Text

ff. 1a–395b · 790 folio sides

  1. 1a

    dpal 'bar khro mo'i rgyud bzhugs so//

  2. 1b

    rgya gar skad du/ shrI dza la kro d+hi tan+t+ra/ bod skad du/ dpal 'bar khro mo'i rgyud/ bcom ldan 'das zhi khro'i lha la phyag 'tshal lo// 'di skad bdag gis thos nas bshad pa'i dus gcig na// ji ltar snang zhing srid pa dang / mthong zhing thos pa dang / bstan cing rtogs pa 'di dag thams cad/ ye nas ma g.yos shing / bcos pa med pa'i chos nyid la/ snang ba ni lha dang lha mo'i sku gsung thugs/ phyag rgya chen po'i dkyil 'khor du snang la/ mi snang na dngos po dang mtshan ma dang / gzung 'dzin dang rtag chad du mi snang ba yin la/ yod na ni sems kyi ye shes gsal la ma bsgribs par sangs rgyas par yod la/ med na gnyis su snang ba dang / phyogs dang ris su phye ba med pa yin la/ rol na thabs dang shes rab

  3. 2a

    dbyings dang ye shes dga' ba dang bde ba'i longs spyod chen por rol pa yin la/ mi rol na chos nyid mnyam pa nyid kyi ngang la/ gang la yang ma chags gang la yang mi 'dzin/ gang la yang mi gnas pa yin pas/ ma rig pa'i dbang gis rtog pa'i rigs bsam gyis mi khyab par snang bas/ dper na nam mkha' la 'di zhes gzung rgyu med pa la/ mig nad can la sogs pa 'khrul pa'i dbang gis ji ltar yang snang la/ snang ba'i dbang gis tha dad par snang ba bzhin du/ yang dag pa'i chos nyid la/ gang yang grub pa med pa la/ log pa dang 'khrul pa'i dbang gis so sor snang ste/ chos nyid snang ba ma rtogs pas ma rig pa'i dbang du gyur la/ ma rig pa'i dbang gis mun pa'i smag bzhin 'thibs pas/ ye shes kyi

  4. 2b

    snang ba nub par gyur to// rtogs pa'i dbang gis las sna tshogs yang snang bar gyur to// nyon mongs pa'i dbang gis 'du byed sna tshogs par snang bar gyur to// phyin ci log gi dbang gis gol ba sna tshogs su gyur to// 'khrul pa'i dbang gis rgyu 'bras sna tshogs su gyur to// sdig pa'i dbang gis sdug bsngal sna tshogs su gyur to// las kyi dbang gis nyon mongs shing myang ba sna tshogs su gyur to// de dag kyang gang zhe na// 'di lta ste/ 'khrul pa la las rtsa ba dang yan lag gi dam tshig mi 'da' ba'i chos nyid la/ 'da' bar byar med pa la/ rdo rje slob dpon la sogs pa la mi rigs shing 'da' ba'i las byas pas/ 'jig rten gyi khams 'dir yid du mi 'ong ba la sogs pa rnam pa sna tshogs nyams su myong nas/ mnar med pa'i dmyal ba la sogs par sdug bsngal sna tshogs las nam yang thar pa'i dus med par skyes pa dang / 'khrul pa la las 'dod pa dang / longs spyod la chags pa'i dbang gis mchod pa dang rgyu rkyen la sogs pa rnams la/ brkam chags sna tshogs par spyad pa'i dbang gis/ yi dwags la sogs pa'i gnas su yun ring bar 'khod pa dang / 'khrul pa la las gti mug gi dbang gis/ de bzhin gshegs pa'i sku la thug thub tu spyad pa dang / thams cad ma rtogs pa'i dbang gis bab col du gyur pas/ byo la song la sogs pa'i gnas su

  5. 3a

    skyes nas/ de las 'chi na yang slar lus de nyid len cing bskal pa yun ring bar gnas pa dang / de bzhin du mi dang lha dang lha ma yin la sogs pa'i 'chi 'pho ba dang / 'thab cing rtsod pa dang / 'gyur ba'i sdug bsngal la sogs pa nyams su myong zhing 'khor ro// 'khrul pa la las bstan cing bsgrag pa dang / bsgom zhing bsgrub par bya ba rnams ni/ bdag gis ma rtogs shing gzhan la ma khrol bar byas// gsang zhing sba ba dang thabs kyis spyod pa rnams ni/ bdag gi ngo mthon dang gsang mtshams med par spyad la/ gzhan la yang de ltar bstan cing de bzhin du bsgom ste/ lta bas mchod pa thams cad la bsgom pa dang / bsgoms pas ma chod par ci la yang 'jug pa dang / bsgrub pa mthar ma phyin par las rnam pa sna tshogs pa brtsams te/ bdag nyid phung po lha'i dkyil 'khor du sgrol ma shes par/ sems can gzhan la ngon spyod kyis sgal ba'i las la bab col bar byas pa dang / bdag nyid sems kyi chos nyid ma skyes pa la/ rtogs pa'i ye shes sbyor ma shes par/ gzhan yid du 'ong ba la glags la bab pa dang / thabs 'og tu chud pa dang / rdo rje g.yos pa'i dbang gis/ mo'i rigs snang snang la sbyor ba'i las bab col byas pa dang / bdag nyid bsgom pa'i ting 'dzin ma gsal bar/ gzhan drang bar 'dod pa'i phyir/ dkyil 'khor

  6. 3b

    la sogs pa'i dpon byas te gzhan tshom bu la sogs pa bsdus nas/ bka' bzhin du ni gang yang ma byas/ phrin las kyi lung 'chol ba sna tshogs par byas pa dang / bdag nyid bsgrubs pa'i rang rtsal ma rdzogs par 'jig rten gyi khe grags dang gzhan thub par 'dod pa'i mthu rtsal 'dod pa'i phyir/ mu stegs la sogs pa'i log pa'i chos dang / de la brten pa'i gang zag gis 'dod pa tshol ba'i bcos bu dang / 'phral bsdebs byas nas dam med pas/ gzhan la bslus pa'i 'gal ba chen po la khrims phyung nas/ dang du len par byed pa dang / bdag nyid dngos grub gsal bar ma thob par/ gzhan gyis bkur bar 'dod pa dang / btsun zhing mkhas par 'dod pa'i phyir/ lung las btus pa dang / yid las byung ba'i snyan ngag tu sdeb sbyor byas nas/ gzhan la 'chad cing ston par byed/ bdag nyid rgyal ba'i bka' brgyud gsal bar ma gyur pas/ gzhan las bdag nyid chung bar mthong bas/ bdag nyid kyis phyogs bsdus nas gzhan dang ris su bcad nas/ bka' 'di las lhag pa gzhan na med do// zhes smra bar byed cing de'i sde dang 'khor gyis kyang de bzhin du rang rang gi ris bzung zhing che bar phyung nas/ gsang ba'i don blo la ma son pas smra ba'i rgyu chung bas/ gsang ba skad smra zhing nyon mongs pa'i mthu gting brtas par byed pa dang /

  7. 4a

    bdag nyid nyon mongs pa la shas cher spyad pas/ gzhan yang de la lan 'don pa'i dbang gis/ bdag dang gzhan dngos su 'thab pa dang / skyon dang zol la sogs pa bshams nas/ 'khrug pa dang gsod pa la sogs pa byed pa dang / bdag nyid kyis mi rtag pa dang / sgyu ma lta bu'i don mi shes pas/ mi chos kyi blon po lta bu dang / 'du 'dzi g.yeng ba spyod pa'i las byed pa dang / de lta bu'i log par 'dren pa'i slob ma mang ba'i dbang gis/ gzhan thams cad kyang de lta bu'i las byed pa dang / gcig la gcig 'jug pa dang / 'thab cing rtsod pa dang / phrag dog rlom pa dang / che ba dang bkur ba'i rim pa med par gnad du btsugs nas/ log pa'i las rnam pa sna tshogs pa bsham pa dang / log pa dang sdig pa'i las rnam pa sna tshogs par spyad pa'i dbang gis/ yongs kyis dpya sla bar gyur nas/ kun kyang 'jig rten gyi khams 'dir mi bde ba rnam pa sna tshogs pa nyams su myong nas/ bsgrub pa la don med cing dus ma yin par tshe zad nas/ dam tshig nyams pa rnams ni sems can dmyal ba'i yang gting du skye bar 'gyur ro// nam yang 'thon pa'i dus med pa yin no// phal pa rnams dang slob ma rnams kyis sna drangs nas/ mnar med pa ma gtogs pa yan chad nas/ nyi tshe ba man chad du bskal pa du ma zhig gi bar du sdug bsngal

  8. 4b

    nyams su myong nas/ de las thar nas byol song dang yi dwags kyi gnas su skye na yang / sngon gsang sngags spyod tsa nas/ zhe sdang gi dbang gis mgo lus mang bar bsgoms pa'i kha mig mgo lus mang bar skyes nas/ der yang sdug bsngal shas cig nyams su myong nas/ de nas thar nas skye na yang thar pa'i sgo lho nub pas/ gnas kyang lho nub mtshams dur khrod ka rangs zhes bya bar skyes/ de dngos por 'dzin dbang gis lho nub mtshams de yang phyogs bzhi dbus dang lngar gnas/ tha ma grong khyer gyis bskor ba/ phyi mtha' dur khrod kyi tshogs mang bar gnas pa'i yul du skyes/ de la gnas pa de la yang rang rgyud kyi gnas ma yin te khro bo'i las dbang gi snang ba'o// de lta bu'i dbus su na/ sngon gsang sngags kyi don spyod tsa na/ dngos po la brtag par 'dzin pa'i mthu brtas pas/ ru tra rnam pa gsum gyi bdag po dbus na gnas pa de/ sngon dngos po yod pa la che bar bsgoms pa'i dbang gis/ lus ri rab tsam la/ sdig pa'i las sngon du thal zhing / bsod nams kyi las phyir lus pas/ mdog kyang thal mdog sngo skyar 'dug pa/ nyon mongs pa dug gsum gyi rtsa ba las/ nyon mongs pa bsam gyis mi khyab par sngon spyad pa'i mthus/ lag na yang mdung rtse gsum pa la sogs te/ mtshon cha bsam gyis mi khyab pa thogs pa/ sngon nyon mongs pa grags pa che

  9. 5a

    ba'i 'khor dang smon lam mthun pas/ de'i 'khor yang shar gti mug che ba dri za'i srin po/ lho nga rgyal che ba gshin rje'i srin po/ nub 'dod chags che ba klu'i srin po/ byang phrag dog che ba gnod sbyin srin po/ de rnams kyang chos nyid la chog shes pa'i ting nge 'dzin med pas/ kun kyang sems can mang po zos 'chos kyang skem pa la hrid pa rtsa rgyus sra ba/ pags pa gnyer ma rus gong che ba'o// de rnams kyang sngon 'dod chags dang 'bral ma shes pas/ chung ma re re dang 'khril te/ de rnams sngon 'dod chags la chog pa'i dus med pas gzhan yid du 'ong ba'i byi mo dang / slas dang dur khrod la sogs pa'i mo rnams la chags pa spyad pa'i dbang gis/ de rnams kyi 'khor na srin mo brgyad dang / mgo brnyan ma brgyad dang / sha za nyi shu rtsa brgyad/ mkha' 'gro sum cu rtsa gnyis/ gtso mo bzhi ste rtsa drug/ las dang mngag gzhug sum brgya drug cu dang / gsod pa bco brgyad yang bran brgyad khri bzhi stong / sum brgya drug cu/ bco brgyad/ bcu bzhi/ bzhi la sogs pa nad bzhi brgya rtsa bzhi brgya rtsa bzhi lag char bskur nas/ skye 'gro mthong dag ni bsgral nas/ thams cad phung bar byas te/ gtsang sme med par za ste/ ta na'i las la dus dang rgyun med par byed/ chung ma dang 'khor thams cad la bzang ngan med par sbyor zhing / 'dod chags kyi las la dus

  10. 5b

    dang rgyun mi 'chad par byed/ gsod gcod dang mi snyan pa'i dgra drag po dus med par grags/ sha dang rus pa ni ri ltar spungs/ khrag dang chu ser ni mtsho ltar bskyil/ gzugs dang khog pa ni rdza ltar bsnyil// gsung dang dud pa'i dri bsung sprin ltar gtibs/ ha ha dang kha kha 'brug ltar bsgrag/ mtshon cha dang rnag khrag char ltar 'bab/ gzhan yang stong gsum gyi stong gi 'jig rten gyi khams thams cad du/ srin mo nad gtong ma brgya dang / lcags kyi tiSh+Tha sprul pa bzhi la sogs pa btang ste/ dang po dud 'gro'i gnas bzhi la/ nad sna tshogs dang / mtshon cha sna tshogs btang ste zos/ de nas gling bzhi'i mi zos/ de bzhin du 'dod khams dang / gzugs dang / gzugs med pa'i khams ril dbang du sdus shing zos te/ thams cad du gsod pa dang / sbyor ba'i las mtha' dag gtsor spyod cing / 'bras bu ngan song gsum dang mnar med pa'i las sna tshogs pa bsgrub pa la/ 'og min chos kyi dbyings nas/ bde bar gshegs pa rnams kyis gzigs nas/ shin tu nyam thag cing gol bar gzigs te/ sangs rgyas thams cad kyis kyang de dang cha mthun sprul par mdzad de/ bcom ldan 'das yid byed pa kun tu bzang pos khro bo thams cad kyi mchog he ru kar sprul te/ 'khor ba dang mya ngan las 'das pa'i chos thams cad sku la tshang zhing rdzogs nas/ khyab cing

  11. 6a

    gdal ba'i phyir na/ dbu nyi shu rtsa gcig phyag bzhi bcu rtsa gnyis su sprul/ yum kun tu bzang mo kro d+hi shwa ri gnam zhal mar sprul nas/ yab yum gnyis su med pa'i mkha' las rigs lnga'i sangs rgyas yab yum rnams ye shes kyi he ru ka yab yum bcur gyur te/ rnam par snang mdzad yab yum bud+d+ha he ru ka yab yum du gyur nas/ de ci bas kyang sku che ba phyag mang ba mtshon cha rno ba me dpung 'bar ba/ nga ro che ba mthu che ba drag cing rngam pa/ gsod pa la brtson par sprul te/ dregs pa chen po gtso bor rA tra dngos su bsgral lo// yum gyis de'i chung ma bsgral lo// de bzhin du badz+ra he ru ka yab yum gyis/ shar gyi dri za'i srin po pho mo bsgral lo// rat+na he ru ka yab yum gyis/ lho gshin rje'i srin po pho mo bsgral lo// pad+ma he ru ka yab yum gyis/ nub klu'i srin po pho mo bsgral lo// karma he ru ka yab yum gyis/ byang gnod sbyin gyi srin po pho mo bsgral lo// bdud dang srin po'i lag cha mdung rtse gsum rgyal byed rtags kyi kha T+wAM gar bsnams/ pags pa g.yang gzhir sku la gsol lo// thod pa mnabs zhal du mdzad do// rnam par shes pa'i sems rigs nges pa'i sras su gyur pas/ rak+Sha he ru ka'i skur gyur to// ngan song gsum du skye nges pa'i sras sems rigs nges pa'i sras su bsgral bas/ sa nu he ru kar gyur to// 'khor byang chub sems dpa'

  12. 6b

    sems can rnams kyis kyang / de rnams kyi 'khor rnams btul te/ srin po de'i dur khrod grong khyer gyi shar phyogs na/ srin mo chen mo keng rus thod yangs ma zhes bya ba/ keng rus thod du bcings nas/ zhing gi dbyug pa dang / thod khrag thogs nas/ dur khrod chen po'i khrag 'thung yul na 'khod pa la/ byams pa dang zhi ba'i ting nge 'dzin gang gis kyang ma thul ba las/ byang chub sems dpa' sa'i snying pos/ khro mo ko'u ri mar sprul te/ lag pa g.yas na zhing gi dbyig pa thogs pas/ mo'i dbyig pa dbang du bsdus/ g.yon pa b+han+d+ha rak+tas mo'i thod khrag dbang du bsdus/ sku dang 'od me dpung gis mo'i 'od zil gyis mnan nas/ srin mo des bsams pa/ bdag pas kyang mthu byin che bas skyabs kyang btsal/ bdag dang spyod pa cha mthun pas lung stsal ba yang mnyan la/ bdag dang rigs gcig pa cig kyang gzod 'byung bsams pa las// khro mo des smras pa/ khyod thod khrag dang zhing dbyug thogs nas khrag 'thung ba la don ci lta bu zhes smras pa las/ srin mo des gsol pa/ bdag bkres shing skom pa la chog pa'i dus med pas 'tshal lo// zhes gsol to// khro mos smras pa/ de ltar ma yin te/ nga thod khrag thogs pa ni nyon mongs pa khrag dang 'dra ba de chos nyid du zad par byed pa'i rtags yin la/ zhing gi dbyig pa ni ma rig pa bcom nas 'khor ba rdul

  13. 7a

    du brlag pa'i rtags yin no// zhes smras pas/ srin mo des kyang de bzhin du bsgoms pas/ srin mo des phyir mi ldog pa'i sa thob pas/ ma 'ongs pa'i 'gro ba'i don du ko'u ri'i bran dang yang bran dang / khol dang yang khol du dbang byin te bzhag go/ de bzhin du srin po'i yul gyi lho phyogs/ dur khrod chen po 'jigs pa'i yul na/ srin mo mda' 'phen mas sems can thams cad gsod cing za ste/ byams dang snying rje ni med/ nyon mongs pa rang gam la zhi ba'i ting nge 'dzin gang gis kyang ma thul ba las/ byang chub sems dpa' nam mkha'i snying pos lha mo tso'u ri ma thabs kyi mda' 'gengs mar sprul nas/ srin mo de dang spyod pa cha mthun par byas nas btul te/ phyir mi ldog pa'i sa la bkod nas/ bran dang yang bran dang khol dang yang khol du dbang byin te bzhag go/ de bzhin du srin po'i yul gyi nub phyogs dur khrod chen po 'dzin byed na/ srin mo 'dzin byed ma zhes bya ba lag na chu srin gson ma pi ta thogs pas/ sems can thams cad 'dzin cing mi gtang bar za ba la/ byams pa'i ting nge 'dzin gang gis ma thul ba las/ byang chub sems dpa' spyan ras gzigs dbang phyug gis/ khro mo pra mo ha mdog dmar ba lag par chu srin gyi rgyal mtshan thogs par sprul te/ de dang spyod pa cha bstun zhing rigs gcig par byas nas btul te/

  14. 7b

    yang gong ma bzhin du bzhag go/ srin po'i yul gyi byang phyogs dur khrod sgrol ba na/ srin mo be tA nag mo zhes bya la/ lag g.yas sbar khyim gdengs nas bus pa brdung ba/ g.yon pas bus pa khog rangs su za ba cig gnas pa la/ yang cis kyang ma thul ba las/ byang chub sems dpa' phyag na rdo rjes/ khro mo be tA li g.yas rdo rje g.yon bus pa za bar sprul nas/ gong ma bzhin du bzhag go/ srin po'i yul gyi shar lho mtshams nas/ dur khrod 'dren byed ces bya ba na/ srin mo nang khrol 'dren ma zhes bya bas sems can thams cad bsad nas nang khrol dang rgyu ma sha khrag rlon par za ba las/ byang chub sems dpa' byams pas/ khro mo puk+ka sIr sprul nas/ yang gong ma bzhin du bzhag go/ srin po'i yul gyi lho nub mtshams na dur khrod chen po'i tshal sngon na/ srin mo chen mo rab 'jigs ma zhes bya ba/ sems can thams cad kyi mgo bo phor par bcad nas/ sha khrag tshil bus bkang ste/ sor mo gsum gyis dkrug cing 'thung ba las/ byang chub sems dpa' sgrib pa rnam par sel bas/ khro mo g+has ma rir sprul nas btul te yang gong ma bzhin du bzhag go/ srin po'i yul gyi nub byang gi mtshams na dur khrod sa la zhes bya ba na/ srin mo chen mo srog gcod ma zhes bya ba/ sems can thams cad kyi snying khrag rtsa ba nas phyung nas za ba la/ byang chub sems

  15. 8a

    dpa' kun tu bzang pos/ khro mo slar sha nIr sprul nas btul te/ yang de bzhin du bzhag go/ srin po'i yul gyi byang shar mtshams na/ dur khrod chen po ka pa la na/ srin mo sgron ma zhes bya ba/ sems can thams cad kyi mgo lus bcad nas/ smyon ma'i brtul bzhugs kyis gar sha stag byed pa las/ byang chub sems dpa' 'jam dpal gyis/ khro mo tsaN+Da lir sprul nas/ yang de bzhin du btul nas bzhag go/ de nas srin po'i yul dang gnas kyi phyi rol na/ shar phyogs 'jig pa chen po'i yul na/ srin mo mgo brnyan ma 'joms byed chen mo seng ge'i mgo can/ sems can thams cad/ kha long du blang nas/ sprug cing ril med par byed pa la/ thabs cis kyang ma thul ba las/ lha mo lA s+ya mas phra men ma sing ha mar sprul te/ de dang spyod pa cha mthun par byas nas btul te/ phyir mi ldog pa'i sa la bkod nas/ ma 'ongs pa'i 'gro ba'i don du bran dang yang bran dang / g.yog dang yang g.yog tu dbang byin te bzhag go/ lho phyogs gshin rje'i yul na/ srin mo phra men za byed stag mgo ma/ lag pas bsnol nas bam chen po la 'bru tshugs su blta ba la/ lha mo mA le mas phra men ma stag mgo can du sprul nas btul te/ de bzhin du bzhag go/ nub phyogs klu'i yul na srin mo phra men ma len byed ma zhes bya ba/ wa'i mgo can ma dpag tshad

  16. 8b

    brgyad khri bzhi stong nas/ bam chen mo'i dri tshor nas len par byed pa la/ lha mo gIr ti mas sri la mu khar sprul te btul nas/ de bzhin du bzhag go/ srin mo phra men mang ro ma zhes bya ba/ byang phyogs gnod sbyin gyi yul na/ khyi'i mgo can bam chen po la 'drad cing za ba la/ lha mo nI ra ti mas/ phra men ma shra na mu khar sprul nas/ de bzhin du btul te bzhag go/ yang shar lho'i mtshams drang srong gi yul na/ srin mo phra men ma khrag 'thung ma/ bya rgod kyi mgo can thod khrag 'thung ba la/ lha mo d+hu pe mas gr-id+d+ha mu khar sprul nas btul te bzhag go/ lho nub nai ra r-i t+ya'i yul na/ srin mo phra men ma rkang za ba zhes bya ba/ bya kang+ka'i mgo can ma bam chen po phrag la khur nas/ sha dang khrag dang rkang dang tshil bu za ba la/ lha mo badz+ra puSh+pe mas phra men dur bya'i mgo can mar sprul nas btul te bzhag go/ nub byang rigs sngags 'chang ba'i yul na/ srin mo phra men ma 'joms byed ma bya rog gi mgo can/ lag na spu gri ka ma la thogs nas/ bam chen po'i mgo bcad pa thogs shing za ba la/ lha mo mar me mas/ ka k+ka mu khar sprul nas btul te bzhag go/ byang shar 'byung po mang po'i yul na/ srin mo phra men ma skul byed ma 'ug pa'i mgo can/ lcags kyu dang thod khrag thogs nas/ bam chen po'i tsit+ta brku ba las/ lha mo dri chab mas U lu mu khar sprul nas btul te/ de

  17. 9a

    bzhin du bzhag go/ srin mo'i yul dang gnas kyi phyi rol na/ grong khyer chen po bzhi la/ shar phyogs grong khyer tsa ka li byi na/ mi'am ci'i srin mo rta mgo can lag na lcags kyu thogs te/ thams cad 'dzin cing za ba las/ byams pa chen pos lcags kyu mar sprul nas btul te bzhag go/ lho phyogs kyi grong khyer chen po ya ma yo ti na/ grul bum gyi srin mo phag mgo can lag na zhags pa thogs te/ thams cad 'ching zhing za ba la/ snying rje chen pos zhags pa mar sprul te btul nas bzhag go/ nub phyogs su grong khyer mA ra ya na/ lto 'phye'i srin mo dred mgo can lag na lcags kyi dra ba thogs nas/ thams cad za ba la/ dga' ba chen pos nyi zla lcags sgrog can gyi skur sprul nas btul te bzhag go/ byang phyogs grong khyer chen po'i rtsa ma'i ri na sha za'i srin mo sbyang ki'i mgo can/ lag gnyis sder 'dzings su sbyar te/ thams cad spor cing za ba las/ btang snyoms chen mo dril bu mar sprul nas btul te de bzhin du bzhag go/ de'i phyi rim phyogs bzhi mtshams brgyad na/ phyogs skyong srin po brgyad kyi bu mo 'bar ma brgyad las/ shar phyogs dri za mang po bsam gyis mi khyab pa'i grong khyer na dri za'i rgyal po'i bu mo 'bar ma nyi ma'i zhags pa can lag na nyi zer gyi zhags pa thogs nas/ stong gsum mam khams gsum 'dzin cing za ba la/ ston

  18. 9b

    pa kun tu bzang po'i thugs las yi ge kA phyung / de la spor byed nyi zer zhags pa can du sprul nas/ de dang spyod pa cha mthun par byas nas btul te/ phyir mi ldog pa'i sa la bkod de/ ma 'ongs pa'i sems can thams cad kyi don du bran dang yang bran dang / g.yog dang yang g.yog dang / 'khor dang yang 'khor du dbang byin te bzhag go/ de bzhin du shar lho'i drang srong mang po'i grong khyer na/ me lha ag ne'i bu mo 'bar ma me khyer glog phreng 'dzin la/ yi dwags kyi thub pa kha 'bar mas/ spor byed me khyer glog 'dzin du sprul nas btul te/ gong ma bzhin du bzhag go/ lho phyogs gshin rje mang po'i grong khyer na/ gshin rje'i bu mo 'bar ma gtum mo mdung zung 'phen la/ mi'i thub pa shAkya thub pas spor byed ma der sprul te btul lo// lho nub srin po'i grong khyer na/ srin po ner r-i t+ya'i bu mo 'bar ma gshin rje ral gri'i skra la dmyal ba'i thub pas der sprul nas btul lo// nub phyogs chu lha mang po'i grong khyer na/ ba ru Na'i bu mo 'bar ma rdo rje dril 'khrol ma la/ chos bya ba mo kun tu bzang mo'i thugs las yi ge a byung / a las spor byed rdo rje dril 'khrol mar sprul nas btul lo// nub byang gi phyogs mtshams rlung lha mang po'i grong khyer na/ rlung lha ba dan gyi bu mo 'bar ma gnod sbyin khyung thogs ma la/ lha'i thub pas sbor byed ma der sprul nas

  19. 10a

    btul lo// byang phyogs gnod sbyin ku be ra'i grong khyer na/ gnod sbyin dbyug tho can gyi bu mo 'bar ma thogs med skar mda'i gtong la/ lha ma yin gyi thub pas spor byed ma der sprul nas btul lo// byang shar bgegs mang po gnas pa'i grong khyer na/ dpal ldan gyi bu mo 'bar ma ba lang sna la/ byol song gi thub pas spor byed ma 'jig rten pAk+Sha rgya bal du skye ba'i gang gi bye brag gcig/ rdeb tu sprul nas btul te de bzhin du bzhag go/ srin po'i yul dang gnas kyi gru bzhi na/ bdud kyi bu mo za byed ma dang / rmongs byed ma dang / za ba rgyas 'debs ma dang / rmongs pa skem byed ma bzhi la/ dpal chen po'i thugs gsang ba'i gzungs ma bzhi las/ gsang ba'i yum chen mo bzhi ste/ bde ba za byed ma dang / bde ba rmongs byed ma dang / bde ba rgyas 'debs ma dang / bde ba tshe 'phel ma dang bzhir sprul nas/ de rnams kyi 'dod pa'i spyod pa dang cha mthun par byas nas btul te/ phyir mi ldog pa'i sa la bkod nas/ ma 'ongs pa'i don du gsang ba'i gzungs ma'i g.yog dang yang g.yog la sogs pa'i dbang byin te bzhag go/ de nas srin po'i yul dang / gnas kyi phyi rol na/ srin po'i 'khor dang mkha' 'gro ma sha khrag rus pa'i lhag sdud chen mo la/ phyogs bzhin bzhi bzhi/ mtshams bzhin gsum gsum/ sgo bzhi na re re ste sum cu rtsa gnyis la/ sems

  20. 10b

    dpa' chen po sum cu rtsa gnyis kyis btul te/ shar thal ba yod pa'i gling na/ rdo rje mkha' 'gro ma bzhi btul ba las dga' bar byed pa'i mkha' 'gro ma mdog thal skya/ lag na pad+ma lo ma dang chas par byas nas/ sems can thams cad dbang du sdud cing za ba las/ sems dpa' chen po rdo rje sems dpas mkha' 'gro dga' bar byed pa lag na rdo rje rtse gsum thogs par sprul te/ de dang spyod pa cha mthun par byas nas/ thabs kyis btul te phyir mi ldog pa'i sa la bkod nas/ ma 'ongs pa'i 'gro ba'i don du/ bran dang yang bran la sogs par dbang byin te bzhag go/ de bzhin du mkha' 'gro 'dren byed lag na lcags kyu thogs pa la/ sems dpa' chen po rdo rje rgyal pos mkha' 'gro ma 'dren byed mar sprul nas btul lo// de bzhin du sems dpa' chen po rdo rje legs pas/ mkha' 'gro ma gsod byed mar sprul nas/ srin po'i 'khor gsod byed ma btul lo// sems dpa' chen po rdo rje chags pas mkha' 'gro ma spor byed mar sprul nas/ srin po'i 'khor spor bar byed ma btul lo// lho phyogs me tog bkram pa'i gling na/ rin chen rigs kyi sems dpa' bzhis btul ba'i mkha' 'gro ma la/ 'bar byed ma mdog sngo lag na me 'bar ba la/ sems dpa' chen po rdo rje rin chen gyis mkha' 'gro ma 'bar byed mar sprul nas btul te gong

  21. 11a

    ma bzhin bzhag go/ de bzhin du rdo rje nyi mas srin po'i 'khor gzi brjid ma btul lo// rdo rje rgyal mtshan gyis khro gnyer ma btul lo// rdo rje bzhad pas 'joms byed ma btul lo// nub phyogs khrag gi rgya mtsho'i gling na/ srin po'i mkha' 'gro ma bzhi la/ pad+ma rigs kyi sems dpa' bzhis btul ba la/ mkha' 'gro chags chen ma lag na pad+ma gdengs pa mdog dmar mo la/ sems dpa' chen po rdo rje chos kyis/ mkha' 'gro chags chen mar sprul nas btul lo// de bzhin du rdo rje rnon pos chags bral ma btul lo// rdo rje 'khor los 'khor lo ma btul lo// rdo rje smra bas rgyas 'debs ma btul lo// byang phyogs sha'i phung po spungs pa'i gling na/ srin po'i mkha' 'gro ma bzhi la las kyi rigs kyi sems dpa' bzhis btul ba/ mkha' 'gro sna tshogs ma lus mdog ser lag na mtshon cha rgya gram thogs pa la/ sems dpa' chen po rdo rje las kyis/ mkha' 'gro sna tshogs lus mdog ljang gu/ rdo rje rgya gram thogs par sprul nas gong ma bzhin du btul nas bzhag go/ de bzhin du rdo rje go chas srung ba mo btul lo// rdo rje mche bas gnod sbyin mo btul lo// rdo rje khu tshur gyis yan lag 'phrog ma btul lo// shar lho mtshams na rkang sna tshogs spungs pa'i gling na/ srin po'i 'khor mkha' 'gro ma gsum la/ mkha' 'gro bya rog mgo lag

  22. 11b

    na gri thogs pa la/ sems dpa' chen po dpa' bar 'gro bas bya rog gi mgor sprul te/ lag na gri dang 'khar gzhong thogs pas spyod pa cha mthun par byas nas btul te gong ma bzhin du bzhag go/ de bzhin du kun tu bzang pos 'jigs byed ma btul lo// zla 'od gzhon nus 'ug mgo ma btul lo// lho nub tshil sna tshogs spungs pa'i gling na/ srin po'i 'khor mkha' 'gro ma gsum la/ sems dpa' chen po bzang skyong kun la skyong gis/ mkha' 'gro bzhad mgo mar sprul nas/ srin po'i 'khor bzhad mgo ma btul lo// de bzhin du dra ba can gyi 'od kyis khyi mgo ma btul lo// rdo rje snying pos phag mgo ma btul lo// nub byang zhag sna tshogs spungs pa'i gling na/ srin po'i 'khor mkha' 'gro ma gsum la/ sems dpa' chen po nam mkha' mdzod kyis/ mkha' 'gro rnga mo'i mgor sprul nas/ srin mo rnga mo'i mgo can btul lo// de bzhin du 'od dpag med kyis bong bu'i mgo can btul lo// mya ngan kun 'joms kyis ra mgo ma btul lo// byang shar mtshams na nang khrol dang ba su ta sna tshogs spungs pa'i gling na/ srin po'i 'khor mkha' 'gro ma gsum la/ sems dpa' chen po rgyal ba'i ye shes tog gis/ mkha' 'gro ma byi la'i mgo can mar sprul nas/ srin mo byi la'i mgo can ma btul/ de bzhin du blo gros mi zad pas keng rus dkar po 'dzin pa

  23. 12a

    btul/ spobs pa brtsegs pas mkha' 'gro ma rus pa'i phreng ba can gong ma bzhin du btul lo// de rnams kyi sgo bzhin/ shar na srin po bum sna/ lho na gshin rje d+ha sha grI la sogs pa bzhi ni/ gshin rje gshed po la sogs pa khro bo bzhis bsgral/ de rnams kyi chung ma bzhi gnas pa la/ byang phyogs kyi sems dpa' chen po bzhis btul te/ shar phyogs kyi sgor byang chub sems dpa' ngan song kun 'dren gyis/ mkha' 'gro ma lcags kyu mar sprul nas/ shar phyogs srin po bum sna'i chung ma lag la lcags kyi ku ku ra thogs pa dang spyod pa cha mthun par byas te/ gong ma bzhin du btul nas bzhag go/ sems dpa' chen po byams pa me tris/ mkha' 'gro ma zhags pa mar sprul nas/ lho sgor gshin rje rnam par 'joms pa'i chung ma lcags kyi zag pa 'phen pa btul lo// sems dpa' chen po spos kyi glang pos/ mkha' 'gro ma lcags sgrog mar sprul nas/ nub sgor srin po'i rgyal po lang+ga mgrin bcu'i chung ma lag na lcags kyi lu gu rgyud bsdams pa btul lo// sems dpa' chen po don yod grub pas/ mkha' 'gro rdo rje dril 'khrol mar sprul nas/ byang sgor gnod sbyin 'bod sgrog gi chung ma/ lag na mi rkang gi gling bu thogs pa dang spyod pa cha mthun par byas te btul nas/ phyir mi ldog pa'i sa la bkod de/ ma 'ongs pa'i dus na bran dang yang

  24. 12b

    bran dang / g.yog dang yang g.yog tu dbang byin te/ las kyi mkha' 'gro mar bzhag go/ de nas srin po'i yul dang gnas kyi phyogs bzhi bla 'og na/ sngon gsang sngags kyi don spyod tsam na/ gzung 'dzin dang rtag chad kyi blta ba sum brgya drug cu'i mthu brtas pa las/ srin po'i pho nya dang phyag brnyan sum brgya drug cu las/ snyegs pa'i pho nya dang phyag brnyan gshog pa can brgya nyi shu/ 'dzin pa'i pho nya dang phyag brnyan sder mo can brgya nyi shu/ gsod pa'i pho nya dang phyag brnyan mche ba can brgya nyi shu las/ phyogs bzhi bla 'og tu drug cu drug cu bkye ste/ sems can thams cad kyi gnyen por gyur pa las/ de bzhin gshegs pa thams cad kyi sku las 'od zer bkye ste/ dkar po ser po dmar po ljang gu mthing ga rin po che'i kha dog la sogs pa/ 'od zer re re la yang grangs bye ba khrag khrig drug cu drug cur spros te/ phyogs bzhi tshams brgyad bla 'og phyogs bcu thams cad/ 'od zer gyi snang ba chen pos khyab par byas nas/ don bya ba dang bskul bar bya ba dang / byi dor bya ba dang / snod du rung bar byin gyis brlabs nas/ 'od zer de dag slar 'dus pa las/ mi mo sum brgya drug cur gyur te/ shar phyogs nas dung gi mi mo drug cu/ lho nas lcags kyi mi mo drug cu/ nub phyogs nas zangs kyi mi mo drug cu/ byang nas g.yu'i mi mo drug cu/ 'og

  25. 13a

    nas gser gyi mi mo drug cu/ steng nas bse'i mi mo drug cu de rnams kyang mthun par zhal gcig phyag bzhi bzhi ste/ g.yas kyi dang po snyegs byed kyi pho nya gshog pa can bsam gyis mi khyab pa bsnams pa/ 'og ma na 'dzin byed kyi pho nya sder mo can bsam gyis mi khyab pa bsnams pa/ g.yon dang po na sdom byed kyi pho nya mtshon cha can bsam gyis mi khyab pa bsnams pa/ tha ma sgrol byed kyi pho nya mche ba can bsam gyis mi khyab pa bsnams pa// de lta bu dngos sum brgya drug cu la don gyi bye ba khrag khrig dang ldan pa'o// de dag gi myur ba ni glog gis kyang bskrad du med pa/ mgyogs pa rlung gis kyang bskrad du med pa/ gnyen pos mi tshugs pa rdo rje pha lam gyis bskyed du med pa/ ci la yang thogs pa med pa sha stag go/ de las shar phyogs nas me long lta bu'i ye shes kyi rtags/ 'od dkar po las rdo rje rigs kyi pho nya dung gi mi mo drug cu/ sku dang gsung dang thugs dang rdo rje las byung ngo // oM badz+ra b+ha na b+ha na aM ku sha dza/ zhes drug cu tham pa brjod pas/ pho nya rdo rje 'bar ma dang / rdo rje sder mo dang / rdo rje ki la ya dang / 'bigs ma dang / rdo rje ro langs ma dang / rdo rje drag mo dang / rdo rje mgyogs ma dang / rdo rje gtum mo dang / rdo rje 'bebs ma dang / rdo rje gsal ma dang / rdo rje sdom ma dang / rdo rje 'gugs ma dang / rdo rje thogs

  26. 13b

    med dang / rdo rje bskyod ma dang / rdo rje 'chang bdag dang / rdo rje phra men dang / rdo rje myur byed ma dang / rdo rje skul byed ma dang / rdo rje gsal bkra ma dang / rdo rje yang dag dang / rdo rje rtse dang / rdo rje dbang phyug dang / rdo rje rin chen mo dang / rdo rje kha 'bar ma dang / rdo rje gsal bkra ma dang / rdo rje khro mo dang / rdo rje 'chang ma dang / rdo rje gtum mo dang / rdo rje khros ma dang / rdo rje las byed ma dang / rdo rje dus mtshams ma dang / rdo rje thar ma dang / rdo rje ku la dang / rdo rje dpal 'bar ma dang / rdo rje skyong chen ma dang / rdo rje lus khro ma dang / rdo rje ngag khro ma dang / rdo rje yid gtum ma dang / rdo rje sder chen ma dang / rdo rje gsod byed ma dang / rdo rje brlang ba dang / rdo rje gsod mo dang / rdo rje za ba mo dang / rdo rje khrag 'thung ma dang / rdo rje 'chang ba mo dang / rdo rje tshe len ma dang / rdo rje mdangs len ma dang / rdo rje srog 'phrog ma dang / rdo rje snying 'byin ma dang / rdo rje gcod byed ma dang / rdo rje sprul byed ma dang / rdo rje sna tshogs gzugs dang / rdo rje sgron ma dang / rdo rje 'jug byed ma dang / rdo rje yid 'phrog ma dang / rdo rje rkun mo dang / rdo rje rdzu byed ma dang / rdo rje 'jig byed ma dang / rdo rje bcud len ma dang de ltar drug cu po yang sprul pa mche ba can drug cu 'brangs pas/ srin po shar phyogs kyi pho nya drug cu dang spyod pa mthun par byas te/ pho nya rnams la smras pa/ khyed la

  27. 14a

    sogs pa rnams srin po'i pho nya byed pa de/ rtogs pa ci dang ldan/ don cis byed/ pho nya rnams kyis smras pa/ bdag cag gi rje bos bdag cag rnams la pho nyar byin te/ las dang mthur ldan pas sems can thams cad 'gugs pa'i pho nya bgyid pa lags so// rdo rje rigs kyi pho nya mos smras pa/ sems can la yang da rung ma 'ongs pa'i sangs rgyas kyang yod la/ tshogs gsog pa la gnas pa dang / dge ba bcu la gnas pa rnams ni ma gtogs so// dkon mchog gsum gyi sku dgrar gyur cing / ngan pa'i ngang tshul can sgral ba'i zhing bcur gyur pa rnams ni/ ma bkug cing ma bsgral na nyams pa chen po'i rgyur 'gyur bas snying rje chen pos zin par byas la/ rgyal ba'i dkyil 'khor du bcug cing drangs la/ lha'i dkyil 'khor du byin gyis brlabs la/ gnyis su med pa'i ngang du bya'o// zhes smras pas/ pho nya de dag thams cad dga' ches te/ de bzhin du bgyi'o zhes khas blangs te mna' 'bor te/ bran dang yang bran du dbang byin te 'khor du bzhag go/ de nas nub phyogs so sor rtog pa'i ye shes kyi rtags 'od zer dmar po las/ pad+ma rigs kyi pho nya mo zangs kyi mi mo drug cu sku dang gsung dang thugs rdo rje las phyung ngo // gardza gardza sgo Ta baM/ zhes drug cu brjod pa las/ pad+ma thogs 'bebs ma dang / pad+ma 'brug sgrogs ma dang / pad+ma char

  28. 14b

    'bebs ma dang / pad+ma 'od 'gyed ma dang / pad+ma bkrag gsal ma dang / pad+ma gzha' tshon ma dang / pad+ma 'od 'phro ma dang / pad+ma 'od gsal ma dang / pad+ma khrag 'thung ma dang / pad+ma gar gyi dbang phyug ma dang / pad+ma sa bdag ma dang / pad+ma 'gugs byed ma dang / pad+ma dkar sham ma dang / pad+ma sgra sgrogs ma dang / pad+ma yid gzhungs ma dang / pad+ma lta na mdzes pa dang / pad+ma seng phrog ma dang / pad+ma bdud rtsi 'bebs ma dang / pad+ma mgyogs byed ma dang / pad+ma gsod byed ma dang / pad+ma snying 'byin ma dang / pad+ma dmar 'thung ma dang / pad+ma rkang 'jib ma dang / pad+ma las byed ma dang / pad+ma zhags thogs ma dang / pad+ma bla 'phrog ma dang / pad+ma thogs byed ma dang / pad+ma za byed ma dang / pad+ma smros byed ma dang / pad+ma rmugs byed ma dang / pad+ma rdzu byed ma dang / pad+ma 'khrugs byed ma dang / pad+ma drag mo dang / pad+ma brkam ma dang / pad+ma 'joms byed ma dang / pad+ma dga' ma dang / pad+ma 'dzin ma dang / pad+ma glog 'gyu ma dang / pad+ma g.yul 'joms ma dang / pad+ma lha 'brel ma dang / pad+ma srog 'brel ma dang / pad+ma myur byed ma dang / pad+ma rangs byed ma dang / pad+ma sreg byed ma dang / pad+ma glog byed ma dang / pad+ma tho ba ma dang / pad+ma gtun khung ma dang / pad+ma zhags 'phen ma dang / pad+ma me khyer ma dang / pad+ma sdud byed ma dang / pad+ma g.yengs byed ma dang / pad+ma bdud 'joms ma dang /

  29. 15a

    pad+ma dpal mo dang / pad+ma dbang phyug ma dang / pad+ma drag mo dang / pad+ma gtum bag can dang / pad+ma ka la ma dang / pad+ma sde tshogs dang / pad+ma ma hA la me Do dang / pad+ma rab brjid ma dang / drug cu rnams kyang sbrul gshog pa can drug cu 'gab na 'brengs pas/ srin po'i nub phyogs kyi pho nya drug cu dang spyod pa mthun par byas te/ gong ma de bzhin dam mnos dbang byin te bzhag go/ de nas lho phyogs mnyam pa nyid kyi ye shes kyi rtags 'od zer mthing ga las/ rin po che'i rigs kyi pho nya mo lcags kyi mi mo drug cu sku dang gsung dang thugs rdo rje las byung ngo // ha la ha la pA sha hUM drug cu las rin chen dbang phyug ma dang / rin chen mkha' 'gro ma dang / rin chen mthu 'bebs ma dang / rin chen sra ba mo dang / rin chen mchongs ma dang / rin chen khro gtum ma dang / rin chen brtson byed ma dang / rin chen 'jigs ma dang / rin chen sha za ma dang / rin chen khrag 'thung ma dang / rin chen so gtsigs ma dang / rin chen ral gsigs ma dang / rin chen 'khrugs byed ma dang / rin chen 'dzul byed ma dang / rin chen lcug byed ma dang / rin chen mthu mo che dang / rin chen nag mo che dang / rin chen rtog med ma dang / rin chen rtog 'joms ma dang / rin chen yongs grub ma dang / rin chen sna tshogs lus dang / rin chen sred pa ma dang / rin chen

  30. 15b

    sdong gcig ma dang / rin chen dur khrod ma dang / rin chen dbyings phyug ma dang / rin chen bde 'gro ma dang / rin chen rgyas byed ma dang / rin chen 'dzum byed ma dang / rin chen khrag gi myos byed ma dang / rin chen rngam 'dzin ma dang / rin chen mgyogs byed ma dang / rin chen sdum ma dang / rin chen mdung thung sder dang / rin chen 'gyur ma dang / rin chen thog 'bebs ma dang / rin chen spros med ma dang / rin chen 'khrugs byed ma dang / rin chen dbyug ma dang / rin chen ka la ya dang / rin chen gsal bkra ma dang / rin chen mkha' bsgyur ma dang / rin chen kun sgrol ma dang / rin chen ra ro ma dang / rin chen khrag 'thung ma dang / rin chen 'bar ma dang / rin chen mi zad ma dang / rin chen 'phrog byed ma dang / rin chen sgrol byed ma dang / rin chen sna tshogs stobs dang / rin chen yid 'phrog ma dang / rin chen srog len ma dang / rin chen bcud len ma dang / rin chen tshe rkun ma dang / rin chen dbang mo che dang / rin chen drag 'joms ma dang / rin chen sdud byed ma dang / rin chen glang 'dzin ma dang / rin chen srog 'dzin ma dang / rin chen rtsa 'gro ma dang / rin chen sna la byin ma dang / rin chen snas stong ma la sogs pa drug re gcig 'dug cu rnams/ yang sbrul rmig bu'i mgo can drug cus 'gram nas 'brengs pa/ srin po'i lho phyogs kyi pho nya drug

  31. 16a

    cu dang spyod pa mthun par byas te// thabs sna tshogs kyis btul nas gong ma bzhin du dam mnos te bran du dbang byin nas bzhag go/ de nas byang phyogs nas bya ba nan tan gyi ye shes kyi rtags 'od zer ljang gu las/ las kyi rigs kyi pho nya g.yu'i mi mo drug cu sku dang gsung dang thugs rdo rje las phyung ngo // pa tsa pa tsa g+haN+De hoHdrug cu las/ las rdo rje ma dang / las 'joms ma chen mo dang / las kha lo 'dul ma dang / las dbang phyug ma dang / las grub byed ma dang / las la bskul ma dang / las grub pa mo dang / las mthar phyin pa mo dang / las chud mi za ba dang / las dbang sgyur ma dang / las thogs med ma dang / las grub pa mo dang / las gsal byed ma dang / las dbang byed ma dang / las kyi dam tshig ma dang / las kyi bya ra ma dang / las kyi stangs 'dzin ma dang / las kyi stangs gcod ma dang / las kyi gal dzin ma dang / las kyi skul byed ma dang / las kyi bya ra mo dbang mo dang / las kyi bya ra mo phag mo dang / las kyi bya ra mo spyan brgya mo dang / las kyi bya ra mo mig stong ldan ma dang / las kyi bya ra mo 'od mgyogs ma dang / las kyi bya ra mo rlung zhon ma dang / las rdzu 'phrul can dang / las sgyu ma dang / las dbang phyug rgyal mo dang / las grags rgyal ma dang / las dpal sham ma dang / las yag+ha mo dang / las khro

  32. 16b

    bag can dang / las mche ba mo dang / las dbang bskur ma dang / las dngos grub bdag mo dang / las sgrol byed chen mo dang / las thams cad kyi bdag mo dang / las 'od 'phro ma dang / las drag mo dang / las khro skyen mo dang / las myur grub ma dang / las chud ma zos pa dang / las 'dul byed ma dang / las rgya mtsho dang / las stangs 'dzin ma dang / las kyi sgrol byed ma dang / las 'dul mkhas ma dang / las la goms ma dang / las la mkhas ma dang / las kyi dbang bskur ma dang / las kyi mchog sgrol ma dang / las kyi rgyu sgrol ma dang / las kyi rngam pa mo dang / las sgro skyen mo dang / las gtum chen ma dang / las mig dmar ma dang / las sen mo can dang / drug cu nga brgyad pas mabyub rnams kyang yang sbrul sder mo can gyi tshogs drug cu bgab nas 'brengs pas/ srin po'i byang phyogs kyi pho nya drug cu dang cha mthun par byas te/ de rnams btul nas dam phog nas dbang byin te bzhag go/ de nas dbus stong pa nyid kyi ye shes kyi rtags 'od zer ser po las/ gser gyi mi mo drug cu khro bo dang khro mor sprul te/ sku dang gsung dang thugs rdo rje las phyung ngo // kro d+ha kro d+hi hUM phaT/ drug cu las khro bo chen po bi dza ya dang / khro mo chen po rdo rje rnam bsnyems ma dang / khro bo chen po dbyug pa chen po dang / khro mo chen mo rdo rje sder mo can dang / khro bo chen po ya mAn

  33. 17a

    ta ka dang / khro mo chen mo rdo rje dur khrod ma dang / khro bo chen po mi g.yo mgon po dang / khro mo chen mo rdo rje gtun khung mo dang / khro bo chen po rta mgrin dang / khro mo chen mo rdo rje gtum mo dang / khro bo chen po gzhan gyis mi thub pa dang / khro mo chen mo mda' snyems ma dang / khro bo chen po bdud rtsi 'khyil ba dang / khro mo chen mo rlung 'byin ma dang / khro bo chen po khams gsum rnam par rgyal ba dang / khro mo chen mo gsod byed ma dang / khro bo chen po ma hA ba la dang / khro mo chen mo bskyod chen ma dang / khro bo chen po hUM ka ra dang / khro mo chen mo sgra 'byin ma dang / khro bo chen po badz+ra kI la ya dang / khro mo chen mo rgyas 'debs chen mo dang / khro bo chen po dme brtsegs dang / khro mo chen po 'dam 'byin ma dang / khro bo chen po badz+ra yak+ka dang / khro mo chen mo sa ma ye shwa rI dang / khro bo chen po dmar nag dang / khro mo chen mo dbang sgur ma dang / khro bo chen po badz+ra 'ba' ta la dang / khro mo chen mo rdo rje brag mo dang / khro bo chen po su su ti ga ra dang / khro mo 'bar 'jigs ma dang / khro bo chen po shrI ma ha ka la dang / khro mo chen mo ral pa 'greng ma dang / khro ba mi 'chi thabs sbyor dang / khro mo 'joms byed chen mo dang / khro bo chen po las thams cad pa dang / khro mo las kun grub ma dang / khro bo chen po rab rngams dang / khro mo chen mo gtum mo dang / khro bo chen po 'jig

  34. 17b

    rten gsum snang dang / khro mo chen mo mi pham ma dang / khro bo chen po 'jig rten gsum 'dul dang / khro mo chen mo lcags kyu ma dang / khro bo chen po 'jig rten gsum 'jig dang / khro mo chen mo khro gnyer ma dang / khro bopo chen po 'jig rten gsum 'ching dang / khro mo chen mo zhags pa ma dang / khro bo chen po pad+ma rgyal dang / khro mo chen mo ro langs ma dang / khro bo chen po be con sngon po dang / khro mo chen mo lcags sgrog ma dang / khro bo chen po ka ni badz+ra dang / khro mo chen mo ral gcig ma dang / khro bo chen po rdo rje go cha dang / khro mo chen mo dril bu ma dang / khro bo chen po rngam chen dang / khro mo chen mo dbang sdud ma dang / khro bo chen po rdo rje tho ba dang / khro mo chen mo za byed ma dang drug cu rnams kyang / yang sbrul mgo brnyan dang / phra men ma dang / phra thabs nyi shu rtsa gcig gi tshogs drug cu bgab nas 'brengs pas/ srin po dbus kyi pho nya dang / steng gi pho nya srin po pho mo drug cu dang spyod pa mthun par byas te/ de rnams btul nas bran dang yang bran dbang byin te/ phyir mi ldog pa'i sa la bkod de/ dam byin dbang phog ste bzhag go/ de nas mtha' dang bla 'og med pa chos kyi dbyings rnam par dag pa'i ye shes kyi rtags 'od mthing nag las/ bse'i me mo drug cu sku dang gsung dang thugs rdo rje las phyung ngo // mA ma mA ma b+h+yo b+h+yo/ zhes drug cu las ma mo chen mo ral pa gcig ma dang /

  35. 18a

    sbas pa'i ma mo chen mo dang / dur khrod tshogs kyi ma mo dang / za byed rngam pa'i ma mo chen mo dang / khams gsum sdud pa'i ma mo chen mo dang / chu drug sgrol ba'i ma mo dang / srid gsum za ba'i ma mo chen mo dang / yongs la dbang bsgyur ba'i ma mo chen mo dang / mthu dpung bskyod du med pa'i ma mo chen mo dang / sha khrag gsur la dga' ba'i ma mo chen mo dang / nang khrol glo snying 'byin pa'i ma mo chen mo dang / byed tshe srog 'phrog pa'i ma mo chen mo dang / rngam chen mchod la dga' ba'i ma mo chen mo dang / 'dzin byed zhal du stobs pa'i ma mo chen mo dang / bgegs chen snying la 'debs pa'i ma mo chen mo dang / zhing bcu gtan nas len pa'i ma mo dang / dam nyams snying la 'debs pa'i ma mo dang / 'byung po sgrol ba'i ma mo dang / gshin rje sgrol ba'i ma mo chen po dang / klu sgrol ba'i ma mo dang / gnod sbyin sgrol ba'i ma mo dang / srin po sgrol ba'i ma mo dang / srin mo sgrol ba'i ma mo dang / gza' chen len pa'i ma mo dang / khrag 'thung ba'i ma mo dang / drod 'phrog pa'i ma mo dang / dbugs len pa'i ma mo dang / srog 'phrog pa'i ma mo dang / mdangs 'jib pa'i ma mo dang / bya rgod mgo'i ma mo dang / khrag sgyug ma'i ma mo dang / chu srin kha'i ma mo dang / dur khrod rgyan gyi ma mo dang / rdo rje gar gyi ma mo dang / pad+ma gar gyi ma mo dang / sa bdag dbang phyug

  36. 18b

    ma mo dang / ri rab rtse nas bsnyil ba'i ma mo dang / rgya mtsho'i gting nas skem pa'i ma mo dang / rdo rje tho ba'i ma mo dang / rdo rje gtun khung gi ma mo dang / rdo rje dur khrod bdag gi ma mo dang / rdo rje 'degs pa mo'i ma mo dang / rdo rje gsal bkra ma'i ma mo dang / rdo rje khrag 'thung ma'i ma mo dang / ri lung dre'u zhon pa'i ma mo dang / dus bzhi'i rgyal mo 'joms pa'i ma mo dang / khyi spyang gcan du sprul pa'i ma mo dang / stag dom dred ltar rdzu ba'i ma mo dang / 'dzum phyed khra ltar lding ba'i ma mo dang / ri klung med par khebs pa'i ma mo dang / ngal dub med par rgyug pa'i ma mo dang / gtsang sme med par sgrol ba'i ma mo dang / ya byin ral dkar mchod pa'i ma mo dang / bse byin rtsal mo che yi ma mo dang // phag byin thogs pa med pa'i ma mo dang // de byin grub pa mo yi ma mo dang / tshe srog kun la dbang bskur ma mo dang / g.ya' ri gangs la brten pa'i ma mo dang / 'brog srin skyes pa 'dul ba'i ma mo dang // khro tshig myur bar brtson pa'i ma mo dang // drug cu rnams ni yang sbrul bud med brda' ma 'phrod pa/ paN tshe ba bzlog dka' ba/ 'khor drug cu drug cur 'brengs pa/ srin po'i mgo dang mtha'i pho nya byed pa'i srin mo drug cu dang cha lugs mthun par byas te/ srin mo rnams la smras pa/ khyod la sogs pa ni srin po'i pho nya byed cing sems can thams cad bkug

  37. 19a

    bcing bsgral nas/ sha khrag rus pa za zhing 'dug pa de don ched ci yod/ rtogs pa ci dang ldan/ zhes smras pa dang / srin mo rnams kyis smras pa/ bdag cag gi jo bo bdud ru tra chen pos khams gsum dbang bsgyur bas pho nyar dbang stsal te/ sems can thams cad dgug cing bsgral ba'i pho nya bgyid 'tshal ba las/ don ched dang rtogs pa gzhan ma mchis so// grogs mo dag rtogs pa dang don ci mchis/ ma mo rnams kyis smras pa/ bdag cag rnams ni thugs rje chen po dang ldan pas/ bdag dang gzhan bsgral nas/ bla na med pa'i byang chub chen por 'don pa'o// srin mo rnams kyis smras pa/ rtogs pa dang don ched de lta bu ldan pa e ma la la ho// bdag cag rnams la de ma 'tshal ba yang 'gyod na/ de da rung rtogs pa ma 'byongs shing / 'jig rten cha la brten pas 'tshal ba ma mchis so// ma mo rnams kyis smras pa/ de 'chal ba yang ma mchis la/ rtogs pa dang don ched du ldan pa byos shig gang zag dge bcu dang ldan pa dang / rtsa ba dang yan lag gi dam tshig bsrung ba ma gtogs so// dam tshig dag dang mi ldan zhing de dag nyams pa rnams ni yud kyis mi bsgral du ma rung ste/ de ci'i phyir zhe na/ de nas ngan song 'khor ba'i rgyu gsog cing / mnar med par 'gro bas de dag rtogs pa dang snying rjer ldan pas bsgral la//

  38. 19b

    bdag nyid chen por longs spyod par bya'o// zhes smras pa dang / srin mo thams cad dga' ches te/ de bzhin bgyi'o zhes khas blangs dam mnos bro bor te/ bran dang yang bran dang khol dang yang khol dang yang g.yog tu byin te/ phyi'i dam tshig dkar po'i 'khor bsrung ba dang / nang gi rnal 'byor dam tshig gi don bsgrub pa dang / bcom ldan 'das dpal chen po'i bka' bsrung zhing / rang gi dam tshig las mi 'da' bar zhal gyis 'chos/ g.yar gyis blangs te/ phyir mi ldog pa'i sa la bkod nas/ ma 'ongs pa'i rnal 'byor pa'i don du/ pho nya sum brgya drug cur mtshan btags te bzhag go/ de nas yang 'jig rten gyi khams na// srin po'i pho nya mo srin mo chen mo nad gtong zhing sha za ba bdun la/ srin mo chen mo brkam ma dang / srin mo chen mo rab tu brkam ma dang / srin mo chen mo dri ma 'don pa dang / srin mo chen mo phor thogs dang / srin mo chen mo g.yang gzhi ma dang / srin mo chen mo skul byed ma dang / srin mo chen mo myos byed ma dang bdun gyis nad dang rims rnam pa sna tshogs pa btang ste/ sems can ril kha 'dogs pa las/ dpal chen po'i thugs ye shes kyi sprul pa las/ yi ge hUM bdun byung / yi ge hUM bdun las/ gsang ba'i ma bdun byung ste/ rdo rje hUM grags ma dang / rdo rje kun gsal ma dang / rdo rje kun bzang mo dang / rdo rje chen mo ye shes

  39. 20a

    mchog dang / rdo rje 'od chags ma dang / rdo rje 'od gsal ma dang / rdo rje g.yu sgron ral gcig ma dang bdun gyis/ de rnams dang spyod pa mthun par sprul te/ nad rnam pa sna tshogs pa btang ste/ btang tsam na btang ba'i ngo bo ci yang med par sems can mang po bsad la bsad pa tsam na bsad pa'i ngo bo ci yang med par byas te/ srin mo rnams kyis mthu zil gyis mnan nas/ srin mo rnams la smras pa/ khyed la sogs pa rnams nad rnam pa sna tshogs pa gtong zhing / sems can rnams kyis sha khrag la brkam pa de/ las ci'i dbang gi rtsa ba yin/ sems can dmyal ba chen po'i gnas su bskal pa dpag tu med par mi ltung ngam/ srin mo bdun gyis smras pa/ bdag cag rnams ni dang po pha dang mas zas su sems can thams cad kyi sha khrag bskos la/ lag char nad kyi rkyal pa gtad pa las/ sems can dmyal ba zhes ba'i don ma rig go/ grogs mo dag 'di ltar spyod pa'i don dang gtan tshigs ci mchis/ ma mo bdun gyis smras pa/ kho mo cag ni don chos kyi dbyings kyi ngang las gnas pas/ dug dang bdud rtsir dbyer med pa la/ 'khrul pas phyin ci log gi lam du khrid pas sems can dmyal bar skye nges pa de dag thabs dang snying rjer ldan pas/ 'khor ba dang ngan song du mi gtong zhing bla na med pa'i lam la bkod pa las/ log

  40. 20b

    pa'i lam du bstan pa ma yin no zhes smras pa dang / srin mo rnams 'jigs skrag nas/ 'di skad smras so// e ma'o gti mug rang dbang gis// ngan song gsum du skye nges pas// skyob pa'i thugs ni ci zhig mnga'// 'di la skyob pa'i mthu mnga' na// bka' nyan dam nod 'bangs su mchi// 'tshal ba'i zas skal gang la bgyi// 'dren pa khyod kyis bshad du gsol// ma bdun gyis smras pa/ sngar nyes pa dran pa rnams kyang rjes su 'gyod pa legs so// slan chad kyang de lta bu bab chol mi byed par dam du chos la slan chad kyang sdom par zung zhig khyed kyi zas skal ni de bzhin gshegs pa'i tshig chad song dkar po'i phyogs dang / dam la gnas pa rnams ni ma gtogs so// nag po'i phyogs dang dam la mi gnas shing // zhing bcur gyur pa'i brnag pa de kho na rnams bsngos so// zhes pa dang / srin mo rnams rab tu dga' mgu yi rang ste/ de bzhin bgyi'o zhes khas blangs dam mnos te/ bran dang yang bran du mna' bor te/ bcom ldan 'das kyi bstan pa bsrung ba dang / 'khor skyong bar bzhag go/ i ti/ gu h+ya sa ma ya rdzogs so// // de nas yang bdud kyi gleng gzhi la/ shar phyogs kyi gling na dri za'i mgyogs ma dang / lho gshin rje'i mgyogs ma dang / nub klu'i mgyogs ma dang / byang gnod sbyin gyi mgyogs ma dang bzhis srin po'i gsang ba'i

  41. 21a

    gzungs ma bzhir byas te/ shin tu yang chags pa rang ga mas sems can thams cad yid bslu zhing chags pa'i dbang gis srog dang 'bral bar byed pa las/ dpal chen po'i thugs gsang ba'i yum dkar mo mi gcig rgyas 'debs ma dang / bde ba rmongs byed ma dang / bde ba za byed ma dang / bde ba tshe 'phel ma dang bzhis/ de rnams dang spyod pa cha mthun par byas nas/ mthu dpung zil gyis mnan nas btul te/ de rnams la smras pa/ khyed rnams chags pa'i dbang gis sems can thams cad kyi yid bslu zhing srog dang 'bral bar byed pa des ngan song gsum gyi gnas su skye bar mi 'gyur ram zhes smras pa dang / mgyogs ma bzhis smras pa/ grogs mo dag de ltar byed pa ci lags/ yum bzhis smras pa/ kho mo cag ni dbyings dang ye shes gnyis su med pa'i don la chags tsam na/ chags pa med pa mthar phyin pas nyon mongs pa dang gzung 'dzin la 'chel ba sogs pa sdug bsngal gyi srog dang 'bral ba yin no zhes smras pas de bzhin du ngo mtshar du gyur nas de bzhin du bgyid lags pas/ bdag cag rnams la de'i dbye ba dang rim pa gang lags pa bka' stsal du gsol/ yum bzhis smras pa/ chags par bya ba'i yul ni ye shes kyi dbyings rtogs pa des/ ma dang sring mo dang bu mo la sogs pa gang la yang mi rtog cing / rtog pa med

  42. 21b

    pa'i chos nyid du mkhyen pa las ma gtogs pa/ phal pa rnams ni chags par bya ba'i yul ma yin la/ 'khor ba las bslu ba'i chags pa'i yul ni/ ma rig pa phal pa yid dang mthun par bya zhing / chags pa med pa dang / srog dang 'bral ba yang / gang sangs rgyas kyi bstan pa la dad pa'i dge ba'i phyogs dang / dam tshig la gnas shing bsrung ba'i rnal 'byor pa rnams ni/ rdo rje rigs kyi spyan dang ming srid yin pas brtse gdung dang mi 'bral ba'i srog gi lu gu rgyud byas pa las/ de rnams la srog gi bar chad lta ci smos kyi/ de'i bka' las zur tsam yang 'gal na/ srog gi bar chad du 'gyur nas mnar med pa'i dmyal bar skye bar 'gyur ro// de la srog dang mi 'bral du mi rung ba gang zhe na/ sdig pa'i phyogs la brten pa dang / dam la mi gnas shing mi bsrung ba dang / de dag mnos nas nyams par gyur pa la ni/ srog dang mi phral na ngan song dang mi khom pa'i gnas su skye bar 'gyur bas/ dam 'di bzhin du gnas shing dmod longs shig/ de rnams kyis dmod btsugs pa/ rnal 'byor pa bka' dang dam la gnas pa rnams ni bdag cag gis bsgo ba brtsi zhing gdung ba sri zhu'i tshogs bgyid de/ bka' dang dam las 'gal ba rnams srog dang 'bral bar bgyi'o// de bzhin du ma bgyis na bdag cag rnams kyi lus srog tshig par gyur cig ces dam

  43. 22a

    bcas te/ bcom ldan 'das kyis rdo rje theg pa'i bka' dang bstan pa bsrung ba dang / 'khor bsrung bar dbang byin te/ sring mo bzhir ming btags te bzhag go/ de nas yang srin po'i 'khor las kyi ging bco brgyad la/ bdud lha yor thom dang / bdud lha gar gyi dbang phyug dang / bdud mo brgya byin kun dga' mo dang / tshangs pa dung gi thor tshugs can dang / gnam sa gnyis kyi bdag po dbang phyug chen po'i las mkhan dang / ma bdud rgyal mo dang / rta zhon rku bzhi dang / dmu bdud rngams pa dang / tshangs pa'i ze'u brang dang / 'brog srin mgo dgu dang / shar phyogs nas khams gsum gyi bdag po dang / sprin gyi sgron ma dang / rdo rje mchu dang / bi na ya ga dang / lha mo nag mo dang / nam gru dang / gshin rje'i rgyal mo rmig pa mgo dang / shel gyi srog bdag la sogs pa bco brgyad kyis/ khams gsum gyi sems can thams cad sgrol ba 'ba' zhig byed pa las/ bcom ldan 'das dpal chen zhal bzhad pa'i sprul pa las/ rdo rje'i ging bco brgyad du sprul te/ de rnams kyang gang zhe na/ dpa' bo chen po las rnams kun byed pa dang / khro mo chen mo khams gsum dbang sdud ma dang / rdo rje ging ka ra dang / rdo rje gnod sbyin dang / rdo rje sbyang ki dang / rdo rje gshin rje dang / rdo rje rol pa dang / rdo rje 'chi bdag dang / rdo rje dus mtshams dang / rdo rje ro

  44. 22b

    langs dang / rdo rje 'joms ma dang / dbang sdud lcags kyus 'dren pa chen mo dang / khams gsum g.yab mos 'debs pa chen mo dang / gzugs med rlung ltar gyur pa chen mo dang / gar gyi glog ltar sbyar ba chen mo dang / rgod gtong len par byed pa chen mo dang / rna nyan phra ma zer ba chen mo dang / srid gsum sgrol bar byed pa chen mo dang / za byed chen mo ma de bco brgyad du sprul nas/ de rnams dang spyod pa cha mthun par byas te bgegs bco brgyad po la smras pa/ khyod la sogs pa rnams sems can thams cad kyi sgrol ba'i ging 'ba' zhig byed pa don ched ci yod/ thabs ci yod/ snying rje ci dang ldan/ ngan song gsum du mi skye'am/ zhes pa dang / bgegs rnams kyis smras pa/ bdag cag rnams ni sngon nas pha mas sems can thams cad sgrol ba'i ging gyis shig par dbang bskur ba las/ thabs dang snying rje ma mchis so// grogs po dag thabs dang snying rje ci dang ldan/ ngan song gsum zhes pa ci lta bu zhes zer ba dang / ging rnams kyis smras pa/ de lta bu'i nyon mongs pa dang / gdol pa can ni shin tu 'khrul pa ste/ don chen ni sems can ma rig pa rnams rig par bya ba dang / rtogs pa can rnams sun dbyung ba'i don ched yin la/ snying rje ni ma rtogs pa'i dbang gis log pa'i phyogs mtha' dag byas pas shin tu sdug bsngal ya nga'i gnas su skyes

  45. 23a

    pa de/ bu gcig la ma byams pa dang 'dra bar bskyed la/ thabs kyis snying rje ba'i sar mi bzhag par de nyid mthu dang thabs kyis bskul te/ bla na med pa'i sa la bkod pa'i ched du bstan pa las// de dang mi ldan pa rnams ni/ dmyal ba yi dwags byol song la sogs pa shin tu mi bzad pa'i ya ba las thon par mi 'gyur ro zhes pa dang / bgegs rnams kyis smras pa/ e ma a la la la de bzhin du bdag cag rnams kyang bgyid pas/ mthu dang thabs kyis mngon sum du bsgral dmigs dang / mi sgrol ba gang lags pa de'i dbang dang dam tshig stsal du gsol/ ging rnams kyis smras pa/ bsgral ba'i dmigs ni thugs rje'i dpyang zag chad de/ zhe sdang log pa'i lam dgu la zhugs pa dang / nyon mongs rang ga mas dbang byas te/ zhing bcur gyur nas/ log pa'i las mtha' dag byed pa dang / gsang ba'i theg pa'i sku dgrar gyur pa dang / sems can tshe zad cing dus la bab pa rnams sgrol cig/ gang zhig rnal 'byor pa gzhung dang mthun pa lta ci smos kyi/ 'gal ba med pa'i sems can tshe ma zad pa rnams ni ma sgrol cig ces pa dang / bgegs kyi rigs rnams dga' mgu yi rang nas/ de bzhin bgyi'o zhes khas blangs dam bcas dmod par mna' bskyal te/ bstan pa 'jig pa'i phyi'i dgra bo thams cad sgrol cig par/ phyi'i

  46. 23b

    ging bco brgyad du dbang byin te bzhag go/ de nas rU tra dregs pa chen po dang bcas pa rnams bsgral te/ khog pa dur khrod kyi gzhal yas khang du brtsigs/ rnam par shes pa 'og min gyi yum gyi mkha' la gnas spasbar te thugs sras su byas nas phyir mi ldog pa'i sa la bkod/ 'khor ci bgyi'i bka' nyan thams cad dbang du bsdus te/ bran dang yang g.yog tu bgyis te/ rU tra dang dregs pa'i phyogs thams cad ming yang mi grag cing / sangs rgyas kyi bstan pa yun ring du gnyan par gnas te/ chos nyid yum gyi mkha' bde ba chen po na/ dgyes pa chen po'i lhun la rtag par bzhugs pa la/ blo'i khyad par gyis so sor mthong zhing rtogs te/ la las byang chub kyi shing drung rtsar bcom ldan 'das shAkya thub pas bdud rnam bzhi rim gyis btul nas/ dregs pa thams cad zhi ba'i ting 'dzin gyis btul nas/ le lo can dang / rtag pa sun dbyung ba'i phyir/ thabs kyis mya ngan las 'da' ba'i tshul bstan nas/ sangs rgyas kyi bstan pa yun ring du gnas shing / sems can thams cad bde ba la 'god par mthong zhing rtogs pa dang / la las ri rab kyi zom la phyag na rdo rjes ye shes kyi rdo rje gsor te/ lha ma yin thams cad sngangs skrag nas/ srid pa gsum yang 'dar zhing g.yos te/ mdongs gsol du rang rang gi srog gi snying po phul te/ dregs pa

  47. 24a

    can thams cad btul nas/ lha'i tshig bden pas zhal gyis 'ches shing dam mnos/ lha srin sde brgyad bran dang chad gyur bgos nas/ phyi'i dam tshig dkar po'i mu ran gyi 'khor bsrung shing / ngan song gsum po rim gyis lha dang mi'i bde ba la 'khod cing / sems can thams cad rig 'dzin gyi sa la gnas shing 'khod par mthong zhing rtogs pa dang / la las rnam par snang mdzad longs spyod rdzogs pa'i skus/ lha'i khang pa rin po che 'od 'bar ba'i gnas nas/ khro bo chen po khams gsum rnam par rgyal ba'i skur sprul te/ dbang phyug chen po'i srin po dang / dregs pa can thams cad bsgral zhing / thal ba yod pa'i zhing khams na/ slar dran pa rnyed par byas te/ bdud dang srin po thams cad btul zhing tshar bcad nas/ 'khor dang bran du byas te bka' dang dam tshig mnos nas/ lha dang lha ma yin pa dang mi dang mi ma yin pa la sogs pa thams cad kyis/ bka' dang bstan pa bsrung ba dang / 'khor dang gang zag skyong ba g.yar gyis 'ches te/ 'dod khams dang / gzugs khams dang / gzugs med pa'i khams la sogs pa thams cad rim gyis sangs rgyas kyi sa la bkod par mthong zhing rtogs pa dang / la las 'di ltar yum gyi mkha' la/ rgyal ba rigs lnga rdo rje dbyings kyi dkyil 'khor du bzhugs pa las/ khro bo dang / dpal 'bar khro

  48. 24b

    mo'i rgyud 'di ltar/ bdud dang rU tra rim gyis btul nas/ sangs rgyas dang byang chub sems dpa' sems can thams cad rim gyis chos kyi dbyings bde ba chen po yi ge 'khor lo tshogs chen gyi sa la rim gyis 'khod par mthong zhing rtogs pa thams cad ni/ dpal kun tu bzang po ngo bo nyid kyi sku chos nyid ma bcos pa'i byin gyis rlabs las snang ba las ma gtogs pa/ so sor snang zhing gnyis su med par bstan pa ma yin no// de ci'i phyir zhe na/ de ni btags pa dang mtshan ma can ma yin pa'i tha tshig go/ de lta bu'i chos 'di thams cad la bsam gyis mi khyab bsam du yang med do// de ci'i phyir zhe na/ de ni dmigs pa med cing / mi dmigs pa'i tha tshig go/ de lta bu'i chos 'di dag thams cad la bskal pa dpag gis mi langs par yang brjod pa'i mtha' med la/ skad cig yud tsam cig ma brjod par yang thams cad 'dus so// de ci'i phyir zhe na/ de ni yun ring ba dang zung ba med pa'i tha tshig go/ de lta bu'i chos 'di dag thams cad ni/ thugs zhi ba'i ngang las ma g.yos par/ skra 'bar ba'i cha lugs khro bo dang khro mo'i sku gsung thugs kyi rol pa bsam gyis mi khyab par snang la/ de ltar snang tsam na thugs zhi ba'i ngang las kyang g.yos pa rdul tsam yang med do// de ci'i phyir zhe na/ chos nyid ma g.yos pa'i tha tshig go/ de lta bu'i chos

  49. 25a

    'di dag thams cad la/ mtha' yang med la dbus kyang med do// de ci'i phyir zhe na/ thams cad du nye ring dang / thams cad du phyogs ris dang / thams cad du snga phyi dang / thams cad du che chung med pa'i don no// de lta bu'i chos 'di dag thams cad sangs rgyas thams cad kyi thugs ye shes la gnas so// sangs rgyas thams cad kyang kun tu bzang po'i thugs la gnas so// kun tu bzang po yang rang gi sems la gnas so// rang gi sems ni nam mkha' la gnas so// nam mkha' ni ci yang min la ci la yang mi gnas pas/ chos 'di dag thams cad rang bzhin gyis 'dus ma byas shing sgra bsam gyi yul las 'das pas brjod du med pa'i chos nyid do// brjod du med pa skye 'gag med pa'i chos nyid do// skye 'gag med pa las ma g.yos pa/ ma g.yos pa btsal du med pas/ rnam par rtog pa thams cad 'joms shing mi gnas par byed pas khro mo zhes bya la/ de las skye zhing 'byung bar byed pas yum zhes bya la/ de lta bu'i las thams cad la rol pas yab ces kyang bya la/ de'i ngang la 'du 'bral med pa'i rnal 'byor pas thabs dang shes rab kyi don la mkhas pa zhes bya ste/ 'di ni dus thams cad du rdo rje slob dpon gyi thugs la gnas pas/ 'di ltar rtogs pa'i skyes bu ni phyag gi mdzad pa phyag rgya'o// thugs la bzhag pa dgongs

  50. 25b

    pa'o// zhal du brjod pa gsung rab bo// de ci'i phyir zhe na/ der ni don thams cad 'dus pas/ dper na rgya mtsho chen po las klu'i rgyal po'i stobs kyis/ chu bo dang chu bran char la sogs par spros nas/ slar rgya mtsho chen por 'dus pa dang 'dra bar dpal 'bar khro mo'i rgyud chen po 'di las/ rnal 'byor gyi skyes bu chen po'i dgongs pas/ lta ba dang bsgrub pa dang / dkyil 'khor dang sgom pa la sogs pa byung nas/ slar 'di nyid du 'dus so// dpal 'bar khro mo'i rgyud 'di ni/ 'das pa'i sangs rgyas thams cad kyang rgyud 'di la brten nas mngon par rdzogs par sangs rgyas so// da ltar byung ba'i sangs rgyas thams cad kyang rgyud 'di'i don rtogs pas mngon par rdzogs par sangs rgyas la/ de bzhin phyis 'byung ba'i sangs rgyas thams cad kyang / rgyud 'di'i don rtogs nas mngon par rdzogs par sangs rgya bar 'gyur ba'o// de ci'i phyir zhe na/ de ni dper na u dum wa ra'i tshal ni/ sangs rgyas thams cad 'byung ba'i dpe yin la/ u dum wa ra'i tshal dang / tsan+dan gyi nags la sogs rnams ni sems can thams cad kyi nad 'jil ba'i mthu yod pa dang 'dra bas na/ rgyud 'di ni de bzhin gshegs pa thams cad kyi sku'i dpe yang yin la/ sems can thams cad kyi lus ngag yid gsum phyag rgya chen po'i rang bzhin du gyur pa yang yin no// rgyud 'di'i

  51. 26a

    don ma rig cing ma rtogs na/ nyon mongs pa ma rig pa'i bdud dang / phung po sdug bsngal gyi bdud dang / lha'i bu mya ngan gyi bdud dang / 'chi bdag mi rtag pa'i bdud de/ dper na nad dang rims la sogs pa dang po dbugs la zhugs/ zhugs nas rtsa la rgyu'o// de nas sha dang khrag la rgyu'o// de nas rkang dang sri la 'khol lo// de nas srog rtsar 'dus nas mi rtag pa'i las su 'gyur ro// de las log pa'i phal pa rnams ni/ srog pa rtsa la cung zad 'khod nas/ sha dang rus pa la phyir byung nas/ khrag dang ba spu la byung ste/ phyi'i 'byung ba la ltos so// de bzhin du bdud dang nyon mongs pa la sogs pa thams cad dang po rgyu ma rig pa las byung ngo // de nas nyon mongs pa thams cad kyi yid dang yid kyi rnam par shes pas bcad nas/ kun gzhi la las sna tshogs kyi bag chags sna tshogs su stsogs so// de nas sems can sdug bsngal gyis gtan zhing du 'khyams so// de las sman bzang po dang sman pa mkhas pa 'dra ba'i rgyud 'di ston pa'i dge ba'i bshes gnyen nam 'di ston pa dang 'chad pa'i rdo rje slob dpon dang 'phrad na sdug bsngal nyid byang chub yin pa dang / nyon mongs pa nyid lam yin pa dang / ma rig pa nyid chos nyid yin pa dang / 'khor ba nyid yang dag pa'i lam gnas su bstan pas/ gzung 'dzin gyi 'chel ba thams cad chos nyid

  52. 26b

    bde ba chen por ye nas gnas pa las/ thams cad lha dang lha mo'i dkyil 'khor du sangs rgyas par mdzad do// don de lta bu dang ldan pa'i rgyud 'di ni dam tshig la mi gnas pa dang snod ma yin pa rnams kyi spyod yul ma yin te/ dper na nor bu rin po che tir ya ka ni lha'i dbang po dang klu'i dbang po'i bsod nams yin pa dang 'dra bar/ 'di ni dam tshig la gnas shing snod du gyur pa rnams kyi spyod yul yin pa'o// de lta bu'i rgyud 'di ni 'og min gyi gnas dang / skye mched mu bzhi dang / 'dod khams dang gzugs khams kyi lha'i ris su khyab na yang / ril lus ma bor bar phyag rgya chen po'i gnas su/ grangs dang tshom bu bsam gyis mi khyab pa/ mngon par rdzogs par sangs rgya bar 'gyur ro// de nas lha dang mi klu'i gnas su khyab na yang / ril lus ma bor bar tshe 'di nyid la phyag rgya chen po'i gnas su grangs dang tshom bu bsam gyis mi khyab pa mngon par rdzogs par sangs rgya bar 'gyur ro// de dag thugs rje chen po dang ldan pas/ sems can thams cad kyang bla na med pa'i byang chub la dgod par byed do// de nas kyang thabs dang shes rab tu ldan pas rigs nges pa'i sras su bya ba dang / ma 'ongs pa'i sangs rgyas pa'i rgyur gzhag pa'i phyir/ thugs gsang ba'i mdzod thugs kyi sa bon/ yig 'brur bzhag nas slar 'khor bar mi ltung ba'i phyir/ phyag

  53. 27a

    rgya chen pos kha bcad de bzhag go/ de lta bu'i rgyud 'di'i rang bzhin du/ 'khor ba dang mya ngan 'das pa thams cad dang / phung po dang / khams dang skye mched thams cad sangs rgyas par bstan pa las/ rdo rje sems dpas gsol pa/ bcom ldan 'das bde ba chen po'i lha'i dkyil 'khor du/ thams cad ril 'dus pa las phyis log pa'i phyogs dag byung ba la/ nan tan ci ltar bskyed par bgyi/ yab bde pab chen po bla na med pas bka' stsal pa/ thams cad 'dir 'dus pa las phyis log pa 'byung ba la nan tan bskyed pa legs so// legs so// legs pa'i lam las log par 'byung ba ni/ dper na rgyal po'am bram ze'am/ khyim bdag gi rigs shing sA la lta bu las/ rigs 'chol te gdol pa'am/ bshan pa lta bu'i las byed pa ni/ skye bo yongs kyi kyang smad pa dang / nye 'khor rnams kyis kyang spang bar 'gyur la/ de nyid kyang ris dmas shing mi bde ba'i gnas su gyur nas/ rgyal po chen po'i bka' chad kyi gnas su gyur pa dang 'dra bar/ gang zag gang zhig gsang sngags rnga rdza theg pa'i sgor zhugs pa'am/ de la gnas pa gang yin pa log par gol te/ ting 'dzin rnam pa brgyad kyis log par khrid de 'di lta ste/ brlang po phyal pa'i ting nge 'dzin dang / rgyu las gol ba'i ting nge 'dzin dang / g.yengs pa chen po'i ting nge 'dzin dang /

  54. 27b

    bslad pas 'chal ba'i ting nge 'dzin dang / mtshan mar 'dzin pa'i ting nge 'dzin dang / 'khrul par snang ba'i ting nge 'dzin dang / chags par gzung ba'i ting nge 'dzin dang / de'i mthu brtas pa'i ting nge 'dzin dang brgyad do// de la brlang po phyal pa'i ting nge 'dzin gang zhe na/ phyi nang gi dbang gang yang med par las thams cad la 'jug pa'i las byed pa'o// rgyu las gol ba'i ting nge 'dzin ni gang zhe na/ gsang sngags thabs kyi spyod pa thams cad la gti mug dang / rang byan dang thugs thub tu spyad pas lung med par nges pa'i lan brjod pa'o// g.yeng ba chen po'i ting nge 'dzin gang zhe na/ glu gar dang rol mo dang bzhad gad la sogs pa 'jig rten g.yeng ba'i chos la bsten pa ste/ don dang mi 'tsham par rtsa ba bdud rtsi las gol ba'o// bslad pas 'chal ba'i ting nge 'dzin ni/ chos nyid tshig dang ming gis gdags su med pa la// yod med rtag chad du bslad pa dang / sems las gzung 'dzin du gdags su med pa la/ skye 'chi 'pho 'gyur du bslad pa dang / de bzhin gshegs pa thams cad kyi dgongs pa bka' rgya mtsho rab 'byams dpag gis mi langs pa 'di/ sa bcu'i byang chub sems dpa' rnams kyis kyang thob par zad kyis don ni ma rtogs pa la/ gang zag ming tsam mtshan mar 'dzin pa rnams kyis/ tshig gi sgro btags pa dang / skur pa

  55. 28a

    gdab pa dang / tshig gi ke'u shang gis bslad pa rnams ni gang zag 'chal bar gyur te/ don med pa'i las su stsal ba'o// mtshan mar 'dzin pa'i ting nge 'dzin ni gang zhe na/ gab pa dang gsang ba'i sbas pa la mi gnas par rdzas dang lag cha dang / yo byad la mngon par 'chel te/ mtshan mar 'dzin te mu stegs pa dang 'dra bar spyod pa'o// 'khrul par snang ba'i ting nge 'dzin ni/ yang dag pa'i don bstan pa las snyan dngags dang / rang bzo dang / khe'u shang dang / sdeb sbyor dang / phyogs char 'dzin pa'i ting nge 'dzin la brten te/ 'khrul pa'i dbang gis ris 'dzin cing gzhan smod par byed do// chags par bzung ba'i ting nge 'dzin ni/ ta na dang ga Na la sogs pa chos nyid la khungs 'byin cing / de nyid la mtho gnon dang btsan thabs dang / 'dod pa'i dbang btsan du spyod pa ni/ bshan pa'am smad 'tshong ma lta bu la brten pa'o// de'i mthu brtas pa'i ting nge 'dzin ni/ de dag log pa'i lam gyi mthu brtas pas/ yi dwags dang srin po'i gzugs su snang ba dang / dmyal ba'i 'jig rten dang / yi dwags kyi 'jig rten dang / gshin rje'i 'jig rten du smin pa dang / de dag lus ngag yid gsum rab tu khro gtum che zhing / shin tu gdul dka' ba rnams so// de dag la ci'i phyir ting nge 'dzin zhes bya zhe na/ de dag la gtsor blangs te rtse gcig

  56. 28b

    pa dang bcas pas/ nan tan du bzung ste spyod pa'o// de lta bu'i ting nge 'dzin brgyad po la gnas pa ni/ skye bo yongs kyi dpyas shing smad pa dang / de nyid ya ga dang sgro skur du gyur pas/ rnal 'byor pa yongs kyis smad cing bsting ba ste dam tshig las nyams pas bya ra ma rnams kyis kyang rab tu khrel te/ srog gi bar chad du byed cing / 'jig rten 'dir yang mi bde ba rnam pa sna tshogs nyams su myong nas/ 'bras bu ngan song gsum du skye zhing sdug bsngal rnam pa sna tshogs nyams su myong nas/ shin tu gdung ba'i smre sngags 'don cing / mgon dang skyabs med pa'i sdug bsngal brgal ba dpag tu med par myangs nas/ de las thar nas kyang srin po chen po'i lus blangs te/ srid pa gsum yang phung bar byas te/ sangs rgyas thams cad kyi thugs khrel du gyur nas/ bla na med pa'i the'u ka'i bka' chad kyis gong ma bzhin bsgral bar 'gyur ro// rdo rje sems dpa' gzhan yang ma brtags pa'i don brgyad kyis gol ba'i rgyur 'gyur te/ de yang gang zhe na/ yin pa la ni ma yin par sgro 'dogs pa dang / ma yin pa la yin par sgro 'dogs pa dang / mkhas pa la ni mi mkhas par skur pa 'debs pa dang / mi mkhas pa la mkhas par bstod pa dang / theg pa 'og ma rnams la gong ma yin zhes che ba 'byin par byed pa dang / gong ma la 'og ma yin zhes smod pa dang / de bzhin

  57. 29a

    gshegs pa'i bka' la bdud kyi tshig yin zhes smod pa dang / bdud kyi tshigs la de bzhin gshegs pa'i bka' yin zhes smra ba'o// de la yin pa la ma yin par sgro 'dogs pa ni/ chos nyid don dam pa'i bden pa sangs rgyas thams cad kyi thugs mngon du phyung ba 'di la/ snod ma yin pa la gsang ba dang / phal gyis thos na skrag cing skur pa 'debs pa dang / smod par 'gyur bas kun gyi thun mong ma yin te/ rang bzhin gyis gsang ba 'di la/ gang zag dad pa chung ba dang / shes rab zhen pa dang / thos pa chung ba rnams kyis 'di dag gi don la 'phya zhing 'phral bsdebs dad mos tsam du byas pa yin/ yang dag pa ma yin no// zhes sgo 'dogs par byed do// ma yin pa yin par sgro 'dogs pa ni phal cher khyi'u shang dang / rang bzo la sogs pa thos pa chung zhing shes rab dman pa dang / 'gal ba'i don ma rig pa'i tshig sdeb dang / phar bslang pa tshur bsres pas bcos pa rnams la smon pa 'bul te/ bzang ste don yod do zhes sgro 'dogs pa byed pa'i gang zag rnams so// mkhas pa la mi mkhas par skur pa 'debs pa ni/ lta bas chos nyid gnyis su med pa'i don rtogs nas/ shes bya la ye ma rmongs pas/ rig pa'i gnas lnga la mkhas shing / dbang po rab tu gyur pa rnams kyis shes rab rnam gsum la rgyud sbyangs nas/ rgyud dkrugs pa dang

  58. 29b

    lung gcus pa dang / man ngag gab pa rnams la/ tshig chad song / phrag dog gi dbang gis gzhan gyi yon tan smad par 'dod pa'i phyir/ de ni mkhas pa ma yin no// zhes smod cing rgyu med pa'i skyon brjod par byed pa'o// mi mkhas pa la mkhas par bstod pa ni gang zag bdag phyogs kyi che bar 'dod pa dang / gzhan la thabs kyis bka' stsal pa dang / pha rol po mtho bar dogs pa'i phyir/ dbang rnam pa lnga lta ci smos kyi// rnal 'byor kha dbang yang ma bskur ba la/ dbang rdzogs zhes smra ba dang / phyi nang gi bka' mtha' dag lta ci smos kyi/ theg pa chen po 'di'i ming tsam yang ma thos pa la rdo rje rgyal po zhes brjod pa dang / rtsa ba'i dam tshig dang yan lag gi dam tshig lta ci smos kyi/ bka' dang dam la yang zur tsam yang mi gnas te/ ral chod dang gzu lums dang / rang byan dang che ngag tu spyod pa la mkhas par bstod pa rnams so// theg pa 'og ma la gong mar che ba 'byin pa ni/ bsam gtan rnam par mi rtog pa'i lta ba bden pa la zhugs nas/ stong pa la khungs 'byin pa la sngags kyi de bzhin nyid ting nge 'dzin ci la yang mi rtog pa dang mnyam zhe che ba 'byin par smra ba'o// gong ma la 'og ma yin zhes smod pa ni/ rdo rje'i theg pa bla na med pa snod du ma gyur pa rnams kyi spyod yul ma yin pa la/ 'di ni theg pa gang bas kyang dma' ba ste/ mu stegs log pa'i

  59. 30a

    chos yin no zhes smod pa dang 'phya ba rnams so// de bzhin gshegs pa'i bka' la bdud kyi tshig yin zhes smra ba ni/ de bzhin gshegs pa rnams ni ci yang mi gsung / mi gsung ba ni rgya che ba'o// de bzhin gshegs pa ni ci yang mi mdzad/ mi mdzad pa ni gting zab pa'o// de bzhin gshegs pa rnams ni gang na yang mi bzhugs/ mi bzhugs pa grangs mang ba'o// zhes brjod pa dang / de'i don blos mi dpog pa rnams/ de ni bdud kyi tshig yin zhes smra ba dang / gang zag bcud la mi rtog cing / yul la lta ba rnams bka' yang dag pas grags pa 'dod pa dang / gzhan la sogs pa la khyad par 'dod pa'i don/ bden pa med pa bdud kyi tshig go zhes smra ba rnams so// bdud kyi tshig la de bzhin gshegs pa'i bka' yin no zhes smra ba ni/ rtogs pa'i lta ba dang ting nge 'dzin du mi ldan par ta na ga Na gyi las la ba tshol du spyod cing bdud kyi las spyod pa la/ de bzhin gshegs pa'i bka' yin zhes smra ba dang / gsang ba'i dam tshig dang / dur khrod kyi chas la sogs pa rnams mu stegs phyal pa dang 'dra bar thogs te bdud kyi spyod pa byed pa la de bzhin gshegs pa'i bka' las byung ba yin zhes smra ba dang / gsang sngags dang gsang ba'i rgyud 'di dag thams cad snod ma yin pa lta ci smos kyi dbang ma thob par rdo rje'i lce yod

  60. 30b

    kyang mi bshad la/ dbang ma bskur bar snod dang ldan pa la yang mi bstan no// zhes 'byung ba la snod med pa dang / dam med pa dang / rtog pa med pa dang / 'khrul pa dang / gti mug dang / thug thub du thams cad la grangs mang bar bstan nas bdud kyi dbang du btang ba la/ de bzhin gshegs pa'i bka' yin no zhes smra ba ni// de bzhin gshegs pa'i bka' smad de bdud kyi tshig tu smra ba yin no// sems dpa' chen po de ni dper na bdud sdig to can sangs rgyas bcom ldan 'das kyi cha byad du sprul nas/ dge slong rjes su yi rang ba rnams la smras pa/ nga yi sangs rgyas zhing 'di stongs la khad/ go'u ta ma'i bstan par ma nyan par// rno ba'i mtshon thogs drag shul las byas te// pha rol g.yul las kun tu rgyal bar bya'o// zhes smras pa dang / dge slong rnams kyis bdud kyi tshig yin par shes shing / tshig chad song / gong ma ltar smra ba rnams ni bdud kyi tshig yin par blo dang ldan pa rnams la snang ngo // rdo rje 'dzin pas gsol pa/ de bzhin gshegs pa'i bka' zhes bgyi ba ci lta bu/ bcom ldan 'das kyis bka' stsal pa/ de bzhin gshegs pa'i bka' ni don dam pa'i bden pa zhes bya ste/ de la de bzhin gshegs pa'i bka' ni/ nga dang gzhan gnyis su ma phye ba gang yin pa ni/ de bzhin gshegs pa'i bka' yin no// phyogs dang ris su ma bzung ba

  61. 31a

    gang yin pa de bzhin gshegs pa'i bka' yin no// rgyu 'bras gnyis so sor ma phye ba gang yin pa de bzhin gshegs pa'i bka' yin no// chos nyid gdal ba chen po ma skyes pa la/ skye 'gag med cing spros pa dang bral ba de bzhin gshegs pa'i bka' yin no// thams cad skye 'chi dang 'pho 'gyur med cing / nga dang bdag med pa de bzhin gshegs pa'i bka' yin no// dus la snga phyi med cing gnas la mtho dman med la yun la ring thung med pa de bzhin gshegs pa'i bka' yin no// de ci yang med pa las ni cir yang snang ba la/ cir yang snang tsam na cir med pa las ma g.yos pa ni/ de bzhin gshegs pa'i bka' yin no// gcig las ma g.yos par mang po bsam gyis mi khyab par snang la/ mang po bsam gyis mi khyab par snang tsam na/ gcig las ma g.yos pa ni de bzhin gshegs pa'i bka' yin no// gcig tu 'dus la gnyis su med cing / gsung du snang ba de bzhin gshegs pa'i bka' yin no// bsam gyis mi khyab pa la yang bsam du med cing brjod kyis kyang mi langs la/ brjod du yang med la bgrang du yang med pa ni de bzhin gshegs pa'i bka' yin no// spangs kyang ma spangs la/ chags kyang ma chags pa ni de bzhin gshegs pa'i bka' yin no// cir yang snang ci lta bur yang ma grub cing / bsam gyis kyang mi khyab la/

  62. 31b

    dpag gis kyang mi langs la/ dpag tu yang med pa ni de bzhin gshegs pa'i bka' yin no// chos ma byung ma skyes pa skye ba med pa'i rtogs pa chen po'i thugs mnyam pa chen po'i sangs rgyas ni/ de bzhin gshegs pa'i bka' bzhin du mi 'gyur ba yin te/ sa gzhi nam mkha' la 'phags srid la/ chu klung rgyun las ldog srid kyang / de bzhin gshegs pa'i bka' gzhan du 'gyur mi srid do// de ni rtsol ba dang bcas pa ma yin/ rtsol du med pa'i bdag nyid yin la/ mtshan ma dang bcas pa ma yin/ mtshan ma med pa'i ngang du brdal bas/ don dam pa yang yin no// de ni sgro skur dang gron thebs med de/ grub cing mthar phyin par 'gyur nges pas bden pa yin no// de ni dper na rgya gar gyi yul na bsod nams las grub pa'i rgyal po 'ba' li ta/ rgyal srid rin po che sna bdun la dbang byed cing chags pa la thugs rje chen pos chags pa las bzlog pa'i phyir sprang po'i gzugs las bkres pa nyam zag pa cig byung nas/ rgyal pos smras pa/ e ma nyam thag pa'i sems can bkres skom gyis nyen pa/ 'dod pa'i longs spyod la cung zad brten nam/ bram ze sbrang pos smras pa/ gser gyi ri la g.yu yi rdza lhags te/ gram pa la sogs rin chen bcal bkram zhing // chu klung 'di kun bdud rtsir 'bab gyur kyang // nor gyis cho ga dang zas kyis chog shes

  63. 32a

    bzang // dgos pa'i don ni bla med sangs rgyas so// zhes smras pas/ rgyal po rgyal srid la skyo sems skyes nas/ phyir mi ldog pa'i sa la bkod do de bzhin du/ de bzhin gshegs pa'i bka' bden pa 'di ni/ sangs rgyas dang byang chub sems dpa' lta bu ma yin gyi/ tha na bya dang ri dwags dang me sgra rlung sgra las grags kyang / kun tu bzang po'i ngang nyid kyis byin gyis brlabs kyis bstan pa yin par shes par bya'o// de ci'i phyir zhe na/ de ni thams cad du bzang ngan dang spang len med pa'i phyir ro// gsol pa/ tshad ma zhes bgyi ba gang lags/ bka' stsal pa/ tshad ma zhes bya ba ni/ drang zhing don dang mthun pa de yin zhing / steng du phebs pa la tshad ma zhes bya ste/ ston pa'i bka' tshad ma ni 'gyur ba med pa'o// rdo rje slob dpon gyi bka' tshad ma ni gol ba med pa'o// rang gi rtogs pa tshad ma ni bcos pa med pa'o// de ci'i phyir zhe na/ ston pa'i bka' tshad ma 'gyur ba med de/ de bzhin gshegs pa'i mthus chos nyid la bzhugs pa la/ mu stegs byed kyi ston pa ltar/ byed pa po dang byed pa'i skyes bu dang / rtag chad kyi mtshan ma can ma yin pa'o// de lta bu'i don 'di thams cad rdo rje slob dpon gyis rtogs nas/ sgro skur med par snod dang ldan pa rnams la bstan na/ des tshad ma thog tu phebs nas/ 'khor ba dang ngan song gi rgyur gol

  64. 32b

    ba med pa'o// rang gi rtogs pa tshad mas bcos pa med de/ chos nyid tshig dang yi ges gdags su med pa la/ sangs rgyas kyis ma mdzad/ sems can gyis ma bcos/ mdzad cing bcos pa'i mtha' las 'das pas/ 'di ltar tshad mas rtogs na/ las dang sdug bsngal gyis bcos su med de/ bcos pa med pa'o// tshad ma zhes bya ba ni nges pa'o// tshad ma zhes bya ba skyon med pa'o// tshad ma zhes bya ba ni mthar phyin pa'o// de ci'i phyir zhe na/ snga rabs 'das pa'i sangs rgyas dang / da ltar dang ma byon pa'i sangs rgyas kyang / tshad ma nges pa'i don rtogs nas sangs rgyas so// de bzhin snga rabs 'das pa dang / da ltar dang ma 'ongs pa'i rdo rje slob dpon kyang tshad ma skyon med pa/ 'di dag gi don rtogs nas grub pa brnyes pa yin no// de bzhin du snod dang ldan pa'i rnal 'byor phyis 'byung ba yang / tshad ma'i don rtogs na tshe gcig gis rig 'dzin gyi gnas su sangs rgya bar 'gyur ro// gsol pa/ sangs rgyas zhes bya ba ci lta bu la bgyi/ bka' stsal pa/ sangs rgyas zhes bya ba ni/ sems can la yang bya na/ rtogs pa klong du gyur te nyams su len pa la bya/ de ci'i phyir zhe na/ sems can thams cad byang chub kyi snying po can yin pa dang / sangs rgyas thams cad nyid sems can las byung ba'o// de ltar rtogs pa klong du gyur pa ni/ gzung 'dzin rtag chad

  65. 33a

    dang / yod med sdug bsngal la sogs sangs la/ de nyid mi rtog pa'i rig pa'i rgyal po rang dbang du rgyas pas/ 'khor ba dang mya ngan las 'das pa'i chos thams cad nyams su lon pa'o// gzhan yang sangs rgyas zhes bya ba ni/ dngos po dang mtshan ma med pa'i sangs rgyas chos nyid la/ de rtogs pa mthar phyin par rgyas pas sangs rgyas pa'o// gsol pa/ chos nyid skye ba med pa la// gnyis su ma mchis pa lags na// sems can bgyi ba ji lta bu/ bka' stsal pa/ sems can zhes bya ba ni/ chos thams cad la ma rig pa'i dbang gis mtshan mar bzung bas/ 'dzin rtog la blo 'chel ba dang / gzhan yang rA tra rnam pa gsum ste/ phyi gzung bar bya ba'i yul med pa la gzung ba'i yul du 'dzin pa ma traM ka ru dra'o// nang 'dzin par byed pa'i sems med pa la/ 'dzin pa'i sems su bzung ba ni a kar sha ru dra'o// gzung 'dzin rnam pa gnyis yul sems brtas pa las grub pa ni kha tAM kha ru dra'o// rA tra rnam pa gsum yang sems can no// gzhan yang rnal 'byor pa chos log par spyod pa yang sems can yin no// de la chos log par spyod pa zhes bya ba ni/ theg pa chen po rdo rje theg pa 'di spyod pa las/ dper na rgyal po dmangs kyi las spyod pa dang 'dra bar/ theg pa 'og ma pa'i gzhung spyad nas 'di la sgro dang skur pa la sogs pas smod par byed pa

  66. 33b

    dang / gsang ba'i theg pa 'di ltar spyod na yang / lta bas ma rtogs shing spyod pas 'di dag 'phyas zlos su spyod cing / tshig gi gzhung med pas gzhan dang ris su chad nas nang ris mi mthun pas rtsod pa dang 'gal zhing 'phrugs pa'i gzhir gyur pa rnams ni mtshan ma la spyod pas sems can no// de'i phyir na gsang ba'i rgyud chen po 'di thig le spyod pa nyams pa dang / dmyal ba rdo rje byed pa dang / snying rje'i lam las log pa dang snod ngan pa rnam pa gsum la ni/ tshig 'bru gcig tsam yang bstan par mi bya ste/ de dag la bstan na mnar med pa'i dmyal ba dang / sems can dmyal ba zhes bya ba'i nang du skye bar 'gyur ro// de la thig le spyod pa nyams pa zhes bya ba ni/ bla ma'i bka' las thig ni drang po le ni gdal ba ste thams cad du drang zhing chos nyid du gdal ba yin pa la/ spyod pa thams cad log par spyad pas/ thig le spyod pa nyams zhes bya ste/ rtsa ba'i dam tshig gsum nyams pa dang / khyad par du bla ma'i gzungs ma dang / bzhugs gnas gsang ba la spyod pa dang / rdo rje mched dang gsang ba gnyen po'i gsang ba'i mkha' la/ ma rig pa'i las spyad pa dang / gsang ba'i bka' nges pa la bka' rkun dang lung med pa dang / dbang ma nos par mtha' dag la ston cing / 'dod pa tshol ba'i phyir sgrog pa rnams ni/ khyad par du thig le spyod pa nyams

  67. 34a

    pa ste/ 'di dag la bstan na gnyis ka dmyal bar lhung ngo // dmyal ba rdo rje zhes bya ba ni/ shin tu rnyed dka' ba'i mi lus thob pa la/ mi la sogs pa g.yo sgyu med pa'i drang po rang bzhin gyis dge ba la gnas pa las/ ngan song gsum gyis spyod pa la zhugs te/ dge sdig don la yang 'dzem pa med cing / de dag la cher mi blta zhing ma rtogs pas blun po byol song dang 'dra bar spyod pa dang / gzhan yang mir skyes na yang shin tu chags shing zhen pa'i dbang gis/ thams cad du 'dod pa la chags te/ gzhan la mi dbang bar spyad pa dang / gzhan las dam du 'bog pa dang / ser sna la sogs pa 'jungs pas yi dwags 'dra ba'i las byed pa dang / mi'i lus thob pa la bsad pa dang bcad pa la sogs pa dang / sdig pa mi dge ba'i las sna tshogs dmyal ba dang 'dra ba'i las byed pa ni/ dmyal ba'i rdo rje byed pa zhes bya'o// snying rje'i lam las gol ba zhes bya ba ni/ ga Na la sogs pa'i las la snying rje chen pos ma zin par 'dod chags rang ga mas yul mtha' 'khob kyi gling dang 'dra bar spyod pa dang / zhing bcur gyur pa la snying rje chen pos ma zin par bsnyad dang chags 'brel phren tshegs tsam la ta na'i las spyod pa dang / gzhan yang sems can thams cad la gnod cing mi dge ba'i rigs kyi las byed pa rnams ni/ zhing bcur

  68. 34b

    gyur pa'o// snod ma yin pa ni/ snod dug can dang / zhabs brdol ba dang / kha sbubs la sogs pa ni/ rang bzhin gyis gsang ba ste/ go bar mi 'gyur bas/ de bas na/ bdud rtsi'i theg pa rgyud kyi rgyal po 'di// su la bstan kyang go bar mi 'gyur bas/ rnal 'byor gsang ba'i snod ldan 'ga' tsam las// kun la bstan pa ma yin gter du bcad// zhes gsungs pa'o// lha min dpal 'bar khro mo'i rgyud rdzogs so// slob dpon rdo rje gro lod rtsal dang / lo tsA ba zhang drung gis 'gyur// / @#// rgya gar skad du/ sarba ta thA ga tA rak+ta rA ga tan tra nA ma/ bod skad du/ de bzhin gshegs pa thams cad kyi rak+ta dmar gyi rgyud ces bya ba/ dpal khrag 'thung gi rgyal po la phyag 'tshal lo// 'di skad bdag gis thos pa'i dus gcig na/ kun tu bzang mo'i b+ha ga yangs pa'i klong na/ yid byed pa po kun tu bzang po he ru ka dang / yum kro d+hI shwa rI ma dang / b+hadz+dza he ru ka dang / rany+dza he ru ka dang / pad+ma he ru ka dang / karma he ru ka dang / b+har+Na kro d+hi shwa rI ma dang / rat+na kro d+hI shwa rI ma dang / pad+ma kro d+hi shwa rI ma dang / karma krod+ha shwa rI ma dang / gnyis su med pa thugs las byung ba'i 'khor go ri ma dang / sing ha ma dang / sgo ma dang / dbang phyug ma dang / mkha' 'gro ma dang / shugs 'gro ma dang / ging dang lang ka dang / las kyi dbang mo dang / 'bar ma

  69. 35a

    dang / ma bdun dang / srid bzhi dang / pho nya dang / ma mo nag mo khrag gshog ma dang / yang sbrul bsam gyis mi khyab pa 'dus nas 'di skad ces gleng ngo // ston pa khrag 'thung rgyal po lags// nyon mongs chags pa rtsad gcod la// khrag gi sbyor ka mi 'tshal lam// khrag ces bya ba'i don ci zhig/ dpa' bo chen pos gsung du gsol/ bka' stsal pa/ nyon cig chags pa ral pa can// skye 'gro khrag gi rang bzhin yin// snod bcud khrag gi rang bzhin yin// khams gsum khrag gi rang bzhin yin// khams gsum sems can thams cad kyang // khrag las ma skyes gang yang med// dus gsum sangs rgyas thams cad kyang // khrag las ma skyes gang yang med// thams cad khrag gi rang bzhin no// rak+ta dmar gyi rgyud las gleng gzhi'i le'u ste dang po'o// // de nas chags pa ral pa can gyis 'di skad ces gleng ngo // de la rak+ta'i ngo bo gang zhig lags// rak+ta'i nges tshig gang zhig lags// rak+ta'i rnam grangs du ru nges// rak+ta'i 'byung khungs ji ltar lags// rak+ta'i lta ba gang zhig lags// rak+ta'i spyod pa ji lta bu// rak+ta'i dbang ni gang gis bgyi// rak+ta'i phrin las ji lta bu// rak+ta'i dam tshig ji lta bu// rak+ta'i dkyil 'khor gang dag lags// rak+ta'i mchod pa ji lta bu// rak+ta'i 'bras bu gang dag lags// dpa' bo chen pos bshad du

  70. 35b

    gsol// nyon cig chags pa ral pa can// rak+ta'i ngo bo chags pa yin// thams cad rag pas rak+ta yin// rak+ta'i rnam grangs gsum du nges// rak+ta'i 'byung khungs gsang yum bzhi// snang srid rak+tar blta bas lta ba yin// spyod pa chags pa dag pa yin// rak+ta'i dbang ni phyi nang rnam pa gsum// phrin las zhi rgyas dbang drag bzhi// rak+ta'i dam tshig dmar chen khrag gis bzung // mchod pa dus bzhi 'du 'bral med// sgrub pa thun mong khyad par yin// 'bras bu sku dang ye shes thob// ma mo mkha' 'gro bran bzhin nyan// dus gsum bde gshegs byin gyis brlab// gzungs ma bran 'khor dbang du 'du// dgra bgegs 'byung po 'dar zhing skrag/ rak+ta dmar gyi rgyud las/ gleng bslang ba'i le'u ste gnyis pa'o// // de nas chags pa ral pa can gyis zhus pa/ ston pa khrag 'thung rgyal po lags// rak+ta'i khungs ni ji ltar lags// nyon cig chags pa ral pa can// rak+ta ces ni grags pa ni// gzhi yi rak+ta 'byung ba chu// rgyu yi rak+ta pad+ma'i khrag/ rigs kyi rak+ta snang mtha' yas// 'bras bu'i rak+ta tsit+ta'i khrag/ grangs kyi rak+ta sum cu lnga// sa yi rak+ta lnga dang shing gi rak+ta lnga// me tog rak+ta lnga dang rtsi yi rak+ta lnga// srog las byung ba'i rak+ta lnga// sman gyi rigs kyi rak+ta lnga// 'bras bu'i rak+ta lnga zhes so// sa'i rak+ta lnga ni/ btsag dang li khri dmar po

  71. 36a

    dang // ldong ros dmar po mtshal dang ni// rdo dreg dmar po la sogs lnga// shing gi rak+ta lnga la kun tu ra// go shiR+Sha dang tsan+dan dmar// 'da' mur dmar po btsod dang ni// nyi tsa pa tsa pa ta pa ta// rgya skyegs dang / me ra dmar po 'om bu dang // kaN+Da ka ri dmar po seng ldeng lnga// me tog rak+ta rnam lnga ni/ rtags par 'di dpyad// ha lo kri yang se ba'i me tog dang // 'og chu ha puSha ba ug chos// leng leng ha'i puSh+pa pa me tog lnga// dmar po myu gu'i puSh+Ta pa srad ma'i me tog dang // shing ta'i puShaSh+Ta pa lug ru dmar po'i me tog dang // rtsi'i rak+ta rnam lnga ni// tshangs pa'i rak+ta skyu ru ra// aM lika zla ba'i rak+ta dang // nyi ma'i rak+ta/ lta bu dang // sdel hi rak+ta rgun 'bru dang // khyab 'jug rak+ta 'bram ta la lnga// 'bras bu'i rak+ta rnam lnga ni// shing gi lha mo'i rak+ta sna ma'i 'bras bu/ nags kyi lha mo'i rak+ta ram bu dang // rtsi'i lha mo'i rak+ta ni sprin dang ni/ sman gyi lha mo'i rak+ta bu ram dang / sa'i lha mo'i rak+ta gro ma dang / 'bras bu'i rak+ta lnga zhes pa/ ma hA pad+ma'i rak+ta dang // nA sa g.yas kyi rak+ta dang // byi'u 'bar ma'i rak+ta dang // gdang byin rak+ta la yang rung // 'bras bu tsit+ta'i rak+ta dang // kha sbal khA hi sbal pa nag po'i rak+ta dang / 'di bar/ rtsa ba brgyad ni sbas pa nang gi bzhi// mngon pa phyi yi bzhi dang brgyad// yab kyi nA sa g.yas kyi khrag/ yum gyi pad+ma'i rak+ta

  72. 36b

    dang // 'bras bu chen po bsgral ba'i khrag/ rtsa khrag rak+ta mU la bzhi// glang po ma he stag dang ni// tsit+ta mchog gi khrag dang brgyad// rak+ta dmar gyi rgyud las/ rak+ta'i rnam grangs kyi le'u ste gsum pa'o// // de nas chags pa ral pa can gyis zhus pa/ rak+ta'i rnam grangs de lags na// rak+ta'i 'byung khungs ji ltar lags// zhes gsol pas/ dpal khrag 'thung rgyal pos 'di skad ces bka' stsal to// me tog rak+ta lnga la// ha lo ug chos kha byed la ma bu me tog ut+pal dang lnga/ sa'i rak+ta lnga la/ mtshal cog la ma dang / li khri dang / ldong ros dang / sa ram dang / btsag dang lnga'o// 'bras bu'i rak+ta lnga la rgun 'bru dang / ba mkhal dang / bu ram dang / star bu dang / kha gsal bre bo dang lnga'o// rtsa ba'i rak+ta lnga la/ ra mo shag rtsa ba dang / nye shing rtsa ba dang / ram bu'i rtsa ba dang / rna lo'i rtsa ba dang / lca ba'i rtsa ba dang lnga'o// shing gi rak+ta lnga la/ seng ldeng dang / star bu dang / kha gsal bre bo dang / shel shing nag po dang / lag tug shing zung / sre shing sna ma lnga'o// rdo'i rak+ta lnga la/ me shel dang / chu shel dang / mchod rdo me 'byin dang / rdo bra mtshal dang / mtshal dang lnga la bya/ de kun gyi khungs ni/ dang po bcom ldan 'das kyi thugs ka nas/ ma mo b+ha ga hri ti ma des srid rtse lha gnas man chad nas/ na rag dmyal khams yan chad kun/ thugs rjes ma bzung ba gcig

  73. 37a

    kyang med de/ ma mo'i rgyal mo e ka dzA Ti ma byung ste/ de las khrag dwangs snyigs gsum du phyes te/ dngas ma las sangs rgyas byang chub sems dpa' bskyed/ bar ma las lha dang mi bskyed/ tha ma las ngan song gsum bskyed do// de nas bcom ldan 'das dpal chen po'i dpral ba'i dbyings nas/ sme ba dmar po gcig phyung ste/ sme ba de'i nang nas gsang ba'i yum bzhi phyung ste/ mkha' la gshog gcig ma ni nam mkha'i dbyings su rgyu/ gtsug na ral gcig ma ni dpal chen po'i dpral ba'i dbyings na bzhugs so// gling bzhi drag mo rgyal ni kun tu rgyu'o// mkha' la gshog gcig ma las ni/ me tog gi rak+ta lnga byung ste/ khud byed lam du dpyid skye/ ug chos dbyar skye/ ud pa la ston skye/ ha lo dgun skye/ me tog rgya skyegs kha thams cad du skye'o// gtsug gi ral gcig ma'i rak+ta lnga ni/ rtsa ba'i rak+ta lnga ste/ ra mo shag dang nye shing ram bu lca ba d+ha lo'i rtsa ba lnga'o// dbyings kyi ra la gcig ma'i rak+ta lnga ni/ rdo'i rak+ta lnga ste/ me shel dmar po dang / chu shel dmar po dang / mchod rdo me 'byin dang / rdo bra mtshal dang mtshal kha lnga'o// gling bzhi drag mo rgyal gyi rak+ta lnga ni/ 'bras bu'i rak+ta lnga ste/ dpyid chu bo'i gzhung la 'phyo zhing rlung nag 'tshubs ma'i sna 'dren pa'i dus na/ rak+ta babs pa ni/ kha gas pa bra bo te dpyid smin no// dbyar

  74. 37b

    gyi ring bar snang mkha' la gnas te/ zhal nas bdud rtsi'i char pa 'bebs pa'i dus na rak+ta byung ba ni ram bu ste dbyar smin no// ston gyi ring ri rab zom la gnas shing lo thog kun gyi bcud len pa'i dus na/ rak+ta byung ba ni star bu ste ston smin no// dgun rgya mtsho'i gting na gnas shing klu rnams kun dang sbyor ba mdzad pa'i dus na/ rak+ta 'bab pa ni rgun 'bru ste dgun smin no// dus thams cad du smin pa ni gtsug gi ral gcig ma'i rak+ta ste lnga'o// sa'i rak+ta lnga la/ mtshal cog la ma ni yum krod+hI shwa rI ma'i rak+ta'o// li khri ni drang srong skar ma la dga' ba'i rak+ta'o// ldong ros ni gnod sbyin gsang ba'i rak+ta'o// sa dmar po ni lha mo nag mo'i rak+ta'o// btsag ni rgya za ldong bu'i gsang ba'i rak+ta'o// de la shing gi rak+ta lnga ni/ tsan+dan dmar po kun tu bzang mo'i rak+ta'o// shir shing spre'u ha nu man+t+ra'i yin/ sri shing sna ma ni lha tshe ring gi khrag yin/ mdzo mo phra men ma smad 'tshong ma'i khrag yin no// rak+Sha dmar gyi rgyud las/ rak+ta'i 'byung khungs kyi le'u ste bzhi pa'o// // de nas yang gsol pa/ rak+ta'i byung khungs de lags na// rak+ta'i bsdu zabs ji ltar lags// ston pa khrag 'thung bshad du gsol// nyon cig chags pa ral pa can// brko ba'i dus ni 'di lta ste// ston zla ra ba'i nya gsum la// brko ba'i dus ni de la bstan// ston zla ra ba nam zla dus bzhi'i

  75. 38a

    nang na gnyen// bcom ldan de nyid de na bzhugs pa la// gzhan gyi dug thul mi thub pas// sman bcud thams cad gcig tu 'dus// dus rnams de la brko bar bya// de yang shin tu gnyen pas na// brko ba'i tshe yang maN+Dal bya// tsan+dan dmar pos de la byugs// snang ba mtha' yas spyan drangs la// mchod bstod gtor ma gzhung bzhin bya// rtsi yi lha mo gshegs su gsol// oM rak+ta mU la puN+ye puN+ye swA hA/ zhes pa bgrang zhing brko bya'o// oM ni sku lnga ye shes lnga// rak+ta chags pa'i rang bzhin la// mA la rtsa ba'i dngos grub stsol// puN+ye puN+ye bsod nams kyi// tshogs ni zad par mi shes pas// de ltar bzlas la brko/ ba'o// s+t+wa hA zhi ba chen po'o// dngos grub myur du stsol cig pa'o// rak+ta mU la khrag gi nyung ma zhes// mang yul khri babs bod yul gyi// glang thang sgrol ma'i gnas su skye// 'di yang srid pa'i rak+ta yin// me tog rak+ta dus gcig btu// 'bras bu'i rak+ta dus bzhir btu// rtsi yi rak+ta nges pa med// rak+ta dmar gyi rgyud las// rak+ta btu ba'i le'u ste lnga pa'o// // de nas chags pa ral pa can gyis zhus pa/ rak+ta bsdu ba de lags na// rak+ta sgrub pa ji ltar lags// khrag 'thung chen pos bshad du gsol// nyon cig chags pa ral pa can// yid 'ong bar chad med pa'i gnas// yang na zhi rgyas dbang drag bzhi// phun sum tshogs pa

  76. 38b

    ldan pa ru// sa yi bya ba kun rdzogs nas// bsod nams tshogs gsog mchod sbyin bya// phyi nang bar chad bsal nas kyang // ra ba gur gyis mtshams bcad nas// stegs bu mda' gang gru bzhi la// bdud rtsi lnga yis skyang nul bya// yang na khrag chen byug par bya// thig gdab tshon rnams rim par dgye// pho thod mo thod kha sbyar du// rak+ta sna tshogs 'byor par bsags// dkyil 'khor rnam gsum bskyed byas nas// ye shes dkyil 'khor spyan drang bstim// mchod dang bzlas pa sngon du dbyung // rab 'bring tha ma'i rtags thon nas// bsgrub pa chen po brtsam par bya// rak+ta dbang gi dkyil 'khor bskyed// rak+ta thun mong las brgyad rdzogs par sbyar// bzlas pa mthar dbyung bshags bstab bya// dngos grub ci rigs blangs byas nas// dbang bskur byin rlabs khyad par can// rigs kyi bu mchog de la sbyin// de dag bskur ba'i slob dpon la// yon mchog dad pas dbul bar bya// lhag mas mkha' 'gro bskyang ba dang // za lam bstan dang sbyin sreg bya// mi zad gter sba smon lam btab// dkyil 'khor bsdu zhing spyod lam bya// rak+ta dmar gyi rgyud las/ sgrub pa'i le'u ste drug pa'o// // de nas chags pa ral pa can gyis/ rak+ta'i sgrub pa de lags na// rak+ta'i dam tshig ji ltar lags// nyon cig chags pa ral pa can// rgyas par dam tshig 'bum

  77. 39a

    sde yang // rtsa ba'i dam tshig nyi shu brgyad// bsdus pas rtsa ba gsum du gsungs// mi 'da'i phyir na dam tshig ste// rdo rje slob dpon gtso nyid dang // rdo rje mched dang lcam dral la// lus dang srog la bab gyur kyang // zhe sdang mnar sems mi bskyed do// lung dang ldan pa'i slob dpon gyis// snod dang ldan pa'i slob ma la// yi dam gsal ba'i lha phog nas// sngags dang phyag rgya rgyun mi gcad// thun mong ma yin gsang chen ni// man ngag gzhan du spel mi bya// man ngag gzhan du ma spel cig/ gsang bcu gzhan la ma smra zhig/ sbyor sgrol ma byin len dang rdzun du smra// tshig brlang la sogs nyon mongs lnga// 'gro don bka' gzhung bzhin du spyad par bya// 'dod chags zhe sdang gti mug nga rgyal dang // phrag dog la sogs nyon mongs lnga// rigs lnga'i rang bzhin yin par kun gyis spyad// dri chen dri chu dmar chen zil pa dang // mdangs chen la sogs dam rdzas lnga// the tshom med par kun gyis spyad// phung po lnga dang 'byung ba lnga// rnam shes lnga dang ye shes lnga// yab yum lnga la sogs par sbyor zhing shes// rdo rje'i rigs dang de bzhin gshegs pa'i rigs// rin chen pad+ma las kyi rigs la sogs// bsgrub par bya ba'i dam tshig mtha' ru dbyung // bsrungs pa'i yon tan bsam mi khyab// nyams pa'i rnam smin bsam mi khyab// shes par

  78. 39b

    byas la kun gyis spyad// tshe 'di nyid la sangs rgya'o// rak+ta dmar gyi rgyud las/ dam tshig gi le'u ste bdun pa'o// // de nas chags pa ral pa can gyis/ khrag 'thung rgyal po la 'di skad ces zhus so// dam tshig srung thabs de lags na// dbang gi rim pa ji ltar lags// khrag 'thung rgyal pos bka' stsal pa// nub ri mtho la shar ri gzhol// lho ri byang ri spo nas sbyor// hrad drod sgang gshong med pa'i gnas// chu bran sna tshogs 'bab pa la// me tog shing rtsi sna tshogs skye gnas su// sa yi bya ba kun byas nas// bar gcod bgegs rnams bsal byas te// grogs mchog mtshan ldan btsal byas nas// rdzas dang yo byad khyer nas su// yon tan brgyad ldan bla ma la// skyon drug spangs pa'i slob ma yis// rab tu yid 'thad rab tu 'bul// dkyil 'khor rim bzhin brtsigs nas ni// bdud rtsi lnga yis chag chag gdab// thig btab dkyil 'khor bris nas kyang // dbang rdzas rim par bkod nas kyang // byin brlab gzhung bsrang bsnyen pa bzlas// bdun 'bum nyi khri sngon du song // rab 'bring tha ma'i rtags thon nas// bsgrub pa chen po'i las la 'jug/ dngos grub zhal zas bstar byas nas// mtshan ston bsnyen pa rdzogs pa dang // slob ma dkyil 'khor nas bton nas// slob dpon sangs rgyas bzhugs pa des// dbang gi rdzas rnams thogs

  79. 40a

    nas su// rigs kyi bu mchog mngon du bzhag/ bden bdar mtshams bcad bsgrag bshad bya// rim pas dbang rnams bskur bar bya// phyi nang dbang rnams rdzogs pa dang // dbang rgyas btab la man ngag bzhin// mi dmigs blta ba'i don la gnas// rgyal po rgyal rigs dbang bskur ba// 'khor los sgyur ba'i rgyal po bzhin// rigs kyi bu mchog slob ma de// sangs rgyas sa la 'khor lo bsgyur// 'jig rten dbang lta smos ci dgos// zhes gsungs so// rak+ta dmar gyi rgyud las/ dbang gi le'u ste brgyad pa'o// // de nas yang chags pa ral pa can gyis zhus pa/ ston pa khrag 'thung rgyal po lags// dbang gi rim pa de lags na// dkyil 'khor rim pa ji ltar lags// khrag 'thung rgyal pos bka' stsal pa// sku yi dkyil 'khor bsam yas kyang // khrag 'thung rgyal po'i sku la 'dus// dbus zhal mthing ba dpal chen nyid kyi zhal// g.yas dkar khro mo ko ri ma// g.yon dmar lha mo pra mo ha// phyag mtshan drug po lha mo drug/ rgyan chas 'khor gyi lha rnams te// lnga bcu thams pa tshang bar bsgom// gsung gi dkyil 'khor bsam yas kyang // khrag 'thung rgyal po'i gsung du 'dus// ru lu 'bru brgyad gsung gi sngags// oM ni ye shes khrag 'thung lnga// ru lu gong ma go ri brgyad// ru lu 'og ma sing ha brgyad// hUM ni phyag

  80. 40b

    rgya sgo ma bzhi// b+h+yo ni rnal 'byor nyi shu brgyad// hUM ni ye shes sems dpa'i thugs// bsnyen pa'i dkyil 'khor gsung gi lha// thugs kyi dkyil 'khor bsam yas kyang // khrag 'thung rgyal po'i thugs la 'dus// ye shes sems dpa' thugs dam lha// sangs rgyas rtsa gnyis thugs kyi dngos// thig le byang chub sems nyid de// bya btsal med par kun la gnas// 'dzin chags med pa thugs kyi mchog/ ma 'gags shar ba thugs kyi rgyan// rang sar rdzogs pa thugs kyi gnas// zhes gsungs so// rak+ta dmar gyi rgyud las/ dkyil 'khor gyi le'u ste dgu pa'o// // de nas chags pa ral pa can gyis gsol pa/ ston pa khrag 'thung rgyal po lags// rak+ta'i dkyil 'khor de la lags na// rak+ta'i mchod pa ji ltar lags// nyon cig chags pa ral pa can// rak+ta byin gyis brlabs pa ni// ban d+ha mtshan ldan skya yol du// rak+ta sum cu rtsa lnga la// mchog bsgral rak+ta nyi shu gnyis// ra sa ya na la sogs gsum// sgra yol nang du gcig tu sbyar// zhe sdang ma spangs rA tra'i khrag/ ma hA de wa gti mug khrag/ tshangs pa nga rgyal bsgral paba'i khrag/ 'jog po 'dod chags bsgral ba'i khrag/ khyab 'jug phrag dog bsgral ba'i khrag/ dug lnga bsgral ba'i khrag chen yin// rnam shes tshogs brgyad rang rgyud spyod// lha chen brgyad po dregs can dang // ma

  81. 41a

    hA de ba biSh+Ta rA tsa dang // b+haM gi ri ti tshogs bdag dang // dga' byed dbang phyug khyab 'jug dang // stobs bzang gzhon nu smin drug bsgral ba'i ro// rnam shes tshogs brgyad bsgral ba'i khrag/ bsgral ba'i zhing bcu bsgral ba'i khrag/ mi dge bcu po bsgral ba'i phyir// sangs rgyas bstan pa bshigs pa dang // dkon mchog dbu 'phang smod pa dang // dben rigs gnyen po 'joms pa dang // zhe sdang me ltar 'bar ba dang // gti mug mun ltar gtibs pa dang // nga rgyal ri ltar spungs pa dang // 'dod chags chu ltar 'brub pa dang // phrag dog rlung ltar 'tshubs pa dang // bu ltar gsos nas dgra ltar sdang // mi shes shes rdzu 'debs dang bcu// bsgral ba'i khrag ni bstan pa gnyen// khrag 'thung chen po'i ting 'dzin gyis// ra las rak+ta'i rgya mtshor bskyed// shar gyi rba rlabs nub tu 'phyo// nub kyi rba rlabs shar du 'phyo// lho yi rba rlabs byang du 'phyo// byang gi rba rlabs lho ru 'phyo// steng gi rba rlabs 'og tu 'phyo// 'og gi rba rlabs steng du 'phyo// sha chen lbu dum lang long dang // tsit+ta tshil chen tshe lo lo// rak+ta'i rlangs pa phru ru ru// dri yi ngad pa chi li li// gzugs kyi lha mos bam dbyug 'phyar// sgra yi lha mos rkang gling 'bud// yang na ban d+ha cha lang brdeb// dri yi lha mos gsur chen bsnams// ro yi lha mos sha chen thogs// reg

  82. 41b

    bya'i lha mos zhing lpags gyon// bde gshegs rnams kyi thugs dam bskang // ma mo mkha' 'gros tshogs su rol// rnal 'byor dbang phyug dbyar dam bskang // khrag 'thung chen po'i thugs ka nas// bzlas pa'i snying po 'di brjod do// rak+ta dza la maN+Dal hUM/ zhes brgya rtsa brgyad bzlas so// mdog dmar po gang la reg pa don byed nus par byin gyis brlabs la/ mchod pa'i rdzas su gzhag go/ rak+ta dmar gyi rgyud las/ byin rlabs ting nge 'dzin gyi le'u ste bcu pa'o// // de nas yang chags pa ral pa can gyis/ khrag 'thung rgyal po la zhus pa/ rak+ta byin rlabs de lags na// rak+ta'i mchod pa ji ltar lags// nyon cig chags pa ral pa can// phyi yi dus na dmar gyi gtor ma yin/ nang gi chad/ gsang ba'i maN+Dal khrag gis chag chag gdab// thig gi dus na yum gyi gsang ba'i khrag/ rdzas rgod dus na yab kyi nA sa'i khrag/ rtags kyi dus na khrag chen thig les mtshan// dbang chen dus na rak+ta'i rgya mtshor rlabs// phyag mtshan dus na ban d+ha dmar gyis bkang // spyan drang dus na khrag 'thung 'khor bcas gshegs su gsol// mchod pa'i dus na dmar chen rgya mtshor skyil// gsol ba'i dus na rak+ta khA hi brjod// dbang gi dus na byang sems dkar dmar khrag/ lhag ma'i dus na mchod pa dam rdzas khrag/ bka' nyan rol pa'i bu mo ni// rdo rje sgeg mo

  83. 42a

    'dod chags che// 'dod cing chags pa chags pa'i mchog/ mchod pa'i rdzas su bzhugs su gsol// rak+ta ma hA sa ma ya tiSh+Tha lhan// he ru ka yi gnas bcu dang // dur khrod chen po'i gnas brgyad nas// dpal chen khrag 'thung 'khor dang bcas// gnas 'dir spyan 'dren gshegs su gsol// ma hA mAM sa rak+ta a mr-i ta khA hi ha ha he he/ a la la/ nga ni za byed chen po ste// khams gsum ma lus bsgral ba dang // gdul dka' mtha' dag gdul bya'i phyir// sha rus la sogs bza' bar bya'o// nga ni khrag 'thung chen po ste// 'khor ba'i dra ba chags pa'i rgyud// dmar chen po ni rgya mtshor bskyil// mkha' 'gro'i tshogs bcas rnams la rol// ma lus bcas nas gshegs su gsol// ma hA rak+ta khA hi/ ma hA tsit+ta khA hi/ go ro tsa na khA hi/ ga Na khA hi/ tsak+ShA khA hi/ ba su ta khA hi/ ba ling ta khA hi/ keng ni ri ti khA hi/ mAng sa khA hi/ bag shu khA hi/ zhes mchod pa'i lha mo nam mkha' gang ba dang / sa gzhi gang ba dang / bar nang gang bas mchod do// rak+ta dmar gyi rgyud las/ mchod pa'i le'u ste bcu gcig pa'o// // de nas chags pa ral pa can gyis zhus pa/ mchod pa'i las ni de lags na// phrin las rim pa ji ltar lags// ston pas gsungs pa/ nyon cig chags pa ral pa can// bkra shis nyams dga' yid 'ong du// phun sum tshogs

  84. 42b

    pa bzhi ldan pas// phrin las zhi rgyas dbang drag bzhi// zhi ba'i dkyil 'khor zlum po la// tsan+dan lde gus legs byugs te// snang ba mtha' yas 'khor bcas bkod// zhi ba'i mchod pa rgyas phul nas// shan ting ku ru'i sngags brjod pas// nad dang gdon tshogs zhi bar 'gyur// rgyas pa'i dkyil 'khor gru bzhi la// sri shing chu yis legs btab nas// 'byung ldan 'khor bcas spyan drangs te// me tog rak+ta lnga yis mchod// puSh+Ting ku ru'i sngags brjod pas// tshe dang longs spyod rgyas par 'gyur// maN+Dal zla kham legs pa la// li khri dmar pos legs byugs la// 'od dpag med pa spyan drangs nas// sa yi rak+tas mchod pa ni// wa shang ku ru'i sngags brjod pas// gzungs ma bran rnams dbang du 'dus// maN+Dal nag po gru gsum du// bsgral ba'i khrag gis legs byugs nas// khrag 'thung 'khor bcas spyan drangs te// 'bras bu'i khrag gis mchod pa ni// ma b+ha ni yi sngags brjod pas/ gcad cha // dgra bgegs la sogs smos ci dgos// rak+ta dmar gyi rgyud las/ phrin las bzhi'i le'u ste bcu gnyis pa'o// 'di nas kyang chag khags cad song // nyon cig chags pa ral pa can// drag po'i khrag zor sgrub pa'i thabs// drag po las kyi dkyil 'khor du// e ka li yis dbyings phyug ma mos yin nam/ bsgrub pa'i zor// yul mkhar khyim la khrag zor

  85. 43a

    sa// gza' skar tshogs kyi dkyil 'khor du// drang srong de bas bslab pa'i thor// mtshan gyi bu sman khrag zor la// gshin rje'i rgyal po'i dkyil 'khor du// ma mo'i tshogs kyis bslabs pa'i zor// be lug spu phyugs khrag zor ya// pad+ma he ru'i dkyil 'khor du// ma mo'i tshogs kyis bsgrub pa'i zor// 'og gi nag mo pus 'gro ma// rgyu khrag bcos shig ro tsa na// rlung lha de ba'i dkyil 'khor du// chos dbyings ma mos bsgrub pa'i zor// dam nyams dgra bo'i mgo lag zor// byang shar mtshams kyi dkyil 'khor du// byang chub ma g.yos bsgrubs pa'i zor// dbang pos bcos shig da ra ma// steng gi lha yi dkyil 'khor du// phyag na rdo rjes bsgrubs pa'i zor// bdud 'dul dbang po yongs la gzor// bar snang mi yi dkyil 'khor du// pad+ma he rus bsgrubs pa'i zor// srin po'i grong khyer tshogs la gzor// dam nyams snying la tsit+ta ku ta na// dang po zor gyi skyes bu ni// 'phen byed chen po'i dus la bab// shar gyi phyogs nas gshegs su gsol// dri za'i 'khor la mnga' brnyes pa// dung gi glang po'i gdan steng na// dung gi skyes bu spyan gcig pa// dbu la shel gyi zhwa dkar gsol// dngul khrab zhol mo 'jol le 'jol// phyag na thod pa khrag gis bskang // dam nyams dgra bo'i snying la gzor// tsa te tsi ta zor/ lho yi phyogs nas bskul

  86. 43b

    ba ni// gshin rje grul bum mnga' brnyes pa// cang shes rta yi gdan steng na// bse yi skyes bu dbang byed do// dbu la rin chen bzhad gar gsol// chibs su g.yu yi spyang khu chibs// g.yu khrab sngon mo 'jol le 'jol// g.yas kyi phyag gis gzhu bdungs nas// mthing gi mda' mo ltong sbyar nas// da ni gzor ro dgra la gzor// ngag gi dbang po lce la gzor// b+h+yo lce la ti lce ti gzor// nub kyi phyogs nas bskul ba ni// klu rgyal dbang chen mnga' brnyes pa// rma bya mdzes pa'i gdan steng na// bse yi skyes bu gdug pa can// dbu la bse yi ldan dkar gsol// chibs su bse yi sbyang mo chibs// bse khrab khra bo 'jol le 'jol// g.yas pas bse yi gzhu bdungs nas// zangs kyi mda' mo ltong sbyar nas// de ni sdang ba'i dgra la gzor// gros kyi bdun phung spyi bor gzor// gzor ro gzor ro thil gzor ro// byang gi phyogs nas bskul ba ni// gnod sbyin nag mo mnga' brnyes ma// zhing chen bsnol ba'i gdan steng na// las kyi skyes bu gdug pa can// dbu la bse yi zhwa gsol pa// chibs su gser gyi spyang ki chibs// gser khrab ser po 'jol le 'jol// g.yas pas gser gyi gzhu bdungs nas// ra gan mda' mo ltong sbyar te// nyams pa'i dgra bo'i dbugs la ya// phog par gyis shig A ko Ta// skyes bu de yi zhabs drung na// sems

  87. 44a

    can bzhi yi gdan gting zhing // dus bzhir sbyang ki bzhi yang 'gyed// mngon spyod phrin las myur du mdzod// drag po ye seng b+h+yo ru lu ru lu/ zhes bzlas zhing phrin las bcol lo// dus kyi ban+d+ha'i nang du bud med yugs sa mo'i khrag sbyar zhing de bzlas/ 'phen pa'i sngags/ ya ya daM daM me thig/ e myag myag thun thun/ ram ram/ myog myog ces bya zhing brdeg/ las de gang du byas kyang 'grub par 'gyur// gtor ma lho nub mtshams su ni// kyi lce nag po dbyi mong dang // sbrang tsher dug sna sna tshogs dang // thar nu khrag dang sbyar bshams la// ma mo ser nag ngas ni ma nyes so// dam nyams thal ba bzhin du rlogs// de skad byas la 'o dod 'bod// hriHdpal gtor dug gi gtor chen 'di// ma mo mkha' 'gro'i dam rdzas rten// khro bo kun gyi re gnas yin// dur khrod kun gyi gnas nyul ni// gang du mngags pa thal bar rlogs// dam tshig tshul bzhin mi gshegs sam// ma mo chen mo ral gcig ma// ral pa'i zar bu g.yas g.yon 'khyil// zhal nas khrag dang zhag 'dzag ma// mi gnas mchi ma bdud rtsi 'bab// lag na dug gi phor pa thogs// 'di 'dra gcig tu ma nges te// ma mo kun kyang de bzhin no// bskul lo mkha' 'gro mi bzad ma// drag shul chen po rab mdzad de// gang du 'phangs pas phung bar byed// sngon gyi dam

  88. 44b

    bcas bsnyel ma ring // hUM kho na rdzong gi rigs la// dug gi phor pa brgyab pa yis// rdzong yang skal pa lings kyis btang // rol pas sbrul lo 'du 'phro yis// ma mo kun kyang 'dar zhing g.yeng // khyad par spyan dmar mi bzad pa// gang du bab pa thal bar rlogs// zhes gsungs so// rak+ta dmar gyi rgyud las/ drag po khrag zor gyi le'u ste bcu gsum pa'o// // de nas chags pa ral pa can gyis yang zhus pa/ ston pa chen po rgyal po lags// chags pa'i zor ni de lags na// chags pa rgyal po ji ltar lags// khrag 'thung rgyal pos bshad du gsol// zhes gsol pa dang / nyon cig chags pa ral pa can/ sngon bskal pa grangs med pa'i sngon rol du/ bskal pa dga' ba zhes bya ba la/ ston pa 'od bsam gyis mi khyab pa zhes bya ba'i bstan pa la/ rgya gar gyi yul 'od ma can zhes bya ba na/ rgyal po 'od snang ba zhes bya ba la/ yum pad+ma can zhes bya ba/ longs spyod che ba/ mnga' thang che ba/ rin po che'i bang mdzod mnga' ba la/ sras med nas/ yum brgya khab tu bzhes nas/ gzhan la sras ma byung / yum pad+ma can la sras gcig 'khrungs pa la/ yab mnga' thang gis ma ngoms nas/ gling bzhi gling phran bcu gnyis dang / des kyang ma ngoms nas/ steng lha'i 'jig rten du rin po che sna bdun dang chas nas gshegs pas/ lha'i dbang po brgya byin langs nas

  89. 45a

    tshur spyan drangs rgyal po byon pa legs so zhes zer nas/ stan phyed la bdar ro// de'i bar du rgyal bus/ rin po che'i bang mdzod mnga' thang dang yum dang bcas pa thams cad/ ston pa 'od bsam gyis mi khyab pa la phul nas rgyal bu dad pa skyes te/ de bzhin gshegs pa'i drung du 'di skad ces glengs so// nga bstan pa 'di 'das pa'i 'og rol du/ u rgyan gyi yul/ byan lag mchod kyi ri/ ko chu brtsod ma thang du srin po'i gnas su rnag khrag gi mtsho gseb na srin po'i grong khyer stong phrag brgyad cu yod pa'i gnas na/ yab zhe sdang dug gi ral pa can dang / ma 'dod chags khrag gi ral can du/ nga srin phrug khrag 'thung du skyes so// srid pa gsum brlag par byas sems can po mthong bsad/ mo mthong sbyar nas/ zas su sha khrag dang rus pa 'cha'/ skom du khrag gi rgya mtsho 'thungs kyang mi ngoms/ las su sems can thams da bsad kyang zin pa med/ yab dang yum thams cad mnar med par 'gro bar gzigs nas/ sras kyis smon lam 'di skad ces btab bo// nga 'di 'das pa'i 'og rol du// yab ni zhe sdang dug gi ral pa can// yum ni 'dod chags khrag ral can// nga ni srin phrug khrag 'thung ste// pha bsad ma sbyar byas nas su// 'khor gyi lha mo bran du bkol// dug lnga tshong nas phyung nas su// zhe sdang rus pa ngas 'cha' yi/ 'dod

  90. 45b

    chags khrag la ngas 'thung zhing // nga rgyal sha chen ngas za zhing // phrag dog rtsa rgyus ngas bldad cing // gti mug mun nag ngas 'joms te// mi dge bcu la gnas bcas nas// mi dge bcu la ma zhen te// bsgral ba'i zhing bcu nga yis bsgral// dur khrod gnas brgyad nga yi gnas// ma mo mkha' 'gro nga yi bran// dregs pa rtsa gnyis bsgral nas kyang // zhi ba'i bka' la mi nyan pa// dam nyams 'byung po dgra dang bgegs// yang dag don la mi gnas pa// thams cad bsgral ba'i 'jigs byed de// yang dag don la mos pa ni// de yi mgon skyabs byed par shog/ ngan song lam gyi sgo bkag nas// mtho ris thar pa'i sgo phye nas// nyams pa'i gnas ni bsgral nas kyang // zhing lpags g.yang gzhi sku la gsol// thod rus rnams ni rgyan du byas// 'dod chags khrag gi rgya mtsho skom du 'thung // gtsang sme med par kun za zhing // snying rjes sems can kun sgrol ba// thabs kyis kun la sbyar byas nas// dmyal ba'i gnas kyang sangs rgyas so// de lta bur ni skye bar shog/ ces smon lam btab bo// de nas dus 'das pa dang ko chu brtsongs dmar thang du yab rgyal po ni/ zhe sdang dug gi ral pa can/ zhe sdang gi me 'bar/ gti mug gi mun gtibs/ nga rgyal gyi brag 'tsher/ 'dod chags kyi chu brub/ phrag dog gi rlung 'tshubs pa/ mig gis mthong tshad

  91. 46a

    gsod pa/ rna bas thos tshad 'joms pa/ sems la dran pa la log lta 'ba' zhig las med pa zhig byung skad/ kha nas nad kyi char 'bebs pa/ mig nas me'i bskal pa gtong ba/ sna nas 'tshubs nag dang sa g.yos gtong ba/ kha nas thog ser 'bebs pa/ ma rungs pa zhig byung skad/ yum yang de 'dra ba gsod gcod la brtsi ba zhig byung ngo // chung ma brgya tham pa yang de dang 'dra ba/ rnag khrag gi mtsho bsgril/ keng rus kyi mkhar brtsigs/ sha tshil gyi brungs brtsigs/ dri chen dri chu dang / mAng sa dang / sems chu la sogs pa zang mar brdal ba/ zhing lpags zhing phran dang / bum ril dang / khog stod dang / khog smad gsur chen gyi dri dang / khyi bya rog stag gzig dang / khra dang 'ug pa dang / gr-i D+ha dang / khra ta spyang ki dang / dred dang ce spyang dang / kang ka dang seng ge dang / de la sogs pa gcan gzan sna tshogs kyis sgra 'byin skyi g.ya' bar gnas so// de ru rgyal bus sngon gyi smon lam dran nas/ dus gsum bde bar gshegs pa la gsol ba btab pas/ sangs rgyas rnams bka' bgros nas/ bcom ldan 'das che mchog he ru ka dbu dgu phyag bco brgyad pa/ zhabs drug bgrad pa/ sku mdog smug nag pa/ me dpung 'bar ba'i dkyil na dur khrod kyi chas sna tshogs kyis brgyan pa gcig byon nas rgyal bu la 'di skad ces bka' stsal

  92. 46b

    to// rgyal bu sngon gyi dam bcas dran lags sam/ bde bar gshegs pa bka' bgros nas// nga nyid 'di ru byon pa yin// khyod la de bzhin gshegs pa yis// ting 'dzin 'bum phrag brgyad cu dang // mthu rtsal bsam gyis mi khyab pa// dbang mchog mtha' dag khyod la bskur// nga yi chas su zhugs la ni// ting 'dzin sprul pa sna tshogs kyis// pha ma dregs pa ma rungs pa// ngan song dmyal bar 'gro ba de// ting 'dzin/ sprul pas de sgrol la// gnas dang 'khor la sogs pa kun// ting nge 'dzin gyi byin rlabs kyis// bde gshegs sprul par byin gyis rlobs// zhes gsungs so// de nas rgyal bu srin phrug de sngon gyi ting 'dzin la zhugs nas/ hUM hUM hUM phaT phaT phaT/ ces brjod pas/ lus ma bor bar sangs rgyas nas dpal khrag 'thung he ru ka/ zhal gsum pa/ phyag drug pa/ dur khrod kyi rgyan gyis brgyan pa/ me dpung 'bar ba'i klong na bzhugs pa/ sprul pa sna tshogs 'gyed pa cig byung nas// de byung ba dang yab yum skrag nas brgya la/ 'khor rnams kyang 'gyel/ der khrag 'thung de la/ he ru ka dgus g.yas dang por rdo rje rtse dgu pa byin/ dbu la rigs lnga'i sangs rgyas kyis dbang bskur/ rigs kyi yum rnams kyis g.yon dang por dril bu byin/ dregs pa yab kyis kha T+wAM ga rtse gsum pa g.yas par tshags byas/ yum gyis phyag mtshan dung dmar 'bar

  93. 47a

    pa tshags byas/ khams gsum kun tu chos kyi sgra sgrogs pa'i rtags su rde'u chung byin/ rgyud drug gyen du 'dren pa'i rtags su rgyu zhags tshags byas/ nyon mongs pa 'joms pa'i rtags su me dpung dkyil na bzhugs pas/ sngon gyi smon lam gyis dregs pa bsgral ba 'di skad do// hUM pradz+nyA ke shi tsit+ta dza la maN+Dal hUM/ ma trang ru dra hUM dza zhes yab bsgral lo// yi ge dpa' bo 'bru lngas rgyud lnga'i lam gyi sgo bkag/ yaM gis rig pa sbar ro// ma yum kro d+hI shwa ri mar byin gyis brlabs nas spyod yum byas so// yum gzhan pa brgya po tshe 'phos nas kyang / ko ri brgyad dang / sing ha ma dang / sgo ma dang / dbang phyug ma nyi shu rtsa brgyad dang / mkha' 'gro sum cu rtsa gnyis dang / 'bar ma dang / ma bdun dang / sring bzhi dang / ma mo khrag gshog can du byin gyis brlabs so// dur khrod gnas ni gzhal yas khang du byin gyis brlabs so/ mi gtsang rdzas ni dam rdzas lnga ru byin gyis brlabs so// yab ni phyir mi ldog pa'i sa la 'khod par byin gyis brlabs nas bzhag go/ pha bsgral ma la sgrar/ mi gtsang sme ba zas su gsol bas/ sme brtsegs zhes bya'o// yum dang 'khor rnams khrag 'thung gi lhar sangs rgyas so// rak+ta dmar gyi rgyud las/ khrag 'thung gi le'u ste bcu bzhi pa'o// // de nas khrag 'thung gis chags pa ral pa can la 'di skad bstan

  94. 47b

    no// rgyud 'di 'chang ba'i rnal 'byor la// tshe dang pra dang ro langs dang / rkang mgyogs la sogs smos ci dgos// 'jig rten 'dir yang bsam pa 'grub// stong pa snying rje'i rnal 'byor bsgom// phyag rgya gcig dang spros pa yi// rig 'dzin rnam bzhir sangs rgyas te// nyan dang 'chad dang bsgom pa dang // 'dri dang klog 'don byed pa ni// ma mo mkha' 'gro bran bzhin nyan// phyi mar sangs rgyas zhing du skye// 'di la mi mos ma sbyangs na// khrag 'thung chen pos snying khrag 'thung // rdo rje dmyal bar gtan du 'khor// chags pa'i ral can khyod la gtad// ces gsungs nas/ dgongs pa mi dmigs par gshegs so// rak+ta dmar gyi rgyud las/ mtha' bstan pa'i le'u ste bco lnga pa'o// // rak+ta dmar gyi rgyud rdzogs so// gro lod rtsal gyis bskur ba'o// //

