Text
ff. 1b–414a · 826 folio sides
- 1b
rgyu gar skad dupAR+Sha mu kha a pa dAta sha ta bod skad du/ glang po la sogasapa'i rtogs pa brjod pa brgya pa/ thams cad mkhyen pa la phyaga'atshal lo// sdom ni/
- 2a
bya// gang po bzang dang grags ldan ma// le lo can dang tshong pa rnams// zla ba che ba pad+ma dang // pAny+tsa la dang bdug pa dang // rgyal po mjug tu smos pa ste/ 'dridi ni sde tshan bsdus pa yin// ljongs shig tu bram ze gang po zhes bya ba zhig byung ste/ de'i tshe sangs rgyas bcom ldan 'das la/ rgyal po rnams dang / blon po chen po rnams
- 2b
dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / kla rnams dang / gnod sprin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod par byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyan gsos dang / sman zong rnams
- 3a
brnyes pa/ sangs rgyas gsar du byung ste/ gsung rab kyi nying khu 'thung ba'i dus la bab cing / lha dang / mi man chad la yang dag par rab tu ston pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so// de nas bcom ldan 'das kyis/ byang chub mngon par rdzogs par sangs rgyas nas/ ring po ma lon par/ 'jig rten thams cad du grags pas yongs su gang ngo / / de nas lho phyogs kyi ri bo zhes bya ba'i ljongs na/ bram ze che zhing mtho ba gang po zhes bya ba phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so// de yang dad pa dang ldan la dge zhing bsam pa bzang ba/ bdag la phan pa dang / gzhan la phan pa la zhugs pa snying rje che ba/ bdag nyid che ba/ chos 'dod pa/ gtong ba
- 3b
la sred pa/ sbyin pa la dga' bas rab tu sbyin pa la mngon par dga' ba/ gtong ba chen po la gnas pa zhig ste/ des re zhig na rab tu byung ba thams cad la mchod sbyin byas na der mu stegs ca no la sogs pa stong phrag du mas zas zos so/ / gang gi tshe bcom ldan 'das kyis rgyal po gzugs can snying po 'khor dang bcas pa btul nas/ de btul bas srog chags 'bum phrag mang po dul bar gyur pa de'i tshe/ / rgyal po'i khab nas gang po'i nye du rnams lhags te gang po'i mdun du sangs rgyas dang / chos dang / dge 'dun gyi bsngags pa brjod do// de nas bram ze che zhing mtho ba gang pos/ bcom ldan 'das kyi yon tan thos nas/ dga' ba chen po thob par gyur to// de nas khang thog tu song nas rgyal po'i khab logs su kha ltas te 'dug nas/ pus mo gnyis kyi lha nga sa la btsugs te/ me tog kyang gtor/ bdug pa dang chu yang phul nas/ bcom ldan 'das la gsol ba btab pa// bcom ldan 'das bdag gi mchod sbyin la gshegs su gsol/ mchod sbyin gyi 'dun sa gzigs su gsol zhes byas so// de nas sangs rgyas rnams kyi sangs rgyas kyi mthu dang lha rnams kyi lha'i mthus me tog de dag bcom ldan 'das kyi steng du me tog gi khang par gyur te 'dug go/ / bdug pa ni sprin gyi mgo lta bur gyur to// chu ni bai DUR+Ya'i sdong po lta bur
- 4a
gyur to/ / de nas tshe dang ldan pa kun dga' bos thal mo sbyar nas/ bcom ldan 'das la zhus pa/ btsun pa spyan 'dren 'di ga las mchis lags bcom ldan 'das kyis bka' stsal pa/ kun dga' bo lho phyogs kyi ri bo zhes bya ba'i ljongs na/ bram ze che zhing mtho ba gang po zhes bya ba 'dug pa der/ 'u bu cag 'dod dgos kyis dge slong dag chos shig/ de nas bcom ldan 'das dge slong stong gis zhabs 'bring byas nas/ lho phyogs kyi ri bo'i ljongs rgyu zhing gshegs te/ bram ze che zhing mtho ba gang po'i mchod sbyin gyi 'dun sa dang nye ba zhig tu gshegs nas/ 'di snyam du dgongs te/ ngas bram ze gang po rdzu 'phrul gyi cho 'phrul gyis dad par bya'o snyam mo// de nas bcom ldan 'das kyis dge slong stong po de dag mi snang bar mdzad de/ nyagacig lhung bzed dang chu snod phyag na bsnams nas/ gang po dang nye ba zhig tu gshegs so// de nas bram ze che zhing mtho ba gang pos/ bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / / mthong nas kyang shin tu rings par bcom ldan 'das kyi thang du song ste/ bcom ldan 'das la gsol pa/ bcom ldan 'das gshegs pa
- 4b
legs so/ / bcom ldan 'das bzhugs su gsol/ bdag la phan gdags pa'i slad du bshos gsol bar rtsi gnang zhes gsol to// bcom ldan 'das kyis bka' stsal pa/ gal te khyod kyis yongs su gtang na lhung bzed 'di'i nang du byin cig/ de nas bram ze che zhing mtho ba gang po/ bram ze'i khye'u lnga brgyas g.yog byas nas/ bcom ldan 'das la zhal zas rnam pa sna tshogs 'khur ba dang / bshos dang / 'jams dang / bldag pa dang / gzhib pa la sogs pas lhung bzed 'gengs par byed do// bcom ldan 'das kyis kyang nyid kyi lhung bzed kyi nang nas dge slong gi lhung bzed dag gi nang du/ zas de dag 'pho bar mdzad do// gang gi tshe bcom ldan 'das kyis dge slong stong gi lhung bzed rnams gang bar thugs su chud pa de'i tshe/ nyid kyi lhung bzed gang bar bstan te/ de nas dge slong stong lhung bzed gang ba zla ba tshes pa'i dbyibs lta bur 'khod pa bstan to// nam mkha' la gnas pa'i lha rnams kyis kyang // bcom ldan 'das dang dge slong skyong gi lhung bzed rnams gang bar gyur to zhes bya ba'i sgra brjod do/ / de nas cho 'phrul bstan pa des bram ze che zhing mtho ba gang po dga' bar gyur nas/ dga' zhing mgul rab tu dga' ste/ yi rangs shing dga' ba dang / yid bde bar gyur te/ sdong po rtsa ba nas bcad pa bzhin du bcom ldan 'das kyi zhabs la phyag 'tshal nas smon lam btab pa/ dge ba'i rtsa ba
- 5a
dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ / de nas bcom ldan 'das kyis bram ze che zhing mtho ba gang po'i rgyu gcig nas gcig tu brgyud pa dang / las gcig nas gcig tu brgyud pa mkhyen nas/ 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung ba ni/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / dri 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang ut+pal lpa rags pa dang / pad+ma lha gas pa dang / pad+ma lA gas pa chen por song nas/ tsha ba'i sems can dmyal ba gang yin pa de dag tu ni bsilang gyur te 'bab bo// grang ba'i
- 5b
sems can dmyal ba gang yin pa de dag tu ni dro bar gyur te 'bab bo/ / de nas sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed pa mdzad do// de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par yang ma gyur la// gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du/ gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams
- 6a
dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang 'bras bu che rnams dang mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas// mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung bar brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas/ sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin du 'brangs te gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni mdun logs su mi snang bar 'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/
- 6b
zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro/ / stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams su mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel pa sna tshogs can// mang po zhal gyi sgo nas byung bar gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol ba/ rgod dang bral zhing rgyags dang mi
- 7a
dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston/ / bstan po nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams// grub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol/ / rgya mtsho dang ni ri rgyal lta bur brtan pa yis// mgon po rdzogs sangs rgyas rnams byin 'da' 'dzum mi ston// gang gi don du dpa' bo 'dzum pa ston mdzad pa/ / de ni khyod las skye bo phal cher nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo bram ze che zhing mtho ba 'dis nga la 'di lta bu'i bkur sti byas pa mthong ngam btsun pa mthong lags so/ / kun dga' bo bram ze che zhing mtho ba 'di/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs
- 7b
bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas gang po bzang zhes bya bar 'gyur/ te/ 'jig rten du 'byung bar 'gyur ro// de'i sbyin par bya ba'i chos ni/ gang nga la sems mngon par dga' bar gyur pa 'di yin no// gang gi tshe bcom ldan 'das kyis/ bram ze che zhing mtho ba gang po bla na med pa yang dag par rdzogs pa'i byang chub tu lung bstan pa gang pos/ bcom ldan 'das nyan thos kyi dge 'dun dang bcas pa zla ba gsum gyi bar du mchod sbyin gyi 'dun sar bshos gsol te/ lhag par yang des dge ba'i rtsa ba rnam pa sna tshogs dag yang dag par bskyed do// dge slong dag de bas na 'di ltar bslab par bya ste/ ston pa la bkur sti bya'o/ / bla mar bya'o// ri mor bya'o// mchod par bya'o// sbron pa la bkur sti byas/ blo mar byas/ ri mo byas mchod pa byas nas brten te gnas par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / grags ldan ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi
- 8a
rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas// ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa// na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yangs pa can na spre'u rdzing gi 'gram gyi khang pa brtsegs pa'i gnas na rten cing bzhugs so/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring du byas te/ dge slong gi dge 'dun gyis mdun du bdar nas/ yangs pa can du bsod snyoms la gshegs so// yangs pa can du mthar gyis bsod snyoms la gshegs nas dmag dpon seng ge'i khyim ga la ba der gshegs te byon nas/ gdan bshams pa la bzhugs so// de nas dmag dpon seng ge'i mna' ma grags ldan ma zhes bya ba gzugs
- 8b
bzang zhing bstan sdug la mdzes pa zhig yod pa des/ bcom ldan 'das sku mtshan rnam pa sna tshogs dbar ba dang ldan pa mthong nas// shin tu dga'ang thob par gyur te/ des gyos po la dris pa/ bdag kyang 'di lta bu'i yon tan dang ldan par 'gyur ba thabs 'ga' lha mchis sam/ de nas dmag dpon seng ge 'di snyam du sems te/ kye ma bu mo 'di ni rgya chen po la mos pa zhig ste/ gal te 'di rkyen dang phrad na ni/ bla na med pa yang dag par rdzogs pa'i byang chub tu smon lam 'debs par 'gyur ro snyam du rig nas smras pa/ bu mo gal te rgyu yang dag par blangs te 'dug na ni/ khyod kyang bcom ldan 'das ci 'dra ba de lta bur 'gyur ro// de nas dmag dpon seng ges grags ldan ma'i dad pa 'phel bar bya ba'i phyir/ dbyig dang / gser dang / rin po che mang du byin no// de nas grags ldan mas// bcom ldan 'das nyan thos kyi dge 'dun dang bcas pa phyid nyin khyim gyi nang du gdugs chod la spyan drangs so// bcom ldan 'das kyis kyang de la phan gdags pa'i phyir gnang ngo / / de nas bu mo grags ldan mas gser dang / dngul dang / rin po che'i me tog rnams kyang byed du bcug/ spos dang / me tog 'phreng dang / byug pa mang po dag kyang bsags/ zhal zas ro brgya dang ldan pa yang bshams nas bcom ldan 'das la 'phrin gyis gdugs tshod bskul ba/ btsun pa gdugs tshod
- 9a
la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to// de nas bcom ldan 'das dge slong gi tshogs kyis zham ring byas te/ dge slong gi dge 'dun gyis mdun du bdar nas/ dmag dpon seng ge'i khyim ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ / de nas bu mo grags ldan mas/ sangs rgyas la sogs pa dge slong gi dge 'dun bde bar bzhugs par rig nas/ rang gi lag nas zhal zas ro brgya dang ldan pas tshim par byas te/ bcom ldan 'das la me tog dag gis gtor to// de nas me tog de dag 'di lta ste/ sangs rgyas rnams kyi sangs rgyas kyi mthu dang / lha rnams kyi lha'i mthus bcom ldan 'das kyi steng du rin po che'i khang pa dang / khang pa brtsegs pa/ rin po che'i rgyal mtshan can/ mgar ba 'am/ mgar ba'i slob ma legs par longs pas kyang byed mi nus pa de lta bur gyur te 'dug go/ de nas bu mo grags ldan mas lha dang / mi dad par byed pa'i cho 'phrul shin tu rmad du byung ba de mthong nas/ sdong po rtsa ba nas bcad pa bzhin du lus thams cad kyis bcom ldan 'das kyi zhabs la phyag 'tshal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis
- 9b
bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so// de nas bcom ldan 'das kyis/ bu mo grags ldan ma'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo// des na sems
- 10a
can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad do// de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhi la bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni/ rgyal chen bzhi'i ris rnams dang / sum cu rtsa gsum pa rnams dang / 'thab bral ba rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / bod chung rnams dang / tshad med 'od rnams dang / 'od gsal rnams dang / dge chung rnams dang /
- 10b
tshad med dge rnams dang / dge rgyas rnams dang / sprin med rnams dang bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bsnyen la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spongs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni
- 11a
zhabs kyi ning par mi snang bar 'gyur ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mo snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni// smin mtshams su mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ / mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang /
- 11b
bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu N+Di na ma mchis par// pad+ma'i rtsa dang dung mdog lta bu'i 'dzum ma skyon brtan pos nyid kyi blo yis dus pab ma khyen lags na/ / dge sbyong rgyal dbang nyan pa so mo nyi 'tshal ba rnams// thub pa rgya mchog gi ni gsung mchog brtan pa dang / bzang po dag gis thecom skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin 'da' 'dzum mi ston// gang gi don du dpa' bo 'dzum pa ston mdzad pa de ni khyod las skye bo phal cher nyan par 'tshal/ / bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad do// kun dga' bo bu mo grag ldan ma 'dis nga la 'di lta bu'i bkur sti byas pa mthong ngam btsun pa mthong lags so/ / kun dga' bo bu mo grags ldan ma 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas
- 12a
stobs bcu dang / mi 'jigs pa bzhi dang / mi 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas rin chen ldan zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' sprul nas/ dge slong de dag yi rangs te/ bcom ldan 'das kyis gsungs pa la mngon par bstod do// le lo can zhes bya ba ni/ sangs rgyas bcom ldan 'das la// rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang gnod sbyin rnams dang / lA ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas// tha mar byas/ ri mar byas// mchod pa byas te/ lha dang / gru dang / gnod sbyin dang / lha ma yin dang / nam mkha' lding dang / mi'am ci dang / lto phyi chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dag
- 12b
'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' rab na bzhugs de'i tshe mnyan du yod pa na/ cho dpon phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa rnam thos kyi bu'i nor dang 'gran pa zhig gnas pa des// rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod kyang / bu yang med/ bu mo yang med nas// de lag pa skom tshugs bcas te/ bdag gi khyim nor du ma dang ldan du zin kyang / bdag la bu yang med/ bu mo yang med pas// bdag 'das pa'i 'og tu ni bu med pa'i phyir/ ci bdog pa thams cad rgyal po dbang bar 'gyur ro snyam ste/ sems khongs su chud cing 'dug go// de nas dge sbyong dang / bram ze dang / lhas mkhan dang / mdza' bo dang / gnyen dang / rtswa lag gzhan dag gis lnga la gsol ba thob cig ces de la bsgo'o/ / 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de lta ni ma yin gal te gsol ba btab pa'i rgyus bu dang bu mo skye bar 'gyur du zin na/ / 'khor los sgyur ba'i rgyal po bzhin du/ re re la yang bu stong stong yod par 'gyur ba'i rigs so// ya ni gnas
- 13a
gsum tshogs pa las/ bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / mdus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las/ du dang bu mo skye bar 'gyur na/ 'on kyang dge sbyong dang / bram ze rnams dang / lhas mkhan rnams dang / mdza' bo dang gnyen dang / rtsa lag rnams kyis de mtho btsams nas/ de bu med de bu 'dod pa'i phyir/ gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang lhan cig skyes pa dang / chos mthun pa pa dang // rtag tu phyi bzhin 'brang ba'i lha rnams la yang gsol ba 'debs te/ de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te/ de'i chung ma'i ltor zhugs so// bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la/ ma chags pa yang shes pa dang // dus kyang shes la/ zla mtshan yang shes pa dang / bu chags pa shes pa dang / gang las bu chags pa shes pa dang
- 13b
khye'u yang shes la/ bu mo yang shes pa ste/ gal te khye'u yin na ni/ lto g.yas logs su rten cing gnas so// gal te bu mo yin na ni/ lto g.yon phyogs su rten cing gnas so// de nas de dga' ches nas khyim bdag la sbran pa/ jo bo bdag la sras chags te/ bdag gi rum g.yas logs na rten cing gnas pa las na/ khye'ur 'gyur bar nges kyis/ dgyes pa bskyed du gsol zhes byas nas de yang dga' ches te ro stod ni bteg/ lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo // bdag gi bu rung bar shog cig/ mi rung bar ma gyur cig/ bdag gi bya ba dag byed par shog cig/ gsos pa'i lan phyir gso bar shog cig/ nor skal la spyod par shog cig/ bdag gi rigs brgyud ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rung ste/ sbyin pa dag byin la/ bsod nams dag byas nas/ de gnyis gang dang gang du skyes shing 'gro ba der 'di song zhig ces yon sngo bar shog cig ces dga' ba'i tshig brjod do/ / des bu chags par rig nas bu'i rim gro bya ba'i phyir/ khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang ha cang kha ba ma yin pa rnams dang /
- 14a
gtsang sbyar ba ma yin pa rnams dang / hacang lan tshachab ma yin pa rnams dang / bcang dang ba pa yin pa rnams dang / gcang ro chub ma yin pa rnams dang / ha6 bska ba ma yin pa rnams te/ / khab dang / sgyur ba dang / lan tshwa dang / dang ra ba dang / tshwa ba dang / bskab med pa'i zas rnams kyis bsten cing // do shal dang / se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u steng nas khri'u steng du rgyu zhing 'og gi sa gzhi la mi 'bab pa dang // des yid du mi 'ong ba'i sgra skad ci yang mi thos par byas so/ / de zla ba brgyad dam dgu lon pa dang / bu byung ste/ khye'u gzugs bzang zhing blta na sdug la mdzes pa zhig btsas nas/ de btsas pa'i tshe/ khyim gang gi mi dga' bar gyur te/ de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re 'di btsas ba na/ khyim gang gi mi thams cad dga' bar gyur pas na/ de'i phyir khye'u de'i ming dga' byed ces bya bar gdags so zhes zer nas/ de'i ming dga' byed ces btags so// de nas khye'u dga' byed pa na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ mam brgyad la gtad nas/ de mas
- 14b
brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skyed cher drag par gyur to/ / de nas de gang gi tshe cher skyes te/ lo lnga 'am drug lon pa de'i tshe// le lo can mchog tu le le che ba zhig tu gyur te/ mal dang stan las kyang ldang du mi 'dod do// de blo rno zhing gsal bas khyim gyi nang na 'dug bzhin du bstan bcos rnams bslabs so// de nas tshong dpon de 'di snyam du sems te/ bdag gis lha mnyes par byas nas/ brgya lam ldan cig na bu skyes pa de yang le lo can mchog tu le lo che ba zhig tu gyur te/ mal dang stan las kyang mi ldang na/ 'di ltar lus tha mal par gyur kyang grum po bzhin du lnga re 'dug pa 'di 'dra ba'i bu lta ci dgos snyam mo/ / tshong dpon de yang rdzogs byed la dga' ste/ des mu stegs can gyi ston pa drug rang gi khyim du bos nas/ gal te khye'u 'dis de dag mthong na zhes bskyed de/ mal nas ldang ba tsam yang byed srid dam snyam pa dang / de nas khye'u le lo can gyis ston pa de dag mthong na/ mig gis kyang ma bltas na/ ldang ba 'am/ gus par smra ba 'am/ stan bstabs pa lta ci smos/ de nas tshong dpon des gnas skabs de lta bu mthong nas/ ches rab tu gdung bar gyur te/ lag pa la skom tshugs bcas te/ sems khongs su
- 15a
chud cing 'dug go/ de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pami 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa brgya phrag bcu la dbang byed pa bas kyang ches khyad par du'ajagra
- 15b
parnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rbud/ sunI dang / su ni 'phongs shing 'dug/ su nyamang bar gyur/ su ni gnod pa dang ldan/ su ni 'phongs pa dang / nyom nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir smras pa/ rgya mtsho chu srin rnams kyi gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis khye'u la lo can gyis nga mthong na brtson 'grus rtsom par 'gyur te/ bla na med pa yang dag par rdzogs pa'i byang chub kyi bar du sems yongs su 'gyur bar 'ong ngo snyam du gzigs
- 16a
so/ / de nas bcom ldan 'das kyi mu stegs can rnams kyi rgyags pa dang / dregs pa gcad pa dang / khre'u'i dge ba'i rtsa ba bskyed pa'i phyir/ 8 zer gser gyi khadog can nyi ma stong gi 'od zer bas lhag pa dag bkyi ste/ de dag gis khyim de kun tu snang bar byas so// bskal pa stong du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur nas/ su'i mthus bdag gi lus rab tu sim par byas snyam ste/ des phan drun du bltas so/ / de nas bcom ldan 'das dge slong gi tshogs kyis zham ring byas te/ khyim de'i nang du gshegs nas/ khye'u le lo can gyis sangs rgyas bcom ldan 'das skyes bu chen po'i mdun su rba na gnyis kyis brgyan pa/ depe byadang zung po brgyan nus mdzes par byas pa/ 'od 'do gang gis brgyan pa/ nim myong ngas sag pa'i khyod mangs na ma'or ba'i grob sa blags nas du gang ngagadod du/ ma nas kya tshig tud pa bar gyur te/ 'phrul la cang nyid yangs nas/ ma ldan 'das kyi bshams te/ bcom ldan 'das tshur gshegs/ bcom ldan 'das gshegs pa lags so// bcom ldan 'das gdan pa shams pa la bzhugs su gas pa zhes de
- 16b
kyang smras so/ / de nas de'i pha ma dang nang mi rnams kyis sngon ma mthong ba'i gus par sgrim pa mthong nas/ mchog tu ya mtshan du gyur to// de nas khye'u le lo can dga' zhing mdangs phyung ba'i mig dang ldan pas/ bcom ldan 'das kyi zhabs la phyag 'tshal nas/ chos mnyan pa'i phyir spyan sngar 'dug ste/ bcom ldan 'das kyis de la le lo'i nyes pa dang / brtson 'grus rtsom pa'i phan yon rnam pa du ma bka' stsal nas/ tsan dan gyi dbyug gu zhig kyang de la byin te/ khye'u dbyug gu 'di rdungs shig ces bka' stsal to/ / de nas des dbyug gu de brdungs pa dang sgra snyan pa thos par gyur la/ rin po che'i gter sna tshogs kyang mthong ngo // de nas 'di snyam du sems te/ kye ma brtson 'grus rtsom papal ni khyad par chen po de lta bu yod kyis bdag gis phyir zhing brtson 'grus brtsab par bya gor ma chag snyam nas/ des mnyan du yod par dril gyi sgra bsgrags te/ bdag nyid kyis ded dpon bya bar bsgrags nas rgya mtsho chen po la lan drug rgal te/ gru'i don grub pas rin po che chen po bsdus te/ bcom ldan 'das nyan thos kyi dge 'dun dang bcas pa khyim gyi nang du bshos gsol nas blan med pa yang dag par rdzogs pa'i byang chub tu smon lam btab bo/ / de nas bcom ldan 'das kyis khye'u le lo can gyi rgyu gcog nas gcig tu brgyud pa dang // las gcig
- 17a
nas gcig tu brgyud pa mkhyen nas 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / du 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo/ / de nas sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du
- 17b
sems te/ kye bdag cag ni 'di nas shi 'phos par ma gyur la// gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa de la sems mngon par dga' bar gyur nas/ sems can dmyal ba myong bar 'gyur ba'i las du zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang // 'od gsal rnams dang dge chung rnams dang / tshad med dag rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang
- 18a
stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis/ sangs rgyas/ bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni/ / skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung smon par bzhed na ni/ bcom ldan 'das kyi snum logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhad na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro/
- 18b
stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni zhal du mi snang bar 'gyur ro/ / rang sangs rgyas kyi byang chub tu lung ston par bzhed na ni/ smin mtshams kyi mdzod pur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ / de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ / mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa rgod dang bral zhing rgyags dang mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog
- 19a
lta bu'i 'dzum mi ston/ / brtan pos nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams// thub pa lca mchog gi ni gsung mchog brtan pa dang / / bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams gyin 'da' 'dzum mi sbron/ / gang gi don du dpa' bo 'dzum pa ston mdzad pa// de ni khyod las skye bo phal cher nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo khye'u le lo can 'di snang la 'di lta bu'i bkur sti byas pa mthong ngam btsun pa mthong lags so// kun dga' bo khye'u locan 'dis/ dge ba'i rtsa bar ngo// sems bskyid pa dang / sbyin par bya ba'i chos dngos su gtong ba 'dis/ bskul bgrangs med pa gsum gyis yang dag par par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang /
- 19b
'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas stobs dang / brtson 'grus dang / mthu rtsal dang shin tu ldan pa zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang ngal mngon par dga' bar gyur pa 'di yin no/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod de/ ded dpon zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lA ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ chod par byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang
- 20a
gzims cha dang / gdan dang / snyun gsos dang / sran zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na ded dpon chen po zhig rgya mtsho chen po'i nang du gru bub ste phyir 'ongs nas/ nges lan gnyis lan gsum gyi bar du lha thams cad la gsol ba btab ste// rgya mtsho chen po'i nang du zhugs na/ 'on kyang gru bub ste phyir 'ongs so// de nas de mi dga' ba chen po skyes nas/ de 'di snyam du sems te/ bdag gis thabs gang gis nor bsdu bar bya ba'i thabs ci yod snyam mo// yang de 'di snyam du sems te/ sangs rgyas bcom ldan 'das 'di ni lha thams cad las kyang ches khyad par du 'phags pa/ bdag la phan pa dang / gzhan la phan pa la zhugs pa/ thugs rje can/ bdag nyid chen po/ chos la gus pa skye dgu la mnyes gshin pa yin gyis/ de ni bdag gis 'di la brten te/ yang rgya mtsho chen po'i nang du zhugs la/ gru'i don legs par grub ste/ phyir 'ongs nas/ nor phyed kyis 'di la mchod pa bya'o snyam mo/ / des de ltar brtson 'grus byas te/ yang rgya mtsho chen po'i nang du zhugs pa dang / sangs rgyas kyi mthus rin po che'i gling du phyin nas/ rin po
- 20b
che chen po bsdus te bde ba dang / nye zho med par bdag gis khyim du phyin to// de ngal bso nas/ snod bzlugs na// des rin po che rnam pa sna tshogs mthong nas chags pa chen po skyes te/ bdag gis rin po che 'di lta bu dag dge sbyong go'u ta ma la phyed ji ltar sbyin snyam du sems pa la zhugs te/ ma la bdag gis 'di rnams bdag gi chung ma'i lag tu zho'i bzhi cha gcig tu btsongs la/ bcom ldan 'das la spos dbul bar bya gor ma chag snyam mo// des zho'i bzhi cha gcig gis a ka ru'i spos nyos nas/ rgyal bu rgyal byed kyi tshal du song ngongo/ / de nas shin tu ngo tsha bzhin du sgo khang du 'dug nas a ka rus bdugs so// de nas bcom ldan 'das kyis gang gis bdug pa de steng gi nam mkha' la yang dag par 'phags te/ mnyan du yod pa thams cad khyab par gyur nas/ sprin chen po'i mgo ltar 'dug par 'gyur ba de lta bu'i rdzu 'phrul mngon par 'du bya ba mdzad do// des lha dang mi dad par byed pa'i cho 'phrul shin tu rmad du byung ba de mthong nas/ dga' ba chen po skyes te/ bdag gi sems la brgyad bkag nas/ gang bdag gis rin po che'i sgo nas bcom ldan 'das kyi sku bslu ba 'di ni bdag cha ma yin no zhes byas so/ / de nas ded dpon des bcom ldan 'das nyan thos kyi dge 'dun dang bcas pa khyim gyi mang du bshes la
- 21a
spyan drangs so/ / de nas zhal zas bzang pos tshim par byas/ rin po che chen po dag gis gtor to// de nas rin po che de dag 'di lta ste/ sangs rgyas rnams kyi sangs rgyas kyi mthu dang / rna rnams kyi lha'i mthus/ bcom ldan 'das kyi dbu'i steng gi rnamam par la bags nas/ rin po na'i khang pa dang / khang pa btsugs pa/ rin po che rgyal mtshan can/ mgar ba 'am/ mgar ba'i slob ma legs par lobs pas kyang byed mi nus pa de lta bur gyur te 'dug go// de nas ded dpon des cho 'phrul de mthong nas ched kyis dga' ba skyes te/ sdong po rtsa ba nas bcad pa bzhin du bcom ldan 'das kyi zhabs la phyag 'tshal nas smon lam btab pa/ dge ba'i rtsa ba dang / sems bskyang pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig/ ces byas so// de nas bcom ldan 'das kyis ded dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do//
- 21b
'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo/ / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus
- 22a
bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang
- 22b
zhig chos 'dul 'di nyid la/ / bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs
- 23a
rgyas kyi byang chub tu lung ston par bzhed na ni/ smin mtshams kyi mdzod pur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na nidabu'i gtsug tor du mi snang bar gyur to/ / de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis/ / nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi bgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na/ / dge sbyong rgyal dbang nyan pa som nyi 'tshal ba rnams// sgrib pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol/ rgya mtsho dang ni ri rgyal lta bur brtan pa yi// mgon po rdzogs sangs rgyas rnams min 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal cher nyan
- 23b
par 'tshal/ / bcom ldan 'das kyis bka' stsal pa/ kun dga' bo de de bzhin no// de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad do// kun dga' bo ded dpon 'dis ngal 'di lta bu'i bkur sti byas pa mthong ngam/ btsun pa mthong lags so// kun dga' po dang dpon 'di'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su brkos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas spos mchog ces bya bar 'gyur te/ 'jig rten du 'byung bar 'gyur ro// de sbyin par bya ba'i chos nig dang la sems mngon par dga' bar gyur ba 'di yin no/ / bcom ldan 'das kyis dgad ces dka' stsal nas// dge slong de dag se nga sa / bcom ldan 'das kyis gsungs pa la pa thams ca ni/ sas ma sa 'a/ la ba rnams dang / rnaM pa ma ma pa dang / drug parnams nga/
- 24a
mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa// na bza' dang / zhal zas dang gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal du rgyal byed kyi tshal khyim bdag mgon med zas sbyin gyi kun dga' ra nga na bzhugs so/ / de nas mnyan du yod pa na/ tha ga pa zla ba zhes bya ba dbul zhing mchog tu dbul ba zhig gnas so// de yang las ji tsam zhig byed pa de tsam nyi tshe'i zan rnyed par zad de/ des cung zad kyang gzhag tu med do// de nas de 'di snyam du sems te/ bdag ni 'jig rten pha rol nas kyang bsod nams ma byas par 'dir 'ongs la/ 'dir yang dge ba mi byed pas/ 'di nas 'jig rten pha rol tu yang bsod nams kyang ma byas/ dge ba yang ma byas/ 'jigs shing skrag pa'i mgon skyabs kyang ma byas
- 24b
par 'gro dgos srid kyi/ bdag gis bcom ldan 'das la sna 'ga' zhig gis mchod par bya gor ma chag snyam mo// de nas des khyim bdag gzhan zhig gi ras btags nas/ des de la ras kyi tshar tshar khyer te srang du zhugs so/ / bcom ldan 'das kyang snga dro sham thabs dang chos gos gsol te/ lhung bzeng bsnams nas/ mnyan du yod par bsod snyoms la gshegs so// / de nas des sangs rgyas bcom ldan 'das sku mtshan sum cu rtsa gnyis kyis legs par brgyan pa/ dpe byang bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang bcom ldan 'das la sems mngon par dga' bar gyur to// bcom ldan 'das kyis kyang de la phan gdags pa'i phyir nyid kyi chos gos ral bar bstan to/ / de nas nges ras kyi tshar tshar de dag bcom ldan 'das la phul lo// bcom ldan 'das kyis kyang de'i mod la chos gos drubs par bstan to/ / de nas de rgya cher dga' ba skyes nas/ bcom ldan 'das kyi zhabs la phyag 'tshal te smon lam btab pa/ sbyin pa chung la zhing ni rgya che ste// mthu chen khyod nyid thugs su chud par bas/ / sbyin pa chen por gyur pa 'di yis na// bdag ni sgra cher grags pa'i sangs rgyas shog/ sbyin pa 'di ni chung ngu lags kyis kyang // bdag gi sems ni rab yangs
- 25a
dpag yas te/ / mI dang zhwa mchog rgyal bas bzhes nani// sbyin pa chung yang 'bras bu chen por 'gyur/ bcom ldan 'das kyis bka' stsal pa/ khyad mar zhi ba mthu che ba/ / sgra chen grags pa mi dang lhas mchod pa// rang byung 'jig rten phan pa snying brtser ldan// tshar tshar tha ma zhes bya rgyal bar 'gyur/ de nas bcom ldan 'das kyis tha ga pa zla ba'i rgyu gcig nas gcig tu brgyud pa dang / les gcig nas gcig tu ngargyung pa mkhyen nas/ 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po dag byung nas/ kha cig ni 'og tu 'gro'o// kha cig na steng du 'gro'o/ / 'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bong chen po dang / tshab dang / rab tu tsha ba dang / mnar med pa dang / nu bur can dang / chu bur rdol dang / so thams thams dang / kyi dung zer dang / u chu ber dang / ut+pal ltar gas pa dang / bad+ma snga rags pa dang / padz+ra wA rags pa chen por song nas/ rga ba'i sems can dmyal ba gang yin pa ngag tu ni bsil bar mar me 'bab bo// grang ba'i sems can dmyal bgang yin pa
- 25b
ngag tu ni dro dar gyur te 'bab bo/ / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sa ma 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge
- 26a
rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis/ / gang zhig chos 'dul 'di nyid la// ngag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byang ngo // de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi sdang bar 'gyur ro// dud 'gror skye bar lung ston par bzhad na ni/ zhabs kyi rting par mi snang bar 'gyur
- 26b
ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro/ / rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang
- 27a
mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lnga bu'i 'dzum mi ston/ / brtan pos nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams gyen 'da' 'dzum mo ston// gang gi don du dpa' bo 'dzum pa ston mdzad pa/ / de ni khyod las skye bo phal cher nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te// kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do// kun dga' bo thag pa zla ba 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo tha ga pa zla ba 'di'i dge ba'i rtsa ba dang / sems bskyed pa dang / sbyin par bya ba'i chos yongs su gtong pa 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su
- 27b
rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas tshar tshar bla ma zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// che ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye bro rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
- 28a
la dbang byed du gzhug par bya/ dun dag pa'i rtsa ba rnams ma sbyad pa las nga skyeng par bya/ sun dag pa'i rtsa ba rnams bskyed zin pa las yongs su sman par bya su ni yongs su smin zin pa las rnam par grol bar bya snyam du ye shes gzigs pa 'jug go/ / 'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis khyim bdag gi bu che ba'i gnas skabs de gzigs nas/ 'od zer gser gyi kha dog can/ nyi ma stong gi 'od pas lhag pa dag bkye ste/ de dag gis khyim de kun tu snang bar byas so// bskal pa stong du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur to// de nas bcom ldan 'das de'i sgo khang du gshegs nas sgo srungs kyi mis bcom ldan 'das sgo na bzhugs so zhes de la sbran to/ / de nas tshong dpon gyi bu che ba dga' bar gyur te/ dbugs ma phyin pa dbugs phyin par gyur nas/ bcom ldan 'das gshegs pa legs so// bcom ldan 'das nang du gshegs su gsol/ bcom ldan 'das kyi zhal mthong bar 'tshal lo zhes gsol to// de nas bcom ldan 'das nang du gshegs nas/ gdan bshams pa la bzhugs so//
- 28b
bzhugs nas kyang bcom ldan 'das kyis che ba la bka' stsal pa/ che ba khyod la gnod pa ci zhig yod/ che bas gsol pa/ bdag la lus kyi gnod pa dang / sems kyi gnod pa mchis so/ / de nas bcom ldan 'das kyis de la sems can thams cad la byams pa'i gdams ngag bstan te/ 'di ni khyod kyi sems kyi sdug bsngal gyi gnyen po yin no zhes bka' stsal to/ / de nas 'jig rten pa'i thugs bskyed de/ kye ma lha'i dbang po brgya byin gyis ri spos kyi ngad ldang las sman shi ri ka khyer te 'ongs na legs so snyam du dgongs pa dang / bcom ldan 'das kyis thugs bskyed pa'i mod la lha'i dbang po brgya byin gyis ri spos kyi ngad ldang las sman shi ri ka blangs te/ bcom ldan 'das la phul lo// bcom ldan 'das kyis kyang nyid kyi phyag tu bzhes nas che ba la byin te/ 'di ni khyod kyi lus kyi sdug bsngal tsha ba zhi bar byed pa yin no zhes bka' stsal to// de nas des lus dang sems shin tu sbyangs pa'i bde ba thob nas/ bcom ldan 'das la sems dka' bar gyur to/ / sems dga' bar gyur nas/ rgyal po gsal rgyal la bsnyad de/ bcom ldan 'das nyan thos kyi dge 'dun dang bcas pa bshos gsol nas 'dum ri ba'i na bza' phul te/ me tog dang / spos dang / me tog 'phreng thams cad kyis kyang mchod pa byas so// de nas sems la rtas par byas te smon lam btab pa/ dge ba'i rtsa
- 29a
bcas pa mnyan du yod pa na/ rgyal bu rgyal byed kyi tshul khyim bdag mgon med zas sbyin gyi kun dga' ra ba na bzhugs so// de'i tshe mnyan du yang pa natshong dpon rdzi bu che zhes bya ba zhig gnas so/ / de yang khro ba'i kun nas dkris pa shas che ba zhig ste/ rdzogs byed la sogs pa ston pa drug la mchod pa byed do// de phyis nang tshabs chen po cis gis thebs te/ de sman pa dang / sman dang / nad g.yog med de/ shi la thug nas 'di snyam du bsams te/ da ni bdag sdug bsngal bar 'gyur ba'i skyabs byed pa/ srog 'phangs pa sbyin par byed pa/ sangs rgyas ma yin pa gzhan su zhig yod snyam mo// de nas de ltar bsams nas/ bcom ldan 'das la gsol ba 'debs so// de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ bla med pa/ gnyis su mi gsung ba/ zhi gnas dang lhag mthong la rig pa gsumasang bar mdza bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa
- 29b
bzhi'i zhabs kyi mthil shin tu brtan pa/ bsdu ba'i dngos po bzhi la yun ring ba nas 'dres par byas pa/ mi 'jigs pa bzhis ma 'jigs pa/ khyu mchog gi yang dag pa'i seng ge'i sgra chen po spogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug
- 30a
pa dang / sems bskyed pa dang / sbyin par bya ba'i chos yongs su gtang ba 'dis ji ltar bcom ldan 'das bla na med pa'i sman pa'i rgyal pos bdag gsos pa bzhin du bdag kyang ma 'ongs pa'i dus na 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su myur cig ces byas so// nas bcom ldan 'das kyis che ba'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig nisteng du 'gro'o/ / 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang rab tu tshang dang / mnar med pa dang / chu bur can dang / chu ngur rdol dang / so thams thams dang / kyi hung zer dang / a nu zer dang / ut+pal ltar gas pa dang / pad+ma ltar gas pa dang /
- 30b
pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyurate 'bab bo/ / de nas sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung ngar 'gyur nga der nying mtsham 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dka' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang
- 31a
'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis/ / sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni/ / skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil
- 31b
du mi snang bar 'gyur ro/ / dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi sdang bar 'gyur ro/ / mir skye bar lung ston par bzhed na ni/ dus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ / 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na/ ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ / bla na med pa yang dag par rdzogs pa'i byang chub tu lung stong par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar
- 32a
bas ji ltar bgyi ba bzhin/ / yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa/ / rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na// dge sbyong rgyal dbang nyan par som nyi 'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi/ / mgon po rdzogs sangs rgyas rnams gyin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo khyim bdag gi bu che ba 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo khyim bdag gi bu che ba 'dis dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag
- 32b
par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas shAkya thub pa zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' stsal nas// dge slong de dag yi rangs te/ bcom ldan 'das kyis gsungs pa la mngon par bstod do// pad+ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas// mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas
- 33a
bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// gang gi tshe bcom ldan 'das 'jig rten du ma byung ba'i snga rol na ni rgyal po gsal rgyal lha gzhan dgal dus gsum du me tog dang / 'dug pa dang / spos dang / me tog 'phreng dang / byug pa rnams kyis rjed par byed do/ / gang gi tshe bcom ldan 'das 'jig rten du byung nas ni/ gzhon nu lta bu'i mdo'i dpes rgyal po gsal rgyal btul nas/ bcom ldan 'das kyi bstan pa la dad pa rnyed de/ de'i tshe dga' ba dang / yid bde ba skyes nas/ dus gsum du bcom ldan 'das kyi thad du 'gro zhing mar me dang / bdug pa dang / me tog dang / spos dang / me tog 'phreng dang / byug pa rnams kyis mchod pa byed do// de nas re zhig na kun dga' ra ba'i srungs ma zhig gis me tog pad+ma gsar du byung ba zhig khyer te/ rgyal po gsal rgyal gyi thad du mnyan du yod par song ba dang / mu stegs can gyi dge bsnyen zhig gis mthong nas/ kye mipa gi pad+ma 'o ni 'tshong ngam zhes dris so// de na re 'tshong ngo zhes zer ro// de nyo 'dod pa las re zhig na khyim bdag mgon med
- 33b
zas sbyin der phyin te/ des de las rin nyis sgyur du bskyed nas/ de gnyis phan tshun stong de 'bum 'gyur gyi bar du bskyed do// de nas kun dga' ra ba'i srungs ma 'di snyam du sems te/ khyim bdag mgon med zas sbyin 'di ni rgod bag can ma yin te/ sems can brtan po yin pas na/ 'di la ni don zhig yod gor ma chag snyam nas/ de the tsom skyes te/ mu stegs can la dga' ba'i mi de la dris pa/ khyod kyis su'i don du 'di ltar skyed par byed/ des smras pa/ nga ni bcom ldan 'das sred med kyi bu'i phyir skyed par byed do// mgon med zas sprin gyis smras pa/ nga ni bcom ldan 'das sangs rgyas kyi don du skyed par byed do// kun dga' ra ba'i srungs mas smras pa/ sangs rgyas zhes bya ba de su yin/ de nas mgon med zas sbyin gyis de la sangs rgyas kyi yon tan rgyas par bshad do/ / de nas kun dga' ra ba'i srungs mas/ mgon med zas sbyin la smras pa/ khyim bdag nga nyid kyis bcom ldan 'das de la mchod par bya'o// de nas khyim bdag mgon med zas sbyin gyis kun dga' ra ba'i srungs ma de khrid de/ bcom ldan 'das ga la ba der song nas/ kun dga' ra ba'i srungs ma des/ bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/
- 34a
rin mo che'i dab 'gro ba lta bukun nas bzung ba mthong nas/ mthong mangs tu can dga' ba'i srungs sa nges bdu bcom ldan 'das 'bor ro// dngas por mthag byung / de shing rta'i 'phang lo tsam du gyur te/ bcom ldan 'das kyi steng na 'dug go// de nas kun dga' ra ba'i srungs ma des cho 'phrul de mthong nas/ sdong po rtsa ba nas bcad pa bzhin du bcom ldan 'das kyi zhabs la phyag 'tshal nas thal mo sbyar te/ sems la brngas par byas nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las 'da' pa'i sangs rgyas su gyur cig ces byas so// de nas bcom ldan 'das kyis kun dga' ra ba'i srungs ma de rgyu gcig nas gcig tu brgyud pa dang / las gcig nas gcig tu brgyud la mkhyen nas 'dzum pa mdzad do// 'di ni sangs rgyas bcom ldan 'das nas gang gi tshe 'dzum pa mdzad pa'i chos nyid / / de'i tshe zhal nas 'od zer sngon po dang / ser po dang / dmar po dang / dkor po rnams byung nas/ kha cig ni 'og tu 'gro'o// kha zis no
- 34b
du 'gro'o/ / 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu// tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te/ 'bab bo// de nas sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di/ nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnam
- 35a
kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la/ / bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi
- 35b
stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro/ / mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung sngon par bzhed na ni phyag g.yon pa'o mthil dum snang bar 'gyur ro/ / 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro//
- 36a
de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dngu'i gtsug tor du mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis/ / nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gau dam pa'i rgyur gyur pa/ / rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na/ dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tshom skyes pa bsal bar gsol// rgya mtsho dang ni ri rgyal lta bur brtan pa yi/ / mgon po rdzogs sangs rgyas rnams byin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu
- 36b
rkyen med par 'dzum pa mi mdzad do/ / kun dga' bo kun dga' ra ba'i srungs ma 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo kun dga' ra ba'i srungs ma 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas pad+ma bla ma zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / pany+tsa la zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho zang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams
- 37a
dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe byang phyogs kyi pany+tsa la'i rgyal po lho phyogs kyi pany+tsa la'i rgyal po dang mi mthun par gyur to// de nas ko sa la'i rgyal po gsal rgyal bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig/ tu 'dug nas/ bcom ldan 'das la/ ko sa la'i rgyal po gsal rgyal gyis 'di skad ces gsol to// btsun pa bcom ldan 'das ni chos kyi rgyal po bla na med pa sems can 'phongs pa rnams la yongs su skyob pa/ phan tshun 'khon pa rnams kyi 'khon byang bar mdzad pa lags na/ byang phyogs kyi pany+tsa la'i rgyal po 'di/ lho phyogs kyi pany+tsa la'i rgyal po dang mi mthun te/
- 37b
de gnyis kyi phan tshun du skye bo mang po kha 'dog par bgyid na/ bcom ldan 'das kyis thugs partse ba'i slad du de gnyis yun ring po nas 'khon byung ba zhi bar mdzad du gsol/ de nas bcom ldan 'das kyis/ ko sa la'i rgyal po gsal rgyal la cang mi gsung bas gnang ngo // de nas ko sa la'i rgyal po gsal rgyal gyis/ bcom ldan 'das kyis cang mi gsung bas gnang bar rig ste/ bcom ldan 'das kyi zhabs la mgo bos phyag 'tshal nas stan las langs te song ngo // de nas bcom ldan 'das kyis de'i phyid nyid kyi snga dro sham thabs dang chos gos gsol te/ lhung bzed bsnams nas/ wA ra NA si phyogs kyi ka shi rnams kyi grong rdal ga la ba der rgyu zhing gshegs te/ mthar gyis rgyu zhing gshegs pa dang / wA rA Na sir byon nas wA rA Na si na drang srong smra ba'i ri dgas kyi nags na bzhugs so/ / de nas re zhig na de gnyis kyis bcom ldan 'das bdag cag gi yul du gshegs par rig go// de nas bcom ldan 'das kyis/ rdzu 'phrul gyi stobs kyis dpung gi tshogs yan lag bzhi pa sprul nas/ byang phyogs kyi pany+tsa la'i rgyal po skrag cing bye nas shing rta gcig zhon te/ bcom ldan 'das kyi thad du song nas/ bcom ldan 'das kyis de la 'khon 'byang bar 'gyur ba'i chos bstan to// des chos de thos nas bcom ldan 'das kyi thad du rab tu byung ste/ nges brtson pa dang /
- 38a
bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// lho phyogs kyi ngany+tsa la'i rgyal pos kyang bcom ldan 'das nyan thos kyi dge 'dun dang bcas pa zla ba gsum gyi bar du spyan drangs te/ zhal zas ro brgya dang ldan pa gsol nas/ 'bum ri ba'i na bza' yang phul te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las rno ba'i sangs rgyas su gyur cig ces byas so/ / de nas bcom ldan 'das kyis lho phyogs kyi ngany+tsa ma'i rgyal po de'i rgyu gcig nas gcig tu brgyud ba dang / las gcig nas gcig tu brgyud pa mkhyen nas 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang son
- 38b
dang / thig nag dang / bsdus 'joms dang / ngu 'bod dang / ngu 'bod chen po dang / tshang dang / rab tu tshang dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang ut+pa la lngar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di mas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad do// de dag gis sprul pa mthong mas 'di snyam du sems te/ kye bdag cag ni 'di nas kyang shi 'phos par ma gyur la/ bzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa las sems mngon par dga' bar gyur nas/ sems can dmyal ba myong bar 'gyur ba'i las de zad de/ lnga dang mi rnams kyi nang du gang du bden pa rnams kyi snong du rung bar 'gyur ba der nyin
- 39a
mtshams 'dzin par 'gyur ro/ / steng du 'gro ba gang yin pa de dag ni/ rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis/ / sangs rgyas bstan la sbyor bar gyis// 'dam du'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// / bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi
- 39b
stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston phapar bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston pabar bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor lo sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor
- 40a
du mi snang bar 'gyur ro/ / de nas 'od zer de dag gis bcom ldan 'das la lan gsum bskor du byas te/ bcom ldan 'das kyi dbu'i gtsug tor du mi sna par gyur to/ / de mas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna sdong gis sbrel pa sna tshogs can// mang po zhal gyi sgo nas rlung bapar gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyugs dang mi dgyes spangs pa yi/ / sangs rgyas 'gro ba dag gi nges pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan po nyid kyi blo yis dus bab mkhyen lags na/ / dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams gyin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal/ / bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra
- 40b
bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo bany+tsa la'i rgyal po 'dis/ nga la 'di lta bu'i bkur sti byas pa mthong ngam/ btsun pa mthong lags so// kun dga' bo pany+tsa la'i rgyal po 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas spos mchog ces bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bskyod do// / 'dug pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / drug po rnams dang / pho zang 'khor gyi mi rnams dang / tshong dpon rnams dang / deng dpon rnams dang /
- 41a
lha rnams dang / klu rnams dang / gnod sbyin rnams dang / lham yin rnams dang / nam mkha' lding rnams dang / mi 'am ci rnams dang / lho 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal du rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ tshong dpon gnyis phan tshun mi mthun par gyur te/ de gnyis las gcig ni rdzogs byed la dang / gcig ni sangs rgyas bcom ldan 'das la dad do// de nas de gnyis phan tshun gtam du bya ba nges par byed de/ rdzogs byed kyi dge bsnyen na re/ sangs rgyas pas ches rdzogs byed khyad par du 'phags so zhes zer ro// sangs rgyas kyi dge bsnyen na re/ bcom ldan 'das yang dag par rdzogs pa'i sangs rgyas ches khyad par du 'phags so zhes zer ro// de nas de gnyis kyis bdog pa thams cad yal bar bya ba'i skugs kyi gta' bzhag go/
- 41b
de nas re zhig na rgyal po gsal rgyal gyis thos nas blon po rnams la de gnyis kyi sbyongs shig ces bsgo'o// de nas blon po de dag gis yul thams cad du dril bsgrags te/ nga ste zhag bdun/ na/ sangs rgyas dang / mu stegs can gyi dge bsnyen gnyis kyi sbyang bar chad kyis/ su rmad du byung ba lta 'dod pa de dag shog cig ces byas so// de nas zhag bdun lon pa na/ sa phyogs go skabs yangs pa zhig tu mi 'bum phrag du ma 'dus pa dang / nam mkha' la lha 'bum phrag du ma 'dus pa'i nang du ba glang gi lci bas dkyil 'khor byas te/ spos dang me tog 'phreng thams cad bsdogs pa la/ thog ma kho nar mu stegs can gyi dge bsnyen gyis/ bden pas gsol ba gdab pa byas te/ bden pa dang bden pa'i tshig gang gis rdzogs byed la sogs pa ston pa drug mchog yin pa'i bden pa dang bden pa'i tshig des na/ me tog 'di dag dang / bdug pa 'di dang / chu 'di de rnams kyi thad du song zhig ces byas so// de skad ces brjod pa'i mong la me tog de dag ni sa la lhags so/ / me ni shi'o// chu ni sa la thim zhing yongs su zad de/ yongs su gtugs par gyur to// de nas skye bo phal po che de dag gis ca co dang / ga zha bton te/ skang po che phyung ngo / / de nas mu stegs can gyi dge bsnyen gyis de mthong nas/ cang mi zer bar 'jug la spa song zhing zag pa bcum ste/ mig pab nas/ spobs pa med par gyur te/ sems khongs su tshung
- 42a
la lag pa la skom tshugs bcas nas 'khums shing 'dug go/ de nas bcom ldan 'das kyi sdong ma dga' ches nas/ dga' zhing mdangs phyung ba'i mig dang ldan pas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bden pas gsol ba gdab pa byas te/ bden pa dang bden pa'i tshig gang gis/ bcom ldan 'das sems can rnams kyi mchog yin pa'i bden pa dang bden pa'i tshig des na/ me tog 'di dag dang / bdug pa 'di dang / chu 'di bcom ldan 'das kyi thang du song zhig ces byas so/ / de skad ces brjod pa'i mod la me tog de dag ni ngang pa rgyus pa bzhin du nam mkha' la 'phags nas/ rgyal du rgyal byed kyi tshal logs su kha bltas te song ngo // bdug pa ni sprin gyi mdog lta bur gyur to/ / ru ni bai DUR+Ya'i sdong bu lta bur gyur to// de nas skye bo'i tshogs phal po che de dag gis cho 'phrul de mthong nas/ ca co dang ga zha bton te skang po che phyung nas de dag song ba'i rgya bzhin du 'brang ste dong ngo / / de nas me tog de dag ni bcom ldan 'das kyi steng na 'dug go// dajug pa dang chu ni spyan snga na 'dug go// de nas skye bo phal po che de dag dga' bar gyur te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir spyan sngar 'khod do// bcom ldan 'das kyis de dag la mdo 'di dka' stsal to// bram ze dang khyim bdag rnams
- 42b
'dag su mnam chog tug mas pan/ / gajam ga nangs rgyas mchog nub gsang dang / nagacag dgas pa dang / 'gyu tu pa rgyas mchog tu gdags pa gang zhen/ bram ze dang khyim bdag rnams sems can rkang med rnams sam/ rkang gnyis rnams sam/ rkang bzhi rnams sam/ rkang mang rnams sam/ gzugs can rnams sam/ gzugs can ma yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa yang ma yin/ 'du shes med pa ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to// sangs rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni sangs rgyas mchog tu gdags pa zhes bya'o// chos mchog tu gdags pa gang zhe na'adus byas sam 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos mchog yin par bstan to// chos la mngon par dga' ba su yang
- 43a
rung ba de dag ni mchog la mngon par dka' ba yin te/ mchog la mngon par dga' ba de dag gi rnam par smin pa yang lha rnams kyi nang du lhar gyur pa rnams sam/ rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni chos mchog tu gdags pa zhes bya'o// dge 'dun mchog tu gangs pa gang zhe na/ 'dus pa 'am/ tshogs sam/ mang po 'am/ 'khor gang yang rung ste/ de dag gi nang na ni/ de bzhin gshegs pa'i nyan thos kyi dge 'dun mchog yin par bstan to// dge 'dun la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'da' zhig tu 'gyur bar shes par bya ste/ bram ze dang khyim bdag rnams 'di ni dge 'dun mchog tu gdags pa zhes bya'o// chos kyi rnam grangs 'di bstan pa na/ bram ze dang khyim bdag de dag gi nang nas/ kha cig gis ni sangs rgyas dang / chos dang / dge 'dun rnams la dad pa rnyed do// kha cig gis ni skyabs su 'gro ba dang / bslab pa'i bzhi blangs so// kha cig gis ni rab tu byung nas phol mig lnga dang ldan pa'i 'khor ba'i 'khor lo 'di g.yo zhing mi brtan par rig ste/ 'du byed
- 43b
kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can du rtsad chod nas/ nyon mongs pa thams cad spangs te/ dgra bcom pa nyid mngon sum du byas so/ / mu stegs can gyi dge bsnyen nges kyang bcom ldan 'das la ngang pa rnyed do// de nas sdong po rtsa ba nas bcang ba bzhin du zhabs la phyag 'tshal te smon lam btab pa dge ba'i rtse ba dang / sems bskyed pa dang / smin par bya ba'i chos yongs su gtong ba 'dis bdag 'jig rten long ba 'dren pa red cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo paba'i sangs rgyas su gyur cig ces byas so/ / de nas bcom ldan 'das kyis mu stegs can gyi dge bsnyen de'i rgyu gcig nas gcig tu brgyud pa dang / las gcig nas gcig tu brgyad pa mkhyen nas 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang
- 44a
sos dang / thig nag dang / bsdus 'joms dang / ngu 'dod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas/ 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin
- 44b
par gyur to/ / steng du 'gro ba kang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams/ dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad meng 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam du'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rang spangs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/
- 45a
gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sbyar ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// / bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan
- 45b
gsum bskor ba byas te/ bcom ldan 'das kyi dbu'i gtsug tor du mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par/ pad+ma'i rtsa dang dung mdog lta bu'i 'dzum mi ston// brtan pos nyid kyi blo yis ngus pa'amakhyen lags na// dge sbyong rgyal dbang nyam pa somanyi 'tshal ba rnams// thub pa lta mchog gis ni gsung mchog brtan pa dang / / bzang po dag gi the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no/ / de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi//
- 46a
mdza // ngan dga' bo ma mags can kyi ga bzhin 'dis sa 'ang na pashAr smra zlus pa mayong sa/ bdun pa mthong 'asmras so// sa ka' du can gyi dge bsnyen 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya/ ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas mi g.yo ba zhes bya bar 'gyur te/ 'jig rten du 'byung bar 'gyur ro/ / de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' stsal nas/ dge slong de dag yi/ rangs te/ bcom ldan 'das kyis gsungs pa la mngon par bstod do// rgyal po zhes bya ba ni/ sangs rgyas bcom ldan 'das la// rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams
- 46b
dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas pa lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe ko sa la'i rgyal po gsal rgyal dang / rgyal po ma skyes dgra gnyis phan tshun mi mthun par gyur to// de nas rgyal po ma skyes dgras dpung gi tshogs yan lag bzhi pa/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas/ ko sa la'i rgyal po gsal rgyal dang g.yul 'gyed pa'i phyir drangs so// ko sa la'i rgyal po gsal rgyal gyis kyang / rgyal po ma skyes dgras dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas/ bdag dang
- 47a
kAm+bal 'byed pa'i phyir drangs so nam zas so/ / thos nas des kyang dpung ga tshogs yas lags rgya thang ba tsha'i tshogs dang / rtaba'i tshogs dang / shi d+hA dang / dpung bu chung gi tshogs go bskon nas/ rgyal po ma skyes dgra dang g.yul 'gyed pa'i phyir drangs so// de nas rgyal po ma skyes dgras/ ko sa la'i rgyal po gsal rgyal gyi glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs thams cad phrogs te/ ko sa la'i rgyal po gsal rgyal pham zhing skrag la rdugs te/ rab tu pham zhing rgyang kyis phyogs par gyur nas/ shing rta gcig pus mnyan du yod par song ste/ lan gsum gyi bar du yang de ltar gyur to// de nas ko sa la'i rgyal po gsal rgyal mya ngan gyi khang par zhugs nas/ lag pa la sgom tshugs bcas te/ sems khongs su chud cing 'dug go// de nas mnyan du yod pa de na tshong dpon phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'dran pa zhig 'dug pa des/ ko sa la'i rgyal po gsal rgyal ji ltar pham zhing skrag la rdugs te/ rab tu pham zhing rgyab kyis phyogs par gyur nas/ shing rta gcig pus mnyan du yod par song ngo zhes thos so// thos nas kyang ko sa la'i rgyal po gsal rgyal ga la bder song ste phyin nas/ rgyal po gsal rgyal la rgyal bar gyur
- 47b
cig/ sku tshe ring bar shog cig ces bstod nas/ smras pa/ lha ci'i slad du thugs ngan mdzad/ lha ci'i slad du thugs bdag gis ji tsam gyis nang dung yang lha ji ltar dgyes dgur mdzad par 'gyur ba de tsam gyi gser lha la 'bul bar 'tshal lo zhes byas so/ / des de la gser gyi phung po chen po spungs te/ der mi 'dug pas kyang mi 'greng ba mi mthong la/ 'greng bas kyang 'dug pa mi mthong ba zhig phul lo/ / de nas ko sa la'i rgyal po gsal rgyal gyis bdag nyid kyi yul du rtog chen gyi mi kun tu bkye ste/ mi de dag ci zer ba nyon cig ces byas so// re zhig na rgyal po rgyal byed kyi tshal na/ rgan po gnyis shig phan tshun gtam zer te/ pad+ma'i ze ba zhes bya ba'i yul gyi dgra thabs yod de/ de la mi sngar ma gang yin pa de dag ni g.yul gyi gdong zan du gtong ngo / / 'bring gang yin pa de dag ni bar du gzhog/ mi mchog tu dpa' ba gang yin pa de dag ni rgyab tu gzhog go zhes zer ro// de nas de dag gis rgyal po la bsnyad de/ ko sa la'i rgyal po gsal rgyal gyis thos nas/ de bzhin du dpung gi tshogs yan lag bzhi go bskon nas/ rgyal po ma skyes dgra dang g.yul 'gyed pa'i phyir drangs so// de nas ko sa la'i rgyal po gsal rgyal gyis lus 'phags ma'i bu rgyal po ma skyes dgra'i glang po che'i tshogs thams cad kyang phrogs/ rta pa'i tshogs dang / shing rta'i tshogs dang / dpung bu chung gi tshogs kyang phrogs
- 48a
s+ho/ / lus 'phags ma'i burgyal po ma skyes dgra'i glang po che'i tshogs thams cad kyang thogs/ rang thams cing rgyab kyis smras par gyur nas/ gyanan por bzung / shing rta gcig la bskyon nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas/ bcom ldan 'das la/ ko sa la'i rgyal po gsal rgyal gyis 'di skad ces gsol to// btsun pa rgyal po ma skyes dgra 'di ni yun ring po nas bdag gi khon zla ma lags par khon du 'dzin pa dang / dgra zla ma lags par dgra bgyid pa lags mod kyi/ 'di ni bdag gi grogs po'i bu lags pa'i slad du/ bdag ni 'di dgum par mi 'tshal te 'di gtang bar 'tshal lo zhes gsol to/ / bcom ldan 'das kyis kyang rgyal po chen po thong zhig ces bka' stsal nas/ de'i tshe tshogs su bcad de bka' stsal pa/ rgyal bar gyur na lon pa mang // pham par gyur na sdug bsngal gnas/ / rgyal dang pham pa spangs na ni// nye bar zhi ste bde bar gnas// de nas ko sa la'i rgyal po gsal rgyal 'di snyam du sems te/ bdag gis rgyal srid phyir thob pa 'di ni/ tshong dpon 'di'i drin yin gyis/ bdag gis 'di la ci 'dod pa'i bya dga' sbyin pa'i skabs dbye'o snyam mo// de nas ko sa la'i rgyal po gsal rgyal gyis tshong dpon
- 48b
de la ci 'dod pa'i bya dga' sbyin pa'i skabs phye na/ de na re/ bdag ci dga' ba'i bya dga' 'tshal gyis/ bdag zhag bdun gyi bar du ci dga' dgur bgyid pa'i rgyal srid stsol cig ces byas so/ / de nas rgyal po gsal rgyal gyis bdag gi yul thams cad du dril bsgrags te/ nga'i rgyal srid zhag bdun gyi bar du tshong dpon la byin no zhes bsgo'o// re zhig na tshong dpon nges sangs rgyas la sogs pa dge slong gi dge 'dun rnams dang / rgyal po gsal rgyal 'khor dang bcas pa zhag bdun gyi bar du gdugs tshod la spyan drangs so// yul ka shi dang / ko sa la na skye bo'i tshogs ji snyed 'khod pa de dag la yang pho nya btang ste/ zhag bdun gyi bar du khyed khral thung med par ci dga' dgur 'khod cig/ bde ba la reg par gnas par gyis shig 'dir yang shog la/ sangs rgyas dang / chos dang / dge 'dun la skyabs su song zhig/ nga'i ston mo yang tshol la/ de bzhin gshegs pa la bsnyen bkur gyis shig ces byas nas des zhag bdun gyi bar du bcom ldan 'das nyan thos kyi dge 'dun dang bcas pa la bkur sti chen pos bkur sti byas so/ / mi 'bum phrag mang po dag kyang bde ba la btsung ngo // zhag bdun lon nas bcom ldan 'das kyi zhabs la phyag 'tshal te/ sems la rtas par byas nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yo
- 49a
su gtong ba 'dis/ bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so// de nas bcom ldan 'das kyis tshong dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o/ / kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngudu'abong chen po dang / tsha ba dang / rab tu tsha ba dang / mnar med pa dang / chu ngur can dang / chu ngur rdol dang / so thams thams dang / kyi hung zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab po// grang ba'i sems
- 49b
can dmyal ba bang yan nga / ngas na sems can de dag gi gnang pa' khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du ni skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du'ang ma skyes mod kyi/ 'on kyang sngon ma byung ba'i sems can snang ba 'di'i mthus bdag/ cag gi gnod pa'i khyad par rnams rtse zhil bar gyur to snyam mo// de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dpa' rnams dang / gzhan 'phrul dbang byed rnams dang / tshangs ris rnams da tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams da
- 50a
tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bsor nas/ bcom ldan 'das kyi phyir zhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi sngam logs su mi snang bar 'gyur ro// ma 'ongs pa'i las lung ston par bzhed namo/ mdun logs su mi snang bar 'gyur ro// sems can dbul bar skye bar lung ston par bzhed nam/ zhabs kyi mthil du mi spang bar 'gyur ro// dud 'gror skye bar lung ston pa
- 50b
bzhed na ni/ zhabs kyi rting ngar mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na niHpus mo gnyis su mi snang bar 'gyur ro/ / stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sbyar ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// rlan med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ / mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs
- 51a
sku bcang de gsol pa/ rgod dang bral zhing rgyags dang mi gyes spangs pa yi// sangs rgyas 'gro bdag gi dam pa'i rgyur gyur pa// rgyal ba dgra thub rnams ni rgya mamachis par/ / pad+ma'i rtsa dang dung mdog lta bu'i 'dzum mi ston// brtan pos nyid kyi blo yas dus bab mkhyen lags na/ dge sbyong rgyal dbang nyan pa som nyi 'tshal ba rnams// drub pa khyu mchog gi ni gsung mchog brtan pa dang / bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams byin 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ninide bzhin no/ / de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu meng rkyen med par 'dzum pa mi mdzad do// kun dga' bo tshong dpon 'dis de bzhin gshegs pa nyan thos kyi dge 'dun dang bcas pa la 'di lta bu'i bkur sti byas pa dang / skye bo phal po che dge ba la btsud pa mthong ngam/ btsun pa mthong lags so/ / kun dga' bo tshong dpon 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum
- 51b
gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas mo 'jigs sbyin// zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// gang po la sogs pa'i rtogs pa brjod pa brgya pa las sdom gyi tshogs su bcad pa dang po rdzogs so/ / / sdom ni/ mnyan pa dang ni ka ba khrus// yams kyi nad dang cho 'phrul dang // lo lnga pa dang bstod mchog sbyin ka shi ka dang lha mi zas/ mnyan pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / drug po rnams dang / dza 'tshar gyi ma rnams tshang pon nams dang / dngang ba rnams dang / lharnams dang / klu rnams dang / gnang sbyin rnams dang / snga ma yin rnams ngi/ nam malam
- 52a
rnams dang / mi 'am ci rnams dang / lto 'phye chen po rnams kyis bkur sti byas/ tha mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na chu klung khang ldan gyi mjug mnyan pa'i grong na bzhugs so/ / de nas mnyan pa de dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal nas/ phyogs gcig tu 'khod do// phyogs gcig tu 'khod nas/ mnyan pa de dag la bcom ldan 'das kyis chos kyi gtam yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// chos kyi gtam rnam grangs du mas yang dag par bstan// yang dag par 'dzin du bcug/ yang dag par gzangs bstod/ yang dag par dga' bar mdzad nas/ cang mi gsung bar bzhugs so// de nas mnyan pa de dag stan las langs te/ bla gos phrag pa gcig tu gzar nas/ pus mo
- 52b
g.yas pa'i lha nga sa la btsugs te/ bcom ldan 'das ga la ba re logs su thal mo sbyar ba btud nas/ bcom ldan 'das la gsol pa/ bcom ldan 'das dge slong gi dge 'dun dang thabs cig tu chu klung khang ldan gyi 'gram du bdag cag gi der sang gdugs tshod gsol bar ci gnang / gru zam las kyang bsgral bar 'tshal lo zhes gsol nas/ bcom ldan 'das kyis kyang / mnyan pa rnams la cang mi gsung bas gnang ngo // de nas mnyan pa de dag gis chu klung khang ldan gyi 'gram rdo dang / gseg ma dang / gyo mo med par byas te/ rgyal mtshan dang ba dan ni bsgreng / me tog sna tshogs ni gtor/ spos kyi snod dag gi nang nas ni bdug pa gsol/ zhal zas bzang po ni bshams/ me tog mang po ni sta gon byas so// gru zam gyi steng yang me tog gi khang pa dag gis brgyan nas/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis nga de'i dus la bab par dgongs te gshegs su gsol zhes bskul to/ / de nas bcom ldan 'das dge slong gyi tshogs kyis zhabs 'bring byas te/ dge slong gi dge 'dun gyis mdun du bdar nas/ mnyan pa'i grong ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas mnyan pa rnams kyis sangs
- 53a
rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang pos tshim par byas te/ ci bzhed pa bstabs so// rang gi lag nas bza' ba dang bca' ba gtsang ma bzang po rnam grangs du mas tshim par byas te/ ci bzhed pa bstabs nas/ bcom ldan 'das bshos gsol zin te/ gsang sder ni gyu/ phyag ni bcabs par rig nas/ stan ches dma' ba dag khyer te chos mnyan pa'i phyir/ bcom ldan 'das kyi spyan sngar 'khod do// de nas bcom ldan 'das kyis mnyan pa de dag gi bsam pa dang / bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos pas mnyan pa du mas ni rgyun du zhugs pa'i 'bras bu thob bo// kha cig gis ni lan cig phyir 'ong ba'i 'bras bu thob bo// kha cig gis ni phyir mi 'ong ba'i 'bras bu thob bo/ / kha cig gis ni nyon mongs pa thams cad spangs nas/ dgra bcom pa nyid mngon sum du byas so// kha cig gis ni nyan thos kyi byang chub tu sems bskyed do// kha cig gis ni rang sangs rgyas kyi byang chub tu sems bskyed do// kha cig gis ni bla na med pa yang dag par rdzogs pa'i byang chub tu sems bskyed do// 'khor de dag thams cad kyang
- 53b
sangs rgyas la gzhol ba dang / chos la 'bab pa dang / dge 'dun la bab pa la bkod do// de nas mnyan pa de dag gis bcom ldan 'das dge slong gi dge 'dun dang thabs cig tu bkur sti chen po dang ldan pas gru zam las bsgral to/ / dge slong dag kyang sangs rgyas kyi mchod pa mthong bas sems dpa' bar gyur te/ sangs rgyas bcom ldan 'das la zhus pa bcom ldan 'das kyis dge ba'i rtsa ba 'di dag gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so/ / dge slong dag khyed nyan par 'dod dam/ bcom ldan 'das nyan par 'tshal lags so// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das shing rnga skal ldan zhes bya ba 'jig rten du byung ngo / / de dgra bcom pa drug khri'is stong gis zham ring byes te ljongs rgyu zhing
- 54a
gshegs pa las/ gang+gA'i 'gram du byon nas/ de'i tshe ded dpon zhig 'khor brgya phrag du ma dang gang+gA'i klung las 'gron po dag sgrol zhing 'dug go// phyogs den chom rkun gyi 'jigs pa chen po yang yod do/ / de nas ded dpon gyis yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa mthong ngo / / mthong nas kyang sems dga' bar gyur te/ sems dga' bar gyur nas/ bcom ldan 'das la gsol pa/ bdag gis thog ma kho nar bcom ldan 'das bsgral bar 'tshal lo/ / yang dag par rdzogs pa'i sangs rgyas shing rta skal ldan gyis kyang ded dpon la cang mi gsung bas gnang ngo // de nas ded dpon des yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa 'byor pa chen po dang ldan pa/ gru zam las bsgral te/ zhal zas bzang pos kyang tshim par byas nas/ bla na med pa yang dag par rdzogs pa'i byang chub tu smon lam btab bo// bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na/ ded dpon du gyur pa gang yin pa de ni nga yin te/ ngas yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa/ gru zam las bsgral
- 54b
ba dang / zhal zas bzang pos tshim par byas pa dang / smon lam btab pa'i las de'i rnam par smin pa sangs 'khor de ba chen po mtha' yas pa nyams su myong la/ da ltar bla na med pa yang dag par rdzogs pa'i byang chub tu mngon par rdzogs par sangs rgyas pa na yang 'di lta bu'i mchod pa byas so/ / dge slong dag de bas na 'di ltar bslab par bya ste/ ston pa la bkur sti bya'o/ / bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor bas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs/ bcom ldan 'das kyis gsungs pa la mngon par bstod ka ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang // tshong dpon rnams dang / ded dpon rnams dang / lha rnams dang / klu rnams dang / garod sbyir rnams dang / lham ya rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang
- 55a
nam mkha' lding dang / mi 'am tsa dang / lo'i phye chen po rnams kyis mchod cing shes pa'i sangs rgyas bcon ldan 'das bsod nams chen po dang ldan pa/ na bza' dang / zhal zas dang / gzims chu dang / gdan dang / sbyin gsos dang / sngan zong rnams brnyes pa/ nyan thos kyi dge 'dun dang bcas bku ru'i ljongs zhing gshegs pa las/ ku ru'i grong khyer du byon te/ ku ru'i skye bo'i tshogs de dag kyang sangs rgyas kyi gdul bar 'gyur ba/ sems rgya chen po dang ldan pa sbyin pa la sred pa stag go/ / de nas bcom ldan 'das 'di snyam du dgongs te/ ngas lha'i dbang po brgya byin lha'i 'khor gyis bskor ba dgug go// 'on tang de mthong bas 'di rnams kyi dge ba 'phel bar 'gyur ro snyam du dgongs so/ / de nas bcom ldan 'das kyis 'jig rten pa'i dgongs pa bskyed de/ kye ma lha'i dbang po brgya byin lnga'i tshogs kyis g.yog byas pas tsan ngan sa mchog pa'i ka ba khyer te 'ongs na legs so snyam du dgongs nas/ dgongs pa bskyed pa'i mod la lha'i dbang po brgya byin lha'i tshogs kyis g.yog byas pa/ gang na las thams cad pa dang / rgyal po chen po bzhi dang / lha dang / klu dang / gnod sbyin dang / dri za dang / grul bum du mas g.yog byas pa dag lhags te/ tsan dan sa mchog pa'i ka ba khyer te 'ongs nas
- 55b
ha ha zhes ca co dang / gzha ton te skang po che byung nas/ bcom ldan 'das kyi phyir tsan dan sa mchog pa'i khang bzangs legs par byas so// de nas khang bzangs der lha dbang po brgya byin gyis bcom ldan 'das nyan thos kyi dge 'dun dang bcas pa la lha'i zhal zas dang / lha'i gzims cha dang / gdan dang / lha'i spos dang / me tog gi 'phreng dag gis bkur sti byas/ bla mar byas/ ri mor byas/ mchod pa byas so// de nas ku ru'i skye bo'i tshogs rnams kyis lha'i 'byor pa de dag mthong ba dang / mchog tu ya mtshan du gyur nas 'di snyam du sems te/ 'di ltar bcom ldan 'das la dbang po dang bcas pa'i lha rnams kyis mchod pa las na/ 'jig rten na mchog yin pa lta snyam ste/ sems 'dun par gyur nas/ bcom ldan 'das kyi thad du song ste/ bcom ldan 'das kyi zhabs la phyag 'tshal nas phyogs gcig tu 'khod do// phyogs gcig tu 'khod nas/ ku ru'i skye bo'i tshogs rnams khang bzangs de la shin tu dga' ba skyes so/ / de nas bcom ldan 'das kyis khang bzangs de mi snang bar mdzad nas/ mi rtag pa nyid dang ldan pa'i 'phags pa'i bden pa bzhi rdzogs par 'gyur ba de lta bu'i chos bstan te/ de thos nas ku ru'i mi rnams las kha cig gis ni rgyun du zhubs pa'i 'bras bu thob bo// kha cig gis ni lan cig phyir 'ong ba'i 'bras bu thob
- 56a
boH/ kha cig gis ni phyir mi 'ong ba'i 'bras bu thob bo// kha cig gis ni nyon mongs pa thams cad spangs nas dgra bcom pa nyid mngon sum du byas so// kha cig gis ni nyan thos kyi byang chub tu sems bskyed do/ / kha cig gis ni rang sangs rgyas kyi byang chub tu sems bskyed do// kha cig gis ni bla na med pa yang dag par rdzogs pa'i byang chub tu sems bskyed do/ / 'khor de dag thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do// dge slong rnams kyang sangs rgyas kyi mchod pa mthong bas sems dga' bar gyur te/ sangs rgyas bcom ldan 'das la zhus pa / bcom ldan 'das kyis dge ba'i rtsa ba 'di dag gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan du tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so// dge slong dag khyed nyan par 'dod dam/ bcom ldan 'das nyan par 'tshal lags so/ / dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig
- 56b
pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das tshangs pa zhes bya ba 'jig rten du byung ngo / / de nas yang dag par rdzogs pa'i sangs rgyas tshangs pa dgra ba com pa drug khri nyis stong gis zham ring byas te/ ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal pos yang dag par rdzogs pa'i sangs rgyas tshangs pa dgra bcom pa drug khri nyis stong gis zham ring dus pa ljongs rgyu zhing gshegs pa las/ bdag gi yul du byon to zhes thos so// thos nas kyang rgyal po'i 'byor pa chen po dang rgyal po'i mthu chen pos/ bcom ldan 'das yang dag par rdzogs pa'i sangs rgyas tshangs pa ga la ba der song ste phyin nas/ yang dag par rdzogs pa'i sangs rgyas tshangs pa'i zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ rgyal rigs spyi bo nas dbang bskur ba'i rgyal po/ bcom ldan 'das kyis byang chub thob par byed pa'i chos rnams la yang dag par btsud do// de nas rgyal po de dga' bar gyur nas/ stan las ladwa te/ bla gos phrag pa gcig tu gzar nas/ bcom ldan 'das ga la ba der logs su thal po sbyar ba btud de/ bcom ldan 'das la 'di sa
- 57a
ces gsol to/ / bcom ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das nyan thos kyi dge 'dun dang thabs cig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas yang dab par rdzogs pa'i sangs rgyas tshangs pas/ rgyal po la cang mi gsung bas gnang ngo // de nas rgyal rigs spyi ngo nas dbang bskur ba'i rgyal po des/ bcom ldan 'das kyi phyir tsan dan sa mchog pa'i khang bzang byed du bcug go/ / des de la na bza' dang / rgyan rnam pa sna tshogs kyis brgyan nas/ me tog sna tshogs kyis ni gtor/ pog por dag gis ni bdugs te/ bcom ldan 'das nyan thos kyi dge 'dun dang bcas pa la phul nas/ zla ba gsum gyi bar du zhal zas bzang pos tshim par byas te/ na bza'i khyad par rnam pa sna tshogs phul nas/ bla na med pa yang dag par rdzogs pa'i byang chub tu yang smon lam btab bo/ / bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na/ rgyal rigs spyi bo nas dbang bskur ba'i rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas tshangs pa la de lta bu'i mchod pa byas pa'i las kyi rnam par smin pa des na/ ngas
- 57b
'khor ba na bde ba chen po mtha' yas pa nyams su myong la/ da ltar bla na med pa yang dag par rdzogs pa'i byang chub mngon par rdzogs par sangs rgyas pa na yang 'di lta bu'i mchod pa byas so/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod par bya'o// ston pa la bkur sti byas/ bra mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// khrus zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/
- 58a
na bza' dang / zhal zas dang / gzims ca dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa/ na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ tshong pa lnga brgya tsam dgon pa'i lam du zhugs pa las de dag lam stor nas/ bye stongs shig tu phyin te/ de dag lam gyi ngal bas dkos tha ga cing / brgyags zang 'a/ nyi ma'i gung la nyi tshan gyis gdungs nas nya skam la bton pa bzhin du sa la 'gre ldog ste/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong nas/ gu lang dang / chu lha dang / ku be ra dang / brgya byin la sogs pa lha stong snyed la so sor gsol ba 'debs kyang de las skyob par nus pa med do/ / de'i nang nas dge bsnyen sangs rgyas kyi bstan pa'i rgyus shes pa zhig yod de/ des tshong pa de dag la smras pa/ khyed sangs rgyas la skyabs su song zhig/ de nas thams cad kyis skad bsnyams te skyabs su song ngo // de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang
- 58b
ldan pa/ / cig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan la ba drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgung/ su ni dang / su ni 'phongs shing 'jug/ sun nyam nga bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas
- 59a
ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir smras pa/ rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas re zhig na bcom ldan 'das kyis tshong pa mang po 'phongs shing nyam nga bar gyur pa gzigs so/ / de nas mig gis cer ces bltas pa tsam gyi yun gyis dge slong gi tshogs kyis zham ring byas te/ rgyal bu rgyal byed kyi tshal nas mi snang bar gyur nas/ phyogs der gshegs so// tshong pa de dag gis kyang bcom ldan 'das dge slong gi dge 'dun dang bcas pa mthong ngo // mthong nas kyang skang po che phyung ngo // de nas bcom ldan 'das kyis 'jig rten pa'i dgongs pa bskyed de/ lha'i dbang po brgya byin gyis dbang chen gyi char phab la/ bser du bsil ba yang btang na legs so snyam du dgongs
- 59b
nas/ bcom ldan 'das kyis dgongs pa bskyed pa'i mod la/ brgya byin gyis dbang chen gyi char yang phab/ bser bu bsil ba yang btang ste/ des na tshong pa de dag mi skom par gyur la/ tshabs gdungs pa yang zhi bar gyur to// de nas tshong pa de dag sems rtas nas/ bcom ldan 'das kyis de dag la lam yang bstan te/ de nas mnyan du yod par phyin to// de nas de dag ngal bso nas/ bcom ldan 'das kyi thad du song ste/ bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan to// de thos nas kha cig gis ni rgyun du zhugs pa'i 'bras bu thob bo/ / kha cig gis ni lan cig phyir 'ong ba'i 'bras bu thob bo// kha cig gis ni phyir mi 'ong ba'i 'bras bu thob bo// kha cig gis ni nyon mongs pa thams cad spangs nas/ dgra bcom pa nyid mngon sum du byas so// kha cig gis ni nyan thos kyi byang chub tu sems bskyed do// kha cig gis ni rang sangs rgyas kyi byang chub tu sems bskyed do// kha cig gis ni bla ma med pa yang dag par rdzogs pa'i byang chub tu sems bskyed do/ / 'khor de dag thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do// de nas dge slong dag the tsom skyes nas/ the tsom thams cad gcod pa sangs rgyas bcom ldan 'das la zhus pa/ btsun pa tshong pa 'di dag bcom ldan 'das kyis 'di ltar dgon pa'i shul nas bskyabs
- 60a
pa dang / dgongs pa bskyed pa'i mod la dbang chen gyi char phab ste/ bser du bsil ba yang langs pa ngo mtshar lags so// bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can ngag gi las rnams ni// bskal pa brgyar yang chud mi za// tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes du gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom
- 60b
ldan 'das tsan ngan zhes bya ba 'jig rten du byung ngo / / de nas yang dag par rdzogs pa'i sangs rgyas tsan ngan ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas tsan dan ga la ba der song sde phyin nas/ yang dag par rdzogs pa'i sangs rgyas tsan ngan gyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ rgyal rigs spyi bo nas dbang bskur pa'i rgyal po de bcom ldan 'das kyis byang chub thob par byed pa'i chos rnams la yang dag par btsud do/ / de nas rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha sa la btsugs te/ yang dag par rdzogs pa'i sangs rgyas tsan dan ga la ba de logs su thal mo sbyar ba bdud nas/ yang dag par rdzogs pa'i sangs rgyas tsan ngan la 'di skad ces gsol to/ / bcom ldan 'das dge slong gi dge 'dun dang thabs cig tu rgyal po'i pho brang 'khor 'dir zla ba gsum gyi bar du bzhugs par ci gnang / de nas yang dag par rdzogs pa'i sangs rgyas tsan ngan gyis rgyal po de la cang mi gsung bas gnang ngo / / de'i tshe than chen byung nas/ des chu klung dang / khron pa rnams chu chung bar gyur la/ shing rnams kyang me tog dang
- 61a
'bras bu med par gyur to/ / de nas rgyal pos yang dag par rdzogs pa'i sangs rgyas tsan dan la gsol ba btab ste/ bcom ldan 'das grong khyer 'di'i nang du rdzing spos chab kyis bltams pa bgyid du stsal bar 'tshal na/ der bcom ldan 'das nyan thos kyi dge 'dun dang bcas pa khrus mdzad par gsol/ de ltar bcom ldan 'das kyis khrus mdzad na/ bdag gi yul 'dir dgung char 'bab tu glo ba re lags so zhes gsol to// de nas bcom ldan 'das yang dag par rdzogs pa'i sangs rgyas tsan dan gyis rgyal po de la cang mi gsung bas gnang ngo / / de nas rgyal rigs spyi bo nas dbang bskur ba'i rgyal po des blon po rnams la khyed kyi spos chab dang / rin po che'i bum pa dag sta gon gyis shig dang / de dag gis ngas bcom ldan 'das nyan thos kyi dge 'dun dang bcas pa khrus gsol bar bya'o zhes bsgo'o// de nas rgyal po de blon po'i 'khor dang bcas pas grong khyer de rdo dang / gseg ma dang / gyo mo med par byas te/ rgyal mtshan dang ba dan ni bsgreng / me tog sna tshogs kyis ni gtor/ spos chab kyis ni chag chag btab/ bdug pa sna tshogs ni bdugs/ dbus su ni rdzing byed du bcug go/ / de nas bcom ldan 'das yang dag par rdzogs pa'i sangs rgyas tsan ngan gyis sems can la phan gdags pa'i phyir khrus ras gsol te/ rdzing gi nang du bzhugs so// /
- 61b
de nas rgyal po blon po 'khor dang bcas pas/ bcom ldan 'das yang dag par rdzogs pa'i sangs rgyas tsan dan nyan thos kyi dge 'dun dang bcas pa spos sna tshogs kyis bsgos pa'i chus khrus gsol to/ / bcom ldan 'das yang dag par rdzogs pa'i sangs rgyas tsan dan khrus mdzad pa'i mod la/ lha'i dbang po brgya byin gyis gang gis lo thog thams cad rgyal bar 'gyur ba de lta bu'i dbang chen gyi char phab bo/ / gzhi de las skye bo phal po che yang sangs rgyas bcom ldan 'das la dad pa rnyed nas/ spos kyis byugs pa'i mchod rten du ma brtsigs te zhal bsros so/ / der yang dag par rdzogs pa'i sangs rgyas tsan dan la skyabs su song ba gang yin pa de dag thams cad ni yongs su mya ngan las 'das te/ de dag gi nang nas nga 'ba' zhig lus so/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas// mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// yams kyi nad ces bya ba ni/ sangs rgyas bcom ldan 'das la/ rgyal po rnams dang //
- 62a
blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas// ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so/ / de'i tshe yul 'dam bu tshal gyi skye bo mang po la mi nang byung ste/ der skye bo pa la po che de dag nad kyis dkos thag nas/ gu lang dang / chu lha dang / ku be ra dang / brgya byin la sogs pa lha stong snyed la so sor gsol ba 'debs kyang yams kyi nad de zhi bar ma gyur to// de nas yul 'dam bu tshal na dge bsnyen zhig gnas pa des 'dam bu'i tshal gyi bram ze dang / khyim bdag rnams la 'di skad ces smras so// khyed tshur shog/ sangs rgyas la skyabs su song
- 62b
la/ bcom ldan 'das de 'dir gshegs par gsol te/ bcom ldan 'das kyis ci nas tshegs chung ngus yams kyi nang zhi bar mdzad du gsol zhes kyang gsol ba thob cig/ de nas 'dam bu'i tshal gyi bram ze dang / khyim bdag rnams kyis bcom ldan 'das la gsol ba btab ste/ bcom ldan 'das 'dir gshegs la 'phongs shing nyam thag pa 'di las thar par mdzad du gsol zhes byas so/ / de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig dang ldan pa/ gcig tu dpa' ba/ med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum pa mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug
- 63a
dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ la yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas da// brgya phrag bcu la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgung / su ni dang / su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du ba ba/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir
- 63b
smras pa/ rgya mtsho chu srin rnams kyi gnas/ dus rlabs yol bar 'gyur yang sring // gdul bar bya ba'i sras rnams la// sangs rgyas dus las yol ba med// nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas 'dam bu tshal du gshegs so/ / de nas bcom ldan 'das kyis grong khyer gyi mi de dag thams cad la byams pas khyab par mdzad de/ des na mi ma yin pa rnams dong ste/ yams kyi nang zhi bar gyur to/ / de nas bram ze dang khyim pa dag de rnams bcom ldan 'das mthong bas dga' ba chen po skyes so// dga' ba skyes nas bcom ldan 'das nyan thos kyi dge 'dun dang bcas pa la na bza' dang / zhal zas dang / gzims cha dang / gdan dang / snyun gsos dang / sman zong rnams las ci bzhed pa'i skabs phye'o// de nas de dag la bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan te/ de thos nas/ de nas bram ze dang khyim bdag du mas rgyun du zhugs pa'i 'bras bu thob bo// kha cig gis ni lan cig phyir 'ong ba'i 'bras bu thob bo/ / kha cig gis ni phyir mi 'ong ba'i 'bras bu thob bo// kha cig gis ni rab tu byung ste/ nyon mongs pa thams cad spangs nas
- 64a
dgra bcom pa nyid mngon sum du byas so/ / kha cig gis ni nyan thos kyi byang chub tu sems bskyed do// kha cig gis ni rang sangs rgyas kyi byang chub tu sems bskyed do/ / kha cig gis ni bla na med pa yang dag par rdzogs pa'i byang chub tu sems bskyed do// grong khyer gyi mi de dag thams cad kyang sangs rgyas la gzhol ba dang / chos la 'bab pa dang / dge 'dun la bab pa la bkod do// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sems can 'di dag 'di ltar bcom ldan 'das la dga' ba skyes pas 'phongs pa las thar par gyur pa ni ngo mtshar lags so/ / bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las rnams byas shing bsags pa na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba bsags pa rnams
- 64b
ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chung mi za// tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das zla ba zhes bya ba 'jig rten du byung ste/ de nas yang dag par rdzogs pa'i sangs rgyas zla ba ljongs rgyu zhing gshegs pa las/ rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas zla ba bdag gi yul du byon to zhes thos so/ / thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas zla ba ga la ba der song ste phyin nas/ yang dag par rdzogs pa'i sangs rgyas zla ba'i zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas zla bas byang chub thob par byed pa'i chos
- 65a
rnams la yang dag par btsud do/ / de nas rgyal rigs spyi bo nas dbang bskur ba'i rgyal po de dga' bar gyur nas/ stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ yang dag par rdzogs pa'i sangs rgyas zla ba ga la ba der logs su thal mo sbyar ba tud nas/ yang dag par rdzogs pa'i sangs rgyas zla ba la 'di skad ces gsol to/ / bcom ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das dge slong gi dge 'dun dang thabs cig tu zla ba gsum gyi bar du 'dir bzhugs par ci gnang / de nas yang dag par rdzogs pa'i sangs rgyas zla bas rgyal po de la cang mi gsung bas gnang ngo / / de'i tshe rgyal po'i grong khyer de na skye bo mang po la mi nad byung ste/ des skye bo phal po che de dag la shin tu gnod par gyur to// de nas rgyal po des nang zhi bar bya ba'i phyir yang dag par rdzogs pa'i sangs rgyas zla ba la gsol ba btab ste/ bcom ldan 'das yams kyi nang 'di zhi bar 'gyur ba'i thabs mdzad par ci gnang zhes gsol to// yang dag par rdzogs pa'i sangs rgyas zla bas/ rgyal po de la bka' stsal pa// rgyal po chen po song la nga'i chos gos snga ma spar 'di rgyal mtshan gyi rtse mo la thogs la bkur sti chen po dang ldan pas
- 65b
bdag gi yul skor du chug cig/ 'di la dga' ston chen po yang gyis shig/ skye bo phal po che thams cad kyang sangs rgyas rjes su dran pa yang dag par 'dzin du chug cig dang / ngas na khyed ba de legs su 'gyur ro/ / de nas rgyal po chen pos kyang ji skad bstan pa bzhin du thams cad de kho na bzhin du byas nas/ de'i rgyu dang rkyen gyis yams kyi nang thams cad zhi bar gyur to// de nas skye bo'i tshogs de dag dga' bar gyur te/ rgyal po dang / blon po dang / pho brang 'khor gyi mi rnams sangs rgyas dang / chos dang / dge 'dun la skyabs su song ngo // bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i du na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas zla ba de la mchod pa chen po byas pa'i las kyi rnam par smin pa des na/ ngas 'khor ba na lha dang mir skye ba thob par 'gyur ba'i bde ba chen po nyams su myong la/ da ltar yang nga de'i rgyu las byung ba'i 'byor pa dang ldan par gyur to/ / des na ngas ci bsams pa dang / ci 'dod pa de dag thams cad de bzhin du grub par gyur to// dge slong dag de bas na 'di ltar bslab par bya ste/ ston pa la bkur sti bya'o/ / bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes
- 66a
dge slong dag khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / cho 'phrul zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rngan cing bzhugs so/ / gang gi tshe lnga sbyin gyis gcugs byas ci/ rgyal po ma skyes dgras pa chos dang ldan pa'i rgyal po bsad nas/ rang nyid rgyal por zhugs pa de'i tshe sum dang
- 66b
pa de dag ni mthu dang ldan par gyur to/ / dad pa can rnams ni mthu chung bar gyur to// de nas re zhig na blon po rgan po ma dad pa bcom ldan 'das kyi bstan pa la sdang ba zhig yod pa des/ bram ze rnams la mchod sbyin byas te/ der bram ze 'bum phrag du ma 'dus na/ de dag gis su yang dge sbyong go'u ta ma la ltar mi 'gro bar nang khrims bcas so// de nas bram ze rnams kyis khrim bcas te/ 'dus shing 'thun la kun tu dga' nas/ srang gi dbus su rig byed las byung ba'i cho ga bzhin brgya byin la gsol ba btab ste/ rus med pa'i skyes bu gshegs su gsol gshegs su gsol zhes byas so/ / de'i skabs su sangs rgyas bcom ldan 'das rnams kyis ni mi mkhyen pa 'am/ mi zigs pa 'am/ mi rtogs pa'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa// 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par
- 67a
byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dang / su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba
- 67b
rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ / 'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ / de nas bcom ldan 'das kyis bram ze sngon dge ba'i rtsa ba bskyed skyed pa thar pa'i skal ba can du gyur pa/ btsal bar bya ba rnyed pa/ mya ngan las 'das pa nang du ltas pa/ 'khor ba las phyi rol du ltas pa de dag gzigs nas da ltar mi dge ba'i bshes gnyen la bsten pas/ nga'i bstan pa la sdang bar gyur te/ ngas 'di dag gdul ba'i phyir brtson par bya'o snyam du dgongs so/ / de nas bcom ldan 'das kyis brgya byin gyi cha lugs su sprul te/ mchod sbyin gyi 'dun khang de lha'i 'od kyis snang bar mdzad de/ der gshegs so// de nas bram ze de dag dga' zhing mgu la rab tu dga' ste/ yi rangs nas dga' zhing yid bde bar gyur te/ skad bsnyams nas smras pa/ bcom ldan 'das gshegs su gsol gshes su gsol/ bcom ldan 'das gshegs pa legs so zhes byas so// de nas bcom ldan 'das brgya byin gyi cha lugs su bzhugs pa/ gdan bshams pa la bzhugs so// de nas
- 68a
rgyal po'i khab kyi grong khyer kun tu lha'i dbang po brgya byin mchod sbyin la gshegs so zhes de skad kyi sgra yang grags par gyur te/ de thos nas srog chags 'bum phrag du ma 'dus so/ / de nas bcom ldan 'das kyis bram ze rnams dad par gyur pa mkhyen nas/ brgya byin gyi cha lugs mi snang bar mdzad de/ sangs rgyas kyi cha lugs su bzhugs nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas bram ze drug khri nyis stong gis 'jig tshogs la lta ba'i ri'i rtse mo mthon po nyi shu ye shes kyi rdo rjes bcom nas/ rgyun du zhugs pa'i 'bras bu mngon sum du byas so// srog chags 'bum phrag du mas kyang bcom ldan 'das la dad pa rnyed do// de nas dge slong de dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bram ze 'di rnams 'di ltar bcom ldan 'das dang mjal nas/ bden pa mthong bar gyur pa dang / srog chags 'bum phrag du ma dga' ba chen po thob par gyur pa ni ngo mtshar lags so/ / bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las rnams byas shing bsags pas na/ ngas las byas shing
- 68b
bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang // skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na/ 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas ri pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das dbang po 'dul zhes bya ba 'jig rten du byung ngo / / de ljongs rgyu zhing gshegs pa las/ rgyal po'i pho brang 'khor zhig tu byon to// rgyal po'i pho brang 'khor de yang mu stegs can gyi dbang du gyur to/ / de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas dbang po 'dul bdag gi yul du gshegs so/
- 69a
zhes thos so// thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas dbang po 'dul ga la ba der song ste phyin nas/ bcom ldan 'das yang dag par rdzogs pa'i sangs rgyas dbang po 'dul gyi zhabs la mgo bos phyag 'tshal te/ phyogs gcig tu 'dug go// phyogs gcig tu 'jug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas dbang po 'dul gyis byang chub thob par byed pa'i chos rnams la btsud // de nas rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ yang dag par rdzogs pa'i sangs rgyas dbang po 'dul ga la ba de logs su thal mo sbyar ba btung nas/ yang dag par rdzogs pa'i sangs rgyas dbang po 'dul la 'di skad ces gsol to// bcom ldan 'das la bdag gis na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das dge slong gi dge 'dun dang thabs cig tu zla ba gsum gyi bar du 'dir bzhugs par cig nang / bcom ldan 'das kyis bka' stsal pa/ rgyal po chen po khyod kyi yul na dge slong glo bur
- 69b
du 'ong ba dang / 'gro ba dag gnas su rung ba'i gtsug lag khang 'ga' lta yod dam/ rgyal pos gsol pa/ bcom ldan 'das da ltar ma mchis kyis kyang / bcom ldan 'das gzhes su gsol dang / bdag gis dge slong glo bur du 'ong ba dang / 'gro ba dag gnas su rung ba'i gtsug lag khang bgyid du stsal bar 'tshal lo zhes gsol to// de nas rgyal po des de bzhin gshegs pa'i phyir gtsug lag khang byed du bcug ste/ ra ba dang / rta babs dang / skar khung dang / sgo khang ni bcas/ ke ga tse dang / zla ba tshes pa dang / lan kan gyis ni brgyan/ gding ba dang ni lngar/ rdzing bus ni kun tu gang / shing ljon pa me tog dang 'bras bu dang ldan pa mang pos ni bskor ba zhig byas so// byas nas kyang bcom ldan 'das nyan thos kyi dge 'dun dang bcas pa la phul lo/ / de nas bcom ldan 'das la cho 'phrul chen po mdzad par gsol ba btab bo// de nas rgyal pos gsol ba btab nas/ bcom ldan 'das yang dag par rdzogs pa'i sangs rgyas dbang po 'dul gyis/ sangs rgyas phal po che'i rnam par rol pa'i cho 'phrul chen po bstan to// des na rgyal po dang / blon po dang / grong rdal gyi mi dang / yul mi dang / pho brang 'khor gyi mi thams cad dga' bar gyur te/ bstan pa srung ba gces par 'dzin par gyur to// dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas
- 70a
yang dag par rdzogs pa'i sangs rgyas dbang po 'dul de la de lta bu'i mchod pa byas pa'i las de'i rnam par smin pas ngas 'khor ba na bde ba mtha' yas pa nyams su myong la/ ltar de bzhin gshegs par gyur pa na yang nga'i bstan pa 'di mdzes par gyur to/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o/ / mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// lo lnga pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnam kyis bkur sti byas/ bla mar byas// ri mor byas/ mchod pa byas te/ lha dang / klu dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das
- 70b
bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so/ / gang gi tshe mi blun po lha sbyin gyis/ bcom ldan 'das kyi bstan pa la gnod pa stong snyed byas kyang / bcom ldan 'das kyi ba spu bskyod par yang ma nus pa de'i tshe/ rgyal po ma skyes dgra la smras pa/ rgyal po chen po rgyal po'i khab nas su yang dge sbyong go'u ta ma'i thang du mi 'gro ba dang / kha zas mi sbyin pa'i khrims chos shig/ de ltar byas pa dang / de le mi rnyed cing / bsnyen bkur mi rnyed pas/ gdon mi za bar yul gzhan du 'pho bar 'gyur ro zhes byas so// de nas rgyal pos de bzhin du byas nas// de na dge bsnyen bden pa mthong ba 'khod pa de dag du ste/ kyi hud 'di ltar sangs rgyas bcom ldan 'das 'byung ba u dum wa ra'i me tog ltar dkon pa dang phrad kyang / de bsten kyang ma nus pa lnga na/ rgyal po'i khab kyi grong khyer gyi mi rnams mgon med par gyur to zhes 'dzer te/ tshig de nyid tor dge slo dag gis thos so// de nas tshe dang ldan pa kun dga' bos ji skad thos pa bzhin du bcom ldan 'das la gsol to/ / bcom ldan 'das kyis bka' stsal pa/ kun dga' bo 'di la de bzhin gshegs pa nyid dus mkhyen gyis/ khyod snying ma chung zhig
- 71a
gzhan yang nga'i bstan pa ji srid yod kyi bar du yang nyan thos rnams kyi yo byad med par mi 'gyur na/ da ltar lta ci smos// de'i skabs su lha'i dbang po brgya byin ni 'og ma la shes pa'i mthong ba 'jug ste/ des bcom ldan 'das kyi bstan pa de lta bur gyur pa mthong nas/ mthong ba'i mod kho na la/ sbyin bdag dang / sbyin pa po rnams kyi spro ba bskyed pa dang / sangs rgyas 'byung ba'i che ba nyid yang dag par bstan pa dang / ma skyes dgra dang / lha sbyin gyi rgyags shing dregs pa gcad pa dang / bdag nyid kyi dad pa bstan pa'i phyir/ rgyal po'i khab ril gyis 'od chen pos snang bar byas nas skad po che phyung ste/ bdag gis deng phan chad bcom ldan 'das nyan thos kyi dge 'dun dang bcas pa la lha'i na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur bya'o zhes smras nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ bcom ldan 'das la/ lha'i dbang po brgya byin gyis 'di skad ces gsol to// bdag gis ji srid 'tsho'i bar du rgyal po'i khab kyi grong khyer 'di nyid du bcom ldan 'das nyan thos kyi dge 'dun dang bcas pa la lha'i na bza' dang / zhal zas dang / gzims cha dang / gdan dang / snyun
- 71b
gsos dang / sman zong rnams kyis bsnyen bkur bgyi bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ ko'u shi ka 'jig rten na bsod nams 'dod pa mang gis/ 'di ltar nga la sems dad par byas pa nyid kyis chog go// brgya byin gyis gsol pa/ 'o na de bzhin gshegs pa'i slad du/ bdag gis dgung lo lnga'i bar du lo lnga pa'i dga' ston sbyar bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ ko'u shi ka 'jig rten na bsod nams 'dod pa mang gis/ 'di ltar nga la sems dad par byas pa nyid kyis chog go// brgya byin gyis gsol pa/ 'o na zhag lnga'i bar du bcom ldan 'das kyis bdag la gnang bar mdzad du gsol/ de nas bcom ldan 'das kyis nyid kyi bsod nams kyi stobs mngon sum du bstan pa dang / lha'i dbang po brgya byin la phan gdags pa dang / ma 'ongs pa'i dus su zhag lnga pa'i dga' ston rgyun mi 'chad par bya ba'i phyir/ cang mi gsung bas gnang ngo // de nas lha'i dbang po brgya byin gyis bcom ldan 'das kyis cang mi gsung bas gnang bar rig nas/ 'od ma'i tshal de khang bzangs rnam par rgyal byed 'dra bar bstan te/ lha'i bdan cha rnams dang / lha'i rdzing rnams dang / lnga'i bdud rtsi'i zhal zas ngag kyang bstan to// de nas bcom ldan 'das gangan
- 72a
bshams pa la bzhugs so/ / de nas lha'i dbang po brgya byin gyis sangs rgyas la sogs pa dge slong gi dge 'dun bde bar bzhugs par rig nas/ lha 'bum phrag du ma'i g.yog dang bcas pas/ rang gi lag gis tshim par byed cing ci bzhed pa bstabs so// rnam grangs du mar rang gi lag gis tshim par byas shing ci bzhed pa bstabs te/ bcom ldan 'das ba shos gsol zin nas/ gsang sder gyu/ phyag ni bcabs par rig nas/ stan ches dma' ba khyer te/ chos mnyan pa'i phyir/ bcom ldan 'das kyi spyan sngar 'dug go// de nas bcom ldan 'das kyis lha'i dbang po brgya byin 'khor dang bcas pa la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do/ / rgyal po ma skyes dgra khang bzangs kyi steng na 'dug pas kyang 'od ma'i tshal na bcom ldan 'das la de lta bur mchod pa byed pa mthong ngo // mthong nas kyang 'gyod pa skyes te/ dang pa chen po rnyed do/ / rgyal po'i khab na 'khod pa'i pho brang 'khor gyi mi rnams kyis kyang chos kyi shugs thob nas/ rgyal po'i thang du dong ste 'di skad ces smras so// kye ma rgyal po chen po 'di ltar lha rgyags shing bag ma mchis par gnas pa rnams kyis kyang / lha yul por te bcom ldan 'das la mchod pa bgyid pa las na/ rgyal po'i khab na gnas pa'i pho brang 'khor gyi mi rnams sgor pham par 'gyur
- 72b
gyis/ lha khrims de ni bshig na legs so legs so zhes byas so// de nas rgyal po ma skyes dgras khrims de bshig nas rgyal po'i pho brang 'khor gyi grong khyer du dril bsgrags te/ bcom ldan 'das la bkur sti ci dga' bar gyis ces byas so/ / de nas rgyal po'i khab na gnas pa'i pho brang 'khor gyi mi rnams 'khor dang bcas pa dga' zhing mgu la rab tu dga' ste yi rangs nas// dga' zhing yid bde ba skyes te/ me tog dang / spos dang / me tog 'phreng rnams khyer nas/ bcom ldan 'das la blta ba'i phyir dong ngo // de nas lha rnams dang mi rnams kyis/ bcom ldan 'das la bkur sti chen po byas so/ / bcom ldan 'das kyis kyang gzhi de las lha dang mi rnams la 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha dang mi dums bden pa mthong bar gyur to/ / de nas dge slong de dag gis bcom ldan 'das kyi mchod pa mthong nas the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyi bstan pa la 'di lta bu'i dga' ston bgyis pa ni ngo mtshar lags so// bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las rnams byas shing bsags pas na/ nga nyid kyis las byas
- 73a
shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ nu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rin po che'i ri bo zhes bya ba 'jig rten du byung ngo // / de ljongs rgyu zhing gshegs pa las/ rgyal po'i pho brang 'khor zhig tu byon nas/ rgyal po'i pho brang 'khor de na yams kyi nang byung ngo // de nas rgyal po des yams kyi nang zhi bar bya ba'i phyir bcom ldan 'das nyan thos kyi dge 'dun dang bcas pa zla ba gsum gyi bar du gdugs tshong la spyan drangs so/ / zla ba gsum lon nas yams kyi nang nge zhi bar gyur to// de nas rgyal po dang / grong khye
- 73b
gyi mi sems dad par gyur pa rnams kyis de bzhin gshegs pa nyan thos kyi dge 'dun dang bcas pa la lo lnga pa'i dga' ston byas so/ / 'dir gsungs pa/ kun dga' nga ni rgyal gyur nas// rin chen ri bo 'od chen la/ / zhi bar 'dod phyir gsol ba btab// lo lnga pa yi dpa' ston byas// dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas rin po che'i ri bo de la lo lnga pa'i dga' ston byas pa'i las de'i rnam par smin pas ngas 'khor ba na bde ba chen po nyams su myong la da ltar de bzhin gshegs par gyur pa na yang nga la 'di lta bu'i bsnyen bkur byas pa yin no/ / yongs su mya ngan las 'das pa'i 'og tu yang nga'i bstan pa la lo lnga pa'i dga' ston brgya phrag du ma byed par 'gyur ro/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bstod pa zhes bya ba ni/ sangs rgyas bcom ldan 'das la/ rgyal po rnams dang / blon po
- 74a
chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod par byas te/ lha dang / klu dang gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ran bzhugs so/ / de'i tshe mnyan du yod pa na rol mo mkhan mdza' bo sde bo gcig pa lnga brgya tsam 'khod do// de'i tshe ro mo mkhan gyi rgyal po rab dga' zhes bya ba zhig gsar du 'ongs pa de'i mthu ni 'di lta bu yin te/ rgyud gcig las skad sna bdun dang / khong du 'khyig pa sna nyi shu rtsa gcig 'byung bar shes so// des grong khyer chen po drug yul po che ma yin par bslags te/ mnyan du yod par phyin nas/ mnyan du yod pa rol mo mkhan gnas pa rnams kyis rgyal po la gsol to// rgyal pos smras pa/ 'di'i dus ngas
- 74b
shes kyis/ khyed snying ma chung zhig/ de nas rol mo mkhan gyi rgyal po rab dga' 'di snyam du sems te/ rgyal po gsal rgyal rol mo la shin tu mkhas zhes de skad grag gis/ de dang 'gyed par bya'o snyam mo/ / de nas rol mo mkhan gyi rgyal po rab dga' ko sa la'i rgyal po gsal rgyal ga la ba der song ste phyin nas/ ko sa la'i rgyal po gsal rgyal la 'di skad ces smras so// rgyal po khyod rol mo shin tu mkhyen to zhes bdag gis thos na/ gal te khyod la gnod pa ma mchis na sad par bgyi'o// de nas rgyal po gsal rgyal gyis de la bskyangs te smras pa/ kye legs pa nga'i mkhan po rol mo mkhan gyi rgyal po bla na med pa yod de/ rgyal bu rgyal byed kyi tshal na bzhugs kyis tshur shog dang der 'dong ngo zhes byas so// de nas ko sa la'i rgyal po gsal rgyal rol mo mkhan lnga brgya tsam gyis zham ring byas pa dang / rol mo mkhan gyi rgyal po rab dga' dang / mi 'bum phrag du ma rgyal bu rgyal byed kyi tshal du dong ngo // de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po rang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa
- 75a
rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gi phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu brgyan pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyi ma dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam pa ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la
- 75b
gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ 'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ / de nas bcom ldan 'das kyis 'dul ba'i skye bo la phan gdags pa'i phyir/ 'jig rten pa'i dgongs pa bskyed de/ kye ma dri za'i du zur phung lnga pa/ dri za bdun stong gis bskor ba/ pi wang gzhi bai DUR+Ya las byas pa khyer te nga'i thang du 'ongs na legs so snyam du dgongs so// de nas dgongs pa bskyed pa'i mod la/ dri za'i bu zur bud lnga pa/ dri za bdun stong gis bskor bas/ bcom ldan 'das la tshul bzhin du mchod pa byas nas/ bcom ldan 'das la pi wang gzhi bai DUR+Ya las byas pa phul lo// de nas rol mo mkhan gyi rgyal po rab dgas/ bcom ldan 'das kyi spyan sngar pi wang blangs te/ de las rgyud gcig las kyang skad sna bdun dang / khong nas 'khyig pa sna nyi shu rtsa gcig 'byung ba bstan te/ de thos pas rgyal po gsal rgyal dang /
- 76a
skye bo phal po che gzhan dag kyang mchog tu ya mtshan du gyur te/ de nas bcom ldan 'das kyis kyang pi wang gzhi bai DUR+Ya las byas pa sbrengs te/ de las rgyud gcig las kyang skad kyi khyad par sna du ma dang / khong du 'khyig pa'i sna grangs du ma 'byung bar bstan to// de dag kyang stong pa'i rnam pa dang / bdag med pa'i rnam par grag go// lus 'di yang pi wang dang 'dra bar bstan to/ / skad rnams ni dbang po dang 'dra bar bstan to// khong du 'khyig pa rnams ni sems kyi khams dang 'dra bar bstan to// de thos pas rol mo mkhan gyi rgyal po rab dga' dad pa skyes nas pa wang dri gtsang khang du phul te/ bcom ldan 'das kyi thad du rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / lhung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngom sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/
- 76b
srid pa'i rnyed pa dang / chags pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas lha dang / klu dang / gnod sbyin dang / lha ma yin dang nam mkha' lding dang / mi 'am ci dang / lto 'phye chen po rnams dang par gyur nas/ bcom ldan 'das kyi bstan pa bsrung ba dang / bskyab pa dang / sba bar bya ba brtsams so// rol mo mkhan lnga brgya po rnams kyang dga' zhing yid bde bar gyur nas 'di snyam du sems te/ bdag cag ni las ngan pa byed cing 'dug ste/ dka' bas 'tsho ba yin gyis/ bdag cag gis rgyal po la gsol te/ bcom ldan 'das nyan thos kyi dge 'dun dang bcas pa grong khyer du gshegs par spyan drang gor ma chag snyam mo// re zhig na rol mo mkhan de dag gis gnang ba'i lung thob nas/ bcom ldan 'das nyan thos kyi dge 'dun dang bcas pa grong khyer du gshegs par spyan drangs so// bcom ldan 'das kyis kyang rol mo mkhan de dag la cang mi gsung bas gnang 'o/ / de nas rol mo mkhan de dag dang / rgyal po dang / blon po dang / pho brang 'khor gyi mi rnams dang / yul mi rnams bsdongs nas/ mnyan du yod pa'i grong khyer thams cad rdo dang / gseg ma dang / gyo mo med par byas nas/ spos chab kyis chag chag ni btab/ me tog sna tshogs ni gtor/ bdug pa sna tshogs kyis ni bdugs/ me tog gi bla res ni
- 77a
brgyan to/ / rol mo mkhan de dag gis kyang rang rang gi pi wang khyer te/ rdza rnga dang / gling bu dang / rnga zlum dang / rol mo'i sgra'i khyad par dag gis bsnyen bkur byas so// zhal zas bzang pos kyang bcom ldan 'das nyan thos kyi dge 'dun dang bcas pa tshim par byas so/ / de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o/ / 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bong chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zar dang / ut+pa la ltar gas pa dang / pad+ma ltar gas pa dang / pad+ma ltar gas pa chen bor song nas/ tsha ba'i sems can dmyal ba gang yin pa de dag tu ni bsil bar gyur te 'bab po// grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag
- 77b
dad pa bskyed pa'i phyir/ bcom ldan 'das sprul pa 'gyed pa mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su
- 78a
bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'das bu'i khyim la glang chen bzhin// 'ching sde ni gzhom par gyis/ / gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do/ / de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro//
- 78b
lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtsham gyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin/ / yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par/ / pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na// dge sbyong rgyal dbang nyan pa som 'inyi 'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs
- 79a
rgyas rnams kyin 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo rol mo mkhan 'di dag gis nga la bkur sti 'di lta bu byas pa mthong ngam/ btsun pa mthong lags so// kun dga' bo rol mo mkhan 'di dag dge ba'i rtsa ba dang // sems bskyed pa dang / sbyin par bya ba'i chos yongs su gtong ba 'dis dus ji lta ba bzhin du rang sangs rgyas kyi byang chub yang dag par bsgrubs nas/ ma 'ongs pa'i dus na skad snyan zhes bya ba'i rang sangs rgyas sha stag tu 'gyur te/ sdug cing 'phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pur 'gyur ro// de dag gi sbyin par bya ba'i chos ni gang nga la sems dga' bar gyur pa 'di yin no/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dge bo'i rtsa ba gang dag gi mthu 'di 'dra bar 'gyur ba de dag gang du mdzad lags/ bcom ldan 'das kyi bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed
- 79b
cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na// nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// / lus can dag gi las rnams ni/ bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan pa ngas rtogs mdzad ces bya ba 'jig rten du byung ste/ de ljongs rgyu zhing gshegs pa las/ rgyal po'i pho brang 'khor zhig tu byon to// de nas rgyal po'i skyed mos tshal dus tshigs thams cad du 'bras bu phun sum tshogs pa dang ldan pa zhig yod de/ skyed mos tshal der bcom ldan 'das
- 80a
gshegs nas/ rgyal po de la phan gdags pa'i phyir/ shing ljon pa zhig gi drung na rten cing bzhugs so// de nas gdan bting ba la bzhugs te me'i khams la snyoms par zhugs so/ / de nas rgyal rigs spyi bo nas dbang bskur ba'i rgyal po de bud med kyi sil snyan dang / rol mo'i sgra sgrogs pa dag dang / skyed mos tshal du song ngo // de nas rgyal po de skyed / mos tshal de na 'khyam zhing 'gro bas/ bcom ldan 'das yang dag par rdzogs pa'i sangs rgyas rtogs mdzad mdzes shing dga' bar mdzad pa/ dbang po zhi ba/ thugs zhi ba/ thugs mchog tu dul zhing rnam par zhi ba dang ldan pa/ gser gyi mchod sdong ltar dpal 'bar ba mthong ngo // mthong nas kyang rgyal po de dga' bar gyur nas/ btsun mo'i 'khor dang bcas pas sil snyan rnam pa sna tshogs bsgrags te/ bcom ldan 'das ting nge 'dzin de las bzhengs su gsol to// zhal zas bzang po yang gsol nas/ bla na med pa yang dag par rdzogs pa'i byang chub tu smon lam btab bo/ / dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas rtogs mdzad de la mchod pa byas pa de nyid kyi rgyus/ da ltar nga la rol mo mkhan rnams kyis 'di lta bu'i bsnyen bkur byas so// dge slong dag de bas na 'di ltar bslab par bya ste/ ston pa la bkur sti
- 80b
bya'o/ / bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / / mchog sbyin zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lho 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so//
- 81a
de nas mnyan du yod pa na/ gzhan gyi chung ma la byi ba byed pa las dri ma can la gnas pa zhig yod de/ de rgyal po'i mis bzung nas rgyal po la phul lo// de nas de nyes pa byed pa'i phyir/ rgyal pos gshed ma la gtad do// de nas de rgyal po'i mi gos sngon po bgos pa/ mtshon cha thogs pa ka ra wI ra'i me tog gi 'phreng ba mgul na thogs pa rnams kyis/ lam po che dang / srang dang / bzhi mdo dang / sum mdo rnams su 'o dong bos nas/ grong khyer gyi lho sgor khrid do// de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa// bsdu ba'i dngos po bzhi la yun ring po nas 'dris par byas pa/ mi 'jig pa bzhis mi 'jigs pa/ khyu mchog gi yang dag pa'i seng ge'i sgra chen po spogs pa/ yan lag lnga rnam par spangs pa/
- 81b
'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/
- 82a
'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs so// de nas mi des sangs rgyas bcom lda 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to// bcom ldan 'das bdag ni dam pa stsal ba'i 'os lags kyis/ bdag la srog 'phangs pa sbrul du gsol/ de nas bcom ldan 'das kyis/ tshe dang ldan pa kun dka' bo la bka' stsal pa kun dga' bo khyod song la rgyal po gsal rgyal la 'di skad du/ rgyal po chen po mi 'di nga la byin cig dang rab tu dbyung bar bya'o zhes gyis shig/ de nas tshe dang ldan pa kun dga' bos/ bcom ldan 'das kyis bka' stsal ba mnyan nas/ ko sa la'i rgyal po gsal rgyal ga la ba der song ste phyin nas/ ko sa la'i rgyal po gsal rgyal la/ bcom ldan 'das kyi bka' 'phrin 'di skad du
- 82b
rgyal po chen po mi 'di bcom ldan 'das la rab tu 'byung bar gnang bar gyis shig ces byas so/ / ko sa la'i rgyal po gsal rgyal gyis kyang shin tu 'os par rig nas gnang ste/ de bcom ldan 'das kyis rab tu phyung nas bsnyen par rdzogs par mdzad de/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis dgongs pa tsam gyis thams cad grub pa
