ja' tshon bzhin du rnam par bkra// ye shes rdzu 'phrul chos kyi dbyings rtogs pa// mkha' la nyi shar 'dra ste gsal la stong // tshogs gnyis rdzogs pa'i rdzu 'phrul bye brag ni/ mkha' dang mnyam pa'i sprin phung bzhin du gad la// sprul pa'i bye brag 'phro ba'i rdzu 'phrul ni// ro gcig char 'bab snod kyi bye brag phye// de la nor bu rin chen rang bzhin ni// 'gro rnams ji ltar 'dul bzhin re 'dod skong // mi

  481. 241a

    zad bdag med gter chen nam mkha'i mdzod// srid gsum mun nag sel ba'i ye shes sgron// dus gsum rgyun mi 'chad pa rin chen 'phreng // zhes gsungs so// khro bo lha rgyud chen po las// khro bopo'i rtags bstan pa'i le'u ste bzhi pa'o// // de nas bcom ldan 'das khrag 'thung rnams gdul bya la snang ba bsgrub cing mchod pa'i thabs 'di gsungs so// bsnyen pa rigs lnga khrag 'thung sngags// nye bsnyen yum gyi sngags yin la// sgrub pa lha mo nyi shu'i sngags// sgrub chen dbang mo nyer brgyad yin// oM sarba ta thA ga ta ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM badz+ra ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM pad+ma ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM karma ma hA shrI he ru ka ma hA tseN+Da sarba duSh+TAn+ta ka ha na da ha pa tsa hA hUM hU~M phaT/ spyir bsgrub na ni dril ba'am/ spos su so sor bzlas pa ste// re re la ni 'bum 'bum dang // bye ba sa la sogs par bzla// oM sarba taH ga ta ma hA kro d+hI shwa rI sarba duSh+TAn hUM phaT/ oM ma hA badz+ra d+ha ra ma hA kro d+hi shwa rI dza la ni hUM phaT/ oM ma hA sUr+ya rat+na ma hA kro d+hi shwa rI bid ma hUM phaT/ oM hri shru ta sa ma tA pad+ma ma hA kro d+hi shwa rI khA hi hUM phaT/ oM sarba a

  482. 241b

    mo g+ha ma hA kro d+ha shwa rI bi shra hUM phaT// nye bsnyen 'bum dang bye ba sogs// spyi'am sgos su gang bzlas pa// khro mo yum gyi dngos grub rnams// sgrub pa po la ster bar 'gyur// oM badz+ra go ri hA/ badz+ra tsau ri hA/ badz+ra pra mo he hA/ badz+ra be tA lI hA/ badz+ra tsaN+Da lI ha/ badz+ra puk+ka si hA/ badz+ra g+hasma ri hA/ badz+ra sma sha ni hA/ badz+ra sid+ha mu khI he/ badz+ra byA g+h+r-i mu khI he/ badz+ra sr-i la mu khI he/ badz+ra shra na mu khI he/ badz+ra gr-i D+ha mu khI hi/ badz+ra kang+ka mu khI he/ badz+ra ka ka mu khI he/ badz+ra u lU ka mu khI he/ badz+ra AR+Ya te dza tang dza/ badz+ra a mu khe hUM/ badz+ra lo ka baM/ badz+ra b+hasmi pa la ya ba tu ho/ gnas dang yul gyi ma mo dang / sgo bzhi lha mo nyi shu la/ gnas yul dur khrod tshan+ta zhing // kun nas dngos grub ster bas bsgrub/ ma nu rak+Sha sI b+h+yo/ brah+ma NI b+h+yo/ ro'u tI b+h+yo/ biSh+Ta bai b+h+yo/ ko'u mA rI b+h+yo/ in+d+ra NI b+h+yo/ ping+ga lI b+h+yo/ a mr-i haM b+h+yo/ so'u mya b+h+yo/ daN+Da daM b+h+yo/ rak+Sha sI b+h+yo/ b+hak+Sha sI b+h+yo/ ra ti badz+ra b+ho/ ru d+hi ra man+ta b+h+yo/ e ka tsa ra NI b+ho/ ma no hA raM b+ho/ sid+d+hi ka b+ho/ bA ya bI b+h+yo/ ma hA ma ra Na b+h+r-i/ ag na ye b+ho/ ba ra hI b+ho/ tsa mud+b+hi b+ho/ sra ta na b+h+r-i/ ba ru NI b+ho/ ma hA ka li b+ho/ tsa ka li b+h+yo/ kum b+ha kaH b+h+yob+ho/ laM bo da ra b+h+yo/ zhi dang rgyas dang dbang dang drag/ las rnams ma lus kun byed pas// sgrub pa chen po bya ba ni// las rnams ma lus byed pa yin// de nas khrag 'thung lha rnams la// 'dzab bstod bya ba 'di

  483. 242a

    gsungs so// 'gro rnams ji ltar 'dul zhing gshegs mdzad pa// shes rab nam mkha'i bskal pas rgas rgud stongs// gti mug tshul gyis gti mug 'joms mdzad pa'i// gti mug rdo rje bud+d+ha ru ka/ ye shes rdo rjes nyon mongs 'khor ba 'joms// thabs 'dzin mtshon cha'i bskal pas dngos po 'jig/ zhe sdang tshul gyis zhe sdang 'joms mdzad pa// zhe sdang rdo rje badz+ra he ru ka/ rin chen dbyig ltar re ba kun skong zhing // bdag med zhi gnas chu yi bskal pas 'khru// nga rgyal tshul gyis nga rgyal 'joms mdzad pa// nga rgyal rdo rje rat+na he ru ka/ 'khor ba'i 'dam du pad ltar sku 'khrungs kyang // lhag mthong me chen bskal pas thams cad bsreg/ 'dod chags tshul gyis 'dod chags 'joms mdzad pa// 'dod chags rdo rje pad+ma he ru ka/ phrin las rgya mtshos 'gro ba'i don mdzad cing // shes rab thogs med bskal pa'i rlung gis bskyod// phrag dog tshul gyis phrag dog 'joms mdzad pa// phrag dog rdo rje karma he ru ka/ sku yi longs spyod sna tshogs mi dmigs shing // shes rab mthar phyin gti mug rnam par dag/ phyag rgya gzugs kyi mchod pas mnyes mdzad ma// chos dbyings nam mkha'i rang bzhin khro bo'i rgyal// thugs kyi longs spyod sna tshogs mi dmigs shing // brtson 'grus mthar phyin zhe sdang rnam par dag/ rtogs pa reg bya'i mchod

  484. 242b

    pas mnyes mdzad ma// sra brtan rdo rje dbang bsgyur khro mo'i rgyal// gsung gi longs spyod sna tshogs mi dmigs shing // tshul khrims mthar phyin 'dod chags rnam par dag/ gsung rab sgra yi mchod pas mnyes mdzad ma// lhag mthong ye shes dbang bsgyur khro mo'i rgyal// yon tan longs spyod sna tshogs mi dmigs shing // sbyin pa mthar phyin nga rgyal rnam par dag/ ting 'dzin ro mchog mchod pas mnyes mdzad cing // bdag med zhi gnas dbang bsgyur khro mo'i rgyal// phrin las longs spyod sna tshogs mi dmigs shing // bzod pa mthar phyin phrag dog rnam par dag/ tshul khrims dri yis mchod pas mnyes mdzad ma// thogs med las la dbang bsgyur khro mo'i rgyal// thugs mchog rnam dag ye shes dkar mo'i tshogs// 'gugs byed ye shes lnga yi dbyig pa can// dran pas rgyud lnga sgrol mdzad zhi bar gzigs// srid gsum 'joms mdzad dbyig thog go ri ma// sku yi yon tan tshogs sdud rkun mo'i tshogs// mthu 'phrog zhi gnas lhag mthong zung du 'brel// bden gnyis blta bas khro tshul 'gro la gzigs// dam tshig dbyings mchog skul byed tso rI ma// gsung gis thams cad zil gnon rmongs mo'i tshogs// dbang mdzad mtha' gnyis mi gtong chu srin can// mi gnas rgyal mtshan 'dzin cing myos par blta// stong gsum

  485. 243a

    dbang mdzad rgyal byed pra mo hA// thal bar byed pas thal byed ma yi tshogs// kun gyis las sgrub rdo rje rtse dgu 'dzin// sa dgu'i rtog 'joms shi ba slong bar gzigs// 'jig rten thal byed rderje'u thogs be ta lI// 'byed med shes rab mi rtog spos mo'i tshogs// 'khor ba'i rgyud 'dzin 'ching zhing dbang 'dren las// khro gar gzigs tshul rgyun gyi thugs rjes sgrol// bde chen dbyings su 'dren mdzad puk+ka sI// zhe sdang tshul gyis sgrol mdzad gtum mo'i tshogs// myos byed dbyings dang ye shes gnyis med las// thugs rjes dkrug cing ro za'i tshul du gzigs// phyogs bcur dkrugs nas gsol mdzod g+hasma rI// chags pa'i tshul gyis don mdzad sme sha can// ma ning rgyud 'phel gzung 'dzin bral ba'i rtags// mtha' gnyis ma spangs rnam par g.yengs tshul gzigs// 'bar me stong gsum stob byed tsaN+Da lI// thams cad 'byung ba'i yum gyur ma tshogs ma// kun gyi las mdzad chos sku'i snying po 'dzin// kun la rol pas 'jigs tshul kun dang ldan// thugs rjes 'jig rten sgrol mdzad sma sha ni// 'joms byed rtsal mchog rdo rje thugs kyi yum// gnyen po'i stobs kyis thams cad zil gyis gnon// shes rab thabs ldan sku gsum bdag gzhan don// sdug bsngal zhe sdang gsod byed sid+ha ma// dpa' brtul za byed ye shes thugs rje'i

  486. 243b

    las// brtson 'grus myur ba'i shugs 'chang 'gro don mdzad// thugs rje rtse gcig ye shes so sor gzigs// nga rgyal 'chi bdag 'jigs byed byA g+h+ra ma// 'joms byed dam tshig rnam dag gsung gi yum// thabs mkhas spyod pas bdag dang gzhan don mdzad// don gyi chos sku ting 'dzin ljags la bstar// 'dod chags dur khrod bgegs 'joms srig la// mi 'byed spyod pas las mchog rigs kyi yum// g.yengs pa'i phrin las 'gro la thugs rjes bsrung // chos nyid sku la ye shes spyan gyis gzigs// phrag dog kun las mdzad par shwa na ma// yid kyis ye shes so sor kun la rtogs// rnam shes gsang mdzad dgongs 'brel tshul khrims bsrung // 'khor ba'i rgyud 'dzin rgyun gcod spu gri 'dzin// mgyogs mas snyogs byed khrag 'thung gr-i D+ha ma// rnam shes mnyam nyid yid 'phrog mtshan ma 'joms// bsad pa'i god rnams sbyin pa'i pha rol phyin// mtha' 'das chos skus gzung 'dzin spang tshul 'dzin// 'gro ba'i sdug bsngal tshe 'phrog kang+ka ma// bslad pas mi 'gyur bkrus pas mi 'dag pas// mi 'gyur gnyen pos mi shigs bzod pa'i mchog/ chos sku thugs su chud phyir zhal na thogs// yon tan yid bzhin bdag nyid kA ka ma// dbyings las mi rtog 'gro la thugs rjes gzigs// gnyis la mi gnas shes rab pha rol

  487. 244a

    phyin// dbyings kyi thugs rjes phrin las 'dus ma byas// mtha' gnyis spang ba'i rngam tshul u lU ka/ bcu drug zhag gis zla ba'i dkyil 'khor rdzogs// dpal chen bcu drug sa la lhun gyis grub// bsod nams ye shes tshogs chen rdzogs pa'i sku// thog mtha' med cing yon tan bzlas pa med// sbyin pas rig pa'i klung du mtsho drangs ltar// 'khor ba'i 'jing nas thugs rjes lcags kyus 'dren// dpa' bar 'gro ba'i ting 'dzin 'gro don mdzad// thugs rje shar mdzad rta gdong lcags kyu ma// don dang mthun pas kun kyang dga' bar mdzad// byams pa'i zhags pas 'khor ba'i rgyud 'dzin cing // rin chen phyag rgyas sems can dgos 'dod skong // yon tan tshogs rdzogs phag gdong zhags pa ma// gzhan gyi don du spyad pas bdag gi don// shes rab sgron mas dug lnga'i mun pa sel// don gnyis mi 'da' lhun grub dga' ba'i mchog/ kun mkhyen ma rig nub mdzad nyi zla'i spyan// snyan par smra bas kun kyang bka' bzhin byed// btang snyoms thabs mkhas thugs rjes 'gro don mdzad// phan pas rnam shes thal ba'i gzugs kyang 'tsho// chos ston bag chags byang mdzad dril bu ma// rngam pa'i tshul gyis srin mo'i tshul 'dzin cing // thod rus gdug pa'i 'bru mar zas su za// srid pa'i sems can snying khrag khrag

  488. 244b

    mtsho gsol// dbang drag las mdzad ma nu rak+Sha sI// sdug bsngal mya ngan 'das rtogs tshangs pa'i gzugs// tshad med bzhi rdzogs dpal gyi dbu bzhir ldan// zhal bzhis sbrang 'don gling bzhir bkra shis ldan// gti mug yid bzhin rin chen brah+ma NI// thams cad mnyam nyid rtogs pa'i rigs mchog ma// ma rig dug gsum 'joms mdzad dpal rtse bsnams// bud med chags tshul dbang mdzad dka' zlog ma// chags pa'i skyon bral lha chen ro tri ma// thams cad sgyu ma bzhin du rtogs mkhyen ma// 'brel ba'i thugs rjes 'jig rten gsum la rtogs// phrin las rgya mtshos sgrol ba'i bzhad chen ma// 'khor ba'i rgyun gcod drag po baiSh+Ta be// 'du byed mi rtag dril bu'i sgra ltar mkhyen// rtag par gzhon tshul 'khor ba ji srid bzhugs// nyon mongs tha ba 'bigs pa'i mdung zung 'phen/ gzhon tshul chags pas dbang mdzad ko'u mA rI// rdo rje'i las mdzad kun gyi bla na med// lha yi rgyal srid tshogs la dbang bskur zhing // mchod sbyin phyag rgyas mi dmigs sku mdog dkar// gsod byed rdo rje lce 'bebs in+d+ra NI// byams pa'i thugs rjes dbang mdzad sku mdog dkar// b+han+ta bcud yangs snod kyi khrag mtsho la// rngam pa'i zhal du dug gsum za byed ma// sdug bsngal dbyings su skong mdzad ping ga lam// sems can thams cad 'dul thabs mchog

  489. 245a

    tu mkhyen// mun sel sgron 'bar bdud rtsis nad gso mdzad// 'dam skyes pad ltar 'khor ba sku 'khrungs kyang // chags pa'i skyon bral dbang mdzad a mr-i ta// zhi ba'i las ni gsod pa'i mchog tu mkhyen/ gtsad mas kyang 'drag/ zla ltar yon tan cha shas mthar phyin sku// gdung ba'i nad sel 'jig rten sgrol mdzad cing // gdan mchog thams cad stob byed so'u mya ya// dbyig pas 'tshog par 'dra bar gzhal med mkhyen// thabs kyis ma rmongs ljang gu phrin las mdog/ nan dbang drag shul can gyi dbyug to bsnams// dregs byed spyi nas 'joms mdzad daN+Da daM// log par lta ba 'jigs byed spyan gyi mchog/ skye ba 'phrog byed skye dgu'i khrag mtsho gsol// las mdzad chags tshul gser gyi sked chings can// drag mo rngam tshul glog 'gyu rak+Sha sI// phreng ba rgyan gyi nang na mchog tu mdzes// snying rje rgyun skud pa su'i zhags pa yis// chags med zhing du khams gsum 'dren mdzad ma// rgyun gyi thugs rjes sgrol mdzad b+hak+Sha si// 'tshog pa'i dbyig pas tshad ma mchog tu mkhyen// dum pas kyang // gtun bus gdug pa ma lus 'joms mdzad cing // yon tan mi zad nor gyi gter 'dzin ma// stong gsum nor gyis rgyas mdzad ra ti ma// ra ro 'dra ba'i dpa' bo gzhan med mkhyen// chos rnams gnyis med don rtogs rtag tu myos// nyon mongs tha

  490. 245b

    ba rlog pa'i gshol bsnams shing // dge ba'i lo thog bskyed mdzad ru d+hi re mahA// brtan pas gzhan rnams pham byed dpa' ba'i mchog/ ma lus gsod byed las la 'jug byed cing // bsnyel pa mi mnga' 'gro don gcig tu spyod// gsod byed 'dral mdzad e ka tsa ri Ni// bud med tshul chags 'gro ba dbang du sdud// thams cad ma lus 'gugs byed dga' ba'i las// 'dod lha'i mda' 'phen srid gsum yid 'phrog cing // thugs rjes zhen pa'i ma no ha ra ma// khrag las zas gzhan med par rtogs mkhyen zhing // gdod nas dbang du bsgyur ba'i rbod gtong can// mi zad gter ldan nor gyi bum pa 'dzin// sdug bsngal re skong mthar zug sid+d+hi k+ka// reg bya'i sems ma rlung gi khams te mchog/ srid gsum dbugs kyi srog 'byin tshe 'phel ma// bde gshegs las rgyud sems can sgrol mdzad cing // khams gsum gnas nas bskyod mdzad lA ya bi// snyigs ma lnga ldan lnga brgya'i tha ma la// srid gsum 'khor ba'i sems can gdul dka' ba// bsad pa nyi tshe'i las kyis 'dul bar mkhyen// sdug bsngal dbyings su sgrol mdzad mA ra Na// gzi brjid can ni me yi khams kyi mchog/ 'bar ba'i mchog gis gdug pa ma lus bsreg/ za byed bskal pa dus mtha'i tshul ston pa// lhag mthong ye shes 'bar 'phro ag na ye// mche ba dag pas skye shi

  491. 246a

    rtsad gcod zhugs// nyon mongs za ba rlog byed phag gi dbu// log pa'i phyogs rnams srid gsum stobs kyi sngor// skye bzhi rtsad gcod za byed wa ra hI// 'chi bdag thams cad gnas nas ma 'phos thos kyang 'as mkhyen// thams cad gsod byed dam nyams 'chi bdag mdzad// dam tshig bsrung ba'i 'chi bdag bzlog mdzad cing // lung gi dur khrod dbang mdzad tsa mur+t+ti// 'jigs las lhag pa'i bgegs ni gzhan med mkhyen// stong phrag brgyad cu'i bgegs la mnga' mdzad cing // sna chen glang sna bdud rtsi gi haM 'thor// sdug bsngal nad gso mdzad pa'i su ta na// chu las lhag pa'i ro ni gzhan med mkhyen// nor gyi tshogs rnams ma lus 'phrog mdzad cing // gdug pa 'dul phyir dug sdong sbrul zhags bsnams// zhi gnas ting 'dzin dbang sdud ba ru NI// 'gro ba'i don mdzad mi 'gyur sku mdog nag/ srid gsum 'joms mdzad tri shUl gdengs pa bsnams// thugs rjes shugs kyis 'dren mdzad lcags kyu bsnams// 'khor bar thugs rje shar ba'i kA li ma// chags pa'i skyon gyi don mdzad ra mgo ma// byams pa'i zhags pas 'khor ba'i rgyud 'dzin cing // gang la cis 'dul de la der ston pa// yon tan tshogs kyis re skong tsa ka lI// ston pa'i bka' dang rang gi dam bcas gnyis// mi 'da' ma grub bar du brtan par

  492. 246b

    bzhugs// dam tshig sgrog gis sems can sgrol mdzad cing // ma rig nub mdzad kum b+ha kaR+Sha mo// sku gsung yon tan phrin las mtha' yas pas// stong pa'i sgras bskul 'gro ba'i rgyud la 'bebs// so so'i skad du chos kyi sgra sgrogs shing // bag chags byang mdzad lam pa do ra ma// zhes gsungs so// khro bo lha rgyud chen po las/ khro bo'i lha rgyud bstan pa'i le'u ste lnga pa'o// // de nas bcom ldan 'das rigs lnga'i khrag 'thung gi tshogs kyis mthar phyin pa'i 'bras bu'i khro bo 'di gsungs so// spyir na theg pa bsam yas pa// rang rang 'bras bu sku gsum yin// de yang mi 'dra bsam yas rnams// sku gsum so so'i khyad par yin// nyan thos rnams la snang ba yang // zhi ba myang 'das chos kyi sku// shAka thub longs spyod chos dbang phyug/ nyan thos sbrul sku byams pa nyid// rang rgyal rnams la snang ba yang // chos sku zhi ba mya ngan 'das// chos kyi dbang phyug longs sku yin// rdzu 'phrul ya zung don byed sprul// byang chub sems dpa'i theg pa ni// don dam kun 'od chos kyi sku// ye shes longs spyod snang mdzad sku// shAkya thub pa sprul pa'i sku// bya ba rgyud kyi 'bras bu ni// dag pa chos nyid mngon byang sku// rigs gsum longs spyod rdzogs pa'i sku// zhing khams tha dad don byed sbrul// spyod pa'i rgyud la snang ba yang // 'od gsal mngon byas rdor

  493. 247a

    'chang chos// rigs bzhi rdo rje 'dzin longs spyod// zhing khams tha dad don mdzad do// rnal 'byor rgyud la snang ba yang // chos sku dbyings dag stug po bkod// rnam snang rdor dbyings yum bcas sku// sbrul skus zhing khams kun don byed// rnal 'byor chen po nang pa ni// rang byung 'od gsal chos kyi sku// rgyal drug yum dang 'du 'bral med// thun mong drug khyad khro phyir sprul// rdzogs pa rjes su rnal 'byor ni// dbyings shes 'du 'bral med sras bde// kun bzang yum dang 'du 'bral med// thub khyad 'phro sbrul yi ge 'khor// rdzogs chen theg pa'i yang rtse ni// ye ji bzhin smra bsam 'das chos// thun mong lhun grub longs spyod rdzogs// cir yang snang ba de kho na// sku gsum khyad che sems bskyed tshul// lam stegs gol sa phyi nang phye// 'dir ni sku yi rnam grangs mtshon// 'bras bu nyer lnga kun ngo ru// dbyer med sangs rgyas spyi gzugs can// sku lnga'ang kun bzang dbyer med pas// rgyal ba drug pa zhes bya'o// rigs lnga kun bzang dbyer med pas// rigs drug pa zhes bya ba yin// la bzla lhun grub kun ngo bo// gnas lugs nyid du la bzla na// mdor na gnyis par brjod do cog/ thug pas zug phyir mtha' yin te// yang dag rgyal bas thug mtha' med// tha snyad tsam du grol zhes brjod// de phyir gzhi don skye med pa'o// rang gnas

  494. 247b

    zhen bral mngon byas la// mi brjod 'di ltar gnas smra dka'// bdag phyir gzhan yang spang ba med// ming las bzlog pa'i don la med// thabs kyi rang bzhin lus grol na// rtsa rnams sbrul skus bum dbang rdzogs// sngags kyi yi ge longs spyod gsang // khams kyi bdud rtsis shes rab chos// sku gsum mi zad rgyan 'khor lo// sku yi mi zad rgyan gyi 'khor// sku yi gsang ba bsam mi khyab// thams cad pa yi skur brjod pa// nges med kun khyab chos kyi sku// dngos gnyis bde gshegs longs spyod sku// cir yang sprul pas sprul pa'i sku// yul med rang gsal mngon byang sku// so so dbyer med rdo rje'i sku// gsung gi mi zad rgyan 'khor ni// gsung gi gsang ba bsam mi khyab// thams cad pa yi gsung yin te// skye med don dang dgongs pa brda'// tshangs pa'i gsung dang rig byin rlabs// 'jig med dbyer med rdo rje'i gsung // thugs kyi mi zad rgyan 'khor ni// thugs kyi gsang ba bsam mi khyab// thams cad pa yi thugs yin te// bde chen thugs dang rnam mi rtog/ 'gro ba sgrol dang rnam mkhyen mchog/ dbyer med rdo rje'i thugs yin no// sku yi khyad par las byung ba// yon tan phrin las snang ba ni// sku dang gsung dang thugs dang gsum// mi zad rgyan gyi 'khor lor gnas// zhes gsungs so// khro bo'i lha rgyud chen po las//

  495. 248a

    mthar phyin pa'i 'bras bu bstan pa'i le'u ste drug pa'o// // de nas 'khor rnams kyis bcom ldan 'das la 'di skad ces bstod pa mdzad do// e ma ho ngo mtshar ya mtshan gyi// khro bo rigs lnga he ru ka/ dpa' bo sgeg pa 'jigs su rung // rgod dang gshe dang rngams pa dang // snying rje ba dang ngo mtshar zhi// nyams ni sems la nang du 'char// gar ni lus la phyi ru 'char// sngags ni ngag tu nus pa 'char// mthong snang yul gyi snang bar 'char// bag chags rmi lam 'char ba yis// sgrub pa po rnams grol bar byed// ston pa kun bzang khyod la bstod// ces gsungs so// de nas ston pas gsungs pa/ khro bo chen po'i rgyud mchog 'dis// lam gyi rnal 'byor grol byed pas// gang zag chos kyi spyan ldan la// rdo rje snying po khyod kyis gtod// ces gsungs pa la rjes su yi rang ngo // khro bo lha rgyud las mnyes pa dang rgyud gtad pa'i le'u ste bdun pa'o// // khro bo lha rgyud rdzogs so// rgya gar gyi mkhan po pra sa twa las/ bod kyi lo tsA ba pad+ma ru tses bsgyur ba'o//

  496. 248b

    @// rgya gar skad du/ kro d+ha de ba tan+t+ra ma hA kalpa/ bod skad du/ khro bo lha rgyud kyi rtog pa chen po/ bcom ldan 'das rigs lnga khrag 'thung 'khor rgya mtsho dang bcas pa la phyag 'tshal lo// bdag med gnyis rtogs sgrib pa gnyis bral las/ thugs rje'i sprul pas 'gro ba ma lus sgrol// yul med ma skyes byams pa'i chos dbyings las// 'dzin pa mi rtog snying rje zhi chags khro// gnyis med ngang las phrin las snying rje snyoms// dpal chen khrag 'thung mchog la phyag 'tshal lo// rtog 'joms spyod pa mthun pas 'gro 'dul zhing // brda can yang dag len pas don go la// lha rgyud brjod pas dngos grub kun dang 'brel// bka' don gtan tshigs rigs pas brjod par 'os// zhes bya'o// lung gsum man ngag gsum dang spyi don gsum// lung gi spyi gcod man ngag gdengs su bya// spyi khog bcu gnyis don gyi khog phub la// bzhi bcom drug ldan rtsis 'gos sa bcad de// khro bo'i rtog pa mtshan ma'i gnyer gyis bshad// 'di ni khrag 'thung rngam brjid rgyal po'i lung // zhes tshig nyung zhing mdor bsdus la don mang por 'byung ba'i mdo'i sde zhes bya'o// de la bshad pa ni/ lung gsum gyis sna drangs te gdang sku bya'o// man ngag gsum gyis mjug bsdus te blo la bzhag pa'i man ngag tu bya'o// spyi don gsum gyis lung thams cad kyi spyi bcad do// spyi don

  497. 249a

    bcu gnyis don gyi khog dbub bo// bdud bzhi bcom pas yon tan kun la snang ba'i bdud bcom mo// rtsis 'go drug gis sa bcad do// khro bo'i rtog pa mtshan ma gnyer gyis bshad pas ni gol sa dang sgrib pa spang ngo // yon tan kun la rngam pas brjid gzhan la snang bar bya phyir rngam brjid chen po sum cu rtsa drug bstan no// rgyal po yin pa'i phyir/ rgyal mtshan gyi rtags su rin po che sna bdun gyis rgyal po chen por mnga' gsol lo// lung rnam pa gsum spyir dril te spyad do// de ltar rnam pa bcur gses nas/ da ni phye byang bu ngo bstun pas gses nas bshad do// de la lung gsum ni/ zhi gnas mi rtog dngos po mkha' khyab 'dra// lhag mthong ma rmongs mkha' la gza' skar bkram// rdos bcas don dang bstun zhing 'tshams par bshad// ting 'dzin shes rab bka' lung gsum du 'dus// de la man ngag gsum ni// bdag tu mi rtog sprul pa mdzad nas 'thon// yul du ma grub gzhan med mdzod du gshegs// yul sems gnyis med ma skyes dbyings su gcig/ nyan thos rang rgyal sems tsam yod man ngag de la spyi don gsum ni/ med rgyu btags chags bsgrubs 'grub brtas pas snang // spyod mthun khro drag gdug pa dpa' bos 'dul// rtog 'joms smad rdzas dang len dngos grub rgyu// 'di ni khro bo spyi yi don du bshad// de

  498. 249b

    la spyi khog bcu bzhi la// gang khro gang la ci'i phyir gang gis khro// gang khro rnam pa bzhir ni shes par bya// ngang khro shugs khro khro bar bcas dang bcos// rtogs pas thugs rje'i rang bzhin 'dul ba'i dbang // gang la snying rje khros te yul dang gnas// las dang 'bras bu sems can grub pa po// las bzhi yang byad kyi 'bras bu sku gsung thugs// ci phyir rgyu dang 'bras bu gnyis la ni// dug gsum mi spang sha rus khrag la rol// gang gi rgyu ni hUM dang ha he phaT// gnas ni steng 'og mkha' ste ye shes sku// bskyed thabs cho 'phrul gsum po khro bo'i sku// 'bras bu dpal chen phra men 'khor gyis bskor// phrin las drag pos 'gro ba cis 'dul mdzad// de la bdud bzhi bcom pa ni// tsham rngams drag pos lha chen 'dar bsgyel brdzis// brtul zhugs rol pas rdos bcas phung po bshig/ dug gsum mi spang sha rus khrag la za// rnam shes 'chi med rgyal ba'i gnas su stob// de la rtsis 'gro drug ni/ dbang dang rab tu ldan pa dang // dpal dang gzugs dang grags pa dang // ye shes dang ni nan tan dang // drug dang yang dag ldan phyir ro// de la dbang ba ni/ chags sdang gti mug nga rgyal phrag dog ni// mnyes stobs yum dang 'jigs tshul sku yi sbrul// dran med thod pa kham phor g.yang gzhi dang // kha T+wAM rgyal mtshan che dang lha chen dregs pa gnon// de

  499. 250a

    la dpal drug ni/ byams pas khyab la thugs dam dmigs kyis sgrol// thugs rjes 'gro ba thams cad bu ltar dgongs// smon lam dbang gis 'khor ba ji srid bzhugs// gzhan don mdzad pas bdag don lhun gyis grub// yongs su rdzogs pas bde ba chen po'i dpal// khro rgyal khrag 'thung dpal chen rnam drug yin// de la bde ba chen po yongs su rdzogs pa'i dpal ni/ bsam gyis mi khyab pa bzhi ste// de yang gang zhe na/ sku gsum sa gsum sems dpas rtogs dka' ba// mkha' khyab sprin brdal char 'bab chu bo'i rgyun// ting 'dzin bsam yas po d+hi thogs pa med// bsam yas bsam khyab mkha' la gza' skar gsal// klu mthu 'dul phyin klu lngas sku brgyan pa// rnga chen gsung sgra byams dang pho nya'i dbang // dug lnga rtog bcas 'dul byed rgyan byas pa// khrag sbrul g.yang gzhi kha T+wAM dregs pa gnon// de la gzugs rnam gnyis bzhi ba phung po ni// mi zung byis pa'i gzugs 'dra la// a ni go la rkang lag rtags// drang srong khros pa'i cha byad la// shin tu skem zhing mkhrang bag bri// gnod sbyin snyil bag mi zung gzugs la ni// 'dul dbang yi dwags srin po 'dra// de la grags pa ni/ bud+d+ha bo d+his bstod la sras spyan dgongs// gti mug gzengs bstod nga rgyal gnon par grags// de la ye shes ni/ rnam dag dbyings mkhyen 'khor

  500. 250b

    ba'i skyon dang bral// 'gro ba'i rgyud mkhyen mya ngan mtha' las 'das// gnyis su med par mkhyen pas dbu ma'i ngang // mdor na thams cad mkhyen pa'i ye shes yin// de la nan tan ni/ nan tan snying po zag bcas zag med 'du// nan tan phrin las 'gro ba'i gnas nas 'don// bsam yas nan tan 'gro ba chud mi gsan// nan tan mchog gi mchog tu shes par bya// da ni khro bo'i rtog pa bshad de/ de yang mi 'da' rgyan gyi lung dang / che mchog yon tan gyi lung / yan lag rtags kyi lung gis bshad de// de la mi 'da' brgyan gyi lung ni/ glang chen 'dul stobs theg pa'i rgyan zhes pa// bdud 'joms sman rdzas grub dang lha ba'i gzhung // stag ni dpa' brtul za byed rgyan zhes pa// ye shes thugs rje phrin las rgyan du bstan// sbrul ni dpa' brjid mnyen lcug rgyan zhes pa// 'jigs tshul gdug gnon 'khril ba'i yum zhes bya// thod phreng dbang chas sgrol ba'i rgyan zhes pa// sku gsum theg gsum dus gsum dbang chas sgrol// g.yang gzhi tshul khrims gos kyi rgyan zhes pa// byang chub sems tshul dam khrims gos zhes bya// rak+ta thugs rje chags pa'i rgyan zhes pa// mi rtog dbyings nas thugs rje'i pad+ma'i spyan// gzi chen don dam bcud kyi rgyan zhes pa// bcud kyi thig le don dam kun tu 'od// thal ba 'dul byed phrin las rgyan zhes pa// yi ge

  501. 251a

    'khor los mtshan ma thal bar rlog/ me 'bar 'phro 'du sreg klong dkyil nas bzhengs pa'o// ye shes thugs rje'i dbyings su phrin las te// zad par shes pa mtha' 'das dkyil zhes bya// me sgra sgra chen tha dad sgra zhes pa// chos skus khyab dang ting 'dzin sna tshogs 'phro// ral pa 'jigs shing kham nag 'phyo ba ni// ye nas chos nyid dbang drag sprul pa 'phro// sku mdog mthing nag nam mkha'i rgyan zhes pa// 'dul dbang yon tan mtha' med dgongs pa gting mi dpog/ ces bya'o// de la khrag 'thung zhes bya ba'i sgra ni gong du bshad par zad do// de la dpal he ru ka sku mdog dang phyag mtshan cir yang ma nges par 'byung ste/ gang ltar bsgrubs kyang 'grub pa'o zhes bshad do// de yang mtshan nyid med pa'i phyag rgya dang // de las dngos 'byung phyag rgya rnams// nges pa med par dpa' bos bshad// mkhas pas ci dgar bsgoms na 'grub ces 'byung // 'on kyang 'di skabs su he ru ka dbu gsum phyag drug zhabs bzhi bgrad de/ de yang yan lag rtags kyi lung gis bshad na/ grub pa rtags kyi phyag rgya dang / mdzad pa las kyi phyag rgya dang gnyis so// de la grub pa rtags kyi phyag rgya ni// dbu gsum dug gsum sku gsum lhun gyis grub// lta spyod rnam pa gsum gyis grub pa'i rtags// spyan dgu sa gsum sku gsum ye shes

  502. 251b

    gsum// bsgrub med thob zin dmigs pa'i yul las 'das// rtag chad spyan gnyis mtha' spangs dbu ma'i ngang // shangs gsum srog la mnga' mdzad ting 'dzin gsum// de bzhin nyid rgyu kun snang zhes bya'o// sgra chen tha dad sgra de chos sku ting 'dzin snyan// zhal gsum rnam thar sgo gsum lhun gyis grub// ljags gsum theg gsum mthar phyin shes pa'i rtags// mche bzhi phrin las mthar phyin bzhi yi tshul// ye shes drug ni mthar phyin phyag drug ste// pha rol phyin drug mthar phyin phyag mtshan drug/ zhabs bzhi lam bzhi bgrod pa med par thob// de la mdzad pa rtags kyi phyag rgya zhes bya ba ni// spyan dgus sa dgu 'dul ba'i bye brag gzigs// spyan gsum srid gsum 'gro rgyud so sor mkhyen// shangs nas rlung byung sprul pas stong gsum 'gengs// snyan drug 'gro drug gnas nas ci gsol gsan// dbu gsum srid gsum mgon mdzad sku gsung thugs// zhal gsum dbyings su dug gsum zad par rngub// ljags gsum theg gsum bstan pa'i gdangs rang sgrogs// khams gsum nyug byed rdo rje srin po'i lce// mche bzhi skye shi rtsad nas gcod par byed// phyag drug rgyud drug 'khor ba gting nas 'don// phyag mtshan pha rol phyin drug 'gro don mdzad// zhabs bzhis phrin las rnam bzhis bgrod med sgrol// yan lag rtags kyi lung ni 'di ltar

  503. 252a

    sbyar// rdo rje ye shes pha rol phyin pa ni// rang bzhin mi 'gyur las ni 'bigs shing 'joms// chos sku mi 'gyur rtog dang bag chags sreg/ ye shes yin phyir de la de skad bya// b+han+ta bzod pa'i pha rol phyin pa ni// chos dbyings spros med ye shes bzhi dang ldan// ye shes dbyings rtogs zhen chags thugs rje skye// mtha' gnyis skyon gyis mi sbags bzod pa'i mchog/ kha T+wAM stobs kyi pha rol phyin pa ni// dug gsum sgrol byed dregs pa'i lha bdud 'joms// stobs gsum srid gsum yongs 'dul rgyal ba'i rtags// kun la mnga' mdzad 'khor rnams dbang du sdud// zhing chen smon lam pha rol phyin pa ni// 'bod pa'i g.yab mos 'khor rnams dbang du sdud// sbyin pa'i bza' bas mkha' 'gro tshims par byed// brdegs pa'i dbyug pas rdos bcas phung po bshig/ rtogs pa'i chos nyid dran med ye shes lnga yis bzung // ji ltar smon lam 'grub pas de skad bya// thong gshol thabs kyi pha rol phyin pa ni// nyon mongs thugs rjes za ba rlog mdzad cing // ye shes chos dbyings mtha' dang bral ba rtogs// thabs kyi sku gsum lhun grub sprul pa 'phro// rnga ni shes rab pha rol phyin bstan pa// yul med chos sku rnam dag rnga logs la// 'dzin pa bdag med rig pa'i dbyug gus brdungs// gsung rab rnga sgras 'gro ba shes rab

  504. 252b

    bskyed// 'khor lo bsam gtan lhag pa gsum gyis mtshan// tshul khrims ting 'dzin shes rab gsum dang ldan// bdag med sems las rin chen dgos 'dod skong // mi zad par ldan sbyin pa'i pha rol phyin// pad+ma 'dam skyes ma chags thugs rjes spyod// tshul khrims pha rol phyin pa'i ngang du bstan// ral gri ye shes thugs rjes mtha' gnyis gcod// rtse gcig ting 'dzin gnyis la brtson 'grus mdzad// dgra sta zhags pa la sogs phyag mtshan rnams// rang gnyer las kyi brda mtshon chos sku rtogs par bstan// de la 'di man chad che mchog yon tan gyi lung gi spyi dril te bshad pa ni/ yon tan gyi brjid las phrin las kyi rngom sum cu so drug gis bstan pa ni/ de la sku'i rngom bzhi la ni/ nam mkha'i ri mor phyag rgyar rngom// cir yang 'gyur ba'i bzhugs thabs rngom// zil gyis gnon pa'i gdan yang rngom// tsham rngams chen po'i stobs ldan rngom ste bzhi'o// de yang kun rdzob tu rang bzhin med pa nam mkhar las sprin dengs pa'i tshul dang / lha dang 'phags pa dang tshangs pa dang / smon lam dang cir yang 'gyur ba'i bzhugs thabs kyi tshul dang / srid pa'i 'khor lo zil gyis gnon pa dri med pad+ma nyi zla 'od kyi yon tan rtags te gdan khri'i tshul dang // stobs chen bcu'i tshul rnams ni 'og nas 'chad do// gsung gi rngam bzhi la/ hom lnga 'brel bar

  505. 253a

    'byung ba'i zhal rngam/ zla gam cir yang rngams pa'i ljags rngam/ ske shi'i rtsa ba gcod pa'i tshems rngams/ gsung sgra 'brug ltar sgrog pa'i dbyangs rngam dang bzhi'o// de yang zhal ye shes kyi phyag rgya las/ ro rnam pa lnga'i sreg khang du// ro rnam lngas tshims shing mchod pas 'brel pa lnga'i tshul dang / gsung dbang tshul gyis 'dus byas dang / rang bzhin dang / zur ma 'dres par ston pa'i tshul dang / mche ba ye shes kyi 'phro 'dus/ dug bzhi rnam shes bzhi gcod pa'i tshul dang / 'brug ltar sgrogs pa yan lag drug cu dbyangs kyis snyad pas mdo sde go bar sgrogs shing zil gyis gnon pa'i tshul dang rnam pa brgyad do// thugs kyi rngam bzhi la/ ting nge 'dzin nam mkha'i rgyan gyi skar tshogs ltar rngam/ phrin las rgya mtsho'i rba rlabs rngam/ yon tan mi zad rtsi shing rngam/ mdzad pa'i rol mo gar thabs rngam/ de yang rgyan chen po bzhi ni/ rang bzhin dang rgyan du dbye'o// lhag mthong gi rang bzhin las/ lhag mthong gi rgyan ma g.yos par snang ba'i tshul dang / zhi gnas kyi rang bzhin bzod pa las lhag mthong gis phan 'dogs pa'i tshul// zhi gnas kyi rang bzhin ma god mi zad pa las lhag mthong gis cir yang 'byung zhing dga' ba bskyed pa'i tshul lo// mthu'i rngom bzhi la/ rA dra bcom pa'i gnas rngam/ lha chen brtul ba'i gdan rngam/ khams

  506. 253b

    gsum bsgral ba'i zhing rngam/ rtog 'joms spyod pa'i brtul zhugs rngam pa dang bzhi'o// de nas yang gnas khyad par can bkra shis shing cis kyang mi tshugs pa'i tshul dang / gdan khyad par can thams cad zil gyis gnon pa'i tshul dang / zhing khyad par can khams gsum yongs su sgrol ba'i tshul dang / spyod pa khyad par can srid pa'i rtog pa dus gcig tu 'joms pa'i tshul lo// de ltar rngam tshul sum cu rtsa gnyis kyis bshad do// de la sku'i brjid chen po bzhi la/ sku che yan lag rags pas brjid che/ grangs mang rkyen dang 'tshams pas brjid che/ bkur 'os gtso bor mthong bas brjid che/ khyad zhugs yid dang ldan pas brjid che ste bzhi'o// de yang chos kyi sku dang mnyam par 'byung ba'i sgo nas che/ thugs rje mnyam par byung ba'i sgo nas yan lag rags/ 'du byed mnyam par byung ba'i sgo nas sprul pa mang / smon lam gyi sgo nas rigs mthun gyi rkyen dang 'tshams/ spyod lam gyi sgo nas bkur bar 'os/ rigs btsun pa'i sgo nas gtso bor snang / rang bzhin gyis grub pa'i sgo nas khyad zhugs/ phrin las kyi sgo nas yid dang 'thad/ gsung gi brjid bzhi la/ gdangs che stong gsum gang bas brjid che/ tshig myur the tshom gcod pas brjid che/ bdag la nyi tsher ston par snang bas brjid che/ khyad zhugs yon tan mthong bas brjid che ste bzhi'o// de

  507. 254a

    yang chos skus khyad pa'i sgo nas gdangs che/ sgra tha dad pa'i sgo nas stong gsum 'gengs/ skad dbyangs kyi sgo nas kun gyis go bar myur/ nye bar gyur pa'i sgo nas the tshom gcod/ byams pa'i sgo nas bdag la gzigs/ thugs rje'i sgo nas nyi tsher ston/ shes pa'i bye brag gi sgo nas khyad zhugs/ tshig gi yon tan gyi sgo nas kun 'dul/ thugs kyi brjid bzhi la/ yangs la re dogs med pas brjid che/ gsal ba mtha' gnyis spangs pas brjid che/ thugs rjes thugs dam mthar phyin pas brjid che/ ma rmongs thabs kyis 'dul bas brjid che'o// de yang gnyis su med pa'i sgo nas yangs/ blang dor mod pa'i sgo nas re dogs med/ lhag mthong gi sgo nas dbu mar gnas/ zhi gnas kyi sgo nas mi 'gyur bas mtha' spangs/ mdzad pa rgyun mi 'chad pa'i sgo nas thugs rje che/ 'khor ba ji srid du bzhugs pa'i sgo nas thugs dam mthar phyin/ shes rab kyi sgo nas ma rmongs/ ting nge 'dzin gyi sgo nas thabs kyis 'dul/ yon tan gyi brjid gzhi la/ med la zad mi shes pas brjid che/ gcig las 'dod dgur ston pas brjid che// gnod sbyor phan par mdzad pas brjid che/ thabs mkhas skyon gyis mi gos pas brjid che/ de yang bdag tu mi 'dzin pa'i sgo nas med/ med pa'i sgo nas zad mi shes/ ye shes kyi sgo nas gcig sems kyi

  508. 254b

    bsam pa'i sgo nas 'dod dgur ston/ sems can gyi sgo nas gnod par sbyor/ grub pa'i rgyu'i sgo nas phan par mdzad/ shes bya'i sgo nas thabs mkhas/ spyod pa'i sgo nas skyon gyis ma gos/ phrin las kyi brjid bzhi la/ mi dngangs nyams bag che bas brjid che/ 'khor ba yun ring mi bsnyel bas brjid che/ mgon skyabs rgyun du mdzad pas brjid che/ dgongs pa'i don rnams mdzad pas brjid che/ de yang sgyu mar mdzad pa'i sgo nas mi brnyengs/ rang bzhin gcig pa'i sgo nas nyams bag tu rol/ don mdzad pa'i sgo nas 'khor bar yun ring por gnas/ bya ba med pa'i sgo nas mi bsnyel/ mthu'i sgo nas mgon skyabs che/ dam bcas pa'i sgo nas 'gro don rgyun du mdzad/ rtse gcig pa'i sgo nas mtha' gnyis kyi don la dgongs/ nan tan gyi sgo nas bya ba grub/ brjid nyi shu ni/ sgo bzhi bcu dang / spyir drug cu'o// de la rin po che sna bdun ni/ 'khor lo rin po ches ni dbang bcus skye ba rnam bzhi la dbang bsgyur ro// btsun mo rin po ches ni yum bzhi rgyal po mnyes pa 'bul/ dmag dpon rin po ches ni tshul dgus pha rol gyi dpung 'joms so// khyim bdag rin po ches ni tshad med pa bzhis rgyal po'i chab srid 'dzin no// glang po rin po ches ni stobs bcus bdag dang gzhan gyi don byed do// rta mchog rin po ches ni myur mgyogs kyi rdzu 'phrul gyi

  509. 255a

    rkang pa bzhis bgrod pa'i gnas su sleb par byed do// yid bzhin gyi nor bu rin po ches ni rnam pa bzhi'i sgo nas sems can gyi re 'dod skong ngo // lung rnam pa gsum ni/ mi 'da' rgyan gyi lung la sogs pa gong du rtsis 'gos spyir sbyar ba zad do// de la 'khor lo rin po che'i dbang bcu ni/ skye bzhi skur ston skye bzhi sgrol mdzad pa// lha mi sdig sbrul skye ba bzhi ru bstan// yo byad srid pa'i 'dod yon lnga dang ni// rtog pa gzhom phyir sman lnga dang len rol// ji ltar mos bzhin tshul dgu'i gzugs bstan pa// gang dag thabs kyi tshul dgus rol pa mdzad// rdzu 'phrul pa spu'i dbyings nas phra men 'phro// lus ni cir brdzu sems ni cho 'phrul ston// gad rgyangs gdangs ngar sna tshogs phyogs bcur sgrogs// mche bas zil gnon tha dad chos rnams ston// shes rab thabs ldan spyan gnyis dbu ma'i ngang // dbyings nas mi g.yo cir yang sa le mkhyen// sems kyi bye brag ting 'dzin sa ya 'phro// bsam gyis mi khyab bzhi la rol pa mdzad// rdo rje'i sder mo pags pa spu phreng brgyan// 'khor ba srid par bzhugs pa'i tshe la dbang // lta ba rnam bzhi'i spyan zur gyis bskul bas// phra men bzhi 'phro phyogs bzhir las bzhi mdzad// smon lam dbang gis drag po'i skur ston cing // dus mtha'i bskal pa bzhin du bshol du med// de la btsun mo rin po

  510. 255b

    che'i yum bzhi ni/ ma chags rdo rje'i gzugs kyi yum gyis 'khyud// zhi gnas ting 'dzin mi g.yo yum gyis sbyor// thogs med shugs 'chang don grub yum gyis bskyod// lhag mthong ye shes yum gyis gnyis med 'bebs// 'byung ba bzhi po rdo rje'i lha mo des// bde ba chen po'i sku la mchod pa 'bul// de la dmag dpon rin chen tshul dgu ni/ sgeg pas 'gro ba shes rab skyed pa'i tshul// nyam pa med pa'i mdzad spyod dpa' bo'i tshul// gdug rtsub rngams pas brgyan pas 'jigs pa'i tshul// log pa'i blta ba zhe gcod gshe ba'i tshul// rmad du byung ba'i chos sgrogs bzhad pa'i tshul// shin tu gdul dka' khro bos snying rje'i tshul// smon lam dbang gis mi bshol rngams pa'i tshul// nyon mongs grub pa'i sgrar mdzad ngo mtshar tshul// khro drag dbyings nas mi g.yo zhi ba'i tshul// de la khyim bdag rin po che'i tshad med pa bzhi ni/ khro gtum tshad med byams par snang // gsod chen snying rje'i bdag nyid de// bsgral zhing stob pas dga' ba'i mchog/ yal bar mi 'dor btang snyoms so// de la glang po rin po che'i stobs bcu ni/ thugs rje'i stobs ni dregs chen spyi nas gnon// chos nyid stobs ni mi dmigs nam mkha'i mdog/ mi 'byed spyod pa'i stobs ni glang po'i rdzas la rol// grub pa'i stobs ni bdud rtsi dngos grub rgyu// ma spangs stobs ni