  95. 48a

    rgya gar skad du/ rat+na ag+ni shAn+ti b+hU ta dz+wa la tan tra/ bod skad du/ rin po che me lha zhi bar gyur pa 'bar ba'i rgyud/ bcom ldan 'das lhun gyis grub pa'i rgyal po la phyag 'tshal lo// thog ma med pa'i dus nyid na// rang bzhin lhun grub gnas de ru// chos dbyings ston pa chen po des// rang byung ye shes 'khor rnams la// sbyong ba chen po'i bstan pa bshad// rig pa rang gsal chen po'i dus// g.yos pa med pa'i gnas de ru// ye shes chen po'i ston pa des// rig pa 'od kyi 'khor lo la// sbyong ba zhi bar bstan pa bshad// rig pa rtsal du snang dus su// rig pa'i 'khor med gnas nyid du// longs spyod rdzogs pa'i ston pa des// byang chub sems dpa'i 'khor rnams la// sgrib pa sbyong ba'i bstan pa bshad// snang bas 'dul ba'i dus nyid du// rang bzhin 'og min gnas de ru// byang sems kun tu bzang po yis// nyon mongs zhi ba'i bstan pa bshad// thog med bag chags dus nyid du// srid pa chags pa'i gnas de ru// ye shes kun tu bzang po yis// rigs drug sems can 'khor rnams la// sdig sgrib sreg pa'i bstan pa bshad// sbyong ba la ni rnam gnyis te// sems sbyong ba dang lus sbyong ba'o// gleng gzhi'i le'u ste dang po'o// // sdud pa'i gsang bdag rdo rje sems dpa' yis// ston pa'i ston pa kun tu bzang po

  96. 48b

    la// gshed bskrad lan chags sbyong ba gang // ston pa'i ston pa kun tu bzang po des// bgegs bskrad pa la rnam pa gsum yin te// ting 'dzin sngags dang bskul gyis bskrad pa'o// kun tu bzang po che ba yi// lha yi nga rgyal dag gis bskrad// de bzhin sngags kyis bskrad pa ni// ye shes khro bo'i sngags kyis bskrad// au bi shra kro d+ha dza la maN+Da la/ ha la ha la/ tiSh+Tha tiSh+Tha/ ban d+ha ban d+ha/ ha na ha na/ pa tsa pa tsa/ hu lu hu lu/ badz+ra tiSh+Tha hUM phaT/ ro la sngags kyis btab nas yang / skul tshig 'di yang rab tu brjod/ hUM hUM hUM/ tshe 'das rigs kyi bu 'di la// thog ma med nas gnas pa yi// rtag tu srog la dbang byed pa'i// bgegs kyi rgyal po gang yod kyang // zas su srog za dbugs spyod pa'i// tshe 'das gshed mar byed pa yi// tshe 'das lus nyid bzung nas su// kun tu 'khyams shing kun tu gnod// bgegs kyi rgyal po khyod song zhig/ hUM nga yi bka' las 'da' nas su// tshe 'das gshed mar byed pa na// ye shes khro bo chen po yis// rus la gnas pa zhe sdang bgegs// zhe sdang mtshon gyi char phob cig/ khrag la gnas pa 'dod chags bgegs/ myos byed dug gi char phob cig/ sha la gnas pa'i gti mug bgegs// khro chung nyung dkar char phob cig/ a ra li shi dza la badz+ra hUM hUM phaT phaT/ tshe 'das bgegs dang dpral ba bstan pa'i

  97. 49a

    le'u ste gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rigs drug gnas nas drang ba ji lta bu// ston pa'i ston pa kun tu bzang po des// hUM zhe sdang mnar med las kyi sa bon gyis// sems can dmyal ba'i gnas su skye ba na// las dang thugs rje dam tshig gis// ye shes thugs rjes drangs shing dgug/ du aM ku sha dza hUM/ skye bar nges pa'i sems can khyod// 'gro drug gnas su 'khyams pa na// stong gsum mun nag rig pa 'khyams// bag chags sbyang phyir dgug par bya'o// sho ta na ti badz+ra sho tra hUM hUM/ tshe 'das lus brjes rigs kyi bu khyod ni/ las kyi dbang gis stong gsum mun nag 'khyams// phyin ci log gis nyon mongs khu rnams bcings// ye shes gsal ba'i ral gris nyon mongs 'dral// badz+ra a ti mu ti baM hUM/ mkha' dbyings rnam dag yum gyi b+ha ga ru// thabs dang shes rab gnyis med dkyil 'khor gsal// bag chags sbyang phyir ye shes bdud rtsi'i chus// tshe 'das bag chags gtan nas sbyang bar mdzod// oM AHhUM badz+ra a mr-i te he sho dan ti sho d+ha ya swA hA// hUM bcom ldan thub pa dmyal ba'i gtso chen po// tshe 'das rigs kyi bu 'di nyid// tsha grang sdug bsngal shin tu gdungs pas na// kun bzang thub pa khyod la skyabs su mchi'o// badz+ra sa ma ya s+t+waM/ hUM

  98. 49b

    'bru bcud stong dang ldan pa'i gser skyems 'di// gshin la gshed du byed pa'i bgegs// gson la bdud du byed pa'i 'dre// 'bru bcud gser skyems 'di longs la// tshe 'das bla bzung gtang du gsol// hUM glud kyi gtor ma rgyan can 'di// srid pa'i rtse nas dmyal ba'i gnas yan chad// 'phags pa'i spyan gyis gzigs pa'i sems can kun// mchod sbyin gtor ma 'di bsngos pas// tshe 'das dmyal ba'i lan chags dag par shog/ hUM ser sna 'dod chags las kyi sa bon gyis// bkres skom yi dwags gnas su skye ba na/ las dang thugs rje dam tshig gis// ye shes lcags kyus drangs shing dgug/ tri aM ku sha dza/ hUM ma rig glen lkugs las kyi sa bon gyis// byol song lkugs pa'i gnas su 'khyams pa na// las dang thugs rje dam tshig gis// ye shes lcags kyus drangs shing dgug/ tri aM ku sha dza/ nga rgyal dregs pa las kyi sa bon gyis// dregs pa mi yi gnas su 'khyams pa la// las dang thugs rje dam tshig gis// ye shes lcags kyus drangs shing dgug/ nr-i aM ku sha dza/ hUM phrag dog 'thab rtsod las kyi sa bon gyis// lha min phra men gnas su skyes pa na// las dang thugs rje dam tshig gis// ye shes lcags kyus drangs shing dgug/ su aM ku sha dza/ hUM le lo yid spyod las kyi sa bon gyis// ltung ba lha yi gnas su skyes pa na// las

  99. 50a

    dang thugs rje dam tshig gis// ma shes lcags kus drangs shing dgug/ a a ku sha dza/ rigs drug gnas nas drang ba bstan pa'i le'u ste gsum pa'o// / sdud pa'i gsang bdag rdza sems dpa' yis// ston pa'i ston pa kun tu bzang po la// gsang ba nang gi khrus nyid bya ba dang // 'gro drug pad+ma'i gdan la khrus nyid bya ba ji lta bu// ston pa kun tu bzang pos bka' stsal pa// hUM bdud rtsi ye shes lnga dang ldan// gnyis med bdud rtsi ye shes chus// tshe 'das bag chags sbyang ba'i phyir// tshe 'das sku la sku khrus gsol// oM badz+ra a ti sho da na ni hUM/ pad+ma 'dab ma bzhi pa la// ye shes rigs lnga yig 'bru dgod// IM hUM swA AM ha/ de nas skul tshig 'di brjod do// hUM/ gos med ma chags pad+ma'i gdan// mdzes pa'i thugs rje chags pa med// tshe 'das bag chags dag pa'i phyir// rigs lnga bde ba'i gdan la bzhugs// pad+ma sa ma ya s+t+waM/ de nas tshe 'das bu de yang / thugs rje chen pos sems bskyed de// sems la 'gyur ba med pas na// sna tshogs gzugs brnyan cir yang snang // snang med rang bzhin byang chub sems// rdo rje sems dpar sems bskyed do// hUM/ sems las thams cad 'byung bas na// mnyam nyid rtog pa med pa'i sems// rang bzhin ma 'gags thams cad 'byung // rin chen 'byung bar sems bskyed

  100. 50b

    do// hUM/ sems der car yang snang bas na// sna tshogs ye shes so sor rtog/ rtog med rang bzhin lhun gyis grub// snang ba mtha' yas sems bskyed do// hUM/ sems las thams cad grub pas na// bya ru med pa'i ye shes grub// grub med rang bzhin rin po che// don yod grub par sems bskyed do// khrus bya zhing gdan dbul ba dang / sems bskyed pa'i le'u ste bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// ye shes sdong bu dgod pa dang // dri yi thig le byug pa dang // lha yi mtshan mas gdab pa gang // ston pa'i ston pa kun tu bzang po des// tshe 'das rigs kyi bu de la// lha yi grangs dang bcas pa yi// ye shes gsal ba'i sdong bu dgod// tshe 'das rigs kyi bu khyod ni// nyon mongs dug gsum mun nag 'khyams// ye shes gsal ba'i sgron me 'dis// dkyil 'khor lha tshogs gsal bar shog/ sa ma ya badz+ra A lo ke hUM/ bdud rtsi tsan+dan dri yis ni// lha yi grangs tsam lus la dgod// rang rang sngags dang bcas pa yis// gnas su dri yi thig le bya'o// hUM tshe 'das rigs kyi bu 'di la/ dri yi thig le bkod pa yis// bde bar gshegs pa thams cad kyi// rtags kyi spyi rgyu btab pa yis// lha yi mtshan ma gdab pa ni// rang rang lha yi phyag mtshan dang // yig 'bru bcas te gdab par

  101. 51a

    bya// hUM rdo rje 'khor lo rin po che// pad+ma ral gri dril bu'i tshogs// bde gshegs sku yi phyag mtshan te// 'di nyid btab pa tsam gyis su// rgyal ba'i sras su 'gyur bar shog/ hUM sku gsung thugs kyi yi ge 'di// 'di nyid btab pa tsam gyis su// bde gshegs sangs rgyas thams cad kyi// sku gsung thugs kyi sras su shog/ oM bud d+ha ka ya badz+ra sa ma ya oM/ oM bud d+ha bA ka badz+ra sa ma ya AH/ oM bud d+ha tsit+ta badz+ra sa ma ya hUM/ ye shes sdong bu dgod cing dri'i thig le byugs pa dang / phyag mtshan yig 'bru 'dogs pa'i le'u ste lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// dkyil 'khor sgo phye lus kyi sdig pa bshags pa dang // rang gi lus nyid dkyil 'khor lha la dbul ba ji lta bu// ston pa'i ston pa kun tu bzang po des// shar phyogs rdo rje rigs kyi sgo// snying rje tshad med sgo mo ste// me long lta bu'i sgo phye zhig/ tshe 'das dad pas 'jug par bya'o// badz+ra dz+nyA na pra be sha ya phaT/ hUM/ lho phyogs rin chen rigs kyi sgo// byams pa tshad med sgo mo ste// mnyam pa nyid kyi sgo phye zhig/ tshe 'das dad pas 'jug par bya'o// rat+na dz+nyA na pra be sha ya phaT/ hUM nub phyogs pad+ma rigs kyi sgo// dga' ba tshad med sgo mo ste// so sor rtog pa'i sgo phye zhig/ tshe 'das dad pas 'jug par bya'o// pad+ma dz+nyA

  102. 51b

    na pra be sha ya phaT/ hUM byang phyogs las kyi rigs kyi sgo// btang snyoms tshad med sgo mo ste// bya ba grub pa'i sgo phye zhig/ sa man ta dz+nyA na pra be sha ya phaT/ dkyil 'khor lha tshogs thams cad la// tshul dang ldan pa'i lus bzung ste// sngon gyi sdig sgrib thams cad bshags// hUM thog ma med nas 'khor bar 'khyams// bag med dbang gis nyon mongs spyad// ma rig dbang gis sdig pa spyad// kun tu bzang po'i thugs dang 'gal// rnam snang sku la gzod par gsol// hUM rtag tu 'khor bar 'khyams pa yis// rA tra'i dbang gis sdig pa spyad// zhe sdang dbang gis srog bcad pa// rdo rje sems la bzod par gsol// hUM srid pa kun tu 'khyams pa yis// khengs sems dbang gis nga rgyal spyad// che ba'i dbang gis khengs pas bcings// rin chen 'byung la bzod par gsol// hUM rtag tu rigs drug gnas su 'khyams// 'dod chags dbang gis nyon mongs spyad// ser sna'i dbang gis 'ching bas bcings// snang mtha'i sku la bzod par gsol// hUM tshe rabs thog ma med pa nas// las kyi dbang gis khams gsum bag med 'khor// nyon mongs phrag dog rang gar spyad// don yod grub la bzod par gsol// hUM sems can bdag gi lus 'di yang // thog ma med nas 'khor bar 'khyams// nyon mongs bag med rang gar spyad// de yi dbang gis sha khrag

  103. 52a

    lus// 'bu srin mang po'i longs spyod 'di// bde bar gshegs pa rnams la 'bul// gti mug sha las grub pa'i lus// kun tu bzang la mchod par 'bul// zhe sdang rus las grub pa'i lus// rdo rje sems la mchod par 'bul// nga rgyal tshil las grub pa'i lus// rin chen 'byung la mchod par 'bul// 'dod chags khrag las grub pa'i lus// snang mtha'i sku la mchod par 'bul// phrag dog rtsa las grub pa'i lus// don yod grub la mchod par 'bul// dbang po rnam shes khams rnams kun/ sems dpa' sems ma rnams la 'bul// skye mched yul rnams mang po kun// khro bo rnams la mchod par 'bul// don snying nang khrol mang po kun// thub pa rnams la mchod par 'bul// rkang pa yan lag bzhi po kun// sgo ba bzhi la mchod par 'bul// tshe 'das kyi sgo dbye ba dang / sdig pa bshags pa dang / tshe 'das lus dbul ba'i le'u ste drug pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das sems la dbang bskur dang // byin gyis brlabs pa ji lta/ bu// ston pa'i ston pa kun tu bzang po des// tshe 'das sems la dbang bskur dang // byin gyis brlab pa 'di lta ste// dam rdzas rnam pa lnga yis bskur// hUM tshe 'das rigs kyi bu khyod la// 'joms byed rdo rje'i

  104. 52b

    dbang bskur bas// gshed ma'i bdud las thar ba dang // rdo rje'i sku yi lus thob shog/ badz+ra a b+hi Shiny+tsa a/ hUM tshe 'das rigs kyi bu khyod la// longs spyod gtor ma 'di yi dbang bskur bas// sngon gyi len chags dag gyur te// bdud rtsi'i zas la longs spyod shog/ a mr-i ta ba li ta a b+hi Shiny+tsa a// hUM tshe 'das rigs kyi bu khyod la// 'khor lo 'bar ba'i dbang bskur bas// srid pa'i 'khor lo rgyun bcad de// bar do'i gnas nas thar bar shog/ tsakra dz+nyA na a b+hi Shiny+tsa a// hUM tshe 'das rigs kyi bu khyod la// chos dbyings dril bu'i dbang bskur bas// skye gnas sdug bsngal rgyun bcad de// chos nyid ngang la gnas par shog/ sa man ta na ma ka a b+hi Shiny+tsa a// hUM tshe 'das rigs kyi bu khyod la// dbu rgyan dbang mchog bskur ba yis// nyon mongs dug lnga gnas dag ste// ye shes rigs lnga thob par shog/ sarba tA tha ga tA bud d+ha a b+hi Shiny+tsa a// hUM tshe 'das rigs kyi bu khyod ni// snang ba sku yi rang bzhin te// gzung 'dzin rnam rtog rnam dag phyir// bde gshegs sku yis byin brlab bo// sarba ta thA ga tA kA ya badz+ra hUM// hUM tshe 'das rigs kyi bu khyod ni// grags pa gsung gi rang bzhin te// ming tshig rtog pa rnam dag nas// bde gshegs gsung du byin brlab bo// sarba ta thA ga tA wA ka badz+ra hUM// hUM tshe 'das rigs kyi bu khyod ni// dran rtog thugs kyi

  105. 53a

    rang bzhin te// rnam par rtog pa rnam dag nas// bde gshegs thugs su byin brlab bo// hUM sarba ta thA ga ta tsit+ta badz+ra hUM// tshe 'das la dbang bskur zhing byin gyis rlabs pa'i le'u ste bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das rigs kyi bu de la// dkyil 'khor bstan cing yi dam dbog pa dang // sngags kyi bye brag dbog pa ji lta bu// ston pa'i ston pa kun tu bzang po des// tshe 'das rigs kyi bu de la// de nas dkyil 'khor bstan par bya'o// hUM tshe 'das rigs kyi bu khyod kyang // ma bu'i 'du shes rab zhog la// rig pa'i shes pa tshur nyon dang // nga ni rdo rje bla ma ste// nga yi bka' nyid ma bcag par// dkyil 'khor bzang po 'di la ltos// 'di ni kun bzang dkyil 'khor te// bde gshegs 'dus pa'i pho brang yin// gnas mchog 'di ni bsgrub pa'i gnas// tshe 'das rigs kyi bu khyod kyang // dkyil 'khor gnas 'dir longs spyod shog/ hUM tshe 'das rigs kyi bu khyod la// lha ru kun bzang bde gshegs bsgom// sku mdog ser po 'od zer 'phro// mtshan rdzogs dpe byad ldan pa ste// mnyam par bzhag pa'i phyag rgya can// rtag tu lha mchog de sgoms shig/ de nas sngags kyi bsnyen pa dbog par bya// hUM tshe 'das rigs kyi bu khyod la// sngags su

  106. 53b

    gsang sngags 'bru bdun zlos// de yi ngang las ma 'da' bar// bzlas brjod bsnyen pa rgyun du bya// hUM hUM badz+ra tsit+ta hUM/ tshe 'das la dkyil 'khor dang lha dang sngags dbog pa bstan pa'i le'u ste brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// ye shes me lha spyan drang dang // mchod dang bstod pa ji lta bu// ston pa kun tu bzang po des// stong pa bdag med gsal bar gnas pa la// yi ge a nyid zhugs khang nang du bsgoms// a de zhu zhing yongs su gyur pa las// dam tshig me lha dmar po gtsug phud can// mnyam gzhag bdud rtsi'i bum pa phyag na bsnams// thugs las rang byung ye shes me 'bar bas// 'khor ba'i bag chags nyon mongs sreg par byed// de ni ye shes me lha spyan drangs pa'o// hUM me lha'i rgyal po drang srong mchog/ dmar po gcer bu gtsug phud can// rgyal ba kun gyi 'od mchog ste// sreg sbyang lus 'di bzhes nas kyang // 'bar ba'i gdan la bzhugs su gsol// ag+ni dza la maN+Da la hUM// hUM me yi lha mo kun tu bzang // 'byung ba me la dbang bsgyur zhing // rgyal ba kun gyi gzi brjid mchog/ sreg sbyang lus 'di 'bul lags pas// gnas 'dir spyan 'dren gshegs su gsol// badz+ra pa tra ag+ni dza la raM dzaHhUM baM hoH/ hUM bde gshegs pho brang gnas mchog

  107. 54a

    'dir// me lha'i rgyal po 'khor dang bcas// 'byung ba me la dbang bya'i phyir// 'bar ba'i gdan la bzhugs su gsol// dza la maN+Dal hUM/ phyi dang nang gi mchod pa yang // me lha 'khor dang bcas la 'bul// de nas phyi yi mchod pa 'bul/ hUM phyogs bcu rab 'byams thams cad na// yon chab ji snyed yod pa kun// me lha 'khor dang bcas la 'bul// tshe 'das sgrib pa sbyang du gsol// badz+ra ag+ni A ha ra pU dza sa ma ye hUM// hUM lhan cig skyes dang sbyar ba'i dri// bdug spos ji snyed yod pa kun// me lha 'khor dang bcas la 'bul// tshe 'das sgrib pa sbyang du gsol// badz+ra ag+ne d+hA pe pU dza sa ma ye hUM// hUM chu dang thang las skyes pa yi// spyan gyi longs spyod me tog 'di// me lha 'khor dang bcas la 'bul// tshe 'das sgrib pa sbyang du gsol// badz+ra ag+ne puSh+pe pU dza sa ma ye hUM// rgyal ba'i 'od dang rin chen 'od// mar me'i snang ba 'di rnams ni// me lha 'khor dang bcas la 'bul// tshe 'das sgrib pa sbyang du gsol// badz+ra ag+ne A lo ke pU dza sa ma ye hUM// hUM dri mchog dri tshogs tshang ba'i spos kyi chab// dri chab ji snyed yod pa kun// me lha 'khor dang bcas la 'bul// tshe 'das sgrib pa sbrang du gsol// badz+ra ag+ne gan+d+he pU dza sa ma ye hUM// hUM ro mchog brgya ldan lha yi zas// bdud rtsi'i zhal zas dag pa 'di/ me lha 'khor dang bcas la 'bul//

  108. 54b

    'das sgrib pa dag par mdzod// badz+ra ag+ne nai bid+ya pU dza sa ma ye hUM// hUM gdung ba sel ba'i sgra mchog ni// tshangs pa dbyangs kyi sgra snyan 'di// me lha 'khor dang bcas la 'bul// tshe 'das sgrib pa sbyang bar mdzod// badz+ra ag+ne shab+ha rat+na pU dza sa ma ya ho// me lha'i rgyal po 'khor bcas la// nang gi mchod pa 'bul ba ni// hUM dad pa dang ni dam tshig gis// me lha'i rgyal po 'khor dang bcas// 'bar ba ye shes me klong nas// me lha 'bar ba'i skur bzhengs la// sreg sbyor 'bar ba'i zhes zas 'di// me lha 'khor dang bcas la 'bul// badz+ra ag+ne pa bam ka ye swA ha// hUM me lha'i rgyal po 'od mtha' yas// 'byung ba me la dbang bsgyur ba'i// rgyal ba kun gyi 'od mchog ste// chos nyid skye med hom khung du// rang byung ye shes me sbar bas// tshe 'das bag chags bsreg sbyang rol// badz+ra ag+ne che ge mo sarba pA paM shAn ting ku ru swA hA// hUM me lha'i rgyal po drang srong mchog/ gdong lnga gtsug phud thor tshugs can// sku mdog dmar po 'od 'bar ba// phyag na me yi 'khor lo bsnams// sems can bag chags bsreg mdzad pa// dam rdzas 'bar ba'i mchod pa 'di// me lha'i rgyal po rnams la 'bul// badz+ra ag+ne ba na ka ye swA hA/ me lha mchod pa'i le'u ste dgu pa'o// // sdud pa'i gsang bdag rdo rje sems dpa' yis/ ston pa'i ston pa kun tu bzang po

  109. 55a

    la// rigs lnga bde bar gshegs pa yab yum la// dam rdzas mchod pa 'bul ba ji lta bu// ston pa'i ston pa kun tu bzang po des// hUM rnam shes phung po mngon sangs rgyas pa'i sku// gti mug rnam par dag pa'i gsung nyid can// chos dbyings ye shes rnam par dag pa'i thugs// dam rdzas bdud rtsi 'bar ba'i mchod pa 'di// kun tu bzang po'i sku la mchod par 'bul// hUM hUM badz+ra tsit+ta hUM sarba pA paM sha n+ting ku ru pU dza swA ha/ hUM chos nyid skye ba med pa'i hom khung du// nyon mongs gti mug sha yi yam shing la// rang byung ye shes me sbar bas// ma rig bag chags thams cad bsreg sbyang rol// hUM badz+ra tsit+ta raM/ hUM gzugs kyi phung po rnam par dag pa'i sku// nyon mongs zhe sdang rnam par dag pa'i gsung // chos nyid ye shes me long lta bu'i thugs// dam rdzas bdud rtsi 'bar ba'i mchod pa 'di// rdo rje kun tu bzang la mchod par 'bul// tshe 'das las kyi sgrib pa dag gyur cig/ hUM badz+ra d+h+r-i ga sarba pA paM shAn+ti ku ru swA hA/ hUM skye ba med pa'i hom khung du// zhe sdang rus pa'i yam shing la// me long ye shes me sbar bas// tshe 'das bag chags thim sbyang rol// hUM badz+ra d+h+r-i ga dza la raM/ hUM tshor ba'i phung po gnas su dag pa'i sku// nyon mongs nga rgyal gnas su dag pa'i gsung // mnyam pa nyid kyi ye shes thugs mnga' bar// dam rdzas bdud rtsi 'bar

  110. 55b

    ba'i mchod pa 'di// rin chen kun tu bzang la mchod par 'bul// tshe 'das las kyi sgrib pa byang gyur cig/ swA ran+ta d+h+r-ig sarba pA paM shAn+ti ku ru swA hA/ 'gag pa med pa'i hom khung du// nga rgyal rtsa yi yam shing la// mnyam nyid ye shes me sbar bas// tshe 'das bag chags thim sbyang rol// swA rat+na dz+nyA na dza la raM/ hUM 'du shes phung po gnas su dag pa'i sku// nyon mongs 'dod chags gnas su dag pa'i gsung // so sor rtog pa'i ye shes thugs mnga' bar// dam rdzas bdud rtsi 'bar ba'i mchod pa 'di// pad+ma kun bzang sku la mchod par 'bul// tshe 'das las kyi sgrib pa dag par mdzod// aM A ro lig che ge sarba pA paM shAn+tiM ku ru swA hA/ hUM chos nyid gnas pa med pa'i hom khung du// 'dod chags khrag gi yam shing la/ so sor rtog pa'i ye shes me sbar bas// tshe 'das bag chags thams cad thim par rol// aM A ro lig dza la raM/ hUM 'du byed phung po gnas su dag pa'i sku// nyon mongs phrag dog gnas su dag pa'i gsung // nan tan ye shes mchog gi thugs mnga' bar// dam rdzas bdud rtsi 'bar ba'i mchod pa 'di// kun bzang don yod grub la mchod par 'bul// tshe 'das las kyi sgrib pa dag gyur cig/ ha pradz+nyA d+h+r-i ga che ge mo sarba pA paM shAn+ti ku ru swA hA/ hUM chos nyid dmigs pa med pa'i hom khung du// nyon mongs phrag dog chu ser yam shing

  111. 56a

    la// bya ba grub pa'i ye shes me sbar bas// tshe 'das las kyi bag chags thim sbyang rol// ha pradz+nyA d+h+r-i ga dza la raM/ hUM 'byung ba nam mkha' gnas su dag pa'i sku// ma byin len pa gnas su dag pa'i gsung // chos nyid mtshan ma med pa'i thugs mnga' bar// dam rdzas bdud rtsi 'bar ba'i mchod pa 'di// kun bzang dbyings phyug ma la mchod par 'bul// tshe 'das las kyi sgrib pa dag gyur cig/ hUM chos nyid skye ba med pa'i hom khung du// chos can skye bar snang ba'i yam shing la// chos nyid mtshan ma med pa'i me sbar bas// tshe 'das las kyi bag chags thim sbyang rol// hUM 'byung ba sa nyid gnas su dag pa'i sku// nyon mongs 'dod chags gnas su dag pa'i gsung // chos nyid stong pa nyid kyi thugs mnga' bar// dam rdzas bdud rtsi 'bar ba'i mchod pa 'di// rdo rje sangs rgyas spyan la mchod par 'bul// tshe 'das las kyi sgrib pa dag gyur cig/ hUM chos nyid stong pa'i hom khung du// mtshan mar 'dod par log pa'i yam shing la// chos nyid ye shes chen po'i me sbar bas// tshe 'das bag chags thams cad thim sbyang rol// hUM 'byung ba chu nyid gnas su dag pa'i sku// rdzun du smra ba gnas su dag pa'i gsung // chos nyid smon pa med pa'i thugs mnga' ba// dam rdzas bdud rtsi 'bar ba'i mchod pa 'di// rin chen mA ma ki la mchod par

  112. 56b

    'bul// tshe 'das las kyi sgrib pa dag gyur cig/ hUM chos nyid smon pa med pa'i hom khung du// nyon mongs kun tu snang ba'i yam shing la// rig pa'i ye shes chen po'i me sbar bas// tshe 'das bag chags thams cad bsreg sbyang rol// hUM 'byung ba me nyid gnas su dag pa'i sku// nyon mongs chags sems gnas su dag pa'i gsung // chos nyid 'gag med gnas su dag pa'i thugs// dam rdzas bdud rtsi 'bar ba'i mchod pa 'di// pad+ma gos dkar mo la mchod par 'bul// tshe 'das las kyi sgrib pa byang gyur cig/ hUM bdag med chen po'i hom khung du// nyon mongs chags sems yam shing la// bdag 'dzin med pa'i me sbar bas// tshe 'das bag chags thim sbyang rol// hUM 'byung ba rlung nyid gnas su dag pa'i sku// nyon mongs gnod sems gnas su dag pa'i gsung // rang bzhin 'od gsal lta bu'i thugs mnga' bar// dam rdzas bdud rtsi 'bar ba'i mchod pa 'di// dam tshig sgrol ma'i sku la mchod par 'bul// tshe 'das las kyi bag chags byang gyur cig/ hUM chos nyid 'od gsal chen po'i hom khung du// nyon mongs gnod sems byed pa'i yam shing la// rig pa'i 'od gsal chen po'i me sbar bas// tshe 'das las kyi bag chags thim par rol// rigs lnga kun bzang yab yum la// tshe las 'das pa'i mchod pa'i le'u ste bcu

  113. 57a

    pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba'i phyir// rdo rje sems dpa'i tshogs la mchod pa 'bul ba ji lta bu// ston pa'i ston pa kun tu bzang po yis// hUM sbyin pa'i pha rol phyin pa rnam par dag pa'i sku// dga' ba'i sa la rab tu spyod pa'i gsung // dbul ba sel ba rig pa'i thugs 'chang bar// dam rdzas bdud rtsi 'bar ba'i mchod pa 'di// rdo rje sa snying sku la mchod par 'bul// tshe 'das las kyi bag chags dag gyur cig/ hUM chos nyid skye ba med pa'i hom khung du// mig gi dbang po'i rtog pa'i yam shing la// rang byung ye shes chen po'i me sbar bas// tshe 'das las kyi bag chags thim sbrang rol// hUM tshul khrims pha rol phyin pa rnam par dag pa'i sku// nyon mongs sel byed dpa' bo chen po'i gsung // dri med sa la spyod pa'i thugs mnga' bar// dam rdzas bdud rtsi 'bar ba'i mchod pa 'di// rdo rje nam mkha'i sku la mchod par 'bul// tshe 'das las kyi bag chags dag gyur cig/ hUM chos nyid spros pa med pa'i hom khung du// rna ba'i dbang po'i rtog pa'i yam shing la// rang byung ye shes chen po'i me sbar bas// tshe 'das las kyi bag chags thim sbyang rol// hUM bzod pa'i pha rol phyin pa rnam par dag pa'i sku// khro ba sel mdzad zhi

  114. 57b

    ba lta bu'i gsung // 'od 'phro'i sa la rab tu spyod pa'i thugs// dam rdzas bdud rtsi 'bar ba'i mchod pa 'di// byang sems kun bzang sku la mchod par 'bul// tshe 'das las kyi bag chags dag gyur cig/ hUM chos nyid g.yos pa med pa'i hom khung du// sna yi dbang po'i rtog pa'i yam shing la// rtog med rig pa chen po'i me sbar bas// tshe 'das las kyi bag chags thim sbyang rol// hUM brtson 'grus pha rol phyin pa rnam par dag pa'i sku// le lo sel mdzad rtun pa'i gsung nyid can// 'od byed sa la rab tu spyod pa'i thugs// dam rdzas bdud rtsi 'bar ba'i mchod pa 'di// rdo rje spyan ras gzigs la mchod par 'bul// tshe das las kyi bag chags dag gyur cig/ hUM chos nyid thig le chen po'i hom khung du// lce yi dbang po'i rtog pa'i yam shing la// rang byung rig pa'i ye shes me sbar bas// tshe 'das las kyi bag chags thim sbrang rol// hUM shes rab pha rol phyin pa rnam par dag pa'i sku// gti mug sel mdzad ye shes chen po'i gsung // sbyang bar dka' ba'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje jatsham dpal ska la mchod par 'bul// tshe 'das las kyi bag chags dag gyur cig/ hUM chos nyid stong pa chen po'i hom khung du// lus kyi dbang po'i rtog pa'i yam shing la// rtog med mnyam pa chen po'i me sbar

  115. 58a

    bas// tshe 'das las kyi bag chags thim sbyang rol// hUM bsam gtan pha rol phyin pa rnam par dag pa'i sku// bying rgod sel ba'i chos nyid dag pa'i gsung // mngon gyur sa la rab tu spyod pa'i thugs// dam rdzas bdud rtsi 'bar ma'i mchod pa 'di// byams pa me tri'i sku la mchod par 'bul// tshe 'das las kyi bag chags dag gyur cig/ hUM chos rnams nam mkha' lta bu'i hom khung du// rtog par snang ba yid kyi yam shing la// rtog med nam mkha' chen po'i me sbar bas// tshe 'das las kyi bag chags thim sbyang rol// hUM smon lam pha rol phyin pa rnam par dag pa'i sku// skye ba sel mdzad rang nyid rig pa'i gsung // ring du song ba'i sa la spyod pa'i thugs// dam rdzas bdud rtsi 'bar ba'i mchod pa 'di// phyag na rdo rje'i sku la mchod par 'bul// tshe 'das las kyi bag chags dag gyur cig/ hUM chos nyid skye ba med pa'i hom khung du// gzugs su snang ba'i rtog pa'i yam shing la// gnyis su med par rtog pa'i me sbar bas// tshe 'das las kyi bag chags thim sbyang rol// hUM stobs kyi pha rol phyin pa rnam par dag pa'i sku// gdug pa sel mdzad gzhan rgyud 'dzin pa'i gsung // chos kyi sprin gyi sa la spyod pa'i thugs// dam rdzas bdud rtsi 'bar ba'i mchod pa 'di// rdo rje 'gag med sku la mchod par 'bul// tshe 'das las kyi

  116. 58b

    sgrib pa dag gyur cig/ hUM chos nyid 'gag pa med pa'i hom khung du// sgra ru snang ba'i rtog pa'i yam shing la// 'gag pa med pa'i ye shes me sbar bas// tshe 'das las kyi bag chags bsreg sbyang rol// hUM ye shes pha rol phyin pa rnam par dag pa'i sku// sgrib pa sel mdzad gsal ba'i rgyud rig gsung // legs pa'i blo gros sa la spyod pa'i thugs// dam rdzas bdud rtsi 'bar ba'i mchod pa 'di// rdo rje bde ba'i sku la mchod par 'bul// tshe 'das las kyi sgrib pa dag gyur cig/ hUM chos nyid gnas pa med pa'i hom khung du// dri ru snang ba'i rtog pa'i yam shing la// rtog med rig pa chen po'i me sbar bas// tshe 'das las kyi bag chags bsreg sbyang rol// hUM yan lag ma 'gags pha rol phyin pa'i sku// rig pa sel mdzad rig med chen po'i gsung // bde ba legs pa'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje rol pa'i sku la mchod par 'bul// tshe 'das las kyi sgrib pa dag gyur cig/ hUM chos nyid mnyam pa chen po'i hom khung du// ro ru snang ba'i rtog pa'i yam shing la// dmigs med ye shes chen po'i me sbar bas// tshe 'das las kyi bag chags bsreg sbrang rol// hUM sprul pa gang 'dul pha rol phyin pa'i sku// 'gro ba'i log par rtog pa sel ba'i gsung // pad+ma can gyi sa la spyod pa'i thugs// dam rdzas

  117. 59a

    bdud rtsi 'bar ba'i mchod pa 'di// rdo rje sprul pa'i sku la mchod par 'bul// tshe 'das las kyi sgrib pa dag gyur cig/ hUM chos nyid 'gro ba med pa'i hom khung du// reg byar snang ba'i lus kyi yam shing la// chos nyid 'dod pa med pa'i me sbar bas// tshe 'das las kyi bag chags bsreg sbyang rol// hUM 'di snang pha rol phyin pa rnam par dag pa'i sku// sku nyid snang bas sgrib pa sel ba'i gsung // ye shes tshogs chen 'khor lo'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje gsal ba'i sku la mchod par 'bul// tshe 'das las kyi sgrib pa dag gyur cig/ hUM lhun grub bde ba chen po'i hom khung du// log rtog chos su snang ba'i yam shing la// bde chen rig pa chen po'i me sbar bas// 'khor ba'i bag chags rnam rtog bsreg sbyang rol// hUM 'od kyi rig 'dus pha rol phyin pa'i sku// rig pa'i snang bas rtog pa sel ba'i gsung // 'joms byed rig pa'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje bzhad pa'i sku la mchod par 'bul// tshe 'das las kyi sgrib pa dag gyur cig/ hUM chos nyid bde ba chen po'i hom khung du// gzung bar snang ba'i rig pa'i yam shing la// bde ba chen po'i ye shes me sbar bas// tshe 'das las kyi sgrib pa thim sbyang rol// hUM ye shes lhun grub pha rol phyin

  118. 59b

    pa'i sku// gnyis med ye shes gzung 'dzin sel ba'i gsung // lhun grub bde ba'i sa la spyod pa'i thugs// dam rdzas bdud rtsi 'bar ba'i mchod pa 'di// rdo rje lhun grub sku la mchod par 'bul// tshe 'das las kyi sgrib pa dag gyur cig/ hUM chos nyid skye ba med pa'i hom khung du// 'dzin par snang ba rtog pa'i yam shing la// rig pa'i ye shes chen po'i me sbar bas// tshe 'das las kyi sgrib pa thim sbyang rol// hUM chos dbyings mi 'gyur pha rol phyin pa'i sku// ris med blang dor gnyis med sel ba'i gsung // ma bcol nam mkha'i ngang la spyod pa'i thugs// dam rdzas bdud rtsi 'bar ba'i mchod pa 'di// rdo rje skye med sku la mchod par 'bul// tshe 'das las kyi sgrib pa dag gyur cig/ hUM chos nyid skye ba med pa'i hom khung du// mtshan mo'i rnam par rtog pa'i yam shing la// rang byung ye shes rig pa'i me sbar bas// tshe 'das las kyi bag chags bsreg sbyang rol/ 'og tu sems ma bcu bdun dang 'dir sems dpa' bco lnga 'byung ba grangs ma tshangs dgos sam dpyad// tshe 'das bag chags sbyang zhing rdo rje'i sems dpa' rnams la mchod par 'bul ba'i le'u ste bcu gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi sgrib pa sbyang ba'i phyir// rdo rje sems ma rnams la mchod pa ji lta bu// ston pa'i

  119. 60a

    ston pa kun tu bzang po des// hUM kun gzhi'i rnam shes gnas su dag pa'i sku// nyon mongs ser sna gnas su dag pa'i gsung // mig gi rnam shes gnas su dag pa'i thugs// dam rdzas bdud rtsi 'bar ba'i mchod pa 'di// rdo rje sgeg mo'i sku la mchod par 'bul// tshe 'das las kyi sgrib pa byang gyur cig/ hUM nyon mongs yid ni gnas su dag pa'i sku// nyon mongs chags pa gnas su dag byed gsung // rna ba'i rnam shes gnas su dag pa'i thugs// dam rdzas bdud rtsi 'bar ba'i mchod pa 'di// rdo rje phreng ba'i sku la mchod par 'bul// tshe 'das las kyi sgrib pa byang gyur cig/ hUM yid kyi rnam shes gnas su dag pa'i sku// nyon mongs dri ma gnas su dag byed gsung // sna yi rnam shes gnas su dag pa'i thugs// dam rdzas bdud rtsi 'bar ba'i mchod pa 'di/ rdo rje dbyangs ma'i sku la mchod par 'bul// tshe 'das las kyi sgrib pa byang gyur cig/ hUM mig gi rnam shes gnas su dag pa'i sku// nyon mongs bag med gnas su dag pa'i gsung // mig gi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje gar ma'i sku la mchod par 'bul// tshe 'das las kyi sgrib pa byang gyur cig/ hUM rna ba'i rnam shes gnas su dag pa'i sku// nyon mongs phra ma gnas su dag pa'i gsung // rna ba'i skye mched gnas su

  120. 60b

    dag pa'i thugs// dam rdzas bdud rtsi 'bar ba'i mchod pa 'di// rdo rje dkar mo'i sku la mchod par 'bul// tshe 'das las kyi sgrib pa byang gyur cig/ hUM sna yi rnam shes gnas su dag pa'i sku// nyon mongs bag med gnas su dag byed gsung // sna yi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje me lha'i sku la mchod par 'bul// tshe 'das las kyi sgrib pa byang gyur cig/ hUM lce yi rnam shes gnas su dag pa'i sku// nyon mongs le lo gnas su dag byed gsung // lce yi skye mched gnas su dag byed thugs// dam rdzas bdud rtsi 'bar ba'i mchod pa 'di// rdo rje gIrti'i sku la mchod par 'bul// tshe 'das las kyi sgrib pa byang gyur cig/ hUM lus kyi rnam shes gnas su dag pa'i sku/ ma byin len pa gnas su dag pa'i gsung / lus kyi skye mched gnas su dag pa'i thugs// dam rdzas bdud rtsi 'bar ba'i mchod pa 'di/ rdo rje nir ti'i sku la mchod par 'bul/ tshe 'das las kyi sgrib pa byang gyur cig/ hUM mig gi dbang po gnas su dag pa'i sku// nyon mongs chags sems gnas su dag pa'i gsungs// sgra yi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje 'od 'dzin sku la mchod par 'bul// tshe 'das las kyi sgrib pa byang gyur cig/ hUM sna yi dbang po

  121. 61a

    gnas su dag pa'i sku// nyon mongs dri ma gnas su dag pa'i gsung // dri yi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje 'od 'dzin sku la mchod par 'bul// tshe 'das las kyi sgrib pa byang gyur cig/ hUM lus kyi dbang po gnas su dag pa'i sku// log pa'i blta ba gnas su dag pa'i gsung // lus kyi skye mched gnas su dag pa'i thugs// dam rdzas bdud rtsi 'bar bar mchod pa 'di// rdo rje 'joms pa mo la mchod par 'bul// tshe 'das las kyi sgrib pa byang gyur cig/ hUM yid kyi dbang po gnas su dag pa'i sku// nyon mongs brnab sems gnas su dag pa'i gsung // chos kyi skye mched gnas su dag pa'i thugs// dam rdzas bdud rtsi 'bar ba'i mchod pa 'di// rdo rje yid spyod ma la mchod par 'bul// tshe 'das las kyi sgrib pa byang gyur cig/ hUM dngos por snang ba gnas su dag pa'i sku// nyon mongs gnod sems gnas su dag pa'i gsung // yul du 'dzin pa'i mtshan ma 'joms pa'i thugs// dam rdzas bdud rtsi 'bar ba'i mchod pa 'di// rdo rje brjid pa mo la mchod par 'bul// tshe 'das las kyi sgrib pa byang gyur cig/ hUM bdag tu 'dzin pa rnam par dag pa'i sku// ngag gi nyes pa gnas su dag pa'i gsung // bdag med nam mkha' lta bu'i thugs mnga' bar// dam rdzas bdud

  122. 61b

    rtsi 'bar ba'i mchod pa 'di// rdo rje bdug pa'i skra la mchod par 'bul// tshe 'das las kyi sgrib pa byang gyur cig/ hUM mtshan mar 'dzin pa gnas su dag pa'i sku// lus kyi nyes pa gnas su dag pa'i gsung // mtshan med nam mkha' lta bu'i thugs mnga' bar// dam rdzas bdud rtsi 'bar ba'i mchod pa 'di// rdo rje me tog ma la mchod par 'bul// tshe 'das las kyi sgrib pa byang gyur cig/ hUM rgyu ru 'dzin pa gnas su dag pa'i sku// yid kyi nyes pa gnas su dag pa'i gsung // rgyu med 'dzin pa gnas su dag pa'i thugs// dam rdzas bdud rtsi 'bar ba'i mchod pa 'di// rdo rje mar me ma la mchod par 'bul// tshe 'das las kyi sgrib pa byang gyur cig/ hUM log par blta ba gnas su dag pa'i sku// grub pa'i longs spyod gnas su dag pa'i gsung // ye shes dag pa'i thugs kyi dgongs pa can// dam rdzas bdud rtsi 'bar ba'i mchod pa 'di// rdo rje dri chab ma la mchod par 'bul// tshe 'das las kyi sgrib pa byang gyur cig/ hUM chos nyid skye ba med pa'i hom khung du// chos can skye bar snang ba'i yam shing la// rang byung ye shes chen po'i me sbaspasbar bas// tshe 'das las kyi sgrib pa bsreg sbyang thim// oM bo d+hi tsit+ta che ge sarba pA paM shAn+ti ku ru swA hA/ badz+ra ag+ne che ge sarba pA paM shAn+ti ku ru swA hA/ tshe las 'das pa'i bag chags bsreg cing / rdo rje sems ma

  123. 62a

    rnams la mchod pa 'bul ba'i le'u ste bcu gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba'i phyir// thub pa drug la mchod pa ji lta bu// ston pa'i ston pa kun tu bzang po des// hUM le lo'i skyon spangs gnas su dag pa'i sku// bde ba'i longs spyod 'dzin pa rig pa'i gsung // rig pa'i ye shes thugs kyis lha rnams 'dul// 'joms mdzad lha yi thub la mchod par 'bul// tshe 'das las kyi bag chags sbyang ba dang // hUM phrag dog skyon spangs gnas su dag pa'i sku// smod pa'i longs spyod 'dzin pa rig pa'i gsung // dpa' bo lha yi thugs rjes lha min 'dul// rdo rje lha min thub la mchod par 'bul// hUM nga rgyal skyon spangs gnas su dag pa'i sku// khro bo'i rig pa'i longs spyod 'dzin pa'i gsung // 'gro ba'i gnyen pos mi rnams 'dul ba'i thugs// 'dul byed thub pa'i sku la mchod par 'bul// hUM gti mug skyon spangs gnas su dag pa'i sku// gnyis med longs spyod 'dzin pa'i rig pa'i gsung // glen lkugs sgrib pa gcod pa'i rig pa'i thugs// 'joms byed thub pa'i sku la mchod par 'bul// hUM 'dod chags skyon spangs gnas su dag pa'i sku// ser sna'i 'ching ba 'grol bar byed pa'i gsung // 'gro ba'i gnyen pos yi/

  124. 62b

    dwags 'dul ba'i thugs// sel mdzad yi dwags thub la mchod par 'bul// hUM zhe sdang skyon spangs gnas su dag pa'i sku// tsha grang sdug bsngal sel byed rig pa'i gsung // rigs mchog dmyal ba 'dren mdzad dpa' bo'i thugs// dpa' brtan dmyal ba'i thub la mchod par 'bul// tshe 'das las kyi sgrib pa byang gyur cig/ hUM chos nyid skye ba med pa'i hom khung du// nyon mongs rgyud drug rtog pa'i yam shing la// rig pa'i ye shes chen po'i me sbar bas// tshe 'das las kyi sgrib pa thim sbyang rol// a nr-i su tri pre du shAn+tiM ku ru swA hA// tshe las 'das pa'i bag chags sbyangs shing / sbrul sku thub pa la mchod pa'i le'u ste bcu gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las kyi bag chags sbyang ba'i phyir// ye shes khro bo rnams la mchod pa 'bul ba gang // ston pa'i ston pa kun tu bzang po des// hUM khro la khros pa'i zhi ba'i sgra// khro dpung chen po 'joms pa'i gsung // khros pa'i nye ba'i sprin chen zugs// zhi mdzad khro bo'i sgra la mchod par 'bul// hUM lha rnams 'dul ba gtso ba'i sku// 'joms byed dbang phyug chen po'i gsung // zhi mdzad rab tu 'jigs pa'i thugs// 'joms byed khro la mchod par 'bul// hUM shar phyogs dregs pa kun 'dul sku// dri za'i gtso gzungs brdzis pa'i

  125. 63a

    gsung // 'joms byed dbang phyug 'dul ba'i thugs// gshed mdzad 'dul la mchod par 'bul// hUM shar lho dregs pa 'dul ba'i sku// bden bral gtso gzungs 'dul ba'i gsung // 'joms byed dbang phyug rig pa'i thugs// bden bral 'dul la mchod par 'bul// hUM lho phyogs dregs pa 'dul ba'i sku// gshin rje gtso gzungs 'dul ba'i gsung // 'joms byed dbang phyug 'dul ba'i thugs// tshe gshed khro la mchod par 'bul// hUM lho nub dregs pa 'dul ba'i sku// srin po 'dul ba rig pa'i gsung // 'joms byed dbang phyug thugs rje'i bdag/ mthar byed khro la mchod par 'bul// hUM nub phyogs dregs pa 'dul ba'i sku// klu yi gtso gzungs gdan bting gsung // 'joms byed dbang phyug yid kyi thugs// 'dul byed khro la mchod par 'bul// hUM nub byang dregs pa 'dul ba'i sku// rlung lha'i gtso gzungs gdan bting gsung // 'joms byed rgyal po thugs kyi bdag/ 'dul byed khro la mchod par 'bul// hAM byang phyogs dregs pa 'dul ba'i sku// gnod sbyin gtso gzungs gdan bting gsung // 'dul byed dbang phyug thugs kyi bdag/ dbang mchog khro la mchod par 'bul// hUM byang shar dregs pa 'dul ba'i sku// dbang ldan gdan gting rig pa'i gsung // 'joms byed stobs kyis gnon

  126. 63b

    pa'i thugs// stobs ldan khro la mchod par 'bul// hUM phrin las 'joms pa'i hom khung du// gdug pa nyon mongs yam shing la// 'joms byed khro bo'i me sbar bas// tshe 'das gshed ma bsreg sbrang rol// hUM badz+ra kro ta bi dza ya che ge sarba pA paM mA ra ya dza la raM/ tshe las 'das pa'i gshed ma sbyang zhing / ye shes khro bo la mchod pa dbul ba'i le'u ste bcu bzhi pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// zhing skyong rdo rje 'gro ba'i dpal mdzad la// tshe 'das sgrib pa sbyang zhing mchod pa gang // ston pa'i ston pa kun tu bzang po des// hUM bde gshegs thams cad 'od las sprul pa'i sku// rgyal ba kun gyi zhing khams skyong ba'i gsung // yon tan 'gag med thams cad mkhyen pa'i thugs// dam rdzas bdud rtsi 'bar ba'i mchod pa 'di// zhing skyong dpal mdzad sku la mchod par 'bul// tshe 'das las kyi sgrib pa sbyang bar mdzod// a badz+ra pa tra a che ge mo shAn+tiM ku ru swA hA/ hUM gnyis med b+ha ga'i hom khung du// 'byung ba 'od kyi me sbar bas// tshe 'das bag chags bsreg sbyang rol// badz+ra ag+ne che ge mo dza la raM// zhing skyong dpal mdzad ma'i mchod pa dbul ba'i le'u ste bco lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das las

  127. 64a

    kyi bag chags sbyang ba'i phyir// ye shes sgo ba rnams la mchod par 'bul ba gang // ston pa'i ston pa kun tu bzang po des// hUM log par blta ba'i mtshan ma 'joms pa'i sku// dmigs pa 'dzin pa 'gro ba 'dul ba'i gsung // ma 'gags ye shes rig pa'i thugs mnga' ba// rnam par rgyal ba'i sku la mchod par 'bul// hUM mtshan mar blta ba mtshan med dag pa'i sku// rnam pa'i yul gyis 'gro ba 'dul ba'i gsung // mi g.yo ba yi ye shes thugs mnga' ba// gshin rje gshed po'i sku la mchod par 'bul// hUM bdag tu blta ba'i mtshan ma 'joms pa'i sku// yul du 'dzin pa'i rig pa med pa'i gsung // rgya ma chad pa'i ye shes thugs mnga' ba// dbang sdud rta mgrin sku la mchod par 'bul// hUM chad par blta ba bde bas sel ba'i sku// dmigs pa med pa rig pa chen po'i gsung // mi 'gyur ba yi ye shes thugs mnga' ba// gsol mdzad bdud rtsi 'khyil la mchod par 'bul// tshe 'das las kyi sgrib pa byang gyur cig/ hUM phrin las las la grub pa'i hom khung du// log rtog rgyu ru snang ba'i yam shing la// 'joms mdzad ye shes chen po'i me sbar bas// tshe 'das bag chags thams cad bsreg sbrang rol// hUM badz+ra kro d+ha che ge mo shAn+ti ku ru swA hA/ ye shes sgo ba la mchod pa dbul ba'i le'u ste bcu drug pa'o// // sdud pa'i gsang bdag rdo

  128. 64b

    rje sems dpa' yis// ston pa'i ston pa kun tu bzang po la// ye shes sgo ma rnams la mchod pa 'bul ba dang // tshe 'das sgrib pa sbyong ba ji lta bu// ston pa'i ston pa kun tu bzang po des// hUM stong nyid chen po mngon sangs rgyas pa'i sku// rig pa'i lcags kyus 'gro ba 'dren pa'i gsung // snying rje tshad med 'gro ba'i thugs 'chang ba// rdo rje lcags kyu'i sku la mchod par 'bul// hUM smon pa chen po mngon sangs rgyas pa'i sku// ye shes zhags pas 'gro ba 'dren pa'i gsung // byams pa tshad med 'gro ba'i thugs 'chang ba// rdo rje zhags pa ma la mchod par 'bul// hUM bdag med chen po mngon sangs rgyas pa'i sku// thugs rje'i lcags sgrog 'gro ba 'dren pa'i gsung // dga' ba tshad med 'gro ba'i thugs 'chang ba// rdo rje lcags sgrog ma la mchod par 'bul// hUM rang bzhin 'od gsal mngon sangs rgyas pa'i sku// phrin las 'dul ba'i rdo rje dril bu'i gsung // btang snyoms tshad med 'gro ba'i don mdzad thugs// 'joms byed dril bu ma la mchod par 'bul// tshe 'das las kyi sgrib pa dag par shog/ oM badz+ra kro d+hi pU dza sa ma ya hUM/ hUM chos nyid skye ba med pa'i hom khung du// rtog pa chen po 'byung ba'i yam shing la// rtog med ye shes chen po'i me sbar bas// tshe 'das las kyi bag chags bsreg sbrang rol// oM kro d+hi che ge mo shAn+ti ku ru badz+ra dza la raM/ ye

  129. 65a

    shes sgo ma bzhi la bsreg rdzas mchod pa dbul ba'i le'u ste bcu bdun pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das bag chags sbyang ba'i phyir// phrin las rnam bzhi'i sbyin sreg bya ba gang // ston pa'i ston pa kun tu bzang po des// oM dung ngam dkar po'i shing rnams la// mgo bo rgya mdud rtse zlum po// logs la zhi ba'i lha bsgoms pas// nyon mongs bag chags zhi bar 'gyur// zhi bar ma gyur gang yang med// zhi mdzad lha la mchod par 'bul// shAn+ti ku ru swA hA/ hUM phrin las chu yi zab khung du// zhe sdang rus pa'i yam shing la// kun bzang thugs kyi me sbar bas// 'khor ba'i nyon mongs zhi bar 'gyur// du shAn+ti ku ru swA hA/ hUM gser ram ser po'i shing rnams la// mgo bo rgya mdud rtse zur bzhi// logs la rgyas pa'i lha bsgoms pas// yon tan ma lus rgyas par 'gyur// rgyas mdzad lha la mchod par 'bul// puSh+TiM ku ru swA hA/ hUM phrin las sa yi hom khung du// nyon mongs nga rgyal yam shing la// kun bzang rdzogs pa'i me sbar bas// skye bo'i bag chags bsreg spyang rol// su puSh+TiM ku ru swA hA/ hUM zangs sam dmar po'i shing rnams la// mgo bo rgya mdud rtse zla gam// logs la dbang gi lha bsgoms pas// gang 'dod ye shes dbang du sgyur// dbang sdud lha

  130. 65b

    la mchod par 'bul// bshang ku ru swA hA/ hUM phrin las me yi hom khung du// nyon mongs 'dod chags yam shing la// kun bzang rig pa'i me sbar bas// gnas pa'i bag chags bsreg sbyang rol// pre ma ti ku ru swA hA/ hUM lcags sam nag po'i shing rnams la// mgo bo rgya mdud rtse zur gsum// logs la drag po'i lha bsgoms pas// gnod gdug nyon mongs brlag par 'gyur// brlag mdzad lha la mchod par 'bul// badz+ra kro d+ha sum+b+ha g+h+r-id+b+ha pa ya hUM/ hUM phrin las rlung gi hom khung du// nyon mongs phrag dog yam shing la// khro rgyal 'joms pa'i me sbar bas// gnod byed nyon mongs bsreg sbyang rol// oM badz+ra kro d+hi sum+b+ha g+h+r-ih+NA pa ya che ge mo dza la raM// phrin las rnam pa bzhi'i lha la mchod pa dbul ba'i le'u ste bco brgyad pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// bsreg rdzas sngags kyis dbul ba ji ltar lags// dkyil 'khor lha tshogs thams cad la// rdzas kyi mchod pa 'di rnams kun// lha rnams kun la re re 'bul// dang po ye shes lha la zhal zas bdud rtsi mar gyis mchod/ oM ag+na ye a mo kaM shAn+tiM ku ru swA hA/ oM ag+na ye/ oM badz+ra dza ya dza ya swA hA/ shAn+ti ku ru swA hA/ de nas dur ba'i myu gu la// sngags 'di bzlas te mchod pa 'bul// oM ag+na ye/ badz+ra A yu She shAn+ti

  131. 66a

    ku ru swA hA/ de nas nas kyi snying po la// sngags 'di bzlas la mchod par 'bul// oM ag+na ye swA hA/ ma hA be ga ya shAn+tiM ku ru swA hA/ de bzhin gro yi snying po la// sngags 'di bzlas te mchod par 'bul// oM ag+na ye/ badz+ra g+hasma ri shAn+tiM ku ru swA hA/ til dang yungs kar mar rnams la/ sngags 'di bzlas la mchod par 'bul// oM ag+na ye badz+ra sarba pA paM da ha na badz+ra swA hA/ shAn+tiM ku ru swA ha/ de nas zho dang zan nyid la/ sngags 'di bzlas te mchod par 'bul// oM ag+na ye sarba sam+ba de shAn+tiM ku ru swA hA/ de nas rtswa mchog ku sha la// sngags 'di bzlas te mchod par 'bul// oM ag+na ye/ a pra ti ha ta badz+ra ya/ shAn+ti ku ru swA hA/ de nas 'bru rnams thams cad la// sngags 'di bzlas shing mchod par 'bul// oM ag+na ye/ badz+ra bi dza ya/ shAn+tiM ku ru swA hA/ de nas ma sha ka nyid la/ sngags 'di bzlas shing mchod par 'bul// oM ag+na ye ma hA ba lA ya shAn+ti ku ru swA ha/ de nas 'bras kyi lde gu la// sngags 'di bzlas te mchod par 'bul// oM ag+na ye/ badz+ra puSh+Ta ya shan+ti ku ru swA ha/ de nas zho sha rnam lnga la/ sngags 'di bzlas te mchod par 'bul/ IM ag+na ye/ ma hA shi ba ye shAn+ti ku ru swA ha/ de nas lha rnams thams cad la// sngags dang sbyar te dbul bar bya// phyi dang nang gi mchod pa yang // lha rnams kun la re re 'bul// rang gi sngags dang

  132. 66b

    mchod pa'i sngags// sbyar te thim par rgyas par 'bul// sngags kyis rdzas dbul ba bstan pa'i le'u ste bcu dgu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// byi yi mchod pa sngags kyis dpral ba dang // tshe 'das sdig sgrib sbyang ba ji lta bu// ston pa'i ston pa kun tu bzang po des// de nas zhabs bsil dbul ba ni// oM ya dzahA hatwa hUM badz+ra tsaT+Ta hA nI ra Sha hi shAn+ti ku ru swA hA/ de nas me tog dbul ba ni/ hUM hUM badz+ra tsit+ta hUM badz+ra puSh+pe pA dza shAn+tiM ku ru swA hA/ de nas bdug spos dbul ba ni/ hUM hUM badz+ra tsit+ta hUM d+hU pe pU dza shAn+tiM ku ru swA hA/ de nas mar me dbul ba ni/ hUM hUM badz+ra tsit+ta hUM A lo ke pU dza shAn+ti ku ru swA hA/ de nas dri chab dbul ba ni/ hUM hUM badz+ra tsit+ta hUM gan+d+he pU dza shan+ti ku ru swA hA/ de nas lha bshos dbul ba ni/ hU~M hUM badz+ra tsit+ta hUM ne pid+ya pU dza shAn+ti ku ru swA hA/ de nas til dang mar dbul lo// hUM hUM badz+ra tsit+ta hUM/ sarba pA paM da ha na badz+ra ni swA hA/ ku sha 'bru rnams la sogs kyang // sngags kyi rim par sbyar te dbul/ sdig pa sbyang zhing kun tu bzang po la mchod pa dbul ba'i le'u ste nyi shu pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das zan nyid gtad pa ji lta bu// ston pa'i ston pa kun tu bzang po des// tshe 'das rigs kyi bu

  133. 67a

    khyod yang // dri ma 'di ni sgra yi rten// 'phan phran 'di ni lus kyi tshad// tsu ta 'di ni bla yi shing // gdugs phrabs 'di ni spu yi khebs/ gnas mchog 'di ni bslab pa'i gnas// dkyil 'khor dam pa 'di la ltos// kun bzang yi dam lha mchog bsgom// snying po yi ger 'bru bcu bzlas// rang gi slob dpon 'di la nyon// me mar gsal ba'i mdangs la ltos// lu gu rgyud kyi phyag rgya chings// rdo rje gnyen po'i ming nas bos// rdo rje'i 'gros kyis dkyil 'khor bskor// gdung ba'i sems kyis lha bsrung ste// ma bra'i 'du shes nyer zhog la// rdo rje'i spyan la nye bar dgongs// rdzas mchog longs spyod 'di la rol// bshos dang gal gyi dza gad dang // zla khrom zla rgyas zla tshogs dang // tshe yi snying po tshams byed dang // longs spyod lnga ldan thams cad ni/ kun gyi zas su thob bya'i phyir// rang nyid rdo rje dpon slob ste// zhal zas longs spyod 'di la rol// tshe las 'das pa'i zan tshogs su/ gtad pa'i le'u ste cer gcig pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang la// khyad par zan dang nor bsngo ji lta bu// ston pa'i ston pa kun tu bzang po des// tshe 'das rigs kyi bu la chu bsngo ba ni// de ring tshe 'phos lus kyi re bas te// gdung ba'i gnyen dang 'grogs par ma gyur

  134. 67b

    te// 'jig rten pha rol gnas su phyin pa las// bag chags bkru phyir bsil chab 'di bsngos pas// lus ngag yid gsum sdug bsngal dag gyur cig/ tsha zhing gdung ba'i sdug bsngal dag gyur cig/ hUM de ring las kyi 'brel pa'i bu smad dang // mi yul 'di na smon lam mthu med nas// gtan du 'grogs pa'i dbang dang skal med pas// 'jig rten pha rol gnas su phyin pa la// yid gcugs gdungs pas bsams te mchi ma phyung // sri zhu gus pa'i tshul gyis sems bskyed nas// ser sna chags pa med pa'i mdud pa grol// ro mchog brgya dang ldan pa'i zhal zas 'di// nam gzhag gtan gyi bshos kyi skal bar bsngo// hUM de ring yid gcugs 'dris pa'i sha rogs pos// pha ma so sos bskyed kyang yid gcugs sems 'dris pas// mthun par zas zos dga' ba'i rtsed mo byas// bskal par 'grogs kyang skad cig skyo med na// tshe 'phos lus brjes las kyi re bas te// 'jig rten pha rol gnas su phyin pa la// nam gzhag gtan gyi bzhes pa 'dren lags kyi// ro mchog brgya dang ldan pa'i zhal zas 'di// dar cig gsol bas phung po bkrag mdangs gsal// lus kyi nad skyon thams cad zhi bar bsngo// nam gzhag yun gyi bzhes pa'i skal bar bsngo// hUM 'jig rten las kyis 'brel pa'i grogs po dang // gtan du 'grogs pa'i dbang dang skal med

  135. 68a

    nas// 'jig rten pha rol gnas su phyin pa la// brtse zhing gdung ba'i 'grogs pos 'bod lags kyi// las 'phro gcig pa'i grogs po 'di ru spyon// dge ba'i bshes gnyen chen po'i bka' drin gyis// dam tshig bdud rtsi gsung rab gnyen po bsgrub// tshogs kyi zhal zas longs spyod rgya mtsho la// ci bder rol zhing spyad par 'di ru spyon// mthun pa'i zas za gsang ba'i gros bya yi// bsing bu sngo mthar 'byams su dkar bting steng // dga' sdug bde ba'i longs spyod tshe lo dge// pham par mi dogs rgyal thabs thob par nges// spyod lam gcig pa'i grogs po 'di ru spyon// lha mo chos kyi dbyings kyi 'phen cig btsug/ ye shes rtogs pa'i mda' zhig 'o skol 'phangs// yang dag cha lu dkyil du brdeg 'tshal gyi// spyod lam gcig pa'i grogs po da tshur spyon// bca' dang nyur mo lcags las me zhig phyung // btang snyoms lha yi shing la me zhig srung // thugs rje bdag med drod la lhan cig bsro// spyod lam gcig pa'i grogs po da tshur sbron// bkres skom gdung ba bsal phyir 'dzar ba bshams// dar cig gsol bas lus kyi nad rnams byang // gdungs pa tshims pas lus kyi bkrag mdangs gsal// 'khor ba'i gcong rong de na ci zhig byed// mtho ris dga' ldan gnas mchog yod bzhin du// na rag sdug bsngal gnas kyis ci zhig

  136. 68b

    byed// breng breng thugs la dgongs la 'di ru spyon// hUM tshe gcig las kyi 'brel ba'i grogs mo dang // yun du 'grogs kyang skad cig skyo med na// mgon btsun pa dang 'grogs pa'i skal med na// 'jig rten pha rol gnas su phyin pa las// sang sang gsal ba tshangs pa'i sgra ldan zhing // byang chub rgyun thag bsgrengs pas nad dang sdug bsngal zhi// thugs rjes 'dab mas yid bzhin gos dang zas// gdung ba'i glu yis byang chub rjes dran nas// smra ba'i tshig gis sku gsung thugs dang 'brel// zas dang btung bas sku yi bkrag mdangs rnyed// nam gzhag gtan gyi zas kyi skal bar bsngo// hUM gser dngul mu tig zangs dang mchod // gzi g.yu shel zangs ra gan dang / byes yul spyad pa'i bang cha dang // bstad sga 'khor gsum srab mda' dang // mda' gzhu tshon cha ru mtshon dang // ske rags gri gseg go cha dang // hor chub dung rna gse'i btsod dang // stag gzigs grang srab phub rmog dang // sag rti sha lham su rug rnams// brtse gdung byams pa'i sha rogs pos// mi zad gtan gyi nor du bsngo// kun tu bzang po'i thugs rje yis// bskal pa du mar mi zad cing // bde skyid longs spyod ldan par shog/ hUM de ring rtse gcig las kyis 'brel pa'i bu sring gis// gtan du 'grogs pa'i dbang dang skal med de// mi lus 'di nas 'jig/

  137. 69a

    rten tshe 'phos te// 'jig rten pha rol gnas su phyin pa las// tshe 'das lus brjes rang gi re bas te// gdung zhing brtsi bar bsam pa'i lcam dang sring // gdung ba'i sems kyis yid dran mchi ma phyung // sri zhu gus pa'i tshul gyis sems bskyed nas// yid bzhin bdud rtsi longs spyod zhal zas 'di// nam gzhag gtan gyi bzhes pa'i skal du bsngo// hUM yid bzhin longs spyod bdud rtsi zhal skyems 'di// sdug bsngal gdung ba'i gnas nas grol ba'i phyir// bsil ba'i bdud rtsi rab tu sbyar ba yis// 'bras bu'i chos dang sbyar ba ma yin kyang // dkon mchog gsum po'i thugs rje'i byin rlabs kyis// rab tu gdung ba'i shugs kyis mchi ma phyung // sngon du bsgrubs pa'i bsod nams mthu yin te// mchu la reg na sgo gsum dbang po rno// lce la reg na dran zhing shes pa gsal// khong du 'thungs na nad dang sdug bsngal kha zas skom du sbyar bas lus kyi sdug bsngal zhi// byams gdung brtse ba'i bsam pas gnyen bshes kyis// yid la gcags pa'i sdug bsngal nges bsal ba'i// brtse ba'i bsam pas nad dang sdug bsngal zhi// mchu la reg pas shes rab dbang po rno// khong du chud pas rlung zhi 'jam la bde// kha zas skom du sbyar bas mdog dang bkrag nyid gsal// yid bzhin bdud rtsir sbyar ba gsol ba yis// bskal pa du

  138. 69b

    ma'i bdud rtsir 'di gyur cig/ nam gzhag gtan gyi skyems kyi skal bar bsngo// tshe 'das la zas nor gtad pa'i le'u ste nyer gnyis pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das lam nyid bstan pa ji lta bu// ston pa'i ston pa kun tu bzang po des// hUM song zhig song zhig rigs kyi bu// tshe 'das rigs kyi bu khyod ni// 'jig rten 'di ru rtag par ma gyur te// da lta skye shi'i las la babs// sa 'di bcad pa man chad ni// 'jig rten pa yi sa yin te// de la chags pa ma skye zhig/ tshe 'das rigs kyi bu khyod la// rnam par thar pa'i lam bstan pas// sgrib gnyis spangs nas tshogs gnyis rdzogs// sa bcu rim gyis bgrod pa la// der yang shin tu mi gnas pas// sa bcu'i ye shes mthar phyin te// kun tu 'od kyi sa las 'das// pad+ma can du gyur pa las// yi ge tshogs chen sa las 'das// rang byung ye shes 'phro 'dra'i tshogs// sangs rgyas sa gsum lhun grub kyis// byang chub chen po'i sa las 'das// stug po bkod pa'i zhing khams na// 'og min lhun grub pho brang du// rgyas pa chen po'i tshal chen yin// skye med chos kyi dbyings nyid du// gdod nas dag par byung ba yi// rang byung chos sku chen po thob// rtsol ba med par lhun gyis rdzogs// thams cad ma lus

  139. 70a

    sangs rgyas pa'i// dbyer med kun bzang gcig tu gyur// bde ba chen po'i ngang du gnas// ma btsal chos sku rang bzhin thob// ye nas dag pa'i don nyid do// a nas rab tu skye bar gyur to// shes rab skye med dbyings kyi gzhu// lhag mthong ye shes thabs kyi mda'// thabs dang shes rab 'brel ba yis// nyon mongs dug gsum gnad la 'debs// nyon mongs bag chags kun byang nas// byang chub chen po'i lam thob shog/ tshe 'das rigs kyi bu khyod kyang // ye shes chen po'i lam song la// chos nyid skye med gnas su song / gnas mchog de las mi 'da'o// tshe las 'das pa lam bstan pa'i le'u ste/ nyer gsum pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das nyon mongs sbyangs te bde gshegs sras su bskyed pa gang // ston pa'i ston pa kun tu bzang po des// hUM nam mkha' mtha' dang mnyam pa'i dkyil 'khor nas// rgyal ba sras dang bcas pa'i dkyil 'khor ni// tshe 'das lus brjes rigs kyi bu khyod la// thugs rje lcags kyus ye shes rdzas drangs nas// mdun gyi mkha' la dbyar gyi sprin lta bu// kun bzang rgyal ba'i dkyil 'khor rab tu gsal// rgyal ba'i dkyil 'khor thugs ka nas// phaT kyi 'od zer nag po yis// tshe 'das bag chags gtan nas

  140. 70b

    sbyangs// pha ni gsod par byed pa ste// Ta ni sreg par byed pa'i mchog/ mtho ris sgo 'geg ngan song sgo 'byed pa'i// dngos grub gegs su byed pa thams cad dang // las kyi sgrib pa bag chags thams cad kun// phaT kyi 'od zer nag pos bsreg par bya'o// tshe 'das rigs kyi bu khyod ni// las dang nyon mongs bag chags kun byang nas// 'bras bu chos sku chen po thob bya'i phyir// byang chub sems kyi thig le gcig tu gyur// bde gshegs rgyal ba'i sras su byin brlabs pas// sku gsung thugs las byung ba'i yig 'bru gsum// thig le byang chub sems la rab tu thim// sku gsung thugs kyi sras su sku bskyed do// hUM hUM/ badz+ra tsit+ta hUM/ sku gsung thugs las bskyed pa'i sras po khyod// bde chen longs spyod rdzogs sku thob pa dang // 'gro don rdzogs pa'i sbrul sku thob phyir du// ri mor bris pa'i gzhal yas 'dir zhugs pas// tshe 'das rigs kyi bu khyod kyis// kun tu bzang po'i dkyil 'khor thob gyur cig/ chos sku longs sku sbrul sku gsum thob pas// sku gsung thugs las byung ba'i sras po khyod// gzugs sgra dri ro reg bya'i lha mo yis// 'dod pa'i yon tan lha mo thim par rol// nyon mongs bag chags byang byas nas// sangs rgyas sras thob pa'i le'u ste nyer bzhi pa'o// // sdud pa'i gsang bdag rdo rje sems dpa' yis// ston pa'i

  141. 71a

    ston pa kun tu bzang po la// tshe 'das lus brjes rigs kyi bu de la// sbyin sreg byas pas 'bras bu thob pa ji lta bu// ston pa'i ston pa kun tu bzang po des// rigs drug gnas nas drangs pa yis// nyon mongs drug nyid dag nas su// thub pa drug gi gnas su skye// rigs drug gtor ma phul ba yis// nyon mongs las dang bag chags dang // bdud rtsi zas dang longs spyod 'ong // bdud rtsi ye shes chen po'i khrus byas pas// nyon mongs bag chags kun byang nas// zag pa med pa'i lus kyi 'bras bu thob// sbrul sku thub pa rnams la skyabs su gsol ba yis// 'bras bu sbrul sku chen po'i lus thob bo// tshe 'das sems bskyed byas pa yis// bag chags sna tshogs sems nyid las nas yang // 'bras bu rang byung ye shes sems thob bo// tshe 'das dbang bskur byin brlab byas pa yis// 'khor ba'i sdug bsngal tan nas byang nas kyang // 'bras bu bde gshegs rnams kyi sras su 'gyur// rang gi rtog tshogs dkyil 'khor lha la phul ba yis// 'bras bu rtog med lha yi lus thob bo// rang gi phung pos me lha mchod pa yis// sgrib pa mang po dag ste gnyis med thob// bde gshegs dkyil 'khor lha tshogs thams cad la// mchod bstod bye brag mang po byas pa yis// 'bras bu sku gsum lhun grub dbyer med thob// kun tu bzang

  142. 71b

    po'i dkyil 'khor zhugs pa yis// theg pa kun gyi dkyil 'khor zhugs pa yin// 'bras bu theg pa kun gyi yang rtse thob// tshe 'das zan nyid gtad pa yis// bdud rtsi'i zas la rtag tu longs spyod cing // bag chags sbyangs te gnas nyid sbar ba yis// 'bras bu kun tu bzang po'i sras su 'gyur// tshe 'das lus kyi phung po la// mchod pa sbyin bsreg byas pa yis// bde gshegs kun gyi sras su 'gyur// 'khor ba'i 'dam las thar nas kyang // lhag med byang chub chen po 'thob// sbyin sreg byas pa'i 'bras bu bstan pa'i le'u ste nyer lnga pa'o// // sdud pa'i gsang bdag rdo rje sems dpa' yis// ston pa'i ston pa kun tu bzang po la// rgyud 'di gang la gtad cing gang du brgyud nas gang gi 'bras bu thob/ ston pa'i ston pa kun tu bzang po des// chos nyid mnyam pa nyid kyi ye shes kyis// bsreg tu med pa'i 'khor ba'i bag chags bsregs// thob tu med pa'i lhun grub skye med thob// brgyud du med pa'i ye shes me lhar gtad// rang byung ye shes rig pa chen po des// bsreg tu med pa'i rig pa'i bag chags bsregs// thob tu med pa'i rig gsal chen po thob// brgyud du med pa'i longs sku che la gtad// longs spyod rdzogs pa'i sku yi ston pa des// bsreg tu med pa'i 'od kyi sgrib pa bsregs// thob tu med pa'i mtshan dang dpe

  143. 72a

    byad thob// brgyud du med pa'i byang sems che la gtad// byang chub chen po'i longs spyod ston pa des// bsreg tu med pa'i shes bya'i sgrib pa bsregs// thob tu med pa'i byang chub chen po thob// brgyud du med pa'i 'od lus sbrul la gtad// 'od snang 'dus pa sprul pa'i lha mo des// bsreg tu med pa'i 'khor ba'i bag chags bsregs// thob tu med pa zhing skyong lha mo thob// brgyud du med pa'i mkha' 'gro ma la gtad// ye shes rig pa chos skyong mkha' 'gro mas// bsreg tu med pa'i nyon mongs dug gsum bsregs// thob tu med pa'i chos skyong lha mo grub// gtad du med pa'i mchod rten che la gtad// rgyal ba bde gshegs mchod pa dang // sgrib pa rnam gsum sbyong ba'i rgyud// sreg sbyong zhi ba'i rgyud chen 'di// bde gshegs sangs rgyas thams cad kyis// 'bar ba'i klong nas bka' stsal to// rin po che me lha zhi bar 'gyur ba'i rgyud las/ rgyud gtad pa'i le'u ste nyer drug pa'o// // zhi ba'i sbyin sreg gi rgyud chen po rdzogs so// //

  144. 72b

    @// bod skad du/ rdo rje ngur mo'i tan+ta zhes bya ba'i rgyud chen po/ bcom ldan 'das dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das dpal rdo rje sems dpa' 'og min gyi gnas/ stug po bkod pa'i zhing khams na// de bzhin gshegs pa rnam par snang mdzad la sogs te// rigs lnga'i sangs rgyas dang / dpal phyag na rdo rje la sogs te/ byang chub sems dpa' thams cad dang / dga' ldan gyi lha la sogs pa'i 'jig rten dang / 'jig rten las 'das pa'i 'khor phun sum tshogs pa dang thabs gcig tu bzhugs pa las/ sdud pa po phyag na rdo rjes/ mchod pa rgya che pab dpag tu med pas/ bcom ldan 'das la mchod nas lan brgya stong du mar phyag 'tshal nas 'di skad ces zhus so// ston pa dpal rdo rje sems dpa' thams cad mkhyen pa/ 'jig rten du dkon mchog gsum gyi dbu 'phang bstod pa dang / las rnam bzhi'i byin rlabs brtan par mdzad pa dang / dgra bgegs gdug pa can rnams 'dul ba'i phyir drag po'i phrin las bka' stsal du gsol zhes gsang ba'i bdag po lag na rdo rjes zhus pa dang / dpal rdo rje sems dpa' gdan seng+ge'i steng na/ sku mdun dang rgyab med par thams cad du thal le gsal zhing / mtshan dang dpe byad thams cad du ldan pa/ thams cad du bsam gyis mi

  145. 73a

    khyab pa'i sku gsung thugs yon tan phrin las sna tshogs par snang ba/ thabs dang shes rab kyi zhabs gnyis brkyang bskum du bzhugs nas/ gdul dka'i sems can thams cad la thugs brtse bar dgongs nas/ nyid kyi gsang ba'i phrin las 'di nyid kyi sku gsung thugs yon tan phrin las las phyung nas/ gdul dka' ba'i sems can thams cad la/ thugs brtse bar dgongs pas bka' stsal to// bdag dang gzhan gyi dbang du rgyud 'di gsungs so// thog mar brtag pa'i sa dpyad de// zla gam yod pa'i gnas su ni// sa gzhi byin du nag po la// dang por sa bslang ba dang / sbyang ba dang brtan du byin rlabs drag por bya/ hom khung dbyibs ni gru gsum du brko/ ngos ni ring po cha drug tu bya ba dang / thug la chag gang bar bya ste// thur du khru gang brko bar bya/ de'i dbus su me thab bca'/ kha khyer zur gsum pa zhig byas la// kha ran rim pa gsum po yang / zheng tshad sor gsum par byas te// de la rdo rje'i ra bas bskor// de yi phyi rim mdzub gang la// bang rim gsum du gcad par bya// stegs bu khru lnga gru bzhi la// 'phang du chag gang yan chad bya// de nas zhal ni nag por bgyi// ngos ni dmar por byug par bya// sgo ni byang gi phyogs su bstan// kha ran gsum gyi dang po la/ tshig chad song / de yi phyi rim bang rim la// thod pa mda' gzhu spel

  146. 73b

    mar btang // de yi phyi rim bang rim la// 'bar ba'i me lce 'khrigs pa bris pa la// de yi phyi rim bang rim ngos gsum du// sgo gsum dag ni dod par bya// de yi phyi rim par khyams gnyis// sgo bzhi dag dang ldan par bya// tshon rtsi dmar po me 'od btang // rtse mo thams cad lhor bstan no// thab kyi zhabs su rdo rje dgod// rdo rje'i tshad du sor brgyad pa// sbom du tshad ni sor gsum pa// sangs rgyas spyan ni zlum leb la// 'byis 'byil yang 'phar du bskor// dkyil 'khor dag gi dbus su bzhag/ de nas dkyil 'khor dbus su bkram// shar lho'i mtshams su yi ge raM// nub byang mtshams su yi ge yaM// kha khyer nang du me 'od bri// de na lha rnams dgod par bya// kha khyer dang po mthon po la// badz+ra mA le la sogs dgod// de yi phyi rim bang rim la// ko ri la sogs ma brgyad dang // seng ha la sogs phra men dgod// de yi phyi rim bang rim la// khro bo chen po bcu dag dgod// de yi phyi rim sgo bzhi la// lcags kyu ma dang zhags pa dang // lcags sgrog dril bu bzhi dag dgod// de yi phyi rim snam bu la// dbang phyug nyi shu rtsa brgyad dgod// de yi phyi rim snam bu la// pho nya drug cu rtsa bzhi dgod// de skad gsungs pas/ 'khor rnams yid rab tu rang ngo // rdo rje ngur mo'i tan+ta las/ gleng gzhi dang khyad par dkyil 'khor gyi le'u ste dang po'o// // de

  147. 74a

    nas tsher ma nag po'am/ se skyer la sogs pa yi ni// tsher ma can gyi shing nyid la// chag drug pa yi tshad du bya// mgo mjug ma nor bar byas la// dri chu gtsang mas bsang gtor bya// khro bo bcu yi sngags bzlas shing // khro bo'i shing rtse brdzang bar bya// bgegs kyi dbang du mi gtang bar// mtshams bcad drag tu bskrad par bya// gdon bgegs bskrad pa'i bsngags la/ sngags 'di rnams dpe dag so rnyed na bsngar// d+hig a d+hi swA hA/ hUM hrIHlan gsum bzla'o// khro bo'i rtse shing 'di brdzangs pa dang / sngags 'dis sbyang zhing shes par bya'o// oM sarba d+hi ga ni yaM yaM/ oM badz+ra li li/ oM bud+d+ha dza la bud+d+ha dz+wa la/ ma hA raM raM he ma barbe raM/ dred na ma be laM/ ma hA be raM/ yaM dza la raM/ oM badz+ra ga ra shing / raM raM ag ni ti raM/ yaM dza zhes bzlas/ thab tu me gzhug pa'i snying po'o// IM byaM byaM hUM hUM zhes bzlas/ yang na au bruM bruM ta/ me sbar ba'i snying po'o// au la te shi/ da be ta pa tsa hUM/ bum bu swa ma sa sas hUM/ dzu swa/ oM d+hi pri kha nan/ hUM sarba nan shang ya staM ba la/ hUM hUM phaT phaT/ yang na rnam pa gcig la/ au taM suM ha hri ha/ hUM hi phaT/ yang na/ oM raM raM hUM/ yaM yaM raM/ zhes brgya rtsa bzlas so// pho nya dpal dang bcas pa yang // kha cig de yi tshig bshad rung // rnog po snang yang gyen du bstan// dkyil 'khor de yi dbus nyid du// las kyi tshad 'dzin sngags kyang bzlas// zhes

  148. 74b

    gsungs so// rdo rje ngur mo'i tan+t+ra las/ khyad par sngags bstan pa'i le'u ste gnyis pa'o// // dkyil 'khor de yi cha rkyen la// gdugs 'phan zung gcig 'khor du dgod// dkar po'i cod pan rtsi rang gdang // lcags zag la sogs mda' rgyan dang / lha bshos dag ni gtor mar bcas// gzhan yang ma lus tshogs par bsags// dar ram ras sam shing yang rgyud// zhal khebs nag po gcig gis dgab// lcags thag nag pos dkyil 'khor bskor// zur gsum dag tu phur pa dgod// mda' dang dar sna bcas par gzug/ ral gri gsum dang lha bshos gsum// phur pa nyi shu rtsa gcig dang // rtsa chen drug cu rtsa gnyis ni// dkyil 'khor dag tu dgod par bya// de nas sngags mkhan chas gos ni// sngags kyi chas gos rnam pa lnga// sngags ber sngags thod stod g.yogs smad dkris dang // sngags kyi phu dung la sogs pa// dar ram ras sam re ba'am// nan tan gyis ni dkri bar bya// g.yab dar sngon dmar kha tshon do// me 'dren mda' dang bcas par bya// de nas 'byung po'i gzugs sam dgra bo'i gzugs// grog ga'am ras sam shing shun la// gzabs la legs par bri bar bya// yang na rjes kyi sa dag las// ban+d+ha'i shing rtsi dag dang ni// ri bong dag gi ril ma bsre// de la gzugs su byas nas ni// de yi snying gar

  149. 75a

    ming rus bya// snying po dang ni bcas par bri'o// de la sbrul nag zhags pas bcings// yan lag lnga ni bcings bzhin du/ khro bo'i sku la brjod de bzhag/ de nas mchod rdzas brtsam pa ni// mchod pa rnam lnga tshul bzhin brtsam// mar khu dang ni sbrang rtsi dang // 'bras chen 'bras kyi thug pa dang // shug gu rting dkar dang ni la du ba// me tog dang ni til mar dang / 'bru thug dang ni lag sam dang // 'ol kon dang ni yab ze'u rnams su bcas// rin chen lnga dang spos lnga sman lnga dang // snying po lnga dang 'bras kyi lag pan dang // gzhan yang sman gyi stong pa sogs// thams cad ma lus tshogs par bya// de nas khro bo'i mchod rdzas brtsam pa ni// mar khu dang ni thub pa nag po dang // yam shing nag po tsher the'u dang // dug gsum gyi ni mchod rdzas dang // ril bu gcig la bdun gsum tshogs pa dang // ku sha ske tshe ldong ros dang // til mar che dang ra snying dang // sha khu dang ni lcags phye rdo phye dang // sran chen dang ni gu gul dkar nag dang // de la sogs pa'i mchod rdzas tshogs pa'o// zhes gsungs te/ rdo rje ngur mo'i tan+ta las// khyad par dkyil 'khor gyi cha rkyen dang // mchod pa'i le'u ste gsum pa'o// // de nas gsad pa'i las brtsams pa// lcags phye zangs phye rdo dreg dang // ra dug sbrang dug btsan dug dang // sha dug

  150. 75b

    dag dang 'o dug dang // dug gi rigs su gtogs pa thams cad do// dug gi zas su snod dang bcas par brtsams// de nas gsad par bya ba'i phur pa ni// lcags sam nag po'i shing rnams sam// gdug pa'i dug shing tsher ma can// mgo gzhug ma nor par bzhogs te// zur gsum rgya mdud bcas par bya// dug gi gtor ma nag po dang // rdo rje tho ba ral gri dang // brdung bzhi ha ru ni g.yang gzhi dang // hasta g.yas pa dag dang ni// bud med lham mam brdung gos nag po'am// de la sogs te phyag cha tshang bar bsog/ de nas mchod pa rnam lnga dang // yo byad cha rkyen ma lus pa// kun ka sogs la byin gyis brlabs// byin gyis brlabs pa'i dri chus bsang bar bya// de dag kun gyi byang phyogs g.yon du bzhag/ de nas mtshams kyi cho ga drag tu bya// de nas rdo rje'i 'gros kyis bskor ba dang // khro bo bcu yis mtshams bcad do// de nas 'od chen shar ba dang // drag po'i las su khyad par bstan// khro bo rnams kyis byin yang bskyed// sems btsan por gzud do// rdo rje'i bsgo ba pha mas bu 'tsho lta bu// sku gsung thugs kyi rang bzhin las 'gal bar bya ba ma yin no// tshad med pa bzhi'i gzhi bzung mod/ de ltar ma bgyis na las kyi srin por skye ba'i nyen yod/ dpal chen po'i tshul du gnas so// rdo rje ngur mo'i tan+ta las/ gsad par bya ba'i las

  151. 76a

    kyi khyad par gyi le'u ste bzhi pa'o// // de nas me blang ba ni/ dur khrod kyi me gdol pa'i me'am/ yugs sa mo'i khyim nas me'i sa bon blang / de nas me'i bsnyen pa bgyi bar bya// bsnyen pa'i don ni 'dzab tu bzlas/ de nas cho ga phun sum tshogs pas drang bar bya/ da ni drag po'i phrin las bgyi ste/ 'gugs 'dren drag tu bgyi/ dgra bgegs la sogs pa bkug nas/ dug sna tshogs kyis me bsad de/ 'di skad do// shing gi gnyen po me yin te// me yis shing bsreg snying re tshim// me yi gnyen po chu yin te// chu yis me bsad snying re tshim// chu yi snying po dug yin te// dug gis chu bsad snying re tshim// dug gi snying po sman yin te// sman gyis dug bsad snying re tshim// sman ni lha yi sprul pa yin// sman gyis gang zhig gso bar byed// ces brjod de sman sbyar slar blug ste me gso'o// me gso ba'i yas lhags la/ shug lo mchan khung gang dang / mar dkar srungs shig slar me gso'o// oM raM raM ba ya hUM/ raM ka la ya hUM dza la dza raM hUM/ ma ma ni raM raM yA/ phaT phaT hUM he raM traM raM/ de nas thugs dam 'di skad bskul/ me lha rgyal po chen po ste// sbyin chen gshibs pa'i khri la bzhugs// rdo rje 'bar ba phyag na bsnams// me yi ral pas bar snang khebs// shangs nas du ba'i sprin du 'khrigs// ljags nas me yi rba klong 'khyil// shar gyi phyogs nas

  152. 76b

    me drongs shig/ lho yi phyogs nas bskul ba ni// me yi rgyal po chen po ste// chu glang sngon po'i khri la bzhugs// sku mdog sngo nag ral pa can/ dril chen 'bar ba phyag na bsnams// me yi ral pas bar snang khebs// shangs nas du ba'i sprin du 'khrigs// zhal nas me yi rba klong 'khyil// lho yi phyogs nas me drongs shig/ nub kyi phyogs nas bskul ba ni// pad+ma rigs kyi me lha ste// sku mdog dmar la ral pa can// shing rta bltabs pa'i khri la bzhugs// phyag na pad+ma dkar po bsnams// me yi ral pas bar snang khebs// shangs nas du ba'i sprin du 'khrigs// zhal nas me yi rba klong 'khyil// nub kyi phyogs nas me drongs shig/ byang gi phyogs nas bskul ba ni// me lha'i rgyal po chen po ste// sku mdog ldang ser ral pa can// klu lug gro mo'i khri la bzhugs// rdo rje rgya gram phyag na bsnams// me yi ral pas bar snang khebs// shangs nas du ba'i sprin du 'khrigs// zhal nas me yi rba klong 'khyil// byang gi phyogs nas me drongs shig/ dung spud ma dang dung mchu ma// dung gi mi mo chen mo dang // dung gi sbud mchu chen mo ni// g.yas na dung gi skud pa thogs// g.yon na khyung gi khra thogs shing // gshog pa g.yobs la me bus shig/ mched lnga'i tshig bskul ba ni// ag+ne dmar ser me yi lha// me dpung 'bar ba'i dkyil 'khor

  153. 77a

    nas// sbyin chen kham pa'i khri la bzhugs// me yi ral pas bar snang khebs// spyan nas me stag phyogs bzhir 'phros// zhal nas me yi rba klong 'khyil// ljags nas me yi dkyil 'khor 'dril// phyag na me yi bgrang phreng 'dzin// rgyal chen rigs bzhi phyogs bzhi bsrungs// bram ze pho mo lnga brgya yang // 'khor na gnas pa'i 'khor lags kyi// kha 'bar mas ni me bus la// bram ze rgyal pos 'gal skul cig/ me yi sa bon ma bcug kyang // 'byung ba chen po me yi rgyu// so so'i rgyu las me drongs la// rgya mtsho'i gting nas me drongs la// 'khor ba'i rgya mtsho skam pa dang // nyon mongs bud shing bsregs pa dang // sdang ba'i dgra dang gnod pa'i bgegs// de yi bag chags bsreg dgos kyis// bus shig bus shig me bus shig/ skul cig skul cig 'gal skul cig/ ma ma ma mo'i tshogs 'bar ba// chu klung skem par byed pa ste// rgya mtsho'i gting du me bus pas// ri rab rtse la ljon shing chags// rgya mtsho'i gting du rdo bcag pas// rdo rje khro bor gyur nas su/ zhe sdang byed pa brdul du rlogs// srid gsum bsreg pa'i me sbaspasbar bas// khro bo 'bar ba'i thugs dam bskang // dbang phyug ma dang bran mo'i tshogs// khyed rnams 'dus la las rnams gyis// drag po'i las la khyad par bskul ba'i le'u ste tha ma'o// // de nas dpal

  154. 77b

    rdo rje sems dpas sreg las kyi le'u 'di gsungs so// thugs rje dbang gi dkyil 'khor du// ye shes 'bar ba'i me byung bas// du ba mthon mthing chos kyi sprin// zhi ba'i mchod pa 'bul ba ni// srid pa'i rtse mo man chad nas// bsam gtan gsal ba'i gnas rnams su// skye mched phyogs kyi thugs dam bskang // dkon mchog gsum gyi thugs dam mchod sprin rgyu// rgyal ba'i byin rlabs 'phel bar shog/ me lce 'bar ba'i mchod pa 'dis// bde gshegs lha yul dga' ldan du// dgra bcom 'gro ba'i don byas nas// rgyal ba'i bka' dang byang chub sems// thugs dam yongs su bskangs gyur nas// sku gsung thugs kyi dkyil 'khor du// rang rig 'bras bu bskyed pa dang // dpal gyi byin rlabs 'phel bar shog/ me 'od 'bar ba'i mchod pa 'dis// lha dang bcas pa'i slob dpon dang // srog gi 'brel ba'i mched lcam la// bdud rtsi mchod pa dam pa 'dis// zugs dam yongs su bskangs gyur nas// dbang dang dngos grub blang ba'i phyir// dgongs pa me 'od 'bar ba bzhin// thugs dam yongs su bskangs gyur nas// dpal gyi byin rlabs 'phel bar shog/ bdag la thugs rje dpal gyi zhing // dbang gi mchod pa dam pa 'dis// sku gsung thugs kyi dkyil 'khor du// byang chub snying po rdzogs gyur shog/ thal ba ngan song gsum du dbo// bdud

  155. 78a

    bzhi thal bar brlag pa'i phyir// las kyi mchod pa dam pa 'dis// rgyal chen bzhi dang phyogs skyong bcu// rdo rje'i rigs kyi thugs dam bskang // 'dod khams gnas rigs nyi shu dang // gzugs khams gnas rigs bcu bdun dang // skye mched 'gro drug gnas rnams su// so so'i las dang 'du shes kyis// chag nyams pham ltung ci mchis rnams// chag nyams pham ltung 'phro bsabs te// sku gsung thugs kyi dkyil 'khor du// byang chub snying por rdzogs gyur shog/ sbyin sreg gi le'u las/ 'bar ba me'i sprin sreg gi le'u ste dang po'o// // de nas sreg rdzas rnams bsregs nas// me tog bsregs pa'i mchod pa 'dis// byang chub phyogs dang rgyal ba'i rigs// thugs dam dkar po bskang gyur te// yon bdag tshe dang gzi brjid rnams// skyed mos tshal gyi ljon shing ltar// dpal dang gzi byin 'phel bar gyur// rgyal ba'i byin rlabs 'phel bar shog/ mar ni thams cad kun gyi snying po ste// 'gro ba kun gyi gsos yin pas// bdud rtsi'i mchod pa dam pa 'dis// 'dod khams gnas ris nyi shu dang // gzugs khams gnas ris bcu bdun dang // dmyal khams bcu drug yan chad du// so so'i las dang 'du shes dang // chag nyams pham ltung ci mchis rnams// las kyi pham ltung 'phro bsabs te// sku gsung thugs kyi

  156. 78b

    dkyil 'khor du// thugs dam yongs su bskangs gyur nas// byang chub snying por rdzogs gyur te// me lha drang srong 'khor bcas dang // byang chub mchog chen sum cu bdun// rgyal ba'i byin rlabs 'phel bar shog/ 'bru thug yid bzhin rin chen gter// skye 'gro kun gyi longs spyod gsos// longs spyod mchod pa chen po 'dis// me lha drang srong 'khor bcas dang // byang chub mchog chen sum cu bdun// thugs dam yongs su bskang gyur te// bdag dang deng gi yon bdag rnams// rin chen gter la spyod par shog/ lag chen 'bru yi snying po ste// 'dod pa kun gyi snying po mchog/ 'gro ba rgya mtsho tshim pa'i phyir// tshim gyur mchod pa chen po 'di// me lha drang srong 'khor bcas dang // byang chub mchog chen sum cu bdun// thugs dam yongs su bskang gyur te// deng gi yon bdag 'khor bcas rnams// dbang gi spyod yul tshim byed shog/ 'o skol bdud rtsi'i mchod pa 'dis// skye 'gro kun gyi sman dang gsos// yid bzhin longs spyod 'phel ba'i sman// bdud rtsi zhal zas rin chen 'dis// me lha drang srong 'khor bcas dang // byang chub mchog chen sum cu bdun// nyon mongs dug sel sman gyi mchog/ rnam par rtog pa'i dug bcom nas// byang chub mchog chen sum cu bdun// thugs dam yongs su bskang gyur te// yon bdag 'khor dang bcas

  157. 79a

    pa rnams// khams gsum 'khor ba'i bdud bcom nas// byang chub snying por rdzogs gyur shog/ zhi ba shAn+ti ku ru swA hA/ zhi ba la dum ku ru swA hA/ shag the'u yi rabs 'di skad do// thugs rje dbang gi dkyil 'khor du// deng gi yon bdag 'khor bcas rnams// lus ngag yid gsum rang bzhin ni// sgo gsum 'khrul pa'i nyes byas kyis// lus ngag yid gsum 'bras bur smin// khams gsum 'khor ba'i rgyun yang yin// ngan song ltung ba'i gzhi yang yin// de yi sgrib pa sbyang ba'i phyir// yam ze'u thabs dang shes rab kyis// tshe rabs bgrang ba'i nyes byas dang // dus 'di'i las kyi bag chags rnams// sku gsung thugs kyi dkyil 'khor du// ye shes 'bar ba'i mes bsregs te// byang chub snying por rdzogs par shog/ phung po lnga yi rang bzhin ni// rtog pas 'khrul pa'i nyes byas kyis// phung po lnga ni 'bras bur smin// ngan song lnga yi gzhi yang yin// rgyud lngar 'khor ba'i rgyu yang yin// de yi sgrib pa sbyang ba'i phyir// yab ze'u thabs dang shes rab kyis// tshe rabs bgrang ba'i nyes byas dang // dus 'di'i las kyi bag chags rnams// sku gsung thugs kyi dkyil 'khor du// ye shes 'bar ba'i mes bsregs nas// sku lnga 'bar ba'i dkyil 'khor du// byang chub snying por rdzogs par shog/ rnam shes brgyad kyi spyod yul

  158. 79b

    ni// 'khor ba lnga dang dug gsum gyis// rnam shes brgyad kyi 'bras bur smin// sdug bsngal brgyad kyi gzhi yang yin// nyon mongs brgyad kyi rgyu yang yin// de yi sdug bsngal bsal ba'i phyir// yab the'u thabs dang shes rab kyis// tshe rabs bgrang ba'i nyes byas dang // dus 'di'i las kyi bag chags rnams// ye shes brgyad kyi dkyil 'khor du// ye shes 'bar ba'i mes bsregs te// rnam par shes pa brgyad kyi dkyil 'khor du// byang chub snying por rdzogs gyur cig/ skye mched bcu gnyis rang bzhin ni// sgyu ma rtog pa'i 'dzin chags kyis// skye mched bcu gnyis 'bras bur smin// 'du shes tshol ba'i rgyud yang yin// gti mug 'khor ba'i lam yang yin// de yi sdug bsngal bsal ba'i phyir// yab the'u thabs dang shes rab kyis// tshe rabs bgrang ba'i nyes byas dang // dus 'di'i las kyi bag chags rnams// ye shes 'bar ba'i mes bsregs nas// mdzes pa'i lha mo zung gnyis kyis// dkyil 'khor gsang ba'i dbang bskur te// thugs rje'i dbyings su rdzogs gyur cig/ khams chen bco brgyad spyod yul ni// bying rmugs las kyi rnam smin gyis// khams chen bco brgyad 'bras bur smin// byang chub ltung ba'i gnas kyang yin// ngan 'gror skye ba'i las yang yin// de yi sdug bsngal spang ba'i phyir// yab the'u thabs dang shes rab

  159. 80a

    kyis// tshe rabs bgrang ba'i nyes byas dang // dus 'di'i las kyi bag chags rnams// stong pa bco brgyad dkyil 'khor gyi// ye shes chen po'i mes bsreg nas// las kyi sgrib pa rnam par sbyangs// thugs dam dbang gi dkyil 'khor du// thugs dam yongs su bskangs gyur nas// byang chub chen por rdzogs gyur cig/ ku sha bsregs pa'i mchod pa 'dis// rgyal ba'i bka' dang sngags kyi dbang // mi shes tshul khrims gzhung nyams pa'i/ tshig chad song // byang chub snying por rdzogs gyur te// deng gi yon bdag 'khor bcas rnams// dbang dang dngos grub bskyed pa'i phyir// skyed mos tshal gyi ljon pa ltar// bla ma'i stan la 'dug par shog/ til 'bru bsregs pa'i mchod pa 'dis// deng gi yon bdag 'khor bcas rnams// bskal par bsags pa'i sdig sbyangs te// kun gyi gnas su zhen pa las// thugs sprul pa'i byin rlabs kyis// bla ma'i gnas su 'byor bar shog/ snying po bsregs pa'i mchod pa 'dis// bdag cag rig 'dzin sngags mkhan gyi// lus ngag yid gsum ldan pa yis// phrin las yo byad gzhung bsrang ste// srid pa'i rtse mo man chad nas// rdo rjes gtams pa yan chad du// me lce dpal gyis tshig pa rnams// gso zhing gnas su bskang ba'i phyir// byang chub snying por rdzogs gyur te// bdag cag

  160. 80b

    sngags mkhan rgyal po rnams// chag nyams pham ltung 'phro bsabs nas// yun gyi sgrib pa byang gyur cig/ sbyin sreg las kyi le'u las// rdzas kyi sbyin sreg gi le'u ste tha ma'o// // de nas sbyin sreg bya ba ni// sha khrag bsregs pa'i mchod pa 'dis// dur khrod 'bar ba'i dkyil 'khor du// khro mchog rgyal po spyan drangs te// sngon gyi sgrib pa sbyang ba'i phyir// phrin las rnam bzhir mnga' gsol gyis// las kyi 'bras bu mchis par mdzod// sran chen bsregs pa'i mchod pa 'dis/ phra men tshogs dang dbang phyug 'khor// pho nya drug cu phyag rgya'i tshogs// thugs dam yongs su bskangs gyur nas// phrin las rnam bzhi'i dbang byin nas// las kyi 'bras bu mchis par mdzod/ lcags phye bsregs pa'i mchod pa 'dis// lha srin sde brgyad gnas su rnams// gnod cing 'dul ba'i rkyen byed rnams// rdo rje lcags kyu'i 'phro 'du 'dis// gdug pa'i lus ngag rgyud brlags nas// byang chub klong du bsgral byas nas// khro tshogs 'bar ba'i zhal du bstab// rdo phye bsregs pa'i mchod pa 'dis// dam 'das sri dang las ngan bgegs// gtum chen 'bar ba'i dkyil 'khor du// mgyogs pa'i tshogs rnams bsdus byas nas// rdo phyes phye mar brlag byas nas// gru gsum mthing nag dkyil 'khor du// 'bar ba'i tshogs rnams zhal du bstab// tshwa dang rA snying

  161. 81a

    bzugs tha mas// dug gsum las kyi rnam smin gyis// ngan yang gsum gyi 'bras bur zin// tha man rgya mtshar mtshan cha 'das// mthar ba'i rtsa lnga brlag par byer// rang rgyad rlag pa'i mtshan 'dis// tsit+ta'i dkyil nas drangs byas nas// gru gsum mthing nag dkyil 'khor du// thabs kyi phyag rgyas drangs nas su// rngams pa'i tshogs kyi zhal du bstab// ske tshe bsreg pa'i mchod pa 'dis// phung po khams dang skye mched dang // rnam shes sems kyi dkyil 'khor du// dam tshig las kyi pham lhung gis// srid pa'i dam dral sdig byed rnams// gshin rje gdug pa'i 'khor bcas rnams// gru gsum mthing nag dkyil 'khor du// thabs kyi phyag rgyas bsgral byas nas// rak+Sha'i tshogs kyi zhal du stob// ldong ros bsregs pa'i mchod pa 'dis// bdag dang deng gi yon bdag la// mtho ris sri dang 'byung po'i don// rnal 'byor dam sri dam bdud dang // las kyi nyes byas pham ltung rnams// rdo rje gshog pa'i phyag rgu dang // mche ba sder mo zang yag 'dis// dkar nag mtshams nas drangs byas nas// las ngan gdug pa brlag pa ni// mthing nag 'bar ba'i dkyil 'khor du// phra men rgya mtsho spyan drangs nas// ngan song rgyud lnga brlag pa'i phyir// a dza li yi dogs pa ltar// sa bdag chen po'i zhal du bstab// khro bo'i

  162. 81b

    sbyin sreg gi le'u ste dang po'o// // de nas 'di skad du// nga ni sngags mkhan rgyal po ste// khams gsum thugs rje dpal gyi zhing // nga ni phyag rgya chen po ste// rgyal ba rigs kyi thugs dam yin// nga ni sman pa'i rgyal po ste// thugs rje dbang gi dkyil 'khor du// ye shes 'bar ba'i me byung bas// srid pa'i rtse mo man chad nas// dmyal khams gnas ris yan chad du// dkon mchog gsum dang byang chub sems// 'jig rten lha dang srid pa'i dpal// gnas ris klu dang dug ris sman// lha srin sde bcu'i gnas ris su// me lce mtshon gyis smas pa rnams// thugs rje dbang gi dkyil 'khor du// gsang sngags thabs kyi phyag rgya yis// bdud rtsi sman gyis gso bar bya// de phyir sman pa'i rgyal po ste// skyes mchog nga yi las byas nas// bgegs kyang btul nas byang chub sems// dug kyang sbyangs nas sman gyi mchog/ sman du ma gyur gang yang med// me lces smras pa gsos par shog/ dpal gyis tshig pa gsos par byed// de nas me lha slar gshegs su gsol ba ni// me lha ag+ne sbyin sreg lta// khyod kyis sems can kun gyi don// tshul bzhin du ni mdzad lags kyis// sangs rgyas yul du gshegs su gsol// gats+tsha mu/ zhes shar lho mtshams su gshegs su gsol// khro bo'i sprin sreg las kyi le'u las// me lce mtshon gyis

  163. 82a

    tshig pa gso ba dang // las kyi pham lhung bsal ba dang // me lha gshegs su gsol ba'i le'u ste tha ma'o// // de nas khro bo'i las bya ba'i phyir/ khro bo ki li ki li'i phyag rgyas me sbyang ba ni// lag pa g.yon pa kha phar bstan pa dang / g.yas pa kha tshur bstan pa gnyis/ gcig tu sbyar la sor mo bskyod la sngags 'di bzlas so// oM ki li ki li bi li te'u dri ba kri ta ma hA badz+ra kri ta yo ni kro d+ha na hUM/ des ni dam tshig gtsang mar byin brlab bo// de nas 'bar ba'i dkyil 'khor rim par 'bar ba'i sreg khang du spyan drang ba ni/ lha kun gyi tshig bshad 'dis bskul zhing / sngags dang sbyar te spyan drangs so// de nas phyag rgya bcas la 'di skad do// dad pa dang ni dam tshig gis// tshur gshegs tshur gshegs bcom ldan 'das// 'bar ba'i khang du bzhugs nas kyang // sreg blugs zhal zas bzhes su gsol// e h+ye hi b+ha ga bAn ma hA kA ru Ni ka dr-i sh+ya ho// sa ma ya staM/ dzaHhUM baM hoH/ badz+ra ag+na ye badz+ra aM ku sha/ A gats+tsha A gats+tsha zhes spyan drang ngo // de nas byon pa dang me tog cig thab tu bor te/ pad+ma sa ma ya staM zhes gdan du btings la/ bcom ldan 'das lha'i ched du sbyin sreg stsal na/ me 'bar ba'i nang du bzhugs su gsol zhes brjod/ de nas sreg rdzas kyis mchod pa ni/ so so'i sngags brjod cing bdun gsum nyi shu rtsa gcig

  164. 82b

    tu 'bul lo// de nas bstod pa bya/ de ni drag po bya ba'i las byas so// de nas slar gshegs su gsol/ de nas yang me sbyang / de nas lha phyi ma rnams spyan drangs te/ go rim gong ma ltar bya'o// drag po las kyi go rim las/ me sbyang ba dang / spyan drangs pa dang / gdan dbul zhing brtan par bzhugs su gsol ba dang / mchod pa 'bul ba'i le'u ste dang po'o// // de nas bstod pa bya ba 'di skad do// hUM khyod ni mgon po rdo rje 'dzin// khyod ni glang po'i rna ba can// khyod ni bzang po'i rgyan dang ldan// khyod ni rnam par gnon pa yin// yon tan rin chen 'byung gnas khyod// khyod ni bde ba sbyin pa ste// khyod ni gzugs ni mdzes pa'i rgyan// khyod ni me lha ral pa can// khyod ni gzugs ni mdzes pa yin// de nas drag po sbyor ba'i las dang slar gshegs su gsol// de nas yang me sbyang / phyi ma spyan drangs gdan dbul ba dang / bzhugs su gsol ba dang // sreg rdzas mchod pa re re dang / rtsa ba'i sngags re re dang sbyar zhing / bdun gsum nyi shur dbul lo// rdo rje sems dpa' thugs rjes 'gro don du// 'jigs byed 'bar ba'i rol pa'i skur ston pa// ye shes bskal pa me chen 'bar ba'i 'od// srid gsum ma rig mun gsal gting nas 'joms// gzhan gyis mi thub sku gsung thugs dang ldan// khro rgyal thugs rjes rol la phyag 'tshal lo// hUM mi

  165. 83a

    g.yo mgon po ri rab 'dzin// rnam rtog pa yi rlung gis bskyod// rtog pa'i dra bas dkris pa'i bdud rnams 'joms// srid gsum bla med gnas su sgrol mdzad pa// dran pas re ba skong mdzad pa// ye shes 'bar ba'i dbyings la phyag 'tshal lo// hUM khro bo'i rgyal po 'jigs byed hUM sgra can// thugs rje chen po nyon mongs kun gyi dgra/ mche ba zil gnon 'jigs byed rgyan gyis bzhugs// yan lag drug ldan 'jigs byed gshin rje'i gshed// ye shes spyan gyis ma rig mun sel ba// gzhon nu'i tshul 'chang nyid la phyag 'tshal lo// hUM sku gsung thugs kyi byin rlabs bsam mi khyab// ma rig mun pa sel ba'i thus brlabs pa// dad pa'i tshul gyis cho 'phrul ston// ye shes dbyug pas dug gsum rdul du rlog/ thar pa'i gnas su sgrol bar mdzad pa yi// rdo rje dbyug to bsnams la phyag 'tshal lo// hUM ye shes ha ya gri ba rta mchog dpal// sku mdog chags med nub ka'i dmar thag 'dra// 'bar 'phro dbu skra ral pa gyen du brdzes// ma rig tshangs pa kha sbubs bsnol ba'i lha// pad+ma rigs sngags rgyal la phyag 'tshal lo// chags pa'i thabs la dbang bsgyur ba// pad+ma 'dam gyis mi gos dag pa bzhin// 'dod chags kun la dbang bsgyur 'bar ba'i sku// mthong thos dran pas re ba kun skong zhing // ye shes nam mkha' lta bur dbang

  166. 83b

    bskur ba// khro rgyal 'dod pa'i dpal la phyag 'tshal lo// hUM thabs kyis ma rmongs phrin las mdzad pa'i rtags// sku mdog dmar nag bskal pa'i me ltar 'bar/ chag cad meng // hUM sku gsung thugs kyi byin rlabs thugs rjes rol// srid pa gsum gyi skye gnas rdul du rlog/ g.yon pas zhags pa sdigs mdzub me ltar 'bar// ngan song gnas nas 'gro drug 'dren cing sgrol// ye shes mi g.yo rdo rje drag/ 'od phung brjid pas don mdzad 'bar ba'i sku// khro rgyal stobs po che la phyag 'tshal lo// hUM ma chags pad+ma 'khor lo 'bar ba'i sku// log 'dren bgegs kyi bdud dpung 'joms mdzad pa// log rtogs 'dam skyes bla med gnas stobs pa// khro rgyal pad+ma 'khyil la phyag 'tshal lo// hUM mdzad gsang ba'i mdzod 'dzin pa// dus gsum rgyal ba kun gyi thugs// lha dang lha min dbang po nye dbang bcas// nga rgyal mthu bsnyems dregs pas khengs pa yi// srid gsum gtso bo dpung dang bcas pa'i tshogs// badz+ra hUM gis bdud dpung 'joms mdzad cing // thar pa'i gnas su sgrol bar mdzad pa yi// hUM mdzad 'bar ba'i dbyings la phyag 'tshal lo// gong ma bzhin du lha re re la bstod pa'i rjes la drag po'i sbyin sreg bya'o// las kyi rim pa las/ bstod pa'i le'u ste gnyis pa'o// // de nas drag po'i sbyor ba'i las bya ba ni/ 'di skad brjod

  167. 84a

    do// e yi tshogs kyi dkyil 'khor mchog/ 'bar ba'i gtum chen 'bar ba la// khro bo'i yid kyis mchod sbyin bya// sangs rgyas bsod nams sku yang 'jig/ bdud rtsi lnga'am zag rdzas la// mtshan ma'i ming du bcas par bya// bkug nas rdo rje phur pas btab// rdul du byas la tshogs su bstab// sangs rgyas kun gyi sku gsung thugs// zhe sdang rdo rje 'khor bcas kun// 'jig rten khams ni rab 'byams kun// khro bo chen po'i byin rlabs kyis// skad cig yud la brlag mdzad de// brlag par ma gyur gang yang med// dar phu tsar bu nar phu a b+hi tsa ra mA ra Na hUM phaT/ zhes bskul lo// e yi tshogs kyi dkyil 'khor du// lu gu rgyud du 'brel bsdams nas// bcing bsgyur bskyod nas phyogs bcur g.yos// myos nas bsad de tshig par 'gyur// zhes brjod do// las kyi le'u las/ drag por sbyor ba'i le'u ste gsum pa'o// // de nas lha tshogs re re rdzogs pa dang / drag po'i las bya bar gsungs so// de la dang por drang ba ni/ gong du mchod pa'i khro bo rnams/ tshigs su bcad pas re re nas bskul te 'di skad brjod do// hUM khro bo nyi ma'i dkyil 'khor 'od 'bar ba// rngam pa'i 'od zer dkyil nas grub pa thog thog 'phro// thugs rjes gdug pa 'dul du gsol// Ar+ya kro d+ha na hUM phaT/ khro chen mi thub 'bar ba'i

  168. 84b

    sku// thugs rje'i byin rlabs dpal gyi sku mnga' bas// thugs rje chen po dbu gsum sdang mig can// mche gtsigs rtse las rdo rje gnam lcags 'bebs// rngam pa'i zhal nas rdo rje me stag 'phro// bdud 'dul rgyal po gdug pa 'dul du gsol// oM badz+ra kro d+ha ne/ dz+wa la ni tid pa ta hUM phaT/ hUM khams gsum snang mdzad sku gsung thugs kyi gtso// hUM mdzad hUM gi dbu la rigs lnga'i sangs rgyas bkod// hUM gis dus gsum rgyal ba'i gsung las skyes pa yi// me dpal sngon po 'bar ba'i rang bzhin can// me dpal sngon pos bgegs rnams 'dul du gsol// tre lo bi dza ya hUM phaT/ hUM mdzad 'phags pa ta kr-ita mi g.yo mgon// shes rab ral gri bskal pa'i me bzhin 'bar/ me lha ral pa can dang biSh+Ta sku la bzhugs// mi g.yo ral gri 'dzin pas gdug pa rdul du brlag/ Ar+ya a tsa la kro d+ha ni hUM phaT/ hUM mdzad rin chen mchog ste ya ma gshin rje'i gshed// byams dang thugs rje ldan pa'i 'jam dpal rnon po yis// ma rig dug gsum dra ba gcod mdzad pa'i// dam tshig sgrol bar mdzad cing dpal gyi gnas su 'don// brjid pa ma he'i sgom du khengs pa gzir// gshin rje thod dbyug 'bar bas bdud 'dul mdzad// ya mAn ta kr-ita kro ta pa tsa pa tsa hUM phaT/ hUM mdzad ta kr-id dbyug sngon 'bar ba'i sku// dbyug sngon 'bar ba dang ni rdo rje

  169. 85a

    zhags pas sdigs// rgyu tshil rkang dang khong khrag dmar po gsol// ri rab rgya mtsho 'dril zhing ha la'i dug kyang gsol// chu srin rgyal po'i gtsug nas yid bzhin 'bar ba phrogs// ta kr-ita dbyug sngon can gyis 'dul bar mdzod// nI la daN+Da kro d+ha da ha da ha hUM phaT/ hUM mdzad rig pa'i rgyal po rta mgrin 'phags pa'i sku// asma gar b+ha'i dkyil nas rdo rje 'bar ma 'dren// dbu la rta skad rngam zhing 'tsher bas ni// stong gsum g.yo zhing klu rgyal 'dul bar mdzad// khyod kyis lha ma yin gyis sdug bsngal sbyang du gsol// ha ya grI pa hu lu hu lu hUM phaT/ hUM mdzad ta kr-ita rgyal po 'bar ba'i sku// phyag na gdug pa'i mtshon cha lcags kyu 'bar ba 'dzin// dam tshig 'bral ba bsgral te snying dang thod khrag gsol// bgegs kyi snying nas drangs te khrag 'thung thal bar brlag/ phra men kun dang rol pas dug gi sprul pas nam mkha' 'gengs// me yi skye mched gdug pa 'dul ba'i dus la bab// Ta ki rA dza ts+tshin+da ts+tshin+da hUM phaT/ hUM mdzad bdud rtsi 'khyil ba'i dpal 'bar las kyi sku// phyag na rdo rje rgya gram dang ni bdud rtsi'i bum pa 'dzin// dngos grub dpal gyi bdud rtsi mchog gsol ba// hUM mdzad bdud rtsi 'khyil la phyag 'tshal lo// khyod kyis gnod sbyin gdug pa gdul du gsol// oM a mr-i ta kuN+Da li ts+tshin+da ts+tshin+da hUM phaT/ hUM ma hA ba la

  170. 85b

    'phags pa'i sku// phyag na rnga yab dang ni klu yi rgyal po 'dzin// mche gtsigs rtse las rdo rje gnam lcags 'bebs// bgegs kyi rgyal po bi nA ya ka gnon// btsun mo 'phrog cing sbyor ba'i thabs kyis rol// khro rgyal stobs po che yi thugs dam bskul// ma hA ba la s+pho Ta s+pho Ta hUM phaT/ khro bo'i rgyal po ka ma la yi mtshan// khros pa'i spyan bgrad smin ma glog bzhin 'gyu// dbu gsum phyag drug 'tsher bas bdud 'khyil mun khang 'joms// gzi byin 'bar bas nam mkha' 'khengs// phyag drug mtshon chas dmyal ba'i sdug bsngal sel// zhabs drug 'tsher bas ngan song kun bsgral te// thugs rje thabs kyis 'gro ba'i don rnams mdzod// ka ma la kuN+Da li hUM phaT// hUM mdzad hUM gi rgyal po hUM kA ra// hUM ni mi skye ba yi chos nyid can// hUM ni dus gsum rgyal ba'i gsung las skyes// me dpal sngon po 'bar ba'i rang bzhin can// goms pa'i stabs kyis brkyang bskum gar byed cing // rgyal ba hUM ka ra yi thugs dam bskul// hUM kAr gar dza gar dza hUM phaT/ ces brjod la 'gugs 'dren drag tu bya'o// drag po las kyi le'u las/ skul ba 'gugs 'dren gyi le'u ste dang po'o// // de ltar 'gugs 'dren lag na phur pa'i las bya ba ni// lcags sna lnga'am shing tsher ma can la sogs pas sor brgyad dang bcu gnyis par byas la/ mgo mjug ma nor bar rtsa ba'i

  171. 86a

    ngos su mgo byas te/ mgo sor gcig la rgya mdud/ stod zur brgyad/ rked pa sor gcig la rgya mdud/ sman zur gsum par byas pa la/ dang po kho nar stong pa nyid du bsgoms te/ chos kyi skur byin gyis brlab/ de nas spyi bo'i rgya mdud gzhal yas khang du bsgom/ phyogs bzhi dbus dang lngar hUM bsgril ma lngar bsgom/ de las dpal he ru ka dang khams gsum rnam par rgyal ba dang / gshin rje'i gshed po dang rta mgrin dang / stobs po che dang / 'di rnams so so'i snying po brjod pas/ yum dang gnyis su med par bsgom mo// de nas he ru ka'i thugs ka nas hUM mthing nag las sras phur bu skyes te/ lto ba man chad mthing nag la/ dbu ral pa kham nag zur gsum du 'greng ba/ sbrul dkar nag gis brgyan pa/ thod rlon gyi phreng bas brgyan pa/ spyan gsum bgrad nas g.yon du gzigs pa/ mche ba gtsigs nas zhal rngarnams pa/ phyag bzhi pa la dang po gnyis na dgra sta rdo rje bsnams pa/ 'og ma gnyis na ri rab phur bu zur gsum bsnams pa/ stobs dang mthu dpung la sogs pa ni khro bo thams cad 'dus pa las kyang che ba gcig bsgom mo// de yi gnas lngar 'bru lngas byin gyis brlab/ sku gsung thugs su byin gyis brlab/ de nas lag gi 'du shes kyi byin gyis brlabs shing dbang bskur la/ 'di skad brjod do// lcags sam drag

  172. 86b

    po'i shing rnams la// mgo bo rgya mdud rtse zur gsum// khro bo khro mo'i 'khor bsgoms nas// drag por gyur pa'i phur pa ste// btab na lha yang brlag par 'gyur// gdug rtsub gzhan lta smos ci dgos// badz+ra kro d+ha khA da/ ts+tshin+da ts+tshin+da hUM/ mA ra Na mA ra Na hUM phaT/ zhes brjod de gdab bya'i gnas lngar gdab bo// gzhan yang phur pa'i rgyud las byung ba bzhin bskul zhing gdab bo// drag po las kyi le'u las/ bsad pa'i phur bu'i le'u ste gnyis pa'o// // de nas brdung ba'i las ni lcags sam/ rdo nag po'i gtun khung gru gsum nang du/ gang la bya ba'i gzugs bcug la/ lcags sam/ seng ldeng ngam/ shing tsher ma can gyi gtun bus zhib legs su brdung zhing / thabs dang shes rab kyi mtshan nyid du rtogs par byas la/ 'di skad brjod de/ lcags sam nag po'i gtun khung ni// khro mo rnams kyi gtun khung du// khro bo'i tho bas brdungs byas na// drag por gyur pa'i tho ba ste// brdung na lha yang brlag par 'gyur// brlag par ma gyur gang yang med// gnod byed gzhan lta ci zhig smos// badz+ra kha thaM badz+ra kro d+ha kha thaM/ mA ra Na kha thaM/ zhes brdung ngo // drag po'i las las/ gsad pa'i brdung ba'i le'u ste gsum pa'o// // de nas drag po gtor ma'i las ni/ lcags sam shing tsher ma can gyi snod gru gsum du/ lcags phye dang zangs phye dang rdo phye

  173. 87a

    dang / dug sna tshogs/ nas nag gam sran phye rnams bsres la/ khrag sna tshogs dang bsres la gtor ma bya/ kha sle'u nag gis bcad la/ gang la bya ba de khug pa dang / gtor ma kha phye bas dug gi rlangs pas shi bar bsams la/ gang la bya ba la gtor bas lus ngag rdul du brlag par bsams la/ 'di skad brjod/ lcags phye dug dang rdo phye rnams// khrag gis spras pa'i gtor ma ste// ma rga can dang sbyar ba dang // drag por gyur pa'i gtor ma ste// sbyor bas de gtor brlag par gyur// brlag par ma gyur gang yang med// tsa ra na mA ra Na phaT/ trag khaM mA ra Na phaT/ ces brjod la gtor ro// drag po'i las las// bshig khral gtor ma'i le'u ste bzhi pa'o// // de nas gtub pa'i las ni/ gtan pa drag po'i shing las gri'am ral gri lcags sna las byas pa sku gsung thugs dang ldan pa'am/ ye shes kyi mtshon char dmigs la/ gang la bya ba'i gzugs dug gsum gyi gzhi mo rtsad nas gcad par dmigs la gtub ste 'di brjod do// nga ni dus gsum bzhugs pa yi// sangs rgyas yin te ye shes sku// ye shes sprul pa'i byin rlabs las// ye shes rno dpal mtshon cha ste// drag por gyur pa'i mtshon cha 'dis// 'dod chags zhe sdang gti mug rgyu// 'bras bu ngan song gsum du 'khor// log rtog 'khor ba rgyun gcod do// tsakra oM bruM tsakra

  174. 87b

    hUM bruM tsakra sta bruM/ tsakra hrIHbruM/ tsakra hA bruM/ badz+ra khaD+ga/ ts+tshin+da ha na hUM phaT/ zhes lus dum bur gtub bo// drag po'i las las/ gtub pa'i le'u ste lnga pa'o// // de nas bstab pa'i las ni/ gzugs kyi phung po ni/ mchod pa'i rdzas su bsngo ste/ rgyal ba rigs lnga'i gdan khrir gyur par bsngo/ sems ni rgyal ba'i sras su bskyed pa 'di skad do// 'dod chags zhe sdang gti mug rgyu// 'bras bu ngan song gsum du 'khor// dug gsum rgyu 'bras sbyang ba'i phyir// sha rus la sogs khrag bcas bstab// de nas gnas sbar ba ni/ 'di skad du/ drag po'i las kyis bsgral ba rnams// 'khor ba'i lam rnams sgo bcad de// rnam shes hUM gis bsdus nas ni// hUM gis ngan song stongs par byed// chags pa'i bde ba bla na med// rgyal ba thams cad hUM gis bskyed// 'og min bla na med pa'i gnas mchog tu// khro bo dang ni khro mo yi// sbyor ba'i mtshams su phaT kyis 'phang // ho yis g.yeng zhing yaM gis 'degs/ zhes brjod la sbar nas hUM gis bstab bo// ta thA ga ta/ badz+ra ra tsa rany+dza ra tsa zhes gnas sbar ro// drag po'i las las/ gnas sbar ba'i le'u ste drug pa'o// // de nas drag po sbyor ba'i las ni/ gzugs gtubs pa ltar/ dug gtor gnyis bsreg ma thag tu gtor pas/ ye shes kyi mes bag chags dang bcas pa thul gyis bsreg par bsams la 'di

  175. 88a

    skad do// rdo rje'i thugs rje'i byin rlabs kyis// 'jig rten khams ni rab 'byams kun// rdo rje gtun khung ldan byas te// drag po'i mthu yis ldan par mdzod// zhe sdang rdo rje 'khor bcas kyis// 'jig rten khams ni ma lus kun// skad cig yud la brlag par mdzod// brlag par ma gyur gang yang med// dar pU tsar pU nar pA a b+hi tsa ra/ mA ra Na phaT/ che ge mo zhig mA ra Na phaT/ ces brjod do// drag po'i las las/ rjes drag po'i las bsdus pa'i le'u ste bdun pa'o// // de nas rdzogs nas las kyi lhag chad skong ba'i phyir// me lha lan gcig spyan drangs nas/ dkyil 'khor du bzhugs su gsol/ mchod pa rnam pa lnga dang / sbyin sreg gi rdzas ci lhag pas mchod de/ las ma dag pa bzod par gsol/ me lha slar gshegs su gsol/ de nas dkyil 'khor gyi lha byin la bzod par gsol te/ ma rig bdag cag lus dang ngag sems kyis// bag med tshul gyis dam las 'gal gyur te// rgyal ba rgya mtsho'i thugs dang ci 'gal ba// thugs rje'i che mnga' khyed la bzod par gsol// khyed kyi thugs rje nam mkha'i mtha' dang mnyam// 'gro ba phan phyir tshangs pa stsal du gsol// de ltar bshags pa bgyis te bzod par gsol// drag po'i las kyi lhag chad bskang ba'i le'u ste brgyad pa'o// // de nas mnan pa'i

  176. 88b

    cho ga bgyi ste/ hom khung gi nang du thod chen nam/ phag thod bcug la/ thod pa'i nang du dgra bgegs kyi ming rus bcug ste/ g.yam pa sngon po la dbus su 'khor lo bri/ phyogs bzhir rgya gram bri/ zur bzhi ri rab bris la mnan no// tshig tu yang / mnan no ri rab brjid kyis mnan// bskyon no 'khor lo'i rtsibs la bskyon// 'phang ngo rgya mtsho'i gting du 'phang // sbyin no gnod sbyin zas su sbyin// gtad do gshin rje'i lag tu gtad// dpag tshad lnga brgya'i 'og shed na// gshin rje'i rgyal pos chos 'chad kyis// de yi drung du chos nyon cig/ byang chub sems ni ma skyes tshe// nams kyang gtang bar mi bya'o// nam zhig byang chub sems skyes nas// de tshe gnas ngan de las drang bar bya/ IM laM suM laM praM laM/ pra ti ta nan/ byi tsi ya suM b+ha ya/ mo hA ya/ g+ha ta ya/ bag ma ni/ pa tsa laM laM laM/ mA ra Na nan nan nan/ drag po'i las las/ mnan pa'i le'u ste dgu pa'o// // rdo rje ngur mo'i me rgyud las/ khro bo'i las rdzogs so// // de nas dpal rdo rje sems dpas las rnams bzhi'i tshul gyis hom bya ba 'di gsungs so// thog mar las gang byed pa'i kha dog bzhin/ phyag rgya chen por bsgyur zhing gnas bsrung / bla 'og phyogs bzhi byin gyis brlabs te/ re zhig las gang bya ba ma zin gyis bar du/ bar chad mi 'byung bar bya ba'i phyir/ gdon bgegs rgyang

  177. 89a

    grags gcig tshun chad mi 'da' bar mtshams bcad/ mchod pa'i yo byad sbyar te/ lha bshos dang mchod gtor dang lan chags kyi gtor ma dang / me'i mchod pa'i rkyen/ phye mar dang / mar khu dang / sman dri chu yan chad bshams te/ hom gyi yo byad sbyar ba la/ me sbar la ma rig par byas la/ 'phags pa rnams spyan drangs te/ mchod cing gtor ma mchod gtor bsngo ste/ las ma zin gyi bar du mi dgye/ phyi gtor ni 'phral du dgye/ 'phags pa man chad dang / phyi gtor du bsdus pa rnams la yang 'di skad du/ dang gnod byed thams cad bkug cing / sbyin sreg mdzad du gsol/ phan gnod byed pa rnams mtshams bcad/ phrin las ma rdzogs kyi bar du mi gshegs par stong grogs mdzod cig ces bcol la/ bdag gis kyang de bzhin dmigs/ hom khung zur gsum tshad bzhin brkos la/ kha tshan bskor maN+Dal zheng khru gang tsam zhig bgyis la/ tshon mthing nag dgye ste/ de'i steng du tshon dmar pos 'od 'bar bri/ rdo zur gsum gcig la/ oM AHhUM zur re rer bris la/ hom khung gi zhabs su bzhag/ de nas shing rlon pa skyer pa dang / gla ba dang / shug pa dang / seng ldeng dang sbyar ba dang / thang shing rnams phreng gcig tu gshegs la srid du khru re re yam shing skam po gong ma dang / mnyam par bgyis la/ 'di rnams hom khung du 'greng bur brdzang

  178. 89b

    zhing / byin gyis brlab pa'i snying po/ oM hi sa zhes brgya rtsa brgyad man chad/ sum cu yan chad bzlas shing brdzangs la/ yam shing gi dbus su rdzang ma'i sol ba nyung shas blugs la/ pags pa nag po'am snam bu nag pos kha bcad de/ me sbar nas dar nag po kha gang mda' la btags nas/ me dag gi nyams dang sbyar te sa bon mthe bong tsam mam bag ka tsam cig gsal la/ hom khung gi zur gsum du chu blugs la/ me nyams chen chus gang / mi chen me la ma thug tsam mam phyed man chad bkang la/ ha ha ha zhes lan gsum brjod la/ me lha nag po 'khor dang bcas te byon nas/ mnyes shing mdangs phyung bar bsams nas// shar phyogs nas me lha dkar po sku dkar ser dbu ral pa can phyag na ba dan dkar po thogs pa/ sbyin kham pa la zhon pa/ lho phyogs kyi me lha nag po ag+ni sku mdog sngon po dbu gsum ral pa mdun du 'khyil ba/ phyag na rdo rje rtse lnga thogs pa/ sbyin sngon po ru gcig la zhon pa/ nub phyogs kyi me lha dmar po ral pa can/ phyag na ba dan dkar po thogs pa/ shing rta la bcibs pa/ byang phyogs kyi me lha ljang gu gsus po chetsheche/ phyag na dbyug pa thogs pa/ klu lug gro mo rwa lhag pa g.yas su 'khyil pa la zhon pa/ 'di rnams phyogs bzhi nas lcags kyus drangs nas sku las me 'bar zhing hom khung nang du byon te/ zhal nas hUM dang phaT

  179. 90a

    kyi sgra sgrogs shing / ha ha ha zhes gsungs pas/ sku dang zhal gyi nang nas me lam lam 'bar zhing byon pas byin gyis brlab par bsam/ me lha chen po ko'u rA dang / tso'u rI dang / pra mo hA dang / puk+ka sI dang / ag+ne dang / tsun+da dang / ko'u shi ka dang / gzi can dang / 'bar ma la sogs pa'i sku las/ me stag 'phro zhing du ba 'thul bar bsam/ hom khung du byon nas me 'bud do// me 'bar bar bsam/ rlung gi rgyal po sha rkyang mgyogs pa la zhon pa/ lag na ru mtshon dmar po dang rlung gi rkyal pa thogs pa hom khung du byon te me 'ur 'ur 'bud par bsams te/ 'di rnams kun kyang lcags kyu'i phyag rgya dang / snying pos spyan drangs te/ dus gcig tu me 'bud cing 'bar bar bsams la/ gdong bzhi pa'i phyag rgya bcas te/ me sbar ba'i snying po oM badz+ra raM raM hUM hUM yaM raM zhes brgya rtsa brgyad bzlas te/ dga' ba'i mdangs phyung ste/ ha ha ha zhes lan gsum brjod/ 'ur 'ur 'ur zhes lan gsum brjod pas me 'bar bar bsams la/ dbyangs snyan po blangs te bstod pa dang / me 'bud pa'i las bya ba'i thugs dam bskul te/ g.yab dar gyis g.yab cing snying po bzla zhing me sbar ro// me 'bar nas mar khu phye mar dri chab stsal bas mchod nas/ las ci bcol ba rnams 'grub par gsol/ gdon bgegs sogs kyi ming rus bris te/ bgegs

  180. 90b

    gtor yang drung du bzhag la/ gdon len te drang zhing hom khung gi nang du gzugs drangs la/ dam gtor sbar te dong du bcug la/ me sman chus ma shi ba tsam du bsad de/ yang sbar 'bar res la lan re mchod cing / dbyangs dang bstod pa dang bskul zhing las bya/ 'di bzhin lan gsum tsam bgyi/ hom khung nang du chu blug pa'i tshe// dza ya dza ya/ zhes sam rgyal ba rgyal ba zhes brjod do// chu'i chu dpal lan gsum g.yeng zhing bshal bas/ 'phags pa chu dpal dang lha'i byin rlabs kyis/ bgegs kyi gdug sems zhi zhing / bag chags byang bar bsam mo// hom khung dngos ni rin po che'i gzhal yas khang zur ni sku gsung thugs shing ni rigs lnga'i thugs dam dang ma bdun gyi 'khor dang khro bo dang khro mo'o// me ni ye shes kyi rang bzhin chu ni chos kyi dbyings kyi rang bzhin te/ dgra bgegs hom khung du song ba tsam gyis// bag chags byang zhing mtho ris su thar pa'am/ yang na 'phags pa rnams dang me lha'i zhal du dngos su bstab cing / rnam par shes pa mtho ris su sbar ro// mnan pa zhig bya na yang / hom khung du dgra bgegs bkug la/ lo grangs 'di tsam zhig bar du 'di nas gzhan du 'gror mi gnang bar mtshams bcad cing gzir la dam chu dam gtor byin la/ hom khung nang nas me'i sa bon tsam man chad phyir dbyung / 'phags

  181. 91a

    pa dang me lha hom khung du bzhugs pa la mchod de/ slar gshegs su gsol ba'i sngags brjod la/ la gor hom khung kha bcad de/ mnan pa'i phur pas steng nas gdab bo// rdo rje drar mo'i tan+da las/ rdo rje sems dpa' zhal gdangs kyi hom rgyud kyi le'u ste bcu pa'o// // rdo rje sems dpa'i zhal gdangs kyi ma rgyud rdzogs so// bar 'dir sku gdung 'bar ba tsha tsha mchod rten gyi rgyud 'dzud// // rgya gar skad du/ ma hA hUM ka ra tan+t+ra/ bod skad du/ hUM mdzad chen po'i rgyud/ bcom ldan 'das dbang chen bdud 'dul rol pa la phyag 'tshal lo// 'das pa'i dus ma byung ba'i sngon rol na/ bcom ldan 'das dbang gi rgyal po des/ srid pa thams cad yum kun tu bzang mo gzi ldan pad+ma can gyi mkhar mkhyen nas/ yum gyi mkha' bde klong chen po nas/ de bzhin gshegs pa thams cad kyi thugs kyi rang bzhin/ yi ge hUM dmar la bkra ba/ ser la gsal ba las/ hUM hUM zhes brjod pas/ hUM grangs med pa 'phros nas/ dug gsum gyi 'khor ba thams cad gtan nas sbyangs so// 'das pa dang ma byon pa dang da ltar bzhugs pa rnams kyi sku yang mtshon par byed do// hUM de las sprul pa'i sku sna tshogs pas kyang don mdzad do// hUM de dmar ba ni pad+ma he ru ka'i thugs/ hUM de dkar ba ni bud+d+ha he ru ka'i thugs/ ser ba ni rat+na he ru

  182. 91b

    ka'i thugs/ mthing ba ni badz+ra he ru ka'i thugs/ ldang ba ni karma he ru ka'i thugs so// re re la sna tshogs su 'bar ba yang de bzhin gshegs pa thams cad kyi thugs so// de las thams cad 'thor zhing / thams cad bsreg/ thams cad dbang du sdud par byed do// de ltar thams cad hUM gis rgyas par mdzad do// hUM mdzad chen po'i rgyud las gleng gzhi dang hUM gi dbye ba'i le'u ste dang po'o// // sras kyi dam pa he ru ka des/ bcom ldan 'das dbang gi rgyal po la 'di skad gsol to// de bzhin gshegs pa thams cad kyi bdag nyid/ bcom ldan 'das dbang gi rgyal po che/ de bzhin gshegs pa thams cad kyi bdag nyid yi ge hUM de las thams cad bskyed cing chub par byed na/ de ni dang po gang las byung // de yis 'byung ba ji ltar bskyed// de las lha ni ji ltar lags// bzlas pa'i thabs ni ji ltar lags// de la nus pa ci tsam bdog/ dbang gi rgyal pos bka' stsol cig/ ces gsol to// de nas bcom ldan 'das dbang gi rgyal pos bka' stsal pa/ las thams cad kyi ded dpon/ sras kyi dam pa he ru ka/ hUM las thams cad 'byung ba ste// dang po chos nyid dbyings nas shar// thams cad srog gi sa bon yin// de yis ji ltar 'dod par 'grub// 'byung ba bskyed pa'i rim pa ni// hUM las e 'phros nam mkha'o// hUM las yaM gyi gtsar du

  183. 92a

    'phros// rlung gi dkyil 'khor de bzhin chags// hUM las yi ge ra 'phros pas// chags pa'i rgya mtsho chen po'o// hUM las yi ge su ser 'phros// gser gyi sa gzhi ser po chags// hUM las keng 'phros ri rab bo// bang rim rim par ldan pa'o// hUM las raM 'phros me 'bar ba'o// 'byung ba rim bzhin de ltar bskyed// gzhal yas zla gam kha sprod la// dbus su sgo gnyis ldan pa'o// zlum po dag la 'khor lo rtsibs brgyad dang / gru chad gru zhi sgo dang sgo khyud bcas// de ltar gsal bar bya'o// de ni sgo'i rim pa rtsa ba'i dkyil 'khor ro// dbus ni zlum po zla gam bcad// mtha' ma pad+ma 'dab ma bzhi// gru chad sgo dang bcas pa ni// pad+ma'i las kyi dkyil 'khor yin// dkyil 'khor gru bzhi lham pa la// sems can chen po gzugs bzhi ste// zur bzhi dag la lus bskyon la// rkang pa nang brdol mtshams bzhi dgod// lag pa bar gyi mtshams la dgod// de ni bsad pa 'ba' zhig ste// ma traM zhal gyi dkyil 'khor yin// gru bzhi lham pa'i dkyil 'khor la// dbus ni thig btab le tshe dgu/ de yi phyi rim zla gam dgu// de yi phyi rim rin chen 'bar ba dgu// de yi phyi rim gru chad la// gru bzhi sgo ni nyis brtsegs bcas// khyams dang sgo khyud ldan pa ni// khyad par dbang gi dkyil 'khor ro// de nas yang ni bshad bya

  184. 92b

    ba// dkyil 'khor gru bzhi lham pa la// dbus ni zlum dang zla gam sgo gcig pa// zla gam phyir bltas nang bltas brgyad// de la rin chen rgyan dang ldan// gru bzhi sgo dang sgo khyud bcas// mtha' ma me ri 'bar ba ni// de ni grub pa tshe yi yin// de ltar rim par bsgrub pa'o// hUM mdzad chen po'i rgyud las/ dkyil 'khor bstan pa'i le'u ste gnyis pa'o// // pad+ma'i sras kyi dam pa he ru des// dbang gi rgyal po la 'di skad ces gsol to// kye ma bcom ldan dbang mchog che// yi ge'i don la bdag nyan 'tshal// gnas pa ji ltar gnas pa lags// bzlas pa'i thabs ni ji ltar bgyi// zhes gsol to// de nas yang bka' stsal pa/ nyon cig sras kyi dbang gi he ru ka/ yi ge srog gi 'khor lo ste// 'khor lo lnga yi rten du gnas// spyi bo bde ba chen po'i 'khor lo ste// dbus ni zlum po pho brang la// dar dkar yol du phub pa'o// 'dab ma sum cu rtsa gnyis so// lte ba pho brang thig le la// yi ge oM dkar 'bar ba la// mtha' la hu lu'i yig 'brus bskor ba'o// A~M ni dkar dmar 'tsher ba la// yi ge mtha' bskor 'dzag 'dzag 'dra// hUM dar chen bde ba chen po'i pho brang nas// dar dkar yol bres 'od ldan la// rdul gyi gser chen lu gu rgyud// sems kyi yi ge au dkar la// mtha' ma hu lu'i yig 'brus bskor// gser gyi ba thag gzengs pa

  185. 93a

    ltar// 'phro 'du'i dgongs pa rgyun mi gcad// phar 'phros pas ni sangs rgyas thugs dam bskul// slar 'dus pas ni dngos grub 'bebs// IM hu lu hu lu phaT/ e A ra li hUM hrI dzaH/ de yang dbang gi bka' yi bzlas pa yin// mgrin pa longs spyod 'khor lo 'dab bcu drug/ lte ba ge sar pad+ma 'bur du dod// mtha' ma 'dab ma bcu drug mtshon/ lte ba AM dmar 'od 'bar la// mtha' ma hu lu'i yig 'brus bskor ba'o// pho brang pad+ma 'bur gyi lte ba la// yi ge AM dmar 'od du ldan// mtha' ma yig 'brus bskor ba ni// mgal me klad la bskor ba bzhin// 'phro 'du'i dgongs pa rgyun mi gcad// phar spros pas ni rgyal ba'i thugs dam bskul// slar 'dus pas ni sgrub pa po la dngos grub 'bebs// 'di yang gsum gyi bzlas pa yin// IM hu lu hu lu phaT/ e A ra li hUM hrIHdzaH/ tsit+ta rin chen gzhal yas la// dbus ni dpal be'u rdo rje bskyed// yi ge hUM dmar 'od ldan pa'o// mtha' ma chos kyi 'khor lo 'dab ma brgyad// de la hu lus bskor ba'o// hUM tsit+ta rin chen gzhal yas khang // chos kyi 'khor lo 'dab ma brgyad// thugs kyi dpal be'u lte ba la// ston pa'i yi ge hUM dmar de// mtha' la rin chen gser gyi skud pa la// hu lu'i yig phreng bcu gsum brgyus// phar 'phros pas ni rgyal ba'i thugs dam bskul// slar

  186. 93b

    'dus pa ni dngos grub 'bebs// 'phro 'du'i dgongs pa rgyud mi gcad// 'di yang dbang gi thugs kyi bzlas pa yin// sangs rgyas dgongs pa 'di yis bsgrub// oM hu lu hu lu phaT/ e A ra li hUM hrIHdzaH/ lte ba sprul pa'i gzhal yas na// 'dab ma drug cu rtsa bzhi la/ tshig kha shas chad// mtha' la hu lus bskor ba'o// swA lte ba sprul pa'i gzhal yas na// stong pa'i yi ge swA ser po// don gyi yi ge hu lus bskor// lcags kyi tsha tsha brdabs pa bzhin// 'phro 'dus dgongs pa rgyun mi gcad// phar spros pas ni thugs dam bskul// slar 'dus pas ni dngos grub 'bebs// 'di yang dbang gi rin chen 'bebs pa yin// swA hu lu hu lu phaT/ e A ra li hUM hrIHdzaH/ gsang ba me rlung las kyi 'khor lo la// gru gsum gzhu yi gnas chen na// ston pa'i yi ge ha ljang gu// mtha' ma hu lu'i 'bru yis bskor// rin chen rtsar gyi phreng ba bzhin// gcig la gcig 'phro 'od ni 'dzag 'dzag 'dra// phar 'phros pas ni thugs dam bskul// slar 'dus pas ni dngos grub 'bebs// 'di yang dbang gis las kyi bzlas pa yin// A~M hu lu hu lu phaT/ e A ra li hUM hrIHdzaH/ hUM dang po gsung gi sgra bsgrags pas// dus gsum rgyal ba'i thugs dam bskul// bar du gsung gi sgra bsgrags pas// sgrub pa po la dngos grub 'bebs// mtha' mar dbang gi sgra bsgrags pas// ngan song

  187. 94a

    'khor ba gtan nas sgrol// bdud dang srin po klu rnams zil gyis mnan// dbang gi mdzad pa de ltar mdzad// de ltar spyod pa 'di ltar spyod// sngags kyi byin rlabs 'di ltar 'byung // de phyir tu lu bsnyen pa'i mchog/ ces gsungs so// hUM mdzad chen po'i rgyud las/ bzlas brjod sngags kyi le'u ste gsum pa'o// // de nas sras kyi he ru des// dbang gi rgyal la 'di skad gsol// dbang gi rgyal po he ru ka/ ston pa mchog la bdag nyan 'tshal// sgos su bsgrub na ji ltar bgyi// spyi yi bsgrub pa ji ltar spyad// bsad gso'i las ni du yi bstan// las kyi mtha' 'di gang la gsung // zhes gsol to// de nas dbang gi rgyal pos bka' stsal pa// nyon cig sangs rgyas mang po 'dus pa'i sras// spyi ru bsgrub pa bstan pa ni// rtsa ba'i dkyil 'khor de dag la// de la nges par bsgrub par byos// bris pa'i sku gzugs dag la brten bcas nas// de la phyag bcas bsgrub par bya// dam tshig ma nor gzhung du bsrung // mchod pa dus gsum dag tu mchod// sngags dang snying po lha rnams kun// yid la ma nor dran par bya// 'dod chags can gyi bud med la// de la smad par bya ba min// khrag chags shing yang gcad mi bya// dmar po'i rigs la smad mi bya// pad+ma'i phyag rgya bca' bar bya// gsung gis sgra snyan gdon par bya// dbyings dang

  188. 94b

    btung ba de bzhin bya// gsung gi yan lag stobs su 'gyur// rtag tu yi dam 'ba' zhig bsgrub// de yi nus pa'i mthu dag gis// bdud sde 'khor bcas zil gyis gnon// byang chub 'bras bu thob par 'gyur// de yi yon tan dpag las 'das// de phyir spyi ru bsgrub pa'o// sgos su bsgrub par bstan pa ni// rta yi rgyal po gcig tu bsgrub// dkyil 'khor zla gam sgo gcig pa// lha ni zhal gcig phyag gnyis rgyan gcig pa// dbu yi gtsug tu rta mgo gcig/ dmar po ral pa 'khyil ba'o// g.yas na sta re g.yon pa sbrul zhags bsnams// glang chen ko rlon zhing gi g.yang gzhi gyon// stag lpags smad dkris 'og sla 'doms bsdus// mi bzad mche gtsigs stag gi khri// dmar po hUM la sngags 'di brjod// de yis rta mchog mgrin du bskyed// oM yod pa e yin/ pad+ma shrI rA ga ha ya hri da ra d+hi pa e yin hUM phaT/ yig 'bru bcu gnyis pa'o// stong pa'i ngang las yi ge hUM// de las sngags brjod rta mgrin bskyed// spyan drang bskyed pa de la bstim// gnyis med de la phyag 'tshal mchod pa'o// sman dang rak+ta gtor mas mchod// bsad dang gso ba'i las 'di bcol// srid pa'i ma mo btul ba'i las la rbad// ces gsungs so// hUM mdzad chen po'i rgyud las/ spyi dang yi dam bya zhing bsrung ba dang nus pa'i le'u ste bzhi pa'o// // de nas ston pas bka' stsal

  189. 95a

    te// dbang gi pad+ma he ru ka'i thugs ka nas/ dpal be hUM gi lte ba la// dza zhes brjod pas dpal gyi thugs ka nas// dza dza dza dza dza dza dza dza brgyad par ma chad 'thon to// ku ku ku ku ku ku ku ku rA tsa zhes brjod pas/ khyi'i rgyal po brgyad du 'gyur ro// rak+Sha kha long ka de byang dgos/ yak+ka kha long ka/ trak+ka kha long ka kha ya kha long ka/ du ma ba kha long ka/ ma to kha long ka/ dza le dza lo ka/ mu ka kha long kha ka/ snying po de yis bskul bas ji lta ba bzhin du las byed do// dur khrod gling ngam nags tshal gnas// de ru dkyil 'khor brtsig par bya// gru gsum 'bar ba'i dkyil 'khor la// mtha' ma khyi brgyad bskor bar bya// dbus su dbang gi rgyal po bskyed// zla gam gsum la dam rdzas so// bya lug mi dang rta'i sha khrag la gtor ma bya/ ling ga mtshan dang ldan par bya// dpral bar rus la snying gar ming // spyi bor sod la 'doms su mA ra ya// g.yas su hUM la g.yon du phaT// de dang ldan par bsgrub par bya// tshon sna lnga yis byad du gzhug/ de nas dam rdzas tshogs pa dang // ting 'dzin rnam gsum rim gyis bsgom// hUM ma nor ma bcos chos kyi dbyings// snying rje chen po yongs la brdal// rig pa ye shes hUM du shar// hUM las yi ge rim gyis chad// e yaM ra suM keng raM b+h+rUM// e ni nam mkha' khyab gdal dang // yaM las rlung gi dkyil 'khor

