Text
ff. 1b–370b · 735 folio sides
- 1b
/ rgya gar skad du/ Ar+ya bo d+hi satwa go tsa ro pA ya ba ShA ya bi kurbi ta ni rdo sha nA ma ma hA/ ni/ yA na sU tra/ bod skad du/ 'phags pa byang chub semasadapa'i spyod yul thabs kyi yul
- 2a
/ la rnam par 'phrul pa bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul 'phags rgyal na/ rgyal po gtum po rab snang gi skyed mos tshal shing sA la dang / ta la dang / ta ma la dang / dong ka'i shing dang /
- 2b
gro d+ha dang / p+lag sha dang / u dum wa ra dang / par shi ka dang / d+ha nu ska ri dang / a ti mug ta ka dang / tsam pa ka dang / mya ngan 'tshang dang / skya snar gyis legs par brgyan pa/ 'bab chu'i dngo dang / mtshe dang / mtsho bran dang / mtshe'u dang / rdzing dang / lu ma mang pos mdzes par byas pa/ me tog ut+pa la dang / pad+ma dang / ku mu da dang / pad+ma dkar pos mngon par gang ba/ ngang ba dang / khrung khrung dang / rma bya dang / khu byug dang / ku na la dang / 'dab skyob dang / ne tse dang / ri skegs dang / shang shang te'u dag sgra mngon par sgrog pa dang ldan pa/ bung ba mang pos gang ba/ sa gzhi ne'u gsing sngo ba dang ldan pa'i nags tshal chen po mchog na/ dge slong khri nyis stong gi dge
- 3a
slong gi dge 'dun chen po dang thabs gcig tu bzhugs te/ 'di lta ste/ tshe dang ldan pa shA ri'i bu dang / mo'u 'gal gyi bu chen po dang / 'od srungs chen po dang / ma 'gags pa dang / rab 'byor dang / ka t+ya'i bu chen po dang / ka phi na chen po dang / nag pa dang / dga' bo dang / lteng rgyas 'od srungs dang / chu klung 'od srungs dang / ga ya 'od srungs dang / byams ma'i bu gang po dang / ba lang bdag dang / ba ku la dang lam bstan dang / lam phran bstan dang / gyad bu nor dang / seng ldeng nags pa dang / skul byed dang / gsus po che dang / sgra gcan zin dang / tshe dang ldan pa kun dga' bo dang / de dag la sogs pa dge slong khri nyis stong dang thabs gcig ste/ thams cad kyang chos kyi dbyings tshul gcig pa'i smod yul la gnas pa ngo bo nyid kyis chos kyi tshul la zhugs pa/ nam mkha' gnas med pa'i spyod yul ba/ mi rten par gnas pa/ nyon mongs pa
- 3b
pa dang / sgrib pa dang / chod pa dang / kun nas dkris pa thams cad dang bral ba/ de bzhin gshegs pa'i chos kyi dbyings snang ba'i tshul la zhugs pa/ chos thams cad tshul gcig pa la yang dag par gzhol ba/ thams cad mkhyen pa nyid la mngon par phyogs pa/ lam gyi rgyud ma bcad pa/ thams cad mkhyen pa nyid la mos pa mi zlogs pa'i yid dang ldan pa/ shes rab dang ye shes rnam par mthong ba'i dam pa'i pha rol tu phyin pa/ thabs kyi yul dang spyod yul la nges par 'byung ba sha stag go// dge slong ma skye dgu'i bdag mo chen mo dang / grags 'dzin la sogs pa dge slong ma brgyad 'bum dang yang thabs gcig ste/ chos dkar po shin tu yongs su bsdus pa/ thams cad mkhyen po nyid kyi lam rab tu rtogs pa/ thams cad mkhyen pa'i ye shes dang nye bar gyur pa/ dngos po med pa'i chos kyi tshul shin tu rtogs dang / mtshan nyid med pa'i chos kyi tshul la rtog pa/ chos thams cad yang dag pa'i ma thas mtha' med par shin tu mos pa/ / sgrib pa med pa'i rnam par thar pa thob pa/ gdul ba'i 'gro ba ji lta ba de bzhin du gzugs kun tu ston pa la mkhas pa sha stag go/ / byang chub sems dpa' sa ya phrag bdun dang / nyis 'bum gyi byang chub sems dpa'i dge 'dun chen po dang yang thabs gcig ste/ 'di lta ste/ byang chub sems
- 4a
dpa' sems dpa' chen po shugs chen dang / shugs chen 'dzin dang / rnam par 'phrul pa chen po dang / rnam par 'phrul pa chen po'i rgyal po dang / brtsom 'grus chen pos rnam par gnon pa dang / rtsal chen dang 'a bo dang / cher bsgyings dang / cher bsgyings stobs ldan dang / tshogs chen dbang po dang / glang po chen po spos kyi glang po dang / zla ba chen po dang / zla ba bzang po dang / yon tan zla ba dang / rin chen zla ba dang / kun tu snang ba'i zla ba dang / chos dri ma med pa'i zla ba dang / rnam par snang byed kyi zla ba dang / rnam par grags pa'i zla ba dang / 'od zer rab tu 'gyed pa'i zla ba dang / rgyas pa'i zla ba dang / tshangs pa'i dbyangs dang / tshangs pa'i dbang po ltar sgrog pa'i dbyangs dang / sa la nges par sgrog pa'i dbyangs dang / chos kyi dbyings nges par sgrog pa'i dbyangs dang / bdud kyi dkyil 'khor thams cad smra 'bebs pa'i dbyangs dang / chos kyi sgra nges par sgrog pa'i dbyangs dang / thams cad du go bar byed pa'i dbyangs dang / rnam par mi rtog pas rnam par ma brtags pa'i dbyangs dang / sa steng nges par sgrog pa'i dbyangs dang / dbyangs kyi yan lag thams cad zil gyis gnon pa'i dbyangs dang / kun nas snying po dang / yon tan snying po dang / chos dri ma med pa'i snying po dang / rnam par snang byed kyi snying po dang / rin chen snying po dang / zla ba'i snying po
- 4b
dang / nyi ma'i snying po dang / snang nyi snying po dang / pad+ma'i snying po dang / pad+ma dpal gyi snying po dang / bsod nams dpal gyi snying po dang / ye shes dpal gyi snying po dang / blo gros chen po dang / khyad par blo gros dang / rnam grangs blo gros dang / rlabs chen blo gros dang / bla ma'i blo gros dang / rin chen blo gros dang / 'phel ba'i blo gros dang / mtha' yas blo gros dang / rgya chen blo gros dang / sangs rgyas blo gros dang / blo gros mi zad pa dang / blo gros rgya mtsho dang / lhun po'i sgron ma dang / sgron ma chen po dang / chos ta la la'i sgron ma dang / phyogs thams cad rgyas par 'gengs pa'i sgron ma dang / kun tu sgron ma dang / mun pa thams cad sel ba'i sgron ma dang / 'gro ba thams cad snang bar byed pa'i sgron ma dang / shin tu snang ba'i sgron ma dang / zla ba'i sgron ma dang / nyi ma'i sgron ma dang / ngan song sel dang / bdud pham byed dang / bdud chen pha ma byed dang / mngon par 'byung dka' dang / thu ba dka' dang / gting dpag dka' dang / blo rtog dka' dang / ngan 'gro skems dang / mthu chen thob dang / spyan ras gzigs dbang phyug dang / byams pa dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa byang chub sems dpa' sa ya phrag bdun dong 'bum phrag gnyis dang thabs gcig ste/ thams cad kyang skye ba gcig gis thogs
- 5a
pa/ gzungs thob pa/ ting nge 'dzin thob pa/ spobs pa mtha' yas pa thob pa/ thogs pa med pa'i mi 'jigs pa thob pa/ rdzu 'phrul la dbang ba/ dam pa'i pha rol tu phyin pa/ sangs rgyas kyi zhing mtha' yas par 'gro ba'i mngon par shes pas rnam par rtse ba/ lus dang sems rnam par grol ba/ chags pa med cing sgrib pa med pa'i ye shes mthong ba dang ldan pa/ sangs rgyas mi bzhugs pa'i 'jig rten gyi khams su sangs rgyas 'byung ba kun tu ston pa/ chos kyi 'khor lo phyed par thob par byed pa la mkhas pa/ sems can thams cad la so so ci rigs par chos yang dag par ston pa/ phyir mi ldog pa'i chos ston pa/ blang ba med pa dang dor ba med pa'i chos kyi ngo bo nyid kyi tshul la zhugs pa/ stong pa nyid brjod pa/ seng ge'i sgra chen po sgrog pa/ phas kyi rgol ba thams cad sma 'bebs pa/ bdud phyir rgol ba thams cad bcom pa/ byang chub sems dpa'i spyod pa dang rdzu 'phrul thams cad thob pa/ rjes su chags pa dang / khrong khro ba med pa/ chu dang / me dang / rlung dang / sa lta bu'i sems dang ldan pa/ de bzhin gshegs pa thams cad kyi gsang ba'i gnas su chud pa/ sems can thams cad la sangs rgyas kyi mdzad pas nye bar gnas pa/ de bzhin gshegs pa thams cad kyis bstod bsngags snyan par rjod cing bkur ba/
- 5b
phyi ma'i mtha'i bskal par byin gyi rlabs kyis byin gyis brlabs pa/ de bzhin gshegs pa thams cad kyi chos kyi tshul yang dag par 'dzin pa/ chos rin po che'i 'od zer dang ldan pa yon tan gyi bsngags pa thams cad mthar phyin pa dang ldan pa/ 'jig rten gyi dbang por gyur pa/ sngon gyi smon lam phun sum tshogs pa/ de bzhin gshegs pa la mos pa'i spyod yul la nges par byung ba/ sngon theg pa chen po la spyod pa legs par spyad pa/ sangs rgyas kyi ye shes kyi khol gyis dri ma med cing yongs su dag pa/ rtag tu rgyun mi 'chad par de bzhin gshegs pa la mchod cing rim gro byed pa la brtson pa/ phyir mi ldog pa'i go cha bgos pa/ snying rje chen po mngon du gyur pa/ rang bzhin gyis rgya chen po la mos pa'i sems dang ldan pa/ ne ba nur dang / the tsom dang / yid gnyis thams cad las yang dag par 'das pa/ de bzhin gshegs pa'i byin gyi rlabs kyis byin gyis brlabs pa sha stag go// dge bsnyen dang / da bsnyen ma du ma dang yang thabs gcig go/ / stong gsum gyi stong chen po'i 'jig rten gyi khams 'di na lha 'am/ lha'i dbang po 'am/ klu 'am/ klu'i dbang po 'am/ gnod sbyin ra gnod sbyin gyi dbang po 'am/ dri za 'am/ dri za'i dbang po 'am/ lha ma yin nam/ lha ma yin gyi dbang po 'am/ nam mkha' lding ngam/ nam mkha' lding gi dbang po 'am
- 6a
mi 'am ci 'am/ mi 'am ci'i dbang po 'am/ lto 'phye chen po 'am/ lto 'phye chen po'i dbang po 'am/ mi 'am/ mi'i dbang po gzi brjid che ba/ gzi brjid che ba/ rgya che ba/ rgya che ba/ g.yog 'khor 'bum phrag du ma dang ldan pa gang dag gnas pa de dag thams cad kyang / 'khor de nyid du 'dus te 'khod par gyur to// de'i tshe bcom ldan 'das 'khor 'bum phrag du mas yongs su bskor cing mdun gyis bltas nas dpal gyi snying po'i seng ge'i khri la bzhugs te/ sku mdog dang / gzi brjid dang / sku'i 'od kyis 'khor thams cad zil gyis mnan nas/ lha ma me lhan ne lhang nge'o// 'di lta ste dper na/ ri'i rgyal po ri rab rgya mtsho'i nang nas mngon par 'phags shing / ri nag po gzhan zil gyis mnan nas/ lham me lhan ne lhang nge ba de bzhin du/ bcom ldan 'das gdan seng ge'i khri la bzhugs pa yang / lha dang mir bcas pa'i 'jig rten zil gyis mnan cing / lham me lhan ne lgang nge'o/ / 'di lta ste dper na/ zla ba yar gyi ngo'i zla ba nyal bab ste/ zla ba'i dkyil 'khor rgyas pa ni rgyu skar dang / skar ma'i tshogs thams cad zil gyis mnan te/ mog mog bor byas nas/ lham me ldan ne ljang nge'o// de bzhin du bcom ldan 'das gdan seng ge'i khril bzhugs pa yang / lnga dang bcas pa'i 'jig rten zil gyis mnan te/ mog mog
- 6b
por mdzad nas/ lham me lha na ne lhung de'o// 'di lta ste dper na/ dag cing dri ma med pa'i nam mkha' sprin med pa la nyi ma'i dkyil 'khor 'od zer gyi dra ba rab tu 'phro bar 'dug pa ni srin bu me khyer thams cad zil gyis mnan te/ mog mog por byas nas/ shin tu lham me lhan ne lhang nge'o// de bzhin du bcom ldan 'das gdan seng ge'i khri la bzhugs pa yang / @rgya byin dang / tshangs pa dang / 'jig rten skyong ba rnams kyi 'od zil gyis mnan te/ mog mog por mdzad nas/ lham me lhan ne lhang nge'o// 'di lta ste dper na/ mtshan mo ri chen po'i sgrol me chen po 'bar ba ni/ lham me lhan ne lhung nge'o// de bzhin du bcom ldan 'das gdan seng ge'i khri la bzhugs pa yang / lham me lhan ne lhang nge'o// 'di lta ste dper na nor bu rin po che bai DUR+Ya yan lag brgyad dang ldan zhing dri ma med pa/ 'od zer rab tu 'phro ba ni lha ma me lhan ne lhang nge'o// de bzhin du bcom ldan 'das gdan seng ge'i khri la bzhugs shing / phyogs bcu thams cad snang bar mdzad pa yang lham me lhan ne lhang nge'o// 'di lta ste dper na/ 'khor los sgyur ba'i rgyal po ni gling bzhi'i sems can thams cad zil gyis mnan cing lham me lhan ni lhang nge'o/ / de bzhin du bcom ldan 'das gdan seng ka'i khri la bzhugs pa yang / lham me lhan ne lhang nge'o// 'di lta ste dper na/ lha'i dbang po brgya byin thogs pa'i nor bu rin po che
- 7a
thogs shing / lha'i 'dun sa chos bzangs na gnas pa ni/ lha thams cad zil gyis mnan cing / lham me lhan ne lhang nge'o// de bzhin du bcom ldan 'das gdan seng ge'i khri la bzhugs pa yang lha dang bcas pa'i 'jig rten zil gyis mnan cing / lham me lhan ne ljang nge'o// de nas 'jam dpal gzhon nur gyur pas/ de lta bu'i 'khor chen po 'dus par yang rig cing / de bzhin gshegs pa'i sku bsnyen par dka' ba de yang mthong nas/ 'di snyam du sems te/ 'di ltar bcom ldan 'das gdan seng ge'i khri la bzhugs pa yang / shin tu lham me ldan ne lhang nge la/ 'khor chen po 'di yang 'dus par gyur na/ 'di go tsa'i snga ltas zhig tu 'gyur/ bdag gis de'i don de bzhin gshegs pa la zhu bar bya'o snyam nas/ de'i tshe 'jam dpal gzhon nur gyur pa stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcad pa 'di dag gis mngon par bstod do// stobs bcu mnga' ba lhar bcas 'jig rten ni// zil gyis mnan nas khyod ni lhan ner bzhugs/ / srid pa gsum na khyod 'dra ma mchis na// lhag pa'i sems can mchis par ga la 'gyur// dper na lha gnas gyur pa lhun po ni// ri bo kun gyi nang nas mngon 'bakras
- 7b
te/ / ri bo gzhan dag zil gyis mnan nas su// phyogs rnams kun nas lhan ner rnam par mdzes// de bzhin thub pa yon tan mnga' ba bo// ye shes ri bo'i dbang po 'jig rten las/ mngon par 'phags shing 'khor kun zil mnan te// rtag tu lha na ner bzhugs shing rnam par mdzes// dper na mkha' la gnas pa'i dgung zla ni// mar gyi ngo la mdzes pa ma lags kyi// dpal ldan dgung zla nya ba rgyas pa ni// skar ma'i tshogs rnams thams cad zil gyis gnon// de bzhin stobs bcu mnga' ba thub pa khyod// rang gi slob ma skar tshogs zhabs 'bring mngag/ 'jig rten thams cad zil gyis gnon mdzad cing // ye shes 'od rnams kyis kyang sim par mdzad// drang srong dper na gdugs kyi dkyil 'khor ni// 'jig rten thams cad zil mnan rab tu lhan/ / mi yi nyi ma khyod kyang de bzhin te// blo gros 'od kyis 'jig rten kun zil gnon// dper na ri mchog mchis pa'i zhugs kyi tshogs// gzi brjid kyis ni phyogs su rnam par mdzes/ / de bzhin ye shes ri bzhugs thub pa yang // phyogs bcu dag tu rnam par mdzes pa lags// dper na ri dgas rgyal pos ri dgas phran// zil gyis mnan cing der gnas mngon par mdzes/ / mu stegs can gzhan kun gyi nang gnas shing // thub pa khyod kyang de bzhin rnam par mdzes// dper na 'di na mi bdag 'khor los sgyur// 'gro ba zil gyis man/
- 8a
cing rnam par mdzes// mgon po chos mchog 'khor los sgyur ba yang // 'gro ba'i nang na de bzhin rnam par mdzes// dper na sum cu gsum dbang brgya byin ni/ lha rnams zil gyis mnan nas mngon par mdzes// mtshungs zla ma mchis de bzhin tshogs pa rnams// thams cad zil gyis mnan nas rnam par mdzes// de nas 'jam dpal gzhon nur gyur pas/ bcom ldan 'das la tshigs su bcad pa de dag gis mngon par bstod nas thal mo sbyar te/ bcom ldan 'das la 'di skad ces gsol to// bcom ldan 'das gang thos pas rgya chen po la mos pa'i sems can rnams bla na med pa yang dag par rdzogs pa'i byang chub tu sems bskyed par 'gyur ba dang / dman pa la mos pa'i sems can rnams kyang rgya chen po la 'jug pa la gnas par 'gyur ba dang / byang chub tu sems bskyed pa'i sems can rnams kyang byang chub la dmigs pa rnam par 'phel bar 'gyur ba dang / dman pa la sbyor ba'i sems can rnams kyang brtsam pa rgya chen po rtsom par 'gyur ba dang / lam las nyams pa'i sems can rnams kyang byang chub kyi lam du 'jug par 'gyur ba dang / byang chub kyi lam du zhugs pa'i sems can rnams kyang / de bzhin gshegs pa'i ye shes kyis rnam par bsgrubs pa'i dgongs pa'i tshul la 'jug par 'gyur ba/ byang chub sems dpa'i spyod yul gyi thabs kyi yul la
- 8b
rnam par 'phrul pa bstan pa zhes bgyi ba'i chos kyi rnam grangs de 'khor 'dir bstan du gsol/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal de bzhin gshegs pa dgra bcom pa yang dag par rdzogs pa'i sangs rgyas rnams kyi ldem po ngag dgongs te bstan pa ni lha dang bcas pa'i 'jig rten gyis mos par dka' ba/ shes par dka' ba/ rtogs par dka' ba/ rnam par shes par dka' ba/ 'jug par dka' ba/ yongs su rtogs par dka' ba yin pas/ cho ga nyams pa 'am/ lta ba nyams pa'am/ tshul khrims nyams pas yongs su shes pa 'am/ rnam par shes par mi nus so// dman pa la mos pa rnams kyis mos par mi nus so/ / bsam pa nyams pa rnams kyis yid ches par mi nus so// sdig pa'i grogs pos yongs su zin pa rnams kyis 'jug par mi nus so// dge ba'i bshes gnyen gyis yongs su ma zin pa rnams kyis rtogs par mi nus so/ / chos de lta bu ni yang dag par rdzogs pa'i sangs rgyas kyis byin gyis ma brlabs par mnyan par yang mi nus na/ mos par lta ga la nus te/ de bzhin gshegs pa'i byin gyi rlabs ma gtogs par de ni gnas med do// de nas bcom ldan 'das kyis de'i tshe tshigs su bcad pa 'di dag bka' stsal to// yid 'ong
- 9a
snyan pa'i dbyangs dang ldan khyod kyis/ / ngal gang dris don dengs bstan nyon// sems can dman pa mun pas bsgribs pa yis// chos tshul dam pa khong du chud mi nus/ / gang dag sngon sangs rgyas la spyad spyod cing // 'jig rten mgon po rnams kyis byin brlabs pa// de dag chos tshul dam pa 'di thos nas// mi rtog shin tu gya nom 'byung bar 'gyur/ gang dag sdig grogs sbrul gyis sems zin cing // dge ba'i bshes kyi dug sman rnams spangs pa// de dag dam chos dkon mchog 'di thos na// kye ma bag med g.yang sa che las ltung // gang dag sems chung dman zhing zhum gyur dang // gang dag lhag pa'i bsam pa che med pa// yid ches med pa mos pa nyams pas na// thos kyang de dag dga' bar mi 'gyur ro// chos mchog 'di la dad par ma gyur pa/ / de dag yun ring sdug bsngal ltung 'gyur te// kye ma sdug bsngal rnams la gnod 'gyur zhes// de la snying rje mngon byas de ma bstan// de skad ces bka' stsal pa dang / 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das 'khor 'dus pa 'di ni dag pa lags te/ sprad pa rnams legs par spyad pa/ sangs rgyas byung ba rnams legs par bsnyen bkur bgyis pa/ dge ba'i bshes gnyen rnams kyis legs par yongs su bzung ba/ dad pa'i mig legs par yongs su dag pa/ mos pa'i spyod yul la
- 9b
nges par byung ba/ bsam pa dang lhag pa'i bsam pa legs par yongs su dag pa/ rnam pa bzang po rtogs par 'gyur ba sha stag ste/ 'khor 'dus pa 'di ni de lta bu lags pas/ de dag gis chos kyi tshul 'di 'tshal bar 'gyur zhing / rnam par 'tshal bar 'gyur na/ sems can rnams la thugs brtse ba'i slad du/ bcom ldan 'das kyis legs par yang dag par bshad du gsol/ de'i tshe tshogs su bcad pa 'di dag kyang gsol to// drang srong chen po gang dag chos 'di 'tshal 'gyur ba'i// sems can dpal yon ldan pa 'di na mang du mchis// gang dag sngon sangs rgyas la spyad pa legs spyad pa/ / de dag rnams la thub dbang de ring chos bstan stsol// de dag gus dang bcas shing thal mo sbyar mchis nas// mi yi lha yi zhal du lta zhing mchis lags na// drang srong chen po de slad thugs rje bskyed mdzad cing / / dam chos char pa dgyes pa bzhin du dbab tu gsol// chos rgyal khyod la bdag ni gsol ba 'debs lags na// chos kyi dam pa gya nom rab tu bstan du gsol// rdzogs pa'i byang chub sems dpa' khyu mchog bsdu slad du// mgon po dam chos phyag mdzod dbye ba mdzad du gsol// de skad ces gsol ba dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'dzem dpal legs so legs so// 'jam dpal khyod de bzhin gshegs pa dgra bcom pa yang dag par rdzogs pa'i sangs rgyas la don 'di 'dri bar
- 10a
sems pa legs so legs so/ / 'di ltar 'jam dpal khyod ni chos 'di dag la mngon sum du gnas pa/ chos thams cad la the tsom med cing / shes rab kyi pha rol tu phyin pa dang thabs la mkhas pas nges par byung ba ste/ 'jam dpal khyod ni skye bo mang po la phan pa'i phyir zhugs pa'o// 'jam dpal khyod ni ma 'ongs pa'i byang chub sems dpa' rnams la snang bar bya bar 'dod pa'o/ / 'jam dpal de'i phyir legs par rab tu nyon la yid la zung zhig dang / byang chub sems dpa'i spyod yul gyi thabs kyi yul la rnam par 'phrul pa bstan pa zhes bya ba'i chos kyi rnam grangs ngas khyod la bshad do/ / bcom ldan 'das de bzhin 'tshal lo zhes 'jam dpal gzhon nur gyur pa dang / byang chub sems dpa' de dag bcom ldan 'das kyi ltar nyan pa dang / bcom ldan 'das kyis/ de dag la 'di skad ces bka' stsal to// rigs kyi bu chos bcu gnyis dang ldan pa'i rigs kyi bu 'am/ rigs kyi bu mo bla na med pa yang dag par rdzogs pa'i byang chub tu sems skye bar 'gyur ro/ / bcu gnyis gang zhe na/ 'di lta ste/ rang bzhin gyis rgya chen po la mos shing dman pa la mos pa med pa yin/ rang bzhin gyis snying rje'i spyod yul dang ldan zhing dkar po'i ra bzhin can yin/ / bcos ma ma yin pa'i lhag pa'i bsam pa'i spyod yul dang ldan zhing yi dam la brtan pa yin/ tshogs shin tu bsags shing spyad pa legs par spyad pa yin/ sangs rgyas 'byung ba
- 10b
legs par bsnyen bkur cing dkar po'i chos legs par yongs su bsdus pa yin/ lus dang ngag dang yid kyi las kyi mtha' kha na ma tho ba med pa dang ldan zhing sdig pa'i las thams cad bor ba yin sdig pa'i grogs po thams cad yongs su spangs shing dge ba'i bshes gnyen la bsten pa yin/ ji ltar smras pa de bzhin du byed cing slu ba med pa yin/ 'gyed pa'i ngang tshul can yin zhing ro bro ba rnams ma zhen ma chags pa mang ba yin/ de bzhin gshegs pa'i byin gyi rlab kyi byin gyis brlab shing bdud kyi byin gyi rlabs dang bral ba yin/ sems can thams cad la yang dang yang snying rje chen po yang dag par 'jug pa yin/ bdog pa thams cad yongs su gtong zhing ma chags pa'i sems dang ldan pa yin te/ rigs kyi bu yon tan gyi chos bcu gnyis po de dag dang ldan pa'i rigs kyi bu 'am/ rigs kyi bu mo bla na med pa yang dag par rdzogs pa'i byang chub tu sems skye ste/ 'di lta ste/ sems can thams cad bde bar bya ba'i phyir phan pa'i sems so// sdig pa thams cad mi byed pa'i phyir snying rje'i sems so/ / sems can thams cad kyi khur bkur ba'i phyir snying rje chen po'i sems so// ngan 'gro thams cad rab tu sim par byed pa'i phyir byams pa chen po'i sems so// theg pa gzhan mi 'dod pa'i phyir dag pa'i sems so/ / nyon mongs pa'i rnyog pa sel ba'i phyir nyon mongs pa med pa'i sems so// rang bzhin gyis 'od gsal ba'i phyir 'od gsal ba'i sems so// rdzas med
- 11a
pa'i phyir sgyu ma lta bu'i sems so/ / dngos po dang bral ba'i phyir dngos po med pa'i sems so// mi skul ba'i phyir brtan pa'i sems so// chos thams cad nges par rtogs pa'i phyir mi zlog pa'i sems so/ / ji skad smras pa de bzhin du byed pa'i phyir sems can thams cad sgrol ba'i sems so// de nas bcom ldan 'das kyis de'i tshe tshigs su bcad pa 'dig bka' stsal to// rgyal sras gang dag spyod pa legs spyad cing // dkar po'i chos kyis bsam pa yongs dag la// dgra la'ang bya mas shing snying rjes sems brlan pas// de dag byang chub don du sems kyang skye// yang dag sdig grogs dgra bo rnam spangs shing / / byang chub ston pa'i dge ba shes bsten gyur te// byang chub theg par smon lam sbyong byed pa// de dag byang chub don du sems kyang skye// gang dag sngon mthar spyad pa spyod pa na/ / nams kyang skyo ba'i sems ni mi skye la// rdo rje lta bur mi zlog sems ldan pa// de dag byang chub don du sems kyang skye// gang dag skye bo kun la byams sems shing // sems can thams cad bde la sbyor 'dod cing / / sdig pa thams cad spong ba'i bsam pa can// de dag byang chub don du sems kyang skye// theg pa gzhan gyi yon tan mi 'dod cing // byang chub rgya chen yon tan mchog sems shing / / rnam dag nyon mongs med pa'i sems ldan pa// de dag byang chub don du sems kyang skye// srid pa zhi ba gang la yang dag tu// skad cig tsam yang yong med rtag med cing // me
- 11b
long gdong ltar 'gro ba kun lta ba/ / 'di ni yang dag tu na byang chub sems// nyon mongs skyon gyi rdul rnams rnam spangs shing // dri med nam mkha' lnga bu rnam mdzes la// tshig lan nges tshig thams cad mthong dka' ba/ / 'di ni bzang po'i byang chub sems zhes bya// gzungs dang so so rig dang sprod mchog gi/ rtsa ba 'di yin mtshan gyi 'byung gnas te// dpe byad bzang po 'bar ba lus kyi rgyu// sangs rgyas yon tan kun tu rigs su gnas/ / gleng gzhi'i le'u ste dang po'o// // 'jam dpal yon tan gyi chos de lta bu la gnas pa'i byang chub sems dpa' yon tan gyi phan yon bcu gnyis yang dag par mthong ba des/ sbyin pa'i pha rol tu phyin pa la sbyar bar bya'o// bcu gnyis po dag gang zhe na/ 'di lta ste/ byang chub kyi sems kyi lam ston par yang dag par mthong bas/ sbyin pa'i pha rol tu phyin pa la sbyar bar bya ba dang / longs spyod chen po yongs su sgrub pa'i lam yin par yang dag par mthong bas/ sbyin pa'i pha rol tu phyin pa la sbyar bar bya ba dang / 'dod pa'i rigs su skye bar 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang / ser sna tshar gcod par 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang gtong ba'i rgyun 'phel bar 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang / yi dgas kyi grong khyer gyi sgo gcod par 'gyur bar yang dag par mthong bas/ sbyin pa'i
- 12a
pha rol tu phyin pa la sbyar bar bya ba dang / skye bo mang po dang thun mong gi longs spyod rnams las snying po len par 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang / yo byad yongs su rdzogs par 'gyur bar yang dag par mthong bas sbyin pa'i pha rol tu phyin pa la sbyar bar bya ba dang / bdog pa thams cad yongs su gtong ba la goms par byas par 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang / dngos po thams cad la 'dzin pa'i sems bdag la med par 'gyur bar yang dag par mthong bas/ sbyin pa'i pha rol tu phyin bal sbyar bar bya ba dang / bdag gi sbyin pa'i pha rol tu phyin po yongs su rdzogs par 'gyur bar yang dag par mthong bas/ sbyin pa'i pha rol tu phyin pa la sbyar bar bya ba dang / de bzhin gshegs pa'i rjes su bstan papa la 'thun par zhugs par 'gyur bar yang dag par mthong bas/ sbyin pa'i pha rol tu phyin pa la sbyar bar bya ba ste/ rigs kyi bu yon tan gyi phan yon bcu gnyis po de dag yang dag par mthong ba'i byang chub sems dpa' sems dpa' chen pos/ sbyin pa'i pha rol tu phyin pa la sbyor bar bya ste/ sbyin pa de yang bla na med pa yang dag par rdzogs pa'i byang chub tu yongs su bsngo bar bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / sbyin pa rgya chen mtshungs med sbyin pas de dag byang chub 'grub 'gyur zhes// rkang lag mgo dang dri med mig dang rkang dang de bzhin rus pa dang / phyi dang nang gi dngos po
- 12b
thams cad ser sna med pa'i blos kyang gtong / phyir zhing phan yon mthong ba rgya chen sems ldan gang du'ang lta ba med/ bdag ni longs spyod bzang po rdzogs 'gyur rigs kyi mchog tu skye bar 'gyur/ sangs rgyas dri med lam 'phel yon tan ser sna yongs su spangs par 'gyur/ dbang dang pha rol byin la sogs pa rdzogs 'gyur sbyin 'di rgyal bas bsngags/ mkhas pa de ltar du mar rtog cing don kun gtong la dga' bar byed/ rigs kyi bu yon tan gyi chos bcu gnyis po 'di dag mthong ba'i byang chub sems dpas tshul khrims kyi pha rol tu phyin pa la brtson par bya'o// bcu gnyis po dag gang zhe na/ 'di lta ste/ bdag gis byin gyi rlabs phun sum tshogs pa yongs su zin par 'gyur bar mthong bas/ tshul khrims kyi pha rol tu phyin pa la brtson par bya ba dang / byang chub sems dpa'i lam du zhugs par mthong bas/ tshul khrims kyi pha rol tu phyin pa la brtson par bya ba dang / bdag gi nyon mongs pa'i 'ching ba rnams lhod par 'gyur bar mthong bas/ tshul khrims kyi pha rol tu phyin pa la brtson par bya ba dang / bdag ngan 'gro thams cad las yang dag par 'da' bar 'gyur bar mthong bas/ tshul khrims kyi pha rol tu phyin pa la brtson par bya ba dang / bdag gis ngan 'gro'i lam thams cad rnam par sbyang bar 'gyur bas/ tshul khrims kyi pha rol tu phyin pa la brtson par bya ba dang / bdag gi lus dang / ngag dang / yid kyi las kha na ma tho ba med par 'gyur bar mthong bas/ tshul khrims kyi pha rol tu phyin pa la brtson par bya ba dang / mkhas pa'i skye bo rnams kyis smad pa med par 'gyur bar
- 13a
mthong bas/ tshul khrims kyi pha rol tu phyin pa la brtson par bya ba dang / bdag bag yod pa'i chos la bsten par 'gyur bar mthong bas/ tshul khrims kyi pha rol tu phyin pa la brjon par bya ba dang / bdag gis sems can thams cad la mi 'jigs pa'i sbyin pa byin par 'gyur bar mthong bas/ tshul khrims kyi pha rol tu phyin pa la brtson par bya ba dang / lus dang ngag dang yid kyi las sdom pa thob par 'gyur bar mthong bas/ tshul khrims kyi pha rol tu phyin pa la brtson par bya ba dang / bdag gis sangs rgyas kyi chos thams cad bsgrubs par 'gyur ba mthong bas/ tshul khrims kyi pha rol tu phyin pa la brtson par bya ba dang / bdag gis de bzhin gshegs pa'i tshul khrims kyi pha rol tu phyin pa bla na med pa yongs su sbyangs par 'gyur bar mthong bas/ tshul khrims kyi pha rol tu phyin pa la brtson par bya ba ste/ rigs kyi bu yon tan gyi phan yon bcu gnyis po de dag yang dag par mthong ba'i byang chub sems dpa' sems dpa' chen pos/ tshul khrims kyi pha rol tu phyin pa la brtson par bya ste/ tshul khrims de yang thams cad mkhyen pa nyid du yongs su bsngo bar bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// bdag gi nyon mongs 'ching ba lhod 'gyur zhing / bdag ni ngan 'gro'i sgo gcod 'gyur ro zhes/ / mkhas pas phan yon yongs su bsam byas la// tshul khrims g.yag rnga bzhin du bsrung bar bya// sangs rgyas rjes bstan rjes su bdag 'brang zhing // bde bar
- 13b
gshegs pas rtag tu bsngags 'gyur la/ / bdag gis byin brlabs don med mi 'gyur ba// tshul khrims gnas las 'gyur zhes tshul khrims bsrung // lus dang ngag dang khan ma tho med// sems la skyon med chos la spyod par 'gyur/ / lus kyis bsrungs la ngag gis bsrungs gyur cing // sems kyis sdig pa rnam par sems mi 'gyur// bag yod bde bar gshegs pas bsngags pa ste// dge ba'i las kyi rtsa bar gang gyur pa/ / de la rtag tu bag yod bdag gnas bya// bag med thams cad rtag par yongs su spang // tshul khrims pha rol phyin pa'i mchog gnas na// sangs rgyas chos rnams bdag gis thos par 'gyur// sangs rgyas tshul khrims rab tu spang bar bya// de ni tshul khrims mchog ces 'phags pas gsungs// yon tan de dag thob par gang 'dod cing // byang chub sems dpa' byang chub mchog 'dod pa/ des ni tshul khrims g.yag rnga bzhin bsrungs na// yon tan thams cad mkhas par myur du 'thob// rigs kyi bu gzhan yang chos de lta bu dang ldan pa'i byang chub sems dpa' sems dpa' chen pos/ rnam pa bcu gnyis kyis bzod pa bsgom par bya'o// bcu gnyis po dag gang zhe na/ 'di lta ste/ 'du byed thams cad skad cig pa'o zhes bzod pa bsgom par bya ba dang / bdag mi dmigs par bya ba'i phyir bzod pa bsgom par bya ba dang / bdag dang gzhan yongs su bsrung ba'i phyir bzod pa bsgom par bya ba dang / 'khrug pa gtan med par bya ba'i phyir bzod pa bsgom par bya ba dang / bag la nyal ba dang /
- 14a
kun nas dkris pa rnam par bsal ba'i phyir bzod pa bsgom par bya ba dang / rjes su chags pa dang / khong khro ba spang ba'i phyir bzod pa bsgom par bya ba dang / mtshan dang dpe byad bzang po yongs su bsgrub pa'i phyir bzod pa bsgom par bya ba dang / tshangs pa'i 'jig rten du skye ba thob par bya ba'i phyir bzod pa bsgom par bya ba dang / gzhan gyi gnod pa thams cad las yang dag par 'da' bar bya ba'i phyir bzod pa bsgom par bya ba dang / zad pa shes pa dang / mi skye ba shes pa thob par bya ba'i phyir bzod pa bsgom par bya ba dang / bdud kyi yul thams cad las yang dag par 'da' bar bya ba'i phyir bzod pa bsgom par bya ba dang / de bzhin gshegs pa'i sku tshad med pa yang dag par mthong bas bzod pa bsgom par bya ba dang / rigs kyi bu byang chub sems dpa' sems dpa' chen pos/ rnam pa bcu gnyis po de dag gis bzod pa bsgom par bya ba ste/ bzod pa de yang thams cad mkhyen pa nyid du yongs su bsngo bar bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / kye mchos rnams skad cig ya ma brla// de la rnams kyang sems can rnyed mi 'gyur// yon tan chos rnams rab tu rtogs gyur na// 'phags pa sangs rgyas yon tan gnas par 'gyur/ / mtha' gnyis rnam par spang ba byas pas na// bdag dang gzhan la rtag tu gnod med par// bzod pa phun sum tshogs pa myur bsgom zhes// thugs rje chen po'i dbang
- 14b
bo de skad gsungs/ / rtag tu rnam rtog med par bya ba la// de ni brtan pa'i yid kyis bzod pa bsten// zad pa shes pa bdag gis thob bya zhes// nyon mongs zhi bar bya phyir bzod pa bsten// mtshan gzugs dpe byad bzang po dag bya dang // tshangs pa'i gnas su 'gro bar su 'dod pa// brtson 'grus brtan pa de yis bzod stobs sten// bzod la mos na thams cad 'byor par 'gyur// bdud rtsi stobs ni stobs med bya ba la/ / bzod pa 'dra ba stobs zla gang yang med// de ni yon tan kun gyi 'byung gnas te// de phyir bzod pa'i yon tan de bstan bya// rigs kyi bu gzhan yang byang chub sems dpa brtul ba bcu gnyis kyis brtson 'grus brtsam par bya'o/ / bcu gnyis dag gang zhe na/ 'di lta ste/ chos thams cad mngon par rdzogs par byang chub par bya ba rtul bas brtson 'grus brtsam par bya ba dang / de bzhin gshegs pa thams cad kyi drung du 'gro ba'i rtul bas brtson 'grus brtsam par bya ba dang / de bzhin gshegs pa thams cad mchod cing rim gror bya ba'i rtul bas brtson 'grus brtsam par bya ba dang / de bzhin gshegs pa thams cad mnyes par bya ba'i rtul bas brtson 'grus brtsam par bya ba dang / sems can thams cad yongs su smin par bya ba'i rtul bas brtson 'grus brtsam par bya/ ba dang / sems can thams cad sangs rgyas kyi chos la dgod pa'i rtul bas brtson 'grus brtsam par bya ba dang / sems can thams cad kyi mi shes pa bsal ba'i rtul bas brtson 'grus brtsam par bya/
- 15a
ba dang / sems can thams cad la sangs rgyas kyi ye shes nye bar bsgrub pa'i rtul bas brtson 'grus brtsam par bya ba dang / sangs rgyas kyi zhing thams cad yongs su sbyong ba'i rdul bas brtson 'grus brtsam par bya ba dang / phyi ma'i mtha' mur thug pa'i bskal par sems can gyi don du spyod pa spyad pas yongs su mi skyo ba'i rtul bas brtson 'grus brtsam par bya ba dang / skad cig gcig gis 'jig rten gyi khams thams cad du 'gro ba'i rtul bas brtson 'grus brtsam par bya ba dang / sangs rgyas kyi zhing thams cad du bla na med pa yang dag par rdzogs pa'i byang chub mngon par rdzogs par 'tshang rgya zhing / chos kyi 'khor lo bskor ba'i rtul bas brtson 'grus brtsam par bya ba ste/ rigs kyi bu rtul ba bcu gnyis po de dag gis/ byang chub sems dpa' sems dpa' chen pos brtson 'grus brtsam par bya ste/ brtson 'grus de yang thams cad mkhyen pa nyid du yongs su bsngo bar bya'o// de nas bcom ldan 'das kyis de'i tshe tshigs su bcad pa 'di dag bka' stsal to// drang srong sras po gang dag byang chub mchog 'dod pa/ / khyu mchog de dag rnams kyi brtson 'grus ma zhum mchog/ de dag sangs rgyas zhing ni brgyar yang 'gro bar byed// de dag yun ring spyad pa spyod kyang skyo ba med// sems can yongs su smin par bya ba'i brtson 'grus can/ / de dag bsal pa brgya phrag mang por sdug bsngal bzod// skye bo sdug bsngal dpag med zhi ba de sbyin 'dod pa// le lo med pa de dag brtson 'grus mi nyams 'dod// zhing kun rnam par spyong
- 15b
bar bdag ni smon lam 'debs/ / chos rnams 'di dag thams cad rnam pa kun rtogs bya// zhing brgya kun tu chos kyi 'khor lo bskor bar bya// theg pa mchog la bdag gis sems can bye ba gdul// shin tu rgya che zhing rnams sprul pa byas nas su// sems kyis skad cig gcig la byang chub mchog 'tshang rgya// rgyal ba'i sras po brtson 'grus pha rol dong ba dag/ sems can don du rnam par 'phrul pa 'di na ston/ / rigs kyi bu byang chub sems dpa' rnam pa bcu gnyis kyis bsam gtan rnams bsgom par bya'o// bcu gnyis po dag gang zhe na/ 'di lta ste/ shin tu mi 'khrugs pa'i phyir/ nyon mongs pa zhi bar bya ba'i rnam pa dang / yul rnams la mi rgyug pa'i phyir/ sems gnas pa'i rnam pa dang / 'dod pa dang / gzugs dang / gzugs med pa'i khams las yang dag par 'da' ba'i phyir mi gnas pa'i rnam pa dang / 'jig rten pa'i snyoms par 'jug pa zil gyis gnon pa'i phyir/ 'jig rten las 'das pa'i rnam pa dang / de la ma chags pa'i phyir khyad par gyi rnam pa dang / bsam gtan zlog pa'i phyir 'dod rgyal gyi rnam pa dang / dngos po'i 'du shes dang bral ba'i phyir ngo bo nyid kyi rnam pa dang / tshad yod pa'i ting nge 'dzin la smod pa'i phyir tshad med pa'i rnam pa dang / shin tu zhi ba'i phyir zhi gnas kyi rnam pa dang / cang shes pa'i phyir sems dul ba'i rngam pa dang / dbang po nges par bsdams pa'i phyir nges par sems pa'i rnam pa dang / byang chub kyi bsam pa mabor ba'i phyir/
- 16a
thabs mkhas pa'i rnam pas byang chub sems dpa' rnams bsam gtan sgom gyi/ nga rgyal dang lta ba dang sred pa'i shas che ba'i bsam gtan pa ma yin te/ de'i phyir byang chub sems dpa' rnams snyoms par 'jug pa thams cad zil gyis gnon to/ / rigs kyi bu rnam pa bcu gnyis po de dag gis byang chub sems dpa' bsam gtan rnams bsgom par bya ste/ bsam gtan de yang thams cad mkhyen pa nyid du yongs su bsngo bar bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// byang chub sems dpa' gzi ldan pa// tshe nyid de dag bsam gtan ni// nyon mongs thams cad zhi phyir dang / / shin tu 'khrug med don phyir yin// zhi ba'i zhi gnas nges par sems// yul la'ang rtag par dga' ba med// sems 'khrul gyur pa gnas rnams su// rtag par yang dag rab tu sbyor/ / mi gnas de dag bsam gtan byed// 'dod dang gzugs dang gzugs med pa// gang la'ang de dag mi gnas te// de dag mi gnas bsam gtan byed// byang chub sems dpa' ye shes can/ bsam gtan 'jig rten 'das par brjod// de bas ting nge 'dzin rnams kyis// nyan thos rnams dang 'jig rten 'phags// de dag bsam gtan las su rung // ji ltar 'dod bzhin dbang yang sbyar// 'dod pa'i khams su skye mi 'dod// de dag bsam gtan zlog par byed// bdag nyid chen po de dag gi/ bsam gtan rnams ni rnam pas 'phags// de dag der chags med pa zhes// de phyir rgyal bas bka'
- 16b
stsal to/ / sems can med chos dri med de// de dag bsam gtan tshad med do// phyogs gcig bsam gtan byed pa dag/ zil gyis mnan cing bsam gtan byed// shes rab thabs dang ldan pa po// ma smad bsam gtan bsam gtan byed// de dag lta ba'i rnam pa spangs// shin tu dge ba'i spyod yul can// dngos la mi gnas shes rab ldan// dngos po med la'ang mi gnas te// dngos dang / dngos med 'du shes spangs// de dag bsam gtan bsam gtan byed// gzi ldan de dag de 'dra ba'i// rnam pas mnyam med bsam gtan byed// de la dgra bcom rang sangs rgyas// blo ni shin tu rmongs par 'gyur/ / rigs kyi bu rnam pa bcu gnyis kyis byang chub sems dpa' shes rab kyi pha rol tu phyin pa rtogs par bya'o// bcu gnyis po dag gang zhe na/ 'di lta ste/ gti mug gi mun nag med pa'i phyir snang ba'i rnam pa dang / nyon mongs pa'i thibs po snang bar byed pa'i phyir/ sgron ma'i rnam pa dang / mi shes pa dang bral ba'i phyir ye shes kyi 'od zer rab tu 'gyed pa'i rnam pa dang / ma rig pa drungs nas 'byin pa'i phyir thong gshol gyi rnam pa dang / srid pa'i rgya mo rnam par 'jig par byed pa'i phyir lcags kyo'i rnam pa dang / nyon mongs pa'i ri rdul du rlog pa'i phyir rdo rje'i rnam pa dang / nyon mongs pa'i 'dam rdzab skems pa'i phyir/ nyi ma'i dkyil 'khor gyi rnam pa dang / skye ba'i shing sreg pa'i phyir me'i rnam pa dang / rmongs pa med par byed pa'i phyir nor bu lta bu'i rnam
- 17a
pa dang / rdzas med pa'i phyir stong pa nyid kyi rnam pa dang / mtshan nyid med pa'i phyir mtshan ma med pa'i rnam pa dang / khams gsum pa las yang dag par 'da' ba'i phyir smon pab med pa'i rnam pa ste/ rigs kyi bu rnam pa bcu gnyis po de dag gis byang chub sems dpas shes rab kyi pha rol tu phyin pa rtogs par bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / shes rab 'phags pa 'di ni snang lta bur// rtag tu skye dgu rnams kyi mun pa sel// de ni sgron ma lta bur snang phyir byung // nyon mongs tshogs la 'di ni snang bar byed/ / sreng dang rmongs pa'i rtsa rnams bsal ba'i phyir// dge ba 'di ni thong gshol 'dra ba yin// nyon mongs ri rnams rdul du rlog pa ste// lha min sdang la dbang po'i rdo rje bzhin// rang gi snang bas shes rab mun bral bas/ / dam pa rnams kyis mar me 'dra zhes bstan// de ni nyon mongs 'dam rdzab ngan skems phyir// dbyi nyi 'dra zhes dam pa rnams kyis brjod// de ni nyon mongs chu bor nub pa na// gru bzhin 'jig rten yang dag sgrol bar byed// de ni gti mug shing chen gcod pas na// dag cing mi tog ral gyi rno dang mtshungs// rmongs pa med gyur nor bu rin chen 'dra// dngos med chos kyi mtshan nyid rtogs bar byed/ / stong pa rang dbang med cing rtog med pas// de ni srid dang ni la mi gnas so// nem nur the tsom la sogs 'jigs byed de// dris pa lan gdab pa la'ang de mkhas so// 'khor ba'i nyes pa'ang
- 17b
de nyid se la byed de/ / mya ngan 'das lam mtshan la de smon yin// de la mig ces zung dbang zla ba gsung // mngon sum byed cing rtogs pa'i mtshan nyid de// de 'grogs byang chub sems dpa' dri med rnams/ / sgron ma yod ltar byang chub spyad pa spyod// pha rol tu phyin pa bstan pa'i le'u ste gnyis pa'o// / rigs kyi bu byang chub sems dpa'i thabs ni yul bcu gnyis la blta bar bya ste/ bcu gnyis po dag gang zhe na/ rigs kyi bu 'di la byang chub sems dpa' ni/ mya ngan las 'das pa'i yul la gnas pa'ang yin la/ thabs kyis 'khor ba'i yul la'ang gnas par snang ba dang / dben pa'i yul la gnas pa'ang yin la/ thabs kyis 'du 'dzi'i yul la gnas par yang snang ba dang / bsam gtan gyi yul la gnas pa'ang yin la/ thabs kyis btsun mo'i 'khor gyi nang na gnas par yang snang ba dang / mngon par 'du mi byed pa'i yul la gnas pa'ang yin la/ thabs kyis mngon par 'du byed pa thams cad kyi yul la gnas par yang snang ba dang / skye ba med pa'i yul la gnas pa'ang yin la/ thabs kyis skye ba dang shi 'pho'i yul la gnas par yang snang ba dang / bdud bzhi'i yul las yang dag par 'das pa'ang yin la/ thabs kyis bdud 'dul ba yang ston pa dang / 'phags pa'i skye bo'i yul la gnas pa'ang yin la/ thabs kyis 'phags pa ma yin pa'i yul la gnas par yang snang ba dang / 'jig rten gyi yul las yang dag par 'das pa yang yin la/ thabs
- 18a
kyis 'jig rten gyi yul la gnas par yang snang ba dang / ye shes kyi yul rnyed pa yang yin la/ thabs kyis mi shes pa'i mtha'i yul la gnas par yang snang ba dang / yang dag pa'i mtha'i yul mngon sum du gyur pa yang yin la/ thabs kyis nyan thos dang / rang sangs rgyas kyi yul du'ang mi ltung ba dang / mtshan nyid pa'i chos khong du chud pa yang yin la/ thabs kyis mtshan dang dpe byad bzang pos legs par brgyan cing / smad pa'i lus kyis sems can thams cad yongs su smin par byed pa'i yul la gnas par yang snang ba dang / sangs rgyas kyi yul la yang dag par zhugs pa yang yin la/ thabs kyis bdud kyi yul thams cad la gnas par yang snang ba ste/ rigs kyi bu byang chub sems dpa' rnams kyi thabs kyi yul bcu gnyis po de dag la blta bar bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / byang chub sems dpa' dag rnams kyis// thabs kyi yul ni 'di yin te// yul rnams gang la gnas gyur kyang // yul rnams kun las snang ba yin// mya ngan 'das pa'i mtshor bkrus kyang // thabs kyis 'khor ba'i chun snang // thabs kyis bya ba thob pas na// gnyis ka'i skyon gyis gos pa med// 'gro ban thams cad lus yid kyis// dben padam pa thob gyur nas/ / me tog nags kyi bung ba bzhin// 'du 'dzi dag dang 'dres pa med// gdu bu 'khrol ba'i sgra chen 'byung ba yi// btsun mo'i 'khor na de dag sgeg par snang // sems can dmyal la
- 18b
sogs pa'i gnod pa yis/ / sems can sdug bsngal sems shing rtag mi g.yo// de dag rtag tu zhi zhing mnyam bzhag kyang // rnam par g.yengs pa'i yul du'ang snang ba yin// rnam par g.yeng ba'i gzhi ni bsal ba ste/ / de dag thabs mkhas tshul ni de yin no// de dag mi rtog mngon par 'du byed med// rnam par rtog pa'i me yang yod min kyang // thabs kyis spros pa dang ni 'du byed dang / rtog dang ldan pa de dag snang ba yin// chos rnams 'chi 'pho skye ba med ldan zhing // yang dag nyid du skye med ldan mthong yang // mkhas pa rnams kyis thabs kyi ye shes kyis// skye ba dang ni 'chi 'pho ston par byed/ / bdud kyi yul las yongs 'das shing // brtan rnams sangs rgyas yul rnams kyang // brtan pa rnams kyis thabs kyis su// bdud kyi yul la rgyu bar snang // 'phags pa'i tshogs kyi spyir gnas kyang / / thabs kyis byin pa nyid du ston// ye shes stobs can rnam 'phrul kyang // sems can dag pa snying rjes zin// chos rnams stong pa nyid kyi mchog/ chos nyid de dag rtogs yin zhing // shin tu mya ngan 'das pa yi/ / thabs la'ang de dag dpyod par byed// chos kun rang bzhin med pa dang // stong zhing mtshan nyid med rtogs kyang // thabs kyis mtshan gyis brgyan pa yi// lus kyis sems can don yang spyod/ / shes rab nyams shing brtse med pa// snying rje med blo 'tshe ba min// shes rab 'phags dang snying rje ni// dag pas de phyir thabs su 'dod// byang chub sems dpa' che rnams kyi//
- 19a
mthu ldan thabs ni 'di yin te// 'phags pa de dag der gnas shing // rnam par 'phrul pa brgya dag ston// rigs kyi bu 'di ltar yang de bzhin gshegs pa rnams kyi thabs su blta bar bya ste/ gang 'di ltar yon tan rnams kyi snying po rnam pa bcu gnyis kyis mngon par 'phags pa'i sangs rgyas kyi zhing du/ bla na med pa yang dag par rdzogs pa'i byang chub mngon par rdzogs par sangs rgyas kyang / bskal pa'i snyigs ma ston pa dang / dus kyi snyigs ma ston pa dang / sems can gyi snyigs ma ston pa dang / nyon mongs pa'i snyigs ma ston pa dang / tshe'i snyigs ma ston pa dang / theg pa tha dad pa ston pa dang / kun nas nyon mongs pa can gyi sangs rgyas kyi zhing ston pa dang / sems can dmu rgod ston pa dang / chos bstan pa la bye brag ston pa dang / gzhan mu stegs can gyi 'khrug pa yod par ston pa dang / bdud rnams dang / bdud kyi las rnams kyang ston la/ nyes pa de dag kyang yod pa ma yin pa thams cad ni/ de bzhin gshegs pa'i thabs su blta bar bya'o// de skad ces bka' stsal pa dang / 'jam dpal gzhon nur gyur pas/ bcom ldan 'das la 'di skad ces gsol to// yon tan snying po gang dang ldan na/ gang du sangs rgyas bcom ldan 'das rnams byang chub mngon par rdzogs par 'tshang rgya ba'i sangs rgyas kyi zhing de lta bur gyur pa'i yon tan gyi snying po bcu gnyis po de dag bcom ldan 'das kyis bstan du gsol/ bcom ldan 'das kyis bka' stsal pa/ 'jam dpal 'di la gang
- 19b
du sangs rgyas bcom ldan 'das rnams byang chub mngon par rdzogs par 'tshang rgya ba'i sangs rgyas kyi zhing de ni yon tan gyi snying pos bsgrubs pa'i phyir/ bskal pa'i snying po dang ldan pa yin/ sangs rgyas kyi zhing de ni chos spyad pa'i dus las mi 'da' ba'i phyir/ dus kyi snying po dang ldan pa yin/ sangs rgyas kyi zhing de ni chos shes par 'gyur ba dang ldan pa'i phyir sems can gyi snying po dang ldan pa yin/ sangs rgyas kyi zhing de ni legs par yongs su dag pa'i phyir/ nyon mongs pa can ma yin pa'i zhing gi snying po dang ldan pa yin/ sangs rgyas kyi zhing de ni sems can dmu rgod med pa'i phyir/ sems can cad shes kyi snying po dang ldan pa yin/ sangs rgyas kyi zhing de ni theg pa gcig gis nges par 'byung ba'i phyir/ theg pa chen po dang ldan pa yin/ sangs rgyas kyi zhing de ni rdzas kyi lhag ma yod pa'i phyir/ sa'i snying po dang ldan pa yin/ sangs rgyas kyi zhing de ni gzhan mu stegs can thams cad kyi bstan pa mi spyod pa'i phyir/ bstan pa'i snying po dang ldan pa yin/ sangs rgyas kyi zhing de ni g.yo med pa'i phyir yon tan gyi snying po dang ldan pa yin/ sangs rgyas kyi zhing de ni sems can rang bzhin gyis dkar ba'i gnas su gyur pa'i phyir/ bsam pa dang lhag pa'i bsam pa'i snying po dang ldan pa yin/ sangs rgyas kyi zhing de ni sbyin pa'i gnas dang mi 'bral ba'i phyir/ 'phags pa'i snying po dang ldan pa yin/ sangs rgyas kyi zhing de ni sngon gyi de bzhin gshegs pa rnams bzhud cing rjes su bzhud pa'i phyir/ byang
- 20a
chub kyi snying po dang ldan pa yin te/ 'jam dpal gang du sangs rgyas bcom ldan 'das byang chub mngon par rdzogs par 'tshang rgya ba'i sangs rgyas kyi zhing de ni/ yon tan gyi snying po dag dang ldan no/ / thabs la mkhas pa'i le'u ste gsum pa'o// // 'jam dpal de ltar rnam grangs des kyang 'di ltar nga la nyan thos dang rang sangs rgyas kyi theg pa rnam par dgod pa med par khyod kyis rig par bya'o/ / de ci'i phyir zhe na/ de bzhin gshegs pa la 'du shes tha dad pa med pa'i phyir ro// 'jam dpal gal te de bzhin gshegs pa sems can kha cig la ni theg pa chen po ston/ kha cig la ni rang sangs rgyas kyi theg pa ston/ kha cig la ni nyan thos kyi theg pa ston na/ de ni de bzhin gshegs pa'i sems yongs su ma dag par 'gyur ro// sems ma snyoms pa nyid du yang 'gyur ro/ / mngon par zhen pa'i skyon du yang 'gyur ro// snying rje chen po phyogs gcig par yang 'gyur ro// 'du shes tha dad pa'i skyon du yang 'gyur ro// ngas chos la slob dpon gyi dpe ma khyud byas par yang 'gyur ro/ / 'jam dpal ngas sems can rnams la chos gang dang gang bstan pa de dag thams cad ni/ 'di lta ste/ thams cad mkhyen pa'i ye shes thob par bya ba'i phyir byang chub la gzhol ba/ theg pa chen po la 'bab pa/ thams cad mkhyen pa nyid sgrub pa/ yul gcig tu yang dag par phyin par byed pa ste/ de bas na ngal theg pa tha dad par rnam par dgod pa med do// 'jam dpal gyis gsol pa/
- 20b
bcom ldan 'das gal te theg pa rnam par dgod pa ma mchis na/ ci'i slad du de bzhin gshegs pas 'di ni nyan thos kyi theg pa'o// 'di ni rang sangs rgyas kyi theg pa'o// 'di ni theg pa chen po'o zhes/ theg pa gsum las brtsams te sems can rnams la chos bstan pa mdzad lags/ bcom ldan 'das kyis bka' stsal pa/ 'jam dpal theg pa rnam par dgod pa zhes bya ba de ni de bzhin gshegs pas sa rnam par dgod pa mdzad pa yin gyi/ theg pa rnam par dgod pa ma yin no// de ni de bzhin gshegs pas chos kyi mtshan nyid rnam par dgod pa mdzad pa yin/ de ni de bzhin gshegs pas gang zag rnam par dgod pa mdzad pa yin/ de ni de bzhin gshegs pas tshogs chung ba dang / tshogs tshad med pa rnam par dgod pa mdzad pa yin te/ chos kyi dbyings tha dad pa med pa'i phyir/ 'di la theg pa tha dad par 'gyur ba gang yang med do/ / 'jam dpal de ni de bzhin gshegs pas 'jug pa'i sgo bstan pa ste/ bzo slob pa ni rim gyis slob pa la 'jug pa ltar blta bar bya'o// 'jam dpal 'di lta ste/ dper na 'phong gi slob dpon 'phong dpyad kyi pha rol tu phyin pa'i mchog thob pa ni/ slob ma rnams la thabs sna tshogs dang / rtsol ba sna tshogs kyis 'phong dpyad ston te/ 'phong shes par bya ba ni gcig tu zad do/ / 'jam dpal de bzhin du de bzhin gshegs pa chos kyi 'phong gi slob dpon mkhas pa yang thams cad mkhyen pa'i ye shes gcig po de nyid rnam pa gsum du snyan pa mdzad do// 'jam dpal 'di
- 21a
lnga ste dper na/ me lce chung ngu de nyid mched na/ sreg pa'i bskal pa'i bar du 'tshig pa'i mthu yod par 'gyur ro// 'jam dpal de bzhin du ye shes snang ba gcig po de yang rim gyis rnam par 'phel na/ nyon mongs pa thams cad sreg pa'i phyir/ de bzhin gshegs pa'i ye shes kyi snang ba chen po'i bar du sbyin par byed do// 'jam dpal 'di lta ste dper na/ ri'i rgyal po ri rab ni rnam par rtog pa med de/ de'i drung du sems can gang dag kha cig phyin pa de dag thams cad 'di lta ste/ gser gyi mdog tu kha dog gcig par 'gyur ro// 'jam dpal de bzhin du de bzhin gshegs pa'i ye shes kyi ri rab chen po bla na med pa yang rnam par mi rtog ste/ der sems can gang dag kha cig de bzhin gshegs pa'i chos nyid la rnam par lta ba de dag thams cad 'di lta ste/ thams cad mkhyen pa nyid kyi mdog tu kha dog gcig par 'gyur ro/ / 'jam dpal 'di lta ste dper na/ nor bu rin po che chen po an+da rnyil ni phyogs gang na 'dug pa der rin po che chen po de'i yul du ji tsam du gyur pa tshun chad na/ dog tha dad pa gzugs kha dog sna tshogs snang ba gang dag ji snyed cig yod pa de dag nor bu rin po de'i gzi brjid kyis/ 'di lta ste/ sngo ba'i mdog tu kha dog gcig par 'gyur ro// 'jam dpal de bzhin du de bzhin gshegs pa bla na med pa'i nor bu rin po che an+da rnyil chen po'i chos snang ba dang / 'od kyis sems can gang la bab pa de thams cad 'di lta ste/ thams cad mkhyen pa nyid kyi mdog tu kha dog gcig par 'gyur
- 21b
ro/ / 'jam dpal 'di lta ste dper na/ rgya mtsho chen por ni sgo tha dad pa nas chu mang po 'bab ste/ der bab nas thams cad kyang 'di lta ste/ lan tshwa'i ror ro gcig par rtag tu gnas par 'gyur ro// 'jam dpal de la rgya mtsho chen po zhes bya ba de ni de bzhin gshegs pa'i tshig bla dgas so/ / sgo tha dad pa nas chu mang po 'bab ces bya ba de ni nyan thos dang / rang sangs rgyas dang / byang chub sems dpa' rnams kyi tshig bla dgas so/ / der bab nas de dag thams cad ro gcig tu 'gyur zhes bya ba de ni rnam par mi rtog pa'i phyir/ theg pa gcig gi tshig bla dgas te/ 'jam dpal rnam grangs des kyang 'di ltar de bzhin gshegs pas de ni yongs su sbyang ba bya ba'i sar rnam par dgod pa de ni de bzhin gshegs pas 'jug pa'i tshul du gsungs pa/ de ni de bzhin gshegs pas chos rnam par dgod pa mdzad pa/ de ni de bzhin gshegs pas bstan pa la rim gyis 'jug par bstan pa ste/ tshogs chung ngu dang / tshogs chen po'i gang zag rnams rnam par bkod pa/ thabs mkhas pa'i rnam par 'phrul pa ste/ de bzhin gshegs pa'i so so yang dag par rig pa sna tshogs dang / kun rdzob la 'jug par bstan pa yin par de ltar rig par bya ste/ don dam par ni theg pa gcig ste gnyis su med do// 'jam dpal sangs rgyas kyi zhing 'di na gzhan mu stegs can spyod pa pa dang / kun tu rgyu ba dag snang ba 'di yang de bzhin gshegs pa'i thabs yin par blta bar bya ste/ de bzhin gshegs pa'i byin gyi rlabs kyis mngab dbang yin
- 22a
par rig par bya'o/ / de ci'i phyir zhe na/ 'jam dpal de bzhin gshegs pas ni gnyen po thams cad shin tu bsal ba'i phyir/ phyir rgol ba thams cad kyi thams cad med de/ 'jam dpal 'khor los sgyur ba'i rgyal po dge ba'i rtsa ba 'jig pa'i tshul can dang ldan pa/ 'dod chags dang bcas pa/ zhe sdang dang bcas pa/ gti mug dang bcas pa/ nye bar len pa dang bcas pa/ bag la nyal dang bcas pa/ nyon mongs pa dang bcas pa la yang phyir rgol ba thams cad kyis thams cad mang cing sngo ba'i dmag tshogs med do// de ci'i phyir zhe na/ 'jam dpal 'khor los sgyur ba'i rgyal po la 'tshe ba ma pa'i phyir te/ 'jam dpal 'khor los sgyur ba'i rgyal po yang de lta na/ de bzhin gshegs pa chos kyi 'khor los sgyur ba'i rgyal po bsod nams dang / ye shes kyi tshogs tshad med pa bsags pa/ snying rje chen po rgyun mi 'chad pa brnyes pa/ zag pa med pa'i chos kyi nam mkha' la rgyu ba/ byang chub kyi yan lag bdun gyi rin po che dang ldan pa/ bsrel ba mi mnga' ba'i chos can/ chos kyi 'khor los sgyur ba'i rgyal po chen po'i chos kyi rgyal srid la 'tshe ba yod pa 'am/ sngo ba'i dmag tshogs kyi 'jigs par 'gyur ba lhag la yod de/ de ni gnas med do// 'jam dpal yang sangs rgyas kyi zhing 'di na gzhan mu stegs can spyod pa pa dang / kun tu rgyu ba gang dag snang ba 'di yang de bzhin gshegs pa'i byin gyi rlabs yin par blta bar bya ste/ rigs kyi bu de dag kun kyang mu stegs gcig la gnas pa yin par rig
- 22b
par bya'o/ / 'jam dpal 'di lta ste/ ri dgas kyi rgyal po seng ge'i mdun du ni/ ri dgas phra mo thams cad gnas par mi nus so// 'jam dpal de bzhin du gzhan mu stegs can spyod pa pa dang / kun tu rgyu thams cad kyis de bzhin gshegs pa'i yul mnan par bya ba 'am/ de bzhin gshegs pa'i skyes bu seng ge chen po stobs bcu mnga' ba/ mi 'jigs pa bzhi brnyes pa'i mdun du gnas par bya ba 'am/ brtsod par bya ba de bzhin gshegs pa'i byin gyi rlabs ma gtogs par mi nus te de ni gnas med do// 'jam dpal 'di lta ste dper na/ nyi ma'i dkyil 'khor shar cing 'od zer mang po bkye ba'i tshe// srin bu me khyer thams cad kyang 'od med par 'gyur zhing / me dang / nor bu dang / skar ma thams cad kyi 'od rnams kyang mi snang ngo // 'jam dpal de bzhin gshegs pa nyi ma'i dkyil 'khor chen po shar cing / ye shes kyi 'od zer mang po bkye ba'i tshe/ gzhan mu stegs can spyod pa pa dang / kun tu rgyu thams cad zil gyis non cing mi snang ngo // 'jam dpal 'di lta ste dper na/ lcags kyi rgyal po khab long sa'i phyogs gang du byung ba der khab long gi mi 'dre ba'i mtshan nyid kyi phyir lcags thams cad mi gnas so/ / 'jam dpal de bzhin du sangs rgyas kyi zhing gang du sangs rgyas byung bar gyur pa de na/ gzhan mu stegs can spyod pa pa dang / kun tu rgyu ba thams cad rgyu ba med par rig par bya'o// de ci'i phyir zhe na/ de ni sangs rgyas byung ba'i mi 'dre ba'i chos kyi mtshan nyid kyi phyir ro// 'jam dpal 'di lta
- 23a
ste dper na/ rin po che'i rgyal po yid bzhin gyi nor bu gang du byung ba de ni mching surnams mi 'byung ngo // 'jamang pal de bzhin du de bzhin gshegs pa ye shes rin po che chen po gang sa byung ba der ni gzhan mu stegs can spyod pa pa dang / kun tu rgyu thams cad mi 'byung bar rig par bya'o// 'jam dpal 'di lta ste dper na/ rin po che'i 'byung khung gang nas 'dzam bu chu bo'i gser 'byung ba de nas lcags 'gyes kyi phung po mi 'byung ngo / / bajam dpal de bzhin du 'jig rten gyi khams gang du de bzhin gshegs pa byung ba der gzhan mu stegs can spyod pa pa dang / kun tu rgyu thams cad mi 'byung ngo / / 'jam dpal rnam grangs des kyang / 'di ltar de bzhin gshegs pa gang du byung ba der gzhan mu stegs can spyod pa pa dang / kun tu rgyu thams cad mi 'byung bar rig par bya'o// 'jam dpal yang sangs rgyas kyi zhing 'di na gzhan mu stegs can spyod pa pa dang / kun tu rgyu gang dag snang ba 'di yang de bzhin gshegs pa'i byin gyi rlabs dang / thabs la mkhas pa'i yul bsam gyis mi khyab pa yin par rig par bya'o/ / de ci'i phyir zhe na/ 'di ltar mu stegs can gzhan gyi sgo 'di dag thams cad ni rnam par thar pa bsam gyis mi khyab pa'i sgo la gnas pa dag ste/ shes rab kyi pha rol tu phyin pa las nges par 'byung ba dag go/ / thabs la mkhas pas rnam par rtse bdag go// sangs rgyas dang / chos dang / dge 'dun yid la bya ba ma btang ba dag go// sems can yongs su smin par bya
- 23b
ba rnams la dam pa'i pha rol tu son pa dag go/ / sems can yongs su smin par bya ba'i phyir/ de bzhin gshegs pa'i byin gyi rlabs kyis byin gyis brlabs pa dag go// bstan pa 'di bshad pa na/ lha'i bu nyan thos kyi theg pa la gnas pa brgyad stong gis theg pa gcig ces thos nas/ bla na med pa yang dag par rdzogs pa'i byang chub tu sems bskyed par gyur to// dge slong lnga brgyas theg pa gcig tu yang dag par 'du ba'i sgron ma'i ting nge 'dzin thob par gyur to/ / byang chub sems dpa' stong nyis brgyas mi skye ba'i chos la bzod pa thob par gyur to// stong gsum gyi stong chen po'i 'jig rten gyi khams 'di yang rnam pa drug tu g.yos par gyur to/ / steng gi bar snang las kyang lha'i me tog ut+pa la dang / pad+ma dang / ku mu da dang / pad+ma dkar po'i char mngon par bab bo// lha'i tsan dan gyi phye ma'i char dag kyang de bzhin gshegs pa'i zhabs kyi drung du bab par gyur to/ / lha'i bu 'bum dag kyang steng gi bar snang la 'dug nas/ ca co dang gzha'i sgra brgya stong du ma phyung bar 'gyur te/ lha'i gos dag g.yab mo'i thabs su skyob bo/ / lha'i rnga dag kyang brdungs par gyur to// ched du brjod pa 'di skad kyang ched du brjod de/ kye ma sngon ma thos pa'i chos kyi rnam grangs 'jig rten du byung ngo // bcom ldan 'das chos kyi rnam grangs 'di yun ring por 'dzam bu'i gling na gnas par gyur cig ces brjod do/ / dge slong ma brgyad brgyas kyang rang rang gi bla gos de bzhin gshegs pa'i sku la gsol bar gyur to// de nas bcom
- 24a
#ldan 'das kyis rob kyi don padi nyid kyi cher bstan pa'i phyir tshigs su bcad pa 'di dag bka' stsal to/ / nga li thabs yul bsam gyis mi khyud 'di// 'jam dbyangs khyod kyis de ltar shes par gyis/ / bcud kyi dus la byang chub sangs rgyas kyi// 'di 'dra'i dus 'di nga yis ston pa mdzad// nga la dus kyis nyes pa mi mnga' ste// chos kyi dus ni rtag tu nye bar gnas// nga las sems can chos thos 'jug par byed/ / sems can skyon ni nam yang yod ma yin// yon tan rdzas kyi khyad kyis bskal pa'i bcud// dri med yongs su dag pa zhing gi bcud// dus kyi bcud la byang chub ngas brnyes te/ / de bsang la rnyog pa yongs med do// ngas ni bskal pa bye ba ji snyed kyis// sangs rgyas ye shes mtshungs med pa sgrubs byas pa// byang chub brnyes nas de srid pa yi tshe/ bar mdor ni mya ngan 'da' ba med// 'on kyang mya ngan 'da' ba ngas bstan te// rtag pa'i 'du shes can rnams mi rtag bstan// lhag ma lus pa ltar yang ngas bstun te// nga yi tshe ni phyi ma'i mthar brtags so/ / nga yi mya ngan 'da' gcig theg pa gcig/ nga yi theg pa tha dad med pa ste// yang dag tu na theg pa gcig tu bstan// de ni thabs kyi yul du shes par gyis// rgyud zhan bsam ba chung ba'i skye bo dag/ 'phral du thos par 'jigs par 'gyur srid ces// de dag rnams la theg pa gsum bstan gyi// theg pa gcig ste theg pa gnyis su med// ngas bstan 'dis ni chos la mos
- 24b
pa dang / / bstan pa'i lam langade bzhin 'jug 'gyur zhes// theg pa gcig po rnam pa gsum du bstan// theg pa tha dad nam yang yod pa min// dper na 'phong shes pha rol phyin gyur pa// shes pa de nyid rnam pa gsum du ston/ / de bzhin ston pa chos la mkhas pa'i mchog/ theg pa gcig po rnam pa gsum du ston// 'dren pa sems can kun la mnyam pa'i sems// nga la tha dad 'du shes nam yang med/ / theg pa dman pa zhan la ngas bstan na// de ni nga la ser sna'i skyon du 'gyur// dper na rin chen dam pa an+da rnyil// gang dang gang gi gnas su bzhag gyur pa// phyogs de thams cad mdog gcig sgyur byed de/ / kha dog sngon po gyur yang rtog pa med// 'jig rten 'dre ba ye shes rin chen yang // de bzhin 'od 'gyeng zhing kun rgyas mdzad cing // srog chags thams cad la dog gcig bsgyur te/ / byang chub mdog bsgyur rnam rtog sems mi mnga'// dper na me stag chung ngu 'phel gyur na// me lce chen po 'bar zhing mched pa ltar// nyan thos ye shes me yi me stag kyang // de nyid sangs rgyas yon tan me lce bskyed// dper na gang dag ri rgyal lhun po'i drung // phyin pa de dag de mthus mdog gcig 'gyur// de bzhin stobs bsrung gan gang 'ongs pa// mkhas pa de dag byang chub mchog tu 'gyur/ / dper na sbrang ma dag gi mchu yis ni// bzang dang mi bzang sna tshogs gang blangs pa// de dag thams cad gcig tu sogs byas shing // sbrang rtsi nyid du sgyur
- 25a
bar byed pa ltar/ / de bzhin mkhas pa 'jig rten grags pa yang // theg pa gsum po nye bar bstan mdzad cing // dkar po thams cad yongs su bsdu mdzad de// mtshan nyid med pa'i byang chub mtshan du bsgyur/ / rgyal po 'khor los sgyur la 'tshe med de// de la sngo ba'i dmag tshogs yod ma yin// chos kyi rgyal srid chen po ngas bzung na// de la mu stegs can gyi yul med do/ / dper na nyi ma'i dkyil 'khor shar gyur na// srin bu me khyer kun 'od zil gyis gnon// de bzhin ye shes dkyil 'khor shar gyur na// mu stegs can rnams thams cad 'od med 'gyur// yul ni gang na khab long gnas gyur pa// de na ljags kyi rnam pa gzhan med do// zhing mchog gang na de bzhin gshegs pa bzhugs// der ni mu stegs can rnams 'byung ba med// gser gyi rgyal po yul gang byung gyur pa/ / de nas 'gyes pa'i phung po'i lcags mi 'byung // gang du 'dzin pas byang chub brnyes gyur pa// zhing der mu stegs can gyi tshogs mi 'byung // yid bzhin nor bu mching bu 'phrad 'gyur ba/ / bden pa'i tshul du nam yang 'byung ba med// de bzhin sangs rgyas rin chen mu stegs can// zhing gcig tu ni nam yang 'byung mi 'gyur// mu stegs can sgo 'di kun bsam gtan dang / / mngon shes dbang sgyur mkhas yin shes par gyis// shes rab thabs kyi spyod pas blo ldan rnams// rnam par 'phrul pa sna tshogs ston par byed// thabs kyi yul de thos par gyur pa'i tshe// rgyas
- 25b
pa'i sras rnams thams cad dgar gyur te/ / dga' skyes nyams pade mtshungs pa med thos nas// rnam par 'dren la me tog mang pos gtor// sa chen 'di yang rnam pa drug tu g.yos// lha yi dza lang ba snang mkha' las rdung / / lA mang bye ba mkha' las thal sbyar cing // 'dren pa de la legs so legs zhes gsol// theg pa gcig tu bstan pa'i le'u ste bzhi pa'o// de'i tshe phyogs kyi rgyud chen po nas/ gcer bu pa'i bu bden smra zhes bya ba/ gcer bu pa 'bum phrag brgyad cu dang lhan cig tu yul rgyu ba spyod cing / rim gyis grong khyer chen po 'phags rgyal du phyin to// de de ltar skye bo'i tshogs mang po dang 'grogs shing ca co dang gzha 'bum dag byed pa phyi bzhin 'brang zhing / gcer bu pa'i bu bden smra lde phyogs kyi rgyud nas/ gcer bu pa 'bum phrag brgyad cu dang lhan cig tu grong khyer 'phags rgyal du byin pas/ skye bo'i tshogs chen po du mas yongs su bskor cing mdun du bdar ba zhig yod do zhes/ rgyal po gtum po rab snang gis thos te/ thos nas kyang rgyal po gtum po gtum po rab snang gcer bu pa'i bu bden smra la sems dang bar gyur to/ / de sems dang bar gyur nas/ blon po chen po dang / zhabs 'bring ba dang / chabasgo ba dang / 'khor ba dang / grong khyer pa dang / yul gyi mi da yul 'khor ba dang / mdun na 'don dang / rgyal bu rnams dang lhan cig tu yan lag bzhi pa'i dpung gi tshogs dang bcas te/ glang po che pa dang / rta pa dang / shing rta pa dang / dpung bu chung dag
- 26a
rjes su 'brang zhing / / rgyal po'i mthu chen po dang / rgyal po'i phun sum tshogs pa chen po dang chas te/ bum pa gang bu 'bum dag gis ni mdun du grangs/ rol mo sil snyan 'bum dag/ ni brdungs shing dkrol/ dung 'bum dag ni pus/ gdugs dang / rgyal mtshan dang / ba dan dang / 'phan rings 'bum dag ni bsgreng / me tog ut+pa la dang / pad+ma dang / ku mud dang / pad+ma dkar po dang / mya ngan 'tshang dang / ba ku la dang / ti la ka dang / a ti mug ta ka dag gis ni lam chal par bkang ste/ gcer bu pa'i bu bden smra bsu ba'i phyir dong ngo // de nas gcer bu pa'i bu bden smras/ rgyal po gtum po rab snang mngon du 'ong ba mthong nas/ lam nas gzur te shing drung zhig tu stan bting nas 'dug go/ de nas rgyal po gtum po rab snang gis gcer bu pa'i bu bden smra shing drung du 'dug par shes nas/ glang po che las babs te/ rkang pas song nas legs par brjod de/ bdag gi khri rin po che'i rtsa ba can la 'dug go// de nas gcer bu pa'i bu bden smras rgyal po gtum po rab snang la yang dag par dga' ba'i gtam byas pa/ rgyal po chen po byon pa legs so// 'di ltar khyod phun sum tshogs pa rgya chen pos dang nges pa/ ma nyams pa dge sbyong dang bram ze'i gan du byon pa legs so/ / rgyal po chen po khyod kyi rgyal srid la 'tshe ba ma mchis sam/ gnod par bgyid pa ma mchis sam/ ma nyams ma dmas sam/ khyod kyi khams nam rungs pa dang / bkrabs pa
- 26b
dang / rol mo mkhan dang / rkun po dang / yang rgod dang / la gcan pa dang / ram pa dang / byi ba pa dag gis rgyal srid la gnod par ma gyur tam/ rgyal po chen po khyod kyi khams na dge sbyong ngam/ bram ze dag gnas dang / kha zas dang / gos dang / chos grub pa'i yo byad kyis nyon mi mongs shing bde bar gnas sam/ rgyal po chen po khyod kyi khams na rngon pa dang / nya ba dang / khyir ba dang / phag 'tshong dang / shan pa dang / sbrul 'dzin pa dang / bya ba dag gis dud 'gro'i skye gnas su gtogs pa'i srog chags rnams gtses par ma gyur tam/ rgyal po chen po khyod kyang de tsam mi rigs par rgyal srid la mang mi mdzad dam/ rkang gnyis pa dang / rkang bzhi pa dang / rkang med dang / rkang mangs kyi srog chags rnams la gtse ba'i blo ma skyes lags grang / de ci'i slad du zhe na/ rgyal po chen po sems can thams cad la ni srog 'phangs kyis/ rgyal po chen po de'i slad du khyod kyi srog gcod pa spang zhing chad pa spang ba dang / mtho btsam pa ma mchis par mdzad cig/ ma byin par len pa spang zhing / bdag gi longs spyod kyis chog mkhyen pa dang / gzhan gyi longs spyod la gnod pa ma mchis par mdzad cig/ 'dod pa la log par g.yem pa spang zhing / bdag gi btsun mo la dgyes pa dang / gzhan gyi mchis brang la bzhed pa ma mchis par mdzad cig/ brdzun du smra ba spang zhing med par gsung ba dang / chos dang ldan par brjod pa mdzad cig/ phra ma'i tshig spang zhing dbyen gyi tshig ma mchis pa dang // 'dum par bgyi bar mdzad
- 27a
cig/ ngag rtsub po spang zhing snyan pa dang / 'jam pa'i tshig tu brjod pa mdzad cig/ tshig bkyil pa spang zhing ji ltar gsungs pa bzhin du bgyi ba dang / nges par brjod par mdzad cig/ rgyal po chen po khyod kyis gzhan gyi longs spyod rnams dang / gzhan gyi nor rnams la brnab sems su mi bgyi ste/ de'i gong du rjes su dgyes pa'i thugs bskyed pa mdzad cig/ rgyal po chen po khyod kyis gnod sems ma mchis shing / byams pa dang ldan pa dang / yid kyi las kyi mtha' yongs su dag par mdzad cig/ log par lta ba spang zhing rang gi las kyi 'bras bu gzigs pa dang / 'phags pa rnams kyis yang dag par lta ba'i rjes su bsnyag pa mdzad cig/ de ci'i slad du zhe na/ rgyal po chen po srog gcod pas ni sems can dmyal bar khrid par 'gyur ro// dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ tshe thung ba dang nad mang ba'o// ma byin par len pas ni sems can dmyal bar khrid par 'gyur ro/ / dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ longs spyod chung ba nyid dang / longs spyod thun mong ngan nyid do// 'dod pa la log par g.yem pas ni sems can dmyal bar khrid par 'gyur ro// dud 'gro'i skye gnas su khring bar 'gyur ro// gshin rje'i 'jin
- 27b
rten du khrid par 'gyur ro/ / de nas gal te mi'i nang du skyes na yang rnam par smin pa gnyis mngon par sgrub ste/ g.yog 'khor mi srun pa dang / 'gran zla dang bcas pa'i chung ma can du 'gyur ro// brdzun du smra bas ni sems can dmyal bar khrid par 'gyur ro/ / dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ skur pa mang ba nyid dang / gzhan gyis slu ba nyid do// phra ma'i tshig gis ni sems can dmyal bar khrid par 'gyur ro// dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro/ / de nas gal te mi'i nang du skyes na yang rnam par smin pa gnyis mngon par sgrub ste/ g.yog 'khor mi 'dum pa nyid dang / g.yog 'khor ngan pa nyid do// ngag rtsub pos ni sems can dmyal bar khrid par 'gyur ro// dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ yid du mi 'ong ba'i tshig thos pa nyid dang / 'thab mo'i tshig nyid do// tshig bkyil pas ni sems can dmyal bar khrid par 'gyur ro// dud 'gro'i skye gnas su khrid par 'gyur ro/ / gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ tshig mi btsun pa nyid dang / ma nges pa'i spobs pa nyid
- 28a
do/ / brnab sems kyis ni sems can dmyal bar khrid par 'gyur ro// dud 'gro'i skye gnas su khrid par 'gyur ro// gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ chog mi shes pa nyid dang / 'dod pa che ba nyid do// gnod sems kyis ni sems can dmyal bar khrid par 'gyur ro// dud 'gro'i skye gnas su khrid par 'gyur ro/ / gshin rje'i 'jig rten du khrid par 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ mi phan pa tshol ba nyid dang gzhan la gnod pa byed pa nyid do/ / log par lta bas ni sems can dmyal bar khrid par 'gyur ro// dud 'gro'i skye gnas su khrid par 'gyur ro// gshin rje'i 'jig rten du skye bar 'gyur ro// de nas gal te mi'i nang du skyes na yang rnam par smin pa gnyis mngon par sgrub ste/ lta ba ngan par lhung bar 'gyur ba dang / g.yo sgyu can du 'gyur ba'o// rgyal po chen po de ltar na mi dge ba bcu'i las kyi lam 'di dag gis ni sdug bsngal gyi phung po che zhing tshad ma mchis par yang dag par 'du bar 'gyur ro/ / rgyal po chen po de'i slad du bag mchis pa dang / mi rtag par so sor brtag pa mang babar mdzad cig/ rgyal po chen po 'tsho ba'i yun ni thung ngo // tshe'i tshad ni ring por mi thub bo// pha rol du ni bzhud 'tshal lo// tshe'i 'du byed ni ri'i 'bab chu ltar mi brtan zhing g.yo ste/ skad cig kyang mi
- 28b
gnas kyis/ de'i slad du rgyal po chen po las kyi rnam par smin pa'i drung mi 'byung zhing 'jig rten pha rol gyis 'jigs par gzigs par mdzad cig/ de nas gcer bu pa'i bu bden smras/ don de nyid rgya che bstan pa'i phyir/ de'i tshe tshigs su bcad pa 'di dag smras so// sa yi bdag po rtag tu bag yod mdzod// bag med sems can dmyal ba'i g.yang sar 'or// bag med spyod pa sems can dmyal bar mchi// bag mchis gang lags de ni mtho ris mchi// rgyal po khyod ni srog gcod ma mdzad cig/ skye bo kun la srog ni rab tu 'phangs// de bas yun ring tshe srungs su 'dod pas// yid kyi dgu la'ang srog gcod mi bsam mo/ / 'jig rten skyong ba rku ba rtag tu spongs// des ni longs spyod 'byor pa brtan pa 'thob// srog chen nyon mongs than khol bsags bsags pa// gzhan nor blangs pas dbul po nyid du 'gyur/ / gzhan gyi chung ma rtag tu spangs mdzad ci// sa yi bdag po btsun mos 'tshal bar mdzod// des na rang gi btsun mo sdug par 'gyur// btsun mo 'gran zla ma mchis 'thob par mchi// brdzun gyi tshig ni nam yang brjod ma mdzad// rgyal mchog glang po dam bcas mang bar mdzad// bden par smra ba dbang po'i gnas su mchi// brdzun du gang smra gshin rje'i 'jig rten mchi// phra ma'i skyon ldan tshig ni yongs spangs nas/ / skye bo bye ba 'dum par bsdums bgyis na// mi phyed g.yog 'khor 'phags pa thob par 'gyur// 'di nas shi 'phos mtho ris rab tu mchi// sa yi bdag po ngag
- 29a
rngub spangs par mdzad/ / gzhan gyi rnar snyan bde ba bka' stsol cig/ de rgyus 'jig rten pha rol lha dag gi/ sna tshogs yid 'ong mtho ris tshig gsan 'gyur// rgyal ba'i tshig rnams rnam par spangs mdzad de/ / shin tu nges shing brtan pa'i tshig kyang gsungs// pha rol lha yi dbang phyug 'jig rten du// sems can rnams la btsun pa'i tshig ldan 'gyur// gzhan gyi phun sum tshogs pa mthong 'gyur na/ / skye dgu'i bdag po phan 'tshal chags mi bgyi// gzhan gyi longs spyod dag la chags bgyis na// longs spyod thun mong can du des 'gyur ro// sa yi bdag po gnod sems ma mdzad cig/ sems can rnams la byams pa rtag tu mdzad// gnod sems ldan pa'i mi rnams shi 'phos na// dge ba bgyis kyang mnar med dmyal bar mchi// mi yi bdag po log par lta/ spang mdzod// yang dag gzigs pas bdag nyid brtan pa mdzad// dge chos 'di dag yang dag blang gyis na// lha yi gzhal med khang du dgyes par 'gyur// dge slong bram ze tshul khrims ldan pa dang // yab dang yum la mchod pa gus bgyis na// ngan songs chen khyod kyis spangs 'gyur zhing // mtho ris dgyes pa brnyes pas dgyes pa 'gyur// de nas gcer bu pa'i bu bden smras/ rgyal po gtum po rab snang la bag yod pa dang ldan pa'i gtam de lta bu dag byas nas cang mi smra bar 'dug go/ rgyal po'i drung du phyin pa'i le'u ste lnga pa'o// // de nas rgyal po gtum po rab snang gis gcer bu
- 29b
pa'i bu bden smra'i tshig de la mngon par dga' ste/ yang dag par dga' bar 'gyur ba dang / yang dag par chags par gyur pa'i gtam sna tshogs byas nas gnod pa chung ba dang / nyam nga ba nyung ba'i gtam dris te/ 'di skad ces smras so// bram ze gal te bdag gis bris la/ dris pa lan gdab par khyod kyis skabs dbye na/ phyogs 'ga' zhig dri'o// de skad ces smras pa dang / gcer bu paba'i bu bden smras rgyal po gtum po rab snang la 'di skad ces smras so/ / rgyal po chen po ci dang ci bzhed pa rmar gsol pa smras pa de dang de nyid kyi lan gsol pas/ bdag gis khyod kyi thugs rangs par bgyi'o/ / skabs phye bas/ de nas rgyal po gtum po rab snang gis/ gcer bu pa'i bu bden smra la 'di skad ces smras so// bram ze skye dgu skye dgu zhes bya na/ de ltar skye dgu zhes bya ba de chos gang gi tshig bla dgas yin/ smras pa/ rgyal po chen po 'di ltar skye dgu zhes bgyi ba ni nye bar len pa'i phung po lnga'i tshig bla dgas te/ lnga po dag gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o// rgyal po chen po yang nye bar len pa'i phung po lnga po de dag nyid nye bar bzung ste/ sems can gyi 'jig rten dang / snod kyi 'jig rten gdags pa lags so// de la sems can gyi 'jig rten gdags pa ni skye gnas bzhis zin pa ste/ mngal nas skye ba dang / sgo nga las skye ba dang /
- 30a
dror gsher las skye ba dang / rdzus te skye ba'o// snod kyi 'jig rten gdags pa ni sa dang / chu dang / me dang / rlung dang / nam mkha'i khams kyis zin pa'o// smras pa/ bram ze skye dgu skyong ba gang yin/ smras pa/ rgyal po chen po rang gi las kyi dbang dang bdag po'o// smras pa/ bram ze rnam pa gang gis ji ltar rang gi las kyi dbang skye dgu skyong bar byed/ smras pa/ rgyal po chen po sems can gang dag rang gi las kyi dbang gis rnam pa de lta bu'i gnas su skyes shing / bdag gir bgyi ba ma mchis pa dang / yongs su gzung ba ma mchis pa dang / ma rmos ma btab pa'i yo byad rnams la spyod cing / nad dang / dgra dang / sdug bsngal chen po rnam par spangs pas gcig la gcig mi 'khu zhing / ji srid 'tsho'i bar du 'byor pa dang mod pa'i yul du bde ba la reg par gnas shing dus la bab ste/ lus zhig nas bde 'gro mtho ris kyi 'jig rten du lha'i nang du skye bar 'gyur ba dag mchis te/ 'di lta ste dper na/ byang gi sgra mi snyan gyi sems can lta bu dag lags so// sems can gang dag rang gi las kyi dbang gis rnam pa de lta bu'i dus su skye zhing 'od rang las 'byung ba/ nam mkha' la mchi ba/ dga' ba'i kha zas dang ldan pa/ mngal nas ma skyes pa/ tshe ring ba/ yun ring por 'tsho ba dag mchis te/ 'di lta ste dper na/ bskal pa dang po pa'i sems can lta bu dag lags so// sems can gang dag rang gi las kyi dbang gis sngon gyi bsod nams kyi rgyu'i stobs
- 30b
bskyed pa dang ldan zhing / tshe 'di la par shes pa/ mar shes pa/ dge sbyong du 'dzin pa/ bram zer 'dzin pa/ don bgyid pa/ dgos pa bgyi pa/ rigs kyi gtso bo la rim gro bgyid pa/ kha na mtho bas 'jigs par lta ba/ sbyin pa dag sbyin pa/ bsod nams ngag bgyid pa/ nye bar gnas pas nye bar gnas pa/ tshul khrims yang dag par bzung zhing gnas pa dag mchis te/ 'di sa ste dper na/ dus bzang po'i sems can lta bu dag lags te/ de dag la rgyal por gdag pa ma mchis so// rgyal po chen po de ltar na/ bdag gi las kyi dbang ni skye dgu skyong zhes bgyi'o// smras pa/ bram ze ji ltar na skye dgu bdag pos bskyangs zhes bya/ smras pa/ rgyal po chen po rgyal po chen po rnams ni skye dgu rnams kyi dbang po zhes bgyi ste/ de dag kyang chos dang ldan zhing / tshul khrims dang / tshul khrims yang dag par spyod pas skye dgu rnams dga' bar sbyor bas mdzes pas na/ de'i slad du rgyal po zhes bgyi'o// de dag kyang rnam pa bzhi ste/ 'di lta ste/ 'khor los sbyar ba rnams dang / rgyal po chen po rnams dang / khams kyi rgyal po rnams dang / rgyal phran rnams lags so// de la 'khor los sgyur ba zhes bgyi ba ni/ 'di na la la rgyal po 'khor los sbyar ba rgyal rigs spyi bo nas dbang bskur ba mtha' bzhir rgyal ba/ chos dang ldan pa/ chos kyi rgyal po rin po che sna bdun dang ldan pa lags so// de'i rin po che sna bdun ni 'di dag lags te/ 'di lta ste/
- 31a
@#/ 'khor lo rin po che dang / glang po rin po che dang / rnga rin po che dang / bud med rin po che dang / nor bu rin po che dang / khyim bdag rin po che dang / blon po rin po che lags so// des sa chen po ma lus pa gnod par sngo ba ma mchis te/ 'tshe ba ma mchis la/ chad pa ma mchis shing / mtshon gyis bda' ba ma mchis pa 'di nyid chos dang 'thun par snyoms par legs par phab ste gnas lags so/ / smras pa/ rnam pa gang gis ji ltar mtha' bzhir 'gyur/ smras pa/ gling bzhi la dbang gis dbang sgyur ba'i slad du'o// smras pa/ ji ltar na rnam par rgyal ba yin/ smras pa/ bka' las 'gal bar bgyid pa ma mchis pa'i slad du'o// smras pa/ ji ltar na chos dang ldan pa yin/ smras pa/ bdag nyid dge ba bcu'i las kyi lam yang dag par blangs shing gnas pa'i slad du'o/ / smras pa/ ji ltar na chos kyi rgyal po yin/ smras pa/ gzhan dag dge ba bcu'i las kyi lam yang dag par blangs shing gnas su rtsol ba'i slad du'o// smras pa/ ci'i phyir 'khor lo rin po che dang ldan par 'gyur/ smras pa/ tshegs chung ngus rnam par rgyal zhing / bde ba 'thob pa'i slad du'o// smras pa/ ci'i phyir glang po rin po che dang / rta rin po che dang ldan par 'gyur/ smras pa/ bzhon pa'i mchog ngo mtshar gyi bde ba 'thob pa'i slad du'o// smras pa/ ci'i phyir bud med rin po che dang ldan par 'gyur/ smras pa/ dga' ba'i mchog gis rtsa ba dang / dga' ba'i bde ba
- 31b
'thob pa'i slad du'o/ / smras pa/ ci'i phyir nor bu rin po che dang ldan par 'gyur/ smras pa/ snang ba dam pa'i yo byad kyi bde ba 'thob pa'i slad du'o// smras pa/ ci'i phyir khyim bdag rin po che dang ldan par 'gyur/ smras pa/ longs spyod kyis dbang phyug mchog gi bde ba 'thob pa'i slad du'o// smras pa/ ci'i phyir blon po rin po che dang ldan par 'gyur/ smras pa/ shul du zhugs na nyon mi mongs shing skyo bar mi 'gyur ba'i bde ba 'thob pa'i slad du'o/ / smras pa/ ji ltar na sa 'di ma lus pa dag la gnas par 'gyur/ smras pa/ mtha' dag la gnas pa'i slad du'o// smras pa/ ji ltar na gnod par sngo ba med pa yin/ smras pa/ phyir rgol ba ma mchis pa'i slad du'o// smras pa/ ji ltar na 'tsho ba med pa yin/ smras pa/ nan gyis bgyi ba ma mchis pa'i slad du'o/ / smras pa/ ji ltar na chad pa med pa dang mtshon gyis bda' ba med pa yin/ smras pa/ chad pa dang / mtshon chas gnod par bgyis pa ma mchis pa'i slad du'o// smras pa/ ji ltar na chos dang mthun pa yin/ smras pa/ mi rigs pa'i chags pa dang / zhe sdang dang gti mug rnam par spangs pa'i slad du'o// smras pa/ ji ltar na snyoms pa yin/ smras pa/ phyogs su ma lhung bar yongs su skyong ba'i slad du'o/ / smras pa/ ji ltar na legs par phab ste gnas par 'gyur/ smras pa/ gzhan dag rang rang gi ris nas bskyod pa'i slad du'o// de ci'i slad du zhe na/
- 32a
rgyal po chen po 'di ltar 'khor los sgyur ba'i rgyal po gang gi tshe/ gling las rnam par rgyal bar bgyid pa de'i tshe/ den rgyal phran ji snyed cig gnas pa de dag lpags nas/ 'khor/ los sgyur ba'i rgyal po la 'di skad ces mchi'o// lha'i rnam par rgyal ba 'di dag ni 'byor pa/ rgyas pa/ bde ba/ lo legs pa/ skye bo mang po dang mis bltam pa lags te/ de dag lhas bskyang ba mdzad du gsol/ bdag cag kyang lha'i zhabs 'bring 'tshal lo zhes mchi'o// de dag la 'khor los sgyur ba'i rgyal po 'di skad bsgo ste/ de'i phyir yul gyi bdag po dag rang rang gi rnam par rgyal ba legs par skyong zhig/ de yang chos dang mthun pas bskyang gi/ chos dang mi mthun pas ma yin no// snyoms pas bskyang gi/ mi snyoms pas ma yin no// khyed kyis chos dang mi mthun par spyad pa 'am/ mi rigs par spyad pas yul 'khor na 'khod par dga' ba ma byed cig/ de ltar na khyed kyang nga'i rjes su 'brang ba yin no zhes/ rnam pa de lta bu'i 'khor los sgyur ba'i rgyal po ni skye dgu de ltar skyong ste/ rgyal po chen po dang / khams kyi rgyal po dang / rgyal phran de dag ni de'i rjes su 'brang ba lags te/ rgyal po chen po de ltar na bdag pos skye dgu skyong ba lags pa'i slad du'o// smras pa/ bram ze chos dang ldan pa'i rgyal po ci la gnas shing skye dgu skyong bar byed/ smras pa/ rgyal po chen po 'khor los sgyur ba'i rgyal po ma gtogs par gzhan ni bstan bcos la gnas shing skye dgu skyong lags so// de ci'i slad du zhe na/ 'khor los sgyur
- 32b
ba'i rgyal pos skye dgu skyong ba de'i tshe na/ chos ma lags pa'i 'dod pa la dga' ba la chags pa 'am/ mi rigs pa'i 'dod chen gyis zil gyis non pa 'am/ log pa'i chos kyis 'khor ba de lta bu'i sems can ma mchis te/ de'i tshe 'khor los sgyur ba'i rgyal po de rang gi chos kyi dbang gi rgyal po'i bgyi ba de dang de dag la mi zlogs pa'i rtogs pa dang ldan pas/ de'i don thams cad tshegs chung ngus 'grub cing kun kyang 'thun par gnas pas/ de'i slad du de la bstan bcos mi 'tshal lo// gang gi tshe sems can rnams chos ma lags pa'i 'dod pa la chags shing / mi rigs pa'i 'dod chen gyis zil gyis non pa dang / log pa'i chos kyis 'khor bar gyur pa de'i tshe/ rgyal po rnams kyi rang rang gi spobs pa 'bri bar 'gyur te/ de la chos kyi skye dgu yongs su bskyang ba'i slad du/ drang srong chen po rnams bstan bcos dag bgyid do/ / smras pa/ bram ze chos ma yin pa'i 'dod pa la chags pa gang yin/ smras pa/ rgyal po chen po gang gi mi dge ba bcu'i las kyi lam la mngon par dga' ba lags so// smras pa mi rigs pa'i 'dod chen gang yin/ smras pa/ gang rang gi lag mthus bsgrubs pa/ dus la gtogs pa/ chos dang ldan par chos kyis thob pa'i longs spyod rnams la chog ma 'tshal ba lags so/ / smras pa/ log pa'i chos kyi 'khor ces bya ba gang yin/ smras pa// don gyi bstan bcos su ming btags pa/ gnod par 'gyur ba dang ldan pa/ dam pa'i chos ltar bcos pa/ rtsod
- 33a
pa'i dus na skyes bu dam pa ma lags pas bgyis pa la mos pas yongs su bgos pa'i lta bas yon tan du lta ba lags so/ / smras pa/ bram ze bstan bcos gang la chos dang ldan/ pa'i rgyal pos brten cing skye dgu skyong bar byed pa'i bstan bcos gang yin/ smras pa/ rgyal po chen po de ni bstan bcos gang las mi rigs pa'i chags pa dang / mi rigs pa'i zhe sdang dang // mi rigs pa'i gti mug gi gnyen po rang bzhin nam/ rab tu dbye ba 'am/ phan yon gyi sgo nas bstan pa te/ de la gnyen po'i rang bzhin ni 'di lags te/ 'di lta ste/ de'i gnyen por 'gyur ba ma chags pa dge ba'i rtsa ba dang / zhe sdang ma mchis pa'i dge ba'i rtsa ba dang / gti mug ma mchis pa'i dge ba'i rtsa ba lags so// de la gnyen po kun nas slong ba ni 'di lags te/ 'di lta ste/ bag mchis pa dang / snying rje lags so// rgyal po chen po de la chos dang ldan pa'i rgyal po'i longs spyod rnams dang / bdag nyid kyang mi rtag par rtogs shing / dran pa nye bar bzhag ste/ nyes dmigs su lta zhing nges par 'byung ba 'tshal bas/ longs spyod rnams la spyod cing / rgyal po'i dbang phyug gi dbang bgyid pa 'di ni/ de'i bag mchis pa lags so// gang la gnas te ma thob pa'i longs spyod kyi 'bras bu la nye bar mi 'tsho ba dang // thob pa'ang dus ma yin par nye bar mi 'tsho ba dang / dus la bab kyang dbul po rnams la gnod pa bgyis shing nye bar mi 'tsho ba dang / mu ga'i gnod pa zhig byung na skye dgu rnams kyi skyabs bgyid pa dang //
- 33b
chom rkun gyi gnod pa dang / pha rol gyi dmag tshogs kyi gnod pa dang / gcig la gcig gnod par gyur pa zhig byung na/ yang dag par phan 'dogs par bgyid pa dang / dbul po rnams la nor sbyin pa dang / mi srun pa rnams la yang dag par chad pas gcad pa 'di ni/ de'i snying rje zhes bgyi ste/ rgyal po chen po chos gnyis po de dag dang ldan na/ chos dang ldan pa'i rgyal po skye dgu yang dag par skyong bar bgyid ces pa lags te/ bag mchis pa dang / snying rje gnyis lags so// smras pa/ bram ze rnam pa gang gis na/ ji ltar chos dang ldan pa'i rgyal po snying rje can mi srun pa chad pas gcod pa yin/ smras pa/ rgyal po chen po chos kyi rgyal po chos dang ldan pa snying rje can ni gnas lnga la dran pa nye bar gzhag cing mi srun pa chad pas gcod pa lags so// de yang dag pas lags kyis/ log pas ma lags so/ / dus su lags kyi/ dus ma lags pas ma lags so// don dang ldan par lags kyi/ don dang mi ldan par ma lags so// 'jam par lags kyi/ brlang bar ma lags so// byams pas lags kyi/ zhe sdang gis ma lags so// smras pa/ rnam pa gang gis ji ltar na yang dag pas yin gyi/ log pas ma yin zhes bya/ smras pa/ gal te g.yon la mi gnas pa ma lags kyi/ yang dag par g.yon la gnas par gyur pa'o// smras pa/ ji ltar na dus su yin gyi/ dus ma yin par ma yin zhes bya/ smras pa/ gal te rgyal pos mi srun pa chad pas bcad pa'i mthu
- 34a
mchis na lags kyi/ mthu ma mchis na ma lags pa'o// smras pa/ ji ltar na don dang ldan par yin gyi/ don dang mi ldan par ma yin zhes bya/ smras pa/ gal te khas blang ba la gnas par bgyis pa lags kyi/ gnas par ma bgyis pa ma lags so// smras pa/ ji ltar na 'jam par yin gyi/ brlang bar ma yin zhes bya/ smras pa/ gal te skyon brjod pa tsam gyis 'grub par rtogs pa zhig na yang bcing ba dang / bsad pa la sogs pas gnod par mi bgyi bar yang dag par skyon brjod pa lags kyi/ skyon ma brjod par ma lags so// smras pa/ ji ltar na byams pas yin gyi/ zhe sdang gis ma yin zhes bya/ smras pa/ gal te skyon brjod pa tsam gyis mi 'grub par rtogs pa zhig na dgum pa dang / dbang po nyams par bgyi ba dang / yan lag gtub pa ma gtogs par byams pa'i sems dang / snying rje'i sems nye bar bzhag ste/ bcing ba dang / go rar stsal ba dang / brdeg pa dang / bsdigs pa dang / gnod par bgyi ba dang / spro ba dang / brgyad bkag pa dang / gnas bkar ba dang / longs spyod dbrog pa la sogs pa brlang ba'i rnam pa rnams kyis brlang bar bgyi ba ste/ de las 'das par brlang bar bgyi ba ma lags so// smras pa/ bram ze ji ltar na chos dang ldan pa'i rgyal po brlang ba'i rnam pa de dag gis sems can mi srun pa dag la byams pa'i sems dang // snying rje'i sems nye bar bzhag cing brlang bar spyod pa yin/
- 34b
de skad ces smras pa dang / gcer bu pa'i bu bden smras/ rgyal po gtum po rab snang la 'di skad ces smras so// rgyal po chen po de'i slad du don 'di rab tu bsgrub pa'i slad du dpe gsan du gsol/ rgyal po chen po 'di lta ste dper bgyi na/ phas bu mi srun pa zhig bcos par 'tshal na/ byams pa'i sems dang / snying rje'i sems nye bar bzhag ste/ dgum pa dang / dbang po nyams par bgyi ba da yan lag gtub pa ma gtogs par gnod pa'i rnam pa gzhan gyis brlang bar bgyid de/ 'on kyang de la sdang ba'i sems sam/ gnod par bgyi ba'i sems mi 'byung ste/ gzhan du na nyes pa bzlog pa nyid kyi ched du bgyis te/ nyes pa ma byung ba rnams mi 'byung bar bya'o snyam ste/ brlang bar bgyid do// de bzhin du rgyal po chos dang ldan pa yang skye dgu rnams la bu'i 'du shes nye bar bzhag ste/ sems can mi srun pa rnams bcos na/ srog bcad pa dang / dbang po nyams par bgyi ba dang / yan lag gtub pa ma gtogs par byams pa'i sems dang / snying rje'i sems su bgyis te/ bcing ba dang / go rar stsal ba dang / brdeg pa dang / bsdigs pa dang / spro ba dang / brgyad bkag pa dang / gnas bkar ba dang / longs spyod dbrog pa la sogs pa brlang ba'i rnam pa rnams kyis brlang bar bgyid kyang / de sems can de dag la sdang ba'i sems sam/ gnod par bgyi ba'i sems mi 'byung ste/ gzhan du na nyes pa bzlog pa nyid kyi ched du bgyis te/ de ma lags pa gzhan rjes su brlang ba dang /
- 35a
nyes pa ma byung ba rnams mi 'byung bar bya'o snyam sde brlang bar bgyid do// smras pa/ bram ze mi mun pa de dag ji lta bu yin par shes par bya/ smras pa/ rgyal po chen no/ mdor na mi srun pa ni rnam pa lngar mkhyen par bgyi ste/ rgyal po la gnod pa bgyid pa dang / gcig la gcig gnod par bgyid pa dang / bka' mi nyan pa dang / log pas 'tsho ba dang / log par zhugs pa lags so/ / de la rgyal po la gnod pa bgyid pa ni 'gums pa dang / 'gums su stsol ba dang / dug stsol ba dang / phyag mdzod rku ba dang / don ma rung bar bgyid pa dang / btsun mo 'dring ba dang / bka' ltar mi bgyid pa dang / gsang mi thub pa dang / khams kyi dkrugs ma bgyid pa dang / kha rgod mchi ba dang / kha phyar gtong ba dang / de lta bu la sogs pa dag ni rgyal po chen po rgyal po la gnod pa bgyid pa lags par mkhyen par bgyi'o/ / de la gcig la gcig gnod par bgyid pa ni/ sems can 'di dag gcig la gcig srog la rgal ba 'am/ longs spyod 'phrog pa'am/ mchis 'brang la byib bgyid pa dang / sgyu'i dbang gis pha rol slu ba 'am/ mdza' ba 'byed pa'am/ ngag mi snyan pas 'thab pa 'am/ las dang srang dang tshad sgyu mas gzhan 'drid pa 'am/ gcig la gcig mi snyan par brjod pa 'am/ rgyal po chen po de lta bu la sogs pa dag ni gcig la gcig gnod pa bgyid pa lags par mkhyen par bgyi'o// de la bka' mi nyan pa ni rgyal po chen po la rten pa'i khams kyi rgyal phran dag/
- 35b
rgyal po'i bka' ltar mi bgyid pa ste/ rgyal po chen po de lta bu la sogs pa dag ni bka' mi nyan pa lags par mkhyen par bgyi'o// de la log pas 'tsho ba ni sems can gang dag sdom pa ma mchis pa ste/ de dag kyang shan pa dang / bya ba dang / phag 'tsheng dang / de lta bu la sogs pa dag lags par mkhyen par bgyi'o// de la log par zhugs pa ni sems can gang dag longs spyod las phyir log ste/ mtshan ma can du gyur pa rnams tshul khrims nyams pa dang / lta ba nyams pa dang / cho ga nyams pa dang / 'tsho ba nyams par gyur cing rang rang gi chos yongs su bzung ba rnams la mi gnas pa lags te/ de dag ni rgyal po chen po log par zhugs pa lags par mkhyen par bgyi'o/ / smras pa/ bram ze rnam pa gang gis ji ltar na chos dang ldan pa'i rgyal po la gnod pa byed pa'i mi srun pa thams cad chad pas gcad par bya// smras pa/ rgyal po chen po de ni skyon brjod pas dgag pa 'am/ longs spyod dbrog pas dgag pa 'am/ bcing ba dang / bskrad pa dang / smad pas dgag par bgyi'o// smras pa/ gcig la gcig gnod par byed pa la ji ltar nan tan du bya/ smras pa/ rgyal po chen po bsdigs pa dang / gnod par bgyid pa dang / brdeg pa dang / go rar stsal ba dang / spyod pa dang / chad pas bcad pas bzlog par bgyi'o// smras pa/ bka' mi mnyan pa rnams la ji ltar nan tan du bya/ smras pa/ zil gyis mnan te dbang du bsgyur ba la rang rang gi ris nas bskyod par mi bgyi bas bzlog par bgyi'o// de ci'i slad du zhe na/
- 36a
rgyal po chen po 'di ltar de dag rang rang gi ris nas bskyod par ma bgyis na/ rgyal po'i bka' drin gzo zhing 'jigs pas bka' nyan par 'gyur te/ gzhan bka' mi nyan pa'i skabs kyang yongs su chud par 'gyur zhing / phyag mi 'tshal ba rnams kyang phyag 'tshal bar 'gyur/ phyogs dang phyogs mtshams rnams su yang snyan par grags pa'i sgra dang / tshigs su bcad pa 'byung bar 'gyur zhing / gzhi de las bsod nams kyang mang du 'phel ba'i slad du'o// smras pa/ log par 'tsho ba rnams la ji ltar nan tan du bya/ smras pa/ rgyal po chen po bsdigs shing de phan chad gal te de ltar byed na/ chad pa 'di dang 'dis bcad do zhes 'jigs pa bstan pas dgag par bgyi'o// smras pa/ log par zhugs pa rnams la ji ltar nan tan du bya/ smras pa/ rgyal po chen po yang dag pa'i gnyen po'i phyogs la gzud pas bzlog par bgyi'o/ / rgyal po chen po gal te gang zag tshul khrims nyams pa 'am/ lta ba nyams pa 'am/ cho ga nyams pa 'am/ 'tsho ba nyams pa zhig dag 'dun 'thun pas dbyangs te/ brtags nas bskrad par bgyis pa 'am/ rang gis khas blangs pa las dge 'dun gyis bskrad par mi nus na/ de la chos dang ldan pa'i rgyal pos yang dag pa la yang dag par rtogs par bgyis te/ btsun pa'i phyogs kyi grogs bgyi'o// gal te dge 'dun gnyis mi mthun pa'i rtsod par gyur te/ tshul khrims nyams pa 'am// cho ga nyams pa 'am/ lta ba nyams pa 'am/ 'tshe ba
- 36b
nyams pa las brtsal nas/ yus rtod cing rtsod pa zhig tu gyur na/ de la chos dang ldan pa'i rgyal pos bdag nyid chos kyi don la mkhas sam/ mi mkhas kyang rung ste/ ris de ni ya rabs su btu ba'i dge sbyong ngam/ bram ze chos kyi don la mkhas pa mchis pa de dag bsdus te/ rtsod pa de dbyangs par bgyi'o// de ltar dbyangs nas de la gang rigs par smra ba de'i phyogs kyi grogs bgyi zhing bskrang pa 'am/ log pa la brtson pa bzlog pa'i slad du bstang bar bgyi'o/ / smras pa/ bram ze rgyal po nyid mi srun pa zhig tu gyur na de la sus chad pas bcad par nan tan du bya/ smras pa/ rgyal po chen po rgyal po de nyid kyis so/ / gal te rgyal po bag ma mchis par gyur tam/ snying rje ma mchis par gyur na/ de'i slad du des shes rab kyi stobs la brten te/ mi snyan par 'gyur ba'i 'jigs pa dang / ngan song gi 'jigs pa dang / chos gnyis po 'di dag gis bag ma mchis pa dang / snying rje ma mchis pa las bdag nyid bzlog par bgyi'o// rgyal po chen po chos dang ldan pa'i rgyal pos ni rang gi ris na ya rabs su btu ba'i dge sbyong dang bram ze mkhas pa/ gsal ba/ rig pa dang ldan pa de dag gi drung du mchi zhing / dus dus su dag ba ni gang / mi dge ba ni gang / ci byas na legs par 'gyur/ ci byas na sdig par mi 'gyur zhes dri bar bgyi zhing / de dag chos ston par 'gyur ba'i skabs dbye bar bgyi'o// de dag gis kyang de la rgyal po'i tshul rnying dag bstan par bgyi ste/ skabs phye na tshig gi tshul 'jam pos skyon brjod
- 37a
par bgyi ste/ de ltar na des 'di lta ste/ nang gi stobs sam/ phyi rol gyi stobs la brten cing / bdag nyid mi srung ba las legs par chad pas gcad par 'gyur ro// smras pa/ bram ze snod kyi 'jig rten gyis yongs su zin pa'i skye dgu'i chos dang ldan pa'i rgyal pos ji ltar bsrung bar bya/ smras pa/ rgyal po chen po mi bsreg mi gzhig pa la sogs pas bgyi ste/ 'di ltar rgyal po khro ba'i gnas la khros kyang grong bsreg pa 'am/ grong khyer bsreg pa 'am/ rdzing dral ba 'am/ gnas gzhig pa 'am/ bza' shing bcad pa 'am/ lo gzhom pa 'am/ gang ci yang rung ste/ legs par bshams pa/ legs par bsgrubs pa/ legs par bres pa'i sa'i phyogs nyams dga' ba de dang de dag gzhig par bgyi ba'i mi rigs so// de ci'i slad du zhe na/ 'di ltar dngos po de dag ni de ma lags pa'i sems can gzhan dag dang thun mong gi nye bar 'tsho ba lags te/ de dag gis nongs pa ma bgyis pa'i slad du'o// rgyal po chen po 'di ltar dngos po de dag la khyim dang / gtsug lag khang dang / brten dang / bza' shing gi ra ba la sogs pa so so'i lha gnas pa dag kyang de dag kyang de ltar bshig na mi dga' bar 'gyur lags so/ / rgyal po chen po 'di ltar dngos po de dag la dud 'gro'i skye gnas su gtogs pa'i srog chags sna tshogs dag kyang gnas te/ de dag gis kyang nongs pa ma bgyis na/ gnod pa mi bgyid pa kun kyang chud gsan par 'gyur ro// de lta lags pas na chos dang ldan pa'i rgyal pos snod kyi 'jig rten gyis
- 37b
yongs su zin pa'i skye dgu rnams phung bar mi bgyi'o/ / de ltar phung bar ma bgyis na/ yongs su bskyangs pa lags te/ de yongs su bskyabs pas sems can rnams la yang sman par bgyis par 'gyur ro// smras pa/ bram ze rgyal po'i khams na lha gang dag gnas pa de dag chos dang ldan pa'i rgyal pos ji ltar bskyang bar byas/ smras pa/ rgyal po chen po yang dag pa'i gtor ma bshams te stsal bar bgyi'o// de ltar na chos dang ldan pa'i rgyal pos skye dgu thams cad bskyangs par 'gyur ro// mi srun pa thams cad kyang chad pra bcad par 'gyur ro// kha na ma tho ba yang ma mchis par 'gyur ro// gzhi de las tshe slad ma pa'i bsod nams kyang mang du 'phel lags so/ / smras pa/ bram ze rgyal po chos dang ldan pa'i khams na/ pha dang ma rgas pa la ma gus shing / phar mi shes pa dang / mar mi shes pa dang / bu dang / chung ma dang / bran dang / bran mo dang / las byed pa 'am/ zho shas 'tsho ba dag la legs par bgo bsha' mi byed cing / las chen po dang las ngan pas shin tu nyon mongs par byed pa de dag mi srun pa'i phyogs gang kyi nang du bgrang bar bya/ smras pa/ rgyal po chen po log pas 'tsho ba'i phyogs mi srun pa'i nang du'o// de ci'i slad du zhe na/ 'di lta ste/ phan 'dogs pa'i sems can rnams la/ sbyin par bgyi ba'i chos bgo bsha' bgyi bar 'os pa dag la bgo bsha' mi bgyid cing / gcig tu spyod pa 'di ni log pas 'tsho ba chen po lags pa'i slad du'o// smras pa/ bram ze slong ba'i dge sbyong dang
- 38a
bram ze 'ong zhing 'du ba dag gi mdun nas mi rigs shing / brlang ba'i tshig gis mi snyan par brjod pa dang / gshe ba dang / brgyad bkag pa dang / ched du bos shing zan gcod pa 'am/ chos dang 'gal ba'i kha bas stobs pa 'am/ dbyig pa dang / rdos 'tshog pa 'am/ lag pas rdeg pa 'am/ mtshon gyis 'debs pa de dag mi srun pa'i phyogs gang gi nang du bgrang bar bya/ smras pa/ rgyal po chen po log par zhugs pa'i mi srun pa'i phyogs su'o// de ci'i slad du zhe na/ rim gro bgyi ba'i 'os rnams la rim gro mi bgyid pa ni log par zhugs pa chen po lags pa'i slad du ste/ rgyal po chen po log par bzhus pa de lta bus ni lha rnams kyang dus su char gyi rgyun legs par mi 'bebs te/ des mu ge'i dgon pa nyam nga bar 'gyur zhing / mi ma lags pa rnams kyang yams kyi nad dang / gnod pa dang / 'go ba'i nad gtong bar 'gyur te/ des sems can rnams yams kyi nad can/ gnod pa can/ nad 'go ba can du 'gyur zhing tshe yang yongs su 'bri/ longs spyod kyang yongs su 'bri/ nad med pa yang yongs su 'bri bar 'gyur ro/ / smras pa/ bram ze rgyal po nyon mongs pa can gyi sems dang ldan pas/ ci'i phyir dbang po dang yan lag gtub cing nyams par bya ba dang / sems can gsad par mi bya ba yin/ smras pa/ rgyal po chen po rgyal po nyon mongs pa can gyi sems dang ldan pa yang g.yon la gnas pa/ srog gcod pa 'am/ dbang po dang / yan lag dang / nying lag dang dpral bar mi sems te/
- 38b
de ci'i slad du zhe na/ 'di ltar des rang gi las kyi dbang gis 'chi na yang khong khro ba'i sems bskyed de/ dus bgyis na ngan song rnams su skye bar 'gyur ba dang / yun ring por rjes su 'brang ba'i sha khon du 'gyur ba mthong bas/ de'i slad du sems can dgum par rjod de/ dbang po dang / yan lag dang / nying lag rnams kyang phyir blan du mi rung bas/ de'i slad du de dag gtub cing nyams par bgyi ba rung bar ma brjod lags so/ / rgyal po chen po bcing ba dang / go rar stsal ba la sogs pa ni bcos su rung bas na/ de'i slad du rung bar brjod do// rgyal po ni skye dgu thams cad yongs su skyong ba lags na/ de ltar bgyis na de nyid ma bskyang bar 'gyur bas/ de'i slad du rgyal pos skye dgu yongs su bskyangs pa yang rdzogs par ma bgyis par 'gyur te/ rgyal po chen po 'di lta ste/ dgum pa dang / dbang po dang / yan lag dang / nying lag gtub cing nyams par bgyi ba ni skye dgu ma 'ongs par skye bar 'gyur ba'i gnas lags te/ de ni chos dang ldan pa'i rgyal pos bgyi ba ma lags so// smras pa/ bram ze rgyal po'i khams na longs spyod 'bras bu 'du ba yod pa de dag rgyal po rang gi yin zhes bya 'am/ gzhan gyi yin zhes bya/ smras pa/ rgyal po chen po de ni rang gi yang ma lags/ gzhan gyi yang ma lags so// de ci'i slad du zhe na/ gzhan dag ni rang gi lag mthus bsgrubs pas na/ rang gi ma lags so// rgyal pos yongs su bsrungs shing de dag gis kyang de mnga' bar brtags pas gzhan gyi ma lags so// smras pa/ bram ze gal te skye dag
- 39a
la longs spyod yod bzhin du longs spyod kyi sgyu dpya dbul ba'i rigs pa rgyal po la 'bul du mi btub na/ des de dag gi ma byin par len par 'gyur zhes bya 'am mi bya/ smras pa/ rgyal po che po de ni mi 'gyur te/ gal te longs spyod mchis bzhin ma ster na/ ser sna las byung ba'i kha na ma tho ba dang / bsod nams ma lags pa ni cher 'phel lo// smras pa/ bram ze gal te longs spyod yod bzhin du longs spyod kyi rgyu dbu dbul ba'i rigs pa dbul du mi btub pa la rgyal pos nan gyis mnan te 'bul du bcug na/ des de'i ma byin par len pa zhes bya 'am mi bya/ smras pa/ rgyal po chen po de ni gla rngan bsgrubs pa'i dpe'i tshul gyis ma byin par len pa zhes mi bgyi'o/ / smras pa/ bram ze gal te rgyal pos dbul po zhig nan gyis mnan te longs spyod kyi rgyud pya dbul ba'i rigs pa 'bul du bcug la/ de kha na ma tho ba zhes bya 'am mi bya/ smras pa/ rgyal po chen po de la lar ni kha na ma tho bar 'gyur/ de la la ra ni kha na ma tho bar mi 'gyur lags so// rgyal po chen po de la gal te mi des longs spyod de dag smad 'tshong la zhugs pa 'am/ brgyan po la zhugs pa 'am/ chud gsan pa 'am/ log par spyad pa zhig tu gyur la/ de la rgyal pos de lta bu'i sems kyis slad kyis shas slar sprul pa'i chags mchis par bgyis la/ nan gyis 'bul du sbal bas/ gal te phyin chad tshul ma lags pas/ longs spyod chud mi gson na/ rgyal pos gnyis ka'i 'on bgyis par 'gyur te/ bdag gi dkor 'phel
- 39b
ba'i don dang / gzhan chud par 'gyur ba la gzung ba'i don bgyis par 'gyur ro// gal te mi de'i longs spyod de dag zhugs kyis gral tam/ chab kyis 'tshal tam/ bgo skal la spyod pa mi mdzad pa dag gis phrogs sam/ rkun pos brkus sam/ sbas pa las rul tam/ lo tog ser bas khyer ram/ byi ba dang / ne tse dang / byi bas 'tshal tam/ char ma bab te ma 'khrungs sam/ de dag la sogs pa'i rnam pas de'i longs spyod dag chab 'tshal bar gyur na/ chos dang ldan pa'i rgyal pos longs spyod kyi rgyu dpya dbul ba'i rigs pa yangs par bzhag pa'i rigs te/ de ltar ma bgyis na de ma bskyangs pa'i slad du kha na ma tho bar 'gyur lags so/ / rgyal po chen po 'di lta ste dper bgyis na/ skyes bu la la zhig gis slong ba'i dge sbyong dang bram ze dag cig zas la bos pa las/ de nas de'i dus la bab pa dang / zas sbyar sbyar ba de chab 'tshal bar 'gyur te/ mi gtsang ba'i nang du lhung ngam/ zhugs kyis gral tam/ bser ma dang / rdul dang / char pas chab 'tshal bar gyur tam/ rkun po 'tshal ba zhig tu gyur te/ des de'i slad du de'i dus su mchis pa'i dge sbyong dang bram ze dag zas ma stsal na/ de ni de ltar bzar mi rung ba 'am/ bzar ma mchis par gyur te/ dge sbyong dang bram ze la dbul bar dga' yang / ma ma lags par gyur pas/ de ltar ma stsal ba'i slad du/ kha na ma tho ba dang bcas par mi 'gyur te/ rgyal po chen po de yang tshul 'di dang 'dra bar gzigs par bgyi'o// smras pa/ bram ze de ltar bag yod
- 40a
cing snying rje dang ldan pa'i chos kyi rgyal po de lta bu yan lag su zhig gis/ rnam pa thams cad yongs su rdzogs pa'i rgyal po'i chos dang ldan par 'gyur/ smras pa// rgyal po chen po rnam pa bcus te/ gnam kyis bskos pa phun sum tshogs pa dang / 'khor srun pa dang / shes rab phun sum tshogs pa dang / brtson pa dang / chos la gus pa dang / mkhas pa dang / nges pa dang / 'jig rten gyi kun spyod rab tu rig par spyod pa dang / mi bde ba bzod pa dang / chos la phyin ci log par 'dzin pa'o// de la gnam gyis bskos pa phun sum tshogs pa'i rgyal po ni blon po dang / bkrabs pa/ mnga' ba'i mchog dang / grong rdal gyi mi dang / yul gyi mi rnams la dben cing gnod pa chung ba dang / nad ma mchis pa'i rang bzhin can no// 'khor srun pa dang ldan pa'i rgyal po ni rgyal po'i bgyi ba la tshegs chung ngur rtag tu bde bar gnas la/ rgyal po'i tshul las mi nyams pa'o// shes rab phun sum tshogs pa'i rgyal po ni chos kyis skye dgu bskyang ba la thabs mkhas shing bgyi ba rnams la gzhan gyi dring mi 'jog pa'o// / brtson pa'i rgyal po ni dgra ma mchis pas dga' bar gnas shing mdzod 'phel bar bgyid pa'o// chos la gus pa'i rgyal po ni bsod nams kyi bgyi ba yang mi gtong la/ mi srun pa rnams kyang tshar bcad pa'o/ / mkhas pa'i rgyal po ni bsam pa myur du rdzogs shing mtha' mi ring bas bgyi bdag las mi nyams pa'o// nges pa'i rgyal po na skye bo thams cad 'khor zhing / zong rdal gyi mi dang / yul gyi mi ngamra
- 40b
cad kyis yid brtan du rung ba'o/ / 'jig rten gyi kun spod rab tu rigs par spyod pa'i rgyal po ni srun pa dang / mi srun pa'i bye brag kyang yang dag pa ji lta ba bzhin du rtogs la/ longs spyod 'du ba'i sgo yang chad par mi bgyid pa'o/ / mi bde ba bzod pa'i rgyal po ni rgyal po'i bgyi ba yang rdzogs par sgrub la sdug bsngal gyis kyang mi 'jigs pa'o// chos la phyin ci ma log par 'dzin pa ni khyad par du 'gro ba'i lam yang sgrub la/ dge ba'i bshes gnyen dag dang yang ma bral ba'o// rgyal po chen po yan lag bcu po de dag dang ldan pa'i chos kyi rgyal po ni rnam pa thams cad yongs su rdzogs pa'i rgyal po'i chos dang ldan pa lags so/ / smras pa/ bram ze rgyal po'i chos de ltar yongs su rdzogs pa dang ldan pa'i chos kyi rgyal pos 'thab mo'i g.yul zhig nye bar gnas na ji ltar nan tan du bya/ smras pa/ rgyal po chen po dus gsum du thabs la mkhas pa'i rnam pa gsum gyis nan tan du bgyi'o/ / de la dus gsum ni thog ma'i dus dang / bar gyi dus dang / tha ma'i dus so// de la thog ma'i dus kyi thabs mkhas pa ni/ gal te rgyal po 'am/ blon po mdza' bar bgyi bar 'grub par gda' na yang mdza' bar bgyi bas nye bar bzung ste/ 'thab mo de zhi bar bgyi'o// gal te phan gdags pa zhig gis 'grub par gda' na yang phan gdags pas nye bar bzung ste/ 'thab mo de zhi bar bgyi'o// gal te phyogs mang po yongs su bzung ba dang / de bas lhag pa'i dgrar 'gyur ba'i 'jigs pa la sogs pa bstan pas 'grub par gda' na yang de gnyis bstan pas
- 41a
nye bar gzung ste/ 'thab mo de zhi bgyi ste/ de ltar dus dang po la thabs mkhas pa sbyar bar bgyi'o// gal te de dag mdza' bar bgyi ba dang / phan gdags pa dang / 'jigs pa bstan pa gang gis kyang bsgo ste ma btub na/ chos dang ldan pa'i rgyal pos sems gsum nye bar bzhag ste 'thab mo bgyi'o// gsum gang zhe na/ bdag chos dang ldan pa'i rgyal po yin na/ bdag gis skye dgu rnams phung bar byas par mi 'gyur grang / phung bar 'gyur ba las ma bzlog pa lta'ang med dam zhes/ dang por skye dgu yongs su bskyang ba la sems nye bar gzhag par bgyi'o// gnyis pa ni phas kyi dgra las rgyal bar bgyi ba'i sems so/ / gsum pa ni srog bzung ba'i sems te/ sems gsum po 'di dag nye bar bzhag la/ dpung gi tshogs yan lag bzhi pa la bka' stsal par bgyi ste/ de ltar dus bar ma la thabs mkhas pa sbyar bar bgyi'o/ / dus tha ma la ni dpung gi tshogs yan lag bzhi pa de dag dpa' ba tha ma dang / dpa' ba 'bring ba dang / dpa' ba rab kyi tshul du g.yul bsham par bgyi'o// de la dpa' ba tha ma rnams ni thog mar bsham mo/ / dpa' ba 'bring rnams ni rgyab tu bsham mo// rta pa'i tshogs ni de gnyis ka'i rgyab rgyab nas dgye'o// rgyal po bdag ni de dag bag zo zhing bde bar rgal ba dang / rkang thang pa rnams yongs su bsrung ba'i phyir/ dpa' ba'i rab rnams dang / de'i phyi bzhin bsdad par bgyi'o// de ltar bgyis na de dag chu gang dang / 'jigs pa dang / spyan mnyes par bgyi ba dang / rgyab rnam par dag pa dang / byas pa gzo
- 41b
bar ba gyi slang du rngo ci thog gis rgal zhing slar mi ldog ste/ de ltar tha ma'i dus la thabs mkhas pa sbyar bar bgyi'o// de ltar thabs mkhas shing g.yul legs par shom pa'i rgyal pos ni/ pha rol gyi dpung ngam/ rma phyung yang des rgyal po la kha na ma tho ba rlung zhing / bsod nams ma lags pa chung ba dang / 'bras bu myong ba yang nges pa ma mchis par 'gyur ro// de ci'i slad du zhe na/ 'di ltar des snying rje ba dang / yongs su mi gtang ba'i sems kyis las de mngon par 'du bgyis pa'i slad du'o// gang des skye dgu yongs su bskyang ba dang / bu dang / chung ma dang / rigs kyi don du bdag dang longs spyod yongs su btang ste/ las de bgyis pas gzhi de las bsod nams tshad ma mchis pa yang rab tu 'phel lo// rgyal po chen po 'thab mo'i g.yul zhig nye bar gnas na/ chos dang ldan pa'i rgyal pos de ltar nan tan du bgyi'o/ / smras pa/ bram ze de ltar skye dgu yongs su bskyang ba la brtson pa'i chos kyi rgyal pos 'du shes kyi gnas rnam pa du zhig gis gnas par bya/ smras pa/ rgyal po chen po brgyad kyis te/ skye dgu'i ris su gtogs pa'i sems can rnams la bu'i 'du shes dang / mi srun pa rnams la nad pa'i 'du shes dang / sdug bsngal ba rnams la snying rje'i 'du shes dang / bde ba rnams la dga' ba'i 'du shes dang / dgra rnams la de'i rgyus nyes pa'i 'du shes dang / mdza' bshes rnams la rjes su bsrung ba'i 'du shes dang / longs spyod rnams la sman gyi 'du shes dang / bdag la bdag med pa'i 'du shes
- 42a
so/ / de la skye dgu ris su gtogs pa'i sems can rnams la bu'i 'du shes kyis gnas pa ni rgyal po de phas bu bcos pa ltar mi srun pa tshar bcad pa la 'jug kyang / snying rje'i bsam pa mi gtong ba'o/ / mi srun pa rnams la nad pa'i 'du shes kyis gnas pa ni sman pa ltar gnod pa la mi khro zhing skyon rab tu bsal ba'i slad du sbyor ba'o// sdug bsngal ba rnams la snying rje'i 'du shes kyis gnas pa ni gnod pa thams cad kyang yongs su spong bar bgyid pa dang / phan par bsgrub pa'i slad du 'jug pa'o// bde ba rnams la dga' ba'i 'du shes kyis gnas pa ni gzhan gyi nor dang // gzhan gyi yo byad la brnab sems dang / phrag dog gi sems mi bskyed pa'o// dgra rnams la de'i rgyus nyes pa'i 'du shes kyis gnas pa ni de'i rgyu yongs su spong zhing / skye bo gzhan lta ci smos kyi/ dgra rnams dang yang mdza' bar bgyid pa'o// mdza' ba shes rnams la rjes su bsrung ba'i 'du shes kyis gnas pa ni mdza' ba brtan pa dang / thams cad dang mdza' ba'o// longs spyod rnams la sman gyi 'du shes kyis gnas pa ni 'dod pa la log par g.yam pas yongs su mi spyod cing / longs spyod rnams la ma chags par yongs su spyod pa'o// bdag la bdag med pa'i 'du shes kyis gnas pa ni chos don du gnyer zhing / dge slong dang bram ze rnams kyi drung du mchis te/ rjes su 'thun pa'i chos la nan tan du bgyi ba la 'jug pa ste/ rgyal po chen po 'du shes
- 42b
kyis gnas pa brgyad po de dag gis gnas pa chos dang ldan pa'i rgyal po ni/ skyes phul ba tsam gyis kyang phyag mdzod mngon par 'phel bar 'gyur gyi/ chos dang mi ldan pas ni sgyu'i sbyor ba dang / g.yor rnam pa thams cad kyis bsgrubs kyang de ltar 'phel bar mi 'gyur lags so/ / 'du shes kyis gnas pa brgyad po de dag gis gnas na/ tshes grangs dang / skar ma dang / bkra shis kyis las brtsams pa thams cad 'thun par 'gyur te/ des na de la mi 'am mi ma lags pa glags tshol ba rnams kyis kyang glags mi rnyed par 'gyur lags so// 'du shes kyis gnas pa brgyad po de dag gis gnas na char yang dus su 'bab par 'gyur te/ ngas de'i khams su lo legs par 'gyur te/ mu ge'i dgon pa 'byung bar mi 'gyur lags so// lo thog cha ba 'tshal bar 'gyur ba'i rkyen ser ba dang / bya ba dang / ne tso dag byi ba la sogs pa'i 'jigs pa mi 'byung lags so/ / gcan gzan mi srun pa rnams kyang nyung ngu 'gyur/ tshegs chung ngus kyang de la gnod par sems pa'i dgra rnams rang rang gi las kyi rnam par smin pa'i nyes pas bung zhing bas pa dang / ma mchis par 'gyur lags so// rgyal po chen po chos dang ldan pa'i chos kyi rgyal po de ltar skye dgu skyong ba ni 'jig rten na nges pa rnams la nongs pa ma mchis par 'gyur lags te/ lus zhig nas gum pa'i 'og tu yang bde 'gro mtho ris kyi 'jig rten du lha'i nang du skye bar 'gyur lags so// de la 'di skad ces bya ste/ chos la gus shing bag mchis dang // skye dgu phan spyod dul 'khor
- 43a
ldan/ / gzhan gyi spyod pa rab rtogs shing // gtsang la ma chags rgyal po rgyal// dga' brtan brtson 'grus ldan 'gyur zhing // 'jig rten bstan bcos bzo rtsal mkhas// brtson zhing mthar phyin sgrub pa yi/ / rgyal po bde bar skye dgu skyong // phan zhing brtson la nges smra ste// snying rje ldan zhing gzhan phan brtson// skyon nam yon tan ldan rtogs na// skye dgu phan pa'i rgyal po dga'// 'bangs kyi tshogs rnams kun dga' zhing / / sbyin bgyi ngon spyod gzhan la snyoms// dpung dang bzhon pa legs skyong ba'i// rgyal po rgyal srid yun ring skyong // srog gcod spong dang ma byin len// gzhan gyi mchis brang log smra dang / / phra ma dang ni ngag rtsub dang // bkyal pa'i skyon dang chang spangs te// 'tsho dag mi yi rgyal srid rnams// spangs nas lha yi rgyal srid la// rgyal po gnas 'gyur de slad du// rgyal po tshul khrims bzang por mdzod/ / rgyal po'i tshul gyi le'u ste drug pa'o// / de nas rgyal po gtum po rab snang gcer bu bden smras dris pa'i lan btab pas mgu nas/ gcer bu pa'i bu bden smra la 'di skad ces smras so/ / bram ze tshur shog/ nga yi pho brang du 'ango/ ci'i phyir zhe na/ bram ze 'khor dang bcas par ngas zan bong do// de skad ces smras pa dang / gtsar bu pa'i bu bden smras/ rgyal po gtum po rab snang la 'di skad ces smras so// rgyal po chen po legs so legs so// dus la phab par gsungs so// de ci'i slad du zhe na/ rgyal po chen po bdag cag ni shul na dub
- 43b
cing bkres pa lags so/ / rgyal po chen po khyod kyis ji skad bka' stsal pa de bzhin du bgyi'o// de nas rgyal po gtum po rab snang gis gcer bu pa'i bu bden smra 'khor dang bcas te/ mdun du bkye nas pho brang bkod pa chen por phyin to/ / der phyin pa dang / gcer bu pa'i bu bden smra rgyal po'i stan la bzhag go// gcer bu pa'i lhag ma gzhan yang rkyen rkyen gyi stan la bkod la de rim gro byas/ bla mar byas nas/ gus pa dang bcas shing zhe sa dang bcas par rang gis lag dar te/ gcer bu pa'i bu ba dan smra 'khor dang bcas pa kha zas ro brgya dang ldan pas bdar te tshim par byas so// de ltar bdar bas tshim par byas zan zos par shes nas/ brgya phrag stong ri ba'i gos phrags su bshams te bskon no// gos bskon nas phyogs gcig tu 'dug go/ de nas gcer bu pa'i bu bden smra zas kyi bya ba byas nas/ sle'u rgyu ste/ lag bsngal nas rgyal po gtum po rab snang la 'di skad ces smras so// rgyal po chen po sbyin pa 'di mdzad pas khyod kyis thog ma nyid du ser sna bcom ste/ gtong ba'i phyag mngon par bskyang bas med par lta ba ni bsal/ yang dag par lta ba ni mngon par phyung / skyes bu dam pa rnams kyi rjes ni bsnyags/ skyes bu ngan pa rnams ni yongs su spangs/ mtho ris dang thar pa'i sgo rnams ni phye/ ngan song gi sgo rnams ni gcad/ dge ba'i rtsa ba ni bskyed/ mi dge ba'i rtsa ba ni phyung / nyon mongs pa ni bsrabs/ dge ba'i phyogs ni spel/ tshul khrims dang ldan pa rnams ni tshim par bgyis/ bdag la
- 44a
sman pa dang / gzhan la sman pa ni mdzad par gyur to// de ci'i slad du zhe na/ rgyal po chen po sbyin pas ni longs spyod chen por 'gyur/ kha dog phun sum tshogs pas ni kha dog dag dang ldan par 'gyur/ dri phun sum tshogs pas ni grags pa dang ldan par 'gyur/ ro phun sum tshogs pas ni yo byad dam pa 'thob par 'gyur/ reg phun sum tshogs pas ni rkang lag 'jam zhing gzhon sha chags par 'gyur/ rim gror bgyis te stsal bas ni gnyen la sogs pas rim gro bgyid par 'gyur/ lag dar te stsal bas ni rim gro pa 'thob par 'gyur/ dus su stsal bas ni don rnams dus su 'grub par 'gyur/ 'thun pa yid du 'ong bas stsal bas ni yid du 'ong ba'i longs spyod rnams la sems 'jug par 'gyur// gzhan la mi gnod par sprul bas ni longs spyod brtan pa dag thob par 'gyur/ mi bde ba bzod pas ni 'khor snying nye bar 'gyur/ kha zas sprul bas ni nyam spobs dang ldan par 'gyur/ gos sprul bas ni mdog dang ldan par 'gyur/ mar me skul bas ni mig dang ldan par 'gyur/ sil snyan sprul pas ni snyam pa'i rna ba dang ldan par 'gyur/ bzhon pa stsal pas ni bde bar 'gyur/ sman stsal bas ni nad nyung bar 'gyur/ gnas stsal bas ni thams cad stsal bar 'gyur/ chos srul bas ni bdud rtsi sprul bar 'gyur/ srog gcod pa spangs pas ni tshe ring bar 'gyur/ ma byin par len pa spangs pas ni longs spyod chen por 'gyur/ 'dod pa log par g.yem pa spangs pas ni/ 'gran
- 44b
zla ma mchis pa'i chung ma dang ldan par 'gyur/ brdzun du smra ba spangs pas ni skur pa nyung bar 'gyur/ phra ma spangs pas ni 'khor mi phyed pa dang ldan par 'gyur/ ngag rtsub po spangs pas ni yid du 'ong ba'i sgra thos par 'gyur/ / tshig bkyil pa spangs pas ni tshig btsun par 'gyur/ brnab sems spangs pas ni mi bzad pa'i 'dod chags ma mchis par 'gyur/ gnod sems spangs pas ni mi bzad pa'i zhe sdang ma mchis par 'gyur/ / log par lta ba spangs pas ni mi bzad pa'i gti mug ma mchis par 'gyur/ nga rgyal spangs pas ni rigs mthon por skye bar 'gyur/ khro ba spangs pas ni mdzes par 'gyur/ phrag dog spangs pas ni gzi byin che bar 'gyur/ ser sna spangs pas ni phyug par 'gyur/ yan lag ma tshang ba med par stsal pas ni yan lag thams cad dang ldan pa'i skyes bur 'gyur ba'i slad du ste/ de ltar zas sprul bapas ni srog stsal bar 'gyur/ kha dog dang / stobs dang / bde ba dang / spobs pa stsal bar 'gyur te/ de ltar na sbyin pa bgyid pa ni skye bo mang po la dben pa lags so// dam pa rnams kyis bsnyen pa lags so/ / de'i grags pa yang thams cad du grags par 'gyur/ 'khor du mchi na'ang 'jigs pa ma mchis par mchi bar 'gyur/ lus zhig nas bde 'gro mtho ris kyi 'jig rten du lha'i nang du skye bar 'gyur/ tha mar yang phyir skye ba ma mchis pa 'thob par 'gyur lags so// de la 'di skad ces bgyi ste/ gang zhig yang dag sdom rnams la// gus par dus su zan
- 45a