  511. 256a

    rdos bcas sku la brgyan// ma g.yos stobs ni don mthun grol ba'i rgyan// smon lam stobs ni bskal bar g.yo sgrol mdzad// sprul pa'i stobs ni mgo brnyan phra men 'phro// phrag dog 'khor bar log par gcig mi gtong // 'dod chags phrag dog yul chags spyan mdog dmar// de la rta mchog rin po che'i rdzu 'phrul gyi rkang pa bzhi ni/ chos nyid rdzu 'phrul med bzhin cir snang ba// mkha' la 'ja' tshon bzhin te rnam par bkra// ye shes rdzu 'phrul chos kyi dbyings la rol// mkha' la nyi shar 'dra ste gsal la stong // chos nyid rdzogs pa'i rdzu 'phrul bye brag ni// mkha' dang mnyam pa'i sprin phung bzhin du gdal// sprul pa'i bye brag 'phro ba'i rdzu 'phrul ni// ro gcig char 'bab snod kyi bye brag phye// de la nor bu rin po che'i rang bzhin ni// 'gro rnams ji ltar 'dul bzhin re 'dod skong // mi zad bdag med gter chen nam mkha'i mdzod// srid pa'i mun nag sel ba'i ye shes sgon// dus gsum rgyun mi chad par rin chen 'phreng // lung rnam pa gsum rtsis 'gos sbyar te bshad pa yin no// de ni lha'i rgyud kyi rtog pa so sor bshad par bya'o// 'gro rnams ji ltar 'dul bzhin gshegs mdzad pa// shes rab nam mkha'i bskal pas rgas rgud stongs// gti mug tshul gyis gti mug 'joms mdzad pa// gti mug rdo rje bud+d+ha he ru

  512. 256b

    ka/ ye shes rdo rjes nyon mongs 'khor ba 'joms// thabs 'dzin mtshon cha'i bskal pas dngos po 'jig/ zhe sdang tshul gyis zhe sdang 'joms mdzad pa'i// zhe sdang rdo rje badz+ra he ru ka/ rin chen dbyig ltar re 'dod kun tu skong // gdug med zhi gnas chu yi bskal pas 'khru// nga rgyal tshul gyis nga rgyal 'joms mdzad pa// nga rgyal rdo rje rat+na he ru ka/ 'khor ba'i 'dam du pad ltar sku 'khrungs shing // lhag mthong me chen bskal pas thams cad bsreg/ 'dod chags tshul gyis 'dod chags 'joms mdzad pa// 'dod chags rdo rje pad+ma he ru ka/ phrin las rgya mtshos 'gro ba 'dren mdzad cing // shes bya thogs med bskal pa'i rlung gis bskyod// phrag dog tshul gyis phrag dog 'joms mdzad pa// phrag dog rdo rje karma he ru ka/ sku yi longs spyod sna tshogs mi dmigs shing // shes rab mthar phyin gti mug rnam par dag/ phyag rgya gzugs kyi mchod pas mnyes mdzad ma// chos dbyings nam mkha'i rang bzhin khro mo'i rgyal// thugs kyi longs spyod sna tshogs mi dmigs shing // brtson 'grus mthar phyin zhe sdang rnam par dag/ rtogs pa reg bya'i mchod pas mnyes mdzad pa// sra brtan rdo rje dbang bsgyur khro mo'i rgyal// gsung gi longs spyod sna tshogs mi dmigs shing // tshul khrims mthar phyin 'dod chags rnam par dag/ gsung rab sgra yi mchod pas

  513. 257a

    mnyes mdzad ma// lhag mthong ye shes dbang sbyar khro mo'i rgyal// yon tan longs spyod sna tshogs mi dmigs shing // sbyin pa mthar phyin nga rgyal rnam par dag/ ting 'dzin bro mchog mchod pas mnyes mdzad cing // bdag med zhig nas dbang bsgyur khro mo'i rgyal// phrin las longs spyod sna tshogs mi dmigs shing // bzod pa mthar phyin phrag dog rnam par dag/ tshul khrims dri yi mchod pas mnyes mdzad cing // thogs med las la dbang bsgyur khro mo'i rgyal// thugs mchog rnam dag ye shes dkar mo'i tshogs// 'gugs byed ye shes lnga yi dbyug pa can// dran pas rgyud lnga sgrol mdzad zhi bar gzigs// srid gsum 'joms mdzad dbyug thogs go rI ma// sku yi yon tan tshogs sdud rkun mo'i tshogs// mthu 'phrog zhi gnas lhag mthong zung du 'brel// bden gnyis lta bas khro tshul 'gro la gzigs// dam tshig dbyings mchog skul byed tso rI ma// gsung gi thams cad zil gnon rmongs mo'i tshogs// dbang mdzad mtha' gnyis mi spong chu srin can// mi gnas rgyal mtshan 'dzin cing myos par blta// stong gsum dbang mdzad rgyal byed pra mo ha// thal bar byed pas thal byed ma yi tshogs// kun gyi las sgrub rdo rje rtse dgu 'dzin// sa dgu'i rtog 'joms shi ba slong par gzigs// 'jig rten thal byed

  514. 257b

    rderje'u thogs pe ta lI// 'byed med shes rab mi rtog sbos mo'i tshogs// 'khor ba'i rgyud 'dzin 'ching zhing dbang 'dren las// khro gar gzigs tshul rgyun gyi thugs rjes sgrol// bde chen dbyings su 'dren mdzad puk+ka sI// zhe sdang tshul gyis sgrol mdzad gtum mo'i tshogs// myos byed dbyings dang ye shes gnyis med las// thugs rjes dkrug cing ro za'i tshul du gzigs// snod bcud gting nas dkrugs mdzad g+hasma rI// chags pa'i tshul gyis don mdzad sme sha can// ma ning rgyud 'phel gzung 'dzin bral ba'i rtags// mtha' gnyis ma spangs rnam par g.yengs tshul gzigs// 'bar ma stong gsum stob byed tsan+da lI// thams cad 'byung ba'i yum gyur ma tshogs ma// kun gyi las mdzad chos sku snying po 'dzin// kun la rol pas 'jigs tshul kun dang ldan// thugs rjes 'jig rten sgrol mdzad sma sha ni// 'joms byed rtsal mchog rdo/ rje thugs kyi yum// gnyen po'i stobs kyis thams cad zil gyis gnon// shes rab thabs ldan sku gsum bdag gzhan don// sdug bsngal zhe sdang gsod byed sid+ha ma// dpa' brtul za byed ye shes thugs rje'i las// brtson 'grus myur ba'i shugs 'chang 'gro don mdzad// thugs rje rtse gcig ye shes so sor gzigs// nga rgyal 'chi bdag 'joms mdzad byA g+ni ma// 'joms byed dam tshig rnam dag gsung gi

  515. 258a

    yum// thabs mkhas spyod pas bdag dang gzhan don mdzad// don gyi chos sku ting 'dzin ljags la bstar// 'dod chags dur khrod bgegs 'joms srid ga la// mi 'byed spyod pas las mchog rigs kyi yum// g.yeng ba'i phrin las 'gro la thugs rjes bsrung // chos nyid sku la ye shes spyan gyis gzigs// phrag dog las kun 'grub byed shra na ma// yid kyi ye shes so sor kun rtogs la// rnam shes kyis gsod dgongs 'brel tshul khrims bsrung // 'khor ba'i rgyud 'dzin rgyun gcod spu gri 'dzin// mgyogs pas snyeg byed khrag 'thung gr-i b+ha ma// rnam shes mnyam nyid yid 'phrog mtshan ma 'joms// bsad pa'i god rnams sbyin pa'i pha rol phyin// mtha' 'das chos skus gzung 'dzin spong tshul 'dzin// 'gro ba'i sdug bsngal tshe 'phrog kang+ka ma// bslad pas mi 'gyur bkrus pas mi 'dag pas// mi 'gyur gnyen pos mi shigs bzod pa'i mchog/ chos sgra thugs su chud phyir zhal na thogs// yon tan yid bzhin bdag nyid ka ka ma// dbyings las mi rtog 'gro la thugs rjes gzigs// gnyis la mi gnas shes rab pha rol phyin// dbyings kyi thugs rjes phrin las 'dus ma byas// mtha' gnyis spangs pa'i rngam tshul u lU ka/ bcu drug zhag gis zla ba'i dkyil 'khor rdzogs// dpal chen bcu drug sa la lhun gyis grub// bsod

  516. 258b

    nams ye shes tshogs chen rdzogs pa'i sku// thog tha med cing yon tan bzlas pa med// sbyin pas rig pa'i klong du mtsho drangs ltar// 'khor ba'i rdzing nas thugs rje'i lcags kyus 'dren// dpa' bar 'gro ba'i ting 'dzin 'gro don mdzad// thugs rje shar mdzad rta gdong lcags kyu ma// don dang mthun pas kun kyang dga' bar mdzad// byams pa'i zhags pas 'khor ba'i rgyud 'dzin cing // rin chen phyag rgyas sems can re 'dod skong // yon tan tshogs rdzogs phag gdong zhags pa ma// gzhan gyi don du spyad pas rang gi don// shes rab sgron mas dug lnga'i mun pa sel// don gnyis mi 'da' lhun grub dga' ba'i mchog/ kun mkhyen ma rig nub mdzad nyi zla'i spyan// snyan par smras pas kun kyang bka' bzhin byed// btang snyoms thabs mkhas thugs rjes 'gro don mdzad// phan pas rnam shes thal ba'i gzugs kyang 'tsho// chos ston bag chags sbyong mdzad dril 'khrol ma// da ni rdo rje srin po'i lha rgyud bshad pa ste// bco brgyad shangs nas bco brgyad sprul pa 'phro// bco brgyad khams la bco brgyad skur ston pa// bco brgyad thugs kyis bco brgyad 'dul thabs mnga'// bco brgyad snyan gyis bco brgyad khams gsan cing // bco brgyad ljags kyis bco brgyad gsung rab 'chad// brgya rtsa brgyad kyi dgongs pa bsam mi

  517. 259a

    khyab// sa dgu thugs rjes don mdzad dbu dgur ldan// brjid gnon zhabs brgyad phyogs brgyad lnga brgyad gnon// ji ltar rol kyang spyan dgu dbyings mi g.yo// 'dul ba'i dbang du bskal pa'i tshul ston cing // rdo rje srin pos ci 'dul yid bzhin rdzogs// rnam thar gsum las sku gsum phrin las 'byung // spyod pa rnam dag smon lam stobs kyis gshegs// ral gsig sprugs pas 'gro don rtse zhing rol// bco brgyad stong pas mnyes mdzad dza TI ma// brjid pa'i stobs kyis klu rnams zil gyis gnon// phra ma'i skyon spangs ngag gi dbang phyug che// 'bad pa med pa'i brtson 'grus shugs dang ldan// chos la dbang mdzad ha ya gri ba'i dpal// 'dzin tshul stobs kyis drang srong tshar gcod cing // log pa'i nyes spangs yang dag don dang ldan// tshul khrims mthar phyin drang srong kang bas che// skye la dbang mdzad bran tshul mi g.yo mgon// shugs 'chang stobs kyis rlung lha gzir gnon cing // 'khyal ba'i skyon spangs ngag gi dbang phyug che// gnyen po'i smon lam mthar phyin bdud 'du la thugs rje'i rtsi// las la dbang mdzad bdud rtsi kuN+Da li// gnon pa'i stobs kyis 'byung po tshar gcod cing // gnod sems skyon spangs thugs kyi dbang phyug che// gnyen po'i stobs kyis mi mthun gnon mdzad cing // rdzu 'phrul dbang mdzad 'jigs

  518. 259b

    byed stobs po che// brdeg pa'i stobs kyis srin po tshar gcod cing // bden dang bral ba'i rdzun dang skyon sel ba'i// mtshan ma'i thabs kyis mtshan ma kun 'dul ba// ye shes dbang mdzad dbyug pa sngon po can// ldog pa'i stobs kyis sa bdag tshar gcod cing // brnab sems skyon spangs thugs kyi dbang phyug che// bzod pa sa gzhi lta bu'i gzhir gyur la// smon lam dbang mdzad 'dam skyes kuN+Da li// rol pa'i stobs kyis gza' skar tshar gcod cing // 'dod chags skyon spangs sku yi dbang phyug che// ye shes mthar phyin nyi zla'i 'od bzhin gsal// skye zhing mos la dbang mdzad hUM kA ra// zlog pa'i stobs kyis lha rnams tshar gcod cing // ma byin len pa'i skyon spangs bdag nyid che// rab tu shes pa'i shes rab mthar phyin pa// yo byad dbang mdzad gzhan gyis mi thub rgyal// 'jigs byed stobs kyis 'chi bdag zil gnon cing // srog gcod nyes spangs sku yi dbang phyug che// gzung 'dzin skyon spangs bsam gtan ngang la gnas// tshe la dbang mdzad 'jigs byed gshin rje gshed// ye shes thugs rjes zin pas mthar mi 'ching // thugs rje ye shes zin pas srid las sgrol// gnyis la mi gnas mtha' bral dbu mar bsnyems// 'dod pa'i rgyal po mnyes mdzad lA s+ye ki/ rig pa'i sder chen chos kyi dbyings nyid 'dzin// thugs

  519. 260a

    rje'i lcags kyus 'gro ba mi gtong zhing // shes rab thabs kyi lcags kyus mtha' gnyis 'dzin// gtso bor dbyug sngon mnyes mdzad tra ti ru// ye shes mtshan ldan thugs rje'i khrod 'byung zhing // sprul pas 'gro sgrol sku dang ye shes 'phro// shes snying ma skyes dbu ma'i rig pa skye// shwa sha pa tis khro rgyal gshin rje mnyes// dbyings su mtshan ma shes rab tho bas brdung // thugs rje'i phrin las sems can mtshan ma bcom// dbu mar ye shes snying rjes mi rtog dang / mi g.yo mgon po mnyes mdzad mu sa la// rdo rje gtum mos mtshan ma'i dngos po bcom// thugs rjes rngam tshul srin po thal bar rlog/ gnyis la mi gnas mtha' bral dbu mar bsdigs// ha ya grI ba mnyes mdzad tsaN+Da lI// phra mor 'bigs pas ye shes dbyings su 'phen// 'bigs pa'i ye shes gnad du thugs rjes brdeg/ ma 'khyogs dbu ma chen po'i na rtogs pas// gzhan gyis mi thub mnyes mdzad sa bya ti// mtshan ma med pa'i dbyings thos rig pa'i sgra// dbyings nyid rig shes dbyings la nyal ba'i sgra// de la bstan pa gsung gi sgra 'byin pa// bdud rtsi 'khyil ba sa b+ha mi tas mnyes// bdag tu rtogs pa'i mtshan ma kun bcom zhing // za byed mche bas skye shi rtsad bcad de// sku dang ye shes ma skyes mi dmigs pa// pad+ma 'khyil pa mnyes byed mA ra Na/ thugs dam

  520. 260b

    dbang gis rnam dag dbyings nas bskul// thugs rje'i shugs kyis 'gro ba gnas nas 'dren// mnyes byed mchod bskul dbu ma'i dgyes pa stobs// ma hA ba la mnyes mdzad tsun dA ma// bskyod pa'i ye shes sa rnams dus gcig gcod// thugs rje'i shugs kyis 'gro rnams gnas nas spor// thabs dang shes rab bskyod pas mtha' gnyis spangs// dI ba ya tis khams gsum hUM mdzad mnyes// khams gsum thugs rje'i mi bzod phrin las kyi// yal bar mi 'dor brtson 'grus shugs kyis brtul// gdod nas don mdzad 'khor ba mthar gtugs sgrol// de phyir dpa' brtul za byed bya gr-i ma/ sdang mig thugs rjes mi 'gyur zhe la gnon// mthu rtsal rngam brjid 'gyur med bdud dpung bzlog/ tsham rngams ral gsig gdangs ngar 'jig rten 'gengs// de phyir phra men 'gyur med tsa ma ra// rtog pa'i sgra spangs dran pa'i dgon par gnas// 'khrul skyon dri ma shes bzhin rdzis tshor spangs// 'gro don dus la bab la thugs rje 'jug/ de phyir 'jug par byed pa'i ha ri Na// chos dbyings gnas la rtog pa'i skyon sel zhing // thugs rjes sprul pas sku ris bsam mi khyab// dug gsum 'joms mdzad sha rus khrag la ro la// sel byed sprul pas don mdzad bya g+h+r-i ma// yang bag zon chags 'gro don thabs mkhas ldan// mi 'dul zin thub btang snyoms

  521. 261a

    chen por bzhugs// dus las mi 'da' brtson 'grus shugs dang ldan// de phyir mkhas brtson mdzad pa'i bi DA la/ tshig gcig chad/ ye shes dbyings la 'jug pas shes bya za// thugs rjes ye shes phrin las 'khor ba za// de phyir za byed shra na mu kha ma// rigs btsun gnyen por gyur pas thams cad 'dul// phrin las rtsal gyis bdud dpung ma lus 'joms// stong nyid sgra sgrogs mu stegs wa tshogs 'joms// de phyir 'joms byed rtsal mchog sid+d+ha ma// dbyings la ye shes nyal zhing thugs rjes rmi// mthing nag chen por drag po'i skur ston cing // thugs mchog rnam dag chos nyid dbyings su mkhyen// de phyir rmi byed phra men raik+Sha ka/ ye shes thugs rje'i stobs kyis mtha' gnon te// tsham rngams ral gsig sprul pas bdud dpung 'joms// las su ci mdzad brtson 'grus stobs kyis rol// de phyir stobs ldan phra men ta rak+Sha// lhag mthong chos dbyings zhi gnas rlan gyis rgyal// 'khor ba thugs rje smon lam stobs kyis myos// rtog 'joms rdzas la gtsang sme med par rol// de phyir myos byed phra men s+yA ka ra// yid g.yo las can sems par gyur pa ni// ye shes dbang gi thugs rje 'gro la g.yo// don mdzad ye shes god 'brong dbyings su mkhyen// de phyir tshul khrims chen po gri D+ha ma// bsam pa'i dngos po 'dod la 'dun par

  522. 261b

    gyur// dbyings nyid ye shes mkhyen pas shes bya za// thugs rjes 'dun pas 'khor ba'i bag chags bla// de phyir za byed dro Na ka ka ma// dmigs la sems 'dzin yid la byed par 'gyur// ye shes dbyings rtogs drangs pas nyin mo nyal// 'gro 'ong rmongs la thugs rjes mtshan mo ldang // ye shes thugs rjes drangs pa'i u lU ka/ brtags pa'i dngos la de gcig ting 'dzin gyur// mnyam nyid thob bral dbyings las mi g.yo ba// rtogs pa'i spyod yul byis pas mi mthong ste// de phyir phra men sbed byed bA ya sa// las 'bras bden la yid ches dad par 'gyur// mnyam nyid dbyings su thugs rje'i shugs kyis mgyogs// zhi gnas spyan gyis lhag mthong bgrod tshegs chung // de phyir mgyogs byed phra men bag sha si/ g+hak+Sha saM// nges pa'i dngos la 'dzin pa myos par gyur// lhag mthong ye shes dbyings nyid mnyam gyur 'dzin// zhi gnas gces par 'dzin pas mi 'phrog ste// de phyir 'dzin pa'i phra men tsa ta ma/ paN+Di ri yang 'dug/ 'dris pa'i dngos po ma 'dres dran par gyur// dbyings dang ye shes mnyam nyid mi brjid dran// ting 'dzin 'bum phrag lhag mthong so sor gsal// gnyis las ma rmongs zin pa'i ti tI la// chos rnams 'byed pa'i bye brag gyur pa ni// mnyam nyid ngang du log lta bsal byed cing // rig pa bskyed pas som nyi the tshom gcod// de

  523. 262a

    phyir phra men gsod byed na ku la// 'jug par rang dbang med pas gnyid gyur pas// mnyam dang mi mthun log blta myos pa ste// bstan pa'i chos bsgrags log blta mos pa yis// thabs kyis sos byed phra men mU Shi ka/ gsum 'dus gcod pa reg par gyur pa ni// phrin las bye brag mang po ci mdzad kyang // phyag rgya bzhi po ma skyes dbyings su 'bros// de phyir phra men 'bros byed ka si ka/ 'khor ba'i rdo rje brjod pas mya ngan 'das// chos sku rdo rjes gcod pas mtha' gnyis spangs// brjod med brjod bral don gyi tshig dang bral// de phyir brjod med badz+ra lak+Shi NI// chos nyid rdo rje mtshan ma'i dngos po bshig/ ye shes rdo rjes gzung 'dzin rtog pa bsreg/ phyag mtshan rdo rjes gnas pa'i lha bdud bcom// de phyir 'joms byed badz+ra b+hi ta pa// 'chi med bdud rtsis yul sems skye 'gag med// grub pa'i bdud rtsis bsam pa'i 'bras bu thob// thugs rjes 'gro bas bdud rtsi bla med 'grub// de phyir rtsi mchog ye shes badz+ra a mr-i ta// ye shes 'phrog byed yon tan rgya mtsho 'grub// thugs rjes 'phrog byed srid pa dbang du sdud// ye shes thugs rjes gnyis med dbyings su nub// de phyir rlag byed badz+ra mA ra NI// nga ni pad+ma dbang chen dang // dbang phyug ma'i lha rgyud brjod par bya'o// bco lnga'i spyan gyis rgyud lnga'i mi dge bcu// ye shes lnga po

  524. 262b

    so sos ci 'dul mkhyen// snyan bcus mi dge bcu yi sdug bsngal sel// shangs lnga nas byung rigs lnga'i sprul pa 'phro// rgyud lnga'i mgon mdzad brtson ldan rta dbu lnga// dug lnga zhal du shar te rngub mdzad cing // ljags lnga the tshom gcod cing theg lnga 'chad// skye bzhi las bzhis sgrol mdzad gshog gzhi skyod// bcu drug dmyal khams bcu drug phyag gis 'dren// phyogs brgyad 'dul phyir zhabs brgyad khro brgyad gnon// rigs bzhi snod bcud nyi zla'i 'od dang rdzis// phyogs bzhi rtsal drug dbang phyug yang che gnon// che ba'i che ba yang che bla na med// bcu drug zhag gis zla dkyil rdzogs pa ltar// tshogs gnyis rdzogs pa bcu drug sa la bzhugs// phyogs bzhi dbus lngar 'bar ltar rigs lnga'i dbu// mkhyen pa'i ye shes thugs rjes so sor gzigs// dbang chen yongs su 'dul ba'i dkyil 'khor dang // tshogs chen gnyis rdzogs thugs rjes lhun grub pa// dkyil 'khor gsum gyis brjid pa'i khro rgyal sku// thugs rjes 'dam skyes spyod pas skyon ma gos// mtha' gnyis dbang mdzad pad+ma he ru ka/ rngams pa'i tshul gyis srin mo'i gzugs 'dzin cing // thod rus gdug pa'i 'bru mar zas su za// srid pa sems can snying khrag dron mor gsol// dbang drag las mdzad ma nu rak+Sha sI// sdug bsngal mya ngan 'das ston tshangs ma'i

  525. 263a

    gzugs// tshad med bzhi rdzogs dpal gyi dbu bzhir ldan// zhal bzhis sgrar 'don gling bzhir bkra shis ldan// gti mug yid bzhin rin chen brah+ma NI// thams cad mnyam pa nyid rtogs rigs mchog ma// ma rig dug gsum 'joms mdzad dpal rtse bsnams// bud med chags tshul dbang mdzad dka' zlog ma// chags pa'i skyon bral lha chen ro tri ma// thams cad sgyu ma bzhin du rtogs mkhyen ma// 'brel ba'i thugs rjes 'jig rten gsum la rtogs// phrin las rgya mtshos sgrol ba'i bzhad chen ma// 'khor ba'i rgyun gcod drag mo baiSh+Ta be// 'du byed mi rtag dril bu'i sgra ltar mkhyen// rtag par gzhon tshul 'khor ba ji srid bzhugs// nyon mongs tha ba 'bigs pa'i mdung thung 'phen// gzhon tshul chags pas dbang mdzad ko ma rI// rdo rje'i las mdzad kun gyi bla na med// lha yi rgyal srid tshogs la dbang bsgyur zhing // mchog sprin phyag rgyas mi dmigs sku mdog dkar// gsod byed rdo rje lce 'bebs in+d+ra Ni// byams ma'i thugs rjes dbang mdzad sku mdog dmar// b+han+na bcud yangs snod kyi khrag mtsho la// rngams pa'i zhal du dug gsum za byed ma// sdug bsngal dbyings su skong byed ping+ga laM// sems can thams cad 'dul thabs mchog tu mkhyen// mun sel sgron 'bar bdud rtsis nad gso mdzad// 'dam

  526. 263b

    skyes pad ltar 'khor bar sku 'khrungs kyang // chags pa'i skyon bral dbang mdzad a mr-i ta// zhi ba'i las ni bsod gsod pa'i yang 'dug nams mchog tu mkhyen// zla ltar yon tan cha shas mthar phyin sku// gdung ba'i nad sel 'jig rten sgrol mdzad cing // gdan mchog thams cad stobs mdzad so'u mya ma// dbyig pas 'tshog pa 'dra bar gzhal med mkhyen// thabs kyis ma rmongs ljang gu phrin las mdog/ nan dbang drag shul mchog gi dbyug to rnams// dregs byed spyi nas 'joms mdzad daN+Da daM// log par blta ba 'jigs byed spyan gyis mchog/ skye ba 'phrog byed skye rgyun khrag mtsho gsol// las mdzad chags tshul gser gyi sked chings can// drag mo rngam tshul glog phreng rak+Sha sI// phreng ba rgyan gyi nang na mchog tu mdzes// snying rje'i rgyun skud ba su'i zhags pa yis// chags med zhing du khams gsum sgrol mdzad ma// thugs rje'i rgyun gyis sgrol mdzad b+hak+Sha sI// tshogs pa'i dbyig pas mchod pa mchog tu mkhyen// gtum pos bdug pa ma lus 'joms mdzad cing // yon tan mi zad nor gyi gter 'dzin ma// stong gsum nor gyis rgyas mdzad ra ti ma// ra ro 'dra ba'i dpa' bo gzhan med mkhyen// chos rnams gnyis med don rtogs rtag tu myos// nyon mongs tha ba rlog pa'i gshol bsnams shing // dge ba'i log rtog skyed pa'i ru d+hi re mat+ta// brtan

  527. 264a

    pas gzhan rnams pham byed dpa' ba'i mchog/ ma lus gsod byed las la 'jug byed cing // bsnyengs pa mi mnga' 'gro don gcig pur spyod// gsod byed bral mdzad e ka tsa ri NI// bud med tshul chags 'gro ba dbang du sdud// thams cad ma lus 'gugs byed dga' ba'i mchog/ 'dod lha'i mda' 'phen srid gsum yid 'phrog cing // thugs rjes zhen pa'i ma no ha ra ma// khrag las zas gzhan med par rtogs mkhyen cing // don rnams dbang du bsgyur nas rbod gtong can// mi zad gter ldan nor gyi bum pa 'dzin// sdug bsngal re skong mthar thug sid+d+hi kA// reg bya'i sems ma rlung gi khams te mchog/ srid gsum dbugs kyi srog 'byin tshe 'phel ma// bde gshegs las rgyud sems can sgrol mdzad cing // khams gsum gnas nas skyod mdzad bA ya bI// snyigs ma lnga ldan lnga brgya'i mtha' ma la// srid gsum 'khor ba'i sems can gdul dka' ba// gsad pa nyi tshe'i las kyi gdul bar mdzad// sdug bsngal dbyings su gsod mdzad mA ra Na// gzi brjid can ni me yi khams te mchog/ 'bar ba mchog gis gdug pa ma lus bsreg/ za byed bskal pa dus mtha'i tshul ston pa// lhag mthong ye shes 'bar 'phro ag na yi// mche ba dag pas skye bzhi rtsad gcod zhugs// nyon mongs tha ba rlog pa phag gi dbu// log pa'i

  528. 264b

    phyogs rnams srid gsum stobs kyis spor// skye ba'i rtsad gcod za byed pa ra hi// 'chi bdag thams cad gnas nas ma smos mkhyen// thams cad gsod byed dam nyams 'chi bdag mdzad// dam tshig srung ba'i 'chi bdag bzlog mdzad cing // lung gi dur khrod dbang mdzad tsa muN+Di// 'jigs las lhag pa'i bgegs ni gzhan med mkhyen// stong phrag brgyad cu'i bgegs la dbang mdzad cing // sna chen glang sna bdud rtsi gi haM thogs// sdug bsngal nad sos mdzad pa'i su ta na// chu las lhag pa'i zas ni gzhan med mkhyen// nor gyi tshogs rnams ma lus 'phrog mdzad cing // gdug pa 'dul phyir dug snod sbrul zhags bsnams// zhi gnas ting 'dzin dbang sdud wa ru Ni// 'gro ba'i don mdzad mi 'gyur sku mdog gnag/ srid gsum 'joms mdzad tri shUl gdengs pa bsnams// thugs rjes shugs kyis 'dren mdzad lcags kyu bsnams// 'khor ba zugs rje shar mdzad ka lI ma// chags pa'i tshul gyis don mdzad ra mgo can// byams pa'i zhags pas 'khor ba'i rgyud 'dzin cing // gang la cis 'dul de la der ston pa'i// yon tan tshogs rdzogs re skong tsa ka lI// ston pa'i bka' dang rang gi dam bcas gnyis// mi 'da' ma grub bar du brtan par bzhugs// dam tshig sgog gis sems can sgrol mdzad cing // ma rig nub mdzad kum+b+ha kar+Na

  529. 265a

    ma// sku gsung yon tan phrin las mtha' klas pa// stong pa'i sgras bskul 'gro ba'i rgyud la 'bebs// so so'i skad du chos kyi sgra sgrogs shing // bag chags byang mdzad lam+bo da ra ma// mtshan dang dpe byad gnyis las 'phro// mgyogs pa mgyogs ma'i pho nya ste// rngam pa gtum pa'i gzugs can ni// dra ba mo dang glog 'gyur grags// chos nyid zhags pas mtshan ma dbyings su sdud// ye shes thugs rjes 'brel pas kun la khyab// phrin las dra bas 'gro ba rlabs kyis sgrol// de phyir lha mo rin chen dra ba mo// oM badz+ra dz+wa la badz+ra hUM/ ye shes glog 'grus mtshan ma dbyings su gcod// skad cig thugs rjes 'khor ba dbye bsal med// phrin las glog 'grus 'gro ba yid kyis sgrol// dra bas bsdus la glog 'gyu ma yis 'dren// badz+ra a mo ka hUM/ 'od zer dud kha 'phro ba ni// hUM dang phaT kyi sgra sgrogs shing // bskal pa'i 'brug sgra chen po bzhin// kun kyang mgyogs pa'i rlung dang mtshungs// mig gsum po la lcags sder can// mgo gsum po la rkang gsum po// mAngs za zhing bdud khyim 'joms// bltas pas bdud rnams 'jigs par byed// klu yi gnas kyang nges par 'joms// 'di rnams khro bo'i pho nya ste// ha ha ru lu'i sgra sgrogs shing // gang gi rlung phyogs song ba'i tshe// khro bo thams cad nges par 'chi// na mo bi tsa ra b+h+yo/ ha ha ru lu b+h+yo//

  530. 265b

    mgo brgyad po la lag brgyad po// rkang pa brgyad la mig kyang brgyad/ lag pa brgyad ni rdo rje 'dzin// rta mgrin gnas ni nges par 'joms// rkang pa drug la mgo drug po// lag pa drug ni rgyud drug gcod// g.yon pa drug ni gtor ma 'dzin// g.yas pa gsum ni phur bu 'dzin// gang nas gang du 'gro ba'i tshe// bdag gi rkang pa phur pa yin// rkang pa lcags phur rab tu grags// 'od zer dud khas reg pas ni// tshangs pa'i gnas kyang nges par 'joms// lag pa g.yon pa bskyod pas ni// phra men 'khor bcas ral pa gsig/ lcags kyi dgra sta rab thogs shing // zhing chen yan lag 'dzin pa 'phro// byang gi phyogs nas 'byung ba ni// lcags kyi khyi ste rkang gsum po// lcags kyi lus la nyi ma'i mig/ spu ni lcags kyu bsregs pa 'dra// sgra ni 'brug pas rab tu che// bang ni glog pas rab tu mgyogs// rab tu mi bsrun 'di dag ni// phyag na rdo rje'i mthu yang 'phrog/ mgo dgu po la rkang gcig po// lus nag po la 'od phung can// ral pa gnag cing mche ba gnag/ mig kyang gnag cing ral pa gnag/ mgyogs pa rlung gis bskyod du med// 'di dag pho nya'i mchog yin te// zhums pa med cing stobs chen 'joms// pha rol rnam shes nges par 'jig/ rkang gcig 'di dag pho nya yang // kha dog 'bar ba ci 'dra ste// gcig la gcig ni rab

  531. 266a

    tu 'khril// yang na lag pa bgrang ste 'gro// mig kyang med de cang mi smra// long ba kun gyi mchog yin te// rta babs dag gi sgor bsgoms te// lan 'ga' drag tu mngags na ni// gnyi ga song rtse der phyin nas// gang la dmigs pa len par byed// sus kyang bzlog par mi 'gyur ro// pho nya de rnams sems kyi khyad par las byung ste// skul byed mas ni gzhan 'debs shing // mgyogs pa'i lam ni phyin par 'gro/ lhag gtul ma sring bu mo chung ma bzhin// phyi khro nang tshul byams phyir phra men no// de la pho nya bzhi ste thugs dam bskul// kun tu khyab dang 'jal ba nges tshig go/ thugs dam bskul ba bsnyen pa las bzhi po// ting 'dzin sprul pa las dang rnam shes g.yo// rtsal dang rtsal chen mi rta ci bzhin no// khyab pa kun rdzob khyab pa don dam gnyis// lus la gnyen po dkyil 'khor rang bzhin khro// lus la rang bzhin dngos po med pa gcod// khyab pa chos nyid khyab pa za byed na// don dam mkha' la nyi shar gsal stong khyab// gsod pa'i las ni grub pa yin// so so yid 'phrog bsgrub pa yis// 'phrog ces 'byung ba de ltar bya// phra men zhes bya'i nges tshig ni// don dam rang bzhin byin rlabs rtags dang sprul// brtul ba yin te rnam pa drug tu bshad// don ni dbyings dang ye shes gnyis med tshul// gser dngul bsres pa'i sba

  532. 266b

    brjid ji bzhin du// byin rlabs byams dang snying rje gnyis snang ba// nyi 'od dro dang bsreg pa lta bu'i tshul// gnyis las byung phyir rang bzhin sha rus te// phyi rol gdug za nang tshul byams pa yin// rtags ni zhi drag gnyis kyi don mdzad pa// sha za'i mgo bcad mi yi thod tu btags// sprul pa'i las dang thugs dam 'brel bas na// de 'dra'i rdzu 'phrul sgyu 'dra 'phrul la snang // nges tshig ye shes pho nyas dbyings la 'jug/ so sor rang bzhin dngos po nyams don 'jal zhes bya'o// brlang po'i las mdzad khro tshul rngam pa 'di// bcom ldan dgongs pa'i mdzad spyod mi rtogs pa'i// rmongs pas dpyad na bdag gi dgra bo zhes// don nor zher 'debs sgro skur dbye bar byed// mi'i tsam bshad log lta nyes sgribs par spangs// dgongs pa'i mdzad spyod grol bas dngos grub rgyu// lung dang rig pa gtan tshigs kun dang 'brel// bka' dang bstun te dbye gsal 'di brtsams pa// bdag 'dra dman pas dbye bar mi 'os kyang // sA lu'i 'phrod bzhin du ni sgron snang bas// rmongs pa'i mun sel 'gro ba'i don byas pas// bshes mchog dus gsum 'gro ba ma lus rnams// skyon brjod nyes pa'i zer gyis mi 'bog cing // nyon mongs smad pa grub pa'i rgyud rtogs pas// bstan pa rgyud kyi don la 'jug gyur cig/ gnyis med 'bras bu bla

  533. 267a

    med 'grub par shog/ lung thams cad kyi rgyal po/ man ngag thams cad kyi rtsa ba/ rigs 'os bshad 'thad gtan tshigs thams cad kyi tshad ma'i 'brel ba/ lha rgyud kyi rtog pa chen po rdzogs so// // @#// rgya gar skad du/ ma hA ka ru NA ba liSh+Ta mAM sa rak+ta s+thi ma hA ba li stan+ta/ bod skad du/ thugs rje chen po'i gtor ma dang / sha khrag rus pa'i gtor rgyud chen po/ bcom ldan 'das dpal kun tu bzang po bla na med pa'i he ru ka la phyag 'tshal lo// 'di skad bdag gis shes nas bshad pa'i dus gcig na/ bcom ldan 'das dpal kun tu bzang po rang rig pa'i klong na bzhugs pa la/ de nyid kyi khyad par las/ de nyid dang gnyis su med pa'i yum des 'di skad bskul lo// ak+ka ho/ dang po skye med chos rnams yum gyi ngang // ma byung ma skyes sems nyid skye ba med// skye ba med pa'i sems nyid dag pa las// 'khor ba ngan song ye nas med pa la// brtags pas 'khrul pa'i rdzas su snang ba kun// thugs rje chen pos sbyang ba'i dus la bab// ngo mtshar che ba'i lha la phyag 'tshal bstod// ces gleng bslangs pa dang / yab kyis yum la 'di skad ces bka' stsal to// ak+Sha ho/ ma bcos yongs kyis dag pa'i zhing khams su// thams cad gnyis med rgyal ba'i sangs rgyas bzhugs// de tshe log rtog mtshan ma

  534. 267b

    ming yang med// stong pa nyid las stong pa'i rang bzhin gnas// stong nyid brtags pas stong nyid rang bzhin bde// mi skye'i chos las chos rnams thams cad 'byung // chos nyid longs spyod rgyan du gcig par byos// zhes ched du brjod do// de nas sus kyang ma brjod pa'i rang sgra tsam nyid las/ hUM oM swA AM ha lnga las/ rnam par shes pa'i tshogs kyis bsdus pa thams cad rdo rje'i rigs kyi gtor mar gyur to// gzugs kyi phung pos bsdus pa thams cad de bzhin gshegs pa'i rigs kyi gtor mar gyur to// tshor bar snang ba thams cad rin po che rigs kyi gtor mar gyur to// 'du shes kyis bsdus pa thams cad pad+ma'i rigs kyi gtor mar gyur to// 'du byed kyis bsdus pa thams cad las kyi rigs kyi gtor mar gyur to// de yang gang zhe na/ rnam par shes pa'i tshogs brgyad de/ mig gi rnam par shes pa ni/ sdug cing mdzes pas gzugs sdug pa dang / mi sdug pa dang / gnyis ka ma yin pa dang / dkar ba dang / dmar ba dang / ser ba dang / ldang ba la sogs te/ me tog sna tshogs pa'i gtor mar sprul te/ des kyang don bya ba dang / mchod pa dang / thugs dam bskul ba dang / tshim pa dang dngos grub stsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / gnyis su med pa dang / gdod nas dag pa dang /

  535. 268a

    sangs rgyas shing gtor mar gyur to// de yang byams shing thugs rje che la yongs la khyab pas gtor mar gyur to// sna'i rnam par shes pa ni/ tshims par byed pas dri zhim pa dang / mi zhim pa dang / gnyis ka ma yin pa dang / spos dang / bdug pa dang / sman gyi dri dang / zhal zas kyi dri la sogs pa spos sna tshogs kyi gtor mar sprul te/ des kyang don bya ba dang / mchod pa dang / thugs dam bskul ba dang / sgrib pa sbyong ba dang / dngos grub stsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang / rdzas su snang ba ste/ thams cad du sangs rgyas shing gtor mar gyur to// des kyang byams shing thugs rje chen pos yongs la khyab pas gtor mar gyur to// lce'i rnam par shes pa ni/ myong bar byed pas ro bro ba dang / mi bro ba dang / gnyis ka ma yin pa dang / kha ba dang / mngar ba dang / sgyur ba dang / rtsub pa dang / lan tshwa'i ro la sogs pa bshos sna tshogs kyi gtor mar sprul te/ des kyang don bya ba dang / mchod pa dang / tshim pa dang / thugs dam bskul ba dang / sgrib pa sbyong ba dang / dngos grub stsol ba la sogs pa'i rgyu dang rkyen du gyur te/ des kyang chos nyid la chos nyid rol pa dang / ye shes la ye shes rol pa dang /

  536. 268b

    gnyis su med pa dang / gdod nas dag pa dang / rdzas su snang ba dang / 'bras bu thob par byas te/ thams cad sangs rgyas shing gtor mar gyur to// des kyang byams shing thugs rje che la yongs la khyab pas gtor mar gyur to// lus kyi rnam par shes pa ni/ reg par byed pas/ 'jam pa dang / rtsub pa dang / gnyis ka ma yin pa dang / lha dang mi'i gos la sogs pa sna tshogs kyi gtor mar sprul te/ des kyang don bya ba dang / mchod pa dang / tshim pa dang / thugs dam skul ba dang / sgrib pa sbyong ba dang / dngos grub stsol pa la sogs pa'i rgyu dang rkyen du gyur te/ des kyang don gong ma bzhin du gyur to// rna ba'i rnam par shes pa ni/ thos par byed pas/ sgra snyan pa dang / mi snyan pa dang / gnyis ka ma yin pa dang / ci ltar lha dang mi'i sgra dang / rol mo dang / 'byung ba chen po las gyur pa thams cad dang / sgra sna tshogs kyi gtor mar sprul te/ des kyang don gong ma bzhin du gyur to// kun gzhi rnam par shes pas las sogs par byed pas/ bag chags bzang po dang / ngan pa dang / gnyis ka ma yin pa dang / rjes su rgyu ba dang / dran pa dang / rtsol ba dang / shes rab rno ba la sogs pa snang ba sna tshogs kyi gtor mar sprul te/ des kyang don bya ba la sogs pa gong ma bzhin no// nyon mongs pa can gyi yid kyi rnam par shes pa ni/ rjes su rgyu bar byed pas//

  537. 269a

    tshor ba dang / snang ba dang / zos pa dang / gnas pa la sogs pa snang ba yongs su snang ba'i gtor mar sprul te/ des kyang don byas pa la sogs pa gong ma bzhin no// yid kyi rnam par shes pa ni/ gsal bar gcod pas/ lha dang mi'i gzugs la sogs pa dang / tshig dang sgra'i don thams cad shes pa dang / 'dzin pa dang / mi brjed pa dang / snod du gyur pa la sogs pa yongs su snang ba'i gtor mar sprul te/ des kyang don du bya ba dang / mchod pa dang / tshim pa dang / thugs dam bskul ba dang / sgrib pa sbyong ba dang / dngos grub stsol ba la sogs pa'i rgyu dang rkyen du gyur te/ des kyang don bya ba dang / chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang / rdzas su snang ba dang / 'bras bu thob par byed ste/ thams cad yongs su rgyas shing gtor mar gyur te/ des kyang byams shing thugs rje chen po yongs la khyab pas gtor mar gyur to// de la gzugs kyis bsdus pa ni gang zhe na/ rgyu'i gzugs bzhi dang / 'bras bu'i gzugs bcu gcig dang / lha dang mi'i gzugs la sogs pa sna tshogs te/ rgyu'i gzugs bzhi ni/ 'byung ba chen po bzhi nam mkha' spyir btang ba dang lnga ste/ nam mkha' ni shong yangs che ba dang / steng 'og med par gdal ba dang / mtha' dbus med par

  538. 269b

    khyab pa dang / phyogs ris med par khyab pa dang / thugs pa med par dpal gyi gtor mar gyur to// des kyang byams pa la sogs pa gong ma bzhin no// sa ni sa'i rang bzhin sra ba dang / rgya che ba dang / grangs mang ba dang / skye ba smin par byed pa dang / kha dog gsal ba dang / ri rab dang gling du ldan pa'i gtor mar gyur te/ des kyang don bya ba la sogs pa gong ma bzhin no// chu ni gsher ba dang / rlan pa dang / sdud par byed pa dang / gting zab pa dang / 'bab pa dang / rgya mtsho dang / gting dpag yangs pa'i gtor mar gyur te/ des kyang don bya ba la sogs pa gong ma bzhin no// me ni dro ba dang / tsha ba dang / gsal ba dang / mched pa dang / sreg pa dang / dro zhing shar ba'i gtor mar gyur te/ des kyang don bya ba la sogs pa gong ma bzhin no// rlung ni bskyod pa dang / yang ba dang / 'degs pa dang / bsil ba dang / 'byed pa dang / khyab pa dang / 'thor ba'i gtor mar gyur te/ des kyang don bya ba la sogs pa gong ma bzhin no// des bskyed pa'i 'bras bu'i gzugs ni/ yul lnga dbang po lnga dang / rnam par rig pa ma yin pa la sogs pa thams cad gsal ba dang / snang ba dang / ldan pa dang / brtan pa dang / dngos su snang ba'i gtor mar gyur te/ des kyang don bya ba la sogs pa gong ma bzhin no// tshor bas bsdus pa gang zhe na/ bde ba dang /

  539. 270a

    sdug bsngal ba dang / gnyis ka ma yin pa ste/ de dag kyang rgyu 'bras khyad par gyi gtor mar gyur te/ des kyang don bya ba la sogs pa gong ma bzhin no// 'du shes kyis bsdus pa gang zhe na/ rgya che ba dang / chung ngu dang / tshad med pa ste/ de dag kyang kun la khyab pa'i gtor mar gyur te/ des kyang don bya ba la sogs pa gong ma bzhin no// 'du byed kyis bsdus pa gang zhe na/ lnga bcu rtsa gcig ste/ de dag kyang khams gsum khyab pa'i gtor mar gyur to// des kyang don bya ba dang / mchod pa dang / tshim pa dang / thugs dam skul ba dang / sgrib pa sbyong ba dang / dngos grub stsol ba la sogs pa'i rgyu dang rkyen du gyur te// des kyang chos nyid la chos nyid rol pa dang / ye shes la ye shes rol pa dang / gnyis su med pa dang / gdod nas dag pa dang / rdzas su snang ba dang / 'bras bu thob par byed de/ thams cad du sangs rgyas shing gtor mar gyur to// de yang byams shing thugs rje che la/ yongs la khyab pa'i gtor ma'o// de nas chos nyid skye ba med pa'i klong ye nas gdal ba la/ rang rig ye shes rgyal po'i sku mngon du phyung bas gtor ma'o// rang rig pa'i rgyal po shar bas ma skyes pa'i yul gdal bas gtor ma'o// yab yum gnyis su med pas gleng bslangs pas/ rigs lnga'i sangs rgyas ma skyes rdzogs pa'i tshul du byung bas gtor

  540. 270b

    ma'o// rdzas kyis kun la khyab pas gtor ma'o// mtha' la thug pa med pas gtor ma'o// dbyings las bri ba med pas gtor ma'o// de tsam na yod par 'dzin pa rdzas kyi gtor mar byung ste/ de yang 'di lnga ste// gnas shing brtan pa'i dus na rtsa ba'i gtor ma ste/ rtsa ba'i bye brag rnam pa sna tshogs kyi gtor ma grangs kyis mi langs pa/ brjod kyis mi langs pa/ rtsa ba'i gtor ma sna tshogs pas stong gsum gyi stong chen po sangs rgyas kyi dgongs pa gang zhing rgyas par 'gyur ro// sgog pa dang sngo sman 'byung zhing skye ba'i dus na lo ma'i gtor ma ste/ rtsi shing nags tshal la sogs pa// myang ba'i gtor ma rnam pa sna tshogs pa yang / de bzhin du gang zhing rgyas pa'i gtor mar gyur to// gsal zhing sdug pa'i dus na me tog gi gtor ma rnam pa sna tshogs pa/ pad+ma dang ut+pal la sogs pa blta ba'i gtor ma la sogs rnam pa sna tshogs pa yang de bzhin du gyur te/ smin cing grub pa'i dus na 'bras bu'i gtor ma rnam pa sna tshogs pa sman dang / gel pa dang / 'bru la sogs pa bza' ba'i gtor ma rnam pa sna tshogs pa de yang de bzhin du gyur to// de tsam na med par 'dzin pa rnams la chos nyid kyi gtor ma rgya che ba/ zab pa gting dpag dka' ba/ mtha' dbus med pa'i snying po can gyis yongs su khyab par gyur to// de tsam na lha'i skur snang bar 'dod pa la thams

  541. 271a

    cad lha'i dkyil 'khor te/ sems dpa' dang / sems ma dang / khro bo dang / khro mo la sogs pa'i dpe byad du ldan pa'i gtor ma rnam pa sna tshogs pas gang bar gyur to// des kyang don bya ba la sogs pa gong ma bzhin no// de bzhin du ci ltar 'dod pa de bzhin du gtor mar snang bar gyur to// de nas nyid la nyid ched du gleng ngo // stong gsum stong gi 'jig rten na// rmad byung yon tan bsam mi khyab// ye shes dbyings kyi rol pa ni// dmigs pa med las dmigs par snang // zhes brjod do// de nas yum gyis ming tsam las sangs rgyas kyi sku mi phyed rdzogs pa'i tshul gyis 'byung ba 'di lta ste/ sras mchog rigs lnga'i sangs rgyas dang // sras bcas byang chub sems dpa' rnams// kun kyang lhag ma med mthong ste// gnas pa med pa'i tshul gyis 'khod// de nas snod kun tu bzang mo'i gtor mar gyur pa las/ nam mkha' kun tu bzang mos yangs shing rgya che ba'i gtor mar byin gyis brlabs pa/ e mkha' klong rang bzhin mtha' dbus g.yo ba med// kun la khyab pas thugs rje 'byung ba'i yum// yangs dog/ med pa mkha' klong chen po ru// gdod nas dag pa'i gtor gzhong chen por gyur// e ba li ta/ zhes bya ba'i sgra phyogs bcu thams cad du grags so// grags ma thag tu cis kyang mi 'gyur ba'i dbyings kyi gtor