  190. 95b

    te// de las spris rten chu'i dkyil 'khor// de steng sa gzhi brtan mkhregs sra// keng raM b+h+rUM las ri rab gzhal yas khang // hUM dang ku yi 'phro 'du las// dpal chen pad+ma he ru ka/ ku las dpal gyi khyi brgyad bskyed// hUM dad pa dang ni dam tshig gis// tshur gshegs tshur gshegs dpal gyi khyi// dpal chen thugs las skyes pa'i pho nya mo// 'khor ba'i nyon mongs bdud sde gdul ba'i phyir// dpal gyi pho nya brtan par bzhugs// tiSh+Tha badz+ra/ srid gsum 'dren mdzad thar lam 'dren pa'i gtso// dbang gi rgyal po'i sku la phyag 'tshal lo// khams gsum sgrol bar mdzad cing sha dang khrag la dgyes// dpal gyi pho nya 'jig rten skyong mdzad ma// bdud 'dul pho nya'i tshogs la phyag 'tshal lo// rang byung gdod nas dag pa yi// rtsa ba brgyad la yan lag stong // ra sa yA na la sogs rdzas// dbang gi rgyal po'i sku la 'bul// bdud rtsi 'khyil pa ra sa yA na 'di// dpal gyi pho nya'i tshogs la 'bul// ma hA pany+tsa a mr-i ta khA hi/ zhes dbul lo// oM kA ya sid+ha au/ wA ka sid+d+hi AH/ tsit+ta sid+d+hi hUM/ IM ma hA pany+tsa a mr-i ta kha raM khA hi/ ma hA ba li ta khA hi/ ma hA rak+ta raM khA hi/ zhes dbul/ dpal gyi sman sngar dam bcas ltar// ma rungs log pa gdul ba dang // mthu dang dbang gi dngos grub stsol// zhes bya'o// au dza dza rak+kA yak+tha dza ya du ni haM/ de ni drang zhing dbang du

  191. 96a

    bya'o// 'di ni rbad pa'i snying po'o// rak+Sha kha la dza dur ling srog la yaM khug ril dbugs long rba na rbad ya zhung tri yaM yaM/ zhes pa dang rbad par bya'o// hUM dpal gyi pho nya chen mo ste// dpal chen thugs las skyes pa'i pho nya mo// ye shes thugs kyi khyi brgyad yin// zhabs ni rlung gi 'khor lo yin// snyan ni sgra rnams kun la gsal// shangs ni dug gsum dri ma snoms// zhal ni bdud bzhi rngub par byed// mig ni nyi zla 'od du 'bar// mjug ma lcags kyus nyams pa 'dzin// kha nas mi yi skyugs pa skyugs// rgyug pa'i stobs ni sbyang mo 'dra// khyed ni bsgrub pa las kyi bya ra mdzad// phyogs bzhi mtshams bzhir rgyug pa'i tshe// phyogs skyong bdud rnams rdul du rlog/ bcol ba'i las kun bsgrub par gyis// dbang gi zhing khams chen po skyong // zhes bskul zhing las bya'o// hUM mdzad chen po'i rgyud las/ dpal gyi khyi brgyad bsgrub pa'i le'u ste lnga pa'o// // de nas bcom ldan 'das kyi thugs ka nas// mi yi lus la khyi'i cha byad can/ khyi dang chas pa/ rta dbu la mi'i lus la rta mgo can rta dang chas pa/ gshog pa las mi'i lus la bya'i mgo can bya dang chas pa/ zhabs las mi'i lus la phag gi mgo can byung ngo // de bzhis ma dad gdug pa 'dul bar byed// de yi sgrub pa bstan pa ni// rbad cing las kun byed pa'o// gcan gzan

  192. 96b

    gdug can wa 'phar sbyang ki khyi rnams min// khra dang g.yag dang / stag dang / dom gyi snying de la gtor ma bya ba yin/ sngags ni drag po 'di skad gsungs// oM d+hi ga ru rbad ya/ ku ku rak+ta tsa tu ra yaM/ ka te raka to tsa le rbad/ du ra rba sha yaM/ de bzlas rbad par bya'o// de yi las kyi nus pa dpag las 'das// de nas brtul zhugs spyad par bya// de nas bro yang drag por brdung // de nas pho nya drag po dgye// hUM mdzad chen po'i rgyud las/ brtul zhugs bzhi bsgrub pa'i le'u ste drug pa'o// // de nas dbang gi zhabs las/ dbang mo nyi shu rtsa brgyad gser gyi seng+ge nyi shu rtsa brgyad du sprul nas/ 'gro ba'i las byed par sprul lo// de rnams rbad cing b+h+yo bzlog bya'o// rtsang nyi shu rtsa brgyad mde'u thung nyi shu rtsa brgyad la btsugs la/ de la sha khrag bsku dang dag la/ de nas nyung dang tshe dang bcas pa'o// de ltar byas la bdud rtsi gtor ma rak+tas mchod// de nas drag po'i sngags rnams bzlas// au sing nga la dza ba drag sham ma ri la b+h+yo/ ma ri rak+ta ka laM seng nga sbreng b+h+yo/ e ka tsak+ka laM rbad b+h+yo/ 'di ni las kyi bskul ba la/ sa ma rak+Sha ka laM tri le tri le ra ra ra ra breng shar thun ling b+h+yo/ hUM ma g.yel ma g.yel dbang mo'i tshogs// mkha' la 'gro ba'i mkha' 'gro ma// dbang gis dbang bskur dbang phyug ma// dpal la brtse phyir gshegs su gsol// srid pa

  193. 97a

    gsum la dbang yang byed// tshe dang dbugs la dbang bsgyur ma// rbad pa'i las la dka' sla med// traka rak+ta drag po srog la skur// b+h+yo ni phrin las bsgyur bzlog byed// b+h+yo mkha' 'gro dbyings nas bskul lo drag po'i las mdzod cig/ mkha' 'gro rak+Sha si la sogs te nyi shu brgyad// sku mdog cir yang byed ma nges// thod pa rdo rje dbyug pa 'dzin// b+h+yo bzlog bskur ba'i las mdzod cig/ pho nya srin mo srog len las la b+h+yo// mi srin g.yag gi mgo can b+h+yo// tshangs pa sbrul gyi mgo can b+h+yo// khro mo gzig gi mgo can b+h+yo// khyab 'jug zer mo mgo can b+h+yo// gzhon nu pha wang mgo can b+h+yo// dbang mo dred kyi mgo can b+h+yo// smug nag stag gdong lcags kyu ma b+h+yo// dmar mo dom gyi mgo can b+h+yo// zhi ba sdig pa'i mgo can b+h+yo// bdud rtsi chu srin mgo can b+h+yo// ljang nag khra yi mgo can b+h+yo// be con wa yi mgo can b+h+yo// za byed stag gi mgo can b+h+yo// ser nag ra gdong zhags pa ma b+h+yo// rgan byed bya rgod mgo can b+h+yo// gcig pu khyung gi mgo can b+h+yo// khrag 'thung rta yi mgo can b+h+yo// yid 'phrog khyi yi mgo can b+h+yo// grub mo pu shud mgo can b+h+yo// rlung mo sha ba'i mgo can b+h+yo// dmar nag seng gdong lcags sgrog b+h+yo// gsod byed sbyang ki'i mgo can b+h+yo// me mo sbyin gyi mgo can b+h+yo// sna chen glang gi mgo can b+h+yo// 'bar ma khwa yi mgo can

  194. 97b

    b+h+yo// grub mo sdig pa'i mgo can b+h+yo// ljang nag phag gdong mgo can b+h+yo// bskul lo phrin las grub par mdzod// ces gsungs so// hUM mdzad chen po'i rgyud las/ dbang phyug ma bsgrub pa'i le'u ste bdun pa'o// // de nas dbang chen spyan g.yas g.yon nas/ rtsa dang drangs ma la dbang byed ma/ rtsa khro bo'i ma mo bcu gsum gyi rbad pa'o// las kyi bdud mo rtsa khro ma cha gnyis so// 'di ni ye shes kyi mkha' 'gro ma las la rbad par bya'o// oM khri mun lan len shag te shug ti la rbad na yaM/ zhung ta rtsa la ya ya/ 'byung po'i ri li ya/ 'byung po ni rtsa'o// sri ni bgegs so// des 'dod cing 'dul ba yin/ dbang gi rgyal po ye shes kyi mkha' 'gro ma rbad/ ye shes kyi mkha' 'gro mas las kyi mkha' 'gro rtsa khro ma rbad/ de ltar byas pas las rnams byed/ rtsa dang thig le gnas pa ste/ mi rigs rnam pa bzhi la rtsa rigs rnam pa bzhi yod de// rgyal rigs rtsa ni mgo yang mtho/ rje rigs 'phar la sdod pa yin// dmangs rigs 'jam la phra ba yin// gdol pa gtum pa nyung ba yin// rtsa la rigs ni rnam bzhi yin// byang chub sems dpa'i rigs kyi rtsa ni dal la 'jam// khro gtum srin po'i rtsa ni drag la myur/ bram ze nag mo'i rtsa ni tsha la phra// blon po gdug pa'i rtsa ni sbom la ring // bud med byis bu'i rtsa ni rtsub la 'phar// de ltar spyad la brda ba'o// rtsa ni

  195. 98a

    chen po gsum yod de// dbus kyi rtsa chen dang ni g.yas g.yon no// de las gyes pa'i rtsa chen bzhi// bdud sgo lhag rtsa nag po dang // rtsa chen mkhal ma rtsa chen dang // pus dang gri gug rim pa'o// de las chang phra rtsa gyes te// de la phyi'i sgo bzhi dang / nang gi sgo bzhi dang / gsang ba dang / tshangs pa gnyis te bcu pa'o// de la rim par bya zhing brda/ zhes gsungs so// hUM mdzad chen po'i rgyud las/ spyan nas mkha' 'gro rtsa khro ma dang rtsa'i dmigs bstan pa'i le'u ste brgyad pa'o// // de nas ma dad pa'i dgra bgegs ni bsgral cing tshar gcad/ sgrib pa sbyang ba'i phyir/ thugs rje chen po drag shul gyis gdul ba mdzad/ bdud sde dpung gis btul/ rgyal chen thabs kyis btul/ klu chen rdzu 'phrul gyis btul/ the brang lings su btab bo// gdul thabs bzhi mdzad do// de nas thugs rje shugs kyis bsgral ba'i bro brdungs te/ gzi ldan 'bar ba'i dkyil 'khor nas// dbang gi sku gcig bzhugs pa la// dgyes pa mdangs kyi mchod pa 'bul// phyi mchod rdo rje'i tshig drug po// glu yang drug la bro yang drug/ glu drug gsang ba'i dbyangs dang sbyar// glu drug dbyangs su blangs pa ni// grub pa'i glus ni thugs rje bskul// tshangs pa'i glus ni zhing khams sbyong // gdung ba'i glus ni ma sring mnyes// las kyi glus ni pho

  196. 98b

    nya 'gyed// sgyu ma'i glus ni dgongs rgyud gsal// 'bar ba'i glus ni bdud bzhi 'dul// hUM gi glus ni 'phro 'du 'khrugs// glu drug rdzogs pa'i blta bar gzhag/ bro drug rdzogs pa'i spyod lam bzhi// gar gyi bro brdungs byin rlabs che// dbang gi bro brdungs dug gsum 'joms// pad+ma'i bro brdungs chags pa med// khro bo'i bro brdungs dregs pa 'joms// rta bro 'khor gsum srin po 'joms// 'di ni gsang tshig nges pa'i bro// thugs mchog gsang ba'i snying po yin// rgyal ba kun dang mnyam sbyor bas// dgongs rgyud gsal ba bzhin du bsgom// rta bro 'khor gcig dang po la// khro ba'i sprin gyis dbang bsdus nas// dus gsum rgyal bas rol pa mdzad// rta bro 'khor gnyis bar ma la// rdo rje dbyings kyi dkyil 'khor du// rigs kyi yum dang rol pa mdzad// rta bro 'khor gsum za ma la// ma srin rgya mtsho 'khor bsdus nas// phra men kun dang rol pa mdzad// 'di ni sku gsung thugs kyi bro// pad+ma gsang ba'i dam bskangs nas// gdul bya'i bro bzhi byung ba ni// nub kyi phyogs su bro gcig byung // klu 'brug 'dul ba'i bro bo che// kha yang nub tu blta bya ste// gru mo gdengs nas rkang pas brdungs// kha nas sngags tshig 'di yang bzlas// rA ga nA ga rngubs ya rngub ya// klu rnams kun kyang zhabs kyis btsir// gdul bya'i bro gcig byang du

  197. 99a

    byung // gnod sbyin 'dul ba'i bro bo che// lag pa g.yas g.yon mgo la khyer// byang gi phyogs su kha bltas te// a ra ku ru pa ra dum yang ling yaM ste/ gnod sbyin bsgral ba'i steng du brdungs// gdul bya'i bro gcig shar du byung // dri za'i rgyal po 'dul ba'i bro// lag pa gar thabs bskyod byas te// lha tshogs mang po dbang du sdud// a rag sams du du bzlas// gdul bya'i bro gcig lho ru brdungs// grul bum 'dul ba'i bro bo che// ya ma tsa ba sha ling bzlog cing // grul bum steng du bro yang brdungs// la la rlung lha 'dul ba'i bro// la la bgegs chen 'joms pa'i bro// rta yi bro ni shar nas brdungs// rdo rje'i bro ni lho nas brdungs// phung po'i bro ni nub nas brdungs// sprul pa'i bro ni byang nas brdungs// la las za byed chen po 'dul// la las g.yo 'gul med par byed// la las rtsal gyis dbang du sdud// la las dug gsum btson ra sbyong // la las phur pas dbyings su 'debs// la las sbyor ba'i ngan sngags gcod// la las nga rgyal gshogs par byed// la las thams cad bstan par byed// kun tu bzang mo'i mkha' dbyings la// tshom bu brgyad kyi bro byung ba// khro bo kun gzhi mnyam par sbyor// shes rab pha rol phyin pa'i bro// 'di ni dpal gyi thugs dam yin// 'di ni ma srid dngos grub yin// 'di yang

  198. 99b

    pho nya'i longs spyod yin// zhes brdung ngo // hUM mdzad chen po'i rgyud las/ bro'i le'u ste dgu pa'o// // 'dus pa'i sras chen he ru des// dbang gi rgyal la 'di skad gsol// gang de bsgral ba'i phung po'am// sems can tshe yi dus byas nas// dmyal ba'i gnas su ltung ba la// brang ba'i thabs ni ji ltar lags// sems nyid don de ji ltar lags// dbang chen khyod las bdag nyan 'tshal// zhes gsol pas/ dbang gi rgyal pos bka' stsal pa// sems can 'dus byas 'khyams pa la// yang dag rang gnas ma bstan na// ma rtogs rtsol bsgrub byas kyang thar sa med// las kyi he ru ka nyon cig/ rang gi sems nyid gdod nas ma dag na// 'phral du phyogs tsam bsgom pas dag mi 'gyur// thabs kyi rtsa ba snying rje ma shar na// 'phral gyi chos kyis yongs la khyab mi 'gyur// rgyud nyid dag pa'i don nyid ma shes na// 'phral gyi dmigs pas rang rig gsal mi 'gyur// rang rig rtsa yis yongs la ma gdal na// 'phral du 'phro 'dus nyon mongs dag mi 'gyur// ye nas btsal med dkyil 'khor ma rtogs na// 'phral du yud tsam rgyal bapaba'i sku mi rdzogs// yid kyi mchod pas stong gsum ma khyab na// bshams tsam phul bas rgyal ba mnyes mi 'gyur// don gyi bsnyen pa khong nas ma shar na// 'phral du mtshan mar brjod pas grub pa med// sems

  199. 100a

    kyi dbang phyug 'dod dgur ma shes na// 'phral thabs ye shes lnga yi dbang mi chags// rnam smin las kyis brtas pa'i srin po dang // nyon mongs 'dam du 'khor ba rA tra yang // rtogs dang ldan pa'i lta bas ma btul na// mtshan mar bsgom pa'i rtogs pas gnas mi 'byongs// ye shes rang gnas don 'di ma shes na// 'bad rtsol byas pas gnas mchog yang mi rnyed// dbang gis rgyal pos de skad ces gsungs so// hUM mdzad chen po'i rgyud las// rang gi gnas bstan pa'i le'u ste bcu pa'o// // las kyi he ru la sogs pa 'khor rnams gsungs pa la rjes su yi rangs nas bstod do// dbang gi rgyal pos bka' stsal pa/ rgud 'di zungs shig chongs shig/ klog cig/ ces gsung nas 'khor rnams rang rang sa la 'khod do// hUM mdzad chen po'i rgyud las/ rgyud yongs su gzung zhing gtad pa'i le'u ste bcu gcig pa'o// // hUM mdzad chen po'i rgyud rdzogs so// slob dpon rdo rje gro yod dang / lo tsA ba rdo rje zhang 'drung gis bskur ro// bar 'di nam mapa' mdzad kyi chud 'jig rten las 'das pa'i mad 'dud// bla gsang chen pa'i mad// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa zla gsang chen po yum rnam par dag pa'i mkha' klong na/ ye shes kyi rlung nag ni

  200. 100b

    'tshubs/ bskal pa'i me lce ni 'bar// khrag gi rgya mtsho rba klong ni 'khrug/ mAM sa sha chen gyi sa gzhi ni brdal// keng rus gsar rnying gi ri rab ni brtsegs/ ye shes kyi gzhal yas khang kun tu 'phro ba'i gnas na brjod kyi mi langs pa'i yang mi lags pa/ 'khor 'bum phrag bsam gyis mi khyab pa'i tshogs bsam gyis mi khyab pa la/ 'di lta ste/ de bzhin gshegs pa zhe sdang rdo rje dang / de bzhin gshegs pa gti mug rdo rje dang // de bzhin gshegs pa nga rgyal rdo rje dang / de bzhin gshegs pa 'dod chags rdo rje dang / de bzhin gshegs pa phrag dog rdo rje la sogs te/ rdo rje'i 'khor tshogs thams cad dang / dbang phyug ma chen mo ke'u rI ma dang / dbang phyug ma chen mo tso'u ri ma dang // dbang phyug mo chen mo pra mo hA dang / dbang phyug ma chen mo bai tA li dang / dbang phyug chen mo puk+ka sI dang / dbang phyug chen mo sma sha nI dang / dbang phyug chen mo g+hasma rI dang / dbang phyug chen mo tsaN+Da li la sogs te/ dbang phyug chen mo'i tshogs bsam gyis mi khyab pa dang / phra men ma'i 'khor tshogs rnams la/ seng+ge dang / stag dang / wa dang / spyang ki dang / kang ka dang / bya rog dang / 'ug pa dang / rnga mo dang / bong bu dang / khyi dang / phag la sogs te khros pa'i gzugs can mang po'i tshogs bsam gyis mi khyab pa dang / rdo rje srin po bsam gyis mi khyab pa dang / rdo rje srin

  201. 101a

    mo bsam gyis mi khyab pa dang / lcags kyu dang / zhags pa dang / lcags sgrog dang / dril bu dang / phra mo la mos pa'i byang chub sems dpa' phyag na rdo rje la sogs te/ phra mo la mos pa'i byang chub sems dpa' rnams dang thabs cig tu yum rnam par dag pa'i mkha' klong du khyab nas bzhugs so// de nas bcom ldan 'das sems can gyi don la sbyor ba zhes bya ba'i ting nge 'dzin la snyoms par zhugs nas 'khor de dag tu sku la 'jug par mdzad do// 'khor de dag thams cad kyang sku las 'thon nas/ sems can gyi don la gnas nas 'di skad ces bka' stsal to// phyag na rdo rje la sogs sbyar ba 'di// kun gyis thams cad gsal ba'i chos bstan te// sna tshogs ngo bo sangs rgyas khyab// gru bzhi kun tu dkyil 'khor ldan// 'od zer rnam lngas kun tu 'khrigs// rgyan rnams thams cad rgyas gyur to// de nas 'od zer rjod pa las// phyag na rdo rje la sogs pa// 'khor rnams 'bum phrag bsam yas dang // rigs rnams lnga po 'khor bcas dang // thams cad 'dus pa'i 'khor tshogs la// 'di skad ces ni bka' stsal to// e ma'o rgyal ba thams cad kyi// rdzogs pa'i sems ni rang byung ba// bde gshegs kun gyi zla gsang nyid// ma rtogs pa la gnas med do// de nas de bzhin gshegs pa thams cad gcig tu bsdus nas//

  202. 101b

    bcom ldan 'das zla gsang chen po la/ de bzhin gshegs pa so so'i dam tshig gis mchod do// lus ngag gi phyag btsal nas 'di skad ces gsol to// 'dus pa zla ba las byung ba// bde gshegs kun gyi zla ba nyid// mi 'gyur snying po dam pa nyid// bcom ldan 'das kyis bshad du gsol// de nas bcom ldan 'das zla gsang chen po de bzhin gshegs pa thams cad la 'di skad ces bka' stsal to// spobs ni spobs na sangs rgyas thams cad kyang / the tshom skye bar byed yin na/ mos pa phra mo rnams lta ci smos/ sangs rgyas thams cad ngo mtshar du gyur nas bdag cag gi som nyi gcod pa/ zla gsang chen po la 'di skad ces gsol to// sangs rgyas kyi khyad par yang / sangs rgyas nyid kyi 'khor du sangs rgyas nyid 'gyur bas/ srog gi snying po dbul du gsol/ dam tshig bskul du gsol/ brjod pa mdzad du gsol// de skad ces gsol ba dang / bcom ldan 'das zla gsang chen po nyid kyis srog gi snying po phul bas/ badz+ra shrI he ru ka dza s+t+waM/ tsaN+Da gu h+ya dza s+t+waM/ shrI he ru ka dza s+t+waM/ gnas de phyung ma thag tu/ dbu dgu phyag bco brgyad pa gcig tu gyur to// de nas sku ci yang ma nges pa gcig tu gyur pas/ phyogs bcu'i sangs rgyas thams cad kyis rigs so sos bskul ba mdzad do// hUM hUM hU~M hUM hUM hUM/ hUM hUM hUM hUM hUM hUM/ 'di lta ste/ dza du pra ti ni dza/ ha ha ha ha

  203. 102a

    ha ha ha ha/ he he he he he he he he/ hUM hUM hUM hUM hUM hUM hUM hUM hUM hUM/ dzaHhUM baM hoHde nas so sos bskul ba dang / de skad ces ni brjod pa dang / so sor 'dar zhing brgyal bar gyur nas/ phyag na rdo rje'ang 'di skad brjod do// e ma'o bcom ldan zla gsang mchog/ bdag byin gyis brlab tu gsol// de skad ces ni gsol ba dang / de nas bcom ldan 'das zla gsang chen pos rnam dag mkha' klong nas bzhengs nas/ phyag na rdo rje la sogs pa byin gyis 'di skad ces brlabs so// shrI he ru badz+ra tsakra/ ka ya wa ka tsit+ta raM/ de skad ces ni brjod pa dang / las kyi dbang dang ldan gyur nas// e ma'o mi gsung gsung mchog rgyal po'i thugs// de yi dbang dang ldan gyur nas// phyag na rdo rje'i mthu stobs dang // byin rlabs mthu chen gzi 'phel 'gyur// de skad ces bka' stsal nas/ 'byor pa'i ting 'dzin rgyas par mdzad do// bcom ldan 'das zla gsang chen po las/ byin gyis brlabs pa'i le'u ste dang po'o// // de nas bcom ldan 'das zla gsang chen po la/ byang chub sems dpa' phra mo la mos pa rnams kyis gsol pa/ bdud dang mu stegs rnams kyis ni// rgyal ba'i bka' la mos pa rnams bzlog cing / bstan pa la gnas pa rnams dkrug par byed cing / slob dpon la smod pa 'di dag brlag par ni ji ltar bgyi/ thabs ni gang gis

  204. 102b

    bsgrub// dkyil 'khor ni ji ltar bri/ de skad ces gsol pa dang / bcom ldan 'das zla gsang chen pos 'di skad ces bka' stsal to// phra mo la mos pa'i byang chub sems dpa' rnams nyon cig/ las las grub pa'i 'gro drug rnams// snying po 'di dag brjod bya ste// a nr-i su tri pre du/ dza dza dza dza dza dza/ hUM hUM hUM hUM hUM hUM/ baM baM baM baM baM baM/ ho ho ho ho ho ho/ badz+ra ki li kI la ya/ sarba big+h+nAn baM hUM phaT/ mi'i mgo la rgyal ba'i dkyil 'khor rgyas par 'god/ hUM ha he hUM b+h+yo/ gru gsum zla gam gsum pa la// 'bar ba'i bar khyams gnyis dang ldan// gru bzhi sgo khyud ldan par mdzes// dkyil 'khor de yi lho sgo ru// gshin rje gshed nyid log 'dren steng // zhal gsum phyag drug rnam par ldan// spug nag 'jigs pa'i kha dog la// g.yas na lcags kyu dgra sta me dpal thogs// g.yon na khrag 'tsho'u zhags pa phur pa bsnams// las kyi rbod gtong chen po ste// bdud dang mu stegs gzhom pa'i phyir// zod gtong chen po'i dus la bab/ gang la cis 'dul khyod nyid yin// bya rgod gzugs can kang ka dang // wa dang sbrang ki stag gzig 'phro// sder chags byi la 'ug pa dang // mche gshog sder mo can la sogs// pho nya rnams kyi thugs dam ni// rab tu bskul ba'i dus la bab// mi'i lag pa'i sor brgyad pa'i tshad chen la// khro bo bcu dag bsgom par

  205. 103a

    bya// phra mo'i ting 'dzin gsal nas kyang // rgyan gyi snying po 'di lta ste// ma hA shrI he ru ka ma hA kro d+hI shwa rI s+t+waM/ oM badz+ra ki li ki la ya sarba biny+dzan baM hUM phaT/ nr-i badz+ra/ bye ba'am yang na de dag brjod// de skad ces ni bka' stsal to// zla gsang gi dkyil nas 'di skad ces bka' stsal to// bdag nyid log 'dren chen por gyur// ling+ga bshams pa 'di dag ni// dzaHhUM baM hoHsa bsgoms nas kyang // nr-i zhes bya ba'i snying po 'di// oM dang hUM gi bar du gzhug/ mchan khung g.yas pa 'di dag nas// sngags rnams 'di dag gzhug par bya// nr-i dza/ nr-i na dza/ nr-i mu dza dza/ mu 'u ra dza dza/ ming dang gzugs la ni ya dza dza/ nr-i A be sha ya/ sor mo rgyab tu bsnol nas ni// mthe bong gnyis ni nang du dgug/ de nas phyogs bcur btegs nas kyang // ming dang gzugs la slar la zlog/ des ni dbab pa'i las bya'o// phyag na rdo rje dang phebs par 'gyur// lag pa gnyis ni rgyab sbyar la// mthe'u chung gnyis ni sbyar la 'khyud// mdzub mo gnyis ni lcags kyur bcas// 'di ni dgug pa'i rgya chen yin// aM ku sha dza/ nr-i dza/ sngags 'di legs sbyar dngos su mi 'dug cing zur chag kyang ma nges pas ma byi sor zhag bgyis pa dpyod ldan rnams kyis dgongs dpyad 'tshal/ pu ga du la shaM ba ri dza gu gu du la/ su ma ti gu gu du la/ nr-i dza/ nr-i dza/ nr-i dza/ pra ti nr-i dza/ oM g+ha g+ha/ g+hA ta ya/ g+ha ta ya/ sarba

  206. 103b

    duSh+Than phaT/ ki li kI la ya/ ki la ya/ sarba pA paM phaT/ hUM hUM/ badz+ra ki la ya/ badz+ra d+ha ra/ A dz+nyA pa ya ti/ ka ya wA ka tsit+ta/ badz+ra kI la ya hUM phaT/ oM tshin+da tshin+na/ ha na ha na/ dip+ta tsakra hUM phaT/ 'di dag bzlas ma thag tu ni// sangs rgyas byang chub sems dpa' dang // phyag na rdo rje'ang 'jig par 'gyur// de yi sbyor ba 'di dag bya// dur khrod ras sam shing shun nam// sol bshang cig las byas pa yi// dgra bgegs gang gi ling+ga bshams// tsher ma'i shing dang gdug par bcas// tsha ba'i me dang ske tshe dang // mAM sa sha chen la sogs te// sngags pa'i rdzas chen 'di dag rnams// gzhal yas so so'i phyi rol nas// gom pa bcu gsum bcal bar du// 'khor lo rtsibs bzhi gru chad bcas// de nas bcu gsum bcal bar du// gru gsum e dkyil snam bu gnyis// de nas bcu gsum bcal bar du// phyi khyams lcags ri chen por bzhag/ sbyin sreg cha gsum ldan par du// byas na dngos grub chen po thob// phyag na rdo rje'ang khrag tu skyugs// ling+ga mtshan gsum mchod par 'bul// sbyin sreg za ma 'di nyid la// log 'dren rgyal po 'di la dbul// oM na maHsa man ta// snying kha rag naM/ nr-i kha rag rbad/ dza la raM shig shig dza la raM/ nr-i pra ta dza la raM/ oM AHhUM sA ha/ raM raM raM/ kha raM/ de nas ling+ga 'di dag ni// gnas mdun dag tu lan bdun

  207. 104a

    gdab// ma yi mgo la gang bar gdab// yab yum nyi shu tshang ba dang // sprul pa za gsod nyi shur bcas// sgo ba bzhi dang zhe bzhir bcas// ldan pa'i sngags kyis brdung bar bya// cho ga de dag ldan gyur na// phyag na rdo rje'ang bseg par 'gyur// dgra yi sgo khar byas gyur na// zla ba phyed ni tshun chad kyis// skabs sam yang na 'chi bar 'gyur// de nas bcom ldan 'das zla gsang gis 'di skad ces bka' stsal pa/ phra mo'i byang chub sems dpa' rnams// mdzad pa legs so// dkyil 'khor ni legs pa'o// bzlas pa brjod pa ni legs pa'o// phrin las ni legs pa'o// de ltar legs par bsgrub nas ni// las rnams thams cad 'grub pa'o// zla gsang dbus kyi dkyil 'khor chen po las/ bdud dang mu stegs 'dul ba'i le'u ste gnyis pa'o// // de nas bcom ldan 'das zla gsang chen po lus dang ngag sems gsod pa zhes bya ba'i ting nge 'dzin la snyoms par zhugs so// rdo rje slob dpon smod pa dang // gang dag sdang zhing gdug sems ldan// 'byung po ma rungs gnod pa can// 'di dag rab tu bsgral bar bya'o// sangs rgyas kun gyi khro bor bsgom// dgra rnams gsad par bya ba ni// rdo rje rtse lnga kha bzhi pa// lag pa g.yas pas gzung bar bya// g.yon pa lcags kyu 'debs pa'i tshul// khro bo khros pa rngams pa'i

  208. 104b

    gzugs// 'jigs shing mi sdug gtum bag can// 'bar ba'i mtshon cha sna tshogs 'dzin// brtsams pa'i las ni gsod par byed// dgra bgegs rnams ni gsod pa dang // phyag na rdo rje'ang gsod par bsgom// nyi ma bcu gcig tshun chad kyis// byas na rgyal bas dngos grub ster bar 'gyur// de nas bcom ldan 'das ngag gi dbang phyug chen pos/ 'di skad ces bka' stsal to// oM badz+ra kI li kI ya nr-i na dza// bye ba 'bum du bzlas byas na// mthu chen thams cad 'grub par 'gyur// de nas log 'dren la 'di skad ces bka' stsal to// sa ma ya/ sa ma ya/ sa ma ya/ kA la ru pa/ kA la ru pa/ kA la ru pa/ k+Shi sngags 'di yang ma gyi mor bzhag ni dza dza li nI dza ma le/ sa ma ye stAM/ rak+ShA na/ rak+ShA na/ kha la mu rag kha la mu rag mu nri khrag mu ni khrag/ mu n+di khrag/ pa rak+Shi na/ pa rak+Shi na/ pa rak+Shi na/ rang gi srog gi dam tshig phul na/ gzhan lha ci smos/ srog gi dam tshig snying po phul lo// nr-i mar zhag dza/ tring nri dza/ tri tsi nri dza/ tri tsi n+di dza/ tring nri dza/ tring tsin+di dza/ tring ni dza/ kha la rak+Sha/ pra ti dza nI/ dzA la rak+ka/ pra tri dza ni ni dza/ kha la mu dzi/ de skad gsungs ma thag tu ni// nam mkha'i dbus kyang rab tu 'dug/ sangs rgyas rdo rje can kun yang // khrag tu skyugs shing brgyal bar 'gyur// dgra bgegs rmongs par byed pa'i ting nge 'dzin no// de nas

  209. 105a

    bcom ldan 'das kyis dgra rnams 'joms pa zhes bya ba'i ting nge 'dzin 'di bka' stsal to// dang por ma skyes chos nyid dbyings// byang chub sems ni kun tu 'phro// yig 'bru 'phro zhing kun tu gsal// yi ge'am phyag mtshan phyag rgyar gyur// zhal gsum phyag drug rab tu 'bar/ des ni dgra bgegs dbang du sdud// pho nya rnam par bskul ba ni// rdo rje can sogs rgyab nas phul// lcags kyu can sogs mdun nas 'dren// za ba'i pho nya tshogs chen rnams// drag po gtum po khro bo dang // stag dang bya rog wa rnams tshogs// khyi'am bya rog seng+ger bsgom// de dag drangs shing rab tu brdung // de ltar bsgoms na sangs rgyas kyang // zla ba phyed ni tshun chad kyis// 'chi bar 'gyur bar gdon mi za// zla gsang chen po las/ dgra nye bar 'chi bar byed pa'i le'u ste gsum pa'o// // de nas bcom ldan 'das zla gsang chen po la/ khro bo chen po gshin rje'i gshed pos 'di skad ces gsol to// dgra bgegs 'dul ba ji ltar bgyi/ thabs ni gang lags/ skul ba'i snying po ni ji skad brjod/ de skad ces gsol pa dang / bcom ldan 'das zla gsang chen pos 'di skad bka' stsal to// bsgrub par bya ba'i gnas mchog na// rab tu shis par btsal ba ste// 'khor lo pad+ma 'dab brgyad de// yid du 'ong dang dben pa'i mchog/ nges par sa

  210. 105b

    gzhi rnyed gyur nas// sa bzung bskrad dang bslang bar bya// de nas bud med sgyu ma rgyal// shes rab mtshan ldan gzung bar bya// khang bu ngos 'jam bstar bar bya// maN+Dal 'azas pa'i ngos yin nam rgyas pa'i 'di dag la// dbus su ma trang bzhi bsnol la// snying gar gru gsum so sor bri// rtse zur nang pa'i phyogs su bstan// lag pa brgyad ni zur bzhir dgram// rkang pa brgyad ni gru bzhir bsnol// so so'i brang gi dbus dag tu// nr-i zhes bya ba gzhag par bya// de yi dbus kyi dkyil dag tu// thig gis sa bcad yul yang bcad// 'khor lo rtsibs brgyad mu khyud bcas// 'bar ba'i bar khyams nyid kyis mdzes// kun tu gru bzhi sgo khyud ldan// lha rnams rim par rgyas par bskyed// spyan drang bzhugs su gsol nas su// mchod cing bskul dang bstod pa brjod// ka pa li dang ka bu chung // yan lag ring zung dbang por bcas// dngos grub 'byung ba'i rten du bya// dgra bo ma lus dgug par bya// bdag ni khro bo 'jigs su rung // 'jigs pa dag kyang 'jigs par byed// sbrul gyi ske rags thod pa'i phreng bas brgyan// me dpung thod dbyug 'bar ba ral gri thogs// dbu gsum smug nag 'jigs shing 'tsher ba'i zhal// mche gtsigs rnam par brgyan cing rngam pa'i tshul// glo snying nang khrol za zhing khro zhing gtum// de ltar 'khor tshogs ma lus kun// thams

  211. 106a

    @cad gtum zhing drag po'i tshul// khro chen tshul 'chang 'bar ba rnams// phyag na ral gri 'bar ba bsnams// de nas gdug pa'i sngags chen dag/ tshig gi brjod pa 'di skad bskul// oM g+ha g+ha g+hA ta ya sarba duSh+TAn phaT/ kI li kI la ya/ sarba pA paM phaT/ hUM hUM badz+ra kI la ya/ badz+ra d+ha ra A dz+nyA pa ya ti kA ya wA ka tsit+ta badz+ra kI la ya hUM phaT/ hUM tshin d+ha tshin d+ha/ ha na ha na dIp+ta tsakra badz+ra kI la ya/ dIp+ta tsakra badz+ra dza la kI la ya/ shag shag tshal tshal/ tsit+ta tshal tshal/ tsit+ta kha kha dza la kha kha/ tsit+ta dza la kha kha/ nr-i tri dza la kha kha kha na maHsa man ta/ kA ya wA ka tsit+ta badz+rA NAM/ oM kha kha khA hi khA hi/ sarba duSh+Ta sa twa da ma ka a si mu sa la/ pa ri shu pa sha ha sA ya phaT/ 'di ni gsungs ma thag tu yang // grags pa mthu chen sangs rgyas kun// 'jigs shing 'dar nas khrag tu skyugs// sangs rgyas rdo rje sems spa bkong // dgra rnams la ni gdon mi za// thod pa ma gas ma chag pa// gzugs mdzes yid du 'ong ba la// gshin rje'i gshed po'i tshul du byas// gsang sngags rjes su dran par bya// dbyings phyug ma yang 'gugs par 'gyur// na maHsa man ta ka ya wAwA ka tsit+ta badz+ra NAM/ na mo badz+ra kro d+ha ya/ ma hA kro d+ha ya/ a si mu sa la sarba badz+ra ban d+ha nan/ ma hA ka ra ni tsit+ta swA hA/ de ni gsungs ma thag tu yang // phyogs bcu'i sangs rgyas chen po kun// brgyal zhing 'jigs

  212. 106b

    shing dngangs par 'gyur// bcom ldan 'das zla gsang chen po las// dkyil 'khor dang phrin las su dgod pa'i le'u ste bzhi pa'o// // de nas phyag na rdo rje chen pos dam tshig 'di dag gsol to// lus ngag yid gsum bsad pa ni// bdag gi dam tshig rtsa ba bskyed// sha dang khrag dang rus pa dang // dug gsum gzhom phyir bza' bar bya// mAM sa sha chen dri chu dang // rak+ta zhing chen khu ba khrag/ rgyal ba mnyes phyir bza' bar bya// sus ma rig pa'i sa phyogs su// gcer bur phud de skra bshigs la// gshang gcis gsher bar byas pa'i gos// bdag gi lus la bgos nas kyang // thod pa'i phreng bas lus la brgyan// pra tshil la sogs gzugs brnyan nam// yang na ri mo 'bur du bya// mdog ni smug nag 'tshir bar bya// de nas las kyi lhar bsgoms la// a dang ma yi sbyor ba las// yi ge hUM du gsal 'tsher bsgoms// hUM las rdo rje rtse lngar ldan// de nas phyag rgya dbu gsum pa// rdo rje phyag rgya 'jigs pa'i gzugs dang ldan// g.yas kyi gsum na 'dzin pa ni// kha T+wAM sta re rdor dbyug g.yas// g.yon gyi gsum na 'dzin pa ni// b+har+tha lcags kyu zhags pa g.yon// kha T+wAM gis ni rdor dbyug sbyor// lcags kyi sta res mid pa gcod// b+han+d+ha sa snyod cing lcags kyus drangs// zhags pas bsdams shing zhal tu rngubs// 'di yang dam tshig mchog lags

  213. 107a

    so// gsang ba'i dam tshig chen po ni// theg pa nyan po spong ba dang // rdo rje slob dpon smod pa dang // dam tshig rnam par 'dral byed dang // rgyal ba'i bka' las 'da' 'gyur na// dben pa chen po'i sa phyogs su// dgug cing gsad pa'i las chen ni// ri rtse nyams ni dga' ba dang // nags tshal yid du 'ong ba dang // yid 'ong nags tshal dam pa der// dgug cing ling+ga la ni dbab// de la gsang sngags brjod par bya/ sa ma ya dzaHsa ma ya dzaHsa ma ya dzaHnyi shu rtsa gcig bar du bzlas// lus ngag yid gsum dran par byas so// oM badz+ra ki li ki la ya sarba big+h+nAn baM hUM phaT/ 'di zhes bya ba mA ra Na/ 'di zhes bya ba'am/ sa ma ya'am/ grangs mid brjod par bya/ de nas sku gsung thugs kyi dam tshig rjes su gdams pa ni/ sku dang gsung dang thugs nyid kyi// rdo rje che ba'i dam tshig la// 'di dag rab tu gnas par bya// bsrung bya bsrung ba'i rgyal po ni// sgo gsum dag gi ma nyams par// bsdam par bya ba'i dam tshig go/ bcom ldan 'das zla gsang chen po las/ dam tshig bkod pa'i le'u ste lnga pa'o// // de nas bcom ldan 'das de bzhin gshegs pa gshin rje'i gshed kyis/ bcom ldan 'das zla gsang chen po la 'di skad ces gsol to// byang chub sems ni rjes su dran pa dang // srin mo ma rungs gtum mo

  214. 107b

    dang // bdud dang mu stegs ma rungs par// sbyor ba chen po ji ltar bya// de skad ces gsol pa dang // bcom ldan 'das zla gsang chen po'i dkyil nas/ ngo mtshar chen po'i khro bo byung // khro bo'i sngags ni brjod byas pas// 'di dag rab tu bskul ba'i phyir// oM hUM hUM hUM/ ta ru la/ bi ru la/ sarba bi Sha g+hA ta ka sarba bi Sha g+hA ta ka dza la bi s+phu ling+ga D+hAD+D+h+ya hA sa ke sha ri sa Ta/ A Ta pa TaM kA ra badz+ra khur nir+m+ma ta na tsa li ta ba su d+ha ta la ni shA sa mA ru to dak+Shi p+ta d+ha ra NI d+ha ra bI Sha Na ar+d+ha D+ha hA sa/ a pa ri mi ta/ pa la pa rA kra ma AR+Ya ga Na b+haM ta b+ha ta ga NA d+h+yA Shi ta/ bud+d+ha bud+d+ha/ ha ya grI ba/ khA da khA da/ pa ra man h+yaM tshin+na tshin+na/ sid+d+hi me di sha A be sha ya A be sha ya/ sarba dza ra bi shA tsan+darba gra he ShA pra ti ta to b+ha wa badz+ra daSh+TaM/ kiny+tsi rA ya se/ i daM duSh+Ta kra hi duSh+Ta sarbaM ma bA/ d+hA na d+hu na/ ma tha ma tha/ ma Ta ma Ta/ pA Ta ya pA Ta ya/ ban+d+ha ban+d+ha/ bud+d+ha d+harma saM g+ha/ a nu dz+nyAdz+nya taM karma ku ru shI g+h+raM/ ha ya grI ba ya phaT/ badz+ra ya phaT/ badz+ra ga tA ya phaT/ badz+ra ne tA ya phaT/ badz+ra daM Sh+Ti ya phaT/ badz+ra khu ra ya phaT/ badz+ra khu ra nir+m+ma ta nA ya phaT/ pa ra man+ta bi nA sha nA ya phaT/ trai lo kya b+ha yaM ka rA ya phaT/ sarba karmi ShA pra ti ha tra ya phaT/ badz+ra ku la saM trA sa nA ya phaT/ hUM hUM hUM/ phaT phaT phaT swA hA/ 'di ni gsungs ma thag tu yang // chos kyi rdo rje mchog skyes nas// 'jigs shing rab tu brgyal bar gyur// ye

  215. 108a

    nas rgyal ba rnam sa dran/ mtha' dbyings thub kyi sangs gang ba/ rnga rnam babad papa'ang / za ba' rgyal ba brtul ba sa/ drug rnams thams cad med par 'gyur/ de nas brtsam can 'das de bzhin gshegs pa gdon mi za bar gyur te rdo rje dpal 'byung ba zhes bya ba'i ting nge 'dzin la snyoms par zhugs nas/ rdo rje be con sngon po khro bo 'di nyid kyi sku gsung thugs rdo rje las phyung ba'o// sngags sor bzhag/ na maHsa man+ta ka ya wA ka tsit+ta badz+ra NAM/ oM e h+ye hi b+ha ga wAn nI la badz+ra daN+Da/ tu ru tu ru/ hu lu hu yu/ hA ha/ gu lu gu lu/ gu lA ba ya gu lA ba ya/ kra ma kra ma b+ha ga wA nA yu be ga na b+hu tA na shI g+h+raM/ da ha da ha/ da ra da ra/ ha na ha na/ pa tsa pa tsa/ ma tha ma tha/ pA ta ya pA ta ya/ ma Ta ma Ta/ mA Ta pa la sarba karma Ni/ tshin+na tshin+ta/ b+hak+Sha ya b+hak+Sha ya/ me da ma hu ru d+hi ra ma s+ya me da ma dzA dza ru d+hi ra bri ya/ e h+ye hi b+ha ga wAn sarba big+ha nA ni/ sarba bidA ni/ sarba man+tha Ni/ sarba mA la karmA Ni/ sarba gra hA na ha na ha na/ b+hany+dza b+hany+dza/ man+da mar+tha/ i dam+be kaR+YaM sA d+ha ya hUM/ nI lA ya nI la badz+ra daN+Da ya tu ru tu ru/ big+h+nAn bi nA ya kA na nA sha ya/ hu ru hu ru/ dIdwip+ta tsakrA ya/ sarba sha truM NAM/ hr-i da yA ni pI Da ya/ tshin+da tshin+da bid+yA naM tshi da ka hUM/ bid+yA naM shiSh+Tha kaM sma ra sa ma yaM badz+ra d+ha ra pa tsa naM/ maR+YA Ni ni kr-in+ta hAM/ ha na ha na/ da ha da ha/ tu ru hu ru/ tu ru tu ru/ ku ru ku ru/ phaT

  216. 108b

    phaT hUM hUM kr-i tan+ta ya/ bi Shi raM Shi be dra ba Na ka rA ya ha na ha na daN+De na swA hA/ 'di ni gsungs ma thag tu yang // gdug pa'i mchog las byung ba kun// 'jigs shing rab tu skrag gyur nas// rdo rje sems dpa' rjes su dran// khro bo rgyal po drag po ni// brgya ni rtsa brgyad bzlas pa dang // cho ga'i tshul bzhin bskul ba yis// sangs rgyas kun kyang gsod par 'gyur// de nas bcom ldan 'das de bzhin gshegs pa mi bskyod pa// kun tu sprin gyi dpal zhes bya ba'i ting nge 'dzin la snyoms par zhugs ma thag tu/ rdo rje stobs po che 'di nyid kyi sku dang gsung dang thugs rdo rje las phung ngo // na maHsa maH/ ka ya la ka tsaHbadz+ra N+Da/ rmAts+tsha ts+tshaH phaT phaT phaT/ oM u gra shA ya pA Ni hUM hUM hUM/ phaT phaT phaT/ oM dz+yo ti nir+Ni da/ hUM hUM hUM/ oM oM oM/ phaT phaT phaT/ oM hA ba la swA hA/ 'di ni gsungs ma thag tu yang // stobs chen ma lus kun dgug nas// rdo rje gsum ni rab tu dran// las rnams ma lus 'grub par 'gyur// char chu dus su 'bab par 'gyur// rdo rje gsum las 'di phyung bas// bgegs rnams ma lus 'gugs par 'gyur// na maHsa man+ta/ kA ya wA ka tsit+ta badz+ra NaM hUM dza/ bdag nyid sangs rgyas chen po kun// ma lus par ni dran nas 'jig/ ling+ga rkang pa g.yas kyis mnan// sku gsung rdo rje chen po yis// mi g.yo 'jigs pa'i tho bas brdungs// A~M na maHsa man+ta

  217. 109a

    ka ya wA ka tsit+ta badz+rA NAM/ a tsa la kA na/ ha na ha na phaT/ badz+ra kI li ki la ya sarba big+h+nA na paM hUM phaT// na mo sor bzhag swa/ a pra ha te bya/ dza la ya/ tra tha ya/ a pa ra na/ tshig 'di brjod ma thag tu yang // lha rnams brgyal zhing bsreg par 'gyur// mthu chen lha rnams bsregs nas kyang // thams cad ma lus 'joms par byed// rdo rje sbyor ba chen po yis// snying gi dkyil du rdo rje lcags kyu bsam// thams cad ma lus dgug par bya// de nas phur bus nges par gdab// lcags kyi phur pa sor brgyad kyi// snying gi dkyil 'khor du brgyab byas nas// yan lag rnams kyang bcing bar bya// de ni sbyor ba chen po yin// bcom ldan 'das zla gsang chen po las/ dgra bgegs kyi sbyor ba'i le'u ste drug pa'o// // de nas byang chub sems dpa' phyag na rdo rjes bcom ldan 'das zla gsang chen po la/ 'di skad ces gsol to// lha chen po dang / phyogs skyong dang / tshangs pa dang / gza' dang / rgyu skar dang / 'byung po dang / ro langs dang / rbod gtong phra mo dang / dregs pa can mu stegs kyi rbod gtong dang / mthu rtsal dregs pa can klu dang / gnod sbyin dang / gang dag gza' chen po khros pa'i gzugs can mang po dang / rdo rje slob dpon smod pa dang / theg pa chen po smod pa dang / gang dag bkra mi shes par bgyid pa 'di dag thams

  218. 109b

    cad/ bcom ldan 'das ji ltar bzlog par bgyi/ gzir mnan gyi las ni ji ltar bgyi/ dgug ni ji ltar dgug/ de skad ces gsol pa dang / bcom ldan 'das kyis bka' stsal pa// bdag nyid gtum bag 'jigs pa'i gzugs// khros pa'i sprin chen 'jigs par gtibs// rak+ta'i chu yis gsher ba'i gos// bgos nas dben sa chen po ru// lha chen ling+ga rkang pas mnan// khro bo'i rgyal po'i stangs stabs bcas// lcags kyu dkar dmar lag na thogs// nges par bkug cing brdung ba dag/ de nas mtshon chas gcad par bya// gang yin pa yi gzugs bris la// dgug cing de la dbab par bya// so so'i sngags dang ming dag bris// de nas thal bas gsher ba byas la brdungs// bshang gci rul pa'i dri mnams pa// de'i gos la byugs nas ni// bdag nyid du ni bgo bar bya// khro zhing 'khrugs pa'i gzugs can du// bdag nyid rab tu bsgom par bya// khro bo'i sngags ni kun bzlas nas// ma rungs pa ni tshig bsams nas// mnan nam gzir ba'i sngags byas nas// myur du skom ste 'chi bar 'gyur// brgya ni rtsa brgyad sngags bzlas na// sangs rgyas kun yang 'jigs par 'gyur// skra bshig gos ni gsher bar bya// 'jigs pa'i tshul 'chang khros pa'i gzugs// khro rgyal 'jigs tshul mang po sbrul// ma mo rngams pa mang po'ang

  219. 110a

    sbrul// sha zan tshogs bcas mang po sbrul// de nas rkang pas ling+ga mnan// lam po dur khrod khang stong dang // bzhi mdo gling gcig shing drung dang // srin po khros pa'i gnas dag tu// drag po'i las chen bshad par bya// mi yi rus pa'i phur bu dag/ sor brgyad dang ni bcu gnyis la// sngags ni 'di dag bzlas bya ste// ha ya grI ba badz+ra kI li kI la ya sarba big+h+nAn baM hUM phaT/ khro bo'i sngags kyang kun bzlas la// dgra bo'i sgo'am grong du bya// rgyal ba yi ni sku gsung thugs// ma lus pa ni sbyin pa'i mchog/ nyon mongs rnam par rab spangs pa'i// zla ba phyed ni tshun chad kyi// skabs sam yang na 'chi bar 'gyur// yang na smyo'am 'bog par 'gyur// khrag tu skyug cing 'bros par 'gyur// yang na smra col 'bod cing ni// de nas nges par lkugs nas 'chi// yang na thod pa legs pa dag/ slob dpon yon tan ldan pas btsal// he ru ka dang dbang phyug che// phra men khro bo khro mor bcas// sangs rgyas kun gyi sngags chen dag/ rab tu thod pa'i nang du bri// ma rungs pa yi sgor bzhag na// dgra rnams nges par bskrad par 'gyur// yang na ta la'i lo ma'am// shing shun gro ga'am ras kyang rung // drag po'i sngags ni kun bris nas// khyim mam gnas su sbas gyur na// shi'am skabs sam bskrad par 'gyur// rdo rje'i gsung las 'di phyung

  220. 110b

    ngongo// oM g+ha g+ha/ g+hA ta ya/ g+ha ta ya/ sarba duSh+TAM phaT/ kI la ya/ kI la ya sarba pA paM phaT/ hUM hUM badz+ra kI la ya/ badz+ra d+ha ra A dz+nyA pa ya ti/ kA ya wA ka tsit+ta/ badz+ra kI la ya hUM phaT/ oM na maHsa sa man+ta/ bud+d+ha nAM/ sarba pA paM phaT/ ma hA badz+ra kI la ya hUM phaT/ tsit+ta kho la badz+ra kI la ya phaT// gsang sngags 'di dag brjod ma thag/ rdzu 'phrul chen po'i sangs rgyas kun// 'jigs shing brgyal nas khrag tu skyugs// ming rus seng ldeng lcags las byas// sor brgyad pa yi tshad de la// gsang sngags 'di dag brjod nas ni// dgra yi ling+ga la btab na// sangs rgyas dag kyang 'jig par 'gyur// dgra rnams la ni gdon mi za// bdag nyid lha yi skur bsgoms nas// rdo rje phur bu chen po dag/ de dag lag pa g.yon du thogs// spyi nas brgyab cing rkang par bstim// sprul pa'i phur bu khros pas gdab// myur du btab na 'chi bar 'gyur// gnas bdun dag tu gdab par bya// oM na maHsa man+ta nAM/ badz+ra ki li kI la ya hUM phaT/ oM ts+tshin+da ts+tshin+d+ra ha na ha na/ tip+ta tsakra hUM phaT/ phur bu rdo rjes btab nas ni// de nas mod la sangs rgyas kyang // 'jigs shing 'dar nas 'gyel bar 'gyur// dgra bgegs rnams la gdon mi za// nges par 'dod chags rdo rje'i tshul// phur bu'i las rnams 'di byas pas// tshangs pa lha chen la sogs rnams// tshig nas rmongs par rab tu

  221. 111a

    'gyur// bcom ldan 'das zla gsang chen po las/ dregs pa chen po thams cad gsad pa'i le'u ste bdun pa'o// // de nas dkyil 'khor thams cad byin gyis rlobs pa zhes bya ba'i ting nge 'dzin la snyoms par zhugs so// de nas bcom ldan 'das kyis/ dkyil 'khor gru bzhir byin gyis brlabs so// bu mo ut+pal 'tsher ba'i mchog/ lo grangs bcu gnyis lon pa la// dkyil 'khor rgyas par byin gyis brlabs// nyams dga' dben pa'i sa phyogs su// bsgrub pa brtsam pa rab tu shis// de nas dkyil 'khor gru bzhi la// de nas las rnams brtsam par bya// bdud rtsi rnam lngas skyang nul bya// de nas srad bu'i sbyor ba dag/ nyid kyis sa bcad snyoms par bya// 'khor lo rtsibs bzhi mu khyud bcas// 'bar ba'i bar khyams gnyis kyis mdzes// kun tu gru bzhi mu khyud ldan// dbus su dbu dgu 'jigs par bstan// b+han+d+ha kha sbyor yab yum las// dngos grub 'byung ba'i rten du bzhag/ chos kyi 'khor lo'i shar phyogs su// zhe sdang 'joms byed he ru ka yab yum bzhugs// chos kyi 'khor lo'i lho phyogs su// nga rgyal 'joms byed he ru ka yab yum bzhugs// chos kyi 'khor lo'i nub phyogs su// 'dod chags 'joms byed he ru ka yab yum bzhugs/ chos kyi 'khor lo'i byang phyogs su// phrag dog 'joms byed he ru ka yab

  222. 111b

    yum bzhugs// 'bar ba'i bar khyams dang po la// dbang phyug chen mo brgyad rnams bzhugs/ 'bar ba'i bar khyams gnyis pa la// phra man khro tshogs sprul par bcas// sgo bzhir sgo ba bzhi rnams bzhugs// phyi khyams lcags ri chen po la// dbang phyug rgya mtsho 'khor tshogs dgod// de nas las kyi skal bde ru// gshin rje 'dug pa'i phyogs chen du// dkyil 'khor gru gsum brtsegs ma la// thod pa mda' gzhu me ris bskor// chos ni bzang po rgyas pa la// bshang gci'i dam tshig sha chen bza'// de nas las kyi skal bde ru// sngags mkhan gyis ni mi gzugs bri/ tho ba chen po gnam 'phyar nas// de yis mgo la brdung bar bya// khros pas 'jigs shing gtum por bya// sngags rnams 'di dag bzlas shing brdungs// oM hriHSh+T+r-i bi kr-i tA na na/ sarba sha hUM nan/ nA shA ya/ stam b+ha ya/ hUM hUM hUM phaT phaT swA ha/ khrag dang ske tshe lan tshwa rnams// khro bo gtum pos me sbar la// tsher ma'i me la khros pas bsregs// ming ngam rus sam mtshan ma ste// dum bur bcad cing me la bsreg/ nam phyed dam ni nyi ma'i gung // stong rtsa brgyad ni tshul bzhin dbul// bdag kyang khro zhing tshig pa yis// bsregs shing me lhas gzugs phung bcom// de ltar ma byas rmongs byas na// de ni 'jig rten tshe zad 'gyur// dur khrod sol ba cho ga bzhin du bya// ming dang

  223. 112a

    gzugs ni rab tu bri// rdo rje tho bas btags nas kyang // ming dang gzugs la dbab cing brdung // rdo rje 'bar ba'i hUM ring las// rdo rje'i me stag phyogs bcur 'phros// rdo rje'i me stag re re las// ye shes sprul pa bsam mi khyab// ye shes sprul pa'i thugs rje las// rdo rje lcags kyu phyogs bcur 'debs// bkug cing ming dang gzugs la dbab// 'jigs tshul mang pos snying nas drangs// lag pas sta re chen po brdeg/ dgra yi ming sa bcas par bsgoms// de ltar bsams shing bcad gyur na// sangs rgyas btsun mo'ang 'chi bar 'gyur// rlung la sogs pa'i phyag rgya can// dgra rnams rab tu 'phyar bar bsams// zhag ni bcu gcig tshun chad kyis// dgra rnams ma lus 'chi bar 'gyur// las kyi rdo rje'i snying po ni/ hUM hUM hUM/ phaT phaT phaT/ khro rgyal gtum zhing 'jigs pa'i gzugs// gzugs ni rdo rje mi 'gyur te// thugs ni rdo rje sra mkhregs bdag/ gsung ni chags med rdo rje'i gsung // oM AHhUM dzo hUM dzo hUM/ dzo 'u ri dzo'u ri/ de nas rgyal po 'jigs pa'i gzugs// brtul zhugs ldan par bdag byas la// dgra bgegs gdug pa thams cad gzhig/ bdud dam dgra yi gzugs byas la// mi ro bor ba'i dur khrod du// gcer bur phyung ste skra bshig la// phan dpyad dgos tshun 'di na dgra bgegs gnod byed

  224. 112b

    pa// bdag nyid khro tshogs rngam par byas// g.yas kyi kha T+wAM gis bsgyel la// g.yon gyi lcags kyus ril ming bya// yang na dgra yi ming byang ni// dur khrod sol ba dag la bya// de la sngags rnams bzlas pa ni// stong ni rtsa brgyad dag tu bzlas// hom khung gru gsum mthing nag tu// tsher ma'i me la khro zhing dbul// rdo rje sems dpa'ang 'chi bar 'gyur// ske tshe lan tshwa 'bru mar dang // dgra yi gzugs brnyan legs su bya// chu 'gram gnyis su bskul la btab// yungs kar gyi ni 'bru tsam dag/ dug dang rtsub pa'i me la bsreg/ me lce dmar nag phyogs bcur 'phro// de yi 'du 'phros bag chags bsregs// 'bar zhing mched pa dur khrod me// nyon mongs bsreg pa'i me sbar bas// khams gsum nyon mongs bsreg par byed// khams gsum dgra bgegs lus dag bsreg/ 'di ltar sbyor ba cher byas na// sangs rgyas dag kyang brlag par byed// dug gi 'bru'am ske tshe'am// mar las byung ba'i rdzas chen 'dis// rgyal ba thams cad bsad pa la// mchog gi sbyor ba 'di dag gis// khrag dang rus phye dug rnams bsres nas su// rang gi lus la byugs par bya// ling+ga la ni rkang pas mnan// de nas srin po pho mo rbad// srin po'i las chen sha la dga'// srin po'i las chen khrag la dga'// srin po'i las chen rus la dga'// srin po'i las chen don snying

  225. 113a

    'byin// srin po'i las chen nang khrol za// srin po'i las ni srog rtsa gcod// srin po'i las ni ngu zhing rgyug/ g.yab mo 'dor zhing pho dod 'bod// mi yi keng rus phung por brtsig/ mi yi thod pa phreng bar thogs// mi yi khrag gis rgya mtshor bskyil// gzugs khams lha tshogs thams cad kyang // thal mo brdab pas rdul du rlog/ sangs rgyas rdo rje sems dpa' yang // rab tu 'jigs shing brgyal bar 'gyur// srin po smug nag chen po yang // ra la ru lu'i glu yang len// snyan pa'i tshig dang snyan pa'i glus// dga' ba'i rol mo sna tshogs byed// dpa' bo rgod po 'jigs par byed// ma lus par ni rdul du rlog/ khrag gam dug gam rus chen la// dgra yi gzugs brnyan byas gyur na// sangs rgyas rdo rje sems dpa' yang // myur du srin po pho mos 'khyer// dgra rnams la ni gdon mi za// oM na maHsa man+ta bud+d+ha nAM/ oM badz+ra kI li kI la ya kA ya wA ka tsit+ta badz+rA NAM/ oM hu lu hu lu tiSh+Tha tiSh+Tha ban+d+ha ban+ta/ da ha da ha/ pa tsa pa tsa/ kI li ki la ya/ gardza gardza/ s+pho Ta ya s+pho Ta ya/ sarba big+h+nAn/ bi nA ya ka nAn/ ma hA kI la ya/ ga NA ya/ pa ri tsit+ta tsit+ta bi ta na ta ka badz+ra ra ya/ kI la ya swA hA/ bsam gtan pa la sogs pa yang // de yi lus ngag sems kyang gcig/ sems la rtse gcig 'dud la bya// khro bo rdo rje'i sngags pa che// kha mig bgrad nas

  226. 113b

    'jigs pa'i tshul// lag cha'i tho ba sta res brdung // ting 'dzin rtse gcig rab tu bsam// 'di ni gsod pa'i khro tshogs yin// nam mkha'i mtha' ni kun klas par// sangs rgyas khro bo'i sprul pa dag/ sprul pa'i tshogs bcas de kun gyis// dgra bgegs gnas nas bkug nas kyang // mtshon cha 'bar bas gtub cing bcad// phra mo'i byang chub sems dpas kyang // nam mkha' yongs su gang bar byed// khro bo'i sems kyis khros nas kyang // rngams pa'i tshul gyis gsad par bya// de ltar sbyor ba byas nas kyang // yon tan rnam pa sna tshogs 'grub// sangs rgyas rdo rje 'dzin kun kyang // 'chi bar 'gyur ba gdon mi za// rgyal ba'i gnod byed dgra rnams la// khros shing rngam pas khug nas ni// slob dpon mkhas pa yid gzhungs kyis// byas na 'chi bar don mi za// srin po srin mo khro bo'i tshogs// khro 'khrugs gtum pa mi bzad pas// ting 'dzin khro bo'i cha lugs bya// ting 'dzin de yi sbyor ba byas gyur na// sangs rgyas ye shes can yang 'chi// rbod gtong rnam pa 'byung ba ni// khra dang bya rog 'ug pa khro bo'i gzugs// khwa ta wa dang sbyang ki'i gzugs// seng+ge stag dang dred kyi gzugs// ma he khyu mchog sha ba'i gzugs// dom dang gzig dang phag gi gzugs// sbrul dang ne le byi la'i gzugs// kang ka bya rgod bya rog gzugs// sre mo smig bu khyi

  227. 114a

    yi gzugs// de ltar bsams shing khros gyur na// sangs rgyas rdo rje sems dpa' yang // khrag tu skyug cing nges par 'chi// khro bo kun yang brgya la 'gyur 'chi// de yi sngags ni brjod bya ba// oM na maHsa man+ta kA ya wA ka tsit+ta badz+ra kI la ya hUM phaT/ oM laM hUM laM mo hA ya rak+Sha staM b+ha ya nan/ rkang pa g.yon pas ling+ga mnan// snying gar lcags kyi phur pa gdab// tho bas brdung zhing sta res gcad// sbrul nag gdengs pa mang pos kyang // de la rab tu dkri zhing gdug par bsam// tshe dang bsod nams phrog nas kyang // bdag gi tsit+ta'i bkrag la byon// nyon mongs lnga rnams bskur nas kyang // ye shes lnga ru gnas pa ste// bdag dang gnyis su med par bya// de nas las kyi skal bde ru// sbyin sreg cha rnams mchod par 'bul// gshin rje chos kyi rgyal po la// dgra bgegs de dag gtad par bya// phrin las rnam bzhis mnan cing bsad// de nas sems kyi skal bde ru// ting 'dzin khros pa'i gzugs can dang // gal te ma rungs pa rnams kun// za zhing khro tshul rngam stabs bstan// hUM ka ra ya ting 'dzin ni// phyag gnyis rdo rje lu gu rgyud// g.yas gnyis rdo rje dgra sta gdengs// g.yon gnyis rnge'u chung phur bu 'dril// zhal gsum dug gsum gting nas rngub// spyan dgu theg chen rnam par gzigs// mche gtsigs ye shes dug gsum

  228. 114b

    gsol// gsung mchog rnam thar rgya mtsho sgrogs// de yi ting 'dzin cher sbyar na// sangs rgyas kun kyang phung bar 'gyur// 'byung po rnams la smos ci dgos// bcom ldan zla gsang chen po las// rtsa ba'i dkyil 'khor gyi le'u ste brgyad pa'o// // de nas bcom ldan 'das rdo rje sems dpa' chen pos bcom ldan 'das zla gsang chen po la 'di skad ces gsol to// lha yi dam tshig chen po ni// lha yi gnas gsum 'di lta ste// 'dod khams gzugs mas gzugs med khams/ so so'i ming ngam gzugs su bri// tshangs pa brgya byin biSh+Nu dang // khyab 'jug ma hA de ba dang // gzhon nu lang tsho 'dus pa rnams// snying po 'di yis dgug par byed// de ba dza dza de ba dza// bdag nyid 'jigs pa'i gzugs dang ldan// khros shing rngam pa'i tshul gyis dgug/ bkug na sangs rgyas kun yang khug/ lha rnams kun kyang gdon mi za// lha rnams khugs par gyur pa na// rdo rje sta res lhag par btags// byas na lha rnams nges par 'chi// de yi sbyor ba chen po ni// bdag nyid 'jigs tshul rab tu rngam// gshin rje khros shing gdug par bya// lag na lcags kyu rno bsnams nas// lha yi snying ga nas ni bzung // dbab cing rdo rje chen pos brdungs// phyag na rdo rje'ang 'chi 'gyur na// lha rnams la ni gdon mi za// bdag nyid khros pa'i gzugs su bya// de nas sngags kyi/

  229. 115a

    tshig brjod pa// oM na maHsa man+ta badz+ra mu ti nan/ ga ru nan/ tshal tshal sum b+ha naM sum b+ha/ de ltar bsnyen cing rab bsgrubs na// sangs rgyas sogs kyang brlag par byed// lha rnams la'ang smos ci dgos// bcom ldan 'das zla gsang chen po las// lha'i tshogs bsad pa'i le'u ste dgu pa'o// // de nas bcom ldan 'das zla gsang chen po la/ phyag na rdo rjes 'di skad ces gsol to// gnod sbyin mo ma rungs pa// 'di dag thams cad dgug pa'am bcing ba ci ltar bgyi/ bka' stsal pa/ gnod sprin pho mo'i gzugs bcas la// phyag na rdo rje khro bag che// gtum zhing 'jigs pa'i gzugs su bsam// sprul nag rab tu khro ba ni// 'jigs pa'i skur yang rab tu snang // bdag gi dpral ba'i dbyings nyid du// yi ge hUM gi tshogs 'dus nas// phyag na rdo rje mang po 'phros// nam mkha'i khams kun bkang nas kyang // gnod sbyin pho mo'i lag nas 'dzin// snying nas 'dren cing rgyab nas 'phul// khros pa'i gzugs can mang pos kyang // gnod sbyin pho mo 'gugs par byed// bdag gi lus kyang nam mkha' khebs// de ltar byas shing bsams gyur na// sangs rgyas mthu yang myur du thub// sangs rgyas rnam par snang mdzad kyang // khrag tu skyug cing mthu stobs ster// gnod sprin rnams lta smos ci dgos// bdag nyid khros shing

  230. 115b

    'khrugs pa yis// gsang sngags 'di dag bzla bar bya// yak+Sha dzA la sa ma ya na maHsa man+ta bud+d+ha nAM/ badz+ra kI li kI la ya/ oM g+ha g+ha/ g+hA ta ya g+hA ta ya/ sarba duSh+TAn phaT/ na maHsa man+ta bud+d+ha nAM/ de skad ces ni brjod gyur na// gnod sbyin srog lta smos ci dgos// tho ba rdo rje lag na thogs// bshang gci zas su bza' ba dang // sku gsum rdo rje ster ba'i mchog/ sangs rgyas drag po mthu chen che// sangs rgyas kun kyang gnon par byed// des ni gsod pa'i las mchog yin// sangs rgyas kun kyang 'gugs gyur na// gnod sbyin pho mo smos ci dgos// cho ga 'di yi sbyor ba yis// dngos grub mchog gsum thob par 'gyur// bcom ldan 'das zla gsang chen po las/ gnod sbyin pho mo dgug pa'i cho ga'i le'u ste bcu pa'o// // de nas bcom ldan 'das zla gsang chen po la phyag na rdo rjes 'di skad ces gsol to// lha ma yin dang nam mkha' lding // lto 'phye dri za grul bum tshogs// 'di dag zhi bar bya ba'i don// bcom ldan 'das kyis bshad du gsol// stobs chen khro bo chen po'i gzugs// 'di dag rab tu dgug pa'i phyir// bdag ni rta mgrin rgyal por bsgom// de yi thugs kyi dkyil 'khor du// hrIHyi tshogs ni mang po 'phros// dbang mchog rta yi rgyal po'i tshogs// phyogs bcu dag tu 'phros nas kyang // lha ma yin la sogs pa'i tshogs// ma lus

  231. 116a

    par ni dgug par bya// dbang du sdud cing thal bar brlag/ sbrul nag 'jigs pa'i zhags pa thogs// khro bo 'khrugs shing nag por 'bar// mche ba gtsigs shing rab tu rngam// rdo rje sems dpa' dbang du 'gyur// lha ma yin sogs smos ci dgos// rdo rus sol ba'am sa'ang rung // ta la'i shun pa'am mAM sa la// lha ma yin sogs gzugs bris te// 'di yi sngags ni brjod byas te/ a nr-i dza dza/ kro d+harA dza la/ kI la ya/ mA ra ya nan phaT/ oM tshin+na tshin+da phaT/ dIp+ta tsakra ru lu ru lu hUM phaT/ bdag nyid khro bo 'jigs pa'i gzugs// zhing lpags g.yang gzhi ko rlon gon// thod pa'i phreng ba se ra la kha// g.yas na rdo rje rtse lnga 'phyar// g.yon na lcags kyi phur bu brdeg/ sangs rgyas rdo rje sems dpa' 'chi// lha ma yin sogs rdul du rlog/ de ltar byas shing bsgrubs gyur na// sku gsung thugs kyi dngos grub thob/ bcom ldan zla gsang chen po las/ lha ma yin dgug pa'i le'u ste bcu gcig pa'o// // de nas bcom ldan 'das zla gsang chen po la/ phyag na rdo rjes 'di skad ces gsol to// klu ma rungs pa 'di dag thams cad ji ltar dgug par bgyi// dgug pa'i thabs ni ji ltar dgug/ bsad pa'i las ni ji ltar bgyi// bcom ldan 'das kyis bka' stsal pa/ bdag nyid dbang gi lhar gyur nas// de yi thugs kyi dkyil 'khor

  232. 116b

    du// yi ge hUM gi tshogs bskyed nas// de nas sna yi dbugs su dri// phyogs bcur 'phros pas rgyal ba'i thugs// slar bsdus gnyis su med par sbyar// de nas phyag na rdo rje nyid// khros shing 'khrugs nas rngam pa'i tshul// klu rnams rab tu 'gugs par bsam// khro bo'i gzugs brnyan kun 'dus nas// sangs rgyas kun yang 'gugs 'gyur na// klu rnams la ni gdon mi za// de yi sngags ni brjod bya ba// oM nA ga dza// nA ga sa ma ya dza/ na ni na dza/ sa ma ya dza/ khrag dang ke tshe lan tshwar sbyar// ba yi lci ba sol phyed dang // ske tshe rus pa'i phye ma dang // mar dang sbyar la gzugs su bya// ma rungs klu rnams snying ga ru// lcags kyi phur pa sor brgyad pas// ma rungs pa yi snying gar gdab// bdag nyid khros shing 'khrugs pa yi// phyag na rdo rje'i gzugs su bya// de yi sprul pa'i 'khor tshogs ni// bya khyud rlabs chen mang po dang // 'dab chags rgyu zhing mgo brnyan sbrul// de ltar bkug cing dbang bsdus na// phyogs bcu'i sangs rgyas rnams kyang khug/ klu rnams la ni gdon mi za// phyag na rdo rje zhal gsum pa// zhabs drug klu rnams thams cad brdzis// g.yas kyi gsum na bsnams pa ni// kha T+wAM rtse gsum 'bar bas rgol// rdo rje chen pos 'thag cing brdung // 'khor lo 'bar bas dum bur gcod// g.yon gyi phyag na bsnams pa

  233. 117a

    ni// rak+ta b+han dmar dang por gtor// bar ma lcags kyu dkar dmar 'dren// za ma zhags pas 'ching zhing bsdom// mchog gi sbyong ba 'di byas na// sangs rgyas nyid dang 'dra ba yin// bcom ldan 'das zla gsang chen po las/ klu'i mchog gi sbyor ba'i le'u ste bcu gnyis pa'o// // bcom ldan 'das zla gsang chen po la/ phyag na rdo rjes 'di skad ces gsol to// mu stegs log lha'i lha ba la// zhen cing 'chel ba'i gang zag dang // dam nyams bka' la smod pa dang // log lta dug chen skyon chen dang // log par byed pa'i mu stegs dang // rgyal ba'i bka' la smod 'gyur rnams// ji ltar mnan zhing brlag par bgyi// de skad ces ni gsol pa dang // nyon cig phra mo'i sems dpa' rnams// mu stegs log lha'i lha rnams dang // gang zag skyon can lha rnams la/ cho ga gong ma bzhi sbyar na// sangs rgyas rdo rje sems dpa' yang // skams sam yang na 'chi bar 'gyur// gal te shi bar ma gyur na// spogs pa'i cho ga 'di dag brtsams/ dkyil 'khor sa phyogs legs pa ru// byin gyis brlabs shing thig gdab bo// 'khor lo rtsibs brgyad 'bar ba'i thig/ 'bar ba'i bar khyams gsum du bya// sgo khyams 'bar ba chen por bya// de dbus gru gsum 'bar ba la// rdo rje gzhon nu 'khor bcas ni// yab yum gnyis su

  234. 117b

    med par ston// shar du zhe sdang rdo rje yab yum dgod// lho ru nga rgyal rdo rje yab yum dgod// nub tu 'dod chags rdo rje yab yum dgod// byang du phrag dog rdo rje yab yum dgod// rtsibs mtshan bzhi ni yul du dgod// 'bar ba'i bar khyams dang po la// khro rgyal yab yum nyi shu dgod// za gsod yab yum nyi shu yang // 'bar ba'i bar khyams dang po la// rim bzhin dgod cing nges par bzhag/ 'bar ba'i bar khyams gnyis pa la// dbang phyug chen mo brgyad rnams dgod// 'bar ba'i bar khyams gsum pa la// phra men brgyad dang sprul pa'i tshogs// ma lus par ni dgod par bya// phyi khyams lcags ri nag po la// dbang phyug nyi shu brgyad rnams dgod// sgo bzhir khro chen bzhi rnams dang // sgo ma bzhi rnams bcas te dgod// thod pa skam rlon phreng bas bskor// dkyil 'khor chen po 'di nyid la// mchod cing dam tshig rjes su bskul// bdag nyid dam tshig rjes dgongs na// las kyi lha ste he ru ka/ 'jigs pa dag kyang 'jigs 'jigs 'dra// 'khor ba'i gzugs can mang po 'byung // thams cad rgyug cing dbang du sdud// la gcig khros pa thams cad kyis// sangs rgyas kun kyang 'gugs par byed// mu stegs log lta can rnams dang // ma lus par ni gsad par bya// cho ga 'di yi sbyor ba yis// sangs rgyas khrag tu skyugs shing

  235. 118a

    'chi// de yi sngags kyi sbyor ba ni// gsang sngags 'di dag brjod par bya// IM na maHsa man+ta bud+d+ha nAn/ au kI li ni swA hA/ lcags sam seng ldeng phur pa la// sku gsung thugs su byin gyis brlabs// oM kA ya badz+ra/ A wA ka badz+ra/ hUM tsit+ta badz+ra/ oM na maHsa man+ta bud+d+hA nAM/ g+ha ta ya/ g+hA ta ya/ sarba duSh+TAn phaT/ kI la ya/ ki la ya sarba pA paM phaT/ hUM hUM badz+ra kI la ya/ badz+ra d+ha ra A dz+nyA pa ya ti/ kA ya wA ka tsiSh+Tha badz+ra ki la ya hUM phaT/ brgya rtsa brgyad ni bzlas gyur na// sangs rgyas sku yang 'jig par 'gyur// gdug pa can rnams smos ci dgos// cho ga 'di yi sbyor ba yis// sangs rgyas kun gyi dngos grub brnyes// bcom ldan 'das zla gsang chen po las/ cho ga sbyor ba'i le'u ste bcu gsum pa'o// // de nas bcom ldan 'das zla gsang chen po la/ phyag na rdo rjes 'di skad ces gsol to// srin po ma rungs pa 'di dag thams cad ni ji ltar zhi bar bgyi/ de skad ces gsol pa dang / bcom ldan 'das kyis 'di skad ces bka' stsal to// khro bdag gtum zhing 'jigs pa'i tshul// srin po ma rungs glu blangs shing // srin po rnams ni dgug par bya// sngags kyi brjod cing tshig gis bskul// gsang sngags 'di dag brjod par bya// rak+Sha sa ma ya dza/ phu lu na la dza/ k+ShaM ba ri dza/ rak+Sha sham ba dza dza/ bdag nyid khros shing ling+ga'i

  236. 118b

    tshul// rngam pa'i tshul gyis dgug par bya// bdag nyid khros shing 'jigs pa'i gzugs// gyad kyi dor ba'i tshul du bya// des ni bdag nyid chen po'ang khug/ srin mo rnams ni smos ci dgos// khrag dang rus pa las byas pa'i// ling+ga sku gnag nyid du bya// srin po pho mo de la dgug/ bdag nyid khros pa'i gzugs su bya// lcags kyi sta re lag tu thogs// rkang pa g.yon pas ling+ga mnan// sta res med pa gcad par bya// snying la zos par bsams gyur na// sangs rgyas rnam par snang mdzad kyang // khrag tu skyug nas 'chi bar 'gyur// srin po rnams la gdon mi za// mchog gi sbyor ba de byas na// sangs rgyas kun gyi dngos grub thob// bcom ldan 'das zla gsang chen po las// srin po gdul ba'i le'u ste bcu bzhi pa'o// // de nas bcom ldan 'das zla gsang chen po la// phyag na rdo rjes 'di skad ces gsol to// bcom ldan 'das byol song rigs can rnams rab tu brlag par bgyi 'tshal na// bcom ldan 'das kyis bshad du gsol// bcom ldan 'das kyis bka' stsal pa// rta dang seng ge khyu mchog dang // stag dang seng ge gzig chen dang // dred dang dom dang dred mo dang // gung dang byi la sre mo dang // sbrang ki g.yi dang 'phar ba dang // sder chags chu 'byin phag rgod dang // bse dang kha sgo srin bu dang // nya mid rus sbal chu srin

  237. 119a

    dang // ce sbrang sder chags mang po dang // ba lang glang chen pa men dang // sha ba shan par spre'u chen dang // lug dang ra dang bong bu dang // rnga mo dung dang mig chen dang // sbrul dang byi shu pags shu dang // kha dang chu li ru mig dang // rkang mang rkang med lto 'phyed dang // khyung dang bya rog 'ug pa dang // ngang pa khrung khrung bya gag dang // rma bya ri skegs ngur pa dang // ne tsho khu byug shang shang te'u// sgra 'byin ku khug shing stag dang // kan ti sgra 'byin dang // rtsa ni rtsa rma ro 'be dang // 'di dag ma lus thams cad kyi// ming dang gzugs brnyan bri bar bya// bcom ldan 'das kyis bka' stsal pa// bshang dang gci dang sol ba la// gang dgug pa yi gzugs byas nas// bdag nyid khro bo'i tshul du bya// de nas sngags ni 'di dag brjod// hri sa ma ya dza// IM k+Shi ti k+Shi ti// IM na maHsa man+ta bud+d+ha nAM// IM g+ha g+ha/ g+ha ta ya g+ha ta ya// sarba duSh+TAn phaT// kI la ya kI la ya// sarba pA paM phaT// hUM hUM badz+ra kI la ya// badz+ra d+ha ra A dz+nyA pa ya ti// kA ya wA ka tsit+ta// badz+ra kI la ya hUM phaT// oM badz+ra badz+ra// bdag nyid khros pa'i tshul chen las// mi rus seng ldeng lcags las byas// sor brgyad pa yi tshad chen las// gshin rje gshed por bdag bsgom ste// phur bu 'dril zhing btab bsams na// gshin rje'i gshed kyi rgya chen yin// zhag ni gsum ni tshun chad

  238. 119b

    kyis// brgyal zhing khrag tu skyug nas kyang // 'chi bar 'gyur ba gdon mi za// dngos grub 'byor pa 'di byas na// kun tu bzang po'i dngos grub len// bdag nyid gshin rje ltar byas la// sdang mig khro zhing 'jigs par blta// pha rol dmag tshogs gzhom 'dod na// bdag nyid phyag na rdo rjer bsgom// bdag nyid snying gi dkyil 'khor nas// yi ge hUM chen mthing nag 'phros// phyag na rdo rje grangs med pas// pha rol dmag tshogs 'joms par bsams// gsang sngags 'di dag brjod par bya// oM badz+ra rA dza hUM badz+ra ki la ya mA ra ya phaT// cho ga 'di yi sbyor ba yis// sku gsung thugs kyi dngos grub 'thob// bcom ldan 'das zla gsang chen po las// byol song gi dmag dpung gzhom pa'i le'u ste bco lnga pa'o// // de nas bcom ldan 'das zla gsang chen po la// phyag na rdo rjes 'di skad ces gsol to// yi dwags kyi sdug bsngal ni ji ltar zhi bar bgyi// bcom ldan 'das kyis bka' stsal pa// bdag nyid gshin rje'i tshul du bya// dbang du bsdu zhing dgug par bya// khrag gi zhing chen las byas pa'i// skyem zhing rid pa'i gzugs bris la// yi dwags rnam par dgug par bya// sa mA dza dza// oM sarba duSh+TAn phaT// yak+Sha kro d+ha duSh+Tan phaT// 'jigs shing bgrad pa'i gzugs su bsam// des ni rdo rje sems dpa' 'ang khug/ yi dwags sdug

  239. 120a

    bsngal rnam pa rnams// ma lus par ni khugs par 'gyur// de nas gzugs la phab nas kyang // lcags kyi phur bu sor brgyad pa// snying gi dkyil du brgyab nas kyang // rmad du byung ba'i gtor ma bcas// rgyal ba'i tshogs su dbul bar bya// de ltar sbyor ba cher byas na// dngos grub rnam gsum thob par 'gyur// bcom ldan zla gsang chen po las/ yi dwags gdul ba'i le'u ste bcu drug pa'o// // de nas bcom ldan 'das zla gsang chen po la// phyag na rdo rjes 'di skad ces gsol to// tsha grang sdug bsngal mi bzad pa// 'di yi sbyor ba bshad du gsol// bcom ldan 'das kyis bka' stsal pa// bdag nyid gshin rje khros pa'i tshul// khro bo gshin rje gshed por bsgom// grong zhing tsha zhing 'dar ba'i gzugs// gro ga'am shing shun ras la bri// gshin rje gshed po'i thugs ka nas// yi ge dza zhes byung nas kyang // de la lcags kyu dkar po 'phros// lcags kyu de dag thams cad la// dbang gi lha mo bsam mi khyab// rang rtags 'bar ba'i phyag mtshan bsnams// thugs rje'i lcags kyu de dag gis// dmyal ba'i gnas nas bkug nas kyang // ling+ga la ni phob nas kyang // rdo rje'i glu ni blangs byas te// ye shes lha mo thugs rje'i bdag/ bde bar gshegs pa'i pho nya mos// tsha grang sdug bsngal gnas nas bkug/ tsha

  240. 120b

    grang sdug bsngal zhi bar mdzod// de nas bdag nyid zhi ba'i sku// cha lugs 'dzum par byas nas ni// dngul gyi phur pa chen po zhig/ de yi snying gi dkyil du gdab// IM na maHsa man+ta bud+d+ha nAM// badz+ra kI la ya// oM g+ha g+ha/ g+ha ta ya// g+hA ta ya// sarba duSh+Tan phaT// kI la ya// kI la ya/ sarba pA paM phaT// hUM badz+ra kI la ya badz+ra d+ha ra Adz+nyA pa ya ti// kA ya wA ka tsit+ta badz+ra kI la ya hUM phaT// mchog gi sbyor ba de byas na// sangs rgyas byang chub sems dpa' 'ang khugs// tsha grang sdug bsngal smos ci dgos// de yi sbyor ba byas gyur na// sku gsung thugs kyi dngos grub thob// bcom ldan zla gsang chen po las/ tsha grang gi sdug bsngal zhi bar bya ba'i le'u ste bcu bdun pa'o// // de nas bcom ldan 'das zla gsang chen po la// bcom ldan 'das phyag na rdo rjes 'di skad ces gsol to// bgegs chen bzhi po 'di dag dang // dregs pa mthu chen ma rungs pa// 'di dag rab tu ji ltar gzhig/ rdo rje slob dpon smod byed dang // theg pa mchog las log pa yi// ma rungs sgro skur 'debs pa rnams// 'di dag brlag pa ji ltar bgyi// bcom ldan 'das kyis bshad du gsol// bcom ldan 'das kyis bka' stsal pa// ne'u ni wa dang rnam par 'jigs// so gcig la sogs rnam pa bzhi// rnam pa sprin gyi sgron ma dang // rdo rje'i mchu dang

  241. 121a

    bi na ka/ bcom ldan 'das kyis gdon gyi rim// grog ga'am ras sam shing shun la// gzugs sam ming rus bris nas ni// 'khor ba can gyi gzhal yas su// khru gang gru bzhi'i tshad de la// dri zhim tsan+dan lde gus bsku// lha rnams rim par dgod par bya// yab yum bcu po tshul bzhin gnas// gnas dang yul gyi phyag rgya rnams// so so'i gnas su dgod par bya// sgo ba bzhi yang tshul bzhin dgod// bdag nyid bdud rtsi 'khyil par bsgom// bgegs chen 'di dag dgug pa'i phyir// bdag nyid khros shing rngam pa'i tshul// khros pa'i tshul gyis bkug gyur na// bgegs rnams 'di dag smos ci dgos// de yi gsang sngags brjod par bya// mA ra ya sa mA dza/ oM badz+ra aM ku sha dza/ shrI he ru ka dzaHhUM baM hoH/ bdag nyid khros shing bskul gyur na// rdo rje sems dpa'ang khrag tu skyug/ bgegs chen rnams ni smos ci dgos// sbyor ba chen po de byas na// rdo rje sems dpa'i dngos grub thob// bcom ldan zla gsang chen po las/ gegs zhi bar bya ba'i le'u ste bco brgyad pa'o// // de nas bcom ldan 'das phyag na rdo rjes 'di skad ces bka' stsal to// rgyal rigs bram ze rje'u rigs dang // dmangs rigs gdol pa can gyi rigs// mu stegs ral pa gcer bu dang // kat+ya bu dang nog can dang // bu mo mig rengs ma lus

  242. 121b

    dang // lha mo klu mo rigs ngan sogs// bshan pa gsod pa'i rigs can dang // ma rungs gnod pa'i rigs can gang // 'di dag gsod pa'i sbyor ba bya// tshad med snying rje bskyed nas kyang // byang chub sems ni gzung bar bya// de yi sbyor ba chen po ni// bdag nyid khros shing 'jigs pa'i gzugs// ba glang khyi sha rta sha dang // sha rnams gtsang sme med par bza'// sems can srog kyang gcad par bya// rnal 'byor rig pa 'dzin pa dag/ 'byung po khrag gi dri snom tshul// ma kun rngam pa'i cha lugs su// srin mo mi sdug 'jigs pa'i gzugs// ling+ga srin mo'i tshul ltar bsgom// sbrul nag tsan+da chen por bsgom// de nas las kyi stegs bu dag/ las kyi skyes bu chags byed pas// me ris bskor te bri bar bya// dkyil 'khor de yi maN+Dal ni// sum brtsegs bya ba'i dbus zla gam// 'khor lo rtsibs brgyad mdzes par bya// de yi mtha' mthod pas bskor// me dpung 'bar bas de mtha' bskor// dmar chen rgyas pas de mtha' bskor// bcom ldan dpal chen zla gam dbus// zla gam brgyad la gnas brgyad dag/ mthing nag ya tha me ri 'bar// da 'og thod pa tshar gsum dang // sgo khyams dur khrod rdzas kyis bskor// rnam bzhi'i las kyi dkyil 'khor brtsam// dkyil 'khor bskal pa 'jigs byed du// phyag rgya 'bar ba za byed kyis// thar bar

  243. 122a

    rtsad nas bsgral bar bya// bdag nyid 'jigs pa'i gzugs can gyis// ma rungs pa rnams dgug par bya// oM nr-i dza/ badz+ra aM ku sha dza// nr-i dza nr-i dza nr-i dza/ sa ma ya nr-i dza/ ling+ga smug nag 'cher ba la// nr-i zhes bya bas dbab par bya// gong ma'i sngags dang tshig gis bskul// de ltar bskul zhing bsgrubs gyur na// sangs rgyas rnam par snang mdzad kyang // zla ba phyed ni tshun chad kyis// skams sam yang na 'chi bar 'gyur// bcom ldan 'das zla gsang chen po las// mi myur du bsgral ba'i le'u ste bcu dgu pa'o// // de nas bcom ldan 'das phyag na rdo rjes 'di skad gsungs so// dkyil 'khor gru bzhi ldan pa la// dur khrod go ma ye ru bya// gru bzhir maN+Dal bzhi byas la// bzhi las de bzhin chag re bsreg/ de la ma traM gzugs su bya// dbus su snying ga man chad bsnol// maN+Dal chen po'i 'og tu gzhug/ 'khor lo 'bar ba bzhi yi thig/ dpal chen lnga yi phyag rgya bca'// 'bar ba'i bar khyams bzhi dag la// gnas dang yul gyi phyag rgya dgod// sgo bzhi rdo rje ra ba bzhi// mgo brnyan yan lag sprul pa'i gnas// de nas phyi khyams chen po la// rdo rje me ri phreng chen btang // skam dang ra ri rlon pas bskor// me dpung bskal pa'i bu yug bri// sgo bzhir gru gu rdul dang sbrul gyi phreng // b+han+d+ha dpal chen ldan pa la// dpal chen yig bris

  244. 122b

    kha sbyar yum// ka ba bcu la sogs pa la// brgyad bri dbus su gnod par bya// las byed brgyad dam bcu gnyis bri// 'byung po gdol pa nga rgyal can// chags sdang ti mug rgyu yis bslad// 'byung po dug gsum bshig pa'i phyir// rnal 'byor sgrub pa chen po bshad// ru dra lnga yi nyon mongs can// ye shes chen po lngas gzhom phyir// tshogs bdag dpal chen he ru ka/ 'jigs pa chen po 'jigs pa ru// khro ba'i mig can spu gri thogs// ma rig mun pa'i sgo phye nas// rtsa yi dbus nas bzung nas kyang // snying rje chen po mnyam pa yis// dregs pa chen po gzhom pa dang // 'khor ba'i dgra bgegs gsad pa'i phyir// khro tshogs rngam pa'i sprin 'phros pas// rngam pa gtum 'thung mgyogs pa'i tshul// seng ge stag dang dom dang dred// phyag brnyan phyag chen phab nas ni// sha dang rus pa khrag la dga'// ma lus par ni gsang nas su// mgo ni lho nub mtshams su bstan// rkang pa byang shar mtshams su bting // dur khrod dbang phyug pa nyid che// ye shes sku ste sangs rgyas mchog/ gnon pa'i dmag tshogs thugs rje can// ye shes rnon po mtshon cha sa// dgra bgegs ma lus rgyun bcad nas// dkyil 'khor gru bzhi thab bzhi brtsig/ zhi rgyas dbang dang mngon skrod bzhin// dbus su 'khor lo thog tu brtsig/ shar lho nub byang dkar ser dmar// mthing

  245. 123a

    gnag po thal mchog sbyar// shar phyogs zlum po pad+ma bzhi// ma phyogs zla gam zur brgyad rgyas// nub phyogs zla gam gzhu dbyibs dbang // byang phyogs zur gsum mngon spyod drag/ snying ga khor ba'i zab tu bya// rigs kyi yab lnga brtsigs par wa// mi shes 'brel ba lnga yi hom// thugs rje lnga yi hom khung du// nyon mongs lnga yi yam shing la// ye shes lnga yi me sbar nas// 'bar ba'i bsreg rdzas di rnams kun// rgyal ba kun la rab 'bul lo// rnam dag chos dbyings hom khung du// mtshan ma'i chos can yam shing la// ye shes chos nyid dag pa'i mes// bag chags mtshan ma bsreg sbyangs te// bag gas ngan pa'i hom khungs du// sprul pa chags pa'i lam shing la// byang chub bde chen me sbar te// 'khor ba 'khor bsreg lam shing byung // he ru zhal gyi hom khung du// dug lnga lnga yi yam shing la// 'joms pa lnga yi me sbar te// rnam par rtog rdzas bsreg byas te// snang srid b+ha ga'i hom khung du// dbang phyug yum bzhi'i yam shing la// rdo rje sku mchog me sbar te// srid pa'i dngos mtshan bsreg sbyangs thim// phrin las ma bzhi'i rdzas rnams ni// zhi ba la ni dkar po'i tshul// rgyas pa la ni ser po'i tshul// dbang la dmar po rab tu shes// mngon spyod la ni nag por bya// zhi rgyas dbang dang mngon spyod rnams// so so'i

  246. 123b

    rnams so sor bsgom// sgrub pa'i sbyor ba de byas na// sangs rgyas rdo rje sems dpa' yang // zhag ni bcu gcig tshun chad kyis// skabs sam khrag tu skyug nas 'chi// mchog gi sbyor ba 'di byas pas// sangs rgyas dngos grub 'thob par 'gyur// de nas bcom ldan 'das zla gsang chen pos// sbyor ba'i ting nge 'dzin 'di bka' stsal to// a dang ma yi sbyor ba las// yi ge hUM du rnam par gsal// hUM las rdo rje rtse lngar oM// de las khro bo 'jigs pa'i gzugs// lag na lcags kyu sta re thogs// bkug nas sta res bcad nas kyang // ling+ga sha chen sbyar nas kyang // de dag sreg pa'i rdzas su bya// de ltar sbyor ba byas gyur na// zla ba phye ni tshun chad kyis// sangs rgyas dngos grub thob par 'gyur// bcom ldan 'das zla gsang chen po las/ dkyil 'khor gsang ba sbyor ba'i le'u ste nyi shu pa'o// // de nas phyag na rdo rjes khro bo bcu mthar phyin pa'i ting nge 'dzin la snyoms par zhugs nas// dkyil 'khor chen po 'di thon to// kun tu grub bzhir ldan pa la// che chung tshad med gnas kyis sbyar// ma traM gzugs chen bsgyel ba ni// de yi snying gar bang rim gsum// dang po gru bzhi dmar por brtsig/ gnyis pa gru gsum mthing nag bya/ gsum pa zla gam smug nag bya// mgo bo yan lag drug dang ni// gsang ba'i sgo chen gnyis brgyad la// chag phyed

  247. 124a

    stegs bu gru bzhi brgyad// de la yab yum brgyad rnams dgod// gru bzhi gru gsum zla gam la// sku gsung thugs kyi mtshan ma dgod// de nas bar khyams bar ma la// gnas dang yul gyi phyag rgya dgod// de nas par khyams phyi ma la// chag phyed pa yi stegs la bcu'i// khro bo'i ming dang gzugs su bri// de nas sgo ba chen po bzhi// de nas stegs bu gong dang 'dra// phyi rol lcags ri nag po la// phor thogs brgyad dang gzhong thogs brgyad// lha bdud bcu gnyis dgod par bya// sha zan mgo brnyan mang po'i tshogs// rngams pa'i tshogs can mang po'ang sbrul// dzaHhUM baM hos dgra bgegs khug/ de nas lha yi pho nya 'khor bcas mang po khug/ de nas las kyi gnas skabs 'dir// de yi sems yid mang 'khrugs pas// kha T+wAM 'bar ba'i phyag rgya bsnol// ma hA shrI he ru ka/ ha ha pra pe sha phaT/ dgra bgegs mA ra ya phaT/ nr-i ma ra na ra be sha phaT/ lcags sam seng ldeng las byas pa'i/ phur bu chen po de nyid la// sku gsung thugs dang ye shes lnga// rin chen lnga dang sku gsum dang // khro tshogs 'bar bar byin brlabs pa'i// phur pa snying gar gdab nas kyang // tshe dang gzi brjid 'phrog par byed// A~M g+ha g+ha/ g+hA ta ya/ g+hA ta ya/ sarba duSh+TAn phaT// kI la ya kI la ya sarba pA paM phaT// hUM hUM badz+ra kI la ya// badz+ra d+ha ra Adz+nyA pa ya

  248. 124b

    tite// ka ya wA ka tsiSh+Tha/ badz+ra ki la ya hUM/ oM na maHsa man+ta bud+d+ha nan/ tshen+da tshin+da/ ha na ha na/ dip+ta tsakra hUM phaT/ khros shing 'khrug pa'i tshul gyis gdab// phyag rgya'i tshogs kyis gnan par bya// dug dang 'dres pa'i gtor ma sbyin// gu gul gyis bdug nyung kar gdab// shag shag tshal tshal myos myos// de nas yungs kar rgyal pos brdeg/ dza la skye tshe da pa ra byi ta hUM phaT// de nas bsnyen cing bsgrubs gyur na// ma dang mkha' 'gro dbang du 'du// mkha' 'gro'i 'khor tshogs thams cad kyis// dngos grub dam pa'ang ster bar 'gyur// 'bar ba'i 'khor tshogs ma lus kun// bran gyis bka' bzhin byed par 'gyur// de ltar sbyor ba cher byas na// nam mkha'i dbyings kyang 'jig par 'gyur// mtshan ma can lta smos ci dgos// bcom ldan 'das zla gsang chen po las// yongs su grub pa'i le'u ste nyer gcig pa'o// // de nas bcom ldan 'das zla gsang chen pos// dbang gi dam pa 'di bka' stsal to// phyi yi dbang dang nang gi dbang // sgrub pa'i dbang dang gsang ba'i dbang // rgyal po'i dbang dang rgyal thebs dbang // nyan pa'i dbang dang kar ma'i dbang // drod 'dzin dbang dang ging gi dbang // mchod pa'i dbang dang sgrol ba'i dbang // bsgom pa chen po la gnas dbang // 'di dag rab tu bskur bar bya// dbang gi snod kyang 'di lta

  249. 125a

    ste// dad ldan sri zhu che ba dang // ci la'ang chags med gtong ba dang // khyogs dang rkang 'gros glang chen dang // nor dang bud med dbyig gi mchog/ ci la'ang chags med stong ldan dang // 'di la dbang mchog sbyin par bya// nus pa'i dbang dang phan pa'i dbang // phyag rgya rdzas dang snying po sbyin// A~M swa ti ha/ rdo rje 'khor lo rin po che// pad+ma ral gri dril bu 'bar// rin chen sna bdun bkra shis brgyad// gzungs ma mtshan ldan grags pa can// stag dang seng ge dom dred gdan// zhing chen g.yang gzhi sbrul nag dang // glang chen ko rlon me dpung dang // thod phreng zhag gi tshom bu dang // thal chen rak+ta'i tshom bu dang // yan lag ring thung dbang po'i phreng ba dang // gsang ba'i lha mo brgyad rnams dang // rgyal ba'i dkyil 'khor man chad nas// zang shol 'bar ba chen po dang // b+han+da dmar gyis bkang ba rnams// dbang nod chen po de la sbyin// mkha' 'gro 'bar ba'i dbang mchog kyang // dbang nod rgyal po de la sprin// dbang phyug rgyal po'i gsang ming yang // dbang nod rgyal po de la sbyin// phyogs bcur yongs su grags pa yi// dbang mchog chen po ma lus kyang // dbang nod rgyal po de la sbyin// bcom ldan 'das zla gsang chen po las// dbang gi le'u ste nyer gnyis pa'o// // de nas bcom ldan 'das zla gsang chen

  250. 125b

    po// 'khor tshogs bskal pa'i me dpung dang bcas pa dang // phyag na rdo rje 'jig pa dang bcas pa la// lha mo mdangs 'dzin mas bstod cing mchod pa/ kye ma ho/ dmar gyi gtor ma chen po dang / sha chen mAM sa rak+ta dang // dri chen khu ba zhun chen dang // rus pa sha dang tsan+dan dang // rgyu zhags dbang po'i tshogs mchog dang // rang byung gdod nas dag pa'i rdzas// gnyis med don la sbyor ba'i phyir// dag pa chen po gzi ldan bzhes su gsol// bdud rtsi chu rgyun 'chi med g.yung drung dbyibs// dag pas dag pa chen por bzhes su gsol// hUM ha he phaT b+h+yo/ sbyor ba'i mchod pa chen po rnams// rdo rje glu dang gar gyis byos// tshig dang sgra yis bstan cing mchod// dag pa'i chos nyid bdud rtsi'i chu rgyun 'dis// rgyal po yab yum mchod dang bskangs gyur te// de ltar mchod cing bskangs gyur na// sku gsung thugs kyi dngos grub thob// bcom ldan 'das zla gsang chen po las// mchod pa'i glu'i le'u ste nyer gsum pa'o// // de nas zla gsang chen po nyid// mi dmigs chos dbyings rnam par dag/ byed spyod thams cad dmigs pa med// las rnams dag pa'i dbyings su gcig/ chos sku ro gcig 'gyur med dang // gzung 'dzin mtha' las rnam par grol// skye med dbyings kyi ngang du gcig/ chos sku ngo bo mnyam rdzogs mchog/ bcom ldan 'das zla

  251. 126a

    gsang chen po las// chos nyid rgya mtsho'i le'u ste nyer bzhi pa'o// // de nas bcom ldan 'das zla gsang chen pos phyag na rdo rje la 'di skad ces bka' stsal to// thugs kyi brnag pa zla dkyil nas// zla gam dbang chen dkyil 'khor du// sgro skur rnam par spang ba'i phyir// mu stegs log lta lta la dga'// dad med dam nyams dam las log/ byang chub zag pa gting nas chad// de phyir phyag na rdo rje khyod// bdag gi bka' gsang dam pa 'di// khyod nyid la ni rab tu gtad/ rgyal ba'i gzhung mchog dam pa 'di// bka' gsang rmad nas byung ba'i mchog/ zla gsang nag po rgyas pa'i dpal// yon tan rgyas pa'i mchog chen 'di// phyag na rdo rje khyod la gtad// bka' gsang gzhan las khyad 'phags pa'i// gsang ba sku gsung thugs las byung // nyan thos rang rgyal 'dren pa'i mchog/ 'khor ba'i skams lings byed pa'i dpal// phyag na rdo rje khyod la gtad// ces gsungs so// yongs su gtad pa'i le'i ste nyer lnga pa'o// // bcom ldan 'das zla gsang chen po'i mdo rdzogs so// rdzogs so//

  252. 126b

    // gsang ba'i snying po/ bod skad du/ gsang ba'i snying po de kho na nyid nges pa'o// bcom ldan 'das dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das/ longs spyod chen po/ phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid/ ma lus mi lus lus pa med pa thams cad dang / so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la/ ye shes rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i glo 'bur gyis mdzes pa/ rtse mo phyogs bcu'i dus bzhi'i sangs rgyas kyi dkyil 'khor ma lus pa thams cad/ so so ma yin ngo bo nyid gcig pa'i ye shes kun tu 'khyil pa/ ye shes bsam gyis mi khyab pa'i ye shes rin po che'i dbyibs dang / kha dog la sogs pa rnam pa tha dad pa'i bye brag dang khyad par du gyur pas sbags pa/ tshad dpag tu med pa/ ye shes rin po che sna tshogs kyi phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs dang /

  253. 127a

    dri sna tshogs dang / ro sna tshogs dang / reg bya sna tshogs kyis phyogs bcur 'khrigs par rang byung la/ mi sgrib par gsal ba'i rgyan bsam gyis mi khyab pas bklubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa/ phyi dang nang med par kun tu yang nang du gyur pa na/ mi 'jigs pa seng ge'i khri dang // stobs glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / gos pa med pa pad+ma rin po che'i gdan la/ sku mdun dang rgyab med pa/ thams cad du yang zhal thal le bar gsal zhing mtshan dang dpe byad dang ldan pa/ bsam gyi mi khyab pa thams cad du/ sku gsung thugs sna tshogs par kun tu snang ba/ thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa/ ye shes drug gi phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum dang ldan pa// bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin

  254. 127b

    gshegs pa 'du byed kyi rgyal po dang / de dag kun kyang mthing ga dang / dkar po dang / ser po dang / le brgan dang / ljang gu'i mdog tu 'tsher ba/ btsun mo dam pa snang ba'i dbyings dang / sra ba'i dbyings dang / mnyen pa'i dbyings dang / dro ba'i dbyings dang / bskyod pa'i dbyings la sogs pa btsun mo'i tshogs dang gnyis su med par chos kyi dbyings kun tu mtha' yas par khyab pa ni/ 'di lta ste/ dper na til gyi gang bu bzhin du gang nas khyab par bzhugs so// de nas byang chub chen po rdo rje mthong ba dang / byang chub chen po rdo rje thos pa dang / byang chub chen po rdo rje snom pa dang / byang chub chen po rdo rje myong ba dang / btsun mo mthong bar bya ba dang / mnyan par bya ba dang / bsnam par bya ba dang / myang bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje snom byed dang / byang chub chen po rdo rje myong byed dang / btsun mo 'das pa dang / da ltar dang / 'byung ba dang / ma byon pa'i tshogs dang // 'joms pa chen po rdo rje reg pa dang / 'joms pa chen po rdo rje reg byed dang / 'joms pa chen po rdo rje reg bya dang / 'joms pa chen po rdo rje reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa/

  255. 128a

    de lta bu'i thugs kyi tshogs brjod kyis mi lang ba dang gnyis su med par bzhugs so// de nas de bzhin gshegs pa btsun mo'i tshogs dang gnyis su med pa'i gsang ba'i dkyil 'khor de dag nyid kyi gsang ba 'di nyid sku dang gsung dang thugs dang yon tan dang 'phrin las rdo rje las phyung ngo // e e ma e ma ho/ de bzhin nyid kyi dbyings nyid dbang sgyur ye shes dkyil 'khor thugs rje'i ngang // rang snang ba nyid ting 'dzin gzugs brnyan sgyu ma rnam dag gsal ba ni// sku gsung thugs dang yon tan 'phrin las sel med pa yi yon tan yid bzhin rin po che// mi zad par ldan rgyan gyi 'khor lo rdo rje mchog gi gnas nyid do// zhes rdo rje gsang ba'i tshig tu'o// gsang ba'i snying po de kho na nyid nges pa las gleng gzhi'i le'u ste dang po'o// // de nas bcom ldan 'das byed pa po rdo rje yid kun tu bzang po/ thams cad ma lus pa'i rang bzhin gyi tshul rdo rjes/ btsun mo bya ba mo chos kun tu bzang mo la 'jug par gyur to// zhugs pas phyogs bcu dus bzhi'i de bzhin gshegs pa ma lus pa thams cad gcig gi rang bzhin dbyer med pas de bzhin gshegs pa nyid/ de bzhin gshegs pa nyid la ched du brjod pa 'di brjod do// e ma ho/ rdo rje phung po'i yan lag ni// rdzogs pa'i sangs rgyas lnga ru grags// skye mched khams rnams mang po

  256. 128b

    kun// byang chub sems dpa'i dkyil 'khor nyid// sa chu spyan dang mA ma kI// me rlung gos dkar sgrol ma ste// nam mkha' dbyings kyi dbang phyug ma// srid gsum ye nas sangs rgyas zhing // thams cad ma lus chos so cog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// zhes brjod pas/ de bzhin gshegs pa thams cad mnyes par gyur to// de nas btsun mo bya ba mo chos kun tu bzang mo/ bcom ldan 'das yid kun du bzang po dang gnyis su med par gyur nas/ ched du brjod pa 'di brjod do// kye ma'o phyogs bcu stong khams ye nas dben// srid pa gsum nyid dag pa'i zhing // snyigs ma lnga nyid bde ldan gnas// phung po lnga nyid rdzogs sangs rgyas// thams cad mchog gi snying po las// gzhan du rgyal ba'i chos mi btsal// nyid las gzhan zhes bya ba'i chos// btsal kyang rgyal bas mi brnyes so// zhes brjod pas thams cad ye nas sangs rgyas par de bzhin gshegs pa nyid kyis mkhyen to// de nas gnyis su med pa'i bdag nyid chen pos ye nas sangs rgyas pa'i sems ye shes su bskyed pa 'di gsungs so// e ma ho ngo mtshar rmad kyi chos// rdzogs pa'i sangs rgyas kun gyi gsang // skye ba med las thams cad skyes// skyes pa nyid na skye ba med// e ma ho ngo mtshar rmad

  257. 129a

    kyi chos// rdzogs pa'i sangs rgyas kun gyi gsang // 'gag pa med las thams cad 'gag/ 'gag pa nyid na 'gag pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // gnas pa med las thams cad gnas// gnas pa nyid na gnas pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // dmigs pa med las thams cad dmigs// dmigs pa nyid na dmigs pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gro 'od med pas 'gro dang 'ong // 'gro 'ong nyid na 'gro 'ongad med// ces brjod pas// de bzhin gshegs pa thams cad dang btsun mo'i tshogs thams cad kyang mnyes pas khyab par gyur to// de nas de bzhin gshegs pa thams cad/ btsun mo'i tshogs thams cad dang bcas pas ched du brjod pa 'di brjod do// e ma ho ye nas gsang ba'i chos// sna tshogs snang la rang bzhin gsang // ngo bo nyid kyis rab tu gsang // gzhan du min las shin tu gsang // zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na'ang / 'gro ba'i rnam par rtog pa ma rig pa las/ 'gro ba lnga'i ris bsam gyis mi khyab

  258. 129b

    par smin pa la/ thugs rje chen po sangs rgyas kyi ye shes chen po skyes nas/ ched du brjod pa 'di brjod do// e ma ho bde gshegs snying po las// rang gi rnam rtog las kyis sprul// sna tshogs lus dang longs spyod dang // gnas dang sdug bsngal la sogs pa// bdag dang bdag gir so sor 'dzin// sus kyang ma bcings bcings med de// bcing bar bya ba yod ma yin// rnam rtog bdag tu 'dzin pa yis// nan gyis mkha' la mdud pa 'dor// bcings med rnam par grol med pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid de bzhin gshegs pa nyid la ched du gleng ngo // gsang ba'i snying po de kho na nyid nges pa las don dam pa dang kun rdzob kyi byang chub sems ye shes su bskyed pa'i le'u ste gnyis pa'o// // de nas de bzhin gshegs pa thams cad las/ thugs rje chen po'i byin gyis brlabs zhes bya ba'i/ rig pa'i skyes bu thub pa drug/ de bzhin gshegs pa'i sku dang gsung dang thugs rdo rje las 'thon to// 'thon nas kyang las kyi dbang gis snrel gzhi dang yan man gyi 'jig rten drug gi phyogs bcu mtha' yas mu med pa'i stong gsum gyi stong chen po re rer/ thub pa chen po bcom ldan 'das re res 'dul ba rnam pa bzhis 'gro ba lnga'i don mdzad de/ bltams

  259. 130a

    pa dang / rab tu byung ba dang / dka' thub mdzad pa dang / sangs rgyas pa dang / bdud btul ba dang / chos kyi 'khor lo bskor ba dang / cho 'phrul chen po bstan pa dang / mya ngan 'das pa la sogs par ston pa'i thub pas/ dus bzhi kun tu mkhyen pa dang / thams cad kyi sems kyi rgyud kun tu mkhyen pa dang / rdzu 'phrul gyi spyan gyis thams cad kun tu gzigs pa dang / rdzu 'phrul gyi snyan gyis kun tu gsan pa dang / rdzu 'phrul gyi tshogs kun tu don spyod pa dang / zag pa med pa kun tu bzang po'i spyod pa rdzogs pa'i mngon par shes pa chen po drug dang / kun tu sku bsam gyis mi khyab pa dang / kun tu thugs bsam gyis mi khyab pa dang / kun tu zhal bsam gyis mi khyab pa dang / kun tu gsung bsam gyis mi khyab pa dang ldan pa/ bsam gyis mi khyab pa grangs med pa phyogs bcur snang bar gyur to// thams cad kyang 'di lta ste/ 'dul ba'i dbang gis lha dang mi'i theg pa dang / nyan thos kyi theg pa dang / rang byang chub kyi theg pa dang / byang chub sems dpa'i theg pa dang / bla na med pa'i theg pas/ ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por/ chos stong phrag brgyad cu rtsa bzhi gsungs so// gsung ngo // gsung bar 'gyur ro// de dag thams cad kyang gzung ba dang 'dzin pa'i phyi nang gi rten cing 'brel

  260. 130b

    bar 'byung ba 'dzin pa 'khrul pa las 'dogs pa dang / las dang las kyi 'bras bu chud mi za ba dang / las dang las kyi 'bras bu mi gos/ gos par mi 'gyur/ gos su med par ston pa'i mthar thug go/ de nas de bzhin gshegs pa thams cad kyis ched du brjod pa 'di brjod do// ji snyed 'jig rten 'khrul pa'i chos// ma rig rtog pa'i gzung 'dzin gyis// phyi nang rten 'brel gnyis su 'khor// mi mthun bde sdug myong bar 'gyur// rang bzhin nyid las nyams pa med// yang dag sgyu ma'i tshul gnyis su// bdag dang bdag gi gzhan med de// rnam dag dbyings nyid tshul gcig go/ bdag dang bdag gi gzhan rnams ni// log par rtog pa tsam nyid las// phra zhing zab pa'ang yod ma yin// log rtog nyid la nyid spyod pas// gzhan du g.yo ba ci yang med// log rtog rgyu 'bras rgyun nyid kyang // gzhi rtsa med dbyings skad cig ma// rnam par dag pa'i dbyings nyid tshul// nyid la dbang sgyur nyid spyod phyir// bdag dang gzhan dang rtog pa'i rgyun// rnam dag bla med theg pa'i mchog/ theg pa bzhi yi nges 'byung la// theg pa gcig gi 'bras bur gnas// yang dag rtogs pas rab brtags na// rang bzhin med las cir yang 'grub// sangs rgyas mya ngan yongs mi 'da'// chos kyang nub par mi 'gyur te// ma rig smin mdzad 'dul ba'i

  261. 131a

    phyir// byung nas mya ngan 'da' bar ston// 'dul ba mdo sde chos mngon dang // dam tshig sgrub dang grub pa dang // sku dang gsung dang thugs kyi rgyud// phyogs bcu kun tu rab grags pa// gsang ba'i snying po las 'phros te// rang bzhin gsang ba'i snying po 'di// sde snod kun dang rgyud kun gyi// 'byung gnas gtan la nges par 'bebs// chos rnams ming du btags pa tsam// ston pas don dang mthun phyogs su// ming dang tshig tu btags nas bstan// ston ming tshig la dngos po med// ces brjod do// de nas de bzhin gshegs pa gnyis su med pa'i dkyil 'khor de dag nyid kyis gsang ba 'di nyid/ sku dang gsung dang thugs yon tan phrin las rdo rje las phyung ngo // a ho// srid rtse'i nyes dmigs bdag tu rtogs las 'phros// rgyud drug skye 'gag lus dang longs spyod dang // gnas dang sdug bsngal 'khrul 'khor la sogs pa/ log rtog nyid las gzhan du ci yang med// stong nyid bdag med ye mkhyen rang rig thugs// dmigs bya dmigs byed med par dran dbang bsgyur// ngo mtshar sku gsung yon tan zhing khams las// gzhan na med de de nyid de ltar yin// zhes rdo rje gsang ba'i tshig tu'o// zhes brjod pas/ thub pa drug gi sprul pa grangs med pa dang / de bzhin gshegs pa thams cad kyis gsungs pa yang de dag tu 'dus par de

  262. 131b

    bzhin gshegs pa nyid kyis mkhyen to// gsang ba'i snying po de kho na nyid nges pa las chos thams cad gtan la phab pa'i le'u ste gsum pa'o// // de nas de bzhin gshegs pa thams cad dgongs pa gcig tu gyur nas/ mnyam pa chen po'i tshul rdo rje'i dbyings su/ chos thams cad ye nas sangs rgyas pa'i ting nge 'dzin las mi g.yo bar/ chos thams cad ming tsam du gnas pa'i yi ge 'phreng ba'i 'khor lo zhes bya ba 'di/ sku dang gsung dang thugs rdo rje las phyung ngo // aHrab tu brtan gyur a dkar las// shin tu phra ba'i a rnams spro// phyogs bcu gang bar gsal gyur nas// bsdus kyang 'phel 'grib med par brtan// de las ming tshogs gsal 'bar kun// spro zhing bsdu ba'ang de bzhin no// 'di ni rdo rje dngos grub kyi// brtan 'byung ye shes rgyu yin no// aH/ ka kha ga g+ha nga / tsa tsha dza dz+nya nya/ Ta Sha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+ShaHi I/ u U/ e ai// o o/ 'di dag phyung bas// 'jig rten drug gi phyogs bcu mtha' yas pa/ rnam pa drug tu g.yos// rab tu g.yos/ kun tu g.yos nas/ chos thams cad ming gi mtshan nyid tsam du gyur to// ho de nas de bzhin gshegs pa thams cad kyis ched du brjod pa 'di brjod do// a ni stong dang mi stong gi/ dbu ma'ang dmigs su yod ma yin// thams cad

  263. 132a

    ming tsam sangs rgyas kun// yi ge 'phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi ming gis thams cad bsdus// mngon rdzogs rgyal por na nyid nges// e maho ngo mtshar ya mtshan gyi// 'phrul chen bzhi bcu rtsa lnga'i ming // tshig rnams ma lus 'dzin pa'i gnas// sna tshogs don chen smra zhing ston// dngos med yi ge'i rang bzhin sems// bdag med mtha' bral mi dmigs kyang // dbyibs dang kha dog ming tshogs kyis// rol pa cir yang sprul cing ston// phyogs bcu dus bzhir gshegs pa yi// ye shes sems dpa'i sku gsung thugs// dkyil 'khor bzhi bcu rtsa lnga nyid// yi ge 'go nas k+Sha la rdzogs// sems kyi rang bzhin yi ge ste// yi ge dngos po yod ma yin// dmigs med de nyid sna tshogs pa'i// sku gsung thugs kyi 'khor lo che// sku gsung thugs ni rnga mtshar gyi// ya mtshan 'phrul chen rab 'gugs pa'o// dbyings la dbyings kyis bris pa ste// yi ge zhes ni de phyir brjod// mgo ni ma nor lam yin te// tig ni shes rab ming du sgra// shad ni thabs chen tshigs su gcod// ma ni skye med de bzhin dbyings// Sha ni sgra 'phrul rdo rje nyid// Ta ni snang ba'i rdzu 'phrul nyid// Da ni spu 'phrul yid bzhin nyid// D+ha ni sgra 'phrul rnam dag nyid// Na ni kun du sgyu 'phrul nyid// tha ni dra

  264. 132b

    bas mngon rdzogs nyid// ta ni dra bas brtan pa nyid// da ni dra bas lham me nyid// d+ha ni dra bas 'khril ba nyid// na ni dra bas kun du 'gyur// ka ni spyan gyi thugs kyi mchog/ kha ni snyan gyi thugs kyi mchog/ ga ni shangs kyi thugs kyi mchog/ g+ha ni ljags kyi thugs kyi mchog/ nga ni thugs kyang 'jig byed pa'o// tsa ni spyan gyi sku yi mchog/ tsha ni snyan gyi sku yi mchog/ dza ni shangs kyi sku yi mchog/ dz+ha ni ljags kyi sku yi mchog/ nya ni sku yang 'jig byed pa'o// pa ni spyan gyi gsung gi mchog/ pha ni snyan gyi gsung gi mchog/ ba ni shangs kyi gsung gi mchog/ b+ha ni ljags kyi gsung gi mchog/ ma ni gsung yang 'jig par byed// ya ni skye ba rnam par dag/ wa ni gnas pa dag pa yin// ra ni 'jigs pa dag pa ste/ la ni stong pa dag pa'o// sha ni rtag med dag pa ste// Sha ni chad pa'ang yod ma yin// sa ni mtha' bral bdag med pa// ha ni mtshan ma med pa nyid// k+Sha ni ye shes thugs kyi thugs// i ni rdul snyed lha rnams su// I ni rdul snyed lha ma yin// u ni rdul snyed mi rnams su// U ni rdul snyed byol song rnams// e ni rdul snyed yi dwags su// e ni rdul snyed dmyal ba rnams// oM ni thams cad 'jig par byed// oM ni thams cad zhig pa yin// yi ge 'khor lo tshogs chen 'dis// sku gsung thugs kyi 'phreng ba bsdus// zhes brjod do// a ho/ de

  265. 133a

    nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid/ sku gsung thugs yon tan 'phrin las rdo rje las byung ngo // a ho/ thabs dang shes rab dgyes sprin byang chub sems tshogs rgyu 'khor lo// 'bras bu rgyal ba smin grub ngo mtshar ming tshogs bzhi bcu gnyis// 'dus ma byas nyid 'dus byas rdo rje dkyil 'khor 'byin pa'i dam// 'da' bar mi mdzad dbang med rgyu rkyen 'tshogs pa'i mthu chen yin// a ho/ rdo rje gsang ba'i tshig tu'o// zhes brjod pas/ de bzhin gshegs pa thams cad yi ge'i 'khor lor gyur to// gsang ba'i snying po de kho na nyid nges pa las yi ge phreng ba'i 'khor lo bkod pa'i le'u ste bzhi pa'o// // de nas yi ge 'khor lo'i sprin bkod pa las sgyu 'phrul rnam par 'phro ba 'di ched du brjod do// rtsa ba med pa'i sems nyid ni// chos rnams kun gyi rtsa ba yin// sems nyid yi ge'i rang bzhin te// yi ge yid bzhin rin chen sprin// sgyu 'phrul dkyil 'khor bzhi bcu gnyis// dra ba'i dkyil 'khor mngon rdzogs pas// phyogs bcu dus bzhi rdzogs pa yi// dkyil 'khor thams cad 'grub par 'gyur// bdud rtsir 'gyur zhing 'byung ba dang // bzhi brgya rtsa bzhi'i nad sel cing // longs spyod 'byung zhing ngan song sbyong // ci yang gzhan du 'gyur ba

  266. 133b

    'grub// nam mkha' rdo rje sra 'byung zhing // 'bar nas me yang 'tshig pa dang // chur 'gyur 'bab pa'ang de bzhin te// 'jig rten khams ni 'thor ba dang // thams cad stongs shing ltung bar 'gyur// dgug dang btang dang bcing dang dgrol// gso dang gsad dang 'pham dang rgyal// ting 'dzin 'di yis byed par 'gyur// de nyid ye shes rang snang ba'i// ming tshig gzugs sogs yid bzhin gyi// mun la snang byung ji bzhin du// 'gyur ba gser 'gyur sman gyi tshul// ston pa mchod brtson rtogs pa gsal// dam tshig sngags dang phyag rgya rnams// ma nyams shes shing yo byad ldan// 'grub 'gyur mi ldan don med brlag/ dus gsum rgyal bas thugs chud pa'i// dngos grub mchog gi snying po ni// zad pa'i dus med yid bzhin mdzod// 'phel 'grib med par 'byung ba ste// dngos po med las dngos po'i sprin// sna tshogs rnam par 'byung zhing 'gyur// dngos rnams nyid ni dngos med par// rtogs pa'i dbang sgyur ting 'dzin yin// gang gis dmigs med mi shes pa// de yis chos kyi dbyings mi shes// de phyir dngos dang dngos da pa// 'jig pas dmigs med shes par gyis// gzhi rtsa med pa'i sems nyid ni// pho mo ma yin ma ning min// mtshan med ma yin rigs brgyud min// kha dog ma yin dbyibs ma yin// gnas su ma yin

  267. 134a

    gang yang min// de bzhin nyid dbyings ye shes te// thabs kyi phyag rgya kun gyi rgyu// thabs las thabs byung thabs bsam yas// tha dad min las tha dad pa'i// nang dang nang gi phyi rol gyi// dkyil 'khor bsam yas ye shes rol// 'jigs med kun bzang phyag rgya'i mchog/ gang gis glang chen myos 'dra'i sems// mnyam par gzhag pas btul nas su// sngags dang phyag rgya rab brten na// dngos grub ya mtshan chen por 'gyur// zhes brjod pas/ de bzhin gshegs pa nyid gzigs mos mnyes par gyur to// gsang ba'i snying po de kho na nyid nges pa las sgyu 'phrul dra ba sgrub pa'i ting nge 'dzin gyi le'u ste lnga pa'o// // de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyis/ 'jig rten drug gi phyogs bcu thams cad la/ nyid kyi che ba'i dkyil 'khor dbyung bar bzhed nas/ ched du brjod pa 'di brjod do// ye shes phyogs bzhi dbus brtags te// dkyil 'khor bsam yas lhun grub ni// rdzogs chen rtogs pa'i rnal 'byor pas// kun 'byung dkyil 'khor chen por spyod// 'khor lo rtsibs bzhi myu khyud bcas// gru chad bzhis brgyan bar khyams dang // kun tu gru bzhi sgo khyud ldan// rol mo sna tshogs sprin phung bzhin// dkyil 'khor bzhi bcu gnyis kyis

  268. 134b

    brgyan// seng ge glang chen rta dang khyung // nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul// 'khor lo rgyal po rgyal mo dang // g.yas nas mthong thos snom pa dang // myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun mo'i tshogs dang bcas par gnas// bar khyams la ni thub drug dang // mdun dang rgyab tu byed pa dang // bya ba dag ni gnas par bstan// sgo khyud bzhi la 'joms pa ni// btsun mo'i tshogs dang ldan par gnas// rdo rje 'khor lo rin po che// pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i yo byad 'dzin// mthing ga dkar po ser le brgan// ljang gu la sogs sna tshogs pa'i// mnyen lcug 'khril ldem gzhon tshul can// gsal 'tsher lhun sdug gzi byin ldan// 'od zer 'phro ba'i tshogs chen po// 'bar ba'i phreng bas 'khrigs pa ste// mtha' dbus med par khyab pa yi// dkyil 'khor bsam yas lhun gyis grub// sku yi phyag rgya che mchog ni// de bzhin dbyings las ma g.yos kyang // yang dag thar pa'i gzugs sku dang // 'gro ba ma lus gdul ba'i phyir// mthun byas sku ni sna tshogs ston// ston nyid sgyu ma mig yor tshul// tshul nyid dbyings las g.yos pa med//

  269. 135a

    g.yos bzhin du sna tshogs pa'i// de'i tshe me mthun sna tshogs la// sa sar 'dra bar snang ba ni// de bzhin thaMd kyis ma btsas kyang // las 'gro'i dbang gis so sor snang // dper na me long caH bzhin// de tshe 'gro drug thams cad la// sdig spong gzugs su snang bar bstan// nyan thos rnams la dgra bcom gzugs// rang rgyal rnams la bse ru'i tshul// gzhan yang theg mchog rim pa bzhin// 'og min bla med gnas mchog tu// sku ni rnam par snang mdzad tshul// byang chub sems dpa'i 'khor rnams la// de bzhin gsung mchog mi smra ste// sku yis chos rnams mjal bar ston// me long bstan pa'i tshul bzhin du// dngos kyi mdog ngan thams cad sel// 'khor gyis de bzhin sku bltas na// byang chub sgrub pa gting dpag med// me long bzhin du sku la snang // de nas sa bcu rim gyis 'byang // bla med byang chub yang dag thob// chos sku dpag med brjod du med// longs sku zad med yid bzhin gter// sprul pa bye ba bsam mi khyab// mtshan dang dpe byad thams cad rdzogs// spyod yul kun du maN+Da la// tshogs chen gnyis kyang rdzogs par rol// thabs dang shes rab sa yi mchog/ de la sogs pa bsam yas mchog/ skye shi med pa'i g.yung drung sku// nyon mongs kun gyi zhing du gnas// zad mi shes pa'i gter du 'gyur// rdo

  270. 135b

    rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes sku// de tshe sku lnga kun kyang rdzogs// zhes brjod pas/ 'jig rten drug gi phyogs bcu mtha' yas mu med pa thams cad du dkyil 'khor brjod kyis mi lang ba/ zhing gi rdul snyed du gsal bar gyur to// de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid sku gsung thugs yon tan 'phrin las rdo rje las phyung ngo // a ho/ dmigs bya dmigs byed mi dmigs dpag med bsam mi khyab// ye shes rang rig dkyil 'khor sna tshogs brjod mi lang // mnyam dang mi mnyam kun khyab khyab med khyab pa'i dbyings// ye nas kun gsal dkyil 'khor rnam spros spros pa med// ces rdo rje gsang ba'i tshig tu'o// gsang ba'i snying po de kho na nyid nges pa las dkyil 'khor spros pa'i le'u ste drag pa'o// // de nas de bzhin gshegs pa btsun mo'i tshogs dang bcas pa thams cad kyi sku dang gsung dang thugs rdo rje las 'di dag phyung ngo // b+h+rUM bi shwa bi shud+d+he/ hUM badz+ra d+h+r-ika/ mdzin dzig/ swa raSh+Ta d+h+r-id+hika/ aM a ro li ka/ hA pradz+nyA d+h+r-i ka/ muM d+ha tI shwa ri/ lAM dwe Sha ra ti/ mAM mo ha ra ti/ pyaM rA ga ra ti/ tAM badz+ra ra ti/ k+Shi hi rA dza yaHtraM A gar+b+ha yaHhri ha hUM pad+ma pa da maHdzi ku ru pa Na hriHhUM lA s+ya sa ma ya staM/ traM mA l+ye sa

  271. 136a

    ma ya hoHhrI gi ti rA go&haM/ a nr-i ti rA ga yA mi// me d+ha ra Ne swA hA/ b+hI nisma raM b+ha ya swA hA/ hUM sa rA dza ya swA hA/ mr-i shrI aM rA ga ya swA hA/ dzaHd+hA pe pra be shA/ hUM puSh+pe a be shA/ baM dI pa su khi nI/ hoHgan+d+he tsit+ta/ hUM yaHmAn+ta kr-ita phaT/ hUM big+h+nAM dan+ta kr-ita phaT/ hUM pad+mAn+taHkr-ita phaT/ hUM pradz+nyAn+ta kr-itaHphaT/ oM maHhA badz+ra d+ha ro ma hA kro d+hI shwa rI dza la ni hUM phaT/ oM ma hA rat+na d+ha ro ma hA kro d+hi shwa rI dz+wa la ni hUM phaT/ oM ma hA pad+ma d+ha ro ma hA kro d+hI shwa rI dza la nI hUM phaT/ oM ma hA karma d+ha ra ma hA kro d+hi shwa rI dza la ni hUM phaT/ hUM hUM hUM badz+ra tsit+ta oM/ a a a badz+ri b+ha dra sa man+ta aHoM mu ne kr-i swA hA/ oM mu ne hUM trAM swA hA// oM mu ne su~M swA hA/ oM mu ne praM s+yA ha/ oM Ta ne k+taM swA hA/ oM mu na ye swA hA/ oM e h+ye hi b+ha ga bAn/ ma hA ka ru Ni ka dr-i sh+tsa sa ma ya s+t+waM/ dzahA ba tsa.oM a hAM swA hA/ ba ba ba ba ba/ dza dza dza dza dza/ sa sa sa sa sa/ ma ma ma ma ma/ ya ya ya ya ya/ oM aM hUM swA hA/ oM ye shes rgyal po sku gsung thugs// yon tan 'phrin las rmad po che// de nyid du ni mnyam sbyor bas// phyag rgya chen por bdag sbyor cig/ oM badz+ra sa ma ya hUM/ oM badz+ra sa ma ya s+t+waM/ oM badz+ra sa ma ya hoHdzaHhUM baM hoHzhes brjod pas/ gsung gi dkyil 'khor 'di dag gis// 'jig rten drug gi phyogs bcu thams cad khyab par grags so// rab tu grags so// kun du grags so// de nas bcom ldan

  272. 136b

    'das byed pa po rdo rje dang / bya ba mo rdo rje gnyis su med pa'i dkyil 'khor la thim par mdzad do// de nas phyogs bcu dus bzhi'i de bzhin gshegs pa'i bdag nyid chen pos bdag nyid chen po'i ye shes dang byin bsdu ba zhes bya ba 'di sku dang gsung dang thugs rdo rje sgyu 'phrul dra bas las phyung ngo // oM ma hA shU n+ya tA dz+nyA na badz+ra swa b+hA ba At+ma kony+dza haM/ oM ma hA A daR+sha dz+nyA na badz+ra swa b+hA ba At+maHkony+dza haM/ oM ma hA pra t+ya pek+Sha NA dz+nyA na badz+ra swa b+hA ba At+ma ko&haM/ oM ma hA sa ma tA dz+nyA na badz+ra swa b+hA ba At+ma dko&haM/ oM ma hAHkr-i t+yA nuSh+TA na dz+nyA na badz+ra swa b+hA ba At+ma ko&haM/ oM sarba ta thA ga ta ma hA kA ya badz+ra swa b+hA ba At+ma ko&haM/ oM sarba ta thA ga ta ma hA bA ka badz+ra swa b+hA pa At+ma ko&haM/ oM sarba ta thA ga ta ma hA tsit+ta badz+ra swa b+hA ba At+ma ko&haM/ oM sarba ta thA ga ta ma hA a nu rA ga Na badz+ra swa b+hA ba At+ma ko&haM/ oM sarba ta thA ga ta ma hA pU dza badz+ra swa b+ha ba At+ma ko&haM/ zhes brjod pas/ thim par gyur gsal bar gyur 'bar bar gyur to// e ma ho ngo mtshar rmad kyi chos// rdzogs pa'i sangs rgyas kun gyi gsung // sgra dang ming tshig kun las 'das// sna tshogs sgra rnams gsal bar 'byung // gsung gcig dkyil 'khor yan lag ni// bsam gyis mi khyab kun du khyab// sgra dang ming tshig so sor grags// thams cad gsung gi phyag rgya'i mchog/ rgyud mchog sgyu 'phrul dra ba las// bde ldan

  273. 137a

    gsung gi don byung ba'ang // thams cad pad+ma'i ngang gyur na// grol thar lam dang 'khor ba'i sgra// ji skad brjod kyang gsung mchog ste// theg pa mtho dman thams cad dang // log 'gro ma lus thams cad skad// byang chub rdo rje gsung du bsdus// bsdus nyid phyogs bcur rnam par grags// sgra nyid ma chags ngang du gsungs// gsung ba nyid na brjod du med// brjod med de nyid sna tshogs sgra// kun la grags shing so sor mjal// dper na de bzhin sprin sangs bzhin// gsung gcig sgra yis so sor go/ de ni gsung mchog rgyal po yin// theg pa mtho dman bsam yas kyang // de bzhin nyid las ma gsungs te// gdul bya'i thabs su so sor thos// ji ltar gsung rab kun brjod kyang // de bzhin nyid kyis gsung pa med// yi ge med dang rig pa'i gsung // ljags kyi rtse mor ma phyung yang // thugs rje gsung byin rlabs kyis// 'gro don sna tshogs so sor gsal// gsal nyid gsung gi rdo rje'i mchog/ de bzhin gsung gi 'gro don rnams// de bzhin ngang las ma g.yos kyang // dper na brag ca'i sgra bzhin no// gsang ba'i snying po de kho na nyid nges pa las dkyil 'khor bsdus pa dang gsang sngags kyi le'u ste bdun pa'o// // de nas de bzhin gshegs pa thams cad kyis/ yan lag thams cad dkyil 'khor du

  274. 137b

    lhun gyis grub par byin gyis rlobs pa zhes bya ba 'di ched du brjod do// sgyu 'phrul dra ba'i mngon rdzogs pa// thams cad byang chub mchog gi rgya// gsang ba de nyid nges pa yi// snying po'i phyag rgya 'da' dka'o// mi bskyod nyi ma'i dkyil yi ge// rin chen zla ba'i dkyil yi ge// lnga gnyis zung du spros pa las// sbyar bas phyag rgya 'byung ba'i rgyu// oM dang muM gnyis rtse sbyar te// 'bru brgyad bsnol nas rtse sprad pa// rgyal ba kun dang mnyam sbyor ba'i// bde ba chen po sbyin pa'i rgya// 'bru bzhi sbas nas thugs kar bkan// hUM bsgreng rtse mor rdo rje 'bar// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan// mAM bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan/ oM bsgreng rtse mor 'khor lo 'bar// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan// yAM bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// s+t+waM bsgreng rtse mor rin chen 'bar// zla brtul 'bru sbas dril bsil zhing // 'khril pa'i tshul gyis chos la

  275. 138a

    @brten// 'bru bzhi sbas nas thugs kar bkan/ sbreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// AM bsgreng rtse mor pad+ma 'bar// zla brtul 'bru sbas dril gsil zhing // 'khrul ba'i tshul gyis chos la brten// 'bru bzhi sbas nas thugs kar bkan// bye bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// ha bsgreng rtse mor ral gri 'bar// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan// taM bsgreng rtse mor dril gsil 'bar// nyi ma 'bru lnga las su 'khril// bdud de 'dzum pa'i mdangs kyis blta// ut+pal klu shing la sogs mtshan// rin chen myu gu ral gri 'bar// pad+ma dkar po rdo rje 'bar// chos kyi 'khor lo rin chen te// gzugs mdzes rin chen 'phreng ba dang / pi wang gar mkhan mchog nyid de// me tog 'phreng dang spos mchod ma// mar me byug pa la sogs pa'i// las la 'khril zhing chos la bstan// dbu rnams 'byo zhing 'dud pa'i tshul// gong gi phyag rgya chen po bzhin// gnyis med dbyings kyi ngang du 'khril// sgo bzhi'i khro bo'i phyag rgya ni// nr-i mgo gdengs

  276. 138b

    dang rdo rje gnon// thod sbrul chen po gnon pa dang // rdo rje rgya gram las kyi gnon// lcags kyu zhags pa sgo Ta ho// sgo bzhir gnas pa de dag kyang // 'dud tshul 'khril pa gong ma bzhin// thub drug phyag rgya sna tshogs te// mdor bsdus phyag rgya drug tu bstan// yum ni dmigs med chos kyi dbyings// kun bzang mnyam gzhag ye shes 'phro// yum 'gyur mnyam rdzogs pad+ma'i skyil// gzhan yang phyag rgya sna tshogs te// yang na de bzhin gshegs nyid dam// yang na rdo rje thal mo nyid// phyag rgya chen po'i tshogs mchog ni// thabs dang shes rab ldan 'byor na// ma bskyod ma bskul thams cad kun// phyag rgya chen po'i ngang du gnas// yan lag bzhi bcu rtsa gnyis ldan// de nyid yan lag spros bdag ste// bzhi bcu rtsa gnyis gsum 'phror 'gyur// de ltar ldan pa'i gtso mchog gis// rgyal ba rgyal mchog de bzhin du// bcu gnyis drug gi 'od 'phro 'bar// de la sogs te bsam mi khyab// phyogs bcu dus bzhi bsam yas su// 'dul ba'i don rnams so sor ston// theg pa mtho dman thams cad dang // phyin ci log rnams bsam yas dang // zhi khro'i tshogs chen thams cad la// so sor mthun byas kun tu snang // dper na gar mkhan nyid 'dra ba// lus la ma bkod sna tshogs ston// mdor na phyag rgya thams cad ni// 'di zhes gcig ces brjod

  277. 139a

    du med// gnyis dang gsum du rnam par 'phro// bskyod dang spro pa'ang de bzhin te// mdor na sbrul skyod thams cad kun// phyag rgya chen po'i ngang du gnas// gnas nyid mi gnas gnas pa'ang min// de skad dag mchog nyid kyis bshad// gsang ba'i snying po de kho na nyid nges pa las yan lag thams cad dkyil 'khor du byin gyis brlabs nas phyag rgya spros pa'i le'u ste brgyad pa'o// // de nas de bzhin gshegs pa dgyes pa chen pos/ rdo rje gsang ba'i dam tshig bkod pa la snyoms par zhugs nas/ ched du brjod pa 'di brjod do// shin tu phra ba'i dam tshig mchog/ phyag rgya chen po'i phyag mthil du// thugs kyi dkyil 'khor dam pa de// sor ni bzhi yi tshad du bya// 'bru lnga spos lnga rin chen lnga// snying po lnga dang sman lnga dang // bdud rtsi lnga nyid rab bsnyams la// rig pas thig ni gdab par bya// lte ba rtsibs dang ldan pa yi// rtsibs bzhi 'khor lo mu khyud bcas// gru chad bzhi dang gru bzhi pa// bar khyams sgo khyud ldan par bya// sen zlum tsam gyi nyi zla la// tsa na'i 'bru tsam pad+ma'i gdan// yungs 'bru tsam gyi yi ge las// phyag rgya til 'bru tsam du bri// bcos bu'i ras ni sna tshogs dang // rgyan 'phreng btung dang bro bas bskor// glu tshig bro gar rol mo yi// sprin phung tshogs kyis rab tu mchod// yum dang 'jo ma sems ma

  278. 139b

    yis// ji ltar 'dod pa'i las bzhin mchod// dbyibs dang kha dog mtshan ldan par// zhal du gyur pa'i me bus la// bza' btung bro ba'i tshogs rnams kyis// las bzhi'i mchod pa rab tu sbyin// khro bo'i dkyil 'khor de bzhin te// shin tu phra la sbyangs pa yis// bsam yas dag la'ang de bzhin bya// rig pas dpag pa tsam du'o// mchod pa'i phyag rgya chen po ni// sems kyi yid bzhin sprin tshogs kyis// phyogs bcu thams cad sangs rgyas zhing // mnyen 'jam reg na bde ba yi// sna tshogs rin po che yi gzhi// mdzes par bris shing spras pa dang // kun 'byung rin chen phung por 'bar// dbyibs legs rdzing bu bro mchog bsil// rin chen khang pa sna tshogs dang // rgyan dang dpag bsam ljon pa'i tshal// glu dbyangs tshigs su bcad pa'i sgra// bla bre rgyal mtshan na bza' gdugs// do shal dpung rgyan se mo do// bza' dang btung ba'i mchog rnams dang // rang la mdzes par brgyan pa yi// lha dang lha mo rdul snyed kyis// bro gar la sogs bsam yas kyis// phyogs bcu nam mkha'i khams bkang nas// dkyil 'khor kun la rgyas par dbul// skal ldan gsal ba'i khyad par gyis// rim gyis yang na cig car du// chos kyi dbyings dang mnyam sbyor zhing // mchod pa'i phyag rgya chen por bsgom// gsal ldan ma'am byin brlabs la// stong gsum

  279. 140a

    yungs 'brur gzhug tshul du// dbyings nas dkyil 'khor spyan drangs mchod// mnyes nas grub pa'i dam tshig mchog/ bdag nyid chen po mchod pa yis// sangs rgyas dkyil 'khor ma lus mnyes// srid gsum 'gro ba thams cad la// dga' ba chen pos khyab par 'gyur// sgyu 'phrul dra ba brten pa yis// phyogs bcu dus bzhir gshegs pa yi// sangs rgyas dkyil 'khor ma lus dang // khams gsum 'gro rnams mngon du 'gyur// lus ngag sems dang chos thams cad// gang na'ang mi gnas mi dmigs pa// mig yor tshul du sbyor ba yis// nam mkha' la ni nam mkha' bsgom// kun byas dbang phyug rig pas 'jug/ de nas slob ma gzhug par bya// de nas rigs kyi bu mchog des// rgyal srid dang ni rang gi lus// bu dang chung ma nor gyi dbyig/ rab tu gces dang yid 'thad dbul// dbang phyug longs spyod lngas mchod na// dkyil 'khor thams cad mchod pa yin// nye ba'i dkyil 'khor smos ci dgos// nyes pa thams cad dag par 'gyur// dad brtson brtul zhugs rab rtogs na// phan pa'i dbang sbyin nus pa'i dbang // rim pa bzhin du sbyin par bya// snying rjes chud ma zos par gzung // yang na thal mo rab bsnol nas// phyag rgya chen po'i phang dung ni// dkyil 'khor mdzub gang tshad du yang // mkhas pas cho ga ji

  280. 140b

    bzhin bya// yang na sa gzhi rab mnyam la// dkyil 'khor khru gang tshad du bya// yang na lus gang tshad du ste// yang na lus ni gsum gyi tshad// phur bu srad bu tshon phye dang // gos rgyan mdzes pa'i yid 'ong grogs// thig gdab cho ga phun sum tshogs// mkhas ldan chen pos bsgrims te bya// yang na khru ni bcu drug dang // nyi shu'am nyi shu rtsa lngar bya// rigs kyi dkyil 'khor lnga rnams bsgom// sku gsung thugs ldan gzugs kyang dgod// yang na rgyang grags dpag tshad dam// nam mkha'i dbyings ni bsam yas par// sangs rgyas dkyil 'khor sna tshogs bsgom// ma mthong rmongs la bstan phyir mtshon/ kha dog nyi shu rtsa lnga'am// lnga yi tshon gyis bri bar bya// 'dul ba'i cho ga bzhin du dgye// ting 'dzin rol mo mtha' yas mchog/ yi ge'am gdan nam snying po'am// phyag rgya'am sku gsung thugs ldan par// byin rlabs ya mtshan rmad po che// 'grub 'gyur sangs rgyas kun gyi dam// sa la sogs las phyag rgyar byas// rnam grol rim pa thob 'gyur na// dag pa'i ye shes kyis sbyangs pas// smos ci dgos te 'di nyid yin// phyogs dus dkyil 'khor bdag nyid che// mi dmigs thugs kyi dkyil 'khor las// dkyil 'khor thams cad spyan drang ngo // rang snang dbyer med dkyil 'khor la// 'jug pa'i mtshan nyid mnyam sbyor bas// phyogs dus

  281. 141a

    kun nas gshegs pa yi// bsnyen pa'i dkyil 'khor rab tu rdzogs// nye bar gyur pa'i dam tshig mchog/ dpag bsam shing dang yid bzhin gyi// rin po che dang 'byung ba kun// de dag rdzas yod ma yin te/ rang sems bsod nams brtan pa yin// ngo mtshar cho 'phrul rmad kyi chos// gzhan na yod 'ongs ma yin te// thabs la brten pa'i shes rab nyid// de lta bu yi ngang du 'byung // shes rab dbyings kyi de bzhin nyid// thabs kyi phyag rgyar gyur pa'i phyir// ye shes la ni ye shes rol// ye shes rol pa nyid kyang gsog/ rgyal ba sngon byung skyob pa dang // byin rlabs ston pa'ang de bzhin te/ bya byed nus pa'i gzi byin gyis// sgyu ma rdo rje btsan po'i mchog/ cho ga lnga ni rdzogs byas shing // yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson na// zhag ni sum cu phrag drug gam// bcu gnyis bcu bzhi bcu drug gis// dbang sbyar rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le de nyid la// ye shes thig le nyid snang ba// bsam gyis mi khyab mtha' yas mchog/ phyogs bcu dus bzhi mngon rdzogs pa'i// zhing khams rnam dag bsam yas dang / rgya dang bral ba'i gzhal yas khang // 'khor lo'i rgyan dang rol mo'i

  282. 141b

    tshogs// dkyil 'khor ma lus bsam yas kun// mthong nas nye bar mnyes pa dang // rgya chen gsung la don byung ba'ang // mthun pa'i ye shes rang snang ba'o// gcig dang du mar bral ba yi// mtha' dang dbus med de bzhin nyid// sangs rgyas kyis kyang mi gzigs te// rang byung ye shes gnas med snang // log par rtog btags rnam dag cing // ye shes dbyings las mi gzhan phyir// thugs rje chen pos 'brel bas na// 'gro drug dus gnas ma lus snang // bde ba chen po'i dkyil 'khor ni// stangs dpral gnyis sam yang na lnga// byas te dad ldan rab zhugs na// 'dod pa yid 'ong mnyam par 'gyur// skal pa mnyam pa'i ye shes de// gnyer na nye bar 'byung ba yi// ya mtshan chen po 'byung bar nges// dad med nyams na spang bar 'gyur// zhes ched du brjod do// gsang ba'i snying po de kho na nyid nges pa las rdo rje bkod pa'i gsang ba'i dam tshig gi le'u ste dgu pa'o// // de nas bcom ldan 'das dgyes pa chen po rgyal po sbyin pa zhes bya ba'i ting nge 'dzin la snyoms par zhugs nas ched du brjod pa 'di brjod do// shes rab thabs kyi phyag rgyu las// bde ba'i 'bru tshogs gsal ba'i spyan// rdo rje'i lam nas pad+mar 'thil// rtse nas bstim zhing dkyil 'khor bsgyur// can byed 'khor lo'i gzhal yas pa// gsal ba'i thig le ngo bo nyid//

  283. 142a

    gi phyag rgya'i tshogs mchog las// rin chen dkyil 'khor gsal sgro thim// trAM gsang ba gsang chen gsang mchog gang // gsang ba kun la'ang mnyan par bya// gsang ba'i don nyid brtag pa las// gzhan du smra bar bya ba min// gsal ba'i 'khor lo'i gzhal yas su// gsal ba'i thig le'i ngo bo nyid// yi ge 'phreng ba'i tshogs mchog las// rigs kyi dkyil 'khor gsal 'phro thim// oM dus gsum rgyal ba'i sras chen po// sku gsum thugs kyi rdo rje gzung // rgyal ba thams cad mnyes mchod la// rgyal ba kun dang mnyam par sbyor// lag pa'i 'khor lo'i gzhal yas su// gsal ba'i thig le'i ngo bo nyid// hUM gi phyag rgya'i tshogs mchog las// las kyi dkyil 'khor gsal 'phro thim// oM khyod ni rdo rje las yin gyis// las rnams ma lus kun gyis shig/ pho nya mang po'i 'du 'phro kun// khyod kyi dgos pa byed pa yin// sgra byed 'khor lo'i gzhal yas su// gsal ba'i thig le'i ngo bo nyid// hrIHyi phyag rgya'i tshogs mchog las// chos kyi 'khor lo gsal spro thim// oM chos kyi bdud rtsi bla med kyis// dad ldan skyes bu ngoms par byos// rab 'bring tha ma'i blo can la// mthun par gsang bsgrags gzhan du min// bskyod chen 'khor lo'i gzhal yas su// gsal ba'i thig le'i ngo bo nyid// hUM oM swA AM hA rnams las// dkyil