stsol ba/ / sems dang de ni phyi tshe la// gnas bdun yang dag thob par 'gyur// stobs dang tshe dang kha dog dang // bde ba dang ni spobs pa dang // rtag tu bde 'gror skye bar 'gyur/ / tha mar yang srid ma mchis 'thob// gang gi slad du sbyin stsal ba// de yi don du 'gyur te// bde ba'i slad du sbyin stsal na// de ni bde ba nyid du 'gyur// bsod nams rnam smin bde ba la/ ji ltar bsam pa de bzhin 'grub// mi dang lhar ni skye ba 'am// gzugs dang gzugs meng rnams su skye// gal te sbyin dang ldan gang zhig/ shes rab kyis ni rtsol bgyid pa// sdug bsngal tha mar dbyung ba la/ / de yi ye shes chen po skye// bdud kyi ris kyi lha rnams dang // sdig pa spyod pa can rnams kyis// bsod nams legs par bgyis pa la// bar chad bgyi bar yongs mi nus// ba 'gro dang ni nor rnyed dang / / yang srid ma mchis gsum pa ste// gsum po de dag don gnyer zhing // de slad sbyin pa sprul bar bgyi// bden smra mgron du bos pa'i le'u ste bdun pa'o// / / de nas rgyal po gtum po rab snang gis 'di snyam du sems te/ 'di ltar gcer bu pa'i bu bden smra'i chos bstan pa de kun kyang de bzhin gshegs pa'i bka' dang 'thun pa sha stag na/ bdag gis gcer bu pa'i bu bden smra 'di de bzhin gshegs pa la dad pa yod dam med brtag par bya'o snyam mo/ / de nas rgyal po gtum po rab snang gis de snyam bsams te/ stan shin tu dma' ba zhig bting nas/
- 45b
gcer bu pa'i bu bden smra'i mdun du 'dug ste 'di skad ces smras so// bram ze gal te dris nas dris pa'i lan gtab pa'i phyir skabs phye na/ ngas dri ba gcig cig khyod la dri'o// de skad ces smras pa dang / gcer bu pa'i bu bden smras/ rgyal po gtum po rab snang la 'di skad ces smras so// rgyal po chen po ci dang ci bzhed pa la deng d+hAr gsol/ rmas pa de dang de'i lan gsol pas/ bdag gis khyod kyi thugs rangs par bgyi'o/ / skabs phye bas de nas rgyal po gtum po rab snang gis gcer bu pa'i bu bden smra la 'di skad ces smras so// kye bram ze sems can gyi ris kyi 'jig rten 'di na/ sems can gang la la mdzangs shing mkhas la brtags shing yid gzhungs par gyur pa yin la/ de yang skyon dang bcas par gyur pa de lta bu yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po bram ze dbyar byed 'di ni mdzangs shing mkhas la brtags shing yid gzhungs pa lags te/ skar ma'i rigs la mkhas pa/ mchod sbyin gyi rgyud la mkhas pa/ sbyin sreg dang / bzlas brjod dang / bsreg pa'i cho ga la shin tu bslabs pa/ zla ba dang nyi ma spyang kis 'dzin pa dang / skar ma lhung ba dang / lce 'bab pa dang / sa g.yo ba'i rgyus tshar phyin po/ lo legs pa dang / mu ge dang / 'jig rten 'jig pa dang / lo khyud 'khor gi rgyus rnams rtogs par khong du chud pa lags na/ de ni skyon dang bcas pa lags so// smras pa/ bram ze bram ze dbyar byed kyi skyon gang / smras pa/ rgyal po chen po bram ze dbyar byed
- 46a
ni byi ba la dga' ba ste/ rgyal po chen po mkhas pas ni gzhan gyi mchis brang dang bsten par mi bgyi'o// de sar slad du zhe na/ rgyal po chen po gzhan gyi mchis brang bsten pas ni/ tshe 'di dang tshe slad ma la sdug bsngal ches mang po 'thob par 'gyur te/ lha dang mir bcas pa'i 'jig rten gyis kyang smad par 'gyur ba'i slad du'o// de la 'di skad ces bgyi ste/ byi ba bgyid pa'i ngang tshul can/ / ma bsdams mi srun yul la brkam// bdag gis chung mas michog ste// 'jig rten dag na smad 'os lags// 'di dang pha rol sdug bsngal 'gyur// bsad cing chad pa drag po myong // sems can dmyal ba rnams su skye/ / bde ba chung zhing sems la gnod// smras pa/ bram ze sems can gyi rigs kyi 'jig rten 'di na/ sems can gang la la mdzangs shing mkhas la yid gzhungs par gyur pa yin/ la/ de'ang skyon dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po bram ze b+ha ra tra tsa 'di ni mdzangs shing mkhas la brtags shing yid gzhungs pa ste/ tshul dang 'dul ba la mkhas pa lags na/ de yang skyon dang bcas pa lags so// smras pa/ bram ze bram ze b+ha ra dwa tsa'i skyon gang / smras pa/ rgyal po chen po bram ze b+ha ra dA tsa 'di ni rmugs pa dang / yur ba mang ba dang / ha cang gnyid che ba lags te/ rgyal po chen po mkhas pas ni/ rmugs pa dang / yur ba dang / gnyid che bar mi bgyi'o// de ci'i slad du zhe na/ rgyal po
- 46b
chen po rmugs pa dang / gnyid 'di ni 'jig rten pa dang / 'jig rten las 'das pa'i chos rnams 'grib par bgyid pa'i chos te/ ye shes dang spong ba'i bar chad du'ang 'gyur ba'i slad du'o// de la 'di skad ces bgyi ste/ gang zhig rmugs yur gnyid che ba// skye bo de ni le los non// ma thob pa dag des mi 'thob// thob par gyur pa'ang 'grib par 'gyur// de ltar khyad par 'thob 'tshal bas// snyoms las dang ni le lo dang / / rmugs pa dang ni yur dang gnyid// bag med lhan cig spang bar bgyi// smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas lanabartags shing yid gzhungs par gyur pa yin la/ de yang skyon dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu nag po 'di ni mdzangs shing mkhas la brtags shing yid gzhungs pa ste/ mos pa chen po dang ldan pa lags na/ de yang skyon dang bcas pa lags so// smras pa/ bram ze rgyal bu gzhon nu nag po'i skyon gang / smras pa/ rgyal po chen po rgyal bu gzhon nu nag po ni shin tu ser sna can lags te/ rgyal po chen po mkhas pas ni ser sna can du mi bgyi'o// de ci'i slad du zhe na/ rgyal bo longs spyod phun sum tshogs pa thob la/ ser sna la gnas pa ni des longs spyod rnams las snying po ma blangs te/ de lag pa stong par 'gum pa'i dus bgyis nas/ gshin rje'i yul du mchi ste/ der bkres pa dang
- 47a
skom pa la sogs pa'i sdug bsngal myong ba'i slad du'o/ / de la 'di skad ces bgyi ste/ gang zhig longs spyod phun ldan la// ser snas zil non mi de ni// lag stong gshin rje'i yul du mchi/ / bkres pas nyen pa myong bar 'gyur// der ni bkres skom gdungs pa dang // mya ngan grang sogs sdug bsngal myong // de bas mkhas pas rang gi blos// 'jungs pa'i dri mas gos mi bgyi// smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas la/ brtags shing yid gzhungs par gyur pa yin/ de yang skyon dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu rgyal ba de 'di ni mdzangs shing mkhas la brtags shing yid gzhungs pa ste/ mos pa che zhing 'jigs pa ma mchis la/ gtong ba dang ldan zhing snying stobs phun sum tshogs pa lags na/ de yang skyon dang bcas pa lags so// smras pa/ bram ze rgyal bu gzhon nu rgyal sde'i skyon gang / smras pa/ rgyal po chen po rgyal bu gzhon nu rgyal sde ni srog gcod pa ste/ rgyal po chen po mkhas pas ni srog gcod par mi bgyi'o// de ci'i slad du zhe na/ rgyal po chen po skyes bu gang zag srog gcod pa ni tshe thung bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten du mchi bar 'gyur ba'i slad du'o// de la 'di skad ces bgyi ste/ srog gcod bgyid pa'i gang zag ni// tshe thung
- 47b
nad kyang rab tu mang / / gang na mi 'de che ba yi// sems can dmyal bar skye bar 'gyur// de bas sdug bsngal mi 'tshal zhing // tshe 'dir bde 'tshal mkhas pa yi// gzhan gyi srog gcod mi bgyi ste// srog chags rnams ni bdag bzhin bsrung / / smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas la brtags shing yid gzhungs par gyur la// de yang skyod dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu 'jigs med 'di ni mdzangs shing mkhas la brtags shing yid gzhungs pa lags na/ de yang skyon dang bcas pa lags so// smras pa/ bram ze rgyal bu gzhon nu 'jigs med kyi skyon gang / smras pa/ rgyal po chen po rgyal bu 'jigs med ni ha cang snying rje can lags te/ rgyal po chen po mkhas pas ni ha cang snying rje can du mi bgyi'o// de ci'i slad du zhe na/ rgyal po chen po gang rgyal po dbang phyug chen po dang ldan la/ ha cang snying rje ches na de'i rgyal srid la chad pa ma mchis pas ma rungs pa mang pos 'khrug par 'gyur zhing / chom rkun gyi gnod pa mang po yang mi zlog par 'gyur ba'i slad du'o// de la 'di skad ces bgyi ste/ rgyal po ha cang snying rje/ ma rungs pa dang bkrabs pa dang // rkun pos rgyal srid 'khrug cing skyo// rgyal po rtag tu shes kus brtson// de bas sa yi bdag po yis// skyon de mthong nas spangs bgyi ste// ha cang snying rje ma
- 48a
bgyi ste/ / nyam thag srog chags snying rje'ang bgyi// smras pa/ bram zes sems can gyi ris kyi 'jig rten 'di na// sems can gang la la mdzangs shing mkhas la brtags shing yid gzhungs par gyur pa yin la/ de yang skyon dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu stobs lha 'di ni mdzangs shing mkhas la brtags shing yid gzhungs par gyur pa lags mde yang skyon dang bcas pa lasaso/ / smras pa bram ze rgyal bu gzhon nu stobs lha'i skyon gang / smras pa/ rgyal po chen po rgyal bu gzhon nu stobs lha ni shin tu chang la chags pa ste/ rgyal po chen po mkhas pas ni shin tu chang la chags par mi bgyi'o// de ci'i slad du zhe na/ rgyal po chen po chang gi btung ba ni dran pa yongs su nyams par 'gyur ba'i rgyu ste/ yan lag dam pa'i bgegs su 'gyur zhing / 'jig rten pa dang / 'jig rten las 'das pa'i don chen po rnams 'grib par 'gyur ba'i slad du'o// de la 'di skad ces bgyi ste/ chang dga' dgos pa thams cad la// rtag tu bag med spyod par 'gyur// mkhas pa rnams kyis smad 'gyur zhing // 'di dang gzhan du rnam par rmongs// de las skyes bu mkhas pa yis/ / tshang la dga' la spang bar bgyi// de ni yon tan 'grib par bgyid // gzhan du'ang sdor bar bgyid pa lags// sa sapa/ dram ze sems cang gi ris kyi 'jig rten 'di na
- 48b
sems can gang la la mdzangs shing mkhas la brtags shing yid gzhungs par gyur pa yin la/ de yang skyon dang bcas par gyur pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu nor lha 'di ni mdzangs shing mkhas la brtags shing yid gzhungs pa ste/ mos pa che zhing 'jigs pa ma mchis la/ gtong ba dang ldan zhing snying stobs phun sum tshogs pa lags na/ de yang skyon dang bcas pa lags so// smras pa/ bram ze rgyal bu gzhon nu nor lha'i skyon gang / smras pa/ rgyal po chen po rgyal bu gzhon nu nor lha ni shin tu mtha' ring ba ste/ rgyal po chen po mkhas pas ni shin tu mtha' ring bar mi bgyi'o// de ci'i slad du zhe na// rgyal po chen po ha cang mtha' rings te lus na don nyams par 'gyur te/ skyon rnams kyang brtan par gyur pas zhi bar mi 'gyur ba'i slad du'o/ / rgyal po chen po de lta lags pas/ mkhas pas shin tu mtha' ring bar mi bgyi'o// de la 'di skad ces bgyi ste/ shin tu mtha' ring shed pu yi// don rnams thams cad 'jig par 'gyur/ / ma thob pa ni 'thob mi 'gyur// thob pa rnams kyang nyams par 'gyur// de bas mtha' ring spang bgyis la// mkhas pas shin tu bsgrims par bgyi// dus kyi 'bras bu bkong bar 'gyur/ / des na de ni 'grib pa 'thob// smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas la brtags shing yid
- 49a
gzhungs par gyur pa yin la/ de yang skyon dang bcas par gzhan yang yod dam// smras pa/ rgyal po chen po mchis so// smras pa/ bram ze de gang / smras pa/ rgyal po can po rgyal bu gzhon nu sde chen 'di ni mdzangs shing mkhas la brtags shing yid gzhungs la mos pa che ba lags na/ de yang skyon dang bcas pa lags so// smras pa/ bram ze rgyal bu gzhon nu sde chen gyi skyon gang / smras pa/ rgyal po chen po rgyal bu gzhon nu sde chen ni ha cang brkam chags can te/ mi rigs pa'i 'dod chen gyis zil gyis non cing gzhan gyi nor 'phrog pa ste/ rgyal po chen po mkhas pas ni ha cang 'dod chen tsha bar mi bgyi'o/ / de ci'i slad du zhe na/ rgyal po chen po 'dod chen che ba ni tshe 'di nyid la yang sems can rnams kyis yid brtan du mi rung ba lags la/ lus zhig nas kyang ngan song rnams su skye bar 'gyur ba'i slad du'o/ / de la 'di skad ces bgyi ste/ gang zhig sogs pa brtson gyur cing // longs spyod thob kyang dgar mi tshol// gzhan gyis longs spyod 'phrog bgyid cing / mi rig 'dod ldan sems can gang // de ni gum nas ngan song mchi// tshe 'dir srog chags yid mi mchi// de bas skyes bu mkhas pa yis// mi rigs 'dod chen yongs su spong // smras pa/ bram baM sems can gyi ris kyi 'jig rten na/ sems can gang la la mdzangs shing mkhas la brtags shing yid gzhungs par gyur pa yin la/ de yang skyon dang bcas par gyur pa gzhan yang yod dam/
- 49b
smras pa/ rgyal po chen po mchis so// smras pa/ bram ze de gang / smras pa/ rgyal po chen po rgyal bu gzhon nu lnga chen po 'di ni mdzangs shing mkhas la brtags shing yid gzhungs pa lags na/ yang skyon dang bcas pa lags so// smras pa/ bram ze rgyal po gzhon nu lha chen po'i skyon ga/ smras pa/ rgyal po chen po rgyal bu gzhon nu mra chen po ni rgod cing ma so can ma zhi brtse/ rgyal po chen po mkhas pas ni rgod par mi bgyi'o/ / de ci'i slad du zhe na/ rgyal po chen po rgod pa ni zhi gnas dang / b+hag mthong gi bgegs su 'gyur ba'i chos lags pa dang / ngan song du mchi bar 'gyur ba'i rgyur gyur pa'i slad du'o/ / de bas na mkhas pas rgod par mi bgyi'o// de la 'di skad ces bgyi sde/ rgod pa'i dri mar bcas pa'i sems// mkhas pas bsngags pa ma lags te// sdug bsngal mthar 'byin ting nge 'dzin/ / bsgrims kyang mi thob ga la thar// yon tan grags pa 'jig bgyed pa'i// rgod pa de slad spang bar bgyi// skyes bu don chen 'chal ba la// 'ang dang gzhan du'ang de gnod 'gyur/ smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas la brtags shing yid gzhungs par gyur pa yin la// de yang skyon dang bcas par gyur pa gzhan yang yod dam/ smras pa/ rgyal po chen po mchis so// sA sma rgyal po chen po yu rgyal po gsal rgyal 'di ni mdzangs shing mkhas la brtags shing yid
- 50a
gzhungs par gyur pa lags na/ de yang skyon dang bcas pa lags so// smras pa/ bram ze yul ko sa la'i rgyal po gsal gyi skyon gang / smras pa/ rgyal po chen po yul ko sa la'i rgyal po gsal rgyal ni shin tu mang du ba ba ste/ rgyal po chen po mkhas pas ni shin tu mang du za bar mi bgyi'o// de ci'i slad du zhe na/ rgyal po chen po shin tu mang dub pa ni le lo can du 'gyur// lus lci bar 'gyur/ de'i kha zas bde bar 'ju bar mi 'gyur/ tshe 'di dang pha rol gyi don rnams kyang yongs su 'grib par 'gyur ba'i slad du'o// de la 'di skad ces bgyi ste/ skyes bu gang zhig mang za ba/ / de ni lus lci le lo can// 'di dang pha rol tshe yi don// nges par rab tu 'grib par 'gyur// de ni sad na'ang sdug bsngal te// nyal na'ang sdug bsngal gzhan gnod bgyid// de bas phan/ dang ran par bza'// zas kyi dus ni nges par bgyi// smras pa/ bram ze sems can gyi ris kyi 'jig rten 'di na/ sems can gang la la mdzangs shing mkhas la brtags shing yid gzhungs par gyur pa yin la/ de yang skyon dang bcas pa gzhan yang yod dam/ smras pa/ rgyal po chen po mchis so// smras pa/ bram ze de gang / smras pa/ rgyal po chen po khyod kyang mdzangs shing mkhas la brtags shing yid gzhungs la mos pa che zhing 'jigs pa ma mchis la gtong ba dang ldan zhing / thugs stobs phun sum tshogs pa lags na/ khyod kyang skyon dang bcas pa lags so// smras pa/ bram ze nga'i skyon gang yin/
- 50b
smras pa/ rgyal po chen po khyod ni shin tu gtum mo// rgyal chen pa khyod na shin tu khrergyal po chen po khyed ni shin tu brlang ngo // rgyal po chen po khyod ni shin tu rtsub bo// rgyal po chen po khyod ni shin tu gzu lums che'o/ / rgyal po chen po mkhas pas ni shin tu gtum par mi bgyi'o rgyal po chen po rgyal po 'am/ rgyal po'i blon po chen po shin tu gtum pa gang lags pa de la ni skye bo mang po mi dga' bar 'gyur ba lags te/ bdag gi pha ma la yang mi sdug pa lags na/ grong rdal gyi mi dang / yul gyi mi gzhan lnga la ci smos pa'i slad du ste/ rgyal po chen po de lta lags pas mkhas pas shin tu gtum par mi bgyi'o/ / rgyal po che na mkhas pas ni phyi rjes ring du blta bar bgyi'o// de la 'di skad ces bgyi ste/ rgyal po gang zhig gtum gyur la// khro dbang dgos pa khyad gsod pa// de ni rang gi pha ma yang shin tu skyo bar bgyid pa lags/ / skye bo gzhan la lta ci smos te// skad cig tsam yang ga la dga'// de bas mkhas pas nan tan du// khro ba yongs su spang bar bgyi// de nas rgyal po gtum po rab snang gis mngon sum du bdag la mi snyan par brjod pa de lta bu thos nas/ khros 'khrugs te yang ma rangs shing tshig pa za bar gyur nas/ gcer bu pa'i bu bden smra la 'di skad ces smras so// bden smra khyod kyis 'khor 'di lta bu'i mdun du nga la de skad kyis mi snyan pa bya 'am/ re bas ni khyod na bsad ra'os pa'o zhes byas nas/ des khros pa'i sems kyis dge sbyong 'di ni rgyal po la ngan du smra ba yin gyis/ song
- 51a
cig ces tshig phyung bar gyur to/ / de nas gcer bu pa'i bu bden smra 'jigs shing skrag snga/ rgyal po gtum po rab snang la 'di skad ces smras so// rgyal po chen po de ltar gzu lums ma mdzad par/ rgyal po chen po bdag la mi 'jigs pa stsal du gsol/ gsol ba 'di yang gsan du gsol/ smras pa/ bden smra mi 'jigs pa sbyin gyis/ ci gsol spros shig/ smras pa/ rgyal po chen po bdag kyang skyon dang bcas pa lags so/ / smras pa/ khyod kyi skyon gang / smras pa/ rgyal po chen po khyod de ltar gtum pa/ de ltar khro ba/ de ltar zhe sdang ba/ de ltar gzu lum can gyi spyan sngar bdag 'di ltar yang dag pa ji lta ba bzhin du smra ba ni/ bdag kyang ha cang ngor ro bar smra ba lags te/ bdag ni de kho na smra bar gyur to// rgyal po chen po mkhas pas ni dus thams cad du yang dag pa ji lta ba bzhin smra bar mi bgyi'o/ / rgyal po chen po mkhas pas ni dus dang dus ma lags pa dang / yul dang yul ma lags pa 'tshal bar bgyi'o// de ci'i slad du zhe na/ rgyal po chen po yang dag par smra ba ni 'jig rten yid mi bde zhing mi dga' bar 'gyur te/ nges pa rnams kyis mi bsngags shing / glen pa'i skye bo rnams zhe sdang bar 'gyur ba'i slad du'o// de la 'di skad ces bgyi ste/ gang zhig yang dag smra bgyid cing / / smra dus dus min ma 'chal ba// de ni mkhas pas smad 'gyur na// 'jig rten gzhan lta ci zhig smos// de bas bden pa'i tshig lags kyang // blo ldan kun tu smra mi bgyis
- 51b
bdag kyang 'dir ni 'di lta bur/ / bden smras rang la gnod par gyur// yon tan dang skyon bstan pa'i le'u ste brgyad pa'o// // de nas rgyal po gtum po rab snang gcer bu pa'i bu// bden smra'i legs par bshad pas mgu ste/ rjes su yi rang nas/ yang dri ba gzhan dag dris so// bram ze yang sems can gyi ris kyi 'jig rten 'di na/ sems can gang la la mkhas shing mdzangs la brtags shing yid gzhungs la/ tshul dang 'dul ba'i cho ga la mkhas pa yang yin la/ de la skyon yang med pa de lta bu yod dam/ smras pa/ rgyal po chen po mchis so// smras pa/ bram ze de gang smras pa/ rgyal po chen po dge sbyong go'u ta ma ni shAkya'i rgyal po chen po shAkya'i rigs las rab tu byung ba de ni bdag cag gi rig byed las 'byung ba bzhin du skyon ma mchis pa ste/ de ni rigs kyi che ba nyid kyis skyon gdags par mi nus te/ 'di ltar 'khor los sgyur ba'i rigs su byung ba'o// de'i rgyud las spros nas skyon gdags su mi nus te/ 'di ltar bu ram shing pa'i rigs kyi rgyud du byung ba'o// de ni lus kyi che ba nyid kyis kyang skyon gdags su mi nus te/ 'di ltar mtshan dang dpe byad bzang pos legs par brgyan pa'i lus dang ldan pa'o// de ni chos dang bcas par skyon gdags su mi nus te/ 'di ltar tshul khrims dang / stobs dang / mi 'jigs pa dang / sangs rgyas kyi chos ma 'dres pa dang ldan pas/ de'i slad du de ni skyon ma mchis pa lags so// rgyal po chen po gal te dge slong go'u ta ma de khyim
- 52a
nas khyim ma mchis par rab tu ma byung na ni de rgyal po 'khor los sgyur ba mtha' bzhir rnam par rgyal ba/ chos dang ldan pa chos kyi rgyal po rin po che sna bdun dang ldan par 'gyur du gdon mi 'tshal te/ de'i rin po che sna bdun 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang bdun pa blon po rin po che lags so/ / de las sras kyang stong tham pa mnga' bar 'gyur du gdon mi 'tshal te/ dpa' ba/ rtul phod pa/ yan lag mchog gi gzugs dang ldan pa/ gzhan gyi sde rab tu 'jom pa/ 'khor los sgyur ba'i mtshan dang ldan pa sha stag 'byung bar 'gyur du gor ma bkum mo// de ni gling bzhi pa'i 'jig rten gyi khams 'dir gcig pu spyod pa'i dbang sbyar bar 'gyur zhing / gzhan gyi dring mi 'jog par 'gyur du gdon mi 'tshal te/ des sa chen po ma lus pa gnod par sngob ma mchis shing / 'tsheb ma mchis pa 'di nyid chad pa ma mchis shing mtshan gyis bda' ba ma mchis la/ chos dang 'thun zhing snyoms pas legs par pa bste/ gnas par 'gyur du gdon mi 'tshal bzhig na de khyim nas khyim ma mchis par rab tu byung nas/ brtul zhugs dang / dka' thub chen po brtsams te/ rgya shug gi 'bras bu'am/ til gyi 'bras bu 'am/ 'bras kyi 'bru 'gas lo drug 'das par bgyis te/ byang chub kyi shing drung du bzhugs nas/ bdud kyi
- 52b
sde dpung dang bcas pa rab tu pham par bgyis te/ sems kyi skad cig gcig dang ldan pa'i shes rab kyis shes par bgyi ba dang / thob par bgyi ba dang / mthong bar bgyi ba dang khong du chud par bgyi ba dang / mngon du bgyi bkang ci yang rung ba de thams cad rang gi mngon par shes pas mngon par rdzogs par sangs rgyas te/ de dang mnyam pa'i sems can yang 'jig rten na ma mchis na/ de'i gong du phyin pa lta ga la mchis te/ dge sbyong go'u ta ma de ni mi mnyam pa dang mnyam zhing / zla gang yang ma mchis pa ste/ de'i slad du de ni skyon ma mchis pa lags so// de ci'i slad du zhe na/ 'di ltar dge sbyong go'u ta ma de ni rigs dang / rgyud kyis 'dra ba ma mchis pa dang / gzugs kyi che ba nyid kyis 'dra ba ma mchis pa dang / ye shes kyi che ba nyid kyis mtshungs pa ma mchis pa'i slad du ste/ de'i slad du de skyon ma mchis pa lags so/ / de la 'di skad nges bgyi ste/ rigs dang rgyud dang gzugs dang ldan// mtshan rnams kyis ni 'bar ba'i sku// dpe byad bzang po brgyad cus kyang // thub pa'i zla ba mngon par brgyan/ / mu stegs tshogs rnams zil mnan te// lo drug yun ring dka' thub spyad// bdud kyang btul ba mdzad nas su// bde gshegs thams cad mkhyen nyid brnyes// sems can med cing srog med chos/ / 'phags pa'i bden bzhi phun tshogs pa// drang srong lhung bar des bshad pas// de slad de la skyon ma mchis// de nas rgyal po gtum po rab snang gis/ gcer bu pa'i bu bden smra la 'di skad
- 53a
ces smras so/ / kye bram ze chen po dge sbyong go'u ta mde mtshan gang dang ldan na/ mtshan gyis legs par brgyan pa'i sku dang ldan pa zhes bya ba de bzhin gshegs pa skyes bu chen po seng ge/ de'i mtshan sum cu rtsa gnyis po de dag gang yin/ de skad ces smras pa dang / gcer bu pa'i bu bden smras/ rgyal po gtum po rab snang la 'di skad ces smras so// rgyal po chen po de'i slad du gsan du gsol/ brjod par bgyi'o/ / rgyal po chen po 'di lta ste/ dge slong go'u ta ma de ni zhabs shin tu gnas pa dang ldan pa'o// dge skyong go'u ta ma de ni phyag dang zhabs kyi mthil 'khor lo rtsibs stong dang ldan pa mnga' pa'o/ / ngage sbyong go'u ta ma de ni phyag dang zhabs dra bas 'brel ba dang ldan pa'o// dge sbyong go'u ta ma de ni phyag dang zhabs 'jam zhing gzhon sha chags pa dang ldan pa'o// dge sbyong go'u ta ma de ni sor mo ring ba dang ldan ba'o/ / dge sbyong go'u ta ma de ni bdun mtho ba dang ldan pa'o// dge sbyong go'u ta ma de ni zhabs kyi rting pa yangs pa dang ldan pa'o// dge sbyong go'u ta ma de ni zhabs long mo'i tshigs mi mngon pa dang ldan pa'o// dge sbyong go'u ta ma de ni byin pa ri dgas e n+ye'i lta bu dang ldan pa'o/ / dge sbyong go'u ta ma de ni brla zlum pa dang ldan pa'o// dge sbyong go'u ta ma de ni bzhengs bzhin du ma btud par phyag pus mor bslebs pa dang ldan pa'o// dge slong go'u ta ma de ni mdoms kyi sra basbubs su nub pa dang ldan pa'o/ / dge sbyong go'u ta ma de ni spu re rer skye ba dang ldan pa'o// dge sbyong go'ung ma de ni dbu skra mthon mthing dang ldan pa'o// dge sbyong go'u ta ma de ni dbu skra g.yas
- 53b
su 'khyil ba dang ldan pa'o/ / ngag sbyang go'u ta ma de ni sru'i spu gyen du 'khyal ba dang ldan pa'o/ rung mngon pags pa 'jam pa dang ldan pa'o// dge sbyong go'u ta ma de ni pags pa gser gyi kha dog lta bu dang ldan pa'o/ / dge sbyong go'u ta ma don dpung mgo shin tu zlum pa dang ldan pa'o// dge sbyong ko' ma re ne thal gong rgyas pa dang ldan pa'o// dge sbyong go'u ta ma de ni sku che zhing drang ba dang ldan pa'o// dge sbyo go'u ma de ni 'gram pa seng ge'i 'dra ba dang ldan pa'o/ / dge sbyong go'u tam de nitshams bzhi bcu dang ldan pa'o// dge sbyong go'u ta ma re ni tshems thags bzang ba dang ldan pa'o// dge sbyong go'u nga ma de ni tshems mnyam pa dang ldan pa'o/ / dge sbyong go'u ta ma de ni tshems shin tu dkar ba dang ldan pa'o// dge sbyong go'u nga ma de ni ro bro ba mchog dang ldan pa'o// dge sbyong go'u ta ma de ni ljags shin tu ring zhing srab pa dang ldan pa'o// dge sbyong go'u ta ma de ni tshangs pa'i dbyangs dang ldan pa'o/ / dge sbyong go'u ta ma de ni spyan gyi rdzim pa'i lnga bu dang ldan pa'o// dge sbyong go'u ta ma ni spun mthon mthing dang ldan pa'o// dge sbyong go'u ta ma de ni tshogs yongs su rdzogs pa'i mdzod spu dang ldan pa'o/ / rgyal po chen po 'di dag ni dge sbyong go'u ta ma'i skyes bu chen po'i mtshan sum cu rtsa gnyis po dag ste/ de dag dang ldan pas dge sbyong go'u ta ma de mtshan gyis legs par brgyan pa'i sku dang ldan pa zhes bgyi ste/ de'i slad du de skyon ma mchis pa legs so// de la 'di skad ces bgyi ste/ spyi bo gtsug tor mdzes pas rnam par brgyan// dbu sgra mthon mthing g.yas su 'khyil ba mngara'// rdzi mang
- 54a
@yi 'dra ba ut+pal mchog gi spyan/ / de bas 'di na rgyal ba skyon ma mchis// tshangs pa ka la bing+ka mchog gi dbyangs// pad+ma'i 'dab ltar dri med yangs pa'i ldangs// de yi ljags kyang zhal kun khebs pa ste/ / de bas de 'dra'i sems can 'ga' ma mchis// ro mchog gcig kyang thams cad ro ldan par// mtshan rab de yis rab tu myur 'gyur te// rgyal ba'i ljags ni de dang ldan pas na/ de bas 'di na rgyal ba skyon ma mchis// tshems kyi yon tan mnyam med mnyam pa ste// de yi tshems ni bzhi bcu tham pa tshang // des ni 'jig rten lngar bcas thams cad kyang // bde gshegs de la dga' 'gyur ngo mtshar 'thob/ / seng ge'i za 'gram sgros ni bim pa'i mchog/ mtshungs med thal gong shin tu rgyas dang ldan// dpung mgo shin tu zlum zhing mdzes par 'grub// dpal ldan zhing ltar chu zheng gab pa'i sku/ / dpe lags sku ni yangs shing rkyen du 'bab// yid can kun la sdug pa'i sku yang mnga'// thub pa dpa' bo mtho ba bdun dang ldan// pags pa'i mdog ni gser mchog bcom 'dra// shin tu 'jam sku spu ni gyen du 'khyil/ / sdug cing mi srab mthon mthing dri med dbu// spu 'jam g.yas su 'khyil dang ldan pa ste// de bas bde gshegs mnyam pa 'ga' ma mchis// bde bar gshegs ni ma btung bzhugs dang ldan/ / mdoms spa mi gda' glang po'i rgyal po bzhin// brla zlum byin pa oM ne ya yi 'dra// bde gshegs de la yid can su ni sten// phyag dang zhabs kyi sor mo dra bas 'brel// sen mo zangs mdo ga sor mo
- 54b
legs par zlum/ / dung ltar mtho ba'i zhabs ldan mnyam pa'i zhabs// rting pa yangs shing mnyam pa drang srong mchog/ phyag dang zhabs la 'khor lo 'jam pa mnga'// drang srong chen po sor mo ring ba dang / thub pa'i dbang po zhabs mthil shin tu gnas// des ni sa la mi g.yo skur bzhud de// 'di ni drang srong chen po'i mtshan gyi tshogs// de yi brgyan ska shin tu mdzes par gda'// mnyam med 'khor gyi nang na bzhugs pa'i tshe/ / skar tshogs mang dbus zla ba gnas pa bzhin// skyes bu chen po'i sku mchog gzugs de yang // 'gro ba kun tu de bzhin shin tu gda'// bde bar gshegs pa'i yon tan dri med chos// gang lags de kun thub pa nyid gsungs gang / / bram ze ci'i phyir na dge sbyong go'u ta ma de bsod nams brgya pa'i mtshan dang ldan zhes bya/ smras pa/ rgyal po chen po de'i slad du/ don 'di nyid rab tu bsgrub pa'i slad du dpe gsol bar 'tshal lo/ / rgyal po chen po gal te stong gsum gyi stong chen po'i 'jig rten gyi khams na/ sems can skye gnas bzhis yongs su zin pa gang ji skad cig mchis pa de dag thams cad yongs su brtag pa bar bzung ste/ mi'i lus thob par gyur la/ mi'i lus thob pa de dag re re zhing 'khor los sgyur ba'i bsod nams dang ldan par gyur la/ 'khor los sgyur ba'i bsod nams dang ldan pa'i sems can de dag thams cad kyi bsod nams kyi phung po gang lags pa brgya 'gyur du bsgyur ba'i bsod nams kyi phung po des/ dge sbyong go'u ta ma'i sku la spu'i khung bu gcig mngon par 'grub ste/ de bzhin du spu'i khung bu rere
- 55a
yongs su 'grub bo/ / spu'i khung bu thams cad du gtogs pa'i bsod nams kyi phung po ji snyed pa brgya gyur tu bsgyur ba'i bsod nams kyi phung po des/ dge sbyong go'u ta ma'i sku la dpe byad bzang po gcig mngon par 'grub ste/ de bzhin du dpe byad bzang po re re nas yongs su 'grub bo// dpe byad bzang po thams cad du gtogs pa'i bsod nams kyi phung po ji snyed pa brgya gyur tu bsgyur ba'i bsod nams kyi phung po des dge sbyong go'u ta ma'i sku la skyes bu chen po'i mtshan gcig mngon par 'grub ste/ de bzhin du mtshan sum cu re re nas yongs su 'grub bo// mtshan sum cur gtogs pa'i bsod nams kyi phung po ji snyed pa brgya gyur tu bsgyur ba'i bsod nams kyi phung po des dge sbyong go'u ta ma'i sku la skyes bu chen po'i mtshan dbu gtsug tor dang ldan pa mngon par 'grub bo/ / dbu gtsug tor du gtogs pa'i bsod nams kyi phung po de las bye ba phrag 'bum du bsgyur ba'i bsod nams kyi phung pos dge sbyong go'u ta ma'i chos kyi dung mngon par 'grub ste/ chos kyi dung dang ldan pas dge sbyong go'u ta ma de bzhed na/ 'jig rten gyi khams mtha' yas mu med pa dag na sems can du bsdus pa'i sems can gang zag gnas pa de dag thams cad kyis gal te rnam pa sna tshogs su smras pa/ dge sbyong go'u ta ma la dus gcig tu dri ba bris te/ gcig gis gang dris pa'i de gnyis pa mi 'dri bar so so nas dris kyang de dag thams cad dge sbyong go'u ta ma de sems kyi skad cig gcig dang ldan pa'i shes rab kyis bzung zhing / gsung gcig gis sems can
- 55b
de dag gis ji skad du dris pa'i ji ba de dag gi lan glon zhing / sems can de dag gis kyang rang rang gi skad du 'tshal bar 'gyur te/ rgyal po chen po de'i slad du dge sbyong go'u ta ma de ni bsod nams brgya pa'i mtshan dang ldan pa yang / tshangs pa'i slang blangs kyi gsung dang ldan pa zhes bgyi'o// de la 'di skad ces bgyi ste/ bsod nams brgya ba'i mtshan dang ldan pas ma// wAr bcas 'jig rten nang na bsod nams gter// mthong dang thos dang bzhad pa mdzad pas kyang / / sems can kun la phan pa mdzad pa lags// 'di ltar sems can kun gyis nges pa'i tshig/ mang po dag gis dus gcig zhu zhus na// sems kyi skad cig gcig la thugs chung nas// gsung dbyangs gcig gis so sor lan kyang 'debs// de lta bas na 'dren pa 'jig rten na// tshangs pa'i sgra dbyangs gsung sgrog mkhyen par mdzod// de ni lha mi sdug bsngal mthar 'byin pa'i// chos kyi 'khor lo rab tu bskor ba mdzad/ / de nas rgyal po gtum po rab snang gis gcer bu pa'i bu bden smra la tshigs su bcad de dris pa/ gang rnams khyod kyis sngar bshad de// dpe byad bzang po yod smras pa// thub pa'i dpe byad bzang po gang / / bram ze chen po brjod par gyis// de skad ces smras pa dang / gcer bu pa'i bu bden smras/ rgyal po gtum po rab snang la tshigs su bcad de slar smras pa/ gang dag gis na thub pa de yi sku/ / dpe byad bzang po brgyad cu'i ldan brjod pa// bde gshegs dpe byad bzang po brgyad cu rnams// bshad par 'tshal gyis rgyal po gsan du gsol// sen mo mtho zhing sen mo zangs mdor
- 56a
'dra/ / sen mo sbrum zhing phyag gi ri mo mnyam// sor mo zlum zhing sor mo rgyas pa ste// sor mo rnams ni byin gyis phra ba lags// rtswa rnams mi mngon spos ni rim pa 'dra// zhabs kyi/ mnyam zhing long bu mi mngon lags// phyag gi ri mo byin gyis pra ba ste// ri mo rnams ni zab cing shin tu gsal// lpags ni zangs mdog shin tu mnyen zhing mnyam// tshigs rnams mi mngon phyag ni shin tu ring / / glang pos sgra bsgrags lta bu'i gsung dang ldan// 'brug sgra 'dra bar snyan pa'i 'jam dbyangs can// sku ni snyoms shing gsal la shin tu mkhregs// shin tu legs sku phyag gi ri mo snum// sku yi dngos po shin tu gtsang dang ldan// rgyal ba'i zla ba sku yis shin tu btsun// sku ni shin tu mnyam par bzhag pa ste// yan lag rab 'byes nag nog ma mchis sku// sku yi ro stong rgyas yangs shin tu ma khrag// dpe byad bzang po rnams ni yongs su rdzogs// sku ni rim gyis rgyas shing shin tu mdzes// spyod pa gtsang ldan shin tu 'jam pa'i sku// lte ba'i khung bu nag nog ma mchis la// yongs su rdzogs shing shin tu zab dang ldan/ / 'od ni nag nog ma mchis yongs su dag/ sku ni kun nas bzang zhing shin tu mkhregs// de ni kun nas bzang dang shin tu ldan// mgon po'i sku ni blta bas chog mi myong // bal glang 'dra bar brjid pa'i 'gros su gshegs/ / khyu mchog 'gros dang seng gi ngang pa'i 'gros// gsung ni ha cang mthob ma lags la// bzang ba'i sku mnga' 'jam zhing snum pa'i sku// phyal ni shin tu zlum zhing 'jam la
- 56b
mdzes/ / g.yas nas gshegs shing gshegs thabs mdzes la bzang // shin tu phyung nger gnas pa'i phyal dang ldan// 'dod dang 'jigs med na gnog med pa'i sku// smin ma gnag cing shin tu bzangs ring mdzes/ / phyal ni ma zhom spyan gyi dkyus kyang ring // zhal ni rab legs gtsang ma'i spun dang ldan// dri med spyan mnga' spun ni shin tu yangs// tshems kyi mche ba byin gyis gyen du 'phags// smin tshug 'ja' khugs 'dra shing shangs dbyibs mtho/ / ut+pal sngon po'i 'dab 'dra'i spyan dang ldan// smin ma stug cing tshems kyi mche ba zlum// smin ma mnyam zhing 'dab chags 'brel dang ldan snyan gnyis mnyam zhing tshems kyi mche ba no/ / zhal gyi mkhur chos skyon dang bral ba mnga'// rgyal ba'i spyod pa skyon pa ga yong ma mchis// dpral ba'i 'byes la gnyer ma mi mnga' zhing // mgur ni dung 'dra mkhrags pa'i sku mnga' la/ / tshigs rnams sred med bu yi stobs dang ldan// yan lag dam pa dbu ni gdugs dbyibs 'dra// dbu yi stod rnams lcang lo 'khril dang ldan// dbu gnag stug cing spos zhim dri dang ldan/ / rgyal ba'i dbu skra ba shor ba ma lags te// dbu skra mi 'jing shin tu mdzes pa'i sku// dbu skra stug cing legs par rim gyis gnas// dbu dang ba spu 'jam zhing phra la gnas// dbu skra bung ba'i lho ltar gnag dang ldan/ / mnyam zhing khod snyoms dbu mchog chu rlags 'dra// seng ge'i khri dang nya dang rgyal mtshan dang // rdo rje lugs kyu bum pa g.yung drung 'khyil// dpal gyi be'u dang dung dang pad+ma dang // bkra shis
- 57a
ldan rnams phyag zhabs mthil la mnga'/ / rgyal po chen po bzang mdzes 'di dag ni// bde bar gshegs pa'i dpe byad bzang po mchog/ dpe legs smos pa 'di dang thams cad ni// mu stegs can mi gzhan la yong ma mchis// rgyal po chen po 'di ni re zhig dge sbyong go'u ta ma de'i gzugs kyi che ba nyid de/ de ni sems can thams cad la ma mchis pas/ de'i slad du de la skyon ma mchis lags so/ / rgyal po chen po dag sbyong go'u ta ma de ni byams pa chen po'i stobs dang ldan pa ste/ sems can thams cad la khong khro ba ma mchis pa'i thugs dang ldan pa'o// de'i byams pa de yang ma chags la sgrib pa ma mchis shing rtag tu 'byung ste/ lhun gyis grub par rgyas par dgang ba/ 'jig rten gyi khams thams cad du khyab pa/ sems can thams cad kyi bsam pa'i rjes su zhugs pa ste/ rgyal po chen po 'di lta ste dpe' bgyi na/ nor bu rin po che chu 'dang ni rang bzhin gyis dag cing chab kyi rnyog ma thams cad dang bar bgyid do// rgyal po chen po de bzhin du dge sbyong go'u ta ma de yang nang yongs su dag cing / sems can thams cad kyi nyon mongs pa'i rnyog pa dang bar mdzad pa ste/ de'i slad du de la skyon ma mchis lags so// de la 'di skad ces bgyi ste/ dus rnams kun dang zhing kun dang // 'jig rten byams pas khyab par mdzad// 'gro ba kun gyi bsam pa yang // khyab mdzad kun mkhyen byams dang ldan// zla med thub pa'i byams pa yis// ma khyab phyogs 'ga' ma mchis te// khams dang bsam pa rnams kyang khyab// de bas
- 57b
kun mkhyen gyon ma mchis/ / dper na nor sun dang ba// shin tu rnam dag cab dang bgyid// de bzhin drang srong thugs dag pa// skye bo'i rnyog pa dang bar mdzan// rgyal po chen po dge slong goT ta mngon rnam pa sum cu rtsa gnyis dang ldan pa'i thugs rje chen po dang ldan pa lags te/ rnam pa sum cu rtsa gnyis po de dag gang zhe na/ 'di lta ste/ gti mug gi mun par zhugs pa'i 'jig rten gnas pa gzigs na/ sems can rnams la dge sbyong go'u ta ma'i thugs rje chen po 'jug pa dang / ma rig pa chen po'i sgo nga'i sbubs su chud pa'i 'jig rten gnas pa gzigs na/ sems can rnams la dge sbyong go'u ta/ ma'i thugs rje chen po 'jug pa dang / 'khor ba chen por lhung ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rtag tu g.yen spro zhing ma zhi ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / nyon mongs pa'i chu bo chen pos khyer ba'i sems can rgyun gyi rjes su 'gro ba dag gzigs na/ sems can rnams la dge sbyong go'u ta ma'i thugs rje chen po 'jug pa dang / g.yang sa chen po nas lhung zhing sdug bsngal chen po myong ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / lam ngan par zhugs pa'i sems can 'phags pa'i lam dang bral ba dag gzigs na/ sems can rnams la dge sbyong go'u ta ma'i thugs rje chen po 'jug pa dang /
- 58a
/ nyon mongs pa chen pa'i bcing bas bcings pa rtag tu dgribs dkris pa'i sems can dag gzigs na/ sems can rnams la dge sbyong go ru ta ma'i thugs rje chen po 'jug pa dang / yun ring por yul gyis dgang dga' zhing / ngoms mi shes pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / srid pas 'khol zhing rtag tu gzhan gyi dbang du gyur pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rga shis yongs su mnar cing shin tu nyon mongs pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / nad sna tshogs mang pos yongs su mnar cing rtag tu nad par gyur pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / me gsum rab tu 'bar zhing rtag tu bsreg pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / dman zhing yongs su ma dag la 'khor ba rnam par 'phel ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rtag tu skrag cing rtag tu yid skrag pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / ro bro ba chung ba la chags shing nyes dmigs ma mthong ba'i sems can dag gzigs na/ sems
- 58b
can rnams la dge sbyong ko 'ung ma'i thugs rje chen po 'jug pa dang / dregs pa sna tshogs mang pos myos shing yun ring por gnyid kyis log pa'i sems can dag gzigs na/ sems can rnams ma dge sbyong go'u ta ma'i thugs rje chen po 'jug pa dang / dgon pa chen po'i lam du zhugs shing gsod pa rtag tu phyi bzhin 'brang ba'i sems can dag gzigs na/ sems can rnams la dge sbyong go'u ta ma'i/ thugs rje chen po 'jug pa dang / rtag tu gnod par gyur cing dus thams cad du 'jug pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rig pas long par gyur cing / rtag tu rab rib kyis bsgribs pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / thabs 'khrug pa lta bu gyur cing / dru bu 'dzings pa lta bur gyur pa la rtswa mun dza dang bal ba dza lta bur gyur pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / gnod pa dang ldan zhing gnod pa ma mchis pa dang bral ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / mi khom pa dang ldan par gyur cing dal ba dang bral ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / the tshom can du gyur cing log par lta bar zhugs pa'i sems can dag gzigs na/
- 59a
sems can rnams la dge sbyong go'u ta ma'i thugs rje chen po 'jug pa dang / shing bal gyi 'da' ba ltar gyur cing lta ba sna tshogs la rten pa'i sems can dag gzigs na/ sems can rnams la dge sbyong ko'u ta ma'i thugs rje chen po 'jug pa dang / 'du shes dang sems phyin ci log tu gyur cing mi rtag pa la rtag par 'du shes pa dang / sdug bsngal la bde bar 'du shes pa dang / mi sdug pa la sdug par 'du shes pa dang / dngos po ma mchis pa la dngos po mchis par 'du shes pa'i sems can dag gzigs na/ sems can rnams la dge slong go'u ta ma'i thugs rje chen po 'jug pa dang / khur gyis gzir cing yun ring po nas dub ste/ sdug bsngal ba'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / mthu chung ba la rten cing snying po ma mchis pa snying por 'du shes pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rtag tu nye bar nyon mongs pa dang ldan par gyur cing / dri mas gos pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / srid pa'i 'dod chags kyis glags shing yid zhum pa'i sems can dag gzigs na/ sems can rnams la dge sbyong go'u ta ma'i thugs rje chen po 'jug pa dang / rnyed pa dang bkur sti'i zil gyis non cing / rtag tu rnyed pa tshol ba'i sems can dag gzigs na/ sems can rnams la dge sbyong go'u ta ma'i thugs rje
- 59b
chen po 'jug pa dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnam pa mang pos gzir ba'i sems can dag gzigs na/ sems can rnams la dge sbyong go'u ta ma'i thugs rje chen po skye ba ste/ dge sbyong go'u ta ma de ni rnam pa sum cu rtsa gnyis po de dag dang ldan pa'i thugs rje chen po dang ldan pa ste/ de'i slad du de la skyon ma mchis lags so// de la 'di skad ces bgyi ste/ gti mug mun pa mun nag gis rtag tu// sems ni bsgribs par gyur pa'i skye dgu dang // 'khor ba'i btson rar chud pa rnams gzigs na// drang srong dam pa de ni thugs rje bskyed// rtag tu g.yan sbyor gyur dang rtag tu yang / chu bo bzhi po dag gis khyer gyur cing // 'khor ba'i rgyun la gnas pa'i sems can rnams// gzigs na stobs bcu mnga' ba thugs rje skye// g.yang sa chen por ltung bar gyur pa 'am/ / lam ngan zhugs pa'i sems can rnams gzigs na// thub pa thugs rjes zhi ba'i gnas dang ni// 'phags pa'i rgyal po'i lam la 'god pa mdzad// bcings par gyur dang sred pas 'khol ba dang / / rtag tu yul la chags dang rga ba dang // 'chi ba'i gting lhung sems can rnams gzigs na// stobs bcu mnga' ba'i thugs rje rab tu skye// sdug bsngal rnam pa mang pos mnar ba dang / / me gsum 'bar ba'i skye dgu 'di dag dang // ngan songasas 'jigs pa rnams gzigs gyur na// stobs bcu mnga' ba'i thugs rje rab tu skye// ro la brkam pa'i sems dang ldan pa dang
- 60a
@#bag med rtag tu yul la chags pa dang / / srid pa'i dgon pa'i nyon mongs sems can rnams// gzigs par gyur na rnam par grol bar mdzad// ma rig ldongs shing rab ring khebs pa dang / / bal ba dza dang mun dza 'drar 'gyur dang // zhe 'gras gyur pa'i sems can rnams gzigs na// stobs bcu mnga' ba'i thugs rje rab tu skye// 'khor bar bcings pa'i sems dang ldan pa dang / / mi khom skye ba'i skye dgu 'di dag dang // log par lta bar lhung ba rnams gzigs na// stobs bcu mnga' ba'i thugs rje rab tu skye// spu bsngal ba de dang mi sdug sdug shes dang / / mi rtag rtag dang bdag ma mchis pa la// bdag tu 'du shes 'khrul pa rnams gzigs na// stobs bcu mnga' ba'i thugs rje rab tu skye// khur gyis non cing gzir bar gyur rnams dang / de bzhin mthu chung rten pa'i byis pa dang // rtag tu nyon mongs nyon mongs rnams gzigs na// stobs bcu mnga' ba'i thugs rje rab tu skye// 'dod pa'i zil gyis non pa'i yid ldan dang // sred pa che zhing rtag tu yul bskam dang / / sred pa'i 'dod chags rgya mtshor lhung ba rnams// gzigs na rgyal ba'i thugs rje chen po skye// nang dang mya ngan rnam pa mang dag gis// shin tu gtses pa'i skye dgu nyon mongs rnams/ / gzigs na sdug bsngal ma lus bsal slad du// stobs bcu mnga' ba'i thugs rje rab tu skye// thub pa'i thugs rje chen po rtag 'byung ste// de mi 'byung ba nam yang srid mi 'gyur// 'gro
- 60b
pa kun gyi bsam par gnas pa ste/ / de bas sangs rgyas de la skyon mi mngag/ rgyal po chen po mdor na dge sbyong go'u ta ma de ni dran pa'i bar gzhag pa bzhi dang ldan pa'o// rgyal po chen po dge sbyong go'u ta ma de ni yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang ldan pa ste/ de'i slad du de la skyon ma mchis lags so/ / de la 'di skad ces bgyi ste/ dran pa nye bar gzhag pa bzhi po mkhyen// yang dag spong bzhi mkhyen te zla ma mchis// ting 'dzin bsam gtan sbyor la de mnga' che// de ltar sam can rlabs chen skyon ma mchis/ / 'jig rten mgon gcig rdzu 'phrul rkang mnyam pas// so sor yang dag rig pa'i pha rol byon// drang srong chen po rig dang rnam grol mkhas// thub pa rnam dag sems can thabs mkhyen ldan/ / byams dang snying rje dga' dang btang snyoms dang // tshangs pa'i gnas pa bzhi la de dbang sgyur// lhag mthong zhi gnas gnyis la rnal 'byor pa// de bas de la nam yang skyon ma mchis// byang chub yan lag rin chen rgyan mchog ldan// yan lag brgyad ldan lam chu dri med bkrus// bde zhing mi g.yo 'jigs dang gang bral ba'i// lam de nyid la 'gro ba sbyor bar mdzad// thub pa khyu mchog de dang gang 'dra ba'i/ / sems can 'jig rten 'di na 'ga' ma mchis// thams cad zil gnon yon ngan kun dang ldan// yon tan dbang phyug de la smad ma mchis// rgyal po chen po dge sbyong go'u ta mdo ni stobs bcu
- 61a
dang ldan pa'o/ / smras pa/ bram ze chen po de bzhin gshegs pa'i stobs bcu po de dag gang / smras pa/ rgyal po chen po 'di lta ste/ 'di na de bzhin gshegs pa ni gnas la yang gnas su yang dag pa ji lta ba bzhin du rab tu mkhyen/ gnas ma lags pa la yang gnas ma lags par yang dag pa ji lta ba bzhin du rab tu mkhyen te rgyal po chen po 'di ni dge sbyong go'u ta ma de'i de bzhin gshegs pa'i stobs dang po'o/ / de bzhin gshegs pa de ni 'das pa dang / ma 'ongs pa dang / da ltar byung ba'i las yang dag par blangs pa rnams gnas dang / rigs dang / rnam par smin pa las yang dag pa ji lta ba bzhin du rab tu mkhyen to/ / 'jig rten gyi khams du ma dang / khams sna tshogs pa rnams yang dag pa ji lta ba bzhin du rab tu mkhyen to// sems can gzhan dag dang / gang zag gzhan rnams kyi mos pa dum dang / mos pa sna tshogs yang dag pa ji lta ba bzhin du rab tu mkhyen to// sems can gzhan dag dang / gang zag gzhan rnams kyi dbang po mchog dang / mchog ma yin pa mkhyen pa yang dag pa ji lta ba bzhin du rab tu mkhyen to/ / thams cad du 'gro ba'i lam yang dag pa ji lta ba bzhin du rab tu mkhyen to// sems can gzhan dag dang / gang zag gzhan rnams kyi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun nas nyon mongs pa dang / rnam par byang ba dang ldan pa dang / rnam par dag pa yang dag pa ji lta ba bzhin du rab
- 61b
tu mkhyen to/ / sngon gyi gnas rnam pa du ma rjes su dran te/ tshe rabs gcig kyang rjes su dram zhing / tshe rabs bye ba khrag khrig 'bum phrag du ma'i bar dag kyang rnam pa dang bcas pa dang / sa phyogs dang bcas pa dang / rgyu mtshan dang bcas par sngon gyi gnas rnam pa du ma rjes su dran no// de lha'i spyan rnam par dag pa mi'i las 'das pas/ sems can 'chi 'pho dang / skye ba las bde 'gro dang ngan 'gror skye ba rnams gzigs so/ / zag pa zad pas/ zag pa med pa/ sems rnam par grol ba dang / shes rab rnam par grol ba yang dag pa ji lta ba bzhin du rab tu mkhyen te/ 'di ni dge sbyong go'u ta ma'i de bzhin gshegs pa'i stobs bcu pa'o/ / rgyal po chen po de dag ni de bzhin gshegs pa'i stobs bcu po dag ste/ stobs de dag dang ldan pas/ de bzhin gshegs pa de stobs bcu mnga' zhes bgyi ste/ de'i slad du de skyon ma mchis lags so// de la 'di skad ces bgyi ste/ gnas dang de bzhin gnas ma lags// yang dag ji bzhin de mkhyen te// dpa' bo chen po yang dag gsung // de la skyon ni ma mchis so/ / de ni 'das pa'i dus la yang // ma chags pa yi ye shes 'jug/ da ltar byung dang ma 'ongs la// de yi ye shes rmongs ma mchis// las dang las kyi rnam smin dang // rgyu yi shes pa gang lags pa/ / de dag thams cad ma lus par// 'jig rten rnam par 'dren pas mkhyen// du ma'i khams can 'jig rten dang // sna tshogs khams can des mkhyen to// khams
- 62a
mkhyen tshul la mkhas pa ste/ / 'jig rten gang zag zla ma mchis// mos pa sna tshogs ldan pa dang // de bzhin mos pa du ma can// 'jig rten sgron ma des mkhyen te// yang dag bzhin gzhan du min/ / dbang po rtul po'ang rab tu mkhyen// de bzhin dbang po 'bring yang mkhyen// yongs smin dbang po des mkhyen te// dbang po'i tshogs la dbang phyug go// thams cad du ni 'gro ba'i/ lam// yang dag ji bzhin des mkhyen te// mngon shes dbang po bsam gtan stobs// byang chub yan lag rnam thar mkhyen// kun nas nyon mongs rnam byang dag/ rnam par dgod pa'ang des mkhyen to/ / thogs med ye shes gzigs mnga' bas// de la thogs pa yongs ma mchis// sngon tshe dpag tu med pa dag/ rnam pa du mar de gzigs te// bdag dang gzhan gyi ma lus par// yang dag ji bzhin gzhan du min/ / de'i spyan dri ma mchis shing // mi'i las shin tu 'das pa ste// sems can shi 'pho skye ba yang // des ni 'dren pas rab tu gzigs// zag pa zad pa mkhyen pa ste// rnam par grol ba'ang rab tu mkhyen/ / zag med khams ni gang lags pa// de ni 'dren pas rab tu mkhyen// sangs rgyas mnga' chen sgyur ba yi// stobs bcu 'di dag mtshungs ma mchis// sems gcig la ni kun nas kyang / / sems la rtogs pa mi mnga' ste// blang med dor ba med tshul du// lhun gyis grub par de dag 'byung // sngar bskor 'khor lo'i shugs bzhin du// rtog pa mi
- 62b
mnga' byung ba ste/ / sems can kun gyi rnam bsam pa// sems gcig gis ni rab tu mkhyen// 'on kyang sems dang sems can la// gnyis kyi blo ni mi 'byung ngo // de bas sangs rgyas dbang sgyur la/ / skyon ni gang yang mi mnga' ste// chos rnams kun la mkhas pa de// yon tan dpal ni kun las 'phags// rgyal po chen po dge sbyong go'u ta ma de ni mi 'jigs pa bzhi dang ldan pa'o// smras pa/ bram ze chen po dge sbyong go'u ta ma de mi 'jigs pa gang dag dang ldan pas/ mi 'jigs pa bzhi dang ldan pa zhes bya ba'i de bzhin gshegs pa'i mi 'jigs pa bzhi po de dag gang yin/ smras pa/ rgyal po chen po 'di la dge sbyong go'u ta ma de ni nga yang dag par rdzogs pa'i sangs rgyas so zhes bdag nyid dam bcas na/ chos 'di rnams khyod kyis mngon par rdzogs par sangs ma rgyas so zhes lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa'i 'jig rten na chos dang 'thun par 'ga' zhig padag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas/ bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing 'khor gyi nang du seng ge'i sgra yang dag par sgrog la/ tshangs pa'i 'khor lo dge sbyong ngam/ bram ze 'am/ gzhan su yang rung bas chos dang 'thun par 'jig rten du ma bskor ba bskor bar mdzad pa dang / nam de zag bzang ba ste/ nga ni phag bzang do zhes bdag nyid dam bcas na/ de la khyod kyis
- 63a
zag pa de dag ma zad do zhes lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa'i 'jig rten na chos dang 'thun par 'ga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas/ bde ba brnyes shing mi 'jigs pa brnyes nas gnas te/ khyu mchog gi gnas su dam brda' zhing / 'khor gyi nang du seng ge'i sgra yang dag par sgrog la/ tshangs pa'i 'khor lo dge sbyong ngam/ bram ze 'am/ gzhan su yang rung bas chos dang 'thun par 'jig rten du ma bskor ba bskor bar mdzad pa dang / de bzhin gshegs pas gang dag bar du gcod pa'i chos su gsungs pa de dag bsten kyang bar du gcod par mi 'gyur ro zhes lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa'i 'jig rten na chos dang 'thun par bga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas/ bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing / 'khor gyi nang du seng ge'i sgra yang dag par sgrog la/ tshangs pa'i 'khor lo dge sbyong ngam/ bram ze 'am/ gzhan su yang rung bas chos dang 'thun par 'jig rten du ma bskor ba bskor bar mdzad pa dang / de bzhin gshegs pas 'phags pa nges par 'byin pa'i lam gang gsungs pa de bstan kyang / yang dag par sdug bsngal zad pa'i rgyur mi 'gyur
- 63b
ro zhes lnga dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa'i 'jig rten na chos dang 'thun par 'ga' zhig bdag la rgol ba'i rgyu de yang dag par rjes su mi gzigs te/ rgyu de yang dag par rjes su ma gzigs pas/ bde ba brnyes shing mi 'jigs pa brnyes nas gnas te/ khyu mchog gi gnas su dam 'cha' zhing // 'khor gyi nang du seng ge'i sgra yang dag par sgrog la/ tshangs pa'i 'khor lo dge sbyong ngam/ bram ze 'am/ gzhan su yang rung bas chos dang 'thun par 'jig rten du ma bskor ba bskor bar mdzad pa ste/ rgyal po chen po 'di dag ni de bzhin gshegs pa'i mi 'jigs pa bzhi ste/ de dag dang ldan pa'i de bzhin gshegs pa ni 'khor gyi nang du seng ge'i sgra yang dag par sgrog ste/ de'i slad du de la skyon ma mchis lags so// de la 'di skad ces bgyi ste/ nga dang mtshungs pa'i sems can ni// 'ga' med lhag pa ga la zhes// mi yi 'dren pa 'khor nang du// seng ge'i sgra ni sgrog par mdzad// nga yis chos rnams sangs rgyas pa// de dag gzhan du min de gzigs rdzogs pa'i sangs rgyas de/ / bsnyungs pa mi mnga' seng ge bzhin// la la de la rgol 'gyur ba'i// rgyu ni yang dag mi gzigs te// rgyu yang gzigs par ma gyur pas// 'dren pa bsnyengs pa mi mnga' sgrog/ zag pa thams cad zag gyur te// nga yi sku la zag pa med// de phyir lhar bcas 'jig rten na// nga dang mtshungs pa gang yang med// bar du gcod pa'i chos gang dag/ skye bo rnams
- 64a
sa ngas bstan pa/ / de kun yang dag nyid du smras// gzhan du 'gyur ba yod ma yin// nges par 'byin pa'i chos gang dag/ ngas sangs rgyas nas rab bstan pa// chos rnams de dag bsten byas na/ / bar du gcod par 'gyur ba med// de 'dra dpa' bo chen pos mkhyen// de bzhin gshegs pas bde brnyes pas// 'jigs med bde ba brnyes gyur te// thub pa bsnyengs pa mi mngar bzhugs/ / sus kyang bskor bar ma gyur pa'i// tshangs pa'i 'khor lo rab tu bskor// rkang gnyis dam pa ma gtogs par// 'jig rten dag na bskor mi nus// rgyal po chen po yang dge sbyong go'u ta ma de ni sangs rgyas kyi chos ma 'dres pa bco brgyad po 'di dag dang ldan pa'o/ / smras pa/ bram ze chen po dge sbyong go'u ta ma'i sangs rgyas kyi chos ma 'dres pa bco brgyad po de dag gang yin/ smras pa/ rgyal po chen po de la sangs rgyas kyi chos ma 'dres pa bco brgyad ni de bzhin gshegs pa la 'khrul pa mi mnga' ba dang / ca co mi mnga' ba dang / bsnyal ba mi mnga' ba dang / sems mnyam par ma bzhag pa mi mnga' ba dang / tha dad pa'i 'du shes mi mnga' ba dang / so sor ma brtags pa'i btang snyoms mi mnga' ba dang / 'dun pa nyams pa mi mnga' ba dang / brtson 'grus nyams pa mi mnga' ba dang / dran pa nyams pa mi mnga' ba dang / ting nge 'dzin nyams pa mi mnga' ba dang / shes rab nyams pa mi mnga' ba dang / rnam par grol ba nyams pa mi mnga' ba dang / lus kyi las thams cad ye shes sngon du
- 64b
'gro zhing / ye shes kyi rjes su 'brang ba dang / ngag gi las thams cad ye shes sngon du 'gro zhing / ye shes kyi rjes su 'brang ba dang / yid kyi las thams cad ye shes sngon du 'gro zhing / ye shes/ kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba 'jug pa ste/ bco brgyad po de dag ni dge sbyo gro'u ta ma do'i sangs rgyas kyi chos ma 'dres pa rnam te/ rgyal po chen po de bzhin gshegs pa ni sangs rgyas kyi chos ma 'dres pa btso brgyad po de dag dang ldan pas/ de'i slad du de la skyon ma mchis lags so// de la 'di skad ces bgyi ste/ sangs rgyas la ni 'khrul mi mnga'// ca co de bzhin mi mnga' ste// de yi dgongs pa nyams mi mnga'/ / de phyir kun mkhyen skyon mi mnga'// tha dad 'du shes mi mnga' ste// rnam par g.yeng ba'i thugs mi mnga'// so sor brtags pa'i ba tang snyoms te// 'dun pa nyams pa mi mnga'a'o// / de yi brtson 'grus rtag tu 'bar// bsnyal ba mnga' ba ma lags te// shes rab dang ni rnam grol dang // bzang po gzigs pa nyams mi mnga'// ye shes kyis kyang de mi 'khrugs// de yi lus dang ngag yid las/ / ye shes sngon du 'gro ba ste// ye shes kyi ni rjes su 'brang // ye shes 'bral ba ma mchis te// 'das pa'i dus la thogs ma mchis// ma 'ongs dus dang da ltar la'ang //
- 65a
de yi ye shes thogs ma mchis// dge sbyong bdag nyid che ba yi// de yi yon tan 'di 'dra bas// 'di las gzhan yang tshad med pa// bdag gis bgrang ba'i rngo mi thog/ de nas rgyal po gtum po rab snang de bzhin gshegs pa'i yon tan dang che ba bsam gyis mi khyab pa rnam pa de lta bu dag bos nas/ tshim zhing mgu la yi rangs te/ rab tu dga' nas dga' ba dang / yid bde ba skyes te/ gcer bu pa'i bu bden smra la dad pa tshad med cing bsam gyis mi khyab pa skyes par gyur te/ ston pa'i 'du shes rnyed nas/ dge ba'i bshes gnyen gyi 'du shes dang / byang chub ston pa'i 'du shes dang / thams cad mkhyen par sgrol ba'i 'du shes dang / yang dag par skul ba'i 'du shes dang / rjes su dran par byed pa'i 'du shes dang / byang chub sems dpa'i rnam par thar pa bsam gyis mi khyab pa la gnas pa'i 'du shes kyang thob par gyur to/ / des 'du shes yid la bya ba de lta bu dang ldan pa'i sems kyis mu tig gi 'phreng ba 'a bum re ba dang / rin thang med pa'i ras bcos bu phrugs su sbyar bas/ gcer bu pa bden sprul chos kyi dgab pa'i phyir bskon no/ / 'di skad kyi ched du brjod pa yang tshad du brjod de/ bden spu khyod kyis chos kyi tshul la mkhas pa rnam pa 'di lta bu 'di legs par smras pa legs so legs so// bden smra khyod kyis chos bstan pa 'di ni thams cad mkhyen pa'i ye shes dang 'thun pa'i rjes su 'thun pa'o// khyod kyis chos bstan pa 'di ni thams cad mkhyen pa nyid thob par byed pa'o// khyod kyis chos
- 65b
bstan pa 'di ni 'khor 'byung bar byed pa'o/ / khyod kyis chos bstan pa 'di ni nyon mongs pa'i dri ma rnams dag par byed pa'o// khyod kyis chos bstan pa 'di ni ser sna'i sgo glegs rnams 'joms pa'o// khyod kyis chos bstan pa 'di ni gtong ba'i rnga rnams rdung bar byed pa'o// khyod kyis chos bstan pa 'di ni nga rgyal gyi ri rnams snyil bar byed pa'o// khyod kyis chos bstan pa 'di ni sred 'i rgya mtsho skem par byed pa'o// khyod kyis chos bstan pa 'di ni mi shes pa'i thibs po snang bar byed pa'o// khyod kyis chos bstan pa 'di ni sems can yongs su smin par byed pa'i dus dang chod las mi 'da' ba'o// de skad ces smras pa dang // gcer bu pa'i bu ba den smras/ rgyal po gtum po rab snang la 'di skad ces smras so// rgyal po chen po de de bzhin te/ byang chub sems dpa' rnams kyi spyod lam ni gang yang rung / sems can 'dul bar mi 'gyur ba de gang yang ma mchis so/ / chos bstan pa gang yang rung / theg pa chen po dang mi mthun pa de gang yang ma mchis so// thams cad mkhyen pa'i ye shes yang dag pa mi sgrub pa de lta bu ma mchis so/ / nyon mongs pa thams cad zad par mi bgyid pa de lta bu ma mchis so// 'khor ba'i nyes pa mi ston pa de lta bu ma mchis so// mya ngan las 'das pa mi sgrub pa de lta bu ma mchis so// byang chub sems dpa'i spyod pa dang mi mthun pa de lta bu ma mchis so/ / rgyal po chen po byang chub sems dpa'i rtsom pa thams cad ni bdag gi don dang / gzhan gyi don dang / gnyis ka'i don yongs
- 66a
sa grub par bgyid pa'o/ / gcer su pa'i bu bden smras bstan pa 'di bshad pa'itshe/ rgyal po gtum po dang rlung gis dri mi ldog pa'i dad pathob par gyur to// myul cu gzhon nu N+Da/ gis dga' ba'i shugs kyi yul zhes bya ba'i dad pa thob par gyur to// chu'i bu khri brgyad stong gis sangs rgyas kyi rgyan bkod pa zhes bya ba'i ting nge 'dzin thob par gyur to// rgyal po'i pi brang de'i mi dang / gtsor bu pa'i 'khor de'i nang nas mi khri sum stong bla na med pa yang dag par rdzogs pa'i byang chub tu sems skyes par gyur te/ de dag thams cad kyis rang rang gi gos kyis gcer bu pa'i bu bden smra la chos kyi dgab pa'i phyir bskon te/ 'di skad kyi tshig kyang brjod par gyur te/ bdag cag gis 'di ltar rigs kyi bu bden smra mthong zhing rjes su 'thun pa'i chos bstan pa 'di bos pa ni/ bdag cag gis rnyed pa legs par rnyed do zhes brjod na/ / 'di skad kyi tshig kyang smras te/ bden smra tshur spyon/ da bcom ldan 'das de blta ba dang / de la phyag bya ba dang / bsnyen bkur bgyi ba'i phyir bzhung ngo // de bzhin gshegs pa de ni bdag cag nyid kyi skyed mos tshal na bzhugs so/ / bden smras smras pa/ kun kyang tshur shog/ rgyal po dang bcas/ dpung dang bcas/ blon po dang bcas/ grong rdal gyi mi dang banas/ 'khor gyi mi dang bcas par lhan cig 'thun par bgyis te/ bkod pa chen pos 'dong ngo // de nas rgyal po gtum po rab snang gis grong khyer thams cad du dril gyi sba bsgrags te/ de bzhin gshegs
- 66b
pa'i gan du su mi 'gro ba de'i chad pa ni bsad pa'o zhes bsgo'o/ / de nas grong gi mi skyes pa dang / bud med dang / khye'u dang / su mo thams cad kyis rgyal po gtum po rab snang gi bka' de thos nas/ me tog dang / spos dang / me tog 'phreng dang / byug pa dang / sil snyan dang / be ka rnams thogs te/ grong khyer chen po 'phags rgyal gyi phyir rol du 'thon te/ skyed mos tshal du 'dong bar chas nas/ rgyal po gtum po rab snang la sdod cing 'khod par gyur to// de nas rgyal po gtum po rab snang gcer bu pa'i bu bden smra dang lhan cig/ blon po'i tshogs dang lhan cig/ rgyal bu gzhon nu dang dpung gi tshogs dang lhan cig/ btsun mo'i 'khor dang lhan cig/ grong rdal ba'i mi dang / yul gyi mi rnams dang lhan cig/ 'khor gyi mi dang chab sgo ba rnams dang ldan cig tu thams cad kyis yongs su bskor cing / dpung gi bkod pa chen pos mdun du bdar nas gdugs dang / rgyal mtshan dang / ba dan dag ni bsgreng / sil snyan byed pa 'bum dag ni bun long du byas/ gar dang / gru dang / rol mo'i sgra dbyangs ni bsgrags/ rol mo'i spyad kim pa la dang / na ku la dang / 'khar dkrol dang / pheg gi sgra ni bsgrags/ rta dang glang po che rnams ni sgra 'byin/ bkra shis kyi bum pa gser thag gis btags pa 'bum dag thogs pa rnams ni mdun du bkye ste/ glang po che'i shing rta pa rnams dang / rta'i shing rta pa rnams dang / srog chags 'bum
- 67a
/ phrag dgu bcu rtsa brgyad dang lhan cig tu rgyal po'i mthu chen po dang / rgyal po'i 'byor pa chen po dang / rgyal po'i rnam par 'phrul pa chen po dang / rgyal po'i rnam par rtse ba chen pos rang gi skye mos tshal ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ yan gsum bskor ba byas nas/ phyogs gcig tu 'dug go/ gcer bu pa'i bu bden smra yang 'khor dang bcas te/ bcom ldan 'das kyi zhabs la mgo bos phyag 'tshal nas/ lan 'bum phrag du mar bskor ba byas te/ thal mo sbyar nas mig mi 'dzums par bcom ldan 'das la lta zhing 'dug go/ de nas tshe dang ldan pa shA ri'i bus/ gcer bu pa'i bu bden spu bcom ldan 'das kyi spyan snga nas/ mig mi 'dzums par bcom ldan 'das la lta zhing 'dug pa mthong ngo // mthong nas kyang 'di snyam du sems te/ kye ma gcer bu pa'i bu bden smra 'di ci zhig 'dod de 'dir bongs snyam nas/ de ltar rnam par brtags te/ gcer bu pa'i bu bden smra la 'di skad ces smras so// bden smra khyod ci zhig 'dod de/ de bzhin gshegs pa'i thad du 'ongs/ ci bcom ldan 'das blta bar 'dod dam/ chos nyan par 'dod/ de skad ces smras pa dang / gcer bu pa'i bu bden smras/ tshe dang ldan pa shA ra dwa ti'i bu la 'di skad ces smras so/ / btsun pa shA ra dwa ti'i bu kho bo ni/ bcom ldan 'das blta bar 'dod pa yang ma yin/ chos nyan par 'dod pa yang ma yin te/ btsun pa shA ra dwa ti'i bu kho bo
- 67b
ni chos thams cad mi 'dod pa'i phyir/ bcom ldan 'das kyi thad du 'ongs so// de ci'i phyir zhe na/ btsun pa shA ra dwa ti'i bu gzugs mthong ba ni de bzhin gshegs pa mthong ba ma yin/ tshor ba dang / 'du shes dang / 'du byed rnams dang / rnam par shes pa mthong ba ni/ de bzhin gshegs pa mthong ba ma yin/ sa'i khams mthong ba ni de bzhin gshegs pa mthong ba ma yin/ chu'i khams dang ma'i khams dang / rlung gi khams mthong ba ni de bzhin gshegs pa mthong ba ma yin/ bdag mthong ba ni de bzhin gshegs pa mthong ba ma yin/ sems can dang / srog mthong ba ni/ de bzhin gshegs pa mthong ba ma yin/ gang zag mthong ba ni de bzhin gshegs pa mthong ba ma yin// ngar 'dzin pa mthong ba ni de bzhin gshegs pa mthong ba ma yin/ nga yir 'dzin pa mthong ba ni de bzhin gshegs pa mthong ba ma yin/ mtshan ma mthong ba de ni de bzhin gshegs pa mthong ba ma yin pa'i phyir te/ btsun pa shA ra dwa ti'i bu mtshan ma thams cad ma mthong ba ni de bzhin gshegs pa mthong ba'o// mngon par zhen pa med pa mthong ba ni/ de bzhin gshegs pa mthong ba'o// dngos po med pa mthong ba ni de bzhin gshegs pa mthong ba'o// ngo bo nyid med pa mthong ba ni de bzhin gshegs pa mthong ba'o/ dag pa'i mtha' med par mthong ba de bzhin gshegs pa mthong ba'o// mig gzugs la 'dod chags dang bral bar mthong ba de ni de bzhin gshegs pa mthong ba'o// rna ba sgra la rnam par rig pa
- 68a
med par mthong ba ni de bzhin gshegs pa mthong ba'o/ / sA dri la 'pho ba med par mthong ba ni de bzhin gshegs pa mthong ba'o// sgo ro la rnam par shes pa mi mthong ba ni de bzhin gshes pa mthong ba'o/ / lus reg bya la reg par mi mthong ba ni de bzhin gshegs pa mthong ba'o// yid chos la rnam par ma brtags par mthong ba ni de bzhin gshegs pa mthong ba'o// shA ra dwa ti'i bus smras pa/ bden smra de ltar mthong bas/ gal te de bzhin gshegs pa mthong ba yin na/ 'o na de bzhin gshegs pa ji ltar blta bar bya/ bden smras smras pa/ btsun pa shA ra dwa ti'i bu de bzhin gshegs pa ni rigs su mi blta'o/ / rus su mi blta'o// mtshan nyid du mi blta'o// mtshan nyid med par mi blta'o// chos su mi blta'o// chos ma yin par mi blta'o// yang dag par mi blta'o// yang dag pa ma yin par mi blta'o// dmigs par mi blta'o// dmigs pa med par mi blta'o// yid la bya bar mi blta'o// yid la bya ba med par mi blta'i// rtog par mi blta'o// mi rtog par mi bsdu'o/ / 'dus byas su mi blta'o// 'dus ma byas su mi blta'o// dngos pa yod par mi blta'o// dngos po med par mi blta'o// kong bur mi blta'o// rdzas su mi dkru'o// gzugs su mi blta'o/ / tshor bar mi blta'o// 'du shes su mi blta'o// 'du byed rnams su mi blta'o// rnam par shes par mi blta'o// nye bar len par mi blta'o// nye bar len pa med par mi sgo'o/
- 68b
de bzhin gshegs pa ni skye bar mi blta'o// skye ba med par mi blta'o// de skad ces smras pa dang // tshe dang ldan pa shA ra dwa ti'i bus/ gcer bu pa'i bu bden sprul 'di skad ces smras so// bden smra gal te de bzhin gshegs pa de ltar mi blta na/ skyes bu dam pa khyod de bzhin gshegs pa la ji ltar lta/ smras pa/ btsun pa shA ra dwa ti'i bu kho bo ni de bzhin gshegs pa gzugs su mi blta// de bzhin gshegs pa gzugs las gzhan du'ang mi lta'o// de bzhin gshegs pa gzugs gzhig pa'i phyir mi lta'o// btsun pa shA ra dwa ti'i bu kho bo ni de bzhin gshegs pa tshor ba dang / 'du shes dang / 'du byed rnams dang / rnam par shes par mi lta'o// de bzhin gshegs pa rnam par shes pa las gzhan du'ang mi lta'o// de bzhin gshegs pa rnam par shes pa gzhig pa'i phyir yang mi lta'o/ / de bzhin gshegs pa 'jig rten du gtogs par mi lta'o// de bzhin gshegs pa 'jig rten las rgal bar mi lnga'o// de bzhin gshegs pa phung pos rab tu phye bar mi lta'o// de bzhin gshegs pa khams kyis rab tu phye bar mi lta'o// de bzhin gshegs pa skye mched kyis rab tu phye bar mi lta ste/ de bzhin gshegs pa ni tshig gi lam thams cad kyis brjod du med par lta zhing / ci nas kyang mi mthong ba dang / rnam par mi mthong ba dang / mi dmigs pa dang / mi rtog pa dang / rnam par mi rtog pa dang / yongs su mi rtog pa dang / rnam par mtho 'tsham pa med pa dang /
- 69a
kun nas slong ba med pa dang / len pa med pa dang / 'dor ba med pa dang / spros pa med pa dang / mtshan mar bya ba med pa dang / mtshan mar bya ba med pa ma yin pa dang / bya med pa dang / rnam par bya ba med pa dang / yod par bya ba med pa dang / med par bya ba med pa dang / blang ba med pa dang / dor ba med pa dang / bsam pa med pa dang / lhun gyis grub pa med pa dang / dmigs su med pa yang ma yin pa de ltar de bzhin gshegs pa lta ste/ brjod du med pa dang / brjod du med pa yang ma yin pa de ltar de bzhin gshegs pa lta'o// tshig gi lam dang dbyangs su brjod pa thams cad las yang dag par 'das pas/ mthong ba med par de bzhin gshegs pa lta'o// btsun pa shA ra dwa ti'i bu byang chub sems dpa' rnams kyang de bzhin gshegs pa la de ltar lta ste/ kho ba yang de bzhin du lta'o// shA ra dwa ti'i bus smras pa/ de bzhin gshegs pa la gal te de ltar ldan/ de'i tshes bsten pa yang ji ltar nyan/ smras pa/ btsun pa shA ra dwa ti'i bu gal te khaM bo la chos kyi 'du shes skye bzhig yod dam/ chos ma yin pa'i 'du shes skye bzhig yod na ni/ kho bo yang bcom ldan 'das kyi chos bstan pa nyan to// de ci'i phyir zhe na/ btsun pa shA radwa ti'i bu brjod pa thams cad las byang chub sems dpa'i chos kyi tshig 'byung ba med de/ de la mngon par zhen pa yang med la/ chos kyi 'du shes kyang mi skyed pa'i phyir ro// de ci'i phyir zhe na/ 'du shes thas
- 69b
cad dang bral ba'i phyir ro/ / shA ra dwa ti'i bus spras pa/ bden smra khyod chos don du gnyer ba'i phyir/ de bzhin gshegs pa'i thad du ma 'ongs sam/ smras pa/ btsun pa shA ra dwa ti'i bu kho bo ni chos don du gnyer ba yang ma yin/ chos ma yin pa don du gnyer ba yang ma yin par de bzhin gshegs pa'i thad du 'ongs so// de ci'i phyir zhe na/ btsun pa shA ra dwa ti'i bu chos don du gnyer zhes bya ba de ni/ chos thams cad la don du gnyer ba med pa'i tshig bla dgas te/ btsun pa shA ra dwa ti'i bu gang chos don du gnyer ba de ni sangs rgyas la mngon par zhen par 'dod pa ma yin/ chos la sgro bdags par 'dod pa ma yin/ dag 'dun bskyed par 'dod pa ma yin/ sdug bsngal yongs su shes par bya bar 'dod pa ma yin/ kun 'byung ba spang bar 'dod pa ma yin/ lam bsgom par 'dod pa ma yin/ 'gog pa mngon du bya bar 'dod pa ma yin/ 'dod pa'i khams las yang dag par 'da' bar 'dod pa ma yin/ gzugs kyi khams dang / gzugs med pa'i khams yang dag par 'da' bar 'dod pa ma yin/ mya ngan las 'da' bar 'dod pa ma yin pa'i phyir te/ btsun pa shA ra dwa ti'i bu rnam grangs des 'di ltar kho bo ni chos thams cad la don du gnyer ba med par de bzhin gshegs pa'i spyan sngar phyin par rig par bgyi'o// de skad ces smras pa dang / tshe dang ldan pa shA ra dwa ti'i bus/ gcer bu pa'i bu bden smra la 'di skad ces smras so// bden smra ci la bsams te de skad smra/ smras pa/ btsun pa shA ra dwa ti'i bu kho bo
- 70a
ni bsams pa med par chos thams cad de ltar ston to/ / btsun pa shA ra dwa ti'i bu chos kyi dbyings la ni gnyis mi dmigs pa'i phyir/ bsams pa yang mi dmigs/ ma/ bsams pa yang mi dmigs so// smras pa/ bden smra khyod 'gro ba dag dang mi sbyor ram/ smras pa/ btsun pa shA ra dwa ti'i bu gal te kho bos 'gro ba zhig dmigs na ni sbyar ba yang yod/ gal te kho bo la skye ba zhig yod na ni skye bar yang 'gyur/ gal te kho bo la 'pho ba zhig yod na ni 'pho bar yang 'gyur na/ btsun pa shA ra dwa ti'i bu chos thams cad ni 'pho ba med pa ste/ 'gro ba med cing shi 'ang dang skye ba med pa'o/ / smras pa/ bden smra de bzhin gshegs pas dge slong khyod ni skye ba rgab 'chi 'pho'o 'byung ngo zhes ma gsungs sam/ smras pa/ btsun pa shA ra dwa ti'i bu 'gro ba la rten cing lhag pa'i nga rgyal yod pa'i sems can rnams kyi rten pa bsal ba'i phyir/ de bzhin gshegs pa de skad ces ston te/ bstan pa'i chos nyid ji lta ba bzhin du bya na 'di la 'gro ba med/ shi 'pho med/ skye ba med do// shA ra dwa ti'i bus smras pa/ bden spa legs so legs so// 'di ltar theg pa chen po 'di bstan pa'i don rnam par nges pa la mkhas pa legs so legs so// bden smras smras pa/ btsun pa shA ra dwa ti'i bu khyod kyis don ni gang rnam par nges pa ni gang mkhyen tam/ shA ra dwa ti'i bus smras pa/ rigs kyi bu kho bo ni ston par 'dod pa ma yin gyi/ nyan par 'dod pa
- 70b
yin gyi/ rigs kyi bu don ni kang / rnam par nges pa ni gang / khyod kyis ston cig/ de skad ces smras pa dang / gcer bu pa'i bu bden smras/ tshe dang ldan pa shA ra dwa ti'i bu la 'di skad ces smras so// btsun pa shA ra dwa ti'i bu don ces bya ba ni brjod du med pa'o// de brjod pa gang yin pa de ni rnam par nges pa zhes bya'o// don ces bya ba ni smrar med pa'o// de smra ba gang yin pa de ni rnam par nges pa zhe bya'o// don ces bya ba ni smos su med pa'o// de smos pa gang yin pa de ni rnam par nges pa zhes bya'o// don ces bya ba ni g.yo ba med pas bsam pa med pa/ spros pa med pa/ brtags pa med pa/ rnam par bsgrubs pa med pa/ dngos po med pa/ rdzas med pa/ ngar 'dzin pa med pa/ dba' rlabs med pa/ gzung ba med pa/ gnas med pa/ gnas kyi tshig gi lam thams cad las yang dag par 'das pa'o/ / rnam par nges pa zhes bya ba ni bsam pa dang / gzhal ba dang / bgrang ba dang / brtags pa dang / gzhan gyi sems kyi rgyud la ko bar byed pa'o// don ces bya ba ni don so so yang dag par rig pa'o/ / rnam par nges pa zhes bya ba ni chos dang / nges pa'i tshig dang / spobs pa so so yang dag par rig pa ste/ btsun pa shA ra dwa ti'i bu 'di ni 'dor na don to// 'di ni rnam par nges pa'o/ / de nas bcom ldan 'das kyis rigs kyi bu bden smra la legs so zhes bya ba byin te/ rigs kyi bu legs so legs so// ji ltar khyod ston pa de ltar gzhan gyis kyang bstan par bya'o//
- 71a
khyod kyis bstan pa 'di bshad pas lha'i bu stong phrag gsum mi skye ba'i chos la bzod pa skyes par gyur to// srog chags nyi khris khyod kyi spobs pa'i che ba phun sum tshogs pa 'di thos nas/ blan med pa yang dag par rdzogs pa'i byang chub tu sems skyes par gyur to// de nas bcom ldan 'das la/ tshe dang ldan pa mo ru 'gas kyi bu chen pos 'di skad ces gsol to// bcom pa 'das rigs kyi bu bden spras mu stegs can gyi cha byad 'dis sems can ji snyed cig yongs su smin par bgyis lags/ de skad ces gsol pa dang / bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to/ / mo'u 'gal gyi bu gnas 'di thos na/ byang chub sems dpa' sems dpa' chen po rnams ma gtogs par lnga dang bcas pa'i 'jig rten rmongs par 'gyur ro/ / mo 'u 'gal gyi bu 'on kyang mgo tsam zhig bstan gyis/ rigs kyi bu bden smra 'dis kha dog dang / gzugs dang / spyod lam sna tshogs kyis sems can ji skad yongs su smin par byas pa nyon cig/ mo'u 'gal gyi bu bden smra 'dis mu stegs can gyi gzugs su gnas te/ sems can ri rab kyi rdul phra rab kyi rdul snyed bla na med pa yang dag par rdzogs pa'i byang chub tu yongs su smin par byas so// dpyod ba pa'i gzugs kyis sems can gri bzhi pa rdul phra rab kyi rdul snyed bla na med pa yang dag par rdzogs pa'i byang chub tu yongs su smin par byas so/ / kun tu rgyu ba'i gzugs kyis sems can gang+gA'i klung brgyad cu
- 71b
rtsa bzhi'i bye ma snyed sran med pa yang dag par rdzogs pa'i byang chub tu yongs su smin par byas so/ / nyan thos kyi gzugs kyis sems can gad+hA'i grung bcu'i bye ma snyed nyan thos kyi byang chub tu nges par 'gyur bar bca/ nas/ phyis bla na med pa yang dag par rdzogs pa'i byang chub tu yongs su smin par byas so// de bas kyang ches mang ba'i sems can rnams rang sangs rgyas kyi gzugs kyis yongs su smin par byas so// byang chub sems dpa'i gzugs kyis sems can bgrang ba las 'das pa yongs su smin par byas so// gzhan dag brgya byin gyi gzugs kyis/ gzhan dag tshangs pa'i gzugs kyis/ gzhan dag 'khor los sgyur ba'i gzugs kyis/ gzhan dag 'jig rten skyong ba'i gzugs kyis/ gzhan dag mi'am ci'i gzugs kyis/ gzhan dag lha ma yin gyi gzugs kyis/ gzhan dag nam mkha' lding gi gzugs kyis/ / gzhan dang / lto 'phye chen po'i gzugs kyis/ gzhan dag skyes pa'i gzugs kyis/ gzhan dag bud med kyi gzugs kyis/ gzhan dag khye'u'i gzugs kyis/ gzhan dag bu mo'i gzugs kyis/ gzhan dag sa'i lha'i gzugs kyis/ gzhan dag lhan cig skyes pa'i lha'i gzugs kyis/ gzhan dag drang srong gi gzugs kyis/ gzhan dag bram ze'i gzugs kyis/ gzhan dag dge slong gi gzugs kyis/ gzhan dag dge slong ma'i gzugs kyis/ gzhan dag dge bsnyen gyi gzugs kyis/ gzhan dag dge bsnyen ma'i gzugs kyis bla na med pa yang dag par rdzogs pa
- 72a
byang chub tu yongs su sbyin par byas te/ ma lags kyi su rigs kyis bdan smra 'dis de ltar sems can mang po blan med pa yang dag par rdzogs pa'i byang chub tu yongs sa da par byas so/ / gsol pa/ des de bzhin gshegs pa ji snyed cig mnyes par bgyis lags/ bka' stsal pa/ mo'u 'gal gyi bu sa'i khams dang / chu'i khams dang / me'i khams dang / rlung gi khams dang nam mkha'i khams dang / sems can gyi kham kyi mtha' ni rtog par nus srid kyi/ rigs kyi bu bden smra 'dis/ de bzhin gshegs pa ji snyed cig gzugs sna tshogs kyis mnyes par byas pa'i sangs rgyas byung bde dag gi mtha' ni rtogs par mi nus so/ / de nas gnas brtan bod srungs chen pos/ rigs kyi bu bden sprul 'di skad ces smras so// rigs kyi bu khyod kyis de bzhin gshegs pa mang po mnyes par byas na/ de ltar bsam pa yongs su rdzogs pa ci'i phyir bla na med pa yang dag par rdzogs pa'i byang chub mngon par rdzogs par 'tshang mi rgya/ bden smras smras pa/ btsun pa 'od srungs gal te bos byang chub bam/ mngon par rdzogs par 'tshang rtsa bar byed pa zhig dmigs na ni/ kho bo yang bla na med pa yang dag par rdzogs pa'i byang chub mngon par rdzogs par 'tshong rgya'o// smras pa// bden smra byang chub sems dpa' kang+gA'i klung gi bye ma snyed dag bla na med pa yang dag par rdzogs pa'i byang chub tu smon lam btab cing / bla na med pa yang dag par rdzogs pa'i byang chub mngon par rdzogs par
- 72b
sangs ma rgyas sam/ mngon par rdzogs par 'tshang mi rgya/ mngon par rdzogs par 'tshang rgya bar mi 'gyur ram/ smras pa/ btsun pa 'od srungs de ni sems can mngon pa'i nga rgyal can rnams la grangs su byas pa yin te/ 'di la don dam par na byang chub dmigs su med do// byang chub sems dpa' yang dmigs su med do// de ci'i phyir zhe na/ btsun pa 'od srungs 'di ltar byang chub ni 'dus ma byas pa ste/ grangs thams cad dang bral ba/ gzugs med pa/ bstan du med/ sngon po ma yin// ser po ma yin/ dkar po ma yin/ btsod ka ma yin/ shal gyi mdog ma yin// dog med pa/ dbyibs med pa/ rtags med pa/ mtshan ma med pa/ mtshan ma thams cad las yang dag par 'das pa/ gnas med pa/ gnas thams cad yang dag par bcom pa/ dngos po med pa/ dngos po thams cad dang bral ba/ mtshan nyid med pa/ mtshan nyid thams cad dang bral ba brjod du med pa/ tshig gi lam thams cad kyis rtogs par mi nus pa/ bltar med pa/ ril po ma yin pa/ rdzas med pa/ mun pa med pa/ snang ba med pa/ rtags med pa/ dbyibs med pa/ smrar med pa/ smos su med pa/ reg par byar med pa/ rnam par shes par mi rung ba thos par mi rung ba/ dbyangs med pa/ tshig gi lam med pa/ thogs pa med pa/ ma bcings pa/ ma grol ba/ 'dod chags med pa/ zhe sdang med pa// gti mug med pa/ rgyu thams cad
- 73a
kyis gdags su med pa/ gdags par bya ba ma yin pa ste/ btsun pa 'od srungs byang chub ni de lta bu'i rang bzhin yin pas de ni lus kyis mngon par rdzogs par 'anang rgyab minus so/ / sems kyis kyang mi nus so// de ci'i phyir zhe na/ btsun pa 'od srungs lus ni sems mang ba/ g.yo ba med pa/ rnga dang / shing dang / rtsig pa dang / bong bsnang ba lta bu ste/ des byang chub mngon par rdzogs par 'tshang rgya bar mi nus so/ / sems kyang de lta bu'i rang bzhin yin zhing bltar med pa ste/ des kyang byang chub mngon par rdzogs par 'tshang rgya bar bya bar mi nus so// gang gis mngon par rdzogs par 'tshang rgya bar bya ba'i sems can de dag kyang mi dmigs te/ btsun pa 'od srungs chos thams cad de lta bu'i rang bzhin yin na/ de la ci'i phyir khyod bla na med pa yang dag par rdzogs pa'i byang chub mngon par rdzogs par 'tshang mi rgya zhes ci ste de ltar sems par gyur/ de nas byang chub sems dpa' de dag dang / dge slong dang / dge slong ma dang / dge bsnyen dang / dge bsnyen ma de dag dang / brgya byin dang / tshangs pa dang / 'jig rten skyong ba de dag 'di snyam du sems te/ bcom ldan 'das kyis sems can bdag cag gi bsam pa dang / mos pa bzhin du the tsom dang / nem nur dang / yid gnyis bsal ba'i phyir/ rigs kyi bu bden smra 'di ji srid cig na bla na med pa yang dag par rdzogs pa'i byang chub mngon par rdzogs par 'tshang rgya ba dang / 'jig rten gyi khams gang du mngon par rdzogs par
- 73b
'tshang rgya ba dang / 'di byang chub thob nas/ mtshan ci zhes bya bar 'gyur ba dang / tshe'i tshad ji tsam du 'gyur ba dang / byang chub thob nas/ de'i 'khor 'dus pa ji snyed cig tu 'gyur ba lung bstan kyang cim rung snyam pa dang / de nas bcom ldan 'das kyis byang chub sems dpa' de dag dang / dge slong dang / dge slong ma dang / dge bsnyen dang / dge bsnyen ma de dag dang / brgya byin dang / tshangs pa dang / 'jig rten skyong ba de dag gi sems kyi yongs su rtog pa thugs kyis thugs su chud nas/ 'jam dpal gzhon nur gyur pa la bka' stsal pa/ 'jam dpal rigs kyi bu bden smra 'di ni bskal pa bzang po 'di 'das pa'i 'og tu bskal pa bgrang ba las yang dag par 'das pa snyed cig na/ bskal pa gnod par sngo ba'i dgra med pa zhes bya ba la 'jig rten gyi khams shin tu rnam par bltas pa'i grags pa can zhes bya bar de bzhin gshegs pa dgra bcom pa yang dag par rdzogs pa'i sangs rgyas bden pa'i blo gros kyi tog gi rgyal po zhes bya bar 'gyur ro/ / 'jam dpal 'jig rten gyi khams shin tu rnam par bltas pa'i grags pa can zhes bya ba de ni bzang zhing mdzes la blta na sdug pa rin po che sna bdun gyis rab tu brgyan pa/ rin po che'i ra ba 'bum phrag bdun gyis bskor ba/ spos chu'i 'obs 'bum phrag bdun gyis rjes su bskor ba/ nor bu rin po che bai nuR+Ya chen po 'bum phrag bdun gyi shing thags btsugs pa/ 'dzam bu'i chu bo'i gser gyi dra ba sa la dag gis steng nas yongs su bkab pa/ nor bu rin
- 74a
po ches ya dag gis brgyan pa'i rtababs dang ldan pa/ nor bu rin po che seng ge yid du 'ong bas yangag gis spras pa'i bu shu dang / skar khung dag gis mdzes par byas pa/ nor bu rin po che seng ge'i rgyal mtshan sa ya dag gis spras pa'i mkha' rten rnams kyis mdzes par byas pa/ nor bu rin po che snang ba'i rgyal mtshanas la dag gis gcig tu 'bar bar snang bar byas pa/ dril bu g.yer kha'i dra bas ya dag gis kun nas sgra phyung ba'i sgra yid du 'ong ba dang ldan pa/ gser gyi lnga ldi sa ya dag kun nas mngon par bres pa dang ldan pa/ nor bu rin po che tog gi rgyal mtshan gyi lha'i ba dan dang / rgyal mtshan sa ya bsrung ba dang ldan par 'gyur te/ 'jam dpal 'jig rten gyi khams shin tu rnam par bltas pa'i grags pa can de ni lag mthil ltar mnyam zhing // rin po che'i shing ljon pa dag gis kun nas kang bar 'gyur te/ den du skye ba dag 'jam zhing gsung drung 'khyil ba ltar g.yas su 'khyil la/ rma bya'i mgrin pa 'dra zhing / ka Na yin di ka'i gos sngar 'jam pa sha stag gis 'jig rten gyi shin tu rnam par b.lus pa'i grags pa can de kun nas yog par 'gyur/ skyed mos tshal sa ya dag gis brgyan par 'gyur/ skyed mos tshal re re yang rdzing dbus ya dag gis legs par brgyan cing / kun nas mdzes par 'gyur/ rdzing bu re re yang stegs brgyad bcas pa/ nor bu rin po che yan lag brgyad dang ldan pas spras pa/ 'dzam bu chu bo'i gser gyi bye ma bdal ba/ yan lag brgyad dang ldan pa
- 74b
nus yongs su gang ba/ rin po che'i pad+mas kun nas yog pa/ ngang pa dang / ngur ba dang / khrung khrung sgra skad 'byin pa dang ldan par 'gyur te/ 'jam dpal de ltar 'jig rten gyi khams shin tu rnam par bltas pa'i grags pa can de ni grong dang / grong khyer dang / grong rdal dang / yul 'khor dang / rgyal po'i pho brang 'khor sa ya dag gis kun nas brgyan par 'gyur/ grong khyer chen po re re yang grong khyer sa ya sa ya dag gis legs par brgyan par 'gyur zhing / de bzhin du grong dang / grong khyer dang / grong rdal dang / yul 'khor dang / rgyal po'i pho brang 'khor thams cad kyang de skad du 'gyur te/ grong dang grong khyer dang / grong rdal dang / yul 'khor sa ya sa ya thams cad kyang skyes pa dang / bud med dang / khye'u dang / bu mo du ma dag gis gang bar 'gyur ro// 'jam dpal 'jig rten gyi lam shin tu rnam par bltas pa'i grags pa can der/ gling bzhi pa'i 'jig rten gyi khams par ma bldan yid du 'ong ba zhes bya ba shin tu blta na sdug pa/ shin tu mdzes pa/ shin tu 'byor pa/ shin tu rgyas pa/ skyes pa dang / bud med shin tu mang bas gang ba 'byung bar 'gyurate/ de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bden pa'i blo gros kyi tog gi rgyal po de'i skye ba'i grong khyer du 'gyur ro/ / 'jam dpal de bzhin gshegs pa bden pa'i blo gros kyi tog gi rgyal po de ni bram ze'i rigs las mngon par 'byung bar 'gyur ro// de'i yum ni shug
- 75a
@#ldan zhes bya bar 'gyur te/ da ltar nga'i yum lha mo sgyu 'phrul lta bur 'gyur ro// de'i yab ni tshangs pa'i dbyig ces bya bar 'gyur te/ da ltar nga'i yang rgyal po zas gtsang ma lta bur 'gyur ro/ / de'i sras ni sgra rnam par grags pa zhes bya bar 'gyur te/ da ltar nga'i gzhon nu sgra gcan 'dzin lta bur 'gyur ro// de'i btsun mo dam pa ni blo gros chen po zhes bya bar 'gyur te/ da ltar ngagi shAkya'i bu mos 'tshom lta bur 'gyur ro/ / de'i ma ma ni grags pa chen po zhes bya bar 'gyur te/ da ltar nga'i skye dgu'i bdag mo chen po go'u ta mi lta bur 'gyur ro// bcom ldan 'das de'i rim gro pa ni rtag tu rjes su 'brang ba zhes bya bar 'gyur te/ da ltar nga'i rim gro pa 'dun pa lta bur 'gyur ro// de bzhin gshegs pa bden pa'i blo gros kyi tog gi rgyal po degang la bcibs te mngon par 'byung bar 'gyur ba'i rta'i rgyal po de ni shugs chen ldan zhes bya bar 'gyur te/ da ltar nga'i rta'i rgyal po bsngags ldan lta bur 'gyur ro// bcom ldan 'das de'i byang chub kyi snying po ni chos kyis 'phags pa zhes bya bar 'gyur te/ der de bzhin gshegs pa de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// byang chub kyi snying po de ni byang chub kyi shing 'bum phrag brgyad dus yongs su skor bar 'gyur ro/ / 'jam dpal de'i tshe de'i dus na/ bdud dam bdud kyi ris kyi lha rnams 'byung bar mi 'gyur te/ 'jam dpal gang gi tshe de bzhin gshegs pa bden pa'i blo gros kyi tog gi rgyal
- 75b
po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ 'jig rten gyi khams den sems can gyi ris gang ji snyed yod pa de dag thams cad me tog dang / tog 'breng dang / spos dang / phye ma dang / byug pa dang / sil snyan dang / pheg thogs shing byang chub kyi snying po chos kyis 'phags pa ga la ba der dong ste/ klu gar dang / rol mo sna tshogs byed par 'gyu ro/ / 'og min ris kyi mthar thug pa'i lha'i tshogs dmas cad kyang der 'du bar 'gyur ro// gnod sbyin dang / dri za dang / lha ma yin dang / mi 'am ci dang / lto 'phye chen po'i tshogs pal po che 'dra der 'du bar 'gyur ro/ / shar phyogs dang / lho phyogs dang / nub phyogs dang / byang phyogs dog nas kyang byang chub sems dpa'i tshogs shin tu mang ba 'du bar 'gyur ro// 'jam dpal de bzhin gshegs pa bden pa'i blo gros kyi tog gi rgyal po de thog ma mngon par rdzogs par sangs rgyas nas/ 'dus pa'i 'khor du byang chub sems dpa'i spyod yul gyi thabs kyi yul la rnam par 'phrul pa bstan pa'i chos kyi rnam grangs chen po mdo sde bye ba 'bum phrag du ma'i 'khor dang ldan pa ston par 'gyur te/ 'jam dpal de bzhin gshegs pa bden pa'i blo gros kyi tog gi rgyal po des chos kyi rnam grangs de bstan pa'i tshe/ sems can gang+gA'i klung gi bye ma snyed bla na med pa yang dag par rdzogs pa'i byang chub las phyir mi ldog par 'gyur te/ 'jam dpal de bzhin gshegs pa bden pa'i blo gros kyi tog gi rgyal
- 76a
po des chos ston pa ni theg pa gsum rnam par dgod pas mi ston te/ sangs rgyas kyi zhing der nyan thos kyi theg pa pa 'am/ rang sangs rgyas kyi theg pa pa dga' byung bar mi 'gyur ro// sems can thams cad theg pa gcig la mos pa rgya chen po las mos pa rgya chen po las mos pa sha stag sangs rgyas kyi zhing der skye bar 'gyur te/ 'jam dpal de ltar de bzhin gshegs pa bden pa'i blo gros kyi tog gi rgyal po de'i 'dus pa dang po ni byang chub sems dpa' sems dpa' chen po phyir mi ldog pa gang+gA'i klung gi bye ma snyed du 'gyur ro/ / 'dus pa gnyis pa ni byang chub sems dpa' skye ba gcig gis thogs pa khrag khrig phrag brgyad cur 'gyur ro/ / 'dus pa gsum pa ni byang chub sems dpa' dkrigs phrag drug cur 'gyur te/ de phyin chad sems can grangs dang bgrang ba las 'das pa dag bla na med pa yang dag par rdzogs pa'i byang chub las phyir mi ldog par 'god par 'gyur ro/ / 'jam dpal de bzhin gshegs pa bden pa'i blo gros kyi tog gi rgyal po de byang chub thob pa'i tshe'i tshad ni bar gyi bskal pa drug cur 'gyur ro/ / de yongs su mya ngan las 'das nas kyang lo bye ba khrag khrig 'bum phrag brgyad cur dam pa'i chos gnas par 'gyur ro// dam pa'i chos rgyas pas sems can de snyed 'dul bar 'gyur ro// 'jam dpal de bzhin gshegs pa de gang gi tshe yongs su mya ngan las 'da' bar 'gyur ba de'i tshe/ byang chub sems dpa' tog chen po zhes bya ba 'di nga'i 'og tu bla na med pa yang dag par rdzogs par byang chub
- 76b
mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas de/ bkod pa chen po zhes bya bar 'gyur ro zhes byang chub sems dpa' tog chen po zhes ba lung bstan nas/ yongs su mya ngan las 'da' bar 'gyur ro// de nas de'i tshe thams cad dang ldan pa'i 'khor de/ de'i tshe de'i dus na/ byang chub sems dpa' tog chen po zhes bya ba 'byung zhing / bcom ldan 'das de bzhin gshegs pa bden pa'i blo gros kyi tog gi rgyal po de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya bar 'gyur ba de gang zhig yin snyam du ya mtshan du 'dzin par gyur to/ / de nas bcom ldan 'das kyis thams cad dang ldan pa'i 'khor de'i sems kyi rnam par rtog pa thugs kyis thugs su chud nas/ 'jam dpal gzhon nur gyur pa la bka' stsal pa// 'jam dpal rigs kyi bu bden smra 'di'i mdun na/ bram ze'i bu bden dga' zhes bya ba 'jug pa/ bram ze'i byis pa thams cad kyi nang na mchog tu bya ba 'di/ de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas bkod pa chen po zhes bya bar 'gyur te/ de'i sangs rgyas kyi zhing gi bkod pa de dag ni de bzhin gshegs pa bden pa'i blo gros kyi tog gi rgyal po'i sangs rgyas kyi zhing gi bkod pa bzhin du 'gyur ro// sangs rgyas kyi zhing gi yon tan bkod pa'i che
- 77a
bos nas 'khor gyi dkyil 'khor de las/ byang chub sems dpa' bye ba khrag khrig 'bum phrag drug cus sangs rgyas kyi zhing der skye bar smon lam btab ste/ gang gi tshe bcom ldan 'das de bzhi gshegs pa bden pa'i blo gros kyi tog gi rgyal po de bla na med pa yang dag par rdzogs pa'i byang chub mngon par rdzogs par sangs rgyas par 'gyur ba de'i tshe/ bdag cag kyang 'jig rten gyi khams der skye bar shog cig ces smon lam btab par gyur to/ / de nas bcom ldan 'das kyis de dag thams cad kyang sangs rgyas kyi zhing der skye bar lung bstan to// de nas gcer bu pa 'bum phrag brgyad cu po de dag gis kyang tshig 'thun par smras pas/ bcom ldan 'das bdag cag kyang sangs rgyas kyi zhing der skye bar gyur cig ces smon lam btab bo// de nas bcom ldan 'das kyis de dag kyang sangs rgyas kyi zhing der skye bar lung bstan to// de nas steng gi bar snang las kyang lha'i bu bye ba khrag khrig 'bum phrag dgu bcus 'di skad kyi tshig brjod de/ bcom ldan 'das bdag cag kyang / bcom ldan 'das de bzhin gshegs pa bden pa'i blo gros kyi tog gi rgyal po de/ byang chub brnyes pa'i sangs rgyas kyi zhing 'jig rten gyi khams shin tu rnam par bltas pa'i grags pa can der skye bar gyur cig/ yon tan bkod pa bsam gyis mi khyab pa de yang mthong bar shog cig ces smon lam btab bo/ / bcom ldan 'das kyis bka' stsal pa/ lha'i bu dag khyed cag kun kyang 'jig rten gyi khams shin tu rnam par bltas pa'i grags pa
- 77b
can der skye bar 'gyur te/ de bzhin gshegs pa de yang mnyes par byed par 'gyur ro// lha'i bu khyed kyang 'jig rten gyi khams shin tu rnam par bltas pa'i grags pa can de nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ming tha dad pa'i de bzhin gshegs par 'gyur la/ tshe'i tshad ni 'thun par 'gyur ro// de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos te/ sa'i 'og nas pad+ma 'dzam bu chu bo'i gser gyi 'dab ma can/ nor bu rin po che chen po an+da rnyil gyi ze ba'i tshogs can/ spug gi snying po dang ldan pa nor bu rin po che bai DUR+Ya'i chu ba can bye ba khrag khrig 'bum phrag du ma dag gis sa gzhi brtol nas mngon par 'phags te/ pad+ma de dag thams cad la byang chub sems dpa'i gzugs skyil mo krung du 'khor pa mtshan dang / dpe byad bzang pos legs par brgyan pa'i lus kyis/ bcom ldan 'das la 'dud cing phyag 'tshal bar gnang bar gyur te/ de dag gis rin po che sna tshogs kyi sprin gyi dra ba dag gis/ bcom ldan 'das la mngon par bkab nas 'di skad kyi tshig brjod do// bcom ldan 'das bdag cag ni 'jig rten gzhan dang / gzhan gyi khams nas de bzhin gshegs par byang chub sems dpa'i yon tan bsam gyis mi khyab pa bstan pa 'di'ang nyan/ bcom ldan 'das la yang blta ba dang / phyag bgyi ba dang / bsnyen bkur bgyi ba dang / rigs kyi bu bden smra 'di dang / 'khor
- 78a
'dus pa 'di yang blta ba'i slad du 'dir mchis te/ bcom ldan 'das chos kyi rnam grangs 'di thos nas/ sangs rgyas kyi zhing bsam gyis mi khyab pa dag tu byang chub sems dpa' bgrang ba las 'das pa bla na med pa yang dag par rdzogs pa'i byang chub las phyir mi ldog par gyur to/ / de nas bcom ldan 'das kyis de'i tshe don 'di nyid shin tu gsal bar bstan pa'i phyir tshigs su bcad pa 'di dag bka' stsal to/ / rtse gcig sems su dbang po mnyam zhog ste/ de ring ngas smras padi don mnyan par gyis// de bzhin gshegs la brdzun gyi tshig mi mnga'// bde gshegs rang byung tshig ni gzhan du min/ / skye bo de dga' bden smra 'di nyid ni// dag cing dri med gnod med bskal pa la// bskal pa grangs me mang po 'jig rten du// 'tshang rgya bden pa'i blo gros tog gi rgyal// nyon mongs gnod pa de las mi 'byung ste/ / de phyir bskal pa de ni gnod med pa// 'jig rten ming yang rnam par bltas pa ste// bskal pa de ni dpal gyi phung por 'gyur// rnam par 'dren pa de yi bskal pa de// lha mi rnams kyis blta ba'i 'os 'gyur te// rin chen tshogs kyis 'obs dang rta babs rnams// nyams dga' kun nas shin tu mdzes par 'gyur// 'dzam bu'i gling gi gser gyi dra bas g.yogs// chos kyi sgra dbyangs yid du 'ong ba bsgrags/ / seng ge'i rgyal mtshan rab rnams rtag tu bsgreng // rin chen tshogs kyi lnga ldi brgya dag sbyangs// rtsig pa'i rgyud ni rin chen dri med de// de ni lha yi khyim dang 'dra bar
- 78b
'gyur/ / mtshe'u dang lum pad+ma'i mtsho dag gis// de ni rtag tu legs par brgyan par gyur// de yi chu gtsang pad+ma ut+pal dang // pad+ma dkar po dag gis kun khebs 'gyur// gling bzhi pa yi 'jig rten bar ma de/ / ming ni blta na sdug cing yid 'ong ste// de ni bde gshegs de yi skye ba'i sa// rang byung de ni bram ze'i rigs las 'byung // thub pa'i yum ni shugs dang ldan zhes bya// yab ni tshangs pa'i dbyig ces bya bar 'gyur/ / de yi bu ni rnam grags sgra zhes bya// dper na nga'i bu sgra gcan zin 'di 'dra// bde gshegs de yi btsun mo dam pa ni// blo gros che no nga yis 'tsho bzhin// de yi ma ma ming ni grags chen te// nga yi skye dgu'i bdag mo chen mo bzhin// thub pa'i rim gro byed pa'i sems can 'phags// rtag tu rjes su 'brang zhes bya ba ste// nga yi rim gro 'dun pa gus ldan bzhin// de ni 'dren pa de la rim gro byed// thub pa de yi rta mchog 'gyur ba ni/ / shugs can zhes bya'i ming dang ldan 'gyur te// bde gshegs mngon par 'byung tshe bcibs par 'gyur// nga yi rta mchog bsngags ldan gyur pa bzhin// bde gshegs de yi rdzogs pa byang chub shing / / chos kyi 'phags zhes bya ba de tshe 'byung // shing mchog brgya phrag stong du bsgyur ba yi// phrag ni brgyad cu dag gis de bskor 'gyur// shing mchog de drang kye ma chos kyi rgyal/ / rang byung zla med bde zhes bya ba zhugs nas// bla na med pa'i byang chub rab zhi ba// mya ngan med pa mngon par 'tshang rgyar 'gyur// de na bdud med bdud kyi phyogs kyang med// bdud kyi las kyang der
- 79a
'byung mi 'gyur ro/ / rgyal ba thub pa gang zag bla med de'i// sangs rgyas zhing ni gnod sngo med par 'gyur// mi dang lha tshogs mang po 'du 'gyur te// rnam dag shin tu sbyangs pa 'byung / / de kun me tog 'phreng ba gos dang glu// rol mo'i sgra yis bde gshegs drung 'dod 'gyur// rgyal bas de dag bsam mkhyen mdo sde 'di// mdo gzhan lhan cig drang srong gsung bar 'gyur// rgyal ba des ni rab tu gsungs pa yi/ / mdo sde khyad par 'phags pa 'di thos nas// sems can dpag yas gang+gA'i bye ma snyed// thub dbang byang chub mchog tu mi ldog 'gyur// theg pa dman pa der 'byung mi 'gyur/ te// rang rgyal theg pa'ang dar ni 'byung mi 'gyur// rgyal ba de yi sangs rgyas zhing mchog dar// byang chub sems dpa' ba byung kun dpa' zhing mdzangs// rkang gnyis mchog de'i 'dus pa dang por ni// rgyal sras grags pa'i bod ldan gang 'byung ba// rdzogs pa'i byang chub sems dpa' phyir mi ldog/ rnam dag gang+gA'i rdul bas mang ba 'byung // blo bzang ldan pa'i 'dus pa gnyis pa ni// skye ba gcig gnas khrag khrig brgyad cu 'byung / / 'dus pa gsum pa byang chub sems dpa' mchog/ dkrigs phrag drug cu dag ni 'byung bar 'gyur// bde bar gshegs de'i tshe yi tshad 'gyur ba// bskal pa bar ma drug cu tshang ba ste/ / rgyal ba de ni mya ngan 'das gyur nas// mi yi 'dzin pa'i chos kyi sgron ma yang // lo grangs bye ba khrag khrig stong phrag ni// brgyad cu tham par gnas par 'gyur ba yin//
- 79b
rang gi sku gdung ring bsrel rgyas mdzad cing // de ni gdul ba rab mang 'dul bar 'gyur// drang srong che de byang chub sems dpa' ni// tog chen lung bstan mdzad nas mya ngan 'dab// 'di ni bkod/ chen zhes bya'i thub dbang 'gyur// rgyal ba dgra las rgyal bar 'di 'gyur ro// rgyal ba de yi zhing bkod 'di 'dra ste// 'jig rten phan par mdzad pa 'di bzhin no// rgyal ba'i byang chub mnyam med dri med pa/ / rab zhi rdzogs par sangs rgyas mgon por 'gyur// nga yi mkhyen pa de 'dra nam mkha'i tshad// bskal pa 'byung ba mang po rab tu shes// 'das pa'i los shes da lta ci zhig sems// nga yi ye shes kun tu thogs med mnga'/ / nga yi tshig ni dag cing brdzun med de// brdzun du mi smra don dam bden pa la// nga gnas nas ni nam yang mi smra'o// ji skad gsungs pa 'di la yid ches bgyis// drang srong chen po'i gsung 'di thos gyur nas/ / 'khor rnams kun kyang dga' ba'i sems gyur te// de tshe khams der skye bar shog cig ces// zhing mchog der skyer dad pas smon lam btag/ 'jig rten khams mchog de na skye 'gyur zhes/ / 'jig rten 'dren pas de dag lung bstan te// de ni khyod kyis bde gshegs thob gyur nas// kun kyang sems can don mang byed par 'gyur// mdo sde'i rgyal po 'di bstan da'i tsho/ / sa chen 'di yang rnam pa drug tu g.yos// byang chub sems dpa' pad+mar gnas pa dag/ de tshe thal sbyar thub la 'di skad gsol// khyod kyis chos tshul dam pa 'di gsungs pa// thub pa zla med
- 80a
rang bzhin shin tu legs/ / chos kyi tshul rab dam pa mnyan pa dang // rgyal ba'i chos 'tshal bdag cag 'dir mchis lags// de nas thams cad dang ldan pa'i 'khor de tshim zhing mgu ste/ / yi rangs la rab tu dga' ste/ dga' ba dang yid bde ba skyes nas/ gos re re bzhag ste/ gos gzhan dag bcom ldan 'das kyi sku la gsol nas/ tshig 'di skad kyang smras te/ kye ma 'jig rten du chos kyi 'khor lo bskor ba gnyis pa byung bar gyur te/ dang po ni grong khyer wA raNA sir bskor to// chos kyi 'khor lo gnyis pa ni/ bcom ldan 'das kyis de ring 'dir bskor to// bcom ldan 'das bdag cag kyang rtag tu rgyun mi 'chad par chos rin po che 'di lta bu 'di dang mi 'bral zhing / skyes bu dam pa 'di dang mi 'bral bar shog cig ces smon lam btab bo// steng gi bar snang las kyang lha'i rje chen po dag sgra mngon par 'byin par gyur to/ / lha'i me tog ut+pa la dang / pad+ma dang / ku mu da dang / pad+ma dkar po'i char chen po yang bcom ldan 'das kyi zhabs kyi drung du mngon par bab par gyur to// stang gi bar snang la yang lha rnams kyis lha'i gos dag g.yab mo'i thabs su bskor te/ tshig 'di skad kyang brjod par gyur to// skyes bu dam pa gang dag chos kyi rnam grangs 'di 'dzin pa dang / klog pa dang / kun chub par byed pa de dag ni yon tan bsam gyis mi khyab pa dang ldan pa'o/ / de skad ces smras pa dang / 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das rigs kyi bu 'am/ rigs kyi bu mo gang chos kyi rnam
- 80b
grangs 'di 'dzin pa dang / klog pa dang / kun chub par bgyid pa dang / gzhan dag la yang rgya cher rab tu ston pa dang / glags bam du bgyis shing 'chang na/ bsod nams kyi phung po ji snyed cig 'phel bar 'gyur/ lags/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal gal te rigs kyi bu'am/ rigs kyi bu mo la la zhig gis so gsum gyi stong chen po'i 'jig rten gyi khams 'di na/ sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa ji snyed pa dang / sems can rtse khams na sems can ji snyed cig yod par sangs rgyas kyi ye shes kyis mkhyen pa de dag thams cad snga phyi med par mi'i lus thob ste/ bla na med pa yang dag par rdzogs pa'i byang chub mngon par rdzogs par sangs rgyas par gyur la/ de dag thams cad la rigs kyi bu 'am/ rigs kyi bu mo la la zhig gis bskal par gnas pa'i tshe/ bde ba'i yo byad thams cad kyis rim gror byas/ bla ma bas/ bsti stang du byas/ mchod par byas na/ 'jam dpal 'di ji snyam du sems/ rigs kyi bu 'am/ rigs kyi bu mo de bsod nams mang du su ngang ba/ gsol pa/ bcom ldan 'das mang legs so// bar gshegs pa mang lags te/ 'di ltar bgrang ba'am/ brtsi bar yang sla ba ma lags so// bcom ldan 'das kyis ba/ 'a stsal pa/ 'jam dpal de bas kyang gang 'is chos kyi rnam sangs 'di
- 81a
'dzin tam/ klog gam/ gzhan dag la yang rgya cher yang dag par ston tam/ glags bam du bris te 'chang ngam/ gzhan dag la yang rgya cher yang dag par bstan na/ chos kyi rnam grangs 'di lung 'bog pa de bsod nams mang du skyed do/ / de skad ces bka' stsal pa dang / 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das de bzhin gshegs pas 'jig rten thams cad la sman pa'i slad du/ chos kyi rnam grangs 'di bstan pa 'di ngo mtshar lags so// bcom ldan 'das chos kyi rnam grangs 'di yun ring po ji srid cig tu 'dzam bu'i/ gling na mchis par 'gyur lags/ bcom ldan 'das kyis bka' stsal pa/ 'jam dpal nga mya ngan las 'das nas/ gang gi tshe rgyal po brgyad kyis nga'i ring bsrel rgya cher bya ba'i phyir brgyad du bgos nas za ma tog brgyad du bcug ste/ rang rang gi yul du mchod kyi/ khang pa yangs par 'jog par 'gyur te/ rgyal po ma skyes dgras ni nga'i ring bsrel rnams las brgyad na blangs nas/ rin po na'i za ma tog tu bcug ste/ rgyal po'i khab kyis grong khyer chen po'i phyi rol dus brkos nas/ ring bsrel la pog snod kha gab can nas/ spos kyis bdugs/ gdugs dang rgyal mtshan ni btsugs/ rin po che'i me tog gis ni gtor/ lo brgyar byin gyis brlabs pa'i mar me me lce gcig tu 'bar ba bus shing / ring bsrel gyi za ma tog 'jog par 'gyur la/ rgyal po mya ngan med pa 'byung bar 'gyur ba bsdad pa'i phyir/
- 81b
mdo'i rgyal po 'di gser gyi glags bam la bris nas/ ring bsrel gyi za ma tog de nyid du 'jug par 'gyur ro// 'jam dpal 'di lta ste/ rgyal po mya ngan med pa de ni nga mya ngan las 'das nas lo brgya lon nas 'byung bar 'gyur te/ de ni mo'u ri'i rigs su skyes pa/ 'dzam bu'i gling la dbang ba/ mthu dang brtson pa thob pa/ stobs kyi 'khor los sgyur bar 'gyur te/ de nga la rnam pa las rjes su dran par byed par 'gyur ro/ / nga'i bstan pa la yang dad pa thob par 'gyur ro// de'i tshe de'i dus na/ dge slong dbang po bde ba zhes bya ba rdzu 'phrul che ba/ mthu che ba/ dam pa'i chos yongs su 'dzin pa/ shin tu rgyas pa'i mdo sde 'dzin pa rgyal po'i rigs las rab tu byung ba/ rgyal po mya ngan med pas bkur ba/ grong du 'jug pa 'byung bar 'gyur ro// 'jam dpal de ltar rgyal po mya ngan med pa des nga'i ring bsrel rgya cher bya ba'i phyir/ skye bo mang pos yongs su bskor cing bkod pa chen po dang / rgyal po'i mthu chen pos me tog dang / me tog 'phreng dang / spos dang / phye ma dang / byug pa dang / sil snyan dang / phag thogs te/ rgyal po'i khab kyi grong khyer chen por song nas/ mchod pa'i go cha mngon par 'du bya ba chen po byas te/ sa'i phyogs de nas ring bsrel gyi za ma tog de phyung nas nyi ma bdun gyi bar du spos thams cad dang / me tog thams cad dang / me tog 'brang thams cad dang / phye ma thams cad dang / byug pa thams cad dang / sil snyan dang / pheg dang /
- 82a
glu dbyangs thams cad kyis mchod pa rnam pa du ma byas te/ skar ma dang / sbyor ba ldan pa gcig la/ yul sna tshogs su chos kyi rgyal pos byas pa'i mchod rten brgyad khri bzhi stong byed par 'gyur ro/ / de'i tshe chos smra ba dbang po bde bas chos kyi rnam grangs 'di ring bsrel gyi za ma tog nas phyung nas/ byang phyogs kyi rgyud kyi yul chen por 'jog par 'gyur te/ skye bo mang pos shes par mi 'gyur/ skye bo mang pos rig par mi 'gyur/ skye bo mang pos yongs su gzung bar mi 'gyur la/ chos kyi rnam grangs 'di ni 'dzin pa nyung ba dang / klog pa nyung bar 'gyur te/ 'jam dpal chos kyi rnam grangs 'di ni rtag tu sgom du bcug pa dang / snod du bcug par 'gyur ro// de ci'i phyir zhe na/ 'di ltar chos tshol ba med cing / snod ma yin pa'i phyir ro// 'jam dpal chos kyi rnam grangs 'di ni mos par da zhing yid ches par dka' la/ / rtogs par dka' ba ste/ mun sprul du mngon par yid ches pa 'am/ 'jug par mi nus so// 'jam dpal phyi ma'i tshe phyi ma'i dus/ lnga brgya tha ma la bab pa'i tshe/ chos kyi rnam grangs 'di gang la la dag gis thos te/ yid ches par gyur dam/ tshol lam rtog na/ de dag ni 'jam dpal khyod kyis sangs rgyas mang po la bsnyen bkur byas pa/ legs par spyad pa spyad pa/ theg pa chen po 'di'i snod du gyur par nges par rig par bya ste/ rigs kyi bu 'am/ rig kyi bu mo gang dag chos kyi rnam grangs 'di 'dzin pa dang / 'chang ba dang / klog pa dang / kun chung
- 82b
par byed pa dang / glegs bam du byas shing / 'chang ba de dag thams cad kyis kyang bdag cag gis ni/ sngon de bzhin gshegs pa gang+gA'i klung gi bye ma snyed dag mthong bar gyur to// mnyes par byas so/ / bsnyen bkur byas so zhes bya ba dang / de dag gis ni nga yang skyed mos tshal 'di na/ chos kyi rnam grangs 'di ston pa dang / 'khor 'dus pa 'di yang mthong ngo zhes de ltar shes par bya'o// de'i tshe bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di long zhig/ zung zhig/ kun chub par gyis shig/ dbang po rnams ma/ gtogs par bab bab kyi mdun du ma ston cig/ de ci'i phyir zhe na/ kun dga' bo 'di ni de bzhin gshegs pa'i gsang ba yin pa dang / 'di ni de bzhin gshegs pa'i gsang chen yin pa dang / 'di ni de bzhin/ gshegs pa'i bar chad med pa'i chos bstan pa yin pa dang / 'di ni de bzhin gshegs pa'i phyag rgya yin pa dang / 'di ni de bzhin gshegs pa'i bsrung ba bsgom pa yin pa dang / 'di ni de bzhin gshegs pa'i gter gyi mchog yin pa'i phyir te/ kun dga' bo de bas na nga'i bu thu bo chos kyi mdzod 'dzin pa/ chos kyi mdzod bsrung ba/ de dag la sbyin par bya ba ma gtogs par 'di ni shin tu sba bar bya zhing / su la'ang sbyin par mi bya'o/ / kun dga' bos gsol pa/ bcom ldan 'das bdag gis chos kyi rnam grangs 'di gzung lags na/ bcom ldan 'das chos kyi rnam grangs 'di'i ming ci lags/ 'di ji ltar
- 83a
gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di byang chub sems dpa'i spyod yul gyi thabs kyi yul la rnam par 'phrul pa bstan pa zhes bya bar zung zhig/ de bzhin gshegs pa'i gsang ba'i gnas zhes bya ba dang / de bzhin gshegs pa'i bar chad med pa'i chos bstan pa zhes bya ba dang / de bzhin gshes pa'i yul zhes bya ba dang / theg pa gcig tu bstan pa zhes bya ba dang / 'jam dpal gyis yongs su dris pa zhes bya ba dang / bden smra lung bstan pa zhes bya ba dang / bden spro'i le'u zhes bya bar yang zung zhig/ chos kyi rnam grangs 'di bstan pa'i tshe/ srog chags khrag khrig phrag sum cu sngon bla na med pa yang dag par rdzogs pa'i byang chub tu sems ma skyes pa las sems skyes par gyur to// byang chub sems dpa' drug khris ni mi skye ba'i chos la bzod pa thob par gyur to// sems can tshad med pa dag ni bla na med pa yang dag par rdzogs pa'i byang chub tu nges par gyur to// bcom ldan 'das kyis de skad ces bka' stsal nas/ tshe dang ldan pa kun dga' bo dang / 'jam dpal gzhon nur gyur pa dang / byang chub sems dpa' de dag thams cad dang / thams cad dang ldan pa'i 'khor dge slong dang / dge slong ma dang / dge bsnyen dang / dge bsnyen ma rnams dang / brgya byin dang / tshangs pa dang / 'jig rten skyong ba rnams dang / lha dang / mi dang / lha ma yin dang /
- 83b
dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// lung bstan pa'i le'u ste bcu pa'o// / 'phags pa byang chub sems dpa'i spyod yul gyi thabs kyi yul la rnam par 'phrul pa bstan pa zhes bya ba theg pa chen po'i mdo rdzogs so/ / rgya gar gyi mkhan po pradz+nyA wa rma dang / zhu chen gyi lo tsa bas+t+ra ya shes rje la sogs pas bsgyur cing zhus te gtan la bab pa/ / rgya gar skad du/ Ar+ya ta thA ga ta gu Na dz+nyA na a cin t+ya bi Sh+Ta ya a ba tang nir de sha nA ma ma hA yA na sU tra/ bod skad du/ 'phags pa de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo// / / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul ma ga d+ha na chos kyi dbye dgon pa na/ byang chub kyi snying po kun tu 'od kyi khang bzangs bsod nams kyi rgyan gyi tshogs chen po bsags pa/ dga' ba rgya chen po skyed pa/ kun nas ma smad pa/ yon tan gyi tshogs dpag tu med pa dang ldan pa na bzhugs te/ bcom ldan 'das chos thams cad mnyam pa nyid du mngon par rdzogs par sangs rgyas pa/ legs par thugs su chud pa'i blo dang ldan pa/ kun tu spyod pa gnyis mi
- 84a
mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa med pa'i rtog pa brnyes pa/ phyir mi ldog pa'i chos dang ldan pa/ spyod yul gyis mi 'phrogs pa/ sangs rgyas kyi mdzad pa mtha' yas pa rgyun mi gcod pa/ bsam gyis mi khyab pa rnam par 'jog pa/ mtshan nyid med pa'i chos kyi dam pa'i pha rol tu byon pa/ dus gsum mnyam pa nyid tshar phyin pa/ 'jig rten gyi khams thams cad du zhugs pa'i sku dang ldan pa/ chos thams cad la the tsom med pa'i mkhyen pa mnga' ba/ spyod pa thams cad dang ldan pa'i blo mnga' ba/ chos mkhyen pa la nem nur mi mnga' ba/ rnam par mi rtog pa'i sku mnga' ba/ byang chub sems dpa' thams cad kyi ye shes yang dag par blangs pa/ sangs rgyas kyi gnas pa gnyis su med pa dam pa'i pha rol tu byon pa/ de bzhin gshegs pa ma 'dres pa rnam par thar par mdzad pa'i ye shes kyi mthar phyin pa mtha' dang dbus med pa'i sangs rgyas kyis mnyam pa nyid thugs su chud pa/ chos kyi dbyings dam pa can/ nam mkha'i khams kyi mtha sa gtugs pa/ phyi ma'i mtha'i mur thug par bskal pa bgrang ba thams cad du chos kyi 'khor lo bskor ba rgyun mi gcod pa'i sku mnga' ba/ pad+ma'i snying po can gyi seng ge'i khri la bzhugs te/ dge slong 'bum phrag drug cu rtsa gnyis dang thabs gcig pa la 'di lta ste/
- 84b
tshe dang ldan pa shA ri'i bu dang / mo'u 'gal gyi bu chen po dang / 'od srungs chen po dang / ma 'gags pa dang / rab 'byor dang / ka t+ya'i bu dang / ka pi na chen po dang / nag pa dang / dga' bo chu klung 'od srungs dang / ga ya 'od srungs dang / lteng rgyas 'od srungs dang / byams ma'i bu gang po dang / ba glang bdag dang / lam phran bstan dang / gyad bu nor dang / seng ldeng nags pab dang / skul byed dang / gsus po che chen po dang / sgra gcan zin dang / kun dga' bo dang / de dag la sogs pa dge slong 'bum phrag drug cu rtsa gnyis po de dag thams cad kyang / chos gcig la yang dag par gzhol ba 'phags pa'i spyod yul la gnas pa dag stag go/ thams cad kyang chos thams cad kyi ngo bo nyid kyi tshul la bzhugs pa sha stag go/ thams cad kyang gzhi med ba nam mkha'i spyod yul ba sha stag go/ thams cad kyang mi rten par gnas pa sha stag go/ thams cad kyang nyon mongs pa'i sgrib pa kun nas ldang ba thams cad dang bral ba sha stag go/ thams cad kyang thams cad mkhyen pa'i ye shes kyi yul dang spyod pa la zhugs pa'i shes pa dang ldan pa sha stag go/ / thams cad kyang byang chub sems dpa'i bya ba la zhugs pa sha stag go// thams cad kyang de bzhin gshegs pa thams cad kyi chos kyi dbyings snang ba'i tshul la zhugs pa sha stag go/ / thams cad kyang chos kyi tshul gcig la yang dag par gzhol ba sha stag go// thams cad kyang thams cad
- 85a
mkhyen pa nyid la mngon du phyogs pa sha stag go/ / thams cad kyang thams cad mkhyen pa nyid kyi lam rgyun ma bcad pa sha stag go// thams cad kyang thams cad mkhyen pa nyid las phyir ma log pa sha stag go/ thams cad kyang shes rab dang / ye shes mngon par grub pa'i yid dang ldan pa sha stag go/ thams cad kyang thams cad mkhyen pa'i ye shes dang lhag mthong dam pa'i pha rol tu phyin pa sha stag go/ thams cad kyang thabs kyi yul dang spyod yul la nges par 'byung ba sha stag go// dge slong ma skye dgu'i bdag mo chen po dang / dge slong ma grags 'dzin la sogs pa dge slong ma 'bum phrag drug cu rtsa gnyis dang yang thabs gcig ste/ thams cad kyang dkar po'i chos shin tu yongs su bsdus pa sha stag go/ thams cad kyang thams cad mkhyen pa'i ye shes la nye bar gyur pa sha stag go/ thams cad kyang thams cad mkhyen pa nyid kyi snang ba'i tshul la zhugs pa sha stag go/ thams cad kyang chos thams cad dngos po med par rab tu rtogs pa ga stag go/ chos thams cad la mtshan nyid med par zhugs pa/ chos thams cad yang dag pa'i mthar rig pa/ chos thams cad ma skyes pa dang / ma 'gags pa dang / gnyen po med par mos pa/ bsam kyis mi khyab pa'i rnam par thar pa dang / ting nge 'dzin la rab tu gnas pa sha stag go// thams cad kyang 'dul ba'i sems can ji lta ba de bzhin du rnam par mi rtog cing spun gyis grub par gzug dang /
- 85b
lus dang / kha dog dang / spyod lam shin tu ston pa sha stag go// byang chub sems dpa' sems dpa' chen po sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed kyi byang chub sems dpa'i dge 'dun chen po dang yang thabs gcig pa la 'di lta ste/ byang chub sems dpa' sems dpa' chen po kun tu bzang po dang / kun nas 'dren dang / kun tu sprul dang / kun tu shes rab dang / kun tu mig dang / kun tu 'od dang / kun tu snang ba dang / kun tu 'od zer dang / kun tu tog dang / byang chub sems dpa' sems dpa' chen po kun tu blo dang / shugs chen dang / shugs chen 'dzin dang / rnam par 'phrul pa chen po dang / rnam par 'phrul pa chen po'i rgyal po dang / brtson 'grus chen pos rnam par gnon dang / rtsal chen dpa' ba dang / cher ba sgyings dang / bsgyings pa chen po'i stobs dang / tshogs kyi dbang po chen po dang / spos kyi bal glang glang po che chen po dang / byang chub sems dpa' sems dpa' chen po zla ba chen po dang / zla ba bzang dang / yon tan zla ba dang / rin chen zla ba dang / kun tu snang ba'i zla ba dang / chos dri ma med pa'i zla ba dang / rnam par snang byed zla ba dang / rnam par bsgrags pa'i zla ba dang / 'od zer rab tu gtong ba'i zla ba dang / byang chub sems dpa' sems dpa' chen po zla gang dang / tshangs pa'i dbyangs dang / tshangs pa'i dbang pos bsgrags pa'i dbyangs dang / sa'i
- 86a
sgra dbyangs dang / chos kyi dbyings kyi sgra dbyangs dang / bdud kyi dkyil 'khor thams cad rnam par 'joms pa'i dbyangs dang / chos kyi rnga chen sgra dbyangs dang / kun tu go bar byed pa'i dbyangs dang / mi rtog rnam par mi rtog dbyangs dang / sa steng sgra dbyangs dang / byang chub sems dpa' sems dpa' chen po dbyangs kyi yan lag thams cad zil gyis gnon pa'i dbyangs dang // kun nas snying po dang / kun tu dri ma med pa'i snying po dang / yon tan snying po dang / rnam par snang mdzad snying po dang / rin chen snying po dang / zla ba'i snying po dang / nyi ma'i snying po dang / snang byed snying po dang / pad+ma'i dpal gyi snying po dang / rdo rje'i snying po dang / blo gros bzang po dang / blo gros chen po dang / khyad par blo gros dang / rnam grags blo gros dang / rgyal chen blo gros dang / bla ma'i blo gros dang / 'phel ba'i blo gros dang / mtha' yas blo gros dang / yangs pa'i blo gros dang / sangs rgyas blo gros dang / blo gros mi zad pa dang / byang chub sems dpa' sems dpa' chen po blo gros rgya mtsho dang / bstan pa'i blo gros dang / rdo rje blo gros dang / sangs rgyas mngon sum blo gros dang / ri rab mar me dang / mar me chen po dang / chos kyi sgron ma'i mar me dang / phyogs thams cad du khyab pa'i mar me dang kun tu mar me dang / mun pa thams cad sel ba'i mar me dang / 'gro ba thams cad la snang ba'i mar me dang / gcig tu snang ba'i mar me dang / zla ba'i mar me dang / byang chub sems dpa' sems dpa'
- 86b
chen po nyi ma'i mar me dang / 'jam dpal gzhon nur gyur pa dang / lag na rin chen gzhon nur gyur pa dang / lag na phyag rgya rin chen gzhon nur gyur pa dang / rin chen 'od zer gzhon nur gyur pa dang / nam mkha' mdzod gzhon nur gyur pa dang / sems bskyed ma thag tu chos kyi 'khor lo bskor ba gzhon nur gyur pa dang / dra ba can gyi 'od gzhon nur gyur pa dang / rnam par sel ba gzhon nur gyur pa da bdog pa thams cad yongs su gtong ba gzhon nur gyur pa dang / dpal gyi snying po gzhon nur gyur pa dang / seng ge gzhon nur gyur pa dang / zla 'od gzhon nur gyur pa dang / zla ba'i 'od zer gzhon nur gyur pa dang / mchog gi blo gros gzhon nur gyur pa dang / rgyan bkod pa gzhon nur gyur pa dang / lag na pad+ma dang / lag na rdo rje dang / nyi bod dang / nor bu dang / glo ga dang / nyi ma dang / zla ba dang / brgya byin dang / tshangs pa thams cad zil gyis gnon pa'i 'od dang / sgrib pa thams cad rnam par sel ba dang / mya ngan dang mun pa thams cad 'joms pa'i blo gros dang / byang chub sems dpa' sems dpa' chen po yul thams cad las nges par 'byung ba'i blo gros dang / rdul med rnam par gnon dang / rnam dag rnam par gnon dang / phung po rnam par gnon dang / skye mched rnam par gnon dang / khams rnam par gnon dang / stong pa nyid rnam par gnon dang / mtshan ma med pa rnam par gnon dang / smon pa med pa rnam par gnon dang / skye ba med pa rnam par gnon dang / 'gag pa med pa rnam par gnon dang / 'gro ba med pa
- 87a
rnam par gnon dang / 'ong ba med pa rnam par gnon dang / 'chi 'pho med pa rnam par gnon dang / mi skye ba rnam par gnon dang / rang bzhin 'od gsal rnam par gnon dang / 'jig rten gsum rnam par gnon dang / mtha' yas rnam par gnon dang / 'jig rten gyi khams thams cad rnam par gnon dang / chos thams cad rnam par gnon dang / rnam par thar pa dang / ting nge 'dzin dang / snyoms par 'jug pa thams cad rnam par gnon dang / mngon par shes pa dang / rig pa rnam par gnon dang / sems can thams cad kyi sems kyi spyod pa rnam par gnon dang / yang dag pa'i mtha' rnam par gnon dang / de bzhin gshegs pas rnam par gnon dang / mnyam pa nyid rnam par gnon dang / byang chub sems dpa' sems dpa' chen po chos kyi dbyings rnam par gnon dang / bdud yul mi go sa dang / bdud las rgyal dang / bdud las rgyal chen po dang / gtsug na rin po che dang / 'od zer stong gi 'od 'phro dang / mngon par 'byung dka' dang / rab tu thu ba dka' dang / rtogs dka' dang / bsnyen par dka' ba'i blo dang / ngan 'gro skems dang / bzang skyong dang / dkon mchog 'byung gnas dang / ded dpon bzang po dang / mis byin dang / nu lha'i lha dang / zla ba'i lha dang / dri ma med kyis byin dang / dri ma med par grags pa dang / byang chub sems dpa' sems dpa' chen po byams pa dang / de dag la sogs pa byang chub sems dpa' sems dpa' chen