- 83a
de ni ngo mtshar lags so/ / bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rangs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams mi/ bskal pa brgyar yang chung mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das dbang po'i rgyal mtshan zhes bya ba 'jig rten du byung ngo / / de ljongs rgyu zhing gshegs pa las/ rgyal po'i pho brang 'khor zhig tu byon te
- 83b
rgyal po'i pho brang 'khor de na bram ze rig byed dang / rig byed kyi yan lag gi mthar phyin pa/ rgyal po'i gong na 'dug pa zhig yod do// de nas yang dag par rdzogs pa'i sangs rgyas dbang po'i rgyal mtshan snga dro sham thabs dang chos gos gsol te/ lhung bzed bsnams nas pho brang 'khor der bsod snyoms la gshegs so// de nas bram ze des yang dag par rdzogs pa'i sangs rgyas dbang po'i rgyal mtshan sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang sdong po rtsa ba nas bcad pa bzhin du bcom ldan 'das kyi zhabs la phyag 'tshal nas gsol pa/ bcom ldan 'das bdag ni dam pa stsal pa'i 'os lags so// bde bar gshegs pa bdag ni dam pa stsal ba'i 'os lags kyis/ bcom ldan 'das gong du bzhugs su gsol/ de nas de la phan gdags pa'i phyir/ bcom ldan 'das yang dag par rdzogs pa'i sangs rgyas dbang po'i rgyal mtshan gong du bzhugs so// yang dag par rdzogs pa'i sangs rgyas dbang po'i rgyal mtshan bzhugs nas bram ze des tshig brgyas stod de/ zhal zas bzang po yang gsol nas/ bla na med pa yang dag par rdzogs pa'i byang chub tu smon lam btab bo// gzhi de las
- 84a
rgyal po dang / blon po dang / pho brang 'khor gyi mi rnams dad pa skyes so// dge slong dag ji snyam du sems/ de'i tshe de'i dus na bram zer gyur pa de ni yin te/ ngas yang dag par rdzogs pa'i sangs rgyas dbang po'i rgyal mtshan la mchod pa byas pa de'i rgyus na/ ngas 'khor ba na bde ba mtha' yas pa nyams su myong la/ da ltar yang ngas bsams pa dang / ci 'dod pa de dag thams cad 'grub pa yin no// dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// ka shi ka'i go so zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / khri rnams dang / gru rnams dang / gnod sbyin rnams dang / lam yin rnams dang ni nam mkha' lding rnams dang / mi'im chi rnams dang / lho 'phye chen po rnams kyis bkur sti byas/
- 84b
mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gangan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab kyi 'od ma'i tshal bya ka lan ta ka gnas pa na bzhugs so// gang gi tshe rgyal po gzugs can snying po g.yog 'khor mi 'bum phrag du ma dang bcas pas bden pa mthong bar gyur pa de'i tshe des phan btags pa la drin bsab par bstan pa dang / sangs rgyas kyi mchod pa lugs su gzhug pa dang / khyim yangs par bstan pa dang / sangs rgyas 'byung ba gces par bstan pa'i phyir/ bcom ldan 'das nyan thos kyi dge 'dun dang bcas pa rgyal po'i pho brang du gdugs tshod la sngan drangs so// de nas ma ga d+ha'i pho brab 'khor gyi mi rnams la bsgo ba/ bcom ldan 'das grong khyer du gshegs pa la me tog dang / me tog 'phreng dang / spos dang / byug pa rnams kyis mchod pa gyis shig/ rgyal po'i khab kyi grong khyer thams cad kyang rdo dang / gseg ma dang / gyo mo med par gyis shig/ me tog sna tshogs kyis gtor la/ rgyal mtshan dang ba ngan spangs shig/ 'od ma'i tshal nas
- 85a
rgyal po'i khab kyi bar gyi lam thams cad kyang ras kyis khebs par gyis shig ces byas so/ / blon po rnams kyis kyang thams cad nyams su blangs so// de nas rgyal po gzugs can snying pos rang gi lag gis bcom ldan 'das kyi dbu'i steng du gdugs rtsibs brgya pa bzung ngo / / pho brang 'khor gyi mi gzhan dag gis ni dge slong stong gi gdugs thogs so// de nas bcom ldan 'das dul la 'khor yang dul ba dang / zhi la 'khor yang zhi ba dang / grol la 'khor yang grol ba dang / dbugs phyin la 'khor yang dbugs phyin pa dang / byang la 'khor yang byang ba dang / dgra bcom par gyur la 'khor yang dgra bcom par gyur pa dang / 'dod chags dang bral la 'khor yang 'dod chags dang bral ba dang / mdzes la 'khor yang mdzes pa ste/ khyu mchog pa glang gi tshogs kyis bskor ba lta bu dang / glang po che glang po che'i phrug gu'i tshogs kyis bskor ba lta bu dang / seng ge gcan gzan gyi tshogs kyis bskor ba lta bu dang / ngang pa'i rgyal po dang pa'i tshogs kyis bskor ba lta bu dang / nam mkha' snying bya'i tshogs kyis bskor ba la bu dang / sman pa mkhas pa nad pa'i tshogs kyis bskor ba lta bu dang / dpa' bo dmag mi'i tshogs kyis bskor ba lta bu dang / sa mkhan 'gron po'i tshogs kyis bskor ba lta bu dang / ded dpon tshong pa'i tshogs kyis bskor ba lta bu dang / tshong dpon grong khyer gyi mis bskor bas bu dang / rgyal
- 85b
kaphran blon po'i tshogs kyis bskor ba lta bu dang / 'khor los sgyur ba'i rgyal po bu stong gis bskor ba rtswa ru dang / zla ba rgyu skar gyi tshogs kyis bskor ba lta bu dang / nyi ma 'od zer stong gis bskor ba lta bu dang / yul 'khor srung dri za'i tshogs kyis bskor ba lta bu dang / 'phags skyes po grul bum gyi tshogs kyis bskor ba lta bu dang / mig mi bzang klu'i tshogs kyis bskor ba lta bu dang / nor sbyin gnod sprin gyi tshogs kyis bskor ba lta bu dang / thags zangs ris lha ma yin gyi tshogs kyis bskor ba lta bu dang / brgya byin sum cu rtsa gsum pa'i lha'i tshogs kyis bskor ba lta bu dang tshangs pa tshangs ris kyis bskor ba lta bu dang / rgya mtsho ltar ltem me 'dug pa dang / sprin rlan dang ldan pa lta bu dang / glang po che'i rgyal po rgyags pa med pa lta bur dbang po shin tu dang ba dang / spyod lam gyi tshul ma 'chal ba dang / sangs rgyas kyi chos ma 'dres pa du mas brgyan pa'i bcom ldan 'das grong khyer der gshegs so// gang gi tshe bcom ldan 'das kyi zhabs sko them pa la bzhag pa de'i tshe sa chen po 'di rnam pa drug tu g.yos te/ bcom ldan 'das grong khyer du gshegs pa'i tshe/ rmad du byung ba de lta bu dag byung ngo // gzhan yang 'di lta ste/ sgo dog pa rnams yangs par gyur to/ / dma' ba rnams ni mthon por gyur to// glang po che rnams kyang skad 'byin to// rta rnams kyang skad 'byin to// khyu mchog rnams kyang skang 'byin to// rol mo'i cha byang
- 86a
rnam pa sna tshogs khyim khyim na 'dug pa rnams kyang rang sgra 'byin to/ / long ba rnams kyang mig gis mthong bar gyur to// 'on pa rnams kyang rna bas thos par gyur to// lkuzhugs pa rnams kyang smra shes par gyur to// dbang po lhag ma ma tshang ba rnams kyang dbang po tshang ba thob par gyur to// chang gis ra ro ba rnams kyang sangs par gyur to// dug 'thung ba rnams kyang dug med par gyur to/ / phan tshun khon pa rnams kyang byams pa'i sems thob par gyur to// sbrum pa rnams kyang bde bar btsa' bar gyur to// bcings pa rnams kyang grol bar gyur to// nor med pa rnams kyang nor rnyed par gyur to// bar snang la gnas pa'i lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyang / lha'i me tog gi char 'bebs so// de nas bcom ldan 'das de lta bu'i 'byor pas rgyal po'i pho brang du gshegs so// rgyal po gzugs can snying po yang bdag nyid lag dar te phyi rol gyi sgo khang du zhabs bsil ba'i tsan dan sa mchog pa'i chu thogs te/ bcom ldan 'das dang dge slong gi dge 'dun gyi zhabs bsil to// de nas sangs rgyas la sogs pa dge slong gi dge 'dun bde bar banus par rig nas/ ro brgya dang ldan pa'i zhal zas gsol to// bshos gsol nas/ ka shi ka'i na bza' yang phul lo// rgyu des na ma ga d+ha'i pho brang 'khor gyi mi rnams dad par gyur to//
- 86b
de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dge ba'i rtsa ba gang gis bcom ldan 'das dang / dge slong gi dge 'dun gyis 'di lta bu'i mchod pa brnyes pa'i dge ba'i rtsa ba rnams bcom ldan 'das kyis gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
- 87a
bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bde mdzad ces bya ba 'jig rten du byung ngo / / de spongs rgyu zhing gshegs pa las/ rgyal po'i pho brang 'khor zhig tu byon te/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas bde mdzad ljongs rgyu zhing gshegs pa las/ rgyal po'i pho brang 'khor der byon to zhes thos so// thos nas kyang rgyal po'i 'byor pa chen po dang / rgyal po'i mthu chen po dang ldan pas bcom ldan 'das yang dag par rdzogs pa'i sangs rgyas bde mdzad ga la ba der song ste phyin nas/ yang dag par rdzogs pa'i sangs rgyas bde mdzad kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas bde mdzad kyis/ byang chub thob par byed pa'i chos rnams yang dag par 'dzin du bcug go/ / de nas rgyal po dga' bor gyur nas/ yang dag par rdzogs pa'i sangs rgyas bde mdzad rgyal po'i pho brang du spyan drangs nas zhal zas ro brgya dang ldan pa gsol to/ / 'bum ri ba'i na bza' yang phul lo// yongs su mya ngan las 'das pa'i mchod rten yang kho ra khor yug tu dpag tshad gcig/ 'phang du rgyang grags
- 87b
/ gcig yod pa brtsigs so// dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas babade mdzad la de lta bu'i mchod pa byas te/ des na ngas 'khor ba na bde ba mtha' yas pa nyams su myong la/ rgyu de nyid kyis da ltar de bzhin gshegs par gyur na yang rgyal po gzugs can snying pos 'di lta bu'i mchod pa byas so/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong dag khyed kyis de ltar bslab par bya'o// bcom ldan 'das kyis de skad ces bka' stsal nas dge slong de dag yi rangs ste/ bcom ldan 'das kyis gsungs pa la mngon par bstod do// lha'i zas zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang
- 88a
gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na bzhugs so/ / de na tshong dpon phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa/ mu stegs can la dga' ba zhig gnas pa de tshe dang ldan pa mo'u 'gal gyi bu chen pos dad par byas te/ bstan pa la btsud nas/ bcom ldan 'das la shin tu dga' bar gyur to/ / khyim bdag de yang rgya chen po la mos pa zhig ste/ des tshe dang ldan pa mo'u 'gal gyi bu chen po la smras pa/ bdag bcom ldan 'das la mchod pa bgyid par 'tshal gyis grogs mdzod cig/ tshe dang ldan pa mo'u 'gal gyi bu chen pos kyang khyim bdag de la cang mi smra bas khas blangs so// de nas tshe dang ldan pa mo'u 'gal gyi bu chen pos khyim bdag de khrid nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug
- 88b
nas/ bcom ldan 'das la/ tshe dang ldan pa mo'u 'gal gyi bu chen pos 'di skad ces gsol to// btsun pa khyim bdag 'di ni bcom ldan 'das nyan thos kyi dge 'dun dang bcas pa gdugs tshod gsol bar 'tshal na/ bcom ldan 'das kyis 'di la thugs brtse ba'i slad du gnang bar mdzad du gsol/ de nas bcom ldan 'das kyis kyang khyim bdag de la cang mi gsung bas gnang ngo/ / de nas khyim bdag des bcom ldan 'das kyis cang mi gsung bas gnang bar rig nas/ ro brgya dang ldan pa'i zhal zas dang / me tog dang / spos dang / me tog 'phreng dang / byug pa dag bshams so/ / de nas tshe dang ldan pa mo'u 'gal gyi bu chen pos lha'i dbang po brgya byin la bskul to// khyim bdag 'di'i grogs gyis shig ces byas so// de nas lha'i dbang po brgya byin gyis 'od ma'i tshal bya ka lan ta ka gnas pa dga' byed kyi tshal du sprul to/ / sa srungs kyi bu dang / rab brtan dang 'dra ba'i glang po che stong drag mang po dag kyang khrid de 'ongs te/ de dag ni sangs rgyas la sogs pa dge slong gi dge 'dun gyi steng du gdugs rtsibs brgya dang ldan pa 'dzin to// bde ba sogs la sogs pa lha'i bu mo stong phrag du ma yang khrid de 'ongs te/ de dag ni sangs rgyas la sogs pa dge slong gi dge 'dun la rnga yang nor bu'i yu ba can gyis g.yob par byed do// rab dga' dang / zur phung lnga pa dang / tum bu ru la sogs pa dri za
- 89a
stong phrag du ma yang khrid de 'ongs te/ de dag ni rol mo'i sgra khyad par rnam pa sna tshogs len par byed do// lha'i bdud rtsi'i zhal zas dag kyang sbyar to// de nas khyim bdag des lha dang mi'i yo byad rnams kyis bcom ldan 'das la bsnyen bkur byas nas lus thams cad kyis bcom ldan 'das kyi zhabs la phyag 'tshal te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ / de nas bcom ldan 'das kyis khyim bdag de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang
- 89b
bsdus 'joms dang / ngu 'bong dang / ngu 'bong chen po dang / tsha ba dang / rab tu tsha ba dang / mnar med pa dang / chu bur can dang / nu bur rdol dang / so thams thams dang / hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa skyes pa'i phyir/ bcom ldan 'das sprul pa 'gyed bar mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag
- 90a
ni rgyal chen bzhi'i ris rnams dang / sum cu rtsa gsum pa rnams dang / 'thang bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med/ pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam du'i khyim la glang chen bzhin/ 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom
- 90b
ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro/ / stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs ba'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan
- 91a
'das kyi dbu'i gtsug tor dum snang bar gyur to/ / de nas tshe dang ldan pa kun dka' bos thal mo sbyar te/ bcom ldan 'das nus pa/ stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes rab spangs pa'i// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na// dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang / / bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyi 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de mi de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do// kun dga' bo khyim bdag
- 91b
'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo khyim bdag 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / snying rje chen po dang ldan pa'i yang dag par rdzogs pa'i sangs rgyas lha'i zas sprin zhes bya bar 'gyur te/ 'jig rten du 'byung bar 'gyur ro// de'i sbyin par bya ba'i chos ni gang nga la sems mngon par dga' bar gyur pa 'di yin no/ / skabs 'di ma ga d+ha'i rgyal po gzugs can snying po dang / g.yog 'khor rnams kyis thos nas mchog tu ya mtshan du gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa bcom ldan 'das khyim bdag 'dis bcom ldan 'das nyacan thos kyi dge 'dun dang bcas pa la lha dang mi'i 'byor pa dag gis mchod pa bgyis pa la gzigs/ bcom ldan 'das kyis bka' stsal pa/ dge slong dag de bzhin
- 92a
gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa 'di dag gzhan su zhig gi nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi// dge ba byas shing bsags pa rnams ni/ zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chung mi rnga// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gang po zhes bya ba 'jig rten du byung ngo // de nas yang dag par rdzogs pa'i sangs rgyas gang po ljongs rgyu zhing gshegs pa las
- 92b
rgyal po'i pho brang 'khor zhig tu byon to/ / rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas gang po ljongs rgyu zhing gshegs pa las/ rgyal po'i pho brang 'khor der byon to zhes thos so/ / thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas gang po ga la ba der song ste phyin nas/ yang dag par rdzogs pa'i sangs rgyas gang po'i zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas gang pos byang chub thob par byed pa'i chos rnams yang dag par 'dzin du bcug go/ / de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas gang po nyan thos kyi dge 'dun dang bcas pa la zla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman zong rnams la spyan drangs so// yang dag par rdzogs pa'i sangs rgyas gang pos kyang cang mi gsung bas gnang ngo // de nas rgyal rigs spyi bo nas dbang bskur bo'i rgyal po des yang dag par rdzogs pa'i sangs rgyas gang pos cang mi gsung bas gnang bar rig nas/ zla ba gsum gyi bar du na bza' dang / zhal zas dang / gzims cha dang
- 93a
gdan dang / snyun gsos dang / sman zong rnams kyis bsnyen bkur byas so// bcom ldan 'das kyi sku gzugs kyang rin po che las byas so// sangs rgyas kyi dga' ston byas nas/ der srog chags 'bum phrag du mas dad pa chen po skyes te/ rgyu de dang rkyen des de dag yongs su mya ngan las 'das so// dge slong dag ji snyamadu sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas gang po la de lta bu'i mchod pa byas pa des na/ ngas 'khor ba na bde ba mtha' yas pa nyams su myong ste/ de nyid kyi rgyus da ltar de bzhin gshegs par gyur pa na yang nga la tshong dpon dang / brgya byin gyis 'di lta bu'i mchod pa byas so// dge slong dag de pas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / gang po la sogs pa'i rtogs pa brjod pa las sdom gyi tshigs su bcad pa gnyis pa rdzogs so// // sdom ni/ tsan ngan dang
- 93b
ni pad+ma dang / / de bzhin 'khor lo mgo bcu pa// mdog 'jam dang ni 'ong bsil dang // mnyan pa dang ni spos dang ldan// dri med gdangs snyan zhes bya ba// sde tshan dag tu bstan pa yin tsan dan zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi me rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ma ga d+ha na ljongs rgyu zhing gshegs pa las/ gang+gA'i klung gi 'gram du byon to// de'i cho gang+gA'i klung gi 'gram nas thag mi ring ba zhig na mchod rten zhig ral du gyur pa/ rlung dang nyi tshan gyis bshig pa zhig 'dug pa de dge slong rnams kyis mthong nas/ bcom ldan 'das la zhus pa/
- 94a
bcom ldan 'das mchod rten 'di su'i lags/ bcom ldan 'das kyis bka' stsal pa/ rang sangs rgyas tsan dan zhes bya ba zhig byung ste de'i yin no// dge slong rnams kyis gsol pa/ bcom ldan 'das rang sangs rgyas tsan dan ga las byung lags/ ming ni ci las btags lags/ bcom ldan 'das kyis bka' stsal da/ dge slong dag khyed rang sangs rgyas tsan dan ga las byung ba dang / ming ci las btags pa nyan par 'dod dam/ gsol pa/ btsun pa nyan par 'tshal lags so// bka' stsal pa/ dge slong dag 'o na leg par rab tu nyon la yid la zung zhig dang ngas bshad do/ / dge slong dag sngon byung ba 'das pa'i dus na/ grong khyer wA ra NA si na/ rgyal po tshangs byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug go// rgyal po de yang chos can chos dang ldan pa'i rgyal po chos bzhin du rgyal po byed do/ / de bu med nas bu 'dod de/ gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad
- 94b
par gzhan dag la yang gsol pa 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos dang mthun pa dang / rtag tu phyi bzhin 'brang ba'i lha rnams la yang gsol ba 'de bas so// 'jig rten na yang gsol ba bta pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ / ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur ro// de yang gsol ba 'debs pa lhur byed cing 'dug la/ de'i skyed mos tshal gyi rdzing chen po zhig yod pa de'i nang nas kyang pad+ma tshad las 'das par che ba zhig skyes te/ de nyin gcig bzhin du cher skye la/ kha ni mi 'bye ba zhig yod do// de nas kun dga' ra ba'i srungs mas rgyal po la gsol to// de nas rgyal pos kyang pad+ma de legs par srungs shig ces bsgo'o// byis re zhig na nyi ma
- 95a
'char kar pad+ma de kha bye nas/ pad+ma de'i snying po la khye'u gzugs bzang zhing blta na sdug la mdzes pa/ mdog bzang ba/ gser gyi kha dog can mgo bo gdugs ltar/ 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma sdug pa/ lus skyes bu chen po'i mtshan sum cu rtsa gnyis kyis lus legs par brgyan pa/ dpe byad bzang po brgyad cus mdzes par byas pa zhig skyil mo krung bcas shing 'dug ste/ de'i kha nas ni pad+ma'i dri 'byung la/ lus las ni tsan dan gyi dri 'byung ngo // de nas kun dga' ra ba'i srungs mas kyang rgyal po la gsol to/ / de nas rgyal po blon po dang / btsun mo dang bcas pa skyed mos tshal du dong nas/ khye'u des mthong ma thag tu rgyal po la smras pa/ yab tshur gshegs/ bdag ni khyod sras mi mnga' ba'i sras lags so// de nas rgyal po dga' zhing mgu la yi rangs nas smras pa/ bu de ni khyod ji skad zer ba bzhin no// de nas rgyal po rdzing gi nang du zhugs nas/ pad+ma'i snying po las khye'u blangs te lag par bzhag go// de nas khye'u des gang dang gang du rkang pa bzhag pa de dang der pad+ma dag byung ngo // de nas de'i ming tsan dan zhes btabs so/ / gang gi tshe khye'u tsan dan khad kyis cher skyes pa de'i tshe/ grong khyer gyi mi rnams kyis rgyal po la gsol pa/ lha bdag cag gi grong khyer 'dir dus ston byung na/ lnga sras tsan ngan gtang ba'i
- 95b
rigs so/ / 'on tang bdag cag dang lhan cig tu dus ston spong bar 'gyur la/ gnas thams cad kyang pad+mas brgyan par 'gyur ba lags so// rgyal pos smras pa/ de ltar bya'o// de nas tsan dan rgyan thams cad kyis brgyan pa/ blon po'i bu rnams kyi g.yog 'khor dang bcas pa/ rol mo'i sgra rnam pa sna tshogs byed cing / grong khyer gyi dus ston myong bar bya ba'i phyir/ rgyal po'i pho brang nas phyi rol tu byung ngo // de nas de der 'gro ba na gom pa re re la pad+ma blta na sdug cing yid 'phrog pa dag byung ste/ de dag nyi ma'i 'od zer gyis phog ma thag tu rnyis shing skam mo// de nas sems can dag pa// bsam pa dge ba/ sngon sangs rgyas la dge ba'i rtsa ba skyed skyed pa des de mthong nas/ tshul bzhin du yid la byed pa skyes te/ ji ltar pad+ma 'di dag skyes pa'i mod la ni mdzes par 'dug la/ nyi ma'i 'od zer gyis gdungs pas ni rnyis shing skam par 'gyur ba de bzhin du/ lus 'di yang de dang 'dra'o snyam mo// des de ltar sems shing 'jal la nye bar rtog pa na/ byang chub kyi phyogs dang 'thun pa'i chos sum cu rtsa bdun mngon du gyur te/ des skye bo'i tshogs kyi nang na 'dug bzhin du rang sangs rgyas kyis byang chub mngon sum du byas so// de nas re zhig na gnas gtsang ma'i ris kyi lha rnams kyis de la gos tshon can dag phul te/ de dag bgos nas nam mkha' la 'phags te/ cho 'phrul rnam pa sna tshogs byas nas/ de mthong bas rgyal po dang /
- 96a
blon po dang / grong rdal gyi mi rnams dang bcas par dga' ba chen po thob ste/ dge ba'i rtsa ba rnam pa sna tshogs kyang bskyed do// bcom ldan 'das kyis bka' stsal pa dge slong dag rang sangs rgyas tsan dan ni de las byung ste/ ming yang de las btags so// dge slong rnams kyis/ sangs rgyas bcom ldan 'das la zhus pa/ btsun pa rang sangs rgyas tsan dan gyis las gang dag bgyis shing bsags na/ des 'di'i lus kyang dri bda' la dbang po yang rno bar gyur lags/ bcom ldan 'das kyis bka' stsal pa/ bcom ldan 'das 'od srungs kyi bstan pa la rab tu byung ste/ des der dbu skra dang sen mo'i mchod rten la spos chu'i dbang bskur ba yang phul/ me tog dag kyang btags te/ der rang sangs rgyas kyi byang chub kyi lam yang bsgoms so/ / dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / pad+ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po
- 96b
rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe yul dbus na 'khod pa rnams kyi lugs kyis na/ kun dga' ra ba'i srungs ma rnams kyis pad+ma dag blangs te/ srang du song zhing 'tshong ngo // de nas bcom ldan 'das snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs so/ / bud med zhig kyang khye'u zhig pang na thogs te/ srang du song ba las khye'u des sangs rgyas bcom ldan 'das sku skyes bu chen po'i mtshan sum cu rtsa gnyis kyis
- 97a
legs par brgyan pa/ dpe byang bzang po brgyad cus mdzes par byas pa/ 'od 'dom gang gis brgyan pa/ mis spong bas lhag pa'i 'od mnga' ba/ rin mchan ri bo 'gro ba lta bu kun nas bzang ba mthong ngo / / mthong nas kyang dga' ba skyes te/ glo tor du lag pa brkyang nas kun dga' ra ba'i srungs ma las pad+ma blangs te/ de bzhin gshegs pa'i dbu la bor ro/ / de nas pad+ma de shing rta'i 'phang lo tsam du gyur te/ steng gi nam mkha' la 'dug nas/ bcom ldan 'das gshegs na ni 'gro la/ bzhubA na ni sdod do// de nas bcom ldan 'das kyis pad+ma rA ga'i mdog 'dra ba'i 'od zer dag bkye nas/ des mnyan du yod pa ril gyis snang bar byas so// rgyu des na rgyal po dang / blon po dang / pho brang 'khor gyi mi rnams dad par byas so/ / de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar
- 97b
med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma wAr gas pa dang / pad+ma ltar gas ba chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo// / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas/ 'di snyam du sems te/ kye bdag cag mi'adi nas kyang shi 'phos par ma gyur la/ gzhan du yang ma skyes mod kyi/ 'on kyang sngon sa byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang //
- 98a
'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la/ / bag yod spyod par byed pa ni// skye ba'i 'khor pa rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom
- 98b
ldan 'das kyi snam logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhangs kyi mthe bor mi snang bar 'gyur ro/ / mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro/ / 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni// lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ / bla na med pa yang dag par rdzogs pa'i byang chub tu lung ston ngar bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi sdang bar gyur to// de nas tshe dang ldan pa kun dga' bos thal mo sbyar te/ bcom
- 99a
ldan 'das la zhus pa/ tshon sna stong gis spel ba sna tshogs can// mang ngo zhal gyi sgo nas byung bar gyur// de yis phyogs rnams kun tu snang bar bgyis// nyi ma sharang ji ltar bgyis pa bzhin/ / yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par/ / pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na// dge slong rgyal dbang nyan pa so nyi 'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams gyin 'da' 'dzum mi ston/ / gang gis don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad ngongo/ kun dga' bo khye'u 'di dad pa skyes pas/ de bzhin gshegs pa la pad+ma 'thor ba mthong ngam/ btsun pa mthong lags so// kun dga' bo khye'u 'di dge ba'i rtsa ba dang / sems
- 99b
bskyed pa dang / sbyin par bya ba'i chos yongs su gtong ba 'dis/ bskal pa bco lnga'i bar du log par ltung bar mi 'gyur te/ lha dang mi'i bde ba nyams su myong nas/ rang sangs rgyas pad+ma'i bla ma zhes bya bar 'gyur te/ de'i sbyin par bya ba'i chos ni gang nga la sems dga' bar gyur pa 'di yin no// dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti ba'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// 'khor lo zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dngon rnams dang / lha rnams dang / klu rnams dang / gnod sbyin rnams dang / lha ma yin rnams dang nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
- 100a
zhal zas dang / gzims cha dang / gdan dang / snyun gsos dang / spyan zong rnams brnyes pa/ nyan thos kyi dge 'dun dang bcas pa rgyal po'i khab kyi 'od ma'i tshal bya ka lan ta ka gnas pa na bzhugs so/ / de'i tshe rgyal po'i khab nas ded dpon zhig rgya mtsho chen po'i nang du zhugs nas/ de'i chung ma lang tsho la bab pa de khyim thab la gdub zhing yongs su yi chad la/ smre sngags 'don kyang / de'i khyim thab ma 'ongs nas des sred med kyi bu la phyag 'tshal te dam bcas pa/ gal te bdag gi khyim thab myur du 'ongs na bdag gis khyod la gser gyi 'khor lo dbul lo zhes byas so/ / de nas de'i khyim thab rgya mtsho chen po'i nang nas myur du phyir 'khor te/ nye zho med par bde bar 'ongs so// de nas des gser gyi 'khor lo byed du bcug ste/ de bran mo'i tshogs kyis bskor bas/ 'khor lo dang / spos dang / bdug pa dang / me tog khyer te lha khang du chas so// de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs ba la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab/
- 100b
pa gsum la legs par bslabs pa/ 'dul ba'i gzhi gsum la mkhas pa/ chu ngo bzhi las brgal ba/ rdzu 'phrul gyi rkang pa bzhi'i zhabs kyi mthil shin du brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mo 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spun gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags
- 101a
pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir smras pa/ rgya mtsho chu srin rnams kyi gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis bu mo des nga mthong na/ rang byang chub kyi dge ba'i rtsa ba bskyed par 'gyur ro snyam du gzigs so// de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ rgyal po'i khang du bsod snyoms la gshegs so// de nas du mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba bu kun nas bzang ba mthong ngo / / de nas mthong ba'i mod la dka' ba thob ste/ bcom ldan 'das la gser gyi 'khor lo dor bar byas so// de nas bran mos bkag ste/ 'di sred med kyi bu ma yin
- 101b
zhes byas so/ / 'on kyang de bkag bzhin du dang pa drag pos yid 'dun par gyur nas/ sangs rgyas bcom ldan 'das kyi steng du gser gyi 'khor lo bor ro// spos dang / bdug pa dang / me tog kyang phul lo// de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnam gang gi tshe 'dzum pa mdzad pa'i chos nyid de de'i chen la nas 'od zer sngon po dang / ser po dang / dmar po dang / po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / dungu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo/ / de nas sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa
- 102a
mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nyid mtshams 'dzin par 'gyur ro// steng du 'gro ba gang yin pa de dag ni/ rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang
- 102b
bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin/ / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur/ / zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snum logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag
- 103a
g.yas pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed nani/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ sprin mtshams kyi mthong spar mi sdang bar 'gyur ro// bla na med pa yang dag par rdzogs pa byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon snga sdong gis spel ba sna tshogs can/ mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshogs su bcad de gsol pa/ rgod dang bral zhing rgyags dang mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston/ brtan pos nyid kyi blo yis dus bab mkhyen lags na// dge slong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom
- 103b
skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin 'da' 'dzum mi ston// gang gi don du dpa' bo 'dzum pa ston mdzad pa/ dedo ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo du mo 'dis de bzhin gshegs pa la gser gyi 'khor lo dor ba mthong ngam/ btsun pa mthong lags so/ / kun dga' bo bu mo 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa bco lnga'i bar du log par ltung bar mi 'gyur te/ lha dang mi'i bde ba nyams su myong nas/ rang sangs rgyas 'khor lo bla ma zhes bya bar 'gyur te/ de'i sbyin par bya ba'i chos ni gang nga la sems dga' bar gyur pa 'di yin no// dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// mgo bcu pa zhes bya ba ni/ sangs rgyas bcom
- 104a
ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byasabla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ma ka d+ha na ljongs rgyu zhing gshegs pa las gang+gA'i klung gi 'gram du byon to// de nas dge slong rnams kyis brag ring po zhig nas mchod rten rnying pa rlung dang nya chen gyis bshig pa zhig 'dug pa de mthong ngo / / mthong nas bcom ldan 'das la zhus pa/ btsun pa mchod rten 'di su'i lags/ bcom ldan 'das kyis bka' stsal pa/ rang sangs rgyas mgo bcu pa'i yin no// dge slong rnams kyis gsol pa/ bcom ldan 'das rang sangs rgyas mgo bcu pa ga las byung lags/ ming ni
- 104b
ci las btags lags/ bcom ldan 'das kyis bka' stsal pa/ dge slong dag khyed rang sangs rgyas mgo bcu pa ga las byung ba dang / ming ci las btags pa nyan par 'dod dam/ gsol pa/ btsun pa nyan par 'tshal lags so// bka' stsal pa/ dge slong dag 'o na legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ grong khyer wA ra NA si na/ rgyal po tshangs pas byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug go/ rgyal po de yang chos can chos dang ldan pa'i rgyal po zhig ste/ chos bzhin du rgyal po byed do// de nas rgyal po de bu med nas bu 'dod de/ gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos dang
- 105a
mthun pa dang / rtag tu phyi bzhin 'brang ba'i lha rnams la yang gsol ba 'debs so// 'jig rten na yang gsol ba btab pa'i rgyus bu dang bu mo skye bar 'gyur ro zhes bya/ pa'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni/ 'khor los sgyur ba'i rgyal po bzhin du re re la yang du stong stong yod par 'gyur ba'i rigs so/ / ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'od pa ste// gnas 'di gsum tshogs pa las bu dang bu mo skye bar 'gyur ro// de yang gsol ba 'debs pa lhur byed cing 'dug la/ de'i skyed mo sa tshal gyi rdzing chen po ut+pa la dang / pad+ma dang / ku mu da dang / pad+ma dkar pos gang ba/ 'gram ngang pa dang / ngur pa dang / zal mo la sogs pa bya sna tshogs kyis mdzes par byas pa zhig yod pa de'i nang nas kyang pad+ma tshad las 'das par che ba zhig blo tor du skyes te/ de nyin gcig bzhin du cher skye la/ kha ni mi 'bye ba zhig yod do// de nas kun dga' ra ba'i srungasems rgyal po la gsol to/ / de nas rgyal pos kyang pad+ma de legs par srungs shog ces bsgo'o// phyis re zhig na nyi ma 'char kar pad+ma de la bye nas/ pad+ma de'i snying po la khye'u gzugs bzang zhing
- 105b
blta na sdug la mdzes pa/ mdog bzang ba/ gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma sdug pa/ lus skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa zhig skyil mo krung bcas shing 'dug ste/ kun dga' ra paba'i srungs mas kyang rgyal po la gsol to/ / de nas rgyal pos thos nas/ blon po dang / btsun mo dang bcas pa skyed mos tshal du dong ste/ pad+ma'i snying po la de lta bur mdzes shing 'dug pa mthong ngo / / mthong nas kyang dga' zhing mgu la rab tu dga' ste/ yi rangs nas dga' ba dang yid bde ba skyes te/ rdzing gi nang du zhugs nas khye'u de blangs te bkur sti chen po dang ldan pas rang gi ngo brang du khyer nas/ dge sbyong dang / bram ze dang / mtshan mkhan dag la bsnyad de/ zhag bdun gsum nyi shu rtsa gcig gi bar du btsas ston rgyas par byas nas/ mgo bcu pa zhes ming btags so// de nas khye'u mgo bcu pa pang na 'tsho ba'i ma ma gnyis dang / nu ma bsrun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// khye'u de
- 106a
yang dad pa dang ldan la/ bsam pa bzang zhing dge ba bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig ste/ des yab rgya la sa na 'dug pa na/ kha na ma tho ba dang bcas pa dang / kha na ma tho ba'i las dag byed pa mthong ngo // mthong nas kyang khye'u de mi dga' nas yab la gsol pa/ yab bdag legs par gsungs pa'i chos 'dul ba la rab tu 'byung bar gnang bar mdzad du gsol zhes byas so/ / yab kyis kyang gnang ste/ de skra dang kha spu bregs nas/ gos tshon can bgos te/ yang dag pa'i dad pas khyim nas khyim med par rab tu byung ngo / / de nas des lung mnos pa med par byang chub kyi phyogs dang mthun pa'i chos sum cu rtsa bdun mngon du gyur te/ rang sangs rgyas kyi byang chub mngon sum du byas nas/ nam mkha' la 'phags te yab la cho 'phrul rnam pa sna tshogs bstan to// de nas yab kyis zla ba gsum gyi bar du bshos la spyan drangs so// de nas de lus thogs pas yongs su skyo nas cho 'phrul rnam pa sna tshogs bstan te/ shing zad pa'i me bzhin du mya ngan las 'das par song ste/ de'i mchod rten 'di yin no// de nas dge slong rnams the tsom skyes te/ the tshom thams cad gcod pa sangs rgyas bcom ldan 'das la zhus pa/ btsun pa rang sangs rgyas mgo bcupas las gang dag bgyis na/ ma'i mngal du ma skyes te/ pad+ma las skyes lags/ bcom ldan 'das
- 106b
kyis bka' stsal pa/ dge slong dag mgo bcu pa nyid sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ mgo bcu pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ngo / / de nas yang dag par rdzogs pa'i sangs rgyas rnam par gzigs de/ rgyal po'i pho brang gnyen ldan zhes bya ba
- 107a
na rten cing bzhugs so/ / de nas yang dag par rdzogs pa'i sangs rgyas rnam par gzigs snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge 'dun gyis mdun du bdar nas/ rgyal po'i pho brang gnyen ldan du bsod snyoms la gshegs so// ded dpon zhig kyang pad+ma khyer te srang du zhugs so/ / de nas des yang dag par rdzogs pa'i sangs rgyas rnam par gzigs sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu pad+ma de bcom ldan 'das kyi steng du bor te/ bor ma thag tu pad+ma de bcom ldan 'das kyi steng du shing rta'i 'phang lo tsam du gyur te/ bcom ldan 'das gshegs na ni 'gro la/ gzhes na ni sdod do// de nas/ re zhig na yang dag par rdzogs pa'i sangs rgyas rnam par gzigs kyis ded dpon de rang byang chub tu lung bstan to// de nas dga' zhing mgu la rab tu dga' nas rang gi khyim du song ba dang / de'i skabs su de'i chung ma bu btsa' zhing 'dug ste/ skad ngan thon nas/ des bran mo la de ci zhig ces dris so// des kyang de bzhin du bsnyad do// de nas ded dpon de mau dga' bar gyur nas smon
- 107b
lam btab pa/ bdag rnams kyang 'khor ba na ma'i mngal du skye bar ma gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ded dpon du gyur pa gang yin pa de ni rang sangs rgyas mgo bcu pa de yin te/ dge ba'i rtsa ba des bskal pa dgu bcu rtsa gcig gi bar du nams kyang ma'i mngal du ma skyes la/ srid pa tha ma la yang de'i 'byor pa de 'dra bar gyur to/ / dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// mdog 'jam zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lce dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod
- 108a
cing shes pa'i sangs rgyas bcom ldan 'das bsod nams chen po dang ldan pa/ na bza' dang / nal zas dang / gzims ma dang / gdan dang / spun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ tshong dpon phyug cing nor mang la longs spod che ba/ nor dang yo byad mngab/ bdag dbang ba mang ba/ mdza' bo dang / blon po dang / nye du dang / rgan rabs mang ba zhig yod de/ khyim bdag de yang dad pa dang ldan pa/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa zhig go// de nas de 'di snyam du sems te/ longs spyod 'di dag ni chu rba lta bu'i rang bzhin can/ smig rgyu dang 'dra ba/ mi rtag pa/ me brtan pa/ ther zug pa ma yin pa/ yid brtan du mi rung ba/ 'gyur ba'i chos can/ gnod pa chen po lnga dang thun mong du 'dug pa yin gyis/ bdag gis sangs rgyas bcom ldan 'das nyan thos kyi dge 'dun dang bcas pa la cho ga dang ldan pa'i khrus gsol la/ zhal zas bzang pos tshim par bya bor ma chag snyam mo/ / de nas des bcom ldan 'das nyan thos kyi dge 'dun dang bcas pa khrus gsol ba dang / gdugs tshod gsol bar spyan drangs so// de nas de la phan gdags
- 108b
ba'i phyir/ bcom ldan 'das nyan thos kyi dge 'dun dang bcas pa/ dge slong gi tshogs kyis zham ring byas te/ dge slong gi dge 'dun gyis mdun du bdar nas cho ga dang ldan pa'i khrus la gshegs so/ / de nas tshong dpon de til mar spos can khyer te bsro khang du song nas/ bdag nyid kyis bcom ldan 'das nyan thos kyi dge 'dun dang bcas pa la bsnyen bkur byas so// de nas gang gi tshe bcom ldan 'das nyan thos kyi dge 'dun dang bcas pa khrus gsol zin pa de'i tshe/ khyim bdag des bcom ldan 'das nyan thos kyi dge 'dun dang bcas pa la rang gi lag nas// bza' ba dang bca' ba gtsang ma bzang pos tshim par byas te/ ci bzhed pa bstabs so// rang gi lag nas bza' ba dang bca' ba gtsang ma bzang po rnam grangs du mas tshim par byas te/ ci bzhed pa bstabs nas/ bcom ldan 'das bshos gsol zin te/ gsang sder ni gyur/ phyag ni bcabs par rig nas/ stan ches dma' ba zhig khyer te chos mnyan pa'i phyir/ bcom ldan 'das kyi spyan sngar 'dug nas/ de la bcom ldan 'das kyis chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas cad mi gsung bar bzhugs so// de nas tshong dpon de dang pa rnyed nas
- 109a
sdong po rtsa ba nas bcad pa bzhin du bcom ldan 'das kyi zhabs la mgo bos phyag 'tshal te/ sems la rtas par byas so// de nas bcom ldan 'das kyis 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngudu 'bong dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltarags pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grangs pa'i sems can dmyal ba gang yin pa de dag tu ni dro bar gyur te 'bab bo/ / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa
- 109b
mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang // dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/
- 110a
nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'ching dag sde ni gzhor par gyis// gang zhig chos 'dul 'di nyid la/ / bag yod spong bar byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'drang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi sngar logs su mi snang bar 'gyur ro/ / ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar 'ung ston par bzhed na ni/ zhabs kyi mthi' du mi snang bar 'gyur ro/ / dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung stor bar bzhed na ni/ zhabs kyi mthe bor mi snang bar 'gyur ro/ / mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung stod par bzhed na ni/ bya ba g.yon pa'i mthil du mi snang bar 'gyur ro/ / 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang der 'gyur ro// lhar skye bar lung ston par bzhed na ni/ lte bar mi snang bar
- 110b
'gyur ro/ / nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro/ / bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston/ / brtan po nyid kyi blo yis dus bab mkhyen lags na// dge slong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po ngag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po rdzogs sangs rgyas rnams kyin 'da' 'dzum mi ston// gang gi don du dpa' bo 'du
- 111a
pa ston mdzad pa/ / de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dag bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo tshong dpon 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo tshong dpon 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ rang sangs rgyas mdog 'jam zhes bya bar 'gyur ro/ / de'i sbyin par bya ba'i chos ni gang nga la sems dga' bar gyur pa 'di yin no// dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / 'od bsil zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / byuphyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lA ma yin rnams dang /
- 111b
nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' ldi dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na/ khyim bdag phyug cing nor mang la longs spyod che ba/ yongs su 'dzin pa yangs shing rgya che ga rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ de yang dad pa dang ldan pa/ dge zhing bsam pa bzang la bdag la phan pa dang / gzhan la phan pa la zhugs pa snying rje che ba/ bdag nyid che ba/ chos 'dod pa/ skye dgu la byams pa zhig go// de nas de 'di snyam du sems te/ longs spyod 'di dag ni chu zla lta bu'i rang bzhin can/ glang po che'i rna ba ltar g.yo ba/ mi rtag pa/ mi brtan pa/ ther zug pa ma yin pa/ yid brtan tu mi rung ba/ 'gyur ba'i chos can/ gnod pa chen po lnga dang thun mong du 'dug pa yin gyis/ bdag gis longs
- 112a
spyod snying po med pa las snying po blang bar bya gor ma chag snyam mo/ / des sos ka'i dus la bab pa na/ bcom ldan 'das nyan thos kyi dge 'dun dang bcas pa gdugs tshod la sman drangs nas/ khyim yang rdo dang / gseg ma dang / gyo mo med par byas te/ tsan dan gyi chus ni chag chag btab/ spos sna tshogs kyi snod ni bkram/ dri zhim po'i bdug pas ni bdugs/ me tog sna tshogs kyis ni gtor/ me tog gi gdan rnams ni bshams so// de nas khu ba bsil ba'i btung ba rnams dang / 'khur ba dang / bshos rnams kyang sta gon byas nas/ bcom ldan 'das la 'phrin gyis gdugs chod bskul pa/ btsun pa gdugs chod la bab ste/ bshos lags na/ bcom ldan 'das kyis dnga'i dus la bab par dgongs te/ gshegs su gsol zhes bskul to// nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ khyim bdag de'i khyim ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas khyim bdag des sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bza' ba dang bca' ba gtsang ma bzang pos tshim par byas te ci bzhed pa bstabs so// rang gi lag nas bza' ba dang bca'
- 112b
ba gtsang ma bzang po rnam grangs du mas tshim par byas te/ rtsi bzhed pa bslabs nas/ bcom ldan 'das bshos gsol zin te/ gsang sder ni rgyu/ phyag ni bcabs par rig nas/ stan ches dma' ba zhig khyer te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis khyim bdag de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// chos kyi gtam rnam grangs du mas yang dag par bstan/ yang dag par 'dzin du bcug yang dag par gzengs bstod/ yang dag par dga' bar mdzad nas cang mi gsung bar bzhugs so// de nas khyim bdag de dad pa rnyed nas/ bcom ldan 'das kyi zhabs la phyag 'tshal te/ sems la rtas par byas so// de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i ro zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bong dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang /
- 113a
chu bur rdol dang / so thams thams dang / kyi hud zer dang / a chu zer dang / ut+pal ltar kas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad par bskyed paba'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo// de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par gyur to// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan
- 113b
'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so/ / tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// / 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar
- 114a
'gyur ro/ / sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro/ / yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro/ / stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal po lung ston par bzhed na ni// phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro/ / rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ / de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar
- 114b
gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na/ / dge slong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang / bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi/ / mgon po rdzogs sangs rgyas rnams gyin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo khyim bdag 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo khyim bdag 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ rang sangs rgyas 'od bsil zhes bya bar 'gyur ro// de'i sbyin par bya ba'i chos ni gang nga la sems dad par
- 115a
bus pa 'di yin no/ / dge slong dag de bas na 'di ltar bslab par byaste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' sprul nas/ dge slong de dag yi rangs te/ bcom ldang 'das kyis gsungs pa la mngon par bstod do// mnyan pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ma ga d+ha na ljongs rgyu zhing gshegs pa las gang+gA'i klung gi 'gram du byon to// de nas bcom ldan 'das
- 115b
dge slong gi tshogs kyis zham ring byas te/ dge slong gi dge 'dun gyis mdun du bdar nas/ mnyan pa rnams ga la ba der gshegs te byon nas/ mnyan pa rnams la 'di skad ces bka' stsal to/ / kye chu klung 'di las ngasgrol cig/ mnyan pa rnams kyis gsol la/ gru btsas stsol cig/ de nas bcom ldan 'das kyis/ mnyan pa de dag la 'di skad ces bka' stsal to// nga yang sngon mnyan pa byed byed de/ ngas dga' bo ni 'dod chags kyi chu klung du lhung ba las bsgral/ sor 'phreng ni zhe sdang gi rgya mtshor lhung ba las bsgral/ bram ze'i bu nga rgyal gyis khengs pa ni/ nga rgyal gyi rgya mtshor lhung ba las bsgral/ lteng rgyas 'od srungs ni gti mug gi rgya mtshor lhung ba las bsgral te/ 'on kyang ngas gru btsas ma blangs so// de skad ces bka' stsal kyang bsgral par khas ma blangs so/ / de nas mnyan pa zhig gis bcom ldan 'das kyi gsung yan lag brgyad dang ldan pa yang thos/ gzugs phun sum tshogs pa de yang mthong nas dang pa skyes te/ bdag gis bcom ldan 'das nyan thos kyi dge 'dun dang bcas pa bsgral bar 'tshal lo zhes gsol to/ / de nas dge slong rnams grur zhugs pa dang / bcom ldan 'das rdzu 'phrul gyis mnyan pa de bas kyang ches sngar pha rol gyi 'gram du zhugs par gyur to/ / de nas mnyan pa des rdzu 'phrul gyi cho 'phrul de mthong nas/ sems dga' bar gyur te zhabs la phyag 'tshal nas/ bcom ldan 'das
- 116a
kyis de la 'phags pa'i bden pa bzhi rtogs par 'gyur ba de lta bu'i chos bstan te/ mnyan pa des de thos nas 'jig tshogs la lta ba'i ro'i rtse mo mthon po nyi shu ye shes kyi rdo rjes bcom nas/ rgyun du zhugs pa'i 'bras bu mngon sum du byas so// des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i ri las bsgral ba dang / ngan song gi sgo thams cad bcad pa dang / mtho ris dang / thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang gsol pa/ nyes pa mang por ldan pa'i ngan song lam// shin tu mi bzang khyod kyi mthu yis bcad/ / bsod nams rab ldan mtho ris 'gro ba phye// mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob/ / bdag ni sdug bsngal rgya mtsho'i pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang na dang 'chi ba'i nang
- 116b
spangs pa/ / srid pa stong du mthong bar dka' ba las// thub pa khyod ni deng mthong 'bras bu yod// de'i nang nas mnyan pa gtsug cig 'gyod pa chen po skyes nas/ des bcom ldan 'das kyi zhabs la phyag 'tshal te nyes pa bshags nas/ bcom ldan 'das nyan thos kyi dge 'dun dang bcas pa bshos gsol to// de nas bcom ldan 'das kyis 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar ngo rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni/ sems can dmyal ba yang sos dang / thig nag dang / bsdus 'joms dang / du 'bod dang / du 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams brams dang / kyi hud zer dang a chu zer dang / ut+pal ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to// de dag 'di snyam du sems te/ kye
- 117a
ci bdag cag ni 'di nas shi pos sam/ 'on te gzhan du skyes sam snyam mo// de nas de dag dad pa skyes pa'i phyir/ bcom ldan 'das sprul pa 'gyed par mdzad de de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong
- 117b
rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la/ / bag yong spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los
- 118a
sbyar ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yan pa'i mthil du mi snang bar 'gyur ro/ / lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro/ / rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi sprin mtshams kyi mdzod spur mi snang bar gyur de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur/ / de yis phyogs rnams kun tu snang bar bgyis// nyi ma shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi/ / sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis
- 118b
dus bab mkhyen lags na/ / dge sbyong rgyal dbang nyan pa som ci 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams byin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo nga la chen nyan par 'tshal/ / bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo mnyan pa 'dis nga la sems dga' ba bskyed pa mthong ngam/ btsun pa mthong lags so// kun dga' bo mnyan pa 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis ma 'ongs pa'i dus na rang sangs rgyas 'khor ba rgal ces bya bar 'gyur ro// de'i sbyin par bya ba'i chos ni gang nga la sems dad par byas pa 'di yin no// dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ macom ldan 'das kyis gsungs pa la
- 119a
mngon par bstod do/ / spos kyi ngad ldang zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnam dang pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs de'i tshe yul dbus na 'khod pa'i yul mi rnams kyi lugs kyis na/ phal cher byug pa sna tshogs kyis lus skud par byed do// de nas re zhig na khyim bdag gi bu zhig yod bde'i bran mo dad pa dang ldan la/ dge zhing bsam pa bzang ba zhig yod pa de/ tsan dan dmar po zhig 'dar zhing 'dug go// bcom ldan 'das kyang snga dro sham thabs dang chos gos gsol te/
- 119b
lhung bzed bsnams nas/ dge slong gi tshogs kyis kham ring byas te/ dge slong gi dge 'dun gyis mdun du bdar nas/ rgyal po'i khab tu bsod snyoms la gshegs so// de nas bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang bu mo de dad pa chen po skyes so// de nas de dad pa rnyed nas 'di snyam du sems te/ bdag gis 'di lta bu'i zhing rnyed kyang dbul ba'i nyes pas bcom ldan 'das la bkur sti byed mi nus na/ bdag gi 'tsho ba 'di 'dra ba ci dgos snyam mo// de nas des rang gi srog la yang ma bltas te/ lag pa gnyis ka tsan dan dmar pos byugs nas/ bcom ldan 'das kyi zhabs gnyis la bskus so// bcom ldan 'das kyis kyang rdzu 'phrul gyis/ rgyal po'i khab kyi grong khyer ril gyis tsan dan gyi dris gang bar mdzad do/ / de nas bu mo des cho 'phrul de mthong nas/ sems dga' bar gyur te/ bcom ldan 'das kyi zhabs la phyag 'tshal nas/ sems la rtas par byas te/ bdag dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ rang sangs rgyas kyi byang chub mngon sum du byed par gyur cig ces byas so//
- 120a
de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'dod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pal ltar gas pa dang / pad+ma ltar gas pa dang / pad+ma ltarags pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ / grang ba'i sems can dmyal ba gang yin pa de dag tu ni dro bar gyur te 'dab bo// des na sems can de dag gi gnod pa'i khyad par rnams rtse zhil bar gyur to/ / de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo// de nas de dag dad pa bskyed pa'i phyir/ bcom ldan 'das sprul pa 'gyed par mdzad do/ / de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang
- 120b
sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems// can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang // dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom
- 121a
par gyis/ / gang zhig chos 'dul 'di nyid la// ngag yod spyod par byed pa ni/ skye ba'i 'khor ba rab spangs nas// sdug bsngal zad par byed par 'gyur// zhes rjod par byed do/ / de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye ngar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar 'gyur ro// lhar skye bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu
- 121b
lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dngu'i gtsug tor du mi snang bar 'gyur ro/ / de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis/ / nyi ma shar bas ji ltar bgyis pa bzhin// yang tshogs su bcad de gsol da rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa/ / rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags ma// / dge sbyong rgyal dbang nyan pa som nyi 'tshal ba rnams// thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi/ / mgon po rdzogs sangs rgyas rnams gyin 'da' 'dzum mi sngon// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal//
- 122a
bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo bu mo 'dis nga la 'di lta bu'i bkur sti byas pa mthong ngam/ btsun pa mthong lags so// kun dga' bo bu mo 'di dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ ma 'ongs pa'i dus na rang sangs rgyas spos kyi ngang ldang zhes bya bar 'gyur ro// de'i sbyin par bya ba'i chos ni gang nga la sems dad par byas pa 'di yin no// dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pal mngon par bstod do/ / // dri ma med pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams da phopo brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha'
- 122b
lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lnga ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyur gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na/ kun dga' ra ba'i srungs ma zhig yod de/ des so shing zhig khyer te mnyan du yod par song ngo / / lhas mkhan zhig kyang sgo kan 'dug ste/ de na re so shing 'di su za ba de ni/ zas ro brgya dang ldan pa za bar 'gyur ro zhes zer ro// de nas kun dga' ra ba'i srungs mas tshig de thos nas 'di snyam du sems te/ so shing 'di gang la byin na/ de'i rgyus bdag cher bkur bar 'gyur zhig gu snyam mo// yang de 'di snyam du sems te/ sangs rgyas bcom ldan 'das 'di ni rgyu ba dang / mi rgyu ba'i 'jig rten na/ bsod nams kyi zhing 'gro ba 'bras bu yod pa yin gyis/ bdag gis 'di sangs rgyas bcom ldan 'das la dbul lo
- 123a
snyam mo/ / de nas kun dka' ra ba'i srungs ma des so shing de khyer nas/ bcom ldan 'das gal ba der song ste phyin nas/ bcom ldan 'das kyi zhabs la mgo bopos phyag 'tshal te/ phyogs gcig tu 'dug go// phyogs gcig tu 'dug nas/ kun dga' ra ba'i srungs ma des/ sangs rgyas bcom ldan 'das la 'di skad ces gsol to// bcom ldan 'das bdag la thugs brtse ba'i slad du tshems shing 'di bzhes su gsol/ de nas bcom ldan 'das kyis kun dga' ra ba'i srungs ma la phan gdags pa'i phyir/ phyag gser gyi kha dog can glang po che'i sna ltar 'dug pa brkyang nas bzhes so/ / bzhes nas kyang de kun dga' ra ba'i srungs ma'i mdun du gsol to// gsol nas kyang so shing de sa la btsugs so// de nas btsugs pa'i mod de kho na'i skad cig la yal ga dang / lo ma dang / me tog dang / 'bras bu phun sum tshogs pa'i shing n+ya gro d+ha chen po chu zheng gab pa zhig tu gyur te/ de'i grib ma la bcom ldan 'das bzhugs nas/ lha dang mi du ma la chos bstan to// de nas khyim bdag mgon med zas sbyin gyis zhal zas ro brgya dang ldan pa gsol to// de nas kun dga' ra ba'i srungs ma de bcom ldan 'das kyi cho 'phrul gyis sems dad par byas nas/ sdong po rtsa ba nas bcad pa bzhin du zhabs la phyag 'tshal te smon lam btab pa/ dge ba'i rtsa ba 'dis bdag rang byang chub
- 123b
mngon sum du byed par gyur cig ces byas so/ / de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu'abod dang / ngu 'bod chen po dang / tsha ba dang / rab tu tsha ba dang / man med pa dang / chu bur can dang / chu bur rdol dang / so thams thams dang / kyi hud rder deng / a chu zer dang / ut+pal ltar gas pa dang / pad+ma ltar gas pa dang / pan+d+ha ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'dang po// grang ba'i sems can dmyal ba gang yin pa de dag tu ni dro bar gyur te 'bab bo// des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye cing bdag cag 'di nas shi 'phos sam/ 'on te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas/ 'di snyam du sems te/ kye bdag cag ni 'di nas
- 124a
kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur pa der nying mtshams 'dzin par 'gyur ro/ / steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang // tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ / mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod par byed de/ nges
- 124b
par 'byung ba brtsam par gyis/ / sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la/ / bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni// bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mos gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung ston par bzhed na ni/ phyag g.yas pa'i mthil du mi snang bar
- 125a