  542. 271b

    mar shar/ de nas snod dam tshig sgrol ma yang zhing g.yo ba'i gtor mar byin gyis brlabs pa/ yaM ci ltar g.yo ba rlung gi rang bzhin la// sprul pa'i phrin las cir yang 'gyur// phrin las yum gyi mkha' klong dag pa ru// gdod nas dag pa'i gtor gzhong chen por gyur// yaM ba li ta/ zhes bya ba'i sgra phyogs thams cad du grags so// grags ma thag tu cis kyang mi tshugs pa'i dbyings kyi gtor mar shar ro// de nas snod mA ma kir gyur pa las/ chu mA ma ki brlan zhing sdud pa'i gtor mar byin gyis brlabs pa// mAM brlan zhing sdud pa chu yi rang bzhin la// che ba'i yon tan thugs rje cir yang 'byung // yon tan yum gyi mkha' klong dag pa ru// gdod nas dag pa'i gtor gzhong chen por gyur// mAM ba li ta/ zhes bya ba'i sgra ma brjod par phyogs bcu thams cad du grags so// grags ma thag tu cis kyang mi brjod pa'i dbyings kyi gtor mar shar ro// de nas snod sangs rgyas spyan du gyur pa las/ sangs rgyas spyan sra zhing 'degs pa'i gtor mar byin gyis brlabs pa/ laM sra zhing 'degs pa sa yi rang bzhin la// thugs rje'i cho 'phrul sna tshogs cir yang ston// thugs rje yum gyi mkha' klong dag pa na// gdod nas dag pa'i gtor gzhong chen por gyur// laM ba li ta/ zhes bya ba'i sgra ma brjod par phyogs bcu thams cad du grags so// grags ma thag tu cis

  543. 272a

    kyang mi 'gyur ba'i dbyings kyi gtor mar shar ro// de nas snod gos dkar mor gyur pa las/ me gos dkar mos tsha zhing sreg pa'i gtor mar byin gyis brlabs pa/ raM tsha zhing sreg pa me yi rang bzhin la// yongs su snyoms pa'i thugs rje cir yang 'byung // gsung mchog yum gyi mkha' klong dag pa ru// gdod ma dag pa'i gtor gzhong chen por gyur// raM ba li ta/ zhes bya ba'i sgra ma brjod par phyogs bcu thams cad drags so// grags ma thag tu cis kyang mi 'gyur ba'i dbyings kyi gtor mar shar ro// de nas snod b+h+rUM las rin po che'i gzhal yas khang du gyur pa las/ phyogs bcu'i sangs rgyas thams cad bzhugs pa'i gtor mar byin gyis brlabs pa/ b+h+rUM gzhal yas phyogs bzhi mtha' dbus med pa yi// rig pa'i cho 'phrul sna tshogs cir yang ston// dus gsum rgyal ba bzhugs pa'i mkha' klong du// gdod nas dag pa'i gtor gzhong chen por gyur// b+h+rUM ba li ta ba la/ zhes bya ba'i sgra ma brjod par phyogs thams cad du grags so// grags ma thag tu yangs dog med pa'i dbyings kyi gtor mar shar ro// de nas tsakrar gyur pa las/ phyogs bcu'i sangs rgyas thams cad kyi dkyil 'khor gtor mar byin gyis brlabs pas/ rtsa 'khor lo rtsibs bzhi mu khyud dang bcas pa'i// gru chad bzhi dang bar khyams sgo bzhir ldan// sras dang

  544. 272b

    'khor bcas bzhugs pa'i mkha' klong du// gdod nas dag pa'i gtor gzhong chen por gyur// hUM ba li ta tsakra/ ces bya ba'i sgra sus kyang ma brjod par phyogs bcu thams cad kun tu grags so// grags ma thag tu bar chad med pa dbyings kyi gtor mar shar ro// de ni thams cad bskyed cing 'byung ba'i gtor ma'o// de ni thams cad du gnas shing longs spyod pa'i gtor ma'o// de ni thams cad du mi gnas shing mthar phyin pa'i gtor ma'o// da ni snod kyi gtor gzhong du bcud kyi mgron gshegs pa 'di lta ste// yid byed pa po thams cad ni kun tu bzang po'i sku mtshan dang dpe byad du ldan pa dang / chos bya ba mo thams cad ni kun tu bzang mo'i sku mtshan dang dpe byad du ldan pa dang / byung yang byung / ma byung yang ma byung / yod kyang yod/ med kyang med/ snang yang snang / mi snang yang mi snang / gsal yang gsal/ mi gsal yang mi gsal/ grub kyang grub/ ma grub kyang ma grub/ yin kyang yin/ min kyang min/ spyan drangs kyang drangs/ ma drangs kyang ma drangs/ byon kyang byon/ ma byon kyang ma byon/ bzhugs kyang bzhugs/ mi bzhugs kyang mi bzhugs// de lta bu'i sku bgrang du yod kyang yod/ med kyang med pa'i gtor ma'i mgron du gyur to// de bzhin du rigs lnga dang / yum lnga dang / sems dpa' dang / sems ma dang / sgo ba dang / sgo ma dang / khro bo

  545. 273a

    dang / khro mo dang / don mdzad pa'i thub pa la sogs pa sku mtshan dang dpe byad du ldan pa byung yang byung / ma byung yang ma byung ba gtor ma'i mgron du gyur to// de dag kun kyang sku mdog phyag mtshan la grangs su gzung du yang rung / mi gzung du yang rung / de lta bu'i mgron rnams til 'bru mar gyis khyab pa bzhin du gang nas kyang khyab par 'khod do// de nas gtor ma'i mgron de dag la mchod cing bstod pa ni sus kyang bskyed pa med par sa gzhi de dag las/ phyi pa ltar ni me tog rnam pa sna tshogs pa dang / pad+ma dang / ut+pal dang / ban+d+ha dzi ba ka la sogs pa gong ma lta bu'i gtor gzhong las rang skyes so// de la rtog ge pa rnams da lta me tog gi dus so zhes 'dogs so// nang pa ltar me tog ge sar re re la me tog lha mo grangs brjod kyis mi langs pa'i yang brjod kyis mi langs par gyur nas/ rgyal ba'i dkyil 'khor de dag la mchod pa dang / don bya ba dang / don byas pa la sogs pa gtor ma'i longs spyod rgyun mi 'chad par mdzad do// de la dmigs par 'dzin pa rnams kyis me tog gi lha mo zhes ming dang mtshan du btags so// gsang ba bla na med pa ltar na/ de yang gnyis su med de/ rol pa mdzad spyod tha mi dad dbyer med pa'i rol pa gtor mar longs spyod par gyur to// de bzhin du spos dang / de bzhin du mar me dang / de

  546. 273b

    bzhin du byug pa dang / de bzhin du gzugs dang / de bzhin du sgra dang / de bzhin du dri dang / de bzhin du ro dang / de bzhin du reg dang / de bzhin du chos la sogs pa phyi 'dus byas su snang ba ste/ rdzas kyi mchod pa rang rgyud la gnas so// nang 'dul ma byas te/ lha'i ting nge 'dzin la gnas pa'o// gsang ba gnyis su med pa ste/ rol pa chen po'i mdzad spyod du gnas pa'o// de lta bu'i gtor ma rdzogs pa la phyi nang snod bcud dang ldan no// rang gi rig pa la 'du 'bral med par gnas so// don la spyod pa chen po'i lhun la dus gsum dang / snga phyi dang / che chung dang / mtho dman dang / phyogs ris dang / bde sdug med par thugs rje chen po'i gtor mar longs spyod du rol lo// de bzhin du ye nas sus kyang ma byas pas rang rgyud kyi gtor mar yod do// de ni sus kyang ma byas pas yod par yang med do// de ni rang rig pas med par yang 'byung ngo // de ni shes pas byung tsam na longs spyod do// de ni longs spyod tsam na bde ba'i ro rgyun mi 'chad pa bltar ro// de lta bu'i don sus thos pas gtor ma thams cad kyi 'byung khungs shes pa'o// de nas sangs rgyas thams cad kyi bdag po dang / sangs rgyas thams cad kyis mgrin gcig tu 'di skad ces gleng ma bslangs par langs so// hUM rnal ma snod kyi gtor ma yin pa la// bcud kyi dkyil

  547. 274a

    'khor gsal ba snang ba'i sku// 'byor pa'i longs ni rang la rang bzhin 'char// 'du 'bral med pa'i mchod pa rgyan med kyis// rgyal ba sras dang bcas pa thams cad du// rnal 'byor gsang ba'i mchod pa rgyun med mdzad// ye nas yin pas nam yang 'bral ba med// gtor ma'i rang bzhin rgyal bas brjod mi langs// thams cad gnyis su med par longs spyod phyir// mnyam nyid rgyal ba'i thugs la gzung bar bya'o// zhes mgrin gcig tu ma gsungs par gleng bslang ngo // des blo tha mal pa ni/ rgyu bsod nams kyi tshogs dang / 'bras bu ye shes kyi tshogs mthar phyin pa zer ro// de blo tha mal pa la phal cher rnams ni rig pa dang rtog pa ces zer te// de la blo tha mal pa chen po rnams ni/ ye nas de ltar dbyer med ces zer ro// gtor rgyud chen po las/ gleng gzhi'i le'u ste dang po'o// // de nas bcom ldan 'das dpal kun tu bzang po'i klong rum nas/ rdo rje sems dpa' byung ngo // rdo rje sems dpa' kun tu bzang po'i mdun na bka' nod pa las/ kun tu bzang pos bka' stsal pa// ma rig ling tog bsal ba dang // ser sna sbyin par bya ba dang // snod chos nyid du bsgyur ba dang / bcud lha'i zhal zas su bya ba dang / 'khor ba rnam par dag pa'i klong du bslang ba'i slad du/ lus dang sems gtor ma'i rgyu dang rkyen du

  548. 274b

    sbrul cig/ ces bka' bsgo ba dang / de nas rdo rje sems dpas lus rdul snyed du sprul nas gtor ma'i rgyu 'byung ba 'di lta ste/ sa dang chu dang me dang rlung rdo rje sems dpa'i lus sprul pa/ 'di yar gtor ma'i rgyu yin no// 'dod khams gzugs khams gzugs med khams// de yang rdo rje sems dpa'i lus// skye bzhi 'gro drug khams lnga yang // de yang rdo rje sems dpa'i lus// gtor ma'i rgyu ru rab tu bshad// ri rab gling bzhi mtha' bskor ba// nyi zla gza' skar de bzhin no// de na skye ba'i rdzas rnams kyang // rdo rje sems dpa'i lus yin pas// ming gis med du mi rung ngo // mkhas pas de dag rdzas shes bya// gtor ma'i snod kyang rdo rje sems// gtor ma'i rgyu yang rdo rje sems// gtor ma'i mgron yang rdo rje sems// de nas rdo rje sems dpa'i lus gtor ma'i rgyu ru gyur te/ phyi snod kyi 'jig rten gleng bzhi gling phran dang bcas pa/ grangs bye ba ther 'bum du gtor ma'i snod du gyur to// 'dzam bu'i gling gtor snod kyi nang du/ gtor ma'i rgyu me tog rnam pa sna tshogs pa/ g.ya' ri dang / gangs ri dang / dma' ba dang / nags dang / 'dam dang / mtsho la sogs pa rnams la rdo rje sems dpa'i lus kha dog gsal ba rnam pa sna tshogs pa rang las rang skyes nas gtor ma'i rgyur mchod ma rag par gnas so// de lta bu'i gtor snod na/ 'bru rnam pa sna

  549. 275a

    tshogs pa/ shing dang rtsa dang zhing la sogs rnams la/ rang la rang skyes nas gtor ma'i rgyur mchod ma rag par smin to// de lta bu'i gtor snod na/ sman rnam pa sna tshogs pa/ rtsa ba dang shun lpags dang lo ma dang / 'bras bu thang chu dang khu ba dang / ra sA ya na sna tshogs pa rang la rang skyes nas gtor ma'i rgyur mchod ma rag par dri bro'o// de nas yang rdo rje sems dpa'i lus las rdo rje sems dpa'i gtor ma'i snod du gyur pa'i nang na/ rin po che rnam pa sna tshogs pa ste/ gling dang bye mar brdal ba/ bzhu ba dang / brdung ba dang / skyes pa la sogs pa kha dog rnam pa sna tshogs par rang las rang skyes nas gtor ma'i rgyur mchod ma rag par gnas so// de lta bu'i gtor snod na// sgra rnam par sna tshogs pa rang rgyud kyis grags pa dang / lha dang mis byas pa dang / rtsol ba dang / thabs las byung ba gzugs dang dbyibs su yod pa dang / med pa rnam pa sna tshogs par rang la rang skyes nas/ gtor ma'i rgyur mchod ma rag par grags so// de lta bu'i gtor snod kyi nang na/ chu bo dang / chu bran dang / sman chu dang / mtsho dang / char pa dang / 'og chu dang / bdud rtsi'i chu dang / 'bab chu la sogs pa rang la rang skyes nas/ gtor ma'i rgyur mchod ma rag par gnas so// de lta bu'i gtor snod na/ nyi 'od dang / zla 'od dang / rin po che'i 'od dang / 'od

  550. 275b

    'dom gang ba dang / 'bru mar gyi me dang / gtsub shing gi me dang / 'byung ba'i me dang / me tha mal pa la sogs pa rang la rang skyes nas/ gtor ma'i rgyur mchod ma rag par 'bar ro// de lta bu'i gtor snod na// tsan+dan dang / thang chu la sogs pa thams cad spos rnam pa sna tshogs pa rang la rang skyes nas/ gtor ma'i rgyur mchod ma rag par gnas so// de lta bu'i gtor snod na/ bshos rnam pa sna tshogs pa dang / rang rgyud kyi gnas dang / bsod nams kyi spyod pa dang / lha dang mi'i sbyor ba'i gtor ma'i rgyur mchod ma rag par grangs so// de lta bu'i gtor snod na/ lha'i na bza' dang / rgyu las byung ba dang / ma byung ba dang / lha dang mis byas pa la sogs gtor ma'i rgyur mchod ma rag par g.yogs so// de la rtog ge pa'i tha mal pa la sogs pa rnams ni/ rdo rje sems dpa' zhes bya ba'i don dka' zhing mi rig nas/ phyi snod kyi 'jig rten na ci yang skye zhes 'dogs so// de ltar 'byung ba yang de nyid kyi don du 'byung ngo // de nas gtor gzhong dang gtor rdzas su snang ba'i gnas de na/ spyi mthun gyi las las/ skye 'gro bsam gyis mi khyab na yang / rigs drug gcig tu thugs rje chen po'i gtor mas bzung ma rag par zhes so 'khod do// de la ni rtog ge rnams kyis sngon gyi bskal pa dang po zhes 'dogs so// de nas yang rdo rje sems dpa'i lus sangs rgyas

  551. 276a

    kyi zhing rdul gcig gi steng na rdul snyed du sprul nas/ de'i nang na yang thub pa'i skyes bu drug tu sprul te/ lha'i rigs su gtogs pa'i gnas na/ lha'i dbang po brgya byin lta bu gcig tu sprul te/ lha'i rigs su gtogs pa bsdus te/ rin po che'i gtor gzhong na/ lha'i zhal zas ro mchog brgya dang ldan pa gtor mar bshams nas/ lha ci snyed yod pa'i sangs rgyas de snyed cig spyan drangs nas/ de la mchod pa 'bul ba dang / don bya ba dang / thugs dam bskul zhing sangs rgyas par byed do// mi'i gnas su dge sbyong go'u ta ma lta bur sprul nas/ mi'i rigs su gtogs pa rnams bsdus nas/ sa gzhi'i gtor gzhong du rin po che dang / sa dang rdo dang shing la sogs pa'i gtor gzhong na/ mi'i zhal zas sna tshogs pa gtor mar bshams nas/ mi ji snyed yod pa'i sangs rgyas spyan drangs nas/ yang gong ma bzhin du sangs rgyas ra byed do// byol song gi gnas na seng ge rab brtan lta bu gcig tu sprul nas/ byol song gi rigs su gtogs pa rnams bsdus nas/ sa gzhi'i gtor gzhong du rtsa mchog sna tshogs kyi gtor mar bshams nas/ byol song ci snyed pa'i sangs rgyas spyan drangs nas/ yang gong ma bzhin du sangs rgyas par byed do// yi dwags kyi gnas na kha 'bar lta bur sprul nas/ 'byung ba'i gtor gzhong du chags pa sel ba'i gtor

  552. 276b

    mar bshams nas/ yang gong ma bzhin du sangs rgyas par byed do// dmyal ba'i gnas su gshin rje chos kyi rgyal po lta bu gcig tu sprul nas/ rdo rje kha 'bar ma'i gtor gzhong du/ nyon mongs pa sel ba'i gtor mar bshams nas/ dmyal ba ji snyed yod pa'i sangs rgyas de snyed spyan drangs nas/ de la mchod pa 'bul ba dang / don bya ba dang / thugs dam bskul zhing sangs rgyas par byed do// de la gang zag ma rtogs pa dag/ nang bcud kyi sems can la ci yang byed do zhes rtog go/ de tsam na rdo rje sems dpa'i thugs rjes phyi snod kyi 'jig rten gtor gzhong du byung ba ni/ chos kyi dbyings skye ba med pa'i gzhal yas khang du byin gyis brlabs so// de las skyes pa'i rdzas gtor ma'i rang bzhin ni/ 'dod pa'i yon tan rnam pa lnga chos nyid dag pa'i longs spyod du byin gyis brlabs so// de na gnas pa'i nang bcud kyi 'gro ba sems can rnams lha'i dkyil 'khor du byin gyis brlabs so// de nas gnyis su med pa'i longs spyod bde ba chen po rgyun chad med par mdzad tsam na/ bya rgod phung po'i ri la sogs pa rnams ni/ gang zag phyin ci log tshogs rnams ston pa'i chos sgra sgrogs pa ni ci ltar yin cha yang med ces zer to// gtor rgyud chen po las/ rdo rje sems dpas lus gtor mar sprul pa'i le'u ste gnyis pa'o// // de nas rdo rje sems

  553. 277a

    dpas gang zag phyin ci log thugs rjes gzung ba'i phyir/ gtor ma byin gyis brlabs pa'i sngags dang phyag rgya'i ting nge 'dzin la snyoms par zhugs so// zhugs ma zag tu gtor gzhong byin gyis brlabs pa'i sngags dang phyag rgya 'di gsungs so// lag pa thal mo sbyar la snod la gtugs la/ oM rat+na bi shud+d+he kha ta li bi b+h+rUM zhes brjod pas/ phyi ltar gtor gzhong rin po che sna tshogs las grub pa'i gzhal yas khang / rgya khyon dpag tu med par dmigs la/ nang ltar chos nyid kyi dbyings mtha' dang dbus med pa'i pho brang du lhun gyis grub par dmigs la/ gsang ba ltar yum gyi mkha' klong rnam par dag pa'i b+ha g.yangs pa'i pho brang du dmigs la gtor gzhong byin gyis brlabs so// de nas yang gtor ma'i rdzas la bshos rnam pa sna tshogs par byin gyis rlabs pa'i sngags dang phyag rgya 'di gsungs so// lag pa thal mo de nyid las mdzub mo yid tsam bkug la/ oM ke'u shi shud+d+ho yaM raM swA hA/ zhes brjod pas/ phyi ltar lha'i zhal zas ro mchog brgya dang ldan pa lhun nam mkha'i gtos su dmigs la/ nang ltar 'dod pa'i yon tan longs spyod lngar dmigs la/ gsang ba ltar gnyis su med pa'i lha la lha thim par dmigs la zhal zas byin gyis brlabs so// de nas yang gtor ma'i rdzas 'bru dang me tog rnam pa sna tshogs pa byin gyis

  554. 277b

    brlabs pa'i sngags dang phyag rgya 'di gsungs so// lag pa de nyid thal mo sbyar la/ oM sta ma la su ye swA hA/ phyi ltar 'bru dang me tog gis gang zhing rgyas par dmigs la/ nang ltar des gang khyab par 'bru dang me tog la sogs pa thogs pa'i lha mos gang zhing khyab par dmigs la/ gsang ba ltar sdug cing mdzes pa'i lha mo rnams pho la thim/ pho rnams mo la thim pa gong ma bzhin dmigs pa ni/ 'bru dang me tog byin gyis brlabs pa'o// de nas btung ba rnam pa sna tshogs pa byin gyis rlabs pa'i sngags dang phyag rgya 'di gsungs so// thal mo de nyid las/ gung mo phyir bsgreng ba gcu thabs byas la/ oM A hA ra Na s+pha ra Na a mr-i ta g+ha yA swA hA/ zhes brjod pas/ phyi ltar bdud rtsi'i chu rgyun rgya mtsho dang chu bor dmigs la/ nang ltar dri'i lha mo bsam gyis mi khyab par dmigs la skud pa dang 'byug par dmigs la/ gsang ba ltar lha rnams gnyis su med pa lhag pa'i byang chub sems dgyes pa'i ros bstar ba dmigs la/ btung ba rnams byin gyis brlabs so// de nas gtor ma lha'i dkyil 'khor du byin gyis brlabs pa 'di gsungs so// lus ngag yid gsum pa'i phyag rgya 'di bcas la/ ak+Sha/ tha Tha ta Ta da Da d+ha D+ha na Na/ ka kha ga g+ha/ pa pha ba b+ha/ tsa tsha dza dz+ha/ 'a ya ra la/ nga nya ma o/ sha Sha sa ha/ i I/ u U/ e I/ gzhan yang rtsa ba'i snying po

  555. 278a

    brjod pas/ phyi ltar bdag dang sems can thams cad kyi phung po dang / khams dang skye mched gnas su dag par dmigs la/ nang ltar bud+d+ha bzhi bcu rtsa gnyis kyi phyag rgya'i dkyil 'khor du dmigs la/ gsang ba ltar na thabs dang shes rab gnyis su med par rol par dmigs la/ gtor ma lha'i dkyil 'khor du byin gyis brlabs pa'o// de nas gtor ma nyung ngu mang por byin dbab pa dang / chung du chen por bya ba'i sngags dang phyag rgya ni/ lag pa rin po che'i snod du byas la/ oM a b+hi s+pha ra Na hi maM g+ha g+ha na khaM/ zhes brjod pas/ che ba ri rab mang ba rgya mtsho tsam du byin gyis brlabs so// de nas gtor ma mang zhing che bar bdud rtsir byin gyis brlabs pa'i sngags dang phyag rgya ni/ lag pa de nyid las chu rgyun gyi tshul du byas la/ oM sarba pany+tsa a mr-i ta hUM/ zhes brjod pas/ btung bas mi 'chi ba/ zos pas mi ldog pa/ bas sangs rgyas par byin gyis brlabs so// de nas gtor ma bdud rtsi ci ltar 'dod par byin gyis brlabs pa'i sngags dang phyag rgya ni/ lag pa de nyid las rin po che 'bar ba ltar byas la// oM saM b+ha ra ha ra ha na ya te ye na swA hA/ zhes brjod pas// bdud rtsi so so'i yid la 'thad par byin gyis brlabs so// de nas gtor ma yid la 'dod pa de so sor khyab par dbang bskur ba'i sngags dang phyag rgya ni/ lag pa

  556. 278b

    dbang bskur gyi phyag rgya byas la/ oM ma hA shA ra s+pha ra Na badz+ra hUM/ zhes brjod pas/ yongs la khyab pas mya ngan 'das par dbang bskur zhing byin gyis brlabs so// de nas nam mkha' sngags dang yig 'brus gang bar dmigs pa ni sngags kyi gtor ma'o// de nas nam mkha' la gar dang phyag rgyas gang bar dmigs pa ni gar dang phyag rgya'i gtor ma'o// de nas nam mkha' gos dang rgyan gyis gang bar dmigs pa ni/ gos dang rgyan gyi gtor ma'o// de bzhin du 'bru dang / me tog dang / bro gar 'du 'phro dang / spos dang / byug pa dang / bza' ba dang / btung ba dang / spyad pa dang / sgra dang / skad dang / tshig dang don la sogs pa de dag gi gtor ma gong ma bzhin no// de nas rdo rje sems dpas de lta bu'i gtor ma nyid du sprul// nyid kyis don mdzad pas/ rdo rje sems dpa' mngon par sangs rgyas nas/ kun tu bzang po dang mi gnyis par tha dad pa'i ngang du bzhugs so// gtor rgyud chen po las/ gtor ma byin gyis rlabs pa'i sngags dang phyag rgya'i le'u ste gsum pa'o// // de nas rdo rje sems dpa'i thugs rje'i byin rlabs des/ 'jig rten gyi khams de dag thams cad ni/ kha cig rdo rje sems dpa' dmigs nas/ lus rdo rje slob dpon gyis bzung nas/ gtor gzhong la sogs pa 'byor pa che chung gis brdungs shing dbyibs dang rgyan mdzes

  557. 279a

    par bshams nas/ de'i nang du lnga dang mi'i longs spyod sna tshogs pa 'byor pa che chung gis stsal te/ gong ma bzhin rtogs par byas nas/ sngags dang phyag rgyas byin gyis brlabs nas gtor mar phul bas/ lus ngo bor sa thob pa sha stag kyang gnas so// phal pa kha cig ni de ltar mi spyod par gsang sngags tshig tsam la khungs phyung nas gzhan byed pa'i lad mo tsam la bltas nas gtor ma btang ste/ nges pa med pas tshe chad nas/ phyogs ris gnyis su bcad cing dam tshig las 'gal te mi srun to// des kyang don chos nyid dang mthun par mi 'gyur ro// de ltar rdo rje sems dpar sangs rgyas na yang / tshig gis sangs rgyas las don gyi sangs rgyas su ma gyur na/ rdo rje sems dpa' de yang shin tu 'gyod pa drag po skyes nas kha bub tu 'gyel to// de nas bcom ldan 'das kun tu bzang pos/ rdo rje sems dpa' brgyal ba bslang ba'i phyir/ 'di skad ces bka' stsal to// sems dpa' chen po lus mtshan dang dpe byad du ldan nas/ 'chi ba med pa'i sku thob pa dang / 'byor pa'i longs spyod thams cad gtor mar phul nas/ lha'i longs spyod dang 'bral ba med par ldan pa ni/ sangs rgyas zhes mi bya'o// sangs rgyas zhes bya ba ni/ nyon mongs pa dug gsum la 'dod chags khrag gi rgya mtsho la zad pa med pa rgya mtsho tsam zhig yod do// zhe sdang

  558. 279b

    rus la zad pa med pa ri rab tsam zhig yod do// gti mug sha la zad pa med pa ri rab spungs pa tsam zhig yod do// nyon mongs pa srog dang rtsa ba dang / dbugs phyi nang du rgyu ba la zad pa med pa rlung tsam zhig yod de/ 'di dag rang gis rang sgrol shes pa/ rang gis rang bsgral nas dus gsum du 'phags pa'i tshogs la yang mchod pa 'bul zhing thugs dam bskang / ma mo dang mkha' 'gro ji snyed yod pa la yang mchod pa dang / 'gro ba yongs la yang bsngo bar bzod pa ni yang dag pa'i sangs rgyas su 'gro zhes bka' stsal pa las/ slar rdo rje sems dpa' rgyal ba langs pa las/ phyag g.yas pas 'jam dpal ka ta ra'i shing thogs nas/ nyid kyis nyid bsgral te/ khog pa kha shag gis phyes nas/ b+h+rUM kha ta li bi hUM zhes brjod pas/ khog pa gtor ma'i gzhal yas khang du bsgyur nas/ kun tu bzang po ma skyes klong du der sal gyis gyur to// ma hA tsit+ta dz+wa raM hUM zhes brjod pas/ tsit+ta zur gsum pa gtor snod kyi nang du bcug nas ye shes dpal chen por der sangs rgyas so// badz+ra shak+ti b+han+da hUM phaT/ zhes brjod pas/ nyid kyi b+han+da dum tha gsum du bcad nas b+han+da snod gsum gyis tsit+ta'i mtha' bskor bas/ chos kyi sku skye ba med par lhag gis gyur to// de nas pa su ta'i rgyu phreng gi mtha' bskor bas thams cad du thig le chen po'i ngang du lhun gyis

  559. 280a

    grub bo// de nas srog dang dbugs thams cad yum tshe 'dzin rgyal mo'i mkha' la bsgral lo// gu h+ya gsang ba'i klong thag na ye shes sems dpa'i skur gyur to// de nas rak+ta'i rgya mtsho sbrengs pas chos nyid ma skyes pa'i klong phyogs bcur gdal lo// keng rus kyi ri rab brtsigs nas gtor mar phul bas/ mnyam pa chen po'i klong phyogs bcur gdal lo// sha'i phung po spungs te gtor mar phul bas ma bcos pa'i sku la 'gyur ba med pa'i klong phyogs bcur gdal lo// de ltar gdal bas rdo rje sems dpa' rang byung gi ye shes chen por sangs gzod rgyas nas/ kun tu bzang po yab yum dang gnyis su med pa'i klong du gyur nas 'di skad ces chos nyid bden pa'i tshig gis bstod pa phul ba/ hUM chos nyid ma bcos don nyid ma shes pas// ci ltar bsgoms pas sdug bsngal nyid du 'gyur// lta ba kun tu bzang la mthol bshags na// phung po gtor ma'i mchod pa bzhes su gsol// sems nyid gdod nas dag par ma shes pas// ci ltar brtsams pas sdug bsngal nyid du gyur// phrin las kun tu bzang la mthol bshags na// srog dbugs gtor ma'i mchod pa bzhes su gsol// thig le gra zur med par ma shes pas// ci ltar bskyed pas sdug bsngal nyid du gyur// spyod pa kun tu bzang la mthol bshags na// rnam shes gtor

  560. 280b

    ma'i mchod pa bzhes su gsol// rang byung btsal ba med par ma shes pas// ci ltar bsgrubs pas sdug bsngal nyid du gyur// dam tshig kun tu bzang la mthol bshags na// longs spyod gtor ma'i mchod pa bzhes su gsol// khog pa mi phang gtor mar brtsegs// sha ni mi phang gtor mar gtubs// rus ni mi phang gtor ma gtor// khrag ni mi phang a g+ha sbrengs// ma hA rak+ta trag sha a mr-i ta khA hi/ zhes brjod pas// kun tu bzang po'i klong mi gnyis gcig par bzhugs so// de bzhin du rnam par snang mdzad dang / rin chen 'byung ldan dang / snang ba mtha' yas dang / gdon mi za bar grub pa la sogs pa yang rdo rje sems dpa'i de bzhin du 'gyod pa skyes nas de bzhin du gtor ma phul te/ bshags shing bstod nas gzod sangs rgyas te kun tu bzang po skye ba med pa'i klong mi gnyis gcig par bzhugs so// rigs kyi yum rnams kyang de bzhin du 'gyod pa skyes nas nyid la nyid bsgral nas/ lus phul te mngon sangs rgyas so// bshags shing bstod nas kun tu bzang po skye ba med pa'i klong na mi gnyis gcig par bzhugs so// de nas byang chub sems dpa' dang sems ma dang / khro bo dang khro mo dang / thub pa la sogs pa rnams kyang / shin tu brgyal nas 'gyod pa skyes nas lus gtor mar phul nas/ nyid la nyid bsgral nas/ gzod nyid las

  561. 281a

    mi gzhan pa'i sras su skyes so// de nas sangs rgyas kyang nyid la nyid bsgral nas dug gsum gtor mar phul bas sangs rgyas/ byang chubs sems dpa' la sogs pa rnams kyang nyid la nyid bsgral nas dug gsum gtor mar phul tsam na yang gang yang de lta bur bsgral zhing bsgrub pa med do// de nas sangs rgyas rnams ni ma chags mi g.yo ma skyes pa'i ngang la bzhugs pa de/ nyid la nyid bsgral zhing / nyid kyi lus de nyid gtor mar phul nas sangs rgyas pa'i thabs mkhyen pa la/ de nas mnga' ba'i tshogs rnams kyis de nyid du rang bsgril ba'i thabs ma shes nas/ byang chub sems dpa'i tshogs rnams kyis rdo rje sesems dpa' la lus zhing gi rdul snyed du sprul nas/ phyi nang gsang ba'i mchod pas mchod nas/ 'di skad ces gsol to// bcom ldan 'das rgyal ba rdo rje 'dzin pa/ sangs rgyas thams cad gtor mar sangs rgyas pa'i don thugs su chud nas/ lus zhing gi rdul snyed du sprul nas gtor mar mdzad pas sangs rgyas pa la yang ngo mtshar che'o// de yang yang dag pa'i sangs rgyas su ma gyur nas/ shin tu bsgral nas nyid la nyid bsgral te dug gsum gtor ma chen por phul bas yang dag pa'i sangs rgyas su gyur pa ste/ de bas kyang ngo mtshar che nas/ 'jig rten mnga' ba'i tshogs kyis/ de nyid rang bsgral ba'i thabs de ma 'tshal na//

  562. 281b

    bcom ldan 'das ma thugs rje che la thabs mkhas pas lung bstan du gsol lo// bde bar gshegs pas lung bstan du gsol/ de skad ces gsol pa dang / rdo rje sems dpas bka' stsal pa/ rdo rje sems dpa' ngas kyang rang gis rang sgrol ba'i thabs de ma shes nas/ bskal pa bye ba snyed du sangs ma rgyas te/ kun tu bzang po'i dgongs pa nyag gcig po 'dis/ rang la rang bsgral te gtor mar thul bas sangs rgyas pa yin te/ de bas dma' ba'i tshogs kyis mi shes pa ni/ bdag nyid kyi don ma shes pa yin te/ bdag nyid kyi don shes par bya ba'i thabs ni 'di'o// skye med thams cad dug gsum bsgral gdod nas dag pas de dag skyon// tha snyad sgro btags nus pa'i lam// 'khrul ba'i lam btsal thob par dka'// lus sems bde ba'i don rtogs na// sangs rgyas byang chub thag mi ring // sems nyid nyag gcig don shes na// bsgral ba'i gtor mar rab tu bshad// bsgral tsam nyid nas bsgral med pa// dug gsum chos nyid gting phyin yin// des na ma gtor gang yang med// gtor tsam nyid nas gtor med pa// rang sems gdod nas yin shes te// des na ma gtor gang yang med// rtsa ba'i gtor mar ma rig na// de tshe sangs rgyas yang mi srid// 'khrul pa'i longs spyod rgyu 'bras las// de tshe phung po nyid mtshams sbyor// de

  563. 282a

    ni grangs brjod bya ba 'das// des kyang yang dag sangs mi rgya// de rnyed gtor ma mi dgos te// 'chi ba med pa'i sangs rgyas la// rtogs pa'i klong du bdag bsgral nas// tshe mi chad par mngon sangs rgyas// kun bzang bde ba'i gnas su phyin// de tshe gtor ma'i snying por bshad// ces bka' stsal pas/ lha chen po rnams mgrin gcig tu// e ma a la la 'di lta bu'i gtor ma la/ 'byor ba dang longs spyod gtor mar 'bul ba lta ci smos kyi/ srog lus dbugs kyang gtor mar 'bul lo// zhes mgrin gcig tu zer nas/ nyid la nyid bsgral te gtor ma phul lo// de nas klu rnams kyang ngo mtshar skyes nas/ nyid la nyid bsgral te gtor mar phul lo// de nas gza' skar rnams kyis kyang // nyid la nyid bsgral te gtor mar phul lo// srin po rnams kyis kyang ngo mtshar skyes nas/ nyid la nyid bsgral te gtor mar phul lo// gnod sbyin rnams kyis kyang ngo mtshar skyes nas lus srog gtor mar phul lo// ma mo rnams kyis kyang ngo mtshar skyes nas lus srog gtor mar phul lo// mi rnams kyis kyang lus srog gtor mar phul lo// byol song rnams kyis kyang lus srog gtor mar phul lo// yi dwags rnams kyis kyang lus srog gtor mar phul lo// dmyal ba rnams kyis kyang lus srog gtor mar phul lo// phyogs skyong ba rnams

  564. 282b

    kyis kyang lus srog gtor mar phul lo// der gzod gtor mas sangs ma rgyas pa gang yang med de/ kun tu bzang po bde ba chen po'i sangs rgyas su mi gnyis gcig par mtha' yas pa'i skye 'gro thams cad gyur to// gtor rgyud chen po las/ rtogs pas bdag bsgral ba'i le'u ste bzhi pa'o// // de nas rdo rje sems dpa' yab yum 'du 'bral med pa'i byang chub sems kyi gtor ma 'di rgyas par gtor ro// chos nyid kyi rgyan yab yum mtshan dang ldan pa'i mkha' klong gi gtor gzhong du/ byang chub sems kyi mu tig gtor mar sbyangs pas dus gsum 'phags pa'i tshogs thams cad spyan drangs nas/ dgyes pa chen po'i mchod sbyin gtor mar phul bas/ 'phags pa thams cad dang mtha' yas pa'i sems can thams cad gnyis su med pa'i byang chub sems kyi dngos grub dang / thabs dang shes rab 'du 'bral med pa'i dbang dam pa thob pa 'di lta ste/ hUM e ma rang byung rol pa'i sku// sgros btags mtshan ma'i spyod pa rnams// gnyis med gtor ma'i longs spyod de// yongs la khyab par gsal spros pa'i// lha yi dkyil 'khor thams cad ni// ma lus 'dus pa'i thig le che// sangs rgyas byang chub las byung ba'i// sangs rgyas nyid kyi rgyu yin pas// thams cad sangs rgyas nyid kyis mdzad// ma lus yongs kyi re skong ni// rak+ta dang

  565. 283a

    ni byang chub sems// de tshe gtor mar sbyar ba'i tshe// rgyal ba'i dkyil 'khor tshang bar 'byung // phung po khams dang skye mched kyang // dbyer med ngo bo nyid mnyam pas// thams cad rgyal ba'i gtor mar bshad// 'bar ba'i byin rlabs 'phro 'du las// zhi bar 'dod na gtum po zhi// rgyas par 'dod na zla nya bzhin// dbang ni khams gsum sgrol bar sbyor// drag pos ma rungs 'joms par byed// thim pa'i lhaltar ni rab sbyar nas// dbang po'i tshogs la dgyes par rol// oM su ra ti s+t+waM/ sa ma ya s+t+waM/ sa ma ya ho/ ma hA su kha hUM/ badz+ra pad+ma maN+Da la/ de nas rdo rje sems dpas 'khor rnams la gsang ba'i gtor ma bshad pa/ rnam par snang mdzad la sogs pa gtor ma'i rgyu dang gsang ba bshad pas nyon cig/ de yum gyi chos kyi dbyings te/ gsang ba'i gtor ma thams cad 'byung ba'i rgyu'am gnas so// de'i gsang ba'i mkha' ni/ gsang ba'i gtor snod dag pa'i gzhal yas khang gi rang bzhin no// gsang ba'i rdo rje ni yab rig pa'i ye shes te/ gtor ma de nyid kyi rgyu dang / gtor ma de nyid kyi dbye ba dang / byed pa po'i skyes bu dang / mgron yang yin/ byang chub sems kyi bdud rtsi'i chu rgyun mi chad par sbrengs par byed pas dngos grub thams cad kyi rgyu dang rkyen yang yin/ rnal 'byor pa'i mchod pa thams cad kyi rtsa ba yang yin pas/

  566. 283b

    sangs rgyas thams cad kyi dgyes pa 'jo ba'i chags pa chen po/ yi ge 'khor lo tshogs chen gyis zhes kyang de la bya ste/ sangs rgyas thams cad kyi pho brang ngo // 'di ltar rig cing rtog pa'i dus na/ skye shi'i las kyis mi 'khor zhing / sangs rgyas nyid kyi gsang ba'i gtor ma chen po'o// 'di ltar ma rig cing ma rtogs pa'i dus na/ gsang ba'i gtor ma bka' nub pas/ skye shi 'khrul pa'i sdug bsngal gyi las dang / bag chags ngan pa la sogs pa brtas pa'i dbang gis/ gzugs dngos por snang zhing 'khor ba rgyur gyur par byed do// de bas na sangs rgyas thams cad la yang gsang ba'i gtor ma 'di las gzhan mi mnga' ste// dgongs spyod zab mo 'di thugs su chud na/ gsang ba'i gtor ma dus gsum 'du 'bral med de chos sku gsang ba'i gtor ma'o// de ni rigs bzhi'i sangs rgyas/ tshig chad dam/ dus nam zhig gi tshe na don ma rtogs pa'i bka' la rtog pa'i sbyor ba sha stag byed de/ theg pa 'og ma'i spyod pa rnams kyis byas shing skur pa 'debs te/ chos gnyis su med pa ma yin te/ bka' ci snyed bshad kyang don ya char song bas so// gzung 'dzin byas pas chud zos pas/ rtsa ba bdud rtsi las gol nas mnar med par lhung ngo // gtor rgyud chen po las/ gsang ba'i gtor ma'i le'u ste lnga pa'o// // de nas rdo rje sems dpa' la sogs

  567. 284a

    pa'i sangs rgyas thams cad kyis/ ci mdzad pa'i phrin las gtor ma'i phrin las mdzad/ ci ltar sangs rgyas pa yang / gtor ma'i sgo nas sangs rgyas/ ci ltar snang zhing srid pa yang / gtor ma'i rang bzhin du byung na yang / dper na dmus long la kha dog ci bzhin pa dang 'dra ste/ gang la bstan pa de gang yin cha med pa dang 'dra bar/ sems can thams cad ci las byung ba rgyu gtor ma las byung / mtha' yas pa'i sems can thams cad rten pa gtor ma la brten/ mtha' yas pa'i sems can thams cad ci spyod pa gtor ma la spyod na/ rang rig pa'i rtsal ma shar bas/ ma rig pa'i smag ni dmus long bzhin 'thibs/ gti mug gi mun pa'i smag rum la/ zhe sdang brtas pa'i brag bcer nas/ 'dod chags zhen pa'i bse rtsi dang 'dra bar chags pas/ snang srid gtor ma'i don ma shes pas/ 'gro ba rigs drug tu skyes/ de nyid mchod pa'i rgyan du ma rtogs pas/ lam rgyud lngar 'khor te/ 'di lta ste/ a nr-i su tri pre du/ snod kyi 'jig rten gtor gzhong la/ rdzas kyi mtshan ma gtor ma la/ bcud kyi 'jig rten gtor ma'i mgron du ma rtogs pas/ zhe sdang gi me chen po 'bar ba la/ las kyi rlung dmar po'i nus pas/ snod kyi 'jig rten la gshig lngas spyo ba byas te/ gsad pa dang / bcom zhing phrog pa dang / mnan zhing gzir ba dang /

  568. 284b

    gnas nas dbyung ba dang / bza' zhing bca' ba la sogs pas/ rgyu gtor ma ni sdig pa mi dge ba ru spyod// 'bras bu sangs rgyas ni dmyal khams bco brgyad du gol ba 'di lta ste/ rdo rje'i dmyal ba dang / chad pa'i dmyal ba dang / nyams pa'i dmyal ba dang / skur ba'i dmyal ba dang / spangs pa'i dmyal ba dang / 'gyod pa'i dmyal ba dang / ma rig pa'i dmyal ba dang / nyon mongs pa'i dmyal ba dang / log pa'i dmyal ba dang / gzung ba dang 'dzin pa'i dmyal ba dang / dog pa'i dmyal ba dang / phra ba'i dmyal ba dang / rmongs pa'i dmyal ba dang / 'chal pa'i dmyal ba dang / spyod pa'i dmyal ba dang / ded pa'i dmyal ba dang / 'bros pa'i dmyal ba dang / rtag pa'i dmyal ba'o// de la rdo rje'i dmyal ba gang zhe na/ gtor ma'i don ma go bas/ 'og rdo rje'i gtan sa la/ steng rdo rje'i tho bas yud tsam yang mi 'gyangs par brdung zhing / a tsha dang a na'i sgreng yang skad 'ga' tsam yang mi thon pa sha stag myong bar gnas te/ tshe'i tshad kyang med de/ lcags kyi ri rab chen po brgyad zhig la/ bya reg 'jam gyi pags pas reg nas nam ri rab brgyad po zad pa dang thar par 'gyur zhes smos na// de ni thon cing thar par mi 'gyur ba'i tha tshig go/ de ci las byung zhe na/ rtsa ba'i gtor ma'i don ma rtogs pas/ lus dang 'dod pa dang gyen du chags pas rdo rje slob dpon

  569. 285a

    la sogs pa la mi rigs shing tshul ma lags pa bgyis pa'i dbang gis shin tu sdug bsngal zhing snying rje'o// de la chags pa'i dmyal la gang zhe na/ lus la snang ba med pa'i mes reg ma zag tu thar bar 'gyur zhing / slar langs pa dang reg pa med pa'i chus reg ma thag tu shing shun rlung gis bskyod pa ltar gas nas slar 'byor pa dang / snang ba med pa'i mtshon gyis brgyab nas/ reg ma thag tu tshags ma bzhin du gyur nas/ slar sos pa la sogs pa'i sdug bsngal bskal pa chen po grangs kyis mi langs par spyod cing gnas par 'gyur ro// de ci las byung zhe na/ rtsa ba'i gtor ma'i don ma rtogs pas/ 'dod pa dang longs spyod la chags pa'i dbang gis rang la phan par 'dod nas bsad pa dang / phrog pa dang / bza' ba dang / spyad pa dang / ci bder 'tshal ba dang / dge sdig gi 'bras bu 'grub pa med par zag bcad pas/ rtsol ba'i don gang byed pa la kho thag chad pa'i dbang gis gnas der shin tu sdug bsngal zhing snying rje'o// de la nyams pa'i dmyal ba gang zhe na/ lus sked pa man chad lcags kyi sdig pa chen po'i khar bcug nas/ shin tu nyon mongs pa'i zug gzer che ba rnam pa sna tshogs pas gang ba dang / stod nas khro chu khol mas thal mar gyur pa'i bar du blugs shing / shin tu sdug bsngal zhing smre sngags nyin mtshan re la

  570. 285b

    yud tsam re 'byin par mi nus shing / shin tu nyon mongs par 'gyur ro// de lta bu'i gnas na nyon mongs shing sdug bsngal tshe tshad bskal pa stong phrag brgyad khri bzhi stong du spyod cing gnas par 'gyur ro// de ci las byung zhe na/ thams cad gtor ma yin pa'i don ma rtogs pas gzhan gyi 'dod pa bral ba dang / skye bo mtshan mar 'dzin pa bzung ba ni/ sdig par gyur pa'i dpon byas te/ gzhan gtor ma'i longs spyod dang / rkyen dang ris su gtogs pa la phrag dog bza' ba dang / brnab sems yid la 'dzin pa dang / gsang sngags rnal 'byor gyi cha 'dzin na yang / tshig tsam la khungs phyung nas gtor ma'i spyod pa dang phrin las kyi gnas su ma bskangs shing srin po'i za tshogs par gyur pa dang / rnal 'byor gyi tshogs su 'dzin pa na tshogs dang gtor ma'i phud nyams shing ma 'byor pa dang / gsang sngags rkun 'bu dang / rgyab nyan byed pa dang / dam pa'i chos 'dzin pa dang / sngags la ya ga dang / mtshang tshig 'dogs pa dang / gsang sngags gsang ba'i rgyur zhugs nas ded dpon la sogs pa byas te/ gsang ba'i rgyu mngon du phyung zhing / gzhan thabs dang zol gyis bslu ba dang / sbyor sgrol gyi don gnas su ma stobs pas/ gsang sngags nang cig la gcig 'phyas shing skur pa 'debs pa na smad pa dang / rtsod cing 'khrug pa bsham pa dang / thabs

  571. 286a

    dang che ngag dang / phra ma dang dbyen la sogs pas pha rol gyi mgo gnon pa la sogs pa'i las bgyis pa rnams gnas der skyes nas shin tu sdug bsngal snying rje'o// de la skur pa'i dmyal ba gang zhe na/ shin tu mi bzad pa'i khang par bzhugs nas/ shin tu gtogs shig chod cig pa'i sgra rna bar grags shing yud tsam la lus dang yan lag yungs 'bru tsam bsam gyis mi khyab par gtubs nas/ de ma thag tu slar 'byor zhing de ma thag tu gtubs pa dang / lce'i dbang po zhing lha gcig tsam du skyes nas/ lcags kyi glang dang rmod pa'i thong gshol gyis shin tu sring zer ba'i sgra grags shing / na ba dang tsha ba'i sgra ni 'byin par mi nus/ bar bar du mthun pa tsam 'byin par nus te/ de lta bu'i gnas na shin tu sdug bsngal zhing spyod pa'i tshe tshad ni bskal pa stong phrag bdun khrir sbyang bar gnas par 'gyur ro// de ci las byung zhe na/ thams cad gtor ma yin pa ma rtogs pa'i dbang gis/ gzhan smad par 'dod pa'i phyir gang zag skye bo'i rigs su skyes pas ta na ga Na la sogs pa bya ra byas shing rtsa ba bcad nas 'phyas pa dang / rna ba sems can yongs la zhe ba la mi 'bab pa'i tshig smra zhing / ming mkhan log par 'dogs pa dang / gang zag dam pa'i chos kyi rjes su 'brang ba yin na yang / gsang sngags la ya ga dang sgro skur 'debs