- 87b
po sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed thams cad kyang skye ba gcig gis thogs pa/ 'jig rten gyi khams gzhan dang gzhan dag nas 'dus pa sha stag go/ thams cad kyang sems can gyi khams thams cad yongs su smin par bya ba la spyod pa dang / thabs dang / tshul dang / 'dul ba dang / byang chub sems dpa'i chos la 'god pa la mkhas pa sha stag go/ / thams cad kyang 'jig rten gyi khams rab 'byams thams cad la dpyod pa'i tshul shes pa/ rab 'byams la zhugs pa sha stag go/ thams cad kyang mya ngan las 'das pa'i sa'i spyod yul shes pa la dpyod cing so sor rtog pa la mkhas pa sha stag go/ / thams cad kyang spros pa thams cad shin tu chad cing / spyod pa len pa rnam par chad de/ sems can gyi khams thams cad sdud pa la mkhas pa sha stag go/ thams cad kyang mtha' dang dpung med pa'i chos kyi tshul la 'jug pa la shin tu gnas pa sha stag go/ thams cad kyang sems can thams cad kyi las kyi rnam par smin/ pa chud mi za ba mi dmigs par dpyod cing so sor rtog pa la mkhas pa sha stag go/ thams cad kyang sems can gyi khams thams cad kyi bsam pa dang / bag la nyal dang / dbang po dang / rtsom pa dang / sbyor ba la shin tu dpyod cing so sor rtog pa la mkhas pa sha stag go/ thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyis gsungs pa'i don dang /
- 88a
tshig dang / yi ge gzung ba dang / bla ba shes pa yang dag par 'dzin cing rtog pa la mkhas pa sha stag go/ thams cad kyang 'jig rten pa dang / 'jig rten las 'das pa dang / mtha' dang dpung med pa'i chos kyi tshul la 'jug par zhugs pa sha stag go/ thams cad kyang 'dus byas dang / 'dus ma byas dang / dus dang / rim pa'i tshul la so sor rtog pa la mkhas pa stag go/ thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad cig gcig gis de ma thag tu thob par gnas pa sha stag go/ thams cad kyang sems kyi skad cig sems kyi skad rig la 'chi 'pho dang / 'byung ba dang / skye ba dang / mngon par 'byung ba dang / dka' bar spyod pa sbyor ba dang / byang chub kyi snying por 'gro ba dang / bdud 'dul ba dang / mngon par rdzogs par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po kun tu ston pa la mkhas pa sha stag go/ / thams cad kyang sems can thams cad kyi phyir sems bskyed cing byang chub rnam par 'tshang rgya ba dang ma bral ba sha stag go// thams cad kyang sems can gcig gi sems kyi dmigs pa la 'jug pas sems can ma lus pa thams cad kyi sems kyi dmigs pa la mkhas pa dang ldan pa sha stag go/ thams cad kyang rang byung gi ye shes kyi sa las ma bskyod pa'i byang chub sems dpa'i lus
- 88b
dang ldan pa sha stag go/ thams cad kyang thams cad mkhyen pa nyid kyis thob par spyod pa las phyir mi ldog pa sha stag go/ thams cad kyang byang chub sems dpa'i mngon par 'du byed pa'i stobs rgyun mi gcod cing mngon par 'du mi byed pa shes pa'i tshul la zhugs pa sha stag go/ thams cad kyang sems can gcig gi bya ba la bskal pa mtha' yas par spyod pa kun tu 'dzin par byin gyis rlob pa la mkhas pa sha stag go/ thams cad kyang khyad par chos kyi 'khor lo bskor bar byin gyis rlob cing gdul bya'i khams 'gro ba thams cad 'dzud pa la mkhas pa sha stag go// thams cad kyang/ 'das pa dang / ma 'ongs pa dang / da ltar byung ba'i de bzhin gshegs pa thams cad kyi rnam par dag pa'i gnas la 'jug pa dang / spod pa'i stobs kyi khyad par dang smon lam phun sum tshogs pa sha stag go/ thams cad kyang kun tu bzang po'i spyod pa'i smon lam gyi khyad par gyi bsam pa phun sum tshogs pa sha stag go// thams cad kyang sangs rgyas 'byung ba thams cad kyi thad du 'gro zhing skul ba la mkhas pa sha stag go/ thams cad kyang de bzhin gshegs pa thams cad kyi chos kyi tshul kun tu 'dzin pa la mkhas pa sha stag go/ thams cad kyang sangs rgyas thams cad kyi rigs rgyun mi gcod par byed pa sha stag go/ / thams cad kyang sangs rgyas med pa'i 'jig rten gyi khams su sangs rgyas 'byung ba kun tu ston par byed pa sha stag go// thams cad kyang kun nas nyon
- 89a
mongs pa can gyi 'jig rten gyi khams yongs su sbyong bar byed pa sha stag go/ thams cad kyang byang chub sems dpa' thams cad kyi las kyi sgrib pa rgyun gcod par byed pa sha stag go/ thams cad kyang chos kyi dbyings sgrib pa med pa la zhugs pa sha stag go/ thams cad kyang nam mkha'i khams ltar tshad med pa'i chos dang ldan pa sha stag go/ thams cad kyang chos kyi dbyings la 'jug pa mnyam pa nyid dang ldan pa sha stag go/ / thams cad kyang yang dag pa'i mtha' dang chos kyi dbyings mnyam pa nyid dang ldan pa sha stag go/ thams cad kyang las kyis kun nas bslang ba ji lta ba bzhin du rnam par smin pa la mos pa sha stag go/ thams cad kyang rgyus kun nas bslang ba ji lta ba bzhin du 'bras bu la mos pa sha stag go/ thams cad kyang rgya'i 'bur kun tu 'byung ba lta bur chos thams cad mnyam pa nyid du shes pa dang ldan pa sha stag go/ thams cad kyang mig yor dang / gzugs brnyan ltar ston pa'i chos mnyam pa nyid dang ldan pa sha stag go// thams cad kyang chos thams cad kyi sgra dbyangs kyi rnam par rig pa brag cha dang mtshungs par ldan pa sha stag go/ / thams cad kyang rnam par thar pa dang / ting nge 'dzin bsam gyis mi khyab pa la gnas pa sha stag go/ thams cad kyang dpa' bar 'gro ba'i ting nge 'dzin gyis rnam par rtsen pa sha stag go// thams cad kyang rang sangs rgyas kyi sku mtha' yas pa'i mdog yong su 'grub pa sgrub pa'i gzugs la gnas pas
- 89b
stag go/ thams cad kyang sgra tsam gyi khyon gcig la 'jig rten gyi khams thams cad kun tu ston pa la mkhas pa sha stag go/ thams cad kyang phyogs bcu dag tu skra tsam gyi khyon gcig la 'chi ba pho dang / 'byung ba dang / skye ba dang / mngon par 'byung ba dang / dka' bar spyod par sbyor ba dang / byang chub kyi snying por 'gro ba dang / bdud 'dul ba dang / mngon par byang chub pa dang / chos kyi 'khor lo bskor ba dang / yongs su mya ngan las 'das pa chen po kun tu ston pa la mkhas pa sha stag go/ thams cad kyang skyil mo krung gcig gis phyogs bcu dag gi 'jig rten gyi khams thams cad kyi nam mkha' rgyas par 'gengs par shes pa dang ldan pa sha stag go/ thams cad kyang zhing thams cad kyi rgyan zhing gcig tu ston pa la mkhas pa sha stag go/ thams cad kyang zhing gcig gi rgyan bkod pa zhing thams cad du kun tu ston pa la mkhas pa sha stag go/ thams cad kyang phyogs bcu dag gi 'jig rten gyi khams rab 'byams thams cad kyi de bzhin gshegs pa thams cad kyi 'khor gang dag yin pa de dag de bzhin gshegs pa gcig gi 'khor du ston pa la mkhas pa/ de bzhin gshegs pa gcig gi 'khor gang yin pa de phyogs bcu dag gi 'jig rten gyi khams thams cad kyi de bzhin gshegs pa thams cad kyi 'khor du kun tu ston pa la mkhas pa sha stag go/ thams cad kyang chos thams cad mtha' dang dpung med par ston pa la mkhas pa sha stag go/ thams cad kyang sems can thams cad
- 90a
kyi lus rang gi lus su kun tu ston pa la mkhas pa sha stag go/ thams cad kyang sangs rgyas thams cad kyi sku sangs rgyas gcig gi skur zhugs pa kun tu ston pa la mkhas pa sha stag go/ thams cad kyang sangs rgyas gcig gi sku sangs rgyas thams cad kyi skur zhugs par kun tu ston pa la mkhas pa sha stag go/ thams cad kyang phyogs bcu'i 'jig rten gyi khams thams cad rang gi lus su chud par kun tu ston pa la mkhas pa sha stag go/ thams cad kyang sems can gcig gi lus la dus gsum gyi sems can rnams kun tu ston pa la mkhas pa sha stag go/ thams cad kyang 'das pa'i dus la ma 'ongs pa dang / da ltar byung ba'i dus dang / ma 'ongs pa'i dus la 'das pa dang / da ltar byung ba'i dus dang / da ltar byung ba'i dus la 'das pa dang / ma 'ongs pa'i dus kun tu ston pa la mkhas pa sha stag go/ thams cad kyang lus gcig gis ting nge 'dzin la snyoms par zhugs la/ lus dpag tu med grangs med pa las ldang ba la mkhas pa lus dpag tu med cing grangs med pa dag gis ting nge 'dzin la snyoms par zhugs la/ lus gcig las ldang bar kun tu ston pa la mkhas pa sha stag go/ thams cad kyang sems can thams cad kyi lus snyed kyi mngon par byang chub pa kun tu ston pa la mkhas pa sha stag go/ thams cad kyang sems can thams cad kyi lus la sems can gcig gi lus kun tu ston pa la mkhas pa/ sems can gcig gi lus la sems can thams cad
- 90b
kyi lus kun tu ston pa la mkhas pa sha stag go/ / thams cad kyang sem can thams cad kyi lus las sangs rgyas kyi sku kun tu ston pa la mkhas pa sha stag go// thams cad kyang sangs rgyas kyi sku las sems can gyi lus kun tu ston pa la mkhas pa sha stag go/ / thams cad kyang sems can gyi lus chos kyi skur kun tu ston pa la mkhas pa sha stag go/ thams cad kyang zhing thams cad kyi rgyan bkod pa de dag zhing gcig tu kun tu ston pa la mkhas pa zhing gcig gi rgyan bkod pa de dag zhing thams cad du kun tu ston pa la mkhas pa sha stag go/ thams cad kyang chos kyi sku sems can gyi lus su kun tu ston pa la mkhas pa sha stag go/ thams cad kyang spu'i khung bu gcig tu phyogs bcu'i 'jig rten gyi khams thams cad 'jug par byed par kun tu ston pa la mkhas pa sha stag go// thams cad kyang sangs rgyas thams cad kyi mngon par rdzogs par byang chub pa'i smon lam gyi stobs kyi gnas mngon par rdzogs par byang chub par kun tu ston pa la mkhas pa sha stag go/ thams cad kyang phyogs bcu'i 'jig rten gyi khams rab 'byams thams cad ni gdul bya'i sems can yongs su smin pa ji lta ba de bzhin du/ bla na med pa yang dag par rdzogs pa'i byang chub kun tu ston pa la mkhas pa ga stag go/ / thams cad kyang bskal pa bgrangs pa thams cad du 'jig rten gyi khams gcig tu byang chub sem dpa'i spyad pa spyod pa rgyun mi gcod pa'i lus kun tu ston pa la mkhas pa sha stag go/ thams cad
- 91a
kyang sems bskyed pa gcig gis phyogs bcu'i 'jig rten gyi khams byams thams cad kyi 'jig rten gyi khams re ren sgong las skyes pa dang / mngal nas skyes pa dang / drod ga sher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / rkang gnyis pa dang / rkang bzhi pa dang / rkang mangs dang / lha dang / klu dang / gnod sbyin dang / dri za dang / lA ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa sems can gdul bya yongs su smin pa thams cad rnga lta ba de bzhin du lhun gyis grub cing / rnam par mi rtog par spyod pa dang / spyod lam dang bya ba la 'jug pa'i gnas kun tu ston pa la mkhas pa sha stag go/ / thams cad kyang rdul phra rab kyi rdul re re la 'jig rten gyi khams dpag tu med/ grangs med/ bsam gyis mi khyab/ mtshungs pa med// gzhal du med/ tshad med/ brjod du med pa'i yang brjod du med pa dag 'jug par byed kyang / sems can la gnod pa med pa la mkhas pa sha stag go// thams cad kyang bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa'i yang brjod du med pa dag yud tsam gcig tu byin gyis rlob pa kun tu ston pa la mkhas pa yud tsam gcig bskal pa dpag tu med/
- 91b
grangs med/ bsam gyis mi khyab/ mtshungs pa med// gzhal du med/ brjod du med pa'i yang brjod du med pa dag tu byin gyis rlob pa la mkhas pa sha stag go// thams cad kyang spyod pa mji lta bus sems can rnams yongs su smin par 'gyur ba de lta de ltar lhun gyis grub cing / rnam par mi rtog par gzugs kyi lus kyi kha dog dang / spyod lam kun tu ston pa la mkhas pa sha stag go/ byang chub sems dpa' sem dpa' chen po de dag dang / gzhan dag thams cad kyang yon tan bye ba khrag khrig 'bum phrag dpag tu med/ grangs med pa dang ldan pa sha stag go// sangs rgyas kyi zhing tha dad pa nas 'dus pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa sha stag dang yang thabs gcig go/ 'jig rten gyi khams 'di nas kyang rgyal chen bzhi'i ris kyi lha bye ba phrag brgya re re yang g.yog 'khor mang po dang ldan pa dag/ bcom ldan 'das la blta ba'i phyir dang / phyag bya ba'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la bder lhags so// brgya byin bye ba phrag brgya dang / lha'i rgyal po rab 'thab bral bye ba phrag brgya dang / lha'i rgyal po yongs su dga' ldan
- 92a
bye ba phrag brgya dang / lha'i rgyal po rang 'phrul bye ba phrag brgya dang / lha'i rgyal po gnan 'phrul dbang byed bye ba phrag brgyal/ lha'i rgyal po re re yang g.yog 'khor mang po dang ldan pa dag/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// ded dpon la sogs pa bdud kyi ris kyi lha bye ba phrag mang po dag kyang / bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ / srin po'i rgyal po 'bum phrag bco brgyad dang / 'byung po'i rgyal po 'bum phrag sum cu rtsa brgyad dang / lha ma yin gyi rgyal po 'bum phrag brgyad cu dang / rig sngags 'chang gi rgyal po 'bum phrag drug cu rtsa lnga dang / drang srong 'bum phrag dgu bcu rtsa dgu thams cad kyang mngon par shes pa lnga dang ldan pa sha stag dang / rlung gi rgyal po chen po rnam bar 'thor rlung dang / rnam par 'thor rlung chen po g.yog 'khor mang po dang ldan pa dag dang / tshangs pa bye ba phrag brgya dang / tshangs pa chen po bye ba phrag brgya dang / 'od chung bye ba phrag brgya dang / tshad med bo dbye ba phrag brgya dang / 'od gsal bye ba phrag brgya dang / dge chung bye ba phrag brgya dang / tshad med dge bye ba phrag brgya dang / dge rgyas bye ba phrag brgya dang / sprin me dbye ba phrag brgya dang / 'bras
- 92b
bu che bye ba phrag brgya dang / bsod nams skyes bye ba phrag brgya dang / gya nom snang bye ba phrag brgya dang / shin tu mthong bye ba phrag brgya dang / mi che bye ba phrag brgya dang / mi gdung bye ba phrag brgya dang 'og min gyi lha bye ba phrag brgya dag la tshangs pa chen po re re yang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// lha'i bu dbang phyug chen po la sogs pa/ gnas gtsang ma'i ris kyi lha bye ba phrag brgya dag kyang / bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// klu'i dbang po bye ba phrag brgya dang / gnod sbyin gyi dbang po bye ba phrag brgya dang / dri za'i dbang po bye ba phrag brgya dang / lha ma yin gyi dbang po bye ba phrag brgya dang / nam mkha' lding gi dbang po bye ba phrag brgya dang mi 'am ci'i dbang po bye ba phrag brgya dang / lto 'phye chen po'i dbang po bye ba phrag brgya re re yang g.yog 'khor mang po dang ldan pa dag/ bcom ldan 'das la blta ba'i phyir dang / phyag bya ba'i phyir dang mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// mi dang mi ma yin pa dpag tu med/ grangs med pa dag kyang / bcom ldan 'das la blta ba'i
- 93a
phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// dge bsnyen dang / da bsnyen ma bye ba khrag khrig 'bum phrag mang po dag kyang / bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lpags so/ / rtswa dang shing gal ba dang / sman dang nags tshal gyi lha gang dag yin pa dag dang / lhun po dang / lhun po chen po dang / btang zung dang / btang zung chen po dang / gangs ri dang / khor yug dang / khor yug chen po la sogs pa ri rnams kyi lha gang dag yin pa de dag thams cad gnas dang bcas te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// rgya mtsho dang / rgya mtsho chen po dang / chu klung dang / chu bran dang / mtsho bran dang / mtshe'u dang / chu mig dang / 'bab chu rnams kyi lha gang dag yin pa de dag thams cad kyang gnas dag dang bcas te/ bcom ldan 'das la balnga pa'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lpags so// grong dang / grong khyer dang / grong rdal dang / ljongs dang /
- 93b
yul 'khor dang / rgyal po'i pho brang 'khor dang / bor rnams kyi lha gang dag yin pa de dag kyang rang gi gnas dang lhan cig tu/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i gnas rnams kyi lha gang dag yin pa de dag kyang rang rang gi gnas su zhugs te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das gal ba der lhags te/ bcom ldan 'das kyi mthus sems can 'ga' la yang gnod pa med cing sgrib pa med do/ / zla ba bye ba phrag brgya dang / nyi ma bya ba phrag brgya dang / rgya mtsho bye ba phrag brgya re re yang g.yog 'khor mang po dang ldan pa dag/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so// klu'i rgyal po chen po ma dros pa yang 'khor dang bcas te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so//
- 94a
dud 'gro'i skye gnas su song ba'i sems can thams cad kyang / bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir/ bcom ldan 'das ga la ba der lpags so// dud 'gro'i skye gnas su song ba'i sems can de dag thams cad kyang theg pa chen po la mos pa/ theg pa chen po la gzhol ba/ thams cad mkhyen pa nyid kyi ye shes 'dod pa sha stag ge/ de'i tshe bcom ldan 'das kyis kha dog dang / gzugs dang / gzi brjid dang / 'od kyi 'khor thams cad zil gyis mnan te/ lham me/ lhan ne// lhang nge'o// 'di lta ste/ dper na nyi mas 'od zer bye ba khrag khrig 'bum phrag grangs med pa phyung ste/ srin bu ma khyer thams cad zil gyis mnan nas/ lham me/ lhan ne/ ljang de'o/ / de bzhin du bcom ldan 'das kyang brgya byin dang / tshangs pa dang / 'jig rten skyong ba thams cad zil gyis mnan te/ lham me/ lhan ne/ ljang nge'o// 'di lta ste/ dper na zla ba yar gyi ngo tshas bco lnga la zla ba'i dkyil 'khor sprin gyi dra ba las grol ba ni skar ma'i tshogs thams cad zil gyis mnan nas/ lham me/ lhan ne// lhang nge'o// de bzhin du bcom ldan 'das kyang / brgya byin dang / tshangs pa dang / 'jig rten skyong ba thams cad spa bkong ste/ zil gyi mnan nas/ lham me/ ldan ne/ lgang nge ste/ ri'i rgyal po ri'ab ltar dpal gyis rab tu 'bar te/ sku mi g.yo mi 'gyur mi 'gul bar lham me/ lhan ne/
- 94b
ljang de'o// de nas 'jam dpal gzhon nur gyur pas/ byang chub sems dpa' sems dpa' chen po sgrib pa thams cad rnam par sel ba la 'di skad ces smras so// kye rgyal ba'i sras de bzhin du de bzhin gshegs pa 'di ni sku mi g.yo mi 'gyur mi 'gul bar bzhugs so/ / de skad ces smras pa dang / byang chub sems dpa' sems dpa' chen po sgrib pa thams cad rnam par sel bas/ 'jam dpal gzhon nur gyur pa la 'di skad ces smras so// 'jam dpal de bzhin gshegs pa 'di la 'khor 'di nyid kyi nang nas kha cig gis ni rab tu 'byung bar mngon du phyogs shing / khyim nas mngon par 'byung bar shes so/ / kha cig gis ni rab tu byung zhing dka' ba spyod pa la gnas par shes so// 'khor 'di nyid kyi nang nas kha cig gis ni byang chub kyi snying por gshegs par shes so// kha cig gis ni byang chub kyi snying po la bzhugs par shes so/ / 'khor 'di nyid kyi nang nas kha cig gis ni bdud 'khor grangs med/ dpag tu med pas bskor ba bcom par shes so// kha cig gis ni lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dpag tu med/ grangs med pa dag gis ded dpon chen po rgyal lo/ / rgyal lo zhes spro bar byed par shes so// kha cig gis ni mngon par rdzogs par sangs rgyas nas/ brgya byin rnams gsol ba 'debs par shes so// kha cig gis ni tshangs pa rnams gsol ba bde bas
- 95a
par shes so/ / 'khor 'di nyid kyi nang nas kha cig gis ni 'jig rten skyong ba rnams bcom ldan 'das la gsol ba 'debs par shes so// kha cig gis ni bcom ldan 'das bdag cag la sbyin pa'i gtam ston par shes so/ / 'khor 'di nyid kyi nang nas/ kha cig gis ni bcom ldan 'das bdag cag la tshul khrims kyi gtam ston par shes so// kha cig gis ni bzod pa'i gtam/ kha cig gis ni brtson 'grus kyi gtam/ kha cig gis ni bsam gtan gyi gtam/ kha cig gis ni shes rab kyi gtam/ bcom ldan 'das bdag cag la ston par shes so// kha cig gis ni thab la mkhas pa'i gtam/ kha cig gis ni rdzu 'phrul gyi gtam/ kha cig gis ni smon lam gyi gtam/ kha cig gis ni ye shes kyi gtam/ bcom ldan 'das bdag cag la ston par shes so// kha cig gis ni nyan thos kyi theg pa'i gtam/ kha cig gis ni rang sangs rgyas kyi theg pa'i gtam/ kha cig gis ni theg pa chen po'i gtam/ bcom ldan 'das bdag cag la ston par shes so// kha cig gis ni sems can dmyal bar skye ba'i chos rnams bcom ldan 'das bdag cag la ston par shes so/ / kha cig gis ni dud 'gror skye ba'i chos rnams bcom ldan 'das bdag cag la ston par shes so/ / kha cig gis ni yi dgas su skye ba'i chos rnams/ kha cig gis ni gshin rje'i 'jig rten du skye ba'i chos rnams bcom ldan 'das bdag cag la ston par shes so// kha cig
- 95b
gis ni rgyal chen bzhi'i ris kyi lha'i nang du skye ba'i chos rnams bcom ldan 'das bdag cag la ston par shes so/ / kha cig gis ni sum cu rtsa gsum gyi gnas su skye ba dang / kha cig gis ni/ 'thab bral gyi gnas su skye ba'i chos rnams bcom ldan 'das bdag cag la ston par shes so// kha cig gis ni dga' ldan gyi gnas su skye ba dang / kha cig gis ni 'phrul dga'i gnas su skye ba dang / kha cig gis ni gzhan 'phrul dbang byed kyi gnas su skye ba dang / kha cig gis ni bdud kyi gnas su skye ba dang / kha cig gis ni tshangs pa'i gnas su skye ba'i chos rnams bcom ldan 'das bdag cag la ston par shes so/ / de bzhin du tshangs pa'i mdun na 'don dang / tshangs 'khor dang / bod chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin meng dang / bsod nams skyes dang / 'bras bu che dang / mi che dang / mi gdung dang / gya nom snang dang / shin tu mthong dang / bo ga min dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes mad 'du shes med min skye mched du skye ba'i chos rnams bcom ldan 'a das bdag cag la ston par shes so/ / 'jam dpal 'khor 'di nyid kyi nang nas kha cig gis ni mir skye ba'i chos rnams/ kha cig gis ni 'khor los sgyur ba'i rgyal por 'gyur ba'i chos rnams/ kha cig gis
- 96a
ni gling gnyis dang / gsum dang / bzhi pa'i 'khor los sgyur ba dang / stong gnyis dang / stong gsum gyi stong chen po dang / stong gsum gyi stong chen po'i 'jig rten gyi/ khams gang+gA'i klung gi bye ma snyed pa bdag gi 'khor los sgyur ba'i rgyal por 'gyur ba'i chos rnams bcom ldan 'das bdag cag la ston par shes so// 'jam dpal 'khor 'di nyid kyi nang nis/ kha cig gis ni de bzhin gshegs pa'i sku 'dom do tsam du 'phags par shes so// kha cig gis ni rgyang grags tsam du 'phags/ kha cig gis ni rgyang grangs gnyis tsam du 'phags/ kha cig gis ni de bzhin gshegs pa'i sku dpag tshad tsam du 'phags par shes so// kha cig gis ni de bzhin gshegs pa'i sku dpag tshad gnyis tsam du 'phags par shes so/ / kha cig gis ni de bzhin gshegs pa'i sku dpag tshad bcu tsam du shes so// 'khor 'di nyid kyi nang nas kha cig gis ni de bzhin gshegs pa'i sku dpag tshad stong du shes so// kha cig gis ni de bzhin gshegs pa'i sku dpag tshad stong phrag bcu dang / nyi shu dang / sum cu dang / bzhi bcu dang / lnga bcu par shes so// kha cig gis ni dpag tshad 'bum dang / kha cig gis ni de bzhin gshegs pa'i sku dpag tshad 'bum phrag bcu dang / nyi shu dang / sum cu dang / bzhi bcu dang / lnga bcu par shes so// kha cig gis ni de bzhin gshegs pa'i sku dpag
- 96b
tshad 'bum phrag brgyad khri bzhi stong par shes so/ / 'khor 'di nyid kyi nang nas kha cig gis ni de bzhin gshegs pa'i sku dpag tshad 'bum phrag bgrangs pa las 'das par shes so// / 'khor 'di nyid kyi nang nas kha cig gis ni de bzhin gshegs pa gser gyi kha dog tu mthong ngo // kha cig gis ni nor bu rin po che bai DUR+Ya'i kha dog tu/ kha cig gis ni nor bu rin po che chen po an+da rnyil gyi kha dog tu/ kha cig gis ni nor bu rin po che mthon ka chen po'i kha dog tu/ kha cig gis ni nor bu rin po che skar 'od kyi kha dog tu/ kha cig gis ni nor bu rin po che pad+ma ral gyi kha dog tu kha cig gis ni nor bu rin po che brgya byin thogs pa'i kha dog tu/ kha cig gis ni nor bu rin po che rdo rje snang ba'i kha dog tu/ kha cig gis ni nor bu rin po che lha thams cad snang ba'i kha dog tu/ cig gis ni nor bu rin po che nyi zla snang ba'i kha dog tu/ kha cig gis ni nor bu rin po che chu'adang gi kha dog tu/ kha cig gis ni de bzhin gshegs pa'i sku nor bu rin po che shel gyi kha dog tu shes so// kha cig gis ni nor bu rin po che dbang gi rgyal po'i kha dog tu/ kha cig gis ni nor bu rin po che 'od thams cad bsdus pa'i kha dog tu/ kha cig gis ni nor bu rin po che rgyal po seng ge ral pa can gyi kha dog tu/ kha cig gi ni nor bu rin po che seng ge'i rgyal mtshan gyi rtse mo'i kha dog tu/ kha cig gis ni nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog
- 97a
tu shes so/ / 'jam dpal 'khor 'di nyid kyi nang nas/ kha cig gis ni de bzhin gshegs pa yid bzhin gyi nor bu rin po che'i kha dog tu shes so// 'jam dpal kha dog dang / spyod lam dang / dbyibs gang dang gang kho nas sems can rnams 'dul bar 'gyur ba 'jam dpal de bzhin gshegs pa kha dog dang / spyod lam dang / dbyibs de dang de kho nar sems can rnams kyis mthong ngo / / 'jam dpal chos bstan pa gang dang gang gis sems can rnams yongs su smin par 'gyur ba'i chos de dang de nyid de bzhin gshegs pa ston par sems can rnams kyis shes so/ / 'jam dpal spyod pa gang dang gang gis sems can rnams de bzhin gshegs pa'i bstan pa la rab tu 'dzud cing 'dul bar 'gyur ba'i spyod pa de dang de la/ de bzhin gshegs pa bzhugs par sems can rnams kyis shes so/ / 'jam dpal gal te shar phyogs kyi 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa dag/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa rnams kyis yongs su gang bar gyur la/ shar phyogs su ji lta ba de bzhin du
- 97b
lho dang / de bzhin du nub dang / de bzhin du byang dang / de bzhin du shar lho dang / de bzhin du lho nub dang / de bzhin du nub byang dang / de bzhin du byang shar dang / de bzhin du sdeng dang / de bzhin du'og gi phyogs kyi 'jig rten gyi khams dpag tu med/ grangs me da/ bsam gyis mi khyab/ mtshungs pa me da gzhal du med/ tshad medad/ brjod du med pa'i yang brjod du med pa dag/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa dag gis dper na 'dam bu'i tshal lam/ bu ram shing gi tshal lam/ til gyi zhing bzhin du yongs su gang bar gyur pa'i sems can de dag/ 'jam dpal gal te de bzhin gshegs pa mthong bas 'dul ba yin nam/ sems can de dang de dag gis de bzhin gshegs pa'i spyan snga na 'dom gang tsam na 'khod par shes so// 'jam dpal kha dog dang / spyod lam dang / gnas gang dang gang gis sems can de dag 'dul bar 'gyur ba de dang de kho nar de bzhin gshegs pa mdun na bzhugs par sems can de dag gis mthong ngo // 'jam dpal chos bstan pa gang dang gang gis sems can rnams yongs su smin par 'gyur ba de dang de nyid kyis chos ston par thos so/ / 'jam dpal spyod pa gang gis sems can de dag de bzhin gshegs pa'i bstan pa la
- 98a
'jug par 'gyur ba'i spyod pa de dang de la de bzhin gshegs pa bzhugs te/ de bzhin gshegs pa'i mdzad pa thams cad lhun gyis grub cing rnam par mi rtogs par 'gyur ro/ / 'jam dpal 'di lta ste dper na/ zla ba yar gyi ro'i dkyil 'khor nam phyed kyi dus na/ 'dzam bu'i gling gi sems can thams cad kyi so so'i mdun na zla ba'i dkyil 'khor 'dug par shes kyang / zla ba'i dkyil 'khor ni sems can de dag gis bdag ci'i phyir/ zla ba'i dkyil 'khor du shes par 'gyur bar bdag sems can de dag gi mdun na 'dug par bya'o snyam du mi rtog/ rnam par mi rtog mod kyi/ bon kyang 'jam dpal zla ba'i dkyil 'khor ni ma 'dres pa'i chos dang ldan pas lhun gyis grub cing / rnam par mi rtog par de lta bu'i bya ba 'di 'byung ngo // 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'khor dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa'i dbus na bzhugs na/ de dag thams cad kyis kyang de bzhin gshegs pa mdun na bzhugs par mthong mod kyi/ 'jam dpal de bzhin gshegs pa ni sems can de dag gis de bzhin gshegs pa mdun na bzhugs par shes par 'gyur b.rang sems can de dag gi mdun du 'dug par bya'o snyam du mi rtog/ rnam par mi rtog ste/
- 98b
'on kyang sems can rnams ji lta bus 'dul ba de bzhin du/ de bzhin gshegs pa mdun na bzhugs par shes so// de ci'i phyir zhe na/ ma 'dres pa'i chos dang ldan pa'i phyir ro// 'jam dpal dper na/ sems can rnams kyi las kyi tha ma dang / 'bring dang / rab kyi rnam par smin pa'i dbang gis/ sems can rnams kyi 'du byed tha ma dang / 'bring dang / rab rnams 'byung yang 'du byed rnams ni mi rtog/ rnam par mi rtog ste/ 'on kyang 'du byed de dag lhun gyis grub cing rnam par mi rtog par tha ma dang / 'bring dang / rab rnams kyi bya ba dag la 'dug go/ 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / sems can rnams kyi las kyi rnam par smin pa tha ma dang / 'bring dang / rab kyi dbang gis de bzhin gshegs pa tha ma dang / 'bring dang / rab tu sems can rnams kyis mthong yang / 'jam dpal de bzhin gshegs pa ni mi rtog/ rnam par mi rtog ste/ 'on kyang de bzhin gshegs pa de'i mdzad pa de lta bu de lhun gyis grub par 'byung ngo / / 'jam dpal dper na/ nor bu rin po che bai DUR+Ya rigs ma ni ras tha dad pa nyid kyis dbang gis kha dog tha dad pa nyid du 'gyur te/ 'jam dpal gal te nor bu rin po che bai DUR+Ya ras ser po'i steng du bzhag na ni/ nor bu rin po che bai DUR+Ya kha dog ser por 'gyur/ gal te ras dmar po'i steng du bzhag na ni/ nor bu rin po che bai DUR+Ya kha
- 99a
dog dmar por 'gyur/ gal te ras sngon po'i steng du bzhag na ni/ nor bu rin po che bai DUR+Ya kha dog sngon por 'gyur te/ de ltar ras kha dog ci dang ci 'dra ba'i steng du bzhag pa de dang de nyid kyi kha dog kho nar 'gyur yang / 'jam dpal nor bu rin po che bai DUR+Ya ni mi rtog/ rnam par mi rtog ste/ 'on kyang lhun gyis grub cing rnam par mi rtog pa de'i bya ba de lta bu de 'byung ngo / / 'jam dpal de bzhin du de bzhin gshegs pa yang sems can tha dad pa nyid kyi dbang gis kha dog tha dad pa nyid du 'gyur te/ 'jam dpal gal te sems can rnams de bzhin gshegs pa'i sku gser gyi kha dog tu mthong bas gdul bar bya ba yin na ni/ de dag gis ni de bzhin gshegs pa'i sku gsar gyi kha dog tu mthong ngo // gal ta sems can rnams nor bu rin po che bai DA rI'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che bai DUR+Ya'i kha dog tu mthong ngo // gal te sems can rnams mu tig gi kha dog lta bus gdul bar bya ba yin na ni/ de dag gis kyang de bzhin gshegs pa'i sku mu tig gi kha dog tu mthong ngo // gal te sems can rnams nor bu rin po che an+da rnyil gyi kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che an+da rnyil gyi kha dog tu mthong ngo // 'jam dpal gal te sems can rnams nor bu rin po che mthon ka chen po'i kha dog lta bus
- 99b
gdul bar bya ba yin na ni/ de dag gis kyang de bzhin gshegs pa'i sku nor bu rin po che mthon ka chen po'i kha dog tu mthong ngo // gal te sems can rnams nor bu rin po che 'od thams cad bsdus pa'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che 'od thams cad bsdus pa'i kha dog tu mthong ngo // gal te sems can rnams nor bu rin po che dbang gi rgyal po'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che dbang gi rgyal po'i kha dog tu mthong ngo // gal sems can rnams nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong ngo / / gal te sems can rnams nor bu rin po che'i rgyal po seng ge ral pa can gyi kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che'i rgyal po seng ge ral pa can gyi kha dog tu mthong ngo // gal te sems can rnams nor bu rin po che seng ge'i rgyal mtshan gyi rtse mo'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che seng ge'i rgyal mtshan gyi rtse mo'i
- 100a
kha dog tu mthong ngo / / 'jam dpal gal te sems can rnams nor bu rin po che glog gi sgron ma'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che glog gi sgron ma'i kha dog tu mthong ngo / / gal te sems can rnams nor bu rin po che chu 'dang gi kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che chu 'dang gi kha dog tu mthong ngo / / de bzhin du sems can rnams de bzhin gshegs pa'i sku brgya byin dang / tshangs pa dang / 'jig rten skyong ba'i kha dog tu mthong bas gdul bar bya ba yin na ni/ de dag gis kyang de bzhin gshegs pa'i sku brgya byin dang / tshungs pa dang / 'jig rten skyong ba'i kha dog tu mthong ngo // de bzhin du sbyar te/ sems can rnams sems can dmyal ba dang / dud 'gro dang / yi dgas dang / gshin rje'i 'jig rten du skyes pa'i bar gyi kha dog gis gdul bar bya ba yin na ni/ de dag gis kyang de bzhin gshegs pa'i sku sems can dmyal ba dang / dud 'gro dang / yi dgas dang / shin rje'i 'jig rten du skyes pa'i bar gyi kha dog tu mthong ngo // gzugs med par skyes pa'i bar gyi gzugs dang / lus dang / kha dog dang / spyod lam gang dang gang gis sems can rnams 'dul bar 'gyur ba'i gzugs dang / lus dang / kha dog dang / spyod lam de dang de lta bur de bzhin gshegs pa mthong ngo //
- 100b
de bzhin du sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang // 'du shes can ma yin pa dang / 'du shes med 'du shes med min gyi sems can rnams gzugs dang / lus dang / kha dog dang / spyod lam gang dang gang gis/ 'dul bar 'gyur ba'i gzugs/ dang / lus dang / kha dog dang / spyod lam de dang der de bzhin gshegs pa mthong yang / de bzhin gshegs pa ni sems can 'di dag gis gser gyi kha dog tu mthong bar gyur la/ nor bu rin po che bai rAR+Ya'i kha dog tu mthong bar ni ma gyur cig/ sems can 'di dag gis ni nor bu rin po che bai DUR+Ya'i kha dog tu mthong bar gyur la/ nor bu rin po che an+da rnyil gyi kha dog tu mthong bar ni ma gyur cig/ sems can 'di dag gis ni nor bu rin po che an+da rnyil gyi kha dog tu mthong bar gyur la/ nor bu rin po che mthon ka chen po'i kha dog tu mthong bar ni ma gyur cig/ sems can 'di dag gis ni nor bu rin po che mthon ka chen po'i kha dog tu mthong bar gyur la/ nor bu rin po che 'od thams cad bsdus pa'i kha dog tu mthong bar ni ma gyur cig/ sems can 'di dag gis ni nor bu rin po che 'od thams cad bsdus pa'i kha dog tu mthong bar gyur la/ nor bu rin po che dbang gi rgyal po'i kha dog tu mthong bar ni ma gyur cig/ sems can 'di dag gis ni nor bu rin po che dbang gi
- 101a
rgyal po'i kha dog tu mthong bar gyur la/ nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong bar ni ma gyur cig/ sems can 'di dag gis ni nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong bar gyur la/ nor bu rin po che'i rgyal po seng ge ral pa can gyi kha dog tu mthong bar ni ma gyur cig/ sems can 'di dag gis ni nor bu rin po che'i rgyal po seng ga ral pa can gyi kha dog tu mthong bar gyur la/ nor bu rin po che seng ge'i rgyal mtshan gyi rtse mo'i kha dog tu mthong bar ni ma gyur cig/ sems can 'di dag gis ni nor bu rin po che seng ge'i rgyal mtshan gyi rtse mo'i kha dog tu mthong bar gyur la/ nor bu rin po che brgya byin thogs pa'i kha dog tu mthong bar ni ma gyur cig/ sems can 'di dag gis ni nor bu rin po che brgya byin thogs pa'i kha dog tu mthong bar gyur la/ nor bu rin po che rdo rje snang ba'i kha dog tu mthong bar ni ma gyur cig/ sems can 'di dag gis ni nor bu rin po che rdo rje snang ba'i kha dog tu mthong bar gyur la/ nor bu rin po che lha thams cad snang ba'i kha dog tu mthong bar ni ma gyur cig/ sems can 'di dag gis ni nor bu rin po che lha thams cad snang ba'i kha dog tu mthong bar gyur la/ nor bu rin po che nyi zla snang ba'i kha dog tu mthong bar ni ma gyur cig/ sems can 'di dag gis ni nor bu
- 101b
rin po che nyi zla snang ba'i kha dog tu mthong bar gyur la/ nor bu rin po che glog gi smon pa'i kha dog tu mthong bar ni ma gyur cig/ sems can 'di dag gis ni nor bu rin po che glog gi sgron ma'i kha dog tu mthong bar gyur la/ nor bu rin po che'i rgyal po yid bzhin gyi kha dog tu mthong bar ni ma gyur cig ces mi rtog/ rnam par mi rtog go/ de bzhin du sbyar te/ 'gro ba thams cad du skyes pa'i sems can rnams la yang brjod par bya ste/ 'jam dpal de bzhin gshegs pa ni mi rtog/ rnam par mi rtog mod kyi/ 'on kyang lhun gyis grub cing rnam par mi rtog pa de'i mdzad pa de lta bu de 'byung ngo / / // bam po gnyis pa// 'jam dpal dper na/ nor bu rin po che dbang gi rgyal po gang du 'byung ba der lcags dang / lcags las byas pa'i yo byad rnams pa 'byung mod kyi/ 'jam dpal 'on kyang nor bu rin po che dbang gi rgyal po ni mi rtog/ rnam par mi rtog ste/ 'di snyam du bdag gang du byung ba der lcags dang / lcags las byas pa'i yo byad rnams 'byung bar ma gyur cig snyam du mi sems mod kyi/ 'on kyang lhun gyis grub cing rnam par mi rtog par de'i bya ba de lta bu de 'byung ngo // 'jam dpal de bzhin du sangs rgyas kyi zhing gang du de bzhin gshegs pa byung ba der mu stegs can spyod pa pa dang / kun tu rgyu dang / gcer bu pa la sogs pa mu stegs can gyi gnas thams cad mi 'byung // der lta bar
- 102a
gyur pa thams cad mi 'byung / der 'khrug pa thams cad mi 'byung / der mtshams med pa lnga po dag mi 'byung / der mi dge ba bcu'i las kyi las rnams mi 'byung / der rgyal po'i bka' lung dang / chos gces pa 'dor ba mi 'byung // der 'i za'i 'od dag mi 'byung / der brgya byin dang / tshangs pa dang / 'jig rten skyong ba dag dang / lha thams cad kyi 'od dag mi 'byung / der nor bu rin po che'i 'od rnams dang / me'i 'od rnams dang / glog gi 'od rnams mi 'byung / der yud tsam dang / yud tsam phyed dang / zla ba dang / zla ba phyed pa dang / le bgrang ba rnams mi 'byung ste/ 'jam dpal gzhan du na sems can yongs su smin par bya ba'i phyir/ de bzhin gshegs pa'i byin gyi rlabs ni ma gtogs so// 'jam dpal de bzhin gshegs pa ni mi rtog/ rnam par mi rtog ste/ 'on kyang sems can gyi dbang gis lhun gyis grub cing rnam par mi rtog par de'i mdzad pa de lta bu de 'byung ngo // 'jam dpal dper na/ nor bu rin po che mthon ka chen po'i 'od kyis reg pa de dag thams cad nor bu rin po che mthon ka chen po'i kha dog tu 'gyur yang / nor bu rin po che mthon ka chen po ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu re 'byung ngo // 'jam dpal de bzhin du gang dag de bzhin gshegs pa la dmigs pa'i yid la byed pa'i bod kyis reg
- 102b
pa de dag thams cad thams cad mkhyen pa nyid kyi kha dog tu 'gyur yang / de bzhin gshegs pa ni mi rtog/ rnam par mi rtog ste/ 'on kyang 'jam dpal lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / / 'jam dpal dper na/ nor bu rin po che chen po bai DUR+Ya byi dor legs par byas la/ mgo'i rgyan nam/ mgul pa'i rgyan nam/ lag pa'i rgyan nam/ rkang pa'i rgyan yang rung ste/ gang dang gang gi logs na rgyan du 'dug pa de dang der rgyun du shin tu lham me/ lhan ne/ lhang nge'o// nor bu rin po che chen po bai DUR+Ya de nyid kyi mthus rgyan de dag kyang shin tu lham me/ lhan ne/ lgang nger 'dug la/ nor bu rin po che chen po bai DUR+Ya ni mi rtog/ rnam par mi rtog ste/ bon kyang lhun gyis grub cing rnam par mi rtog par de'i bya ba de lta bu de 'byung ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang spyod lam gyi gnas gang dang gang gis nyan thos kyi spyod pa'am/ rang sangs rgyas kyi spyod pa'am/ byang chub sems dpa'i spyod pa bam/ de bzhin gshegs pa'i spyod pa 'am/ spyod pa pa dang / kun tu rgyu dang / gcer bu pa'i spyod pa 'am/ dud 'gro dang yi dgas dang / gshin rje'i 'jig rten dang / sha za dang / grul bum dang / srin po'i spyod pa 'am/ lha dang // klu dang / gnod sbyin dang / dri za'i spyod pa 'am/ spyod pa
- 103a
gang dang gang la gnas pa'i spyod pa de dang de nyid shin tu lham me/ lhan ne/ lgang nge'o// de bzhin gshegs pa de nyid kyi mthus spyod pa de shin tu l+h+wam me/ ldan nu// lhang nger rnam par spyod kyang / 'jam dpal de bzhin gshegs pa ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo // 'jam dpal dper na/ sa la gnas/ sa la brten nas/ sa bon thams cad dang / rtswa dang / shing gal ba dang / sman dang / nags tshal rnams skye zhing 'phel la/ shin tu rgyas pa nyid du 'gyur yang / 'jam dpal sa ni mi rtog/ rnam par mi rtog ste/ 'on kyang lhun gyi grub cing rnam par mi rtog par de'i bya ba de lta bu de 'byung ngo // 'jam dpal de bzhin du de bzhin gshegs pa la gnas/ de bzhin gshegs pa la brten nas/ sems can thams cad kyi dge ba'i rtsa ba thams cad skye zhing 'phel te/ shin tu rgyas pa nyid du 'gyur yang de bzhin gshegs pa ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo // 'jam dpal dper na sprin chen pos 'dzam bu'i gling thams cad khebs par byas nas/ rtswa dang / shing gel ba dang / sman dang / nags tshal rnam pa tha dad pa rnams su char pa chen po rab tu phab ste/ ro gcig pa'i chu'i rgyun des rtswa dang / shing gel ba dang / sman dang
- 103b
nags tshal rnam pa tha dad pa rnams skye bar byed cing / gnas rnam pa tha dad pa rnams su chu de ro tha dad pa dang / kha dog tha dad par yang gnas la/ 'jam dpal sprin ni mi rtog/ rnam par mi rtog ste/ 'on kyang lhun gyis grub cing rnam par mi rtog par bya ba tha dad pa rnams 'byung ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang phyogs bcu'i 'jig rten gyi khams rab 'byams thams cad sangs rgyas kyi sku'i sprin gyis khyab par mdzad de/ sem can dge ba'i rtsa ba sna tshog pasag pa smon lam dang / lhag pa'i bsam pa dang / mos pa tha dad cing // mos pa tha dad pa la gnas pa thams cad la chos kyi char chen po mngon par phab ste/ 'jam dpal chos kyi char de yang ro gcig pa yin mod kyi/ 'jam dpal sems can dge ba'i rtsa ba sna tshogs bsags pa/ smon lam dang / lhag pa'i bsam pa dang / mos pa tha dad cing / mos pa tha dad pa la gnas pa/ dge ba'i rtsa ba dang / smon lam dang / lhag pa'i bsam pa dang / mos pa tha dad pa la zhugs pa rnams la rnam pa tha dad pa nyid kyi chos tha dad pa kho na'i char pas nus pa ji lta ba dang / mthu ji lta ba bzhin du dge ba'i rtsa ba skyed kyang / 'jam dpal de bzhin gshegs pa ni mi rtog/ rnam par mi rtog ste/ 'di lta ste/ sems can 'di dag la ni nyan thos kyi ye shes sa 'gyur ba'i dge ba'i rtsa ba dag rnam par bskyed par bya'o// sem can 'di dag la ni rang sangs rgyas kyi ye shes su 'gyur ba'i dge ba'i rtsa ba dag rnam par
- 104a
bskyed par bya'o/ / sems can 'di dag la ni sangs rgyas kyi ye shes su 'gyur ba'i dge ba'i rtsa ba dag rnam par bskyed par bya'o// sems can 'di dag la ni rgyal chen bzhi pa'i lha'i gnas su skye ba'i dge ba'i rtsa ba dag rnam par bskyed par bya'o/ / sems can 'di dag la ni sum cu rtsa gsum gyi gnas su skye ba'i dge ba'i rtsa ba dag rnam par bskyed par bya'o// de bzhin du sbyar te/ 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / de bzhin du tshangs pa rnams dang / tshangs chen rnams dang / tshangs pa'i mdun na 'don rnams dang / 'od chung rnams dang / tshad mang 'od rnams dang / 'od gsal rnams dang / dge chung rnams dang / tshad med dge rnams dang / dgra rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / gnas gtsang ma'i ris rnams dang / bog min rnams kyi dge ba'i rtsa ba dag rnam par bskyed par bya'o// bdud kyi ris kyi lha rnams kyi dge ba'i rtsa ba dag rnam par bskyed par bya'o snyam du/ 'jam dpal de bzhin gshegs pa ni mi rtog/ rnam par mi rtog go/ sems can 'di dag la ni rgyal por skye ba'i dge ba'i rtsa ba sna tshogs dag rnam par bskyed par bya'o//
- 104b
sems can 'di dag la ni mir skye ba'i dge ba'i rtsa ba sna tshogs dag rnam par bskyed par bya'o// sems can 'di dag la ni dbang phyug tu 'gyur ba'i dge ba'i rtsa ba sna tshogs dag rnam par bskyed par bya'o snyam du 'jam dpal de bzhin gshegs pa ni mi rtog/ rnam par mi rtog ste/ 'on kyang de bzhin gshegs pa ni lhun gyis grub cing / rnam par mi rtog par sems can smon lam dang / lhag pa'i bsam pa dang / mos pa ji lta ba dang / dge ba'i rtsa ba ji ltar bsags pa bzhin du mdzad pa de lta bu de 'byung ste/ de bzhin gshegs pa ni thams cad du btang snyoms su bzhugs shing btang snyoms la rnam par mi rtog go/ 'jam dpal dper na/ nyi ma'i dkyil 'khor shar ma thag tu 'od zer bye ba khrag khrig 'bum phrag grangs med pa btang nas/ 'dzam bu'i gling gi mun pa mun nag thams cad med par 'gyur yang / nyi ma'i dkyil 'khor ni mi rtog/ rnam par mi rtog ste/ 'on kyang lhun gyis grub cing rnam par mi rtog par bya ba de lta bu de 'byung ngo / / 'jam dpal de bzhin du de bzhin gshegs pa'i nyi ma'i dkyil 'khor shar ma thag tu ye shes kyi 'od zer bye ba khrag khrig pa bum phrag grangs med pa btang bas sems can rnams kyi lta bar gyur pa'i mun pa thams cad med par gyur te/ sems can yongs su smin par bya ba'i phyir/ de bzhin gshegs pa'i byin gyi rlabs kyis/ 'jig rten gyi khams
- 105a
su lta bar gyur pa 'byung ba ni ma gtogs so/ / 'jam dpal de bzhin gshegs pa ni ngas sems can rnams kyi lta bar gyur pa bsal lo snyam mam/ bsal bar bya'o snyam du mi rtog/ rnam par mi rtog mod kyi/ 'on kyang 'jam dpal lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ste/ 'jam dpal de bzhin gshegs pa ni thams cad du rnam par mi rtog cing mnyam ste/ btang snyoms pa'o// 'jam dpal dper na sgyu ma sprul pa ni/ sgyu ma mkhan gyi dbang gis bya ba rnam pa sna tshogs dang / lus tha dad pa sna tshogs ston kyang / bajam dpal sgyu ma sprul pa de ni brjod du med pa/ ma skyes pa/ ma 'gags pa/ yi ge med pa/ sgra med pa/ yul mang pa/ dngos po med pa/ bsam gyis mi khyab pa/ mtshan nyid med pa/ gnyis su med pa/ kun tu spyod pa med pa/ chos kyi dbyings dang mnyam zhing gnyen po med pa yin yang // 'jam dpal sgyu ma sprul pa ni sgyu ma mkhan gyi dbang gis lhun gyi grub cing rnam par mi rtog par bya ba sna tshogs ston to/ / 'jam dpal de bzhin gshegs pa dgra bcom pa yang dag par rdzogs pa'i sangs rgyas kyang sems can gyi dbang gis/ 'khor gyi nang na gzugs kyi sku dang / kha dog dang / spyod pa dang / spyod lam dang / bya ba la 'jug pa'i gnas sna tshogs 'byung mod kyi
- 105b
'jam dpal de bzhin gshegs pa de ni brjod du med pa/ ma skyes pa/ ma 'gags pa/ yi ge med pa/ sgra med pa/ yul med pa/ dngos po med pa/ bsam gyis mi khyab pa/ mtshan nyid med pa/ gnyis su med / kun tu spyod pa med pa/ chos kyi dbyings dang mtshungs shing gnyen po med pa/ khams gsum las yang dag par 'das pa ste/ 'od kyang 'jam dpal de bzhin gshegs pa ni lhun gyis grub cing / rnam par mi rtog par sems can gyi dbang gis mdzad pa sna tshogs dag ston to// 'jam dpal dper na/ nyi ma ni gcig kho na yin na/ ri'i rgyal po ri rab kyi dbang gis gling bzhi rnams su sems can rnams kyis rnam pa mang por mthong ste/ kha cig gis ni de 'char bar mthong / kha cig gis ni shar zin par mthong / kha cig gis ni bag dros pa tsam du mthong / kha cig gis ni dros chen tsam du shes/ kha cig gis ni nam phyed/ kha cig gis ni nyi ma phyed/ kha cig gis ni nyi ma mal tse thun gcig tsam du shar bar shes/ kha cig gis ni nyi ma phyed yol tsam du shes/ kha cig gis ni nyi ma snar tsam du shes/ kha cig gis ni tho rangs tsam du shes te/ nyi ma'i dkyil 'khor gcig yin mod kyi/ 'on kyang gling bzhi dag tu sems can rnams kyis gzhan dang gzhan du mthong yang nyi ma'i dkyil 'khor ni mi rtog/ rnam par mi rtog ste/ lhun gyis grub cing rnam par mi rtog bzhin du/ ri rab kyi
- 106a
dbang gis gling bzhi pa'i 'jig rten gyi khams su bya ba sna tshogs ston to/ / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can gyi dbang gis 'khor gcig kho na'i nang nas kyang / sems can kha cig gis ni de bzhin gshegs pa mngon par rdzogs par 'tshang rgya bar shes/ kha cig gis ni yongs su mya ngan las 'da' bar shes/ kha cig gis ni bcom ldan 'das mngon par rdzogs par sangs rgyas par shes so// 'khor de nyid kyi nang nas kha cig gis ni bcom ldan 'das yongs su mya ngan las 'das par shes/ kha cig gis ni de bzhin gshegs pa bcom ldan 'das mngon par rdzogs par sangs rgyas nas lo bcu lon par shes/ kha cig gis ni de bzhin gshegs pa yongs su mya ngan las 'das nas lo bcu lon par shes/ kha cig gis ni bcom ldan 'das kyi bstan pa snying por gyur par shes/ kha cig gis ni bcom ldan 'das kyi bstan pa nub par shes/ kha cig gis ni bcom ldan 'das kyis chos bstan nas/ lo bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas le bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs par
- 106b
sangs rgyas nas/ lo brgya dang / lo stong lon par shes/ kha cig gis ni bcom ldan 'das yongs su mya ngan las 'das nas lo brgya dang / le stong lon par shes/ kha cig gis ni bcom ldan 'das mngon par rdzogs par sangs rgyas nas/ le stong phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas lo stong phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs par sangs rgyas nas/ bskal pa bya ba khrag khrig 'bum phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas/ bskal pa bye ba khrag khrig 'bum phrag bcu dang / nyi shu dang / sum cu dang / bzhi bcu dang / lnga bcu lon par shes so// 'jam dpal 'khor 'di nyid kyi nang nas lha dang / mi kha cig gis ni bcom ldan 'das shAkya thub pa mngon par rdzogs par sangs rgyas nas/ bskal pa brjod du med pa'i yang brjod du med pa lon par shes/ 'jam dpal 'khor 'di nyid kyi nang nas lha dang / mi kha cig gis ni bcom ldan 'das shAkya thub pa yongs su mya ngan las 'das nas/ bskal pa brjod du med pa'i yang brjod du med pa lon par shes
- 107a
kyang / 'jam dpal de bzhin gshegs pa ni mi rtog/ rnam par mi rtog ste/ 'on kyang lhun gyis grub cing rnam par mi rtog bzhin du sems can gyi dbang gis de bzhin gshegs pa'i mdzad pa de lta bu de 'byung ngo / / 'jam dpal dpar na/ 'dzam bu gling du rlung gi dkyil 'khor chen po langs pas rtswa dang / shing gal ba dang / sman dang nags tshal dang / lo ma thams cad g.yo/ rab tu g.yo/ kun tu rab tu g.yo/ 'gul/ rab tu 'gul/ kun tu rab tu 'gul/ 'ur 'ur/ rab tu 'ur bur/ kun tu rab tu 'ur 'ur/ 'khrugs/ rab tu 'khrugs/ kun tu rab tu 'khrugs shing / le ma kha cig ni/ shar phyogs su dma' la/ nub phyogs su mtho / kha cig ni nub phyogs su dma' la/ shar phyogs su mtho/ lo ma kha cig ni mtha' dma' la/ dbus su mtho/ kha cig ni byang phyogs su dma' la/ lho phyogs su mtho yang / rtswa dang / shing ge la ba dang / sman dang / nags tshal dang / lo ma rnams mi rtog/ rnam par mi rtog ste/ 'on kyang 'jam dpal rlung gi dkyil 'khor gyi dbang gis bya ba sna tshogs ston to// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang mi rtog/ rnam par mi rtog ste/ 'on kyang sems can gyi dbang gis rtag tu skad cig skad cig la gzugs kyi sku dang /
- 107b
kha dog dang / spyod pa dang / smon lam dang / bya ba la 'jug pa'i gnas grangs med pa dag phyogs bcu'i 'jig rten gyi khams mtha' yas mu med pa rnams su 'byung ngo // 'jam dpal sems can rnams kyi de bzhin gshegs pa la dmigs pa yid la byed pa ji snyed 'byung ba de snyed kyi bskal par sems can dmyal ba dang / dud 'gro dang / yi dgas dang / gshin rje'i 'jig rten du skye ba'i rgyun chad cing ldog ste/ 'jam dpal de ltar de bzhin gshegs pa dgra bcom pa yang dag par rdzogs pa'i sangs rgyas ni yon tan tshad med pa dang ldan te de bzhin gshegs pa gcig la dmigs pa'i yon tan gyi mtha' yang byang chub sems dpa' sems dpa' chen po rnam par thar pa dang / ting nge 'dzin bsam gyis mi khyab pa la gnas pa rnams kyis kyang bskal pa bye ba khrag khrig 'bum phrag dpag tu med pa dag gis kyang rtogs par mi nus so/ / 'jam dpal stong gsum gyi stong chen po'i 'jig rten gyi khams kyi lha rnams dang / mi rnams ni ches nyung gi/ phyi rol gyi drang srong mngon par shes pa lnga dang ldan pa/ 'dod pa dag la 'dod chags dang bral ba rnams kyis lha'i mig gis shing rta'i 'phang lo'i tshad tsam gyis phyogs gcig na sems can dag mthong ba ni ches mang ngo / / 'jam dpal phyi rol gyi drang srong mngon par shes pa lnga dang ldan pa/ 'dod pa dag la 'dod chags dang
- 108a
bral ba rnams kyis lha'i mig gis stong gsum gyi stong chen po'i 'jig rten gyi khams na sems can dag mthong ba ni ches nyung gi/ de bzhin gshegs pa'i nyan thos dgra bcom pa/ zag pa zad pa/ rnam par thar pa brgyad la bsam gtan pas lha'i mig gis shing rta'i 'phang lo'i tshad tsam gyis phyogs gcig na/ sems can dag mthong ba ni ches ma ngo ngo/ / ba jam dpal de bzhin gshegs pa'i nyan thos dgra bcom pa zag pa zad pa/ rnam par thar pa brgyad la bsam gtan pas/ lha'i mig gis stong gsum gyis stong chen po'i 'jig rten gyi khams na sems can ji snyed mthong ba de bas ni/ 'jam dpal rang sangs rgyas kyi lha'i mig gis shing rta'i 'phang lo'i tshad tsam gyis phyogs gcig na sems can dag mthong ba ni ches mang ngo / / 'jam dpal rang sangs rgyas kyi lha'i mig gis stong gsum gyi stong chen po'i 'jig rten gyi khams na/ sems can ji snyed mthong ba de bas ni/ 'jam dpal byang chub sems dpa' rnam par thar pa dang / ting nge 'dzin bsam gyis mi khyab pa la gnas pas/ lha'i mig gis shing rta'i 'phang lo'i tshad tsam gyis phyogs gcig na/ sems can dag mthong ba ni ches mang ngo / / 'jam dpal byang chub sems dpa' rnam par thar pa dang / ting nge 'dzin bsam gyis mi khyab pa la gnas pas/ lha'i mig gis stong gsum gyi stong
- 108b
chen po'i 'jig rten gyi khams na/ sems can ji snyed mthong ba de bas ni/ 'jam dpal de bzhin gshegs pas lha'i spyan gyis shing rta'i 'phang lo'i tshad tsam gyis phyogs gcig na/ sems can dag gzigs pa ni ches grangs med do// 'jam dpal de bzhin du phyogs bcu'i 'jig rten gyi khams rab 'byams thams cad/ shing rta'i 'phang lo'i tshad tsam gyi sa phyogs thams cad na gnas pa'i sems can re re'i sems dang / sems las byung ba'i chos byung ba dang / 'byung bar 'gyur ba gang dag gzigs pa de dag ni/ byang chub sems dpa'i rnam par thar pa dang / ting nge 'dzin bsam gyis mi khyab pa la gnas pa rnams kyis kyang / bskal pa gang+gA'i klung gi bye ma snyed du yang bgrang ba 'am/ bsam pa'am/ grangs su bya bar sla ba ma yin te/ 'jam dpal sems can 'das pa dang / ma 'ongs pa dang / da ltar byung ba de dag gi sems dang / sems las byung ba de dag ni de bzhin gshegs pa dgra bcom pa yang dag par rdzogs pa'i sangs rgyas kyis lhun gyis grub par skad cig thang cig yud tsam gcig la rab tu mkhyen to/ / 'jam dpal phyogs bcu'i 'jig rten gyi khams thams cad du gtogs pa'i sems can thams cad kyi sems dang / sems las byung ba rnams rgyu gang dang / dmigs pa gang dang / rkyen gang gi ji ltar byung ba dang / 'byung ba dang / 'byung bar 'gyur ba dang /
- 109a
sems can de dag gi spyod pa dang / spyod lam dang / bya ba la 'jug pa'i gnas gang dag byung ba dang / 'byung ba dang // 'byung bar 'gyur ba de dag de bzhin gshegs pas lhun gyis grub pa'i ye shes kyis rnam par mi rtog par skad cig thang cig yud tsam gcig la yang dag pa ji lta ba bzhin du rab tu mkhyen to/ / 'jam dpal sems can de dag ji ltar bla na med pa yang dag par rdzogs pa'i byang chub tu 'dul ba yang lhun gyis grub pa'i ye shes kyis rnam par mi rtog par skad cig thang cig yud tsam gcig la rab tu mkhyen to/ / 'jam dpal sems can re re'i ma rig pa'i gnas kyi sa'i nyon mongs pa gang+gA'i klung gi bye ma bas mang ba de dag kyang / de bzhin gshegs pas lhun gyis grub pa'i ye shes kyis rnam par mi rtog par skad cig thang cig yud tsam gcig la rab tu mkhyen to/ / 'jam dpal rgyu gang dang / dmigs pa gang dang / rkyen gang gis nyon mongs pa de dag ji ltar 'byung ba dang / thabs kyi shes p a gang gis sems can de dag gi nyon mongs pa ji ltar zhi bar 'gyur ba de dag kyang lhun gyis grub pa'i ye shes kyis rnam par mi rtog par skad cig thang cig yud tsam gcig la rab tu mkhyen to/ / 'jam dpal de ltar na de bzhin gshegs pa dgra bcom pa yang dag par rdzogs pa'i sangs rgyas rnams ni ye shes bsam gyis mi khyab pa dang ldan no// 'jam dpal dper na//
- 109b
zla ba'i dkyil 'khor ni nyi ma'i dbang gis 'dzam bu'i gling du gzugs dang / kha dog dang / gzi brjid dang / 'od rab 'bring tha mar snang yang zla ba'i dkyil 'khor ni 'bri ba 'am/ 'phel ba yang med de/ 'on kyang sems can rnams kyi las kyi rnam par smin pas nyi ma bgrang ba dang / yud tsam dang / yud tsam phyed kyi grangs brtsi bar bya ba de lta bu de yang 'byung la/ 'jam dpal zla ba'i dkyil 'khor ni mi rtog/ rnam par mi rtog ste/ 'on kyang lhun gyis grub cing / rnam par mi rtog par de'i bya ba de lta bu de 'byung ngo // 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / phyogs bcu'i 'jig rten gyi khams rab 'byams thams cad du bsam pa rab 'bring tha mas sems can rnams kyis/ de bzhin gshegs pa gzugs dang / kha dog dang / gzi brjid dang / 'od rab 'bring tha mar mthong yang / 'jam dpal sems can gang gi dag pa'i rtsa ba dang / spyod pa dang / mos pa dang / smon lam gyi stobs dang / byin gyi rlabs ci 'dra ba yin pade 'dra bar de bzhin gshegs pa mthong ste/ 'jam dpal de bzhin gshegs pa la ni rab 'bring tha ma med do// de ci'i phyir zhe na/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni chos kyi sku ste/ shin tu ma skyes pa/ ma byung ba/ ma 'gags pa yin na//
- 110a
'jam dpal 'on kyang sems can rnams kyi bsam pa rab 'bring tha mas de bzhin gshegs pa rab 'bring tha mar mthong gi/ 'jam dpal de bzhin gshegs pa ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo // 'jam dpal stong gsum gyi stong chen po'i 'jig rten gyi khams 'dzin/ wa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang midang / mi ma yin pa rnams dang / zan dud 'gro'i skye gnas su song ba'i sems can gang dag de bzhin gshegs pa la bshos gsol ba dang / gang dag bshos mi gsol ba dang gang dag mthong ba dang / gang dag mi mthong ba dang / gang dag sdod pa dang / gang dag mi sdod pa dang / gang dag gshe ba dang / gang dag mi gshe ba dang / gang dag reg pa dang / gang dag mi reg bde dag thams cad kyi bya ba de ltabu rnams kyang / sangs rgyas kyi mthus spun gyis grub ci rnam par mi rtog par 'byung ngo // 'jam dpal dper na// gang dag gis nor bu rin po che mngonas chen po mthong ba dang / reg pa dang / spyod yul du gnas pa de dag thams cad ni nor bu rin po che mngon ga chen po'i kha dag tu 'gyur yang / nor bu rin po che mthor gaben don mi rtog// rnam
- 110b
par mi rtog go/ / 'jam dpal de bzhin du sems can gang dag gis de bzhin gshegs pa tha na ri mor bris pa dang / gzugs su byas pa mthong ba dang / reg pa dang / de'i spyod yul yang shes pa de dag thams cad ni gzugs dang / kha dog bsam gyis mi khyab pa yongs su grub pa thob par 'gyur yang / de bzhin gshegs pa ni mi rtog/ rnam par mi rtog go// 'jam dpal dper na/ rtsi'i rgyal po legs par mthong zhes bya ba sems can gnod sems kyi sems dang ldan pa'am/ dang ba'i sems dang ldan pa yang rung / gang dag gis mthong ba de dag gi mig rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis rna bas de rlung gis bskyod pa'i sgra thos pa de dag gi rna ba rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis dri tshor ba de dag gi sna rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis lces de'i ro myong ba de dag gi lce'i dbang po rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis lus kyis reg pa de dag gi lus rnam par dag par 'gyur yang / 'jam dpal rtsi'i rgyal po legs par
- 111a
mthong ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo // 'jam dpal de bzhin du gnod sems/ kyi sems dang ldan pa 'am/ dang ba'i sems dang ldan pa yang rung / gang dag gis de bzhin gshegs pa tha na ri mor bris pa dang / gzugs su byas pa mthong ba de dag gis dge ba'i rtsa ba des mig rnam par dag par 'gyur/ tha na dud 'gro'i skye gnas su song ba yang rung ste/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis de la sangs rgyas zhes bya ba 'am/ de bzhin gshegs pa zhes bya ba 'am/ 'jig rten gyi mgon po zhes bya ba'am// thams cad mkhyen pa zhes bya ba'i sgra thos pa de dag dge ba'i rtsa ba des rna ba'i dbang po rnam par dag par 'gyur/ gnod sems kyi sems dang ldan pa 'am/ dad pa'i sems dang ldan pa yang rung / gang dag gis de'i yon tan gyi dri tshor ba de dag dge ba'i rtsa ba des sna rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung / gang dag gis de'i chos kyi ro myong ba de dag dge ba'i rtsa ba des lce rnam par dag par 'gyur/ gnod sems kyi sems dang ldan pa'am/ dang ba'i sems dang ldan pa yang rung / gang dag gis lus kyis reg pa de dag dge ba'i rtsa ba
- 111b
des lus rnam par dag par 'gyur yang / 'jam dpal de bzhin gshegs pa ni mi rtog/ rnam par mi rtog ste/ ma 'dres pa'i chos dang ldan pa'i phyir/ lhun gyis grub cing rnam par mi rtog par de'i bya ba de lta bu de 'byung ngo / / 'jam dpal dper na/ rtsi'i rgyal po 'bral ba zhes bya bas bskus pa'i rnga sgra sems can zug rngus zug pa dang bcas pa/ dug dang bcas pa/ gang dag gis thos pa de dag gi zug rngu thams cad 'byung zhing / dug kyang mi gdug par 'gyur yang / 'jam dpal rtsi'i rgyal po 'bral ba ni mi rtog/ rnam par mi rtog ste/ 'on kyang sems can rnams kyi las kyi rnam par smin pa'i dbang dang / rgyu rkyen tshogs pas lhun gyis grub cing rnam par mi rtog par rtsi'i rgyal po 'bral ba'i bya ba de lta bu de 'byung ngo / / 'jam dpal de bzhin du de bzhin gshegs pa'i mtshan thos ma thag tu/ sems can rnams kyi lta bar gyur pa'i zug rngu dag 'byung zhing / 'dod chags dang / zhe sdang dang / gti mug gi dug kyang mi gdug par 'gyur yang / 'jam dpal de bzhin gshegs pa ni mi rtog/ rnam par mi rtog ste/ 'on kyang 'jam dpal lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / / de ci'i phyir zhe na/ ma 'dres pa'i chos dang ldan pa'i phyir ro// 'jam dpal stong gsum gyi stong chen po'i 'jig rten gyi khams kyi rdul phra rab kyi rdul rnams ni ches nyung gi/
- 112a
bcom ldan 'das shAkya thub pas sngon byang chub sems dpa'i spyad pa spyod pa na/ phyogs bcu'i 'jig rten gyi khams ga d+hA'i klung gi bye ma snyed dag tu 'jig rten gyi khams de rer yang rdul phra rab kyi rdul re re la bsdu ba'i dngos po bzhi po dag gis/ sems can yongs su smin par mdzad pa dag ni ches mang ngo // 'jam dpal phyogs bcu'i 'jig rten gyi khams gang+gA'i klung gi bye ma snyed dag gi rdul phra rab kyi rdul rnams ni ches nyung gi/ bcom ldan 'das shAkya thub pas rgyun mi gcod par lhun gyis grub cing / rnam par mi rtog par phyogs bcu'i 'jig rten gyi khams mtha' yas mu med pa dag tu rdul phra rab kyi rdul re re la/ sems can bla na med pa yang dag par rdzogs pa'i byang chub tu yongs su smin par mdzad zin pa dang / yongs su smin par mdzad pa dang / yongs su smin par mdzad par 'gyur pa dag ni ches mang ste/ 'jam dpal de ltar de bzhin gshegs pa dgra bcom pa yang dag par rdzogs pa'i sangs rgyas ni sems can yongs su smin par mdzad pa bsam gyis mi khyab pa dang ldan no/ / 'jam dpal dper na/ zla ba'i dkyil 'khor ni nyi ma'i dbang gis 'bri ba dang / skye ba dang / mi snang bar 'gyur bar yang snang la/ zla ba'i dkyil 'khor la ni 'bri ba dang / mi snang ba dang / skye ba med de/ 'on kyang sems can rnams kyi sngon gyi dge ba'i las kyi rnam par smin pas/ nyi ma'i grangs dang / yud tsam
- 112b
dang / yud tsam phyed dang / zla ba phyed dang / zla ba dang / lo bgrang ba'i grangs gzhag pa'i phyir/ de bzhin gshegs pa'i byin gyi rlabs kyis bya ba de lta bu de dag 'byung yang / 'jam/ dpal zla ba'i dkyil 'khor la ni 'bri ba dang / 'phel ba 'am/ mi snang bar 'gyur ba med de/ bon kyang 'jam dpal sems can rnams kyi sngon gyi dge ba'i las kyi rnam par smin pa dang / nyi ma'i dbang gis lhun gyis grub cing / rnam par mi rtog par zla ba'i dkyil 'khor gyi bya ba de lta bu de 'byung ngo // 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sngon dge ba'i rtsa ba'i tshogs bsags pa'i sems can rnams kyi nga rgyal dang / rgyags pa dang / dregs pa yang dag par gzhom pa'i phyir dang / sngon gyi dge ba'i rtsa ba'i tshogs rnams yongs su smin par bya ba'i phyir dang / de bzhin gshegs pa'i bstan pa la gzung ba'i phyir/ de bzhin gshegs pa'i dam pa'i chos 'grib pa dang / nub par kun tu ston te/ 'jam dpal sems can gyi dbang gis de bzhin gshegs pa'i dam pa'i chos nub pa dang / 'grib pa dang / 'phel bar 'gyur mod kyi/ 'on kyang 'jam dpal sems can gyi dbang gis lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / / 'jam dpal dper na/ nam mkha' la gnas
- 113a
nam mkha' la brten nas/ sems can thams cad kyi bya ba sna tshogs dag 'byung yang / nam mkha' ni ma skyes pa/ ma 'gags pa/ 'dus ma byas pa/ yi ge med pa/ sgra med pa/ brjod du med pa/ brjod par bya ba ma yin pa/ gnyis su med pa/ gnyen po med pa ste/ 'on kyang lhun gyis grub cing rnam par mi rtog par de'i bya ba sna tshogs dag 'byung ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas la gnas/ de bzhin gshegs pa dgra bcom pa yang dag par rdzogs pa'i sangs rgyas la brten nas/ sems can thams cad kyi bya ba thams cad 'byung yang / 'jam dpal de bzhin gshegs pa ni mi skye mi 'gag ste/ bajam dpal de bzhin gshegs pa ni 'dus ma byas pa/ yi ge med pa/ sgra med pa/ brjod du med pa/ brjod par bya ba ma yin pa/ gnyis su med pa/ gnyen po med pa ste/ 'on kyang sngon gyi dge ba'i rtsa ba dang / spyod pa dang / smon lam gyi stobs dang / byin gyi rlabs kyis lhun gyis grub cing rnam par mi rtog par sems can rnams la de'i chos kyi mdzad pa sna tshogs dag kyang 'byung ngo // 'jam dpal theg pa chen po la mos pa'i byang chub sems dpa' sangs rgyas la dmigs pa'i yid la bya ba gcig gis kyang phyogs bcu'i 'jig rten gyi khams grangs med/ dpag tu med
- 113b
pa dag tu rdul phra rab kyi rdul re re la/ sems can dpag tu med/ grangs med pa dag ni bla na med pa'i ye shes rtogs par 'gyur bar byed/ sems can dpag tu med/ grangs med pa dag ni nyan thos dang / rang sangs rgyas nyid du 'gyur par byedad/ sems can dpag tu med/ grangs med pa dag ni tshangs pa thob par byed/ sems can dpag tu med/ grangs med pa dag ni gzhan 'phrul dbang byed kyi lha'i 'jig rten du skye ba thob par byed/ sems can dpag tu med/ grangs med pa dag ni 'phrul dga' lha'i 'jig rten du skye ba thob par byed/ sems can dpag tu med/ grangs med pa dag ni dga' ldan gyi lha'i 'jig rten du skye ba thob par byed/ sems can dpag tu med/ grangs med pa dag ni 'thab bral gyi lha'i gnas su skye ba thob par byed/ sems can dpag tu med/ grangs med pa dag ni sum cu rtsa gsum gyi lha'i gnas su skye ba thob par byed/ sems can dpag tu med/ grangs med pa dag ni rgyal chen bzhi'i lha'i gnas su skye ba thob par byed/ sems can dpag tu med/ grangs med pa dag ni lha'i rgyal po thob par byed/ sems can dpag tu med/ grangs med pa dag ni 'khor los sgyur ba'i rgyal po thob par byed/ sems can dpag tu med/ grangs med bdag ni stobs kyi 'khor los sgyur ba'i rgyal po zab par byed/ sems can dpag tu med/ grangs med pa dag ni gru'i dbang po thob par
- 114a
byed/ sems can dpag tu med/ grangs med pa dag ni gnod sbyin gyi dbang po thob par byed/ sems can dpag tu med/ grangs med pa dag ni dri za'i dbang po thob par byed/ sems can dpag tu med/ grangs med pa dag ni lha ma yin gyi dbang po thob par byed/ sems can dpag tu med/ grangs med pa dag ni mi 'am ci'i dbang po thob par byed sems can dpag tu med/ grangs med pa dag ni lto'i 'phye chen po'i dbang po thob par byed/ sems can dpag tu med/ grangs med pa dag ni mi'i rgyal po thob par byed/ sems can dpag tu med/ grangs med pa dag ni mir skye ba thob par byed/ sems can dpag tu med/ grangs med pa dag ni rigs chen por skye ba thob par byed na/ thal mo sbyar ba lta ci smos/ bdug pa phul ba lta ci smos/ de bzhin du mar me phul ba lta ci smos/ spos phul ba lta ci smos/ me tog phul ba lta ci smos/ mchod pa rnam pa mang po gzhan phul ba lta ci smos/ tshigs su bcad pa gcig tsam yang nyan pa dang / klog pa dang / 'dzin pa lta ci smos/ dam pa'i chos rnam pa mang po yongs su 'dzin pa lta ci smos te/ de bas ches grangs med pa'i sangs rgyas kyi mdzad pas nye bar gnas par 'gyur ro/ / 'jam dpal byang chub sems dpa' bskal pa'am/ bskal pa brgya'am/ bskal pa dpag tu med/ grangs med par sems can
- 114b
dmyal ba dang / dud 'gro dang / yi dgas dang / gshin rje'i 'jig rten du skye ba thob pa ni bla'i byang chub sems dpa' sangs rgyas mnyes par ma byas/ chos dang dge 'dun mnyes par ma byas pa ni de lta ma yin no/ / 'jam dpal de la sangs rgyas la mi mnyes par byed pa dang / chos dang / dge 'dun mi mnyes par byed pa ni tha na bdag gi chung ma la mi tshangs par spyod pa las byung ba'i tshul bzhin ma yin pa yid la byed pa dang / byang chub sems dpa' la rnam par zhe sdang ba dang / byang chub sems dpa' la brnyas pa dang / byang chub sems dpa' la khyad du gsod pa dang / chos spong ba dang / chos 'dor ba dang / byang chub sems dpa' la gus par mi byed pa dang / dge ba'i bshes gnyen la bsnyen bkur mi byed pa dang / sems can yongs su smin par byed pa 'dor ba dang / bla ma dang / sbyin pa'i gnas dang / slob dpon dang / pha ma dang / dge sbyong dang / bram ze yang dag par song ba dang / yang dag par zhugs pa la gus par mi byed pa dang / chos smra ba/ chos khyad par can rtogs pa/ chos rgya chen po ston pa dang / theg pa chen po la yang dag par gnas pa/ mya ngan las 'das pa'i lam gyi bya ba shes pa/ gzungs dang / mdo sde'i rgyal po thob pa rnams la mi bdud cing // rdzing byed pa dang / khengs pa yin/ chos dang / chos smra ba la mi gus bskyed pa dang / sri zhu dang / rim gro mi byed
- 115a
pa dang / chos rgya mtsho chen po bsgrags pa byung na/ la la zhig dad par 'gyur na/ mi rung ngo snyam nas/ chos smra ba'i gang zag la legs so zhes bya ba sbyin par mi byed pa dang / bdag shes pa la mi 'jug pa dang / chos la nges par sems pa mi skyed pa dang / mngon pa'i nga rgyal skyed de bsngags par 'os pa'i gang zag rnams kyi bsngags pa bcabs shing mi snyan pa brjod pa dang / pha rol gyi yon tan dang / bsngags pa la mi dga' ba yin/ gang zag la zhe spang bas/ chos la zhe sdang bar byed cing chos spong ba dang / gzhan dag kyang rtsod du 'jug pa dang / stan mthon po 'dod cing thabs tshol ba dang / gzhan las rim gror bya ba bdag gir byed cing mngon par dga' ba dang / gnas brtan rgan zhing yun ring du tshangs par spad pa rnams la rim gro mi byed cing / bsu bar mi byed la bzhin khro gnyer can yin/ rtag tu sems rtsub cing klan ka tshol ba dang / glags lta ba dang / nga rgyal bskyed nas mkhas pa'i gon du mi 'gro mi bsten/ bsnyen par mi byed/ bkur sti mi byed cing / dge ba ni gang / mi dge ba ni gang / bya ba ni gang / bya ba ma yin pa ni gang / ci zhig byas na/ yun ring po'i don dang / phan pa dang / bde bar 'gyur zhes mi 'dri ba dang / nges par 'byung bar mi lta zhing / rtsod pa mang ba mang ba yin te/ 'jam dpal de ltar na sangs rgyas dang /
- 115b
chos dang / dge 'dun mi mnyes par byed pa yin no// 'jam dpal dge ba'i bshes gnyen gyis yongs su zin pa'i byang chub sems dpa' ni dbang bskur bar 'gyur ba'i gzungs// thob par 'gyur/ rgya mtsho dam pa'i snying po dri ma med par snang ba 'od gsal ba'i gzungs thob par 'gyur ro// 'jam dpal dge ba'i bshes gnyen gyis yongs su zin pa'i byang chub sems dpa' ni bskal pa bye ba khrag khrig 'bum phrag dpag tu med/ grangs med pa dag tu sems can dmyal ba dang / dud 'gro dang / yi dgas dang / gshin rje'i 'jig rten du gnas par 'gyur ba'i las rnams tshe 'di la rnam par smin par 'gyur te/ klad pa tsha bas sam/ rims tsha bas sam/ rtsib logs na bas sam/ rgyal srid 'khrugs pas sam/ kla klo 'khrugs pas sam/ mu ga'i 'khrugs pas sam/ lus la gnod pa dang / yid la gnod pa gang yang rung bas brgyad bkag pas kyang tshe gcig la byang bar 'gyur te/ zan rmi lam tsam gyis kyang byang bar 'gyur ro// 'jam dpal dge ba'i bshes gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med pa dag las dge ba'i rtsa ba bskyed pa/ sbyin pa las byung ba dang / mchod pa las byung ba dang / de dag gi zad nas bslab pa bzung ba las byung ba rnams snga dro gcig gis
- 116a
zil gyis gnon te/ de ltar dge ba'i bshes gnyen la bsnyen bkur bya ba ni yon tan bsam gyis mi khyab bo// 'jam dpal dge pa'i bshes gnyen gyis yongs su zin pa'i byang chub sems dpa' ni gter bcu rnyed par 'gyur te/ bcu gang zhe na/ sangs rgyas kyi chos thams cad la bgrang bar sbyor ba'i gter dang / sangs rgyas kyi chos thams cad la nges par sems pa'i gtar dang / sangs rgyas kyi chos thams cad la gzungs snang ba'i gter dang / sangs rgyas kyi chos thams cad la so so yang dag par rig pa rab tu ston pa'i gter dang / sangs rgyas kyi chos thams cad la brjod du med pa'i tshul la mkhas pa rtogs par byed pa'i gter dang / sangs rgyas kyi rnam par 'phrul pa dang / cho 'phrul thams cad mngon sum du mthong ba'i gter dang / sangs rgyas kyi chos thams cad mnyam pa nyid du sgrub pa la mkhas pa'i gter dang / sangs rgyas kyi chos thams cad mthong ba dang mi 'bral ba'i gter dang / sgyu mar gyur pa'i bskal pa bsam gyis mi khyab pa yongs su 'grub par 'jug pa la mkhas pa'i gter dang / sangs rgyas dang / byang chub sems dpa' thams cad la dga' ba dang / mchog tu dga' ba dang / dang ba chen po 'thob pa'i gter ro// bajam dpal dge ba'i bshes gnyen gyis yongs su zin pa'i
- 116b
byang chub sems dpa' ni dbang bcu thob par 'gyur te/ bcu gang zhe na/ 'di lta ste/ tshe'i tshad bskal pa brjod du med pa'i yang brjod du med pa dag tu byin gyis rlobs pa'i phyir/ tshol dbang ba dang / ting nge 'dzin dpag tu med/ grangs med pa dag la nges par sems pa'i ye shes la 'jug pa'i phyir/ sems la dbang ba dang / 'jig rten gyi khams tha~Md bkod pa dang / rgyan du mas brgyan pa'i byin gyi rlabs kun tu ston pa'i phyir/ yo byad la dbang ba dang / 'jig rten gyi khams thams cad du skye ba kun tu ston pa'i phyir/ skyab la dbang ba dang / dus ji lta ba bzhin du las kyi rnam par smin pa byin gyis rlob pa kun tu ston pa'i phyir/ las la dbang ba dang / 'jig rten gyi khams thams cad sangs rgyas kyis gang bar byin gyis rlob pa kun tu ston pa'i phyir/ mos pa la dbang ba dang / dus gang dang gang gi tshe/ byang chub mngon par rdzogs par 'tshang rgya bar 'dod pa'i dus de dang der byang chub mngon par 'tshang rgya ba dang / sangs rgyas kyi zhing gang dang gang du 'dod pa'i sangs rgyas kyi zhing de dang der byang chub mngon par rdzogs par 'tshang rgya ba'i phyir/ smon lam la dbang ba dang / sangs rgyas kyi zhing thams cad du rdzu 'phrul dang / rnam par 'phrul pa kun tu ston pa'i phyir/ rdzu 'phrul la dbang ba dang / mtha' dang dpung med pa'i chos kyi sgo snang ba kun tu ston pa'i
- 117a
phyir/ chos la dbang ba dang / de bzhin gshegs pa'i stobs bcu dang / mi 'jigs pa dang / mtshan dang / dpe byad bzang po rnams dang / rdzogs pa'i byang chub kun tu ston pa'i phyir ye shes la dbang ba'o/ / 'jam dpal dge ba'i bshes gnyen gyis yongs su zin pa'i byang chub sems dpa' ni skra'i khyon tsam gcig la phyogs bcu'i nam mkha'i mthas klas pa'i 'jig rten gyi khams rnams 'jug par byed kyang / sems can gang la yang gnod pa dang sgrib pa med de/ sngon ji lta bar phyis kyang de bzhin no// bskal pa dpag tu med/ grangs med/ bsam gyis mi khyab/ mtshungs pa med pa rnams yud tsam gcig tu byin gyis rlob cing yud tsam gcig ni bskal pa dpag tu med/ grangs med/ bsam gyis mi khyab par byin gyis rlob ste/ bskal pa re re la yang mes 'jig pa dang / chus 'jig pa dang / rlung gis 'jig pa byin gyis rlob kyang sems can gang la yang yo byad nis kyang phongs par mi 'gyur zhing / lus la gnod pa 'am/ sems la mi bde ba yang mi 'byung la/ sems can gang ji ltar yongs su smin par 'gyur ba des bya ba de lta bu yang shes so/ / 'jam dpal dge ba'i bshes gnyen gyis yongs su zin pa'i byang chub sems dpa' ni/ 'dod na phyogs bcu'i phyogs re rer yang sangs rgyas kyi yul
- 117b
gyi mthas klas pa'i bar gyi 'jig rten gyi khams rnams su/ 'jig rten gyi khams re rer rdul phra rab kyi rdul re re la sangs rgyas kyi yul gyi mthas klas pa'i lus rnams kyis lus re res kyang dga' ldan gyi gnas nas shi 'phos pa dang / skye ba dang / mngon par 'byung ba dang / dka' ba spyod par sbyor ba dang / byang chub kyi snying por 'gro ba dang / bdud 'dul par ston pa dang / mngon par rdzogs par byang chub pa dang / chos kyi 'khor lo bskor bar bskul ba dang / yongs su mya ngan las 'das pa chen po yang ston to// 'jam dpal dge ba'i bshes gnyen gyis yongs su zin pa'i byang chub sems dpa' ni/ 'dod na phyogs bcu'i 'jig rten gyi khams re rer rdul phra rab kyi rdul re re la sangs rgyas kyi yul gyi mthas klas pa'i sangs rgyas kyi zhing rnams 'jug par byed cing / phyogs bcu'i sangs rgyas kyi zhing thams cad kyi rgyan gyi yon tan bkod pa gang dag yin pa de dag zhing gcig tu ston par byed// zhing gcig gi rgyan gyi yon tan bkod pa gang dag yin pa de dag zhing thams cad du ston par byed/ sangs rgyas kyi zhing thams cad du de bzhin gshegs pa thams cad kyi 'khor gyi nang na yang snang la gnas nas kyang mi g.yo'o/ / 'jam dpal dge ba'i bshes gnyen gyis yongs su zin pa'i byang chub sems dpa' ni 'dod na/ phyogs bcu'i 'jig rten gyi khams
- 118a
thams cad kyi sems can thams cad kyi lus sems can gcig gi lus su ston to/ / sems can gcig gi lus sems can thams cad kyi lus su ston kyang lus 'dres par yang mi byed de/ sems can gang la yang gnod par mi 'gyur zhing / bya ba de lta bu de yang ston to// lhun gyis grub cing rnam par mi rtog par sems can rnams kyang yongs su smin par byed do/ / 'jig rten gyi khams rab 'byams thams cad kyi sangs rgyas thams cad sangs rgyas gcig tu byin gyis rlob cing / de bzhin gshegs pa gcig kyang sangs rgyas kyi yul gyi mthas klas pa'i de bzhin gshegs pa thams cad du byin gyis rlob la/ de bzhin gshegs pa rnams 'dres par yang mi 'gyur te/ lhun gyis grub cing rnam par mi rtog/ pabar bya ba de lta bu thams cad kyang ston to// lus gcig gis mnyam par 'jog la/ lus dpag tu med/ grangs med pa dag gis ldang zhing / lus dpag tu med grangs med pa dag gis mnyam par bzhag la/ lus gcig gis ldang ngo // // bam po gsum pa ste tha ma'o// 'jam dpal dge ba'i bshes gnyen gyis yongs su zin pa'i byang chub sems dpa' ni chos kyi dbyings la spyod yul ba yang yin la/ sems can gyi khams la spyod yul bar yang snang ngo // sangs rgyas kyi spyod
- 118b
yul la mngon par dga' ba yang yin la/ bdud kyi spyod yul bar yang snang ngo // mya ngan las 'das pa'i spyod yul ba yang yin la/ 'khor ba spyod yul bar yang snang ngo // thams cad mkhyen pa'i ye shes spyod yul ba yang yin la/ byang chub sems dpa'i spyod yul bar yang snang ngo // zhi ba'i spyod yul ba yang yin la/ ma zhi ba dang / rab tu ma zhi ba dang nye bar ma zhi ba'i spyod yul bar yang snang ste/ sems can rnams kyang 'dul lo// blang ba med pa dang / der ba med pa dang / spros pa med pa dang / ma spros pa dang / mtshan ma med pa dang / dngos po med pa dang / shes par bya ba med pa dang / bar snang dang mtshungs pa spyod yul ba yang yin la/ spros pa dang / mtshan ma dang / dmigs pa spyod yul ba'i sems can thams cad kyi nang na yang snang ngo / / stobs bkod pa spyod yul ba yang yin lo/ gzugs bzang po'i spyod yul bar yang snang ngo // chos thams cad skye ba med pa dang / 'gag pa med pas gnyen po spyod yul ba yang yin la/ sems can yongs su smin par byed pa'i spyod yul bar yang snang ngo // ye shes dang / rnam par thar pa dang / mngon par shes pa dang / rig pa dang / rnam par grol ba'i spyod yul ba yang yin la/ phyogs bcu'i 'jig rten gyi khams rab 'byams thams cad kyi lha dang / klu dang / gnod sbyin
- 119a
dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / srin po dang / 'byung po dang / yi dgus dang / sha za dang / grul bum dang / srul po dang / lus srul po dang / sems can dmyal ba dang / dud 'gro'i skye gnas dang / gshin rje 'jig rten du skyes pa dang / skrod las skyes pa dang / mang nas skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / 'du shes med 'du shes med min nas/ gzugs med pa'i bar gyi sems can rnams yongs su smin par byed par yang snang ngo // de bzhin gshegs pa spyod pa dang / mngon par rdzogs par byang chub pa dang / sangs rgyas kyi bkod pa thams cad kyi spyod yul thob pa yang yin la/ nyan thos dang / rang sangs rgyas thams cad kyi cho ga dang / spyod yul yang kun tu ston to// 'jam dpal dge ba'i bshes gnyen gyis yongs su zin pa'i byang chub sems dpa' ni sems can gyi sgra sems can gcig gi sgrar 'jug par byed la/ sems can gcig gi sgra sems can thams cad kyi sgrar 'jug par byed cing / sgra rnams 'dres par yang mi 'gyur la/ sems can gang gi sgra la yang sgrib par mi
- 119b
'gyur ro/ / 'jam dpal dge ba'i bshes gnyen gyis yongs su zin pa'i byang chub sems dpa' ni lhun gyis grub cing rnam par mi rtog par phyogs bcu'i 'jig rten gyi khams rab 'byams thams cad du rang gi lus sa'i khams dang / chu'i khams dang / me'i khams dang / rlung gi khams su byin gyis rlob bo// 'jam dpal dge ba'i bshes gnyen gyis yongs su zin pa'i byang chub sems dpa' ni sems can gyi lus la zhing gi lus kun tu ston kyang / sems can gyi lus dang 'dres par yang mi byed/ zhing gi lus la sems can gyi lus kun tu ston kyang / zhing gi lus dang 'dres par mi byed do// sangs rgyas kyi sku la nyan thos dang / rang sangs rgyas kyi lus su kun tu ston kyang / sangs rgyas kyi sku dman par yang mi byed de/ / nyan thos dang / rang sangs rgyas kyi lus la sangs rgyas kyi sku kun tu ston kyang / nyan thos dang / rang sangs rgyas kyi lus rgya chen por yang mi byed do// spyod pa'i lus la mngon par byang chub pa'i sku kun tu ston kyang / spyod pa'i rgyun chad par yang mi byed do// mngon par rdzogs par byang chub pa'i skul spyod pa'i lus kun tu ston kyang mngon par rdzogs par byang chub pa'i sku nyams par yang mi byed do/ / mya ngan las 'das pa 'khor ba'i rgyun du ston kyang / mya ngan las 'das pa la mngon par zhen pa yang mi skyed do//
- 120a
'khor ba mya ngan las 'das par kun tu ston kyang / gtan du yongs su mya ngan las 'da' bas yongs su mya ngan las 'da' bar yang mi byed do// mnyam par yang gzhag la bya ba thams cad kyang ston te/ 'di lta ste/ 'ong ba dang / 'gro ba dang / 'greng ba dang / nyal bar byed do// spyod lam thams cad kyang kun tu ston la/ ting nge 'dzin rnam par 'khrugs par yang mi byed do/ / de bzhin gshegs pa gcig gi zhabs kyi drung na chos nyan par yang snang la/ phyogs bcu'i 'jig rten gyi khams rab 'byams thams cadan/ de bzhin gshegs pa thams cad kyi 'khor gyi dkyil 'khor dag na gzugs dang / lus dang / kha dog yongs su 'grub pa gzhan dang / gzhan dag gis kyang chos kyang nyan la/ ting nge 'dzin tha dad par yang mi byed cing / chos kyang len la 'dzin te 'don cing kun chub par yang byed la/ sangs rgyas de dag las chos nyan pa'i rgyun chad pa sa mi byed do// phyogs bcu'i 'jig rten gyi khams rab 'byams thams cad du gzugs dang / lus dang / kha dog yongs su 'grub pa tha dad pas/ sems can rnams yongs su smin par yang byed la/ lus tha dad par yang mi byed cing gnas nas kyang mi g.yo'o// phyogs bcu'i 'jig rten gyi khams rab 'byams thams cad du bya ba thams cad kun tu ston kyang / ting nge
- 120b
'dzin tha dad par yang mi byed do/ / sems kyi skad cig sems kyi skad cig la ting nge 'dzin bye ba khrag khrig 'bum phrag dpag tu med/ grangs med pa dag kyang mngon par sgrub la/ ting nge 'dzin tha dad par yang mi byed do// 'jam dpal rnam grangs des na/ rnam par thar pa dang / ting nge 'dzin bsam gyis mi khyab pa la gnas pa'i byang chub sems dpa' sangs rgyas kyi zhing gi mthas klas pa'i bskal par ting nge 'dzin gyi sgo bsgrub pa mngon par bsgrub kyang / byang chub sems dpa'i ting nge 'dzin gyi sgo bsgrub pa rnams kyi mthar thug par 'gyur ro/ / 'jam dpal byang chub sems dpa'i ting nge 'dzin phun sum tshogs pa de dag thams cad ni/ dge ba'i bshes gnyen las nges par byung ngo // 'jam dpal de bzhin du gzungs kyi sgo brjod du med pa mngon par sgrub pa mtha' yas dpag tu med/ grangs med/ bsam gyis mi khyab/ mtshungs pa med/ gzhal du med/ tshad med pa dag dang gzungs thob pa phun sum tshogs pa de dag thams cad kyang dge ba'i bshes gnyen las nges par byung ngo / / stobs dang / mi 'jigs pa dang / sangs rgyas kyi chos ma 'dres pa dpag tu med// grangs med/ bsam gyis mi khyab/ mtshungs pa med// gzhal du med// tshad med/ brjod du med pa phun sum tshogs pa rnams kyang de bzhin no// 'jam dpal mdor bsdu na de lta
- 121a
byang chub sems dpa'i sangs rgyas kyi chos bsgrub pa mtha' yas pa thams cad dang / sangs rgyas kyi chos phun sum tshogs pa thams cad ni dge ba'i bshes gnyen las nges par byung ba yin no/ / 'jam dpal dge ba'i bshes gnyen gyis yongs su zin pa'i byang chub sems dpa' ni chos kyi dbyings mtha' yas pa'i sgo la 'jug pa sems can la kun tu ston pa'i yul dang / 'jig rten gyi khams thams cad kyi rgyan sna tshogs su mngon par bsgrub pa 'gro ba thams cad shes par byed pa'i yul dang / 'jig rten gyi khams thams cad du sprul pa mngon par bsgrub pa'i yul dang / de bzhin gshegs pa'i sku byang chub sems dpa'i lus su mngon par bsgrub pa dang / byang chub sems dpa'i lus de bzhin gshegs pa'i skur mngon par bsgrub pa'i yul dang / nam mkha'i khams 'jig rten gyi khams su mngon par bsgrub pa dang / 'jig rten gyi khams nam mkha'i khams su mngon par bsgrub pa'i yul dang / 'khor ba mya ngan las 'das par mngon par bsgrub pa dang / mya ngan las bdas pa 'khor bar mngon par bsgrub pa'i yul dang / sems can gyi skad brjod pa gcig gis sangs rgyas kyi chos thams cad bstan pa'i yul dang / gdong dang / lus mtha' yas pa kun tu bstan pa lus gcig tu byin gyis rlob cing / lus kyi rim pa thams cad mngon par bsgrub pa'i
- 121b
yul dang / lus gcig gis chos kyi dbyings rgyas par 'gengs pa'i yul dang / sems can gcig gi sems bskyed pa rnams la sems kyi skad cig sems kyi skad cig re re la yang sgo mtha' yas pas bsgrub pa'i byang chub rnam par mi rtog pa'i yul dang / 'jam dpal de la sogs pa yul bye ba khrag khrig 'bum phrag dpag tu med/ grangs med/ bsam gyis mi khyab pa de dag byang chub sems dpa' la yang dag par 'grub bo/ / 'jam dpal dge ba'i bshen gnyen gyis yongs su zin pa'i byang chub sems dpa' ni 'jig rten gyi khams thams cad 'jig rten gyi khams gcig tu mos shing 'jug go/ 'jig rten gyi khams gcig 'jig rten gyi khams thams cad du mos shing 'jug go// 'jig rten gyi khams thams cad pad+ma'i gdan gcig dang / de bzhin gshegs pa'i sku gcig gis yongs su khyab par mos shing 'jug go// 'jig rten gyi khams thams cad nam mkha'i ngo bo nyid du kun tu ston par mos shing 'jug go/ / 'jig rten gyi khams thams cad sangs rgyas kyi rgyun du mos shing 'jug/ 'jig rten gyi khams thams cad byang chub sems dpa'i lus kyis yongs su khyab par mos shing 'jug go/ 'jig rten gyi khams thams cad skra tsam gyi khor gcig la 'jog par mos shing 'jug go// 'jig rten gyi khams thams cad lus gcig tu 'jug pa dang ldan par mos shing
- 122a
'jug go/ / 'jig rten gyi khams thams cad de bzhin gshegs pa gcig gi byang chub kyi shing dang / byang chub kyi snying pos yongs su khyab par mos shing 'jug go/ 'jig rten gyi khams thams cad sgra skad gcig gis go bar byed cing / sems can gyi khams sna tshogs kyi sgra la 'jug pas tshim par byed par mos shing 'jug go/ sems can thams cad kyi ngo bo nyid dang / lus su mos shing 'jug go// sems can gyi khams thams cad sems can gcig gi lus la 'jug pa dang ldan par mos shing 'jug go/ sems can gyi khams thams cad byang chub sems dpa'i khong du song bar mos shing 'jug go/ sems can gyi khams thams cad de bzhin gshegs pa'i khong du zhugs par mos shing 'jug go/ sems can gyi khams thams cad sems can gcig gi lus la bsten par mos shing 'jug go/ / sems can gyi khams thams cad sangs rgyas kyi chos kyi snod du mos shing 'jug go// sems can gyi khams thams cad brgya byin dang / tshangs pa dang / 'jig rten skyong ba gang 'dod pa dang / mos pa'i gzugs dang / lus dang / kha dog dang / rtags la mngon du phyogs pa ston par mos shing 'jug go/ / sems can gyi khams thams cad nyan thos dang / rang sangs rgyas kyi gzugs dang / lus dang / kha dog dang / rtags dang / tshul du
- 122b
ston par mos shing 'jug go/ / sems can gyi khams thams cad byang chub sems dpa'i yon tan gyis legs par brgyan pa'i byin gyi rlabs kun tu ston par mos shing 'jug go// sems can gyi khams thams cad de bzhin gshegs pa'i gzugs dang / mtshan dang / dpe byad bzang po dang / gzugs dang / lus dang / kha dog sna tshogs dang / spyod lam dang / spyod pa kun tu ston pa gzhan shes par byed par mos shing 'jug go/ 'jam dpal dge ba'i bshes gnyen gyis yongs su zin pa'i byang chub sems dpa' ni 'dod pa'i khams nas kyang mi g.yo la/ gzugs dang / gzugs med pa na spyod pa'i bsam gtan dang / rnam par thar pa dang / ting nge 'dzin la snyoms par 'jug pa rnams la yang snyems par 'jug cing / de dag gi dbang gis kyang mi skye'o// nyan thos kyi lam mngon du shes pa la zhugs pa yang yin la/ snying rje chen po'i stobs kyang rgyun mi gcod do// rang sangs rgyas kyi lam mngon du shes shing mthong ba la mkhas pa yang yin la/ snying rje chen po'i stobs kyang rgyun mi gcod do// g.yog 'khor mang pos yongs su bskor ba yang yin la/ lha dang mi'i g.yog 'khor mang po rnam par dag pa dang yang ldan no/ / lha'i bu mo 'bum phrag dag glu dbyangs rjes su sgrogs shing / sil snyan 'bum dag sil khrol 'byin pa dang yang
- 123a
ldan la/ byang chub sems dpa'i lam dang ldan pa'i bsam gtan dang / ting nge 'dzin dang / snyoms par 'jug pa rnams kyang mi 'dor ro// 'gro ba dga' ba dang / rtse ba dang / bzhad gang dang / 'jo sgeg thams cad dang / sems can brkam chags pa'i 'du 'dzi thams cad kyi nang na gnas pa yang yin la/ sems kyi skad cig gcig la yang byang chub kyi sems kyi mnyam pa nyid kyang mi 'dor ro/ / 'jig rten las 'das pa yang yin te/ 'jig rten thams cad dang ma 'dres la/ pha rol tu 'gro ba'i lam la slob par yang snang zhing las dang nyon mongs par bying ba'i sems can rnams yongs su smin par yang byed do/ / lam la gnas shing lam ji lta ba bzhin du shes pa mthong ba la zhugs pa yang yin la/ lam ngan par lhung ba'i sems can yongs su smin par bya ba'i phyir/ lam ngan pa na yang snang zhing / lam de la snying por 'du shes pa yang ma yin la/ des dag par 'dod pa yang ma yin no/ / lus dang / ngag dang / yid kyi las kyi mtha' kha na ma tho ba med pa yang yin te/ rtag tu tshul khrims legs par bsrungs shing / de bzhin gshegs pa'i tshul khrims rnam par dag pa la yang gzhol la/ sems can tshul khrims 'chal pa yongs su smin par bya ba'i phyir/ byis pa so so'i skye bo phal pa'i spyod yul pa la yang kun
- 123b
tu snang ngo / / bsod nams dang ye shes kyi tshogs bsags shing / byang chub sems dpa'i 'gro ba la yang gzhol la/ ngan 'gror skyes pa'i sems can yongs su smin par bya ba'i phyir/ sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / dbul po'i khyim du 'gro ba'i skye ba yang kun tu ston la/ 'gro kha der yang dag par gzhol ba yang ma yin no/ / ye shes dang / spobs pa thogs pa med pa'i sangs rgyas kyi chos la zhugs pas gzhan gyi dring la mi 'jog pa'i ye shes la mkhas pa yang yin no/ / de bzhin gshegs pa thams cad kyi byin gyi rlabs kyis byin gyis brlabs pa dang / sangs rgyas thams cad kyi sku dang / lus gzugs gcig tu gyur pa dang / sems can thams cad dang thun mong ma yin pa'i chos kyi tshul dang / dgongs pa snang ba rtogs pa dang / theg pa thams cad mnyam pa nyid kyis byin gyis brlabs pa dang / sangs rgyas thams cad kyi spyod yul la mngon du phyogs pa dang / 'gro ba thams cad kyis bsngags par 'os pa dang / sems can gyi khams thams cad kyis gdong du blta ba dang / 'gro ba thams cad kyi slob dpon du gyur pa dang / zab cing brtan pa'i rgya mtsho'i chu'i dus rlabs lta bu'i ting nge 'dzin gyis rnam par rtse ba dang / sangs rgyas kyi sku dang / kha dog mtha' yas pa yongs
- 124a
su 'grub pa bsgrub pa'i gzungs thob pa yang yin la/ chos yongs su tshol ba'i rgyun yang mi gcod do// lha dang / mi dang / lha ma yin dang / dri zar bcas pa'i 'jig rten gyi slob dpon dam pa yang yin la/ cog cog pur 'dug ste thal mo sbyar nas mkhan po dang / slob dpon las chos len par yang kun tu ston cing / gus par bya ba thams cad kyis nye bar gnas par yang snang ste/ byang chub sems dpa'i lam la gnas nas thabs gang dang gang gis sems can rnams yongs su smin pa'am/ 'dul bar 'gyur ba thabs de dang de nyid sems can rnams la ston to/ / dge ba'i rtsa ba thams cad shin tu bsdus pa dang / byang chub sems dpa'i spyod pa thams cad kyi rtse mor phyin pa dang / de bzhin gshegs pa thams cad kyis dbang bskur bas dbang bskur ba dang / chos kyi dbang phyug gi bdag po dam pa'i mchog thob pa dang / chos kyi cod pan thogs pa med cing dri ma med pa bcings pa dang / 'jig rten gyi khams thams cad du thogs pa med par de bzhin gshegs pa'i sku kun tu ston pa dang / thogs pa med par chos kyi 'khor lo bskor ba'i byin gyi rlabs dang ldan pa dang / lus gzugs 'jig rten gyi khams thams cad du zhugs pa dang / ltar ba dang / chos thams cad kyi dbang phyug dam pa'i mchog thob pa dang ldan pa dang / byang chub sems dpa'i dbang thams cad thob pa dang /
- 124b
'gro ba'i zhing thams cad du skye ba ston pa'i shes pa dang ldan pa dang / 'das pa dang / ma 'ongs pa dang / da ltar byung ba'i de bzhin gshegs pa thams cad dang yul gcig tu gyur pa yang yin la/ byang chub sems dpa'i spyod pa'i rgyun yang mi gcod/ byang chub sems dpa'i mngon par 'du bya ba'i stobs las kyang yongs su mi nyams/ byang chub sems dpa'i spyod pa'i byin gyi rlabs las kyang thag ring du mi 'gyur/ byang chub sems dpa'i chos nyid kyang mi 'dor/ byang chub sems dpa'i las kyi mtha' las kyang mi 'da'/ byang chub sems dpa'i lam las kyang phyir mi ldog/ byang chub sems dpa'i bya ba la zhum par yang mi byed do// 'jam dpal dge ba'i bshes gnyen gyis yongs su zin pa'i byang chub sems dpa' ni chos thams cad la blang ba med pa dang / dor ba med pa dang / bdeg pa med pa dang / 'jog pa med pa dang / sgyu ma dang / smig rgyu dang / rmi lam dang / mig yor dang / gzugs brnyan dang / chu zla dang / stong pa nyid dang / mtshan ma med pa dang / smon pa med pa dang / mngon par 'du bya ba med pa dang / brjod du med pa dang / smrar med pa dang / bsnyad du med pa dang / de bzhin nyid dang / yang dag pa'i mtha' dang / rnam par 'jig pa med pa dang / mnyam pa nyid dang / dbyer med pa dang / gnyis su med pa zhes bya ba de ni de'i dmigs pa yin te/ chos thams cad ni
- 125a
gnyen po med pa'i phyir ro/ / chos thams cad ces bya ba de ni de'i dmigs pa ste/ 'du shes 'dzin pa'i phyir dmigs pa'o// de ci'i phyir zhe na/ sems med pa las sems su dmigs pa ni 'du shes phyin ci log yin pa'i phyir te/ sems phyin ci log tu gyur na/ sems myos par 'gyur ro// sems myos na sems bslad par 'gyur ro// sems bslad pa las sems skrag par 'gyur ro// sems skrag pa las byang chub kyi sems nyams par 'gyur ro// 'jam dpal de lta bas na/ byang chub sems dpa' sems la sems kyis rjes su blta bar bya'o/ / 'jam dpal dge ba'i bshes gnyen gyis yongs su zin pa'i byang chub sems dpa' ni dbang bcu thob par 'gyur te/ bcu gang zhe na/ 'di lta ste tshel dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon las la dbang ba dang / rdzu 'phrul la dbang ba dang / chos la dbang ba dang / ye shes la dbang ba'o// rnam par sprul pa bcu yang 'thob ste/ bcu gang zhe na/ 'di lta ste/ sems can rnam par sprul pa dang zhing rnam par sprul pa dang / chos rnam par sprul pa dang / lus rnam par sprul pa dang / smon lam rnam par sprul pa dang / spyod yul rnam par sprul pa dang / ye shes rnam par sprul
- 125b
pa dang / mngon par shes pa rnam par sprul pa dang / rdzu 'phrul rnam par sprul pa dang / stobs rnam par sprul pa'o// 'jam dpal dge ba'i bshes gnyen gyis yongs su zin pa'i byang chub sems dpa'i ni sems can gyi khams thams cad kyis mos pa la 'jug pa dang / sangs rgyas kyi zhing tha dad pa nyid la 'jug pa dang / phyogs thams cad kyi dri ba rnam par 'a byed pa la 'jug pa dang / 'jig rten gyi khams steng 'og med cing gzhi phyal ba'i rgyud thams cad la 'jug pa dang / chos thams cad gcig pa dang / tha dad pa nyid rab 'byams rnam par gzhag pa la mkhas pa la 'jug pa dang / las thams cad bsgyur bar gzhug pa la 'jug pa dang / 'du shes phyin ci log gis phyin ci log tu gyur pa'i 'jig rten gnas pa tha dad pa nyid kyi 'du shes can tha dad pa nyid la 'jug pa dang / chos thams cad bsgyur ba la 'jug pa'i mtha' nges par 'byung ba gcig la 'jug pa dang / chos kyi dbyings thams cad de bzhin gshegs pa'i rnam par sprul par byin gyis rlob pa la 'jug pa dang / 'gro ba thams cad dus gsum la 'jug pa dang / sangs rgyas thams cad kyi gdung rgyun mi 'chad pa la zhugs pa'i ye shes mngon par sgrub bo// 'jam dpal dge ba'i bshes gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med/ grangs med pa dag las dge ba'i rtsa ba bskyed pa sbyin pa las byung ba dang /
- 126a
mchod pa las byung ba dang / de dag gi zad nas bslab pa gzung ba las byung ba rnams snga dro gcig gis zil gyis gnon te/ 'jam dpal de ltar dge ba'i bshes gnyen ni yon tan bsam gyis mi khyab pa dang ldan no/ / 'jam dpal dge ba'i bshes gnyen gyis yongs su zin pa'i byang chub sems dpa' rnams ni/ bla na med pa yang dag par rdzogs pa'i byang chub mngon par rdzogs par 'tshang rgya ste/ de dag phyogs bcu'i 'jig rten gyi khams mtha' yas mu med pa dag tu 'jig rten gyi khams re re na yang rdul phra rab kyi rdul re re la dus gsum la 'jug cing bskal pa'i phyi ma'i mtha' mur thug par bskal par byin gyis brlabs te/ dus gsum la 'jug pa'i chos ston to// de ci'i phyir zhe na/ 'jam dpal de bzhin gshegs pa dgra bcom pa yang dag par rdzogs pa'i sangs rgyas rnams ni/ rtag pa/ brtan pa/ zer zug pa yin pa'i phyir ro// 'jam dpal dge ba'i bshes gnyen gyis yongs su zin pa'i byang chub sems dpa' rnams kyi 'du shes phyin ci log tu mi 'gyur ro/ / 'jam dpal 'du shes phyin ci log gis sems phyin ci log tu gyur pa'i sems can rnams 'di dag ni sangs rgyas kyi chos so/ / 'di dag ni sangs rgyas kyi chos ma yin no zhes mngon par zhen nas chos spong bar byed do// mi dge ba'i las sna tshogs kyang byed do// 'jam dpal sangs
- 126b
rgyas kyi chos rnams ni skye ba 'am/ 'gag pa med de/ 'jam dpal sangs rgyas kyi chos rnams ni ma skyes pa/ ma 'gags pa/ yi ge med pa/ sgra med pa/ gnyis su med pa/ gnyen po med pa/ sgra las yang dag par 'das pa'o// de ci'i phyir zhe na/ gnyen po med pa'i phyir ro// 'jam dpal 'di dag ni sangs rgyas kyi chos so// 'di dag ni sangs rgyas kyi chos ma yin no zhes bya ba 'di gnyis ni mtha' ste/ 'jam dpal mtha' gang yin pa de ni sangs rgyas kyi chos ma yin te/ 'jam dpal sangs rgyas kyi chos ni mtha' med pa'i ngo bo nyid do// 'jam dpal mtha' med pa'i ngo bo nyid ni mi skye/ mi 'gag go// 'jam dpal mi skye mi 'gag pa gang yin pa de ni mtha' dang / mtha' med pa yongs su spangs pa ste/ yi ge med pa/ sgra med pa/ sgra las yang dag par 'das pa gdags par bya ba ma yin pa/ gnyis su med pa/ gnyen po med pa'o// 'jam dpal gang gnyen po med pa de ni mi skye mi 'gag go/ gang mi skye mi 'gag pa de ni sangs rgyas kyi bka' yin no// de ci'i phyir zhe na/ 'jam dpal de bzhin gshegs pa ni chos kyi sku ste/ shin tu ma skyes pa/ ma byung ba/ ma 'gags pa'o// / de la ni tshig med mod kyi/ sngon gyi dge ba'i rtsa ba dang / spyod pa dang / smon lam gyi stobs bskyed pa'i byin gyi rlabs kyis/ sems can dag gis de bzhin gshegs pa mthong ngo // 'jam
- 127a
dpal dper na/ nor bu rin po che chu 'dang par byed pa/ chu'i nang du bcugs thag tu/ 'dam dzab dang / rnyog ma thams cad 'dang bar byed kyang / 'jam dpa' shod rin po che chu' dang bar byed pa ni/ mi rtog/ rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo // 'jam dpal de bzhin du de bzhin gshegs pa byung ma thag tu phyogs bcu'i 'jig rten gyi khams rab 'byams thams cad kyi sems can thams cad kyi nyon mongs pa'i 'dam rdzab dang / rnyog pa thams cad 'dang bar byed kyang / de bzhin gshegs pa ni mi rtog/ rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo // 'jam dpal dper na/ rdzu mkhan gyi 'khor lo shin tu myur zhing stobs kyi shugs kyis 'phangs pa ni/ rdza mkhan gyi dbang gis snod spyad sna tshogs mngon par 'du byed kyang / 'jam dpal rdza mkhan gyi 'khor lo ni mi rtog/ rnam par mi rtog / 'on kyang lhur gyis grub cing rnam par mi rtog par de'i bya ba de lta bu de 'byung ngo // bajam dpa' de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sngon gyi dge pa'i rtsa ba dang / spyod pa dang / smon lam gyi stobs kyi byin gyi rlabs kyi shugs kyis/ sems can gyi dbang gis sems can rnams la dge ba'i rtsa ba sna tshogs mngon par 'du mdzad kyang /
- 127b
bzhin gshegs pa ni mi tog/ rnam par mi rtog ste/ bon kyang lhun gyis grub cing rnam par mi rtog par de'i bya ba de lta bu de 'byung // sangs rgyas kyi chos ma 'dres pa dang ldan pa'i phyir ro// 'jam dpal sems can gang dag de bzhin gshegs pa la bshos gsol ba dang / gang dag bshos mi gsol ba dang / gang dag gis mthong ba dang / gang dag gis ma mthong ba dang / gang dag stong pa dang / gang dag mi stod pa dang / gang dag gshe ba dang / gang dag mi gshe ba dang / gang dag zhu ba byed pa dang / gang dag zhu ba mi byed pa de dag thams cad kyi bya ba rnams kyang / sangs rgyas kyi byin gyi rlabs kyis lhun gyis grub cing rnam par mi rtog par 'byung ngo // 'jam dpal de bzhin gshegs pa'i khyu mchog tu gyur pa thams cad kyang dge ba'i gshes gnyen gyis yongs su zin pa las 'byung ngo / / 'jam dpal dge ba'i bshes gnyen gyis yongs su zin pa'i byang chub sems dpas sangs rgyas kyi sku dang / kha dog mtha' yas pa yongs su 'grub pa bsgrub pa'i gzungs 'thob s+ho/ gzungs de thob pas/ phyogs bcu'i 'jig rten gyi khams thams cad sangs rgyas kyi skus khyab par byed do// 'jig rten gyi khams re rer yang mngon par rdzogs par byang chub pa'i sku ston to/ / lhun gyis grub cing rnam par mi rtog par chos kyi 'khor lo bskor bgrangs med pa dang chos tha dad pa nyid grangs med pa ston te gnas nas kyang mi g.yos/
- 128a
'jam dpal de ltar na dge ba'i bshes gnyen rnams ni yon tan bsam gyis mi khyab pa dang ldan pa yin no// 'jam dpal de lta bas na/ byang chub sems dpa' de bzhin gshegs pa la bya ba bzhin du dge ba'i bshes gnyen rnams la bstan par bya'o/ / bsnyen par bya'o// bsnyen bkur bya'o// 'jam dpal mi dge ba'i bshes gnyen rnams ni brag gi bya skyibs rab tu 'bar ba bzhin du yongs su spang bar bya'o/ / de ci'i phyir zhe na/ 'jam dpal mi dge ba'i bshes gnyen la bsten na/ byang chub sems dpa'i sems dang / 'du shes phyin ci log tu 'gyur ro/ / sems phyin ci log tu gyur na/ kun tu 'khrul par 'gyur ro// sems kun tu 'khrul par gyur na/ rnam par rmongs par 'gyur ro// sems rnam par rmongs na skrag par 'gyur ro/ / sems skrag par gyur na/ byang chub kyi sems 'dor bar 'gyur ro// byang chub kyi sems bor na lha yongs su gtong bar 'gyur ro// lha yongs su gtong na/ lha rnams kyang de la bsngags pa ma yin pa smra bar 'gyur ro// klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang mi rnams dang / mi ma yin pa rnams nas/ sangs rgyas kyi bar dag kyang de la bsngags pa ma yin pa smra bar 'gyur ro// 'jam dpal de lta bas na byang chub sems dpas dge ba'i bshes
- 128b
gnyen rnams la bstan par bya'o/ / bsnyen par bya'o// bsnyen bkur bya'o// 'jam dpal dper na/ skyabs zhes bya ba'i sman ni gnod sems kyi sems dang ldan pa 'am/ dang ba'i sems dang ldan pas mthong yang rung ste/ tha na dud 'gro'i skye gnas su song ba de dag gi nad thams cad med par 'gyur yang / skyabs zhes bya ba'i sman ni mi rtog/ rnam par mi rtog ste/ ma 'dres pa'i chos dang ldan pa'i phyir/ lhun gyis grub cing rnam par mi rtog par de'i bya ba de lta bu de 'byung ngo // 'jam dpal de bzhin du gnod sems kyi sems dang ldan pa 'am/ dang ba'i sems dang ldan pa gang gis de bzhin gshegs pa'i sku ri mor bris pa dang / gzugs su byas pa mthong na/ tha na dud 'gro'i skye gnas su song ba yang rung ste/ de dag gis nyon mongs pa'i nad thams cad med par 'gyur yang de bzhin gshegs pa ni mi rtog/ rnam par mi rtog ste/ ma 'dres pa'i chos dang ldan pa'i phyir/ lhun gyis grub cing rnam par mi rtog par bya ba de lta bu de 'byung ngo / / 'jam dpal dper na/ nyi ma'i dkyil 'khor rgya mtsho chen po las mngon par 'phags te/ nam mkha'i spyod yul la gnas nas/ 'od zer bye ba khrag khrig 'bum phrag grangs med pa btang bas/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor thams cad du mthong ba sbyin par byed cing / mun
- 129a
pa sel bar byed/ 'dam rdzab dang / rnyog pa thams cad skems par byed/ pad+ma rnams kyang kha bye bar byed/ rtswa dang / shing gel ba dang / sman dung nags tshal thams cad kyang skye bar byed/ sman thams cad yongs su smin par byed/ las kyi gnas thams cad ni gnas par byed la/ chu klung dang / mtshe'u dang / mtsho bran thams cad la yang dus gcig tu snang ba thob par 'gyur yang gnas las kyang mi g.yo zhing / 'jam dpal nyi ma'i dkyil 'khor ni mi rtog/ rnam par mi rtog ste/ bon kyang ma 'dres pa'i chos dang ldan pa'i phyir/ lhun gyis grub cing rnam par mi rtog par de'i bya ba de lta bu de rtag tu 'byung ngo // 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang srid pa'i rgya mtsho las mngon par 'phags te/ chos kyi dbyings kyi nam mkha'i spyod yul la gnas nas/ ye shes kyi 'od zer byed pa khrag khrig grangs med pa btang bas/ phyogs bcu'i 'jig rten gyi khams rab 'byams thams cad du snang ba sbyin par mdzad cing / sems can thams cad kyi ma rig pa'i mun pa mun nag dang / rab rib dang / ling tog rnams rnam par sel bar mdzad/ nyon mongs pa'i 'dam rdzab dang rnyog pa thams cad skems par mdzad/ yun ring po nas gnyid kyis log pa'i sems can gyi khams ni sad par
- 129b
mdzad/ sems can thams cad kyi dge pa'i rtsa ba thams cad ni skye bar mdzad/ sems can thams cad kyi dge ba'i rtsa ba'i tshogs thams cad ni yongs su smin par mdzad/ dag pa'i rtsa ba'i sgo thams cad ni rab tu 'jog par mdzad de/ dus gcig tu de'i mdzad pa thams cad 'byung yang gnas nas kyang mi g.yo zhing / 'jam dpal de bzhin gshegs pa ni mi rtog/ rnam par mi rtog ste/ 'on kyang ma 'dres pa'i chos dang ldan pa'i phyir lhun gyis grub cing rnam par mi rtog par de'i mdzad pa de lta bu de 'byung ngo // 'jam dpal de ltar de bzhin gshegs pa'i lhun gyis grub cing rnam par mi rtog par sems can yongs su smin par mdzad pa'i gnas rnams kyang / dge ba'i bshes gnyen gyis yongs su zin pa las 'byung ngo // 'jam dpal dge ba'i bshes gnyen gyis zin pa'i byang chub sems dpa' ni chos rab tu rnam par 'byed cing / dpyod pa la mkhas par 'gyur te/ de chos rnams la 'di ltar dpyod do// mig ni gzugs kyi dmigs pa'i rgyu ma yin/ gzugs kyang mig gi dmigs pa'i rgyu ma yin la/ dmigs pa'i rgyu rkyen nyid kyis kyang rnam par shes pa 'byung ste/ rnam par shes pa de yang mig las kyang ma byung / gzugs las kyang ma byung zhing / rnam par shes pa de ni byung nas zhig la/ zhu zhing mi gnas pa'o// rna ba dang / sna dang / lce dang
- 130a
lus kyang de bzhin no/ / yid kyang chos kyi rkyen ma yin zhing / chos kyang yid kyi rkyen ma yin la/ dmigs pa'i rgyu rkyen gyis kyang rnam par shes pa 'byung ste/ rnam par shes pa de ni yid las kyang ma byung / chos rnams las kyang ma byung zhing / yid kyi rnam par shes pa de ni byung nas zhig la zhu zhing mi gnas pa'o// de bzhin du dge ba'i rtsa ba yang byang chub kyi rkyen ma yin/ byang chub kyang dge ba'i rtsa ba'i rkyen ma yin mod kyi/ dge ba'i rtsa ba de yang byang chub kyi rkyen las dmigs pa las/ sems skye ba rnams kyis skye ste/ dedag kyang skyes nas zhig cing zhul mi gnas pa'o// de la sems gang gis dge ba'i rtsa ba mngon par 'dus byos pa dang / sems gang gis byang chub tu yongs su bsngos pa de gnyis ni phan tshun mi sbyor ro/ / dper na me ni gang nas kyang mi 'ong/ gang du yang mi 'gro ste/ 'on kyang rgyu dang rkyen gyis 'bar ro// 'jam dpal de bzhin du byang chub sems dpa'i shes rab kyi me 'bar ba yang gang nas kyang mi 'ong / gang du yang mi 'gro ste/ 'on kyang dge ba'i rtsa ba'i rgyu la brten nas byang chub sems dpa'i shes rab kyi me 'bar te/ shes pa de lta bu dang ldan pa de ni myur du bla na med pa yang dag par rdzogs pa'i byang chub mngon par 'tshang rgya'o/ / 'jam dpal de ltar na dge ba'i bshes gnyen rnams ni yon tan rgya mtsho tshad med pa yin no// 'jam dpa' rigs
- 130b
kyi bu 'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul snyed kyi sangs rgyas bcom ldan 'das byang chub sems dpa' dang bcas/ nyan thos dang bcas pa rnams la rtag par nyin gcig bzhin du zhal zas ro brgya dang ldan pa dang / lha'i na bza' dag phul la/ de ltar 'bul ba bskal pa gang+gA'i klung gi bya ma snyed dag tu phul zhing de bzhin gshegs pa de dag yongs su mya ngan las 'das nas de bzhin gshegs pa re re'i phyir yang / phyogs bcu'i 'jig rten gyi khams rab 'byams thams cad du 'jig rten gyi khams re rer yang mchod rten 'dzam bu chu bo'i gser las byas pa/ nor bu rin po che glog gi sgron mas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu dang / mu tig dang / rin po che'i 'brang bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yar ka'i dra ba'i bla ra bres pa/ tsan dan sbrul gyi snying po'i byug pas byugs pa/ nor bu rin po che dbang gi rgyal po'i dra bas khebs par byas pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la stong gsum gyi stong chen po'i tshad tsam gyi lha'i na bza' dag dang / gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang
- 131a
@#/ nor bu rin po che dbang gi rgyal po'i sprin dag dang / yid bzhin gyi nor bu rin po che'i sprin dag gis gtor/ mngon par gtor la nyid gcig bzhin de ltar mchod cing bskal pa ga d+hA'i klung gi bye ma snyed dag tu mchod la/ sems can gzhan dpag tu med/ grangs med pa dag kyang mchod pa de nyid la 'god pa bas/ 'jam dpal rigs kyi bu 'am/ rigs kyi bu mo gzhan dag gis de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la zan mos par byed na/ 'di nyid de bas bsod nams ches grangs med par bskyed do/ / 'jam dpal chos kyi rnam grangs 'di la mos pa'i byang chub sems dpa' ni pha rol tu phyin pa bye ba khrag khrig 'bum phrag dpag tu med/ grangs med pa dag yongs su rdzogs par byed do/ / sa bye ba khrag khrig 'bum phrag dpag tu med/ grangs med pa dag gnon to// bskal pa bye ba khrag khrig 'bum phrag dpag tu med/ grangs med pa dag phyir snyil bar byed do/ / sangs rgyas kyi rnam par rol pa bye ba khrag khrig 'bum phrag dpag tu med/ grangs med pa dag rab tu shes so// nga rgyal gyi ri dpag tu med/ grangs med pa dag rnam par 'jig par byed do/ / phrag dog dang / ser sna'i rgyal mtshan dpag tu med/ grangs med pa dag snyol bar byed do// sred pa'i chu klung dpag tu med/ grangs med pa dag skems par
- 131b
byed do/ / skye ba'i rgya mtsho dpag tu med/ grangs med pa dag las rgal bar byed do// bdud kyi zhags pa dpag tu med/ grangs med pa dag gcod do// nyi zla rnams dang / brgya byin dang / tshangs pa dang / 'jig rten skyong ba rnams kyi gzi brjid zil gyis mnan te 'dug go// sangs rgyas kyi zhing nas sangs rgyas kyi zhing du 'gro'o// sems can dmyal ba dang / dud 'gro dang / yi dgas dang / gshin rje'i 'jig rten du skyes pa'i sems can rnams kyi skyabs su 'gyur ro// sangs rgyas rnams dang / byang chub sems dpa' rnams dang yang phrad par 'gyur ro// mtsho'i phyag rgya zhes bya ba'i ting nge 'dzin kyang 'thob bo// chos thams cad yang dog par 'du ba zhes bya ba'i ting nge 'dzin kyang 'thob bo// chos thams cad la dbang byed pa zhes bya ba'i ting nge 'dzin kyang 'thob bo/ / rnam par bkod pa zhes bya ba'i ting nge 'dzin kyang 'thob bo// rin po che 'byung ba zhes bya ba'i ting nge 'dzin kyang 'thob bo// dga' ba byed pa zhes bya ba'i ting nge 'dzin kyang 'thob bo// / pad+ma bkod pa zhes bya ba'i ting nge 'dzin kyang 'thob bo// nam mkha' mdzod ces bya ba'i ting nge 'dzin kyang 'thob bo// 'jig rten thams cad kyi rjes su song ba zhes bya ba'i ting nge 'dzin kyang 'thob bo/ / dam pa'i chos pad+ma dkar po zhes bya ba'i ting nge 'dzin kyang 'thob bo// yul la dbang byed pa zhes bya ba'i ting nge 'dzin kyang 'thob bo// cher bsgyings zhes bya ba'i ting nge 'dzin kyang 'thob bo//
- 132a
rnam pa dang sems la dbang byed pa zhes bya ba'i ting nge 'dzin kyang 'thob bo// seng ge bsgyings pa zhes bya ba'i ting nge 'dzin kyang 'thob bo// nyi ma'i sgron ma zhes bya ba'i ting nge 'dzin kyang 'thob bo/ / mtha' yas 'khyil ba zhes bya ba'i ting nge 'dzin kyang 'thob bo// rab tu g.yo ba'i rjes su song ba zhes bya ba'i ting nge 'dzin kyang 'thob bo// rdo rje'i dkyil 'khor zhes bya ba'i ting nge 'dzin kyang 'thob bo/ / rdo rje'i rgyal mtshan zhes bya ba'i ting nge 'dzin kyang 'thob bo// rdo rje lta bu zhes bya ba'i ting nge 'dzin kyang 'thob bo// rdo rje lte ba zhes bya ba'i ting nge 'dzin kyang 'thob bo// sa 'dzin ces bya ba'i ting nge 'dzin kyang 'thob bo// lhun po sgron ma zhes bya ba'i ting nge 'dzin kyang 'thob bo// lhun po rgyal mtshan zhes bya ba'i ting nge 'dzin kyang 'thob bo// rin po che'i mdzod ces bya ba'i ting nge 'dzin kyang 'thob bo/ / sems la dbang byed pa zhes bya ba'i ting nge 'dzin kyang 'thob bo// sems can thams cad kyi sems la dbang byed pa zhes bya ba'i ting nge 'dzin kyang 'thob bo// spyod pa thams cad kyi yul las nges par byung ba zhes bya ba'i ting nge 'dzin kyang 'thob bo// sbyor ba zab cing gsang ba zhes bya ba'i ting nge 'dzin kyang 'thob bo// sna tshogs snang ba'i spobs pa zhes bya ba'i ting nge 'dzin kyang 'thob bo/ / bltar mi mthong ba zhes bya ba'i ting nge 'dzin kyang 'thobabo// chos thams cad la rnam par lta ba zhes bya ba'i ting nge 'dzin kyang 'thob bo// rnam par rom
- 132b
pa zhes bya ba'i ting nge 'dzin kyang 'thob bo/ / mngon par shes pa thams cad las nges par skyes pa zhes bya ba'i ting nge 'dzin kyang 'thob bo// bdud gyi dkyil 'khor rnam par 'joms pa zhes bya/ ba'i ting nge 'dzin kyang 'thob bo// gzugs thams cad kun tu ston pa zhes bya ba'i ting nge 'dzin kyang 'thob bo// gzugs thams cad kyi khyad par zhes bya ba'i ting nge 'dzin kyang 'thob bo// lus rnam par 'jig pa zhes bya ba'i ting nge 'dzin kyang 'thob bo/ / spyod pa thams cad la 'jug pa zhes bya ba'i ting nge 'dzin kyang 'thob bo// shes rab sgron ma zhes bya ba'i ting nge 'dzin kyang 'thob bo// mngon sum du byang chub snang ba zhes bya ba'i ting nge 'dzin kyang 'thob bo// so so yang dag par rig pa rin po che bstan pa zhes bya ba'i ting nge 'dzin kyang 'thob bo// yon tan gyi rnam pa thams cad la 'jug pa zhes bya ba'i ting nge 'dzin kyang 'thob bo/ / chos thams cad 'dul bar rnam par nges pa bstan pa zhes bya ba'i ting nge 'dzin kyang 'thob bo// rab tu zhi ba rnam par nges pa'i cho 'phrul zhes bya ba'i ting nge 'dzin kyang 'thob bo/ / dpa' bar 'gro ba zhes bya ba'i ting nge 'dzin kyang 'thob bo// zab cing brtan pa'i rgya mtsho'i chu'i dus rlabs zhes bya ba'i ting nge 'dzin kyang 'thob ste// de dag la sogs pa ting nge 'dzin bye ba khrag khrig 'bum phrag grangs med pa dag 'thob bo/ / sangs rgyas kyi sku dang / kha dog mtha' yas pa yongs su 'grub pa bsgrub pa'i gzungs kyang 'thob bo// ye shes
- 133a
dang ldan pa zhes bya ba'i gzungs kyang 'beba'o/ / sgra dbyangs rnam par dag pa zhes bya ba'i gzungs kyang 'thob bo// mi zad pa'i za ma tog ces bya ba'i gzungs kyang 'thob bo// mtha' yas 'khyil ba zhes bya ba'i gzungs kyang 'thob bo// rgya mtsho'i phyag rgya zhes bya ba'i gzungs kyang 'thob bo// pad+ma bkod pa zhes bya ba'i gzungs kyang 'thob bo// chags pa med pa'i sgor 'jug pa zhes bya ba'i gzungs kyang 'thob bo/ / so so yang dag par rig pa rnam par nges pa la 'jug pa zhes bya ba'i gzungs kyang 'thob bo// sangs rgyas kyi rgyan gyis byin gyis brlabs pa zhes bya ba'i gzungs kyang 'thong ngo / / sangs rgyas kyi sku dang / kha dog mtha' yas pa yongs su 'grub pa zhes bya ba'i gzungs kyang 'thob ste/ de dag la sogs pa gzungs bye khrag khrig 'bum phrag grangs med pa dag kyang 'thob bo/ / chos thams cad la spyod pa'i khyad par nyid kyang 'thob bo// chos thams cad la gzhan la rag ma las pa'i shes pa yang 'thob bo// chos thams cad la som nyi gcod pa nyid kyang 'thob bo/ / sangs rgyas kyi rnam par rol pa stong phrag grangs med pa dag kyang 'thob bo// sems can thams cad kyi spyod pa'i bye brag la mkhas pa yang 'thob bo// 'jam dpal dper na/ ri'i rgyal po ri rab ni ri thams cad zil gyis mnan nas/ lham me/ lhan ne/ ljang nge'o// 'jam dpal de bzhin du chos kyi rnam grangs 'di la mos pa'i byang chub sems
- 133b
dpa' yang / sems can thams cad kyi dge ba'i rtsa ba thams cad zil gyis mnan nas lham me/ ldan ne/ lhang de'o// de nas 'jam dpal gzhon nur gyur pas/ byang chub sems dpa' sems dpa' chen po sgrib pa thams cad rnam par sel ba la 'di skad ces smras so// kye rgyal ba'i sras byang chub sems dpa' sa gang dag la mos pas yon tan gyi khyad par 'di dag dang / gzhan dag kyang 'thob pa'i chos kyi bye brag gzhan dag kyang yod dam/ de skad ces smras pa dang / byang chub sems dpa' sgrib pa thams cad rnam par sel bas/ 'jam dpal gzhon nu gyur pa la 'di skad ces smras so// 'jam dpal byang chub sems dpa' sa gang dag la mos na/ yon tan gyi khyad par 'di dag dang / gzhan dpag tu med pa dag kyang 'thob pa'i chos lnga po 'di dag ste/ lnga gang zhe na/ chos thams cad gnyen po med pa dang / ma skyes pa dang / ma 'gags pa dang / brjod du med par mos pa dang / rtag tu rgyun mi 'chad par skad cig skad cig la de bzhin gshegs pa'i spyod pa dang / spyod lam la 'jug pa'i gnas 'dzam bu'i gling gi rdul phra rab kyi rdul las kyang lhag pa dag la lhun gyis grub cing rnam par mi rtog par 'jug par mos pa dang / seng ge bran bzangs kyi bu'i rdzogs pa brjod pas/ sems can yongs su smin par byas pa de/ bcom ldan 'das shAkya thub pas bskal pa gang+gA'i klung gi bye ma
- 134a
snyed nas/ mngon par rdzogs par sangs rgyas te mdzad par mos pa dang / mar me mdzad kyis lung bstan pa nas bzung ste/ mngon par rdzogs par byang chub pa'i bar der bcom ldan 'das shAkya thub pa'i byang chub sems dpa'i spyod pa gang yin pa de thams cad sangs rgyas kyi yul gyi mthas klas pa'i bskal pa nas/ mngon par rdzogs par sangs rgyas nas bstan/ pa yin par mos pa dang / shAkya thub pas bstan pas sems can yongs su smin par byas pa gang yin pa de sangs rgyas kyi yul gyi mthas klas pa'i bskal pa nas/ bcom ldan 'das shAkya thub pa mngon par rdzogs par sangs rgyas nas mdzad pa yin par mos pa ste/ 'jam dpal lnga po de dag ni byang chub sems dpa' sa gang dag la mos pas yon tan gyi khyad par 'di dag dang / gzhan dpag tu med pa dag kyang 'thob pa yin no// 'jam dpal rigs kyi bu 'am/ rigs kyi bu mo gang la la zhig gis 'jig rten gyi khams thams cad kyi rdul snyed kyi dgra bcom pa mngon par shes pa drug dang ldan pa/ rnam par thar pa brgyad la bsam gtan pa rnams la nyin gcig bzhin du lha'i zas ro brgya dang ldan pa dang / lha'i gos dag byin te/ de ltar na byin pa bskal pa gang+gA'i klung gi bye ma snyed dag tu byin pa bas/ 'jam dpal rigs kyi bu 'am/ rigs kyi bu mo gzhan gang zhig gis rang sangs rgyas gcig la nyi ma gcig zas byin na/ de ni de