  284. 142b

    'khor lnga dang khro 'phreng bsgom// oM phyogs bcu dus bzhi thams cad kyi// sku gsung thugs kyi rdo rje che// dkyil 'khor kun gyi byed pa po// dkyil 'khor kun gyi sbyin pa spyod// slob dpon mnyes par ma byas shing // dbang rnams thob par ma byas par// nyan pa la sogs rtsom pa rnams// 'bras bu med cing brlag par 'gyur// dbu rgyan cod pan phreng ba dang / go cha rgyal mtshan phyag rgya dang // gdugs dang bum pa bza' btung dang / snying po lnga yis dbang bskur na// dus 'di phyin chad rgyal ba'i sras// ngan song thams cad med pa dang // tshe ring bde ba phun sum tshogs// mtho ris thar ba'i bdag por 'gyur// zhes brjod do// gsang ba'i snying po de kho na nyid nges pa las dbang sbyin pa'i le'u ste bcu pa'o// // de nas de bzhin gshegs pa dgyes pa chen po sgyu 'phrul dra ba'i rgyal po bsgyur ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// rgyu gcig pa dang yig 'bru'i tshul// byin gyis brlabs dang mngon sum par// rab tu rtog pa rnam bzhi yis// thams cad mngon rdzogs rgyal po che// yan lag dbang po rnam shes kun// rnam smin oM du shes par bya// rdzogs pa'i dkyil 'khor nyid du bsgom// yang na khro bo'i dkyil 'khor bsgom// gzugs sgra dri ro reg la sogs// rnam smin mAM du shes

  285. 143a

    par bya// yum gyi dkyil 'khor nyid du bsgom// yang na khro mo'i dkyil 'khor bsgom// gos rgyan bza' btung glu dang tshig/ bro gar tshogs kyi sprin phung la// hUM du shes pas rab spyad na// ngo mtshar 'byung ba'i dkyil 'khor mnyes// lha mo klu mo rigs ngan mo// dbye'am yang na mi dbye bar// bsnyen pa dang ni nye bsnyen dang / sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor spro// sangs rgyas sprin tshogs ma lus la// dgyes mnyam mchog gi sbyin pas bstim// sgrub pa'i nyi zla snying po de// dkyil 'khor rdo rje'i lce yis blang // mkha' 'gro gsal 'bar tshe la sogs// yid bzhin sprin gyi bdag por 'gyur// zhing gyur mchog dang mchog phran rnams// nyi zla'i dkyil du mkhas pas gzhag/ nga rgyal lag gi 'du byed bsgom// hUM du gyur pas rnam par dag/ dbyings su thim nas phyag rgya 'bar// skur gyur 'od zer 'phro bas brjid// gtsug tu rnam par rgyal ba bsgom// ngo mtshar ngan 'gro thar ba'i thabs// ye nas skye med de bzhin nyid// sgyu mar snang ba mig yor tshul// sbyor sgrol bya ba kun byas kyang // rdul cha tsam yang byas pa med// snod bcud rgyud rnams dag rtogs shing // mnyam gnyis lhag pa'i mnyam gnyis kyis// dkyil 'khor kun du bzang po'i zhing // byed spyod

  286. 143b

    tshogs chen gnyis gyur nas// yan lag ma nyams yo byad ldan// cho ga rdzogs par shes pa yi// rnal 'byor tshogs pa'i dkyil 'khor gyis// nges par legs pa'i dgos pa 'grub// lnga dang lnga yi sbyor ba yi// tshom bu lnga yi lha bkod la// khro bo bcu dang khro mo bcu// 'khor lo'i tshul du rnam par bsgom// de bzhin rigs dang rdo rje'i rigs// pad+ma'i rigs te sku gsung thugs// khro bo tshogs dang ldan pa yi// tshom bu gsum gyi lha rnams bsgom// rigs kyi rigs te rigs kyi gtso// thugs kyi thugs te thugs kyi mchog/ khro bo tshogs dang ldan pa yi// tshom bu gcig pa'i lha rnams bsgom// khro bo khro mo'i tshogs chen po// pho& phyag brnyan bka' nyan tshogs// ci bgyi la sogs tshogs rnams kyis// dngos grub las rnams rdzogs par byed// rnal 'byor sngags 'chang dngos grub ni// mnyam rdzogs lhun grub dang gnas shing // spyod pas ci la'ang thogs med pa'i// thams cad ye nas dbyer med pa'o// rdo rje'i rigs su thams cad dkyil// 'od 'phro 'bar bar rab tu bsgom// chags med tshul gyis bstim par bya// gnyis med gyur nas phyag rgya che// yang na sku gsung thugs nyid de// thams cad ma lus sku gsung thugs// ting 'dzin gsal 'bar 'od zer 'phro// gnyis med dbyings kyi ngang du thim// rigs 'dzin dngos grub mchog thob

  287. 144a

    'gyur// dkyil 'khor ma lus 'bar ba 'grub// nyon mongs sdug bsngal sel bar byed// rdo rje'i rigs su skye ba'i gnas// sngags 'chang dngos grub yang dag ni// thabs dang shes rab thams cad kyis// dkyil 'khor lnga dang khro 'phreng bsgom// chags pa med pa'i tshul gyis ni// 'od zer rnam pa mang po 'phro// gnyis su med par bstim par bya// dngos grub mchog gi snying po 'grub// rnal 'byor thabs dang shes rab kyis// de bzhin gshegs dang yum du bsgom// sems dpa' sems ma nyid du bsgom// so so'i sngags dang phyag rgya dang // ting 'dzin yang dag so sor gsal// gnas dang longs spyod ci bde dang // ma nyams blo ni rab ldan pas// dang por dam nos bzhin du bya// le lo sgyid snyoms med pa yi// the tshom med par bsgrubs byas na// dkyil 'khor thams cad 'grub par 'gyur// rdo rje gsang mchog dam pa 'thob// sgrub pa'i zhag dang tshes grangs ni// rgyud las smos pa bzhin du bshad// rdo rje gsang ba'i tshig tu'o// zhes de bzhin gshegs pa nyid la de bzhin gshegs pa nyid ched du gleng ngo // gsang ba'i snying po de kho na nyid nges pa las tshogs kyi dkyil 'khor gyi le'u ste bcu gcig pa'o// // de nas de bzhin gshegs pa dgyes pa chen po rol mo'i sprin rnam par spros te/ rgyan bkod pa'i

  288. 144b

    ting nge 'dzin la snyoms par zhugs nas ched du brjod pa 'di brjod do// sgyu 'phrul dra bas mngon rdzogs pa'i// dkyil 'khor brtan pa'i ting nge 'dzin// bro gar phyag rgya'i 'du 'phro yis// 'dzul lam nam mkhar 'gro bar 'gyur// glu tshig sgra yi phyag rgyas ni// chos kyi dngos grub thob par 'gyur// rgyan dang bgo ba'i phyag rgya yis// 'bar ba'i rgyal po thub med 'grub// bza' dang btung ba'i phyag rgyas ni// yid bzhin sku dang bdud rtsi 'grub// A li kA li'i phyag rgya yis// thams cad thams cad 'grub par 'gyur// shes 'jug mtshan nyid 'byor pa'i gzungs// 'bras bu smin byed rgyu dang rkyen// nus mthu can du gang gyur pa// rig 'dzin rgyal ba'i zhing du grags// mi dang lha dang tshangs pa yi// skye ba rnam dag 'dzin mod kyang // khyad par sa la gnas 'gyur yin// pha rol phyin pa kun tu rdzogs// thabs dang shes rab thabs kyi mchog/ shes rab mchog gi mchog gyur pa'i// sa yi khyad par bcu dang gsum// rgyu 'bras khyad par lhun gyis rdzogs// mkha' dkyil dngas pa'i dbyings nyi zla// ye shes rgyal po stangs dpral bsgom// rgyal ba'i dkyil 'khor thams cad kun// ma lus par ni bsgom par 'gyur// dus bzhi phyogs bcu gang nas kyang // rdzogs pa'i sangs rgyas rnyed mi 'gyur// sems nyid rdzogs pa'i sangs rgyas te// sangs rgyas

  289. 145a

    gzhan nas ma tshol cig/ dkyil 'khor kun tu rab sbyor bas// dkyil 'khor thams cad 'grub par 'gyur// cho ga lhag gam ma tshang na'ang // skyon nyid dag ste nyes pa med// ces ched du brjod pas rol mo'i sprin gyis mnyes par gyur to// gsang ba'i snying po de kho na nyid nges pa las tshogs bsgrub pa'i le'u ste bcu gnyis pa'o// // de nas de bzhin gshegs pa phyogs bcu dus bzhi'i sku dang gsung dang thugs rdo rje'i dkyil 'khor thams cad gcig tu 'dus nas dgyes pa chen pos/ chos thams cad ye nas rdzogs pa chen por lhun gyis grub pa'i dam tshig shin tu gsang ba'i snying po sprin bkod pa'i ting nge 'dzin la snyoms par zhugs nas ched du brjod pa 'di brjod do// ma rtogs pa dang log par rtogs// phyogs rtogs yang dag nyid ma rtogs// 'dul ba dgongs pa gsang ba dang // rang bzhin gsang 'i don rnams ni// yi ge skra btags ming tshogs la// brten pa'i tshig gis rab mtshon te// khong nas gab skas don 'byin pa// ston pa rdo rje'i thugs la gnas// dkyil 'khor ldan pa'i dkyil 'khor gyis// dkyil 'khor la ni dkyil 'khor bsgom// dkyil 'khor dkyil 'khor las byung ba'i// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// 'byung ba shes rab

  290. 145b

    rigs kyi yum// chen po rigs kyi de bzhin te// byang chub sems ni rdo rje'i tshogs// dbang po yul dus rig pa rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes lngas lta zhing // snying po thig le mnyam sbyor bas// bde ba'i ye shes rol mo yis// ye shes dgyes la mchod par 'bul// zag pa med pa'i bsod nams kyis// ye shes sgyu ma rang snang ba// rol mo'i dkyil 'khor mtha' yas mchog/ gsang ba'i thig le nyid kyi dbyings// de ni sangs rgyas kun gyi dngos// phyogs bcu dus bzhir mngon rdzogs pa'i// sku gsung yon tan 'phrin las thugs// ma lus bdag nyid zhal mthong ba// dbang skur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyun du dkyil 'khor ma lus thogs// rdzogs pa'i dkyil 'khor mnyam sbyor bas// thugs rje'i dkyil 'khor yongs kyis 'byung // phyogs dus dkyil 'khor 'dul ba'i mgon// sgyu ma'i dkyil 'khor sgrol ba yi// bya byed med par dkyil 'khor spyod// ye shes rdzogs pa'i dkyil 'khor la// thos bsam sgom pa'i mnyam sbyor gyis// rang byung kun dam lhun gyis grub// 'di ni sangs rgyas thams cad kyis// 'da' bar mi mdzad dam tshig mchog/ gang zhig 'di la mos gyur pa// sangs rgyas

  291. 146a

    dkyil 'khor thams cad kyis// phyogs dus kun nas thams cad du// dkyil 'khor ma lus bsnyen pa yi// nye ba'i sras su dgongs par 'gyur// bskal pa zhing gi rdul snyed du// shin tu sbyangs la rab gnas shing // dkyil 'khor ma lus bsnyen pa yi// 'bras bu gsang chen 'di yin te// 'jig rten drug gi phyogs bcu na// 'das dang da ltar byung ba yi// rgyal ba'i dkyil 'khor ma lus pa// bsnyen nas sku lnga lhun gyis rdzogs// 'byung dang ma 'ongs thams cad kun// 'di yis lhun gyis grub par 'gyur// 'di ni gsang chen nges pa yi// 'bras bu lam du gyur pa yin// rgyal ba'i dkyil 'khor ma lus la// 'di las gsang ba'i nges don med// btsal kyang rgyal bas mi brnyes so// kun gyi phyag rgya chen po mchog/ thos bsam bsgom la rab sbyangs pa'i// shes rab mig ldan rnams kyis zung // snod ldan ngang tshul bzang la rtan// lus dang longs spyod gtong la sprin// gzhan du nam yang sbyin mi bya// rmongs la 'phyar bas gal te sprin// dus min par ni srog zad nas// sregs dang sbrebs la yun ring gnas// zhes de bzhin gshegs pa nyid kyis de bzhin gshegs pa nyid la ched du brjod do// gsang ba'i snying po de kho na nyid nges pa las shin tu gsang ba man ngag gi snying po'i le'u ste bcu gsum pa'o// // de nas de bzhin

  292. 146b

    gshegs pa thams cad nyid kyi dkyil 'khor la dgyes pa chen po'i glu 'di blangs so// oM phyogs bcu dus bzhi rdzogs pa yi// ye shes dkyil 'khor thig le che// bsod nams dkyil 'khor sku yi tshogs// snang stong thig le kun tu rdzogs hoH/ oM rdo rje bsod nams thig le che// rdo rje ye shes dkyil 'khor ldan// rdo rje sgra chen mtha' yas pa// rdo rje rgyal po thig le che hoH/ oM sku gsung thugs kyi rdzogs pa che// yon tan 'phrin las kun tu rdzogs// ye nas lhun rdzogs kun tu bzang // 'dus pa'i tshogs chen thig le che hoH/ oM mi dmigs sgyu 'phrul mnyam pa'i dbyings// mtha' yas kun nas sna tshogs spro// mtha' yas kun nas lhun gyis thim// sna tshogs sku gsung thugs chen po hoH/ oM phyogs bcu'i 'jig rten rdul snyed du// rgyal ba'i don rnams rdul phran snyed// sprul pa'i rdul phran bsam yas kyis// skad cig yud la lhun gyis grub hoH/ oM thams cad ma lus sku gsung thugs// sku gsung thugs kyi bdag nyid che// sku gsung thugs kyis kun tu khyab// sku gsung thugs kyi thig le che hoH/ zhes bsgrags so// gsang ba'i snying po de kho na nyid nges pa las mnyes pa'i mchod pa'i le'u ste bcu bzhi pa'o// // de nas de bzhin gshegs pa thams cad kyi bdag po sangs rgyas thams cad kyi ngo bo nyid kyis khro bo'i dkyil 'khor mngon par 'du

  293. 147a

    mdzad de/ de ci'i phyir zhe na/ bdag tu rmongs pa'i rtogs pa dang / btags pa la mngon par zhen pas/ yang dag pa'i lam dang bral ba dag/ gab pa'i gsang ba ma rtogs par sbas pa'i gsang ba la mngon par 'chel nas/ rgyu dang 'bras bu la rmongs pas/ srid pa'i sa bon rtsub mos 'phangs nas/ mtshams med pa'i rab tu tsha ba'i dmyal bar skyes so// de rab tu tsha ba'i sdug bsngal drag pos gdungs pa dang / 'di bas shin tu grang yang ci ma rungs snyam pa'i mod la/ rab tu sbrebs pa dang / pad+ma ltar gas pa'i sdug bsngal drag po dag gis rab tu gdungs pa de lta bu'i sdug bsngal rab tu tsha ba la sogs pa brgyad dang / shin tu grang ba la sogs pa brgyad po dag tu/ 'jig rten gyi khams brgyud cing bskal pa chen po stong phrag bcu gnyis su myong ngo // de nas rnam par smin pa de zad pa dang / yi dgas ltogs pa dang / skom pa'i sdug bsngal gyis rab tu nyen pa dang / 'dod pa'i dngos po rnams yid du mi 'ong ba dang / gdug cing rtsub pa'i dngos po sna tshogs su gyur pa dang / yod med par yang 'gyur zhing / shin tu rid cing bskams pa dang / lus dang yan lag dang dbang po mi 'tshams par gyur par bskal pa chen po drug tu skyes so// de nas las kyi sgrib pa rtsub mo'i rnam par smin pa de khad kyis bsrabs pa dang / sngon gyi srid pas mtshams

  294. 147b

    sbyar nas/ yi dgas srin po chen po rab tu gdug pa gtum po lus gcig la mgo bo brgya pa dang / mgo sna tshogs pa dang / lus brgya la mgo bo gcig pa dang / lus sna tshogs pa dang / yan lag mang po dang / yan lag sna tshogs pa dang / gdug pa'i lag cha sna tshogs pa thogs pa/ 'khor rab tu mang po dang / 'jigs pa'i gzugs sna tshogs dang / 'jigs pa'i sgra sna tshogs sgrogs pa/ gzugs dang nga ro dang / dri dang kha rlangs kyis thams cad spyi bung zhes byed pa/ rab tu 'jigs pa'i rlung nag dang / grang ba dang / tsha ba'i dbugs kyis phyogs bcu kun tu khams 'khrugs par byed pa/ nad bzhi brgya rtsa bzhi 'debs par byed pa/ myos shing nyams par byed pa'i mthus/ klu'i ris dang / lha ma yin gyi ris dang / lha'i ris dang / tshangs pa'i ris dang / 'od gsal dang / dge rgyas dang / 'bras bu che ba man chad dbang du bsdus so// de sngon bsten pa'i stobs kyis thams cad mkhyen pas gzigs nas thugs rjes 'dul bar gyur to// de nas de bzhin gshegs pa che ba'i rdo rje bkod pa'i sgyu 'phrul dra bas/ 'jig rten drug gi phyogs bcu srid pa gsum gyi bdag po 'dul ba'i nga rgyal chen po'i gzi brjid ston pa'i phyir/ de bzhin gshegs pa thams cad kyi sku gsung thugs rdo rje'i bdag po/ bcom ldan 'das dgyes pa chen pos khro bo'i rgyal po'i dkyil

  295. 148a

    'khor gyi sprin chen po rnam par 'phro ba'i/ sgyu 'phrul dra ba'i rgyal po'i ting nge 'dzin la snyoms par zhugs te/ de bzhin nyid kyi dbyings nas/ khro mo dbang phyug chen mo mngon du phyung ste/ hi hi zhes dgyes pa'i gzi mdangs kyis/ rin chen pad+ma rgyas par mdzad nas/ gnyis su med par 'khril ba'i dgyes pas thim nas/ byang chub sems kyi sprin las/ hUM hUM hUM bi shwa badz+ra kro d+ha dza la man+tal phaT phaT phaT ha la ha la ha la hUM/ zhes brjod pas/ 'jig rten drug gi phyogs bcu mtha' yas pa khyab par khro bo'i dkyil 'khor gyi tshogs stong gsum gyi 'jig rten tsam/ phyogs bcu'i rdul phra mo skad 'thon par gyur nas/ 'jig rten drug gi phyogs bcu thams cad g.yos/ rab tu g.yos/ kun du g.yos so// 'ur 'ur/ rab tu 'ur 'ur/ kun du 'ur 'ur ro// chem chem/ rab tu chem chem/ kun tu chem chem mo// shig shig/ rab tu shig shig/ kun du shig shig go/ gtor gtor/ rab tu gtor gtor/ kun du gtor gtor ro// 'jig rten drug gi phyogs bcu'i stong khams thams cad na gnas pa'i dbang che ba dang / gzi brjid che ba dang / mthu che ba'i dbang phyug chen po la sogs pa thams cad brgya la/ rab tu brgya la/ kun du brgyal bar gyur to// de nas bcom ldan 'das dgyes pa chen po nyid/ 'jigs byed chen po shin tu rngam pa skyi bung zhes byed

  296. 148b

    pa'i 'bar ba chen po'i khrag 'thung sku smug nag cir yang 'gyur ba dbu dang phyag dang zhabs stong khams kyi rdul snyed mtshon cha sna tshogs 'dzin pa de dbu gsum phyag drug zhabs bzhir gyur te/ dur khrod chen por dgyes nas khrag gi rgya mtsho'i dkyil na/ keng rus chen po'i ri rab kyi steng 'bar ba chen po'i klong gi 'khor lo'i dkyil na dbang phyug chen po dang / dur khrod kyi bdag po dregs pa chen po khyo shug gi gdan la brkyangs bskums su bzhugs so// khro bo'i dkyil 'khor gyi spun phung de dag kyang / la la ni dpal khrag 'thung chen por gyur te shar phyogs su bzhugs so// la la ni dpal khrag 'thung chen po rin po cher gyur te lho phyogs su bzhugs so// la la ni dpal khrag 'thung chen po pad+mar gyur te nub phyogs su bzhugs so// la la ni dpal khrag 'thung chen po kun du las su gyur te byang phyogs su bzhugs so// de dag kun kyang 'jigs byed chen po'i cha lugs dang / rngam pa'i nga ro dang / 'bar ba'i klong na/ dbu gsum phyag drug zhabs bzhis/ dri za dang / gnod sbyin dang / srin po dang / gshin rje la sogs pa khyo shug gis gdan byas pa la brkyangs bskums su bzhugs so/ btsun mo khrag 'thung chen mo'i tshogs rnams kyang so so'i sku la 'khrul ba'i tshul gyis bzhugs so// rigs lnga'irigs lnga'i zhes pa nas ngo mtshar te zhes pa'i bar

  297. 149a

    'di/ rgya 'grel bar bkab/ rong zom/ sman lung pa/ g.yung ston pa'i 'grel pa bzhir mi gsal zhing / rgya dper yang mthong ba ma byung mod/ sgrol TIka tu snang ba'i rgya dpe mi mthun pa gcig gnyis shig byung ngam snyam/ rgya dpe gcig na/ de nas dbang phyug chen po brtse ba can dregs pa chen po zhes bsnon ma yang 'dug go// he ru ka gcig tu bstim te bsdus nas/ gcig gis mang po 'dul ba'i ngo mtshar te/ de nas dregs pa chen po la sogs pa gtum pa'i sems kyis gdug pa'i rdzu 'phrul chen po sna tshogs bstan nas/ mgrin gcig tu gdug pa'i nga ros/ brlang po'i gtum tshig tu smras pa/ thong thong snying rje'i bdag po ci de ltar byed dam zhes 'dzer zhing / shin tu gdug pa'i sems kyis khros nas rngam mo// de nas bcom ldan 'das dgyes pa chen po dbu dgu phyag bco brgyad zhabs brgyad du gnas nas/ rngam pa'i skad kyis thugs rjes 'dul ba'i thabs kyis shin tu khros nas/ hUM hUM hUM/ ha ha ha/ khA hi khA hi khA hi/ zhes brjod nas/ dbang phyug chen po la sogs pa/ gdug pa chen po'i tshogs de dag gi snying dang dbang po kun phyung / nang khrol kun drangs/ yan lag kun bcad gtubs nas sha kun zos/ khrag kun 'thungs/ rus pa kun 'chos so// de nas hUM hUM hUM b+h+yo e A ra li dzaHdzaHzhes brjod pas/ phyogs bcu'i 'jig rten gyi

  298. 149b

    khams nam mkha' dang bcas pa yungs 'bru gcig tsam du chud par bsdus so// de nas 'byung po ma lus pa'i rgyal po'i yang rgyal po dregs pa chen po la sogs pa'i chung ma 'byung po thams cad kyi rje mo'i yang rje mo/ srin mo chen mo mi srin mo dang / tshangs ma dang / 'khrug mo dang / dbang mo dang / 'jug sred mo dang / gzhon nu mo dang / dmar mo dang / bdud rtsi mo dang / zhi ba mo dang / be con mo dang / srin mo dang / za ba mo dang / dga' ba mo dang / ra ro khrag 'thung myos ma dang / gcig pur spyod ma dang / yid 'phrog ma dang / grub mo dang / rlung mo dang / gsod byed mo dang / me mo dang // phag mo dang / rgan byed mo dang / sna chen mo dang / chu lha mo dang / nag mo chen mo dang / ra mgo dmar ser chen mo dang / bum rna sngo nag chen mo dang / gsus 'dzin ser nag chen mo la sogs pa/ bran dang yang bran dang / g.yog dang yang g.yog 'khor zhing gi rdul snyed kyang bsdus so// de nas bcom ldan 'das dgyes pa chen po dpal khrag 'thung chen pos 'dul ba'i thabs kyis/ yang rigs lnga'i 'jigs byed chen po snang bar byas nas/ de dag kun kyang dgyes pas rol pa'i dkyil 'khor gyi sprin 'byung ba zhes bya ba'i ting nge 'dzin la snyoms par zhugs te sku dang gsung dang thugs rdo rje las 'di byung ngo // oM AHhUM badz+ra pra be sha a la la hoHzhes brjod pas//

  299. 150a

    'byung mo'i rgyal mo rnams shin tu chags pa'i yid g.yos nas/ pad+ma'i dkyil 'khor sdud cing rgyas par gyur nas/ dper na khab len la lcags 'du ba'i tshul du/ bcom ldan 'das dgyes pa chen po dpal khrag 'thung chen po rdo rje'i sku la/ sring mo chen mo mi'i srin mo dang / dmar mo dang / dga' ba mo dang / gsod byed mo dang / nag mo chen mo dang / dmar ser chen mo dang / sngo nag chen mo dang / ser nag chen mo rnams 'khril lo// bcom ldan 'das dpal khrag 'thung chen po de bzhin gshegs pa'i sku la/ tshangs ma dang / 'khrug mo dang / dbang mo dang / 'jug sred mo dang / gzhon nu mo rnams 'khril lo// bcom ldan 'das dpal khrag 'thung chen po rin po che'i sku la/ bdud rtsi mo dang / zhi ba mo dang / be con mo dang / za ba mo dang / srin mo rnams 'khril lo// bcom ldan 'das dpal khrag 'thung chen po pad+ma'i sku la/ khrag gis myos ma dang / gcig pur spyod ma dang / yid 'phrog ma dang / grub mo dang / rlung mo rnams 'khril lo// bcom ldan 'das dpal khrag 'thung chen po kun du las kyi sku la/ me mo dang / phag mo dang / rgan byed mo dang / sna chen mo dang / chu lha mo rnams 'khril lo// de nas bcom ldan 'das dgyes pa chen po'i khro bo'i dkyil 'khor de dag gis/ hUM zhes brjod pas/ pad+ma'i dkyil 'khor gyi tshogs

  300. 150b

    bsdus nas shin tu bcum par gyur to// de nas dgyes te ha zhes brjod pas/ byang chub sems kyi sprin las/ dkar mo'i tshogs dang / rkun mo'i tshogs dang / rmongs mo'i tshogs dang / thal byed mo'i tshogs dang / spos mo'i tshogs dang / gtum mo'i tshogs dang / sme sha can gyi tshogs dang / ma tshogs me'i tshogs rnams rang rang gi lag cha dang / ngo mtshar dang bcas nas 'thon to// 'thon nas kyang 'bar ba chen po 'khor lo'i mtshan shar phyogs nas 'khor bar 'jigs pa'i gzugs rang gi lag cha dang bcas nas 'khod de/ de nas shin tu dgyes nas he zhes brjod pas/ seng gdong chen mo'i tshogs dang / stag gdong chen mo'i tshogs dang / wa gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kang ka'i gdong chen mo'i tshogs dang / khwa gdong chen mo'i tshogs dang / 'ug pa'i gdong chen mo'i tshogs dang bcas pa rnams/ rang rang gi lag cha dang ngo mtshar dang bcas nas 'thon par gyur to// 'thon nas kyang 'bar ba chen po'i 'khor lo'i phyi rol shar phyogs nas 'khor bar rngam pa'i mdangs kyis 'khod do// de nas shin tu dgyes pas phyogs bcu'i zhing ma lus par khyab nas phaT ces brjod pas/ rdo rje sring 'gro ma'i tshogs dang / rdo rje gdong mo'i tshogs dang / rdo rje 'jig rten ma'i tshogs dang /

  301. 151a

    rje ro langs ma'i tshogs rnams rang rang gi lag cha dang / ngo mtshar du ma bcas nas 'thon par gyur to// 'thon nas kyang 'bar ba'i dkyil 'khor gyi sgor shin tu rngam pa'i gzugs kyis gnas so// de nas dgyes pa chen po'i sprin las phyogs bcu nas phaT ces bsgrags pas/ thams cad khros nas ma mo thams cad kyang rang rang gi gnas ga la ba der yud tsam gyis phyin par bkye'o// de nas bcom ldan 'das dgyes pa chen po dpal khrag 'thung chen po de dag kun thugs rje chen po bdud rtsi 'byung ba zhes bya ba'i ting nge 'dzin la snyoms par zhugs nas/ sku dang gsung dang thugs rdo rje las 'di dag phyung ngo// oM badz+ra ma hA a mr-i ta ma hA kro d+ha aM aM aM zhes brjod pas/ dbang phyug chen po la sogs pa thams cad/ bcom ldan 'das khro bo chen po de dag gis bsnams nas bton te/ mi gtsang ba'i 'dam gyi rgya mtshor chud pa las bsnams nas u tsuSh+ma kro d+ha phyung nas 'dam kun 'thungs te dran pa slar rnyed nas/ khro bo'i dkyil 'khor gyi tshogs de dag thams cad kyang dbu dgu brgya phyag stong brgyad brgya/ zhabs brgyad brgya/ sku 'bar ba chen po'i dkyil 'khor na bzhugs par mthong ngo // de'i dus su 'jig rten drug gi phyogs bcu'i srid pa kun du dregs pa'i dbang phyug thams cad 'dul ba'i thabs sna tshogs bsam gyis mi

  302. 151b

    khyab par so sor snang bas dus gcig tu btul lo// de nas de dag shin tu 'dar zhing bred pa rab tu zhum pa'i nga ros/ 'bangs su mchi/ 'bangs su mchi/ 'bangs su nan tan ma bgyis na// mgo dang lus ni brgyar 'gas shing // snying yang 'gas shing gtubs gyur cig/ rul myags tshig nas brlag pa dang / dmyal bar lhung nas 'bod par shog/ ces 'bangs su mchi par mna' bor nas// dkyil 'khor gyis gdan du bzhag go/ thams cad kyis mgrin gcig tu yang smras pa/ bdag cag rnams kyi mchis brang dang // ma dang bu mo sring mo rnams// dkyil 'khor chen por bzhes su gsol// dpa' bo lha rje bzhes su gsol// bdag cag so so 'khor bcas kyi// tshogs kyi dkyil 'khor chen po 'di'i// ming tsam 'dzin par byed pa yang // gtsug gi nor bu 'bar ba ltar// g.yo sgyu med cing gus ldan pa'i// sems kyis blangs nas spyi bo yi// gtsug tu bzhag ste bkur bar bgyi// de yi dgos pa ci yang rung // ma lus rdzogs par bdag cag bsgrub// gal te dpa' bo'i spyan snga 'dir// smras pa bzhin du ma bsgrubs na// bdag ga rnams kyi mgo lus snying // bkas gtubs dum bur rul bar mchi'o// zhes smras so// de nas de dag gi chung ma'i tshogs dang / ma dang sring mo dang bu mo'i tshogs thams cad dkyil 'khor du yud tsam gyis

  303. 152a

    'ongs nas/ thams cad kyis mgrin gcig tu smras pa/ bdag cag 'khor tshogs thams cad kun// dpa' bo chen po'i 'bangs su mchi// dpa' bo chen pos bdag cag la// las kyi dngos grub rtsal du gsol// zhes smras so// de nas bcom ldan 'das dgyes pa chen pos lag tu rdo rje byin nas ming gi dbang bskur te dkyil 'khor gyi phyi rol du bkod do// gsang ba'i snying po de kho na nyid nges pa las khro bo rang bzhin gyi dkyil 'khor gyi sprin rnam par spros pa'i le'u ste bco lnga pa'o// // de nas bcom ldan 'das dgyes pa chen pos dkyil 'khor gyi tshogs chen po 'di dag dam tshig gis grub par bya ba'i phyir// de bzhin gshegs pa khro bo khrag 'thung chen po btsun mo dang bcas pa'i tshogs de dag gi sku dang gsung dang thugs rdo rje ye shes rngam pa las gsung gi dkyil 'khor 'di dag phyung ngo // oM sarba ta thA ga ta ma hA shrI he ru ka/ ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM badz+ra ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn+ta ka ha na da ha pa tsahUM hUM hUM phaT/ oM pad+ma ma hA shrI he ru ka ma hA tsaN+Da sarba duSh+TAn+ta ka ha na da ha tsa hUM hUM hUM phaT/ oM karma ma hA shrI he ru ka ma hA tsaN+Da sarba duSh+TAn+ta ka ha na da ha pa tsa hUM hUM hUM phaT/ oM sarba ta thA ga ta ma hA kro d+hi shwa rI sarba

  304. 152b

    duSh+TAn hUM phaT/ oM ma hA badz+ra d+ha ra ma hA kro d+hI shwa rI dz+wa la nI hUM phaT/ oM ma hA sUr+ya rat+na ma hA kro d+hi shwa rI bi da ma hUM phaT/ oM hrI shrut+ta sa man+ta pad+ma ma hA kro d+hi shwa rI khA hi hUM phaT/ oM sarba a mo g+ha ma hA kro d+hi shwa rI bi shwa hUM phaT/ oM badz+ra ko rI ha/ badz+ra tso rI ha/ badz+ra pra mo he ha/ 'di saM skr-i ta dang bstun na cung zad the tshom du snang yang rgyud las saM skr-i ta kho na'i nges pa med pas rong zom gyi gsungs bzhin bcos nas rgod mar bsgyur ba'o// badz+ra bet+ta lI haH/ badz+ra tsaN+DaHlI ha// badz+ra puk+ka sI ha/ badz+ra g+hasma rI ha/ badz+ra sma sha ni&ha/ badz+raHsid+ha mu khI he/ badz+ra byA g+h+ri mu khI he/ badz+ra sr-id+d+ha la mu khI he/ badz+ra shwa na mu khI he/ badz+ra gr-i D+ha mu khI he/ badz+ra kang+ga mu khAkhIkhA he/ badz+ra kA ka mu khA he/ badz+ra u lU ka mu khI he/ oM badz+ra Ar+ya te dza te da dzaHoM badz+ra a mu khA hUM/ oM badz+ra lo ka baM/ oM badz+ra b+hasmi ba la ya ba du to hoHb+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+hU r+dz+dza b+hU b+hU r+d+ha/ d+hAr+thA r+dz+dza \u0f7f/ oMrba wa ru wa d+ha/ a h+ye he ya na sa/ pan+d+ha ba ha ra/ oM badz+ra kA d+ha sa ma sa rbA/ mkhro la khros pas ni mdzad pa// thugs rje khri dpal rngam pa'i tshogs// 'bar ba'i byin rlabs rmad kyi che// de nyid du ni bdag la stsol// oM badz+ra kro d+ha sa ma ya stAM/ oM badz+ra kro d+ha sa ma ya phaT/ oM badz+ra kro d+ha sa ma ya hoH/ a li u li hA li ta pA li/ daMSh+Ta go nA ro dri/ kha raM yo gi nI khA hi hoH/ glu 'di zur chag gi skad

  305. 153a

    yin par rong zom chos bzang bzhed ces lo chen bsod nams rgya mtshos gsung / hrI ha he phaT/ ces brjod pas/ 'jig rten drug gi phyogs bcu thams cad tshig/ rab tu tshig/ kun du tshig go/ 'bar/ rab tu 'bar/ kun tu 'bar ro// thams cad du 'bar ba'i dkyil 'khor gyi tshogs kyis gang rab tu gang / kun du gang bar gyur to// gsang ba'i snying po de kho na nyid nges pa las khro bo'i tshogs chen po'i gsung gi dkyil 'khor spros pa'i le'u ste bcu drug pa'o// // de nas bcom ldan 'das dgyes pa chen pos/ de dag gi dkyil 'khor bstan pa'i phyir ched du brjod pa 'di brjod do// 'bar ba'i 'khor lo rtsibs bzhi pa// gru chad bzhis ni rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi mas brjid// 'bar ba'i 'phro ba mang po 'khrug/ khyu mchog ma he gzig dang stag/ gtum pa dom gyi sbar bas ni// dbang phyug lha chen la sogs bzung // smug nag sngo nag ser nag dang // dmar nag ljang nag 'jigs pa'i sku// dbu gsum phyag drug zhabs bzhi bgrad// ko rlon gos ni sna tshogs gyon// rngam pa'i sgra chen 'jigs par sgrogs// sbrul dang thod phreng nyi zla'i chas// stong gi 'jig rten khor yug bcas// rdo rje dung chen gang ba dang / ral gri dgra sta

  306. 153b

    gshol la sogs// rang gi lag cha sna tshogs te// btsun mo 'jigs pa'i tshogs dang 'khril// gnas dang yul gyi phyag rgya dang / sgo bzhi'i phyag rgyas rab mdzes shing // slas dang byi mo bran mo'i tshogs// bcu gnyis dang ni brgyad kyis mdzes// rang gi stan dang lag cha dang // ci bgyi zhes ni chas te gnas// zhes brjod pas/ 'jig rten drug gi phyogs bcu thams cad du 'bar ba'i dkyil 'khor kun tu gsal bar gyur to// gsang ba'i snying po de kho na nyid nges pa las khro bo'i dkyil 'khor bstan pa'i le'u ste bcu bdun pa'o// // de nas bcom ldan 'das dgyes pa chen po'i mnyes pa'i mchod pa chen po 'di ched du brjod do// de la mchod sbyin dam pa ni// thog mar bdag nyid rtogs goms bsgral// de nas gnyis med blo yis ni// blo ngan 'jig rten snying re rje// gnyis su med par bsgral bar bya'o// 'khril pa'i mchod chen mnyam sbyor bas// bdag nyid mnyes pas mnyes par bya// mnyam pa'i grub rdzas chen po dag/ bdag dang mnyam pa'i tshogs la dbul// bza' dang bca' dang btung dang bgo/ longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhir gshegs pa yi// bde gshegs yon tan rmad po che// gzhan nas yod 'ongs ma yin na// lha srin la sogs smos ci dgos// rnal 'byor

  307. 154a

    las su rung rnams kyis// phyag rgya chen po rdzogs 'gyur zhing // gsal la yid gnyis med pa na// dkyil 'khor chen po 'bar bar 'gyur// zhes brjod pas/ mnyes pa'i mchod pa chen pos 'jig rten drug gi phyogs bcu thams cad khyab par gyur to// gsang ba'i snying po de kho na nyid nges pa las mchod sbyin dam pa bstan pa'i le'u ste bco brgyad pa'o// // de nas bcom ldan 'das dgyes pa chen pos sngags 'chang rnams don yod par bya ba'i phyir dam tshig chen po 'di ched du brjod do// bla med theg par rab nges na// nyon mongs las rnams kun spyod kyang // byas la mi sogs tshogs 'gyur te// tshul khrims sdom pa phun sum tshogs// bla med mchog gi dam tshig tu// 'dul ba'i dbang gis tshul khrims dang // ji snyed sdom pa bsam yas pa// ma lus kun 'das rnam par dag/ yod med dbu ma mi dmigs shing // sgyu ma mig yor lta bu'i tshul// srog med srog kyang gcad du med// srog dang skyes bu log rtog tsam// bden pa gnyis ka dbyer med pas// 'phrul dga'i tshul te tha dad min// gzhan dang ma byin med pa'i phyir// blangs med thams cad nyid kyi dbyings// chos rnams sgyu ma lta bu la// ming dang tshig tu btags pa rdzun// rdzun nyid la ni brdzun spyod pa// rdzun zhes btags tsam yod ma yin// ma chags pa

  308. 154b

    la chags pa dang // chags pa nyid na chags pa med// de ni tshangs mchog rgyal po ste// shin tu chags pa chen po yin// bla med mi spang bla ma bkur// sngags dang phyag rgya rgyun mi gcad// yang dag lam du zhugs la byams// gsang ba'i don phyir smra mi bya// 'di ni rtsa ba lnga rnams te// bsgrub dang bsrung ba'i dam tshig mchog/ gti mug chags dang zhe sdang dang // nga rgyal phrag dog mi spong ngo // dkar rtsi dmar rtsi dri sha chen// dag pa'i snod chu mi dor ro// yan lag bcu yi dam tshig ste// ye nas dag mnyam rtogs par spyad// bsrung zhing bsgrub pa'i dam tshig la// rtsa ba yin te rigs med 'gyur// mi spang mi dor lnga gnyis ni// yan lag dam tshig 'da' dka' 'o// mnyam la mnyam par sbyor ba yi// mnyam pa'i dam tshig la gnas na// mnyam rdzogs chen po thob 'gyur bas// 'das na sangs rgyas ma yin no// rtsa ba nyams pa'i 'chal pa dag/ gos la nye bar mi brtson dang // skad cig yud tsam smra mi byed// nyams gyur nyes pa brjod mi lang // rtsa ba'i dam tshig nyams gyur na// bsgrub pa thams cad log par 'gyur// yid du mi 'ong sna tshogs pa'i// 'bras bu mi 'dod bzhin du 'du// yan lag dam tshig nyams gyur na// 'bras bu med cing ngan song ltung // dam tshig rnams ni rdo rje che// sangs rgyas kun gyi bdag nyid yin// rtsa ba'i dam tshig lnga

  309. 155a

    la ni// gcig la'ang gnyis dang bcu phrag gsum// yan lag dam tshig lnga gnyis la// gcig la'ang bcu phrag gnyis su dbye// dam tshig 'di ni rmad po che// 'jig rten drug gi phyogs bcu na// srid gsum 'gro ba ji snyed pa// rtog 'dul dam tshig de snyed spros// gzhan yang rgyal mchog kun bzang gi/ thams cad ma lus phyag rgya yis// sgrub med mchog dam ma lus 'grub// de la sogs pa mtha' yas mchog/ rgyal pa'i rigs mchog 'dzin pa de// 'jig rten gtso dang 'khor gyis bkur// dam pa'i mchog dang dam pa yis// sras dang spun dgongs byin gyis rlob// bde gshegs nyid kyi yul la zhugs// 'jigs med kun tu bzang por sbyor// ji bzhin nyid dang 'dul ba'i thabs// ji snyed sdom pa bsam yas 'dus// ma lus rnams dang lhun gyis grub// nyams na bskangs pas rdzogs pa dang // de la sogs pa mtha' yas mchog/ ces brjod pas// de bzhin gshegs pa nyid de bzhin gshegs pa nyid la 'dus par gyur to// gsang ba'i snying po de kho na nyid nges pa las dam tshig gi le'u ste bcu dgu pa'o// // de nas de bzhin gshegs pa bcom ldan 'das dgyes pa chen po lhun gyis grub pa'i dam tshig byin gyis rlob pa zhes bya ba'i ting nge 'dzin la snyoms par zhugs nas ched du brjod pa 'di brjod

  310. 155b

    do// e yi tshogs kyi dkyil 'khor mchog/ 'bar ba gtum chen rngam pa la// khros pa'i yid kyis mchod sbyin bya// sangs rgyas bsod nams sku yang 'jig/ bdud rtsi lnga'am zas lnga la// mtshan ma ming du bcas par bya// bkug nas rdo rje phur bus gdab// rdul du byas la tshogs la dbul// e yi tshogs kyi dkyil 'khor mchog/ lu gu rgyud du sbrel bsdams nas// bcings gyur bskyod nas phyogs bcur g.yos// myos nas gas te 'tshig par 'gyur// baM gyi tshogs kyi dkyil 'khor mchog/ 'bar ba gzi brjid lhun chen la// chags pa'i yid kyis mchod sbyin bya// rdo rje gsung yang dbang du 'gyur// bdud rtsi lnga'am zas lnga la// mtshan ma ming du bcas par bya// rdo rje chags pa'i phur pas gdab// chags pa'i tshogs la thim par dbul// baM gyi tshogs kyi dkyil 'khor du// lu gu rgyud du sbrel nas bsdams// 'gugs 'gyur rdo rje'ang phyi bzhin 'brangs// ci 'dod de bzhin 'ong bar 'gyur// ma yi tshogs kyi dkyil 'khor mchog/ 'bar ba 'du 'phro gzi chen la// dga' ba'i yid kyis mchod sbyin bya// yon tan nam mkha'i mtha' dang mnyam// bdud rtsi lnga'am zas lnga la// mtshan ma ming dang bcas pa bya// yon tan yid bzhin gter du brtags// nga rgyal dga' 'phro'i phur pa gdab// rdo rje'i gzi chen 'phel bar dbul// ma yi tshogs kyi

  311. 156a

    dkyil 'khor du// lu gu rgyud du sbrel bsdams bskyod// gzi brjid 'bar ba'i 'phrul chen spro// yid bzhin nam mkha' gang bar 'gyur// ya yi tshogs kyi dkyil 'khor mchog/ gsal ba'i gzi brjid 'tsher ba la// dang ba'i yid kyis mchod sbyin bya// gtum chen rngam pa'ang lhan ner 'gyur// bdud rtsi lnga'am zas lnga la// gtum rngam 'khrug pa'i ngo bor brtag/ lhan ner gsal ba'i phur bus gdab// 'bar ba lhan ne'i tshogs la dbul// ya yi tshogs kyi dkyil 'khor du// lu gu rgyud du sbrel bsdams nas// 'bar ba lhan ne'i byin gyis khyab/ thams cad g.yo ba med par byed// slas dang byi mo bran mo'i tshogs// lhag ma'i mchod sbyin 'dod pa sbyin// rang gi dam tshig rab bsgrags nas/ gang 'dod las de byed par bsgo// sngon tshe dpal chen he ru ka/ shin tu gdug cing gtum bag can// thams cad ma lus 'dul mdzad pa'i// dbang dang byin rlabs rmad po che// lha chen la sogs dbang du bsdus// 'khor rnams dbang phyug slas su byas// so so'i las rnams bskos pa de// ji ltar dam bcas khas blangs pa'i// ma thogs myur du mngon par phyung // dam bcas bzhin du ma byas na// ji ltar dam bcas mna' bor ba'i// sdom bcas de las 'da' bar 'gyur// dam tshig de las 'das gyur na// mgo lus snying yang

  312. 156b

    tshal pa bdun// yak+Sha khro bos gtubs par 'gyur// de bas rnal 'byor sngags 'chang gis// ji ltar bcol ba bzhin du byos// las de mngon du ma byas na// rang gis mna' bor khas blangs bzhin// rul myags tshigs nas dmyal bar 'gro// rnal 'byor dam la gnas gyur pa'i// las rnams yongs su bya ba dang / 'khor rnams bu gcig bzhin du skyong // phra men ma yang dngos grub 'thob// bcol ba'i las rnams mngon du byos// zhes bsgo'o// khro bo sgrub pa'i las kyi gtso bo ni 'di yin no// khrag 'thung chen po la sogs pa'i// bro gar glu tshig chen pos ni// thams cad thams cad ci 'dod pa// thams cad thams cad byed pa yin// mdzod ldan chen mo la sogs pa'i// bro gar glu tshig chen mos ni// 'du bar 'dod na 'du bar byed// 'phel bar 'dod na 'phel bar byed// spos mo chen mo la sogs pa'i// bro gar glu tshig chen mos ni// lhan ner 'dod na lhan ner byed// rmugs par 'dod na rmugs par byed// seng gdong chen mo la sogs pa'i// bro gar glu tshig chen mos ni// thams cad kun la za bar byed// rdul cha tsam yang med par byed// bzhad gdod chen mo la sogs pa'i// bro gar glu tshig chen mos ni// thams cad ma lus 'byin par byed// kun la rab tu nyams par byed// slas dang byi mo bran mo'i tshogs// bro gar glu tshig chen mos

  313. 157a

    ni// rbad cing gtang bar bya ba ste// thams cad thams cad byed pa yin// ljon pa dang ni lcug phran tshal// sdong gcig dang ni me reg drung // dang bas dga' ba chags pa dang / khros pas kA li rab tu bya// zhes brjod pas// de bzhin gshegs pa nyid la de bzhin gshegs pa nyid sbyong bar gyur to// gsang ba'i snying po de kho na nyid nges pa las lhun gyis grub pa'i 'phrin las byin gyis rlob pa zhes bya ba'i le'u ste nyi shu pa'o// // de nas bcom ldan 'das dgyes pa chen po'i tshogs kyi dkyil 'khor gyis shin tu rngam pa'i mdangs kyis glu 'di blangs so// hUM gtum chen dus mtha'i me chen 'bar// 'od zer nyi ma 'bum gyi gzi// khro gnyer glog stong 'gyu ba bzhin// mche ba zangs yag za byed che hoH// hUM rngam pa'i nga ro 'brug stong ldir// gtum chen ri rab 'bum bsnyil skad// a la ha la'i gad rgyangs che// skyugs pa'i 'thor rlung g.yeng ba che hoH// hUM khro bo'i shes rab 'od po che// ye shes dkyil 'khor kun tu gsal// 'bar ba'i ye shes kun tu 'joms// sna tshogs ye shes thig le che hoH// hUM khro bo rgyal po sprin chen po// 'phros pa'i dkyil 'khor char chen 'debs// dkyil 'khor yid bzhin 'byung ba'i gter// sna tshogs khros pa'i thig le che hoH// hUM bdud kun gyi ni bdag chen po// bdud kyi bdud de bdud rnams

  314. 157b

    'joms// 'jigs pa'i tshogs kyang 'jigs byed pa// 'jigs byed chen po thig le che hoH// hUM rdo rje brag chen sra ba po// rdo rje chu bo sdud chen po// rdo rje me ste kun 'bar che// rdo rje rlung ste 'thor rlung che hoH// zhes ched du glu blangs so// gsang ba'i snying po de kho na nyid nges pa las khro bo la bstod pa'i le'u ste nyi shu gcig pa'o// // de nas bcom ldan 'das dgyes pa chen pos de bzhin gshegs pa nyid la gsang sngags kyi rgyal po brtan par gzung ba 'di ched du brjod do// kye kye phyogs bcu dus bzhi'i rang bzhin 'di// de bzhin gshegs pa'i ngo bo nyid// gzung 'dzin spros la 'chel pa yis// rnam rtog zhags pas so sor 'dzin// sa rnams khyad par bkod pa yang // gsang ba'i snying por 'gro ba'i lam// ye shes ngo mtshar rab 'byams kyis// don du mi 'gyur yongs ma gsungs// de bzhin gshegs pa thams cad kyi// phyag rgya gsang chen snying po 'di// rtogs nas smra bar gang byed pa// de nyid nga yin dbang yang rdzogs// de bzhin gshegs pa thams cad la// gsang ba 'di las gzhan mi mnga'// sgro dang skur pa zhi ba yi// gsang ba'i snying po de kho na// nyid de nges pa'i dbyings nas phyung // de ni nges par lung bstan te// sras ni thugs las skyes pa yin// sa rab rigs pa 'dzin la gnas// zhes brjod pas/ de bzhin

  315. 158a

    gshegs pa thams cad dbyer med par dgyes nas dus bzhi mnyam pa nyid kyi dbyings/ sku gsung thugs lhun stug po bkod pa'i rgyan nyid du bzhugs so// 'phags pa rtog pa'i rgyal po sgyu 'phrul dra ba le'u stong phrag brgya pa las mtshan nyid dang rgyud thams cad kyi lung gi spyi de bzhin gshegs pa thams cad kyi gsang ba gsang ba'i snying po de kho nyid nges pa las thams cad ma lus par 'phros te 'khor lo bskor ba de dag gi 'bras bu'i mchog g.yung TI ka na rdzogs so zhes pa re zhig rong zom zin pa la dgongs pa 'dra'o// gsang ba'i snying po de kho na nyid nges pa las mnyes pa dang yongs su gzung ba'i le'u ste nyi shu gnyis pa'o// / na maHshrI gu ra be rat+na tA yA ya// bsil ldan 'di na sde snod 'dzin rnams kyi// nang na rgyu skar rgyal po gang ba ltar// kun nas thal le rab tu gsal ba yi// mkhas chen bcom ldan ral gri rgyal gyur cig/ spyan sngar zhu ba/ dpal gsang ba snying po'i rgyud kyi rgya dpe bris la bskur gsungs pa la/ dpe de ta la'i lo ma la yi ge wa rtu la shin tu legs pa bris pa/ snga dus su byon pas/ yi ge la la zubs/ le'u dgu pa'i stod nas ta la'i byang bu gcig kyang chad/ mjug kyang ma rdzogs pa zhig gda'// 'on kyang le'u nyi shus rdzogs nas ma 'gyur pa le'u gnyis rdzogs su nye ba zhig gda'/ des kyang ji tsam

  316. 158b

    rdzogs ma 'tshal/ gnyis po 'di la 'bru thug bgyis na cung zad go'am snyam par gda' ste ma bgyis/ 'ga' zhig la cung zad bgyis pa 'di dag la yang nor ba mchis pas de rnams legs par 'chos pa dang / 'di gnyis legs par bsgyur ba yang zhu/ gzhan mtshams sbyor ma byas pa dang / tshigs bcad la shad ma bris pa rnams rgya dpe la ji ltar 'dug pa bzhin bris pa legs so// dad zhus kyang bgyis so// rgyud kun snying po dpal ldan 'dus pa dang // dbyer med rgyud chen 'di lta bu dang gzhan// zab mo'i rgyud dang theg chen chos rnams dang // mjal nas tshul bzhin sgrub pa byed par shog// sangs rgyas la phyag 'tshal lo// gnas gtsang steng gi 'og min nyams dga' bar// kun bzang rdo rje sems dpas gsungs pa'i bka'// rgyud rgyal gsang snying rgya dpe ma rnyed pas// bod kyis byas zhes gangs ri'i khrod 'dir grags// bcom ldan ral gri rgya dpe legs btsal nas// gzhung 'di 'dzin pa'i sngags 'chang rnams la bstan// paN chen bi shwa mi tra la sogs pa'i// gzhung gi sgrub byed gsang snying sgrub par ltos// sngon gyi lo paN mang gzigs blo gros can// rgya bod gnyis su mkhas la legs sbyangs pas// dpe 'di ma rnyed yid bzhin rin chen 'dra// rgyud 'dir 'jug pa'i mun sel nyi ma yin// sangs rgyas gsang ba nyi

  317. 159a

    'od seng ge yis// phyi ma'i rgyud dang mthun pa'i 'grel pa mdzad// 'di gnyis spangs nas rang gar 'chad pa rnams// shes rab 'chal pa nor ba'i 'phreng ba yin// rna ring 'tshong drug spyad gzhung ma mthong bas// 'tshong drug gzhung mtshams shes pa med ces grags// 'tshong drug shes par 'dod pa'i blo gsal rnams// gzur gnas blo yis kho bo'i drung du byon// bcom ldan ral gris bkod/ chos kyi rgyal po bcom ldan ral gri'i phyag dpe la gtugs shing bris so// // mang+ga laM// gsang snying rgya dpe'i 'gyur byang bzhugs so// na mo gu ra we// phun sum tshogs dpal thugs kyi gsang ba'i mdzod// theg pa'i bcud 'dus man ngag snying po'i dbyings// ma nor gsal byed gzhan min de kho na// rang nyid ngo bos nges pa'i don la 'dud// rdo rje sems dpa' sgyu 'phrul dra ba rtsa ba'i rgyud dpal gsang ba'i snying po de kho na nyid nges pa 'di la/ o rgyan gyi mkhan po pad+ma saM b+ha wa dang / cog ro klu'i rgyal mtshan gyi 'gyur dang / paN+Di ta bi shwa mi tra dang / lots+tsha ba pa gor bai ro tsa na'i 'gyur dang / paN+Di ta bi mA la mi tra dang / lo ts+tsha ba rma rin chen mchog gi 'gyur yod ces grags na'ang / deng sang gi dpe rnams kyi mjug na lo pa Na 'di dang 'dis bsgyur ces pa'i mtshan bkod pa ni mi 'dug mod/ des na'ang rgyud kyi tshig don legs par khong du

  318. 159b

    chud cing mkhas grub brnyes pa'i lo paN ches che ba zhig gis bsgyur bar kho rtogs so// 'dir rgya gar gyi dpe rnyed pa'i tshul ni/ mkhas pa'i dbang phyug dam pa bcom ldan ral gris/ nyi 'od seng ge'i rgya cher 'grel dang / bi shwa mi tra'i 'grel chen dang / sangs rgyas gsang ba'i rnam dbye 'grel dang / pad+ma'i rnam bshad 'grel dang / sgeg pa rdo rje'i 'grel pa par khabs dang / bi ma la'i 'grel chung pi na ta ra ta dang / tiSh+Tha ma ti'i ber ka 'grel dang / gzhan yang rong zom chos kyi bzang po'i dkon cog 'grel rnams gzigs pa dang / khyad par dpal gsang ba 'dus pa'i 'grel pa paN+Di ta bi shwa mi tras mdzad par/ rgyud 'di'i khungs mang du drangs pa gzigs pas/ rtsad gcod pas rkyen byas nas kun la yang yang du glengs pas/ nam zhig bod yul dbus kyi sa cha bzang dang nye ba na/ mi mgar ba seng ge 'od kyi slob brgyud sngags pa'i dge ba'i bshes gnyen rta ston pa zhes grags pa zhig na re/ gsang ba snying po'i rgya dpe bsam yas na bdag gi zhang po sngags pa zhig la 'dug ces glengs pa la/ de'i rgyu mtshan dris pas/ rtse lngar 'gro zer ba'i tsa ra bod skad kyang cha tsam shes pa 'ga' zhig lha sa nas byung gda' ste/ bsam yas su re zhig bsdad nas dbu rtse'i rgyu dpe rnams la blta zhing 'dug pas/ bdag gi zhang pos ci 'dug ces dris pas/

  319. 160a

    rgya gar skad du/ gu h+ya gar+b+ha/ bod kyi skad du gsang ba snying po zhes bya bar 'gro'am zer bas/ gsang ba snying po'i rgya dpe yin nges snyam nas yi dam du bzung bdog ces zhus pas/ de ma zag par long zhig par bsgos shing / des kyang rings pa'i tshul gyis blangs te phul pas gzigs te mnyes shing / rgya dpe ta la'i lo ma la yi ge wa rtu la shin tu legs par bris pa sngon rgyal po snga dar gyi dus su byon pas/ rnyings pas yig 'bru la la zubs shing / le'u dgu pa'i stod nas ta la'i byang bu gcig chad pa/ mjug le'u nyi shu pa rdzogs su nye ba nas kyang ma tshang ba zhig 'dug pas/ ches cher mnyes pa chen po thob ste/ slar yang rgya dpe yar 'brog pa sha gang lo ts+tsha ba shes rab bzang po zhes grags pa/ sngar gyi sbyangs pa'i sa bon sad pa/ tshe 'dir lots+tsha'i tshul 'bad pa chung ngus shes pa zhig byung ba de la sngon gyi rgya dpe 'di 'dug pas 'bru len gyi sa la bskur zhes bsgos shing / des kyang ji ltar gsungs pa bzhin bris/ 'gyur mtshan ci rigs kyang btab/ phyi mo'i gnas la mi gsal ba rnams bu dper yang de ltar btab/ brda sprad cing grub pa dang / na maHshrI gu ra we rat+na tra yA ya/ bsil ldan 'di na sde snod 'dzin rnams kyi// nang na rgyu skar rgyal po gang ba ltar// kun nas thal le rab tu gsal ba yi// mkhas mchog bcom ldan ral gri rgyal gyur

  320. 160b

    cig/ spyan sngar zhu ba/ dpal gsang ba snying po'i rgya dpe 'dra len du gyis la bris la bskur gsungs pa la/ 'bru zug bgyis nas bris shing / mtshams sbyor ma byas pa dang / tshigs bcad la shad ma bris pa rnams rgya dpe na ji ltar 'dug pa bzhin bris pa lags shing / snga 'gyur dang 'bru thug bgyis na zubs pa rnams go'am snyam pa gda' ste ma bgyis/ dang zhus kyang dag par bgyis lags shing / sgro skur bsal phyir kun la spel ba zhu/ rgyud kun snying po dpal ldan 'dus pa dang / dbyer med rgyud chen 'di lta bu dang gzhan/ zab mo'i chos dang theg chen chos rnams la// mjal nas bka' bzhin sgrub pa byed par shog/ ces pa'i zhu yig dang rgya dpe bcom ldan pa'i phyag tu phul zhing / bcom ldan pas gang gi tshe sngags pa'i dge ba'i bshes gnyen mang po shab jo mo lha khang du cher 'dus pa de'i tshe/ rgyud 'di'i rgya dpe bskur nas/ 'di rigs 'dzin chen po pad+ma saM b+ha wa'i phyag dper 'dug cing / rgyud rnam dag yin pa'i rgyu mtshan dang bcas te bsnyad pas/ khong rnams na re bod na rgyud 'di la da lta rgya dpe yod dam med kyang rung gi kho bo cag rnams la ni sngar nas kyang som nyi med zer ro// de nas ring zhig lon pa'i tshe/ byang ri pa shes rab rgya mtshos rgya dpe de bcom ldan pa'i phyag nas zhus/ thar ba lots+tsha ba'i drung du phyin te/ sngon gyi dam pa

  321. 161a

    rnams kyis bskur ba dang / rgya dpe'i nang na mang nyung la sogs pa'i dregs yod par 'dug pa dang / 'tshong drug gi the tshom bsal ba'i phyir khyed kyis kyang bskur bar zhu zhes bskul ba la brten nas/ nyi 'od seng ge'i 'grel chen dang / sangs rgyas gsang ba'i 'grel pa dang / sgeg pa rdo rje'i 'grel pa dang / snga 'gyur rnams dbang por byas nas/ snga 'gyur na med cing rgya dpe 'di na yod pa thams cad bsgyur/ 'dir byung 'thad cing snga 'gyur na yod pa'i tshig ci rigs rnams snga 'gyur bzhin bris/ snga 'gyur snga phyi nas ring po nas bsgyur te/ bsgyur ba rnams kho bos rgya dpe ltar bkod do// yang le'u gsum pa nas/ bdag dang bdag gi gzhan rnams ni/ drug pa nas/ kun 'byung dkyil 'khor chen por spyod// ces dang / bdun pa nas/ dper na de bzhin sbrid sangs bzhin// zhes dang / dgu pa nas/ so so thig le de nyid la// zhes dang / bcu bdun pa nas/ 'bar ba'i khro bo mang po 'khrug ces dang / mtha' ma nas/ de bzhin gshegs thams cad dbyer med par dgyes nas zhes dang / yang 'phags pa rtog pa'i rgyal po zhes pa nas/ 'bras bu'i mchog gi bar rgya dpe 'di na mi snang la/ le'u dgu pa'i 'go nas de nas slob ma gzhug par bya// zhes pa'i rgya dpe byang bu gcig chad pa'ang 'gyur rnying las bas bas pa yin no// yang rgya

  322. 161b

    dpe 'di'i le'u bzhi par/ rgya gar gyi yi ge lnga bcu dang / de dag gi don bshad kyang tshang bar byung ba dang / bco lnga par mjug bsdu ba'i tshigs su bcad pa lnga byung ba dang / 'tshong drug kyang rgya dpe 'di nas tshang bar byung zhing / rgya 'grel nyi 'od la sogs par ma byung bas/ rgya dpe la yang rgyas bsdus gnyis su yod par gsal zhing / bod du dpe mkhyud byas zhes pa mi bden cing / gzhung rgyas bsdus bstan pa yin no// de bas na gzu lums dang / ral chod dang / mun sbrul la sogs pa 'khor ba'i rgyu rnams spangs nas bsam pa rnam par dag pas bsgyur ba yin te/ de bas mtho ba la phrag dog dang / mnyam pa la 'gran sems dang / dman pa la brnyas pa la sogs pa'i blo spangs te/ kho bos 'gyur 'di la bltas na tshig don gyi cha 'ga' zhig la phan par 'gyur srid pas blo gsal zhing gzu bor gnas pa rnams kyis 'dri ba dang / 'chang ba dang // bklag pa dang / ston pa dang / kun chub par mdzad pa zhu/ dpal gsang ba snying po'i de kho na nyid nges pa'i rgyud kyi rgyal po chen po 'di/ byang ri pa dge ba'i bshes gnyen shes rab rgya mtshos bskul ba'i ngor/ mang du thos pa'i lots+tsha ba gnas brtan nyi ma rgyal mtshan dpal bzang pos thar pa'i gling du bsgyur te legs par gtan la phab pa'o// gsang ba'i snying po de kho na nyid rnam par nges pa'i rgyud

  323. 162a

    chen po/ chen po'i chen po kun tu bzang po'i gsung mchog zab mo 'di// 'di nyid ston pa dgyes pas ched du brjod cing brjod pas gsungs// gsung bzhin gsung rab kun gyi mchog gyur 'di ni 'og min du// dang po bstan nas slar yang gsang 'dzin gsang ba'i bdag po'i mthus// in+d+ra b+hu ti ku ku rA dza 'byor pa'i dbang po mgo mas// pho brang dam pa o D+yan gnas su chos 'di'i dbu brnyes shing // ku ku rA dzas tan tra bco brgyad legs par bkrol nas ni// slar yang gangs ri'i khrod 'dir lha sras khri srong lde'u btsan dus// pad+ma dri med bshes gnyen la sogs dar bar mdzad// de nas ring zhig lon pa'i dus na rgya dpe 'di/ mang thos bcom ldan ral gris brtson pa chen pos rnyed// de yi phyag dpe shes rab rgya mtshos gus pas zhus nas ni// bsgyur ces bskul nas kho bos tshul 'di legs par bsgyur// de las byung ba'i dge bas sangs rgyas dge ba'i chos// sa mchog rigs 'dzin dbang po ster ba'i lam gcig pu// zhi khro rab 'byams 'phrin las rnam bzhi 'byung ba'i gnas// ya mtshan cho 'phrul sna tshogs 'byung ba'i gsang sngags dpal// dpal 'di yi ni don rtogs dpal mchog kun du bzang po yi// sa la 'dzegs nas sa mchog dbang po'i gnas thob nas// sa 'og sa steng sa bla'i 'gro ba thams cad

  324. 162b

    la// sa bzhin skyo ba med pas yang yang smin byed shog// yang 'dir smras pa/ gsang sngags snga 'gyur sgyu 'phrul dra ba yi// rgyud rgyal dpal ldan gsang ba snying po 'di// 'dzin pa'i sngags 'chang rnams la bka' nyid du// rtsod pa med mod 'on kyang snga dus su// skad gnyis smra ba lhas btsas la sogs pas/ zur pa'i sar chos slob bcu byon pas g.yog bcol ba'i snying nang yin par grags// skyon bzhi yod ces rgya dpe ma mthong phyir// bod kyis byas zhes gangs can 'dir bsgrags pas// mkhas rlom 'ga' yang the tshom gnas su gyur// dus phyis gangs ri'i khrod 'drir mkhas pa'i mchog/ zab dang rgya che'i gsung rab rnam 'byed cing // bstan pa'i khur 'dzin mkhas pa'i 'dun sa na// rgyal mtshan ltar mtho dpal ldan ral gri yis// rgya dpe legs rnyed rtsod bral nyi zla ltar// kun la gsal mdzad gtsug gi rgyan du mchod// ma nges bsgyur nas skyon bzhi'i gegs sel ba// dpal ldan gsang ba'i snying po sgrub pa'ang mdzad// de phyir 'di na rtog ge smra ba rnams// don la spyod pa'i blo gros ring byas nas// gsang snying bod kyis byas zhes bsgrags pa rnams// chu rlabs bzhin du ngal ba don med gyur// de rjes skad gnyis smra ba mkhyen pa'i dpal// blo gros nyi ma gnas lnga'i 'od zer can// brtul zhugs rgyal mtshan 'dzin pa nor bus

  325. 163a

    sprad// 'dod dgu dpal 'byung bzang po'i mthu can la// gzhung 'di 'dzin pa bshes gnyen ma thogs pa// shAkya'i dge bsnyen pra dz+nyA swa ga ras// lhag bsam dag pas rab bskul gsol btab nas// rgyud kun snying po 'di nyid bsgyur pa yin// 'di yi ched du bya ba 'gyur rnying la// sngon gyi 'gyur mdzad mkhas grub brnyes pa'o// gzhan phan byams brtse'i thugs ldan de dag gis// don 'gyur gtsor mdzad rgyu dpe 'di nyid dang // mthun dang mi mthun bod skad dag mi dag/ la la skad rnying gis bsgribs go ba dka'// dpe 'dir sngar med tshig dga' yod skong zhing // 'tshong drug la sogs ji ltar nges dka' phyir// sgra bsgyur gtso byas gzhung 'di bsgyur mod kyi// 'on kyang snga 'gyur gzhung na mi bzhugs pa'i// tshig 'ga' 'gyur 'di'i rgya dpe 'di la mthong // de phyir rgya dpe rgyas bsdus shes par gyis// 'di 'dra'i la la mtshar du 'dzin par nges// rtog dpyod mi ldan kha cig 'di skad du// 'di la sngon chad sgo skur byung bas na// da lta rgya dpe yod dam med kyang rung // snyigs dus skye bo som nyi sel dka' bas// gsar 'gyur 'bad pa'ang ngal ba don med de// 'di la 'chad nyan skyong ba'ang mi 'byung la// gzhan yang snga 'gyur gzhung gi tshig 'di la// 'di ltar bsgyur ces ga sha byed pa'ang srid// de dag phal cher gang zag rjes

  326. 163b

    'brang zhing // thos pa'i nor bral chags sdang cher ma yis// blo mig lkugs pas nges don shes bya'i gsung // ji bzhin lta bar mi nus kho nar zad// de'i phyir blo gsal rnams kyis rgyud 'di'i 'gyur// gsar rnying sdebs la gzur gnas blo yis spyod// bstan pa'i nyi ma phan bde'i 'od zer can// shar ri'i rtse nas nub ri'i sa 'dzin rtser// nye ba'i dus 'dir 'di 'dra'i rgyud zab mo// 'chad nyan bsgom par brtson pa de dag gi/ bsod nams tshad kyis gzung bar mi nus pas// tshig don mkhas pas gzhan la'ang bsnyad par bya'o// de ltar rnam dag gsal bas rab snyam dge ba'i shes bya kun// kun nas gzigs pa'i spyan yangs rgyal ba'i spyi gzugs rigs rnams kun gyi bdag/ bdag gzhan 'gro bas myur thob bde gshegs kun gyi thugs rje'i bcud// gsang bcud ma nor nges pa'i bka' 'di rab ston zhi ba'ang bskul bar shog/ kun kyang lam 'dis grol gyur cig/ thar pa lo tsA ba'i 'gyur byang ngo // // rang sems dag pa'i 'og min zhing khams su// rang rig dpal ldan khyab bdag rdo rje sems// ye shes lnga mdangs shel la 'ja' tshon bzhin// ma 'dres gsal bar 'char ba'i dkyil 'khor cher/ ston pa'i dgongs pas yongs bstan rgyud kyi rgyal// rigs 'dzin brda las 'ongs te rgyal po dza'i/ khang steng glengs bam char

  327. 164a

    'babs snyan khung las// rim byon 'phags bod las ldan rnams kyi rnyed/ 8/ rgyal dbang pad+mas sgra las rab bsgyur cing // dri med bshes gnyen la brten gnyigs dang rmas// zhus chen legs mdzad sgyu 'phrul rtsa ba'i rgyud// nges gsang theg pa rim bdun yang rtser son/ 3/ dkar chags 'phang thang ma dang ldan dkar du// gsang sngags nang gi rgyud rnams ches gnyen pas// 'god par ma lus zhes pa snga 'gyur gyi// rgyud las ngos 'dzin gzhan pa bya rgyus dbul// thams cad mkhyen pa bu ston rin po ches// la lar zhus dag mdzad bzhed re zhig par// btang snyoms bzhag las gnyis med rnam rgyal zhes// brdzus ma'i rgyud bzhin kun mkhyen bu'i 'gyur gsar kyi gnyis med rnam rgyal ma tshang ba de bsgyur ba'i rgyu mtshan gnyis med rnam rgyal brdzus ma 'di rgyud min pa shes pa'i dgos pa yod tshul gsungs pas so// nges par dbyung ba min/ sa lo nyin mor byed pas gangs ljongs kyi// chos log mun pa mthar skrod sdom gsum du// gsang chen rnying ma'i chos rnams btang snyoms las// phyag rgya ba bzhin 'bad pas bkag pa med// mkhas pa'i rtser son rig ral thar lo sogs// chos kyi spyan ldan gzur gnas mkhas mang pos// rgya dpe rnyed nas cher bsngags 'gyur bcos rnams// bstan la gces 'dzin thugs

  328. 164b

    kyis 'bad pas mdzad/ g.yag zhar rtswa ltar phyogs rer ma gyur pa'i// thub bstan yongs rdzogs yid bzang rtser ba yis// sgrol chen drin las kho bos chos spong gi/ sgrub pas ma sbags zhes gsung dgyes rtse son/ rdo rje 'chang dbang dpal 'byor lhun grub kyis// rgyud 'di'i bshad bka' yab la nyer gsan nas// rgya cher spel mdzad theg pa mchog gi bstan// mi nub ring por gnas pa'i srog shing gyur// yid srubs mda' yis snying ga phug min pa// bzang po'i bag chags sad pa'i blo ldan la// phan phyir par gyi chos sbyin 'di spel ba'i// srung ma legs ldan tshogs kyi bdag pos mdzod/ 10/ phyogs bcu dus bzhi'i sangs rgyas kun 'byung gnas// tshogs bsags sgrib sbyangs byas min gdod ma nas// lus can yongs la lhun grub kun tu bzang // rang zhal rang ngo 'phrod par bdag byin rlobs/ 11zhes theg pa mchog gi bstan pa'i btsas su sgyu 'phrul rtsa rgyud dga' ldan phran tshogs gling du bar du brkos pa'i tshe/ za hor gyi brjes sbyar ba'i yi ge pa ni chang khyim pa ngag dbang mkhyen brtse'o// // de ltar rdo rje 'chang ba bod kha ba'i byin rlabs snying la zhugs shing khyab bdag zur chen dang khra tshangs pa rnam gnyis kyis smin grol gyi rim pa stsal bas chos spong gi sgrib pas spags par ma gyur pa'i bka' drin byang chub snying po'i

  329. 165a

    mtha' can du gzhal bar ma nus pa ni kun bzang gdod ma'i ye shes mngon du gyur nas kyang mjal bar spro ba yin no// rgyud kyi rgyal po 'di'i bar snga sor bskrun par yig nor sogs kyi ma dag pa 'ga' zhig byung ba sngags rnams rgya dpe la brten nas khrus khang lo tsA ba bsod nams rgya mtsho'i sdes zhus dag nan tan mdzad pa'i dpe khungs btsun dang / bod skad la rgya 'grel par bkab/ bod 'grel g.yung Ti ka gnyis la legs par gtugs nas/ rdo rje brag sprul pa'i sku mchog/ 'dar pa lo tsA ba ngag dbang phun tshogs lhun grub/ rnam gling pa Na chen dkon mchog chos grags gsum gyis zhus dag bgyis skabs dogs gnas rnams 'di gar mig lam du phab ste dpyad gzod pa'i lugs su byas pa'o// //

  330. 165b

    rgya gar skad du/ g+hu h+ya gar+b+ha ta thA tA ni sh+tsa ya mA yA aSh+Ta ka tan+ta nA ma/ bod skad du/ gsang ba'i snying po de kho na nyid nges pa/ sgyu 'phrul brgyad pa zhes bya ba'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das longs spyod chen po/ phyogs bcu dus bzhi'i de bzhin gshegs pa thams cad kyi sku dang gsung dang thugs rdo rje'i bdag nyid/ ma lus mi lus lus pa med pa thams cad dang so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la/ ye shes rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med pa rgyas pa'i phyir gru bzhir gyur pa/ ye shes rin po che sna tshogs kyi phreng ba dang / chun 'phyang dang shar bu'i rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs dang / reg sna tshogs kyis phyogs bcur 'khrigs par rang byung ba la mi bsgrib par gsal ba'i rgyan bsam gyis mi khyab pas bklubs pa'i/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa/ phyi dang nang med pa kun tu yang nang

  331. 166a

    du gyur pa na/ mi 'jigs pa seng ge'i khri dang / stobs glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / gos pa med pa pad+ma rin po che'i gdan la/ sku mdun dang rgyab med pa thams cad du zhal thal le bar gsal zhing / mtshan dang dpe byad dang ldan pa/ thabs dang shes rab kyi zhabs gnyis mnyam pa'i brtul zhugs kyis skyil mo krung du bzhugs pa/ ye shes drug gi phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum dang ldan pa/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kyi rgyal po dang / de dag kun kyang mthing ga dang / dkar po dang / ser po dang / le brgan dang / ljang gu'i mdog tu 'bar ba la/ btsun mo dam pa snang ba'i dbyings dang / sra ba'i dbyings dang / mnyen pa'i dbyings dang / dro ba'i dbyings dang / bskyod pa'i dbyings la sogs pa/ btsun mo'i tshogs dang gnyis su med par chos kyi dbyings kun tu mtha' yas par khyab pa ni 'di lta ste/

  332. 166b

    dper na til gyi gang bu bzhin du gang nas bzhugs so// de nas byang chub chen po rdo rje mthong ba dang / byang chub chen po rdo rje thos pa dang / byang chub chen po rdo rje snoms pa dang / byang chub chen po rdo rje myang ba dang / btsun mo mthong bar bya ba dang / mnyan par bya ba dang / bsnam par bya ba dang / myang bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje snom byed dang / byang chub chen po rdo rje myong byed dang / btsun mo 'das pa dang / da lta dang / ma nges pa dang / ma byon pa'i tshogs dang / khro bo 'joms pa chen po reg pa dang / 'joms pa chen po reg byed dang / 'joms pa chen po reg bya dang / 'joms pa chen po reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa'i dbyings la sogs pa/ de lta bu'i tshogs brjod kyis mi langs pa dang gnyis su med par bzhugs so// de nas bcom ldan 'das byed pa po rdo rje yid kun tu bzang po thams cad ma lus pa'i rang bzhin gyi tshul rdo rje/ btsun mo bya ba mo chos kun tu bzang mo la 'jug par gyur to// zhugs pas phyogs bcu dus bzhi'i de bzhin gshegs pa ma lus pa thams cad gcig gi rang bzhin du dbyer med pas/ de bzhin gshegs pa nyid la ched du brjod

  333. 167a

    pa 'di brjod do// ma ma Nardo rje spang ba'i yan lag na// rdzogs pa'i sangs rgyas lnga ru grags// sgra mched khams rnams mang po kun// byang chub sems dpa' dkyil mthar cid// sarba dz+nyAn da mA la ki// me rlung gos dkar sgrol ma ste// nam mkha' dbyings kyi dbang phyug ma// srid gsum ye nas rnam par dag/ thams cad ma lus chos so cog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// zhes brjod pas de bzhin gshegs pa thams cad mnyes par gyur to// de nas btsun mo bya ba mo chos kun tu bzang mos bcom ldan 'das med kun tu bzang po dang gnyis su med par gyur nas/ ched du brjod pa 'di brjod do// me ma ho grogs bcu stong khams le nas dben// srid pa gsum ni dag pa'i zhing // sngags ma lnga nyid bde ldan gnas// zang po lnga cid mngon sangs rgyas// thams cad mchog gi snying po bas// gzhan du rgyal ba'i chos mi btsal// nyid las gzhan zhes bya ba'i chos// btsal yang rgyal bas mi brnyes so// zhes brjod pas thams cad ye nas sangs rgyas par de bzhin gshegs pa nyid kyis mkhyen to// de nas gnyis su med pa'i bdag nyid chen pos ye nas sangs rgyas pa'i sems ye shes su bskyed pa 'di gsungs so// e mahong mthar zad kyi

  334. 167b

    chos// rdzogs pa'i sangs rgyas kun gyi gsang // skye ba med las thams cad skyes// skyes pa nyid na skye ba med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gag pa med las thams cad 'gags// 'gags pa nyid na 'gag pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // gnas pa med las thams cad gnas// gnas pa nyid na gnas pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // dmigs pa med las thams cad dmigs// dmigs pa nyid na dmigs pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gro 'od med las 'gro dang 'ong // 'gro 'ong nyid na 'gro 'od med// ces brjod pas de bzhin gshegs pa thams cad dang // btsun mo'i tshogs thams cad kyang mnyes pas khyab par gyur to// de nas de bzhin gshegs pa thams cad btsun mo'i tshogs dang bcas pas ched du brjod pa ched du 'di brjod do// e ma ho ye nas gsang ba'i chos// sna tshogs snang la rang bzhin gsang // ngo bo nyid kyis rab tu gsang // gzhan du min las shin tu gsang // zhes brjod pas de bzhin gshegs pa thams cad dang chos thams cad ye nas sangs rgyas pa'i ngo bo nyid du gcig pa'i mtshan nyid

  335. 168a

    yin pas dbye ba med na'ang / 'gro ba'i rnam par rtog pa ma rig pa las/ 'gro ba lnga'i ris bsam gyis mi khyab par smin pa la/ thugs rje chen pos sangs rgyas kyi ye shes chen po skyes nas/ ched du brjod pa 'di brjod do// e ma ho bde gshegs snying po las// rang gi rnam rtog las kyi sbrul// sna tshogs lus dang gnas la sogs// bdag dang bdag gis so so'i 'dzin// sus kyang ma bcings bcing med de// bcing bar bya ba yod ma yin// rnam rtog bdag tu 'dzin pa yis// nan gyis mkha' la mdud pa 'dor// bcing med rnam par grol med pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid la de bzhin gshegs pa nyid ched du gleng ngo // de nas de bzhin gshegs pa thams cad las/ thugs rje chen po'i byin gyis rlabs zhes bya ba'i rig pa'i skyes bu thub pa drug de bzhin gshegs pa'i sku dang gsung dang thugs rdo rje las bton to// bton nas kyang las kyi dbang gis snrel zhi dang yan man gyi 'jig rten drug gi phyogs bcu mtha' yas mu med pa'i stong gsum gyi stong chen po re rer/ thub pa chen po bcom ldan 'das re res/ 'dul ba rnam pa bzhis 'gro ba lnga'i don mdzad de// bltams pa dang / rab tu byung ba dang / dka' thub mdzad pa dang / sangs rgyas pa

  336. 168b

    dang / bdud btul ba dang / chos kyi 'khor lo bskor ba dang / cho 'phrul chen po ston pa dang / mya ngan las 'da' ba la sogs par ston pa'i thub pa bsam gyis mi khyab pa grangs med pa phyogs bcur snang bar gyur to// thams cad kyang 'di lta ste// 'dul ba'i dbang gis lha dang mi'i theg pa dang // nyan thos kyi theg pa dang / rang byang chub kyi theg pa dang / byang chub sems dpa'i theg pa dang / bla na med pa'i theg pa dang / ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por chos stong phrag brgya cu rtsa bzhi gsungs so// gsung ngo gsung bar 'gyur ro// de dag thams cad kyang gzung ba dang 'dzin pa'i phyi nang gi rten cing 'brel bar 'byung ba 'dzin pa 'khrul pa las ldog pa dang / las dang las kyi 'bras bu chud mi za ba dang / las dang las kyi 'bras bus mi gos gos par mi 'gyur gos su med par ston pa'i mthar thug go/ de nas de bzhin gshegs pa thams cad kyi ched du brjod pa 'di brjod do// ji snyed 'jig rten 'khrul pa'i chos// ma rig rtog pa'i gzung 'dzin gyis// phyi nang rten 'brel gnyis su 'khor// mi mthun bde sdug myong bar 'gyur// rang bzhin nyid las nyams pa med// theg pa bzhi yi nges 'byung la// theg pa gcig gi 'bras bur gnas// yang dag rtogs pas rab brtags na// rang bzhin

  337. 169a

    med las cir yang 'grub// sangs rgyas mya ngan yongs mi 'da'// chos kyang nub par mi 'gyur te// ma rig smin mdzad gdul ba'i phyir/ byung nas mya ngan 'da' bar ston// 'dul ba mdo sde chos mngon dang // dam tshig sgrub dang grub pa dang // sku dang gsung dang thugs kyi rgyud// phyogs bcu kun tu rab grags pa// gsang ba'i snying po las 'phros te// rang bzhin gsang ba'i snying po 'di// sde snod kun dang rgyud kun gyi// 'byung gnas gtan la nges par 'bebs// zhes brjod pas thub pa drug gi sprul pa grangs med pa dang // de bzhin gshegs pa thams cad kyis gsungs pa yang / de dag tu 'dus par de bzhin gshegs pa nyid kyis mkhyen to// de nas de bzhin gshegs pa thams cad dgongs pa gcig tu gyur nas/ mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar chos thams cad ming tsam du gnas pa'i yi ge phreng ba'i 'khor lo zhes bya ba 'di/ sku dang gsung dang thugs rdo rje las byung ngo // a/ ka kha ga g+ha nga / tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i I/ u U/ e ai/ o o/ 'di dag phyung bas 'jig rten drug gi phyogs bcu mtha' yas pa rnam pa drug tu g.yos/ rab tu g.yos kun tu g.yos nas/ chos thams cad

  338. 169b

    ming gi mtshan nyid tsam du gyur to// ho// de nas de bzhin gshegs pa thams cad kyis ched du brjod pa 'di brjod do// a ni stong dang mi stong gi/ dbu ma'ang dmigs su yod ma yin// thams cad ming tsam sangs rgyas kun// yi ge phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi ming gis thams cad bsdus// mngon rdzogs rgyal por de nyid nges// zhes brjod pas chos thams cad yi ger bsdus nas/ sangs rgyas pa de kho na sems nges par thams cad mkhyen to// sgyu 'phrul dra ba'i le'u stong phrag brgyad pa las/ gsang ba'i snying po de kho na nyid nges pa las/ rdzogs pa chen po'i tshul rang bzhin gyi rnal 'byor gyi le'u ste dang po// // de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyis/ 'jig rten drug gi phyogs bcu thams cad la nyid kyi che ba'i dkyil 'khor dbyung bar bzhed nas/ ched du brjod pa 'di brjod do// ye shes phyogs bzhi dbus brtags te// dkyil 'khor bsam yas lhun grub pa// rdzogs chen rtogs pa'i rnal 'byor pas// kun 'byung dkyil 'khor chen por spyod// 'khor lo rtsibs bzhi mu khyud bcas// gru chad bzhi yis brgyan pa'i khyams// kun tu gru zhi sgo khyud ldan// rol mo sna tshogs sprin phung

  339. 170a

    bzhin// dkyil 'khor bzhi bcu gnyis kyis brgyan// seng ge glang chen rta dang khyung // nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul/ 'khor lo rgyal po rgyal mo dang // g.yas nas mthong thos snom pa dang / myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun mo dag dang bcas par gnas// bar khyams la ni thub drug dang // mdun dang rgyab tu byed pa dang // bya ba dag ni gnas par bstan// sgo khyud bzhi la 'joms pa ni// btsun mo'i tshogs dang ldan pa rnams// rdo rje 'khor lo rin po che// pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i yo byad 'dzin// mthing ga dkar po ser le brgan// ljang gu la sogs sna tshogs pa// mnyen lcug 'khril ldem gzhon tshul can// gsal 'tsher lhun sdug gzi brjid 'bar// 'od zer 'phro ba'i tshogs chen po// 'bar ba'i phreng bas 'khrigs pa ste// mtha' dbus med par khyab pa yis// dkyil 'khor bsam yas lhun gyis grub// ces brjod pas/ 'jig rten drug gi phyogs bcu mtha' yas mu med pa thams cad dang / dkyil 'khor brjod kyis mi langs pa'i zhing gi rdul snyed du gsal bar gyur to// de nas de bzhin gshegs pa

  340. 170b

    btsun mo'i tshogs dang bcas pa thams cad kyis sku dang gsung dang thugs rdo rje las 'di dag phyung ngo // b+h+yAM bi shwa bi shud+d+he/ oM dzi na dzi ka hUM badz+ra d+h+r-ika/ swA rat+na d+h+r-ika/ AM A ro li ka/ hA pra dz+nyA d+h+r-ika muM d+hA ti shwa rI/ lAM dwede Sha ra ti/ mAM mo ha ra ti/ tAM badz+ra ra ti/ k+Shi hi rA dzA ya/ traM A gar+dz+dza ya/ hri ha hUM bA da ma/ dzi ku ru pA Na/ hU~M lA s+ye sa ma ya stAM/ traM mA le sa ma ya ho/ hri gI ti ra go&haM/ aM nirti rA ga yA mi/ me d+ha ra Ne swA hA/ b+h+r-i ni s+pha raM b+hA ya swA hA/ hUM sa rA dzA ya swA hA/ muM shrI aM rA gA ya swA hA/ dzaHd+hAp+si pra be sha ya/ hUM puSh+pe A be sha/ baM d+hi pa su gi rI/ hoHgan d+he tsit+ta/ hUM ya mAn+ta kr-ita phaT/ hUM pad+mAn+ta kr-i ta phaT/ hUM pra dz+nyan+ta kr-ita phaT/ hUM big+h+nan+ta kr-ita phaT/ oM ma hA badz+ra d+hA ra ma hA kro d+hi shA rI dza la ni hUM phaT/ oM ma hU~M rat+na d+ha ra ma hA kro d+hI shwa rI dza la ni hUM phaT/ oM ma hA pad+ma d+hA ra ma ha kro d+hI shwa rI dza la ni hUM phaT/ oM ma ha karma d+hA ra ma hA kro d+hi shwa rI dza la ni hUM phaT/ hUM h+na hUM badz+ra tsit+ta ya~M/ a a a badz+re b+ha dra sa man+ta ya~M/ oM mra ne kr-i swA hA/ oM mu ne hUM swA hA/ A~M mu ne bruM swA hA/ oM mu ne pr-i swA hA/ oM mu ne k+ShaM swA hA/ oM mra ne ye swA hA/ oM ma~M e h+ye hi b+ha ga bAn/ ma hA ka ru Ni ka dr-i ho/ sa ma ya s+t+waM/ dzaHhUM baM hoH/ zhes brjod pas gsung gi dkyil 'khor 'di dag gis/ 'jig rten drug gi phyogs bcu thams cad khyab par grags so// rab tu grags so// kun tu grags so// de nas bcom

  341. 171a

    ldan 'das byed pa po rdo rje dang / bya ba mo rdo rje gnyis su med pa'i dkyil 'khor la thim par mdzad do// de nas phyogs bcu dus bzhi'i de bzhin gshegs pa thams cad kyis/ bdag nyid chen po'i ye shes dang byin bsdu ba zhes bya ba 'di sku dang gsung dang thugs rdo rje sgyu 'phrul dra ba las byung ngo // oM ma hA shAn+ya tA dz+nyA na badz+ra swa b+hA ba At+ma ko&haM/ oM ma hA A daR+sha dz+nyA na badz+ra swa b+ha ba At+ma ka&haM/ oM ma hA pra t+ya be k+Sha NA dz+nyA na badz+ra swa b+hA wa At+ma ko&haM/ oM ma hA sa ma tA dz+nyA na badz+ra swa b+hA ba At+ma ko&haM/ oM ma hA kr-i t+ya a nuSh+TAn dz+nyA na badz+ra swa b+hA ba At+ma ko&haM/ oM sarba ta thA ga ta ma hA kA ya badz+ra swa b+hA ba At+ma ko&haM/ oM sarba ta thA ga ta ma hA wA ka badz+ra swa b+ha ba At+ma ko&haM/ oM sarba ta thA ga ta ma hA tsit+ta badz+ra swa b+hA ba At+ma ko&haM/ oM sarba ta thA ga ta ma hA a nu rA ga dz+nyA na badz+ra swa b+hA ba At+ma ko&haM/ oM sarba ta thA ga ma hA pU dza badz+ra swa b+ha wa At+ma ko&haM/ zhes brjod pas thim par gyur/ 'od zer gsal bar gyur to// 'bar bar gyur to// de nas de bzhin gshegs pa thams cad nyid kyi dkyil 'khor la dgos pa chen po'i gla blangs so// oM phyogs bcu dus bzhi rdzogs pa yi// ye shes dkyil 'khor thig le che// bsod nams dkyil 'khor sku yi tshogs// snang stong thig le kun tu rdzogs ho// oM rdo rje bsod nams thig le che// rdo rje ye shes dkyil 'khor ldan// rdo rje sgra

  342. 171b

    chen mtha' yas pa// rdo rje rgyal po thig le che ho// oM sku gsung thugs kyi rdzogs pa che// yon tan phrin las kun tu rdzogs// ye nas lhun rdzogs kun tu bzang // 'dus pa'i tshogs chen thig le che ho/ oM mi dmigs sgyu 'phrul mnyam pa'i dbyings// mtha' yas kun nas sna tshogs 'phro// mtha' yas kun nas lhun gyis thim// sna tshogs sku gsung thugs chen po ho// oM phyogs bcu'i 'jig rten rdul snyed du// rgyal ba'i don rnams rdul phran snyed// sprul pa rdul phran bsam yas kyi// skad cig yud la lhun gyis grub ho// oM thams cad ma lus sku gsung thugs// sku gsung thugs kyi bdag nyid che// sku gsung thugs kyis kun tu khyab// sku gsung thugs kyi thig le che ho// zhes glu blangs so// gsang ba'i snying po de kho na nyid nges pa las/ mnyes pa'i le'u ste gnyis pa'o// // de nas de bzhin gshegs pa che ba'i rdo rje bkod pa'i skusgyu 'phrul dra ba las 'jig rten drug gi phyogs bcu'i srid pa gsum gyi bdag po gdul ba'i nga rgyal chen po'i gzi brjid bstan pa'i phyir/ de bzhin gshegs pa thams cad kyi sku dang gsung dang thugs rdo rje'i bdag po/ bcom ldan 'das dgyes pa chen po khro bo'i rgyal po'i dkyil 'khor gyi sprin chen po rnam par 'phro ba'i sgyu 'phrul dra ba'i rgyal po'i ting nge 'dzin la snyoms par bzhugs nas/ hUM hUM hUM bi shwa badz+ra kro d+hA dzA

  343. 172a

    la maN+Da la phaT phaT phaT ha la ha la ha la hUM/ zhes brjod pas 'jig rten drug gi phyogs bcu mtha' yas par khyab par khro bo'i dkyil 'khor gyi tshogs stong gsum gyi 'jig rten tsam/ phyogs bcu'i 'jig rten rdul phra mo snyed thon par gyur nas/ 'jig rten drug gi phyogs bcu thams cad g.yos/ rab tu g.yos/ kun tu rab tu g.yos/ 'ur 'ur/ rab tu 'ur 'ur/ kun tu rab tu 'ur 'ur ro// chem chem rab tu chem chem/ kun tu rab tu chem chem mo/ shig shig/ rab tu shig shig/ kun tu rab tu shig shig go/ thor thor/ rab tu thor thor/ kun tu rab tu thor thor ro// 'jig rten drug gi stong khams thams cad na/ dbang che ba dang / gzi brjid che ba dang / mthu che ba'i dbang phyug chen po la sogs pa thams cad brgya la/ rab tu brgya la kun tu brgyal bar gyur to// de nas bcom ldan 'das dgyes pa chen po nyid/ 'jigs byed chen po shin tu rngams pa skyi bung zhes byed pa'i 'bar ba chen pa'i khrag 'thung / sku smug nag cir yang 'gyur ba dbu dang phyag dang zhabs stong khams kyi rdul snyed/ mtshon cha sna tshogs 'dzin pa de/ dbu gsum phyag drug zhabs bzhir gyur te/ dur khrod chen por dgyes nas khrag gi rgya mtsho'i dkyil na/ keng rus chen po'i ri rab kyi steng na/ 'bar ba'i 'khor lo'i dkyil na dbang phyug chen po dang / dur khrod

  344. 172b

    kyi bdag po chen po khyo shug gi gdan la brkyang bskum gyi tshul du bzhugs so// khro bo'i sprin phung gi dkyil 'khor de dag kyang // la la ni dpal khrag 'thung chen por gyur te/ shar phyogs na bzhugs so// la la ni dpal khrag 'thung chen po rin po cher gyur te/ lhor bzhugs so// la la ni dpal khrag 'thung chen po pad+ma chen por gyur te/ nub tu bzhugs so// la la ni dpal khrag 'thung chen po las su gyur te/ byang phyogs su bzhugs so// de dag kun kyang 'jigs byed chen po'i cha lugs dang / rngams pa'i nga ro dang 'bar ba'i klong na/ dbu gsum phyag drug zhabs bzhis/ dri za dang / gnod sbyin dang / srin po dang / gshin rje dang / yi dwags khyo shug gi gdan du byas pa la bzhugs so// btsun mo khrag 'thung chen mo'i tshogs kyang so so'i sku la 'khril ba'i tshul gyis bzhugs so// de nas de dag gi 'khor dkar mo'i tshogs dang / rkun mo'i tshogs dang / rmongs mo'i tshogs dang / thal byed ma'i tshogs dang / spos mo'i tshogs dang / gtum mo'i tshogs dang / sme sha can gyi tshogs dang / ma tshogs mo'i tshogs rnams kyang / 'bar ba chen 'khor lo'i rtsibs mtshan shar phyogs nas 'khor bar 'jigs pa'i gzugs dang rang gi lag char bcas nas 'khod do// de nas seng gdong chen mo'i tshogs dang / stag gdong chen mo'i tshogs dang /

  345. 173a

    gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kang ka'i gdong chen mo'i tshogs dang / dur bya'i gdong chen mo'i tshogs dang / 'ug pa'i gdong chen mo'i tshogs rnams 'bar ba'i 'khor lo'i phyi rol shar phyogs nas 'khor bar rngams pa'i mdangs kyis 'khod do// 'bar ba'i dkyil 'khor gyi sgor/ srid 'gro ma'i tshogs dang / rdo rje gdong mo'i tshogs dang / rdo rje 'jig rten ma'i tshogs dang / rdo rje ro langs ma'i tshogs dang / shin tu gtum mo 'jigs pa'i gzugs kyis gnas so// de nas bcom ldan 'das dgyes pa chen po'i dpal khrag 'thung chen po de dag dbu dgu phyag bco brgyad zhabs brgyad du gnas so// de nas bcom ldan 'das rngams pa'i skad kyis/ hUM hUM hUM ha ha ha/ khA hi khA hi khA hi/ zhes brjod pas/ gtum po chen po'i tshogs de dag gi snying dang dbang po kun phyung / nang khrol kun drangs/ yan lag kun bcad gtubs za zhing / khrag kun 'thungs nas rus pa kun 'chos so// de nas bcom ldan 'das dgyes pa chen po dpal khrag 'thung thugs rje chen po bdud rtsi 'byung ba zhes bya ba'i ting nge 'dzin la snyoms par zhugs nas sku dang gsung dang thugs rdo rje las 'di dag phyung ngo // oM badz+ra ma hA kro d+ha a mr-i ta aM aM aM/ zhes brjod pas/ dbang phyug chen po la sogs

  346. 173b

    pa thams cad de nas bcom ldan 'das khro bo chen po de dag gi snam nas 'thon te dran pa rnyed nas khro bo'i dkyil 'khor chen po'i tshogs de dag kyang / dbu dgu brgya phyag stong brgyad brgya/ zhabs brgyad brgya/ sku 'bar ba chen po'i dkyil 'khor na bzhugs par mthong ngo // de nas de dag shin tu 'dar zhing bred pa rab tu zhums pa'i smre sngags/ 'bangs su mchi 'bangs su mchi/ 'bangs su nan tan ma bgyis na// mgo dang lus ni brgyar 'gas shing // snying yang 'gas shing gtub gyur cig/ rul myags tshigs nas brlag pa dang // dmyal bar lhung nas 'bod par shog/ ces 'bangs su mchi bar mna' bor nas/ dkyil 'khor gyi gdan du bzhag go/ thams cad kyis mgrin gcig tu yang smras pa/ bdag cag rnams kyi mchis brang dang // ma dang sring mo bu mo rnams// dkyil 'khor chen por bzhes su gsol// dpa' bo lha rjes bzhes su gsol// bdag cag so sor 'khor bcas kyis// tshogs kyi dkyil 'khor chen po 'di// ming tsam 'dzin par byed pa yang // gtsug gi nor bu 'bar ba ltar// g.yo sgyu med cing gus ldan pa'i// sems kyis blangs te spyi bo yi// gtsug tu bzhag ste bkur bar bgyi// de yi dgos pa ci yang rung // ma lus rdzogs par bdag cag bsgrub// gal te dpa' bo'i spyan snga 'dir// smras pa bzhin du ma

  347. 174a

    bsgrubs na// bdag cag rnams kyi mgo lus snying // bkas gtubs dum bur rul bar mchi// zhes smras so// de nas de dag gi chung ma'i tshogs dang // ma dang sring mo dang bu mo thams cad kyis mgrin gcig tu smras pa/ bdag cag 'khor tshogs thams cad kun// dpa' bo chen po'i 'bangs su mchi// dpa' bo chen pos bdag cag rnams// las kyi dngos grub stsal tu gsol// zhes smras so// de nas bcom ldan 'das dges pa chen pos lag tu rdo rje byin nas ming gi dbang bskur te/ dkyil 'khor gyi phyi rim du bkod do// sgyu 'phrul dra ba'i le'u stong phrag brgyad pa las/ gsang ba'i snying po de kho na nyid nges pa'i le'u/ khro bo rang bzhin gyi dkyil 'khor sprin rnam par spros pa ste le'u gsum pa'o// // de nas bcom ldan 'das dgyes pa chen pos/ dkyil 'khor gyi tshogs chen po 'di dag dam tshig gis 'grub par bya ba'i phyir/ de bzhin gshegs pa khrag 'thung chen po btsun mo dang bcas pa'i tshogs de dag gi sku dang gsung dang thugs rdo rje ye shes rngams pa las/ gsung gi dkyil 'khor 'di dag phyung ngo // oM sarba ta thA ga ta ma hA shrI he ru ka ma hA tsaN+Da sarba duSh+TAn ta ka ha na da ha pa tsa/ hUM hUM hUM phaT/ oM badz+ra shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn ta ka ha

  348. 174b

    na da ha pa tsa hUM hUM hUM phaT/ oM pad+ma shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM karma shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM sarba ta thA ga ta ma hA kro d+hi shwa rI sarba duSh+TAn hUM phaT/ oM ma hA badz+ra d+ha ra ma kro d+hi shwa rI dza la ni hUM phaT/ oM ma hA sUr+ya rat+na ma hA kro d+hi shwa rI bi da ma hUM phaT/ oM hri shru ta sa ma ta pad+ma ma hA kro d+hi shwa rI khA hi hUM phaT/ oM sarba a mo g+ha ma hA kro d+hi shwa rI bi sha hUM phaT/ badz+ra go rI ha/ badz+ra tsau rI ha/ badz+ra pra mo he ha/ badz+ra be ta lI ha/ badz+ra tsaN+Da lI ha/ badz+ra puk+ka sI ha/ badz+ra g+hasma rI ha/ badz+ra sma sha ni ha/ badz+ra sing ha mu khA he/ badz+ra b+ha g+h+ri mu khA he/ badz+ra sr-ing+ga la mu khA he/ badz+ra shwa na mu khA he/ badz+ra g+h+r-i D+ha mu khA he/ badz+ra kaM ka mu khA he/ badz+ra ka ka mu khA he/ badz+ra u lA ka mu khA he/ badz+ra Ar+ya te dza ting dza/ badz+ra a mu khe hUM/ badz+ra lo ka baM/ badz+ra b+hasmi pa la ya ba tu ho/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yor+g+hob+d+ha/ b+hUb+h+yAMb+d+hab+hUD+hA b+h+yAM b+h+yo/ r+d+har+dz+dzar+dz+dzaD+hA b+h+yo b+ho b+ho/ ru lu ru lu ru lus+thA/ e h+ye hi a na sa dzahA ba sa/ raM/ a li su li tA laM tra pa li/ daMH ko na ro dr-i/ kha ra lo gai ni/ !tsiH/ hAM ha he phaT/ zhes brjod pas 'jig rten drug gi phyogs bcu thams cad tshig/ rab tu tshig/ kun tu tshig go/ 'bar rab tu 'bar/ kun tu 'bar ro// thams cad du 'bar ba'i dkyil 'khor gyi tshogs kyis dang / rab tu gang / kun tu

  349. 175a

    gang bar gyur to// gsang ba'i snying po kho na nyid nges pa las/ khro bo'i tshogs chen po'i gsung gi dkyil 'khor spros pa'i le'u ste bzhi pa'o// // de nas bcom ldan 'das dgyes pa chen pos/ de dag gi dkyil 'khor bshad pa'i phyir// ched du brjod pa 'di brjod do// 'bar ba'i 'khor lo rtsibs bzhi pa// gru chad bzhi yis rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul la sogs nyi mas brjid// 'bar ba'i phreng ba mang po 'khrug/ khyu mchog ma he gzig dang stag/ gtum pa dom gyi sbar bas ni// dbang phyug lha chen la sogs bzung // smug nag sngo nag ser nag dang // dmar nag ljang nag 'jigs pa'i sku// dbu gsum phyag drug zhabs bzhir bgrad// ko rlon gos ni sna tshogs gyon// rngams pa'i sgra chen 'jigs par sgrogs// sbrul dang thod phreng nyi zla'i chas// stong gi 'jig rten 'khor yug bcas// rdo rje dung chen gang ba dang // ral gri dgra sta gshol la sogs// rang gi lag cha sna tshogs dang // btsun mo 'jigs pa'i tshogs dang 'khril// gnas dang yul gyi phyag rgya dang / sgo bzhi'i phyag rgyas rab mdzes shing // slas dang byi mo bran mo'i tshogs// bcu gnyis dang ni brgyad kyis mdzes// rang gi stan dang lag cha dang // ci bgyi zhes ni chas te gnas// zhes brjod pas

  350. 175b

    'jig rten drug gi phyogs bcu thams cad du 'bar ba'i dkyil 'khor kun tu gsal bar gyur to// gsang ba'i snying po de kho na nyid nges pa las/ khro bo'i dkyil 'khor bstan pa'i le'u ste lnga pa'o// // de nas bcom ldan 'das dgyes pa chen pos/ mnyes pa'i mchod pa chen po 'di ched du brjod do// de la mchod sbyin dam pa ni// thog mar bdag nyid rtogs goms bsgral// de nas gnyis med blo yis ni// blo ngan 'jig rten snying re rje// gnyis su med par bsgral bar bya'o// 'khril ba'i mchod chen mnyam sbyor bas// bdag nyid mnyes pas mnyes par byed// mnyam pa'i sgrub rdzas chen po dang // bdag dang mnyam pa'i tshogs la dbul// bza' dang bca' dang btung dang bgo/ longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhir gshegs pa yis// bde gshegs yon tan rmad po che// gzhan nas yod 'ongs ma yin te// lha srin la sogs smos ci dgos// rnal 'byor las su rung rnams kyis/ phyag rgya chen po rdzogs 'gyur zhing // gsal la yid gnyis med pa na/ dkyil 'khor chen por 'bar bar 'gyur// zhes brjod pas/ mnyes pa chen pos 'jig rten drug gi phyogs bcur thams cad khyab par gyur to// de nas bcom ldan 'das dgyes pa chen pos don yod par bya ba'i phyir/ dam tshig

  351. 176a

    'di ched du brjod do// bsrung zhing bsgrub pa'i dam tshig lnga// rtsa ba yin te rigs med 'gyur// mi spang mi dor lnga gnyis ni// yan lag dam tshig 'da' dka'o// mnyam pa mnyam par sbyor ba yi// mnyam pa'i dam tshig la gnas na// mnyam rdzogs chen po thob 'gyur bas// 'das na sangs rgyas ma yin no// rtsa ba nyams pa'i phyal ba dang // gsol nye bar mi brtson dang // skad cig yud tsam smra mi byed// nyams gyur nyes pa brjod mi langs// rtsa ba'i dam tshig nyams gyur na// bsgrub pa thams cad log par 'gyur// yid du mi 'ong sna tshogs pa'i// 'bras bu mi 'dod bzhin du 'du// yan lag dam tshig/ nyams gyur na// 'bras bu med cing ngan song ltung // dam tshig rnams ni rdo rje che// sangs rgyas kun gyi bdag nyid yin// rtsa ba'i dam tshig lnga la ni// gcig la'ang gnyis dang bcu phrag gsum// yan lag dam tshig lnga gnyis la// gcig la'ang bcu phrag gnyis su dbyer// dam tshig 'di ni rmad po che// 'jig rten drug gi phyogs bcu na// srid gsum 'gro ba ji snyed pa// rtogs 'dul dam tshig de snyed 'phro/ zhes brjod pas de bzhin gshegs pa nyid la de bzhin gshegs pa nyid sbyong bar gyur ro// gsang ba'i snying po de kho na nyid nges pa las/ mchod sbyin dang dam tshig gi le'u ste drug pa'o// // de nas bcom ldan 'das

  352. 176b

    dgyes pa chen po lhun gyis grub pa dam tshig byin gyis rlob pa zhes bya ba'i ting nge 'dzin la snyoms par zhugs nas/ ched du brjod pa 'di brjod do// e yi tshogs kyi dkyil 'khor mchog/ 'bar ba gtum chen rngams pa la// khros pa'i yid kyis mchod sbyin bya// sangs rgyas bsod nams sku yang 'jig/ bdud rtsi lnga'am zas lnga la// mtshan ma ming du bcas par bya// bkug nas rdo rje phur pas gdab// rdul du byas la tshogs la bstab// e yi tshogs kyi dkyil 'khor mchog/ lu gu rgyud du sbrel bsdams nas// bcings 'gyur bskyod nas phyogs bcur g.yo// myos nas gas te 'tshig par 'gyur// baM gyi tshogs kyi dkyil 'khor mchog/ 'bar ba gzi brjid lhun chen la// chags pa'i yid kyis mchod sbyin bya// rdo rje gsung yang dbang du 'gyur// bdud rtsi lnga'am zas lnga la// mtshan ma ming du bcas par bya// rdo rje chags pa'i phur pas gdab// chags pa'i tshogs la thim par bstab// baM gyi tshogs kyi dkyil 'khor du// lu gu rgyud du sbrel nas bsdams// 'gugs 'gyur rdo rje'ang phyi bzhin 'brang // ci 'dod de bzhin 'ong bar 'gyur// ma yi tshogs kyi dkyil 'khor mchog/ 'bar ba 'du 'phro gzi chen la// dga' ba'i yid kyis mchod sbyin bya// yon tan nam mkha'i mtha' dang mnyam// bdud rtsi lnga'am zas lnga la// mtshan ma ming du bcas pa

  353. 177a

    @bya// yon tan yid bzhin gter du brtag/ nga rgyal dga' sgro phur pas gdab// rdo rje gzi brjid 'phel bar bstab// ma yi tshogs kyi dkyil 'khor du// lu gu rgyud du sbrel bsdams bskyod// gzi brjid 'bar ba'i 'phrul chen spro// yid bzhin nam mkha' gang bar 'gyur// yA yi tshogs kyi dkyil 'khor mchog/ gsal ba'i gzi brjid 'tsher ba la// dang ba'i yid kyis mchod sbyin bya// gtum chen rngam pa'ang lhan ner 'gyur// bdud rtsi lnga'am zas lnga la// gtum rngams 'khrug pa'i ngo bor brtag/ lhan ner gsal ba'i phur pas gdab// 'bar pa lhan ne'i tshogs la bstab// yA yi tshogs kyi dkyil 'khor du// lu gu rgyad du sbrel bsdams nas// 'bar ba lhan ne'i byin gyis khyab// thams cad g.yo ba med par byed// slas dang byi mo bran mo'i tshogs// lhag ma'i mchod sbyin 'dod pa sbyin// rang gi dam tshig rab bsgrags nas// gang 'dod las de byed par bsgo// khrag 'thung chen po la sogs pa'i// bro gar glu tshig chen pos ni// thams cad thams cad ci 'dod par// thams cad thams cad byed par 'gyur// mdzod ldan chen mo la sogs pa'i// bro gar glu tshig chen mos ni// 'du bar 'dod na 'du bar byed// 'phel bar 'dod na 'phel bar byed// spos mo chen mo la sogs pa'i// bro gar glu tshig chen mos ni// lhan ner

  354. 177b

    'dod na lhan ner byed// rmugs par 'dod na rmugs par byed// seng gdong chen mo la sogs pa'i// bro gar glu tshig chen mos ni// thams cad kun la za bar byed// rdul cha tsam yang med pa byed// bzhad gdong chen mo la sogs pa'i// bro gar glu tshig chen mos ni// thams cad kun yang 'byin par byed// kun la rab tu nyams par byed// slas dang byi mo la sogs pa'i// bro gar glu tshig chen mos ni// rbad cing gtong bar byed pa ste// thams cad cad byed pa yin// de nas bcom ldan 'das dgyes pa chen pos// tshogs kyi dkyil 'khor gyis shin tu rngams pa'i gdangs kyis glu 'di blangs so// hUM gtum chen dus mtha'i me ltar 'bar// 'od zer nyi ma 'bum gyi gzi// khro gnyer glog stong 'khyug pa bzhin// mche ba bzang yag za byed che ho/ hUM rngams pa'i nga ro 'brug stong ldir// gtum chen ri rab 'bum snyil skad// a la ha la'i gad rgyangs che// sprugs pa'i 'thor rlung g.yeng ba che ho// hUM khro bo shes rab 'od po che// ye shes dkyil 'khor kun tu gsal// 'bar ba'i ye shes kun tu 'joms// sna tshogs ye shes thig le che ho// hUM khro bopo'i rgyal po sprin chen po// khros pa'i dkyil 'khor char chen 'bebs// dkyil 'khor yid bzhin 'byung ba'i tshogs// sna tshogs khros pa'i thig le che ho// hUM bdud kun gyi ni bdud chen po// bdud kyi bdud de

  355. 178a

    dpung rnams 'joms// 'jigs pa'i tshogs kyang 'joms par byed// 'jigs byed chen po thig le che ho// hUM rdo rje brag chen sra ba po// rdo rje chu bo sdud chen po// rdo rje me ste kun 'bar che// rdo rje rlung ste 'thor rlung che'o// zhes ched du glu blangs so// gsang ba'i snying po de kho na nyid nges pa las// khro bo'i dkyil 'khor mnyes pa'i le'u ste bdun pa'o// // de nas bcom ldan 'das dgyes pa chen pos/ de bzhin gshegs pa nyid la gsang sngags kyi rgyal po brtan par bzung ba'i phyir/ ched du brjod pa 'di brjod do// kye kye/ phyogs bcu dus bzhi'i rang bzhin 'di// de bzhin gshegs pa'i ngo bo nyid// gzung 'dzin spros la 'chel ba yi// rnam rtog zhags pas so sor 'dzin// sa rnams khyad par bkod pa yang // gsang ba'i snying por 'gro ba'i lam// ye shes ngo mtshar rab 'byams kyis// don du mi 'gyur yongs ma gsungs// de bzhin gshegs pa thams cad kyi// rang bzhin gsang ba'i snying po 'di// rtogs nas smra bar gang byed pa// de nyid nga yin dbang yang rdzogs// de bzhin gshegs pa thams cad la// gsang ba 'di las gzhan mi mnga'// sgro dang skur ba zhi ba yi// gsang ba'i snying po de kho na// nyid de nges pa'i dbyings nas phyung // de nyid nges par lung bstan te// sras ni thugs las bskyed pa yin// sa rab rig pa

  356. 178b

    'dzin la gnas// zhes brjod pas/ de bzhin gshegs pa thams cad dbyer med par dgyes nas dus bzhi mnyam pa nyid kyi dbyings/ sku gsung thugs lhun stug po bkod pa'i rgyan nyid du bzhugs so// 'phags pa rtog pa'i rgyal po sgyu 'phrul dra ba le'u stong phrag brgya pa las/ mtshan nyid dang rgyud thams cad kyi lung gi spyi// de bzhin gshegs pa thams cad kyi gsang ba/ gsang ba'i snying po de kho na nyid nges pa las/ rgyud gtad pa'i le'u ste brgyad pa'o// // @#// rgya gar skad du// Ar+ya many+dzu shrI nA ma sang+gI ti/ bod skad du/ 'phags pa 'jam dpal gyi mtshan yang dag par brjod pa/ 'jam dpal gzhon nur gyur pa la phyag 'tshal lo// de nas dpal ldan rdo rje 'chang // gdul dka' 'dul ba rnams kyi mchog/ dpa' bo 'jig rten gsum las rgyal// rdo rje dbang phyug gsang ba'i rgyal// pad+ma dkar po rgyas 'dra'i spyan// pad+ma rgyas pa'i gdan la bzhugs// rang gi lag gis rdo rje mchog/ yang dang yang du gsor byed pa// khro gnyer rim par ldan la sogs// lag na rdo rje mtha' yas pa// dpa' bo gdul dka' 'dul ba bo/ 'jigs su rung dang dpa' byad can// rdo rje rtse mo rab 'phro ba// rang gi lag gis gsor byed pa// snying rje che dang shes rab dang // thabs kyis 'gro don byed pa'i mchog/ dga' mgu rangs

  357. 179a

    pa'i bsam pa can// khro bo'i lus kyi gzugs ldan pa// sangs rgyas phrin las byed pa'i mgon// lus btud rnams dang lhan cig tu// de bzhin gshegs pa bcom ldan 'das// rdzogs sangs rgyas la phyag 'tshal nas// thal mo sbyar ba byas nas ni// spyan sngar 'dug ste 'di skad gsol// khyab bdag bdag la sman pa dang // bdag don bdag la thugs brtse'i phyir// sgyu 'phrul dra ba mngon rdzogs pa'i// byang chub ci nas bdag thob mdzod// nyon mongs pas ni sems dkrugs shing // mi shes 'dam du bying ba yi// sems can kun la sman pa dang // bla med 'bras bu 'thob bya'i phyir// rdzogs pa'i sangs rgyas bcom ldan 'das// 'gro ba'i bla ma ston pa po// dam tshig chen po de nyid mkhyen// dbang po bsam pa mkhyen mchog gis// bcom ldan 'das kyi ye shes sku// gtsug tor chen po tshig gi bdag/ ye shes sku ste rang byung ba// 'jam dpal ye shes sems dpa' yi// ming ni yang dag brjod pa'i mchog/ don zab don ni rgya che zhing // don chen mtshungs med rab zhi ba// thog ma bar dang mthar dge ba// 'das pa'i sangs rgyas rnams kyis gsungs// ma 'ongs rnams kyang gsung 'gyur la// da ltar byung ba'i rdzogs sangs rgyas// yang dang yang du gsung ba gang // rgyud chen sgyu 'phrul dra ba las// rdo rje 'chang chen gsang sngags

  358. 179b

    'chang // dpag med rnams kyis dga' bzhin du// glur blangs gang lags bshad du gsol// mgon po rdzogs sangs rgyas kun gyi// gsang 'dzin ci nas bdag 'gyur phyir// nges par 'byung gi bar du ni// bdag gi bsam pa brtan pos gzung // nyon mongs ma lus bsal ba dang // mi shes ma lus spang ba'i phyir// bsam pa'i khyad par ji bzhin du// sems can rnams la bshad par 'tshal// gsang dbang lag na rdo rje yis// de bzhin gshegs la de skad du// gsol nas thal mo sbyar byas te// lus btud nas ni spyan sngar 'dug/ de nas bcom ldan shAkya thub// rdzogs pa'i sangs rgyas rkang gnyis mchog/ nyid kyi zhal nas ljags bzang ba// ring zhing yangs pa brkyang mdzad de// 'jig rten gsum po snang byed cing // bdud bzhi'i dgra rnams 'dul byed pa// sems can rnams kyi ngan song gsum// sbyong bar byed pa'i 'dzum bstan nas// tshangs pa'i gsung ni snyan pa yis// 'jig rten gsum po kun bkang nas// lag na rdo rje stobs po che// gsang dbang la ni slar gsungs pa// snying rje che dang ldan gyur pas// 'gro la phan pa'i don du khyod// ye shes lus can 'jam dpal gyi// ming brjod pa ni don che ba// dag par byed cing sdig sel ba// nga las nyan par brtson pa ni// legs so dpal ldan rdo rje 'chang // lag na rdo rje khyod

  359. 180a

    legs so// gsang ba'i bdag po de phyir ngas// khyod la legs par bstan par bya// khyod ni rtse gcig yid kyis nyon// bcom ldan de ni legs zhes gsol// de nas bcom ldan shAkya thub// gsang sngags rigs chen thams cad dang // gsang sngags rig sngags 'chang ba'i rigs// rigs gsum la ni rnam par gzigs// 'jig rten 'jig rten 'das pa'i rigs// 'jig rten snang byed rigs chen dang // phyag rgya chen po'i rigs mchog dang // rigs chen gtsug tor cher gzigs nas// tshig gi bdag pos tshigs su bcad// gsang sngags rgyal po drug ldan zhing // gnyis su med par 'byung ba dang // mi skye'i chos can 'di gsungs pa// a A i I u A a ai o aM aHs+thi to hri di/ dz+nyA na mUrti ra haM bud+d+ho/ bud+d+ha nAM t+yA d+hA bar+t+ti nAM/ oM badz+ra tik+Sh+Na duHkha ts+tshe da/ pra dz+nyA dz+nyA na mUr+d+ha ye/ dz+nyA na kA ya wA gI shwa ra/ a ra pa tsa nanA ya te na maH/ 'di ltar sangs rgyas bcom ldan 'das// rdzogs pa'i sangs rgyas a las byung // a ni yig 'bru kun gyi mchog/ don chen yi ge dam pa yin// khong nas 'byung ba skye ba med// tshig tu brjod pa spangs pa ste// brjod pa kun gyi rgyu yi mchog/ tshig kun rab tu gsal bar byed// mchod pa chen po 'dod chags che// sems can thams cad dga' bar byed// mchod pa chen po zhe sdang che// nyon mongs kun gyi

  360. 180b

    dgra che ba// mchod pa chen po gti mug che// gti mug blo ste gti mug sel// mchod pa chen po khro ba che// khro ba chen po dgra che ba// mchod pa chen po chags pa che// chags pa thams cad sel bar byed// 'dod pa chen po bde ba che// dga' ba chen po mgu ba che// gzugs che lus kyang che ba ste// kha dog che zhing lus bongs che// ming yang che zhing rgya che ba// dkyil 'khor chen po yangs pa yin// shes rab mtshon chen 'chang ba ste// nyon mongs chen po'i lcags kyu mchog/ grags chen snyan grags chen po ste// snang ba chen po gsal ba che// mkhas pa sgyu 'phrul chen po 'chang // sgyu 'phrul chen po don sgrub pa// sgyu 'phrul chen po'i dga' bas dga'// sgyu 'phrul chen po'i mig 'phrul can// sbyin bdag chen po gtso bo ste// tshul khrims chen po 'chang ba'i mchog/ bzod chen 'chang ba brtan pa po// brtson 'grus chen po brtul ba yin// bsam gtan chen po ting 'dzin gnas// shes rab chen po'i lus 'chang ba// stobs po che la thabs che ba// smon lam ye shes rgya mtsho ste// byams chen rang bzhin dpag tu med// snying rje chen po blo yi mchog/ shes rab chen po blo chen ldan// mkhas pa chen po thabs che ba// rdzu 'phrul chen pa stobs dang ldan// shugs chen mgyogs pa chen po ste// rdzu 'phrul chen po cher grags pa// stobs chen pha rol gnon pa po// srid pa'i

  361. 181a

    ri bo chen po 'joms// mkhregs shing rdo rje chen po 'chang // drag po chen po drag shul che// 'jigs chen 'jigs par byed pa po// mgon po rig mchog chen po ste// bla ma gsang sngags che ba'i mchog/ theg pa chen po'i tshul la gnas// theg pa chen po'i tshul gyi mchog/ sangs rgyas rnam par snang mdzad che// thub pa chen po thub chen ldan// gsang sngags tshul chen las byung ba// gsang sngags tshul chen bdag nyid can// pha rol phyin bcu thob pa ste// pha rol phyin pa bcu la gnas// pha rol phyin bcu dag pa ste// pha rol phyin pa bcu yi tshul// mgon po sa bcu'i dbang phyug ste// sa bcu la ni gnas pa po// shes bcu rnam dag bdag nyid can// shes bcu rnam dag 'chang ba po// rnam pa bcu po don bcu'i don// thub dbang stobs bcu khyab pa'i bdag/ kun gyi don ni ma lus byed// rnam bcu dbang ldan che ba po// thog ma med pa spros med bdag/ de bzhin nyid bdag dag pa'i bdag/ bden par smra zhing tshig mi 'gyur// ji skad smras pa de bzhin byed// gnyis su med dang gnyis med ston// yang dag mtha' la rnam par gnas// bdag med seng ge'i sgra dang ldan// mu stegs ri dwags ngan 'jigs byed// kun tu 'gro ba'i don yod stobs// de bzhin gshegs pa'i yid ltar mgyogs// rgyal ba dgra rgyal rnam par rgyal// 'khor

  362. 181b

    lo bsgyur ba stobs po che// tshogs kyi slob dpon tshogs kyi mchog/ tshogs rje tshogs bdag dbang dang ldan// mthu chen gces par 'dzin pa ste// tshul chen gzhan gyi dring mi 'jog/ tshig rje tshig bdag smra mkhas pa// tshig la dbang ba tshig mtha' yas// tshig bden pa dang bden par smra// bden pa bzhi ni ston pa po// phyir mi ldog pa phyir mi 'ong // 'dren pa rang rgyal bse ru'i tshul// nges 'byung sna tshogs las byung pab// 'byung ba chen po rgyu gcig po// dge slong dgra bcom zag pa zad// 'dod chags bral bas dbang po thul/ bde ba rnyed pas 'jigs med thob// bsil bar gyur pas rnyog pa med// rig pa dang ni rkang par ldan// bde gshegs 'jig rten rigs pa'i mchog/ bdag gir mi 'dzin ngar mi 'dzin// bden pa gnyis kyi tshul la gnas// 'khor ba'i pha rol mthar son pa// bya ba byas pas skam sar gnas// shes pa 'ba' zhig nges gsal ba// shes rab mtshon chas rnam 'joms pa// dam chos chos rgyal gsal bar ldan// 'jig rten snang bar byed pa'i mchog/ chos kyi dbang phyug chos kyi rgyal// legs pa'i lam ni ston pa po// don grub bsam pa grub pa ste// kun tu rtog pa thams cad spangs// rnam par mi rtog dbyings mi zad// chos dbyings dam pa zad mi shes// bsod nams ldan pa bsod nams tshogs// ye shes ye shes

  363. 182a

    'byung gnas che// ye shes ldan pa yod med shes// tshogs gnyis tshogs ni bsags pa po// rtag pa kun rgyal rnal 'byor can// bsam gtan bsam bya blo ldan mchog/ so so rang rig mi g.yo ba// mchog gi dang po sku gsum 'chang // sangs rgyas sku lnga'i bdag nyid can// khyab bdag ye shes lnga yi bdag/ sangs rgyas lnga bdag cod paN can// spyan lnga chags pa med pa 'chang // sangs rgyas thams cad skyed pa po// sangs rgyas sras po dam pa'i mchog/ shes pas srid 'byung skye gnas med// chos las 'byung ba srid pa sel// gcig pu sra mkhregs rdo rje'i bdag/ skyes ma thag tu 'gro ba'i bdag/ nam mkha' las byung rang byung ba// shes rab ye shes me bo che// 'od chen rnam par snang bar byed// ye shes snang ba lam me ba// 'gro ba'i mar me ye shes sgron// gzi brjid chen po 'od gsal ba// sngags mchog mnga' bdag rig sngags rgyal// gsang sngags rgyal po don chen byed// gtsug tor chen po rmad byung gtsug/ nam mkha'i bdag po sna tshogs ston// sangs rgyas kun bdag dngos po mchog/ 'gro kun dga' ba'i mig dang ldan// sna tshogs gzugs can skyed pa po// mchod cing rjed pa drang srong che// rigs gsum 'chang ba gsang sngags can// dam tshig chen po gsang sngags 'dzin// gtso bo dkon mchog gsum 'dzin/

  364. 182b

    pa// theg pa mchog gsum ston pa po// don yod zhags pa rnam par rgyal// 'dzin pa chen po rdo rje zhags// rdo rje lcags kyu zhags pa che// rdo rje 'jigs byed 'jigs par byed// khro bo'i rgyal po gdong drug 'jigs// mig drug lag drug stobs dang ldan// keng rus mche ba gtsigs pa po// ha la ha la gdong brgya pa// gshin rje gshed po bgegs kyi rgyal// rdo rje shugs can 'jigs byed pa// rdo rje grags pa rdo rje snying // sgyu 'phrul rdo rje gsus po che// rdo rje las skyes rdo rje'i bdag/ rdo rje'i snying po mkha' 'dra ba// mi g.yo ral pa gcig gis bsgyings// glang chen ko rlon gos su gyon// grags chen hA hA zhes sgrogs pa// hI hi zhes sgrogs 'jigs par byed// gad mo chen po gad rgyangs can// rdo rje gad mo cher sgrogs pa// rdo rje sems dpa' sems dpa' che// rdo rje rgyal po bde ba che// rdo rje drag po dga' ba che// rdo rje hUM ste hUM zhes sgrogs// mtshon du rdo rje'i mda' thogs pa// rdo rje ral gris ma lus gcod// rdo rje kun 'chang rdo rje can// rdo rje gcig pu g.yul sel ba// rdo rje 'bar ba mig mi bzang // sgra yang rdo rje 'bar ba ste// rdo rje 'bebs pa 'bebs pa che// mig brgya pa ste rdo rje'i mig/ lus ni rdo rje'i ba sgra can// rdo rje'i spu ni gcig pu'i lus// sen mo skyes pa rdo rje'i rtse// rdo rje'i snying po pags pa mkhregs// rdo rje phreng thogs dpal dang

  365. 183a

    ldan// rdo rje'i rgyan gyis brgyan pa ste// gad rgyangs ha ha nges par sgrogs// yi ge drug pa rdo rje'i sgra// 'jam dbyangs chen po'i sgra che ba// 'jig rten gsum na sgra gcig pa// nam mkha'i mtha' klas sgra sgrogs pa// sgra dang ldan pa rnams kyi mchog/ yang dag bdag med de bzhin nyid// yang dag mtha' ste yi ge med// stong nyid smra ba'i khyu mchog ste// zab cing rgya che'i sgra sgrogs pa// chos kyi dung ste sgra chen ldan// chos kyi gaN+DI sgra bo che// mi gnas mya ngan 'das pa po// phyogs bcu'i chos kyi rnga bo che// gzugs med gzugs bzang dam pa ste// sna tshogs gzugs can yid las skyes// gzugs rnams thams cad snang ba'i dpal// gzugs brnyan ma lus 'chang ba po// tshugs pa med cing che bar grags// khams gsum dbang phyug chen po ste// 'phags lam shin tu mtho la gnas// dar ba chen po chos kyi tog/ 'jig rten gsum na gzhon lus gcig/ gnas brtan rgan po skye dgu'i bdag/ sum cu rtsa gnyis mtshan 'chang ba// sdug gu 'jig rten gsum na mdzes// 'jig rten shes legs slob dpon te// 'jig rten slob dpon 'jigs pa med// mgon skyob 'jig rten yid gcugs pa// skyabs dang skyob pa bla na med// nam mkha'i mtha' la longs spyod pa// thams cad mkhyen pa'i ye shes mtsho// ma rig sgo nga'i sbubs 'byed

  366. 183b

    pa// srid pa'i dra ba 'joms pa po// nyon mongs ma lus zhi byed pa// 'khor ba'i rgya mtsho pha rol phyin// ye shes dbang bskur cod pa Na can// rdzogs pa'i sangs rgyas rgyan du thogs// sdug bsngal gsum gyi sdug bsngal zhi// gsum sel mtha' las grol gsum thob// sgrib pa kun las nges par grol// mkha' ltar mnyam pa nyid la gnas// nyon mongs dri ma kun las 'das// dus gsum dus med rtogs pa po// sems can kun gyi klu chen po// yon tan thod can rnams kyi thod// nyon mongs kun las rnam grol ba// nam mkha'i lam la rab gnas pa// yid bzhin nor bu chen po 'chang // khyab bdag rin chen kun gyi mchog/ dpag bsam shing chen rgyas pa ste// bum pa bzang po che ba'i mchog/ byed pa sems can kun don byed// phan 'dod sems can mnyes gshin pa// bzang ngan shes shing dus shes la// khyab bdag dam shes dam tshig ldan// dus shes sems can dbang po shes// rnam grol gsum la mkhas pa po// yon tan ldan zhing yon tan shes// chos shes bkra shis bkra shis 'byung // bkra shis kun gyis bkra shis pa/ grags pa bkra shis snyan grags dge/ dbugs 'byin chen po dga' ston che// dga' chen rol mo chen po ste// bkur sti rim gro phun sum tshogs// mchog tu dga' ba grags pa dag dpal// mchog ldan

  367. 184a

    mchog sbyin gtso bo ste// skyabs kyi dam pa skyabs su 'os// 'jig rten dgra ste rab kyi mchog/ 'jigs pa ma lus sel ba po// gtsug phud phud bu lcang lo can// ral pa mun dza cod pan thogs// gdong lnga gtsug phud lnga dang ldan// zur phud lnga pa me tog thod// mgo zlum brtul zhugs chen po pa// tshangs par spyod pa brtul zhugs mchog/ dka' thub mthar phyin dka' thub che// gtsang gnas dam pa go'u tam// bram ze tshangs pa tshangs pa shes// mya ngan 'das tshangs pa thob// grol ba thar pa rnam grol lus// rnam grol zhi ba zhi ba nyid// mya ngan 'das zhi mya ngan 'das// legs par mya ngan 'das dang nye// bde sdug sel bar mthar gyur pa// chags bral lus las 'das pa po// thub pa med pa dpe med pa// mi mngon mi snang gsal byed min// mi 'gyur kun 'gro khyab pa po// phra zhing zag med sa bon bral// rdul med rdul bral dri ma med// nyes pa spangs pa skyon med pa// shin tu sad pa sad pa'i bdag/ kun shes kun rig dam pa po// rnam par shes pa'i chos nyid 'das// ye shes gnyis med tshul 'chang ba// rnam par rtog med lhun gyis grub// dus gsum sangs rgyas las byed pa// sangs rgyas thog ma mtha' ma med// dang po'i sangs rgyas rgyu med pa// ye shes mig gcig dri ma med// ye shes lus can de

  368. 184b

    bzhin gshegs// tshig gi dbang phyug smra ba che// smra ba'i skyes mchog smra ba'i rgyal// smra ba'i dam pa mchog gi gnas// smra ba'i seng ge tshugs pa med// kun tu lta bas mchog tu dga'// gzi brjid phreng ba lta na sdug/ 'od bzang 'bar ba dpal gyi be'u// lag na 'od 'bar snang ba po// sman pa che mchog gtso bo ste// zug rngu 'byin pa bla na med// sman rnams ma lus ljon pa'i shing // nad do cog gi dgra che ba// sdug gu 'jig rte gsum gyi mchog/ dpal ldan rgyu skar dkyil 'khor can// phyogs bcu nam mkha'i mthar thug par// chos kyi rgyal mtshan legs par 'dzugs// 'gro na gdugs gcig yangs pa ste// byams dang snying rje'i dkyil 'khor can// dpal ldan pad+ma gar gyi bdag/ khyab bdag chen po rin chen gdugs// sangs rgyas kun gyi gzi brjid che// sangs rgyas kun gyi sku 'chang ba// sangs rgyas kun gyi rnal 'byor che// sangs rgyas kun gyi bstan pa gcig/ rdo rje rin chen dbang bskur dpal// rin chen kun bdag dbang phyug ste// 'jig rten dbang phyug kun gyi bdag/ rdo rje 'chang ba kun gyi rje// sangs rgyas kun gyi thugs che ba// sangs rgyas kun gyi thugs la gnas// sangs rgyas kun gyi sku che ba// sangs rgyas kun gyi gsung yang yin// rdo rje nyi ma snang ba che// rdo rje zla ba dri med 'od// chags bral la sogs chags pa

  369. 185a

    che// kha dog sna tshogs 'bar ba'i 'od// rdo rje skyil krung rdzogs sangs rgyas// sangs rgyas 'gro ba'i chos 'dzin pa// dpal ldan sangs rgyas pad+ma skyes// kun mkhyen ye shes mdzod 'dzin pa// rgyal po sgyu 'phrul sna tshogs 'chang // che ba sangs rgyas rig sngags 'chang // rdo rje rnon po ral gri che// yi ge mchog ste rnam par dag/ theg pa chen por sdug bsngal gcod// mtshon cha chen po rdo rje chos// rdo rje zab mo dzin dzika/ rdo rje blo gros don bzhin rigs// pha rol phyin pa kun rdzogs pa// sa rnams kun gyi rgyan dang ldan// rnam par dag pa bdag med chos// yang dag ye shes zla 'od bzang // brtson chen sgyu 'phrul dra ba ste// rgyud kun gyi ni bdag po mchog/ rdo rje gdan ni ma lus ldan// ye shes sku rnams ma lus 'chang // kun tu bzang po blo gros bzang // sa yi snying po 'gro ba 'dzin// sangs rgyas kun gyi snying po che// sprul pa'i 'khor lo sna tshogs 'chang // dngos po kun gyi rang bzhin mchog/ dngos po kun gyi rang bzhin 'dzin// skye med chos de sna tshogs don// chos kun ngo bo nyid 'chang ba// shes rab chen pos skad cig la// chos kun khong du chud pa 'chang // chos kun mngon par rtogs pa ste// thub pa blo mchog 'byung ba'i mtha'// mi g.yo rab tu dang ba'i bdag/ rdzogs pa'i sangs rgyas byang chub 'chang // sangs rgyas kun gyi mngon sum

  370. 185b

    pa// ye shes me lce 'od rab gsal// 'dod pa'i don grub dam pa ste// ngan song thams cad rnam sbyong ba// mgon po sems can kun gyi mchog/ sems can thams cad rab grol byed// nyon mongs g.yul du gcig dpa' ba// mi shes dgra yi dregs pa 'joms// blo ldan sgeg 'chang dpal dang ldan// brtan po mi sdug gzugs 'chang ba// lag pa brgya po kun bskyod cing // gom pa'i stabs kyis gar byed pa// dpal ldan lag pa brgyas gang la// nam mkha' khyab par gar byed pa// sa yi dkyil 'khor bzhi yi khyon// rkang pa ya gcig mthil gyis gnon// rkang mtheb sen mo'i khyon gyis kyang // tshangs pa'i yul sa rtse nas gnon// don gcig gnyis med chos kyi don// dam pa'i don ni 'jigs pa med// rnam rig sna tshogs gzugs don can// sems dang rnam shes rgyud dang ldan// dngos don ma lus rnams la dga'// stong pa nyid dga' 'dod chags blo// srid pa'i 'dod chags sogs spangs pa// srid gsum dga' ba chen po ste// sprin dkar dag pa bzhin du dkar// 'od bzang ston ka'i zla ba'i 'od// nyi ma 'char ka'i dkyil ltar mdzes// sen mo'i 'od ni shas cher dmar// cod pan bzang po mthon ka'i rtse// skra mchog mthon ka chen po 'chang // nor bu chen po 'od chags dpal// sangs rgyas sprul pa'i rgyan dang ldan// 'jig rten khams

  371. 186a

    brgya kun bskyod pa// rdzu 'phrul rkang pa'i stobs chen ldan// de nyid dran pa chen po 'chang // dran pa bzhi po ting 'dzin rgyal// byang chub yan lag me tog spos// de bzhin gshegs pa'i yon tan mtsho// lam gyi yan lag brgyad tshul rig/ yang dag sangs rgyas lam rig pa// sems can kun la shas cher chags// nam mkha' lta bur chags pa med// sems can kun gyi yid la 'jug/ sems can kun gyi yid ltar mgyogs// sems can kun gyi dbang don shes// sems can kun yi yid 'phrog pa// phung po lnga don de nyid shes// rnam dag phung po lnga 'chang ba// nges 'byung kun gyi mtha' la gnas// nges par 'byung ba kun la mkhas// nges 'byung kun gyi lam la gnas// nges par 'byung ba kun ston pa// yan lag bcu gnyis srid rtsa bton// dag pa rnam pa bcu gnyis 'chang // bden bzhi'i tshul gyi rnam pa can// shes pa brgyad po rtogs pa 'chang // bden don rnam pa bcu gnyis ldan// de nyid rnam pa bcu drug rig/ rnam pa nyi shus byang chub pa// rnam par sangs rgyas kun rig mchog/ sangs rgyas kun gyi sprul pa'i sku// bye ba dpag med 'gyed pa po// skad cig thams cad mngon par rtogs// sems kyi skad cig don kun rig/ theg pa sna tshogs thabs tshul gyis// 'gro ba'i don la rtogs pa po// theg pa gsum gyis nges

  372. 186b

    'byung la// theg pa gcig gis 'bras bur gnas// nyon mongs khams rnams dag pa'i bdag/ las kyi khams rnams zad byed pa// chu bo rgya mtsho kun las brgal// sbyor ba'i dgon pa las byung ba// nyon mongs nye ba'i kun nyon mongs// bag chags bcas pa gtan spangs pa// snying rje chen po shes rab thabs// don yod 'gro ba'i don byed pa// 'du shes kun gyi don spangs shing // rnam shes don ni 'gag par byed// sems can kun yid yul dang ldan// sems can kun gyi yid rig pa// sems can kun gyi yid la gnas// de dag sems dang mthun par 'jug/ sems can kun yid tshim par byed// sems can kun gyi yid dga' ba// grub pa mthar phyin 'khrul pa med// nor ba thams cad rnam par spangs// don gsum the tshom med pa'i blo// kun don yon tan gsum gyi bdag/ phung po lnga don dus gsum du// skad cig thams cad bye brag byed// skad cig gcig gis rdzogs sangs rgyas// sangs rgyas kun gyi rang bzhin 'chang // lus med lus te lus kyi mchod// lus kyi mtha' ni rtogs pa po// gzugs rnams sna tshogs kun tu ston// nor bu chen po rin chen tog/ sangs rgyas kun gyis rtogs bya ba// sangs rgyas byang chub bla na med// gsang sngags las byung yi ge med// gsang sngags chen po rigs gsum pa// gsang sngags

  373. 187a

    don kun skyed pa po// thig le chen po yi ge med// stong pa chen po yi ge lnga// thig le stong pa yi ge brgya// rnam pa kun ldan rnam pa med// bcu drug phyed phyed thig le can// yan lag med pa'i rtsis las 'das// bsam gtan bzhi pa'i rtse mo can// bsam gtan yan lag kun shes shing // ting 'dzin rigs dang rgyud rig pa// ting 'dzin lus can lus kyi mchog/ longs spyod rdzogs sku kun gyi rgyal// sprul pa'i sku ste sku yi mchog/ sangs rgyas sprul pa'i rgyud 'chang ba// phyogs bcur sprul pa sna tshogs 'gyed// ji bzhin 'gro ba'i don byed pa// lha dang lha dbang lha yi lha// lha yi dbang po lha min bdag/ 'chi med dbang po lha yi bla// 'joms byed 'joms byed dbang phyug go/ srid pa'i dgon pa las brgal ba// ston pa gcig pu 'gro ba'i bla// 'jig rten phyogs bcur rab grags pa// chos kyi sbyin bdag che ba po// byams pa'i go cha chas pa ste// snying rje yi ni ya lad bgos// shes rab ral gri mda' gzhu thogs// nyon mongs mi shes g.yul ngo sel// dpa' bo bdud dgra bdud 'dul ba// bdud bzhi'i 'jigs pa sel bar byed// bdud kyi dpung rnams pham byed pa// rdzogs pa'i sangs rgyas 'jig rten 'dren// mchod 'os bstod 'os phyag gi gnas// rtag tu ri mor bya ba'i 'os// bkur 'os rjed par bya ba'i

  374. 187b

    mchog/ phyag byar 'os pa bla ma'i rab// 'jig rten gsum po gom gcig bgrod// mkha' ltar mtha' med rnam par gnon// gsum rig gtsang ma dag pa ste// mngon shes drug ldan rjes dran drug/ byang chub sems dpa' sems dpa' che// rdzu 'phrul chen po'i 'jig rten 'das// shes rab pha rol phyin pa'i mtha'// shes rab kyis ni de nyid thob// bdag rig gzhan rig thams cad pa// kun la phan pa'i gang zag mchog/ dper bya kun las 'das pa ste// shes dang shes bya'i bdag po mchog/ gtso bo chos kyi sbyin bdag ste// phyag rgya bzhi po'i don ston pa// 'gro ba'i bsnyen bkur gnas kyi mchog/ nges 'byung gsum po bgrod rnams kyi// don gyi dam pa rnam dag dpal// 'jig rten gsum na skal bzang che// dpal ldan 'byor pa kun byed pa// 'jam dpal dpal dang ldan pa'i mchog/ mchog sbyin rdo rje mchog khyod 'dud// yang dag mthar 'gyur khyod la 'dud// stong nyid las byung khyod la 'dud// sangs rgyas byang chub khyod la 'dud// sangs rgyas chags pa khyod pa 'dud// sangs rgyas 'dod la phyag 'tshal 'dud// sangs rgyas dgyes pa khyod la 'dud// sangs rgyas rol la phyag 'tshal 'dud// sangs rgyas 'dzum pa khyod la 'dud// sangs rgyas bzhad la phyag 'tshal 'dud// sangs rgyas gsung nyid khyod la 'dud// sangs

  375. 188a

    rgyas thugs la phyag 'tshal 'dud// med pa las byung khyod la 'dud// sangs rgyas 'byung ba khyod la 'dud// nam mkha' las byung khyod la 'dud// ye shes las byung khyod la 'dud// sgyu 'phrul dra ba khyod la 'dud// sangs rgyas rol ston khyod la 'dud// thams cad thams cad khyod la 'dud// ye shes sku nyid khyod la 'dud// // lag na rdo rje rdo rje 'chang / 'di ni bcom ldan 'das kyi ye shes sku/ de bzhin gshegs pa thams cad kyi ye shes sku/ 'jam dpal ye shes sems dpa'i ye shes sku yongs su dag pa'o// ma 'dres pa/ thun mong ma yin pa/ khyod kyi dga' ba dang / dad pa dang / mgu ba chen po bla na med pa bskyed pa dang / lag na rdo rje rdo rje 'chang / khyod kyi lus dang ngag dang yid kyi gsang ba yongs su dag par byed pa dang / yongs su ma rdzogs pa dang / yongs su ma dag pa'i sa dang / pha rol tu phyin pa dang / bsod nams dang ye shes kyi tshogs rnams yongs su rdzogs shing / yongs su dag par bya ba dang / bla na med pa'i don ma rtogs pa rtogs par bya ba dang / ma thob pa thob par bya ba nas/ de bzhin gshegs pa thams cad kyi dam pa'i chos kyi tshul yang dag par gzung ba'i bar gyi phyir ngas bshad cing yang dag par bstan te/ bkrol zhing rnam par phye ba gsal bar byas so// lag na rdo rje rdo rje 'chang / 'di ni ngas

  376. 188b

    khyod kyi rgyud la yang gsang sngags thams cad kyi chos nyid kyi byin gyis rlabs kyi byin gyis brlabs so// lag na rdo rje rdo rje 'chang / gzhan yang ming yang dag par brjod pa 'di ni/ thams cad mkhyen pa'i ye shes dang / sku dang gsung dang thugs kyi gsang ba shin tu yongs su dag cing byang ba'o// sangs rgyas kyi byang chub bo// yang dag par rdzogs pa'i sangs rgyas rnams kyi mngon par rdzogs pa'o// bde bar gshegs pa rnams kyi chos kyi dbyings bla na med pa thugs su chud pa'o// rgyal ba rnams kyi bdud kyi stobs thams cad pham par mdzad pa'o// stobs bcu dang ldan pa thams cad kyi stobs bcu'i stobs nyid do// thams cad mkhyen pa rnams kyi thams cad mkhyen pa nyid do// chos thams cad kyi lung ngo // sangs rgyas thams cad kyi yang dag par bsgrub pa'o// byang chub sems dpa' chen po thams cad kyi bsod nams dang ye shes kyi tshogs yongs su rdzogs pa// dri ma med cing shin tu rnam par dag pa'i skye gnas so// nyan thos dang rang sangs rgyas thams cad kyi zhing ngo // lha dang mi thams cad kyi phun sum tshogs pa'o// theg pa chen po'i gzhi'o// byang chub sems dpa'i spyod pa'i 'byung gnas so// 'phags pa'i lam thams cad kyi mtha'o// rnam par grol ba rnams brtag pa'o// nges par 'byung ba'i lam skye ba'i gnas so// de bzhin gshegs

  377. 189a

    pa'i gdung mi 'chad pa'o// byang chub sems dpa'i rigs dang rgyud rab tu 'phel ba'o// pha rol rgol ba thams cad tshar gcod pa'o// mu stegs can thams cad rnam par 'joms pa'o// bdud bzhi'i stobs dang dpung dang sde pham par byed pa'o// sems can thams cad yang dag par sdud pa'o// nges par 'byung ba bgrod pa thams cad kyi 'phags pa'i lam yongs su smin pa'o// tshangs pa'i lam bzhi la gnas pa rnams kyi ting nge 'dzin to// sems rtse gcig pa rnams kyi bsam gtan no// lus dang ngag dang yid 'dul ba la brtson pa rnams kyi rnal 'byor ro// kun tu sbyor ba thams cad dang bral ba'o// nyon mongs pa dang nye ba'i nyon mongs pa thams cad spong ba'o// sgrib pa thams cad rnam par zhi ba'o// 'ching ba thams cad las rnam par grol ba'o// rdzas thams cad las thar ba'o// sems kyi g.yeng ba thams cad zhi ba'o// 'byor pa thams cad kyi 'byung gnas so// rgud pa thams cad sel ba'o// ngan song gi sgo thams cad gcod pa'o// rnam par grol ba'i grong khyer gyi lam bzang po'o// 'khor ba'i 'khor lo la mi 'jug pa'o// chos kyi 'khor lo bskor ba'o// de bzhin gshegs pas bstan pa'i gdugs dang // rgyal mtshan dang / ba dan sgreng ba'o// dam pa'i chos ston pa'i gnas so// byang chub sems dpa' gsang sngags kyi

  378. 189b

    sgo'i spyad pa spyod pa rnams kyi myur du 'grub pa'o// byang chub sems dpa' bsgom pa la mngon par brtson pa rnams kyi rtogs pa'o// byang chub sems dpa' sems dpa' chen po shes rab kyi pha rol tu phyin pa la mngon par brtson pa rnams kyi stong pa nyid so sor rtogs pa'o// gnyis su med par so sor rtogs par mngon par brtson pa rnams kyi rdzogs pa'o// pha rol tu phyin pa dang tshogs thams cad yongs su dag pa'o// sa thams cad yongs su rdzogs pa'o// 'phags pa'i bden pa bzhi po rnams kyi so sor rtogs pa'o// chos thams cad kyi dran pa nye bar gzhag pa rnams sems rtse gcig gis rtogs pa'o// ming yang dag par brjod pa 'di ni sangs rgyas kyi yon tan thams cad kyi bar du yang yongs su rdzogs par byed pa'o// lag na rdo rje rdo rje 'chang // gzhan yang ci skad du bshad pa'i ming yang dag par brjod pa 'di// sems can thams cad kyi lus dang // ngag dang yid la kun tu spyod pa'i sdig pa ma lus pa rab tu zhi bar byed pa'o// sems can thams cad kyi ngan song thams cad rnam par sbyong ba'o// ngan 'gro thams cad bzlog pa'o// las kyi sgrib pa thams cad yang dag par gcod pa'o// mi khom pa brgyad po thams cad kyi skye ba'i rgyun mi skye bar byed pa'o// 'jigs pa chen po brgyad rnam par zhi bar byed pa'o// rmi lam ngan pa thams

  379. 190a

    cad nges par 'jig par byed pa'o// ltas ngan pa thams cad nges par sel bar byed pa'o// ltas ngan dang bgegs thams cad rnam par zhi bar byed pa'o// bdud kyi dgra'i las thams cad ring du spong bar byed pa'o// dge ba'i rtsa ba dang bsod nams thams cad 'phel bar byed pa'o// tshul bzhin ma yin pa yid la byed pa thams cad mi skye bar byed pa'o// rgyags pa dang / nga rgyal dang / dregs pa dang / ngar 'dzin pa thams cad ma lus par 'joms par byed pa'o// sdug bsngal dang yid mi bde ba thams cad mi skye bar byed pa'o// de bzhin gshegs pa thams cad kyi snying por gyur pa'o// byang chub sems dpa' thams cad kyi gsang bar gyur pa'o// nyan thos dang rang sangs rgyas thams cad kyi gsang chen du gyur pa'o// phyag rgya dang gsang sngags thams cad du gyur pa'o// chos thams cad brjod du med par smra ba rnams kyi dran pa dang // shes bzhin yang dag par skyed pa'o// bla na med pa'i shes rab dang // yid gzhungs par byed pa'o// nad med pa dang // stobs dang dbang phyug phun sum tshogs par byed pa'o// dpal dang dge ba dang zhi ba dang legs pa rab tu 'phel bar byed pa'o// grags pa dang snyan pa dang tshigs su bcad pa dang // bstod pa dang grags par byed pa'o// nad dang 'jigs pa chen po thams cad rab tu zhi