  572. 286b

    shing / theg pa dman pa'i rigs 'dzin cing / dam tshig gcig pa'i grogs po thabs kyis smad pa'i thabs 'phya zhing skur pa 'debs pa la sogs pa'i dbang gis de lta bu'i gnas su skyes te/ de la shin tu sdug bsngal snying rje'o// de la spangs pa'i dmyal ba gang zhe na/ stag dang dom la sogs pa 'jigs pa'i sems can rnams kyis ded nas/ lcags kyi dom dang sdig pa la sogs pa'i sems can rnams kyis bzung nas/ 'jigs pa'i mtshon cha sna tshogs rnon po thogs pa rnams kyis sha dang rus pa phral zhing btog go/ zad par phral yang las kyi dbang gis slar skye'o// des ni bskal pa re re la shin tu gdung ba'i mchi mas ngu zhing mgon skyabs zhes 'bod par byed do// de lta bu'i gnas na shin tu sdug bsngal zhing sbyang ba'i tshe tshad ni/ bskal pa stong phrag gsum khrir gnas shing sbyor bar 'gyur ro// de ci las byung zhe na/ thams cad gtor ma yin par ma rtogs pa'i dbang gis tshe phyi ma mi shes pas gang zag skye bo'i sa 'dzin pa dang / dkon mchog gsum la rgyab kyis phyogs pa dang / bden pa'i tshig 'ga' tsam zos na yang mi nyan pa dang / dge ba bcu'i phyogs spangs nas srog gcod pa la sogs pa mi dge ba bcu'i phyogs khrims phyung nas byed pa dang / gang zag dam pa'i chos kyi rjes su 'brang ba yin na yang khrims dang / sdom pa dang / dam tshig la

  573. 287a

    sogs pa rnams mnos nas mi bsrung ba dang / sngags dang phyag rgya skad cig tsam yang mi bsrung ba dang / gsang ba'i dkyil 'khor spangs nas yud tsam yang mi blta ba dang / yi dam gyi lha spangs nas ma'i dod kyi yon tan tsam yang mi 'dzin pa dang / rdo rje slob dpon spangs nas pa'i dod kyi mchod pa tsam yang mi byed pa dang / rdo rje mched lcam spangs nas brtse gdung 'dzom phrad mi 'dod pa rnams las kyi dbang gis gnas der skyes nas de na shin tu sdug bsngal zhing snying rje'o// de la 'gyod pa'i dmyal ba gang zhe na/ shin tu sngon las ci byas pa dran pa'i gnas dge sdig ci byas pa'i las don dang las kun rde'u dang khram du bkram zhing / de'i tshe 'di lta bu'i las byed pa khyod yin no// ces rgya gag zer zhing rkub nas tho bas brdungs shing mdung rtses brgyabs nas chu bo rab med la brgal bar byed do// chu bo rab med de'i nang du sdug bsngal rnam pa sna tshogs pas bzod pa'i blag med par gdungs nas rings shing drag par phab par phyin pa dang / sha kun bud nas rus pa khar thon no// thon pa dang de ma thag tu las kyi dbang gis sha sos par 'gyur ro// sha sos par gyur ma thag tu yang rang gi sngon las ci byas pa'i dbang gis rde'u dang khram thog nas/ yang gong ma ltar rgya gag zer zhing mdung gis brgyab pa dang / tho bas brdungs nas skad

  574. 287b

    cig tsam yang ma lon par phyir bzlog go/ de nas yang pha rol du log pa de bzhin du sdug bsngal myangs nas slar log pa dang gong ma bzhin du byas nas te/ de lta bu'i gnas na shin tu sdug bsngal zhing sbyang ba'i tshe tshad ni/ bskal pa stong phrag khrir gnas shing sbyang bar 'gyur ro// de ci bgyis pa'i dbang gi rnam par smin pa las 'gyur zhe na/ thams cad gtor ma'i don ma rtogs pas/ dge ba dang sdig pa'i don ngo ma shes shing / bdag nyid rtag tu re bas gang zag skye bo'i sar skyes pa ni/ dkon mchog gsum gyi dkor la 'bags pa dang / ma nyes pa'i sems can bsad pa dang / ma nyes pa'i sems can brdungs pa dang / mchod pa tshol ba'i phyir ma nyes pa'i nor dang longs spyod phral ba dang / ma nyes pa'i dug dang gnas nas dbyung ba la sogs pa'i las byed pa dang / gang zag dam pa'i chos la zhugs pa yin na yang / ma nyes pa'i skye bo la mthu bsnyen btang ba dang / rang dang 'gal ba sogs la mngon spyod phrin las kyi las byed pa dang / grogs po nyes pa med pa'i chos la skur pa 'debs shing 'phya ba dang / shin tu smad cing dmas par bshams pa dang / 'khor dang slob ma yan chad phyogs gcig tu ris su bzung nas/ mtshang tshig smra zhing rtsod pa rnams kyi dbang gis gnas der skyes te/ shin tu sdug bsngal zhing snying rje'o// de la ma rig

  575. 288a

    pa'i dmyal ba gang zhe na/ shin tu gnag cing mun pa'i gnas na skyes bu'i lag pa brkyang bskum tsam yang mi mthong ba'i gnas na/ shin tu yang grang zhing lus dang yan lag shin tu gas shing / thams cad du 'khyags pa bzhin du gyur pa nas/ a chu bya ba'i sgra yang 'don mi nus par gnas so// de lta bu'i gnas na shin tu sdug bsngal ba'i tshe tshad ni/ bskal pa stong phrag stong du gnas shing sbyang bar 'gyur ro// de ci spyad pa'i las kyi rnam par smin pa las byung zhe na/ thams cad gtor mar snang ba'i don ma rtogs las/ gzhan gyi nyes pa ni so so skye bo'i sar skyes pa na/ sems can gsod pa'i las rgya che tshad ma dang / mda' dang / ral gri dang / spu gri dang / dgra sta dang / gzhan yang de'i thabs dang / mang dag gzhan la byed du bcug pa dang / spyad pa dang de bskul ba dang / rang la phan pa med pa'i khar nyes pa bsgo ba dang / gzhan yang rang gis ci 'grub par byed cing / rang gis ma 'grub na yang gzhan la slob cing sdig pa'i las cha sna tshogs pa bshams pa la sogs pa dang / gang zag dam pa'i chos la spyod pa yin na yang khe dang grags pa tshol ba dang / tshul 'chos pa dang / chos log par spyod de/ yang dag pa'i bka' bas log pa'i chos spyod pa la rjes su yid dbang ba 'bul ba dang / chos 'dod pa rnams la log par 'chang

  576. 288b

    ba dang / dam nyams pa'i 'byung po la srung ba'i cho ga byed pa dang / theg pa chen po la dpyad 'dog pa dang / bka' yang dag pa'i don mi nyan pa dang / dpe rkun dang 'og brus byed pa dang / dkyil 'khor gnyen po'i don bor nas bsnyen sngags la dga' ba la sogs pa'i las kyi dbang gis gnas der skyes nas/ de la snying rje zhing sdug bsngal bar gnas so// de la nyon mongs pa'i dmyal ba gang zhe na/ shin tu tsha ba'i zangs khang chen po'i nang du bcug nas/ phyi nas bskal pa'i me 'bar bas bsregs shing / shin tu a tsha tsha zhes bya ba'i sgra bsam gyis mi khyab par 'don par byed do// de lta bu'i gnas na shin tu sdug bsngal ba'i tshe tshad ni/ bskal pa stong phrag lnga brgyar gnas shing sbyang bar 'gyur ro// de ci ltar spyad pa'i las kyi rnam par smin pa gang las byung zhe na/ rtsa ba'i gtor ma 'di'i don ma rtogs pas/ nyon mongs kyi dbang gis ngo ma shes pas/ so sor skye bor skyes pa na/ zhe sdang gis sems can kha mar bsad pa dang / 'dod chags kyi sha khrag za ba dang / gti mug rang khams ngo ma shes pa dang / phrag dog rang khams gzhan phung bar bya ba dang / nga rgyal gyis gzhan du gnod du 'jug pas nyon mongs rang kham la sogs pa dang / gang zag dam pa'i chos spyod pa yin na yang / dug lnga dang nyon mongs pa thams cad sngags la khungs phyung nas

  577. 289a

    bstan kyang chos nyid don dang ma mthun par gol te/ 'dod chags ma dag pas chog shes pa'i dus med pa dang / gti mug ma dag pas don gyi steng du mi phebs pa dang / zhe sdang ma dag pas rAH rang rgyud byed pa dang / nga rgyal ma dag pas gzhan la khengs pa dang / phrag dog ma dag pas gzhan smad pa rnams las kyi dbang gis gnas der skyes nas/ de na sdug bsngal zhing snying rje bar gnas so// de la log pa'i dmyal ba gang zhe na/ shin tu grang zhing 'khyags pa la lto sbyar ba'i gnas su shin tu a chu zhes 'bod cing lus ut+pal ltar gas par 'gyur ro// de lta bu'i gnas na shin tu sdug bsngal zhing tshe tshad ni bskal pa stong phrag sum brgyar gnas shing sbyang bar 'gyur ro// de las kyi rnam par smin pa gang bskyed pa las byung zhe na/ rtsa ba'i gtor ma'i don ma rtogs pas/ 'phral gyi ldog 'gyur gyi don spyad pas/ so so skye bo'i sar skyes pa ni/ g.yo dang sgyu dang zol dang zog dang yang dag pa dge ba'i las byed pa mthong na yang / de la rjes su yi rang ba mi skye bar gang dag sdig pa'i las mthong na/ de la sems 'phang skye ba dang / yang dag pa'i bka' bas phyin ci log bstan pa la dga' ba dang / dkon mchog gsum gyi bka' la mi nyan pa la sogs pa dang / gang zag dam pa'i chos spyod ci yin na yang / dang po nyan thos kyi 'dul ba la

  578. 289b

    zhugs nas/ khas blangs nas log pa dang / de bzhin du byang chub sems dpa'i sdom pa dang / sngags kyi dam tshig mnos nas bsrung bar ma bcas te/ khas blangs pa las log ste skye bo las dman par spyod pa dang / yang dag pa'i gsang sngags rdo rje theg pa la zhugs nas/ de la log nas mtshan nyid kyi theg pa la zhugs te sngags la smod pa dang / theg pa 'og ma pa'i chas bzung nas/ gong ma la smad pa rnams las kyi dbang gis der skyes nas/ de na shin tu sdug bsngal zhing snying rje bar gnas so// de la gzung ba dang 'dzin pa'i dmyal ba gang zhe na/ rab tu grang ba'i gling chab rom chen por 'dug pa'i gnas na/ gdung ba'i smre sngags kyis a chu zhes 'bod cing / lus ut+pal ltar rab tu yang gas te 'di bas tsha ba'i sdug bsngal myong na ci ma rung zhes bos nas/ de nas yang yun cung zad tsam yang ma lon par dmyal ba'i zangs dkar chen por phyin te/ tsha ba'i me chen bskur te rab tu yang tshos par btsos nas/ yang a tsha tsha zhes gdung ba'i smre sngags bos nas/ de bzhin du las kyi dbang gis par 'khor tshur 'khor byed par 'gyur ro// de lta bu'i gnas na shin tu sdug bsngal ba'i tshe tshad ni/ bskal pa stong phrag brgyar gnas shing spang bar 'gyur ro// de las kyi rnam par smin pa gang spyad pa las 'byung zhe na/ rtsa ba'i gtor ma 'di'i don blo la ma shar

  579. 290a

    bas/ g.yel bags kyi skyon gyis so so skye bo'i sar skyes nas/ dgra ris su 'dzin pa dang / de la mnar sems rung dang ldan par byed pa dang / gnyen dang spyan du bzung ba dang / de la phyogs dang gal du skyob pa dang / mi mthun pa'i phyogs la dge ba spyod du mi ster ba dang / mthun pa'i phyogs la legs pa'i lam las 'gog pa la sogs pa dang / gang zag dam pa'i chos spyod pa yin na yang / phyi gzung paba'i yul med pa la/ gzung ba'i yul du bzung ba'i rtags su/ phyogs ris su smad cing gzhan gyi chos la smad pa dang / nang 'dzin pa'i sems med pa la 'dzin pa'i sems su bzung ba'i rtags su/ nga'i bka' ltar yin pa las gzhan gyis ltar min no// zhes bdud kyi tshig tu smra ba dang / de ltar gzung 'dzin gnyis su 'dzin pa'i dbang gis/ srin po mngon sum pa 'dra ba'i spyod pa byed pa rnams/ las kyi dbang gis der skyes nas/ de na sdug bsngal zhing snying rje bar gnas so// de la dog pa'i dmyal ba gang zhe na/ rdo rje'i brag gis gtams pa'i nang du skyes nas/ lus ni rab tu 'phel zhing skye/ rdo rje'i brag la yangs pa'i skyed med pa'i gnas su skye ba dang / de las yang thar nas rdo rje'i brag gnyis kyi bar du lus cha char btang nas/ brag bye ba dang slar langs nas/ yar char gyis btang ba'i gnas na skye bar 'gyur ro// de na

  580. 290b

    shin tu sdug bsngal ba'i tshe tshad ni/ bskal pa stong phrag dgu bcur gnas shing spang bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma 'byangs pas/ 'phral gyi ma rig pas bsgribs nas/ so so skye bo'i sar skyes pa na/ sems can la brdungs shing rab tu btsog pa dang / dud 'gro la mi theg par cher 'gel zhing bsnun pa dang / gnas phyung zhing phrog pa dang / de bzhin gshegs pa'i sku smad pa la sogs pa dang / gang zag dam pa zhig gi chos la spyod pa yin na yang / lta ba zab mo la dpyas 'dogs shing / rtog pa'i chos la dga' ba dang / dngos grub kyi rgyu nyid skyon du mthong nas/ 'phya zhing skur pa la sogs pa rnams las kyi dbang gis gnas der skyes nas/ de na sdug bsngal zhing snying rje bar gnas so// de la phra ba'i dmyal ba gang zhe na/ shin tu gdung ba'i gnas na/ bdag gi yid du 'ong ba'i skyes pa dang / bud med dang phrad par 'dod pa dang / zhags pa gang tsam gyis par chod par byas nas/ bzhin gcig la gcig mthong nas 'phrod par bsams pa na/ lus zhe sdang gi sbrul nag chen po res sgo nga'i sbubs zhugs pa bzhin 'khris nas/ sbrul gyi gdug pas lus tsha zhing sdug bsngal nas/ gdung ba'i mchi mas ngu zhing rab tu sdug bsngal ba'i gnas su 'gyur ro// de lta bu'i gnas na shin tu

  581. 291a

    sdug bsngal ba'i tshe tshad ni/ bskal pa stong phrag bdun cur gnas shing sbyang bar 'gyur ro// de las kyi rnam par smin pa'i rgyu gang spyad pa las byung zhe na/ rtsa ba'i gtor ma'i don ma rtogs pas/ 'dod chags la zhen pa'i so so'i skye bo'i sar skyes pa na/ sems can rnams la 'dod chags rang ga mar spyad pa dang / gzhan gyis srung ba'i bud med la sogs par g.yem pa dang / sems can skyes pa'i rgyu byas nas/ dus ma yin par bsad pa la sogs pa rnams dang / gang zag dam pa'i chos spyod pa yin na yang / dus khrims dang gnas khrims nyams pa dang / gsang sngags kyi spyod pa dka' ba bsten pa tsam byas nas skye bo bzhin spyad pa dang / gsang sngags kyi spyod pa zab mo rnams skye bos mthong zhing spyad slar gyur pa rnams/ las kyi dbang gi gnas der skyes nas/ de na shin tu sdug bsngal zhing snying rje bar gnas so// de la rmongs pa'i dmyal ba gang zhe na/ shin tu dmyal ba mi bzod pa'i gnas na/ mgo mjug tu thig brgyad btab nas/ gting bar brgyad du dras te las kyi dbang gis de ma thag tu 'byar zhing yang 'dra'o// de lta bu'i gnas na shin tu nyon mongs pa'i tshe tshad ni/ bskal pa stong phrag drug cur gnas shing sbyang bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma thos pas/ 'phral gyi nyon

  582. 291b

    mongs pa'i las kyis bsgrib ste/ gang zag so so'i skye bor skyes pa na/ sangs rgyas kyi zhal ni nyi zer tsam yang mi mthong ba dang / chos nyid bden pa'i don tshig 'bru gcig tsam yang ma thos pa dang / ngan pa'i las rnams blun po byol song bzhin du bgyis pa dang / gang zag dam pa'i chos la gnas pa zhig yin na yang / chos nyid yid la mi 'jog pa dang / 'dod pas g.yeng ba dang / 'du 'dzi dang bus pa'i spyod pa la zhugs pa dang / longs spyod dang le lo'i khar 'dor ba dang / gzhan la skur pa chen po btab pa dang / sems can sgrol ba'i las la bab tshol du byed pa dang / dmyal gyi rtog pa tshol phyir mo dang pra 'debs pa rnams las kyi dbang gis/ gnas der skyes nas der shin tu sdug bsngal ba'i gnas so// de la 'khyal ba'i dmyal ba gang zhe na/ shin tu dus ma yin pa'i gnas na/ res 'tshod pa dang / res 'khyags pa la lto/ sbyor ba dang / res 'ga' spu gris mgo gshegs pa'i gnas na shin tu nyon mongs pa'i tshe tshad ni/ bskal pa stong phrag lnga bcur gnas shing sbyang bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma'i don blo la ma shar bas/ gang zag skye bo'i las byed pa'i tshe sod dang / tshod dang gtogs shig pa'i tshig 'khyal pa smra ba dang / gzhan de skad smra ba'i ngag nyan nas/ bsad bcad brdung

  583. 292a

    ba la sogs pa'i las byas pa dang / gang zag chos spyod pa'i lam la gnas pa yin na yang / gsang ba'i bka' zab mo snod ma yin pa snang dgu la dbang ma thob par 'chal bar smra ba dang / tan gaN gyi phrin las gnas lam 'byangs shing mi nag yongs kyis smad par byas pa rnams las kyi dbang gis gnas der skyes nas/ shin tu sdug bsngal zhing snying rje bar gnas so// de la spyod pa'i dmyal ba gang zhe na/ shin tu grang ba'i dmyal bar 'khyags pa la lto 'byar ba'i gnas na/ lus pad+ma dang pad+ma chen po ltar gas te/ shin tu sdug bsngal ba'i tshe tshad ni/ bskal pa stong phrag gsum cur gnas shing sbyang bar 'gyur ro// de las kyi rnam par smin pa ci las byung zhe na/ rtsa ba'i gtor ma'i don thog tu ma phebs pas/ gang zag skye bo'i las byed pa la/ dus gsum pha ma spangs nas ma rung ba bsten pa dang / dge ba spangs mi dge bsten pa dang / gang zag chos skrod pa zhig yin na yang / theg pa chen po'i chos skrangs shing / theg pa 'og ma'i chos skrod pa dang / lus dang man ngag la dpyas 'dogs shing / snyan ngag dang sdeb sgor dang / gla dbyangs slob pa la dga' ba'i las kyis gnas der skyes nas/ de na sdug bsngal zhing snying rje bar gnas so// de la ded pa'i dmyal ba gang zhe na/ lcags kyi shal ma ri la yar 'dzegs tsa na/ gnyen 'dun dang

  584. 292b

    brtse bas ngu skad kyis 'bod pa la sogs pas shin tu nyon mongs pa'i tshe tshad ni/ bskal pa stong phrag nyi shur gnas shing sbyang bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma thos pas/ gang zag skye bo'i las byed pa na/ ri dwags la sogs pa sems can mang po 'dod cing gsod pa dang / gang zag dam pa'i chos byed pa na yang / lus rab tu byung ba'i lus su bsgyur nas/ sems can mang po la mi theg par bskal nas brdungs pa/ 'thag pa 'dod pa dang gsod pa dang / g.yo dang / sku dang / thabs dang / bslu ba la sogs pa'i nyo tshong gi rnam par smin pas gnas der skyes nas/ shin tu sdug bsngal gyis snying rje bar gnas so// de la 'bros pa'i dmyal ba gang zhe na/ shin tu gsod la dga' ba'i gnas na/ gshin rje phag shan chen pos mgo nas bzung nas/ rked pa dang ske dang rkang pa dang gsum du btub nas/ bsad de zos pa dang / shi ma zag tu lus gcig tu blang ste sos pa la sogs pa yang shi yang sos kyis sdug bsngal ba'i tshe tshad ni/ bskal pa stong phrag bco lngar gnas shing sbyang bar 'gyur ro// de las kyi rnam par smin pa gang spyad pa las byung zhe na/ rtsa ba'i gtor ma ma thos pas/ bros pas thar bar re bas/ gang zag skye bor skyes pa na/ gtsug lag khang dang mchod rten gyi dkor brkus nas bros

  585. 293a

    pa dang / gang zag chos kyi rjes su 'brangs pa yin na yang / d+harma'i glegs bam brkus nas bros pa rnams/ las kyi dbang gis gnas der skyes nas/ shin tu sdug bsngal zhing snying rje bar gnas so// de la rtag pa'i dmyal ba gang zhe na/ shin tu khro bo'i gnas na/ lus la lcags kyi ser bas brdungs pa dang / mtshon cha'i char pa sus kyang ma babs par rang babs nas/ lus la na tsha'i sdug bsngal gyis sgra 'byin no// de lta bu'i sdug bsngal gyi tshe tshad ni/ bskal pa stong phrag gsum du gnas shing sbyang bar 'gyur ro// de las kyi rnam par smin pa gang spyad pa la las byung zhe na/ gang zag skye bor skyes pa'i tshe/ zas dang nor la rtag tu re bas/ chags shing brkam pa'i las byas pa dang / gzhan gyi nor rang gis 'dod pa'i phyir srog dang phral ba la sogs pa dang / gang zag chos kyi rjes su 'brangs pa yin na yang / nga ni mthu che ba yin no// nga ni rtsal che ba yin no// zhes che ba'i ngag 'don cher byed cing / bdag rtag pa dang gnas par 'dzin pa rnams/ las kyi dbang gis gnas der skyes nas/ shin tu sdug bsngal zhing snying rje bar gnas so// de lta bu'i dmyal ba'i grangs kyang dmyal ba 'od kyang bstan sar zad kyi/ rtsa ba'i gtor ma'i don 'di ma nyan pas/ bdag nyid kyi rung na grangs bsam gyis mi khyab par dmyal ba 'bum phrag snyed 'khod

  586. 293b

    par yod do// gtor rgyud chen po las/ gtor ma'i don ma thos shing ma rtogs na/ sems can dmyal ba'i le'u ste drug pa'o// // de nas yang thams cad gtor ma yin pa'i don mi shes nas/ gang zag skye bor skyes na/ gtor ma ma shes rdzas su bzung bas/ 'khrul pa'i dbang gis chags pa dang / 'jungs pa dang / brkam pa la sogs pa'i las spyad pa dang / gang zag chos kyi phyogs su 'brangs pa yang / snying rje chung ba dang / ser sna che ba dang / gzhan la yod par mi dga' ba dang / gzhan gyis yon tan lobs par mi dga' ba dang / gzhan la 'khor rgyas 'degs par mi dga' ba rnams/ las kyi dbang gis sems can yi dwags kyi gnas su skyes te/ phyi'i sgrib pa can dang / nang gi sgrib pa can dang / sgrib pa can gyi sgrib pa can la sogs pa'i gnas su/ bskal pa stong phrag brgyar sdug bsngal nyams su myong bar 'gyur ro// de yang thams cad gtor ma yin pa'i don mngon par ma shes pas/ gang zag skye bor skyes pa na/ zas thams cad gtor ma'i rdzas ma yin par/ so so gti mug gis rang rang gi 'tshal mar mthong / gtor ma'i lha thams cad sems can rang gzugs so sor mthong ba dang / gang zag chos kyi rjes su 'brangs pa yin na yang / gtor ma'i rgyud 'di ma rtogs par spyad pa'i thabs kyi gtor ma dang / gtor ma'i rgyud

  587. 294a

    'di mi 'dzin pa dang / rgyud 'di mi mnyan pa dang / rgud 'di'i ming tsam yang cha med pa rnams/ byol song du skyes te/ zas ngan pa sna tshogs pa za ba dang / las ngan pa sna tshogs pa byed pa dang / bsad pa dang / sbyar ba dang / bsha' ba dang / gzhur ba dang / spyad pa dang / bkol ba dang / brdung ba dang / bda' ba la sogs pa shin tu sdug bsngal ba'i gnas na/ bskal pa lnga brgyar sdug bsngal nyams su myong bar 'gyur ro// de nas yang thams cad gtor mar gnas pa'i don ma rtogs nas/ gang zag skye bo'i sar skyes pa na/ yul dang gnas la phyogs ris su 'dzin pa dang / rdzas dang g.yog 'khor la phyogs dang ris su 'dzin pa/ gang zag chos spyod pa na yang / chos la phyogs ris su 'dzin pa dang / yang dag pa'i don mkhyen pa la phrag dog tu 'dzin pa rnams lha ma yin gyi gnas su skyes nas/ 'thab pa dang rtsod pa'i rgyur 'gyur ro// de nas yang gtor ma'i rdzas dang gtor ma'i snod dang / gtor ma'i lha ngo ma shes pas gzhan du bsod nams kyi tshogs gsog pa ni/ lha zhes bya ba'i ris su bzung ste 'chi 'pho dang ltung ba'i sdug bsngal nyams su myong bar 'gyur ro// des na gnas kyang gtor ma la gnas/ spyod kyang gtor ma la spyod/ yin yang gtor ma'i lha yin pa'i don ma thos pa dang / ma rig pa dang mi gnas nas rdzas la spyad du

  588. 294b

    phangs pa ni/ bkres shing skom pa'i gnas sul dang / gyen mi 'dzeg pa dang mthur mi pheb pa dang / gtor ma'i don ma rig pas/ 'on pa dang / dig pa dang / gtor ma'i gnas ma 'byongs pas/ na ba dang / tsha ba dang / gtor ma'i 'bras bu ma shes pas/ rgas pa dang / rgud pa dang / gtor ma'i chos nyid ma shes pas/ skye ba dang / 'chi ba dang / gtor ma'i sgrib pa ma dag pas/ nad du mdze dang / shu ba dang / 'brum bu la sogs pa nad sna tshogs myong nas/ bskal pa re rer sdug bsngal ba sna tshogs spyod pa'i rgyur 'gyur ro// gtor rgyud chen po las/ gtor ma'i rang bzhin ma shes pas/ 'gro ba sems can so sor skye ba'i le'u ste bdun pa'o// // de nas gzhi thams cad gtor ma'i snod yin par ma shes pas/ la las shal ma ri dang / zangs kyi khang pa dang / mtshon cha'i char la sogs pa dang / dmyal ba'i spyod par mthong ngo // la las rnag khrag dang / tsher dong la sogs pa yi dwags kyi gnas su mthong ngo // la las gong yin par ngo ma shes so// la las tsher dong dang bya skyibs dang / gyen dang mthur dang / ngam grog la sogs pa'i gnas su mthong ngo // la las brgal zhing bsad pa'i gnas su mthong ngo // la las yid du 'ong ba'i gnas dang / bsod nams che chung gi gnas su 'dug par mthong ngo // gtor ma'i mchod rdzas kyi longs spyod ngo ma

  589. 295a

    shes pas/ la las bde ba/ la las sdug bsngal du mthong ngo // las las sman la las dug tu mthong ngo // la las zas la las sman du mthong ngo // gtor ma'i lha ngo ma shes pas/ la la'i gshed ma la la la'i grogs mthong ngo // la la'i dgra la la las gnyen du byed pa dang / la la'i gnyen la la las dgrar byed pa dang / la la'i skyen la la las legs par byed pa dang / la la'i skyon ma rungs pa la la las 'bras bur bsgrub pa la sogs pa/ gnas dang longs spyod dang / 'bras bu mi shes par don gnyis log par gol ba dang / skyon nyid yon tan yin par ma rtogs pas log pa'i las kyis snang ngo // gtor rgyud chen po las/ 'bras bu log pa'i le'u ste brgyad pa'o// // de nas kha lo phyin ci logs su blta ba las/ 'dzin byed kyi zhags pas kyang ma 'chun nas/ gol ba'i lam du shor ba la/ thugs rje'i lcags kyikyukyis kyang ma zin/ gti mug gi mun pa la ye shes kyi snang bas kyang ma gsal/ zhe sdang gi phrag chen la/ rdzu 'phrul gzong gis kyang ma chod/ 'dod chags pa mo la/ thugs rje'i nyi mas kyang ma zhu/ nga rgyal gyi ko/ khengs la/ zhi ba'i til mar gyis kyang ma thul/ phrag dog gi rlung nag 'tshubs ma la/ mthu stobs kyi dpa' brtan gyis ma khebs nas/ shin tu gol to// shin tu sdug bsngal lo// shin tu nyon mongs so// shin tu

  590. 295b

    gtor ma'i bka' nub par gyur to// de lta bu'i gnas na/ rdzas log pa dang / chos blta ba la log pa dang / chos nyid log pa dang / 'bras bu log pa dang / lam log pa sha stag mang bar 'gyur ro// gtor rgyud chen po las/ nyon mongs pa mthu brtas kyi le'u ste dgu pa'o// // de nas rdo rje sems dpas stug pos brgyan pa'i zhing khams nas/ ye shes kyi spyan gyis gzigs te/ rtags par 'di dpyad/ ngan song gi rgyur gyur te la las ni tsha grang gi sdug bsngal/ spyod pa gcig mdzad pa las/ yid dang dbang pos bsdus pa thams cad/ chos nyid brtan pa ni rdzas su gol/ gtor ma'i rigs thams cad 'jigs pa'i lam du smin/ gtor ma'i snod thams cad ngan song gi rgyur gyur te/ la la ni tsha grang gi sdug bsngal gyi dbyen spyon zhing tsha ste sdug bsngal bar gzigs so// la la bkres shing skom par gzigs so// la la spyad cing bkol te sdug bsngal bar gzigs so// la la gsum dang brgyad kyis sdug bsngal bar gzigs so// la la 'thab pa dang rtsod pas sdug bsngal bar gnas par gzigs so// la la 'chi ba dang 'pho ba dang ltung ba'i sdug bsngal bar gzigs so// gzhan yang stong gsum gyi stong chen po'i 'jig rten gyi khams 'di dag na/ gtor ma'i las bor nas rtog pa'i las kyis/ la la ni snying rje bral te gcig gis gcig

  591. 296a

    'jigs pa dang / la la ni gcig gis gcig snying rje dang bral te ded pa dang / la la ni snying rje dang bral te gcig gis gcig gsod pa dang / la la snying rje dang bral te gcig gi gcig za ba dang / la la gti mug rmongs pa'i dbang du byas nas/ yang dag pa'i sgo 'gog shing / log pa'i lam du khrid pa dang / la la 'dod chags zhen pa'i dbang du byas nas/ sems can bsad pa'i sha za zhing khrag 'thung ba dang / la la nga rgyal dregs pa'i dbang gis/ zhe sdang chen po'i lus blangs pa dang / mgo gcig la lus mang por sprul nas 'khor ma mo dang mkha' 'gro dang / sha za la sogs pas bskor nas rab tu dregs pa'i brtul zhugs kyis/ sangs rgyas kyi bka' la rgyab kyis phyogs nas dmyal ba'i srin po'i spyod pa dang / snang snang ni sgrol/ rnyed rnyed ni za/ phrad phrad ni sbyor zhing nga'i gong na su yang med do zhes 'du shes skye bar byed pa rnams gzigs pas/ rdo rje sems dpa' shin tu sngangs shing shin tu yang brgyal te 'gyel to// nga la mgon med do// nga la skyabs med do// nga la dpung gnyen med do zhes dmod du bor nas brgya la lo// de ltar brgya la sangs pa dang rigs lnga'i sangs rgyas rnams kyang stug pos brgyan par 'dus so// rdo rje sems dpa' brgya la sangs pa dang / rigs lnga'i sangs rgyas rnams drung na 'khod pa mthong nas//

  592. 296b

    rigs lnga'i sangs rgyas rnams la stong gsum gyi stong chen po thams cad gtor ma'i snod dang / gtor ma'i rdzas dang / gtor ma'i lha yin na log par go ba mthong ngam zhes bka' stsal pas/ rigs lnga'i sangs rgyas rnams kyis gsol pa/ rdo rje sems dpa' chen po/ de de bzhin no// de de bzhin te/ 'di drag po'i gtor mas 'dul ba'i dus la babs so zhes gsol pas/ rdo rje sems dpa' gtor ma la kha lo phyin ci/ log tu snang ba rnams la/ thugs rab tu khros sku rab tu tshigs nas/ kun tu bzang po he ru ka la sogs pa ye shes kyi he ru ka bzhi chos kyi sku las bzhengs su gsol/ stong gsum gyi stong chen po 'jig rten gyi khams su gzigs pa las/ thams cad gtor ma'i rang bzhin du lhun gyis grub te bzhugs pa la/ de la gtor mar mi rtog mi 'dzin par phyin ci log tu rtog cing 'dzin pas/ rigs gcig pa'i sangs rgyas kyi gtor ma las/ 'gro ba mang po sdug bsngal tha dad par snang ba gzigs nas/ ye shes kyi he ru ka rnams sku rab tu khros/ thugs rab tu 'tshigs nas/ dbu dgu pa dang / dbu nyi shu rtsa gcig pa dang / dbu gsum pa dang / phyag drug pa dang / phyag bco brgyad pa dang / phyag bzhi bcu rtsa gnyis pa dang / zhabs bzhi pa dang / zhabs brgyad pa dang / 'bar ba'i cha lugs su mthong nas zhal nas kyang / oM shrI he ru ka ru lu ru lu

  593. 297a

    hUM/ g+hu h+ya shrI he ru ka ru lu ru lu hUM/ rak+Sha shrI he ru ka ru lu ru lu hUM/ bi shra shrI he ru ka ru lu ru lu hUM/ zhes sgra brjod cing gnas so// de nas rdo rje sems dpas kun tu bzang mo'i b+ha ga yum gyi mkha' las phyogs bzhir 'bar ba'i gzugs bltas nas/ hUM hUM zhes brda' zhig mdzad pas/ phyogs bcu'i rgyal ba yab yum sras dang bcas pa thams cad yum gyi mkha' la gnas gcig tu tshogs nas/ stong gsum gyi stong chen po 'jig rten gyi khams su gzigs pa dang / yang gong ma ltar gzigs pas/ khro zhing 'tshigs par gyur par stug pos brgyan pa'i zhing khams su bde bar gshegs pa thams cad gdan 'dzom bka' bgros nas/ zhi ba dang byams pa'i ting nge 'dzin gyis thul ba mi 'dra bas/ drag po'i las kyis 'dul ba'i dus la bab par gzigs nas/ ri rab rtser dpal rta mgrin so la btang ste/ dpal rta mgrin gyis sa ngas len gyis bltas pas/ phyin ci log gi mthu brtas pa/ la la nyon mongs pa'i gnas na kha lo phyin ci log gi dbang bgyis/ la la dregs pa chen po'i gzugs dang cha byad du sprul nas/ dus gsum gyi dbang gis sha khrag za zhing / nyon mongs pa'i las zhe sdang drag pos rA tra nyid du gyur nas/ lus che la yan lag rags pa'i 'phras kyang / sha za dang / mkha' 'gro dang / ma mo dang / dbang phyug mas bskor nas/

  594. 297b

    shin tu gdul dka' bar gzigs pas/ slar log pa dang / bcom ldan 'das kyis hUM zhes bco brgyad kyi 'gyur bzhengs nas/ rigs lnga la sogs pa yab yum gnas bsgyur/ he ru ka yab yum bco brgyad du bsgyur nas/ stong gsum gyi stong chen po thams cad he ru ka yab yum gyis lhag gis khengs nas/ gtar tshan rtsi sbur la reg pa bzhin du rU tra dang dregs pa can thams cad reg pa tsam gyis bsgral nas/ 'byung ba yum gyi gtor gzhong du/ dur khrod 'bar ba'i gtor ma gcal bkram nas/ nyon mongs pa zad par mdzad pa'i sku thams cad gnyis su med pa'i/ chos nyid kyi longs spyod bde ba chen po'i ngang du mdzad de/ chos nyid b+han d+ha'i snod du 'dod chags zad par mdzad pa'i phyir/ rak+ta'i dung khrag 'khrug cing gsol/ gzhan yang chos nyid kyi longs spyod la las sha la rol/ la las rus la rol/ la las khrag la rol/ la las tsit+ta la rol/ la las ba su ta la rol/ la las dbang po lnga la rol/ chos nyid kyi rgyan du byas/ nyon mongs pa dpa' rtags su khyer/ la las zhing gi gdan dpa' rtags su khyer/ la las zhing gi g.yang gzhi/ la las thod pa'i 'phreng ba/ la las khrag gi thig le/ la las zhag gi zo ris/ la las thal ba'i mtshan ma rtags su khyer ro// la las nyon mongs pa'i phyag cha rang la bskor te/ ral gri dang / dgra sta

  595. 298a

    dang / zang gshol dang / kha T+wAM ga la sogs pa yang dpa' rtags su khyer ro// la las nyon mongs pa las rgyal ba dpa' rtags su khyer te/ khyung gi gshog pa dang / sbrul gyi chun po dang / glang po che'i ko ba rlon pa dang / stag gi sham thabs la sogs pa dpa' rtags su khyer nas/ khams gsum thig le chen pos btab/ dmyal ba dong sprugs nas/ rgyal ba'i dkyil 'khor byin dbab pas/ nyon mongs pa rang rgyud du dag/ dug bdud rtsir bsgyur/ rA tra rdzas kyi gtor mar longs spyod pas/ de ni bdud bcom bgegs bsad pa'i gtor ma'o// gtor rgyud chen po las/ bdud rA tra btul ba'i le'u ste bcu pa'o// // de nas 'bras bu bsgral kyang sa bon gyi rtsa ba mchod/ rA tra bsgral kyang ngan song gi sdug bsngal mchod de/ nyon mongs pa'i skye bo dang / sngags log par spyod pa rang rgyud du gnas pas/ da ni khro mos 'dul ba'i dus la bab par gzigs nas/ 'khor nye ba'i sras brgyad go rI khro mo brgyad du sprul/ sems ma brgyad ni phra men chen mo brgyad du bsgyur/ thub pa drug dang yid dang chos ni spor byed chen mo brgyad du bsgyur/ rgyu'i byang chub sems dpa' bcu drug dang / 'bras bu'i byang chub sems dpa' bcu drug ni/ mkha' 'gro sum cu rtsa gnyis su bsgyur/ sgo ba rang log tu bsgyur nas dkyil 'khor du 'khod pa

  596. 298b

    dang / cho 'phrul phrin las mdzad pa dang / chos bstan pa dang / zhi bas mi 'dul ba yang drag po'i phrin las mdzad nas/ rigs nges pa'i sras dang thabs cig pa gnyis su med pa'i de rnams kyang / gtor ma'i rang bzhin du bsgyur zhing phrin las mdzad do// de nas kha lo phyin ci log tu bltas pas 'phags pa'i zhal nyi zer tsam yang mi mthong ba/ bsod nams kyi skal pa chung ba rnams la/ thugs rje sprul pa'i 'khor lha chen po dang / klu chen po dang / gza' chen po dang / gnod sbyin chen po dang / rgyu skar la sogs pa dang / dbang phyug nyi shu rtsa brgyad dang / pho nya sum brgya drug cu dang / ging chen bco brgyad dang / ma bdun sring bzhi la sprul nas/ de yang las ngan pa'i 'phro gcod cing / gtor ma'i phrin las mdzad do// de bas kyang dam tshig nyams par gyur pa rnams la ni/ yang sbrul chen po mkha' 'gro 'bum sder sprul nas/ 'jig rten gyi khams thams cad du/ yul dang / gnas dang / ri dang / nags dang / mtsho dang / g.ya' ri dang / gangs rgyud la 'khod nas/ des kyang gtor ma'i phrin las su 'bul bar mdzad nas/ las ngan pa'i dbang gis dregs par mdzad do// gtor rgyud chen po las/ drag po'i gtor ma'i le'u ste bcu gcig pa'o// // de nas rdo rje sems dpas/ 'byung ba lnga dang snod thams cad gtor ma'i snod/ dngos

  597. 299a

    po thams cad gtor ma'i rdzas/ rnam par shes pa dang / phung pos bsdus pa thams cad gtor ma'i mgron/ dug gsum dang nyon mongs pa thams cad gtor ma'i rtsa ba/ bdud dang rA tra dang dregs pa thams cad gtor ma'i rgyu/ rgyud drug lam gyis bsdus pa thams cad gtor ma'i longs spyod/ kha lo phyin ci log gi ngan song gi sdug bsngal thams cad gtor ma'i phrin las/ de nyid gtor mar rtogs pa thams cad dngos grub ste/ 'di ltar rig pa'i dkyil 'khor dang / 'di ltar rtogs pa'i rnal 'byor pa/ phyis grangs kyis 'byung ba dang / 'di lta bu'i rgyud mthar gnas pa'i de'i don mkhyen pas gtor rgyud 'di lta bu 'byung ba yin pas/ rdo rje sems dpa'i thugs chab phog par 'gyur ro// gtor rgyud chen po las/ rdo rje sems dpas thugs chab phog pa'i le'u ste bcu gnyis pa'o// // de nas yang kun tu bzang po bla na med pa'i he ru ka'i sgra las/ gsung yig 'bru 'di dag byung ngo // hUM hA hUM/ hUM hUM hUM hUM hUM hUM/ hUM hUM hUM hUM hUM hUM hUM hUM hUM/ ha ha ha ha ha ha ha ha/ he he he he he he he he/ phaT phaT phaT phaT phaT phaT phaT phaT/ phaT phaT phaT phaT/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ ra ra ra/ li li li bcu drug/ dza dza dza sum brgya drug cu/ ma ma ma bdun/ mi mi mi bdun/ a ha a

  598. 299b

    ha bcu drug/ ru lu ru lu b+h+yo la sogs pa sku las thon nas/ ye shes lngar byin gyis brlabs pas/ 'jig rten gyi khams thams cad g.yos rab tu g.yos/ 'ur 'ur rab tu 'ur/ chem chem rab tu chem par gyur nas/ thams cad mgrin gcig tu bde ba'i tshogs mnos/ dam bcas nas dkyil 'khor gyi gdan du bting ngo // de nas gsung yig 'bru'i dkyil 'khor la/ ye shes chen po'i khyad par nyid las mi gzhan pa'i 'khor dang / 'gro ba 'dul ba'i 'khor dang / thugs rje sprul pa'i 'khor la sogs pa thams cad ma skyes pa las skye ba'i cho 'phrul du mthong bas/ ji ltar snang ba thams cad tshig gis ma bsdus pa gang yang med pa la/ tshig thams cad yi ges ma bsdus pa gang yang med pas/ 'o na yi ge'i rang bzhin ni/ sangs ma rgyas pa gang yang med pas/ ji ltar snang ba'i chos thams cad sangs ma rgyas pa gang yang med pas/ kun gzhi yul gyi rnam pa la snang ngo // gzugs dang phung pos bsdus pa thams cad kha dog dang dbyibs su mi snang ba gang yang med la/ kha dog dang dbyibs thams cad lha'i dkyil 'khor du sangs ma rgyas pa gang yang med pas/ rnam par shes pa'i phung po thams cad sangs ma rgyas pa gang yang med par dbang po sems kyi rnam pa la snang ngo // de ltar yul dang dbang po thams cad dbyings dang ye shes gnyis su med pa

  599. 300a

    las/ thabs dang shes rab 'du 'bral med par lhun gyis grub ste/ sku gsung thugs phyag rgya'i 'khor du lhun gyis grub ste/ sangs ma rgyas pa gang yang med do// gtor rgyud chen po las/ gsung yig 'bru'i le'u ste bcu gsum pa'o// // de nas rdo rje sems dpas kun tu bzang po la phyi nang gsang ba'i mchod pas mchod nas/ drag po'i gtor ma byin gyis brlabs pa'i sngags dang phyag rgya bstan du gsol/ bcom ldan 'das kyis bka' stsal pa/ rdo rje sems dpa' drag po'i gtor ma byin gyis brlabs pa'i sngags dang phyag rgya 'di yid la zung zhig lag pa sor mo bsnol la mdzub mo mthe bong la gtugs/ mthe bong gnyis phyir bsgrengs la/ oM badz+ra pad+ma b+han+da la/ ba ling ta bi shwa tsakra b+h+yAM/ zhes brjod pa 'di ni gtor ma'i snod byin gyis brlabs pa'i sngags dang phyag rgya'o// de nas yang lag pa khu tshur bcangs la/ che ba'i phyag rgya bcas la/ oM ma ha smrig ta dzA la ba li ta maN+Da la khA hi/ zhes brjod pa ni/ sha'i gtor mar byin gyis brlabs pa'i sngags dang phyag rgya'o// de nas yang lag pa thal mo sbyar ba las/ rak+ta sgrengs pa'i tshul byas la gtor ma lag tu gsal/ ma hA rak+ta dza la maN+Da la kha raM khA hi/ ba ling ta zhes pa khrag gi gtor ma sna tshogs par byin gyis rlabs pa'i sngags dang phyag rgya'o// de nas yang lag pa so so'i phreng ba

  600. 300b

    bcas la/ ma hA kai ni ri ti dza la maN+Da la khA hi ba ling ta ces brjod pa ni/ rus pa'i gtor mar byin gyis brlabs pa'i sngags dang phyag rgya'o// de nas yang lag pa thal mo sbyar la snying gar gtugs/ de nas thod phreng gi phyag rgya bcas la lus bskor/ de nas lag pa rin po che 'bar bzhin du byas la gtor ma'i rdzas la gtugs la/ au ka pA la b+ha su ta ri la grod khrod de/ b+h+yo b+h+yo ru lu ru lu hUM/ ba ling ta maN+Da la hUM/ zhes brjod pa ni/ rmad du byung ba'i gtor mar byin gyis brlabs pa'i sngags dang phyag rgya'o// de nas gtor ma'i rgyud lag pa'i mthe bong gis/ mthe'u chung lag mthil du bkug la/ sor mo gsum gshibs te bsgrengs la/ oM shag ti dum bu ma hA dza la b+ha ling ta maN+Dal khA ram khA hi zhes brjod pa ni/ gtor ma sbyong ba'i sngags dang phyag rgya'o// de nas yang lag pa thal mo mnyam par sbyar la/ oM AHhUM swA hA/ mr-i laM mAM pAM t+yaM/ su ra ti zhes brjod pas/ gtor ma'i gzugs lha dang lha mo'i dkyil 'khor gnyis su med pa'i bde ba chen por byin gyis brlabs pa'i sngags dang phyag rgya'o// de nas yang lag pa gzugs kyi me long 'dzin pa dang / sgra'i pi waM thogs pa dang / dri'i spos kyi phyag rgya dang / ro'i snod kyi phyag rgya dang / reg gi na bza'i phyag rgya dang / chos kyi mnyam pa'i phyag rgya dang / de byi mo ha ra ti la sogs pa brjod pa ni/

  601. 301a

    gtor ma 'dod pa'i longs spyod du byin gyis brlabs pa'i phyag rgya'o// de nas lag pa g.yas pas dkrug pa'i tshul du byas la/ g.yon pas thugs kar snod 'dzin pa'i tshul du byas pa ni/ he ru ka spyi'i dam tshig gi phyag rgya'o// de nas lag pa g.yon pas dung chen po stob pa la/ g.yas pas dkrug pa'i tshul du byas pa ni/ yum rnams spyi'i phyag rgya'o// de nas lag pa g.yon pas 'dzin pa ltar byas la/ g.yas pas za ba ltar byas pa ni/ khro mo brgyad kyi spyi'i phyag rgya'o// de nas lag pa g.yon pas gnon pa ltar byas la/ g.yas pas rngam pa'i tshul gyis 'bru tshugs su blta ba ni/ phra men brgyad spyi'i phyag rgya'o// de nas lag pa g.yas 'thor thabs su byas pa la/ g.yon pas 'degs pa ltar byas nas bstan pa'i tshul du gnas pa ni/ sgo ba bzhi spyi'i phyag rgya'o// de nas lag pa g.yas pas gnon pa ltar byas la/ g.yon pa 'degs pa ltar byas pa ni/ spor byed ma brgyad spyi'i phyag rgya'o// de nas lag pa g.yas pa rang rtags kyi phyag rgya 'phyar ba ltar byas la/ g.yon pa khrag 'thung ba'i tshul du byas pa ni/ dbang phyug ma nyi shu rtsa brgyad spyi'i phyag rgya'o// de nas lag pa g.yon bsnol la kha sbub la/ mthe'u chung gnyis 'khyud la sor mo phyi ma brkyang la snod la gtugs la/ oM badz+ra A ral+li/ e A ral+li/ sa ma ya A ral+li/ zhes brjod pa ni//

  602. 301b

    mkha' 'gro sum cu rtsa gnyis kyi phyag rgya'o// de nas lag pa gnyis snying ga g.yas g.yon du bzung la/ mchong zhing rgyug pa'i tshul du byas la/ oM badz+ra ha la ha la b+ha na b+ha na aM ku sha dzaHzhes brjod pa ni/ pho nya sum brgya drug cu spyi'i sngags dang phyag rgya'o// de nas lag pa g.yas pa mi g.yo ba'i tshul du byas la/ g.yon pa snying 'byin pa'i tshul du byas la/ oM maM maM badz+ra ma b+h+yo/ ma ma dun ting b+h+yo/ zhes brjod pa ni/ ma mo spyi'i sngags dang phyag rgya'o// de nas lag pa g.yon pa phyar la/ sor mo gzhan bkug srin lag bsgrengs la/ oM ti pa a ga dad do la du na ti na ma b+h+yo/ zhes brjod pa ni/ srid bzhi spyi'i sngags dang phyag rgya'o// de nas lag pa g.yon pa lcags kyu 'dzin pa'i tshul du byas la/ g.yas pa 'jam dpal thogs pa'i tshul du byas/ oM badz+ra karta ri sha hUM/ zhes brjod pa ni/ ging bco brgyad kyi sngags dang phyag rgya'o// gtor rgyud chen po las/ gtor ma byin gyis brlabs pa'i sngags dang phyag rgya'i le'u ste bcu bzhi pa'o// // de nas kun tu bzang pos bka' stsal pa/ rdo rje sems dpa' gtor rgyud chen po 'di/ phrin las dar zhing rgyas pa la sogs pa 'gro ba la rgyas par ston cig ces bka' stsal to// dbang bskur nas gsang sngags kyi lung ston par khas len pa'o// de nas rdo rje sems dpa' phrin las kyi gtor ma 'di rim par phye ste bshad