bar 'gyur ro/ / wAr skye bar lung ston par bzhed na ni/ e bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi nga byar 'gyur ro/ / rang sangs rgyas kyi byang chub tu lung ston par bzhed na ni/ sprin marnams kyi mdzod sngar mi snang bar 'gyur ro// bla na med pa yang dag par rdzogs pa'i byang chub cu srung ston par bzhid nani/ dbu'i gtsug tor du mi snang bar 'gyur ro// de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi sprin mtshams kyi mdzod skur des tsho nga ma gcu dga' bos thal mo A/ bcom ldan 'das la zhu / tshon nam chags kyil pa sna tshogs can// mang pa blonas byung ngur gyur/ / rams nas nas su m+b+ha snang bar bcas// nyis shar bsod ltar bgyis pa bzhin// yang tshogs su bcad de gsol pa/ ting dang sprul zhing rgyags dang mi thogs ca 'gro ba dag byung pa 'i N+Di bu sa/ / rgya ba mtha rnams rgyam pa ts+tshi / brgya na dang dung ga / gnams yi s du pa mkhyen lags na/ / dge sbyong rgyal dbang nyan pa chom nyi 'tshal ba rnams// thub 'i khrumachog ga ni gsung mchog brtan pa dang / bzang po dag gis le tsom skyes pa pasal
- 125b
gsol/ / rgya mtsho dang ni ri rgyal lta bur brtan pa yi// mgon po rdzogs sangs rgyas rnams byin 'da' 'dzum mi ston// gang gi don du dpa' bo 'dzum pa ston mdzad pa// de ni khyod las skye bo phal chen nyan par 'tshal/ / bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ / kun dga' bo kun dga' ra ba'i srungs ma 'dis nga la 'di lta bu'i bkur sti byas pa mthong ngam/ btsun pa mthong lags so/ / kun dga' bo kun dga' ra ba'i srungs ma 'dis dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis bskal pa bcu gsum gyi bar du log par lhung bar mi 'gyur te/ srid pa tha ma dang / gnas tha ma dang / lus tha ma dang / bdag gi ngo bo tha ma thob pa ni rang sangs rgyas dri ma med pa zhes bya bar 'gyur ro// de'i sbyin par bya ba'i chos ni gang nga la sems dad par byas pa 'di yin no/ / dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o/ zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon
- 126a
par bstod do/ / // ga dang snyan ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / po brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lho dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal po rgyal byed kyi tshal mgon med zas sbyin gyi kun dga' ra ba na bzhugs de nas bcom ldan 'das snga dro sham thabs dang chos gos gsol te/ lhung bzed bsnams nas mnyan du yod par bsod snyoms la gshegs so// mdza' sde bo mang po zhig kyang chang gis ra ro zhing myos nas/ pi wang dang / gling bu dang / rdza rnga dang / rnga zlum rnams dang / rol mo'i sgra rnam pa sna tshogs byed de/ gar byed klu len la/ me tog ut+pal dang /
- 126b
pad+ma dang / ku mu da dang / pad+ma dkar po dang / par shi ka la sogs pa me tog gi 'phreng ba mang po yang mgul du btags nas/ gos khyad par du 'phags pa dag bgos te/ mnyan du yod ba'i phyi rol du byung ngo / / de nas mdza' sde po de dag gis/ bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba// rin po che'i ri bo 'gro ba lta bu kun nas bzang ba mthong nas/ mthong ma thag tu de dag chang gis ra ro ba de las sangs par gyur to/ / de nas ra ro ba las sangs nas sems dga' zhing dad par gyur te/ gar dang / glu dang / rol mo'i sgra rnams kyis bcom ldan 'das la bsnyen bkur byas so// ut+pal sngon po rnams kyang bcom ldan 'das kyi steng du gtor te/ de dag bcom ldan 'das kyi steng du khang pa brtsegs pa sngon po dang / khang pa sngon po dang / gdugs sngon po lta bur gyur te 'dug nas/ de dag bcom ldan 'das gshegs na ni 'gro la bzhes na ni sdod do/ / bcom ldan 'das kyis kyang 'od sngon po dag bkye ste/ 'od de dag gis mnyan du yod pa nor bu and rnyil gyi mdog 'dra bar 'dug par byas so/ / de nas mdza' sde bo de dag bcom ldan 'das la dad pa skyes te/ sems la rtas par byas nas/ dge ba'i rtsa ba dang / sems bskyed pa dang / sbyin par bya ba'i chos 'dis bdag
- 127a
cag rang byang chub mngon sum du byed par gyur cig ces byas so/ / de nas bcom ldan 'das kyis 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang / ser po dang / dmar po dang / dkar po rnams byung nas/ kha cig ni 'og tu 'gro'o// kha cig ni steng du 'gro'o// 'og tu 'gro ba gang yin pa de dag ni sems can dmyal ba yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol dang / so thams thams dang / kyi hud zer dang / a chu zer dang / ut+pa la ltar gas pa dang / pad+ma ltar gas pa dang / pad+ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo// grang ba'i sems can dmyal ba gang yin pa de dag tu ni dro bar gyur te 'bab bo/ / des na sems can de dag gi gnod pa'i khyad par rnams rtse zhil bar gyur to// de nas de dag 'di snyam du sems te/ kye ci bdag cag ni 'di nas shi 'phos sam/ 'o na te gzhan du skyes sam snyam mo/ / de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag
- 127b
cag ni 'di nas kyang shi 'phos par ma gyur la/ gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ / de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden/ pa rnams kyi snod du rung bar 'gyur pa der nying mtshams 'dzin par 'gyur ro// steng du 'gro ba gang yin pa de dag ni rgyal chen bzhi'i ris rnams dang / sum cu rtsa gsum pa rnams dang 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang / sdug bsngal ba dang / stong pa dang / bdag med pa'i sgra sgrogs so// tshigs su bcad pa gnyis kyang rjod
- 128a
par byed de/ nges par 'byung ba ba rnam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spangs nas// sdug bsngal zad par byed par 'gyur// zhes rjod par byed do// de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro// ma 'ongs pa'i las lung ston par bzhed na ni/ mdun logs su mi snang bar 'gyur ro// sems can dmyal bar skye bar lung ston par bzhed na ni/ zhabs kyi mthil du mi snang bar 'gyur ro// dud 'gror skye bar lung ston par bzhed na ni/ zhabs kyi rting par mi snang bar 'gyur ro// yi dgas su skye bar lung ston par bzhed na ni/ zhabs kyi mthe bor mi snang bar 'gyur ro// mir skye bar lung ston par bzhed na ni/ pus mo gnyis su mi snang bar 'gyur ro// stobs kyi 'khor los sgyur ba'i rgyal por lung ston par bzhed na ni/ phyag g.yon pa'i mthil du mi snang bar 'gyur ro// 'khor los sgyur ba'i rgyal por lung stong par bzhed na ni/ phyag g.yas pa'i mthil du mi snang bar 'gyur ro// lhar skye
- 128b
bar lung ston par bzhed na ni/ lte bar mi snang bar 'gyur ro// nyan thos kyi byang chub tu lung ston par bzhed na ni/ zhal du mi snang bar 'gyur ro// rang sangs rgyas kyi byang chub tu lung ston par bzhed na ni/ smin mtshams kyi mdzod spur mi snang bar 'gyur ro// bla na med pa yang dag par rdzogs pa'i byang chub tu lung ston par bzhed na ni/ dbu'i gtsug tor du mi snang bar 'gyur ro// de nas/ 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to// de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can// mang po zhal gyi sgo nas byung bar gyur// de yis phyogs rnams kun tu snang bar bgyis// nyim shar bas ji ltar bgyis pa bzhin// yang tshigs su bcad de gsol pa/ rgod dang bral zhing rgyags dang mi dgyes spangs pa yi// sangs rgyas 'gro ba dag gi dam pa'i rgyur gyur pa// rgyal ba dgra thub rnams ni rgyu rkyen ma mchis par// pad+ma'i rtsa dang dung mdog lta bu'i 'dzum mi ston// brtan pos nyid kyi blo yis dus bab mkhyen lags na// dge slong rgyal dbang nyan pa som nyi 'tshal ba rnams/ / thub pa khyu mchog gi ni gsung mchog brtan pa dang // bzang po dag gis the tsom skyes pa bsal bar gsol// rgya mtsho dang ni ri rgyal lta bur brtan pa yi// mgon po
- 129a
rdzogs sangs rgyas rnams kyin 'da' 'dzum mi ston/ / gang gi don du dpa' bo 'dzum pa ston mdzad pa// de ni khyod las skye bo phal cher nyan par 'tshal// bcom ldan 'das kyis bka' stsal pa/ kun dga' bo de ni de bzhin no// de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med pa 'dzum pa mi mdzad do/ / kun dga' bo mdza' sde bo 'di rnams kyis nga la 'di lta bu'i bkur sti byas pa mthong ngam/ btsun pa mthong lags so// kun dga' bo mdza' sde po 'di rnams dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis/ bskal pa nyi shu'i bar du log par ltung bar mi 'gyur te/ srid pa tha ma dang / gnas tha ma dang / lus tha ma dang / bdag gi ngo bo tha ma thob pa na/ rang sangs rgyas gdangs snyan zhes bya bar sha stag tu 'gyur ro// de dag gi sbyin par bya ba'i chos ni gang nga la sems dad par byas pa 'di yin no/ / dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la bkur sti bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// gang po
- 129b
la sogs pa'i rtogs pa brjod pa brgya pa las sdom gyi tshogs su bcad pa gsum pa rdzogs so/ / / sdom ni/ pad+ma dang ni kham re dang // chos spyong de bzhin ni ldan dang gzugs bzang mdza' bo'i bu mo dang / / ri bong dang ni chos tshol dang // mgon med zas sbyin rab bzang ba// sde tshan dag tu bstan pa yin// pad+ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ mar byas/ ri mor byas/ mchod pa byos te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims che dang / gdan dang / snyun gsos dang / sman zong rnams brnyes panyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas ston gyi
- 130a
dus kyi tshe/ dge slong dag skya rbab ser po'i nad kyis thebs te/ lus rid cing / lus nyam chung bar gyur to// bcom ldan 'das ni snyun mi mnga' zhing gnod pa med la/ snyun gyis btab pa med de/ stobs dang ldan no// de nas dge slong rnams kyis de mthong nas/ bcom ldan 'das la zhus pa/ btsun pa dge slong kha cig ni ston gyi nad skya rbab ser pos thebs te/ lus rid cing / lus nyam chung bar gyur/ bcom ldan 'das ni snyun mi mnga' zhing / gnod pa ma mchis te/ stobs dang ldan zhing rang bzhin gyis snyun mi mnga' la popho ba'i drod snyoms shing / 'ju ba dang ldan pa la gzigs/ bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la// gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur// chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang / khams dang / skye mched rnams 'ba' zhig la rnam par
- 130b
smin par 'gyur ro/ / lus can dag gi las rnams ni// bskal pa brgyar yang chung mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ grong khyer wA raNA sin/ rgyal po pad+ma zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / bo dang mi meng pos gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu rab shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// rgyal po de yang da pa/ dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go// de'i tshe wA ra NA sir dus dang dus tshogs ma snyoms ba las mi nad chen po byung ste/ sems can phal cher skya rbab kyi nad kyis btab bo// de nas rgyal pos de dag mthong nas snying rje bskyed de/ bdag gis 'di dag yongs su bskyab par bya zhing /
- 131a
gso bar bya'o snyam mo// de nas yul thams cad na sman pa 'khod pa rnams bsdus te/ bsgo nas sems can de dag gi nad kyi gzhi dang / gnas dang snga nas gzhi yod pa rtogs nas/ de'i 'og tu bdag nyid kyis gso ba dang / sman thams cad bsdu bar byas so// de nas gsos te/ nor dang / sman dang / nad g.yog dang ldan par byas kyang yun ring po zhig lon gyi bar du sems can de dag gso ma nus so/ / de nas rgyal pos sman pa thams cad bkug ste/ gus par byas nas/ kye ci'i phyir sems can 'di dag gso dka' bar gyur ces rmas so/ / de nas sman pa rnams kyis dpyad de/ yon tan dang nyes par gros 'thun par gsol pa/ lha dus ma snyoms pa dang / khams ma snyoms pa las gyur pa lags pas/ legs par ma rtogs mod kyi/ 'on kyang sman sna cig mchis te/ nya ro hi ta zhes bgyi ba zhig mchis la/ gal te rnyed na ni des gso bar nus lags so// de nas rgyal po nya ro hi ta kun tu tshol ba la zhugs te/ des tshol ba'i mi mang po bkye nas btsal kyang ma rnyed do// de nas de dag gis rgyal po la gsol to// de nas phyi zhig na rgyal po 'chag tu gshegs pa dang / nad pa de dag kyang gcig tu 'dus te 'khod nas/ rgyal po la gsol pa/ rgyal po chen po bdag cag nad 'di las yongs su bskyab cing srog stsal du gsol/ de nas rgyal pos nang pa rnams kyi tshig snying rje rje skad zer
- 131b
zhing sdug sdug skad zer la gti zhing smra ba'i tshig thos nas/ snying rjes snying bskyod de/ mchi ma 'dzag cing ngu bzhin du phyung nas bsams pa// bdag gis gzhan sdug bsngal gyis gzir ba rnams zhi bar byed kyang ma nus na/ bdag gi 'tsho ba 'di lta bu dang / rgyal srid kyi dbang phyug 'di 'dra ba ci dgos snyam mo// de snyam du bsams nas/ rgyal pos nor phal po che yongs su gtong ba byas te/ bu thu bo rgyal por bcug nas/ nye du dang skye bo rnams la nyes pa bshags te/ pho brang 'khor gyi mi dang / blon po rnams la bstod nas/ nad pa sdug pa rnams dbugs phyung ste/ brtul zhugs yan lag brgyad pa yang dag par blangs nas/ khang bzangs kyi steng du song ste/ bdug pa dang / me tog dang / spos dang / me tog 'phreng dang / byug pa rnams gtor nas/ shar phyogs su kha bltas te smon lam btab pa/ bden pa dang bden pa'i tshig gang gis sems can rnams shin tu 'phongs par gyur te/ nad kyis yongs su zin pa mthong nas/ bdag gis rang gi srog 'bangs pa yongs su btang ba'i bden pa dang / bden pa'i tshig 'dis bdag chu klung zlog byed 'di'i nang du nya ro hi tar skye bar shog cig ces smras nas/ khang bzangs kyi steng nas bdag nyid kyis mchongs so// der lhung ba'i mong la shi nas/ chu klung zlog byed kyi nang du nya bo che ro ha te zhes bya bar skyes so// de nas lha rnams kyis yul
- 132a
thams cad du/ chu klung zlog byed kyi nang du nya bo che ro hi ta zhes bya ba skyes pa de ni nang tshabs po ches gzir nas/ yun ring du lon pa rnams kyi bdud rtsi dang 'dra'o zhes sgra sgrogs so/ / de nas thos ma thag tu skye bo phal po ches lag na mtshon cha thogs nas skon pa khyer te dong nas/ nya de gson por mtshon cha rnon po rnam pa sna tshogs kyis sha rnams gcod pa la zhugs so/ / byang chub sems dpa' yang de ltar lus gcod pa na/ sems can de dag la byams pas khyab par byas nas gdong mchi ma dron po 'dzag ste/ des bsams pa/ bdag gi sha khrag gis sems can 'di dag bde bar 'gyur ba 'di ni/ bdag gis rnyed pa legs par rnyed do snyam nas/ de lta bu'i tshul gyis lo bcu gnyis kyi bar du rang gi sha khrag gis sems can de dag tshim par byas te/ bla na med pa yang dag par rdzogs pa'i byang chub las kyang sems ma log go// gang gi tshe sems can de dag gi nad de zhi bar gyur pa de'i tshe/ nya bo che ro hi des sgra bsgrags pa/ kye sems can khyed nyon cig/ nga ni rgyal po pad+ma zhes bya ba de yin te/ ngas khyed kyi don du rang gi srog yongs su btang nas lus 'di lta bu blangs pa yin gyis/ nga la sems dga' bar gyis shig dang / gang gi tshang bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe yang khyed nad las gtan du yongs su thar bar bya ste/ mya ngan las 'das pa/ gzha'
- 132b
gsang gi mthar thug pa/ grub pa dang bde ba la dgod par bya'o zhes byas so// de skad thos nas skye bo'i tshogs de dag dang / rgyal po dang / blon po dang / pho brang 'khor gyi mi rnams kyis dang pa rnyed de/ me tog dang / me tog 'phreng dang / byug pa dag gis mchod nas smon lam btab pa/ shin tu dka' bar byed pa khyod gang gi tshe bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ bdag cag khyed kyi nyan thos su gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus ma rgyal po pad+ma zhes bya bar gyur ba gang yin pa de ni nga nyid yin te/ ngas de lta bu'i yongs su gtong ba byas pa des na/ ba 'khor ba na 'khor ba'i tshe/ bde ba mtha' yas pa nyams su myong bar gyur la/ da ltar bla na med pa yang dag par rdzogs pa'i byang chub mngon par rdzogs par sangs rgyas pa na yang / pho ba'i thod snyoms shing 'ju ba dang ldan te/ des na ngas zos pa dang / 'thungs pa dang / 'chos pa dang / myangs pa rnams legs par bde bar zhu bar 'gyur te/ nga nad med cing gnod pa med la nad med pa'i rang bzhin du gyur to// dge slong dag de bas na 'di ltar bslab par bya ste/ sems can thams cad la snying rje bsgom par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan
- 133a
'das kyis gsungs pa la mngon par bstod do/ / khams re zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang // nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lham yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshel khyim bdag mgon med zas sbyin gyi kun dga' ra ba na bzhugs so/ / der bcom ldan 'das kyis/ dge slong rnams la bka' stsal dang / dge slong dag gal te ji ltar ngas sbyin pa'i 'bras bu yang shes la/ sbyin pa'i bgo ba sha'i 'bras bu rnam par smin pa yang shes pa bzhin du sems can rnams kyis kyang sbyin pa'i 'bras bu yang shes la/ sbyin pa'i bgo ba sha'i 'bras bu rnam par smin pa yang shes su zin
- 133b
na ni/ de lta na kham gyi tha ma dang / lam gyi mjug lus pa gang yin pa de las kyang / gal te yon gnas len pa po rnyed na/ de la ma byin nam/ bgo bsha' ma byas kyi bar du za bar mi byed la de dag gi sems kyang ser sna skyes pas kun nas dkris shing 'dug par mi 'gyur ba zhig na/ ji ltar ngas sbyin pa'i 'bras bu yang shes la/ sbyin pa'i bgo ba sha'i 'bras bu rnam par smin pa yang shes pa bzhin du sems can rnams kyis/ sbyin pa'i 'bras bu yang mi shes la/ sbyin pa'i bgo ba sha'i 'bras bu'i rnam par smin pa yang mi shes pas na/ de'i phyir de dag ni kun tu 'dzin pa'i sems kyis ma byin pa 'am/ bgo bsha' ma byas par za bar byed la/ de dag gi sems kyang ser sna skyes pas kun nas dkris shing 'dug go// bcom ldan 'das kyis de skad ces bka' stsal bde bar gshegs pas de skad ces gsungs nas/ gzhan yang ston pas 'di skad ces bka' stsal to// bgo bsha' dag gi rnam par smin// ji ltar don chen 'gyur ba de// drang srong chen pos gsungs pa bzhin/ / sems can rnams kyis shes na ni// ma byin par du mi za zhing // ser sna can du mi 'gyur la// de dag kun tu 'dzin pa'i sems// nams kyang skye bar mi 'gyur na// gang phyir byis pa gti mug gis// bsgribs pa rnams kyis ma shes pa// de phyir kun tu 'dzin sems kyis// rtag tu ma byin za bar byed// de dag ser sna skyes nas kyang // sems ni kun nas
- 134a
dkris shing 'dugagang gi tshe bcom ldan 'das kyis mdo 'di bka' stsal pa de'i tshe/ dge slong dag the tshom du gyur nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis sbyin pa'i bsngags pa yang bka' stsal la/ sbyin pa'i bgo ba sha'i 'bras bu rnam par smin pa yang bka' stsal pa ni ngo mtshar lags so// bcom ldan 'das kyis bka' stsal pa/ dge slong dag de bzhin gshegs pas sbyin pa'i bsngags pa yang brjod la/ sbyin pa'i bgo ba sha'i 'bras bu rnam par smin pa yang brjod pa 'di lta la ngo mtshar che ba ci yod/ ngas 'das pa'i dus na slong ba'i phyir/ bdag za ba'i kham khar 'ong zin pa las kyang yongs su btang ba de legs par rab tu nyon la yid la zung zhig dang ngas bshad do/ / dge slong dag sngon byung ba 'das pa'i dus na/ grong khyer wA ra NA si na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / 'thab pa dang / rtsod pa zhi pa dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / bgrang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du
- 134b
rgyal srid bskyangs so/ / rgyal po de yang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go// phyis re zhig mu ge'i bar gyi bskal pa dang 'dra bar mu ge chen po byung ngo / / de nas skye bo'i tshogs mu ges dus ma yin par 'chi bas 'jigs pa/ bkres shing lkog ma dang 'gram pa zhom pa/ yi dgas kyi lus 'dra ba de dag 'dus shing tshogs la/ gcig tu 'phungs te rgyal po'i thang du dong nas/ rgyal bar gyur cig/ sku tshe ring bar shog cig ces bstod de smras pa/ lha bdag cag mu ge'i 'jigs pa 'di las yongs su bskyab cing srog stsal du gsol zhes byas so/ / de nas rgyal pos mdzod pa la bos te/ kA ye mdzod pa mdzod na zas dang skom padag cag dang skye bo'i tshogs 'di rnams kyi chog par yod dam zhes byas so/ / de thos nas mdzod srungs na re brtsis te/ lha la gsol bar 'tshal lo zhes byas so// de nas rtsis mkhas pa rnams kyis brtsis na 'di srid cig gi bar du yul na 'khod pa thams cad ni nyin gcig bzhin kham re re 'tshal la/ rgyal po ni zhal kham gnyis gsol ba mchis so zhes gsol to// de nas rgyal pos skye bo'i tshogs la bos te bsgo ba
- 135a
'o na khyed nyin gcig bzhin du rgyal po'i pho brang du shog la/ kham re re zos nas deng shig ces byas so// de nas de dag nyid gcig bzhin du lhags te/ mi res kham re zos nas gar dga' bar 'dong bar byed do/ / de nas bram ze gzhan zhig rtsis de'i nang du ma zhen te/ gzhan las gtam thos nas rgyal po la smras pa/ lha rtsis mdzad par yul mi'i nang du bdag gis thos kyis/ bdag kyang kham gcig po de stsol cig ces byas so// de nas rgyal pos bdag nyid kham gnyis za ba las kha ma gcig bram ze la byin nas/ kham gcig ni yul mi dang thang mnyam par za bar byed do/ / lha'i dbang po brgya byin ni 'og ma la shes pa'i mthong ba 'jug ste/ de 'di snyam du sems te/ kye ma yul wA ra NA si na/ rgyal po byed pa de ni shin tu dka' ba byed cing 'dug gi/ de bdag gis bgam par bya'o snyam mo// de nas lha'i dbang po brgya byin gyis bdag nyid bram ze'i cha lugs su sprul te/ drol bab pa'i tshe/ rgyal po'i thad du song nas/ rgyal bar gyur cig/ su mo ring bar shog cig ces bstod nas smras pa/ lha bdag bkres kyis lha nyid kyi zhal lam gcig po des bdag la phan gdags par gsol/ de nas rgyal pos rang gi srog yongs su btang bar chad nas snying rjes bdag gi kham gcig po de bram ze la byin nas sbyang bar 'dug ste/ de lta bu'i tshul gyis zhag drug gi bar du zan gcad do// 'on kyang skye bo phal po che de dag zan za ba mthong na mchog
- 135b
tu dga' bar sems so/ / de nas lha'i dbang po brgya byin gyis rgyal po de shin tu dka' ba byed pa mthong nas/ bram ze'i cha lugs mi snang bar byas te/ rang gi gzugs su 'dug nas rgyal po la bstod pa/ rgyal po chen po legs so ma nyes so khyod dka' ba la zhugs pa 'dis bdag dga' bar gyur to// skye dgu skyong ba 'di lta bu yod pa las na/ skye bo'i tshogs 'di dag ni mgon yod pa yin no/ / de sa bon thams cad thob cig ces yul phyogs su sgo zhig dang / bdag gis zhag bdun na gang gis 'bru rnams rgyal bar 'gyur ba de lta bu'i dbang chen gyi char dbab par bya'o zhes byas so/ / rgyal pos kyang de bzhin du bcug go// brgya byin gyis kyang de lta bu'i dbang chen gyi char phab ste/ des na mu ge de bzlog ste/ lo legs par gyur to// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na/ rgyal po tshangs pas byin zhes bya bar gyur pa gang yin pa de ni nga yin te/ ngas de lta bu'i mu ge byung ba na yang / rang gi srog yongs su btang ste/ de lta bu'i sbyin pa dag byin no// dge slong dag de bas na 'di ltar bslab par bya ste/ sbyin pa dag sbyin no// bsod nams dag bya'o zhes dge slong khyed kyis de ltar bslab par bya'o// / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // chos skyong zhes bya ba ni
- 136a
sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi sa ge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so// gang gi tshe mi blun po lha sbyin gyis bcom ldan 'das bkrongs pa'i phyir glang po che nor skyong yang btang / dug gi phye mas gtor/ gshed ma'i mi yang bkye ste/ de bcom ldan 'das la yun ring po nas gsheng ma dang dgra mi mdza' bar gyur la/ bcom ldan 'das ni de la byams pa'i dgongs pa dang / phan pa'i dgongs pa dang / thugs brtse ba'i dgongs pas nye bar gnas par gyur pa de'i tshe/ dge slong rnams
- 136b
kyis bcom ldan 'das la zhus pa/ bcom ldan 'das 'di ltar lha sbyin 'di ni/ bcom ldan 'das bkrongs pa'i slad du brtson par bgyid la/ bcom ldan 'das ni 'di la byams pa'i dgongs pa dang / phan pa'i dgongs dang / thugs brtse ba'i dgongs pas nye bar gnas pa la gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa'i ye shes dang / shes bya thams cad la mnga' brnyes zin pa 'di lta lango mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa nas gzhon pa'i tshe gsong du 'ongs pa na yang ngas 'di la sems sdang ba ma byas pa de/ legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ grong khyer wA ra NA si na/ rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos yongs su gang ba/ 'thab pa dang / rtsod pa zhi ba dang / 'khrug
- 137a
pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// rgyal po de yang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba zhig ste/ gtong ba chen po la gnas so// rgyal po de la btsun mo blo ngan ma zhes bya ba gtum zhing khro la gzu lums can zhig yod de/ bu gcig pa chos skyong zhes bya ba yang blo ngan ma de nyid las btsas so/ / gzhon nu chos skyong de yang dad pa dang ldan pa/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig ste/ de yang wA raNA sin gnas pa'i bram ze dang / khyim bdag rnams kyis mthong na/ sdug cing 'bangs la snying du sdug cing yid du 'ong bar bya ba yin no// de nas de mkhan po'i thad du song nas/ byis pa dag dang lhan cig tu yi ge slob bo// phyis re zhig na rgyal po dpyid kyi dus kyi tshe/ shing rnams me tog rgyas pa dang / ngang pa dang / khrung khrung dang / rma
- 137b
byu dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod du/ btsun mo dam pa dang bcas pa'i btsun mo'i 'khor gyis zham ring byas te/ skyed mos tshal gyi sar song ste/ skyed mos tshal de na rgyal po btsun mo'i 'khor dang lhan cig rtse ba las btsun mo blo ngan ma phrag dog dang / khro bas non te 'khrugs so// rgyal pos ni de la skom 'thungs pa'i phyed bskur ba dang / de 'khrugs pas rgyal po la 'phrin springs pa/ gal te bdag khyod kyis 'thungs pa'i phyed 'thung bar gyur na bdag bu'i khrag 'thung bar gyur cig ces byas so// 'dod pa bsten pa la ni sdig pa'i las mi bya ba ci yang med de/ de nas rgyal po tshangs pas byin chos can yin mod kyi/ 'dod pa'i 'dod chags kyis kun nas dkris pa med par gyur nas/ btsun mo'i 'khor gyis be'u bdang kyang khro ba'i me 'bar te/ de 'thur khros nas/ khyed deng la khye'u chos skyong gi mgul pa chod de/ de la khrag lud cig ces bsgo'o// de nas khye'u chos skyong byis pa'i gra gang na 'dug pa thos nas dus te 'di skad du/ 'khor ba na sems can mi mthun pa ni tha chad yin te/ 'di ltar khro ba'i dbang gis rang gi lus las byung ba'i bu yang gsod par byed do zhes smras so// de nas khye'u chos skyong rgyan thams cad kyis brgyan te/ yab kyi zhabs la phyag 'tshal nas gsol pa/ yab cig pa'o 'tshal la ni bu sdug la/ bdag gis kyang nongs pa ma bgyis na/ bdag mi dgum par cig nang / rgyal pos
- 138a
bka' stsal pa/ bu sdug gal te khyod kyi mas bzod na ni/ ngas kyang bzod par bya'o// de nas chos skyong ngu zhing ma'i thad du song ste/ rkang pa la phyag 'tshal nas thal mo sbyar te/ yum bzod pa mdzod la bdag gsod du ma stsal cig ces smras so// de skad du snying rje rje skad zer zhing sdug sdug skad zer la/ gti zhing smra ba'i tshig thos kyang / des bzod pa ma byas so/ de nas gshed ma rnams kyis mtshon rnon pos khye'u chos skyong gi mgul pa bcad de/ btsun mo blo ngan ma la khrag blud na 'on kyang blo ngan ma 'gyod pa yang med do// khye'u chos skyong ni pha ma dang / gshed ma rnams la sems dga' ba bskyed nas shi'o// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khye'u chos skyong zhes bya bar gyur pa gang yin pa de ni nga yin no/ / btsun mo blo ngan ma ni lha sbyin 'di kho na yin te/ de'i tshe gshed ma'i lag tu song ba na yang 'di la byams pa'i sems bskyed la/ da ltar nga la bsad par brtson pa na yang nga 'di la byams par sems/ phan par sems/ snying pa rtse bar sems so// dge slong dag de bas na 'di ltar bslab par bya ste/ sems can thams cad la byams pa'i sems bsgom par bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par
- 138b
bstod do/ / zhi ldan zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' ldi dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na dge slong dag 'dus pa chen po gnyis su gyur te/ gcig ni dbyar zla 'bring po la dbyar gnas par dam 'cha' ba'o// gcig ni ston zla tha chung nya'i bar du dbyar gnas par dam 'cha' ba ste/ der dge slong dag lhung bzed rnams kha dog sgyur bar byed de/ chos gos rnams 'khru zhing btso blag byed/ tshem bu rnams 'drub par byed do// de nas re zhig na
- 139a
dge slong zhig chos gos 'drub par 'dod na/ khab kyi mig tu skud pa gzhug ma nus nas/ snying rje rje skad zer zhing / sdug sdug skad zer la/ gti zhing smra ste/ 'jig rten na bsod nams 'dod pa su yod/ 'jig rten ni bsod nams 'dod pa su yod ces zer ro// bcom ldan 'das kyang de dang thag mi ring ba zhig na 'chags na 'chag cing bzhugs so// de nas bcom ldan 'das kyis glang po che'i sna lta bu'i phyag brkyang nas/ gdangs zab cing snyan la/ zur phyin pa dang / bya ka la bing ka'i skad lta bur yid du 'ong ba/ rnga bo che'i sgra ltar snyan pa'i gsung gis bka' stsal pa/ dge slong nga ni 'jig rten na bsod nams 'dod pa'o// de nas dge slong des bcom ldan 'das kyi gsung yan lag lnga dang ldan pa thos nas/ gus par bsgrim pas la gor du bcom ldan 'das kyi phyag nas bzung ste/ rang gi mgo bo la bzhag nas smras pa/ bcom ldan 'das khyod kyi phyag 'dis bskal pa grangs med pa gsum gyi bar du sbyin pa dang / tshul khrims dang / bzod pa dang brtson 'grus dang / bsam gtan dang / shes rab bsags na/ 'on kyang da dung bcom ldan 'das 'di skad du/ dge slong nga ni 'jig rten na bsod nams 'dod pa'o zhes gsung ngam/ bcom ldan 'das kyis bka' stsal pa/ dge slong nga bsod nams kyis chog mi shes te/ dge slong ngas ni bsod nams kyi ro myong bas na de'i phyir nga bsod nams kyis chog mi shes so//
- 139b
de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 'das bsod nams kyi 'du byed rnams kyis chog mi mkhyen pa ni ngo mtshar lags so/ / bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su grol ba/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa 'di lta las ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams pas yongs su ma grol ba'i tshe/ nga bsod nams kyi 'du byed rnams kyis chog mi shes pa de/ legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ rgyal po'i pho brang zhi ba'i sgra zhes bya ba na/ rgyal po ni ldan zhes bya ba rgyal po byed de/ de'i rang la 'byor pa dang / rgyas pa dang / bde ba dang / lo legs
- 140a
pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnon pa med cing tsher ma dkrugs la/ bu gcig pa la bya ba bzhin du rgyal srid bskyangs so/ / rgyal po de yang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go// de nas de nang bar sngar langs te/ mchod sbyin gyi 'dun khang du song nas/ zas 'dod pa rnams la ni zas sbyin par byed/ skom 'dod pa rnams la ni skom sbyin par byed/ gos 'dod pa rnams la ni gos sbyin par byed cing / nor dang / 'bru dang / 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byu ru rnams yongs su gtong bar byed do// 'on kyang de'i bsod nams kyi 'du byed rnams kyis chog mi shes so/ / de btsun mo'i 'khor du song nas btsun mo'i 'khor la zas dang skom sbyin par byed do// bu rnams dang / blon po rnams dang / dpa' bo dang
- 140b
ru mchog dang / grong rdal gyi mi rnams dang / yul gyi mi rnams la zas dang gos sbyin par byed do// de nas rgyal po zhi ldan 'di snyam du sems te/ bdag gis mi rnams ni tshim par byas na/ srog chags phra mo rnams lus pa de dag ci zhig gis tshim par bya snyam mo// des bdog pa thams cad yongs su btang bas gos ya gcig tsam gyon par zad de/ lus nyi tshe las par gyur nas bsams pa/ srog chags phra mo rnams la ni rang gi lus sbyin par bya'o snyam mo// des lus bzhogs nas gang na sha sbrang dang / sbrang bu mchu rings la sogs pa yod pa der lus bor te 'dug nas/ bu gcig pa sdug pa la bya ba bzhin du khrag gis tshim par byas so/ / lha'i dbang po brgya byin ni 'og ma la shes pa'i mthong ba 'jug ste/ de 'di snyam du sems te/ ci rgyal po zhi ldan 'di sems can rnams kyi don du 'di ltar byed dam/ 'on te snying rjes byed cig gu snyam nas/ bdag gis 'di bgam par bya'o snyam mo// de nas bya rgod stang zil bcag pa'i 'phro lta bu dang / snag sa'i mdog can lta bur bdag nyid sprul te/ rgyal po zhi ldan gyi thang du song nas/ mchus mig bru bar gzas na yang rgyal po de skrag par ni ma gyur gyi/ byams pa'i mig chen pos bya rgod de la bltas nas smras pa/ bu nga'i lus las gang 'dod pa las ci dga' dgur gyis shig ces byas so// de nas lha'i dbang po brgya byin dga' bar gyur te/ bram ze'i cha lugs su sprul na/ rgyal po zhi ldan gyi mdun du
- 141a
'greng ste smras pa/ rgyal po legs kyis khyod kyi mig gnyis ngal byin cig/ rgyal pos smras pa/ kye bram ze nga'i 'di la 'gog pa su yang med kyis ci 'dod pa khyer cing ces byas so/ / de nas lha'i dbang po brgya byin lhag par dga' bar gyur nas/ bram ze'i cha lugs mi snang bar byas te/ rang gi gzugs su 'dug nas/ rgyal po spro ba bskyed de smras pa/ rgyal po legs so legs so// khyod kyi blo shin tu nges so// khyod kyi smon lam bskyod du med do// sems can rnams la khyod kyi snying rje chen po'i rgyun 'bab par gyur to// khyod 'jigs par bya ba'i chos rnams la 'di ltar 'jigs pa med pa las na/ khyod ring po mi thogs par brtson pa 'dis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po zhe ldan du gyur pa de ni nga yin te/ de'i tshe yang nga bsod nams mngon par 'du byed pa rnams kyis chog mi shes na/ da ltar lta ci smos/ dge slong dag de bas na 'di ltar bslab par bya ste/ sbyin pa dag sbyin no// bsod nams ngag bya'o zhes dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do//
- 141b
/ gzugs bzang zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang // tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur lci byas/ bla mar byas/ ri mor byas/ mchod pa byas te/ lha dang / klu dang / gnod sprin dang / lha ma yin dang / nam mkha' lding dang / mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs gang gi tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog bshad 'khor brgya phrag du mas kyang dbang po rnams mi g.yo bar bcom ldan 'das la chos ro dang ldan no cog mnyan pa de'i tshe/ dge slong dag the tsom skyes te/ the tsom thams cad gcod pa sangs
- 142a
rgyas bcom ldan 'das la zhus pa/ btsun pa sems can 'di rnams chos rin po che'i snod du yang 'gyur te/ gus par mnyan par sems pa la gzigs/ bcom ldan 'das kyis bka' stsal pa/ dge slong dag de bzhin gshegs pas ji ltar gus pa bskyed de/ chos mnyan pa dang / bzung ba de legs par rab tu nyon la yid la zung zhig dang ngas bshad dge slong dag sngon byung ba 'das pa'i dus na/ grong khyer wA ra NA si na/ rgyal po gzugs bzang zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / 'thab pa dang / rtsod pa zhi ba dang / 'khrug pa dang / nang 'khrug dang / chom rkun dang / mu ge dang nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ / rgyal po de yang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go// de nas rgyal
- 142b
po de la btsun mo mdzes ldan ma zhes bya ba gzugs bzang zhing blta na sdug la mdzes pa yan lag dang nying lag thams cad dang ldan pa zhig yod do/ / bu gcig pa mdzes ldan zhes bya ba sdug cing 'phangs la snying du sdug cing yid du 'ong ba bzod pa dang ldan pa/ mi mthun pa med pa zhig kyang yod do// de nas phyi zhig na/ rgyal po gzugs bzang chos 'dod par gyur nas nges blon po thams cad bsags te smras pa/ yul gyi gtso bo dag 'chos 'dod kyis nga'i chos tshol cig ces bsgo'o// de nas blon po de dag gis thal mo sbyar te gsol pa/ rgyal po chen po chos ni dkon te/ sangs rgyas 'jig rten du byung na gdod chos 'byung ngo zhes gda' 'o// de nas rgyal pos gser 'bum yod pa'i snod rgyal mtshan gyi rtse mo la btags te/ yul thams cad du dril bsgrags nas/ nga'i yul na chos smra ba gang yin pa de la gser 'bum yod pa'i snod 'di sbyin no// bkur sti chen pos kyang bkur zhing bstod par bya'o zhes kyang byas so// de nas yun ring mo zhig lon kyang chos smra ba su yang mi snang ngo / / de nas rgyal po chos kyi phyir gdung zhing yi chad do// lha'i dbang po brgya byin ni 'og ma la shes pa'i mthong ba 'jug ste/ des rgyal po chos kyi phyir 'phongs shing 'dug pa mthong nas de 'di snyam du sems te/ bdag gis rgyal po gzugs bzang bgam par bya'o snyam mo// de nas bdag nyid gnod sbyin rkang lag dang mig mi sdug pa zhig tu sprul
- 143a
nas/ rgyal po 'khor du ma'i nang na 'dug pa la 'di skad ces smras so// ci khyod chos 'dod ce na/ ngas khyod la chos bstan to// de nas rgyal pos chos kyi sgra thos pas dga' zhing mchog tu dga' ba skyes nas gnod sbyin la 'di skad ces smras so/ / gsang ba pa chos smros shig smros shig/ ngas mnyan par bya'o// gnod sbyin gyis smras pa/ kye ma rgyal po chen po// bde zhing 'khod pa ni chos smra bar byed kyi/ nga ni bkres kyis je zan byin cig/ de nas rgyal pos de thos nas zho shas 'tsho ba rnams la 'di'i bza' ba dang / bca' ba'i rnam pa dag 'on cig/ ces bsgo'o// gnod sbyin gyis smras pa/ nga ni 'phral la bsad pa'i sha dang khrag za zhing 'thung ba yin gyis/ bu gcig pa mdzes ldan 'di nga la byin cig/ de nas rgyal pos de thos nas mchog tu dga' bar gyur te brgya lam na lan cig deng lta zhig chos kyi sgra dang phrad na/ de yang rin thang gdab tu med pas nyo dgos so snyam mo// de nas gzhon nu mdzes ldan gyis de thos nas yab kyi zhabs la phyag 'tshal te gsol pa/ lha bzod pa mdzad de/ lha'i dgongs pa rdzogs par mdzad la/ bdag gsang ba pa'i zas su stsal bar gsol zhes byas so// de nas rgyal pos bu gcig pa sdug cing 'phangs la snying du sdug cing yid du 'ong ba/ bzod pa dang ldan pa/ mi mthun pa med pa de chos kyi don du gnod sbyin la byin no// de nas gnod sbyin gyis rang gi rdzu 'phrul gyi stobs kyis
- 143b
rgyal po dang 'khor rnams la khye'u yan lag dang nying lag rnams so sor bcad cing bcad cing zos pa dang / khrag kyang 'thungs par bstan to// rgyal po des de mthong na/ chos 'dod pa'i phyir mi dga' bar ma gyur to/ / de nas gnod sbyin gyis rgyal po la smras pa/ rgyal po ngam 'grangs kyis yang byin cig ces byas so// rgyal pos de la snying du sdug pa'i chung ma yang sbyin no// de nas de yang thabs de kho na ltar zos par bstan to/ / de nas yang rgyal po la smras pa/ kye rgyal po ngad dung ma 'grangs so// de nas rgyal pos gnod sbyin la smras pa/ bu ngas bu gcig pa dang sdug pa'i chung ma yang byin zin na/ yang ci 'dod/ gnod sbyin gyis smras pa/ rang gi lus nga la byin cig dang / des na nga 'grangs par 'gyur ro// rgyal pos smras pa/ gal te rang gi lus khyod la byin na/ ngas ji ltar chos mnyan gyis/ sngar nga la chos je ston dang / ngas chos thos pa'i 'og tu rang gi lus yongs su btang bar bya'o zhes byas so// de nas gnod sbyin gyis rgyal po dam gyi 'og tu bcug nas 'khor brgya phrag du ma'i mdun du chos bstan pa/ sdug pa dag las mya ngan skye// sdug pa dag las 'jigs pa skye// 'jigs pa dag la rnam grol rnams// mya ngan med na ga la 'jigs// de nas rgyal pos tshigs su bcad pa 'di thos ma thag tu yid rab tu sim par gyur te/ dbang po dga' zhing yid bde ba skyes nas/ gnod sbyin la smras pa/ gnod sbyin nga'i lus 'di ci dga' bar gyis
- 144a
shig ces byas so/ / de nas lha'i dbang po brgya byin gyis rgyal po de bla na med pa yang dag par rdzogs pa'i byang chub las lhun po bzhin du mi g.yo bar rig nas/ gnod sbyin gyi gzugs mi snang bar byas te/ rang gi gzugs su 'dug nas dga' zhing mdangs phyung ba'i mig dang ldan pas lag pa ya gcig gis ni bu bzung / ya gcig gis ni chung ma bzung nas// rgyal po spro ba bskyed de smras pa/ skyes bu dam pa legs so legs so// khyod kyi go cha brtan gyis/ brtson pa 'dis ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / khyod kyi sdug pa'i mi dang phrad pa yang 'di yin no zhes so// de nas rgyal pos lha'i dbang po brgya byin la 'di skad ces smras so// ko'u shi ka bdag gi chos kyi bsam pa yongs su rdzogs par byas pa legs so legs so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po gzugs bzang zhes bya bar gyur pa gang yin pa de ni nga yin no/ / gzhon nu mdzes ldan ni kun dga' bo yin no// mdzes ldan ma ni grags 'dzin ma yin no// dge slong dag de'i tshe yang ngas chos kyi phyir gnyen sdug pa yongs su gtong ba dang / rang gi srog yongs su gtong ba byas na/ da ltar lta ci smos/ dge slong dag de bas na 'di ltar bslab par bya ste/ chos la bkur sti bya'o// bla mar bya'o//
- 144b
ri mor bya'o// mchod pa bya'o// chos la bkur sti byas/ bla mar byas/ ri mor byas/ mchod pa byas nas brten te gnas par bya'o// dge slong khyed kyis de ltar bslab par bya'o// bcom ldan 'das kyis de skad ces bkal stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // mdza' bo'i bu mo zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// der bcom ldan 'das
- 145a
kyis/ dge slong rnams la bka' stsal pa/ dge slong dag khyim gang dag na pa ma gnyis la legs par ri mo byed pa dang / legs par mchod pa byed pa dang legs par g.yog byed pa'i khyim de dag ni tshangs pa dang ldan pa yin no/ / de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas tshangs pa dang 'dra ba'i phyir ro// dge slong dag khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni slob dpon dang ldan pa yin no// de ci'i phyir zhe na/ rigs kyi bu'i pha ma gnyis ni rigs pa'i sgo nas slob dpon dang 'dra ba'i phyir ro// dge slong dag khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni kun tu sbyin pa'i 'os su gyur pa dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas kun tu sbyin pa'i 'os su gyur pa yin pa'i phyir ro/ / dge slong dag khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni me dang ldan pa yin no/ / de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas me dang 'dra ba'i phyir ro// dge slong dag khyim gang dag na pha ma gnyis la les
- 145b
par ri mo byed pa dang / legs par mchod pa byed pa dang / legs par g.yog byed pa'i khyim de dag ni lha dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas lha dang 'dra ba'i phyir ro/ / bcom ldan 'das kyis de skad ces bka' stsal te/ bde bar gshegs pas de skad ces gsungs nas/ gzhan yang ston pas 'di skad ces bka' stsal to/ / pham gnyis ni tshangs pa ste// de bzhin dang po'i slob dpon yin// bu yi kun sbyin 'os gyur pa// me yang yin la lha yang yin// de phyir de gnyis phyag gi gnas// dril ba dang ni khrus rnams dang / / rkang pa dag kyang bkru ba dang // yang na zas dang skom rnams dang // gos dang ma la cha stan rnams kyis// mkhas pa dag gis bkur sti bya// pha ma dag la bkur byas pa// des na mkhas pa de dag ni/ / 'dir yang smad pa med gyur la// shi na'ang mtho ris dga' bar 'gyur// gang gi tshe bcom ldan 'das kyis mdo 'di bka' stsal pa de'i tshe/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das pa ma la sri zhu che ba'i bsngags pa gsungs pa ni ngo mtshar lags so// bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang /
- 146a
smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa na pha ma la sri zhu che ba'i bsngags pa brjod pa 'di lta la ngo mtshar rme ba ci yod/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe/ ma la gnod pa chung ngu byas pas kyang sdug bsngal chen po myong bar gyur la/ bkur sti chung ngu byas pas bde ba chen po myong bar gyur pa de legs par rab tu nyon la zung zhig dang ngas bshad do/ / dge slong dag sngon byung ba 'das pa'i dus na/ grong khyer wA ra NA sin ded dpon mdza' bo zhes bya ba phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas de de dang lhan cig tu rtse zhing dga' la dga' dgur spyod do/ / de rtse zhing dga' la dka' dgur spyod pa las bu dag byung yang shi bar gyur te/ de lag pa la skom tshugs bcas nas/ bdag gi khyim nor du ma dang ldan du zin kyang /
- 146b
bdag la bu yang med/ bu mo yang med pas/ bdag 'das pa'i 'og tu ni bu med pa'i phyir ca 'dog pa thams cad rgyal po dbang bar 'gyur ro snyam ste/ sems khongs su chud cing 'dug go// de nas de la kha cig gis gdams ngag bstan pa/ gal te khyod kyi bu byung bar gyur na/ de la bu mo'i ming thogs shig dang / de ltar byas na de yun ring du 'tsho bar 'gyur ro zhes byas so// de bu med de/ bu 'dod pa'i phyir/ gu lang dang / chu lha dang / ku be ra dang / brgya byin dang / tshangs pa la sogs pa dang / lnga'i khyad par gzhan dag la yang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos mthun pa pa dang / rtag tu phyi bzhin 'brang ba'i lha rnams la yang gsol ba 'debs la/ 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so// ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/
- 147a
gnas 'di gsum tshogs pa las bu dang bu mo skye bar 'gyur ro// de nas de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos nas de'i chung ma'i ltor zhugs so/ / bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la ma chags pa yang shes pa dang / dus kyang shes la zla mtshan yang shes pa dang / bu chags pa yang shes pa dang / gang las bu chags pa dang / khye'u yang shes la bu mo yang shes pa ste/ gal te khye'u yin na ni lto g.yas logs su rten cing gnas so// gal te bu mo yin na ni lto g.yon logs su rten cing gnas so// de dga' ches nas khyim thab la smras pa/ jo bo bdag la sras chags te/ bdag gi rum g.yas logs na rten cing gnas pa las na/ khye'ur 'gyur bar nges kyis dgyes pa bskyed du gsol zhes byas so// de yang dga' ches te/ ro stod ni bteg/ lag pa g.yas pa ni brkyang nas bdag gis yun ring po nas smon smon pa'i bu'i ngo mngon par 'ong ngo // bdag gi bu rung bar gyur cig/ mi rung bar ma gyur cig/ gsos na bdag gi bya ba dag byed par shog cig/ gsos pa'i lan byir gso bar shog cig/ nor skal la spyod par shog cig/ bdag gi rigs brgyad ring du gnas par shog cig/ bdag cag gnyis ka 'das te shi ba'i 'og tu
- 147b
yang bdag cag gi phyir mang yang rung / nyung yang rung ste sbyin pa dag byin la bsod nams dag byas nas/ de gnyis gang dang gang du skyes shing 'gro ba der 'di song zhig ces yon bsngo bar shog cig ces dga' ba'i tshig brjod do/ / de nas des bu chags par rig nas bu'i rim gro bya ba'i phyir/ khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang dang ra ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / sgyur ba dang / lan tshA dang / dang ra ba dang / tsha ba dang / bska ba med pa'i zas rnams kyis bsten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so// de nas de zla ba brgyad dam/ dgu lon pa dang / bu byung ste/ khye'u gzug bzang zhing blta na sdug la mdzes pa/ mdog bzang ba/ gser gyi kha dog can mgo bo gdugs ltar 'jug pa/ lag pa ring ba/ dpral ba'i dbyes che ba/ sna ma thob/ sna legs pa/
- 148a
smin pa sdug pa/ yan lag dang / nying lag thams cad dang ldan pa zhig btsas nas/ de btsas pa'i btsas ston byas nas/ khye'u'i ming ji skad gdags zhes ming 'dogs par byed de/ nye du rnams na re khye'u 'di mdza' bo'i bu yin la bu mo yin pas na de'i phyir khye'u 'di'i ming mdza' bo'i bu mo zhes bya'o zhes zer ro// de nas khye'u mdza' bo'i bu mo pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ ma ma brgyad kyis 'o ma dang zho dang / mar dang / zhun mar dang / mar gyi nying khu dang / gzhan yang yo byad kyi khyad par bza' 'o cog gis bskyed bsrings te/ mtsho'i nang gi pad+ma bzhin du skye drag par gyur to// de'i pa ni rgya mtsho chen por song nas de nyid du shi'o/ / de nas gang gi tshe mdza' bo'i bu mo cher skyes pa de'i tshe ma la smras pa/ yum bdag gi ba sngon las ji lta zhig gis 'tsho bar gyur/ bdag gis kyang de'i rjes su de dang 'dra bar bgyi 'tshal lo/ / de nas mas bsams pa/ gal te bdag gis 'di la rgya mtsho chen po'i tshong pa byed byed do zhes byas na ni/ 'di yang brgya la rgya mtsho chen por song nas de nyid du 'chi bar 'ong ngo snyam nas smras pa/ bu khyod kyipa ni sngon yul tshong pa byed byed kyis khyod kyang 'dod na yul tshong ba gyis shig ces byas so// de nas des yul tshong ba'i las
- 148b
byas na dang po'i nyin par kar sha pa Na bzhi rnyed de/ de sa la byin nas/ yum 'dis dge sbyong dang / bram ze dang / sdug cing 'phongs pa dang / bkres pa rnams la sbyin par mdzod cig ces byas so/ / de nas re zhig na gzhan zhig na re khyod kyi pha spos kyi tshong ba byed byed do zhes byas pa dang / des yul tshong pa'i las btang ste/ spos kyi tshong byas so// de nas kar sha pa Na brgyad rnyed de/ de dag kyang des ma la byin no// de nas re zhig na gzhan zhig na re/ khyod kyi pha gser dngul gyi tshong pa byed byed do zhes byas pa dang / des spos 'tshong ba btang ste/ gser dngul gyi tshong byas so/ / de nas dang po'i nyin par kar sha pa Na bcu drug rnyed do// de dag kyang des ma la byin no// de nas phyi de nyin par kar sha pa Na sum cu rtsa gnyis rnyed de/ de dag des ma la byin no/ / de nas re zhig na gser dngul gyi tshong pa phrag dog gi rang bzhin can dag gis khye'u de gnas thams cad kyi nyo tshong gi rgyus shes par rig nas smras pa/ mdza' bo'i bu mo khyod kyi pha ni rgya mtsho chen po'i tshong pa byed byed na/ ci khyod la chos ma yin pa'i 'tsho ba 'di ci dgos/ khyod sus sems can ngan pa'i nyo tshong gi las byed du bcug ces byas so// de nas de gser dngul gyi tshong pa'i tshig gis bskul nas ma'i thad du song ste smras pa/ yum bdag gi pha sngon rgya mtsho chen po'i tshong pa byed byed ces de skad grag pas/ bdag kyang rgya mtsho chen po'i nang du mchi/
- 149a
'tshal gyis gnang bar mdzod cig/ mas smras pa/ bu gcig de ni bden mod kyi/ 'on kyang khyod byis pa yin la bu gcig pa yang yin gyis/ nga bor te rgya mtsho chen po'i nang du ma 'gro zhig/ de nas de mi dge ba'i bshes gnyen phrag dog gi rang bzhin can dag gis brid pas ldog tu ma btub nas/ des ma'i tshig ma mnyan te/ grong khyer wA ra NA sir dril bsgrags nas/ kye grong khyer wA rA NA si na gnas pa'i tshong pa rnams khyed nyon cig/ ded dpon mdza' bo'i bu mo rgya mtsho chen po'i nang du 'gro bar chad kyis/ khyed kyi nang nas ded dpon mdza' bopo'i bu mo dang lhan cig tu sho gam mi dgos pa dang / la gcan gyi btsas mi dgos pa dang / gru btsas mi dgos par rgya mtsho chen po'i nang du 'gro bar 'dod pa de dag rgya mtsho chen por 'gro ba'i zong ste gon gyis shig ces byas nas/ dge mtshan dang / bkra shis dang / bde legs su gyur pa rnams byas te/ g.yog 'khor tshong pa lnga brgya dang lhan cig chas te/ shing rta dang / khur dang / skye dang skon pa dang / rnga mo dang / ba glang dang / bong bu dag gis rgya mtsho chen por 'gro ba'i zong bskyas so// de'i ma ni snying byams pas ci bya gtol med nas mchi ma 'dzag cing ngu bzhin phyung ste/ rkang pa la 'jus nas bu gcig nga bor te/ rgya mtsho chen po'i nang du ma 'gro zhig ces byas so// de ltar snying rje rje skad zer zhing sdug sdug skad zer la gti zhing smra ba'i skad byung yang des brtul te ma'i mgo bo la rdog
- 149b
pas bsnun nas 'gron po rnams dang chas so/ / de nas mas smras pa/ bu khyod kyis las 'di'i rnam par smin pa myong bar ma gyur cig ces byas so// de nas re zhig na des grong rdal dang / yul 'khor dang / rgyal po'i pho brang dang / yul po che dag mthong nas rgya mtsho chen po'i 'gram du phyin to// de nas des kar sha pa Na lnga brgyas gru nyos nas/ zho shas 'tsho ba rnam pa lnga ste/ gru ba dang / chu 'phyag pa dang / mnyan pa dang / byi'u zul mkhan dang / ru skya 'dzin pa rnams kyang khrid de/ lan gsum dril bsgrags nas rgya mtsho chen po'i nang du zhugs so// de nas re zhig na gru de nya'i rigs chu srin ma ka ras ma rung bar byas te bub par byas so/ / de nas mdza' bo'i bu mos spang leb cig la zin nas skam la byin to// de nas skam la song song nas thag ring po zhig nas grong khyer longs byed ces bya bar mthong nas de de logs su song ba dang / re zhig na de'i nang nas lha'i bu mo gzugs bzang zhing blta na sdug la mdzes pa bzhi byung nas/ de dag na re mdza' bo'i bu mo chur spyon/ khyod byon pa legs so// 'di dag ni bdag cag gi zas bzhag pa'i khang pa dang / skom bzhag pa'i khang pa dang / gos bzhag pa'i khang pa dang / gzims khang lags te/ nor bu dang / mu tig dang / baiDUR+Ya dang / dung dang / man shel dang / bru ru dang / gser dngul rnam pa sna tshogs kyis gang ba lags kyis/ tshur skyon dang / longs spyod par bgyi'o zhes zer
- 150a
nas de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro/ / de nas de lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro 'dod par gyur nas/ re zhig na yang lho phyogs su song ba dang / grong khyer rtag tu myos zhes bya ba mthong ste/ de de'i sgor phyin pa dang / re zhig na de'i nang nas kyang lha'i bu mo ches gzugs bzang zhing ches blta na sdug la ches mdzes pa brgyad byung nas/ de dag na re mdza' bo'i bu mo tshur spyon/ khyod byon pa legs so// 'di dag ni bdag cag gi zas bzhag pa'i khang pa dang / skom bzhag pa'i khang dang / gos bzhag pa'i khang pa dang / gzims khang / lags te/ nor bu dang / mu tig dang / dai DUR+Ya dang / dung dang / man shel dang / byu ru dang / gser dngul rnam pa sna tshogs kyis gang ba lags kyis/ tshur spon/ longs spyad par bgyi'o zhes zer nas de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro// de nas yang de'i lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro 'dod par gyur nas/ re zhig na yang lho phyogs su
- 150b
song ba dang / grong khyer dga' byed ces bya ba mthong ste/ de de'i sgor phyin pa dang / re zhig na de'i nang nas kyang lha'i bu mo ches gzugs bzang zhing ches blta na sdug la ches mdzes pa bcu drug byung nas/ de dag na re mdza' bo'i bu mo tshur spyon/ khyod byon pa legs so// 'di dag ni bdag cag gi zas bzhag pa'i khang pa dang / skom bzhag pa'i khang pa dang / gos bzhag pa'i khang pa dang / gzims khang lags te/ nor bu dang / mu tig dang / bai DUR+Ya dang / dung dang / man shel dang / byu ru dang / gser dngul rnam pa sna tshogs kyis gang ba lags kyis/ tshur spon dang longs spyad par bgyi'o zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro/ / de nas yang de'i lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro bar 'dod par gyur nas/ re zhi na yang lho phyogs su song ba dang / khang bzangs tshangs pa'i bla ma zhes bya ba mthong ste/ de de'i sgor phyin pa dang / re zhig na de'i nang nas kyang lha'i bu mo ches gzugs bzang zhing ches blta na sdug la che mdzes pa sum cu rtsa gnyis byung ste/ de dag na re mdza' bo'i bu mo tshur spyon/ khyod byon pa legs so// 'di dag ni bdag cag gi zas bzhag ba'i khang pa dang / skom bzhag pa'i khang pa dang
- 151a
gos bzhag pa'i khang pa dang / gzims khang lags te/ nor bu dang / mu tig dang / bai DUR+Ya dang / dung dang / man shel dang / byu ru dang / gser dbu rnam pa sna tshogs kyis yongs su gang ba lags kyis/ tshur spron dang / longs spyad par bgyi'o zhes zer nas de dag dang lhan cig tu lo du mar dga' ba myong ste/ 'di ltar 'di ni bsod nams byed byed pa dang / dge ba byed byed pa dang / rdzu 'phrul che ba dang / mthu che ba yin pa'i phyir ro// de nas de'i yang lho phyogs su song ba las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro 'dod de/ ji tsam du lho phyogs su song ba de tsam du de'i 'dod pa skye'o// re zhig na yang lho phyogs su song ba dang / lcags kyi mkhar zhig mthong ste/ de de'i nang du song nas nang du song ma thag tu de'i sgo bcad do/ / de nas de bas kyang nang du song ba dang / de'i sgo yang bcad do// de bas kyang nang du song ba dang / re zhig na mi bo che zhig mthong na de'i mgo la lcags kyi 'khor lo kun tu 'bar zhing rab tu 'bar la/ kun tu rab tu 'bar te/ 'bar ba gcig tu gyur pa zhig 'khor zhing 'dug la/ de'i mgo bo las rnag khrag ci 'dzag pa de dag ni de'i zas su za'o// de nas mdza' bo'i bu mos/ mi de la dris pa/ kA ye mi khyod su yin/ de na re nga ni ma la gnod pa byed byed pa yin no zhes zer ro// mi nges smras ma thag tu mdza' bo'i bu mos las de dran nas nga'ang ma la gnod pa byed byed
- 151b
pab yin pa snyam gyis/ nga'ang las de kho nas 'dir khrid pa lta snyam mo// de nas de'i skabs su nam mkha' las sgra byung ste/ bcings pa gang yin pa de dag ni grol bar gyur te/ grol ba gang yin pa de dag ni bcings so zhes zer te/ de skad zer ma thag tu mi de'i mgo bo la 'khor lo mi snang bar gyur nas/ mdza' bo'i bu mo'i mgo bo la byung ngo // de nas mi des mdza' bo'i bu mo sdug bsngal gyis dkos thag pa mthong nas/ tshigs su bcad de smras pa/ khyod ni longs spyod rtag tu myos// dga' byed tshangs pa'i bla ma yi// khang bzangs las ni thal nas kyang // ci yi phyir na 'di ru 'ongs// mdza' bo'i bu mos smras pa/ bdag ni longs spyod rtag tu myos// dga' byed tshangs pa'i bla ma yis// khang bzangs las ni thal nas kyang // 'dod chen gyis ni 'dir 'ongs so// las kyis ring du khrid bar byed// ring po nas kyang las kyis khrid// gang du las kyi rnam par smin// der ni las kyis khrid par byed// las kyi rnam smin gang zhig gis// bdag gi srog ni gcod byed pa// kun tu 'bar zhing rab 'bar ba'i/ / 'khor lo mgo la 'khor bar gyur// mi des smras pa/ khyod kyis rab tu sdang sems kyis// ma gcig dga' bar byed byed pa'i// mgo bor rdog pa bsnun pas na/ de yi las kyi 'bras bu yin// mdza' bo'i bu mos smras pa/ lo grangs stong phrag du ma'i bar// bdag gi srog ni gcod byed pa// kun tu 'bar zhing rab 'bar ba'i// 'khor lo mgo la 'khor bar 'gyur// mi des smras pa/ lo ni stong
- 152a
phrag drug cu dang / / brgya phrag drug cu'i bar srid du// lcags kyi 'khor lo 'bar ba ni// khyod kyi mgo la 'khor bar 'gyur// mdza' bo'i bu mos smras pa/ kye gzhan yang 'dir 'ong ba 'ga' lta yod dam/ mi nges smras pa/ su 'di lta bu'i las byed byed pa 'ong bar 'gyur ro// de nas mdza' bo'i bu mo sdug bsngal gyi tshor bas nyen nas sems can rnams la snying rje bskyed de mi de la smras pa/ kyeng ni sems can thams cad kyi phyir 'khor lo 'di mgo bo'i steng du 'dzin par 'dod kyis/ 'di lta bu'i las byed byed pa gzhan su'ang 'dir 'ong bar ma gyur cig ces byas so// de skad ces smras ma thag tu byang chub sems dpa' mdza' bo'i bu mo'i 'khor lo de mgo bo las gyen du 'phags nas ta la bdun gyi srid tsam du nam mkha' la 'dug go/ / de ni shi nas dga' ldan gyi lha'i ris su skyes so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mdza' bo'i bu mor gyur pa gang yin pa de ni nga yin te/ ngas nyo tshong byas/ ma la kar sha pa Na phul ba'i las de'i rnam par smin pas ni grong khyer chen po bzhir bde ba chen po myong ngo / / ngas ma la gnod pa chung ngu byas pa'i las de'i rnam par smin pas ni de lta bu'i sdug bsngal myong ngo // dge slong dag de lta bas na 'di ltar bslab par bya/ pha ma la bkur sti bya'o// gnod pa mi bya'o// 'on tang mdza' bo'i bu mo so so'i skye bor gyur pa'i tshe'i nyes pa de dag lta bu 'byung bar mi 'gyur la/ de nyid lha'i bur gyur pa'i yon tan gang yin pa de lta
- 152b
bu ni thob par 'gyur ro zhes dge slong khyed kyis de ltar bslab par bya'o/ / de ci'i phyir zhe na/ dge slong dag bu'i pha ma gnyis ni dka' ba byed pa dang / skom ldud pa dang / gso ba dang / bskyed pa dang / nu ma bsnun pa dang / 'dzam bu gling bkra ba ston pa yin pa'i phyir ro// gal te bus pa ma gnyis phrag pa g.yas g.yon du bzhag ste/ lo brgya'i bar du khyer ram/ yang na sa chen po 'di nor bu dang / mu tig dang / bai DUR+Ya dang / dung dang / man shel dang / byu ru dang / gser dang / dngul dang / rdo'i snying po dang / sdug dang / pad+ma rA ga dang / g.yas su 'khyil ba dang / de lta bu dag gis bkang ba'i dbang phyug la dbang byed du bcug kyang de tsam gyis ni bus pa ma gnyis la drin sobs pa 'am/ phan btags par mi 'gyur gyi/ gang gis pha ma de gnyis dad pa med pa las dad pa phun sum tshogs pa la 'dzud pa dang / 'dul ba dang / gnas par byed pa dang / 'jog par byed pa dang / tshul khrims 'chal pa las tshul khrims phun sum tshogs pa dang / ser sna can las gtong ba phun sum tshogs pa dang / shes rab 'chal pa las shes rab phun sum tshogs pa la 'dzud pa dang / 'dul ba dang / gnas par byed pa dang / 'jog par byed pa de tsam gyis na/ bus pha ma gnyis la drin bsabs pa 'am/ phan btags par 'gyur ro// bcom ldan 'das kyis de skad ces bka' stsal nas/ dge slong de dag yi rangs te/ bcon