  380. 190b

    bar byed pa'o// shin tu rnam par dag pa rnams kyi yang shin tu rnam par dag pa'o// shin tu dag byed rnams kyi yang shin tu dag byed do// shin tu 'byor ldan rnams kyi yang shin tu 'byor ldan no// shin tu bkra shis pa rnams kyi yang shin tu bkra shis pa'o// skyabs 'dod pa rnams kyi skyabs so// gnas 'dod pa rnams kyi gnas so// skyob med pa rnams kyi skyob pa'o// dpung gnyen 'dod pa rnams kyi dpung gnyen no// gling 'dod pa rnams kyi gling ngo // 'khras med pa rnams kyi 'khras bla na med pa'o// srid pa'i rgya mtsho'i pha rol tu 'gro ba rnams kyi gru'o// nad thams cad sel ba'i sman gyi rgyal po chen po'o// blang ba dang / dor ba'i dngos po bye brag phyed pa'i shes rab nyid do// lta ba ngan pa'i mun pa mun nag thams cad sel ba'i ye shes kyi snang ba'o// sems can thams cad kyi bsam pa ji lta ba bzhin yongs su rdzogs par byed pa'i yid bzhin gyi nor bu lta bu'o// 'jam dpal ye shes kyi sku thob par bya ba'i thams cad mkhyen pa'i ye shes so// spyan lnga thob par bya ba'i ye shes mthong ba yongs su dag pa'o// zang zing dang / mi 'jigs pa dang / chos kyi sbyin pa gtong ba'i phyir// pha rol tu phyin pa drug yongs su rdzogs pa'o// bsod nams dang ye shes kyi tshogs dang / ting nge 'dzin yongs su rdzogs pa'i phyir sa bcu thob pa'o// chos gnyis dang

  381. 191a

    bral ba'i phyir/ gnyis su med pa'i chos nyid do// sgro btags pa med pa'i phyir/ de bzhin nyid kyi rang bzhin dang / gzhan ma yin pa'i chos nyid do// de bzhin gshegs pa'i ye shes yongs su dag pa'i ngo bo nyid yin pa'i phyir/ yang dag pa'i mtha'i rang bzhin nyid do// blta ba ngan pa'i tshang tshing brgya stong ma lus par sel ba'i phyir/ rnam pa thams cad rnam pa med pa stong pa nyid kyi rang bzhin nyid do// ming yang dag par brjod pa 'di ni/ 'di lta ste/ gnyis su med pa'i chos nyid kyi ming yang dag par 'dzin pa ston pa'i phyir/ chos thams cad brjod du med pa'i rang bzhin nyid do// lag na rdo rje rdo rje 'chang / gzhan yang rigs kyi bu'am/ rigs kyi bu mo gsang sngags kyi sgo'i spyad pa spyod pa gang la la bcom ldan 'das 'jam dpal ye shes sems dpa' de bzhin gshegs pa thams cad kyi ye shes kyi sku/ gnyis su med pa'i na dam pa'i ming yang dag par brjod pa/ ming gi gtsug gi nor bu 'di thams cad yongs su rdzogs pa dang / ma nyams shing lhag chad med par tshigs su bcad pa'i tshig dang / yig 'bru 'di nyid kyis nyin gcig bzhin du dus gsum du 'chang ba dang / klog pa dang / kun chub par byed pa dang / tshul bzhin du yid la byed pa dang / gzhan dag la yang dam tshig bzhin du/ ci lta ba bzhin du ston pa dang / ming gi don

  382. 191b

    gang yang rung ba re re nas kyang 'jam dpal ye shes kyi sku la dmigs te/ kun nas sgo'i gnas pas gnas pa dang / chos thams cad rtog pa'i mchog rnyog pa med pa'i dad pa dang ldan bzhin pa dang / mos pa dang de kho na nyid yid la byed pas sems rtse gcig tu bsgom pa de la ni/ dus gsum gyi dus med pa dang ldan pa'i sangs rgyas dang / byang chub sems dpa' thams cad 'dus te gshegs nas/ chos kyi sgo thams cad ston par mdzad de sku yang ston to// sangs rgyas dang byang chub sems dpa' thams cad kyis byin gyis rlob par mdzad de/ sku dang gsung dang thugs thams cad kyis byin gyis rlob par mdzad de/ sku dang gsung dang thugs thams cad kyis de'i rgyud la yang dag par byin gyis rlob bo// sangs rgyas dang byang chub sems dpa' thams cad kyis phan gdags pas kyang phan 'dogs par mdzad do// chos thams cad la mi 'jigs pa'i spobs pa yang sgrub par mdzad do// dgra bcom pa dang nyan thos dang / rang sangs rgyas thams cad kyang 'phags pa'i chos la sdug par 'dzin pa'i bsam pas bdag nyid kyi dngos po yang nye bar ston par byed do// ma rungs pa 'dul ba'i khro bo'i rgyal po chen po rnams dang / rdo rje 'chang chen po la sogs pa 'gro ba yongs su skyobs pa rnams kyang / sprul pa'i gzugs kyi lus sna tshogs kyis/ mdangs dang

  383. 192a

    stobs dang gzi brjid zil gyis mi non pa dang / gsang sngags dang / phyag rgya dang / mngon par rtogs pa dang / dkyil 'khor thams cad sgrub par byed do// gsang sngags dang / rig sngags kyi rgyal mo ma lus pa dang / bgegs dang log 'dren dang / bdud kyi dgra dang / phyir zlog pa dang / gzhan gyis mi thub pa chen po thams cad dang / nyin mtshan phyed par skad cig re re la spyod lam thams cad du srung ba dang / skyob pa dang / sbed par byed do// tshangs pa dang dbang po dang nye dbang po dang / drag po dang / tshan po che dang / kun 'gyed gzhon nu dang / dbang phyug chen po dang / smin drug gi bu dang / nag po chen po dang / dga' byed dbang phyug dang / gshin rje dang / chu lha dang / ku be dang / 'phrog ma dang / phyogs bcu'i 'jig rten skyong ba rnams kyang // rtag tu rgyun mi 'chad par/ nyin mtshan phyed par 'gro yang rung / 'greng yang rung / 'dug kyang rung / nyal yang rung / gnyid log kyang rung / ma log kyang rung ba na/ srung ba dang skyob pa dang / sbed par byed do// mnyam par gzhag kyang rung / mnyam par ma bzhag kyang rung / gcig pur 'dug kyang rung / skye bo mang po'i nang na 'dug kyang rung / grong dang / grong khyer dang / grong rdal dang / ljongs dang / yul 'khor dang / rgyal po'i pho brang na 'dug kyang rung / sgo kha dang / sgo khang dang /

  384. 192b

    khri lam dang / srang dang / bzhi mdo dang / sum mdo dang / grong bar dang / tshong khang na 'dug kyang rung / khang stong dang / ri dang / chu klung dang / tshal dang / nags tshang tshing na 'dug kyang rung / gtsang sbra ma byas pa dang / ra ro ba dang / bag med par 'dug kyang rung ste/ rtag tu rnam pa thams cad du ci'i sgo nas kyang mchog tu srung ba dang / skyob pa dang / sbed par byed do// nyin mtshan du yang mchog tu bde legs su 'gyur bar byed do// gang yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa gzhan dag kyang / gza' dang / rgyu skar dang / ma mo rnams dang / tshogs kyi bdag po gzhan rnams dang / ma mo bdun po gang yin pa rnams dang / gnod sbyin mo dang / srin mo dang / sha za mo gang yin pa de dag thams cad kyang 'dus shing gcig tu mthun par dpung dang bcas/ 'khor dang bcas pas srung ba dang / skyob pa dang / sbed pa thams cad byed par 'gyur ro// mdangs dang / stobs dang / gzi brjid mchog kyang de'i lus la 'jug par byed do// nad med pa dang / stobs dang tshe 'phel bar yang 'grub par byed do// lag na rdo rje rdo rje 'chang / gzhan yang ming gi gtsug gi nor bu 'di/ gang gis nyin gcig bzhin du dus gsum du ma nyams par yi

  385. 193a

    dam du lan gsum du kha ton du byas te bton tam/ glegs bam du byas pa klog cing brjod la/ bcom ldan 'das 'jam dpal ye shes sems dpa'i gzugs yid la dmigs shing / gzugs dang mthun par sems te/ de'i gzugs dang mthun pa bsam gtan byed pas ni/ 'dul ba'i dbang gi phyir/ ring por mi thogs par de nyid kyi sprul pa'i gzugs kyi sku mthong bar 'gyur ro// sangs rgyas dang byang chub sems dpa' thams cad kyi gzugs kyi sku rnam pa sna tshogs dang ldan pa/ nam mkha'i dkyil na bzhugs pa dag kyang mthong bar 'gyur ro// sems can chen po de ni nam yang ci ltar gyur kyang ngan 'gro/ ngan song du ltung bar mi 'gyur ro// rigs ngan du skye bar mi 'gyur ro// yul mtha' 'khob tu skye bar mi 'gyur ro// dbang po ma tshang bar mi 'gyur ro// log par blta ba dang / blta ba ngan pa'i rigs su skye bar mi 'gyur ro// sangs rgyas mi bzhugs pa'i sangs rgyas kyi zhing du skye bar mi 'gyur ro// sangs rgyas bzhugs na yang des dam pa'i chos spang ba dang / lha tshe ring po'i nang du skye bar mi 'gyur ro// mu ge dang nad dang / mtshon gyi bar gyi bskal ba'i nang du yang skye bar mi 'gyur ro// snyigs ma lnga'i dus su yang skye bar mi 'gyur ro// rgyal po dang / dgra dang / chom rkun gyi 'jigs pa yang 'byung bar mi 'gyur ro// ci nas

  386. 193b

    kyang dman pa dang / dbul ba'i 'jigs pa yang 'byung bar mi 'gyur ro// dri ngas dang / skur pa dang / smad pa dang / mi snyan pa dang / gtam ngan gyi 'jigs pa yang 'byung bar mi 'gyur ro// rgyud dang rus dang rigs bzang po dang yang ldan par 'gyur ro// kun nas mdzes pa dang / gzugs dang / kha dog dang ldan par 'gyur ro// 'jig rten pa rnams la sdug pa dang / yid du 'ong ba dang / 'grogs na bde ba dang / mthong na dga' bar yang 'gyur ro// 'jig rten pa rnams la mdzes pa dang / skal ba dang ldan pa dang / tshig btsan par yang 'gyur ro// gang dang gang du skyes pa de dang der yang skye ba dran par 'gyur ro// longs spyod kyi gzhi che ba dang / 'khor mang ba dang / longs spyod kyi gzhi mi zad pa dang / 'khor mi zad par yang 'gyur ro// sems can thams cad kyi mchog dang / yon tan mchog dang yang ldan par 'gyur ro// rang bzhin gyis kyang pha rol tu phyin pa drug gi yon tan dang yang ldan par 'gyur ro// tshangs pa'i gnas bzhi la yang gnas par 'gyur ro// dran pa dang / shes bzhin dang / thabs dang / stobs dang / smon lam dang / ye shes dang ldan par 'gyur ro// bstan bcos thams cad la 'jigs pa med pa dang / sgra mkhas par yang 'gyur ro// mi blun pa dang / tshig gsal ba dang / sgrin por 'gyur ro// shes

  387. 194a

    nyan can dang / le lo med pa dang / chog shes pa dang / nor mang ba dang / sred pa med par yang 'gyur ro// sems can thams cad kyi mchog tu yid brtan par bya ba dang / slob dpon dang / mar bkur bar yang 'gyur ro// des sngon ma thos pa'i bzo dang / sgyu rtsal dang / mngon par shes pa'i shes pa dang / bstan bcos thams cad kyang don dang yi ge'i sgo nas shes par 'gyur ro// tshul khrims dang / 'tsho ba dang / kun tu spyod pa shin tu yongs su dag par spyod pa dang / legs par rab tu 'byung ba dang / legs par bsnyen par rdzogs par yang 'gyur ro// thams cad mkhyen pa nyid kyi byang chub kyi sems kyang mi brjed par 'gyur ro// nyan thos dang dgra bcom pa dang rang sangs rgyas kyi nges pa la nam yang 'jug par mi 'gyur ro// lag na rdo rje rdo rje 'chang / de ltar yon tan dpag tu med pa dag dang ldan par 'gyur te/ rnam pa de lta bu'i yon tan gyi tshogs dpag tu med pa gzhan dag dang yang ldan par 'gyur ro// lag na rdo rje rdo rje 'chang / don dam pa'i ming yang dag par brjod pa 'di yang dag par 'dzin pa'i skyes bu gang zag de ni/ bsod nams dang ye shes kyi tshogs legs par bsags shing / sangs rgyas kyi yon tan rnams shin tu bsgrubs nas/ ring por mi thog par bla na med pa yang dag par rdzogs pa'i byang chub tu

  388. 194b

    mngon par rdzogs par 'tshang rgya bar 'gyur te/ bskal pa mang por yongs su mya ngan las 'da' ba'i chos su mi 'gyur bar/ sems can thams cad la bla na med pa'i chos ston pa dang / phyogs bcur dam pa'i chos kyi rnga sgra chen po rgyun mi 'chad par sgrogs pa'i chos kyi rgyal por 'gyur ro/ oM sarba d+harma b+hA wa swa b+hA wa/ bi shud+d+ha badz+ra a A aM aH/ pra kr-i ti pa ri shud+d+haHsarba d+harmA ya du ta sarba ta thA ga ta/ dz+nyA na kA la ya many+dzu shri pa ri shud+d+ha tA mu pA dA ya ti aM aH/ sarba ta thA ga ta hr-i da ya/ ha ra ha ra/ oM hUM hrIH/ b+ha ga wAn dz+nyA na mun+ti wA gI shwa ra/ ma hA pa tsa sarba d+harma/ ga ga nA ma la su pa ri shud+d+ha/ d+harma d+hA tu dz+nyA na gar+b+ha AH/ de nas dpal ldan rdo rje 'chang // dga' zhing mgu nas thal mo sbyar// mgon po bcom ldan de bzhin gshegs// rdzogs sangs rgyas la phyag 'tshal nas// de ni mgon po gsang ba'i bdag/ lag na rdo rje khro bo'i rgyal// sna tshogs gzhan dang lhan cig tu// gsang bstod nas ni tshig 'di gsol// mgon po bdag cag yi rang ngo // legs so legs so legs par gsungs// rnam grol 'bras bu 'tshal ba yi// 'gro ba mgon med rnams dang bdag cag yang dag rdzogs pa yi// byang chub thob pa'i don chen mdzad// sgyu 'phrul dra ba'i tshul bstan pa// 'di ni rna dag legs pa'i lam// zab cing yangs la rgya che ste// don chen 'gro ba'i don byed

  389. 195a

    pa// sangs rgyas rnams kyi yul 'di ni// rdzogs pa'i sangs rgyas kun gyis bshad// bcom ldan 'das 'jam dpal ye shes sems dpa'i don dam pa'i mtshan yang dag par brjod pa/ bcom ldan 'das de bzhin gshegs pa shAkya thub pas gsungs pa rdzogs so// // 'di sgyu 'phrul bzhi bcu pa yin// @#// bod skad du/ gsang ba'i snying po de kho na nyid nges pa'o// bcom ldan 'das dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku gsung thugs rdo rje'i bdag nyid/ ma lus mi lus lus pa med pa thams cad dang / so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa'i/ gzhi tshad med pa'i ye shes kyi 'khor lo khyab par gsal ba la/ ye shes rin po che 'bar ba'i gzhal yas khang / rgya phyogs bcur yongs su ma chad pa yon tan dpag tu med par rgyas pa'i phyir gru bzhi par gyur pa/ lhag pa'i ye shes rin po che'i glo bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus par mnyam pa thams cad/ so so ma yin ngo bo nyid gcig pa'i ye shes kun tu

  390. 195b

    'khyil ba/ ye shes bsam gyis mi khyab pa'i rin po che dbyibs dang kha dog la sogs te/ rnam pa tha dad pa'i bye brag dang khyad par du gyur pa/ tshad dpag tu med pa/ ye shes rin po che sna tshogs kyi phreng ba dang / chun 'phyangs dang / shar bu'i rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs/ reg bya sna tshogs kyis phyogs bcur 'khrigs pa/ rang byung la/ mi bsgrib par gsal ba'i rgyan bsam gyis mi khyab pas bklubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa/ phyi dang nang med pa kun tu yang nang du gyur pa na/ mi 'jigs pa seng ge'i khri dang / stobs glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba'i nyi zla'i dkyil 'khor dang / gos pa med pa pad+ma rin po che'i gdan la/ sku mdun dang rgyab med pa thams cad tu zhal thal le bar gsal zhing / mtshan dang dpe byad du ldan pa/ bsam gyis mi khyab pa thams cad du sku gsung thugs sna tshogs par kun tu snang ba/ lhun gyis grub pa'i sku gsung thugs chen po las/ thams cad du rdzogs pa'i tshul/ thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa/ ye shes drug gi/

  391. 196a

    phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum dang ldan pa 'di lta ste/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kyi rgyal po de dag kun kyang / mthing ga dang / dkar po dang / ser po dang / leb rgan dang ljang gu'i mdog tu 'tsher ba/ btsun mo dam pa snang ba'i dbyings dang / sra ba'i dbyings dang / mnyen pa'i dbyings dang / dro ba'i dbyings dang / bskyod pa'i dbyings la sogs pa/ btsun mo'i tshogs dang gnyis su med par chos kyi dbyings kun tu mtha' yas par khyab pa ni/ 'di lta ste/ dper na til gyi gang bu bzhin du gang nas khyab par bzhugs so// de nas byang chub chen po rdo rje mthong ba dang / byang chub chen po rdo rje thos pa dang / byang chub chen po rdo rje sdom pa dang / byang chub chen po rdo rje myong ba dang / btsun mo mthong bar bya ba dang / mnyan par bya ba dang / bsnam par bya ba dang / myang bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje snom byed dang / byang chub chen po rdo rje myong byed

  392. 196b

    dang / btsun mo 'das pa dang / da ltar dang / 'byung ba dang / ma byon pa'i tshogs dang / 'joms pa chen po reg pa dang / 'joms pa chen po reg bya dang / 'joms pa chen po reg byed dang / 'joms pa chen po reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa de lta bu'i tshogs brjod kyis mi lang ba dang gnyis su med par bzhugs so// de nas de bzhin gshegs pa btsun mo'i tshogs dang gnyis su med pa'i dkyil 'khor chen po de dag nyid kyi gsang ba 'di nyid sku dang gsung dang thugs dang yon tan phrin las rdo rje las phyung ngo ngo// e e e ma ho// de bzhin nyid kyi dbyings nyid dbang sgyur ye shes dkyil 'khor thugs rje'i ngang / rang snang ba nyid ting 'dzin gzugs brnyan sgyu ma rnam dag gsal ba ni/ sku dang gsung dang thugs dang yon tan phrin las sel med pa yi yon tan yid bzhin nor bu rin po che/ mi zad par ldan rgyan gyi 'khor lo rdo rje mchog gi gnas nyid do// zhes rdo rje gsang ba'i tshig tu'o// gsang ba'i snying po de kho na nyid nges pa las gleng gzhi'i le'u ste dang po'o// // de nas bcom ldan 'das byed pa po/ rdo rje yid kun tu bzang po/ thams cad ma lus pa'i rang bzhin gyi tshul rdo rjes/ btsun mo chos bya ba mo kun tu bzang mo

  393. 197a

    la 'jug par gyur te/ ched du brjod pa 'di brjod do// oM chos kyi chos nyid bya ba'i dbyings// kun tu bzang mo bde ba'i yum// ma g.yos rang bzhin dkyil 'khor ni// bdag yin bdag gi spyod yul ba// phyag rgya sna tshogs so sor gsal// nub phyogs 'og min gnas mchog tu// ma chags pad+ma'i gdan bting ba// dus gsum rgyal ba bzhugs pa'i gnas// rnam par thar pa'i sgo bzhi la// phyag rgya bzhi dang yang dag ldan// dbang dang skal min bsam pa'i rig/ nang dang phyi rim lcags dang ldan// rgyal ba yongs kyis sbas pa yi// sus kyang gting dpag dka' ba de// kun tu bzang po nyid kyis gzigs// zhes brjod pas/ btsun mo bya ba chos kun tu bzang mo la 'jug par gyur to// zhugs nas btsun mo bya ba chos kun tu bzang mos// bcom ldan 'das yid kun tu bzang po dang gnyis su med pa'i longs spyod bde ba mnyam par gnas te/ ched du brjod pa 'di brjod do// sems kyi sems nyid byed pa'i gtso// kun tu bzang po rdo rje'i yid// ye shes drug gi rang bzhin te// shar phyogs mngon dga' bsam yas na// ni la lta bur gter 'byin pa// gsang 'dus 'phrul gyi lde mig gis// rnam par thar pa'i sgo phye nas// byang chub mchog gi nang gtan dgrol// mnyam sbyor pad+ma'i gdan la bzhugs// 'gro don byang chub sems bskyed

  394. 197b

    nas// 'gro lnga skye bzhir dbang du bsdus// sku gsung thugs gnas dbang bskur to// zhes brjod pas/ thams cad mnyam pa chen po'i tshul rdo rje nyid du gsal bar gyur to// zhugs pas phyogs bcu'i de bzhin gshegs pa ma lus pa thams cad gcig gi rang bzhin dbyer med pas/ de bzhin gshegs pa nyid de bzhin gshegs pa nyid la ched du brjod pa 'di brjod do// e ma'o// rdo rje phung po'i yan lag ni// rdzogs pa'i sangs rgyas lnga ru grags// skye mched khams rnams mang po kun// byang chub sems dpa'i dkyil 'khor nyid// sa chu spyan dang mA la kI/ me rlung gos dkar sgrol ma ste// nam mkha' dbyings kyi dbang phyug ma// srid gsum ye nas sangs rgyas zhing // thams cad ma lus chos so cog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi rnyed do// zhes brjod pas// de bzhin gshegs pa thams cad mnyes par gyur to// de nas btsun mo bya ba mo chos kun tu bzang mos// bcom ldan 'das yid kun tu bzang po dang gnyis su med par gyur nas ched du brjod pa 'di brjod do// e ma ho// phyogs bcu stong khams ye nas dben// srid pa gsum nyid dag pa'i zhing // snyigs ma lnga nyid bde ldan gnas// phung po lnga nyid mngon sangs rgyas// thams cad mchog gi snying

  395. 198a

    po bas// gzhan du rgyal bas chos mi btsal// nyid las gzhan zhes bya ba'i chos// btsal kyang rgyal bas mi brnyes so// zhes brjod pas/ thams cad ye nas sangs rgyas pa de bzhin gshegs pa nyid kyis mkhyen to// gsang ba'i snying po de kho na nyid nges pa las/ gleng bslang ba'i le'u ste gnyis pa'o// // de nas gnyis su med pa'i bdag nyid chen pos/ ye nas sangs rgyas pa'i sems ye shes su bskyed pa 'di gsungs so// e ma ho/ ngo mtshar rmad kyi chos// rdzogs pa'i sangs rgyas kun gyi gsang // skye ba med las thams cad skyes// skyes pa nyid na skye ba med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gag pa med las thams cad 'gags// 'gags pa nyid na 'gag pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // gnas pa med la thams cad gnas/ gnas pa nyid na gnas pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // dmigs pa med las thams cad dmigs// dmigs pa nyid na dmigs pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gro 'od med las 'gro dang 'ong // 'gro 'ong nyid nas 'gro 'od med// ces brjod pas/ de bzhin gshegs pa thams cad dang //

  396. 198b

    btsun mo'i tshogs thams cad mnyes par khyab par gyur to// de nas de bzhin gshegs pa thams cad btsun mo'i tshogs dang bcas pas ched du brjod pa 'di brjod do// e ma ho ye nas gsang ba'i chos// sna tshogs snang la rang bzhin gsang // ngo bo nyid kyis rab tu gsang // gzhan du min las shin tu gsang // zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo nyid du gcig pa'i mtshan nyid yin par dbyer med na'ang / 'gro ba'i rnam par rtog pa ma rig pa las/ 'gro ba lnga'i rigs bsam gyis mi khyab par smin pa la/ thugs rje chen po sangs rgyas kyi ye shes chen po skyes nas/ ched du brjod pa 'di brjod do// e ma ho bde gshegs snying po las// rang gi rnam rtog las kyis sbrul// sna tshogs lus dang longs spyod dang // gnas dang sdug bsngal la sogs pa// bdag dang bdag gis so sor 'dzin// sus kyang ma bcings bcing med de// bcing bar bya ba yod ma yin// rnam rtog bdag tu 'dzin pa yis// nan gyis mkha' la mdud pa 'dor// bcing med rnam par grol med pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid de bzhin gshegs pa nyid la ched du gleng ngo // gsang ba'i snying po de kho na nyid nges pa las//

  397. 199a

    don dam pa dang kun rdzob kyi byang chub sems ma shes su bskyed pa'i lan gyi gsum pa la// de nas de bzhin gshegs pa thams cad las/ thugs rje can thar byin gyis rlabs nas ba'i rig pa'i skyes bu thub pa drug/ de bzhin gshegs pa'i sku dang gsung dang thugs rdo rje las bton to// bton nas kyang las kyi dbang gis/ snrel gzhi dang / yan man gyi 'jig rten drug gi phyogs bcu mtha' yas mu med pa'i stong gsum gyi stong chen po re rer/ thub pa chen po bcom ldan 'das re res/ 'dul ba rnam pa bzhis 'gro ba rnam pa lnga'i don mdzad de/ bltams pa dang / rab tu byung ba dang / dka' thub mdzad pa dang / sangs rgyas pa dang bdud btul ba dang / chos kyi 'khor lo bskor ba dang / cho 'phrul chen po bstan pa dang / mya ngan las 'das par ston pa'i thub pas/ dus bzhi kun tu mkhyen pa dang / thams cad kyi sems kyi rgyud kun tu mkhyen pa dang / rdzu 'phrul gyi spyan gyis kun tu gzigs pa dang / rdzu 'phrul gyi snyan gyis kun tu gsan pa dang / rdzu 'phrul gyi tshogs kun tu spyod pa dang / zag pa med pa kun tu bzang po'i spyod pa rdzogs pa'i mngon par shes pa drug dang / kun tu sku bsam gyis mi khyab pa dang / kun tu thugs bsam gyis mi khyab pa dang / kun tu zhal bsam gyis mi khyab pa dang / kun tu gsung

  398. 199b

    bsam gyis mi khyab pa dang ldan pa/ bsam gyis mi khyab pa grangs med par phyogs bcur snang bar gyur to// de ltar snang bar gyur nas/ ji snyed pa'i thub pa chen po/ snying rje'i go 'phang chen po thams cad kyang 'di lta ste/ 'dul ba'i dbang gis lha dang mi'i theg pa dang / nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / bla na med pa'i theg pas ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por/ chos kyi sgo mo stong phrag brgyad cu rtsa bzhi gsungs so// gsung ngo gsung bar 'gyur ro// de dag thams cad kyang / gzung ba dang 'dzin pa'i dbang gis phyi nang gi rten cing 'brel bar 'byung ba 'dzin pa'i 'khrul pa las ldog pa dang / las dang las kyi 'bras bu chud mi za ba dang / las dang las kyi 'bras bu mi gos/ gos par mi 'gyur ba dang / gos su med par ston pa'i mthar thug go/ de nas de bzhin gshegs pa thams cad kyis/ 'khor ba'i skyon dang / mya ngan las 'das pa'i yon tan bstan pa'i phyir/ de bzhin gshegs pa nyid la ched du brjod pa 'di brjod do// e ma ho dkyil 'khor bsam yas pa// snying po bla med ji snyed pa'i// gzhan gyis mi 'phrog rang bzhin rgyal// mtha' dang bral bas bdag med pa'o// de nas de bzhin gshegs pa thams cad kyis ched du

  399. 200a

    brjod pa 'di brjod do// e ma ho ji snyed 'jig rten 'khrul pa'i chos// ma rig rtog pa'i gzung 'dzin gyis// stong gi 'jig rten bsam yas par// phyi nang rten 'brel gnyis su 'khor// rtog pa'i bag chags stug po yis// mi mthun bde sdug myong bar 'gyur// de nyid ji bzhin dbyings nyid dang // rang bzhin bdag med tshul gcig ste// rang bzhin nyid las nyams pa med// yang dag sgyu ma'i tshul gnyis su// bdag dang bdag gi gzhan med de// de nyid ngo bo nyid dbyings pas// rnam dag dbyings nyid tshul gcig go/ bdag dang bdag gi gzhan rnams ni// log par rtog pa tsam nyid las// phra zhing zab pa'ang yod ma yin// log rtog nyid la nyid spyod de// gzhan du g.yo ba ci yang med// log rtog rgyu 'bras rgyun nyid kyang // gzhi rtsa med de skad cig ma// rnam par dag pa'i dbyings nyid tshul// nyid la dbang sgyur nyid spyod phyir// bdag dang gzhan dang rtog pa'i rgyun// rnam dag bla med theg pa'i mchog/ theg pa bzhi yi nges 'byung la// theg pa gcig gi 'bras bur gnas// yang dag rtogs pas rab brtags na// rang bzhin med la cir yang 'grub// sangs rgyas mya ngan yongs mi 'da'// chos kyang nub par mi 'gyur te// ma rig smin mdzad gdul ba'i phyir// byung nas mya ngan 'da' bar ston// 'dul ba mdo sde chos

  400. 200b

    mngon dang // dam tshig sgrub dang grub pa dang // sku dang gsung dang thugs kyi rgyud// ji snyed 'jig rten mtha' klas par// phyogs bcu kun tu rab grags pa// gsang ba'i snying po las 'phros te// rang bzhin gsang ba'i snying po 'di// sde snod kun dang rgyud kun gyi// ston pa'i thub pa bsam yas pa// 'byung gnas gtan la nges par 'debs// chos rnams ming du btags pa tsam// ston pas don dang mthun phyogs su// ming dang tshig tu btags nas bstan// ston ming tshig la dngos po med// ces brjod pas/ chos thams cad ngo bo nyid kyi lhun gyis grub pa chen por gsal bar gyur to// de nas de bzhin gshegs pa lhun gyis grub pa gnyis su med pa'i dkyil 'khor de dag nyid kyi gsang ba 'di nyid sku gsung thugs dang yon tan phrin las rdo rje las phyung ngo // a ho// srid rtsa'i nyes dmigs bdag tu rtog las spros// rgyud drug skye 'gag lus dang longs spyod dang // gnas dang sdug bsngal 'khrul 'khor la sogs pa// log rtog nyid las gzhan du ci yang med// stong nyid bdag med ye mkhyen rang rig thugs// dmigs bya dmigs byed da par dran dbang sgyur// ngo mtshar sku gsung yon tan zhing khams las// gzhan na med de de nyid de ltar yin// zhes rdo rje gsang ba'i tshig tu'o// thub pa drug gi sprul pa grangs med pa dang / de bzhin gshegs

  401. 201a

    pa thams cad kyi gsungs pa yang / de dag tu 'dus par de bzhin gshegs pa nyid kyis mkhyen to// gsang ba'i snying po de kho na nyid nges pa las/ chos thams cad gtan la phab pa'i le'u ste bzhi pa'o// // de nas de bzhin gshegs pa bcom ldan 'das dgyes pa chen pos 'gro ba thams cad la rang bzhin gyi dkyil 'khor yod par bstan pa dang / rigs rgyud drug tu yang bshad/ de la chos nyid kyi rigs ni thams cad kun la yang yod do// nam mkhas kyang kun la khyab par gnas so// de ltar chos kyi dbyings dang / nam mkha' kun la khyab kyang / mngon par thar pa'i don ma rtogs na/ me long g.yas g.yogs pa dang 'dra ste/ gzugs brnyan snang ba'i bya ba byed mi nus so// zhes gsungs nas/ yang 'di skad rdo rje 'chang gis gsungs so// mnyam nyid don rtogs rang rig rgyal po ni// rgya mtsho chen por chu klung kun 'bab ltar// bla med don rtogs thabs chen 'di dag tu// rnam thar theg pa ma lus mtha' yas 'dus// a ho// bdag med gnyis rtogs pha rol phyin rdzogs pa'i// sa bcu rim gyis bsgom pa'i rnal 'byor pa// sangs rgyas sar 'gro go 'phang 'thob pa'i lam// bden pa gnyis kyi sa rab thob par 'gyur// phyi nang rten 'brel sgyu ma mig yor tshul shes pa'i// dngos po gzugs la thogs med rab tu

  402. 201b

    'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/ bden bzhi'i don rtogs rab tu spong byed cing // ye shes bcu drug cha sbyangs rab zhi ba'i// rgyun zhugs la sogs rim par sbyangs nas ni// nyon mongs dgra rnams rab tu zhi ba'i sa ru 'gro// theg pa gang du bstan pa ma nges pa'i// yang na kun la mthun pas 'byams par 'jug/ yang na nges med 'di zhes brtag tu med// 'di ni ma nges rdo rje 'chang gis gsung // dge bcu spyod cing mi dge spong byed pa// 'dod khams lha dang mi ru skye ba'i rgyu// tshad med bzhi spyod mi g.yo sgom byed pa// tshangs gnas la sogs skye ba'i rgyu yin/ no// chos kyi dbyings kyis kun la khyab gyur kyang // rang rig rtogs pa'i skal dang mi ldan na// ji ltar dmus long mdun du mdog bstan bzhin// 'di ni skal med rigs chad pa yin no// chos kyi dbyings kyis kun la khyab pa yis// bla med theg pa bsam yas gsungs pa yang // so so rang rang blo la snang bar zad// ngan song 'gro drug sna tshogs rgyu ba yang // 'khrul pa'i log rtog blo nyid snang ba ste// de bzhin nyid kyi dbyings la 'gyur ba med// mi dmigs rang rig goms byas bla na med pa'i mchog/ log rtog bdag dang bdag gir 'dzin gyur na// dngos med mi sdug sna tshogs snang bar 'gyur// yang dag shes pa'i rang

  403. 202a

    rig blo med na// bde gshegs zhing yang ngan song gsum du mthong // theg mchog mnyam pa'i don nyid rtogs pa na// ngan song gnas nyid 'og min dga' ldan gnas// nam mkha'i dbyings nyid gtos ni bsam yas par// nyi zla gza' skar mtshan ma glog 'gyu dang // 'ja' tshon sprin mang sna tshogs 'khrugs gyur kyang // nam mkha'i dbyings la 'gyur zhing nyams pa med// mi dmigs chos kyi dbyings ni mtha' yas par// sku gsung yon tan phrin las rmad byung dang // 'jig rten gtso mchog ma lus thams cad dang // 'khrul 'khor sdug bsngal sna tshogs rnam mang yang // de bzhin nyid la 'phel zhing bri ba med// rgyud kyi rgyal po sgyu 'phrul dra ba las/ thams cad la chos nyid kyi rgyu yod pa dang / rigs rgyud chad pa dang / rigs brgyad so sor dbye ba'i mdo bshad pa'i le'u ste lnga pa'o// // de nas de bzhin gshegs pa thams cad dgongs pa gcig tu gyur nas/ mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar chos thams cad ming tsam du gnas pa'i yi ge phreng ba'i 'khor lo zhes bya ba 'di// sku dang gsung dang thugs rdo rje las phyung ngo // a/ rab tu brtan gyur a dkar las// shin tu phra ba'i a rnams 'phro// phyogs bcu gang bar gsal gyur nas// bsdus

  404. 202b

    kyang 'phel 'grib med par brtan// de las ming tshogs gsal 'bar kun// spro zhing bsdu ba'ang de bzhin no// 'di ni rdo rje'i dngos grub kyi// brtan 'byung ye shes rgyu yin no// a/ ka kha ga g+ha nga / tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha k+Sha/ i I/ u U/ e e/ o o/ 'di dag phyung bas/ 'jig rten drug gi phyogs bcu mtha' yas pa rnam pa drug tu g.yos// rab tu g.yos// kun tu g.yos nas/ chos thams cad ming gi mtshan nyid tsam du gyur to// de nas de bzhin gshegs pa thams cad kyi ched du brjod pa 'di brjod do// a ni stong dang mi stong gi/ dbu ma'ang dmigs su yod ma yin// thams cad ming tsam sangs rgyas kun// yi ge phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi ming gis thams cad bsdus// mngon rdzogs rgyal por de nyid nges// e ma ho ngo mtshar ya mtshan gyi// 'phrul chen bzhi bcu rtsa lnga'i ming // tshig rnams ma lus 'dzin pa'i gnas// sna tshogs don kun smra zhing ston// dngos med yi ge'i rang bzhin sems// bdag med mtha' bral mi dmigs kyang // dbyibs dang kha dog ming tshogs kyis// rol pa cir yang sprul cing ston// phyogs bcu dus bzhir gshegs pa yi// ye shes sems dpa'i sku gsung thugs// dkyil 'khor

  405. 203a

    bzhi bcu rtsa lnga nyid// yi ge'i mgo nas k+Sha la rdzogs// sems kyi rang bzhin yi ge ste// yi ge dngos po yod ma yin// dmigs med de nyid sna tshogs pa'i// sku gsung thugs kyi 'khor lo che// skra gsung thugs ni ngo mtshar gyi// ya mtshan 'phrul chen rab 'gugs pa'o// dbyings la dbyings kyis bris pa ste// yi ge zhes ni de phyir brjod// mgo ni ma nor lam yin te// tshig ni shes rab ming du smra// shad ni thabs chen tshigs su gcod// a ni skye med de bzhin nyid// Sha ni sgyu 'phrul rdo rje nyid// Ta ni snang ba'i sgyu 'phrul nyid// Da ni sgyu 'phrul yid bzhin nyid// D+ha ni sgyu 'phrul rnam dag nyid// Na ni kun tu sgyu 'phrul nyid// tha ni dra bas mngon rdzogs nyid// ta ni dra bas bstan pa nyid// da ni dra bas lham me nyid// d+ha ni dra bas 'khril ba nyid// na ni dra bas kun tu 'gyur// ka ni spyan gyi thugs kyi mchog/ kha ni snyan gyi thugs kyi mchog/ ga ni shangs kyi thugs kyi mchog/ g+ha ni ljags kyi thugs kyi mchog/ nga ni thugs kyang 'jig byed pa'o// tsa ni spyan gyi sku yi mchog/ tsha ni snyan gyi sku yi mchog/ dza ni shangs kyi sku yi mchog/ dz+ha ni ljags kyi sku yi mchog/ nya ni sku yang 'jig byed pa'o// pa ni spyan gyi gsung gi mchog/ pha ni snyan gyi gsung mchog ste// ba ni shangs kyi gsung mchog yin// b+ha ni ljags kyi gsung gi mchog/ ma ni gsung yang

  406. 203b

    'jigs par byed// ya ni skye ba rnam par dag/ wa ni gnas pa dag pa yin// ra ni 'jig pa dag pa ste// la ni stong pa dag pa'o// sha ni rtag med dag pa ste/ Sha ni chad pa yod ma yin// sa ni mtha' bral bdag med pa// ha ni mtshan ma med pa nyid// k+Sha ni ye shes thugs kyi thugs// i ni rdul snyed lha rnams su// I ni rdul snyed lha ma yin// u ni rdul snyed mi rnams su// U ni rdul snyed byol song rnams// e ni rdul snyed yi dwags su// e ni rdul snyed dmyal ba rnams// oM ni thams cad 'jig par byed// oM ni thams cad zhig pa yin// yi ge 'khor lo tshogs chen 'dis// sku gsung thugs kyi phreng ba bsdus// zhes brjod do// a ho// de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid// sku gsung thugs dang yon tan phrin las rdo rje las phyung ngo // a ho// thabs dang shes rab dgyes sprin byang chub sems tshogs rgyu 'khor lo// 'bras bu rgyal ba smin grub ngo mtshar ming tshogs bzhi bcu gnyis// 'dus ma byas nyid 'dus byas rdo rje'i dkyil 'khor 'byin pa'i dam// 'da' bar mi mdzad dbang med rgyu rkyen tshogs pa'i mthu chen yin// a ho/ zhes rdo rje gsang ba'i tshig tu'o// zhes brjod pas/ de bzhin gshegs pa thams cad yi ge'i 'khor lor gyur to// gsang ba'i

  407. 204a

    snying po de kho na nyid nges pa las/ yi ge phreng ba'i 'khor lo bkod pa'i le'u ste drug pa'o// // de nas de bzhin gshegs pa rgyud kyi rgyal po sgyu 'phrul dra ba las/ shin tu gsang ba'i phyir/ sngags kyi rgyud phyi ba dang / nang pa thabs kyi rgyud gzhan la khams bco brgyad du bstan/ gtsug lag thams cad la yang bco brgyad du bstan pa yin/ lung gi spyi 'di ni shin tu zab pa'i phyir/ khams nyi shu rtsa gcig tu bstan te/ lung gi spyi yang / rgyud dang gsung rab thams cad 'byung ba'i gzhi yin/ gsang ba'i dbang po dang / gsang ba'i yul gnyis ga yang / skye mched dang khams thams cad 'byung ba'i gzhi yin pa'i phyir// shin tu gsang bar gsungs so// dkyil 'khor de dag shin tu gsang bar bstan pa'i phyir/ nyid la nyid ched du brjod pa 'di brjod do// e ma ho ngo mtshar gsang ba'i chos// thams cad kun la rang bzhin gnas// ye nas dag mnyam ma rtogs pas// kun la yod cing rang bzhin gsang // gzhan du min la shin tu gsang // don nyid kyis ni gsang ba'i rgyud// mnyam pa'i rdo rje can gyis gsungs// 'di/ byang chub snying po'i mchog/ a ho rdo rje gsang ba'i tshig tu'o// dbang po yul du snang ba rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye

  408. 204b

    mched khams rnams bco brgyad po// byang chub sems dpa' sems ma yi// dkyil 'khor nyid kyi dbyings yin te// sems dpa' rdo rje gsang ba'i dbang // rdo rje gsang ba'i dbang po thabs// dbang po yul nyid shes rab dbyings// dbang po'i thugs ni rdo rje sems// thams cad byang chub sems ma yi// rdo rje gsang ba'i dbang por 'dus// thams cad 'byung ba'i gter nyid dang // thams cad 'gro ba'i gnas nyid do// de yis ma bskyed gang yang med// 'das dang ma 'das kun gyi rgyu// de las thams cad skye zhing 'byung // kun gyi phyag rgya'i rgyu yin te// bde ba'i byang chub 'grub pa'i rdzas// de las bskyed cing de las spro// dngos grub thams cad sgrub pa'i gnas// dbang po rdo rje pad+mar ldan// gnyis med byang chub sems 'phro nas// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan bzhi// 'jug dang ldang dang gnas pa dang // smon pa'i byang chub sems yin no// g.yo dang bskyod dang ldang dang gnas// dgug dang 'dzin dang de bzhin te// bsdus dang 'khril ba'i don bsgrub phyir// bsdams dang mi gtong dbang bsgyur te// bde ba'i sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen phreng ba

  409. 205a

    'bar// dbyangs snyan yid 'ong gzi ldan 'bar// gzugs mdzes bskyod pas phyogs bcur g.yo// kun tu tshims byed dri bsung thim// ltar mdzes rin chen phung po 'phro// 'od gsal 'phro bas kun tu 'bar// bdud rtsi bsil drod 'jam pa'i dbyings// a la la ho// gsang dbang pad+mar ldan gyur nas// chags pa med pa'i tshul gyis su// pha rol phyin bcu rgyu 'bras rdzogs// sa bcu rim gyis bgrod med rdzogs// kun tu 'od gsal pad+ma can yang rdzogs// yi ge phreng ba 'khor lo bsam mi khyab// yang dag rdzogs chen thabs dang ldan// thabs dang shes rab bla med sa yang rdzogs// bsod nams ye shes tshogs chen rdzogs par rol// a la la ho// de bzhin nyid kyi gsang mchog las// khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyi bdag/ bco brgyad 'byung ba'i gnas yin te// byang chub 'grub pa'i gzhi yang yin// bde ba 'byin pa'i rgyu yin te// gsang ba'i mtshan nyid brjod pa ni// dbang po rdo rje gsang ba'i rgyal// yul ni pad+ma'i bde mchog dbyings// sems ni byang chub 'byung ba'i gter// dbang po yul sems ldan gyur na// gsang ba mchog 'phrul chen po spro// dkyil 'khor rdul snyed grangs med dang // phun sum tshogs pa'i lhun grub rnams// gsang dbang mchog gis

  410. 205b

    'byin par skyed// 'di ni rtsa gcig yin par gsungs// gsang ba'i don mchog 'di dag ni// lta ba dman la bshad byas na// dus min par ni srog zad nas// mgo 'gas snying yang 'tshig par 'gyur// khab len gyis ni lcags sdud ltar// mi 'dod bzhin du dbang med par// ngan song bskal par ltung bar 'gyur// de bas 'di ni shin tu gsang // shes rab rgya chen blo zab pa'i// blo brten snying rje dbang ldan dang // rang bzhin ngang tshul bzang la bstan// gzhan du sbyin par bya ba min// zhes nyid la nyid brjod do// shin tu zab pa'i phyir rgyud gzhan du ma bshad do// gsang ba'i snying po de kho na nyid nges pa las// gsang ba'i dkyil 'khor khams nyi shu rtsa gcig tu/ thams cad ma lus dbyings su bsdus pa'i le'u ste bdun pa'o// // de nas de bzhin gshegs pa dgyes pa chen pos/ sgyu 'phrul dra ba'i rgyal po sgyur ba zhes bya ba'i ting nge 'dzin la snyoms par zhugs nas/ ched du brjod pa 'di gsungs so// rgyu gcig pa dang yig 'bru'i tshul// byin gyis brlab dang mngon sum par// rab tu rtogs pa rnams bzhi yis// thams cad mngon rdzogs rgyal po che// yan lag dbang po rnam shes kun// rnam smin oM ru shes par bya// rdzogs pa'i dkyil 'khor nyid du bsgom// yang na khro bo'i dkyil 'khor bsgom// gzugs sgra dri ro reg rnams

  411. 206a

    kun// rnam smin mAM du shes par bya// yum gyi dkyil 'khor nyid du bsgom// yang na khro mo'i dkyil 'khor bsgom// gos rgyan bza' btung glu dang tshig/ bro gar tshogs kyi sprin phung la// hUM du shes pas rab spyad na// ngo mtshar 'byung ba'i dkyil 'khor mnyes// lha mo glu mo rigs ngan mo// dbye'am yang na mi dbye bar// bsnyen pa dang ni nye bsnyen pa// sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor spro// sangs rgyas sprin tshogs ma lus la// dgyes snyam mchog gi sbyin pas bstim// sgrub pa nyi zla snying po de// dkyil 'khor rdo rje lce yis blang // mkha' 'gro gsal 'bar che la sogs// yid bzhin sprin gyi bdag por 'gyur// zhing gyur mchog dang mchog phran rnams// nyi zla'i steng du mkhas pas gzhag/ nga rgyal lag gi 'du byed bsgom// hUM du gyur pas rnam par dag/ dbyings su thims nas phyag rgyar 'bar// skur gyur 'od zer 'phros pas brjid// gtsug tu rnam par rgyal ba bsgom// ngo mtshar ngan 'gro thar pa'i thabs// ye nas skye med de bzhin nyid// sgyu ma snang ba mig yor tshul// sbyor sgrol bya ba kun byas kyang // rdul cha tsam yang byas pa med// snod bcud rgyud rnams dag rtogs shing // mnyam gnyis lhag pa'i mnyam gnyis kyis// dkyil 'khor kun tu bzang po'i

  412. 206b

    zhing // byed spyod tshogs chen gnyis gyur nas// yan lag ma nyams yo byad ldan// cho ga rdzogs par shes pa yis// rnal 'byor tshogs pa'i dkyil 'khor gyis// nges par legs pa'i dgongs pa 'grub// dang lnga yi sbyor ba yis// tshom bu lnga yi lha bkod la// khro bo bcu dang khro mo bcu// 'khor lo'i tshul du rnam par bsgom// de bzhin rigs dang rdo rje'i rigs// pad+ma'i rigs te sku gsung thugs// khro bo'i tshogs dang ldan pa yi// tshom bu gsum gyi lha rnams bsgom// rigs kyi rigs te rigs kyi gtso// thugs kyi thugs te thugs kyi mchog/ khro bo'i tshogs dang ldan pa yi// tshom bu gcig pa'i lha rnams bsgom// khro bo khro mo'i tshogs chen po// pho nya phyag brnyan bka' nyan tshogs// ci bgyi la sogs tshogs rnams kyi// dngos grub las rnams rdzogs par byed// rnal 'byor sngags 'chang dngos grub ni// mnyam rdzogs lhun grub dang gnas shing // spyod pa ci la thogs med pa'i// thams cad ye nas dbyer med pa'o// rdo rje'i rigs su thams cad dkyil// 'od 'phros 'bar ba rab tu bsgom// chags med tshul du bstim par bya// gnyis med gyur nas phyag rgya che// yang na sku gsung thugs nyid de// thams cad ma lus sku gsung thugs// ting 'dzin gsal 'bar 'od zer 'phro// gnyis med dbyings kyi ngang du thim// rig 'dzin dngos grub mchog thob

  413. 207a

    'gyur// dkyil 'khor ma lus 'bar ba 'grub// nyon mongs sdug bsngal sel bar byed// rdo rje rigs su skye ba'i gnas// sngags 'chang dngos grub yang dag ni// thabs dang shes rab thams cad kyis// dkyil 'khor lnga dang khro 'phreng bsgom// chags pa med pa'i tshul gyis ni// 'od zer rnam pa mang po 'phro// gnyis su med par bstim par bya// dngos grub mchog gi snying po 'grub// rnal 'byor thabs dang shes rab kyis// de bzhin gshegs dang yum du bsgom// sems dpa' sems ma nyid du bsgom// so so'i sngags dang phyag rgya dang // ting 'dzin yang dag so sor gsal// gnas dang longs spyod ci bde dang // ma nyams blo ni rab ldan pas// dang po dam mnos bzhin du bya// le lo rgyu nyams med pa yis// the tshom med par bsgrub byas na// dkyil 'khor thams cad 'grub par 'gyur// rdo rje gsang mchog dam thob// sgrub pa'i zhag dang tshes grangs ni// rgyud las smos pa bzhin du bshad// gsang ba'i snying po de kho na nyid nges pa las/ sgyu 'phrul bsgrub pa'i ting nge 'dzin gyi le'u ste brgyad pa'o// / de nas de bzhin gshegs pa thams cad kyi rgyud kyi rgyal po sgyu 'phrul dra ba rang bzhin gyi dkyil 'khor las/ lhag pa'i dkyil 'khor gyis/ sngags 'chang rnams lhar bsgrub pa'i dkyil 'khor 'di don yod par bya ba'i

  414. 207b

    phyir ched du brjod pa 'di brjod do// e ma ho ye nas rnam dag pa'i// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad bdag med pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bu ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje'i byin rlabs 'phros pa yi// ye shes bzhi yi dkyil 'khor spro// ye shes lnga dang sku gsung thugs// byin rlabs ya mtshan bsam mi khyab// rang snang rig pa'i thabs las byung // bsod nams ye shes tshogs rdzogs pa'i// thugs rje rgyas pa'i gzhal yas khang // dbus mtha' med par rgyas par gnas// stong smon mtshan med 'od gsal 'jug/ de phyir ye shes sgo bzhir shar// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zag med ye shes gter gyur pas// yid bzhin rin chen 'bar ba'i gdan// ye nas mnyam nyid mi 'da'i phyir// tA la'i rang bzhin ljon shing gnas// re ba yid bzhin skong

  415. 208a

    ba'i phyir// dpag bsam shing gi rin chen 'bar// yid bzhin rin chen rgyan gyis bskor// thams cad la ni dbang bskur phyir// 'jig rten lha chen rnams kyis bskor// gsang ba'i de nyid nges pa las// 'phrul chen bzhi bcu rtsa gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'di ni rang bzhin dkyil 'khor dang // gzugs brtan lhag pa'i dkyil 'khor dang // ting 'dzin lhag pa'i dkyil 'khor dag/ byang chub sems dang tshogs mchog bstan// ces nyid la nyid bshad do// gsang ba'i snying po de kho na nyid nges pa las// shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste dgu pa'o// // de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyis 'jig rten drug gi phyogs bcur thams cad la/ nyid kyi che ba'i yon tan dkyil 'khor dbyung bar bzhed nas/ ched du brjod pa 'di brjod do// ye shes phyogs bzhi dbus brtags te// dkyil 'khor bsam yas lhun grub ni// rdzogs chen rtogs pa'i rnal 'byor pas// kun 'byung dkyil 'khor chen por spyod// 'khor lo rtsibs bzhi mu khyud bcas// gru chad bzhis brgyan par khyams dang // kun tu gru bzhi sgo khyud ldan// rol mo sna tshogs sbyin

  416. 208b

    phung bzhin// dkyil 'khor bzhi bcu gnyis kyis brgyan// seng ge glang chen rta dang khyung // nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul// 'khor lo rgyal po rgyal mo dang // g.yas nas mthong thos snom pa dang // myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun mo dang yang ldan par gnas// bar khyams la ni thub drug dang // mdun dang rgyab tu byed pa dang // bya ba dag ni gnas par bstan// sgo khyud bzhi la 'joms pa ni/ btsun mo'i tshogs dang ldan par gnas// rdo rje 'khor lo rin po che// pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i mchod pa 'dzin// mthing ga dkar po ser leb rgan// ljang gu la sogs sna tshogs pa'i// mnyen lcug 'khril ldem gzhon tshul can// gsal 'tsher lhun stug gzi byin can// 'od zer 'phro ba'i tshogs chen po// 'bar ba'i phreng bas 'khyil ba ste// mtha' dbus med par khyab pa yi// dkyil 'khor bsam yas lhun gyis grub// sku yi phyag rgya che mchog ni// de bzhin dbyings las ma g.yos kyang // yang dag thar pa'i gzugs sku dang // 'gro ba ma lus 'dul ba'i phyir// mthun byas sku ni sna tshogs ston// kha dog so sor mig yor tshul// tshul

  417. 209a

    nyid dbyings las g.yos pa med// ma g.yos bzhin du sna tshogs pa'i// de'i tshe mi mthun sna tshogs la// so sor 'dra bar snang ba ni// de bzhin nyid kyis ma bcos kyang // las 'phro'i dbang gis so sor snang // dngas ma dkar dang chu zla bzhin// de tshe 'gro drug thams cad la// sdig spong gzugs su rnam par bstan// dge tshul rnams la dgra bcom gzugs// rang rgyal rnams la bse ru'i tshul// gzhan yang theg mchog rim pa bzhin// 'og min bla med gnas mchog tu// sku ni rnam par snang mdzad tshul// byang chub sems dpa'i 'khor rnams la// de bzhin gsung mchog mi smra ste// sku yis chos rnams 'jal bar ston// me long bstan pa'i tshul bzhin du// dngos kyi mdog ngan thams cad sel// 'khor gyis de bzhin sku bltas na// byang chub sgrib pa gting dpag med// me long bzhin du sku la snang // de nas sa bcu rim gyis 'byang // bla med yang dag byang chub 'thob// chos sku dpag med brjod du med// longs spyod zad med rin chen gter// sprul pa bye ba bsam mi khyab// mtshan dang dpe byad thams cad rdzogs// spyod yul kun tu maN+Dal// tshogs chen gnyis kyang rdzogs par rol// thabs dang shes rab sa yi mchog/ de la sogs te bsam yas mchog/ skye shi med pa'i g.yung drung sku// nyon mongs kun gyi zhing du gnas// zad

  418. 209b

    mi shes kyi gter du gyur// rdo rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes sku// de tshe sku lnga kun kyang rdzogs// zhes brjod pas// 'jig rten drug gi phyogs bcu mtha' yas mu med pa thams cad du/ dkyil 'khor brjod kyis mi lang ba/ zhing gi rdul snyed gsal bar gyur to// de nas de bzhin gshegs pa btsun mo'i tshogs dang gnyis su med pa'i yon tan chen po'i dkyil 'khor de dag nyid kyi gsang ba 'di nyid sku dang gsung dang thugs dang yon tan phrin las rdo rje las phyung ngo // a ho// dmigs bya dmigs byed mi dmigs dpag med bsam mi khyab// ye shes rang rig dkyil 'khor sna tshogs brjod mi lang // mnyam dang mi mnyam kun khyab med khyab pa'i dbyings// ye nas kun gsal dkyil 'khor rnam spros spros pa med// ye nas kun khyab dkyil 'khor bsam yas zhing gi rdul snyed du// ye nas rnam spros snying po kun gnas gnas pa med// a ho// zhes gsang ba'i tshig tu'o// gsang ba'i snying po de kho na nyid nges pa las/ dkyil 'khor spros pa'i le'u ste bcu pa'o// // de nas de bzhin gshegs pa thams cad mnyam pa nyid la zhugs nas/ 'khor bsam gyis mi khyab pa thams cad kyang / nyid la nyid mnyes par mchod cing / kun tu bzang po dgyes te/ phyogs bcu dus bzhi ma lus

  419. 210a

    pa thams cad kyi bzhugs gnas gzhal yas khang rin po che sna tshogs bsam gyis mi khyab pa// tshad dpag tu med pa/ rgyas pa/ mtha' dbus med par khyab cing 'od zer sgrib pa med pa rang 'byung ba la bzhugs nas/ ched du brjod pa 'di brjod do// nyid kyi dbyings nyid 'phro ba tshad dpag med// kun nas dkyil 'khor yongs su ma chad pa'i/ srid gsum yang dag mnyam sbyor spyod yul te// mtshan 'dzin 'das pa mchog gi rgyu las byung // dbang sgyur shin tu rnam par dag pa yi// de bzhin gshegs pa 'og min gnas bzhugs nas// gzung 'dzin bral ba'i bla med rjes 'dod dang // 'jig rten 'khor gyi gtsos bkur dbang phyug dang // gzhan yang 'jig rten phyogs bcu'i khams gnas pa// bdud rtsi'i ro yis dga' ba bde chen 'grub// dug gsum dri bral bdud sde tshar gcod pa'i// 'das dang ma byon de bzhin nyid du sbyor// shes rab thabs ldan nges pa'i don phyung ba// rigs pa'i thabs chen dbang sgyur nyid du bsgom// stong smon mtshan med rang bzhin 'od gsal ba'i// zag med bsod nams tshogs kyis brgyan par gyur// b+h+rUM/ rang byung nyi zla pad+ma rin chen rgyas la bzhugs// rdo rje mnyam nyid thugs su chud pa yi// mnyam rdzogs chen po lhun la rol par mdzad// bde gshegs dbyings nyid de bzhin gnas pa'o// dus bzhi'i

  420. 210b

    rgyal ba kun dang mnyam par 'ub// thams cad 'od gsal dkyil 'khor thugs chud pa'i// sku gsung thugs kyi rdo rje 'chang las byung // spyod yul 'phrog med brjod kyis mi lang ba'i// dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa'i// mnyam pa'i don grub rdo rje can zhes bya// rnam par rtog med byang chub rdo rje can gyi sku// shes rab mchog gis ma lus kun bsdus pas// bde gshegs mi gnas mnyam nyid ngang du byon// thabs chen ma 'dres rnam par sbas pa yi// dmigs med bde gshegs nyid dbyings thugs chud pa// thabs dang shes rab dbyings nyid dam pa'i mchog/ phyogs bcu dus bzhi dbyings gnas mthar gtugs pa// shes rab mchog ldan gsal ba'i ngang 'chang ba// thugs rje byin rlabs sna tshogs 'phro ba yi// bde gshegs ma lus thams cad 'byung ba'i gnas// yid bzhin rin chen mi zad par ldan 'phro// rang rig rgyal po che yis rtogs par 'gyur// zhes nyid la nyid ched du brjod do// rdo rje gsang ba'i tshig tu'o// gsang ba'i snying po de kho na nyid nges pa las/ gzhal yas khang dbub pa thabs dra ba'i le'u ste bcu gcig pa'o// // de nas de bzhin gshegs pa btsun mo'i tshogs dang bcas pa thams cad kyi sku

  421. 211a

    dang gsung dang thugs rdo rje las 'di dag phung ngo // b+hAM bi shwa bi shud+d+he hUM badz+ra d+h+r-ika mr-i dzi na dzi ka/ sA rat+na d+h+r-ika AM yA ro li ka/ ha pra dz+nyA d+he ka/ mr-i d+ha ti shwa ri/ laM de Sha ra ti/ maM mo ha ra ti/ byaM rA ga ra ti/ tAMtaM badz+ra ra ti/ k+ShI hi rA dza ya/ traM A gar+b+ha ya/ hri ha hUM pad+ma pA da ma/ dzi ku ru pA Na/ hUM la s+ye sa ma ya s+t+waM/ traM mA le sa ma ya ho/ hrIHgirti ra ho haM/ a niN+De rA ga ya mi/ me d+ha ra Ne swA ha/ b+hI nisma raM b+hA ya swA hA/ hUM sa rA dzA ya sA hA/ mr-i shri aM rA gA ya sA hA/ dzaHd+hU pe pra be sha/ hUM puSh+pe a be sha/ baM rI paM su gi ri/ hogan d+he tsit+ta/ hUM ya mAn ta kr-ita phaT/ hUM big+h+nAM ta kr-i ta phaT/ hUM pad mAn ta kr-ita phaT/ hAM pra dz+nyA na ta kr-i ta phaT/ oM ma hA badz+ra d+ha ra ma hA kro d+hI shwa rI dza la ni phaT/ oM ma hA rat+na d+ha ra ma hA krod+hI shwa rI dza la ni phaT/ oM ma hA pad+ma d+ha ra ma hA kro d+hI shwa rI dza la ni phaT/ oM ma hA karma d+ha ra ma hA kro d+hi shwa rI dza la ni phaT/ hUM hUM hUM badz+ra tsit+ta hUM/ a a a badz+ri b+ha dra sa man+ta a/ oM mu ne kr-i swA ha/ oM mu ne hUM swA hA/ oM mu ne suM swA ha/ oM mu ne praM sA ha/ oM mu ne k+ShaM swA hA/ oM mu ne ye sA ha/ e h+ye hi/ b+ha ga wAn/ ma ha ka ru NI ka/ dr-i sh+ya ho/ sa ma ya s+t+waM/ dzaHhUM baM soH/ mo e hUM swA hA/ ba ba ba ba ba/ dza dz+ra dza dza dza/ sa sa sa sa sa/ ma ma ma ma ma/ ya ya ya ya ya/ oM AHhUM swA hA/ au ye shes rgyal po sku gsung thugs// yon tan phrin las rmad po che// de nyid du ni mnyam sbyor

  422. 211b

    ba'i// phyag rgya chen por bdag sbyor cig/ oM badz+ra sa ma ya hUM/ oM badz+ra sa ma ya s+t+waM/ oM badz+ra sa ma ya hoHzhes brjod pas/ gsung gi dkyil 'khor 'di dag gis/ 'jig rten drug gi phyogs bcu thams cad khyab par grags so// rab tu grags so// kun tu grags so// de nas bcom ldan 'das byed pa po rdo rje dang / bya ba mo rdo rje gnyis su med pa'i dkyil 'khor la thim par mdzad do// de nas phyogs bcu dus gsum gyi de bzhin gshegs pa'i bdag nyid chen po'i ye shes dang byin bsdu ba zhes bya ba 'di sku gsung thugs rdo rje'i sgyu 'phrul dra ba las phyung ngo // oM shU n+ya tA dz+nyA na badz+ra swa b+hA wa At+ma ko&haM/ oM ma hA a daR+sha dz+nyA na badz+ra swa b+hA la at+ma ko&H/ oM ma hA pra t+ya da be k+Sha N+Da badz+ra swa b+hA la at+ma ko&H/ oM ma hA sa ma tAdz+nyA na badz+ra swa b+hA la At+ma koH/ oM ma hA kr-i t+ya a nuSh+Tadz+nyA na badz+ra swa b+hA la an+ta kauH/ oM sarba ta thA ga ta ma hA ka ya badz+ra sa wa At+ma ko&haM/ oM sarba ta thA ga ta bA ga badz+ra swa b+hA wa At+ma ko&haM/ oM sarba ta thA ga ta ma hA tsit+ta badz+ra swa b+hA wa At+ma ko&haM/ oM sarba ta thA ga ta ma hA a nu rA ga Na badz+ra swa b+hA wa At+ma ko&haM/ oM sarba ta thA ga ta ma hA pU dza badz+ra sra b+ha wa At+ma ko&haM/ zhes brjod pas thim par gyur to// gsal bar gyur to// 'bar bar gyur to// e ma ho ngo mtshar rmad kyi chos// rdzogs pa'i sangs rgyas kyi gsang // sgra dang ming tshig kun las

  423. 212a

    'das// sna tshogs sgra rnams gsal bar byung // gsung gcig dkyil 'khor yan lag ni// bsam gyis mi khyab kun tu khyab// sgra dang ming tshig so sor grags// thams cad gsung gi phyag rgya mchog/ rgyud mchog rgyud chen dra ba las// bde ldan gsung gi don phyung ba'ang // thams cad pad+ma'i ngang du gyur// grol thar lam dang 'khor ba'i sgra// ji skad brjod kyang gsung mchog ste// theg pa mtho dman thams cad dang // log 'gro ma lus thams cad skad// byang chub rdo rje'i gsung du bsdus// bsdus nyid phyogs bcur rnam par grags// sgra nyid ma chags ngang du gsungs// gsung pa nyid na brjod du med// brjod med de nyid sna tshogs sgra// kun la grags shing so sor 'jal// dper na de bzhin sbrid sangs bzhin// gsung gcig sgra yis so sor go/ 'di ni gsung mchog rgyal po yin// theg pa mtho dman bsam mi khyab// de bzhin nyid las ma gsungs te// gdul ba'i thabs su so sor thos// ji ltar gsung rab kun brjod kyang // de bzhin nyid kyis gsungs pa med// yi ge med dang rig pa'i gsung // ljags kyi rtse mor ma phyung yang // thugs rje'i gsung gi byin rlabs kyi// 'gro don sna tshogs so sor gsal// gsal nyid gsung gi rdo rje mchog/ de bzhin gsung gi 'gro don rnams// de bzhin ngang las ma g.yos

  424. 212b

    kyang // dper na brag cha'i sgra bzhin no// gsang ba'i snying po de kho na nyid nges pa las/ dkyil 'khor byin bsdu ba dang gsang sngags kyi le'u ste bcu gnyis pa'o// // de nas bcom ldan 'das de bzhin gshegs pas/ nyid kyi phyag rgya ston pa'i snying po zhes bya ba 'di ched du brjod pa 'di brjod do// sngags phyi mo sor bzhag/ AM hUM badz+ra satwa hUM badz+ra pra b+ha ni hUM/ mAM badz+ra gan+d+he mAM/ aM tsakra maN+Da la A~M/ lAM badz+ra gan+d+he b+ha ShAThA lAM/ swA rat+na pra b+hA Ni swA/ mAM badz+ra gan+d+ha b+hA Sha mAM/ AM badz+ra pra b+hA na AM/ paM badz+ra gan+d+ha pra b+hA na paM/ hUM khang+ga tik+Sh+Na pra b+hA na haM/ tAM badz+ra gan+d+ha b+ha ShA pra b+hA na tAM/ k+ShI rat+na pra b+ha na k+ShI/ hUM badz+ra gan+d+ha pra b+hA na b+ha sha hUM/ traM khang+ga pra b+ha na traM/ traM badz+ra gan+d+ha b+hA ShA pra b+ha na traM/ hrIHpad+ma pra b+hA na hrIHhrIHgan+d+ha badz+ra g+hA ShA pra b+hA na hI/ hA badz+ra gan+d+ha pra b+hA na hA/ a badz+ra gan+d+ha b+hA ShA pra b+hA na a/ me ka la pra b+hA na mi/ hUM badz+ra gan+d+ha pra b+ha na b+hA ShA hUM/ b+hI pra b+hA na maN+Da la b+hi/ skaM badz+ra gar+b+ha b+hU ShA haM pra b+hA na sAM/ hAM rat+na sne sA d+ha b+ha dra pra b+hA na sAM/ hrI badz+ra gan+d+ha b+hASh+Ta pra b+hA na hrIH/ maM ut+pa la nI la pra b+ha na mr-i/ a badz+ra gar+b+ha b+hA ShA pra b+ha na a/ phaT badz+ra a ma mung+ga ra pra b+hA na phaT phaT/ oM badz+ra gar+b+ha b+hAb+haShA pra b+hA na A~M A~M/ phaT ma hA badz+ra pra b+hA na phaT phaT/ hUM ma hA rat+na badz+ra gan+d+ha b+hA ShA pra b+ha na hUM hUM/ phaT hrIHpad+ma mung+ga ra pra b+hA na hrIHhrIH/ oM ma hA badz+ra pad+ma badz+ra gan+d+ha b+hA ShA pra b+hA na hrIHhrIHa karma mung+ga ra badz+ra pra b+hA na phaT/

  425. 213a

    phaT/ a karma badz+ra gan+d+ha b+ha ShA pra b+hA na hUM a a a/ zhes brjod pas/ phyag rgya gsung gi dkyil 'khor kun tu gsal bar gyur to// 'bar bar 'gyur to// gsang ba'i snying po de kho na nyid nges pa las/ don dam pa dang kun rdzob byang chub kyi sems las phyag rgya gsung gi dkyil 'khor rdzogs pa'i le'u ste bcu gsum pa'o// // de nas bde bzhin gshegs pas rgyud kyi rgyal po sgyu 'phrul dra ba bstan pa las/ chos thams cad nam mkha' dang yum gyi dbyings su 'dus par bstan nas thams cad du brjod pa 'di brjod do/ yang dag don gyi gsang mchog ni// bde ba thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// a/ thams cad ma lus thig le'i dbyings// sku lnga'i 'od zer thig le kun// thams cad yum 'gyur dbyings su thim// gsal 'bar sprin gyi dag por gyur// byang chub sems kyi thig le ni// kun la khyab cing mi gnas pa// kha dog gnas dang dbyibs ma yin// yon tan mchog gi snying po ni// rtog ge'i spyod yul yongs ma yin// zab cing rgya rab sbyangs pa'i// gsal ldan brtan pa'i spyod yul te// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten brtan g.yo dang // rgyal ba sngon byung thams cad

  426. 213b

    kun// nam mkha'i dbyings su ma gyur pa// dus bzhi phyogs bcu gang na'ang med// dus gsum bde gshegs nyid kyi mnga'// sngon gyi bde gshegs thugs chud pa'i// nam mkha'i dbyings su thams ca da thim// thams cad shes rab dbyings nyid de// dbyings la dbyings nyid rnam par sbyor// shes rab dbyings nyid 'byor pa yis// byang chub rdo rje thig le yin// dkyil 'khor gzhal yas lhun grub dang // rgya dang bral ba'i bsam yas kyis// kun la khyab cing mi gnas pa// yon tan mchog gi gnas yin te// ma bcos rgyun gyi skad cig ma// de yis ma zin gang yang med// rang gi rnam rtog ma yin pa// yang dag gshegs dang log rtog dang // gzhan yang sprul pa mang po'i tshogs// phyogs bcu ma lus thams cad kyis// de la gsad cing gzung du med// kha dog dbyibs dang gnas ma yin// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa dus gcig ste// thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par rol// skye 'jig med pa'i dbyings la zhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba kun gyi dbyings

  427. 214a

    su thim// thams cad ma lus chos skur 'dus// hoH/ chos rnams thams cad ming gi mtshan nyid do// gsang ba'i snying po de kho na nyid nges pa las/ thams cad yum gyi dbyings su 'dus pa/ shin tu gsang ba'i le'u ste bcu bzhi pa'o// // de nas de bzhin gshegs pa thams cad kyis// yan lag thams cad dkyil 'khor du lhun gyis grub par byin gyis rlabs pa zhes bya ba'i ched du brjod pa 'di brjod do// sgyu 'phrul dra ba mngon rdzogs pas// thams cad byang chub mchog gi rgya// gsang ba de nyid nges pa yi// snying po'i phyag rgya 'da' bar dka'// mi bskyod nyi ma'i dkyil yi ge/ rin chen zla ba'i dkyil yi ge/ lnga gnyis zung du spros pa las// sbyar ba phyag rgya 'byung ba'i rgyu// oM dang mAM gnyis rtse sbyar te// 'bru brgyad bsnol nas rtse sprad pa// rgyal ba kun dang mnyam sbyor ba'i// bde ba chen po sbyin pa'i rgya// 'bru bzhi sbasgrasbas nas thugs kar bkan// hUM bsgreng rtse mor rdo rje 'bar// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan// mAM bsgrengs rtse mor dri la gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// au bsgreng rtse mor 'khor lo 'bar// zla brtul 'bru sbas dril gsil

  428. 214b

    zhing // 'khril ba'i tshul gyis chos la brten// 'bru bzhi sbas nas thugs kar bkan// lam gyi rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// s+t+waM rtser 'bar ba'i rin po che// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan/ mAM gyi rtse mor dril gsil 'bar// nyi ma 'bru lnga las su 'khril// btud de 'dzum pa'i dmangs kyis blta// 'bru bzhi sbas nas thugs kar bkan// oM gyi rtse mor pad+ma 'bar// zla brtul 'bru sbas dril gsil zhing // 'khril ba'i tshul gyis chos la brten// 'bru bzhi sbas nas thugs kar bkan// pyaM bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// hUM gyi rtse mor ral gri 'bar// zla brtul 'bru sbas dril gsil zhing // 'khril ba'i tshul gyis chos ma brten// 'bru bzhi sbas nas thugs kar bkan// tAM bsgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// ut+pal klu zhing la sogs mtshan// rin chen myu gu ral gri 'bar// pad+ma dkar po rdo rje 'bar// chos kyi 'khor lo rin chen te// gzugs mdzes rin

  429. 215a

    chen phreng ba dang // pi wang gar mkhan mchog nyid de// me tog phreng ba spos mchod ma// mar me byug pa la sogs pas// las la 'khril zhing chos la brten// dbu rnams 'byo nas 'dud pa'i tshul// gong gi phyag rgya chen po bzhin// gnyis med dbyings kyi ngang du 'khril// sgo bzhi'i phyag rgya chen po ni// mi mgo gdengs dang rdo rje gnon// thod sbrul chen pos gnon pa dang // rdo rje rgya gram las kyi gnon// lcags kyu zhags pa sgo Ta hoH/ sgo bzhir gnas pa de dag kyang // 'dud tshul 'khril ba gong ma bzhin// thub drug phyag rgya sna tshogs te// mdor bsdus phyag rgya drug yin no// gseg par dang ni pi wang dang // go cha po ti rin chen sgrom// me dang chu ru rab tu bstan// yum ni gnyis med chos kyi dbyings// kun bzang mnyam gzhag ye shes 'phro// yum gyur mnyam rdzogs pad+ma'i skyil// gzhan yang phyag rgya sna gas te// yang na de bzhin gshegs nyid dam// yang na rdo rje thal mo nyid// phyag rgya chen po'i tshogs mchog ni// thabs dang shes rab ldan 'byor na// ma bskyod ma bskul thams cad kun// phyag rgya chen po'i dang du gnas// yan lag bzhi bcu rtsa gnyis ldan// de nyid yan lag spros bdag ste// bzhi bcu rtsa gnyis gsum 'phror 'gyur// de ltar ldan pa'i gtso mchog gis// rgyal ba rgyal mchog de bzhin du// bcu

  430. 215b

    gnyis drug gi 'od 'phro 'bar// de la sogs te bsam mi khyab// phyogs bcu dus bzhi bsam yas su// 'dul ba'i don rnams so sor ston// theg pa mtho dman thams cad dang // phyin ci log rnams bsam yas dang // zhi khro'i tshogs chen thams cad la// so sor mthun byas kun tu snang // dper na gar mkhan nyid 'dra ba// lus las ma bkod sna tshogs ston// mdor na phyag rgya thams cad ni// 'di zhes gcig/ ces brjod du med// gnyis dang gsum du rnam par 'phro// bskyod dang 'phro ba'ang de bzhin nyid// mdor na bskul bskyod thams cad kun// phyag rgya chen po'i ngang du gnas// gnas nyid mi gnas gnas pa'ang min// de skad dag mchog nyid kyis bshad// mthe bong mdzub mo rdo rje 'dzin// mthe bong gung mo rgyal ba 'dzin// srin lag mthe bong chags pa che// mthe'u chung mthe bong legs pa mchog/ hUM ho mdzub mo gnyis sbyar rin chen mchog/ gung mo gnyis sbyar gzi brjid don// srin lag gnyis sbyar rgyal ba'i tog/ bzhad pa'i sgras ni mthe'u chung sprad// traM te hUM ha/ mdzub mo steng 'og chos kyi mchog/ gung mo steng 'og 'jam dpal mchog/ srin lag steng 'og 'khor lo mchog/ mthe'u chung steng 'og sgra gsung yin/ hrIHb+haM traM hau/ mdzub mo rgya gram las kyi mchog/ gung mo rgya gram srung bar byos// srin lag rgya gram gnod sbyin

  431. 216a

    mchog/ mthe'u chung rgya gram gnas par bshad/ ha hUM a b+haM/ phyag rgya brda tshig chen po 'dis// sangs rgyas dkyil 'khor mdzes par snang // rang bzhin dkyil 'khor phun sum tshogs// glu gnyis phyag rgya ldan pa yi// sa ler gsal ba'i dkyil 'khor 'bebs// phyag rgya spros pa chen pos ni// gzung dang 'dzin pa rnam pa gnyis// dag par gsal bas phyag rgya yin// yi ge so sor gsal ba yis// gar du bsgyur bas mya ngan 'das// dzaHdang hoHla sogs pa yis// gar du bsgyur bas rdo rje 'ching // gsang ba'i snying po de kho na nyid nges pa las/ phyag rgya spros pa'i le'u ste bco lnga pa'o// // de nas bcom ldan 'das dpal kun tu bzang pos/ mtshon cha'i dam tshig ces bya ba'i glu 'di blangs so// hUM lus ngag yid gsum rdo rje ni// sku gsum thugs kyi ye shes te// sku gsung thugs kyi ye shes ni// rdo rje sems dpa' dpa' bo yin// rdo rje sems dpa' rang gnas pas// ye shes rdo rje gsor zhing spro// e ma ho rdo rje che mchog gis// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas gdab// hUM rgyal ba rnams kyi thugs nyid la// rdo rje 'chang rgyal thams cad kyi// rang gi rtags su bstan pa'i phyir// mi phyed

  432. 216b

    rdo rje 'chang zhes bya// hUM ji ltar rgyal po rang gi rgyas// rgyal po'i gtsigs la btab pa ltar// bde chen snying la gnas pa dang // dbang chen 'dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po'i phyag rgya mchog gi gnas// bdag nyid chen po mtshan ma'i gzugs// hUM/ phyag rgya zhes ni bsgrags pa yin// nyid kyi lus ni brtan phyir ro// rdo rje rdo rje drag chen dang // rang nyid che ba'i bdag nyid dang // 'dul ba thabs kyi rgyal po yis// phye zhing gzhig dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du yis// thams cad rdo rje nyid pas na// nam mkha'i khams kun bkang ba yin// de las rdo rje'i gsung phyung ba'o// hUM badz+ra dza lA na lArka hUM phaT/ IM lus ngag yid gsum 'khor lo ni// sku gsum thugs kyi ye shes te// sku gsung thugs kyi ye shes ni// snang mdzad 'khor lo dpa' bo yin/ snang mdzad 'khor lo rang gnas pas// ye shes 'khor lo gsor zhing spro// e ma ho 'khor lo che mchog gis// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas gdab// oM/ rgyal ba rnams kyi thugs nyid la// 'khor lo 'chang

  433. 217a

    rgyal thams cad kyi// rang gi rtags su bstan pa'i phyir// mi phyed 'khor lo 'chang zhes bya// oM ji ltar rgyal po rang gi rgyas// rgyal po'i gtsigs ni btab pa ltar// bde chen snying la gnas pa dang // dbang chen 'dus la brtson pa yis// thams cad kun la de ltar 'debs// 'da' bka' ji bzhin mi shigs pas// rgyal po'i phyag rgya mchog gi gnas// bdag nyid chen po mtshan ma'i gzugs// phyag rgya zhes ni grags pa yin// nyid kyi lus ni brtan phyir ro// oM 'khor lo 'khor lo drag chen dang // rang nyid che ba'i bdag nyid dang // 'dul ba'i thabs kyi rgyal po yis// phye zhing bshigs dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad 'khor lo nyid pas na// nam mkha'i khams kun bkang ba yin// de las 'khor lo gsung phyung ba// oM tsakra dz+wa lA na lArka oM phaT/ AM/ lus ngag yid gsum pad+ma ni/ sku gsung thugs kyi ye shes te// sku gsung thugs kyi ye shes ni// pad+ma sems dpa' dpa' bo yin// pad+ma sems dpar rang gnas pas// pad+ma dgra sta gsor zhing spro// e ma ho pad+ma che mchog gis// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen mchog tu gyur pas na// kun kyang phyag rgya bzhi rgyas

  434. 217b

    gdab// AM/ rgyal ba rnams kyi thugs nyid las// pad+ma 'chang rgyal thams cad kyi// rang gi rtags su bstan pa'i phyir// mi phyed pad+ma 'chang zhes bya// AM ji ltar rgyal po rang gi rgyas// rgyal po'i gtsigs ni btab pa ltar// bde chen snying la gnas pa dang // dbang chen 'dus la brtson pa yis// thams cad kun la de ltar 'debs// 'da' dka' ji bzhin mi shigs pa// rgyal po'i phyag rgya mchog gi gnas// bdag nyid chen po mtshan ma'i gzugs// phyag rgya zhes ni grags pa yin// nyid kyi lus ni brtan phyir ro// AM pad+ma dgra sta drag chen dang // rang nyid che ba'i bdag nyid dang // 'dul ba thabs kyi rgyal po yis// phye zhing bshigs dang bcom la sogs// dkrugs shing thal ba rdul phran bzhin/ btsan zhing 'bar ba'i 'phro 'du 'dis// thams cad pad+ma nyid pas na// nam mkha'i khams kun bkang ba yin// de la pad+ma'i gsung phyung ba/ oM pad+ma dz+wa lA na ka na AM phaT/ s+t+waM/ lus ngag yid gsum rin chen ni// sku gsung thugs kyi ye shes te// sku gsung thugs kyi ye shes ni// yon tan chen po dpa' bo yin// rin chen sems dpa' rang gnas pas// ye shes dbyug pa gsor zhing spro// e ma ho rin chen che mchog gis// nyid kyi mtshan du gsol ba ni// ces kyang mi shigs mi phyed la// cis kyang ma g.yos ma 'dres pas// bde chen mchog tu gyur pas

  435. 218a

    na// kun kyang phyag rgya bzhis rgyas gdab// s+t+waM/ rgyal ba rnams kyi thugs nyid las// rin chen 'chang rgyal thams cad kyis// rang gi rtags su bstan pa'i phyir// mi phyed rin chen 'chang zhes bya// s+t+waM/ ji ltar rgyal po rang gi rgyas// rgyal po'i gtsigs ni btab pa ltar// bde chen snying la gnas pa dang // dbang chen 'dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po'i phyag rgya mchog gi gnas// bdag nyid chen po mtshan ma'i gzugs// phyag rgya zhes ni grags pa yin// nyid kyi lus ni brtan phyir ro// s+t+waM/ rin chen dbyug pa drag chen dang // rang nyid che ba'i bdag nyid dang // 'dul ba thabs kyi rgyal po yis// phye zhing bshigs dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du yis// thams cad rin chen nyid pas na// nam mkha'i khams kun bkang ba yin// de las rin chen gsung phyung ba// s+t+waM rat+na dza lA na lArka s+t+waM phaT/ hUM lus ngag yid gsum phrin las ni// sku gsung thugs kyi ye shes te// sku gsung thugs kyi ye shes ni// las kyi sems dpa' dpa' bo yin// las kyi sems dpar rang gnas pas// ye shes ral gri 'debs shing spro// e ma ho lam gyi che mchog gis// nyid kyi mtshan du gsol ba

  436. 218b

    ni// cis kyang mi shigs mi phyed la// cis kyang ma g.yos ma 'dres pa// bde chen mchog tu gyur pas na// kun kyang phyag rgya bzhi rgyas gdab// hUM rgyal ba rnams kyi thugs nyid las// ral gri 'chang rgyal thams cad kyi// rang gi rtags su bstan pa'i phyir// mi phyed ral gri 'chang zhes bya// haM/ ji ltar rgyal po rang gi rgyas// rgyal po'i gtsigs ni btab pa bzhin// bde chen snying la gnas pa dang / dbang chen 'dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po'i phyag rgya mchog gi gnas// bdag nyid chen po mtshan ma'i gzugs// phyag rgya zhes ni grags pa yin// nyid kyi lus ni brtan phyir ro// haM ral gri ral gri drag chen dang // rang nyid che ba'i bdag nyid dang // 'dul ba thabs kyi rgyal po yis// phye zhing bshigs dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad ral gri nyid pas na// nam mkha'i khams kun gang ba yin// de las phrin las gsung phyung ba// hUM kar+m+ma dza lA na lArka hUM phaT/ muM lus ngag da gsum dril bu ni// sku gsung thugs kyi ye shes te// sku gsung thugs kyi ye shes ni// kun tu bzang mo bsnyems ma yin// kun tu bzang mor rang gnas pas// ye shes dril bur gsil zhing spro// e ma ho

  437. 219a

    sangs rgyas yum chen gyis// nyid kyi mtshan du gsol ba ni// cis kyang mi shigs mi phyed la// cis kyang ma g.yos ma 'dres pas// bde chen yum du gyur pas na// kun kyang phyag rgya yum lngas gdab// mAM kun tu bzang mo'i thugs nyid las// rdo rje yum chen thams cad kyi// rang gi rtags su brtan pa'i phyir// mi phyed dril bu 'chang zhes bya// mAM ji ltar rgyal po gnas bshams te// rgyal po'i gtsigs chen byed pa ltar// bde chen yum du gnas pa dang // dbang chen 'dus la brtson pa yis// thams cad kun la de ltar 'debs// 'da' dka' ji bzhin mi shigs pas// rgyal po'i phyag rgya mchog gi gnas// bdag nyid yum chen mtshan ma'i gzugs// phyag rgya zhes ni grags pa yin// nyid kyi lus ni brtan phyir ro// muM dril bu dril bu drag chen dang // yum nyid che ba'i bdag nyid dang // 'dul ba thabs kyi rgyal mo yis// phye zhing bshigs dang bcom la sogs// dkrugs shing thal ba rdul phran bzhin// btsan zhing 'bar ba'i 'phro 'du 'dis// thams cad dril bu nyid pas na// nam mkha'i khams kyang bkang ba yin// de la chos sku'i gsung phyung ba/ mAM g+haN+De dza lA na lArka mAM/ zhes brjod pas/ phyag rgya'i tshogs su snang bar gyur to// gsang ba'i snying po de kho na nyid nges pa las/ mtshon cha dam tshig phyag rgya glu'i le'u ste bcu

  438. 219b

    drug pa'o// // de nas bcom ldan 'das dpal kun tu bzang pos/ thabs dang shes rab 'byung ba zhes bya ba 'di ched du brjod pa 'di brjod do// de nas yid dang chos mthun par// thugs kyi phyag rgya rdo rje dang // shes rab dril bu chos la brten// hUM dang mAM gyi snying por 'bar// de las rdo rje rtse bcur 'bar// oM dang mAM gyi mchog tu brtag/ shes rab nyi zer zla rgyas thabs// 'bar ba'i phung po chos la brten// de las gzung thabs gnyis kyis ni// 'bru lnga phyag rgya nyid du ste// de las rdo rje phyag bsnams gsor// de las 'khor lo phyag bsnams gsor// de las nor bu phyag bsnams pa// de las pad+ma phyag bsnams 'dzin// de las ral gri phyag bsnams gcod// de nyid rdo rje phyag bsnams pa// thabs chen drug tu yang dag gsor// de las rdo rje gzung thabs gnyis// oM dang mAM gyis mtshon bzhin du// rdo rje rtse bcu thabs chen po// thugs kar bstan pa'i tshul du 'bar// sangs rgyas rdo rje sems dpa' yi// phyag na mi 'jigs thugs kar 'dzin// mAM las phyag rgya chen po ni// dril gsil 'bar bas sangs rgyas yum// mchod nas chos la brtan par 'dzin// thams cad kun tu phyag rgya yis// thabs dang shes rab rdo rje 'chang // sku gsung thugs ni thams cad pa// yon tan phrin las kun tu rdzogs// sgyu 'phrul dra ba byang chub pa'i// sangs

  439. 220a

    rgyas rdo rje 'chang du dmigs// de las rdo rje mchog bsnams pa// de las mi bskyod nyi ma'i lam// sku gsung thugs kyi yon tan las// oM hUM s+t+waM gyi rtser 'dzin pa// nyid las yang dag bskyed tshul du// shes rab yum du shin tu brtag/ rdo rje 'bar bas rab brtan pas// thabs chen yid ni sangs rgyas yab// gcig dang du ma yongs kyis med// de las 'gro don phrin las 'char// yid dang chos su rab brtags pa'i// rdo rje 'chang rgyal tshul chen las// rdo rje drag po lan gsum gsor// gtum pa'i sngags brjod de bskyed pas// sku gsung thugs nyid gtum por 'gyur// bskor thabs che ba'i mchog tshul du// rdo rje lan gsum gsor ba yis// lha mo klu mo rigs ngan mo// dam can rnal 'byor dbang du 'gyur// rnal 'byor pho mo gang snang ba'i// thams cad gcig tu 'dus pa ni// yul la mngon du snang bar 'gyur// mi bskyod rdo rje thabs ldan pas// oM dang haM ni ma thal bar// lan gsum gsor chen thugs kar bsgom// lhan ne'i dkyil 'khor mchog tu 'gyur// oM dang haM ni thal tsam du// kun tu gru bzhir bdag gnas te// lan gsum gsor bar gang brtson pa// tshe dang skal ba 'phel bar 'gyur// longs spyod ci 'dod 'phel bar 'gyur// de la zla kham mdog dmar gsham bsham// dpral// 'brel yang bdug bar mnyam pa

  440. 220b

    lan gsum gyis// khros pas gsor la gang brtson pas// yid la dmigs pa'i las thams cad// dbang chen dkyil 'khor nyid du 'gyur// de las gtum pa'i mdog gnag ste// drag tu phaT ces brjod pas ni// kha dog nag por bdag gnas shing // bskal pa 'bar ba'i dbus gnas pa// khros te dgug pa nyid dag tu// rgyang ni ring du 'phang na ni// ci 'dod las rnams 'grub par nges// oM badz+ra da ha dza la ha na badz+ra pa tsa dza la badz+ra hUM phaT// chos la brtan pa phyag bsnams pa// sbubs ni dril bu chos khams te// shes rab yum gyi tshogs su brtag/ skad ni gsung snyan bde ba mo// lce ni gar mkhan mya ngan 'das// chos sku thugs kyi thugs nyid las// rab tu gsor la gang brtson pas// mAM la sogs pa'i yi ge bsgom// rdo rje 'khor lo pad+ma 'bar// mAM gyi tshogs kyi 'khor lo ni// kun tu dbang bsgyur yid 'ong ba'i// 'dod pa bzhin du mthun pas 'grub// oM badz+ra g+har+the pa b+ha Sha yin nam/ sha d+harma d+ha ra/ hUM hUM hUM/ zhes brjod pas// de bzhin gshegs pa nyid de bzhin gshegs pa nyid la dgyes par gyur to// gsang ba'i snying po de kho na nyid nges pa las/ sgyu 'phrul chen po thabs dang shes rab 'byung ba phyag mtshan gyi le'u ste bcu bdun pa'o// // de nas de bzhin gshegs pa dgyes pa chen po rdo rje gsang ba'i dam tshig bkod pa la snyoms

  441. 221a

    par zhugs nas// ched du brjod pa 'di brjod do// shin tu phra ba'i dam tshig mchog/ phyag rgya chen po'i phyag mthil du// thugs kyi dkyil 'khor dam pa de// sor ni bzhi yi tshad du bya// 'bru lnga spos lnga rin chen lnga// snying po lnga dang sman lnga dang // bdud rtsi lnga nyid rab bsnyams la// rig pas thig ni gdab par bya// lte ba rtsibs dang ldan pa yi// rtsibs bzhi 'khor lo mu khyud bcas// gru chad bzhi dang gru bzhi pa// bar khyams sgo khyud ldan par bya// sen zlum tsam gyi nyi zla la// tsa na'i 'bru tsam pad+ma'i gdan// nyung 'bru tsam gyi yi ge las// phyag rgya til 'bru tsam du bri// bcos bu'i ras ni sna tshogs dang // rgyan phreng btung dang bro bas bskor// glu tshig bro gar rol mo yi// sprin phung tshogs kyis rab tu mchod// yum dang 'jo ma sems ma yis// ji ltar 'dod pa'i las bzhin mchod// dbyibs dang kha dog mtshan ldan par// zhal du gyur pa'i me bos la// bza' btung bro ba'i tshogs rnams kyis// las bzhi'i mchod pa rab tu sbyin// khro bo'i dkyil 'khor de bzhin te// shin tu phra la sbyangs pa yis// bsam yas dag la'ang de bzhin bya// rig pas dpag pa tsam du'o// mchod pa'i phyag rgya chen po ni// sems kyi yid bzhin sprin tshogs kyis// phyogs bcu thams cad sangs rgyas zhing // mnyen 'jam reg na bde ba yi// sna tshogs rin po

  442. 221b

    che yi gzhi// mdzes par bri zhing spras pa dang // kun 'byung rin chen phung po 'bar// dbyibs legs rdzing bu bro mchog bsil// rin chen khang pa sna tshogs dang // rgyan dang dpag bsam ljon shing tshal// glu dbyangs tshigs su bcad pa'i sgra// bla re rgyal mtshan na bza' gdugs// do shal dpung rgyan se mo do// bza' dang btung ba'i mchog rnams dang // rang la mdzes par brgyan pa yi// lha dang lha mor rdul snyed kyi// bro gar la sogs bsam yas kyis// phyogs bcu nam mkha'i khams bkang nas// dkyil 'khor kun la rgyas par dbul// skal ldan gsal ba'i khyad par gyis// rim gyis yang na cig char du// chos kyi dbyings dang mnyam sbyor zhing // mchod pa'i phyag rgya chen por bsgom// gsal ldan ma'am byin brlabs la// stong gsum yungs 'brur 'jug tshul du// dbyings na dkyil 'khor spyan drangs mchod// mnyes nas grub pa'i dam tshig mchog/ bdag nyid chen po mchod pa yis// sangs rgyas dkyil 'khor ma lus mnyes// srid gsum 'gro ba thams cad la// dga' ba chen pos khyab par 'gyur// sgyu 'phrul dra ba brten pa yis// phyogs bcu dus bzhir gshegs pa yi// sangs rgyas dkyil 'khor ma lus dang // khams gsum 'gro rnams mngon du 'gyur// lus ngag sems dang chos thams cad// gang na'ang mi gnas mi dmigs

  443. 222a

    pa// rang bzhin mnyam pa'i chos nyid la// mig yor tshul du sbyor ba yis// nam mkha' la ni nam mkha' bsgom// goms pa'i dkyil 'khor chen po la// kun byas dbang phyug rig pas 'jug/ de nas slob ma gzhug par bya// de nas rigs kyi bu mchog des// rgyal srid dang ni rang gi lus// bu dang chung ma nor gyi dbyig/ rab tu gces dang yid 'thad dbul// dbang phyug longs spyod lngas mchod na// dkyil 'khor thams cad mchod pa yin// nye ba'i dkyil 'khor smos ci dgos// nyes pa thams cad dag par 'gyur// dad brtson brtul zhugs rab rtogs na// phan pa'i dbang sbyin nus pa'i dbang // rim pa bzhin du sbyin par bya// snying rjes chud ma zos par gzung // yang na thal mo rab bsnol nas/ phyag rgya chen po'i pang du ni// dkyil 'khor mdzub gang tshad du yang // mkhas pas cho ga bzhin du yang na sa gzhi rab bsnyams la// dkyil 'khor khru gang tshad du bya// yang na lus gang tshad du ste// yang na lus ni gsum gyi tshad// phur bu srad bu tshon phye dang // gos rgun mdzes pa'i yid 'ong grogs// thig gdab cho ga phun sum tshogs// mkhas ldan chen pos bsgrims te bya// yang na khru ni bcu drug dang // nyi shu 'am ni rtsa lngar bya// rigs kyi dkyil 'khor lnga rnams bsgom// sku gsung thugs ldan

  444. 222b

    gzugs kyang dgod// yang na rgyang grags dpag tshad dam// nam mkha'i dbyings ni bsam yas par// sangs rgyas dkyil 'khor sna tshogs bsgom// ma mthong rmongs la ston phyir tshon// kha dog nyi shu rtsa lnga'am// lnga yi tshon gyis bri bar bya// 'dul ba'i cho ga bzhin du dbye// ting 'dzin rol mo mtha' yas mchog/ yi ge 'am gdan nam snying po'am// phyag rgya'am sku gsung thugs ldan par// byin rlabs ya mtshan rmad po che// 'grub 'gyur sangs rgyas kun gyi dam// sa la sogs las phyag rgyar byas// rnam grol rim par thob par 'gyur// dag pa'i ye shes kyis sbyangs pas// smos ci dgos te de nyid yin// phyogs dus dkyil 'khor bdag nyid che// mi dmigs thugs kyi dkyil 'khor las// dkyil 'khor thams cad spyan drang ngo // rang snang dbyer med dkyil 'khor la// 'jug pa'i mtshan nyid mnyam sbyor bas// phyogs bcu kun nas gshegs pa yi// bsnyen pa'i dkyil 'khor rab tu rdzogs// nye bar gyur pa'i dam tshig mchog/ dpag bsam shing dang yid bzhin gyis// rin chen dbyig dang 'byung ba kun// de dag rdzas yod ma yin te// rang sems bsod nams brtan pa yin// ngo mtshar cho 'phrul rmad kyi chos// gzhan nas yod 'ong ma yin te// thabs la brten pa'i shes rab nyid// de lta bu yi ngang du 'byung // shes rab dbyings nyid

  445. 223a

    de bzhin nyid// thabs kyi phyag rgyar gyur pa'i phyir// ye shes la ni ye shes rol// ye shes rol pa nyid kyang gsog/ rgyal ba sngon byung skyob pa dang // byin rlabs ston pa'ang de bzhin te// bya byed nus mthu'i gzi byin gyis// sgyu ma rdo rje btsan po'i mchog/ cho ga lnga ni rdzogs byas shing // yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson na// zhag ni sum cu phrag drug gam// bcu gnyis bcu bzhi bcu drug gis// dbang sgyur rigs kyi dam pa 'grub// de tshe bcu drug tshun chad kyis// sku lnga lhun gyis rdzogs pa ni// ye shes thig le de nyid la// ye shes thig le nyid snang ba// bsam gyi mi khyab mtha' yas mchog/ phyogs bcu dus bzhi mngon rdzogs pa'i// zhing khams rnam dag bsam yas dang // rgya dang bral ba'i gzhal yas khang // 'khor lo'i rgyan dang rol mo'i tshogs// dkyil 'khor ma lus bsam yas kun// mthong nas nye bar mnyes pa dang // rgya chen gsung las don byung ba'ang // mthun pa'i ye shes rang snang ba'o// gcig dang du mar bral ba yi// mtha' dang dbus med de bzhin nyid// sangs rgyas kyis kyang mi gzigs te// rang byung ye shes gnas med snang // log par rtog btags rnam dag cing // ye shes dbyings las mi gzhan phyir// thugs rje chen pos 'brel

  446. 223b

    pas na// 'gro drug dus gnas ma lus snang // bde ba chen po'i dkyil 'khor ni// stangs dpyal gnyis sam yang na lnga// byas te dad ldan rab zhugs na// 'dod pa yid 'ong mnyam par 'gyur// skal ba mnyam pa'i ye shes de// gnyer na nye bar 'byung ba yi// ya mtshan chen po 'byung bar nges// dad med nyams na phung bar 'gyur// zhes ched du brjod do// gsang ba'i snying po de kho na nyid nges pa las// rdo rje bkod pa gsang ba dam tshig gi le'u ste bco brgyad pa'o// // de nas de bzhin gshegs pa rgyud kyi rgyal po sgyu 'phrul dra ba las/ lhag pa'i gzugs brnyan gyi dkyil 'khor gyis// dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig ye shes rgyal po yis// thams cad ma lus man+ta la'i// de bzhin nyid kyi gzhal yas ni// rig pa rang dbang gyur pa yis// mnyam la mnyam par mi dmigs pa'i// chos sku phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas mod kyang // gzung 'dzin rnam rtog zhags pa yis// rang rig bsgribs shing bdag tu bcings// kun gyis yang dag rtogs bya'i phyir// de bzhin sku yi gzugs brnyan bstan// rtog dang mi rtog rang rig dang // yang dag thabs chen rdzogs pa'i don// rin/

  447. 224a

    chen sna tshogs la sogs dang // 'byung ba bzhi las gyur pa kun// thams cad byang chub mchog gi rgyu// gzugs sogs ri mor bris pa dag/ ye shes chen po rab 'byams kyi// don du mi 'gyur yongs ma gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la thim byas te// thams cad chos sku'i phyag rgya che// dkyil 'khor rnam gsum dag byas te// nam mkha'i dbyings kyi dkyil 'khor du// rang rig ye shes 'phro 'du yis// thams cad chos sku'i phyag rgya ste// yang dag rtogs pa'i khyad par gyis// ting 'dzin don rnams gsal bsgoms nas// mA ma ki/ ni rgyun chags la// yang dag chos sku'i phyag rgya che// de bzhin ting 'dzin gsal bsgoms nas// don mchog ma lus rdzogs pa'i phyir// mkha' la 'phro ba'i dkyil 'khor du// dri med chos sku'i phyag rgyar gsal// rang rig ye shes rgyal po yis// ting 'dzin rim par gsal bsgoms te// bsgrub bya ma lus lhun rdzogs phyir// sra brtan can gyi rang bzhin la// chos sku'i phyag rgya gzugs su sbyor// dbyings dang ye shes gnyis med par// ting nge 'dzin gyis dbang bsgyur nas// kha dog dbyibs dang gzugs su bsgyur// sna tshogs phrin las rnam par rol// don gyi snying po mchog rnams dang / byang chub phyogs rnams rab tu

  448. 224b

    rdzogs// 'jig rten gtso mchog rnams kyis bskor// a ho// chos sku'i phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang bsgyur na// ji ltar dmigs pa bzhin du 'grub// drag po gtum po gdul ba'i phyir// bdag nyid drag por bsgoms nas ni// chos sku nag po 'od 'bar gyis// bgegs kyi ling ga gnan par bya// gtum po rngam po'ang brlag par 'gyur// mi mthun phyogs kyang rdul du rlog/ 'di dang 'gro ba thams cad du// shin tu stobs drag che ldan 'gyur// thams cad gnyis med dbyings bsdu'i phyir// bdag nyid ha ya grI war bsgom// dmar po'i chos sku gsal bsgoms te// mi mthun phyogs rnams gdan du gding // ting 'dzin gsal bas byin brlabs na// thams cad ma lus dbang du 'du// mthu chen rnams kyang phyi bzhin 'brang // bran bzhin las rnams byed par 'gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdog 'drar phyag rgyar bsgom// gang 'phel chos sku'i gdan du gzhag/ de ltar dag pas byin brlabs na// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin rlabs kyis// gtum po ma lus zhi bya'i phyir// dkar zhing 'tsher

  449. 225a

    ba'i chos skur bsgom/ gang zhig gtum khro zhi ba'i gdan// de bzhin ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi'i dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs// a ho// chos sku'i phyag rgya chen pos ni// dngos grub gang 'dod sbyin par nges// nye ba'i lha ni gang bsgrub pa// phyag rgya'i snying po bris bcug na// gang bsgom the tshom med par 'grub// de ni rgyal ba kun dang mnyam// the tshom med par nges 'grub 'gyur// 'jig rten pa yi lha bsgrub na// lha yi snying po gang yang rung // bris te dkyil 'khor nang bcug na// lha de nye bar 'grub par 'gyur// chos nyid rten cing 'brel bris nas// chos kyi don rnams rtogs par 'gyur// rang dang spyi yi don rtogs nas// skye rga na 'chi med rtogs 'gyur// phyag rgya chen po de dag la// nyon mongs las rnams sbyong byed pa'i// snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang // tshad dpag med pa'i phyag rgya che// sku gsung thugs ni rgyun mi 'chad// zhing khams bye ba rdul dang mnyam// a ho/ rdo rje gsang ba'i tshig

  450. 225b

    tu'o// gsang ba'i snying po de kho na nyid nges pa las/ lhag pa gzugs brnyan gyis dngos grub len pa'i thabs mchod rten gdab pa'i le'u ste bcu dgu pa'o// // de nas de bzhin gshegs pa dgyes pa chen pos/ rgyal po sbyin pa zhes bya ba'i ting nge 'dzin la snyoms par zhugs nas ched du brjod pa 'di brjod do// shes rab thabs kyi phyag rgya las// bde ba'i 'bru tshogs gsal ba'i rgyun// rdo rje'i lam nas pad+mar bskyil// rtse nas bstim zhing dkyil 'khor bsgyur// nyan byed 'khor lo'i gzhal yas su// gsal ba'i thig le ngo bo nyid// trAM gyi phyag rgya'i tshogs mchog las// rin chen dkyil 'khor gsal sgro thim// trAM// gsang ba gsang chen gsang mchog gang // gsang ba kun la'ang mnyan par bya// gsang ba'i don nyid brtag pa la// gzhan du smra bar bya ba min// gsal ba'i 'khor lo'i gzhal yas su// gsal ba'i thig le'i ngo bo nyid// yi ge phreng ba'i tshogs mchog las// rigs kyi dkyil 'khor gsal sgro thim// oM dus gsum rgyal ba'i sras chen po// sku gsung thugs kyi rdo rje bzung // rgyal ba thams cad mnyes mchod la// rgyal ba kun dang mnyam par sbyor// lag pa'i 'khor lo'i gzhal yas su// gsal ba'i thig le'i ngo bo nyid// hUM gi phyag rgya'i tshogs mchog las// las kyi 'khor lo gsal sgro thim// oM/ khyod ni rdo rje las yin

  451. 226a

    gyis// las rnams ma lus kun gyis shig/ pho nya mang po'i 'du 'phro kun// khyod kyi dgos pa byed pa yin// sgra byed 'khor lo'i gzhal yas su// gsal ba'i theg le'i ngo bo nyid// hrIHyi phyag rgya'i tshogs mchog las// chos kyi 'khor lo gsal sgro thim// oM chos kyi bdud rtsi bla med kyis// dad ldan skyes bu ngoms par byos// rab 'bring tha ma'i blo can la// mthun par gsang bsgrag gzhan du min// bskyod chen 'khor lo'i gzhal yas su// gsal ba'i thig le'i ngo bo nyid// hUM oM s+t+wa~M aM hA rnams las// dkyil 'khor lnga dang khro phreng bsgom// oM phyogs bcu dus bzhi thams cad kyi// sku gsung thugs kyi rdo rje che// dkyil 'khor kun gyi byed pa po// dkyil 'khor kun gyi sbyin pa spyod// slob dpon mnyes par ma byas shing // dbang rnams thob par ma byas par// nyan pa la sogs brtsam pa rnams// 'bras bu med cing brlag par 'gyur// dbu rgyan cod pan phreng ba dang // go cha rgyal mtshan phyag rgya dang // gdugs dang bum pa bza' dang btung // snying po lnga yi dbang bskur na// dus 'di phan chad rgyal ba'i sras// ngan song thams cad med pa dang // gnyen por gyur pa'i rtsal 'chang bas// tshe ring bde ba phun sum tshogs// kun tu bzang po la sogs mtshan// mtho ris thar pa'i dbang por 'gyur// lus dang phung po bcas pa

  452. 226b

    yis// rig 'dzin sa la gnas pa yin// rig 'dzin sa la gnas pa yis// bla med kun tu bzang por 'gyur// yum dang sgeg mo la sogs pas// de nyid byin gyis brlab par 'gyur// pho nya 'phro 'du mang po rnams// sangs rgyas bka' las mi 'da' zhing // de yi dgos pa byed pa dang // sgo dang skur pa la sogs pa// de ni myur du brlag par 'gyur// tshe ring bde ba phun sum tshogs// mtho ris thar pa'i bdag por 'gyur// zhes ched du brjod do// gsang ba'i snying po de kho na nyid nges pa las// dbang sbyin pa'i le'u ste nyi shu pa'o// // de nas de bzhin gshegs pa dgyes pa chen po// mnyam pa nyid la bzhugs nas// lhag pa'i ting nge 'dzin gyi dngos grub nye bar len pa'i thabs 'di gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub phyogs la gzud par gnas// mchog tu bde ba'i zhing gnas pas// mnyam rdzogs chen por lhun bsgoms shing // byang chub sems su brtan par gzung // bya ba med las bya byed bya// mi gnas gnas la gnas par bsgom// b+ha ga'i dkyil du ling ga gzhag/ a/ shin tu 'tsher zhing gsal bsgoms nas// 'od 'phro 'bar bas thams cad khyab// dug gsum ngan song gnas bsregs nas// b+ha ga'i dkyil du 'od 'phro thim// thim gyur dbyings nas phyag rgya

  453. 227a

    'bar// a ma las ni zla nyi 'bar// phyogs bcur 'thoms pa'i mun sel zhing // nyon mongs sdug bsngal bsal ba'i sman// thugs rje'i byin rlabs bsam mi khyab// rol pa'i phyag rgya bsam mi khyab// mkha' la 'ja' tshon sprin mang yang // nam mkha'i dbyings su thams cad bsdus// thams cad mkhyen nyid bsam yas kyang // chos kyi dbyings su thams cad 'dus// thams cad yi ge hUM du gyur// hUM nyid gsang ba'i thugs rje'i dkyil// 'od zer 'phros pa 'bru gsum ste// yang na yi ge 'bru lnga'o// lnga pa'i don spros bzhi bcu lnga// gzhan yang dkyil 'khor bsam yas mchog/ ma bcos ngang gis gnas pa la// ye shes lhag pa'i dkyil 'khor bsgom// sen zlum zla ba gang ba yis// thugs kyi dkyil du gnas par bya// nyi ma'i dkyil 'khor gang ba yi// gzhal yas 'od zer 'bar ba'i khang // pad+ma'i gdan dang rin po che// de dkyil yi ge hUM gnas pa// shin tu phra zhing nyung 'bru 'bar// gnas gcig dang ni gnas gsum dang // gnas lnga dag tu rab tu bsgom// shes rab spyan la 'dris pa dang // nr-i yi mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs bcu'i stong khams rdul snyed du// thugs rje'i byin rlabs bsam yas spro// spros kyang hUM las nyams pa med// bsdus kyang

  454. 227b

    phyogs bcur bri ba med// spros med bsdu med de bzhin las// yi ge mAM du thim par 'gyur// thim 'gyur dbyings nas phyag rgyar 'bar// shin tu gsal zhing 'dris pa dang // phyag rgya'i sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis sam// zhal gsum phyag drug rtag tu bsgom// gzhan yas khang dang gdan khri rnams// phra ba'i tshul de snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri dang // rin chen pad+ma dril bu 'bar// phyag rgya chen po de dag las// phyogs bcu ma lus gzhal yas khang // nyi zla gza' skar gdan dang rgyan// bde gshegs dkyil 'khor ma lus bsgom// thugs rje'i byin rlabs 'gro don mdzad// zhi ba phyogs gcig shes bya sbyang // sa bcu mnyam par sbyong byed cing // bde gshegs 'khor yang dga' bar byed// de ltar bsgrub pa'i rigs mchog de// 'bras bu mngon du ma smin kyang // sdug bsngal thams cad yongs mi 'byung // lha mi mtshan rdzogs yongs su 'grub// theg pa dman par yongs mi skye// bde gshegs 'byung dang bskal mi 'gyur// byang chub gzungs la zhugs pa yin// zhes nyid la nyid gsungs so// rdo

  455. 228a

    rje gsang ba'i tshig tu'o// gsang ba'i snying po de kho na nyid nges pa las/ rdo rje sems dpa' sgrub pa'i le'u ste nyer gcig pa'o// // de nas de bzhin gshegs pa dgyes pa chen po sgyu 'phrul dra ba'i rgyal po bsgyur ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// rgyu gcig dang ni yig 'bru'i tshul// byin gyis brlabs dang mngon sum par// rab tu rtogs pa rnam bzhi yis// thams cad mngon rdzogs rgyal po che// yan lag dbang po rnam shes kun// rnam smin A~M du shes par bya// rdzogs pa'i dkyil 'khor nyid du bsgom// yang na khros pa'i dkyil 'khor bsgom// gzugs sgra dri ro reg la sogs// rnam smin mAM du shes par bya// yum gyi dkyil 'khor nyid du bsgom// yang na khro mo'i dkyil 'khor bsgom// gos rgyan bza' btung glu dang tshig/ bro gar tshogs kyi sprin phung la// hUM du sa pas rab spyad na// ngo mtshar rmad du byung ba yi// dkyil 'khor ma lus mnyes par 'gyur// lha mo klu mo rigs ngan mo// dbye ba'am yang na mi dbye bar// bsnyen pa dang ni nye bsnyen dang // sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor spro// sangs rgyas sprin tshogs ma lus la// dgyes mnyam mchog gi sbyin pas bstim// sgrub pa'i nyi zla snying po de// 'gro drug dus

  456. 228b

    gnas de dag nyid// mchod pa chen po mnyes sbyar zhing // dkyil 'khor rdo rje'i lce yis blang // mkha' 'gro gsal 'bar tshe la sogs// yid bzhin sprin gyi bdag por 'gyur// zhing gyur mchog dang mchog phran rnams// nyi zla'i dkyil du mkhas pas gzhag/ nga rgyal lag gi 'du byed bsgom// hUM du byung bas rnam par dag/ dbyings su thim pas phyag rgya 'bar// sku gyur 'od zer 'phro bas brjid// gtsug tu rnam par rgyal ba bsgom// ngo mtshar ngan 'gro thar pa'i thabs// ye nas skye med de bzhin nyid// sgyu ma snang ba mig yor tshul// sbyor sgrol bya ba kun byas kyang // rdul cha tsam yang byas pa med// snod bcud rgyud rnams dag rtogs shing // mnyam gnyis lhag pa'i mnyam gnyis kyis// dkyil 'khor kun tu bzang po'i zhing // byed spyod tshogs chen gnyis gyur nas// yan lag ma nyams yo byad ldan// cho ga rdzogs par shes pa yi// rnal 'byor tshogs pa'i dkyil 'khor gyis// nges par legs pa'i dgos pa 'grub// lnga dang lnga yi sbyor ba yi// tshom bu lnga yi lha bkod la// khro bo bcu dang khro mo bcu// 'khor lo'i tshul du rnam par bsgom// de bzhin gshegs dang rdo rje'i rigs// pad+ma'i rigs te sku gsung thugs// khro bo'i tshogs dang ldan pa yi// tshom bu gsum gyi lha rnams bsgom// rigs kyi rigs te rigs kyi gtso// thugs kyi thugs

  457. 229a

    te thugs kyi mchog/ khro bo'i tshogs dang ldan pa yi// tshom bu gcig pa'i lha rnams bsgom// khro bo khro mo'i tshogs chen po// pho nya phyag brnyan bka' nyan tshogs// ci bgyi la sogs tshogs rnams kyi// dngos grub las rnams rdzogs par byed// rnal 'byor sngags 'chang dngos grub ni// mnyam rdzogs lhun grub dang gnas shing // spyod pas ci la'ang thogs med pa'i// thams cad ye nas dbyer med pa'o// rdo rje'i rigs su thams cad dkyil// 'od 'phro 'bar bar rab tu bsgom// chags med tshul gyis bstim par bya// gnyis med gyur nas phyag rgya che// yang na sku gsung thugs nyid de// thams cad ma lus chos skur 'dus// zhes de bzhin gshegs pa nyid la de bzhin gshegs pa nyid ched du brjod do// gsang ba'i snying po de kho na nyid nges pa las/ tshogs kyi dkyil 'khor gyi le'u ste nyer gnyis pa'o// // de nas de bzhin gshegs pa dgyes pa chen po/ rol mo'i sprin rnam par spros te/ rgyan bkod pa'i ting 'dzin la snyoms par zhugs nas/ ched du brjod pa 'di brjod do// sgyu 'phrul dra bas mngon rdzogs pa'i// dkyil 'khor brtan pa'i ting nge 'dzin// bro gar phyag rgya'i 'du 'phro yis// 'dzul lam nam mkhar 'gro bar 'gyur// glu tshig sgra yi phyag rgya yis// chos kyi dngos grub 'thob par 'gyur// rgyan dang bgo

  458. 229b

    ba'i phyag rgya yis// 'bar ba'i rgyal go thogs med 'grub// bza' dang btung ba'i phyag rgyas ni// yid bzhin sku dang bdud rtsi 'grub// A li kA li'i phyag rgya yis// sku gsung mchog gi thugs ldan pas// thams cad thams cad 'grub par 'gyur// shes 'jug mtshan nyid sbyor ba'i gzungs// 'bras bu smin byed rgyu dang rkyen// nus mthu can du gang gyur pa// rig 'dzin rgyal ba'i zhing du grags// mi dang lha dang tshangs pa yi// skye ba rnam dag 'dzin mod kyi// khyad par sa la gnas 'gyur yin// pha rol phyin pa kun tu rdzogs// thabs dang shes rab thabs kyi mchog/ shes rab mchog gi mchog gyur pa'i// sa yi khyad par bcu dang gsum// rgyu 'bras khyad par lhun gyis rdzogs// mkha' dbyings dngas pa'i dbyings nyi zla// ye shes rgyal po stangs dpyal bsgom// rgyal ba'i dkyil 'khor thams cad kun// ma lus par ni bsgom par 'gyur// dus bzhi phyogs bcu gang nas kyang // rdzogs pa'i sangs rgyas rnyed mi 'gyur// sems nyid rdzogs pa'i sangs rgyas te// sangs rgyas gzhon du ma tshol cig/ dkyil 'khor kun tu rab sbyor bas// dkyil 'khor thams cad 'grub par 'gyur// cho ga lhag gam ma tshang na// skyon nyid dag ste nyes pa med// ces ched du brjod pas// rol mo'i sprin gyis mnyes par gyur te// sku gsung thugs dang yon

  459. 230a

    tan phrin las rdo rje las// rdo rje gsang ba'i tshig 'di phyung ngo // a ho/ ma mthong rmongs las chags pa yis// chos rnams ming du btags pa tsam// 'gro drug dus gnas ming tshogs khyad par rab snang ba'i// zab chen spyod yul log par rtog btag ming tsam du// A li kA li la sogs 'dod pa'i snying po nyid// phyag rgya glu tshig sku gsung thugs// thugs kyi thugs chen yon tan rdzogs pa'i sangs rgyas ni// nyid de mnyam pa'i thugs su rab tu gsal// mnyam nyid khyab pa'i stangs dpyal yon tan mchog ste sngags kyi phrin las rdzogs// rdo rje gsang ba'i tshig tu'o// gsang ba'i snying po de kho na nyid nges pa las// tshogs bsgrub pa'i le'u ste nyer gsum pa'o// // de nas de bzhin gshegs pa phyogs bcu dus bzhi'i sku gsung thugs rdo rje'i dkyil 'khor gcig tu 'dus nas// dgyes pa chen pos chos thams cad ye nas rdzogs pa chen por lhun gyis grub pa'i dam tshig shin tu gsang ba'i snying po sprin bkod pa'i ting nge 'dzin la snyoms par zhugs nas/ ched du brjod pa 'di brjod do// ma rtogs pa dang log par rtogs// phyogs rtogs yang dag nyid ma rtogs// 'dul ba dgongs pa gsang ba dang // rang bzhin gsang ba'i don rnams ni// yi ge sgras btags ming tshogs la// brtan pa'i tshig gis rab mtshon te// khong

  460. 230b

    nas gab sbas don 'byin pa// ston pa rdo rje'i thugs la gnas// dkyil 'khor ldan pa'i dkyil 'khor gyis// dkyil 'khor la ni dkyil 'khor bsgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// sku gsung thugs rigs kun mnga' ba'i// bde gshegs kun gyi snying po rdzogs// 'byung ba shes rab rigs kyi yum// chen po shes rab de bzhin te// byang chub sems ni rdo rje'i tshogs// dbang po yum dus rig pa rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes lngas blta/ zhing // snying po thig le mnyam sbyor bas// bde ba'i ye shes rol mo yis// ye shes dgyes la mnyes par 'bul// zag pa med pa'i bsod nams kyis// ye shes sgyu mar rang snang ba// rol mo'i dkyil 'khor bsam yas mchog/ gsang ba'i thig le nyid kyi dbyings// de ni sangs rgyas kun gyi dngos// phyogs bcu dus bzhir mngon rdzogs pa'i// sku gsung yon tan phrin las thugs// ma lus bdag nyid zhal mthong ba// dbang bsgyur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyan du dkyil 'khor ma

  461. 231a

    lus thogs// rdzogs pa'i dkyil 'khor mnyam sbyor bas// thugs rje'i dkyil 'khor yongs kyis 'byung // phyogs dus dkyil 'khor 'dul ba'i mgon// sgyu ma'i dkyil 'khor sgrol ba yi// bya byed med par dkyil 'khor spyod// ye shes rdzogs pa'i dkyil 'khor la// thos bsam bsgom pa'i mnyam sbyor gyis// rang byung kun dam lhun gyis grub// 'di ni sangs rgyas thams cad kyis// 'da' bar mi mdzad dam tshig mchog/ gang zhig 'di la mos gyur na// sangs rgyas dkyil 'khor thams cad kyis// phyogs dus kun nas thams cad du// dkyil 'khor ma lus bsnyen pa yi// nye ba'i sras su dgongs par 'gyur// bskal pa zhing gi rdul snyed du// shin tu sbyangs la rab gnas shing // dkyil 'khor ma lus bsnyen pa yi// 'bras bu gsang chen 'di yin te// 'jig rten drug gi phyogs bcu na// 'das dang da ltar byung ba yi// rgyal ba'i dkyil 'khor ma lus pa// bsnyen nas sku lnga lhun gyis rdzogs// 'byung dang ma 'ongs thams cad kun// 'di yis lhun gyis grub par 'gyur// 'di ni gsang chen nges pa yi// 'bras bu lam du gyur pa yin// rgyal ba'i dkyil 'khor ma lus la// 'di las gsang ba'i nges don med// btsal kyang rgyal bas mi brnyes so// kun gyi phyag rgya chen po

  462. 231b

    mchog/ thos bsam bsgom la rab sbyangs pa'i// shes rab mig ldan rnams kyis zung // snod ldan ngang tshul bzang la bsten// lus dang longs spyod gtong la sbyin// gzhan du nam yang sbyin mi bya// rmongs la 'phyar bas gal te sbyin// dus min par ni srog zad nas/ bsreg dang sbrebs la yun rings gnas// zhes de bzhin gshegs pa nyid kyis de bzhin gshegs pa nyid la ched du brjod do// gsang ba'i snying po de kho na nyid nges pa las/ shin tu gsang ba'i man ngag gi le'u ste nyer bzhi pa'o// // de nas bcom ldan 'das dpal kun tu bzang pos// dgyes pa chen po'i ngang las/ gsang ba 'byung ba zhes bya ba 'di ched du brjod pa 'di brjod do// e ma ho 'o lus thams cad bde ba che// dus gsum bde gshegs shes rab mchog/ gdod nas ma skyes rnam dag byang chub sems// rang bzhin dbyer med gdod mtha' mi 'byed cing // ye nas mnyam pas rgyal ba rgya mtsho yin// 'gro 'ong med par dus gsum cig char rdzogs// dbye bsal med cing bzang ngan blang dor med// rnam rtog nyid na ye shes rang bzhin te// rnam rtog mi bskyed ye shes brjod du med// bdag tu med pa'i skyes mchog sngon sbyangs pa// khri la 'ga' tsam gal te 'byung 'gyur zhing // snga rabs phyi rabs dag dang dbyer med pa'i// mngon sum sangs rgyas skyes mchog de

  463. 232a

    dag las// bskal pa 'ga' nas shes rab blo sbyangs pa// dad ldan 'ga' yi 'tshams par ci theg gi// bdag nyid ma mthong shes rgyud ma 'byongs pas// gzhan du 'tshol zhing rmongs pa'i sems can gyis// bstan kyang ma thos mtshon kyang ma mthong ba// bdag cag gzhan du 'tshol bas sangs mi rgya// de dang ma bral ston pa mi mthong zhing // bgrod par 'dod pas phyin par mi nus te// shes rgyud ci yin gang gis ngo shes shing // bya byed las 'phags kyi nar 'dug byed pa// gang zhig blo la spyod pa byang chub thob// ma spangs mtshan ma kun bral yongs med pas// bran byed mi spong 'khor rgyun mi 'byed de// ma snyigs mi 'byed mngon sum sangs rgyas la// blo yi rig pas dpyad cing nan tan dang // mchod cing bsten pas byang chub thob mthong ste// nam mkha' bzung bas sprin gyis khebs par 'gyur// nam mkha' med par gang gis shes pa ni// sbyin zhig 'byung zhing khebs par mi srid do// rnam par rtog pa'i g.yung drung sangs rgyas la// thams cad ye nas mnyam nas rnam dag cing // mi rtog sa ler gnas la rtog pa mdzad// bsnyad du med pas sna tshogs 'byung ba yin// bdag med bdag chen thams cad 'byung ba'i gter// ma bkag pa las 'byung zhing 'byung med pa'i// thams cad sems kyi ngang ste sems shes gdags su

  464. 232b

    med// ma bcos lhun gnas ye nas byang chub cing // thob rgyu med pas ye nas bde gshegs yin// zhes brjod pas/ chos dang ye shes kyi khams thams cad rang bzhin sangs rgyas par de bzhin gshegs pa da kyis mkhyen to// mkhyen nas ji bzhin pa'i bdag nyid chen po// de bzhin gshegs pa thams cad kyi sku dang gsung thugs rdo rje sgyu 'phrul dra ba las// rdo rje gsang ba'i tshig 'di phyung ngo // e ma ho ma bsgrub grub chen po// grub pa chen po ye shes che// blang dor med pa'i sa chen po// mi g.yo 'du 'bral med pa'i gzungs// rtogs pa'i ye shes yid bzhin gter// thams cad la yang me long bzhin// bltas kyang gzugs brnyan mi snang ngo // gang na gsang chen 'di yod par// me ma mur gyi dong 'bog la// spu gri'i so ni gtams pa la// 'dzegs nas bu dag 'gro bar byos// khongs na gnas pa'i yang khongs su// lcags kyi sgrom bu kha bsdam mo// dbyings nyid la ni dbyings spyod phyir// dbyings nyid mchog gi gnas la spyod// de nyid mi gnas mya ngan 'das// rdo rje gsang ba'i tshig tu'o// gsang ba'i snying po de kho na nyid nges pa las/ gsang ba chen po man ngag gtan la phab pa'i le'u ste nyer lnga pa'o// // de nas de bzhin gshegs pa dgyes pa chen pos// mnyam pa'i dkyil 'khor la bzhugs nas/ nyid kyi sku la thams cad ma

  465. 233a

    lus pa 'dus pa ston te// ched du brjod pa 'di brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par mnyam yin pas// nges pa med par yang dag gsung // 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing // sems can kun gyi zhing gyur pa// de dag gnyis med dbyings su sbyor// thams cad thabs kyi mtshan nyid de// thabs la zabs mi rnam par sbyor// thabs chen thabs las byung ba yi// de ni byang chub rdo rje mchog/ ji snyed brjod pa'i kha brgyud kyang // yang dag don gyi snying po ni// gang nas btsal kyang mi rnyed de// rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de mnor lam yin par// a yis bo d+hi rab tu bsdus// de bzhin nyid kyi dbyings nyid ni// gcig gam 'di zhes brjod du med// gnyis med dbyings kyi ngang du med// gsum du sna tshogs 'byung zhing sgo// byin rlabs bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blos bsam pa'i 'khrul pa yin// thams cad rang rig byang chub

  466. 233b

    sems// de ni lung gi tshad mar bshad// tshad bzhis phab pa'i don yin te// dag pa rnam gsum tshul bsgom zhing // 'bru lngar bsdus pa'i thabs chen te// 'gro ba kun la rang bzhin gnas// bya ba med las byas pa med// zad pa'i dus med yid bzhin gter// bum pa bzang dang yid bzhin mdzod// za ma tog dang rin chen rgyal// gzhan nas yod 'ong ma yin te// rang sems gzod nas bstan pa yin// zhes ched du brjod pa 'di brjod do// gsang ba'i snying po de kho na nyid nges pa las/ bsnyen pa'i le'u ste nyer drug pa'o// // de nas de bzhin gshegs pa thams cad kyi sku dang gsung dang thugs rdo rje'i bdag po// sangs rgyas thams cad kyi ngo bo nyid kyis/ khro bo'i dkyil 'khor du mngon par 'du mdzad de// de ci'i phyir zhe na/ bdag tu rmongs pa'i rtog pas btags pa la mngon par zhen pas/ yang dag pa'i lam dang bral ba dag/ gab pa'i gsang ba ma rtogs par// sbas pa'i gsang ba la mngon par 'chel nas// rgyu dang 'bras bu la rmongs pas/ srid pa'i sa bon rtsub mos 'phangs nas mtshams med pa'i rab tu tsha ba'i dmyal bar skyes so// de rab tu ba'i sdug bsngal drag pos gdungs pa dang / 'dod pas gdungs nas 'di bas shin tu grang na yang ci ma rungs snyam pa'i mod la rab tu sbrebs pa dang / pad+ma ltar gas pa'i sdug

  467. 234a

    bsngal drag po de dag gis rab tu nyen pa de lta bu'i sdug bsngal rab tu tsha ba la sogs pa'i sdug bsngal brgyad/ shin tu grang ba la sogs pa brgyad po dag tu/ 'jig rten gyi khams brgyud cing bskal pa chen po stong phrag bcu gnyis su myong ngo // de nas rnam par smin pa de zad pa dang / yi dwags ltogs pa dang / skom pa'i sdug bsngal gyis nyen pa dang / 'dod pa'i yon tan rnams yid du mi 'ong ba dang / gdug cing rtsub pa'i dngos po sna tshogs su gyur pa dang / yong med par yang 'gyur zhing / shin tu rid cing bskams pa dang / lus dang yan lag dang dbang po mi 'tshams par gyur par bskal pa chen po drug tu skyes so// de nas las kyi sgrib pa rtsub mo'i rnam par smin pa de khad kyis bsrabs pa dang / sngon gyi srid pas mtshams sbyar nas yi dwags srin po chen po rab tu gdugs pa gtum po/ lus gcig la mgo bo brgya pa dang / mgo sna tshogs pa dang / lus brku la mgo bo gcig pa dang / lus sna tshogs pa dang / yan lag mang po dang / yan lag sna tshogs pa dang / gdug pa'i lag cha sna tshogs pa thogs pa/ 'khor rab tu mang po dang / 'jigs pa'i gzugs dang / 'jigs pa'i nga ro sna tshogs sgrogs pa/ gzugs dang / nga ro dang / dri dang / kha rlangs kyis thams cad spyi bung zhes byed pa dang / rab tu 'jigs pa'i rlung nag dang / grang

  468. 234b

    ba dang / tsha ba'i dbugs kyis phyogs kun tu khams 'khrugs par byed pa/ nad bzhi brgya rtsa bzhis 'debs par byed pa/ myos shing nyams par byed pa'i mthus/ klu'i ris dang / lha ma yin gyi ris dang / lha'i ris dang / tshangs pa'i ris dang / 'od gsal dang / dge rgyas dang / 'bras bu che man chad dbang du bsdus so// de sngon bsten pa'i stobs kyis/ thams cad mkhyen pas gzigs nas/ thugs rjes 'dul bar gyur te/ thams cad kyi mtshan nyid bstan pa'i glu 'di blangs so// e ma ho 'gro ba yongs ni bde gshegs lam yin te// sdug bsngal sel mdzad sgyu ma'i sprul par snang // yon tan rmad byung che ba'i rang bzhin 'di// sdug bsngal kun la bshes gnyen mgon po yin// rmongs dang 'khrul pa rab sel zhe sdang 'joms// kun 'byung bde ba rdo rje'i sku mchog ste// rdzogs ldan mdzad pa'i phrin las bsam yas pas// thugs rje chen po'i dbang gis bdud rnams 'joms// sku mchog sna tshogs thabs mkhas bsam yas la// rol pa'i rtsed mor 'gro ba'i don mdzad cing // byang chub sems kyi lam la gnas par mdzad// 'gro ba kun la bde ba gcig pu pa/ a ho/ dgyes pa'i mnyes pa nyid la gnas par mdzod/ byin rlabs kun gyi bde ba nyid la snang // zhes brjod pas// de bzhin gshegs pa nyid de bzhin gshegs pa nyid la/ kun las

  469. 235a

    rnam par rgyal ba nyid du mkhyen nas/ mnyes par gyur to// de nas de bzhin gshegs pas che ba'i rdo rje bkod pa'i sgyu 'phrul dra bas 'jig rten drug gi phyogs bcu srid pa gsum gyi bdag po 'dul ba'i nga rgyal chen po rnam par 'phro ba'i/ sgyu 'phrul dra ba'i dkyil 'khor rgyal po'i ting nge 'dzin la snyoms par zhugs te// de bzhin nyid kyi dbyings nas/ khro mo'i dbang phyug chen mo mngon du byung ste/ hi hi zhes dgyes pa'i gzi mdangs kyis rin chen pad+ma rgyas par mdzad nas/ gnyis su med par 'khril ba'i dgyes pas thim nas/ byang chub sems kyi sprin las/ hUM hUM hUM/ bi shra badz+ra kro d+ha dz+wa la man+ta la/ phaT phaT phaT/ ha la ha la ha la hUM zhes brjod pas/ 'jig rten drug gi phyogs bcu mtha' yas pa thams cad khyab par khro bo'i dkyil 'khor gyi tshogs stong gsum gyi 'jig rten tsam/ phyogs bcu rdul phra mo snyed thon par gyur pas/ 'jig rten drug gi phyogs bcu thams cad g.yos/ rab tu g.yos/ kun tu g.yos/ 'ur 'ur/ rab tu 'ur 'ur/ kun tu 'ur 'ur/ chem chem/ rab tu chem chem/ kun tu chem chem mo/ shig shig/ rab tu shig shig/ kun tu shig shig go/ gtor gtor// rab tu gtor gtor// kun tu gtor gtor ro// 'jig rten drug gi phyogs bcu'i stong khams thams cad na gnas pa'i dbang che ba gzi brjid che ba dang

  470. 235b

    mthu che ba'i dbang phyug chen po la sogs pa thams cad brgya la/ rab tu rgyal/ kun tu rgyal bar gyur to// de nas bcom ldan 'das dgyes pa chen po nyid/ 'jigs byed chen po shin tu rngams pa'i spyi bung zhes byed pa'i 'bar ba chen po// khrag 'thung sku smug nag cir yang 'gyur ba/ dbu dang phyag dang zhabs stong khams kyi rdul snyed mtshon cha sna tshogs 'dzin pa de/ dbu gsum phyag drug zhabs bzhir gyur te// dur khrod chen por dgyes nas khrag gi rgya mtsho'i dkyil na/ keng rus chen po'i ri rab kyi steng 'bar pa chen po'i klong gi 'khor lo'i dkyil na/ dbang phyug chen po dang / dur khrod kyi bdag po dregs pa chen po khyod shug gi gdan la/ brkyangs bskums su bzhugs so// khro bo'i dkyil 'khor gyi sprin phung de dag kyang / la la ni dpal khrag 'thung chen po rdo rjer gyur te/ shar phyogs su bzhugs so// la la ni dpal khrag 'thung chen po rin po cher gyur te/ lho phyogs su bzhugs so// la la ni dpal khrag 'thung chen po pad+mar gyur te/ nub phyogs su bzhugs so// la la ni dpal khrag 'thung chen po kun tu las su gyur te/ byang phyogs su bzhugs so// de dag kun kyang 'jigs byed chen po'i cha lugs dang / rngams pa'i nga ro dang / 'bar ba'i klong na/ dbu gsum phyag drug/ zhabs bzhi/ dri za dang / gnod sbyin dang / srin po dang / gshin rje la sogs pa

  471. 236a

    khyo shug gis gdan du byas pa la bzhugs so// srin mo khrag 'thung chen mo rnams kyang so so'i sku la 'khril ba'i tshul gyis bzhugs so// rigs lnga'i he ru ka gcig tu bstims te bsdus nas gcig gis mang po 'dul ba'i ngo mtshar bstan nas/ dregs pa chen po la sogs pa/ gtum pa'i sems kyis gdug pa'i rdzu 'phrul chen po sna tshogs bstan nas/ mgrin gcig tu gdug pa'i nga ros brlang ba'i gtum tshig tu smras pa/ thong thong snying rje'i bdag po ci de ltar byed dam zhes zer zhing shin tu gtums sems kyis rngams nas khros so// de nas bcom ldan 'das dgyes pa chen pos/ thams cad kyi bdag nyid des dbu dgu phyag bco brgyad zhabs brgyad du gnas nas/ rngams pa'i skad kyis thugs rjes 'dul ba'i thabs kyi shin tu phros nas/ hUM hUM hUM/ ha ha ha/ khA hi khA hi khA hi/ zhes brjod nas/ dbang phyug chen po la sogs pa/ gdug pa chen po'i tshogs de dag gi snying dang / dbang po kun phyung / nang khrol kun drangs yan lag kun bcad gtubs nas sha kun zos/ khrag kun 'thungs/ rus pa kun 'chos so// de nas hUM hUM hUM b+h+yo/ e A ra li/ dzaHdzaHzhes brjod pas/ phyogs bcu'i 'jig rten gyi khams nam mkha' dang bcas pa nyung 'bru gcig tsam du chud par bsdus so// de nas 'byung po ma lus pa'i rgyal po'i yang rgyal po dregs pa

  472. 236b

    chen po la sogs pa'i chung ma/ 'byung po thams cad kyi rje mo'i yang rje mo/ srin mo chen mo mi'i srin mo dang / tshangs ma dang / 'khrug mo dang / dbang mo dang / 'jug sred mo dang / gzhon nu mo dang / dmar mo dang / bdud rtsi mo dang / zhi ba mo dang / be con mo dang / srin mo dang / za ba mo dang / dga' ba mo dang / ra ro khrag 'thung myos byed dang / gcig pur spyod mo dang / yid 'phrog mo dang / grub mo dang / rlung mo dang / gsod byed mo dang / me mo dang / phag mo dang / rgan byed mo dang / sna chen mo dang / chu lha mo dang / nag mo chen mo dang / ra mgo dmar ser chen mo dang / bum rna sngo nag chen mo dang / gsus 'dzin ser nag chen mo la sogs pa bran dang yang bran g.yog dang yang g.yog/ 'khor zhing gi rdul snyed kyang bsdus so// de nas bcom ldan 'das dgyes pa chen po dpal khrag 'thung chen po'i 'dul ba'i thabs kyis/ yang rigs lnga'i 'jigs byed chen po snang bar byas nas// de dag kun kyang dgyes pa chen po'i rol pa'i dkyil 'khor gyi sprin 'byung ba zhes bya ba'i ting nge 'dzin la snyoms pa bzhugs nas/ sku dang / gsung dang / thugs rdo rje las 'di dag phyung ngo // oM AHhUM badz+ra pra we sha a la la ho// zhes brjod pas/ 'byung po'i rgyal mo rnams shin tu chags pa'i yid g.yos nas/ pad+ma'i dkyil 'khor sdud cing rgyas par gyur

  473. 237a

    nas// dper na khab len la lcags 'du ba'i tshul du/ bcom ldan 'das dgyes pa chen po dpal khrag 'thung rdo rje'i sbru la srin mo chen mo mi'i srin mo dang / dmar mo dang / dga' ba mo dang / gsad byed mo dang / nag mo chen mo dang / dmar ser chen mo dang / sngo nag chen mo dang / ser nag chen mo rnams 'khril to// bcom ldan 'das dpal khrag 'thung chen po de bzhin gshegs pa'i sku la/ tshangs ma dang / 'khrug mo dang / dbang mo dang / 'jug sred mo dang / gzhon nu mo rnams 'khril to// bcom ldan 'das dpal khrag 'thung rin po che'i sku la/ bdud rtsi mo dang / zhi ba mo dang / be con mo dang / zab mo dang / srin mo rnams 'khril to/ bcom ldan 'das dpal khrag 'thung chen po'i pad+ma'i sku la khrag gis myos ma dang / gcig pur spyod ma dang / yid 'phrog ma dang / grub mo dang / rlung mo rnams 'khril to/ bcom ldan 'das dpal khrag 'thung chen po kun tu las kyi sku la/ me mo dang / phag mo dang / rgan byed mo dang / sna chen mo dang / chu lha mo rnams 'khril to// de nas bcom ldan 'das dgyes pa chen po khro bo'i dkyil 'khor de dag gis/ hUM hUM brjod pas/ pad+ma'i dkyil 'khor gyi tshogs bsdus nas/ shin tu bcum par gyur to// de nas dgyes te ha zhes brjod pas/ byang chub sems kyi sprin las/ dkar mo tshogs dang / rkun

  474. 237b

    mo'i tshogs dang / rmongs mo'i tshogs dang / thal byed mo'i tshogs dang / spos mo'i tshogs dang / gtum mo'i tshogs dang / sme sha can gyi tshogs dang / ma tshogs ma yi tshogs rnams rang rang gi lag cha dang / ngo mtshar dang bcas nas 'thon to// 'thon nas kyang 'bar ba chen po'i dkyil 'khor 'khor lo'i mtshan shar phyogs nas 'khor bar 'jigs pa'i gzugs dang // rang gi lag cha dang chas nas 'khod do/ de nas shin tu dgyes nas/ he zhes brjod pas/ seng gdong chen mo'i tshogs dang / stag gdong chen mo'i tshogs dang / wa gdong chen mo'i tshogs dang // byi gdong chen mo'i tshogs dang / bzhad gdong chen mo'i tshogs dang / kang ka'i gdong chen mo'i tshogs dang / dur bya'i gdong chen mo'i tshogs dang / 'ug gdong chen mo'i tshogs rnams rang gi lag cha dang / ngo mtshar dang chas nas 'thon par gyur to// 'thon nas 'bar ba chen po'i 'khor lo'i shar phyogs kyi phyi rol nas 'khor ba'i rngam pa'i mdangs kyis 'khod do// de nas shin tu dgyes pas/ phyogs bcu'i zhing ma lus par khyab nas/ phaT ces brjod pas/ rdo rje sring 'gro ma'i tshogs dang / rdo rje gdong mo'i tshogs dang / rdo rje 'jig rten ma'i tshogs dang / rdo rje ro langs ma'i tshogs rnams rang gi lag cha dang / ngo mtshar du chas nas 'thon par gyur to// 'thon nas 'bar ba'i dkyil

  475. 238a

    'khor gyi sgor shin tu gtum pa'i gzugs kyis gnas so// de nas dgyes pa chen po'i sprin las phyogs bcu nas phaT ces bsgrags pas/ thams cad khros nas ma mo thams cad kyang rang rang gi gnas ga la bar yud tsam gyis phyin par bkye'o// de nas bcom ldan 'das dgyes pa chen po dpal khrag 'thung chen po de dag kun/ thugs rje chen po'i bdud rtsi 'byung ba zhes bya ba'i ting nge 'dzin la snyoms par zhugs nas/ sku dang gsung dang thugs rdo rje las 'di dag phyung ngo // oM badz+ra ma hA a mr-i ta ma hA kro d+ha aM aM aM/ zhes brjod pas/ dbang phyug chen po la sogs pa thams cad/ bcom ldan 'das khro bo chen po de dag gi bsnams nas bton te/ mi gtsang ba'i 'dam gyi rgya mtshor bcug pa las bsnams nas u tsuSh+pa kro d+ha phyung nas 'dam kun 'thung ste/ dran pa slar rnyed nas khro bo'i dkyil 'khor gyi tshogs de dag thams cad kyang dbu dgu brgya phyag stong brgyad brgya zhabs brgyad brgya/ sku 'bar ba chen po'i dkyil 'khor na gnas par bzhugs par mthong ngo // de'i dus su 'jig rten drug gi phyogs bcu'i srid pa kun tu dregs pa'i dbang phyug thams cad 'dul ba'i thabs sna tshogs bsam gyis mi khyab par so sor snang bas dus gcig tu btul lo// de nas de dag shin tu 'dar zhing bred pa rab tu zhum pa'i nga ros 'bangs su

  476. 238b

    mchi/ 'bangs su mchi/ 'bangs su nan tan ma byas na/ mgo dang lus ni brgyar 'gas shing // snying yang 'gas shing gtub gyur cig/ rul myags tshig nas brlag pa dang // dmyal bar lhung nas 'bod par shog ces 'bangs su mchi bar mna' bor nas// dkyil 'khor gyi gdan la bzhag go/ thams cad kyis mgrin gcig tu yang smras pa/ bdag cag rnams kyi mchis brang dang // ma dang sring mo bu mo rnams// dkyil 'khor chen por bzhes su gsol// dpa' bo lha rjes bzhes su gsol// bdag cag so sor 'khor bcas kyis// tshogs kyi dkyil 'khor chen po 'di'i// ming tsam 'dzin par byed pa yang // gtsug gi nor bu 'bar ba ltar// g.yo sgyu med cing gus ldan pa'i// sems kyis blangs nas spyi bo yi// gtsug tu bzhag ste bkur bar bgyi// de yi dgos pa ci yang rung // ma lus rdzogs par bdag cag bsgrub// gal te dpa' bo'i spyan snga 'dir// smras pa bzhin du ma bsgrubs na// bdag cag rnams kyi mgo lus snying // gas gtub dum bur rul bar mchi'o// zhes smras so// de nas de dag gi chung ma'i tshogs dang / ma dang sring mo dang / bu mo'i tshogs thams cad dkyil 'khor du yud tsam gyis 'ongs nas/ thams cad kyis mgrin gcig tu smras pa/ bdag cag 'khor tshogs thams cad kun// dpa' bo chen

  477. 239a

    po'i 'bangs su mchi// dpa' bo chen pos bdag cag rnams// las kyi dngos grub stsal du gsol// zhes smras so// de nas bcom ldan 'das dgyes pa chen pos/ lag tu rdo rje byin nas ming gi dbang bskur te/ dkyil 'khor gyi phyi rol tu bkod do// gsang ba'i snying po de kho na nyid nges pa las/ khro bo'i rang bzhin gyi dkyil 'khor gyi sprin rnam par spros pa'i le'u ste nyer bdun pa'o// // de nas bcom ldan 'das dgyes pa chen pos/ dkyil 'khor gyi tshogs chen po 'di dag/ dam tshig gis 'grub par bya ba'i phyir/ de bzhin gshegs pa khro bo khrag 'thung chen po'i btsun mo dang bcas pa'i tshogs de dag gis sku dang gsung dang thugs rdo rje ye shes rngams pa las gsung gi dkyil 'khor 'di dag phyung ngo // oM ta thA ga ta ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM badz+ra ma hA shrI he ru ka/ ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM rat+na ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM pad+ma ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM/ phaT/ oM karma ma hA shrI he ru ka ma hA tsaN+Da sarba duSh+TAn ta ka ha na da ha pa tsa hUM hUM hUM phaT/ oM sarba ta thA ga ta ma hA krod+hi shwa rI dza la ni sarba duSh+TAn hUM phaT/ oM ma hA badz+ra da ra ma hA kro d+hi shwa rI dza li ne phaT/ oM ma hA sAr+ya

  478. 239b

    rat+na ma hA kro d+hi shwa rI bi da ma hUM phaT/ oM hrIHshru ta sa ma ta pad+ma ma hA kro d+hi shwa rI khA hi hUM phaT/ oM sarba a mo g+ha ma hA kro d+hi shwa rI bi shwa hUM phaT/ badz+ra go rI ha/ badz+ra tsau rI ha/ badz+ra pra mo he ha/ badz+ra be tA lI ha/ badz+ra tsaN+Da lI ha/ badz+ra puk+ka sI ha/ badz+ra g+hasma rI ha/ badz+ra sma sha nI ha/ badz+ra sid+ha mu khI he/ badz+ra byA g+h+ra mu khI he/ badz+ra sr-i ga la mu khI he/ badz+ra gr-i D+ha mu khI he/ badz+ra shra na mu khI he/ badz+ra kri ta mu khI he/ badz+ra kaM ka mu khI he/ badz+ra ka ka mu khI he/ badz+ra u lA mu khI he/ badz+ra Ar+ya te dza tang dza/ badz+ra a mu khe hUM/ badz+ra lo ka baM/ badz+ra b+hasmi pa la ya ba tu ho/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ ru lu ru lu hUM/ e h+ye hi/ A na ya/ dzaHhUM baM hoHraM/ oM badz+ra kro d+ha sa ma ya hUM/ khro la khros pas zhi mdzad pa// thugs rje'i khros pa'i rngam pa'i tshogs// 'bar ba'i byin rlabs rmad po che// de nyid du ni bdag la stsol// oM badz+ra kro d+ha sa ma ya s+t+wam/ oM badz+ra kro d+ha sa ma ya hoH/ a li u li/ tA li ta pA li/ daM Sh+Ta go na ro dri kha raM yo gi ni khA hi ho/ hUM ha he phaT/ zhes brjod pas/ 'jig rten drug gi phyogs bcu thams cad tshig/ rab tu tshig/ kun tu tshig/ 'bar rab tu 'bar/ kun tu 'bar ro// thams cad rab tu 'bar ba'i dkyil 'khor gyi tshogs gang rab tu gang kun tu rab tu gang bar gyur to// gsang ba'i snying po de kho na nyid nges pa las//

  479. 240a

    khro bo'i tshogs chen po gsung gi dkyil 'khor spros pa'i le'u ste nyer brgyad pa'o// // de nas de bzhin gshegs pa khro bo chen po'i byin rlabs phyag rgya 'byung ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// dbang po yum dus rig pa rnams// thabs dang shes rab ldan gyur cing // mnyam pa'i ngang nyid rtogs gsal na// thams cad bde ba chen po'i rgya// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms nas// bskul bskyod thams cad phyag rgya yin// bla med chen pos de skad gsungs// yan lag snying po rtse gcig dang // rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung // rdo rje pad+ma der sbyor na// sems can thams cad bla na med// byang chub zhing du skye bar 'gyur// rang bzhin dkyil 'khor lha rnams kyang // khro bo'i dkyil 'khor bsgom byas te// dbu yi dkyil 'khor bskul bskyod na// sangs rgyas dkyil 'khor thams cad g.yo/ lag gi 'du byed bskyod byas na// rig 'dzin zhing khams thams cad g.yo// rkang pa'i stabs chen mnan mchongs na// sdug bsngal mi bzad thams

  480. 240b

    cad dang // bdud dang log 'dren thams cad mnan/ yan lag thams cad bskul bsigs na// ba spu'i bu ga re re nas// khro bo grangs med rdul snyed 'phro// de dag sprul pa grangs med kyis// phyogs bcu'i khams mang rdul snyed du// 'gro ba'i don rnams rdul phran snyed// thugs rjes 'dul zhing dbyings su bstim// thams cad khro bo'i dkyil 'khor dang // khro mo'i dkyil 'khor rab tu 'dus// thams cad rdo rje brag steng dang / me ri'i dkyil 'khor rab tu 'bar// 'di ni spyi rgya chen po yin// steng gi bgegs rnams 'dul ba'i phyir// rdo rje 'khor lo nr-i mgo gdengs// 'og gi 'jig rten bgegs 'dul ba'i// rdo rje thong gshol nr-i sbar dang // rdo rje gtun chen dril bu'o// shar gyi bgegs rnams 'dul ba ni// rdo rje rab tu 'bar ba dang // ti ra chen po'i dbyug pa'o// lho yi bgegs rnams 'dul ba ni// rin chen mi mgo'i dbyug pa dang // gshin rje zhing chen rkang bzung ba'o// nub kyi bgegs rnams 'dul ba ni// sbrul dang ti ra'i dbyug pa dang // khyung chen gshog gis rab tu rdebs// rgya mtsho che rnams sked par gtubs// byang gi bgegs rnams 'dul ba ni// rin po che yi dbyug to dang // nr-i mgo gsum pa'i dbyug to can// gnod sbyin gdon rnams tshar gcod pa'o// mtshams bzhi'i bgegs rnams 'dul ba ni// phyogs bzhi dag gis