  603. 302a

    pa'o// de la stong gsum gyi stong chen po 'jig rten gyi khams na/ kha dog rnam pa lnga zhig yod do// gzugs lnga zhig yod do// skra rnam pa lnga zhig yod do// ye shes lnga zhig shar ro// de la kha dog dkar por snang ba thams cad zhi ba'i gtor ma'o// de bzhin du kha dog ser por snang ba rgyas pa'o// kha dog dmar po dbang / kha dog mthing ga drag po/ kha dog ljang gu las kun grub pa'i phrin las so// gzugs zlum po zhi ba'i gzugs so// gru bzhi rgyas pa'o// zla gam dbang / zur gsum drag po'o// dbyibs tha dad pa las kun grub pa'i gzugs so// de bas na snod bcud gtor ma'i rang bzhin du gcig kyang / las tha dad pa'i dbang gis/ gtor ma lngar snang ngo // brgyar yang snang ngo // stong du yang sprul to// de bas na de bzhin gtor ma de rtogs na/ gang ltar 'dod pa de bzhin snang / las thabs dbang sa 'chos par zad// phrin las sna tshogs gtor ma yin// de bzhin gtor ma ma rtogs nas// 'di las de bzhin de mi 'byung / gcig tu yang gnas shing bstan par dka'// de rtogs lhun gyis grub pa la// zhi ba'i blo yis gsal bar phye// ci ltar brtags pa de bzhin snang // gang zhig gzhan la phan par byed pa la// 'bar ba'i gtum po ma rungs kyang // zhi bar 'dod na zhi bar byed// 'dod pa'i 'byor

  604. 302b

    pa thams cad kun// rgyas par 'dod na rgyas par byed// khams gsum ma lus thams cad kun// dbang du 'dod na dbang du byed// ma rungs las kyis mnar ba rnams// mngon spyod las kyis sgrol bar byed// gzhan gyi las rnams thams cad kun// ci ltar 'dod pa gang dgar bsgyur// gtor rgyud chen po las/ phrin las rnam pa bzhi'i le'u ste bco lnga pa'o// // de nas gtor ma chen po 'di rnal 'byor pa rnams la phan par bya bar 'dod na/ rnal 'byor pa la nad bzhi brgya rtsa bzhi'i skabs tshol ba dang / rims dang / shu ba dang / 'brum bu la sogs pas 'jigs pa na/ rtsa ba'i gtor ma 'di rtogs pa'i skyes bus// gzhung 'di las 'byung ba bzhin thams cad gtor mar bsngos na/ gtor ma las 'od 'phros pas/ nad kyi dngos po thams cad zhi bar byas nas/ chos nyid bde ba'i ror byin gyis brlabs nas/ nad thams cad dang / mdze dang phol mig zhi bar 'gyur ro// gzhan yang rnal 'byor pa rnams la bgegs rigs stong phrag brgyad cu'i glags bltas nas/ dngos grub kyi bar chad byed pa dang / dus ma yin par 'chi bar byed cing / log par 'dren par byed na rtsa ba'i gtor ma 'di ltar rtogs nas phrin las kyi 'di ltar gtor ma btang na/ thams cad zhi bar ma zad/ slar dngos grub kyi chad stongs dang / 'byor pa'i longs spyod

  605. 303a

    'bul bar byed do// de bzhin du rnam pa gang la la zhig la/ tshe dang longs spyod dang / 'byor pa'i longs spyod la sogs pa med na/ rtsa ba'i gtor ma rmad du byung ba'i gtor ma chen po 'di 'khor rgyal ba rgya mtsho sras dang bcas pa la sbyin pa dang / rgyal ba rgya mtsho la mchod pa phul nas/ tshe dang bsod nams dang / 'byor pa'i longs spyod la sogs pa thams cad rang yid la ci ltar 'dod pa bzhin du 'phel zhing rgyas par byed do// sngon gyi las kyi rnam par smin pa yang zad par 'gyur ro// rnal 'byor pas khams gsum gyi ma mo mkha' 'gro la sogs pa dbang du bya bar 'dod na yang / rtsa ba rmad du byung ba'i gtor ma 'di/ rgyal ba rgya mtsho dang bcas pa rnams la dgyes par phul ba dang / zungs su bzung zhing phrin las bcol na/ ci ltar dbang du bya bar 'dod pa thams cad bran snying nye ba bzhin du las byed pa dang / thams cad la ci dga' bar dbang bsgyur bar 'gyur ro// rnal 'byor pa gang la la zhig ma rungs pas 'tshe ba dang bstan pa 'jig pa dang / yongs la gnod pa dang / dam nyams pa dang / sku dgrar gyur pa yod na yang / rtsa ba rmad du byung ba'i gtor ma 'di rtogs par byas la bde bar gshegs pa 'khor rgyal ba rgya mtsho dang bcas pa rnams la gtor ma'i don gyis mchod pa 'di'i gzhung las byung ba bzhin mchod

  606. 303b

    cing phul na/ gang bsgral ba lta ci smos kyis sangs rgyas nyid kyang sgrol bar 'gyur ro// tha na yang rtsa ba'i gtor ma 'di zungs su bzung nas/ gang la dmigs pa'i yul phyogs sam khang pa'i gnas sam/ grong ngam lus la gtor na yang 'chi bar 'gyur ro// gzhan yang las sna tshogs pa ste/ tshe bsring ba dang / dpal bskyed pa dang / gdon bkar ba dang / gter stsal ba dang / yid la ci 'dod pa rnams 'grub par 'gyur ro// mkha' dbyings rnam par dag pa'i klong du mi zad pa'i gter sbas na/ zad pa med pa'i dngos grub kyi gter du 'gyur ro// gzhan yang 'di'i yon tan brjod kyis mi langs so// gtor rgyud chen po la/ phrin las gang bya ba'i phan yon gyi le'u ste bcu drug pa'o// // de nas bcom ldan 'das dpal rdo rje sems dpas/ lha ma srin dang 'jig rten gyi bsod nams las grub pa rnams la/ 'di lta bu'i sgra ma brjed par gsungs so// nor bas mtshan mar bzung ba ni// 'byor pa'i longs spyod thams cad la// chags pas bzung nas gang spyad pa// 'o dod 'bod pa myong bar 'gyur// ci phyir zhe na gtor ma yin// de la chags na gtor ma 'ching rgyur 'gyur// ma chags grol na tshogs gnyis rdzogs// sangs rgyas mchod pa'i rgyan yin pas// ma chags sems kyis mchod byed cing // chags pa med pas rkyen du phul// de tshe sangs

  607. 304a

    rgyas zag mi ring // chu rnams thams cad rgya mtshor babs// de phyir rgya mtsho nyid kyi ngang // bdag gi longs spyod gtor ma ste// de bzhin gtor ma nyid kyi rgyu// dper na 'jig rten lo tog bzhin// snga ma smin pas mi chog ste// phyis kyang rgyun mar smin pa bzhin// de bzhin chags pa med gtor na// rgyu 'bras rim gyis de ltar smin// de min na raka 'gro zhes bshad// de skad bya ba'i sgra 'jig rten bsod nams las grub pa'i lha dang mi rnams kyis thos pas/ 'jig rten gyi lha ma srin la sogs pa rnams kyis rang rang gi 'byor pa ci yod pa gtor mar phul nas/ 'bras bu mi 'khor ba'i smon lam 'debs pa 'di lta ste/ lha'i rgyal po bsod nams las grub pa rnams/ gzugs sdug pa'i longs spyod kyi rdzas rnam pa mang po dang / de bzhin sgra snyan pa dang / dri zhim po dang / ro bro ba dang / reg bya khyad par du 'jam pa la sogs pa'i 'dod pa'i longs spyod rnam pa sna tshogs pa/ dang po yang bcom ldan 'das rdo rje sems dpa'i sprul pa gtor ma lags te/ bdag cag lha'i rgyal po rnams kyis ngo mtshar bas/ bdag cag rnams gtor ma'i longs spyod dang rkyen du 'bul bas/ phyogs bcu dus gsum sangs rgyas thams cad kyi spyan lam du/ chos nyid ma skyes pa'i gtor ma/ sangs rgyas rnams kyis ci ltar longs spyod pa de bzhin du 'byung

  608. 304b

    bar gyur cig de ltar phul ba'i byin rlabs kyis/ bdag dang mtha' yas pa'i sems can thams cad khams gsum du mi 'khor zhing / ngan song gsum du mi gol bar/ chos nyid gtor mar sangs rgyas par gyur cig/ dus nam zhig tshe na/ bdag cag lha'i rgyal po dregs pa can gyi rigs dang / tshe tshad nad 'byung srid na yang / dregs par mi byed cing / 'dod pa 'di dag la ma chags nas/ thams cad gtor mar phul zhing sangs rgyas par smon lam 'debs par gyur cig/ gal te de bzhin bdag cag gi rigs dang / rgyud rnams kyis ma bgyis na/ bdag cag bdud rU tra dang 'dra bar 'gyur nas/ rgyu 'bras gol bas ngan song gi sdug bsngal rim gyis brgyud nas/ bdag cag gi gtso bo dpal chen pos mngon sum du snying phyung ste bsgral nas/ dur khrod chen po'i gzhal yas khang dang / thugs rje chen po'i rdzas su spyod/ bdag cag 'khor dang rigs rnams kyang / rang dbang med par dbang du bsdus nas khro bo chen po'i gdan du dus thams cad du 'dings par gyur cig/ ma hA sa ma ya de ba gu h+ya ho/ lha chen po rnams kyi snying la dam tshig shog cig zer cing / dam bcas nas smon lam 'debs so// de lta bu'i byin rlabs kyis 'dod pa'i yon tan phyogs bcur snang bar 'gyur ro// de nas yang 'dod khams dang / gzugs khams la sogs pa'i

  609. 305a

    lha'i bu thams cad kyis/ lha'i longs spyod 'bru rnam pa sna tshogs pa dang / me tog rnam pa sna tshogs pa dang / rol mo'i chu la sogs pa dang / lha'i longs spyod rnam pa sna tshogs pa thogs te/ kun kyang mgrin gcig tu 'di skad ces zer to// ci ltar snang ba lha'i longs spyod rnam pa sna tshogs pa/ da lta bdag cag longs spyod 'di dag thams cad/ ye dang po'am/ thog ma nas bcom ldan 'das rdo rje 'dzin pa'i gtor ma lags pas/ sngar de bzhin du bdag cag rnams kyis ma 'tshal ba mthol zhing bshags so// de lta bu'i don gyis bdag cag gi sbyor ba 'di dag phyogs bcu dus gsum gyi 'phags pa rnams la/ gtor ma'i rkyen du 'gyur ro// mtha' yas pa'i sems can thams cad la yongs su khyab par gyur cig de'i mthu dang byin rlabs kyis bdag cag rnams gtor ma'i rang bzhin du mngon par rdzogs par sangs sa par gyur cig/ bdag cag rnams kyi rigs dang rgyud kyang de bzhin du gtor mar gtong zhing / smon lam 'debs par gyur cig/ gal te bdag cag rnams kyis rigs dang rgyud kyis de ltar ma bgyis nas dam las log na lcags kyi pha bong 'gril ba bzhin du dam log ste/ gnas 'phos nas gsod pa la mi 'dzem pa dang / thabs kyis bslu ba la 'dzem pa'i gnas su skyes nas/ de las kyang ngan song gsum du skye

  610. 305b

    bar gyur cig ces dam bca' zhing smon lam 'debs so// de lta bu'i byin rlabs kyis 'jig rten gyi khams yongs su khyab cing snang bar 'gyur ro// de nas lha ma yin rnams kyis kyang / go cha dang mtshon cha dang sman dang / skye 'khrungs la sogs pa gtor mar phul nas gong ma de bzhin du smon lam 'debs shing dam bca'o// de nas yang gnod sbyin rnams kyis kyang / rin po che rnam pa sna tshogs pa dang / 'bru'i chang dang btsos pa'i chang dang / sbyar ba'i chang la sogs pa chang rnam pa sna tshogs pa dang / gos dang rgyan rnam pa sna tshogs pa gtor ma'i rgyan du phul nas/ gong ma bzhin du dam bca' zhing smon lam 'debs so// de nas yang srin po rnams kyis kyang / sha dang khrag dang rkang dang / tshil bu la sogs pa gtor mar phul zhing dam bcas shing smon lam 'debs so// de nas yang klu rnams kyis kyang / snying po rnam pa sna tshogs pa dang / zho dang 'o ma dang mar dang thud la sogs pa gtor ma'i rgyan du phul nas dam bca' zhing smon lam 'debs so// de nas yang dri za rnams kyis kyang / spos dang dri rnam pa sna tshogs pa gtor ma'i rkyen du phul nas dam bca' zhing smon lam 'debs so// de nas yang gshin rje rnams kyis kyang / 'bru mar dang thod khrag la sogs pa rnams/ gtor ma'i rkyen du phul nas dam bca' zhing smon lam 'debs so// de bzhin du

  611. 306a

    mi'i rgyal po rnams kyis kyang / rgyal srid rin po che sna bdun la sogs pa gtor ma'i rkyen du phul nas gong ma bzhin no// de bzhin du ma mo rnams dang / sha za rnams dang / rig sngags grub pa rnams dang / bgegs kyi rigs rnams dang / lto 'phye dang / mi'am ci dang / 'gro ba rigs so so tha dad pa rnams kyis kyang / rang rang gi 'byor pa dang longs spyod ci yod pa gtor ma'i rdzas su phul nas/ dam bca' zhing smon lam 'debs so// thams cad gtor ma'i rang bzhin du sangs rgyas par byed do// de lta bu'i don gyis thams cad gtor ma la gnas shing / gtor ma'i rang bzhin du longs spyod par gyur to// de nas yang bcom ldan 'das rdo rje sems dpas 'di skad ces bka' stsal to// gsang sngags rnal 'byor la gnas pas/ mthar phyin pa gsang ba'i gtor ma 'di dag gar spyod pa de nyid dam la gnas pa'i rnal 'byor la/ ci bsgo ba bgyis shing dran bzhin nyan pa dang / bstan pa bsrung zhing de la bskyab par byos/ srid pa gcig gi chu la mi 'thung gang yang med// 'jig rten 'di yi dam la mi gnas gang yang med// gang zhig bka' bzhin mi byed dam la mi gnas na// khyed rnams gsod cing dga' las la byos// zhes bka' stsal pas/ 'jig rten gyi dregs pa dang lha ma srin rnams kyis de bzhin du bgyi'o// zhes

  612. 306b

    dal 'byor gnyis dam mnos nas phyi rabs kyi rnal 'byor pa dam la gnas pa rnams kyi sdongs grogs byed par 'gyur la/ dam la mi gnas pa rnams kyi bdud du bab par 'gyur ro// gtor rgyud chen po las/ rnal 'byor pas longs spyod gtor mar phul ba dang / smon lam 'debs nas dam bcas pa'i le'u ste bcu bdun pa'o// // de nas bcom ldan 'das dpal kun tu bzang pos/ shin tu 'da' dka' ba'i dam tshig gi le'u 'di gsungs so// sems dpa' chen po dam tshig ni chos thams cad kyi thog mar 'gro ba ste/ de ci'i phyir zhe na/ dper na sa gzhi la skye 'khrungs smin par byed pa dang 'dra bas/ dam tshig 'di la sangs rgyas dang / chos kyi dngos grub thams cad 'byung ba'i rgyu'o// de yang dam tshig rtsa ba gang zhe na/ rdo rje slob dpon dang / mched dang lcam bral lo// de la rdo rje slob dpon ni/ bdag nyid la rgyud gdams ngag 'chad pa de nyid du ma zad kyis/ gang la shes pa can dang / bsgoms shing dam la gnas pa mtha' dag go/ de ci'i phyir zhe na/ thugs ye shes kyi dgongs spyod gcig tu lhan ner gnas pa'o// mched dang lhalcam dral yang bdag nyid dang 'dres shing gcig pa de gcig pur ma zad kyis/ bka' dang dam la gnas pa'i rnal 'byor gyi don spyod pa mtha' dag go/ de ci'i phyir zhe na/ gsang sngags mnyam pa chen po'i don

  613. 307a

    la gcig cing dbye bsring med pa'o// de dag la dman sems dang 'phya sems dang / 'thab cing rtsod pa dang / bka' ba slu zhing 'gal bar byed pa lta ci smos kyis/ bre mos blun po yang smra bar bya ba ma yin pa'o// dam de thub cing dam la gnas na/ gzhan gyi 'bad tsol ci ma byas kyang / de lta nyid nas sangs rgyas pa la gdon mi za'o// gal te dam de ma thub na/ rtsol bsgrub kyi bsgom ri rab tsam byas kyang mnar med par skye ba la gdon mi za'o// sems dpa' chen po de ni dus nam zhig gi tshe na/ sku'i dam tshig de dag mi bsrung bar rtsol bsgrub dang rnam par dkar ba'i phyogs dag spyod par byed cing / gcig gi 'og tu gcig mi chud par rtsod pa sha stag 'byung ste/ de ni byas pa chud zos shing ngal ba tshi chad par 'gyur ro// dper na srog pa rtsa dang snying rtsa nad kyis gang ba la/ 'tsho byed kyi sman pa mkhas pas kyang mi 'chos pa dang 'dra'o// des ni sdug bsngal ba dang / 'chi ba'i dus na 'gyod pa drag por 'gyur te/ 'bras bu smin pas phan pa med do// gsung gi dam tshig sngags dang phyag rgya dang ldan par bya ba ste/ rtogs pa klong du gyur pa rnams kyis ni/ ngag gi gleng brjod dang / lus kyis sbrul skyod sngags dang phyag rgyar ldan par 'gyur la/ phal pas dang du blangs nas gtsor byas pas ldan par 'gyur la/ tha na yang dus dang grangs mang

  614. 307b

    nyung tsam du yang ldan par bya'o// dam de las mi 'da' bar dang du len na/ bka' rgya che ba lta ci smos kyis/ gang yin pa'i tshig gcig bzlas pa rang gis sku gsung thugs kyi dngos grub thob par 'gyur ro// gal te dam de la mi gnas na/ bka' phyi nang gi don mtha' dag gi don 'chang na yang / skye bo phal pa dang mtshungs so// sems dpa' chen po dus nam zhig gi tshe na/ gsung gi dam tshig 'di la mi brtson par khe dang grags pa la sogs pas/ mdo sde'i rigs bzung nas sde dang grangs mang po yod zer nas/ theg pa chen po la dpyas 'dogs shing / sngags dang phyag rgya spangs nas/ rnal 'byor tshogs kyi longs spyod bkug nas za ba dang / khrims la gnas par mi byed cing / mtshang tshig smra ba sha stag 'byung ste/ de la bdag nyid bslus shing smyos nas log pa'i lam du song bas/ dper na sol ba'i mthus dkar gyis mi 'gyur ba dang 'dra'o// chos log pa dang ngag gi sgrib pas mnar med pa yin no// de ci'i phyir zhe na/ chos nyid la ris su sangs rgyas rnams kyis ma gsungs so// thugs kyi dam tshig ni gsang ba'i man ngag gzhan la mi spel ba ste/ de la gsang sngags rnal 'byor gyi chos/ gar song song du bab bab dang tshal chol du snod med pa la mi smra ba dang / gsang sngags kyi spyod pa dam rdzas bdud rtsir gyur pa rnams/ rang bzhin gyis spyad

  615. 308a

    legs par byas te/ 'khu 'phrigs dang spang blang du ma song bar sba ba dang / gsang sngags kyi phrin las sbyor sgrol dang / glu tshig la sogs pa rnams/ skye bo dang dma' ba'i ris phal pa kun gyis ma mthong ma thos shing / yid la ma 'phrigs par bya ste/ ya ga sgro skur med par bya ba dang / gsang sngags kyi rdzas lag ca yang de dang 'dra ba la/ gang zag srin po dang gnod sbyin kyi spyod pa byed pa'i sar/ bsgrub pa byed pa'i gnas dang / dus dang grogs dang / gzungs ma la sogs pa de bzhin du gsang ba dang / snying po dang lha rgyud dang / mngon rtogs la sogs pa rnams kyang de bzhin du gsang ba dang / gsang sngags spyod pa 'di dag gsang bar 'os pa/ gsang bar gnyer gtad pa yin pas/ gsang sngags kyi don spyad legs shing / gzhan gyis ya ga dang 'phya zhing skur par ma gyur par spyad de/ dper na seng ge gangs la rtsal 'gyings pa ltar gnas pa ni/ gsang sngags kyi dam tshig ma nyams pa yin te/ des ni phyag rgya chen po'i rig 'dzin gyi gnas su sangs rgyas par 'gyur ba yin no// sems dpa' chen po dus nam zhig gi tshe/ thugs kyi dam tshig 'di la mi nyan par/ thams cad slob dpon byed par 'dod pas/ nang rgyud gsang sngags kyi rnal 'byor la btsud pas/ gsang sngags kyi spyod pa ci 'dra ba ni kun la bstan cing cha yod

  616. 308b

    par byas/ gnas su gcig mi dgongs pa'i slob dpon mang po 'byung ba dang / gsang sngags kyi don zab mo kun kyang shes shing bzos pa rnams kyis kyang / la la khe dang grags par 'dod pa'i chos grwa dang slob pa btsug ste/ snod yin rung min rung snang rgu bsdus te grangs mang du bstan pas gcig gi bka' bzhin du gcig gis kyang mi byed bzhin du/ slob ma mang po 'dus te slob dpon byed pa dang / la la zang zing dang 'dod pa la chags pa'i phyir gsang sngags zab mo'i don khur du khur ba dang / khal du bkal te rgyal khams su snod yin rung min rung 'don pa dang tshong du brje zhing bka' 'chal bar gtor ba'i slob dpon byed pa la sogs pa rnams ni/ bzang ngan dang nga khyod med par kun yo nyams su 'gyur bas/ kun dmyal bar 'gro la/ de'i tshe gsang sngags kyi don spyod pa'i rnal 'byor pa rnams kyi bsam pa mi 'grub pa dang / dam tshig gi bya ra ba rnams mi 'go ba'i shugs kyis/ sngags mthu byin chung bar 'gyur/ de'i skyon gyis sku la bsngo ba'i dgra dang / bgegs 'byung zhing / nad kyi rnam pa la sogs pa mi 'dod pa rnams kyang 'byung ba dang / sngags pa gcig gis gcig 'thab cing rtsod pa dang / mthu byin chung bas skye bo'i mtshon cha'i las byed pa dang / sems can phal pa yongs kyis don 'di 'dra na chos brdzun no zhes zer zhing 'phya zhing ya

  617. 309a

    gar gyur pa dang / theg pa 'og ma mdo sde spyod pa rnams kyang / gsang sngags la 'phyas gdags byang dogs na/ shin tu yang 'gal ba'i dpyas chen po 'dogs pa dang / de'i ya ga dang rnam par smin pas/ de'i tshe sngags dang mdo sde phye ma med par/ so so skye bo tshun chad ma lus par ser bslad nas dmyal bar bungs ce cher 'gro bar byed do// de'i phyir dam tshig 'da' bar dka' ba ste/ 'di skad ces gsungs so// dam tshig dam tshig ces bya ba// 'da' bar dka' bas dam tshig ste// sangs rgyas bka' las gsungs pa'i tshig/ 'di las 'da' bar gang byed pa/ lha yang 'das na brlag par 'gyur// sems can 'das na smos ci dgos// sku yi dam tshig ma g.yos pa'o// gsung gi dam tshig mi 'gyur ba'o// thugs kyi dam tshig ma yengs pa'o// yan lag dam tshig lnga lnga rnams// lhan ne bar yang yid la 'char// ma 'das 'phags pa'i spyod yul yin// de tshe 'das na mnar med brlab// gzhan yang dam tshig ces bya ba// gsang sngags don spyad rnal 'byor pas// lus ngag yid kyi sgo gsum nas// skye bos spyad par yang mi bya// de tshe spyad na nyams pa yin// bzlas brjod ting 'dzin la sogs pa// bar chod bgegs dang bya ra ma// sngags 'chang rnams kyis spyad mi bya// de dag bar chad byed pas na// de dag bsgrims la nyams mi

  618. 309b

    bya// gang zhig nyams par byed pa dang // rang sems rtag par blta ba rnams// dam la log par byed pa yi// drung na su yang mi 'dug la// gzhan gyis mthong bar ma byas kyang // dam tshig dbang po snying la 'dug/ de dang 'dra bar blta ba ni// grangs kyis mi la kun gyis mthong // de bzhin gzigs pa'i sems gyis la// ma 'da' dam la gnas par gyis// sa bcu mthar phyin sangs rgyas kyang // dam tshig 'da' bar mi byed na// rnal 'byor bsgrub pas ci ste 'da'// 'jigs pa'i skyabs ni dam tshig mchog/ dam tshig dbang phyug nyid kyang mi 'da' na// ma tshogs mkha' 'gro ci ste 'da'// lhas kyang lha la dbang mi za// mis kyang de bzhin dam mi 'da'// dam tshig ma nyams de bsrungs pa// sku gsung thugs kyi phyag rgya che// rnal 'byor kun tu bskyed pa'o// thams cad yongs kyi ma zhes bya'o// rgyal ba'i dkyil 'khor gsal bar brtsegs// gtor rgyud chen po las// dam tshig bsrung ba'i le'u ste bco brgyad pa'o// // de nas sems dpa' chen pos/ dam tshig 'di dag ma nyams te bsrungs pa'i phan yon ni// 'jig rten gyi khams ra tshe ring zhing / 'byor pa'i longs spyod la sogs pa// yid la bsam pa bzhin 'grub pa dang // 'gro ba gzhan la yid las byung ba'i dran tshig bzlas kyang de la phan pa dang / bsgo ba bzhin nyan pa dang /

  619. 310a

    dgra dang bgegs dang bar du gcod pa rnams kyang bdag nyid kyis ma bskul bar rdul phra mo tsam yang ma lus par 'gro ba dang / ma tshogs mkha' 'gro la sogs sprin phung bzhin du gtibs nas/ bdag gar 'gro bar lus dang grib ma bzhin du 'grogs nas/ ci bsgo ba bran snying nye ba bzhin du nyan pa dang / gzhan yang dam la gnas pa rnams kyis/ ci 'dod pa'i longs spyod spel bar byed pa dang / 'jig rten phyi mar kun tu bzang po dang skal ba mnyam par 'gyur ro// dam tshig ma nyams par bsrungs na/ bka' tshig gcig bzlas ma shes kyang sangs rgya'o// gzhan yang dam tshig bsrung ba'i yon tan ni// grangs 'dir brjod kyis mi langs te mtha' yas so// gtor rgyud chen po las/ dam tshig bsrung ba'i yon tan gyi le'u ste bcu dgu pa'o// // de nas dpal kun tu bzang pos/ yan lag gi dam tshig 'bum sde las/ yan lag gi dam tshig brgya rtsa brgyad du bsdus te bka' stsal pa 'di lta ste/ dang po ting nge 'dzin gyi rtsal 'byongs par byas la/ cir snang ba thams cad bsgral la/ rgyal ba ma mo'i thugs dam bskul zhing / bde bar gshegs pa'i sras su byas nas/ bdag dang gcig pa'i dbang gis/ dam tshig las mi 'da' bar bya ba dang / zhing bcur gyur pa skad cig tsam yang mi bzhag par bsgral la dam tshig

  620. 310b

    las mi 'da' bar bya ba dang / mtshan nyid theg pas mi 'dul bas de yang bsgral la dam tshig las mi 'da' bar bya ba dang / gzung 'dzin gyi mthu brtas pa'i rA tra rnam pa gsum po bsgral la dam tshig las mi 'da' bar bya ba dang / gsang sngags la gal du 'jug cing bka' nges pa'i don nub par byed pa bsgral la dam tshig las mi 'da' bar bya ba dang / yul chos nyid du sbyor zhing thabs dang shes rab kyi dam tshig las mi 'da' bar bya ba dang / 'byung ba chen po'i klong gang la sbyor zhing / thabs dang shes rab kyis dam tshig las mi 'da' bar sbyor zhing / pho rang bzhin med pa'i bar du sbyor zhing thabs dang shes rab kyi dam tshig las mi 'da' bar bya ba dang / mo rigs gzungs ma mtshan dang ldan par sbyor zhing thabs dang shes rab kyi dam tshig las mi 'da' bar bya ba dang / ser sna can gyi nor ma byin par blangs la tshogs dang gtor ma'i mchod par phul la dam tshig las mi 'da' bar bya ba dang / bkra shis dag pa'i rdzas ma byin par blangs la/ dkyil 'khor chen por longs spyod ste dam tshig las mi 'da' bar bya ba dang / nag po'i phyogs nas mi mo mtshan dang ldan pa ma byin par blangs pa la/ byang chub sems kyi dngos grub blangs shing dam tshig las mi 'da' bar bya ba dang / bka' nges pa'i don mi bslu ba sbas pa rnams ma byin par blangs

  621. 311a

    la yid la bzhag cing dam las mi 'da' bar bya ba dang / rdo rje slob dpon dang mched dang lcam dral la gnod pa byed du 'ong ba la rdzun du spras la dam las mi 'da' bar bya ba dang / dam tshig nyams shing dam med pa rnams la rdzun du smras la dam las mi 'da' bar bya ba dang / skye bo phal pas gsang sngags kyi spyod pa rlabs po che 'dri na rdzun du smras la dam tshig las mi 'da' bar bya ba dang / lung da par nges pa'i bstan bcos rnams la rdzun du smras la dam tshig las mi 'da' bar bya ba dang / gti mug sbrang yang mi spang bar chos nyid du rtogs par byas la dam las mi 'da' bar bya ba dang / gti mug de bzhin gshegs pa'i sku yin par byas la dam tshig las mi 'da' bar bya ba dang / gti mug stong pa nyid kyi ye shes yin par byas la dam tshig las mi 'da' bar bya ba dang / gti mug spangs pas sangs rgyas su 'grub par dka' ba'i rtogs par byas la/ dam tshig las mi 'da' bar bya ba dang / zhe sdang spang yang mi spang bar zhe sdang chos nyid du rtogs par byas la/ dam tshig las mi 'da' bar bya ba dang / zhe sdang de bzhin gshegs pa'i thugs yin pa'i don rtogs par byas la/ dam tshig las mi 'da' bar bya ba dang / zhe sdang me long lta bu'i ye shes yin pa'i don rtogs par byas la/ dam tshig las mi 'da' bar bya ba dang /

  622. 311b

    zhe sdang spangs na sangs rgyas su 'grub par dka' ba'i don rtogs par byas la/ dam tshig las mi 'da' bar bya ba dang / 'dod chags spang yang mi spang bar 'dod chags chos nyid du rtogs par byas la/ dam tshig las mi 'da' bar bya ba dang / 'dod chags de bzhin gshegs pa'i gsung yin pa'i don rtogs par byas la/ dam tshig las mi 'da' bar bya ba dang / 'dod chags so sor rtogs pa'i don de rtogs par byas la/ dam tshig las mi 'da' bar bya ba dang / 'dod chags spangs na sangs rgyas su 'grub par dka' ba'i don de rtogs par byas la/ dam tshig las mi 'da' bar bya ba dang / nga rgyal spang yang mi spang bar// nga rgyal chos nyid du rtogs par byas la/ dam tshig las mi 'da' bar bya ba dang / nga rgyal de bzhin gshegs pa'i yon tan yin pa'i don de rtogs par byas la/ dam tshig las mi 'da' bar bya ba dang / nga rgyal mnyam pa nyid kyi ye shes yin pa'i don de rtogs par byas la/ dam tshig las mi 'da' bar bya ba dang / nga rgyal spangs na sangs rgyas su 'grub par dka' ba'i don de rtogs par byas la/ dam tshig las mi 'da' bar bya ba dang / phrag dog spang yang mi spang bar phrag dog chos nyid du rtogs par byas la/ dam tshig las mi 'da' bar bya ba dang / phrag dog de bzhin gshegs pa'i phrin las yin pa'i don de rtogs par byas

  623. 312a

    la/ dam tshig las mi 'da' bar bya ba dang / phrag dog bya ba nan tan gyi ye shes yin pa'i don de rtogs par byas la/ dam tshig las mi 'da' bar bya ba dang / phrag dog spangs pas sangs rgyas su 'grub par dga' ba'i don de rtogs par byas la/ dam tshig las mi 'da' bar bya ba dang / dri chen dug bdud rtsir sbyar ba'i rtsa ba yin pa'i don de rtogs par byas la/ dam tshig las mi 'da' bar bya ba dang / dri chen dang sbyar na dug sel ba'i bdud rtsi yin pa'i don de rtogs par byas la/ dam tshig las mi 'da' bar bya ba dang / dri chen mkhris pa brgya rtsa brgyad dang sbyar na/ mdze nad sel ba'i bdud rtsi yin pa'i don de rtogs par byas la/ dam tshig las mi 'da' bar bya ba dang / dri chen bsten cing dang du blangs na/ rnam par snang mdzad kyi dngos grub 'thob pa'i don de rtogs par byas la/ dam tshig las mi 'da' bar bya ba byang chub sems dug bdud rtsir sgyur ba'i rtsa ba yin pa'i don de rtogs par byas la/ dam tshig las mi 'da' bar bya ba dang / byang chub sems dang shel ga bur du sbyar na rus pa sra zhing mkhregs la ring du 'gro ba'i don de rtogs par byas la/ dam tshig las mi 'da' bar bya ba dang / byang chub sems dang snying zho shar bsres na sems gsal zhing dbang po rno ba'i bdud rtsi yin pa'i don de rtogs par byas la/ dam

  624. 312b

    tshig las mi 'da' bar bya ba dang / byang chub sems bsten cing dang du blangs na/ rdo rje sems dpa'i dngos grub 'thob par 'gyur ba'i don de rtogs par byas la/ dam tshig las mi 'da' bar bya ba dang / mang sa dug bdud rtsir sgyur ba'i rtsa ba yin pa'i don de rtogs par byas la/ dam tshig las mi 'da' bar byas dang / mAng sa zos pas mthu byin che bar 'byung ba'i don de rtogs par byas la/ dam tshig las mi 'da' bar bya ba dang / mAngs spyod snag dang sbyar na rlung nad sel ba'i bdud rtsi yin pa'i don de rtogs par byas la/ dam tshig las mi 'da' bar bya ba dang / mAng sa bsten cing dang du blangs na/ rin po che'i rigs kyi dngos grub thob par 'gyur ba'i bdud rtsi yin pa'i don de rtogs par byas la/ dam tshig las mi 'da' bar bya ba dang / pad+ma rak+ta dug bdud rtsir sgyur ba'i rtsa ba yin pa'i don de rtogs par byas la/ dam tshig las mi 'da' bar bya ba dang / pad+ma rak+ta mu 'dza' ra tu sbyar na glo'am cham pa'i nad sel cing / mdog sdug pa'i bdud rtsi yin pa'i don de rtogs par byas la/ dam tshig las mi 'da' bar bya ba dang / pad+ma rak+ta shing zi ra dang sbyar na mdangs dang ldan zhes bad mkhris sel ba'i bdud rtsi yin pa'i don de rtogs par byas la/ dam tshig las mi 'da' bar bya ba dang / pad+ma rak+ta bsten cing dang du blangs na snang ba mtha'

  625. 313a

    yas kyi dngos grub thob par 'gyur ba'i bdud rtsi yin pa'i don rtogs par byas la/ dam tshig las mi 'da' bar bya ba dang / dri chu dug bdud rtsir sbyar ba'i rtsa ba yin pa'i don rtogs par byas la// dam tshig las mi 'da' bar bya ba dang / dri chu shing pu ri'i lo ma dang sbyar na/ lce bde zhing dbyangs snyan par 'gyur ba'i don de rtogs par byas la/ dam tshig las mi 'da' ba bya ba dang / dri chu nI lo t+pal la dang sbyar na glo dang gag pa'i nad sel ba'i don rtogs par byas la/ dam tshig las mi 'da' bar bya ba dang / dri chu bsten cing dang du blangs na/ don yod grub pa'i dngos grub thob par 'gyur ba'i bdud rtsi yin pa'i don rtogs par byas la/ dam tshig las mi 'da' bar bya ba dang / bdag gi phung po lnga rgyal ba rigs lnga'i rang bzhin yin pa rtogs par byas la/ dam tshig las mi 'da' bar bya ba dang / bdag gi 'byung ba lnga gas kyi yum lnga'i rang bzhin yin par rtogs par byas la/ dam tshig las mi 'da' bar bya ba dang / bdag gi rnam par shes pa'i tshogs brgyad byang chub sems dpa' brgyad yin par rtogs par byas la/ dam tshig las mi 'da' bar bya ba dang / bdag gi yul bzhi dang dus bzhi sems ma brgyad kyi rang bzhin yin par don rtogs par byas la/ dam tshig las mi 'da' bar bya ba dang / bdag gi phyin ci log bzhi khro bo

  626. 313b

    bzhi yin pa'i don de rtogs par byas la/ dam tshig las mi 'da' bar bya ba dang / bdag gi chad par ma yin sogs mu bzhi khro mo bzhi'i rang bzhin yin pa'i don rtogs par byas la/ dam tshig las mi 'da' bar bya ba dang / bdag gi 'jig rten drug gi cha 'dzin pa drug thub pa drug gi rang bzhin yin pa'i don rtogs par byas la/ dam tshig las mi 'da' bar bya ba dang / bdag gi yul phar snang ba thams cad chos bya bab mo kun tu bzang mo yin pa'i don rtogs par byas la/ dam tshig las mi 'da' bar bya ba dang / bdag gi dbang po tshur snang ba thams cad kun tu bzang po'i rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi khams dang skye mched dkyil 'khor lha'i rang bzhin yin pa'i don rtogs par byas la/ dam tshig las mi 'da' bar bya ba dang / bdag gi rdzas dang yo byad tshogs dang gtor ma'i rang bzhin yin pa'i don rtogs par byas la/ dam tshig las mi 'da' bar bya ba dang / bdag gi yan lag chen po bdun ma mo bdun yin pa'i don rtogs par byas la/ dam tshig las mi 'da' bar bya ba dang / bdag gi yan lag bzhi sring mo bzhi yin pa'i don de rtogs par byas la/ dam tshig las mi 'da' bar bya ba dang / bdag gi sgal tshigs nyi shu rtsa brgyad dbang phyug nyi shu rtsa brgyad kyi don

  627. 314a

    de rtogs par byas la/ dam tshig las mi 'da' bar bya ba dang / bdag gi mtshan sum cu rtsa gnyis mkha' 'gro ma sum cu rtsa gnyis yin pa'i don de rtogs par byas la/ dam tshig las mi 'da' bar bya ba dang / bdag gi gur tshigs bco brgyad ging chen po bco brgyad kyi rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi nam tshong gi rtsib ma bzhi gsang ba'i yum bzhi'i rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi rus 'go sum brgya drug cu pho nya sum brgya drug cu'i rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi phyin ci log lnga sku lnga'i rang bzhin yin pa'i don rtogs par byas la/ dam tshig las mi 'da' bar bya ba dang / bdag gi kha dog lnga ye shes lnga'i rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi lam rgyud lnga dpa' bo 'bru lnga'i rang bzhin yin pa'i don de rtogs par byas la/ dam tshig las mi 'da' bar bya ba dang / bdag gi phyogs bzhi dbus dang lnga/ gzhal yas chos kyi dbyings yin pa'i don rtogs par byas la/ dam tshig las mi 'da' bar bya ba dang / bsgral ba'i zhing bcu la ngag brlang por smras la/ dam tshig

  628. 314b

    las mi 'da' bar bya ba dang / yang dag pa'i don la phyin ci log tu khrid pa la ngag brlang por smras la/ dam tshig las mi 'da' bar bya ba dang / las log par byed pa rnams la ngag brlang por smras la/ dam tshig las mi 'da' bar bya ba dang / ma rtogs pa rnams la chos zab mo'i ngag brlang por smras la/ dam tshig las mi 'da' bar bya ba dang / bdag gi sems sangs rgyas yin pa'i don rtogs nas 'grub par byas la/ dam tshig las mi 'da' bar bya ba dang / lus dang phung po rgyal ba rigs lngar grub par byas la/ dam tshig las mi 'da' bar bya ba dang / gnam sa ri brag khams dang skye mched lha'i dkyil 'khor du grub par byas pas/ dam tshig las mi 'da' bar bya ba dang / phyi nang gnyis yul dang dbang po yid dang chos su chog cad grub par byas la/ dam tshig las mi 'da' bar bya ba dang / phyi nang snod bcud chos kyi skur grub par byas la/ dam tshig las mi 'da' bar bya ba dang / dam rdzas lnga dug bdud rtsir grub par byas la/ dam tshig las mi 'da' bar bya ba dang / bsgral ba'i sems can rigs nges pa'i sras su grub par byas la/ dam tshig las mi 'da' bar bya ba dang / sbyor ba'i yum shes rab kyi pha rol du phyin mar grub par byas la/ dam tshig las mi 'da' bar bya ba dang / lha'i sku mdog dang phyag mtshan ting nge 'dzin gyis gsal bar

  629. 315a

    byas la/ dam tshig las mi 'da' bar bya ba dang / mtha' yas pa'i sems can thams cad bu la ma byams pa bzhin bsams la thugs rjes zin par byas la/ dam tshig las mi 'da' bar bya ba dang / gsang sngags gsang ba'i rgyu khe dang grags pa spangs shing dam tshig las mi 'da' bar bya ba/ bzlas brjod dang 'phro 'du mngon du grub par byas la/ dam tshig las mi 'da' bar bya ba dang / 'phags pa rnams la tshogs dang gtor ma rab kyis nyin mtshan rgyun chad pa med par mchod pa phul la/ dam tshig las mi 'da' bar bya ba dang / 'bring gis nyin lan re mchod par phul la/ dam tshig las mi 'da' bar bya ba dang / tha na yang lo dang zla bar ma 'das par mchod pa phul la/ dam tshig las mi 'da' bar bya ba dang / lo zla la bskang la dam la mi 'da' bar bya ba dang / nyams pa yod na sor bcug la dam tshig las mi 'da' bar bya ba dang le lo btang snyoms la sogs pa spangs la/ dam tshig las mi 'da' bar bya ba dang / 'phya bzhad dang gnyid dbang du mi btang bar dam tshig las mi 'da' bar bya ba dang / bsgrub cing dang du blangs te dam tshig las mi 'da' bar bya ba dang / blta bas gnyis su med pa'i don rtogs par byas la/ dam tshig las mi 'da' bar bya ba dang / spyod pas don dang mi 'gal zhing yongs kyis ma dpyad par byas

  630. 315b

    la/ dam tshig las mi 'da' bar bya ba dang / brgya rtsa brgyad po 'di dag bsrungs na/ bdud rtsi yin no// ye shes yin no// sangs rgyas yin no// rdo rje sems dpa' yin no// kun tu bzang po yin no// dus gsum gyi sangs rgyas thams cad kyang / tshig chad / dam tshig 'di bsrungs pas sangs rgyas pa las gzhan ma yin pas/ sangs rgyas thams cad kyis dam tshig la bsngags so// dam tshig 'di ma bsrungs na/ dug 'thungs pa dang 'dra ste/ chos spyod gang shes kyang mnar med pa'i dmyal bar 'gro'o// gtor rgyud chen po las/ yan lag gi dam tshig brgya rtsa brgyad kyi le'u ste nyi shu pa'o// // rdo rje sems dpa' gzhan yang / dam tshig nyams par gyur pa'i mtshan ma 'di'o// rnal 'byor pa mi chos kyi blon po lta bu'i las byed pas/ thabs kyis gzhan smad pa dang / 'thab cing rtsod pa dang / phyogs 'chos pa'i las/ rlabs dang che 'dod pa ni dam tshig nyams par gyur pa'i mtshan ma'o// rnal 'byor pa gdeng ma zin par/ rigs rgyud kyi bu sdud cing / yongs kyi 'debs pa'i dbang gis/ dza gad kyi dbang btsan par byas nas dregs pa'i khar btang nas/ snying rje dang bral ba rnams ni dam tshig nyams pa'i mtshan ma'o// gsang sngags gsang ba'i bka' dar drags par kun spyod na yang / dam tshig nyams par gyur ba'i mtshan ma'o// lta ba la phyogs ris

  631. 316a

    su bltas na yang / dam tshig nyams pa'i mtshan ma'o// chos la bzang ngan du 'dzin pa yang dam tshig nyams pa'i mtshan ma'o// thugs rje la dbri bkol du byed na yang dam tshig nyams pa'i mtshan ma'o// rnal 'byor gyi chos la ris gnyis su 'dzin par byed na yang dam tshig nyams pa'i mtshan ma'o// mtshan nyid ngan pa rnams la rnal 'byor gyi chos bstan na yang / dam tshig nyams pa'i mtshan ma'o// phongs shing nyam zag pa la spyod pa rtsing por spyad na yang / dam tshig nyams par gyur pa'i mtshan ma'o// gtor rgyud chen po las/ dam tshig nyams par gyur pa'i mtshan ma bstan pa'i le'u ste nyi shu rtsa gcig pa'o// // rdo rje sems dpa' gzhan yang dam tshig nyams pa'i spyod pa ni/ rgyu la 'bad pa med par 'bras bu la re che bar 'jog pa dang / rang gi byas pa'i 'bras bu med par gzhan la dngos su re ba dang / ma bsgoms par dngos grub thob tu re ba dang / dam tshig ma bsrungs par mthu che bar 'dod pa dang / bslabs shing rdo rje ma sbyangs par mkhas shing btsun par 'dod pa dang / phyi nang gi dbang ma bskur bar slob dpon byed pa rnams ni/ dam tshig nyams pa'i spyod pa yin no// mkhas pa la mi mkhas pa'i sgro 'dogs pa yang / dam tshig nyams pa'i skyon dang spyod pa yin no// mi mkhas pa la mkhas pa'i tshe 'byin na yang /

  632. 316b

    dam tshig nyams pa'i spyod pa yin no// bka' mnos pa'i slob dpon khungs bsubs nas dad pa'i phyogs nas khungs 'byin par byed na yang / dam tshig nyams pa'i spyod pa byed pa yin no// gzhan bka' ma nor bar spyod pa'i chos la min zhes smras nas/ bka' min pa la legs par ston pa yang / dam tshig nyams pa'i spyod pa yin no// sngon gyi rgyal ba'i bka' brgyud bsgrubs te/ me la bsreg cing gang zag grub pa ma thob pas mi tshig tu legs par bstan pa dag la bstod cing dar bar byed na yang / dam tshig nyams pa'i spyod pa byed pa yin no// man ngag nges pa'i don gzhan mkhas pas mdzad par yid ches kyang / sems can gyi lus su che chung bzung nas/ de mi nyan par byed na yang / dam tshig nyams par gyur pa'i spyod pa yin no// bka'i zhal chab gyur pa thob par gyur pa la/ don gyis mi nyan par thob kyis bros shing rang ngom par byed na yang / nyams par gyur pa'i spyod pa yin no// rnal 'byor gyi mchod cha la sogs pa gcig la gcig 'grol ba mnog cing / gsang bar byed na yang / nyams par gyur pa'i spyod pa yin no// snod mi blta bar 'khor dang sde mang por 'dod pas/ gsang sngags kun la grags par byed pa yang / nyams par gyur pa'i spyod pa yin no// tshig gi zur khyod dang nga ru 'byed par byed cing / che ngag dag 'thon par byed

  633. 317a

    pa yang / nyams par gyur pa'i spyod pa yin no// gzhan gyi yon tan ci yod pa ma grags shing srubs par dga' la/ skyon ci yod pa brjod par byed na/ nyams par gyur pa'i spyod pa yin no// rang ni grub cing mtho bar 'dod la/ gzhan ni dmas shing ma grub par 'dod na/ nyams par gyur pa'i spyod pa yin no// 'di ltar spyod pa legs su re ste ma legs so// 'di ltar spyod pa grub tu re ste mi 'grub bo// 'di ltar spyod pa mkhas su re ste mi mkhas so// 'di ltar spyod pa spyad zhing shes su re ste/ mi sbyang zhing glen no// de ci'i phyir zhe na/ chos nyid ma rtogs shing mi chos kyi sprin du re bas/ ngan song gi tshogs sogs pa yin no// gzhan yang nyams pa'i spyod pa ni/ gnas nyams pa'i spyod pa grong gseb tu gsang sngags spyod pa dang / mi nag gi sar spyod pa dang / dam tshig nyams shing med pa dang 'dres par spyod pa dang // gsang sngags kyi dam rdzas skye bo yongs kyis mthong zhing cha yod par byas pa yang / nyams par gyur pa'i spyod pa yin no// gtor rgyud chen po las/ dam tshig nyams pa'i spyod pa bstan pa'i le'u ste nyer gnyis pa'o// // rdo rje sems dpa' gzhan yang dam tshig nyams pa'i rtags ni/ 'jig rten khams 'dir yang mdze dang shu ba dang / 'brum bu la sogs pa nad ngan pa sna tshogs pa 'byung ba dang / bgegs dang

  634. 317b

    bsam sbyor ngan pa'i las la sogs pa'i bar chod 'byung ba dang / mu ge dang yang ba sna tshogs nyams su myong ba dang / bu dang chung ma 'khor la sogs pa dang 'bral ba dang / rgyal srid dang longs spyod la sogs pa 'byor pa rnams mi rtag par 'gyur ba dang / rgyal po dang blon po la sogs pa'i bka' chad pa dang / na bas 'byung ba dang / mi yang mnyes par 'jug par 'byung na/ de dag rgyal ba dang / lo phyug mi legs shing yid du mi 'ong ba sna tshogs pa dag byung na/ nyams pa'i snga rtags yin pas/ gso zhing bskur ba'i cho ga bya/ 'di dag nyams pa ma tshor bar byung na yang / dus snga ma nyams pa yin pas bskang gso'i cho ga la gas pas dag par bya'o// de dag bskang dang ngan song gi sdug bsngal nyams su mi myong ngo // gang dag nyams par gyur pa la/ rtags 'di dag mi 'byung bar slar legs pa dag 'byung bar byed na/ mnar med par skye bar 'gyur ro// mnar med pa las thams cad du thon par mi 'gyur ro// sdug bsngal gyi rgyun las ma gtogs pa/ bde ba skad cig tsam yang 'jug pa'i skabs med pas/ phyi ma'i bde ba 'di ru smin nas/ phyi ma phan chad la bde ba spyod pa'i skabs med do// mnar med pa la shin tu nyon mongs shing 'khod do// gang dag nyams pa 'dir byung ba rnams ni/ 'bras bu 'dir smin pas phyi ma la mi 'gyur ba'i tha tshig