- 134b
bas bsod nams ches grangs med par skyed do/ / 'jam dpal rigs kyi bu 'am/ rigs kyi bu mo gang la la zhig gis 'jig rten gyi khams re rer yang gtsug lag khang 'dzem bu'i chu bo'i gser las byas pa/ nor bu rin po che glog gi 'phreng bas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu dang / mu tig dang / nor bu rin po che'i 'phreng bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yer ka'i dra ba'i bla re bres pa/ tsan dan sbrul gyi snying po'i byug pas byung pa/ nor bu rin po che dbang gi rgyal pos khebs par byas pa/ rgya mtshon gnas pa'i rin po che rnam par dag pa/ bkod pa kun nas 'od zer snang ba'i nor bu rin po che'i kab mang pos dkrig pa/ nor bu rin po che se ge ral pa zhes bya ba'i spang leb byes pa/ nor bu rin po che seng ge rgyal mtshan gyi rtse mo las byas pa'i sgo khang dang / rta babs dang / skar khung gis brgyan pa dar gyi lda ldi mang pos bres pa/ phyogs bcu'i 'jig rten gyi khams thams cad kyi rdul snyed dag byas te/ rang sangs rgyas kyi gnas stong phrag grangs med pa dag dang / rang sangs rgyas de dag la nyin gcig bzhin lha'i zas ro brgya dang ldan pa dang / lha'i gos dag kyang byin zhing / de ltar byin pa bskal pa gang+gA'i klung gi bye ma snyed dag tu byin pa bas/ 'jam dpal rigs kyi bu 'am/ rigs kyi bu mo gzhan gang zhig gis sangs rgyas
- 135a
zhe 'am/ 'jig rten gyi mgon po zhe'am/ de bzhin gshegs pa zhe'am/ thams cad mkhyen pa zhes bya ba'i sgra bos na/ 'di ni debs ches bsod nams grangs med par sbyang na/ gang gis de bzhin gshegs pa'i sku ri mor bris pa 'am/ gzugs su byas pa mthong ba lta ci smos te/ 'di nyid de bas ches bsod nams grangs med par skyed do/ / gang gis mar me phul ba 'am/ bdug pa 'am/ spos sam/ me tog dag gam/ rol mo'i sgra'am/ mchod pa sna tshogs gzhan dag byed pa lta ci smos te/ 'di nyid bas ches bsod nams grangs med par skyed do/ / gang gis de bzhin gshegs pa'i phyir/ nyi ma gcig bslab pa gcig bsrung ba lta ci smos te/ 'di ni de bas ches bsod nams grangs med par skyed do/ / 'jam dpal rigs kyi bu 'am/ rigs kyi bu mo gang la la zhig gis de bzhin gshegs pa byang chub sems dpa' dang bcas pa/ nyan thos dang bcas pa/ phyog bcu'i 'jig rten gyi khams thams cad kyi rdul phra rab snyed rnams las nyin gcig bzhin du lha'i zas ro brgya dang ldan pa dang / lha'i na bza' dag kyang 'bul la/ de ltar 'bul ba bsgral pa gang+gA'i klung gi bye ma snyed dag tu 'dul zhing / sangs rgyas bcom ldan 'das de dag yongs su mya ngan las 'das nas kyang / de bzhin gshegs pa'i re'i phyir/ mchod rten tshang gling ba'i
- 135b
pa tsam rnam pa thams cad kyi mchog dang ldan pa/ yon tan thams cad yongs su rdzogs pa dang ldan pa/ 'dzam bu chu bo'i gser las byas pa/ nor bu rin po che klog gi sgron mas spras pa nor bu rin po che 'od thams cad bsdus pa'i stegs bus yongs su bskor ba/ nor bu dang / mu tigaM dang / rin po che'i 'phreng bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yer ka'i dra ba'i bla re bres pa/ tsan dan sbrul gyi snying po'i byug pas byugs pa/ nor bu rin po che dbang gi rgyal po'i dra bas g.yogs pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la nyin gcig bzhin du stong gsum gyi stong chen po'i tshad tsam gyi lha'i gos dag dang / gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / nor bu rin po che'i sprin dag dang / rol mo'i sgra'i sprin dag dang rgyan gyi sprin dag dang / seng ge'i rgyal mtshan gyi rtse mo'i zla ba'i sprin dag dang / lha'i sil snyan dang / pheg rdob pa dang / glu dbyangs kyi sgra'i sprin rnams kyis gtor/ mngon par gtor la/ chos kyi rnam grangs 'di la mos pas/ 'jam dpal rigs kyi bu 'am/ rigs kyi bu gzhan gang zhig de bzhin gshegs pa'i yon tan dang / ye shes bsam gyis mi khyab
- 136a
pa'i yul la 'jug pa bstan pa'i chos kyi rnam grangs 'di la mos shing zan dud 'gro'i skye gnas su song ba'i sems can gcig la zan kham gcig byin na/ 'di nyid de bas ches bsod nams grangs med par skyed do/ / 'jam dpal mdo sde 'di la mos pa'i byang chub sems dpa' gang la la zhig gis mdo sde 'di las ji skad smos pa'i de bzhin gshegs pa rnams la mchod pa byed pa bas/ byang chub sems dpa' mdo 'di nyid la mos pa gzhan gang zhig gis mdo 'di nyid la mos pa'i byang chub sems dpa' gzhan zhig mthong nas/ byang chub sems dpa' 'di ni mdo 'di nyid la mos pa'o snyam ste/ dga' ba dang / mchog tu dga' ba chen po rnyed la/ de sems dang bas langs te/ de la thal mo sbyar nas phyag 'tshal te/ ci nus ci lcogs su de la yongs su gzung ba byas na/ 'di nyid de bas ches sangs rgyas kyi ye shes thob par 'gyur ba'i bsod nams grangs med par skyed do// 'jam dpal de lta bas na sangs rgyas kyi ye shes 'dod pa'i byang chub sems dpas chos kyi rnam grangs 'di mnyan pa'i phyir/ 'jig rten gyi khams mes yongs su gang ba gang+gA'i klung gi bye ma snyed dag kyang rgal 'gro bar bya'o/ / 'jam dpal byang chub sems dpa' gang la la zhig gis bskal pa bye ba stong phrag brgyad du pha rol tu phyin pa lnga la spyad pa bas/ 'jam dpal byang chub sems dpa'
- 136b
gzhan gang zhig de bzhin gshegs pa ni rtag pa'o snyam du mos par byed na/ 'di ni de bas ches bsod nams grangs med par skyed do// 'jam dpal byang chub sems dpa' gang la la zhi gis/ sangs rgyas phyogs bcu'i 'jig rten gyi khams thams cad kyi rdul phra rab kyi rdul snyed dag la lha'i zas ro brgya dang ldan pa dang / lha'i na bza' dag nyin gcig bzhin du 'bul zhing de ltar 'bul ba bskal pa gang+gA'i klung gi bye ma snyed dag tu 'bul ba bas/ 'jam dpal byang chub sems dpa' gzhan gang zhig de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos pa'i byang chub sems dpa' la ngo mtshar du 'dzin par gyur nas/ khyod chos kyi rnam grangs 'di la mos pa legs so legs so/ / khyod ni lha dang bcas pa'i 'jig rten gyi phyag bya ba'i 'os yin no zhes bsam pa thag pa nas legs so zhes bya ba byin la/ khyod de bzhin gshegs pa thams cad kyi gsang ba'i gnas rnams su zhugs la/ chos kyi 'khor lo sker cig ces byas na/ 'jam dpal byang chub sems dpa' de ni de bas ches bsod nams grangs med par 'phel bsod nams mngon par 'du bya ba 'di la sbyin pa las byung ba'i bsod nams snga ma des brgya'i cha'i char yang nye bar mi 'gro/ stong gi cha dang / 'bum gyi cha dang / bye ba'i cha dang
- 137a
bye ba brgya'i cha dang / bye ba stong gi n+ya dang / bye ba 'bum gyi mdang / bye ba khrag khrig 'bum gyi chadang / grangs dang / ma dang / bgrang ba dang / dpedang zladang / rgyur yang mi bzod do// bcom ldan 'das kyis gnang ste/ byang chub sems dpa' sgrib pa thams cad rnam par sel bas de skad ces smras nas/ byang chub sems dpa' 'jam dpal gzhon nur gyur pa dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo rdzogs so/ / / rgya gar gyi mkhan po dz+nyA na gar+b+ha dang / zhu chen gyi lo tsa ba ban+d+ha ye shes sdes bsgyur cing zhus te ga tan la phab pa'o/ / mdo sde snyan gyi gong rgyan zhes bya ba theg pa chen po'i mdo// lo kaM las 'das pa/ rma mtsham ching rnam ste/ de bar med na rdo rje brtan pa 'jig rten gyi khams kyi rigs rab tu gnas so// de'i bar med na yangs par yongs su dag pa'i gser grags pa'i mngon mtshan rgyal mtshan zhes bya ba'i dri
- 137b
chu'i rgya mtsho mching rnam ste/ de na rdul gyi 'og gnas bstan pa zhes bya ba'i 'jig rten gyi khams kyi rigs rab tu gnas so// de'i bar med na snang bas lgang nge zhes bya ba'i dri chu'i rgya mtsho mching rnam ste/ de na rnam pa tha dad par las kyis snyoms par brgyan pa zhes bya ba'i 'jig rten gyi khams kyi rigs rab tu gnas so// de'i bar med na sgra skar zhi ba zhes bya ba'i dri chu'i rgya mtsho mching rnam ste/ de na rab tu 'phyang ba'i mngon du ba'i mngon pa zhes bya ba'i 'jig rten gyi khams kyi rigs rab tu gnas ste/ de lta bu la sogs pa rjod du med pa'i sangs rgyas kyi zhing gi mchog tu phra ba'i rdul dang mnyam pa'i dri chu'i rgya mtsho mching rnam rnams kyi phyi rol gyi kho ra khor yug gi mtshams na/ 'od 'phro stug pa'i sprin rgyal mtshan zhes bya ba'i dri chu'i rgya mtsho mching rnam ste/ de na rgyan thams cad kyi dmigs pa snang ba zhes bya ba'i 'jig rten gyi khams kyi rigs rab tu gnas pa/ byang chub kyi dkyil thams cad de bzhin gshegs pa'i 'khor gyi dkyis 'khor gyi sgra ma lus pa'i gzhi'o/ / der thams cad kyi 'og ma ni/ legs mig bris pa zhes bya ba'i 'jig rten gyi khams te/ sangs rgyas kyi zhing gi mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa'i 'khor rnams te/ de na rdo rje zla ba phyogs thams cad du rnam par snang mdzad ces bya ba de bzhin gshegs pa'o// de'i gong sangs
- 138a
r gyas kyi zhing bcu'i mchog tu phra ba'i rdul dang mnyam pa'i 'jig rten gyi khams rnams las 'das pa'i 'jig rten gyi khams kyi rigs kyi dbus rdo rje rgyal mtshan gyi 'jin rten gyi khams kyi 'og dang mnyam pa na/ pad+ma dpal gyi be'u'i kha dog ces bya ba'i 'jig rten gyi khamra ta/ de na brtson 'grus chen po shin tu blo gros zhes bya ba de bzhin gshegs pa'o// de'i gong mi mjed pa'i 'jig rten gyi khams kyi 'og dang mnyam pa na/ rdo rje sra ba'i mtshams bris pa zhes bya ba'i 'jig rten gyi khams te/ de na shing sA la'i rgyal po rgyal mtshan zhes bya ba de bzhin gshegs pa'o/ / de'i gong du sangs rgyas kyi zhing bdun gyi mchog tu phra ba'i rdul dang mnyam pa'i 'jig rten gyi khams rnams las 'das pa'i 'jig rten gyi khams kyi ri kyi spyi bo na/ rgya mtsho mching rnam dag pa bris pa zhes bya ba'i 'jig rten gyi khams te/ de na zil gyis ma mnan par shin tu gong du 'phags pa'i gzi brjid ces bya ba de bzhin gshegs pa'o/ / yang rin po che 'byung gnas snod kyis brtsegs pa'i dri chu'i rgya mtsho mching rnam/ de'i bar med na rin po che thams cad snang ba'i bod rnam par ldang ngo zhes bya ba'i dri chu'i rgya mtsho mching rnam ste/ de na grags pa dri ma med pa'i rgyan ces bya ba'i 'jig rten gyi khams kyi rigs rab tu gnas so// de'i bar med ma tshad med pa'i rin po che rgyas pa zhes bya ba'i dri chu'i rgya mtsho
- 138b
mching rnam ste/ de na mtshan nyid nam mkha' rnam par spyod pa zhes bya ba'i 'jig rten gyi khams kyi rigs rab tu gnas so// de'i bar med na rnam par snang mdzad kyi dpal bla re zhes bya ba'i dri chu'i rgya mtsho mching rnam ste/ de na thogs pa med par kun tu snang ba'i rgyan ces bya ba'i 'jig rten gyi khams kyi rigs rab tu gnas so// de'i bar med na tsan dan gyi sdong po'i ka sa ra zhes bya ba dri chu'i rgya mtsho mching rnam ste/ de na 'khyil ba mtha' med pa phyogs su 'jug pa zhes bya ba'i 'jig rten gyi khams kyi rigs rab tu gnas so// de'i bar med na gser rin po che'i rgyal po dpal 'byung ba zhes bya ba'i dri chu'i rgya mtsho mching rnam ste/ de na rgyal mtshan gyi rtse mo zhing 'khyil pa rgyu ba zhes bya ba'i 'jig rten gyi khams kyi rigs rab tu gnas so// de'i mtshungs pa'i 'dab chags na/ kun tu rdo rje'i me tog 'byung gnas zhes bya ba'i dri chu'i rgya mtsho mching rnam ste/ de na bsam du med pa'i rnam pa'i cha ston pa zhes bya ba'i 'jig rten gyi khams kyi rigs rab tu gnas so/ / de'i bar med na bsam pa'i nor bu'i rgyal po 'khor los 'og bris pa zhes bya ba'i dri chu'i rgya mtsho mching rnam ste/ de na chags pa med pa'i rnam par shes par byed pa sangs rgyas kyi gzi brjid snang ba zhes bya ba'i 'jig rten gyi khams kyi rigs rab tu gnas so/ / de'i bar med na rin po che'i se mo de 'og tshogs pa zhes bya ba'i dri chu'i rgya mtsho
- 139a
mching rnam ste/ de na rnam pa'i blo gros dge ba mtha' med kyig zi brjid ces bya ba'i 'jig rten gyi khams kyi rigs rab tu gnas so// de'i bar med na mu tig sna tshogs kyi dkyil 'khor gyis snyoms par brgyan pa zhes bya ba'i dri chu'i rgya mtsho mching rnam ste/ de na sangs rgyas kyi yul smon lam 'byung ba zhes bya ba'i 'jig rten gyi khams kyi rig rab tu gnas te/ de lta bu la sogs pa brjod du med pa'i yang brjod du med pa/ sangs rgyas kyi zhing gi mchog tu phra ba'i rdul dang mnyam pa'i dri chu'i rgya mtsho mching rnam ste/ thams cad kyi phyi rol kho ra khor yug gi mtshams na/ 'dzam bu'i chu rin po che'i mdzod kyi dkyil 'khor zhes bya ba'i dri chu'i rgya mtsho mching rnam ste/ de na kun tu sgra rgyal mtshan zhes bya ba'i 'jig rten gyi khams kyi rigs mngon par gong du 'phags pa thams cad mkhyen pa nyid kyi sgo mor gzhan dang gzhan par 'jug pa'i sgyu ma lus pa ni gzhi'o/ / der thams cad kyi 'og ma ni me tog ke sara'i 'od 'phro zhes bya ba'i 'jig rten gyi khams te/ sangs rgyas kyi zhing gi mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams de na rtsal sbyin zhes bya ba de bzhin gshegs pa'o/ / de'i gong sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams rnams las 'das pa'i rdo rje'i rgyal
- 139b
mtshan zhes bya ba'i 'jig rten gyi 'og dang mnyam pa na/ pad+mo rnam par snang ba'i rgyal mngon zhes bya ba'i 'jig rten gyi khams te/ sangs rgyas kyi zhing bcu'i mnog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams te/ de na yon tan thams cad kyi mchog sems kyi rgyal po zhes bya ba de bzhin gshegs pa'o// de'i gong sangs rgyas kyi zhing gi mchog tu phra ba'i rdul dang mnyam pa'i 'jig rten gyi khams rnams las 'das pa'i mi mjed kyi 'jig rten gyi khams kyi 'og dang mnyam pa na/ stobs bcu rgyan zhes bya ba'i 'jig rten gyi khams te/ sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams kun tu nyon mongs pa dang / rnam par dag pa'i 'khor rnams te/ de na dpag tu med pa'i yon tan gyi rgyal po shin tu 'byung zhes bya ba de bzhin gshegs pa'o/ / de'i gong 'jig rten gyi khams kyi rigs kyi steng na/ dri'i nor bu brtsegs pa'i rgyal mtshan zhes bya ba'i 'jig rten gyi khams te/ de na rnam pa'i blo gros yangs pa spyan bzangs zhes bya ba de bzhin gshegs pa'o// yang rin po che rjes su 'gro bar brgyan pa dri chu'i rgya mtsho mching rnam ste/ de'i par med na 'od zer gyi mdzod lhun po rten pa zhes bya ba'i dri chu'i rgya mtsho mching rnam ste/ de na stug po yangs pa'i sprin 'byung ba zhes bya ba'i 'jig rten gyi khams kyi rigs rab tu gnas so// derje
- 140a
bar med na rnam par bris pa'i rgyan byin gyi rlabs kyi spyod yul zhes bya ba'i dri chu'i rgya mtsho mching rnam ste/ de na dri ma med pa'i rnam pa'i cha mi sgrib pa zhes bya ba'i 'jig rten gyi khams rab tu gnas so/ / de'i bar med na rin po che stug po'i pad+mo'i yal ga 'phyang ba zhes bya ba'i dri chu'i rgya mtsho mching rnam ste/ de na lus kyi rgyan rab tu dam pa'i mar me zhes bya ba'i 'jig rten gyi khams kyi rigs rab tu gnas so/ / de'i bar med na rin po che thams cad kyi rgyan yang dag par gnas pa zhes bya ba'i dri chu'i rgya mtsho mching rnam ste/ de na nyi ma'i 'od zer gyi dra ba'i 'byung gnas zhes bya ba'i 'jig rten gyi khams kyi rigs rab tu gnas so/ / de'i bar med na mang po byi bdar dri chu'i rgya mtsho mching rnam ste/ de na rin po che ka sar byin gyi rlabs kyis gnas zhes bya ba'i 'jig rten gyi khams kyi rigs rab tu gnas so/ / de'i bar med na shin tu yid rno ba spyod pa zhes bya ba'i dri chu'i rgya mtsho mching rnam ste/ de na dam pa'i lus rgya mtsho mching rnam rgyan zhes bya ba'i 'jig rten gyi khams kyi rigs rab tu gnas so/ / de'i bar med na bris pa'i nor bu brtsegs pa 'dzin pa zhes bya ba'i dri chu'i rgya mtsho mching rnam ste/ de na kun tu rnam par dag pa nam mkha'i snying po zhes bya ba'i 'jig rten gyi khams kyi rigs rab tu gnas so/ / de'i bar med na yangs par dag pa'i gzi brjid ldang ngo zhes bya ba'i dri chu'i rgya mtsho mching rnam ste/ de na in+d+ra nI la'i dbyibs
- 140b
skar mda' snang ba zhes bya ba'i 'jig rten gyi khams kyi rigs rab tu gnas so/ / de'i bar med na 'dod par byed pa'i nor bu dang / mu tig 'thor ba rnam par lhang nge zhes bya ba'i dri chu'i rgya mtsho mching rnam ste/ de na sgra kun tu nga ro'i skad ces bya ba'i 'jig rten gyi khams kyi rigs rab tu gnas te/ de lta bu la sogs pa brjod du med pa'i yang brjod du med pa'i sangs rgyas kyi zhing gi mchog tu phra ba'i rdul dang mnyam pa'i dri chu'i rgya mtsho mching rnams kyi thams cad kyi phyi rol kho ra khor yug gi mtshams na/ in+d+ra nI la rab tu mthong ba zhes bya ba'i dri chu'i rgya mtsho mching rnam sa/ den phyogs kun tu rgyas pa dbyer med pa zhes bya ba'i 'jig rten gyi khams kyi rigs rab tu gnas pa byang chub sems dpa' thams cad kyi chos 'byung ba'i nga ro'i sgra ma lus pa'i gzhi'o// der thams cad kyi 'og ma ni dge ba mchog gi snying po zhes bya ba'i 'jig rten gyi khams sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams te/ den yon tan rab tu dag pa zlo gros zhes bya ba de bzhin gshegs pa'o// de'i gang sangs rgyas kyi zhing bcu'i mchog tu phra ba'i rdul dang mnyam pa 'jig rten gyi khams kyi khams rnams las 'das pa'i 'jig rten gyi khams kyi rigs kyi dbus rdo rje'i rgyal mtshan gyi 'jig rten gyi khams kyi 'og dang mnyam pa na/ dbyibs kyi rgyan ces
- 141a
bya ba'i 'jig rten gyi khams te/ de na 'od lhag par gong du 'phags pas snang ba zhes bya ba de bzhin gshegs pa'o// de'i gong mi mjed kyi 'jig rten gyi khams kyi 'og dang mnyam pa na/ bai DUR+Ya brtsegs pa'i kun tu 'khor lo zhes bya ba'i 'jig rten gyi khams te/ de na lhun pa mar me zhes bya ba'i de bzhin gshegs pa'o// de'i gong 'jig rten gyi khams kyi rigs kyi steng na/ me tog rgyal mtshan rgya mtsho mching rnam zhes bya ba'i 'jig rten gyi khams te/ sangs rgyas kyi zhing nyi shu'i mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams te/ da na sprul pa mi zad pa shin tu sprin gyi bdag po zhes bya ba de bzhin gshegs pa'o// yang skad rdo rje 'dus pa'i sgra ma lus pa dri chu'i rgya mtsho mching rnam de'i bar med na rin po che'i phur pa byas pa shin tu gong du 'phags pa zhes bya ba'i dri chu'i rgya mtsho mching rnam ste/ de na rin po che'i rgyal mtshan bsgreng ba zhes bya ba'i 'jig rten gyi khams kyi rigs rab tu gnas so/ / de'i bar med na me tog gi rgyal mtshan gyi snyoms par brgyan pa zhes bya ba'i dri chu'i rgya mtsho mching rnam ste/ de na snang ba thams cad ston pa zhes bya ba'i 'jig rten gyi khams kyi rigs rab tu gnas so/ / de'i bar med na rin po che'i gtso'i sprin can zhes bya ba'i dri chu'i rgya mtsho mching rnam ste/ de na rin po che thams cad kyi 'og gi chan
- 141b
snang ba rnam par lhang nge zhes bya ba'i 'jig rten gyi khams kyi rigs rab tu gnas so/ / de'i bar med na rin po che'i sdong po ke sa rA'i kha dog rgyan ces bya ba'i dri chu'i rgya mtsho mching rnam ste/ de la legs par brtsegs pa gzi brjid snyan gyi gong rgyan zhes bya ba'i 'jig rten gyi khams kyi rigs rab tu gnas so/ / de'i bar med na rin po che gtso'i gos rab tu brgyan pa'i tshogs rgyan zhes bya ba'i dri chu'i rgya mtsho mching rnam ste/ de na rgya mtsho mching rnam gyi snang ba zhes bya ba'i 'jig rten gyi khams kyi rigs rab tu gnas so// de'i bar me na rin po che'i sdong po yal ga brtsegs pa zhes bya ba'i 'jig rten gyi khams kyi rgya mtsho mching rnam ste/ de na rin po che'i 'od 'phro'i sprin la rab tu gnas pa zhes bya ba'i 'jig rten gyi khams kyi rigs rab tu gnas so// de'i bar me na 'dod pa'i 'o ga yang dag par ston pa zhes bya ba'i dri chu'i rgya mtsho mching rnam ste/ de na chags pa med pa'i rdo rje kun tu rjes su spyod pa zhes bya ba'i 'jig rten gyi khams kyi rigs rab tu gnas so// de'i bar med na kun tu pad+mo lhab lhub ces bya ba'i dri chu'i rgya mtsho mching rnam ste/ de na mtha' med pa'i 'gram rgya mtsho mching rnam 'khyil ba zhes bya ba'i 'jig rten gyi khams kyi rigs rab tu gnas so/ / de'i bar med na rin po che dam pa'i yan lag lbab lhub ces bya ba'i dri chu'i rgya mtsho mching rnam ste/ de ma zhing gi 'og dmigs pa'i mdzod ces bya ba'i 'jig rten gyi khams kyi rigs rab tu
- 142a
g nas pa de lta bu la sogs pa brjod du med pa'i sangs rgyas kyi zhing gi mchog tu phra ba'i rdul dang mnyam pa dri chu'i rgya mtsho mchid rnam thams cad kyi phyi rol kho ra khor yug gi mtshams na/ mi phigs pa'i snying po can zhes bya ba'i dri chu'i rgya mtsho mching rnam ste/ de na pad+mo'i dkyil 'khor shin tu rnam par phye ba'i 'khor lo zhes bya ba'i 'jig rten gyi khams kyi rigs rab tu gnas te/ sangs rgyas thams cad kyi stobs la 'jug pa'i sgra ma lus pa'i gzhi'o// der thams cad kyi 'og ma ni shin tu dri'i snying po zhes bya ba'i 'jig rten gyi khams te/ de na tshad med pa'i 'od sprul pa'i rgyal po zhes bya ba de bzhin gshegs pa'o/ / 'jig rten gyi khams de'i rigs kyi dbus rdo rje'i rgyal mtshan gyi 'jig rten gyi khams kyi 'og dang mnyam pa na/ bsam du med pa'i rgyan gyi tshul gyi sgo mo zhes bya ba'i 'jig rten gyi khams te/ de na mi dkar ba'i ye shes tshangs pa zhes bya ba de bzhin gshegs pa'o// de'i gong mi mjed kyi 'jig rten gyi khams kyi 'og dang mnyam pa na/ phyogs kyi snang ba me tog gi snying po zhes bya ba'i 'jig rten gyi khams te/ de na seng ge spyan 'od 'phro sprin zhes bya ba de bzhin gshegs pa'o// de'i gong 'jig rten gyi khams kyi rigs kyi steng na/ rgya mtsho mching rnam gyi sgra zhes bya ba'i 'jig rten gyi khams te/ de na chu'i lha 'od 'phro zhal zhes bya ba de bzhin gshegs pa'o// ya
- 142b
lha'i grong khyer nor bu'i mkhar bu'i rgyan gyi dri chu'i rgya mtsho mching rnam ste/ de'i bar med na snang ba'i 'khor lo rnam par 'tsher ba zhes bya ba'i dri chu'i rgya mtsho mching rnam ste/ de na brjod du med pa'i phyogs kyi gnas brgyan pa zhes bya ba'i 'jig rten gyi khams kyi rigs rab tu gnas so/ / de'i bar med na rin po che'i rdul lam rnam par bris pa zhes bya ba'i dri chu'i rgya mtsho mching rnam ste/ de na 'khyil pa du mar 'jug pa zhes bya ba'i 'jig rten gyi khams kyi rigs rab tu gnas so// de'i bar med na rgyan thams cad snyoms par thar pa'i 'og ces bya ba'i dri chu'i rgya mtsho mching rnam snga/ de na rin po che'i 'od rnam par snang ba zhes bya ba'i 'jig rten gyi khams kyi rigs rab tu gnas so// de'i bar med na rin po che dra ba rnam pa'i cha 'dus pa zhes bya ba'i dri chu'i rgya mtsho mching rnam ste/ de na tshul gyi mtshams kyi mthu zhes bya ba'i 'jig rten gyi khams kyi rigs rab tu gnas so// de'i bar med na rin po che'i rgyal mtshan gyi rtse mo'i rgyan ces bya ba dri chu'i rgya mtsho mching rnam ste/ de na 'jig rten gyi khams rnam par shes par byed pa/ rgya mtsho mching rnam ma lus pa zhes bya ba'i 'jig rten gyi khams kyi rigs rab tu gnas so// de'i bar med na nyi ma'i khang pa yongs su sbyar bar snang ba zhes bya ba'i dri chu'i rgya mtsho mching rnam ste/ de na dbang po'i dra ba kun tu 'thor ba la 'jug pa zhes bya ba'i 'jig rten gyi khams
- 143a
kyi rigs rab tu gnas so/ / de'i bar med na sil khrol thams cad kyi skad bsgrags pa'i sgra yid du 'ong ba zhes bya ba dri chu'i rgya mtsho mching rnam ste/ de na 'khyil pa thams cad kyi 'og tu 'jug pa zhes bya ba'i 'jig rten gyi khams kyi rigs rab tu gnas so/ / de'i bar med na rgya mtshos spras pas rnam par bris pa zhes bya ba'i dri chu'i rgya mtsho mching rnam ste/ den bod kyi sprin stug po dri ma med par 'bar ba zhes bya ba'i 'jig rten gyi khams kyi rigs rab tu gnas so// de'i bar med na rin po che'i mar me'i 'od 'phro snyoms par mngon du 'thor ba zhes bya ba'i dri chu'i rgya mtsho mching rnam ste/ de na sangs rgyas kyi smon lam sna tshogs kyi dbyibs byin gyi rlabs zhes bya ba'i 'jig rten gyi khams kyi rigs rab tu gnas pa/ de lta bu la sogs pa brjod du med pa'i yang brjod du med pa/ sangs rgyas kyi zhing gi mchog tu phra ba'i rdul dang mnyam pa'i dri chu'i rgya mtsho mching rnam ste/ thams cad kyi phyi rol khor khor yug gi mtshams na/ sa mo do'i gos kyi tshogs zhes bya ba'i dri chu'i rgya mtsho mching rnam ste/ den legs pa'i gos kun tu ston pa sprul pa zhes bya ba'i 'jig rten gyi khams kyi rigs mngon pa gong du 'phags pa 'das pa dang / ma 'ongs pa dang / da ltar gyi sangs rgyas thams cad rnams kyi mtshan nyid kyi sgra ma lus pa ni gzhi'o// der thams cad kyi 'og ma ni dbang po'i shes
- 143b
'khyil pa'i snying po zhes bya ba'i dri chu'i rgya mtsho mching rnam sa/ de na rab tu grol bar dga' byeng ces bya ba'i 'jig rten gyi khams kyi sangs rgyas kyi ning gi mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams te/ de na sad pa'i ye shes pas mi 'pham pa zhes bya ba de bzhin gshegs pa'o// de'i gong sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams rnams las 'das pa'i 'jig rten gyi khams kyi rigs kyi dbus rdo rje'i rgyal mtshan gyi 'jig rten gyi khams kyi 'og dang mnyam pa na/ / / rin po che'i dpal dra ba'i rgyan zhes bya ba 'jig rten gyi khams kyi sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor/ rnams te/ de na tshad med pa'i klog gi gtso/ drang srong chen po zhes bya ba de bzhin gshegs pa'o// de'i gong sangs rgyas kyi zhing gi mchog tu phra ba'i rdul dang mnyam pa'i 'jig rten gyi khams rnams las 'das pa'i mi mjed pa'i 'jig rten gyi khams kyi 'og dang mnyam pa na/ rin po che'i stan pad+mo seng ge zhes bya ba'i 'jig rten gyi khams kyi sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams kun tu nyon mongs pa dang / rnam par dag pa ni 'khor rnams te/ den dri ma med pa'i drag shul thos pa thog pa med pa zhes bya ba de bzhin
- 144a
/ shegs pa'o// de'i gong sangs rgyas kyi zhing bdun gyi mchog tu zla ba'i tshul dang mnyam pa'i 'jig rten gyi khams rnams las 'das pa'i 'jig rten gyi khams kyi rigs kyi gong na/ rin po che'i klu bod kyi kha dog ces bya ba 'jig rten gyi kham gyi sangs rgyas kyi zhing nyi shu'i mchog tu phra ba'i rdul dang mnyam pa'i 'jig rten gyi khams mtha' gcig tu yongs su dag pa ni 'khor rnams te/ de na chos kyi khams yongs su rgyas pa rnam par snang mdzad ces bya ba de bzhin gshegs pa'o// kye rgyal ba'i bu rnams sangs rgyas kyi zhing brjod du med pa bcu'i mchog tu phra ba'i rdul dang mnyam pa'i dri chu'i rgya mtsho mching rnam ste/ de dag la sangs rgyas kyi zhing brjod du med pa bcu'i mchog tu phra ba'i rdul dang mnyam pa'i 'jig rten gyi khams kyi rigs rab tu gnas so/ / 'jig rten gyi khams kyi rigs de dag thams cad kyang / dri chu'i rgya mtsho mching rnam de dag rnams la/ byang chub sems dpa' thams cad kyi lus rnam par shes par byed pa brnyan ma snang ba rgyal mtshan nor bu'i rgyal pos rab tu brgyan pa'i rgyan pad+mor rab tu gnas pa ni/ 'jig rten gyi khams kyi rigs par med kyi mtshams gzhan dang gzhan pa'i rgyan rnams dang / gzhan dang gzhan pa'i rin po che'i kha dog gi snang ba rab tu btang ba'i rnams dang / gzhan dang gzhan pa'i 'od zer gyi 'od dkyil 'khor gyi sprin gyis kun tu g.yogs pa'i rnams dang / gzhan dang gzhan
- 144b
pas brgyan pa brgyan gyi zang rnamasanan dang gzhan pa'i bskal pa'i grangs kyi tshul bshad pa' rnams dang / gzhan dang gzhan pa'i sangs rgyas kyi 'byung bar 'jug pa'i rnams dang / gzhan dang gzhan pa'i rgya mtsho mching rnam sgrog pa'i rnams dang / gzhan dang gzhan pa'i sems can gyi lus yongs su rgyas pa'i rnams dang / gzhan dang gzhan pa'i phyogs su 'jug pa tha mi dad pa'i rnams dang / gzhan dang gzhan pa'i sangs rgyas kyi rnam par sprul pa de bzhin gshegs pa'i byin gyi rlabs dang / 'jig rten gyi khams kyi rigs re re nas kyang 'jig rten gyi mtshams rab tu btang ba dang / 'jig rten gyi dra ba dang / rgyan rab tu gnas pa thams cad kyis me tog 'og gi snying po brgyan gyi brgyan 'jig rten gyi khams rgya mtsho mching rnam thams cad ji snyed pa 'jig rten gyi khams sna tshogs kyi tshul gyis kun tu rgyas so/ / 'jig rten gyi khams kyi rigs gcig nas ji bzhin pa de bzhin du 'jig rten gyi khams kyi rigs t hams cad kyis 'jig rten gyi khams kyi mtshams kyi sgo thams cad kyis brgyan sna tshogs gnas pas 'jig rten gyi khams kyi dra ba sna tshogs kyis me tog 'og gi snying po rgyan gyi brgyan 'jig rten gyi khams kyi rgya mtsho mching rnam thams cad ji snyed pa kun tu rgyas so/ / de nas yang kun tu bzang po byang chub sems dpas lhag pa'i tshad du 'jig rten gyi khams
- 145a
kyi rigs mtha' dang dbus med pa 'jig rten gyi khyon gyi tshul gyi chad pa de nyid snang bar byed pa na/ sangs rgyas kyi byin gyi rlabs kyis phyogs bcur rnam par bltas nas/ de'i tshe na tshigs su bcad pa 'di dag smras so// 'jig rten khams kyi rgya mtsho ni// chos kyi khams dang tha mi dad// yangs pa yangs par bris pa ni// nam mkha'i 'og tu gnas pa'o// / 'jig rten khams kyi rgya mtsho der// zhing gi rigs ni bsam med pa// rnam par gnas pa tha dad med// gzhan dang gzhan pa'i rnam sprul pa'o// rnam char 'dug pa dris pa ni// sna chos kha dog rab tu gnas/ / zhing gi rigs rang chud pa ni// 'jig rten khams kyi rgya mtsho ru'o// sna tshogs lus kyis sgra ma lus// sangs rgyas rnam sprul thams cad las// zhing gi rigs rnams snang ba ni/ / las kyis shin tu rnam bris pa'o// lhun po rgya mtsho dra ba yang // 'khor lo 'khyil ba dkyil 'khor te// yal bcu rdul yangs pad+mo'i dbyibs// de dag gis ni de dag bskor/ / tshul khrims rgyal mtshan brtsegs pa dang // bsgyur ba rdo rje'i gnas pa rnams// bsam du med pa'i khyon rnams kyis// de dag rigs rnams bskor ba'o// bod kyi dra ba bsam med kyis// snang ba rgya mtsho btang bas ni// zhing gi rigs rnam 'bar ba yang // thams cad pad+mo rab tu gnas// re re'i yang ni rigs las su// 'od zer dra bas
- 145b
bsam med pa/ / bod zer zhing du gyur nas su// rgya'o phyogs kyi rgya mtsho ru// thams cad zhing gi rigs rnam gyi// dmigs pa thams cad sgo mo ru// thams cad tshul gyi 'jug pa yang / zad pa med pa'i tshul ni snang // bsam du med pa'i zhing rnams su// zad pa med pa'i rigs rnams 'byung // sna tshogs rgyan gyi bshad pa ni// drang srong chen po'i byin rlabs so// zhing gi rigs ni de dag tu/ / 'jig rten khams ni bsam med de// gong bar 'gyur ba skye ba dang // kun tu 'byung dang mi 'byung ngo // ji bzhin shin tu lo ma rnams// 'byung ba dang ni lhung ba yang // de ltar de bzhin zhing rigs su// 'jig rten khams rnams 'byung ba'o// ji ltar shing rnams snying po ru// 'bras bu rnam pa sna tshogs 'gyur// de ltar de bzhin zhing rigs su// gon 'dun sems can 'byung ba'o/ / ji bzhin yang ni bye brag gis// 'bras bu snang ba sna tshogs par// de ltar las kyang bye brag gis// sems can rnams kyi zhing byung ngo // ji ltar bsam rgyul rin chen ni/ / kha dog kun gyi snang ba ste// sems can bsam pa rnam dag phyir// de bzhin zhing rnams mthong ba'o// ji bzhin klu yi rgyal pos sprin// nam mkha'i 'og tu ston byed pa/ / de ltar sangs rgyas smon lam gyis// sangs rgyas zhing rnams 'byung ba'o// sgyu ma byed pa'i sngags kyis su// rnam pa sna tshogs bzhin ston pa// de bzhin sems
- 146a
can las kyis su/ / bsam med zhing rnams 'gyur ba'o// ji bzhin bris byas kyi ni gzugs// ri mo mkhan gyis ri mo bris// de ltar 'di dag thams cad zhi sems kyis shin tu bri bar bris/ / sems can rnams kyi gon 'dun lus// ji bzhin sems kyis brtags pa pa// de bzhin zhing rnams gon 'dun par// thams cad las kyis bris pa'o/ / gzhan dang gzhan pa'i gzugs su ni// ji ltar snang ba 'dren pa rnams// ji bzhin sems can bsam pa pa// de bzhin zhing rnams mthong ba'o// pad+mo'i dra ba phyi rol dang // sems can zhing rnams mtshams su ste// gzhan pa'i dbyibs dang kha dog rnams// bris par snang ba dri med pa'o// pad+mo dra ba de dag la'ang // zhing gi dra ba rab tu gnas// rgyan sna tshogs su chad pa ni/ / sems can gon 'dun rnams kyi gnas// kha cig zhing gi de dag 'og/ kun tu nyon mongs pa ru gnas// sems can rnams ni nyon mongs par/ de dag tu ni chos nyid snang // bsam du med pa'i zhing rigs rnams// kun tu nyon mongs rnam dag kyang // sems can bsam pa 'byung ba ru// byang chub sems dpa' rab tu gnas// kha cig zhing 'og mang po ni// rnam par dag dang nyon mongs pang // las kyi rgya mtsho su ni 'byung // byang chub sems dpa' rnams kyis sprul// kha cig zhing gis 'og btang ba/
- 146b
dri med cing ni rin chen gyi// rnam par bris pa dri med dag/ sangs rgyas kyis kyang yongs sbyangs so// zhing gi rigs ni gcig tu yang // bskal pas bsreg pa bsam med pa// nyon mongs rnams la ston pa ste/ / zhing gi dkyil 'khor rab tu sra// rlung gi phung po smon lam gyis// chu'i phung rab tu gnas pa ni// zhing rnams mang po byung bar 'gyur// sems can rnams kyi las bsags pas/ / lto shig zhing du gzhan gzhan pa// snang ba zhing gi chos nyid ni// de dag rnams ni 'byung min zhing // de dag rnams kyang ldog med do// mang po zhing rnams 'byung ba ni/ / thams cad sems kyi skad cig tu// sangs rgyas byin gyi rlabs kyis ni// shin tu dag pa dri med ltos// sa chen po yi zhing rnams ni// kha cig byung ba sra ba'i rnams/ / snang ba med cing 'od med rnams// sdig pa'i las kyi gnas rnams so// kha cig zhing ni rdo rje yi// kun tu nyon mongs 'jigs pa che// bde ba chung zhing sdug bsngal mang // bsod nams chung ba rnams kyi gnas// kha cig zhing rnams lcags kyi ste// zangs dang 'khar bar gnas pa rnams// sdig pa'i las kyis khyab pa ni// nyam nga rdo yi ri rnams so// / 'jig rten de du dmyal ba ste// sems can rnams ni mgon med sdug bsngal ba// mun pa rgyud du thob pa ni// 'od 'phro'i rgya mtsho 'bar ba'o// de bzhin byol song 'gro ba yang /
- 147a
bdag gi lus ni thagazug pa// rang gi lus kyis nyes pas na// sdug bsngal tshor ba'i tshor ba'o// snang bgashin rje'i 'jig rten // som dang blangs nyon mongs pa/ / me yi ri la 'dzegs pa rnams// sdug bsngal tshor ba tshor ba'o// kha cig rin chen bdun rnams te// kha cig gnas ni rnam par bris// dge ba'i las kyis byung ba'i rnams/ / rnam par bri bar khang pa brgyan// kha cig lha dang mi rnams yang // mtho ris 'jig rten du mi ltos// dge ba'i bsod nams 'bras bus ldan// dge ba'i bde ba myong pa'o/ / nyag ma gcig gi rtse mor ni// bye ba zhing ni bsam med pa// sna tshogs rnam par bris pa'i dbyibs// de dag la yang 'dres pa med// bdag bdag kun gyi las kyis su// sems can khams ni bsam med pa// sna tshogs 'du shes zin pa rnams// bde dang sdug bsngal myong ba'o// kha cig zhing ni mtha' med snang // sems can thams cad gnas kyi gnas/ / rdo rje sut+pal 'byung ba'i rnams// bris pa dag pa dri med pa'o// zhing ni kha cig 'od zer gyi// 'od kyi dkyil 'khor rnams la gnas// gser dang tsan dan las ni byung / / 'od 'phro'i sprin dang mtshungs pa'o// nyi ma dkyil 'khor gyi ni zhing // dri yi gos kyis g.yogs pa dang // gzhan ni pad+mo'i gcig gis ni// byang chub sems dpa' rnams
- 147b
kyis rgyas/ / la lar mtshan nyid kha dog snang // zhing rnams rin chen bsdigs pas ni// dbang po'i thabs 'od btang ba// 'od zer drabs 'tsher ba'o// rdo rje pad+mol cig ni/ zhing rnams pog la gnas pa ste// gzhan ni nor bu brnyan mar snang // lto shig zhing ni rnam dag pa// me tog 'khyil bar byung ba rnams// lto shig zhing rnam bsam med pa// sangs rgyas sprul pas kun tu g.yogs// byang chub sems dpa'i 'od dang mnyam// kha cig me tog shing rnams kyis// yal ga'i dkyil 'khor rnam par bris// nor bu'i sprin ni kun tu 'bab/ / dkyil 'khor zhing gi rnam dag pa'o// rdo rje pad+mo'i zhing rnams ni// legs pa'i pad+mo lgang nge ste// sangs rgyas sprul pa sgra ma lus// zhing gi dra ba bsam med pa'o// nor bu'i cod pan bris pa'i rnams// byang chub sems dpas brgyan pa ste// kha cig bstan par byung ba ni// rab tu btang bas sprul 'od do// sna tshogs tsan dan phye ma rnams// smin mtshams spu yi lhang nge 'od// sangs rgyas thams cad bod zer gyis// zhing gi 'byung ba zer ba'o// kha cig rgyan gyis snang ba'i rnams// zhing ni dri med snang ba ste// kha cig/ rgyan ni thams cad kyis// rnam par bris par brgyad pa'o// kha cig zhing bcu rnams kyi ni// rgyan gyis su ni brgyan pa ste// gzhan zhing stong phrag du ma'i rnams// rgyan la rab tu
- 148a
gnas pa'o/ / zhing gi rgyan ni bye bas su// kha cig zhing ni rnam par bris// sna tshogs rgyan gyi dbyibs pa rnams// brib par snang ba mthong ba'o// brjod du mang pa'i zhing rnams na/ / rgyan ni gcig pu snang ba ste// gzhan dang gzhan pa'i 'od btang ba// byung ngo sangs rgyas smon lam gyis// smon lam rgya mtsho mching rnams kyis// @ zhing rnams rnam par sbyangs/ / de dag thams cad rgyan du ni// zhing gi rgya mtsho snang ba'o// kun tu bzang po smon lam gyis// zhing gang yongs su sbyangs pa ni// dus gsum zhing rnams de dag gi/ rkyen ni thams cad snang ba'o// rgyal ba'i bu ke ltos shig kye// zhing gi rigs su rnam sprul pa// gang ma ning ni ma 'ongs rnams// rmi lam 'dra bar snang ba'o// snye phyogs bcu'i 'jig rten du// 'das pa'i zhing gi rgya mtsho rnams// zhing gcig tu ni ltos shig dang // brnyan mar snang bar shin tu sprul// dus gsum sangs rgyas thams cad kyi// zhing gi rnam sbrul ji snyed pa// zhing gi rigs su snang ba ni// thams cad nang du chud par 'dug pa'o// ltos shig rdul gyi thog ma ru// sangs rgyas kun gyi rnam spangs pa// chud par snang bde dag la/ / mtshan ma med pa brnyan mar snang // kha cig rgya mtsho mching rnam dbyibs// zhing gi rigs rnam mang po ltos// dbyings ni lhun po ri yi rnams// 'jig rten khams ni
- 148b
bsam med pa'o/ / kha cig zhi ni shin tu brgyas// dbang po'i dra ba shin tu gnas// zhing gi dbyibs su shin tu bris// thams cad sangs rgyas kyi ni rgyas// nor bu'i 'khor lo gnas pa'i zhing / / gzhan ni pad+mor gnas pa ste// rdzu brgyad du mar bris pa'i rnams// kha dog sna tshogs shin tu ji med pa'o// sman gyi dbyibs su la cig dang / theb pa kyi dbyibs su sre/ / dga' ru'i dbyibs pa kha cikra ni// tshangs pa'i lus su shin tu gnas// lha yi dbang po gdug gi dbyibs// zla ba 'am par gnas pa'i rnams// nor bu'i yi dbyibs pa ni/ / nyi ma'i dkyil 'khor du ni gnas pa'o// dri chu mtshon 'khyil pa rnams// 'jig rten khams ni shin tu gnas// 'od zer dkyil 'khor gyi ni dbyabs spun ni sangs rgyas mngon par sbyangs/ / 'khor lo bde bar byed pa'i dbyibs// 'jig rten khams kyi dkyil 'khor rnams// smin mtshams spu dang u stis dbyibs// 'di na dbyibs kyi tshul rnams so/ / sangs rgyas phyag gi dbyibs rnams dang // gzhan ni rdo rjer gnas pa ste// 'od 'phro ri yi dbyibs gnas pa// byang chub sems dpas rgyas pa'o// zhing rnams rnams ni seng ge dbyibs// nor bu'i go char gnas pa yang // su ma'i gzugs kyi dbyibs rnams te// thams cad lus su gnas pa'o// zhing gi rigs ni gcig
- 149a
pu la/ / zhing gi rigs ni zad med pa// byin gyi rlabs kyi rab tu gnas// sangs rgyas smon pas byung ba'o// kha cig zhing ni bskal par mnyam// gzhan ni bskal pa bcu pa ste/ / kha cig zhing ni rdul dang mtshungs// bskal pa bye bar bsgrags pa'o// kha cig bskal pa gcig pa ni// zhing gi byung ba snang ba yang // gzhal du med dang grangs med pa// / rnam par ldog pa bsam med pa'o// kha cig zhing rnams sangs rgyas med// kha cig zhing du sangs rgyas bcas// sangs rgyas gcig pa'i zhing rnams dang // gzhan ni sangs rgyas mang ba'o/ / sangs rgyas mi bzhugs zhing du ni// 'jig rten khams ni gzhan du yang // sangs rgyas sprul pa 'ongs nas su// rnam par sprul pa ston pa'o// 'da' ba'i tshe la shi 'phos par// sangs rgyas byang chub rnam par sad// bdud kyi snga ni bsnyil nas su// chos kyi 'khor lo bskor ba'o// sems can rnams kyi bsam pa ji bzhin par// sna tshogs gzugs su ston pa 'i// 'jig rten kun tu tha mi dad// chos kyi 'khor lo ze skor ba'o// sangs rgyas zhing ni re re na// rgyal ba gcig pu byung nas su// lo ni bye ba stong phrag tu// mchog gi chos ni bshad pa'o// sdod ma yin gyi sems can la// sangs rgyas ltar ni mi ster te// de nyid gcig tu kun tu yang // sangs rgyas bsam pas mthong ba'o// sangs rgyas zhing ni re ren// sangs rgyas bye ba
- 149b
bsam med pa/ / de ru rgyal ba byung ba ste/ gang zhing sangs rgyas mang ba na'o// rgyal ba re re de ru ni// sprul pa mang po mthong zhing ni// chos kyi khams ni rgyas nas su// sems can rgya gdul bar mdzad/ / kha cig zhing ni snang med la// mun pa dang ni 'jigs che ba// spu gri kha dog sdug bsngal reg/ gtum po mthong nas 'jig pa'o// kha cig zhing du lha yi 'od/ gzhan dag tu ni ldang pa'i 'od// la la ru ni nyi zla'i 'od// zhing gi dra ba bsam med pa'o// kha cig zhing du rang gi 'od// shing gi snang bas dri med de// gang na sdug bsngal mi mthong ba/ / sems can rnams kyi bsod nams byung // ri yi snang bar yod pa dang // kha cig zhing na nor bu'i 'od// me mar snang ba gzhan du ni// sems can rnams kyi las kyis byung / / kha cig zhing du sangs rgyas 'od// byang chub sems dpa' rnams kyis rgyas// pad+mo'i 'od zer 'od kyi zhing // bod 'phro'i snang ba mdzes pa'o// me tog snang ba'i zhing rnams dang / / dri chu yis ni snang bar byas// dri dang pog gi 'od 'phro snang ba ni// sna tshogs smon lam gyis ni sbyangs pa'o// kha cig zhing ni sprin gyi 'od// nor bu'i go chas snang bar byas/ / sangs rgyas byin gyi rlabs kyis snang ba ni// sgra yid 'ong ba'i dbyangs snyan no// nor bu'i cod pan 'od snang dang // rdo rje gser gyi 'od 'phro 'tsher// yongs su
- 150a
dag pa'i sgra skad ni/ / gang na sdug bsngal med pa na'o// thams cad rgyan gyi snang ba dang // kha cig zhing du nor bu'i 'od// byang chub dkyil 'od kha cig tu/ 'khor rnams kyis ni snang bar byas// sangs rgyas sbrul gyi snang ba dang // sangs rgyas sprin gyis mngon par g.yogs// kun tu 'od kyi snang ba ni// chos kyi khams dang mnyam pa'i 'od/ / la la'i zhing na gtum chen dang // skrag par byed pa'i sgra sgrog pa// rtsub po zhe gcod skad rnams dang // yid du mi 'ong 'jigs che ba'o// dmyal dang byol song rigs kyi dang / / kashin rje'i 'jig rten sdug bsngal gang // kun tu nyon mongs zhing du ni// mya ngan smos su rgya mtsho zer// kha cig tu ni mgu byed sgra// yid du 'ong bas ston par byed// dge ba'i las kyi 'bras bu'i sgra// sgrog pa zhing gi dkyil 'khor du// brgya byin lha yi dbang po'i sgra// tshangs pa'i sgra dbyangs gzhan du ste// 'jig rten kun gyi sgra yang ni// kha cig zhing du thos pa'o/ / zhing rnams sgra ni sprin gyi ste// rin chen gyis ni 'od 'phro mtsho// nor bu'i shing ni mdzod kyi sgra// sil khrol sgra ni rgyas pa'o// 'od zer 'khyil ba'i sgra ma lus/ sangs rgyas sprul pa mi zad pa// byang chub sems dpa'i sgra ma lus// bod zer sgra yi dbyangs snyan no// chos kyi 'khor lo rnams kyi sgra// kha cig zhing du bsam med de// smon
- 150b
lam rgya mtsho sgyu ma lus/ / spyod pa'i sgra dbyangs snyan pa'o// dus gsum sangs rgyas thams cad kyi// mtshan gyi dkyil 'khor sgrog pa ste// zhing rnams 'byung ba de dag gi/ sgra yi smad ni zad med pa'o/ / sangs rgyas kun gyi stobs smra dang // sa dang pha rol phyin par song // chos kyi rang bzhin sgra ma lus// kha cig zhing du thos pa'o// kun tu bzang po'i smon lam gyi// sgra ni ma lus bye ba'i zhing du ste// bskal pa'i byin gyi rlabs kyi zer ba'o// ma lus smra ni btang ba mi zad pa'o// kha cig zhing gi lam dag par// sangs rgyas kun gyi rnam sprul gyi/ ma lus sgra ni der thos pa// chos kyi khams ni rgyas nas su// 'jig rten gyi khams kyi rigs rnam par gzhag pa'i sgra ma lus pa zhes bya ba bsgyur ba dgu po rdzogs so// rigs kyi bu rnams 'das pa'i dus na/ sngon yod pa ni/ 'jig rten gyi khams kyi mchog tu phra ba'i rdul dang mnyam pa'i bskal pa rnams kyi pha rol gyi yang pha rol na/ phyogs kun tu mig dri ma med pa rab tu snang ba'i 'jig rten gyi khams rgya mtsho mching rnam gyi dbus na/ dpal gyi sgra zhes bya ba'i 'jig rten gyi khams rnams yod par gyur pa de'i dus de'i tshe na/ dpal gyi sgra 'jig rten gyi khams de yang / nor bu'i pad+mo dra ba'i rgya mtsho mched rnam la rab tu gnas pa/ ri rab kyi mchog tu phra ba'i rdul dang mnyam pa'i 'jig rten gyi khams rnam par dag pa dang /
- 151a
kun tu snyoms pa ni 'khor rnams te/ kun tu zlum po dang / mtha' med pa'i rgyan gyis 'og brgyan pa dang / nor bu sna tshogs kyi sdong po'i 'khor lo'i rab sum brgyas bskor ba dang / rin po che thams cad kyi rgyan gyi sprin gyis kun tu g.yogs pa dang / rnam par dag pa'i 'od dri ma med pa snang ba/ ri rab lta bur grong khyer dang / khang pa'i rgyan te/ zas dang / skom dang / gos gang longs spyod yid du 'ong ba dang / nga tshogs su brtag par brgyan pa bshad do// yang dpal sgra'i 'jig rten gyi khams de'i dbus na rnam par dag par snang ba zhes bya ba'i dri chu'i rgya mtsho mching rnam ste/ de na me tog gi 'od 'phro dang mnyam pa'i rgyan rgyal mtshan zhes bya ba me tog chen po'i ri rab mngon par gong du 'phags parin po che'i lda ldi bcu ni/ 'khor gyi dkyil 'khor gyi rgyan te/ dri'i 'og de na/ nor bu me tog rgyas pa yal ga'i dkyil 'khor zhes bya ba stug po'i tshal chen po ste/ dri'i rgyal mtshan stong phrag dpag tu med pa'i rnams bsgrengs pa'i rgyan dang / dpag tu med pa'i me tog gi khang bu brtsegs pa'i 'phreng ba rnams kyis shin tu rnam par phye ba dang / dpag tu med pa'i nor bu'i khang bu brtsegs pa'i 'phreng ba rnams shin tu rnam par bsgrangs pa dang / dpag tu med pa'i rin po che'i pha bo nga rgyal mtshan rnams kyis nye bar mdzes par byas pa dang /
- 151b
dpag tu med pa'i rin po che sarba ri ka'i 'thung bas bskor ba dang / dpag tu med pa'i ji thams cad kyi nor bu bcwo'i thabs rab tu brgyan pa dang / dpag tu med pa'i sil khrol gyi skun sprin yid du 'ong ba rnams dang / dpag tu med pa'i dri dang / phog gi 'od 'phro'i sprin rnams kyis snang bar byas so// sems can gon 'dun gyi gnas rnams rin po che'i grong khyer bye ba ther 'bum brgya stong phrag bcus bskor ba ni/ gang 'di nor bu'i yal ga'i dkyil 'khor stug po'i tshal chen po de'i shar na 'od 'phro'i snang ba zhes bya ba grong khyer chen po mi'i rgyal po'i khab rin po che dag pa'i grong khyer bye ba ther 'bum brgya stong phrag bcus bskor ba ni/ zheng dang srid du dpag tshad stong phrag bdun te/ rin po che'i phyir ra ba bdun rnams rin po che sna tshogs kyis brtsegs pa'i khang bus bsgrengs pas kun tu bskor ba'o/ / rin po che'i 'obs bdun dri chus yongs su gang ba/ rin po che sna tshogs kyi ut+pal dang / pad+mo dang ku mung dang / me tog pun+da ri kas nye bar mdzes par byas pa rnams kyis kun tu bcas pa'o// rin po che sna tshogs kyi ta la'i 'phreng ba bdun/ rgyan sna tshogs kyi mdzad rab tu btang bas bskor ba'o/ / rin po che thams cad kyi lhab lhub pa'i khang bu brtsegs kyis rab tu brgyan pa'o// stang du gser gyi dra ba dang / spang rgyan gyi dra ba rnams dang / me tog gi dra ba rnams dang /
- 152a
in+d+ra nI la'i dra ba rnams dang / rdo rje pad+mo'i dra ba rnams dang / 'og na nor bu'i sdong po me tog gi dra ba rnams dang / sgra ma lus par yid du 'ong ba'i sil khrol thams cad kyi dra ba'i sprin gyis kun tu g.yogs pa/ dri sna tshogs kyi 'phreng ba brgyas ni brgyan no// de'i 'khor ba na sgo mo bye ba ther 'bum brgya stong phrag bcu rnams so// sgo mo de dag thams kyang rin po che thams cad kyis bris pa rnams so/ / sgo mo de dag rnams kyi mdun na/ pha bong gi rgyal mtshan bdun bdun te/ rgyan thams cad kyis kun tu g.yogs pas nye bar mdzes pa'o/ / tshal gsing bye ba brgya stong phrag bcu rnams kyis kun tu bskor ba ste/ kun dga' ra ba de dag thams cad rnams kyang / dri sna tshogs kyi nor bu'i sdong pos/ kun tu dri rab tu btang ba'i rnams dang / bya thams cad 'dus pa'i skad yid du 'ong ba'i sgra ma lus pa rnams so// yang 'od 'phro'i sgra ma lus pa grong khyer chen po der/ gang bdag mi skyes pa'i rnams de dag thams cad las rnam par smin pa'i phyir rdzu 'phrul so sor brnyed pas/ nam mkha' mnyam par 'gro zhing lha mi mnyam par rgyu ste/ yid kyi yul gyi longs spyod do// de'i g.yas na sdong po'i me tog gis rnam par bris pa zhes bya ba lha'i grong khyer ro// de'i g.yas na yongs su thug pa zhes bya ba klu chen po'i grong khyer ro// de'i g.yas na rdo rje'i dpal dris
- 152b
pa'i rgyal mtshan zhes bya ba gnod sbyin gyi grong khyer ro/ / de'i bar med na shin tu gzhal med khang zhes bya ba dri za'i grong khyer ro// de'i bar med na 'khor lo dpal zhes bya ba lha ma yin gyi grong khyer ro/ / de'i bar med na rin po ches bris pa legs pa'i lte ba zhes bya ba gser gyi grong khyer ro// de'i bar med na legs par rnam par bris pa'i rgyan ces bya ba tshangs pa'i grong khyer te/ de lta bu la sogs pa grong khyer bye ba ther 'bum brgya stong phrag bcu rnams kyis bskor ba'o/ / grong khyer chen po re re la'ang rgyan du ma ste/ grong khyer bye ba ther 'bum brgya stong phrag bcu rnams kyis bskor ba'i bar du'o/ / yang nor bu rgyas pa yal ga'i dkyil 'khor tshal stug pa chen po de'i dbus na/ rin po che'i me tog rnam par snang ba zhes bya ba byang chub kyi dkyil te/ rin po che thams cad kyi stug pa yangs pa'i yal ga'i dkyil 'khor bsgrengs pa/ gzugs sna tshogs kyi dbyibs so// nor bu'i me tog gi dkyil 'khor rgyas pa dang / rin po che thams cad kyi kha dog gi mar me dang / 'phreng ba stug pa yangs pa'i sprin dang / rin po che'i 'od 'phros zhing gi steng ku tu g.yogs pa ni/ rnam par dga' ba'i 'od kyi dkyil 'khor gyi sprin sla ba dang / phyogs bcur 'od zer yangs pa'i dra ba rnam par 'tsher ba dang / rgyan thams cad kyis rin po che sna tshogs kyi mdzod bcags pa dang / sil khrol thams cad kyi skad rjes su
- 153a
bsgrags pa'i sku dang / nor bu'i rgyal po thams cad las byang chub sems dpa'i sa byung ba dang / phyogs bcur rnam par bris pa'i me tog gi 'od byung ba'o// dam mdun na me tog kaM sa ra'i 'od 'phro'i dkyil 'khor zhes bya ba pad+mo chen po mngon par gong du byung ba ni/ zheng dpag tshad bye ba phrag brgya ste/ dri'i nor bu rdo rje'i rgya mtsho mching rnam par byung ba dang / nor bu sna tshogs kyi dpal gyis shin tu rnam par bris pa'i sdong po dang / dpag tu med pa'i rin po ches rnam par bris pa'i lo ma dang / mtha' med pa'i rin po che'i 'od 'phro dri'i ke sa ra'i dkyil 'khor gyi rgyan dang / kha dog mtha' med pa'i dpal pad+mo'i lgang bu bsgrengs pa/ pad+mo'i dkyil 'khor brjod du med pa'i bya ba ther 'bum brgya stong phrag bcu rnams kyis bskor bas/ phyogs bcur yangs par 'od kyi dkyil 'khor rab tu btang ba dang / yid du 'ong ba'i skad ke sar thams cad las sgra ma lus pa'o// yang sgra dpal gyi 'jig rten gyi khams na/ ri rab bcu'i mchog tu phra ba'i rdul dang mnyam pa'i de bzhin gshegs pa rnams byung ba'o// de dag las bskal pa dang po de bzhin gshegs pa gang / ri rab bcu'i mchog tu phra ba'i rdul dang mnyam pa'i de bzhin gshegs pa de dag thams cad rnams kyi thog mar bla na med pa yang dag par rdzogs pa'i byang chub mngon par rdzogs par sangs rgyas pa ni/ yon tan thams cad kyi ri lhun po dpal gyi sprin zhes bya ba de bzhin gshegs pa ste/
- 153b
gang gis de phyogs kun tu mig dri ma med par snang ba'i 'jig rten gyi khams kyi rgya mtsho mching rnam yong/ su sbyangs pa'o// kye rgyal ba'i bu rnams sgra dpal gyi 'jig rten gyi khams de na/ lo brgyan de bzhin gshegs pa yod par 'gyur ro zhes nas/ de'i bar du nor bu'i sdong po yal ga'i dkyil 'khor sdug pa'i tshal chen po de rgyan thams cad pa'i rgyan gyis rab tu brgyan pa ni 'di lta ste/ bsam du med pa'i rin po che'i 'od 'phro'i sprin rab tu btang ba'i snying po gnas par 'gyur te// sangs rgyas kyi yon tan gyi dkyil 'khor gyi sgra ma lus par rab tu btang ba dang / sangs rgyas grangs med pa'i gsung gi rgya mtsho mching rnam gyi sgra ma lus par rab tu btang ba dang / phyogs bcur 'od zer gyi dra ba rnam par 'tsher ba'i snying pos khang pa dang / gzhal med khang dang / khang bu brtsegs pa thams cad snang bar byas pa dang / rin po che'i me tog gi 'od kyi dkyil 'khor gyi sprin byung ba dang / sems can thams cad kyi sngon gyi dge ba'i rtsa ba yangs pa'i sgra ma lus pa dang / dus gsum gyi de bzhin gshegs pa thams cad kyi rgyal mtshan gyi 'khor lo rab tu btang ba'i sgra ma lus pa dang / byang chub sems dpa' thams cad kyi smon lam dang / spyod pa dang / 'byung ba mngon par bsgrub pa'i sgra ma lus pa dang / sangs rgyas thams cad
- 154a
kyi chos kyi 'khor lo gdon mi za ba'i tshig sna tshogs kyis sgrog pa'i sgra ma lus pa dang / de bzhin gshegs pa byung ba'i phyir/ sngon gyi mtshan ma rnams te/ rgyan de dag rnams 'byung ba'i phyir/ de bzhin gshegs pa 'byung bar 'gyur ro zhes/ 'jig rten gyi khams der 'jig rten gyi dbang po thams cad kyis rig go// de dag rnams kyi sngon gyi mtshan mas glengs pa'i phyir/ de bzhin gshegs pa mnyam par yongs su smin pa'i rnams dang / sangs rgyas blta bar mos pa rnams dang / byang chub kyi dkyil du mngon du byung ba rnams/ kyi phyir/ bcom ldan 'das yon tan thams cad kyi ri/ lhun po dpal gyi sprin de bzhin gshegs pa de pad+mo chen po der byung ba/ de bzhin nyid dang / mnyam pa nyid dang / chos kyi khams kyis rgyas pa'i sku ste/ sangs rgyas thams cad kyi zhing skye bar mched pa dang / byang chub kyi dkyil thams cad du bzhugs pa'i sku dang / mtha' dang dpung med pa'i gzugs kyi sku shin tu rnam par dag pa dang / 'jig rten gyi khams thams cad du shin tu gong du 'phags pa'i zil gyis mnan pa dang / mtshan nyid rin po che thams cad rgyas pa dang / sems can gyi gnas thams cad du snang ba phyin pa dang / 'gro ba thams cad lta bar mngon du bya ba dang / kha dog mtha' med pa'i sangs rgyas kyi sprul pa'i sprin gyi dra ba rab tu gtong ba dang / 'jig rten gyi khams
- 154b
thams cad bod kyi dkyil 'khor gyi sprin gyis rgyu ba dang / kha dog mtha' med pa'i 'od zer gyi dra ba rab tu gtong ba'o// ji bzhin du yang rnam par dag par snang ba'i dri chu'i rgya mtsho mching rnam la rab tu gnas pa/ me tog gi 'od 'phro'i rgyan gyi rgyal mtshan gser du 'bar ba'i rgyan ri rab kyi spyi bor nor bu'i me tog tu rgyas pa'i yal ga'i dkyil stug po'i tshal chen po na/ sangs rgyas kyi gdan la bzhugs pa/ de bzhin du thams cad dang ldan pa'i sgra dpal gyi 'jig rten gyi khams kyi ri rab bye ba stong phrag drug cu brgyad kyi ri rab spyi bo na bzhugs par snang ngo // de bzhin du kun tu mig dri ma med par snang ba'i 'jig rten gyi khams kyi rgya mtsho mching rnam thams cad na/ sangs rgyas kyi zhing bcu'i mchog tu phra ba'i rdul dang mnyam pa'i 'jig rten gyi khams kyi rigs/ 'jig rten gyi khams thams cad kyi khya na/ gling bzhi thams cad na/ byang chub kyi dkyil na bzhugs par yang dag par snang ngo // de nas bcom ldan 'das yon ngan thams cad kyi ri lhan po dpal gyi sprin de bzhin gshegs pas/ smin mtshams kyi mdzod su nas/ dge ba'i rtsa ba thams cad yang dag par bskyed pa'i sgra zhes bya ba/ 'od zer sangs rgyas kyi zhing bcu'i mchog tu phral dang mnyam pa'i 'od zer 'khor rnams da rab tu btang nas 'jig rten gyi khams thams cad rgyas te gdul ba thams cad rnams la skul bar byed do/ / bcom ldan
- 155a
'das yon tan thams cad kyi ri lhun po dpal gyi sprin de bzhin gshegs pa des/ 'od zer de rab tu btang ma thag tu/ de nas de nyid kyi skad cig skad cig par sems can thams cad rnams nyon mongs pa thams cad kyi tsha ba rnams nye bar zhi'o/ / sgrib pa thams cad kyi dra ba bsal ba/ sangs rgyas blta bar bsgrib pa'i ri rnams gtor to// sems can thams cad kyi rnyog pa rnams rnam par sbyangs so/ / dge ba thams cad kyi rtsa ba'i rgya mtsho mching rnam rnams byung ngo // mos pa'i dkyil 'khor rgya che ba'i rnams yongs su sbyangs so// khom pa med pa thams cad dang / ngan song dang / 'gro ba ngan pa dang / g.yang sa'i 'jigs pa rnams dang bral lo// lus dang sems las byung ba rnams kyi gnod pa thams cad rab tu zhi nas sangs rgyas blta bar dga' ba'i drag shul rnam par 'phel te/ thams cad mkhyen pa nyid par 'byung ba so sor rnyed do// de dag 'od zer de rnams kyis bskul ba dang // mnyam par 'jig rten gyi dbang po thams cad 'khor brgya stong du ma rnams dang / bcom ldan 'das ga la ba der nye bar dong ngo // de la kye rgyal ba'i bu rnams 'od 'phro'i snang ba grong khyer chen po de na/ blta bar dga' ba shin tu yid rno ba'i blo gros zhes bya rgyal por yod pa/ grong khyer bye ba ther 'bum brgya stong phrag bcu'i dpon po ste/ bsod nams kyi dpal la sogs pa bud med stong phrag sum cu
- 155b
rtsa bdun yod pa'o/ / gzi brjid chen po la sogs pa bu lnga brgya yod pa'o// yang gzi brjid chen po rgyal bu gzhon nu de la/ blta bar mdzes pa la sogs pa bud med stong phrag bcu yod pa'o/ / de nas gzi brjid chen po rgyal bu gzhon nus/ sangs rgyas kyi rnam par sprul pa mthong nas/ sngon gyi dge ba'i rtsa ba byung bas chos bcu rnams skyes so// bcu gang zhe na 'di lta ste/ sangs rgyas thams cad yon tan gyi dkyil 'khor zhes bya ba'i ting nge 'dzin skyes so// yang 'di lta ste/ sgo mo kun sangs rgyas kyi chos kyi 'og tu 'jug pa zhes bya ba'i gzungs skyes so/ / yang 'di lta ste/ tshul yangs pa'i sprin snying po zhes bya ba shes rab kyi pha rol tu phyin pa skyes so// yang 'di lta ste/ 'gro ba thams cad gdul ba'i rgyan chen po zhes bya ba byams pa skyes so/ / yang 'di lta ste/ kun tu skad kyi sprin rgya che ba zhes bya ba snying rje chen po skyes so// yang 'di lta ste/ mtha' dang dpung med pa'i bsam pa'i yon tan yang dag par gong du 'phags pa'i drag shul ces bya ba dga' ba chen po skyes pa'o/ / yang 'di lta ste/ chos thams cad ji bzhin pa bzhin du drag shul zhes bya ba btang snyoms chen po skyes so/ / yang 'di lta ste/ 'og gi tshul yangs pa rgya mtsho mching rnam gyi snying po zhes bya ba mngon par shes pa chen po byung ngo // yang 'di lta ste/ mos pa'i rgya mtsho mching rnam
- 156a
stobs kyi drag shul gyis rnam par spel ba zhes bya ba smon lam chen po'i tshul gyi sgo mo skyes so/ / yang 'di lta ste/ thams cad mkhyen pa nyid kyi ye shes kyi snang ba la 'jug pa'i drag shul zhes bya ba so sor yang dag par shes pa'i ye shes chen po'i sgo mo phra mo skyes so/ / de nas gzi brjid chen po zhes bya ba rgyal bu gzhon nu chos chen pom snang ba rnyed nas/ sangs rgyas kyi byin gyi rlab kyi 'khor gyi mdun ma thams cad ji snyed pa la tshigs su bcad pa 'di dag smras so// nyi ma'i sprin ni stong phrag rnams// nam mkhar shar ba ji bzhin pa/ / sangs rgyas kyi ni snang ba ni// byang chub dkyil du dri med pa'o// bskal pa bye ba stong phrag nas// 'jig rten 'dren pa gong du byung // sangs rgyas byung bar yang dag skyes/ / kun tu rgyal ba snang ba'o// ltos shig sangs rgyas 'od zer gyis// sangs rgyas sprin rnams bsam med pa// gnas kun tu ni snang ba ni// de bzhin gshegs pa snyoms zhugs pa'o/ / 'od 'phro'i sprin ni rab btang bas// 'od zer sprin las zad med phyir// snang bar byed pa'i 'jig rten 'dir// ltos shig sangs rgyas rnam sprul lo// ltos shig sangs rgyas sku las su/ / 'od zer dra bas dri med pa// sems can kun dang mnyam sku rnams// rgyas so phyogs dang mtshams rnams so// yid du chud pa'i sangs rgyas gsung //
- 156b
'gro ba kun tu gsung ba ni// sems can kun gyi dbyangs kyi yan lag tu// sangs rgyas bsngags par zer ba'o// sangs rgyas 'od kyis reg nas su// sems can thams cad bde bar gyur// sdug bsngal thams cad zhi nas kyang // 'gro bar dga' skyes rmad byung ba'o// ltos shig byang chub sems rnams kyi// sprin rnams 'ong ba phyogs bcu nas// nor bu'i sprin rnams rab gtong zhing / / stong pa'i sprin rnams rgyal ba'i spyan sngar ro// byang chub dkyil du sgrog pa ni// sgra yi rgya mtsho zab mo ste// sems can kun gyi sdug bsngal zhi// ltos shig sangs rgyas rnam sprul lo/ / thams cad rim gror bcas gyur te// dga' ba skyes nas shin tu dga'// 'jig rten mgon por 'dong bar bya// chos kyi rgyal po blta ba'i phyir// kye rgyal ba'i bu rnams gzi brjid che ba'i rgyal bu gzhon nu de tshigs bcad 'di dag smra ba na/ sangs rgyas kyi byin gyi rlabs kyis/ sgra dpal gyi 'jig rten gyi khams thams cad kyi sems can gyi gnas su rjes su sgrog go/ / de nas rgyal po blta bar dga' ba shin tu yid rno ba'i blo gros kyis tshigs bcad 'di dag thos nas/ dga' ba chen po skyes te/ rang gi 'khor la tshigs bcad 'di dag smras so/ / bsdu bar gyis shig rgyal po rnams// gzhon nu rnams dang dpon po rnams// blon po rnams dang grong 'dab de bzhin te// de bzhin gnas kyi sems can yang ngo // /
- 157a
rngu rdung gyis shig myur du ni// grong khyer rnams su kun tu ste// gzugs su lhan cig thams cad ni// chos shig rgyal ba blta ba ru// bkra shis dril bu dkrol bar byas/ / 'don bzhi ru ni kun tu ste// bu dang chung ma 'khor bcas par// deng zhig rgyal ba blta ba ru// rgyan par gyis shig grong khyer ni// rgyan gyis su ni kun tu ste// sbrengs shig rgyal mtshan rtse mo rnams/ / sna tshogs nor bus rnam bris pa'o// rin chen dra ba'i bla re rnams// bris shig nam mkha'i 'og tu ste// dkrol zhig sil khrol sprin rnams ni/ nam mkha' 'di yi kun tu'o// lam dang srung rnams brgyan nas su// rin chen gos rnams char du pog/ theg pa rin chen rnams ni sbyor// 'dod ngo rgyal ba lta ba ru// rang rang gi ni rnam rgyal bar/ / sna tshogs sprin ni char phob cig/ thams cadang rgyan gyi sprin gyis su// dam mkha'i 'og ni g.yogs par gyis// dri yi pad+mo 'od sprin rnams// me tog gdugs kya bas ma med pa/ / se mo ri dang bla gam sbyin// gos kyi sprin kyang char du phog// ri rab dri chu'i rnams su ri// nor bu 'khor los rnam bris pa// dag pa'i tsun dan phyim rnams nam mkha'i 'og tu ston par gyis/ / nor bu de shal ma tog da gal yang // rin chen se mo de rnams dri med rab// nor bu mar me smin rnams kyang // nam mkha'i 'og tu bslangs pa
- 157b
thams cad sangs rgyas mngon gyur la/ / dga' ba bskyed cing gzha' ba dang // bu dang 'khor du bcas pa yang // deng zhig rgyal ba blta bar ru// de nas rgyal po blta bar dga' ba shin tu yid rno ba'i blo gros dang lhan cig pa ni/ bsod nams dpal la sogs pa bud med stong phrag sum cu rtsa bdun rnams dang / gzi brjid chen po la sogs pa gzhon nu lnga brgya rnams dang / blo gros kyi stobs la sogs pa blon po stong phrag drug cu rnams te/ de lta bu la sogs pa srog chags bye ba ther 'bum brgya stong phrag bdun cu rtsa bdun rnams kyis bskor nas mdun du byas te/ 'od 'phro'i snang ba'i grong khyer chen po nas byung nas/ stobs dang bcas pa mang po nam mkha'i 'og tu mngon par gong du 'phags nas/ rgyal po'i rdzu 'phrul chen po dang / rgyal po'i mthu chen pos// rgyan tha~Md kyi sprin gyis nam mkha' thams cad ji snyed pa brgyan cing / bcom ldan 'das ga la ba der nye bar song nas/ bcom ldan 'das kyi zhabs la mgo bos phyag tshal te/ phyogs gcig na 'dug go/ / sdong po'i me tog gis bris pa'i lha'i grong khyer nas kyang / shin tu 'deng ngo ba'i rgyal mtshan zhes bya ba'i lha'i dbang po lha bye ba ther 'bum brgya stong phrag bcu rnams dang lhan cig tu bcom ldan 'das gang na ba der nye bar song nas/ bcom ldan 'das kyi zhabs la mgo bos phyag 'tshal nas/ mtha' gcig tu 'dug go
- 158a
yongs su thug pa'i klu chen po'i grong khyer nas kyang / dri ma med pa'i chu'i snang ba zhes bya ba klu'i dbang po ni klu bye ba phra nyi shu rtsa lnga rnams dang lhan cig tu'o// rdo rje dpal gyis bris pa'i rgyal mtshan gnod sbyin gyi grong khyer nas kyang / 'gro bar dpal zhes bya ba gnod sbyin bye ba phrag bdun cu rtsa bdun rnams dang lhan cig tu'o// shin tu dri ma med pa'i dri za grong khyer nas kyang lta bar dga' ba zhes bya ba dri za'i rgyal po ni bye ba phrag dgu bcu rtsa bdun rnams dang ngo / / 'khor lo dpal gyis rnam par bris pa lha ma yin gyi grong khyer nas kyang / rnam par dag pa'i gzugs sems pa zhes bya ba lha ma yin gyi dbang po ni/ lha ma yir bye ba brgya stong lnga bcu rtsa brgyad 'khor rnams dang ngo // rin po ches shin tu bris pa'i lte ba na mkha' lding gi grong khyer nas kyang / stobs bcu spyod pa zhes bya ba nam mkha' lding gi dbang po 'khor nam mkha' lding stong phrag dgu bcu rtsa dgu rnams dang ngo // rol par dga' ba dang ldan pa mi 'am ci'i grong khyer nas kyang / rgyal mtshan dpal zhes bya ba mi 'am ci'i dbang po mi 'am ci bye ba phrag bco brgyad dang ngo // rin po che rdo rje sra ba'i rgyal mtshan lto 'phye chen po'i grong nas kyang rin po che grags pa'i rgyal mtshan zhes bya ba lto 'phye chen po'i dbang po lto 'phye chen po bye ba ther 'bum brgya stong phrag gsum rnams dang lhan cig tu'o/ / legs par bris pa'i rgyan
- 158b
tshangs pa'i grong khyer nas kyang / dgra las shin tu rgyal ba zhes bya ba tshangs pa'i dbang po tshangs pa bye ba phrag bco brgyad dang lhan cig pas bskor te/ mdun du byas nas/ bcom ldan 'das yon tan thams cad kyi ri lhun po dpal gyi sprin de bzhin gshegs pa gang na pa der nye bar song nas/ bcom ldan 'das kyi zhabs la mgo bos phyag 'tshal nas mtha' gcig na 'dug ste/ de lta bu la sogs pa grong khyer bye ba ther 'bum brgya stong phrag bcu rnams nas grong khyer 'khor dang bcas pa'i sems can gong 'dun gyi ris gnas pa rnams dang / rgyal po 'khor dang bcas pa rnams ni/ bcom ldan 'das gang na ba der nye bar song nas/ bcom ldan 'das la phyag 'tshal te/ mtha' gcig tu 'khod do// de nas bcom ldan 'das yon tan thams cad kyi ri lhun po dpal gyi sprin de bzhin gshegs pa/ sems can de dag gi gdul ba'i dbang bzhes te/ 'khor gyi dkyil 'khor gyi rgya mtsho mching rnam de la/ dus gsum gyi sangs rgyas thams cad yang dag par gshegs pa/ chos rnam par sprul pa zhes bya ba'i rgyud bsam pa ji bzhin pa'i sems can rnams la yang dag par ston par mdzad pa ni/ 'jig rten gyi khams rgya mtsho mching rnam gyi mchog tu phra ba'i rdul dang mnyam pa'i rgyud ni 'khor ro// de nas gzi brjid che ba'i byang chub sems dpas//
- 159a
bcom ldan 'das yon tan thams cad kyi ri lhun po dpal gyi sprin de bzhin gshegs pa'i chos kyi gzhung 'di thos nas/ sngon gyi yang dag par byung ba'i chos kyi rgya mtsho mchid rnam gyis chos kyi spyan yang dag par rnyed pa ni/ 'di lta ste/ chos thams cad kyi dkyil 'khor mnyam pa nyid kyi ting nge 'dzin gyi sgo mo ye shes kyi snang ba yang dag par rnyeng ngo // yang 'di lta ste/ thog mar chos thams cad la snyoms par 'jug pa byang chub kyi sems bskyed pa'i gnas shes pa'i snang ba yang dag par rnyed do// yang 'di lta ste/ chos kyi khams phyogs rnam par snang ba'i snying pos mig rnam par dag pa'i ye shes kyi snang ba yang dag par rnyed do/ / yang 'di lta ste/ sangs rgyas thams cad kyi chos kyi ye shes rgya mtsho mching rnam gyi snang ba rnam par shes pa'i smon lam rgya mtsho mching rnam la ye shes kyi snang ba yang dag par rnyed do/ / yang 'di lta ste/ mtha' dang dpung med pa'i yon tan chen po'i rgya mtsho mching rnam par dag pa'i spyod pa'i dkyil 'khor du 'jug pa la ye shes kyi snang ba yang dag par rnyed do/ / yang 'di lta ste/ yangs pa'i sgo mo zab mo'i snang ba 'byung ba'i rgya mtsho mching rnam pa'i ye shes kyi snang ba yang dag par rnyed pa ni/ gang 'di stobs chen po drag shul gyi snying po gnas ri rab chen po'i rgya mtsho mching rnam la ye shes kyi snang ba yang dag par rnyed do// yang 'di lta ste/ chos kyi
- 159b
khams kyis mtha' dang dbung med pa'i rgyan du sprul pa 'byung ba'i dkyil 'khor la ye shes kyi snang ba yang dag par rnyed do/ / yang 'di lta ste/ tshad med pa'i yon tan gyi dkyil 'khor gyi rgyu mtsho mching rnam la 'jug par mngon par sgrub pa'i rgya mtsho mching rnam pa'i ye shes kyi snang ba yang dag par rnyed do/ / yang 'di lta ste/ sangs rgyas kyi thams cad mkhyen par mos pa'i rgya mtsho// mching rnam gyi sprin gyi rgyan yang dag par 'ongs pa'i rgya mtsho mching rnam la ye shes kyi snang ba yang dag par rnyed do// yang 'di lta ste/ chos kyi khams mtha' dang dpung med pa dang mnyam par de bzhin gshegs pa rnam par mkhyen par 'gro ba thams cad mngon du lta ba'i sangs rgyas kyi rnam par sprul pa'i rgya mtsho mching rnam la ye shes kyi snang ba yang dag par rnyed do/ / yang 'di lta ste// sangs rgyas kyi chos thams cad dang / stobs dang / mi 'jigs pa rnams la ye shes kyi snang ba yang dag par rnyed do// de nas gzi brjid che ba'i byang chub sems dpas yon tan thams cad kyi ri lhun po'i dpal gyi sprin de bzhin gshegs pa'i sngon gyi sbyor ba'i rgya mtsho mching rnam la ye shes kyi snang ba yang dag par rnyed nas/ sangs rgyas kyi mthus de'i tshe na tshigs su bcad pa 'di dag smras so/ / bdag la snang ba skyes pa ni// rgyal po'i chos nyid thos nas su// gang gis mthong ba sangs rgyas kyi// sngon gyi sbyor ba rgya mtsho rnams//
- 160a
thams cad tshe yi mthong ba ni// gzugs kyi 'byor pa ci 'drab// mi mang rnams kyi dmigs pa dang // gang yang sangs rgyas mchod pa rnams// bskul pa mtsho spyod pa na/ / sangs rgyas rnams kyi thad nas sngon// sangs rgyas rgya mtsho mchod nas su// zhing ni rgya mtsho sbyangs pa'o// bdag gi lus rnams btang ba ni// yangs pa'i rgyu ma / mang po rnams// dam pa'i spyad pa spyod pa na// zhing rgya mtsho rnams sbyangs pa'o// snyan dang shangs kyi rgya mtsho rnams// zhabs phyag dbu rnams de bzhin te// rgyal dang nang gi 'khor rnams btang ba ni/ / zhing rgya mtsho rnam sbyangs pa'o// zhing ni re re re re na// bskal pa bye ba bsam me dang // byang chub spyad pa spyod pa ni// sbyangs so zhing ni rgya mtsho rnams/ kun tu bzang po'i smon lam gyis// spyod pa rgya mtsho spyad nas su// sangs rgyas thams cad rgya mtshon// shing 'jon sbyang pa'o// ji ltar nyi ma'i snang bas ni// nyi ma'i dkyil 'khor snang ba ltar sangs rgyas shes pa'i snang bas su/ / sngon gyi spyod pa mthong ba'o// zhing gi rgya mtsho gang dag pa// dri med 'od du mthong ba ste// byang chub sad pa zhi ba ni// chos kyi khams ni rgyas ma de'ajang byang bar bya ba ni/ / yangs pa'i zhing gi rgya mtsho rnams// sangs rgyas kun gyi byin rlabs kyis// byang chub spyad pa spyod pa na'o// yang rgyal ba'i bu rnams gzi brjid chen po
- 160b
byang chub sems dpa' des/ bcom ldan 'das yon tan thams cad kyi ri lhun po dpal gyi sprin de bzhin gshegs pa de la/ blta bas mnyes par byas pas/ mchod pa'i las byas pas/ de bzhin gshegs pa mngon par rdzogs par 'tshang rgya ba'ang / 'jig rten thams cad du snang bar byed cing / sngon gyi sbyor ba rgya mtsho mching rnam yang rab tu grags par byed cing / sngon gyi byang chub sems dpa'i spyod pa rgya mtsho mching rnam gyi tshul rnams kyang rab tu grags par byed cing / yon tan thams cad kyi rgya mtsho mching rnam gyi tshul rnams kyang rab tu grags par byed cing / chos kyi khams thams cad la mtshungs par 'jug pa'i ye shes kyi sgo mo yongs su sbyangs pa yang rab tu grags par byed cing / byang chub kyi dkyil thams cad du mngon par rdzogs pa'i byang chub rnam par sprul pa rnams kyang rab tu grags par byed cing / sangs rgyas kyi stobs dang / mi 'jigs pa rnams dang / ye shes kyang tha mi dad par rab tu grags par byed cing / de de bzhin gshegs pa'i sku/ sgo mo kun tu lta ba rnam par chud pa yang rab tu grags par byed cing / sangs rgyas kyi rnam par sprul pa bsam gyis mi khyab pa'ang rab tu grags par byed cing / mtha' dang dpung med pa'i sangs rgyas kyi spyod pa'i rgyan rnams kyang ston par byed cing / kun tu bzang po byang chub sems dpa'i smon
- 161a
lam kyang mngon par sgrub cing / ri rab kyi mchog tu phra ba'i rdul dang mnyam pa'i sems can rnams la byang chub kyi sems bskyed par byas te/ sangs rgyas kyi zhing gi mchog tu phra ba'i rdul dang mnyam pa de bzhin gshegs pa rnams kyi sangs rgyas kyi zhing rnam par dag pa kun tu bzung ngo / / de nas yon tan thams cad kyi ri lhun po dpal gyi sprin de bzhin gshegs pas gzi brjid che ba'i byang chub sems dpa' la/ tshigs su bcad pa 'di dag gsungs so// gzi brjid che ba dge'o dge/ bsod nams snying po grags pa che/ / gang khyod sems can thams cad la// phan phyir du ni byang chub chos// snang ba khyod kyis bstan pa ni// chos kyi khams ni rgyas nas su// bsod nams sprin dang blo che ba/ / 'gyur ro ye shes rgya mtsho ru// zhing gi rdul mnyam bskal pa rnams// zhing gcig tu ni spyod nas su// ye shes 'di 'drar 'gyur ba ni// ci 'drar nga la mthong ba'o// mi nus chung ngu'i brtson 'grus kyis// kun shes pa ru tshul 'di ni// brtson 'grus chen po'i stobs ldan pas// zhing rgya mtsho rnams dag byed do// thams cad rdul gyir 'jug pa ni// gang gis bskal pa rgya mtsho spyod// de dag 'di ni 'di 'drar 'gyur// rgyan rnams zhing gi rgya mtsho ru// sems can re re re re la// byams pas bskal pa rgya mtsho rnams// 'khor zhing
- 161b
ba med pa ni/ / de dag 'jig rten 'dren par 'gyur// ba ma'i mtha' yi bskal pa rnams// rgyal ba re re mchod pa yang // gang dag sems ni mi skyob// de dag de bzhin gshegs par 'gyur/ / rgyal po khyod ni smon lam gyis// gang dag dus gsum 'dren pa kun// sangs rgyas kun gyi 'khor na ni// khyod kyi lus ni 'dug pa'o// mtha' dang dpung med smon lam rnams/ / sangs rgyas kun gyi rgya mtsho la// 'jug pa rnams kyi blo che ba// de dag tshul 'dir gnas par 'gyur// nga la mchod pa byed pas ni// gzi brjid che zhing stobs che ste/ / lhun po'i rdul mnyam sems can rnams// byang chub phyir ni yongs smin byas// kun tu bzang po gdad pa' rnams// byang chub sems dpa' grags chen rnams// chos kyi khams ni rgyas nas su/ / rgya mtsho zhing rnams dag byed do// de la kye rgyal ba'i bu rnams rgyan chen por rig pa'i bskal pas/ chu bo gang+gA'i bye ma dang mnyam pa/ bar ma'i bskal pa rnams su gyur to/ / de'i dus na mi rnams kyi tshe'i tshad ni bar ma'i bskal pa gnyis su gyur pa'o// yang rgyal ba'i bu rnams yon tan thams cad kyi ri lhun po dpal gyi de bzhin gshegs pa de'i tshe'i tshad kyang lo bye ba phrag lnga brgyar gyur pa'o/ / de mya ngan las 'das nas/ pha rol tu phyin pa legs spun rgyan gyi rgyal po zhes bya ba de bzhin gshegs pa 'jig rten du byung ngo //
- 162a
nor bu'i me tog gi yal ga'i dkyil 'khor sdug pa'i tshal chen po de nyid mthong ngo // gzi brjid che ba'i rgyal bu gzhon nus pha rol tu phyin pa legs spyan rgyan gyi rgyal po de bzhin gshegs pa de'i mngon par rdzogs par byang chub kyi rnam par sprul pa/ de mthong nas mtha' med pa'i sgo mo rgya mtsho mching rnam gyi snying po zhes bya ba sangs rgyas rjes su dran pa rnyed do// / ye shes yangs pa'i byin gyi rlabs chos 'khyil ba'i gzungs kyang rnyed do// kun tu rjes su song ba 'gro ba gdul bar gti mug med pa zhes bya ba byams pa chen po yang rnyed nas/ dmigs pa thams cad kyi sgo mo'i sprin rgyal ba zhes bya ba'i snying rje chen po yang rnyed par gyur to/ / sangs rgyas kyi yon tan thams cad kyi rgya mtsho mching rnam byin gyi rlabs kyi mdzod ces bya ba/ dga' ba chen po yang rnyed par gyur to/ / chos kyi rang bzhin nam mkha'i 'og tu/ rnam par dag pa zhes bya ba btang snyoms chen po yang rnyed nas/ rang bzhin gyis rnam par dag pa chos kyi khams lus yongs su dag pa zhes bya ba/ shes rab kyi pha rol tu phyin pa'ang rnyed par gyur to// chags pa med pa'i 'og rnam par snang bar rjes su song ba zhes bya ba/ mngon par shes pa'ang rnyed par gyur to/ / dri ma med par 'khyil ba shin tu rig par snyoms par 'jug pa zhes bya ba/ so sor yang dag par shes pa'ang rnyed par gyur to// sangs rgyas thams cad kyi chos kyi
- 162b
dkyil 'khor yongs su sbyong ba'i mdzod ces bya ba ye shes kyi snang ba yang rnyed par gyur te/ de lta bu la sogs pa'i chos stong phrag bcu rnams thob par gyur to// de nas gan brjid che ba'i rgyal bu gzhon nu sangs rgyas kyi chos kyi byin gyi rlabs kyis 'khor gyi mdun ma thams cad ji snyed pa la tshigs su bcad pa 'di dag smras so/ / bskal pa bye ba phrag rnams bsam med par/ / 'jig rten 'dren pa mchog ni dkon pa ste// shin tu khyer rnyed zhing 'di sems can rnams// gang gis sangs rgyas gnyis po 'di mthong ba'o// sangs rgyas sku las 'od ni rab btang ba/ / kha dog mtha' med yangs pa rnam dag ste// 'od zer sprin gyis zhing kun rgyas nas su// thams cad rgyal ba rnams kyi yon tan zer// 'od zer reg nas yang dag dga' ba skyes 'gro ba kun tu sdug bsngal ma lus zhing / / phan tshun rim gror bcas nas byams pa'i sems// sangs rgyas rnam sprul rnams ni 'di mthong ba'o// bsam med sprul pa dra ba'i sprin rnams ni// du ma'i gzugs kyi 'od kyi dra ba btang bas ni// phyogs bcu'i zhing ni rgyas par byed pas su// sangs rgyas rnam sprul rnams ni ston par byed// ba spu re re nas ni rgyal bas btang // dpya kyi sprin rnams nam mkha' rgyas nas su/ / mun pa dang ni mun kanag snang byed dang // dmyal ba kun tu sdug bsngal zhi byed do// sangs rgyas kyi ni gsung skad phyogs bcu ru// thams
- 163a
cad skad kyis kun tu sgrog pa ni/ / sems can rnams kyi sngon dag rgya mtsho rnams// sangs rgyas rnam sprul rnams ni de ltos shig/ 'khor gyi rgya mtsho yangs pa tshad med rnams/ / mtha' dang dpung med byung ba sangs rgyas kyi// de ru rgyal ba chos kyi 'khor lo bskor// sems can rnams kyi rgya mtsho zad med gdul// rnam par sprul pa tshad med ltos/ / thams cad zhing du rgyal ba bzhugs// de ltar chags med ye shes bde gshegs kyi// sems can rnams kyi don phyir byang chub sad// chos shig dga' zhing gzha' ba dang / rim gror bcas shing yid dga' rangs pas su// 'dong bar bya'o/ bde gshegs de blta bar// gang mthong nas ni sdug bsngal thams cad zhi// byang chub phyir du yang dag sems bskyed nas/ / 'gro ba kun la byams pa'i yid gyur la// kun tu bzang po smon lam byas nas su// thams cad 'gyur ro chos kyi rgyal po bzhin// de'i sgra de sangs rgyas kyi byin gyi rlabs kyis/ / thogs pa med par 'jig rten gyi khams thams cad ji snyed par rgyas par byed de/ de thos nas tshad med pa'i sems can rnams byang chub kyi smon lam byas par gyur to// de pa dang ma dang 'khor thams cad dang bcas pa dang / sems can bye ba ther 'bum brgya stong mtha' med pa rnams kyis kyang bskor te/ mdun du byas nas rin po che'i gdugs kyi
- 163b
sprin lnga rnams kyis/ nam mkha' thams cad ji snyed pa snyoms par g.yogs shing bcom ldan 'das gang na ba der nye bar phyin to// nye bar phyin pa de dag rnams la/ bcom ldan 'das pha rol tu phyin pa lags spyan rgyan gyi rgyal po de bzhin gshegs pa des/ chos kyi khams rang bzhin gyis dri ma med pa'i rgyan zhes bya ba'i rgyud yang dag par ston par mdzad pa ni/ 'jig rten gyi khams kyi rgya mtsho mching rnam gyi mchog tu phra ba'i rdul dang mnyam pa'i rgyud 'khor to// des de zos nas tshul thams cad rnam par dag par 'jug pa srid par byung ngo // rnam par dag pa'i ye shes kyi gom pa dri ma med par snang ba zhes bya ba'i sa yang thob bo/ / 'gro ba thams cad la byams pa yang dag par ston pa'i rgyan zhes bya ba/ pha rol tu phyin pa'i dkyil 'khor yang bzhugs so/ / zhing thams cad mtshungs par 'byung ba/ du ma'i 'jig rten du blta bar rnam par dag pa spyod pa'i dkyil 'khor la yang ma chad pa'o// dri ma med pa'i bsod nams kyi sprin rab tu snang ba'i rgyal mtshan spyod pa'i dkyil 'khor la yang zhugs so/ / chos thams cad rgya mtsho mching rnam gyi khyon snang ba rjes su 'gro ba'i dkyil 'khor gyi rjes su yang byung ngo // ye shes chen po'i drag shul gyi rgyan gnas rab kyi dkyil 'khor du yang yang dag par chas so// rang byung gi sgom par shin tu lta ba'i drag shul dbang bskur ba'i ye shes kyi rgya ma tsho mching
- 164a
rnam la yang zhugs so/ / de bzhin gshegs pa'i yon tan gyi rgya mtsho mchid rnam gyi mtshan nyid brnyan mar snang ba'i rnam par snang ba chen pos kyang snang bar byas so// tshad med pa'i smon lam gyi stobs smos pa'i rgya mtsho mching rnam gyi snying po smon lam gyis bsgrub pa'i ye shes kyi stobs kyis kyang rnam par dag go// de nas pha rol tu phyin pa legs spun rgyan gyi rgyal po de bzhin gshegs pas/ gzi brjid che ba'i byang chub sems dpa' la tshigs su bcad pa 'di dag gsungs so// dge'o dge'o ye shes yon tan mtsho// / sangs rgyas byang chub smon lam la ni gnas// 'gyur ro rgyal ba'i dam pa bsam med pa// sems can kun gyi mgon du 'ong ba'o// byung ngo ye shes chen po'i mchor// chos kyi khams kun rgyas nas su/ / mi zad yangs pa sangs rgyas yul// bsam med tshul du 'jug 'gyur ro// sangs rgyas kun gyi yon tan sprin ni mthong // ye shes sa ni 'jug pa zad med pa// pha rol phyin pa thams cad rgya mtsho'i tshul/ / grags chen yon tan rnams ni rdzogs par 'gyur// gzungs kyi tshul ni rgya mtsho mang po dang // yang dag shes kyi tshul gang zad med rnams// spyod dang smon lam mngon par bsgrubs nas khyod/ / mtshungs pa'i ye shes 'byung bar 'gyur// ting 'dzin rgya mtsho rnams la 'jug par 'gyur// smon lam rgya mtsho rnams su byung bar gyur//
- 164b
rnam par sprul pa 'di la byung gyur nas// sangs rgyas chos nyid 'di ni bsam med pa'o// chos khams dam pa bsam med pa// bsam pa yangs pa sbyangs nas su// sangs rgyas sprin 'di rnam lnga ste/ / rgya mtsho zhing ni dri med sbyongs// nga yi byang chub spyod pa zhugs// sngon gyi sbyor tshul rgya mtsho mang po ru// ci 'drar ngas ni spyod pa sbyangs// de 'drar khyod kyang tshul la yongs/ / re re re re'i zhing du ngas sangs rgyas// rgya mtsho brgya rnams mang po shin tu mchod// sngon gyi spyod pa de yi 'bras bu 'di// ltos shig rgyal ba dri med 'di 'dra ba// yangs pa'i bskal pa rgya mtsho mi zad par/ / zhing ni rgya mtsho spyod pas rnam par sbyongs// smon lam go cha bgos pa bsam med pas// 'gyur ro rnam par sprul pa 'dri 'dra bar// sangs rgyas rgya mtsho ma lus mchod/ / zhing gi rgya mtsho yangs pa sbyangs// bskal pa kun gyi khyon spyad nas// rgyal ba yon chen 'od 'gyur ro// kye rgyal ba'i bu rnams pha rol tu phyin pa legs spyan rgyan gyi rgyal po de bzhin gshegs pa de yongs su mya ngan las 'das pa'i 'og tu/ pa bltar dga' ba shin tu yid rno ba'i blo gros dus las 'das nas/ gzi brjid che ba'i gzhon nus 'khor lo sgyur ba'i rgyal thabs thob bo/ / nor bu me tog gi yal ga'i dkyil 'khor stug pa'i tshal chen po de na yang bsod nams rgya mtsho mching rnam shin tu gong du byung bas/
- 165a
zil gyis ma mnan pa zhes bya ba de bzhin gshegs pa byung ste/ de bzhin gshegs pas de'i mngon par rdzogs pa'i byang chub kyi rnam par sprul pas des de mthong nas/ 'khor thams cad dang lhan cig pa ni/ yan lag bzhi pa'i ris stobs pa dang lhan cig pa dang / rin po che bdun rnams dang lhan cig pa dang / grong 'dra ba na gnas pa'i sems can dang lhan cig tu bcom ldan 'das bsod nams rgya mtsho mching rnam shin tu gong du byung ba/ zil gyis ma mnan pa/ de bzhin gshegs pa gang na ba der phyin nas/ dri thams cad kyi nor bu'i rgyan gyi snying po zhes bya ba/ nor bu rin po che'i khang bu brtsegs pa/ bcom ldan 'das de la des phul lo// de nas de bzhin gshegs pa des kun tu mig smad pa byang chub sems dpa'i spyod pa snang ba zhes bya ba'i rgyud yang dag par ston par mdzad pa ni/ 'jig rten gyi khams rgya mtsho mching rnam gyi mchog tu phra ba'i rdul dang mnyam pa'i rgyud 'khor ro/ / gang gzi brjid che ba'i byang chub sems dpas thos nas/ bsod nams chen po rnam par snang bar byed pa zhes bya ba'i ting nge 'dzin rab tu rnyed do// kang ting nge 'dzin rnyed nas/ dus gsum thams cad kyi byang chub sems dpa' dang / sems can thams cad kyi bsod nams dang / bsod nams ma yin pa'i rgya mtsho mching rnam rnams mngon
- 165b
du gyur to/ / de nas bcom ldan 'das bsod nams rgya mtsho mching rnam shin tu gong du byung ba zil gyis ma mnan pa/ de bzhin gshegs pas 'khor gyi dkyil 'khor bam/ cad la rnam par gzigs nas/ gzi brjid che ba'i byang chub sems dpa' la tshigs su bcad pa 'di dag gsungs so// bsod nams yon tan gzi brjid dge'o// gang nga'i thad du khyod 'ongs pa/ / dam pa'i byang chub smon lam yid kyi ste// 'gro ba kun la snying rje bsam pa'i mtsho// sdug bsngal sems can kun la khyod// rab dgrol snying rje snying por chas// 'gyur ro 'gro ba'i dpung gnyen du// byang chub sems dpa'i spyod tshul de'o// byang chub sems dpa'i rab sra skyon min gyi// yid kyis dam pa'i spyad pa spyod pa ni// de dag gis ni ye shes 'di 'dra snyed/ / mchog dang dam pa chags pa med pa'o// bsod nams 'od dang bsod nams mngon mtshan dang // bsod nams 'byung gnas bsod nams rgya mtsho ste// rnam dag gang khyod kun tu bzang po yi/ / smon lam spyad phyir chas pa bdag che ba'o// khyod ni 'di ru mtha' dang dpung med pa// rgyal ba'i rgya mtsho bsam med rnams su 'jug/ de dag gi yang bsod nams rgya mtsho ni/ / mu med mthong zhing mos par 'gyur ba'o// gang khyod rgyal ba rnams kyi sprin rnams ni// phyogs bcu yi ni zhing du mthong ba ni// de dag gi yang rgya mtsho spyod pa rnams//
- 166a
@sngon ni ji ltar spyod pa mthong ba'o// kang tshul rgya mtsho mching rnam de las su// rgal te ye shes sa ru gnas pa ni// de dag thams cad mthong bar 'gyur bas na/ sangs rgyas thams cad kyi ni rjes su slobs// khyod zhing kun gyi rgya mtsho mching rnam rdul// mnyam pa'i bskal pa rgya mtsho spyad nas su// sngon gyi spyod pa rgyal ba kun gyi mtsho// khyod slobs shig dang rang byung bar du 'gyur/ / ji ltar phyogs bcu ru ni mthong ba ni// zhing rnams kyi ni rgya mtsho shin tu dag/ de bzhin khyod kyi zhing yang rnam dag par// 'gyur ro smra bzhin du ni smon lam gyis/ / de dag 'khor gyi rgya mtsho 'dir// khyod smon thos nas dga' ba skyes// byang chub phyir du chas byed ni// kun tu bzang po'i theg pas so// bskal pa rgya mtho spyod par bya ba ni/ / mtha' dang dpung med zhing gi khyon du ni// smon lam yongs su rdzogs par bya ba ni// kun tu bzang po yi ni spyod phyir ro// nor bu'i me tog gi yal ga'i dkyil 'khor sdug pa'i tshal chen po de nyid na/ brjod par grags pa spyan pad+mo'i mtshan zhes bya ba de bzhin gshegs pa 'jig rten du byung ngo // de yang de nas shi 'phos nas/ ri rab kyi steng na/ rin po che zhi ba'i gnas zhes bya ba lha'i grong khyer du phyin to/ / de nas bsod nams yangs pa'i mngon mtshan zhes bya ba lha chen po'i rgyal po ste/ lha'i 'dun ma'i 'khor dang bcas par/ rin
- 166b
po che'i me tog gi sprin mngon par 'bebs shing / bcom ldan 'das brjod par grags pa/ spun bad+mo'i mngon mtshan zhes bya ba de bzhin gshegs pa gang na ba der nye bar byin to/ de la bcom ldan 'das brjod par grags pa spyan pad+mo'i mngon mtshan de bzhin gshegs pa des yangs pa'i tshul no mo kun tu rnam par snang ba zhes bya ba'i rgyud yang dag par ston par mdzad pa ni/ 'jig rten gyi khams rgya mtsho mching rnam gyi mchog tu phra ba'i rdul dang mnyam pa'i rgyud 'khor des de thos nas sgo mo kun tu dga' ba'i snying po zhes bya ba'i ting nge 'dzin rnyed pa dang / chos thams cad kyi tshul rgya mtsho mching rnam pa'i 'og tu zhugs so/ / sangs rgyas kyi snyan gyi kong rgyan las shin tu rgya che ba'i theg pa chen po bshad pa rnam par snang mdzad kyi le'u zhes bya ba theg pa chen po'i rgyud rdzogs so/ / / lo tsa bce bcan skyes kyis bsgyur/ yi ge pa ning shin mul tol bris// rgya gar skad du/ Ar+ya ra ta nA ka ra na nA ma ma hA yA na sU tra/ bod skad du/ 'phags pa dkon mchog 'byung gnas zhes bya ba theg pa chen po'i mdo// // bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul gnas bcas na/ nag po'i
- 167a
kun dga' ra ba na/ dge slong gi dge 'dun chen po dbang dang ldan par gyur pa/ mngon par shes pas mngon par shes pa/ dgra bcom pa drug khri bzhi stong dang / 'jam dpal gzhon nur gyur pa la sogs pa byang chub sems dpa' brgyad khri bzhi stong dang thabs gcig tu bzhugs te/ thams cad kyang theg pa chen po la yang dag par zhugs pa/ theg pa dpag tu med pa la yang dag par zhugs pa/ theg pa grangs med pa la yang dag par zhugs pa/ theg pa bsam gyis mi khyab pa la yang dag par zhugs pa/ theg pa mtshungs pa med pa la yang dag par zhugs pa/ / theg pa gzhal du med pa la yang dag par zhugs pa/ theg pa brjod du med pa la yang dag par zhugs pa/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams grangs med pa'i sangs rgyas kyi zhing tshar med pa yongs su dag pa'i smon lam la yang dag par zhugs pa/ 'jig rten gyi khams bsam gyis mi khyab pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa// 'jig rten gyi khams
- 167b
tshad med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams brjod du med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa sha stag go de nas 'jam dpal gzhon nur gyur pa dang / byang chub sems dpa' thams cad zil gyis gnon pa la sogs pas/ bcom ldan 'das la 'di skad ces gsol to// bcom ldan 'das de bzhin gshegs pas thugs brtse ba'i slad du rang gi sangs rgyas kyi zhing tshad med pa yongs su dag pa bshad du gsol/ de ci'i slad du zhe na/ bcom ldan 'das 'khor 'di na/ byang chub sems dpa' theg pa chen po la yang dag par zhugs pa/ theg pa dpag tu ma mchis pa la yang dag par zhugs pa/ theg pa grangs ma mchis pa la yang dag par zhugs pa/ theg pa bsam gyis mi khyab pa la yang dag par zhugs pa/ theg pa mtshud pa ma mchis pa la yang dag par zhugs pa/ theg pa gzhal du ma mchis pa la yang dag par zhugs pa/ theg pa brjod du ma mchis pa la yang dag par zhugs pa/ 'jig rten gyi khams dpag tu ma mchis pa'i sangs rgyas kyi zhing tshad ma mchis pa yongs su dag pa'i smon lam
- 168a
la yang dag par zhugs pa/ 'jig rten gyi khams grangs ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams bsam gyis mi khyab pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams mtshungs pa ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams gzhal du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa/ 'jig rten gyi khams brjod du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par zhugs pa sha stag mchis pa dag gis bcom ldan 'das las sangs rgyas kyi zhing tshad ma mchis pa yongs su dag pa thos na/ 'jig rten gyi khams dpag tu ma mchis pa'i sangs rgyas kyi zhing tshad ma mchis pa yongs su dag pa la yang dag par 'jug pa dang / 'jig rten gyi khams grangs ma mchis pa'i sangs rgyas kyi zhing tshad ma mchis pa yongs su dag pa la yang dag par 'jug pa dang / 'jig rten gyi khams bsam gyis mi khyab pa'i dbyings sangs rgyas kyi zhing tshad ma mchis pa yongs su dag pa la
- 168b
yang dag par 'jug pa dang / 'jig rten gyi khams mtshungs pa ma mchis pa dang / gzhal du ma mchis pa dang / brjod du ma mchis pa'i sangs rgyas kyi zhing tshad ma mchis pa yongs su dag pa'i smon lam la yang dag par 'jug pa'i slad du/ brtson 'grus rgya cher rtsom zhing / de dag gor sra bar 'gyur/ go cha stobs dang ldan par 'gyur/ ko nardo lta bur 'gyur/ go cha mi shigs par 'gyur/ go cha mi ldog par 'gyur/ go cha mi zlogs par 'gyur/ yi dam brtan par 'gyur/ yi dam stobs dang ldan par 'gyur/ yi dam mi 'khrugs par 'gyur/ yi dam mi ldog par 'gyur/ yid ma mi zlogs par 'gyur/ stobs skyed pa thob par 'gyur/ bgyid pa thams cad la sangs rgyas bcom ldan 'das thams cad kyis rab tu bstod par 'gyur/ de dag 'chi ba'i phyogs su mun pa ma mchis par 'gyur/ byang chub sems dpa' spyod pa bla na med pa spyod pa na/ zhum pa ma mchis rgod pa ma mchis/ sgyid lug pa ma mchis/ sems can rnams kyi bsam pa la 'jug pa la/ de dag gi byang chub thogs pa ma mchis par 'gyur/ sems can rnams kyi bsam pa'i bsgrub pa btsal bas/ mthun par chos ston par 'gyur/ sems can rnams kyi gan du mchis pa'i dus btsal ba la gnas par 'gyur/ sems can gdul ba'i cho ga la
- 169a
mkhas par 'gyur/ sangs rgyas kyi theg pa pa la sems can rnams 'dzud pa'i thabs la mkhas par 'gyur/ brjod pa thams cad la ma chag par 'gyur/ mdor bsdus pa dang / rgyas pa la mkhas pas/ nye ba dang / ring bar 'du shes pa ma mchis par 'gyur lags so// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal legs so legs so// khyod ni theg pa chen po la yang dag par zhugs pa/ theg pa dpag tu med pa la yang dag par zhugs pa/ theg pa grangs med/ bsam gyis mi khyab/ mtshungs pa med/ gzhal du med/ brjod du med pa la yang dag par zhugs pa rnams dang / 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa rnams dang / 'jig rten gyi kham grangs med/ bsam gyis mi khyab/ mtshungs pa med/ gzhal du med/ brjod du med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa rnams dang / snying brtse ba/ don 'dod pa/ snying rje can 'jig rten thams cad la phan pa dang / bde bar rab tu sbyor ba'i byang chub sems dpa' sems dpa' chen po
- 169b
rnams kyis gces spras byed pa ste/ 'jam dpal gang de bzhin gshegs pa la gsol ba 'debs pa de yang / byang chub sems dpa' sems dpa' chen po de dag gi dge ba'i rtsa ba'i stobs bskyed pas spobs so/ / 'jam dpal de'i phyir legs par rab tu nyon la/ yid la zung zhig dang bshad do// bcom ldan 'das lags so legs so zhes gsol te/ 'jam dpal gzhon nur gyur pa bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// 'jam dpal shar gyi phyogs chan sangs rgyas kyi zhing brjod du med pa bzhi bcu'i rdul phra rab kyi rdul snyed kyi sangs rgyas kyi zhing 'das pa na/ 'jig rten gyi khams zil gyis mi non pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas don thams cad grub pa zhes bya ba bzhugs te 'tsho zhing gzhes la/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa dang ldan/ 'jig rten gyi khams mtshungs pa med pa'i sangs rgyas kyi zhing tshad med pa yongs su dag pa'i smon lam dang ldan/ 'jig rten gyi khams gzhal du med pa'i sangs rgyas kyi zhing tshad med pa yongs su dag pa'i smon lam dang ldan/ 'jig rten gyi khams brjod du med pa'i sangs rgyas kyi zhing tshad med pa yongs su
- 170a
dag pa'i smon lam dang ldan no/ / 'jam dpal byang chub sems dpa'i theg pa la yang dag par zhugs pa'i rigs kyi bu dang / rigs kyi bu mo gang gis d e bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i 'jig rten gyi khams dpag tu med pa'i sangs rgyas kyi zhing tshad med pa yongs su dag ba thos na/ de thams cad kyang 'jig rten gyi khams dpag tu med pa'i sangs rgyas kyi zhing tshad med pa yongs su dag pa rnyed par 'gyur ro// 'jig rten gyi khams grangs med bsam gyis mi khyab/ mtshungs pa med/ gzhal du med/ brjod du med pa'i sangs rgyas kyi zhing tshad med pa yongs su dag pa dang ldan par 'gyur ro// 'jam dpal ngas gang gi tshe 'jig rten gyi khams mar me can na/ tshong dus kyis dbus su/ de bzhin gshegs pa dgra bcom pa yang dag par rdzogs pa'i sangs rgyas mar me mdzad las// de bzhin gshegs pa don thams cad grub pa de'i sangs rgyas kyi zhing tshad med pa yongs su dag pa thos pa de'i tshe/ mi skye ba'i chos la brjod pa rjod ngo do// gang gi tshangs mi skye ba'i chos la bzod pa thob pa de'i tshe de bzhin gshegs pa mar me mdzad des/ nga bla na med pa yang dag par rdzogs pa'i byang chub tu lung bstan te/ legs so legs so// skyes bu dam pa khyod
- 170b
ma 'ongs pa'i dus bskal pa grangs med pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ 'jig rten gyi khams dpag tu med pa'i sangs rgyas kyi zhing tshad med pa yongs su dag pa dang ldan zhing / 'jig rten gyi khams grangs med/ bsam gyis mi khyab/ mtshungs pa med/ gzhal du med/ brjod du med pa'i sangs rgyas kyi zhing tshad med pa yongs su dag pa dang ldan par 'gyur ro zhes/ 'jam dpal de bzhin gshegs pa mar me mdzad de las/ ngas rang gi lung bstan pa thos nas/ dge pa'i rtsa ba'i shugs kyis ta la bdun srid kyi nam mkha' la 'phags te/ sangs rgyas kyi mthus de bzhin gshegs pa dgra bcom pa yang dag par rdzogs pa'i sangs rgyas don thams cad grub pa 'khor brgya stong du mas yongs su bskor cing / mdun gyis bltas pa la chos ston pa de ngas mthong ngo // de mthong nas bar snang la 'dug bzhin du/ de bzhin gshegs pa de la tshigs su bcad pa 'di dag gis mngon par bstod do/ / ye shes gzigs pa dpag med thogs pa med// bde gshegs ma smad 'jig rten mig tu gyur// khyod kyi ye shes thogs pa med par 'jug/ bde gshegs khyod kyis 'jig rten ma gzigs med// bde gshegs khyod kyi 'od ni zil mi non// sangs rgyas zhing bye bsam mi
- 171a
khyab par 'gro/ / ri dang brag gi rtse mo thal byung ste// rgyal ba'i 'od la sgrib par byed pa med// 'bras bu ji ltar lag mthil bzhag pa bzhin// bde bar gshegs pa sangs rgyas mtha' yas ston/ / sangs rgyas zhing rnams sna tshogs rnam mangs la// rgyal ba'i sras rnams sgrib pa med par 'gyur// 'jig rten mgon po phyogs bcu'i 'jig rten nu phung med byang chub rab zhi reg 'gyur zhes/ / rgyal sras bsod nams byas la lung ston pa// bar snang 'di na dang 'dug bdag gis mthong // phyogs bcu'i 'jig rten byang chub sems dpa' dag/ nam mkha'i ngos la 'dug cing sems dang ba// nyon mongs rgyal ba rgyal ba yab la stod// bar snang 'di na dang 'dug bdag gis mthong // phyogs bcu'i 'jig rten byang chub sems dpa' dag/ dga' ldan gnas nas dpag med shi 'phos nas// phra ba'i blo rnams tha ma'i mngal 'jug pa// bar snang 'di na deng 'dug bdag gis mthong // phyogs bcu'i 'jig rten byang chub sems dpa' dag/ ma yi g.yas logs rum na gnas gyur te// lha yis rab tu mchod cing byung ba dag/ bar snang 'di na deng 'jug bdag gis mthong // phyogs bcu'i 'jig rten byang chub sems dpa' dag/ bdud kyi sde dang dpung rnams pa ma byas nas// byang chub sems dpa' bla med byang chub reg/ bar snang 'di na deng 'dug bdag
- 171b
gis mthong / / 'jig rten mgon po phyogs bcu'i 'jig rten na// me la chus btab zhi bar 'gyur ba bzhin// yang byung rab zhi mya ngan yongs 'da' ba// bar snang 'di na deng 'dug bdag gis mthong / / stobs bcu mi dbang khyod kyi gzi brjid kyis// 'jig rten na ni sgrib pa gang yang med// rgyal ba tshad med zhing yang de bzhin te// thogs pa med par nam mkha' 'di nas mthong / / ji ltar mi dag rmi lam 'dod spyod dang // sos ka ji ltar smig rgyu 'byung ba dang // la las chu nang zla ba mthong ba bzhin// zhing dang sangs rgyas de dag bdag gis mthong / / gang tshe bdag gis sangs rgyas zhing yongs dag/ de tshe sgrib pa med pa'i ye shes thob// sgrib pa med pa'i ye shes skyes pa'i tshe// de ni mi dbang byang chub bdag lung bstan/ / 'gro ba thams cad brag cha 'dra ba ste// skye bo mkhas pa dag la mi bslus so// de ring mgon po khyod kyi gsung thos nas// chos kyi ming dang yang dag nyid kyang rtogs// nga ni sgrib med rnam grol spyod pa na// mtshungs pa med pa'i sangs rgyas zhing yang dag/ rgyal ba tshad med de bzhin zhing rnams na// mi dbang gzigs shing bzhugs par ngas mthong ngo // 'jam dpal de lta bas na/ byang chub sems dpa' sems dpa' chen pos sgrib pa med pa'i rnam par thar pa la bslab par bya'o// sgrib pa med pa'i rnam par thar pa la
- 172a
spyod pa'i byang chub sems dpa' sems dpa' chen po ni rnam par thar par yang mi 'dzin/ 'di na rnam par thar pa med par yang mi 'dzin/ sgrib par yang mi 'dzin/ 'di na sgrib pa med ces kyang mi 'dzin/ byang chub sems dpa' med par yang mi 'dzin/ byang chub sems dpa' 'di na med par yang mi 'dzin/ spyod pa med par yang mi 'dzin// spyod pa 'di na'o zhes kyang mi 'dzin/ sangs rgyas kyi zhing med par yang mi 'dzin/ sangs rgyas kyi zhing 'di na'o zhes kyang mi 'dzin/ dpag tu med pa med par yang mi 'dzin dpag tu med pa 'di na'o zhes kyang mi 'dzin grangs med pa med par yang mi 'dzin/ grangs med pa 'di na'o zhes kyang mi 'dzin/ bsam gyis mi khyab pa med par yang mi 'dzin/ bsam gyis mi khyab pa 'di na'o zhes kyang mi 'dzin/ mtshungs pa med pa med par yang mi 'dzin/ mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin/ brjod du med pa med par yang mi 'dzin/ brjod du med pa 'di na'o zhes kyang mi 'dzin to/ / 'jam dpal 'di lta ste dper na/ mi zhig gnyid kyi log pa'i rmi lam du/ 'dod pa'i yon tan lnga la kun tu spyod pa rmis la/ mi de yang byis pa'i rang bzhin can
- 172b
ma yin/ blun pa'i rang bzhin can ma yin gyi/ mkhas pa rtogs pa shes pa shes rab dang ldan pa'i rang bzhin can te/ nyal ba sad nas 'dod pa'i yon tan med par yang mi 'dzin// 'dod pa'i yon tan 'di na'o zhes kyang mi 'dzin/ 'dod pa'i dga' ba med par yang mi 'dzin/ 'dod pa'i dga' ba 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang rnam par thar pa med par yang mi 'dzin/ rnam par thar pa 'di na'o zhes kyang mi 'dzin to// de bzhin du sbyar te/ brjod du med pa med par yang mi 'dzin/ brjod du med pa 'di na'o zhes kyang mi 'dzin pa'i bar du'o// 'jam dpal 'di lta ste dper na/ sgyu ma mkhan nam/ sgyu ma mkhan gyi slob ma mkhas pas/ skye bo phal po che'i mdun du sgyu ma sna tshogs 'di lta ste/ glang po che'i tshogs sam/ rta'i tshogs sam/ shing rta'i tshogs sam/ dpung bu chung gi tshogs bstan la/ de la mi byis pa'i rang bzhin can ma yin pa/ blun pa'i rang bzhin can ma yin la/ mkhas pa rtogs pa/ bye brag phyed pa/ shes rab dang ldan pa'i rang bzhin can de dag gis de mthong na/ glang po che'i tshogs med par yang mi 'dzin/ glang po che'i tshogs 'di na'o zhes kyang mi 'dzin/ rta'i tshogs med par yang mi 'dzin/ rta'i
- 173a
tshogs 'di na'o zhes kyang mi 'dzin/ shing rta'i tshogs med par yang mi 'dzin/ shing rta'i tshogs 'di na'o zhes kyang mi 'dzin/ dpung bu chung gi tshogs med par yang mi 'dzin/ dpung bu chung gi tshogs 'di na'o zhes kyang mi 'dzin/ sgyu ma med par yang mi 'dzin/ sgyu ma 'di na'o zhes kyang mi 'dzin/ de bzhin du 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang rnam par thar pa yang mi 'dzin/ rnam par thar pa 'di na'o zhes kyang mi 'dzin to// de bzhin du sbyar te/ brjod du med pa med par yang mi 'dzin/ brjod du med pa 'di na'o zhes kyang mi 'dzin pa'i bar du'o// 'jam dpal 'di lta ste dper na/ nam thang zhing sprin med pa'i nam mkha' las/ mtsho'i chu shin tu dang ba'i nang du phra ba'i dkyil 'khor gyi gzugs brnyan byung ba de la/ mi gang dag byis pa'i rang bzhin can ma yin pa/ mun pa'i rang bzhin can ma yin pa/ mkhas pa bye brag phyed pa/ rtogs pa shes rab dang ldan par rang bzhin can de dag gis de mthong na/ zla ba'i dkyil 'khor med par yang mi 'dzin// zla ba'i dkyil 'khor 'di na'o zhes kyang mi 'dzin gzugs brnyan med par yang mi 'dzin/ gzugs brnyan 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar
- 173b
pa la spyod pa'i byang chub sems dpa' sems dpa' chen po yang / rnam par thar pa med par yang mi 'dzin/ rnam par thar pa 'di na'o zhes kyang mi 'dzin to// de bzhin du sbyar te// brjod du med pa med par yang mi 'dzin/ brjod du med pa 'di na'o zhes kyang mi 'dzin/ yang dag par 'grub pa med par yang mi 'dzin/ yang dag par 'grub pa 'di na'o zhes kyang mi 'dzin pa'i bar du'o/ / 'jam dpal 'di lta ste dper na/ sos ka'i zla ba tha ma'i tshe/ namathang zhing sprin med pa'i nam mkha' la/ smig rgyu zhing g.yo ba de la/ mi gang dag byis pa'i rang bzhin can ma yin pa/ blun pa'i rang bzhin can ma yin pa/ mkhas pa rtogs pa/ bye brag phyed pa/ shes rab kyi rang bzhin can de dag gis de mthong na/ smig rgyu ba med par yang mi 'dzin/ smig rgyu ba 'di na'o zhes kyang mi 'dzin/ g.yo ba med par yang mi 'dzin/ g.yo ba 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang spyod pa med par yang mi 'dzin/ spyod pa 'di na'o zhes kyang mi 'dzin/ sangs rgyas kyi zhing med par yang mi 'dzin/ sangs rgyas kyi zhing 'di na'o zhes kyang mi 'dzin/ dpag tu med par yang mi 'dzin/ dpag tu med pa 'di na'o zhes kyang mi 'dzin// grangs med par yang mi 'dzin
- 174a
grangs med pa 'di na'o zhes kyang mi 'dzin/ bsam gyis mi khyab pa med par yang mi 'dzin/ bsam gyis mi khyab pa 'di na'o zhes kyang mi 'dzin/ mtshungs ba med pa med par yang mi 'dzin/ / mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin brjod du med pa med par yang mi 'dzin/ brjod du med pa 'di na'o zhes kyang mi 'dzin/ yongs su dag pa med par yang mi 'dzin/ yongs su dag pa 'di na'o zhes kyang mi 'dzin/ yang dag par 'grub pa med par yang mi 'dzin/ yang dag par 'grub pa 'di na'o zhes kyang mi 'dzin to// 'jam dpal 'di lta ste dper na/ sprin med cing sprin dang bral te nam thang ba'i nam mkha'i dkyil nas sprin byung ste/ nam mkha' thams cad yog pa de/ mkhas pa'i rang bzhin can gyi mis mthong na/ sprin gyi dkyil 'khor med par yang mi 'dzin sprin gyi dkyil 'khor 'di na'o zhes kyang mi 'dzin/ kun khebs pa med par yang mi 'dzin/ kun khebs pa 'di na'o zhes kyang mi 'dzin pa de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen po yang / rnam par thar pa med par yang mi 'dzin/ rnam par thar pa 'di na'o zhes kyang mi 'dzin/ sgrib pa
- 174b
med pa med par yang mi 'dzin/ sgrib pa med pa 'di na'o zhes kyang mi 'dzin/ byang chub sems dpa' med par yang mi 'dzin/ byang chub sems dpa' 'di na'o zhes kyang mi 'dzin// spyod pa med par yang mi 'dzin/ spyod pa med pa 'di na'o zhes kyang mi 'dzin/ sangs rgyas kyi zhing med par yang mi 'dzin/ sangs rgyas kyi zhing 'di na'o zhes kyang mi 'dzin/ dpag tu med pa med par yang mi 'dzin/ dpag tu med pa 'di na'o zhes kyang mi 'dzin/ grangs med pa med par yang mi 'dzin/ grangs med pa 'di na'o zhes kyang mi 'dzin/ bsam gyis mi khyab pa med par yang mi 'dzin/ bsam gyis mi khyab pa 'di na'o zhes kyang mi 'dzin/ mtshungs pa med pa med par yang mi 'dzin/ mtshungs pa med pa 'di na'o zhes kyang mi 'dzin/ gzhal du med pa med par yang mi 'dzin/ gzhal du med pa 'di na'o zhes kyang mi 'dzin/ brjod du med pa med par yang mi 'dzin/ brjod du med pa 'di na'o zhes kyang mi 'dzin/ yongs su dag pa med par yang mi 'dzin/ yongs su dag pa 'di na'o zhes kyang mi 'dzin/ yang dag par 'grub pa med par yang mi 'dzin/ yang dag par 'grub pa 'di na'o zhes kyang mi 'dzin/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen pos ci bdag gi sangs rgyas kyi zhing dpag tu med
- 175a
pa yongs su dag par 'gyur ram zhes sems la mi bya ste/ 'on kyang sgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing dpag tu med pa bsgrim mi dgos par yongs su dag par 'gyur ro/ / sgrib pa med pa'i rnam par thar pa la spyod pa'i byang chub sems dpa' sems dpa' chen po ci bdag gi sangs rgyas kyi zhing grangs med pa yongs su dag par 'gyur ram/ de bzhin du sbyar te/ ci sangs rgyas kyi zhing brjod du med pa yongs su dag par 'gyur ram snyam du sems la mi bya ste/ 'on kyang bsgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing brjod du med pa bsgrim mi dgos par yongs su dag par 'gyur ro/ / 'jam dpal 'di lta ste/ nam nangs pa'i dus kyi tshe/ ci nyi ma 'char ram snyam du sems la mi bya ste/ 'on kyang nam nangs pa'i dus kyi tshe bsgrim mi dgos par nyi ma 'char ba de bzhin du/ 'jam dpal sgrib pa med pa'i rnam par thar pa la spyod pa'i byang chub sems dpa' sems dpa' chen pos/ ji ltar bdag gis sangs rgyas kyi zhing dpag tu med pa yongs su dag par 'gyur snyam du sems la mi bya ste/ 'on kyang sgrib pa med pa'i rnam par thar pa la spyod pa'i byang chub sems dpa
- 175b
sems dpa' chen po'i sangs rgyas kyi zhing dpag tu med pa nas brjod du med pa'i bar du bsgrim mi dgos par yongs su dag par 'gyur ro/ / 'jam dpal sgrib pa med pa'i rnam par thar pa la spyod pas/ de bzhin gshegs pa don thams cad grub pa de'i sangs rgyas kyi zhing dpag tu med pa yongs su dag go// sangs rgyas kyi zhing grangs med pa dang / bsam gyis mi khyab pa dang / mtshungs pa med pa dang / gzhal du med pa dang / brjod du med pa yongs su dag go/ de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i sangs rgyas kyi zhing ji tsam du rgya cher yongs su dag pa lags/ de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i sangs rgyas kyi zhing ji tsam du rgya cher yongs su dag pa ni/ tshig gis go bar sla ba ma yin no// gsol pa/ bcom ldan 'das dper bgyir rung lags sam/ bcom ldan 'das kyis bka'
- 176a
stsal pa/ 'jam dpal rung ngo // 'jam dpal 'di lta ste dper na/ sangs rgyas kyi zhing brjod du med pa bzhi bcu'i rdul phra rab kyi rdul skyed kyi 'jig rten gyi khams grong khyer gcig tu gyur la/ 'di lta ste/ phye ma 'am/ phye ma'i rnam pa gzhan gyis gang ba bzhin du yungs kar gyis gang par gyur te/ mi la la zhig gis yungs kar de rdul phra rab tu btags na/ yungs 'bru re re yang yungs 'bru ji snyed pa de snyed kyi rdul phra rab kyi rdul du byas la/ des rdul phra rab de dag phrag pa la thogs nas/ shar phyogs su song ste/ gom pa gcig bor bas/ 'jig rten gyi khams gang+gA'i klung gi bye ma snyed 'da' la/ gom pa 'dor ba 'di 'dra ba dang ldan zhing 'di lta ste/ sems kyi mgyogs pa'i rdzu 'phrul lta bu'i mgyogs pa dang ldan te/ gom pa 'dor ba de lta bu dang / mgyogs pa de lta bu dang ldan pas bskal pa gang+gA'i klung gi bye ma snyed du song zhing rdul phra rab kyi rdul gcig bor la/ de lta bu'i tshul gyis shar phyogs su rdul phra rab kyi rdul de thams cad bor te/ de bzhin du lho dang / nub dang / byang dang / phyogs mtshams rnams su de snyed kyi rdul phra rab kyi rdul por zhing de bzhin du steng dang 'og gi phyogs su yang rdul phra rab kyi rdul de snyed bor na/ 'jam dpal de ji snyam du sems/ yungs kar gyi rdul phra rab kyi rdul
- 176b
gang du bor ba dang / ma bor ba'i 'jig rten gyi khams gang mang / gsol pa/ bcom ldan 'das rdul phra rab kyi rdul bor ba'i 'jig rten gyi khams de ni nyung lags kyi ma dor ba de ni ches mad lags so/ / bka' stsal pa/ 'jam dpal 'jig rten gyi khams gang du rdul phra rab kyi rdul bor ba dang / gang du ma bor ba'i 'jig rten gyi khams de dag thams cad grong khyer gcig tu gyur la/ 'di lta ste/ phye ma 'am/ phye ma'i rnam pa gzhan gyis gang ba bzhin du yungs kar gyis gang bde la/ mi la la zhig gis yungs 'bru de dag btags te/ yungs 'bru re re yang yungs 'bru de dag ji snyed pa de snyed kyi rdul phra rab kyi rdul du byas te/ des rdul phra rab kyi rdul de dag thams cad phrag pa la thogs nasashar phyogs su song ste/ gom pa gcig bor bas/ 'jig rten gyi khams gang+gA'i klung gi bye ma snyed 'da' zhing / 'di lta ste/ sems kyi mgyogs pa'i rdzu 'phrul lta bu'i mgyogs pa dang ldan pa de lta bu'i gom pa 'dor zhing / de lta bu'i mgyogs pas gang+gA'i klung gi bye ma snyed kyi bskal par song ste/ rdul phra rab kyi rdul gcig bor zhing lta bu'i tshul gyis shar phyogs su rdul phra rab bor ba de bzhin du lho phyogs su rdul phra rab kyi rdul de snyed 'dor zhing / nub dang / byang dang / byang shar dang / shar lho dang / lho nub
- 177a
dang / nub byang gi mtshams dang / steng dang / 'og gi phyogs dang / phyogs mtshams su rdul phra rab de snyed bor na/ 'jam dpal de ji snyam du sama?/ gang du rdul phra rab de dag bor ba dang / kang du ma bor ba'i 'jig rten gyi khams gang mang / gsol pa/ bcom ldan 'das gang du rdul phra rab de dag bor ba nyung lags kyi/ ma bor ba'i 'jig rten gyi khams de ni ches mang lags so// bka' stsal pa/ 'jam dpal 'jig rten gyi khams gang du rdul phra rab bor ba dang / gang du ma bor ba de dag thams cad grong khyer gcig tu gyur la/ 'di lta ste/ phye ma 'am/ phye ma'i rnam pa gzhan gyis gang ba bzhin du yungs kar gyis gang ste/ mi la la zhig gis yungs 'bru de dag btags nas/ yungs 'bru re re yang yungs 'bru de dag ji snyed pa de snyed kyi rdul phra rab kyi rdul du byas te/ des rdul phra rab de dag thams cad phrag pa la thogs nas/ shar phyogs su song ste/ gom pa gcig bor bas/ 'jig rten gyi khams gang+gA'i klung gi bye ma snyed 'da' zhing 'di lta ste/ sems kyi mgyogs pa'i rdzu 'phrul lta bu mgyogs pa dang ldan te/ gom pa de lta bur 'dor ba dang / de lta bu'i mgyogs pa dang ldan pas/ kang+gA'i klung gi bye ma snyed kyi bskal par song ste rdul phra rab gcig zer la/ de lta bu'i tshul
- 177b
gyis shar phyogs su rdul phra rab de thams cad bor la/ de bzhin du lho phyogs su rdul phra rab de snyed bor zhing dub dang / byang dang / byang shar dang shar lho dang / lho nub dang / nub byang gi mtshams dang / steng dang 'og gi phyogs dang / phyogs mtshams re rer yang rdul phra rab de snying bor na/ 'jam dpal de ji snyam du sems/ gang du rdul pra rab bor ba dang / gang du ma bor ba'i 'jig rten gyi khams de dag gang mang / gsol pa/ bcom ldan 'das gang du rdul phra rab bor ba ni nyung lags kyang / ma bor ba ni chas mang lags so/ / bka' sprul pa/ 'jam dpal 'jig rten gyi khams gang du rdul phra rab ma bor ba dang / gang du bor ba de thams cad grong khyer gcig tu gyur nas/ yungs kar gyis gang ba ni ji ltar sngar dpe bstan pa de bzhin du rgyas par bya ste stong phrag sum cur bsgyur ba/ 'jam dpal de thams cad kyi ba ma'i rdul phra rab kyi phung po bzhag pa snyed kyi 'jig rten gyi khams rab 'byams kyi rgyu ji tsam par/ de bzhin gshegs pa dgra bcom pa yang dag par rdzogs pa'i sangs rgyas don thams cad grub pa'i byang chub kyi shing gi rgya yang de tsam mo/ / byang chub kyi shing de ni rin po che sna bdun te/ 'bras bu ni yid bzhin gyi nor bu'o// byang chub kyi shing de'i yal ga ni tha ma'i rdul phra rab kyi rdul snyed do// yal ga gcig cing
- 178a
yang ba ma'i rdul phra rab kyi rdul snyed kyi yal kA phre'u yod de/ yal ka phre'u gcig cing yang tha ma'i rdul phra rab kyi rdul snyed kyi 'bras bu yod do// 'bras bu re re la yang ma shas ni dpag tu med do/ / 'jam dpal byang chub kyi shing de ni/ de bzhin gshegs pa don thams cad grub pa'i legs par spyod pa'i 'bras bus 'grub pa ste/ de ni mig yongs su ma sbyangs pa'i sems can rnams kyi mig lam du snang bar mi 'gyur ro/ / 'jam dpal 'di lta sted par na/ bar snang gi gnod sbyin rnams kyi gzhal med khang dag mi rnams kyi mig lam du snang bar mi 'gyur ba de bzhin du/ byang chub kyi shing de yang mig yongs su ma sbyangs pa'i sems can rnams kyi mig lam du snang bar mi 'gyur ro// 'jam dpal byang chub kyi shing de la sems can rnams mi thogs par 'gro ste/ 'jam dpal 'di lta ste dper na/ bar snang gi gnod sbyin ngag gi gzhal med khang rnams la mi thogs par 'gro ba de bzhin du/ 'jam dpal byang chub kyi shing de la sems can rnams mi thogs par 'gro ste/ byang chub kyi shing de yang yongs su dag pa'i las dang ldan pa'i sems can rnams kyi las kyi rnam par smin pas yongs su grub pa'i phyir ro/ / 'jam dpal yang de bzhin gshegs pa don thams cad grub pa de'i 'jig rten gyi khams ni/ shar phyogs su yang
- 178b
tha ma'i rdul phra rab kyi rdul ji snyed pa de snyed yongs su dag go/ / lhor yang de snyed/ nub tu yang de snyed/ byang du yang de snyed/ shar lhor yang de snyed/ lho nub tu yang de snyed nub byang du yang de snyed/ byang shar du yang de snyed/ steng dang / 'og gi phyogs su yang de snyed kyi 'jig rten gyi khams yongs su dag ste/ sangs rgyas kyi zhing de tsam du rgyu chu yongs su dag go/ sgrib pa med pa'i rnam par thar pa la brten na de'i brgyar yang bsgres pa de snyed du rang gi sangs rgyas kyi zhing yongs su dag go// 'jam dpal byang chub kyi shing de'i 'bras bu 'byung ba dang / skye ba dang / rgyal ba dang / 'gas pa rgyun mi 'chad cing bar skabs med de/ 'jam dpal 'di lta ste dper na/ byis pa lnga brgya tsam rtse na kha cig 'grang kha cig 'dug pa'i rgyun mi 'chad cing bar skabs med pa de bzhin du/ 'jam dpal byang chub kyi shing de'i 'bras bu 'byung ba dang / skye ba dang / smin pa dang / 'gas pa yang rgyun mi 'chad cing bar skabs med do/ / 'jam dpal 'di lta ste dper na/ char gyi 'bru rags pa 'bab pa'i tshe/ tshul chu bur kha cig 'byung / kha cig 'jig pa rgyun mi 'chad cing bar skabs med pa de bzhin du/ 'bras bu de dag 'byung ba dang / skye ba dang / rgyal ba dang / 'gas pa yang rgyun mi 'chad cing bar skabs med do// 'bras bu gas
- 179a
pa de'i cha shas gcig las kyang / gang+gA'i klung gi bye ma snyed kyi byang chub sems dpa' 'byung ste/ mtshan sum cu rtsa gnyis dang ldan pa/ lus dpe byad bzang po brgyad cus brgyan pa/ / srad med kyi bu ltar lus mkhregs pa/ srid pa tha mar gyur pa'i sems can 'jig rten gyi khams brjod du med pa'i sangs rgyas kyi zhing tshad med par yongs su dag pa'i smon lam dang ldan pa'i bar du ste/ de dag thams cad kyis kyang de tsam du rgya cher sangs rgyas kyi zhing yongs su dag par sbyangs te/ de dag de nas byung nas de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de'i zhabs la mgo bos phyag 'tshal nas/ phyogs gcig tu 'khod do// phyogs gcig tu 'khod pa'i byang chub sems dpa' de dag la/ de bzhin gshegs pa don thams cad grub pas rang gi sangs rgyas kyi zhing yongs su dag pa 'chad de/ dus gsum mnyam pa nyid kyang ston to/ / de dag kyang sangs rgyas kyi zhing yongs su dag pa nyan cing kun 'dzin te/ thos ma thag tu mngon par shes pa lnga thob bo// mngon par shes pa lnga thob ma thag tu de bzhin gshegs pa don thams cad grub pa de'i zhabs la mgo bos phyag 'tshal te/ de bzhin gshegs pa de la lan gsum bskor ba byas nas 'dong ngo // de dag rdzu 'phrul gyi stobs
- 179b
kyis rang rang gi sangs rgyas kyi zhing du song nas/ bla na med pa yang dag par rdzogs pa'i byang chub tu mngon par rdzogs par 'tshang rgya'o// 'jam dpal de bzhin gshegs pa don thams cad grub pa de sngon byang chub sems dpa'i spyad pa spyod pa na/ byang chub sems dpa'i ting nge 'dzin gsum bsgoms te/ rab tu goms par byas/ lam du byas/ rten du byas/ ru shing bzhin du byas/ rab tu rtogs par byas shing / legs par brtsams so// ting nge 'dzin gsum gang zhe na/ byang chub sems dpa'i ting nge 'dzin shugs ldan zhes bya ba dang / byang chub sems dpa'i ting nge 'dzin zhi gnas zhes bya ba dang / byang chub sems dpa'i ting nge 'dzin chos thams cad la dbang byed pa zhes bya'o// 'jam dpal sngon byung ba 'das pa'i dus bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ me tog gi tshogs zhes bya ba'i bskal pa byung ste/ me tog gi tshogs kyi bskal pa de la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das dkon mchog dam pa
- 180a
zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas dkon mchog dam pa de la nyan thos thog mar 'dus pa/ ninyan thos khrag khrig brgyad cu yod do// dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su zad pa/ sems kyi dbang thams cad kyi dam pa'i pha rol tu son pa sha stag go// byang chub sems dpa' 'dus pa de'i nyis 'gyur yod de/ thams cad kyang 'jig rten gyi khams dpag tu med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams grangs med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa/ 'jig rten gyi khams grangs med pa dang / mtshungs pa med pa dang / gzhal du med pa dang / brjod du med pa'i sangs rgyas kyi zhing tshad med pa yongs su dag pa'i smon lam la yang dag par zhugs pa sha stag go/ yang nyan thos pa dus pa gnyis pa la ni/ nyan thos khrag khrig yod do// byang chub sems dpa' 'dus pa ni de'i nyis
- 180b
'gyur yod do/ / nyan thos 'dus pa gsum pa la ni/ nyan thos khrag khrig phrag brgya yod de/ thams cad kyang dgra bcom pa/ nyon mongs pa med pa/ dbang dang ldan par gyur pa nas/ sems kyi dbang thams cad kyi dam pa'i pha rol tu son pa'i bar du'o// byang chub sems dpa' 'dus pa ni de'i nyis 'gyur yod de/ nyin re zhing chos ston pa'i bar thams cad la/ nyan thos 'dus pa dang / byang chub sems dpa' 'dus pa rnams kyis mnyam du de bzhin gshegs pa des chos bstan pa kun shes so// 'jam dpal yang de bzhin gshegs pa dkon mchog dam pa de'i nyan thos 'dus pa ni/ rtsis mkhan nam/ rtsis mkhan gyi slob ma mkhas pas bskal pa 'am/ bskal pa brgya 'am/ bskal pa stong ngam/ bskal pa stong phrag brgya'am/ bskal pa bye ba'am/ bskal pa khrag khrig gam/ bskal pa gtams sam/ bskal pa dkrigs sam/ bskal pa 'gyur yas kyi bar du yang nyan thos 'dus pa 'di skad ce'am/ nyan thos 'dus pa brgya phrag 'di snyed ce'am/ nyan thos 'dus pa stong phrag 'di snyed ce'am/ nyan thos 'dus pa brgya stong phrag 'di snyed ce'am/ nyan thos 'dus pa bye ba phrag 'di snyed ce'am/ nyan thos 'dus pa khrag khrig phrag 'di snyed ce'am/ nyan thos 'dus pa gtams phrag 'di snyed ce'am/ nyan thos 'dus pa dkrigs phrag 'di snyed ce 'am/