- 153a
ldan 'das kyis gsungs pa la mngon par bstod do/ / / ri bong zhes bya ba ni/ sangs rgyas bcom ldan 'das la/ rgyal po rnams dang / blon po chen po rnam dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ des rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur
- 153b
spyod pa las/ phyi zhig na chung ma la bu chags nas/ de zla ba brgyad dam dgu lon pa dang / khye'u zhig btsas nas de bskyed bsrings te cher gyur to// de'i pha ni nor yang zad par gyur/ longs spyod kyang zad par gyur to/ / de'ang mdza' bo dang / nye du dang / rtsa lag gi 'dab che ba zhig ste/ bu de dus dus su nye du rnams kyi thad du gtong ngo // de nas de nye du de dag gis ci nas de dag dang phyir zhing mdza' bar 'gyur ba de lta bur gzhon to/ / phyis re zhig na de rgyal bu rgyal byed kyi tshal du song nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa// 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang dga' bar gyur te/ bcom ldan 'das kyi zhabs la mgo bos phyag 'tshal nas chos mnyan pa'i phyir bcom ldan 'das kyi spyan sngar bdug go// de nas bcom ldan 'das kyis de la 'khor ba las skyo bar 'gyur ba'i chos bstan te/ de thos pas 'khor ba la nyes par blta ba dang / mya ngan las 'das pa la yon tan du blta bar gyur te/ pha ma gnyis kyis gnang nas/ bcom ldan 'das kyi bstan pa la rab tu byung ngo / de de ltar rab tu byung nas nye du de dag dang lhan cig tu 'du zhing gnas so// de nas bcom ldan 'das kyis de khyim pa dang / 'du ba las bzlog nas dgon par gnas pa la 'dzud par mdzad na de der
- 154a
mi dka' 'o/ / de nas bcom ldan 'das kyis lan gsum kyi bar du khyim pa dang / 'du ba las bzlog par mdzad de/ bu khyim pa dang / 'du ba 'di ni nyes bdu ma dang ldan mig gis shes par bya ba'i gzugs sdug pa dang / 'phangs pa dang / snying du sdug pa dang / yid du 'ong ba dang / 'dod pa dang ldan pa dang / chags par 'gyur ba dang / tsher ma dang 'dra ba dang rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / sdug pa dang / 'phangs pa dang / snying du sdug pa dang / yid du 'ong ba dang / 'dod pa dang ldan pa dang / chags par 'gyur ba dang / tsher ma dang 'dra ba dag yod do zhes gsungs so// gang du gnas bcas na dge ba'i chos rnams 'phel bar 'gyur ba'i dgon pa'i yon tan dag kyang rnam grangs du mar bsngags so/ / de nas re zhig na rigs kyi bu des dge ba'i bshes gnyen bcom ldan 'das la brten nas/ dgon par gnas pa la'ang rtag tu brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags
- 154b
dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ ma rig pa'i sgo nga'i sbubs bcom pa rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi blta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas des sngon gyi gnas rjes su dran la/ bcom ldan 'das kyi shin tu dka' ba spyod pa'ang mthong nas/ bcom ldan 'das kyi thad du song ste/ gus pa dang bcas pas bstod cing ri mo byas so// de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis rigs kyi bu 'di lan gsum gyi bar du grong nas bzlog ste/ dgon pa'i gnas la btsud nas/ dgra bcom pa nyid kyi bar du bzhag pa la gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi nga dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/
- 155a
ye shes dang shes bya thams cad la mnga' brnyes zin pa'i tshe/ rigs kyi bu 'di lan gsum gyi bar du grong nas bzlog ste/ dgon pa'i gnas la btsud pa nas/ dgra bcom pa nyid kyi bar du bzhag pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe'ang ngas rang gi srog yongs su btang nas/ rigs kyi bu 'di grong nas bzlog ste/ dgon pa'i gnas la btsud pa de legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ ri'i sul chu 'bab cing me tog dang / 'bras bu dang / rdo gu phun sum tshogs pa dang ldan pa zhig na drang srong dka' thub drag po spyod pa/ zas su 'bras bu dang / rtsa ba dang / chus 'tsho ba/ ri dgas kyi g.yang gzhi dang shing shun gyon pa/ me'i sbyin sreg byed pa zhig 'dug go// drang srong de'i mdza' bo'ang ri bong mi'i skad shes pa zhig yod de/ de nyin gcig bzhin du drang srong gi thang du dus gsum du 'gro'o der song nas gus par smra ba byas te/ gtam rnam pa sna tshogs kyis yang dag par dga' bar byas nas/ de gnyis phyir zhing mdza' bar gyur te/ pha spad dang 'dra bar 'dug go// phyis re zhig na than
- 155b
chen byung nas des chu klung dang khron pa rnams chu chung bar gyur la/ shing rnams cang me tog dang 'bras bu med par gyur to// de nas drang srong de gnas de na bza' ba med pas mi dga' nas des ri dgas kyi gagayang gzhi dang shing shun rnams brtul to/ / de nas ri bong des de lta bur gyur pa mthong nas/ drang srong chen po gar bzhud ces dris so// drang srong na re nga ni grong du 'gro ste/ der btsos pa'i slongs mos 'tsho bar bya'o zhes zer ro/ / de nas des drang srong gi tshig thos nas gdung bar gyur te/ pha dang bral ba tsam du bsams nas/ drang srong de'i rkang pa la phyag 'tshal te smras pa/ bdag mi dor pabar gsol/ gcig tu na khyim gyi gnas ni nyes pa du mas gang la/ dgon pa'i gnas ni yon tan phun sum tshogs pa dang ldan pa lags so zhes byas so// de skad lan du ma byas kyang de ldog tu ma btub bo/ / de nas ri bong gis smras pa/ gal te mi 'gror mi rung na yang deng tsam gzhes la/ sang gar dgyes par bzhud cig ces byas so// de nas drang srong de 'di snyam du sems te/ dud 'gro'i skye gnas su skyes pa 'di dag ni sdud cing sogs pa la sred pas na/ 'dis ni bdag deng kha zas sna 'ga' zhig la g.yar 'dren par 'dod gor ma chag snyam ste/ des de la khas blangs so// de nas des nyin par gyi bya ba byas zin te/ drol bab pa na ri bong 'ongs nas/ drang srong de la bskor ba byas te/ bzod pa gsol ba/ drang srong chen po gang dag gis dud 'gro'i skye gnas su
- 156a
skyes pas bya mi bya mi shes nas khyod la cung zad nongs pa ci bgyis pa bdag la khyod kyis bzod pa mdzod cig ces smras nas/ tshum com med par me'i nang du mchongs so// de nas drang srong de mi dga' bar gyur nas/ ngu bzhin phyung ste/ bu gcig pa sdug pa la bya ba bzhin dul gor du blangs nas/ bu 'di ci byed ces smras so// ri bong na re drang srong chen po dgon pa'i dga' bas bdag gi sha gsol la/ zhag gcig gi bar du 'tsho bar mdzod cig/ gcig tu na/ nags khung dag tu sems pa'i ri bong la// sran sde'u til dang 'bras rnams ci ma mchis// bdag gi lus 'di zhugs las bsgral mdzod la// gsol te deng tsam dka' thub tshal du bzhugs// de nas zang srong des ri bong gi tshig thos nas mi dga' bar gyur te smras pa/ gal te de lta na khyod snying du sdug pa dang / dgon pa snying du sdug pa'i phyir 'di nyid du srog bor yang bla'i/ grong du ni bdag mi 'gro'o zhes byas so// de nas ri bong gis tshig de thos nas sems dga' bar gyur te/ nam mkha' la gyen du bltas nas gsol ba btab ste/ bdag ni dgon par song nas kyang // dben pa la ni yid dga' na// de yi bden pa'i tshig gis na// dbang chen char ni bab par shog/ ces kyang smras so// / de skad ces smras ma thag tu byang chub sems dpa'i mthus dbang chen gyi gnas kun tu g.yos so// lha rnams ni 'og tu shes pa'i mthong ba 'jug ste/ ci las gyur snyam pa dang / byang chub sems dpa'i mthu
- 156b
yin par mthong ngo / / de nas re zhig na lha'i dbang po brgya byin gyis gnas mal der dbang chen gyi char phab nas phyir yang rtswa dang / gel ba dang / sman dang / me tog dang / 'bras bu phun sum tshogs par gyur to/ / de nas drang srong des dge ba'i bshes gnyen ri bong la brten nas/ de na gnas bzhin du mngon par shes pa lnga mngon sum du byas so// de nas drang srong des/ ri bong la smras pa/ ribong dka' ba byed pa dang / brtson pa dang / snying rje'i rang bzhin 'dis ci zhig bsgrub par sems/ des smras pa/ 'jig rten long ba 'dren pa med cing yongs su 'dren pa med par/ sems can cad ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs/ rgyas su gyur cig ces byas so// de nas drang srong des tshig de thos nas ri bong la smras pa/ gang gi tshe khyod sangs rgyas su gyur pa de'i tshe/ bdag kyang dran par gyis shig/ ri bong gis smras pa/ de ltar bya'o/ / bcom ldan 'das kyis bka' stsal pa/ dge slong dag ji snyam du sesas/ de'i tshe de'i dus na ri bong du gyur pa gang yin pa de ni nga yin no// drang srong ni rigs kyi bu 'di kho na yin no// dge slong dag de bas na 'di ltar bslab par bya ste/ dge ba'i bshes gnyen dang / dge ba'i grogs po dang / dge ba'i sten dang gnas par bya'i/ sdig pa'i bshes gnyen dang / sdig pa'i grogs po dang /
- 157a
sdig pa'i sten dang gnas par mi bya'o zhes dge slong khyed kyis de ltar bslab par bya'o// de nas bcom ldan 'das la/ tshe dang ldan pa kun dga' bos 'di skad ces gsol to// btsun pa 'dir bdag gcig pu dben par mchis nas nang du yang dag 'jog la zhugs pa na sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig pa'i stan ni de lta ma lags so snyam bgyid do// / bcom ldan 'das kyis bka' stsal pa/ kun dga' bo khyod 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes ma zer cig/ de ci'i phyir zhe na/ kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no// de ci'i phyir zhe na/ kun dga' bo dge ba'i bshes gnyen la brten nas/ sems cad skye ba'i chos can rnams skye ba'i chos can
- 157b
las yongs su grol bar 'gyur ba dang / sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro/ / kun dga' bo de bas na rnam grangs 'di kho nas khyod kyis 'di ltar rig par bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig po'i sten ni de lta ma yin no zhes kun dga' bo khyod kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / chos tshol ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam
- 158a
mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sprin gyi kun dga' ra ba na bzhugs so/ / de'i tshe khyim bdag mgon med zas sbyin ni lugs kyis nang par sngar langs te/ bcom ldan 'das blta ba'i phyir song nas/ rang gis lag dar te rgyal bu rgyal byed kyi tshal 'phyag par byed do// de nas phyi zhig na khyim bdag mgon med zas sbyin la brel ba zhig byung ngo // de nas bcom ldan 'das kyis sems can bsod nams 'dod pa rnams la bsod nams kyi gnas bstan pa'i phyir nyid kyis phyag dar te/ phyags ma bsnams nas/ rgyal bu rgyal byed kyi tshal 'phyag par mdzad do// nyan thos chen po shA ri'i bu dang / mo'u 'gal gyi bu dang / 'od srungs dang / kun dga' bo dang / nam gru la sogs pas kyang bcom ldan 'das mthong nas/ phyag bdar byed pa la zhugs so// de nas
- 158b
bcom ldan 'das dang / nyan thos chen po rnams kyis rgyal bu rgyal byed kyi tshal phyags nas 'dun khang du gshegs te/ dge slong gi dge 'dun gyi gung la gdan bshams pa la bzhugs so// bzhugs nas kyang bcom ldan 'das kyis/ dge slong rnams la bka' stsal pa/ dge slong dag lnga po 'di dag ni phyag bdar byed pa'i phan yon yin te/ lnga gang zhe na/ bdag nyid sems dga' bar 'gyur ba dang / gzhan sems dga' bar 'gyur pa dang / lha rnams mgu bar 'gyur ba dang / mdzes par 'gyur pa'i dge ba'i rtsa ba sogs pa dang / lus dang bral ba'i 'og tu bde 'gro mtho ris kyi 'jig rten du lha rnams kyi nang du skye ba'o/ / de nas mgon med zas sbyin yang phyogs der phyin nas/ des bcom ldan 'das nyan thos chen po dag dang thabs cig tu phyag dar te/ rgyal bu rgyal byed kyi tshal phyags so zhes de skad thos nas/ de 'di snyam du sems te/ gang du bcom ldan 'das nyan thos chen po dag dang thabs cig tu phyag dar te/ phyag bdar mdzad pa de'i steng du bdag ji ltar 'gro snyam mo/ / de nas mgon med zas sbyin shin tu 'dzem zhing ngo tsha dang ldan pa'i sems kyis de kho na'i gnas na sdod do// sangs rgyas bcom ldan 'das rnams ni mkhyen bzhin du 'dri ba ste/ bcom ldan 'das kyis/ dge slong rnams la 'di su zhig ces smras so// de nas dge slong rnams kyis gsol pa/ btsun pa mgon med zas sbyin lags te/ bcom ldan 'das la shin tu mdzem
- 159a
zhing ngo tsha dang ldan pa'i sems kyis 'di ltar bcom ldan 'das nyan thos chen po dag dang thabs cig tu phyag dar te/ rgyal bu rgyal byed kyi tshal phyag bdar mdzad pas de / steng du sug par brdzis te/ bcom ldan 'das kyi thad du mchi bar mi 'tshal lags so// de nas bcom ldan 'das kyis de la bka' stsal pa/ khyim bdag sangs rgyas bcom ldan 'das rnams ni chos la gus la/ dgra bcom pa rnams kyi bla ma ni chos yin pas na/ sangs rgyas kyi bka' kha ton gyis la nang du shog cig/ de nas mgon med zas sbyin tshigs su bcad pa brjod cing / bcom ldan 'das kyi thad du song ste phyin nas/ bcom ldan 'das kyi zhabs la phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// de bcom ldan 'das kyis chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ bcom ldan 'das kyi thad nas song ngo // de nas dge slong dag the tsom rgyas te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das chos la zhes skyes shing gus pa skyes te/ chos
- 159b
bsngags pa 'ba' zhig gsung ba ngo mtshar lags so/ / bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba/ zhe sdang dang bral pa/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa'i tshe/ chos la zhes skyes shing gus pa skyes te/ chos kyi sngags pa 'ba' zhig brjod pa 'di lta la ngo mtshar che ba ci yod/ 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba'i tshe'ang ngas chos kyi phyir rang gi srog yongs su gtong ba bya ba de legs par rab tu nyon la yid zung zhig dang ngas bshad do/ / dge slong dag sngon byung ba 'das pa'i dus na/ grong khyer wA ra NA si na rgyal po tshangs pas byin zhes bya ba rgyal po byed do// de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba
- 160a
dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med ci tsher ma dkrugs la/ bu gcig pa la bya ba bzhin du rgyal srid bskyangs so// rgyal po de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig go// de nas de phyi zhig na btsun mo dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod pa las phyi zhig na btsun mo de la bu chags nas/ legs par gsungs pa mnyan par bya'o snyam du yid la 'dod pa skyes te/ des rgyal po la gsol to/ / rgyal pos kyang ltas mkhan rnams bkug ste rmas na/ de dag gis kyang lha sems can de'i mthu lags so zhes gsol to// de nas rgyal po des legs par gsungs pa smra ba patsam pa'i phyir// gser bye bas grong dang / zong rdal dang / yul 'khor dang / rgyal po'i pho brang 'khor dag tu bskor na/ 'on kyang legs par gsungs pa de ma rnyed nas/ re zhig na zla ba dgu tshang ba dang bu
- 160b
byung ste/ khye'u gzugs bzang zhing blta na sdug la mdzes pa/ mdog bzang ba/ gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes phye ba/ sna mtho ba/ sna legs pa/ smin ma sdug pa/ yan lag dang / nying lag thams cad dang ldan pa zhig btsas so// de btsas pa'i tshe btsas ston byas nas/ khye'u'i ming ji skad gdags zhes ming 'dogs par byed de/ blon po rnams na re khye'u 'di ma btsas bzhin du legs par gsungs pa tshol bas na/ de'i phyir khye'u'i ming legs par gsungs pa tshol ba zhes bya'o zhes zer nas de'i ming legs par gsungs pa tshol ba zhes btags so/ / de nas khye'u legs par gsungs pa tshol ba pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i pam gnyis dang / rtse ba'i ma ma gnyis te/ ma ma brgyad la gtad nas/ ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de gang gi tshe cher skyes pa de'i tshe'ang legs par gsungs pa btsal te ma rnyed do// de nas de pa shi ba'i 'og tu rgyal por bcug nas/ blon po rnams la bsgo ba/ yul gyi gtso bo dag nga la legs par gsungs pa dgos kyis/ nga'i legs par gsungs pa tshol cig ces byas so// de nas blon po
- 161a
de dag gis legs par gsungs pa btsal ba'i phyir/ 'dzam bu gling thams cad du gser bye ba bstan kyang / legs par gsungs pa ma rnyed do// de nas de dag gis rgyal po la gsol to/ / de nas rgyal po de legs par gsungs pa mnyan par 'dod pa'i phyir gdung zhing yi chad do// lnga'i dbang po brgya byin ni 'og ma la shes pa'i mthong ba 'jug ste/ des rgyal po legs par gsungs pa ma thos pas 'phongs pa mthong nas/ de 'di snyam du sems te/ bdag gis rgyal po bgam par bya'o snyam mo// de nas lha'i dbang po brgya byin gnod sbyin gyi lugs rkang lag dang / mig mi sdug pa zhig tu bsgyur nas/ rgyal po'i mdun du tshigs su bcad pa smras pa/ legs spyod chos ni spyad par bya// nyes par spyod pa de mi bya// 'jig rten 'di dang pha rol tu/ / chos spyod bde la sten par 'gyur// de nas rgyal po ya mtshan du gyur nas mdangs phyeng ste/ gnod sbyin la smras pa/ gsang ba pa tshigs su bcad pa de bdag gis mnyan gyis gsungs gsungs/ de nas gnod sbyin gyis/ rgyal po la smras pa/ gal te bdag ji skad mchi ba bzhin du khyod kyis mdzad na ni/ de'i 'og tu bdag gis kyang bka' ci stsal ba bzhin du bgyi'o/ / rgyal pos smras pa/ bka' stsal pa ci mchis/ gnod sbyin gyis smras pa/ nyin mtshan bdun gyi bar du me dong du seng ldeng gi shing gis me sbar nas/ gal te der bdag nyid kyis
- 161b
mchod spyod na ni de'i 'og tu khyod la bdag gis tshigs su bcad pa'ang bzlas par bgyi'o/ / rgyal pos de skad thos nas sems dga' bar gyur te/ gnod sbyin de la smras pa/ de ltar bgyi'o// de nas rgyal pos gnod sbyin dam gyi 'og tu bcug nas/ yul thams cad du dril bsgrags te deng nas zhag bdun na rgyal po legs par gsungs pa mnyan pa'i phyir me dong du bdag nyid mchod par chad kyis/ khyed kyi nang nas gang rmad du byung ba mthong 'dod pa de dag 'dir shog cig ces byas so// de nas byang chub sems dpa'i lhag pa'i bsam pa rnam par dag pa khong du chud par 'dod pa dang / rmad du byung ba blta ba'i phyir mi 'bum phrag du ma 'dus pa dang / nam mkha' la lha 'bum phrag du ma 'dus te 'khod pa'i nang du gnod sbyin de nam mkha' la 'phags nas/ byang chub sems dpa' la smras pa/ rgyal po chen po ji ltar dam bcas pa bzhin du mdzod cig/ de nas rgyal po bu thu bo rgyal por dbang bskur nas blon po rnams dang / grong rdal gyi mi rnams dang / yul gyi mi rnams la nyes pa bshags te/ skye bo'i tshogs rnams dbugs phyung nas me dong gi drung du song ste/ tshigs su bcad pa 'di smras so// nga ni chos phyir me 'bar nyi ma khrag mdog 'dra ba'i mdag ma'i dong / / shas cher 'jigs byed nang du mchong bar sems nges srog phyir 'jigs pa med// me dong 'di ni bdag gi bsod nams mthu yis rdzing bu rab bzang ba/ tsan dan
- 162a
'dam gyis bsgos pa'i chu bsil pad+mas gang bar 'gyur yang thag/ byang chub sems dpas de skad ces smras nas/ me dong de'i nang du mchongs so// mchongs ma thag tu de'i me dong de rdzing bu zhig tu gyur to/ / de nas lha'i dbang po brgya byin gyis lha dang mi dad par byed pa'i cho 'phrul rmad du byung ba de mthong nas/ gnod sbyin gyi gzugs mi snang bar byas te/ rang gi gzugs su 'dug nas tshigs su bcad pa smras pa/ legs spyod chos ni spyad par bya// nyes par spyod pa de mi bya// 'jig rten 'di dang pha rol tu// chos spyod pa de la sten par 'gyur// de nas byang chub sems dpas tshigs su bcad pa de yid la bzung nas/ gser gyi glegs bam la bris te/ 'dzam bu gling thog thag tu grong dang / grong rdal dang / yul 'khor dang / rgyal po'i pho brang 'khor kun tu bskor to// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ de'i tshe'ang ngas legs par gsungs pa mnyan pa'i phyir rang gi srog yongs su btang na da ltar lta ci smos/ dge slong dag de bas na 'di ltar bsgrub par bya ste/ chos la bkur sti bya'o// bla mar bya'o// ri mor bya'o// mchod pa bya'o// chos la bkur spyibyas/ bla mar byas/ ri mo byas/ mchod pa byas nas brten te gnas par bya'o zhes dge slong khyed kyis de ltar ba slab par bya'o// bcom ldan 'das kyis de skad ces bka' stsal nas
- 162b
dge slong de dag yi rangs te/ bcom ldan 'das kyis gsungs pa la mngon par bstod do// / mgon med zas sbyin zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tsho dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs so// de nas re zhig na mthar gyis gshegs te/ lam po cher zhugs pa dang / bram ze zhig kyang lam po che der 'ongs so// de nas des sangs rgyas
- 163a
bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dos gang gis legs par brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang shin tu yun ring du brtags nas sa la ri mo bris te/ bcom ldan 'das la gsol pa/ kye go'u ta ma bdag la kar sha pa Na lnga brgya ma stsal gyi bar du khyod kyis ri mo 'di mi 'da' gsol/ de nas bcom ldan 'das kyis las chud mi za bar brtan pa dang / ma byin par len pa las bzlog pa'i phyir/ sgo skyes btsugs pa bzhin du gzhes so// de nas mnyan du yod pa thog thag tu bcom ldan 'das lam po cher bram ze zhig gis kar sha pa Na lnga brgya'i phyir 'gror ma ster ro/ / zhes de skad du gtam grag par gyur to// de nas ko sa la'i rgyal po gsal rgyal gyis thos ma thag tu blon po'i tshogs kyis zham ring byas nas/ bcom ldan 'das ga la ba der song ste phyin nas/ bcom ldan 'das la 'di skad ces gsol to// bdag gis sbrul gyis/ bcom ldan 'das gshegs su gsol/ bcom ldan 'das kyis bka' stsal pa/ rgyal po chen po de dag ni khyod kyis sbyin par bya ba ma yin gyi/ de dag ni gzhan zhig gis sbyin dgos so// de bzhin du ri dgas 'dzin gyi ma sa ga dang / btsun mo'i 'khor gyi bla drang srong sbyin dang / gna' mi dang /
- 163b
brgya byin dang / tshangs pa la sogs pa lha rnams dang / rnam thos kyi bu la sogs pas kyang gser dngul khyer te/ bcom ldan 'das kyi thad du song na de dag la'ang bcom ldan 'das kyis de dag ni khyed kyis kyang sbyin par bya ba ma yin no zhes bka' stsal to/ / de nas re zhig na khyim bdag mgon med zas sbyin gyis thos nas gser gyi gzhong pa gser dngul gyis bkang ba'i steng du kar sha pa Na lnga brgya bzhag ste/ bcom ldan 'das kyi thad du song nas/ bcom ldan 'das 'di bzhes su gsol zhes byas so// bcom ldan 'das kyis bka' stsal pa/ khyim bdag 'di dag ni khyod kyis sbyin par bya ba yin gyis bram ze la byin cig/ de nas khyim bdag mgon med zas sbyin gyis gser gyi gzhong pa gang ba de bram ze de la byin no// de nas dge slong de dag the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 'das bram ze 'dis bcom ldan 'das kyang gshegs su ma ster nas mgon med zas sbyin gyis kar sha pa Na stsal ba la gzigs bcom ldan 'das ji srid cig nas 'di'i bu lon chags lags/ bcom ldan 'das kyis bka' stsal pa/ dge slong dag khyed nyan par 'dod dam/ btsun pa nyan par 'tshal lags so// dge slong dag 'o na legs par rab tu nyon la yid la zung zhig dang ngas bshad do/ / dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba rgyal po
- 164a
byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rjod pa dang / 'thab pa zhing dang / 'jug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ / de nas phyi zhig na de'i bu rab rgyal tshab byed pa de dpyid kyi dus kyi tshe shing rnams me tog rgyas shing / ngang pa dang / ngudur ba dang / rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod na blon po'i bu rnams kyis g.yog byas te rtse zhing dga' la dga' dgur sprod do/ / de'i grogs po blon po bu zhig yod pa de rgyan po byed pa'i mi gzhan zhig dang lhan cig tu tshe long rtses pa las/ blon po'i bu de mi des kar sha pa Na lnga brgyas pham par byas nas/ rgyal po'i bus kyang de'i gnya' byas pa las de mthu dang ldan te/ nga ni rgyal po'i du'o snyam nas ma byin no// dge slong dag ji snyam du sems/ de'i tshe de'i dus na rgyal po'i bur gyur pa gang yin pa de ni nga yin no/ / blon po'i bu ni khyim bdag mgon med zas sbyin yin no// rgya bo byed pa de ni bram ze 'di kho na yin te/ ngas gnya' byas pa las nga ni rgyal po'i bu yin no snyam nas/ rgyan po
- 164b
byed pa de la kar sha pa Na ma byin pa des na 'khor ba na longs spyod kyis 'phongs pa mtha' yas pa myong la/ da ltar byang chub mngon par rdzogs par sangs rgyas pa na'ang 'dis bu lon 'das so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / 'dren ma rnams spangs la/ las gcig tu nges par dkar ba rnams 'ba' zhig la gtid bar bya'o// mabyin par len pa spang ba la'ang 'bad par bya ste/ tsi nas de lta bu'i nyes par mi 'gyur bar dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / / rab bzang zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po
- 165a
rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa grong khyer ku shi na gyad kyi nye 'khor shing sA la zung gi ral na bzhugs so// de nas bcom ldan 'das yongs su mya ngan las 'da' ba kho na'i dus kyi tshe/ tshe dang ldan pa kun dga' bo la bka' stsal pa/ kun dga' bo de bzhin gshegs pa ni do nub nam phyed na phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ shing sA la zung gi bar du de bzhin gshegs pa'i gzims khri shoms la/ phangs byang phyogs su ston cig/ de nas btsun pa de ltar 'tshal lo zhes gsol te/ kun dga' bos bcom ldan 'das kyis bka' stsal pa mnyan nas/ sAl rung gi bar du gzims khri bshams te/ pangs byang phyogs su bstan nas/ bcom ldan 'das gas ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ tshe dang ldan pa kun dga' bos/
- 165b
bcom ldan 'das la 'di skad ces gsol to// btsun pa de bzhin gshegs pa'i gzims khri sA la zung gi bar du bshams te/ phangs byang phyogs su bstan lags so// de nas bcom ldan 'das gzims khri ga la ba der gshegs te byon nas/ glo g.yas phyogs kyis gzims te zhabs gshibs nas snang ba'i 'du shes dang / dran pa dang / shes bzhin dang ldan zhing / mya ngan las 'das pa'i 'du shes 'ba' zhig thugs la dgongs so/ / de'i tshe grong khyer ku shi na kun tu rgyu rab bzang zhes bya ba zhig 'dug ste/ de rgas te rnyis shing 'khongs la/ skyes nas lo brgya nyi shu lon te/ grong khyer ku shi na 'khod pa'i gyad yul pa rnams kyis bkur sti byas/ bla mar byas/ ri mor byas/ mchod pa byas te/ dgra bcom par 'dzin to// de nas kun tu rgyu rab bzang gis dge sbyong go'u ta ma do nub/ nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes thos nas/ de 'di snyam du sems te/ bdag chos rnams la som nyi'ang yod/ the tsom yang yod la/ go'u ta ma des bdag gi som nyi bsal nus pa'i re ba'ang bdag la yod do snyam nas thos ma thag tu grong khyer ku shir song ste sA la zung ga la ba der song ngo // de'i tshe tshe dang ldan pa kun dga' bo gtsug lag khang gi phyi rol gyi thang gi 'chag sa na 'chag cing 'dug pa kun tu rgyu rab bzang gis mthong ngo / / tshe dang ldan pa kun dga' bo rgyang nas mthong nas/ tshe dang ldan pa kun dga' bo ga la ba
- 166a
der song ste phyin nas/ tshe dang ldan pa kun dga' bo dang mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs gcig tu sdod do/ / phyogs gcig tu sdod nas/ kun tu rgyu rab bzang gis/ tshe dang ldan pa kun dga' bo la 'di skad ces smras so// kye kun dga' bo dge sbyong go'u ta ma do nub nam byed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos so/ / bdag chos rnams la som nyi'ang mchis/ the tsom yang mchis la/ go'u ta ma des bdag gi som nyi de bsal bar nus pa'i re ba'ang bdag la mchis na/ kun dga' bo gal te khyod la'ang gnod pa ma mchis la/ gal te zhu ba lung bstan pa'i slad du skabs 'byed pa lta na/ bdag nang du mchis te phyogs 'ga' zhig zhu'o// kun dga' bos smras pa/ rab bzang bcom ldan 'das sku mnyel te/ bde bar gshegs pa sku 'o brgyal gyis/ rab bzang thong la bcom ldan 'das la gnod pa ma byed cig/ lan gnyis lan gsum gyi bar du'ang kun tu rgyu rab bzang gis/ tshe dang ldan pa kun dga' bo la 'di skad ces smras so// kye kun dga' bo dge sbyong go'u ta ma do nub nam byed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos te/ bdag chos rnams la som nyi'ang
- 166b
mchis/ the tsom yang mchis la/ go'u ta ma des bdag gi som nyid bsal bar nus pa'i re ba'ang ba dag la mchis na/ kun dga' bo gal te khyod la'ang gnod pa ma mchis la/ gal te zhu ba lung bstan pa'i slad du skabs 'byed pa lta na/ bdag nang du mchis te phyogs 'ga' zhig zhu'o// lan gnyis lan gsum gyi bar du'ang tshe dang ldan pa kun dga' bos/ kun tu rgyu rab bzang la 'di skad ces smras so/ / rab bzang bcom ldan 'das sku mnyel te/ bde bar gshegs pa sku 'o brgyal gyis/ rab bzang thong la bcom ldan 'das la gnod pa ma byed cig ces byas kyang kun tu rgyu rab bzang gis/ yang tshe dang ldan pa kun dga' bo la 'di skad ces smras so// kye kun dga' bo gna'i kun tu rgyu rgas shing 'khogs pa'i sde tshan gyi slob dpon chen po dag las bdag gis thos na/ de bzhin gshegs pa dgra bcom pa yang dag par rdzogs pa'i sangs rgyas rnams ni brgya lam brgya lam na 'jig rten du 'byung bar zad de/ dper na u dum wa ra'i me tog dang 'dra'o zhes grag la/ go'u ta ma de'ang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur na/ bdag chos rnams la som nyi'ang mchis/ the tsom yang mchis la/ go'u ta ma des bdag gi som nyi de bsal bar nus pa'i re ba'ang bdag la mchis na/ kun dga' bo gal te khyod la'ang gnod pa ma mchis la/ gal
- 167a
te zhu ba lung bstan pa'i slad du skabs 'byed pa lta na/ bdag nang du mchis te phyogs 'ga' zhig zhu'o// de nas yang tshe dang ldan pa kun dga' bos/ kun du rgyu rab bzang la 'di skad ces smras so/ / rab bzang bcom ldan 'das sku mnyel te/ bde bar gshegs pa sku 'o brgyal gyis/ rab bzang thong la bcom ldan 'das la gnod pa ma byed cig/ de nas tshe dang ldan pa kun dga' bo kun tu rgyu rab bzang dang skabs su gtam glengs pa de/ bcom ldan 'das kyis lha'i snyan rnam par dag pa mi las 'das pas gsan to// gsan nas kyang tshe dang ldan pa kun dga' bo la 'di skad ces bka' stsal to/ / kun dga' bo de skad ma zer/ kun tu rgyu rab bzang ma dgag par nang du thong la ci dang ci 'dod pa 'drir chug cig/ 'di ni nga'i gzhan mu steg can kun tu rgyu dag dang skabs su gtam gleng ba'i tha ma yin no/ / 'di lta ste/ kun tu rgyu rab bzang 'di ni nga'i mngon sum gyi nyan thos rnams la dge slong dag tshur shog/ tshangs par spyod cig ces bya ba'i tha ma'ang yin no/ / de nas kun tu rgyu rab bzang bcom ldan 'das kyis skabs phye nas/ dga' zhing mgu la rab tu dga' ste/ yi rangs nas dga' ba dang yid bde ba skyes pas// bcom ldan 'das ga la ba der song ste phyin nas/ bcom ldan 'das dang mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis
- 167b
'dres nas phyogs gcig tu 'dug go/ phyogs gcig tu 'dug nas/ bcom ldan 'das la/ kun tu rgyu rab bzang gis 'di skad ces gsol to// kye go'u ta ma 'jig rten na mu stegs can kyi gnas tha dad pa 'di lta ste/ 'od srungs rdzogs byed dang / kun tu rgyu gnag lhas kyi bu dang / smra 'dod kyi bu mo'i bu yang dag rgyal ba can dang / thub med skra'i la ba can dang / ka t+ya'i bu nog can dang / gcer bu pa gnyen gyi bu dang / 'di rnams rang rang gis dam bcas pa rtogs pa lags sam/ de nas bcom ldan 'das kyis de'i tshe tshigs su bcad de gsungs pa/ nga ni lo grangs nyi shu dgu lon nas/ / dge ba gang yin tshol phyir rab tu byung // rab bzang nga ni rab tu byung nas kyang // de yi phyin chad lo ni lnga bcu gcig/ tshul khrims ting 'dzin rkang pa reg pa rnams// / ngas ni rtse gcig sems kyis rab tu bsgoms// rigs pa'i chos kyi phyogs tsam smra ba yang // 'di las phyi rol dge sbyong gzhan la med// rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po'ang med do/ / de la ni dge sbyong gnyis pa dang / gsum pa dang / bzhi pa'ang med do// rab bzang chos 'dul ba gang la 'phags pa'i lam yan lag brgyad pa yod pa de la ni dge sbyong dang po'ang yod do/ / dge sbyong gnyis pa dang / gsum pa dang / bzhi pa'ang yod do// rab bzang chos 'dul ba 'di nyid la ni 'phags pa'i
- 168a
lam yan lag brgyad pa yod pas na/ dge sbyong dang po'ang 'di la yod do// gnyis pa'ang 'di la yod do// gsum pa'ang 'di la yod do// bzhi pa'ang 'di la yod do/ 'di las phyi rol pa la ni dge sbyong dang bram ze med la/ phas kyi rgol ba dag ni dge sbyong rnams dang / bram ze rnams kyis ston ste/ nga ni 'dir 'khor gyi nang du de skad ces yang dag par seng ge'i sgra sgrogs so/ / chos kyi rnam grangs 'di bshad pa na/ kun tu rgyu rab bzang chos rnams la chos kyi mig rdul med cing dri ma dang bral ba skyes te/ kun tu rgyu rab bzang gis chos mthong / chos rnyed// chos rtogs/ chos kyi gting bslebs/ som nyi las brgal/ the tsom las brgal nas/ ston pa'i bstan pa la gzhan gyi dring mi 'jog cing / gzhan gyis dkri ba med de/ chos rnams la mi 'jigs pa thob nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ tshe dang ldan pa kun dga' bo la 'di skad ces smras so/ / btsun pa kun dga' bo slob dpon chen pos slob dpon chen po'i nye gnas kyi dbang bskur bas dbang bskur ba de ni/ btsun pa kun dga' bos rnyed pa legs par rnyed do// gcig tu ni bdag gis kyang legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob par 'gyur ba de ni rnyed pa legs par rnyed pa lags so//
- 168b
de nas bcom ldan 'das la/ tshe dang ldan pa kun dga' bos 'di skad ces gsol to// btsun pa kun tu rgyu rab bzang 'di ni legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos por 'gyur bar 'tshal lags so/ / de nas bcom ldan 'das kyis/ kun tu rgyu rab bzang la bka' stsal pa/ dge slong tshur shog/ tshangs par spyad pa spyod cig/ de nas de nyid kyi tshe dang ldan pa de rab tu byung bar gyur te/ bsnyen par rdzogs pa'ang de yin la/ dge slong gi dngos po'ab de yin no// de ltar rab tu byung nas/ tshe dang ldan pa de gcig pu dben par 'dug ste/ bag yod cing brdzun la bcum nas gnas te/ gang gi phyir rigs kyi bu dag skra dang kha spu bregs nas gos tshon can bgos te/ yang dag par dad pa kho nas khyim nas khyim med par rab tu 'byung bar byed pa'i tshangs par spyod pa bla na med pa'i mthar thug pa de tshe 'di nyid la rang gi mngon par shes pas mngon sum du byas nas bsgrubs te khong du chud la/ bdag gi skye ba ni zad do// tshangs par spyod pa ni spang zin to// bya ba ni byas so// 'di las srid pa gzhan mi shes so snyam du kun shes par gyur nas/ tshe dang ldan pa de dgra bcom par gyur te sems rnam par grol lo// de nas tshe dang ldan pa rab bzang dgra bcom pa thob ste/ rnam par grol ba'i dga' ba dang / bde ba nyams su myong nas 'di snyam du sems te/ bdag gis ston pa yongs su mya ngan las 'da' ba
- 169a
mthong bar bya ba ni bdag gi cha ma yin gyis/ de bas ches sngar bdag yongs su mya ngan las 'da' bar bya gor ma chag snyam nas/ der tshe dang ldan pa rab bzang ches sngar yongs su mya ngan las 'das nas/ de'i 'og tu bcom ldan 'das mya ngan las 'das so// gang gi tshe bcom ldan 'das gzims mal gyi tha mar bzhugs te/ gnad la gnod pa'i tshor ba myong zhing gnad rnam 'chad la/ tshigs rnams 'bye ba na rab bzang dgra bcom pa nyid la bzhag pa dang / grong khyer ku sha'i gyad yul pa mang po chos la btsud pa de'i tshe/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa kun tu rgyu rab bzang 'di bcom ldan 'das gnad rnams 'chad cing tshigs rnams 'bye ba na/ 'khor ba'i sbu gu las bkrol te/ gzha' gsang gi mthar thug pa'i grub pa dang bde ba mya ngan las 'das pa la bzhag pa ni ngo mtshar lags so// bcom ldan 'das kyis bka' stsal pa/ dge slong dag da ltar 'dod chags dang bral ba/ zhesdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba'i tshe/ ngas kun tu rgyu rab bzang 'khor ba'i sbu gu las bkrol nas/ gzha' gsang gi mthar thug pa'i grub pa dang bde ba mya ngan las 'das pa la bzhag pa 'di lha la ngo mtshar che
- 169b
ci yod/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba na bya mi bya mi shes pa'i dud 'gro'i skye gnas su skyes pa'i tshe rang ngas rang gi srog yongs su btang ste/ kun tu rgyu rab bzang dang / grong khyer ku sha'i gyad yul pa rnams 'jigs pa las 'jigs pa med pa la bkod pa de legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ ri'i sul zhig na ri dgas kyi khyu'i gtso bo ri dgas stong phrag du ma'i 'khor dang ldan pa/ mkhas shing gsal la yid gzhungs pa zhig 'dug pa las ri dgas kyi khyu de rngon pas byar byas nas rgyal po la gsol to/ / de nas rgyal po dpung gi tshogs yan lag bzhi pa dang chas te/ ri dgas kyi khyu de dag thams cad khongs su bcug go// de nas khyu'i gtso bo de 'di snyam du sems te/ gal te bdag gis 'di rnams dam bsrungs na ni/ deng dus 'di dag gtan med par 'ong ngo snyam mo// de nas khyu'i gtso bos kho ra khor yug tu bltas te/ ri dgas kyi tshogs 'di dag phyogs gang logs nas thar par 'gyur zhig gu snyam mo/ / des ri'i sal de na chu klung 'bab pa zhig mthong ste/ chu klung de'ang shugs drag cing drag tu khyer bar byed pa zhig
- 170a
yin la/ ri dgas de dag kyang nyam chung ba sha stag go// de nas khyu'i gtso bo de tsham chom med par chu klung de'i nang du zhugs te/ dbus su spyod nas khyed tshur shog la 'gram 'di nas mchongs te nga'i rgyab tu rkang lag gi stegs chos la pha rol gyi 'gram du song zhig dang / thabs des na khyed thar par mthong gi/ de ltar ma byas na ni 'chi bar 'gyur ro zhes skad kyis bos so// / de nas ri dgas de dag gis de bzhin du byas so// de nas de'i rgyab tu rmig pa btsugs pas pags pa rdol nas/ sha dang / khrag dang / rus pa'i lhag ma tsam zhig lus par zad de/ 'on kyang de ri dgas de dag la snying rje btud pas brtson pa ma btang ngo / / de nas ri dgas thams cad brgal ba'i 'og tu 'dir ma rgal ba 'ga' lta med grang snyam ste phyir bltas na/ ri dgas kyi phrug gu gcig dadung ma rgal ba mthong ngo / / de nas khyu'i gtso bo de gnad rnams 'chad cing tshigs rnams 'bye ba na/ srog 'phangs pa la ma bltas te/ 'gram du byung nas ri dgas kyi phrug gu rgyab tu zhon te chu klung bsgral nas 'gram du bzhag ste/ de ri dgas kyi tshogs de dag brgal zin par mthong nas 'chi kar smon lam btab pa/ ji ltar bdag gis ri dgas 'di rnams dang / ri dgas kyi druthug gu 'di srog 'phangs pa bskyabs te/ 'phongs pa las bskyabs byas pa de bzhin du/ bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par
- 170b
sangs rgyas pa na'ang 'khor ba'i sbu gu las thar bar byed par gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ri dgas kyi khyu'i gtso bor gyur pa gang yin pa de ni de yin no/ / ri dgas rnams ni grong khyer ku sha'i gyad yul ba 'di rnams yin no// ri dgas phrug gu de ni rab bzangs 'di kho na yin no// de nas dge slong rnams the citsam skyes te/ the tsom thams cad gcod pa sangs rgyas bcom ldan 'das la zhus pa/ btsun pa rab bzang gis las ci dag bgyis na des mngon sum gyi nyan thos rnams kyi tha mar gyur lags bcom ldan 'das kyis bka' stsal pa/ dge slong dag rab bzang nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las rnams byas shing bsags pas na/ rab bzang gis las byas shing bsags pa rnams gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud
- 171a
mi za/ / tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na ri dgas kyi nags drang srong smra ba na rten cing bzhugs so/ / de nas bcom ldan 'das yang dag par rdzogs pa'i sangs rgyas 'od srungs kyi dpon po mya ngan med ces bya ba thar pa 'dod pa'i phyir/ bcom ldan 'das las rab tu byung nas/ / de thar pa la rang dbang yod pa tsam du 'dzin to// brtson 'grus ma byas so// re zhig na yun ring mo zhig lon pa'i 'og tu mya ngan med kyis ljongs su dbyar gnas pa dam bcas so// bcom ldan 'das yang dag par rdzogs pa'i sangs rgyas 'od srungs yang sangs rgyas kyi 'phrin las thams cad mdzad nas/ shing zad pa'i me bzhin du gzims mal gyi tha mar zhugs so// dge slong mya ngan med kyang shing mya ngan 'tshang gi drung na nang du yang dag 'jog la zhugs so/ / de nas shing mya ngan 'tshang de la gnas pa'i lha des bcom ldan 'das yang dag par rdzogs pa'i sangs
- 171b
rgyas 'od srungs yongs su mya ngan las 'da' 'o zhes thos nas ngu zhing 'dug ste/ de ngu ba'i mchi ma zags pa mya ngan med kyi lus la bab bo// de nas mya ngan med kyis gyen du bltas nas lha dub de la smras pa/ lha ci'i phyir du/ lhas smras pa/ do nub nam byed na/ bcom ldan 'das yang dag par rdzogs pa'i sangs rgyas 'od srungs yongs su mya ngan las 'da' 'o// de nas mya ngan med kyis lha'i tshig thos nas/ gnad du phog pa bzhin du yod ces byas te/ de'ang snying rje rje skad du dus so// de nas lhas dris pa/ khyod ci'i phyir du/ mya ngan med kyis smras pa/ nye du dang bral ba dang / mkhan po dang bral ba'i phyir te/ yang dag par rdzogs pa'i sangs rgyas 'od srungs ni bdag gi zhang po yin pas/ bdag bsod nams su 'dug 'dug ste/ brtson 'grus ma byas so// da ni de lam rings la bdag ni so so'i skye bor lus te/ lam rings pas bdag gis khyad par thob par mi nus so// lhas smras pa/ gal te bdag gis bcom ldan 'das kyi thad du khyod bkrin/ ci khyad par thob par nus sam/ mya ngan med kyis smras pa/ 'di ltar bdag gi yid la bcom ldan 'das mthong ma thag tu khyad par thob par 'gyur snyam byed do// de nas lhas rdzu 'phrul gyi mthus mya ngan med bcom ldan 'das kyi thang du khyer te/ nges bcom ldan 'das mthong nas dga' ba skyes so// dga' ba skyes nas bcom ldan 'das 'od srungs kyis gang thos pas dgra bcom pa nyid mngon sum
- 172a
du byed par 'gyur ba lta bu'i chos bstan nas/ dgra bcom pa nyid mngon sum du byas te/ thog ma kho nar tshe dang ldan pa mya ngan med yongs su mya ngan las 'das nas/ de'i 'og tu bcom ldan 'das yang dag par rdzogs pa'i sangs rgyas 'od srungs yongs su mya ngan las 'das so/ / de nas lha des tshe dang ldan pa mya ngan med yongs su mya ngan las 'das pa mthong nas/ dga' ba bskyed de/ tshe dang ldan pa 'dis khyad par ci thob pa thams cad ni bdag las brten pa yin gyis/ bdag kyang 'di bzhin du ma 'ongs pa'i dus na/ bcom ldan 'das yang dag par rdzogs pa'i sangs rgyas 'od srungs kyis bram ze'i khye'u bla ma la bram ze'i khye'u khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ / zhes lung bstan pa de gzims mal gyi tha mar zhugs pa na/ bdag kyang de'i mngon sum gyi nyan thos tha mar gyur te/ bcom ldan 'das kyi snga rol tu yongs su mya ngan las 'das nas/ de'i 'og tu bcom ldan 'das shAkya thub pa yongs su mya ngan las 'da' bar gyur cig ces byas so// dge slong dag ji snyam du sems/ de'i tshe de'i dus na lhar gyur pa gang yin pa de ni rab bzang 'di yin no/ / dge slong dag de bas na 'di ltar bslab par bya ste/ dge ba'i bshes gnyen dang / dge ba'i grogs po dang / dge ba'i sten dang gnas par bya'i//
- 172b
sdig pa'i bshes gnyen dang / sdig pa'i grogs po dang / sdig pa'i sten dang gnas par mi bya'o zhes dge slong khyed kyis de ltar bslab par bya'o// de nas bcom ldan 'das la/ tshe dang ldan pa kun dga' bos 'di skad ces gsol to/ / btsun pa 'dir bdag gcig pu dben par mchis nas nang du yang dag 'jog la zhugs pa na/ sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma lags so snyam bgyid do// bcom ldan 'das kyis bka' stsal pa/ kun dga' bo khyod 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes ma zer cig/ de ci'i phyir zhe na/ kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no// de ci'i phyir zhe na/ kun dga' bo dge ba'i
- 173a
bshes gnyen la brten nas/ sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams skye ba dang / rga ba dang / na ba dang / 'chi ba dang / mya ngan dang / smresmesngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro// kun dga' bo de bas na rnams grangs 'di lo nas khyod kyis 'di ltar rig par bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes kun dga' bo khyod kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / // rtogs pa brjod pa brgya pa las sdom gyi tshigs su bcad pa bzhi pa ste/ byang chub sems dpa'i skyes pa'i rabs rnams rdzogs so// /
- 173b
sdom ni/ bu ram gnas dang kha zas dang // chu dang byi sa'i snod rnams dang // mo'u 'gal bu dang chu smad dang // dmus long dang ni tshong dpon dang // bu rnams dang ni phyis lung // sde tshan dag tu bstan pa yin/ / bu ram 'chir ba'i gnas zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas// ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzis cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na bzhugs te/ gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ tshe dang ldan pa shA ri'i bu dang / mo'u 'gal gyi bu gnyis
- 174a
gyis 'di ltar dam bcas te/ sems can dmyal ba dang // dud 'gro dang / yi dgas rnams kyi nang nas sems can gcig tsam yang thar bar ma byas kyi bar du zan mi bza' 'o zhes byas so/ / de nas tshe dang ldan pa de gnyis dus dus su res 'ga' ni sems can dmyal bar rgyu zhing 'gro'o// res 'ga' ni dud 'gro'i nang du rgyu zhing 'gro'o// res 'ga' ni yi dgas kyi nang du rgyu zhing 'gro'o/ / de gnyis kyis der sems can gnod pa sna tshogs kyis nyen pa rnams kyi skad ngan thos nas rgyu ba las slar 'khor te/ 'khor bzhi po rnams la rjod par byed do/ / de dag gis kyang thos nas skyo bar 'gyur ro// de nas de gnyis kyis de las brten nas de dang 'thun pa'i chos ston par byed de/ des na sems can du mas thos nas khyad/ bar thob par 'gyur ba dang / chos thos pa dang / gtam bya ba'i gnas su 'gyur ro// phyis re zhig na tshe dang ldan pa mo'u 'gal gyi bu chen po yi dwags kyi nang du rgyu zhing song ba dang / yi dgas lho na ri tsam la/ kha ni khab kyi mig tsam ste/ rang gi sgras yog pa/ 'bar zhing rab tu 'bar la/ kun tu rab tu 'bar te/ me lce gcig tu 'bar nas tshig cing nyam thag pa'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ba dang / bshang gcig la yod pa der 'khod la/ de'ang bde blag tu mi rnyed
- 174b
pa zhig mthong ngo / / de nas gnas brtan des/ yi dwags de la dris pa/ kye khyod kyis las ci zhig byas nas/ des 'ang lta bu sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong zhing 'dug/ yi dgas kyis smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur ro/ / de nas tshe dang ldan pa mo'u 'gal gyi bu chen po bcom ldan 'das ga la ba der song ngo // de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma skol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan 'das las chos ro dang ldan no cog nyan par byed do/ / de nas sangs rgyas bcom ldan 'das rnams ni gsong por gsung ba/ snyan par gsung ba tshur shog/ 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu chen po tshur shog/ khyod 'ongs pa legs so// khyod dag dod ga las 'ongs/ mo'u 'gal gyi bus gsol pa/ btsun pa bdag ni yi dgas kyi nang du rgyu zhing mtsha mchi ba las slar mchis te/ der bdag gis yi dgas lto ni ri tsam la
- 175a
kha ni khab kyi mig tsam ste/ rang gi sgras yog pa/ byi sa bzhin du dri nga ba/ mchog tu dring ba/ mi sdug pa/ mchog tu mi sdug pa/ zas su phyis 'tshal la/ de'ang de blag tu mi rnyed pa zhig mthong lags so/ / yang gsol pa/ lus chen ri bo mthon po 'dra ba la// mchu dang lkog ma skam zhing shin tu sdug/ rang gi skras ni gdong g.yogs gcer bur mchis mchu sgo phra khab mig 'dra rab tu ring / / de ltar gcer bu smras yog pa// rus pa'i 'khrul 'khor bsgreng ba bzhin// thod pa thogs shing mi bzad la// ngu zhing kun tu rgyug par bgyid// bkres pa dang ni skom pa yis/ / dub cing sdug bsngal dag gis nyen// nyam thag skad kyang 'byin par bgyid// sdug bsngal tshor ba nyams su myong // de yis mi yi 'jig rten du// rab 'jigs sdig pa ci bgyis na/ / des na sdug bsngal 'di 'dra ba// 'jigs su rung ba myong bar gyur// bcom ldan 'das kyis bka' stsal pa/ mo'u 'gal gyi bu yi dgas de ni sdig pa'i las byed byed pa yin no/ / de'i las kyi rnam par smin pa nyan par 'dod dam/ btsun pa nyan par 'tshal lags so// mo'u 'gal gyi bu 'o ma legs par rab tu nyon la yid la zung zhig dang ngas bshad do// mo'u 'gal gyi bu sngon byung ba 'das pa'i dus na/ rgyal po'i khab kyi gro khyer na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam
- 175b
thos kyi bu'i nor dang 'gran pa zhig 'dug pa de'i bu ram shing 'chir ba'i gnas grwa lnga brgya yod do/ / de dag tu de bu ram shing 'chir bar byed do// sangs rgyas rnams 'jig rten du mi 'byung ba'i tshe/ rang sangs rgyas sdug cing 'phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas sdug cing 'phongs pa la snying brtse ba/ bas mtha'i gnas mal gyis 'tsho ba zhig byung nas/ de snga dro sham thabs dang chos gos bgos te/ lhung bzed thogs nas rgyal po'i khab tu bsod snyoms la song ngo / / btsun pa de'ang nad khong skam gyis thebs te/ de la sman pas bu ras shing gi khu pA phan par bstan nas/ tshong dpon chen po de'i thad du song ngo // tshong dpon gyis kyang rang sangs rgyas lus kyang mdzes la/ sems kyang mdzes pa de mthong ngo // mthong nas kyang tshong dpon gyis smras pa/ 'phags pa ci bzhed/ rang sangs rgyas kyis smras pa/ khyim bdag buram/ shing gi khu ba 'dod do// de nas khyim bdag des tshal za zhig la 'phags pa la bu ram shing gi khu ba phul cig ces bsgo nas/ khyim bdag de ni don zhig la phyi rol tu chas so// de nas mi de gzhan gyi rdzas la ser sna skyes nas/ gal te bdag gis 'di la bu ram shing gi khu ba byin du zin na phyis kyang 'dir 'ong bar 'gyur ro snyam ste/ mi sdug pa'i 'gro ba gsum gyi g.yang sar
- 176a
gzhol ba/ thams cad kyis 'dod par bya ba'i 'gro ba gnyis bor ba/ 'phags pa'i lam rnams thag bsrings pa des sdig pa'i sems bskyed nas/ rang sang rgyas de la smras pa/ dge slong lhung bzed tshur byin cig dang / bu ram shing gi khu ba sbyin no zhes byas so// nyan thos kyi dgra bcom pa dang / rang sangs rgyas rnams ni ma dgongs kyi bar du shes pa'i mthong ba mi 'jug ste/ sdug cing 'phongs pa la snying brtse bas mi de la ngas phan gdags par bya'o snyam nas lhung bzed de byin no// de nas spyod pa ngan zhing snying la rje med pa des de blangs te// lkogacig tu song nas gcin gyis bkang ste/ steng du bu ram shing gi khu ba'i dbu bas bkab nas rang sangs rgyas de la phul ba dang / des tshor nas/ des bsams pa/ nyon mongs 'dis sdig pa chen po zhig byas kyis med do snyam ste/ de phyogs gcig tu song nas po ste song ngo // bcom ldan 'das kyis bka' stsal pa/ mo'u 'gal gyi bu ji snyam du sems/ de'i tshe de'i dus na tshal zar gyur pa gang yin pa de ni yi dgas 'di yin te/ las de'i rnam par smin pas 'khor ba na sdug bsngal mtha' yas pa myong bar gyur la/ da ltar yang yi dgas su gyur nas/ sdug bsngal mi bzad pa myong ba yin no/ / mo'u 'gal gyi bu de bas na ci nas yi dgas de'i nyes pa de lta bu dag mi 'byung bar bya ba'i phyir ser sna spang ba la brtson par bya'o// mo'u 'gal gyi bu de ltar na las
- 176b
gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// mo'u 'gal gyi bu de bas na las gcig tu nges par gnag pa rnams dang / 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ mo'u 'gal gyi bu khyod kyis de ltar bslab par bya'o// bcom ldan 'das kyis de skad ces bka' stsal nas tshe dang ldan pa mo'u 'gal gyi bu chen po dang / lha dang / lha ma yin dang / nam mkha' ldeng dang / mi 'am ci dang / lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do/ / / kha zas zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byos te/ lha dang / klu dang / gnod sbyin
- 177a
dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sprin gyi kun dga' ra ba na bzhugs te// de'i tshe tshe dang ldan pa mo'u 'gal gyi bu chen po nyin par gnas paba'i byi shing zhig gi drung du 'dug pa dang / tshe dang ldan pa mo'u 'gal gyi bu chen pos yi dgas mo zhig gi sgra thos te/ nyam thag pa'i skad 'byin cing / sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ste/ kha zas slong zhing grogs mo dag bdag bkres so// grogs mo dag bdag skom mo zhes zer ba thos so// de nas gnas brtan mo'u 'gal gyi bu chen pos yi dgas mo de mthong nas dris pa/ khyod kyis las ci zhig byas na/ des 'di lta bu'i sdug bsngal dag myong zhing 'dug/ yi dgas mos smras pa/ ma sha ra ba na sgron ma mi dgos kyis/ bcom ldan 'das la don 'di zhus shig dang / des khyod la bdag gi las kyi rnam bi lung sbyin par 'gyur ro// de nas tshe dang ldan pa mo'u 'gal gyi
- 177b
chen po bcom ldan 'das ga la ba der song ngo / / de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma skol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan 'das las chos ro dang ldan no cog nyan par byed do// de nas sangs rgyas bcom ldan 'das rnams ni gsong por gsung ba/ snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to/ / mo'u 'gal gyi bu tshur shog/ khyod 'ongs pa legs so// khyod da gzod ga las 'ongs/ mo'u 'gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las slar mchis te/ der bdag gis yi dgas mo lto ni ri tsam la/ kha ni khab kyi mig tsam ste/ rang gi skras yog pa/ gcer bu mchis shing nyam thag ba'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong zhing mchis pa zhig mthong lags so// yang gsol pa/ lus chen ri bo mthon po 'dra ba la/ / mchu dang lkog ma skam zhing shin tu sdug/ rang gi sgras ni gdong yog gcer bur mchis// mchu sgo phra khab mig 'dra rab tu rid// de ltar gcer bu sgras log pa/
- 178a
rus pa'i 'khrul 'khor bsgreng ba bzhin// thod pa thogs shing mi bzad la// ngu zhing kun tu rgyug par bgyid// bkres pa dang ni skom pa yis// dub cing sdug bsngal dag gis nyen/ / nyam thag skad kyang 'byin par byed// sdug bsngal tshor ba nyams su myong // de yis mi yi 'jig rten du// rab 'jigs sdig pa ci bgyis na// des na sdug bsngal 'di 'dra// ba// 'jigs su rung ba myong bar 'gyur// bcom ldan 'das kyis bka' stsal pa/ mo'u 'gal gyi bu yi dgas mo de ni sdig pa'i las byed byed pa yin no// de'i las kyi rnam pa nyan par 'dod dam/ btsun pa nyan par 'tshal lags so// mo'u 'gal gyi bu 'o na legs par rab tu nyon la yid la zung zhig dang ngas bshad do// mo'u 'gal gyi bu sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na/ drang srong smra ba ri dgas kyi nags na brten cing bzhugs so// de nas grong khyer wA rA NA si de na/ khyim bdag cig gi chung ma ser sna can 'jungs pa/ yo byad rnams kun tu 'dzin pa/ khwa la'ang gtor
- 178b
ma mi ster na/ spong ba gzhan dag la lta smos kyang ci dgos pa zhig yod de/ de dge sbyong dang / zam ze dang / sdug cing 'phongs pa dang / bkren pa dag mthong na sems kyis sdang bar byed do// re zhig na bsod snyoms pa zhig de'i khyim du 'ongs nas/ des de mthong nas ser sna skyes te/ sems kyang sdang bar gyur nas/ 'di snyam du sems te/ gal te bdag gis 'di la bkur sti byas na ni/ 'di phyis kyang 'ong bar 'gyur ro snyam mo// de nas sdig can des tshe phyi ma'i mi sdug pa khyad du bsad nas/ dge slong de nang du bos te sgo bcad nas sbyang du bcug go/ mang du'ang spros te/ dge slong khyod la bkur sti ma yin pa byas pa 'di yin gyis/ phyin chad khyim 'dir ma 'ong zhig ces byas so// de nas de ser sna kun tu bsten cing bsgoms te mang du byas pa des yi dgas su skyes te/ de lta bu'i sdug bsngal nyams su myong ngo / / mo'u 'gal gyi bu de bas na ci nas yi dag sa mo de'i nyes pa gang yin pa de lta bu dag mi 'ong bar bya ba'i phyir ser sna spong ba la brtson par bya'o// bcom ldan 'das kyis de skad ces bka' stsal nas/ tshe dang ldan pa mo'u 'gal gyi bu dang / lha dang / lha ma yin dang / nam mkha' lding dang / mi 'am ci dang / lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do// / nu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug
- 179a
so nam pa dang / mthong 'khod gyi mi rnamapa dang / smon nam sa dang / da pos rgyams dang / lharnams dang/ klu rnams dang / gnod sbyi rnams dang / min rnams dang / rnams par rdzing rnams dang / mi 'am cinams dang / 'i rgyun po rnams kyis bslar b+has/ thA sar byas/ risor gyis/ mnod pa byu / dang / rlung / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ nabaza' dang / kal zas dang / gzims cha dang / gdan dang / spyan gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka/ lan ta ka gnas pa na brten cing bzhugs so// de nas tshe dang ldan pa mo'u 'gal gyi bu chen po yi dgas kyi nang du rgyu zhing song ba dang / yi dgas mo sdong dum me reg 'dral rang gi sgyurgyas log pa/ sngo ni ri rab tsam la/ kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ mi lce gcig tu 'bar nas/ tshig cing nyam thag pa'i skad 'byin la skom gyis gdungs te/ sdug bsngal drag pa dang / mi bzang ba dang / tsha ba dang / yid du mi 'ong ba'i tshor ba myong ba dang / des mthong ba tsam gyis chu klung dang khron pa rnams kyang skam par 'gyur
- 179b
ba dang / gang gi tshe char 'bab pa de'i tshe/ de'i steng du me stag 'phro ba'i mdag ma'i char 'bab pa zhig mthong ngo // mthong nas kyang tshe dang ldan pa mo'u 'gal gyi bu chen pos de la smras pa/ kye khyod kyis sdig pa ci zhig byas na/ des 'di lta bu'i sdug bsngal ba myong zhing 'dug/ yi dgas mos smras pa/ btsun pa mo'u 'gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang / de khyod la bdag gi las kyi rnam pa ston par 'gyur te/ de zos na sems can gzhan dag kyang sdig pa'i las spong bar 'gyur ro// de nas tshe dang ldan pa mo'u 'gal gyi bu chen pos bcom ldan 'das ga la ba der song ngo / / de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma skol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan 'das las chos ro dang ldan no cog nyan par byed do// de nas sangs rgyas bcom ldan 'das rnams ni gsong por gsung ba/ snyan par gsung ba tshur shog/ 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to/ / mo'u 'gal gyi bu tshur shog khyod 'ongs pa legs so// khyod da gzod ga las 'ongs/ mo'u 'gal gyi bus gsol pa/ btsun pa
- 180a
bdag ni yi dgas kyi nang du rgyu zhing mchi ba las slar mchis te/ der bdag gis yi dwags mo sdong po me reg ma 'dra la rang gi sgras yog pa/ lto ni ri tsam la/ kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la/ skom gyis gdungs te/ sdug bsngal drag pa dang mi bzad pa dang / tsha ba dang / yid du mi 'ong ba'i tshor ba myong ba dang / des mthong ba tsam gyis chu klung dang khron pa rnams kyang skam par 'gyur ba dang / gang gi tshe char 'bab pa de'i tshe de'i steng du me stag 'phro ba'i mdag ma'i char 'bab pa zhig mthong lags so/ / bcom ldan 'das kyis bka' stsal pa/ mo'u 'gal gyi bu yi dgas mo de ni sdig pa byed byed pa yin no// de'i las kyi rnam pa nyan par 'dod dam/ btsun pa nyan par 'tshal lags so// mo'u 'gal gyi bu 'o na legs par rab tu nyon la yid la zung zhig dang ngas bshad do// mo'u 'gal gyi bu sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srungs zhes bya ba 'jig
- 180b
rten du byung ngo / / de grong khyer wA rA NA si na drang srong smra ba ri dgas kyi nags na brten cing bzhugs pa na/ der dge slong zhig lam du zhugs nas de skom gyis gdungs te/ khron pa'i drung du song nas/ de na bu mo zhig bum pa chus bkang ste 'dug pa la dge slong des smras pa/ che zhe bdag ni skom gyis gdungs kyis/ chu byin cig ces byas na/ yo byad la kun tu 'dzin pa de ser sna skyes nas/ dge slong de la smras pa/ dge slong bdag gi bum pa gribs su 'ong gis/ gal te khyod shi na'ang chu mi sbyin no zhes byas so// de nas dge slong de skom gyis gdungs bzhin du re thag chad nas song ngo / / de nas bu mo de ser sna kun tu bsten cing bsgoms te mang du byas pa de lta bus shi nas yi dgas su skyes te/ de lta bu'i sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong zhing 'dug go// mo'u 'gal gyi bu de bas na 'di ltar bslab par bya ste/ ser sna spang bar bya ba'i phyir brtson par bya'o zhes mo'u 'gal gyi bu khyod kyis de ltar bslab par bya'o/ / bcom ldan 'das kyis de skad ces bka' stsal nas/ tshe dang ldan pa mo'u 'gal gyi bu chen po dang / lha dang / lha ma yin dang / nam mkha' lding dang mi 'am ci dang / lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do// // phyi sa'i snron ces bya ba ni/ sangs rgyas
- 181a
bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen bo rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na brten cing bzhugs so// de nas tshe dang ldan pa mo'u 'gal gyi bu chen po snga dro sham thabs dang chos gos bgos nas lhung bzed thogs te/ rgyal po'i khab tu bsod snyoms la song nas/ rgyal po'i khab tu bsod snyoms byas te/ zan zos nas zas phyis len pa spangs te/ lhung bzed dang chos gos bzhag nas/ bya rgod kyi phung po'i rig la ba der song ste phyin nas/ bya rgod kyi phung po'i ri la 'dzegs te/ nyin par gnas pa'i phyir shing zhig gi drung du
- 181b
rten cing 'dug go/ de nas tshe dang ldan pa mo'u 'gal gyi bu chen pos yi dgas mo sdong dum me reg ma 'dra la/ gcer bur 'dug cing rang gi sgras yog pa/ lto ni ri tsam la/ kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig tu 'bar nas/ tshig cing nyam thag pa'i skad 'byin la/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ba phyi sa bzhin du dri nga zhing mchog tu dri nga ba/ zas su phyis za la/ de'ang bde blag tu mi rnyed pa zhig mthong ngo // mthong nas kyang tshe dang ldan pa mo'u 'gal gyi bu chen po mi dga' bar gyur nas/ yi dgas mo la dris pa/ khyod kyis sngon sdig pa ci zhig byas na des 'di lta bu'i 'bras bu myong zhing dug/ yi dgas mos smras pa/ btsun pa mo'u 'gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur te/ de thos na sems can gzhan dag kyang sdig pa'i las spong bar 'gyur ro/ / de nas tshe dang ldan pa mo'u 'gal gyi bu chen po bcom ldan 'das ga la ba der song ngo // de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sgrab rtsi ma grol ba dang 'dra ba'i chos ro nga ldan no chog sbyin to// 'khor brgya phrag du ma'ang dbang po rnams mi g.yo bar bcom ldan 'das las chos ro dang ldan
- 182a
no cog nyan par byed do/ / de nas sangs rgyas bcom ldan 'das rnams ni gsong por gsung ba/ snyan par gsung ba/ tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang ldan pa mo'u 'gal gyi bu la 'di skad ces bka' stsal to// mo'u 'gal gyi bu tshur shog/ khyod 'ongs pa legs so// khyod gzod ga las 'ongs/ mo'u 'gal gyi bus gsol pa/ btsun pa bdag ni yi dgas kyi nang du rgyu zhing mchi mchi ba las/ der bdag gis yi dgas mo sdong dum me reg ma 'dra la gcer bur mchis shing rang gi sgras yog pa/ ltolho no ri tsam la/ kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig tu 'bar nas/ tshig cing nyam thag pa'i skad 'byin la/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba myong ba dang / des mthong ba tsam gyis chu klung dang khron pa rnams skam par 'gyur ba dang gang gi tshe char 'bab pa de'i tshe steng du me stag 'phro ba'i mdag ma'i char 'bab pa dang / phyi sa bzhin dring zhing mchog tu dring ba/ zas su phyis za ba 'tshal la/ de'ang bde blag tu mi rnyed pa zhig mthong lags so/ / yang gsol pa/ nyam thag skad kyang 'byin par byed// sdug bsngal tshor ba nyams su myong // gang na phyi sa'i gnas yod pa// der ni sdug bzhin rgyug par bgyid//
- 182b
phyis bza' 'am btung snyam mo// de'ang bde blag rnyed mi 'gyur// de mis mi yi 'jig rten du// sdig pa rab 'jigs ci bgyis na// des na sdig pa 'di 'dra ba// 'jigs su rung ba nyams su myong / / bcom ldan 'das kyis bka' stsal pa/ mo'u 'gal gyi bu yi dgas mo de ni sdig pa byed byed pa yin no// de'i las kyi rnam pa nyan par 'dod dam/ btsun pa nyan par 'tshal lags so/ / mo'u 'gal gyi bu 'o na legs par nyon la yid la zung zhig dang ngas bshad do// mo'u 'gal gyi bu sngon byung ba 'das pa'i dus na/ grong khyer wA rA trA si na rang sangs rgyas sdug cing 'phongs pa la snying brtse ba/ bas mtha'i gnas mal gyis 'tsho ba zhig yod la/ de'ang nad bu can zhig ste/ wA rA NA sir bsod snyoms la song ngo // re zhig na de la sman pas 'thun pa'i zas bstan nas/ de tshong dpon zhig ga la 'dug pa der song ba dang / tshong dpon des kyang mthong nas dris pa/ 'phags pa khyod ci bzhed/ des smras pa/ 'thun pa'i kha zas 'dod do/ / de nas tshong dpon des 'phags pa la kha zas 'thun pa phul cig ces mna' ma la bsgo'o// de nas de'i mna' ma ser sna skyes te/ gal te bdag gis deng 'di la kha zas byin du zin sang yang 'ong bar 'gyur ro snyam nas/ phyogs gcig tu song ste/ lhung bzed phyi sas bkang nas/ steng 'bras chan gyis bkab ste/ rang sangs rgyas de la phul lo// nyan thos
- 183a
dang rang sangs rgyas rnams ni ma dgongs kyi bar du shes pa'i mthong ba mi 'jug ste/ des blangs so// blangs nas tshor te/ 'di dri nga ba las na 'dis phyi sas bkang gor ma chag go snyam mo/ / de nas bdag nyid chen po des de gzhig tu bor nas song ngo // bcom ldan 'das kyis bka' stsal pa/ mo'u 'gal gyi bu de ji snyam du sems/ de'i tshe de'i dus na mong dpon gyi mna' mar gyur pa gang yin pa de ni yi dgas mo 'di yin te/ des sdig pa'i las de lta bu byas nas/ de phyin chad rtag tu sems can dmyal ba dang / dud 'gro dang / yi dgas rnams su skyes te/ rtag tu zas su byis ma par gyur to// mo'u 'gal gyi bu de bas na ser sna spang ba la brtson par bya ste/ ci nas yi dgas mo de'i nyes pa de lta bu dag 'ong bar mi 'gyur ba de ltar mo'u 'gal gyi bu khyod kyis bslab par bya'o/ / bcom ldan 'das kyis de skad ces bka' stsal nas/ tshe dang ldan pa mo'u 'gal gyi bu dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// / mo'u 'gal gyi bu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
- 183b
lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gso sa dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so/ / de'i tshe rgyal po'i khab kyi ni pha rol/ 'od ma'i tshal gyi ni chu rol/ de'i bar skabs na/ yi dgas sdong dum me reg ma 'dra la/ gcer bur 'dug cing rang gi sgras yog pa/ lto ni ri tsam la/ kha ni khab kyi mig tsam ste/ 'bar zhing rab tu 'bar la/ kun tu rab tu 'bar te/ me lce gcig tu 'bar nas/ tshig cing nyam thag pa'i skad 'byin la/ sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba nyams su myong ba lnga brgya khwa khyus lding ba bzhin du nam mkha' la 'khor te/ gang du yang 'dug sa mi rnyed do// de nas tshe dang ldan pa mo'u 'gal gyi bu snga dro sham thabs dang chos gos bgos
- 184a
te/ lhung bzed thogs nas/ rgyal po'i khab tu bsod snyoms la song ba dang / des yi dgas de dag mthong ngo // si dgas de dag gis kyang tshe dang ldan pa moru 'gal gyi bu chen po mthong ngo / / de nas de dag gcig tu 'dril nas/ tshe dang ldan pa mo'u 'gal gyi bu chen po'i thad du dong ste/ phyin nas snying rje rje skad zer zhing sdug sdug skad zer la gti zhing smra bas 'thun par smras pa/ btsun pa mo'u 'gal gyi bu bdag cag ni rgyal po'i khab tu tshong dpon lnga brgyar gyur te/ bdag cag ser sna can 'jungs pa yo byad rnams la kun tu 'dzin par gyur nas/ bdag cag nyid kyis kyang sbyin pa ma byin la/ gzhan dag sbyin pa byed pa la yang bgegs byas so// sbyin pa'i gnas rnams la yang yi dgas kyi tshig lta bus mang du spros te/ khyod ni yi dgas su skyes pa bzhin du gzhan gyi khyim phyi nyug pa'o zhes byas so// des na bdag cag shi ba'i 'og tu 'di lta bu'i yi dgas su skyes so// btsun pa mo'u 'gal gyi bu chen po de bas na/ bdag cag gi nye du rgyal po'i khab na gnas pa de dag la bdag cag gi las kyi rnam par shes par mdzad la dad pa dris te/ sangs rgyas la sogs pa dge slong gi dge 'dun bshos gsol nas/ bdag cag gi slad du yon gyi rabs 'don par gsol cig/ 'on tang bdag cag yi dgas kyi skye gnas las thar kyang srid do zhes gsungs shig/ de nas tshe dang ldan pa mo'u 'gal
- 184b
gyi bus kyang yi dgas rnams la cang mi smra bas khas blangs so/ / de nas tshe dang ldan pa mo'u 'gal gyi bus de dag gi nye du rnams kyi khyim khyim du dad pa dris nas/ phyid nyin sangs rgyas la sogs pa dge slong gi dge 'dun bshos la spyan drangs so/ / yi dgas rnams la'ang sbran te/ sang bcom ldan 'das dge slong gi dge 'dun dang bcas pa bshos la spyan drangs kyis/ khyed kyang der shog cig ces byas so/ / de dag gi nye du rnams la'ang khyed kyang shog cig dang / nye du'i mchod rten byed pa der yi dgas de dag mthong bar 'gyur ro zhes byas so// de nas tshe dang ldan pa mo'u 'gal gyi bu nyid mchod ston gyi zhal ta byed pa la zhugs so/ / de nas nam nangs nas zhal zas bshams te/ gdugs tshod la bab na yi dgas de dag mi snang ngo // de nas tshe dang ldan pa mo'u 'gal gyi bu chen pos lha'i mig gis yi dgas de dag bsams na/ yul ma ga d+ha thog thag na'ang mi snang ngo // mthar gyis gling bzhi'i bar du bltas na'ang de na'ang mi snang ngo // de nas ji srid du de'i ye shes mthong ba 'jug pa de ji srid du bltas kyang de na'ang mi snang ngo / / de nas tshe dang ldan pa mo'u 'gal gyi bu chen po mi dga' bar gyur nas/ bcom ldan 'das la gsol pa/ bcom ldan 'das bdag gi sbyin bdag de rnams mi gda' lags so/ / bcom ldan 'das kyis bka' stsal pa/ mo'u 'gal gyi bu thong la/ khyod mi dgar ma byed cig/ nyan thos dang rang sangs rgyas thams cad kyis
- 185a
las 'das pa'i 'jig rten gyi khams tshad med pa dag yod de/ de dag tu las kyi rlung gis 'phangs mod kyi/ 'on kyang mo'u 'gal gyi deng de bzhin gshegs pa'i stobs la ltos shig/ thams cad mkhyen pa'i ye shes gzigs pa mngon par bya'o// de bzhin gshegs pa'i rdzu 'phrul gyi rnam par 'phrul pa'ang bstan gyis/ gaN+DI rdungs shig/ de nas gaN+DI brdungs pa dang / dge slong gi dge 'dun thams cad kyang 'dus/ yi dgas kyi nye du rnams dang yi dgas mthong bar 'dod pa'i sems can gzhan dag kyang ltad mo la lhags te 'dus so// de nas bcom ldan 'das kyis ci nas yi dgas rnams kyis sangs rgyas bcom ldan 'das nyan thos kyi dge 'dun dang bcas pa bshos gsol ba mthong bar 'gyur ba dang / bdag cag gi phyir nye du rnams kyis sangs rgyas la sogs pa dge slong gi dge 'dun rnams bshos gsol zhing 'khod do snyam du dran pa rnyed par 'gyur ba de lta bu'i rdzu 'phrul bstan to/ / de nas bcom ldan 'das kyis gsung yan lag lnga dang ldan pas yon gyi rabs gsungs pa/ sbyin pa 'di yi bsod nams gang // de ni yi dgas phyi bzhin sngo// yi dgas 'jig rten rab 'jigs las// de dag myur du thar gyur cig/ ces gsungs so/ / de nas bcom ldan 'das kyi sa gzhi de las brten te/ de dang 'thun pa'i chos bstan te/ de thos nas srog chags 'bum phrag du mas ser sna'i dri ma spangs te/ bden pa mthong bar gyur to//
- 185b
yi dgas de dag kyang bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes so// lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas yi dgas las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa de dag gis mthong ngo // de nas sngon yi dgas su gyur pa'i lha'i bu de dag 'di snyam du sems/ bdag cag zhag lon te gzod bcom ldan 'das blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'dong ngo snyam mo// de nas sngon yi dgas su gyur pa'i lha'i bu rna cha gdung kor dag cing mgul par thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa de rnams kyis de nyid kyi mtshan mo lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thub bkang ste/ 'od ma'i tshal bya ka lan nga ka gnas pa kho ra khor yug bod chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'khod do//
- 186a
de nas bcom ldan 'das kyis sngon yi dgas su gyur pa'i lha'i bu rnams kyi bsam pa dang / bag la nyal dang / khams dang / rang bzhin thugs su chud nas/ de dang 'thun pa'i chos bstan te/ de thos nas sngon yi dgas su gyur pa'i lha'i bu de dag gis khyad par chen po thob bo// de dag tshong pa khe spogs phyin pa bzhin du gyur te/ bcom ldan 'das la lan gsum bskor ba byas nas de nyid du mi snang bar gyur to/ / der bcom ldan 'das kyi/ tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu khyod kyis yi dgas mang ngo dag lha'i nang du bkod nas/ de dag kyang mdang sum nga'i thad du 'ongs te/ de dag la ngas chos bstan nas/ de dag gis rnyed par bya ba rnyed de mtho bar 'gyur ba rnyed nas dong ba de ni khyod kyis zhal ta byas pa 'bras bu yod par gyur te/ legs so lags so// de nas tshe dang ldan pa mo'u 'gal gyi bu chen pos de dag gi nye dro rnams la'ang shes par byas te/ de dag gis thos nas mchog tu ya mtshan du gyur te/ bcom ldan 'das la sems dga' bar gyur nas bkur sti byas so// mo'u 'gal gyi bu de bas na khyod kyis ci nas yi dgas de dag gi nyes pa de lta bu dag mi 'byung bar bya ba'i phyir ser sna spong ba la brtson par bya'o/ / bcom ldan 'das kyis de skad ces bka' stsal nas/ tshe dang ldan pa mo'u 'gal gyi bu chen po dang / lha dang / lha ma yin dang /
- 186b
nam mkha' lding dang / mi 'am ci dang / lto 'phye chen po la sogs pa gzhan dag kyang yi rang ste/ bcom ldan 'das kyis gsungs pa la mngon par bstod do// // chu smad ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / spyan zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshwal byA ka lan ta ka gnas pa nA rten cing bzhugs so// de'i tshe rgyal po'i khab kyi grong khyer na tshong dpon phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas
- 187a
pa des/ rigs mnyam pa las chung ma blangs te/ de de dang lhan cig tu rtse zhing dga' la dga' dkur spyod do// de rtse zhing dga' la dga' dgur spyod pa las chung ma la bu chags nas/ de zla ba brgyad dam dgu lon pa dang / bu byung ste/ khye'u zhig btsas nas/ de btsas pa'i btsas ston byas te/ khye'u 'di'i ming ji skad gdags zhes ming 'dogs par byed de/ de nye du rnams na re/ khye'u 'di rgyu skar du smad la btsas pas nA/ de'i phyir ming chu smad ces gdags so zhes zer nas/ de'i ming rgyu spyad ces btags so// de nas khye'u chu smra bskyed bsrings te cher skyes nas/ de'i pha shi ba dang / rang gi khyim gyi bdag por gyur to// de nas des tshong dus bkram nas nyo tshong byed cing nyo tshong gis 'tsho bar byed pa las/ de'i nyin gcig bzhin du bcom ldan 'das kyi thad du song ste/ de bcom ldan 'das mthong ba dang / dam pa'i chos thos pas/ bcom ldan 'das kyi bstan pa la dad par gyur nas/ de rab tu 'byung ba'i sems skyes te/ des ma la gsol ba btab pa/ yum ba dag bcom ldan 'das kyi bstan pa la rab tu 'byung gis gnang bar mdzod cig/ de nas de'i mas smras pa/ bu khyod ni bu gcig pa yin gyis/ bdag ji srid 'tsho'i bar du rab tu ma 'byung zhig/ bdag shi ba'i 'og tu ci bya ba byos shig ces zer ro// chu smad des kyang ji snyed pa de dag thams cad ma la byin te/ yum 'dis
- 187b
dge sbyong dang / bram ze dang / sdug cing 'phongs pa dang / bkren pa rnams la sbyin pa dag gyis shig ces byas so// de'i ma de brkam chags can 'jungs pa yo byad rnams kun tu 'dzin pa zhig ste/ kar sha pa Na dag sbas nas/ dge sbyong dang bram ze gang dag zas 'dod de/ khyim der 'ongs pa de dag la rgyu zhing khyed ni yi dgas su skyes pa bzhin du khyim phyi nyug cing slong ngo zhes zer ro/ / bu de la'ang slu bar byed de bdag gis nyin gcig bzhin du/ dge slong 'di snyed 'di snyed cig la zan byin no zhes zer ro// phyis re zhig na de shi ba dang / de yi dgas su skyes nas bu chu smad ma dang bral ba'i mya ngan byed de/ sbyin pa dag byin zhing bsod nams dag byas nas/ bcom ldan 'das kyi bstan pa la rab tu byung ngo // des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ / 'du byed kyi rnam pa thams cad rnyil ba dang / lhung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa bzhin du bsil bar gyur pa/ ris pas sgo nga'i sbubs bcom pa/ rig pa dang / mngon
- 188a
par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur nas/ des chu klung gad+hA'i 'gram du lo mo'i skyil po byas te bsam gtan byed do// de'i ma yi dgas kyi 'jig rten du skyes pa de'ang sdong dum me reg sa 'jal/ gcer bur 'dug cing rang gi sgras yog pa/ ma tsam la/ la ni lab kyi mig tsam ste/ 'bar zhing rab tu 'bar la/ kun tu rab tu 'bar te/ mo gcig tu 'bar nas tshig cing nyam thag pa'i skad 'byin te/ tshe dang ldan pa nu smad kyi thad du song nas/ re zhig na tshe dang ldan pa chu smad kyis yi dgas mo de mthong nas dris pa/ 'di kho na 'dra ba khyod su zhig/ yi dgas mos smras pa/ bu gcig gang las btsas pa yi/ byams pa'i ma ni bdag yin te/ zas dang skom dang bral ba yi// yi dwags rnams kyi nang du skyes// bdag ni na ba'i dus 'das nas/ / lo grangs nyi shu sA lon te// chu yi bag kyang ma mthong na// kha zas lta zhig ga la mthong // 'bras bu ldan pa'i shing rnams kyi// drung song de dag 'bras med 'gyur/ gang ba'i mtsho 'gras bdag song yang // de dag kyang ni rnam par 'gyur// btsun pa'i shing drung bde ba lags// khyod kyi snod nang chu yang bsil// bkren pa bdag la thugs rje skyed/
- 188b
skom gyis gdungs kyis chab stsol cig/ de nas chu smad kyis/ ma la smras pa/ yum khyod mir gyur pa'i tshe/ bdag gis sbyin pa dag sbyin zhing bsod nams dag byed du ma bcug gas/ yi dgas mos smras pa/ bu gcig bdag ni ser snas non pas sbyin pa dag kyang ma byin/ bsod nams dag kyang ma byas te/ nor rnyed pa de dag thams cad sdig pa'i sems kyis dong du sbas so// bu gcig de bas na dad pa dris la bdag gi phyir sangs rgyas la sogs pa dge slong gi dge 'dun bshos gsol nas yon gyi rabs 'don par gsol cig/ 'on tang bdag yi dgas kyi skye gnas nas thar kyang srid do/ / chu smad kyis smras pa/ de ltar bgyis khyod kyang gral dpon gyi mdun du 'dug cig/ yi dgas mos smras pa/ bu gcig bdag ni gcer bur 'dug pas ngo tsha ste ngo mi thub bo// chu smad kyis smras pa/ yum khyod gang gi tshe sdig pa byed pa de'i tshe ngo mi tsha na/ da ltar 'bras bu myong ba'i tshe ci'i phyir ngo tsha/ yi dgas mos smras pa/ 'o na de bzhin du 'ong bar bya'o// de nas ru smad kyis nyo du rnams kyi khyim khyim du dang pa dris nas/ byid nyin sangs rgyas la sogs pa dge slong gi dge 'dun bshos la spyan drangs nas/ gdugs tshod la bab pa na/ sangs rgyas la sogs pa dge slong gi dge 'dun dag kyang 'dus/ yi dgas mo de'ang gral dpon gyi mdun du 'dug ste/ srog chags 'bum phrag du ma 'dus pa rnams kyis yi dgas mo de mthong ngo // de dag gis
- 189a
yi dgas mo de'i lus mi sdug pa mthong nas/ shin tu skyo ba skyes nas/ bcom ldan 'das la sems dga' bar gyur to// de nas tshe dang ldan pa chu smad kyis sangs rgyas la sogs pa dge slong gi dge 'dun zhal zas bzang pos tshim par byas nas/ yi dgas mo'i phyir yon gyi rabs gdon par gsol to// de nas bcom ldan 'das nyid kyis gsung yan lag lnga dang ldan pas sbyin pa'i rabs gsungs pa/ sbyin pa 'di yi bsod nams gang // de ni yi dgas phyi bzhin song // yi dgas 'jig rten rab 'jigs las// de ni myur du thar gyur cig/ ces gsu so/ / de nas bcom ldan 'das kyis gzhi de las brten nas yi dgas mo de dang / skye bo mang po la de dang 'thun pa'i chos bstan te/ srog chags 'bum phrag du mas de thos nas bden pa mthong bar gyur to/ / yi dgas mo de'ang sems dga' bar gyur te/ shi nas yi dgas rdzu 'phrul chen mor skyes so// tshe dang ldan pa chu smad kyis kyang yi dgas rdzu 'phrul chen mor skyes par shes so// de nas tshe dang ldan pa chu smad kyis smras pa/ yum 'di na mthu yod kyis sbyin pa yongs su gtang ba dag gyis shig/ yi dgas rdzu 'phrul chen mos smras pa/ bu gcig bdag ni sbyin pa la dga' ba med de mi nus so/ / de nas tshe dang ldan pa chu smad kyis/ yi dgas rdzu 'phrul chen mo la smras pa/ chags pa'i mun pas mig ni rab bsgribs te/ khyod kyis yi dgas 'jig rten bsgrubs pa yi/
- 189b
khyod kyi dus bu chen po sha med pa// rus pa pags pa spyi rnams da dung 'dug/ ces byas so// de nas tshe dang ldan pa nu smad kyis lan mang du spyos te smras nas/ de'i tshe 'og tu de las ras zung gcig thob bo/ / de nas chu smad kyis dge 'dun la phul nas/ gang gis dge 'dun la ras zung gcig po nyos pa'i dge slong des gos kyi gdang le bzhag go// de nas yi dgas mo de mtshan mo 'ongs nas brkus so/ / de nas dge slong des tshe dang ldan pa chu smad la bsnyad nas/ chu smad song ste yi dgas mo spros nas phyir bkug ste byin no// de bzhin du lan gsum gyi bar du dge slong de las brkus nas/ tshe dang ldan pa chu smad kyis phyir bkug ste byin pa dang / dge slong des kyang de gshags nas phyogs bzhi'i dge slong gi dge 'dun gyi phyir stan la klan to// de nas de phyin chad ma brkus so/ / de bas na sems can rnams la de ltar ser sna mtho 'tsham par byed pa mthong nas/ ci nas yi dgas mo de'i nyes pa de lta bu dag 'byung bar mi 'gyur bar bya ba'i phyir/ ser sna spang ba la brtson par bya'o// bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// // dmus long zhes bya ba ni/ sangs rgyas bcom ldan
- 190a
'das la/ rgyal po rnams dang / blon po chen po rnams dang / phyug po rnams dang / phozang 'khor gyi mi rnams dang / tshong dpon rnams dang / ded dpon rnams dang / rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod rnams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas tshe dang ldan pa dga' byed snga dro sham thabs dang chos gos bgos te/ lhung bzed thogs nas mnyan du yod par bsod snyoms la song ngo // mnyan du yod par bsod snyoms byas nas zan zos te/ zas phyis len pa spangs nas/ lhung bzed dang chos gos bzhag/ yi dgas kyi yul rgyu zhing song ba las/ tshe dang ldan pa dga' byed kyis yi dgas mo sdong dum me reg ma 'dra la/ dmus long du 'dug pa/ rang gi sgras yog pa/ lto ni ri tsam la kha
- 190b
ni khab kyi mig tsam ste/ dur khrod bzhin du dri nga ba/ khwa dang / bya rgod dang / khyi dang / wa rnams kyis bskor nas/ phyogs kun nas sha bcad cing bcad cing za ba dang / de gnad la bab ste/ dkos thag nas nyam thag pa'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba myong zhing 'dug pa zhig mthong ngo // de nas tshe dang ldan pa dga' byed mi dga' bar gyur nas dris pa/ sring mo khyod kyis sngon sdig pa'i las ci zhig byas nas/ des 'di lta bu'i sdug bsngal gyi tshor ba myong zhing 'dug/ yi dgas mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / de khyod la bdag gi las kyi rnam pa lung ston par 'gyur te/ de thos na sems can gzhan dag kyang sdig pa spong bar 'gyur ro/ / de nas tshe dang ldan pa dga' byed bcom ldan 'das ga la ba der song ngo // de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston to/ / 'khor brgya phrag du ma'ang dbang po rnams mi g.yo bar bcom ldan 'das la chos ro dang ldan no cog nyan par byed do// de nas sangs rgyas bcom ldan 'das rnams ni gsong por gsung ba/ snyan par gsung ba/ tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang
- 191a
ldan pa dga' byed la 'di skad ces bka' stsal to/ / dga' byed tshur shog/ khyod 'ongs pa legs so// khyod da gzod ga las 'ongs/ dga' byed kyis gsol pa/ btsun pa bdag ni yi dgas rgyu ba'i nang nas mchis te/ der bdag gis yi dgas mo sdong dum me reg ma 'dra la/ dmus long du mchis pa/ rang gi sgras yog pa/ lho ni ri tsam la kha ni khab kyi mig tsam ste/ dur khrod bzhin du dri nga ba/ khwa dang / bya rgod dang / khyi dang / wa rnams kyis bskor nas/ phyogs kun nas sha bkum zhing bkum zhing 'tshal ba dang / de gnang la bab ste/ dkos thag nas nyam thag pa'i skad 'byin te/ sdug bsngal drag pa dang / mi bzad pa dang / tsha ba dang / yid du mi 'ong ba myong zhing mchis pa zhig mthong lags so// yang gsol ba/ lus chen ri bo mthon po 'dra ba la// mchu dang lkog ma skam zhing shin tu sdug/ rang gi sgras ni gdong yog gcer bur mchis// mchu sgo phra khab mig 'dra rab tu ring // de ltar gcer bu skras yog pa// rus pa'i 'khrul 'khor bsgreng ba bzhin// thod pa thogs shing mi bzad la// ngu zhing kun tu rgyug par bgyid// bkres pa dang ni sgom pa yis// dub cing sdug bsngal dag gis nyen/ / nyan thag skad kyang 'byin par bgyid// sdug bsngal tshor ba nyams su myong // de yis mi yi 'jig rten du// rab 'jigs sdig pa ci bgyis na// des ni
- 191b
sdug bsngal 'di 'dra ba/ / 'jigs su rung ba myong bar gyur// bcom ldan 'das kyis bka' stsal pa/ dga' byed yi dgas mo de ni sdig pa'i las byed byed pa yin no// de'i las kyi rnam pa nyan par 'dod dam/ btsun pa nyan par 'tshal lags so// dga' byed 'o na legs par rab tu nyon la yid la zung zhig dang ngas bshad do// dga' byed sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med da/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong smra ba ri dgas kyi nags na rten cing bzhugs so/ / de nas grong khyer wA rA NA si de na/ tshong dpon gyi bu mo zhig 'dug pa de chos 'dod de/ des chos thos nas 'khor ba la nyes par blta ba dang / mya ngan las 'das pa la yon tan du blta bar gyur te/ nges pha ma la gsol nas/ bcom ldan 'das kyi bstan pa la rab tu byung ngo // de nas de'i phyir nye du rnams kyis dge slong ma'i gtsug lag khang byas nas de de na slob pa dang mi slob pa'i dge slong ma dag dang lhan cig tu gnas pa las/ re zhig na des bag med pa'i dbang gis bslab pa'i gzhi la lhod par byas
- 192a
so/ / de nas dge slong ma rnams kyis tshul khrims 'chal pa'i phyir bskrad do// de nas des sbyin bdag khyim pa dag rnams dad pas nges par 'bul ba'ang gcod du bcug/ slob pa dang mi slob pa'i dge slong ma rnams kyi bsngags pa ma yin pa'ang brjod/ dge slong tshul khrims dang ldan pa gang yin pa de dag mthong na'ang mig btsums te 'dug go/ dga' byed ji snyam du sems/ tshong dpon gyi bu mo gang yin pa de ni yi dgas mo 'di yin te/ des gtsug lag khang la ser sna byas pa des ni yi dgas su skyes so// des nar ma bcad pa des ni khA dang / bya rgod dang / khyi dang / wa rnams kyis bskor to// de slob pa mi slob pa dge slong rnams bsngags pa ma yin pa brjod pas na de'i lus dri nga bar gyur to// dge slong tshul khrims dang ldan pa rnams mthong na/ mig btsums pas ni dmus long du gyur to// dga' byed de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams kyi rnam par smin pa'ang 'dren mar 'gyur ro// dga' byed de bas na las gcig tu nges par gnag pa rnams dang / 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dga' byed khyod kyis de
- 192b
ltar bslab par bya'o/ / chos kyi rnam grangs 'di bstan pa na/ srog chags sa yas bden pa mthong bar gyur to// der bcom ldan rangs kyis/ dge slong rnams la bka' stsal pa/ dge slong dag ser sna dang ngag gis nyes par spyod pa'i nyes dmigs de dag dang gzhan dag kyang rtogs nas ser sna dang ngag gi nyes par spyod pa spang ba'i phyir brtson par bya ste/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// // tshong dpon zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / nged dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lnga dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod/
- 193a
nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na/ tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas te/ de phyi zhig na rgyal bu rgyal byed kyi tshal du song ngo / / de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byang bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug nas/ bcom ldan 'das kyis de la 'khor ba las skyo bar 'gyur ba'i chos bstan te/ de thos nas 'khor ba la nyes par blta ba dang / mya ngan las 'das pa la yon tan du blta bar gyur te/ bcom ldan 'das kyi bstan pa la rab tu byung nas/ kun la grags pa dang / bsod nams chen po dang ldan par gyur te/
- 193b
gos dang / zas dang / mal cha dang / stan dang / nad gsos dang / sman zong rnams rnyed par gyur to// des yongs su bzung ba'i yo byad rnyed do cog sogs par byed de/ des tshangs pa mtshungs par spyod pa rnams la bgo bsha' ma byas so/ / de nas ser sna kun tu bstan cing bsgoms te mang du byas pa des na/ rang gi yo byad lhag par zhe na bzhin du shi nas rang gi gnas khang du yi dgas su skyes so/ / de nas de'i tshangs pa mtshungs par spyod pa rnams kyis gaN+DI mjug med pa brdungs nas rus bu phyir phyung ngo // de nas de'i rus bu la rus bu'i mchod pa byas nas/ phyir gtsug lag khang du lhags so/ / de nas gnas khang gi sgo phye ste chos gos dang / lhung bzed g.yar snga 'drim pa la zhugs pa dang / re zhig na yi dgas rkang lag dang mig mi sdug la/ lus mchog tu 'jigs la chos gos dang / lhung bzed zin cing 'dug pa de mthong ngo // de ltar mi sdug pa de mthong nas/ dge slong dag mi dga' bar gyur te/ bcom ldan 'das la gsol to// de nas bcom ldan 'das kyis rigs kyi bu de la phan gdags pa dang / slob ma'i tshogs rnams skyob bskyed pa dang / ser sna'i rnam par smin pa mi sdug pa yang dag par bstan pa'i phyir dge slong gi tshogs kyis zham ring byas te/ dge slong gi dge 'dun gyi mdun du bdar te/ gnas der gshegs so// de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/
- 194a
dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' ba skyes te/ de ngo tsha bar gyur to// de nas bcom ldan 'das kyis char sprin gyi 'brug sgra lta bur zab pa dang / rnga sgra lta bu'i gsung gis yi dgas de spros te/ bzhin bzangs khyod nyid kyis bdag nyid phung ba'i phyir chos gos dang lhung bzed 'di bsgrubs te/ des na yi dgas su skyes pa yin gyis/ da yang nga la sems dga' bar gyis la yo byad 'di la'ang sems ma chags par byas dang legs so/ / 'di las kyang shi nas sems can dmyal ba rnams su skye re/ de nas yi dgas des chos gos dang lhung bzed dge 'dun la phul nas/ bcom ldan 'das kyi zhabs la phyag 'tshal te/ nyes pa bshags so// de nas bcom ldan 'das kyis yi dgas kyi phyir yon gyi rabs gsungs pa/ sbyin pa 'di yi bsod nams gang / / de ni yi dgas phyi bzhin song // yi dgas 'jig rten rab 'jigs las// de ni myur du thar gyur cig/ de nas yi dgas de bcom ldan 'das la sems dga' bar gyur te/ shi nas yi dgas rdzu 'phrul chen por skyes so/ / de nas yi dgas rdzu 'phrul chen po rnacha gdub kor dag cing mgul pa thogs pa/ lus ngo shal dang se mo ngos brgyan pa/ nor bu sna tshogs kyis spras pa'i cod
- 194b
pan lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang ste/ 'od ma'i tshal bya ka lan ta ka gnas pa kho ra khor yug 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis kyang de la de dang 'thun pa'i chos bstan te/ de thos nas dga' ba skyes te song ngo // de'i tshe dge slong srong dang tho rangs mi nyal bar brtson pa lhur byed pa la gnas pa de dag gis bcom ldan 'das kyi thad du snang ba chen po byung ba mthong ngo / / de mthong nas the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po 'am/ lnga'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ yi dgas de shi nas yi dgas rdzu 'phrul chen por skyes te/ de mdang sum nga'i thad du 'ongs nas/ ngas de la chos bstan te/ de dga' ba skyes nas song ngo // dge slong dag de bas na ci nas tshong dpon las yi dgas su gyur pa de'i nyes
- 195a
pa de lta bu dag 'byung bar mi 'gyur bar ser sna spang ba la brtson par bya ste/ dge sbyong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsung pa la mngon par bstod do/ / / bu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi ni rnams dang / tshong dpon rnams dang / ded dpon rnams dang / lnga rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i lab na 'od ma'i tshal bya ka lan ta ka gnas pa na rten cing bzhugs so//
- 195b
de nas tshe dang ldan pa 'dam bu sbyin gyi bu snga dro sham thabs dang chos gos bgos te/ lhung bzed thogs nas/ rgyal po'i khab tu bsod snyoms la song ngo // rgyal po'i khab tu bsod snyoms byas nas zan zos te/ zas phyis len pa spangs nas/ chos gos dang lhung bzed bzhag ste/ yi dgas kyi yul rgyu zhing song ba dang / des bya rgod kyi phung po'i ri'i nyen kor du yi dgas mo gshin rje'i srin mo 'dra la lus khrag gis bshos pa/ dur khrod na 'dug bzhin ke ba rus kyis bskor ba/ nyin mo dang mtshan mo bu lnga lnga btsa' zhing de lta bu'i sdug bsngal myong la/ bu la byams pa yod bzhin du de bkres pas nyen nas de dag za zhing 'dug pa zhig mthong ngo / / de nas gnas brtan 'dam bu sbyin gyi bus de la dris pa/ khyod kyis sngon las tsa zhig byas na/ des 'di lta bu'i sdug bsngal myong zhing 'dug/ yi dgas mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / de khyod la bdag gi las kyi rnam pa lung ston par 'gyur te/ de thos na sems can gzhan dag kyang sdig pa'i las spong bar 'gyur ro// de nas tshe dang ldan pa 'dam bu sbyin gyi bu bcom ldan 'das ga la ba der song ngo // de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma skol ba dang 'dra ba'i chos ro dang ldan no cog ston te/ 'khor brgya phrag du ma'ang dbang po rnams mi g.yo bar bcom ldan
- 196a
'dag las chos ro dang ldan no cog nyan par byed do/ / de nas sangs rgyas bcom ldan 'das rnams ni gsong por gsung ba/ sbran par gsung bya/ nur shog 'ongs pa legs so zhes gsung ba sngar 'dzum pa yin te/ der bcom ldan 'das kyis/ tshe dang ldan pa 'dam du sbyin gyi bu la bka' stsal pa/ 'dam du sbyin gyi bu tshur shog/ khyod 'ongs pa legs so/ / khyod da gdod ga las longs/ 'dam du sbyin gyi dus gsol pa/ btsun pa bcom ldan 'das bdag ni yi dgas kyi nang du mchi mchi ba las slar mchis te/ der bdag gis yi dgas mo gshin rje'i srin mo 'dra la/ lus khrog gis bshos pa/ dur khrod na 'dug pa bzhin du keng rus kyis bskor ba zhig mthong lags so// yang gsol pa/ bdag ni nyin bzhin bu lnga btsa'/ / mtshan yang de bzhin lnga btsa' ste// btsas nas de dag zos na yang // 'grangs par mi 'gyur zhes mchin// de yis mi yi 'jig rten du/ rab 'jigs sdig pa ci bgyis na/ / des na sdug bsngal 'di 'dra ba// 'jigs su rung ba myong bar gyur// bcom ldan 'das kyis bka' stsal pa/ 'dam bu sbyin gyi bu yi dgas mo de ni sdig pa'i las byed byed pa yin no/ / de'i las kyi rnam pa nyan par 'dod dam/ btsun pa mnyan par 'tshal lags so// 'dam bu sprin gyi bu 'o na legs par rab tu nyon la yid la zung zhig dang ngas
- 196b
bshad do/ / 'dam bu sbyin gyi bu sngon byung ba 'das pa'i dus na grong khyer wA rA NA sin tshong 'apon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod kyang du'ang med/ bu mo'ang med de/ de lag pa la skom tshugs bcas nas/ bdag gi khyim nor du ma dang ldan du zin kyang bu'ang med/ bu mo'ang med pas/ bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste/ sems khongs su chud cing 'dug go// de nas de bu med de bu 'dod pa'i phyir gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa pa dang / rtag tu phyi bzhin 'brang ba'i lha rnams la'ang gsol ba 'debs la/ 'jig rten na'ang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab pa'i
- 197a
rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so// ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur te/ des lha mnyes par byas kyang bu'ang ma byung / bu mo'ang ma byung nas/ de'i blo 'di lta bu zhig skyes te/ ma la bdag gis chun ma zhig blangs na/ la bu yod par 'gyur lta srid dam snyam ste/ des rigs mnyam pa las chun ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las phyi zhig na bu chags par gyur nas/ de dga' zhing mgu la rab tu dga' nas/ khyim thab la sbran pa/ jo bo bdag la sras chags te/ bdag gi rum g.yas logs na rten cing gnas pa las na/ khye'ur 'gyur bar nges kyis/ dgyes pa bskyed du gsol zhes byas so// de'ang dga' ches te/ ro stod ni bteg/ lag pa g.yas pa ni brkyang nas/ bdag gis yun ring po nas smor smon pa'i bu'i ngo mthong bar 'ong ngo / / bdag gi bu rung bar shog cig/ mi rung bar ma gyur cig/ bdag gi bya ba dag byed par shog cig/ gsos pa'i lan phyir gso bar shog cig/
- 197b
nor gyi skal ba la spyod par shog cig/ bdag gi rigs brgyud ring du gnas par shog cig/ bdag cag 'das te shi ba'i 'og tu'ang bdag cag gi phyir mang yang rung / nyung yang rung ste/ sbyin pa dag byin la/ bsod nams dag byas nas de gnyis gang dang gang du skyes shing 'gro ba der 'di song zhig ces yon sngo bar shog cig ces dga' ba'i tshig brjod do// de nas des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang dang ra ba ma yin pa rnams dang / ha cang ro/ tsha ba ma yin pa rnams dang / ha cang ba ska ba ma yin pa rnams dang / kha ba dang / skyur ba dang / lan tshwa dang / dang ra ba dang / tsha ba dang / bska ba med pa'i zas rnams kyis bsten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci'ang mi thos par byas so// de nas chung ma snga ma des de bkur zhing gces par byed pa mthong nas phrag dog skyes te bsams pa/
- 198a
gal te 'di las bu btsas par gyur na ni/ bdag la gnod pa byed par 'gyur gyis/ ci nas de'i thabs shig bya dgos so snyam mo// 'dod pa la yongs su bsten pa la ni sdig pa'i las mi bya ba'i bag ci'ang med de/ mi sdug pa'i 'gro ba'i g.yang sar kha bltas pa/ des yid rton du bcug nas gang 'thungs pa tsam gyis nyon mongs ma de'i bu 'phyel bar 'gyur ba de lta bu'i mngal rlug pa'i rtsi byin no/ / de nas chung ma phyi ma des nye du thams cad bsdus nas chung ma snga ma de zhal lce la bkug ste/ khyod kyis bdag yid rton du bcug pas mngal drug pa'i rtsa byin te/ des bdag gi bu 'brel to zhes byas so// de nas chung ma snga ma des nye du rnams kyi nang du mna' bor te/ gal te bdag gis khyod la mngal rlug pa'i rtsi byin par gyur na bdag yi dgas nomonor gyur te bu byung ngo cog za bar shog cig ces byas so/ / 'dam bu sbyin gyi bu ji snyam du sems/ tshong dpon gyi chung mar gyur pa gang yin pa de ni yi dgas mo de yin te/ des sngon phrag dog byas pa des na yi dgas mor skyes so/ / des brdzun byas te mna' bor bu'i las kyi rnam par smin pa des ni nyin mo dang nub mo bu lnga lnga btsa' zhing za bar gyur to// 'dam bu sbyin gyi bu de bas na khyod kyis ngag gi nyes pa spang ba la brtson par bya ste/ ci nas yi dgas mo de'i nyes pa de lta bu dag 'byung bar mi 'gyur ba de ltar 'dam bu sbyin gyi bu khyod kyis bslab par bya'o// bcom ldan 'das kyis
- 198b
de skad ces bka' stsal nas/ tshe dang ldan pa 'dam du sbyin gyi bu dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang bcom ldan 'das kyis gsungs pa la mngon par bstod do/ / // phyis khung zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yangs pa can na/ spre'u rdzing gi 'gram gyi khang pa brtsegs pa'i gnas na rten cing bzhugs so// de'i tshe yangs pa can na grong khyer gyi 'obs shig gi nang na/ yi dgas zas su skyugs ba zab/
- 199a
bor ba za ba/ ngar snabs dang gcin gyis 'tsho ba/ nag dang / khrag dang / phyis za ba/ mi bzad pa/ rang bzhin gyis sdug bsngal ba lnga brgya gnas so// yang smras pa skyugs pa za zhing bor ba za/ / ngar snabs gcin gyis 'tsho ba dang // rnag khrag dang ni phyis za// mi bzad rang bzhin sdug cing 'dug/ yangs pa can de na bram ze zhig kyang 'dug ste/ des reg mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse bzhing dga' la dga' dgur spyod pa las/ chung ma la bu chags nas de'i lus dri nga bar gyur to// de nas bram ze des mtshan mkhan rnams bkug ste dris na/ de dag na re 'di ni lto na khye'u 'dug pa de'i mthu yin no zhes zer ro// re zhig na de zla ba brgyad dam dgu lon pa dang bu byung ste/ khye'u mdog ngangan cing blta na mi sdug la byad ngan po lus mi gtsang bas bsgos pa dri nga ba zhig btsas so/ / de mchog tu mi sdug mod kyi/ byams pa'i dbang gis 'brel pas pha ma gnyis kyis gsos so// de mi gtsang ba'i gnas rnams 'ba' zhig tu dga' la/ phyag dar gyi phung po dang / phyi sa khung du sku 'bal zhing khar mi gtsang ba 'dzud nas/ de'i ming phyi sa khung zhes bya bar gyur to// re zhig na de phan tshun du 'khyab pa las 'od srungs rdzogs byed kyis mthong nas de 'di snyam du sems te/ 'di de lta bu'i gnas rnams su dga' ba las 'di ni gor ma chag par grub pa'i skyes bu zhig yin gyis/
- 199b
bdag gis 'di rab tu dbyung ngo snyam mo// des de rab tu phyung nas gcer bur 'khyam zhing 'dug la/ legs pa byed pa la'ang gnas so// de nas de 'khyam zhing song ba las yangs pa can gyi 'obs kyi nang na yi dgas lnga brgya 'khod pa rnams mthong nas de sngon gyi las kyi rnam par smin pa dang 'brel bas grong khyer gyi 'obs de'i nang du song nas de dag dang lhan cig 'dus shing phrad de/ dga' bar gyur nas grogs por gyur to/ / phyis re zhig na khye'u phyi sa khung don zhig la brel te yangs pa can du song ngo // bcom ldan 'das kyang grong khyer gyi 'o bas der byon nas yi dgas de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas/ bzang ba mthong ngo // mthong ma thag tu bcom ldan 'das kyi zhabs la phyag 'tshal nas/ bcom ldan 'das kyis bka' stsal pa/ khyed cis 'phongs/ yi dgas rnams kyis smras pa/ bcom ldan 'das bdag cag ni skom lags so// de nas bcom ldan 'das kyis phyag sor lnga las yan lag brgyad dang ldan pa'i chu'i rgyun lnga phab ste/ des yi dgas lnga brgya po de dag tshib par mdzad do// de nas de dag bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes so// lha'i bu 'am lha'i bu mo
- 200a
skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas yi dgas las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par de dag gis mthong ngo // de nas sngon yi dgas su gyur pa'i lha'i bu de dag 'di snyam du sems te/ bdag cag zhag lon te/ gzod bcom ldan 'das la blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'dong ngo snyam mo// / de nas sngon yi dgas su gyur pa'i lha'i bu rna cha gdub kor dag cing mgul ba thogs/ lus do shal dang se mo dos brgyan pa/ nor bu sna tshogs kyis spras pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa de rnams kyis de nyid kyi mtshan mo lha'i me tog ut+pal dang / pad+ma dang / ku mud dang / pad+ma dkar po dang / man+da ra ba rnams kyis thub bkang ste/ khang pa brtsegs pa'i gnas thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis sngon yi dgas su gyur pa'i lha'i bu rnams kyi bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos
- 200b
bstan pa de thos nas/ lha'i bu lnga brgyas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ de dag gis bden pa mthong nas tshong pa la spogs phyin pa dang / zhing pa 'bru rgyal bar byed pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du lhags pa'i 'byor pa de nyid kyis bcom ldan 'das la lan gsum bskor ba byas nas rang gi gnas su dong ngo / / de nas khye'u phyis khung grong khyer gyi 'obs su 'ongs pa dang / yi dgas de dag ma mthong ngo // de nas tshol ba la zhugs te de dag yongs su tshol bas skyo bar gyur la de dag ni ma rnyed do/ / de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu
- 201a
mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin/ pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song las phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa bab rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin pa las rnam par grol bar bya snyam du ye shes gzigs pa 'jug go/
- 201b
'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das rigs kyi bu phyi sa khung la phan gdags pa'i phyir snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdang nas yangs pa can du bsod snyoms la gshegs pa dang / re zhig na mthar gyis bsod snyoms bskor te srang du gshegs na/ phyis lung yang phan tshun 'khor 'khor te/ bcom ldan 'das kyi spyan sngar 'greng ngo // de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong nas kyang de'i mod la des bcom ldan 'das la sems dga' bar byas so/ / de dga' ba skyes nas/ bcom ldan 'das kyi zhabs la phyag 'tshal te/ thal mo sbyar nas gsol pa/ bcom ldan 'das gal te sems can bdag cag lta bu'ang legs par gsungs pa'i chos 'dul ba 'di la rab tu 'byung ba mchis te/ chud par gyur na bdag kyang rab tu 'byung bar 'tshal lo// de nas bcom ldan 'das thugs rje chen po dang ldan pa/
- 202a
sems can rnams kyi bsam pa dang bag la nyal mkhyen pas/ de shin tu skal ba dang ldan par thugs su chud nas phyug glang po che'i sna lta bu gser gyi kha dog can brkyang ste 'di skad ces bka' stsal to/ / dge slong tshur shog/ tshangs par spyad pa spyod cig/ bcom ldan 'das kyis de skad ces bka' stsal pa'i mod la/ sgra dang kha spu ni bregs nas/ zhag bdun lon pa tsam du gyur/ spyod las ni bsnyen par rdzogs nas lo brgya lon pa lta bur 'dug par gyur pa/ lag na ni lhung bzed dang chu snod thogs par gyur to// 'dir smras pa/ de bzhin gshegs pas tshur shog bka' stsal pas/ / de ni mgo bregs lus la snam sbyar gyon// sangs rgyas kyi ni dgongs pas gos bgos nas// mod la dbang po rab tu zhi bar gnas// de nas bcom ldan 'das kyis de la yid la byed pa'i lung phog ste/ des brtson pa dang / bsgrub pa dang / 'bad pas pho la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur
- 202b
bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de dgra bcom pa nyid thob zin na'ang ngan pa la dga' bar gyur nas/ der bcom ldan 'das kyis/ dge slong rnams la bka' stsal pa/ dge slong dag 'di lta ste/ nga'i dge slong phyis khung 'di ni nyan thos kyi dge slong ngan ngon la mos pa rnams kyi mchog yin no/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa gnas brtan phyis khung gis las ci bgyis na des 'di lta bu'i sdug bsngal myong bar gyur lags/ / bcom ldan 'das kyis bka' stsal pa/ dge slong dag phyi sa khung nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ phyis khung nyid kyis las byas shing bsags pa de dag gzhan su zhig gis nyams su myong bar 'gyur dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi
- 203a
'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la smin par 'gyur ro// sus can dag gi las rnams ni/ / bskal pa brgyar yang chud mi za// rdzogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang mdzes ldan zhes bya ba de na rten cing bzhugs so/ / de'i tshe rgyal po'i pho brang der khyim bdag gcig gis gtsug lag khang zhig brtsigs te/ der phyogs dang yul sna tshogs na gnas pa'i dge slong ngag 'ongs pa dang / 'gro ba dang gnas par sems so// gtsug lag khang de na so so'i skye bo'i dge slong zhig gnas te/ de'ang gnas la shin tu ser sna che ba zhig ste/ dge slong gsar du 'ong ba rnams mthong na/ tshig pa za zhing 'khrug la gnod sems byed de/ zhul zhul por 'dug cing 'khrug pa skyed par byed do// dge slong gang dag gtsug lag khang de nas gud du 'gro ba de dag mthong na ni/
- 203b
shas cher dga' zhing mchog tu dga' la skyel zhing smra bar byed do// phyis re zhig na ga zhig gi yul nas dge slong dgra bcom pa zhig 'ongs so// gtsug lag khang gi bdag po de'ang phyir mi 'ong ba yin te/ des spyod lam gyi sgo nas dgra bcom pa yin par shes so// de nas dga' ba skyes te/ phyid nyin dge slong gi dge 'dun dang bcas par cho ga dang ldan pa'i khrus dang bshos la sman drangs so// dge slong gzhi pa de ni de na med pa las re zhig na phyid nyin cho ga dang ldan pa'i khrus kyang phul/ bshos kyang bshams pa dang / dge slong gzhi pa de'ang 'ongs te/ de'ang cho ga dang ldan pa'i khrus sar song nas/ gtsug lag khang gi bdag po khyed rengs su byung ste/ dge slong gsar du 'ongs pa'i byi dor byed cing 'dug pa mthong ngo // de nas de phrag dog skyes nas des sdang ba'i sems kyis ngag gi las rtsub po smras te/ dge slong khyod ni lus mi gtsang bas byugs kyang bla'i/ sbyin bdag 'di lta bu'i bsnyen bkur len pa ni de lta ma yin no zhes byas so// de nas dgra bcom pa des nyon mongs 'di las chos mi bzang ba'i skal ba can du 'gyur na mi rung ngo snyam nas/ cang mi der bar ngang du blangs so// re zhig na tshogs par gyur te dro la bab pa dge slong gzhi pa des dgra bcom pa la khyod kyis sdang ba'i sems bskyed do zhes zer ba thos so/ / thos nas kyang de 'gyod pa skyes so// de nas dge slong dgra bcom pa de'i rkang pa la phyag 'tshal te/ 'phags pa bdag gis khyod la tshig rtsub po smras pa de
- 204a
bzod pa gsol lo zhes byas so/ / de nas dgra bcom pa des de dad pa bskyed pa'i phyir nam mkha' la 'phags nas cho 'phrul rnam pa sna tshogs bstan to// de nas lhag par yang 'gyod pa skyes te/ des de'i mdun du las kyi nyes pa de mthol zhing bshags te shad kyis sbyangs so// 'on kyang des mthar thug pa'i ye shes bskyed ni ma nus so// de nas re zhig na 'chi ba'i dus la bab pa dang / des smon lam btab pa/ bdag gis dgra bcom pa la sdang ba'i sems bskyed pa dang / ngag gi las rtsub po smras pa gang yin pa de'i las de'i rnam par smin pa ni bdag gis myong bar ma gyur cig/ bdag gis bklags pa dang / kha ton byas pa dang / sbyin pa dang / sbyin pa chen po dag byin pa dang / dge 'dun la bsnyen bkur byas pa'i las kyi rnam par smin pa gang yin pa des ni ma 'ongs pa'i dus na/ sangs rgyas bcom ldan 'das mnyes par byed par shog cig ces byas so// dge slong dag ji snyam du sems/ de'i tshe de'i dus na dge slong gzhi par gyur pa gang yin pa de ni phyi sa khung 'di nyid yin te/ des dgra bcom pa la ngag gi las rtsub po smras pa'i las kyi rnam par smin pa des na 'khor ba na sdug bsngal mtha' yas pa myong bar gyur te/ las de nyid kyi lhag ma lus pas/ de ltar srid pa tha ma la bab pa'i tshe rang 'di ltar dri nga zhing mchog tu dri nga bar gyur la/ mi gtsang ba dang snyag snyig la dga' bar gyur to// de nas kha ton byas pa dang / phung po la mkhas pa dang / khams
- 204b
la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas pa la mkhas par byas pa des ni nga'i bstan pa la rab tu byung nas/ nyon mongs pa thabs cad spangs te/ dgra bcom pa nyid mngon sum du byas so// dge slong dag de lta bas na 'di ltar bslab par bya ste/ ser sna spang ba la brtson par bya'o// de ci'i phyir zhe na/ phyi sa khung so so'i skye bor gyur pa'i nyes pa gang yin pa de dag 'byung bar mi 'gyur ba dang / des dgra bcom pa nyid thob pa'i yon tan gyi tshogs 'di lta bur 'gyur ba'i phyir te/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag dang / lnga dang / lha ma yin dang / nam mkha' lding dang / mi 'am ci dang / lho 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// rdzogs pa brjod pa brgya pa las sdom gyi tshigs su bcang ba lnga rdzogs so/ / sdom ni/ sbrul nag dang ni sra ba dang // sbrul dang ni dpal ldan pa// gos dang no pa yang // ma he dang ni gas sbyong dang // dngang thamar brjod pa yin/ / sbrul nag po zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyag po rnams dang / pho brang 'khor gyi mi rnams dang / tshong dpon rnams
- 205a
dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so// de'i tshe rgyal po'i khab kyi grong khyer na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/ de'ang ser sna can 'dungs pa yo byad rnams kun tu 'dzin pa/ khwa la'ang gtor ma mi ster ba zhig ste/ des dge sbyong dang / bram ze dang / sdug cing 'phongs pa dang / bkren pa dag mthong na sems sdang bar byed do// de nas des rang gi skyed mos tshal du gser dngul gyi phung po chen po sbas te bzhag nas/ de de la chags te lhag par zhen bzhin du shi'o// de shi nas de nyid kyi steng du sbrul gdug pa sbrul nag po chen po mig
- 205b
/ gdug pa zhig tu skyes so// de nas skyed mos tshal der skye bo'i tshogs gang song ba de dag bltas pa tsam gyis gsod par byed do// rgyal po'i khab kyi grong khyer thog thag tu'ang che ge mo'i skyed mos tshal du song ba de dag thams cad rlag par 'gyur ro zhes sgra grag par gyur to/ / skye bo'i tshogs kyis kyang rgyal po gzugs can snying po la gsol to// de nas rgyal po gzugs can snying po 'di snyam du sems te/ sangs rgyas bcom ldan 'das ma gtogs par de 'dul nus pa gzhan su zhig yod snyam mo/ / de nas rgyal po gzugs can snying po skye bo mang po'i 'khor dang bcas pa bcom ldan 'das ga la ba der song ste/ phyin nas/ bcom ldan 'das kyi zhab sa la mgo bos phyag 'tshal te/ phyogs gcig tu 'dug go// phyogs gcig tu 'dug nas/ bcom ldan 'das kyis rgyal po gzugs can snying po la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad do// chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas cang mi gsung bar bzhugs so// de nas rgyal po gzugs cas snying po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to// bcom
- 206a
ldan 'das rgyal po'i khab 'di na skyed mos tshal ga ge mo zhig na sbrul gdug pa sbrul nag po chen po mig gdug pa zhig mchis te/ skye bo mang po rlag par bgyid lags na/ bcom ldan 'das kyis thugs brtse ba'i slad du de gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo // de nas rgyal po gzugs can snying po bcom ldan 'das kyis cang mi gsung bar gnang bar rig nas/ bcom ldan 'das kyi zhabs la mgo bos phyag 'tshal te/ stan las langs nas song ngo // de nas bcom ldan 'das de nyid kyi mtshan mo 'das nas snga dro sham thabs dang chos gos gsol te/ lhung bzed bsnams nas skyed mos tshal ga la ba der gshegs te byon nas/ bcom ldan 'das kyis 'od zer gyi kha dog can nyi ma stong gi 'od pas lhag pa dag bkye ste/ de dag gis skyed mos tshal de dag thams cad snang bar byas so// bskal pa stong gi bar du yongs su bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur to/ / de nas sbrul gdug pa des phan tshun du bltas te/ su'i mthus bdag gi lus sim par gyur cig gu snyam pa dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba rin po
- 206b
cha'i ri bo 'gro ba lta bu kun nas bzang ba mthong ngo / / mthong ma thag tu des bcom ldan 'das la dad pa'i sems bskyed de/ dad pa'i sems dang ldan par gyur nas/ bcom ldan 'das kyis de dang 'thun pa'i chos bstan te/ bzhin bzangs khyod nyid kyis rdzas 'di bsgrubs pa des na khyod sbrul gdug par ltung bar byas so// da'ang nga la dad pa'i sems bskyed la gter 'di la'ang sems ma chags par byas dang legs so/ / 'di nas shi 'phos nas kyang sems can dmyal bar skye'o re/ de nas gang gi tshe bcom ldan 'das kyis de tshe rabs dran par mdzad pa de'i tshe de dus so// de nas bcom ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la// da ni nga yis ci byar med// mi lom par ni skyes zin gyis// don med ngus pas ci la phan// 'di ni rgyal ba snying rje can/ / nga la dad pa'i sems bskyed la// dud 'gro'i skye gnas spangs na legs// 'on tang mtho ris 'gro bar 'gyur// de nas re zhig na bcom ldan 'das kyis sbrul de lhung bzed kyi nang du bcug ste/ 'od ma'i tshal du bsnams so// 'di'i skabs su rgyal po dang / yul ma ga d+ha'i skye bo'i tshogs kyis sbrul gdug pa de bcom ldan 'das kyis ji ltar btul ba thos so// de nas sbrul gdug pa de rang gi lus la smad de kha 'chos nas/ bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes so// lha'i bu 'am/ lha'i bu mo skyes nas
- 207a
ring po malon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes// las gang gis skyes snyam mo// de nas sbrul gdug pa las shi 'phos pa dang sum cu rtsa gsum pa'i lha yul ba zang por skyes pa dang / bcom ldan 'das la sems dga' bar gyur pa des mthong ngo // de nas sngon sbrul gdug par gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo// de nas sngon sprul gdug par gyur pa'i lha'i bu rna cha gdub kor dag cing mgul ba thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pal dang / pad+ma dang / ku mud dang / pad+ma dkar po dang / man+dA ra ba rnams kyis thub bkang ste/ 'od ma'i tshal bya ka lan ta ka gnas pa thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis sngon sbrul gdug par gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par
- 207b
'gyur ba de lta bu'i chos bstan te/ de thos nas sngon sbrul gdug par gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig tu brjod pa/ btsun pa bcom ldan 'das kyis bdag gi khrag dang // mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la pas kyang ma bgyis/ mas kyang ma bgyis rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge slong dang bram ze rnams kyis kyang ma bgyi sa lags so/ / yang smras pa// nyes pa mang por ldan pa'i ngan song lam// shin tu mi bzad khyod kyi mthu yis bcad// bsod nams rab ldan mtho ris 'gro ba phye// mya ngan 'das pa'i lam yang bdag gis thob/ / bdag gis de ring nyes pa spangs pa'i mig/ shin tu rnam dag khyod las brten nas thob// bdag ni sdug bsngal rgya mtsho pha rol rgal// 'phags pa dgyes pa'i zhi ba'i go 'phang thob/ / mi mchog dbang po mi dang lhas mchod pa// skye dang rga dang 'chi ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal
- 208a
'phyang ba dgar gyur te/ / btud cing zhabs gnyis la ni phyag 'tshal nas// dgra thub la ni bskor ba byas nas kyang // lha yi 'jig rten kha ltas lha yul song // de nas sngon sbrul gdug par gyur pa'i lha'i bu de tshong pa le spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis/ de nyid kyi mtshan mo rgyal po gzugs can snying po'i thad du song nas/ rgyal po'i pho brang thams cad 'od chen pos snang bar byas te/ rgyal po bslang nas 'di skad ces smras so// rgyal po chen po longs/ nyal te ci bya/ de nas rgyal po gnyid sad de 'od chen po de dang lha'i bu de mthong ngo // mthong nas kyang dga' zhing mgu ste khyod su zhig ces dris so/ / de ni re bdag ni skyed mos tshal der bcom ldan 'das kyis sbrul gdug pa btul te/ shi nas sum cu rtsa gsum pa'i lha yul bzang por skyes pa yin te/ bcom ldan 'das la'ang bdag gis bsnyen bkur byas nas bden pa mthong bar gyur to// da bdag gi khyod la bstan gyis/ khyod song la/ skyed mos tshal de'i phyogs ga ge mo zhig nas gter chen po phyung la bdag gi phyir bcom ldan 'das nyan thos kyi dge 'dun dang bcas pa bshos gsol te/ yon gyi rabs kyang gdon par gsol cig/ de nas rgyal po gzugs can snying
- 208b
pos lha'i bu la cang mi zer bar khas blangs so/ / de nas sngon sbrul gdug par gyur pa'i lha'i bus rgyal pos cang mi zer bas khas blangs par rig nas de nyid du mi snang bar gyur to// de nas rgyal po gzugs can snying pos de nyid kyi mtshan mo yul ma ga d+ha'i pho brang 'khor gyi mi dang / yul mi rnams la bsgo nas skyed mos tshal der song ste gter phyung nas bcom ldan 'das nyan thos kyi dge 'dun dang bcas pa zla ba gsum gyi bar du bshos gsol te/ bcom ldan 'das la zhus pa/ bcom ldan 'das sngon sbrul gdug par gyur pa'i lha'i bus las gang dag bgyis na des sbrul gdug par skyes lags/ las gang dag bgyis na des lha'i nang du skyes nas bden pa mthong bar gyur lags/ bcom ldan 'das kyis bka' stsal pa/ des shas cher chags pa bskyed de/ dge sbyong dang / bram ze dang / sdug cing 'phongs pa dang / bkren pa rnams la sdang ba'i sems bskyed pa des ni sbrul gdug par skyes so// nga la sems dga' bar byas pa des ni lha'i nang du skyes so/ / yang dag par rdzogs pa'i sangs rgyas 'od srungs kyi ring la dge bsnyen du gyur te/ skyabs su song ba dang / bslab pa'i gzhi blangs pa des ni bden pa mthong bar gyur to/ / rgyal po chen po de bas na ser sna spang ba'i phyir brtson par bya ste/ ci nas sbrul gdug par gyur pa'i nyes pa de lta bu dag 'byung bar mi 'gyur ba dang / de nyid lha'i bur
- 209a
gyur pa'i yon tan gyi tshogs de dag lta bur 'gyur bar rgyal po chen po khyod kyis bslab par bya'o/ / de nas rgyal po gzugs can snying po bcom ldan 'das kyis gsungs pa la mngon par bstod de rjes su yi rang nas/ bcom ldan 'das kyi zhabs la mgo bos phyag 'tshal te stan las langs nas song ngo // bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // zla ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal
- 209b
bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na bram ze zhing pa zhig 'dug pa des rigs mnyam pa las chung ma blangs te/ de de dang lhan cig tu rtse zhing dga' la dga' dgur spod do// de rtse zhing dga' la dga' dgur spyod pa las chung ma la bu chags nas/ de zla ba brgyad dam dgu lon pa dang bu// byung ste/ khye'u gzugs bzang zhing blta na sdug la mdzes pa skye bo thams cad kyi mig sim par byed pa zhig btsas so// de'ang bram ze des dka' bas rnyed pa yin te/ de la bu dang bu mo gzhan yang med nas/ de bskyed bsrings te cher skyes nas/ de 'jig rten thams cad sim par byed pa'i phyir bram ze dang khyim bdag rnams kyis khye'u de'i ming zla ba zhes btags so// de nas bram ze'i khye'u zla ba grong khyer thams cad du brgyud de/ bskor bas bram ze de'ang khye'u de la lhag par byams par gyur te/ 'chag pa dang / 'dug pa dang / nyal ba dag gi tshe'ang rtag tu leg par bsrung ba lhur byed cing 'dug go/ / bram ze de'i khyim yang khyim bdag mgon med zas sbyin dang le ba zhig na 'dug go// de nas bram ze'i khye'u de khyim bdag mgon med zas sbyin dang bsten nas rgyal bu rgyal byed kyi tshal du song ste/ sangs rgyas kyi gsung thos nas/ des bcom ldan 'das kyi bstan pa la dad pa rnyed de/ de'ang tshe thung ste shi nas sum cu rtsa gsum pa'i lha
- 210a