  635. 318a

    go/ gtor rgyud chen po las/ nyams pa'i snga rtags bstan pa'i le'u ste nyer gsum pa'o// // de nas kun tu bzang pos dam tshig nyams pa'i skyon bstan pa 'di ched du brjod do// sku'i dam tshig rdo rje slob dpon dang / mched dang lcam dral la mnar sems dang / 'phya sems tsam du yang spyad par mi rung na/ gnod pa dngos su byed pa dang / 'khu zhing ldog pa dang / zang zing gi don la brkam pa dang / 'thab cing rtsod pa lta ci smos te/ sku'i dam tshig nyams pas sol du ma la ljon shing mi skye ba dang 'dra ste/ bskal pa gcig gi bar du sems can dmyal bar skye zhing / gzhan dge ba'i rtsa ba ci byas kyang phan med pa dang / gsung gi dam tshig sngags dang ting nge 'dzin par mi bcad do byas te khas blangs nas lo dang zla ba tsam la ma dod kyis yud tsam mi dran pas sa bon mes tshig pa dang 'dra ste/ bskal pa gnyis kyi bar du sems can dmyal bar skye zhing / gzhan gyi dge ba'i rtsa ba ci byas kyang phan med pa dang / thugs kyi dam tshig gsang ba'i man ngag gzhan la mi spel lo byas nas/ dam nyams pa dang / dam med pa dang / chos log par 'dzin pa mtha' dag la 'chad cing ma kar gtong ba dang / bka' 'chal pa lta ci smos te thugs kyi dam tshig nyams na bskal pa gsum du mnar med par ltung zhing / me tog sad kyis bsad pa dang 'dra

  636. 318b

    ste/ gzhan dge ba'i rtsa ba ci byas kyang phan pa med pa dang / gsum ga nyams nas gzhi 'jig pa dang 'dra ste/ bskal pa dpag gis mi langs par dmyal bar skye'o// yan lag gi dam tshig nyams na shing tA la'i lo ma bcad pa dang 'dra ste/ bskal pa chen por dmyal khams bco brgyad du sdug bsngal nyams su myong ba dang / dam tshig kun nyams ni mi srid na/ nyams na gleng brjod las 'das so// de skad ces bka' stsal to// dam tshig tshig tu gsungs pa yang // ma nyams bsrungs na dam tshig yin// dam tshig bsrungs par dka' na yang // thar par bsnyeg pa shin tu nye// dam tshig nyams pa rab sla yang // dmyal ba'i spyod pa ya/ re cha// blun pos de ltar ma rig ste// 'khor ba'i sdug bsngal bzod blag med// de skad ces bka' stsal pa dang / rigs lnga'i sangs rgyas la sogs pa ye shes chen po'i khyad par nyid las mi gzhan pa'i 'khor dang / 'gro ba 'dul ba'i 'khor dang / thugs rje sprul pa'i 'khor la sogs pa/ 'khor phun sum tshogs pa thams cad shin tu spangs nas skrag cing 'dar te brgyal nas kha sbub tu 'gyel to// gtor rgyud chen po las/ dam tshig nyams pa'i skyon bstan pa'i le'u ste nyer bzhi pa'o// // de nas rdo rje sems dpas de dag brgyal ba bsrung bar bya ba'i phyir na/ 'di skad ces bya ba'i glu dbyangs so// stong pa shin tu yod med

  637. 319a

    rnal 'byor mthus// nam mkha' bzhin las dam tshig nye bar gnas// bde gshegs ma lus bzhugs pa bzhengs su gsol// rdo rje sems dpa' bskal bzang 'khor dang bcas// 'di dag nyid du rgyal bas glu blangs na// shin tu srid las ma lus 'das pa dang // shi bar gyur pa slar yang langs 'gyur na// yang dag srid la blta zhing smos ci dgos// zhes bya ba'i glu blangs pas/ de dag rgyal ba las slar langs so// de nas mgrin gcig tu bcom ldan 'das la 'di skad ces gsol to// e ma ho ngo mtshar rab 'byams kyi// sangs rgyas mdzad pa ngo mtshar bas// gser skyogs dngul skyogs zhom pa bzhin// thugs rje che ba'i lha khyod kyis// 'dren pa'i thugs rjes bzung nas kyang // las kyi dbang du mi btang bar// dus la bab pa'i phrin las kyis// dam tshig nyams pa bskang du gsol// de skad ces gsol pa dang / bcom ldan 'das kyis bka' stsal pa/ dam tshig 'di dag nyams pa sor chud pa'i thabs zhus pa ni/ legs so legs so// 'di dag skong ba'i thabs ma shes na// phal nyams pa sha stag 'byung bas// bskang ba'i cho ga bshad par bya ste/ sku'i dam tshig nyams na gnas su bskang ngo // gsung gi dam tshig nyams na bdud rtsi bde ba chen po la sogs pa bsgrub pa lan gsum gyis bskang ngo // thugs kyi dam

  638. 319b

    tshig nyams na ting nge 'dzin las rung bas bskang ngo // yan lag gi dam tshig nyams na/ tshogs dang gtor ma brgya rtsa brgyad kyis bskang ngo // de dag las yid zungs su bzung bas bskang bar bya'o// gtor rgyud chen po las/ dam tshig nyams pa bskang ba'i le'u ste nyi shu rtsa lnga'o// // de nas rdo rje sems dpa' la sogs pa sangs rgyas rnams la/ gtor rgyud chen po 'di dag bka' stsal pas/ thams cad kun tu bzang po'i gtor ma'i rang bzhin du sangs rgyas par gyur to// de nas kun tu bzang pos rnga sgra skye ba med pa 'di ched du brjod do// hUM ldi ri'i rnga chen 'di brdungs pas// khams gsum ma lus dbang du bsdus// ldi ri'i rnga chen 'di brdungs pas// bdud kyi klad pa tshal par gshogs// ldi ri'i rnga chen 'di brdungs pas// dgra bo'i mgo lus dum bur gtub// ldi ri'i rnga chen 'di brdungs pas// bgegs kyi tshogs rnams rdul du rlog/ ldi ri'i rnga chen 'di brdungs pas// ma mo mkha' 'gro bran du khol// ldi ri'i rnga chen 'di brdungs pas// stong gsum chos sgra chen por sgrogs// lha rnams phrag dog che ba la// shes rab nges pa'i chos kyang ston// mi rnams mngon shes chung ba la// shes rab rno ba'i chos kyang bshad// byol song blun zhing gti mug par// shes rab gsal ba'i chos kyang bshad// yi dwags bkres snyoms nyen pa

  639. 320a

    la// shes rab mchog gi chos kyang ston// dmyal ba tsha grang nyen pa la// shes rab rtogs pa'i chos kyang ston// tsan+dan dkar po'i rnga shing la// ban glang dkar pos g.yogs byas pa// gnod pa'i dgra bgegs zhi ba'i rnga// slar mo dag gi rnga shing la// mi lpags g.yang gzhi'i g.yogs byas pa// tshe dang bsod nams rgyas pa'i rnga// seng lteng dmar po'i rnga shing la// stag lpags dmar pos g.yogs byas pa// thams cad dbang du sdud pa'i rnga// 'brug mo tsher ma'i rnga shing la// mi lpags g.yang gzhi'i g.yogs byas pa// gnod pa'i dgra bgegs bsgral ba'i rnga// rnga ni chos kyi dbyings kyi rnga/ rnga lding rig pa'i ye shes yin// rig pa'i ye shes dbyings la brdungs// dbyings dang ye shes byin brlabs las// chos kyi rnga sgra bsam yas kyis// stong gsum chos sgra chen pos gang // 'dul ba'i thabs su so sor ston// 'dul ba mdo sde chos mngon dang // rang rgyal mdo sde la sogs pa// gang ltar 'dul ba bzhin du ston// de tshe gnas nas rab mtshon nas// thams cad gtor mar gcig par byas// zhi ba la ni zlum po'i rnga// rgyas pa la ni gru bzhi ste// zla gam dbang gi rang bzhin la// zur gsum drag po 'joms pa yi// 'khor ba bka' nyan ci bgyis bran// yang bran yang sbrul la sogs pa// rnga sgra drag pos las la btsud// ces ched du

  640. 320b

    brjod pas/ ma mo dang mkha' 'gro mas ci bsgo ba nyan cing / khams gsum rnga sgra'i rang bzhin du sangs rgyas par gyur to// gtor rgyud chen po las/ phyag cha rnga'i le'u ste nyer drug pa'o// // de nas bcom ldan 'das kyis/ ci ltar snang ba sangs rgyas pa'i don ched du brjod do// phyi nang snod bcud la sogs pa// sgro btags bus pas bzung ba rnams// phyin ci log tu rnams brtags kyang // grol bar thar pa'i lam du bstan// mya ngan 'das dang 'khor ba'i gnas// thams cad gcig pa'i rang bzhin du// dbyer med ngo bo nyid mnyam pas// byang chub nyid de ltung gnas med// thar pa'i lam ni log pa yin// log rtog gnyis med chos sku ste// log dang thar pa gnyis med par// mnyam du goms pa lam du bde// bya ba med pas thams cad byas// byed pa'i las kun de rtogs na// de las de rtogs de mi 'byung // de bzhin byar med ma btsal zhog/ gang la gnas pas sangs rgyas yin// de tshe spangs na don med pas// ma spangs nam mkha'i ngang du gnas// sgyu ma tsam las ltos// chos rnams gcig gi ngo bo la// tshig brjod mang pos yongs su bskrad// don du 'tshams par ma gyur na// bu gcig ma smra bde bar gnas// yongs la khyab cing dog pa med// kun dang ma 'gal don dang mthun// rang sems sangs rgyas ye rtogs na// ci brjod

  641. 321a

    sangs rgyas gsung yin pas// blo ldan bu gcig ci yod smros// 'tshams par gyur pa lung las gsungs// gtor rgyud chen po las// lta ba chos nyid kyi le'u ste nyer bdun pa'o// // de nas bcom ldan 'das kyis/ rdo rje sems dpa' la sogs pa la/ dbang bskur ba'i don 'di ched du brjod do// rgyu dang 'bras bu la sogs pa// zhal nas gsungs pa thams cad dang // gsang ba gsang chen gang mchog rnams// rna dbang yid la nyan par byos// oM d+harma tsakra hAM/ e ma ho/ slob ma blo ldan bus/ rgyal ba rnams kyis gang gsungs pa// bla ma'i tshig las ma nor bar// snod dang ldan pa rnams la ston// oM d+harma tsakra phaT/ sngags dang phyag rgya la sogs pa// ma yengs rtse gcig ting 'dzin gyis// grangs tshad rtags rnams mngon gyur par// rnal 'byor gsang bar bsgrub par gyis// oM AHhUM sarba e shud+d+he hUM phaT/ rdo rje rgyal po sku gsum 'chang // dbyer med ting 'dzin mi g.yo ba// thams cad kun gyis 'dren pa po// ma lus rnal 'byor 'dren par gyis// oM badz+ra g+ha ru sa ma ti hUM/ de nas las rnams kun rdzogs pas// sngags dang phyag rgya la sogs pa// las kyi bye brag mang po dag/ phrin las rnam bzhi gang byos shig/ oM karma sid+d+hi hUM/ zhal nas gsungs pa'i chos kun la// de tshe bdag nyid dang 'dra bas// dang po thob pa'i dbang bskur

  642. 321b

    bas// bdag dang 'dra bar las byos shig/ oM badz+ra ra tse sa te hUM/ de nas dbang dang grub pa rnams// brtan zhing chags par 'dod pa des// rgyal srid longs spyod sna tshogs dang // bu dang chung ma 'brel ba'i grogs// ci yod lus dang srog gis mthud// bla ma la ni ma lus par// gsog 'jog med par dbul bar bya// de ni dpag gis mi langs te// dbang bskur gnang ba de bzhin du// yid la ci dgar dbang gyur te// mkha' la 'gro na bya bzhin no// 'phags pa'i sku dang tha mi dad// rgyal ba nyid kyang ci bzhin du// yid la bsam pas dbang bskur nas// gzhan gyis las rnams smos ci dgos// gang zhig dbang rnams ma thob par// gang zhig sngags la spyod byed pa// sa bon me yis tshig pa bzhin// 'bras bu med cing brlag par 'gyur// gtor rgud chen po las/ dbang gi le'u ste nyer brgyad pa'o// // de nas bcom ldan 'das kyis spyod pa chen po 'di ched du brjod do// gtor ni thabs kyi rang bzhin la// ma ni shes rab rang bzhin te// thabs dang shes rab gnyis su spyod// gtor ni thabs kyi 'phro 'du yin// ma ni shes rab bstan pa'i sa// thabs dang shes rab gnyis su spyod// gtor ni thabs kyi ye shes te// ma ni shes rab brten pa'i sa// gtor ni thabs kyi ye shes te// ma ni dbyings kyi shes rab pas// thabs dang

  643. 322a

    shes rab gnyis su spyod// gtor ni yab kyi byang chub sems// ma ni yum gyi byang chub sems// thabs dang shes rab gnyis su spyod// gtor ma thabs dang shes rab kyis// thams cad spyad pas sangs rgyas rgyu// 'di ni spyod pa'i rgyal po'o// gtor rgyud chen po las/ spyod pa'i le'u ste nyer dgu pa'o// // de nas ye shes rgyal pos bsgral ba'i zhing bcu 'di thugs rjes bzung ba 'di ched du brjod do// e ma ho/ gtor ma'i zhing khams 'di dag na// ma rungs zhing bcu 'byung srid ste// dmigs ni 'khrul 'khor yongs su blta// kun la gnod cing chom rkun byed// dkon mchog gsum gyi lam bkag nas// ngan song gsum gyi sa bon 'debs// bdag dang slob dpon mched kyi dgra/ nyams dang dam las log pa dang // 'khu dang bar gcod byed pa dang // mtshams med lnga dang gsod la brtson// ye nas ngan pa'i ngang tshul can// de dag bsgral bar bya ba'i phyir// pho nya phyag brnyan la sogs rnams// mngon sum 'dra bar sprul nas kyang // de tshe khug par bsams nas kyang // raM yaM khaM gis bsreg sbyangs nas// rigs drug skye bo'i snying po la// yi ge dpa' bo 'bru lnga yis// cho ga rnam gsum 'phro 'du las// ngan song 'khor ba'i sgo bkag ste// lha yi dkyil 'khor gsal bar byed// ye shes lnga yi phyag rgya yis// rnam shes hUM du

  644. 322b

    bsdus nas kyang // a dang yang gi 'phro 'du las// phaT kyi byin rlabs drag po yis// 'og min bla med gnas mchog tu// sbyong ba'i lhums su 'phangs nas kyang // rgyal ba'i sras su skyes nas kyang // 'khor bar mi ltung sgo bkag nas// thar pa'i gnas la dgod par bya// phung po gtor ma'i rdzas su spyad// mkha' 'gro la sogs gzan du bor// kun gyis zos par bsams nas kyang // rtags ma phyin par mi gtang ngongo// za na lan bdun byas pas kyang // sgrol bar 'gyur te the tshom med// de tshe g.yel na don med do// gtor rgyud chen po las// thugs rjes gzhan bsgral ba'i le'u ste sum cu pa'o// // de nas ye shes rgyal pos/ gnyis su med par sbyor ba 'di ched du brjod do// gtor ma la sogs gsang sngags kyi// yum gyi mtshan nyid bstan pa ni// mtshan ldan tshul rgyud shes pa dang / rigs dang kha dog dbyibs la sogs// shes rab mtshan mchog tshang ba rnams// rgyal rigs rje'u rigs bram ze'i rigs// dmangs rigs gdol pa la sogs pa// gang dag yum mchog rnyed pa de// g.yon phyogs gnas la tshul bzhin du// mkha' gsang rnam gnyis byin brlabs nas// byang chub sems kyi 'phro 'du las// bsnyen pa dang ni nye bsnyen po// sgrub pa dang ni sgrub chen pos// mkha' dbyings sangs rgyas dkyil 'khor la// gnyis med

  645. 323a

    bde ba'i dgyes pas bstim// de tshe mchod pa rgyun med 'bral// dngos grub la sogs gang 'dod la// byang chub sems la bsgrub cing blang // 'di ni gnyis med sbyor ba'i mchog/ gtor rgyud chen po las/ sbyor ba'i le'u ste so gcig pa'o// // de nas ye shes rgyal pos/ bsgrub pa chen po 'di ched du brjod do// gtor ma la sogs gang bsgrubs kyang // dang po phun sum tshogs pa'i gnas// yid 'ong gzhan dang mthun pa ru// dkyil 'khor lha yi bzhugs gnas bzhin// bris te bsgoms sam gang yang rung // goms pa yid kyis gsal byed nas// sman dang gtor ma la sogs pa// bdud rtsi'i lung dang gtor ma'i lung // de bzhin rtogs shing de brlabs pas// dkyil 'khor gnyis po rim bzhin no// spyan drang mchod 'bul tshogs drangs nas// bsgom sbyangs yi ge 'bru brgyad bzlas// rtags dang mtshan ma ma byung bar// rgyun mi 'chad par bsnyen cing bsgrub// rab kyis nyin zhag gcig gis 'grub// 'bring gis lo dang zla bas 'grub// tha mas lo zla tshun chod kyis// 'grub gyur 'di la the tshom med// thams cad dkyil 'khor mthong ba dang // lha mo'i gzugs dang sgra snyan dang // mkha' 'gro la sogs ma tshogs kyis// mngon sum gtor ma len par byed// gzhan yang mtshan ma sna tshogs ston// de dag mthong dang 'grub

  646. 323b

    pa'i tshe// myur bar dngos grub mchog tu blangs// de tshe g.yel na don med pas// bgegs dang bar chod byed la sogs// drag po'i gtor mas bzlog par bya// gtor rgyud chen po las/ gtor ma bsgrub pa'i le'u ste so gnyis pa'o// // de nas ye shes rgyal pos/ rnal 'byor pa yongs la phan gdags pa'i phyir/ mtshan ma tshogs kyi gtor ma 'di ched du brjod do// tshogs dang gtor ma la sogs pa// rnal 'byor mchog gi longs spyod ste// ma nyams thabs kyis de spyod pa// gsang sngags che ba'i rgyal po yin zhes bya// tshogs la yang rnam pa gsum ste// skal ldan mi'i tshogs dang / dga' ldan lha'i tshogs dang / 'byor ldan longs spyod kyi tshogs so// de la skal ldan mi'i tshogs ni// lta spyod mthun par sdeb pa'o// dga' ldan lha'i tshogs ni/ lta ba dang dam tshig dang ting nge 'dzin du ldan pa'o// 'byor ldan longs spyod kyi tshogs ni// rkyen dang longs spyod rdzogs dang yo byad du ldan pa'o// de la 'byor pa che chung dang // rtsol 'phang mtho dman gyi rgyu sbyar/ rtog pa che chung dang / dgongs pa che chung gis rkyen sbyar/ las 'phro bzang ngan dang / go rim che chung gi mchod pa phul nas/ dam la gnas pa dang tshul du shis pas longs spyod cing thugs dam bskang / snod dang ldan zhing bsgom sran che bas dngos grub blang / klong du gyur cing don dang ldan pas

  647. 324a

    longs spyod de/ 'gro ba yongs la phan pa dang / las la gzud pa'i phyir/ pham phab lhag ma gcig tu bsdus te/ yongs la khyab pas gtor ma ni/ gtor rgyud chen po las/ gtor ma'i le'u ste so gsum pa'o// // de nas tshogs kyi longs spyod dag/ 'jig rten khams na yod pa kun// lha yi longs spyod rkyen yin pas// 'byor pas bshams la dbul bar bya'o// de la dang po tshogs drangs pa ni/ rol mo dang rgyud kyis sna drangs/ gri gsung dang spos kyi ngad sbyar/ me tog dang gzugs kyis rgyan bkram nas/ dang po tshogs drangs pa 'di skad do// hUM gzhal yas rin chen dam pa 'dir// bka' dang mthun pa'i rdzas mchog bkram// gzhung las byung ba'i dkyil 'khor bkod// rgyud las byung ba'i gtor ma bzhag/ lung las byung ba'i sman stsal te// bde gshegs dkyil 'khor spyan drangs te// byon bzhugs bdag cag mchod 'bul na// dmigs pa bzhin du bzhes su gsol// bskul ba bzhin du thugs dam bskangs// bstabs pa bzhin du zhal du gsol// bcol ba bzhin du phrin las mdzod// zhu ba bzhin du dngos grub stsol// zhes brjod la 'byor tshogs kyis mchod pa drangs la/ khro bo bcu'i sngags kyis mtshams bcad nas/ dang por rdo rje dbyings kyi lha la mchod par bya ste/ de la dang po mchod pa rnam pa bzhi las/ dang po

  648. 324b

    phyi'i mchod pa'i tshogs las/ hUM badz+ra lA s+ye sa ma yA snyam du gyur/ de las lha mo lA s+ye ma 'od zer khu tshur 'gyings pa'i mchod par gyur nas/ shar phyogs rdo rje'i rigs kyi lha la lha thim pa'i tshogs kyis mchod par gyur to// de yang mchod pa'i tshogs las/ traM mA le sa ma ya hor gyur nas/ de las lha mo rin chen phreng gi mchod pa gyur nas/ lho phyogs rin chen rigs kyi lha la lha thim pa'i tshogs kyis mchod par gyur to// de nas yang mchod pa'i tshogs las/ hrIHgI ti ra go nya haM du gyur nas/ de las lha mo pi waM rgyud kyi mchod par gyur nas/ nub phyogs pad+ma rigs kyi lha la lha thim pa'i mchod par gyur to// de nas yang mchod pa'i tshogs las/ aM ni ra ti rA ga yA mir gyur nas/ de las lha mo gar gyi mchod par gyur nas/ byang phyogs las kyi rigs kyi lha la lha thim pa'i tshul gyis mchod par gyur to// de nas nang gi mchod pa ni/ tshogs kyi mchod pa las/ dzaHd+hu pe pra we sha/ hUM puSh+pe A we sha/ baM dI paM su gi rI/ ho g+han+de tsit+ta las gong ma bzhin du lha mo bzhi'i skur gyur nas/ mtshams bzhir tshogs kyis mchod par gyur to/ de nas gsang ba'i mchod pa ni/ tshogs kyi mchod pa las/ ang ku sha dzaH/ pA sha hUM/ s+pho Ta baM/ g+han+de hor gyur nas/ de las tshad med pa'i lha mo bzhir gyur nas/ sgo bzhir tshogs kyis mchod par gyur to// de nas rab tu gsang ba'i mchod

  649. 325a

    pa ni/ tshogs kyi mchod pa las/ mo ha rA ti la sogs pa drug tu gyur/ de las lha mo drug gi skur gyur nas/ dkyil 'khor gyi mgo mjug tu tshogs kyis mchod par gyur to// de las gzhan yang mchod pa'i lha mo ci 'byor pas mchod do// de nas 'bar ba'i dkyil 'khor la tshogs kyis mchod pa ni/ bsgral ba'i zhing bcu bkug par byas la/ tshogs kyi rten la bstim/ de 'gugs pa'i pho nya btang ba 'di skad do// hUM bskal pa me ltar 'bar ba'i dkyil 'khor nas// rngams pa'i khro bor skur sprul te// drag shul las kyi pho nya'i tshul// gtum chen rab 'bar khro bo bcu la sogs// rnam par rgyal dang dbyug sngon can// gshin rje gshed dang mi g.yo mgon// rta mgrin dpal dang 'dod pa'i rgyal// bdud rtsi 'khyil dang stobs po che// khams gsum rnam rgyal hUM ka ra// pho nya phyag brnyan nyi shu rnams// dam tshig nyams pa 'dir khug la// pho nya mang po nam mkha'i skar ltar khrom// 'gugs byed mang po bar snang sprin ltar gtibs// phyag brnyan mang po mkha' la char ltar phob// mgyogs byed mang po bar snang glog ltar 'khyug/ za byed mang pos spyang tshogs ltar du rol/ gsod byed mang pos bya g+ha gzan ltar chum/ 'dzin byed mang pos chu srin kha ltar gyis// 'ching byed mang pos phyag rgya'i tshogs ltar sdoms/ gang la dmigs par bya ba'i

  650. 325b

    rnam shes drongs/ bsdams shing khug la tshogs la bstims// ang ku sha dza dza zhes brjod pas// 'gro ba rigs drug gi rang rang gi snying po drangs la/ tshogs la bstims la/ raM yaM khaM gis bsreg sbyangs tshul bzhin byas la/ g.yas pa ya mAn+ta ka'i sku las/ mu las 'jam dpal gyi ral gri rnon por bsams nas/ bsgral ba'i tshig 'di skad brjod do// hUM g.yas pa ya mAn+ta ka ste// gsod pa'i las la shin tu brtson// 'jam dpal ral gri rnon po yis// mi shes sgrib pa'i dra ba gcod// 'jam dpal sngon po dpal gyi zhing // byams dang snying rje go bgos te// ral gri ut+pal sngon po'i so 'dra bas// ma rig pa yi sbubs bcom ste// 'khor ba'i dra ba rgyun bcad nas// dug kyang ye nas sman du mdzad// 'di ni zhe sdang rnam par dag/ bsad pa 'ba' zhig las su rung // snying rjes bsgral ba'i dam tshig yin// pra be sha ya phaT ces brjod pas/ bsgral ba'i bsam rgyud tshul bzhin du byas la/ 'jam dpal gyis gtubs la/ dang po phung dang rnam par shes pa dang / phung pos thugs dam bskang zhing dngos grub gsol ba 'di skad do// hUM/ khrag 'thung chen po'i dkyil 'khor nas// 'jigs byed khro bo'i tshul ston pa// dpal chen dgu dang yum chen dgu/ gnyis med sbyor ba'i byin rlabs las// ko ri'i tshogs dang phra men tshogs// sgo ma'i tshogs

  651. 326a

    dang spor ma'i tshogs// mkha' 'gro dbang phyug pho nya'i tshogs// ma bdun sring bzhi ging chen tshogs// phung po dpal chen tshogs la 'bul// dpal chen thugs dam bskang gyur cig/ thugs dam bskangs nas dngos grub stsol// 'byung lnga yum chen tshogs la 'bul// rnam shes ko'u ri'i tshogs la 'bul// yul ni phra men tshogs la 'bul// yan lag sgo ma'i tshogs la 'bul// skal tshigs dbang phyug tshogs la 'bul// rus pa mkha' 'gro'i tshogs la 'bul// khrag ni ma sring tshogs la 'bul// sha ni pho nya'i tshogs la 'bul// srog ni ging chen tshogs la 'bul// lhag ma 'khor du gtogs la 'bul// khyed kyi thugs dam bskangs gyur nas// phul ba'i dngos grub stsal du gsol// de nas phyis 'byung bar byed pa'i sku la brdo zhing bar du gcod pa'i dgra bgegs dag 'byung srid pas/ de dag kyang tshul de bzhin du bstab cing / 'bul bar byas te 'di skad do// hUM dpal chen 'khor tshogs la sogs dang / ci bgyi bka' nyan pho nya'i tshogs// bran dang yang bran g.yog dang yang g.yog dang / sbrul dang yang sbrul lha tshogs rnams// zas su gtsang sme med par za// skom du kha mngar med par 'thung / bang ni ri klung med par rgyug/ mAng sa za zhing bdud khyim 'joms// gsod la dga' zhing za la dga'// khrag la rngam zhing gsur la

  652. 326b

    bsnam// sha la za zhing rus la rol// nyams pa len cing bsgrub la sogs// phyis 'byung dgra bgegs phung po 'di// ma bstabs bar du bzhes mi mkhyen// dpal la bstabs pas mtshan ma bzhes// yum la bstabs pas dngos po bzhes// sras la bstabs pas rnam shes gsol// 'khor la bstabs pas gzugs phung chom// dza dza dza yis dbang du sdud// kha kha khA his zhal du gsol// khA raM rak+ta/ khA raM trag sha khA raM smrig ta/ zhes brjod la/ dgongs pa rnams bstabs so// de nas gnyis med longs spyod nas// sku gsung tshul du gnas pa yi// 'khor dang bran du byas pa'i phyir// zhal chab bam sogs gsal// sngon tshe nga las khas blangs shing / rdo rje'i dam mnos khas blangs yin/ rang bzhin gnas dang srid 'byung gnyis// go rim shes par 'di gyis la// sprul pa'i dkyil 'khor gsal bskyed nas// bran la sogs pa de bzhin du// gom pa bdun cu'i phyi rol du// spags la las bcol dmod pa gdab// las dang 'bras bu brtsams pa kun// bsam pa bzhin du 'grub par 'gyur// 'gro don tsam du gdab par bya// yang dag don la de dag med// de nas las bcol yongs la bsngo// phyogs bcu kun tu khyab par gtor// gtor ma cha gsum btang ba'i rigs// dang po mi bzad gter du sba// bar ma bsreg rdzas lugs su 'bul// tha ma stong

  653. 327a

    gsum khyab par gtor// gtor rgyud chen po las/ tshogs kyi mchod pa'i le'u ste so bzhi pa'o// // de nas rdo rje sems dpas 'di skad ces gsol to// bcom ldan 'das yab kun tu bzang po mi mkhyen dgu mkhyen pa dang / yum kun tu bzang mos mi gzigs dgu gzigs pas/ tshogs dang gtor ma la sogs te/ ci ltar snang ba'i chos 'di dag thams cad dang po nas ci ltar lags/ 'khrul pa ci ltar lags/ da lta chos thams cad ci ltar gnas/ 'khrul pa ci ltar gnas/ phyis chos thams cad ci ltar 'gyur/ 'khrul pas ci ltar 'gyur ba lung bstan du gsol// yab gcig lung bstan du gsol// bcom ldan 'das kyis bka' stsal pa/ sems dpa' chen po ci ltar snang ba'i chos thams cad/ sus kyang ma byas ma bcos ma skyes mi 'gag/ skye ba med pa yin la/ 'khrul pas rgyu 'bras dang / chags 'dzin du snang ngo // da ltar chos thams cad mi dmigs mi g.yo ba'i rang bzhin la/ 'khrul pas nga dang gzhan du/ phyi dang nang du snang ngo // phyis chos thams cad mi 'pho mi 'gyur ba'i rang bzhin la/ 'khrul pas bzang ngan dang che chung dang phyogs ris skye zhing blta ba 'di lta ste/ sangs rgyas dang sems can thams cad kun tu bzang po'i ngang nyid du gnas pa la/ su yang ma yin/ su yang mi gnas/ su yang mi gsung / sus

  654. 327b

    kyang mi bstan/ 'khrul pa la la ni ston pa kun tu bzang po sems nyid kyi klong na bzhugs pa/ a ti yo ga theg pa'i lung bstan du gsol zhes 'dzer to// 'khrul pa la la ni kun tu bzang mo'i mkha' la kun tu bzang po'i rdo rje zhugs pas/ a nu yo ga'i theg pa lung bstan du gsol/ zhes 'dzer to// 'khrul pa la la btsun mo'i b+ha ga la/ ston pa rdo rje sems dpa' bzhugs pas/ ma hA yo ga'i theg pa lung bstan du gsol zhes zer ro// 'khrul pa la la rin po che dang rdo rje'i gnas na/ ston pa rnam par snang mdzad bzhugs pas/ yo ga'i theg pa lung bstan du gsol zhes 'dzer to// 'khrul pa la la ni ri rab kyi zom na/ rdo 'dzin pa bzhugs pas/ kri ya'i theg pa lung bstan du gsol zhes 'dzer to// 'khrul pa la la ni bya rgod phung po'i ri la shAkya thub pa bzhugs pas/ mtshan nyid kyi theg pa lung bstan du gsol zhes 'dzer to// de bzhin du la las ni rigs lnga'i 'khor du mthong // la las ni rigs lnga dang byang chub sems dpa'i 'khor du mthong / la las ni byang chub sems dpa' dang lha'i 'khor du mthong / la las byang chub sems dpa' dang lha ma yin gyi 'khor du mthong / la las byang chub sems dpa' dang nyan thos kyi 'khor du mthong / la las chos thos par mthong / la las chos ma thos par mthong / la las 'gro ba'i rigs tha

  655. 328a

    dad par mthong / la las bde sdug gi don so sor snang bar mthong / de ltar mthong yang de ltar ston cing de ltar 'byung ba ni gang yang med do// de ci'i phyir zhe na/ skye ba med pa la skye ba'i cho 'phrul du snang ba'o// gzhan yang la la ni nyan thos rnams kyis bsdus par mthong ngo // de la yang grangs bsam gyis mi khyab par mthong ngo // la las byang chub sems dpa' rnams kyis bsdus par mthong ngo // de yang ris bsam gyis mi khyab par mthong ngo // la la ni rigs lnga rnams kyis bsdus par mthong ngo // de la yang rigs bsam gyis mi khyab par mthong ngo // la la kun tu bzang po nyid kyis bsdus par mthong ngo // de la yang rigs bsam gyis mi khyab par mthong ngo // de ltar mthong yang ston pa med/ sdud pa med/ bsdus pa med/ mthong ba med/ ma mthong ba med/ de ci'i phyir zhe na/ skye ba med pa las cho 'phrul 'byung ba yang ma g.yos pa'o// gzhan yang la las bstan pa gong du byung bar mthong ngo // la las ye ma mthong ngo // la las bstan pa rab 'byung bar mthong ngo // la las ma mthong ngo // la las bstan pa phyis 'byung bar mthong ngo // la las ma mthong ngo // la las shog shog dkar po la snag tsha nag pos bris nas gtsug lag khang chen po na bzhugs shing spyod par mthong ngo // la las ma mthong ma thos so// la las grong khyer na

  656. 328b

    glegs bam du bzhugs nas mchod cing bstod par mthong ngo // la las bstan pa phyis 'byung bar mthong ngo // la las ri rtse nas rin po ches bris nas mchod nas bsgom zhing spyod par mthong ngo // la las ma mthong ma bsgoms so// la las rgyal po'i khang steng nas bsgoms nas bsgrub cing spyod par mthong ngo // la las ma mthong ma bsgrubs so// la las ni dur khrod chen po nas go zhing spyod par mthong ngo // la las ma go ma mthong ngo // la las gser gyi glegs bam la rin po che bzhu bas bris nas/ ko Sha'i mdzod nas go nas rtogs shing spyod par mthong ngo // la las ma mthong ma rtogs so// de bzhin du la las rgyu 'bras su thong ngo // la las bzang ngan du mthong ngo // la las phyi nang du mthong ngo // la las mtho dman du mthong ngo // la las rgyu 'bras la sogs pa gang du yang ma mthong ma rtogs so// de ltar mthong yang de gang du yang brtan cing phye ba med do// de ci'i phyir zhe na/ chos nyid la bzang ngan du ma gsungs so// gzhan yang la las gang zag 'phags pa'i khongs su gtogs pa rnams kyis bshad cing bstan par mthong ngo // la las gang zag 'phags pa'i zhal mthong ba rnams kyis bshad cing bstan par mthong ngo // la las gang zag 'phags pa'i dngos grub thob pa rnams kyis bshad cing bstan par mthong ngo // la las gang zag

  657. 329a

    'phags pa'i sprul pa rnams kyis bshad cing bstan par mthong ngo // la las 'phags pa dang gang zag tha mi dad pa rnams kyis bshad cing bstan par mthong ngo // la las 'phags pa dang gang zag gnyis kyis bshad cing bstan par mthong ngo // la las de gang yang ma mthong ma bshad do// de ltar mthong yang skye ba med pa'i don la che chung dang bzang ngan bstan pa gang yang med do// de ci'i phyir zhe na// chos thams cad rang gi byang chub kyi sems su gcig pa las gang du yang bstan pa med do// sems dpa' chen po de bzhin du gcig pa la/ dper na nam mkha'i sprin bzhin du 'khrul pa rang gis gcig la gcig bsgrib par byed do// gcig la gcig gnod par byed do// gcig la gcig smod par byed do// de dag kyang 'di lta ste/ chos gcig la 'jig rten pa'i chos dang / mya ngan las 'das pa gnyis su spyod par byed do// de gnyis ris su bzung bas mu stegs la sogs pa sangs rgyas kyi bka' la log par rgol ba sha stag 'byung bar byed do// de'i tshe sangs rgyas kyi bstan pa lnga brgya bdun du gnas pa las/ bstan pa dang po la mu stegs kyi dgras rgyu'i chos d+harma glegs bam thams cad/ me dang chu la sogs pas med par byed cing / bstan pa la dgra lan gsum dar bar byed do// de nas bstan pa 'di rgya gar yul du phog cig

  658. 329b

    nub par byed do// de nas bram ze'i rigs dag gis/ skye bas thob pa dang / rgyal khams gzhan dag las phal cher bsdus nas/ cung zad cig rgyas shing 'phel bar byed do// de tsam na gsang sngags 'bras bu'i chos glegs bam kun ni/ me dang chu la sogs pas tshig cing rul bar ma gyur te/ sa'i gter dang rin po che'i sgom na gnas par byed do// de la sngon gyi las kyis 'jug pa'i gsang sngags spyod par rab cig ni// phyag rgya chen po'i rig 'dzin du sangs rgyas pa tshom bu brgya dang stong 'byung bar byed do// log pa'i chos kyang rgyu las mang du 'byung ste/ nad dang mu ge dang ma rungs pa dang / dmyal bar skye ba yang sha stag 'byung bar byed do// lnga brgya gnyis pa la/ rgyu'i chos dar bar 'gyur te/ ring bsrel dang / gtsug lag dang / rten pa'i dge ba khams gcig kyang spyod par 'gyur ba dang / rgya gar yul dang / u rgyan dang / kha che dang / li'i yul dang / bod kyi yul la sogs pa rnams su yang / sngon gyi smon lam las rgyal po dad pa can shas kyang 'byung bar 'gyur la/ rgyal khams kyi skad mi mthun pa mtha' dag tu yang rgyu'i chos dar bar byed pa'i lo tsA ba yang sha stag tu 'byung bar 'gyur ro// de tsam na gsang sngags 'bras bu'i chos mtha' dag rgya gar yul gyi gnas gsum po dag na/ slob dpon ye shes sems dpa'i sprul pa dag gis/ gnas

  659. 330a

    gsang ba na dar zhing spyod par byed de/ blo rtsal dang ldan pa 'gas kyang 'phrigs shing rgyas par 'gyur ro// de'i tshe rgyal khams su 'khrug pa dang / rigs nad dang / mu stegs kyi rgol ba la sogs pa bdud kyi bar chad khams gcig 'byung bar 'gyur ro// de nas lnga brgya gsum pa la/ dpal chen po'i thugs kyi sprul pa zhig u rgyan gyi yul du 'byung nas/ des gsang sngags 'bras bu'i chos sngon gyi glegs bam du bzhugs pa dang / dbang mi bza' ba'i rgyud kyi rim pa mnos nas/ u rgyan dang za hor dang / bal po dang li la sogs pa'i rgyal khams drug tu grags shing 'phel bar 'gyur te de'i tshe chos spyod pa rnams kyis mu stegs dang log pa'i phyogs log pa tshar gcod pa dang / 'dud dang srin po thams cad gtor mas dam la 'dogs pa dang / thams cad kyang rtsa ba'i gtor ma 'di dang du len cing tshom bu'i rigs bsam gyis mi khyab pa kun tshe lo bsam gyis mi khyab pa thub par 'gyur zhing // pho dang mo'i rigs lus ma bor bar phyag rgya chen po'i gnas su sangs rgyas par 'gyur ro// de'i tshe dus bzang zhing rgyal khams yongs su legs pa mtha' dag 'byung zhing nyes pa sna 'ga' tsam yang mi 'byung bar gnas par 'gyur ro// de las kyang bal po'i yul du zab cing rgyas par gyur te/ de dag kyang grub pa thob pa de bzhin no// de nas lnga

  660. 330b

    brgya bzhi pa la/ 'dul ba'i shas phran tshegs dar bar 'gyur la/ mu stegs dang sangs rgyas kyi bka' gnyis lo nyis brgyar res bzung nas spyod par 'gyur ro// lo sum brgya la mu stegs dar nas sangs rgyas kyi bstan pa phyed shas nub par byas te/ 'jig rten gyi 'dre srin mang bar 'phel te/ rgya gar gyi yul na glegs bam gyi chos rnams rgya nag po'i yul rnams su 'gro zhing / de'i rgyal khams thams cad mu stegs nag po'i las kyis/ bod yul dang mon la sogs pa yul gyi ru mtshams rnams su 'phyo zhing 'khrug pa dang / 'pho 'phrugs kyi las dang / sdug bsngal lo brgyar gnas par 'gyur ro// de nas lo bzhi brgya la/ sa'i byang chub sems dpa' rnams kyis sprul pa las/ chos skyong ba'i rgyal po dang / 'phags pa'i khongs su gtogs pa'i gang zag rdzu 'phrul ya ma zung dang ldan pas mu stegs rtag chad kyi lta ba sun phyung zhing btul lo// de'i tshe mu stegs bstan pa nub cing sangs rgyas kyi bstan pa 'phel ba yang byed do// de nas lo lnga brgya la dad pa can dang skal ldan mkhas pa'i lo tsa ba mang du byung nas/ sde snod kyi chos mang pos khyab cing rgyal khams mtha' dag tu dar zhing rgyas te/ glegs bam la sogs pa la mchod cing bkur sti byed par 'gyur ro// yul bar ta ni nas u tro dang / sing ga la dang bod kyi yul la sogs pa rnams su rgyas

  661. 331a

    shing 'phel bar 'gyur ro// de nas lnga brgya lnga pa la/ dang po brgya la gtsug lag dang / sman dpyad la sogs pa byang chub sems dpa' rnams kyis rgyas shing 'phel lo// brgya gnyis pa la rgyal khams yongs su khang khyim dang / sde dang ris dang / khrims dang bca' gzhi 'phel lo// brgya gsum pa la/ che chung dang bzang ngan du 'phel te/ chos mdo sde dar te dge sdig dang chos la yid ches pa'i rgyal po dang / blon po grangs kyis byung nas dad pa dang bsnyen bkur gyis bsod nams dang tshogs skye ba sha stag gnas so// de tsam yan chad du gsang sngags gtor ma'i chos 'di pa la/ rgyal po chos nyid la mi phyogs pa dang / blon po phrag dog can gyis dbang bskur te/ gsang sngags kyi chos dbang yod pa dang / thabs mkhas pa 'ga' tsam gsang nas spyod/ gzhan spyod du mi ster zhing / gsang sngags sa dbyibs dang / gtsug lag khang gi ka ba la sogs par smras so// de'i dus su rgyal khams su mi bde ba dang / snying rje med par gcig gis gcig gsod pa dang / rje khol dang che chung gi rim pa med par gsod cing spyugs pa dang / gnas nas 'don pa la sogs mi bde ba'i sdug bsngal sna tshogs pa myang zhing rgyal khams sil bur 'chad par 'gyur ro// de nas brgya gsum pa la/ 'di'i brgya grangs gang 'ag ma 'breg par dbyad / lung rgyud sde gnyis su chad

  662. 331b

    nas/ rgyud kyi chos gdal ba chen por spyad/ thams cad yongs su dam la btsud de dar zhing rgyas par spyod nas/ lung bsubs pas ston pas mthu byin chung la 'bras bu'i chos la zhugs pas rgyal khams kun cung zad cig bde zhing / rtsa ba'i gtor ma 'di rtogs ma rtogs kun spyod par 'gyur/ rgyud nyid kyang ris gnyis su 'dzin cing / gcig la gcig skur pa 'debs te/ dam nyams pas mthu byin med par/ ke'u shang dang gsar bu'i chos sdebs pa mang por spyod par 'gyur ro// de nas brgya bzhi pa la/ mthu byin med pas ma rungs pa dag 'byung la/ rgyud dang mdo sder chad nas/ mdo sdes rgyud bsubs te/ sngon gyi zab cing rgya che ba'i bka' brgyud las/ gzhan ni sangs rgyas kyis bka' min zhes sgro 'dogs par byed do// de'i mtha' khob pa'i rgyal po dag kyang / rgyu'i chos dar che bar 'byin la/ 'bras bu'i chos nub par sgro 'dogs par byed do// de'i dus na 'khrug pa dang rims nad mang bar 'byung zhing / mu ge yang skabs su 'byung zhing / de rnams kyang dus ma yin par 'chi ltas ngan pa dag 'byung bar 'gyur ro// de nas lnga brgya pa la mdo sde nub nas 'dul ba shas 'byung ste/ byang phyogs kyi rgyud du dar bar 'gyur ro// de tsam na gsang sngags 'bras bu'i chos ni/ gang zag gcig 'gas spyod par 'gyur te// de 'bras bu'i 'phang mi zhan

  663. 332a

    pa thob par 'gyur ro// de tsam na rtsa ba'i gtor ma 'di la dus dang skabs dang / gang rig 'dzin rnams kyis spyod cing / lha ma srin las 'phro dang ldan pa sha stag dam la 'dogs shing gnyen zhing mthu byin dang ldan par spyod par 'gyur ro// de nas rgya bzhi pa la/ shrI na len+d+ra dang / rdo rje gdan la sogs pa rgya gar dang / kha che dang / li dang / u rgyan yul la sogs pa gnas khyad par can du/ gang zag khyad par can gyis bsgrub pa khyad par can gyis gsang sngags 'bras bu'i sgo nas grub pa thob pa sha stag 'byung ste/ dngos grub thob pa dang / 'phags pa'i zhal mngon du grub par mthong ba dang / yid ches shing mthar phyin par 'gyur ro// de nas brgya lnga pa la/ paN+Di ta lnga brgya la sogs pa 'phags pa nyid du bzhugs pa rnams/ las 'phro dang ldan pa la zab cing rgyas par ston pa'i phyir/ bzhugs thabs dang sder 'khod nas/ da pa dang mchod gnas kyi rten du gnas so// de nas lnga brgya drug pa la/ byang chub sems dpa'i rgyal po bco brgyad byung nas/ rgyal khams bco brgyad du gsang sngags 'bras bu'i chos dar bar 'gyur ro// de nas bod kyi rgyal po byang chub sems dpas dad pa dang thugs dam du bcas nas/ bod kyi rgyal khams su gsang sngags 'bras bu'i chos dar zhing rgyas par 'gyur ro// de tsam na grub pa thob cing sangs rgyas pa

  664. 332b

    rgyal khams mtha' dag tu 'byung bar 'gyur ro// sngar grub pa thob pa dang / phyis grub pa thob pa rnams kyis/ g.ya' ri dang gangs rgyud kyi dregs pa can thams cad dam la btags nas gtor ma byin te/ gsang sngags 'bras bu'i chos spyod pa'i srung mar khas 'ches so// rgyal khams kun tu yod bde ba 'phel zhing nyes pa shas tsam yang mi 'byung ngo // de nas lnga brgya bdun pa'i tha ma la/ rgya dang bod la gsang sngags spyod pa'i paN+Di ta mkhas pa mang du 'byung ste/ log pa'i chos dang mu stegs la sogs pa sun phyung ste/ gtan sangs rgyas kyi bstan pa la rgol ba'i skabs med par 'gyur ro// gsang sngags 'bras bu'i chos las kyang lung dang man ngag gi phyogs thams cad kyang rgyas shing 'phel bar byed do// de la grub pa thob pa dang / mthu byin dang ldan par grangs kyis 'byung bar 'gyur ro// de la gnyis su yang gyur pa med do// de ci'i phyir zhe na/ chos thams cad chos nyid 'dus ma byas kyi gtor ma las/ gzhan gang du yang 'gyur ba med do// gtor rgyud chen po las/ bstan pa dang nub kyi le'u ste so lnga pa'o// // de nas yang rdo rje sems dpas 'di skad ces gsol to// bcom ldan 'das chos thams cad gtor mar 'dus la/ gtor ma'i rang bzhin ma g.yos pa las/ de ltar snang 'gyur las/ snang zhing 'gyur tsam na/ gtor ma'i chos nyid las

  665. 333a

    ma g.yos pa lags na/ gtor ma'i chos nyi tshe'i bstan pa yul gang du 'byung / dar ba dang / nub pa dang / legs nyes mchis ma mchis/ bde bar gshegs pas lung bstan du gsol// bcom ldan 'das kyis bka' stsal pa/ gtor ma'i rang bzhin du ci ltar snang ba thams cad 'gyur ba med pa las/ logs su bstan pa ni dka' ba ste/ bshad cing bstan pa med na yang / dper na nam mkha' la 'gyur bapa med pa la/ gza' skar dang tshes grangs dang lo zla dang dbyar dgun du brtsi zhing 'grang ba dang 'dra ste/ chos nyid ni dus gsum du 'gyur ba med pa yin la/ chos can ci ltar yang grangs dang rtags su snang ba ni 'di lta ste/ chos thams cad ni ma skyes pa'i dbyings yin la/ de las chos kyi sgo yang bsam gyis mi khyab par snang yang / thar pa chen po'i gnas su gcig cing dbye ba med pas chos thams cad 'bras bur 'dus so// 'bras bu'i chos kyang gtor mar 'dus so// de lta bas na thams cad du/ gtor ma'i rang bzhin du gnas pa las/ 'khrul pa tsam gyis mtshan mar snang ba ni/ gtor ma log par gol ba ni/ dus dang bskal pa dang bgrang ba sha stag 'byung ba 'di lta ste/ dang po gtor ma'i rgyu la chags pa'i bskal pa dang / srid par 'dogs pa mas chags pa bzhi dang ldan pas gcig go/ de nas gtor ma'i mgron gol ba