- 181a
nyan thos 'dus pa khyad phyin phrag 'di snyed ce'am/ nyan thos 'dus pa 'gyur las phrag 'di snyed yod ces brtsi bar mi nus so// 'jam dpal 'di lta ste dper na/ stong gsum gyi stong chen po'i 'jig rten gyi khams kyi skar ma'i gzugs rnams la/ skar ma'i gzugs 'di snyed ce'am/ skar ma'i gzugs brgya phrag 'di skad ce'am/ skar ma'i gzugs stong phrag 'di snyed ce'am/ skar ma'i gzugs brgya stong phrag 'di snyed ce'am/ bya ba phrag 'di snyed ce'am/ khrag khrig phrag 'di snyed ce'am/ gtams phrag 'di skad ce 'am/ dkrigs phrag 'di snyed ce'am/ 'gyur yas phrag 'di snyed yod ces/ rtsis mkhan nam/ rtsis mkhan gyi slob ma mkhas pas kyang brtsi bar mi nus so// 'on kyang skar ma'i gzugs dpag tu med pa'i grangs su 'gro ba de bzhin du/ 'jam dpal nyan thos 'dus pa de rnams kyi mtha' yang rtogs par mi nus so// 'jam dpal de'i dus na/ rgyal po bde gnas blo gros zhes bya ba chos dang ldan pa/ chos kyi rgyal po zhig yod pa de/ sangs rgyas kyi zhing de thams cad la dbang zhing bdag po byed de/ las kyi rnam par smin pa las byung ba'i rdzu 'phrul thob pa des/ de bzhin gshegs pa dgra bcom pa yang dag par rdzogs pa'i sangs rgyas dkon mchog dam pa de nyan thos dang byang chub sems dpa'i dge 'dun du bcas
- 181b
pa la/ lo bye ba khrag khrig phrag drug cu'i bar du/ ro sde brgya pa'i zhal zas sbyar te/ rim gro byas so// yul ka shi pa'i na bza' gsol cing / yo byad thams cad kyang sbyar te 'di ltar chos gos dang / bsod snyoms dang / mal cha dang / na ba'i gsos sman dang / yo byad kyis rim gro byas so// de bzhin gshegs pa nyan thos kyi dge 'dun dang bcas pa de la ro sna brgya pa'i zas kyis rim gro byas pas/ dge ba'i rtsa ba rgya che zhing / dpag tu med pa mngon par 'dus byas so// dge ba'i rtsa ba rgya che zhing dpag tu med pa mngon par 'dus byas pas dge ba'i rtsa ba shugs rgya che zhing dpag tu med pa skyed do/ / dge ba'i rtsa ba rgya che zhing grangs med pa mngon par 'dus byas so// dge ba'i rtsa ba rgya che zhing grangs med pa mngon par 'dus byas nas/ dge ba'i rtsa ba shugs rgya che zhing grangs med pa bskyed par gyur to/ / sbyin pa'i pha rol tu phyin pa dang ldan pa'i dge ba'i rtsa ba bsam gyis mi khyab/ mtshungs pa med/ gzhal du med/ brjod du med pa'i yang brjod du med pa mngon par 'dus byas nas/ sbyin pa'i pha rol tu phyin pa dang ldan pa'i dge ba'i rtsa ba'i shugs rgya che zhing bsam gyis mi khyab/ mtshungs pa med/ gzhal du med// brjod du med pa bskyed par gyur to// tshul khrims kyi pha rol tu phyin pa dang ldan pa'i dge ba'i rtsa ba dpag tu med pa rgya chen po mngon par 'dus byas te/ tshul khrims kyi pha rol tu phyin pa
- 182a
dang ldan pa'i dge ba'i rtsa ba dpag tu med pa rgya chen po mngon par 'dus byas nas/ tshul khrims kyi pha rol tu phyin pa dang ldan pa'i dge ba'i rtsa ba shugs dpag tu med pa rgya chen po bskyed do/ / de bzhin du sbyar te/ tshul khrims kyi pha rol tu phyin pa dang ldan pa'i dge pa'i rtsa ba grangs med/ bsam gyis mi khyab pa/ mtshungs pa med/ gzhal du mad brjod du med cing / rgya cher mngon par 'dus byas so// tshul khrims kyi pha rol tu phyin pa dang ldan pa'i dag pa'i rtsa ba grangs med pa nas/ brjod du med cing rgya che ba'i bar du mngon par 'dus byas nas/ tshul khrims kyi pha rol tu phyin pa dang ldan pa'i dge ba'i rtsa ba'i shugs rgya che zhing grangs med/ bsam gyis mi khyab/ mtshungs pa med/ gzhal du ma da brjod du med pa bskyed do/ / bzod pa'i pha rol tu phyin pa dang ldan pa'i dge ba'i rtsa ba rgya che zhing grangs med/ dpag tu med pa mngon par 'dus byas te/ ji ltar sbyin pa'i pha rol tu phyin pa dang / tshul khrims kyi pha rol tu phyin pa mngon par 'dus pa de bzhin du/ bzod pa'i pha rol tu phyin pa dang / brtson 'grub kyi pha rol tu phyin pa dang / bsam gtam gyi pha rol tu phyin pa yang rgyas par bya'o/ / shes rab kyi pha rol tu phyin pa dang ldan pa'i dge ba'i rtsa ba rgya che zhing / dpag tu med pa mngon par 'dus byas te/ shes rab kyi pha rol tu phyin pa dang ldan pa'i dge ba'i
- 182b
rtsa ba rgya che zhing dpag tu med pa mngon par 'dus byas nas/ shes rab kyi pha rol tu phyin pa dang ldan pa'i dge ba'i rtsa ba'i shugs rgya che zhing dpag tu med pa bskyed do// de bzhin du sbyar te/ shes rab kyi pha rol tu phyin pa dang ldan pa'i dge ba'i rtsa ba rgya che ba/ grangs med/ bsam gyis mi khyab/ mtshungs pa med/ gzhal du med/ brjod du med pa mngon par 'dus byas teshes rab kyi pha rol tu phyin pa dang ldan pa'i dge ba'i rtsa ba brjod du med pa'i bar du mngon par 'dus byas nas/ shes rab kyi pha rol tu phyin pa dang ldan pa'i dge ba'i rtsa ba'i shugs grangs med/ bsam gyis mi khyab/ mtshungs pa med/ gzhal du med/ brjod du med pa bskyed do// 'jam dpal rgyal po bde gnas blo gros kyis/ de lta bur pha rol tu phyin pa drug dang ldan pa'i dge pa'i rtsa ba rnams bskyed nas/ dga' ba dang / dang ba dang / mchog tu dga' ba mang bas/ ta la bdun srid du nam mkha' la 'phags nas/ bcom ldan 'das de bzhin gshegs pa dkon mchog dam pa de la pha rol tu phyin pa dang ldan pa'i tshigs su bcad pa 'di dag gis mngon par bstod do/ / stobs bcu shes rab mtha' yas pa// chu bo bzhi rgal mi'i seng ga/ khyod la phul ba dpag med 'gyur// sbyin pa de yang zil gi mi mnon// ba tsha med pa'i zhing dag la// rdo dang bong ba gyo mo med// kun sbangs rab tu rmos pa na//
- 183a
mi mnyam med phyogs rtswa med par// ji ltar sa bon btab nas su// rmed pa'i mi de bder nyal yang // dus su rtsa ba brtan par zug/ myu gu sngon por 'byung bar byed/ / klu yis sa la chu btab pas// lo ma sdong bu rnams kyang 'byung // dus tshigs dus kyi rims bzhin du// nges par 'bras bu smin par 'gyur// de bzhin 'dod chags zhe sdang bcom/ / gti mug bral ba nges pa'i blos// ma smad yon tan zhing khyod la// shes rab gshol gyis rmos pa ni// sa bon nyung ngu btab pa yang // de bzhin sbyin bdag mi brtson kyang // pha rol phyin pa yongs rdzogs shing // thams cad mkhyen pa'i myu gu s+ye// mgon po khyod la sbyin phul na// byams pa snying rje nyon mongs med// rnam par thar pa'i sgo gsum dang // tha mar 'bras bu mya ngan 'dab/ / sum cu rtsa gnyis mtshan mnga' ba// sa la dong ka men rgyas bzhin// bdag gis dge ba'i rtsa bsags pas// ji ltar bde gshegs de bzhin shog/ ji ltar bsod nams mtshan mnga' ba/ / legs spyad bsags pa thub pa'i tog/ ji ltar mi mchog dam pa bzhin// bdag kyang bde gshegs de bzhin gyur// ji ltar dpe med blo can khyod// shes rab gnas la khyod gnas nas/ / lta bar rab tu bying ba yi// skye bo ma log 'god par mdzad// bdag kyang byang chub reg nas ni// de bzhin bden la rab gnas te// log pa'i lam song skye bo
- 183b
rnams/ / bden pa bzhi yi lam du 'god// ji ltar khyod ni phung po med// bla med phung po zad par zhugs// byis pa phung pos bcings pa rnams// thams cad phung po 'dor du btsud// bdag kyang phung po med pa dang // bung med byang chub mchog thob nas/ phung pos bcings pa'i skye bo rnam// phung po 'dor bar rab tu dgod// ji ltar khyod kyis nyon modra spangs// chu yis me rnams zhi ba bzhin// nyon mongs ma yis 'bar ba yi/ / skye bo sdug bsngal thar par mdzad// bdag kyang byang chub rab reg ste// khro glen 'dod gsum me zhi nas// nye bar zhi ba'i lam ston pa'i// skye bo rab tu zhi bar dgod/ / sar sna'i zhags pas bcings pa dang // phrag dog kun sbyor mun pas bsgribs// srid par chags pa mgon med rnams// yan lag brgyad kyi lam la 'god// ji ltar rang byung khyod nyid ni/ / stobs bcu ye shes rab gnas te// srid sgom sems can khrag khrig la// stobs bcu ye shes ngoms par mdzad// bdag kyang byang chub rab reg cing // bla med ye shes thob nas su/ / srid skom sems can khrag khrig la// stobs bcu ye shes ngoms par bgyi// 'jam dpal de ltar rgyal po bde gnas blo gros kyis/ bcom ldan 'das de bzhin gshegs pa dkon mchog dam pa de la/ lo bye ba khrag khrig phrag drug cu'i bar du/ zas ro sna brgya pa sbyar zhing / yul ka shi pa'i na bza' gsol te/ bar snang la 'dug
- 184a
nas/ tshigs su bcad pa de dag gis mngon par bstod de/ de dge ba'i rtsa ba'i shugs tshad med/ grangs med/ bsam gyis mi khyab/ mtshungs pa med gzhal du med/ brjod du med pa bskyed nas/ dge ba'i rtsa ba'i shugs des/ bskal pa brjod du med par/ nams kyang sems can dmyal bar ma skyes/ dud 'gro'i skye gnas dang gshin rje'i 'jig rten dang / lha ma yin gyi rigs su yang ma skyes/ mi khom pa rnams su ma skyes/ rigs dma' bar ma skyes/ dbul po'i rigs su ma skyes so// bskal pa brjod du med par nam yang lus la rlung las gyur pa 'am/ mkhris pa las gyur pa 'am/ bad kan las gyur pa'i nad ma byung ste/ nams kyang dbang po ma tshang bar ma gyur/ nams kyang mig ser ba dang / 'jigs pa'i mig dang / mig yo ba dang / bzhin yo bar ma gyur to// nams kyang skyes bu chen po'i mtshan sum cu rtsa gnyis kyis lus ma brgyan par ma gyur/ nams kyang dpe byad bzang po brgyad cu dang bral bar ma gyur/ lha'i nang du lhar gyur tam/ mi'i nang du mir gyur na/ nams kyang dbang po dang / bdag po ma byas pas ma gyur/ nams kyang smon lam phun sum tshogs pa dang bral bar ma gyur/ nams kyang sangs rgyas med pa'i sangs rgyas kyi zhing du ma skyes/ nams kyang nad med pa dang / gzugs dang / longs spyod dang / g.yog
- 184b
'khor dang / phyug pas de sngon dregs par ma gyur/ nams kyang bud med kyi dregs pa dang / gos kyi dregs pa ma skyes/ nams kyang sbyin pa dag ma byas par ma gyur/ de rnams kyang tshul khrims kyi dregs pa ma skyes/ nams kyang tshul khrims dang ldan pa ma yin par ma gyur/ de rnams kyang thos pas dregs pa ma skyes/ nams kyang mang du thos pa ma yin par ma gyur nams kyang 'dod pa'i 'du shes ma skyes/ nams kyang btsun mo'i 'khor gyis ma bskor bar ma gyur/ nams kyang tshangs par mi spyod par ma gyur te/ bsams ma thag tu bu rnyed par gyur to/ / nams kyang gnod sems kyi 'du shes ma skyes/ nams kyang rnam par 'tshe ba'i 'du shes ma skyes/ de ltar rgyal po des shugs dang ldan pa'i ting nge 'dzin 'di bskyed nas/ byang chub sems dpa'i yon tan 'di rnams dang / gzhan yang rab tu bsgrubs so// 'di ji snyam du sems/ 'jam dpal de'i tshe de'i dus na/ rgyal po bdag nas blo gros zhes bya bar gyur pa de gzhan zhig yin pa snyam du 'dzin na/ de ltar mi blta'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas don thams cad grub pa de ni/ de'i tshe de'i dus na/ de rgyal po bde gnas blo gros zhes bya bar gyur to// 'jam dpal de lta bas na theg pa chen po la yang dag par zhugs pa'i byang chub sems dpa' sbyin pa'i pha
- 185a
rol tu phyin pa dang ldan pa'i dge ba'i rtsa ba'i shugs btsal bar bya'o zhes de ltar bslab par bya'o/ / 'jam dpal theg pa chen po la yang dag par zhugs pa'i byang chub sem dpa' sems dpa' chen po sgrib pa med pa'i rnam par thar pa la spyod pa des/ tshul khrims kyi pha rol tu phyin pa dang ldan pa'i dge ba'i rtsa ba rgya chen po mngon par 'dus byas te/ tshul khrims kyi pha rol tu phyin pa dang ldan pa'i dge ba'i rtsa ba'i shugs rgya chen po bskyed par bya'o/ / // bam po gnyis pa// 'jam dpal sngon byung ba 'das pa'i dus na/ bskal pa grangs med/ dpag tu med/ bsam gyis mi khyab/ mtshungs pa me da/ gzhal du ma da brjod du med pa na/ rgyal po drang srong tshangs pa'i lha zhes bya ba dang / mas byin zhes bya ba gnyis byung ste/ de gnyis gnas shig na 'khod do// de dag dgon pa nas dgon par/ nags tshal nas nags tshal du/ gshong nas gshong du nags thibs po nas nags thibs por 'gro zhing / bdag cag bud med dang lhan cig gnas par 'gyur na/ bdag cag 'dod chags kyi rgyu las byung ba'i bslab pa las 'gal bar 'gyur/ yongs su bzung ba dang bcas pa dang lhan cig tu 'grogs na yang bdag cag gnod sems kyi rgyu las byung ba'i bslab pa las 'gal bar 'gyur/ yongs su bzung ba dang bcas
- 185b
pa'am/ yongs su bzung ba la nyes par mi lta ba dang lhan cig 'grogs par gyur na yang / bdag cag gti mug gi rgyu las byung ba'i bslab pa las 'gal bar 'gyur ro zhes/ de lta bu'i nyes pa rnams mthong nas/ dgon pa nas dgon par/ nags tshal nas nags tshal/ gshong nas gshod/ nags thibs po nas nags thibs por rgyu'o// 'jam dpal de'i dus na rgyal po sde mi pham pa zhes bya ba zhig yod de/ de rgyal por dbang bskur ba'i tshe/ khyim gyi gnas nas mngon par byung ba rnams rtswa dang / shing dang / tshul ci bder sprod du gnang ste/ rjes su yi rang ngo zhes tshig de skad smras pas/ drang srong de gnyis kyang / rgyal po sde mi pham pa'i khams na gnas so// de'i tshe rgyal po snga mi pham pa la chom rkun nor 'phrog pas gnod pa'i las byas te bros pa dang / drang srong de dag gis chom rkun bros pa mthong ngo // chom rkun de dag gis kyang / drang srong nags kyi nang na gnas par mthong nas/ chom rkun de dag gis thal mo sbyar te/ 'di skad ces smras so// drang srong khyod la bdag cag mthong ngam zhes la la zhig gis dris na/ khyod kyis ma ston cig/ de nas drang srong tshangs pa'i lhas/ drang srong mes byin la smras pa/ kye ma'o mes byin byung ba de ni shin tu dka' na ji ltar bya/ gal te 'di ma mthong ngo zhes smras na/ gzhan du smras par 'gyur/ ji lta ba bstan na ni gnod par byas par
- 186a
yang 'gyur na/ 'di ji ltar bya khyod smros shog/ de skad ces smras pa dang / drang srong mes byin gyis/ drang srong tshangs pa'i lha la 'di skad ces smras so// tshangs pa'i lha/ 'di la gnod par 'gyur bar ma 'dzin cig/ de ci'i phyir zhe na/ tshangs pa'i lha gang la la dag lus dang srog la lta ba dang bcas par gnas pa de dag ni/ yongs su zag pa byung ba byung ba rnams kyis sems zin nas 'dug go/ / tshangs pa'i lha 'di lta ste dper na/ gos snum can la rdul reg na chags par 'gyur ba de bzhin du/ tshangs pa'i lha gang dag kha cig lus dang srog la lta ba dang bcas par gnas pa de dag ni/ yongs su zag pa byung ba byung ba rnams kyis sems kun zin nas 'dug go// tshangs pa'i lha gang dag kha cig lus dang srog la mi lta ba de dag la ni/ yongs su zag pa byung ba byung ba rnams kyis sems kun zin cing 'dug par mi 'gyur ro// tshangs pa'i lha 'di lta steng par na/ gos yongs su dag pa la rdul gyis reg kyang / sprugs ma thag tu med par 'gyur ba de bzhin du/ tshangs pa'i lha gang dag kha cig lus dang srog la mi lta ba de dag ni/ yongs su zag pa byung ba rnams kyis sems kun zin cing gnas par mi 'gyur ro/ / de lta bas na tshangs pa'i lha bdag cag kyang lus dang srog la mi blta bar bya'o// tshangs pa'i lha gal te bdag cag lus dang srog la ma bltas
- 186b
na/ bdag cag yongs su zag pa 'byung ba des sems zin nas gnas par mi 'gyur ro// kye tshangs pa'i lha/ lus dang srog la lta ba dang bcas pa'i brtul zhugs 'grub bo zhes sangs rgyas bcom ldan 'das rnams kyis bka' stsal to/ / de nas drang srong tshangs pa'i lha la drang srong mes byin gyis mi lta ba bstan pas lus dang srog la mi lta ba rnyed ngo // de nas rgyal po sde mi pham pas chom rkun de dag tshol zhing nags stug po der phyin te/ rgyal po snga mi pham pas nags stug po'i nang na drang srong de dag gnas pa mthong ngo // mthong nas drang srong de dag ga la ba der song ste/ mi kha cig nags stug po der chom rkun tshol du bkye'o// de nas rgyal po sde mi pham pas drang srong de dag gi rkang pa la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ rgyal po sde mi pham pas/ drang srong de gnyis la 'di skad ces smras so// drang srong khyed gnyis kyis chom rkun nags stug po 'di'i nang du 'ongs pa 'am/ phyir byung ba lta mthong ngam/ de skad ces smras pa dang / drang srong de gnyis kyis/ rgyal po snga mi pham pa la 'di skad ces smras so// rgyal po bdag cag gis bdag nyid kyang mi mthong na/ chom rkun lta ga la mthong / rgyal po sde mi pham pa dang / drang srong de dag gtam 'di byas pa dang / rgyal po'i mi de dag gis chom rkun de dag zin te/ de dag gis dngag zin nas/ rgyal po
- 187a
sde mi pham pa ga la ba der 'ongs te phyin nas/ 'di skad ces smras so// chom rkun de dag bzung ste mchis pa 'di lags zhes byas so// de nas rgyal po sde mi pham pas drang srong de gnyis kyis smras pa'i don khong du ma chud nas/ drang srong de gnyis la smras pa/ khyed ni brdzun zer ba yin te/ drang srong ma yin no zhes de dag gnyis kyi rkang pa dang lag pa gcod du bcug go/ / 'on kyang drang srong de dag gis gzhan la gnod pa ma byas so// de nas yang drang srong mas byin rkang lag bcad pa dang / rgyal po sde mi pham pa la 'di skad ces smras so// kye rgyal po khyod nyid la bdag kun tu btsal na/ rgyal po sde mi pham pa zhes bya ba'i rgyal po gang yin/ ci mig rgyal po sde mi pham pa 'am/ 'on te rgyal po sde mi pham pa mig las gzhan nam/ ci rgyal po snga mi pham pa de rna ba 'am/ sna'am/ lte ba ma/ lus sam/ yid dam/ 'on te rgyal po snga mi pham pa de rna ba dang / sna dang / lce dang / lus dang / yid dang / rnam par shes pa las gzhan nam zhes/ drang srong des bdag mi dmigs par bstan pa dang yang dag pa ji lta ba bzhin rtog go// de nas rgyal po sde mi pham pas yang dag pa ji lta ba bzhin du brtags na/ bdag nyid ma dmigs so// don dam par bdag nyid ma dmigs pas/ 'gyod pa chen po dang ldan par gyur te/ nyes pa med pa'i drang srong gis bshad pa'i don ma
- 187b
shes pas 'phral du sdig pa'i las byas pa des/ chos nyid de yang dag ji lta ba bzhin du rab tu shes nas sdug bsngal zhing yid mi bde ste 'gyod nas/ sa'i phyogs den 'gre zhing ldog go/ / de nas drang srong mas byin de rgyal po sde mi pham pa 'gyod par rig nas 'di skad ces smras so// rgyal po chen po khyod ji ltar bdag nyid mi dmigs pa de bzhin du su'i rkang lag bcad pa de'ang mi dmigs so/ / de nas rgyal po sde mi pham pa la drang srong mes byin gyis stong pa nyid bstan pas kun nas dkris pa de myur du bsal te/ chos rnams kyi ngo bo nyid kyi mtshan nyid myur du rtogs nas/ des de gnyis la ston par 'du shes bskyed do// drang srong de dag gis de la tshul khrims kyi gtam brjod do// rgyal po chen po tshul khrims yongs su dag pa'i phyir tshul khrims dang ldan pa'i sems la smon pa 'grub ste/ rgyal po chen po tshul khrims yongs su dag pa'i mthu la gzigs/ rgyal po chen po bden pa dang bden pa'i tshig gang gis bskal pa brjod du med par yang yang sems ma rung bar byas par mi dran pa lta na/ bden pa dang bden pa'i tshig des bdag cag gnyis kyi lag pa g.yas pa snga ma bzhin du gyur cig ces byas ma thag tu bden pa'i byin gyi rlabs kyis/ de gnyis kyi lag pa g.yas pa snga ma bzhin du gyur to// rgyal po chen po bden pa dang bden pa'i tshig gang gis bskal pa brjod du med par
- 188a
lus kyi las ma rung bar byas pa mi dran pa lta na/ bden pa dang bden pa'i tshig des/ bdag cag gnyis kyi lag pa g.yon pa snga ma bzhin du gyur cig ces byas ma thag tu/ bden pa'i byin gyi rlabs kyis/ de gnyis kyi lag pa g.yon pa snga ma bzhin du gyur to// rgyal po chen po bden pa dang bden pa'i tshig gang gis bskal pa brjod du med par 'tsho pa ma rung bar byas pa mi dran pa lta na/ bden pa dang bden pa'i tshig des/ bdag cag gnyis kyi rkang pa snga ma bzhin du gyur cig ces byas pa dang / 'di ltar drang srong mes byin de'i bden pa'i byin gyi rlabs kyis drang srong de gnyis kyi rkang pa dang lag pa snga ma bzhin du gyur to/ / de nas rgyal po sde mi pham pas de gnyis kyis bden pa'i byin gyi rlabs kyi rdzu 'phrul mthong nas spu zing zhes byed par gyur to/ / des drang srong mas byin gyi bden pa'i byin gyi rlabs zos pas/ lus kyi las dang / ngag gi las dang / yid kyi las yongs su dag par bya ba'i phyir brtson par gyur to/ / de de na 'dug bzhin du 'phags pa'i tshul khrims kyi pha rol tu phyin pa la gnas par gyur to// des de nyid nas phyogs bcu'i 'jig rten gyi khams na tshad mer pa'i sangs rgyas bye ba khrag khrig mthong ste/ la la ni bla na med pa yang dag par rdzogs pa'i byang chub mngon par rdzog par 'tshang rgyal la ni bla na med pa'i chos kyi 'khor lo bskor la la ni rdzu 'phrul gyi tshe
- 188b
'phrul rnam pa du mas sems can rnams la 'doms/ la la ni tshe'i 'du byed 'dor/ la la ni phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i de bzhin gshegs pa de dag thams cad kyi spun snga na drang srong mas byin rim gro dang bsnyen bkur byed pa mthong ngo / / drang srong mas byin de rdzu 'phrul gyi cho 'phrul rnam pa du mas/ sangs rgyas bcom ldan 'das de dag gis bstan pa sems can rnams la ston cing / bla na med pa'i tshul khrims kyi pha rol tu phyin pa rab tu brjod pa mthong ngo // de nas rgyal po sde mi pham pas de bzhin gshegs pa de rnams dang sems can bye ba khra khrig du ma mthong ste/ tshul khrims kyi pha rol tu phyin pa dang ldan pa'i dge ba'i shugs rnams kyis ta la bdun srid tsam du nam mkha' la ba phags te/ bar snang la 'dug nas/ drang srong mas byin de dang / sangs rgyas bcom ldan 'das de rnams la rdzu 'phrul gyi cho 'phrul dang ldan pa/ tshul khrims kyi pha rol tu phyin pa dang ldan pa'i tshigs su bcad pa rnams kyis mngon par bstod ngo / / ji ltar dri med ma long dkyil 'khor la// lus la mchis pa'i nyes dang yon tan gda'// de bzhin tshul khrims yongs dag dge ba la/ / sems la mchis pa'i nyes dang yon tan gda'// 'dod bzhin 'bras bu 'byung ba'i shing chen ltar// bsams pa bzhin du 'bras bu kun kyang sbyin/
- 189a
de bzhin tshul khrims phung po gtsang dag pas// bsams pa bzhin du 'bras bu kun kyang sbyin// ji ltar sa la rab tu las byas te// bsams pa bzhin du snod kyi rnam par 'gyur/ / de bzhin tshul khrims phung po yongs sbyangs pas// bsams pa bzhin du yon tan thams cad sbyin// ji ltar yid bzhin nor bu byi dor bgyis// bsams pa bzhin du longs spyod sna tshog sprin/ / de bzhin tshul khrims phung po byi dor bgyis// bsams pa bzhin du yon tan thams cad sbyin// rgyal sras rnams kyis thog mar spyad gsungs pa// tshul khrims yongs ngag thog ma'i rkang pa ste/ / rgyal ba rnams ni dri mad rkang pa des// byang chub zhi pa'i mchog rnams yang dag sgrub// ji ltar shing rgyal n+ya gro gzhon nu 'dir// sa gzhi mnyam par btsugs shing rab bskyed na/ / yal ga byung zhing mngon par rab tu skyes// me tog 'bras bur ldan zhing khyad par 'dzin// de bzhin tshul khrims phung por su gnas pa// rgyal ba'i sras de yon tan rnams kyis te/ / thams cad mkhyen pa'i ye shes 'dir reg nas// 'gro ba sdug bsngal rnams las thar byed 'gyur// tshul khrims ldan pas dpal dang gzi brjid rnyed// tshul khrims ldan pa gzugs rab mdzad par 'gyur/ / tshul khrims dag la rgyal sras rtag dga' ba// rnyed par dka' ba'i chos kyang rab tu rnyed// spyod pa yongs dag tshul khrims kun spyod pa// dri med
- 189b
khrims ldan drang srong mes byin 'di/ / sangs rgyas yon tan mnga' ba brgya dag gis// kun tu bstod pa mdzad par bdag gis mthong // tshul khrims yongs dag kun tu spyod pa la/ sangs rgyas brgyas ni mngon par bstod gyur pa// ji ltar bdag gi slob dpon mas byin la// sangs rgyas brgya yis mngon par bstod pa ltar// de bzhin tshul khrims gzi brjid ldan pa bdag/ legs par spyad pa brgya yis mngon par bstod// skyes nas bdag gi khrims stobs gdung med de// rims nad btab pa gso ba byas pa bzhin// dri med tshul khrims gnas pas bdag gis kyang // phyogs bcu'i 'jig rten bzhugs pa'i bde bar gshegs// bye ba khrag khrig mang po rgyu ba dang // tshul khrims bsngags pa yongs su brjod pa mthong // dri med tshul khrims gnas pas bdag gis kyang / / bde gshegs bye ba khrag khrig mang po rnams// bla med byang chub rim par sangs rgyas te// bdud rnams bye ba khrag khrig btul ba mthong // dri med tshul khrims gnas pas/ bdag gis kyang // bde gshegs bye ba khrag khrig mang po rnams// dgra bcom bstod cing mtshungs med 'khor lo mchog/ 'gro la phan phyir rgyal bas bskor ba mthong // dri med tshul khrims gnas pas bdag gis kyang / / bde gshegs bye ba khrag khrig mang po dag/ skye bo mun pas bsgribs shing mi mkhas pa// bde gshegs sdug bsngal brgya las 'grel ba mthong // dri med
- 190a
tshul khrims gnas pas bdag gis kyang / / bde gshegs bye ba khrag khrig mang po rnams// sems can khrag khrig btul te mdzad pa mdzad// bde gshegs dang bas bsgral phyir bzhugs pa mthong / / dri med tshul khrims gnas pas bdag gis kyang // bde gshegs bye ba khrag khrig mang po rnams// 'gro ba'i don chen mdzad pa mdzad nas su// yang 'byung med par mya ngan 'da' ba mthong / / dri med tshul khrims gnas pas bdag gis kyang // bde gshegs bye ba khrag khrig mang po rnams// mya ngan 'das nas ring bsrel rab rgyas shing // skye bo bde bas mngon du tshim mdzad mthong / / de ring slob dpon khyod kyi gsung thos nas// bdag gi mig kyang bsam mi khyab par dag/ de phyir phyogs bcu dag gi rgyal ba rnams// sgrib pa med pa'i mig gi stobs kyis mthong / / bdag gi mtshungs med tshul khrims yongs dag pas// de las bdag gi sgrib me mig 'di skyes// tshul khrims phung po yongs su sbyangs pa las// sgrib pa med pa'i mig ni bdag gis thob/ / 'di ltar thal sbyar slob dpon mchog khyod la// gang gi mthu che ba ni de 'dra ba// de la thal mo sngon sbyar phyag 'tshal zhing // mtshungs med rdul bral byang chub reg par 'gro// de nas rgyal po snga mi pham pas// tshul khrims kyi pha rol tu phyin pa dang ldan pa'i dge ba'i rtsa ba'i shug de rnyed pas// de bzhin gshegs pa de dag thams cad kyis rab tu bsngags par gyur to// tshul
- 190b
khrims kyi pha rol tu phyin pa dang ldan pa'i dge ba'i rtsa ba'i shugs de rnyed pas/ phyogs bcu mun pa med par gyur to// sangs rgyas bcom ldan 'das de dag thams cad kyang mthong ste/ gang sangs rgyas bcom ldan 'das de dag gis chos bstan pa de dag thams cad kyang len cing 'dzin to/ / de tshun chad nams kyang dran pa nyams par ma gyur te/ bskal pa brjod du med pa'i bar du dus thams cad du'ang thos pa 'dzin par gyur to/ / de la chos kyi sgo bye ba khrag khrig brgya stong dpag tu med pa mngon du gyur te/ 'di ltar sgrib pa med pa'i chos la bzod pa khong du chud cing sems la kun nas dkris pa med pas/ gang dang gang du skyes pa de dang der skyes ma thag tu phyogs bcu'i 'jig rten gyi khams na sangs rgyas bcom ldan 'das rnams mthong ste/ sangs rgyas bcom ldan bdas de dag dang lhan cig tu smra zhing gtam zer te/ 'di ltar mun pa med pa'i lus dang ldan pa'i phyir/ sangs rgyas bcom ldan 'das de dag gis bod cing yang dag par mgu bar bya ba yin no// 'jam dpal de ji snyam du sems de'i tshe de'i dus na drang srong mas byin zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// ngo ci'i phyir zher/ de bzhin gshegs pa dri ma med pa'i spyan de/ de'i tshe de'i dus na drang srong mas byin zhes bya bar gyur to// 'jam dpal 'di ji sam du sems/ de'i tshe de'i dus narba
- 191a
srong tshangs pa'i lha zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa spyan mchog de de'i tshe de'i dus na drang srong tshangs pa'i lha zhes bya bar gyur to/ / 'jam dpal 'di ji snyam du sems/ de'i tshe de'i dus na rgyal po sde mi pham pa zhes bya ba gang tshul khrims yongs su dag pa thos ma thag tu kun nas dkris pa gsal bar gyur pa de gzhan zhig yin pa snyam du 'dzin na/ bajam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na rgyal po snga mi pham pa zhes bya bar gyur to// 'jam dpal de lta bas na byang chub sems dpa' sems dpa' chen pos tshul khrims ma nyams par bya'o// tshul khrims la skyon med pa dang / tshul khrims shin tu bsdams pa dang / tshul khrims ma 'dres pa dang / tshul khrims rnam par dag pa dang / tshul khrims yongs su dag pa dang tshul khrims rdzogs par byas te/ tshul khrims kyi pha rol tu phyin pa de la chags par mi bya/ tshul khrims kyi pha rol tu phyin pa la mchog tu 'dzin par mi bya'o// de ltar tshul khrims yongs su dag pa la sgrib pa med pa'i rnam par thar pa mngon du 'gyur ro/ / sgrib pa med pa'i rnam par thar pa mngon du gyur pas
- 191b
ji ltar bdag gi sangs rgyas kyi zhing dpag tu med pa yongs su dag par 'gyur snyam sems la mi bya ste/ 'on kyang sgrib pa med pa'i rnam par thar pa mngon du gyur na/ bsgrim mi dgos par sangs rgyas kyi zhing dpag tu med pa yongs su dag par 'gyur te/ sangs rgyas kyi zhing grangs med/ bsam gyis mi khyab/ mtshungs pa med/ gzhal du med/ brjod du med pa yongs su dag par 'gyur ro/ / 'di ltar tshul khrims kyi pha rol tu phyin pa yongs su dag na/ bzod pa'i pha rol tu phyin pa yang yongs su dag par 'gyur ro// de ci'i phyir zhe na/ gal te tshul khrims la mchog tu 'dzin pa med na/ de'i bzod pa'i pha rol tu phyin pa yongs su dag par 'gyur te/ de ltar mchog tu 'dzin pa gang gis kyang / tshul khrims la mchog tu 'dzin pa med do// 'jam dpal sngon byung ba 'das pa'i dus na/ bskal pa dpag tu med pa nas/ brjod du med pa'i bar du de'i pha rol gyi yang ches pha rol na/ mi 'chi ba kun tu 'phags pa zhes bya ba'i bskal pa byung ste// 'jam dpal mi 'chi ba kun tu 'phags pa'i bskal pa de la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par snang mdzad ces bya ba 'jig rten du 'byung ngo //
- 192a
'jam dpal de'i tshe de'i dus na drang srong mi 'khrugs pa'i blo gros zhes bya ba zhig yod de/ 'jam dpal ci'i phyir drang srong de mi 'khrugs pa'i blo gros zhes bya zhe na// 'jam dpal sngon byung ba bskal pa mi 'chi ba kun tu 'phags pa de'i pha rol gyi yang ches pha rol na/ bskal pa grangs med brjod du med pa na/ de bzhin gshegs pa rnam par rgyal ba dang ldan pa zhes bya ba byung ste/ de'i tshe'i tshad ni dpag tu med de/ sangs rgyas kyi zhing brjod du med cing tshad med pa yongs su dag pa dang ldan no// yang de bzhin gshegs pa dgra bcom pa yang dag par rdzogs pa'i sangs rgyas rnam par rgyal ba dang ldan pa de'i sangs rgyas kyi zhing na blo gros 'bar ba zhes bya ba/ bram ze'i rigs shing sA la chen po lta bu sangs rgyas khrag khrig dpag tu med pa rnams la dag ba'i rtsa ba bskyed pa zhig yod de/ blo gros 'bar ba bram ze'i rigs shing sA la chen po lta bu de la mi phyed pa'i g.yog sangs rgyas khrag khrig dpag tu med pa la dge ba'i rtsa ba bskyed pa'i bram ze khrag khrig brgyad cu yod do/ / yang 'jam dpal blo gros 'bar ba bram ze'i rigs shing sA la chen po lta bu des/ bcom ldan 'das de bzhin gshegs pa rnam par rgyal ba dang ldan pa de la/ lo bye ba khrag khrig dgu bcur mi 'khrugs pa'i dbyings zhus te/ bcom ldan 'das kyis mi 'khrugs pa'i dbyings mi 'khrugs pa'i dbyings zhes gsungs na/ bcom ldan 'das
- 192b
mi 'khrugs pa'i dbyings de gang lags ci'i slad du mi 'khrugs pa'i dbyings zhes bgyi/ de skad ces gsol pa dang / bcom ldan 'das de bzhin gshegs pa rnam par rgyal ba dang ldan pas/ blo gros 'bar ba bram ze'i rigs shing sA la chen po lta bu de la 'di skad ces bka' stsal to// blo gros 'bar ba mi 'khrugs pa'i dbyings mi 'khrugs pa'i dbyings zhes bya ba de ni/ 'dus ma byas pa'i dbyings kyi tshig bla dgas so// blo gros 'bar ba ci'i phyir dbyings de mi 'khrugs pa'i dbyings zhes bya zhe na/ blo gros 'bar ba 'dus ma byas pa'i dbying ni sogs pa yang med/ bri ba yang med/ len pa yang med/ 'god pa yang med/ zad pa yang med/ 'gog pa yang med/ 'grib pa yang med/ 'phel ba yang med/ rigs kyang ma yin/ rigs med pa yang ma yin/ 'gyur ba yang ma yin/ 'dzin pa yang ma yin/ 'dor ba yang ma yin/ gzung ba yang ma yin/ gtong ba yang ma yin/ phra ba yang ma yin/ zab pa yang ma yin/ mun pa yang ma yin/ snang ba yang ma yin/ nyin par yang ma yin/ mtshan mo yang ma yin/ ring po yang ma yin/ thung ngu yang ma yin/ nye ba yang ma yin/ ring ba yang ma yin/ yangs pa yang ma yin/ dog pa yang ma yin/ gcig pu yang ma yin/ thun mong yang ma yin/ gzugs kyang ma yin/ snga ba yang ma yin/ 'phyi ba yang ma yin/
- 193a
'gro ba yang ma yin/ 'ong ba yang ma yin/ 'pho ba yang ma yin/ mi 'pho ba yang ma yin/ 'chi 'pho ba yang ma yin/ skye ba yang ma yin/ de ltar 'dus ma byas pa'i dbyings de ni mi 'khrugs pa zhes bya'o/ / de'i phyir de'i ming mi 'khrugs pa'i blo gros zhes bya bar gyur to// drang srong mi 'khrugs pa'i blo gros des de bzhin gshegs pa rnam par snang mdzad de la yang mi 'khrugs pa'i dbyings kun dris so/ / de la de bzhin gshegs pa dgra bcom pa yang dag par rdzogs pa'i sangs rgyas des/ lo bye ba khrag khrig drug cu'i bar du mi 'khrugs pa'i dbyings de bstan pa bshad do/ / des mi 'khrugs pa'i dbyings pos ma thag tu/ 'di lta bu'i dge ba'i rtsa ba'i shugs rnyed de/ de lta bu'i dge ba'i rtsa ba'i shugs kyis nam mkha' la ta la bdun srid du 'phags nas/ drang srong mi 'khrugs pa'i blo gros de bar snang la 'dug ste/ sangs rgyas bye ba khrag khrig dpag tu med pa rnams bzod pa'i pha rol tu phyin pa'i bsngags pa brjod pa mthong ngo / / bzod pa'i pha rol tu phyin pa yongs su rdzogs pa'i byang chub sems dpa' bye ba khrag khrig dpag tu med pa yang / mthong ngo // de bzhin gshegs pa re re'i 'khor re ren yang byang chub sems dpa' khrag khrig dpag tu med pa bzod pa'i pha rol tu phyin pa yongs su rdzogs pa dang / yongs su
- 193b
rdzogs par 'gyur ba dang / mi 'khrugs pa'i dbyings la gnas pa dud/ mi skye ba'i chos la bzod pa'i pha rol tu phyin pa rdzogs pa'i byang chub sems dpa' bye ba khrag khrig tshad med pa rnams mthong ngo / / de bzhin gshegs pa re re'i chos ston pa re re la yang byang chub sems dpa' khrag khrig dpag tu med pa rnams bzod pa'i pha rol tu phyin pa yongs su rdzogs pa dang / yong su rdzogs par 'gyur ba dang / mi 'khrugs pa'i dbyings la gnas pa dang / mi skye ba'i chos la bzod pa dang / nges pa'i stobs bskyed pa la zhug pa dang / nges pa'i stobs bskyed pa'i rjes su 'jug pa mthong ngo / / mthong nas kyang bcom ldan 'das de bzhin gshegs pa rnam par snang mdzad de la/ bzod pa'i pha rol tu phyin pa dang ldan pa'i tshigs su bcad pa dag gis mngon par bsngo/ / bde gshegs chos tshul bzhin du thos nas su// mi mchog bdag gis bzod pa zhi ba rnyed/ bgyid po gang yang ma mchis bgyid ma mchis// chos nyid dag la gnas par the tsom bral// bdag gis 'jig rten rig khyad gsung thos nas// chos 'di thams cad nam mkha'i dbyings 'drar 'tshal// bdag gis ring nas stor rnyed mthun bgyis te// gter tshan ji ltar yun ring stor ba bzhin/ / deng bdag bzod pa'i shugs ni rgya chen skyes// chos kyi tshul ni yang dag ji bzhin 'tshal// de ring bdag gi the tsom dogs kun spangs// 'jig rten mkhyen pa khrag
- 194a
khrig mtha' yas mthong / / ji ltar bya rnams sgong 'khrugs nas ni// sgo nga'i steng ngam zhabs su mchus brtol te// rang gis sgo bcag nas byung ba bzhin// bde gshegs khyod gsung thos nas bdag kyang byung // bdag gis ji ltar 'dod pa'i sa kun por// 'jig rten mkhyen pa khrag khrig mtha' yal mthong // rgyal ba bye ba mtha' yas bzod stobs ldan/ / bde gshegs ye shes mnga' bas bdag lung bstan// bde gshegs mtha' yas phyogs bcu'i 'jig rten na// rgyal sras lung bstan de dag de bzhin bstod/ / bzod stobs rnyed pas seng ge'i sgra sgrogs pa// nam mkha'i bya lam 'dir mchis bdag gis mthong // nam mkha' 'di la mchis nas bdag gis kyang // rgyal ba bde bar gshegs pa mtha' yas kyis/ / bzod thob sras la bde gshegs rang byung 'gyur// skye bo bdud zhags 'grol zhes lung bstan mthong // nam mkha' bya lam 'dir mchis bdag gis kyang / / bde gshegs bye ba khrag khrig mtha' yas rnams// dgra yi tshogs bcom kun mkhyen legs 'chang sras// 'gro mgon zil mi non 'gyur lung ston mthong / / bdag gis rgyal sras spyad pa spyod pa dag/ 'gro phan byang chub rdul med btsal slad du// rgyal srid rin chen mgo mig gtong ba dang // mthu rnyed brtan pa thub pa'i khu
- 194b
khyer mthong / / rgyal sras dga' ldan gnas nas shi 'phos te// lha yi bu mo brgya yis glu blangs shing // bkra shis bcas pa'i dbyangs kyis mngon bstod nas// rgyal rigs drang srong bram ze rigs skye mthong / / bdag gis rgyal sras zla bcu mngal gnas pa// lha yi gnas na lha yi bu bzhin du// snying rjes chos sngon lha rnams rab tu 'dul// mngal/ na gnas pa mi yis mngon mchod mthong // bdag gis rgyal sras yum gyi lhums nas su// lha rnams kyis kyang mngon par mchod cing byung // sems dge bas na mi gtsang rdul mi chags// rin chen nyes pas mi gos bzhin du mthong // bdag gis rgyal sras rgyal rigs rin chen bdun// brgya phrag bcu po bu yi tshogs rnams dang // rta dang glang pos gang ba'i sa spangs te// bdud kyi zhags bcad mngon par byung ba mthong // bdag gis rgyal sras 'gro la sman slad du// khrag khrig bdud rnams zil mnan byang chub reg/ nyon mongs ring bsags rnam mang dpa' bos spangs/ / bde gshegs nyi ma bzhin du lhan pa mthong // bdag gis rgyal sras rang gi nyon mongs thul// mtshungs med dam pa chos kyi 'khor lo bskor// lha mi sems can khrag khrig rnams btul zhing / / zad mthar 'gro ba lan gsum bskor ba mthong // bdag gis rgyal ba stong phrag mtha' yas pa// rgyal ba'i zhing rnams rma zhing sems
- 195a
can 'dul/ / 'gro la sman slad 'gro ba stong par ston// pad+ma nyi bzhin sems can sad mdzad mthong // bdag gis rgyal ba stong phrag mtha' yas pa// sem can btul nas sangs rgyas mdzad pa mdzad/ / lce stong byung ba'i mchil ma mis bor bzhin// de bzhin bde gshegs tshogs gnas 'dor ba mthong // bdag gis sangs rgyas stong phrag mtha' yas pa/ / zhi bar 'gro ba ma la chus btab bzhin// 'gro ba sdug bsngal khur skyo mya ngan 'das// stobs bcu nyon mongs kun spangs 'das pa mthong // bdag gis rgyal ba stong phrag mtha' yas pa/ / 'gro la sman don mdzad cing sku gdung phral// mya ngan 'das kyang skye bo mya ngan zlo// mya ngan 'das kyang bstan pa brjod pa mthong // de ltar 'gro la sman slad skyabs su mchi/ / dge ba bsags pa 'di yis sangs rgyas gyur// bdag nyid grol nas sems can khrag khrig dgrol// mgon med bdud zhags bcings pa zhi bar bgyi// de nas drang srong mi 'khrugs pa'i blo gros kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad de la/ bzod pa'i pha rol tu phyin pa dang ldan pa'i tshogs su bcad pa rnams kyis mngon par bstod nas/ dge ba'i rtsa ba des byang chub sems dpa'i spyang ba spyod pa na/ bskal pa brjod du
- 195b
med par nams kyang gti mug par ma gyur/ nams kyang 'dod pa ma spyad/ nams kyang bud med kyi dbang du ma gyur/ nams kyang bdud kyi spyod yul la ma spyad/ nams kyang mngal gyi gnas su ma zhugs/ rtag tu rgyun mi 'chad par rdzus te skyes/ nams kyang bdud kyi las kyis ma bsgribs/ nams kyang bdud kyi las kyi dbang du 'gro bar ma gyur/ nams kyang byang chub kyi sems dang bral bar ma gyur/ nams kyang 'khor bas skyo ba'i sems ma bskyed/ sems can thams cad la phan pa dang ldan pa ma yin pa rnams kyang phan pa med pa'i sems ma bskyed do/ / bskal pa brjod du med par rnams kyang sangs rgyas dang bral ba'i yid la byed pa ma bskyed/ nams kyang chags pa dang ldan pa'i yid la byed pa ma bskyed/ bskal pa brjod du med par nams kyang skye ba dang ldan pa'i sems ma bskyed/ nams kyang yang 'byung ba ma btsal// nams kyang rnam pa thams cad mkhyen pa'i sems dang bral bar ma gyur nams kyang dman pa'i sems dang ldan par ma gyur/ nams kyang thams cad mkhyen pa yid la byed pa dang bral bar ma gyur/ nams kyang dge ba'i bshes gnyen dang bral bar ma gyur// nams kyang thams cad mkhyen pa nyid du dmigs par ma gyur/ nams kyang dag pa'i bshes gnyen dang mi ldan par ma gyur/ nams kyang dge ba'i bshes gnyen rnams la dngos por
- 196a
ma dmigs/ des nams kyang 'dus byas dang 'dus ma byas kyi chos rnams tha dad par ma bsams/ des rnams kyang dus gsum mnyam pa las lam log par ma bstan/ des nams kyang dus gsum la dmigs par ma gyur to// 'jam dpal de ji snyam du sems/ de'i tshe de'i dus na drang srong mi 'khrugs pa'i blo gros zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na drang srong mi 'khrugs pa'i blo gros zhes bya bar gyur te/ de sgrib pa med pa'i rnam par thar pa la spyad pas/ ji ltar ngas brjod pa bzhin du de tsam du rgya cher sangs rgyas kyi zhing yongs su dag par byas so/ / 'jam dpal de lta bas na byang chub sems dpa' sems dpa' chen po sangs rgyas kyi zhing rgya cher yongs su sbyong bar 'dod pas/ sgrib pa med pa'i rnam par thar pa'i phyir brtson pa mi 'dor ro/ / sgrib pa med pa'i rnam par thar pa la mos par bya'o// yang 'jam dpal de bzhin gshegs pa don thams cad grub pa de/ sngon byang chub sems dpa'i spyad pa spyod pa na/ brtson 'grus kyi pha rol tu phyin pa dang ldan pa'i dge ba'i rtsa ba dpag tu med pa rgya chen po mngon par 'dus byas so// brtson 'grus kyi pha rol tu phyin
- 196b
pa dang ldan pa'i dge ba'i rtsa ba'i shugs dpag tu med cing rgya chen po bskyed do/ / brtson 'grus kyi pha rol tu phyin pa dang ldan pa'i dge ba'i rtsa ba grangs med cing bsam gyis mi khyab pa nas brjod du med pa'i bar du rgya chen po mngon par 'dus byas so/ / brtson 'grus kyi pha rol tu phyin pa dang ldan pa'i dge ba'i rtsa ba'i shugs bsam gyis mi khyab/ mtshungs pa med/ gzhal du med/ brjod du med pa rgya chen po bskyed do// 'jam dpal sngon byung ba 'das pa'i dus na/ bskal pa dpag tu med/ bsam gyis mi khyab/ mtshus pa med/ gzhal du med/ brjod du med pa na rin chen 'byung ba zhes bya ba'i bskal pa la de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bzang po'i lha zhes bya ba 'jig rten du byung ste 'jam dpal de bzhin gshegs pa bzang po'i lha de'i tshe tshad nI/ bskal pa khrug khrig brgyan nur gyur to// 'jam dpal po'i tshe de'i dus na/ de bzhin gshegs pa bzang po lha de'i gsung rab la dge slong mos pa'i blo gros zhes bya ba zhig byung ste/ shin tu rtogs pa dang ldan pa/ shin tu blo gros dang ldan pa/ shin tu dran pa dang ldan pa/ shin tu
- 197a
brtson 'grus dang ldan pa/ shin tu brtson 'grus kyi pha rol tu phyin pa'i stobs bskyed pa rnyed pa/ sngon gyi rgyal ba la lhag par bya ba byas pa/ rgyal po rigs las rab tu byung ste/ gzugs bzang ba/ mdzes pa/ blta na sdug pa/ de bzhin gshegs pa bzang po'i lha de ma gtogs par sangs rgyas kyi zhing de na mos pa'i blo gros ji tsam du mdzes pa de tsam gyis mdzes pa'i sems can su yang med de/ blta bas chog mi shes pa/ sangs rgyas khrag khrig dpag tu med pa la bsnyen bkur byas pa/ yongs su sbyang ba byas pa/ tshad med pa'i chos nyid las nges par byung ba/ byang chub sems dpa'i ting nge 'dzin bzhi rnyed de/ 'dod pa bzhin rnyed cing / nyon mongs pa med par rnyed/ tshegs med par rnyed nas/ 'dris par byas te re zhig ni de bla na med pa yang dag par rdzogs pa'i byang chub mngon par rdzogs par 'tshang rgya bar sems mi 'jug go/ phyogs bcu'i pha rol tu son pas 'dod na sangs rgyas kyi zhing tshad med pa rnams su 'gro'o// de nas dge slong mos pa'i blo gros de/ de bzhin gshegs pa dgra bcom pa yang dag par rdzogs pa'i sangs rgyas bzang po'i lha ga la ba der song ste phyin nas/ de bzhin gshegs pa bzang po'i lha'i zhabs la mgo bos phyag 'tshal nas/ lan gsum bskor
- 197b
ba byas te/ thal mo sbyar nas phyogs gcig tu 'dug go/ phyogs gcig tu 'dug nas kyang / dge slong mos pa'i blo gros des/ de bzhin gshegs pa bzang po'i lha nga la 'di skad ces gsol to/ / bcom ldan 'das gzings chen po bca' bar 'tshal ba dang / zam pa chen po gdags par 'tshal ba dang / 'khor ba'i rgya mtsho las brgal bar 'tshal ba dang / sems can thams cad bsgral bar 'tshal ba dang / sangs rgyas kyi zhing tshad ma mchis pa yongs su sbyang bar 'tshal ba dang / sangs rgyas kyi zhing grags ma mchis/ bsam gyis mi khyab/ mtshungs pa ma mchis/ gzhal du ma mchis brjod du ma mchis pa yongs su sbyang bar 'tshal ba dang / sangs rgyas kyi zhing mtha' yas pa yongs su dag pa bsgrub par 'tshal ba'i byang chub sems dpa' sems dpa' chen pos chos gang la brtson par bgyi/ de skad ces gsol pa dang / de bzhin gshegs pa bzang po'i lhas/ dge slong mos pa'i blo gros de la 'di skad ces bka' stsal to// dge slong de dag dang yon tan tshad med pa/ gzhan yang bsgrub par 'dod pa'i byang chub sems dpa' sems dpa' chen pos sgrib pa med pa'i rnam par thar pa khong du chud par bya ba'i brtson 'grus rtsom mo/ / mtshan mor 'du shes yid la mi byed pa dang / nyin par
- 198a
'du shes pa dang / grang bar 'du shes pa dang / dro bar 'du shes pa dang / bkres par 'du shes pa dang / zas su 'du shes pa dang / skom du 'du shes pa dang / btung bar 'du shes pa dang / gos su 'du shes pa yid la mi byed pa dang / stobs su 'du shes pa yid la mi byed cing 'du shes thams cad yid la mi byed par sgrib pa med pa'i rnam par thar pa mngon du byas te brtson 'grus rtsom mo/ / sgrib pa med pa'i rnam par thar pa de khong du chud par bya ba'i phyir brtson 'grus rtsom ste/ des brtson 'grus brtsams nas// sgrib pa med pa'i rnam par thar pa mngon du 'gyur ro// sgrib pa med pa'i rnam par thar pa la spyod pa'i byang chub sems dpa' sems dpa' chen po'i sangs rgyas kyi zhing dpag tu med pa rnams yongs su dag par 'gyur ro/ / de bzhin du sbyar te/ sangs rgyas kyi zhing brjod du med pa'i bar du yongs su dag par 'gyur ro// de nas dge slong mos pa'i blo gros de la/ de bzhin gshegs pa bzang po 'i lha des de bzhin du bstan cing gdams nas/ des 'du shes thams cad yid la ma byas te/ sgrib pa med pa'i rnam par thar pa rtogs par bya ba'i phyir/ bskal pa khrag khrig brgyad kyi bar du brtson 'grus brtsams nas spyod do// de nas bskal pa khrag khrig brgyad 'das pa dang de sgrib pa med pa'i rnam par thar pa la rab tu
- 198b
gnas par gyur nas/ byang chub sems dpa'i dbang bcus nges par byung ste/ des sprul pa khrag khrig tshad med pa mngon par sprul nas/ lnga la dad pa rnams la lhar mngon par sprul/ klu la dad pa rnams la kluraganod sbyin la dad pa rnams la gnod sbyin du/ dri za la dad pa rnams la dri zar grul bum la dad pa rnams la grul bum du/ lha ma yin la dad pa rnams la lha ma yin du/ nam mkha' lding la dad pa rnams la nam mkha' lding du/ mi 'am ci la dad pa rnams la mi 'am cing/ lto 'phye chen po la dad pa rnams la lte 'phye chen por mngon par sprul to// de ltar dge slong mos pa'i blo gros des/ sangs rgyas kyi zhing de na sem can sprul pa ji lta bu la dad pa bzhin du rtag tu rgyun mi 'chad par mngon par sprul te/ des der sems can tshad med pa yongs su smin par byed pa'i sbyor bas/ myur du brtson 'grus kyi pha rol tu phyin pa yongs su rdzogs par gyur to/ / de bzhin gshegs pa dgra bcom pa yang dag par rdzogs pa'i sangs rgyas bzang po'i lha des/ dge slong mos pa'i blo gros de brtson 'grus kyi pha rol tu phyin pa yongs su rdzogs par mkhyen nas/ brtson 'grus kyi pha rol tu phyin pa dang ldan pa'i chos kyi gtam gyis yang dag par dga' bar byas/
- 199a
yang dag par 'dzin du bcug/ yang dag par rab tu mgu bar byas nas/ de'i tshe brtson 'grus kyi pha rol tu phyin pa shin tu bsngags so// de bzhin gshegs pa bzang po'i lha de brtson 'grus kyi pha rol tu phyin pa dang ldan pa'i gtam gyis yang dag par dga' bar byas/ yang dag par 'dzin du bcug/ yang dag par gzengs bstod/ / yang dag par rab tu mgu bar byas nas/ brtson 'grus kyi pha rol tu phyin pa dang ldan pa'i dge ba'i rtsa ba'i shugs 'di lta bu rnyed de/ de lta bu'i dag pa'i rtsa ba'i shugs kyis nam mkha' la ta la bdun srid du 'phags te 'dug go/ / 'jam dpal de nas dge slong mos pa'i blo gros par snang la 'dug nas/ 'di 'dru ba'i ye shes rnyed de/ gang gis phyogs bcu'i 'jig rten na/ 'jig rten gyi khams dpag tu med pa rnams su sangs rgyas bcom ldan 'das de dag thams cad kyi sngon gyi spyod pa shes/ sangs rgyas kyi zhing thams cad sems can thams cad kyi dbang po mchog dang mchog ma yin pa shes/ sems can de dag thams cad kyi sems dang spyod pa shes so/ / des ye shes de rnyed nas/ sems can thams cad kyi sems dang spyod pa la the tsom med cing sangs rgyas bcom ldan 'das de dag gi sngon gyi spyod pa la'ang the
- 199b
tsom med de/ de bzhin gshegs pa bzang po'i lha de la brtson 'grus kyi pha rol tu phyin pa dang ldan pa'i tshigs su bcad pa rnams kyis mngon par bstod do// stobs bcu stobs 'chang stobs ldan pa/ / nor mang 'gyed cing sras rnams nor ldan mdzad// bde gshegs khyod kyi sras rnams nor mang rnyed// 'gro 'di shin tu sdug bsngal nor ldan mdzad/ / bde gshegs khyod kyi nor rnams gtor cing bgos// rgyal ba khyod kyi sras mchog nor rnyed nas// dga' zhing 'gro la sman pa'i spyod mchog spyod// rgyal mchog rgyal ba kun dang 'dra bar 'gyur// thub mchog khyod sras yon tan brgyas gtam pa// spyod pa nges pa mchog 'di rnams spyod la// skye bar nub cing rga shis gtses pa dang / / 'gro ba sdug bsngal brgya ldan gzir ba rnams// sdug bsngal bdag med stong par rtogs pas na// shi 'phos 'gror mchis 'khor ba'i 'gror chag pa// mthong nas 'gro ba sdug bsngal bder 'god ces// de dag snying rje rlabs chen rnyed par 'gyur// 'gro la sman sems snying rje skyes nas su// 'khor ba'i sred pa bcom yang skye ba 'dzin/ / dge ba tshad med rnams kyang kun bsags shing // 'gro ba rnams la sman bde zhi bar bgyid// log pa'i lam mchis sems can stong rnams ni// stobs
- 200a
bcus bstan pa'i lam mchog rnams su ste/ / zhi ba'i grong khyer 'khor zhi ba de dge bar// gang nas sngon gyi rang byung gshegs par 'god// de dag gtong ba tshad med gtong ba ni/ / mgo lag mig bzang bu sdug de bzhin te// tshul khrims bzod dang brtson 'grus ting nge 'dzin// thos dran mkhas shing mos dang stobs la gnas/ / shing dbang drung du bdud sde bcas pa btul// dpe med ye shes go 'phang mchog der rnyed// rang byung sems can stong mang khrid nas su// mi 'chi 'byung zhi ba de bzhi par gshegs/ / nam mkha' 'di la de ring bdag mchis nas// phyogs bcu'i phyogs bcu ma nor de bzhin gsung // rgyal sras rgyal ba'i yon tan spyod spyad la// shin tu lung ston pa ni du ma mthong // de dag rang gi spyod thos dga' mgu ste// rab tu 'dzum dmul yid gnyis the tsom bral// thal mo sbyar te mngon par lus btud nas// stobs bcu yon tan mnga' ba mkhas las bstod// de ring nam mkha' 'dir mchis bdag gis mthong // 'khor ba brgyar ni rgyal sras dge spyad na// dga' ldan lha yi nang nas shi 'phos te/ / dri bral dpe med glang chen mchog gyur nas// lha yi gnas nas rab tu babs nas su// yum bde nyal ba'i lhums su zhugs pa la// lha rnams stong
- 200b
gis shin tu rab mchod cing / / lha mi lha mo rnams kyis gtsor bgyis te// de dag yum gyi lhums su zhugs pa na// lha yi gnas 'dra rab tu mdzes par gyur// mngal gyis mi gos chu las pad+ma ltar/ / yum la bde zhing yang bar gnas nas su// lha rnams brgya la rab tu chos bshad de// lha mchog 'khor rnams dge ba'i lam du btsud// de dag chos tshig rgya chen thos nas su// skom pas chu la sa bzhin bdud rtsi 'thung // nam mkha'i ngos 'dir bdag mchis mthong ba ni// rgyal sras dri med blo gros dran mkhas pa/ / yum gyi phyag gis shing gi yal ga gzung // mchan khung nas ni byung bar rab tu mthong // lha dang mi yi dbang pos rab mchod cing // sa yi stang na 'jigs med gom pa 'dor/ / de yis thams cad phyogs su bltas nas su// 'dzum dmul tshig smras nga 'dra khams gsum med// nam mkha'i ngos 'dir bdag mchis mthong ba ni// rgyal sras mang po 'gro la sman dga' ba/ / grong dang grong khyer rin chen bltam pa yi// rab tu 'byor cing ldan pa'i sa bor te// ba glang rmis pas bcings pa bcad pa lhur// rma gros mchog gis khyim chags bsal bcom ste/ / 'gro la sman slad dpa' bo mngon par byung // sdug bsngal zhi zhing srid zad bdud rtsi tshol// nam mkha'i ngos 'dir bdag
- 201a
mchis mthong ba ni/ / rgyal sras brtul zhugs dka' thub drag spyad de// skyil mo krung bcas byang chub shing dbang drung // g.yo can bdud btul byang chub dam pa reg/ rgyal ba thams cad dang ni mnyam rnyed nas// zhing dga' bde gnas shing mchog lta bzhin du// smon lam rgya chen bdag gis 'dir rdzogs te// 'khor brgyar legs spyad brtul zhugs 'dir grub bo/ / nam mkha'i ngos 'dir bdag bachis mthong ba ni// phyogs bcu'i stobs bcu shin tu mang po dag/ 'khor lo rgya chen rab tu bskor ba ni// pha rol rgol 'dul 'khor ba'i sdug bsngal zhi// skal yod 'gro ba rnams kyi nyon mongs bcom// mun pa'i rdul bsal 'gro rnams bde ba sbyin// 'jig rten gtso bo rnams kyis de thos nas/ / 'khor ba'i rgyud bsal ma song phyogs su song // de ring nam mkha' 'di la bdag mchis nas// rgyal ba brgya dag lU mi 'khor 'dul zhing // lha mi gnas na 'gro la snying brtsa yid/ / 'jig rten dag na rab tu bzhugs par mthong // rgyal ba brgya phrag du ma gzhan dag kyang // 'khor ba zang song zhi ba rdul med gnas// lha mi brgya rnams yid dgar gyur nas su/ / ring bsrel dam pa de la mchod pa mthong // 'jig rten gtso bo rkang gnyis mchog khyod la// lha dang mi dang khyim bdag khyod drung mchis// zhal
- 201b
nas zhi rab chos kyi rang bzhin thos/ / khyod kyi spyod ldan myur du stabs su 'gro// mi dbang khyod kyi yon tan bstod// khyu mchog pan byed stobs bcu yon tan 'chang // zhi ba ldan zhing dul ba zhi ba rnyed/ / 'khor ba'i rgyud bral 'jigs med phyogs su sngo// bde gshegs mi yi seng ge khyed kyi mthus// blo mchog bdag kyang steng gi nam mkhar gnas// mngon shes lnga las nyams pa med rnyed nas// phyogs bcur 'khor rgyud rab 'byams rnams mang ba// mtshungs med du ma de ring mthong ba ni// rgyal ba'i yon tan sna tshogs dri med spyod/ / yang dag yon tan gyis ni de dag bstod// rgyal ba khyod kyi yon tan mtha' mi rnyed// de nas dge slong mos pa'i blo gros des de bzhin gshegs pa bzang po'i lha de la tshul dang 'dra ba'i tshigs su bcad pa de dag gis bstod nas/ dge ba'i rtsa ba des phyin chad bskal pa brjod du med par nams kyang mngon par shes pa lnga dang bral bar ma gyur te/ mngon par shes pa lnga dang ldan par gyur pas/ sangs rgyas kyi zhing de dag thams cad na sems can dmyal ba dang / dud 'gro'i skye gnas dang / gshin rjel 'jig rten stongs par byas/ lha ma yin gyi ris thams cad yongs su chad cing mi khom pa thams cad rgyun chad par gyur to// de smon lam gyi dbang gis sangs rgyas kyi zhing der
- 202a
yang dang yang skyes nas sems can rnams kyis sangs rgyas thog mar byung ba bzhin du shin tu ngo mtshar du shes te/ gang dang gang du skye bar gyur pa de dang der gang de bzhin gshegs pa byung ba de na lhas byung ba de dag de skye ba'i lhas su byung ngo / / de bzhin gshegs pa mngon par rdzogs par 'tshang rgya ba na/ lhas gang byung ba de dag kyang de mngon par shes pa lnga thob nas byung ngo / / de bzhin gshegs pa chos kyi 'khor lo bskor ba na/ ltas gang byung ba de dag des mngon par shes pa lnga bshad pa'i tshe'ang ltas de dag byung ngo // de bzhin gshegs pa che'i 'du byed 'dor ba'i tshe ltas gang byung ba de tshe'i 'du byed 'dor ba'i tshe yang ltas de dag byung ngo // de bzhin gshegs pa yongs su mya ngan las 'da' ba'i tshe// ltas gang byung ba de 'chi ba'i dus byed pa na yang ltas de dag byung ngo // des tshe rabs re re la yang sems can bye ba khrag khrig brgya stong dpag tu med pa theg pa chen po la btul/ sems can bye ba khrag khrig brgya stong du ma ni nyan thos kyi theg pa la btul lo/ / re zhig ni byang chub sem dpa' des bla na med pa yang dag par rdzog pa'i byang chub mngon par rdzog par sangs rgyas te/ sangs rgyas kyi bya ba de lta bu dag sems can rnams la bstan to/ / 'jam dpal de'i tshe de'i dus na dge slong mos pa'i blo gros zhes bya bar gyur pa de gzhan zhig yin pa snyam du yid gnyis
- 202b
dang the tsom za na/ 'jam dpal khrod kyis de ltar mi blta'o// de ci'i phyir zhe na/ 'jam dpal de bzhin gshegs pa don thams cad grub pa de de'i tshe de'i dus na dge slong mongs pa pa sgo/ gros zhes bya bar gyur to// 'jam dpal de lta bas na bla na med pa yang dag par rdzogs pa'i byang chub yang dag par sgrub pa'i byang chub sems dpa' sems dpa' chen pos dge slong mos pa'i blo/ gros de brtson 'grus kyi stobs gang dang ldan par gyur pa'i brtson 'grus kyi stobs de lta bu dang ldan par bya'o// brtson 'grus kyi stobs dang ldan pa'i byang chub sems dpa' sems dpa' chen po ni/ tshegs chung ngus sems mnyam par gzhog par 'gyur ro// de ci'i phyir zhe na/ brtson 'grus kyi stobs dang ldan pa'i byang chub sems dpa' sems dpa' chen po ni// dbang po'i don las sems slar sdud de dbang po'i don mi dmigs shing dbang po'i don ni dbang po'i don gyi ngo bo nyid kyis stong par mthong / dbang po'i don dang dbang po'i mtshan ma yang mi dmigs gang gis dbang po'i mtshan mar dmigs pa na yang mi dmigs so/ / 'jam dpal sngon byung ba 'das pa'i dus na/ bskal pa tshad med grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ bdud rtsi snying po zhes bya ba'i bskal pa byung
- 203a
ste/ 'jam dpal bdud rtsi'i snying po'i bskal pa de la/ de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das mtha' yas rnam par gnon pa zhes bya ba 'jig rten du byung ngo // 'jam dpal de bzhin gshegs pa mtha' yas rnam par gnon pa de 'byung ba de'i tshe/ thams cad kyi thams cad du 'phags pa'i bden pa dang bral ba'i sgra ma byung ngo // gang sems can thams cad kyi sgra de yang sdug bsngal dang / kun 'byung ba dang / 'gog pa dang / lam 'phags pa'i bden pa rnams ston to// de bzhin gshegs pa mtha' yas rnam par gnon pa de'i rim gro byed pa dge slong snyan pa'i sgra dbyangs zhes bya ba zhig yod de/ don shes/ chos shes/ dus shes/ chod shes/ bdag shes 'khor shes/ gang zag rab dang tha ma shes te/ de bzhin gshegs pa mtha' yas rnam par gnon pa la/ bskal pa bye ba khrag khrig phrag dgu bcu'i bar du yid du 'ong bas bsnyen bkur byas te/ yid du mi 'ong bas ma yin no/ / des bshad pa rnams kyang bzung ste/ bdag gi don kyang mi gtong ngo // des bskal pa dgu bcu po de dag gi bar du 'dod pa'i 'du shes ma bskyed/ gnod
- 203b
sems kyi 'du shes ma bskyed/ rnam par 'tshe ba'i 'du shes ma bskyed srog dang ldan pa dang / gang zag dang ldan pa'i rtog pa ma bskyed/ dngos po dang ldan pa yang ma yin chos dang ldan pa yang ma yin/ chos ma yin pa dang ldan pa yang ma yin/ 'dod pa'i rnam par rtog pa yang ma bskyed/ gnod sems kyi rnam par rtog pa yang ma yin// rnam par 'tshe ba'i rnam par rtog pa yang ma yin/ nye du la rtog pa yang ma yin/ nye du ma yin pa la rtog pa yang ma yin/ shes pa la rtog pa yang ma yin/ mi shes pa la rtog pa yang ma yin/ / ljongs la rtog pa yang ma yin/ mi dga' bar rtog pa'ang ma bskyed/ sems can dang ldan pa'i rtog pa'ang ma bskyed/ srog dang ldan pa yang ma yin// gang zag dang ldan pa yang ma yin/ dngos po dang ldan pa yang ma yin/ chos dang ldan pa yang ma yin/ chos ma yin pa dang ldan pa yang ma yin/ mtshan ma dang ldan pa yang ma yin/ mtshan ma med pa dang ldan pa yang ma yin/ smon lam dang ldan pa yang ma yin/ smon lam ma yin pa dang ldan pa yang ma yin/ 'khor ba dang ldan pa yang ma yin/ mya ngan las 'das pa dang ldan pa yang ma yin/ ye shes dang ldan pa yang ma yin/ ye shes ma yin pa dang ldan pa yang ma yin/ sangs rgyas dang ldan pa yang ma yin/ sangs
- 204a
rgyas ma yin pa dang ldan pa yang ma yin/ rang sangs rgyas dang ldan pa yang ma yin/ rang sangs rgyas ma yin pa dang ldan pa yang ma yin/ nyan thos dang ldan pa yang ma yin/ nyan thos ma yin pa dang ldan pa yang ma yin/ so so'i skye bo dang ldan pa yang ma yin/ so so'i skye bo ma yin pa dang ldan pa yang ma yin/ rnam par rtog pa dang ldan pa yang ma yin/ rnam par rtog pa med pa yang ma yin pa dang ldan pa'i rnam par rtog pa yang ma bskyed de/ 'du shes thams cad dang bral ba'i ting nge 'dzin bsgoms rtog pa dang bral ba'i ting nge 'dzin bsgoms nas/ dge ba'i rtsa ba des sangs rgyas bcom ldan 'das rnams la nams kyang bsnyen bkur ma byas par ma gyur to// sangs rgyas bye ba k hrag khrig brgya stong brjod du med pa la bsnyen bkur byas sangs rgyas bcom ldan 'das de thams cad la des g.yog dang bsnyen bkur byas pas dngos po med pa'i ngo bo nyid kyi ting nge 'dzin la bstan cing bsgoms te/ mang du byas pas/ de phyin chad bskal pa brjod du med pa'i bar du sangs rgyas med pa'i zhing du nams kyang ma skyes/ nams kyang zhing du 'du shes dang / sangs rgyas su 'du shes kyang ma skyes/ nams kyang byang chub kyi sems rtag tu mi 'byung bar ma gyur/ rtag tu rgyun mi 'chad par sangs rgyas bcom ldan 'das
- 204b
rnams la bsnyen bkur dang g.yog byas/ sangs rgyas kyi zhing thams cang du sprul pas sems can rnams yongs su smin par byas/ gang dang gang du sprul pa sprul pa de dang de na sems can rnams kyi sangs rgyas 'byung ba snyam du shes te/ rdzu 'phrul gyi cho 'phrul rnam pa du mas sems can de dag la ston to// gang dang gang du sprul pa sprul pa de dang der sems can ji lta bu la mos pa de lta bur sprul pa sprul te/ 'dul ba'i sems can rnams kyi rgyu dang sbyar te/ rnam par 'dul ba'i phyir/ sangs rgyas kyi zhing du sprul pa rnam pa du mar sprul to// sprul pa de dag gis kyang gzhan yang sprul te bstan to// 'jam dpal 'di lta ste dper na/ sgyu ma mkhan gyis sprul pa mngon par sprul te/ sgyu ma mkhan gyis sprul pa de dag gis kyang // sprul pa gzhan mngon du sprul pa de bzhin du/ 'jam dpal dge slong snyan pa'i sgra dbyangs kyis kyang sprul pa mngon par sprul te/ sprul pa de dag gis kyang gzhan mngon par sprul to/ / 'jam dpal de ji snyam du sems de'i tshe de'i dus na dge slong snyan pa'i sgra dbyangs zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ / de ci'i phyir zhe na/ de bzhin gshegs pa don thams cad grub pa de de'i tshe de'i dus na dge slong snyan pa'i sgra dbyangs zhes bya bar gyur to// 'jam
- 205a
dpal de lta bas na sgrib pa med pa'i rnam par thar pa la spyod pa'i byang chub sems dpa' sems dpa' chen pos/ dngos po med pa'i ngo bo nyid kyi ting nge 'dzin la bsnyen par bya/ bsgom par bya/ mang du bya'o// byang chub sems dpa'i ting nge 'dzin dngos po med pa'i ngo bo nyid 'di yang shes rab kyi pha rol tu phyin pa dang ldan pa'i byang chub sems dpa' la 'byung ngo / / 'jam dpal sngon byung ba 'das pa'i dus na/ bskal pa tshad med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ bskal pa'i snying po zhes bya ba'i bskal pa byung ste/ bskal pa'i snying po'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo/ sgyur ba/ bla na med pa/ lha dang mi rnams kyi ston pa sangs rgyas bcom ldan 'das mtshungs pa med pa'i gzi brjid 'od ces bya ba 'jig rten du byung ste/ 'jam dpal de bzhin gshegs pa mtshungs pa med pa'i gzi brjid 'od de'i 'od kyis shar phyogs su gang+gA'i klung gi bye ma snyed kyi 'jig rten gyi khams snang bar gyur/ lho phyogs su gang+gA'i klung gi bye ma snyed
- 205b
kyi 'jig rten gyi khams sdang bar gyur/ nub phyogs su kad+hA'i klung gi bye ma snyed kyi 'jig rten gyi khams snang bar gyur/ byang phyogs su gang+gA'i klung gi bye ma snyed kyi 'jig rten gyi khams snang bar gyur/ de bzhin du shar lho dang / lho nub dang / nub byang dang / byang shar dang / steng dang / 'o ga dang / phyogs bcu kun tu phyogs re res kyang gang+gA'i klung gi bye ma snyed kyi 'jig rten gyi khams de bzhin gshegs pa mtshungs pa med pa'i gzi brjid 'ong de'i 'od kyis snang bar gyur to/ / sems can gang de'i 'od kyis reg pa de dag thams cad kyang/ bla na med pa yang dag par rdzogs pa'i byang chub las phyir mi ldog par gyur to// de bzhin gshegs pa mtshungs pa med pa'i gzi brjid 'ong de'i 'jig rten gyi khams na/ byang chub sems dpa' gang+gA'i klung gi bye ma snyed rnams kyis phyir mi ldog pa'i theg pa la yang dag par zhugs par gyur te/ de bzhin gshegs pa de yongs su mya ngan las 'das nas/ byang chub sems dpa' de dag phal cher bla na med pa yang dag par rdzogs pa'i byang chub mngon par rdzogs par sangs rgyas nas sems can brjod du med pa rnams theg pa gsum gyis rab tu 'god do/ / yang de'i tshe de'i dus na sangs rgyas kyi zhing de/ dge slong sprin gyi rgyal po zhes bya ba zhig byung ste/ 'jig rten gyi khams den/ byang chub sems dpa' ji snyed yod par
- 206a
dag thams cad kyi mchog byed de/ nges byang chub sems dpa' de dag thams cad bla na med pa yang dag par rdzogs pa'i byang chub mngon par rdzogs par sangs rgyas pa de ngag gi dam pa'i chos dus dang po dang / bar ma dang / tha ma gsum du bzung ngo zhes de de ltar smon lam btab bo// 'jam dpal de na byang chub sems dpa' de dag thams cad dus ji lta ba bzhin du so so'i 'jig rten gyi khams su bla na med pa yang dag par rdzogs pa'i byang chub mngon par rdzogs par sangs rgyas te/ sems can dpag tu med cing brjod du med pa rnams kyi don byas nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das so// de bzhin gshegs pa de dag thams cad kyi dang pa'i chos dge slong sprin gyi rgyal po des/ dus thog ma dang / bar ma dang / tha ma gsum du gzung ngo // de dag mya ngan las 'das pa'i 'og tu 'jig rten du snyigs ma lnga byung / sems can skal ba med par gyur nas/ dam pa'i chos nub pa de'i tshe byang chub sems dpa' de phyi rol gyi drang srong mngon par shes pa lnga dang ldan par gyur te/ de bstan bcos gang 'jig rten gyi don du 'gyur ba chos dang ldan pa de khong du chud nas/ rab tu ston pa 'di lta ste/ snyan tshig gi rig byed dang nges brjod kyi rig byed dang / mchod sbyin gyi
- 206b
rig byed dang / srid srung gi rig byed dang / sgra'i bstan bcos rnams dang / gtan tshigs kyi bstan bcos rnams dang / gso ba'i bstan bcos rnams dang / nor dang / dug dang / sngags dang / sman gyi rgyud dang / dus 'khor ba dang / dus dang / gza' dang / rgyu skar shes pa yang rab tu ston to// sems can rnams la phan pa dang ldan pa'i bzo'i gnas thams cad kyang ston to/ / nam sangs rgyas byung ba de na/ de 'khor lo sgyur ba'i rgyal por 'gyur te/ rgyal po'i sring bor nas 'khor dang bcas te/ khyim nas khyim med par rab tu 'byung ngo / / rab tu byung nas de bzhin gshegs pa de dag gi bstan pa yang kun 'dzin// yongs su mya ngan las 'das pa de dag gi ring bsrel la yang mchod pa rnam pa ma pos rab tu sbyor bar 'gyur ro/ / skye bo'i tshogs dpag tu med pa rnams sangs rgyas la mchod pa byed du 'jug par 'gyur/ dam pa'i chos dang ldan pa dang / sangs rgyas mchod pa dang ldan pa dang / sems can yongs su smin par byed pa dang ldan pa dang / bdag gi dge ba'i rtsa ba rnams bla na med pa yang dag par rdzogs pa'i byang chub tu bsngo zhing sems can thams cad dang thun mong du byas nas/ sangs rgyas kyi zhing yongs su dag par bya ba'i phyir yang yongs su bsngo'o// 'jam dpal byang chub sems dpa' sprin gyi rgyal po des/ byang chub sems
- 207a
dpa' de thams cad byang chub mngon par rdzogs par sangs rgyas pa la de lta bu'i tshul du bde ba'i yo byad thams cad kyis rim gro byas/ bzhugs pa dang yongs su mya ngan las 'das pa de dag thams cad dang / de bzhin gshegs pa tshad med pa gzhan gyi yang dam pa'i chos dus thog ma dang / ba ra ma dang / tha ma gsum du gzung ste/ 'o na kyang de la sangs rgyas bcom ldan 'das de rnams kyis bla na med pa yang dag par rdzogs pa'i byang chub tu lung ma bstan to/ / de ci'i phyir zhe na/ de shes rab kyi pha rol tu phyin pa las nges par 'byung ba ma yin pa'i phyir ro/ / de bzhin gshegs pa mtshungs pa med pa'i gzi brjid 'od de yang de'i tshe mya ngan las ma 'das te/ de nas byang chub sems dpa' sprin gyi rgyal po'i/ bcom ldan 'das de bzhin gshegs pa mtshungs pa med pa'i gzi brjid 'od kyi sangs rgyas kyi zhing du/ smon lam gyi dbang gis yang dang yang skyes nas/ de'i dge ba'i rtsa ba yongs su smin pa'i stobs des/ de bzhin gshegs pa de mthong ma thag tu shes rab kyi pha rol tu phyin pa yongs su dag par byas te/ de'i tshe de bzhin gshegs pa des bla na med pa yang dag par rdzogs pa'i byang chub tu lung bstan to/ / dge ba'i rtsa ba gang la brten nas/ dge slong sprin gyi rgyal po shes rab kyi pha rol tu phyin pa yongs su dag
- 207b
/ 'di lta ste/ dus gsum mnyam pa nyid la 'jug pa dang / dus gsum gyi chos thams cad mnyam par mthong bas dge slong sprin gyi rgyal po shes rab kyi pha rol tu phyin pa yongs su dag go/ / 'dus byas dang 'dus ma byas kyi chos rnams tha dad par mi mthong bas dge slong sprin gyi rgyal po shes rab kyi pha rol tu phyin pa yongs su dag go// chos thams cad ngo bo nyid dang bral bar mthong bas/ dge slong sprin gyi rgyal po shes rab kyi pha rol tu phyin pa yongs su dag go// chos thams cad ma skyes ma 'gags par mthong bas/ dge slong sprin gyi rgyal po shes rab kyi pha rol tu phyin pa yongs su dag go/ / chos thams cad 'ong ba'ang ma yin/ 'gro ba'ang ma yin par mthong bas dge slong sprin gyi rgyal po shes rab kyi pha rol tu phyin pa yongs su dag go/ chos thams cad gnas pa med par mthong bas/ dge slong sprin gyi rgyal po shes rab kyi pha rol tu phyin pa yongs su dag go/ chos thams cad mya ngan las 'das pa dang mtshungs par mthong bas/ dge slong sprin gyi rgyal po shes rab kyi pha rol tu phyin pa yongs su dag go// chos thams cad brjod du med par mthong bas/ dge slong sprin gyi rgyal po shes rab kyi pha rol tu phyin pa yongs su dag go/ chos thams cad la bdag med par mthong bas/ dge slong sprin gyi rgyal po shes rab kyi pha rol tu phyin pa yongs
- 208a
su dag go/ / chos thams cad la sems can med par mthong bas/ dge slong sprin gyi rgyal po shes rab kyi pha rol tu phyin pa yongs su dag go// chos thams cad la srog med par mthong bas/ dge slong sprin gyi rgyal po shes rab kyi pha rol tu phyin pa yongs su dag go/ chos thams cad la gang zag med par mthong bas/ dge slong sprin gyi rgyal po shes rab kyi pha rol tu phyin pa yongs su dag go/ / chos thams cad nam mkha' dang mtshungs par mthong bas/ dge slong sprin gyi rgyal po shes rab kyi pha rol tu phyin pa yong su dag go/ / chos thams cad chos kyi dbyings las byung bar mthong bas/ dge slong sprin gyi rgyal po shes rab kyi pha rol tu phyin pa yongs su dag go// de ltar chos kyi dbyings las chos thams cad byung bar mthong bas/ dge slong sprin gyi rgyal po shes rab kyi pha rol tu phyin pa yongs su dag ste/ de de ltar de shes rab kyi pha rol tu phyin pa yongs su dag pas/ 'di lta bu'i dge ba'i rtsa ba'i shugs rnyed de/ de lta bu'i dge ba'i rtsa ba'i shugs rnyed pas/ ta la bdun srid du nam mkha' la 'phags te/ de bar snang la 'dug nas phyogs bcu'i 'jig rten gyi khams tshad med pa na/ sangs rgyas bcom ldan 'das mthong ba la la ni/ bla na med pa yang dag par rdzogs pa'i byang chub mngon par rdzogs par
- 208b
'tshang rgya/ la la ni bla na med pa'i chos kyi 'khor lo bskor/ la la ni rdzu 'phrul gyi mo 'phrul rnam pa du mas sems can rnams 'dul/ la la ni tshe'i 'du byed 'dor la la ni phung po lhag ma med pa'i mya ngan las 'das pa'i dbyings su yongs su mya ngan las 'da' bar mthong ste/ mthong nas de bzhin gshegs pa dgra bcom pa yang dag par rdzogs pa'i sangs rgyas mtshungs pa med pa'i gzi brjid 'od de la/ shes rab kyi pha rol tu phyin pa dang ldan pa'i tshigs su bcad pas mngon par bstod do// bskal pa phye ba mang por 'khor ba na// sbyin pa mtha' yas pa dag rgya cher stsal// bde bar gshegs pa'i bstan pa rab 'dri zhing // sbyin gnas mang po dag la bdag gis bsnyen/ / 'jig rten rig pa 'jig rten sngon grags pa// sman ldan dri med ces bgyi mkhyen pa de// ri rab brtsegs 'dra bsod nams brgya yi mtshan// byang chub 'tshal slad de la rim gro bgyis/ / bye ba khrag khrig drug cu mtha' yas pa// de yi dge 'dun bde gshegs sras la yang // lo bye khrag khrig bdun cu'i bar du ni// rgyal ba nyan thos bcas la bsnyen bkur bgyis/ / dga' zhing mos pa mngon par bskyed nas su// zas skom rnam mang yid du 'ong ba dag/ bde bar gshegs la bdag gis dbul ba phul// 'on
- 209a
kyang bde gshegs des bdag lung ma bstan/ / 'das pa'i dus tshe sangs rgyas byung ba ni// mkhyen pa 'jig rten mgon po mya ngan se la// mi gtso sprin ces bgyi ba'i de bzhin gshegs/ / nyan thos bcas pa rgyal de bsnyen bkur gyis// 'dren pa de la lo bye drug cu bzhir// bdag gis 'khor dang bcas la bkur sti bgyis// bdag gis ye shes yangs pa ma sbyangs pas// 'on kyang bde gshegs des bdag lung ma bstan// 'das pa'i dus na 'dren pa byung ba ni// ye shes rgya mtsho zhes kyang phyogs su grags/ / chos rgyal de yi 'khor du gyur pa ni// bye ba khrag khrig drug cur tshang ba lags// bdag gis rgyal mchog nyan thos bcas de la// lo bye dgu bcu'i bar du bsnyen bkur bgyis/ / byang chub dam pa 'tshal ba'i slad du 'dir// bdag gis sbyin pa mtha' yas rgya cher stsal// mya ngan 'das par gyur nas lo lnga nas// bde gshegs nyan thos dag la bkur sti bgyis/ / bshos dang gos kyi rnam par rab tu sbyar// 'on kyang bde gshegs des bdag lung ma bstan// 'das pa'i dus na kha lo sgyur byung ba// mkhas pa ye shes ri bo de bzhin gshegs/ / de yi zhing rnams mtshungs med bsam mi khyab// 'jig rten khams rnams khrag khrig thams cad nas// skyob pa bde gshegs de yi 'dus
- 209b
pa ni/ / yang dag mthong ba'i nyan thos rnams su gyur// khrag khrig bdun cu sangs rgyas zhing rnams ni// la las btags nas phra rab rdul bgyis la// de na mi gang sa la byung ba yis/ / phra rab rdul du bgyis pa'i rdul de thogs// mi des shin tu rdul phra de thogs te// shar gyi phyogs su mgyogs ldan de mchis pa// gang+gA'i klung gi bye snyed sangs rgyas zhing / / de yi gom pa gcig gis de dag rgal// de bzhin mi de bskal pa brgyar mchis nas// tha mar shin tu phra ba'i rdul gcig bor// de bzhin shin tu phra ba'i rdul de kun// / shar gyi phyogs su mchis nas thams cad por// de bzhin ma lus phyogs bcu thams cad du// ji snyed kyi ni rdul phra kun bor te// de dag zhing rnams dag tu bor ba dang // gang du rdul phran ma por de dag rnams/ / grong khyer gcig tu de kun bgyis nas su// de ni yungs kar dag gis gang bar bgyis// gal te 'jig rten khams rnams thams cad kyang // yungs 'brus gang ba la la su spro bas// btags nas shin tu phra ba'i rdul du bgyis// thams cad kyang ni ji ltar snga ma bzhin// de bzhin thams cad phyogs bcu zhing rnams kyang // stong du bsgyur zhing bsgre ba bgyis pa yang // de yis tha ma 'tshal bar nus kyang gda'// skyob pa de yi zhing ni tshad ma mchis// bde gshegs de la dgra bcom mnga' ba ni// nyan
- 210a
@#thos khrag khrig bsam gyis mi khyab rnams/ / rgyal ba de yang nyan thos bcas par mchod// de bzhin gshegs des bdag la lung ma bstan// 'das pa'i dus na 'dren pa byung ba ni/ / 'jig rten mchod rten zhes ni phyogs su grags// gang zag mchog de bdag gis mchod na yang // de bzhin gshegs des bdag la lung ma bstan// ma smad pa yi bde gshegs sangs rgyas brgyad/ / rgyal ba grags 'chang 'jigs mdzad des pa dang // sA la'i rgyal po nor bzangs 'od chen dang // thog gi rgyal po bsod nams brgya yi mtshan/ / gang gis 'dren pa de dag nyan thos bcas// byang chub mchog rab 'tshal slad bkur sti bgyis// 'on kyang shes rab mthar phyin ma sbyangs pas// de bzhin gshegs des bdag la lung ma bstan/ / bskal pa gcig la mthu chen bde bar gshegs// thams cad gzigs pa ston pa drug byung ste// bdag gis gang zag mchog de kun mchog kyang // bde gshegs de dag gis kyang lung ma bstan// 'das pa'i dus na 'dren pa byung ba ni// zlas byin zhes kyang phyogs bcur grags pa ste// rgyal ba nyan thos bcas la bkur sti bgyis/ / de bzhin gshegs des bdag la lung ma bstan// 'das pa'i dus na 'dren pa byung ba ni// tsan dan dam pa bde gshegs 'phrul chen te// mi yi dam pa de la'ang
- 210b
bsnyen bkur bgyis/ / gang zag mchog des bdag la lung ma bstan// 'dren pa 'jig rten mkhyen pa sngon byung ba// glog sprin zhes bgyi phyogs su grags pa ste// rgyal ba de yang nyan thos bcas par mchod/ / de bzhin gshegs des bdag la lung ma bstan// sngon gyi sangs rgyas rkang gnyis mchog byung ba// the tsom kun gyi bcings pa gcod mdzad pa// sprin byin rnam 'dren bde bar gshegs pa ste// de la rim gro bgyis kyang lung ma bstan// sngon gyi sangs rgyas rnam 'dren sdig mi mnga'// dgra bcom zhes kyang phyogs su grags pa ste/ / 'jig rten mkhas pa de la mchod bgyis kyang // de bzhin gshegs des bdag ni lung ma bstan// sngon gyi sangs rgyas khrag khrig mtha' yas pa// 'jig rten mgon po mtshungs med nyan thos bcas/ / byang chub mchog btsal bkur sti rab bgyis kyang // bde gshegs de dag gis kyang lung ma bstan// mtshungs med 'dren pa rnams la bsnyen bkur bgyis/ / shes rab dam pa mchog ni bdag gis sbyangs// chos kyi tshul dang mtshan nyid de rtogs nas// des na dri med tog gis bdag lung bstan// 'di ltar bdag gis de ring chos nyid mthong / / the tsom ma lus par ni thams cad gcad// sgyu ma smig rgyu chu zla 'dra ba ru// chos rnams thams cad sgreng ba bdag gis mthong // ji ltar mi rnams ri yi bar
- 211a
na yang / / yid du 'ong ba'i glu dbyangs skad 'dzin te// skud cig tu ni brag cha gzhan yang 'byung // de yi sgral byed pa po ma mchis// ri yi bar na ji ltar brag/ cha bzhin// de bzhin bdag gis chos rnams yang dag mthong // de la bdag ni be com ma mchis te// des na gang zag mchog des bdag lung bstan// nam mkha' bar snang ji ltar bya yi rjes/ / de dag ma mchis ma byung 'byung mi 'gyur// rgyal bas bstan pa de bzhin mthong bas na// de na gang zag mchog gis bdag lung bstan// chos 'di thams cad nam mkha' bar snang bzhin/ / de rnams gang la'ang mngon par chags ma mchis// phyogs nas mchis shing gang du'ang mchis ma mchis// des na gang zag mchog gis bdag lung bstan/ / ji ltar rmi lam na ni sgom pa'i mis// chu grang dang ba de yis 'tshal na yang // skom pa chad cing zhi bar mi 'gyur ba// de bzhin bdag gis 'dod pa'i yon tan rtogs/ rnga brdungs de las sgra rnams rab 'byung ste// skye bo byis pa rnams ni dga' bar 'gyur// de yang ko ba dang ni shing las kyang // sgra de mi rnyed de bzhin chos nyid do// ji ltar pi wang len pa spangs pa yi/ / rgyud las snyan pa'i sgra yang shin tu gtong // shing dang rgyud rnams las kyang ma lags te// sgra de mi rnyed de bzhin chos nyid do// gzugs dang sgra
- 211b
dang dri reg kyang / / pi wang dag gi sgra 'drar mthong bas na// the tsom dogs pa thams cad kun tu bcom// de bas 'jig rten 'dren pas bdag lung bstan// sa dang shing dang mun dza bal ba dza/ / de bzhin 'od ma rtswa dang chur brten te// bar snang la ni de dag kun bskor nas// 'jig rten ku rdzob khyim du gyur ces brjod// de bzhin rus pasen mo rgyus lpags dang / / spu dang skra dang khrag rnag pags pa yis// nam mkha' dag kyang kun nas bskor nas ni// de bzhin kun rdzob lus su gyur ces brjod// gzugs ni dbu ba 'dra ste snying po med/ / tshor ba rnams ni chu yi chu bur 'dra// 'du shes rnams ni smig rgyu 'dra bar mthong // de la byis pa'i rang bzhin skye bos nor// sems pa dag ni chu shing snying po 'dra// rnam shes rnam pa kun tu sgyu ma bzhin// gang gis 'gro ba lhar bcas 'khyam byas pa// de ltar mthong bas rgyal bas lung yang bstan// de nas dge slong sprin gyi rgyal po des de bzhin gshegs pa mtshungs pa med pa'i gzi brjid 'od de la shes rab kyi pha rol tu phyin pa dang ldan pa'i tshigs su bcad pa 'di dag gis mngon par bstod nas/ dge ba'i rtsa ba des bskal pa brjod du med par nams kyang chos la rmongs par ma gyur/ nams kyang tshul khrims la snying por 'du shes par ma gyur/ ting nge 'dzin rnams la snying por 'du shes
- 212a
par ma gyur te/ rtag tu rgyun mi 'chad par shes rab kyi pha rol tu phyin pa la gzhol bar gyur to// nams kyang shes rab kyi pha rol tu phyin pa la dngos por ma dmig 'di lta ste dper na/ mi zhig gzings las rgya mtsho chen po brgal nas/ gzings dor te gar dga' bar 'gro ba de bzhin du/ dge slong sprin gyi rgyal po de yang shes rab kyi pha rol tu phyin pa shes par byed mod kyi/ shes rab kyi pha rol tu phyin pa la mngon par zhen par mi byed do// 'di lta ste dper na/ mi zhig me 'dod pa de mas dgos pa byed mod kyi/ tshig pa'i nyes pa yang srung ba de bzhin du/ byang chub sems dpa' sprin gyi rgyal po de yang shes rab kyi pha rol tu phyin pas chos thams cad mthong mod kyi/ mngon par zhen pa'i nyes pa'ang srung ngo / / shes rab kyi pha rol tu phyin pa gzhan la'ang ston mod kyi/ mngon par zhen pa'i nyes pa las kyang zlog par byed do// shes rab kyi pha rol tu phyin pas sangs rgyas kyi zhing tshad med par sangs rgyas kyi bya ba byed mod kyi/ des sems can de dag dang sangs rgyas de dag tu 'dzin pa yang med do// 'jam dpal de ji snyam du sems/ de'i tshe de'i dus na dge slong sprin gyi rgyal po zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don
- 212b
thams cad grub pa de/ de'i tshe de'i dus na dge slong sprin gyi rgyal po zhes bya bar gyur to// 'jam dpal de lta bas na thabs mkhas pa gang dang ldan pas dge slong sprin gyi rgyal po shes rab kyi pha rol tu phyin pa la spyod pa'i thabs mkhas pa de dang ldan par byang chub sems dpa' sems dpa' chen pos shes rab kyi pha rol tu phyin pa la spyad par bya'o/ / de lta bu'i thabs mkhas pa dang ldan pa'i byang chub sems dpa' ni sangs rgyas kyi zhing dpag tu med pa yongs su sbyong ngo / / sangs rgyas kyi zhing grangs med/ bsam gyis mi khyab/ mtshungs pa med gzhal du med/ brjod du med pa yongs su sbyong ngo // de nas yang bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal de bzhin gshegs pa don thams cad grub pa de sngon byang chub sems dpa'i spyad pa spyod pa na/ byang chub sems dpa'i ting nge 'dzin zhi ba zhes bya ba bsgoms te/ rab tu goms par byas lam du byas/ rten du byas/ nan tan du byas/ rab tu 'dris par byas/ legs par brtsams shing rab tu rdzogs par byas te/ des sbyin pa'i pha rol tu phyin pa zhi ba dang rab tu zhi bar rtogs so/ / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtam gyi pha rol
- 213a
tu phyin pa dang / shes rab kyi pha rol tu phyin pa yang zhi ba dang / rab tu zhi bar rtogs so// 'di lta ste dper na/ 'dus ma byas kyi khams zhi ba dang rab tu zhi ba de bzhin du/ pha rol tu phyin pa drug kyang zhi ba dang rab tu zhi bar rtogs so// 'di lta ste dper na/ 'dus byas kyi khams mi skye mi 'gag pa de bzhin du/ pha rol tu phyin pa drug kyang mi skye mi 'gag go/ / 'di lta ste dper na/ bdag thams cad kyi thams cad du mi dmigs pa de bzhin du/ pha rol tu phyin pa drug kyang thams cad kyi thams cad du mi dmigs pha rol tu phyin pa drug ji lta ba bzhin du chos thams cad kyang mi skye mi 'gag go/ / chos thams cad ni zhi ba skye zhi ba de yang mi dmigs/ gang gi zhi ba de yang mi dmigs so// 'jam dpal sngon byung ba 'das pa'i dus na/ bskal pa grangs med/ bsam gyis mi khyab/ mtshungs pa med/ gzhal du med/ brjod du med pa'i pha rol gyi yang ches pha rol na/ nyi ma sdang ba zhes bya ba'i bskal pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das thams cad zil gyis
- 213b
gnon pa zhes bya ba 'jig rten du byung ste/ de bzhin gshegs pa thams cad zil gyis gnon pa de'i rim gro byed pa'i dge slong zhi ba'i blo gros zhes bya ba zhig yod do// des de bzhin gshegs pa thams cad zil gyis gnon pa la/ / lo bye ba phrag brgyad cur bla na med pa yang dag par rdzogs pa'i byang chub 'dod pa'i phyir yid du 'ong bas rim gro byas te/ yid du mi 'ong bas ma yin no/ / de bcom ldan 'das de bzhin gshegs pa thams cad zil gyis gnon pa de'i gan du song nas 'di skad ces gsol to// bcom ldan 'das zhi ba sangs rgyas kyi sa la slob par 'tshal ba'i byang chub sems dpa' sems dpa' chen pos chos gang la brtson par bgyi/ de skad ces gsol pa dang / de bzhin gshegs pa thams cad zil gyis gnon pas/ dge slong zhi ba'i blo gros la 'di skad ces bka' stsal to// dge slong zhi ba'i blo gros sangs rgyas kyi sa la slob par 'dod pa'i byang chub sems dpa' sems dpa' chen pos/ sbyin pa'i pha rol tu phyin pa la brtson par bya'o// dge slong ji ltar spyad pas/ bdag sbyin pa'i pha rol tu phyin pa yongs su rdzogs par 'gyur zhes byang chub sems dpa' sems dpa' chen pos/ sbyin pa'i ngo bo nyid mi dmigs par bya'i/ sbyin pa mi sbyin par ni mi bya'o// sbyin gnas kyi ngo bo nyid mi dmigs par bya'i//
- 214a
sprin gnas mi btsal bar ni mi bya'o// sbyin bdag gi ngo ba nyid mi dmigs par bya'i/ sbyin bdag tu mi 'gyur bar ni mi bya'o// des las kyi rang bzhin mi dmig par bya'i las bdag gir bya ba dang 'gal bar ni mi bya'o/ / bslab pa'i ngo bo nyid mi dmigs par bya'i/ sangs rgyas kyi ye shes la mi bslab par ni mi bya'o// sbyin pa de yang byang chub tu bsngo bar bya ste/ byang chub kyi ngo bo nyid dmigs par mi bya/ bsngo ba'i ngo bo nyid kyang dmigs par mi bya/ dge ba'i rtsa ba rnams mi bsngo bar yang mi bya'o// dge slong 'di lta ste dper na/ chu'i nang na zla ba'i gzugs brnyan snang ba de zla bar yang shes par mi bya/ de zla ba ma yin par yang shes par mi bya ba de bzhin du bya ba thams cad la yang shes par bya'o/ / bya ba de lta bus sbyin pa byin na/ sbyin pa'i pha rol tu phyin pa yongs su rdzogs par 'gyur ro// de nas dge slong zhi ba'i blo gros de la/ de bzhin gshegs pa thams cad zil gyis gnon pas sbyin pa de lta bus sbyin pa'i pha rol tu phyin pa bstan pas/ sbyin pa yongs su bsngo ba'i ye shes dpag tu med pa dang ldan par gyur to// 'jam dpal de'i tshe de'i dus na/ gang bcom ldan 'das de bzhin gshegs pa thams cad zil gyis gnon pa des/ sbyin pa bsngo ba'i snang ba bsam gyis mi khyab pa rnyed par bya/
- 214b
ba'i phyir btams pa/ dge slong zhi ba'i blo gros zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na dge slong zhi ba'i blo gros zhes bya bar gyur to// de yang de phyin chad bskal pa brjod du med par nams kyang sbyin pa'i pha rol tu phyin pa bsngo ba bsam gyis mi khyab pa dang bral bar ma gyur/ byang chub mngon par rdzogs par sangs ma rgyas kyi bar du/ rtag tu rgyun mi 'chad par byang chub sems dpa'i yon tan gzhan tshad med pa yongs su dag pa dang yang ma bral bar gyur te/ / de nyid de'i sangs rgyas kyi zhing dpag tu med pa yongs su dag pa dang / sangs rgyas kyi zhing grangs med pa yongs su dag pa nas/ sangs rgyas kyi zhing brjod du med pa yongs su dag pa'i rgyur gyur to// 'jam dpal de lta bas na byang chub sems dpa' sems dpa' chen pos/ sangs rgyas kyi zhing dpag tu med pa nas/ brjod du med pa'i bar du yongs su sbyang bar 'dod pas/ de ltar sbyin pa dang / sbyin pa'i pha rol tu phyin pa la brtson par bya'o// 'jam dpal sngon byung ba 'das pa'i dus na/ bskal pa dpag tu med/ zangs med/ bsam gyis mi khyab/ mtshungs pa med/ gzhal du med/ brjod du med pa
- 215a
de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshes pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gzi brjid dpag med ces bya ba 'jig rten du byung ste/ 'jam dpal de bzhin gshegs pa gzi brjid dpag med kyi gsung rab la dge slong rab tu zhi ba'i blo gros zhes bya ba sangs rgyas khrag khrig dpag tu med pa la dge ba'i rtsa ba bskyed pa zhig byung ste/ de nas dge slong rab tu zhi ba'i blo gros de bcom ldan 'das de bzhin gshegs pa gzi brjid dpag me ga la ba der song ste phyin nas/ bcom ldan 'das de'i zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ dge slong rab tu zhi ba'i blo gros des/ de bzhin gshegs pa gzi brjid dpag med la 'di skad ces gsol to/ / bcom ldan 'das byang chub sems dpa' byang chub kyi phyir spyod pas/ sbyin pa'i pha rol tu phyin pa la ji ltar spyad par bgyi/ byang chub sems dpa' sbyin pa'i pha rol tu phyin pa la spyod pa'i sbyin pa'i pha rol tu phyin pa ji ltar yongs su dag par 'gyur/ de skad ces gsol pa dang / de bzhin
- 215b
gshegs pa gzi brjid dpag med kyis/ dge slong rab tu zhi ba'i blo gros la 'di skad ces bka' stsal to// rab tu zhi ba'i blo gros byang chub kyi phyir spyod pa'i byang chub sems dpa' sems dpa' chen pos/ chos thams cad dngos po med pa'i ngo bo nyid du khong du chud par bya/ sbyin pa ngo bo nyid med par khong du chud par bya// len pa ngo bo nyid med par khong du chud par bya/ / sbyin bdag ngo bo nyid med par khong du chud par bya// sbyin gnas ngo bo nyid med par khong du chud par bya/ sbyin gnas mchod pa ngo bo nyid med par khong du chud par bya/ bsngo ba ngo bo nyid med par khong du chud par bya/ gang bsngo ba de yang ngo bo nyid med par khong du chud par bya/ gang du bsngo ba dang / gang gis bsngo ba de yang ngo bo nyid med par khong du chud par bya/ / de ci'i phyir zhe na/ sbyin pa ni sbyin pa'i ngo bo nyid kyis stong ngo // len pa ni len pa'i ngo bo nyid kyis stong ngo // sbyin gnas kyang sbyin gnas kyi ngo bo nyid kyis stong ngo / / sbyin pa'i 'bras bu yang sbyin pa'i 'bras bu'i ngo bo nyid kyis stong ngo // bsngo ba yang bsngo ba'i ngo bo nyid kyis stong ngo // byang chub kyang byang chub kyi ngo bo nyid kyis stong ngo / / de ltar stong pa nyid la mos pa ni bya ba tshad med pa'i bsam pas sbyin pa'i pha rol tu phyin pa yongs su dag par 'gyur te/ sbyin pa de yang pha rol tu phyin pa'i ming 'thob cing 'gags
- 216a
pa med par 'gyur ro/ / rab tu zhi ba'i blo gros 'di la sre peran/ sgyum mkhan gyis bud med rin po che mngon par sprul na/ de yang bud med rin po cha grangs su 'gro mod kyi de la bud med rin po che mi dmigs pa de bzhin du/ rab tu zhi ba'i blo gros sbyin pa la sbyin pa'i ngo bo nyid mi dmigs mod kyi/ sbyin pa'i pha rol tu phyin pa zhes bya ba'i grangs su'ang 'gro/ len pa ngo bo nyid kyis mi dmigs mod kyi/ len pa zhes bya ba'i grangs su yang 'gro/ sbyin bdag ngo bo nyid kyis mi dmigs mod kyi/ sbyin bdag ces bya ba'i grangs su yang 'gro/ sbyin pa'i 'bras bu yang ngo bo nyid kyis mi dmigs mod kyi/ sbyin pa'i 'bras bu zhes bya ba'i grangs su yang 'gro/ byang chub kyang ngo bo nyid kyis mi dmigs mod kyi/ byang chub ces bya ba'i grangs su yang 'gro/ byang chub sems dpa' ngo bo nyid kyis mi dmigs mod kyi/ byang chub sems dpa' zhes bya ba'i grangs su yang 'gro'o/ / rab tu zhi ba'i blo gros 'di ltar byang chub sems dpa' ni bya ba'i ngo bo nyid mi dmigs mod kyi/ bya ba yang chud mi gson te/ de tsam gyis de'i sbyin pa'i pha rol tu phyin pa yongs su rdzogs par 'gyur ro/ / de nas dge slong rab tu zhi ba'i blo gros de bzhin gshegs pa gzi brjid dpag med kyi/ de lta bu'i tshul
- 216b
gyis sbyin pa'i pha rol tu phyin pa 'dzin du bcug nas/ zhi ba'i sa yongs su 'dzin pa thob ste/ dge ba'i rtsa ba des nam yang ma zhi ba'i sa la mi spyod do// gang mya ngan las 'das pa'i zhi ba de sbyin pa'i zhi ba'o zhes de ltar mthong bas zhi ba'i chos rnams mngon du gyur to/ / 'jam dpal de'i tshe de'i dus na/ dge slong rab tu zhi ba'i blo gros zhes bya bar gyur pa gzhan zhig yin pa snyam du dogs shing yid gnyis dang the tsom za na/ 'jam dpal khyod kyis de ltar mi blta'o// de ci'i phyir zhe na/ bzhin gshegs pa don thams cang grub pa de/ de'i tshe de'i dus na dge slong rab tu zhi ba'i blo gros zhes bya bar gyur to// 'jam dpal de lta bas na byang chub sems dpa' sems dpa' chen pos mya ngan las 'das pa'i mnyam pa nyid kyis sbyin pa mnyam pa nyid du gyur par sbyin pa sbyin par bya'o/ / de ltar na de'i sbyin pa'i pha rol tu phyin pa yongs su rdzogs pa yin no/ / sbyin pa'i pha rol tu phyin pa la bslabs pa'i byang chub sems dpa' sems dpa' chen po ni tshul khrims kyi pha rol tu phyin pa la gnas par 'gyur ro// de ci'i phyir zhe na/ ngo bo nyid med pa'i phyir/ sbyin pa dang / tshul khrims mtshungs so// 'jam dpal sngon byung ba 'das pa'i dus na bskal pa dpag tu med/ grangs med/ bsam
- 217a
gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ de'i tshe de'i dus na/ rin po che dag pa zhes bya ba'i bskal pa byung ste/ 'jam dpal rin po che dag pa'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa / lnga dang mi rnams kyi ston pa sangs rgyas bcom ldan 'das brtson 'grus dpe med ces bya ba byung ngo / / de'i tshe de'i dus na bram ze'i rigs shing sA la chen po lta bu khyab 'jug gis byin zhes bya ba zhig byung ste/ sangs rgyas bye ba khrag khrig dpag tu med pa rnams la bstan bkur byas shing dge ba'i rtsa ba bskyed pa'i rigs chen por skyes pa/ bram ze'i gsang tshig kha ton du bton cing bzung ba/ rig byed gsum gyi pha rol tu son pa sgra nges par sbyor ba dang / shes rtsal dang bcas pa dang / yi ge rab tu dbye ba dang bcas pa dang / sngon byung ba'i gtam lnga po rnams dang / brda sprod pa dang / 'jig rten rgyang 'phen pa dang / mchod sbyin gyi rgyad dang / bud med dang skyes pa'i mtshan la mchog tu mkhas par gyur pa rang gi rigs kyi 'dul ba la rjes su gnang ba yongs su grags pa
- 217b
rab tu 'byung ba'i slob dpon du gyur pa zhig yod do/ / bram ze'i rigs shing sA la chen po lta bu khyab 'jug gis byin des sangs rgyas brtson 'grus dpe med ces bya ba 'jig rten du byung ngo zhes thos nas/ de 'di snyam du sems te/ bdag cag gi gsang tshig las 'byung ba/ skyes bu chen po'i mtshan sum cu rtsa gnyis dang ldan pa ni 'gro ba gnyis su 'gyur te/ gsum du 'gyur ba med do// gal te khyim na gnas pa na ni 'khor lo sgyur ba gling bzhi las cher rnam par rgyal zhing chos can chos kyi rgyal po ste/ rin po che sna bdun dang ldan no/ / de la rin po che 'di bdun 'byung ba 'di lta ste/ 'khor lo rin po che dang / glang po rin po che dang / rin po che dang / bud med rin po che dang / nar rin po che dang / khyim bdag rin po che dang / blon po rin po che dang / rin po che bdun no// de la bu stong tshang ba yod de/ dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa rnams so// des gling bzhi pa'i 'jig rten chad pa dang / mtshon gyis bda' ba ma yin par chos kyis phab ste rab tu gnas so/ / gal te sgra dang kha spu bregs nas gos ngur smrig bgos te/ khyim nas khyim med par rab tu byung na ni de bzhin gshegs pa dgra bcom pa yang dag par rdzogs par
- 218a
sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na meng pa lha dang mi rnams kyi ston pa sangs rgyas bcom ldan 'das su 'gyur ro snyam nas/ de 'di snyam du sems te/ 'di 'dra ba'i skyes bu chen po dag 'jig rten na mthong ba rnyed par dka' ste/ bdag ni de bzhin gshegs pa dgra bcom pa yang dag par rdzogs pa'i sangs rgyas brtson 'grus dpe med ga la ba der 'gro'o// bcom ldan 'das de bzhin gshegs pa brtson 'grus dpe med de skyes bu chen po'i mtshan sum cu rtsa gnyis dang ldan nam/ 'on te mi ldan pa'i bar du shes par bya'o// de ste ldan na ni rdzogs pa'i sangs rgyas su gdon mi za bar rig par bya'o/ / ci ste mi ldan na yang de lta bu'i skyes bu dam pa dag mthong ba yang lags so snyam mo// de nas bram ze'i rigs shing sA la chen po lta bu khyab 'jug gis byin bram ze'i bu stong phrag drug cus yongs su bskor cing mdun du bdar nas/ de bzhin gshegs pa brtson 'grus dpe med de ga la ba der song ste phyin nas/ bcom ldan 'das de bzhin gshegs pa brtson 'grus dpe med de'i zhabs la mgo bos phyag 'tshal nas/ lan gsum bskor ba byas te/ phyogs gcig tu 'dug nas/ bram ze'i rigs
- 218b
shing sA la chen po lta bu khyab 'jug gis byin des/ de bzhin gshegs pa brtson 'grus dpe med de la 'di skad ces gsol to// bcom ldan 'das byang chub sems dpa' sems dpa' chen po theg pa chen po la yang dag par zhugs pa/ theg pa dpag tu ma mchis pa la yang dag par zhugs pa/ theg pa grangs ma mchis/ bsam gyis mi khyab/ mtshung pa ma mchis/ gzhal du med/ brjod du ma mchis pa la yang dag par zhugs pas/ tshul khrims kyi pha rol tu phyin pa ji ltar yongs su sbyang bar bgyi/ bcom ldan 'das ji ltar bslabs na/ byang chub sems dpa' sems dpa' chen pos/ tshul khrims kyi pha rol tu phyin pa yongs su sbyong bar bgyid/ tshul khrims kyi pha rol tu phyin pa ji lta ba yongs su dag na/ byang chub sems dpa' sems dpa' chen pos ci yongs su sbyangs pa lags/ de skad ces gsol pa dang / de bzhin gshegs pa brtson 'grus dpe med des/ khyab 'jug gis byin bram ze'i rigs shing sA la chen po lta bu de la 'di skad ces bka' stsal to// bram ze tshul khrims kyi pha rol tu phyin pa la slob par 'dod pa dang / tshul khrims kyi pha rol tu phyin pa yongs su sbyong bar 'dod pa'i byang chub sems dpa' sems dpa' chen pos srog gcod pa spang bar bya ste/ des
- 219a
srog gcod pa mi dmigs par bya'o/ / des ma byin par len pa'ang spang bar bya ste/ ma byin par len pa mi dmigs par bya'o// 'dod pa log par g.yem pa yang spang bar bya ste/ 'dod pa log par g.yem pa mi dmigs par bya'o// brdzun du smra ba'ang spang bar bya ste/ brdzun du smra ba mi dmigs par bya'o// @ ma'i tshig kyang spang bar bya ste/ phra ma'i tshig kyang mi dmigs par bya'o// ngag rtsub po yang spang bar bya ste/ ngag rtsub po yang mi dmigs par bya'o// tshig bkyal pa yang spang bar bya ste/ tshig bkyal pa yang mi dmigs par bya'o// brnab sem kyang spang bar bya ste/ brnab sems kyang mi dmigs par bya'o// gnod sem kyang spang bar bya ste/ gnod sems kyang mi dmig par bya'o/ / yang dag par lta ba can du yang bya ste// yang dag par lta ba mi dmigs par bya'o// chos ji snyed pa de thams cad kyang shes par bya ste/ de dag mi dmigs par bya zhing mngon par mi zhen par bya ste/ de ltar byang chub sems dpa' sems dpa' chen pos tshul khrims kyi pha rol tu phyin pa la bslab par bya'o// de ltar tshul khrims kyi pha rol tu phyin pa yongs su dag pas/ byang chub sems dpa' rab tu zhi ba'i sa la snang ba thob par 'gyurate/ chos gang la yang mi 'dzin cing chos gang la yang mngon par mi zhen to//
- 219b
chos gang la yang mi dmigs pa'i phyir nye bar gnas pa ma yin no// gang de ltar mthong ba des ni rten cing 'brel par 'byung ba mthong ngo // gang gis rten cing 'brel par 'byung ba mthong ba des ni chos gang yang mi mthong ngo / / gang gis chos gang yang mi mthong ba de ci yang mi shes so// gang ci yang mi shes pa de byang chub kyi phyir spyod do// gang byang chub kyi phyir spyod pa de ci la yang mi spyod do/ / gang ci la yang mi spyod pa de byang chub mngon par rdzogs par 'tshang rgya'o// gang byang chub mngon par rdzogs par 'tshang rgya ba de ci yang 'tshang mi rgya ste/ gang ci yang 'tshang mi rgya ba de ni tshul khrims yongs su dag pa zhes bya'o// gang de ltar thos pa med pa'i chos yang dag pa ji lta ba bzhin du rab tu shes pa de ni tshul khrims yongs su dag pa zhes bya'o/ / gang tshul khrims yongs su dag pa des ni chos nyid mthong ngo // gang gis chos nyid mthong ba de ni zhi ba zhes bya'o// rab tu zhi ba zhes bya'o// nye bar zhi ba zhes bya'o/ / zhi gnas kyi mchog thob pa zhes bya'o// zhi gnas dam pa mthong ba zhes bya'o// de nas bcom ldan 'das de bzhin gshegs pa brtson 'grus dpe med des rab tu zhi ba'i sa bstan pa khyab 'jug gis byin bram ze'i rigs shing sA la chen po lta bus/ bcom ldan 'das de bzhin gshegs pa brtson 'grus dpe med de la zhi ba dang
- 220a
mthun pa'i tshogs su bcad pa dag gis mngon par bstod do/ / khyod kyi 'dod chags de bzhin zhe sdang zhi// khyod ni gti mug bral zhing zag pa'ang byas/ rnam par 'dzin pa zhi ba'i sa la bzhugs// sems zhi bde gshegs khyod la phyag 'tshal lo// nga rgyal zhi zhing dregs dang rnam par bral// dri med nyi ma bzhin du snang mdzad pa/ rtag par rab tu zhi ba'i chos rnams ston// sems zhi bde gshegs khyod la phyag 'tshal lo// gang na nyon mongs rab tu mi skye ba// zhi ba'i sa la bcom ldan rab bsten cing // zhi ba'i sa la sras rnams gnas su btsud/ / sems zhi bde gshegs khyod la phyag 'tshal lo// gzugs rnams zhi bar brtson 'grus rab tu gsung // de bzhin tsher ba 'du shes sems pa rnams/ / rnam par shes pa'i rgyud kyang zhi bar gsungs// sems zhi bde gshegs khyod la phyag 'tshal lo// 'dus byas 'di zhi 'dus ma byas pa'ang zhi// khyod kyi spyod yul cho ga de bzhin zhi/ / brtson 'grus zhi zhing spyod pa'ang de bzhin te// sems zhi bde gshegs khyod la phyag 'tshal lo// sangs rgyas zhi ba'i yul rnams rab tu mkhyen/ / de ni srog chags tha ma'i sa ma lags// 'gro ba der ni nyan thos mkhas mi mchi// rang rgyal dag gis de ni yong mi rtog/ gang zag mchog khyod 'gro ba gang mkhyen pa//
- 220b
de na sa dang chu dang rlung ma mchis// der byung rnams kyi 'gro ba ma mchis bshad// de na nyi zla rnams kyang 'gro ma mchis// de mkha' ma lags par dang sa ma lags// thams cad dngos po ma mchis 'di yang bshad/ / sangs rgyas thams cad spyod yul de bzhin te// bde bar gshegs pas rab tu zhis bshad// zhi ba thob mdzad zhi 'gro bla na med// rab zhi dri ma thams cad 'khrub ste/ / gang 'dir khrus bgyid mya ngan yongs 'da' zhing // rgyal ba skyob pa kun gyi spyod yul mchi// 'gro ba rnams kyi bsam pa kun mkhyen cing // de dag spyod pa bde gshegs rab mkhyen te/ / chos 'di rnams ni rang bzhin zhi bar mkhyen// sems zhi bde gshegs khyod la phyag 'tshal lo// zhi la dgyes shing yid zhi de bzhin gshegs/ / zhugs la chab bzhin du ni bsil bar gyur// zhi ba'i sa la 'gro ba rab 'dzud pa// sems zhi bde gshegs khyod la phyag 'tshal lo// rnam par 'dren pa tha ma'i lus 'dzin cing / / thub pa khyod ni 'khor ba'i bcings kun pas// mya ngan 'das pa'i bde ba khyod mkhyen te// mya ngan 'das spyod bde gshegs khyod la 'dud// zhi gnas thugs su chud rtogs mgon bstod pa'i// bsod nams mi nyung bdag gis gang bsags pa// dpe med shin tu bsgrubs pa'i lam de yis// zhi ba sangs rgyas sa
- 221a
de thob par shog/ mgon la zhi bar mthun pa'i sgra dag gis// bde gshegs ston pa zhi dgyes bstod pas su// zhi ba'i sa de shin tu thob par shog rgal nas skye bo mi mkhas bsgral bar bgyi/ / de nas bram ze'i rigs shing sA la chen po lta bu khyab 'jug gis byin des de bzhin gshegs pa brtson 'grus dpe med de la zhi ba dang mthun pa'i tshigs su bcad pa des mngon par bstod nas/ dge ba'i rtsa ba des phyin chad sangs rgyas khrag khrig dpag tu med pa rnams mnyes par byas/ sangs rgyas kyi zhing brjod du med pa rnams yongs su sbyangs/ sems can khrag khrig dpag tu med pa du ma yang dag par rdzogs pa'i byang chub la yongs su smin par byas te/ yongs su dag pa'i sangs rgyas kyi zhing du skye ba yang dag par 'dzin du btsud do/ / 'jam dpal de'i tshe de'i dus na/ bram ze'i rigs shing sA la chen po lta bu khyab 'jug gis byin zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de// de'i tshe de'i dus na bram ze'i rigs shing sA la chen po lta bu khyab 'jug gis byin zhes bya bar gyur to/ / 'jam dpal de lta bas na byang chub sems dpa' sems dpa' chen pos pha rol tu phyin
- 221b
pa drug zhi bar rab tu brtag par bya'o/ / zhi ba'i lam kun tu bstan par bya'o// rgod par mi 'gyur bar bya'o// byang chub sems dpa'i ting nge 'dzin zhi gnas bsnyen par bya'o// bstan par bya'o// bsgom par bya'o// mang du bya'o// 'jam dpal zhi bar spyod pa la ni yongs su mya ngan las 'da' ba ste/ ma zhi bar spyod pa la ni 'khor ba'o// 'jam dpal de bzhin gshegs pa don thams cad grub pa des/ sngon byang chub sems dpa'i spyad pa spyod pa na/ yun ring por bzod pa la bstan cing bstan te bsgoms nas mang du byas so/ / / bam po bzhi pa/ 'jam dpa' sngon byung ba 'das pa'i dus na/ bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ de'i tshe de'i dus rapa d+ma'i 'byung gnas zhes bya ba'i bskul pa byung ste/ 'jam dpal bskal pa pad+ma'i 'byung gnas de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das blo gros mtha' yas zhes bya ba 'jig rten
- 222a
du byung ste/ 'jam dpal de bzhin gshegs pa blo gros mtha' yas de'i sangs rgyas kyi zhing tshad med par yongs su dag pa bshad du mi nus pa ni/ 'di lta ste dper na/ da ltar bcom ldan 'das de bzhin gshegs pa don thams cad grub pa de'i sangs rgyas kyi zhing gi tshad bzhin no// bcom ldan 'das de bzhin gshegs pa blo gros mtha' yas de'i sangs rgyas kyi zhing du theg pa chen po la yang dag par zhugs pa ma gtogs par sems can gzhan rnams mi skye'o/ / de bzhin gshegs pa de theg pa chen po la brtsam/ nas chos ston te/ sangs rgyas kyi zhing rgya che ba dang / sangs rgyas kyi zhing yongs su dag pa'ang 'chad do// 'jam dpal de'i tshe de'i dus na/ bcom ldan 'das de bzhin gshegs pa blo gros mtha' yas de'i gsung rab la dge slong rtag tu rnam par lta ba zhes bya ba zhig byung ste/ bsdu ba'i dngos po bzhi dang ldan zhing bsdu ba'i dngos po bzhis sems can rnam/ sdud do// 'phags pa'i rigs bzhi la rab tu gnas par gyur/ so so yang dag par rig pa bzhi rnyed par gyur/ tshangs pa'i gnas pa bzhi dang ldan par gyur te/ byams pa chen po la gnas pa dang / snying rje chen po la gnas pa dang / dga' ba chen po la gnas pa dang / btang snyoms chen po la gnas pa dang / nyon mongs pa med par gnas pa dang bral bar
- 222b
yang ma gyur to/ / 'jam dpal bcom ldan 'das de bzhin gshegs pa blo gros mtha' yas de'i sangs rgyas kyi zhing de na/ byang chub sems dpa' ji snyed yod pa de dag gi nang na byang chub sems dpa' rtag tu rnam par lta ba ni mchog ces bya'o/ / byang chub sems dpa' rtag tu rnam par lta ba de de bzhin gshegs pa blo gros mtha' yas de'i bstan pa kun 'dzin par gyur te de bzhin gshegs pa blo gros mtha' yas de la ji lta ba de bzhin du sangs rgyas bcom ldan 'das brjod du med pa rnams kyi bstan pa kun bzung ngo / / de 'di ltar bzod pa la rab tu gnas pas de bzhin gshegs pa re re'i sangs rgyas kyi zhing na yang sems can dpag tu med pa rnams bla na med pa yang dag par rdzogs pa'i byang chub la yang dag par btsud de/ de bzod pa la gnas nas sangs rgyas kyi zhing la lar sangs rgyas su ston/ la lar byang chub sems dpa'i spyod pa ston to// la lar dang por sems bskyed pa ston te/ 'jam dpal byang chub sems dpa' rtag tu rnam par lta ba de lta bu'i rdzu 'phrul dang ldan par gyur to/ / 'jam dpal de'i tshe de'i dus na byang chub sems dpa' rtag tu rnam par lta bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na byang chub
- 223a
sems dpa' rtag tu rnam par lta ba zhes bya bar gyur to/ / 'jam dpal de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ ji ltar na sangs rgyas kyi chos 'di myur du nub par mi 'gyur zhes sangs rgyas kyi bstan pa yongs su gzung ba la nan tan du bya'o/ / 'jam dpal de sangs rgyas kyi bstan pa yongs su gzung ba'i phyir slob ma sangs rgyas kyi bstan pa de yongs su gzung ba la zhugs pa yin no// de nas de'i tshe bcom ldan 'das kyis tshigs su bcad pa 'di dag bka' stsal to/ / mi yi seng ge mi mchog 'jig rten mkhas// 'das pa kun gyis bzod pa rab tu bsngags// 'jig rten phan kha dogs gang dag ma byung ba/ / mi mchog kun kyang bzod pa bsngags par 'gyur// bzod pa'i stobs dang ldan par gyur pa ni// dgra med byang chub la yang gzhol ba ste/ / bla na med pa'i bzod pa bstan pas na// 'dzin pa myur du byang chub thob par 'gyur// mi yi seng ge de dag mi 'jigs bzod// bla na med pa'i byang chub tshol ba'i tshe// mgo dang lag dang rkang pa rnams kyang byin// mkhas pa rnams ni skyo bar 'gyur ba med// bzod pa'i stobs kyis dgra rnams kun kyang thul// bzod pa'i stobs kyis nyon mong/
- 223b
rnams las rgyal// bzod pa rab tu bstan pas rang byung 'gyur// bzod pas mi mchi go 'phang rnyed par 'ong // bzod pa bstan pas rab tu gzugs bzang 'gyur// bzod pa bstan pas mi yi dbang por 'ong / / bzod pa bsnyen pas mtshan bzang 'chang ba yi// 'jig rten rang byung de bzhin gshegs par 'gyur// bzod pa'i stobs kyis nyes las rgyal bar byed/ / bzod pa'i stobs ni de dag stobs kyi mchog/ bzod la bstan pas de la dgra rgol med// 'jig rten mkhyen pa 'grol phan 'dod pa// rang byung gang rnams 'das par gyur pa dag/ bzod la gnas te bdud rnams rab btul nas// 'jig rten phan sems byang chub rab rnyed de// bla na med pa'i stobs ni bzod pa'o// bzod pa'i stobs dang mtshungs pa yang ma yin// stobs can de ni bzod la bstan pas na// chos rnams gang yang ji lta bzhin du bzod// de la phan sems stobs dang ldan zhes gsung / / bzod la gnas pas the tsom rnams kyang gcod// bzod la gnas pas ye shes dag par 'gyur// bzod la gnas pas the tsom med pa ste// rtag tu bzod pa'i stobs mchog brnyes par bgyis/ / bzod pa 'di ni rgyal bas rab tu bsngags// bzod pa des kyang bsams pa kun grub ste// de las mtshungs med bzod la bsnyen gyis dang /
- 224a
ring por mi thogs 'jig rten mkhyen par 'gyur// 'jam dpal de lta bas na byang chub sems dpas bzod pa gnyis la bsten par bya ste/ gzhan las 'gyur ba med par bzod pa dang / chos rnams la rjes su mthun par bzod pa'o// 'jam dpal gzhan yang bcom ldan 'das de bzhin gshegs pa don thams cad grub pa des/ sngon byang chub sems dpa'i spyad pa spyod pa na/ brtson 'grus mnyam pa nyid rab tu rtogs par gyur te/ brtson 'grus ji lta bar le lo yang de bzhin/ le lo ji lta bar brtson 'grus kyang de bzhin no/ / chos de gnyis ka yang mtshan nyid gcig ste/ rab tu zhi ba/ mya ngan las 'das pa dang mnyam pa/ g.yo ba dang rlom sems med pa/ skyong pa med pa 'gyur ba med pa/ byed pa med pa/ sems pa med pa/ sems pa dang bral ba/ phan tshun du mi sems pa ste/ ji ltar bdag mi sems pa lta bu ste/ de ni mtshan nyid med pa/ btags pa med pa/ brjod du med pa/ gzung du med pa/ 'du shes med pa/ 'du shes dang bral ba/ sems pa med pa/ sems pa dang bral ba/ mi nor ba/ tshor ba med pa/ rnam par mi shes pa/ rnam par shes pa med pa/ mi gos pa/ kun nas nyon mongs pa can ma yin pa/ mi gnas pa/ shes par
- 224b
byed pa med pa'o/ / ches de dag rtags par bya ba'i phyir brtson 'grus brtsams shing rtul ba brtan par gyur to// 'jam dpal sngon byung ba 'das pa'i dus na/ bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa// bde bar gshegs pa// 'jig rten mkhyen pa// skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das zla 'od rgyal po zhes bya ba 'jig rten du byung ste/ de bzhin gshegs pa zla 'ong rgyal po de'i 'od kyis sangs rgyas kyi zhing grangs med pa snang bar gyur to/ / 'ong de la sgrib par byang nus pa'i chos gang yang med de/ sgrib pa thams cad las thal nas snang bar byed do/ / 'od de yang bde ba/ bsil ba/ reg na bde ba/ dge ba'i rtsa ba skyed pa ste/ de bzhin gshegs pa de'i sngon gyi smon lam gyis sems can gang 'ong des reg pa rnams sngon ma rnyed pa'i bde ba rnyed par 'gyur/ sngon byas pa'i dge ba'i rtsa ba rnams kyang rjes su dran par gyur to// 'jam dpal de'i tshe de'i dus na/ de bzhin gshegs pa
- 225a
de'i rim gro byed pa dge slong nges pa zhes bya ba zhig yod de/ de bzhin gshegs pa de la lo bye ba khrag khrig sum cu rtsa drug gi bar du yid du 'ong bas bsnyen bkur byas te/ yid du mi 'ong bas ma yin no// bshad pa'ang 'dzin cing / bdag gi don yang mi gtong ngo // des bcom ldan 'das de bzhin gshegs pa zla 'ong rgyal po de la/ lo bye ba khrag khrig sum cu rtsa drug gi bar du 'di ltar brtson 'grus mnyam pa nyid brtsams nas kun 'ji ste/ bcom ldan 'das byang chub sems dpa'i theg pa la yang dag par zhugs pa'i rigs kyi bu 'am/ rigs kyi bu mos ji ltar brtson 'grus kyi pha rol tu phyin pa rab tu rtogs par bgyi/ ji tsam gyi brtson 'grus mnyam pa nyid khong du chud par 'gyur ba lags del de bzhin gshegs pa zla 'od rgyal pos/ lo bye ba khrag khrig sum cu rtsa drug gi bar du brtson 'grus mnyam pa nyid mtshan nyid gcig pa la brtsams te bsten pa'i tshig bye ba khrag khrig brgya stong gis lung bstan to/ / de nas dge slong des pa des de bzhin gshegs pa de la brtson 'grus mnyam pa nyid thob nas brtson 'grus mnyam pa nyid kyi mchog dang ldan par gyur pa des brtson 'grus mnyam pa nyid la gnas nas/ bcom ldan 'das de bzhin gshegs pa zla bong rgyal po de la brtson 'grus mnyam pa nyid dang mthun pa'i tshigs
- 225b
su bcad pa dag gis mngon par bstod do/ / lha dang bcas dang mi dang bdung // lha min bcas ris 'jig rten na// 'dren pa khyod dang 'dra ma mchis// mi badra lhag pa ga la mchis/ / sdig ma mchis pa'i 'gror gshegs pa// bde gshegs mtshungs mnyam thugs ldan pa// bde gshegs khyod kyi sgrub pa ni// ma smad mi g.yo zla ma mchis// khyod la le lo brtson 'grus mtshungs// rnam par 'dren pa chos 'di dag/ brag cha dang ni mtshungs 'dra zhes// bcom ldan 'das ni 'dzud cing ston// chos rnams bye brag med mkhyen nas/ / khyod kyi brtson 'grus gzhan ma mchis// brtson 'grus stobs ni pha rol phyin// bde gshegs rkang gnyis gtso phyag 'tshal// brtson 'grus dag gi mnyam nyid 'di/ / gang gis rab rtogs smra ba'i stag/ khrag khrig bdud rnams btul nas su// byang chub dam pa de dag reg/ stobs bcu 'jig rten snang mdzad kun// brtson 'grus mnyam la brten nas su/ / rkang gnyis dam pa rab brnyes te// gzhan yang de bzhin rnyed par mdzad// 'jig rten mgon po thams cad kyis// brtson 'grus mnyam nyid shin tu bsngags/ / srid pa mthar 'byin srid 'gags pa// bcom ldan 'das kyang de bzhin stong // gang zag gang dag mi skyo bar// zhi gnas brtson 'grus brtsams gyur
- 226a
pa/ / mi mkhas 'gro ba rtogs bgyi'i slad// de dag byang chub rnyed par 'gyur// zhi gnas stobs kyi pha rol phyin// brtson 'grus mnyam nyid 'gro mchog gang / / 'jig rten mgon khyod de yi yab// de dag rnams ni khyod kyi sras// de dag rnyed pa legs rnyed de// mir ni yang dag legs par mchis// de dag brtson / 'grus mnyam nyid 'di// sems la yang dag 'grub par 'gyur// gang rnams brtson 'grus mnyam nyid la// 'jig rten sgron ma sems 'jug pa// de dag rang byung bde bar gshegs/ / stobs bcu'i stobs rnams 'byung bar 'gyur// de nas dge slong des pa des/ bcom ldan 'das de bzhin gshegs pa zla 'od rgyal po de la brtson 'grus mnyam pa nyid dang mthun pa'i tshigs su bcad pa de dag gis mngon par bstod nas/ brtson 'grus mnyam pa nyid rtogs te/ dge ba'i rtsa ba des bskal pa brjod du med par nams kyang brtson 'grus mnyam pa nyid la mi gnas par ma gyur te/ rtag tu rgyun mi 'chad par thabs mkhas pa dang ldan par gyur to// de'i tshe de dus na dge slong nges pa zhes bya bar gyur pa de gzhan zhig yin pa snyam du yid gnyis dang / som nyi dang / the tsom za na/ 'jam dpal khyod kyis de ltar mi blta'o//
- 226b
ci'i phyir zhe na/ de bzhin gshegs pa don thams cad grub pa de'i tshe de'i dus na dge slong nges pa zhes bya bar gyur to// 'jam dpal de lta bas na byang chub sems dpa' sem dpa' chen pos/ brtson 'grus mnyam pa nyid la brtson par bya'o// brtson 'grus mnyam pa nyid la brtson pa'i byang chub sems dpa' sems dpa' chen po sa ni bsam gtan gyi pha rol tu phyin pa mngon du 'gyur te/ bsgom pa yongs su rdzogs par 'gyur ro// de ci'i phyir zhe na/ brtson 'grus mnyam pa nyid rnyed par bya ba'i phyir sems rtse gcig par gyur te/ de'i phyir de zhi ba mchog tu 'gyur ro// 'jam dpal sngon byung ba 'das pa'i dus na/ bskal pa dpag tu med/ grangs med/ bsam gyis mi khyab/ mtshungs pa med/ gzhal du ma da/ brjod du med pa de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ / bde bar gshegs pa/ 'jig rten mkhyen pa/ skyes bu 'dul ba/ kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das zhi gnas yang dag 'phags zhes bya ba 'jig rten du byung ste/ 'jam dpal de bzhin gshegs pa zhi gnas yang dag 'phags de'i sangs
- 227a
rgyas kyi zhing thams cad kyi thams cad na rnam pa thams cad kyi thams cad du 'dod pa na spyod pa'i nyon mongs pa rgyu ba med par gyur te/ sems can de dag thams ca la 'dod pa'i kun nas dkris pa mi skye'o/ / 'jam dpal de'i tshe de'i dus na/ bcom ldan 'das de bzhin gshegs pa zhi gnas yang dag 'phags zhes bya ba de'i gsung rab la de bzhin gshegs pa de'i rim gro byed pa dge slong bsam gtan spyod yul zhes bya ba zhig byung ste/ des de bzhin gshegs pa zhi gnas yang dag 'phags la bskal pa bco brgyad kyi bar du yid du 'ong bas bsnyen bkur byas te/ yid du mi 'ong bas ma yin no// dge slong bsam gtan spyod yul de la chos thams cad bsam gtan gyi dmigs par gyur to// de ltar dge slong bsam gtan spyod yul des bskal pa bco brgyad kyi bar du zhi gnas la bsgoms par gyur to// de zhi gnas kyi stobs de dang ldan pas/ brtson pa thams cad la dbang thob par gyur to/ / de chos gang dang gang la dmigs par byed pa/ chos de dang de zhi bar kun bsgoms te/ mya ngan las 'das pa dang mtshungs pa/ mtshan nyid med pa/ chos kyi dbyings su nges pa/ nam mkha' dang mnyam zhing mtshungs pa ste/ gang dmigs pa'i mtshan nyid du gyur pa/ sems kyang de'i mtshan nyid du gyur pa'o// gang sems
- 227b
kyi mtshan nyid du gyur pa/ de rtse gcig pa'i mtshan nyid du gyur pa'o// gang rtse gcig pa'i mtshan nyid du gyur pa de byang chub kyi mtshan nyid du gyur pa'o// gang byang chub kyi mtshan nyid du gyur pa de byang chub kyi phyogs kyi chos kyi mtshan nyid du gyur pa'o/ / gang byang chub kyi phyogs kyi chos kyi mtshan nyid du gyur pa de byang chub sems dpa'i mtshan nyid du gyur pa'o// gang byang chub sems dpa'i mtshan nyid du gyur pa de zhi ba'i mtshan nyid du gyur pa ste/ de ni chos thams cad zhi ba la nem nur med cing the tsom mi za'o// de dge ba'i rtsa ba des bskal pa brjod du med par nam yang 'dod pa na spyod pa'i nyon mongs pa dang ldan par ma gyur te/ smon lam gyi stobs kyis ni lan mang du 'dod pa'i khams su skyes so// de ci'i phyir zhe na/ 'dod pa'i khams na sems can snod du 'gyur ba mang bas/ don gyi dbang 'di la brten nas 'dod pa'i khams su skyes te/ snying rje chen pos yongs su non cing snying brtse ba'i phyir ro// 'jam dpal 'di ji snyam du sems/ de'i tshe de'i dus na/ dge slong bsam gtan spyod yul zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ / de ci'i phyir zhe na/ de bzhin gshegs pa don thams cad grub pa de de'i tshe de'i dus na dge slong bsam gtam spyod yul zhes bya bar gyur
- 228a
to/ / 'jam dpal lta bas na bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i byang chub sems dpas zhi gnas dang mthun ba'i lhag mthong bsgom par bya'o/ / zhi gnas dang 'thun pa'i lhag mthong bsgoms pa'i byang chub sems dpa' sems dpa' chen po la rab tu zhi ba'i shes rab kyi pha rol tu phyin pa yang dag par 'grub bo/ / 'jam dpal sngon byung ba 'das pa'i dus na/ bskal pa dpag tu med pa nas/ brjod du med pa'i bar de'i pha rol gyi yang ches pa rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das tog gi rgyal po zhes bya ba 'jig rten du byung ste/ 'jam dpal bcom ldan 'das de bzhin gshegs pa tog gi rgyal po de'i tshe'i tshad ni lo bye ba khrag khrig dgu bcur gyur to/ / 'jam dpal yang de bzhin gshegs pa tog gi rgyal po de'i gsung rab la dge slong ye shes bla ma zhes bya ba dang / bsam gtan bla ma zhes bya ba gnyis nyan thos kyi zung / mchog gi zung / bzang po'i zung zhig byung ste/ dge slong ye shes bla ma ni shes rab can gyi mchog tu gyur
- 228b