  481. 241a

    gdul bar gyur// gal te de yis ma dul na// byang shar mtshams kyi bgegs 'dul ba// rdo rje rtse gsum ni mgo gdengs// i sha nyid kyang phyag na bsnams// 'byung po'i sde kun rab tu 'dul// shar lho'i mtshams kyi bgegs 'dul ba// rdo rje ye shes me lce 'bar// me de nyid kyang 'tshig par byed// drang srong nyid kyang phyag rgyar bsnams// me lha gdon 'khor dbang du bsdu// lho nub mtshams kyi bgegs 'dul ba// rdo rje dang ni srin po'i mgo/ rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdu// nub byang mtshams kyi bgegs 'dul ba// rlung gi ba dan nr-i mgo gdengs// shin tu drag po glang po'i brjid// tshig bsrung nyid kyang phyag na bsnams// g.yeng ba thams cad dbang du bsdu// 'og gi 'jig rten bgegs 'dul ba// phyag rgya ri rab chen po phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor chen po yis// thams cad ma lus bsreg par byed// chu yi dkyil 'khor chen po yis// thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// gzhan yang ral gri 'khor lo dang // mda'

  482. 241b

    gzhu tho chen gri chen dang // rdo rje mdung chen dgra star bcas// mche gtsigs spu gri'i so dang ni// mda' dang mdung dang ti ra dang // gzhan yang phyag rgya sna tshogs so// dbus kyi he ru ka yi phyag rgya ni// ti ra dbyug tho chen po dang // 'khor lo chen po rab tu 'bar// dung chen dmar gyis gang ba la// rdo rjes dkrugs shing zhal du gsol// shar gyi khro bo'i phyag rgya ni// ti ra chen po'i dbyug pa dang // rdo rje chen po rab tu 'bar// nr-i mgo dmar chen bkang ba gsol// lho yi phyag rgya chen po ni// ti ra chen po'i dbyug pa dang // yid bzhin nor bu rin chen 'bar// yid bzhin nor bu'i gzhal yas su// dmar gyi ar+g+ha rab tu gsol// nub kyi khro bo'i phyag rgya ni// ti ra chen po'i dbyug pa dang // pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// ti ra chen po'i dbyug pa dang // rdo rje rgya gram rab tu 'bar// dung chen dmar gyis bkang ba gsol// khro mo rnams ni khro dang mthun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad// gsang ba'i snying po de kho na nyid nges pa las/ sgyu 'phrul dra ba'i phyag rgya spros pa'i le'u ste nyer dgu pa'o// // de nas bcom ldan 'das dgyes pa chen pos/ de dag gi dkyil 'khor

  483. 242a

    bstan pa'i phyir// ched du brjod pa 'di brjod do// 'bar ba'i dkyil 'khor rtsibs bzhi pa// gru chad bzhi yis rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi mas brjid// 'bar ba'i 'phro ba mang po 'khrugs// khyu mchog ma he gzigs dang stag/ gtum pa'i dom gyi sbar bas ni// dbang phyug lha chen la sogs bzung // smug nag sngo nag ser nag dang // dmar nag ldang nag 'jigs pa'i sku// dbu gsum phyag drug zhabs bzhir bgrad// ko rlon gos ni sna tshogs mnabs// rngam pa'i sgra chen 'jigs par sgrogs// sbrul dang zod rlon nyi zla bcas// stong gi 'jig rten 'khor yug bcas// rdo rje dung chen gang ba dang // ral gri dgra sta gshol la sogs// rang gi lag cha sna tshogs bsnams// btsun mo 'jigs pa'i tshogs dang 'khril// gnas dang yul gyi phyag rgya dang // sgo bzhir phyag rgyar rab mdzes shing // slas dang byi mo'i tshogs kyis gtso// bcu gnyis dang ni brgyad kyis mdzes// rang gi stan dang lag cha dang // ci bgyi zhes ni chas te gnas// zhes brjod pas// 'jig rten drug gi phyogs bcu thams cad du 'bar ba'i dkyil 'khor kun tu gsal bar gyur to// de nas dgyes pa chen pos// bcom ldan 'das nyid kyi sku dang gsung dang thugs rdo rje

  484. 242b

    sgyu 'phrul dra ba las/ gsang ba'i tshig 'di byung ngo // a ho// skal par bcas shing dug tshogs 'bar ba yis// nyon mongs kun g.yo dkyil 'khor 'khor lor brjod dka' ba'i// ji snyed 'jig rten rgyan gyi rdul snyed bsam yas pa// ro tshogs khrag la rngam pa'i dpung gnyen kun bkye nas// zhen pa'i gtum mo shin tu bsal dka' ba'i// mi mngon dbyings nas gzugs kyi cho 'phrul bsam yas kyis// snyigs mar bcas shing mtshams sbyor kun ngam zil gyis gnon// rab tu gnon pa'i 'jigs byed bsam mi khyab// de bzhin de nyid gnyen por kun 'byung kun tu bsal// ho/ chos rnams ji snyed 'gro drug smin byed brjod mi lang // dus mtha' rmongs la gnas pa brjod mi lang // 'dod pas zhen pa'i las kyang ji snyed ji srid par// drag po bdo ba'i rlung chen bsam mi khyab// bde bar bcas pa gzhan du med par brjod mi lang // bskal par bsags pa'i dug chen rab rtog kun tu rtog/ de rnams zil gnon khrag 'thung sku gsung 'jigs byed par// rkyen du bcas nas spun bus 'bras bu smin pa rab smin ltar// dgyes pa chen po bcom ldan 'das ni mang po'i tshogs// dpag med bsam yas lhun gyis grub pas rab tu 'dul bar shin tu gsal// ho// khro bo'i rang bzhin gdug par 'jigs pa ma yin zhing // zhi ba mdzes pa kun gyi yid

  485. 243a

    dang 'thad par gnas rgyud yongs ma yin// de nyid gnyis su med pa'i cho 'phrul bsam yas thams cad kun tu khyab// rigs lnga'i khrag 'thung 'jigs pa'i rol pa rdul snyed rab ston pa'i// rnam dag byang chub mchog gi dbyings nyid yin te gsang ba yi// snying por rab bstan nges pa nyid de shin tu gnas par gsal// ho// rdo rje gsang ba'i tshig tu'o// gsang ba'i snying po de kho na nyid nges pa las/ khro bopo'i dkyil 'khor bstan pa'i le'u ste sum cu pa'o// // de nas bcom ldan 'das dgyes pa chen pos nyid kyi byin rlabs dang / yon tan ston pa zhes bya ba 'di ched du brjod pa 'di brjod do// oM sangs rgyas rnal 'byor chen po ni// dus gsum sangs rgyas thams cad kyi// ye shes snying po mchog nyid de// sangs rgyas kun tu bzang po nyid// 'di yin gzhan na med pa ste// rol pa kun la mnga' brnyes shing // srid pa 'jig rten thams cad kun// sangs rgyas nyid de dus gsum du// ma g.yos lhun gnas snying po ste// rang bzhin che ba'i yon tan las// ma rtogs rmongs pa'i 'gro ba la// sgyu 'phrul dra bas mngon rdzogs pa'i// snying rje chags pa'i dam tshig gis// nga rgyal nyid kyi sku chen bstan// gdug cing gtum pa'i khams gsum ni// 'dul ba'i zhing du rab sbyor zhing // phrin las rnam bzhi rdzogs par mdzad// ye shes ngo

  486. 243b

    mtshar tsham rngams kyis// chos bzhin rnam dag che ba'i lha// ye shes sku ste khyad par che// chags pa'i tshogs kyi mtshan ma ni// 'dod chags chen po nyid kyi sku// gtum rngams gdug pa yis mtshan pas// zhe sdang chen po nyid kyi sku// gdul bya'i zhing du rab sbyor zhing // chos nyid mnyam las bzhengs pas na// gti mug chen po nyid kyi sku// snod bcud dag pa'i spyod yul ba// sku gsung thugs las 'phros pa dang // rgyal ba nga yis mtshan pas na// nga rgyal chen po nyid kyi sku// gsang ba'i snying po bzhi bcu gnyis// thig le thugs su bsdus pa nyid// gzhan du mi gtong mtshan pas na// de nyid phrag dog nyid skur rdzogs// stong gsum stong gi stong chen po// 'jig rten khams mang sna tshogs pa// rdul du dbye ba la sogs pa'i// bgrang ba las ni rab 'das mtshan// de nyid snang zhing srid pa nyid// 'jigs byed sku gsung thugs kyi dbyings// chos sku ye shes rang bzhin la// sgyu 'phrul dra ba'i thig le mchog/ snying po thig le bsam yas nyid// 'jigs byed dbu dgu bco brgyad phyag/ sgyu mas mtshan pa'i dra ba yin// de nyid tshogs dang dkyil 'khor sngags// gcig la gsum du mchog tu bsngags// yul dang 'byung ba de nyid do// bdag rig gzhan don snying po nyid// thabs dang shes rab phyag mtshan pa// gnyis med rig pa'i ye shes che// ming dang

  487. 244a

    gzugs dang dbur gyur pa// phyag dang zhabs su rnam par brtags// brtags pa las ni 'phros pa'i sku// ci yang med las cir yang snang // bskal bzang mchog gi sgyu 'phrul pa// dra ba'i dkyil 'khor rab tu rdzogs// brtags pa zil gnon chos nyid spyan// spyan ni chos nyid mnyam pa nyid// ji bzhin chos nyid yul la sbyor// rol pa'i rtsed mor sdang mig pa// gzhan du mi gzigs yul la gzigs// pad+ma 'khyil pa nyid sku gsung // mtshan mar 'dzin pa'i dngos po 'jig/ ye shes chen po'i spyan bgrad pas// khro gnyer glog stong 'gyu ba yi// me yi tshogs kyis gzhan dbang zlog/ bdud rtsi'i zhing du sbyor bas na// bdud rtsi mchog gi khro bo yin// sku nyid mnyam pa rdzogs pa las// sna tshogs 'char bar rab ston pa// ye shes sgyu 'phrul stobs po che// mi g.yo mchog gi 'du 'phro las// gshog pa rdo rje gtams pa ni// shes rab tshogs las sprul pa dang // thugs rje dra ba'i byin rlabs kyi// 'khor yug ji snyed mtha' klas pa// dbyings nyid bde la bskyod pa ste// khros nas dbang du byed pa'i don// rta yi gar stabs rdzu 'phrul gyis// gcig kyang yal ba ma yin pa'o// chos dbyings mnyam dang mi mnyam pa'i// sgyu 'phrul dkyil 'khor mtha' klas par// rtsed mor mchog gi phyag rgya ni// brkyang dang bskum pa zhabs tshul

  488. 244b

    te// thabs dang shes rab rol pa'i don// rang dbang thabs chen rgyal po yis// sangs rgyas kun gyi sku gsung ba// thig le mchog gi gnas la rdzogs// dbang phyug lha chen la sogs pa// zil gnon khros pa'i phyag mtshan pa// sna tshogs mtshon rnon mang po bsnams// nga rgyal gdug pa'i zhe sdang gcod// gti mug chos sku sgyu 'phrul ba// dra ba'i thugs rje mtha' dag ni// khros pa'i dam tshig snying rje yis// mnyam pa'i thig ler bkod pa ni// gshin rje'i gshed po gdug pa'i rgyal// gdug pa'i tshogs rnams mchog sgrol bden// 'gro la mgon du gyur pas na// dug dang bdud rtsi khyad med pa'i// chos sku gdug pas brgyan pa'i sbrul// dbang rtags ye shes rgyan du bzhag/ dur khrod rdzas dang khrag 'thung ba'i// g.yang gzhi glang gi pags chen bgos// 'jigs byed snying rje'i dam tshig ni// skye shi rtsa ba gcod mdzad pa// mi g.yo mgon zhes mchog tu bsgrags// nga rgyal lag gis 'du byed pa// nga rgyal 'phrog pa'i dam tshig ste// kun tu bzang pa'i spyod yul la// sdug kyang 'dug/ sngags kyi snying po de nyid la// hUM hUM hUM gis sdud za 'thung // rje thugs kyi byin rlabs kyis// hUM mdzad ces ni rnam par bsgrags// mi 'byed gti mug chen po ni// nyon mongs rgya mtsho brngub pa'i phyir// b+han+d+ha rlon chen 'thung bar snang // 'jig rten 'bar ba'i sprin chen

  489. 245a

    po// bskal pa las kyi zil gnon pa// rdo rje me yi 'bar ba 'byung // nyon mongs rgya mtsho skems par byed// 'jigs byed thabs kyi dam tshig gis// bsam yas 'jig rten 'khor yug bcas// rang gi sku yi gzhal med bsdus// sgyu 'phrul dra ba'i ye shes ni// zil gyis gnon pa dur khrod gling // tshom bu gnyis kyi lha chen po// rdo rje'i sku yi byin rlabs kyis// thig le mi g.yo bde ba las// rang bzhin rol pa chen pos ni// rdo rje phra men pho nya'i tshogs// khams gsum gdul bar yang dag mdzad// ha ni thig le zhi ba nyid// ha ni thig le zhi khro snyoms// ha ni thig le dbang chen yin// ha ni thig le drag po nyid// ha ni thig le rol pa nyid// ha ni thig le'i phrin las nyid// ha ni thig les chags dbang 'dul// ha ni thig le las kun rdzogs// he ni thig le ye shes thugs// he ni thig les gsung snyan pa// he ni thig les tsham rngams lce// he ni thig le rol pa nyid// he ni thig le dbang rgyu yin// he ni thig le drag shul pa// he ni thig le thugs chen rdzogs// he ni thig les dkyil 'khor pa// 'jigs byed mchog gi sgyu 'phrul te// dra bas zil gnon lam 'gog go/ hUM ni ye shes thugs kyi thugs// hUM ni ye shes thugs sku nyid// hUM ni ye shes thugs sku gsung // hUM ni ye shes yid bzhin las// hUM ni thig le ye shes

  490. 245b

    so// phaT ni sku yi thugs kyi thugs// phaT ni gsung gi thugs kyi thugs// phaT ni thugs kyi thugs kyi thugs// phaT ni chos sku'i sku yi thugs// phaT ni chos sku'i gsung gi thugs// phaT ni chos sku'i thugs kyi thugs// sgyu 'phrul dra bas dgyes pa ho// dbang phyug chags pas dgyes pa ho// gar thabs rol pas dgyes pa ho// sku gsung thugs ldan dgyes pa ho// yon tan las kyis dgyes pa ho// pho nya 'du 'phros dgyes pa ho// kun la snang bas dgyes pa ho// byin gyis rlabs kyis dgyes pa ho// chos kyi sku la dgyes pa ho// ye shes rol pas dgyes pa ho// ci yang min pas dgyes pa ho// gnod pa spud las dgyes pa ho// chos kyi dbyings nyid dgyes pa ho// des dgyes pa chen po nyid la nyid shin tu dgyes par gyur te/ chos thams cad gcig gi rang bzhin du gyur to// gsang ba'i snying po de kho na nyid nges pa stong phrag brgya pa las/ dgyes pa chen pos byin rlabs dang // yon tan gyi tshogs ston pa'i le'u ste so gcig pa'o// // de nas bcom ldan 'das dgyes pa chen pos/ 'jigs byed kyi bsod nams sbyin pa zhes bya ba'i ting nge 'dzin la snyoms par zhugs te/ ched du brjod pa 'di brjod do// 'khor lo bar khyams sgo rnams su// 'jigs byed 'khor lo rigs kyi gtso// btsun mo'i tshogs dang ldan par bsgom// zhi dang drag po

  491. 246a

    dbang dang rgyas// 'jigs pa'i tshogs chen de dbus su// lus ngag yid gsum byin brlabs nas// bdag nyid drag por bcos tshul du// sku gsung thugs kyi dkyil 'khor bsgom// 'khor lo bar khyams sgo rnams su// 'jigs byed rdo rje rigs kyi gtso/ btsun mo'i 'dzin pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// lus ngag yid gsum byin brlabs nas// bdag nyid drag por bcos tshul du// sku gsung thugs kyi dkyil 'khor bsgom// 'khor lo bar khyams sgo rnams su// 'jigs byed rin chen rigs kyi gtso// btsun mo 'dzin pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// lus ngag yid gsum byin brlabs nas// bdag nyid drag por bcos tshul du// sku gsung thugs kyi dkyil 'khor bsgom// 'khor lo bar khams sgo rnams su// 'jigs byed pad+ma rigs kyi gtso// btsun mo 'jigs pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// 'jigs pa'i tshogs chen de dbus su// lus ngag yid gsum byin brlabs nas// bdag nyid drag por bcos

  492. 246b

    tshul du// sku gsung thugs kyi dkyil 'khor bsgom// yang na rigs dbang dkyil 'khor ro// 'khor lo bar khyams sgo rnams su// 'jigs pa'i phrin las rigs kyi gtso// btsun mo 'jigs pa'i tshogs dang bcas// khro mo'i tshogs dang ldan par bsgom// zhi dang drag po dbang dang rgyas// las bzhi'i dkyil 'khor rdzogs par dgod// 'jigs pa'i tshogs chen de dbus su// lus ngag yid gsum byin brlabs nas// bdag nyid drag por rab gnas nas// sku gsung thugs kyi dkyil 'khor bsgom// 'jigs byed lnga rdzogs dkyil 'khor ni// nyi shu rtsa lnga sku gsung thugs// yon tan phrin las rdzogs par bsgom// rgyan dang cha lugs la sogs pa// 'jigs pa'i tshogs ni ji bzhin par// tsham rngams chen po'i cha lugs bsgom// glu dang gar dang phyag rgya dang // shes rab thabs su shes pa dang // byang chub sems kyi mchod pa dang // bda' la sogs pa'i yon tan dang // bza' dang bca' dang btung dang bgo/ longs spyod lnga ldan thams cad kyis// mdor na tshogs rnams mngon du sbubs// gsang ba'i snying po de kho na nyid nges pa las// 'jigs byed chen po'i bsod nams sbyin pa dam tshig gi le'u ste so gnyis pa'o// de nas bcom ldan 'das dgyes pa chen pos/ cho ga dang dkyil 'khor yongs su shes par bya ba'i phyir/ ched du

  493. 247a

    brjod pa 'di brjod do// de bzhin gshegs pa'i sku gsung thugs// chos dbyings rnam dag dkyil 'khor ro// gsang sngags spyi yi dkyil 'khor las// shes 'jug yul gyi dkyil 'khor bsgom// rgyang grags dpag tshad la sogs dang // lus gang lus do gsum gyi tshad// rang gi rig pas ci nus par// sgyu 'phrul dra ba'i dkyil 'khor bsgom// gnod bskrad sa gnon byin gyis brlab// ljon pa lcug phran sdong gcig dang // me reg mtshon gyis bri bzhin du// goms par bya ba'i ting 'dzin dbab// 'jigs byed sku gsung thugs 'khor bzlas// gnas dang zla dang rdzas rnams ni// tshogs kyi mchog tu dmigs pas gzhag/ dang por mchod sbyin dam pas mchod// gzugs dang lugs chen dung mchog ni// ci 'dod snang bar bdag gis dgod// 'jigs byed dbang du bdag zhugs nas// khro mo ji snyed 'khor du bya// bar chad ting 'dzin mchog gis bzlog/ gsang ba'i snying por nyid bshams te// 'das pa bdag tu mnyam sbyar zhing // thugs kyi sngags kyis spyan drangs nas// bdag gi lus la zhugs tshul du// de yi gzugs gzung mchog tu bstim// dzaHzhes lan gsum brjod pas na// de nyid bsod nams lus thob cing // ye shes lnga yi dngos grub sbyin// pho nya 'phro 'du mang po rnams// de yi dgos pa byed par

  494. 247b

    gyur// yang na sa gzhi rab bsnyams la// phyag rgya gzugs dang snying po rnams// lnga yi tshon gyis bri bar bya// dkar rtsi dmar rtsi dri sha chen// rdo rje dud chen dmar rtsis dgang // dung dang srog shing gsar rnying dang // zhing gyur mchog dang mchog phran dang // ji snyed pa yi rdzas rnams kun// 'jigs byed chen po'i ting 'dzin dang // nyams pa med pa'i sems kyis spyad// sgyu 'phrul dra ba'i dkyil 'khor las// gdeng dang bcas pa'i bsam pa yis// re ba med par rab tu bsgrub// bsnyen pa dang ni nye bsnyen pa// sgrub pa dang ni sgrub chen pos// zhag ni tshang zhing rtags byung na// dkyil 'khor mthun pa nyid du sbyar// zhag ni sum cu phrag drug gam// drug cu dgu bcu rtsa drug tu// 'jigs byed chen po'i dkyil 'khor bsgom// 'jigs byed tshogs la bdag lus dbul// de nyid dkyil 'khor nyid du brtag/ 'da' bar mi mdzad dam tshig las// nams kyang 'da' bar mi mdzad do// gsang ba'i snying po de kho na nyid nges pa las// dgyes pa chen po'i dkyil 'khor dam tshig gi le'u ste so gsum pa'o// // de nas bcom ldan 'das dgyes pa chen pos// sngags kyi snying po 'di ched du brjod do// sngags sor bzhag/ a ki du na dza la maN+Da la phaT phaT phaT/ oM sarba ta thA ga ta ma hA kro ti ri he sha hUM phaT/ oM ma hA badz+ra shrI he ru ka badz+ra ma hA kro d+hi shwa rI sarba

  495. 248a

    duSh+TAn hUM phaT/ ru lu ma hA sa ma ya hUM/ ru lu ru lu hUM b+h+yo hUM/ oM sarba ta thA ga ta ma hA shrI he ru ka ma hA kro d+hi shwa ri hUM phaT/ ru lu ma hA sa ma ya hUM/ ru lu ru lu hUM b+h+yo hUM/ oM rat+na ma hA shrI he ru ka rat+na ma hA krod+hi shwa rI b+hi d+ha mu kha hUM phaT/ ru lu ma hA sa ma ya hU~M/ ru lu ru lu hU~M b+h+yo hU~M/ oM hrIHpad+ma ma hA shrI he ru ka pad+ma ma hA kro d+hi shwa rI khA hi hUM phaT/ ru lu ma hA sa ma ya hUM/ ru lu ru lu hUM b+h+yo hUM/ oM karma ma hA shrI he ru ka sarba a mo g+ha ma hA kro d+hi shA rI bi shwa rU bi hUM phaT/ ru lu ma hA sa ma ya hUM/ ru lu ru lu hUM b+h+yo hUM/ oM ma hA sarba ta thA ga ta badz+ra rat+na pad+ma a mo g+ha ma hA badz+ra shrI he ru ka ma hA sa ma ya ha he hUM phaT/ ru lu ru lu ru lu ru lu hUM b+h+yo hUM/ oM sarba ta thA ga ta ma hA pany+tsa shrI he ru ka man+da dza la ma hA maN+Da la kA ya wA ka tsit+ta oM oM oM oM/ hUM hUM hUM/ s+t+waM sAM sAM/ AM AM AM/ hUM hUM hUM/ badz+ra ma hA kA pA la khaD+ga daN+Da na dza la sid+d+ha ma hA shrI he ru ka a ma du mi sid+d+hi d+ha be/ saM ha ra Na hUM hUM hUM/ ma hA yo ga ar+d+ha ma hA sa ma ya/ ru lu ru lu a la la ho// ho sems nyid thig ler rab gnas pa'i// dkyil 'khor bzhi bcu gnyis nyid rdzogs// sangs rgyas rdo rje he ru ka/ tshom bu'i dkyil 'khor bsam yas kyis// sku gsung thugs su bdag sbyor cig/ oM badz+ra kro d+ha sa ma ya hoH/ oM badz+ra kro d+ha sa ma ya s+t+waM/ oM badz+ra kro d+ha sa ma ya phaT/ oM AM hUM/ su ra ti s+t+waM/ ka ma la ma hA su kha mA li ma nu sa ma na dza la

  496. 248b

    ni d+hA na/ bi dun yin nam/ a ba yo ga khA hi/ a la la ho// gsang ba'i snying po de kho na nyid nges pa las 'jigs byed chen po'i/ sngags kyi bzlas pa snying po 'byung ba zhes bya ba'i le'u ste so bzhi pa'o// // de nas bcom ldan 'das dgyes pa chen po'i dam tshig chen pos/ phung po dang khams dang skye mched sbyin pa'i ting 'dzin la snyoms par zhugs te/ gdug pa'i tshogs byin gyis rlobs pa zhes bya ba 'di sku dang gsung dang thugs rdo rje las phyung ngo // oM sarba ta thA ga ta pad+ma sa ma yo gi nI dzaH/ zhes brjod pas/ 'jigs rten drug gi phyogs bcu thams cad/ de bzhin gshegs pa'i sku gsung thugs kyi snying po kun tu pad+mar gyur te/ dbu dgu phyag bco brgyad pa las/ dbu dang phyag dang zhabs stong khams kyi rdul snyed du// srid pa'i rtse mor thug par gnas par gyur to// de nas yang dkyil 'khor chen po rdzogs pa zhes bya ba'i ting nge 'dzin la snyoms par zhugs te/ ri rab chen po brkyang bskum gyi tshul gyis 'dril zhing // oM a b+hi tsa ra pa shi na zhes brjod pas/ lha'i tshogs dang / klu tshogs dang / gnod sbyin chen po dang / srin po dang / mi dang mi ma yin pa ji snyed pa thams cad rang dbang med par zhabs la 'dril ba'i 'og tu gnas par gyur to// de nas yang ha ha a b+hi tsa ra tiSh+Tha zhes brjod pas/ la la ni lus shin tu brjes te ri

  497. 249a

    rab chen po'i 'og tu gnas par gyur to// la la ni mngon sum can mar ri rab chen po'i 'og tu gnas par gyur to// de nas yangs 'dzin gyi rgyal po zhes bya ba gdug cing zhe sdang che ba dad pa med cing rdo rje'i theg pa smod pa zhig/ yongs kyi 'jig rten gnas pa mkhyen to// mkhyen nas ting 'dzin de las bzhengs nas/ oM pad+ma sa ma yo gi nI ru lu ru lu ru lu huM/ zhes brjod pas/ kun tu sku chags pa'i bdag nyid dang / kun tu gsung chags pa'i cha lugs dang / kun tu thugs chags par gyur pa dang / kun tu rin po che chags pa chen po dang / kun tu phrin las chags pa chen por gyur te/ shar dang / lho dang / nub dang / byang dang / dbus chen por khrag gi rba klong / keng rus chen po'i ri rab chen po na dus kun dang de nyid du snang bar gyur to// de yang kun tu sku lnga 'jigs pa'i gzugs bsam gyis mi khyab pa dang / kun tu gsung lnga'i nga ro bsam gyis mi khyab pa dang / 'jigs byed bsam gyis mi khyab pa dang / kun tu thugs lnga'i rol pa dang / zhal bsam gyis mi khyab pas 'jigs pa dang / rigs lnga tshom bu chen po'i steng du gnas par gyur to// de las mchog gi snying po chen po/ ma hA rat+na ti la ka'i dbur gyur pa las/ rab tu sku gsung thugs spras pa'i gzhal med khang na/ 'jigs byed chen po'i thig le'i snying po nyid dbu gsum

  498. 249b

    phyag drug tu gnas te gnyis su med par bzhugs so// de nas de nyid du sku dang dbu dang phyag dang zhabs dang 'khor stong khams kyi rdul rnyed du 'jigs byed chen po bsam gyis mi khyab pas khebs par mthong ngo// de nas yang bdud chen po sa 'dzin gyi rgyal pos/ skyes bu chen po sa 'dzin gyi bdag po thong thong de lta bu byed dam zhes pa las/ de nas yang dgyes pa chen po'i bdag nyid kyis/ oM a b+hi tsa ra pa shi na/ hUM hUM hUM/ zhes brjod pas/ dam pa'i bstan pa rdo rje'i theg pa smod cing 'gro ba'i rnal 'byor pa la gnod pa'i tshogs 'khor bsam gyis mi khyab pa dang / g.yog dang yang g.yog tu bcas pa'i bdud chen po de dag nyid kyi yid kyis gdungs te/ rab tu brgyal nas/ ma mthong bar rmongs pa'i gnas rang dbang med cing dran pa med par/ keng rus kyi ri rab chen po'i 'og zhabs kyi gnas su phyin par gyur to// de nas 'jigs byed chen pos tiSh+Tha badz+ra/ AM AM zhes pas/ gdug pa'i blo dang bral/ mi mthun pa'i lus brdzes te/ lha chen po'i tshogs 'dul ba'i 'khor los bsgyur ba'i rgyal po chen por gnas par gyur to// de nas dgyes pa chen po'i dpal 'jigs byed chen pos de dag gi dkyil 'khor sgyu 'phrul chen po zhes bya ba'i ting nge 'dzin la snyoms par zhugs te/ de bzhin gshegs pa thams cad kyi sku dang gsung dang thugs dang

  499. 250a

    yon tan dang phrin las las thugs kyi dkyil 'khor thig le chen po zhes bya ba 'di/ nyid kyi rdo rje thig le chen po'i dam tshig sgyu 'phrul dra ba las phyung ngo // oM khrag mang rba klong 'khyil pa yi// keng rus tshogs kyi ri rab 'bum// 'dus pa'i tshom bu lnga yi ri// 'khor lo rtsibs bzhi 'bar ba'i khang // gru chad bzhis brgyan rab brjid pa'i// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi zlas brjid// ta na mang po lha chen brtan// dgyes pa chen po kun tu bzang // phyag dang zhabs ni brgyan pa yi// thod sbrul sna tshogs nyi zlas brjid// 'jigs byed chen po khrag 'thung ba'i// rdo rje snying po thig le'i thugs// dbu gsum phyag drug zhabs bzhir bgrad// khro mo bzhis mchod ngos bzhir ni// dgyes pa chen pa'i tshul 'chang ba// phyogs bzhir gra dang bcas par ni// sprul pa'i rnal 'byor phra men rnams// ri[:]rab zhing chen steng na gnas// 'bar ba'i phyag bsnams chen po ni// rdo rje dung chen gang ba[:]dang / pad+ma'i gzhal med rde'u chung brdung // zhing gi zhags pas 'ching ba dang // kha T+wAM 'phen cing 'khril ba ste// btsun mo 'dzin pa'i tshogs dang bcas// gnas dang yul gyi phyag rgya dang // sgo bzhir phyag rgya rab mdzes par// bran mo'i tshogs chen mang po

  500. 250b

    rnams// 'jigs pa'i gzugs kyis gnas par byed// gsang ba'i snying po de kho na nyid nges pa las/ de bzhin gshegs pa thams cad kyi dam tshig gdug pa'i tshogs byin gyis rlobs pa zhes bya ba'i le'u ste so lnga pa'o// // de nas de bzhin gshegs pa thams cad dgongs pa gcig tu gyur nas/ de bzhin gshegs pa nyid de bzhin gshegs pa nyid la ched du brjod pa 'di brjod do// byed pa rdo rje mchog nyid kyis// sgyu 'phrul lam gyi dkyil 'khor las// dra ba'i dkyil 'khor mngon rdzogs par// 'jug pa'i yid kyi dgongs pa yin// shin tu phra las sbyangs pa ni// dkyil 'khor bzhi bcu gnyis kyis mdzes// tshom bu gnyis kyi bye brag tu// spro zhing bsdu ba'ang de bzhin no// yid du 'ong ba'i sa gzhir ni// rkang mthil thig gdab dkyil 'khor bri// oM dang mAM gyi dkyil 'khor bsgom// de la rdo rje phra mos gang // phra rab sa bsdus mthil du gzung // yum gyi tshogs su gsal bar brtag/ gang gi yul yang dbang du 'gyur// mi mthun gzugs su brtag pa ni// dra ba'i 'du 'phros de lus bzhu// lugs ma bzhin du hUM du brtag/ de las 'od bzhin mthil du gzung // gsang gnas ngag lam haM du bya// rlung lha'i steng du mkhas pas gzhag/ drag po lce yi sbyor ba yi// gling khams gzhan du shin tu gtang // bdag nyid hUM gi tshogs bcas

  501. 251a

    pa// ma skyes pa yi yi ger bsgom// bya ba chos khams de yi tshogs// mAM du byin brlabs yi ger bstim// brtan pa a yi 'phro du yis// nam mkha' bzhin du shin tu bsgom// brtan 'gyur a yi snying po bzlas// nyams su lon par ma gyur tshe// 'jug pa'i yid dang nyams su sbyor// dang po'i gnas su shes pa dang // rnam pa mang por mnyam du'o// de las mi snang gzugs zhi ba// rab tu blo yi theg gnas ni// gzhan du nam yang mi bstan cing // zhon dang spyan dang 'tshong la sogs// longs spyod rnam par sbyor ba dang // rdzas kyi nor phyir ma yin no// rmongs la 'phyar dang brtson 'grus zhan// nam yang sbyin par ma gsungs te// smad pa bam gyi gter bzhin du// sus kyang phyin par ma gsungs la// srog chad kha yi gtam bzhin du// nam yang smra bar mi bya'o// byed pa rdo rje k+Sha yi tshogs// bzhi bcu rtsa bzhi'i gleng gzhi'i lam// kun tu bzang po thabs tshul pa// tshom bu gsum gyi lha rnams bsgom// chos khams bya ba a yi tshogs// bzhi bcu rtsa gnyis gleng slong ba// kun tu bzang mo shes rab tshul// kA la ye shes zugs kyi thugs// tshom bu gsum gyi lha rnams bsgom// de yi chos khams a la bstim// chos kyi chos nyid bya ba'i dbyings// kun tu bzang mo bde ba'i yum// de yi ngang du tshogs kun brtag/ sa chu me rlung 'byung ba

  502. 251b

    rnams// de yi dbyings nas 'byung ba ni// 'dod pa'i bdag la shin tu brtag/ mi gnas nam mkha'i mtha' klas par// gom pas 'dod par 'dod pa dang // chu la sa bzhin 'gro ba dang // bsreg bya 'bar ba'i dbus gnas dang // tsha ba rlung gis bteg nas kyang // phyogs bcu kun tu phyin par 'gyur// gsang ba'i snying po de kho na nyid nges pa las/ rdo rje snying po las thams cad kyi le'u ste so drug pa'o// // de nas bcom ldan 'das dgyes pa chen pos/ gsang ba'i snying po 'di brtan par 'dzin pa'i don ched du brjod pa 'di brjod do// de nyid chos dbyings mnyam sbyor bas// sangs rgyas kun bdag byin gyis brlab// 'di man gyi laM 'di rnams la las zhes dang tshon zer ba rnams la tshogs zhes pa'ang 'dug/ k+Sha laM a yi tshon bzhin du// sgyu 'phrul dra ba'i ting 'dzin bsgom// lugs su blugs pa bzhin du ni// de nyid yid lam mchog grub pa'o// de nyid gsal bar mnyam sbyor las// sangs rgyas kun bdag byin gyis brlab// oM laM a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid gzugs lam mchog grub pa'o// de nyid mnyam nyid mnyam sbyor las// sangs rgyas kun bdag byin gyis brlab// s+t+waM laM a yi tshon bzhin du// sgyu 'phrul dra ba'i dkyil 'khor bsgom// lugs

  503. 252a

    su blugs pa bzhin du ni// de nyid khyad par lam mchog go// chos dbyings rtogs pa mnyam sbyor las// sangs rgyas kun bdag byin gyis brlab// oM laM a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de nyid gsung lam mchog grub pa'o// chos dbyings bya ba mnyam sbyor las// sangs rgyas kun bdag byin gyis brlab// hUM laM a yi tshon bzhin du// sgyu 'phrul dra ba'i dkyil 'khor bsgom// lugs su blugs pa bzhin du ni// de ni phrin las ye shes so// de las ting 'dzin sgyu 'phrul bsgom// dra ba'i dkyil 'khor mchog nyid ni// rtse bcu rigs kyi phyag rgya bsgom// de nyid ha dang k+Sha nyid de// muM gyi tshogs kyi lha rnams bsgom// sangs rgyas sgyu 'phrul mchog nyid las// dra ba'i dkyil 'khor mngon rdzogs pa// de nyid hUM laM phyag bsnams pa// rtse bcu rgyan gyis rnam par brgyan// yang na rtse lnga thugs kyi thugs// dbus gnas hUM gi lo tsa na// lcags kyu 'dzin par rgya bcings shing // hUM hUM hUM gis lan gsum du// rang lus ngag yid byin gyis brlab// mAM gyi tshogs kyis lha rnams bskul// 'bru lnga brgya bcing byin gyis brlab// bskyed pa rdzogs pa gsor ba yis// bzhi bcu rtsa gnyis dkyil 'khor bri// zhi ba rgyas pa lan gsum gyis// de 'dod las rnams 'grub par 'gyur// bcu

  504. 252b

    pa drag po mthing nag dbu// 'gying pa'i gar gyis gsor ba yis// gsung snyan sgra yi bro bsdebs pa'i// phyag rgya brgyad du sbyor bas na// phaT phaT hUM gis gsor ba yis// snying po thugs rtags phyag bsnams pa// sku gsung thugs kyi rgyal po las// bsod nams lus 'jig dbang du 'gyur// ci 'dod re ba thob par mdzad// brgyan pa sgeg pa pho nya dang // tshangs dang dbang po 'dod dbang dang // mdor na bcu gnyis gling gi bdag/ drag shul mthu yi dregs pa can// dngangs shing brgyal te blo stor nas// bum pa bzang po 'bul bar 'gyur// lha mo glu mo brgyan pa dang // rta dang glang po bzhon pa dang // gnas dang gter dang bgo ba dang // gtsug na nor bu yod pa dang // ci 'dod yid la bsam pa 'bul// de la bran bzhin byed par 'gyur// de yi dgos pa thams cad ni// ma lus kun rdzogs 'grub par 'gyur// gsang ba'i snying po de kho na nyid nges pa las// sgyu 'phrul chen po bstan par bzung ba/ bdud rtsi 'byung ba zhes bya ba'i le'u ste so bdun pa'o// // de nas de bzhin gshegs pa sgyu 'phrul dra ba las// thugs rjes 'gro ba 'dul ba'i bdud rtsi 'byung ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// e ma ho ye nas rnam dag chos sku las// log rtog rnam pa gnyis su grub// thams cad

  505. 253a

    'byung ba lnga las skyes// thams cad gtsang zhing dri med las// rnam rtog mi mthun so sor 'gyur// la la'i sman la la la'i dug/ sman du ma gyur gang yang med// dug tu ma gyur gang yang med// thams cad ma lus rgyu gcig las// mi mthun khyad par so sor snang // sus kyang ma byas sus byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor ma lus dang // khams gsum phyin ci log bzhi dang // dus gsum 'gro lnga thams cad dang // nyon mongs sdug bsngal thams cad sbyong // rnam par thar pa lta rdzogs byed// sa bcu rdzogs shing sangs rgyas sa yang rdzogs// de phyir sman 'di bsgrub par bya// kun la phan pa'i sman yin pas// de phyir nga dang bdag ma 'dzin// gtsang dang sme ba'i blo rtog por// thams cad mnyam pa nyid du spyod// rtsa ba byang chub sems nyid rtogs// thabs kyi pha rol phyin la spyod// snying rjes chud ma zos par gyis// bdud rtsi'i mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i las ni rnam rtog sbyong // bdag ni dpal rdzogs 'gro don mdzad// sman gyi byin rlabs bsam mi khyab// ngan song sbyangs shing mtho ris 'grub// gser 'gyur sman dang mun sel

  506. 253b

    bzhin// gzhan yang dgos pa sna tshogs 'grub// rkyen las byung ba'i dug rnams dang // rtsa ba'i dug dang sbyar ba'i dug/ klu dug rbod gtong dug la sogs// thugs rje chen po'i byin rlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lnga bstim// A~M hUM trAM hrIHa la sogs/ yang na yi ge aM gis bya// yang na yi ge hrIHyis dgang // dug rnams bdud rtsir bskur bar bya// mnyam pa'i dbyings su thim par bya// a ho/ rdo rje gsang ba'i tshig tu'o// hUM bdag nyid zhe sdang rdo rje ste// thugs rjes bdag rtog 'dul bar byed// nga dang bdag med dbyings sbyor zhing // byams pa'i thugs dang ldan pa'o// oM bdag nyid gti mug chen po ste// rmongs pa'i nad rnams sel bar byed// ye shes 'od zer gsal ba'i ngang // thams cad 'byung ba'i 'khor lo'o// trAM bdag nyid nga rgyal yon tan te// snying rjes 'gro don 'phel bar byed// zhi ba'i blo chen dbyings su sbyor// yon tan rgya mtsho dpag med pa'o// hrIHbdag nyid 'dod chags gsung mchog ste// nyon mongs las rnams dag par byed// nyon mongs sdug bsngal rnam par dag/ chags med sems ni byang chub pa'o// a bdag nyid las kyi sems dpa' ste// don rnams ma lus 'grub par byed// log rtog ma lus 'dul ba'i mchog/ phyogs

  507. 254a

    bcu dus bzhir 'phro ba'o// mAM bdag nyid shes rab 'od gsal te// le lo g.yeng ba sel bar byed// thugs rje myur ba las byung ba// rgyal ba kun tu thogs med pa'o// nyon mongs las rnams dag byed cing // dbugs chen dag kyang 'byin par byed// dug rnams sbyong ba sku gsum ste// lam lnga sbyong ba ye shes lnga// 'khor ba'i rtsad gcod shes rab mtshon// hUM du bsdus shing hoHyis g.yeng // raM gyis bsregs shing phaT kyis 'phang // thabs dang shes rab 'brel ba yi// thig le'i dbyings su thim par bya// de nas gnyis med dbyings gyur nas// ye shes sems dpa'i sku ru bsgom// 'bru gcig 'bru gsum 'bru lnga bsgom// bzhi bcu rtsa gnyis ma lus dang // sangs rgyas dkyil 'khor tshang bar bsgom// nga med bdag med phyag rgyar gsal// de nas longs spyod lnga kun la// ye shes lnga dang rigs lnga dang // lha mo lnga dang sman lngar bsgom// oM hUM trAM hrIHa/ oM badz+ra a mr-i ta kuN+Da li ha na ha na hUM phaT/ oM bi shud+d+he a mr-i ta hUM phaT/ oM d+harma a mr-i ta hUM phaT/ oM AHhUM/ zhes brjod pas thams cad dag par gyur// dbyings su thim pas bdud rtsir gyur// sa chu me rlung nam mkha' rnams// rang bzhin med par gzhig pa'i phyir// gcig la'ang lnga lngar dbye bya zhing // mAM gyi dbyings su bstim par bya// 'byung ba che rnams de dag las// lhag

  508. 254b

    pa'i ting 'dzin bskyed par bya// rig pa thabs kyi phyag rgya ste// de bzhin gshegs pa lngar bsgom zhing // 'byung ba so so'i mtshan nyid de// yum lnga dag tu bsgom par bya// de rigs ye shes lnga nyid do// skur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dus nas// de las gyur cing skyes pa kun// smos ci dgos te de nyid yin// a ho// e ma'o lhag pa'i byin rlabs kyis// bdag la lha rnams bsdu bar bsgom// de nas lha dang gnyis med nas// bdag nyid yi ge oM dang mAM// gnyis dang bdag dang dbyings su thim// bdag nyid bdud rtsi 'khyil par bsgom// sku mdog gangs ri nyi shar 'dra// zla ba pad+ma'i gdan khri la// nyi ma stong gi gdan khri ldan// lha dang lha mo'i tshogs kyis bskor// khro bo khro mo'i dkyil 'khor bcas// gnas dang yul gyi phyag rgyas mdzes// slas dang byi mo'i tshogs kyis bskor// a ho// 'khor lo rtsibs bzhi mu khyud bcas// dbus su bdud rtsi 'khyil pa ste// shar gyi rtse la rdo rje'o// lho yi rtse la rin po che// nub kyi rtse la snang mtha' yas// byang gi rtse la don yod grub// thabs dang shes rab ldan par bsgom// phyag rgya rnams kyang gsal bar bsgom// snying po 'bru tshig gsal bar bzlas// de las bdud rtsi'i phyag rgya ni// bum pa gang ba yid bzhin 'bar// re ba

  509. 255a

    yid bzhin skang bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhir phyag rgya dag dang ldan// a mr-i ta yi rgyu nyid ni// byang chub sems dang sha chen dang // dri chu dri chen mAM sar bcas// pad+ma rak+ta la sogs dang // gzhan yang 'dod yon sna tshogs rnams// dbye'am yang na mi dbye bar// bdud rtsi nyid du byin gyis brlab// rtog pa'i bag chags sbyang ba'i phyir// gtsang sme med par dag par bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing // dug gsum sdug bsngal med pa dang // bskal pa yun ring gnas pa dang // dngos grub chen po 'thob 'gyur te// tshogs gnyis rdzogs par yang dag gsungs// bdag nyid yi ge hUM gyur nas// longs spyod lnga ldan thams cad la// oM AM hUM du gyur par bsgom// 'od 'phro 'bar zhing phyogs bcur spro// slar 'dus 'od 'phro bdud rtsir 'bar// shin tu gsal zhing rtse gcig bsgom// gzhan yang yi ge'i tshogs pas gdab// 'thung na ngan song sgrib pa sbyang // tra thA/ rtag bsten dngos grub mchog kyang 'grub// bzhi brgya rtsa bzhi'i nad sel zhing // lha la rtag tu mchod byas na// bdag dang gnyis su med par

  510. 255b

    'gyur// mi mthun phyogs la gtor byas na// drag po gtum po'ang lhan ner 'gyur// gzhan yang dngos grub thams cad ni// ji ltar dmigs pa bzhin du 'grub// sangs rgyas go 'phang thob 'gyur na// lha srin la sogs smos ci dgos// the tshom med par bsgrub par gyis// rtag tu spyod cing dbyings su thim// gsang ba'i snying po de kho na nyid nges pa las/ rgyud kyi rgyal po sgyu 'phrul dra ba las sman sgrub pa'i le'u ste so brgyad pa'o// // de nas dgyes pa chen pos/ de dag gi byin gyis brlabs 'byung ba zhes bya ba 'di/ ched du brjod pa 'di brjod do// de la mchod sbyin dam pa ni// 'phrul chen bzhi bcu rtsa lnga nyid// khams dang 'byung ba nyid la gnas// de nyid sgyu 'phrul thabs mkhas pa// dra ba mngon rdzogs sku gsung thugs// thams cad ma lus phyag rgya nyid// chos sku mchog gi rten gyur pa// phyogs bcu gang bar gsal bar bsgom// de nyid dag lam kun khengs par// hUM gi tshogs su rnam par bsgom// lus nyid ha yi tshogs la bstim// gang la bya ba'i gzugs gzung bas// kha dog nag po'i tshon phye yis// de yi snying nga bdag zhugs la// dzaHzhes bya ba'i sngags bzlas nas// mgyogs su 'gro bar lcags kyis sbrang // dri rno snga bas mgyogs pa dang // gang du bya bar phyin par byed// de yi lus las 'byung 'dod na// zhi bas

  511. 256a

    bdag gis gzugs bzung la// dal bus hUM zhes bsdus pa yis/ bdag gi lus la chud par 'gyur// thams cad ma lus phyag rgya nyid// chos sku mchog gi rten gyur pa// phyogs bcu gang bar gsal bar bsgom// de nyid ngag lam lus khengs par// oM gyi tshogs su shin tu bsgom// lus nyid a yi tshogs la bstim// gang la bya ba'i gzugs bzung nas// kha dog dkar po'i tshon phye yis// de yi snying nang bdag zhugs la// hUM zhes bya ba'i sngags bzlas nas// mang pos bkur ba rgyal chen po// blo rno yid mdzangs bzhin bzang dang // snga bas logs spyod 'du ba dang // gnas par dga' ba bzhin du 'gyur// de yi lus las 'byung 'dod na// zhi bas bdag gis gzugs bzung la// dal bus oM zhes bsdus pa yis// bdag gi lus la gzung bar 'gyur// thams cad ma lus phyag rgya nyid// chos sku mchog gi rten gyur pa// phyogs bcur gang bar gsal bar bsgom// de nyid dag lam kun khengs par// s+t+waM gyi tshogs su rab tu bsgom// lus nyid s+t+waM gyi tshogs la bstim// gang la bya ba'i gzugs bzung nas// kha dog ser po'i tshon phye yis// de yi snying nang bdag zhugs la// s+t+waM zhes bya ba'i sngags bzlas nas// nor mang blon po yid mdzangs la// blo rno snga bas longs spyod 'du// de yi 'khor la longs spyod cing // gnas par

  512. 256b

    dga' ba bzhin du 'gyur// de yi lus las 'byung 'dod na// rgyas pa bdag gis gzugs bzung la// dal bus s+t+waM zhes brjod pa yis// bdag gi lus la gzud par 'gyur// thams cad ma lus phyag rgya nyid// chos sku mchog gi rten gyur pa// phyogs kun gang bar gsal bar bsgom// de nyid dag lam kun khengs par// AM gyi tshogs su shin tu bsgom// lus nyid AM gyi tshogs su bstim// gang la bya ba'i gzugs bzung nas// kha dog dmar po'i tshon phye yis// de yi snying la bdag zhugs la// AM zhes bya ba'i sngags bzlas nas// rgyal mo zhang blon dbang chen dang // ci 'dod yid bzhin dbang du 'gyur// de yi 'khor la longs spyod cing // gnas par dga' ba bzhin du 'gyur// de yi gzugs las 'byung 'dod na// dbang gi bdag gi gzugs gzung la// dal bus AM zhes brjod pa yis// bdag gi lus la chud par 'gyur// thams cad ma lus phyag rgya nyid// chos sku mchog gi rten gyur pa// phyogs kun gang bar gsal bar bsgom// de nyid ngag lam lus khengs par// hUM gyi tshogs su shin tu bsgom// lus nyid hUM gyi tshogs la bstim// gang la bya ba'i gzugs bzung nas// kha dog ljang gu'i tshon phye yis// de yi snying nang bdag zhugs la// haM zhes bya ba'i sngags bzlas nas// las kyi rigs chen gang 'dod

  513. 257a

    gzugs// dmag mang mthu dpung go mtshon bzang // zhe sdang can rnams gdul bar 'gyur// 'dod pa can rnams 'dul ba dang // nga rgyal chen po 'dud par 'gyur// de yis bstan pa 'dzin par byed// de yi 'khor la longs spyod cing // gnas par dga' ba bzhan du 'gyur// de yi lus las 'byung 'dod na// snyoms pas khro zhi'i gzugs bzung la// dal bus hUM zhes brjod pa yis// mi snang ba yi/ gzugs su 'char// bdag gi lus la chud par 'gyur// gling ngam dur khrod gnas rnams su// nga yi 'dod pa chos dbang gis// sgyu 'phrul dkyil 'khor mchog 'dzin la// dra ba'i dkyil 'khor yongs kyis 'byung // gsang ba'i snying po de kho na nyid nges pa las/ de bzhin gshegs pa thams cad kyi byin gyis rlabs 'byung ba'i le'u ste so dgu pa'o// // de nas bcom ldan 'das dpal kun tu bzang pos/ nyid che ba'i yon tan ston pa'i phyir// 'gro ba sems can gyi don ched du de bzhin nyid kyi dbyings 'di sku dang gsung dang thugs rdo rje las phyung ngo // dpal nyid kyi mchog rigs kyi yum// dbab par bya ba'i gzugs brnyan la// spyi gtsug kha dang snying ga mtshan// 'bru lngas byin brlabs mAM du brtag/ de nyid goms las gsang mtshan pa// mAM gyi tshogs kyi lha rnams bsgom// de nyid mtha' bral mi dmigs las// de

  514. 257b

    zla'i ngang tshul des bzung nas// sangs rgyas rdo rje tsa na ka/ shes rab yum dang ldan par bsgom// lam du zhugs la de lus da gang // de goms blo bde gsal spro thim// de bzhin rigs rnams IM du bsgom// snod gnas bde ldan khengs 'gyur bar// mAM gyi tshogs kyang gsal bar gnas// phyag rgya snying po gzugs la sogs// rigs dang mthun par rnam par bsam// brtan pa a yi 'phro 'du ltar// rnam shes byin brlab dang du brtag/ gzhi rtsa med pa'i sems nyid las// yid bzhin yi ge'i sprin tshogs bsgom// phyag rgya shin tu gsal ba na// nye ba'i bsnyen pa yin par bsgrags// 'phro 'du rigs dang mthun pa'i grangs// bsgoms nas bzlas dang mngon sum na// lcags kyu mchog gi phyag rgya bcing // des ni 'dod pa bzhin du 'gyur// rang bzhin sku gsung 'dus ma byas// gzhan dbang ma yin rdo rje'i rigs// dpal ldan rdo rje sgyu 'phrul yum// shin tu chas kyis sgeg pa la// gsal bar 'dod pa sgra bya ba// spyi gtsug kha dang snying ga mtshan/ 'bru lngas byin brlab lam du brtag/ de nyid goms las gsang mtshan pa// lAM gyi tshogs kyi lha rnams bsgom// sangs rgyas spyan gyi sbyor ba las// rgyal ba thams cad byin gyis brlab// de nyid mtha' bral mi dmigs las// rang bzhin mchog gi gzugs bcas nas// sangs rgyas rdo rje tsan

  515. 258a

    ka/ shes rab yum dag ldan par bsgom// de las rdo rje byin brlabs te// pad+ma gsang gnas 'dzul thabs yin// sbubs su zhugs la de lus dgang // de goms blo bde gsal spro thim// rdo rje'i rigs rnams hUM du bsgom// snod gnas bde ldan khengs gyur par// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// brtan pa hUM gi 'phro 'du ltar// rnam shes byin brlab dang du brtag/ gzhi rtsa med pa'i sems nyid las// yid bzhin yi ge'i sprin tshogs bsgom// phyag rgya gsal bar nye bsnyen pa// 'phro 'du rigs dang mthun pa'i grangs// bsgom dang bzlas dang mngon sum na// lcags kyu'i stengs kyis bskul bar gsungs// rjes su chags pa'i phyag rgya yis// rigs dang mthun pa'i 'phro 'du bsgom// yon tan sku gsung yid bzhin gter// dpal ldan sgyu 'phrul mchog chen mo// chags shing sgeg pa'i gzugs brnyan ni// ljon pa lcug phran la sogs la// dbab pa mchog gi las bya ba// spyi gtsug kha dang snying ga mtshan// 'bru lngas byin brlab AM du brtag/ de nyid goms las gsang mtshan pa// AM gyi tshogs kyi lha rnams bsgom// sangs rgyas me yi sbyor ba la// rgyal ba thams cad byin gyis rlobs// de nyid mtha' bral mi dmigs las// yon tan gter gyi gzugs

  516. 258b

    bcas nas// sangs rgyas rin chen tsa na ka/ shes rab yum dang ldan par bsgom// de las rdo rje byin brlabs te// pad+ma gsang gnas 'dzul thabs yin// sbubs su zhugs la de lus dgang // de goms blo bde/ gsal spro thim// rin chen rigs rnams s+t+waM du bsgom// snod gnas bde ldan khengs gyur pa// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// bstan pa s+t+waM gyi 'phro 'du ltar// rnam shes byin brlab dang du brtag/ gzhi rtsa med pa'i sems nyid las// yid bzhin yi ge sprin tshogs bsgom// phyag rgya gsal bar nye bsnyen pa'o// 'phro 'du rigs dang mthun pa ni// bsgoms nas bzlas dang mngon sum na// dam tshig zhags pa mchog gis bcing // rjes su chags pa'i phyag rgya bzhis// rigs dang 'du 'phro mthun par bsgom// gso dang gsad dang pham dang rgyal// gzhan du 'gro dang 'dug pa dang // ci 'dod 'ong dang sgra yang rung // mtshon dang 'jigs pa mang ba dang // bcing ba'i las dang mtshon las thar// dpal ldan pad+ma mchog gi yum// bde chen gar dbang gzugs 'dzin pa// dbab par bya ba'i gzugs brnyan ni// ljon pa lcug phran la sogs la// dbang po gnas lnga byin gyis brlab// de nas gnas lngar shes rab bsgom// spyi gtsug kha dang snying ga

  517. 259a

    mtshan// las bzhi 'bru bzhi pAM du brtag/ de nyid goms las gsang mtshan pa// pAM gyi tshogs kyi lha rnams bsgom// sangs rgyas chu yi sbyor ba la// rdo rje gsung rnams byin gyis brlab// de nyid mtha' bral mi dmigs las// rdo rje gsung gi gzugs bcas nas// sangs rgyas gsung chen tsa na ka/ shes rab yum dang ldan par bsgom// de las rdo rje byin brlabs te// pad+ma gsang gnas 'dzul thabs yin// sbubs su zhugs la de lus dgang // de goms blo bde gsal spro thim// ming dang snying po bcas pa dgug/ rdo rje gsung rnams AM du bsgom// snod gnas bde ldan khengs gyur pa// yum gyi tshogs kyang gsal bar gnas// phyag rgya snying po gzugs la sogs// rigs dang mthun par shin tu bsam// brtan pa AM gyi 'phro 'du ltar// rnam shes byin brlab dang du brtag/ gzhi rtsa med pa'i sems nyid las// chos dbang yi ge'i sprin tshogs bsgom// phyag rgya gsal ba nye bsnyen pa'o// 'phro 'du rigs dang mthun pa ni// bsgom nas bzlas dang mngon sum na// chags pa'i lcags sgrogs mchog gis bcing // chags pa chen po'i phyag rgya bzhis// rigs dang mthun pa nyid du bsgom// zhi ba dbang dang drag po rgyas// ci 'dod par ni rab tu bsngags// dpal ldan grub pa sgyu 'phrul ba// dbab par bya ba'i gzugs brnyan ni// ljon pa

  518. 259b

    lcug phran la sogs la// spyi gtsug kha dang snying ga dang // 'bru lngas byin brlabs taM du brtag/ de ni e yi tshogs yin te// de nyid goms las gsang mtshan pa// taM gyi tshogs kyi lha rnams bsgom// de nyid tAM gyi lha rnams te// bdag med mtha' bral mi dmigs las// don yod ngang tshul de bzung nas// don yod mchog gi tsa na ka/ shes rab yum dang ldan par bsgom// de las rgya gram byin brlabs te// pad+ma gsang gnas 'dzul thabs yin// sbubs su zhugs la de lus dgang // rgya gram mtshon gyis khengs pa dang // so so'i snying pos ming yang dgug/ de goms blo bde gsal sgro thim// rdo rje las rnams haM du bsgom// snod gnas bde ldan khengs gyur par// yum gyi tshogs kyang gsal ba gnas// phyag rgya snying po gzugs la sogs// rigs dang mthun pa nyid du bsgom// brtan pa hUM gyi 'phro 'du ltar// rnam shes byin brlab ngang du brtag/ gzhi rtsa med pa'i sems nyid las// grub pa sgyu 'phrul sprin tshogs bsgom// phyag rgya gsal ba nye bsnyen pa'o// phro 'du rigs dang mthun par ni// bsgoms nas bzlas dang mngon sum na// dgyes pa ra gyi gsung snyan zhing // rjes su chags pa'i phyag rgya bzhes// rigs dang mthun pa nyid du bsgom// phyogs bcu 'gro dang 'phrog pa dang // tshe bsrung ba dang las rnams dang // mngon sum ci 'dod smra ba'i

  519. 260a

    mchog/ rigs kyi yum dang rtsen par 'gyur// srid pa las 'phags mya ngan 'das// ting 'dzin 'di yis byed par 'gyur// zhes brjod pas// rnam par smin pa'i tshogs kyi de bzhin gshegs pa'i che ba'i yon tan nyid du mkhyen to// mkhyen nas de bzhin nyid kyi dbyings// sku dang gsung dang thugs rdo rje las/ rdo rje gsang ba'i tshig 'di phyung ngo // a ho bsam bya bsams par zin pa yis// bsam pas mi zin bsam mi khyab// bsam yas lhun gnas mi g.yo dpag med bsam mi khyab// rgyu dang 'brel ba'i rkyen du shes pa'i dbyings nyid zad mi shes// ngo mtshar srid lam mtha' bral mi dmigs pa// de nyid yon tan mchog gi 'khor lo lam mchog yin// a ho// rdo rje gsang ba'i tshig tu'o// bcom ldan 'das dpal kun tu bzang pos de bzhin nyid kyi dbyings nas che ba'i yon tan ston pa zhes bya ba'i le'u ste bzhi bcu pa'o// // de nas bcom ldan 'das dpal kun tu bzang pos// che ba'i yon tan ston pa'i sgyu 'phrul chen po/ gsung gi dkyil 'khor byin gyis rlobs pa zhes bya ba cho ga dang bcas pa 'di// sku dang gsung dang thugs rdo rje las phyung ngo // dbab pa mchog gi dkyil 'khor rnams// kha dog grangs bcas ma bslabs pas// shes pa blo che khong yangs la// zab par spyod la mi skyo bar// zas bsrungs gos brjes

  520. 260b

    dam rdzas sbyin// dung chen snod du chu yis bsing // rten du rung bar ting 'dzin dang // dbang dang sgrub pa mchog kyang bstan// mi sgra gsang ba'i dam tshig dbog/ oM dang mAM gyi blo brtan nas// gsang bas mtshan ma snga nas sbyang // sgyu 'phrul dkyil 'khor bzhi bcu gnyis// phung po khams dang skye mched sbyar// longs spyod lnga ldan mchod sbyin bya// rdo rje ngag lam gsung chen bzlas// oM sarba ta thA ga ta dzi na oM/ oM badz+ra ku la hUM badz+ra/ oM sarba ta thA ga ta sAM rat+na sAM/ oM pad+ma ta thA ga ta hr-i da ya/ a ro li ka/ ha pra dz+nyA hA d+ha tI shwa rI mAM/ deSh+Ta ra ti laM/ mo ha ra ti aM/ rA ga ra ti br-i/ badz+ra ra ti taM/ mU mU mAM/ lI lAM laM/ mAM mAM maM/ paM pAM bAM/ ! taM/ e baM ma yA/ ba ba ba ba ba/ dza dz+wa dz+ra dz+ra dza/ sa sa sa sa sa/ ma ma ma ma ma/ ya ya ya ya ya/ s+t+waM ho/ zhes brjod pas/ 'jig rten drug gi phyogs bcu mtha' yas par/ dam tshig thams cad kyi mchog/ de bzhin gshegs pa thams cad kyi sku dang gsung dang thugs rdo rje'i bdag nyid dbyings kyi dbang phyug ma chen mo dang // spyan ma chen mo dang / mA ma kI chen mo dang / gos dkar mo chen mo dang / dam tshig 'phags ma sgrol ma chen mo'i rang bzhin nyid du kun tu snang bar gyur to// gsang ba'i snying po de kho na nyid nges pa las/ de bzhin gshegs pa thams cad kyi sku dang gsung dang thugs rdo rje'i bdag nyid dbab pa'i gsung gi

  521. 261a

    'khor lo zhes bya ba'i le'u ste zhe gcig pa'o// // gsang ba'i phreng ba phrin las kyi rgud bzhi bcu pa rdzogs so// / 'di sgyu 'phrul la lhag yin/ 'di skad bshad pa'i dus na// nas de bzhin gshegs pa dgyes pa chen pos// mnyam pa'i dkyil 'khor la bzhugs nas// nyid kyi sku la thams cad ma lus par 'dus par bstan te// ched du brjod pa 'di brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par mnyam yin par// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing // sems can kun gyi gzhir gyur pa// de dang gnyis me dbyings su sbyor// thams cad thabs kyi mtshan nyid de// thabs la thabs ni rnam par sbyor// thabs chen thabs las byung ba yi// de ni byang chub rdo rje mchog/ ji snyed brjod pa'i kha brgyud kyang // yang dag don gyi snying po ni// gang nas btsal kyang mi rnyed de// rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de ni ma nor lam yin par// a yis bo d+hi rab tu bsdus// de bzhin nyid kyi dbyings nyid ni// gcig

  522. 261b

    gam 'di zhes brjod du med// gnyis med dbyings kyi ngang du med/ gsum du sna tshogs 'byung zhing 'phro// byin rlabs bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam yin te// rang blos bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhis phab pa'i don yin te// dag pa rnam gsum tshul bsgoms shing // 'bru lngar 'dus pa'i thabs chen te// 'gro ba kun la rang bzhin gnas// bya ba byed pa byas pa med// zad pa'i dus med yid bzhin gter// bum pa bzang dang yid bzhin mdzod// za ma tog dang rin chen rgyal// gzhan nas yod 'ong ma yin te// rang sems gzod nas brtan pa yin// lha srin la sogs yod pa yi// nor 'dra rin chen ma yin te// bo d+hi'i dkor ni rin po che// sku gsung mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang por don rtogs mthar mi gtong // chu srin phyag rgya ji bzhin du// spyod yul kun tu tshad dpag med// ces gsungs so// sgyu 'phrul dra ba las/ phyogs bcu dus bzhi'i snod bcud bdag la 'dus pa dang // longs spyod dang sku gsung thugs mi zad pa rgyan gyi 'khor lo bskor ba'i le'u ste dang po'o// // de nas de bzhin

  523. 262a

    gshegs pas rgyud kyi rgyal po sgyu 'phrul dra ba bstan pa las/ chos thams cad nam mkha' dang yum gyi dbyings su 'dus par bstan nas/ ched du brjod pa 'di brjod do// yang dag don gyi gsang mchog gi/ bde ba thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// thams cad ma lus thig le'i dbyings// sku lnga'i 'od zer mang po kun// thams cad yum gyur dbyings su thim// gsal 'bar sprin gyi bdag por gyur// byang chub sems kyi thig le ni// kun la khyab cing mi gnas pa// kha dog gnas dang dbyibs ma yin// yon tan mchog gi snying po ni// rtog ge'i spyod yul yang ma yin// zab cing rgya chen rab sbyangs pa'i// gsal ldan brtan pa'i spyod yul te// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten brtan g.yo dang // rgyal ba mngon byung thams cad kun// nam mkha'i dbyings su ma gyur pa// dus bzhi phyogs bcu gang na'ang med// dus gsum bde gshegs nyid kyi mnga'// sngon gyi bde gshegs thugs chud pa'i// nam mkha'i ngang du thams cad thim// thams cad shes rab dbyings nyid de// dbyings la dbyings ni rnam par sbyor// shes rab dbyings nyid 'byor pa yis// byang chub rdo rje thig le yin// dkyil

  524. 262b

    'khor bsam yas lhun grub dang // rgya dang bral ba'i gzhal yas kyis// kun la khyab cing mi gnas pa// yon tan mchog gi gnas yin te// ma bcos rgyun gyi skad cig ma// de yis ma zin gang yang med// rang gi rnam rtog ma yin pa// yang dag gshegs dang log rtog dang // gzhan yang sprul pa mang po'i tshogs// phyogs bcu ma lus thams cad kyis// de la gsad cing gzung du med// kha dog dbyibs dang gnas ma yin// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa'i dus gcig ste// thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor los bsdus// rdzogs chen gnyis kyang rdzogs par rol// skye 'jig med pa'i dbyings la zhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba yum gyi dbyings su thim// thams cad ma lus chos skur 'dus// hoH/ chos thams cad ming gi mtshan nyid do// sgyu 'phrul dra ba las yum gyi dbyings su 'dus pa shin tu gsang ba'i le'u ste gnyis pa'o// // de nas de bzhin gshegs pa ye shes lnga'i dkyil 'khor la mnyam par zhugs nas/ ched du brjod pa 'di brjod do// lnga phung yan lag thams cad kyang // 'bru lngar gnas pa'i byang

  525. 263a

    chub ste// oM dang mAM du 'brel dra yis// byang chub rdo rje dril las byung // spyir ni brjod pa thams cad kyang // kun kyang ming tsam yi ge a// skye 'jig nyid kyang yi ge lnga// de ni byang chub sems yin te// gnyis med byang chub mchog 'byung ba// gsum shar lnga 'bar bcu 'byor ba// zad med rin chen gter yin te// mngon shes drug ldan mtshan bzang spags// e las 'phros shing ar 'dus pa// gsang ba'i thig le nyid kyi dbyings// nam mkha'i dbyings nas sprin byung ba// kun la khyab cing sna tshogs smin// bzhi bcu rtsa lnga'i khongs nas bsam mi khyab// byin rlabs ya mtshan rmad po che// yon tan mi zad gter du 'byung // hoH/ ye nas mnyam nyid gsang ba'i dkyil 'khor dbyings// dbyings las mi gzhan ye nas thig le'i ngang // ye shes dbyings nyid gzugs brnyan sgyu ma'i tshul// snang byed nyid na bya byed med par gnas// ye shes 'phrul chen bzhi bcu rtsa lnga'i don// dkyil 'khor bsam yas lhun grub dam pa ni// thabs dang shes rab gnyis med mnyam par gnas// dag mnyam rnam gsum don rtogs bsgom byas shing // mnyam pa rnam bzhi'i don rtogs mchog gi gnas// rgyu 'bras lhun grub phun sum tshogs bzhir 'dus// ye shes lnga rdzogs sku gsung thugs kyis bsdus// chags med zhi ba'i lam nas thig ler

  526. 263b

    'jug/ ye shes lnga rdzogs spyod yul maN+Da la// ma chags 'od gsal dkyil 'khor rdzogs par ldan// thams cad ma lus rang rig rgyal po yis// dkyil 'khor dag mnyam khro bo khro mor sbyor// chos rnams rang bzhin nyid kyis stong // nang dang nang gi phyi rol gyi// rnam rtog sna tshogs 'dzin pa yang // dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes gsal// nyon mongs sdug bsngal byang chub mchog/ thams cad yon tan mchog gi gnas// a ho// phyogs bcu'i rgyal ba'i dkyil 'khor ma lus kun// nges pa'i don bkrol bzhi bcu rtsa lngar bsdus// bsdus pa'i don nyid yi ge 'bru lngar bsdus// lnga po'i don nyid 'bru gsum nang du 'dus// gsum po de nyid yi ge ar 'dus te// a nyid ma skyes mnyam rdzogs dbyings su thim// a ho// mi dmigs stong pa nyid kyang brjod mi lang // mi dmigs de bzhin nyid kyang bsam mi khyab// ma skyes chos kyi dbyings kyang bsam mi khyab// ma 'gags byang chub sems ni skye 'jig med// 'gro med 'ong med mi gnas pa'i// thugs rje'i byin rlabs rnam par 'phro// zhes nyid la nyid gsungs so// dbyings las dbyings byung thabs kyi phyag rgyar gsal// thabs las dbyings byung yum gyi phyag rgyar gsal// dbyings

  527. 264a

    dang dbyings kyi ye shes 'byor pas na// byang chub sems mchog dkyil 'khor brjod mi long // a ho/ rgyud kyi rgyal po sgyu 'phrul dra ba las/ de bzhin gshegs pa'i dkyil 'khor nges pa'i don ma lus par/ mtshan nyid med pa'i phyag rgyar thim pa'i le'u ste gsum pa'o// // de nas de bzhin gshegs pa bcom ldan 'das dgyes pa chen pos/ 'gro ba thams cad la/ rang bzhin gyi dkyil 'khor yod par bstan pa dang / rigs rgyud drug tu yang bshad/ de la chos nyid kyi rigs ni thams cad kun la yang yod do// nam mkhas kyang kun la khyab par gnas so// de ltar chos kyi dbyings dang nam mkhas kun la khyab kyang / rnam par thar pa'i don ma rtogs na/ me long g.yas g.yogs pa dang 'dra ste/ gzugs brnyan snang ba'i bya ba byed mi nus so// zhes gsungs nas/ yang 'di skad rdo rje 'chang gis gsungs so// mnyam nyid don rtogs rang rig rgyal po ni// rgya mtsho chen por chu klung kun 'bab ltar// bla med don rtogs thabs chen 'di dag tu// rnam thar theg pa bsam yas ma lus 'dus// a ho// bdag med gnyis rtogs pa rol phyin rdzogs pa// sa bcu rim gyis bsgom pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyi sa rab thob par 'gyur// phyi nang rten 'brel sgyu ma mig g.yor tshul shes

  528. 264b

    pa'i// dngos po gzugs la thogs med rab tu 'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/ bden bzhi'i don rtogs rab tu spang ba yis// ye shes bcu drug cha sbyangs rab zhi ba'i// rgyun zhugs la sogs rim par sbyangs nas ni// nyon mongs dgra rnams rab tu zhi ba'i sa ru 'gro// theg pa gang du bstan par ma nges pa'i// yang na kun la mthun nas 'byams par 'jug/ yang na nges med 'di zhes brtag tu med// 'di ni ma nges rdo rje 'chang gis gsungs// dge bcu spyod cing mi dge spong byed pa// 'dod khams lha dang mir ni skye ba'i rgyu// tshad med bzhi spyod mi g.yo/ sgom byed pa// tshangs gnas la sogs skye ba'i rgyu yin no// chos kyi dbyings kyis kun tu khyab gyur kyang // rang rig rtogs pa'i skal dang mi ldan na// ji ltar dmus long mdun du mdog bstan bzhin// 'di ni skal med rigs chad pa yin no// chos kyi dbyings kyis kun la khyab pa yis// bla med theg pa bsam yas gsungs pa yang // so sor rang rig blo la snang bar zad// ngan song 'gro drug sna tshogs rgyu ba yang // 'khrul pa'i blo log rtog pa nyid snang ste// de bzhin nyid kyi dbyings la 'gyur ba med// mi dmigs rang rig goms byas bla na med pa'i mchog/ log rtog bdag dang bdag gir 'dzin gyur

  529. 265a

    na// dngos med mi sdug sna tshogs snang bar 'gyur// yang dag shes pa'i rang rig blo med na// bde gshegs zhing yang ngan song gnas su mthong // theg mchog mnyam pa'i don nyid rtogs pa na// ngan song gnas nyid 'og min dga' ldan gnas// nam mkha'i dbyings nyid gtos ni bsam yas par// nyi zla gza' skar mtshan ma glog 'gyu dang // 'ja' tshon sprin mang sna tshogs 'khrugs gyur kyang // nam mkha'i dbyings la 'gyur zhing nyams pa med// mi dmigs chos kyi dbyings ni bsam yas par// sku gsung yon tan phrin las rmad byung dang // 'jig rten gtso mchog ma lus thams cad dang // 'khrul 'khor sdug bsngal sna tshogs rnam mang yang // de bzhin nyid la 'phel zhing bri ba med// ces rdo rje gsang ba'i tshig tu'o// rgyud kyi rgyal po sgyu 'phrul dra ba las/ thams cad la chos nyid kyi rgyu yod pa dang // rigs rgyud chad pa dang // rigs brgyad so sor dbye ba'i mdor bshad pa'i le'u ste bzhi pa'o// // de nas de bzhin gshegs pa thams cad mnyam pa nyid la bzhugs nas/ 'khor bsam gyis mi khyab pa thams cad kyang // nyid la nyid mnyes par mchod cing // kun tu bzang po dgyes te/ phyogs bcu dus bzhi ma lus pa thams cad kyi bzhugs gnas gzhal yas khang rin po che sna tshogs bsam gyis mi

  530. 265b

    khyab pa/ tshad dpag tu med pa/ rgyas pa mtha' dbus med par khyab cing / 'od zer sgrib pa med pa rang byung ba la bzhugs nas/ ched du brjod pa 'di brjod do// nyid kyi dbyings nyid 'phro ba tshad dpag med// kun nas dkyil 'khor yongs su ma chad pa'i// srid gsum yang dag mnyam sbyor spyod yul te// mtshan 'dzin 'das pa mchog gi rgyu las byung // dbang bsgyur shin tu rnam par dag pa yi// de bzhin gshegs pa 'og min gnas bzhugs nas/ gzung 'dzin bral ba'i bla med rjes 'dod dang // 'jig rten 'khor gyi gtsos bskur dbang phyug dang // gzhan yang 'jig rten phyogs bcu'i khams gnas pa// bdud rtsi'i ro yi dga' ba bde chen 'grub// dug gsum dri bral bdud sde tshar gcod pa'i// 'das dang ma byon de bzhin nyid du sbyor// shes rab thabs ldan nges pa'i don phyung ba// rig pa'i thabs chen dbang bskur nyid du bsgom// stong smon mtshan med rang bzhin 'od gsal ba'i// zag med bsod nams tshogs kyis brgyan par gyur// b+h+rUM/ rang byung nyi zla pad+ma rin chen rgyas la bzhugs/ rdo rje mnyam nyid thugs su chud pa yis// mnyam rdzogs chen po lhun la rol par mdzad// bde gshegs dbyings nyid de bzhin nyid gnas pa// dus bzhi'i rgyal ba kun dang mnyam par 'ub// thams cad 'od gsal dkyil

  531. 266a

    'khor thugs chud pa'i// sku gsung thugs kyi rdo rje 'chang las 'byung // spyod yul 'phrog med brjod kyis mi langs pa'i// dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa// mnyam pa'i don grub rdo rje can zhes bya// rnam par rtog med byang chub rdo rje can gyi sku// shes rab mchog gis ma lus yongs bsdus pa// bde gshegs mi gnas mnyam nyid ngang du byon// thabs chen ma 'dres rnam pa sbas pa yi// dmigs med bde gshegs nyid dbyings thugs chud pa/ thabs dang shes rab dbyings nyid dam pa'i mchog/ phyogs bcu dus bzhi dbyings gnas mthas gtugs pa// shes rab mchog ldan gsal ba'i ngang 'chang ba// thugs rje'i byin rlabs sna tshogs 'phro ba yi// bde gshegs ma lus thams cad 'byung ba'i gnas// yid bzhin rin chen mi zad par ldan 'phro/ rang rig rgyal po che yis rtogs par 'gyur/ zhes nyid la nyid ched du brjod de/ rdo rje gsang ba'i tshig tu'o// sgyu 'phrul dra ba las gzhal med khang dbub pa thabs dra ba'i le'u ste lnga pa'o// // de nas de bzhin gshegs pa bcom ldan 'das kyis/ thugs rdo rje rol pa'i ting nge 'dzin la snyoms par zhugs nas/ ched du brjod pa 'di brjod do// nam mkha'i

  532. 266b

    mkha' dkyil dngas pa yi// yid bzhin sprin tshogs rnams 'byung ba// sna tshogs 'byung zhing 'od 'phro 'bar// raM/ srid gsum sreg pa'i me yin te// yid kyi ye shes me ru 'bar// haM/ dbang po dang ba'i dkyil 'khor du// spyod yul rdzas rnams bsdus nas ni// lhan ne lhang nger 'od du zhu// a/ zhi 'gyur dbyings nas phyag rgya 'bar// thugs rje'i byin rlabs rmad po che// hUM 'gro drug sna tshogs don byed pa'i// 'di ni byang chub mchog tu gsungs// ho bzhi po 'joms shing ngan song sbyong // tra thA/ sman bcud len gyis dug sbyang bzhin// phyi dang nang gi dri ma dag/ bdag med gnyis kyis 'dag par byed// hrI bsal zhing gzhag par bya/ ba med// nyi ma shar ba'i 'od bzhin du// snang dang mi snang gnyis ka med// de bzhin mnyam nyid ye shes kyis// thams cad rgyal ba'i zhing du sbyor// oM rang rig ye shes rgyal po yis// phyogs bcu'i khams rnams dbang bsdus nas// thams cad mi dmigs dbyings su thim// thams cad khro bo'i tshogs su gyur// rtog pa rnam bzhi mi dmigs dbyings gyur pa// shes rab yum gyi mtshan nyid dbyings su thim// thabs dang shes rab gnyis med dbyings gyur pas// chos rnams thams cad dbyings kyi khro bo khro mor gyur// a ho// rdo rje gsang ba'i tshig tu'o// sgyu 'phrul dra ba las chos thams cad khro bo dang khro mo'i rang bzhin du

  533. 267a

    gyur pa dang / rang rig pa'i ye shes kyi mes sbyor ba'i le'u ste drug pa'o// // de nas de bzhin gshegs pa khra bo'i rgyal pos sgyu 'phrul dra ba bstan pa las/ khro bo rngams pa'i tshogs su byas nas/ ched du brjod pa 'di brjod do// byang chub mchog gi snying po ni// mtshan mas btsal ba ma yin gyi/ dag pa rnam gsum ma nor zhing // rang rig rgyal po goms pa yis// byang chub mchog 'di rnyed par 'gyur// drag po gtum po bsgrub pa ni/ b+ha ga la ni ling ga bzhag/ mtshan ma ming du bcas par bya// khro bo'i zhal ni gang yang rung // lan gsum lan bdun rtag bsgom zhing // mngon du byung ba'i zhal 'bar de// bdag nyid dkyil 'khor lhar gyur nas// ling ga yang nas yang bsdus te// dbyings kyi dkyil du bstim par bya// hUM gis bsdu zhing phaT kyis 'phang // zhal gyi rang sngags khri 'bum du// rnam gsum tshul gyis bzlas nas su// yang nas yang du gsal bar bya// 'gro lnga sems can thams cad du kun// dbang med zhal du thim par 'gyur// sa ma ya yang lhag par 'jibs// sku mdog dud ka la sogs dang // mche gtsigs khro gnyer gtsigs pa dang // zhal bgrad phyag rgya 'bar ba dang // gang la goms par bsgom par bya// bdag nyid 'dzin pa'i phyag rgya ste// mtshan ma bzung nas rang sngags gdon// mngon par dbang

  534. 267b

    pos bltar yod par// ril bur bsdus nas dbyings su mchod// the tshom med par 'grub par nges// dam pa'i chos 'jig ma rungs pa// dpa' bos dgos pa yod pa'i phyir/ kun la phan pa de gyis shig/ ho// hUM dza phaT dang sgo la sogs// 'dren pa'i mchog tu de gsungs so// mtshan ma ming du bsdus pa yang // ji ltar sngon gyi de bzhin du// smon pa'i byang chub lam du gzhug/ mtshan ma'i bag chags med par bya// dbyings nas spros shing a la thim// a he// thugs nyid la ni thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o// // de nas de bzhin gshegs pa ma lus pa thams cad kyi rgyal pos 'bar ba'i thugs rjes gtum 'khrugs ging tshogs chen por bsgyur nas/ thams cad 'od dpung 'phro zhing 'bar bar bstan pa ched du brjod pa 'di brjod do// sgyu 'phrul dra ba bstan pa yi// phyogs bcu'i zhing khams ma lus par// b+h+rUM dang tsakra'i 'khor lor sprul// 'od 'phro 'bar ba'i tshogs chen hUM// gtum chen dus mtha'i me ltar 'bar// raM/ nyi ma'i thod sbrul mang po'i gzi// khro gnyer glog stong 'gyu ba bzhin// rngam pa'i nga ro 'brug stong ldir// phaT/ khros pa'i sprin chen phyogs bcur 'bar// raM/ khros pa'i me dpung rdo rje 'bar// rdo rje 'khor lo brtsegs par 'bar// tsakra/

  535. 268a

    khro bo khro mo'i tshogs kyis bskor// gnas dang yul gyi phyag rgya mdzes// ha he/ slas dang byi mo bran mo'i tshogs// rang gi stan dang lag cha dang // ci bgyis zhes dang chas te gnas// ti ra'i rgyu ma'i zhags pa dang // nr-i yi tsit+ta za zhing rgyug/ shin tu rngam pa'i gzugs su gnas// ral pa muny+tsa cod pan 'bar// phyogs bcur khebs pa'i gshog pa gdengs// rdo rjes gtams pa'i brag ri 'bar// raM/ so so'i rang sngags skad gdangs dang // sgra skad nga ro drag tu 'don// hUM ha he phaT b+h+yo ru lu// khro bo chen po tshogs pa yi// dkyil 'khor chen po'i zhal 'bar ba// bdag nyid gnyis su med par bsgom// so so'i rang sngags bzlas nas su// rgyud drug sems can thams cad dang // ma rungs gdug pa thams cad kun// dzaHhUM baM hoHsa bkug nas ni// lan gsum lan bdun zhal du bstim// lha yang rung ste brlag par 'gyur// ho// gzhan yang mchod pa'i zhal zas ni// 'byor pa rnam pa kun gyis mchod// nr-i yi tshil dang che ba'i mar// dmar gyi ar+g+ha rgyun du 'bul// a ho// yang na lan gsum brgya rtsa brgyad// stong ngam 'bum du dbul bar bgyi// nag pa'i tsher ma can dang dug shing ngam// gzhan yang bsreg rdzas gdug gsum dang // mnan pa'i cho ga kun gyis bya// sgyu 'phrul dra ba las// thugs rje rol pa'i dkyil 'khor spyir

  536. 268b

    bstan pa'i hom/ oM hUM trAM hrIHa/ hom thams cad ma lus par 'dir 'dus pa'i le'u ste brgyad pa'o// // de nas de bzhin gshegs pa khro bo'i rgyal pos// thams cad rdo rjer bsdus nas/ ched du brjod pa 'di brjod do// dag pa rnam gsum tshul bsgoms shing // sgyu 'phrul dra ba brtan par gnas// thams cad hUM du bsdus nas ni// dkyil 'khor gru gsum 'bar bar bsgom// me dpung 'bar ba'i tshogs chen du// me lha ag ne dzaHsa bkug nas// raM zhes bya ba'i me sbar te// khro bo'i dkyil 'khor ma lus kun// zhe sdang rdo rjer bsgom par bya// hUM gtum po'i tshogs chen rab tu 'bar// dud ka nag po'i mdog 'dra ba// 'bar ba'i 'od zer mang po 'khrugs// nyi ma'i thod sbrul mang pos brgyan// seng ge glang chen stag rngam dang // phyag rgya sna tshogs 'bar ba bsnams// phaT dang hUM dang ha la'i sgras// skad drag phyogs bcu'i nam mkha' 'khrugs// phaT khro bo khro mo'i tshogs kyis bskor// yul dang gnas kyi phyag rgyar mdzes// ha he/ slas dang byi mo bran mo dang // b+h+yo/ ci bgyis la sogs tshogs kyis bskor// so so'i stan dang lag cha dang // rngam pa'i nga ro rang sngags sgrogs// mi sdug gtum mo'i gzugs can dang // shin tu khro bar bsgom par bya// bdag nyid phaT kyi ngang nyid du// gsal 'grib blo goms rtag tu bsgom// dzaHhUM baM hoHsa

  537. 269a

    bsdus nas su// rgyud drug sems can kun bkug nas// khro bo'i tshogs la dbul bar bya// lha yang rung ste brlag par 'gyur// yo byad gzhan ni spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor bsam yas kyi// zhal gdangs spyan bgrad khro zhal bsgom// rdo rje gtams pa gdengs pa dang // thod pa lcags kyu rnams kyis bskor// hUM sgra drag po'i tshogs kyis 'bar// 'dzin pa'i phyag rgyas bkug nas su// zhal du bstim nas lhag par 'grub// rdul cha tsam yang med par byed// 'khor gyi tshogs kyis snga ma bzhin// stong pa'i tshul du rborgod gtong bya// hUM gtum po dmar smug mchu ring po// 'bar ba'i rdo rje phreng bas bskor// 'od chen 'bar ba 'phro ba yis// 'jig rten khams rnams dus gcig rngub// hUM khro bo'i tshogs kyi sngags rnams dang // gnas dang yul gyi phyag rgya dang // slas dang byi mo bran mo'i tshogs// so so'i rang sngags rdzogs par gdon// ha he b+h+yo// gzhan yang bstod tshig 'di dag gis// hUM rdo rje thugs rje'i byin rlabs kyis// 'jig rten khams sa rnams kun bkang ste// gtum 'khrugs ma lus thams cad kun// rdo rje'i mthu yis btul bar gyur// hUM zhe sdang rdo rje 'khor bcas pas// 'jig rten khams ni rab 'byams

  538. 269b

    kun// skad cig yud la brlag mdzad de// brlag par ma gyur gang yang med// hUM/ sgyu 'phrul dra ba las/ drag po hom gyi le'u ste dgu pa'o// // de nas de bzhin gshegs pa khro bo'i rgyal po pad+ma bsdus pa zhes bya bas/ 'gro ba mang po'i don gyi phyir// ched du brjod pa 'di brjod do// shes rab thabs su sbyor ba yis// thams cad ma lus dbyings su bsdus// dbyings nas ye shes 'od 'phro 'bar// thams cad ma lus dbyings su sbyor// hrIHdkyil 'khor zla gam gdengs pa las// 'od zer mang po rab 'bar dang // rdo rje lcags sgrog bsdams pas bskor// gzhan yang rgyan gyi dam pa mchog/ kun gyis de la brgyan cing bskor// me lha spyan drangs snga ma bzhin// khro bo'i dkyil 'khor ma lus kun// pad+ma'i rigs kyi khro bo bsgom// dmar smug drag po'i mdog dang ni// gzhan yang sprul pa mang po yis// phyogs bzhi mtshams bzhi steng 'og bskor// rngam pa'i rang sngags drag tu sgrogs// hrIH/ bdag nyid ma chags rdo rje ste// dkyil 'khor gong ma gsal bsgoms nas// phyogs bcu'i 'gro ba thams cad dang // gdug pa'i yid can ma lus kun// dzaHhUM baM hoHsa bkug nas su// dkyil 'khor la ni dbul bar bya// dgos pa 'grub cing ngan song sbyang // hrIH/ gzhan yang dkyil 'khor mang po'i tshogs// dkyil 'khor pad+ma'i zhal 'dra bar// mtha' ma

  539. 270a

    pad+ma ljon shing dang // bar ma rdo rje 'od 'bar bskor// gzhan yang rgyan mchog mdzes pa yis// dkyil 'khor kun la mdzes par brgyan// bdag nyid pad+ma'i lhar gyur pas// mchod pa'i lha rdzas sna tshogs dang // zhal zas bza' btung mchog rnams dang // dmar po'i shing dang dri zhim pa// lan grangs gong du smos pa bzhin// rtag tu mchod pa byas na ni// 'jig rten 'di dang 'das pa yi// ci 'dod las de 'grub par 'gyur// sngags ni yi ge raM dang hrIH// mdog ni dmar smug 'od po che// phyogs bcur khyab cing hrIHla bsdu// dgyes pa'i glu dang gar gyis mchod// hrIHrdo rje pad+ma 'bar ba yis// phyogs bcu mtha' klas rab 'byams kun// dpal dang gzi byin che la sogs// pad+ma 'bar bas de bsdus nas// sangs rgyas sku dang mnyam pa dang // gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hrIH'dod chags rdo rje 'khor bcas pas// 'jig rten khams ni rab 'byams kun// skad cig nyid la dbang du bsdus// dbang du ma gyur gang yang med// hrIHsgyu 'phrul dra ba las/ thams cad ma lus dbang du bsdus te/ dbang gi hom gyi le'u ste bcu pa'o// // de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag nyid kyi

  540. 270b

    dbyings nas phyung ste ched du brjod pa 'di brjod do// bde ba chen po'i dkyil 'khor 'bar// 'od zer 'phro ba mang po 'khrugs// bsod nams zhing 'gyur mchog tu 'bar// phyogs bcu'i nam mkha' gang bar bsgom// rdo rje rin po che yis bskor// rgyal ba'i yon tan mkha' dang mnyam// tAM ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs dang // khro bo kun kyang dga' 'phro ste// 'od chen dkar po 'bar ba dang // phyag rgya sna tshogs cir yang bsgyur// lha dang lha mo rnams kyis bskor// mchod pa'i yo byad sna tshogs dang // dkar la dri zhim shing rnams dang // gzhan yang mchod yon thams cad kyis// dkyil 'khor la ni rgyas par dbul// bdag nyid rin chen rab 'bar nas// tAM// dkar la yi ge 'od du 'bar// khro bo kun kyang de bzhin te// mngon du gyur pa'i dkyil 'khor du// pA sha hoHdang dzaHhUM gis// phyogs bcu'i lam lnga kun bkug ste// dbyings su thim par 'od 'phro bsgom// thams cad sangs rgyas zhing dang mnyam// gzhan nas yod 'ongs ma yin te// sgyu ma'i ye shes brtan pa yin// gzhan yang dkyil 'khor bsam yas ni// rin chen dbyings la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcu khyab par

  541. 271a

    mchod cing dbul// yon tan rgyal ba'i zhing dang mnyam// tAM/ glu dang gar gyis mchod par bya// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyas phul nas// thugs rje'i dbyings kyis rgyas par rol// ho tAM/ nga rgyal rdo rje 'khor bcas pas// 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// tAM/ sgyu 'phrul dra ba las/ rgyal po rgyas mdzad kyi rgyas pa'i hom gyi le'u ste bcu gcig pa'o// // de nas de bzhin gshegs pa snang mdzad khro bo chen pos thams cad kyi dkyil 'khor 'bar ba chen por bsgyur nas ched du brjod pa 'di brjod do// ye shes dkyil 'khor mtha' dbus med// bsam yas lhun gyis grub pa ni// rgyal ba'i dkyil 'khor ma lus kun// bde gshegs nyid las mi gzhan shar// oM dkyil 'khor zlum po 'bar ba las// 'khor lo 'bar bas rab bskor zhing // 'od ni ser por 'od du 'bar// rmad du byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM ser te// me lha spyan drangs snga ma bzhin// khro bo'i dkyil 'khor ma lus rnams// kun kyang rdo rje gti mug ste// 'od zer sna tshogs 'phro ba dang // 'khor lo

  542. 271b

    phyag rgya 'bar ba dang // lha dang lha mo'i tshogs kyis brgyan// gdan dang gnas dang dbyings nyid de// rgyal ba'i dkyil 'khor de dag tu// phyogs bcu gnas pa thams cad kun// tsakra lcags kyus bkug nas su// dkyil 'khor dbyings su bstim byas nas// gtum 'khrugs gdug pa ma rungs pa// lhan ne lhang nger zhi bar 'gyur// oM gzhan yang dkyil 'khor bsam yas te// dkyil 'khor 'khor lo 'bar ba yi/ oM dang seng ge'i mgos bskor te// brgyan pa'i rdo rje phyag rku kun// rdzogs ldan zhi bas bskor bar bya// rgyal po lus mdzes 'khor lo 'bar// rgyan rnams zhi la dkar po dang // byang chub mchog 'bar lhan ner bsgom// mkha' la rgyu dang bar snang 'phyo// gzhan yang 'gro drug ma lus kun// zhir 'gyur 'di la the tshom med// gar dang glu yis mchod byas te// phyogs bcu'i gdug pa ma lus pa// gdug pa'i yid ni rnam bor nas// lhan ne'i dkar po'i 'od du gyur// bde ldan byang chub 'od 'phro 'bar// ho/ oM gti mug rdo rje 'khor bcas pas// 'jig rten khams ni rab 'byams kun// skad cig yud la zhi mdzad de// zhi bar ma gyur gang yang med/ oM/ sgyu 'phrul dra ba las/ thams cad ma lus par zhi bar gyur nas/ zhi ba'i hom gyis le'u ste bcu gnyis pa'o// // de nas de bzhin gshegs pas// rgyal po tshe mtha'

  543. 272a

    yas su sprul nas/ ched du brjod pa 'di brjod do// sgyu 'phrul dra ba brtan bsdus te// b+h+rUM dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga'i don bsgoms te// de yi phyogs bcur gang bar bsgom// b+h+yAM dang dzaHhUM baM hoHsa dgug/ sku gsung thugs kyi snying po mchog/ lus ngag sems la thim par bya// nr-i nyid dngos sam yid bzhin mdzod// bum pa mchog ni bzang po yin// tshe bzhag gnas ni 'di yin te// yang nas yang du dgug byas te// mngon sum smin par gyur pa dang // dbyings su yang ni sba bar bya// rdo rje go cha bsrung ba yis// brtan zhing 'khor los dgab par bya// snying po 'bru lnga'i nang du bstim// sangs rgyas ma lus thams cad kun// rgyal po che dpag med par bsgom// sku mdog gangs ri 'tsher ba la// rgyan phreng sna tshogs rnams kyis brgyan// yid bzhin rin chen phreng ba dang // yid bzhin rin chen za ma tog/ rin chen rgyan dang bum pa bzang // gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyang khro bo ste// phyogs bcu nam mkha'i khams bkang nas// sgra skad drag po bton nas ni// thams cad ma lus thul bar bya// dbang du tshe dpag med par bsgom// tshe

  544. 272b

    bsnyen dang ni nye bsnyen dang // tshe sgrub dang ni sgrub chen dang // thabs dang shes rab 'byor pa yis// ci 'dod las rnams 'grub par byed// tshe dbang mo ni rgyud 'phel ma// dkar mo'i mdog la 'od 'phro 'bar// phyag ni rin chen gang ba yi// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus la// phan pa'i tshe dbang 'di sbyin no// de las lhag pa'i rgyud 'phel med// yi ge bzlas pa 'phrul chen 'di// rnam gsum tshul gyis ma 'khrul bar// sngags bzlas cho ga bar ma chad// 'dris gsal brtan pa mchog gis bya// mo mo mo oM oM/ hUM hUM hUM hUM hUM/ swA sA swA swA swA/ A AM AM AM/ hAM hAM hAM hAM hAM/ b+h+rUM b+h+rUM b+h+rUM b+h+yAM b+h+yAM/ ba ba ba ba ba/ dza dza dz+ra dz+wa dza/ A A a A a/ yu yu yu yu yu/ She She She She She/ hUM hUM hUM hUM hUM/ a a a a a/ oM/ tshe rnams dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu'i nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga'i tshe rnams dbang du bsdu// phyag rgya gshol la sogs pa yis// 'og gi 'jig rten khams dkrugs nas// gshin rje'i gnas nas tshe dgug ste// snying po lnga la bstim par bya// phyag rgya 'khor lo chen po yis// steng gi 'jig rten

  545. 273a

    khams dkrugs te// dbang phyug lha chen la sogs dang // bang snang bgegs rnams rgyu ba las// nr-i tshe rab tu dgug par bya// 'khor lo'i 'bru la bstim nas ni// de nas yi ge 'bru lnga de// nr-i yi gnas lngar bstim par bya// oM IM badz+ra ka ba tsa badz+ra rak+Sha hUM/ oM sarba ta thA ga ta badz+ra a d+hi tiSh+Tha badz+ra swA hA/ phyag rgya srung ba'i cho ga ste// 'bru lnga'i yi ge 'bru gcig ste// 'bru gcig dmigs med dbyings su thim// oM yid bzhin bum pa rin po che// rgyan dang rin chen phreng bas brgyan// rin chen lnga dang sman lnga dang // 'bru lnga spos lnga yungs kar bcas// sngags mkhan rab brtan blo ldan pas// yan lag ma nyams sngags bzlas bsgom// rgyan chas lnga dang ldan byas nas// dkyil 'khor thams cad 'grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o// // de nas de bzhin gshegs pa rdo rje sdud pa pos 'gro ba rang dbang med par smra ba zhes bya bar yang bsdus nas// ched du brjod pa 'di brjod do// gsang ba'i dkyil 'khor nyid kyi dbyings// kun tu bzang po'i thugs rje'i dang // sku gsung thugs ldan yon tan

  546. 273b

    rdzogs// mnyam pa'i zhing du sbyar bar bya// rdo rje rab tu gsang ba yis// rdo rje'i khams kun zhing sbyar te// oM dang mAM du 'byor par bsgom// thams cad dbyings su thim par bsgom// gsang ba'i dkyil 'khor dam pa dang // thig le man tra de dag tu// nr-i thal man tra bzang po'i thig/ rta babs sgo khyud bzang po dang // rdo rje rtse gcig 'od 'bar dang // 'gugs pa'i lcags kyu dam pa yi// rdo rje rtse gcig rtse gsum bri// dkyil 'khor rgyud dang ldan par bya// mchod yon sna tshogs mchod par 'bul// yaM/ dud ka ye shes 'od 'phros nas// AHlas zla ba'i dkyil 'khor du// dzaHlas lcags kyu grangs med pas// de yi snying du gzhug par bya// ma las nyi ma'i dkyil 'khor du// dzaHlas lcags kyu mang po yis// gang dgug de yi snying ga nas// drangs te de yi khar gzhug bya// sngags 'di rab tu brjod par bya// oM dzaHhUM baM hoHa mr-i su tri pre du ming pra be sha// ci 'dod las de bzlas par bya// lag gnyis sor mo phyir bsnol te// khu tshur dam du bcangs nas ni// srin lag mthe'u chung mthe bo gnyis// bar du mthe bo de drangs te/ oM ming pra be sha A AH// thal ba yungs kar drag tu brdeg/ ming de khong du gzhug par bya// babs nas rdo rje lcags sgrog zhags pas bcings// gang yin zhes ni dris nas ni// lha 'dre la sogs gang yin pa// lha zhig na ni

  547. 274a

    mchod par bya// gdon zhig na ni tsan dan gur gum bsres nas ni// der blud sngags 'di brjod par bya// oM badz+ra d+ha ka kro d+ha sa ma ya hUM phaT/ gal te sma ru mi btub na// lag gnyis sor mo phyir bsnol te// khu tshur bcangs nas mthe'u chung sbyar// gyen bsgreng dbab pa'i kha ru gtugs// sngags A~M badz+ra b+hA Sha dzi hA pra be sha hUM hUM/ zhes lan mang du bzlas pas// ye shes thogs med sgrib mi mnga'// bden pa'i tshig der zhugs par bsam// lce yi zor tor a dkar po// zla ba'i dkyil 'khor de steng du// oM dza d+hIHdmar po bsgom byas na// gdon mi za bar smra bar 'gyur// bdag nyid Ta ki hUM bsgoms la// a dang nr-i la sogs pa yi// lam lnga'i sems can gang yang rung // oM Ta ki hUM dang rang sngags kyis// lan 'bum bzlas shing dgug par bya// pra be sha ya bzlas par bya// gzhan yang dzaHhUM baM hoHte// gzhag cing dbab pa'i sa de ni/ byis pa lo grangs bcu gnyis pa// gcig dang lnga la dbab par bya// thig le bum pa me long 'bar// gzhan yang gnas rnams thams cad ni// smra ba'i cho ga phun sum tshogs// phyag rgya rdo// sbar mo sder// dgug pa'i phyag rgya kun gyis dgug/ dzaHhUM dbang phyug lha chen la sogs bsdu// bcol zhing bya ba de bzhin no// Ta ki hUM dzas mi btub na// ha ya gri wa gnas dad yul// zur phyin mgo mjug

  548. 274b

    mnan nas ni// drag tu bzlas shing lcags kyus dgug/ srog gi snying po ma nor bar// gzir zhing drag tu drang bar bya// 'jig rten 'das dang 'jig rten pa'i// dgug pa'i thabs yod ci yang rung // nem nur med par dgug par bya// bya ba sna tshogs las zin nas// sngar byas bum pa lnga po la// sman lnga 'bru lnga rin chen lnga// rigs kyi yum dang bdud rtsi 'khyil// ci 'dod las rnams thams cad dang // gzhan yang dgos pa ci yang rung // oM badz+ra a mr-i ta hUM/ a a a/ oM ma hA badz+ra a mr-i ta phaT/ dza gad dza gad tsa zhes kyang brjod do// oM bud+d+ha lo tsa ni swA hA// zhes bzlas gsang ba'i dkyil 'khor dam pa dang // ye shes lnga rdzogs nyid la brjod// ye shes snying po khyod nyon cig/ sngon goms blo brtan 'dris pa yis// yang nas yang du mngon gsal du// byang chub mchog gis rtag sgoms shig/ de ltar byas pa'i dngos grub ni// 'jig rten 'das dang 'jig rten pa'i// brda phrad skad kyi dngos grub thob// ces rdo rje gsang ba'i tshig tu'o// 'gro ba'i don gyi phyir yang ched du brjod do// sgyu 'phrul dra ba las/ pra dbab pa'i mdo'i le'u ste bcu bzhi pa'o// // de nas de bzhin gshegs pa rgyud kyi rgyal po sgyu 'phrul dra ba las hom rnams kyi phrin las 'di gsungs so// dang por de bzhin nyid du gsal zhing 'dris pa bsgom/ de nas bdag gi snying gar A

  549. 275a

    dkar zhing 'tsher ba zhig bsgom/ a de shin tu gsal bar gyur pa dang / phyogs bcur 'od du 'phros par bsgom/ 'od de slar a la bsdu zhing bstim/ ma dang a las nyi ma dang zla ba'i dkyil 'khor ldan zhing 'tsher la gsal bar bsgom/ hrIHlas pad+ma'i dkyil 'khor gsal bar bsgom/ hUM shin tu 'od 'bar bar bsgom/ snying gi dkyil du rdo rje sems dpa' tshon gang ba zhig phyag rgya dang ldan par bsgom/ bzhi bcu rtsa gnyis kyi sngags dang yig 'bru dang / phyag rgya yang gsal bar bzlas/ 'bru gsum dang 'bru lnga yang bzlas/ 'dug na 'bru bzhis mtshams gcad/ rtag tu hom bya/ tshogs dang mchod pa yang bya/ mang po mi nus pa'i don du hom gang bgyi yang rung / dkyil 'khor gyi dbus kyi gtso bor spyir ni rdo rje sems dpa'/ drag po yang rdo rje/ dbang pad+ma he ru ka/ rgyas pa rat+na he ru ka/ zhi ba bud+d+ha he ru ka/ spyan drang ba ni/ e h+ye hi ma ha kA ru Ni ka zhes hom gang byed pa'i lha gtso bo nas spyan drangs/ mchod pa dang / ar+g+ha dbul ba ni drag po'i mgor ni sngags ri la hUM/ zhi ba la mgor ril oM/ bar ma rnams la yang de bzhin sbyar/ spyan drang ba ni gang mdzad pa'i gtso bo nas zhi la shIn+taM bsnan// spyi la so so rang sngags rdzogs pa/ drag po lho/ dbang nub/ rgyas pa byang / zhi ba shar/ spyir gang yang rung gru gsum dang thod pa khwa

  550. 275b

    gdangs so// zla gam dang / pad+ma dang / chags med do// phyag rgya rnam pa bdun la phyag rgya chen po dang / chos nyid kyi phyag rgya dang / dam tshig gi phyag rgya dang / las kyi phyag rgya dang / thabs dang shes rab kyi phyag rgya dang / ting nge 'dzin gyi phyag rgya dang / lhag pa'i ting nge 'dzin gyi phyag rgya'o// rgyud kyi rgyal po chen po sgyu 'phrul dra ba las hom rnam bzhi'i le'u ste bco lnga pa'o// // de nas de bzhin gshegs pa dgyes pa chen po mnyam pa nyid la bzhugs nas/ lhag pa'i ting nge 'dzin gyi dngos grub nye bar len pa'i thabs 'di gsungs so// de bzhin nyid dang mnyam sbyor phyir/ dam pa'i don gyis bsgom par bya// byang chub phyogs la gzud par gnas// mchog tu bde ba'i zhing gnas pas// mnyam rdzogs chen po lhun bsgom zhing // byang chub sems su brtan par gzung // bya ba med las bya byed bya// mi gnas gnas la gnas par bsgom// b+ha ga'i dkyil du ling ga gzhag/ a/ shin tu 'tsher zhing gsal bsgoms nas/ 'od 'phro 'bar bas thams cad khyab// dug gsum ngan song gnas bsregs nas// b+ha ga'i dkyil du 'od 'phro thim// thim gyur dbyings nas phyag rgya 'bar// a ma las ni zla nyi 'bar// phyogs bcur 'thoms pa'i mun sel zhing // nyon mongs sdug bsngal bsil ba'i sman// thugs rje'i byin rlabs bsam mi

  551. 276a

    khyab// rol pa'i phyag rgya bsam mi khyab// mkha' la 'ja' tshon sprin mang yang // nam mkha'i dbyings su thams cad bsdus// thams cad mkhyen nyid bsam yas kyang // chos kyi dbyings su thams cad 'dus// thams cad yi ge hUM du gyur// hUM nyid gsang ba'i thugs rje'i dkyil// 'od zer 'phros pas 'bru gsum ste// yang na yi ge 'bru lnga'o// lnga po'i don spros bzhi bcu lnga// gzhan yang dkyil 'khor bsam yas mchog/ ma bcos ngang gis gnas pa la// ye shes lhag pa'i dkyil 'khor bsgom// sen zlum zla ba gang ba yi// thugs kyi dkyil du gnas par bya// nyi ma'i dkyil 'khor gang ba yi// gzhal yas 'od zer 'bar ba'i khang // pad+ma'i gdan dang rin po che// de dkyil yi ge hUM gnas pa// shin tu phra zhing yung 'bru 'bar// gnas gcig dang ni gnas gsum dang // gnas lnga dag tu rab tu bsgom// shes rab spyan la 'dris pa dang // nr-i yi mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs bcu'i stong khams rdul snyed du// thugs rje'i byin rlabs bsam yas spro// spros kyang hUM las nyams pa med// bsdus kyang phyogs bcur bri ba med// spro med bsdu med de bzhin las// yi ge mAM du thim par gyur// thim gyur dbyings nas phyag rgya 'bar// shin tu gsal zhing

  552. 276b

    'dris pa dang // phyag rgya'i sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis sam// zhal gsum phyag drug rtag tu bsgom// gzhal yas khang dang gdan khri rnams// phra ba'i tshul de snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri dang // rin chen pad+ma dril bu 'bar// phyag rgya chen po de dag las// phyogs bcu ma lus gzhal yas khang // nyi zla gza' skar dkyil 'khor gdan dang rgyan// bde gshegs dkyil 'khor ma lus bsgom// thugs rje byin rlabs 'gro don mdzad// zhi ba phyogs gcig shes bya sbyang // sa bcu mnyam par sbyong byed cing // bde gshegs 'khor yang dag par byed// de ltar bsgrub pa'i chog mchog de// 'bras bu mngon du ma smin kyang // sdug bsngal thams cad yongs mi 'byung // lha mi mtshan rdzogs yongs su 'grub// theg pa dman par yongs mi skye// bde gshegs 'byung dang bskal mi 'gyur// byang chub gzungs la zhugs pa yin// zhes nyid la nyid gsungs so// rdo rje gsang ba'i tshig tu'o// rdo rje sems dpa' sgrub pa'i le'u ste bcu drug pa'o// // de nas de bzhin gshegs pa sgyu 'phrul dra ba

  553. 277a

    las// thugs rjes 'gro ba 'dul ba'i bdud rtsi 'byung ba zhes bya ba'i ting 'dzin la snyoms par zhugs nas// ched du brjod pa 'di brjod do// e ma ho ye nas rnam dag chos sku las// log rtog rnam pa gnyis su grub// thams cad 'byung ba lnga las skyes// thams cad gtsang zhing dri med las// rnam rtog mi mthun so sor gyur// la la'i sman la la la'i dug/ sman du ma gyur gang yang med// dug tu ma gyur gang yang med// thams cad ma lus rgyu gcig las// mi mthun khyab par so sor snang // sus kyang ma byas sus byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor ma lus dang // khams gsum phyin ci log bzhi dang // dus gsum 'gro lnga thams cad dang // nyon mongs sdug bsngal thams cad sbyong // rnam par thar pa lta rdzogs byed// sa bcu rdzogs shing sangs rgyas sa yang rdzogs// de phyir sman 'di bsgrub par bya// kun la phan pa'i sman yin pas// de phyir nga dang bdag ma 'dzin// gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rtogs// thabs kyis pha rol phyin la spyod// snying rjes chud ma zos par gyis// bdud rtsi'i mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub

  554. 277b

    sems// bdud rtsi'i las ni rnam rtog sbyong // bdag dpal tshogs shing 'gro don mdzad// sman gyi byin rlabs bsam mi khyab// ngan song sbyangs shing mtho ris 'grub// gser 'gyur sman dang mun sel bzhin// gzhan yang dgos pa sna tshogs 'grub// rkyen las byung ba'i dug rnams dang // rtsa ba'i dug dang sbyar ba'i dug/ klu dug rbod gtong dug la sogs// thugs rje chen po'i byin rlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lnga bstim// A~M hUM trAM hrIHa la sogs// yang na yi ge AM gis bya// yang na yi ge hrIHyis dgang // dug rnams bdud rtsir bsgyur bar bya// mnyam pa'i dbyings su thim par bya// a ho rdo rje gsang ba'i tshig tu'o// hUM bdag nyid zhe sdang rdo rje ste// thugs rje'i bdag rtog 'dul bar byed// nga dang bdag med dbyings sbyor zhing // byams pa'i thugs dang ldan pa'o// oM bdag nyid gti mug chos sku ste// rmongs pa'i nad rnams sel bar byed// ye shes 'od zer gsal ba'i ngang // thams cad 'byung ba'i 'khor lo'o// trAM bdag nyid nga rgyal yon tan te// snying rjes 'gro don 'phel bar byed// zhi ba'i blo chen dbyings su sbyor// yon tan rgya mtsho dpag med pa'o// hrIHbdag nyid 'dod chags gsung mchog ste// nyon mongs las rnams dag par

  555. 278a

    byed// nyon mongs sdug bsngal rnam par dag/ chags med sems ni byang chub pa'o// a bdag nyid las kyi sems dpa' ste// don rnams ma lus 'grub par byed// log rtog ma lus 'dul ba'i mchog/ phyogs bcu dus bzhir 'phro ba'o// mAM bdag nyid shes rab 'od gsal te/ le lo g.yeng ba sel bar byed// thugs rje myur ba las byung ba// rgyal ba kun tu thogs med pa'o// ye shes drug gis nyon mongs sbyangs// dbugs chen dag kyang 'byin par byed// dug rnams sbyangs pa sku gsum ste// lam lnga sbyangs pa ye shes lnga// 'khor ba'i rtsad gcod shes rab mtshon// hUM du bsdus shing ho yis g.yeng // raM gyis bsregs shing phaT kyis 'phang // thabs dang shes rab 'brel ba yi// thig le'i dbyings su thim par bya// de nas gnyis med dbyings gyur nas// ye shes sems dpa'i sku ru bsgom// 'bru gcig 'bru gsum 'bru lnga bsgom// bzhi bcu rtsa gnyis ma lus dang // sangs rgyas dkyil 'khor tshang bar bsgom// nga med bdag med phyag rgyar gsal// de nas longs spyod lnga kun la// ye shes lnga dang rigs lnga dang // lha mo lnga dang sman lngar bsgom// oM hUM trAM hrIHa/ oM badz+ra a mr-i ta kuN+Da li ha na ha na hUM phaT/ oM bi shud d+he a mr-i ta hUM phaT/ oM d+harma a mr-i ta hUM phaT/ oM AHhUM zhes brjod pas/ thams cad dag par gyur// dbyings su thim

  556. 278b

    pas bdud rtsir gyur// sa chu me rlung nam mkha' rnams// rang bzhin med par gzhig pa'i phyir// gcig la'ang lnga lngar dbye bya zhing // mAM gyi dbyings su bstim par bya// 'byung ba che rnams de dag la// lhag pa'i ting 'dzin bskyed par bya// rig pa thabs kyi phyag rgya ste// de bzhin gshegs pa lngar bsgom zhing // 'byung ba so so'i mtshan nyid de// yum lnga dag tu bsgom par bya// de rigs ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dus nas// de las gyur cing skyes pa kun// smos ci dgos te de nyid yin// a ho// e ma ho lhag pa'i byin rlabs kyis// bdag la lha rnams bsdu bar bsgom// de nas lha dang gnyis med nas// bdag nyid yi ge oM dang mAM// gnyis dang bdag dang dbyings su thim// bdag nyid bdud rtsi 'khyil par bsgom// sku mdog gangs ri nyi shar 'dra// zla ba pad+ma gdan khri la// nyi ma stong gi gdan khri ldan// lha dang lha mo'i tshogs kyis bskor// khro bo khro mo'i dkyil 'khor bcas// gnas dang yul gyi phyag rgyas mdzes// slas dang byi mo'i tshogs kyis bskor// a ho 'khor lo rtsibs bzhi mu khyud bcas// dbus su bdud rtsi 'khyil pa ste// shar gyi rtse la rdo rje'o// lho yi rtse la rin po che// nub kyi rtse la snang mtha' yas// byang gi rtse la don yod

  557. 279a

    grub// thabs dang shes rab ldan par bsgom// phyag rgya rnams kyang gsal bar bsgom// snying po 'bru tshig gsal bar bzlas// de la bdud rtsi'i phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhi phyag rgya ldan par byed// a mr-i ta yi rgyu nyid ni// byang chub sems dang sha chen dang // dri chu dri chen mAM sar bcas// pad+ma rak+ta la sogs dang // gzhan yang 'dod yon sna tshogs rnams// dbye'am yang na mi dbye bar// bdud rtsi nyid du byin gyis brlabs// rtog pa'i bag chags sbyang ba'i phyir// gtsang sme med par dag par bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing // dug gsum sdug bsngal med pa dang // bskal par yun ring gnas pa dang // dngos grub chen po thob 'gyur te// tshogs gnyis rdzogs par yang dag gsungs// bdag nyid yi ge hUM gyur nas// longs spyod lnga ldan thams cad la// oM AM hUM du gyur par bsgom// 'od 'phro 'bar zhing phyogs bcur spro// slar 'dus 'od 'phro bdud rtsi 'bar// shin tu gsal zhing rtse gcig bsgom// gzhan yang yi/

  558. 279b

    ge'i tshogs pas gdab// 'thungs na ngan song sgrib pa byang // tra thA/ rtag bsten dngos grub mchog kyang 'grub// lus kyi nad rnams thams cad spang // lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum po'am lhan ner 'gyur// gzhan yang dngos grub thams cad ni// ji ltar dmigs pa bzhin du 'grub// sangs rgyas go 'phang 'thob 'gyur na// lha srin la sogs smos ci dgos// the tshom med par bsgrub par gyis// rtag tu spyod cing dbyings su thim// rgyud kyi rgyal po sgyu 'phrul dra ba las/ sman sgrub pa'i le'u ste bcu bdun pa'o// // de nas de bzhin gshegs pa rgyud kyi rgyal po sgyu 'phrul dra ba rang bzhin gyi dkyil 'khor las lhag pa'i ting nge 'dzin gyi dkyil 'khor gyi sngags 'chang rnams lhar bsgrub pa'i dkyil 'khor 'di don yod par bya ba'i phyir/ ched du brjod pa 'di brjod do// e ma ho// ye nas rnam par dag pa yi// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad bdag med pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bu

  559. 280a

    ldan// thams cad khyed pa'i ye shes sku// chos kyi 'khor lo yongs kyis bskor// thugs rje'i byin rlabs 'phros pa yis// ye shes bzhi yi dkyil 'khor spro// ye shes lnga dang sku gsung thugs// byin rlabs ya mtshan bsam mi khyab// rang snang rig pa'i thabs las byung // bsod nams ye shes tshogs rdzogs pa'i// thugs rje rgyas pa'i gzhal yas khang // mtha' dbus med par rgyas par gnas// stang smon mtshan med 'od gsal 'jug/ de phyir ye shes sgo bzhir bshad// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zag med ye shes gter gyur pas// yid bzhin rin chen 'bar ba'i gdan// ye nas mnyam nyid mi 'da'i phyir// tA la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin rin chen rgyan gyis bskor// thams cad la ni dbang bsgyur phyir// 'jig rten lha chen rnams kyis bskor// gsang ba'i de nyid nges pa las// 'phrul chen bzhi bcu rtsa gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'di ni rang bzhin dkyil 'khor dang // gzugs brnyan lhag pa'i

  560. 280b

    dkyil 'khor dang // ting 'dzin lhag pa'i dkyil 'khor dag/ byang chub sems dang tshogs mchog bstan// ces nyid la nyid bshad do// sgyu 'phrul dra ba las/ shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste bco brgyad pa'o// // de nas de bzhin gshegs pa khro bo chen po'i byin rlabs phyag rgya 'byung ba zhes bya ba'i ting nge 'dzin la snyoms par zhugs nas/ ched du brjod pa 'di brjod do// dbang po'i yul du rig pa rnams// thabs dang shes rab ldan gyur cing // mnyam pa'i ngang nyid rtogs gsal na// thams cad bde ba chen po'i rgya// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms na// bskul bskyod thams cad phyag rgya yin// bla med chen pos de skad gsungs// yan lag snying po rtse gcig dang // rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung // rdo rje pad+ma der sbyor nas// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang // khro bo'i dkyil 'khor bsgom byas te// dbu yi dkyil 'khor bskul bskyod na// sangs

  561. 281a

    rgyas dkyil 'khor thamams cad g.yo// lag gi 'du byed bskyod byas na// rig 'dzin zhing khams thams cad g.yo// rkang pa'i stabs chen mnan mchongs na// sdug bsngal mi bzad thams cad dang // bdud dang log 'dren thams cad mnan// yan lag thams cad bskul gsigs na// ba spu'i bu ga re re nas// khro bo grangs med rdul snyed 'phro// de dag sprul pa grangs med kyis// phyogs bcu'i khams mang rdul snyed du// khro bo'i don rnams rdul phran snyed// thugs rjes 'dul zhing dbyings su bstim// thams cad khro bo'i dkyil 'khor dang // khro mo'i dkyil 'khor rab tu 'dus// thams cad rdo rje'i brag steng dang // me ri'i dkyil 'khor rab tu 'bar// 'di ni spyi rgya chen po yin// steng gi bgegs rnams 'dul ba'i phyir// rdo rje 'khor lo nr-i mgo gdengs// 'og gi 'jig rten bgegs 'dul ba'i// rdo rje thong gshol nr-i sbar dang // rdo rje gtun chen dril bu'o// shar gyi bgegs rnams 'dul ba ni// rdo rje rab tu 'bar ba dang // ti ra chen po'i dbyug pa'o// lho yi bgegs rnams 'dul ba ni// rin chen nr-i mgo'i dbyug pa dang // gshin rje chen po'i rkang bzung ba'o// nub kyi bgegs rnams 'dul ba ni// sbrul dang ti ra'i dbyug pa dang // khyung chen gshog gis rab tu rdebs// rgya mtsho che rnams sked par gtub// byang gi bgegs

  562. 281b

    rnams 'dul ba ni// rin po che yi dbyug to dang // nr-i mgo gsum gyi dbyug to can// gnod sprin gdon rnams tshar gcod pa'o// mtshams bzhi'i bgegs rnams 'dul ba ni// phyogs bzhi dag gis 'dul bar 'gyur// gal te de yis ma 'dul na// byang shar mtshams kyi bgegs 'dul ba// rdo rje rtse gsum nr-i mgo gdengs// e sha nyid kyang phyag na bsnams// 'byung po'i sde kun rab tu 'dul// shar lho mtshams kyi bgegs 'dul ba// rdo rje ye shes me chen 'bar// me de nyid kyang 'tshig par byed// drang srong nyid kyang phyag rgyar bsnams// me lha gdon 'khor dbang du bsdu// lho nub mtshams kyi bgegs 'dul ba// rdo rje srin po'i mgo can te// rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdu// nub byang mtshams kyi bgegs 'dul ba// rlung gi ba dan nr-i mgo gdengs// shin tu drag po glang po'i brjid// tshig srung nyid kyang phyag na bsnams// g.yeng ba thams cad dbang du bsdu// 'og gi 'jig rten bgegs 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor chen po yis// thams cad ma lus bsreg par byed// chu yi/

  563. 282a

    dkyil 'khor chen po yis// thams cad ma lus 'khrud par byed// rlung gi dkyil 'khor chen po yis// thams cad ma lus gtor bar byed// gzhan yang ral gri 'khor lo dang // mda' gzhu tho chen gri chen dang // rdo rje mdung chen dgra star bcas// mche gtsigs spu gri'i so dang ni// mda' dang mdung thung sta re dang // gzhan yang phyag rgya sna tshogs so// dbus kyi he ru'i phyag rgya ni// ti ra'i dbyug to chen po dang // 'khor lo chen po rab tu 'bar// dung chen dmar gyis gang ba la// rdo rjes dkrug cing zhal du gsol// shar gyi khro bo'i phyag rgya ni// ti ra chen po'i dbyug pa dang // rdo rje chen po rab tu 'bar// nr-i mgo dmar chen bkang ba gsol// lho yi phyag rgya chen po ni// ti ra chen po'i dbyug pa dang // yid bzhin nor bu rin chen 'bar// yid bzhin nor bu'i gzhal yas su// dmar gyi ar+g+ha rab tu gsol// nub kyi khro bo'i phyag rgya ni// ti ra chen po'i dbyug pa dang // pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// ti ra chen po'i dbyug pa dang // rdo rje rgya gram rab tu 'bar// dung chen dmar gyis bkang ba gsol// khro mo rnams kyang khro dang mthun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo

  564. 282b

    che las bshad/ sgyu 'phrul dra ba las/ phyag rgya spros pa'i le'u ste bcu dgu pa'o// // de nas de bzhin shegs pa khro bo'i rgyal po/ dpal shrI he ru kas/ yum kro ti shwa rI dang gnyis su med par 'du ba mdzad nas/ byang chub sems kyi rdo rje las/ khro bo'i dkyil 'khor mang po spros nas/ 'jig rten pa'i dbang mo chen po dang / dbang po dang / bdag po dang / rgyal po dang / rgyal po'i yang rgyal po dang / blon po dang / sde dpon dang / 'khor 'bum phrag bsam gyis mi khyab pa la sogs pa thams cad ma lus par dbang du bsdus te/ 'jigs byed chen pos lha chen po rnams dang / da lta dang dus phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos/ la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du sdud par bskos/ la la ni nyams shing rmongs par bskos/ la la ni skams shing 'pho bar bskos/ gzhan yang bya ba sna tshogs pa ci 'dod par bskos nas/ ched du brjod pa'i 'di brjod do// mnyam nyid rig pa'i rdo rje yis// 'jig rten gtso mchog dbang du bsdus// thugs rje chen po'i byin rlabs kyis// 'gro ba'i don rnams sna tshogs bstan// thabs

  565. 283a

    dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rje ldan par rol// thugs rje chen po zabs mkhas pas// thams cad kun la spyod gyur kyang // bag chags sogs par mi 'gyur te// bsod nams ye shes tshogs 'gyur rdzogs// thabs mkhas spyod pa ma gtogs par// gzung 'dzin 'khrul rtog rdul tsam med// de bzhin nyid dang dbyer med phyir// rtag tu rang bzhin 'od gsal gnas// de nas bdag nyid rgyud don gang nas 'byung ba'i lha khro bo dang / zhi ba gang la goms pa de gsal bar bsgoms nas/ ting nge 'dzin las su rung zhing lhar gsal bar gyur pa dang / rang gi lha'i bzlas pa 'bum 'bum gdon to// lha chen po ni dgug pa'i phyir// lcags kyu zhags pa s+pho Ta baM// ma ha de ba hUM dzaH/ dzaHhUM baM hoH/ lha yi dbang po'i snying ga nas// yang nas yang du rnam par drangs// ma ma trag sha ma hA de gr-ih+Na grih+Na hUM hUM/ lha gzugs mdog ni 'tsher la dkar// lus ni rin chen kun gyis brgyan// gtsug na yid bzhin rin chen 'bar// lag pa g.yas na thogs pa ni// yid bzhin bdud rtsi bum chu gsol// g.yon na rin chen sna lnga ste// lha rnams kun gyi re ba bskang // btsun mo u ma dang gnas pa// rtag tu 'dod yon lnga dang ldan// bdag nyid snang mdzad gzhal yas khang // lha yi

  566. 283b

    gzugs ni snga ma'i tshul// lha yi sa bon 'bum phrag tu// srog dang ldan par bzla' bar bya// mdun nas dzaHhUM baM hoHsa drang // rgyab nas rdo rje can gyis phul// je nye je nye gnyis med par// lha chen po ni gsal gyur nas// ci 'dod las de byed du gzhug/ lha chen 'khor rnams thams cad kyang // de grub dbang med 'du bar 'gyur// gang 'dod las rnams byed par 'gyur/ de nas rgyal po chen po sde bzhi sgrub pa'i thabs 'di gsungs so// byang chub sems mchog ting 'dzin gyis// phyogs bzhi ma lus thams cad kun// rig sngags 'chang gi don sgrub tu// rgyal po bzhi yang dbang du bsdus// bdag nyid rigs bzhi'i he ru ka/ gong nas byung ba'i don bzhin bsgom// lha nyid rtag tu gsal gyur cing // lha yi gzugs tshul gsal bar bsgom// bdag nyid lha dang gnyis med par// yang dag don du gsal bar bsgom// de nas rgyal po yul 'khor srung // gzugs ni gangs ri nyi shar 'dra// mchod sbyin 'od zer brgya dang ldan// lag g.yas rdo rje dril bu la// lag g.yon bdud rtsi'i bum pa gsol// gzhan du yul 'khor srung b+h+r-i ta shwa/ 'phags skyes po la bi ru D+ha ka/ mig mi bzang la b+hi rA bak+Sha/ rnams yod pa dang ma mthun pas dpyad// in/ sngags rnams sor bzhag tra sA ya swA ha/ dzaHhUM baM hoH/ tra mi ta hAM hAM/ su ra ta bag ta dza dza dza dzaHhAM hAM zhes lan 'bum bzlas

  567. 284a

    nas// bdag nyid rdo rje he ru kas// 'dren pa'i phyag rgya de dag gis// lha yi dbang po'i snying nas drang // rgyab nas rdo rje can gyis phul// de yis lha nyid dbang gyur nas// las ni gang 'dod byed par gzhug/ thams cad thams cad 'grub par byed// kun la 'byin cing kun la za// lha yi 'khor rnams thams cad kun// ma lus par ni yang dag 'du// bran bzhin du ni thams cad 'brangs// rgyal po 'phags skyes bsgrub pa ni// bdag nyid rin chen he ru ka/ sku mdog rgyud nas 'byung ba bzhin// phyag rgya rnams kyang de bzhin te// 'od kyi 'phro 'du byin rlabs kyis// 'phags skyes po ni dbang du bsdus/ b+hi d+ha rasta ya swA hA/ dzaHhUM baM hoH/ gr-ih+Na gr-ih+Na dur bid swA ha/ hang hang hang / rat+na dzaHhUM baM hoH/ zhes snying po lan 'bum du bzlas te// srog dang ldan par ting 'dzin bya// bdag nyid rat+na he ru ka/ 'phags skyes po yi snying ga nas// dzaHyis rab tu bzung nas ni// bdag gi mdun du dgug par bya// rgyab nas rdo rje can gyis phul// de nas mngon sum gyur pa dang // gang 'dod las de byed du gzhug/ mdog ni gser gyis mdog tu 'bar// 'khor rnams thams cad bdag la bsdu// yid bzhin rin chen gzhal yas 'grub// rgyal po mig ngan bsgrub pa ni// bdag nyid pad+ma he ru ka/ sku mdog gong gi snga ma bzhin// phyag rgya'i tshul

  568. 284b

    yang de bzhin te// snying po 'bum phrag gsal bzlas nas// ting 'dzin phyag rgya bsgyur rung zhing // lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi'i bum pa gsol// lag g.yon 'dod yon lnga yi tshul// nub phyogs klu rnams re ba bskang // sbrul mgo dgu yi gdengs ka can// de ni rab tu dbang bsdu phyir/ b+hi ru ta ka swA hA/ dzaHhUM baM hoH/ na ga shi ni/ bi ma pag bim pag dzaHhUM baM hoH/ 'bum phrag du ma bzlas nas ni// de ni bdag gi dbang du bsdu// bdag nyid lha ru gsal bsgoms nas// mig mi bzang gi snying ga nas// dzaHyis rab tu bzung nas drang // rgyab nas rdo rje can gyis phul// de nas bdag dang gnyis med pa'i// dbyer med par ni gyur pa dang // ci 'dod las de byed du gzhug/ mig ngan 'khor rnams ma lus pas// bdag gi las rnams rdzogs par byed// rgyal po rnam zos bsgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od 'phro rab bsgoms shing // rang sngags snying po 'bum phrag bzlas// ting 'dzin bsgyur du rung ba dang // rnam thos dag ni rtag tu bsgrub// gzugs ni rin chen bai DUr+ya// yang na mdog ni sngo zhing 'tsher// phyag g.yas rin chen dbyig to thogs// g.yon na 'dod yon bum

  569. 285a

    chu gsol// dbu la rin chen sna tshogs mdzes// be shra ma NA ya swA hA// dzaHhUM baM hoH/ ku be ra bam bam// kar kang kang yang 'dug kar yang yang dzaHhUM baM hoH/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dzaHyis rnam thos snying nas brang // dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams bran bzhin bsdu// rin chen spros shing las rnams bsgrub// ci 'dod las rnams byed par 'gyur// sgyu 'phrul dra ba las/ lha chen po bsgrub pa dang rgyal po chen po bzhi'i dkyil 'khor bkod cing sgrub pa'i le'u ste nyi shu pa'o// // de nas de bzhin gshegs pa rgyud kyi rgyal po sgyu 'phrul dra ba las lhag pa'i gzugs brnyan gyi dkyil 'khor gyi dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig ye shes rgyal po yis// thams cad ma lus maN+Da la// de bzhin nyid kyi gzhal yas la// rig pa rang dbang gyur pa yis// mnyam la mnyam par mi gnas pa'i// chos sku'i phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas mod kyang // gzung 'dzin rnam rtog zhags pa yis// rang rig bsgribs shing

  570. 285b

    bdag tu bcings// kun gyis yang dag rtogs bya'i phyir// de bzhin sku yi gzugs brnyan bstan// rtogs dang mi rtogs rang rig dang // yang dag thabs chen rdzogs pa'i don// rin chen sna tshogs la sogs dang // 'byung ba bzhi las gyur rnams kun// thams cad byang chub mchog gi rgyu// gzugs sogs ri mor bris pa dag/ ye shes chen po rab 'byams kyi// don du mi 'gyur yongs ma gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstim byas te/ thams cad chos sku'i phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'du 'phro yis// thams cad chos sku'i phyag rgya che// yang dag rtogs pa'i khyad par gyis// ting 'dzin don rnams gsal bsgom nas// mA ma kI yi rgyun chags la// yang dag chos sku phyag rgya che// de bzhin ting 'dzin gsal bsgoms nas// don mchog ma lus rdzogs pa'i phyir// mkha' la 'phro ba'i dkyil 'khor du// dri med chos sku phyag rgya gsal// dbyings dang ye shes gnyis med par// ting nge 'dzin gyis dbang bsgyur nas// kha dog dbyibs dang gzugs su bsgyur// sna tshogs phrin las rnam par rol// don gyi snying po mchog rnams kyang // byang chub phyogs rnams rab tu rdzogs//

  571. 286a

    'jig rten gtso mchog rnams kyis bskor// a ho// chos sku'i phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang bskur na// ji ltar dmigs pa bzhin du 'grub// drag po gtum po 'dul ba'i phyir// bdag nyid drag por bsgoms nas ni// chos sku nag po 'od 'bar gyis// bgegs kyi ling ga gnan par bya// gtum po drag po'ang brlags par 'gyur// mi mthun phyogs kyang rdul du rlog/ 'di dang 'gro ba thams cad du// shin tu stobs drag che ldan 'gyur// thams cad ma lus gnyis med dbyings bsdu'i phyir// bdag nyid ha ya grI war bsgom// dmar po'i chos sku gsal bsgoms te// mi mthun phyogs rnams gdan du bting // ting 'dzin gsal bas byin brlabs na// thams cad ma lus dbang du 'du// mthu chen dag kyang phyi bzhin 'brang // ci 'dod las rnams byed par gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdog 'dra phyag rgur bsgom// gang 'phel chos skra'i gdan du bzhag/ de ltar dag pas byin brlabs na// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin rlabs kyis// gtum khro ma lus zhi bya'i phyir// dkar zhing 'tsher ba'i chos

  572. 286b

    sku bsgom// gang zhig gtum khro zhi ba'i gdan// de bzhin ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi'i dkyil 'khor dbyings su sdud// bya byed med par dkyil 'khor spyod// lhun grub dkyil 'khor ye nas rdzogs// a ho// chos sku'i phyag rgya chen po ni// dngos grub gang 'dod sbyin par nges// nye ba'i lha ni gang bsgrub pa// phyag rgya'i snying po bris bcug na// gang bsgom the tshom med par 'grub// de ni rgyal ba kun dang mnyam// the tshom med de nges 'grub 'gyur// 'jig rten pa yi lha bsgrub na// lha yi snying po gang yang rung // bris te dkyil 'khor nang bcug na// lha de nye bar 'grub par 'gyur// chos nyid rten cing 'brel bris na// chos kyi don rnams rtogs 'gyur te// rang dang spyi yi don rtogs nas// skye rga na 'chi med par rtogs// phyag rgya chen po de dag la/ nyon mongs las rnams sbyong byed pa'i// snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang // tshad dpag med pa'i phyag rgya che// sku gsung thugs ni rgyun mi chad// zhing khams bye ba rdul dang mnyam// a hoH// rdo rje gsang ba'i tshig tu'o// sgyu 'phrul dra ba las/ lhag pa'i gzugs brnyan

  573. 287a

    gyis dngos grub len pa'i thabs te/ mchod rten gdab pa'i le'u ste nyer gcig pa'o// // de nas de bzhin gshegs pa rgyud kyi rgyal po sgyu 'phrul dra ba las/ shin tu gsang ba'i phyir/ gsang sngags kyi rgyud de phyi ba dang / nang pa thabs kyi rgyud gzhan la khams bco brgyad du bstan/ gtsug lag thams cad la yang khams bco brgyad du bstan pa yin/ lung gi spyi 'di ni shin tu zab pa'i phyir/ khams nyi shu rtsa gcig tu bstan te/ lung gi spyi yang rgyud dang gsung rab thams cad 'byung ba'i gnas yin/ gsang ba'i dbang po dang gsang ba'i yul gnyis ka yang / skye mched dang khams rnams 'byung ba'i gzhi yin pa'i phyir/ shin tu gsang bar gsungs so// dkyil 'khor de dag shin tu gsal bar bstan pa'i phyir/ nyid la nyid ched du brjod pa 'di brjod do// kye ma'o ye nas gsang ba'i chos// thams cad kun la rang bzhin gnas// ngang gis dag mnyam ma rtogs pas// kun la yod cing rang bzhin gsang // gzhan du min la shin tu gsang // don nyid kyis ni gsang ba'i rgyud// mnyam pa'i rdo rje can gyis gsungs// 'di ni byang chub snying po'i mchog/ a hoHrdo rje gsang ba'i tshig tu'o// dbang po yul du snang ba rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye mched

  574. 287b

    khams rnams bco brgyad po// byang chub sems dpa' sems ma nyid// dkyil 'khor nyid kyi dbyings yin te// thams cad 'byung ba rdo rje gsang ba'i dbang // dbang po yul nyid shes rab pad+ma'i dbyings// dbang po'i thugs ni rdo rje sems// thams cad 'byung ba'i gter nyid dang // thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung / kun gyi phyag rgya'i rgyu yin te// bde ba byang chub sgrub pa'i rdzas// de las bskyed cing de las spro// dngos grub thams cad bsgrub pa'i gnas// dbang po rdo rje pad+mar ldan// gnyis med byang chub sems 'phro na// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan bzhi// 'jug dang ldang dang gnas dang smon pa'i byang chub sems// g.yo dang bskyod dang ldang dang gnas// 'gugs dang 'dzin pa de bzhin te// bsdus dang 'khril ba'i don bsgrub phyir// bsdams dang mi gtong dbang gyur te// bde ba sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen phreng bar 'bar// dbyangs snyan yid 'phrog gzi ldan 'bar// gzugs mdzes bskyed pa phyogs bcur g.yo// kun tu tshims byed bro

  575. 288a

    bsung thim// lha mdzes rin chen phung po 'phro// 'od gsal 'phros pas kun tu 'bar// bdud rtsi bsil dro 'jam pa'i dbyings// a la la ho// gsang dbang pad+mar ldan gyur nas// chags pa med pa'i tshul gyis su// pha rol phyin bcu rgyu 'bras rdzogs// sa bcu rim gyis bkod med rdzogs// kun tu 'od gsal pad+ma can yang rdzogs// thabs dang shes rab bla med sa yang rdzogs// bsod nams ye shes tshogs chen rdzogs par rol// a la la ho// de bzhin nyid kyi gsang mchog las// khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyi bdag/ bco brgyad 'byung ba'i gnas yin te// byang chub 'grub pa'i zhing yang yin// bde ba 'byin pa'i rgyu yang yin// gsang ba'i mtshan nyid brjod pa ni// dbang po rdo rje gsang ba'i rgyal// yul ni pad+ma bde mchog dbyings// sems ni byang chub 'byung ba'i gter// dbang po yul sems ldan gyur nas// gsang ba mchog gi 'phrul chen spro// dkyil 'khor rdul snyed grangs med dang // phun sum tshogs pa'i lhun grub rnams// gsang ba mchog gis 'byin par byed// 'di ni rtse gcig yin par gsungs// gsang ba'i don mchog 'di dag ni// blta ba dman la bshad byas na// dus min par ni srog zad nas// mgo 'gas snying yang 'tshig par 'gyur// khab

  576. 288b

    len gyis ni lcags sdud ltar// mi 'dod bzhin du dbang med par// ngan song mi khom bskal par brgyud par 'gyur// de bas 'di ni shin tu gsang bar bya// shes rab rgya chen blo zab yangs pa yi// blo brtan snying rje che ba dang // dad ldan ngang tshul bzang la bstan// gzhan du nam yang sbyin mi bya// zhes nyid la nyid brjod do// shin tu zab pa'i phyir rgyud gzhan gyi nang du ma bshad do// gsang ba'i dkyil 'khor khams nyi shu rtsa gcig tu bsdus nas// thams cad ma lus pa dbyings su sdud pa'i le'u ste nyer gnyis pa'o// // de nas de bzhin gshegs pa'i rgyud kyi rgyal po sgyu 'phrul dra ba las/ chos thams cad yid dang chos su 'dus par bstan pa dang / shes rab thams cad ni yum bzhir 'dus/ yum bzhi yang gcig tu 'dus so// thabs thams cad ni rigs bzhir 'dus/ rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig mgo mjug gi don bsdus nas yang 'di skad ces brjod do// don gyi rtsa ba'i mchog yin no// thams cad ma lus mi lus mi dmigs ma chags chos nyid de// de bzhin dbyings nyid sna tshogs mang po thabs su snang // thabs nyid sgyu ma mig yor chu zla gzugs brnyan yin// de nyid rang rig ye shes chags med sna tshogs snang // thabs dang shes rab ldan pas mchog

  577. 289a

    gi gnas gyur pas// ji ltar spyad kyang zad med gnyis med bsgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul pa rang rig ste// rgyu 'bras ye nas dbyer med snga phyi ma yin pas// 'bras bu lam du gyur nas dus gcig mnyam par sbyor// 'di ni yid bzhin rin chen thams cad 'byung ba'i gnas// thams cad 'du ba'i gter dang yid bzhin mdzod// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du 'dus// rang byung rdo rje'i dkyil 'khor zad med gter chen spro// 'das dang ma 'das dkyil 'khor bsam yas lhun grub dang // mi zad par ldan rgyan gyi 'khor lo drug rdzogs pa// skye med dbyings kyi rang byung 'od gsal phreng ldan mchog/ ye nas ma bcos ma byas rang rig ngang gis gsal// thams cad 'byung 'jug rang rig gter chen ngang du bsdus// phyogs bcu ma lus mi lus thams cad kun 'dus dang // zhing khams gzhal yas bsam yas rin chen mchog chen kun// skye med dbyings dang rang rig gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog

  578. 289b

    gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rdzogs par rgyu 'bras spyod// mnyam nyid rig pa'i rdo rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a hoH/ rgyud kyi rgyal po sgyu 'phrul dra ba las// pha rol tu phyin pa bcu dang / sa bcu dang / sa gnyis dang / thabs kyi mchog dang / sangs rgyas kyi zhing ma lus par yid dang chos su 'dus par bstan pa'i le'u ste nyer gsum pa'o// // de nas de bzhin gshegs pa thams cad kyis// mi 'chi ba'i rdo rje bsgrub pa 'di gsungs so// rdo rje zhing chen bsgrub 'dod pas// thams cad skye shi med tshul du// mnyam nyid dag pa nyid du bsgom// khro bo bdud rtsi 'khyil pa ni// dzaHhUM baM hoHsa dgug par bya// bdag dang khro bo gnyis med par// yang nas yang du bsgrub par bya// sku rnams gsal bar gyur pa dang // zhing chen 'og tu gzhug par bya// dkyil 'khor ma lus der bkod nas// khro bo khro mo'i dkyil 'khor bsgom// mngags pa'i pho nya phyogs bcur gtang // thams cad ma lus dbang du bsdu// bsgrub pa gcig gam yang na gnyis// gsum dang lnga ru bsgom par bya// pho nya mang pos nr-i bkug nas// zhing la yang dang yang du gzhug/ snar dang ser dang mdog snum 'byung // de nas ting

  579. 290a

    'dzin bdud rtsi yis// lan grangs 'bum phrag mang por ni// bzlas pa'i tshul ni rnam gsum dag/ rdo rje sngags bzlas rtse mo gsum// de yi bar nas bzlas par 'byung // 'od zer lnga dang ldan par bya// zhing de ldem ldem po gyur dang // bdud rtsi lnga yis bsku bar bya// de nas yi ge 'bru lnga dgod// gsal zhing 'tsher bar bsgom par bya// dbang po lnga dang dbang po'i tshul// yan lag lnga la rigs lnga'i tshul// rdo rje'i ting 'dzin de yis bsgom// de nas zhing de 'gul gyur nas// shin tu zhags pas bsdam par bya// yan lag rnams kyang gzhum par bya// phyogs bzhi dag tu thod pa bstan// de nas nub tu thod pa bstan// ha ya grI ba'i skur bsgoms shing // sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul nas// rdo rje'i ting 'dzin de yis ni// brtan pa nyid du bsgom par bya// de nas sbar sbar byed pa dang // a nr-i pre du gang yin pa// rdo rje drag tu brdeg cing dbab// thod pa'i kha nas nr-i phyung nas// rdo rje'i ting 'dzin so yis bcad// rdo rje'i sngags bzlas khong du bstim// gnyis su med par bsgom par bya// de nas zhing de langs pa dang // rdo rje byin nas dbang yang bskur// bdud rtsi chu yang blud par bya// las rnams thams cad byed du gzhug/ zhing des rab tu smras pa'i

  580. 290b

    tshig/ dpa' bo ci bgyis mi rga skye med chos rnams dang // las rnams ma lus kun bgyid do// de ltar sgrub pa'i rigs mchog gis// thal ba thams cad sos par 'gyur// bsgrub pa'i sa ni dur khrod dang // ri brag gnyen po bgegs gnas dang // nags khrod stong pa tsher ma can// ri bos bskor ba'i lcug ma can// rab tu rnam par dben pa dang // gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum dang // bcu drug man chad bsgrub par bya// the tshom med par 'grub par 'gyur// phyi nang 'tsho ba'i yo byad rnams// lam lnga'i zhing dang sman lngar bcas// 'bru rnams sna tshogs bcang bar bya// rtag tu tshogs chen mchod par bya// rtag par dag tu ma ldan na// gsum dang lnga ru bar mi gcod// kha zas rnams kyang thod par bza'// btung ba dag kyang de bzhin te// mar me rtag tu gtang bar bya// rgyu ni nr-i yi mar las bya// yan lag bskur ba'ang de bzhin no// sdong bu pad+ma'i rgyu las bya// snod ni dung chen srub med pa// lcang lo yod dang med kyang rung // de byi su tra ma byung ba// mdog ni ban glang can la yod// rdo rje'i bsgrub pa bar gcod phyir// rtag tu mtshams ni gcad par bya// nr-i yi rkang pa g.yas g.yon nas// sbom po ma yin phra ba nyid// de la kI la ya byas nas// phur bu'i sngags dang khro

  581. 291a

    sngags kyis// lan 'bum du ni bzlas nas ni// lag pa g.yas g.yon thal sor la// khro bo bcu dang khro mo bcu// 'od 'bar gzugs kyi sku ru bsgom// de nas gnyis med sbyor tshul du// sgrub po rdo rjer bsgom par bya// bsgrub pa dngos la ma gtogs pa// phyogs bcu rnams su mtshams kyang bcad// dngos grub ma thob bar du ni// bsgom dang bzlas dang phyag rgya gsum// bag yod mgo la me sbar bzhin// bar mtshams med par bsgrub par bya// de ltar bsgrub pa'i rigs mchog gis// lha ma srin rnams bran bzhin 'khol// 'jig rten dbang phyug dbang du sdud// rdo rje'i rigs mchog 'khor rkyen rnams// yid bzhin du ni 'byung bar 'gyur// rdzu 'phrul chen po 'di dag ni// lus sbed nus nas mngon du dbyung // de ma yin par shin tu gsang // ro langs bsgrub pa'i le'u ste nyer bzhi pa'o// // de nas de bzhin gshegs pa rgyud kyi rgyal po chen po sgyu 'phrul dra ba las/ ting nge 'dzin gyi rim par sbyor zhing // dngos grub myur du len pa'i thabs 'di skad ces gsungs so// dkyil 'khor bsam yas dngos grub ni// mi dmigs dbyings nas don 'byin te// ma bcos ji bzhin dang bzhag dang // lhun gyis grub pa'i dkyil 'khor 'byung // mi dmigs thugs kyi dkyil 'khor las// ting nge 'dzin gyis dbang bsgyur

  582. 291b

    na// ye shes sprul pa sna tshogs 'grub// spyod yul thams cad maN+Da la// ye shes dkyil 'khor zar byed skyong // longs spyod sku dang sangs rgyas zhing // ji ltar 'dod pa smon pas 'grub// yangs shing rgya che lhun grub ni// phyi nang snod bcud ye nas dag/ dag rtogs nyid kyang dbyings nyid yin// 'di ni rdo rje mnyam yin no// dngos grub myur du 'grub 'dod na// shin tu phra zhing zab par bsgom// bdag dang bdag gi gzhi rnams ni// shin tu mi dmigs dbyings su bsgom// ting 'dzin de ni goms pa dang // thams cad sgyu ma mig yor dang // sprul pa'i tshul du shes par bya// de bzhin yang dang yang goms nas// de nas phra mo'i ting 'dzin bsgom// phyi nang snod bcud hUM du bsdu// gang bsgrub yi ge so so ste// spyir ni gang bsgoms kun tu 'dra// rdo rje sems dpa' nyid du 'du// yan lag lnga dang rnam shes nyid// slar yang yi ge hUM du bsdu// nr-i yi mig gis bltar yod par// yang nas yang du 'dris pa dang // 'od zer mang po 'phro bar bya// phyogs bcu dus bzhi gang ba dang // slar yang hU~M la bstim par bya// hUM nyid mi dmigs dbyings su thim// thim gyur dbyings nas a dkar 'bar// shin tu 'tsher bas gsal bsgoms la// thams cad a ru gyur par bsgom// de bzhin nyid du 'dres gyur nas// a las nyi ma'i dkyil 'khor spro// a ma

  583. 292a

    gsal bar 'byor gyur nas// nyi zla gang ba'i nyi zlar sgom// sdigs la pad+ma chags med bsgom// rin chen 'bar ba'i gzhal yas bsgom// nyi zla gdan dang gzhal yas khang // thams cad badz+ra zhing phra bar bsgom// de dkyil yi ge hUM gnas pa// mthing ga 'tsher la gsal ba yi// 'od zer 'phro bar rnam par bsgom// 'od zer dbyings su slar bsdus nas// shin tu rdo rje 'od zer 'phro bar bsgom// rdo rje 'od 'phro gsal 'bar nas// dbyings su yang ni bstim par bya// de nyid sems dpa'i skur gyur nas// shin tu phra zhing 'dus par bsgom// de bzhin gnyis med gsal gyur nas// sku gcig rdo rje 'dril dril bur yang 'dug par bsgom// de bzhin nyid du gyur pa dang // dbu gsum phyag drug nyid du bsgom// gzhan yang 'phro 'du sna tshogs bsgom// blo yi shes rab che chung las// rim pa bzhin du bsgom par bya// yang na cig char bsgom par bya// nyi zla gza' skar dus gcig tu// chu dkyil dngas par gsal ba bzhin// de ltar goms rtogs rigs mchog des// ji ltar dbang bsgyur bzhin du 'grub// mkha' la 'phyo dang rig 'dzin gnas// chu rgyun bzlog dang rlung mi 'gul// ri brag la sogs thog med 'dzul// chu la mi 'bying mes mi 'tshig/ dug dang mtshon gyis 'jig mi 'gyur// mi snang ba dang mang por