  666. 333b

    las/ khams gsum du srid de gnyis so// de nas gtor ma'i rdzas gol ba las/ gzugs dang kha dog dang dbyibs dang tha dad par snang ba ni/ bzhi dang bcu gnyis so// de nas gtor ma'i mgron gol ba las/ skye 'gro dang snod gol ba las snod kyi 'jig rten/ rdzas gol ba las rtsi shing dang nags tshal la sogs par gnas pa la/ khams gsum srid gsum zhes 'dogs so// de ltar ston pa'i gtor ma'i tan tra 'di gang yin pa ni kun tu bzang po la/ gang las spros pa kun tu bzang mo las spros pa 'di/ dang po rgya gar yul du dar bar 'gyur ro// de nas kyang sing ga la'i yul du dar bar 'gyur ba la/ lo lnga brgyar gnas so// de nas lo nyis brgya nas nub par 'gyur ro// de nas lo sum brgya la/ u rgyan yul du dar bar 'gyur ro// de nas lo brgya la/ rgya gar dang / u rgyan dang / sing ga la dang / za hor yul dang / bru sha'i yul dang / li la sogs pa'i rgyal khams drug tu grags par 'gyur te/ sku lus ma bor bar phyag rgya chen po'i rig 'dzin gyi gnas su sangs rgyas par 'gyur ro// de nas lo lnga brgya na gtor ma'i chos 'di nub nas/ rgyu'i chos dar bar 'gyur ro// de nas lo brgya la rig pa can la sogs pa rnams kyis/ gsang sngags 'bras bus chos dang / gtor rgyud rnams sngon gyi dpe rnying pa las dar bar 'gyur nas/ des

  667. 334a

    kyang grub pa thob cing yid ches pa'i rtags dang ldan nas mthu dang rdzu 'phrul ldan pa mang po yang sangs rgyas shing 'phel bar 'gyur ro// de nas lo lnga brgya la bod kyi rgyal khams su dar bar 'gyur ro// de nas dam la gnas shing tshul du shis pa grangs kyis sangs rgyas shing 'tshengs par 'gyur ba yang mang ngo // dam la mi gnas shing ris 'dzin pa phung ba yang grangs kyis mang bar 'gyur ro// de ci'i phyir zhe na/ bod phrag dog la gnas pa/ sangs rgyas kyi bstan pa dang / log pa'i phyogs su yang ris 'dzin/ sangs rgyas kyi bstan pa yang rgyu 'bras gnyis su ris 'dzin/ 'bras bu'i chos kyang bzang ngan gnyis su ris 'dzin pa'i phyir ro/ de nas lo lnga brgya la rgyu'i chos dar ba mang bar spyod/ 'bras bu'i chos ni nub par spyod pa nyung shas tsam gnas nas gnyis ka'i nang nas sangs rgyas kyi bka' bas gang zag gis bslad pa mang bar yod de/ mi tshig mang bar dar bas/ byin dang 'bras bu chung bar 'gyur ro// de nas gsang sngags gtor ma 'di dag spyod pa nyung shas tsam zhig las/ brgya tha ma la bag tsam dar bar gyur nas/ de nas chos thams cad nub par gyur nas/ bskal pa ris phra mo bdun tsam gyis nyes pa las/ skye bas thogs pa'i byang chub sems dpa' gcig gis rgyu 'bras kyi theg pa bstan nas/ de phyis ring zhig tu dus kyang

  668. 334b

    phyir zhing bzang ste/ sa thob pa dang / grub pa thob pa mang bar 'byung zhing / de la dar nub kyang mi 'byung bar rgyu 'bras kyi chos gang la dad pa res kyis lo stong phrag gsum du gnas par 'gyur ro// de nas thams cad gtor gzhong yang chos nyid du bsdus te srid pa zhig go/ gtor ma'i rdzas skye 'khrungs kyang skye ba med par gsol te dengs so// gtor mgron yang rig pa gcig gi dkyil 'khor du 'dus te 'phros so// de yang gtor ma'i rang bzhin la ma rig ma rtogs pa la skye bo'i cho 'phrul gong ma ltar du snang ngo // yang dag pa'i chos nyid gtor ma 'di rig cing rtogs na/ de gang du yang grub cing bstan pa med la// lhun gyis grub pa gtor ma rang bzhin med pa'i ye shes su gnas so// gtor rgyud chen po las/ gtor ma'i rim pa byung ba'i le'u ste so drug pa'o// // de nas rdo rje sems dpas thams cad gtor ma'i rang bzhin la/ 'khrul pas chags 'dzin du mthong ba la/ snying rje ba'i sems skyes nas/ 'pho 'gyur bral ba'i dbyings su 'bul ba'i gtor ma 'di skad ces gsungs so// hUM ma rig 'khrul pa'i rdzas su snang ba la// 'dzin chags byis pa'i spyod pas so sor snang // bag chags brtas pa'i dbang gis bcings pa rnams// 'bar byed chen po'i klong du gshegs su gsol// bcom ldan dpal chen che mchog he ru la/ rgyud

  669. 335a

    drug las kyis bsdus pa'i gtor mar 'bul// 'khor ba'i sdug bsngal byang chub don mdzad nas// mi ldog don gyi mchod pa bzhes su gsol// bcom ldan dpal chen bud+d+ha he ru la/ log rtogs gzugs kyis bsdus pa'i gtor ma 'bul// mtshan ma rdzas kyi dngos po zhi mdzad nas// mi dmigs don gyi mchod pa bzhes su gsol// bcom ldan dpal chen badz+ra he ru la// rnam shes tshogs kyis bsdus pa'i gtor ma 'bul// nyon mongs zhen pa'i mtshan ma zhi mdzad nas/ mi rtog don gyi mchod pa bzhes su gsol// bcom ldan dpal chen rat+na he ru la// bde sdug gnyis med don gyi gtor ma 'bul// tshor sred len pa'i mtshan ma zhi nas kyang // mi spang don gyi mchod pa bzhes su gsol// bcom ldan dpal chen pad+ma he ru la// che chung tsam med bsdus pa'i gtor mar 'bul// 'dod chags zhen pa'i mtshan ma gzhi mdzad nas/ mi 'gyur don gyi mchod pa bzhes su gsol// bcom ldan dpal chen karma he ru la// 'du byed rnam rtog bsdus pa'i gtor ma 'bul// dge sdig las kyi mtshan ma zhi mdzad nas// bcos med don gyi mchod pa bzhes su gsol// bcom ldan dpal chen rak+Sha he ru la/ gzung 'dzin gnyis kyis bsdus pa'i gtor ma 'bul// chags sdang las kyi mtshan ma zhi mdzad nas// spros med don gyi mchod pa bzhes su

  670. 335b

    gsol// bcom ldan dpal chen bi shra he ru la// skyon yon gnyis kyis bsdus pa'i gtor ma 'bul// nyes legs las kyi mtshan ma zhi mdzad nas// g.yo med don gyi mchod pa bzhes su gsol// bcom ldan dpal chen gu h+ya he ru la// phyi nang gsang bas bsdus pa'i gtor ma 'bul// snod bcud las kyi mtshan ma zhi mdzad nas// 'gyur med don gyi mchod pa bzhes su gsol// khams gsum yum mchog d+hak+ki dgu rnams la// 'byung lnga snod bzhi'i bsdus pa'i gtor ma 'bul// yod med dngos po'i mtshan ma zhi mdzad nas// ma skyes dbyings kyi mchod pa bzhes su gsol// ko ri la sogs khro mo brgyad rnams la// rnam shes dbang pos bsdus pa'i gtor ma 'bul// mthong thos phyogs ris mtshan ma zhi mdzad nas/ skye 'gag med pa'i mchod pa bzhes su gsol// sing+ga la sogs phra men brgyad rnams la// dur khrod gnas brgyad bsdus pa'i gtor ma 'bul// phyi nang dur khrod mtshan ma zhi mdzad nas// spros pa med pa'i mchod pa bzhes su gsol// rnam rgyal la sogs khro bo bcu rnams la// bza' btung bgo bas bsdus pa'i gtor ma 'bul// chags sems las kyi mtshan ma zhi mdzad nas// spang med don gyi mchod pa bzhes su gsol// snyems ma la sogs khro mo bcu rnams la// snang srid dag pas bsdus pa'i gtor ma 'bul// skye 'gro las

  671. 336a

    kyi mtshan ma zhi mdzad nas// rtog med don gyi mchod pa bzhes su gsol// mi srin la sogs nyi shu brgyad rnams la// mkha' dbyings b+ha gas bsdus pa'i gtor ma 'bul// lhung sems gol ba'i mtshan ma zhi mdzad nas// gnyis med don gyi mchod pa bzhes su gsol// dga' byed mkha' 'gro sum cu rtsa gnyis la// sha khrag rus pas bsdus pa'i gtor ma 'bul// dug gsum las kyi mtshan ma zhi mdzad nas// ma g.yos don gyi mchod pa bzhes su gsol// brtse gdung tshul bzhin ma bdun sring bzhi la// dam rdzas gnyis su bsdus pa'i gtor ma 'bul// skyon yon las kyi mtshan ma zhi mdzad nas// ma skyes don gyi mchod pa bzhes su gsol// pho nya sder mo sum brgya drug cu la// dur khrod phung pos bsdus pa'i gtor ma 'bul// skye shi'i las kyi mtshan ma zhi mdzad nas// ma bcos don gyi mchod pa bzhes su gsol// rdo rje ka tar rdo rje ging chen bco brgud la// srog dbugs gnyis su bsdus pa'i gtor ma 'bul// 'pho 'gyur las kyi mtshan ma zhi mdzad nas// ma spangs don gyi mchod pa bzhes su gsol// zhes brjod pas log pa'i 'pho 'gyur ri rab tsam byang bar 'gyur ro// gtor rgyud chen po las/ gtor ma 'bul zhing bstab pa'i le'u ste so bdun pa'o// // de nas yang kun tu bzang pos 'di skad ces bka' stsal

  672. 336b

    to// sems dpa' chen po phyogs bcu dus gsum gyi sangs rgyas kyi sku 'dzin cing zhal mthong ba zhes bya ba yang gzhan ma yin te gtor rgyud chen po 'di tshig dang yi ger bris nas/ gang 'chang ba dang / gang zhig gis zhal mthong ba ni sangs rgyas thams cad zhal mthong zhing 'chang ba yin no// sems dpa' chen po de bzhin gshegs pa'i gsung rab mi 'chad par 'dzin cing bzlas pa yang gzhan ma yin te/ tan tra 'di klog cing 'don pa'o// sems dpa' chen po de bzhin gshegs pa'i thugs yang dag pa'i ye shes rtogs pa zhes bya ba yang / gzhan ma yin te/ rgyud 'di yid la 'dzin cing gzungs su 'chang ba de de bzhin gshegs pa'i thugs yang dag par rtogs pa'o// sems dpa' chen po/ de bzhin gshegs pa'i yon tan zhes bya ba yang gzhan ma yin te/ rgyud 'di yid la 'dzin cing 'chang ba la de bzhin gshegs pa'i yon tan gang yang ma tshang ba med pa'o// sems dpa' chen po/ de bzhin gshegs pa'i phrin las zhes bya ba yang gzhan ma yin te/ rgyud 'di'i don mthar phyin pas de bzhin gshegs pa'i phrin las ma rdzogs pa med pa'o// sems dpa' chen po/ sngar 'dus pa'i de bzhin gshegs pa yang rgyud 'di'i don thugs su chud pas mngon par rdzogs par sangs rgyas la/ de bzhin du da ltar dang phyis 'byung ba rnams kyang de bzhin du

  673. 337a

    sangs rgyas pas/ rgyud 'di sangs rgyas kyi dgongs spyod de kho na nyid ces bya ste/ rgud 'di shes shing 'dzin pa ta a cang yang ches te zhal tsam yang mthong ba dang ming tsam yang 'dzin pa yang ngan song las grol nas thar pa'i bde ba longs spyod rgyun mi 'chad par 'gyur ro// sems dpa' chen po/ rgyud 'di ni phan yon che yang che la chung yang chung ngo // de ci'i phyir zhe na/ rgyud 'di zos shing rtogs pa rnams ma btsal lhun gyis grub pa dang po nas rang rgyud du 'grub par 'gyur la/ 'di ma thos ma rtogs na khams gsum 'khor ba'i sdug bsngal las nams kyang thar bar mi 'gyur ro// sems dpa' chen po/ rgud 'di thugs rje che yang che la chung yang chung ngo // de ci'i phyir zhe na/ sngon gyi las 'phro dang ldan pas rgyud 'di'i zhal mthong zhing thos par 'gyur la/ las 'phro dang mi ldan pas rgyud 'di'i zhal mi mthong zhing skal ba dang mi ldan pa'i don no// sems dpa' chen po/ rgyud 'dis ni khyab kyang khyab la ma khyab kyang ma khyab bo// de ci'i phyir zhe na/ thams cad 'di las byung zhing 'dir 'dus pas khyab la/ de ltar khyab kyang de ltar shes shing rtogs par dka' bas ma khyab bo// sems dpa' chen po/ rgyud 'di ni yod kyang yod la med kyang med do// de ci'i phyir zhe na/ rtogs pa'i klong yod na go ba'i yul na yod la/ ma rigs pa dang sgro

  674. 337b

    skur can na med do/ sems dpa' chen po/ rgyud 'di gnas kyang gnas la/ mi gnas kyang mi gnas la/ de ci'i phyir zhe na/ dam tshig la gnas pa'i rgyal ba'i sras po la tshig dang yi ger bris te gnas la/ dam la mi gnas shing phyogs char byed pa la nam yang gnas par mi 'gyur ro// sems dpa' chen po/ rgyud 'di ni 'jig rten gyi khams su grags kyang grags la/ ma grags kyang ma grags so// de ci'i phyir zhe na// chos thams cad kyi rtsa bar gyur pas grags la/ dper na seng+ge'i 'o ma dang 'dra bar kun gyis mi theg cing snod dang ldan pa gcig 'ga' la srid pa'i phyir ro// de lta bu'i don kyang rtsa ba'i gtor ma dkon zhing rin che ba ste/ rin thang dpag tu med pa'i phan yon te/ rgyud 'di 'byung bar yang dkon la/ nub par yang mi 'gyur ba'i dpe'o// de skad ces bka' stsal pas/ rdo rje sems dpas rgyud 'dzin cing snod du 'gyur bar bya ba'i phyir/ lha dang mi'i dkor dang longs spyod kun tu bzang po la phral lo// gtor rgud chen po las/ rgyud kyi phan yon bstan pa'i le'u ste so brgyad pa'o// // de nas rdo rje sems dpas kun tu bzang po'i bka' de thos pas/ shin tu 'gro ba rnams chags shing gol bar gzigs nas/ 'gro ba sems can snod dag par bya ba dang / rgyud thos par bya ba dang / man ngag gting phyin par bya ba dang / lung nam du

  675. 338a

    yang mi nub par bya ba dang / byas pa'i 'bras bu chud mi zos par 'grub nges par bya ba'i phyir/ 'gro ba yongs la 'di skad ces bya ba'i sgra bsgrags so// mi 'gyur dbyings su gang 'dod pa'i// rgyal ba'i sras po kun yin pas// rgyal bas ci ltar gsungs pa bzhin// bu mchog rnams kyis mnyan par gyis// 'khor ba med par bya ba'i phyir// pha ma spun dang ming srid dang / bdag dang rgyal srid bu dang grogs// bla ma la ni bran du 'bul// de tshe bla ma ma bzhed na// ci ri ba yi rin gyis blu// rgyud chen thos par de gyur na// gzod cig 'khor ba mya ngan med// chags pa med par bya ba'i phyir// gser dngul la sogs rin chen lnga// spug la sogs pa'ang de bzhin du// glang po la sogs rta rnams dang // dar dang lhab lhub na bza' dang // zhal zas la sogs tshogs rnams kyis// bla ma mnyes par kun phul nas// zhu ba dag ni tshul bzhin bya// gsol btab gnang ba thob byas nas// gzod cig sangs rgyas sems can med// gnas pa med par bya ba dang // 'chi ba med par bya ba'i phyir// gnas dang yul dang zhing rnams dang // bran dang gnyen la sogs pa rnams// dad pas dmigs la dbul bar bya// gsol btab gnang ba thob byas na// lung chen gnas par de gyur nas// gzod cig 'khor ba mya ngan med// tha na de

  676. 338b

    dag ma 'byor cing // gang yang yod par ma gyur na// lus dang srog mi 'phangs byas nas// brtson 'grus dka' ba'i grims phyung nas// g.yo sgyu med par rab tu 'bad// bka' stsal bsnyen bkur thugs zin na// de bzhin gshegs pa'i bka' brgyud dang // rgyud dang lung dang man ngag rnams// ci ltar 'dod pa bzhin du thos// gtor rgyud 'di yi zhal mthong zhing // theg pa chen po'i chos thos nas// mya ngan 'das pa'i don rtogs shing // kun tu bzang por gdon mi za'o// gang zhig de ltar mi byed cing // chags pa'i tshul gyis gtor mi shes// 'dzin pa'i sems kyis rtag par sems// gzhung dang mi mthun zol thabs kyis// rgyud lung man ngag ci smos kyis// bka' chos nyi zer tsam yang des mi mthong // de tshe ngan song gsum dang 'grogs// chags dang 'dzin pas der ma shes// yul 'khor la sogs 'di kun yang // gtong phod gang gnas dam pa yin// de tshe gtong yang mi 'bral 'grogs// der yang ma zad dpag mi langs/ gang zhig 'dzin chags gtang mi shes// de tshe bzung yang mi 'grogs te// bzung ba dbul pos gter stor nas// gar yang 'grogs med phan med 'gyod// ma rig bu gcig snying re rje// chos med than pas rdos sam tshig/ byang chub char gyis ma brlan na// rgyu 'bras gnyis ka tshig bskams nas// myu gu byang chub

  677. 339a

    'bras bu med// ngan song du skyes bzod blag med// gang zhig theg chen khrims thos pas// phangs med yon gyis sna 'dren cing // gzugs snang rtogs pa'i zhing rmos te// byang chub lam gyi sa bon btab// man ngag bdud rtsi'i char chen gyis// ye shes las kyi 'bras bu smin// rtsa ba'i gtor ma'i rang bzhin du// sangs ma rgyas pa gcig kyang med// mtha' yas gnas pa'i 'gro kun gyis// kun thos 'di rtogs grol bar shog/ ces bya ba'i sgra bsgrags pas// ci ltar phyis 'byung thams cad kun// gtor ma'i snod du rung bar byin gyis brlabs so// de skad ces bya ba'i sgra mtha' yas pa'i sems can thams cad kyis thos pas/ chags pa dang bral nas/ rgyud dang lung dang man ngag gi snod du rung ngo // gtor rgyud chen po las/ man ngag gi snod srod pa'i phyir// yon 'bul ba'i le'u ste so dgu'o// // de nas rnal byor pa rnams la phan gdags pa'i phyir/ za ma'i gtor ma ched du brjod do// rnal 'byor lung dang ldan rnams kyis// sngags dang phyag rgyur ldan byas nas// mchod pa'i tshogs kyi khyad par las// dgongs pa'i za gtor gtang bar bya// de la rnal 'byor pa mtha' dag dus bzhi dag tu 'dod pa la longs spyod par byed do// de chos nyid du spyod par shes na yang gtor ma'o// rnal 'byor pa ni dus thams cad du chos la

  678. 339b

    longs spyod do// de'i dgongs spyod kyang gtor rgyud chen po 'di ltar spyod na yang gtor ma'o// de'i phyir za ma thams cad ni tshogs la/ de bsngo ba dang ldan pa ni gtor ma'o// de ci'i phyir zhe na/ dper na shing mkhan thabs la mkhas pas shing thams cad 'phrul du byin gyis brlabs pa bzhin/ thabs 'di ltar mkhas pas thams cad du gtor mar longs spyod cing / gtor ma longs spyod pa las mngon par rdzogs par sangs rgyas par byin gyis rlobs pa'i mthu yod pa'o// de la dang po za ma'i gtor ma'i dgongs rgyud ni/ rnam pa bdun dang ldan par bya ba'am/ yang na lnga dang ldan par bya ba ste/ de yang gang zhe na/ dang po gtor ma'i dgos pa dang / theg pa chen por kun tshang ba'i dgos pa dang / gnyis su med par tshogs kyi longs spyod bya ba dang / lhag ma'i phrin las kyi mchod pas gnyis su med par bya ba dang / dngos po dang mtshan ma mi gnas pa'i chos nyid stong pa'i ngang du gtor ma bya ba'o// de la dang po za ma'i gtor ma'i dgongs pa ni/ lag pa g.yas pa 'jam dpal gyi phyag rgya bcas la/ bdag la dgra bgegs yod na rtogs pa yod pas/ dgra bgegs thams cad ting nge 'dzin gyis khugs par bsams la/ tshe dang ga la phyi la dbyer med par bstims la/ srid pa'i dra ba gcod pas mi gnas par bsgral la/ rgyal ba'i sras su rigs nges

  679. 340a

    par dbang bskur la bzhag/ de nas rnal 'byor pa'i longs spyod dang / mchod pa'i yo byad las/ gtor ma bsngo bar bya ba ni/ hUM bcom ldan dpal chen po yab yum sras dang bcas pa dang // 'khor rgyal ba rgya mtsho dang bcas pa rnams/ rnam rtog zad par bya ba'i gtor ma bzhes su gsol// oM ba lin ta kha raM khA hi/ kha raM ta ki ni/ khA yo gi ni/ nga rta ba ga a la la ho zhes brjod la/ ci ltar snang ba thams cad gtor ma'i rang bzhin du 'phags pa rnams la mchod cing / rgyal ba rgya mtsho rnams la thugs dam gyi rgyud bskul nas/ gtor ma'i mchod pas dus rtag tu mchod pa rgyun mi chad par bsgom pa'o// de nas theg pa chen por kun tshang bar bsgom pa ni/ gzhung du ma dag las shes par bya'o// de nas gnyis su med par bgyi ste/ bdag mchod kun mnyes sangs rgyas thams cad 'grangs// zhes 'byung nga bstan pas/ don de lta bas na/ bdag mchod pa la sogs so// tshogs kyis bdag la thim pa ni// rgyal ba mnyes par bsam pa'o// rgyal ba mnyes pas ni/ bdag gi dngos grub thob par bsgom pa'o// bdag dngos grub thob pas thams cad sangs rgyas par tshogs dang gtor mar longs spyod pa'o// de nas lhag ma'i phrin las su bya ba ni/ dang por dngos po de las chos nyid du dbyings gcig cing /

  680. 340b

    rtogs pa'i gegs med par bya ba ni/ tshogs kyi lhag ma la spyi sdom ste/ oM badz+ra rat+na pad+ma karma bud+d+ha ba lin ta kha khA zhes brjod la/ gang yang mi gnas pa'i phrin las bcol lo// de nas dngos po dang mtshan mar mi gnas par bya ba ni/ thams cad stong pa'i rang bzhin las ma gtogs pa/ rtogs pa dang mtshan ma gar yang mi gnas par tshogs kyi gtor mar longs spyod pas/ thams cad chos nyid dbyings kyi gtor mar sangs rgyas par bsgom pa'o// gtor rgyud chen po las/ za ma'i gtor ma'i le'u ste bzhi bcu pa'o// // de nas bcom ldan 'das rdo rje sems dpas/ kun tu bzang po la 'di skad ces gsol to// e ma ho/ bcom ldan 'das de lta bu'i gtor ma 'di// gtor zhing gang la gtang ba lags// gter gang du bzhag pa lags/ spyad cing btsal ba'i thabs ci lta bu lags/ yang bcom ldan 'das kyis lung bstan du gsol// bcom ldan 'das kyis bka' stsal pa/ rdo rje 'dzin pa chen po lung bstan pa 'di/ phyogs bcu'i sangs rgyas rnams kyis kyang bshad la/ ngas kyang bshad par bya'o// gtor ma 'di dag gtor zhing gtang bar bya ba ni/ 'byung ba chen po lnga la gtor zhing gtang bar bya'o// de ci'i phyir zhe na/ de ni gtor ma thams cad kyi rgyu yang yin la/ gtor ma'i mgron gyi bzhugs gnas kyang yin la/ gtor ma'i 'bras

  681. 341a

    bu chos kyi dbyings rnam par dag pa'i klong yang yin pas/ gtor ma nam mkha' la gtong ba ni/ nam mkha'i mthongs su nam mkha' la gtor ba'o// de ci'i phyir zhe na/ de ni chos nyid skye ba med pa'i dbyings kyis thams cad shes shing go 'byed pa'o// gtor ma sa la gtong ba ni/ gang na gnas pa'i sa phyogs bzhi dang mtshams brgyad du khyab par gtor ba'o// de ci'i phyir zhe na/ de ni che ba'i yon tan gyis thams cad bskyed cing smin par byed pa'o// gtor ma chu la gtang ba ni/ rgya mtsho chen po'i 'jing sleb pa'i chab chu dang gzhung la gtor ba'o// de ci'i phyir zhe na/ de ni thugs rje chen pos thams cad snrums pa'o// gtor ma me la gtang ba ni/ tsu ta'i shing la sogs pa la 'bar ba'i me btang ste bsregs la gtor ba'o// de ci'i phyir zhe na/ de ni ting nge 'dzin gyi 'od zer rnam rtog bsreg pa'o// gtor ma rlung la gtang ba ni/ rdo rje rlung gzhon pa'i ri gsum gyi rtse la btang ngo // de ci'i phyir zhe na/ de ni rnam par rtog pa'i dgra bgegs thams cad 'thor zhing g.yeng ba'o// gtor rgyud chen po las/ gtor ma btang ba'i le'u ste zhe gcig pa'o// // de nas gtor ma gter du sba ba ni/ gong du gtor ma 'di spyod par sa la dong chag gang bus la/ dang po chos kyi sku'i gtor ma la/ rin po che sna tshogs kyis gtor mar sbyar la

  682. 341b

    gter du sba'o// de ci'i phyir zhe na/ de yang chos kyi sku mi 'gyur ba'i klong na bzhugs pa la/ yon tan gyi tshogs cir yang snang zhing 'byung ba'o// de la 'di skad ces brjod par bya'o// hUM kun tu bzang mo'i mkha' dbyings su// chos sku 'gyur ba med pa yis// rdo rje rigs kyi gter sbas pas// sgrub pa po la dngos grub stsol// sangs rgyas spyan gyi mkha' dbyings su// longs spyod rdzogs par rab snang ba'i// rin chen rigs kyi gter sbas pas// sgrub pa po la dngos grub stsol// ma ma ki yi mkha' dbyings su// gzugs sku gzha' tshon gsal ba yi// rin chen rigs kyi gter sbas pas/ sgrub pa po la dngos grub stsol// gos dkar mo yi mkha' dbyings su// mngon par gsal ba'i skur snang ba'i// pad+ma rigs kyi gter sbas pas// sgrub pa po la dngos grub stsol// dam tshig sgrol ma'i mkha' dbyings su// sprul pa'i sku dang rab ldan pa'i// las kyi rigs kyi gter sbas pas// sgrub pa po la dngos grub stsol/ zhes brjod pas/ zad pa med pa'i gter dam pa dang ldan par byin gyis brlab bo// gtor rgyud chen po las/ rin po che'i gtor ma sba ba'i le'u ste zhe gnyis pa'o// // de nas gtor ma rnam pa gsum po yang / dang po tsit+ta spungs pa yang // rnam par shes pa dbang po dang / gtor ma'o// bar pa phung po btubs pa yang / nang rol gyi gtor

  683. 342a

    ma'o// tha ma rdzas kyi lhag ma la/ dug gsum gyi gtor ma'o// gtor rgyud chen po las/ gtor ma rnam gsum gyi le'u ste zhe gsum pa'o// // de nas bcom ldan 'das dpal rdo rje sems dpas/ bcom ldan 'das dpal kun tu bzang po la/ 'di skad ces gsol to// kye ma bcom ldan 'das thugs rje chen po dang ldan pa/ thabs mkhas pa'i dbang phyug chen po/ kun la snyoms pa'i 'gro ba'i mgon po/ thams cad la dbang bsgyur ba'i mthu rtsal dang ldan pa de la phyag 'tshal lo// zhes bya bas bstod do// de nas bcom ldan 'das kyis bka' stsal pa/ rdo rje sems dpa'/ sangs rgyas thams cad kyang rgyud 'di yin la/ rgyud 'di yang sangs rgyas thams cad kyi mdzad spyod dam pa'i rang bzhin te/ rgyud 'di ni thams cad la grol zhing smon par ngas bstan pa ste/ thugs ye shes nyid rgyud 'di'i rang bzhin te/ 'di ni sangs rgyas 'jig rten du 'byung ba dang 'dra bar dkon pas/ 'di gang du gnas par sangs rgyas thams cad gnas pas/ rnal 'byor pa dam la gnas shing snod yod pa rnams la sems dpa' chen pos lung ston cig/ rgyud 'di ni gang zhig 'dzin cing 'chang na yang / de yang sangs rgyas dang 'dra ba yin pas/ de la ni 'khor rnams kyis kyang sangs rgyas dang 'dra bar blta'o// rgyud 'di ni rnal 'byor pa gang zhig gis//

  684. 342b

    'chad cing ston nus na yang / kun tu bzang po nyid dang 'dra bas/ 'khor ma lus pa rnams kyis kyang / des ci bsgo ba mnyan par bya'o// de nas rdo rje sems dpas/ 'di skad ces gsol to// bcom ldan 'das rgyud 'dis ni/ bde bar gshegs pa'i dgongs spyod thams cad ma lus par bstan te/ gang zhig 'di la mos pa dang / 'di bsgoms shing sgrub pa la dga' ba rnams kyis 'di nyid kyi don rtogs nas sangs rgyas par gyur cig/ gang zhig 'di la mi mos shing sgro skur 'debs pa rnams ni/ bskal pa dpag gis mi langs par/ 'di'i ming tsam yang mi thos shing / mnar med pa'i dmyal ba chen por skye bar gyur cig rgyud 'di gang na gnas pa dang / dar zhing sgrogs pa'i sar/ bdag nyid chen po 'khor ma lus pa rnams kyis kyang / gtsug gi nor bu bzhin du 'degs par gyur cig ces smod par bya'o// gtor rgyud chen po las/ dam bcas pa'i le'u ste zhe bzhi pa'o// // de skad ces bka' stsal pa dang / rdo rje sems dpa' la sogs pa'i sangs rgyas thams cad kyang kun tu bzang po'i gtor ma'i rang bzhin du sangs rgyas par gyur to// gtor rgyud chen po rdzogs so// // mjug sdud man ngag blta ba mdor bsdus/ rgya gar gyi mkhan po pad+ma saM b+ha wa dang / bi ma la mi tra dang / lo tsa ba gnubs nam mkha'i snying pos bsgyur/ phyis bal po

  685. 343a

    ba rbad+har dang / gnabs sangs rgyas pa gas kyi zhus gtags pa// // r+m+ma gar ska d+ha/ kaHtrAT+TakA ka Na ma hAH/ ba skad du/ rnal 'byur nang ga chags chen po/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ 'og min chos kyi dbyings kyi pho brang / yum gyi b+ha ga mkha' dbyings rnam par dag pa na/ bcom ldan 'das rdo rje sems dpa' dang / rigs lnga'i sangs rgyas dang / gsang ba'i yum dang / 'khor sems dpa' dang sems ma dang / khro bo dang khro mo dang / mkha' 'gro ma dang sprul pa 'khor dang bcas pa dang thabs cig tu bzhugs pa'i tshe/ bcom ldan 'das dpal rdo rje sems dpa'i dbu'i gtsug tor drang po las/ 'od zer bsam gyis mi khyab pa 'phros pas/ nam mkha'i dbyings gang nas gang du khyab ste 'jig rten gyi khams thams cad khyab pas/ lha dang lha mo'i dkyil 'khor bsam gyis mi khyab pa/ phyag na yang rnal 'byor tshogs kyi mchod pa bsam gyis mi khyab pa thogs pas/ rgyal ba'i dkyil 'khor rab 'byams bsam gyis mi khyab pa thams cad la/ mchod pa'i rnam pa thabs dang shes rab kyi tshul du mchod/ dgyes pa chen po'i gzi mdangs kyis tshims par mdzad/ bde bar gshegs pa rnams kyi sku gsung thugs la phog

  686. 343b

    pas/ thugs dam chen po'i rgyud bskul te/ sku la phog pas/ mdzad pa'i phrin las dang ma 'gal bar thugs dam bskul/ gsung la phog pas/ bden pa'i chos nyid las ma g.yos par thugs dam bskul/ thugs la phog pas/ mnyam pa'i sems ma g.yos par thugs dam bskul/ dbang gi mchog zhus/ lha dbang lus la brtsegs pa dang / spyi dang 'dod dgur bsgyur ba dang / mos dbang sems dang 'dres pa dang / gsang dbang lhun gyis grub pa dang / dbang bzhi mnos/ dngos grub kyi mchog zhus/ sku'i dngos grub phyag rgya chen por rang gnang ba dang / gsung gi dngos grub chos nyid ma skyes par rang snang ba dang / thugs kyi dngos grub sems ye nas sangs rgyas su mnos/ skye 'gro ming dang gzugs kyis bsdus pa thams cad la khyab pas/ sems can gyi don byas te/ long bas gzugs mthong ba la sogs pa'i don byas/ 'khor ba'i skyon bsal te/ dngos por blta ba'i rdos pa bshigs/ log pa'i skyon bcom/ ma rig pa'i mun pa bsal/ sdug bsngal gyi rgyu bshigs/ 'khor ba'i 'dam nas drangs/ byang chub kyi shul bsrangs/ dngos grub kyi stod du rung bar mdzad/ rigs nges pa'i sras su mdzad/ 'od zer de dag slar rdo rje sems dpa'i sku la 'dus/ rdo rje sems dpa'i sku nyid shin tu lhan ne ba// lhan ne ba yang ma yin pa//

  687. 344a

    shin tu sang nge ba/ sang nge ba yang ma yin pa/ ci lta bur yang snang la/ ci lta bur yang ma yin/ thams cad du gsal ba/ ma bsgrubs pa nyi ma'i 'od dang 'dra ba/ de lta bu'i rdos pa can yang ma yin pa/ thams cad du blta bas mi ngoms pa la/ brtags kyis kyang mi langs pa'i sku gcig kyang gcig/ bsam gyis kyang mi khyab/ mthar thug pa yang med/ dbus su brtags pa yang med/ dngos po yang ma yin// stong pa yang ma yin/ yod par yang mi snang / med par yang ma song / btud nas nye bar med/ bkyed nas ring ba med pas thams cad du lhun gyis grub pa la/ 'di zhes bstan du med pa la/ ci lta bur yang dmigs su med pa/ gang yang ma tshang ba med pas sku gsal ba las/ rdo rje sems dpa'i chos kyi skur gyur to// de nas rdo rje sems dpas ljags kyi pad+ma las/ yig 'bru bzhi bcu rtsa gnyis kha dog rnam pa sna tshogs pa'i 'od zer bsam gyis mi khyab pa 'phros pas/ stong gsum gyi stong chen po lta bu'i grangs ma yin/ ji ltar nam mkha' nas gang du khyab pa thams cad gzugs dang sgra la sogs pas bsdus la/ de thams cad tshig gi bsdus/ tshig thams cad yi ges bsdus/ yi ge thams cad sangs rgyas kyi rang bzhin du lung bstan/ phyogs bcu dus gsum gyi sangs rgyas thams cad kyi ljags dang gsung la phog pas/ gang na

  688. 344b

    sangs rgyas bcom ldan 'das gsung gi sgo nas chos kyi 'khor lo bskor bar bzhed pa rnams bskul ba'i sa la bzhengs te bzhugs pa rnams la/ gsung gi sgo nas thugs dam gyi rgyud bskul te/ dgyes pa chen po chos nyid kyi mchod pa phul nas/ chos thams cad tshig dang yi ge'i sgo nas/ sangs rgyas pa'i don thugs ye shes kyi klong rum nas dgongs nas mgur gsang ba'i bum par phyung nas/ ljags kyi dbang po mchog la bkram nas 'gro ba sems can la chos kyi 'khor lo bskor bar bskul/ gang nas sangs rgyas bcom ldan 'das chos kyi 'khor lo bskor te/ 'gro ba mi rtag par bstan pa'i slad du/ thabs kyis mya ngan las 'das pa'i tshul bstan par bzhed pa rnams la yang phog pas/ dgyes pa chen po'i mchod pa phul/ thugs dam chen po'i rgyud bskul nas/ thabs kyis mya ngan las mi 'da' zhing / 'jig rten du yun ring du bzhugs par gsol ba gdab/ stug pos brgyan pa'i sangs rgyas rnams la phog pas/ yig 'bru gzugs kyi mchod pas mtshan dang dpe byad du ldan pa'i sgo nas bdag dang gnyis su med par thugs dam bskul/ yig 'bru tshig gi mchod pas gsung dbyangs bsam gyis mi khyab pa dang ldan pa'i sgo nas tshig gi don gsal nas chos nyid ma skyes par thugs dam bskul/ yig 'bru don gyi mchod pas thams cad mkhyen pa'i ye

  689. 345a

    shes dang ldan pa'i sgo nas don gyis rtogs par byas la sangs rgyas par byas te/ 'khor ba'i rgyu btsal gyis mi rnyed cing / thams cad byang chub snying po can du lhun gyis grub par dbang bskur te/ slar 'dus te rdo rje sems dpa'i thugs kar 'dus pa las/ rdo rje sems dpa'i thugs gcig tu mi snang ba/ gnyis su ma phye/ grangs su ma brjod/ ris su mi snang ba/ brjod du med cing brjod pa'i mtha' las 'das pa/ smra ba yang med pa/ ma gsungs pa med pa/ thugs nam mkha' dang 'dra ba la/ rtogs pa 'od zer bzhin gdal ba las/ snang ba thams cad ni lha'i dkyil 'khor/ brjod pa thams cad ni chos nyid kyi brjod pa/ grags pa thams cad ni skye ba med pa'i klong / ri bo rim pa me yin thams cad ni thabs dang shes rab kyi rang bzhin/ dgongs pa thams cad ni ma skyes pa'i klong du lhun gyis grub pas/ byang chub sems dpa' mtha' yas pa thams cad/ rdo rje sems dpa'i chos kyi skur lhan gyis grub pas/ byang chub sems dpa' rnams ngo mtshar du gyur nas/ bcom ldan 'das rdo rje sems dpa' la/ mgrin gcig tu 'di skad ces gsol to// e ma a la la/ bcom ldan 'das 'di ci'i rgyu/ ci'i rkyen/ ci las byung ba lags/ thugs rje che dang ldan pas lung bstan du gsol// bde bar gshegs pas lung bstan du gsol// rdo rje

  690. 345b

    sems dpas bka' stsal pa/ 'di ni rnal 'byor gyi tshogs kyi rgyud do// rnal 'byor gyi tshogs kyi rgyud ni de bzhin gshegs pa rnams kyi rkyen no// rdo rje sems dpa' yang rnal 'byor gyi tshogs kyis mchod pa phul bas sangs rgyas pas/ de dag thams cad ni tshogs kyi mchod pa phul ba las byung ba'o// byang chub sems dpa' rnams kyis gsol pa/ tshogs zhes bgyi ba nges tshig ci lags/ tshogs kyi dkyil 'khor ji ltar bskyed/ tshogs kyi slob dpon ji lta bu la bgyi/ tshogs kyi rgyal tshab dang gar dang ging ci lta bu la bgyi/ yum ji lta bu la bgyi/ tshogs kyi yo byad ci 'tshal/ mchod pa ji ltar 'bul/ grangs su 'tshal/ tshogs kyi 'bras bu ci thob pa lags/ yun ci tsam gyis 'grub/ phul ba'i yon tan dang / ma phul ba'i skyon ci mchis/ bcom ldan 'das kyis lung bstan du gsol// bde bar gshegs pas lung bstan du gsol// bcom ldan 'das kyis bka' stsal pa/ khyed la sogs pa rnams mos shing zos par 'dod na/ yid la zung la rna ba'i dbang pos nyon cig rnal 'byor gyi tshogs rgyud chen po 'di/ dus gsum gyi sangs rgyas rnams kyis kyang gsungs la ngas kyang bshad do/ de la tshogs zhes bya ba'i nges tshig ni/ don dang mthun pa la bka' dang mi 'gal zhing gzhung bzhin bsgrub pa la tshogs pa la tshogs zhes bya ste/ nyan thos

  691. 346a

    dang rang sangs rgyas dang dgra bcom pa'i ming yang med pa/ shin tu rnal 'byor dbang phyug chen po/ gsang sngags rdo rje theg pa la mos shing gzhol ba dang / 'di dag bshad cing bstan pa'i snod du gyur pa yang / rtsa ba dang yan lag gi dam tshig la gnas shing ma nyams par bsrung ba dang / ras gcod dang gzu lums ma yin par/ phyi nang gi dbang rnams lung bzhin du nod pa dang / rgyud dang phyi nang gi don la mos shing mkhas pa'o// de ma gtogs pa de rnams dang mi ldan pa 'jungs pa dang / 'chings pa ma grol ba dang / dgongs pa gnad du ma phebs pa rnams ni ma gtogs so// de la tshogs kyi dkyil 'khor bskyed pa 'di skad do// chos rnams stong pa'i rang bzhin las/ ngo bo nyid kyis kun tu dag/ lta ba'i chos nyid tshig tsam ma yin par rtogs pa dang / spyod pas de dang mi 'gal bar spyod pa dang / phrin las kyis ba col du mi byed cing / gong 'og rin po che 'phreng ba brgyus pa ltar ma nor ba dang / bsgom zhing bsgrub pa la bzhad ga dang gnyid dbang du mi gtong zhing / dad dang brtson 'grus kyis mgo la me shor ba dang 'dra bar 'bad pa dang / rnal 'byor gyi don gang la yang shong yangs su che ba dang / rtog pa dang 'khu 'phrigs med cing / 'khu ldog dang ya ga dang mtshang tshig la sogs pas mi smod cing / rnal 'byor gyis mchod

  692. 346b

    pa'i rgyu 'dod pa'i yon tan lnga la sogs pa gang yang ma tshang ba med cing / zungs su yang bzung bas thams cad tshang zhing tshogs pa la tshogs zhes bya ba las/ ma tshang zhing ma tshogs pa dang / mi mthun pa tshogs pa la tshogs zhes bya ba'i nges tshig med do// de la tshogs kyi slob dpon ni kun gyis bya ba ma yin gyis/ lta ba gnyis su med pa'i byang chub kyi sems rtogs pa/ spyod pa gsang ba'i bka' dang mi 'gal nga/ thabs la mkhas pas snod ma yin pa dang / mu stegs dang log pa'i phyogs rnams kyis ma tshor ma 'phrigs pa'i thabs la mkhas par spyod pa dang / dbang rim pas brtsegs te/ rigs pa'i rgyal po rab 'byams kyi dbang thob nas/ dbang rgyud dang / dbang rdzas dang / dbang rtags dang / dbang bsgrub dang / dbang bsnyen/ dbang bskur ba la mkhas pa dang / dam tshig gzhi dang 'dra bar shong yangs dang / theg pa che zhing snying la 'chang ste bsrung ba dang / phrin las kyi sngags dang phyag rgya dang ting nge 'dzin dang / ma nor ba'i tshul dgu ste/ dgongs pa'i lha tshul dang / gar ye shes kyi tshul dang / phyag rgya sku'i tshul dang / sngags gsung gi tshul dang / snying po thugs kyi tshul/ mchod pa yon tan gyi tshul/ glu phrin las kyi tshul/ skyil krung zhi ba'i tshul/ stangs stabs khro bo'i tshul te/ tshig tu 'brel pa dang / gong 'og ma 'chol ba dang /

  693. 347a

    dgongs pa'i dkyil 'khor chen por rdzogs pas 'dzin pa'o// de la tshogs kyi rgyal tshab ni/ dper na rgyal po'i bka' bsgo blon pos gsungs pa dang 'dra'o// dgongs spyod kyi don tha mi dad pa de nyid dang mtshungs pa las/ gzhan 'dren pa'i thabs la mkhas pa dang / slob dpon gyi sku bsnyel ba dang / thun spo ba dang / snyoms pa la sogs pa la bar mi gcod cing 'grub par bya ba dang / slob dpon gyi zhal tshab tu chos bstan pa la mkhas pa'o// tshogs kyi gar ma ni/ phrin las rnam bzhi la sogs pa dang / mchod pa dang brda'i don mtha' dag la mkhas pa las ma gtogs pa/ khe shong dang blos 'debs dang / mos pa tsam du bya ba ma yin no// tshegs kyi ging ni/ rang gi dgos ched mi lan rnal 'byor gyi spyi chas la brtson pa dang / zhing bcur gyur pa la thugs rjes sgrol nges pa dang / dgongs pa dang las rgyud du ldan pa las ma gtogs pa/ sgrol ba btsan thabs dang / rang gang la dga' ba la mngon spyod dang / drag shul gyi las brtsams pa ma yin no// tshogs kyi yum ni/ gtso bo'i dgongs pa bzhin du byed nus pa dang / gzhung dgu dang ldan te/ tshul shes pa/ ya sha che ba/ nog thub pa/ gsang sgo dam pa/ dam la gnas pa/ dad pas mos pa/ rtog pa chung ba/ mtshan gyis brgyan pa/ sems bzang ba dang dgur ldan pa las ma gtogs pa/

  694. 347b

    'dod mos dang / gnyen btsan dang / smon 'drid dang / mtshan ngan dang / gsang ba 'dzag pa ni ma yin pa'o// de la tshogs kyi yo byad ni/ sangs rgyas rnams la ta sbrebs pa dang / skyems pa dang / bser ba dang bsnun mi mnga' chags pa mi mnga' ba lags kyang / dper na rgyal po chen po la dkor dang longs spyod kyis mi brel mi phongs pa la yang 'bangs la sogs pas dkor dang longs spyod phul na 'phral gyi phan pa dang yun gyi bde ba dang / bdag gi yid la dad pa rtsol ba dang 'dra bar sangs rgyas rnams la bzhed pa mi mnga' na yang / phyi rabs kyi rnal 'byor pas tshogs kyis mchod pas 'byor pa bsags/ dkon pa btsal/ mos pa dang dad pas phul na/ 'di dang pha rol gnyis ka'i phan pa dang bde ba stsol bar mdzad cing / chos nyid kyi dga' bde chen po da lta nyid du 'grub par stsol bar mdzad pas/ de'i phyir 'dod pa'i yon tan lnga po gzhung bzhin du bsham par bya ste/ gzugs la yang gsum ste/ rgyan dang dbyibs dang snod do// rgyan la yang rnam pa gsum ste/ bkod pa lha'i rgyan dang / mdzes pa lus kyi rgyan dang / gzhal yas la pa'i rgyan no// dbyibs la yang rnam pa gsum ste/ lha'i zhal zas kyi dbyibs dang / mi'i zhal zas kyi dbyibs dang / 'byung ba rang skyes kyi dbyibs so// snod la yang rnam pa gsum ste/ bza' ba'i snod

  695. 348a

    dang / bca' ba'i snod dang / btung ba'i snod dang / dri la yang rnam pa gsum ste/ dbang po tshim byed kyi dri dang / mdog gsal rgyas pa sman gyi dri dang / bcud gsal yid 'ong zhal zas kyi dri'o// ro la yang rnam pa gsum ste/ rang bzhin gyis brlabs pa lan tshwa dang / shing tog la sogs pa kha ba dang / mngar ba dang / sgyur ba dang / tsha ba dang / rtsub pa dang / bskal ba la sogs pa phyi'i 'byung ba rang skyes pa'i ro dang / 'gro ba rnams kyis btsal ba'i/ phab dang / ru ma dang / mnan pa dang / 'dus pa dang / byibs dang / bya na btsos pa dang / sbyar ba dang / bsregs pa dang / bsings pa la sogs pa'i ro dang / sngags dang ting nge 'dzin gyis byin gyis brlabs pa'i ro dang / chung ngu las chen po/ nyung ngu las mang po/ mi zhim pa las zhim po/ lha'i ro mchog brgyad dang ldan pa'i ro'o// sgra la yang rnam pa gsum ste/ shes pas zin pa'i sgra glu dbyangs la sogs pa snyan cing yid du 'ong ba'i sgra sna tshogs dang / shes pas ma zin pa'i sgra 'byung ba rang rgyud kyi grags pa'i sgra dang / rtsol ba dang bcas pa'i sgra skyes bu'i lag pa dang rkan dang / dbugs dang 'doms pa'i sgra'o// reg la yang rnam pa gsum ste/ dro 'jam gos kyi reg pa dang / dga' 'jam dgyes pa yum gyi reg pa dang / rgyan gyis sgeg pa yum gyi rin po che'i chas kyis brgyan pa'i reg

  696. 348b

    pa'o// de lta bu 'dod pa'i yon tan thams cad ni/ tshogs kyi yo byad yin no// tshogs kyi yo byad mi 'dod pa'i yon tan rnam pa lnga'o// de dag tshang zhing tshogs na yang legs/ bar 'dir chag chad song / de ci'i phyir zhe na/ ma g.yos pa thams cad tshogs kyi dkyil 'khor chen po yin no// sangs rgyas nyid kyis mchod pa'i rgyan du byin gyis brlabs pa'o// de bas kyang thams cad du ting nge 'dzin la gnas shing gnyis su med pa las/ rtogs pa smra bsam yul las 'das/ bsgom pa dmigs su med pa'o// oM ma hA shA n+ya tA dz+nyA na badz+ra swa b+ha wa At+ma ko&haM/ dbyings gcig rang bzhin mi gnyis kyang // ma rigs rmongs la bstan pa'i phyir// khyab pa'i snying rje yongs kyis 'byung // de tshe rje ba med par bsgom// oM d+harma d+hA tu swa b+hA wa At+ma ko&haM// mtha' dbus med pa'i byang chub sems// chos rnams kun gyi rtsa ba yin// sems ni yi ge'i rang bzhin rgyu// yi ge mchog tu bsgom par bya'o// hUM badz+ra tsit+ta hUM/ e yaM maM laM baM bi shra bi shud+d+he// mkha' dbyings nam mkha'i klong yangs su// 'byung ba rlung gi sgra bcas te// bdud rtsi'i chu bskyil mA ma ki/ gser gyis sa gzhi ri rab mdzes// kha dog lngar bcas rin chen lngar// b+h+rUM las rin chen gzhal yas khang // tA la'i bskyed shing tsong tsong sbrel// yid bzhin rin chen gra na gsal// lnga ldi 'ja' tshon sprin rum yang // mu tig chun po