dge slong bsam gtan bla ma ni rdzu 'phrul can gyi mchog tu gyur to/ / de nas dge slong yang shes bla ma ni zhin gas pa 'og gi ral po de'imathos rnams lnga ba phumasu ma rigs la rab tu 'dul/ / dge slong bsam gtan bla ma ni mchog gi don rnyed par rab tu 'amal te/ phyogs gang na dge slong ye shes bla ma rang / dge slong bsam gtan bla ma de 'khor pa'i phyogs/ / bcom ldan 'das de bzhin gshegs pa tog gi rgyal po mdzad pa chung bar gyur to// dge slong ye shes bla ma ni sems can rnams byang chub sems dpa'i theg pa la yang dag par 'dzud/ dge slong bsam gtan bla ma spyod pa la yang dag par 'dzud dge slong ye shes bla ma ni shes rab kyi pha rol tu phyin pa la 'doms dge slong bsam gtan/ bla ma ni thabs mkhas pa la 'doms/ dge slong yang des bla ma ni sbyin pa dang / tshul khrims dang / bzod pa dang / brtson 'grus kyi pha rol tu phyin pa la 'doms/ dge slong bsam gtan bla ma ni bsam gtan gyi pha rol tu phyin pa la 'doms/ dge slong ye shes bla ma ni lhag mthong la 'doms/ dge slong bsam gtan bla ma ni zhi gnas la 'doms/ dge slong ye shes bla ma ni sems can gyi bsam pa shes pa la 'doms/ dge slong bsam gtan bla ma ni rab tu zhi ba'i ye shes la 'doms/ dge slong ye shes
- 229a
bla ma ni stobs kyi ye shes la 'joms dge slong bsam gtan bla ma na mi 'jigs pa'i ye shes la 'doms/ dge slong ye shes bla ma ni so so yang dag par rig pa bzhi la rab tu 'doms/ dge slong bsam gtan bla ma ni so so yang dag par rig pa bzhi la snyoms par 'jug pa'i ye shes la 'doms dge slong ye shes bla ma ni nan tan la 'joms/ dge slong bsam gtan bla ma ni sems bcos pa dang bsdu ba'i dngos po la 'doms dge slong ye shes bla ma ni don dam pa'i ye shes la 'joms dge slong bsam gtam bla ma ni kun rdzob shes pa la 'joms/ dge slong ye shes bla ma ni za bas shes pa la 'doms dge slong bsam gtan bla ma ni zabs shes pa thob par bya ba'i phyir 'doms/ dge slong ye shes bla ma ni sems can 'dul ba'i phyir 'doms/ dge slong bsam gtam bla ma ni bsam gtan gyis 'dul bar 'doms dge slong ye shes bla ma ni thams cad mkhyen pa la 'doms/ dge slong bsam gtan bla ma ni rnam pa thams cad mkhyen pa nyid la 'doms te/ de ltar dge slong gnyis kyi yon tan gyi khyad par ni bskal pa brjod du med par bshad kyang / yon tan gyi khyad par zad par mi nus te/ dge slong de gnyis de tsam du yon tan bsam gyis mi khyab pa dang ldan
- 229b
no/ / de ltar dge slong de gnyis bcom ldan 'das de bzhin gshegs pa tog gi rgyal po'i bstan pa yongs su bzung bar gyur to// de bzhin gshegs pa de yongs su mya ngan las 'das nas bskal pa khrag khrig brgyad kyi bar du/ de bzhin gshegs pa'i bstan pa dge slong nyan thos gnyis po des bzung nas gnas par gyur to// 'jam dpal de'i tshe de'i dus na dge slong ye shes bla ma zhes bya bar gyur pa de gzhan zhig yin pa snyam du 'dzin na/ / 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa deng de'i tshe de'i dus na shes rab can gyi mchog dge slong ye shes bla ma zhes bya bar gyur to/ / 'jam dpal de'i tshe de'i dus na/ rdzu 'phrul can gyi mchog dge slong bsam gtan bla ma zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa sang ga'i rtsal gyis bzhud pa de/ de'i tshe de'i dus na dge slong bsam gtan bla ma zhes bya bar gyur to// 'jam dpal de lta bas na byang chub sems dpa' sems dpa' chen pos shes rab kyi pha rol tu phyin pa dang babs mkhas pa la brtson par bya'o/ / shes rab kyi pha rol tu phyin pa dang thabs mkhas pa dang ldan pa'i byang chub sems dpa' sems dpa'
- 230a
chen po/ byang chub sems dpa'i sa zhi bar nges par 'byung bar 'gyur ro// de byang chub sems dpa'i sa zhi ba la bsnyen cing goms par byas/ mang du byas pas/ gang la dmigs par byed pa de thams cad sangs rgyas kyi skur shes so// 'jam dpal 'di lta ste dper na/ sman gser 'od kyis mig bskus pa'i mis/ gzugs ci mthong ba de thams cad gser gyi kha dog tu mthong ste/ kha dog gzhan du ma yin pa de bzhin du/ 'jam dpal byang chub sems dpa'i ting nge 'dzin zhi ba la bsnyen cing bsgoms te mang du byas pas byang chub sems dpa' sems dpa' chen po dmigs pa gang la dmigs par byed pa dang / thams cad kyang sangs rgyas kyi skur mthong ngo // 'jam dpal 'di lta ste dper na/ yongs su dag pa'i nor bu rin po che snod gang du bzhag pa'i snod de thams cad de'i kha dog tu gnas pa de bzhin du/ 'jam dpal byang chub sems dpa'i ting nge 'dzin zhi ba la bsnyen cing bsgoms te mang du byas nas/ byang chub sems dpa' sems dpa' chen po dmigs pa gang dang sems phrad pa de thams cad sangs rgyas kyi skur mthong ngo // 'jam dpal 'di lta ste dper na/ skyes bu gang dang gang la mang du rtogs pa rmi lam na'ang de dag shes pa de bzhin du/ 'jam dpal byang chub sems dpa'i ting nge 'dzin zhi ba la
- 230b
bsnyen cing bsgoms te mang du byas pas chos gang mngon du gyur pa de dag sangs rgyas kyi skur mthong ngo / / 'jam dpal 'di lta ste dper na/ skyes bu bzo ci dang ci la slob pa de dang de tshar phyin par 'gyur ba de bzhin du/ 'jam dpal byang chub sems dpa'i ting nge 'dzin zhi ba la slob pa'i byang chub sems dpa' sems dpa' chen po/ sangs rgyas mthong bar gnas par 'gyur ro/ / de sbyin pa sbyin pa na sbyin gnas thams cad sangs rgyas kyi skur byin gyis rlob ste/ de'i sbyin pa de yang de bzhin gshegs pa la phul bar 'gyur ro/ / des sbyin pa de yang de bzhin gshegs pa la phul bar shes te/ de ltar de'i sbyin pa'i pha rol tu phyin pa 'bras bu cher 'gyur ro// de thams cad du sangs rgyas kyi gzugs la dad pas tshul khrims yongs su dag par 'gyur ro/ / 'jam dpal sngon byung ba 'das pa'i dus na/ bskal pa dpag tu me da/ grangs med/ brjod du med pa de'i pha rol gyi yang ches pha rol na pad+ma bla ma zhes bya ba'i bskal ba byung ste/ yang 'jam dpal pad+ma bla ma'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na
- 231a
med pa/ lha dang mi rnams kyi ston pa sangs rgyas bcom ldan 'das dpa' sra rnam par gnon pa zhes bya ba 'jig rten du byung ste/ yang 'jam dpal b com ldan 'das de bzhin gshegs pa dgra bcom pa yang dag par rdzogs pa'i sangs rgyas dpa' sra rnam par gnon pa de'i rim gro byed pa dge slong legs par brtags spyod ces bya ba byung ste/ des de bzhin gshegs pa dpa' sra rnam par gnon pa la rab tu dga' ba dang / gus pas bsnyen bkur byas so// de'i tshe rgyal rigs shing sA/ la chen po lta bu 'gro ba 'dzin ces bya ba phyug cing nor mang ba/ longs spyod che ba/ 'bru dang / mdzod dang / bang ba mang ba/ sangs rgyas khrag khrig brgyad cu la dge ba'i rtsa ba bskyed pa/ dge slong legs par brtags spyod dang yun ring po nas lhan cig spyad cing lhan cig bsten pa/ lhan cig 'grogs shing gnas pa las lhan cig bsags pa zhig yod de/ de nas dge slong legs par brtags spyod de/ rgyal rigs shing sA la chen po lta bu 'gro ba 'dzin de ga la ba der song ste phyin nas/ rgyal rigs shing sA la chen po lta bu 'gro ba 'dzin de la 'di skad ces smras so/ / khyim bdag khyod shes par gyis shig/ da ltar de bzhin gshegs pa dpa' sra rnam par gnon pa zhes bya ba 'jig rten
- 231b
du byung nas de chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ yongs su byang ba rab tu ston gyi/ rgyal rigs tshur shog/ bcom ldan 'das dpa' sra rnam par gnon pa de ga la ba der 'dong ngo // de bzhin gshegs pa de mthong na dge ba'i rtsa ba sogs shing chos thos par 'gyur ro// de nas rgyal rigs shing sA la chen po lta bu 'gro ba 'dzin de dge slong legs par brtags spyod dang lhan cig tu bcom ldan 'das de bzhin gshegs pa dpa' sra rnam par gnon pa de ga la ba der 'dong ngo / / de nas rgyal rigs shing sA la chen po lta bu 'gro ba 'dzin des// bcom ldan 'das de bzhin gshegs pa dpa' sra rnam par gnon pa de mthong ma thag tu 'di ltar de'ang sngon gyi de bzhin gshegs pa de la bsnyen bkur byas pa'i phyir/ dge ba'i bshes gnyen gyis yongs su gzung ba'i phyir/ dge ba'i bshes gnyen dang skal ba mnyam par spyad pa'i phyir/ yun ring por dge ba'i bshes gnyen gyis bstan pa las 'gal bar ma byas pa'i phyir/ de sems rab tu dad de bskal pa bye ba dpag tu med par tshul khrims yang dag par bsgrubs shing chos thams cad mnyam pa nyid la mos te/
- 232a
sbyin pa po dang sbyin bdag tu gyur cing / sbyin pa dang / tshul khrims la rnam par brtse ba des bcom ldan 'das dpa' sra rnam par gnon pa de'i zhabs la// mgo bos phyag 'tshal nas/ lan gsum du bdag gi rigs dang ming nas smos te gsol to// bcom ldan 'das bdag ni 'gro ba 'dzin ces bgyi'o// bde bar gshegs pa bdag ni 'gro ba 'dzin ces bgyi'o/ / btsun pa bcom ldan 'das bdag ni rgyal rigs shing sA la chen po lta bu 'gro ba 'dzin ces bgyi ba lags so// de skad ces gsol pa dang / bcom ldan 'das de bzhin gshegs pa dpa' sra rnam par gnon pa des/ rgyal rigs shing sA la chen po lta bu 'gro ba 'dzin de la 'di skad ces bka' stsal to/ / 'gro ba 'dzin khyod ni bde ba dang ldan pa yin la/ lha dang / lha ma yin dang / gnod sbyin dang / dri za dang / mi dang / sems can gzhan dag ni 'khor ba'i bde bab 'dod na/ 'gro ba 'dzin khyod kyis don gyi dbang ci zhig mthong bas de bzhin gshegs pa'i zhabs la phyag 'tshal te ming nas 'byin/ de skad ces bka' stsal pa dang rgyal rigs shi sA la chen po lta bu 'gro ba 'dzin des/ de bzhin gshegs pa dpa' sra rnam par gnon pa la 'di skad ces gsol to// bcom ldan 'das rgyal rigs shing sA
- 232b
la chen po lta bu 'gro ba 'dzin bdag ni bla na med pa yang dag par rdzogs pa'i byang chub mngon par rdzogs par sangs rgyas nas/ thams cad mkhyen pa thob par 'tshal/ sgrib pa ma mchis pa'i ye shes bskyed par 'tshal/ mun nag la snang bar bgyid par 'tshal// lam gol bar zhugs pa'i sems can rnams la lam ston par 'tshal/ dad pa rnams drang bar 'tshal/ / shes rab ma mchis pa'i rnams la shes rab rab tu bstan par 'tshal/ nor ma mchis pa'i sems can rnams nor dang ldan par bgyi bar 'tshal/ sems can dbul po rnams la 'phags pa'i nor gyis phyug por bgyi bar 'tshal/ bying ba rnams la gzings stsal bar 'tshal/ gzings bcings par 'tshal/ gru sbyar/ bar 'tshal/ stegs gzugs par 'tshal/ zam pa gdags par 'tshal/ skrag pa rnams kyi dpung gnyan du 'gyur bar 'tshal/ skyabs ma mchis pa rnams kyi skyabs su 'gyur bar 'tshal/ mgon ma mchis pa rnams kyi mgon du 'gyur bar 'tshal/ rten ma mchis pa rnams kyi rten du 'gyur bar 'tshal/ gnas ma mchis pa rnam kyi gnas su 'gyur bar 'tshal/ mi ngoms pa rnams ngoms par bgyi bar 'tshal/ chog ma 'tshal ba rnams tshim par bgyid par 'tshal/ tshig pa rnams zhi bar bgyid
- 233a
par 'tshal/ sngangs pa rnams rab tu dga' bar bgyid par 'tshal/ na ba rnams la gsos bgyid par 'tshal/ 'gum pa dag gso bar 'tshal lags so/ / bcom ldan 'das gang la sbyin pa stsal bas thar pa'i 'bras bur 'gyur ba dang / gang la bgyi ba bgyis pas mi 'chi ba la gzhol bar 'gyur ba'i sbyin pa'i gnas ni de bzhin gshegs pa 'dra ba 'jig rten thams cad gzhan gang yang ma mthong lags so/ / de'i slad du bcom ldan 'das kyi zhabs la bdag phyag 'tshal ba bgyid do// de skad ces gsol pa dang / de bzhin gshegs pa dpa' sra rnam par gnon pas/ rgyal rigs shing sA la chen po lta bu 'gro ba 'dzin de la 'di skad ces bka' stsal to// 'di ltar khyed sangs rgyas kyi chos zab mo 'di lta ste/ tham cad mkhyen pa la sems 'jug pa legs so leg so// 'gro ba 'dzin khyed kyi spobs pa legs so// dam bcas pa lags so/ / yid la byed pa bzang ngo // yang dag par zhugs pa mtshungs pa med do// bsam pa mnyams so// khyod kyi sems kyi rgyud ni snum mo// de lta bsar 'gro ba dzin dge ba'i bshes gnyen la bsnyen par bya'o/ / tshul khrims la rab tu gnas te sbyin pa sbyin no// 'gro ba 'dzin chos 'di gnyis la brtson par bya ste/ gang byang chub sem
- 233b
dpa'i theg pa la yang dag par zhugs pa'i rigs kyi bu 'am/ rigs kyi bu mo tshul khrims la gnas te sbyin pa sbyin na/ sems can thams cad la phan pa dang / @ ba'i phyir zhugs pa ste/ byang chub la'ang nye bar gyur pa yin no// de ci'i phyir zhe na/ gtong ba la mos shing tshul khrims la gnas pa'i byang chub sems dpa' la byang chub rnyed par mi dka' ba'i phyir ro/ / de nas rgyal rigs shing sA la chen po lta bu 'gro ba 'dzin des/ bcom ldan 'das de las sbyin pa dang / tshul khrims dang ldan pa'i gtam thos nas/ sangs rgyas kyi zhing yongs su dag pa dang / sems can yongs su smin par bya ba'i phyir smon lam rgya cher btab bo// de'i tshe de bzhin gshegs pa dpa' sra rnam par gnon pa de la des sbyin pa dang / tshul khrims dang ldan pa'i tshigs su bcad pa dag gis mngon par bstod do// rkang gnyis gtso khyod 'dod pa rnams bor nas/ / lam mchog dam pa 'di ni rab tu ston// legs par bshad pa'i chos de thos nas su// byang chub mchog tu sems kyi smon lam 'debs// dpa' bo gang dag bla med byang chub zhugs/ / dad pa'i yid kyis spyad pa spyod bgyid cing // byang chub bla med zhi bar zhugs nas su// 'gro la sman pa'i slad du chos spyod pa//
- 234a
dag rjes su bdag ni slob 'tshal bas// rgyal ba rnams la dad pas bgyi ba bgyi// 'gro ba bcings pa rnams ni dgrol slad du// bla na med pa'i byang chub thob par bgyi/ / long bar gyur pa rnams kyi mig dbye slad// log pa'i lam du mchis pa slar bzlog slang // bla na med pa'i lam du 'god 'tshal bas// skyon la phyag 'tshal bgyi ba bdag gis bgyi/ / sngon gyi sangs rgyas brgyal ba dag gis spyad// sngon gyi rgyal ba'i lam du mchi bar sems// de bzhin gshegs pa'i dge 'dun bsnyen bkur 'tshal/ / ston pa la ni phyag 'tshal bgyi ba bgyi// sngon gyi rgyal ba'i rjes su slob 'tshal te// zhi ba rtogs pa'i rjes su 'chi bar 'tshal// nyon mongs pa rnams ma lus 'dor 'tshal te/ / de bas rgyal ba rnams la bgyi ba bgyi// lam ster sems can+da rab tu ldongs pa'i rnams// bdag gis mchog lam la 'god par 'tshal/ / bde ba dam par rab tu bzhag par 'tshal// de bas rgyal ba rnams la dgyi ba bgyi// 'gro ba thams cad dga' bar bdag bgyid 'tshal// shul rnams chab kyis chag chag gdab par 'tshal// bsil ba'i sa de rab tu bstan par 'tshal// de bas rgyal ba la ni mchod par bgyi// 'gro ba rnams ni nyon mongs
- 234b
sred pas skom/ / nyon mongs ma yis tshig pa'i sems can kun// zhi ba ma mthong mgon med dub pa rnams// dgrol bar 'tshal bas bdag ni bgyi ba bgyi// 'dod pa'i yon tan dag gis ma ngoms pas/ / chags pa'i stobs kyis 'khor bar 'khor gyur cing // yongs 'dzin tshol ba'i sems can byis pa rnams// dgrol bar 'tshal bas bdag ni bgyi ba bgyid/ / zhe sdang stobs kyis byis pa rnam par rmongs// legs par ma bsda mas sems kyis zhe sdang skyed// de dag bdag gis yongs su dgrol slad du/ / rgyal ba rnams la bgyi ba rgya chen bgyi// gti mug stobs kyis sems can byis pa bsgribs// bgyi dang mi bgyi ma 'tshal gyur pa rnams// de dag bdag gis yongs su dgro la slad du/ / rgyal ba la ni bgyi ba rgya chen bgyi// phrag dog stobs kyis byis pa rnams byung ste// zhi ba ma 'tshal srid par bcings gyur pa// de dag bdag gis yongs su dgrol slad du// rgyal ba rnams la bgyi ba rgya chen bgyi// ser sna'i stobs kyis byis pa rnams byung ste// gtong dang thar dang 'bras bu ma 'tshal bas/ / kun nas sogs shing sdug bsngal myong gyur pa// de dag slad du mchod pa shin tu bgyi// nyon mongs stobs kyis byis pa rnams gtses te//
- 235a
ma 'tshal bas ni sdig pa'i sug las bgyid// de slad 'gro ba rnams su sdug bsngal myong // de dag slad du bdag ni mchod pa bgyi// samra can gang dag khyod kyi bstan la dad / / de dag nams kyang nyes pa 'dis mi reg/ rgyal ba de dag rjes su slob 'tshal bas// de slad rgyal ba rnams la bgyi ba bgyi// su dag 'dod chags bral ba rab tshol zhing / / rang byung 'gyur zhes spyod pa rnams spyod pa// de dag gi yang rjes su bdag slob ste// de bas rgyal ba bgyi ba bdag bgyid lags/ / su dag thams cad mkhyen nyid rab tshol zhing // rgyal ba la ni mchod pa rgya chen bgyid// de dag gi yang rjes su bdage slob cing // rgyal ba la ni mchod pa rgya rten bgyi/ / su dag stobs rnams yongs su tshol ba na// rgyal ba la ni mchod pa rgya chen bgyid// de dag gi yang rjes su bdag slob ste// rgyal ba la ni mchod pa rgya chen bgyid/ / su dag 'jigs ma mchis pa rab tshol zhing // rgyal ba la ni mchod pa rgya chen bgyid// de dag gi yang rjes su bdag slob cing // rgyal ba la ni mchod pa rgya chen bgyid/ / su dag so so yang dag rig tshol zhing // rgyal ba la ni mchod pa rgya chen bgyid// de dag gi yang rjes su bdag slob cing // rgyal ba la ni
- 235b
mchod pa rgya chen bgyid/ / su dag dbang po lnga rnams rab tshol zhing // rgyal ba la ni mchod pa rgya chen bgyid// de dag gi yang rjes su bdag slob cing // rgyal ba ni/ mchod pa rgya chen bgyid// bde gshegs rnams kyi bco brgyad chos gang dag/ ye shes rgyal ba'i ma 'dres mnga' ba rnams// su dag tshol zhing sangs rgyas rnams mchod pa// de dag rjes su slob cing mchod par bgyid// spyod yul spyod dang dbang po drug po dag/ ye shes rnam dag ting 'dzin rnam dag dang // tshul khrims ting nge 'dzin rnams rab tshol zhing / / der ni bdag gis sangs rgyas 'dren pa mched// de nas dge slong legs par brtags spyod kyis/ rgyal rigs shing sA la chen po lta bu 'gro ba 'dzin las stobs bcu'i bsngags pa brjod pa thos nas/ bcom ldan 'das de bzhin gshegs pa dpa' sra rnam par gnon pa la 'di skad ces gsol to// bcom ldan 'das bdag kyang de bzhin spobs lags so/ / bde bar gshegs pa bdag kyang de bzhin spobs lags so// bcom ldan 'das kyis bka' stsal pa/ legs par brtags spyod slob par gyis shig/ de nas dge slong legs par brtags spyod kyis// bcom ldan 'das de bzhin gshegs pa dpa' sra rnam par gnon pa de la/ stobs bcu dang
- 236a
ldan pa'i tshigs su bcad pa dag gis mngon par bstod do/ / bde bar gshegs pas bskal pa byer spyad pas// ma nyams 'dus ma byas pa'i gnas brnyes pa/ / de thob bgyi slad 'dren pa spyod par bgyi// mi mchod khyod 'dra'i sangs rgyas thob par shog/ spyad pa spyod tshe 'das pa'i rnam par 'dren// sangs rgyas kyi ba khrag khrig khyod kyis mnod/ / rgyal ba de dag rim gro mdzad nas su// mtshungs pa ma mchis bla med byang chub brnyes// 'dren pa dung dang rnga chen 'khar rnga yis// rgyal ba bye ba stong dag rab mchod pas/ / de slad dbyangs kyis khams gsum go bar mdzad// 'gro ba rnams kyi yid kyang shin tu chags// rgyud sgra 'jam po shin tu drangs bskyod cing / / stobs bcu'i 'jig rten rnams la blangs pas na// de slang rgyal ba yid mchi dga' ba yi// dbyangs kyis sems can khrag khrig rnam par 'grel// bde gshegs rnams kyi spyan sngar bzhugs nas su/ / klu dang rol mo'i sgra sman bun blangs pas// de slad 'dren pa khyod kyi gsung yang mnyen// skyes pa bud med rnams kyi sems kyang sdud// zas mchog mtshungs pa ma mchis yid mchi rnams// khyod kyis rgyal ba nyan thos bcas rnams gsol// zas skom shin tu rnam mang legs mdzad pas// de slad longs spyod
- 236b
mang po rnams kyang brnyes/ / la ba 'jam po du gul ka shi ba// gser gyi kha dog dri med yid mchig/ na bza' rigs che mdzes la phul bas na// de slang bde gshes sku mchog bsam mi khyab/ / dga' zhing gus pa bzang po bskyed nas su// sngan chad sbyin gnas bla ma bsnyen bkur cing // zas dang skom rnams rgya cher phul bas na// 'jig rten 'dren pas mthong ba bdun kyang brnyes/ / lha zas ro 'dra yid du mchi ba rnams// rgyal ba nyan thos bcas la gsol bas na// de slad ro yi ro mchog mtshan rnams kyang / / 'jig rten mkhyen pas yid du mchi ba brnyes// rtag tu bde gshegs rnams kyi mchod rten la// me tog dri rab de bzhin 'bras bu'i mchog/ kha dog ldan pa 'jam zhing mdzes pa phul/ / de slad 'dren pas 'bras bu mchog brnyes so// dri dang byug pa bde gshegs mchod rten la// khyod kyis rtag tu yid du mchi ba phul// de slad bde gshegs sku la dri dag ni/ / ji ltar tsan dan snron bzhin rab tu gsung // smrig ka gur kum dri rab bzang po dag/ bde gshegs mchod rten dag la phul bas na// de slad sku las gur kum spos rab rnams/ / phyogs bcu kun tu dri de ldang bar 'gyur// me tog 'phreng mchog mdzes shing sna tshogs pa// rtag tu bde bar gshegs pa'i sku la btags/
- 237a
de slad khyod kyi gsung 'jam bshad pa rnams// sut+pa la yi 'phreng ba bzhin du len// 'jig rten mgon po bde gshegs gsung ba la// gtam sparnams kyi bar chad ma mdzad pas/ / de slad 'khor la tshig rnams ston pa na// gzhan gyis bar chad bgyi ba yongs ma mchis// sems kyang thams cad nye bar bzhag nas su// rang byung ba yi chos rnams bshad pa gsan/ / yid ni kun tu gar yang ma g.yengs pas// de slad ston pas bshad pa chab mi 'tshal// sngon gyi bde bar gshegs pas chos bstan la/ / sman bzhin du ni 'du shes nyer bzhag ste// bdag nyid la ni nad par 'du shes bskyed// de slad khyod kyi gsungs bstan kun gyis zung // bde bar gshegs pa la ni sman par bsgoms/ / bdag nyid la yang nad par 'du shes bskyed// chos la sman yin snyam du nyer bzhag nas// ji snyed dus kyi rgyal ba khyod kyis mchod// bde bar gshegs pa dag las chos gsan nas/ / gang gis ser sna nam yang ma bstan na// de dag thams cad de bzhin gshegs pa yis// rab tu bstan cing rgyal ba mnyes par mdzad// bde bar gshegs pa dag las chos gsan pas/ / ser sna ma mchis gyur pas shin tu bstan// de slad 'dren pa 'khor la 'chad pa na// khyod kyi spobs pa dag ni shin tu brjod// rdzog
- 237b
pa'i byang chub dam pa btsal slad du/ / sngon chad khyod kyis chos rnams gang bsnyen pa// 'dren pa bdag kyang de dag yongs su mol// 'dren pa'i yon tan yang dag rab bsngags pas/ / des ni rkang gnyis mchog tu 'gyur bar shog/ sems can thams cad rnam par 'dren gyur cig/ de nas bcom ldan 'das de bzhin gshegs pa dpa' sra rnam par gnon pa byang chub sems dpa' sems dpa' chen po de gnyis kyis mngon par bstod pa'i tshe/ / mtho bar yang mi dgongs// dma' bar yang mi dgongs pa de ni rgya mtsho bzhin du bstan pa nyid dus las kyang mi yol lo/ / de ma thos par yang mi dgongs dmas par yang mi dgongs nas/ byang chub sems dpa' shin tu brtags spyod dang 'gro ba 'dzin de gnyis la 'di skad ces bka' stsal to/ / skyes bu dam pa dag legs so legs so// skyes bu dam pa dag de de bzhin no// skyes bu dam pa khyod kyis de bzhin gshegs pa'i yon tan dang ldan pa'i tshigs su bcad pa smras pa/ sems can bye ba khrag khrig gis sangs rgyas kyi zhing yongs su dag pa dang / sems can yongs su smin par bya ba'i phyir/ dge ba'i rtsa ba bskrun cing bskyed de khams so sor song ba'i sems can rnams rig nas/ ji lta bur mthun par sprul pas chos bstan pa'i phyir yongs su bsngos so//
- 238a
'jam dpal 'di ji snyam du sems/ de'i tshe de'i dus na dge slong legs par brtags spyod ces bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi bzla'o// de ci'i phyir zhen/ de bzhin gshegs pa shin tu mthor gzhunade'i 'i sasun byang chub sems dpa' legs par gyul spyod ces bya bar gyur to/ / 'jam dpal 'di ji snyam du sems de'i tshe de'i dus na/ rgyal rigs shing sA la chen po lta bu 'gro ba 'dzin ces bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de de'i tshe de'i dus na rgyal rigs shing sAl chen po lta bu 'gro ba 'dzin ces bya bar gyur to/ / 'jam dpal de lbu bas na byang chub sems dpa' sems dpa' chen po sangs rgyas kyi zhing brjod du med pa yongs su byang bar 'dod pa dang / cho 'phrul rnam pa mang pos sems can yongs su smin par byed 'dod pas de bzhin gshegs pa'i yon tan yongs su brjod pa la rnal 'byor du bya'o// mngon par brtson par bya'o/ / 'jam dpal de bzhin gshegs pa don thams cad grub pas/ byang chub sems dpa'i spyad pa spyod pa na/ sangs rgyas rjes su dran pa bsnyen
- 238b
cing bsgoms te mang du byas so/ / // bam po lnga pa// 'jam dpal sngon byung ba 'das pa'i dus na/ bsal pa dpag tu med cing bsam gyis mi khyab pa nas/ brjod du med pa'i bar du de'i pha rol gyi yang ches pha rol na/ de'i tshe de'i dus na/ ut+pal 'byung ba zhes bya ba'i bskal ba byung ste/ 'jam dpal ut+pal 'byung ba'i bskal pa de la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shin tu phra sems zhes bya ba 'jig rten du byung ste/ de bzhin gshegs pa shin tu phra sems de'i gsung rab la dge slong zhi ba'i blo gros zhes bya ba byang chub sems dpa'i zag pa la yang dag par zhugs pa zhig byung ste/ sangs rgyas kyi zhing de na byang chub sems dpa' thams cad kyi mchog tu gyur to// de nas byang chub sems dpa' zhi ba'i blo gros de/ de bzhin gshegs pa shin tu phra sems de ga la ba der song nas/ bcom ldan 'das de bzhin gshegs pa shin tu phra sems de'i zhabs la mgo bos phyag 'tshal nas/ phyogs
- 239a
gcig tu 'jug go/ / phyogs gcig tu 'dug nas/ dge slong zhi ba'i blo gros des/ bcom ldan 'das de bzhin gshegs pa shin tu phra sems de la 'di skad ces gsol to/ / bcom ldan 'das chos gang gis byang chub sems dpa' sems dpa' chen po rnams phyir mi ldog cing myur du bla na med pa yang dag par rdzogs pa'i byang chub mngon par rdzogs par sangs rgya bar 'gyur/ de skad ces gsol ba dang / bcom ldan 'das de bzhin gshegs pa shin tu phra sems kyis/ dge slong zhi ba'i blo gros de la 'di skad ces bka' stsal to/ / 'di la dge slong byang chub sems dpa' sems dpa' chen po phyir mi ldog pa thob par 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos zab po la bzod par mngon par brtsod par bya'o/ / zab ma la bzod par mos pa de ni/ bzod pas chos de dag la 'dod par byed do// 'dod par byed pas sgrub par 'gyur ro// sgrub pas nan tan byed do// ji ltar de bzhin gshegs pas gsungs pa de bzhin du chos de dag khong du chud par bya ste/ de ni byang chub sems dpa' sems dpa' chen po rnams kyi phyir mi ldog par 'gyur ba'i chos
- 239b
gcig go/ / zhi ba'i blo gros byang chub sems dpa' sems dpa' chen po gang bzod pa de la blo rab tu gnas par 'gyur ba de sems can rnams la snying rje chen po la gnas par 'gyur ro/ / de ci'i phyir zhe na/ bzod pa 'di la rab tu gnas pa'i byang chub sems dpa' ni/ sangs rgyas rnams kyis kyang bzod pa 'di las bskyod mi nus so/ / 'di ltar yang zhi ba'i blo gros chos de dag gi chos nyid ni 'di yin te/ ma nor ba de bzhin nyid dang / gzhan ma yin pa de bzhin nyid do// 'di na gnas pa'i byang chub sems dpa' ni chos thams cad la the tsom med par 'gyur te/ 'di ni bla na med pa yang dag par rdzogs pa'i byang chub bo// bzod pa 'di thob pas sangs rgyas zhes bya/ ste/ 'dis chos thams cad kyi ngo bo nyid rtogs pa yin/ 'dis chos thams cad kyi tshul mthong ba yin/ 'dis chos thams cad kyi yul rtogs pa yin te/ de bas na sangs rgyas zhes bya'o/ / 'di ni chos rnams kyi chos nyid ma yin no zhes de la sus kyang bsgyur ba 'am/ bzlog par mi nus so// zhi ba'i blo gros 'di lta ste dpar na skyes pa 'am/ bud med kyang rung / zas zos pa de la sus kyang khyod kyis zas ma zos so zhes bsgyur mi nus so// de ci'i phyir zhe na/ de mngon sum ste/ gzhan
- 240a
gyi rkyen ma yin pa de bzhin du/ zhi ba'i blo gros chos nyid 'di la rab tu gnas pa'i byang chub sems dpa' la ni chos rnams kyi chos nyid ma yin no zhes sus kyang 'dzin du gzhug par mi nus so/ / de ci'i phyir zhe na/ gzhan gyi rkyen gyis ma yin gyis/ chos nyid de la mngon sum pa'i phyir ro// zhi ba'i blo gros 'di lta ste dper na/ skyes pa 'am/ bud med kyang rung ste/ skom 'thungs pa de la khyod gyis skom ma 'thungs so zhes sus kyang bslu ba 'am/ log par 'dzin du gzhug mi nus so// de ci'i bri ni/ na/ 'di ltar de la mngon sum ste/ gzhan gyi rkyen ma yin pa de bzhin du/ chos nyid 'di la rab tu gnas pa'i byang chub sems dpa' yang 'di chos rnams kyi chos nyid ma yin no zhes sus kyang bsgyur ba 'am/ bslu bar mi nus so// zhi ba'i blo gros 'di lta ste dper na/ bden pa mthong ba'i nyan thos la 'di lam ma yin no// 'di lam gyi 'bras bu ma yin no/ zhes de la sus kyang bslu ba 'am/ log par 'dzin du gzhug mi nus pa de bzhin du/ zhi ba'i blo gros chos nyid 'di la gnas pa'i byang chub sems dpa' sems dpa' chen po yang 'di chos nyid ma yin no zhes sus kyang de la bslu ba 'am/ log par 'dzin du gzhug mi nus so// de ci'i phyir zhe na/ de ni mngon sum ste/ gzhan gyi rkyen ma yin pas ji ltar sangs
- 240b
rgyas kyi bstan pa de bzhin du chos rnams la bzod do/ / zhi ba'i blo gros 'di ji snyam du sems gang gis so so'i skye bo yang ma dmigs so so'i skye bo'i chos kyang ma yin/ nyan thos kyang ma yin/ nyan thos kyi chos kyang ma yin/ rang sangs rgyas kyang ma yin/ rang sangs rgyas kyi chos kyang ma yin/ byang chub sems dpa' yang ma yin/ byang chub sems dpa'i chos kyang ma yin/ sangs rgyas kyang ma yin/ sangs rgyas kyi chos de yang ma dmigs na/ de chos gang la yang gnas pa yin nam/ gsol pa/ bcom ldan 'das pa lags so/ / de ci'i slad du zhe na/ 'di ltar des gang la gnas par 'gyur ba'i chos de yang mi dmigs te/ chos rnams mi dmigs pa ni mi gnas pa zhes bgyi'o// bcom ldan 'das des bka' stsal pa/ zhi ba'i blo gros legaso legs so// zhi ba'i blo gros 'di lta ste dper na/ nam mkha' ni ci la'ang mi gnas pa de bzhin du/ zhi ba'i blo gros chos thams cad kyang mi gnas pa'o/ / zhi ba'i blo gros chos thams cad ni nam mkha' dang mtshung ba ste/ mi gnas pa'o// zhi ba'i blo gros rjes su mthun pa'i bzod pa ni 'di gsum ste/ gsum gang zhe na/ chung du rjes su mthun pa'i bzod pa dang / 'bring du rjes su mthun pa'i bzod pa dang / cher rjes su mthun pa'i bzod pa'o// chung ngu rjes su mthun pa'i bzod pa ni shugs dang ldan pa'i ting nge 'dzin du
- 241a
bshad par bya/ 'bring du rjes su mthun pa'i bzod pa ni zhi gnas kyi ting nge 'dzin du bshad par bya/ cher rjes su mthun pa'i bzod pa ni chos thams cad la dbang byed pa'i ting nge 'dzin du bshad par bya'o/ / de ci'i phyir zhe na/ chung ngu rjes su mthun pa'i bzod pa las ni dge ba'i rtsa ba'i shugs skye'o// 'bring du rjes su mthun pa'i bzod pa las ni rab tu zhi bar dmigs par 'gyur ro/ / cher rjes su mthun pa'i bzod pa las ni rab tu snang ba la sems 'jug ste/ de'i mi dmigs pa thams cad yongs su rtogs par 'gyur/ chos nyid la rab tu gnas par 'gyur/ chos nyid la rab tu gnas pas na don rnams legs par yongs su zin par 'gyur ro// de ni de'i don so so yang dag par rig pa yin no/ / des chos thams cad kyi mtshan nyid gcig tu rtogs par 'gyur te/ de ni de'i don so so yang dag par rig pa yin no// chos de rnams kyang skye bo rnams kyi nges pa'i tshig bzhin du 'chad de/ nges pa'i tshig de la yang mngon par zhen par mi byed do// skye bo de dang de dag nges pa'i tshig de dag la mos par byas kyang de la mngon par zhen par mi byed pa de ni/ 'di'i nges pa'i tshig so so yang dag par rig pa yin no// de'i nges pa'i tshig la dus ji lta ba bzhin du spobs pas/ ji ltar chos mnyan pa rnams kyis go ba
- 241b
de lta bur spobs/ chos rnams kyi chos nyid ji lta ba de bzhin spobs/ chos rnams kyi ngo bo nyid stong pa ji lta ba de bzhin spobs/ ji ltar chos rnams mi skye mi 'gag pa de bzhi spobs/ ji ltar chos rnams 'gro ba'ang med/ 'ong ba'ang med pa de bzhin spobs/ ji ltar chos rnams 'chi 'pho ba'ang med/ skye ba'ang med pa de bzhin spobs ji ltar chos rnams yod pa ma yin pa de lta bur spobs/ ji ltar chos rnams mi rig cing mi snang ba de lta bur spobs/ ji ltar 'chad pa'ang med/ nyan pa'ang mi dmigs pa de lta bur spobs/ ji ltar las kyang med/ las kyi rnam par smin pa'ang med pa de lta bur spobs/ ji ltar 'khor ba'ang med/ mya ngan las 'das pa'ang mi dmigs pa de lta bur spobs/ ji ltar gang 'khor ba'ang med/ mya ngan las 'das par 'gyur ba yang mi dmigs pa de lta bur spobs/ ji ltar byang chub dang byang chub par bya ba mi dmigs pa de lta bur spobs/ ji ltar kun nas nyon mongs pa med pa dang / rnam par byang ba med pa'ang mi dmigs pa de lta bur spobs/ ji ltar chos gang la'ang thob par mi dmigs pa de lta bur spobs/ ji ltar so so'i skye bo'i chos rnams spong ba med cing / nyan thos kyi chos rnams kyang thob pa med pa de lta bur spobs/ ji ltar nyan thos kyi chos rnams las mi 'da'
- 242a
zhing rang sangs rgyas kyi chos rnams kyang thob par mi 'gyur ba de lta bur spobs/ ji ltar rang sangs rgyas kyi chos rnams las mi 'da' zhing / sangs rgyas kyi chos rnams kyang rnyed par mi 'gyur ba de lta bur spobs so// ji ltar sangs rgyas kyi chos rnams kyang mi 'dor zhing / mya ngan las kyang yongs su mi 'da' ba de lta bur spobs te/ de ni de'i spobs pa so so yang dag par rig pa yin no// spobs pa so so yang dag par rig pa de yang chos gang la yang spobs par 'gyur ba med de/ de ltar na char rjes su mthun pa'i bzod pa de chos thams cad la dbang byed pa sgrub par 'gyur ro/ / cher rjes su mthun pa'i bzod pa thob pa'i byang chub sems dpa' sems dpa' chen po ni/ chos thams cad la dbang byed pa'i ting nge 'dzin la gnas nas/ de re zhig bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur te// sangs rgyas rnams kyi bya ba rnams kyang byed do// de bzhin gshegs pa'i cho ga dang spyod yul ci 'dra ba byang chub sems dpa' de'i cho ga dang spyod yul yang de 'dra bar 'gyur ro// de bzhin gshegs pa bzhud pa dang log pa ci 'dra ba de'i 'gro ba dang ldog pa yang de 'dra bar 'gyur ro// ji lta bur de bzhin gshegs pa'i gzigs pa dang / rnam par gzigs pa
- 242b
dang / brkyang ba dang / bskum pa dang / chos gos snam sbyar dang / tshig rkyang dang / lhung bzed bsnams pa dang / zos pa dang 'thungs pa ci 'dra bar de'i lta ba dang / kun tu lta ba nas nyal ba dang / smra ba dang / cang mi zer ba de 'dra bar 'gyur ro// kun tu spyod pa gang gis de bzhin gshegs pa kun tu spyod pa de'i spyod pa'ang de 'dra bar 'gyur ro// cher mthun pa'i bzod pa thob pas/ lus de nyid kyis byang chub mngon par rdzogs par sangs rgyas nas/ 'dod na bskal pa brjod du med pa'i bar du 'dug go// de ltar cher mthun pa'i bzod pa dang ldan pa'i byang chub sems dpa' sems dpa' chen po ni sangs rgyas zhes bya'o/ / de skad ces bka' stsal pa dang / dge slong zhi ba'i blo zos kyis/ bcom ldan 'das la 'di skad ces gsol to/ / bcom ldan 'das gang gi tshe dang po sems bskyed pa'i byang chub sems dpa' bla na med pa yang dag par rdzogs pa'i byang chub tu dang po sems bskyed na/ ci dang po sems bskyed pa de nyid kyis byang chub sems dpa' lags sam/ bka' stsal pa/ zhi ba'i blo gros de ni ma yin no// zhi ba'i blo gros sems gang gis thog ma chos la nges par gyur pa'i sems des/ dang po sems bskyed pa'i byang chub sems dpa' zhes bya'o// de nas byang chub sems dpa' zhi ba'i blo gros
- 243a
kyis de bzhin gshegs pa shin tu phra sems de la bzod pa'i pha rol tu phyin pa dang ldan pa'i tshigs su bcad pa 'di dag gis mngon par bstod do/ / chos gang skye ba ma mchis 'byung ma mchis/ / 'chi 'pho ma mchis rga bar mi 'gyur ba// skyes bu rgyal ba seng ge de ston cing // drang srong chen pos sems can de la bkod// gang la rang dngos// ci yang ma mchis shing // gzhan gyi dngos po'ang sus kyang ma rnyed pa// nang na ma lags slad rol dag na yang // dngos po mi rnyed de la mgon pos bkod// bde bar gshegs pas zhi ba'i 'gro gsungs kyang / / 'gro ba gang yang rnyed par mi 'gyur te// de dag 'gro las grol bar rnam par gsungs// grol nas sems can mang po rab tu 'grol// chos kun bdag ma mchis par ston mdzad cing // sems can 'dzin las 'jig rten rnam par 'grol// bdag nyid 'gro las grol zhing 'gro grol bas// de slad pha rol gshegs kyang rgal ma mchis/ / drang srong chen po srid pa'i pha rol phyin// pha rol gshegs pa'ang gang yang rnyed mi 'gyur// pha rol ma mchis tshu rol ma mchis na// pha rol song ngo zhes kyang gsung du brjod/ / gang gis tshig tu smra ba de ma mchis// gang smras de yi tshig kyang yong ma mchis// gang la smra ba de yang rnyed mi 'gyur// gang gis rig pa de yang mchis ma
- 243b
lags/ / log par rtog la chags pa'i dang lca gis su// 'dir ni 'gro ba 'di kun rab tu 'khyams// mi gang zhig gis zhi ba'i chos rig pa// des ni rang byung de bzhin gshegs pa mthong / / chos mchog zhi ba'i rnams kyang rab tu rtogs// dga' ba rnyed nas sems can tshim par bgyid// nyon mongs brgal nas de ni rgyal bar 'gyur// bdag nyid rgyal par gyur cing bdag mi gnas/ / de slang rgyal ba'i byang chub rab tu rtogs// sangs rgyas nas ni 'gro ba rtogs par mdzad// gang nas bla med byang chub mchi ba yi// shul der sems can lam gol zhugs pa bkye/ / rgyal bzhi nas 'gro ba zhi bar mdzad// 'byung ba'i ngo bo rnam par grol bar sgom// sems can gang dag shin tu log gyur pa// ye shes ldan pas mi shes ma mchis mdzad/ / 'das pa'i drang srong chen po gang byung de// rgyal ba de dag gi yang shul mchog 'di// drang srong mchog kyang de yi shul nas gshegs// ma byon gang de rnams kyang gshegs par 'gyur/ / de bzhin chos 'dir rab tu sus rtogs pa// de la gal te sangs rgyas bye stong gis// 'di ni tshul ma yin zhes gsungs na yang // / khyod ni rgyal ba ma yin de zhes smra// gzhan gyi blo phyir gang dag mi mchi ba// de yi sems ni de las yongs mi 'gyur// rgyal ba'i tshul la bdag ni mngon sum gyur// mi yi
- 244a
rgyal po khyed ni ma gsus byug/ bde bar gshegs pas chos gang rab bshad pa// de la bdag ni gang la'ang dogs ma mchis// bdag gis chos nyid 'di btsal bas na/ / de slad bdag ni tshul las 'phro mi nus// gang gis bzod pa gsum po de btsal ba// de ni ji ltar rgyal ba'i spyod bzhin te// mchi ba dang ni slar mchi nyal ba dang / / smra zhing 'chag pa dag kyang ston pa bzhin// de yi spyod lam rnams kyang de dang 'dra// lung ston pa yang rgyal ba'i rang bzhin te// rgyal ba'i blo gros la ni de yang gnas// 'gro ba thams cad kyis ni bskyod mi nus// zla ba skar bcas sa la ltung yang gda'// de la rnam par 'gyur ba yong mi 'byung // nam mkha' 'bras chags lhun po rdib kyang gda'// de yi chos nyid gzhan du yong mi 'gyur// skyes bu des ni bzod pa 'di rnyed nas// sems can rig par 'dzin pa'i sangs rgyas 'gyur// gang gis sangs rgyas rang byung 'gyur ba yi// de 'dra ba yi chos nyid de rtogs so// rgyal bas mngon sum bdag gis 'di thos te// bzod pa 'di rnyed nas ni phyir mi ldog/ sangs rgyas gyur nas rnam par rtogs bgyid 'gyur// 'gro ba rnams la'ang chos 'di go bar mdzad// ji ltar bdag gis chos nyid mthong ba'i rnams// de ni gzhan la rab tu bshad par bgyi// rgyal ba rnams kyi blo gros bstan bgyis
- 244b
te/ / sems can mi rtogs rnams kyang rtog par bgyi// rgyal ba rnams kyis ji ltar chos gzigs pa// de 'dra'i chos nyid rnams ni rab tu bstan// gang la gnas pas rang byung 'gyur ba yi/ / de ring bla med bzod pa bdag gis thob// rang byung thub dbang de la skyabs su mchi// 'jig rten sman slad spyad pa bdag gis spyad// rang byung rgyal ba'i zhing/ rnams yongs su spyad// 'gro ba sdug bsngal dub pa rab tu bkrol// de bzhin rgyal ba'i rjes su slob bgyid cing // sems can 'gro ba dag las rnam par dgrol// sangs rgyas tshul la bdag gis tshul yang 'tshal/ / sems can spyod pa 'di 'dra ba dag gis spyad// zhi ba'i blo gros chos nyid 'di rig nas// zhing brgya dag tu sprul pa sprul bgyis te// sems can kun gyi tshul la rab zhugs nas// so sor mthun par sprul pa shin tu sprul// des ni bsam mi khyab pa'i zhing rnams sbyangs// sems can bsam mi khyab la gangam ngag sbal/ / chos tshul shin tu bzang po 'dzin du stsal// ston pa'i blo gros la ni thams cad btsud// de nas dge slong zhi ba'i blo gros nges cher rjes su mthun pa'i bzod pa rab tu tho pas/ brjod du med pa'i zhing rnams sprul pas gang bar byas so// 'jam dpal de'i tshe de'i dus na/ dge slong zhi ba'i blo gros zhes bya bar gyur pa de gzhan zhig yin pa
- 245a
snyam du yid gnyis dang the tsom za na/ 'jam dpal khyod kyis de ltar mi blta'o// de ci'i phyir zhe na/ 'jam dpal de bzhin gshegs pa don thams cad grub pa de/ de'i tshe de'i dus na dge slong zhi ba'i blo gros zhes bya bar gyur to// 'jam dpal de lta bas na byang chub sems dpa' sems dpa' chen po mi skye ba'i chos la bzod pa thob pas brtson 'grus rtsom mo/ / ji ltar na bdag gi sems spyod yul ma yin pa la mi spyod cing / ji ltar na bdag gi sems chos nyid kyis lam 'grol ba la gnas par mi 'gyur snyam du de gal te sems mi g.yeng bar bya ba'i phyir brtson 'grus rtsom zhing / brtson 'grus brtsams te gnas pa'i byang chub sems dpa' la myur du mi skye ba'i chos la bzod pa skye bar 'gyur ro/ / 'jam dpal sngon byung ba 'das pa'i dus na/ bskal pa dpag tu med grangs med pa nas brjod du med pa'i bar de'i pha rol gyi yang ches pha rol na/ de'i tshe/ de'i dus na/ bskal pa stag gi 'od ces bya ba byung ste/ bskal pa stag gi 'od de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das dri ma med
- 245b
pa'i zla 'od gzi brjid rgyal po zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i zla 'od gzi brjid rgyal po deng bstan pa la/ byang chub sems dpa' sems dpa' chen po brtson 'grus brtsams pa zhes bya ba byung ste/ de nas byang chub sems dpa' sems dpa' chen po brtson 'grus brtsams pa des/ brtson 'grus rtsom pa bdag dang 'dra ba ma mthong ste/ de'i tshe na bcom ldan 'das de'i sangs rgyas kyi zhing na byang chub sems dpa' tshangs par spyod pa ji snyed pa de dag gi nang na/ byang chub sems dpa' brtson 'grus brtsams pa de mchog tu brjod do// de nas de bzhin gshegs pa dri ma med pa'i zla 'od gzi brjid rgyal po 'khor brgya stong du mas bskor cing mdun gyis bltas pa la/ byang chub sems dpa' sems dpa' chen po brtson 'grus brtsams pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang
- 246a
bcom ldan 'das de bzhin gshegs pa dri ma med pa'i zla 'od gzi brjid rgyal pos/ byang chub sems dpa' brtson 'grus brtsams pa de la 'di skad ces bka' stsal to/ / rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de'i lung bstan pas sems rangs par bya'o/ / de nas byang chub sems dpa' brtson 'grus brtsams pas/ bcom ldan 'das de bzhin gshegs pa dri ma med pa'i zla 'ong gzi brjid rgyal po la 'di skad ces gsol to/ / bcom ldan 'das brtson 'grus brtsams pa/ brtson 'grus brtsams pa zhes bgyi ba/ bcom ldan 'das ji tsam gyis na/ byang chub sems dpa' brtson 'grus brtsams pa lags/ de skad ces gsol pa dang / de bzhin gshegs pa dri ma med pa zla 'od gzi brjid rgyal pos/ byang chub sems dpa' brtson 'grus brtsams pa la 'di skad ces bka' stsal to/ / legs so legs so// rigs kyi bu khyod de bzhin gshegs pa la de lta bu'i don 'dri ba ni rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs pa ste/ rigs kyi bu de'i
- 246b
phyir shin tu legs par nyon la yid la zung zhig dang ngas bshad do/ / bcom ldan 'das legs so zhes gsol nas/ byang chub sems dpa' brtson 'grus brtsams pas bcom ldan 'das de'i ltar mnyan pa dang / bcom ldan 'das kyis de la 'di skad ces bka' stsal to// nam byang chub sems dpa' mnyam pa nyid rab tu rtogs par bya ba'i phyir/ brtson pa mi 'dor bar gyur te/ skad cig kyang mi 'dug cing 'di ltar chos thams cad rab tu rtogs par bya ba'i phyir/ blo gros gzhan du mi 'gyur/ de yid gzhan du mi 'jug na de tsam gyis rigs kyi bu byang chub kun bsgrub pa'i phyir/ byang chub sems dpa' sems dpa' chen po brtson 'grus brtsams pa yin no// gzhan yang rigs kyi bu byang chub sems dpa' sems dpa' chen po sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi brtson 'grus rjes su dran te/ de ltar sngon gyi de bzhin gshegs pa de dag byang chub sems dpa'i spyad pa spyod pa na/ lus dang sems gnyis yang dag par rab tu bzung nas/ sbyin pa sbyin pa de bzhin du bdag gis kyang sbyin pa sprin no/ / de ltar sbyin pa sbyin pa ni de bzhin rab tu rtogs nas sbyin pa'i pha rol tu phyin pa yongs su dag par 'gyur ro// ji ltar na lus dang sems yang dag par
- 247a
rab tu bzung ba yin zhe na/ 'di lta ste/ da ni sbyin pa dang / sbyin pa po dang / len pa dang / len pa po mi dmigs pa ste/ de ni de'i shes rab tu pha rol tu phyin pa'o/ / sangs rgyas kyi zhing brjod du med pa bdag gis yongs su sbyang ngo snyam pa ni/ lus dang sems yang dag par bzung ba yin no// 'di ltar sangs rgyas kyi zhing brjod du med pa yongs su dag par bya'o snyam pa ni/ lus dang sems yang dag par bzung ba yin no// 'di ltar bdag gis brjod du med pa'i sems can rnams yongs su smi par bya'o snyam pa ni/ lus dang sems yang dag par rab tu bzung ba yin no// 'di ltar bdag gis de bzhin gshegs pa'i stobs rnams yongs su rdzogs par bya'o snyam pa ni/ lus dang sems yang dag par rab tu bzung ba yin no// 'di ltar bdag gis de bzhin gshegs pa'i mi 'jigs pa rnams yongs su gzung bar bya'o snyam pa ni/ lus dang sems yang dag par rab tu bzung ba yin no/ / 'di ltar de bzhin gshegs pa'i dbang po rnams yongs su gzung ngo snyam pa ni/ lus dang sems yang dag par rab tu bzung ba yin no// 'di ltar sangs rgyas kyi chos ma 'dres pa bco brgyad yongs su gzung bar bya'o snyam pa ni/ lus dang sems yang dag par rab tu gzung ba yin no// 'di ltar thams cad mkhyen pa
- 247b
yongs su bzung bar bya'o snyam pa ni lus dang sems yang dag par rab tu bzung ba yin no/ / 'di ltar thabs la mkhas pa bslab par bya'o snyam pa ni/ lus dang sems yang dag par rab tu bzung ba yin no/ / 'di ltar sems can rnams kyi bsam pa la 'jug par bya'o snyam pa ni/ lus dang sems yang dag par rab tu bzung ba yin no// 'di ltar dus shes pa la bslab par bya'o snyam pa ni/ lus dang sems yang dag par rab tu bzung ba yin no// 'di ltar chod shes pa dang / don shes pa dang / chos shes pa dang / bdag shes pa dang / pha rol shes pa dang / gang zag mchog dang / mchog ma yin pa shes pa la bslab par bya'o snyam pa ni/ lus dang sems yang dag par rab tu bzung ba yin no// de ltar yongs su spang ba'i rigs pa ni yongs su spang bar bya/ 'di ltar bsnyen pa'i rigs pa ni bsnyen par bya'o snyam pa ni/ lus dang sems yang dag par rab tu bzung ba yin no// / 'di ltar lus brtag par mkhas pa la bslab bo snyam pa ni/ de lus dang sems yang dag par rab tu bzung ba yin te/ de la lus yang dag par rab tu 'dzin pa dang / sems yang dag par rab tu 'dzin pa 'di ni brtson 'grus zhes bya'o/ / gang mi g.yo ba dang / mi lhod par 'jug pa dang / rgyun mi 'chad pa dang / rgyun chags pa dang / rjes su 'dzin
- 248a
pa 'di ni rtsom pa zhes bya'o/ / gang brtson 'grus 'di dang / gang rtsom pa 'di la mngon par brtson pa de ni brtson 'grus brtsams pa zhes bya'o// nas byang chub sems dpa' sems dpa' chen po brtson 'grus brtsams pa des/ brtson 'grus kyi pha rol tu phyin pa 'di thos nas/ chos thams cad la dbang byed pa'i ting nge 'dzin la gnas par gyur to/ / brtson 'grus rtsom pa 'di la'ang gnas par gyur to// 'jig rten gyi khams dpag tu med pa na sems can rnams dad pa ji lta ba bzhin yongs su smin par bya ba'i phyir/ sprul pa rnam pa du ma mngon par sprul te/ thabs mkhas pa dpag tu med pa dang ldan pas// sems can dpag tu med pa dag yongs su smin par byas so// sangs rgyas kyi zhing de dang de dag tu yang des sangs rgyas bye ba khrag khrig dpag tu med pa rnams mnyes par byas so// de nas byang chub sems dpa' sems dpa' chen po brtson 'grus brtsams pa des/ bcom ldan 'das de bzhin gshegs pa dri ma med pa'i zla 'od gzi brjid rgyal po de la brtson 'grus kyi pha rol tu phyin pa dang ldan pa'i tshigs su bcad bdag gis mngon par bstod do/ / stobs bcu ldan pa khyod ni brtson 'grus kyis// mtshungs 'dra'i sems can rnams yang mi rnyed de// thub pa dam pa khyod ni brtson
- 248b
'grus kyis/ / chos nyid mchog la yang dag reg par gyur// stobs bcu ldan pa khyod ni brtson 'grus kyi// sangs rgyas zhing ni dpag pas yongs su dag/ sems can rnams ni yongs su smin par mdzad/ / shes rab tshad ni dpe zla ma mchis lags// stobs bcu ldan pa mi yi seng ge khyod// brtson 'grus kyis ni sems can 'du shes shig khyod kyis stong pa nyid ni rab tu mkhyen/ / sems can 'du shes de yang khyod kyi spangs// khyod kyis spong pa nyid ni mi dmigs par// brtson 'grus kyis ni chos kun rab tu mkhyen// brtson 'grus stobs kyi pha rol phyin pas na// zhi ba'i sa rnams la yang rab tu bzhugs// bde gshegs khyod kyis sras rnams rjes slob pas// bla na med pa'i byang chub rab tu mchis/ / stobs bcu ldan pa khyod kyi brtson 'grus kyis// yang dag che ba'i bdag nyid rab tu bstan// brtson 'grus stobs kyi pha rol byin pa la// bde bar gshegs pa khyod kyi sras rnams slob/ / sprul pa rnam pa sna tshogs brgya dag gis// sems can rnams ni yongs su smin par bgyid// 'gro ba rnams ni rab tu grol slad du// khyed kyi sras rnams byang chub gang zhugs pa/ / de dag bcom ldan khyod kyi go 'phang 'dir// bde bar gshegs pa'i sras rnams rjes su mchi// 'gro ba rnams ni yongs su smi
- 249a
slad du/ / khyod kyi sras rnams go bgos spyod pa ni// khyod kyi rjes su thams cad rab slob cing // sems can mang po byang chub la yang 'god// pi yi dbang po steng ge khyod kyi sras/ / khrag khrig brtson 'grus dag la gnas nas su// de dag 'gro ba yongs su dgrol srang du// rgyal ba'i zhing ni khrag khrig rnams su mchi// rgyal ba'i zhal ni dri mad zla ba ltar/ / shin tu zil gyis mi non mtha' yas bod// thub pa khyod sras mtshungs pa ma mchis pa// spyad pas dag par gyur pa'i spyad pa spyod// khyod kyi sras po mi slob rnam dag pas/ / sangs rgyas zhing rnams yongs su dag bgyid cing // mi mchog dbang pos sems can khrag khrig rnams// bdag ma mchis par rab tu 'tshal bar bgyi/ / brtson 'grus kyis ni brtson 'grus mtshungs ma mchis// ting 'dzin mi g.yo brtan pa'i ting nge 'dzin// brtson 'grus stobs kyi pha rol phyin nas su// lha dang mi rnams brtson 'grus skyed du btsud/ / lha mi dri za bcas pa'i 'jig rten dag/ brtson 'grus kyis ni shin tu zil gyis gnon// byang chub 'tshal bas brtson 'grus rab tu brtan/ srid pa dag las skye bo sgrol bar 'tshal// gang gis 'dus byas mtshan ma rnams bshig cing // de dag gis ni byang chub thob ma mchis// brtson 'grus dag kyang nam du'ang mi nyam pa//
- 249b
de dag la ni rab tu phyag 'tshal lo// gang rnams bsam pa rtag tu byang chub phyir// gang de rgyal ba'i rigs rnams 'dzin pa dag/ bde gshegs go 'phang gzhol zhing brtan pa rnams// de dag la yang rab tu phyag 'tshal lo// skye bo dag la don dang sman slad du// gang dag rab tu zhum par mi 'gyur zhing // rtag tu bde bar gshegs pa'i go 'phang na// rga shi ma mchis pa la dad pa rnams/ / de dag la yang rab tu phyag 'tshal lo// nang dang rga shi dag las rab thar pa// dri ma gsum bcom khyod kyi skyabs mchis pas// dge ba de yis bde bar gshegs gyur te/ / mi rga mi 'chi byang chub reg par shog/ de nas byang chub sems dpa' sems dpa' chen po brtson 'grus brtsams pas/ bcom ldan 'das de bzhin gshegs pa dri ma med pa'i zla 'od gzi brjid rgyal po de la/ brtson 'grus kyi pha rol tu phyin pa dang ldan pa'i tshigs su bcad pa dag gis mngon par bstod nas/ de brtson 'grus rtsom pa de dag dang ldan par gyur to/ / de bskal pa bye ba dgu bcu'i 'khor ba phyir bsnyil bar gyur to// 'di ltar yang 'jam dpal de'i tshe de'i dus na byang chub sems dpa' brtson 'grus brtsams par gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don
- 250a
thams cad grub pa de/ de'i tshe de'i dus na byang chub sems dpa' brtson 'grus brtsams par gyur to// 'jam dpal de lta bas na byang chub sems dpa' sems dpa' chen po theg pa chen po la yang dag par zhugs pa/ sangs rgyas kyi zhing dpag tu med pa yongs su sbyang bar 'dod pa dang / sems can dpag tu med pa rnams yongs su smin par bya bar 'dod pas/ sangs rgyas kyi zhing yongs su dag par bya ba'i phyir dge ba'i rtsa ba dag yongs su bsngo bar bya'o// sgrib pa med pa'i rnam par thar pa rtogs par bya ba'i phyir/ brtson 'grus kyang mi gtang bar bya ste/ byang chub sems dpa' sem dpa chen po brtson 'grus brtsam pa sgrib pa med pa'i rnam par thar pa la gnas pa ni/ sem can gyi bsam pa rig par bya ba'i phyir sem gnas te/ de bzhin gshe/ pa'i stobs yongs su grub nas sems can thams cad kyi bsam pa'i rjes su song ba zhes bya ba'i ting nge 'dzin de thob bo// des ting nge 'dzin de thob nas sems can phung po gsum du 'byed de/ gsum gang zhe na/ yang dag pa nyid du nges pa'i phung po dang / log pa nyid du nges pa'i phung po dang / ma nges pa'i phung po'o// de sems can gang dag log pa nyid du nges pa'i phung po la gnas pa de dag yongs su smin par bya ba'i phyir/ thabs mkhas pa la slob cing sems can gang dag log pa nyid du nges pa'i phung po la gnas pa de dag
- 250b
ci nas drang ba'i phyir thabs mkhas pa la slob ste/ de thabs mkhas pa de dang ldan pas log pa nyid du nges pa'i sems can rnams rab tu drang ba'i phyir bskal pa brjod du med par 'khor ba na 'dug go/ / 'jam dpal sngon byung ba'i dus na bskal pa dpag tu med/ bsam gyis mi khyab/ mtshungs pa ma da/ brjod du med pa de'i pha rol gyi yang ches pha rol na/ / bdud rtsi'i snying po zhes bya ba'i bskal pa byung ste// bdud rtsi'i snying po'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan da/ / bde bar gshegs pa/ 'jig rngan mkhyen pa/ skyes bu 'dul ba'i kha la sgyur ba// bla na ma dang // lha dang mi rnam kyi ston pa sangs rgyas bcom ldan 'das rin chem tog rgyun mi 'chad pa'i rgyal po zhes bya ba 'jig rten du byung ste/ 'jam dpal de bzhin gshegs pa rimatshan tog rgyun mi 'chad pa'i rgyal po de'i sangs rgyas kyi zhing dar yang / bram ze'i rigs shing sA la chen po lta bu dbang pos byin zhes bya ba zhig sangs rgyas khrag khrig tshad med pa la bstan bkur byas pa/ dge ba'i rtsa ba tshad med pa dang ldan pa zhig byung ngo / / de nas bram ze'i rigs shing sA la chen po lta bu dbang pos byin bcom ldan 'das de bzhin gshegs pa rim che mngon
- 251a
rgyud mi 'chad pa'i rgyal po ga la ba der song sa phyin nas/ de bzhin gshegs pa de'i zhabs la mgo bos phyag 'tshal te/ phyogs gcig tu 'dug phyogs gcig tu 'dug nas/ bram ze'i rigs shing sA la chen po lta bu dbang pos byin des/ bcom ldan 'das de bzhin gshegs pa rin chen tog rgyun mi 'chad pa'i rgyal po ral 'jisad ces gsol to/ / ji tsam gyis byang chub sems dpa' sems dpa' chen po sems can yongs su smin par bgyi ba dang / sangs rgyas kyi zhing yongasu sbyang ba'i thabs mkhas pa dang ldan pa lags/ de skad ces gsol ba dang / bcom ldan 'das de bzhin gshegs pa'i na non tog rgyun mi 'anadu pa'i rgyal pos/ bram ze'i rigs shing sAl chen po lnga bu ba pos byin la 'di skad ces bka' stsal to/ / dbang pos byin nam byang chub sems dpa' sems dpa' chen pos byang chub sems dpa'i ting nge 'dzin sems can thams cad kyi bsam pa'i rjes su song ba zhes bya ba thob pa de ni/ byang chub sems dpa' sems dpa' chen po sangs rgyas kyi zhing yongs su dag par bya ba dang / sems can thams cad yongs su smin par bya ba'i thabs mkhas pa dang ldan par 'gyur ro/ / de byang chub sems dpa'i ting nge 'dzin sems can tham cad kyi bsam pa'i rjes su song ba de dang ldan pas smon lam gang dang gang btab pa
- 251b
de dang des nges par 'byung bar 'gyur te/ des yid bzhin du rab tu rnyed cing sgrub bo// de 'dod na de bzhin gshegs pa gcig gi smon lam yongs su rdzogs par byed/ de 'dod na de bzhin gshegs pa gnyis kyi smon lam yongs su rdzogs par byed/ de 'dod na de bzhin gshegs pa gsum gyi smon lam yongs su rdzogs par byed de/ de bzhin gshegs pa grangs med pa'i bar gyi smon lam yongs su rdzogs par byed do/ / de bzhin gshegs pa bsam gyis mi khyab pa'i smon lam kun rdzogs par byed pas sangs rgyas kyi zhing bsam gyis mi khyab pa yongs su dag par 'gyur ro/ / dbang pos byin shar gyi phyogs mun gang+gA'i krung gi bye ma snyad dang mnyam nga/ 'i sangs rgyas kyi zhing 'das pa na/ ran chen can nas bya ba 'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas dge ba'i zla ba zhes bya ba da ltar bzhugs te 'tsho zhing gzhes so// dbang pos byin de bzhin gshegs pa dag pa'i zla ba de sngon byang chub sems dpa'i spyad pa spyod pa na/ smon lam gang gtab pa de thams cad yongs su rdzogs par 'gyur te/ ngas smon lam 'di skad ces btab bo/ / bdag gi sangs rgyas kyi zhing gi mtha' rdzogs par slab ma yin par sho gcig ces byas nas/ de'i smon lam nga yongs su rdzogs lha
- 252a
sangs rgyas kyi zhing gi tshad gzung sla ba ma yin no/ / gzhan yang bdag gi sangs rgyas kyi zhing gi bkod pa tshad gzung sla bar ma gyur cig/ bdag gi sangs kyi zhing na rin po che 'di snyed do zhes rin po che'i mtha' bde bar rtogs sla bar ma gyur cig/ bdag gi sangs rgyas kyi zhing na byang chub sems dpa' rnams tshad gzung sla bar ma gyur cig/ bdag gi sangs rgyas kyi zhing na rin po che mig mangs ris su bris pa 'di snyed do zhes tshad gzung nus par ma gyur cig/ bdag gi sangs rgyas kyi zhing na 'di snyed kyi gzugs dang / sgra dang dri dang / ro dang / reg bya'i longs spyod dang ldan no zhes tshad gzung nus par ma gyur cig/ bdag gi sangs rgyas kyi zhing de na dge bar spyod pa dang ldan pa'i sems can rnams tshad gzung nus par ma gyur cig/ bdag gi sangs rgyas kyi zhing de na sems can rnams kyi dge ba la mos pa'i spyod pa dang ldan pa tshad gzung rus par ma gyur cig/ bdag gi sangs rgyas kyi zhing der sems can rnams kyi dge ba kun tu spyod pa dang ldan pa rad gzungs sla bar ma gyur cig ces byas nas de smon lam rnams yongs su rdzogs te/ da ltar de'i sangs rgyas kyi zhing de na sangs rgyas kyi zhing bkod pa rnams kyi tshad gzung sla ba ma yin/ rin po che'i mtha' rtogs par sla ba ma yin/ byang chub sems dpa' rnams kyi tshad gzung za ba ma yin
- 252b
rin po che mig mangs ris su bris pa rnams kyi tshad gzung sla ba ma yin/ gzugs dang / sgra dang / dri dang / ro dang / reg bya'i longs spyod dang ldan pa'i tshad gzung sla ba ma yin/ sems can rnams kyi dag par spyod pa dang ldan pa'i tshad gzung sla ba ma yin no// da ltar de'i sangs rgyas kyi zhing de na sems can rnams kyi dge pa la mos pa dang ldan pa'i tshad gzung sla ba ma yin no/ / de ltar de bzhin gshegs pa de sngon byang chub sems dpa'i spyad pa spyod pa na/ smon lam 'di dag dang gzhan yang tshad med pa dag btab par gyur te/ de dag thams cad byang chub sems dpa'i ting nge 'dzin bsam pa'i rjes su song ba la brtan nas yongs su rdzogs so/ / dbang pos byin de lta bas na byang chub sems dpa' sems dpa' chen pos sems can thams cad kyi bsam pa'i rjes su song ba'i ting nge 'dzin rab tu rnyed par bya ba'i phyir brtson par bya'o/ / de nas bram ze'i rigs shing sA la chen po lta bu dbang pos byin nges/ de bzhin gshegs pa rin chen tog rgyun mi 'chad pa'i rgyal po des smon lam de dag bsgrags ma thag tu/ des smon lam de dag thams cad btab bo// de nas bcom ldan 'das des de'i sangs rgyas kyi zhing yon tan bsam gyis mi khyab pa dang ldan par 'gyur ro zhes lung bstan to/ / 'jam dpal 'di ji snyam du sems/ de'i tshe de'i dus na bram ze'i rigs shing sA la chen po lta bu
- 253a
dbang pos byin zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na bram ze'i rigs shing sA la chen po lta bu dbang pos byin zhes bya bar gyur te/ de bzhin gshegs pa don thams cad grub pa de'i sangs rgyas kyi zhing yon tan de snyed dang ldan no/ / de lta bas na 'jam dpal byang chub sems dpa' sems dpa' chen pos/ ji ltar smon lam de dag la bslab par bya'o// ji ltar smon pa'i smon lam la slob na/ byang chub sems dpa' sems dpa' chen po thabs mkhas pa de dang ldan pas sems can khrag khrig dpag tu med pa yongs su smin par byed do// de'i tshe'i tshad dpag tu med par 'dzin te/ sems can khrag khrig dpag tu med pa yang tshe'i tshad dpag tu med pa 'dzin du 'jug go// 'jam dpal sngon byung ba 'das pa'i dus na bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa de'i pha rol gyi yang ches pha rol na/ dge ba 'byung ba zhes bya ba'i bskal pa byung ste/ dge ba 'byung ba'i bskal pa de la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
- 253b
bar gshegs pa/ 'jig rten mkhyen pa/ skyes bu 'dul kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das spros mchog rgyal po zhes bya ba 'jig rten du byung ste/ 'jam dpal de bzhin gshegs pa dgra bcom pa yang dag par rdzogs pa'i sangs rgyas spos mchog rgyal po de'i sangs rgyas kyi zhing der/ bram ze'i rigs shing sA la chen po lta bu tsan dan gyi snying po zhes bya ba zhig byung ngo / / bram ze'i rigs shing sA la chen po lta bu tsan dan gyi snying po de/ de bzhin gshegs pa spos mchog rgyal po ga la ba der song ste phyin nas/ bcom ldan 'das de bzhin gshegs pa spos mchog rgyal po'i zhabs la mgo bos phyag 'tshal nas/ phyogs gcig tu 'dug go// phyogs gcig tu 'dug nas/ bram ze'i rigs shing sA la chen po lta bu tsan dan gyi snying po des/ de bzhin gshegs pa spos mchog rgyal po de la 'di skad ces gsol to// thabs mkhas pa dang ldan pa/ / thabs mkhas pa dang ldan pa zhes bgyi/ bcom ldan 'das ji tsam gyis na/ byang chub sems dpa' sems dpa' chen po thabs mkhas pa dang ldan pa lags de skad ces gsol pa dang / bcom ldan 'das de bzhin gshegs pa spos mchog rgyal pos/ bram ze'i rigs shing sA la chen po lta bu tsan dan gyi snying po de la 'di skad ces
- 254a
bka' stsal to/ / tsan dan gyi snying po nam byang chub sems dpa' sems dpa' chen pos sems can thams cad kyi bsam pa la zhugs te bsam pa la zhugs nas so so ci rigs par chos ston pa de tsam gyis byang chub sems dpa' sems dpa' chen po thabs la mkhas pa dang ldan pa yin no/ / de thabs la mkhas pa de dang ldan pas/ mos pa ji lta ba bzhin du sems can rnams la mthun par chos ston par byed do// de thabs la mkhas pa de lta bu dang ldan pas na sangs rgyas kyi zhing yongs su sbyong ba dang / sems can yongs su smin par bya ba'i phyir/ bskal pa brjod du med par yang brtson pa mi 'dor ro// de thabs mkhas pas yongs su zin pa'i shes rab kyi pha rol tu phyin pa la spyod pa na/ nam yang thabs mkhas pa dang bral ba'i sems ma skyes so// myur du sangs rgyas kyi zhing brjod du med pa yang yongs su spyong do// de nas bram ze'i rigs shing sA la chen po lta bu tsan dan gyi snying po de bcom ldan 'das de bzhin gshegs pa spos mchog rgyal po de thabs la mkhas pa dang ldan pas/ shes rab kyi pha rol tu phyin pa bstan ma thag tu ji ltar bstan pa bzhin rab tu sgrub bo/ / ji ltar bstan pa bzhin rab tu sgrub pas na/ sems can rnams kyi bsam pa la 'jug pa shes pa rab tu thod par gyur to//
- 254b
de thabs la mkhas pa de dang ldan pas sangs rgyas kyi zhing yongs su sbyang ba dang / sems can yongs su smin par bya ba'i phyir bskal pa brjod du med par yang brtson pa mabor ro// ngas thabs la mkhas pas yongs su zin pa'i shes rab kyi pha rol tu phyin pa la spyod pa na/ bskal pa brjod du med par nams kyang thabs la mkhas pa dang bral ba'i sems ma skyes so// sems bskyed pa des phyogs bcu'i 'jig rten gyi khams na/ sangs rgyas kyi zhing grangs med brjod du med pa rnams yongs su sbyangs so// sangs rgyas kyi zhing re rer yang sems can dkrigs phrag khrag khrig brjod du med pa yongs su smin par byas so/ / sangs rgyas kyi zhing re rer yang sems can khrag khrig tshad med pa rnams zab mo'i chos kyi bzod pa la rab tu bkod do/ / 'jam dpal de'i tshe de'i dus na bram ze'i rigs shing sA la chen po lta bu tsan dan gyi snying po zhes bya bar gyur pa de gzhan zhig yin pa snyam du 'dzin na/ 'jam dpal khyod kyis de ltar mi blta'o/ / de ci'i phyir zhe na/ de bzhin gshegs pa don thams cad grub pa da/ de'i tshe de'i dus na bram ze'i rigs shing sA la chen po lta bu tsan dan gyi snying po zhes bya bar gyur te/ 'jam dpa' de lta bas na byang chub sems dpa' sems dpa' chen pos sems kyi mtshan ma la nges par rtog pa'i bzod pa la brtson par bya'o/ / / bam po drug pa/
- 255a
'jam dpal sngon byung ba 'das pa'i dus na/ bskal pa tshad meng/ grangs med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhams/ skyes bu 'dul ba'i kha lo sgyur ba// bla na med pa/ lha dang mi rnams kyi ston pa sangs rgyas bcom ldan 'das ye shes 'byung gnas zhes bya ba 'jig rten du byung ste// de bzhin gshegs pa ye shes 'byung gnas de'i sangs rgyas kyi zhing du byang chub sems dpa' sems dpa' chen po shes rab bla ma zhes bya ba byung ste/ de nas byang chub sems dpa' sems dpa' chen po shes rab bla mas bcom ldan 'das de bzhin gshegs pa ye shes 'byung gnas de la de zhus nas/ sems can yongs su smin par bya ba'i phyir yul rgyu zhing song ngo // de yul rgyu zhing song nas sangs rgyas kyi zhing brjod du med pa yongs su sbyangs te/ sangs rgyas kyi zhing re rer yang sems can bye ba khrag khrig brjod du med pa rnams bla na med pa'i chos la nges par sems pa'i bzod par yong su smin par byas nas/ des smon lam 'di skad btab bo// sangs rgyas kyi zhing gang du skyes pa der sems can rnams kyis sangs rgyas byung ba snyam du shes par shog cig/ bdag
- 255b
sangs rgyas kyi zhing gang du skyes par sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris dang / mi khom pa thams cad rgyun chad par shog cig ces des smon lam btab pa yongs su rdzogs par gyur te/ 'jam dpal byang chub sems dpa' shes rab bla ma byang chub sems dpa'i spyad pa spyod cing / sangs rgyas kyi zhing gang du skyes pa der/ sems can rnams kyi sangs rgyas 'byung ba shes shing / sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris dang / mi khom pa thams cad yongs su chad par gyur to// chad par gyur nas kyang sangs rgyas kyi zhing der bla mar byung ngo // des yang smon lam 'di skad du btab ste/ gang bdag gis byang chub sems dpa'i spyad pa spyod pa na/ sa'i phyogs su rkang pa'i mthil gyis reg par gyur pa de dag bskal pa brjes kyi bar du mchod rten du gyur par shog cig/ sems can gang gis mchod rten de'i gnas mthong yang rung thos kyang rung / der song yang rung / de dag thams cad bla na med pa yang dag par rdzogs pa'i byang chub las phyir mi ldog par gyur cig/ mchod rten gyi gnas de ji srid du 'dug pa de'i bar du sangs rgyas kyi zhing der dam pa'i chos nub par mi 'gyur bar shog cig/ mchod rten gyi gnas ji srid du 'dug pa de srid du sangs rgyas kyi zhing de na/ sems can rnams dam pa'i chos nyan pa rgyun mi 'chang par
- 256a
shog cig/ sems can gang gis bdag gi ming thos pa de dag thams cad kyang bla na med pa yang dag par rdzogs pa'i byang chub las phyir mi ldog par gyur cig ces byas nas/ de'i smon lam de yongs su rdzogs par gyur te/ de spyod pa la zhugs pas sangs rgyas kyi zhing de 'dra ba kun 'dzin cing yongs su sbyangs so// sangs rgyas bya ba phrag bco brgyad kyi smon lam ji lta bu ji snyed pa de thams cad kyang des bzung ngo / / sangs rgyas bye ba phrag bco brgyad kyi tshe'i tshad ji srid pa de thams cad kyang des yongs su bzung ngo // sangs rgyas bye ba phrag bco brgyad kyi nyan thos 'dus pa ji snyed pa de snyed kyi nyan thos 'dus pa'ang des yongs su bzung ngo / / sangs rgyas bye ba phrag bco brgyad kyi byang chub sems dpa'i tshogs ji snyed pa de snyed kyi byang chub sems dpa'i tshogs kyang des yongs su bsdus so/ / sangs rgyas bye ba phrag bco brgyad de dag gis sangs rgyas kyi zhing gi phun sum tshogs pa ji snyed pa de thams cad kyang nges yongs su bzung ngo // des sangs rgyas kyi zhing bye ba khrag khrig brjod du med pa yongs su sbyangs nas/ de bcom ldan 'das de bzhin gshegs pa ye shes 'byung gnas de ga la ba der song ste phyin nas/ de bzhin gshegs pa ye shes 'byung gnas de'i zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ byang chub sems dpa' shes rab bla mas de bzhin gshes
- 256b
pa ye shes 'byung gnas de la 'di skad ces gsol to/ / gang bcom ldan 'das kyi sras rnams yab las skyes pa de dag spun lags te/ bcom ldan 'das bdag gis nu bo de dag la de bzhin gshegs pas ci nas kyang / byang chub sems dpa' dag skye bo mang po la sman par 'jug pa de lta bu'i chos bshad du gsol/ de skad ces gsol pa dang / de bzhin gshegs pa ye shes 'byung gnas des byang chub sems dpa' shes rab bla ma de la 'di skad ces bka' stsal to/ / shes rang bla ma khyod shes rab kyi pha rol tu phyin pa la zhugs te/ bla na med pa yang dag par rdzogs pa'i byang chub mngon par rdzogs par sangs ma rgyas kyang / sangs rgyas kyi bya ba byed pa lags so legs so// de nas bcom ldan 'das de bzhin gshegs pa ya shes 'byung gnas kyis/ / dge slong gi dge 'dun la 'di skad ces bka' stsal to// dge slong dag byang chub sems dpa' shes rab bla mas ji lta bur las byas pa la ltos// dge slong byang chub sems dpa' shes rab bla mas sems can ji snyed smin par byas pa ni rtsis mkhan nam/ rtsis mkhan gyi slob mas bskal par yang rung / bskal pa brgyar yang rung / bskal pa khrag khrig tu yang rung ste/ de dag gis brtsi bar mi nus so// 'jam dpal de na byang chub sems dpa' shes rab bla ma des/ sems can tshad med pa nyan thos kyi mya ngan
- 257a
las 'da' bar yongs su mya ngan las bzlas so/ / de'i nyis 'gyur gyi byang chub sems dpa' sems dpa' chen po rnams bla na med pa yang dag par rdzogs pa'i byang chub la rab tu bkod do/ / byang chub sems dpa' de dag thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas/ tshad med pa'i sems can rnams yongs su mya ngan las bzlas te/ yongs su mya ngan las 'das so// de lta bur byang chub sems dpa' sems dpa' chen po shes rab bla ma des sems can rnams yongs su mya ngan las bzlas so/ / sems can shin tu mang po byang chub la rab tu bkod do// 'jam dpal 'di ji snyam du sems/ de'i tshe de'i dus na dge slong shes rab bla ma zhes bya bar gyur pa de gzhan zhig yin pa snyam du 'dzin na/ 'jam dpal khyed kyis de ltar mi blta'o// de ci'i phyir zhe na/ de bzhin gshegs pa don thams cad grub pa de/ de'i tshe de'i dus na byang chub sems dpa' shes rab bla ma zhes bya bar gyur to/ / 'jam dpal de ltar de bzhin gshegs pa don thams cad grub pa de sngon byang chub sems dpa'i spyad pa spyod pa na// sgrib pa med pa'i sangs rgyas kyi rnam par thar pa la gnas pas thabs mkhas pa dang ldan par gyur to// de lta bas na 'jam dpal byang chub sems dpa' sems dpa' chen po rnams
- 257b
kyi thabs mkhas pa dang ldan par bya'o/ / thabs mkhas pa yongs su rdzogs par bya ba'i phyir byang chub sems dpa' la chos thams cad la dbang dang ldan pa'i ting nge 'dzin bshad par bya'o// chos thams cad la dbang ldan pa'i ting nge 'dzin la rab tu gnas pa'i byang chub sems dpa' sems dpa' chen po sems bskyed pa gcig gis kyang sangs rgyas kyi zhing brjod du med par sangs rgyas bcom ldan 'das rnams la bsnyen bkur byas nas/ de dag kun tu spyad pa la slob pa ni 'jam dpal 'di lta ste/ dper na mtsho chus gang nas 'gags pa med cing khong chu 'bab pa ni sa gang logs su gzhol ba der 'bab bo/ / de bzhin du chos thams cad la dbang dang ldan pa'i ting nge 'dzin la rab tu gnas pa'i byang chub sems dpa' sems dpa' chen po bdag las gar bltas pa de dang der sangs rgyas kyi chos rnams kyis rlan par byed de/ de lta na byang chub sems dpa' de sangs rgyas kyi chos thams cad la dmigs pa yin no// de nas 'jam dpal gzhon nur gyur pas bcom ldan 'das la tshigs su bcad pa dag gis mngon par bstod ngo // bcom ldan chos rnams gnyis ma mchis// chos rnams bye brag mchis ma lags/ / de ni chos kyi mtshan nyid de// chos kun mtshan nyid ma mchis lags// nam mkha' ji ltar nam mkha' yis// dpar bgyir rung ba ma lags te//
- 258a
chos kyi dper yang de bzhin du// rnam par bcad pa de ma mchis// kang smra de yi tshig kyang yong ma mchis// gang la smra ba de yang rnyeng mi 'gyur// gang gis rig pa de yang ma mchis lags/ / log par rtog la chags pa'i dbang gis su// 'dir ni 'gro ba 'di kun rab tu 'khyams// mi gang zhig gi zhi ba'i chos rig pa// des ni rang byung de bzhin gshegs pa mthong / / chos mchog zhi ba rnams kyang rab tu rtogs// dga' ba rnyed nas sems can tshim par byed// nyon mongs rgyal nas de ni rgyal bar 'gyur// bdag nyid rgyal bar gyur cing bdag nyid gnas/ / de slad rgyal ba'i byang chub rab tu rtogs// sangs rgyas nas ni 'gro ba rtogs par mdzad// gang nas bla med byang chub mchis pa yi// shul der sems can lam grol zhugs pa skye/ / rgyal bzhi gnas 'gro ba zhi bar mdzad// 'byung ba'i ngo bo med par 'gro bar sgom// sems can gang dag shin tu lobs gyur pa// ye shes ldan pas mi shes ma mdzad de/ / 'das pa'i drang srong chen pos gang byung de// rgyal ba de dag gi yang shul mchog 'di// drang srong mchog kyang de yi shul nas gshegs// ma byon gang de rnams kyang gshegs par gyur/ / de bzhin chos 'di rab tu sus rtogs pa// de la gal te sangs rgyas bye stong gis// 'di ni tshul ma yin zhes gsung na yang // khyed ni rgyal ba ma yin de zhes smra// gzhan
- 258b
kyi blo phyir gang dag mi mchi ba/ / de yi sems ni de las yong mi 'gyur// rgyal ba'i tshul la bdag ni mngon sum gyur// mi yi rgyal po khyod ni thams cad bgyir mi rung // chos la chos kyis mthong ma mchis/ / chos kyis chos rnams mi rig ste// shes pa po dang chos rnams kyang // gnyis ka 'di na yong ma mchis// sangs rgyas chos dang sangs rgyas su// mi mkhas gang dag rnam par rtog/ de dag sangs rgyas de bzhin du// sangs rgyas chos rnams mi rig lags// sangs rgyas chos dang sangs rgyas zhes// de ni byis pa'i spyod yul te// sangs rgyas chos dang sangs rgyas ni/ / sus kyang rtogs par rngo mi thog/ ji ltar tshig gis brjod pa ltar// chos 'di dag la gdags ma mchis// chos de gdags pa ma lags te// bdag dang 'dra bar rtogs par bgyi/ / bdag ni gdags su ma mchis te// 'on kyang bdag ces smra ba bzhin// chos rnams la ni btags pa yang // bdag dang 'dra bar rtogs par bgyi// bdag ni btags par ma mchis te// 'on kyang bdag ces smra ba bzhin// chos rnams btags pa ma mchis par// mkhas pa rnams kyis rtag tu rtogs// ji ltar nam mkha'i ri so ni/ / ma byung 'byung bar mi 'gyur te// de bzhin chos rnams gdags pa yang // ma byung 'byung bar mi 'gyur lags// rdzas ma lags pa'i 'dzegs pa yis// mi gang 'di la
- 259a
'dogs pa ni/ / mdzangs pa rnams kyis mi bsngags te// de ni mkhas pas dpyad pa lags// 'dogs pa de bzhin chos rnams la// mi gang 'di la 'dos/ pa ni// mdzangs pa rnams kyis mi bsngags te// mkhas pas de ni dpyad pa lags// 'gro ba ma mchis 'gro ba'i sgras// sangs rgyas rnams kyis bstan pa ni// nam mkha'i mo bris pa ltar/ / de bzhin chos rnams rtogs par bgyi// bar snang bya rjes ji bzhin du// 'gro de nges par ma mchis lags// sbal pa'i spu yi la ba ltar// de bzhina'i ba'i chos nyid blta/ / bzhin gyi gzugs brnyan me long la// rang bzhin stong par mkhas pas bshad// dkyil 'khor de na bzhin gzugs ltar// de bzhin rnam pa thams cad blta// ji ltar mi dag ri yi bar mchis te// skad byung nas ni brag phug sgra yang grag/ brag cha de la byed pa ma mchis ltar// de bzhin chos la byed pa su ma mchis// chos 'di dag ni rgyal bas de ltar bstan/ / mchis pa ma lags 'di la byed ma mchis// rang byung 'di dag rtogs nas rab bstan te// de bzhin gshegs pas shin tu ngo mtshar mdzad// rgyal bas bstan pa'i chos rnams gang rtogs pa/ / mi yi 'dren pa de dag ngo mtshar te// mig dang ldan pas bstan nas long ba dag/ gzugs rnams mthong ba bzhin du ngo mtshar lags// long ba gzhan gyis bstan pa'i
- 259b
gzugs rnams la/ / mthong bar gyur na de ni ngo mtshar te// de bzhin 'dzin pa khyod kyi gsung thos nas// gang dag dad par gyur pa ngo mdzar lags// chos rnams bstan pa dag kyang de bzhin du/ / thar par 'tshal bas rab tu rtogs par bgyi// gang dag chos rnams reg par mi 'gyur ba// de dag gis ni de bzhin gshegs pa mthong // de nas 'jam dpal gzhon nur gyur pas/ / bcom ldan 'das kyi spyan sngar tshigs su bcad pa de dag smras nas/ bcom ldan 'das la 'di skad ces gsol to// bcom ldan 'das byis pa so so'i skye bo gang chos thams cad ngo bo nyid ma mchis par bstan pa dang / chos thams cad ngo bo nyid ma mchis par smra ba de dag ni/ bcom ldan 'das kyi ldem po ngag ma 'tshal lags so/ / de ci'i slad du zhe na/ bcom ldan 'das chos rnams ni thog ma nas dmigs su ma mchis/ ngo bo nyid ma mchis par bstan du ga la mchis/ bcom ldan 'das chos gang dmigs su ma mchis pa de dag ni gang yang bgrang bar yang ma bgyis pa lags so/ / de ci'i slad du zhe na/ bcom ldan 'das chos thams cad ni nam mkha' dang mtshungs te/ gnyis su ma mchis shing gnyis su dbyer ma mchis lags so/ / bcom ldan 'das gzugs zhes bgyi ba 'di ni gnyis ma mchis pa bgrang bar bgyis pa lags te/ de ci'i slad du zhe na/
- 260a
bcom ldan 'das gzugs ni nam mkha' dang mtshungs te/ gnyis su ma mchis shing gnyis su dbyer ma mchis pa lags so// bcom ldan 'das dper bgyi na nam mkha' la gnyis su mi dmigs pa de bzhin du/ gzugs la'ang gnyis su mi dmigs lags so// bcom ldan 'das de bzhin du tshor ba dang / 'du shes dang / 'du byed dang / rnam par shes pa'ang gnyis su ma mchis te/ gnyis su dbyer ma mchis lags so// de ci'i slad du zhe na/ bcom ldan 'das rnam par shes pa ni nam mkha' dang mtshungs te/ bcom ldan 'das gzugs gang lags pa dang / rnam par shes pa gang lags pa dang / gnyis su ma mchis pa gang lags pa dang / 'dus ma byas pa gang lags pa de ni gnyis su ma mchis pa dang / gnyis su dbyer ma mchis lags so// bcom ldan 'das tshor ba dang / 'du shes dang / 'du byed dang / rnam par shes pa gang lags pa dang / gnyis su ma mchis pa dang / gnyis su dbyer ma mchis pa gang lags pa dang / bcom ldan 'das 'dus byas gang lags pa dang / 'dus ma byas gang lags pa de dag ni gnyis su ma mchis te/ gnyis su dbyer ma mchis lags so// 'di ni 'dus byas so// 'di ni 'dus ma byas so zhes bgyi de yang bcom ldan 'das gnyis su ma mchis pa la bgrang ba bgyis lags so//
- 260b
bcom ldan 'das sgrib pa ma mchis pa'i rnam par thar pa 'di la spyod pa'i byang chub sems dpa' sems dpa' chen po de gnyis su med par spyod pa zhes bgyi ste/ bcom ldan 'das 'das pa'i dpe ba'i rtsa ba gang lags pa dang / ma 'ongs pa'i dge ba'i rtsa ba gang lags pa dang / da ltar byung ba'i dge ba'i rtsa ba gang lags pa de ni gnyis su ma mchis pa'i tshig bla dgas lags so// 'dod pa'i khams dang ldan pa gang lags pa rnams dang / gzugs kyi khams dang ldan pa gang lags pa rnams dang / gzugs ma mchis pa'i khams dang ldan pa gang lags pa rnams dang mya ngan las 'das pa'i dbyings dang ldan pa gang lags pa'i dge ba'i rtsa ba de dag kyang gnyis su ma mchis pa'i tshig bla dgas lags so/ / zag pa dang bcas pa'i dge ba'i rtsa ba gang lags pa rnams dang / zag pa med pa'i dge ba'i rtsa ba gang lags pa de dag kyang / gnyis su ma mchis pa'i tshig bla dgas lag so// nyan thos kyi dge ba'i rtsa ba gang lags pa rnams dang / rang sangs rgyas kyi dge ba'i rtsa ba gang lags pa rnams dang / sangs rgyas kyi dge ba'i rtsa ba gang lags pa de dag ni gnyis su ma mchis shing gnyis su dbyer ma mchis lags so/ / dge ba'i rtsa ba gang lags pa dang / mi dge ba'i rtsa ba gang lags pa de yang gnyis su ma mchis te/ gnyis su dbyer ma mchis lags so// 'khor ba gang
- 261a
lags pa dang / mya ngan las 'das pa gang lags pa de dag kyang gnyis su ma mchis te/ gnyis su dbyer ma mchis lags so// bcom ldan 'das de ltar gnyis su ma mchis pa'i chos kyi tshul 'di la nem nur ma mchis shing / the tsom mi 'tshal ba de ni gnyis su ma mchis pa spyod pa'i byang chub sems dpa' sems dpa' chen po zhes bgyi'o/ / de nas 'jam dpal gzhon nur gyur pas de'i tshe tshigs su bcad pa 'di dag gsol to// gang dag rgyal ba'i mi gnyis tshul rtogs pa// de dag the tsom ma mchis bde bar gshegs/ / de dag rga shi ma mchis gnas mthong ste// de dag rgyal ba nyan thos bcas pa mchod// mi gnyis bye brag ma mchis chos nyid du// bde bar gshes pas chos kun bstan pa mdzad/ / gzhan ma lags pa'i tshig 'di thos nas su// mkhas pa rnams kyi the tsom ma mchis 'gyur// gang dag skyon bral zhi bar rab zhugs pa// mdung pa med par byang chub rab tu bstan/ / de ni ston pa'i yul la rab zhugs te// de dag ston pa'i bka' la rab tu gnas// gang dag 'di ni gzugs zhes bya zhes brjod// tshor ba dang na 'du shes sems pa dag/ de ni 'dus byas rnam shes de skad snyom// de dag ston pa'i bka' la gnas ma lags// gang dag dge ba rab tu bzang zhe 'am// dge ba ma yin chos
- 261b
rnams ngan zhes mchi/ / de dag ston pa'i bka' la mi gnas te// de dag gnyis la spyod pa'i mi zhes bstan// khams gsum pa zhes gang dag brjod pa'i mi// de dag zung ba'i bstan la brtson ma bgyis/ / dam pa'i don du khams gcig ma mchis na// de la gsum du mchis par ga la 'gyur// gang dag de bzhin 'di dag 'dus byas te// cig shos 'dus ma byas zhes rnam gnyis smra/ / de dag bde gshegs bstan pa'i chos rnams la// nan tan bgyid par spro ba'i mi ma lags// 'di ni mi gnyis chos shes gang smra ba// de dag ston pa'i bka' la mi gnas te/ / bde bar gshegs pas chos rnams gang bstan pa// de la gnyis dang mi gnyis chos ma mchis// gang dag bde gshegs bstan ces smra/ bgyid pa// ston dang de dag dmigs su ma mchis te// gang gis bstan pa de yang ston ma mchis// gang la bshad pa de yang ma mchis lags// gang bstan de yang dmis su mchis ma lags/ / gang la rig bgyi de yang skye ma mchis// kun tu thams cad ci yang dmigs ma mchis// rgyal ba'i sras rnams de ltar rtogs par bgyid// chos gang dade bar gshegs pa ston pa yang / / de la chos de dmigs par mi 'gyur te// stong pa nyid ni ci yang yong mi dmigs// mtshan med mtshan ma med nyid de bzhin dmigs// gang du smon
- 262a
pa med par bshad pa yang / / de la smon pa med pa mi dmigs lags// de bzhin grol dang grol bar bgyi mi dmigs// bde bar gshegs pas de 'dra'i chos bstan te/ / bde bar gshegs pas de 'dra'i chos bstan pa// gang dag de ma rtogs nas gzhan rtogs pa// de dag skye bo rtag tu bcings nas su// srin bu brgya bgyid bzhin du gnod pa bgyid/ / gang zag dam pa ston pa thugs rje can// 'jig rten mgon po srog chags phan bzhed pas// sngon chad dka' ba spyad pa brgya spyad de// thugs rje rab tu bskyed nas kun tu 'byung / / gang gis 'gro ba rtogs ldan mgu bgyid pa// lam mchog de ni de yis rab tu bstan// dga' sems bde gshegs mthun pa'i brtul zhugs can// de dag pade gshegs bstan pa'i 'gro ma mchis// 'ong dang 'gro bar sgra yis bshad pa yang // de la 'ong ba dmigs su yong ma mchis// gang gis bstan pa de yang mi dmigs la// bde / par gshegs pas chos nyid rab tu bstan// zhi dang zhi ba gang na'ang yong ma mchis// rab tu ma zhi de yang mchis ma lags// zhi ba'i ston pa'ang de bzhin ma mchis lags// zhi ba gang lags de yang yong mi dmigs/ / kun nas nyon mongs gang na'ang ma mchis te// kun nas nyon mongs gyur pa'ang ma mchis lags// shes ldan gang lags der yang ma mchis te//
- 262b
gang gis bstan pa de yang ma mchis lags// de bzhin chos nyid rgyal bas shin tu bstan// ston pa dang ni brjod pa'ang ma mchis te// ming du bstan pa'ang de bzhin mchis ma lags// de ltar rgyal ba'i chos nyid rtogs par bgyid// ston dang bstan pa tshor dang tshor bgyid dang // 'dren dang 'dren pa zhi dang zhi bgyid pa// nam mkha' bar snang bya yi rjes 'dra bar// zab pas yang dag chos nyid rab tu bstan/ / de bzhin chos nyid la yang gang rtogs pa// des ni de bzhin gshegs pa yang mthong zhing // de yis mi yi gtso bor bkur stir bgyis// sangs rgyas sa la mkhas shing rnam par rtogs/ / de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal chos bshad pa 'di rnams sus shes par 'gyur/ gsol pa/ bcom ldan 'das ma skyes ma 'gags pas chos bshad pa 'di rnams 'tshal bar 'gyur ro// bka' stsal pa/ 'jam dpal gal te ma skyes ma 'gags pas shes par 'gyur na/ ji ltar khyed kyis bla na med par yang dag par rdzogs pa'i byang chub mngon par rdzogs par sangs rgyas nas chos bshad par 'gyur gsol pa/ bcom ldan 'das gal te bdag kyang gzhan la/ byang chub kyang gzhan na ni bdag byang chub mngon par rdzogs par 'tshang rgya lags so// bka' stsal pa/ 'jam dpal
- 263a
de skad du bshad na ni byis pa so so'i skye bo rnams skrag par 'gyur ro/ / gsol pa/ gal te skrag pa'i chos gang 'ga' zhig mchis na ni de la skrag par yang 'gyur na/ bcom ldan 'das chos thams cad la skrag pa ma mchis lags so// bka' stsal pa// 'jam dpal skrag ces bya ba de chos gang gi tshig bla dgas yin// gsol pa// bcom ldan 'das skrag ces bgyi ba de ni phyin ci log gi tshig bla dgas lags so/ / bka' stsal pa/ 'jam dpal phyin ci log ces bya ba de ni chos gang gi tshig bla dgas yin/ gsol pa/ bcom ldan 'das phyin ci log ces bgyi ba de ni yang dag pa nyid kyi mtha'i tshig bla dgas lags so/ / bka' stsal pa/ 'jam dpal yang dag pa nyid kyi mtha' ni skrag par mi 'gyur ro// gsol pa/ bcom ldan 'das de de lta lags te/ yang dag pa nyid kyi mtha' ni skrag par mi 'gyur te/ mi skrag pa zhes bshad pa lags so// bcom ldan 'das 'di lta ste/ dpar bgyi na yang dag pa'i mtha' yang yang dag pa'i mtha' zhes brjod lags mod kyi/ don dam par na yang dag pa'i mtha' yang mi dmigs te/ de bzhin du bcom ldan 'das skrag pa'ang mi dmigs/ mi skrag pa'ang mi dmigs lags so// bcom ldan 'das chos thams cad brjod du ma mchis te/ brjod du ma mchis pa yang mi dmigs lags so//
- 263b
de nas 'jam dpal gzhon nur gyur pas de'i tshe tshigs su bcad pa 'di dag gsol to// chos rnams thams cad mi skrag ste// mi skrag pa yang mchis ma lags// chos rnams brjod pa tsam du bas/ / yang dag mtshan nyid de ma lags// ma skyes pa yi bu la yang // bu zhes gdags par 'gyur mod kyi// de ni bu ni rnyed mi 'gyur// kun rdzob chos rnams de 'dra lag// ji ltar mo gsham bu rnams ni// 'chi bar 'gyur ba mi dmigs pa// de bzhin kun rdzob chos rnams kyang // rnam pa kun tu mi dmigs lags// kun rdzob rnams kyang kun rdzob tu/ / ma byung 'byung bar mi 'gyur te// ji ltar nam mkha' bar snang la// ri mo bris pa ma mchis lags// kun rdzob la yang kun rdzob ces/ mi gang rjes su 'brang ba ni/ la phyin ci log ces kyang // mig ldan rnam par mthong ba smra// kun rdzob dang ni dam pa'i don// de dag gnyis ka mi rtogs te// gang gis de ltar mi rtogs pa// de ni chos nyid mi rtogs so/ / gang dag chos nyid mi rtogs pa// de dag so so'i skye bor gsungs// de dag 'jig rten mgon kun gyi// mu stegs gzhan zhes rab tu gsungs// gang gis chos nyid rig pa ni/ / de dag sangs rgyas bstan la skyes// bdud stong bye ba rnams kyis kyang // de la spyod par rngo mi thogs// gang dag bla med sangs rgyas sa// zhi ba de ni ma rtog pa//
- 264a
mkhas pa de dag skrag pa dang // mi skrag par ni rmongs mi 'gyur// gang dag sangs rgyas bye ba las// zhi ba sa la spyad bgyis pa// mkhas pa de dag skrag pa dang / / mi skrag rnam par rtog mi bgyid// gnyis su ma mchis sa thob nas// mkhas pa gang dag mi zhen pa// de ni mi dbang sras lags te// chos kyis sprul pa thugs kyi sras// / rtogs shing mngon bgyis mthong ba dang // chos mchog gang gis rnyed de dag/ gum na'ang mya ngan mi bgyid la// dge bar 'gyur ba'ang ma mchis lags// 'gum pa la yang dga' mi bgyid/ / 'tsho ba'ang yongs su 'tshol mi bgyid// btang snyoms smra ba dpa' bo dang // dge ba'i chos ni mang po bgyid// byang chub ched du lam sbyong zhing // sangs rgyas rigs 'dzin/ de dag ni// sangs rgyas spyod yul gang lags pa// yab kyi rjes su rab tu slob// brtson 'grus ldan zhing 'jigs ma mchis// sems can kun la sman slad du// thams cad mkhyen pa yongs su tshol/ / zhi ba mya ngan 'da' bar zhugs// 'jig rten shin tu bsregs pa la// de dag mya ngan 'da' ston te// bdag nyid la ni mi lta zhing // bde dang sdug bsngal mi gnas lags/ / ji ltar mgo la me 'bar ba// zhi bar bgyi ba tshol ba bzhin// sems can kun gyi don slad du// de dag de bzhin chos rnams tshol// 'gro la
- 264b
dag pas nyin mtshan du/ / de dag rang byung shin tu tshol// bskal pa bye ba stong du yang // nams kyang brtson 'grus mi 'dor ro// du dang chung ma nor dang 'bru// mgo dang de bzhin rgyal po'i srid/ / zhum pa ma mchis kun gtong zhing // de dag gtong ba rab tu bsgoms// srog chags kun gyi don slad du// de dag byang chub mchog reg 'gyur// blo mchog ldan pa de dag ni/ / mthong zhing thos pa rnyed par dka'// de nas 'khor der byang chub sems dpa' thams cad zil gyis gnon pa zhes bya ba 'dus te 'dug par gyur pa de bcom ldan 'das la 'di skad ces gsol to/ / bcom ldan 'das 'di lta ste/ dper bgyi na bar snang la rgyu ba'i bya rten pa ma mchis shing // nam mkha'i khams la mi chags par gang dang gang du 'tshal ba de dang der mchi ba de bzhin du/ bcom ldan 'das 'jam dpal gzhon nur gyur pa yang chos kyi dbyings la gnas te/ mi chags par chos 'chad lags so/ / bcom ldan 'das 'jam dpal gzhon nur gyur pa 'di chos kyi dbyings la zhugs nas ji srid lags/ de skad ces gsol pa dang / bcom ldan 'das kyis/ byang chub sems dpa' thams cad zil gyis gnon pa la 'di skad ces bka' stsal to/ / thams cad zil gyis gnon pa sangs rgyas bye ba khrag khrig 'bum phrag dpag tu med pa gang dang
- 265a
gang yongs su mya ngan las 'das pa yang / 'jam dpal gzhon nur gyur pa 'dis bla na med pa yang dag par rdzogs pa'i byang chub tu btsud de/ de bzhin gshegs pa de dag thams cad kyang sangs rgyas kyi zhing yongs su dag par bla na med pa yang dag par rdzogs pa'i byang chub mngon par rdzogs par sangs rgyas nas/ yongs su mya ngan las 'das lags so/ / rigs kyi bu sngon byung ba 'das pa'i dus na/ bskal pa dpag tu med/ grangs med/ bsam gyis mi khyab/ mtshungs pa med/ brjod du med pa de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas ye shes kyi dpal zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa ye shes 'byung gnas zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa ye shes bla ma zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa ye shes mthong ba zhes bya ba 'jig rten du byung ngo // de'i pha rol gyi yang ches pha rol na/ bzhin gshegs pa ye shes spyod yul zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa ye shes mdzod ces bya ba 'jig rten du byung ngo //
- 265b
de'i pha rol gyi yang ches pha rol na/ de bzhin gshegs pa ye shes dpa' bo zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa sang ge sgrog pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa seng ge rnam par gnon pa zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa seng ge blo gros zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa stobs rab tu 'joms pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa shugs 'chang zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa dpal brtsegs snying po zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa dpal brtsegs rnam par 'jom pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa mchog tu dga' ba'i rgyal po zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa stobs kyi shugs rnam par gnon pa zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa
- 266a
rab tu mang po zhi bar spyod pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa zhi ba'i 'od zer tog gi rgyal po zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa mtha' yas blo gros zhes bya ba 'jig rten du byung ngo // de'i pha rol gyi yang ches pha rol na de bzhin gshegs pa mtha' yas 'dul ba zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa pad+ma'i tog ces bya ba 'jig rten du byung ngo // de'i pha rol gyi yang ches pha rol na/ de bzhin gshegs pa dri ma med pa'i zhal zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa zla 'od ces bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa dri ma med pa'i 'od zer ces bya ba 'jig rten du byung ngo // de'i pha rol gyi yang ches pha rol na de bzhin gshegs pa dogs pa thams cad legs par 'joms pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa snang byed ces bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa thams cad zil gyis gnon pa zhes bya ba 'jig rten du byung ngo // de'i pha rol gyi yang ches pha rol na
- 266b
de bzhin gshegs pa bdud rtsi 'chang zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa bdud rtsi grags pa zhes bya ba 'jig rten du byung po// de'i pha rol gyi yang ches pha rol na/ de bzhin gshegs pa ji ma med pa'i spyan zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa phyir mi ldog pa zhes bya ba 'jig rten du byung ngo / / de'i pha rol gyi long ches pha rol na/ de bzhin gshegs pa dri ma med pa'i mig ces bya ba 'jig rten du byung ngo // de'i pha rol gyi yang chas pha rol na/ de bzhin gshegs pa dri mchog rgyal po zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa dri mchog dpal zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa dri'i rgyal po zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa blo gros spos zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa ut+pa la'i spyan zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa mtha' yas snang ba'i spyan zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa dgra thams
- 267a
cad 'dul ba zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa mngon par 'phags pa'i ri rgyal brgyan pa zhes bya ba 'jig rten du byung ngo / / de'i pha rol gyi yang ches pha rol na/ de bzhin gshegs pa tshangs pa'i tog ces bya ba 'jig rten du byung ngo // de'i pha rol gyi yang ches pha rol na/ de bzhin gshegs pa tshangs pas skyabs zhes bya ba 'jig rten du byung ngo // de'i pha rol gyi yang ches pha rol na/ bskal pa gcig la sangs rgyas drug khri 'jig rten du byung ste/ de dag gi thog mar ni 'od byed ces bya/ / tha mar ni de bzhin gshegs pa grags pa'i 'od ces bya ba 'jig rten du byung ngo // de'i pha rol gyi yang ches pha rol na/ sangs rgyas bye ba phrag bzhi 'jig rten du byung ngo / / de dag gi thog mar ni de bzhin gshegs pa mar me mdzad ces bya ba 'jig rten du byung ngo // de dag gi tha mar ni de bzhin gshegs pa spyan rig ces bya ba 'jig rten du byung ngo / / de'i pha rol gyi yang ches pha rol na/ bskal pa gcig la sangs rgyas bye ba phrag dgu byung ste/ de dag gi thog mar ni de bzhin gshegs pa bde ba spyad ces bya ba 'jig rten du byung ngo / / tha mar ni de bzhin gshegs pa rnam par 'byed pas rnam par phye ba zhes bya ba 'jig rten du byung ngo // de'i pha rol gyi yang ches pha rol na/ de bzhin gshegs pa
- 267b
dga' mchog ces bya ba 'jig rten du byung ngo / / de bzhin gshegs pa dga' mchog de'i sangs rgyas kyi zhing na grags sbyin zhes bya ba dang / dpa' mkhas zhes bya ba dang / tshangs pa'i mig ces bya ba dang / tsan dan zhes bya ba dang / rab mdzes zhes bya ba dang / seng ge 'dzin ces bya ba dang / kun nas mdzes zhes bya ba dang / spobs pa mtha' yas zhes bya ba dang / blo gros mi zhen ces bya ba dang / des pa zhes bya ba dang / 'grogs na bde zhes bya ba byang chub sems dpa' sems dpa' chen po des shing 'grogs na bde ba yon tan 'bum phrag mang po dang ldan pa bcu gcig tshangs par spyad pa spyod do/ / de'i tshe na yang bram ze'i rigs shing sA la chen po lta bu nyi mas byin zhes bya ba mkhas shing/ yid rno ba shes rab kyi rang bzhin can zhig yod de/ de nas bram ze'i rigs shing sA la chen po lta bu nyi mas byin grogs bram ze'i rigs shing sA la chen po lta bu'i bu lnga brgya tsam dang lhan cig tu rin chen ldan zhes bya ba'i grong khyer chen po nas/ phyi rol du 'khyam pa'i phyir byung nas dong ste/ de dag dga' ba sna tshogs zhes bya ba'i tshal ga la ba der phyin to// de'i tshe dga' ba sna tshogs zhes bya ba'i tshal de na/ byang chub sems dpa' bcu gcig 'jig rten rnams kyi don la sems/ phan par sems/ bde bar sems shing 'khod pa bram ze'i rigs shing sla
- 268a
la chen po lta bu nyi mas byin de/ dga' ba sna tshogs zhes bya ba'i tshal de na 'khyams pas/ dga' ba sna tshogs kyi tshal de na 'khod pa'i skyes bu dam pa de dag des shing 'grogs na bde la mi rgod/ ma khengs/ mi g.yeng / mu cor mi smra/ smra ba mi mang zhing / dran pa nye bar gzhag la/ shes rab can/ shes rab dang ldan pa/ shin tu grims par gnas pa mthong ngo // mthong nas des dge pa'i rtsa ba bskyed cing / yun ring por shes rab yongs su bsgoms pa dang / 'phags pa'i rigs la bsten pas skyes bu dam pa de dag las sems rab tu dang bar gyur to/ / de sems rab tu dang bas skyes bu dam pa bcu gcig po de dag ga la ba der bram ze'i rigs shing sA la chen po lta bu'i bu g.yog rnams dang lhan cig tu dong ngo / / skyes bu dam pa grags byin des bram ze'i rigs shing sA la chen po lta bu'i bu nyi mas byin rgyang ring po nas 'ong ba mthong ngo // mthong nas bram ze'i rigs shing sA la chen po lta bu'i bu de'i 'gro ba dang / ldog pa dang / lta ba dang / smyung ba dang / bskum pa'i spyod pa kun kyang tshangs par spyad pa yun ring du spyad pa'i spyod yul bzhin te/ skyes bu dam pa 'di bla na med pa yang dag par rdzogs pa'i byang chub kyi snod du 'gyur ro snyam du sems so// de nas rigs kyi bu grags byin gyis/ skyes bu dam pa
- 268b
bcu gcig po de dag la 'di skad ces smras so/ / tshe dang ldan pa dag 'di ltar nyi mas byin skyes bu dam pa sangs rgyas kyi sras kyi tshul du 'gro ba/ bla na med pa sangs rgyas kyi chos rnam kyi snod du gyur pa 'ong gis/ byang chub sems dpa' 'di la skyes bu dam pa rnams kyis snying rje skyed la gdams pa dang / rjes su bskur pas ci nas rigs kyi bu 'di skye bo phal tshe'i don byed cing / snang ba ston pa snang bar bya ba'i phyir legs par dgongs shig/ de nas bram ze'i rigs shing sA la chen po lta bu'i bu nyi mas byin skyes bu dam pa bcu gcig po de dag gi drung du song nas 'di dag ni ston pa'o/ / 'di dag ni 'phags pa'o zhes skyes bu dam pa de dag la ston par 'du shes bskyed de/ des skyes bu dam pa de dag gi rkang pa la mgo bos phyag 'tshal nas phyogs gcig tu 'greng ngo / / de nas rigs kyi bu grags byin gyis bram ze'i rigs shing sA la chen po lta bu'i bu nyi mas byin de la/ kye bram ze'i rigs shing sA la chen po lta bu'i bu nyi mas byin khyod 'dug cig ces smras nas/ bram ze'i rigs shing sA la chen po lta bu'i bu nyi mas byin skyes bu dam pa de dag la shin tu ri mo bskyed de/ 'dug pa ni 'di lta ste dper na rigs kyi mna' ma gyos skyug gi mdun na 'dug pa bzhin du skyes bu dam pa de dag la ri mo skyes par gyur to/ / 'di lta ste/ dper na nad pa nad kyis btab ras yun rang ba
- 269a
las sman pa mthong na/ dbugs byung ba de bzhin du/ bram ze'i rigs shing sA la chen po lta bu'i bu nyi mas byin de yang rigs kyi bu de dag mthong ma thag tu dbugs byung bar gyur to/ / 'di lta ste/ dper na bsad pa la thug pa'i mi gsang du bkri ba las/ don bya bar 'dod/ phan par 'dod/ bde bar 'dod pa'i mi la la zhig byung ste/ des de bsad pa las thar par byas nas/ de mi de la 'di ni bdag gi skyabs/ bdag la snying brtse ba can no zhes de byas pa gze ba char skyes pa bzhin du/ bram ze'i rigs shing sA la chen po lta bu'i bu nyi mas byin yang / skyes bu dam pa de dag la bdag gi skyabs/ bdag la snying ba rtse ba can no zhes byas pa gzo ba skyes so// de nas rigs kyi bu grags byin gyis/ bram ze'i rigs shing sA la chen po lta bu'i bu nyi mas byin la smras pa/ nyi mas byin de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung ba rnyed par dka' 'o/ / 'di lta ste/ dper na su dum wa ra'i me tog brgya la brgya lam na 'jig rten du 'byung bar 'gyur ba de bzhin du/ de bzhin gshegs pa dgra bcom pa yang dag par rdzogs pa'i sangs rgyas rnams kyang brgya la brgya lam na 'jig rten du 'byung ste/ gang 'jig rten thams cad dang mi mthun pa
- 269b
'jig rten thams cad dang 'gal ba/ zab pa mthong bar dka' ba/ rtogs par dka' ba/ brtag tu med pa/ mu stegs can gzhan thams cad kyi rtog ge'i spyod pa ma yin pa nyan thos rnams kyis ma chud pa/ rang sangs rgyas rnams kyis mi shes pa/ byang chub sems dpa' rnams kyi spyod yul ma yin pa'i chos ston to// de bzhin gshegs pa de la khyod kyis gus pa bskyed par bya'o/ / bsti stang dang bcas/ ri mo dang bcas pa la ni shes rab yang dag par gnas shing byams pa skyed/ ye shes rab tu 'byung / rig pa skyed mngon par shes pa mngon du 'gyur/ byang chub kyi phyogs kyi chos rnams mdun na gnas par 'gyur ro// de bzhin gshegs pa 'jig rten thams cad dang mi mthun pa'i chos ji lta ba bzhin du ston ce na/ nyi mas byin chos thams cad ni nam mkha' la bris pa bzhin du dngos po med pa ste/ chos de dag ni 'jig rten thams cad dang mi mthun pa'o// nyi mas byin 'di lta ste/ dper na nam mkha' la bris pa ni ma byung / mi 'byung ba de bzhin du/ nyi mas byin gzugs ni nam mkha' lta bu ste/ ngo bo nyid kyis 'gags pa'o// tshor ba dang / 'du shes dang / 'du byed dang / rnam par shes pa yang nam mkha' lta bu ste/ ngo bo nyid kyis 'gags pa'o// nyi mas byin 'di lta ste/ dper na nam
- 270a
mkha' la bris pa ni ma skyes pa ste/ de bzhin du gzugs kyang ma skyes pa'o// tshor ba dang / 'du shes dang / 'du byed dang / rnam par shes pa yang ma skyes pa'o/ / nyi mas byin 'di lta ste/ dper na nam mkha' la bris pa ni ma 'gags pa ste/ de bzhin du nyi mas byin gzugs kyang ma 'gags pa'o// tshor ba dang 'du shes dang / 'du byed dang / rnam par shes pa yang ma 'gags pa'o// nyi mas byin 'di lta ste/ dper na nam mkha' la bris pa ni mi khong mi 'gro ba de bzhin du/ nyi mas byin gzugs kyang mi 'ong mi 'gro ste/ tshor ba dang / 'du shes dang / 'du byed dang / rnam par shes pa yang mi 'ong mi 'gro'o// nyi mas byin 'di lta ste/ dper na nam mkha' la bris pa ni ma skyes ma byung ba de bzhin du/ gzugs kyang ma skyes ma byung ste/ tshor ba dang / 'du shes dang / 'du byed dang / rnam par shes pa'ang ma skyes ma byung ngo // nyi mas byin 'di lta ste/ dper na nam mkha' la bris pa'ang ma 'phos ma skyes pa de bzhin du/ gzugs kyang ma 'phos ma skyes te/ tshor ba dang / 'du shes dang / byed dang / rnam par shes pa yang ma 'phos ma skyes so// nyi mas byin 'di lta ste/ dper na nam mkha' la bris pa ni ma byung kun nas ma byung ba de bzhin du/ gzugs kyang ma
- 270b
byung kun nas ma byung ste/ tshor ba dang / 'du shes dang / 'du byed dang / rnam par shes pa yang ma byung kun nas ma byung ngo // rims byin 'di lta ste/ dper na nam mkha' la bris pa ni ma skyes shing med pa de bzhin du/ gzugs kyang ma skyes shing mad pa ste/ tshor ba dang / 'du shes dang / 'du byed dang / rnam par shes pa'ang ma skyes shing med pa'o// / nyi mas byin 'di lta ste/ dper na nam mkha' la bris pa ni ma grub mngon par ma grub pa de bzhin du/ gzugs kyang ma grub mngon par ma grub ste/ tshor ba dang / 'du shes dang 'du byed dang / rnam par shes pa'ang ma grub mngon par ma grub bo// nyi mas byin 'di lta ste/ dper na nam mkha' la bris pa ni brjod du med cing brjod pa ma yin pa de bzhin du/ gzugs kyang brjod du med cing brjod pa ma yin te/ tshor ba dang / 'du shes dang / 'du byed dang / rnam par shes pa yang brjod du med cing brjod pa ma yin no// nyi mas byin 'di lta ste/ dper na nam mkha' la bris pa btags pa med cing gdags pa ma yin pa de bzhin du/ gzugs kyang btags pa med cing gtags pa ma yin te/ tshor ba 'du shes dang / 'du byed dang / rnam par shes pa yang btags pa med cing gdags pa ma yin no// nyi mas byin 'di lta ste/ dper na nam mkha' la bris pa ni
- 271a
tha snyad tsam ste/ nam mkha' la bris pa tha snyad tsam las/ gzhan ma yin pa de bzhin du/ gzugs kyang tha snyad tsam ste/ gzugs tha snyad tsam las gzhan ma yin no/ / tshor ba dang / 'du shes dang / 'du byed dang / rnam par shes pa'ang tha snyad tsam ste/ tha snyad tsam las rnam par shes pa gzhan ma yin no// nyi mas byin 'di lta ste/ dper na nam mkha' la bris pa ni 'di ltar kun rdzob tsam ste/ kun rdzob las nam mkha' la bris pa gzhan ma yin pa de bzhin du/ nyi mas byin gzugs kyang 'di ltar kun rdzob tsam ste/ kun rdzob las gzugs gzhan ma yin/ tshor ba dang / 'du shes dang / 'du byed dang / rnam par shes pa yang 'di ltar kun rdzob tsam ste/ kun rdzob las rnam par shes pa'i bar du gzhan ma yin no// nyi mas byin 'di lta ste/ dper na nam mkha' la bris pa ni 'di ltar ming tsam ste/ mid tsam las nam mkha' la bris pa gzhan ma yin pa de bzhin du/ gzugs kyang ming tsam ste/ ming tsam las gzhan ma yin no// de bzhin du rnam par shes pa'i bar du yang 'di ltar ming tsam sa/ ming tsam las rnam par shes pa'i bar du gzhan ma yin no/ / nyi mas byir 'di lta ste/ dper na nam mkha' la bris pa ni 'di ltar brjod pa tsam te/ brjod pa tsam las nam mkha'
- 271b
la bris pa gzhan ma yin pa de bzhin du/ gzugs kyang 'di ltar brjod pa tsam ste/ brjod pa tsam las gzugs gzhan ma yin no// de bzhin du rnam par shes pa'i bar du yang 'di ltar brjod pa tsam snga/ brjod pa tsam las rnam par shes pa gzhan ma yin no// nyi mas byin 'di lta ste/ dper na nam mkha' la bris pa ni 'di ltar btags pa tsam btags pa tsam las nam mkha' la bris pa gzhan ma yin pa de bzhin du/ gzugs kyang 'di ltar btags pa tsam ste/ btags pa tsam las gzugs gzhan ma yin/ no// tshor ba dang / 'du shes dang / 'du byed dang / rnam par shes pa yang 'di ltar btags pa tsam ste/ btags pa tsam las tshor ba dang / 'du shes dang / 'du byed dang / rnam par shes pa gzhan ma yin no// nyi mas byin 'di lta ste/ dper na nam mkha' la bris pa ni 'di ltar 'du shes tsam ste/ 'du shes tsam las nam mkha' la bris pa gzhan ma yin pa de bzhin du/ gzugs nas rnam par shes pa'i bar du yang 'di ltar 'du shes tsam ste/ 'du shes tsam las gzugs nas/ rnam par shes pa'i bar du gzhan ma yin no/ / nyi mas byin 'di lta ste/ dper na nam mkha' la bris pa ni brda tsam ste/ brda tsam las nam mkha' la bris pa ni 'di ltar gzhan ma yin pa de bzhin du/
- 272a
gzugs nas rnam par shes pa'i bar du yang 'di ltar brda tsam ste/ brda tsam las gzugs nas/ rnam par shes pa'i bar du gzhan ma yin no// mas byin 'di lta ste/ dper na tshig gang gis nam mkha' la bris par brjod pa'i tshig ni don dam par mi dmigs pa de bzhin du 'di lta ste/ gzugs dang / tshor ba dang 'du shes dang / 'du byed dang / rnam par shes pa zhes bya ba'i chos de dag kyang 'das pa'i de bzhin gshegs pa rnams kyis kyang ma dmigs ma byon pa dang / da ltar gyi de bzhin gshegs pa rnams kyis kyang ma dmigs so/ / nyi mas byin ye shes de rtogs par bya ba'i phyir/ sangs rgyas bcom ldan 'das rnams sngon byang chub sems dpa'i spyad pa spyod pa na/ sdug ning 'phongs pa'i dngos po thams cad yongs su btang yang zhum par mi 'gyur te/ gang ye shes 'di la gnas pa de dag ni 'jig rten du gtogs par mi blta'o/ / gang ye shes 'di la gnas pa de dag ni 'jig rten gyi grangs su mi 'gro'o// gang ye shes 'di la gnas pa de dag ni gdags par bya ba ma yin no// gang ye shes 'di la gnas pa de dag ni byang chub mngon par rdzogs par sangs ma rgyas so// gang ye shes 'di la gnas pa de dag ni 'khor ba las bskyod pa ma yin no// gang
- 272b
ye shes 'di la gnas pa de dag ni 'khor ba'i chos can yang ma yin/ mya ngan las 'das pa'i chos can yang ma yin no// gang ye shes 'di la gnas pa de dag ni kun nas nyon mongs pa'i chos can ma yin/ rnam par byang ba'i chos can ma yin no// gang ye shes 'di la gnas pa de dag ni zhi bar spyod pa'ang ma yin// ma zhi bar spyod pa'ang ma yin no/ / de nas bram ze'i rigs shing sA la chen po lta bu'i bu nyi mas byin skyes bu dam pa grags byin gyis bshad pa la legs so zhes shin tu bstong pa rjes su yi rang ngo / / de nas yang skyes bu dam pa bcu gcig po de dag gis/ bram ze'i rigs shing sA la chen po lta bu'i bu nyi mas byin de rab tu dga' bar bya ba'i phyir/ bram ze'i rigs shing sba la chen po lta bu'i bu nyi mas byin de la 'di skad ces smras so/ / rigs kyi bu khyod kyis chos zab mo 'di thos kyang ma skrag/ skrag par ma gyur/ shin tu skrag par ma gyur/ ma myos myos par ma gyur pa legs so legs so// rigs kyi bu khyod kyis gang la bslab par bya ba'i sa ni 'di yin no// de nas bram ze'i rigs shing sA la chen po lta bu'i bu nyi mas byin zab mo gos pa med pa'i chos bstan pa 'di thos nas/ tshim zhing mgu ste/ yi rangs nas rab tu dga' ste/ dga' ba dang yid bde ba
- 273a
sbyid nas sangs rgyas kyi chos pab mom par byin par gyur/ bam po 'dun pa sab man/ danas zab rigs shing sA la chen po lta bu'i bu nyi mas byin dang / skyes bu dam pa bcu gcig po de dag de bzhin gshegs pa dgra bcom pa yang dag par rdzogs pa'i sangs nas dga' mag bya ba de gal ba der nong ste byon nas/ bcom ldan 'das de'i zhabs la mgo ba phyag 'tshal te phyogs gcig tu 'khor do// de nas skyes bu dam pa grags byin des bcom ldan 'das de bzhin gshegs pa dga' mchog de la tshigs su bcad pa 'di dag gsol to/ / zhi ba'i dbyings la rab tu zhugs pa'i tshul rnams la/ mkhas pa 'dren pa rnams ni leg so zhes/ / gang gis mi mchog shin tu 'thob 'gyur ba// de ni mi rnams dam pa bstan du gsol// 'jig rten mkhas pas bstan pa thos nas su// byang chub mchog la mi gnas rab tu 'jug/ kang thos drang srong chen por 'gyur ba dag/ tshul de srog chags rnams la sman slad gsungs// bde gshegs bdag gi rigs la gnas nas su/ / grub pa sangs rgyas ye shes mngon par bstod// rgyal bas de yid rab tu dga' bar mdzad// de dag zis nas shin tu gnas par 'gyur// rgyal ba dag gis
- 273b
lhur 'tshal ba rnams/ / 'dren pa dag gis chos rnams bshad lags te// ston pas ji ltar chos rnams kun mkhyen pa// 'dren pas legs par ma lus bstan du gsol// de la dga' mchog 'jig rten 'dren pa yis// rgyal sras spyod pa gang la spyad pas na// mi yi gtso bo 'dren par 'gyur ba yi// sangs rgyas chos rnams ma lus nges par bstan/ / thams cad chos zhes bya ba mtshan nyid gcig/ mtshan nyid brel zhing mtshan nyid ma mchis te// zhi ba mi g.yo dang gis ma mchis la// yon tan ma mchis ma spros 'tshe med zhi/ / kun nas nyon mongs rnam par byang ba stong // dngos po ma mchis ci yang ma lags te// 'di ni bstan pa ma lags ston ma mchis// bshad pa ma mchis 'chad par bgyid ma mchis/ / tshor ba ma lags tshor ba po ma mchis// shes pa ma lags shes par bgyid ma mchis// su la'ang ma lags gang gis kyang ma lags 'di dag ma bgyis bgyid du stsal ma mchis/ sus kyang blang ba ma mchis btang ma mchis// sus kyang bsgrags pa ma mchis thos ma mchis// sus kyang mi rig rnam par shes ma mchis/ / 'di dag dngos por sus kyang mthong ma mchis// 'di ni zhi ba ma lags rgod ma lags// zhi bgyid ma lags zhi bar bgyid ma lags// bgyid pa ma lags/
- 274a
bgyid pa ma mchis min// sems pa ma mchis tshor bar bgyid ma mchis// 'dus byas ma lags 'dus ma byas ma lags// 'pho ba ma lags mi 'pho ba ma lags/ / 'ongs pa ma mchis 'gro ba ma mchis te// 'di ni kun tu ma mchis sgyu ma mchis// skye ba ma mchis skyed pa'ang ma lags te// 'di ni 'gags pa ma mchis 'gags ma lags/ / 'di ni bstan pa ma mchis bshig ma mchis// de ltar rgyal po'i chos rnams rtogs par bgyi// 'dren pa bde bar gshegs pa gang 'das pa// de dag gis kyang tshul 'dir rab tu bstan// 'dren pa sangs rgyas ma byon 'byung ba rnams// de dag kyang ni tshul 'di 'chad par 'gyur// rnam par 'dren pa da ltar gang byung ba// rgyal ba de dag kun kyang tshul 'di ston// chos nyid 'di dag rab tu rtogs pa ni// byang chub sems dpa' 'jigs pa ma mchis 'gyur// zhi ba'i sa yang rab tu rtogs 'gyur te/ / mkhas pas rtogs par dka' ba rab tu bstan// rgyal ba'i thugs sras ji tsam rtogs pa dag/ 'gro ba gtses 'dir mya ngan ma mchis lags// de las snying rje bla na med pa skye/ / 'gro ba kun la byams pa shin tu gnas// stong pa nyid la gnas par gyur pas na// rgyal ba'i bstan pa dag la the tsom bral// mtshan ma ma mchis
- 274b
rtogs par gyur pas na/ / de la smon lam 'debs pa'ang yod ma mchis// rlung rnams nam mkha' dag la mi thogs bzhin// dpa' bo de yang 'gro bar yong mi chags// bskal pa mang po bya bar kun 'khor zhing // sems can bya ba mang la ston par bgyid// kun tu kun nas nyon mongs mi 'gyur te// des ni byang chub dam pa 'tshang rgya nus// kal te bdud kyis sangs rgyas bye bstan te/ / de dag nyan thos kyis shes smra na yang // ngas ni chos nyid yang dag rab rtogs te// khyed ni 'dren pa min zhes de smra lags// dri ma bral ba'i ye shes mog sbyangs te/ / bdagra ni the tsom ma lus rnam par byed// stong par bdag ni gzhan gyi dring mi 'jog/ khyod nI gang zag mchog min par deng zhig/ de ltar rgyal/ bas chos nyid bstan pas na// gang la 'dren pa'i sra rnams gnas pa la// bye ba khrag khrig bdud kyis thub dka' ste// ji ltar ri bo bskyod par mi nus bzhin// de nas bram ze'i rigs shing sA la chen po lta bu'i bu nyi mas byin bcom ldan 'das de bzhin gshegs pa dga' mchog de las stong pa nyid dang ldan pa'i tshigs su bcad pa de dag thos nas/ 'di lta bu'i dge ba'i rtsa ba'i shugs thob ste/ dge ba'i rtsa ba ji lta bu thob pas ta la bdun srid du nam mkha' la 'phags te/ des phyogs bcu'i 'jig rten na/ 'jig
- 275a
rten gyi khams dpag tu med pa dag na/ byang chub sems dpa' bye ba khrag khrig brgya phrag dpag tu med pa rnams thabs mkhas pa rnams tha dad pas byang chub yang dag par sgrub pa mthong / byang chub sems dpa' bye ba khrag khrig dpag tu med pa rnams dga' ldan gyi gnas nas shi 'phos te/ yum gyi rum du zhugs pa yang mthong byang chub sems dpa' bye ba dpag tu med pa rnams lha 'bum gyis mchod cing yum gyi rum du 'gro ba yang mthong / byang chub sems dpa' bye ba khrag khrig 'bum phrag dpag tu med pa rnams btsas nas gom pa bdun 'dor ba yang mthong / / byang chub sems dpa' bye ba khrag khrig dpag tu med pa rnams mngon par 'byung ba yang mthong / byang chub sems dpa' bye ba khrag khrig dpag tu med pa rnams byang chub mngon par rdzogs par byang chub pa yang mthong / / sangs rgyas bye ba khrag khrig dpag tu med pa rnams la brgya byin dang / tshangs pa dag gis chos kyi 'khor lo bskor bar gsol ba yang mthong / sangs rgyas bcom ldan 'das dpag tu med pa rnams chos kyi 'khor lo bskor ba yang mthong / sangs rgyas bcom ldan 'das dpag tu med pa rnams spyod lam dpag tu med pas sems can rnams 'dul ba mthong / sangs rgyas bcom ldan 'das dpag tu med pa rnams phyogs bcu'i 'jig
- 275b
rten na phung po'i lhag ma med pa'i mya ngan las 'das pa'i dbyings su yongs su mya ngan las 'da' ba yang mthong ngo / / de nas bram ze'i rigs shing sA la chen po lta bu'i bu nyi mas byin par snang la 'dug bzhin du/ bcom ldan 'das de bzhin gshegs pa dga' mchog de la tshigs su bcad pas mngon par bstod pa// legs so legaso rkang gnyis kun gyi mchog/ 'dren pa khyod kyis 'di dag chos bstan pa// bar snang gnas kyi bya yi rjes bzhin du// dngos bral mtshungs med ci yang ma lags pa// mtshan ma ma mchis nam mkha' bris pa bzhin/ / de ltar bde bar gshegs pas chos bstan te// sprul pa dag gis ji ltar gzhan sprul bzhin// yang dag tu na rgyal bas bstan ma mchis// sos ka'i dus kyi smig rgyu ji bzhin du// yang dag par ni bden par mchis ma lags// de bzhin bde bar gshegs pas chos bstan te// ston pa gang lags de yang de dang 'dra/ sngon chad the tsom nem nur gang byung ba// de yang 'dren pa deng du bral gyur te// bde bar gshegs pa sa gsungs pa'i chos kyang rig/ 'gro ba grol mdzad rnam par 'dren par shog/ stobs bsungag gis bslags pa ci 'dra bar// rgyal ba'i zhing mchog bzang po sbyang bar bgyi// sangs rgyas rgyal ba rkang gnyis gtsor gyur te// skye bo ma rtog
- 276a
#/ rab tu rtogs par bgyi// srid pa'i rgya mtshos khyer ba'i 'gro ba rnams// gnas dang skyabs dang rten kyang ma mchis pa'i// skyabs su 'gyur zhing sdug bsngal thar bgyi ste/ / rga shi bral ba'i gnas kyang bstan par bgyi// bye ba khrag khrig bdud kyi spyod yul ni// thams cad rgyal ba'i spyod yul du yang bgyi// sems can bdud kyi yul nas bton nas su/ / drang srong chen po'i yul du drang bar bgyi// bde bar gshegs pas zhi ba'i chos bstan pa// gang gis thos nas gang la'ang mi reg pa// de dag mchog gi tshul la gnas par 'gyur/ / 'dren pa srog chags rnams kyi ston par 'gyur// chos nyid 'di ltar mi gang rab rtogs shing // ston pa rgyal ba'i dbang po'i spyan snga nas// bstan bcos kun la mkhas shing 'jigs bral ba/ / de dag bla na med pa'i bde gshegs 'gyur// stong pa 'di nyid gang gis rab rtogs shing // stong par dmigs pa'i 'du shes bral gyur na/ / de dag ma spang bde bar gshegs par 'gyur// srog chags bye ba mang po 'grol bar bgyid// mkhas pa sogs pa la ni mi dga' ste// zas kyi ro rnams la yang chags ma mchis/ / rtogs pa dgon pa'i gnas la shin tu mos// de dag rkang gnyis dam pa mkhas par 'gyur// sbyangs pa gang dag stobs bcus bsngags pa dag/ de la
- 276b
rtag tu rab tu gnas par 'gyur/ / 'phags pa'i rigs la de dag rtag tu dga'// rab tu dga' bas byang chub mchog kyang thob// de dag chos rnams bde bar gshegs pas bsngakra/ de la mkhas pa gnas pas 'di thob ste// zhi ba gang la bde gshegs gnas pa yi// byang chub de ni 'jig rten 'dren pas bsngags// 'dren pa khyod las stong pa deng thos te// ye shes bla na med pa'ang bdag gis bsgrubs// sangs rgyas rkang gnyis gtso bor 'gyur ba bgyi// mi mkhas 'gro ba dag kyang rnam par dgrol// thub pa khyod la bdag ni skyabs su mchi/ / gang la log pa'i blo gros mi dmigs shing // chos rnams kun la khyod ni the tsom bral// de slad 'jig rten khyod dang 'dra ma mchis// 'dren pa bde bar gshegs la gang bstod pa'i/ / bsod nams mi chung bdag gis bsags pas na// bdag ni de yi dge ba'i las 'di yis// mi yi gtso bo 'dren par 'gyur bar shog/ de nas bram ze'i rigs shing sA la chen po lta bu'i bu nyi mas byin gyis/ bcom ldan 'das de bzhin gshegs pa dga' mchog de la tshigs su bcad pa de dag mngon par bstod nas/ dge ba'i rtsa ba des bskal pa brjod du med par rnams kyang myos pa dang glen par ma gyur to// gang dang gang du skyes pa de dang der 'dren pa skyes bu chen por
- 277a
gyur to/ / nams kyang log par ltung bar ma gyur to// nams kyang gzhan gyi dring la mi 'jog par gyur to// nams kyang gzhan gyi ngor lta bar ma gyur to// nams kyang bskal pa brjod du med pa/ tha na se gol gtogs pa tsam gyi bar du sems can rnams yongs su smin par ma byas par ma gyur to// thams cad zil gyis gnon pa 'di ji snyam du sems/ de'i tshe de'i dus na rigs kyi bu grags byin zhes bya bar gyur pa de gzhan zhig yin pa snyam du 'dzin na/ thams cad zil gyis gnon pa khyod kyis de ltar mi blta'o/ / de ci'i phyir zhe na/ rigs kyi bu bzang skyong zhes bya ba de'i tshe de'i dus na rigs kyi bu grags byin zhes bya bar gyur to// thams cad zil gyis gnon pa 'di ji snyam du sems/ de'i tshe de'i dus na mkhas pa'i snying por gyur pa de gzhan zhig yin pa snyam du 'dzin na/ khyod kyis de ltar mi blta'o// de ci'i phyir zhe na/ byang chub sems dpa' dkon mchog 'byung gnas zhes bya ba de/ de'i tshe de'i dus na rigs kyi bu mkhas pa'i snying po zhes bya bar gyur to// thams cad zil gyis gnon pa 'di ji snyam du sems/ de'i tshe de'i dus na tsan ngan snying po zhes bya bar gyur pa gzhan zhig yin pa snyam du 'dzin na/ khyod kyis de ltar mi blta'o// de ci'i phyir zhe na/ byang chub sems
- 277b
dpa' skyob byin zhes bya ba'i/ de'i tshe de'i dus na rigs kyi bu tsam ngan snying po zhes bya bar gyur to// thams cad zil gyis gnon pa 'di ji snyam du sems de'i tshe de'i dus na rigs kyi bu tshangs pa'i mig ces bya bar gyur pa de gzhan zhig yin pa snyam du 'dzin na/ khyod kyis de ltar mi blta'o// de ci'i phyir zhe na/ byang chub sems dpa' ded dpon bzang po de/ de'i tshe de'i dus na rigs kyi bu tshangs pa'i mig ces bya bar gyur to// de bzhin du sbyar te/ gang rigs kyi bu des pa zhes bya bar gyur pa de ni byang chub sems dpa' mes byin yin no/ / de'i tshe de'i dus na rigs kyi bu blo gros 'chang zhes bya bar gyur pa de ni/ byang chub sems dpa' bzang skyong yin no// de'i tshe de'i dus na gang rigs kyi bu kun tu mdzes par gyur pa de ni byang chub sems dpa' dbang pos byin yin no/ / de'i tshe de'i dus na gang rigs kyi bu spobs pa mtha' yas su gyur pa de ni byang chub sems dpa' chu'i lha yin/ no// thams cad zil gyis gnon pa 'di ji snyam du sems/ de'i tshe de'i dus na bram ze'i rigs shing sA la chen po lta bu'i bu nyi mas byin zhes bya bar gyur pa de gzhan zhig yin pa snyam du 'dzin na/ thams cad zil gyis gnon pa khyod kyis de ltar mi blta'o// de ci'i phyir zhe na/ 'jam dpal gzhon nur gyur pa 'di/ de'i tshe de'i dus na bram ze'i