  584. 292b

    sbrul// gzhan yang ji ltar 'dod pa bzhin// lha srin rnams la dbang bsgyur cing // tshe dang dus la bsring bsnyung dang // stong gsum nyung 'brur shong ba dang // yungs 'brus stong gsum bskyed pa dang // ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi bzhin 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rig 'dzin sa// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin rlabs kyis// so sor thar pa'i lam yang ston// 'gro ba ma lus don yang byed// las rnams thams cad kun byas nas// skye 'chi med pa'i g.yung drung 'thob// mtshan dang dpe byad kun gyis brgyan// bsod nams ye shes tshogs chen ldan// mthar phyin bya ba med par 'grub// bsgrub med spang med chos kyi dbyings// 'ong med 'gro med de bzhin nyid// 'di ltar bsgrub te bsgoms byas na// 'bras bu mngon du ma gyur kyang // tshe rabs skye ba thams cad du// las ngan kun tu skye mi 'gyur// theg pa dman par yang mi 'gyur// rdo rje'i rigs mchog 'dzin par 'gyur// zhes rdo rje gsang ba'i tshig tu'o// shin tu gsang ba'i tshig tu dngos grub myur du thob par bya ba'i le'u ste nyer lnga pa'o// // de nas de

  585. 293a

    bzhin gshegs pa rgyud kyi rgyal po sgyu 'phrul dra ba las/ sku'i dkyil 'khor mngon du phyung ste 'di skad ces gsungs so// de bzhin nyid kyi dbyings ldan pas// sgyu dang dra ba 'brel gyur nas// sku mchog rdo rje 'od snang bas// mthun pa'i rdo rje rang snang ngo // rgud drug 'khor ba'i lus snang ba// rnam rtog mthun pa'i las snang ngo // de bzhin dri bral sku mchog dang // bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje'i sku// de la sogs te sku bsam yas// phyogs bcu dus bzhi kun ston pa// thabs kyis 'gro 'dul skur ston te// byang chub mchog gi rdo rje'i sku// chags med zhing du sku ston pa// dbyings las ma g.yos bzhin du snang // sku snang de bzhin nyid kyi dbyings// rnam dag sku ston ma yin te// log 'gro rtogs pa thams cad la// so sor 'dul ba'i skur yang ston// de tshe skye shi med pa'i sku// las dang ma chags pad+ma'i sku// thar dang mthar sna tshogs kyang // sna tshogs snang la gnas pa med// snang dang mi snang gnyis ka med// de ltar rtogs pa'i rigs mchog ni// badz+ra zhes su gdags pa yin// ji snyed sku stan bsam yas pa// thams cad ma lus rdo rjer bsdus// 'khor lo zhes kyang brjod pa yin// de la sogs te sku bsam yas// byang chub thabs kyi dkyil nas

  586. 293b

    byung // sku ni sna tshogs thams cad kyang // 'ja' tshon chu zla 'dra shes na// dbyings nyid las ni dbyings snang zad// thugs nyid gsung gi dkyil 'khor snang // gsung nyid sku yi dkyil 'khor te// dbyer med de bzhin yongs kyis so// dkyil 'khor bzang po bsgrub 'dod pas// rtag tu dus gnas thams cad du// bdag dang bdag gir dbyer med pas// ye nas dkyil 'khor yin par brtag/ 'di ni dngos grub mchog yin par// kun tu rgyal gyis de skad bshad// sgyu 'phrul dra ba las// sku'i dkyil 'khor mngon du phyung ba zhes bya ba'i le'u ste nyer drug pa'o// // sku'i dkyil 'khor zab tu ni rgud kyi rgyal po phyi ma las bshad de 'od la ma 'gyur zhes 'byung // de nas de bzhin gshegs pa rgyud kyi rgyal po sgyu 'phrul dra ba las/ sngags 'chang rnams don yod par bya ba'i phyir/ dam tshig sum brgya'i rtsa ba mdor bsdus nas// sngags 'chang rnams kyi don du ched du brjod pa 'di brjod do// phyogs bcu'i 'jig rten rdul snyed du// log rtog mi bzad rdul phran snyed// rtog 'dul gnyen po bsam mi khyab// 'dul ba sdom pa bsam yas dang // rdo rje'i theg mchog mang po kun// nyid las g.yos shing spros med kyang // rang rig 'khrul pa'i rtog pa yis// blta ba mtho dman bsam mi khyab// de 'dul don phyir 'tshams par

  587. 294a

    bstan// yang dag nyid dang log rtog nyid// ngo bo nyid kyis gnas gyur nas// de la bcos shing bskur du med// ye nas ngo bo yod yin na// nyon mongs spangs shing byang chub med// thams cad ma lus ro gcig 'gyur// kun rdzob chu zla ltar yod pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs nas// bdag med ye shes rang bzhin nyid// snying rje thabs mkhas ting 'dzin gyis// ji ltar dmigs pa bzhin du 'grub// so so'i rang bzhin des she na// yang dag lam nyid bcos su med// de bas yang dag blo chen gyis// thams cad dngos po med par bshad// dper na dug gi rigs shes pas// dug gis mi tshugs bzhin du snang // ha la ha la'i dug rnams kyang // bsgrubs na ra swA ya na'i sman// bdud rtsir 'gyur la tshe ring 'grub// nyon mongs rang dang spyi bstan pa// mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang // gong na med de de yin te// nang gi chen po lnga nyid kyang // rang dang spyi yi don brtags na// mtshan nyid med pas rnam par dag/ so so'i rtsal rnams 'dzin gyur pas// thabs chen du ni rnam

  588. 294b

    par spro// mtshan rnams rang bzhin mi gnas pas// shes rab dbyings su rnam par sbyor// gti mug ces ni brjod pa ni// ma rig ming gi rnam grangs te// gnyis med don gcig yin par bshad// rang gi mtshan nyid brjod pa ni// chos dang bdag dang dngos po rnams// ngo bo nyid la sogs brtags pa// rtog pa'i sgyu ma klung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid mig gcig yin// spyi yi mtshan nyid brjod pa ni// mi rtag sdug bsngal stong bdag med// ma rig pa ni spang du med// rig pa yang dag bsgrub tu med// thams cad dbyings su ro gcig thim// sgyu ma'i dngos por rtogs pa na// sgyu mar rtogs nyid mi dmigs pas// mi dmigs de nyid sna tshogs snang // skyes pa nyid na chos nyid gcig/ dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu mar dngos po la// rtog pa'i yul gyi dngos nyid kyang // chos nyid mi dmigs ye nas dag/ sgyu ma mi dmigs dbyer med phyir// yod med gnyis ka dbyer med pas// ting nge 'dzin gyis dbang bskur nas// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spros// gdul bya'i bya ba bsam mi khyab// gsung gi phyag rgya chen po'o// de ltar gti mug spang du

  589. 295a

    med// rnam par snang mdzad phyag rgya yin// zhe sdang rang dang spyir bstan pa/ kun la mnar sems rtog pa yin// sgyu ma'i dngos po thams cad kun// 'jig par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang bsgrub med// chos kyi dbyings su ro gcig phyir// sgyu ma rang bzhin mnar sems pa// dngos po thams cad 'jig rtogs na// sgyu mar snang ba thams cad kyang // chos kyi dbyings las mi gzhan te// mi dmigs pa nyid sgyu mar skyes// chos rnams kun gyi rang bzhin ni// bdag srog gso ba'i rang bzhin med// snang ba thams cad bdag med chos kyi dbyings// mnar sems sgyu ma chos nyid ro gcig ste// thams cad mi dmigs de bzhin nyid yin pas// kun dang dbyer med chos sku'i phyag rgya yin// mi dmigs sgyu ma kun nas mnar sems pa// rtog pa'i yul gyis kun nas mnar sems te// chos nyid sgyu ma mi dmigs dbyer med phyir// don dam kun rdzob ro gcig ste// ting nge 'dzin gyis dbang bsgyur na// thugs kyi phyag rgya chen po yin// mi dmigs kun nas mnar sems pa// gdul ba'i bya ba bsam mi khyab// gsung gi phyag rgya chen po'o// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid

  590. 295b

    de// gnyis med zhe sdang spang du med// nga rgyal mtshan nyid bshad pa ni// khong nas 'gying zhing sems khengs pa// pha rol zil gyis gnon par byed// spyi yi mtshan nyid bshad pa ni// mi rtag sdug bsngal stong bdag med// nga rgyal spangs nas zhi bsgrub med// chos kyi dbyings su ro gcig pas// kun rdzob sgyu mar khong 'gying nyid// de bzhin nyid las mi gzhan te// chos nyid mi dmigs sgyu ma'i 'gying bar skyes// skye 'gying nang na chos nyid ro gcig ste// 'gying ba'i rang bzhin mi dmigs ngang gis dag/ 'gying dang mi 'gying dbyer med phyir// chos sku phyag rgya chen po yin// mi dmigs pa nyid sgyu mar 'gying bar skyes// 'gying bas yul gzhan zil gyis gnon pa yin// chos kyi dbyings las mi gzhan te// sgyu ma chos nyid dbyer med phyir// don dam kun rdzob gnyis ka gcig/ ting nge 'dzin gyi dbang bsgyur nas// thugs kyi phyag rgya chen po yin// mi dmigs sgyu mar 'gying ba ni// nga rgyal 'dul ba bsam mi khyab// gsung gi phyag rgya chen po yin// nga rgyal rang spyi'i mtshan nyid ni// rnam par byang ba'i mtshan nyid yin// zhi bsgrub pa rgyal spang du med// 'dod chags rang gi mtshan nyid ni// sred pa kun la zhen pa ste// spyi yi mtshan nyid bshad pa ni// mi rtag sdug bsngal stong bdag med// chags spangs ma chags bsgrub tu med// chos kyi

  591. 296a

    dbyings su ro gcig phyir// kun rdzob sgyu ma'i rang bzhin du// 'dod cing chags pa sgyu mar sred// mi dmigs pa las mi gzhan te// mi dmigs de nyid sgyu mar skyes// chos rnams bdag las mi gzhan te// spyod pa sgyu ma ro gcig phyir// chos nyid chos can dmigs su med// rgyal ba kun dang dbyer med pa'i// chos sku'i phyag rgya chen po yin// mi dmigs sgyu mar 'dod cing chags rtogs pa// yul dang 'dod chags nyid kyang chos nyid mi dmigs te// sgyu ma dang ni mi dmigs dbyer med phyir// bden pa gnyis kar dbyer med ro gcig pas// ting nge 'dzin gyis dbang bsgyur nas// thugs kyi phyag rgya chen po yin// mi dmigs dbyings nyid 'dod chags sgyu mar spros pa ni// gdul bya'i bya ba bsam gyis mi khyab ste// gsung gi phyag rgya chen po yin// 'dod chags mtshan nyid rtogs pa nyid// rnam par byang ba'i mtshan nyid yin// chags dang ma chags gnyis med pas// 'dod chags mtshan nyid spang du med// phrag dog kun gyi mtshan nyid ni// gzhan gyi phun sum tshogs pa la// sems dog rtog pa sgyu ma gzhan// thabs kyis sbyor ba sgyu ma'i rang bzhin can// phrag dog spyi yi mtshan nyid ni// mi rtag sdug bsngal stong bdag med// dog pa spangs shing yangs bsgrub med// chos nyid du ni ro gcig phyir// kun rdzob sgyu ma'i mtshan nyid

  592. 296b

    ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs pa sbyor ba yis// thabs kyi sgyu ma'i chos nyid de// rgyal ba kun dang dbyer med pas// chos sku phyag rgya chen po yin// mi dmigs sgyu mar gzhan gyi phun tshogs la// phrag dog rtog par 'dzin pa dang // rtog dang phrag dog mi dmigs te// sgyu ma mi dmigs dbyer med pa'i// bden pa gnyis ka ro gcig pas// ting nge 'dzin gyis dbang bsgyur na// thugs kyi phyag rgya chen po yin// mi dmigs gzhan gyi phun tshogs la// phrag dog rnam par spros nas ni// gdul ba'i bya ba bsam mi khyab// gsung gi phyag rgya chen po yin// phrag dog rang dang spyi bstan pa// rnam par byang ba'i mtshan nyid yin// dog pa spangs shing yangs bsgrub med// sems can rnam pa mang po kun// nang gi chen po lnga sogs bstan// rang dang spyi yi mtshan nyid bshad par bya// thabs dang shes rab ma rtogs pas// ma grol khams gsum 'khor ba yin// de ltar nyes par dri mthong na yang 'dug mi mngon na// sngags kyis ngas su zin pa'i nad// kun la gnod par byed mi nus// de bzhin thabs dang shes rab rtogs pa yi// dug gsum sdug bsngal gnod mi 'gyur// thabs la mkhas pas ma zin na// lam gyi dge spyad stegs

  593. 297a

    bcas kyang // mtho ris lha dang mi ru skyes// skye shi med pa'i sa mi thob// zabs mkhas snying rjes zin pa ni// mtshams med sems can ma lus kun// byang chub snying rjes bsad na yang // bsod nams dpag tu med pa 'thob// ma bsad na ni sems can yal bor te// snying rje med de sdig yod 'gyur// 'dod chags zhe sdang gti mug dang // nga rgyal phrag dog chen po dag/ gang phyir byang chub sems de ni// rdo rje de bzhin gshegs par gsal// nyon mongs pa nyid de bzhin gshegs// ngo bo yin par yang dag gsungs// chos kun rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba'i rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin ci log nyid byang chub lam// 'khor ba'i rang bzhin mi dmigs phyir// mya ngan 'das pa yod ma yin// gsang sngags bla na med pa yi// thabs kyis ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma'i sprul pa bsam mi khyab// thabs chen dag gis zin pa ni// nyon mongs lam yang rnam par grol// thabs chen dag gis ma zin na// dge ba spyad kyang grol mi 'gyur// rnal 'byor don dam ldan

  594. 297b

    pa yis// nyon mongs 'ching ba'i chos spyod kyang // rnam par grol bar 'gyur ba yin// 'khor ba dang ni mya ngan 'das// gnyis ka yod pa ma yin pas// 'khor ba stong yongs su yang byung / par shes pa ni// de ni mya ngan 'das pa'i mtha'// nyon mongs phyin ci log rnams dag/ thabs la mkhas pas zin gyur kyang // grol la thar bar mi 'gyur na// byang chub sems dpa' rnams kyis ni// 'dul ba'i dbang gis bya byed kun// rngon dang smad 'tshong ston pa'ang ltung // byang chub sems dpa'i spyod tshul bzang // phal la med pas mi rung na// sngags mchog shin tu zab pa yin// skye bo kun gyis bya bar 'gyur// bdud rtsi dang du blang bar gsungs// mnyam dang mi mnyam dbyer med na// sku gsung rdo rjer dbang thob 'gyur// grub pa'i rdzas su de phyir gsungs// mnyam pa'i don nyid ma rtogs na// byol song la la chos dang ldan gyur kyang // drang srong 'tsho dang rtags mthun dang // ji srid 'dod pa spong byed pa// de dag grol bar ngas ma bshad// chos rnams yongs kyis dag pa yi// rnam bzhi tshul gyi don rtogs mngon// rgyu rnams rang bzhin dag pa dang // 'bras bu yongs su dag 'gyur te// don dam gnyis med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin

  595. 298a

    gnyis snang ba// gzung ba'i yul nyid 'byung ba che// rgyu nyid rang gi sems yin pas// 'byung ba chen po rgyu las dag/ 'bras bu yongs su dag pa ni// sems can kun gyi rus pa de// rdo rje byang chub sems yin te// sha ni pad+ma rak+ta yin// dri chen dri chu gur gum chu// so so'i lus las gnas pas dag/ don dam dmigs med dag pas ni// phyi nang chos rnams thams cad kyang / gang gi ngo bo ma yin te// skye 'gag med par ye nas dag/ kun rdzob ye nas dag pa ni// sgyu ma'i rang bzhin thams cad snang // chu zla'i tshul du mi dmigs gnas// mi dmigs pa nyid sna tshogs snang // de bzhin gshegs par ye nas mnyam// de bas gtsang sme med par spyod// sems can rtog pa bzlog phyir sman// gtso ru dang du blang bar bya// de bas sems can phyin ci log/ chos rnams dag par ma shes te// thabs dang shes rab ma rtogs pas// kha cig ji srid 'tsho bar zos// kha cig drang srong bzhin du rtswa chu zos// zos kyang ma grub don ma rtogs// rnal 'byor thabs ldan rnams kyis ni// rang bzhin yongs kyis dag pa'i phyir// mnyam pa'i dbyings su yang dag rtogs// thabs dang shes rab 'brel pa yis// the tshom med par 'grub par 'gyur// dngos dang dngos med rtog pa'ang mtshan// gtsang dang mi gtsang rtog pa'ang mtshan// mtshan ma gnyis ka/

  596. 298b

    rnam spangs te// mkhyen pas dbus la'ang gnas mi 'gyur// bsgrub pa'i rdzas su yang dag gsungs// byang chub sems dang sha chen dang // dri chen dri chu rak+ta dag/ sgrub pa pos ni rtag tu bza'// dngos grub ya mtshan chen po 'grub// tshe la dbang dang rig pa 'dzin// mkha' la 'phyo dang thogs med 'grub// mthar ni skye med rdo rje'i sa// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po'i don nyid kyis// yi dam mi spang rtag bsgoms shing // yi dam// ye nas lha yi mtshan nyid ni// dus gsum de bzhin gshegs pa thams cad kyi// lha spangs dge sbyor don med 'gyur// lha nyid mi spang don nyid ni// lhun grub ye shes thams cad kyi// bdag dang gnyis med so so ma yin pa'i// dus gsum bde gshegs dkyil 'khor thams cad kyi// sku gsung thugs kyi rdo rje'i bdag po ste// phyag rgya chen po yongs su rdzogs par bsgom pa'i don// dkon mchog gsum spangs tshangs par spyad pa don med 'gyur// bdag nyid lha dang mnyam sbyor na// yon tan chung yang 'grub par 'gyur// ye nas mnyam nyid sbyor nas su// lha nyid du ni rtag tu bsgom// bde gshegs kun dang mnyam sbyor bas// dkyil 'khor kun dang mnyam par 'gyur// bde gshegs kun dang mnyam pa'i phyir// sku gsung ye shes lnga rdzogs 'grub// rdo

  597. 299a

    rje'i slob dpon smad mi bya// byang chub ston pa'i 'dren pa po// long ba dmigs bus 'dren dang 'dra// nyon mongs sdug bsngal mtsho skems yin// slob dpon de la smod pa ni// dper na mun khung sgron bsad na// mthong ba'i don mi rtog pa bzhin// sdug bsngal nyam thag yun ring du// bskal pa mang por myong bar mngon// de bas de la gus pa rtag tu gyis// lus la dbang ba'i rgyal po bas// shin tu gtso bor blang bar bya// drin chags bskyed pa'i pha ma bas// shin tu lhag pa'i ri mo bya// rdo rje mched dang lcam dral ni// bla med byang chub 'gro ba'i yul// chos nyid dam tshig smon lam mthus// byang chub rig rin chen 'dzin sar nges pas// de la ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod cing phung bar 'gyur// tshe 'dir mi bde sna tshogs pa// mi dod bzhin du 'byung bar 'gyur// 'jig rten pha rol dag tu yang // ngan song gsum dang mi khom pa'i// sdug bsngal kha brgyud myong bar 'gyur// yun ring rtag tu mi thar ba'i// shin tu nyam thag myong bar 'gyur// grub pa gcig bzhin lhan cig spyod// gnyis med dang bas rjes spyod spun// bde gshegs dkyil 'khor bla med yin// shes rab gsal bas rtag tu gdung // zhes gsungs// gsang ba gzhan la mi

  598. 299b

    bsgrag cing // sku gsung thugs kyi dam tshig rnams// rnal 'byor mnyam pa rnam gnyis kyis// thabs dang shes rab 'brel rtogs nas// mnyam pa'i spyod pas la dor te// phal dang mi 'dra yang dag rtogs// ma rtogs pa yi phyogs rnams dang // skye bo kun la rab tu gsang // gsang ba'i brda ngag sna tshogs gsungs// thabs la mkhas pas byas pa yin// gsang sngags skyon yod ma yin te// thugs rje chen po thabs mkhas kyis// snod ma yin dang blo rtul rnams// las 'phro ngan pa'i don phyir gsang // brgya la gang zhig gsang don 'di// las 'phro ngan la bsgrags gyur na// dper na gtsub shing mes gtsubs na// gtsub shing nyid kyang tshig par snang // gzhan yang 'tshig par 'gyur ba bzhin// chos don bzang po me dang 'dra// skal ba chung zhing shes rab dman// blo ngan rgyu 'bras rmongs pa rnams// mnyam pa nyid la skur 'debs pas// ngan song gsum du 'phen par 'gyur// gsang don ma rtogs sdug bsngal myong // gsang ba spel bar byed pa yang // smra byed lce la zhing rmo zhing // sdug bsngal chen mo myong bar 'gyur// de phyir sems can don phyir gsungs// rlung phyogs tsam du'ang brjod mi bya// sngags dang phyag rgya rgyun mi gcad// sngags zhes rab tu bsgrags pa ni// don dam kun rdzob dbyer med pa'i// mnyam pa'i dkyil 'khor chen po ru// sku

  599. 300a

    gsung thugs kyi yi ge oM// de la sogs pa bzhi bcu gnyis// phyag rgya chen po'i mtshan nyid ni// phyogs bcu dus bzhir gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang bsgyur te// goms shing brtan par bya ba yin// de bas bar chad brtson med na// dper na sa bon tshig pa las// 'bras bu 'dod pa dang 'dra ste// bsgrub pa'i 'bras bu med par 'gyur// mi khom 'khor bar gnas 'gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du mar bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po'i phyag rgya yin// phyogs bcu dus bzhi thams cad dang // 'jig rten 'das dang 'jig rten pa'i// yon tan skyon rnams skye 'gag med// gang gi ngo bor ma grub mnyam// kun rdzob chos nyid dbyer med pa'i// mi dmigs gang gi ngo bo min// chu zla'i tshul du sna tshogs par// snang zhing bya ba byed nus pa'i// phyag rgya chen pos phyogs bcu dang // dus bzhi khams gsum thams cad dang // 'jig rten pa dang 'jig rten 'das// yon tan skyon rnams thams cad kyang // sgyu mar mnyam par ye nas gnas// sngags 'chang rgyal pos rtogs

  600. 300b

    byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang // rdzogs par phyogs bcu dus gsum gyi// de bzhin gshegs pa'i sku gsung thugs// thams cad dbyer med ye mnyam la// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun grub ni// sku gsung thugs kyi yon tan bsam mi khyab// mnyam pa'i dbyings chen rdzogs par bsgom// de ltar dam tshig 'di gsum ste// de la gnas na 'grub par 'gyur// yan lag ma nyams sngags bzlas shing // 'dod pa kun la longs spyod bya// lus dang ngag sems brtan gyur na// byang chub rab 'byams 'thob par 'gyur// dam tshig chen po las 'das na// nyen ni shin tu che bar gsungs// sangs rgyas byang chub sems dpa' dang // sngags kyi spyod pas don bsgrub pa// rmongs pas gal te 'da' byas na// de yis srog kyang der zad 'gyur// dam tshig bsrung dang sngags bzlas dang // phyag rgya rgyun mi gcad pa bzhin// brtson 'grus che dang brtan pas bzung // rnal 'byor brtson 'grus chung gyur na// mi 'grub nyen yang che bar gsungs// ji ltar ral gri'i so la nan tan du// skyes bus myur du ma bzung na// lag pa nges par chod par 'gyur// de bzhin nan tan med pa'i

  601. 301a

    sngags pa la// 'chi'am yang na 'bras bu med par 'gyur// rnal 'byor dam pa rnams kyis ni// sngags kyi yan lag ma nyams gsal// don ldan ma nyams dag byas shing // brtson 'grus cher bskyed myur bar 'grub// sngags bsgom ma nyams phyag rgyar gsal// cho ga yo byad gtsor ma gsungs// tshogs na yang ni nges pa med// ma tshogs na yang 'grub par 'gyur// bdag nyid rang gi lha sbyor bas// dngos grub thams cad 'grub par 'gyur// cho ga lhag gam ma tshang na'ang // 'grub par 'gyur te nyes skyon med// ces gsungs pa'i tshig tu'o// dam tshig sum brgya pa rtsa ba bco lnga mdor bshad pa'i le'u ste nyer bdun pa'o// // de nas de bzhin gshegs pa rgyud kyi rgyal po sgyu 'phrul dra ba las rmad du byung ba'i dam tshig bco lnga pa'i mdo 'di ltar yang bshad de/ thams cad mkhyen pa'i ye shes kyis// thams cad mnyam pa'i ngang nyid du// dbyings su ro gcig don bsdus te// don du mi 'gyur yongs ma gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyong bas na// chags pa med pa'i tshul du spyod// 'di ni rnam dag legs pa'i lam// byang chub mchog tu 'gro ba'i gnas// bde chen mi zad rin chen gter// cis kyang mi tshugs rdo rje'i sku// nyon mongs sdug

  602. 301b

    bsngal 'dod chags ni// lus dang zas kyis bsgribs gyur te// yi dwags sdug bsngal gnas su 'gro// skom dang bkres pas nyon mongs 'gyur// rnag khrag ngan skyugs rtag tu mthong // de la spyod pa'i dbang yang med// rtsub cing gdug pas bsrung bar 'gyur// thugs rje chen po'i zhe sdang ni// 'khor ba'i lam lnga'i sgo bcad cing // bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston cing // shin tu mnyam pa'i ngang du 'jug/ rdo rje sems dpa' zhi ba yis// yang dag mchog gi bde ba 'grub// ye shes gsal ba'i bde ba ni// bdag dang bdag gir dbyer med de// rang bzhin med pa'i dbyings su rol// thams cad brjod du med pa'i ngang // kun tu khyab pa'i sku mnga' ba// shin tu 'od gsal rnam dag lam// byang chub sems dpa'i sgrib pa sbyang // sems can nyon mongs dug sel 'gyur// thams cad zhing sbyor nga rgyal ni// yon tan spyod pa'i mdzod yin te// nga med bdag med mi dmigs la// su zhig de la nga rgyal bskyed// dpung bzhi'i tshogs kyis mi thub pa'i// shin tu rgyal ba'i khyu mchog 'grub// lha srin bdud sde tshar gcod pa'i// dpa' bar 'gro ba'i ting 'dzin thob// phrag dog yangs pa'i don sbyor ba// nga dang bdag med don rtogs na// dog dang yangs pa gnyis med de// bde

  603. 302a

    mchog dkyil 'khor yangs pa 'grub// phrag dog dngos po mi shes shing // nga dang bdag tu 'dzin 'gyur nas// lha ma yin gyi gnas su skye// de nas yi dwags gnas su 'gro// gal te yul sa rnyed gyur na// shin tu mi bde dog par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtogs pa ni// nga dang bdag tu 'dzin pa dang // phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don yang rtogs par 'grub// nga med bdag med dbyings su thim// lhun grub don mchog 'grub par 'gyur// yi dam lha ni rtag bsgoms na// rgyu 'bras lhun gyis grub pa yi// bdag gis kun tu dbang bskur te// rig 'dzin gnas su skye bar 'gyur// rdo rje slob dpon smad mi bya// yon tan rin chen gter chen po// thams cad ma lus ston pa ste// nyon mongs ma lus rtsad gcod pa'i// bla med 'bras bu 'thob par byed// lus la dbang ba'i rgyal po las// shin tu lhag pa'i bkur sti bya// drin chags bskyed pa'i pha ma bas// shin tu gdung zhing brtse bar bya// sngags dang phyag rgya rgyun mi gcad// phyag rgya chen po rtag tu gzhag/ sngags ni rtag tu brjod par bya// nyin yang lan gsum

  604. 302b

    mtshan yang lan gsum du// mkhas pa dag gis rgyun du bya// bar ma chad par bsgrims te bzlas// gsang ba'i man ngag gzhan du spel mi bya// rdo rje'i lce yi tshul yod kyang // theg pa dman dang ma 'dres pa// skye bo phal par sgra mi bya// rdo rje mched dang lcam dral la// mngan dang 'phya sems smad pa dag/ rdzi phyogs tsam du'ang smad mi bya// shin tu gdung zhing brtse bar bya// bdud rtsi sman rnams rtag tu spyad// bla med grub pa'i gsos yin pas// gtsang sme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang // nga rgyal phrag dog chen po ni// sangs rgyas lnga po de yin pas// mi spang rtag tu bsgrub par bya// dam tshig dam tshig ces bya ba// gud na yod pa ma yin te// rang gi blta ba dam tshig yin// mi gtong phyir yang dam zhes bya// gzungs su gyur pas dam zhes bya// rdo rje ma nor lam ston pas// de la yang ni tshig ces bya// yang na de bzhin bka' bcag pas/ mi khom gnas su 'tshig par 'gyur// dam tshig ces ni de la brjod// rdo rje rigs kyi bsgrub bya ba// sbyor dang sgrol bas mthar phyin 'gyur// sbyor ba nyid ni sgrol ba yin// sgrol ba nyid na sbyor ba yin// rang bzhin gyis ni sbyor sgrol dang // ting nge 'dzin gyis sbyor sgrol dang // dbang po'i yul dus sbyor sgrol dang // thabs chen dag gi sbyor

  605. 303a

    sgrol dang // mngon du phyung ba'i sbyor sgrol lo// yang na sbyor sgrol bdag la rdzogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// rol pa'i phrin las bsam mi khyab// thugs rje'i sprul pa ji ltar ston// sbyor sgrol phrin las bdag la rdzogs// byang chub sems sbrul phyogs bcur 'phro// ngan song gnas rnams stongs par byed// rig 'dzin bde ldan 'thob par byed// bla med zhing rnams dag par byed// sku gsung lhun grub phyogs bcur 'dul// rdo rje zhes ni mtshan bsgrags te// theg dman rnams kyang rdo rjer dgod// zad mi shes pa'i gter yang 'grub// rdo rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes mchog/ thugs rje'i sprul pa dpag med kyis// 'gro drug dus gnas ma lus mkhyen// 'gro ba nyid nas nyid kyi sku// nyon mongs byang chub lam du 'khyer// 'khor ba nyid ni bde gnas so// chos kyi dbying dang sems can mtha'// dbyer med yang dag nyid du'o// rgyud kyi rgyal po chen po sgyu 'phrul dra ba las smad du byung ba'i dam tshig bco lnga 'di ltar yang bshad pa'i le'u ste nyer brgyad pa'o// // de nas de bzhin gshegs pa rgyud kyi rgyal po sgyu 'phrul dra ba las dam tshig rnam par spros pa 'di

  606. 303b

    nyid las ched du brjod pa 'di brjod do// spros pa'i rdo rje zhes bya'i dam tshig ni/ zhe sdang rdo rje thugs rje'i ngang // dmyal ba'i gnas rnams tshar gcod pa'i// brgyad brgyad drug cu zhing du sbyor// tsha ba rnams la bsil ba'i sman// grang ba rnams la dro ba'i sman// bsil drod 'jam rtsub cha snyoms pa// thugs rje'i byin rlabs de ltar ston// byin rlabs ya mtshan rmad po che// chags pa'i ye shes zhes bya ba'i dam tshig ni// chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong bzhin// myong tshor nyid na rang bzhin med// chags pa med pa'i ye shes kyis// yi dwags gnas rnams tshar gcod cing // lus dang zas kyis bsgribs pa yi// nyon mongs gnyis ka med par ston// gti mug ces bya ba'i dam tshig ni// nga dang bdag med dbyer med pa'i// shes rab chen po'i 'od gsal gyis// dran smra med pa'i sdug bsngal bsal// rmongs med sgrib pa dag par byas// ye shes gsal ba'i thugs rje yis// bya byed med par nyon mongs sgrol// byol song gnas ni stongs byed cing // thugs rje'i sgron ma de ltar na/ phrag dog chen po'i dam tshig ni// yangs pa chen po'i ye shes kyis// nga dang bdag 'dzin rnams la ni// thugs rjes gnyis med mnyam sbyor zhing // dog dang yangs pa gnyi ga med// rgya chen yangs pa'i blo

  607. 304a

    ldan pas// 'di la mi chud gang yang med// thams cad yangs pa nyid du sbyor// lha ma yin rnams stongs par byed// nga rgyal bde mchog ces bya ba'i dam tshig ni// ye nas chos nyid mnyam pa la// nga dang khyod ces bya ba med// thams cad dbyings su ro gcig ste// gnyis med mtshan nyid brnan du med// che chung med pa'i ngang yin pas// bya ba dag ni med par bstan// nga rgyal bdag med rtogs pa yis// dregs pa'i gnas rnams stong par byed// rang bzhin gyis 'od gsal ba zhes bya ba'i dam tshig ni/ 'jig rten 'di na ci yod pa'i// ming dang tha snyad 'dzin pa dag/ so so'i mtshan nyid gzhig byas na// rang bzhin med de yang dag nyid// rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing // nyid kyi dkyil 'khor zhes bya ba'i dam tshig ni// rang rig nyid la gnas pa yi// sus kyang ma byas rang byung ste// thams cad de bzhin nyid du sbyor// gnyis med dbyings kyi ngang du thim// rang byung ye shes dkyil 'khor gyis// ma lus bzhin nyid du sdud// sdud dang mi sdud gnyis ka med// yang dag kho na nyid du'o// bde ba'i ngang nyid ces bya ba'i dam tshig ni// thams cad ma lus rnam par dag/ nyid kyi dbyings las mi gzhan phyir// bde

  608. 304b

    dang mi bde gnyis ka med// thams cad dbyings su ro gcig ste// ji bzhin nyid kyi ngang btsan pa// yang dag nyid kyis de skad gsungs// bshad dang nyan dang gnyis ka med// de bzhin nyid du yang dag 'du// dus bzhi'i rgyal mchog ces bya ba'i dam tshig ni// gong na med pa'i ye shes mchog/ thams cad kun la dbang bskur te// thams cad mnyam pa nyid du sbyor// 'das dang ma 'das thams cad dang // 'byung dang 'byung bar ma nges pa'i// ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhun grub ye shes zhes bya ba'i dam tshig ni// 'jig rten 'das dang 'jig rten pa'i// thams cad dbyer med byang chub ste// ye nas rnam par dag pa'i chos// ma bcos lhun gyis grub pa yi// byang chub lam chen 'di yin te// thams cad dbyer med nyid du 'dus// byang chub don grub ye nas rdzogs// mnyam pa'i zhing du thams cad thim// rdo rje skye gnas zhes bya ba'i dam tshig ni/ theg pa che mchog rigs su nges// rigs de byang chub brtan pas bzung // thams cad mnyam pa'i dbyings shes na// rigs mchog kun gyi skye gnas yin// skyes pa nyid na skyes pa med// las dang las kyi bag chags med// cis kyang ma gos thams cad 'joms// skye shi med pa'i sa yang yin// byang chub kyi zhing

  609. 305a

    bkod pa zhes bya ba'i dam tshig ni// phyogs bcu mtha' yas mu med pa'i// snang grags bsam gyis mi khyab pa'i// phyi nang gnyis kyi gnas pa dag/ de bzhin nyid kyi dbyings su thim// mdor na zhing khams ma lus par// yon tan rin chen bkod pa yi// ye shes rgyan gyis spras pa rnams// zhing de yon tan bsam mi khyab// ye shes bzhugs gnas zhes bya ba'i dam tshig ni// gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po bsgrub 'dod pas// gzung 'dzin bral ba'i ye shes thob// chos kyi dbyings dang sems can ni// gnyis med de bzhin nyid du gcig/ de ltar rtogs pa'i skyes bu ni// rdo rje'i bzhugs gnas yin par bshad// mi 'jigs pa'i rgyal mchog ces bya ba'i dam tshig ni/ rnam par byang dang nyan mongs gnyis// so sor yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang rten zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas ni// dog yangs tshad kyang dpag tu med// sangs rgyas spyi gtsug lta bu'i mtshan// ye

  610. 305b

    shes rgyu las grub pa'o// ji ltar dmigs pa bzhin du 'grub// zag pa zad las grub pa yi// nam yang 'jig med chos kyi dbyings// sna tshogs kun tu bsgyur zhes bya ba'i dam tshig ni// gdos po can gyi chos min pas// ji ltar bsam pa bzhin du 'grub// rig pa rang dbang gyur pas na// stong par bya ba'am mi stong bya// thams cad dbyer med dang yin pas// kha dog dbyibs dang rin po che// thams cad khyab par yungs 'bru'i tshul// bsam yas mtha' dbus med pa'o// 'dren byed gnas stongs zhes bya ba'i dam tshig ni// ma rig log rtog bsam yas kyis// 'jig rten khams rnams brgyud cing 'khor// 'khor ba'i rgyu dang 'bras bu gnyis// gzhi rtsa med pa'i skad cig ma// yang dag byang chub sems rig na// ma rig rgyu 'bras rnam par dag/ nyon mongs pa nyid byang chub ste// thams cad ma lus bde gnas so// lam lnga ston byed ces bya ba'i dam tshig ni// ting 'dzin rnam gsum bsgom byas te// nyon mongs lam lnga'i sgo bkag nas// lam lngar snang ba rnam rtog yin// rtogs dang mi rtog gnyis ka med// gnyis med de ni yang dag lam// thabs dang she rab ngang nyid du// shin tu mnyam gzhag rtogs bya zhing // bla na med pa ston par bya// yang dag don ston zhes bya ba'i dam tshig ni/ theg pa bsam yas ston pa yang // de bzhin nyid kyis ma

  611. 306a

    brjod kyang // sems can blo yi rim pa bzhin// so sor 'tshams pa kun la gsal// 'di ni rdo rje'i theg mchog ste// rgya mtsho'i klung du chu 'babs bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/ shes rab blo chen rab ldan pas// don du mi 'gyur yongs ma gsungs// srid gsum 'gro ba bsam yas su// thugs rjes ston pa bsam mi khyab// don dang mthun pa 'ba' shig ston// mi mthun zhags pas 'khor ba gcod// bde gshegs zhing rnams dag par byed// thams cad dbyings su dag par 'dus// sgyur byed byang chub ces bya ba'i dam tshig ni/ rang rig ye shes dbang thob nas// dkar po tshon gyis mdog bsgyur bzhin// dug kyang sman du 'gyur ba dang // de bzhin dug gsum byang chub ste// 'gro lnga byang chub lam du sbyor// nyon mongs sdug bsngal thar byed lam// thar dang ma thar gnyis ka min// thams cad ma lus byang chub rgyu// mnyam rdzogs lhun grub ces bya ba'i dam tshig ni// ye shes sgyu mar snang ba dang // log rtog sgyu mar snang ba gnyis// sgyu ma yin pas rang bzhin mnyam// mnyam pa nyid la mi gnas pa'i// bsod nams ye shes tshogs rdzogs te// ye shes gnyis kyi dkyil 'khor la// theg mchog rdo rje ma lus rdzogs// dpe byad

  612. 306b

    mtshan bzang dpag tu med// thams cad dbang sgyur zhes bya ba'i dam tshig ni/ shin tu rtogs pa'i khyad par gyis// spyod yul thams cad smon nas mkhyen// de bzhin nyid dang kun rtog la// gnyis su med pas dbang bsgyur te// ma lus thams cad bde ldan zhing // thams cad byang chub mchog tu gyur// ye nas dngos po med pa la// ji ltar dmigs pa bzhin du 'grub// rig 'dzin gnas stobs zhes bya ba'i dam tshig ni// shes rab rnam gsum goms byas nas// ting 'dzin mnyam pa'i don rtogs te// rtag tu yangs pa chen po bsgom// rgyu 'bras dus gcig rdzogs pa yi// rang rig nyid la dbang thob ste// tshe ni bcu dang drug pa yi// brgya brgya dag tu bskur zhing gnas// lus ma bor bar sangs rgyas pa'o// zag med gter ldan zhes bya ba'i dam tshig ni/ shes rab chen po rnam dag pas// spyod yul thams cad dag par 'gyur// shes dang spyod yul gnyis su med// de bzhin nyid du ro gcig ste// thams cad rgyal ba'i zhing sbyor bas// zad med rin chen gter du 'gyur// mi zad par ldan dam tshig mchog/ 'og min mtha' dbus bsam mi khyab// bsgrub med mnyam rdzogs zhes bya ba'i dam tshig ni// thams cad mnyam pa'i dkyil 'khor la// rang byung ye shes 'phyo ba yis// dbyings dang rig pa gnyis med pa'i// de bzhin nyid de rdo rje'i

  613. 307a

    rigs// thams cad gnyis su med pa la// bsgrub dang grub pa yod ma yin// ye nas lhun gyis grub pa la// de la lam gyis bcos su med// thams cad byin gyis rlob pa zhes bya ba'i dam tshig ni// chos rnams ye dag gyur pa yang // phyin ci log gi blo log nas// log rtog gnas na longs spyod pa// ma rig 'khrul 'khor bsam mi khyab// 'khrul rtog blo ngan bzlog pa'i phyir// thugs rje chen po thabs mkhas pas// nyon mongs 'dren cing mtho ris gnas// byang chub lam chen rtogs par ston// gsung mchog mtha' yas zhes bya ba'i dam tshig ni// chos rnams ma lus thams cad kun// ming dang tshig tu btags nas ston// ji snyed mang po'i don brjod kyang // rdo rje'i gsung la spros pa med// spros med de ni sna tshogs pa'i// kun tu brda 'jal ye shes gsung // sgra dang ming tshig kun las 'das// thams cad pad+ma chags med pa'o// bsgyur bzad med ces bya ba'i dam tshig ni/ thams cad mkhyen pa'i ye shes kyis// snang srid ma lus thams cad kun// de bzhin nyid kyis dbang bsgyur te// thams cad ye shes dbyings su bstim// zad med ye shes gter ldan pas// thugs rje byin rlabs bsam mi khyab// 'jig rten 'das dang 'jig rten pa'i// so sor don rtogs rnam par dag/ thams cad skad 'jal zhes bya ba'i dam tshig

  614. 307b

    ni/ thar pa'i dkyil 'khor 'bum phrag dang // 'gro drug dus gnas ma lus la// gsung gcig tshig tu ma brjod kyang // sngon gyi thugs rje'i byin rlabs kyis// thar dang ma thar gnyis pa la// so so ji ltar 'dod pa bzhin// chos kyi gsung mchog dam pa yis// thar pa bskul zhing ngan song sbyong // rang rig dbang bsgyur zhes bya ba'i dam tshig ni/ phyogs dus bsam gyis mi khyab pa// de ni ji snyed yod pa yi// mtshan ma sna tshogs btags pa yang // rang rig rnam par rtog pa nyid// sangs rgyas zhing khams rab 'byams na// de bzhin gshegs pa'i dkyil 'khor dang // sprul pa bsam yas 'byung ba yang // ye shes rnam par dag pa'i yul/ yi ge med 'jal zhes bya ba'i dam tshig ni/ yi ge tshig dang sgra spangs pa'i// brjod med ngang du gnas pa ni// gsung nyid rang bzhin med pa yi// chos rnams thams cad ye nas dag/ thams cad thugs su gyur pas na// sgra dang tshig la gnas pa min// thugs la thugs ni mi gnas pa'o// 'dud sde tshar gcod ces bya ba'i dam tshig ni/ nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te// skye shi med pa'i g.yung drung gnas// bdud bzhi bcom pa'i skyes mchog gis// dregs pa chen po thams cad bcom// ma rig log 'dren 'dul mdzad de// chos kyi

  615. 308a

    dbyings su thams cad thim// stong gsum kun grags zhes bya ba'i dam tshig ni// thugs rje chen po'i byin rlabs kyis// phyogs bcu'i 'jig rten rdul snyed du// 'gro ba'i phrin las bsam mi khyab// sku gsung thugs dang yon tan dang // lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing // ye shes tshogs rdzogs kun tu ston// ye shes gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med la cing yang snang // snang ba nyid na dbyings nyid de// de ltar rtogs pa'i ye shes ni// kun la dbang bskur rang dbang can// thams cad tshig gi sgra ltar snang // 'di ni ye shes gsung mchog yin// bsam yas ye shes rdo rje'i gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun tu khyab// khyab dang khyab med rdo rje'i gsung // sgra skad sna tshogs bsgrags pa dang // dngos po med la dngos po'i sgra// ji ltar pi wang lag thogs nas// sgra ni sna tshogs 'byung 'gyur yang // dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang // dus bzhir 'byung ba ma lus kun// phyogs dang snga phyi med pa yi// thams

  616. 308b

    cad de bzhin nyid kyi dbyings// 'jig rten 'das dang 'jig rten pa'i// so sor snang ba thams cad kun// rang rig rgyal por yang dag 'du// rang rig de nyid thams cad yin// 'jigs med rdo rje zhes bya ba'i dam tshig ni// 'dus ma byas nyid 'dus byas yin// 'dus byas snang ba rdo rje nyid// snang dang mi snang gnyis ka min// yod dang med pa'ang dbyer med de// rang bzhin ye nas dag pa yi// ma bcos ma byas dang gis gsal// 'jig dang gzhig par bya ba min// cis kyang mi tshugs rdo rje'i bdag/ de bzhin sku nyid ces bya ba'i dam tshig ni// de bzhin zhing khams bsam yas dang // 'gro ba ma lus thams cad la// thar pa rnams la dag pa'i sku// rtog pa can la 'khor ba'i lus// so sor 'tshams par don ston cing // ston pa nyid na dngos po med// chu zla'i tshul du kun la snang // kun la de ltar rtogs par byos// lhun grub bde gnas zhes bya ba'i dam tshig ni/ chos rnams ma lus thams cad la// byang chub snying po yod pa ltar// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi ngang du gnas pas na// bdag la bdag gis dbang bsgyur nas// spyod yul thams cad smon nas shes// che mchog rnam dag ces bya ba'i dam tshig ni/ rig pa'i rgyal po rang gyur pas// thams

  617. 309a

    cad kun la dbang bskur te// gong na med pa'i sa gnas pas// thams cad kun gyi gtso bo yin// thams cad ma lus gnyis med pas// bsgo dang bsgo bar bya ba min// de bzhin nyid la dbang bskur nas// thams cad dbyings su ro gcig go/ chos thams cad kyi dkyil 'khor zhes bya ba'i dam tshig ni/ phyi nang snod bcud bdag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma'i rtsal rnams 'dzin gyur pa// de bzhin yul gyi dkyil 'khor ro// rang rig byang chub dkyil 'khor te// thams cad kun nas 'khyil par gnas// zad med gter chen zhes bya ba'i dam tshig ni/ zag bcas gnod sbyin nor 'dra ba// sems can 'phel 'grib zad 'gyur gyi// de bzhin gshegs pa'i yon tan ni// zag med 'phel 'grib med pa yi// mang po spros pas phra mi 'gyur// nyung ngu bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// rnam rtog rkyen gyis glo bur du// khams gsum 'khor ba'i btson rar gnas// rang rig sgrib med dag pa yin// mya ngan 'das dang 'khor ba gnyis// rang

  618. 309b

    bzhin med pa'i don rtogs na// sangs rgyas zhing du rnam par dag/ gzung 'dzin dral byed ces bya ba'i dam tshig ni/ phyin ci log tu rnam brtags pas// bdag dang bdag gir so sor snang // de la 'dzin pa gnyis zhugs nas// rang bzhin med bzhin so sor snang // yang dag rtogs pas rab brtags na// dngos po thams cad stong pa yin// dngos dang stong nyid mi gnas pa// de rtogs sdug bsngal dral byed yin// yum gyur dbyings phyug ma zhes bya ba'i dam tshig ni// 'byung ba lnga la brten gyur pa// thams cad 'byung zhing ma lus gnas// skye 'khrungs ma lus gzhi yang yin// thams cad kun gyi rgyu yang yin// de bzhin gshegs rab rnam gsum gyis// le lo med pa'i brtson pa 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang // ngan song gnas rnams ma lus kun// rgyu nyid rang bzhin gnyis ka dag/ rang bzhin ye shes de bzhin no// 'bras bu rnam par dag pa ni// 'jig rten brtan g.yo la sogs pa// snang ba nyid na ngo bo med// de nyid chos sku chen po yin// sems can don phyed ces bya ba'i dam tshig ni/ byang chub sems su don gcig pas// rtsa ba snying rje chen po 'byung // thabs kyis pha rol phyin pa spyod// nyon mongs

  619. 310a

    lam nas grol bar byed// nyon mongs khams gsum gnas pa yang // phyin ci log nyid snang ba yin// de rtogs mtho ris thar pa'o// rtogs nas don 'dzin ces bya ba'i dam tshig ni// thams cad lhun gyis grub pa dang // sgyu ma yig yor tshul shes pas// gnyis ka rang rig nyid du 'dus// de nyid yang dag yin par bshad// sgra dang tshig tu brjod pa ni// yang dag don gyi snying po 'byin// ming tshig sgra la mi brten par// blo yi gting du go bar byos// sems la gnas bcas zhes bya ba'i dam tshig ni// thams cad ma lus chos so cog/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems zhes brjod pa ni// gang nas ma 'ongs gar mi 'gro// rtog med rang rig kho na tsam// sangs rgyas sems can sems la gnas// brjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang // so so'i mtshan nyid ma gtogs pa// ba spu'i cha tsam brjod pa med// bsod nams chen pos bstangs pa yis// sangs rgyas zhing nyid dag pa'o// las ngan dag gis khams gsum gnas// de gnyis dbyings las spros pa med// mi 'gyur rdo rje'i gsung zhes bya ba'i dam tshig ni/ rnam dag sku gsung sprul pa dang // che mchog sna tshogs

  620. 310b

    bstan pa yang // byang chub sems la snang 'gyur te// snang ba nyid na dbyings su 'ub// phyin ci log g.yo bsam yas kyis// khams gsum gnas dang lam lngar 'khor// de nyid log rtog sna tshogs snang // de las ma gtogs gang yang med// ye nas ma bcos zhes bya ba'i dam tshig ni/ bla med byang chub smos ci dgos// 'gro lnga ma lus thams cad kun// ye nas byang chub snying por gnas// de bzhin dbyings kyis kun tu khyab// ji lta ba yi ngang gnas la// de ltar rtogs pa'i blo 'jug pas// gnyis su med par rtogs 'gyur na// su yis bcos shing su yis rtogs// rang bzhin 'od gsal ba zhes bya ba'i dam tshig ni/ chos rnams ma lus thams cad kun// rang bzhin ye nas dag pa yi// sus kyang ma bcos ngang gis gsal// ma chags pad+ma 'dra ba yi// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo stsal rab kyis rtogs// thams cad dbyings phyug ma zhes bya ba'i dam tshig ni// mi zad yon tan gter gyur pa// zad pa'i dus med yin bzhin mdzod// bdag dang bdag gis med pa yi// shin tu zab pa'i blo las byung // chos dbyings zab mo'i don rtogs na// sku dang ye shes bsam mi khyab// rang rig ye shes don rtogs nas// skye shi med pa'i g.yung drung 'thob// byang

  621. 311a

    chub sdom byed ces bya ba'i dam tshig ni/ gzung 'dzin bral ba'i ye shes kyis// chags med dbyings la mnyam bzhag na// thams cad de bzhin nyid kyi zhing // nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin ci log/ thams cad mnyam pa'i dbyings su dgod// phyogs dus gnyis med ces bya ba'i dam tshig ni// phyogs bcu dus bzhi thams cad kyang // rtog pa'i mtshan ma so sor snang // snang ba nyid na dbyer med de// mtha' dbus med de zlum po yin// de bzhin rang gi rig pa yang // mtha' dang dbus med du ma min// gang du mi 'gro kun tu khyab// kun la bde sbyin mi gnas pa'o// thams cad 'byor ldan zhes bya ba'i dam tshig ni/ chos rnams so sor rtogs byas shing // thams cad gnyis med dbyings shes na// mi zad par ldan rgyan 'thob ste// kun tu zad med rin chen gter// de bzhin nyid la gnas bcas na// nyon mongs sdug bsngal mi 'byung ste// rtag tu bde gnas byang chub nyid// mtshan dang dpe byad kun dang ldan// thabs nyid shes rab ces bya ba'i dam tshig ni/ ji ltar snang ba thams cad kun// thams cad thabs kyi rang bzhin te// thabs la thabs ni rnam par sbyor// sbyor dang sbyor ba gnyis ka min// sna tshogs

  622. 311b

    snang ba thams cad kyang // snang ba nyid na rang bzhin med// de nyid shes rab yin par bshad// rtag tu thabs nyid mi dmigs pa'o// shes rab nyid thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung // 'byung ba nyid na rang bzhin med// med pa nyid na sna tshogs snang // thams cad shes rab dbyings las 'byung // mnyan bsam bsgom pa'i shes rab kyis// shes rab thabs kyis don rtogs byos// kun la de ltar 'byor bar gyis// gnyis med byang chub sems zhes bya ba'i dam tshig ni/ thabs dang shes rab ldan gyur na// gnyis med byang chub sems 'phros nas// kun gyi 'byung gnas byed pa'o// de yis ma byas gang yang med// kha dog dbyibs rigs gang yang min// shin tu brtag dka' sus mi rig/ bdag gis bdag kyang mi mthong na/ gzhan gyis mthong bar ga la 'gyur// thams cad sbyor byed ces bya ba'i dam tshig ni/ ye nas lha dang lha mo yi// dkyil 'khor yang dag sbyor ba dang // dbang po yul du sbyor ba'o// phung po lnga nyid de bzhin gshegs// 'byung ba lnga nyid yum du sbyor// dus bzhi lha mo nyid du sbyor// rtag chad mu bzhi khro mo'o// thams cad ma lus 'byung ba kun// mnyam pa'i dbyings dang rig par sbyor// yang na shes rab dbyings ma la// bde gshegs dkyil

  623. 312a

    'khor kun bkod la// bdag nyid rig pa'i lhar bsgoms te// gnyis su med par ldan par bya// rdo rje dril bu ldan gyur nas// byang chub pad+ma shin tu spro// phyogs dus dkyil 'khor mnyes pa dang // 'gro ba mang po bde thob nas// slar yang gnyis med dbyings su bstim// thim gyur dbyings nas phyag rgya 'bar// bde gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor pas na// ngan 'gror mi ltung yang dag 'grub// 'di ni bsgral ba chen po yin// bsgral ba nyid na sbyor ba nyid// sbyor ba nyid na ma lus bsgral// thams cad ma lus par bsgral ba zhes bya ba'i dam tshig ni/ phyi nang snod bcud ji snyed par// gnas pa'i sems can thams cad kun// bdag nyid chen por rtogs pa yis// dbyings su yang ni bsgral bar bya// shin tu phra ba chen po yis// thabs kyis lha chen bsgral ba ltar// chos nyid rtogs pa'i ting 'dzin gyis// gnyis su med par thabs kyis bskul// thugs rje chen po'i byin rlabs kyis// lam lnga'i sems can kun bkug nas// thams cad ma lus bsgral bar bya// ri rab chen po'i gling bzhi la// gnas pa'i sems can ma lus kun// thugs rje chen pos byin brlabs te// ye shes me chen

  624. 312b

    bsgoms byas nas// thams cad ma lus bsreg par bya// dbyings su yang ni bstims byas te// de bzhin gshegs par byin gyis brlabs// rgyal ba'i sras su dbang yang bskur// de ltar bsgral bar kun byas kyang // bsgral ba'i dngos po gang yang med// phung po lnga po gzhig pa la// bshig nas 'byung ba bag la zha// ma bshigs na yang 'byung ba yin// rnam shes med pas bsad byas na// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang // sus kyang zin cing sod pa med// 'o na thugs rjes gang bsgral na// rnam rtog mtshan ma thams cad kun// phyin ci log las bzlog byas te// ting 'dzin sngags dang phyag rgya dang // shin tu goms pas dbang bskur te// byang chub zhing la dgod par bya// de tsam la ni bsgral zhes gdags// bsgral ba nyid na sbyor ba yin// nyon mongs sdug bsngal rtsad bcas nas// byang chub gnas su bsgral bas na// gnyis med dbyings su sbyor ba yin// ma byin par len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gir gzhan na med// rang bzhin ngang gis bdag med pa// kun la thogs med spyad 'gyur yang // spyad dang spyod pa gnyi ga med// thams cad ye nas stong pa la// gang

  625. 313a

    gis len cing gang la spyod// snang srid ma lus thams cad la// thogs pa med par spyod 'gyur yang // 'ching bar mi 'gyur bsod nams tshogs// chags med ye shes chen po yin// ma lus thams cad chos kyi dbyings// de ltar rang rig yin par bshad// gnyis su med par rtogs gyur nas// blangs pa nyid na kun tu bzang // rdzun du smra ba zhes bya ba'i dam tshig ni/ chos rnams ma lus thams cad kun// ye nas dngos po yod ma yin// rang bzhin ngang gis 'od gsal la// ming tsam tshig gis mtshon mod kyis// ming dang tshig la dngos po med// ma rig pa yi 'khrul rtog gis// nga dang bdag tu med pa la/ so so'i mtshan ma dngos por bzung // 'dzin pa'i dngos po yongs med de// chos rnams thams cad ming tshig tsam// ji snyed mang po brjod pa yang // rjod par byed dang brjod pa med// chos rnams thams cad rdzun du snang // rdzun nyid la ni rdzun spyod de// rdzun zhes btags tsam yod ma yin// thams cad rdzun gyi tshig bzhin no// rdo rje'i 'joms byed ces bya ba'i dam tshig ni/ thog ma med nas phyin ci log/ bdag dang bdag ces med pa la// rnam rtog mtshan ma so sor 'dzin// 'dzin pa'i dngos po yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis// bdag rtog bag chags kun bcom

  626. 313b

    nas// rdo rje'i dbyings su thim par bya// chos kyi 'khor lo zhes bya ba'i dam tshig ni// thugs rje chen po'i byin rlabs kyis// khams gsum nyon mongs 'khor ba rnams// gzhan gyis bcings te 'khor ba min// 'dzin rtog chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spang med sangs rgyas shing // thams cad ma lus chos nyid rtogs// rin chen 'byung ba zhes bya ba'i dam tshig ni/ nor gyi mchog ni dkor bdun yin// 'dod pas btsal bar mi rnyed de// rang rig dbyings kyi ye shes dang // sku gsung thugs 'das mi dmigs pa'i// chags pa med pa'i tshul gyis ni// gnyis su med par 'byor byas na// nor bdun chen po 'byung bar 'gyur// mtshan dang dpe byad sna tshogs ldan// pad+ma chags med ces bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba med// pad+ma 'dam nas skyes pa 'dra// ji ltar snang ba thams cad kun// bdag las gud na gcig kyang med// bdag nyid shin tu mi dmigs pas// nyon mongs nyid kyang byang chub zhing // don rnams sgrub pa zhes bya ba'i dam tshig ni/ rdo rje'i rigs kyis thams cad bcom// rin chen rigs kyis yon tan 'byin// pad+ma'i rigs kyis chags med 'gyur// sku

  627. 314a

    gsung thugs dang ye shes lnga// thams cad don rnams rdzogs par byas// gzung dang 'dzin pa rnams spangs te// mnyam pa'i dbyings las sems kyis blta// skye 'chi med par lhun gyis grub// sku gsung thugs dang yon tan dang // phrin las rmad 'byung kun grags pa// gzhan nas yod 'ongs ma yin te// rang byung ye shes gnas med yin// mthong ba'i tshul gyis gzugs snang dang // bla med byang chub skur snang ba// me long lta bu'i tshul bzhin du// sna tshogs kha dog dbyibs su snang // de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun tu go/ nyon mongs med cing bla med sgra// ma brjod stong gsum grags pa yi// gsung brjod bsam gyis mi khyab pa// brjod pa nyid nas stong gsum med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab brtags na// gzhi rtsa med dbyings skad cig ma// mtha' dang dbus kyang brtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang bsgyur ba// sku gsung yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la// ji ltar

  628. 314b

    dmigs pa bzhin du 'byung // mi zad rin chen gter chen 'grub// gzhan gyis dbrog tu med pa yi// bo d+hi'i dkor ni rin po che// thugs rje chen po'i byin rlabs kyis// bya byed med par rnam bzhi mdzad// mdzad dang mdzad par bya ba med// ye nas lhun grub sangs rgyas chos// sgyu ma'i tshul du kun la spyod// spyod med ngang gis dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyi// brjod pa nyid na yongs med de// mtshan nyid med pa sna tshogs snang // de nyid thams cad mkhyen nyid yin// kun la khyab cing mi gnas pa// de ni rig pa rang dbang 'gyur// bsam gyis mi khyab kun tu khyab// nam mkha' snang byed ces bya ba'i dam tshig ni/ chos rnams ma lus thams cad la// de bzhin nyid kyis kun tu khyab// snod bcud ma lus thams cad la// snang ba chen pos khyab par 'gyur// nam mkha' gzung du med pa ltar// snang srid thams cad de dang 'dra// chos rnams thams cad sems yin te// sems ni nam mkha'i rang bzhin no// rten byed sa chen zhes bya ba'i dam tshig ni/ ji ltar sa gzhi chen po la// sems kyis zin dang ma zin pa'i// skye 'khrungs ma lus thams cad 'byung // thams cad kun gyi gnas rten

  629. 315a

    te// de bzhin theg chen bla med la// byang chub sangs rgyas kun kyang gnas// theg pa mtho dman thams cad 'byung // thams cad theg chen dbyings su 'dus// sreg byed ye shes me zhes bya ba'i dam tshig ni/ bdag med ye shes rang rig gis// dngos dang dngos med bag chags bsreg/ rang dang spyi yi chos rnams dang // sems kyi phra rtog thams cad kun// dngos po med par rtogs byas nas// 'khor ba ma spangs rnam par dag/ mya ngan mi 'da' ye nas gnas// 'gro dang gnas par bya ba min// rtog pa thams cad ye shes tshogs// thams cad 'khru byed ces bya ba'i dam tshig ni/ sems can ma lus thams cad ni// sgrib gnyis dag gis 'khor bar 'gyur// mnyan bsam bsgoms pa'i shes rab kyis// bdag med gnyis ni rtogs byas nas// pha rol phyin rdzogs sa bcu bsgrub// sa gsum yang dag rdzogs byas te// mnyam pa'i zhing la thams cad bkod// khrus kyi mchog ni 'di yin no// g.yeng byed chen po zhes bya ba'i dam tshig ni/ sems can ye nas dag pa la// bdag 'dzin rdul gyis g.yogs par 'gyur// sems dang rdul rnams med rtogs pas// ye shes rlung gis bag chags gtor// chos rnams ye nas rlung dang 'dra// de la gzung du med pa ltar// kun la de ltar 'byor bar gyis// ma bcos ye nas de ltar

  630. 315b

    gnas// thams cad kun la dbang bsgyur zhes bya ba'i dam tshig ni/ rang rig phyin ci ma log pa'i// gzung 'dzin gnyis med rtogs pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang bsgyur te// ji ltar dmigs pa bzhin du 'grub// ji ltar spyad kyang bsod nams tshogs// mnyam rig ye shes chen po yin// chos thams cad gzugs brnyan ltar shes par bya ba'i dam tshig ni/ thams cad 'byung ba'i gnas yin te// snang ba nyid ni 'ja' tshon bzhin// rang bzhin med par kun tu snang // de nyid chos sku yin par bshad// cis kyang ma gos ma spangs pa'o// so sor snang zhing mthun pa'i gzugs// bdag dang bdag tu ma brtags pa// de ltar bu yi ngang du snang // chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang // dngos po med las dngos po'i sgra// brjod dang sgra yi dngos po min// chos rnams sgra ltar shes par byos// thams cad ma lus don 'byung ba// tshig gis mtshon pa gud na med// sgra nyid don gyi dngos po min// don nyid sgra las gud na med// chos rnams dri'i mtshan nyid du shes par bya ba'i dam tshig ni/ chos rnams thams cad dngos med par// sna tshogs 'byung zhing rnam par 'phro// de bzhin dri yi dngos po yang // yod pa ma yin kun tu

  631. 316a

    mnam// the tshom med pa'i shes rab kyis// chos kun de ltar shes par gyis// dri yis rab tu tshims gyur kyang // dri dang sdom pa gnyis su med// chos thams cad ro ltar shes pa zhes bya ba'i dam tshig ni/ chos rnams ma lus thams cad kun// gzhi rtsa med las thams cad byung // de bzhin dbang po dngos med dang // rdzas kyi dngos po med pa yis// rnam shes dbang po'i yul tshogs na// ro yi dbang po thams cad 'grub// ro dang ro ru rtog pa yang // rang bzhin med pa skad cig ma// chos rnams thams cad reg bya ltar shes pa zhes bya ba'i dam tshig ni/ gzugs rnams lbu ba rdos pa 'dra// tshor ba chu yi chu bur bzhin/ mtshan 'dzin smig sgra bzhin du gnas// rnam shes sgyu mas dbang bskur na// mtshan ma sna tshogs 'byung bar nges// bde ba'i ro mchog kun kyang myong // de nyid bsod nams tshogs chen po// bde ba gas med ye shes yin// 'dus byas rnam par dag pa zhes bya ba'i dam tshig ni/ yang dag nyid la gnas byas na// phyi nang snod bcud rnam par dag/ rags par snang ba de bzhin gshegs// sgyu mar 'dzin pa yum gyi dbyings// gzugs ni mtshan ma dngos po med// gcig la'ang lnga lngar bshigs pa dang // thams cad nam mkha'i ngang du gnas// nam mkha' de bzhin chos kyi dbyings// 'dus ma byas kun tu 'byung ba

  632. 316b

    zhes bya ba'i dam tshig ni/ gshegs su sgyu mar snang ba dang // log rtog sgyu mar snang ba gnyis// gzhi rtsa med de rang bzhin stong // rigs dang rgyud du brtag tu med// rigs dang kha dog dbyibs med pas// phyi nang snod bcud rnam par snang // snang ba nyid na chos kyi sku// cir yang 'gyur zhing thams cad 'grub// glang po brjid gnon zhes bya ba'i dam tshig ni// sems can ma lus thams cad kun// rnam rtog 'du byed mang pos g.yengs// ji ltar bus pa shed ma bye// bya byed mang pos g.yengs par gnas// bya byed mang po bdag med pas// ting nge 'dzin gyis dbang bsgyur na// mtshan ma mnyam pa'i dbyings su gnas// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bas// thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang thob ste// spyod cing chags pa med pa'i tshul// kun kyang rang bzhin ye nas zlum// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og bcu// rang byung ye shes chen pos kun tu khyab// rang byung de nyid dngos med par// kun gyi phyag rgya'i rgyu yin te// chos dbyings de nyid zab pa yi// bdag la

  633. 317a

    gnas shing brtag dka' ba'o// mnyam pa'i dbyings su thams cad 'dus// ye nas bde gnas zhing du'o// chos rnams dbyer med pa zhes bya ba'i dam tshig ni/ ye nas dbyings su ro gcig pas// de la nga bdag ma gtogs pa// rang bzhin rnam par dag pa la// gtsang dang sme ba'i blo tsam med// thams cad bde gshegs snying po bas// rkyen gyi rdul gyis ga la 'go/ shes rab mchog gis de ltar rtogs// ma lus kun 'dus dbyings shes byos// thams cad 'jigs byed ces bya ba'i dam tshig ni/ shes rab blo rtsal ldan pa yis// bdag rtogs mtshan ma kun bshigs nas// mtshan ma med pa'i phyag rgya ru// thams cad 'dus par yang dag rtogs// rtogs pa nyid kyang dngos med la// de nyid sna tshogs sar snang ba'i// snang ba nyid na bya byed med// de nyid 'jigs pa'i phyag rgya yin// g.yung drung tshe 'phel zhes bya bapaba'i dam tshig ni/ chos rnams thams cad bdag yin pas// gang du 'gro zhing gang du skye// 'jig dang skye ba'i dngos po med// dngos med de la su zhig gsang // gang zhig gnyis su 'dzin pa la// skye dang 'chi ba de la yod// ye shes can gyis brtags pa na// skye 'jig nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas// ngan song gnas rnams yan chad

  634. 317b

    du// yang dag par ni dbyer med de// gang yang spang bar bya ba min// theg pa mtho dman bsam yas pa// don du mi 'gyur yongs ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam tshig ni/ thams cad kun tu bzang po yin// 'dod pa'i yon tan lnga rnams la// thogs pa med par spyad bya ste// bsod nams tshogs chen yin par bshad// de bzhin gshegs pa lngar yang brtags// gzhan yang stong khams thams cad ni// shes rab dbyings dang 'dod yon rnams// rab 'bring tha ma thams cad spyad// thams cad mi chud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje'i rigs mchog ma gtogs pa// theg pa dman dang lta ba dman// des ni theg mchog rtogs mi 'gyur// mnyam pa'i dbyings kyis kun khyab kyang // nyon mongs sdug bsngal nyid kyis bsgribs// de yis yang dag nyid ma mthong // thams cad bsrung du med pa zhes bya ba'i dam tshig ni/ thams cad ma lus sangs rgyas la// bsgrub cing bsrung bar bya ba med// dge dang mi dge gnyi ga med// nyon mongs spangs shing byang bsgrub med// de bzhin nyid kyi klong gyur ni// bde dang mi bde dbyer med de// ye nas dag mnyam nyid du gnas// de la bsrung du rdul tsam med// thams cad bsrung ba

  635. 318a

    med pa zhes bya ba'i dam tshig ni/ sems can khams gsum 'khor ba ni// thog ma med nas sems yan gtang // phyin ci log la 'byol tog spyad// gzung 'dzin don la shin tu chags// des na 'khor bar rtag tu 'phyan// de bas rang sems rtogs byas te// le lo g.yeng ba yongs spangs te// nga med bdag med mnyam par bsrung // thams cad 'jigs par byed pa zhes bya ba'i dam tshig ni/ rdo rje sems dpas bkas bcad pa'i// sdom pa'i rtsa ba thams cad kun// de bzhin du ni ma bsrungs na// yak+ka khro bo me dpal gyis// snying nas drangs te khrag 'thungs nas// ngan song gsum du skye bar 'gyur// de yi sdug bsngal bzod blag med// dam tshig 'di ni rdo rje che// dam rdzas so sor spyod pa zhes bya ba'i dam tshig ni/ rigs lnga so sor dbye ba yi// rdo rje sems dpa' glang po'i sha/ rin po che ni rta yi sha/ pad+ma nya yi sha chen te// don yod nam mkha' lding gi sha/ bde gshegs rigs ni sha chen no// dbye'am yang na mi dbye bar// nges par dang du blang ba'o// yang na thams cad gcig tu bsdu// yang na mtshan nyid med par brtags// ting nge 'dzin gyi dam tshig ni// thams cad ma lus chos so cog/ de bzhin nyid kyis rgyas btab pas// gnyis su dbyer med ting 'dzin bstan// de ltar sangs rgyas sems can ni// rang gi byang chub

  636. 318b

    sems yin pas// dus gsum na ni rgyal ma bzhugs// sus kyang ma bcos ma byas pa'i// brjod pa'i tshig las 'das pa de// rgyal ba yin zhes rgyal bas gsungs// de ltar shes pa rgyal ba bas// thabs mkhas shes pa'i ting 'dzin yin// phyag rgya'i dam tshig ni/ bde gshegs dkyil 'khor ma lus kun// ye nas rang bzhin gsal ba las// thams cad kun la yod par bshad// ye shes sems dpa'i dkyil 'khor ni// bla na med pa'i mchog yin te// rdo rje'i rigs mchog thams cad kyis// bar ma chad par rtag tu 'grub// byang chub shing drung skye bar 'gyur// bla med byang chub mchog kyang 'grub// skye 'chi med pa'i bde 'grub ste// sems la dbang yang thob par 'gyur// spyod yul thams cad smyon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyu yang chad// rigs chad nyid du skye bar 'gyur// rgyud kyi rgyal po sgyu 'phrul dra ba las dam tshig rnam par spros pa'i le'u ste nyer dgu pa'o// // rdo rje sems dpa' bsgrub 'dod pas// rtag tu mnyam pa'i don rtogs la// sku ni 'ja' tshon tshul 'dra bar// snang la rang bzhin med par bsgom// 'khor rnams chu zla'i tshul shes par// gsal la rang bzhin med par bsgom// lha yi sku rnams gsal

  637. 319a

    bsgoms na// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag par bsgom// yi dam lha de spangs byas na// ngan song mi bde rtag tu myang // sngags dang phyag rgya rgyun mi bcad pa'i don ni/ sngags dang phyag rgya bar mi gcad// rnal 'byor bsgrub pa'i lam yang yin// mi gtong sdom zhing 'dren pa'ang yin// don mchog rdzogs pa'i gnas yin te// rtag tu mnyam gzhag phyag rgya yin// dug gsum gting 'byin sngags yin te// yang dag don chen klung 'dod pas// dus mtshams med par phyag rgya sngags// yid brtan rtag tu bzlas bsgom bya// yon tan nam mkha'i mtha' dang mnyam// phyag rgya bskyed dang yi ge oM// rdo rje slob dpon mtshan nyid bstan pa ni/ bla med dkyil 'khor ston pa po// yon tan zad med sbyin pa yin// byang chub lam chen 'dren mdzad pas// chags med zhing du 'god pa yin// nyon mongs sdug bsngal rtsad gcod cing // 'khor ba'i lam rnams stongs par byed// ma rig mun sel sgron me yin// long ba rnams kyi dmigs bu mkhan// de la rtag tu mchod byas na// sangs rgyas byang chub thag mi ring // rdo rje mched dang lcam dral gyi mtshan nyid bstan pa ni/ rdo rje rigs kyi spun yin te// thog ma med nas las mthun

  638. 319b

    pas// blta spyod mthun pas 'dir skyes te// gcig la gcig ni mig 'drar bya// shin tu gdung zhing brtse bar bya// spyod pa ngan sems dpya byas na// dmyal ba chen por ltung bar 'gyur// de bas dam tshig 'da' mi byed// gsang ba'i dam tshig bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rab bsgribs nas// dbul po'i gter dang gyad kyi nor bu 'dra// de bas rdo rje gsang mchog 'di// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang // theg pa dman dang phyin ci log/ de la gsang don bstan gyur na// rang bzhin gsang don mi shes par// 'phral gyi spyod tshul de dag la// shin tu nges pa'i don bzung nas// gsang don de nyid log par khrid// ma rtogs de nyid dmyal bar 'khor// de bas shin tu gsang bar bya// thugs rje chen po dang ldan pa'i// thar lam kun la mkhas par bya// shes rab mchog dang ldan pas na// sems can snod kyi rim pa bzhin// theg pa mtho dman don nyid ni// so sor 'tshams par stan dgos so// dang du blang dang mi spang ba// rnal 'byor pa yis rtag tu skrad// chags pa med par gyur pa dang // dngos grub ya mtshan chen po ni// dam tshig mdo bshad nang nas 'byung // ma rtogs pa

  639. 320a

    yis spyad gyur na// yi dwags srin po'i gnas su skye// yang na dam tshig 'di lta bur// ji ltar spyad kyang dam mi 'da'// byed spyod tshogs chen gnyis su 'gyur// 'gro dang 'dug dang nyal ba na// mnyam pa de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam mkha' gcod bzhin gyis// 'dzin chags ma lus thams cad kun// mkha' la rlung chen 'phyo ba bzhin// yid kyi rtog tshogs ma lus pa// chu la nya chen 'phyo ba ltar// rnal 'byor blta ba de ltar ltos// de ltar rtogs pa'i shes rab gyis// tshig tsam ma yin blo gting spos// rdo rje theg mchog khas 'che la// mnyam pa'i don nyid mi shes par// gsang sngags dam tshig mnyam zer zhing // thugs thub dag gis spyad byas pa// dmyal khams dag tu brgyud par 'gyur// mnyam pa'i don nyid ji lta bu// mnyam pa'i rang bzhin gang yang med// mnyam dang rtogs pa gang yang med// ci la'ang mi gnas kun la spyod// spyod par byed dang spyod pa med// de ltar rtogs pa'i rigs mchog ni// rdo rje'i rigs 'dzin skye ba na// 'jigs med kun tu bzang por sbyor// yon tan mi zad gnas kyang yin// mnyam pa'i don nyid mi shes shing // kun rdzob don dam gnyis med la// chos dang gang zag bdag med na// 'di ni byang chub sa

  640. 320b

    pa yin// las dang nyon mongs thams cad la// mnyam pa'i don du mi shes shing // rten 'brel rgyu 'bras yod 'dzin na// 'di ni rang sangs rgyas kyi sa// chos rnams lus thams cad la// bden bzhi'i dngos po yod blta zhing // spang dang mi spang byed 'gyur ba// 'di ni nyan thos sa pa yin// dge bcu dag la gtsor len cing // dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid mi rtogs shing // tshad med bzhi dang bsam gtan bzhi// rim par so sor bdag 'dzin cing // gzugs sogs dag la rab tu rtog/ de ni tshangs gnas rim par skye// mnyam pa'i gzugs med ma rtogs par// ming bzhi med par ma shes te// skye mched bzhi la gnas gyur pas// srid pa'i rtse mo'i sa ru skye// thams cad mnyam par ma shes nas// ma lus kun la zhe sdang zhing // snying rje yang dag med gyur na// 'di ni mi bzad chen po yi// dmyal khams bcu drug gnas pa yin// chags med dngos po mi shes nas// thams cad kun la 'dod chags shing // lus kyi sgrib dang zas kyi sgrib// yi dwags chen po'i gnas su skye// nga dang bdag med mi shes shing // chos rnams kun la rmongs byas pas// shes rab mi gsal don med pas// dge sdig gnyis kyi don ma rtogs// 'di ni byol song gnas su skyes// shin

  641. 321a

    tu nga rgyal cher skyes shing // thams cad bdag gir yongs bzung bas// kun dang rtsod pa'i las byed cing // lha ma yin gyi gnas su skye// theg mchog mtho man thams cad dang // 'jig rten pab thams cad kun// ye shes chen pos rab brtags na// rang bzhin med la cir yang 'grub// rang bzhin dbyings las nyams pa med// shes rab chen po'i mig ldan pas// mtho dman gnas dang lam drug gnas// so sor de bzhin 'khor bar gzigs// sngags mchog bla na med pas ni// mtshan ma kun dang mi brtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so'i lta ba brjod mi lang // spyir ni log rtog bsam yas pa// ye nas yod pa ma yin te// so so'i rnam rtog bag chags kyi// gzung 'dzin dra bas bsgribs gyur te// ci yang med la cir yang snang // snang ba nyid na rang bzhin med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i lta spyod ni// ci ltar spyod kyang rang bzhin med// mkha' la bya chen lding ba bzhin// chu la rgyal chen 'phyo ba bzhin// mkha' la rlung chen 'phyo ba bzhin// rnal 'byor lta ba de ltar blta// ral 'byor spyod pa chen po ni// thams cad kun la dbyer med spyod// bde ba'i ro mchog myong

  642. 321b

    bar 'gyur// de la su zhig chags par byed// spyod bzhin ma chags ye shes yin// bde ba'i mchog nyid bsod nams tshogs// de lta bu yi ngang du spyod// 'di ni spyod pa rlabs chen yin// lta spyod ya char ma gyur par// sngags 'chang rnams kyis rtag tu spyad// kha cig lta ba mnyam nas kyang // spyod pa dag dang yongs mi mthun// kha cig spyod pa rdzogs byed kyang // mnyam pa'i lta ba yongs mi shes// kha cig lta spyod gnyi ga med// yang dag skyes mchog dam pa yis// don dam kun rdzob dbyer med pas// yang dag nyid du rab tu rtogs// bla med theg chen dang gnas ni// don dam du ni dbyer med de// kun rdzob tu ni thams cad la// dag dang ma dag gnyis kar 'dzin// thabs kyi theg pa chen po ni// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyi lha spyod chen po ni// bla med theg pa las 'phags pa// don dam du ni nor bdun no// kun rdzob nyid du mnyam rdzogs so// mnyam pa nyid las ma g.yos bzhin// thabs kyi phyag rgya chen po ston// thabs dang shes rab rnam par dag/ thams cad dag ces bya ba yang // dngos po gsal dag ma yin te// snang spyod gnyis na rnam par dag/ dam tshig chen po'i mdo rnams las// rigs lnga dag tu bstan pa ni// chos rnams ma lus thams

  643. 322a

    cad kun// rigs chen dag tu zad par 'dus// ma lus chos kun dbyer mi dmigs// cis kyang mi tshugs rdo rje yin// rigs ngan 'joms pas rdo rje yin// mi dmigs dbyings nas kun 'byung ba// yon tan chen po gnas yin te// zhing khams mi zad gnas kyang yin// 'di ni rin chen rigs su gsungs// chos rnams thams cad dbyer med pas// chags dang chags par bya ba med// de bzhin nyid du gcig pa ste// nyes pas mi gos pad+ma yin// thams cad ma lus dbyings 'dus pas// 'di la bya ba rdul tsam med// ma byas bzhin du don grub pa// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du mar bral// gang yang ma yin de bzhin nyid// dbyer med pa yi tshul rtogs te// 'di ni de bzhin gshegs pa'i rigs// dam tshig chen po'i mdo rnams las// 'byung ba lnga rnams bshad pa ni// thams cad ma lus 'byung ba'i gnas// thams cad kun gyi mdzod skyed yin// chos rnams ma lus thams cad la// sra zhing brtan pa'i gnas yod pas// dngos po med pa'i tshul rtogs te// 'di ni sa chen yin par bshad// snang srid ma lus thams cad la// gsal zhing dro ba'i gnas byed cing // mtshan ma bag chags sreg byed pa// 'di ni me yi rigs su

  644. 322b

    bshad// chos rnams ma lus thams cad la/ ngang gis ye nas 'byor ldan zhing // mnyen chags nyid du gnas pa ni// yang nas yang du rgyud ma chad// mi bde dag pas chu chen yin// chos rnams ma lus thams cad la// dngos por snang la gzung du med// bskyod nas thams cad kun smra ste// 'di ni rlung chen yin par bshad// chos rnams ma lus thams cad la// de bzhin nam mkha' chen po yis// phyi dang nang gi go/ 'byed pa'o// thams cad gsal ba'i ngang nyid de// 'byung ba bzhi po thams cad kyang // thams cad nam mkha'i ngang du thim// chos rnams ma lus thams cad kun// de bzhin nyid kyi dbyings su 'ub// nyon mongs lnga po zhes bya ba'i dam tshig ni// ma rig pa ni rig par 'gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de pabs thos bsam bsgom pa yis// yang dag don nyid rtogs byas te// thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa dang // shin tu chags mchog chen po yin// rgyal ba'i zhing khams 'byung gyur te// snang ba mtha' yas zhing dag yin// thams cad pad+mar brdzus las skyes// rdo rje 'dzin gyi sa

  645. 323a

    ru skye// zhe sdang chen po'i mtshan nyid ni// phyin ci log la zhe sdang zhing // zhe sdang dngos po med shes na// sdang dang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun la dbyer med de// de ltar ma rtogs kun la sdang // de bzhin phal gyis mnyam mi shes// des na zhe sdang nyid du mthong // yang dag rtogs pas rab brtags na// zhe sdang thugs rje chen po yin// gti mug rmongs pa zhes brjod pa// chos rnams ma lus thams cad kun// don dam dang ni dbyer med pas// kun rdzob sgyu ma mig yor tshul// snang ba nyid na dngos med pas// de la su zhig bdag tu 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid brjod pa ni// mnyam pa nyid la gnas byas nas// phyin ci log dang theg dman la// shin tu nga rgyal chen por snang // nga rgyal zhi ba so so min// rang bzhin med pas dbyings su 'dus// 'di ni yon tan 'byung gnas yin// de bzhin dag par shes par byos// phrag dog mtshan nyid brjod pa ni// nga dang bdag tu 'dzin pa ste// 'dzin nyid dngos po yod ma yin// mnyam mi shes la phrag dog cing // thams cad mnyam pa nyid du 'dus// mi mnyam pa la shin tu sdom// de bas phrag

  646. 323b

    dog chen po yin// phyin ci log ni bdag tu bcings// gzung dang 'dzin pas shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab grub// phung po lnga zhes bya ba'i dam tshig ni/ phung po lnga por snang ba yang // kun rdzob bya ba sna tshogs byed// bde ba'i yul dang mi bde'i yul// so so'i ro rnams myong byed cing // lnga po'i mtshan nyid bshigs byas na// so so'i mtshan nyid dngos po med// gang gis de la dngos bzung na// ngan song gsum du skye bar 'gyur// de la gzugs kyi mtshan nyid ni// snang ba nyid na rang bzhin med// snang med de nyid sna tshogs ston// snang dang mi snang gnyis su med// de rtogs rnam par thar pa'i gnas// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyi/ bde dang mi bde dngos po med// gnyis ka ma yin lung ma bstan// sna tshogs tshor ba 'byung 'gyur yang // tshor dang 'byung ba gnyis ka stong // stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum sogs mtshan mar 'dzin pa yin// so so'i mtshan nyid bshigs pa na// dngos po med de de bzhin nyid// dngos po de ni sna tshogs pa// bya byed med par kun tu 'jug/ khams gsum ma

  647. 324a

    lus thams cad la// mtshan ma che chung bsam mi khyab// khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad po grangs 'gyur te// lnga bcu rtsa gnyis kun la 'pho// de rtogs rtsa ba yod ma yin// med bzhin log g.yo rnam par 'byung // de la dngos por 'dzin pa ni// rtag tu nyon mongs g.yengs gyur nas// khams gsum btson ra kun tu 'khor// yang dag don phyir rig pas ni// 'phro ba'i gzhi rtsa de bzhin de// de la rnam rig 'byung ba ni// dngos po med de skad cig ma// ye shes dbyings la rol par mdzod// sprul pa'i tshogs chen yin/ par bshad// kun gyi 'byung gnas rnam shes te// de yi dngos po'i rang bzhin ni// kha dog dbyibs dang rigs rgyud min// gang yang ma yin de mi dmigs// 'di ni kun la dbang bsgyur te// mtho ris 'gro'am ngan song 'gro// rtogs dang ma rtogs khyad par ro// bzhi po mnyam pa'i ngang shes na// 'di ni ye shes chen po yin// kha dog lnga yi dam tshig ni// sems can ma lus thams cad la/ ye shes lnga yis kun khyab kyang // rang gi rnam rtog bsgribs byas te// ye shes lnga yi don ma mthong // ma mthong rmongs pa thams cad la// ye shes mtshan nyid bstan pa'i phyir// dkar dag dmar dang ser ba dang // ljang gu la sogs nag

  648. 324b

    por bstan// chos rnams bdag med rtogs byas nas// byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i mdog/ chos rnams ma lus thams cad kun// pad+ma rA ga zhes brjod de// chags dang chags par bya ba med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// mdog ni gser gyi mdog tu bstan// chos rnams phyin ci log rnams la// thugs rje chen po'i byin rlabs kyis// dbyings su yang dag bsdu dgos pas// las rnams ma lus rdzogs par byed// kun tu las ni ljang gu'i mdog/ de bzhin nyid kyi dbyings nyid las// cis kyang mi tshugs bcos su med// kha dog nag po'i dngos po la/ tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni/ mtha' dang dbus med de bzhin du// dbyer med dang du gnas pa la// ye shes rtogs pa'i don bya'i phyir// phyogs dang dbus su gnas par bya// sems can ma rig ldongs pa la// nyon mongs ma lus bsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad

  649. 325a

    la// nyon mongs sdug bsngal mi gnas shing // ma rig mun pa nub gyur pas// de la nub kyi phyogs zhes bya// sems can kun gyi nyon mongs kun// ye shes chen po bdag med pas// sdug bsngal rab tu byang byas pas// de la byang gi phyogs zhes brjod// de ltar ma lus thams cad la// thugs rje shar dang sgrib pa nub// rnam rtog mtshan nyid byang gyur pas// de ni yon tan chen por rdzogs// de ltar chos rnams ma lus kun// rang bzhin nyid kyi dbyings su 'dus// phyogs rnams ma lus thams cad kun// de bzhin nyid du zlum pa'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur nas// rtag tu nyon mongs 'khor bar 'gyur// dbang po lnga zhes bya ba'i dam tshig ni// yul lnga dag la dbang byed cing // phyin ci log ni dngos por 'dzin// dngos po bzung bas khams gsum 'khor// gzugs rnams ma lus thams cad la// snang zhing dngos po med pa dang / lha dang lha mo'i dngos por brtag/ bdag dang lha nyid gnyis med pa'o// sgra rnams sna tshogs grags pa yang // sgra nyid dngos po med par shes// sgra brjod ma lus thams cad ni// chos kyi skra chen sna tshogs yin// dri yi dngos por snang ba yang // dri nyid rang bzhin gang yang med// dri snom chos nyid dri yin

  650. 325b

    te// shes rab chen pos de ltar rtogs// ro yi dngos por snang ba yang // ro yi rang bzhin yod ma yin// ror bro de bzhin nyid kyi ro// bde ba de yis tshims par byed// reg bya sna tshogs snang ba yang // reg bya'i dngos po yongs med de// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi 'bral zhing // ngan song gsum dang mi khom brgyad// rtswa dang sog ma'i me bzhin du// khams gsum dag tu 'khor bar 'gyur// de bas ye shes chags med rtogs// byas la mi sogs bsod nams byos// kun la spyod cing mi gos pas// ye shes chen po rtag tu bsgom// mnyam pa lnga zhes bya ba'i dam tshig ni// don dam skye ba med par mnyam pa dang // kun rdzob sgyu mar mnyam pa dang / don dam pa dang kun rdzob tu dbyer med par mnyam pa dang / chen po lnga de bzhin gshegs pa lngar mnyam pa dang / rnam par shes pa brgyad ye shes lngar mnyam pa'o// de la don dam par skye ba med par mnyam pa ni/ chos rnams ma lus thams cad kun// de bzhin nyid dang stong pa'i mtha'// yang dag pa dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid

  651. 326a

    de// nam mkha' la yang mtshan nyid med// kun rdzob sgyu mar mnyam pa dang // 'dus byas dngos po sna tshogs ni// sgyu ma'i tshul du thams cad snang // 'phral gyi bya ba kun kyang byed// rtog pa kun gyi mtshan mar snang // 'di dag thams cad gzugs brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam kun rdzob dbyer med ni// chos rnams ma lus thams cad kun// gzhi rtsa med las thams cad 'byung // med dang yod pa gnyis ka min// don dam kun rdzob dbyer med de// 'dus ma byas nyid 'dus byas snang // snang ba nyid na dngos po med// dngos med de nyid sna tshogs te// de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar 'byung // so so'i rigs tshogs snang ba ni// thabs chen dag tu rtag tu mnyam// mtshan nyid so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni// rnam rtog kun gzhi ma yin pa// rang bzhin med pa don gyi gzhi// de nyid chos kyi dbyings zhes bya// de bzhin nyid kyi ye shes so// chos rnams ma lus thams cad

  652. 326b

    kun// nga dang bdag tu mi 'dzin cing // kun kyang dbyer med nyid yin pas// thams cad me long lta bu'i tshul// thams cad kun la yud rtog cing // rtogs dang brtag par bya ba med// dus gsum du'ang mi dmigs pa// 'di ni mnyam nyid ye shes yin// log rtog dbang gis spyod yul spangs// dbang po'i yul rnams dngos med dang // thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa dang // thabs chen lhun gyis grub par brtag/ 'di ni yang dag rtags pa yin// chos kyi dkyil 'khor zhes bya ba'i dam tshig ni/ bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'pho 'khor lo'i tshul// yang na rdo rje sems dpa' nyid// rigs bzhi lha dang lha mo dang // 'khor gyi khro bopo khro mo yi// yang dag 'das pa dkyil yin te// 'jig rten 'das pa 'khor yin no// tshogs kyi mchod pa zhes bya ba'i dam tshig ni/ thabs dang shes rab ldan gyur zhing // byang chub sems dang ma chags pa'i// gnyis su med par thim gyur na// tshogs chen nyid kyang rdzogs par ldan// 'dod yon lnga po thams cad dang // sna tshogs snang ba thams cad kun// de bzhin gshegs pa'i dkyil 'khor dang // gzugs

  653. 327a

    mdzes lha dang lha mor brtag/ thams cad ma lus sgra rnams ni// chos kyi sgra chen yin pa dang // ngan song sbyangs shing zar lam ston// stong gsum grags pa'i sgra chen dang // thams cad 'jal ba'i sgra yang yin// bde ba tshims byed bsod nams de// brjod med mi gnas ye shes yin// 'di ni chags med pad+ma'i gsung // chos nyid dngos po med pa la// gri yis mchog tu tshims byed pa// bsod nams tshogs chen yin par bshad// de bzhin dri yis mnyes mchod na// rigs 'dzin sa rnams bskul bar byed// ngan song gsum du chos kyi dri// kun tu bde gnas thob par byed// bde gshegs dkyil 'khor ma lus la// bde ba'i ro yis mchod par 'gyur// tshims byed bsod nams tshogs chen 'gyur// dngos por mi 'dzin ye shes tshogs// de lta bu yi ro mchog gis// thams cad kun la tshims par 'gyur// yi dwadadwags gnas su longs spyod ldan// dkyil 'khor ma lus mchod pa yis// bde ba chen po yongs rdzogs pa'i// rnal 'byor las su rung rnams kyis// rnam pa mang po brgyan pa dang // sbyor mchog dag gis longs spyod na// dkyil 'khor bsam yas lhun grub 'gyur// bde chen dkyil 'khor 'bar gyur na// sdig pa'i mun nag sel bar byed// dpung bzhi'i tshogs kyis mi thub pa'i// mthu chen dag kyang 'grub par

  654. 327b

    byed// tshogs kyi phrin las zhes bya ba'i dam tshig ni/ byed pa med pa'i tshul gyis ni// kun la thogs pa med par spyad// thams cad ma lus 'dul bar byed// mi mthun phyogs rnams 'dul bar byed// yon tan chen po 'phel bar byed// khro bo gtum po'ang zhi bar byed// thams cad kun la spyad bde ba// chags pa med pa'i tshul gyis gnas// dbyings su sdud pas dkyil yin te// 'phro 'du mang po'i 'khor gyis bskor// mnyam pa chen po'i ngang nyid ni// de lta bu yi tshul du gnas// 'khor gyi phra men tshims byed ces bya ba'i dam tshig ni/ bdag nyid 'dul ba'i dbang phyug tu// rtag tu mnyam gzhag khro bo'i tshul// 'khor rnams khro rnams de bzhin te// mdog dang phyag mtshan thams cad dang // sngags mchog dam pa ma lus gdon// de nas phra men 'khor bsdus nas// so so'i las dang mthun byas te// so so'i gnas su gzhag/ par bya// dbang du bsdu dang bsgo ba'i thabs// ji ltar 'tshams pa bzhin du byas// ma lus thams cad byos shig par// lhag ma byin nas dbang yang bskur// gzhan yang 'gro ba thams cad la// 'dod yon lnga sbyin pa gtong // de nas las rnams rdzogs byas nas// dbang phyug chen po'i gnas brten na// rigs lnga ye shes lnga la sogs// 'khor gyi dkyil 'khor ma lus pa// bdag la thams cad bsdu bar bya// de

  655. 328a

    ltar bsgrub pa'i ngang 'chang ba// ye shes tshogs gnyis rdzogs byas nas// rig pa 'dzin pa'i sa la gnas// theg dman spyod pa yongs mi 'gyur// mi khom gnas su skye mi 'gyur// skye 'chi med pa'i g.yung drung thob// sangs rgyas zhing dang sbyor bar byed// ngan song gnas rnams stongs par byed// yang dag mchog gi snying po 'grub// de nas de bzhin gshegs pa gsang ba'i snying po de kho na nyid nges pa las/ bdag dang sems can dbyer med par yang dag pa'i dbyings su 'dus shing // bdag gis rdo rje sems dpa'i zhal mngon sum du mthong ba'i don bstan pa'i phyir// ched du brjod pa 'di gsungs so// kun rdzob sgyu mar zhal mthong ba'i// thams cad mig yor sgyu ma'i tshul// srid gsum ma lus thams cad kun// chu zla'i tshul du 'drar shes shing // yul dang rtog pa gnyis med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lta spyod mthun par zhal mthong yin// rang bzhin dkyil 'khor yang dag ni// chos dbyings bdag dang dbyer med pa'o// mnyam par sbyor zhing dag pa'o// thams cad byang chub lhun grub cing // de ltar gang gis rtogs gyur pa// de ni ye shes mig can yin// de yis yang

  656. 328b

    dag snying po mthong // de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa'i mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs dang ye shes lnga// rang byung chen po'i dkyil 'khor bsgom// rtog nyid bral ba'i thabs mkhas kyis// lha gsal dngos po med bsgoms na// mthong thos la sogs myed pa'i tshul// rang gi ye shes gsal bsgoms na// rang bzhin med la cir yang 'grub// 'grub 'gyur nyid la dngos po med// ji ltar bcom ldan de bzhin gyis// bdud dpung dkyil du tA la btsugs// thams cad byang chub zhing bsdus te// gdug pa ngang gis mi dga' nas// tA la bcad bsams kyang mi chod// rdo rje sems dpa' de nyid yin// bdag dang ting 'dzin mthun gyur pas// de nyid rdo rje'i zhal mthong yin// rdo rje sems dpa' nyid bsgoms te// ting 'dzin shin tu 'dris gsal ba// thams cad rdo rje nyid du 'gyur// kun la dbang bskur cis mi tshugs// bdag dang sems dpa' dbyer med de// las mthun ji ltar snang ba bzhin// bdag dang sems dpa' lta spyod gcig/ rdo rje sems dpa'i zhal mthong yin// gzugs brnyan dkyil 'khor yang dag ni// chen por rags pa thabs su rtogs// so

  657. 329a

    so'i mtshan 'dzin shes rab rtogs// gnyis med 'brel pa thabs chen yin// kun kyang shes rab dang du gnas// snang dang gnas pa thams cad kun// de bzhin nyid las ma g.yos phyir// yod dang med pa gnyis ka min// gnas dang mi gnas dbye ru med// mnyam pa'i dbyings su thams cad 'dus// 'dus nyid dbyings su ma phye ba'i// thams cad de lta bu yi dang // mnyam nyid dbyer med cis mi gas// de nyid sems dpa'i bzhugs gnas yin// de ltar rtogs pa'i rigs mchog de// sems dpa' nyid dang rigs mthun pas// de nyid rdo rje'i zhal mthong yin// de ltar rtogs pa'i phung khams la// gzhi rtsa de bzhin nyid du gcig/ sgyu mar snang bas gzugs brnyan tshul// snang ba nyid na dngos po med// dngos med de nyid sna tshogs ston// phung po lnga nyid de bzhin gshegs// dbang po rnam shes byang chub sems// yul dus bo d+hi chen po yin// bdag rtogs rnam bzhi khro bo yin// rtag chad mu bzhi khro mo yin// de sems rang rig nyid ces bya// thams cad dbyings gyur kun tu bzang // de nyid rdo rje sems dpa' yin// gang zhig de ltar rtogs gyur na// sems dpa' nyid dang dgongs mthun pa// de nyid rdo rje'i zhal mthong yin// chos rnams ma lus thams cad kun// ming dang tshig dang yi ge dang // sgra yis mtshon nam

  658. 329b

    don ston pa// kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang // snang ba nyid na gang yang med// bya byed sna tshogs kun byed kyang // dngos po med de yang dag nyid// de ni cis kyang mi tshugs pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang zhig de ltar rtogs pa yi// rigs mchog dam pa'i rgyu yin te// rdo rje'i rigs dang dbyer med phyir// de nyid rdo rje zhal mthong yin// skyes bu blo rtsal rab ldan pas// kun dang dbyer med don rtogs te// 'bras bu mngon du ma gyur kyang // byang chub sems la gnas bcas pas// dper na mngal dang sgo nga bzhin// mngon du mi 'byung bsgribs gyur kyang // rtsal chen 'dul ba 'byung ba bzhin// rnam rtog gzugs ni bor ma thag/ thams cad kun la dbang bsgyur zhing // rigs mchog dam pa 'dzin par 'gyur// rdo rje sems dpar mnyam pa yi// dngos grub mchog rnams yongs su rdzogs// bde ba can gyi zhing yang 'thob// byang chub mchog la rol par 'gyur// lha mi rnams kyi ston pa'o// lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i rigs mchog kun la spyod// tha mar skye rga na 'chi 'di la sogs pa yi// sdug

  659. 330a

    bsngal zad pa'i go 'phang 'thob// rdo rje'i rigs mchog 'dzin 'gyur te// thugs rje chen po'i byin rlabs kyis// 'gro ba ma lus thams cad kun// rdo rje'i rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rang byung tshul// bla med theg par sangs rgyas tshul// lhun grub rnams la rdo rje dbyings// kun la mthun pa'i tshul ston yang // de bzhin dbyings las g.yos pa med// ma g.yos bzhin du kun tu ston// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// nyid la nyid de skad brjod do// gsang ba'i snying po de kho na nyid nges pa las/ skyes bu dam pa blo rtsal rab kyis rdo rje sems dpa' zhal mthong ba'i le'u ste sum cu pa'o// // dbang po yul du snang ba kun// yul rnams yod pa ma yin te// kun gzhi'i rnam par shes pa nyid// dngos po sna tshogs snang ba ste// snang ba'i dngos po rnam bshigs na// so so'i mtshan nyid dngos med pas// gzhig na nam mkha'i ngang du zhi// nam mkha' de nyid lngas bshigs na// mtshan nyid med pa'i ngang du thim// thams cad kun gyi 'byung gnas so// gzhi rtsa med pa'i skad

  660. 330b

    cig ma// snang ba mi 'gog thabs yin te// rang bzhin med pa shes rab nyid// nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan ma so sor 'dzin// kun gzhi dngos po med pa la// bag chags stsogs pa'i gnas med de// snang ba'i dngos po med pa la// nyon mongs blo yis blang du med// bsgo dang bsgo bar bya ba med// de ltar sgo byed dngos po med// med bzhin sems kyis log brtags pas// khams gsum btson rar rtag tu 'khor// yid kyi rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma 'grub na// yul gyi dngos po ga la 'grub// yid kyi de bzhin rgyun nyid ni// snga ma 'das shing mi dmigs pa// phyi ma ma byung brtag tu med// da ltar rang bzhin dmigs su med// rtsi shing ka na rlung 'phyo/ 'dra// rgyud ni yongs su ma chad pa// 'di ni kun tu 'byung ba yin// de ltar don rnams dngos po med// chu dang rlung dang rlabs 'dra ba// de gsum gcig dang so so min// de bzhin kun gzhi nyon mongs yin// gcig pa ma yin so so min// chos kyi dbyings dang mnyam pa'i dbyings// thams cad ye shes dbyer med cing // gcig tu yang ni brjod pa med// de ltar ma rtogs sems can yin// rtogs na sangs

  661. 331a

    rgyas gud na med// byang chub sems kyi de bzhin ni// shin tu mi dmigs brtag dka' ba// yangs la rgya che gting zab pa// shes rab zab pas rtogs 'gyur te// gang nas mi 'ong gar mi 'gro// 'ong dang 'gro bar bya ba min// shin tu brtag dka' mi dmigs pa// mtha' dang dbus kyang brtag tu med// gzung 'dzin bral ba'i de bzhin nyid// dmigs med tshul du de ltar snang // dbyings dang dbyings kyi ye shes kyang // rang rig kho na tsam du zad// sems can ma lus thams cad kyis// de ltar khong du chud par byos// nyon mongs sdug bsngal med pa dang // bla med 'bras bu thob par 'gyur// sems can ma lus thams cad la// snying rje'i thag pa ma chad par// nyon mongs lam las grol byed cing // byams pa dag gis mnyes par gyis// de bzhin 'khor ba'i btson ra la// snying rje'i zhags pa cher brkyangs nas// nyon mongs 'dam nas 'dren par byed// snying rje chen pos skyong bar byed// de bzhin skye bo phal rnams la// las kyi sgribs pas mi gos shing // thams cad mngon par sangs rgyas par// dga' ba dag la 'gyod ma byed// sems can nga dang bdag med la// thugs rjes gnyis rtogs mi byed de// bu gcig 'dra bar blo gzhag bya// thams cad dri ma med par bya// chos rnams thams cad stong pa bas// de la dngos

  662. 331b

    dang rtog pa med// nam mkha'i ngang du gnas pa la// de la bcos shing bsgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// mtshan nyid med pas mi dmigs so// 'jig rten 'das dang 'jig rten pa// chos rnams sna tshogs snang ba yang // bdag las gzhan pa ma yin pas// kun la smon cing chags su med// byang chub sems rnams thams cad ni// shin tu brtag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de nyid ji lta bu// byang chub de nyid sems yin no// sems dang byang chub dbyer med pas// sems can ma lus thams cad dang // dus gsum chos rnams thams cad yin// thams cad ma lus chos so cog/ sems dang byang chub nyid du 'ub// bo d+hi chen pos de skad bshad// skyes bu blo rtsal rab ldan pas// ci la'ang thogs pa med par bshad// spyad pa nyid na chags pa med// dus mtha' med par ma nyams gnas// 'di ltar snang ba thams cad la// mngon sum tshad mas rtag mthong yang // snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces// med pa'i rang bzhin rtogs pa ste// ri bong rwa dang mo gsham bu// tshig tsam gdags su rung mod

  663. 332a

    kyi// thams cad ming tsam stong nyid med// thams cad ma lus stong zhes te// dran med rdos pa ma yin pas// rtog med rang bzhin 'od gsal zhing // 'di ltar snang ba thams cad kun// gdos po can gyis chos med do// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing bzhag tu med// yod las btsal na sgro btags 'gyur// med las btsal na skur btab ste// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste// de yis mi mkhyen ci yang med// rnal 'byor lta ba de lta bu// tshig gis snga phyi yod mod kyang // don gyis cig char rdzogs par bsgom// de lta bu yi don rtogs na// 'gro nyal 'dug sdod longs spyod kyang // theg chen bsgom las nyams pa med// gang gis don ltar ma rtogs pa'i// blo ngan mnyam par khungs phyung nas// ma rtogs le lo snyom las byas// don ma grub par ngan song 'gro// sems kyis mnyam par ma rtogs na// tshig gi mnyam pas 'tshang mi rgya// de bas don tshig ldan par byos// 'on tang the tshom med par 'grub// rnal 'byor don chen rtogs pa yis// dus mtha' med par de ltar bsgom// yon tan nam mkha'i mtha' dang mnyam// spyod yul sangs rgyas nyid du

  664. 332b

    gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes gsang ba'i tshig tu'o// rgyud kyi rgyal po sgyu 'phrul dra ba las dbang po dang yul du 'dus par bstan pa'i le'u ste so gcig pa'o// // de nas de bzhin gshegs pa gsang ba'i snying po de kho na nyid nges pa las/ sngags 'chang rnams don yod par bya ba'i phyir// thams cad phyag rgyar 'dus shing phyi nang snod bcud thams cad la/ 'di ltar brtags shing phyag rgya'i dam tshig bsrung ba dang / dam tshig ni gnas yin no// phyag rgya bsdus shing spros pa yang 'di yin te// ched du brjod pa 'di brjod do// gsang ba de nyid kho na las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus pa'i// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba min// de bzhin nyid kyi ngang du 'ub// 'jig rten 'das dang 'jig rten pa'i// brjod pa ma lus thams cad kun// chos nyid ngang las ma gtogs pa// log rtog nyon mongs rdul tsam med// phyag rgya sna tshogs 'od 'bar yang // de bzhin nyid las ma g.yos te// bdag nyid dbyings las mi gzhan phyir// mnyam la mnyam par gnas pa yi// rnam gsum tshul gyis bsgom byas

  665. 333a

    shing // phyag rgya skyed cing log 'dul ba// bya byed med pa'i tshul gyis su// las rnams rab tu rdzogs par byed// de ltar rtogs shing rigs kyi mchog/ bdag nyid phyag rgya kun gyi bdag/ ye nas rang bzhin 'od gsal bas// byang chub skye 'khrungs rgyu yang yin// 'bras bu yang dag nyid du'o// rgyu 'bras dbyer med rdo rje'i sa// bcu gsum don grub bde gnas sa// mthar phyin gang la'ang mi gnas pa'o// rang bzhin phyag rgya chen po ni// phyi nang snod bcud thams cad kun// thams cad shes rab dang du gnas// rigs lnga bde gshegs yab yum du// ma bcos ye nas de ltar gnas// thabs dang shes rab nyid la rol// de nyid ma chags tshogs chen po// yang dag nyid la rab tu rdzogs// lhag pa'i phyag rgya chen po ni// nang gi rtags ni phyir byung ste// mdor bsdus phyag rgya drug pa dang // gzhan yang phyag rgya sna tshogs pa// lag gi 'du 'phro bsam yas dang // yan lag stobs chen bskul bsigs kun// nyid kyi dbyings las ma g.yos kyang // rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lha// thams cad kun la 'bigs par byed// dpa' bo zhes kyang gdag par bya'o// las dang las kyis mi gos pa// gnyis med dbyings kyi don rtogs shing // ma chags pa la chags pa

  666. 333b

    dang // shin tu rnam par dag pa yi// de bzhin nyid dbyings dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni mi zad par ldan pa'o// sku gsung las rnams rdzogs byed pa'o// rnam par rtog med tshul gyis ni// thams cad kun la chags med rol// gdul ba'i don chen bsam mi khyab// 'joms dang ma chags kun 'byung dang // thams cad dbang bsdus don 'grub pa// ma lus kun 'dus rnam par dag/ kun nas zlum zhing 'od zer 'phro// rigs bzhi ma lus thams cad kun// mnyam rdzogs dbyings su thams cad 'dus// rigs rnams gnyis med gcig pa ste// lhun grub dkyil 'khor ngang nyid du// phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgyas btab na// sems can kun gyis yongs mi 'da'// de bzhin mnyam nyid phyag rgya yin// kun la khyab cing thams cad snang // sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs nges na// 'di lta bu la rtag tu gnas// de lta bu yi blo med na// rdo rje'i rigs su yongs mi bshad// gsang ba'i snying po de kho na nyid nges pa las/ phyag rgya'i dam tshig gi le'u ste so gnyis pa'o// // gsang ba'i snying po de kho na nyid

  667. 334a

    nges pa las/ glu gar rtse 'jo bro gar gyi dam tshig ces bya ba 'di/ nges par ched du brjod pa 'di brjod do// phyogs bcu mtha' yas dus bzhi yi// thams cad dbyer med maN+Da la'i// nyi zla shar ba'i gzhal yas la// pad+ma chags med gdan bting nas// rin chen zad med pho brangs// che chung tshad ni dpag med pa'i// byang chub bde gsal dkyil 'khor la// bde ldan byang chub rab bkod nas// ma lus kun bsdus dbyings bsdus nas// lus bskyod yan lag bskul bsig dang // dbang po lnga yi lta spyod kun// phyag rgya chen po yin par bshad// gong gi dkyil 'khor gsal bsgoms nas// bdag nyid dbyings las mi gzhan phyir// mnyam la mnyam par gnas par bsgom// bdag nyid lha yi dkyil 'khor du// lhag pa'i dkyil 'khor gsal bsgoms nas// bro thabs gar gyi phyag rgya dang // glu dbyangs tshig gi sgra bsgrags shing // phyogs bcu'i skye gnas ma lus kun// rdo rje lhun grub sku mthong zhing // chos kyi dung chen sgra yang thos// sgrib gnyis byang nas byang chub 'grub// bde mthong rnyed pa grags 'gyur ba// bsod nams tshogs chen 'grub par 'gyur// thabs dang shes rab ldan gyur nas// thams cad dbyer med dbyings su sbyor// gnyis med dbyings gyur byang chub sems// 'od zer 'bar bas phyogs bcur

  668. 334b

    gsal// sangs rgyas zhing sbyang rig 'dzin bskul// ngan song gsum rnams dag par byed// thabs dang shes rab ldan gyur nas// sangs rgyas dkyil 'khor ma lus 'byung // rgyur byas 'bras bu smin grub na// dkyil 'khor bzhi bcu rtsa gnyis rdzogs// bde ba'i thabs chen thabs kyi mchog/ shes rab bde mchog brtan ldan rdzogs// rdo rje dril bu yang dag ldan// rak+ta byang chub dum gcig 'bar// gnyis med zung du 'brel gyur na// bde gshegs dkyil 'khor ma lus 'byung // rnal 'byor thabs dang shes rab ldan// rgyan mchog mdzes pas kun brgyan nas// ting 'dzin 'od 'bar gsal bsgoms te// phyogs bcu gang 'bar dkyil 'khor spro// ma lus dkyil 'khor bdag nyid che// mi dmigs dbyings nas dkyil 'khor mchod// spyan gyis gzigs dang snyan gyis gsan// dri dang ro dang reg bya'i gnas// thabs dang shes rab nyid gnas shing // bde mchog ro yis tshims par byed// spyod bzhin chags dang gnyis med par// tshogs chen dag kyang rdzogs par ldan// b+h+rUM dang tsakra'i dkyil 'khor du// nyi zla 'khrugs pa'i sa gzhi la// ma chags pad+ma'i gdan bting nas// thabs dang shes rab chags med tshul// yan lag dbang po thams cad kun// rang bzhin yongs kyis dag pa dang // ting 'dzin de bzhin gshegs pa lnga'o// ye

  669. 335a

    nas ma bcos yongs kyis te// lhag pa'i ting 'dzin dkyil 'khor gyis// dbu la de bzhin gshegs pa'i 'khor// yan lag bzhi la rigs bzhi'i 'khor// kha dog dbyibs dang phyag rgya dang // thabs dang shes rab gsal bsgoms te// phyogs bcur spro zhing ngan song sbyong // gnas su bsdu zhing dkyil 'khor bstim// 'das dang ma 'das thams cad kun// bde gshegs zhing du rnam par sbraspang // yan lag chen po lnga bskyod na// rigs lnga'i dkyil 'khor ma lus g.yo// 'gro lnga byang chub lam du 'dzud// snyigs ma lnga yang rnam par dag/ bzang mdzes legs pa'i gos bgos na// 'od zer sna tshogs 'phro bar 'gyur// de nas mthar thug med pa'i bar// ye shes lnga yis brgyan par 'gyur// skyes bu blo rtsa la rab ldan pas// rtag tu dkyil 'khor de ltar bsgom// tshig tsam ma yin blo gting gi// bdag dang dbyer med nyid du'o// thabs dang shes rab ldan gyur nas// shar gyi phyogs su kha bltas te// seng ge'i stabs chen mchongs par bya// lce dkyil yi ge hrIHbsgoms nas// lce ni 'bum phrag bsam yas dang // hrIHyang bsam gyis mi khyab spro// phyogs bcu dus bzhi bsam yas su// gsung gi dkyil 'khor 'od 'bar ba// gsung gcig dkyil 'khor yan lag ni// bsam gyis mi khyab kun tu grags// sgra dang

  670. 335b

    ming tshigs so sor gsal// ljags kyi dbang po bkram nas gsungs// thar dang ma thar gnyis ka brjod// nges pa kho na yang dag tu// de bzhin nyid kyis yongs ma gsungs// rna ba'i dbang po'i dkyil 'khor du// tAM gi yig 'bru gsal bsgoms nas// rna dkyil phyogs bcu dus bzhi yi// mtha' yas bsam gyis mi khyab spro// tAM yang bsam yas 'od 'phro 'bar// phyogs dus dkyil 'khor ma lus thos// 'gro drug 'khor ba'i gnas kyang thos// sgra dang thos pa gnyis med pa'o// de bzhin dri dang ro reg rnams// so so'i mtshan nyid gsal bsgoms nas// yig 'bru'i snying po de bzhin dgod// sangs rgyas dkyil 'khor ma lus dang // 'gro drug ma lus thams cad kun// chags pa med pa'i tshul gyis rol// dri la sogs pa bde mchog gis// kun la tshim par yang dag mchod// 'gro drug ma lus thams cad la// ji ltar 'tshams pa'i don yang byed// thabs mkhas thugs rje de ltar ston// kun byas byang chub nyid du'o// de bzhin rigs dang rdo rje'i rigs// ma chags la sogs shes rab ldan// gtso bo lnga dang gtso mo lnga// thabs dang shes rab ldan bsgoms te// tshom bu gcig gam yang na gsum// lnga yi dkyil 'khor rab bsgoms te// thabs dang shes rab phan tshun du// lha gsal 'od 'phro bstim byas te// dkyil 'khor 'od zer 'bar bar

  671. 336a

    bsgom// ting 'dzin shin tu gsal bsgoms nas// bdag dang phyogs bcu dbyer med par// gnyis su med par bsgom par bya'o// de nas thabs dang shes rab gnyis// blta spyod ya char ma gyur par// dkyil 'khor dag la gsal bsgoms nas// dbus nas shar phyogs kha bltas nas// rkang pa'i stabs chen bskyod byas shing // lag gi 'du byed kun bskyod nas// bro dang gar gyi phyag rgyar bya// dkyil 'khor 'od zer dkar 'phro ba// byang chub sems dpa' rnam par dag/ shin tu gsal dang 'od zer 'bar// thabs dang shes rab bde 'grub shog/ cis kyang mi tshugs rdo rje yis// bdud bzhi dag ni 'joms par byed// theg mchog rdo rje'i rigs 'dzin sa// thabs dang shes rab bde 'grub shog/ bdag nyid rig pa'i rdo rje yis// nyon mongs sdug bsngal med par shog/ me long lta bu'i ye shes kyis// thabs dang shes rab gsal 'gyur shog/ nyon mongs sdug bsngal rtsad bcad nas// ma rig mun pa med par byed// thugs rje'i 'od zer nyi shar bar// thabs dang shes rab 'od 'bar shog/ shin tu sra zhing skye shi med// rdo rje'i thugs rje rol ston pa// 'gro la thugs rje yongs kyis 'byung // thabs dang shes rab byams ldan shog/ thabs dang shes rab ldan gyur pas// yon tan phyogs su kha bstan te// lus bskyod yan lag bskul

  672. 336b

    bsigs nas// stabs chen dag kyang brdung bar bya// dkyil 'khor ma lus 'byung ba'i gter// zad med nor bu rin po che// ma lus kun gyi re ba skong // thabs dang shes rab bde 'grub shog/ nam mkha'i dkyil gyi mdog bstan pa// yang na thams cad gser btso ma// dkyil 'khor bsam yas zad mi shes// thabs dang shes rab myur 'grub shog/ yon tan rin chen bsam yas kyang // thams cad mnyam pa'i nga gnas nas// de bzhin mnyam nyid ye shes te// thabs dang shes rab mnyam 'gyur shog/ bde gshegs yon tan rmad po che// ye nas chags med byang chub zhing // yang dag nyid du thams cad gnas// thabs dang shes rab myur 'grub shog/ thabs dang shes rab ldan gyur pas// nub phyogs su ni kha bltas nas// yan lag dang po bskyod byas te// gar rnams shin tu gsal byas nas// stabs chen dag kyang brdung bar bya// chos rnams ma lus kun spyod kyang // pad+ma la ni 'dam bzhin no// chags pa med pa'i tshul gyis gnas// thabs dang shes rab bde 'grub shog/ las dang nyon mongs nub gyur pa'i// bag chags mtshan ma rdul tsam med// thabs dang shes rab myur 'grub shog/ byang chub chags med dkyil 'khor ni// gang nas ma 'ongs nyid kyi dbyings// mi gnas tshul gyis dbyings na

  673. 337a

    bzhugs// thabs dang shes rab myur 'grub shog/ thabs dang shes rab ldan gyur pas// byang phyogs su ni kha bltas te// lus bskyod yan lag gar byed cing // phyag rgya so sor gsal gyur nas// rkang pa'i stabs chen brdung bar bya// yang dag rtogs pa'i shes rab kyis// bskal pa bsam gyis mi khyab pa'i// sgrib pa thams cad byang byas nas// thabs dang shes rab myur 'grub shog/ sku ga sung thugs kyi byin rlabs kyis// bdud bzhi bcom nas mi mthun bsal// bya byed med la don rnams 'grub// thabs dang shes rab myur 'grub shog/ thams cad ma lus rdzogs byed pa// sna tshogs ma lus 'gyur ba'o// ljang gu'i tshul du mdog bstan pa// thabs dang shes rab myur 'grub shog/ thams cad ma lus don grub pa// las rnams ma lus rdzogs par byed// nan tan chen po'i bya ba rdzogs// thabs dang shes rab myur 'grub shog/ sdug bsngal dra ba tshar bcad de// dkyil 'khor ma lus kun byas kyang // gang nas ma 'ongs gar mi 'gro// thabs dang shes rab myur 'grub shog/ bde gshegs ma lus thams cad kun// phyogs dus kun tu bdag nyid che// mi dmigs thugs kyi dkyil 'khor du// ma lus kun 'dus rnam par dag/ thabs chen dkyil 'khor yang dag pas// bde gshegs kun la rnam par 'phro// thabs

  674. 337b

    dang shes rab ldan pa yis// bde ba'i dkyil 'khor mkhas pas bsdu// thams cad ma lus rigs bzhi yi// nang du ma 'dus gang yang med// de nyid bde gshegs dkyil 'khor nyid// thabs dang shes rab bde grub shog/ rigs lnga'i dkyil 'khor dbus bsdus shing // ye shes lnga yi 'od zer 'phro// phyogs bcu gsal bar gang gyur nas// thabs dang shes rab 'od 'bar shog/ de bzhin rigs mchog 'dzin pa yi// thams cad ma lus dbyings bsdus te// thams cad kun tu bzang por ston// thabs dang shes rab gtsor 'grub shog/ thugs rje chen po'i byin rlabs kyis// phyogs dus gnas pa ma lus la// chos kyi 'khor lo chen po bskor// thabs dang shes rab mchog 'grub shog/ 'gro ba ma lus thams cad la// de bzhin nyid kyi rgyu yod pas// ma mthong rmongs la nam mkha'i mdog/ thabs dang shes rab dbyings 'grub shog/ sku ni sna tshogs cir yang snang // thabs chen rnams la mnyam pa'i tshul// nyan thos rnams la dgra bcom tshul// rang rgyal rnams la bse ru'i tshul// pha rol phyin rdzogs shAkya'i tshul// lha mi rnams la dge bcu'i tshul// dud 'gro rnams la e na ya// gzhan yang 'gro ba thams cad la// ji ltar 'dul ba bzhin du ston// de lta bu yi skur ston pa// thabs dang shes rab sku 'grub shog/ thabs dang shes rab ldan

  675. 338a

    bsgoms nas// rgyan lnga yis ni rnam par brgyan// yan lag lnga la dkyil 'khor dgod// ye shes rgyan gyis bro yang brdung // gnyis med dkyil 'khor zlum po'i tshul// mtha' dbus med pa'i dkyil 'khor du// lhun grub tshogs chen byang chub tu// thabs dang shes rab myur 'grub shog/ chos dbyings dam pa bdag med pa// mi dmigs dbyings su ma lus 'dus// mnyam dang mi mnyam dbyer med pas// thabs dang shes rab dbyings 'grub shog/ bde gshegs dkyil 'khor dbu bskyod na// sangs rgyas zhing khams ma lus g.yo// lag gi 'du byed bsgral bskyod na// rig 'dzin zhing khams dag par byed// rkang chen dag gis stabs mchongs na// 'gro drug gnas rnams stongs par byed// spyan gyis phyogs bcur bltas byas na// bdud bzhi'i dpung rnams pham par byed// thabs dang shes rab ma lus kun// de lta bu yi don 'grub shog/ thams cad ma lus de bzhin te// de ni gang yang mi dmigs la// skye dang 'gag dang gnas pa dang // 'ong dang 'gro ba'i dngos po med// rnal 'byor bro gar rtsed 'jo dang // sna tshogs byed la byas pa med// de nyid rnam pa sna tshogs pa'i// rnal 'byor las rnams 'grub par shog/ thabs dang shes rab thams cad kyis// de lta bu yis longs spyod na// sangs rgyas dkyil 'khor

  676. 338b

    ma lus mnyes// srid gsum 'gro ba thams cad la// dga' ba chen pos khyab par 'gyur// lus ma spangs par rig 'dzin sa// yun ring chos kyi bde spyad nas// bla med rdo rje sems dpa' yis// dpe byad mtshan gyis rnam par brgyan// mngon shes drug ldan thams cad mkhyen// tshogs chen gnyis kyang rdzogs par rol// sangs rgyas zhing la dbang bsgyur te// spyod yul kun tu maN+Da la// ji ltar dmigs pa bzhin du 'grub// rnal 'byor las su rung rnams kyis// de lta bu yis las rnams bya// 'bras bu mngon du ma gyur kyang // lus ngag yid la dbang thob nas// sangs rgyas 'byung dang skal mnyam 'gyur// theg pa dman par yongs mi byed// ngan song gsum du yongs mi ltung // gnas ngan longs spyod mi bde ba'i// gnas ngan sa ru yongs mi ltung // rdo rje'i theg mchog brjed mi 'gyur// tshe ring bde ba phun sum tshogs// lus byad bzang zhing yan lag rdzogs// dbang po tshang zhing lhag chad med// skad gdangs snyan zhing 'gro don byed// bdag gis longs spyod thams cad kun// gzhan la gnod pa med par 'grub// chen po che yi mthu sa ldan// 'gro ba'i don du yang dag byed// gzhan la gnod pa yongs mi byed/ snying rje che zhing shes rab ldan// mthu stobs che zhing thabs ldan pa// bdag dang gzhan don rdzogs par spyod// mthar ni skye shi

  677. 339a

    med pa'i sa// sangs rgyas yon tan rin po che// bkod pa'i gzhal yas thams cad la// dbang bsgyur spyod pa'i dngos grub thob// rnal 'byor gang zhig 'di 'dra'i don// ljags kyi dbang po bkram nas ni// gsang don nges pa'i don ston pa// bla med mchog tu 'grub par shog/ bla med byang chub thor tshugs can// shin tu bstan pa'i ri bo gnas// mu stegs rlung gis tshugs mi 'gyur// theg mchog rdo rje de lta bu// dkyil 'khor mi zad 'byung ba'i gter// yid bzhin nor bu rin po che// byi dor byas shing shin tu gsal// bskal pa grangs med gnas gyur kyang // sku ni shin tu gzhon pa'i tshul// skye shi med pa rdo rje yi// thams cad 'byung ba'i gter yin te// yon tan phun sum tshogs dang ldan// bla med byang chub 'grub 'gyur nas// ye shes rdo rje 'grub par shog/ tshogs chen gnyis kyang rdzogs gyur cig/ thams cad kun gyi ston pa po// thams cad mkhyen pa'i go 'phang brnyes// sangs rgyas zhing la dbang byed shog/ de rtogs kun kyang rdo rje'i rigs// sku gsung thugs kyang 'grub par shog/ rnal 'byor thabs dang shes rab tu// ldan pa rnams kyis dus thams cad// 'dod pa'i yon tan lnga spyad cing // glu dang gar dang bro thabs bya'o// gsang ba'i snying po de kho na nyid nges pa las/ bro gar rtsed 'jo'i le'u ste so gsum

  678. 339b

    pa'o// // sgyu 'phrul dra ba le'u stong phrag brgya pa las mtshan nyid dang lung gi spyi gsang ba'i snying po de kho na nyid nges pa las sgyu 'phrul le lhag bstan pa'o// / rgya gar skad du/ badz+ra sa twa mA yA dz+wa la gu h+ya gar+b+ha ta twa de sha ma hA la Di ta tan+t+ra na ma/ bod skad du/ rdo rje sems dpa' sgyu 'phrul dra ba las/ gsang ba'i snying po de kho na bstan pa rol pa chen po'i rgyud ces bya ba/ bcom ldan 'das dpal kun tu bzang po la phyag 'tshal lo// de nas de bzhin gshegs rnams kyi// bdag nyid kun tu bzang po'i gtso// sangs rgyas kun gyis dbang bskur zhing // thams cad 'dus pa'i bdag nyid mchog/ rang gi dkyil 'khor rgya chen pos// phyogs bcu'i stong gsum kun gsal mdzad// rigs kyi phrin las sna tshogs pa'i// kun don dkyil 'khor chen po nyid// rang bzhin sprul pa bdag nyid kyis// 'khor lo gsang ba'i gnas chen bzhugs// thabs dang shes rab rol pa'i dbyings// ma lus kun 'dus 'bras bu'i mchog/ kun nas sprul pa'i dkyil 'khor dang // gsang sngags zab mo'i theg pa kun// ye shes gsal ba'i bdag nyid can// yon tan kun rdzogs phrin las mdzad// 'di dag dkyil 'khor sna tshogs pa'i// rol pa kun 'jug rgyu yi gnas// tha dad min la tha dad snang // dkyil 'khor

  679. 340a

    kun nas sna chags pa'i// 'og man ldan gyis grub pa'i gnas// mtha' dang dbus med 'bral ba'i bdag/ mangs pa'i rin chen kun gyis brgyan// chad med ma shes 'bar ma'i gnas// chos tshogs mtshan ma'i gnas 'joms shing // ma bkod ye nas brgyan pa yi// rigs kyi yon tan kun 'byung gnas// yang dag tshul gyis log lta 'joms// mya ngan kun bral grong khyer che// khang pa gru bzhi sgo khyud bcas// phyogs bcu rgya yongs ma chad pa/ yon tan dpag tu med par bklubs// chos nyid snang ba'i bdag nyid can// ye shes nyi shu rtsa lnga'i bdag/ rang rig don mthun rtags kyi tshul// rtse mo nor bu 'bar ba la// rigs kyi mtshan ma rgyan du bcas// ngo bo gnyis med 'khyil pa'i bdag/ de las bsam yas grangs med pa'i// tha dad sna tshogs 'jigs pa med// de bzhin nyid snang rang bzhin med// dbyibs dang kha dog rnam skrangs pa'i// rnam pa tha dad bye brag mchog/ khyad par yon tan gnas kyis mdzes// lha dang mi sogs tshad 'das shing // dpag med rigs kyi rgyan rnams dang // kun nas sprul pa'i lha mo'i tshogs// kun nas rgya yang ma chad pa'i// phreng ba chun 'phyang shar bu dag/ ye shes bkod pa ma 'dres pa'i// 'dod yon tshogs kyis rnam par bklubs// phyogs bcu kun nas 'khrigs pa yi// rang byung zhi rgyas

  680. 340b

    dbang drag brgyan// mtha' yas mdzad pa kun ston cing // tha dad spangs pa'i tshul gyis gnas// sgrib med gsal ba'i bdag nyid can// bsam 'das rgya chen grangs mang kun// stong smon mtshan med 'od gsal sgo// sangs rgyas theg pas rnam par spras// phyi nang gsang ba zab mo yi// rnam thar brgyad kyi rta babs ldan// phyi dang nang med ye shes dngos// mtha' dbus med pa'i bde chen dbyings// rgyu rkyen lam dang thabs kyi chos// de dag 'bras bu'i bdag nyid can// mi 'jigs rnams dang stobs bcu dang // rdzu 'phrul rkang pa dbang bcu yis// thogs med gangs chen mtsho lnga'i bdag/ mtshan ma rtags kyi gnas rdzogs shing // thugs rje byang chub sems nyid ldan// kun nas ma chags rnam par dag/ kun 'byung rin chen brtsegs pa'i khri// kun tu sgrib pa med pa'i mchog/ thams cad rang gi dkyil 'khor nyid// de dag nyi shu rtsa lngas brgyan// rnam par bkod pa'i sgra chen po// thams cad gsal ba'i byed pa mchog/ thams cad ma 'gags theg pa'i tshul// zab mo rgya chen gsang ba'i sngags// don kun nges par gcod byed pa'i// rang gi ye shes 'gyur ba med// mtshan mchog sum cu rtsa gnyis dang // dpe byad brgyad cu'i bdag nyid can// dus gsum sangs rgyas thams cad kyi// phrin las 'jigs byed snyems dang bral// chos sku spyi yi bdag

  681. 341a

    nyid can// nyi shu rtsa lnga'i gnas rdzogs pas// rigs kyi dkyil 'khor thugs kyi bdag/ nyi shu rtsa lngas mngon par rdzogs// bsam gyis mi khyab thams cad kun// sku dang gsung thugs bdag nyid che// A li kA li mnyam gnas pa'i// zhabs gnyis pad+ma bsnol ba'i rgya// brtul zhugs skyil krung rigs kyi bdag/ kun nas thabs dang shes rab rdzogs// ye shes drug gi bdag nyid kyi// phyag rgya rin chen 'bar bas mtshan// rdo rje 'khor lo rin po che// dril bu pad+ma ral gri 'bar// mthing ga dkar dang dmar ba'i mdangs// rigs kyi rin chen dbu rgyan mdzes// cod pan sangs rgyas kun gyi bdag/ drug pa'i rigs rnams kun gyi gnas// zhal gsum phyag drug mnyam pa'i stabs// rin chen 'bar bas nye bar spras// gtso bo chos kyi mdzod snyems pa// kun bzang yum dang 'khril ba'i tshul// gnyis med byin rlabs ma 'gags pa'i// gtso dang sprul pa'i dkyil 'khor nyid// rdo rje chen po thugs kyi mchog/ rigs bdag rgyal po'i ngo bo nyid// bde gshegs 'khor lo sku yi dbyibs// zhing khams mtha' yas rgyal ba'i tshogs// yon tan rin chen che gnas 'byor// de dag gdod nas kun rdzogs mdzad// gsung gi pad+ma rnam par dag/ chos kyi rgyun gyi ting nge 'dzin// phrin las kun gyi mthar phyin pas// rigs kyi dkyil 'khor

  682. 341b

    kun rdzogs mdzad// chos dbyings me long mnyam pa nyid// so sor kun rtog bya ba grub// nyon mongs lam kun rnam dag pa'i// rigs kyi bde gshegs thams cad mkhyen// byang chub sems nyid 'gyur ba med// ma 'dres las kun rnam par dag/ yon tan tshogs kun lhun grub cing // chags pa chen pos kun spyod pa// de dag phrin las sna tshogs kyis// rang rig zhing khams chen por sbyor// phyogs bcu kun nas 'khrul pa yis// 'byung ba che ni rnam par dag/ gsal snang rdo rje dbang phyug dbyings// sra mkhregs bde gshegs phyag rgya ste// sdud cing gzung med yon tan dbyings// gsal dro smin pa pad+ma'i chos// spyod pa'i phrin las kun rdzogs pa'i// don mthun rtags kyi phyag rgya nyid// btsun mo dam pa'i cha lugs kyis// de dag dkyil 'khor bstan par mdzad// dam pa chos kun sna tshogs pa'i// tshul rnams yang dag rdzogs pa'i sku// khams gsum sbyi nas rnam dag cing // zag med rigs kyi dkyil 'khor nyid// til gyi gang bu ji lta bar// bar mtshams med par mtha' yas pa'o// de tshe 'khor gyi byang chub sems// dkyil 'khor chen po'i phyogs kun nas// rdo rje bkod pa'i gar dang ni// glur bcas mngon par 'khod gyur pa// rgyu dang 'bras bu'i bdag nyid can// smon lam thugs rje'i stobs rdzogs pa'o// dkyil 'khor chen po'i

  683. 342a

    gnas mdzes par// ye shes 'gro nas rnam par dag/ byang chub sems nyid sa chen po// kun khyab rdul phran nam mkha' nyid// thugs rjes pad+ma sna tshogs ston// las kyi phrin las stobs rdzogs gnon// rnam shes bzhi yi bdag nyid kyis// de dag yul bcas dag par mdzad// thabs bcas ma 'dres byams pa'i stobs// sgrib med mun pa'i tshogs sel zhing // kun nas spyod pa bzang po nyid// shes rab chen po mthar phyin pa// gsung gi dbang po rnam dag pas// rigs kyi ye shes gsal bar sbyor// ma lus gzugs sgra dri ro'i tshogs// lha mo'i dkyil 'khor rnam par dag/ de dag thabs dang shes rab kyis// yi ge'i gnas kun mnyam pa nyid// kun nas kun tu bsam yas pa'i// dus rnams lha mo'i bdag nyid do// mi mthun mtshan ma'i phyogs 'joms byed// der rdzogs gnyen po'i stobs dang ldan// phyogs kyi don rnams 'joms mdzad cing // phrin las rigs kyi ye shes rdzogs// lus kyi chos kun rnam dag pa'i// khro bo chen po'i mthu stobs ldan// rtag chad mtshan ma'i g.yul rnams 'joms// tshad med bzhi rdzogs rtog gnas sel// lcags kyu zhags pa lcags sgrog dril// phyi nang dkyil 'khor brtan mdzad cing // rigs kyi 'khor lo kun rdzogs dag/ stong khams kun tu mtha' yas par// de dag dkyil 'khor

  684. 342b

    gsal bar snang // gnyis med mnyam pa chen po'i sku// grangs med brjod kyis mi lang ba// gnyis su med par brtan par bzhugs pa'o// de nas rigs kyis sangs rgyas kun// rang gi dkyil 'khor ji lta/ bar// mi rnams don kun bstan mdzad de// ma 'dres stobs kyis rnam par spags// de tshe bde gshegs mthu stobs kyis// sku gsung byin brlabs bsam yas dang // dkyil 'khor bkod pa kun snang mdzad// sku gsung thugs kyi rnam 'phrul gyis// rol pa'i byin rlabs mtha' yas ston// mthar thug med pa'i 'jig rten 'dir// ngo mtshar mtha' yas ltas kyis gang // g.yo dang g.yo ba chen po dang // bskyod dang bskyod pa chen po yi// sgyu 'phrul rol pas ma lus kun// rnam dag dkyil 'khor gsal rdzogs mdzad// rigs kyi rgyal ba thams cad dang // byang chub sems rnams yi rang ste// sna tshogs mchod pas spro mdzad cing // yang dag don rdzogs gsol ba 'debs// sgyu 'phrul dra ba'i rgyud chen po// sangs rgyas kun gyi gsang ba'i gnas// de dag mngon 'byung rdzogs byed pa'i// rgyu dang 'bras bu mtshungs pa'i don// rab tu mos pa smin byed cing // thabs kyis phyag rgya gsang ba nyid// stong phrag brgya pa'i rgyud chen po// mgon po brtse ldan mtshungs pa'i lam// ma lus yul kun thabs 'di nyid// phyag rgya'i dkyil 'khor

  685. 343a

    bla na med// khyod nyid rgyal ba kun gyis yab// dang po'i rdo rje chen po nyid// rab tu mi gnas stobs rdzogs pa'i// bdag po chos kyi ting nge 'dzin// phra rgyas zag med kun grol ba'i// ye shes brtan pa'i gnas 'di nyid// mtshan ldan mtshan rnams kun nas tshogs// e ma ho byang chub sems nyid don// de nas yul kun rdzogs pa'i don// thugs rje ye shes dri ma med// thams cad thabs las 'byung ba yis// byang chub sems 'di rang 'byung gnas// mi shigs dkyil 'khor brtan pa nyid// bdag po rang gi stobs rdzogs pas// ye nas yul kun rnam par dag/ thugs rje chen po snang ba'i shugs// byin rlabs yul bcas ji ltar snang // de dag rang gi las bzhin du// glo bur 'khrul pas rtog 'dzin cing // phyi nang yul sogs rnam spyod pa// thugs rje dag pas ji ltar bsgral// de dag dkyil 'khor kun rdzogs pa'i// rigs kyi gnas rnams sbyor mdzad cing // phyag rgya gsang sngags stobs rdzogs pas// tshad med yul kun rdzogs pa nyid// dkyil 'khor chen po rnam grangs kyis// bye brag mkhas pa'i spyod yul las// rang bzhin lhun gyis grub pa dag/ don dam kun rdzob rnam par spyod// sangs rgyas kun gyi gsang ba 'di// tshul bzhin dmigs par bya ba'i thabs// de las lhag pa'i don snang zhing // phyi rol 'byung

  686. 343b

    tshogs 'gro bar bcas// sangs rgyas kun gyi rang bzhin te// dkyil 'khor rdzogs pa'i rigs mchog nyid// shes rab chen pos yul mthar phyin// cha shas cha shas med pa yi// byang chub sems gnas drug pa'i gzungs// ma lus yul kun sbyong mdzad cing // gnyis med ye shes chen po'i bdag/ chos kyi gnas kun rdzogs longs spyod// sprul pa'i sku rdzogs 'gro ba'i mgon// sgyu 'phrul bsgrub pa'i dkyil 'khor dang // lhag pa'i khro bo'i dkyil 'khor gyi// rang bzhin mngon par rdzogs pa'i shugs// ye shes dkyil 'khor ji lta bu// rang bzhin lhun gyi grub pa dang // rtogs pas mngon par yul sbyor ba'i// thun mong khyad par rigs bcas rnams// gdul bya kun gyi don bzhin du// bye brag ji ltar 'tshams par snang // 'dir ni lhag pa'i ting 'dzin dang // ting 'dzin dkyil 'khor ma bcos pa// de dag rgyu dang 'bras bu yi// tshul bzhin brten pa'i rnam par spyod// 'gro ba 'dul ba'i ting 'dzin gyis// dkyil 'khor phyag rgya sngags rdzogs pa'i// khro bo'i dkyil 'khor mngon snang zhing // rang gi phrin las brtan pa'i bdag/ tshogs sgrub ting 'dzin rgya chen po// bsod nams ye shes mngon rdzogs byed// phrin las bye brag stobs kyi ni// ting 'dzin dkyil 'khor dag spyod pa// bzhi brgya mnyam pa chen po'i dbyings// de dag

  687. 344a

    phrin las ji lta bus// yang dag bya ba rdzogs par 'gyur// gzugs brnyan dkyil 'khor rgya chen pos// sa gzhi mnyam la gnas rdzogs pa// phyogs mtshams kun tu shis pa'i las// mngon par bsngags pa ji lta bur// yang dag dkyil 'khor thig gdab cing // yang dag tshon gyi las rnams dang // phyag rgya'i bye brag kun rdzogs pa'i// rgyan chas bkod pa bla na med// dngos grub phrin las lhag gnas shing // dkyil 'khor sgrub pa'i tshul dag gis// las kyi lhag chad rdzogs byed cing // mnyes shing shis pas 'dod pa'i don// ye shes dkyil 'khor ji lta bar// dam tshig dkyil 'khor chen por sbyor// lhag gnas sta gon bum pa dang // dkyil 'khor chen po'i gnas rnams rdzogs// de dag bkra shis cho ga bzang // nye bar bsnyen pas gsal bar 'gyur// 'jug pa'i cho ga tshul bzhin du// rnam gsum nus pa mthu dang ldan// bde gshegs brgyud pa'i byin rlabs lam// dad brtson shes rab ting 'dzin stobs// sbyin bsregs gsang ba'i las rdzogs shing // 'dod pa'i las kun nye bar sbyor// mchod sbyin rgya chen gtor ma'i tshogs// de dag yul kun rnam dag 'gyur// sgyu 'phrul rgyas pa'i tshul gyis ni// lam lnga dang ni nyi shu rtsa lnga dang // sum cu rtsa lnga lnga bcu rdzogs// bye brag dkyil 'khor rgyas pa ni// cho ga kun rdzogs mngon

  688. 344b

    par bsngags// sangs rgyas theg pa bsam yas pa// de dag tshul rnams mtha' yas pa// sku gsung yon tan phrin las thugs// ma lus kun 'dus rnam par dag/ thabs ldan rdzogs pa'i yan lag tu// smin pa'i lam mchog bla na med// byang chub mchog tu sems bskyed cing // rang gi dam bcas sdom pa rdzogs// yul mchog khyad par 'phags pa la// byin rlabs sngags kyis nor bu blangs// phan dang nus pa'i dbang thob cing // rim bzhin dam tshig brtan par gnas// de dag khyad par bye brag gis// don kun gsang ba mngon gyur pa// thun mong sdom pa thams cad dang // gsang ba'i dam tshig bla na med// lnga gsum nyi shu rtsa lnga dang // sum brgya la sogs bye brag gis// thabs kyi theg pa rnam par 'phags// de dag gsang ba chen po'i chos// khyad par dam tshig rnam pa bzhis// thams cad gnyis med mnyam pa nyid// ma lus yul kun rnam dag cing // nges pa'i don rdzogs zab mo nyid// grogs brten mi mthun phyogs bcas pa'i// khyad par yul kun ji lta bus// rang rig gnas rnams 'gro bar byed// thun mong la sogs rnams spyad pa// ma lus rten cing 'brel ba'i chos// thams cad tshul 'dis rdzogs byed cing // skad cig yud la lhun gyis 'grub// dgug dang gtang dang bcing dang dgrol// gsod dang gsad dang 'pham dang

  689. 345a

    rgyal// gnas kyi phyag rgya kun rdzogs pas// don kun gsang ba ston par byed// bdud rtsir 'gyur zhing 'byung ba dang // bzhi brgya rtsa bzhi'i nad sel zhing // tshe dbang bkra shis byin rlabs ston// ma lus kun 'dus rdzogs par gyur// thun mong rnam par bsngags pa'i chos// thams cad las byung stobs ston pa// de dag gsang ba chen po'i mthus// ma lus rdzogs shing rnam par dag/ nam mkha' rdo rje sra 'byung zhing // 'bar nas me yang 'tshig pa dang // chu rgyun 'babs pa'ang de bzhin te/ 'jig rten khams ni 'thor ba dang // thams cad stongs shing ltung byed las// byin rlabs ngo mtshar yul 'byung ba// gsang sngags phyag rgya ting 'dzin stobs// de dag tshul rnams kun rdzogs pas// 'phags pa kun gyi gnas rdzogs te// rigs kyi zhing khams che gnas 'byor// sku dang ye shes sprul pa'i mchog/ zag pa med pa'i dngos grub kyis// don rdzogs nor bu rin chen tshul// thabs kyi bye brag tha dad pa'i// bsnyen bsgrub yan lag bzhi la skyes// yul rnams mngon par sbyor byed pa'i// thog ma mtha' ma'i las kun dang // cho ga phun sum tshogs pa'i gnas// phyag rgya bzhi yi yul sbyor zhing // rim bzhin bsgrub pa'i 'bras bu mchog/ thams cad theg pas 'dul mdzad de// bstan pa'i gzugs brnyan bsam yas

  690. 345b

    dag/ grangs med dbye bas don bzhin spyod// de la sogs pa mtha' yas pa'i// phrin las kun tu ma 'gags chos// thabs mkhas sangs rgyas mdzad pa'i gnas// don mthun rnal 'byor spyod pa'i yul// bdag gzhan las kun rab tu rdzogs// mnyam pa chen po'i phrin las sogs// de dag bstan pa bla med pa'i// tshul 'dis rgyud chen zab mo nyid// nye bar spyod pa ji lta bu// de dag yul dang sbyar bya ba// bye brag cha shas rdzogs pa yi// don kun ston pas bshad du gsol// de dag the tshom rtogs pa'i tshogs// nges par mgon pos bsal bar mdzod// byin rlabs bla na med pa'i lam// 'di na 'jug pa'i yan lag dag/ mtshan bcas mtshan ma med pa'i chos// yang dag rgya chen rdzogs par ston// rnal 'byor chen po'i spyod pa dang // sa gnas lam gyi bye brag dang // bstan pa'i bsdu don ji lta bur// yang dag bka' stsol thugs rje can// kye ma ho// thabs dang shes rab yang dag sbyar ba'i mthus// phyi nang dkyil 'khor yang dag tshul chen po// rigs dang rigs can rnam par sbyor mdzad cing // don kun gsang ba rdzogs pa'i gnas nyid yin// rab tu sbyangs pa rnams kyi nges don 'di// yang dag 'bras bu'i tshul gyi rgyur bcas sbyor// mtha' yas zhing khams ye shes chen po'i gnas// kun tu bzang po'i dkyil 'khor rnam

  691. 346a

    par dag/ rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud ces bya ba las/ bstan pa'i tshul gyi rgyud 'byung ba'i rgyu bstan pa'i le'u ste dang po'o// // de nas sangs rgyas thams cad kyi// rang bzhin kun tu bzang po nyid// rang gi dkyil 'khor la zhugs shing // rang rig kun la longs spyod mdzad// bde gshegs kun gyis bsngags pa yin// dkyil 'khor chen po'i don 'byung ba// de dag sku gsung thugs rnams kyi// rol pa kun ston mtha' yas pa'o// byang chub sems dpa'i tshogs rnams la// tshul 'di yang dag don mdzad phyir// gsang sngags byin rlabs mtha' yas pa'i// ngo mtshar yul kun snang bar mdzad// mtshan nyid sna tshogs kun spyod pa// de dag mtshan ma rgyun gyi ste// mtshan ma med pa'i gnas rdzogs pa'i// lhan cig skyes pa'i yul rnams gsal// gnyis med mnyam pa chen po'i dbyings// byang chub sems rdzogs ye shes don// skye ba med las thams cad skyes// thams cad gnyis med rdzogs pa'i dbyings// rang rig chos kun rnam dag pas// zab mo'i dkyil 'khor mtha' yas rdzogs// chos kyi sku las bzhengs mdzad de// thugs rje chen po'i rnam 'phrul gyis// snod bcud dkyil 'khor gsang ba'i bdag/ rigs kyi 'khor lo kun rdzogs pas// de dag don kun gsal

  692. 346b

    mdzad cing // theg pa'i don 'di bka' stsal te// e ma ho thams cad rdzogs pa yi// byang chub sems nyid dkyil 'khor che// byin rlabs yul sogs 'byung ba'i gnas// rig pa'i ye shes brtan pa nyid// phyogs dang phyogs chos las 'das pa'i// tha dad min pa'i yul kun 'das// dus gsum kun gyis mi 'gyur zhing // de dag skad cig cir mi snang // de la 'byung sogs rnam dag cing // skye 'gro tha dad de nyid dbyings// yod med mtha' bzhi las 'das pa'i// rgyu rkyen gnas skabs ma skyes pas// 'jig cing 'gag pa'i dngos dang bral// phyogs bcu mtha' rnams zhi ba nyid// ye nas ma bcos dben par gnas// rigs kyi rgyal po thams cad dang // snying po'i ngang du 'bral ba med// de las de byung de snang ba'i// thabs dang shes rab phyag rgya'i mchog/ srid pa gsum ni dag pa'i zhing // snyigs ma lnga nyid bde ldan gnas// phung po lnga nyid rigs lnga'i gtso// 'byung ba'i chos rnams rnam par dag/ yul kun mnyam par sbyor ba'i mthus// ma 'dres dkyil 'khor mngon sangs rgyas// thabs kyi phyag rgya rdzogs pas na// thams cad dkyil 'khor rdzogs pa nyid// ces rgya cher gsungs so// de'i tshe na zhing khams chen po mngon par 'phags pa'i sangs rgyas thams cad dang sgyu 'phrul dra ba'i tshul gyis yang dag par gnas so// de nas de

  693. 347a

    bzhin gshegs pa thams cad kyis/ rang gi btsun mo dang mnyam par sbyor zhing / rigs kyi dkyil 'khor mngon par rdzogs pa zhes bya ba'i tshul gyis/ kun la gsal bar mdzad nas/ sangs rgyas sum cu rtsa drug gi byin rlabs kyis/ rang gi gnas thams cad du gsal bar mdzad do// nang gi 'gro ba ma lus kun// rigs kyi dkyil 'khor rdzogs pa nyid// gzugs phung rnam par snang mdzad de// tshor ba rin chen 'byung ldan yin// 'du shes snang ba mtha' yas nyid// 'du byed don yod grub pa'i sku// rnam shes rdo rje mi bskyod pa// ye shes rnam pa lnga bdag nyid// byang chub sems kyi snang ba las// rang bzhin rdzogs pas gnas kun sbyor// phyi rol 'byung sogs yul rnams kun// thabs dang shes rab gnyis med pa'i// sra brtan rdo rje spyan ma ste// gsher sdud lha mo mA ma kI// smin byed sreg mdzad gos dkar mo// yang zhing g.yo ba sgrol ma'i mkha'// stong gsal nam mkha'i kun bzang mo// rags pa thabs kyi phyag rgya ste// mtshan nyid med pa shes rab yum// gnyis med sbyor ba'i byin rlabs las// rigs kyi dkyil 'khor rgya chen po// khams dang skye mched rnam dag pa'i// byang chub sems dpa' gnas kun mdzes// rang bzhin ma bcos lhun gyis grub// stong gsum 'jig rten grangs med pa'i// rigs kyi dkyil 'khor

  694. 347b

    bsam yas kun// kun bzang ye shes rnam bkod pas// thams cad ma 'dres yongs su rdzogs// kun rdzob snang ba mtha' yas pa// me long chu zla 'ja' tshon ltar// snang ba ma 'gags gsal ston cing // rigs kyi dkyil 'khor gnas pa'o// kun tu bzang po'i chos rnams kun// sangs rgyas bstan pa rdzogs pa nyid// de las lhag pa'i don spro ba// dmigs pa'i yul rtog kun dang bral// zhes gsungs shing thams cad de lta bu'i ngang du gsal bar gyur to// de nas gnyis su med pa'i tshul gyis rang gi ngo bor ston par mdzad de/ ma lus mtha' dag brtags pa'i chos// ye nas dbyer med rnam par dag/ gnyis med gnyis su med sbyor zhing // gdod nas ma btsal lhun gyis grub// de nyid ye shes chen po yin// byang chub sems sprin rdzogs par byed// sangs rgyas kun gyi theg pa 'di// gzhan nas btsal ba'i gnas med do// rang bzhin bde ba'i ngo bo las// mi gnyis nyams su myong ba'i tshul// e ma ho/ sangs rgyas thams cad kyi// rnam par thar pa chen po'i mchog/ skye 'gag gnas dang dmigs pa dang / 'gro 'ong yul kun rtog bral zhing // de dag gnyis med lhun gyis grub// mnyam pa chen po'i rgyan gyis rdzogs// gsang ba'i theg pa bsam yas pa'o// 'di ltar snang zhing srid pa'i chos// thams cad don kun rdzogs pa'i