yul bzang por skyes so/ / lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / / de nas sngon bram zor gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon/ bar bcom ldan 'das la blta ba'i phyir 'gro'o snyam mo// de nas sngon bram zer gyur pa'i spu'i bu rna cha gdub kor dag cing mgul ba thogs pa/ lus do shal dang se mo dos brgyan pa/ nor bu tshogs kyis brgyan pa'i cod pan can lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis sngon bram zer gyur pa'i lha'i bu'i bsam pa dang / bag la nyal dang / khams dang / rang bzhin thugs su chud
- 210b
/ nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon bram zer gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i cho ga lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzang khyod kyi mthu yis bcad// bsod nams rab ldan mtho ris 'gro ba phye/ / mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod las brten nas thob// bdag ni sdug bsngal rgya mtsho'i pha rol rgal/ / 'phags pa dgyes pa'i zhi ba'i go 'phang thob// mi mchog dbang po lha dang mis mchod pa// skye dang rga dang 'chi ba'i nad spangs pa// srid pa stong du mthong bar
- 211a
@#dka' ba yi/ / thub pa khyod ni deng mthong 'bras bu yod// de nas do shal 'byung ba dga' gyur te// btud cing zhabs gnyis la ni phyag 'tshal nas// dgra thub la ni bskor ba byas nas kyang / / lha yi 'jig rten la ltas lha yul song // de nas sngon bram zer gyur pa'i lha'i bu de tshong pa le spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo // dge slong dag ni srong dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo // mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi pa la blta ba'i phyir 'ongs pa ma yin gyi/ bram ze'i bu gcig pa de tshe thung ste shi nas/ de nga la sems dga' bar gyur te/ sum cu rtsa gsum pa'i lha yul bzang por skyes nas/ de mdang sum nga'i
- 211b
/ thad du 'ongs te/ ngas de la chos bstan nas/ bden pa mthong bar gyur te/ rang gi gnas su song ngo // de'i skabs su bram ze des bu gcig pa sdug cing 'phangs la snying du sdug cing yid du/ 'ong ba dang / bzod pa dang ldan pa dang / mi mthun pa med pa de dur khrod du khyer nas pang bar bzhag ste/ kyi hud bu/ kyi hud bu thu bo/ kyi hud bu gcig pa zhes zer zhing 'bod de/ de'i nye du rnams kyis de ltar gtsug kyang bslang ma nus nas/ de khwa dang / chun lag dang / bya rgod dang / wa rnams kyis ni bskor/ bud med skra bshig pa dag dang ni 'grogs/ skye bo mang pos ni blta zhing 'dug go/ / de nas de'i bu lhar skyes pas/ pa smre sngags 'don pa mthong nas/ snying rjes snying bskyed de/ pha'i mya ngan bsal ba'i phyir bdag nyid drang srong gi cha lugs su sprul nas/ dur khrod kyi 'dab tu dka' thub lnga byed cing 'dug go// de nas bram ze des/ drang srong de la dris pa/ kye drang srong chen po khyod dka' thub 'dis ci zhig sgrub/ drang srong gis smras pa/ nga ni rgyal srid sgrub ste/ nga'i gsar gyi shing rta rin po che sna tshogs kyis spras pa/ nyi ma dang zla ba gnyis kyis shing rta'i 'khor lo byas la/ 'jig rten skyong ba bzhis ni mdun nas 'dren te/ shing rta de la nga zhon zhing sa chen po 'di bskor bar 'dod do/ / bram zes spras pa/ gal te lo brgya tham pa'i bar// rgyun du dka' thub spyad byas te// dka' thub mchog gis spyad byas kyang // gnas de khyod kyis re
- 212a
mi 'thob/ / drang srong gis smras pa/ khyod kyang shi ba'i khog pa mchog tu mnam zhing mi gtsang ba'i ro shing 'dra bar gyur pa 'dis ci zhig sgrub/ bram zes smras pa/ sdug pa'i bu gcig pa shi ste de sgrub bo/ / drang srong gis smras pa/ gal te lo brgya tham pa'i bar// rgyun du ngu ba'i las byas kyang // bu de khyod kyis re mi thob// khyod ni dus kyang ci la phan// de nas bram ze de drang srong gi tshig bden no snyam nas dad pa skyes so/ / dad pa skyes nas khyod su zhig ces byas so// de nas drang srong gi cha lugs de mi snang bar byas nas/ rang gi cha lugs su 'dug ste pa la smras pa/ bdag ni khyod kyi bu gcig pa de yin te/ bcom ldan 'das la sems dga' bar gyur nas shi ste/ sum cu rtsa gsum pa'i lha yul bzang por skyes nas/ khyod kyi mya ngan bsal ba'i phyir 'dir 'ongs so/ / yab khyod tshur spyon/ bcom ldan 'das la skyabs su bzhud cig dang / khyod kyang 'khor ba las 'da' bar 'gyur yang srid do// de nas bram ze des shi ba'i rus bu bor nas bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de la 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas bram ze des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun
- 212b
du zhugs pa'i 'bras bu thob bo/ / des mtho bar gyur pa thob cing rnyed pa thob nas/ bcom ldan 'das kyi zhabs la mgo bos phyag 'tshal te/ lan gsum bskor ba byas te song ngo // de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 'das lha'i bu 'dis 'di ltar pha'i mya ngan bsal nas bden pa mthong ba la yang bzhag pa la gzigs/ bcom ldan 'das kyis bka' stsal pa/ dge slong dag da ltar 'dis bden pa mthong nas/ pha yongs su bskyabs pa 'di lta la ngo mtshar che ba ci yod/ 'dis ni 'das pa'i dus na so so'i skye bor 'dug pa'i tshe'ang pha gsad pa las thug pa las lan gsum ba skyabs byas te/ de legs par rab tu nyon la yid la zung zhig dang ngas bshad do// dge slong dag sngon byung ba 'das pa'i dus na/ grong khyer wA rA NA si na gzhan gyi chung ma la byi ba byed pa zhig yod de/ de'i bu ni dad pa dang ldan la/ dge zhing bsam pa bzang ba mi rnams shin tu 'drang ba zhig go// de nas re zhig na de'i phas rkun po byas nas rgyal pos gshed ma rnams la gsod cig ces bsgo'o/ / de nas dus lan gsum gyi bar du rgyal po la gsol nas/ srog 'phangs pa byin no// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na gzhan gyi chung ma la byi ba byed pa gang yin pa de ni bram ze 'di yin no// byi ba byed pa'i bu de ni bram ze'i khye'u 'di yin no// dge slong rnams
- 213a
kyis gsol ba/ bcom ldan 'das las ci zhig bgyis na nges pa dang bu gnyis ka bden pa mthong bar gyur lags/ bcom ldan 'das kyis bka' stsal pa/ yang dag par rdzos pa'i sangs rgyas 'od srungs kyi ring la gnyis ka dge bsnyen du gyur te/ skyabs su song ba dang / bslab pa'i gzhi blangs pas ni phyir da ltar bden pa mthong bar gyur to// dge slong dag de bas na 'du byed thams cad mi rtag pa dang / chos thams cad bdag med pa dang / mya ngan las 'das pa ni zhi ba'o snyam du mya ngan las 'das pa la 'bad par ba ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag dang / lha dang / lha ma yin dang / nam mkha' lding dang / mi 'am ci dang / lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// // sA la zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas// ri mor byas/ mchod pa byas te/ lha dang / klu dang / gnod sbyin dang /
- 213b
lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nam sa chen po dang ldan pa/ na bza' dang // zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod par sA la gcog pa zhes bya ba'i dus ston byung ste/ der srog chags 'bum phrag du ma 'dus nas// shing sA la'i me tog blangs te/ rtse zhing dga' la dga' dgur spyod do// de nas re zhig na tshong dpon gyi bu mo zhig gis sA la'i me tog blangs te mnyan du yod pa'i nang du song ba dang / bcom ldan 'das kyang dge slong gi tshogs kyis zham ring byas te/ dge slong gi dge 'dun gyis mdun gyi mdun du bdar nas/ mnyan du yod par bsod snyoms mdzad de slar gshegs nas/ bu mo des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lnga bu kun nas bzang ba mthong ngo // mthong nas kyang dka' ba skyed de/ bcom ldan 'das la sA la'i me tog gis gtor to// de
- 214a
nas bcom ldan 'das la bskor bar byas te/ phyir log nas khyim du dgos pa'i phyir yang gzhan dag blang ngo snyam pa dang / re zhig na de sA la'i shing la 'dzegs pa las sbyang ste shi nas/ bcom ldan 'das la bsnyen bkur byas pas/ sum cu rtsa gsum pa'i lha yul bzang por skyes so// de nas re zhig na lus dang gzhal med khang sA la'i me tog gis bdun te/ lha'i 'dun sa'i nang du song ngo // de'i tshe lha'i dbang po brgya byin yang lha'i 'dun sa chos bzang na lha'i tshogs kyi nang na sangs rgyas dang / chos dang / dge 'dun gyi bsngags pa brjod cing 'dug pa las lha'i dbang po brgya byin gyis lha'i bu mo lus dang gzhal med khang sA la'i me tog gis brgyan pa/ dge ba'i rtsa ba 'bar ba de mthong ngo // mthong nas kyang de la tshigs su bcad de/ smras pa/ ci'i phyir khyod kyis lus mdog dag pa'i gser 'dra pad+ma ut+pal lta bur gyur// 'di na lus dpal mtshungs med khyod kyi lus las 'od byung 'di dag ci las gyur// ci yi phyir khyod kyi bzhin mdog pad+ma rgyas 'dra ga ser mdog lta bur gyur/ / las rnams gang gi 'bras bu myong gyur 'di ni lha mo khyod kyis bdag la spros// lha mos smras pa/ mtshan mchog dag gis rgyas pa yi// mi yi nyi ma nyan thos bcas// sA la'i me tog rdul med pa// bzang po dag gis legs par gtor// las dag de 'dra byas pa'i phyir// bdag ni lhag par mngon du mdzes// bzhin mdog
- 214b
pad+ma zla ba ltar/ / rnam dag 'od ldan blta na sdug/ brgya byin gyis smras pa/ kye ma yon tan nyid kyi zhing // nyes pa thams cad rnam spangs pa// mtho ris sdug par skye ba'i phyir// de la khyod kyis sa bon btab/ / bzhin mdzes pad+ma'i 'dab ma yangs pa 'dra ba'i mig ldan ma// bud med mchog rnams kyis ni gang la bkur sti byas pa yi// sangs rgyas pad+ma rgyas pa'i 'dab yangs 'dra ba'i spyan mnga' ba/ / gser mchog phung po lta bur mdangs dkar de la su mi mchod// lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / / de nas lha'i bu mo de 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro ba snyam mo// de nas lha'i bu mo rna cha gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa de lha'i bu mo 'bum phrag du mas g.yog byas nas de nyid/
- 215a
kyi mtshan mo sA la'i me tog gi gzhal med khang de nyid dang bcas pas bcom ldan 'das kyi thad du song ngo // de nas bcom ldan 'das la me tog gis gtor te// chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis lha'i bu mo de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas/ dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ / yang smras pa/ nyes pa mang por ldan pa'i ngan song lam// shin tu mi bzad khyod kyi mthu yis bcad// bsod nams rab ldan
- 215b
mtho ris 'gro ba phye/ / mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob// bdag ni sdug bsngal rgya mchos rol rgal/ / 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang rga dang 'chi ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod/ / de nas do shal 'phyang ba dga' gyur te// btud cing zhabs gnyis la ni phyag 'tshal nas// dgra thub la ni bskor ba byas nas kyang // lha yi 'jig rten la ltas lha yul song / / de nas lha'i bu mo de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa nyid kyis rang gi gnas su song ngo / / dge slong dag ni srod dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / / mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ mi mjed kyi bdag
- 216a
po tshangs pa 'am/ lha'i dbang po brgya byin nas/ 'jig rten skyong ba bzhi nga la blta ba'i phyir 'ongs pa ma yin no// bu mo gang gis la mkhar me tog gis gtor ba de khyod tu mthong ngam/ btsun pa mthong lags so// de ni nga la sems dga' ba bskyed nas shi ste/ sum cu rtsa gsum pa'i lha yul bzang por skyes nas/ de nga'i thad du 'ongs te/ ngas de la chos bstan nas bden pa mthong bar gyur te/ rang gi gnas su song ngo // dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod par bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // bam po bcu gsum pa/ dpal ldan ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams
- 216b
kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / na mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas pa na rten cing bzhugs so// de'i tshe rgyal po'i khab kyi grong khyer na rgyal po gzugs can snying po rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ ru gcig pa la bya ba bzhin du rgyal srid bskyangs so// de nas gang gi tshe rgyal po gzugs can snying pos bcom ldan 'das las bden pa mthong ba de'i tshe/ btsun mo'i 'khor dang bcas te dus gsum du bcom ldan 'das kyi thad du 'gro'o/ / de nas rgyal po gzugs can snying po phyi zhig na dpyid kyi dus la bab pa'i tshe/ shing ljon pa rnams me tog rgyas la/ ngang pa dang /
- 217a
khrung khrung dang / rma bya dang / ne tso dang / ri skegs dang / khu byug dang / shang shang te'u rnams skad 'byin pa'i nags khrod na skyed mos tshal gyi sar btsun mo dam pa dang / btsun mo'i 'khor dang bcas te dong nas/ der btsun mo'i 'khor gyis/ rgyal po la gsol pa/ lha bdag cag ni gdugs gcig bzhin du bcom ldan 'das kyi thad du mchi ba'i rngo mi thogs na/ lha btsun mo'i 'khor gyi nang 'dir de bzhin gshegs pa'i dbu skra dang sen mo'i mchod rten brtsigs te zhal bsro bar ci gnang / 'on tang bdag cag gis de la rgyun du mar me dang / bdug pa dang / me tog dang / spos dang / me tog 'phreng dang / byug pa dang / gdugs dang / rgyal mtshan dang / ba dan dag gis ba kur sti bgyi'o zhes gsol to// de nas re zhig na rgyal po gzugs can snying pos/ bcom ldan 'das la gsol pa/ bcom ldan 'das bdag la dbu skra dang sen mo stsal du gsol/ 'on tang bdag gis mchis brang 'khor du de bzhin gshegs pa'i mchod rten brtsigs te zhal bsro bar bgyi'o zhes gsol to/ / de nas re zhig na bcom ldan 'das kyis dbu skra dang sen mo byin nas rgyal po gzugs can snying po btsun mo 'khor dang bcas pas btsun mo'i 'khor gyi nang du bkur sti chen po dang ldan pas/ / de bzhin gshegs pa'i dbu skra dang sen mo'i mchod rten brtsigs te zhal bsros nas de la btsun mo'i 'khor gyis mar me dang / bdug pa
- 217b
dang / me tog dang / spos dang / me tog 'phreng dang / byug pa dang / gdugs dang / rgyal mtshan dang / ba dan dag gis kyang mchod pa byed do// de nas gang gi tshe rgyal po ma skyes dgra lha sbyin gyis rbad de/ yab chos dang ldan pa chos bzhin du rgyal po byed pa bsad nas rang rgyal por zhugs pa de'i tshe/ bcom ldan 'das kyi bstan pa la sbyin par bya ba'i chos thams cad bcad de/ su'ang/ de bzhin gshegs pa'i mchod rten la bkur sti ma byed cig ces khrims kyang bcas so// de nas gang gi tshe tshes bco lnga la skabs 'byed pa'i dus la bab po de'i tshe/ dbu skra dang sen mo'i mchod rten de la su phyag bdar byed pa 'am/ mar me dang / bdug pa dang / me tog 'bul ba med do// de nas btsun mo'i 'khor gyis dbu skra dang sen mo'i mchod rten de de lta bur gyur pa'ang mthong / rgyal po gzugs can snying po yang dran nas snying rje rje skad du ngu zhing kyi hud chos dang ldan pa'i rgyal po dang bral bas bdag cag bsod nams las 'gribs so zhes 'dzer to// de'i nang nas btsun mo dpal ldan ma zhes bya ba des rang gi srog dang bsngos te sangs rgyas kyi yon tan rjes su dran nas/ dbu skra dang sen mo'i mchod rten la phyag bdar byas te mar me'i 'phreng ba dngar to/ / de nas re zhig na rgyal po ma skyes dgra khang pa brtsegs pa'i steng du byung ste/ snang ba chen po de mthong nas 'di ci zhig ces dris pa dang / re zhig na gzhan zhig gis dpal ldan mas dbu skra
- 218a
dang sen mo'i mchod rten la mar me'i 'phreng ba dang ra ba lags so zhes byas so/ / de nas dpal ldan ma bkug ste ci'i phyir khyod kyis rgyal po'i bka' bcag ces rmas na// de na re bdag gis khyod kyi bka' bcag tu lags kyang / bdag gis chos dang ldan pa'i rgyal po gzugs can snying po'i bka' ma bcag go zhes zer ro// de nas de khros nas 'khor lo 'phang te bsad do/ / de bcom ldan 'das la sems dga' bar gyur te/ shi nas sum cu rtsa gsum pa'i lha yul bzang por skyes so// de'i tshe lha'i mdun ma zhig kyang 'dus nas/ lha'i bu mo dpal ldan ma lha'i 'od kyi dkyil 'khor snang ba kho ra khor yug tu dpag tshad gcig pa dang ldan pa de lha'i mdun ma'i nang du song ngo / / de nas lha'i dbang po brgya byin gyis snang ba chen po de dang lha'i 'od dpag tshad gcig pa mthong nas dris pa/ ci'i phyir khyod kyi lus mdog dag pa'i gser 'dra pad+ma ut+pal lta bur gyur// 'di na lus dpal mtshungs med khyod kyi lus las 'od 'byung 'di dag ci las gyur// ci yi phyir na khyod kyi bzhin mdog pad+ma rgyas 'dra gser mdog lta bur gyur// las rnams gang gi 'bras bu myong gyur 'di ni lha mo khyod kyis bdag la smos// lha mos smras pa/ 'jig rten gsum mgon 'gro ba'i sgron gcig pu/ / mtshan mchog rnams kyis phyug pa'i sangs rgyas mthong // sgra mchog nyon mongs mun pa sel ba la// mun pa sel ba'i mar me yon du phul// zla ba'i 'od zer
- 218b
mchog dang 'dra ba'i 'od/ / mthong nas thub la snying nas dad pa bskyed// 'od zer mthong nas dga' bar gyur pa yis// ston pa smra ba'i mchog la phyag kyang bgyis// las dge de 'dra byas pa'i phyir/ / bdag ni lhag par mngon du mdzes// bzhin mdog pad+ma zla ba ltar// rnam dag 'od ldan blta na sdug/ brgya byin gyis smras pa/ kye ma yon tan nyid kyi zhing // nyes pa thams cad rnam spangs pa/ / mtho ris sdug par skye ba'i phyir// de la khyod kyis sa bon btab// bzhin mdzes pad+ma'i 'dab ma yangs pa 'dra ba'i mig ldan ma// bud med mchog rnams kyis ni gang la bkur sti byas pa ni/ / sangs rgyas pad+ma rgyas pa'i 'dab yangs 'dra ba'i spyan mnga' ba// gser mchog phung po lta bur mdang sa da kar de la su mi mchod// lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo // de nas lha'i bu mo dpal ldan ma 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das blta ba'i phyir 'gro'o snyam mo// de nas lha'i bu mo dpal
- 219a
ldan ma lha'i 'od kyi snang bas gang ba des de nyid kyi mtshan mo me tog ut+pal dang / pad+ma dang / ku mud dang / pad+ma dkar po dang / man+da ra ba rnams kyis thu ba bkang ste/ rgyal po'i kha ba bya ka lan ta ka gnas pa thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi sman sngar 'dug go// de nas bcom ldan 'das kyis lha'i bu mo dpal ldan ma'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu mo dpal ldan mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas/ dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho ba skams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis// lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so//
- 219b
yang smras pa/ nyes pa mang por ldan pa'i ngan song lam/ shin tu mi bzad khyod kyi mthu yis bcad/ bsod nams rab ldan mtho ris 'gro ba phye// mya ngan 'das pa'i lam yang bdag gi thob// bdag gis de ring nyes pa spangs pa'i mig/ shin tu rnam dag khyod las brten nas thob/ bdag ni sdug bsngal rgya mtsho pha rol rgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa/ / skye dang rga dang 'chi ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal 'phyang ba dga' gyur te/ / btud cing zhabs gnyis la ni phyag 'tshal nas// dgra thub la ni bskor ba byas nas kyang // lha yi 'jig rten kha ltas lha yul song // de nas lha'i bu mo dpal ldan mtsho pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa nyid kyis rang gi gnas su song ngo / / dge slong dag ni srod dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / / mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang
- 220a
brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi/ bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ rgyal po gzugs can snying po'i btsun mo dpal ldan ma zhes bya bas rang gi srog dang bsngos te/ sangs rgyas kyi yon tan rjes su dran nas/ de bzhin gshegs pa'i dbu skra dang sen mo'i mchod rten la mar me'i 'phreng ba dang ra nas/ rgyal po ma skyes dgra khros pas bsad de/ de nga la dga' ba'i sems bskyed nas shi ste/ sus cu rtsa gsum pa'i lha yul bzang por skyes nas/ de mdang sum nga'i thad du 'ongs te ngas de la chos bstan nas bden pa mthong bar gyur te/ rang gi gnas su song ngo // dge slong dag de bas na 'di ltar bslab par bya ste/ ston pa la bkur sti bya'o// bla mar bya'o// ri mor bya'o// mchod pa bya'o// ston pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // go sa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang /
- 220b
phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / spun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas gang gi tshe khyim bdag mgon med zas sbyin gyis sangs rgyas la sogs pa dge slong gi dge 'dun la rgyal bu rgyal byed kyi tshal phul te/ mthar gyis gser bye ba phrag brgya bcom ldan 'das kyi bstan pa la phul ba de'i tshe/ de'i blo skyes po/ ma la bdag sbyin pa dag sbyin zhing / bsod nams dag byed pa 'di lta la ngo mtshar che ba ci yod kyis/ bdag gis skye bo dbul po rnams la phan gdags pa'i phyir mnyan du yod pa na gnas pa'i skye bo rnams dad pa sdud de/ bcom ldan 'das nyan thos kyi dge 'dun dang bcas pa la bsnyen
- 221a
bkur bya'o/ / de ltar byas pa dang bdag gis skye bo mang po la'ang phan btags par 'gyur la/ bsod nams mang po'ang skyed par 'gyur ro snyam mo// de nas khyim bdag mgon med zas sbyin gyis ji ltar bsams pa de rgyal po la gsol nas/ rgyal pos kyang mnyan du yod pa thams cad du dril bsgrags te/ mnyan du yod pa na gnas pa'i pho brang 'khor gyi mi khyed rnams nyon cig/ deng nas zhag bdun na khyim bdag mgon med zas sbyin gyis de bzhin gshegs pa'i nyan thos rnams kyi phyir glang po che la zhon te dad pa sdud par 'dod kyis/ khyed gang gis ji tsam yongs su gtang bar bya ba de yongs su gtang bar gyis shig ces bsgo'o/ / de nas re zhig na zhag bdun lon pa dang / khyim pa dag mgon med zas sprin glang po che la zhon te/ de bzhin gshegs pa'i nyan thos rnams kyi phyir dad pa sdud pa la zhugs te/ der gang dag la ji tsam bdog pa de dag de tsam sbyin par byed do// kha cig ni mgul gyi do shal sbyin par byed/ cig ni gdu bu sbyin par byed/ kha cig ni dpung rgyan sbyin par byed/ kha cig ni gser gyi 'phreng ba sbyin par byed/ kha cig ni sor gdub kyi rgyan sbyin par byed/ kha cig ni mu tig gi do shal sbyin par byed/ kha cig ni gser sbyin par byed/ kha cig ni dngul sbyin par byed/ kha cig ni tha na zho'i brgyad cha tsam yang sbyin par byed do// khyim bdag de'ang gzhan la phan gdags pa'i phyir len
- 221b
par byed do/ / de nas re zhig na bud med shin tu dbul mo zhig gis sha thang ste/ zla ba gsum gyis ras yug cig rnyed nas/ des ras de gyon te/ srang du zhugs pa dang / des khyim bdag mgon med zas sbyin dung 'bud cing rnga zlum rdung bzhin du rgyang nas 'ongs pa mthong nas/ des dge bsnyen zhig la dris pa/ ci ste khyim bdag 'di phyug cing nor mang la longs spyod che ste/ gter sa'i 'og tu sbas pa rnams kyang mthong na/ ci'i phyir 'di gzhan gyi khyim nas slong zhing skor bar byed ces byas pa dang / dge bsnyen de na re/ gzhan la phan gdags pa'i phyir te/ gang dag bcom ldan 'das nyan thos kyi dge 'dun dang bcas pa bshos gsol mi nus pa de dag gi don du phan 'dogs par byed de/ ci nas mang por bsdongs te bcom ldan 'das la dbul du gzhug go zhes zer ro/ / de nas bu mo de'i blo skyes pa/ 'o na bdag ni bsod nams ma byas pa yin/ bdag gcig pus bcom ldan 'das nyan thos kyi dge 'dun dang bcas pa bshos gsol ba'i mthu bdag la med kyis/ bdag gis 'di la cung zad dbul bar bya gor ma chag snyam mo// de nas bdag nyid la ci bdog ces bltas na ras yug gcig ma gtogs pa gzhan ci'ang ma mthong ste des bsams pa/ gal te bdag 'di na 'dug bzhin du ras 'di phul na ni bdag gcer bur 'byung gi/ bdag khang thog tu song la ras dor ro snyam mo// de nas de khang thog tu song nas rang
- 222a
gi lus las ras phud de/ khyim bdag mgon med zas sbyin gyi steng du bor ba dang / khyim bdag des kyang 'phrigs te/ 'dis khang thog nas bor ba las na 'di la nor las med gor ma chag snyam nas/ rang gi g.yog rnams la bsgo ba/ khyed ras 'di sus bor ltos shis ces byas nas/ de dag gis bltas pa dang / re zhig na bu mo de tsog tsog pur 'dug pa mthong / / de nas de dag gis dris pa/ de na re bcom ldan 'das kyi yon tan brjod pa bdag gis thos nas dbul ba'i 'jigs pas skrag ste/ bdag gis gos rnyed pa de de bzhin gshegs pa la sogs pa dge slong gi dge 'dun la phul lo zhes zer ro/ / de nas de dag gis khyim bdag mgon med zas sprin la byas so// de nas khyim bdag mgon med zas sbyin mchog tu ngo mtshar du gyur nas/ bu mo de la gos dang rgyan rnam pa sna tshogs bskon to/ / de nas de tshe thung ste shi nas sum cu rtsa gsum pa'i lha yul bzang por skyes te/ skyes ma thag tu lha'i bu dang lha'i bu mo gzhan su la'ang med pa de lta bu'i gos dag de la byung ngo / / lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo/ / de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la ras phul bar des mthong ngo // de nas sngon ras 'bul 'bul ba'i lha'i bu
- 222b
mo rnam gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / smrig ka la sogs pa sa byugs pa des de nyid kyi mtshan mo lha'i me tog ut+pa la dang / pad+ma dang / ku mu da dang / man+da ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis sngon ras 'bul 'bul ba'i lha'i bu mo'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtog smra bar 'gyur ba de lta bu'i chos bstan te/ de thos nas sngon ras 'bul 'bul ba'i lha'i bu mos 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba sbyang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen
- 223a
gyi tshogs kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song las/ / shin tu mi bzad khyod kyi mthu yis bcad// bsod nams rab ldan mtho ris 'gro ba phye// mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob// bdag ni sdug bsngal rgya mtsho pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye// dang rga dang 'chi ba'i nad spangs pa// srid pa stong du mthong bar dka' ba yi// thub khyod ni dang mthong 'bras bu yod// de nas do shal 'phyang ba dga' gyur te// btud cing zhabs gnyis la ni phyag 'tshal nas/ / dgra thub la ni bskor ba byas nas kyang // lha yi 'jig rten la ltas lha yul song // de nas sngon ras 'bul 'bul ba'i lha'i bu mo de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / / dge slong dag ni srod dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo // mthong nas kyang the tsom skyes te/
- 223b
sangs rgyas bcom ldan 'das la zhus pa/ bcom ldan 'das ci lags/ mdang gsum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin te/ ras 'bul 'bul ba'i bud med de/ khyim bdag mgon med zas sbyin dad pa sdud par byed pa la ras phul nas shi ste/ sum cu rtsa gsum pa'i lha yul bzang por skyes nas/ de mdang sum nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo // dge slong dag de bas na 'di ltar bslab par bya ste/ sangs rgyas dang / chos dang / dge 'dun rnams la bkur sti bya'o// bkur sti med par mi bya'o// dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // ne tso zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang //
- 224a
lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe rgyal po'i khab kyi grong khyer na rgyal po gzugs can snying po rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma krugs la/ bu gcig pa la bya ba bzhin du rgyal srid basbyangs so// rgyal po de'ang dad pa dang ldan la/ dge zhing bsam pa bzang ba dang / bdag la phan pa dang / gzhan la phan pa la zhugs te/
- 224b
rje che ba/ bdag nyid che ba/ chos 'dod pa che ba/ skye dgu la byams pa zhig go// de nas re zhig na bcom ldan 'das mthong bar smon te/ lag pa la oM tshugs bcas nas/ sems khongs su chud cing 'dug go/ / de nas blon po rnams kyis smras pa/ ci'i slad du thugs ngan mdzad/ rgyal pos smras pa/ ngas bcom ldan 'das ring zhig ma mthong ngo // ngas bde bar gshes pa ring zhig ma mthong ngo / / nga ni bcom ldan 'das mthong bar 'dod do// de nas bcom ldan 'das nyin par gnas pa la zhugs pas/ lha'i snyan rnam par dag pa mi las 'das pas rgyal po gzugs can snying po smon pa gsan to/ / de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ nu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa dang / mi 'jigs pa bzhis
- 225a
mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la gnas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum sangs rgyas kyi spyan gyis 'jig rten la gzigs te/ su ni rgud/ su ni/ dang / su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya// su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ sur+thi
- 225b
dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ 'dir smras pa/ rgya mtsho chu srin rnams kyi gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das rgyal po gzugs can snying po la phan gdags pa'i phyir dbyar zla ba gsum 'das nas/ chos gos mdzad de/ chos gos zin nas/ chos gos gsol te/ lhung bzed bsnams nas ljongs rgyu zhing mthar gyis gshegs pa las/ nags khrod cig tu byon pa dang / nags khrod de na ne tso mi skad shes pa zhig gnas te/ des bcom ldan 'das thag ring po zhig nas mthong ngo / / de nas shin tu rings par song ste/ bcom ldan 'das la gsol pa/ bcom ldan 'das tshur gshegs/ bcom ldan 'das gshegs pa legs so legs so// / bdag la phan gdags su gsol/ nags khrod 'di kho nar gshegs dgongs gdab par gsol zhes byas so// de nas bcom ldan 'das ne tso de la phan gdags pa'i phyir shing gang la ne tse gnas pa de'i drung du rtsa'i gdan bting nas skyil mo krung bcas te bzhugs so/ / nyan thos chen po rnams ni shing gzhan dag gi drung du 'khod do// de nas ne tsos bcom ldan
- 226a
'das dang nyan thos rnams la mi 'am/ mi ma yin pa 'am/ gnod sbyin nam/ srin po 'am/ yi dgas sam/ gcan gzan gnod pa byed du dogs te/ mtshan thog thag nags khrod de na phan tshun skor bar byed do/ / de nas nam nangs pa dang / bcom ldan 'das la lan gsum bskor ba byas nas bzod pa gsol te/ bcom ldan 'das bdag ni dung 'gro'i skye gnas su skyes pa lags pas/ bdag la bcom ldan 'das mchod pa'i rgyu ci'ang ma mchis na bzod pa mdzad du gsol/ de lta lags kyis kyang bdag sngon du mchis te/ rgyal po gzugs can snying po la bcom ldan 'das gshegs so zhes sbran par 'tshal lo/ / bcom ldan 'das kyis bka' stsal pa/ de ltar gyis shig/ de nas re zhig na de bcom ldan 'das kyi sngon du chas te/ mthar gyis rgyal po'i thad du phyin to// de'i tshe rgyal po gzugs can snying po ni khang bzangs kyi steng na bud med 'ba' zhig dang sil snyan gyis rtse zhing dga' la dga' dgur spyod do// de nas ne tso mi skad shes pa des/ rgyal po la smras pa/ kye rgyal po khyod mkhyen par mdzod cig/ bcom ldan 'das nyan thos kyi dge 'dun dang bcas pa khyod kyi yul du gshegs lags kyis/ lha khyod kyis bshos sta gon mdzad pa'i rigs so zhes byas so// de nas rgyal po shin tu rings par khang bzang gi steng nas babs nas blon po chen po'i tshogs kyis zham ring byas te/ bcom ldan
- 226b
'das kyi gdan rnams ba shams nas/ gdugs dang / rgyal mtshan dang / ba da na rnams dang / bdug pa dang / spos dang / me tog rnam pa sna tshogs kyis bsu'o// de nas bcom ldan 'das nyan thos kyi dge 'dun dang bcas pa bkur sti chen po dang ldan pas nang du spyan drangs nas zhal zas bzang pos tshim par byas so/ / de nas ne tso de 'di snyam du sems te/ bcom ldan 'das kyi nyan thos kyi dge 'dun gyi 'byor pa 'di dag thams cad ni bdag gi yon tan yin no snyam du rig nas dga' zhing mgu la yi rangs te/ rab tu dga' zhing dga' ba dang yid bde ba skyes nas/ rgyal po'i mdun logs su phan tshun du lding ba las khras khyer te bsad do// bcom ldan 'das la sems dga' ba bskyed de shi ba sa ni sum cu rtsa gsum pa'i lha yul bzang por skyes so// / lha'i bu 'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas dud 'gro las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo // de nas sngon ne tsor gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo//
- 227a
@#de nas sngon ne cor gyur pa'i lha'i bu rna cha gdub kor dag cing mgul pa thogs pa/ lus do shAl dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pa la dang / pad+ma dang / ku mu da dang / pad+ma dkar po dang / man+da/ rab rnams kyis thub bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das sngon ne tsor gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ne tsor gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas/ dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhug pa 'di lta bu ni bdag la phas kyang ma bgyis/ mas kyang
- 227b
ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzad khyod kyi mthu yis bcad// bsod nams rab ldan mtho ris 'gro ba phye// mya ngan 'das pa'i lam yang bdag gis thob/ / bdag gis de ring nyes pa spangs pa'i mig/ shin tu rnam dag khyod la brten nas thob// bdag ni sdug bsngal rgya mtsho pha rol ba rgal// 'phags pa dgyes pa'i zhi ba'i go 'phang thob/ mi mchog dbang po mi dang lhas mchod pa// skye dang rga dang 'chi ba'i nad spangs pa// srid pa stong du mthong bar dka' ba yis// thub pa khyod ni deng mthong 'bras bu yod// de nas do shal 'phyang ba dga' gyur te/ btud cing zhabs gnyis la phyag 'tshal nas// dgra thub la ni bskor ba byas nas kyang // lha yi 'jig rten la bltas lha yul song // de nas sngon ne tsor gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / / dge slong dag ni srong dang tho rangs mi nyal bar brtson pa lhur byed pa la gnas te/ de dag gis bcom ldan 'das
- 228a
kyi thad du snang ba chen po byung ba mthong ngo / / mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin no// ne tso gang gis nga nags khrod der nub mo'i dgongs mal la spyan drangs pa de khyed kyis de mthong ngam/ dge slong rnams kyis gsol pa/ bcom ldan 'das mthong lags so// bcom ldan 'das kyis bka' stsal pa/ dge slong dag ne tso de nyid shi nas sum cu rtsa gsum pa'i lha yul bzang por skyes pa yin no// dge slong rnams kyis gsol pa/ btsun pa sngon ne tsor gyur pa'i lha'i bus las gang dag bcu nan des ne cor skyes lags/ las gang dag bgyis na des lha'i nang du skyes te/ bden pa mthong bar gyur lags/ bcom ldan 'das kyis bka' stsal ba/ sngon ne cor gyur pa'i lha'i bus tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ sngon no cor gyur ba'i lha'i bus las byas shing
- 228b
bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na rten cing bzhugs so// de nas re zhig ni de na dge bsnyen cig 'dug pa des bslab pa lhod par byas te/ las de'i rnam par smin pas ni ni cor skyes so// ngal sems dga' bar byas pa des ni lhar skyes so// des bslab pa'i gzhi lhag ma rnams bsrungs pa des ni bden pa mthong bar gyur
- 229a
dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / kho nya zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang // lha rnams dang / klu rnams dang / gnod sbyin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i
- 229b
sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan ta ka gnas par dbyar gnas par dam bcas so// de nas khyim bdag mgon med zas sbyin ko sa la'i rgyal po gsal rgyal ga la ba der song ste phyin nas/ rgyal po la rgyal bar gyur cig/ sku tshe ring bar shog cig/ ces bstod nas gsol ba btab pa/ lha mkhyen par mdzad du gsol/ bdag gis bcom ldan 'das yun ring mo zhig tu ma mthong / bdag ni bcom ldan 'das mthong bar 'tshal bas skom lags so// bdag ni bcom ldan 'das mthong bar 'tshal lo zhes byas so// de nas rgyal pos/ khyim bdag mgon med zas sbyin la smras pa/ khyim bdag bcom ldan 'das de da ltar gang du dbyar gnas par bzhed pa khyod kyis ci thos/ mgon med zas sbyin gyis smras pa/ b+ha bdag gis bcom ldan 'das rgyal po'i khab tu dbyar gnas par dam pa zhes so zhes thos lags so// de nas ko sa la'i rgyal po gsal rgyal dang / khyim bdag mgon med zas sbyin la sogs pa pho brang 'khor gyi mi dang / yul mi dang / blon po rnams kyis mi zhig pho nyas bkug ste/ kye mi khyod tshur shog/ bcom ldan 'das ga la ba der song la
- 230a
der phyin nas/ bcom ldan 'das kyi zhabs la mgo bos phyag 'tshal/ bdag cag gi mchid nas bcom ldan 'das gnod pa chung ngam/ nyam nga ba nyung ngam/ babaskyod pa yang ngam/ 'tsho'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes gsol la/ 'di skad du btsun pa kos la'i rgyal po dang mnyan du yod pa na gnas pa pho brang 'khor gyi mi rnams bcom ldan 'das kyi zhal mthong bar 'tshal te/ bdag cag gis bcom ldan 'das yun ring po zhig tu ma mthong bas/ bdag cag ni bcom ldan 'das mthong bar 'tshal bas skom lags so// bdag cag ni bcom ldan 'das mthong bar 'tshal na/ thugs brtse ba'i slad du bcom ldan 'das mnyan du yod par gshegs su gsol zhes ma ri'o zhes gsol cig ces bsgo'o/ / de nas mi des ko sa la'i rgyal po gsal rgyal dang / blon po dang / pho brang 'khor gyi mi dang / yul mi rnams kyis bsgo ba bzhin du mnyan te/ rgyal po'i khab tu song nas/ mthar gyis song song ba las/ rgyal po'i khab kyi grong khyer du phyin to// de nas rgyal po'i khab kyi grong khyer thams cad du bltas nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// btsun pa mkhyen par
- 230b
mdzad du gsol/ ko sa la'i rgyal po gsal rgyal dang / mnyan du yod pa na gnas pa'i pho brang 'khor gyi mi rnams bcom ldan 'das kyi zhabs la mgo bos phyag 'tshal te/ bcom ldan 'das gnod pa chung ngam/ nyam nga ba chung ngam/ bskyod pa yang ngam/ 'tsho 'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes mchi'o/ / 'di skad du bdag cag gis bcom ldan 'das ring mo zhig tu mthong ste/ bdag cag ni bcom ldan 'das mthong bar 'tshal bas skom lags so// bdag cag ni bcom ldan 'das mthong bar 'tshal na/ thugs brtse ba'i slad du/ bcom ldan 'das mnyan du yod par gshegs gsol zhes kyang mchi'o// bcom ldan 'das kyis bka' stsal pa/ kye gal te nga rgyal po gzugs can snying pos 'gror ster na 'gro bar bya'o/ / de nas pho nya des rgyal po gzugs can snying po la gsol nas/ bcom ldan 'das la 'di skad ces gsol to// bcom ldan 'das gshegs par rgyal po gzugs can snying pos dad pa srul lags na/ bcom ldan 'das kyis da de'i dus la bab par dgongs te gshegs su gsol zhes bskul to// de nas bcom ldan 'das kyis mi de la cang mi gsung bas gnang ngo / / de nas bcom ldan 'das dbyar zla gsum 'das nas/ chos gos mdzad de/ chos gos zin nas/ chos gos gsol te/ lhung bzed
- 231a
bsnams nas/ sam ring 'khor mang po dag dang mnyan du yod pa logs su chas te gshegs so// pho nya'ang shing rta la zhon te chas so// de nas des sangs rgyas bcom ldan 'das zhabs kyis gshegs pa mthong nas/ shing rta las babs te/ bcom ldan 'das ga la ba de logs su thal mo sbyar ba btud nas/ bcom ldan 'das 'di skad ces gsol to// thugs brtse ba'i slad du bdag gi shing rta bcom ldan 'das kyis bzhes su gsol/ bcom ldan 'das kyis bka' stsal pa/ rdzu 'phrul rkang pa'i shing rta dang // yang dag rtsol lang gnas nas/ nyon mongs tsher mas ma snad par// sa steng kun tu rgyu bar byed// pho nyas smras pa/ bcom ldan 'das ni rdzu 'phrul gyi zhabs kyis gshegs pa lags kyis kyang bdag la phan gdags pa dang / thugs brtse ba'i slad du bcibs su gsol/ de nas bcom ldan 'das pho nya la phan gdags pa'i phyir rdzu 'phrul gyis shing rta'i steng du bzhugs so// de nas bcom ldan 'das shi rta la bcibs bzhin du mnyan du yod par byon nas/ pho nyas kyang rgyal po la sbran to// de nas rgyal po dang / blon po dang / pho brang 'khor gyi mi dang / yul mi rnams kyis bcom ldan 'das ba su nas chos mnyan pa'i phyir de'i mtshan mo rgyal bu rgyal byed kyi tshal de nyid du 'khod do/ / pho nya de ni tshe thung ste/ chos thos pa'i 'og tu de nyid kyi mtshan mo shi ste/ de shi nas sum cu rtsa gsum
- 231b
pa'i lha yul bzang por skyes so/ / lha'i bu 'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang / gis skyes snyam mo// de nas mi las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa nges mthong ngo // de nas sngon pho nyar gyur pa'i lha'i bu de 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ / de nas sngon po nyar gyur pa'i lha'i bu rna cha gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pal dang / ku mu da dang / pad+ma dang / pad+ma dkar pobopodang / ma n+dar ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gtor te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis sngon po nyar gyur pa'i lha'i bu'i bsam pa dang / bag la nyal dang / khams dang / rang bzhin thugs su chud nas/ 'phags pa'i
- 232a
bden pa bzhi rtogs par 'gyur ba de lta bu'i chos bstan te/ de thos nas sngon po nyar gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mcho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon rgya mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzad khyod kyi mthu yis bcad/ / bsod nams rab ldan mtho ris 'gro ba phye// mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob/ / bdag ni sdug bsngal rgya mtsho pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang rga dang 'chi ba'i nang spangs pa/ sring
- 232b
pa stong du mthong bar dka' ba yi/ / thub pa khyod ni deng mthong 'bras bu yod// de nas do shal 'phyang ba dga' gyur te// btud cing zhabs gnyis la ni phyag 'tshal nas/ dgra thub la ni bskor ba byas nas kyang / / lha yi 'jig rten kha ltas lha yul song // de nas sngon pho nyar gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo // de nas ko sa la'i rgyal po gsal rgyal khang bzangs kyi steng na 'dug pas/ snang ba chen po de mthong nas nam nangs pa dang / bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ rgyal po chen po mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs pa ma yin gyi/ khyod kyi pho nya nga la sems dga' bar gyur nas/ shi ste sum cu rtsa gsum pa'i lha yul bzang por skyes nas/ de ma dang sum nga'i thad du 'ongs te/ ngas de la chos bstan nas bden pa mthong bar gyur te/ rang gi gnas su song ngo // de nas
- 233a
rgyal po ngo mtshar du gyur nas/ kye ma sangs rgyas kye ma chos/ kye ma dge 'dun 'di dag la ni chung ngu zhig byas kyang rnam par smin pa chen por 'gyur ro zhes smras so// de nas ko sa la'i rgyal po gsal rgyal bcom ldan 'das kyis gsungs pa la mngon par bstod cing rjes su yi rangs te/ bcom ldan 'das kyi zhabs la mgo bos phyag 'tshal nas/ stan las langs te song ngo // der bcom ldan 'das kyis/ dge slong rnams la bka' stsal pa/ dge slong dag 'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 'dun mchog tu gdags pa'o// sangs rgyas mchog tu gdags pa gang zhe na/ sems can rkang med rnams sam/ rkang gnyis rnams sam/ rkang bzhi rnams sam/ rkang mangs rnams sam/ gzugs can rnams sam/ gzugs can ma yin pa rnams sam/ 'du shes can rnams sam/ 'du shes can ma yin pa rnams sam/ 'du shes yod pa'ang ma yin/ 'du shes med pa'ang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par bstan to/ / sangs rgyas la mngon par dga' ba su'ang rung ba de dag ni mchog la mngon par dga' ba yin te/ mchog la mngon par dga' ba
- 233b
de dag gi ni rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni sangs rgyas mchog tu gdags pa zhes bya'o/ / chos mchog tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos mchog yin par bstan to/ / chos la mngon par dga' ba su'ang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni chos mchog tu gdags pa zhes bya'o/ / dge 'dun mchog tu gdags pa gang zhe na/ tshogs sam/ 'dus pa 'am/ mang po 'am/ 'khor gang yang rung ste/ de dag gi nang na ni de bzhin gshegs pa dgra bcom pa'i nyan thos kyi dge 'dun la mchog yin par bstan te/ dge 'dun la mngon par dga' ba su'ang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa'ang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu gyur par shes par bya ste/ 'di
- 234a
ni dge 'dun mchog tu gdags pa zhes bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsung pa la mngon par bstod do/ / / bam po bcu bzhi pa// ma he zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lA ma yin rnam dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ko sa la'i ljongs rgyu zhing gshegs pa las// nags khrod cig tu byon pa dang / nags khrod de na ma he khyu chen po dang / ma he'i rdzi lnga brgya 'khod do// de nas re zhig na de'i nang na ma he stobs dang ldan zhing stobs kyi mchog dang ldan pa zhig yod de/ de
- 234b
mi gzhan dag gi dri tshor na phyi bzhin rgyug par byed do/ / bcom ldan 'das kyang phyogs der gshegs so// de nas ma he'i rdzi rnams kyis bcom ldan 'das nyan thos kyi dge 'dun dang bcas pa thag ring po zhig nas mthong ngo / / de nas de dag gis skad chen por bos te/ bcom ldan 'das 'di na ma he ma rungs pa mchis kyis shul 'dir mi gshegs su gsol zhes byas so// bcom ldan 'das kyis bka' stsal pa/ kyengs 'dir dus la bab par shes kyis khyed snying ma chung zhig/ de nas ma he des bcom ldan 'das thag ring po zhig nas mthong ba dang / rnga ma ldang du gzar nas bcom ldan 'das ga la ba der brgyugs so/ / de nas bcom ldan 'das kyi mdun logs su seng ge ral pa can pa g.yengs pa lnga sprul de glo g.yas g.yon du me chen po lnga sprul to/ / steng du ni lcags kyi pha bong chen po zhig sprul to// de nas ma he des phyogs kun tu 'jigs pa chen po mthong nas/ bcom ldan 'das kyi zhabs drung du song ste/ bcom ldan 'das kyi zhabs la lces bldags nas/ zhum pa'i bzhin gyis bcom ldan 'das la bltas so// de nas bcom ldan 'das kyi de la des brda phrad pa'i skad du bzhin bzangs 'di ltar 'du byed thams cad mi rtag pa'o/ / chos thams cad ni bdag med pa'o// mya ngan las 'das pa ni zhi ba'o zhes chos tshig gsum bstan nas/ tshe rabs kyang dran par mdzad de de thos nas ngus so// de nas bcom/
- 235a
ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la// da ni nga yis ci byar yod// mi khom par ni skyes zin gyis// don med dus pas ci la phan/ / 'dir ni rgyal ba snying rje can// nga la dad pa'i sems bskyed la// dud 'gro'o skye gnas spangs na legs// 'on tang mtho ris 'gro bar 'gyur// de nas ma he ma rungs pa des rang gi lus la smad de/ kha 'chos nas dud 'gro'i skye gnas su skyes pa'i srog chags rnams ni me'i drod che bas de skyen par shi ste/ sum cu rtsa gsum pa'i lha yul bzang por skyes so// lha'i bu 'am/ lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos/ gang du skyes/ las gang gis skyes snyam mo// de nas dud 'gro las shi 'phos pa dang / sum cu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo // de nas sngon ma her gyur pa'i lha'i bu de 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyi/ bdag zhag ma lon par bcom ldan 'das la blta ba'i phyir 'gro'o snyam mo/ / de nas sngon ma her gyur pa'i lha'i bu rnam gdub kor dag cing mgul pa thogs pa/ lus do shal dang se mo dos brgyan pa/ nor bu rin po che
- 235b
sna tshogs kyis brgyan pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa des de nyid kyi mtshan mo lha'i me tog ut+pal dang / pad+ma dang / ku mu da dang / pad+ma dkar po dang / man+da ra ba rnams kyis thu ba bkang ste/ nags khrod de dag thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis sngon ma her gyur pa'i lha'i bu'i bsam pa dang / bag la nyal dang / khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ma her gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen /
- 236a
gyi tshogs rnams kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzad khyod kyi mthu yis bcad// bsod nams rab ldan mtho ros 'gro ba phye// mya ngan 'das pa'i lam yang bdag gis thob/ bdag gis de ring nyes pa spangs pa'i mig/ shin tu rnam dag khyod la brten nas thob// bdag ni sdug bsngal rgya mtsho'i pha rol brgal// 'phags pa dgyes pa'i zhi ba'i go 'phang thob/ / mi mchog dbang po mi dang lhas mchod pa// skye dang rga dang 'chi ba'i nang spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal 'phyang ba dga' gyur te/ btud cing zhabs gnyis la ni phyag 'tshal nas// dgra thub la ni bskor ba byas nas kyang // lha yi 'jig rten kha bltas lha yul song // de nas sngon ma her gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thang du 'ongs pa'i 'byor pa de nyid kyis rang gi gnas su song ngo / / de nas ma ho rje de dag gis snang ba chen po mthong ngo // de mthong nas the tsom skyes te/ sangs
- 236b
rgyas bcom ldan 'das la zhus pa/ bcom ldan 'das mdang sum bcom ldan 'das kyi thad du mchis te/ lha'i 'od kyis snang bar bgyid pa de su zhig lags/ bcom ldan 'das kyis bka' stsal pa/ khyed kyi ma he de nga la sems dga' bar gyur te/ shi nas sum cu rtsa gsum pa'i lha yul bzang por skyes te/ de mdang sum nga'i thad du 'ongs nas/ ngas de la chos bstan te/ bden pa mthong bar gyur nas rang gi gnas su song ngo // de nas ma he rdzi de dag gis mchog tu ya mtshun du gyur te ngo mtshar to// dud 'gro'i skye gnas su skyes pa 'di'ang dge ba'i bshes gnyen bcom ldan 'das dang phrad nas lha'i nang du skyes te/ bden pa mthong bar gyur na/ bdag cag gis ci ste khyad par thob par mi 'gyur snyam mo// de nas de dag gis sangs rgyas bcom ldan 'das nyan thos kyi dge 'dun dang bcas pa zhal zas bzang pos tshim par byas nas/ bcom ldan 'das kyi thad du rab tu byung ste/ de dag gis brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas so// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sngon ma her gyur pa'i lha'i bus las gang dag bgyis na des ma her skyes lags/ las gang dag bgyis na des lha'i nang du skyes te/ bden pa mthong bar gyur lags/ ma he rdzi 'di rnams kyis
- 237a
ni las ci bgyis na des ma he rdzir gyur lags/ las gang bgyis na rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na// de dag nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chung mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs
- 237b
rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba ri dgas kyi nags na rten cing bzhugs so// de'i tshe dge slong dag gtan la 'bebs par byed pa na/ dge slong sde snod gsum pa zhig 'khor lnga brgya dang gtan la 'bebs pa'i nang na 'dug go// de'i nang na slob pa dang mi slob pa'i dge slong dag kyang yod de/ de sde snod gsum pa la 'dri bar byed la/ des ni lan ma thebs pa dang / de khros nas ngag gi las rtsub po phyung ste/ nags kyi ma he dang 'dra ba 'di dag ci shes zhes byas so// de'i slob ma rnams kyis kyang ma he rdzi dang 'dra ba 'di dag ci shes zhes smras so/ / bcom ldan 'das kyis bka' stsal pa/ dge slong dag ji snyam du sems/ dge slong sde snod gsum pa gang yin pa de nyid ma he 'di yin no// slob ma de dag ni ma he rdzi 'di dag yin te/ las des na tshe rabs lnga brgyar ma her skyes so// slob ma rnams kyang ma he rdzi lnga brgyar gyur to// nga la sems dga' bar gyur pa des ni lhar skyes so// dge slong gi dngos po thob ste/ tshul khrims bsrungs pas ni bden pa mthong ba dang / dgra bcom pa nyid mngon sum du byas so// dge slong dag de bas na ngag gi nyes pa spang ba'i phyir 'bad par bya ste/ ci nas ma he dang ma he rdzi rnams kyi nyes pa de lta bu 'byung bar mi 'gyur ba dang / lha'i bu de'i yon tan gyi tshogs de lta bu thob par 'gyur bar dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge
- 238a
slong de dag spyi rangs te/ bcom ldan 'das kyis gsungs pa la mngon par bstod do// bsnyen gnas zhes bya ba ni/ sangs rgyas bcom ldan 'das ma rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / rong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / b+ha ma yin rnams dang / na ma mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lho dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ / na bza' dang // zhal zas dang / gzims ma dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe sum cu rtsa gsum pa'i lha'i nang na lha'i bu bsnyen gnas zhes bya ba zhig yod de/ de chos nyan pa'i phyir rtag tu bcom ldan 'das kyi thad du 'gro'o/ / de nas phyis re zhig na lha'i bu bsnyen gnas g.yog lnga brgya dang bcas pa bcom ldan 'das ga la ba der song ste phyin nas/ bcom ldan 'das kyi
- 238b
zhabs la mgo bos phyag 'tshal te/ chos nyan pa'i phyir phyogs gcig tu 'dug go/ de nas bcom ldan 'das kyis lha'i bu bsnyen gnas kyi bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu bsnyen gnas kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskam pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams bye ba dang / bdag lha dang mi rnams kyi nang du bzhag pa 'di lta bu ni bdag la paphas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzang khyod kyi mthu yis bcad// bsod nams rab ldan mtho ris 'gro ba phye/ / mya ngan 'das pa'i lam yang bdag gis thob// bdag gis de ring nyes pa spangs pa'i mig/ shin tu rnam dag khyod la brten nas thob// bdag ni sdug/
- 239a
bsngal rgya mtsho pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang rga dang 'chi ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal 'phyang ba dga' gyur te// btud cing zhabs gnyis la ni phyag 'tshal nas// dgra thub la ni bskor ba byas nas kyang / / lha yi 'jig rten kha ltas lha yul song // de nas lha'i bu bsnyen gnas tshong pa khe spogs phyin pa dang / zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar pa bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo // de'i tshe dge slong dag srong dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byang ba mthong ngo // mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ ma dang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i
- 239b
phyir 'ongs pa ma yin gyi/ lha'i bu bsnyen gnas g.yog 'khor lnga brgya dang bcas pa nga la blta ba'i phyir 'ongs te/ ngas de la chos bstan nas bden pa mthong bar gyur te/ rang gi gnas su song ngo / / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa lha'i bu bsnyen gnas ga las byung lags/ ming ni ci las btags lags/ bcom ldan 'das kyis bka' stsal pa/ dge slong dag khyed nyan par 'dod dam/ gsol pa/ btsun pa nyan par 'tshal lags so// bka' stsal pa/ dge slong dag 'o na legs par rab tu nyon la yid la zung zhig dang ngas bshad do/ / dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcob pa yang dag par rdzogs pa'i sangs rgyas rig pa dang zhabs su ldan pa/ bde bar gshegs la/ 'jig rten mkhyen pa/ skyes bu 'dul bya kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba ri dgas kyi nags na rten cing bzhugs so// phyis re zhig na rgyal po kri kri bcom ldan 'das la blta ba dang / bsnyen bkur bya ba'i phyir song ngo // de nas re zhig na bram ze gnyis drang srong smra ba'i don zhig la song ba dang / de gnyis kyis rgyal po de/ rgyal po'i 'byor pa chen po dang /
- 240a
rgyal po'i mthu stobs chen po dang ldan pa mthong ngo // de nas de gnyis rgyal srid la 'dod pa skyes/ de gnyis kyis dge bsnyen zhig la dris pa/ kye sangs rgyas kyi dge bsnyen las ci zhig byas na/ de las ci bsags pa dang ci 'dod pa de dag thams cad 'grub par 'gyur ro zhes byas so// dge bsnyen gyis smras pa/ gang gis bsnyen gnas yan lag brgyad pa yongs su dag par bsru pa de'i ni ci bsams pa dang / ci 'dod pa de dag thams cad 'grub par 'gyur ro zhes byas so// de nas bram ze de gnyis kyis khyim bdag chu stod las bsnyen gnas yan lag brgyad pa blangs te bsrungs so/ / de na gcig gis ni yongs su dag par bsrungs te/ de nas shi nas rgyal po kri kri'i bur skyes te/ de'i ming legs skyes zhes btags nas pa shi ba'i 'og tu de rgyal por bcug go// cig shos kyis ni bsnyen gnas nyams par byas te/ de ni shi nas klu'i nang du skyes te/ de'i steng du nyin gcig bzhin du lan bdun bdun bye tshan bab ste/ des rus pa 'ba' zhig lus par byed do// de nas de 'di snyam du sems te/ 'di las gang gi 'bras bu yin/ 'di las gang gi 'bras bu'i rnam par smin pa yin na/ des bdag gis 'di lta bu'i sdug bsngal myong zhing 'dug snyam mo// de nas des bsnyen gnas yan lag brgyad dang ldan pa bdag gis blangs pa las/ bslab pa lhod par byas pa des 'di lta bu'i sdug bsngal bdag gis nyams su myong la/ gang gis blangs te bsrungs pa des ni rgyal srid
- 240b
thob par gyur to snyam mo/ / yang de 'di snyam sems te/ da yang bdag gis bsnyen gnas yan lag brgyad dang ldan par bsrung bar bya'o// 'on tang bdag klu'i skye gnas las thar par 'gyur yang srid do snyam mo/ / de nas bram ze'i cha lugs su bdag nyid sprul nas/ rgyal po'i thad du 'ongs te phyin nas rgyal po la rgyal bar gyur cig/ sku tshe ring bar shog cig ces bstod nas smras pa rgyal po chen po bsnyen gnas yan lag brgyad dang ldan pa bdag la 'tshal gyis/ lha bsnyen gnas yan lag brgyad dang ldan pa btsal du gsol/ gal te ma btsal na gdon mi 'tshal bar lho'i dbu tshal pa bdun du 'gas par 'gyur ro zhes byas nas/ de nyid du mi snang bar gyur to// de nas rgyal po 'jigs shing skrag ste mi dga' la skyi bung zhes byas nas/ gser 'bum yod pa'i snod rgyal mtshan gyi rtse mo la btags te/ bdag gis yul thams cad du dril bsgrags nas/ su nga la bsnyen gnas yan lag brgyad dang ldan pa ston pa de la gser 'bum 'di sbyin no// bkur sti chen bos kyang bkur bar bya'o zhes bsgo'o/ / de nas re zhig na shing mkhan gyi bu mo bud med rgan mo zhig 'dug pa des rgyal po la ka ba zhig bstan te/ sngon bdag gi pa rtag tu ka ba 'di la spos dang / bdug pa dang / me tog gis mchod pa bgyid na 'di phyung ste gzigs shig ces byas so// de nas rgyal pos zham ring ba rnams la ka ba 'di phyung zhig ces bsgo'o// de nas rgyal po'i zham ring rnams
- 241a
kyis ka ba de phyung ba dang / de'i 'og nas bsnyen gnas yan lag brgyad dang ldan pa dang / dge bsnyen gyi bslab pa'i gzhi lnga dang / byang chub kyi phyogs dang 'thun pa'i chos sum cu rtsa bdun gser gyi glegs bam zhig la bris pa zhig rnyed do/ / de nas rgyal pos klu de la bsnyen gnas yan lag brgyad dang ldan pa zhig bris te byin no// drang srong smra ba gnas pa'i drang srong khri nyis stong gis kyang byang chub kyi phyogs dang 'thun pa'i chos sum cu rtsa bdun mngon sum du byas so/ / klu des kyang bsnyen gnas yan lag brgyad dang ldan pa bsrungs nas thang la byung ste/ lus bor nas de la 'tshos te 'dug go/ de nas shi ste g.yog 'khor lnga brgya dang bcas te sum cu rtsa gsum pa'i lha yul bzang por skyes so// dge slong dag bsnyen gnas ni de nas byung ste/ ming yang de las btags so/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / ngang pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar bas/
- 241b
ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na ko sa la'i rgyal po gsal rgyal rgyal po byed do/ / de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// phyir re zhig na ko sa la'i rgyal po gsal rgyal bcom ldan 'das la blta ba dang / bsnyen bkur bya ba'i phyir rgyal po rgyal byed kyi tshal du song ba dang / ba la'i rgyal pos ko sa la'i rgyal po gsal rgyal la ngang pa lnga brgya skyes su bskur te/ gang gi tshe rgyal po rgyal byed kyi tshal du song ba de'i tshe/ ngang pa lnga brgya po de dag phul lo//
- 242a
de nas rgyal po gsal rgyal gyis dang pa de dag la mi 'jigs pa byin te/ rgyal bu rgyal byed kyi tshal de nyid du btang nas/ gang gi tshe bcom ldan 'das nyan thos chen po'i 'khor dang bcas pa bshos gsol zhing bzhugs pa de'i tshe/ ngang pa de dag bcom ldan 'das kyi thad du 'gro la/ bcom ldan 'das dang nyan thos chen po de dag gis kyang de rnams la khyos ma byin te/ de dag gis zos nas tshim zhing dbang po rtas te 'khod do// gang gi tshe bcom ldan 'das nang du yang dag 'jog las bzhengs nas/ 'khor bzhi po de dag la chos ston pa de'i tshe// ngang ba de dag bcom ldan 'das kyi thad du dong ste chos nyan par byed do// de nas de dag tshe thung ste shi nas sum cu rtsa gsum pa'i lha yul bzang por skyes so// lha'i bu 'am lha'i bu mo skyes nas ring po ma lon pa ni chos nyi sde sems rnam pa gsum skye bar 'gyur te/ ganga' nas shi 'phos/ gang du byes/ las gang gis skyes snyam mo// de nas dang pa las shi 'phos pa dang / sum cu gsum pa'i lha yul bzang por skyes pa dang / bcom ldan 'das la sems dga' bar gyur pa de dag gis mthong ngo // de nas sngon ngang par gyur pa'i lha'i bu rnam 'di snyam du sems te/ bdag cag zhag lon nas gzod bcom ldan 'das la blta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o snyam mo// de nas sngon