- 278a
rigs shing sA la chen po lta bu'i bu nyi mas byin zhes bya bar gyur to/ / thams cad zil gyis gnon pa de lta bas na/ byang chub sems dpa' sems dpa' chen po gzhan gyi dring la mi 'jog pa dang / gzhan gyis mi bkri bar 'dod pa dang / gzhan gyi ngor mi blta bar 'dod na/ chos kyi dbyings la rab tu 'jug pa'i phyir dge ba'i bshes gnyen rnams la bsnyen par bya/ 'grogs par bya/ bsnyen bkur bya'o// chos zab mo mnyan pa'i phyir yongs su 'dri ba'i ngang tshul tsan du bya'o// de nas 'jam dpal gzhon nur gyur pas/ bcom ldan 'das la 'di skad ces gsol to// bcom ldan 'das 'di ltar stobs bskyed pas chos kyi dbyings la zhugs pa'i byang chub sems dpa' bam cad zil gyis gnon pa 'dis/ yang dag par rdzogs pa'i sangs rgyas ji snyed cig la dge ba'i rtsa ba bskyed lags sangs rgyas bcom ldan 'das ji snyed cig la yongs su zhu ba zhus lags/ de skad ces gsol ba dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal stong gsum gyi stong chen po'i 'jig rten gyi khams kyis dang / rtswa dang / shing dang / yal ga dang / lo ma rnams rdul phra rab tu byas kyang bgrang bar nus kyi/ byang chub sems dpa' thams cad zil
- 278b
gyis gnon pas sangs rgyas bcom ldan 'das de dag las dge ba'i rtsa ba bskyed pa dang / sangs rgyas bcom ldan 'das rnams la chos kyi dbyings yongs su zhus pa dang / chos kyi/ dbyings la 'jug pa dang / babs mkhas pa la 'jug pa yongs su dris pa ni bgrang bar mi nus so// 'jam dpal sngon byung ba 'das pa'i dus na/ bskal pa grang med/ dpag tu med/ bsam gyis mi khyab/ mtshungs pa med/ gzhal du med/ brjod du med pa de'i pha rol gyi yang ches pha rol na/ zhi ba'i phung po'i bskal pa la sangs rgyas kyi zhing dpag tu med cing sangs rgyas kyi zhing tshang med par yongs su dag pa dang ldan pa brjod du med pa'i sangs rgyas kyi zhing yongs su dag pa dang ldan par/ de bzhin gsha/ pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das dbang po'i rgyal mtshan zhes bya ba 'jig rten du byung ste/ de bzhin gshegs pa dbang po'i rgyal mtshan de'i sangs rgyas kyi zhing de na'ang dge slong dpa' sra zhes bya ba mkhas pa/ yid gzhungs pa/ bye brag phyed pa/ rtogs pa/ shes rab kyi rang bzhin can zhig byung ste/ bcom ldan 'das de bzhin gshegs pa dgra bcom pa yang dag
- 279a
par rdzogs pa'i sangs rgyas dbang po'i rgyal mtshan de la rim gror byed par gyur to/ / des de bzhin gshegs pa dbang po'i rgyal mtshan de la lo bye ba khrag khrig brgya cu'i bar du shin tu gus par byas te/ bshad pa rnams kyang gzungs su 'dzin cing rang gi don kyang mi gtong ste/ des de bzhin gshegs pa la lo bye ba khrag khrig brgyad cu'i bar du thams cad mkhyen pa nyid kyi sems kyis rim gro byas te/ de'i dge ba'i rtsa bas sangs rgyas bye ba khrag khrig dpag tu med pa rnams mnyes par byas pas/ de bzhin gshegs pa de dag thams cad kyi rim gro byed par gyur te/ de bzhin gshegs pa de dag thams cad la'ang thams cad mkhyen pa nyid kyi sems kyis bsnyen bkur byas so// de bzhin gshegs pa de dag thams cad kyis thog ma dang / / bar dang / tha mar dus gsum du bstan pa rnams yongs su bzung bar gyur to// de'i 'og tu zhi ba'i snying po zhes bya ba'i bskal pa de la sangs rgyas bye ba phrag dgu byung ste/ sangs rgyas bcom ldan 'das de dag thams cad byang chub sems dpa' des yang mnyes par byas nas/ de bzhin gshegs pa de dag thams cad kyi rim gro byed par gyur to/ / de dag thams cad la'ang thams cad mkhyen pa nyid kyi sems kyis rim gro byas nas/ de bzhin gshegs pa de dag thams cad kyi thog ma dang / ba ra dang / za ma dus
- 279b
gsum du bstan pa rnams yongs su bzung ngo / / de'i 'og tu zla 'od ces bya ba'i bskal pa byung ste/ de la de bzhin gshegs pa dgra bcom pa yang dag par rdzogs pa'i sangs rgyas dkon mchog mkhas pa'i rgyal po zhes bya ba 'jig rten du byung ngo / / de bzhin gshegs pa dkon mchog mkhas pa'i rgyal po de'i tshe'i tshad ni bskal pa bye ba phrag brgyad cur gyur te/ de la'ang byang chub sems dpa' dpa' sra des bskal pa bye ba brgyad cu'i bar du yid du 'ong bas bsnyen bkur byas te/ yid du mi 'ong bas ni ma yin no// de la de bzhin gshegs pa dkon mchog mkhas pa'i rgyal po zhes bya ba des bskal pa bye ba brgyad cu'i bar du ji ltar chos kyi dbyings la 'jug par 'gyur ba/ nam mkha' la bris pa lta bur chos kyi dbyings su 'jug pa bstan to/ / bskal pa bye ba brgyad cu'i bar du chos thams cad nam mkha' la bris pa lta bur bstan to// dpa' sra 'byung ba chen po bzhi ni gzhan du 'gyur yang srid kyi nam mkha' la bris pa lta bu'i chos thams cad ni cung zad kyang gzhan du 'gyur ba med do/ / de nas byang chub sems dpa' dpa' sras chos kyi dbyings la 'jug pa 'di thos nas 'di lta bu'i dge ba'i rtsa ba'i shugs thob ste/ ji lta bu'i dge ba'i rtsa ba'i shugs thob pas nam mkha' la ta la bdun srid du 'phags te/ des phyogs bcu'i 'jig rten gyi khams
- 280a
dpag tu med pa na/ byang chub sems dpa' dpag tu med pa rnams bla na med pa yang dag par rdzogs pa'i byang chub mngon par rdzogs par 'tshang rgya bar mthong / kha cig ni bla na med pa'i chos kyi 'khor lo bskor/ kha cig ni rdzu 'phrul gyi cho 'phrul rnam pa du mas sems can rnams 'dul/ kha cig ni tshe'i 'du byed 'dor/ kha cig ni phur po'i lhag ma med pa'i mya ngan las 'das pa'i dbyings su yongs su mya ngan las 'da' ba mthong nas/ bcom ldan 'das de bzhin gshegs pa dkon mchog mkhas pa'i rgyal po de la zab mo'i tshigs su bcad pa de dag gis mngon par bstod do/ / zhi ba'i byang chub mtshungs med btsal slad du// bdag gis sangs rgyas 'das pa bye stong la// shin tu gus pa chen po bskyed nas su/ / sngon gyi 'dren pa dag la bsnyen bkur bgyis// sems ni nams kyang gzhan du ma gyur te// rtag par yid ni stong pa nyid la bzhag/ chos rnams stong par bde bar gshegs pas bstan/ / de dag chos kyang yid kyis rnam par bsams// bdag tu smra ba'i mi gang mi mkhas pa// mu stegs can kun bdag gis/ zil gyis mnan// chos rnams thams cad chu yi zla ba bzhin// de la bdag ni the tsom cang ma mchis// mig ni dam pa'i don du stong par ni// bde bar gshegs pa bshad
- 280b
pa thos nas rtogs/ / mig 'di mig tu mchis pa ma lags te// lus kyang ngo bo nyid ni med slad du// nges par sna lce rna ba de bzhin te// lus kyang ngo bo nyid kyis mchis ma lags/ / de bzhin sems dang sems pa'ang stong pa nyid// sems ni dben zhing rab tu stong pa lags// gzugs kyang rigs kyi chos rnams dben zhing stong // sgra dang dri/ dang ro dang reg kyang stong // chos rnams thams cad ngo bo nyid stong ste// skye mched de dag ngo bo nyid kyis spyong // de bzhin khams rnams ngo bo nyid kyis stong // dbang po 'di yang bo nyid kyis stong / / bden pa'ang bden pas de bzhin stong pa ste// 'di la mdzangs pa ma lags 'gro rnams bslab// gang na'ang stong par rig pa ma mchis par// nam mkha' bar snang bya yi rjes dang mtshungs/ / gang na'ang ngo bo nyid ni ma mchis pa// de ni nams kyang gzhan gyi rgyur mi 'gyur// gang gi ngo bo nyid ni mi rnyed pa// rang bzhin demed ji ltar gzhan gyi rkyen/ / rang bzhin med pa gzhan gyis ci zhig skyed// rgyu de bde bar gshegs pas bstan pa'o// thams cad chos kyang mi g.yo brtan par gnas// mi 'gyur gtse ba ma mchis zhi ba ste// ji ltar nam mkha' rig pa ma mchis ltar// de la mi mdzangs 'gro ba myos par 'gyur// ji ltar ri bo dag ni mi bskul ba// de
- 281a
bzhin chos rnams rtag tu bskyod mi nus/ / 'chi 'pho ma mchis skye ba ma mchis pa'i// chos rnams de ltar rgyal bas rab tu bstan// gang gis yang dag chos rnams nges rtogs pa/ / des ni rgyal ba rnam 'dren bsnyen bkur bgyid// gang la 'di 'dra'i nan tan ma mchis pa// de dag rgyal ba'i chos nyid mchod ma bgyis// gang gis tshul bzhin rab tu chos rtogs pa/ / des ni rgyal ba bde gshegs bkur sti bgyis// de dag rgyal ba chos kyis mchod bgyis te// byang chub dam pa mchog tu 'tshang yang rgya/ / gang gis tshul bzhin chos rnams rab rtogs pa// mkhas pa de dag rgyal ba'i rigs kyang 'dzin// bde bar gshegs pa'i bstan pa des bzung ste// byang chub dam pa mchog tu 'tshang yang rgya/ / rgyal ba brgya yis stong pa nyid bshad de// byang chub sems dpa' khrag khrig rnams kyis bzung // bde bar gshegs pa'i shul 'dir byang chub phyir// de la mkhas pa the tsom gzhar mi 'byung // bde bar gshegs pas chos rnams gang bstan pa// chos nyid de ni de ring bdag gis 'tshal// 'dren pa mi rnams kyi yang mchog tu 'gyur/ / shin tu sdug bsngal skye bo rnam par dgrol// 'di ltar stong pa nyid ni rigs pas na// bdag gis de ring chos kyis yab la mchod// gang slang mi yi gtso bo khyod
- 281b
'phags pas/ / de bzhin gshegs pa de la skyabs su mchi// de nas byang chub sems dpa' dpa' sras bcom ldan 'das de bzhin gshegs pa dkon mchog mkhas pa'i rgyal po la stong pa nyid dang ldan pa'i tshigs su bcad pa de dag gis mngon par bstod pa'i dge ba'i rtsa ba nges/ gang dang gang du skyes pa de dang der yang gzungs dang / zhi gnas dang / shes rab kyis sem can thams cad zil gyis mnan to/ / 'jam dpal de'i tshe de'i dus na byang chub sems dpa' dpa' srus su gyur pa de gzhan zhig yin pa snyam du 'dzin na/ 'jam dpal khyod sa de ltar mi bsta/ daca'i phyir / byang chub sems dpa' thams cad zil gyis gnan pa 'di dzi pa'i dus na byang chub sems dpa' dpa' sa zhes bya bar gyur te/ bas na 'jam dpal byang chub sems dpa' sems dpa' chen po/ sangs rgyas kyi zhing brjod du med pa rnams yongs su sbyang bar 'dod pas stong pa nyid rnam par thar pa'i sgo la bslab par bya'o/ / de la slob pa'i tshe'ang sems gang la'ang mi chags mi thogs te/ de'i sems ma chags shing thogs pa med pas/ bya ba gang dang gang la dmigs pa de dang de'ang mngon sum du 'gyur ro/ / 'jam dpal nga stong pa nyid 'di la bslab pa na/ ye shes ji lta bu rab tu thob pas ji ltar bsams pa de bzhin du 'gyur zhing kar 'dod pa der 'gyur ba'i
- 282a
ye shes de lta bu rab tu thob bo/ / 'jam dpal shar gyi phyogs char sangs rgyas kyi zhing bcu 'das pa na/ rtag tu snang bar byas zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas shugs 'chang zhes bya bar shes so// 'jam dpal shar gyi phyogs char sangs rgyas kyi zhing bco brgyad 'das pa na/ rin chen yod ces bya ba'i 'jig rten gyi khams yod de/ de na nga la sems can rnams kyis de bzhin gshegs pa dag pa'i spyan zhes bya bar shes so/ / 'jam dpal shar gyi phyogs char sangs rgyas kyi zhing drug cu 'das pa na/ dge ba'i rtsa ba bsags zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas don thams cad sems pa zhes bya bar shes so// 'jam dpal shar gyi phyogs char sangs rgyas kyi zhing brgya 'das pa na/ bai DUR+Ya'i snying po zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa gser gyi phung po zhes bya bar shes so/ / 'jam dpal shar gyi phyogs char sangs rgyas kyi zhing sa ya phrag gnyis 'das pa na/ gsar du snang ba zhes bya ba'i 'jig rten gyi khams yod de/
- 282b
da na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dpal gyi snying po zhes bya bar shes so// 'jam dpal sangs rgyas kyi zhing 'di nas shar gyi phyogs char sangs rgyas kyi zhing stong brgyad brgya 'das pa na/ zhi ba spyod ces bya ba'i 'jig rten gyi khams yod de/ de nang la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dbang po'i rgyal po zhes bya bar shes so/ / 'jam dpal shar gyi phyogs char sangs rgyas kyi zhing 'bum 'das pa na/ sprin gyi kha dog ces bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas stobs kyi rgyal po zhes bya bar shes so/ / 'jam dpal shar gyi phyog char sangs rgyas kyi zhing 'di nas sangs rgyas kyi zhing sum brgya 'das pa na/ yid du 'ong ba'i dri zhes bya ba'i 'jig rten gyi kham yod de/ de nang la sems can rnam gyi de bzhin gshes bdagra bcom pa yang dag par rdzogs pa'i sangs rgyas ri'i rgyal po zhes bya bar shes so/ / 'jam dpal shar gyi phyogs char sangs rgyas kyi zhing sum khri brgyad stong 'das pa na/ long gi dkyil 'khor snang zhes bya ba'i 'jig rten gyi khams yod de/ da na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas
- 283a
spros kyi rgyal po zhes bya bar shes so/ / 'jam dpal shar gyi phyogs char sangs rgyas kyi zhing 'di nas sangs rgyas kyi zhing bye ba phrag brgyad cu 'das pa na zla ba snang ba zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas rga shi 'joms pa zhes bya bar shes so/ / 'jam dpal shar gyi phyogs char sangs rgyas kyi zhing bye ba phrag dgu bcu 'das pa na/ dus las 'das zhes bya ba'i 'jig rten gyi khams yod de de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dge sbyong rgyal po zhes bya bar shes so/ / 'jam dpal shar gyi phyogs char sangs rgyas kyi zhing gang+gA'i klung gi bye ma snyed kyi sangs rgyas kyi zhing 'das pa na/ tshe mnyam pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas spos mchog ces bya bar shes so/ / 'jam dpal shar gyi phyogs char 'jig rten gyi khams gang+gA'i klung gi bye ma snyed dang mnyam pa phrag sum cu rtsa brgyad 'das pa na/ zhi ba'i cho ga zhes bya ba'i 'jig rten gyi khams yod de/ de nang la sems can rnams kyis de bzhin gshegs pa dgra bcom pa yang
- 283b
dag par rdzogs pa'i sangs rgyas blo gros dag pa zhes bya bar shes so/ / 'jam dpal shar gyi phyogs char sangs rgyas kyi zhing drug cu'i rdul phra rab kyi rdul snyed kyi 'jig rten gyi khams 'das pa na/ ma smad pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa'i rdul phra rab kyi rdul snyed kyi 'jig rten gyi khams 'das pa na/ rin po kun tu gnas pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas gzi brjid 'phags pa'i rgyal po zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa bcu'i rdul phra rab kyi rdul snyed kyi 'jig rten gyi khams 'das pa na/ dkon mchog 'byung gnas zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas brtul zhugs sprad ces bya bar shes so/ / 'jam dpal shar gyi phyogs char sangs rgyas kyi zhing brjod du med pa bco brgyad kyi rdul phra rab kyi rdul snyed kyi 'jig rten gyi khams
- 284a
'das blan/ yi grub ces bya ba'i 'jig rten gyi khams yod de/ de rang la sems can rnams kyis de bzhin gshegs pa dgra bcom pa yang dag par rdzo pa'i sangs rgyas gtsug pud rgyal po zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa nyi shu rtsa lnga'i rdul phra rab kyi rdul snyed kyi 'jig rten gyi khams 'das pa na/ nges par song zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas gtsug pud 'byung zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa nyi shu rtsa lnga'i rdul phra rab kyi rdul snyed kyi 'jig rten gyi khams 'das pa na/ grong rdal zhes bya ba'i 'jig rten gyi khams yod de/ de nang la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas thams cad zil gyis gnon pa zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu'i rdul phra rab kyi 'jig rten gyi khams 'das pa na/ pa'i dri zhes bya ba'i 'jig rten gyi khams yod/ de na ngal sems can rnams kyis de bzhin gshegs pa dgra bcom pa yang dag par rdzogs pa'i sangs rgyas gnas med par spyod ces
- 284b
bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa gcig gi rdul phra rab kyi rdul snyed kyi 'jig rten gyi khams 'das pa na// me tog bsam pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dbang phyug ces bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa brgyad kyi rdul phra rab kyi rdul snyed kyi 'jig rten gyi khams 'das pa na/ tsam pa'i kha dog ces bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas grags pa'i lha zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa bzhi bcu'i rdul phra rab kyi rdul snyed kyi 'jig rten gyi khams 'das pa na/ lhas sprul pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa mi gnas pa zhes bya bar shes so// 'jam dpal shar gyi phyogs char sangs rgyas kyi zhing 'di nas sangs rgyas kyi zhing brjod du med pa bzhi bcu rtsa gcig gi rdul phra rab kyi rdul snyed kyi 'jig rten gyi khams 'das pa na/ rab tu grub pa zhes bya ba'i 'jig rten gyi khams yong
- 285a
de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas dbyangs kyi rgyal po zhes bya bar shes so// 'jam dpal shar gyi phyogs char sangs rgyas kyi zhing brjod du med pa bdun cu rtsa gcig gi rdul phra rab kyi rdul snyed kyi 'jig rten gyi khams 'das pa na/ ma smad pa zhes bya ba'i 'jig rten gyi khams yod de/ de nang la sems can rnams kyis de bzhin gshegs pa sman gyi rgyal po zhes bya bar shes so// 'jam dpal shar gyi phyogs char sangs rgyas kyi zhing brjod du med pa bdun cu rtsa bzhi'i rdul phra rab kyi rdul snyad kyi 'jig rten gyi khams 'das pa na/ gser du snang ba zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa mi rtag gzi brjid rgyal po zhes bya bar shes so/ / 'jam dpal shar gyi phyogs chan gser gyis rab tu brgyan pa zhes bya ba'i 'jig rten gyi khams yod de/ den nga la sems can rnams kyis de bzhin gshegs pa gso ba byed pa zhes bya bar shes so// 'jam dpal shar gyi phyogs chan gser gyi gtsug ces bya ba'i 'jig rten gyi khams yod de// de na nga la sems can rnams kyis de bzhin gshegs pa nyon mongs dri ma sbyangs zhes bya bar shes so// 'jam dpal shar gyi phyogs char sangs rgyas kyi zhing brjod du med pa bzhi bcu rtsa bzhi
- 285b
rdul phra rab kyi rdul snyed kyi 'jig rten gyi khams 'das pa na/ mngon par 'phags pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dpal gyi snying po zhes bya bar shes so/ / 'jam dpal shar gyi phyogs chan snang ba can zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dpal brtsegs zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa bzhi'i rdul phra rab kyi rdul snyed kyi sangs rgyas kyi zhing 'das pa na/ grags can zhes bya ba'i 'jig rten gyi khams yod de de na nga la sems can rnams kyis de bzhin gshegs pa nyon mongs pa zhi bar byed pa zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa lnga'i rdul phra rab kyi rdul snyad kyi sangs rgyas kyi zhing 'das pa na/ gzi brjid can zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa blo gros 'dzin ces bya bar shes so// 'jam dpal shar gyi phyogs char sangs rgyas kyi zhing brjod du med pa sum cu rtsa drug gi rdul phra rab kyi rdul snyed kyi sangs rgyas kyi zhing 'das pa na/ tshangs pa 'byung zhes bya ba'i 'jig rten gyi khams yod de/ de
- 286a
nang la sems can rnams kyis de bzhin gshegs pa dpal gyi gzi brjid rgyal po zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa bdun gyi rdul phra rab kyi rdul snyed kyi sangs rgyas kyi zhing 'das pa na/ sangs rgyas dgyes pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa blo gros rgyal po zhes bya bar shes so/ / 'jam dpal sangs rgyas kyi zhing 'di nas shar gyi phyogs char sangs rgyas kyi zhing brjod du med pa sum cu rtsa brgyad kyi rdul phra rab kyi rdul snyed kyi sangs rgyas kyi zhing 'das pa na/ rin chen sgo zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa 'jig rten slob dpon zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa bzhi'i rdul phra rab kyi rdul snyed kyi sangs rgyas kyi zhing 'das pa na/ rin po che'i rtse mo zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa skar rgyal zhes bya bar shes so// 'jam dpal shar gyi phyogs char sangs rgyas kyi zhing 'di nas sangs rgyas kyi zhing brjod du med pa sum cu'i rdul phra rab kyi rdul snyed kyi sangs rgyas kyi zhing 'das pa na/ rin chen me tog shin tu rgyas pa zhes
- 286b
bya ba'i 'jig rten gyi khams yod de/ de na nga la sems can rnams kyis de bzhin gshegs pa sa dang mnyam pa zhes bya bar shes so// 'jam dpal shar gyi phyogs char sangs rgyas kyi zhing brjod du med pa sum cu rtsa bzhi'i rdul phra rab kyi rdul snyed kyi sangs rgyas kyi zhing 'das pa na/ shin tu mdzes zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa don thams cad gzigs pa zhes bya bar shes so/ / 'jam dpal shar gyi phyogs char sangs rgyas kyi zhing brjod du med pa sum cu rtsa lnga'i rdul phra rab kyi rdul snyed kyi sangs rgyas kyi zhing 'das pa na/ tsan dan gyi dri zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa mtha' yas snang ba zhes bya bar shes so/ / 'jam dpal shar gyi phyogs char sangs rgyas kyi zhing 'di nas sangs rgyas kyi zhing brjod du med pa bzhi bcu rtsa bzhi'i rdul phra rab kyi rdul snyed kyi sangs rgyas kyi zhod 'das pa na/ zil gyis mi non pa zhes bya ba'i 'jig rten gyi khams yod de/ de na nga la sems can rnams kyis de bzhin gshegs pa dgra bcom pa yang dag par rdzogs pa'i sangs rgyas don thams cad grub pa zhes bya bar shes so/ / 'jam dpal de lta bu'i rnam grangs su gang sangs rgyas kyi zhing tha dad pa rnams su sangs rgyas kyi bya ba byed pa'i tshe/ nga la
- 287a
sems can rnams kyi ming tha dad pa shes pa ni brjod du med pa'i bskal par smras kyang shar gyi phyogs cha'i sangs rgyas kyi zhing gi mtha' rtogs par mi nus so/ / de bzhin du phyogs cha thams cad kyi sangs rgyas kyi zhing du nga la sems can gyis ming tha dad pa'i de bzhin gshegs par shes pa yang brjod du med pa'i bskal par smras kyang sangs rgyas kyi zhing tha dad pa'i mtha' ba de bar mi rig go/ / 'jam dpal sems can dge ba'i rtsa ba chung ba rnams kyis nga'i sangs rgyas kyi zhing tshad med pa thos na myos par 'gyur ro// 'jam dpal byang chub sems dpa' gang theg pa 'di la yang dag par zhugs pa dang / theg pa 'di la yang dag par zhugs pa'i dge ba'i bshes gnyen rab tu mgu bar byas pa de dag kyang 'jam dpal nga'i sangs rgyas kyi zhing tshad med pa thos nas the tsom skye bar 'gyur na/ nyan thos kyi theg pa can dang / rang sangs rgyas kyi theg pa can dang / de ma yin pa'i byis pa so so'i skye bo rnams lta ci smos/ / 'jam dang la ngas mngon par shes pa 'das pa'i dus na/ bskal pa dpag tu med/ grangs med/ bsam gyis mi khyab pa de'i pha rol gyi yang ches pha rol na/ yon tan rab tu bskyed pa zhes bya ba'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas
- 287b
brtson 'grus mtha' yas zhes bya ba 'jig rten du byung ste/ de'i tshe de'i dus nang ni bram ze'i bu mo blo gros mtha' yas zhes bya bar gyur to// de bzhin gshegs pa brtson 'grus mtha' yas de'ang byang chub sems dpa' khrag khrig brgyad cus yongs su bskor bar gyur to/ / byang chub sems dpa' de dag thams cad kyang theg pa chen po la yang dag par zhugs pa/ theg pa dpag tu med pa'i bar la yang dag par zhugs pa nas/ theg pa brjod du med pa'i bar la yang dag par zhugs pa sha stag ste/ de dag la bcom ldan 'das de bzhin gshegs pa brtson 'grus mtha' yas de'i rang gi sangs rgyas kyi zhing tshad med pa yongs su dag pa 'chad de/ nga'ang bla na med pa yang dag par rdzogs pa'i byang chub 'dod pa'i phyir/ bcom ldan 'das de bzhin gshegs pa brtson 'grus mtha' yas de la rim gro dang bsnyen bkur byas so/ / de nas ngas de'i sangs rgyas kyi zhing tshad med pa yongs su dag pa thos nas bdag gi sangs rgyas kyi zhing yang de bas kyang shin tu rgya che ba de 'dra bar gyur cig ces de lta bu'i smon lam btab nas/ bdag gis dge ba'i rtsa ba thams cad kyang sangs rgyas kyi zhing rgya cher yongs su dag par bya ba'i phyir bsngos te/ bcom ldan 'das de bzhin gshegs pa brtson 'grus mtha' yas des bla na med pa yang dag par rdzogs pa'i byang chub dang / sangs
- 288a
rgyas kyi zhing tshad med pa yongs su dag par lung bstan mod kyi/ 'on kyang ngas bla na med pa yang dag par rdzogs pa'i byang chub kyi phyir/ sangs rgyas kyi zhing dpag tu med pa yongs su dag par bya ba'i phyir brtson 'grus ma btang bar gyur nas/ de ltar ngas de'i 'og tu sangs rgyas bye ba khrag khrig tshad med pa rnams la bsnyen bkur byas te/ de'i dge ba'i rtsa ba bsags pas/ ngas sangs rgyas kyi zhing rgya cher yongs su dag par bla na med pa yang dag par rdzogs pa'i byang chub mngon par rdzogs par sangs rgyas so/ / de nas bcom ldan 'das kyis de'i tshe tshogs su bcad pa 'di dag bka' stsal to// brjod kyis mi lang 'khor ba na// bsam gyis mi khyab 'das pa'i dus/ / sangs rgyas zhing gi rgyabakyang phyir// de nang yis brtson 'grus brtsams// brtson 'grus mtha' yas zhes bya ba// gang zag mtshungs pa med pa byung // sems can bye ba rnam par 'dul/ / lhar bcas 'jig rten rnams la ston// sangs rgyas chos la dbang byed cing // stobs rnams kyi yang pha rol phyin// mi 'jigs pa la shin tu gnas// so so yang dag rig la mkhas// gnas dang gnas min dbang yang thob// las dang ye shes rtogs par rig/ las rnams yang dag 'dzin pa dang // rnam par smin la the tsom
- 288b
med/ / khams rnams du mar shes pa dang // rnam par 'dren pa shin tu ldan// sems can rnams kyi dad pa rnams// ma lus yang dag rab tu mkhyen// sems can rnams kyi dbang po yi/ / rim pa bzhin du yang dag mkhyen// dbang po mchog dang tha ma rnams// ma lus par yang rab tu mkhyen// bsam gtan ye shes rnam thar dang // ting nge 'dzin gyi pha rol phyin/ / snyoms par 'jug dang tshad med la// rkang gnyis dam pa shin tu bslabs// sangs rgyas rnams kyis ting nge 'dzin// des ni mi mkhyen gang yang med/ thams cad mkhyen cing thams cad gzigs// gzigs pa la yang sgrib pa med// de bzhin gshegs pa de la ngas// sangs rgyas zhing gi rgya che ba// bskal pa chen po bdag la gsungs/ / kun nas nyon mongs rnam par byang // ma lus yang dag rab tu mkhyen// gang rnams khyod kyis mi mkhyen pa// de 'dra'i chos ni yod ma mchis// sangs rgyas zhing gi skyon rnams dang / / yon tan thams cad rab tu mkhyen// sangs rgyas bstan pa rgya che ba// rkang gnyis gtso bos bshad du gsol// sems can rnams kyi smin pa dang / ltar mi rnams 'tshang rgya ba// nyon mongs gang gis nyon mongs pas// mi mkhas 'khor bar rab tu 'khor// mi rnams gang gis nyon mongs pa// nyon mongs de dag khyod kyis
- 289a
mkhyen/ / de yi lam dang bsam pa rnams// 'dren pa khyod kyis rnam par mkhyen// ji ltar ting 'dzin 'byung ba dang // byung nas ji ltar gnas pa dang // ji ltar de las ldang ba rnams// ston pa khyod kyis rab tu mkhyen// bsam gtan rnams dang tshad med pa// ji skad ting nge 'dzin rnams dang // zhi gnas dang ni lhag mthong rnams// rnam pa thams cad shin tu mkhyen// ji ltar chos la 'dogs pa dang // gang gis rkyen gyis bshad pa yang // de yang ston pas rab mkhyen te// de la the tsom mi mnga' khyod// khyod kyi bskal pa byer spyad pas/ / ye shes 'di las nges par 'byung // ston pas stobs kyi mthu yang brnyes// drang srong chen po stobs dang ldan// bskal pa stong phrag bye ba yi// bdag dang pha rol rnams kyi yang / / spyod pa dpag tu ma mchis shing // bsam gyis mi khyab thams cad mkhyen// gang du byang chub ci 'dra ba// skye ba thams cad du yang 'jug/ de dag ma lus 'dren pa yis/ / ji lta bu yang rab tu mkhyen// gang du ci 'drar skye ba dang // gang du rigs kyang ci 'dra ba// ji ltar kun tu spyad pa rnams// de dag 'dren pas rab tu mkhyen// tha ma'i chos rnams ci 'dra ba/ / 'dren pas 'khor ba de rnams kyang // 'gro ba gang du skye ba ni// de bzhin gshegs pas rab tu mkhyen// ci 'dra ba yi ye shes kyis// sdom chad rnam par lung bstan pa/
- 289b
mkhas pa khyod kyis de mkhyen pa// de la the tsom mi mnga' khyod// tshul khrims gang dang cho ga gang // ci 'dra'i spyod pa spyad pa dang // ye shes gang la zhugs pa dang // de dag 'dren pas rab tu mkhyen/ / gang dang gang gi las kyis su// skye ba rnams su 'gro bar 'gyur// rnam smin ci 'dra 'thob pa yang // de ni mgon pos rab tu mkhyen// gang du gnas pa de dag gi/ / rgyad du mchi bar nges pa yang // de yang ma lus khyod kyis mkhyen// de slad yid gnyis mi mnga' khyod// gang gi las kyis sems gang skyes// de yang khyod kyis rnam par mkhyen/ / sems de'i rgyu ni gang lags pa// de yang 'dren pas shin tu mkhyen// sngon chad gnas pa mkhyen pa ni// khyod dang 'dra ba yod ma mchis// sangs rgyas bye ba stong rnams dang / / 'dren pa khyod ni de dang 'dra// srog chags so so'i dge ba rnams// rjes su dran pas rab tu mkhyen// de slad sangs rgyas chos rnams la// 'dren pa'i ye shes thogs mi mnga'// gang dang gang gi las kyis su// ji lta bu yi rgyud du mchis// de yang thams cad mkhyen pas mkhyen// de slad rgyal las lhag ma mchis// 'dren pas chos rnams thams cad la// khyod ni the tsom yong mi mnga'// sems can kun gyi spyod yul dang // sangs rgyas spyan gyis rab tu gzigs// skye ba dang ni 'chi 'pho mkhyen// khyod 'dra ba ni yong mi gda'// lpa
- 290a
bcas 'jig rten thams cad na/ / thub pa khyod las lhag ma mchis// zag pa zad pa'ang rab tu mkhyen// ma lus par yang rtogs par 'gyur// nyon mongs thams cad yongs su spangs/ / khyod kyis bag chags kun kyang bcom// sems can kun gyi nyon mongs dang // spyod pa rnams kyang 'dren pas mkhyen// gang la nyon mongs spyod yul dang / nyon mongs 'di dag gar 'byung mkhyen// nyon mongs dag la spyad pas na// bag chags rjes su 'jug pa rnams// de dag kun kyang khyod mkhyen te// de las khyod ni pha rol phyin// bdag dang pha rol rnams kyi yang // nyon mongs gang gis spong ba yi// lam de rnams kyang rab tu mkhyen// de slad khyod ni lam la mkhas// 'jig rten kun mgon rnam 'dren pa// mtha' yas brtson 'grus de bstod nas// bskal bye khrag khrig mtha' yas par// 'gro ba gnyis su de skyes so// 'di nas lha ris nga skye che// rtag par lnga yi dbang por 'gyur// bye ba mtha' yas lha rnams la/ / rgyal ba'i ye shes 'thob par bstan// lha yi gnas nas shi 'phos te// mi yi dbang po rgyal por gyur// sems can khrag khrig mtha' yas pa// rgyal ba'i ye shes 'thob par bstan/ / de dag nga yi chos thos nas// bsti stang mtshungs med skyes nas su// sems ni thams cad nyer bzhag ste// dri med sems kyis de dag nyan// sems can
- 290b
ba mtha' yas pa/ / byang chub mchog la nges par gyur// nga yi tshig thos rtogs pa ni// sangs rgyas byang chub nges par gyur// sangs rgyas bye ba mtha' yas pa// sangs rgyas zhing gi rgya bshad kyang / / bskal pa khrag khrig mtha' yas su// rgya che bshad pa mi zad do// sangs rgyas yon tan gang brjod dang // drang srong chen pos zhing bsngags pa// thams cad rang bzhin stong par bshad/ / de dag ma skyes mi 'gag bstan// gang 'dir sangs rgyas bsngags pa dang // sangs rgyas yon tan gang bstan dang // bde bar gshegs pas zhing brjod pa// / gang gis bshad pa'ang de dang 'dra// chos rnams zhi bar bde gshegs bshad// zhi ba'i rang bzhin de ni rnyed// gang la bshad pa de yang stong // 'di la mgon med 'gro ba myomos/ / de nas bram ze'i rigs shing sA la chen po lta bu'i bu mo blo gros mtha' yas kyis// bcom ldan 'das de bzhin gshegs pa brtson 'grus mtha' yas la tshigs su bcad pa de dag gis mngon par bstod nas/ bud med kyi dbang po las gyurate/ de phyin chad bud med kyi lus su mi skye bar gyur to// 'jam dpal de lta bas na byang chub sems dpa' sems dpa' chen po sangs rgyas kyi zhing tshad med pa yongs su sbyang bar 'dod cing / bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa/
- 291a
byang chub sems dpa'i rnam par thar pa sgrub pa'i stong pa nyid sgrib pa med pa la bslab par bya'o// chos kyi rnam grangs 'di bshad pa'i tshe/ sangs rgyas kyi zhing 'di thams cad rnam pa drug tu g.yos te/ 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rab tu ldeg/ 'khrugs/ rab tu 'khrugs/ kun tu rab tu 'khrugs/ bur 'ur/ rab tu 'ur 'ur/ kun tu rab tu 'ur 'ur/ chem chem/ rab tu che mtsham/ kun tu rab tu chem tsham/ shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho dbus dma' na mtha' mtho/ mtha' dma' na dbus mtho bar gyur to// srog chags bye ba khrag khrig phrag drug cu rtsa drug len pa med par zag pa rnams las sems rnam par grol lo// dgra slong dang / dge slong ma dang / dge bsnyen dang / dge bsnyen ma tshad med pa phrag brgya ni chos rnams la chos kyi mig rdul med cing dri ma dang bral ba rnam par dag go// byang chub sems dpa' bye ba khrag khrig dpag tu med pa ni mi skye ba'i chos la bzod pa thob par gyur to/ / srog chags stong phrag mang po dpag tu med pa rnams dang / lha dang mir bcas pa'i skye dgu sngon ma bskyed pa rnams ni
- 291b
bla na med pa yang dag par rdzogs pa'i byang chub tu sems skyes so/ / bcom ldan 'das kyis de skad ces bka' stsal nas/ byang chub sems dpa' brgyad khri bzhi stong po de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// / 'phags pa dkon mchog 'byung gnas zhes bya ba theg pa chen po'i mdo rdzogs so// / rgya gar gyi mkhan po dzi na mi tra dang / su ren dra bo d+he dang / zhu chen gyi lo ba ban+de ye shes sdes zhus te/ skad gsar bcad kyis kyang bcos nas/ slad kyis gtan la phab pa// rgya gar skad du/ Ar+ya g+ha na byA ha nA ma ma hA yA na sU tra/ bod skad du/ 'phags pa rgyan stug po bkod pa zhes bya ba theg pa chen po'i mdo// // bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das chos thams cad la mnga' sgyur ba/ 'dod pa dang gzugs dang / gzugs med pa dang / 'du shes med pa'i sems can rnams las 'das te/ sangs rgyas kyi zhing stug po na/ stobs rnams dang / mnga' rnams dang
- 292a
rdzu 'phrul gyi rkang pa rnams kyis rnam par 'phrul zhing rjes su spyod pa/ byang chub sems dpa' sems dpa' chen po rnal 'byor dam pa'i rnal 'byor can 'di lta ste/ byang chub sems dpa' sems dpa' chen po mur 'dug byed pa thams cad kyi gzhung rnam par 'joms pa dang / byang chub sems dpa' sems dpa' chen po blo gros chen po dang / byang chub sems dpa' sems dpa' chen po sangs rgyas kyi chos thams cad kyi rnam par dgod pa yang dag pa ji lta ba bzhin du ston pa dang / byang chub sems dpa' sems dpa' chen po spyan ras gzigs kyi dbang po dang / byang chub sems dpa' sems dpa' chen po mthu chen brnyes pa dang / byang chub sems dpa' sems dpa' chen po rnam par 'phrul pa'i rgyal po dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rnam par grol ba'i zla ba dang / byang chub sems dpa' sems dpa' chen po shugs 'dzin dang / de dag la sogs pa sangs rgyas kyi zhing bcu'i rdul shin tu phru ba bye ma snyed kyi byang chub sems dpa' sems dpa' chen po khams gsum pa'i yul las yongs su 'das pa/ sems dang / yid dang / rnam par shes pa dang / kun gzhi'i spyod yul las
- 292b
yongs su 'das pa/ ye shes dang yid kyi lus yongs su gnas par gyur pa/ sgyu ma lta bu dang / dpa' bar 'gro ba dang / chos kyi sprin gyis dang / ting nge 'dzin dang ldan pa sangs rgyas du ma'i phyag gis dbang bskur bas dbang bskur ba/ khams gsum pa'i yul las shin tu 'das pa'i gzhal med khang gi pad+mo chen po la 'khod pa rnams dang thabs cig tu bzhugs te/ de na mur 'dug dang / nyan thos dang / rang sangs rgyas thams cad kyi rgyu ba med do// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthong ba'i chos la bde bar spyod pa/ bdag gis so so rang gi 'phags pa'i ye shes kyis mkhyen pa'i spyod yul btsun par dbyangs 'byin pa sna tshogs kyi gzugs du ma ston pa'i ting nge 'dzin las bzhengs te/ bzhengs nas kyang / pho brang 'ja' dang glog gi 'od can rgyan dang / lhab lhub du mas brgyan pa nas mngon par byung ste/ zla ba dri ma med pa'i snying po zhes bya ba'i khang stengs su gshegs so// gshegs nas kyang stug po'i ri'i brgyan/ seng ge gdan dam pa la byang chub sems dpa' dang thabs cig tu bzhugs so/ / bzhugs nas kyang / bcom ldan 'das kyis phyogs bzhir gzigs te/ gtsug gi rin chen 'od kyi rgyan ces bya ba'i 'od zer gyi tshogs chen po 'od zer stong phrag
- 293a
brgya'i 'khor can smin mtshams nas phyung ste/ 'od zer gyi tshogs de byung bas/ sangs rgyas kyi zhing gi rgyan thams cad sangs rgyas kyi rgyan gcig dang 'dra bar yongs su snang bar gyur to/ / mchog tu phra ba'i rdul gyi phra ba nyid du sangs rgyas kyi zhing thams cad kyi rang bzhin phra ba nyid kyang yongs su snang ngo // sangs rgyas kyi zhing stug po'ang sangs rgyas kyi zhing gzhan gyi rang bzhin rdul gyi phra ba nyid las 'das te gnas so/ / sangs rgyas kyi zhing stug po ni 'od dang / gza' dang / zla ba spangs pa ste/ 'dus ma byas kyi rang bzhin nyid kyis shin tu phra ba'i rdul gyi phra ba nyid du mi snang gi/ gzhan du mya ngan las 'das pa dang / nam mkha' dang / ma brtags par 'grog pa lta bus byang chub sems dpa' sems dpa' chen po de dag dang / sangs rgyas bcom ldan 'das rnams dang / sangs rgyas kyi zhing gzhan na spyod pa byang chub sems dpa' sems dpa' chen po rnams kyis gzigs so// de nas bcom ldan 'das kyis sangs rgyas kyi zhing gi rgyan dang / sangs rgyas dang / byang chub dpa'i mthu phyung ba de dag gzigs nas/ sangs rgyas kyi spyan gyis phyogs bcur byang chub sems dpa'i 'khor dang bcas pa la gzigs nas/ byang chub sems dpa' sangs rgyas kyi chos thams cad rnam par dgod pa yang dag par ji lta ba bzhin du ston pa la bka' stsal
- 293b
pa/ rnam par dgod pa yang dag pa ji lta ba bzhin du ston pa/ stug po'i rgyan ces bya ba'i sangs rgyas kyi zhing 'di ni/ 'dod pa dang / gzugs dang / gzugs med pa dang 'du shes med pa'i sems can du gtogs pa'i gzugs sred pa dang / ma rig pa dang / ting nge 'dzin gyi 'bras bu ye shes kyi mes rnam par bsregs te gnas gyur pa'i phyir/ ye shes kyi ting nge 'dzin dang / yid bzhin gyi ting nge 'dzin dang / yid bzhin gyi lus stobs dang / mngon par shes pa dang / rdzu 'phrul gyi rkang pa dang / dbang pos brgyan pa/ gsang med pa/ ring du gnas pa/ zla ba dang / nyi ma dang / nor bu dang / glog dang / 'ja' dang / byu ru dang / ba bla dang / ldong ros dang / mtshal dang / 'og ma se'i 'bru dang king shu ka dang / sin+d+ra go pa dang / gser dang / tsam pa ka dang / pad+mo dang / dung dang / rma bya'i mgul dang / mdongs bu me long gi nang na 'dug pa'i gzugs brnyan bu thob nas/ sa dang sar zag pa med pas sbyangs pa'i rgyu ting nge 'dzin la dbang sgyur ba'i phyir smon lam gyi mthar phyin pa bcu'i sngo bas lus thob pa'i khyad par can dag sangs rgyas kyi zhing stug por 'ong ngo / / de nas byang chub sems dpa' sems dpa' chen po sangs rgyas kyi chos thams cad rnam par dgod pa yang dag pa ji lta ba bzhin du ston pa stan las langs
- 294a
/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das gang na ba der logs su thal mo sbyar bas phyag 'tshal te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig zhu lags/ bcom ldan 'das kyis bdag la zhu ba zhus pa lung bstan pa'i slad du/ skabs dbye bar gnang na bdag gis zhu'o// bcom ldan 'das kyis bka' stsal pa/ rnam par dgod pa yang dag pa ji lta ba bzhin du ston pa khyod kyis de bzhin gshegs pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas/ sems mgu bar bya'i/ khyod kyis ji ltar bzod pa de ltar smros shig/ de nas sangs rgyas kyi chos thams cad rnam par dgod pa ji lta ba bzhin du ston pa'i byang chub sems dpa' sems dpa' chen po bcom ldan 'das kyis skabs phye ba dang / bcom ldan 'das la 'di skad ces gsol to// bcom ldan 'das sangs rgyas kyi zhing stug po 'ba' zhig 'dod pa dang / gzugs dang / gzugs med pa dang / 'du shes med pa'i sems can las 'das te gnas sam/ sangs rgyas kyi zhing gzhan
- 294b
dag kyang de yin nam/ ci lags/ rigs kyi bu sangs rgyas kyi zhing stug po 'ba' zhig 'dod pa dang / gzugs dang / gzugs med pa dang / 'du shes med pa'i sems can las 'das te gnas pa ma yin gyi/ sangs rgyas kyi zhing gzhan dag kyang yod do// rigs kyi bu 'di nas pha rol shin tu'ang pha rol sangs rgyas kyi zhing bye ba stong phrag brgya 'das pa'i steng gi phyogs na na/ tshangs pa'i dbyangs de bzhin gshegs pa dgra bcom pa yang dag par rdzogs pa'i sangs rgyas kyi zhing dang / de bzhin du sA la'i dbang po'i rgyal po'i rgyal po'i de bzhin gshegs pa dang / skar ma'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi zhing dang / de bzhin du sangs rgyas bcom ldan 'das dgra bcom pa yang dag pa'i sangs rgyas rnams kyi pha rol shin tu'ang pha rol tu 'das pa na/ sangs rgyas kyi zhing bye ba stong phrag brgya mang po byang chub sems dpa' 'khor gyi tshogs kyis brgyan pa/ shin tu yangs shing che ba dag yod de/ sangs rgyas bcom ldan 'das de dag kyang 'khor gyi tshogs de dang de dag tu/ byang chub sems dpa' sems dpa' chen po rnams la bdag gi so so rang gi 'phags pa'i ye shes kyi rtogs pa'i spyod yul gyi gtam dang / mthong ba'i chos la bde bar gnas pa'i chos tshig dang / rnam par rtog pa'i spyod yul dang / yi ge dang bral
- 295a
ba de bzhin nyid dang / yang dag pa'i mtha' dang / mya ngan las 'das pa thob par byed pa/ phyin ma'i mtha'i mur gtugs pa ston/ de ni rnam par bkod pa yang dag pa ji lta ba bzhin du ston te/ de ni gang rnam par dgod pa yang dag pa ji lta ba bzhin du ston pa khyod kyis 'di'i pha rol na/ 'jig rten gzhan dang sangs rgyas dag yod dam zhes smras pa de'i la dungs 'di smras so/ / rnam par dgod pa yang dag pa ji lta ba bzhin du ston pa khyod 'ba' zhig sangs rgyas kyi zhing gi rgyun dang / byang chub sems dpa' la ltad mo blta bar 'dod pa'i phyir/ de bzhin gshegs pa la 'dri bar sems par ma zad kyi/ byang chub sems dpa' sems dpa' chen po shugs 'dzin 'di'ang / sangs rgyas bcom ldan 'das rnams kyi sangs rgyas kyi zhing gi rgyan dang / sangs rgyas kyi sgra'i dbyangs kyi dkyil 'khor dang / spyi gtsug tshad med pa la ltang mo blta bar 'dod pa'i phyir/ sangs rgyas kyi zhing bye ba stong phrag brgyar song ba nas/ sangs rgyas kyi zhing chu bo gang+gA'i bye ma snyed du rdzu 'phrul gyi mchog gis gyen du song yang / byang chub sems dpa' sems dpa' chen po shugs 'dzin 'di de bzhin gshegs pa gcig tsam gyi sangs rgyas kyi zhing gi rgyan nam/ sangs rgyas kyi gsung gi dbyangs kyi dkyil 'khor ram/ spyi gtsug bltar tshad med pa'ang ma mthong ste/ nges ma mthong ba dang / ngo mtshar du gyur nas
- 295b
sangs rgyas kyi gsung gi dbyangs kyi dkyil 'khor dang / spyi gtsug bltar tshad med pa/ bsam gyis mi khyab pa yang dag par rjes su dran zhing / mi mjed kyi 'jig rten gyi khams 'di nyid du phyin nas mnyan du yod par sangs rgyas bcom ldan 'das kyi spyan sngar 'dug ste/ nyes pa la nyes par bshags nas/ sangs rgyas rnams nam mkha' dang mnyam par shes te mngon par bstod nas/ bdag gis so so rang gi 'phags pa'i ye shes kyis rtogs pa'i spyod yul la mngon par mos shing / sangs rgyas kyi zhing stug po nyid du song ste gnas par gyur to/ / de nas byang chub sems dpa' sems dpa' chen po rdo rje snying pos dang sa'i mtshan nyid la mkhas pa phra ba dang / dmigs su phebs pa dang / rnam par gdon mi za ba'i gtam zlos pa stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar bas phyag 'tshal te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig bcom ldan 'das kyis bdag la zhu ba zhus pa lung bstan pa'i slad du skabs dbye bar gnang na bdag gis zhu'o/ / bcom ldan 'das kyis bka'
- 296a
stsal pa/ rdo rje'i snying po khyod kyis de bzhin gshegs pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa dang de'i dri ba dris pa lung bstan pas/ sems mgu bar byas/ khyod kyis ji ltar bzod pa de ltar smros shig/ de skad ces bka' stsal pa dang / byang chub sems dpa' sems dpa' chen po rdo rje snying po la/ bcom ldan 'das kyis skabs phye nas/ bcom ldan 'das la 'di skad ces gsol to// bcom ldan 'das sangs rgyas sangs rgyas zhes bgyi ba dang / 'tshang rgya bar bgyi ba zhes pa'i don ci zhig lags/ bcom ldan 'das don dam pa 'phags pa'i yul chos nyid kyi sangs rgyas kyi rigs ston pa 'das pa dang / ma 'ongs pa dang / da ltar byang ba'i spyod pa'i sa la spyod pa dang / gzugs dang / mtshan nyid dang / yang dag par bsdu ba'i lta bar ltung ba rnams dang / mur 'dug gzhan gyi smra ba la mngon par chags pa'i blo'i spyod yul la spyod pa rnams dang / rdul dang gces pa dang / dbang po dang / phyogs dang / dus dang / nam mkha' dang / bdag dang / yid dang / dbang po dang / don bar 'du ba'i lta bar lhung ba rnams kyi blo rnam par bzlog pa'i slad du bshad du gsol/ bde bar gshegs pa bstan du gsol/ ma rig pa dang / sred pa dang / las dang / mig dang /
- 296b
gzugs dang / snang ba dang / de las skye ba'i yid la byed pa dang / gsum 'du ba'i rnam par rtog pa'i shes pa can dang / rgyu dang / de ma dag pa dang / dbang dang / dmigs pa'i rten las byung ba'i rnam par shes pa la chags par spyod pa dang / yod pa dang / med par smra ba'i rtog pa can dang / chos 'di pa'i phung po dang gang zag stong pa nyid du lta bar lhung ba rnams kyi'ang blo rnam par bzlog pa'i slad du/ bcom ldan 'das bstan du gsol/ chos kyi dbang po thos par 'gyur gyis/ bde bar gshegs pa bstan du gsol/ rnam shes lnga yi rgyu la sogs// mnga' bdag dam pa ma gtogs par// sangs rgyas blo dang shes bya dang / ji ltar gang gi 'tshang rgya zhing // shes bya rnam pa lnga po rnams// thugs su chud pa sangs rgyas te// chos rnams thams cad mkhyen pas na/ / mya ngan 'da' dang mnyam gshegs pa// bcom ldan 'das kyis bka' stsal pa// dga'o dge'o rdo rje'i snying po sa bcu la dbang ba/ rnam par rtog pa'i spyod yul las 'das pa/ mkhas pa chos nyid kyis sangs rgyas kyi rigs grags par byed pa/ dge'o rnal 'byor dam pa la dbang ba sangs rgyas dang / 'tshang rgya bar yongs su dri ba 'di la ni khyod 'ba' zhig lhad mo byung ba ma yin gyi/ sgyu ma byed pa bzang po dang / rgyal ba'i bu gzhan dag kyang don 'di la ltang mo 'byung zhing / sangs rgyas kyi dngos po 'dri ste/
- 297a
de bzhin gshegs pa zhes bya ba'i tshig gi don 'di ci zhig/ ci gzugs de bzhin gshegs pa 'am/ 'on te gzugs las gzhan zhig de bzhin gshegs pa 'am/ de bzhin du phung po dang / khams dang / skye mched kyi 'du byed las kyang ste/ nang dang phyi'i mnyam pa nyid kyang mi mthong zhing / byas pa'i rgyu dang / 'jig pa'i chos can gyi phyir pung po rnams la de bzhin gshegs pa med de/ rdul phra mo med pa thugs su chud pa'i phyir/ shes rab dang / ye shes dang / ting nge 'dzin gyi spyod yul te/ mnyam par gzhag pa'i thugs kyis/ yang dag par rjes su ma gzigs shing / phung po rnams ma skyes pa'i phyir/ de bzhin gshegs pa ni chos kyi sku yin pas na rtag pa nyid do snyam mo// kye rgyal ba'i bu chos kyi shin tu dbyings phye ba la mkhas pa dge'o/ / kye rgyal ba'i bu de bas na dge bar shin tu nyon te yid la gyis shig dang / ngas khyod la bshad do// bcom ldan 'das dge'o zhes nas byang chub sems dpa' sems dpa' chen po rdo rje'i snying po bcom ldan 'das la phyir nyan no/ / bcom ldan 'das kyis de la bka' stsal pa/ rigs kyi bu rdo rje lta bu'i snying po ting nge 'dzin la dbang ba/ rdo rje'i snying po phung po rnams ni/ de bzhin gshegs pa ma yin/ phung po las gzhan na'ang med de/ phung po la gnas pa'ang ma yin/ phung po'ang gnas ma yin/
- 297b
skye ba dang / 'jig pa'ang gnas pa ma yin/ shes par bya ba'ang ma yin/ shes pa'ang ma yin/ don kyang ma yin// dbang po rnams kyang ma yin no// de ci'i phyir zhe na/ phung po dang / khams dang / skye mched dang / yul rnams ni mno bsam med pa'i phyir te/ de bzhin gshegs pa ni 'di rnams las nang ngam phyir yang mi blta'o// gzugs ni bskyed pa med cing sems med pa ste/ 'byung ba med pa'i chos can mthar 'jig pa rtswa dang / shing dang / bong rdo dang 'dra ba/ shin tu phra ba'i rdul gyi tshogs dbu ba dang 'dra ba'o// tshor ba ni gnyis tshogs pa las chu'i chu bur dang 'dra bar skye'o/ / 'du shes ni bum pa dang / snam bu dang / cod pan la sogs pa'i rgyu las byung ba ste/ de'ang gnyis las skyes pa smig rgyu dang 'dra ba ste/ dper na dpyid kyis mngon par gdungs pa'i sa la nyi ma'i 'od zer bab pa gyen du langs pa rnams chu'i rlabs lta bur rlab cing / ri dgas dang bya skom gyis nyen cing / chu tshol ba rnams chur rmongs par bya bas rmongs par byed do/ / de bzhin du 'du shes kyang de'i bdag nyid ma yin pa'i gzugs su 'jug pa/ yang dag pa ma yin par yongs su brtags pa las skyes pa/ dpyod pa pa rnams kyis brjod pa las logs shin tu mi dmigs pa/ bong bu'i rwa dang / mo gsham gyi bu brjod pa ltar ming tsam du zad pa ste/ rmi lam gyi gzugs
- 298a
brjod pa ltar blta'o/ / dper rmi lam na gzugs kyi 'du shes mthong ba zad pa'i tshe/ gzugs la sogs pa dang / bud med bzang mo'ang dmigs su med do/ / de bzhin du mi shes pas log pa na bud med dang skyes pa la sogs pa mthong ba'ang mngon par sangs rgyas na mi dmigs so// 'du byed rnams ni chu shing gi snying po lta bu ste/ btsal na lus dang / ngag dang / yid las byung ba gzugs med pa rnams rnal 'byor can gyi spyod pa pa rnams kyis mi rnyed do// rnam par shes pa ni sgyu ma lta bu de'i bdag nyid med pa ste/ sgyu ma byed pa'am de'i slob mas nan tan du rtswa dang / shing dang / bong rdo tsam la brten te gzugs kyi yan lag du ma las mngon par bsgrubs pa'i sgyu ma'i gzugs glang po che dang / rta dang / shing rta dang / mi dang / rgyan ma brtags pa'i gzugs kyi phyogs gcig na ngo mtshar du bstan pa lta bu dang / gzhan yang mkhas pa rnams la ma yin gyi byis pa'i 'gro ba rnams la 'dring ba de bzhin du/ rnam par shes pa'ang rnam pa gzhan du 'dug la/ rnam pa gzhan du shin tu brtags shing shin tu rtog ste/ de'ang bdag nyid kyis bdag la 'dzin pa gnyis su shes nas/ sgyu mas mngon par grub pa'i gzugs gcig po'i ngo mtshar dang 'dra bar phyir ldog go// de bzhin gshegs pa ni rtag pa// brtan pa
- 298b
ther zug mi 'jig pa ste/ sangs rgyas rjes su dran pa sgom pa'i rnal 'byor can rnams kyi yul yin te/ de bzhin gshegs pa'i snying po zhes bsgrags pa/ mya ngan las 'das pa'i dbyings dang / nam mkha' lta bur mi 'jig pa ste/ mya ngan las 'das pa'i sgra chos kyi dbyings kyi tshigs gis 'das pa dang / byung ba dang / 'byung ba'i sangs rgyas bcom ldan 'das rnams kyis bstan te/ 'di ltar de bzhin gshegs pa rnams byung yang rung / ma byung yang rung // chos rnams kyi chos nyid/ chos kyi gnas nyid dang / chos kyi dbying dang / chos skyon med pa nyid po 'di ni de bzhin gshegs pa'o// rdo rje'i snying po skyon med pa zhes bya ba ni/ yang 'byung ba'i nyes pa thams cad dang bral ba'o// rdo rje'i snying po skyon med pa ni nyes pa thams cad dang bral bar ma zad kyi/ ting nge 'dzin la'ang 'jug go// skyon med par 'da' ba ni/ byang chub sems dpas spang bar bya ste/ de ci'i phyir zhe na/ 'di ltar ting nge 'dzin gyi sgo de nyid du mos te/ sems can la lta ba med par gyur cing / yang dag pa'i mtha' mngon du byas nas/ lcags bsregs pa'i me dang 'dra bar mya ngan las 'da' bar gyur te/ de sems can gyi dgos pa la brtson 'grus btang zhing / snying rje chen po dang / pha rol tu phyin pa rnams dang bral bas/ sangs rgyas kyi gdung rnam par chad par
- 299a
byed cing / nyan thos dang / rang sangs rgyas mur 'dug byed pa'i lam du 'gros/ ting nge 'dzin gyi 'dam bu glang po chen po 'dra bar rnam par thogs rnam par shes pa'i yul rab tu zhum pas/ sangs rgyas kyi chos kyi skye mched thams cad kyis kun nas mi gnas shing / rdzogs par mi byed par 'gyur ba'i phyir mngon du mi bya shing ma reg pa dang / nye bar mi bsgrub par gnas par bya'o// de ltar sangs rgyas kyi chos kyi sku'i rjes su zhugs te/ sangs rgyas kyi che ba nyid shes pas/ chos kyi 'khor lo bskor ba'i sangs rgyas rnam pa sna tshogs kyi tshul gyi yul la nye bar spyod pa/ sprul pa'i yul can/ de bzhin gshegs pa rnams kyis ting nge 'dzin las bslang ba'i sbyor ba sa brgyad pa las 'das pa/ chos kyi sprin gyi sa la shes par rab tu byas pa/ sangs rgyas kyi che ba nyid myong nas/ de bzhin gshegs pa'i bdag gi so so rang gi rig pa/ 'phags pa'i ye shes kyis rtogs pa'i spyod yul gyi sar zhugs te thams cad du 'gro ba/ ma g.yos pa'i ting nge 'dzin spyod pa lhun gyis grub pa/ rtag pa/ zer zug pa/ brtan pa// sangs rgyas kyi zhing stug po na gnas par 'gyur te/ rdo rje'i dbang po sa la dbang ba rnams la 'phrul pa'i 'jug pa ston par 'gyur te gnas gyur pa/ yid bzhin gyi ye shes dang / ting nge
- 299b
'dzin can stobs dang / mngon par shes pa dang / rdzu 'phrul gyi rkang pa dang / dbang la spyod pa ngang pa'i rgyal po dang 'dra bar ma zhugs pa'i chu'i zla ba lta bur 'gro ste/ blta ba'i d on yod pa mi'i bdag po thams cad kyi tshogs kyi 'khor du sems can rnams kyi bsam pa ji lta bur 'dod pa'i gzugs dag gis sangs rgyas kyi zhing stug po bstan pa'i phyir sems can gyi bsam pa bzhin du 'jug par 'gyur ro/ / 'dod pa'i khams kyi dbang po thams cad dang / dbang sgyur ba'i byang chub sems dpa' sems dpa' chen po'i nor bu rin po che'i snying po la sogs pa'i gnas dag tu bde ba rnams myong bar byas te/ sa'i rim pa rnams bstan nas/ zhing nas zhing du phun sum bde ba rnams rab tu ston cing / phyi ma'i mthar thug par sku grub pa'i sngags 'chang ltar mi snang zhing / khang khyim gyi lha ltar de na gnas bzhin du mi snang ba'i gzugs su khyim na 'dug pa ltar/ de dag sprul pa'i 'od zer dang / 'phrul pas sprul pa la spyod cing 'gro'o// song nas kyang de bzhin gshegs pa'i sprul pa'i sku nub ste/ de bzhin gshegs pa'i sku la zhen nas gnas par 'gyur ro// de nas bcom ldan 'das kyis tshigs su bcad pa 'di dag gsungs so// dbang po phung po sprul yin te// sred dang ma rig las kyang min// bag chags kyis bcings
- 300a
mi bzad pa/ / yul dang dbang po'i rgyu las byung // rnam dpyod tshogs ni 'dod chags rnams// zhags pa sems spyod de yin no// khro ba me lce mnyam pa ste/ / zhe sdang dug gi dngos po yin// thub spyod rnal 'byor bzang can gyi// 'di dag rtag tu rnam gzhigs te// phung po rnams ni dor ba'i phyir// rnal 'byor can gyis rnal 'byor spyod/ / gzugs ni 'byung ba'i tshogs yin te// phung po'i lhag ma gzugs med pa// ji bzhin par snang ri mo dang // grib ma sdong dum la sogs med// mkha' la rlung gzugs mi snang dang / / bya yi rjes rnams ji bzhin ni// mkhas pas so so rang rig pa// yang dag nyid dang yang dag mtha'// tshig gi spyod yul 'das pa ni// sangs rgyas dngos po mi snang ste/ / sangs rgyas smras ni mya ngan 'das// mya ngan 'das kyang sangs rgyas te// rnam rtog rtog dang bral bas na// de ni bstan du mi nus pa'i// rgyu dang 'bras bu med pa ste/ / yod dang med kyis rnam par spangs// rdo ba phye mar btags pa la// gser ni yod par mi snang ste// sbyangs pa'i las kyi khyad par gyis// gser ni snang bar 'gyur ba yin/ / gzugs rnams rdul du rnam gzhigs te// mkhas pas phung po lhag ma dang // khams dang skye mched tshogs rnams dang // rnam par shes dang dbang po dag/ gcig
- 300b
dang tha dang dngos por yang / / rdul phran rnam par rab sbyangs na// dngos por sangs rgyas yod pa min// sangs rgyas med pa'ang ma yin te// rnal 'byor can rnams sangs rgyas mthong / / mtshan rab sum cu rtsa gnyis can// gang na sdug bsngal de na bde// de nyid la ni snang ba yin// sangs rgyas med ces mi bya ste// sangs rgyas mnyam par gzhag pa yod/ / rgyu yi sangs rgyas dge ba can// rtsa ba mkhas pa nyid kyang ste// 'jig rten kun gyi rgyal ba dang // yang dag rdzogs pa'i sangs rgyas dang // 'di dag sangs rgyas lngar gsungs so/ / sprul pa'i rgyal ba lhag ma rnams// de bzhin gshegs pa'i snying po yid// mtshan rab sum cu rtsa gnyis can// de bas sangs rgyas yod pa ste// rnal 'byor can gyis thub pa mthong // khams rnams gsum po 'das pa dang // rnam pa du mar sangs rgyas zhing // de bzhin gshegs kyi lha rdzas zhing // rgyal sras bzung pos kun tu gang / / de na thub tshan sangs rgyas bzhugs// mtshan gyis kun nas yongs su rgyas// rnal 'byor rnal la mnyam par gzhag/ chos dang bcas su rnam par mdzes// de bzhin phan tshun bsam gtan mdzad// shes rab ma shes shes byed la// stug po de na rnam par spyod// stug po de yi sems can su// sangs rgyas gzugs can de dag
- 301a
kun/ / skad cig 'jig pa shin tu 'das// ting nge 'dzin la rtag tu mos// dga' ldan nas babs 'phrul pa gang // rtog pa can rnams kun gyis mthong / / stug po nas gshegs glang po ste// sangs rgyas gzugs ni sdug na bzhugs// sna tshogs rnam mang gzugs tshul te// sems can bsam bzhin zhugs pa'i sa/ de bzhin gshegs pa mnyam gzhag pa// chu yi zla ba bzhin du snang // sna tshogs gzugs kyi nor bu ni// tshon gyi 'byor las rnam par mdzes// de bzhin sangs rgyas stug zhings mnyam par bzhag pas rnam pas mdzes/ / thams cad chos la gzugs brnyan ltar// gcig dang tha dad spangs pa ste// dgos par kun la 'jug pa ni// skyes bu dam pa thams cad mkhyen/ / rdul las ma yin dus las min// dbang po las min gces las min// rkyen gyis ma yin 'jig rten dang // sangs rgyas ldan par rnam mdzes pa// rgyu yi tshul du sangs rgyas ni/ / 'bras bu rnams la rnam par mdzes// 'jig rten skul 'khod bya ste// rgya mtsho ri dang shing dag dang // de la 'gro ba sna tshogs bcas// mnyam par bzhag pas shin tu dgyes/ / bya ba thams cad phyi nang du// gza' zla la sogs mdzes pa'i rnams// phyir yang phyag gis mthil bkod do// yungs 'brur 'gro ba kun 'dzud pa// sangs
- 301b
rgyas thub pa'i rnal 'byor mnga'/ / thub chen thub pa'i dam pa'o// 'jig rten rnams la byed pa med// sangs rgyas 'phrul gyis sprul pa ste// 'byung ba gsum po 'di dag kun// sangs rgyas 'od kyis rnam par sprul// rab rib mi shes myos mdongs pa'i// rtog pa can rnams 'phyan pa yin// bdag dang bdag med lta ba'i rnams// yod dang med pa'i smra bas bcom/ / 'on tam thams cad 'jig pa dang // cung zad 'jig pas smra ba rnams// 'di la med dam cung zad dam// bdag dang bdag med ga la yod// sangs rgyas sna tshegs 'byung kun na/ / rnam 'byor mkhan po rnam par mdzes// dri za'i grong la bya ba rnams// ji ltar snang ba 'jig rten na// rmi lam rnam pa sna tshogs gzugs// ri dgas rnams la smig rgyu bzhin/ / de bzhin 'jig rten sna tshogs dag/ gdeg la sogs pa'i las rnams kyang // rlung ldan sogs pa'i zag pa bzhin// sangs rgyas rnal 'byor mkhyen pa'i mchog/ mi la 'khrul 'khor bskor ba ste// rgya mtsho skye ba 'dzin dang 'dra// stug po'i ris kyi ye shes kyi rgyan las byung zhes bya ba'i le'u ste dang po'o// / de nas 'jam dpal gzhon nur gyur pa stan las langs te// bla gos phrag pa gcig la gzar nas/ pus mo g.yas pa'i lha nga sa la btsugs te/ bcom
- 302a
ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gang na ba de logs su thal mo sbyar te phyag 'tshal nas/ bcom ldan 'das la 'di skad ces gsol to/ / bcom ldan 'das mtshams med pa lnga bgyid pa rnams dang / dam pa'i chos spong ba rnams dang / 'phag pa spong ba rnam dang / mnar med pa la gzhol ba rnam dang / ma dad pa la snying ring ba rnams dang / tshangs pa 'gums pa rnams dang / ba lang 'gums pa 'gums pa'i sems can rnams ji ltar yongs su 'grol bar 'gyur/ bcom ldan 'das sems can de dag 'khor ba'i sdug bsngal las ji ltar yongs su 'grol bar 'gyur/ bcom ldan 'das kyis bka' stsal pa/ 'jam dpal sbyin pa gnyis byin pa'i sems can rnams 'khor ba de sdug bsngal las yongs su 'grol bar 'gyur te/ de 'di ltar chos kyi sbyin pa dang / zang zing gi sbyin pa'o// chos kyi sbyin pas skye ba dran par 'gyur ro/ / zang zing gi sbyin pas ni sems can thams cad la phan btags par 'gyur ro// zang zing gi sbyin pas ni bkres pa dang skom pa'i sdug bsngal yongs su sbyong ngo // chos kyi sbyin pas ni sems can dmyal ba dang / byol song gi skye gnas dang / gshin rje'i 'jig rten gyi 'khor ba'i sdug bsngal las yongs su 'grol to// 'jam dpal sbyin pa gnyis
- 302b
po 'di byir/ / sbyin pa thams cad 'dus par 'gyur ro// 'jam 'apal gzhan yang sbyin pa lngas sbyin pa dang / nye ba'i sbyin pa thams cad 'dus par 'gyurate/ lnga gang zhe na/ 'di lta ste/ bzhon pa sbyin pa dang / gdugs sbyin pa dang / dar sbyin pa dang / gos sbyin pa dang / chos gos dang / bsod snyoms dang / mal cha dang / stan dang / nad kyi rkyen sman dang / yo byad sbyin pa rnams kyis/ sdug bsngal thams cad yongs su sbyangs par 'gyur ro// 'jam dpal yang sems can la la mtshams med pa lnga byed pa dag gam/ dam pa'i chos spong ba dag gom/ 'phags pa spong ba dag gam/ mnar med pa dag la gzhol ba dag gam/ bskal par gnas pa dag gam/ sems can gang la la dkon mchog gsum la snying ring ba 'am/ sangs rgyas dang / chos dang / dge 'dun la gnod par byed pa 'am/ tshogs kyi nor la 'phrog pa dag gam/ chung ngu na lug gsod pa dag kyang rung phyag dar ba'ang rung / sme sha can yang rung ste/ 'jam dpal sus shin tu rgyas pa chen po rmad du byung ba'i chos stug po'i rgyan rin chen 'di thos pa dang / 'dri ba dang / 'drir 'jug pa dang / 'dzin pa dang / klog pa dang / kun chub par byed pa dang / gzhan la'ang rgya cher yang dag par stor pa dang / chung ngu ra yi ge gcig kyang rung ste/ brjod pa dang / su'ang chos de sgra/
- 303a
ba la mchod cing rim gro byed pa dang / nang par langs nas ngo phrad par byed cing blta ba dang / sngar smra ba sbyin par byed pa dang / lag pas reg par byed pa'i sems can de dag thams cad 'jam dpal sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad las yongs su 'grol bar 'gyur ro/ / 'jam dpal sa'i phyogs gang na chos smra ba de 'dug gam/ de'i dur ram/ ro 'am/ ro bam pa zhig yod la// de'i ngo mthong na'ang mtshams med pa'i las lnga rnams byang bar 'gyur ro/ / 'jam dpal rgya mtsho chen po'i nang na yi dgas lto dpag tshad brgya stong du mar skyes pa yod de/ yi dgas de bdag gi las kyi sdug bsngal mi bzad pa'i tshor ba yod do/ / 'jam dpal de bzhin du sems can su mdo sde chen po rin po che 'di spong ba de dag kyang sdug bsngal myong bar 'gyur ro// 'jam dpal su'ang mdo sde rin po me 'di rim gro byas te/ me tog dang / bdug spos dang / mar me dang / spos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / lha'i ba dan gyis mchod pa dang / chos smra ba de'ang mchod par bya ste/ ci ste chos smra ba de mtshams med pa lnga byed na'ang / 'on kyang de'i sems 'khrugs par mi bya'o// chung ngu na byol song gi skye gnas su
- 303b
gtogs pa'i ri dgas dang / bya gang la las chos smra ba de shi ba'i ro bam pa dur khrod na 'dug pa'i sha zos kyang / de dag thams cad phyir mi ldog par 'gyur te/ bla na med pa yang dag par rdzogs pa'i byang chub kyang 'thob par 'gyur ro/ / ri dgas dang bya gzhan po de dag thams cad phyir sangs rgyas kyi zhing stug po 'di nyid du 'thob par 'gyur te/ de la nem nur dang / the tsom dang / yid gnyis mi bya'o// sems can gang la la sngon dge ba'i rtsa ba bskyed pa/ sngon byang chub sems dpas yongs su bzung ba/ sngon gyi byang chub sems dpa'i sa bon las ma nyams pa de dag thams cad phyi ma'i tshe phyi ma'i dus na/ mdo sde chen po rin po che 'di thos par 'gyur ro// thos nas kyang mchod pa chen pos mchod par 'gyur ro// mdo sde thams cad 'dus pa'i rgyan stug po rin po che las sbyin pa'i le'u ste gnyis pa'o// // mtha' yas yul can shin tu phra// bsam gtan mkhyen pa skyes bu'i mchog/ dbang po 'das pa mngon sum pa// chags dang dbang po rnam par spangs// bsam gtan bsam pa bsam gtan pa'i// de ni dgos pa'i tshul yin te// thub pa rnal 'byor mkhas pa rnams/ / kun gyi snying la gnas pa yin// yod dam med kyi phyogs dang bral// sangs rgyas phyogs ni dri ma med// blo dang shes bya bral ba ste// tshad
- 304a
dang dbang po spangs pa yin/ / sems shes rnams kyi yul ma yin// de ni grol ba rnams kyi yul// mtshan rnams kun kyang snang ba ste// de bzhin gshegs ni mtshan med pa/ / dregs can rnams kyi dregs med mdzad// mnyam par gzhag cing gos pa med// g.yo ba ma yin g.yo med min// chags med lam la gnas pa ste// lha yul byung ba'i lha rnams dang / / dri za lha min mi 'am ci// thub pa rnams dang mur 'dug gis// bstod kyang rtag tu yong mi g.yo// de la ngo mtshar srid pa med// 'gro ba gang na'ang g.yo ba med/ / sngon las dag pa'i rnal 'byor gyi// de ni pha rol yin pa'i phyir// sangs rgyas 'phrul pa'i spyod pa yis// bya ba tsam gyi lha rnams kyis// mthong yang de dang 'di na med/ / ji bzhin nyi zla de dang 'dra// rnal 'byor yul du gnas pa ni// dregs pa med mdzad 'gro bas mthong // rnam pa tha dang mur 'dug rnams// gang la gang gis dbang 'gyur ba/ / de la de lta'i chos ston to// rnal 'byor bskyed pa'i 'od zer gyis// rnal 'byor chos can rnams phye zhing // rgyal ba'i tshul dang gsum po dag/ rgyal po'am rgyal po'i 'khor rnams dang / / rgyal po'i yul gyi bya ba dang // dka' thub tshal dang zhing rnams kyi// phun sum tshogs pa de las byung // lha rdzas rnams dang nam mkha' dang //
- 304b
rin chen 'byung khung rnam dag pa// lha yi lha yi mthu yis na// phyogs dang yul na 'bab pa yin// 'byung ba gsum gyi thabs rnams gang // rnam pa sna tshogs mkhas rnams kyis/ / gang rnams byed gzhug bya ba dag/ sangs rgyas lhun gyis grub 'bras bu// de ni mdo 'dzin 'gro ba yi// dgos dang dka' thub can rig dang // gang mo rtsa ba'i sbyor ba dang / / gar mkhan rnams la rtag tu'o// dga' ldan gnas babs 'jig rten gyis// mthong ba bud med 'gro dang bcas// 'phrog cing sbyin dang 'brel ba dang // / cod papon can dang lag na gzhur/ / dam pa rnams kyis kun tu mthong // stug po nas ni de ma bral// yul 'di thub pa de yis te// thams cad na yang shin tu snang // rab rib can gyi rab ring bzhin/ / ri dgas rnams kyi smig rgyu 'dra// 'jig rten rnams kyi sgyu ma la// ji ltar gzhan du mthong ba dang // rmi lam na yang gzhan du ba'i rmi lam bzhin du byis pas mthong / / khyad par rab tu mthong ba ni// rnal 'byor can rnams log long bzhin// lha yi lha yi yul yin te// de yi sras kyi dus kun tu// mi sbyin su lang tshangs pa dang // sa nan ta dang sa nan 'da'// sa nan gzhon nu ser skya dang // ne tse la sogs rnams bsams kyang // de yi yul la rnam par bslad// de dag rnal
- 305a
'byor gyis mi mthong / / bub pa gang dag 'byung ba dang // byung dang da ltar gang 'khod pa// de dag yul na gang yang min// lta ba'i bag chags g.yogs pa'i phyir/ / sa dang sar ni rnam spyod pa'i// rdo rje'i snying po de la bstan// lha yi lhas ni byas pa yi// stug po'i zhing na yod pa yis// 'di dag rdo rje'i snying po de// mnyam par bzhag la shin tu bstan/ / rnal 'byor can gyi rnal 'byor yul// ji ltar gang gis sbyor ba dag/ dbyibs dang mdog dang khyad par dag/ bzo bor gyur pas byas pas na// gces dang rdul phran dag gi ste/ / brtags pa'i dngos po yod pa min// skye ba dag ni chos tsam ste// ldog par 'gyur ba chos tsam mo// kun tu phra ba'i bdag nyid kyi// yon tan dag tu dngos yod brtags// mar me bzhin du gsal byed pa// rgyu rnams dgos pa sgrub pa dag/ mtshan nyid snga nas mi rnyed de// 'jig dang bral bas mi gnas pa'o// 'das pa 'das pa'i dngos por yang // yod pa ma yin 'byung ba med/ / rkyen du bya rnams med par yang // brtag pa'i dngos po gang yang med// rkyen rnams 'dus te byas pa la// dngos po yod pa ma yin te// rkyen rnams gang gi rkyen du 'gyur/ / yod dang med pa'i dngos mi snang // med pa'ang snang ba yod ma yin// phra ba'i bdag gis rnam par brtags// phung po rdza ma ras la sogs// ri dgas skom gdungs smig rgyu bzhin//
- 305b
rmi lam dri za 'dra ba ste// gtsug lag nor ba dug dang bcas// rab tu smra ba sum brgya yis// 'jug pa dag dang phyir ldog dag/ mya ngan 'da' ba gang yang med// de nas sangs rgyas kyi chos thams cad rnam par bkod pa yang dag pa ji lta ba bzhin du ston pa/ sa'i dbang po lag pa'i 'phreng ba tshad med pa/ lus dpe med pa/ dpung rgyan dang / cod pan dang gtsug gi rin po che dang / se mo dos shin tu chas pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ theg pa gsum dang / 'jig rten dang mi 'gal ba/ lta ba'i chos la bdag gi so so rang gi 'phags pa'i ye shes kyis rig pa'i spyod yul bde ba la gnas pa/ rdo rje snying po'i dbang po rnal 'byor chen po'i rnal 'byor can/ / rnal 'byor gyi mkhan po/ sa dang sa'i mtshams thams cad mi 'gal bar ston pa la 'di skad ces smras so// rdo rje dbang po khyod slu ba thams cad dang // rgyal po'i 'khor dag tu/ cod pan can dag la chos ston pa yin te/ de'i phyir rgyal ba'i sras khyod la gsol ba gdab kyis/ bdag gi so so rang gi 'phags pa'i ye shes kyis rig pa'i spyod yul la bde bar gnas pa'i phyir/ 'phags pa lta ba'i chos la bde bar gnas pa/ gzhan gyi dring mi 'jog par spyod pa'i gnas ston cig/ des bdag dang cod pan
- 306a
can 'di dag gis bdag la mngon sum du gyur pa'i spyod yul/ sangs rgyas kyi sa'i sgo'i bde ba nan tan gyis rab tu thob ste/ yid bzhin gyi lus rnam pa bcu la dbang sgyur zhing / stobs dang / mngon par shes pa dang / rdzu 'phrul gyi rkang pa dang / dbang gi gzhal med khang gis gnas gyur te/ yang dag pa'i mtha' la gnas spangs te/ sna tshogs kyi lus yid bzhin gyi nor bu dang 'dra ba'i rang bzhin du 'gyur te/ rgyal ba'i tshogs kyi 'khor thams cad dang / stug po stug po na spyod pa rnams la chos sna tshogs ston par 'gyur ro/ / rdo rje snying pos smras pa/ rgyal po smros shig/ dge'o dge'o// cod pan can la khyad par du// chos la 'jug pa bdag med pa/ stug po'i rgyan ni rab ston pa// sems kyi rang bzhin mtshan nyid dag/ rnam rtog spyod yul yin she sa na// rnam rtog don las phyir ldog pa// 'gro ba rnam rtog mthong nas te// 'gro ba'i rang bzhin mthong nas kyang / / ting nge 'dzin la gnas par 'gyur// chos kyi ngo bo nyid bstan gyis// rgyal po nga la de nyon cig/ dpyid kyi smig rgyu ji bzhin la// de yi rnam par 'gro bar 'di// mtshan gzhi mtshan ma rgyu rnams las// rnam par rtog pa rnam mi rtog/ blo dang rtogs byas bskyed pa ste// rtogs byas de yi khyad gyur pa// gnyen por gyur pa gcig med
- 306b
pa/ / nyi ma dang ni grib ltar gnas// sems med tsam po'ang yod pa min// tshad dang gzhal dang gnyis ka med// rnam par rtog pa sems tsam ste// rnam par rtog pa rnam mi rtog/ shes dang shes bya rnam rtog pa// sems tsam de ltar yin na ste// shes bya sems dang tsam pa ni// rtag tu tsam la shes yod min// sems kyi chos kyi ngo bo nyid/ / gang zag dag kyang g.yo ba rnams// gang tshe sems la rnam brtags na// rtog dang brtags pas spangs pa yin// brgyad po rnyed nas dag par 'gyur// dgu la bsam/ gtan spyod yul te// bcu la sangs rgyas sangs rgyas kyis// dbang bskur rgyal bar 'gyur ba yin// rgyal ba'i yul la chos rnams kyang // mi zad chos kyi skur 'gyur ro// nam mkha'i zad dang 'dra ba ste// sems dang rnam shes de bzhin te// mi 'jigs pa yang ma yin zhing // rtag cing zhi ba bde la brtan// 'dus ma byas pa'i ye shes te// stug po'i zhing na rnam par mdzes/ / rnam shes 'byung gsum 'das pa ste// sna tshogs gzugs kyi rin chen bzhin// de bzhin sangs rgyas sa bsam med// stug cing rgyal ba'i gnas gyur pa/ / ji ltar gyo mo rnams kyi rgyu// rdza ma chag par bstan pas bzhin// gyo mo rnams kyang rdul gyi ste// rdul kyang mchog phra'i de bzhin du// dngos po rnams kyi rkyen rnams
- 307a
la/ rgyu rnams ji ltar snang ba bzhin// zag pa med pa'i chos rnams kyi// rgyu ni de bzhin zag bcas pa'o// ji ltar shing las me 'byung ba// phyis kyang gzhan du 'bar bar byed/ / de bzhin ye shes byung ba'i me// phyis kyang gzhan du 'bar bar bya// gnas kyi lus las 'phos 'gyur cing // sems dang rtog pas rnam spangs pa/ / chags pa med pa'i ye shes ro// stug po'i dbus na rnam par mdzes// bskyed med rnam pa sna tshogs gzugs// sa la gnas pa ma yin pa// lta ba thams cad zad byed pa'i/ / bdag med nyid la skyabs su song // rgyud kyi rgyun rnams chad pa'i phyir// 'jig pa med cing 'byung med pas// lta ba thams cad zar byed pa// bdag ma nyid la skyabs su song / / zhir gyur zhi bzhir ma byas// zhi bas zhi ba bden nyid du// lta ba thams cad rnam dag phyir// bdag med nyid la skyabs su song // sa rnams sna tshogs byas pa ni/ / bdag med pa la bdag med pas// mi rtag tho bas bcom pa dang // rnam par ston pa'i mdas kyang ste// bsreg pa tshig pa'i me bzhin du// bdag nyid zhir 'gyur de nyid du/ / de bzhin lta bas rnam brtags te// bdag med bsam gtan rab gnas pa// lta ba'i chos la bder gnas kyi// so so rang rig spyod yul la// thog ma
- 307b
med nas nyes dri med/ / 'phags pa rnams kyi sa la gnas// 'phags gnas 'jig rten pas spangs te// 'jig rten 'das pa'i 'phags la gnas// sems kyi sa las rab gyur te/ / stug po'i dkyil na rnam par mdzes// mi bdag mi bdag dbang po rnams// thams cad kyis kyang yang smras pa// rdo rje snying po skyabs dang mgon// gang la skyabs su mchi bar bgyid// sangs rgyas yod min med pa min// phung po'i skye shing rnams bsregs te// dpung dang bcas pa'i bdud bcom ste// stug po sangs rgyas sa la gnas/ / shes bya dri med zhi ba la// skyabs su song zhig grogs po dag/ rtog dang tshad las bral bas te// blo dang rtogs bya'i gnas ma yin// stug po'i dkyil bzhugs rnal 'byor can/ / de yang grogs po mgon skyabs so// rnal 'byor can rnams kun gyi zhing // zhing mchog bzang ba stug po'o// rnal 'byor 'byor pa mang pos gang / / stug po de la skyabs su song // spros pa kun dang bral ba ste// lta ba'i nyes pa rnam par spangs// ri mo'i thag thug lta bu dang // rmi lam mo gsham bu byung dang // rmi lam bud med bzang mo ltar// thub pa rnams kyis 'gro ba mthong // dri za'i grong khyer spyod pa bzhin// skra phung mgal pa bskor ba ltar// smig rgyu ri dgas sred mtshungs su//
- 308a
yod dang med pa rnam par spangs// sgyu ma'i lus gzugs sna tshogs dang // sprul pa'i sprul par de dag ni// 'jig rten spyod tshe mthong ba ste// sa dngas// la thub pa rnams// bsngor med du ma'i gzugs gyur pa// sgyu ma'i shing gi 'bras bu ltar// sprin dang du ba glog ltar yang // bub pas rnal 'byor rnam par mthong // rdza la sogs pa'i bzo gzung ltar/ / 'gro ba bdag gi rnam rtog byung // yid dang yid kyi rnam shes dang // chos lnga'i ngo bo nyid rnams dang // 'jug pa'i rnam shes spyod pa ni// bdag med mi gnyis brgyan pa ste/ / bag chags thog ma med pa yi// sems kyi gnas ngan len byung yod// 'od pa'i dba' rlabs 'dra bar ni// kun gzhi sa la gnas pa yin// rlung gis ji ltar 'od pa la// phan tshun dag tu bskyod byas nas// dba' rlabs rnams la 'jig pa med// 'od pa'ang med par mi 'gyur te// sa med bag chags gnas can rnams/ / 'jug pa'i yul la gzhol ba dag/ sems brgyad rnams kyi 'jug pa ni// rnam par thar pa ma yin te// dus gcig tu yang de dag 'byung // bar bar du ni rims kyis so/ / thog ma med nas sems 'jug pa// skar ma gza' yi dkyil 'khor dang // lo ma me tog 'bras bu dang // ri dang sde dang tshal sogs la// rtag tu dus gcig 'jug pa
- 308b
ste/ / rims kyis kyang ni shes par byos// yang dag ma yin snga ma'i yul// mal la gnas bzhin mthong ba yin// lus kyi 'jug pa'i rims kyis kyang // srog la chen cing 'byung ba yin/ / rdzas dang grangs dang chos rnams la// tha dad rims kyis 'byung ba ste// mur zhing bca' dang bza' rnams la// tha dad rims kyis 'da' ba min// ro dang dri yi rnam pa la// rims kyis tha dad 'byung ba yin// rims kyis kha dog khyed par gyi// sna tshogs la yang dus gcig tu// rgyal po sems ni bsam mi khyab// rtag tu rang bzhin 'od can no/ / de bzhin gshegs pa'i snying po ste// rdo ba rnams kyi gser bzhin gnas// yid ni kun gyi gzhi las byung // yid kyi rnam shes de bzhin te// rnam shes drug po rnam pa mang / / sa yi khyad par byed pa po// bag chags sems dang lhan cig tu// sa bon kun pa'i kun gzhi ni// kun nas nyon mongs rnam dag kyang // rtag tu rang bzhin 'od can gyis/ / de ltar nga bzhin gshegs kyi rigs// nges dang ma nges dge pa yin// rtag tu gnas ltar 'byung ba ni// rgya mtsho rlabs dag ji bzhin du// tha ma 'bring dang rab rnams su// de bzhin kun gzhis khyad par byed// sangs rgyas sa la rnam dag cing // gzhan du gyur nas rnam par mdzes// yang dag ji bzhin don ston la//
- 309a
rdo rje snying pos yang smras pa// mthong zhing thos te shes pas na// sa chen bdag po khyod nyid kyi// spobs pa can la bstan par gyis// khyad par du'o/ khyad par bdag/ khams phran rnams kyi khams nang na// sa la 'khor lo 'khor rnams kyi// kun gzhi rnam par dag gyur na// sa yi rgyal por 'gyur ba yin// 'dzam bu'i gling la dbang ba yin// 'khor lo 'khor bar yang 'gyur ro// dga' ldan la sogs gzhal med du// mtshe ma rab kyi dbang por 'gyur// dbang po'i gnas su dbang por te// dbang sgyur gnas su de bzhin no// 'dod pa'i khams kyi dbang po'i bdag/ gzugs khams bdag po'ang de bzhin te// gzugs med 'du shes med sems can/ / bsam gtan bde ba'i 'bras bur yang // yang dag mngon bya ma chags pas// yang dag mtho la ma reg par// 'jigs med seng ge'o sgra sgrog cing / / dga' dang ye shes yang dag ldan// bsam gtan dbang gi bde bas ngoms// de ni stug por smon pa yin// khams gsum spyod pa'i nyes pa yis// chags med mnyam par gzhag pa ste// mthar gyis stug por zhugs nas su// rnam par sangs rgyas sangs rgyas sar// chos kyi dbang po bdag gyur te// rten las
- 309b
gzhan du gyur cing bde/ / rtag pa brtan pa zhi ba'i chos// stug po'i dkyil na sras dang bcas// chos kyi bdag po rnam par mdzes// 'jig pa med pa mi yi mchog/ mya ngan 'dus pa 'jig pa min/ / mur 'dug rnams kyis cir brjod bzhin// mchog dang tha ma bar ma yi// rgyal po bcu po'i las rnams kyi// theg pa gsum du gyur pa ste// stug po tshol ba'i khyad par yang / / rgyal po yang dag skye bar 'gyur// sa dang sa la gnas pas so// 'jig na 'dus byas nyes par 'gyur// 'chi ba rnams la de bzhin te// rgyal po 'jig pa mthar ma yin/ / de bzhin gshegs pa ye shes sku// sems can zad cing med 'gyur ba// de ste mya ngan 'das 'jig na// sngon gyi mtha' yang 'jig pa dang // sems can 'byung ba med par 'gyur// sems can khams rnams zad gyur na// rgyal ba'i shes bya dngos po med// mya ngan 'da' med shes bya med// sangs rgyas sangs rgyas nyid kyang med/ / me mar bsregs pa'i dpe rnams dang // sa bon tshig pa'i dpe dag gis// rtog can thar la mkhas pa rnams// lus can rnams la thar pa ston// yod dang med pa'i rnam thar gyis/ / thar pa'i bde las de dag ring // bsam gtan gnas pa thams cad de// lugs su 'byung dang bzlog pa dang // gzugs med 'du shes
- 310a
med pa dang / / mngon shes dbang dang stobs rnams dang // ma nyams nyams pa med pa yi// chos kyi mtshan la mkhas pa rnams// sa yi khams la mkhas pa dag/ mi yi dbang po stug por 'gro// yod dang med pa 'jig pas ni// de dag 'khor las mi 'byung ste// phrad pa gsum po 'jig byed cing // rgyu dang dmigs pa'i rkyen rnams dang / / de ma thag dang dbang yang ste// sa rnams bdag med phyi rol dag/ mig dang gzugs dag rgyur byas te// phrad pas gang rnams 'jug gyur pa// gzugs rnams mngon byed ye shes dang / / de dag thams cad zhig par 'gyur// phyi dang nang gi sa rnams ni// phan tshun stobs kyis byung ba ste// yod dang med pa'i lta ba las// de sta grol nas 'jig na ni/ / sems dang dmigs las bral ba'i phyir// rnam par dmigs pas mi gnas te// mdun du rtog pa med gyur cing // de yi rang bzhin mi gnas la/ / gang tshe dmigs pa spang ba la// rnam par rtog pa mi gnas shing // gang tshe gnyis las rnam grol te// rtog med rtog pa spangs pa na// de tshe sems ni mnyam par bzhag/ 'gro ba rnam rtog med pa mthong // gzung dang 'dzin pa med pa ste// bsam gyis mi khyab shes la gnas// rten pa las ni gyur pa ste// ye shes gnas ngan len pa
- 310b
spangs/ / yid bzhin rnam pa bcu po ni// sna tshogs gzugs kyis brgyun pa ste// sa gsum rgyal po rab byed cing // rgyal po stug por rab tu 'gro// gzugs dang sems dang sems las byung / / mi ldan pa dang 'dus ma byas// nang dang phyi yi sa rnams kyang // tha dang rnam par rab mthong zhing // so so rang gi ye shes mkhas// lta ba'i chos la rnam par gnas/ / rgyal po stug por 'dong ba ni// ye shes mkhas pa rnal 'byor can// mtshan ma ming dang de bzhin nyid// rnam par rtog dang ye shes dang // yang dag mtha' la gnas pa yis/ / so so rang rig spyod yul du// rgyal po dag dang rgyal po'i bu// rnal 'byor sems pa'i rnal 'byor can// rgyal po stug por 'dong ba ni// sangs rgyas bstod pa'i zhing du'o// phrad pa gsum dang rkyen spangs te// bdag gi phyogs las 'phags gyur na// phyogs las nyams pas 'jig pa ni// rtog pa can dang mnyam par 'gro/ / ma grub pa dang yang dpe yi// rgyal po 'gal bar shin tu 'gyur// rnam par rtog dang nyes pa'i mtshan// de dag rnam pa lngar 'gyur ro// phrad pa gsum po sun 'byin pa/ / nud zos bung ba ji bzhin du// de bzhin 'jig rten sun 'byin pa// yang dag ma yin rtog pas smra// de la nyes pa rnam lnga ste// rtog pa bslang
- 311a
pa'i mig can la/ / 'dra chos mi 'dra chos skyon can// nor dang bzlog pa med pa dang // bdag gi phyogs las nyams pa'i blo// pha rol phyogs la brten pa dang / / lta ba de dag 'byung ba ni// thog ma'i mtha' ni 'jig byed pa'o// sems can rnams kyi sngon gyi mtha'// rgyal po yod pa ma yin te// kun tu rgyug cing 'khor ba dag/ 'byung ba dog par rgyug pa'o// de dang de yi lam rgyud du// thugs rje'i dbang gis rgyal ba gshegs// sprul pa'i 'od zer lha rdzas kyis// zla ba lta bur rgyu zhing 'khor/ ma'i las dang tshul mthun par// pa skyabs chos rnams ston pa mdzad// rgyud dang rgyud du bying rnams la// chos kyang bstan par mi 'gyur te// de ste mya ngan 'da' 'jig na// rgyal bas yon tan ci zhig brnyes// dbang sgyur gsum po rnams dang yang // rnam par thar dang bden pa mthong // rdzu 'phrul rkang pa gzhi po dang // dran pa nyer gzhag stong pa nyid/ / tha dad yang dag shes bzhi dang // 'dri la lung bstan pa rnams dang // dmigs pa dang ni de ma thag/ rgyu dang dbang yang de bzhin te// gzugs med pa dang spyod pa dang // dbang po stobs rnams bcas pa dang // mngon par shes dang dad rnams dang // rnam par shes dang de'i rgyu dang // 'dus byas ma byas chos rnams dang // byang chub yan lag gang zag dang
- 311b
rnam par thar dang skyes bu brgyad/ / sa rnams dag dang shes pa dang // zil gyis gnon pa'i 'du mched dang // ye shes mngon du chud pa bcu// sdug bsngal chos nyid shes pa dang // sdug bsngal gyis su so sor rtog/ sdug bsngal nyid kyi rjes su shes// 'dus pa rnams kyi chos shes dang // 'dus pa la ni kun rtog dang // 'dus la rjes su 'gro shes dang // 'gog pa dag la chos shes dang // 'gog pa dag la rtog pa dang // 'gog la rjes su 'gro shes dang // lam la chos kyi shes pa dang // lam la so sor rtog pa dang // lam la rjes su 'gro ba shes/ / shes pa rnams dang slob pa bcu// brgyad pa mang na lan bdun dang // rigs las rigs dang lan cig 'ong // bar chad gcig po'i gang zag dang // bar mar mya ngan 'da' ba dang // gzhan skyes mya ngan 'da' ba dang // mngon par 'du byed ma byas dang // steng ma'i rgyud kyang de bzhin te// rgyal po de dag thams cad kyang // ye shes spyod yul yin par gsungs/ / rnal 'byor can yul sna tshogs te// tha ma mchog dang bar ma'o// byang chub sems dpa' khyad par du// mchog dang bcas par de la sgom// rang sangs rgyas ni dbu mar te/ / nyan thos pa ni tha ma'o// bcu gcig pa dang bcu gnyis pa// lnga gsum bcu drug dag tu yang // sems kyi tshogs kyi 'gog pa ni// rnal 'byor can rnams shin tu byed//
- 312a
gang 'das de ni 'gags pa yin// sems ni rang bzhin 'od sdang can// zag pa gang yin de sems min// sems dang lhan cig gnas pa'ang med// ma 'ongs pa ni ma byin te/ / da ltar byung ba gnas pa med// sems ni rkyen dang mi ldan par// 'di dang gzhan du'ang skye ba med// bsam gtan bzhin sems med de// 'byung ba'i rgyu la'ang/ gnod pa med// 'byung ba'i rgyu ni rnam shes te// yid dang rnam shes lnga pa'o// rang gi rnam rtog mi shes pas// dba' rlabs bzhin du'ang 'byung ba yin// rtag dang rtog las rnam grol ba/ / thub pa kun gyi kun gzhi'o// yod dang med las lha rdzas su// gzhan 'gyur 'jig pa ma yin zhing // stug po dang ni stug dkyil du// zla ba lta bur rab tu mdzes// de ni mi 'jigs bde bar gnas// stug po'i dkyil na sras dang bcas// tha dad ma yin mtshan nyid mkhyen// ye shes ro gcig nyid du 'gyur// bsam yas rnal 'byor yul can te/ / rgyal po zla ba lta bur spyod// rgyal po phun sum tshogs pa 'di// rnal 'byor khyer ba thub rnams kyi// rtag par rgyal po de yi phyir// khyed kyi yid kyang rnal 'byor shog/ 'dod gnas rnam pa drug po dang // tshangs pa dag gi bcu gnyis dang // gzugs med shes med sems can du// rgyal po khyod ni dbang por gyis// stun por 'dod
- 312b
pa'ang thob par te/ / bzang po'i stug por smon pa'i phyir// rgyal po ye shes bcu po rnams// bsgoms na stug por 'akra bar 'gyur// chos dang rjes su 'gro shes dang // pa rol sems dang kun rdzob dang // sdug bsngal 'dus pa'i shes pa dang // 'gog dang lam las skyes pa dang // byang ba'i shes dang mi skye dang // khong bzo bsgom pa de bzhin te/ / sha kun ta la'i rgyal rigs dang // ig shwa ku dang so ma'i rigs// yang dag don ston rgyal ba'i mchog/ khyod kyi rigs ni khyad par 'phags// de yi rigs su khyod skyes shing / / zhum pa med par stug por song // lte ba'i chos la gnas pa yi// rnal 'byor can gnas dri med du// sdud pa bzhin du dbugs rgyu zhing // 'gro rgyu lug dang 'dra ba ste/ / rnga 'brug bzhin du lus phyed kyi// 'gro zhing 'ong ba byed pa ni// thams cad lus la yid yin te// sgyu ma'i ri dgas bzhin du gnas// sgyu ma'i shing ltar shin tu snang / / chu bo'i nang gi me bzhin du// smin ma mig dang yan lag rnams// sgyur bas rgyal po bzhin du rtsa// sems dang sems las byung dang yid// yid kyi rnam par shes pa dag/ chos rnams 'di dag dngos po med// sprin gyi tshul du 'byung ba ste// kun gzhi thams cad sa bon 'di// bag chags rnams kyi yongs su
- 313a
bkris/ / sna tshogs gzugs kyi nur bu dang // 'ja' dang glog rnams ji bzhin du// lus can rnams kyi lus kyi yul// de lta'i gzugs su snang ba yin/ / lu ma'i pad+mo lta bur dag/ dri med ngang pa'i rgyal po bzhin// gsal ba gdon mi za ba'i rigs// sangs rgyas sprul pa bzhin du gnas// mtshan ma'i mthu las ming 'byung ste/ / mtshan ma rgyan las byung ba yin// mtshan ma ming dang 'brel ba ste// rkyen rnams kyis kyang rnam par gnas// mtshan ma tshul dang dbyibs dag las// rnam par rtog pa shin tu 'byung / / rnam par rtog pa skyed pa yi// rgyu la rnam pa gnyis su gsungs// phyi rol mtshan ma sems rnams dang // bag chags yid kyang de bzhin te// sem dang lhan cig ldan pa ni/ / khang pa la ni gnas pa yin// yid dang dbang por ldan pa ni// rnam shes lnga yi rgyu yin te// rtag tu yang dag ye shes kyis// 'jig rten rgyu la rnam par lta/ / de ltar byed dang bya ba med// de bzhin nyid 'di rnam gzhan min// thams cad chos kyi de bzhin nyid// phan tshun stobs kyis 'byung ba ste// rnal 'byor can rnams de ltar lta/ / de bzhin nyid du gsal bar mthong // rang bzhin yongs su grub pa ni// chos rnams chos nyid de yin te// brtags pa'i dngos po rang bzhin du// chos
- 313b
rnams thams cad ma skyes pa/ / stong pa ngo bo nyid med de// yod dang med pa'i phyogs spangs pa// sgyu ma rmi lam rnams dang 'dra// dri za'i grong khyer lta bu ste// skra tshogs rnams dang smig rgyu bzhin/ / du ba sprin stug lta bu ni// mtshan ma tshul dang dbyibs rnams kyis// ji ltar ming du 'jug pa yi// tshig dang yi ge mang po dang // ming rnam// mang po la yang ste// kun tu brtags pa'i rang bzhin gyis// gzhan gyi dbang ni de las gzhan// yid don dbang po 'dus pa las// sa bon kun nas bag chags dang // tha/ dad ma yin sems dang bcas// rnam par shes pa kun tu 'byung // gzhan gyi dbang gi rang bzhin yang // phan tshun stobs kyi rgyu las so// so so rang rig shin tu pra// mthong ba'i chos la gnas pa ste// rang bzhin yongs su rdzogs pa 'di// 'phags pa rnams kyi spyod yul lo// 'phags pa'i rang bzhin zugs chud pas// sangs rgyas rnam dang sangs rgyas sras/ / rang bzhin yongs su rdzogs pa ni// yang dag mtha' ru gzigs pas na// skye ba zad ces rnam par gsungs// rangs pa'i lam yang non ces so// byas kyis gzod yang bya ba med// phyin chad 'byung ba med do zhes// sdug bsngal kun las rnam par grol// g.yo ba thams cad shin tu 'byung // bag chags ma lus bsregs
- 314a
bas na/ / rnam par rtog pa mi 'byung zhing // bdag med shin tu mthong ba ni// chos dang gang zag bsgrags pa ste// sa bon rnams dang bral bas na// sem kyi tshogs rnams mi 'jug go/ / thog ma med pa'i dus bsags pa'i// yid kyi gnas ngan len rtog pa'i// spros pa thams cad mngon bsal bas// mya ngan 'das pa lcags bsregs bzhin/ / ji ltar rab tu bsregs pa'i lcags// bsil bar gyur kyang 'jig pa med// de bzhin grol ba thams cad kyang // ma zad bzhin du bsil ba yi// zag pa med pa'i chos dbyings su/ / bzhugs pa stug po'i dkyil 'khor na// rgyal ba rnams dang rgyal sras bcas// ting nge 'dzin gyi zas gnas pas// mnyam par gzhag la mnyam gzhag cing / / mthong ba'i chos la bde bar gnas// rgyal po rnal 'byor can gyi yul// rnal 'byor 'di yin brtsam par gyis// de ste rgyal sras dge ba'i gnas// stug por 'gro bar 'dod na ste// sangs rgyas thams cad bzhugs pa'i gnas// zhing gi mchog ni stug po'o// de phyir rgyal po dge bar rtsom// rgyal po rnams la'ang dge bar gyis/ / ming ni mtshan ma'i mthu las byung // mtshan ma rkyen las byung ba ste// mtshan ma las kyang rnam rtog 'byung // grub pa rnams ni ma gtogs par// rdza la sogs pa
- 314b
dbang po'i yul/ / phung po yon tan ldan pa'i rnams// rnam par rtog pa'i mtshan ma 'di// skye ba la ni rgyu yin no// khyad par byed pa rnam rtog ste// gnas kyang rnam par shes par byed/ / 'gro dang mi 'gro 'gro ba yi// gti mug rnams kyang shin tu skye// ring po zung ngu kha dog dang // rtsub pa dag dang 'jam pa'i rnams// sgra dang dri la sogs pa'i yul/ / mngar dang kha dang tsha ba dang // yid kyi rnam par shes pa'i yul// ji snyed dge dang mi dge dang // 'dus byas chos dang 'dus ma byas// mya ngan 'da' ba ye shes yul/ / skad cig skad cig rab tu 'byung // byung zhing phyir yang log pa ste// de ni mgyogs par shin tu 'gro// rnam par shes pa rgyu las byung // yid dang kun gzhi rab 'brel bas/ / khab long lta bur shin tu 'khor// kha gnyis sprul pa ji bzhin la// yid kyi spyod pa de bzhin te// kun gzhi rnam shes yog par byed// gcig tu 'on kyang rab tu 'byung // / yid kyi rnam par shes dang bcas// rgyu yi dgos pa byas nas ldog/ bdag tu dgos pa'ang shin tu byed// bdag gir bya ba'ang 'phel bar byed// lus la drod kyang skyed pa ste// sna tshogs rnam par rab tu spyod// zas dang skom dang longs spyod dang // gos dang spos sogs rnam spyod dang // mchod pa dag dang rgyug par yang // mi yi lus ni 'dzin pa yin// gar
- 315a
dang gang po rtsed mo dang / / yid kyang rtag tu byed pa ste// sgra tshogs mgal pa bskor ba dang // dri za'i grong khyer rmi lam dang / smig rgyu la yang de bzhin du/ rnam par rtog pa kun tu 'jug/ ba bab kun tu 'khor ba'i sems// bdag sems khong du mi chung bas// lus dang snod kyi rnam par yang // phyang mo nyug pa ltar gnas pa'o// / nyam chung snying po med pa ste// rnam par rtog par rgyu med pa// bdag gis brtags pa'i don la spyod// mthong nas gnas pa gzugs brnyan bzhin// rgyal po rnam shes sa bon ni// lta ba'i yul du g.yo ba ste// bus pa'i tshogs rnams myos par byed// 'phags pa ma yin sa yi bdag/ rgyal po rnam shes gsum pa yi// 'jug pa rab tu bstan pa ste// 'di rnams dang ni bral grub pa'i/ / rang bzhin yang dag nyid yin no// bye ba phrag zhing ji snyed rnams// shugs 'dzin gyi ni mthong ba dang // 'phags pa mo'u 'gal bu yis kyang // lus dang lus che'i mdzes pa rnams// de dag las ni 'di dag 'phags// stug po'i zhing na'o sa yi bdag/ thams cad zhing na ci mdzes pa// de dag dpe 'am char mi rung // bde ba yod dang mngon dga' dang / / 'og gi zhing rnams bye ba dag/ de dag de na gang bzhugs pa'i// sangs rgyas de dag stug la bstod// stug ces bya yod sngon mtha' med// rang byang 'phrul
- 315b
pa de yin te/ / zag pa med pa'i sangs rgyas sar// 'byung ba gsum las 'das te gnas// de ni bde ba nyer len med// khyod dang nga 'dir spyod dang bral// ther zug mchog tu rtag pa ste/ / brtan pa stug po 'dus ma byas// yang dag sangs rgyas byang chub tu// 'tshang rgya 'og min gnas mchog tu// sangs rgyas ma gyur 'dod khams su// sangs rgyas mdzad pa mi mjed de/ / de dag stug pa'i zhing gshegs nas// sangs rgyas sprul pa bye ba yis// rtag tu rnal 'byor mnyam par gzhag/ sprul pa dag dang thabs cig rol// thams cad zhing du zla/ ba ltar// gang la gang gis dbang 'gyur ba// de la de ltar 'byung ba ste// 'phrul pa'i sprul pa dag gis kyang // sa bcu pa yi mdo mchog dang // sdong pos brgyan dang du ma yi// gang yang rnam par sprul pa'i mdo/ / dpal gyi 'phrang ba las bshad dang // rnam par snang ba'i mdo sde dang // sgyu ma dpa' las 'gro ba sogs// mdo sde rnam pa sna tshogs dag/ stug po rgyan nas rnam par byung / / stug po rgyan gyi mdo sde 'di// mdo sde kun las 'phags pa yin// rgyal po 'di la rim gror yang // rgyal po rnams dang bcas pas gyis// gzugs med 'dod dang gzugs rnams dang / / 'du shes med pa de bzhin te// gnas las 'das te sangs rgyas dbang // bzhugs so stug po'i dkyil 'khor na// pad+mo 'dra ba'i gzhal med khang // gzugs
- 316a
mang rnam pa sna tshogs ni/ / lha rdzas rmad kyi ye shes te// de bzhin gshegs pa'i rnam dag gis// rnam grol rnal 'byor can rnams dang // de na bcom ldan thabs cig bzhugs/ / stug po'i dkyil bzhugs bsam gtan zhugs// sangs rgyas sa mchog rnam bzhi la// de la bzhugs shing gzugs 'dzin pa// rnal 'byor mkhas pa nyid tshul gyis/ / de yi mtha' ma mi 'jigs pas// gzugs rnams dang ni yul rnams kyi// thub pa rnal 'byor mkhas pa'i rnams// gzugs kyi rnam pa sna tshogs kyang // stug po'i dkyil na rnam bzhugs shing // thams cad rnal 'byor can gyis bstan// ba bla gser dang zla 'od tsam pa ka dang rma bya'i mgrin pa pad+mo 'dra// de yi sa la bzhugs pa'i lha yi yang lha'i gzugs ni rnam par mdzes pa ste/ / de gzugs lha rgyal go ba ka dag glog dang 'od ma byu ru 'od bzhin du// la las bal chung sku dang na bza' lo ma rtsal sogs pa'i mal bzhugs par/ / mthong ngo nyi ma stong ltar shin tu rnam par 'bar ba'i sku gzugs mnga' ba la// thub can la las rnal 'byor dbang la sdug dbus chu skyes re re bzhugs par mthong // / thub pa'i thor tshugs tshogs ni lag gis 'gro yi mgo bo klad pa bzhin du ste// la lar gzugs ni rdo rje an+da rnyil gyis spras pa'i cod pan brgyan par ro// la las la lar thub pa
- 316b
de la 'khor lo ri mo nya dung bcas par mthong / / la las ji ltar nam mkha' rgyu ba'i lam la 'ja' zug bzhin du thub pa mthong // lha rdzas phyag sor can gyis sna tshogs yul can ri rab phyag tu rab gzhog cing / / khams gsum chu srin gnas dang chu gnas de bzhin pa glang rmig par shong bar mdzad// sbyin pa'i shugs kyis mi yi bdag pa'i gtsug gi cod pan rnams kyis rab mchod cing / / la la dag na rgyal dang rgyal po'i 'khor na dgos pa rnams la mkhas gyur cing // chad pas gcod par snang ngo stug po'i dbus na gzhan du rnam par snang ba ni// thub pa rnal 'byor mkhas pa'i ye shes rnal 'byor shin tu byed pa rnams la ste// rang gi yul rnams sngon gyi rgyal bas gsungs pa de dag rnal 'byor gyis ston cing // la las gnas dang lta ba yid dang blo rnams shin tu gzhan du gyur pa dang / / dbang dang ye shes rnam pa sna tshogs ting nge 'dzin dang yid bzhin sku mnga' bar// la las yul la chags med spyod yul rig pa'i blo yi bya ba gcod par te/ / 'di dang gzhan med bsregs med gyur pas tshogs bya med phyir mya ngan 'das par ro// snum dang 'od 'phro med pas ji ltar 'jig rten 'di ma bzhin shin tu mya ngan 'das/ / la las pha rol phyin pa'i mchod sprin mchod bcug mchod sbyin byed pa dag tu ste// sbyin dang mchod dang thub pa dag kyang rnam pa tshul bzhin mdzad par shin tu
- 317a
mthong / / bde ba yod ces bya ba'i zhing mchog den skyes bu yod pa de dag ni// mngal nas skyes pa ma yin bde bar 'bar ba'i 'od kyi dkyil 'khor can dag smra// lha rdzas gser ltar 'bar dang zla ba lta bu'i lus 'chang rnal 'byor can gyi bdag/ lha rdzas 'od bzang de dang gang yang mi nang rnal 'byor can gyi dbang po'i yul// de dag rgyal cher mi phopo rnal 'byor can gyi dbang po dag gi bde de la/ / gzhan du bdag cag nyid kyis bshams pa'i longs la spyod pa'i zhing gi me de dag/ mtha' yas 'od kyi bde ba can na rgyal ba'i sras rnams lha rdzas 'od 'khor can/ / rnal 'byar yang dag nyid mos thub dang khyu mchog bsam gtan bdud rtsi myong byed dang // rnam pa tha dad sna tshogs rin po che dag yal ga sbyangs pa'i naH tshal shing / / lha rdzas gsar phya'i khams la bsags pa'i zhing mchog de ni shin tu rnam par mdzes// gser dang rin chen sna tshogs me tog pad+mos de ni mchog tu rab tu brgyan// 'di ni sangs rgyas zhing gi gter yin dpe med de kun ming yang pad+mo skyes// thub pa de la dad cing bsam gtan mkhas la sangs rgyas sgyid la rab tu mos// bdag gis ston pa la ni bdag bstan yid can pad+mo dag las skyes pa ste/ / sangs rgyas zhing gi mchog na gnas pa'i mi ni bzang po'i mtshan gyis kun nas brgyan/ dpe byad bzang po'i bcas pas rmad du 'bar
- 317b
ba'i lus can dpal gyi be'u dang bcas/ / yod dang med pa'i rnam rtog rtog pa med pas dro med dag go/ de ltar 'di dag rnam par bstan nas rdo rje khyu mchog mthe bong tsam du gyur// srom rdul phran shin tu phra ba'i sgra yi brgya che'i gzugs su'ang de bzhin gyur// la lar bde gshegs rang rgyal nyan thos gzugs dang de bzhin sna tshogs gzhan dag kyang // gang dang gang la sems kyi spyod pa ji bzhin de 'dra'i gzugs kyi khyad par dag/ rnal 'byor mkhas pa rdo rje zhes byas mtshan med gzugs kyi yul dag rnam par spangs// de skad bshad nas yang smras pa/ / sna tshogs gzugs can rgyal ba'i sras// sa rnams de bzhin dbang rnams dang // ma nyams mngon par shes pa dang // sgyu ma lta bu'i ting 'dzin dang // de ltar yid bzhin lus kyang ste// / gzungs dang rdzu 'phrul rkang pa dang // rnam thar tha dad yang dag rig/ stobs dang 'jigs pa med pa dang // phung po khams rnams zag med pa// 'di dag gzhan du gyur nas 'thob// rtog pa'i sangs rgyas sa yang ngo // chos rnams lnga yi rang bzhin dang // rnam par shes pa brgyad rnams dang // bdag med gnyis po rab rtogs nas// gzhan du 'gyur ba 'byung bar 'gyur// yid bzhin lus ni bcu po dag/ sgyu ma dpa' bar 'gro bas bskor// mi zad smon lam bcu po dang // lam gyi rnams kyis shin tu sprul// rmi lam me long gzugs brnyan nam/
- 318a
yi zla ba bzhin du mthong // rnal 'byor lam la thub pa'i rnams// sangs rgyas sa la zhugs pa dang // rgyal ba pad+mo'i gdan bzhugs pa// rgyal ba'i sras kyis mdun du byas/ / yod dam med pa'i phyogs bral ba// rdul phran rnam par 'jig rnams kyis// dri za grub pa'i rgyal po dang // lha yi gnas na 'khod pa'i tshogs// ri rab sa la 'dod rgyu zhing / / nam mkha'i dkyil nas 'khor spyod kyang // ji ltar snang bar ma gyur pa// de bzhin rgyal sras gces pa'i rnams// rnal 'byor med pas mi mthong ngo // rnam pa sna tshog gzugs dang ldan/ / sa dang zhing rnams bye ba na// rgyal ba mchog la mngon par mos// smon lam dbang la gnas pa'i rnams// pad+mo'i khang par rab tu skye// dbang dang bsam gtan sems pa dag/ zhing dang zhing du mya ngan 'da'// ting nge 'dzin las skye ba ston// lhun gyis grub par thams cad du// chur byung zla ba 'dra bar te// nyi ma lta bur khyad med pa// snang ba sems can spyod yul du/ / yang dag mtha' la mi reg par// ting nge 'dzin las rab tu ldog/ gru la gnas pa'i bung ba dag/ gangs chen mtsho la 'gro ba bzhin// gang du gru 'gro der rgyug ste/ / dpag tshad shin tu mang bar yang // thugs rjes nyon mongs dma' ba'i lus// sdug bsngal can gzigs de bzhin du// de dag 'byung ba rab tu ston// phyir ldog bdag med pa
- 318b
yang ste/ / 'jig pa dag kyang rnam mkhyen nas// zad pa'i dus su mi gnas pa// gzung dang 'dzin gyis 'phangs pa'i rnams// gzung dang 'dzin la spyod pa'i rnams// gzung dang 'dzin gyis bskyed pas na/ / mtshan ma'i gzhi med mtshan nyid med// 'khor ba'i rgyun gyis khyer ba'i rnams// yang dang yang zhing skye ba yin// chags med mtsho yi gter gyur la// gcig la gcig 'ju'i spre'u ltar yang / / byed pa grub la gnas kyis mthong // 'ju ba'i gnas dang rten med par// de bzhin rgyal ba rgyal sras rnams// sred pas rnam par dkrugs pa yi/ / rnam rtog sdug bsngal gnas pa'i rnams// sa yi gnas na nyon mongs phyir// rab tu byung dang phyir ldog dang // sbyin dang mchod pa dag kyang 'byung // 'di 'dra rnal 'byor can gyi chos/ / rnam pa sna tshogs bsgom par gyis// // 'phags pa rgyan stug po bam po gnyis pa// kun tu bzang po mi yi bdag gzi brjid chen po sna tshogs gzugs/ / byang chub sems dpa' sems dpa' chen po rdo rje snying po la smras pa// mthun pa dag la dbang byed dang // lnga gnas 'khod pa gzhan dag dang // rin chen khang pa sna tshogs na// gang yang stug po'i dkyil 'khod pa'i// rgyal sras rnal 'byor ldan pa dag/ gang gis stug ces bya thos te// thos nas nan tan byed pa'i rnams// gzhan
- 319a
'gyur la gzhol ba dag/ gzhan du 'gyur ba'i tshul thos shing // ting nge 'dzin de'i tshul song ba// stug por ring por mi thogs 'gro// sangs rgyas yang dag 'gro la mos/ / 'gro ba 'dzin dang shugs 'dzin dang // 'jam dpal rnam par 'phrul pa dang // mthu chen 'phags pa 'jig rten dbang // zla ba la sogs gzugs dbang rgyal// blo gros shin tu zhi ba dang / / lte ba rdo rje rnal 'byor rigs// du ma mkha' yi bdag po dang // phyag na rdo rje blo chen dang // rnal 'byor can dang rgyal sras rnams// gang yang bye ba'i zhing dag nas// chos mnyan phyir ni 'ongs pa'i rnams/ / stug po'i rgyan la gzhol ba dag/ rgyal ba ma 'ongs mthong nas kyang // khong nas snying rje snying brtse ste// rnal 'byor ldan can dbang po'i gtso// sna tshogs gzugs la rab tu smras/ / rnal 'byor can gyi gcol dris// 'jigs med rdo rje snying po la// rin chen khams pa sna tshogs dang // dbang sgyur khang pa bzang por yang // ji ltar gang gis sna tshogs byas/ / sna tshogs gzugs can khyod kyis smos// dngos po kun gyi sna tshogs nyid// 'gro ba dag gi rab 'byung ba// rdza la sogs pa'i dngos po dag/ ji ltar chu 'jim thal zhar las/ / las su bya ba thams cad bskyed// 'gro ba 'di dag de bzhin byas// rnga dang pi wang sgra la sogs// las su bskyod las dbyangs 'byin te// de bzhin 'jig rten
- 319b
'di la'ang ci/ / bskyod pa'i las las kun 'byung ngam// rang bzhin gsum po ji bzhin du// dngos po gcig la kun tu gnas// sa rnams 'di ltar thams cad du// 'dos dang dngos la rab tu gnas/ / de bzhin 'di dag kun kyang ci// dngos po gcig la rab gnas sam// gang phyir 'di ltar rgyan dag snang // khams gsum g.yo dang mi g.yor bcas// dga' ldan mtshe ma rab gnas dang / / dbang sgyur rnams kyis byas sam ci// mi 'am ci dag du ma dang // gya nom snang bas byas sam ci// 'og min thor tsugs can gyis sam// 'on tan gzugs med rnams kyis kyang / / lha rnams bdag po thams cad kyis// gcig tu 'dus te 'di byas sam// 'phrul pa'i sprul pa dag gis sam// rgyal ba khyu mchog gis mdzad dam/ 'on tan rgyal ba rgyal sras rnams// zhing gzhan rnam par bzhugs pas sam// rnal 'byor la mkhas rnal 'byor can// sangs rgyas zhing du bzhugs rnams kyis// sa rnams thams cad byas sam ci/ / gang la nor pa rab tu gnas// gang 'di nor pa snang ba dag/ smig rgyu rnams la chu bzhin te// rdza ma'i phyogs la yon tan bzhin// 'gro ba gang gis phyogs la gnas// yon tan mi 'bral yon tan can// yon tan med dang yon tan gnas// ma yin phan tshun 'brel bas na// yon tan tshogs su rnam par gnas// nor pa sna tshogs de bzhin du// gang la'ang de bzhin gnas
- 322a
yin nam/ / 'gro ba rnam pa sna tshogs rnams// sa rnams la ni gang snang ba// 'on tam tshangs pas phyung ba 'am// 'gro ba mthu bo che yis sam// khyu mchog gis sam spun zlas sam/ / ser skya yis sam rang gis sam// gces pa'i rkyen gyis byas sam pa// rang bzhin gyis sam dbang pos sam// dus dang phyogs kyis bskyed pa 'am// 'on tam ma rig sred pas sam/ / lha yi drang srong the tsom za// lha yi tshogs kyang de bzhin te// grub dang dri za'i rgyal po rnams// sa la gnas pa'i rnal 'byor can// 'on tam 'di dag mig 'phrul lam/ / 'gro ba dri za 'dra zhig gam// mi lam yin nam smig rgyu 'am// sngon med rnam par rtog yin nam// gzung dang 'dzin pa'i dngos por yang // kha gnyis sprul bzhin gnas pa 'am/ / 'on tam rang bzhin 'di med dam// 'khrul 'khor ro langs bzhin gnas sam// mgal pa bskor ba 'dra ba 'am// 'on tam skra yi tshogs lta bu'am// byed dang las kyis ma byas shing / / dbang po ku be ras ma byas// mchod sbyin sbyin sreg mchod 'bras sam// sbrang gi gzhung gi lam gyis sam// rgyu rnams shin tu phal tshabs// nan tan rtag pa ma yin te// 'gro ba 'dzin pa med pa'ang min// rgyu rnams kyi yang rgyu dag ste// 'gro ba ngo bo nyid kyis grub// las kyi bag chags rnams las byung // rnam shes brgyad po'i skyes bu ni// kun gzhi zhes
- 322b
kyang bya ba ste/ / des ni sna tshogs 'di dag kun// rdza ma'i 'khrul 'khor bzhin du bskor// til bkrum til mar ji bzhin du// lan tshwa'i tsha bro ji lta bar// gzugs la mi rtog nyid ji bzhin/ / skyes bu 'di yang de bzhin gnas// ji ltar gsung la sogs la dri// yon tan rnams la yon tan mtshan// nyi zla gnyis kyi 'od zer bzhin// de ltar skyes bu gnas pa yin/ / dgos dang byed pa med pa ste// yod dang med kyi phyogs kyis spangs// gcig dang tha dad med pa ste// mur 'dug phyogs kyis rnam par spangs// rjes su 'gro ba'i shes pa med// nam yang rnam par mi rtag ste// grol ba'i so so rang rig pa// sangs rgyas sar skyes thub can gyis// gzung dang 'dzin pa med pa ste// snga med sems dang sems byung gis// rnam shes brgyad dang bral ba ste/ / nam yang rnam par mi rtag ste// de la gnas pa chu rlabs bzhin// phan tshun mtshan nyid tha mi dad // 'byung zhing phyir yang ldog pa ste// de yi ldan pa rigs pa min/ / ji ltar thub pa'i rnal 'byor dang // rdzu 'phrul can gyi rdzu 'phrul bzhin// mnyam par bzhag pas rab tu mthong // rnal 'byor 'gro ba gzhan gyis min// de bzhin 'jug pa'i rnam shes rnams/ / de dag kun gzhi lhan cig gnas// rnal 'byor can gyis rtag tu mthong // sangs rgyas sangs rgyas sras de bzhin// des ni 'di dag thams cad kyang // ji ltar nor bu phug pa'i
- 323a
rnams/ / skud la brgyus dang 'khor lo bzhin// las kyi rlung gis skor byed pa// ji ltar rdza mkhan 'khor lo dang // lag dang thal zhar bskor ba yis// kun tu bskor cing snod byed pa/ / yon tan sna tshogs rnam par ldan// de bzhin rnam shes brgyad kyi mi// khams kyi gzugs mnyam lhan cig tu// sa ni rnam par byed pa ste// phyi nang rgyu ba'i 'gro ba rnams/ / gang la 'jig rten 'di dag kun// nam mkha'i skar tshogs ji bzhin du// gnas shing rnam pa sna tshogs rnams// rlung gi rta yis shin tu bskor// ji ltar mkha' la bya rnams kyi/ / rjes ni snang ba ma yin te// bar snang yod pa ma yin na'ang // bya rnams rgyu ba'i byeng pa med// de bzhin rnam par shes pa'i mi// bdag yod ma yin gzhan med min// rnam dag par snang 'dra ba dag/ dba' rlabs bzhin du rab tu 'byung // bag chags rnam pa'i nyes pa yis// mi chags pad+mo zla ba bzhin// pad+mo la ni chu med min// chu la zla gzugs med pa yang // chu song zla ba yod pa ste// pad+mo'i 'dab ma de bzhin du// mig la bud med gzhon nu dag/ mig gis mthong bar cir mi 'gyur// de bzhin kun gzhi rnam par shes// las rnams cig/ car byed pa ste// 'gro ba dag gi lus la ni// khyab gnas sa bon can kun no// stug po'i sprin dang 'dra bar yang // sa rnams yog par shin tu gnas// tshe dang rnam shes kun nas
- 323b
yog/ drod kyang de bzhin stobs chen bgyis// sna tshogs gzugs kyi lus can gyi// rnam pa sna tshogs gzugs kyang rtsom// rdza mkhan ji ltar sa snod la// spyod pa ji bzhin de lta'o// ba glang sogs pa'i ru mthong zhing // bong bu'i rwa ni med pa ste// ma mthong bar ni med pa med// ba glang rwa ni med pa yang // phyin ci log tu dmigs pas med// phyin ci log gis mam sems la/ / shin tu phra ba'i rdul bshig na// yod pa de dag med par 'gro// med pa yod pa'i rgyu las te// med pa yod ces rtog pa ni// yod pa med las bltos pa ste// phan tshun ltos pa'i rgyu las so/ / blo dang rtog par bya med de// khong du chud pa skye ba med// mas me'i 'khor lo 'khor lo min// ji ltar sgra tshogs mthong ba bzhin// dri za'i grong khyer sgyu ma dag/ ci zhig mthong nas 'byung ba bzhin// blo yi 'byung ba rgyu med par// yod pa ma yin rnam rtog pa// rtog bya rnam par rtog pas bskyed// lus can rnams kyis yid skyes te// ming dang 'du shes 'brel ba dang / / rang bzhin gnyis kyi bag chags kyis// mi yi sems ni rab tu 'byung // grub pa'i don ni mi skye'o// thog ma med pa'i dus nas bsags// gnas ngan len gyi yul las byung / / rab tu spros pas bsgos yid las// sems kyi tshogs ni 'byung bar 'gyur// gzung dang 'dzin pa'i dngos por yang // kun tu skye ba'i mi yi sems// rdza la
- 324a
sogs pa'i gzugs kyi dbyibs/ / snang ba gzhan yod ma yin te// 'di dag thams cad blo tsam pas// rtogs bya'i dngos po yod pa min// blo dang rtogs bya'i dngos por ni/ / bdag nyid rab tu 'jug pa ste// byis pa rnams kyis mi rig pa// bag chags rnams kyis sems myos rnams// rnam pa brgyad dang rnam bdun dang // dus gcig tu yang 'byung bar 'gyur/ / sngon med bag chags ldan pas na// kun gzhi sa bon thams cad can// rgya mtsho'i dba' rlabs ji bzhin du// rlung gi rkyen gyis bskyod pa ltar// gar byed cing ni rab tu 'byung / / rnam par rgyun kyang mi 'chad do// blo yi 'od pa de bzhin rtag/ yul dang reg pas bskul ba'i phyir// sna tshogs bdag rtog rnam shes kyis// bdag la bdag gis 'dzin par byed/ / ji ltar sa la rnam rtog med// 'gyur med rnam pa sna tshogs gzugs// dgos pa'i rnam par gyur pa ni// de 'dra kun gzhi rnam shes la'o// ji ltar mi zhig lag pa yis/ / rang gi lus la mnyed pa dang // phyogs kyi glang po bdag lus la// bdag gis sna yis chu 'thor dang // ji ltar shed can la la dag/ bdag gi lus la sos 'debs pa/ / de bzhin blo ni brtag don la// don gnyis tshul du 'jug pa'o// blo yi yul du bya ba 'di// khams gsum rnam par khyab par gnas// phyi dang nang gi bya ba yang //
- 324b
rnal 'byor mkhas pas mthong ba yin// sangs rgyas rnams kyis 'di kun gzigs// sa la ji snyed snang ba dag/ rnam pa sna tshogs dbyibs kyi gzugs// sa la rnam pa sna tshogs so/ / chos 'di yang dag bshad pa dang // rdo rje snying po 'jigs med pa// mi smra'i dngos la dgar 'gyur te// bsam gyis mi khyab chos dbyings kyi// lha yi bsam gtan mi g.yo ba/ / sangs rgyas spyod yul bzhugs pa dang // stug po nas ni 'ongs pa'i gzugs// mthong nas rnal 'byor lam gnas pa// thub pa de yis lha rdzas lus// rnal 'byor gtang ste yang gnas so/ / 'o dod dang gzugs dang gzugs med dang // 'du shes med pa'i gnas rnams kyi// mun pa'i tshogs nas phyir byung ste// stug po de nas 'dir 'ongs so// sangs rgyas rnams kyi bzhugs pa'i gnas/ / sangs rgyas zhing ni mchog rab nas// gzugs kyi rnam pa du ma yi// sangs rgyas sku yang rnam byung nas// mi yi khams na rnam par 'phrul// su blo ci 'dod phan par ro/ / stug po yi ni ming phyung nas// rgyal ba'i sras po thams cad kyang // phan tshun gcig la gcig bltas te// gcig la gcig ni rang smras pa// stug po dri med bsod nams te/ / sdig pa thams cad 'jig par byed// rnal 'byor can gyi gnas kyi mchog/ sangs rgyas zhing gi dam pa phul// yu bus de yi sgra thos te// thos nas bdag cag dga'
- 325a
ba'i yid/ / stug po rnal 'byor can gnas kyi// brtan lam bdag cag thob par bya// 'og min tshangs pa thor tsugs can// gtsang ma'i gnas kyis rnam spangs pa/ / zhing gi ngo mtshar ltad mo dang // sangs rgyas rgyal ba'i sras kyi yab// tshangs pas de tshe gsol nas su// gtsang ma gnas kyi 'jigs med rnams// de dag thams cad sems pa ni/ / tshangs pas stug por 'gro mi 'gro// tshangs pa rnal 'byer chen po can// mun pas de dag bslad par gyur// thub pa mi shes thub rig gi/ ji ltar gnas ni thub par 'gyur// tshangs pa de na kun tu sems// blo yis tshangs pa rig pa'i mchog/ 'dod dang gzugs kyi bdag po dag/ rgyu ba de na med pa ste// nam mkha'i khang pa gnas rnams dang // 'du shes med pa'ang de bzhin te/ / mur 'dug gzhan la grags pa yi// rnal 'byor can rnams der mi 'gro// bdag gis bya ba byas sam ci// bsams te 'dir yang 'ongs par gyur// bdag 'gro'am brtan zhing brtag pa yis/ / ther zug 'dus ma byas stug tu// gal te yang na thub pa de// rnal 'byor mnga' ba lha'i yang lha// mthu yis rnal 'byor mkhyen rnams kyi// pho brang stug po der 'gro'am/ / thub pa de la phyag 'tshal lo// de skad smras nas ther tshugs can// mthong ba shin tu 'bar ba yi// sangs rgyas lam na bzhugs pa rnams// gsungs shig gsu
- 325b
shig thub pa'i rnams/ / khyod la ci 'tshal ci gyis shig/ sangs rgyas dbang po bka' stsal gsol// stug po ji ltar 'thob par 'gyur// gzugs yul 'di las phyir log cig/ der 'gror med pa gzugs can rnams// stug po de ni thub can yul// bla na med pa'i sangs rgyas zhing // 'du shes med pas mi 'thob ste// de bzhin 'dod pa'i khams dbang gis// mur 'dug gzhan la grags pas kyang // rnal 'byor rig lam sdug mi 'thob// tshangs pa nyid kyis de gsung thos// mchod sbyin gsol ba'i zhal na ste// de ni de nas phyir log ste// tshangs pa'i gnas su yang song ngo // de yi phyir na der 'gro ba// tshangs pa yis kyang mi 'thob pas// gzugs med 'dod dang gzugs can rnams// der 'gro yod pa yod ma yin// ci phyir dad pa 'di 'dra rnyed// stug po'i dkyil 'khor mthong ba yang // rnal 'byor can gyi gnas kyi mchog/ de phyir ngo mtshar thob par gyur// sgyu ma'i ting nge 'dzin gyi yul// rnal 'byor can gnas stug po de/ / 'di ni gcig nas gcig tu thos// de nas byung bas rnam par bsnyad// sna tshogs tshig 'di thos pa ni// thub can rdo rje snying po yi// rgyal sras khyod kyis smra bar gyis/ / rgyal ba'i sras rnams nyan par 'dod// dbang sgyur rgyal po de bzhin gyis// gzi brjid chen po ma thogs shig/ mtshe ma rab dang dga' ldan dang // gtsang gnas
- 326a
'jigs pa med pa'i rnams/ / thub pa'i bka' ni ma lus par// smra bar su zhig nus pa yod// gzhan du khyod dang sangs rgyas rnams// thub can thub pa bsnam bdag/ sangs rgyas yul ni bsam mi khyab// mchog gi gtso bo sangs rgyas kyi// rnal 'byor rnal 'byor med pa la// su yis ji ltar bstan par nus// mtshe ma rab dang shugs 'dzin dang / / dbang sgyur rgyal ba'i sras po dag/ gcig pa'i dbyangs su yang smras te// gsungs shig gsungs shig rgyal ba'i sras// rnam par 'phrul dang 'jam dpal dang / byams pa mi 'am ci yi bdag/ rnal 'byor can gzhan gang de ni// de dag smra ba smros shig grogs// nam mkha' las kyang sgra byung ste// lha dang sngags 'chang rnams kyis kyang // nas shin tu rnga brdungs pa// gsungs shig gsungs shig rgyal ba'i sras// de dag de skad smra ba na// thor tsugs can gyi tshangs pa 'ongs// sa 'khor kun la smras pa ni// stan gyi mchog la 'dug gnas te/ / ngo mtshar lha rdzas 'di ci zhig/ thub pa rnams kyi tshogs 'khor na// rnal 'byor dbang po thams cad dang // slob ma mkhas pa de dag kyang // khyu mchog thub la dri bar 'dod/ / rgyal sras rdo rje dbang po la// skabs 'di ci zhig su zhig la// rgyal ba'i sras kyis gsungs pa yin// ku ru'i bu dang di li ba// 'khor lo 'khor ba man 'tha' ste//
- 326b
yang na g.yo ban sha la// lha rdzas mi yi gtam brjod dam// nyi bu ig shwa ku la'am// de bzhin gzhu stong bdog pa'am// 'on tam gnas srung po la 'am// 'khor lo 'khor ba gzhan dag la'ang / / 'dod dang gzugs dang gzugs med gtam// 'du shes med gnas pa la 'am// nam mkha' mtha' yas rnam shes sam// 'on te cung zad med pa dag/ thub can rang sangs rgyas dag la'am/ / nyan thos rgyal ba'i sras la'am// sangs rgyas sa la zhugs pa yi// rgyal dbang rnams la gtam 'di 'am// 'di ci lha min lha sras sam// 'on te/ skar ma'i de bzhin nam// ji ltar gyur pa khyod kyis gsungs// bdag cag slob ma phyogs su nyan// bla ma'i tshig ni thos nas kyang // rgyal ba'i sras po thams cad dag/ phan tshun shin tu dpyod par byed/ / de yi ting 'dzin 'gro song rnams// rgyal ba'i sras rnams tshig thos pa// gtsug tor can las mngon du ste// slob mar bcas par nyan 'dod pa// gtsang gnas bdag po nyid kyang yin/ / thar zla blo gros mi zad dang // nam mkha'i dbang po 'gro ba 'dzin// mthu chen spyan ras gzigs dbang dang // rnal 'byor shes pa gzungs kyi dbang // / lha yi cod pan rnal 'byor dbang // gtsug na rin chen blo gros shing // lag na rdo rje zhi ba'i blo// lag na rin chen blo chen dang // 'di dag rgyal sras gzhan dag kyang // bye ba'i zhing rnams kun
- 327a
nas 'ongs/ / rdo rje snying po blo can la// de dag kun gyis rnam bltas nas// pad+mo'i stan la 'khod pa'i rnams// rgyal ba'i sras la gsol ba 'debs// zla chen rab tu bshad par gyis/ / rgyal ba'i sras rnams nyan par 'dod// 'das pa dag dang ma 'ongs tshul// da ltar byung ba'i gang tshig kyang // rgyu dang dpe yis rab gsal bar// khyod kyi zhal nas byung ba'i rnams/ / gdon mi za ba'i tshig 'di yang // khyod kyis rgyal ba de zhal nas// thams cad ma lus thos pa ste// skyon med de bzhin gshegs pa'i mkhyen// ting 'dzin dbang sgyur rgyal po yis/ / thams cad blo gros rnam bltas nas// rdo rje snying po 'jigs med kyis// rnal 'byor can la tshig smras pa// rgyal ba'i gsung rab ma lus par// smra bar sus kyang nus pa med// de yi byin rlabs ma gtogs pa// sangs rgyas rnams dang rgyal sras kyi// sangs rgyas kun la phyag 'tshal te// sangs rgyas byin gyis brlabs pa dag/ nor bu rin chen sna tshogs khang // dbang sgyur gnas bzang 'khod rnams la'ang // ye shes dad pas smra bar bya// sangs rgyas rigs byed tshul yin te// nga las 'di dag thams cad nyon/ / de bzhin gshegs pa'i ye shes dag/ rgyal po rnams la gtam 'di min// mi bdag mchog rnams 'das pa la'ang // 'di ni sangs rgyas rigs kyi gtam// sdug
- 327b
dkyil phun sum tshogs rnams kyi/ / rnal 'byor can gyi rnal 'byor yul// sangs rgyas rnams kyi phun sum tshogs// de bzhin gshegs pa ye shes phra// rtog med rtog pa spangs pa de// so so rang rig mkhas pa'i yul// brjod pa dang ni rnam par bral// de ni smra bar dad pa med// bdag gis de yi mthu thos pa// lha rdzas kyi ni ye shes dang // ting nge 'dzin gyi me tog gis/ / rdzogs pa'i sangs rgyas gsungs pa ni// stug po'i dkyil du mnyam bzhag pas// thams cad phyogs las rnam grol zhing // yod dang med pa'i phyogs spangs pa// yod dang med pa'i phyogs dang bral/ / dbu ma'i lam ni dge ba ste// gzhan du 'gyur ba'i lha sras tshul// sangs rgyas sa la 'jug par byed// dbu ma'i lam po de nyid kyang // mtha' bzhi rnam par spangs pa ste/ / rnam par rtog med dmigs med pa// stugar gnas pas shin tu mthong // thub can de nyid lam shes pa// bdag med ye shes mkhas rnams kyis// bla ma'i tshig 'di thos pa dang / / rnal 'byor can rnams thams cad kyang // rkang pa gnyis la mnyam btud nas// rdo rje zhes la smras pa ni// rnal 'byor can rnams nyan par brtson// skom pa rnams ni chu tshol bzhin/ / khyod kyi zhal nas btung 'dod pa// tshig gi sbrang rtsi bung ba bzhin// rnal 'byor dbang po yang dag gsungs// rgyal ba'i sras rnams shin tu nyan// rnal 'byor can
- 328a