  695. 348a

    las// 'khor ba'i ma rig rnam rtog tu// sna tshogs yul bcas rtog pas bsgribs// rang bzhin bde gshegs gdul bya yi// snang ba gsum gyi ngo bo la// 'khrul pa'i snang yul 'dzin bcas pas// tha dad rtogs pa'i chos rnams snang // rgyu dang lam dang 'bras bu yi// bya ba chen po'i gnas rdzogs shing // bstan pa'i don kun bsdu mdzad de// gsang ba'i tshul 'di bla med pa'o// mtshan nyid rnam pa gsum dag gis// de nas chos kun mtshon par byed// rgyu yi chos kun shes pa'i yul// rkyen rnams 'jug pa'i mtshan nyid can// 'bras bu smin pas rnam par grol// theg pa'i rim bzhin rdzogs spyad pas// rig 'dzin ye shes mngon grub cing // rab tu mi gnas mya ngan 'das// mthar phyin sa nas lhun gyis grub// gsang ba bzhi yi mtshan nyid kyis// phyag rgya'i ye shes mngon par sbyor// de dag yul kun gnas 'joms pas// mi mthun tshogs kyi 'jigs pa med// ye nas gsang ba chen po'i chos// rang bzhin gsang ba'i bzhir 'gyur zhing // don dam kun rdzob rnam par dag/ thabs dang shes rab zung 'jug gnas// ngo bo nyid kyi lam gsang ba// shin tu gsang ba'i 'bras bu rdzogs// snying po gsum gyi bdag nyid kyis// don kun bstan pa gtan la 'bebs// thams cad kun 'byung rgyu nyid pas// rgyu yi theg pa bla

  696. 348b

    na med// 'bras bu'i chos kun rnam dag cing // ma lus don kun bsdus pa nyid// gsang ba bla na med pa'i rgyud// 'bras bu'i theg pa zhes bshad do// sa mchog lam rnams kun 'dus pa'i// nges pa'i phyag rgya bla na med// rgyu yi de nyid byang chub sems// rnam gnyis 'brel bas kun bskyed rdzogs// 'bras bu sku mchog ye shes che// rang bzhin byin brlabs shugs kyis snang // chos rnams thams cad skad cig mar// de nyid nges par gtan la 'babs// bya ba rdzogs pa'i dus nyid du// ya mtshan pho brang dkyil 'khor rdzogs// nges don gsang ba rmad du byung // sangs rgyas kun gyi dgongs pa'i yul// byin rlabs chos rnams kun gyi gzhi// 'di nyid bstan pas rtogs par 'gyur// e ma ho bde gshegs ngo bo nyid// rang bzhin rdzogs pa'i dkyil 'khor las// khams gsum 'gro gnas ma rtogs pa'i// gnas dang sde bcas thams cad kun// brtags pa'i mthu yis kun snang zhing // de nyid stobs kyis de nas 'khor// sna tshogs lus dang longs spyod tshogs// mi mthun skal pa'i tshogs rnams kyis// rgyu 'bras gnas kun so sor smin// gnyis su 'dzin pas 'ching 'gyur la// rang gis rang rgyud rnam par bcings// de dag rtog pa'i nad chen gyis// thams cad kun nas rnam par gzir// yang dag bstan pa'i don rnams kyis// thabs ldan rgyud rnams

  697. 349a

    grol mdzad de// bstan pa'i bye brag bsam yas pas// gdul dka'i tshogs rnams grol bar 'gyur// gdul dka' kun ni rmongs pa dang // bstan pa'i sgron ma gsal mdzad cing // stong gsum 'jig rten mtha' yas pa// rigs bdag 'khor lo sgyur ba'i sku// kun tu bzang po'i bdag nyid kyis// rigs kyi dkyil 'khor mtha' yas rnams// rnam par 'phrul bas kun spro mdzad// zhe sdang las kyis gdungs pa la// rdo rje'i rigs mchog mi bskyod pa// zhe sdang chen pos 'joms mdzad cing // zhe sdang rgyud kun grol bar mdzad// de ltar bcom ldan thugs rje mchog/ don kun bstan pas rnam par 'dul// ma rig rnam rtog mun pa'i tshogs// bde gshegs 'khor lo che nas sbyor// gti mug chen pos dag mdzad de// gti mug lam bcas rnam par grol// kun nas 'dod pas gdungs pa la// bde gshegs pad+ma gsung gi sku// 'dod chags chen pos 'dul mdzad cing // yang dag mthar bcas sbyor ba mdzad// nga rgyal gnas kun stobs rdzogs la// rin chen dkyil 'khor che nas sbyor// nga rgyal chen po'i yon tan mchog/ der bcas mtha' rnams rnam par dag/ phrag dog nyid kyis 'khor ba la// de nyid rnam dag thugs rje'i mchog/ las kyi rigs mchog don yod grub// mtha' yas yul kun rnam par dag/ de la sogs pa'i nyon

  698. 349b

    mongs sogs// grangs med las kyis mnar ba la// thabs mkhas thugs rje'i dkyil 'khor nyid// mi mthun sprul pa bsam yas pa// skad cig nyid la 'dul bar mdzad// ma lus theg pa bsam yas kyis// ma lus 'gro rgyud rnam par sbyangs// de nas sangs rgyas thams cad kyis// rigs kyi dkyil 'khor kun bsdus te// rang rig zhing khams tshogs rgyas par// rnam par bkod pa'i gnas rdzogs mdzad// bde gshegs kun tu bzang po nyid// rigs sbyangs bsdu ba'i dkyil 'khor na// rang gi longs spyod ci lta bar// dkyil 'khor rgya chen rnam par 'phrul// 'khor lo sgyur rgyal che rnams dang // phyogs mtshams dkyil 'khor bkod pa'i tshogs// rdo rje 'khor lo rin chen dang // pad+ma ral gri mtha' yas pa// phyogs rnams kun tu spro mdzad cing // rigs kyi dkyil 'khor bsam yas pa// ma lus 'gro ba'i don bstan mdzad// rab tu spyod pa dri med pa'i// blo gros mchog rnams 'dud par gyur// de dag rab dga' sbyangs pa'i mthus// rang gi ye shes dri ma med// dkyil 'khor 'khor lo gcig pa dang // gsum dang lnga dang dgu la sogs// mtha' yas grangs med skyob pa'i sku// zhi dang drag po sna tshogs kyis// ngo mtshar yul kun 'bar ba bzhin// gnas skabs thugs rje chen po'i shugs// mi gnas mun pa rab rib

  699. 350a

    sel// yang dag lta la rnam par dgod// gzhan yang zhi dang rgyas pa dang // dbang dang drag po sna tshogs kyis// rigs mchog thugs rje tshad med pas// mi mthun gnas kun rnam par dag/ 'gro ba drug po ma lus pa// thub pa chen po'i sbrul sku yis// thun mong khyad par gnas sbyangs te// 'dul ba rnam pa bzhi rnams dang // byang chub spyod pa mtha' yas sogs// ma lus don kun bstan pa'i sgo// de nas chos kun rnam par dag/ bya ba chen po mthar phyin cing // gzhan gyis 'jug pa rab tu ston// 'di ltar 'khor ba mya ngan 'das// thams cad don kun sangs rgyas mchog/ rang bzhin rdzogs pa'i dkyil 'khor nyid// bya ba lhun grub rnam par grol// zhes gsungs so// rdo rje sems dpa' sgyu 'phrul dra ba gsang ba'i snying po de kho na nyid nges pa rol pa chen po'i rgyud las/ dkyil 'khor 'brel ba'i le'u ste gnyis pa'o// // de nas 'khor gyi gtso bo mchog/ byang chub sems dpa' che rnams kyis// gsang rgyas kun la phyag 'tshal zhing // yang dag ston pa mnyes par mdzad// e ma ho sangs rgyas kun tu bzang // gsang ba'i snying po nges pa'i mchog/ de nyid kho na'i don rdzogs pa// sgyu 'phrul dra ba'i tshul bstan pa// thog ma tha ma med pa'i dngos// ma lus kun gyi sku gsung thugs// rol mo bde ba'i gnas

  700. 350b

    rdzogs shing // byang chub mchog gi snying po bzhi// srid dngos zhi bar rnam par sbyong // gsang ba'i theg pa bla med mchog/ rnam gsum sprul pa bskyed par mdzod// sangs rgyas kun gyi ye shes sku// byin rlabs dag pa'i mdangs bcas pa// shes rab dbyings dang sbyor mdzad cing // dkyil 'khor rol pas kun khyab mdzad// rgyud chen gsang ba'i don rnams kun// sbas bshad brda yis rnam par 'byed// de tshe gsung dbyangs sna tshogs pas// mi gnyis rgyud chen mtshan ma sgrogs// ji srid sbas tshig brda don rnams// thabs dang shes rab snyoms 'jug pas// e ma dbyings kyi las can te// ma 'dres thams cad rdzogs byed pa'i// 'di zhes nye bar mtshon pa ni// e sogs rnam bzhi'i dbyibs can gnas// skad ces gsal byed las ming can// bam dbyibs thig ler bcas ston pa'o// mAn+ma ma nu sdom byed yid// las can rnam shes de dag la// gsal bar go bor bshad par 'dod// pa sgra don dam nges pa'i rgyud// yA na theg chen 'di nyid do// dus ni bsam gyis mi khyab par// de min kun tu mtshon par byed// thams cad rang gi las can nyid// dkyil 'khor gsang ba mtha' yas shing // ma lus theg pa bla na med// don dam rdzogs pa'i thig le nyid// ye shes chen pos bskyod mdzad cing // las kyi rtog pa rnam par dag/ bcud

  701. 351a

    'dus thig le chen po ni// snang dang stong pa la sogs pa'i// brjod bya ma lus rdzogs pa'i yul// rtogs tshogs sangs rgyas bzhi bcu lnga// snang bas phye phyir gnyis su med// de gnas pad+ma rigs gsum pa'o// gnyis gsum brgyad kyi khyad par can// tha ma gnas dang yon tan gyis// mngon par mtho bas 'og min te// las dang bcud kyi mtha' bral ba// ye shes bzhi la dpag mi rigs// dgos pa 'byung ldan rin po che// ye shes lnga yi 'khor lo bskor// sangs rgyas ngo bo gnas bcud kyis// spyi bor shin tu 'khyil bar gnas// nyung dkar ser gyis dpag par ni// sa ya bcu gsum bde bas brgyan// 'dod yon khyad par can gyis mdzes// gang yang bde byed phyi nang bral// bde ba chen po'i ro nyid la// 'bras bu'i chos rnams rdzogs par ldan// byang chub mchog tu nyi zla shar// de nyid bzhugs gnas na par bshad// dkyil 'khor kun 'byung rgya chen po// rang gi ngo mtshar yul gyis 'khod// kun kyang gnyis dang gnyis sbyor ba'i// cha lugs dkyil 'khor ji bzhin du// mang po tshogs pas mtha' yas sgo// de dag bye brag grangs las 'das// sangs rgyas kun gyi gsang ba 'di// brtul zhugs chen po'i bdag nyid can// bcud lnga ye shes kho na'i phyir// dngas snyigs med par kun tu gsal// sgra dbyangs

  702. 351b

    gsung gi gnas bzhi yi// dbye ba gsum gsum ngos gnyis dang // bzhi bcu gnyis su gyur pa yin// sa ya bcu gsum la sogs pa'i// skye 'gag gnas pa'i ngo bo yang // rten can ji bzhin rten de bzhin// nyi zla thabs dang shes rab kyi// ro gnyis mnyam par dus gsum bzhugs// dngas ma thig le chen po yi// bde ba dngos spangs ye shes snang // ma 'dres rang gi don bzhin du// sa gsum dbang phyug mchog tu 'gyur// 'dzin pa'i nam mkha'i tshogs bral zhing // stong pa'i mtshan ldan byang chub nyid// rab tu zhi bas grol ba yi// bcom ldan 'das ni gud na med// mtshan nyid kun bcom bde chen po'i// rang gi ngo bos ma grub na// rang bzhin lhan cig skyes pa'i phyir// bcom ldan de bzhin gshegs zhes bya// gzugs sogs lhag pa'i thig le ni// las dang yon tan mngon ldan phyir// rigs kyi rgyal po nyid du brjod// bcud lnga khu ba'i thig le ni// rgyu dang gnas kyi kha dog ldan// ro dang las dang de bzhin te// rang gi mtshan nyid kun tu snang // mkha' sogs nang gi 'byung ba dang // ye shes 'byung lnga'i las dag gis// bskyod phyir dbyings su brjod pa yin// btsun mo'i thig le snod bcud khyad par gyis// til gang lta bur mkha' gang ba'i// dkyil 'khor tshogs chen brjod mi langs// ma skyes mi shigs snying po can// dngos med rol mo

  703. 352a

    sil snyan gar// ma lus kun 'dus rnam par dag/ gnyis med theg le'i bcud 'dus pas// byang chub sems gnas rang bzhin nyid// mig sogs rang gi thig le ni// las dang ngo bo 'bras bu'i phyir// sems dpa' chen po nyid du brjod// nyes pa zad phyir rdo rje ste// rang gi gnas kyis phye ba'o// gzugs sogs nang nyid phyir snang ba// rang gi rtsa bcud bcas pa dag/ bde ba bskyed phyir btsun mo nyid// dus rnams rlung gis go phye ste// byams pa la sogs ye shes bzhi// de bde rim par bskyed pa yang // ting 'dzin dbang du nges par gsungs// mtha' rnams yul la zhen pa yi// ma lus chos kun rnam par dag/ thams cad yul las dbang bcas pa// bde ba bskyed pa thig le ste// khams gsum kun gyi gnas rdzogs pa// rten cing 'brel bar 'byung ba'i mthus// rnam shes las byung dmigs pa'i tshogs// mtshan nyid rnam pa bzhi dag gis// dga' dang rjes su dga' ba dang // dga' bral lhan cig skyes pa rgal// kun rdzob lugs las 'byung ba dang // don dam lugs las bzlog pa gnyis// yan lag nying lag rgyas 'gyur te// ye shes chen po'i yul mthar phyin// mchog gi bla ma zhes bya ba'i// tshad med bzhi gnas snyoms 'jug pa'i// de dag thams cad mkhyen pa yis// tshul rnams rdzogs pas bstan par

  704. 352b

    'gyur// thabs lam bde ba'i gnyer dag gis// brtags na rang gi rtog pa bzlog/ dngos po rnams kyi ngo bo la// bzlog bya rgyal bas ma gzigs sam// thig le zung 'jug bde ba yi// sems mtha' log pas go phye nas// dkyil 'khor drug gi yul rnams su// sprul pa'i thig le rang shar ba'i// snang ba mdzad pa bsam mi khyab// chags sogs nyon mongs las rtog rnams// 'dul phyir sprul pa zhes su bshad// sgra dbyangs gsung gis bstan pa la// nges par grags pa kho na nyid// phung sogs rtog pa'i 'jig rten kun// log rtog sgyu ma snang tsam las// nyi zla bden nyid las nyid kyis// ma skyes mnyam la gnas gyur cing // phung sogs lha yi dkyil 'khor du// rang snang rang rig mngon sum gsal// dus gsum dag tu mi 'gyur phyir// theg pa 'di yi thabs kyi rdo rje bshad// de dag yul rnams mtha' yas pas// thabs las thabs byung 'phrul pa'i tshul// ngo bo nyid kyis grub byed cing // yang dag spyod pa rnam par grol// sangs rgyas kun gyi gsang ba nyid// rnam par rtog pas mdor bsags shing // las kyi khams rnams dag byed pa'i// sems dang sems dpa' spyod yul nyid// snying po don kun rin chen mdangs// kha dog lnga yi bdag nyid la// srog dang rtsol bas bde 'dzin zhing // phyi nang yul kun spro bar mdzad// sangs rgyas

  705. 353a

    kun gyis theg pa 'di// brda tshig sbas pas don ston cing // grangs can bye brag 'dod rnams la// de dag de nyid grol byed pa'i// don mthun bstan pas bshad pa yin// snang ba rgya mtsho chen po bzhi// ma g.yos rang gi ngang las byung // de dag rim pas rdzogs 'gyur te// rnam par mi shigs gzugs nyid do// de bzhin gshegs pa thams cad kyi// phyag rgya sbas pa'i tshul 'di yis// rab tu rtog bcas grol 'gyur te// rang bzhin ngang tshul bzang po'i gnas/ rdo rje sems dpa' sgyu 'phrul dra ba gsang ba snying po de kho na nyid rol pa chen po'i rgyud las/ phyag rgya yongs su gzung ba'i le'u ste gsum pa'o// // de nas rgyal ba thams cad kyi// byin rlabs ngo mtshar bla na med// kun nas mi bsgrib dri med cing // yang dag ye shes chen pos grol// de tshe sangs rgyas thams cad kyis// sgyu 'phrul dra ba'i gnas chen po// rgya chen grangs med rigs kyi gtso// gnyis su med pa'i don gyis sbyor// gsung gcig tshul gyis don stsal cing // ngo mtshar bshad pa'i gnas la 'jug/ kun nas sku yi dkyil 'khor tshogs// tshul lnga rdzogs pas 'bras bu nyid// de nyid rgyu mthun rkyen gyi bzhi// don kun gsal ba rnam dag pas// ngo mtshar yul 'di rmad du byung // chos sku longs spyod rdzogs pa'i sku// sprul pa rang bzhin 'od gsal sku// ngo bo nyid mchog

  706. 353b

    kun gyi gzhi// de dag rnam par mtshon byed pa'i// zab mo rgya chen sngags kyi tshogs// yi ge med pa rig pa'i gsung // longs spyod rdzogs pa rdo rje dang // yan lag bsam 'das tshangs pa'i dbyangs// tshul lngas thams cad don brjod mdzad// yang dag mtshon pa'i dpe las 'das// rnam par mi rtog ye shes che// kun rdzob cir yang ma 'gags pa'i// thams cad mkhyen pa kun nas spyod// chos dbyings me long lta bu yi// mnyam nyid so sor kun tu rtog/ bya ba'i ye shes las chen po// dus gsum sgrib med gsal mdzad cing // byang chub sems kyi gnas rdzogs mdzad// rnam gsum byin rlabs sbyor ba'i mthus// yon tan tshogs rnams kun la spyod// zhing dang pho brang yon tan dang // longs spyod rgyan dang btsun mo'i tshogs// gdan dang rgyan chas la sogs pa// mi bsgrib longs spyod ldan pa lngas// phyogs bcu kun tu ma 'gags pa'i// rang gi dkyil 'khor tshogs longs spyod// thabs mkhas phrin las mdzad pa yi// ma 'dres kun tu spyod pa'i tshogs// zhi dang rgyas mdzad dbang drag po// mnyam pa chen po lhun grub rdzogs// de dag phrin las rnam lnga yis// don kun bstan pa 'dul mdzad cing // rigs kyi dkyil 'khor kun rdzogs pa'o// mi zad rgyan gyi 'khor lo nyid// kun nas sku gsung thugs kyi bdag/ yon tan phrin las rdzogs

  707. 354a

    pa'i stobs// nyi shu rtsa lnga'i bdag nyid can// rigs kyi zhing khams kun sbyor zhing // sangs rgyas theg pa bsam yas kyis// don kun spro ba rgya chen rdzogs// 'di ni dkyil 'khor rgya chen po// byang chub sems kyi dngos nyid las// rol pa sna tshogs cir yang snang // rang bzhin ye nas ma bcos pa'i// rigs kyi dkyil 'khor mngon par rdzogs// yang dag ji bzhin rtogs pa'i mthus// zhing khams chen por grangs med pa'i// rin chen sna tshogs bkod pa'i gnas// sa dang theg pa'i don rnams la// rigs kyi gtso bo sangs rgyas mchog/ rnam par 'phrul pas kun mdzes shing // don kun dran pas rdzogs pa'i la// sgyu 'phrul dkyil 'khor bsam yas rnams// dra ba'i dkyil 'khor mngon par rdzogs// longs skrod rdzogs pa'i sku chen po// kun nas zhing khams chen po'i bdag/ de dag sprul pa'i skra rnams dang // mnyam rdzogs 'khrul pas 'jig rten sbyong // thub pa chen po skyes bu mchog/ drug gi gdul bya ma lus dag/ thabs kyi theg pa sna tshogs kyis// kun nas phrin las rgya chen tshogs// sku gsung thugs kyi rdo rje las// rang gi las bzhi rnam par ston// yan lag phan tshun snrel zhi dang // spyi tshugs 'jig rten drug rnams su// bcom ldan thub sku bsam yas pa// stong gsum zhing khams rgyas mdzad de// 'dul ba rnam

  708. 354b

    pa bzhi dag gis// 'gro ba kun gyi don mdzad de// kun nas sku yi phrin las dang // gsung mchog yon tan mtha' yas pa// de dag snang ba'i sgo mtha' yas// thun mong khyad par mdzad pa'i tshogs// bcu gnyis la sogs bstan par mdzad// mngon par shes pa'i sgo mtha' yas// rab tu zhi ba ma 'dres pa'i// theg pa'i bye brag bsam yas pa// so so'i don bzhin bsam yas rnams// rab tu spyod pas rnam par dgrol// mi dge bcu las bzlog byed cing // tshad med bzhir bcas bsam gtan bzhi// lha dang mi gnas rdzogs pa yi// dge ba tshogs nas ma bsgribs pa// legs spyod sdom pa bzang las byung // las kyi bag chags dag byed pa'o// 'khor nas mya ngan 'das pa'i chos// sdug bsngal kun 'byung 'gog pa'i lam// rgyu dang 'bras bu rnam dag pa'i// rgyun zhugs lan cig 'ong ba dang // mi ldog dgra bcom brtul zhugs mchog/ rang rgyal byang chub rdzogs pa'i lam// rten cing 'brel bar 'byung ba'i chos// de gnas 'khor ba'i mtha' 'gog cing // mya ngan 'das par mngon par gnyer// ma rig 'du byed rnam shes dang // ming sogs gzugs dang skye mched drug/ reg pa tshor ba sred pa dang // len pa sred pa skye rgas shi// chos rnams mngon par dga' ba'i mthus// 'phags pa'i ye shes zad pa med// nyon mongs las dang

  709. 355a

    sdug bsngal gyi// cha shas rgyun gyis yul las 'das// yang dag dgra bcom chen po'i sku// dngos med nam mkha' dngas pa'i bdag/ shes rab snying stobs las kyi mthus// sbyin dang yang dag sbyangs pa dang // rnam par grol ba'i gzhan rgyun sel// theg pa chen po'i mtshan nyid can// bdag gzhan rgyud rnams grol ba'i blos// yang dag ye shes spyad pa spyod// pha rol phyin pa rnam bcu yis// sa bcu ye shes rdzogs mdzad cing // byang chub phyogs kyi chos rnams dag/ ma 'dres gzungs kyis sbyang byas te// yang dag theg pa'i gnas rdzogs pas// 'gro ba thams cad mgron du gnyer// tshad med bsdu ba'i dngos po yis// spyod pa rgya che 'dzin dang bral// yang dag bsod nams ye shes dag/ thams cad rdzogs pas 'bras bu nyid// rgyu yang gsang la 'bras bu'ang gsang // snying po chos kyi don las byung // sku dang gsung dang thugs kyi bdag/ rgyud chen sgyu 'phrul dra ba nyid// phyag rgya'i dkyil 'khor rang snang bzhi// rdo rje theg pa bla na med// yang dag sgyu ma'i tshul gyis ni// ma lus kun gyi don rdzogs 'gyur// rang bzhin rnam dag de bzhin nyid// thams cad gnyis med mnyam pa'i rgya// zung du 'jug pa'i mtshan nyid can// phyogs rnams gang gis brtags byas kyang // yang dag don gyi dmigs dang bral// ma lus bde ba chen po'i

  710. 355b

    dbyings// rang bzhin gcig tu rdzogs pa la// rnam par bkod pas ci zhig 'grub// bya ba med las bya ba'i tshul// bden pa gnyis su dbyer med pa// 'di dag sangs rgyas theg pa'i mchog/ lha mi stobs ldan la sogs pa'i// sgyur bcas lam las rnam grol bas// 'bras bu rig pa 'dzin pa'i mchog/ chos rnams kun gyi rgyu nyid de// de dag 'bras bu bzang po'i tshul// snying po'i don kun rdzogs pas na// ma lus kun 'dus gtan la 'bebs// ji snyed theg pa bsam yas pa// de dag gsang ba'i snying po bzhi// don kun ngo bo rnam dag pa'i// de nyid nges par rmad du byung // de ltar bstan pa sna tshogs pas// ma lus chos rnams yang dag rdzogs// rang bzhin ye shes dkyil 'khor gnas// sngon 'byung sprul pa'i tshul gyis ni// dus rnams kun tu 'gyur med cing // yang dag mthar thug gnas rdzogs par// dkyil 'khor bstan pa'i ngo bo nyid// ces gsungs so// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las// rang bzhin gyi dkyil 'khor bstan pa'i le'u ste bzhi pa'o// // de nas ting 'dzin chen po yis// dgongs pa'i don kun mnyam bzhag pas// chos rnams ji ltar gnas pa yi// ting 'dzin ye shes rten rdzogs mdzad// de tshe 'khor gyi gtso bo dag/ rab tu gus pas gsol 'debs

  711. 356a

    shing // snga ma'i don chen las 'byung bas// rang gi ye shes 'dri bar byed// rgyal ba thams cad mkhyen pa'i chos// dgongs pa'i don kun mnyam rdzogs par// thugs rje chen pos rkyen slong zhing // ma lus 'jug pa'i don bzhin bstan// phyi nang chos rnams thams cad kun// sems nyid ye shes dag pa'i dngos// yul dang dbang po rnam shes tshogs// phyag rgya'i dkyil 'khor rdzogs pa nyid// thams cad don kun rnam par dag/ byang chub sems kyi ting 'dzin ni// chos rnams kun gyi rang bzhin te// de dag rang gi chos rnams kyis// bskul ba'i yul las rnam par 'das// kha dog dbyibs sogs ma nges pas// de dag mtshan bcas dpag tu med// ting 'dzin rgyal po chen po yis// pha rol phyin mchog stobs rdzogs par// sangs rgyas kun gyi ye shes te// de ni chos kun lam las skyes// dngos dang 'jug pa'i tha' bral bar// thig le mi shigs bstan pa'i dngos// rin chen sna lnga'i 'od zer can// 'byung 'jug gnas la kun bskyed cing // g.yas g.yon phreng ba'i tshul bzhin du// lam gyi yan lag brgyad tshogs bskyed// mkha' dbyings sprin las char gyi rgyun// glog gi phreng ba 'od dang bcas// sangs rgyas theg pa bla med pa'i// bye brag gnas kyi tshul 'jug pa// de dag don kun rdzogs pa'i gnas// rang rig stobs

  712. 356b

    bskyed grol bar 'gyur// gang du dri ma med pa yi// nges pa'i mdzod can snying po las// 'od zer sna lnga'i rgyun 'jug pa// thabs kyi yan lag rnam bdun gyis// mu tig phreng ba'i tshul bzhin du// bskor ba phyag rgya yan lag bzhi// nges sbyor thabs dang shes rab ste// dbyangs dang gsal byed las 'phros pa// khams gsum yi ge'i dkyil 'khor nyid// thig le'i rgyal po mi shigs pa// yang dag bstan pa'i ngo bor brtags/ 'od zer yi ge 'bru lnga yis// rang gi mtshan ma'i gnas rgyas shing // khams gsum spyod pa rnam grol mdzad// sangs rgyas byang chub sems rnams kyis// thabs 'di sgyu 'phrul dga' ba dngos// yan lag bdun gyi snang ba las// yan lag bdun gyi 'bras rdzogs 'gyur// rang gi ye shes brtan byas pa'i// phyag rgya sngags kyi rgyur ldan pas// phyogs mtshams bla 'og kun gsal zhing // dkyil 'khor gnas rnams bstan par 'gyur// yang dag bsod nams ye shes tshogs// rab tu sbyangs pa'i stobs rdzogs te// dam pa rgya chen mtha' yas pa// khyad par bsngags pa'i rgyun gyis 'jug/ phyogs rnams kun tu bkra shishes pa// nye reg 'thor 'thung sngags kyi chu// rig pa khro bo khro mor bcas// byin rlabs phyag rgya sngags kyis sbyangs// thams cad rnam par dag pa nyid// mtshan bcas mtshan ma med pa dngos// oM ma hA kro d+hi shra

  713. 357a

    rI sarba tra pre sha ta ya/ oM AHhUM/ rigs kyi me tog sngags dang bcas// rigs kyi tsan+dan bdug pa'i spos// phyogs bcur rnam par spro byas te// brtan par bkra shis byin rlobs 'gyur// bde gshegs kun gyi sbyor ba yis// lhag pa'i dkyil 'khor gsal byas te// sku gsung thugs kyi byin rlabs dang // rigs kyi dbu rgyan mtshan byas pas// rnam gsum sems dpa' 'khor lo yis// thams cad kun rgyud rnam par dag/ ma lus dkyil 'khor tshogs bcas pa'i// thugs rje sngags kyis bskul mdzad cing // yang dag spyan 'dren brtan par gnas// oM AHhUM/ badz+ra sa ma ya ba ha/ ta thA ga ta sa ma dza hUM/ thugs rje chen po'i mtshan nyid kyis// dkyil 'khor bskyed gnas brtan pa dag/ dam tshig pho brang gnas bzang por// rim pa'i gdan bcas brtan par bzhugs// oM thugs rje chen po'i byin rlabs kyis// gsang ba'i theg pa bla na med// don 'di yang dag sbyor ba'i mthus// mgon po nyer bar brtse dgongs mdzod// e h+ye hi b+ha ga wAn ma hA ka ru Ni ka dr-i sh+ya ho/ sa ma ya s+t+waM/ rdo rje khro bo rnam spros pas// phyogs bcu'i bgegs rnams bcom mdzad de// mtshon cha me ltar 'bar ba'i tshogs// mngon par 'dod pa'i gnas su spro// bskal pa'i mthar zug tshar bcad cing // ma rungs pa rnams bshig pa'i mthus// phyi yi rgya mtsho

  714. 357b

    chen por 'pho// rdo rje la sogs sa gzhi la// ra ba gur dang 'dra bar 'gyur// yang sbrul mtshon cha'i tshogs dang bcas// me 'od 'bar ba 'khrigs pa'o// oM badz+ra dza la rat+na ma d+ha la b+h+rUM/ sangs rgyas kun gyi bdag nyid kyis// mgon po'i dkyil 'khor bstan pa'i dngos// yang dag sku yi dkyil 'khor nyid// mtshan ma'i 'od phreng rgyan gyis brjid// rigs gcig rigs gsum rigs lnga dang // rigs drug rigs dgu nyi shu lnga// rgya chen phyi yi nam mkha'i dbyings// rnam par snang mdzad 'khor lo mchog/ gser mdog zhal gsum phyag drug pa// g.yas pa g.yon pa dmar ba'i mdangs// 'khor lo rdo rje rin chen dang // dril bu pad+ma ral gris mtshan// rigs kyi dkyil 'khor gzhan rdzogs par// rnam gsum sems dpa' bdag nyid la// 'khor lo oM yig gsal ldan pa// gsang sngags phreng bas mdzes byas pa'i// bzlas brjod thig le phra mo'i tshogs// rigs kyi sku rnams spro zhing bsdu// de bzhin gshegs pa'i gnas chen por// yan lag lnga yis rdzogs byas te// dngos grub dkyil 'khor brtan par gnas// 'dod chags chen po'i gnas 'jug pa'i// gsung gi bdag po gsal ldan pa'i// pad+ma rA ga'i mdangs gsal zhing // dam tshig 'khor lo rnam par bsgom// zhal gsum phyag kyang drug pa ste// sngo dang

  715. 358a

    dkar ba'i bzhin rgyas par// kun nas 'od zer phreng bas bklubs// sems dpa' gsum gyi bdag nyid can// gsang sngags phreng bas 'khrigs pa yi// 'od 'phro 'bar ba'i dkyil 'khor nyid// gcig dang gsum la sogs pa'i bdag/ lhag par mos pa'i gnas bsgoms te// pad+ma AM yig dpal ldan par// thabs dang shes rab phreng ba'i gnas// dpa' bo thig le rdzogs pa nyid// 'od phreng sngags kyi rnam pa yis// phra mo rdzogs pa'i bar du bsgom// gnyis med ye shes rnam grol bas// gsung gi dkyil 'khor brtan par 'gyur// mchog ldan rdo rje sems dpa' nyid// dkyil 'khor rgyas pa'i gnas su ste// mtha' yas dkyil 'khor rgyas par 'bar// rten dang rten gnas mnyam snyoms shing // phyag rgya'i mtshan ma sna tshogs dbus// mgon po zhal gsum phyag drug pa// mthing ka dkar dang dmar ba'i 'od// rdo rje la sogs mtshan ma'i tshogs// sems dpa' gsum gyi bdag nyid can// thig le phra mo'i cha rdzogs par// bzlas pa'i yan lag ma nyams shing // rigs kyi dkyil 'khor brtan par mdzad// kun nas yon tan rdzogs pa'i chos// rin chen gnas kun longs spyod pa// de nas pho brang brtan pa'i dbus// dkyil 'khor bye brag mtha' yas kun// ma lus 'dus pa'i ngo bo nyid// zhal gsum phyag drug rgyan

  716. 358b

    gyis mdzes// sngo dang dkar dang dmar ba'i 'od// rin chen la sogs mtshan mas brgyan// sems dpa' gsum gyi bdag nyid can// rin chen gnas 'bar swA yig las// 'od bcas phreng ba'i rgyan gyis mdzes// phyag rgya chen po snyoms 'jug pa'i// yang dag chos sku bde ba spro// thig le phra mo'i gnas rdzogs pa'i// grangs bcas mtshan ma rdzogs bcas te// bzlas brjod la sogs sbyangs pa'i mthus// rin chen dkyil 'khor brtan par 'gyur// yon tan chen po'i bdag nyid du// ma lus kun 'dus rdzogs par gnas// phrin las mtha' yas khyab pa'i tshogs// las kyi rigs kun rdzogs pa yi// gtso bo don yod grub pa nyid// rang gi dkyil 'khor gnas bzhugs te// zhal gsum phyag drug brjid pa'i sku// ljang sngon g.yas g.yon dkar dang dmar// rgya gram la sogs mtshan mas mdzes// rigs kyi dkyil 'khor mtha' yas par// sems dpa' rnam pa gsum ldan zhing // sna tshogs rdo rje hA yig las// g.yas g.yon thabs dang shes rab rgya// phyag rgya'i dkyil 'khor kun ston pa'o// theg le phra mo'i cha rdzogs pas// ji srid dkyil 'khor brtan byed cing // mtshan ma'i rang bzhin sngags ldan pas// bzlas brjod la sogs bstan pa'i tshogs// don kun mtshan ma med pa nyid// bde gshegs kun gyis 'khor lo yi// cho ga stobs

  717. 359a

    brjod dpa' bo che// mi shigs yan lag brtan byas pas// dngos grub don kun gsang ba'i tshul// mdun gyi 'khor lo la brten te// kun kyang phyag 'tshal mchod 'bul zhing // rgyun bshags rjes su yi rang dang // chos kyi 'khor lo bskor mdzad de// mya ngan mi 'da' brtan par gnas// yang dag byang chub lam la gnas// phyogs rnams kun nas lus 'bul zhing // rjes su gnang ba'i bka' thob/ nas// de dag spyod pa rgya chen po// ma lus 'gro gnas la bltas te// sdug bsngal thams cad bsal byed cing // bde ba'i tshogs rnams bsgrubs byas te// thar pa mya ngan 'das pa'i lam// don rdzogs btang snyoms chen po'i dbyings// yang dag bsod nams rgya chen po// mi dmigs rtogs pa'i shes rab kyis// 'khor gsum yongs su dag pa nyid// ye shes tshogs kyi gnas yin no// gzhi rtsa mtshan ma kun dang bral// phyi nang yul kun ma skyes pa'i// thams cad gnyis med byang chub sems// ma lus don mchog gsang ba'i gsang // 'gro la khyab pa'i thugs rje nyid// rang bzhin ngang gis rnam par dag/ thams cad mtshan nyid rdzogs pa yi// stong gsal rigs pa'i ye shes nyid// mun la snang byung 'od kyi tshul// sangs rgyas kun gyi bdag nyid kyi// ye shes stobs rdzogs kun tu bzang // glo bur sprin gyi tshogs dngas

  718. 359b

    pas// nam mkha'i 'od bcas gsal bar snang // dkar po zhal gsum phyag drug po// g.yas dang g.yon ni sngo dang dmar// rdo rje 'khor lo rin chen dang // dril bu pad+ma ral gris mtshan// dbu rgyan mgur chu do shal dang // snyan cha phyag zhabs gdub bu phreng // ral pa 'bar ba'i thugs rje can// na bza' 'od zer mtshan dpes mdzes// nyi zla'i dkyil 'khor brtan pa la// rigs can yum sbyor mnyam pa'i stabs// sku gsung thugs kyi phyag rgya dang // ye shes sems dpa' sngags dang bcas// thugs rje'i 'od zer phreng ba yis// ma lus dkyil 'khor rgya chen tshogs// stong gsal nam mkha'i rang bzhin la// rlung gi dkyil 'khor rgya chen gtams// de dbus bdud rtsi'i rgya mtsho nyid// 'byung chen gser gyi gzhir bcas par// kun nas me 'od 'khrigs pa'i dbus// 'og min gnas sogs rim bzhin chags// 'khor lo chen po'i sa gzhi la// khang pa gru bzhis rnam par brjid// phyi rol ra ba'i rim bzhin 'khrigs// theg pa kun gyis brgyan pa yi// rta babs bzang po rim bzhin brtsegs// rnam thar brgyad kyi bdag nyid can// sangs rgyas theg pa bsam yas pa'i// pa tra'i phreng bas mdzes byas pa'i// theg pa bzhi yi 'jug sgo nas// tshad med bzhi bcas phrin las rdzogs// rin chen dra ba dra phyed dang // shar bu phye ma'i phung pos

  719. 360a

    brgyan// gdugs dang rgyal mtshan pa dan sogs// rdo rje rin chen mtshan ma dang // zla byed rdo rje mi 'jigs stobs// 'dod yon lha mo phyogs bcur 'khrigs// lhag pa'i ye shes rin po che/ shu rtsa lnga'i rtags rnams kyis// rang gi dkyil 'khor mdzes byas pa// phyi dang nang med gsang ba'i mchog/ dbus kyi pho brang 'khor lo nyid// ye shes lnga yi don rdzogs shing // theg pa chen po'i tshul nyid mdzes// rdo rje 'khor lo phyag rgya'i tshogs// ka ba gdung bcas dra ba dang // dbu rtse nor bu bzang pos mdzes// rdo rje la sogs mtshan ma la// 'od kyi dkyil 'khor 'bar bas brgyan// mngon par 'phags pa'i gnas rnams su// rin chen 'bar ba'i khri steng la// mi 'jigs bzhi dang stobs bcu dang // rdzu 'phrul bzhi gnas dbang bcus brgyan// thogs med gangs chen mtsho lnga yi// 'od gsal thabs dang shes rab la// ma chags chu skyes rnam par dag/ phyi rol byang chub sems dpa'i gnas// rnam dag 'od kyi dkyil 'khor ldan// khro bo rdo rje'i brag chen rnams// thugs rje nyi ma'i dkyil 'khor nyid// rang gi dkyil 'khor sa gzhi la// 'od 'bar phreng bas 'khrigs pa'o// gtso bo chos kyi sems dpa' nyid// dbus kyi dkyil 'khor gnas bzhugs te// phyogs bcu'i rgyal ba mnyes mdzad cing // kun gyi byin rlabs brtan par

  720. 360b

    gnas// chos rnams thams cad rnam dag pa'i// ting 'dzin ye shes rgya chen po// ma lus mtha' dag nyid kyi dbyings// byang chub sems kyi gzugs can te// dang po'i yi ge las byung ba// 'od gsal kun nas rgyas pa dag/ dbyangs kyi phreng bas nye bar mnyes// kun tu rnam par 'phros pa'i mthus// de dag phrin las brtan mdzad cing // mtshan bzang sum cu rtsa gnyis rdzogs// phyogs kyi rigs rnams bsdu byas te// rang gi dkyil 'khor brtan par gnas// gnyis 'gyur phreng ba rnam par dag/ 'od zer rgyun gyis mdzes pa'o// thugs rje chen po'i 'od gsal ba// gnyis pa'i yi ge sder bcas rnams// rten dang brten pa'i gtso 'khor tshul// 'od 'bar kha dog lnga yi mdangs// ma lus spros pas sngon bzhin du// sangs rgyas dpe byad bzang po'i tshogs// nyis 'gyur thabs dang shes rab ste// g.yo ba'i tshogs bcas gang du nyid// sna lnga'i phreng bas kun tu 'khrigs// gsung gi sa bon rdzogs pa la// thugs kyi phyag rgya 'bar ba'i tshul// gsang sngags yi ge'i phreng ba dang // thams cad kun gnas sangs rgyas pas// de dag dkyil 'khor rdzogs par mdzad// gsang ba yum gyi 'od zer gyis// snying po'i dkyil 'khor brtan par gyur// rab tu rdzogs pa'i ye shes nyid// rang gi sngags kyis brtan gnas pa'o// yongs su rdzogs pa'i phyag rgya

  721. 361a

    che// thams cad gnas kun snyoms 'jug pas// gtso bo thub pa chen po'i sku// rab tu rdzogs pa bzhin rgyas pa'o// kun tu bzang po'i spyod pa dag/ rab tu rdzogs pa'i ye shes nyid// thig le la gnas thig le mchog/ thig le chen po mnyam ldan pas// byang chub yan lag rnam par 'phro// tshul rnams bgrod pa med pa'i lam// thabs dang shes rab rgyas pa yis// rdo rje rnam bzhi dag pa'i tshul// rab tu sbyangs pa'i sangs rgyas mchog/ de dag bsnyen pa'i dkyil 'khor gyis// rigs kyi 'khor lo che gnas sbyor// sangs rgyas kun dang gcig pa'i blos// nye bar bsnyen pa'i rgyun ldan zhing // byang chub sems kyi yi/ ge nyid// rang gi gnas su rdzogs byed pa'o// de dag goms pa gsal ba dang // mi shigs thig le brtan par 'gyur// sangs rgyas kun gyi sku gsung thugs// thabs rnams bsgrub pa'i phyag rgya yis// mngon sum rigs kyi skur sbyor zhing // sa yi khyad par sbyor mdzad pas// rdzu 'phrul legs par gzhan rgyud sel// yang dag grub pa chen po'i mchog/ rtags kyi phyag rgya gnyis med sku// khams gsum gnas rnams rdzogs byed pa'i// phyag rgya chen po'i rigs kyi bdag/ theg pa'i mtha' rnams ma 'gags par// kun 'byung gnas kyi cho ga nyid// yid bzhin nor bu rin chen mchog/ phyogs bcu kun nas bsags

  722. 361b

    pa'o// rgyal ba kun gyi gnas rdzogs pa// sna rtse thig le rin chen lnga// dbang po drug gi yul dang ldan// yan lag bgrang dang bgrang 'das par// mtshan ma rnam pa bzhi ldan zhing // ji srid bstan pa'i gnas su bzhag/ byang chub sems kun rdzogs pas na// bcu drug cha shas grangs las 'das// mi ldog gnas kyi ting nge 'dzin// nyi zla'i dkyil 'khor sbyar ba'o// rims bzhin dbang po drug gi yul// spro dang bsdu ba'i yan lag gis// gsang sngags phyag rgya skur rdzogs par// rigs gcig gsum dang lnga la sogs// thabs kyi yan lag bsam yas shing // zhing khams gnas kun dag par byed// rdo rje 'khor lo rin chen dang // pad+ma mtshan bcas ral grir bcas// 'od zer sna lnga'i phreng ba nyid// kun nas 'khrigs pa'i sngags dang bcas// gsum gyi dam tshig ye shes che// kha sbyor thig le las rdzogs pa'o// phyag rgya gsang ba'i yi ge mchog/ bdun 'gyur drag po'i gsang tshig bcas// ma ning gnas las grol ba yis// rang gi sangs rgyas thams cad la// rin chen ga'u'i bcud rdzogs pas// nyi zla'i dkyil 'khor rgyas par 'gyur// gnas dang gnas min gsang ba'i yul// phra mo'i sems kyi ting 'dzin gyis// tha snyad thams cad 'gog byed cing // khams gsum skye 'gro rnam par dag/ yang dag 'phel bas goms pa dang // brda yi/

  723. 362a

    ming tshogs sum cu gnyis// thig le 'od zer sna tshogs dang // rab tu zhu bas bde chen dbyings// ji srid brtan par gnas pa'i dus// kun 'dzin yi ges sdom byed cing // dbab dang 'khyil dang spro ba dang // slar bsdus yang dag ye shes gnas// thabs dang shes rab snyoms 'jug rnams// nyi shu rtsa lnga'i bye brag rdzogs// don kun gsang ba ji bzhin nyid// bya ba chen pos gzhan rgyud sel// tsog pu rus sbal gsum sogs kyis// gnyis med 'khril ba'i cha lugs dag/ mthar gnas dbang po gzhan du bsgyur// rigs kyi dkyil 'khor rang nyid kyi// phyag rgya bde ba mtshan mar bcas// nyon mongs gnas kun grol byed pa// sgyu ma'i dpe byad ye shes nyid// dang po'i sangs rgyas bzang po la// rigs rnams rdzogs pas dbu brgyan cing // thugs kyi dkyil 'khor rnam par dgod// me rlung sbyor bas bskul byas te// thig le 'od zer gyen 'bar bas// smin byed khyab pa bde ba'i mchog/ rang gi gnas su rnam par 'khyil// sprul pa'i 'khor lo cher rgyas so// 'od dmar chags pa'i ri mo can// AM yig sngags kyis phreng bas ni// drug cu rtsa bzhi'i gnas rnams su// bde chen thig le'i tshul bzhugs shing // de ming bor ba'i sgra dang bcas// thabs kyi tshul gyis rnam par spags// chos kyi dkyil 'khor hUM gis rdzogs// dkar ser 'od

  724. 362b

    zer lnga yi mdangs// gnas brgyad yi ge'i phreng bas mdzes// shes pa brgyad gnas ye shes rdzogs// bya ba chen po'i don kun ston// de dag skye dang 'gag pa dang // yang dag sbyangs pas kun grol zhing // gnyis med ye shes brtan pa'i tshul// sgra gnas brjod pa'i tshul ldan pas// gsang gsum dam tshig sngags kyi gnas// bcu drug bdud rtsi 'dzag pa yi// dkar dmar 'od zer phreng ba can// AM yig dbyangs kyi yi ge rgyas// kun 'byung brjod pas yi ge ste// sgro dang bsdu bas dag pa'i tshul// mi 'gyur bstan pa'i thig le nyid// haM yig snying po byang chub sems// zla ba'i dkyil 'khor la gnas shing // kun+da nga gi 'od gsal mdangs// sum cu rtsa gnyis yi ge'i tshogs// 'khor lo'i gnas la snyoms 'jug cing // rang gi dkyil 'khor brtan byed pa'o// dga' dang rjes su dga' ba dang // dga' bral lhan cig/ skyes pa yi// yan lag cha shas kun rdzogs pa'o// gnas skabs chos kyi bye brag gis// dngos grub phrin las brtan byed cing // 'dod pa'i yul kun rnam par sbyang // tha dad don rdzogs rnam dag pa'i// ye shes drag rim gyis rdzogs// g.yas dang g.yon gyi sbyor ba las// A li ka li'i gnas rdzogs te// nyi zla'i 'od zer 'phro ba dag/ rab tu goms pas dkyil 'khor rdzogs// bde chen sdig bral gzugs su

  725. 363a

    gnas// mtshan nyid ji bzhin tshul bzhugs pas// phyag rgya'i thig le 'bebs par byed// ci dkyil rdo rje la gnas pa'i// hUM yig 'od bcas rin po che// cha shas kun rdzogs sgra yi dbyig/ snying po sa bon gsang bas mtshan// pad+ma AHyig las mtshan pa'i// gru gsum chos kyi b+ha ga bzang // ge sar ze'u 'bru'i snying po can// rten 'brel ho yig mdzes par gnas// g.yas dang g.yon ni sbyor ba yi// ma lus chags pa chen po'i dngos// dam tshig chags pa'i brda bskul zhing // phyag rgya bzhi yi snyoms 'jug pas// yang dag ye shes rdzogs par sbyor// nyi zla dus gcig 'char ba yis// rigs kyi dkyil 'khor gsal bar rdzogs// sangs rgyas thams cad mchod byed cing // yang dag rdzogs pas gnyis su med// 'gro gnas rgya chen ma lus dag/ dbang bskur rnam par dag pa'i mthus// rigs kyi dkyil 'khor rgyas pa rnal 'byor chen po gsal bar mdzad// pho brang gdan bcas yang dag rdzogs// shes rab thabs kyi phyag rgya las// rigs rnams dkyil 'khor gsal brtan cing // cho ga rnam pa gsum dag gis// thar pa chen po'i grong khyer mchog/ rang bzhin rigs mchog lhun gyi grub// phyi rol 'gro ba'i gnas spros te// zhing khams chen po rnam par dag/ rigs kyi bdag po de bzhin nyid// 'bras bu rdzogs pas dkyil

  726. 363b

    'khor che// thams cad gcig tu bsdu ba yi// cho ga rdo rje brtan po'i bdag/ gsal byed oM yig las 'phros pas// sna tshogs sku yi dkyil 'khor mchog/ bde gshegs kun gyi gnas 'jug cing // rigs kyi sku rnams rdzogs par mdzad// rnam dag pad+ma'i 'od zer gyis// phyogs bcu'i rgyal ba mnyes mchod cing // byang chub sems tshogs rab tu bsdus// gsang ba'i phyag rgya dkyil 'khor nyid// 'od tshogs thugs kyi dkyil 'khor las// thugs rje'i nyi ma rnam par spro// rig pa'i dngos grub bzang po dag/ byang chub sems kyis brtan par mdzad// gnas lnga'i dkyil 'khor rdzogs pa las// mtshan ma lnga po 'od dang bcas// mi gnyis brtan pa'i sngags kyis brgyan// rigs lnga'i dam tshig brtan par 'gyur// byin rlabs kun nas rdzogs pa yi// ye shes lnga yi don mtshon cing // rnam par grol bas brtan byed cing // de dag sangs rgyas theg pa'i mchog/ rang nyid chos kyis rdzogs par 'gyur// ji srid dkyil 'khor rnam gnyis dag/ phyogs kyi cha shas rnam phye ste// bye brag yul kun sbyong byed pa'i// rnam par grol ba'i dngos grub nyid// ting 'dzin rnam pa lnga dag gis// sangs rgyas kun gyi yul bcas sbyor// dbang bskur byin rlabs rdzogs byas te// rigs kyi bdag pos nye bar mdzes// thun mong bzlas pa'i yan lag nyid// dkyil

  727. 364a

    'khor kun tu byin brlabs shing // de dag sems dpa' gsum gyis mdzes// yi ge dpa' bo 'bras bu'i sngags// 'od bcas 'khor lo rnam pa bzhi// ji srid mtshan ma'i rdzas ldan par// sku gsung thugs kyi phyag rgyas bzung // brtan pa ma gyur mi gtong zhing // gsal zhing rdzogs pas kun tu spro// ji ltar 'dod pa'i las rnams kun// cho ga 'di yis rdzogs par 'gyur// de dag lha rnams kun gyi gnas// rab tu rdzogs pa'i 'khor lo'i tshul// gsang sngags rgyal po'i phreng ba dag/ rnam gsum phyag rgya'i gnas rdzogs par// myur dang bul ba la sogs kyang // don bzhi brtsams pas dngos grub mchog/ rang gi lhag pa'i lha gnas dag/ yang dag sbyor bas brtan pa nyid// sku dang gsung thugs rdo rje'i mchog/ yon tan phrin las gnas rgyas par// phyag rgya bzang po rnam lnga la// sa bon sngags kyi phreng bas brgyan// rigs lnga'i bzlas brjod brtson ldan pas// rim mam cig car rdzogs byas te// nor bu gang bar gyur pa dag/ pad+ma'i gnas su yang dag spro// spyi gtsug la sogs rnam lnga dag/ 'khor lo'i phreng ba ji bzhin du// yang dang yang du sbyor bar bya// las kun dang po las sbyor bas// dang po'i sems tsam sbyangs byas te// dang po'i mtshan ma ma rdzogs par// yang dang yang du bslab par bya// rim gyis ye shes la

  728. 364b

    sbyor te// cung zhig dbang dang yang dag dbang // shin tu rnam par grol ba'i mthus// rang gi bsam gtan la spyad cing // yul grol rten gyi bye brag kun// rim gyis sbyor ba'i stobs kyis gsal// mtshan ma'i bzlas pa sna tshogs dag/ mtshan bcas rgyun gyis rim bzhin te// yang dag rdzogs pa'i byang chub tu// thams cad gnyis med sbyar bas grol// de dag cha shas las 'das pas// mi gnyis brtan pa'i ting nge 'dzin// 'byung 'jug gnas pa'i rtsol ba las// rin chen sna lnga'i phreng ba dang // 'khor lo rgyun gyi mnyam rdzogs pa'o// lnga dang bcu dang nyi shu dang // nyi shu rtsa lnga sum cu sogs// nyi khri chig stong dbye ba yi// grangs ldan grangs las 'das pa yi// cha shas thig le'i mtshan ma nyid// 'byung ba sna lnga ye shes 'od// drug pa rdzogs pas sku gcig tu// gnas dang kha dog nyi shu lnga// rten dang grogs dang bye brag gis// dus tshod kha dog dbyibs dang rgyan// nyin dang mtshan mo'i bye brag bzhin// 'phel dang 'grib pa'i cha shas kyis// 'khor nas mya ngan 'das pa bskyed// de dag rab tu rdzogs pa'i mthus// khams gsum yul kun gsal mdzad cing // gtso dang sprul pa sna tshogs pas// thog ma mtha' ma med pa'i dbyings// zag pa med pa'i ye shes nyid// ma lus yul kun rnam dag rdzogs// de nas phyag rgya chen po'i sku// 'khor

  729. 365a

    dang mya ngan 'das gnyis med// rab tu grol ba'i bde chen mchog/ rgyal ba kun gyi ngo bo nyid// shes rab che dang thabs chen po// cha rnams rdzogs pa gnyis med par// 'od gsal thig le mnyam pa'i dbyings// 'gog pa'i cha shas rnam par dag/ zung du 'jug pa'i mtshan nyid do// dngos kun rang gi ngo bo las// rab tu brtags pas gzhan rnams 'jog/ de dag tha dad gnyis med sems// byang chub sems kyi ting nge 'dzin// zhi ba chen pa'i rgyal ba rnams// de dag yul dang bcas 'das shing // don 'di bstan pa'i bdag nyid kyis// phyogs dus ma lus nye bar sbyor// rang bzhin dkyil 'khor rdzogs pa dang // ye shes chen pos gsal 'gyur zhing // phyag rgya sngags bcas ting 'dzin gyis// bskul cing gnas nas spyan drangs te// dam tshig phyag rgya brtan par byed// mnyes pa'i mchod pa sna tshogs pa// phyogs rnams kun du spro byas te// dkyil 'khor gnas su brtan bzhugs gsol// ma lus yul kun rdzogs byas te// sku khrus gdan bcas bkra shis mchog/ gnyis med 'dud pas phyag 'tshal zhing // phyag rgya bzhir gnas brtan par byed// phyi nang gsang ba'i mchod pa dag/ lha mo rol bcas mnyes par sbyor// bstod tshig dbyangs kyis gsol gdab cing // dngos grub phrin las rdzogs par bskul// dam tshig dkyil

  730. 365b

    'khor yang dag par// ye shes dkyil 'khor rdzogs byas te// gnyis su med par mnyam sbyor zhing // phyag rgya'i cho ga brtan par gnas// mtha' dbus med par khyab pa yi// sku dang gsung thugs bsam yas kun// so so'i zhing khams rdzogs pa'i mchog/ phyag rgya ting 'dzin brtan pa'o// rang snang sku yi dkyil 'khor la// rang bzhin gsung gi dkyil 'khor nyid// g.yas dang g.yon gyi dbye ba yis// rdo rje mtshan brgyad byed pa dang // khyab 'jug gsum yang de bzhin te// rim par bkod pa rang snang bas// 'jig rten 'das dang ma 'das pa'i// ji snyed bsgyur ba'i sgra rnams 'byung // rgyal ba bzhi bcu rtsa lnga yi// ngo bo nyid du nges pas na// khu ba rtsa ba'i gzugs dag gis// sku gsung thugs dang ye shes lnga// ma btsal lhun gyis grub pa'o// b+h+rUM yig sna tshogs b+ha gar 'dus// las dang ngo bos dag pa nyid// sangs rgyas rin chen za ma tog/ byin brlabs skyob phyir sngags su brjod// rags pa thabs kyi phyag rgya ste// rang bzhin med pas shes rab yin// thams cad mi 'gyur rgyas 'debs pas// yul kun gsang ba'i phyag rgyas 'debs// bdag gzhan ngo bo mi dmigs pas// thams cad yul kun rnam par rol// bde gshegs lnga yi mtshan ma yis// rang byung ye shes rdzogs par 'gyur// de nyid dngas ma'i ye shes lnga// ma rig

  731. 366a

    gnyis sogs bzhi po dang // mi phyed phrag dog rdo rje'i sngags// dbyings su skyob pas dga' mar brjod// las kyi bde bas sgeg pa ni// chags pa'i dam tshig dus yin no// slar yang lan gyis 'brel bas ni// gnyis ka dgyes pa'i mchog tu bshad// ha dang si yi bde sgra dag/ bdag gis chags pa thob pa'o// shin tu bskyod pa'i bde ba nyid// kun nas bskyod pa rlung zhes bya// thams cad gsal bar rnam par ston// ma lus bsnyen pa'i sngags dang bcas// kun gyi tshor ba rtog byed cing // yang dag myong ba chen po'i yul// don kun ston pa'i gnas rdzogs par// rab tu snyan pa'i sgra dang bcas// dri zhim yul kun gsal ba yi// myong ba'i dbang ba dngos bdag nyid// gnyis 'dres 'dzin pa zhes bya ste// de nyid phye ba las byung ba'o// me tog bsdus pa'i ngo bo nyid// bdag po'i zhal du thim par bshad// shin tu bsdam pa'i rim las byung // gsal ba'i ye shes bde ba che// kun gsal brjod dang 'dra ba'i sgra// gnyis med thugs su shes par bya// rnam shes gsum 'das rdo rje ni// ye shes lnga rdzogs thugs nyid do// dbyings gsum rnam dag 'dus ma byas// kun tu de bzhin gnas byed pa'o// mi gnyis rdzogs pa'i ting nge 'dzin// shes rab dbyings las phyag rgya'i sku// grags pa kun bdag gsang sngags te// mi shigs thig le

  732. 366b

    brtan pa'i mchog/ rang gi dkyil 'khor kun rdzogs pa'o// phyag rgya gsang sngags bsdu ba'i tshul// byang chub sems sogs bde ba'i rgyun// gnyis su med par brtan gnas pa'o// ma lus dgug cing gzhug pa dang // mnyes sdom brtan pa'i las dag gis// sku gsung thugs mchog rdzogs byas te// phyag rgya'i don kun gnyis su med// mi bskyod byed po yum dang bcas// rdo rje 'dzin pa'i phyag rgyar ldan// byams pa sa snying de bzhin no// gzhan dag rang gi phyag rgya ste// gshin rje gshed la rtag par bshad// thub chen rdo rje 'dzin 'chang ba// zla dang bral ba dpa' bo che// gnas gsum khyab 'jug yi ge las// khams gsum byin brlabs gzi byin bsdus// rang bzhin rdo rje gsung gnas pa// rgyu gnyis tshul gyis rang snang ba'o// lte ba rnam gnyis zla ba la// sngo ljang yi ge swA hA gnyis// rjes bsdu 'od bcas yon tan las// yan lag rdzogs pa'i yid bzhin ldan// mtha' dang dbus med de bzhin nyid// bsam zhing brjod bral rigs pa'i gsung // rnam pa lnga yi sngags dag gis// byang chub rdo rje gnas bsdus shing // ming gas yi ge mngon par ston// sgyu 'phrul dra ba'i ye shes kyis// dkyil 'khor kun tu mngon rdzogs 'gyur// rigs kyi dkyil 'khor ma lus pa// phyag rgya chen po'i cha lugs la// rang gi rtags kyis nye bar

  733. 367a

    mdzes// khams gsum las rnams rdzogs par byed// de dag yul kun rnam dag pa'i// sku yi dkyil 'khor rgya chen po// 'dul bcas rigs kyi 'khor lo bsgyur// brjod pa'i gsang sngags phreng ba'i rgyun// gsung gi phyag rgya chos kyi gnas// rtsa sngags snying po'i sngags rnams dang // nye ba'i snying po rig par bcas// dam tshig phyag rgya brtan byed pa'i// rdo rje bcings pa'i khyad par la// rig pa'i yi ge spro zhing bsdu// rten byed ye shes kun gyi bdag/ kun tu las rnams thogs med pa'o// rdo rje khu tshur brtan pa'i bdag/ de dag phrin las kun gyi gnas// las kyi tshogs rnams rdzogs byed pa'o// thabs dang shes rab 'khril ba yi// phyag rgya'i ye shes rdzogs pa nyid// byang chub sems kyi sprin dag las// ma lus kun 'byung rol pa'i tshul// mi bskyod rdo rje rtse lnga pa// zla ba'i thig le yi ge dngos// rin chen 'bar ba'i nyi zla 3// zla ba'i thig le yi ge nyid// thig le thabs shes lnga gnyis rnams// smad pa'i dus la snang ba yi// phyag rgya chen po'i dngos grub 'byung // dbyings dang ye shes bdag po cid// mo dang nr-i du rang bzhin gnas// twa dang thig le'i 'dab ma rnams// rang gi gnas su bsnol mar 'gyur// rab tu'ang 'dres par gyur pa las// rgyal ba'i ye shes bde chen po// myong phyir thob pa zhes su gsungs// thig le bzhi bsdus

  734. 367b

    gcig tu 'gyur// rlung gis bsdus pas bkan par brjod// zhal gyi lam dag gang rgyas pa// phyag rgya 'bar ba zhes pa'i sgra// zla ba'i nyi mas bsgribs pa yis// chu skyes rab tu rgyas pa ni// dril bu'i sgra dang ldan pa'o// phyir 'byung tshul gyis gang 'byor pa// ltung ba med phyir brtan par bshad// zla ba'i thig le rjes mthun par// dril bu'i phyed kyis 'byor dgyes pa// mtha' gnyis non pa'i byang chub sems// phyag rgya chen por 'di brjod do// rab tu brtags pas ye shes nyid// shes rab gnas su rnam par khyab// rten 'brel rgyan gyi bde ba ni// dbang bskur gsang ba rmad du byung // shes rab thabs kyi rtsa gnas su// dra ba thig lele yi ge gnyis// sgyu 'phrul dkyil 'khor gnyis su bslab// b+ha ga 'dus pa'i nyung 'bru ru// khams gsum 'gro gnas bsdus byas te// rtog tshogs dkyil 'khor mngon du byas// phyogs dus dkyil 'khor spyan drangs te// rig pa'i so so'i gnas su bstim// skyed pa ha sa'i sgras gang ba'i// bdag nyid chen po lnga yi rgyun// steng sgo nas 'byung bde ba'i bcud// so so bzhi bcu gnyis la thim// kun nas bde ba'i ye shes che// rgyal ba'i mchod pa mchog tu gsungs// bco brgyad phrag gnyis bum pa dang // drug gnyis zer gyi spangs nas ni// dbang bskur byin brlabs bde thob pa'i// theg pa chen po'i dbugs phyung ba'o// zhes

  735. 368a

    kun nas dga' ba'i gsung gis thams cad mngon par brjod do// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las// ting 'dzin gyi dkyil 'khor bstan pa'i le'u ste lnga pa'o// // de nas byang chub sems rnams kyis// gnyis med ye shes mngon rdzogs par// theg pa'i lam mchog spyad pa'i tshul// bsod nams ye shes rgya chen po// sangs rgyas kun gyi gsang ba nyid// ma nges 'gro rnams smin byed dang // de nas yang dag 'khor lo'i mchog/ thog ma'i gnas 'byung rdzogs pa nyid// ci 'dra gang zhig mngon par bsngags// thams cad spyod pa'i gnas rnams kyis// 'khor lo chen po ji lta bu// thabs mkhas byang chub sems bcas pas// rab tu brtse bas bshad par mdzod// dkyil 'khor sa gzhi bzang po 'dir// pho brang mngon par rgyas pa nyid// ston pas dgongs pa'i don bzhin du// thabs kyi phyag rgya gsal bar mdzad// mngon par bsngags pa'i sngags mchog ni// kun nas me tog phreng bas brgyan// dbyibs dang chu bo 'khyil ba'i tshul// sman dang yo byad phun sum tshogs// phyi nang nyes pa'i tshogs bral ba// de dag mngon par bsngags pa'i gnas// dgon pa chen po'i sa rnams ni// phyogs mtshams cha yis rnams phye ba// rab tu 'gol bar dben 'gyur

  736. 368b

    zhing // dngos grub phrin las mthun pa'i phyir// de nyid rigs kyi mtshan ldan pas// dngos grub mtha' yas las rnams 'grub// grong khyer yul 'khor bzang po dang // skyed tshal ba glang lhas dag dang // ri bo nags tshal spang shong nyid// rgya mtsho'i ngogs dang lu ma'i phugs// sbyor ba'i bkod pa'i gnas rnams su// dkyil 'khor bzang po brtsam pa'i phyir// phun sum tshogs pa'i gnas 'jug bya// thog mar rdo rje slob dpon bzang // sku gsung thugs kyi gsang ba'i bdag/ sangs rgyas theg pa kun ldan pas// snying rje cher ldan 'gro drug bzung // mngon par sgrol ba'i lam kun gyis// bya ba chen po gzhan don spyod// thabs kyi theg pa kun ldan zhing // shes rab chen po'i bdag nyid can// blo gros dri ma med pa yis// mya ngan 'das lam mngon par sbyor// gsang ba'i rgyud rnams tshul shes shing // de dag don rnams bsgrub nas spyod// dkyil 'khor chen po'i lam la mkhas// dam pas bsngags pa'i gdams ngag dang // de nyid rdo rje slob dpon mchog/ rab tu bzung bar 'os pa yi// sangs rgyas kun gyi ston pa'i gnas// thog mar blo gros kun ldan pas// dam pa'i rdzas rnams phun sum tshogs// ma lus 'gro rnams kun sgrol ba'i// yang dag lha la gsol ba gdab// dam tshig chen po'i dkyil 'khor 'dir// ma lus 'gro rnams sgrol

  737. 369a

    mdzad pa// bla med rgyal ba thams cad kyis// dngos grub mchog la sbyor ba dang // gsang mchog 'bras bu'i rigs kun gyi// bya ba chen za' don rdzogs pa// thams cad gzung ba bla na med// yang dag ye shes blo gros mchog/ sngags rgyud theg pa'i tshul rdzogs pas// dkyil 'khor gnas kun blta bya ste// bya ba kun rdzogs don chen brtsam// sa gzhi phyogs mtshams steng 'og dag/ brdal zhing sbrang dang bskor ba dang // rab tu brtsegs pa'i ljongs dang bcas// g.yas su 'khyil zhing 'gyed pa yi// pad+ma brtsegs dang 'khor lo'i dbyibs// bar chad gnod byed mi gnas pa'i// sngon byung grub pa'i bkra shis mchog/ yang dag brtags te shis pa'i sar// yul gyi bdag po snang ba dang // mi snang dag la bslangs byas te// rin dang rdzas kun mnyes par 'bul// phyi dang nang gi bya ba yis// rnam par brtags shing sbyangs byas te// dkyil 'khor chen po'i tshad kyis ni// phyogs mtshams kun tu rnam par gzhal// yang dag dben pa'i gnas nyid du// mi shis mtshan ma'i skyon bsal zhing // dri zhim sngags kyi chu gtor te// sa brnyan bzang po la sogs rdzas// rin chen sman 'bru'i rnam pa dang // dri mchog rab tu sbyangs pa yis// de nyid dkyil 'khor ji lta bar// phyogs mtshams gnas kun brgyan byas te// rab tu mnyam zhing yid 'ong

  738. 369b

    ba// dngos grub rab 'bring la sogs pa'i// byin rlabs lhag par gnas pa'i phyir// de nyid rten gyi khyad par te// zab dang dpangs kyi tshad mnyam brtsegs// dbang bskur bsrung la sogs pa'i las// khru bzhi'i rgyan ldan dbyibs legs par// 'phang du sor tshad bzhi dang ldan// dri sna lnga yi rdzas kun dang // ba las byung ba'i rdzas dag gis// ma nyams phyogs kun legs par 'byug/ gnas de mngon par sbyang ba'i phyir// chos nyid dag pa'i phyag rgya dang // gsang sngags ting 'dzin kun rdzogs pas// rang bzhin rnam par dag pa'i dbyings// stong pa nyid kyi ting 'dzin las// 'byung ba rim brtsegs rten dang bcas// rdo/ rje rgya gram sa gzhi dag/ sngags dang phyag rgyas brtan par 'gyur// b+h+rUM las rin chen khang bzang ste// gdan gyi dkyil 'khor cha rdzogs par// de dbus rigs kyi bdag po ni// mtshan dang dpe byad kun gsal zhing // rgyan dang cha lugs mngon par rdzogs// shes rab phyag rgya'i dbyings su 'khyil// rigs kyi bdag po'i dbu rgyan can// byin brlabs sangs rgyas kun gyi gnas// yang dag bsrungs pas brtan pa'i phyir// sangs rgyas kun gyi sku gsung thugs// rab 'bar 'od zer rdzogs pa'i bdag/ gnyis med ye shes lha mo yis// rang gi rigs dang sbyor mdzad cing // sngon gyi thugs dam brtser ldan pas// kun nas

  739. 370a

    bslang ba'i rgyud dag gis// phyogs bzhi'i dkyil 'khor rdzogs pa mchog/ tshad med gnas kyis rgyun ldan pa// rigs kyi phrin las ye shes sbyor// oM sangs rgyas kun gyi sku gsung thugs// rnam dag rdzogs pa'i dkyil 'khor nyid// mi shigs dri ma kun dang bral// thugs rje 'od zer nyi dkyil bzhin// sa gnas lam kun rdzogs mdzad pa// rab tu sbyangs pa'i stobs rdzogs shing // tha snyad mi gnyis yul dang bral// byang chub sems mchog sgrib pa med// 'gro gnas thugs rje'i rgyun bcas pas// rang gi ye shes 'dus ma byas// theg pa mchog ldan sngags kyi rgyun// phyag rgya'i dkyil 'khor gsal mdzad cing // rang bzhin phyag rgya'i gnas su 'jug/ nyi zla rlung gi dkyil 'khor las// 'od tshogs phyogs bcur 'khrigs byas pas// bskal pa'i me 'od sreg byed tshogs// bskal pa'i rlung dang bcas par sbyor// ma lus snod bcud khams rnams kun// rnam par dben pas dag pa nyid// chu bo'i rgyun ldan mtha' yas pa// thams cad kun nas sdud par byed// mi shigs rdo rje'i dkyil 'khor la// gar thabs phyag rgya'i tshogs rnams kyis// g.yas nas bskor zhing bsrung bar mdzad// de nas phyag rgya'i dkyil 'khor nyid// hUM stobs chen lha dang klur bcas pa// gnod sbyin srin po bgegs kyi tshogs// sha za 'byung po mkha' 'gro'i

  740. 370b

    gdon// lha srin lto phye nam mkha' lding // dri za grul bum gsang ba po// ma lus bgegs kyi tshogs bcas rnams// rdo rje 'chol ba'i mtshon cha yis// bshig cing dpral gtub brlag byed pas// gnas 'di'i phyogs su gnas ma byed// de dag rdo rje 'bar ba'i mes// bskal pa'i tshogs rnams bsreg byed cing // rab tu 'bar ba'i mtshon cha yis// phyogs mtshams kun nas bsrung bar 'gyur// ma lus sa 'dir dbang byed pa'i// bdag po khyod kyis dbang mdzod cig/ ma lus mchod dang gtor ma'i rdzas// bdag gis phul ba 'di bzhes la// sngon gyi bde gshegs bka' bzhin du// da ltar byin brlabs lhag pa'i gnas// dus gsum kun tu brtan pa yis// sa gzhi bzang po shis par mdzod// dngos grub thams cad nye bar mdzod// lha mo khyod ni blo dang ldan// gser mdog bum pa'i mtshan mas mdzes// 'og gi bgegs tshogs mnga' mdzad cing // gnas rnams bskyod pa'i blo ldan pas// dus tshod 'di na dbang po mdzod// phal ba'i rgyu las byung ba yi// rdzas rnams nye bar bsags byas te// ma lus 'gro ba'i tshogs bcas la// sbyin pa'i stobs rnams rdzogs par mdzad// g.yos kyi bye brag sna tshogs pa'i// ston mo'i mchog bzang gtor ma'i rdzas// rin chen snod bzang shing rtar bcas// mang po'i tshogs bcas bkod pa

  741. 371a

    dag/ mchod pa rnam pa lnga rnams dang // gdugs dang rgyal mtshan ba dan bcas// rol mo'i cha byad sna tshogs pa'i// sil snyan glu la sogs pa dag/ phyogs mtshams kun nas nye bar brgyan// de dag gtor ma'i rdzas kun gyis// 'gro ba'i tshogs rnams tshims par mdzad// 'dod pa'i rdzas rnams ma lus pa// dang po ye shes mes bsreg cing // rnam dag byang chub sems kyi khrus// rab tu 'phrul pas rgya chen po// kun tu bzang po'i longs spyod cing // nam mkha'i bar snang gtibs pa yi// 'dod pa'i longs spyod sna tshogs dang // rin chen longs spyod nye ba'i rdzas// lha mo'i dkyil 'khor rgya chen po// tshogs rnams kun nas nye bar sprul// so so'i 'dod pa'i longs spyod bzhin// mtha' yas rnam par spros pa yis// ci bder tshims pa rgyan gyi mchog/ mtha' yas thog ma med pa'i dbyings// ye shes dkyil 'khor mngon sangs rgyas// 'gro rnams nye bar sbyangs byas te// rang bzhin rnam dag lha yi sku// dkyil 'khor cha lugs rgyan dang bcas// rigs kyi phyag rgya rdzogs pa'i bdag/ kun nas grong khyer chen po dag/ nye bar dag pa'i longs spyod de// bkra shis bsreg khang bzang por ni// bya ba'i las kun tshims par 'gyur// phyogs rnams kun na bzhugs pa yi// dkyil 'khor thams cad 'grub pa'i phyir// rab tu gnas pa'i bya

  742. 371b

    ba dag/ rnal 'byor mchog gis spyad par bya// dkyil 'khor pho brang nyams dga' bar// ci rigs lha yi gnas rnams su// dri sna me tog bzang po yis// gdan dang rten bcas gzhag par bya// rigs kyi gsang sngags go rim bzhin// cho ga rdzogs pas rnam gsum sku// 'phro 'dus mdzad pa'i las bcas dang // dam tshig dkyil 'khor brtan byas te// phyag rgya kun gyis dbang bskur zhing // gzi dngas yul kun rdzogs par gsal// thub pa chen po bcom ldan 'das// ma lus sems can mgon gyur pa// rigs mchog thugs rje bzang po nyid// sa yi dbang phyug brtan bzhugs mdzod// bdag gis dri spos bzang po dang // me tog mar me phreng ba'i rdzas// mchod yon dga' mgur bcas nas 'bul// de bzhin rin chen rgyan gyi tshogs// bzang btung bcas pa sna tshogs dang // yid bzhin bum pa dpag bsam shing // gnas 'dir bkod tshogs bzhes su gsol// thugs rje nyi mas khyab mdzad pa'i// rgyal ba rnams ni mngon bzhugs te// ma lus 'gro rnams thams cad dang // khyad par bdag gi slob ma la// byin brlabs lhag par gnas pa'i phyir// gnas 'dir brtse bar 'dong ba lags// thams cad mkhyen pa lha yi mchog/ yang dag bstod cing 'dud pa'i gnas// dkyil 'khor bzang po'i gnas rdzogs par// byin

  743. 372a

    rlabs dbang bskur kun stsol cig/ yang dag rdzogs pa'i byang chub tu// bdag cag bsam pa brtan bskyed pas// phyogs rnams kun nas dgongs mdzad de// lam mchog dpal ldan bla na med// dus gsum kun tu bsngags pa yi// bya ba chen po yongs rdzogs mdzod// dkyil 'khor gnyis su med pa'i blos// phyag rgya sngags rnams brtan byas te// lhag par gnas pa'i grong khyer mchog/ yang dag 'khor lo rdzogs par mdzod// rin chen sna tshogs rgyu las byung // kha dog dbyibs dang rgyan ldan pa'i// dkyil 'khor pho brang bzang po nyid// 'bru lnga spos lnga snying po lnga// rin chen sna lnga sman lnga dag/ nye bar sbyang ba'i rdzas kyi mchog/ kha rgyan mgul chings gzung zag bcas// lnga'am bcu gnyis nyi shu gcig/ rim gyis mtshan ma grangs bzhin du// gsal sbyang byin brlab lha gnas shing // rigs kyi sems dpa'i phyag rgya ni// lha yi chu rgyun rnam par dag/ dam tshig lha yi gnas rdzogs par// ye shes dkyil 'khor bzhugs gnas te// cho ga'i yan lag kun mnyes pa// rnam dag pho brang bzang po'i rgyun// 'byor pa'i yo byad thams cad dang // nye bar bkod pa'i rdzas rnams dang // de nas dkyil 'khor la dga' bas// rigs mchog dngos grub gnas su sbyor// phun sum tshogs pa'i yo byad dag/ phyogs bcur rnam par spras

  744. 372b

    byas te// dkyil 'khor rnal 'byor lha yi rgyan// bza' btung mtshan ma la sogs pa'i// cha lugs ji bzhin byin gyis rlobs// rab tu sbyangs pas rdzogs byed cing // dkyil 'khor brtan pa'i yan lag mchog/ rdo rje slob dpon slob mar bcas// sdom pa gsum la gnas pas 'jug/ dam bcas 'jig rten mgron gnyer zhing // pha rol phyin sogs rnam spyod pas// yang dag gsang ba'i dkyil 'khor 'dir// theg pa chen po mngon par 'dod// de dag brtul zhugs bzang po yi// bslab pa kun ldan rgyud rdzogs pa'o// yi dam lha la gsol btab cing / dkyil 'khor bla ma bzang po'i mdun// rang gi dam bcas sdom pa'i tshogs// theg pa che nas bstan pa bzhin// byang chub sems mchog rgya chen blos// ma lus 'gro gnas mngon du rdzogs// so shing sor tshad bcu gnyis pa// me tog phreng ba'i sngags kyi mthus// ngag gi nyes pa kun sbyangs shing // bar chad las kun 'joms par byed// mngon par bsngags pa'i chu rgyun gyis// phyogs bcur gnas la 'thor bya zhing // rigs kyi gnas kun dag par sbyangs// byang chub sems rdzogs ye shes khrus// lus ngag yid gsum srung byed pa'i// tshon skud mdud pa gsum dang ldan// rgyal ba kun gyi sngags rgyud rdzogs// byin brlabs dpung pa g.yas par

  745. 373a

    gdags// ku sha sar pa ma grugs pa// dri yi chu yis nyer sbyangs shing // thabs dang shes rab gsang sngags kyis// sngas dang stan la sbyin par bya// las kun rmi lam mtshan ma sogs// rab tu brtags pas gnas kun gyis// dge sdig mtshan ma ji lta bar// bsal sbyang bsrung dang lhag pa'i las// 'khor gnas zil gyis gnon byed pa'i// rdo rje theg pa bla na med// ma lus khams rnams dag byed pa// de nyid bstan pa don chen rdzogs// mthong dka' rab tu rdzogs pa yis// brtul zhugs bzang po 'di lta bu// dam pa'i yul rnams rdzogs byed pa'i// thar pa'i grong khyer bla na med// sangs rgyas thams cad 'jug pa'i gnas// de nas mthong gyur spro ba bskyed// lam 'di phan yon bla med pa'i// tshe 'dis rigs kyi dngos grub dang // yon tan lhun rdzogs 'bras bu'i mchog/ shin tu dben pa'i sa gzhir ni// dri mchog rdzas kyis sbrang byas te// las kun mngon par bsngags pa yi// sprin bsreg cho ga brtsam par bya// ji snyed bya ba'i tshogs rnams kun// de nas mngon par 'grub byed pa// phyi dang nang gi ting 'dzin gyis// las kyi dngos grub kun rdzogs 'gyur// de dag sbyin bsreg rgya chen pos// nye bar sbyar zhing rdzogs byed ste// bya ba'i cha rnams smin pa'i sgo// zhi rgyas dbang drag las kun gyi// phrin las so so'i bye brag

  746. 373b

    bzhin// yul kun rtogs pa sbyang byed de// mngon par bsngags pa'i 'bras bu'i lam// zhi la zhi ba'i mdangs ldan zhing // 'od dkar bkra shis dkyil 'khor la// phyag rgya'i brtul zhugs ma bcos par// rgyan phreng na bza'i chas rnams dang // bdud rtsi'i rdzas kun bcud len pas// de dag phrin las rnam par spyod// snga dro rab tu dang ba'i yid// skul tshig sngags dang bcas sbyongs shing // sgrub pa'i ming tshig rgyun bzhin du// rang gi phrin las stobs kyis 'grub// kun tu rgyas pa'i yid kyis ni// rin chen dkyil 'khor gnas rdzogs par// mtshan dang dpe byad tshogs rnams dang // rin chen longs spyod kun gyis mdzes// byang du gser sogs shing rnams la// bdud rtsi'i rdzas dang bcud ldan par// rab tu dga' bas snga dro'i dus// yon tan dkyil 'khor nyer sbyangs shing // skul tshig sngags kyi rgyun bcas pas// de dag las kun sbyor ba'i mthus// 'khor lo bsgyur rgyal gnas bzhin 'grub// gsung dbang chags pa'i ting 'dzin gyis// pad+ma dbang gi gnas 'dug ste// rigs kyi ting 'dzin snyoms 'jug par// phyag rgya'i gsang sngags skul tshig ldan// dmar thag mtshan mo'i dus dag tu// rgyan chas rdzas dang bcas pa sbyor// lha dbang klu yi dbang po yang // skad cig 'gugs par dbang du 'gyur// khro bo'i ting 'dzin gtum po yis// lho phyogs gru

  747. 374a

    gsum sra ba'i stan// khrag dang bdud rtsi gsher ba'i rdzas// nag po'i chas rnams byugs byas te// las kyi khro bo chen po'i skur// phyag rgya gsang sngags bskul ba'i glu// sbyor ba'i rim pa kun ldan pas// phyag rgya rdo rje gtum po yang // skad cig las ni 'jig par 'gyur// rab tu sbyar ba'i gsang sngags dang // phyag rgya'i ting 'dzin ji lta bar// las kyi sbyor ba kun sbyor zhing // dbye dang mnan dang rmongs pa dang // rmugs dang 'gug dang bskrad la sogs// sbyor ba'i yan lag kun bgyis te// phyi dang nang gi sbyin sreg dag/ nye bar sbyor ba tshe 'dis 'grub// so so'i las dang mthun pa'i dbyibs// zlum po gru bzhi zla gam dang // gru gsum lcags kyu pad+mas mtshan// rin chen bum pa rlung la sogs// las rnams kun rdzogs kun gyi dbyibs// de nyid kha dog dkar ser po// dmar dang ldang la sogs pa yi// phyag rgya'i bye brag 'od 'bar rdzas// zabs dang rgya khyon cha snyoms shing // pho brang rim gsum mtshon chas brgyan// ku sha ral gri me long dang // dur ba srad bu'i phreng bas bskor// me lha'i rgyal po'i khang bzangs su// rigs kyi dkyil 'khor rdzogs pa nyid// dbang bskur byin brlabs brtan byas te// ye shes lha dang gnyis med sbyor// ma lus mchod pas mnyes pa dag/ dngos grub phrin las kun rdzogs pa'i// bya ba

  748. 374b

    chen po yang dag sbyor// 'gro ba'i gnas rnams rdzogs pa yi// rigs kyi phyag rgyas thams cad kun// ye shes sprul pa'i bdag nyid kyis// brtse ldan thugs rje'i gnas 'jug mdzad// bya ba'i yul kun rnam par grol// pho brang dkyil 'khor bzang po 'dir// phyogs bcu'i sangs rgyas kun 'dus te// sgyu 'phrul dkyil 'khor brtan pa'i bdag/ lhag pa'i dbyibs gnas rdzogs par mdzad// lha rnams gzhan du 'phos pa dang // de nyid bkra shis bzang po'i gnas// pho brang dkyil 'khor rdzogs byed pa'i// rdo rje theg nyid bla na med// rigs kyi ye shes brtan pa las// 'dod pa'i dngos grub rnam par dag/ bde gshegs lnga yi/ yi ge yis// de dag yul bcas rnam par sbyang // rigs kyi 'khor lo rdzogs pa dang // glu gar rol mos mnyes par mchod// yang dag dkyil 'khor rdzogs pa ltar// so so'i pho brang gsal bar byed// phyogs mtshams logs kyi cha rnams su// re'u cha'i phreng ba bzang po nyid// rin chen la sogs mtshan gyi tshogs// phyag rgya sngags kyi tshogs byas te// rigs kyi dkyil 'khor bstan pa nyid// rang rigs gnas su dgod par bya// dkyil 'khor chen po'i phyogs kun nas// rgyan dang mchod pa'i tshogs bshams shing // rol mo du mas brgyan byas te// byin brlabs brtan par rol pa nyid// rdo rje'i phyag rgyas brtan bcings

  749. 375a

    pas// nyes pa'i tshogs rnams 'joms byed cing // khri dang nor la sogs pa dag/ legs par brgyan pa'i sems kyis 'bul// de nyid stobs kyis rdzogs par 'gyur// phyogs rnams kun tu 'jigs byed cing // phyag rgya 'bar bas gnas bsrungs shig/ khro bo'i tsham rngams sngags dang bcas// rol pa'i brtul zhugs rnam par spyod// thabs dang shes rab sbyor ba'i tshul// rang gi dkyil 'khor brtan par byed// rdo rje 'khor lo rin chen dang // pad+ma rgya gram mtshan ma'i tshogs// rang gi dbang bskur ji lta bar// 'byung ba gar thabs rol pa'i tshul// khro bo chen po'i cha lugs kyis// phyogs mtshams bgegs rnams bsal byas te// sa gzhi ra ba gur du bcas// yang dag brtan pa'i ye shes gnas// dngos grub chen po'i don ston pa'i// pho brang rigs kyi mtshan ma rnams// dkyil 'khor gnas 'dir rdzogs byas te// rang gi cha lugs brtan byas pas// yan lag phun sum tshogs gnas 'grub// dkyil 'khor lus su bshad pa ste// sangs rgyas thams cad kyi ni gnas// phung po lnga dang 'byung ba'i tshogs// rab tu rdzogs pa phyag rgya'i sku// thabs dang shes rab mnyam sbyor zhing // yum rnams ji bzhin brtan pa'i mchog/ dngos grub chen po lhag pa'i lha// khams bzhi 'dus pa'i khu ba nyid// byang chub sems kyi bcud rdzogs

  750. 375b

    pas// phyag rgya chen po mchog gi sku// dkyil 'khor bzhi bcu rtsa lnga dang // rigs brgya la sogs dbye ba yis// phyi nang 'byung khams rnam dag cing // gnyis med ye shes rdzogs pa nyid// phyag rgya chen po nam mkha'i dbyings// sor bzhi'i tshad du rang bzhin gnas// bde ba'i ye shes thugs kyi 'khor// kha dog dbyibs dang ldan par bya// thabs kyi rab gnas cho gar ldan// 'jug pa pos kyang gsol ba gdab// thal mo nye bar brdab pa'i sgra// dbang po yul du rnam sbyor zhing // phyag rgya chen po nam mkha'i dbyings// brtul zhugs rol pa'i dbang rdzogs nas// rdo rje mdzub mo'i rtse gnas la// til 'bru nam mkha'i gzhal yas khang // ri rab lta bu'i phyag rgya rdzogs// thabs kyi cho ga rab gnas dang // gsang ba'i sbyin bsreg lugs su dbul// phyi nang med pa'i dkyil 'khor du// bde ba'i cha lugs mnyam rdzogs shing // bya byed sgyu ma'i tshul rnams kyis// thabs kyi theg pa gsang ba nyid// phung khams skye mched 'byung gnas sogs// ma rig rtog pa'i yul 'das te// shes rab mkha' gsang zab mo la// thabs kyi cho 'phrul rnam par rol// dkyil 'khor b+ha ga'i bdag nyid can// sangs rgyas theg pa'i yul rnams kyis// byang chub sems nyid gnas rdzogs pa// rgyu rkyen 'bras bu dag pa'i sku// rab tu sbyangs pa'i don bzhin

  751. 376a

    du// sa gnas yan lag kun rdzogs shing // de nas dkyil 'khor nye bar rdzogs// bum pa mtshan ma mchod pa'i rdzas// rigs kyi byin brlabs mngon bdag nyid// phrin las bzhi yi las rdzogs pas// de dag sbyor ba'i yan lag nyid// phyi dang nang gi sbyin sreg gis// byang chub sems dngos rgyas par 'gyur// yul rnams nye bar spyad byas pas// mtshan bcas mtshan ma med pa'i dbyings// sangs rgyas kun gyi gnas 'di ni// de ni ston pas gsungs pa yin/ thams cad du nye bar sbyor ba'i tshul gyis smin par bya ba'i gnas la 'jug pa'o// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las/ gzugs brnyan gyi dkyil 'khor gyi le'u ste drug pa'o// // de nas 'gro gnas ma lus kun// rnam par sbyong ba'i thabs chen gyis// dkyil 'khor sprul pa kun ston cing // thabs dang shes rab gnyis med sbyor// rigs kyi sangs rgyas kun bsdus te// rang gi dbang bskur gnas rdzogs pas// phyogs rnams kun nas gsol gdab cing // dkyil 'khor bkod pa'i don bstan mdzad// rigs kyi bya chub sems rnams kyis// phyag rgya'i gar rnams sna tshogs pas// legs spyod rol mo mchod pa'i tshogs// glu dbyangs snyan pas gsol ba gdab// sgyu 'phrul dra ba rdzogs byed pa'i// sangs rgyas sku ni byin

  752. 376b

    rlabs nyid// thob dka' thob pas kun nas 'jug/ byin gyis rlobs shig ston pa mchog/ dbang bskur gsang ba las byung ba'i// tshul 'di nye bar rdzogs byas pa'i// gnyen pos yul kun 'joms byed ce nga// sku gsung thugs kyi byin rlabs mchog/ ma lus kun nas nyams pa rnams// thugs rje'i bdud rtsis brlan par mdzod// kun nas spyod dang yang dag spyod// shin tu spyod pa rgya chen mchog/ thabs dang shes rab phyogs rnams su// yang dag sbyar ba'i bdud rtsi yis// sras kyi tshogs rnams khyab mdzad de// rig mchog sems dpa' dbang bskur zhing // pha rol phyin rdzogs don ston mdzad// de ltar rgya chen 'gro gnas kun// thams cad cig car 'jug pa'i mthus// yul dang yul can rnam par sbyor// rigs kyi rgyal ba 'gro ba'i skyabs// ma lus kha lo bsgyur ba'i gtso// rigs mchog dkyil 'khor rdzogs pa ru// dbang bskur thugs rje che las 'byung // phyogs bcu thams cad sangs rgyas kyis// yang dag dkyil 'khor brtan pa'i bdag/ nyon mongs dri gnas kun sel bas// bum pa'i chu yis dag par 'gyur// rin chen sna tshogs rdzas kyis spras// rigs lnga'i sangs rgyas rgyan du thogs// byang chub sems gnas ye shes nyid// bum pa'i rdzas las mngon par 'byung // oM rigs kyi dbu rgyan bla med pas// nyon mongs gnas kun rnam

  753. 377a

    par sbyang // ye shes byin rlabs stobs rdzogs pa'i// mtshan ma bzang po khyod kyi rgyan// yab yum zabs dang shes rab kyis// mngon sbyor rol pa'i byin rlabs rdzogs// mtshan dang dpe byad mtha' yas pa// ma lus yul kun nye bar mnyes// cod pan bzang po 'di nyid ni// dbang dang mngon par shes pa'i rtags// theg pa thams cad ma 'dres pa'i// yon tan rigs rnams ting nge 'dzin// byin rlabs ngo mtshar yul rdzogs pas// dbyings dang ye shes mnyam pa nyid// khams gsum chos kyi rgyal mtshan gyis// shes bya'i gnas kun gsal bar mdzad// byang chub yan lag me tog phreng // lam gyi yan lag brgyad gnas 'jug/ stobs dang mi 'jigs kun rdzogs pas// rang byung byang chub sems kyi rgyan// rigs mchog gsang sngags che las byung // theg pa'i mtha' rnams rdzogs pa'i tshul// cis kyang mi tshugs mi shigs pa'i// stong pa'i go cha bla na med// mtshan ma'i yul kun 'joms byed cing // yang dag chos rnams mnyam par gnas// las kyi bag chags kun las rgyal// de dag ye shes chen po'i stobs// nyon mongs mtshan ma kun 'joms shing // rigs mchog dngos grub brtan byed pa// rdo rje 'khor lo ral gri dang // pad+ma rin chen bla na med// go cha bzang pos brtan byas pas// mi mthun rtog pa'i

  754. 377b

    tshogs las rgyal// rang gi phyag rgya rdzogs pa yi// dus rnams kun tu srung ba'i mchog/ bdud bzhi'i mtshan mas mi tshugs shing // mtha' bzhi'i g.yul las rgyal ba'i rtags// chos kyi rgyal mtshan bla na med// gsang ba'i sngags rnams kun gyis mdzes// theg pa chen po gnyis med pa'i// yon tan rin chen rigs kun bdag/ sku gsung thugs kyi rdo rje nyid// sangs rgyas kun gyi ye shes te// rigs kyi 'khor lo/ bla na med// de bzhin gshegs pa thams cad kyi// sku yi sku ste sku yi mchog/ gsung gi dam tshig gsung chen po// thugs rje thugs kyi bdag nyid las// yon tan kun 'byung bde ba nyid// phrin las yul kun rdzogs par spyod// bde gshegs pad+ma rdo rje dang // rin chen rgya gram bla na med// ma lus 'dod pa'i don skong zhing // rigs mchog dkyil 'khor brtan par mdzad// nyon mongs bdud kun zil gnon pas// phyag rgya'i ye shes brtan par 'gyur// mtha' 'das chos kun bstan pa nyid// byin rlabs de bzhin nyid kyi mchog/ thus rje'i 'od zer dpag med cing // ma lus yul kun khyab pa'i chos// tshad med bzhi gnas char khebs mdzes// pha rol phyin pa'i gnas kyi tshogs// yang dag bsdus pa'i rgyan gyi gzhi// gdugs mdzes gser gyi yu ba can// don kun spyod pas nye bar 'khor// sangs rgyas thams cad bzhugs

  755. 378a

    pa'i gnas// phyi nang snod bcud dag pa'i dbyings// rigs kyi rin chen gzhal yas khang // brten pa 'khor lo'i tshogs spyod cing // thabs dang shes rab snyoms 'jug pas// byang chub sems rnams bde chen rdzogs// mi gnyis dngos grub chen po'i gzhi// thar pa'i grong mchog bla na med// kun 'byung 'dod pa'i gnas rdzogs pa'o// kun tu bro mchog tshims byed rdzas// 'dod pa'i yon tan ma 'gags dbyings// chos kyi bdud rtsi bla na med// rnam grol zag pa med pa'i rdzas// khams gsum 'dod yon gnas rdzogs pas// ting 'dzin ro mchog bstan pa nyid// ma 'dres rgyun gyi phyag rgya la// lha mo'i tshogs ni kun tu spro// 'khor 'das 'gro ba kun sbyangs shing // nyon mongs gnas kun dag mdzad pa// rigs mchog ye shes gsal byed cing // gsang sngags phreng ba'i yan lag rdzogs// hUM gis chos rnams gsal mdzad cing // au ldan byin rlabs rgya chen po// mngon par tshims mdzad swA yi tshogs// don kun spyod pas AM gnas ldan// phrin las stobs rdzogs hA nyid de// shes skyobs sgra yi gnas rdzogs pas// khyad par khyad par med pa'i tshogs// mi shigs 'dus pa'i gsang sngags nyid// phyi rol gnas chen las byung ba'i// phyi rol dkyil 'khor brtan par 'gyur// ngan 'gro srid las skyob byed pa'i// mtho

  756. 378b

    ris bde ba phun sum tshogs// dbang bskur gsang ba las byung ba'i// dam tshig mchog 'di brtul zhugs gnas// phyag rgya gsum gyi sbyor ba yis// sku gsung thugs kyi gnas rdzogs 'gyur// rdo rje 'od bcas phreng bas brgyan// yang dag brtan pas spyi bo'i gnas// sku yi byin rlabs lhag gnas pa'i// snying po don kun rdzogs pa'i mchog/ 'di dag sangs rgyas sku chen po// khams gsum gnas kun sgro mdzad de// rigs mchog rgyal ba kun gyi bdag/ mi 'gyur brtan pa'i gnas chen 'jug/ tha dad yul kun mnyam rdzogs shing // rnam par snang mdzad sku chen 'grub// me tog phreng bcas mtshan ma nyid// thugs rje'i gnas su dkyil 'khor che// mi bskyod byin rlabs rdzogs pa'i bdag/ 'od bcas thugs rje'i ye shes nyid// khams gsum gnas kun dag byed pa'i// thugs rje ye shes bla na med// gsal ba'i dkyil 'khor chen po ru// thabs kyi spyod tshogs rgyas par mdzad// ngag gi gnas su thabs dang bcas// dam tshig gsum gyi byin rlabs nyid// gnyis med yul kun sbyong mdzad pa// dam tshig bdud rtsi rdzas can po// ngag gi gnas kun dag byas te// ma 'dres chos kyi phyag rgya yis// thams cad rdzun gyi tshig lta bu// rgyu 'bras skur ba'i gnas rnams la// gsang sngags theg pa'i don chen 'dis// sgo btags chos kun rnam par

  757. 379a

    dag/ sa rnams bya ba kun rdzogs shing // dam tshig chen po'i gnas chen 'grub// gnas bzhi yi ge'i mtshan ma la// 'byung ba'i dkyil 'khor rim bzhin brtsegs// thugs rje chen po'i gnas yin te// rgyal ba kun gyis gzigs par 'gyur// rigs kyi phyag rgya'i tshogs rnams kyis// las tshogs nyon mongs rnam par dag/ phyogs bcu'i dkyil 'khor ma 'dres pa// der gnas byin rlabs rol pas mchod// sku gsung thugs kyi rtags ston cing // phyag rgya mi shigs 'bebs par 'gyur// ye shes sems dpa'i thugs gsang ba// rang sngags phyag rgya yang dag 'bebs// kun mchog gsal ba lhang de ba'i// thams cad dkyil 'khor rdzogs pa'i mchog/ rang gi sngags dang phyag rgya'i mthus// grong khyer thams cad rnam par grol// rigs rnams so so'i mtshan ldan gnas// shes rab pha rol phyin pa'i tshul// rab tu brtags pa'i gnas chen po// nye bar sbyong bas byin brlabs shing // gnyis med rol pa'i sbyor ba mdzad// thabs dang shes rab gsang ba'i rgyun// 'od zer sngags kyis kun spros te// rigs kyi dkyil 'khor mnyes mdzad cing // rnam par bsdus pas gnas rdzogs pa// de dag lhag pa'i bdag nyid can// nyan byed rna ba'i gzhal yas su// rin chen rigs mchog dkyil 'khor rdzogs// rnam gsum

  758. 379b

    sems dpa' spro zhing bsdu// byin rlabs dbang bskur mtshan mas brgyan// ye shes dkyil 'khor gnyis med par// mnyes mdzad rigs kyi gsang sngags rdzogs// go cha brtan pas dbang bskur zhing // bde gshegs sman gyi dngos grub gnas// thugs rje'i dkyil 'khor 'bar ba la// rdo rje'i rigs mchog gtso gzungs sbyor// lag pa'i 'khor lo'i gzhal yas su// pad+ma'i rigs kun mnyam par sbyor// 'khor lo lnga yi gnas bzhugs pas// rigs kyi dkyil 'khor kun bdag nyid// rnam gsum cho gas rdzogs pa yis// gtso dang sprul pa'i tshogs bcas rnams// phyag rgya rgyan gyis kun tu brjid// rigs kyi lha dang sgo ba'i tshogs// dbang bskur byin rlabs rdzogs pa dang // ye shes dkyil 'khor gsal bar dgug/ tshad med bzhi yi gnas brtan nas// yang dag mchod cing bstod byas te// sngags dang phyag rgyas byin brlabs shing // 'od zer spro dang bsdu ba yis// sangs rgyas kun bdag ngo bo nyid// rang gi gnas su bstim byas te// dbang bskur snang ba ye shes rdzogs// rdo rje dril bu'i phyag rgya yi// brtul zhugs bzang po bla na med// thabs kyi ye shes brtan pa nyid// 'od 'phro shes rab dbyings su 'khyil// cha lugs mtshan rdzogs phyag rgya'i sku// don kun dngos grub bzang po yi// theg chen gsang ba bla med par// phyag rgya'i cho ga sna

  759. 380a

    tshogs dang // kun tu mtha' yas spyad pa'i sgo// phrin las sna tshogs rdzogs byed pa'i// de dag las rnams kun sbyor zhing // dngos grub mtha' yas grangs med 'jug/ yi ge'i mchog rnams mi shigs pa'i// dam tshig mchod pa kun gyi gnas// sbyong ba'i bye brag rol pa nyid// rjes su snang ba'i tshul rdzogs pas// las rnams kun la thogs pa med// 'di ltar sangs rgyas thams cad kyi// rdo rje'i theg chen dgyes pa'i mchog/ phyag rgya'i 'jug pa mnyam sbyor bas// de ring khyod nyid lung bstan mdzad// sras kyi byang chub sems rnams dang // tha dad don kun ston byed cing // khams gsum gnas chen bsgral dka' bar// mi ldog de bzhin gshegs pa'i tshogs// theg pa'i mtha' bral rnam par dag/ sa gsum dbang phyug 'byung gnas mchog/ yang dag lung bstan rdzogs pa yi// rigs kyi 'khor lo kun bsgyur zhing // bya ba chen po las mthar phyin// sdug bsngal nyon mongs nyes pa'i tshogs// thams cad yul kun las 'das shing // las kyi rgya mtsho kun 'dod pa'i// chags bcas yul kun sgrol bar byed// gnas ngan sdug bsngal thams cad kun// rab tu sbyangs pas gnas kyi mchog/ khams gsum bya ba kun rdzogs shing // lhag ma dang bcas grol ba nyid// dbugs dbyung gsang ba bla na med// sangs rgyas kun gyis

  760. 380b

    bstan par mdzad// lhag pa'i dam tshig gnas rnams kyi// ye shes yan lag tshul 'jug pa// kun mchog 'brel pa med pa'i chos// rang bzhin rdzogs pa'i bdag nyid do// yang dag ye shes 'dod pa yis// mgon po kun mchog la gsol 'debs// mchod bstod mnyes pa'i yan lag gis// rigs kyi pho brang nye bar mdzes// phyag rgya rigs dang mthun pa'i yum// dbang bskur byin rlabs rdzogs byas te// tshul bzhin mngon par sbyangs pa dang // rol pa'i brtul zhugs rnam pa bdun// dkyil 'khor lus kyi bdag nyid la// byang chub sems kyi cha rdzogs 'gyur// las rnams brtan pa'i thig le nyid// phyag rgya bde ba'i cha skyed cing // longs spyod gnas su yang dag nyid// kun tu mnyes pa'i 'khor lo mchog/ thams cad gsal zhing rdzogs par 'gyur// shes rab las byung ye shes te// rang gnas phyag rgya chen po'i bdag/ yang dag gsol gdab mthun pa'i grogs// mchod pa kun gyis mnyes par bya// b+ha ga dkyil 'khor ji bzhin par// thar pa chen po'i grong khyer mchog/ rigs kun thabs dang shes rab kyis// mtshan bcas mtshan ma med pa'i dngos// bde ba'i ye shes mnyam rdzogs pa'i// don kun gsal ba'i ngo bo nyid// dga' dang rjes su dga' ba dang // dga' bral lhan cig skyes pa'i mchog/ rang byung ye shes zag pa

  761. 381a

    med// yang dag brtan pas sku rnams rdzogs// khams gsum thams cad de lta bur// mngon par byang chub ye shes nyid// rang bzhin rgyal ba thams cad kyi// phyag rgya bde chen gsang ba'i mchog/ thams cad yul kun rdzogs par gnas// bde chen zhi ba'i ngo bo nyid// khams bcur bde ba'i lam gnyis dang // dbu ma bcud 'dus mtshan ldan pa// dra ba'i rtsa dang dbang po dang // phung sogs ye shes bde 'khor lo// hUM gi bde ba ye shes bcas// tshogs brgyad rin chen ye shes lnga// sngags rdzas dgongs pas gang blangs pa// kun nas ldang zhing skyob pa yis// sdug bsngal las grol rigs su nges// mi bskyod yab yum rol pa las// bde ba gsal zhing mi dmigs pa// shes rab thabs kyi phyag rgya'o// rdo rje ye shes hUM tshogs kyis// pad+ma ye shes bsdus par 'khyil// nyung dkar tshad tsam rdo rje sems// rtse nas phyin pa yis// rang bzhin chos khams dkyil 'khor rdzogs// sa bon zung 'jug gnyis dang bcas// gnas ngan len pa gsum sbyangs te// dmigs med sems kyi ye shes lnga// gsal bas sa bon tshig pa bzhin// mi skye thabs kyis dbugs dbyung ba'o// thams cad rang gi byang chub sems// sa bon nyi zla'i dkyil 'khor brtsegs// 'khor lo'i khams rnams sbyor ba yis// gsang ba'i thig le kun rgyas

  762. 381b

    pas// cha shas zung 'jug yul las 'das// phyi nang khams gsum de lta bu// bde ba chen po'i dngos nyid do// de las gzhan yang bshad bya ba// rjes su 'jug pa'i phyag rgya nyid// zil pa'i thig le sngon lam bzhin// bcu drug phyed phyed thig le gcig/ phan tshun 'khod pa'i stobs nyid kyis// bde ba gnyis pa'i ngo bo rdzogs// gsum pa ye shes dkyil 'khor du// gsal rdzogs shar bar gyur pa'i sgra// rang bzhin 'od gsal dkyil 'khor ro// de las gzhan yang bshad bya ba// rdo rje nyi ma thabs kyi rgya// phung khams phyag rgya'i tshogs dang ldan// de la bsil byed shes rab dngos// dus gcig ro mnyam thig le che// sum cu rtsa gnyis mtshan rdzogs shing // zla ba'i ye shes lnga bcu drug/ dpe byad la sogs dpag tu med// sems shes mngon par shes dang ldan// sems dpa' 'gro 'ongad rdzu 'phrul shes// gnas nas log pa thim pa'i sgra// mtha' gnyis ma gos pad+ma can// sprul pa'i gnas nas bkye ba yis// bzhi bcu rtsa lnga la sogs mtha' yas kun// rang rig nyid las dang gsal ba// bcu gsum yi ge 'khor lor rdzogs// zhes gsungs pas smin par gyur to// rdo rje sems dpa' sgyu 'phrul dra ba gsang ba'i snying pa de kho na nyid rol pa chen po'i rgyud las// dbang gi le'u ste bdun pa'o// // de nas bcom ldan kun tu bzang // rang gi dkyil

  763. 382a

    'khor gnas nyid na// sku sung thugs mchog ye shes che// dam tshig yan lag rdzogs pa'i bdag/ ma lus srid dngos dag pa yis// rang bzhin dam pa rnams kyi gzungs// don mchog phyag rgya ston byed cing // mtha' yas byang chub spyod pa'i tshogs// 'dren pa'i cha shas snying po'i sku// kun nas rdzogs pa'i 'khor lo nyid// bya ba chen pos don spyod cing // thabs dang shes rab 'brel ba'i tshogs// gzugs su gyur pas brtson ldan pa// bya ba chen po kun sgrol zhing // de bzhin nang nang dang 'dra yin nam gi phyi rol tshogs// dam tshig yul rnams gtan la 'bebs// bla med theg par rab bsngags pa// rgyu rkyen 'bras bu dbye ba yi// sa dang lam kun grangs 'das shing // sgrub pa'i phyag rgya bstan pa nyid// kun bzang 'jig rten 'khor lo'i mchog/ bya dka'i gnas rnams rab tu rdzogs// sdom pa'i tshul khrims mtha' yas pa'i// theg pa'i mchog rnams mngon bstan te// rang bzhin yul gyis rnam dag pas// bya dang byed po gnyis su med// sangs rgyas theg pa bsam yas par// mi dge bcu dang mtshams med lnga// nyes spyod las rnams mtha' yas kun// rang bzhin dman rnams 'ching ba'i rgyu// yang dag rtogs par rnam par grol// mnyam pa chen po'i dam tshig tu// ma lus kun 'dus rnam dag cing // kun nas nyon

  764. 382b

    mongs 'khor ba'i gnas// yang dag spyod gnas theg pa'i mchog/ srog gcod ma byin len pa dang // rdzun tshig log par g.yems pa dang // thabs kyi yan lag kun 'gyur bas// shes rab chen po'i rtsal rdzogs pa'o// sku dang gsung thugs yon tan dang // phrin las bya ba mtha' yas pa'i// sdom bcas tshul khrims dam tshig nyid// rigs kyi tshul bzhin 'jug pa'i mchog/ sngags dang phyag rgya'i las rnams kyis// las kyi 'khor lo dag par 'gyur// rtsa ba lnga dang yan lag bcu// rnam par spros pa'i tshogs ldan pas// gnyis dang gsum gyi cha shas rdzogs// rigs mthun spyod pa bzang po yis// drug cu rtsa brgyad yan lag nyid// thabs dang shes rab tshul 'jug pas// phyag rgya'i las kun mtha' yas pa// bkod dang yang dag bkod pa dang // rnam par bkod pa'i 'khor lo nyid// zin pa skyon bral thig le nyid// brtan pa nye ba'i las dag gis// sum brgya drug cu'i yan lag rdzogs// de dag 'khor lo'i tshul bzhin du// yan lag bdun gyi bdag nyid can// ngo bo sum cu rtsa gnyis te// rab tu sbyor bas drug cu brgyad// ring du bskor zhing ma 'dres pa// rtsol ba'i bye brag rgyu dang bral// gnas skabs yul kun rdzogs pa yis// rang dang spyi yi mtshan nyid rgyas// spyi gsang bzhi dang bar gsang bzhi// gsang bar 'os dang gnyer gtad

  765. 383a

    dag/ bye brag mkhas pas rdzogs bya ste// gsang ba'i don kun shes par bya// bsrung dang bsgrub pa'i dam tshig mchog/ tshul rnams bsdus pas sku gsung mchog/ dkyil 'khor slob dpon phyag rgya dang // gsang sngags grogs dang yul bcas pa// yag dag brtan pas brjid byed cing // bcu gnyis nyi shu rtsa lnga dag/ gsang ba'i mchog tu gyur pa'o// dam pa'i gnas kun rgyas pa yi// phyag rgya'i yan lag mtha' yas shing // rang gi gnas su 'jug byed pas// dam tshig chen po gsang ba'i bdag/ rigs kyi 'khor lo stong rtsa brgyad// rgya chen bkod pa'i gnas rdzogs 'gyur// yang dag yang dag ma yin/ sems// de dag nyon mongs la sogs sgrib// phyi rol gzhan gyi don tshogs te// sangs rgyas theg par mi 'gyur ro// theg pa'i mchog rnams mtha' yas pa'i// 'bras bu gsang chen 'di nyid yin// ye nas dag mnyam rtog pas spyad// mnyam nyid rdzogs pa'i tshul gyis 'grub// ces kun tu rgya chen bstan par mdzad do// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las/ dam tshig bkod pa'i le'u ste brgyad pa'o// // de nas rigs kyi 'khor lo mchog/ de bzhin gshegs rnams ma lus pas// nye ba'i dkyil 'khor bzang po nyid// bsnyen bsgrub rdzogs pa'i yan lag

  766. 383b

    mchog/ thams cad dag pas dbang bsgyur zhing // 'bras bu sgrib pa med pa'i bdag/ thun mong gnas kyi bye brag gis// las kun dngos po ma 'dres chos// thabs dang shes rab las byung ba// tha dad gang gis gang ston cing // mtha' dang dbus bral yul kun nyid// ma lus bkod pa'i dngos grub mchog/ sangs rgyas kun gyis bstan par mdzad// rten cing 'brel bar 'byung ba'i chos// thabs rnams yan lag rdzogs pa yis// 'gro ba kun gyi las dag pa// de dag rdzas kun mngon par snang // rang bzhin ye shes kun rdzogs gnas// rigs kyi 'khor lo yum dang bcas// gnyis med rol pa'i byin rlabs kyis// 'byung ba'i tshogs rnams bshigs pa dang // spro zhing sbar dang bkod mdzad de// snga ma'i gnas kun gzhan 'gyur bar// bya ba chen po'i don ston mdzad// oM AHhUM swA hA/ sa ma yo gI nirti swA hA/ oM man+t+ra la gar+b+he hUM swa b+ha wa sa ma ya haM/ oM sarba shud+d+ho s+t+waM/ oM pa ri gar+b+ha sid+d+hi hUM/ oM ga ga na sas+tho ta na hUM/ de dag yul bcas 'gyur byed cing // rigs tshogs phyag rgya sngags dang bcas// ting 'dzin spros pa'i tshul nyid kyis// de nyid gnas mchog 'grub par 'gyur// dpag tshad brgya dang stong la sogs// rab tu grags pa'i mkhas rnams kyis// tha snyad yul rnams sbyong mdzad cing // 'dod pa'i dngos grub kun gyis gzugs// rang sems dri med

  767. 384a

    sbyangs pa'i mthus// dpag bsam shing dang rin chen sogs// rdzas kyi mchog rnams 'grub byed cing // de nas longs spyod tshams par 'gyur// thun mong mngon par shes pa'i stobs// thabs kyi bye brag mtha' yas pa// rig pa bzang po'i phyag rgya yis// 'khor lo rnams bcas kun tu sbyor// ral gri mig sman bcud len dang // rkang mgyogs gser 'gyur bum pa bzang // mkha' 'gro 'jig rten kun skrod pa// 'khor la sogs pa rig pa'i bdag/ rdo rje a dzi ra la'i tshogs// ma g.yos kun tu khyab byed pa'i// dngos grub la sogs grangs med bdag/ rang gi lha yi ting 'dzin rdzogs// dkyil 'khor kun nas dkyil 'khor ldan// 'khrul 'khor nyi rim sbyor ba dag/ sngags dang phyag rgya dbang sbyor te// bsam gtan yul tshogs kun gsal ba// rgyu 'bras bye brag tha dad rnams// rang gi rkyen gyis rnam par 'grub// pho brang dkyil 'khor bzang po nyid// rtse gcig ldan pas brtan par 'gyur// oM sarba a nu ra ga sa mo ga ta na hUM// oM ma ha sa ma ha yA hri ta ni man gar+b+ha hUM/ rA ga dza la dza la pra mo ta na hA/ oM sarba ga ni lo ka na pra tI shwa ra hUM phaT swA hA/ khams gsum thams cad rnam par dag/ rigs kyi dkyil 'khor kun rdzogs byed// yang dag bden pa'i byin rlabs kyis// 'dir gnas las kun 'grub gyur cig/ sangs

  768. 384b

    rgyas kun gyi gzi brjid dang // gsang sngags kyi 'khor lo mchog/ phyag rgya bden pa'i byin stobs kyis// las kun dngos grub stobs rdzogs shog/ smon lam rnam par dag pa yi// byin rlabs tshogs gnyis rdzogs pa nyid// ji srid bdag gis dbang du ni// don kun bsam pa'i las rdzogs shog/ bsnyen pa'i yan lag rnam bzhi yis// rdo rje bkod pa mtha' yas mchog/ gtso bo rigs kyi skur rdzogs pas// phyag rgya'i yul kun brtan par mdzad// nye bar bsnyen pa'i yan lag bzhis// chos don lha mo gzungs kyi tshogs// sbyor ba'i phyag rgya kun spyod cing // sangs rgyas thams cad brtan pa'i bdag/ bsgrub pa'i yan lag rnam bzhi yis// zhing khams chen po kun sbyangs shing // phyi nang yul kun rdzogs pa nyid// dkyil 'khor brten pa'i 'khor lo rdzogs// bsgrub pa chen po'i yan lag bzhis// sangs rgyas thams cad sbyong mdzad cing // rten dang brten bcas mngon par 'phrul// phyogs dus ye shes rdzogs pa'i mchog/ rab dga'i tshul gyis mngon sum du// thabs kyi 'khor lo 'gog pa dang // shes rab 'khor lo 'gog pa'i mchog/ phyag rgya gsang ba'i bsgrub pa nyid// gnyis med don gyis rnam par spyod// nye bar bstan pa'i rdzas rnams la// rten cing 'brel bar 'byung ba'i mthus// rigs mchog phyag rgya gsal 'gyur

  769. 385a

    zhing // 'khrul 'khor phyag rgya'i bye brag gis// sangs rgyas kun gyi gzugs ston cing // mkha' la kun gzugs snang ba yi// rdo rje 'khor lo rin chen dang // pad+ma ral gri sna tshogs gzugs// 1 bar spyod pa'i phyag rgya nyid// mtshan ma'i dngos grub sna tshogs pa// rang gi rten bzhin skye bar 'gyur// sku dang gsung thugs las byung ba'i// dngos grub snying po'i lha gnas mchog/ rang gnas mthong ba'i ye shes kyis// sa gsum dbang phyug rdzogs par 'gyur// phyag rgya'i cho ga gang rdzogs pa// lam kun bskyed pa'i yan lag ste// mi shigs dkyil 'khor sngags kyi mthus// bya ba chen po'i don rdzogs shing // zag pa med pa'i dngos grub mchog/ rab tu brtan pas 'bras bu nyid// sangs rgyas kun gyi ye shes mchog/ dus gsum rdo rje 'dus ma byas// snang dang stong pa las grol zhing // mtha' dbus dus sogs mtshan rnams bral// gnyis med ye shes dngos grub mchog/ rang gnas byang chub sems las skye// skye 'gag rtag chad spros pa'i gzhi// zhen pa'i tha snyad yul bral zhing // khyab dang khyab byed sna tshogs dag/ yang dag chos sku'i rang bzhin las// longs spyod rdzogs dang sprul pa'i tshogs// 'bras bu'i mdzad bcas rnam par dag/ mi gnyis dngos grub brtan 'gyur ba'o// phyogs kun nas yang dag par ston pa'i tshul gyis/ de

  770. 385b

    dag gi snang ba dang bcas pas kun nas rgyas par gyur to// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las/ bsgrub pa'i sgo rnam par dbye ba'i le'u ste dgu'o// // de nas zhing khams ma lus rnams// rigs kyi phrin las thams cad kyis// sangs rgyas dngos grub mtha' yas rnams// tha dad rdzogs pas theg pa'i mchog/ rang bzhin sangs rgyas thams cad kyis// bstan pa'i tshogs rnams gsal mdzad cing // kun kyang zhing khams rnam par dag/ phrin las kun nas ma 'gags pa'o// rigs mchog lhun gyis grub pa yi// phyag rgya gsang sngags rgyud ldan pa// nam mkha'i mtha' klas yul rnams dang // bya ba kun nas rnam par dag/ theg pa'i mchog ni bye brag gnas// dam pa'i yul kun rdzogs pa nyid// de dag cha shas cha shas 'das// las dang 'bras bu mtha' yas mchog/ phyi nang rdzas kyis 'grub par 'gyur// sangs rgyas thams cad bsgrub pa'i gnas// phrin las yul rnams mthun pa'i rdzas// zhi rgyas dbang dang mngon spyod dang // mnyam gnyis lhun gyis grub pa'i bdag/ rigs kyi dkyil 'khor rab 'bar ba// rigs kyi phyag rgya mtshan mar bcas// yul bzhi'i tshogs dang mnyam sbyor zhing // phyag rgya yan lag kun rdzogs pa// nga nyid sangs rgyas kun gyi sku// rab rdzogs

  771. 386a

    phrin las bdag po'i tshul// 'od 'phro snang ba'i phreng bas mdzes// rigs mchog dkyil 'khor 'khor lo bcas// sbyor ba'i tshul gyis 'grub byed cing // rnam gsum gsal bas rdzogs par 'gyur// rigs kyi rgyu dbyibs ma 'dres shing / kha dog phyag rgya'i mtshan mas mdzes// rgya mdud nyis brtsegs bcu drug cha// dkyil 'khor gnas rnams rdzogs byas te// dbang dang byin rlabs gzi mdangs bskyed// rtse mo so so'i bye brag bzhin// rigs kyi mtshan ma yi ger bcas// zlum po gru bzhi zla gam dang // gru gsum brjid pa'i ri bo'i tshul// nges par btab na lha rnams yang // skad cig yud la 'grub par 'gyur// thabs dang shes rab snyoms 'jug pa'i// rdo rje gtun khung byin rlabs can// rab tu sbyor ba'i gnas rdzogs pas// khams gsum rdzas rnams yul dang bcas// gnyis med 'od zer sbyar ba'i mthus// phrin las rnam bzhi'i tshul bzhin du// rab rdzogs brtan pa'i las kyis 'grub// kun nas sbyar ba gtor ma'i rdzas// kha dog dbyibs rdzas phun sum tshogs// so so'i drir bcas sngags ldan pas// las rnams rdzogs pa nyid du 'gyur// bro gar 'du 'phro'i phyag rgya dang // rdo rje lu gu rgyud bsdams te// phyogs rnams kun nas bskyod byas te// phrin las mngon par rdzogs pa nyid// dkyil 'khor kun

  772. 386b

    nas mnyam rdzogs shing // 'od sbrul phyag rgya'i gnas nyid du// rab 'bar rdo rje'i mtshon cha yis// 'dod pa'i yul rnams lha gnas pa'o// 'bar ba'i hom khung gnas kyi mchog/ dam tshig mi gnas 'khor lo la// ye shes 'khor lo mnyam rdzogs pas// sbyin bsreg kun nas rgyas par 'gyur// dgug dang gtang dang bcings dang bkrol// gso gsad 'pham rgyal la sogs rnams// sbyor ba'i yan lag kun ldan pas// bstan pa'i yan lag rdzogs par 'gyur// lcags kyu zhags pa la sogs rdzas// de dag 'dod pa'i pho nya mchog/ thabs dang shes rab mnyam sbyor bas// byang chub sems sogs dkyil 'khor kun// phyogs mtshams bla 'og rnams spros te// sprul pa mkha' 'gro phra men tshogs// lha mo kun gyi sbyor ba yi// 'khor lo mchog tu gyur pa rnams// rab rdzogs sbrul bcas byin brlabs bzhin// cha shas grangs las rnam par 'das// me lha'i rgyal po'i rdzas bkug ste// phyag rgya 'di yis brtan byas la// 'bar ba'i snyoms 'jug brdar bcas pas// khams gsum ye shes 'bar ba'i mchog/ rigs kyi rgyal ba kun sbyor zhing // bro gar 'du 'phro'i gnas 'jug pas// mtshan ma'i yul kun rnam par dag/ phrin las lhun gyis grub pa nyid// sangs rgyas kun gyi rnam 'phrul nyid// byang chub sems dpa' ma lus sgrol// de dag

  773. 387a

    mdzad pa rgya chen pos// khams gsum ye nas rnam par dag/ dkyil 'khor sbyor ba kun rdzogs shing // rnam par 'phrul pa'i stobs rdzogs pa// bya ba'i gnas rnams rol pa nyid// bsod nams ye shes tshogs chen rdzogs// zhing khams chen po kun 'das pa'i// sa dang lam bcas yang dag sbyor// bye ba bzhi 'bum 'khor lo'i sku// bkod pa gsang ba'i bdag nyid mchog/ sdong gcig ma dang me reg sogs// drag shul sbyor bas chags pa'i yum// mngon spyod las kyis sgrol mdzad cing // 'dod pa kun 'byung rnam par spyod// ljon pa dag dang lcug phran la// ngo mtshar yul kun mnyam sbyor te// zhi rgyas dga' zhing dngas pa'i yid// phrin las 'dod pa kun gyi mchog/ rang bzhin mngon par 'phel ba'i tshul// mi shigs thig le'i stobs rdzogs pas// 'khor lo drug gi gnas rgyas 'gyur// rim bzhin sbyor ba'i byin rlabs kyis// lugs 'byung lugs las zlog pa'i tshul// rnam par 'phro ba'i rtsol ba las// kha dog drug ldan dkyil 'khor rgyas// de dag phrin las stobs rdzogs pas// 'phro 'du gnas pa'i phreng bar bcas// rigs kyi dkyil 'khor ji bzhin par// thams cad brtsams pa'i las 'grub 'gyur// bya ba mtha' yas pa'i sgo nas mdzad pa'i las kun tu rdzogs par snang ngo // rdo rje sems dpa' sgyu 'phrul dra ba

  774. 387b

    gsang ba'i snying po de kho na nyid rol pa chen po'i rgyud las/ phrin las kyi le'u ste bcu pa'o// // de nas de bzhin gshegs pa rnams// nyid kyi dkyil 'khor khro bo yi// rol pa'i ting 'dzin gnas la bzhugs// dkyil 'khor phrin las spro mdzad cing // phyogs bcu'i dregs byed thams cad kyis// nga rgyal gtum tshogs 'jigs mdzad phyir// rigs kyi bdag po bsdu mdzad cing // khro bo rol pa'i tshogs sprul mdzad// khams gsum 'jig rten rgya chen por// nyon mongs las kun zhen pa yi// dregs byed tshogs rnams nyon mongs mthus// rang gnas rgyud kun 'bar bar byed// las kyi sdug bsngal tshogs rgyas pas// kun nas nyon mongs mnar bar 'gyur// bdud kyi sde rnams dpung bcas pa// thams cad dregs pa'i mthu yis myos// de nas gtso bo lha chen rnams// nyon mongs las kyi spyod pa yis// 'byung chen gnas rnams g.yo mdzad cing // gcig la gcig gis gdung sems dang // thabs kyi sbyor ba sna tshogs kyis// rgyal srid yul kun 'phrog par byed// las kyi sdug bsngal stobs rgyas pa'i// mi mthun gnas kun 'khrugs pa las// 'jig rten khams rnams me 'bar zhing // rmongs nyams sngangs nas las gzhan 'gyur// de tshe nyon mongs dregs pa'i mthus// dur khrod bdag po stobs rgyas shing // las kyi nyon mongs

  775. 388a

    kun nas spyod// dregs byed sder bcas 'joms byed pa'i// rA tra mngon par lcags gyur te// khams gsum mngon gnas rigs gnas kun// rngam 'khrugs myos shing bred par byed// de nyid stobs kyis lus ngag yid// kun nas sprul pa'i tshogs 'gyed cing // rang gi mthu stobs phyogs bcur spro// nyon mongs nyon mongs sdug bsngal tshogs// kun nas gzir ba'i 'gro rnams dang // de dag bdag po'i dregs byed dpung // thams cad sdug bsngal gcig tu 'bar// las kyi bdag pos dbang bsdus te// de nyid nyon mongs bsnyems par gnas// de dag kun nas dregs pa'i mthus/ mi dge gnas sogs longs spyod pa'i// sder bcas de dag las bzhin spyod// sngon dus yang dag brtan pa'i stobs// thams cad mkhyen pas gzigs gyur nas// thugs rje'i dkyil 'khor kun snang ba'i// khro gnas mngon par sprul pa mdzad// khro bo'i sprin phung mtha' yas pa'i// sku gsung thugs sogs bkod pa'i mthus// phyogs bcu'i dkyil 'khor mtha' rgyas shing // stong gsum rdul snyed snang byas te// 'jigs pa'i gzugs can mtshon cha dang // rab gtum gsang sngags drag po yis// nyon mongs las kun dag par mdzad// phyogs bcu'i bgegs rnams btul ba yis// dregs pa'i stobs rnams dpung bcom ste// rang gi dkyil

  776. 388b

    'khor gnas la bkod// rab gtum drag po'i 'byung po rnams// nyon mongs ngar bcas tshogs rnams sbrul// 'jigs pa'i gzugs dang mtshon cha dang // phra men mkha' 'gro'i rbod gtong 'gyed// drag po'i 'gro ba ma lus kun// las kyi stobs rdzogs mthur ldan zhing // bdud rigs nag po'i phyogs su gnas// sangs rgyas kun gyi rdzu 'phrul gyis// stobs chen khro bo grangs med tshogs// phyogs rnams kun nas spro mdzad de// 'jigs pa'i mtshon cha'i char phab ste// de dag sder bcas brlags par mdzad// ma lus sha khrag rus pa'i tshogs// ngo mtshar chen po'i zhal du gsol// ye shes cho 'phrul yan lag rnams// kun tu rol pas sbyor mdzad cing // ngo mtshar bcu gnyis cha lugs kyis// rigs kyi dkyil 'khor gnas su bkod// mthu lnga dbang lnga yang / sman lnga 'bras bu lnga// rab rdzogs bstan pas khro bo'i sku// ngo mtshar chen po'i yul rnams dag/ de dag bstan pas rdzogs pa nyid// nyon mongs sha khrag rus bcas pas// dug gsum rnam dag mchod pa che// yang dag gsol bas dgyes pa dag/ thugs rje chen pos slar bzung ste/ shes rab snying rje 'brel ba'i tshogs// khams gsum sa gnas mngon par sgrol// rnam gsum sku gsung thugs kyi bdag/ 'og min mi 'khrugs bde ldan gnas// rigs tshogs byang chub sems dpar

  777. 389a

    bcas// thugs rje mngon 'byung dkyil 'khor nyid// bdud rtsi 'byung ba'i dkyil 'khor gyis// mi gtsang snyigs ma'i tshogs rnams kun// mngon par bstan pas rdzogs pa'i sku// thal ba'i dbang po zhes bya ba'i// de bzhin gshegs pa'i thugs rje'i bdag/ bskal pa bzang po'i dus nyid du// ma 'ongs 'gro gnas spyod par 'gyur// thabs mkhas mngon par rdzogs pa yi// sangs rgyas mdzad pa ngo mtshar che// dregs byed thal bar brlag pa las// thal ba'i dbang por lung bstan mdzad// de phyir gsang ba'i theg pa 'di// thabs dang shes rab rol pa'i rgyud// sgyu 'phrul thal ba zhes bya ba'i// ngo mtshar bshad pa'i dra ba'o// dus gsum 'byung ba'i gnas rdzogs pas// kun mchog go 'phang thabs rdzogs par// rab tu sprul pa'i dkyil 'khor rnams// yul 'dir mngon par rdzogs pa nyid// rnal 'byor ngo mtshar las byung ba'i// sangs rgyas kun gyi dgongs pa mchog/ rab tu spyod rnams grol 'gyur zhing // tshul rgyun 'jug pas mya ngan 'das// de ltar 'phrul pa'i dkyil 'khor mchog/ rigs kyi bkod pa snang mtha' yas// nyon mongs las kyis gdungs pa la// de nyid thabs kyis 'dul mdzad de// mthun pa'i gzugs dang sgra nyid dang // phyag rgya kun nas sprul pa'i tshogs// mi mthun gnas rnams sna tshogs pa'i// cha

  778. 389b

    lugs kun dngos 'gro ba'i tshul// rnam pa lnga yi gdul bya la// de bzhin ston pa'i 'dul byed mchog/ 'khor nas mya ngan 'das sbyor ba'i// phra men lnga brgya drug cu gnyis// phyogs bcu'i zhing khams mtha' yas pa'i// sder bcas rang rgyud mthun pa'i gzugs// de dag gnas rdzogs bsdu mdzad cing // rnam kun dag pas rdzogs pa nyid// rang gi dkyil 'khor ji bzhin par// phyag rgya 'dus tshogs lha mo'i sku// mkha' 'gro phra men sgo ba'i tshogs// rang gi lag cha phyag rgya dang // ngo mtshar yul bcas rol pa nyid// lha 'dre dregs pa'i tshogs rnams kun// 'dam rdzab mi gtsang gnas dag nas// tshad med gdung sems byang chub sems// ldang dang rnam par ldang ba'i yid// kun nas spyod pas dbugs phyung ste// mi gtsang gnas las grol bar gyur// de rnams phyogs gcig gnas gcig 'khod// nyon mongs la sogs 'gyod bcas gdungs// rigs bdag kun la gsol ba 'debs// rang gis 'byor pa'i rdzas phul zhing // dbang bskur dam tshig la gnas 'gyur// kun nas dam bcas smras pa'i tshig/ dus gsum mi 'gyur brtan par gnas// rdo rje theg pa'i don bzhin du// yang dag bsgrub la nan tan gyis// tshogs kyi dkyil 'khor bzung byed cing // de ming 'dzin bcas bsrung ba mdzad// 'khor gyi dbang phyug bran tshogs rnams// gtso

  779. 390a

    ba'i bka' bzhin nye bar gnas// mngon rdzogs sangs rgyas ye shes la// shes rab che ldan sbyor ba'i mthus// thugs rje'i bdag po'i lung bzhin du// rab tu spyod pas grol 'gyur dang // dus mtha' ji srid sems can don// dam bcas byang chub spyod pa mchog/ stobs chen drag po'i tshogs rnams kun// khro bo'i dkyil 'khor mngon rdzogs pa// bde gshegs mdzad pa'i byin rlabs mchog/ sgyu 'phrul dra ba'i ngang tshul can// shes rab gnas kyi phyag rgya las// kun nas spro dang bsdu ba'i tshul// 'khor lo'i gnas kun rgyas 'gyur te// yang dag sbyor ba'i rlung gi tshogs// gnas kun brtan rdzogs sdud pa'i bdag/ me rlung yang dag phyogs rgyas pas// sprul pa'i dkyil 'khor mdzad bcas rdzogs// ma lus chos kyi gnas 'jug cing // longs spyod rdzogs sku kun gyi bdag/ yang dag brgyad kyi sgra gnas sel// rnam shes tshogs brgyad ye shes nyid// bcu drug rol pa'i pho nya yis// bde ba chen po'i 'khor lo rgyas// kun nas spro dang bsdu ba yis// phyi nang 'jig rten dag par mdzad// drag po'i tshogs rnams 'joms mdzad cing // rigs kyi 'khor lo rdzogs pa'o// zhing khams thams cad dag par mdzad// dkyil 'khor kun nas sprul pa'o// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud

  780. 390b

    las/ khro bo'i dkyil 'khor mngon par bstan pa'i le'u ste bcu gcig pa'o// // de nas rnal 'byor dbang phyug mchog/ dbang po yul dus rol pa yi// thabs dang shes rab spyod pa'i gzhi// bya ba chen po'i las 'di gsungs// thabs kyi phyag rgyas mtha' rnams rdzogs// de dag rnam shes dbang por bcas// shin tu brtan pa'i bdag nyid can// bya ba kun nas skad cig la// rigs kyi 'khor lo thams cad kyi// phyag rgya'i dkyil 'khor thabs kyi mchog/ yul bcas rnam par dag byed cing // bde gshegs byang chub yan lag rdzogs// yid kyi yi ge rgyun dang bcas// rdo rje'i rigs dang de bzhin gshegs// rin chen pad+ma las rnams kyi// cha lugs tshul gyi kun spyod pas// dag pa'i dkyil 'khor rnam pa gsum// rtog pa bzhi yi bdag nyid can// gnyis med ye shes thugs rje'i mchog/ 'phrul pa'i ting 'dzin yongs su rgyas// thabs kyi spyod pa rgya chen te// kun nas sbrul dang bsdu ba dag/ de dag dkyil 'khor ji bzhin pa'o// spros bcas spros pa med pa dang // rtse gcig bstan pa'i phyag rgya mchog/ shes rab rigs kyi lha mo rnams// nye bar bkod sbyangs byin gyis brlabs// so so'i mtshan ma rgyan ldan par// yang dag brgya pas sbyor ba'i gnas// rdo rje 'khor lo la sogs kyi// mtshan ldan mtshan ma'i don bzhin du// rab tu sbyangs

  781. 391a

    pas phyag rgya rdzogs// shes rab nye bar sbyar ba'i mthus// rol pa'i brtul zhugs gnas rgyas te// gang zag bzhi yi bye brag gis// tha snyad dkyil 'khor yul kun rdzogs// rigs mchog phrin las thams cad kyis// sbyor rtags phyag rgya bde ba'i yum// thang gcig yud tsam gcig la sogs// bskal pa chen po'i bar du gnas// mi shes sgrib sogs kun bral zhing // ye shes phun sum tshogs pa'i bdag/ shes rab spyod pa bla na med// chos dbyings yul kun rnam par sbyor// gnyis su med pa'i bdag nyid kyis// thams cad yul kun dbang bsgyur zhing // phung po khams dang skye mched sogs// phyi nang snod bcud ma lus kun// rang bzhin rdzogs pa'i dkyil 'khor che// dus gsum mnyam pa chen por sbyor// shes rab dbang po yul gyi rgyun// kun nas rol pa'i brtul zhugs kyis// bde ba chen po'i thig le'i dbyings// mtshan ma'i yul bcas gnyis med pa'i// thabs dang shes rab 'bras bu'i mchog/ kun nas dkyil 'khor snyoms 'jug cing // rang bzhin yul kun las 'das pa'i// zung 'jug gsang ba spyod pa'i mchog/ kun nas ma 'gags rol pa'i chos// lha dang lha mo'i dkyil 'khor nyid// rnal 'byor gnyis med spyod pa'i don// ngo mtshar yul kun rmad du byung // ji ltar 'gro nyal 'dug pa dang // spyod lam

  782. 391b

    gang tshe gnas pa'i dus// sku gsung thugs kyi brtul zhugs mchog/ kun rgyud rnam gsum dag pa yi// phyag rgya sngags dang ting 'dzin gyis// zhing khams thams cad rnam sbyangs te// yang dag bsrungs pas 'grub par 'gyur// dam tshig rnam par nyams pa dang // mthu dbang byin rlabs med pa dag/ phyag rgya'i dkyil 'khor brtan gnas shing // kun nas bsrung ba'i 'khor lor ldan// thabs dang shes rab gnas 'jug pa'i// sangs rgyas don yod grub pa'i mchog/ yang dag sbyor bas kun dgug cing // ma lus 'dus pa'i thig le nyid// dam tshig chen po'i lce la bzhag/ sku gsung thugs kyi mtshan ma yis// rim par gnas sbyangs dbang bskur zhing // sangs rgyas kun gyi byin rlabs mchog/ kun nas 'dus pa'i tshul bsgoms na// rnam gsum rdzogs pa'i tshul 'dis ni// dkyil 'khor kun nas skal ba mnyam// 'dod pa thams cad bskang ba dang // dam tshig mchog rnams rdzogs par 'gyur// kha zas sogs kyis dub pa yang // spyi bor zla dkyil bdud rtsi lnga// yi ge lnga 'od 'bar ba'i mthus// rigs dang rigs bcas zhing khams rnams// rnam par sbyor bas rdzogs pa nyid// mtshan ma phra mo sku yi tshogs// kun nas spro zhing bsdu ba'i mthus// phyogs bcu'i rigs rnams bdag po nyid// dkyil 'khor kun gyi 'byung gnas

  783. 392a

    gtso// bdud rtsi bcur rnams rab rdzogs pa'i// byang chub sems tshogs snying po nyid// yang dag bsdus pas rgyas par 'gyur// kun tu tshims pa'i stobs kyis ni// rdo rje 'dzin dang skal mnyam 'gyur// longs spyod 'dod kun bral ba yis// de dag rgyas pa 'grub bya'i phyir// rin chen 'byung gnas ting 'dzin mchog/ rin chen bum pa bzang po las// yang dag bden pa'i mthu brjod cing // ji srid me tog phreng ba yi/ bdud rtsi'i chu rgyun bzang po nyid// 'dod pa thams cad dbang mdzad pa'i// gsang sngags phyag rgyas rnam par spel// rin chen rigs tshogs thams cad kyi// byin rlabs yon tan kun bsdus te// gnas lnga dag tu sbyor byas pas// thams cad rab tu rdzogs par 'gyur// 'khor los sgyur rgyal gnas chen 'grub// yang dag sangs rgyas kun dang mnyam// tshe dbang byin rlabs nyams pa dag/ mtha' yas mgon po dpag med sku// mdzod spu rin chen gzhal yas su// byang chub sems nyid u sha'i gzugs// 'od gsal kha dog lnga dang ldan// rigs kyi phyag rgyas brtan byas te// chags pa'i yul bcas dbang gi skus// khro bo mtshon cha'i phreng bar bcas// yang dag srung bas bsrung byas te// mi mthun las kun rnam par 'joms// khro bo'i sprul pa bsam yas dang // phyag rgya'i mtshan ma thams cad kyis// yul kun

  784. 392b

    gnas bcas bshig byas te// mkha' mdzod dra ba'i las chen po// rnam par spel bar rgyas pa dag/ sangs rgyas kun gyi mdangs ldan pa'o// sprul pa'i phreng ba 'od dang bcas// bkra shis g.yung drung dpal be'u mchog/ bum pa bzang dang gdugs kyi mtshan// mi shigs rdo rje snying po'i sku// phyag rgya'i bkod pa mtha' yas shing // tshe dbang rigs kun rgyas mdzad de// phyogs kun bsrung ba bla na med// yid bzhin nor bu theg pa'i mchog/ 'dod pa'i gnas mal thams cad du// dkyil 'khor 'brel bas chags pa'i gnas// bza' btung longs spyod thams cad la// sku gsung thugs kyi sa bon gyis// 'phro 'du'i byin rlabs sprul pa'i tshogs// gnas kun nye bar bskur byed cing // 'dod pa'i longs spyod lha mor bcas// sangs rgyas theg pa kun gyi bdag/ dbyings dang ye shes mnyam sbyor zhing // lnga gnyis rdzogs pa'i 'od zer dang // nyi shu rtsa lnga'i 'od zer gyis// don kun gsang ba'i bdag po las// sbyor ba'i yan lag bdun du snang // gnyis med gnyis su 'phrul pa yi// rgyal ba kun 'byung bdag nyid do// kun tu bsrung ba'i phyag rgya yis// gnas rnams kun tu rgyas gdab cing // cod pan phreng ba myu gur bcas// rang gi dam tshig rdzogs pa'i mchog/ gnas drug sna tshogs rdo rje las// khro bo yab yum sbyor ba'i rgya// rin chen phreng ba rdo/

  785. 393a

    rjes mtshan// rgya mdud gnas kun brtan pa nyid// dbu rgyan rigs lnga'i mtshan mas mdzes// sangs rgyas kun rdzogs dbang bskur mchog/ sna tshogs pa dan phreng sogs bklubs// grong khyer bzang po'i gnas 'di ru// bsod nams ye shes tshogs rdzogs pa'i// lha mo'i mchod pa bla na med// thabs la shes rab rol pa dang // thabs kyis shes rab rol pa nyid// 'jug pa rgyu dang 'bras bu mchog/ bya ba rdzogs pa'i phyag rgya yis// yang dag 'pho ba brtan mdzad cing // phyogs mtshams gnas kun 'jug pa'i tshul// mi gnyis rdo rje'i tshig ldan pas// glu gar dbyangs kyis kun bskyod cing // yan lag rol pa'i 'khor lo dag/ rnam par sbyang ba'i byang chub sems// mtshan ldan pad+ma'i pho brang sdud// bdud rtsi rnam pa lnga dang bcas// byin rlabs bsgrubs pas gsal ba nyid// bde ba chen po'i gnas rnams su// rol pa brtul zhugs gar bsgyur zhing // lha mo'i tshogs kyi gar dang dbyangs// sprul pa'i don kun spyod pa'i mchog/ bsod nams tshogs kyi 'khor lo yis// lus ngag rgyud bcas dag 'gyur zhing // rnam grol dkyil 'khor rdzogs pa'i mchog/ ye shes tshogs mchog mtha' yas pa'o// kun tu smon lam ma 'gags pas// mtshan ma'i yul kun sbyor byed kyang // zag bcas sprad pa'i rtogs las byung // khams

  786. 393b

    gsum 'bras bu las dang bcas// thugs rje ye shes byin rlabs mthus// gnyis med dngos grub 'bras bu rnams// yul kun rdzogs pa'i stobs kyis ni// zag pa med pa'i bde 'byung zhing // rang gi ngo bo gsal bar byed// spyod pa rnam par grol ba'i mchog/ rgyal ba'i mdzad pa kun rdzogs pa'o// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las/ spyod pa bstan pa'i le'u ste bcu gnyis pa'o// // de nas 'khor gyi tshogs rnams kyis// sangs rgyas kun gyi dkyil 'khor la// rab tu brtags pas 'jug gyur cing // byin rlabs yul kun rnam par 'jug/ rang gi ye shes ji lta bar// de dag snang ba bsam mi khyab// chos kyi rgyun gyi bya ba dag/ mngon par spyad pas rgya chen rdzogs// ngo mtshar ya mtshan gnas la 'jug/ sangs rgyas thams cad bstan pa'i gnas// rnam par sbas pas gsang ba'i tshul// phyag rgya thabs tshogs cho ga kun// bstan pa'i gnas su 'byung 'jug zim// kun tu bzang po'i dkyil 'khor ni// yang dag yi ge'i dpe las 'das// dgongs pa ye shes bla med pa// bya ba'i khor lo bsam mi khyab// sku yi sku ste sku mchog nyid// mnyam pa lnga yi bdag nyid la// phyag rgya'i dkyil 'khor kun 'jug cing // sum cu rtsa gnyis rdzogs pa yi// bsnyen bsgrub yan lag gnas chen po// a ha

  787. 394a

    a sha'i sbyor ldan pas// 'jigs byed ya ha tsa ta'i mtha'// pho brang ma bcas pad+ma'i dbyings// ba ta ba ra swA hA dza/ rgyu yi 'jug pa rnam bdun gyis// rkyen gyi nam mkha' rnam par dag/ yang dag nye bar bsags pa'i rgyun// drug dang drug bcas mtha' rnams 'gog/ 'bras bu der gnas mthun pa'i chos// rnam gsum sbyor ba'i stobs kyis rdzogs// nyam nga med pa'i thabs rnams kyis// rgyal ba'i pho brang bcu drug gnas// zla phyed yongs su rdzogs pa yi// dkyil 'khor gsal ba cher rgyas 'gyur// mtshan ma sna tshogs ting 'dzin dngos// de dag gnas kun lhun grub pa'i// rigs kyi yi ge bzang po'i tshogs// mtshan ma med pa'i ting 'dzin mchog/ sangs rgyas theg pa mdor bsdus te// yul dang yul can gnyis med par// byang chub sems bsags cha rgyas pas// rang bzhin rnam dag dkyil 'khor mchog/ mi rtog ngo bor dbyibs dang bral// rab sbyangs spyod pas rdzogs 'gyur zhing // pho brang yi ge'i cha bral ba// yul kun sbyangs pa'i ting 'dzin ni// dkyil 'khor bdag dang gzhan pa'i rgyud// kun nas sku 'phrul dra ba'i dngos// tha dad yul gnyis bsam yas pa'i// phreng ba cha dang cha las 'das// dmigs pa kun nas 'jug pa'i rgyun// de mtha' spros dang bsdu ba'i tshul// mnyam nyid rtogs pa rnam lnga yi// phyag

  788. 394b

    rgya rdzogs pa thig le'i tshul// rang gi gnas 'jug thig le'i rgyu// 'khor lo'i tshul bzhin 'jug pa'o// ji srid dngos grub snying po mchog/ rab tu rtogs pa rnam bzhi yis// bye brag yul tshogs gnyis med par// snang ba rnam par dag pa'i tshul// nye bar bsdus pas rdzas byas te// dam tshig dkyil 'khor mnyam ldan pa// thugs rje 'byung ba'i bdag po nyid// ye shes sems dpa' sngags lam las// dam tshig 'phro/ 'du'i bye brag gis// yan lag gnas kun rdzogs 'gyur zhing // 'od kyi thig le rnam par dag/ bu ga'i tshogs rnams thams cad dang // dbang po drug gi gnas khyab cing // rten dang brten pa'i ye shes tshogs// ting 'dzin sems dpa' bdag nyid do// sa bon zla ba thig ler bcas// yang dag sbyangs pas rdzogs pa'i sku// byang chub gnas kyi rgyan ldan zhing // mthar phyin sangs rgyas kun gyi thugs// dus gsum rgyun gyi ting nge 'dzin// ngo bo gcig nyid sna tshogs mdangs// thabs kyi 'phrul pa mtha' yas te// sangs rgyas drug gi mdzad bcas pas// dkyil 'khor bla na med pa'i mchog/ ye shes dkyil khor thams cad kun// dga' mgu dngas pas mnyes byas te// 'khor lo cha shas gnyis kyi tshul// gsol 'debs sngags dang phyag rgyu yis// rang gi yul du gshegs gsol zhing // dus ring 'gro la

  789. 395a

    gzigs pa'i mthus// ji srid bkod pa rgya chen don// pha rol phyin pa'i tshogs rnams kyi// sangs rgyas theg pa bstan par byed// sbyin sogs tshul khrims zod pa dang // brtson 'grus bsam gtan shes rab sogs// thabs stobs smon lam ye shes kyi// bya ba chen pos gzhan rgyud sel// yang dag mnyam nyid ye shes che// 'gro rnams rdo rje 'dzin pa'o// gnas kun mngon par sbyor byas te// thabs dang shes rab sbyor ba'i bdag/ gnyis med 'phrul pas bsam yas pa// de dag rnam par rdzogs pa yi// byang chub yan lag rin chen rdzas// rang gi gnas dang gnas med gzhan// spyod pa'i rgyun gyis bkod byas te// chu bo rgyun gyi tshul 'jug pa// rnam par grol ba theg pa'i mchog/ 'gro ba thams cad rin chen rdzas// nam mkha' la gnas b+ha ga nyid// rdo rje 'dzin pa bcom ldan 'das// dkyil 'khor chen por dbang bskur zhing // dam tshig gsang ba la gnas te// kun nas smin pa'i byin rlabs kyis// de dag mtha' dang tshul gzhan gyis// grong khyer mchog rnams sprul pa yi// longs spyod gnas chen mngon dga' ba// rdo rje rin chen pad+ma'i tshogs// rab sbyangs dmigs pas 'grub 'gyur zhing // bcu drug cha shas rnam par 'phel// rab tu sbyar ba'i yul 'di ni// dam pa'i ye shes 'jug pa'i gnas// bya ba'i 'khor los

  790. 395b

    gzhan rgyud sel// don kun rdzogs pa'i thig le nyid// rang byung gnas su bstan pa yin// zhes bkod pa rgya cher khyab par mdzad do// rdo rje sems dpa' sgyu 'phrul dra ba gsang ba'i snying po de kho na nyid rol pa chen po'i rgyud las/ sbas pa gsang ba'i tshul la 'jug pa'i le'u ste bcu gsum pa'o// // sgyu 'phrul ngo mtshar bshad pa'i dra ba gsang ba'i snying po de kho na nyid nges pa las/ rol pa chen po'i rgyud ces bya ba rdzogs so// // rgya gar gyi mkhan po bi ma la mi tra dang // bod kyi lo tsA ba gnyigs dz+nyA na ku mA ras bsgyur cing zhus te gtan la phab pa'o// //