  697. 349a

    sna tshogs bres// nyi zla zabs dang shes rab kyis// 'khod cing gsal ba'i byin rlabs kyi// ma rig mun sel ye shes sgron// gser gyi dril bu g.yer kha las// theg pa'i bye brag sna tshogs sgrogs// phyi nang med pa'i bzhugs gnas der// yangs dog med pa'i dkyil 'khor bskyed// A~M dz+nyA na tsakra maN+Dal hUM// dkyil 'khor bzhi bcu rtsa gnyis ni// ma bskyed rdzogs pa'i tshul gyis su// rang rgyud gzhan dang mthun par bskyed// sems dpa' sum cu rtsa gnyis kyang // ma bskyed rdzogs pa'i tshul gyis bskyed// badz+ra satwa hUM/ badz+ra rA dza dza/ badz+ra rA ga ho/ badz+ra sA d+hu d+hu/ badz+ra rat+na traM/ badz+ra sUR+Ya R+Ya/ badz+ra ke tu b+h+r-i/ badz+ra ha sa ha/ badz+ra d+harma hrI/ badz+ra tsakra d+hI/ badz+ra tik+Sh+Na d+hIH/ badz+ra b+hA Sha b+ha/ badz+ra karmA kaM/ badz+ra rak+Sha raM/ badz+ra yak+Sha k+ShaM/ badz+ra san+ni ba/ hUM hUM hUM hUM/ trAM trAM trAM trAM/ hrI hrI hrI hrI/ a a a a/ sku bskyed gsal btab dbang bskur nas// spyan 'dren cho ga gzhung bzhin bya// mchod pa la sogs mchod byas nas// de nyid la ni gnas bsgyur te/ he ru dgu dang yum chen dgu/ go ri brgyad dang phra men brgyad// sbor ma brgyad dang sgo ma bzhi// dbang phyug nyi shu rtsa brgyad dang // mkha' 'gro sum cu rtsa gnyis dang // pho nya sum brgya drug cu dang // ma mo bdun dang sring mo bzhi// rdo rje'i ging chen bco brgyad rnams// ma bskyed rdzogs pa'i tshul gyis

  698. 349b

    su// dpal 'bar khro bo'i rgyud bzhin bskyed// sku bskyed gsal btab dbang bskur nas// spyan drang mchod pa gzhung bzhin 'bul// de dag 'dir bshad mangs pa'i phyir// gzhan dang mthun par rgyal bas gsungs// tshogs rgyud chen po las/ dkyil 'khor bskyed pa'i le'u ste dang po'o// // de nas tshogs kyi mchod pa la yang / don rnam pa gsum ste/ tshogs byin gyis brlab pa dang // tshogs drang ba dang / tshogs kyi mchod pa 'bul ba'o// de la tshogs byin gyis brlab pa ni/ de bzhin gshegs pa thams cad la 'khor rnam pa gnyis te/ bsam pa mya ngan las 'das shing / dgongs pa chos nyid dang ldan pa'i 'khor dang / 'jig rten dbang du sdud pa'i 'khor ro// de la dgongs pa chos nyid dang ldan pa'i 'khor ni/ chos mnyam pa nyid la bzhugs nas/ thugs rje dbri bkol mi mdzad pa'i don gyis/ sems can thams cad kyi don la mgon dang / skyabs dang dpung gnyen mdzad cing zhugs pas/ dmigs pa yod na bzhes su gnang ba/ byin gyis brlabs shing / dngos grub stsol bar mdzad pas/ byin gyis brlab mi dgos so// 'jig rten dbang du bsdus pa'i 'khor ni/ chos mnyam pa la bzhugs nas/ thams cad la bya ra dang tshul rtog ste/ dam tshig bsrungs ma bsrung blta/ dam tshig srung ba la stongs grogs bying / dam tshig mi

  699. 350a

    bsrung zhing nyams pa la chad pas gcod/ mnar med par ltung bar byed/ rnal 'byor gyi mchod pa la phud nyams ma nyams dang / gtsang sbra byed mi byed blta/ phud ma nyams shing gtsang sbra byed na/ ci 'dod pa'i dngos grub dang / gang bcol ba'i las byed/ phud nyams la gtsang sbra ma byas na/ dngos grub kyi bar chad byed/ las bcol pa log par bsgrub/ rnal 'byor byin gyis brlabs ma brlabs dang / dgongs pa dag ma dag blta/ byin gyis brlabs la dgongs pa dag na/ bsgo ba nyan pa dang / lus dang grib ma bzhin 'khor ba dang / 'khor dang rigs bsrung ba dang / dbang dang mthu ster ba dang / gtor ma spyi bo la mngon du khyer te/ bran snying nye ba bzhin las byed cing / 'khu ldog med la/ rnal 'byor pa'i dgongs pa ma dag pas/ byin gyis ma brlabs na/ bar chod kyi gegs byed/ cho 'phrul ston/ mthu dbang 'phrog 'khu ldog cha/ mi bde ba'i don dang / sdug bsngal dang / srog gi bar chad dang / 'khor dang sde la gnod pas/ byin gyis brlab dgos te/ dang po tshogs kyi zhal zas la phud ma nyams shing bsags te/ gtsang sbra dang ldan par bsags la/ dri chab la chos nyid rnam par dag pa'i sngags dang / phyag rgyas byin gyis brlabs pas bsangs la/ de nas khro mo dbang phyug ma'i sngags kyis byin gyis brlabs pa ni/ chu

  700. 350b

    gtsang ma'i nang du tsan+dan dmar po brdar te/ de la yi ge hUM dmar po gcig tu bsgom/ de nas ma ha kro d+hi shwa rI zhes brjod pas/ khro mo dbang phyug ma sku mdog dmar mo tshon gang ba zhig tu gyur pa'i thugs kar yi ge oM bkod la srin mtheb kyi bar du yig 'bru bzung ste/ oM ma hA kro d+hi shwa rI hUM hrIHthA/ oM sarba dra byaM sho d+ha ya hUM/ zhes brgya rtsa brgyad bzlas pas/ khro mo dbang phyug ma 'od du zhu nas/ tshogs kyi longs spyod thams cad mkha' dbyings rnam par dag par byin gyis brlabs te/ de nas tshogs kyi longs spyod la/ yi ge hUM mthing ga gcig bkod la/ de 'phro zhing 'dus pa las/ oM rat+na b+ha ga la khaM zhes brjod la/ lag pa thal sbyar te gtugs la/ tshogs kyi mchod pa thams cad rgya che ba nam mkha' dang mnyam pa/ lhun sdug pa ri rab dang mnyam pa/ grangs mang ba sa'i skye 'khrungs dang mnyam pa/ gting zabs pa rgya mtsho dang mnyam pa mtshungs par byin gyis brlas pa so// de nas tshogs kyi zhal zas la/ hUM dang muM las rdo rje sems dpa' yab yum du gyur/ yab yum gnyis su med pa'i mkha' las/ zhi khro'i dkyil 'khor bsam gyis mi khyab par 'phros pas/ 'jig rten gyi rnam rtog thams cad bsreg spyad du byas/ rgyal ba'i dkyil 'khor rab 'byams bsam gyis mi khyab pa la/ dgyes pa chen po'i mchod pa lha la lha thim pa'i tshul gyis phul/ mnyes

  701. 351a

    pa chen pos chos nyid dag pa'i rgyud bskul nas/ rgyal ba'i byin rlabs dang / dpal gyi pham phab kyis khams gsum gyi sems can dang / phyogs bcu'i 'jig rten gyi khams na/ rdo rje slob dpon dang mched dang lcam dral/ gsang sngags yo ga rnam gsum gyi sgor zhugs shing / rnal 'byor gyi bka' gzhung bzhin mdzad pa thams cad la/ 'dod pa'i longs spyod rnam lnga chos nyid kyi rgyan du mchod pa phul/ thams cad mnyes shing tshim pa dang // 'grangs shing ngoms par byas/ g.yar dam nyams pa sor chud nas/ lus ngag yid gsum gyi sgrib pa sbyangs/ ma mo dang mkha' 'gro thams cad la khyab pas/ dam rdzas gang la dad pas mchod/ rang rang gi dam tshig bsrung / dpal gyi bka' dang dam las mi 'da' bar byas/ rnal 'byor gyi las dang gnyer gtad mthar phyin par dam tshig mnos te/ rnal 'byor gyi dgongs pa mthar phyin par byin gyis brlab bo// tshogs rgyud chen po las/ byin gyis brlab pa'i le'u ste gnyis pa'o// // de nas tshogs kyi mchod pa drang ba 'di skad do// rnga sgra cang te'u pi wang dang / gling bu dang ni karko ta// g+haN+De cha lang sna tshogs dang // glu dang le'u dang tshig dang bcas/ snyan pa'i glu dbyangs sna tshogs kyi// snyan gyi mchod pa bzhes su gsol// rgyal ba'i thugs dam mnyes gyur cig/ gar dang phyag rgya

  702. 351b

    stangs stabs dang // gzugs dang dbyibs dang rdzas dang brten// sdug dang mdzes dang yid 'ong zhing // kha dog gsal ba sna tshogs kyi// spyan gyi mchod pa bzhes su gsol// rgyal ba rgya mtsho'i thugs dam bskang // dri dang spos dang bdug pa dang // bsreg dang btsos dang sbyar ba dang // rlangs pa dud pa sna tshogs kyi// shangs kyi mchod pa bzhes su gsol// dkyil 'khor thugs dam bskang gyur cig/ bza' dang bca' dang btung ba dang // bshos dang zhal zas sna tshogs dang // kha dang mngar dang sgyur ba dang // tsha dang rtsub dang lan tshwa'i ro// ljags kyi mchod pa bzhes su gsol// sras bcas 'khor gyi thugs dam bskang // lha dang mi yi na bza' dang // gos dang rgyan dang lhab lhub dang // rin chen dbu rgyan cod pan dang // dpung rgyan do shal se mo do// dar dpyangs pa ti sham bu dang // snyan cha mgur chu bla med 'di// sku yi mchod pa bzhes su gsol// dga' ldan lha yi longs spyod dang // 'byor ldan mi yi longs spyod dang // dgongs ldan 'phrul gyi longs spyod rnams// dkyil 'khor chen pos bzhes su gsol// 'phags pa'i thugs dam bskang gyur cig/ 'bru tshig don dang man ngag dang // gsal dang go 'byed snying po'i rgyu// dbang po tshims byed rgyal ba'i bka'// phyag rgya chen po'i gsung ldan pa'i// chos kyi mchod pa bzhes su

  703. 352a

    gsol// ma lus thugs dam bskang gyur cig/ ces drang ngo // tshogs rgyu chen po las/ tshogs drang ba'i le'u ste gsum pa'o// // de nas tshogs kyi mchod pa yang rnam pa gsum ste/ phyi gzugs kyi mchod pa dang / nang sgrol ba'i mchod pa dang / gsang ba thabs dang shes rab byang chub sems kyis mchod pa'o// de la phyi gzugs kyi mchod pa la yang rnam pa bcu drug ste/ rnam par mi rtog pa don gyi mchod pa dang / ting nge 'dzin gyi mchod pa dang / gar gyi mchod pa dang / phyag rgya'i mchod pa dang / sems dpa' bcu drug gi mchod pa dang / sems ma bcu drug gi mchod pa dang / 'dod pa'i yon tan rnam pa lnga'i mchod pa dang / kun tu bzang po'i mchod pa dang / bde ba chen po'i mchod pa dang / 'dus byas rdzas kyi mchod pa dang / bla na med pa'i mchod pa dang / rnam par grol ba'i mchod pa dang / 'khor gsum yongs su dag pa'i mchod pa dang / gnyis su med pa'i mchod pa dang / mnyam par bzhag pa'i mchod pa dang / lhun gyis grub pa'i mchod pa'o// de la rnam par mi rtog pa don gyis mchod pa 'di skad do// chos nyid stong pa'i rang bzhin la// rnam rtog mtshan mar mi gnas shing // dbu ma la yang mi gnas shing // mi rtog mi g.yo skyon bsal te// gzung 'dzin gnyis ka las 'das pa'i// mi rtog mchod pa bzhes su gsol/ oM d+harma d+hA

  704. 352b

    tu pU dza swA hA zhes dgongs pa bzung ngo // de nas ting nge 'dzin gyi mchod pa 'di skad do// phyogs bcu stong gsum bsam mi khyab// rab 'byams dpag tu med pa na// phyi nang snod bcud ma lus kun// thabs dang shes rab rang bzhin las// phyag rgya chen po'i dkyil 'khor te// rtogs dang ldan pas gsal bsgoms nas// dbyer med ngo bo nyid mnyam phyir// dmigs pa'i ting 'dzin mchod par bzhes// oM sa mA d+hi tsa tu pU dza swA hA/ zhes dgongs pas brlab bo// de nas gar gyis mchod pa 'di skad do// oM gar gyi rgyu dang gar gyi khungs// gar gyi gar thabs drangs dang bcas// gar gyi gleng gzhi yon tan gyis// gar gyi mchod pa dbul bar bya// oM dang po dam tshig gar lags te// nam mkha' kun kyang gar gyis khengs// gar mkhan tshul du sangs rgyas shing // gsang chen bde ba'i mchog ston pa// ngo mtshar che la phyag 'tshal lo// g.yas kyi se gol ta la ho// g.yon gyi se gol bsham pa brgya// ta la k+Sham rgya rtse bsdams pa// 'das pa'i sangs rgyas kun 'dus na// phyi nang gzhan lta smos ci 'tshal// sprin phung bzhin du 'khor 'dus nas// gzugs dang sgra dang dri dang ro// lo tsa na la sogs pa lngas// dus gsum rgyal ba'i thugs dam bskangs gyur nas// rnal 'byor bcol ba'i phrin las grub par mdzod// oM ma hA shAn+ya ta yo ga bra ba ni//

  705. 353a

    ak+Sha mu sa swa pra ba swe/ su ka ra su ka tan zhes gar gyi mchod pa phul nas/ gar 'byung ba'i rgyu ni/ g.yon pas khu tshur bcang pa las 'byung ngo // gar gyi gar drang zabs ni/ sgrub thabs sku gsung thugs su 'dus so// gar gyi yon tan ni/ gar bsgyur nas phyag rgya bcang ba'i tshe// sku lha'i phyag rgyar gsal bar byas nas/ der yang grol bar 'gyur ro// de nas phyag rgya'i mchod pa 'di skad do// phyag rgya bzhugs tshul las/ sku yi phyag rgya 'da' ba med// mi 'gyur phyag rgya'i mchod pa las/ rgyal ba mnyes te dngos grub stsol// sems dpa'i skyil mo mnyam gzhag nas// g.yon pa'i lag brkyang rkang steng na// g.yas pa de steng mnyam gzhag pa// kun bzang nyid kyi phyag rgya yin// lag pa thal sbyar sor bsnol nas// gung mo rtse sbrad mthe'u chung bsgreng // mthe bong gnyis kyang de bzhin bsgreng // rdo rje rigs kyi phyag yin// sor mo bzhi po rkub bsnol te// gcig la gcig 'khyud lu gu rgyud// mthe bong gnyis kyang mthil du skur// de bzhin rigs kyi phyag rgu yin// thal mo khong stong sbyar ba las// mthe bong glor bzhag mdzub sbyar can// gung mo sor drug 'od ltar bkram// rin chen rigs kyi phyag rgya yin// lag pa thal mo de nyid las// sor mo rtse sprad dgu byas nas// pad+ma kha 'bus tshul du byas// pad+ma rigs kyi phyag rgya

  706. 353b

    yin// lag pa thal mo de nyid las// srin lag gnyis ni nang du bkug/ bzhi po rtse sprad phyogs bzhir bgrad// las kyi rigs kyi phyag rgya yin// phyag rgya de nyid bcangs pa las// bzhi po rtse sprad gyen bsgrengs nas// dam du brtsams te bsgrengs pa ni// rigs kyi yum lnga'i phyag rgya yin// thal mo gnyis ni mnyam sbyar nas// sor mo gzhan rnams rgyab tu bsnol// zur can myu gu'i yi tshul/ sa yi snying po'i phyag rgya yin// g.yas pa'i mthe bong mthe'u chung mnan// sor mo gsum phyar ral gri'i tshul// g.yon pa shubs ltar byas pa ni// nam mkha'i snying po'i phyag rgya yin// lag pa thal mo sbyar nas kyang // sor mo spel te yid tsam bsnol// pad+ma kha rgyas tshul du byas// spyan ras gzigs dbang phyag rgya yin// g.yas g.yon sor bsnol gung mo bsgrengs// mdzub mo rdo rje'i rwa ltar bkug/ mthe bong gnyis ni glor bzhag pa// phyag na rdo rje'i phyag rgya yin// g.yas pa skyabs kyi phyag rgya las// g.yon pa mthe bong mdzub mo sprad/ snye ma 'dzin pa ltar byas pa// sems dpa' kun bzang phyag rgya yin// g.yas pa lag mthil lte bar brkyang // g.yon pa brla la se gol tshul// po ti 'dzin pa ltar byas pa// sgrib pa rnam sel phyag rgya yin// lag pa g.yas pa mchog sbyin tshul// g.yon pa brkyangs te sa gnon gyis// klu shing 'dzin pa ltar byas pa// byams pa mchog

  707. 354a

    gi phyag rgya yin// lag pa g.yas g.yon rting sbyar nas// sor mo phyir bkyed rtse mo dgug/ ut+pal tshul du byas pa ni// 'jam dpal gzhon nu'i phyag rgya yin// lag pa khu tshur dkur brten nas// 'gying ba'i tshul du gnas pa la// 'dzum zhing sgeg pas g.yas su 'dud// la se sgeg mo'i phyag rgya yin// lag pa g.yas g.yon mtheb mdzub sprad// g.yon pas phreng ba 'dzin pa la// g.yas pas smin mtshams 'dren pa ni// ma le phreng ba 'dren pa'i phyag rgya yin// g.yon pa rin chen pi wang la// sor mos de'u gnon pa las// g.yas pa rdeb pa ltar byas pa// dbyangs mkhan ma yi phyag rgya yin// g.yon pa'i thal mo bkan pa la// g.yas pa steng du lto bsnol te// 'khril ba'i tshul gyis phyag rgya ni// gar mkhan skyong ma'i phyag rgya yin// lag pa g.yon pa'i gru mo nas// g.yas pas 'degs pa ltar byas la// g.yon pa spos phor tshul du bya// d+ha pe tshim byed phyag rgya yin// lag pa g.yas g.yon thal mo sbyar// snyims pa yid tsam bkan pa las// 'thor ba'i thabs su spyod pa ni// puSh+pe me tog 'thor ba'i phyag rgya'o// lag pa g.yas g.yon snyims pa las// mthe chung gnyis ni dkyil nas bsgrengs// gshibs te gyen du bsgrengs pa ni// zhun mar A lo'i phyag rgya yin// lag pa g.yon pa sbyor ba las// g.yas pa'i mtheb srin phyag rgya

  708. 354b

    yis// gtor thabs tshul du byas pa ni// gan d+he dri yi phyag rgya yin// lag pa khu tshur bcangs nas ni// nr-i mgo phyag rgya chen po las// btegs pa'i tshul du phyar ba ni// gshin rje gshed kyi phyag rgya yin// g.yon pas sdigs pa'i mdzub mo las// g.yas pa rdo rje be con gyis// brdeg pa'i thabs su 'debs pa ni// dpal ldan chen po'i phyag rgya yin// rta mgrin dpal ni rta yi rgya// yang na g.yon pa zod khrag las// g.yas pa sbrul zhag sdom pa ni// ha ya grI wa'i phyag rgya yin// lag pa g.yas g.yon bsnol ba las// rdo rje rgya gram tshul du bya// 'gying ba'i thabs su brjid pa ni// bdud rtsi 'khyil ba'i phyag rgya yin// mdzub mo lcags kyu ltar byas pa// mi pham ma yi phyag rgya yin// zhags pa bsdog pa ltar byas pa// khro gnyer ma yi phyag rgya yin// 'khyud pa lcags sgrog ltar byas pa// ro langs ma yi phyag rgya yin// dril bu 'khrol ba ltar byas pas// ral gri ma yi phyag rgya yin// pi wang rdebs pa ltar byas pas// lha yi thub pa'i phyag rgya yin// go cha bgo ba ltar byas pas/ lha min thub pa'i phyag rgya yin// gseg par 'dzin pa ltar byas pa// mi mgon thub pa'i phyag rgya yin// po ti chos 'chad phyag rgya ni// byol song thub pa'i phyag rgya yin// rin chen sgom bu kha 'byed ni// yi dwags thub pa'i phyag rgya yin// me 'bar chu blug lag gnyis ni// dmyal

  709. 355a

    ba'i thub pa'i phyag rgya yin// phyag rgya mchod pa sna tshogs kyis// dkyil 'khor thugs dam bskang gyur cig/ rgyal sras mchod pas mnyes gyur nas// mthar phyin dngos grub stsal du gsol// oM mu dra tse ri pU dza swA hA/ zhes ma nor bar 'bul/ de nas sems dpa' bcu drug gi mchod pa 'di skad do// rdo rje sems dpa' bde ba che// rdo rje rgyal po dga' ba che// rdo rje chags pa 'debs pa che// rdo rje legs pa bla na med// rdo rje rin chen dri ma med// rdo rje nyi ma gsal ba che// rdo rje rgyal mtshan dga' ba che// rdo rje bzhed pa thabs chen po// rdo rje chos mchog gsung ba che// rdo rje 'khor lo yid bzhin bskor// rdo rje rnon po thogs pa med// rdo rje smra ba gsung ba che// rdo rje las rab 'dul mkhas pa// rdo rje gnod sbyin gdung ba sems// rdo rje go cha dpa' bo ste// rdo rje khu tshur legs pa che// sems dpa' chen po mchod pa yi// phyag rgya chen pos mnyes gyur te// ma lus dgyes te thugs dam bskang // rtsa ba'i sngags brjod sems dpa' gzhan yang mchod do// de nas sems ma bcu drug gi mchod pa 'di skad do// sems ma bcu drug gi sngags rnams dpyad dgod// oM su ra to badz+ra ma nod pa bAd+ha/ oM su ra to badz+ra ki li ki li hUM/ oM su ra to badz+ra smed ta hrIHA~M su ra to badz+ra g+har b+he hUM/ bde ba za byed yab yum phyag rgyar gsal// bde ba rmongs byed gnyis su med

  710. 355b

    par spyod// bde ba rgyas 'debs dkyil 'khor phrin las rdzogs// bde ba tshe 'phel skye shi med pa'i ngang // IM he ma hA su ra to b+ha ma sa ni tra thA/ tra thA/ ma hA su ta ha se ha ha/ oM ma hA su ta ta badz+ra gI ti te te/ A~M ma hA su ra ta badz+ra nirti phe pa phe pa/ rdo rje sgeg mo byang chub sems kyi ngang // rin chen dpal phreng gzungs dang ting nge 'dzin// pad+ma dbyangs mkhan gsung rab rgya mtsho sgrogs// las kyi gar mkhan phrin las rgya mtshos sgrol// oM su ra to badz+ra ma du ga re gum gum/ oM su ra to badz+ra ma ke tang tang / oM su ra to badz+ra sha ra ta a A/ oM su ra to badz+ra shri gan te ho ho/ rdo rje bdug pa ma ni byang chub sems nyid 'dod pa'i dang / rdo rje me tog ma ni dkyil 'khor gsal bar 'thor// rdo rje mar me mas ni dkyil 'khor gsal bar mthong // rdo rje dri chab mas ni byang chub sems kyi thig le spro// oM su ra to badz+ra ma hA rU pe b+hi sha ru pe dza dza/ oM su ra to badz+ra shap+ta su ki hUM/ oM su ra to badz+ra gan+de ho ho/ oM su ra to badz+ra swaR+Ye/ thugs rje'i lcags kyus thugs kyi rgyud bskul zhing // byams pa'i zhags pas gnas nas spyan drangs la// dga' ba'i pho nya lcags ga gnas spyod nas// bde gshegs rtogs bral mas ni dgyes pa bskyed// zhes ting nge 'dzin dang mthun par sbyar ro// de nas 'dod pa'i yon tan rnam pa lnga yis mchod pa 'di skad do// gzugs kyi lha mo'i

  711. 356a

    mchod pa ni/ gzugs mdzes gsal ba'i me long bsnams// mdzes pa'i gzugs kyi mchod pa 'bul// spyan gyi mnyes pas dgyes gyur cig/ sgra yi lha mo'i mchod pa ni/ phyag gnyis dbyangs snyan pi wang bsnams// snyan pa'i rol mo'i mchod pa 'bul// snyan gyi mchod pas mnyes gyur cig/ dri yi lha mo'i mchod pa ni// phyag na tshims byed spos phor bsnams// dri mchog sna tshogs mchod pa 'bul// shangs kyi dgyes pas mnyes gyur cig/ ro yi lha mo'i mchod pa ni// ro mchog zhal zas sna tshogs bsnams// bdud rtsi ro mchog sna tshogs kyis// ljags la phog pas mnyes gyur cig/ reg gi lha mo'i mchod pa ni// na bza' pany+tsa li ka bsnams// dro 'jam tsha bsil reg bde ba'i// sku la gsol bas mnyes gyur cig/ zhes sngags dang phyag rgya dang ldan pas kyang mchod do// de nas kun tu bzang po'i mchod pa ni/ bde bar gshegs so bcom ldan 'das// rgyal ba rgya mtsho'i ye shes kyis// srid pa rgya mtsho mtha' yas kun// kun bzang mchod sprin mchog tu rol// oM shrI sa man+ta b+ha dra sarba ta thA ga tA b+h+yo bi shra mu ke b+h+yaHsarba tatrUM ung+ga te s+pha ra Na i maM ga ga na khaM swA hA/ zhes lta ba yangs par bya'o// de nas bde ba chen po'i mchod pa 'di skad do// bde ba chen po dag la gang gnas pa/ rtag pa chen po longs spyod rdzogs pa'i sku// khams gsum

  712. 356b

    las 'das byang chub rol pa che// ston pas btsal kyang rnyed par ga la 'gyur// thig le chen po ye nas gnas pa la// ye shes snying po 'di las gzhan med do// 'khor ba mya ngan skye shi med pa'i dbyings// bde ba chen po'i ngang la rnam par rol// au tsi la bde bas ci la rol// bde mchog de dang mi mnyam bde// srid pa shin tu dag bya'i phyir// mi srid dbyings su mnyam sbyar nas// bcom ldan rdo rje sems dpa' dang // dkyil 'khor rgyal sras bcas pa la// dam tshig mchod pa 'di 'bul na// nam mkha'i rdo rje stsal du gsol// sarba ta thA ga tA ar+g+haM ma hA su kha pu dzi te ho// de nas 'dus byas kyi mchod pa 'di skad do// rin chen sna tshogs rgyan las grub pa yi// rgyal mtshan 'phan gdugs bla re lhab lhub dang // bdug spos dri zhim me tog sil ma bkram// bdud rtsi'i gri dang snang gsal sgron mar bcas// lha dang mi yi rol mo sna tshogs dang // glu gar te'u dang tshigs su bcad pas bstod// bza' btung bdud rtsi'i ro mchog rnam mang dang // rgyal srid rin chen sna bdun la sogs rdzas// mtshan mchog btsun mo yid du 'ong ba yang // gos dang rgyan dang rin chen rgyan gyis mdzes// thabs ldan rol pa'i tshul gyis bzhes su gsol// bsod nams tshogs kyi dngos grub stsal du gsol// de nas bla na med pa'i mchod pa 'bul ba ni// bla

  713. 357a

    med mchog gi mchod pa dam pa sbyar ba 'di// ye shes lnga yi 'od zer rnam par 'phro// 'dod pa lnga yi longs spyod mkho dgur ldan// nam mkha'i mtha' klas gter chen 'byung gyur cig/ phung po bla med rgyal ba ye shes lnga// 'byung ba bla med gsang ba'i yum chen lnga// rnam shes yul dus sems dpa' sems ma la// mchod pa bla med dus dang rgyan du 'bul// dmyal tshogs me ltar 'bar bzhi bar mdzod// de nas rnam par grol ba'i mchod pa 'di skad do// phung po khams dang skye mched dang // phyi nang snod bcud ma lus kun// sangs rgyas zhing yin rnam grol ba'i// 'dzin med chags dang bral ba yis// 'khor ba'i chos las kun sgrol ba// mya ngan 'das pa'i dkyil 'khor bkod// rtog bral bag chags med pa la// 'di zhes mtshon pa med pa yis// shes rab shin tu rnam par grol/ blo chen po dang ldan pa'i bdag/ byang chub nyid de rnam grol ba'i// thabs ldan grol ba'i mchod pa 'bul// gnyis med don gyi tshangs pa stsol/ de nas 'khor gsum yongs su dag pa'i mchod pa 'bul ba ni 'di skad do// ma chags pa yang chags pa med// chags pa la yang ma chags med// bdag med rtogs pa mya ngan 'das// 'dzin med dbyings la ye shes rol// rgyal srid dang ni rang gi lus// 'phags pa rnams la 'bul gyis

  714. 357b

    bzhes// bu dang chung ma bu mo dang // nor dang dbyig dang sbas pa'i gter// bla ma rnams la 'bul lags kyis/ tshig chad// rta mchog rgyan gyis brgyan pa dang // dud 'gro glang chen ne sha dang // 'dab chags la sogs thams cad kyang // 'khor bcas rab 'byams bzhes su gsol// sdug bsngal la yang sdug bsngal med// 'khor ba la yang 'khor ba med// ma lus bzhes te dgyes mdzod la// 'khor ba'i khri mun stongs par mdzod/ de nas gnyis su med pa'i mchod pa 'bul ba 'di skad do// rang bzhin dkyil 'khor spyan drangs nas// gzugs brnyan dkyil 'khor gsal bris te// ting 'dzin dkyil 'khor gsal bsgoms nas// bde bar gshegs la mchod pa 'bul pa rnams// gnyis med dbyings kyi sbyor ba las// dam tshig thugs dam brtser dgongs te// gnyis su med par mchod pa 'bul// 'khor ba dang ni mya ngan 'das// gnyis su 'phags pa cang mi gsung // dbyer med rang bzhin gcig pa'i phyir// gnyis med mchod pa bzhes su gsol// nyon mongs la sogs dug lnga rnams// thabs mkhas rgyal ba'i dkyil 'khor de// thabs dang shes rab rol pa las// gnyis med mchod pa bzhes su gsol// mi mnyam 'khor ba'i sdug bsngal bsal du gsol// de nas mnyam par bzhag pa'i mchod pa 'bul ba 'di skad do// mnyam

  715. 358a

    nyid mi g.yo mnyam nyid sangs rgyas pa'i// nga rtog mtshan ma'i spyod yul ngang gis med// gzung 'dzin mtshan ma kun las 'das pa yi// mnyam pa chen po'i mchod pa rnam par rol// log rtog sku mar rol pa'i sems can dang // ye shes sgyu mar snang ba'i sangs rgyas kyis// ye shes log rtog khyad par bsam yas kyang // sgyu ma yin pas rang bzhin yongs kyis mnyam// mnyam pa chen po'i mchod pa bzhes su gsol// rnam par rtog med dus gsum rgyal ba'i sku// lnga yi nyon mongs dug lnga rang thad kyang // don rtogs gsal ba'i skyes bur gnyis su med// mnyam pa chen po'i mchod pa bzhes su gsol// rig dang ma rig sgyu ma'i khyad par las// lhun gyis grub pa'i ngang la btsal med pas// gnyis med don gyi ngang du gcig pa'i phyir// mnyam par bzhag pa'i mchod pa bzhes su gsol// de nas lhun gyis grub pa'i mchod pa 'bul ba 'di skad do// phung po lha yi dkyil 'khor du// phyag rgya chen por lhun gyis grub// lha dang lha mo'i dkyil 'khor du// thams cad ma lus lhun gyis grub// bro gar 'du 'phro la sogs pa// 'dzul lam mkha' la 'gro ba sogs// gar yang thogs pa med pa yi// mkha' 'gro chen por lhun gyis grub// sgra ru grags pa ji snyed dang // tshig dang yi ge thams cad pa// gsung gi phyag rgyar lhun gyis grub// bza' btung

  716. 358b

    longs spyod thams cad kun// sku dang bdud rtsir thams cad grub// chos nyid lhan ne lhang nger gsal// bde chen rgyal por lhun gyis grub// lhun grub mthar phyin mchod pa bzhes// grub pa'i 'bras bu rdzogs par mdzod// tshogs rgyud chen po las/ phyi gzugs kyi mchod pa'i le'u ste bzhi pa'o// // de nas bsgral ba'i mchod pa la yang rnam pa lnga ste/ dang po bsgral ba'i rgyu dang / de'i dgongs pa dang / de'i phrin las dang / thugs dam bskul ba dang / zhal du bstab pa'o// de la dang po bsgral ba'i rgyu la yang don rnam pa lnga ste/ gang bsgral ba dang / gang gis bsgral ba dang / don ched ci'i phyir bsgral ba dang / ma bsgral ba'i skyon no/ de la gang bsgral na zhing bcur gyur pa 'di bsgral te/ dkon mchog gsum gyi sku dgrar gyur pa dang / ngan pa'i ngang tshul can la sogs pa bcu po de bsgral lo// de gang gis bsgral na/ thabs la mkhas pa'i skyes bu chen pos lha'i dkyil 'khor dang gnyis su med pas bsgral lo// gang du bsgral na 'og min chos kyi dbyings kyi pho brang yum gyi mkha' klong du bsgral lo// dgos ched ci'i phyir bsgral na/ de mnar med par ltung nges pas/ de mtho ris su 'god pa'i phyir/ thugs rje chen pos bsgral lo// de ma bsgral ba'i skyon ni/ rdo rje theg pa'i bka' bcag cing / rnal 'byor gyi chos spyod nub nas/ rgyal khams

  717. 359a

    yongs su phung bar 'gyur ba'i skyon yod do// de bsgral ba'i dgos pa ni/ bdag nyid phyag rgya chen po'i dkyil 'khor du gsal bar byas la/ dkyil 'khor chen por drangs te/ 'khor ba zhe gcod pa'i rgya gad byas la/ dang po yi ge raM dang yaM dang khaM gyis bsreg sbyangs tshul bzhin byas la/ dang po mtshon cha rnam pa lnga'i char phab ste/ tsakra A~M zhes brjod nas/ rdo rje'i 'khor lo spyi bo'i gtsug tu brgyab pa'i/ gti mug gnas su dag par bcom/ tsakra hUM zhes brjod nas/ rdo rje snying gar brgyab pas/ zhe sdang gnas su dag par bcom/ tsakra sA b+h+rUM zhes brjod nas/ rin po che lte bar brgyab pas nga rgyal gnas su dag par bcom/ tsakra AM zhes brjod nas/ pad+ma lce la brgyab pas 'dod chags gnas su dag par bcom/ tsakra hA zhes brjod nas/ ral gri rkang pa'i mthil du brgyab pas/ phrag dog gnas su dag par bcom/ rnam par shes pa'i sems yi ge hUM du bsgyur/ zla ba'i dkyil 'khor gyi steng du bzhag/ 'og tu yaM las rlung gi dkyil 'khor gyis btegs/ yab yum sbyor ba'i mtshams su 'phangs/ sgal tshigs gsang ba'i phyag rgya bzhi ldan bsgom byas nas// khyod ni rgyal ba'i sras su 'gyur// sems can khyod kyi gsang ba na// yi ge ti gcig gnas pa ni// dmyal ba'i btso bsreg gnas yin te// btso bsreg gnas su khyod mi

  718. 359b

    gtang // ti yi steng du ha gcig bsgom// ti las hA ljang 'od ldan pas// cho ga rnam gsum 'phro 'du las// don yod grub pa rgyal ba'i sku// phyag rgya lnga dang ldan par bsgom// rgyal ba'i sras su skye bar 'gyur// bcom ldan 'das kyi zhal nas gsungs// 'dis kyang sbyor ba'i las mdzod cig/ gzhan yang phrin las rnam bzhi dang // brtul zhugs chen po mchog rnams kyis// spor dang sbar ba'i las mdzod cig/ de nas thugs dam rgyud bskul ba 'di skad do// rdo rje khro rgyal dpal chen he ru ka/ dran rtog khro tshul zhe sdang mi mnga' yang // gtum khro gdug pa ma lus 'dul ba'i phyir// thugs rje chen pos sgrol ba'i phrin las mdzod// 'bar ba'i dkyil 'khor kun la mchod pa ni// sgeg mo rin chen phreng thogs dbyangs dang gar// spos kyi dri mchog me tog mar me dri// hUM mdzad hUM la hUM ste bzhes su gsol// bcom ldan dpal chen badz+ra he ru la// bsgral ba'i zhing bcu'i rnam shes mchod pa 'bul// rdo rje rigs kyi thugs dam bskang gyur nas// thugs kyi dngos grub stsal du gsol// bcom ldan dpal chen bud+d+ha he ru la// bsgral ba'i gzugs kyi phung po mchod pa 'bul// de bzhin rigs kyi thugs dam bskang gyur nas// sku yi dngos grub stsal du gsol// bcom ldan dpal chen rat+na he ru la// bsgral ba'i tshor ba'i phung po mchod pa

  719. 360a

    'bul// rin chen rigs kyi thugs dam bskang gyur nas// yon tan dngos grub dus 'dir stsal du gsol// bcom ldan dpal chen pad+ma he ru la// bsgral ba'i 'du shes phung po mchod pa 'bul// pad+ma rigs kyi thugs dam bskang gyur nas// gsung gi dngos grub stsal du gsol// bcom ldan dpal chen pad+ma he ru la// bsgral ba'i 'du byed phung po mchod pa 'bul// las kyi rigs kyi thugs dam bskang gyur nas// phrin las dngos grub dus 'dir stsal du gsol// yum chen kro d+hi shwa rI la// bsgral ba'i bkrag dang mdangs kyi mchod pa 'bul// rdo rje dbyings phyug thugs dam bskang gyur nas// mkha' la dbyings phyug dngos grub stsal du gsol// yum chen bud+d+ha kro d+hi shwa rI la// bsgral ba'i sha dang rus pa'i mchod pa 'bul// bud+d+ha yum chen thugs dam bskang gyur nas// yum chen kro d+hI'i dngos grub stsal du gsol// yum chen rat+na kro d+hi shwa rI la// bsgral ba'i khrag dang chu yi mchod pa 'bul// rat+na kro d+hi'i thugs dam bskang gyur nas// rin chen dbyings phyug dngos grub stsal du gsol// yum chen pad+ma kro d+hi shwa rI la// bsgral ba'i drod dang me yi mchod pa 'bul// pad+ma yum chen thugs dam bskang gyur nas// pad+ma dbyings phyug dngos grub stsal du gsol// yum chen karma kro d+hi shwa rI la// bsgral ba'i dbugs dang rlung gis

  720. 360b

    mchod pa 'bul// karma kro d+hi'i thugs dam bskang gyur nas// las kyi dbyings phyug dngos grub stsal du gsol// ko ri la sogs khro mo brgyad rnams la// bsgral ba'i rnam shes brgyad kyi mchod pa 'bul// khro mo brgyad kyi thugs dam bskangs gyur nas// stong pa brgyad kyi dngos grub stsal du gsol// seng ha la sogs phra men brgyad rnams la// bsgral ba'i dur khrod brgyad kyi mchod pa 'bul// mgo brnyan brgyad kyi thugs dam bskang gyur nas// grub pa'i gnas brgyad dngos grub stsal du gsol// rta gdong la sogs sgo ma bzhi rnams la/ bsgral ba'i yan lag bzhi yi mchod pa 'bul// sgo ma bzhi yi thugs dam bskang gyur nas// phrin las bzhi yi dngos grub stsal du gsol// dbang phyug khrag 'thung nyi shu brgyad rnams la// bsgral ba'i bsgral ba'i sgal tshigs nyer brgyad mchod pa 'bul// dbang phyug nyi shu brgyad kyi thugs dam bskang // bcol ba'i 'bras bu mchis pa'i dngos grub stsal du gsol// ma bdun sring bzhi gsang ba'i yum chen la// bsgral ba'i glo snying po mchin nang rol dang // mkhris pa mkhal ma la sogs 'bul// thugs dam gnyen bskang dngos grub stsal du gsol// pho nya sum brgya drug cu la// bsgral ba'i rus pa sum brgya drug cu rnams// pho nya'i tshogs rnams mchod 'bul thugs dam bskang // pho nya rkang

  721. 361a

    @#/ mgyogs dngos grub stsal du gsol// rdo rje ging chen ka ta ra ging mchog bco brgyad la// bsgral ba'i rtsib ma bco brgyad mchod pa 'bul// ging chen thugs dam bskang ste dngos grub stsol// de nas zhal du bstabs pa 'di skad do// bstab po kha raM zhal phyes shing // 'bar ba chen po zhal phyes shig/ rnam rtog ma lus zhal du bstab// dbu dang phyag mang zhal phyes shig/ dgra bgegs ma lus zhal du bstab// zhing gsol chas brgyad zhal phyes shig/ bar du gcod pa zhal du bstab// sha za khrag 'thung zhal phyes shig/ bsgral ba'i zhing bzhi zhal du bstab// rngam byed ma lus zhal phyes shig/ bdud dang srin po bar gcod byed pa dang // rdo rje slob dpon sku dgra rnams// ma lus bzhes te rol par mdzod// 'byung po'i khrag ni chang bas zhim// 'dod chags mchod pa bla na med// 'dod chags mchod pa bzhes su gsol// gsung gi dngos grub stsal du gsol// 'byung po'i rus pa mar bas zhim// zhe sdang mchod pa bla na med// zhe sdang mchod pa 'di bzhes la// thugs kyi dngos grub stsal du gsol// 'byung po'i sha ni zan bas zhim// gti mug mchod pa bla na med// gti mug mchod pa 'di bzhes la// sku yi dngos grub stsal du gsol// ma hA rak+ta ma hA mAM sa ma hA ki ni ri ti kha raM khA hi/ tshogs rgyud chen po rdzogs so// de nas gsang

  722. 361b

    bapa thabs dang shes rab byang chub sems kyi mchod pa la yang don rnam pa lnga ste// gzungs ma byin gyis brlab pa dang // gnyis su med par sbyor ba dang // gsang ba'i mkha' la sems can thams cad dbang bskur te gnas sbar ba dang / dkyil 'khor gyi lha la byang chub sems kyi mchod pa 'bul ba dang / byang chub sems rdo rje'i lce yis dngos grub blang ba dang lnga'o// de la dang po gzungs ma byin gyis brlabs pa ni// gzungs ma nyid yum shes rab kyi pha rol du phyin pa'i rang bzhin du/ dus gsum bde bar gshegs pa'i bzhugs gnas gzhal yas khang du byin gyis brlabs la/ gsang ba'i mkha' la dkyil 'khor gyi lha tshang bar gsal bar bsgom pa dang / gnas lngar yi ge dpa' bo 'bru lnga las/ rigs lngar gyur pa dang / gsang ba'i yum bzhi'i bskor bar byin gyis brlab pa'o// de nas gnyis su med par sbyor ba ni/ dang po spyan gyis brda zhig mdzad de/ 'di skad bskul lo// mtshan mchog brgyan pa'i yum mchog shes rab spyan/ shes rab don gyi brgyan pa'i thugs dam bskul/ mi dmigs snying rje thams cad yongs la snyoms/ thabs dang shes rab tshul khrims kyis/ sa ma ya snyam zhes bskul ba dang / yum gyis yab la 'di skad ces bskul lo// thabs la mkhas pa'i 'gro ba 'dren pa'i gtso// 'khor ba ma spangs gnas su dag pa la//

  723. 362a

    'phags pa rnams la dgyes pa'i thugs dam bskul/ bde ba chen po'i mchod pa rgyan du gzhes/ sa ma ya hUM zhes bskul bas/ yab kyi phyag rgya chen po bzhis mnyam par sbyar/ hUM las gsang ba'i rnga rje rtse lnga par bsgom/ rdo rje'i rwa lnga la rigs lnga'i snying po 'god/ yum gyi mkha' pad+ma 'dab ma brgyad la yum gyi snying po 'god/ pra be sha phaT kyi sgo phyes/ su ra to s+t+waM gyis bskul bas/ de bzhin gshegs pa thams cad dgyes pa gcig tu bltas te/ mnyes pa chen po'i thugs dam bskang / don dbyings dang ye shes/ rtags thabs dang shes rab gnyis su med par lhun gyis grub bo// de nas gsang ba'i mkha' la sems can thams cad gnas sbar te dbang bskur ba ni/ nam mkhas gang nas gang du khyab par chos kyi dbyings kyis kyang gang nas gang du khyab par/ yum gyi mkha' klong rnam par dag pas khyab pas/ snod kyi 'jig rten thams cad yab yum gyi mkha' dbyings rnam par dag pa gzhal yas khang du gyur pa'i nang na// mtha' yas pa'i sems can thams cad kyi sems me mar rlung gis ma bskyod pa ltar gnas pa la// gzhi a'i rang bzhin dang / yid hUM gi rang bzhin du bsdu/ yum gyi mkha' la gnas pa de/ yab yum 'od bsnol mar gtibs pas/ a dang hUM dang byang chub sems gsum du 'dres pa las/ thams cad rdo rje

  724. 362b

    sems dpa' kun tu bzang po'i sras su gyur te/ sems can thams cad rgyal ba'i sras su bzhengs/ dkyil 'khor gyi lha rnams kyis kyang / rdo rje ming gi dbang bskur te/ sangs rgyas kyi gdung 'dzin cing byang chub sems kyi dbang byin te bzhag go/ de nas dkyil 'khor gyi lha rnams la byang chub sems kyi mchod pa 'bul ba ni/ me long yu ba can gyi nang du bzhag la/ srin mtheb kyis phyag rgyas gtso bo dang 'khor yan la mchod pa phul bas/ dgyes pa chen po'i bdud rtsis mnyes nas/ dngos grub stsol zhing byin gyis brlabs par mdzad pa'o// de nas byang chub kyi sems las rdo rje che'i dngos grub blang ba ni/ dkyil 'khor lha thams cad yab yum gnyis su med par sbyor ba mdzad pa'i byang chub kyi sems kun+da dkar tsa rar zag pas bdag gi byang chub kyi sems dang 'dres te/ lce la blang nas tsit+ta la thim pas ye shes sems dpa'i sku tshon gang bar gyur te/ skye shi med pa'i g.yung drung du gyur to// tshogs rgyud chen po las/ tshogs kyi mchod pa phul ba'i le'u ste lnga pa'o// // de nas tshogs kyi mchod pa'i grangs ni/ rab kyis nyin lan gsum mtshan lan gsum du dbul bar bya'o// 'bring gis dus bzhir dbul bar bya'o// thams mas kyang nyin lan re mtshan lan re dbul bar bya'o// de ci'i phyir zhe na spyad zang re zhig grol thang re dang / smin

  725. 363a

    pa'i mchog re re 'grub par gsungs so// de la tshogs kyi mchod pa'i 'bras bu ni/ rgyu mtshan nyid kyi theg pa ltar/ dka' ba da ltar spyad nas 'bras bu phyis 'ong du re ba ma yin te/ tshogs kyi 'bras bu ni yi ge 'khor lo tshogs chen gyi sa la sa bcu rim gyis bgrod mi dgos te/ da lta nyid nas rigs lnga'i sangs rgyas dang mnyam par sangs rgyas par 'gyur ro// de'i phyir sangs rgyas rnams kyis kyang 'di skad gsol to// tshogs kyi mchod pa'i 'bras bu ni// phung po mi gnas mya ngan 'das// rig 'dzin sa la bde bar gnas// phyogs bcu'i sangs rgyas kun mnyes te// byin gyi rlabs kyis dbang bskur nas// dngos grub dam par stsol bar mdzad// chos kyi sku dang gnyis su med// ces sangs rgyas rnams kyis gsungs so// de la tshogs kyi mchod pa 'dis// yun ci tsam gyis 'grub ce na// rab kyis zla ba gcig nas 'grub// 'bring gi lo gcig dag nas 'grub// tha ma lo gsum tshun chad du// tshogs kyi mchod pa 'bul byas na// rdo rje sems dpa' nyid du 'gyur// sangs rgyas byang chub zag mi ring // zhes gsungs so// tshogs phul ba'i yon tan ni/ 'jig rten gyi khams 'dir yang rgyal ba sras dang bcas pa'i zhal mthong bar 'gyur ba dang / ma mo dang mkha' 'gro thams cad sprin phung bzhin du gtibs te/ ci bsgo ba'i bka' nyan cing / dngos grub kyi stongs dang grogs byed pas mthu dbang phun sum tshogs pa sbyin te/ thams cad du bde skyid phun sum tshogs pa dang ldan pa dang / longs spyod thams cad 'phel ba dang 'khor thams cad 'du zhing / nad dang du \u0f7fkha mi 'byung zhing 'jig rten gyi lha ma srin thams cad kyang mnyes shing byin che bar mthong ba dang / de la gar gyi spyi gtsug ltar len pa dang / sems can thams cad kyis kyang mig gi 'bru ltar mthong ngo // yid du 'ongs shing dga' bar 'gyur ba dang / 'jig rten phyi mar rig 'dzin thams cad kyis mdun bsu ste/ lcang lo can gyi gnas su phyin par 'gyur ro// tshogs ma phul ba'i skyon ni/ bsgrubs kyang don med cing bde bar gshegs pa rnams kyang zhal 'dzum par mi mdzad cing / bsod nams dang skal ba'i skal ba chung ste dmyal ba dang yid dwags dang byol song gi gnas su skye bar 'gyur ro// tshogs rgyud chen po las/ tshogs phul ba'i phan yon dang ma phul ba'i skyon bstan pa'i le'u ste drug pa'o// // rnal 'byor gyi tshogs rgyud chen po rdzogs so//