rnams rnal 'byor blo/ / ye shes dbang po 'phrul can rnams// zhing gi bdag po rgyal po rnams// rnal 'byor lam ni rtog byed pa// bde gshegs bka' ni nyan par ro/ / khyod kyi zhal nas rnam byung ba// rnam pa sna tshogs dka' ba'i sgra// khong du chud byed mtshan bzang dang // tshangs pa'i yang dag gshegs pa dang // dbang po'i don grags khyad par du'o/ / sna tshogs thub pa de yi gsung // sgra yi don la mkhas pa yi// de phyir bdag ni smrar ma mos// brtag bya rtog pa rnam par spangs// bar snang ri mo ji bzhin dang // grib ma sdong la sogs pas spangs// de ste snang na rmad du rung // de bzhin gshegs pa thub pa'i bka'// mkha' la bya rjes ji bzhin du// blta bar shin tu dkon pa bzhin// bzhin gshegs pa thub pa'i bka'// de ni bsten par mi nus so// sa rnams gsum du mkhas pa yis// dpe yis kun tu rab bstan gyi// dpe dang bral ba'i de bzhin nyid// thub pa'i zhal nas rnam par 'byung / / de yi tshig la dpe med de// rmi lam lta bur bdag la snang // rab rib mgal ba bskor ba dang // sla yi tshogs dang de bzhin 'dra// ji ltar sgyu ma'i / grong khyer dang // rlung ni shin tu blta dka' dang // sgyu ma smig rgyu 'jab ste// rnam rtog gnyis po rab tu spangs// 'on tam rnal 'byor sna tshogs pa// thub pa'i gsung ni de bzhin te/
- 328b
bdag gis rnal 'byor can dbus su// bshad par de phyir dad pa med// 'di dag tham cad mkhas pa ste// de bzhin nyid blo shes pa'i rnams// sangs rgyas spyod yul bsam yas pa/ / de phyir smra bar dad pa med// 'on kyang brjod do thub pa'i rnal 'byor gyis// de ring bdag las nyon cig rgyal sras rnams// sna tshogs tshig gi don ldan bub pa'i bka'// dpe med sems dang yid las rnam par 'das/ / ji ltar bung bas me tog ro 'thungs shing // lhag ma gzhan dag 'thung bar byed pa bzhin// snying khu thub pa'i mchog rnams kyis 'thungs te// de yi 'thungs lhag bdag gis de ring bshad/ / de ni yid dang tshig gis kyang // bstan par nus pa ma yin la// lha yi lha yi yul yin te// mkhas rnams dge ba 'phel bar byed// mi yi gzugs su byas nas su/ / sangs rgyas zhes ni mtshan ldan pa// cod pan can dang gzhan la snang // gzhal med khang gnas gzhan la yang // 'od kyi dkyil 'khor 'khor lo dang // mtshan bzang rnam pa sna tshogs su/ / sa la sna tshogs snang ba ni// mur 'dug 'dus pa'i dregs pas sel// dus rnams bzhi po thams cad du// sangs rgyas rnams kyi dus dus la// stug na bzhug pas dus sprul te/ / rnam par bye ba rab tu mdzad// bzang dus de bzhin gsum pa dang // gnyis kyi pha rol dus ngan dang // de dag tu yang ci dgos pa// sa la lus can rnams kyi ste//
- 329a
ldan pa de dag thams cad mdzad// stug po'i dkyil na bzhugs shing ste// stug po de ni dri med gnas// sbyor chen rnams kyi bde ba'i gzhi// ngan dang gnyis// kyi pha rol mtshams// thub pa gzugs ni rnam bzung nas// dri med stug na rnal 'byor ldan// zla ba bzhi du 'gro la snang // sna tshogs 'gro ba gang shes kyis// sna tshogs gzugs/ su mdzad pa ni// gang la gang snang gang gis kyang // ji ltar gang la de bde ba// de dag de la thams cad du// de phyir cha yis mig la gnas// shes can yul can thub pa ni// rnal 'byor mkhyen pa shes pas snang / / dbang po che gzugs gzhan dag dang // 'jug 'dod kyi dang de bzhin gzhan// ser skya yi yang gzugs su ste// thub pa la lar mkha' bzhugs pa/ shes byed shes la yang dag snang // sa nad sa nad da na la// sa nad gzhon nu med dag dang // sgra gcan mi tsi tum bu ru// ig shwa ku dang zla ba'i rigs// thams cad sa yi rgyal po la/ / thams cad sar yang mchod pa ste// sku ni su su ci 'dod bzhin// la yar mur 'dug spyod sprul te// ston pa 'gro ba rnams kyis mthong // tshul gyis gtsug lag ston par yang / / de bzhin rigs par rab ston cing // rdo rje dngul dang gser dag dang // zangs dang lcags kyi 'byung khung dang // ro nye zha nye mu tig dang // pad+ma rA ga dang an+da rnyil//
- 329b
bai DUR+Ya dang shel dag dang // a sA ga rab mu sa ra// tshul dang brtag pa thams cad ldan// mkhan po bla ma kun 'gro dang // gang gis lus can su su dzir// sa la bde ba skye ba bzhin de la de bde thams cad du/ / thub pa'i rnal 'byor rab las byung // lha yi bu mos mi bskyod de// de bzhin dri za'i bud med kyis// 'dod khams dbang po'i bud med dang // de bzhin klu yi bud med kyis/ / mi tsi lha min bu mo dang // gnod sbyin bu mos de bzhin no// de ni 'dod pa'i yul las rgyal// gzugs can rnams kyis yul de bzhin// nam mkha' rnam shes mtha' yas dang / / cung zad med pa'ang de bzhin to// 'du shes yod min ma yin gyi// gnas na rnam par rmongs pa med// kun tu la sogs 'di dag lam// rnal 'byor can gyi 'ching ba'i dngos/ / ma zhi mi dge gzhan dag kyang // srog chags rnams kyis yod pa// lus can rnams kyi lus kyi yul// stug na gnas la stug na med// zhing de dri med bsod nams te// stug po snying po shin tu mdzes// de bzhin thar pa thar shes la// zhing gi nang na zhing gi mchog/ sangs rgyas rnams kyi zhing rab ste// stug po de ni yun du brtag/ mnga' rnams bcu po de dag dang // stobs dang mngon mkhyen ting nge 'dzin// yid kyi rgyu las byung ba'i skus// sangs rgyas de ni rnam par mdzes// sa rnams bcu po kun
- 330a
bsgoms te/ / rnam thar bden pa stong pa nyid// mtshan med smon pa med pa dang // pha rol phyin drug de bzhin te// bsgom dang sbyin dang tshul khrims dang // shes rab rnams kyis de sku 'thob// yan lag gzugs kun me tog gi/ 'dus ma byas pa sangs rgyas sku'o// rtog med rtog dang bral ba ste// bdag med yid dang dbang po rnam/ shes rab dbang po sgor ldan zhing // mtshan gyis kun nas shin tu bsags// sbyin dang tshul khrims la sogs kyis// dkar po'i las rnams byas pas na// sangs rgyas sku yi gnas kyi mchog/ stug po'i ris su 'thob par 'gyur// de bzhin gshegs pa'i lha rdzas gnas// nyi zla rnam par spangs pa ste// rgyu skar skar phran snang ba dang // zla ba dus dang ltad mo med/ / rnal 'byor can gyi 'od 'char dang // sangs rgyas rnams kyi 'od kyis kyang // kun nas bzang po'i stug po de// nyi ma bzhin du kun nas snang // dus kyi bri ba de na med/ / nad rnams gang yang yod pa min// 'chin med pa'i gnas yin te// stug po de ni zhing gi mchog/ thams cad gzugs ldan zhi ba'i gnas// dri med mthong ba'i chogs can gyi/ / sangs rgyas zhing sdug bsod nams te// lha rnams kun gyis smon par bya// rnal 'byor can rnams khyad par du// sa dang sa la gnas pa dag/ sems can rang bzhin
- 330b
dngos po rnams/ / gang phyir rab tu bstan pas na// yid dang sems dang kun gzhi'i tshul// rang bzhin gsum po de bzhin te// chos la bdag med rang bzhin can// gnas ni gzhan du 'gyur ba ste/ / lus ni shin tu gzhan gyur pas// thub pa rnams ni der 'dong ste// rnal 'byor can gyi gnas kyi mchog/ stug po'i zhing rab dam par ro// stug por 'jug pa zhes bya ba ste le'u gsum pa'o/ / // lus ni rdzas dgu'i rang bzhin can// 'dus byas rdul phran tshogs yin te// yon tan tshogs kyis rnam sna tshogs// 'byung dang 'byung gnas tshogs yin te/ / khu chu khrag las kun byung ba// sngon med rnam par 'phel ba ste// steng gzugs 'og tu 'gro ba yin// sdug bsngal 'khrul 'khor thog ma med// las kyi rnam pa brgyas kyang g.yogs// dug gi shing gi sa bzhin du// dpa' dang rdul gyis de bzhin du// mun pas kyang ni gsos pa ste// lam rgyud dog par shin tu 'phyan// dus kyis bskul cing rab tu skye/ / yon tan las kyis gda' ba ni// phyugs dang mi yi mngal skyes pas// klu dang yi dgas sha za dang // 'bar ba lha yi nang du yang // skye 'am lha min 'jig rten nam/ sngags 'ang rigs su de bzhin te// 'on tam rnal 'byor can dbus su// bsam gtan zhig cing mngon skye ba// 'khor lo 'khor rigs dam par yang // bar
- 331a
bar du ni skye bar 'gyur/ / skyes nas rig pa 'dzin pa ni// gang tshe dbang po 'phel ba na// su yi gang gis gang tshe las// lhan cig skyes par rang byung zhing // cig skyes pa'i las tshul gyis// lam dang lam du rab tu 'jug/ brtag med rtog dang bral ba yi// gang tshe chos ni mngon rtogs na// thar pa rnams kyi thar gsum ste// yi ge yi ge med byas pa'i/ / 'byung ba thams cad rgyu yi tshogs// de ni 'od snang mchog yin te// yang dag bla nas blar sbyangs pa// stug po'i dkyil na rnam par gnas// bye ba'i zhing dang mnyam lus kyis/ / sprul pas khyab par byas shing gnas// de ste de shes yod na ni// dog pa'i lam ras grol bar 'gyur// de lha'i skyes bu skyes pa ni// khyab par shes zhes rnam par spyod/ / lha pi lho yi yang dag gsungs// rgyal ba'i sras kyis mdun byas shing // mngal gyi skye bar 'byung ba ni// byas pa yin no mi rnams kyi// ma rig sreng dang las skyes min/ / nyon mongs las las shin tu byung // mtshan ma med pa mngon gyur cing // mtshan ma med las rab 'das te// yi ge med pa de byung nas// spros pa thams cad rab bral zhing / stug po'i dkyil du rab tu 'gro// dmigs las sems zhig 'gyur ba ni// rnal 'byor can gyi sgra rmongs par// rtse mo la sogs lha rdzas dang // mtho ris bud med snyan
- 331b
rmongs kyis/ / gang tshe thub can ma 'dug pa// de tshe sems ni 'byung ba ste// lam las bskyod ces bya ba yi// ting 'dzin 'dod pa'i khams skyes pa// gzugs dang gzugs med 'gro ba na/ / ting nge 'dzin ni rab tu skye// sems can 'du shes med song na// ting nge 'dzin las bral bar 'gyur// nam mkha' rnam shes mtha' yas kyi// ting nge 'dzin la dbang byed 'gyur/ / rgyal la gang tshe thub dbang gyur// gnyis dang bral bas byang ba yi// sems ni mngon par mi 'byung ngo // de bden do ni rnal 'byor te// bsam gtan pa yis bsam gtan yin/ / bsam gtan rtag tu bsam gtan bya// de ste sdug dkyil 'don na'o// mngal gyi skye ba 'byung ba zhes bya ba ste le'u bzhi pa'o// // rnam brgyad rnam pa dgu yi sems/ / ma rig 'jig rten rgyu yin te// 'di ni sems dang sems byung mthu// gang gnas rnam pa sna tshogs pa'o// de yi mthu yis 'jug pa ni// rnam shes rnams dang dbang po rnams/ / ma rig la sogs rnam pa 'di// rtsa ba'i sems ni brtan gnas pa// yan lag bcu gnyis thams cad dang // 'byung ba rnams dang 'byung gnas dang // yul dang dbang po 'jig rten dang // skad cig 'jig pa'i rgyu yin no// thub pa'i lha yi lngas gsungs pa// rgyu dang 'bras bu spangs pa ste// tshangs pa'i 'jig rten mthar thug gi/ 'gro ba dbang por bcas pa 'di// 'jig rten brtsal
- 332a
bsam skyed de/ / bdag nyid rdza ma bzhin 'jig pa// nang dang phyi dag rtag par te// 'gro ba gnas dang g.yo ba dag/ lha yi lha yi yul yin te// sa la lus kyang mi mthong ba/ / mar 'dug grags pa gzhan dag ste// thub grags mtshan ma can gyis so// phan tshun bcings pas bcings pa ni// sred pa sna tshogs rnam pas te// rnam shes myur du 'gro bas na/ / sems kyi rnam pa mi rtogs so// lo stong mtha' ru thug pa yi// mchod sbyin rnams kyis tshangs pa'i thabs// thob nas slad du ldog pa ni// sa ma ya ru rigs sems pa/ / 'dod sbyor bkrag srog 'bras bu dang // gang yang zla ba'i 'bras bu dang // mer gzhug pa yi 'bras bu dang // gang gzhan mchod sbyin 'bras bu dag/ phyugs bcings pa yi/ 'bras bu yang // tshangs pa'i 'jig rten nas ldog go/ chos gsum can gyi 'gro ba dag/ ci nyes mi rig thor tshugs can// yon tan gsum gyi 'bru 'brel ba// chu skyes bzhin du snying po med// 'di yis thar pa mi rnyed pa// stug po de bzhin gshegs pa'i gnas// de ni rnal 'byor gyis thob ste// stug po rnal 'byor rig pa'i gnas// de bas tshud cig tshangs pa'i bdag rnal 'byor can rnams 'jug brtson par/ / 'di la bdag gnyen gang dag kyang // skye zhing 'chi ba yong med de// mi chod gzhig tu med pa ni// lus can kun gyi rnam par shes// bag
- 332b
chags kyis ni mi gos pa/ / sngon med dus nas byung bas so// yid kyi gnas ngan len bsags pa// spros pas kyang ngo cir mi 'dug/ ji ltar lha rdzas chu skyes dang // nam mkha' la yang phyag dar dang / / sprin gyi dri mas nyi zla la// de bzhin mi gos rnal 'byor can// ma bshol rab tu brtson par gyis// thams cad sangs rgyas byin gyis brlabs// rnal 'byor bde gshegs lha yi rdzas/ / rnal 'byor can gyi tshul skyed pa// tshul khrims can gyi tshul 'thungs te// ye shes can gyis shes 'thungs shing // mchog gis ye shes 'thungs nas kyang // 'khor ba las ni 'da' bar gyis// 'di la khams rnams gang yang med// phung po lnga dang rnam shes kyang // ming dang gzugs dag rgyur byas shing // lus can rnams kyi yid kyang skye/ / ji ltar me ni shing dbang gis// 'bar te 'bar bar rtog pa med// de bzhin phung po shing rta stong // ci phyir rnal 'byor 'jug mi bya// ri dgas sred dang dri za yi// gnas dang sgra tshogs snang ba ru/ / ri dgas bus pa la sogs mthong // yang dag ma yin bltas bslad pas// de bzhin yul las byung ba'i sems// khab long lta bur 'khor ba ste// gang yang 'di la dngos med pa/ / 'byung ba rnams dang 'byung ba yi// g.yo ba dro ba gsher sa par// bus pa rnams ni rtag tu rtog/ 'byung ba sems kyi tshogs las ni// ci phyir rnal 'byor 'jug
- 333a
mi bya/ / ji tsam ma zhig lus yod dang // ji tsam du ni blo 'byung ba// de bar rnal 'byor ye shes la// ma bshol bsam gtan rab tu gyis// thams cad sgyu ma rmi lam ltar/ / 'byung ba gsum kun rab tu ltos// smig rgyu chu zla lta bu ni// ci phyir rnal 'byor 'jug mi bya// ji bzhin dri za'i grong khyer na// 'gro ba spyod pa rnam par snang / bzhin lus la phung po'i spyod// ji ltar rnal 'byor 'jug mi bya// rmi lam dag na 'gro ba'i tshogs// ji ltar rmi lam rmibs mthong // de bzhin phung po'i gnas yin na// ci phyir rnal 'byor 'jug mi bya/ / sa 'di sa la sogs pa'i tshogs// 'dus pa rdul gyi phung po yin// 'di sems sems byung tshogs yin par// rgyal ba'i sras rnams kun ltos shig 'byung ba chen po bzhi po rnams/ / phan tshul kun nas 'dus pa ste// gdeg pa la sogs ldan pa yin// ci phyir rnal 'byor 'jug mi bya// 'di ni rlung dang mkhris pas myos// ro bslas lta bur gnas pa ste/ / byed pa gang yang yod ma yin// ci phyir rnal 'byor 'jug mi bya// dbu ba'i gong bu lta bu kun// 'gro ba gnas shing g.yo ba rnams// smig rgyu 'dra ba'i 'du shes su/ / rdza la sogs pa shing du rtogs// tshor ba chu bur lta bu ste// bde dang mi bder rtog pa yin// chu shing 'dra ba'i 'du byed rnams// zhigs pa grugs pa snying po med// rnam par shes
- 333b
pa sgyu ma 'dra/ / de yi dngos la gnas pa med// rtswa shing gnas pa ji bzhin te// ci phyir rnal 'byor 'jug mi bya// 'di ni rmi lam rnam myos 'di// 'di ni sgyu ma byis pa 'dris// 'di dag/ thams cad sdig rgyu ste// de bzhin dri ba'i grong khyer ro// gang rgyan 'di dag sdang ba yi// khams gsum 'gro dang mi 'gro ba// 'di kun blo yis rtogs bya ba// 'jigs med rgyal ba sras rnams kyi/ / nyes pa'i rgyu ni rtsa dang bcas// ye shes me yis rab bsregs na// lha rdzas bde ba yod par 'gro// rnal 'byor can gnas stug por yang // 'jigs med 'di ni/ mtshan ma med// mtshan ma bcings pa'i ngo bo can// mtshan ma med pa rtag tu bde// mtshan ma sems kyi spyod yul lo// sems kyi spyod yul bden pa yin// bden pa blo gros spyod yul te/ / sems ni shes rab spyod yul te// mtshan mar gnas pa med pa'o// kye ma mtshan ma 'di kun yin// gnas gsum tshangs par grags pa ste// mtshan ma ming dang yul rnams dang / / sgra la sogs pa kun brjod pa'o// dbang po kun gyi yul rnams ni// lus can rnams kyi 'ching ba'i rgyu// bcing bar bya dang bcings dang rgyu// gang 'gro la gang gis 'grol ba dang / / thar dang thar pa'i bde ba dang // mthong ba'i chos la gnas pa dang // bdag med pa ru shes nyid kyang // 'dod chags bcom par gyur pa na'o// de nas mi bdag rin chen
- 334a
gtsug/ rdo rjen byang chub sems dpa' yis// rnal 'byor can kun dbang la smras// rdo rje'i snying po 'jigs med la// bye ba'i zhing rnams thams cad dag/ rgyal sras khyod ni brtson pa ste// rgyal ba rnams la khyod tshad de// rnal 'byor can la nye bar gnas// rnal 'byor bcom gcad pa ste// dpe rnams grub par bya ba'i phyir/ brtag bya yan lag thams cad dag/ lus can rnams kyi lus skyes pa// tshul ni sgra yis brjod par mdzad// tshig tu brjod par cir mi bgyi// gnas dang zung gis rnam par mdzod/ / mi zin pa yi rgyu rnams dang // bag bzungs nor gyis gzhom par gyis// phung po'i rgyu rnams bsal bar mdzod// yang dag 'gyur ba med pa dang // dge ba yis kyang mkhas pas so/ / ring po ma thogs thar pa 'thob// phung po'i rgyu rnams bsregs nas su// chos min chos kyis tshe 'byung ste// 'di dang gzhan du'ang 'thob par gyur// shes pas sdug bsngal rnams las 'grol/ / sred pa yis ni rtag tu bcings// mi shel las dang sred pa yis// lus can rgya cher shin tu byas// gzugs dang snang ba yid khyed dang / / rnam shes yul la mngon gyur pas// myur phyir khong du mi chud pa// spyod yul du ni sems rgyu ba'i// yid sngon 'gro ba chos rnams te// lus can kun gyi de bzhin no// yi/
- 334b
'gro yid ni gces pa dag/ yid du 'ong bas cir mi bshad// gang dang gang gis rdzas kyis su// mi rnams stug por 'grub pa yi// des ni de yis dngos 'gyur ba// sna chog gzugs kyi nor bu bzhin/ / ji ltar nor bu sna tshogs gzugs// tshon dang 'byor na rnam par mdzes// rnal 'byor can dbus khyod de bzhin// de bzhin gshegs gzugs sna tshogs kyi// dbang skyusbyar pho brang dag pa na/ / thams cad dag na snang ba ni// rgyal ba'i sras kyi mdun du byas// mya ngan 'da' dang mya ngan 'das// stug po mthar mchog ye shes te// chos kyi dbyings dang rdzu 'phrul yang / / stug de rnal 'byor can gyi gnas// de ni mtshon gyis mi chod de// de ni mas kyang mi tshig pa// mi chod pa dang mi phyed pa// de ni yun gnas rtag pa'o// de ni chus kyang mi gsher ro/ / rlung gis kyang ni mi skam mo// de ni rdza ltar 'jig pa dang // nan tan bya rjes byung ba ming // rtag pa brtan pa mi 'jig pa// skya can kun gyi rnam par shes// rgyu yis sun 'byung ma yin pa/ / 'dra dang mi 'dra rnams kyis te// dam bcas yan lag rnams kyi yang // mtha' ma thug pa med par 'gyur// dam bcas pa yi dam bca' dang // rgyu yi khyad par rgya dag ste/ / de bas de la rgal du med// rtog pa can gyi spyod yul min// rnam par shes pa gzhan gyur na// de ni stug po spangs pa'o// rtogs can rnams kyi yul ma yin// de bzhin
- 335a
gshegs pa'i pho brang stug/ ma skyes sngon dang mtha' ma med// lhun gyis grub pa'i stobs las byung // rgyu med pa dang las skyes min// dbang po chen pos byas pa'ang min/ / gzugs med gzugs dang 'dod pa las// yang dag 'das te gnas pa yin// 'dod pa'i khams las 'das nas su// gzugs dang gzugs med 'du shes med// myur ba'i rgyu las rab 'das nas// stug po'i zhing ni rnam par mdzes// phyogs 'di mkha' las grub pa ste// rgyu can rnams kyi spyod yul min// yod dang med pa'i phyogs dang bral// gcig dang gzhan pa spangs pa'o// gces pa dang ni rang bzhin min// 'dod rgyal dang yang dbang po min// khyu mchog gi yang phyogs ma yin// de bzhin rig can gsum gyi yang // rdul gyi rkyen las byung ba yin// sgra rnams kyis kyang brjod du med// ngo bo nyid kyis bskyed pa min// 'dod rgyal gyis kyang mi rnyed do// ma rig las dang sred pas min// mi shes las kyang smos pa min/ / khur khyer khur gyi yul yin te// 'di ni sangs rgyas rnams kyi yul// lha rdzas de bzhin gshegs kyis mkhyen// sa bcu dag tu rnam par sbyangs// rnal 'byor gyi nis tshogs yul/ / don gyi dam pa ston pa'o// las ci las min gang zhes te// byis pa rnams ni myos par gyur// las dang las min bshad pa na// rnal 'byor can rnams bder gyur pa/
- 335b
sna tshogs snang bar rang sems te// lus can rnams kyi bdag nyid gnyis// phyi dang nang dang thams cad du// gzung dang 'dzin pa lta bur gnas// sems kyis sems ni mthong yin yang // khong du mi byung byis pa rnams// pa gnyis sems de lus can gyi// yin yang shes par ma gyur pa// bdag gi byed pa'ang de bzhin byed// yul lta bur yang rab tu snang // rdza ma la sogs gzugs su gnas/ / rdza la sogs pa'ang yod pa min// 'di yi don la thub pa dag/ rnal 'byor nyam chung rnam par myos// rnal 'byor de yang mi rtog pa// bdag gi rnam rtog lam gnas pas/ / sems 'di gnyis ka'i bdag nyid de// me long zla ba bzhin du gnas// ji ltar rab rib rab rib can// skra tshogs ltos shig ltos shig kye// phan tshun dag tu ston mod kyi/ / bdag nyes dbang po zhan byung gi/ 'di na gang yang sgra tshogs med// rgyan dang nor bu dag kyang ngo // yod dang med pa'i dngos po ltar// dbang po'i nyes pas mthong ba yin/ / de bzhin rtog can dbang gis 'di// bdag gi blo ni ji ltar gnas// tshangs la sogs pa'i gnas thub par// rtogs pa med pas rab tu 'dzin// gang 'di mang po snang ba dag/ sna tshogs tshangs la sogs pa'i mtshan// sna tshogs thams cad bdag gi sems// rdza la sogs pa'i yon tan mtshan// nang du gyur pa'i gzugs rnams dang // mtho ris
- 336a
gnas pa'i gnas rnams dang / / gang gi phyi nang bya ba rnams// thams cad sems las byung ba'o// rgyan stug rnal 'byor gang yin pa// de ni gud na yod pa min/ / rnal 'byor can gyi bsod nams kyis// zhugs pa 'di la bslab par gyis// dbang sgyur lha rdzas gnas dag dang // yang na gzugs can rnams gnas dang // 'du shes med pa'i gnas su 'am/ / 'og ma yin pa'i gnas su yang // cung zad mad dang rnam shes dang // 'du shes yod pa ma yin dang // sna tshogs kyi ni gnas dag tu// 'dod chags kyi ni phyogs bshig na/ / khyod ni myur du bder gnas pa// stug po rnal 'byor can gnas su// rgyal ba'i sras kyi mdun byas te// stug po der ni 'gro bar gyis// rnal 'byor da la spyad par gyis/ / bdag gi gnyen gyis ci zhig bya// bdag gi gnyen ni rtag tu 'ching // 'khor ba'i lam rgyud rgyu yang yin// dbang po rnams ni g.yo ba ste/ bud med rnams la blo/ 'khrul pas// khu chu khrag nam mi zhim pa'i// 'ji bar srin bu skyes gyur pa// dgu 'am bcu zhig pa dang yang // khu chu smin nas mngon par skye// dbang po rnams kyis kun yog pa/ / srin bu g.yo ba ji bzhin te// rim pa de yi tshul gyi na// ji srid sems can gnas par du'o// lus can rnams kyi skyel ltos// tshe tsher de dag byung ba ste// pa
- 336b
dang ma ni stong dag dang / / bu dang chung ma brgya dag kyang // thams cad gnas su rnyed pa ni// lus can skye la gnas pa'o// rmi lam dag na bu med pa'i// mo gsham bu 'byung ji bzhin du// / bu rnyed pa yi dga' ba dang // rmi lam mi tshe de nyid ldan// don shir gyur re nas de// rmi lam shes nas sad pa dang // rmi lam gyi ni bu shi med// gang yang skye ba yod pa min/ bo ra ba tshal bu dang // grong khyer dag dang ri rnams dang // grong dang tshong dus phyugs lhas dang // dka' thub tshal bu'i gnas rnams dang // 'gro ba dag gis rgyas pa'i yul// zhing dang ba glang lug gis gang / / 'jig rten gyi ni longs spyod kyang // de dang 'di dang gzhan du'ang snang // ji ltar 'jig rten 'dir rgyug pa// rmi lam rgyug pa'i de bzhin te// gdeg dang bskum la sogs pa yang / / de dang 'dir yang snang ba yin// mkhas pas rmi lam gang mthong ba// skye ba med cing 'chi med par// slar sad nas su sems pa ni// bu mo mkhas pa dag yin no/ / ji ltar ri dang de'u rnams kyi// grib ma kun tu snang ba bzhin// de ltar 'jig rter rmi lam yang // mkhas pa rnams ni de bzhin bsam// ji ltar skyes bu nyal ba zhig/ bud med lhan cig rtse dga' rmi// sna tshogs yid du 'ong ba dang // lha rab btsun po mnyam pa dang // gzhan yang sna tshogs dngos pos te// sang ras rnam par sems
- 337a
pa ni/ / ci zhig bden nam rmi lam yin// rmi lam bud med lhan cig tu// ces nas phyir ni bdag sad de// 'di brdzun byis pa srub yin// de bzhin bdag gi gnyen pa kun/ / rgyal srid stobs kyang de bzhin no// dmag pa gyos po bu dag dang // ma dang phu nu ba dag kyang // rmi lam lta bur rig bya ste// rnal 'byor sbyar bar cir mi bya// dka' thub tshal dang zhing rnams dang / / ri dang ri yi sman gshong dang // 'o ma 'byung dang mA la ya// lhun po byin 'da' dbang chen dang // gangs kyi ri dang ka yi las// char 'bab dag la gang gnas dang / / 'dzam bu 'bras bu'i khu ba dang // gang dag bdud rtsi za ba dang // phun d+hA ka ma bam par ya tra// ko bi dar na gang 'khod dang // ri rab nang na gang gnas dang // dpag bsam shing la gang gnas dang / / rang rgyal rgyal ba'i sras rnams dang // nyan thos rdzu 'phrul chen po dang // thams cad kyi ni rnal 'byor 'di// gang 'byung 'byung ba rnams kyi ste/ / pad+mo'i gnas su brtan bcas te// skyil mo krung du mnyam gzhag cing // rtag tu rnal 'byor sbyar bar gyis// 'dod dang bde las rnam par dben// dbang po dbang ba'i don gyi rnams/ / thams cad las kyang phyir bzlog cing // lcags kyus glang po ji bzhin du// sems ni mnyam par gzhag par gyis// 'jig rten 'jig rten 'das bsam gtan//
- 337b
gang yang de bzhin gshegs pa'i dge/ 'dod dang dga' ba dben la sogs// yang na thams cad bsgrags pa dang // khyad par du yang gzugs med dang // 'du shes med pa'i bsam gtan rnams/ / nam mkha' rnam shes mtha' yas dang // 'du shes yod min med min rnams// nyi ma dang ni zla ba'i dbyibs// pad+mo dang ni 'od 'dra zhing // nam mkha' ri mo med 'dra bar/ / rnal 'byor zhugs pas rab tu mthong // 'di dag thams cad spangs nas su// snang bar byed par rab tu gnas// gang tshe mtshan med rnal 'byor can// rnam par mi rtog chags med na// sangs rgyas bye ba rnams kyang mthong // zhing dang zhing na mnyam gzhag pa// de dag phyag gis dbang bskur bar// de yi spyi bor dbang bskur te// sangs rgyas sa la bzhugs pa dang // sna tshogs gzugs ni rab tu 'byung // sna tshogs tshul gyi dngos thob nas// kun mkhyen thams cad rig par 'gyur// stobs dang mngon shes dbang yang 'thob/ / gzungs dang thams cad ting nge 'dzin// thams cad kyi ni 'byung gnas 'gyur// thub pa rnal 'byor bskyed pa yang // gzugs ni rdul du rnam gzhig shing // mchog rdul yan chad nyid dben phyir// yod las med par 'gyur ba ste// bong bus pa glang rwa mthong zhing // cha shas med phyir cha shas can// phung po las ni phung can med// de bas
- 338a
las kyi 'bras gyur pa/ / 'di ni sgyu ma'i bus byas bzhin// 'di na las med 'bras bu med// las kyi sgrub pa'ang yod pa min// 'jig d+hAr byed pas ma byas te// byed pa byed pa ma yin no// byed la byed pa yod na ni// 'di rnams thug pa med par 'gyur// zug med byas pa'i nyes pa yis// thub pa dri ma can du 'gyur// da ste lam rgyud sna tshogs rnams/ / chu dang nam mkha' sa gnas pa'i// lus can lus la kun gnas te// skye ba bzang po gnas su ste// ris su 'gro ba yod pas na// ji ltar 'dod par lus can 'gro/ / dbang po so sa bya ba yang // ji ltar 'dod par yul 'dzin te// 'di ni rnam rtog rnam gyur pa// zho mar ji ltar 'o ma las// de bzhin skye dang gnas dang 'jig/ las kyis byas par 'gyur sems na/ / rmi lam dri za sgyu ma sprin// brag cha dang ni glog 'dra ba// smig rgyu ri dgas sred pa ltar// dngos po rnam bsgoms rnal 'byor can// thog ma med nas bsags pa yi/ / mi yi rnam spros bag chags kyis// sna chog gnas ngan len pa dang / sna chog rtog pas las su brtag/ dbang po sgyu ma lta bu yin// yul rnams rmi lam 'dra ba ste/ byed dang las dang bya ba yang / / rnal 'byor sgrub pas mi rtag go/ rtog pa nyams pa'i rtog pa can// rnam myos shes pa nyam chung bas/ byed par rab tu rtogs pa ni// bya bas 'gro ba byas par te// 'jig
- 338b
rten gces pas byas ma yin/ / rdul gyi rkyen las byung ba'ang min// rgyu med pas kyang byas ma yin// ngo bo nyid kyis phyung ba'ang min// rdo rje lcags dang khab long dang // rin chen 'phreng ba rgyan rnams kyi/ / ji lta bu yi las shig byas// nor bu gsar du ming btags pas// bya dang ri dgas khra bo dang // tsher ma rnams kyis rno dngos dang // 'gro ba sna tshogs ngo mtshar ba// rnam rtog las las ma skyes so// las cig gang las ma yin zhes// rtog can bden la mos pa ni// bden pa'i dngos por mi shes pa// 'di ni rnam rtog las min du// 'o ma'i nang na yod pa'i dug/ rjes su mi bde rnam par 'gyur// rnam par rtog pa'ang thams cad du// de bzhin dngos po rnams la 'jug/ dngos po skye ba ma yin te// dngos po rnam par 'jig pa'ang med/ / rnam rtog sna tshogs de dag ni// rtog pa can gyis mi rig go// 'gro ba'i ris kyi dngos po dag/ rnal 'byor spyod pas rnam par gzhig/ sbyar zhing rnal 'byor de la zhugs// las dang las min ma sems par// ris su 'gro ba'i dngos po yis// zla ba nyi ma rnam mdzes pa// rlung gis shin tu bskyod nas su// mkha' la rten pa med par 'gro// shin tu phra zhing shes dka'i las/ / stug por gnas pas rab tu mthong // las de ci zhig yod par 'gyur// zhugs brtson rnal 'byor can dag la// ji ltar me ni shing gi ri// thal bar byed pa skad cig tu/
- 339a
rnal 'byor can gyi thams cad las// ye shes mes 'tshig skad cig tu// las dang bag chags lhan cig tu// mang po'i dus nas bsags pa dag/ rnal 'byor/ ye shes bag chags kyis// thams cad zhig byed skad cig tu// ji ltar sgron mas mun pa'i tshogs// skad cig tu ni bsal byed pa// ye shes sgron mas thub pa de// mi shes rnam par sal bar bya/ / rgyan stug po theg pa chen po'i mdo las// bdag gi las kyi bya ba sprad pa zhes bya ste le'u lnga pa'o// // bam po gsum pa// 'jim pa rtswa smig thag pa las// ji ltar gnas pa'i khyim gyi rnams// phan tshun kun nas 'dus 'byor cing // sa yi dbus na snang ba ni// re re la yang khyim med de// rdzas dang dngos la rnam brtags na/ / rdzas kyi rnam pa 'dus pa la// khyim zhes gdags shing brjod pa ste// sor mo phan tshun kun 'dus na// ji ltar lag pa'i phug ron du// lag pa gnyis ni bsdus las 'gyur/ / tha dad pa las mi 'byung ngo // g.yul dang shing rta bsnyems bral khang // grong khyer nags tshal de bzhin te// ri dang sprin dang dba' rlabs kyang // brag cha glog dang 'dra ba'o/ / smig rgya chu zla rgyu 'dra ba// snam bu rdza sogs grags pa ste// mkha' la dngos po thams cad kyang // rmi lam 'dra bar kun tu snang // de bzhin rnam pa sna
- 339b
tshogs pa/ / byis pa'i lam rgyud dog pan// khams kyis ri bzhin gyur pa ste// khyim ltar rtag tu mi brtan la// 'byung ba med cing 'jig pa med// bdag las ma yin Sh+Ta las min/ / rtag dang chad las rnam par grol// gzung dang 'dzin pa yongs su spangs// ji ltar driji za'i grong khyer ni// bdog tu zad kyang grong ltar snang // de bzhin rab rten rnam brtags pa'i/ / dngos po rnams kyang rab tu 'byung // chos rnams smig rgyu lta bu ste// yod med rnam bral dge ba yin// rmi lam sprin ltar snang ba ste// rtsig ngos ri mo phugs za'i/ / zha bo long ba 'dra ba ni// dngos kun kacig gis gcig rgyu ba// rang bzhin rtogs par mi rung ste// rnal 'byor can gyis yang dgu mthong // rdul phran rnam par gzigs pa dang / / rdul gyi dngos po mi gnas te// rang bzhin kun gyis mchog yin pas// rdul phran mchog ces de phyir brjod// de phyir blo ni phyir ldog ste// skal sog pa'i yon tan spangs/ / rnal 'byor mkhas pa'i rnal 'byor can// de tshe ngal ba so'i yid du 'gyur// ngal bsor yong ldan rnal 'byor can// bcings pa kun las grol bas na/ / 'di dang pha gir mi skye ste// bsam gtan tshul la mos pa rnams// sna tshogs rin chen snying po yi// gnas na dbang can de dag rtse// yon tan dbang phyug nyes pa med//
- 340a
rig 'dzin bud med mang po dang // thub pa rnams kyis rab mchod cing // rmi lam bzhin du gnas pa yin// 'di na gnas kyang tshangs pa dang // thub dang thub pa'i bu rnams dang / / rig 'dzin tshogs kyis de bzhin te// spyi gtsug blta bar mi nus so// 'di ni thub pa'i rnal 'byor yul// de bas bsam gtan brtson par gyi// 'di ni kun gyi yul ma yin/ / de phyir grogs po brtan par gyis// brtan pa sa rnams sna tshogs dang // 'od can rnams kyi gnas su yang // 'dod chags phyogs dang bcas pa dang // gti mug zhi sdang de bzhin du/ / bcom ste stug po rab yangs pa// yid bzhin zhi ba'i gnas su 'gro// de ni ci bdag yul ma yin// rnam shes spyod yul de bzhin min// mtshan ma med pa'i gnas yin te/ / rtog pas de bsgrub ma yin no// 'di ni lha rdzas gnas yin te// thug pa rnal 'byor ldan pa yi// de bas zhing mchog de 'dod na// thub pas bsam gtan de la gyis// 'dod chags zhe sdang rnam bcom s+ho// nga me dang yi 'gro med du// 'dod chags zhe sdang mi mnga' bar// bsam gtan mchog la bsgom par gyis// phan tshun yul la 'dzin pa'i phyir/ / gnyis kyi blo ni rab tu 'byung // yod med rtog pas de bzhin du// rnam shes rnams la kun gzhi'o// bud med ro spang shas rgyas shing // sla bzang mig kyang mdzes pa dang /
- 340b
legs dpral ba dbyibs sdug pa// sprin ma stug cing blta mdzes pa// ji ltar la la der chags pa'i// yid kyis rnam par myos pa'i sems// lta zhing rnam par rtog pa'i tshe// mkhas min de la shin tu mos/ / 'gro 'dug 'greng yang de bzhin te// snom za gnyid kyis log pa na'ang // 'dod can gzhan du mi sems te// 'dod pa can mo yid la byed// de bzhin khyod blo rnyog pa can// / rnam pa kun tu yod la gnas// rdzab yul rnyog dang ldan pa yi// bcings pa'i dbang du ma 'gro zhig/ ji ltar la la rtog pa can// blo yi spyod yul rnam 'khrul pa// ma he dag dang ba glang dang // glang po dag dang ba se rnams dang / / rang gi kr-iSh+Ta sa ra dang // sha ra ba dang su ra dang // rnyan dang g.yag kyang de bzhin te// mgo dkar rnam dang khyu mchog gi/ ru chan rnam par mthong ba dang // 'di bden gzhan du mi 'gyur zhes/ / seng stag bong bu sogs pa yi// rwa rnams la ni med ces te// yod dang med pa'i lta ba yang // mi mkhas rnams la rab tu 'byung // de ltar gzhan gyi rwa mthong zhing // bong bu'i med ces rnam rtog 'byung // ci ste gzhan gyis ma mthong na// bong ru med snyam de mi 'byung // log par dmigs pa'i rgyu yi phyir// 'di na med ces rtog par 'byung // de la dmig pa med pas kyang / / gdon mi za bar med la rten// rnyog can nga rgyal spyod yul la// blo gros spyod yul ma rtog cig/ ba glang ba men ma he rnams// rtog pas brtags pa ji bzhin te//
- 341a
de ltar khyod kyis sems spyod dang // phung po skye mched spyod yul dag/ mngon sum tshad ma dag gis sam// shes rab kyis kyang rnam par ltos// rnam grol ma ris 'gro ba 'am/ / ji ltar 'dod pa bzhin du'ang 'gyur// tshangs pa'i gnas su tshangs par ram// mtshe ma rab dang gnas bden dang // rin chen sna tshogs gnas su yang // dbang sgyur rnam par mdzes par 'gyur/ / 'ongad chung rgyas pa dag tu'am// 'dod khams bdag po dbang can nam// nyi zla ba dag bdag gnas su 'am// gzhan yang 'od 'bar gzar yang rung // sum cu rtsa gsum rgyal chen dang // 'phrul la dga' ba'i gnas su yang // tshangs gnas bcu dang ldan pa yi// rnal 'byor can ni rnam par mdzes// gya nom snang dang shin tu mthong // 'dod med mi dros de bzhin te// 'og min gnas kyi lha rdzas ni// 'og min shin tu rnam par mdzes// cung zad med mkha' rnam shes dang // 'du shes yod mang ma yin dang // de bzhin 'phrul gyi sde can dang // zhing bzang gzhan du de bzhin te// mkha' la 'gro dang spobs pa bzhin// 'khor lo 'khor ba'i rigs su gnas// grol ba rnams kyi grol de la/ su gnas de dag rnal 'byor can// 'dod chags stobs las sngon rgyal ba// de dag bzang po'i sa la gnas// 'di lha'i rnal 'byor ldan pas na// rnal 'byor la ni thub pa rtsa// rdza
- 341b
ma 'jig pa'i gyo mo yi/ / ji ltar rgyur yang 'gyur ba dang // skad cig 'jig la skad cig ste// mi rtag nyid kyang rtag pa yi// sa bor ji bzhin myu gu la// rgyu rnams de dang 'dra ba yin// myu gu gzhan mi na sa bon las// sa bon nyid kyang myu gu min// sa sngar rnams las rdza snar 'byung // chos nas dma' rung mngon par 'gyur// nag dang snar dang 'dres pa dang // gro bo dmar po dag kyang ste/ / 'dam bu las ni sgog par 'gyur// rwa las lan tshar de bzhin te// mi gtsang sbrang bu dag las kyang // srin bur 'gyur gzhan mi 'dra mang // rgyu dang 'dra ba'i 'bras bu ni/ / sa rnams gang na'ang yod pa yin// gyur pa'i rgyu las 'bras bu 'byung // rdul phran gang dag rgyur 'gyur ni// dngos po 'jig pa med par te// rnam par rtog la ma rtogs shig/ rgyu yi bdag dang nang gi bdag/ bdag gi mchog kyang med pa ste// bdag dang dbang po yid dang don// 'dus pa'i rgyu ni ma yin te// phrad las 'byung dang rnam shes dang // / rkyen rnams yod pa ma yin no// shes can shes pas yul rnams la// mkhas pa'i stobs dang ldan pas ni// snga dpung stobs dang gzhon bcas pa'i// nyon mongs bdud rnams gdul bar bya/ / sred pa'i 'jig rten dma' bar byed// sbrang rtsis bad kan mang po bzhin// sred pa bcom zhing thub pa'i rnams// rnam pa mang las rnam par 'grol//
- 342a
sred pas rnam par dkrugs pa ni// 'khor las rnam par mi 'grol te// sred dang rnam bral thar par 'gyur// de bas rnal 'byor sbyor bar gyis// yun ring yod pa'i bag chags ni/ / sbrul gdug khros pa ji bzhin yang // 'di dang pha gir 'drid pa ni// 'khod pa'i lam rgyud dog par ro// 'phags pa rgyan stug po las// rnal 'byor rnam par phye ba'i spyod pa zhes bya ba ste le'u drug go/ / / sangs rgyas rnal 'byor rnam phye dang // bdag ldan de yis byin gyis brlabs// rgyal ba dag dang rgyal ba'i sras// bya ba'i zhing ni bzhugs pa dang // khams gsum gnas pa thams cad dang // sa gnas rnal 'byor ldan pa dang // bde yod zhing dang stug po ste// rnal 'byor can gyi zhing mchog dang / sangs rgyas pad+mo'i dbus bzhugs pa// rdul phran bzhin bzhugs bdag gis mthong // rnal 'byor de las bdag langs nas// sa la rgyal ba de dag ni// stug po'i zhing na bdag bzhugs shing / / rgyal sras thabs cig bzhugs pa dang // me tog a ta si 'dra ba'i// mkha' la zla ba bzhin bzhugs mthong // mthe bo'i tshigs dang rab 'dra ba// sa rnams dag la rab sbyor ba'i// rnam grol snying po bdag gis mthong // 'din bu khyod su zhig ces// snying po de ltar sems gyur te// thub pa 'di ni gcig cig snyam// de tshe sku
- 342b
ru zhugs par gyur/ / 'gro ba rnams kyang skur zhugs nas// thub pa'i pad+mo'i snying po yis// sangs rgyas rnams kyi longs spyod dang // khams gsum srun gnas par gyur yang // gang tshe mthong ba de dus na// kye ma mtshar ches bsams pa dang // de tshe thub pa lha yi lhas// rnal 'byor yul ni rab bsdus te// thub pas sngon bzhin bzhag par gyur// kye ma bsam yas lha rdzas 'di/ / rnal 'byor can gyi sna tshogs gzugs// sangs rgyas lha yi yul yin te// bsam gyis mi khyab bdag gis mthong // chos kyi sprin gyi ting 'dzin dang // dga' dang mi g.yo de bzhin te/ / ring song mngon du gyur pa dang // 'od byed pa yi ma lus par// sgyu ma dpa' bar 'gro la sogs// gzi brjid can kyang ma lus par// gzungs rnams kyi yang yul yin te/ / 'og min thabs las byung ba'o// de ni yid bzhin 'gyur skur yid// dbang gi yon tan brgyad po rnams// phra sogs che ba'i yon tan dang // thob dang 'dod 'byor bsgrags pa dang / / bdag po dbang dang ldan pa dang // ji ltar 'dod par rung ba'i rnams// thob nas stug po'i dbus yul na// rnam par gnas shing rab tu rtse// sprul pa'i lha rdzas stug po nas/ / phyin pa dge ba de dag kyang // lhun gyis grub pa sangs rgyas kyi// 'phrul pa rnams ni rab tu 'gyed// rgyal ba rnams dang rgyal sras su// thabs cig bzhugs
- 343a
par kun na snang / / de ltar sa 'di sna tshogs te// rang gi gzugs ldan rnams kyang 'dres// cha las phyir log de yi tshe// bya ba byas pas stug po'i gzhi// shes pas bcad cing mkhas pa'i rnams// thub pa dag gis stug po mthong // gzhal med pad+mo 'dra ba na// me ltar rab tu 'bar ba yi// thub pa rnal 'byor bde mos pa// rnal 'byor can dang lhan cig gnas/ / dpa' be'u mtshan dang thams cad ldan// phra ba'i lus can rang gi 'od// de dag dbus su thub pa'i dbang // khyod ni gnas par rab tu 'gyur// ltos shig lha yis cod pan can/ / dru ma mi 'am ci yi bdag/ gzhal med bye ba mang po yis// zla ba bzhin du rab tu 'bar// thub pa rnams dang rgyal ba'i sras// dga' ldan la sogs lha yis mchog/ a ta sa yi me tog 'dra// shes rab bzang zhing mtshan mang ba// 'phreng ba cod pan thogs pa'i rnams// gzhal med mang pos gnas pa ste// lus ni rab tu 'bar ba dang / / kun mkhyen thams cad mngon gyur pa// thogs pa med pa'i spobs pa dang // kun tu bzang po stobs chen te// zla ba 'dra ba'i gzhal med kyis// stug po gangs chen mtsho la gnas/ / rnam pa du mar thams cad nas// thub pa rnams kyis bstod pa ste// chags med tshangs pa'i khyu mchog dang // grub dang dri za tshogs rnams dang // mkhas dang
- 343b
nges pa'i ldan pa yi/ / skyes bu'i tshogs kyi bdag po dang // rgyal ba'i sras kyis mdun du byas// rnam 'byor spyod pas khyad par du// gzims palta bar mthong ba ni// de dag la lo bral ba ste/ / gnyid dang snyom sogs bsrabs pa yi// sangs rgyas lha yi rjes su 'brang // mur 'dug kun gyis mthong gyur cing // de bzhin lha dang tshangs la sogs// 'dzam gling ba dang 'og min dang // 'phrul gyis sprul pas thub mthong ba// 'gro bas sna tshogs kun gzugs su// sa la kun nas zhugs par te// cho 'phrul rnam pa mang po yis// / mgon po shin tu rnam par mdzes// la la nyal zhing rab tu 'bar// de bzhin gzhan dag phan tshun 'chag/ la la g.yen spyo brel zhing bsgom// de bzhin gzhan yang mya ngan 'da'// / la la mngal du 'jug pa dang // skye dang 'byung dang dka' spyod dang // byang chub rnam par 'tshang rgya zhing // chos kyi 'khor lo bskor bar ro// sangs rgyas nyid dang sangs rgyas yul/ / sangs rgyas ye shes bla na med// rgyal ba'i sras po 'jigs med pa// de dag kun gyis 'thob 'gyur te// thub pa shAkya seng ga yis// ji ltar brnyes bzhin grogs po rnams/ / rgyal sras 'jigs pa med pa yis// 'di dag kun la yid ches kyis// yid ches gyur na sangs rgyas sam// thar par 'gyur ba the tsom med// 'khor lo bskor
- 344a
ba'i rgyal por 'gyur/ / spobs can khams kyi bdag po dang // tshangs la sogs pa'i gnas su yang // gnas 'gyur 'khor gyi bdag por 'gyur// dri med zhi gi pad+mo la/ / thub pa'i dbus su skye bar 'gyur// pad+mo'i dbus su skye ba yang // brtson 'grus ldan pa'i sras kyis 'thob// brtson pas bdud las rgyal bar 'gyur// bag chags 'dod pa'i rgyu las kyang // 'dod bdag bdag po pham byas shing // thag pa gcig la rab tu 'jug/ brtson 'grus ldan zhing zhum med pa'i// rigs kyang thub pa rab tu ston// sras po yangs pa'i rigs gyur cing // zhing dang zhing du bdag por 'gyur// sangs rgyas nyid du smon sems na/ / sangs rgyas rigs ni rnam par dag/ rnam dag rigs can sras de ni// sangs rgyas rnams kyis lung bstan te// myur du sangs rgyas ci 'dra ba// de bzhin thub pa 'tshang rgya'o/ / rnam sangs rgyas nas nyer 'tsho ba// tshangs la sogs dang rnal 'byor can// sa ltar rtag pa'i dus su yang // lus can rnams la nye bar gnas// thams cad sman gyi rnal 'byor can/ / ji ltar grong dang grong gnas pa// nad rnams rab tu sel ba ltar// rab tu mkhas pa de byed pa// rnam rtog med pa'i yid kyis te// bcad kyang kamo zhing 'gul ba med/ / 'di ni rnam par rig pa tsam// yid ni nang dang phyir yang spyod// bdag dang bdag gi med pa ste// nor bar mthong zhing mi g.yo'o// yid kyi rnam shes yul
- 344b
can gyi/ / kun gzhi kun nas gnas pa ste// bcad dang gcod par byed pa dang // de nyid gcad bya gcod pa'ang yin// lus can kun gyi kun gzhi ni// las kyi bag chags rnams kyis yog/ 'khar ba nor bu nyi ma dag/ ldan las me 'byung ji bzhin te// gtsub ma gtsub stan 'dus las min// mis kyang byas pa ma yin no// de bzhin sems yid rnam shes dang // dbang po don dang yid dang las// sems rnams rab tu skyer gyur pa// rgya mtsho dpa' rlabs ji bzhin no// smig rgyu nam mkha' sgyu ma dang // rmi lam ma yin nor pa'ang min// sbal pa rus sbal sbrul dag dang / / ri bong rA dang mnyam pa'ang min// me ni shing las skye bar 'gyur// glog ni de bzhin sprin las so// med la skyed pa su yang med// rdza sogs rdza mkhan lta bu'o/ / ji ltar rtswa dang shing dag la// brten cing lhan cig sgyu 'byung ba// de bzhin mos la sogs pa kun// sems dang sems 'byung lhan cig gnas// sems kyi yul ni bsam du med/ / stug na gnas pas legs par mthong // lha rdzas sngon med lhan cig skyes// mya ngan 'das dang nam mkha' bzhin// so sor ma brtags 'gog pa ltar// dus gsum rnam par spangs pa ste/ / 'od can rtag tu dag pa ni// lus can kun gyi kun gzhi'o// dang po ches pa'i zla mdog ltar// bye ba'i zhing du snang ba ste// ri rab gnas shing 'khor ba yang // dngos
- 345a
po 'jig pa ma yin no/ / de bzhin yid sems rnam par shes// sems can khams na 'khor mod kyi// de la 'phel zhing 'bri med de// rtag tu rang bzhin 'od snang ba'o/ / ji ltar zla ba skye 'bri bar// mi shes 'gro ba rnam rtog kyang // skye 'bri zla la yod pa min// gling dang gling du'ang rab tu snang // de bzhin kun gzhi rnam shes la// byis pa mi shes 'gro rnams kyang // rtag tu skye 'brir rnam rtog ste// de ni zag med sangs rgyas so// kun gzhi 'di la ji ltar yang // 'byung bas tha dad mi 'gyur te// 'jug pa'i rnam shes sod gnas pa/ / bag nags kyis ni zla ba bzhin// chu klung dbus kyi shing lta bur// chu bo'i klung dang 'grogs mod kyi// tha dad mtshan du'ang rab tu grub// rgya mtsho chen por de bzhin 'gro/ / de sar kun ga'i rnam shes kyang // rtag tu bag chags ldan 'gyur ba// rnam par shes pa bdun po dang // 'grogs kyang 'dri ba med pa sti// kun nas nyon mongs nam byang dang / rnam par dag pa'i rgyu yang de// chos mthong 'phags pa rnams kyi yang // de ni rnal 'byor mnyam gzhag pa// byol song mi dang lhar skye dang // sha za lto 'phye yi dgus dang // lha mi ni dri za 'bar ba yi/ / lam rgyud kun kyang de yi dbang // sangs rgyas kun gyi gzhi mdzes la'ang // de nyid rgyur ni gyur pa ste// de rtogs nas kyang sangs rgyas dang // rigs dang theg pa gzhan min 'gyur//
- 345b
thams cad lus la rtag tu gnas// spyod lod yod la rnam par 'dug/ dpal dang ldan la khyad par du// thams cad nas kyang rab tu gnas// rab dang 'bring dang tha ma la'ang // 'gro/ bdog pa thams cad na// de ni kun tu gnas pa ste// lus can rnams kyi lus la bsten// 'bras bu'i bdag dang rgyu yi bdag/ nang gi bdag kyang de nyid la// byis pa rnams kyis 'khor zug brtag/ de yi dbyibs la thog ma med// gnas ngan len dang las kyis bskyed// bag chags thog ma med la sogs// 'tsho zhing gso bar byed pa ni// rnam par shes pa bdun po ste// yid ni rtag tu rlung dang mnyam// g.yo zhing myur bar rab tu 'jug/ lus can rnams kyi lus gnas shing // khams kyi gong la gnas pa'o// las kyi rlung gis bskyod pa ni// dbang po rnams la khyad par gnas/ / rnam shes bdun dang lhan cig tu// dba' rlabs bzhin du rgyu ba ste// rdul phran dus dang gtso bo dang // de bzhin skyes bu dbang bcas su// kun gzhi gcig phu dge ba ste/ / rtog pa can gyi ther zug brtag/ rtag tu sna tshogs rnam pa'i gzugs// g.yo zhing myur 'byung byed pa ste// kun gzhis rnams thams cad du// phyi nang bcas par gnas pa yin/ / de ni sa yi rgyu yin par// rgyu can rnams kyis brtags pa ste// de yi 'gro ba shin tu phra// rtog pa can rnams myos par byed// bdag don dbang po yid myos pa'i//
- 346a
yang dag ma mthong myos par 'gyur// sngon gyi las kyis bskyod pa yi// rnam par shes pa sred pa'i rgyu// sna tshogs gzugs can 'gro ba dang // mi rnams kyi yang rgyu yin no/ / 'jigs meng rgyal ba'i sras rnams la// rdo rje snying pos yang smras pa// kun gzhi dang lugs dge ba ni// rgyal sras rnams kyis mthong thos te// kun gzhi mchog tu dge ba ni/ / thams cad lus la zhen pa ste// sum cu rtsa gnyis mtshan ldan zhing // rnam pa sna tshogs gzugs mnga' ba'i// rgyal ba'i 'khor lo 'khor bar yang // sa rnams la lar 'gro bas mthong / / ji ltar zla ba skar tshogs dang // lhan cig mkha' la gnas pa ltar// rnam shes rnams dang kun gzhi yang // de bzhin lhan cig lus la gnas// ji ltar dbang gis bsgyur ba'i lha// lha yi bu mos mdun bdar zhing // bde tshan dbus na rnam mdzes pa// de bzhin kun gzhi sa rnams la// ji ltar chu dbang chu yi lha// chu klung rgya mtsho mching rnam la/ / 'di bzhin skye ldan sa yang ste// de bzhin sems ni rnam par mdzes// ji ltar gzhal med gnas pa'i nyi// ri rab logs la rnam par mdzes// lha rnams kyis ni phyag kyang bya/ / de bzhin kun gzhi sangs rgyas sar// sa bcu dag la lhan cig tu// spyad pa spyod pa rgyal ba'i sras// theg pa chen pos phyung ba ste// lus la gnas pa rnam par mdzes//
- 346b
brjod pa'i zhal gyis rtag par yang // rgyal ba rnams ni kun nas stong // nyan thos rnams dang rang rgyal dang // rgyal ba'i sras rnams khyad par du// sa dang sa la rnam dag pa// rgyal ba'i sras zhes mngon bsgrags dang / / rgyal ba dag dang rgyal ba'i sras// de dag kun gzhi 'di la brjod// lung ston lung bstan 'gyur ba yi// rgyal sras rgyal ba de bzhin te// kun gzhi dri med bsod nams kyis/ / de bzhin gshegs par 'gyur ba yin// 'di lta bu yi kun gzhi yul// stug na gnas pa'i rnal 'byor can// thub brtson rnal 'byor spyod pa yis// rab tu mthong gis rnal 'byor gyi/ / sangs rgyas dag dang rang sangs rgyas// nyan thos rnams dang mur 'dug gzhan// de nyid rtogs nas mthong ba ni// rnal 'byor 'jigs med rnal 'byor ro// rnam par shes pa'i spyod yul gang / / 'di ltar snang ba ci yang rung // rnam par shes par gyur pa ste// rdza la sogs pas ma yin// 'di ltar nor pa gang snang ba// sna tshogs rdza grags ci yang rung // de ni kun gzhi gyur pa ste// snang ba nor ba'i mtshan nyid do// kun gzhi chu klung de bzhin du// sna tshogs snang mngon 'gro bas mthong // bag chags rnams kyis bsgos pa'i sems// gzung nga 'dzin pa rab tu 'khor/ / dngos po sgyu 'dra ma yin te// sra yi tshogs dang smig rgyu min// skyes dang ma skyes ma yin te// stong dang mi stong rnam par spangs// dngos su gcig med mi
- 347a
gyur te/ / ring dang bung la sogs pa bzhin/ kyu ma'i rang bzhin smras pa ni// gang na'ang ci yang yod pa miH// de ni rig sngags sgyus te// gyis du rnams la rab tu smig rgyu sgra la sogs pa'i tshogs/ / gnyis las nye bar mngon pa ste// gcig med par ni gnyis po yang // ma byung 'byung bar mi 'gyur te// sbrul sogs pa rnam brtag pa// 'di ni rnab shes gyur pa'o/ / sgyu med sgyu zhes bya ba yi// dngos po gang na'ang ci yang med// ci yang rung ste gang yod pa// sgyu mas byas pa'ang yod pa yin// myos par byed pa 'jig rten na// sems la dbang med rnams la yod// sgyu ma dag gam gyo mo dag/ sna tshogs sgyu mas ma byas te// g.yo ba gang dag ci yang rung // de ni snang min sus mi mthong // 'di la rnam rtog g.yo ba ni/ / khab long dag la lcags bzhin te// sems can nyid la mi rtog pa'i// shel sgong nor bu ji bzhin no// kun gzhi kun nas sna tshogs pa// byed pa bzhin du snang ba ste// skye zhing 'chi bar 'gyur mod kyi/ / 'khor ba po ni gang yang med// rmi lam 'dra bar skye shi dag/ rab tu mthong na rnam par grol// thub pa gang tshe gyur pa na// grol ba zhes ni brjod pa ste// rigs dang gzhung gis bstan pa ni/ / sangs rgyas khyu mchog de yin no// thams cad chos la me long bzhin// srang yin de bzhin tshad ma ste// dngos po kun la sgron ma bzhin// khab long ba yi rdo ltar
- 347b
gnas/ / rnal 'byor lam gyi mtshan nyid de// 'jigs pa rnams kyang rnam par zlog/ bsam gtan pa yi bsam gtan mchog/ rnam par byung ba'i rgyu yin no// kun nas nyon mongs zad par byed/ / lam yang rnam par sbyong ba'o// dam pa'i don gyi spyod yul te// 'gyur ba rab tu ston pa'o// 'phags pa rgyan stug po las le'u bdun no// / de nas byang chub sems dpa' sems dpa' chen po rdo rje snying pos phyogs bcur bltas te/ gtsug gi rin po che'i 'od zer gyi 'od kyis/ 'jig rten gyi khams thams cad dang / dbang byed kyi gnas dang / nor bu rin po che'i snying po'i pho brang na gnas pa'i rgyal ba'i sras rnams la'ang snang bar byas te/ byang chub sems dpa' sems dpa' chen po yang dag pa ji lta ba bzhin du 'god pa ston pa la smras pa/ yang dag pa ji lta ba bzhin 'god pa ston pa// kha ba yod pa'i ngos la ri dgas thams cad gsod pa zhes bya ba'i ri dgas kyi rigs shig yod de/ de ni gtsam skya brgya stong gis ri dgas mang po nye bar brid cing thabs la bab pa'i ri dgas rnams bsad cing za'o/ / ri dgas drus ma phrug gu dang bcas pa mthong na'ang / phrug gu'i skad du 'bod do// ri dgas rwa can mthong na'ang / rA de dang 'dra bar bsgyur te gan du 'gro'o// de nas de dag de la bag rton pa dang / des de dag bag rton par rig nas/ bsad cing bsad cing za'o// ra mthong na'ang ra'i gzug
- 348a
su bstan te de dag bag phab nas/ ji ltar 'dod par bsad cing zaste/ ji ltar ri dgas zhe gtum po'i ngang tshul can de/ rnam pa sna tshogs kyis ri dgas gsod pa de bzhin dukun gzhi rnam par shes pa'ang / phas kyi rgol ba mur 'dug bdag tu smra ba la mngon par zhen pa bdag gi chos nyid kyi rnam par gnas pa/ 'dzin pa de dang de dag gis bcings pa de dag la de lta de lta bu'i rang bzhin gyi bdag nyid kyis/ bdag tu smra ba yongs su rtog cing rdul phra mo yan chad du rab tu shes par byed pa de dag la// de'i bdag tu 'dzin pa nyid du gnas pa ni gzhan du na rnam par shes pa tsam du mi gnas pa'i bar du ste/ bdag yongs su rtogs par byed pa rnams kyis ni/ yid dang / dbang po dang / don du ldan pa las shes pa skye ba mthong gi/ bdag dang // yid dang / dbang po dang / don 'dus pa'i rgyu las ni ma yin no// dper na me tog dang gos su phrad nas bsung gi khyad par du 'gyur gyi/ ma phrad par bsung dmigs par yang mi 'gyur ro// / de bzhin du sems dang / sems las byung ba dang / yid dang rnam par shes pa rnams ma gtogs par don de ma yin par gyur pa/ snod dang ba dar lta bu 'am/ me mar dang rdza lta bu'am smyig lo dang i sha ka lta bu/ gzhan ni gang yang med de/ rgyu dang rkyen las sems dang sems las byung ba'i tshogs rab tu 'byung zhing / bdag med la phra ba dang / bskyed du mi rung ba dang /
- 348b
cha med pa dang / dag cing thog ma nas 'od snang ba dang / yul rnam par rig pa'i rnal 'byor can rnams kyi 'phags pa so so rang gis rig pa'i spyod yul ma gtogs par/ rtogs par byed pa rnams kyis mi dmigs so/ / 'di nyid ni ri dgas kyi gtsam zhes gtum po lta bur 'jig rten rnams la yod pa dang / med pa dang / gcig pa dang / mang po dang / thams cad dang / thams cad ma yin pa'i lha bskyed par byed pa ste/ lus can rnam par rig pa tsam du khong du ma chud pa'i rnams/ bdag dang bdag gir smra ba la mngon par zhen par yang ltung bar byed do/ / mi shes pa'i phyir chos khong du chud par 'dod pa'i blos 'khor ba'i rgyud kyi 'khor lo la zhon zhing 'di dang pha gi nas rab tu rgyug ste/ dge ba'i bshas gnyen sangs rgyas dang / byang chub sems dpa' dang bral ba/ rang gyi phyogs las ring bas kyang ches ring bas nyams pa'i blo can/ 'phags pa'i lam gyi yan lag brgyad thob par mi nus pa theg pa gsum las 'ga' tsam la'ang mi 'jug pa'i rnams 'dzin pa rnams las phyir ldog pa ma skyes kyi bar du/ 'phags pa'i lam bden pa mi mthong bas/ stug po'i dkyil 'khor gyi skal ba can rnams kyang stug po 'am/ stug po'i sgra yang mi zos so// yang dag pa ji lta ba bzhin du 'god pa ston pa/ 'di ni rnal 'byor can rnams kyi lta ba yongs su sbyang ba ste/ 'di
- 349a
la khyod dang byang chub sems dpa' gzhan gyis kyang brtson par gyis shig/ sangs rgyas kyi zhing stug por 'jug pa'i gtam gyi tshul yang rnal 'byor can rnams la ston cig/ rang gi rnam par rig pa'i yul zhes bya ba ste le'u brgyad do// / khab long rdol ji ltar lhags// yongs kyis kun tu rab 'khor ba// de bzhin phung po shing rta ste// stong zhing bag chags byung ba 'khor// rtswa dang 'jim pa shing smrig dang // bag pa rnams su 'dus tshogs las// khyim du ji ltar snang gyur pa// de bzhin phung po'i gzugs 'di'o// lcag dang khab long ro langs la/ / sems can nye bar dmigs med kyang // thams cad sems can lta bur g.yo// de bzhin phung po bdag med pa'o// rgyal sras phyag na rin chen gyis// gzugs mang rgyal mchog la smras pa/ / mnyam gzhag rdo rje snying po la// rgyal po khyod kyis dri bar byos// rgyal sras 'jigs med mkhas pa'i rnams// kun gyis thob par 'gyur ba ni// brtag/ bral brtag par mi nus pa// brjod pas rnam par spangs pa ste// ming dang ming can rnam bral ba// 'on kyang 'du ba de bzhin te// sna tshogs gyur pa'i sa 'di yi// rang bzhin ci dang cir gnas pa'o/ / de nas gzugs mang rgyal po yis// rdo rje snying po 'jigs med la// rjes su 'brel ba'i skabs dris pa// dngos po don gzhan brtag pa ste// rdo rje dbang po dngos po gang // la
- 349b
la rab tu brtag bya ba/ / ming dang 'du shes sogs pa'i yul// yod dam rdo rje snying pos spros// ming rnams sus byas ji snu sa// ming ni ci la rab tuganas// mi mgon cig ni bros pa rdo rje snying pos de la smras/ / 'di dag thams cad ming tsam ste// 'du shes tsam la rab tu gnas// brjod las tha dad gyur pa yi// brjod par bya ba yod pa min// phung po bzhi po ming yin te/ / gzugs kyang tsam zhes rnam par brtag/ tsam la ming du brtags pa ni// skyes bu 'di zhes bya ba ste// tsam la mtshan ma zhes bya bar// rgyal ba rgyal sras dag gis gsungs// mtshan ma med par ming du ni/ / de dag rnam par rtog mi nus// de bas mtshan ma brten byas shing // ming du kun nas brtag pa yin// ji ltar lding dang lnga byid dang // bar ba de yang yod pa min// mtshan ma med par ci yang rung // byis pas de la rnam mi brtag/ de bzhin sa 'di thams cad kyang // mtshan ma med par yod pa min// ci yang mtshan mar mi rtog pa// mtshan ma yod na rnam par brtag/ rdza dang snam bu shing rtag dag/ gzugs yod pa la rnam par brjod// 'jig rten 'di ni 'di tsam ste// gzugs tsam rnam pa gzhan mi 'gyur// tsam la ming du brtags pa ste/ / 'di la yang dag ming yod min// ming med rnam par bral bar yang // sa rnams thub pas mthong ba na// rnam par rtog pa rab tu 'jug/ rnam rtog med pa mi skye'o// tshor skye med par gzhan 'gyur ba// /
- 350a
mi zad de la skye bar 'gyur// rgyu med phyir na ming med de// 'du shes tsam la rnam par rtog/ de bas rgyal pos rtag par yang // 'du shes ma yin 'du shes bsgoms/ 'di dag thams cad 'di tsam ste// thams cad las ni gzhan med do// tsam ni gzugs su shes par bya// de bzhin lus dang gzugs dang dbyings// cha lugs ring dang sku yangs te/ mtshan ma dang ni rnam grangs gcig/ 'du shes med dang rnam rtog dang // brjod dang khyad par lhan cig ste// tsam dang mtshan ma 'du shes su// spyod pa rab tu gdags pa ste// tsam la gnas te ming rnams kyang / / kun rdzob don du rnam par brtags// brjod pa med par dngos po ni// ma byung 'byung bar mi 'gyur te// rnam shes rnams kyi 'byung ba yang // rtog byed med par yod pa min/ / rtogs bya ming dang tsam po ni// sa rnams thams cad de nyid de// dngos po gang la gang ming gis// brtag par bya ba de bzhin med// 'di ni chos rnams chos nyid de// brtags na gnas pa med pa'o// 'di dag thams cad ming tsam ste// 'du shes can gyi dngos po med// de med pas na ming med de// ming med pas ni rnam mi brtag/ rnam par mi rtog zhir 'gyur ba/ / bsreg pa tshig pa'i mi bzhin te// khur tsas ji ltar khur bskur ba// de dang tha dad mtshan can de// de bzhin tsam ni ming gi khur// de dang tha dad mtshan nyid khyer/
- 350b
sems la tsam zhes rnam par brtag/ ming gi tsam du sems tsam gyi// 'di ni skyes bu sdong po zhes// ci yang rung ste ming tsam brtag/ 'byung ba rnams dang 'dus pa dang // tsam yang gzugs la rnam par brtag/ tsam po med par 'byung ba yi// tsam zhes bya ba mi dmigs te// bum pa'i ngos la yon tan ltar// tsam lo ming ni rnam par gnas// bum pa bum pa dngos po yi/ / rnam par dben zhing ming dang bral// bum pa bum pa'i dngos por ram// ming yang ming du gnas med pa// rnal 'byor can gyis gang gi tshe// ming tsam g.yo ba med pa dang / / rnam rtog gnyis dang 'brel ba yi// ming tsam yod min mthong ba na// ji ltar me ldan lcags rnams dang // spra tshil dag dang rgya skyegs kyang // chu dang mnyam par khu bar 'gyur/ / 'on kyang chu yi yon tan med// de bzhin kun gzhi rnam shes pa// rnam shes bdun dang lhan cig tu// rtag tu lus su 'jug par byed// rnam par shes pas yun du spangs// khab long rdol brten byas shing // lcags ni sems can bzhin 'khor yang // de dag gnyis ka byed pa med// sems can gson po bzhin du g.yo// sems ni bdun zhes bgrang ba yin/ / kun gzhi brgyad po de bzhin no// bag chags srad bus brgyus pas na// sems can bzhin g.yo sems can med// lus ni kun tu rgyas par 'dug/ 'gro ba dog par 'khor ba
- 351a
ste/ / gcig la gcig gis mi shes pa// byed med lcags dang khab long bzhin// mgo bo du ma lce mang po// kha mang lag pa du ma dang // lus kyang du mar rab bsgyur zhing / / de bzhin gshegs la mchod pa byed// shin tu mang ba'i zhing gi rnams// tshad med stong du 'gro byas shing // de dang der yang mgon po rnams// de dag kun la rtag mchod byed/ / ri rab ri dang mnyam pa yi// me tog na bza'i char mang ngo po// sna tshogs rnam pa tha dad pas// de dag mchod pa rab tu byed// 'phreng ba 'phreng byed cod pan dang // rin chen brgyan pa sna tshogs kyis// thams cad mkhyen dang rgyal srasA la// rtag par mchod pa rab tu byed// sprin lta bu yi gzhal med khang // sna tshogs mang po'i gzugs gyur pa// mtha' ma nam mkha'i mu dang mnyam// gzhan yang rdul phran rdul snyed kyi// sprul mang lha yi bu mo yis// rol mo sil snyan rab bsgrags te// gzhal med dag la mngon gnas nas// de bzhin gshegs la mchod pa byed// stobs dang mngon shes dbang thob cing // dog pa'i sa nas ma nyams pa// chos kyi sprin las mthon gyur nas// sangs rgyas sa la zhugs pa'i/ rnams// sgyu ma dpa' bar 'gro la sogs// ting nge 'dzin la mnyam bzhag ste// bzung la mkhas par gyur pa'i rnams// de bzhin gshegs la mchod par byed// sangs rgyas
- 351b
yang dag brjod mos rnams/ / mtha' yas zhing du 'gro byas shing // yang dag yon tan ldan pa dag/ sangs rgyas yon tan rab tu brjod// dpung dang bcas pa'i bdud bcom ste/ rgyal ba dag dang thabs cig tu// rgyal sras so so rang rig pa'i// rtogs par bya ba'i ting 'dzin sgom// gnas gzhan gyur pa'i yon tan can// chos la bdag med ston pa'i rnams// spros pa thams cad rgyun bcad cing // dam pa'i don la rnam sgom pa// chos lnga rnams kyi rang bzhin dang // rnam shes brgyad la'ang de bzhin te// mkhas pa byas par brtag gyur cing // mnyam par gzhag rnams mchod par byed// shin tu phra ba'i rdul phra dang // de bzhin chen po'i lus kyis kyang // sna tshogs pa yi gzugs gyur nas// de bzhin gshegs la mchod pa byed/ / sa rnams kun ka bdag lus dang // yungs kar 'brur yang rab shes te// rgya mtsho ba glang rjes su byed// ba glang rjes kyang gangs chen mtshor// spu gcig rtse mor brtan g.yo pa'i/ / 'gro ba rab tu 'dzud byed kyang // gnod par byed pa ma yin te// 'gro ba dag na rnam par spyod// longs spyod can gyi sgyid longs yul// nyi zla sa dang mnyam pa ste// 'tshig mangs dang 'dra bar yang / / rnam pa kun gyis phan 'dogs shing // me dang rlung dag 'dra ba ste// rtag tu chu dang sman 'dra ba// rin chen khams kyi 'byung khung ltar// sems can kun
- 352a
kyang nye bar 'tsho/ / skyes pa med cing 'gags pa med// mchad rtag pa'ang med pa ste// tha dad don min don gcig min// 'gro med 'ong ba med pa rnams/ rnam par brtags pa'i ming dag dang // kun tu brtags pa'i rang bzhin gyis// sems can rnams kyi don byed pa// ming dang ming med rnam spangs dag/ sgyu ma lta bu rmi lam 'dra// dri za'i grong khyer dpe bzhin te// smig rgyu chu yi zla ba 'dra// rang bzhin kun tu brtags pa dag/ glog dang sprin dang du ba dang // mgal me'i 'khor lo smig rgyu 'dra// 'di tshul brtags pa'i chos rnams ni/ / rang bzhin kun tu brtags pa ste// gang dang gang gi ming rnams kyis// chos rnams gang dang gang brjod pa// de ni de na yod pa min// kun tu brtags pa'i rang bzhin no/ / 'di dag thams cad ming tsam ste// 'gro ba 'di ni ming tsam mo// brjod pa dang ni tha dad pa// brjod par bya ba gang yang med// 'di ni sa yi rang bzhin te// kun tu brtags pa rab tu bstan// mig dang gzugs las brten byas shing // gsum las yid de 'byung ba yin// rnga sgra me ni 'du 'phrod las// myu gu sa bon sa las rims// khang pa la sogs sna tshogs dang // snam bu rdza la sogs pa dang // lus can rnams dang chos rnams kyi// 'di ni rang bzhin gnas dbang ngo // don rnams dor ba med pa dang // gang
- 352b
yang zag pa med pa'i chos/ / so so rang rig rgyud rnams dang // chos la bdag med nyid dag ni// thams cad chos kyi grub pa ste// rang bzhin du ni de brtags so// rang bzhin gyis ni chos kyi rnams/ / tha dad mtshan du bsgrags pa ste// chos rnams thams cad 'dres par ni// rang bzhin med na rab tu 'gyur// gcig min rdzas rnams 'dus pa las// sgyu ma'i mkhan pos gcig min gzugs/ / rtog par bla ba ma yin pa'i// sgyu ma'i ri dgas byas pa bzhin// de ltar dngos po thams cad kyang // rnam par rtog pas rnam par brtags// rtogs par mi rung mi gcig gzugs/ / kun tu brtags pa'i rang bzhin no// sna tshogs nor bu 'dra ba yi// ri dgas rdzas kyis sgyu tshogs nas// sgyu ma'i mkhan pos rnam byas dang // sems can kun gyi gzugs bzhin te/ / de ltar dngos po 'di dag kun// rnam par rtog pas rnam par brtags// rang bzhin rtogs par dka' ba ste// kun tu brtags pa'i rang bzhin no// ji ltar nor bu sna tshogs gzugs/ / tshon dang phrad na rnam par mdzes// de bzhin sa rnams kun kra ste// rtog pas rnam par brtags byas na// yon tan dngos su mi gnas te// sgyu ma rmi lam sprin dang 'dra/ smig rgyu chu zla lta bu ste// kun tu brtags pa'i rang bzhin no// ji ltar dri za'i khang pa dag/ khang pa ma yin khang par snang // rgyu med par yang mi snang ste// de bzhin sa rnams sna tshogs
- 353a
nyid/ / nyi zla gzhal med khang rnams dang // za ma la ri dang rin chen ri// du ba sprin gyi gnon pas na// nams kyang nyes par mi 'gyur te// bdag dang gzhan dang gnyis ka las/ / rtog pas rnam par brtags byas na// dngos nyid mi 'grub dngos rnams kyi// rang bzhin kun tu brtags pa'o// rgyu las dngos po mi 'byung ste// rgyu med las kyang ma yin no/ / rang bzhin zhes bya rnam rtog ste// dngos dang dngos med rnam par brtags// mtshan ma la ni ming brten te// gnyis la rnam par rtog pa gnas// yang dag shes dang de bzhin nyid/ / rnam par rtog pa zlog pa'o// sems ni mtshan ma 'dra ba ste// mtshan ma yid la gnas pa yin// yid la sems rnams lnga po ni// dpa' rlabs bzhin du rab tu 'byung / / sems ni bag chags rgyu ba ste// bag chags rnams la thog ma med// thog ma med pa blo yi yul// yul ni sems kyi nor ba'o// sems ni yul dang 'dra ba ste// sa rnams yul zhes bya ba yin// thams cad sa bon kun gzhi la// rnam par shes pa kun kyang gnas// rnam shes bdun po kun gzhi las// rab tu 'byung ngo phan tshun nas// sems kyi rnams dang kun gzhi la// rtag med chad pa'ang med pa ste// sa rnams thams cad kun gzhi yin// sar snang rnam par gnas pa ste// gsum po 'dus pa'i rkyen byung ba// bdag
- 353b
dang dbang po dag las byung / / lus can rnams kyi rnam shes ni// yul rnams rnyed nas 'byung ba ste// 'di ni rtog pa can gyi tshul// rgyu dang las kyi rgyus byung ba'o// dbang po sa rnams thams cad dang / / tshangs la sogs pa phyi rol dang // de dag lha min las kyang mi ni// rdul phran gyis kyang sa ma byas// sa rnams lta bur kun gzhi nyid// lta ba'i yul du g.yo ba yin/ / rkyen rnams kun gzhi ma byas te// rkyen gyis kun gzhi byas pa min// 'di dag la ni gsum 'dus med// rnam shes 'on kyang 'khor ba ste// shel 'dra/ zla ba bzhin du yang // rnam shes rnams dang lhan cig rgyu// bag chags byung ba'i rnam shes dang // kun gzhi rtag tu 'grogs pa ni// zla ba spyang kis zin pa bzhin// rnam shes rnams dang lhan cig rgyu/ / bag chags de las langs pa yi// rgyas par byed do yang dang yang // rgyas pa gzhan yang rgyas byed de// de la'ang gzhan gyis yang dang yang // de lta rab tu/ 'jug pa'i sems// mthong nas sems de rnam par ldog/ mi brtan yul la kun nas 'brel// khab long rdol lcags bzhin te// kun gyi gzhi la sems yod pa// zag bcas zag pa med pa dag/ bag chags dag gis bsgos pa'i rnams// 'jug dang phyir ldog byed pa yin// ji ltar bsregs las ma bus shing // gzhan du me yang rab tu bud// deng
- 354a
gzhan du de bzhin bung / / de dag nas kyang spo ba bzhin// de ltar kun gzhi rnam shes dang // gzhan yang de las byung ba'i rnams// chos la rab tu rgyu ba ni// gtog dang zag pa med pa dag/ mthong ba'i chos la gnas pa yi// yul dang yul can de yin te// 'phags pa mchong ba'i chos can gyi// ting nge 'dzin kyang 'di dag yin// 'phag pa de ga de ldan zhing / sgom dang mthong ba ldan pas na// chos kun de bzhin nyid shes pa// zhing ras zhing du rab tu 'dod// ji ltar shin tu bzang ba'i gser// gsar gyi dbyings na mi snang ste// brtsal bas shin tu zhib btags nas/ / yongs su sbyangs na snang bar 'gyur// de bzhin kun gzhi rnam shes pa// rnam par shes pa bdun dang bcas// ting nge 'dzin gyis yongs sbyangs pa'i// rnal 'byor can gyis rtag tu mthong / / ji ltar ma bsrubs zho la yang // de na mar yod mi snang ste// bsrubs pa'i tshul gyis mthong bas na// mkhas pa rnams kyis de phyir bsrub// de bzhin kun gzhi rnam par shes/ / rnam shes bdun dang ldan pa yang // rnam par bsrubs shing stug spyod pa'i// thub pa rnams kyis mthong ba yin// ma rig pa ni stug ces bya// dkyil 'khor ye shes rnam grangs te/ / dkyil 'khor 'di la bslabs pa yi// rnal 'byor can rnams sgrog por dong // gzugs med gzugs yod nam mkha' dang // rnam shes 'du shes ma yod
- 354b
dag/ rnal 'byor can gyis yul bsgoms sam// de dag stug po'i zhing du 'dong // nyi ma zla ba'i 'od bzhin du// 'jigs pa med pa rgyal ba'i sras// rnal 'byor can gyi thub ston cing // rnal 'byor can pa'i lam gnas pa// sangs rgyas kun gyis dbang bskur bas// de ni dbang bskur stug por song // sangs rgyas rnal 'byor rjes su mthong // gzhan du gyur nas stug por song / / stug na gnas te sprul pa dang // sprul pa'i sprul pa de dag gis// gang dang gang chos su 'dod pa// de ni mkha' la 'dug cing ston// sngon med dus kyi gnas ngan lan/ / bag chags rgyu yis bsags pa yi// kun gzhi rnam rtog byas pa yis// bcings pa kun tu rab tu 'byung // ji ltar rgya mchong ba'i rlabs rnams// rlung gis rab tu bskyod pa dag/ rgyun mi 'chad par rab tu 'byung // rnam shes de bzhin kun gzhi la// rnam shes de ni des byas pa'i// bag chags rnams kyis rgyas par 'gyur// 'byung zhing la la phyir ldog ste/ / chad med rtag pa med pa'o// rang sems khong du ma chud pas// yul la gzhol ba'i rnam shas rnams// rab tu zhugs kyang phyir ldog pa// 'gro ba rang sems mthong ba'i tshe/ / de bzhin gzhan du gyur pa'i sems// me dang bsregs pa ji bzhin te// kun gzhi yul lhar snang ba yang // gzhan du gyur nas zag pa med// zag med 'gros su song ba
- 355a
dang / / 'phags pa'i rigs su skye bar 'gyur// kun gzhi yul ltar snang ba ni// sa rnams khyab par byas shing gnas// yid ni bdag la dadag ces te/ dar sems rab tu 'jug pa yin// rnam shes kha dog khyad par dang // kun tu gcod pa rab tu byed// sems ni las rnams sogs pa ste// yid ni khong du chud par byed// rnam par shes pas rnam par rig/ lnga pos snang ba mthong bar 'gyur// rab rib ldan pa myos pa yi// ji ltar skra tshogs mthong ba bzhin// gzugs la sogs la gzugs med de// samra ni gzugs ltar gnas pa yin/ / nyi ma zla ba'i nor bu dag/ yongs su dag pa'i mtshan nyid can// nyi zla'i zer gyis phog pa dang // de dag rang gi yon tan 'byin// de bzhin kun gzhi rnam shes pa/ / de bzhin gshegs pa'i dge snying po// zag med legs dang ldan 'gyur te// gzhan du 'gyur na rab tu 'byin// 'di ltar snang ba gang yang rung // mtshan ma gzugs su snang ba'i rnams/ / bag chags yod pa'i kun kazhi ste// sa rnams kun na gzugs ltar gnas// ji ltar 'o ma gyur pa dang // yon tan zho dang dar bar snang // de bzhin kun gzhi rnam shes kyang / / rnam par gyur nas gzugs ltar gnas// ji ltar rab rib ldan pas sgra// mig gi nyes pas rnam mthong ba// de bzhin bag chags nyes ldan pa'i// kun gzhi lus can
- 355b
rnams kyi ste/ / rtag tu mig gi snang song ba'i// gzugs kyi snang bar rab tu 'jug/ 'di dag snang ba ci yang rung // smig rgyu chu yi dpe bzhin te// gzugs ni yod dang med kyis spangs/ / kun gzhi rjes su mthong ba'o// mig dang gzugs la brten byas shing // de ni sgyu ma bzhin du 'byung // rtag tu mig gi nang song ba// smig rgyu bzhin du rab tu g.yo// gzug kyi yon tan ldan pa'i gzugs/ / kun gzhi gzugs ltar gnang ba ste// byis pas ji ltar brtags pa bzhin// gzugs ni gud na yod pa min// byed med sems pa'ang med pa ste// lbu ba'i phung po bzhin du gnas// gnyid log ra ro bregs pa dang // 'gro 'dug rnam par rgyug pa yi// bya ba cig car byed pa ni// lus can rnams kyi kun gzhi'o// ji ltar gdung bas ba sar sa las/ / gyen du ldang ba'i smig rgyu rnams// dpyid ka'i chu ltar rab tu g.yo// ri dgas rnams la slu bar byed// de bzhin kun gzhi rnam shes kyang // gzugs min lta ba'i spyod yul du/ / gzugs snang ji ltar rtog can gyis// brtags bzhin gzugs 'dra ma yin no// ji ltar khab long mthong ba dang // lpags ni myur bar kun tu 'khor// 'on kyang de la sems pa med/ / sems ldan bzhin du'ang rab tu snang // de bzhin kun gzhi rnam shes kyang // sems med sems can ji bzhin du// 'gro yang 'ong bar g.yo ba ste// sa rnams 'bri
- 356a
bar rab tu byed/ / ji ltar rgya mtsho'i dza ru ni// srog med par yang g.yo 'gul te// de bzhin kun gzhi rnam shes pa// lus la gnas shing g.yo bar gyur// rmang po glang po'i gzugs brnyan dang / / ji ltar 'thab cing choms nas min// de bzhin kun gzhi rnam shes pa// 'jug pa choms nas mi rgyu'o// ji ltar pad+mo dri med pa// 'dam gyi nang nas byung ba ni/ / mi dang lha dang btsun la 'os// lha yul gnas pa kun kyang 'dod// de bzhin kun gzhi rnam par shes// bag chags 'dam nas byung ba ni// rnam dag gzhan du gnas gyur pa// / bdag nyid che rnams 'dod pa yin// ji ltar rin chen rnam pa dag/ ri brag mi yis bcag brdungs kyang // rgyal po'i cod pan du yang 'os// cod pan la yang btags pa yin// bzhin kun gzhi rnam par shes// bag chags rnams kyis bcag brdungs pa// rnam dag sangs rgyas rigs yin te// sangs rgyas nyid du de gzung ngo // ji ltar chu gting rdo ba dag/ 1 lcibs dag gis yongs dkris pa/ / de bzhin kun gzhi rnam shes kyang // bag chags dri ma can du byas// gzung dang 'dzin pa'i gzugs su yang // dngos po gnyis kyis rab tu 'jug/ ji ltar kha gnyis yod pa'i sprul// gang du 'dod pa der 'gro ste// de bzhin kun gzhi rnam par shes// rims dang cig car rgyu ba yin// rtag tu sna tshogs gzugs lta bu// de la
- 356b
rtog pas rnam par brtag/ rtog can rnam par myos gyur pa// bdag dang bdag gir rnam rtog cing / yod dang med kyi rgyu sbed pa'i// sa rnams la yang rnam rtog ste// 'gyur ba'i yongs su gyur pa dang / / kun gzhi zab pa nyid dag kyang // blo chung rnams kyis mi rig pas// sgyu ma'i ri dgas bzhin du 'khor// rang bzhin gcig min shes par dka'// lus can kun la 'dra ba ste/ / de bzhin kun gzhi rnam shes kyang // rtag tu sgyu ma'i ri dgas 'dra// sems can gcig min shes par dka'// yod dang med par rnam par brtag/ rdul dang gtso bo skyes bu dang / / mi gsal tshangs pa'ang de yin te// rtog pas 'khrul pa'i rtog can rnams// kun gzhi la ni rtag tu rtog/ sa rnams lta bur gnas pa la// sna tshogs sar yang de bzhin rtog/ sa la gang gis rtog gyur pa// yid ni kun nas rtog ces bya// ji ltar ri mo mtho dman dang // rnam pa sna tshogs sprin gyi gzugs// 'ja' dang ri dgas sred byed dang / / sprin sgra 'brug kyang ji bzhin te// rab rib can gyi 'phreng ba dang // bzang mo'i gdong yang de bzhin du// rmi lam dag na rnam sna tshogs// dri za'i khang pa gnas rten dang / ro langs chu yi shing rnams dang // brag cha sprin dang du ba dang // me long mig la gzugs brnyan dang // tshul chu yi zla ba dang // rnam rtog 'di dang mang por yang // 'gro ba rnams ni
- 357a
kun gzhi rtog/ gang tshe kun gzhi 'di 'dra ba// rnam pa sna tshogs kun mthong ste// 'gro ba rang sa ma mthong ba dang / de tshes mA ni phyir ldog go/ chos rnams tham cad kun gyi gzhi// bag chags snyems la sogs pa dang / / rtog pas rnyog pa can du byas// gzhan du gyur nas zag pa med// zag med dang lugs rab thob nas// de dag rtag cing brtan par 'gyur// nam mkha' mya ngan 'das dang mnyam// 'gog dang 'dra ba de bzhin te// mnyam bzhag sems dang ldan pa la// mi zad chos rnams skye bar 'gyur// rdzu 'phrul bsam gtan rnam thar dang / / ting nge 'dzin dang stobs rnams dang // thabs dang stobs dang mngon shes dag/ 'bri med mi zad de bzhin te// nam mkha' zad kyi mthar snyegs shing // dbyings blo rnam shes rtag pa dang / / mthar phyin bcu yi gnas ldan zhing // yid bzhin shin tu brtan pa'i lus// rnal 'byor mkhas pa'i rnal 'byor can// gzhan du gyur nas rab tu 'thob// 'jig pa mya ngan 'da' ma yin/ / sems can yod min skye ba med// 'bri mad gang ba med par yang // rgyal ba rnams kyis 'gro ba bshad// zhing gzhan rnams dang zhing 'di yi// chos nyid gcig tu zad pa ste/ / skyes par gyur tam ma skyes kyang // chos rnams chos nyid de bzhin gnas// rnal 'byor ldan pa grol ba la// rtag med chad pa med pa ste// sems can khams
- 357b
rnams zhig gyur na/ / thams cad mkhyen pa mi sdang ngo // ma byon pa yi rgyal ba dang // 'das dang da ltar byung ba dag/ mnyam pa ma yin 'thun pa min// shes bya zad nas de dag byung // bdud rnams tshar bcad log pa ste// brjod dang bcas dang brjod med kyang // de ste sems can 'jig na ni// sdug bsngal sbubs las mi 'grol lo// lcags kyi gar bu bsregs pa las// / ma las byung ste bsil gyur cing // lcags ni rtag par 'dug pa bzhin// de ltar rnal 'byor can dag 'khod// phung po'i khyim dang nges 'byung ba'i// bag chags rnams kyang gyur pa dang / / thub pa rnal 'byor brtson pa'i rnams// de dag rtag cing grol ba yin// rnam shes rnams ni dba' rlabs bzhin// kun gzhi mtsho las byung ba ste// chos lnga'i rang bzhin rnam shes kyis/ / rab tu bskyod cing shin tu rgyu// gnas ngan len gyi spros pa yis// bcom pa gnas med don gyi gzugs// lta ba'i yul du rnam par g.yo// de ltar shes nas phyir ldog ste/ / bzhin 'gyur mi zad rtag pa'i rnams// mgron po dag ni stug por 'dong // stug na gnas pa zla ba bzhin// rtag tu gzugs brnyan rnam par mdzes// phung po stug pa kun gzhi ste/ / yid ni de la nye phan no// rnam par shes pa rtogs par byed// gzugs dang las la sogs pa'i rgyu// rnam shes lnga yi tshogs rnams ni// dbang por bcas shing yul
- 358a
gzhol bus/ / sna tshogs me pa 'dzin par byed// kyang ga'i yul can ma yin no// tshe ni kun gzhi rnam shes te// mid ni drong du rab tu gnas// yid kyi rnam shes de na ste/ / lhag ma dbang po lngar yang gnas// sems dang yid dang rnam par shes// phung po'i dbus na rnam par gnas// bag chags las dang 'brel ba'i rnams// sngan chad byas pa rnams kyis 'byung / / 'dod chags sred las byung ba yi// las kyis bya ba byed pa ste// sngan chad de dag las byas pas// rgyun tu las rnams byung ba yin// lus las lus ni gzhan la 'gro/ / 'pho ba srin bu pad pa bzhin// sems dang sems byung bcas pa'i rnams// rgyun chags par ni shin tu 'dod // yang zhing phung po'i tshogs rnams dang // rnam shes srid pa dog par yang / / tshogs shing rab tu 'byung ba ni// las rnams shin tu 'byung ba'i phyir// tshe dang drod dang rnam shes 'dis// gang tshe lus ni bor gyur pa// de tshe lus ni dor ba ste/ shing bzhin tshor ba med pa'o// sems ni kun gzhi rnam par shes// semra ni bdag nyid yid yin no// gang zhig yul la 'dzin byed pa// de ni rnam par shes zhes bya// sems ni las rnams sogs pa ste/ / mid ni khong du chud par byed// rnam par shes pas rnam par rig/ lnga pos snang ba rtog par byed// / bam po bzhi pa/
- 358b
lus ni sems kyis gzung ba yin// yid ni lam rgyud 'dod pa ste// rnam par shes pas rnam par rig/ snang ba gcod pa lnga po'o// rgyu la dmigs shing rnam shes rnams// skyes te gzhan ni/ de rjes 'brang // yid la dmigs shing gzhan dag kyang // mthar chags su ni rab tu 'byung // yid rnyed nas kyang gzhan dag ni// dbang gi yon tan rnams kyis byas// dbang ni lnga dang lhan cig tu/ / rnam par shes pa rab tu byed// 'du byed rgyu dang lhan cig tu// ro langs 'gro dang 'dra ba ste// smig rgyu dag ni gzugs dang mnyam// log pa ma yin bden pa min// 'di ni bdag med stong pa ste/ / sred pas kun tu drangs pa yin// 'byung rnams lhan cig 'byung ba dag/ thams cad dus yid lhan cig ste// sems byung yid ces bya ba dang // lhan cig rnam par shes pa 'byung / / rnam shes lnga po de dag dang // yid kyi rnam shes ldan pa ni// gnas ngan len dang srad bsgom pa// rgyun mi 'chad par rab tu 'byung // lus can kun gyis kun gzhi yang // sems dang sems byung ldan pa 'byung // kun gzhi rnyed nas de dag rgyu// rgyus nas rgyas par byed pa ste// sems rnams lam rgyud thams cad du// rtag par gcig las gcig rgyas 'gyur// sa 'di rnam pa sna tshogs pa// rnam par shes pa rnams las 'byung // kun gzhi sna tshogs gzugs can ni// rnam shes rnams kyi gnas yin no// phan tshun rgyu yi stobs ldan pa// rnam
- 359a
shes 'khor lo 'khor ba ste/ / kun gzhi ma tshol dpa' rlabs bzhin// sa bon dag dang b+h+ya bu'i rgyud// chu bo'i rgyud kyang marnams med cing // rgyud mi 'char bar 'byung mod kyi/ / tha dad bye brag dag kyang snang // de bzhin rnam shes spyod pas te// mtshams med pa yi rgyun du yang // rgyun mi 'chad pa rab tu 'byung // gsum dang ldan zhing gsum las yang // sems dang yid dang rnam shes rnams// bag chags sred pas bskyed pa dang // rang sems rnam par 'khrul pa yis// dba' rlabs bzhin du rtag tu 'byung // chos rnams kun gyi 'byung ba dag/ phyi dang nang yang rnam bsgoms te// thub pa'i gnas kyang rnam bsgoms nas// mnyam par gzhag pa stug por 'gro// rdo rje snying po khyod dang yang // rgyal sras 'jigs med gzhan dag kyang / / stug por 'jug par byed pa'i chos// thams cad chos kyang rab ston pa// rgyal ba rnams dang rgyal sras rnams// thabs cig rab tu rnam dgongs te// chos kyi mtshan nyid dpe med pa/ / rmad du byung ba 'di bstan to// rdo rje snying po 'jigs med pa// rin chen sna tshogs zla snying gi/ seng ge'i khri la rab 'dug ste// shes rab chen pos rnam bsgoms kyis// rgyal ba'i sras kyis mdun bdar ba// stug po'i rgyan la rnam par bsgoms// rnam par bsgoms nas rtag par 'di// rnal 'byor can gyi rnal 'byor ston// zla dbang rgyal ba des bstan la//
- 359b
bag med par ni ma byed cig/ zla ba'i dpal gyis bcom ldan 'das// sprul par bya bar mang sprul cing // 'dod pa'i khams kyi bsnyems bral dang // gzugs can rnams kyi gnas su yang / / rgyal sras rnams kyis kun nas bskor// lha rnams kyis kyang mdun ba dar cing // tshul gyi dam pa ston pa ni// 'jig med stug po'i rgyan yin no// rnal 'byor can gyi spyod pa'i mchog/ tshul bzang rnal 'byor spyod pa ste// so so rang rig shes pa yi// ting nge 'dzin dang bde ba rnams// yang dag mtha' la mi rig par// rjes su myong bar byas nas kyang // rnal 'byor pa de las mngon langs shing // gcig la gcig ni phan tshun lta// rnal 'byor spyod pa tshul dge 'di// gang gis shin tu mthong bar gyur// rnam pa sna tshogs 'os pa yi// stan gyi mchog la 'khod pa'i rnams/ / kun kyang ngo mtshar rmad du rnyed// bsam med bsam gtan bsams pa dang // bsam gtan rnams kyi dgos pa dag/ rgyal sras 'jigs pa med pa'i rnams/ / kun kyang sems shing rab tu gnas// stug po'i rgyan dang rgyal po la// lta ba mnyam par bzhag pa'i rnams// mgo la cod pan thogs pa dag/ mtshan rab sum cu rtsa gnyis kyis// yan lag bris pa de dag kun// bye ba'i zhing nas 'ongs pa ste// g.yo ba rnams dang shin tu bral// thams cad gos bzang cha lugs mdzes// rnal 'byor spyod pa stobs chen te// lha'o rdo
- 360a
rje snying po la'o/ / rnam par rtog dang rnam dpyod dang // chos la mos pa yang dag tu// mthong ste de nas de kun dang // phyogs rnams bzhi por blta byas te// 'dzum pa sngon du rab btang nas// 'jam zhing snyan pa'i dbyangs su smras// rgyal sras mnyam par bzhag pa'i rnams// rnal 'byor can gyi rnal 'byor yul// gang la rtog can myos 'gyur/ ba// de dag bdag las mnyan par gyis// gang bsam gang gi ji lta bur// bsam gtan bsam byed dgos pa dag/ 'dod dang sdig pa rnams kyis dben// rnam par rtog bcas rnam dpyod bcas/ / dga' ba de dben las skyes par yang // bsam gtan dang po skye ba yin// de lta bu yi rims tshul du// bzhi dang brgyad dang de bzhin bcu// mur 'dug bdag tu smra ba dang // bsam gtan can rnams bsam gtan byed// nyan thos theg pa can rnams dang // rang rgyal theg ldan de bzhin te// kun kyang rtag tu bsam gtan byed// chos rnams dang ni sa dag gis// rang gi mtshan nyid rtogs pa dang / / phung po skye mched tshogs kyi rnams// 'di dag thams cad bdag med de// byed pa med cing g.yo ba med// gsum po 'dus las rab tu byung // 'khrul 'khor ro langs 'dra ba ste/ / byed pa rnams kyis rnam par spangs// thub pa phyi rol bsam gtan byed// stong par lta ba'i lta ba can// chos kyi mtshan la mos pa rnams// chung gzor mtshan nyid
- 360b
ma yin te/ / phung po bdag med mkhas pa'i rnams// bsam gtan 'di 'drar bsam gtan byed// de bzhin gshegs kyi bsam gtan dag/ lha rdzas bsod nams lta sbyor ba// rnal 'byor can dang rgyal ba'i sras// mnyam gzhag rtag par bsam gtan byed// 'di dag thams cad sems tsam ste// mtshan can mtshan nyid yod pa min// phung po rnams med kham yod min/ / thams cad chos la mtshan nyid med// rdul phran rnam par gzhigs pa dang // de dag de ltar mi gnas so// rtog pa skyed pas brtags pa ni// dngos po sa dang chu la sogs// dngos po'i rang bzhin mi shes pas// mtshan nyid du yang rnam par brtog/ kha dog sdug dang mi sdug dang // kha dog snang gzhan de bzhin te// 'ja' dang in+d+ra go pa ltar// kha dog sna mang sprin lta bu'i/ / sangs rgyas sku dang 'dra ba yis// thams cad 'gro ba kun bkang ste// rgyal ba'i skye mched ces pa bas// 'byung ba rnams kyang rnam gzhigs te// rnal 'byor shes pa gzugs can gyis/ / lus la rtag tu gzugs kyang mthong // gang la dmigs te mnyam bzhag pa// de la dmigs shing rnam par ldang // gang dang gang la rnam rtog pa// de dang de ni dmigs/ pa yin// rnal 'byor can med rnal 'byor med// de ltar rnam par rtog pa ni// rnal 'byor can gyis rnal 'byor nyid// kun gzhis rnams thams cad dang // thub pa'i rnal 'byor bde la
- 361a
gnas/ / chos dang chos kyi mtshan nyid kyang // rtag tu rab tu rtogs byas shing // mnyam par bzhag pa'i khyad par dag/ mnyam gzhag ldan pa rab tu ston// chos kyi rang bzhin rnam phye bas/ / rnal 'byor can gyi blo 'khrugs pa// blo gros zhan pas rab tu skye// chos dang bdag la 'dzin par 'gyur// yid ches lung dang mi ldan par// chos rnams ston par byed pa ni/ / mtshan nyid rnam par rtog pa yis// bdag kyang chung zos gzhan chud gzon// mtshan nyid can med mtshan nyid med// 'dres pa'i phyir na rnam par snang // dngar ba'i rnams ni mkhris bsel/ / bad kan tsha skyur lan tshwas te// ma zhu tsha ba'i rnam pa dang // lan tshwa la sogs rnam pas sel// mkhris pa bad kan 'khrug pa las// rims rnams skye bar gyur pa dang // lus can rnams kyi lus yul du/ / 'dus pa rlung las byung ba dang // rims dag rnam par gzhig pa'i phyir// thub pas bsdu ba byas pa ni// kha ra la sogs yan lag drug/ sha dang skol ma khu ba dag/ tha dad mtshan gyi 'jig 'gyur ba// lus can rnams kyi rims kun to// rnam shes rnams ni kun gzhi la// phan tshun tha dad mi gnas te// gal te chos kyi rang bzhin nam// mtsha nyid gcig ni yod gyur na/ / de tshe chos dang mtshan nyid la// mtshan nyid mi 'ja med par 'gyur// rdzas rnams bsdus pas sel mi nus// mi yang sos par mi 'gyur ro// sos dang rnam
- 361b
par bsal ba 'di/ / mkhas pa rnams kyis mthong ba ste// gzhan du kun gzhi rnam shes pa// rnam pa mang por gnas pa ste// sgyu ma'i ri dgas bzhin 'khor ba// rnal 'byor brtson pas brtags pa yin/ / mtshan med mtshan can med pa ste// phung po rnams las phung po can// gzhan med yan lag nying lag las// yan lag can med yan lag la// 'jig rten rgyu yis ma byas te// 'bras bu rnams la rgyu yang med// 'jig rten rdul phran bsags pa min// phyogs dang gnas su mi 'gro'o// de dag sor gnyis sor gsum du// ci yang brtson par mi byed de// dngos po yod pa phrad pa'i phyir/ / rdul phran thams cad 'du bar 'dod// de tshe yon tan khyad yod pa// yon tan rnams kyis yon tan du// 'jig rten ma byas rang bzhin gyis// 'jig rten rgyan las ma byung ste/ / 'dod rgyal dngos kyis de bzhin min// chos gsum pas kyang ma byas te// bag chags rnams kyis dkrugs pa'i sems// rnam par rtog pa mang pos gnas// snying gi phyogs na/ gnas pa yi// lus can kun gyi kun gzhi dang // sems dang yid dang rnam shes rnams// 'gro ba dag gis sna tshogs brtags// 'gro ba ma lus rab mnan te// sgyu ma'i ri dgas bzhin du gnas/ / sems tsam du ni 'jug pa las// gzhan du yongs su gnas 'pho ste// sa la stong zhes brjod par bya// sems ni dngos po'i tshul du gnas// rdza la sogs pa'i yul med de//
- 362a
sems ni rdza ma lta bu'o// sa la gzugs rnams yod pa dang // lha yul gnas pa'i khyim rnams kyang // rnam pa sna tshogs gang snang ba// de dag kun gzhi snang ba yin// kun gzhi kun tu lag pa ste// kun tu kha mig mgo bo yang // cig car ram ma ma rims kyis kyang // sa rnams yog par rab tu gnas// byis pa rnam par mos byed de// gang gis snying la gang gnas pa/ / de ni de la gnyis tshul du// lus kun bkang ste rab tu gnas// stong min dngos po gang yang med// thos pas ji ltar rdza bzhin du// dngos po gang la gzhol bya ba'i// dngos po dngos su yod pa min/ / de ste stong pa'i dngos yod na// 'jigs med ma yin gzhig par 'gyur// gzhig bya gzhig par byed pa gang // de ni rnam par rtogs pas brtags// ri rab ri bo tsam gyur pa'i/ / bdag tu lta ba mi gnod kyi// stong nyid lta ba gnod pa ni// nga rgyal mi bden brtags pa'o// rnal 'byor spyod pas stong pa nyid// gnas ma yin par sbyar mi bya// gnas min gal te sbyar gyur na// bdud rtsi drug tu 'gyur ba yin/ / lta ba ji snyed gang yang rung // lus can rnams la yod pa yi// lta ba rnam par spangs pa'i phyir// stong pa nyid kyi tshul bstan to// stong pa nyid kyi lha thos kyang // la la'i lta ba ma zhig na// gsor mi rung ba'i lha can te// sman pas btang ba'i nang pa bzhin// ji ltar bsregs pa tshig pa'i me// bsreg pa med pas mi gnas so// de bzhin bsreg bya la
- 362b
tshig na/ / stong nyid me yang 'gag par 'gyur// lha bas 'gog pa'i dus su yang // ye shes yang dag me 'byung ste// nyon mongs thams cad sreg par byed// nyon mongs bsregs nas rnam par mdzes/ / thub pa rnal 'byor ldan pa'i rnams// ye shes 'di ldan thub spyod dag/ de bzhin gshegs pa'i gnas kyi mchog/ stug po der ni rab tu 'dod// ri bong rA yis bong rnams/ / mngon par gzhig bya ma mthong ste// 'di la mo gsham bu yis kyang // srog chags gang yang gsad pa med// ri bong rA yi gzhu yis kyang // su yang 'thab mo mi byed de/ / mo gsham bu la su yang rung // khyim gyi las su mi sko'o// stong pa nyid dang mi rtag nyid// rtag tu dngos dang gcig gyur te// yod dang med pa'i rang bzhin yang // de bzhin gcig pa nyid du gyur/ / mngal na gnas dus tshun chad kyang // gzugs rnams gzhig par brtson pa ste// gang na'ang de med gzugs yod min// gzugs med par yang de med de// khyad par med par 'gyur ba ni/ / ma sgribs zla dang 'od zer bzhin// de bzhin dngos rnams stong nyid dang // lhan cig gcig tu 'byung ba ste// phan tshun rnam pa tha dad du// de dag dgos pa mi sgrub bo// / rgyu dang rkyen rnams tshogs pa las// rnal 'byor can gyis las bsgrub bo// lus 'di bdag yod ma yin te// ro langs 'khrul 'khor 'dra ba ni// sred pa'i srad bus bcing byas shing // yul
- 363a
gyi rnams kyis drang ba yin/ / lha rdzas stong pa nyid bshad pa// lta ba thams cad sbyor ba ste// mtha' rgal stong pa nyid lta ba// rgyal ba rnams kyis lha med bshad// stong nyid lta ba sbyong ba ni// yod dang med pa gzhig pa'i phyir// blo ldan mnyam par gzhag pa yi// rnal 'byor can gyis rtag tu bsgom// rtswa dang shing dang gyo mo dag/ sgyu ma'i mkhan pos rgyur byas te/ / sngags kyis ci dang cir 'dod par// gzugs kyi dngos su rab tu byed// gzugs dang snang ba yid byed dang // srang dang mig rnams bsgyur byas shing // mig gi rnam shes sgyu ma bzhin/ / gang gi yul du'ang 'ong ba med// yul gzhan dag tu'ang 'gro ba min// 'di lha'i rnam shes 'byung ba la// yod dang med par brtag mi bya// sgra yi tshogs dang ngong bu'i rwa/ / mo gsham bu dang smig rgyu dang // dri za'i grong khyer rmi lam dang // ming du grag gi yod pa min// stag dang gzig dang dom dag dang // rnga rta bong bu khyi rnams dang // dbyi dang mtsha' dang rus sbal la/ / rA ni yod pa ma yin na// thub pa rtsod par brtson pa yis// de dag ci phyir mi brtag cing // bong bu'i rA la brtag par bya// ji ga de dag sgrub nus sam// shes rab can gyis sar bstan pa/ / de dag nyi tshe brtag par bya// rtog pa can rnams 'khor ba ni// blun po 'on pa long ba 'dra// sgrol ba'i ye shes de la med// so so rang rig yul yang med//
- 363b
gzhan gyis byas pa'i tshul dag la// rnam par rtog pas ci zhig nus// stug por gnas par rnam par rtogs// de la brtags shing dge ba thob// rnal 'byor mnyam gzhag rnal 'byor can/ / de na gnas pa bzhin du snang // lnga yul gnas pa'i snyems bral dang // zla ba gza' la sogs pa yang // rlung gis rab tu bskyod pa'i rnams// ri rab rten cing rgyu ba yin// de bzhin rnam par shes pa bdun/ / bag chags rnams dang ldan pa yi// kun gzhi kun gyi sa bon can// de la brten cing rab tu rgyu// ji ltar sa la kun brten cing // sa skye kun kyang 'byung ba bzhin// sems can kun gyi gnas yin te// 'byung ba kun gyi khyad par du// de bzhin kun gzhi rnam shes kyang // rnam shes rnams kyi gnas yin te// sems dang sems las byung bar ldan// dpa' rlabs bzhin du rab tu 'byung / / ji ltar rma ba'i 'dab sgro rnams// 'od dang kha dog rnam mang ste// gtsug pud can rnams 'dab sgro yis// rma bya mo dang longs rtsa ba// de bzhin kun gzhi rnam shes kyang / / sa bon mang can mtsho ltar gnas// thams cad chos kyi gzhi yin te// rnal 'byor can gyis rtag tu mthong // ji ltar rgya mtsho chu bo yis// nyin gcig bzhin du dgang bya yang / / chu bo rnams ni rgyur mi 'chad// rgya mtsho rdzogs par yong mi byed// de bzhin kun gzhi rnam shes kyang // zab cing mtsho ltar gnas pa ste// rnam shes rnams kyis nyin gcig bzhin//
- 364a
bag chags chu bos rab tu gang // ji ltar rin chen ldan pa yis// sna tshogs kun tu phan 'dogs te// sems can rnams kyang nye bar 'tsho// yon tan dngos su ston pa yin/ / de bzhin kun gzhi rnam shes kyang // rnam rtog rnams dang lhan cig 'byung // de ni 'khor ba 'phel byed de// gyur na de bzhin gshegs pa yin// de bzhin gshegs pa skyobs bcas/ / stor pa legs bshad gtsang ba // sa bcu pa las mngon 'byung // bde bar gshegs pa'i slar zhugs nas// yang dag mtha' la rab gnas pa/ tshogs sems can rnam sprul par// 'jigs pa med par 'byung ba ni// rnam par rtog meng sa bzhin no// sos ka me tog mang po gzugs// mi dang bya yi yid du 'ong // de bzhin sna tshogs len pa'i sems/ / thub shes yid 'ong myos par byed// ji ltar don mkhas rgyal ba'i sras// 'byung las byung ba ma yin pa// med pa'i blo can de bzhin te// log par smra la brtsor pa dag/ chos dang mi mthun phra ma can// lce gnyis log par lta ba dag/ rnam pa gzhan du gnas pa'i dngos// rnam pa gzhan du ston par byed// ji ltar sgyu ma'i skyes bu zhig/ 'bras bu sna tshogs ston byed pa// 'bras bu me tog de na med// sngags dang khong gzos zo mdog bde// 'jig rten rnam pa gzhan gnas pa// rnam
- 364b
pa gzhan du ston par byed/ / rgyal ba rnams dang rgyal ba'i sras// kun kyang thabs kyi dmigs la mkhas// bstan pa gzhan la ji snyed du// bstan pa byas pa de dag kun// bde gshegs rnal 'byor mkhas pa yis// bstan pa stug po'i rgyan la bstan// khams rnams drug dang bco brgyad dang // skye mched bcu dang gnyis kyi mi// yid kyi srad bus btags pa dag/ sems can kun tu rab tu 'khor// rnam par shes pa brgyad kyi tshogs// khams dang skye mched phung po ste// yid kyi srad bus bcings byas shing / / lus dang lus la rab tu rgyu// 'di ni 'gro ba'i skyes bu ste// 'gro ba rnams kyi don du bstan// lus can kun gyi skyes bu ni// 'gro yang 'byung ba ma yin te/ / khams rnams drug po skyes bu yin// skye mched bcu gnyis de bzhin te// bco brgyad rnams la yid rgyu ba// dbang sgyur zhes ni bya ba ste// dbang skyur po brang sna tshogs pa/ / nor bu rin chen grong rdal dang // dga' ldan la sogs bsnyems bral dang // mtshe ma'i gnas su'ang de bzhin bshad// rdo rje snying po dbang can la/ / rgyal sras 'jigs pa med pa'i rnams// dge'o dge bshes dga' 'bod cing // thams cad mgo bos phyag 'tshal lo// thub ldan rnal 'byor
- 365a
spyod pa dang / / rgyal ba dag dang rgyal ba'i sras// zhing dang zhing na bzhugs pa dang // lha yul gnas pa'i rgyal sras dang // rnal 'byor bdag po rnal 'byor can/ / ye shes dbang po 'phrul chen dang // dbang sgyur lha mo'i tshogs rnams kyang // thal mo sbyar te gnas par gyur// phan tshun gcig la gcig lta zhing / / rgyal ba'i sras la smra ba ni// 'gro ba'i lha rdzas skyes bu yang // mur 'dug bdag smra spangs pa ste// thub can kun gyi skyes bu ni// thub pa'i khyu mchog khyod kyis bstan// 'das dang da ltar byung ba yis// sngon byas ma byas thob pa ni// sngon gyi rgyal ba'i sras rnams kyis// khams drug skyes bu dge ba'o/ / ji ltar mkha' la byarjes rnams// rnam par gzhag pa de bzhin du// sems tshogs ldan pa'i khams kyi rnams// gtan tshigs bcas pa rab tu bstan/ / ji ltar shing las me dag gis// me lce gnam du gnas par 'gyur// bsreg pa gzhan ni ma rnyed cing // klung gis bab na gtan mi 'bar/ / bya rjes rnam par gzhag pa ni// mkha' la gnas par mi snang ste// 'khor ba'i 'khor lo 'khor ba yi// 'gro ba'i skyes bu snang ba yin//
- 365b
bya rnams rkang pas mi 'dod pa// de dag spro yi shugs kyis 'dod// bya yi rjes dang 'dra ba ni/ skyes bu'i sgo nas rab tu bsnun// las kyi skyes bu bstan pa ni// 'khor na rtag tu 'khor ba ste// bde dang sdug bsngal myong byed pa// byas pa'i las ni chud mi za// ji ltar zhing pa rnams kyi las// 'bras bu med par mi 'gyur te/ / don dang ldan pa de dag ni// gzhan yang 'ong zhes rmo ba med// lha rdzas 'gro ba'i skyes bu ni// rnal 'byor can la rnal 'byor ston// lus can lus kyi nang na zhing / / de ni dge pa'i las byed do// 'di dang phyi ma'i bde ba dang // lha yul gnas pa'i gnas mthong zhing // 'khor las sangs rgyas rgyus 'gyur ba'i/ / bsod nams rnams ni rtag tu byed// thar dang pha rol phyin rnams dang // sangs rgyas bsam gtan spyod yul kun// 'gro ba'i skyes bu med na ni// kun kyang 'bras bu med par 'gyur/ / lha yi bde ba thams cad dang // dbang sgyur rnams kyi 'bras bu dang // de bzhin nyid mthong thub pa yi// rnal 'byor rnams kyang med par 'gyur// las dang las kyi 'bras bu mthong // las rnams don med ma yin te// 'o dod 'bod la sogs pa dang // mnar med mtha' dang lha rnams kyi// lam gyi rgyud kyang yod pa
- 366a
yin/ / 'gro ba'i skyes bu de yod na// srid pa'i 'khor lor 'khor bar 'gyur// 'khor dang bral na thar pa ste// blo zhan rnams kyis mi shes so// 'jug pa'i skyes bu med na ni// mog sham bu yang 'gro bar 'gyur// bong bu'i rwa yang rnor 'gyur te// bye ma las kyang til mar 'byung // byi dang nang gi sa rnams ni// phan tshun stobs kyis byung ba ste/ / gang dang gang du 'dra ba dag/ de dang de dag 'grogs pa yin// lha dang lha yi bu mo'i tshogs// dbang sgyur rgyal ba'i sras rnams dang // dri za grub pa'i rgyal po dang / / sngags 'chang chung ma'i tshogs rnams kyang // thub la mchod par 'os pa yis// rdo rje snying po sras bcas la// mchod de gsol ba 'debs byed pa// thams cad dge 'o dag bshes smra/ / nyams pa med pa'i chos kyi tshul// rgyu dang dpe yis brgyan pa ni// gzhan gyi rgol ba 'joms pa ste// dpa' bo chen po khyod kyis bstan// 'gab gzung lhag chod tshar gcod pa/ / bdag gi phyogs kyi yon tan ston// shes rab can gyis bstan du gsol// 'gro ba 'di dag nyan par 'gyur// ji snyed rgyal ba'i sras rnams dang // lha yi rgyal po kun kyang nyon/ / shin tu dka' ba'i bsam yas rgyu// brtag 'das rtog dang bral ba yi// rgyu dang dpe yi me tog ste// rnal 'byor rnams kyis thub dge bas// stug po'i rgyan ni bshad par
- 366b
bya/ / ri ni thub la rnal 'byor ston// stug po'i rgyan de sna tshogs te// sdug na spyod pa'i thub pa yi// sangs rgyas rnams kyi gnas kyi mchog/ thub pa kun gyi dam pa'o// sa stengs thub pa'i rdum la/ / rdo rje snying pos yang smras pa// rtag par du ma khyod kyis kyang // chos kyi dngos nyid shes par gyis// dngos po rnams kyi rang bzhin ci// dngos su stong ngam rtag pa zhes// 'di 'dra'i lha dang ldan pa yi// thub pa'i rnal 'byor mi 'khrul lo// chos pa gcig pu rtogs pa yis// chos par mngon du shes pa ste// dngos po kun gyi rang bzhin yang // dngos po gcig gis shes par 'gyur// ji ltar ji bzhin bsrubs pa'i zho// sor mo'i rtse mos mngon shes pa// de bzhin dngos po thams cad kyi// rang bzhin dngos pos shes par 'gyur// dngos po ci med stong pa nyid// dngos po dngos por yod pa'ang med// 'di dag kun gzhi'i rnam pa ste// stong nyid kun gzhi rnam pa'o// rgyal sras rdum 'jigs med pas// rdo rje'i snying po de la smras// lus can rnams kyis khams kyi mi// ji lta bur na sems tsam 'gyur// 'byung ba chen po rgyur byas shing // 'byung las byung ba ji lta bu// g.yo ga sher tsha dang sra ba yi// khams rnams ji ltar 'byung bar 'gyur/ / rgyal sras rdo rje snying po yis// du ma'i bdag po'i tshig zos nas// mi 'am ci bdag khyod dag ste// khyod ni dge'o yang dge'o// rnal 'byor can
- 367a
gyi snying po'i mchog/ yid 'ong byed pa gang dris pa// sems ni skyes bu'i lus can la// khams rnams skye 'gyur ji lta zhes// de phyir dbang sgyur rgyal sras la// dade ni dge bar bshad par bya// de bas mi 'am ci yi bdag/ pi wang slob dpon bdag la nyon// ji ltar mi 'am ci yi bdag/ khyod dang mi ci mang bcas pa// bsnyems bral mang po sna tshogs kyis// nam mkha' las ni rab 'dong zhing / / rgyal ba nyan thos tshogs 'khor du// bi wa nga sgra dbyangs snyan blangs pas// thub pa dru ma lhog shig ces// phan tshun gcig la gcig kyang gsung // bsnyem bral mang po sna tshogs na/ / mi 'am ci dang 'grogs rtse zhing // pi wang bai DUR+Yas spras pa// len cing mkha' las 'gro ba'i tshe// pi wang yid 'ong shin tu snyan// dbyangs kyis yongs su sbyangs pa ste// mi 'am ci yi bdag po yis/ / rab tu blangs par byas pa'i tshe// nyan thos rnams kyang gar byed de// nyan thos de dag gyur pa de// rgyal sras rnams kyis mthong ba dang // 'od srungs rnal 'byor bzang can dang // lha yi cod pan la smras pa/ / rnam rtog med pa'i sgra dbyangs kyi// pi wang sgra ni bsgrags pa yis/ 'dod chags bral ba ci phyir gyur// 'od srungs khyod kyis nged la ston// rgyal sras stobs chen myur rlung bzhin// ri dgas rnams dang 'dra ba ni// nyan thos g.yo ba'i blo can rnams// bag chags 'das kyi dri ma can// nyon mongs rnam rtog byung bas mnar// yang dag sangs rgyas sku rnyed nas// bag chags dri ma yongs bsal
- 367b
te/ / bdag med gnyis kyis yongs dag cing // shes bya sgrib pa'i dri med na// sems kyi khams las gzhan 'gyur ba'i// de bzhin gshegs pa rab tu 'gyur// khyod ni dbang can phra yul ldan// shes rgya che zhing gtsug lag mkhas/ / dbang po 'jig rten byol ba yi// gtsug lag mtshan la khyod gnas te// mi 'am ci yi gtsug lag kyang // de bzhin gshegs pa'i rnal 'byor dag/ sa yi mtshan nyid mkhas bya la/ / bslabs te zla ba bzhin gnas pa// mi 'am ci yi dbang po khyod// sa dang zhing rnams bye bar mdzes// khyod ni de ltar rnam mdzes shing // thub can dbang sgyur tshegs dbus su// khams kyi sems las skyes pa ni/ / kho bo la ni sras kyis dris// mnyam sems mnyam par gzhag pa yis// thams cad lhan cig mnyan par gyis// khams rnams gang du ci tshul du// sems su grags paba'i skyes bu la/ / rgyu rnams gang gis 'byung ba yi// de tshul bdag gis bstan par bya// chu ni rlan rnams skyed par byed// drod ni me'o srabs// bdeg la sogs pa'i bya ba rnams// rlung gi khams kyi kun nas rtsom/ / gzugs la sogs pa'i sa mtshan ni// nam mkha' kun nas rtsom par byed// rnam shes sna tshogs yul can ni// bag chags rnams kyi rab tu bskyed// srid kyi mtshams dang mig dag gi/ skye ba'i sgo rnams byed pa ni// gzugs la sogs pa'i tshogs kun te// rgyal po mtshan ni rnam pa mang // nor bu rin chen sna tshogs gnas// dbang sgyur pho brang bzang po na// rnal
- 368a
'byor ldan can shugs 'dzin pa/ / rgyal mas rnams kyis mdun bdar zhing // so so'i stan las kun langs te// yang dang yang ning phyag 'tshal nas// rim gror rdo rje'i snying po la/ / mchod pa'i dam pas mchod pa byed// rin chen dra bas steng bkab cing // yang dang yang du gsol ba byed// dge'o dge'o yang dge'o// dge ba ldan la rab gnas shing // chos kyi sprin gyi tshul rnyed nas/ / sangs rgyas sa la rab zhugs te// dbang sgyur rgyal ba'i sras rnams la// sangs rgyas yul rnams rab tu bstan// rgyal po lha mo bcas pa yis// de nas yang du mchod byas te// rnal 'byor che can dge'o/ dag/ rdo rje'i snying po 'jigs med pa// lha rdzas de bzhin gshegs pa yi// chos de bdag la bstan pas na// nor bu rin chen sna tshogs gnas// bkra shis gtsang mar rab tu byas// thub ldan 'phags pa spyan ras gzigs/ / blo gros chen po byams pa dang // blo gros mi zad mthu chen dang // 'jam dpal rnam par 'phrul pa dang // lha yi cod pan rnal 'byor bdag/ shugs 'dzin dru ma blo gros dang / / gzungs kyi dbang po'i rgyal po dang // rin chen gtsug pud 'phrul can dang // yang dag ji bzhin mthong ba dang // mtshe ma'i rab dang 'byor 'dzin dang // rnal 'byor slob dpon rnal 'byor che// rnal 'byor can la sems smon pa/ / thub pa thams cad don 'grub pa// thub sras 'jigs pa med pa rnams// 'di dag gzhan yang mang po ste// rgyal ba'i sras po 'phrul chen rnams// so so'i stan las kun
- 368b
langs nas/ / de dag gcig la gcig bltas te// rdo rje snying po de la spras// chos kyi tshul ni bstan par gyis// khyod ni rgyal dbang byin gyis brlabs// ta sras rnams kyis rab tu mchod// sa yi mtshan la mkhas pa yang / / khyod la thams cad shin tu gnas// khyod la gsol ba 'debs pa ni// rgyal sras stobs chen thams cad dang // rnal 'byor can dang rnal 'byor bdag/ sngags 'chang bu me thams cad do/ / rgyal ba rnams dang rgyal sras dang // 'jig rten rnams kyi ngo mtshar gzhi// mdo sde kun gyis dri med cing // bstan dang klag pa rnam spangs pa// stug po'i rgyan 'di bsten pa'i phyir/ rnal 'byor bdag khyod spobs par gyis/ / sprul pas bshad pa spangs pa ste// de bzhin gtam dang sprul pas kyang // zag pa med pa chos kyi dbyings// so so rang rig spyod pa'i yul// lha rdzas mthong ba'i chas la bde/ / 'phags pa rnams la de ston cig/ phung po lhag ma ma lus par// grol ba'i chos kyi dbyings ston cig/ ting nge 'dzin dang gzugs kyi rnams// rnam par thar dang dbang rnams dang // yid bzhin rnam pa bcu po yi/ / lus kyi tshogs kyang bstan par gyis// sangs rgyas rnams kyi bsam yas da / mgon po rnams kyi zhing gi rgyan// rgyal ba rnams dang rgyal sras kyis// rdul phran bzhin gyi sku phra dang // / sgra rtsa brgya char phra ba dag/ rgyal sras khyod kyis bshad par gyis/ bstan dang bkra rnam bral 'ang // brjod pas rnam par spangs pa yi// stug po zhing ga dam pa der// ci nas thub pa 'dong ba'i phyir//
- 369a
rnal 'byor mkhas pas seng ge ltar// thub pa de dag kun bltas te// 'gro ba'i tshogs rnams thams cad la// brtag par mi nus brtag bral ba'i// chos tshul rab tu bstan par bya// blo yi mthu yang kun brtags na// rnal 'byor can dag chos kyi tshul// sngon gyi gzhung lugs nyan nus pas// tshangs pa'i sgra dang dbyangs su ste// ka la bing+ga'i sgra skad du// rgyal chen lce yis rab snyan par// rdo rje snying pos shin tu bshad// seng ge ro stod lus 'chang ba// mtshan rab sum cu rtsa gnyis dang // dpe byad bzang pos brgyan pa'i lus// rdo rje'i snying pos shin tu bstan// ki ma ka'i sgral mkhas pas na/ / sgra yi mtshan nyid grags pa yis// mdor na de yid nyid 'gyur du// rgyal sras de ni shin tu ston// sang sang dag pa dbyangs la sogs// mthong zhing ring ba'i sgra skad dang // gan dar dngang ldan par rgyal ba'i sras pos rab tu bstan/ / ri sha pa dang de ba ta// shardza ke shi lnga po yi// sgra skad mtshan nyid ldan pa yi// dbyangs kyi thub pa rnam par gsung // ring dang dal med pa yi tshig/ zab cing snyan pa'i sgra dbyangs te/ / mtshan nyid mkhas dang dri za la// de bzhin sripa par byed pa yi// tshig gi yon tan ldan pa'i tshig rdo rje snying pos brjod pa ni// lhun gyis grub par byas pa ste// sprul pa'i gzhin du 'byung ba yin/ / thub sras rdo rje'i snying po ni// ci yang rjod par mi byed par// thams cad yan lag mtshan nyid sgra// yan lag rnams las mngon par 'byung // smin mang dpral ba'i spyi bo dang // phrag pa sna rtse byin
- 369b
pa las/ / chos kyi tshul rnams rab ston cing // dge ba'i sgra rnams 'byung bar 'gyur// rdo rje snying po thub pa yi// smon lam legs las byung ba ste// bre mo'i ngang pa'i rgyal po bzhin// rgyal ba'i sras rnams kun nas 'dus/ / dbang sgyur pho brang bzang po na// thams cad gzugs kyi rin chen bzhin// dpa' chen rdo rje'i snying po de// rnam par mdzes la kun lha'o// skar ma'i dbang po skar ma yi// gza' yi dbus na mdzes pa bzhin// rdo rje'i snying po rnal 'byor can// dam pa'i stan la rnam par mdzes// ji ltar skar ma'i dbang po dang // zla ba'i 'od du bye brag med// de bzhin rdo rje'i snying po dang / rgyal ba rnams su khyad par med// yang dag ji bzhin don mthong ba'i// rgyal ba'i sras po stobs po che// rnal 'byor can dang thub pa mchog/ rnal 'byor pa yi lam gnas pa// stan las legs par ldang byas shing / / rgyal sras rnams la mngon bltas nas// tshig dag rnam par smras pa ni// kye ma theg chen theg pa ni// sangs rgyas spyod yul bsam mi khyab// de la gnas shing rgyal sras dang // rgyal ba bsam gyis mi khyab ston/ / bye ba'i zhing bzhugs rgyal ba dang // rgyal sras de dag thams cad kyang // dri med bsam gyis mi khyab chos// dgongs pas phyag bya 'os pa yin// theg pa chen po'i tshul dge ni// mchog tu phra zhing dkon pa'o/ / gzhan du gyur pa'i tshul gyi mchog/ rtog la ma yin// rnam par shes pa brgyad kyi yul// rang bzhin rnams la khyad par byed// bdag med nyid ni lnga po yi// de bzhin khyad par byed
- 370a
bsan/ / bag chags spros pas 'bangs pa de// yun ring gnas ngan len pa dang // sems dang sems las byung ldan zhing // rnam shes rnams las rab tu byung // lha rdzas tshul 'di mthong ba dang / / gser bzhin rnam par byang bar 'gyur// rnam dag rigs la gnas pa dag/ sangs rgyas rigs su de dag 'gyur// de bzhin gshegs pa'i lha rdzas rigs// mur 'dug nyan thos rnam spangs pa// thob nas sangs rgyas zhing gi mchog/ stug po de bzhin 'dong bar 'gyur// ting 'dzin 'di yi yul ni gang // ting 'dzin 'di yi ming yang ci// rdo rje snying pos gang thob phyir// tshul dag 'di ni ston par gyur// rdo rje'i snying po'i rkang gnyis la/ / thub pa rnams kyis phyag byas nas// rdo rje snying po 'jigs med kyi// rdo rje'i blo la bshad par mdzod// ting 'dzin yul ni gang zhig yin// ting 'dzin 'di yi ming yang ci// gang la gnas shing tshul 'di yang / / rgyal sras khyod ni bshad pa mdzod// rgyal ba'i sras rnams nyan par 'dod// dbang sgyur bdag kyang de bzhin no// rdo rje snying po 'jigs med kyis// 'khor du 'dus pa thams cad dang // tshul 'di bsam gyis mi khyab dang // rgyal ba'i sras kyi mthu stobs dang // blo la 'dzin pa'i mthu kun dang // nus sam mi nus zhes bltas nas// blo 'dzin mthu ldan mthong ba dang // rgyal sras thams cad mthu ldan gyis/ / thams cad ma 'gyur mnyan par gyis// gzhan du gyur pa'i tshul dge ba// dbang sgyur lha yul gnas pa dang // thub pa rnams la bshad par bya// theg pa chen po 'od can gyi// ting 'dzin yul ni
- 370b
'di yin te/ / de la gnas shing rgyas sras rnams// tshul dag ra tu ston par byed// bye ba'i zhing rnams rab tu mthong // de dag mgon po de bzhin no// rdul gyi mtha' mar thug pa'i rnams// de dag rang bzhin las ston to/ / dga'o dge zhes rab tu gsungs// 'di ni rnal sa bzang ldan lam// lam 'dis nged rnams thams cad kyang // ting nge 'dzin la dbang sgyur ba// thob nas sangs rgyas dri med gyur// gang yang sangs rgyas ting 'dzin skyes/ / theg pa chen po snang ba yi// ting nge 'dzin gyi pra sems pa// de la gnas shing rgyal sras dang // rgyal ba bsam yas spyod yul can// sprul pa bye ba mang po yis// so so rang rig spyod yul gyi/ / ting 'dzin sangs rgyas mthong ba ni// shin tu phra ba'i rdul snyed do// so so rang gis rig tshul ni// gang la sangs rgyas gnas pa yin// chos 'di mtshan ma med pa ste// sgra dang gzugs kyis rnam par spangs/ / ming ni mtshan mas bskyed pa yin// mtshan ma rkyen las byung ba ste// rnam par rtog pa gnyis las skas// chos rnams kyi ni de bzhin nyid// de ni yang dag gsung mthong ba// de yi ye shes yang dag mtshan/ / rang bzhin brtags pa ming yin te// mtshan ma gzhan gyi dbang las byung // ming dang mtshan ma med pa na// rang bzhin don gyi dam pa ni// thams cad lus la kun nas gnas// kun gzhi de phyir 'byung ba ste/ / bag chags rnams kyi ri khrod gnas// yid kyis gnas ngan len gyis g.yogs/ yid kyi rnam shes spyod pa yas/ yi ni phrin phyogs rgyas par byas// rnam shes lnga po yul can dag/ 'byung zhing phyir lang ldog pa yin rnam shes lnga yi yul rnams ni/ / sems can bzhin gnas lus can la// kun gzhir grags pa'i chu klung las// dpa' rlabs bzhin du rab tu 'byung // rnam shes kun gzhir mtshor gnas pa// bag chags rnams kyis brnyosgos pa'i rnams// yul gyi rlung gis skrod pa dag/ rnam par rgyan chad med par rgyu// chos la bdag med mkhas pa yi// sangs rgyas rnams dang sangs rgyas sras// bde bar gshegs pa'i gnas 'thob ste/ / mngon sangs rgyas zhing chos sbyor to// phung po gang zag bdag med par// rab sunam phye mthong gyur cing // chos kyi dngos yod ma bshigs par// nyan thos de dag mngon rdzogs 'gyur/ bdag med gnyis la mkhas pa nyid/ / rgyal ba'i sras rnams sgom par byed// rnam par bsgoms shing spong ba ni// tshul bshad bzhin du yang dag mtha'// yang dag mtha' yi bde myong zhing // snying rje med pa'i sras rnams // sems can dgos pa'i rgyun bcang bas/ / de dag sangs rgyas mi 'thob bo// bsam yas kyin ye shes 'di// sems can rnams kyi bde bskyed// mkhyen cing rgyal brgyal sras rnams// blo chung rnams la tshul ston to// ji ltar 'das las byung ba yis// dge ba'i mtshan ldan pad+mo dag/ thub pa rnams dang lha dag gi/ nye ba'i longs spyod rgya yin no// de bzhin 'khor ba'i 'dam mcholas// rgyal ba'i sras rnams 'byung ba ni// sangs rgyas dri med rab rnyed cing// lha la yid du 'ong ba yin/ / byang chub sems dpa' mi rnams dang // lha yi khrod du khyad par du// rgyal po'i khyu mchog 'gyur ba ste// 'khor lo can du'o khyad par du// lha yul gnas pa'i bdag po dang // dri za rnams kyi de bzhin te/ / theg chen yon tan ldan pa yi// lus can rnams kyis rtag tu 'thob// de phyir rgyal ba'i sras rnams kyis// theg pa che la brtson par gyis// mthar gyis bde gshegs gnas rab dang // rgyal po rtag tu'ang 'gyur bar 'ong / / kun nas nyon mongs chos rnams dang // rnam par byang ba'i yod pa kun// rtag tu lus can thams cad kyi// sa la kun gzhi 'byung ba yin// spyi dang rgyu rnams lhan cig gam// 'on tam skye dang dbang pos kyang / / gtso bo rkyen dang rgyu rnams kyi// 'jig rten rab tu bsgrub par byas// khyad par can gyi rgyu brjod pa// ci nas 'byung bar 'gyur ba ste// rgyu med par yang med par 'gyur// bya med pa yang med par 'gyur/ / rnam par byang dang tha mi dad // kun gzhi tha dad 'gyur ba min// de sten rnam byang tha dad na// kun gzhi rtag pa ma yin 'gyur// sngon med 'jigs med rtag pa ste// mtha' bzhi rnam par spangs pa yin/ / de bzhin gshegs pa'i snying po dag/ sprul pa ye shes slar yang chags// ngan tshun snying po tha mings// da ni sor gdu ba bzhin du gnas// sa rnams sna tshogs kun gzhi ste// bdag shegs snying po dge pa'ang de// snying po de la kun gzhi smras/ de bzhin gshegs pa ston pa mdzad// snying po kun gzhir bsgrags par yang // blo zhan rnams kyis mi shes so// gser mgar mkhas pas rnam dag gis// gser las sor gdub byas pa ni/ sor mo rnams la rnam par mdzes// phan tshun tha dad mtshan yin te// sor gdub ces kyang brjod mod kyi// las kyi mkhan pos yongs bsgyur bas// gser ni gzugs bzhin rab tu gnas// chos mthong rnal 'byor ldan pa yi// sems da rnam par shes pa'i yul/ / bdun pa'i sa ni rnyed pa dang // 'byung ba las kyang rnam par ldog/ 'phags pa mthong ba'i chos ldan gyi// so so rang rig mthong ba dang // spyi dang bdag gi legs 'phags pa// thams cad brjod par mi nus so/ / ji snyed yul yod ci yang rung // sems dang rnams shes spyod yul du// sna rogs snang ba de dag kyang // rnam shes yiran te yul med do// sems ni rngam pa gnyis dngos su// gzung dang 'dzin par snang ba ste// rdza pra sngam bu sogs pa yi/ / yul ni gang yang yod pa min// ji ltar ri rab brten byas shing // nyi zla gza' yi tshogs kyi rnams// bral ba med par rtag 'brang ngo // de bzhin rnam dag kun gzhi la// rnam dag 'phags pa'i spyod yul ni// rtag par gser bzhin rab tu 'bar// kun gzhi snying por bsgrags pa ni// rtog pa'i sems kyi yul ma yin// rang bzhin rnam par brtags pa dang // rtogs par nus pa ma yin dang // yongs su grub pa'i rang bzhin yang // rnal 'byor thub can rtag tu mthong // yid kyi rnam shes yul can ni// byis pa rnams la 'ching ba'i dngos// smig rgyu sa tshogs byung ba ste// 'phags pa rnams kyis dri med gzigs// stong phrag bcu gnyis pa'i rgyan stug po las/ ji snyed brjod pa'i mdo rdzogs so// / bsgyur ba ma rdzogs par bzhed// rgya gar skad du Ar+ya tsa tra ra sa t+ya sU tra/ bod skad du/ 'phags pa bden pa bzhi'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na / bcom ldan 'das dmar bu can gyi grong khyer dang rgyal po'i khab kyi bar gyi dbus na/ rgyal po'i ma'i dbyug pa can nus mo nye bar rten cing / dge slong gi dge 'dun chen po dang thabs cig tu bzhugs so// de nas bcom ldan 'das kyis/ dge slong rnams la bka' stsal pa/ dge slong dag nga dang khyed cag kho nas 'phags pa'i bden pa bzhi po de dag ma shes/ ma mthong / khong du mchud/ so sor ma rtogs pas lam ring po 'dir rgyug cing 'khor bar gyur to// bzhi po de gang zhe na/ nga dang khyed cag kho nas sdug bsngal 'phags pa'i bden pa ma shes/ ma mthong / khong du ma chung / so sor ma rtogs pas lam ring po 'dir rgyug cing 'khor bar gyur to// nga dang khyed cag kho nas sdug bsngal kun 'byung 'phags pa'i bden pa ma shes/ ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ / nga dang khyed cag kho nas sdug bsngal 'gog pa 'phags pa'i bden pa ma shes/ ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ / nga dang khyed cag kho nas sdug bsngal 'gog pa lam 'phags pa'i bden pa ma shes/ ma mthong / khong du ma chud/ so sor ma rtogs pas lam ring po 'dir rgyug cing 'khor bar gyur to/ / dge slong dag ngas sdug bsngal 'phags pa'i bden pa rjes su rtogs shing so sor rtogs te/ srid pa'i sred pa bcad pas 'khor ba'i skye ba zad de/ da ni srid pa gzhan med do// ngas sdug bsngal kun 'byung ba 'phags pa'i bden pa rjes su rtogs shing so sor rtogs te/ srid pa'i sred pa de brdung bas 'khor ba'i skye ba za nga / nga ni sred pa gzhan med do/ / ngas sdug bsngal 'gog pa 'phags pa'i bden pa rjes su rtogs shing so sor rtogs te/ srid pa'i sred pa de bcad pas 'khor ba'i skye ba zad de/ da ni srid pa gzhan med do/ / ngas sdug bsngal 'gog par 'gro ba'i lam 'phags pa'i bden pa rjes su rtogs shing so sor rtogs te/ srid pa'i sred pa nga bcad pas 'khor ba'i skye ba zad de/ nga ni srid pa gzhan med do/ / bcom ldan 'das kyis de skad ces bka' stsal te/ bang par gshegs pas de skad gsungs nas/ ston pas gzhan yang 'di skad bka' stsal to// nga dang khyad cag kho na yis// 'phags pa'i bden pa bzhi po dag/ ji lta ba bzhin ma mthong bas// lam ring du ni 'khor bar 'gyur// bden pa de dag mthong nas ni// srid pa'i sred pa bcad nas su// 'khor ba'i skye ba zad pas na// da ni srid pa gzhan med do// bcom ldan 'das kyis skad ces bka' stsal pa dang /