- 242b
ngang par gyur pa'i lha'i bu rna cha gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can/ lus gur kum dang / tam la'i lo ma dang / sdig ka la sogs pas byugs pa de dag de nyid kyi mtshan mo lha'i me tog ut+pal dang / pad+ma dang / ku mud dang / pad+ma dkar po dang / man+da ra ba rnams kyis thub bkang ste/ rgyal po rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ chos nyan pa'i phyir bcom ldan 'das kyi spyan sngar 'khod do// de nas bcom ldan 'das kyis sngon dang par gyur pa'i lha'i bu rnams kyi bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de/ lta bu'i chos bstan te/ de thos nas sngon dang par gyur pa'i lha'i bu rnams kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ de dag gis bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag cag gi khrag dang mchi ma'i rgya mtsho bskams pa dang / rus pa'i la bsgral ba dang / ngan song gi sgo rnams bcad pa dang / mtho ris dang thar pa'i sgo rnams phye ba dang / bdag cag lha dang mi rnams kyi nang du zhugs pa 'di lta bu ni bdag cag la phas kyang ma bgyis/
- 243a
mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// yang smras pa/ nyes pa mang por ldan pa'i ngan song lam// shin tu mi bzang khyod kyis mthu yis bcad// bsod nams rab ldan mtho ris 'gro ba phye// mya ngan 'das pa'i lam bdag cag rnams kyis thob// bdag cag de ring nyes pa spangs pa'i mig/ shin tu rnam dag khyod la brten nas thob/ bdag cag sdug bsngal rgya mtsho pha rol brgal// 'phags pa dgyes pa'i zhi ba'i go 'phang thob// mi mchog dbang po mi dang lhas mchod pa// skye dang rga dang 'chi ba'i nad spangs pa// srid pa stong du mthong bar dka' ba yi// thub pa khyod ni deng mthong 'bras bu yod// de nas do shal 'phyang rnams dgar gyur te// btud cing zhabs gnyis la ni phyag 'tshal nas/ dgra thub la ni bskor ba byas nas kyang / / lha yi 'jig rten kha ltas lha yul song // de nas sngon ngang par gyur pa'i lha'i bu rnams tshong pa khe spogs phyin pa dang / zhing ba 'bru rgyal bar gyur pa dang / dpa' bo g.yul las rgyal ba dang / mang pa nad thams cad las thar pa bzhin du 'byor pa gang gis bcom ldan 'das kyi thad du lpags pa'i 'byor pa de nyid kyis rang gi gnas su dong ngo // de'i tshe
- 243b
dge slong srod dang tho rangs mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo // mthong nas kyang the tsom skyes te/ sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs 'am/ lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi la blta ba'i phyir 'ongs pa ma yin no/ / dge slong dag ko sa la'i rgyal po gsal rgyal gyis ngang pa lnga brgya 'dir btang ba khyod kyis mthong ngam/ btsun pa mthong lags so// bka' stsal pa/ de dag nga la sems dga' bar gyur te/ shi nas sum cu rtsa gsum pa'i lha yul bzang por skyes te/ de dag ma dang sum nga'i thad du lhags nas de dag la ngas chos bstan te/ bden pa mthong bar gyur/ nas rang gi gnas su dong ngo // de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sngon drang bar gyur pa'i lha'i bu rnams kyis las gang dag bgyis na/ des ngang par skyes pa lags/ las gang dag bgyis na/ des lha'i nang du skyes te/ bden pa mthong lags/ bcom ldan 'das kyis bka' stsal pa/ dge slong dag 'di
- 244a
dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ sngon dang bar gyur pa'i lha'i bu rnams kyis las byas shing bsag pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba ri dgas kyi nags na rten cing bzhugs so// de'i tshe 'di dag rab tu byung
- 244b
ba las bslab pa la lhod par byas pa des na ngang par skyes so/ / ngal sems dga' bar byas pa des ni lhar skyes so// bslab pa lhag ma rnams bsrungs pa des ni bden pa mthong bar gyur to// / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // rtogs pa brjod pa brgya pa las sdom gyi tshogs su bcad pa drug pa rdzogs so// / / sdom ni/ gser 'od dang ni dri zhim dang // byad bzangs stobs ldan sdug gu dang // pad+ma mig dang rnga sgra dang / khu dang nyi ma gyad pa dang / gser 'od ces bya ba ni sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
- 245a
lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ tha mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas shing n+ya gro d+ha'i kun dga' ra ba na bzhugs so// de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ mi'i kha dog las ni 'das/ lha'i kha dog ni ma thob pa 'dzam bu chu bo'i gser gyi mdog 'dra ba zhig btsas te/ de'i gser gyi 'od kyis gra
- 245b
khyer ser skya'i gnas thams cad snang bar byas so/ / de nas pa ma dang / sems can gzhan dag gis de mthong nas ltad mo la lhags te/ sems can gyi khyad par 'di lta bu ga las 'ongs shig/ gu zhes mchog tu ngo mtshar du gyur nas sems pa la zhugs so// de na de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re 'di btsas pa na/ grong khyer ser skya'i gnas thams cad gser gyi 'od kyis snang bar byas pas na/ de'i phyir khye'u 'di'i ming gser 'od ces gdags so zhes zer ro// de nas khye'u gser 'od pang na 'tsho ba'i ma ma gnyis dang / ru ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang mkhas shing gsal la yid gzhungs pa dang / dad pa dang ldan la dge zhing bsam pa bzang ba/ bdag dang gzhan la phan pa la zhugs pa/ snying rje can bdag nyid che ba chos 'dod pa zhig go/ phyis re zhig na de byang gzugs kyis rgyags pas myos te/ grong khyer gyi phyi rol na rtse zhing 'dug go/ shAkya mang po dag cig kyang shing n+ya kro d+ha'i kun dga' ra bar dong ngo // de nas khye'u gser 'od kyis
- 246a
mthong nas dris pa/ khyed gar 'dong / de dag gis smras pa/ sangs rgyas bcom ldan 'das la blta ba'i phyir shing n+ya gro d+ha'i kun dga' ra bar 'gro'o// de nas khye'u gser 'od kyis sangs rgyas zhes bya ba thos te/ sngon ma thos pa'i ming thos nas spu thams cad zing zhes byas te/ mchog tu ngo mtshar du gyur nas de 'di snyam du sems te/ ma la bdag kyang sangs rgyas bcom ldan 'das blta ba'i phyir 'gro gor ma chag snyam nas/ de'ang shing n+ya gro d+ha'i kun dga' ra bar song ba dang / khye'u gser 'od kyis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba rin po che'i ri bo 'gro ba lta bu kun nas bzang ba mthong nas/ mthong ma thag tu byad gzugs kyis rgyags pa med par gyur te/ bcom ldan 'das kyi zhabs la phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis de la chos bstan nas/ de chos thos pa dang rab tu 'byung bar 'dod par gyur to// de nas re zhig na pha ma la gsol nas/ bcom ldan 'das kyi thad du song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan
- 246b
'das la 'di skad ces gsol to/ / btsun pa bdag legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis phyag gser gyi kha dog can glang po che'i sna ltar 'dug pa brkyang nas/ khye'u gser 'od la 'di skad ces bka' stsal to/ / gzhon nu tshu ro shog/ tshangs par spyod cig/ de nas de skad ces bka' stsal ba'i mod la/ skra dang kha spu bregs nas zhag bdun lon pa tsam du gyur/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to// 'dir smras pa/ de bzhin gshegs pas tshur shog bka' stsal pas/ de ni mgo bregs lus la snam sbyar gyon// sangs rgyas kyi ni dgongs pas gos bgos nas// mod la dbang po rab tu zhi bar gnas// de nas bcom ldan 'das kyi spyan sngar 'dug nas/ bcom ldan 'das kyis de la yid la byed pa'i lung phog ste/ des brtson pa dang / bsgrub pa dang / 'bad pas po la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du
- 247a
byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha'i bu rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa gser 'od kyis las gang dag bgyis na/ des 'di ltar gzugs bzang zhing blta na sdug la mdzes pa dang / rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag gser 'od nyid kyis sngon tshe rab sa gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ gser 'od nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smon par mi 'gyur te/
- 247b
las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnam ni/ / bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na// bskal pa dgu bcu rtsa gcig pa la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na brten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis bcom ldan 'das kyi sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do// de nas re zhig ni khyim bdag cig mchod
- 248a
rten gyi dus ston byed pa der song ba las/ mchod rten de las gser gyi me long zhig lhung ba des mthong nas des de'i rna ba'i gong rgyan du bcos nas mchod rten de la btags te// spos dang / bdug pa dang / me tog gis mchod nas zhabs la phyag 'tshal te smon lam btab pa/ bdag gis kyang yon tan 'di lta bu dag thob par gyur cig/ ston pa 'di lta bu mnyes par byed par gyur cig/ mi mnyes par byed par ma gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin/ pa de ni khye'u gser 'od 'di yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur byad gzugs khyad par can du gyur to// smon lam btab pa des ni tshe 'di la dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag
- 248b
khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / dri zhim zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ser skya'i gnas shing n+ya gro d+ha'i kun dga' ra ba na bzhugs so// de'i tshe ser skya'i gnas na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs
- 249a
nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa zhig mi'i kha dog las ni 'das/ lha'i kha dog ni ma thob pa zhig btsas te/ de'i kha nas me tog ut+pa la'i dri byung la/ lus thams cad nas ni tsan dan gyi dri byung ngo / / de nas de'i btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ de nye du rnams na re 'di'i kha nas ut+pa la'i dri byung la/ lus thams cad nas tsan dan gyi dri byung bas na/ de'i phyir khye'u 'di'i ming dri zhim zhes gdags so zhes zer ro// de nas khye'u dri zhim pa na 'tshe ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang sngon gyi rgyu stobs kyi shugs kyis dad pa dang ldan la/ dge zhing bsam pa bzang la/ bdag dang gzhan la phan pa la zhugs pa/ snying rje can bdag nyid che ba chos 'dod pa zhig ste/ gang gi tshe khye'u dri zhim dpung rgyan dang / mgul pa'i do shal
- 249b
dang / gdu gus brgyan te/ srang gi nang du zhugs pa de'i tshe/ tsan dan gyi dri bsung gis grong khyer thams cad khyad par gyur te/ skye bo mang pos kyang lha'i spos kyi dri tshor nas/ mchog tu ya mtshan du 'dzin te/ 'di skad du kye ma bsod nams dag gi mthu zhes 'dzer to// phyis re zhig na khye'u dri zhim shing n+ya gro d+ha'i kun dga' ra bar song ngo // de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag ba'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba skyed do// dga' ba bskyed nas kyang bcom ldan 'das kyi zha ba sa la mgo bos phyag 'tshal te/ chos nyan pa'i phyir bcom ldan 'das kyi spun sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u dri zhim gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas pha ma la gsol te/ bcom ldan 'das kyi bstan pa la rab tu byung ngo // nges brtson pa dang /
- 250a
bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil pa dang / ltung ba dang / rnam par 'thor ba dang / rnam par 'jig pa'i chos cad yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dri zhim gyis las gang dag bgyis na/ des 'di lta bu'i kha nas ni ut+pa la'i dri 'byung la/ lus thams cad nas ni tsan dan gyi dri 'byung bar gyur lags/ bcom ldan 'das kyis bka' stsal pa/ dge slong dag dri zhim nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi zad pa rangapa' las de dag byas shing bsags pas na/ dri zhim
- 250b
nyid kyi sa las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ nu'i khams dang / me'i khams dang / rlung gi khams la rnams par smin par mi 'gyur te/ las dge ba dang mi dge ba byas shing bsags pa de rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'dra rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas
- 251a
rgyal po gnyen yod kyis/ bcom ldan 'das kyi sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dang tsacad gcig yod la/ 'bang du rgyang grags gcig yod pa zhig brtsigs te/ mchod rten gyi dus ston yang lugs btod do// khyim bdag gcig gis kyang de la dad pa skyes nas/ spos dang byug pa rnam pa sna tshogs phul te/ bdug pa dang me tog gis mchod nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag gis kyang yon tan 'di lta bu dag thob par gyur cig/ ston pa 'di lta bu mnyes par byed par gyur cig/ mi mnyes par byed par ma gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni khye'u dri zhim 'di yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur dri zhim par gyur to/ / smon lam btab pa des ni tshe 'di la dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las 'dren ma rnams ni rnam par smin pa'ang 'dren mar 'gyur ro// las
- 251b
nagacig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rang ste/ bcom ldan 'das kyis gsungs pa la mngon par bstod do// // bam po bco lnga pa// byad bzangs zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza'o dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos
- 252a
kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ / de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ / de rtse zhing dga' la dga' dgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ mi'i kha dog las ni 'das/ lha'i kha dog ni ma thob pa// lus byung dpe med la mdog 'jam pa/ lus kyi bdun mtho ba/ che bar grags pa zhig btsas so// de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ nye du rnams na re/ 'di'i lus dpe med pas na/ de'i phyir khye'u 'di'i ming byad bzangs zhes gdags so zhes zer ro/ / de nas khye'u byang bzangs pa ngan 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i sa ma gnyis dang / rtse ba'i ma ma gnyis te/ sa ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par
- 252b
mgyur to/ / de'ang dad pa dang ldan la/ dge zhing bsam pa bzang ba/ bdag dang gzhan la phan pa la zhugs pa/ snying rje can bdag nyid che ba/ chos 'dod pa zhig ste/ 'jig rten thams cad dang tha na mi ma yin pa rnams kyis kyang mchod cing rjed pa dang / gus par smra ba'i gnas su gyur to// des sa phyogs gang du gom pa bor ba de dag kyang gtsang mar gyur te/ de ltar bsod nams dang ldan zhing che bar grags so/ / phyis re zhig na de shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu nges bcom ldan 'das la sems dga' ba bskyed do/ / dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u byang bzangs kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la
- 253a
gsol te/ bcom ldan 'das kyi bstan pa la rab tu byung ngo // des brtson pa dang / bsgrub pa dang / 'bad pas pol mig lnga pa'i 'khor ba'i 'khor lo 'di nyid g.yo zhing ma brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsa chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa byad bzangs kyis las gang dag bgyis na/ des 'di lta bu'i lus 'di lta bur gyur la/ dgra bcom pa nyid thob par gyur la/ bcom ldan 'das kyis bka' stsal pa/ dge slong dag byad bzangs nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i
- 253b
las de dag byas shing bsags pas na/ byad bzangs nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnam ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za/ tshogs shing dus la bab na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas rgyal po gnyen yod
- 254a
kyis bcom ldan 'das kyi sku gdung la sku gdung gi mchod pa byas nas rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der rgyal po gnyen yod gnyen gyi tshogs dang bcas pa dang / blon po'i tshogs kyis zhabs 'bring ring byas pas/ mchod rten gyi dus ston byas so// phyis re zhig na nyi ma cig gcig mi dbul po zhig mchod rten gyi 'khor sa'i nang du song nas der me tog rnying pa dag dang / mchod rten rdul gyis yog pa dag mthong ngo // de nas des sangs rgyas kyi yon tan rjes su dran nas dad pa skyes te/ phyags ma blangs nas mchod rten yang phyags/ me tog rnying pa'ang bsal to// de nas mchod rten la rdul med cing dri ma med pa mthong nas dga' ba skyes te/ zhabs la phyag 'tshal nas smon lam btab pa/ dge ba'i rtsa ba dang / sems bskyed pa 'dis na/ bdag gis kyang yon tan 'di lta bu dag thob par gyur cig/ ston pa 'di lta bu mnyes par byed par gyur cig/ mi mnyes par byed par ma gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mi dbul por gyur pa gang yin pa de ni byang bzangs 'di yin te/ des mchod rten la phyag bdar byas pas na/ byang gzugs bzang por gyur to// smon lam btab pa des tshe 'di nyid la dgra bcom pa nyid mngon sum du byas so// dge slong dag de
- 254b
ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// stobs ldan zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang
- 255a
zhal zas dang / gzims cha dang / gdan dang / spun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha kun dga' ra ba na bzhugs so/ / de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa stobs kyi shugs gzhan las 'phags pa zhig btsas so// de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di stobs kyi shugs dang ldan pas na/ de'i phyir khye'u 'di'i ming stobs ldan zhes gdags so zhes zer ro/ / de nas khye'u stobs ldan phang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i
- 255b
nang gi pad+ma bzhin du skye drag par gyur to/ / de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa zhig go/ de nas phyis re zhig na de shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu/ des bcom ldan 'das la sems dga' ba bskyed do// dga' ba bskyed nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u stobs ldan gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas po la mig lnga pa'i 'khor lo 'di nyid g.yo zhing mi brtan par rig nas/ 'du byed kyi
- 256a
rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsang chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa dang srid pa'i rnyed pa dang / chags pa dang / bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa stobs ldan gyis las gang bgyis na/ des 'di'i lus stobs dang ldan par gyur la/ dgra bcom pa nyid thob par gyur lags/ bcom ldan 'das kyis bka' stsal pa/ dge slong dag stobs ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ stobs ldan nyid kyis las byas shing bsags pa de dag gzhan su zhig gis nyams su
- 256b
myong bar 'gyur te/ las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang las mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur te/ lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na brten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas
- 257a
nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten gyi dus ston byed pa der skye bo phal po ches klu blangs/ gar byas pas mchod rten rdul gyis yog par gyur to// phyis re zhig na khyim bdag cig mchod rten gyi 'khor sa'i nang du song ba dang / des mchod rten 'khor sa rdul gyis yog pa mthong ngo / / de nas khyim bdag des sangs rgyas kyi yon tan rjes su dran nas dad pa skyes te/ spos kyi lde gu til mar dang sbyar ba phul te smon lam btab pa/ bdag gis kyang yon tan 'di lta bu dag thob par gyur cig/ ston pa 'di lta bu dag mnyes par byed par gyur cig/ mi mnyes par byed par ma gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni stobs ldan 'di yin te/ des bcom ldan 'das rnam par gzigs kyi mchod rten la bkur sti byas pa des na/ stobs dang ldan par gyur to// smon lam btab pa des ni dgra bcom pa nyid mngon sum du byas so// dge slong dag de ltar na las gcig tu nges par gnag pa rnam ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma
- 257b
rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rang ste/ bcom ldan 'das kyis gsungs pa la mngon par bstod do/ / // sdug gu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / brang 'khor gyi mi rnams nga / tshong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang / nam mkha' lding rnams dang / mi ba ma ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi ram ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas shing n+ya gro d+ha'i kun dga' ra ba na bzhugs so// de'i tshe ser skya'i gnas na
- 258a
shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ rlung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa che bar grags pa mthong na dga' ba zhig btsas te/ de bcas pa na grong khyer ser skya'i gnas thams cad grags pas rgyas par gyur to/ / de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di btsas ma thag tu skye bo thams cad kyi snying du sdug pas na/ khye'u 'di'i ming sdug gu zhes gdags so zhes zer ro// de nas khye'u sdug gu pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang dang rtse ba'i ma ma gnyis te/ ma ma brgyad la gatrad nas/ de ma ma brgyad 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed pa srings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying
- 258b
rje che ba/ bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des dge sbyong dang / bram ze dang / bkren pa dang / sdug cing 'phongs pa rnams la sbyin pa rnam pa sna tshogs gtong bas sdud por byed do// de nas phyis re zhig na khye'u sdug gu shing n+ya kro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do// dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u sdug gus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pa ma la gsol te/ bcom ldan 'das kyi bstan pa la rab tu byung ngo // des brtson pa dang / bslab
- 259a
pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi bstan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsa ba chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chag dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bu bsil bar gyur pa/ rig pas sgo nga'i sbubs bcom nas/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sdug gu las gang dag bgyis na/ des 'di grags pa chen po dang ldan pa dang / sdug cing yid du 'ong bar gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sdug gu nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas
- 259b
shing bsags pas na/ sdug gu nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang las mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so//
- 260a
de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten khor khor yug tu dpag tshad gcig yod la/ 'phang du rgyang grags gcig yod pa zhig brtsigs so// de nas phyis re zhig na dpyid kyi dus su shing rnams me tog rgyas te/ me tog rnam pa sna tshogs byung ba na/ khyim bdag gcig gis rgyal po la gsol to/ / bdag ni lha dang lhan cig tu bcom ldan 'das rnam par gzigs kyi mchod rten la me tog gdags par 'tshal lo// rgyal pos smras pa/ de ltar gyis shig/ de nas khyim bdag de dang / rgyal po dang / blon po dang / zhabs 'bring ba rnams kyis dril ba sgrags te/ me tog rnam pa sna tshogs sta gon byas nas/ bcom ldan 'das rnam par gzigs kyi mchod rten la me tog gdags te/ der srog chags 'bum phrag du mas sems dga' ba bskyed nas/ dge ba'i rtsa ba rnams yang dag par bskyed do// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni sdug gu 'di yin te/ des skye bo phal po che dang lhan cig tu dge ba'i rtsa ba rnams bskyed pa des ni/ skye bo phal po che'i snying du sdug cing yid du 'ong bar gyur la/ rgyu de nyid kyis na blta na sdug cing mdzes par gyur la/ dgra bcom pa nyid mngon sum du byas so// dge slong dag de ltar na las gcig tu nges par gam/
- 260b
ba rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na la sa gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnam 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / // pad+ma'i mig ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ro mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
- 261a
gsos dang / sman zong rnams brnyes pa/ nyan thob kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so// de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yang sa shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa la sa chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ mig pad+mo sngon po 'dra ba/ mgo bo la lha'i nor bu rin po che mthon ka thogs pa zhig btsas te/ des grong khyer ser skya'i gnas thams cad nor bu mthon ka'i kha dog can du byas so/ / de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di'i mig pad+ma 'dra bas na/ de'i phyir khye'u 'di'i ming pad+ma'i mig ces gdags so zhes zer ro// de nas khye'u pad+ma'i mig pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i sa ma gnyis te/ de ma ma brgyad la gtad nas/ de ma ma brgyad kyis 'o ma dang / zho dang / mar dang / thun mar dang / mar gyi snying khu dang /
- 261b
gzhan yang yo byad kyi khyad par bzang ngo cog gis bskyed pa srings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ de gang dang gang du 'gro ba de dang der lha dang mi rnams kyis mchod cing rjed do// de nas phyis re zhig na khye'u pad+ma'i mig shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byang bzang po brgyad cus mdzes par byas pa/ 'od 'dom gang gis brgyan pa/ nyi ma stong babs lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo // mthong ma thag tu des bcom ldan 'das la sems dga' ba bskyed do// dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u pad+ma'i mig gis 'jig tshogs la lta ba'i ri'i rtse mo mthon po nyi
- 262a
shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ sbyin pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing 'bongs pa rnams tshim par byas nas/ pha ma la gsol te/ bcom ldan 'das kyi bstan pa la rab tu byung ste/ nges brtson pa dang / bsgrub pa dang / 'bad pas po la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur ba sil bar gyur pa/ rig pas sgo nga'i sbubs bcom pa/ rig ba dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis bachod cing rjed pa dang / gus par smra ba'i gnas su gyur to// de nas re zhig de bsod snyoms la song ba dang / skye bo phal po ches de la bltas nas ngo tsha bar gyur to// de nas pad+ma'i mig bcom ldan
- 262b
'das kyi thad du song nas/ bcom ldan 'das la gsol pa/ bcom ldan 'das kyis ci nas bdag gi nor bu rin po che ma mchis par mdzad du gsol/ bcom ldan 'das kyis bka' stsal pa/ bu 'di ni las las skyes de yin pas na med par bya mi nus so// de lta mod kyi/ ci nas dad pa dang ldan pa rnams kyis ni mthong la/ ma dad pa rnams kyis mi mthong bar bya'o// de nas bcom ldan 'das kyis de bzhin du mdzad do/ / de nas dge slong de dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa pad+ma'i mig gis las gang dag bgyis na/ des 'di che bar grags pa dang / dgra bcom pa nyid thob par gyur lags/ bcom ldan 'das kyis bka' stsal pa/ pad+ma'i mig nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ pad+ma'i mig nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi kham la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro//
- 263a
lus can dag gi las rnams ni// bskal pa brgyar yang chung mi za// tshogs shing dus la bab pa na// 'bras bu nyid du sbyin par 'gyur// dge slong da sngon byung ba 'das pa'i dus na/ bskal pa dgu bcu rtsa gcig pa la/ de bzhin gshegs pa dgra bcom yang dag par rdzogs pa'i sangs rgyas rig pa dang zhabs su ldan pa/ bde bar gsheg ba/ 'jig rten mkhyen pa/ skyes bu 'dul ba'i le lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na brten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po lhags med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis/ bcom ldan 'das de'i grwa gdung stsa klu gdung gi mchod pa zugs / rin po rim pa'i las byas pa'i mtshon rten lo ma lo cug kyang pa ga rgyad gcig yongs/ 'bad du cang thugs gcig yod bzhin brtsigs / ga tshigasa'i bum thag du pas bkur gyi byas nas/ mtho ris dang thar par 'gro bar 'gyur ro// de nas re zhig na ded dpom zhig rgya mtsho rin po chu'i don grub ste phyir 'ongs nas/ des de'i nang
- 263b
nong bu rin po che mthon ka chen po zhig khyer nas 'ongs te/ de bcom ldan 'das kyi mchod rten mthong nas/ de bzhin gshegs pa'i yon tan rjes su dran te/ nor bu rin po che de bcom ldan 'das rnam par gzigs kyi mchod rten gyi char khab la btags nas/ de'i mthus phyogs dang phyogs mtshams thams cad mthon ka'i kha dog lta bur 'dug par byas so// me tog pad+ma dag gis kyang mchod pa byas nas smon lam btab pa/ bdag gis kyang yon tan 'di lta bu dag thob par gyur cig/ ston pa 'di lta bu mnyes par gyur cig/ mi mnyes par byed par ma gyur cig ces byas so// / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na ded dpon du gyur pa gang yin pa de ni pad+ma'i mig 'di yin te/ des bcom ldan 'das rnam par gzigs kyi mchod rten la nor bu rin po che btags pa'i las de'i rnam par smin pas 'di'i mgo bo las nor bu rin po che byung ngo / / pad+ma sngon po dag gis mchod pa byas pa des ni mig pad+ma sngon po lta bur gyur to/ / smon lam btab pa des ni tshe 'di la dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge
- 264a
slong dag de bas na las gcig tungs par gnag pa rnams dang / las 'drenas rnams grangs la/ las gcig tu nganges par dkar ba rnams 'ba' zhig la gtang bar bya'o/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / rnga s+tha zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ / de'i tshe ser skya'i gnas na shAkya byug cing nor mngal longs spyod che ba/ yongs su 'dzin pa
- 264b
yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ / de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ che bar grags pa/ bya ka la bing ka ltar skad snyan pa/ rdo sgra ltar gdangs snyan pa zhig btsas so// de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed do/ / nye du rnams na re/ khye'u 'di rnga sgra lta bu'i gdang sa dang ldan pas na/ de'i phyir khye'u 'di'i ming rnga sgra zhes gdags so zhes zer ro// de nas khye'u rnga sgra pang na 'tsho ba'i ma ma gnyis dang / nu ma bsnun ba'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis dang / ma ma brgyad la gtad nas/ de ma ma brgyad kyis 'o ma dang / zho dang / sar dang / zhun mar dang / mar gyi snying khru dang / gzhan yang yo byad bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa/ snying rje can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig
- 265a
ko/ de nas phyis re zhig na khye'u rnga skra shing n+ya gro d+ha'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs/ par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do// dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas khye'u rnga sgras 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ sbyin pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing 'phongs pa rnams ni tshim par byas nas/ pha ma la gsol te/ bcom ldan 'das kyi bstan pa la rab tu byung ngo / / de brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad
- 265b
rnyil ba dang / ltung ba dang / rnam par 'thor ba dang / rnam par 'jig pa'i chos can yin par kyang rong de/ cho song thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bu bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rnga sgras las ci bgyis na/ des 'di gzugs bzang zhing blta na sdug la mdzes par gyur te/ dgra bcom pa nyid kyang thob par gyur lags/ bcom ldan 'das kyis bka' stsal pa/ rnga sgra nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ rnga sgra nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i
- 266a
khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chung mi za// tshogs shing dus la bab pa na// 'bras bu nyid du smin par 'gyur// dge slong dag sngon byung 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po smyug ma med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad
- 266b
gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang thar par 'gro bar 'gyur ro// de nas re zhig khyim bdag gcig gis rol mo'i cha smad rnam pa sna tshogs dang / mi las rol mo bslabs te/ mchod rten de la phul nas/ de dag mchod rten de la nyin gcig bzhin du rol mo'i sgra'i khyad par dag gis bkur sti byed do/ / dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni rnga sgra 'di yin te/ des bcom ldan 'das rnam par gzigs kyi mchod rten la rol mo'i sgra'i cha spyad rnam pa sna tshogs phul ba des na rnga sgra lta bu'i gdangs can du gyur la/ rgyu de nyid kyis nad ltar dgra bcom pa nyid mngon sum du byas so// dge slong dag de ltar na las gcig tu nges par gnag po rnams ni rnam par smin pa'ang gcig tu nges par gnag par 'gyur ro/ / las gcig tu dris par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtang bar bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag
- 267a
yi rang ste/ bcom ldan 'das kyis gsungs pa la mngon par bstod do// khu zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen bopo dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya kro d+ha'i kun dga' ra ba na bzhugs so/ / de'i tshe ser skya'i gnas na shAkya byug cing nor mngal longs spyod che ba/ yongs su 'dzin pa yangs shing rgya che ba/ rnam thos kyibu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do//
- 267b
/ de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon te/ bu btsas nas sha snag bu chen po zhig byung ste/ pha ma dang / khyim de na gnas pa'i gzhan dag dang / g.yog 'khor dang nye du rnams kyis de mthong nas/ 'di lta bu btsas pa yin zhes mi dga' bar gyur to// de nas re zhig na khyim bdag de mya ngan gyi khang bu zhugs te/ lag pa oM tshugs bcas nas/ sems khongs su chud cing 'dug ste/ 'di ci yin su la bsnyad par bya/ shes pa su yod snyam mo// de nas de'i blo skyes pa/ sangs rgyas bcom ldan 'das 'di ni thams cad mkhyen pa/ thams cad gzigs pa yin te/ des mkhyen gyis/ sangs rgyas bcom ldan 'das la bsnyad par bya'o snyam nas/ de bcom ldan 'das ga la ba der song ste phyin nas/ bcom ldan 'das la zhus so/ / bcom ldan 'das kyis bka' stsal pa/ khyim bdag khyod ma 'jigs shig/ ma 'jigs shig/ sha snag bu de ras bal legs par sprul pa'i nang du chug la/ zhag bdun gyi bar du nyin gcig kyang dus gsum du lag pas brams te/ 'o mas yang dang yang du gtor cig dang / de'i 'og tu rdol te/ bu brgya 'byung bar 'gyur la/ de dag thams cad chen po che'i stobs dang ldan par 'gyur ro/ / de nas khyim bdag des de thos nas mchog tu ya mtshan du gyur te bsams pa/ bdag gis bu de lta bu dag 'byung bar 'gyur ba ni bdag gis rnyed pa legs par rnyed do snyam nas/ des de
- 268a
bzhin du byas pa dang / zhag bdun lon pa dang sha snag bu de rdol nas bu brgya byung ste/ thams cad kyang gzugs bzang zhing blta na sdug la mdzes pa/ yan lag dang nying lag thams cad dang ldan pa/ chen po che'i stobs dang ldan pa sha stag go// de nas re zhig na mthar gyis bskyed bsrings nas cher skyes pa dang / de dag thams cad byad gzugs dang yang tsho'i rgyags pas dregs te phan tshun 'khyam pa las/ shing n+ya gro d+ha'i kun dga' ra bar song ba dang / de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dag gis bcom ldan 'das la sems dga' ba bskyed do/ / dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis de dag gi bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas thams cad kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden pa mthong nas/ pha ma la gsol
- 268b
te/ bcom ldan 'das kyi bstan pa la rab tu byung ngo // de dag thams cad kyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang // chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa gzhon nu brgya po 'di dag gis las gang dag bgyis na/ des spun du gyur la tshan po che'i stobs dang ldan par gyur lags/ bcom ldan 'das kyis bka' stsal pa/ 'di rnams kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag
- 269a
byas shing bsags pas na/ 'di dag nyid kyis las byas shing bsags pas/ de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs kyis sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das
- 269b
so/ / de nas rgyal po gnyen yod kyis bcom ldan 'das kyi klu gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'bang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang thar par 'gro bar 'gyur ro// de nas re zhig na mdza' sde bo brgya phyi rol du byung ba dang / de dag gis mchod rten de mthong nas/ de bzhin gshegs pa'i yon tan rjes su dran te/ de dag gis lhan cig tu til mar spos can gyis byugs nas/ me tog dang / tog 'phreng dang / mar me dbul ka dag gis bsnyen bkur byas nas/ lhan cig tu smon lam btab pa/ bdag cag gang dang gang du skyes pa de dang der spun du gyur te/ lhan cig tu lho gcig kho na nas 'byung bar gyur cig/ chen po che'i stobs kyi shugs thob pa dang / byad gzugs dang ldan par gyur cig/ ma 'ongs pa'i dus na yang dag par rdzogs pa'i sangs rgyas rnams mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe de'i dus na mdza' sde bor gyur pa gang yin pa de dag ni chen po che 'di dag yin te/ de dag gis lhan cig tu mchod rten la bkur sti byas pa des na/ 'di ltar lhan cig tu skyes te/ tshan po che'i stobs kyi shugs thob par gyur to// smon lam btab pa des ni gcig tu 'thun par rab tu byung
- 270a
nas/ dgra bcom pa nyid thob par gyur to// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas nalas gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtang bar bya ste/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / bam po bcu drug pa/ nyi ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang / nam mkha' lding rnams dang / mi 'am u0f7f r nams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi
- 270b
'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdun dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ser skya'i gnas na shing n+ya kro d+ha'i kun dka' ra ba na bzhugs so// de'itshe ser skya'o gnas na shAkya'i bu phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam tho skya bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ nor bu rin po che mgo bo la thogs pa zhig btsas nas/ de las kho ra khor yug tu nyi ma'i 'od zer lta bu 'phro ste/ de'i snang bas mtshan mo grong khyer ser skya'i gnas thams cad khyab par gyur pas nyin mo bzhin du snang bar byas so// de nas pha ma dang / khyim de na gnas pa'i g.yog 'khor rnams dang / nye du rnams dang / ser skya'i gnas na 'khod pa'i shAkya rnams kyis de mthong nas ya mtshan du gyur te dga' bas rgyas so// de nas de btsas pa'i btsas ston
- 271a
byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u de btsas ma thag tu grong khyer ser skya'i gnas thams cad nyi ma bzhin du gsal bas na/ de'i phyir khye'u 'di'i ming nyi ma zhes gdags so zhes zer ro// de nas khye'u nyi ma phang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag la phar pa dang gzhan la phan pa la zhugs pa/ snying rje can bdag nyid che ba/ chos 'dod pa/ skye dgu la byams pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig go/ de nas phyis re zhig na khye'u nyi ma shing n+ya gro d+ha'i kun dga' ra ngar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu
- 271b
kun nas bzang ba mthong nas/ mthong ma thag tu des bcom ldan 'das la sems dga' ba bskyed do// dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u nyi mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas/ sbyin pa dang / rab tu sbyin pa dag byin te/ dge sbyong dang / bram ze dang / bkren pa dang / sdug cing 'phongs pa rnams tshim par byas nas/ ba ma la gsol te/ bcom ldan 'das kyi bstan pa la rab tu byung ngo // des brtson pa dang / bsgrub pa dang / 'bad pas phol mig lnga pa'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsa chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/
- 272a
tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas gang gi tshe tshe dang ldan pa nyi ma bsod snyoms la 'gro ba de'i tshe bram ze dang khyim bdag ma dad pa rnams 'phya zhing smod la/ lkog 'phyas byed de/ da 'di ltar nor bu rin po che mgo bo la thogs nas/ lam po che dang / srang dang / bzhi mdo dang / sum mdo dag tu 'khyam pa las ni/ shAkya'i bu'i dge sbyong rnams kyi dge sbyong gi tshul ni tshig pa'o// bram ze'i tshul ni tshig pa'o zhes 'dzer to// de nas de shin tu ngo tsha bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to// bcom ldan 'das kyis ni ci nas bdag gi nor bu rin po che ma mchis par mdzad du gsol/ bcom ldan 'das kyis bka' stsal pa/ bu 'di ni las las skyes pa yin pas na/ med par byar mi nus so// de lta mod kyi/ ci nas dang ba dang ldan pa rnams kyis ni mthong la/ ma dad pa rnams kyis ni mi mthong bar bya'o// de nas bcom ldan 'das kyis de bzhin du mdzad do// de nas dge slong dag the tsom skyes te/ the tsom thams cad gcod pa
- 272b
sangs rgyas bcom ldan 'das la zhus pa/ btsun pa nyi mas las gang dag bgyis na/ des 'di che bar grags pa dang / dgra bcom pa nyid thob par gyur lags/ bcom ldan 'das kyis bka' stsal pa nyi ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas// nyi ma nyid kyis las byas shing bsags pa de dag gzhan su dag gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnams par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten
- 273a
du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'drin las tham cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang thar par 'gro bar 'gyur ro// de nas mchod rten de'i mchod pa la bab pa na/ bram ze dang khyim bdag dad pa dang ldan pa rnams kyis spos dang / me tog 'phreng dang / byug pa rnam pa sna tshogs dang / gdugs dang / rgyal mtshar dang / ba dan dang / rol mo'i sgra rnams kyis mchod pa byed do// de nas re zhig na mi zhig rgyal po dang rgyan po rtses nas skugs su nor bu rin po che me shel zhig thob bo/ / de nas de dad pa skyes nas/ bcom ldan 'das rnam par gzigs kyi mchod rten gyi char khab la btags te/ zhabs la phyag 'tshal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag gis kyang 'di lta bu'i yon tan dag thob par gyur
- 273b
cig/ ston pa 'di lta bu mnyes par byed par gyur cig/ mi mnyes par byed par ma gyur cig/ nor bu rin po che 'di lta bu yang spyi bo la thogs bzhin du ma'i lto nas 'byung bar gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshe lo la dor sgyu byed pa gang yin pa de ni nyi ma 'di nyid yin te/ des bcom ldan 'das rnam par gzigs kyi mchod rten la bkur sti de byas pa dang / nor bu rin po che gtags pa des na/ de'i mgo bo las nor bu rin po che byung la/ rgyu de nyid kyis gzugs bzang zhing blta na sdug la mdzes par gyur te/ dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rang te/ bcom ldan 'das kyis gsungs pa la mngon par bstod do// gyad kyis ba dan zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams
- 274a
dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul ser skya'i gnas na shing n+ya gro d+ha'i kun dga' ra ba na bzhugs so// de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ chung ma la bu chags nas/ de zla ba rgyas dam dgu lon pa dang bu byung ste/ khye'u gzugs bzang zhing blta na sdug la mdzes pa/ mi'i kha dog las ni 'das/ lha'i kha dog ni ma thob pa zhig btsas te/ gang gi tshe khye'u de btsas pa 'di'i tshe lnga
- 274b
rnams kyis kho ra khor yug nas lha'i ba dan dag bsgrengs so/ / lha'i rol mo'i cha byad dag kyang brdungs so// lha'i me tog ut+pa la dang / pad+ma dang / ku mu da dang / pad+ma dkar po rnams kyis kyang gtor te/ ser skya'i garas kyi grong khyer thams cad du grags pas rgyas par gyur to// khyim thams cad du'ang de'i phyir ba ngan bsgreng ngo // de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ khye'u 'di btsas pa na 'jig rten thams cad na grags pas rgyas pas na/ de'i phyir khye'u 'di'i ming snyan grags zhes gdags so zhes zer ro// de nas khye'u snyan grags pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang po cog gis bskyed bsrings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa zhig go/ de nas phyis re zhig na khye'u snyan grags shing n+ya gro d+ha'i kun dga' ra bar song ba dang / sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes
- 275a
par byas pa/ 'od 'dom gang gi brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ / dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan to// de nas khye'u snyan grags kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas/ sbyin pa dang / rab tu sbyin pa dag sprin te/ dge sbyong dang / bram ze dang / bkren pa dang / sdug cing 'phongs pa rnams tshim par byas nas/ pha ma la gsol te/ bcom ldan 'das kyi bstan pa la rab tu byung ngo // des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsod chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral
- 275b
bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de'ang gsol ba btab ste/ phul ba'i gos spyod do// gsol ba btab ste/ phul ba ma yin pa ni nyung ngu spyod do// gsol ba btab ste/ phul ba'i zas dang / mal che dang / stan dang / nad gsos dang / sman zong sprod do// gsol ba btab ste/ phul ba ma yin pa ni nyung ngu spyod do// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa snyan grags kyis las gang dag bgyis na/ des btsas ma thag tu lha rnams kyis ba dan bsgreng nas/ 'jig rten du grags pas rgyas par gyur la/ rab tu byung nas dgra bcom pa nyid thob par gyur lags/ bcom ldan 'das kyis bka' stsal pa/ dge slong dag snyan grags nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ snyan grags nyid kyis las byas shing bsags pa de
- 276a
dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni/ bskal ba brgyar yang chud mi bri// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs kyis sangs rgyas kyi 'phrin las thams cad mdzad nas/ shing zad pa'i me bzhin du phung po lhag ma med pa'i mya ngan las 'das pa'i dbyings su yongs su mya ngan las 'das so// de nas rgyal po gnyer yod kyis bcom ldan 'das de'i sku gdung
- 276b
la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dngapag tshad gcig yod la/ 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas/ mtho ris dang thar par 'gro bar 'gyur ro// de nas re zhig na rgyal po gnyen yod kyis mchod rten de la dus ston byas nas/ mchod rten gyi dus ston byed pa der gyang 'gyed pa rnams kyis ba dan dag bsgreng ngo / / de nas re zhig na rgyal po'i gyad gcig gis gyad gcig non pa dang / des gyad kyi ba dan thob nas/ des de blangs te srog chags 'bum phrag du mas 'khor dang bcas pa rol mo'i sgra rnam pa sna tshogs len cing / bcom ldan 'das rnam par gzigs kyi mchod rten ga la ba der song ste phyin nas/ bcom ldan 'das kyi yon tan dran par byas te/ ba dan de mchod rten gyi steng gi srog shing la btags nas smon lam btab pa/ bdag gis kyang yon tan 'di lta bu dag thob par gyur cig/ ston pa 'di lta bu bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe de'i dus na gyang du gyur pa gang yin pa de ni snyan grags 'di yin te/ des bcom ldan 'das rnam par gzigs kyi mchod rten la bsnyen bkur byas pa des na/ 'khor bar bde ba mtha' yas pa myong bar 'gyur la/ rgyu de nyid kyis da ltar yang dgra bcom pa nyid
- 277a
mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rang ste/ bcom ldan 'das kyis gsungs pa la mngon par bstod do// / gang po la sogs pa rtogs pa brjod pa brgya pa las rtogs pa brjod pa sna tshogs zhes bya ba ste/ sdom gyi tshigs su brjod pa bdun pa rdzogs so// sdom ni/ 'od bzang ma dang rab sdug ma// dkar mo zla ba ut+pa la// mdzes ldan ma dang mu tig dang / / ka tsang ga la bde byed ma// mi sdug sde tshan bcad de bstan// 'od bzang ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / mong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang /
- 277b
nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lham yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / khrims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na/ tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do// de rtse zhing dga' la dga' mgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa lha'i rgyun gyis klubs pa/ nor bu rin po che mgul na thogs pa zhig btsas te/ de nas 'od byung ba des mnyan du yod pa thams cad sdang bar byas so// de nas de btsas pa'i btsas ston byas nas/ bu mo 'di'i ming ji snying gdags zhes ming
- 278a
'dogs par byed de/ nye du rnams na re/ bu mo 'di btsas ma thag tu nor bu rin po che'i 'od kyis mnyan du yod pa thams cad snang bar byas pas na/ de'i phyir bu mo 'di'i ming 'od bzang ma zhes gdags so zhes zer ro/ / de nas bu mo 'od bzang ma pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i me ma gnyis dang / rtse ba'i ma ma gnyis te/ ma ma brgyad la gtad de/ ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// bu mo de'ang dad pa dang ldan la/ dge zhing bsam pa bzang ba/ bdag la phan pa dang / gzhan la phan pa la zhugs pa zhig ste/ de la slong ba su dang su 'ongs kyang rung ba de dang de dag la mgul nas rgyan bkrol te sbyin par byed do/ / byin nas kyang yang rgyan 'byung bar 'gyur ro// de nas gang gi tshe bu mo de mthar gyis chen mor gyur pa de'i tshe/ rgyal po'i bu rnams dang / blon po'i bu rnams dang / tshong dpon gyi bu mang po dag de slong du 'ong ngo // de nas de dag gis gnod par gyur nas/ de'i pha lag pa la oM tshugs bcas te bsams pa/ gal te gcig la byin na ni/ gzhan rnams bdag gi dgrar 'gyur ro snyam nas sems khongs su chud cing 'dug go// de nas re zhig na bu mo ngas pa sems khongs su chung ba mthong nas smras pa/ yang
- 278b
ci zhig gis sems khongs su chud cing bzhugs/ des de'i don rgyas par bsnyad do// de nas phyis bu mo de na re/ yab thugs ngan ma mdzad cig dang / da ste zhag bdun na bdag nyid kyis khyim/ zab ga dam par 'tshal lo zhes zer ro// de nas tshong dpon des rgyal po gsal rgyal la gsol nas/ mnyan du yod par dril bsgrags te/ da ste zhag bdun na bu mo 'od bzang ma rang nyid kyi khyim thab 'dam par chad kyis/ khyed kyi bya ba gang yin pa de gyis shig ces byas so// de nas zhag bdun lon pa dang / bu mo 'od bzang ma shing rta la zhon te/ chos gos tshon can gyi rgyal mtshan bsgreng nas/ sangs rgyas bcom ldan 'das kyi sku gzugs ri mor bris te bstod pa 'don cing srang du zhugs so// de nas der rgyal po'i bu rnams dang / blon po'i bu rnams dang / tshong dpon gyi bu rnams de la yid smon byed cing lta ba de dag la gtam rnam pa sna tshogs kyis shad kyis byang bar bshad de/ bdag gis khyed la gang gi sgo nas kyang sku brnyas ni mi 'tshal na/ yod ye bdag 'dod pa rnams la don du gnyer ba ma lags pa kho na pas so/ / bdag ni sangs rgyas la skyabs su song ste/ de'i thang du rab tu 'byung ngo zhes byas nas/ de dag phyir log go// bu mo 'od bzang ma yang bcom ldan 'das kyi thad du song nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis
- 279a
de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ thos nas bu mo 'od bzang mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob ste/ des bden pa mthong nas mngon par shes pa'ang ba sgrubs so/ / de nas bu mo 'od bzang ma stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bdag kyang legs par gsungs pa'i chos 'dul ba la rab tu 'byung ba dang / bsnyen par rdzogs shing / dge slong ma'i dngos po 'thob tu rung na/ bdag kyang bcom ldan 'das kyi thang du tshangs par spyod pa spyad par 'tshal lo// de nas bcom ldan 'das kyis bstan pa 'di la gdul bar byas pa mang po dag des 'dren par 'gyur bar thugs su chud nas/ bcom ldan 'das kyis bka' stsal pa/ bu mo song la 'khor rnams kyang ltos shig/ de nas bu mo 'od bzang ma rgyal bu rgyal byed kyi tshal nas byung ste/ mang po 'dus pa'i nang du song ba dang / der so so nas bsams pa/ 'di mthus dbrog par bya'o snyam ste/ de dag gis de bzung bar byas so// de nas bu mo 'od bzang ma de dag gis
- 279b
bstabs pa dang / ngang pa'i rgyal po 'dab ma brkyang ba bzhin du nam mkha' la mngon par 'phags te/ cho 'phrul rnam pa sna tshogs bstan to// so so'i skye bo rnams ni rdzu 'phrul gyis mur du dad par byed de/ de nas de dag gis lha dang mi rnams dad par byed pa'i cho 'phrul de mthong ngo // mthong nas kyang spu zing zhes byas nas/ sdong po rtsa ba nas bcad pa bzhin du rkang pa la phyag 'tshal nas gsol ba btab pa/ sru mar spyon/ mar spyon/ khyod kyis chos 'di lta bu dag mngon du byas pa las na/ khyod 'dod pa spyod pa 'di ni mi srid do zhes byas so// de nas bu mo 'od bzang ma nam mkha' las babs nas/ skye bo phal po che'i gung la 'dug ste/ gang thos pas srog chags 'bum phrag du mas bden pa mthong bar 'gyur ba de lta bu'i chos bstan to// de nas bcom ldan 'das kyis de skye dgu'i bdag mo chen mo la gtad de/ des de rab tu phyung ste/ bsnyen par rdzogs par byas so// de nas des brtson pa dang / bsgrub pa dang / 'bad pas po la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa 'ams gsum pa'i 'dod chags dang bral bar gyur nas/ gser dang bong bar mnyam pa/ nam
- 280a
mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa// rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa 'od bzang mas las gang dag bgyis na/ des gzugs bzang zhing blta na sdug la mdzes pa dang / mgul pa nas kyang nor bu rin po che byung la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'od bzang ma nyid kyis sngon che rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za/ bar 'ong ba'i las de dag byas shing bsags pas na/ 'od bzang ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba
- 280b
dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za/ / tshogs shing dus la bab pa na/ 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re zhig na yang dag par rdzogs pa'i sangs rgyas rnam par gzigs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ / de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs so// de nas re zhig na rgyal po gnyen yod kyi btsun mo pad+ma rgas nas/ rgyan rnam pa sna tshogs lus las bkrol te/
- 281a
mchod rten de la phul lo// de nas zhabs la phyag 'tshal te smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag gis kyang dgra bcom pa nyid thob par gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po gnyen yod kyi btsun mo dam par gyur pa gang yin pa de ni 'od bzang ma 'di yin te/ des bcom ldan 'das rnam par gzigs kyi mchod rten la rgyan rnam pa sna tshogs btags pa des na/ gzugs bzang zhing blta na sdug la mdzes pa dang / yan lag dang nying lag thams cad dang ldan par gyur to// smon lam btab pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam pa smin pa'ang gcig tu nges par dkar bar 'gyur/ / las 'dren ma rnam ni rnam par smin pa'ang 'dren mar 'gyur ro// dge slong dag de lta bas na las gcig tu nges par gnag pa rnams dang / las 'dren ma rnams spangs la/ las gcig tunges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom
- 281b
ldan 'das kyis gsungs pa la mngon par bstod do/ / rab sdug ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun ga sos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// / de'i tshe khyim bdag mgon med zas sbyin gyi chung ma la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa/ yan lag dang nying lag thams cad dang ldan pa/ mnyan du yod pa na gnas pa'i skye bo'i tshogs rnams kyi snying du rab tu sdug ma zhig btsas so// de nas de btsas pa'i btsas ston byas nas/ bu mo
- 282a
'di'i ming ji skad gdags zhes ming 'dogs par byed de/ nye du rnams na re/ bu mo 'di skye bo thams cad kyi snying du sdug pas na/ de'i phyir bu mo 'di'i ming rang sdug ma zhes gdags so zhes zer ro/ / de'ang tshe rabs dran te/ btsas ma thag tu tshigs su bcad pas smras pa/ sbyin pa byin pa mang nyung ci yang rung // zhing gi khyad par gzhi las 'phel bar 'gyur// de'i phyir mkhas pas bsgrims te 'jig rten du/ / dad pas lha mi'i dbang phyug sangs rgyas sbyin// de nas de'i pha ma dang / gzhan yang khyim de na gnas pa rnams kyis tshig brjod pa de thos nas skrag cing sngangs te/ mi dga' bar gyur la/ spyi bung zhes byed nas smras pa/ kye ma bu mo 'di ni sha za mo zhig go/ des smras pa/ yum bdag ni sha za mo yang ma lags/ srin mo yang ma lags kyi/ bdag ni bu mo lags te/ sbyin pa dag sbyin par 'tshal lo// de nas de'i mas khyim bdag mgon med zas sprin la bu mi des 'di skad mchi'o zhes bsnyad do// de nas khyim bdag de dga' zhing mgu la rab tu dga' nas/ bcom ldan 'das dge slong gi dge 'dun dang bcas pa khyim gyi nang du bshos gsol te/ de'i phyir sbyin rabs gdon du bcug go// de nas gang gi tshe bu mo de mthar gyis lo bdun lon pa de'i tshe/ ba ma la gsol te/ bcom ldan 'das kyi bstan pa la rab tu byung nas/ de dge slong ma thams cad la sdug pa dang / 'phangs pa dang / snying du sdug pa dang / yid du 'ong
- 282b
bar gyur to/ / re zhig na de'i tshe mu ge'i bar gyi bskal pa dang 'dra ba'i mu ge chen po byung nas/ der srog chags 'dum phrag du ma bza' ba dang btung ba med pas shi'o// de nas der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod song rab sdug ma la nga na re 'khor bzhi po rnams la khyod kyis zla ba gsum gyi bar du gos dang / zas dang mal ma dang / stan dang / nad gsos dang / sman zong rnams phul cig ces gyis shig/ de nas tshe dang ldan pa kun dga' bo rab sdug ma'i thad du 'ongs nas smras pa/ bcom ldan 'das kyi zha nas khyod kyis 'khor bzhi po rnams la zla ba gsum gyi bar du gos dang / zas dang / mal cha dang / stan dang / nad gsos dang / sman zing rnams phul cig bka' stsal to// de nas rab sdug mas thal mo sbyar te/ bcom ldan 'das kyi bka' spyi bos mnos nas bka' bzhin 'tshal zhes smras so// de nas rab sdug ma spyod yul gyi grong blta ba'i phyir mnyan du yod par chas so// de nas re zhig na khyim bdag mgon med zas sbyin gyis gtom de thos nas shin tu rings par rab sdug ma'i mdun du song ste smras pa/ rabo sdug ma gar 'gro/ des smras pa/ bcom ldan 'das kyis bka' skul pa/ zla ba gsum gyi bar du zhal ta ba'i las byed par bskos so// mgon med zas sbyin gyis smras pa/ phyed kyi de dag thams cad bdag gis sbyar gyis/ khyod kyis bya mi dgos so// rab sdug
- 283a
mas smras pa/ gal te yab bden pa mthong ba lags la/ sa'i 'og thog thag tu sbas pa'i gter rnams kyang mngon du gzigs na/ sbyar ba 'di la ngo mtshar che ba ci mchis 'on kyang bdag ni skye bo dbul po la phan gdags pa'i slad du zhal ta bgyid do/ / de bzhin du dge bsnyen lnga brgya dang / btsun mo 'phreng rgyud ma dang / rgyal rigs kyi bu mo dbyar tshul ma dang / btsun mo 'khor gyi bla drang srong sbyin dang / gna' mi dang / ri dgas 'dzin gyi ma sa ga dang / rgyal po gsal rgyal rnams kyis kyang skabs phye ste/ khyod kyis bya mi dgos so zhes byas so// de nas nags lung du song nas der mi ma yin pa'i cha lugs can dag gis kyang skabs phye'o/ / de ltar skabs phye nas kyang / de nas bcom ldan 'das nyan thos kyi dge 'dun dang bcas pazla ba gsum gyi bar du na bza' dang / zhal zas dang / gzims cha dang / gdan dang / snyun gsos dang / sman zong rnams kyis bsnyen bkur byas so// des zla ba gsum po de nyid kyi skabs su brtson pa dang / bsgrub pa dang / 'bad pas po la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags
- 283b
nadang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang 'a dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas bcom ldan 'das zla ba gsum 'das pa dang / chos gos mdzad de/ chos gos zin nas/ chos gos gsol te/ lhung bzed bsnams nas/ nyan thos kyi dge 'dun dang thangs cig tu mnyan du yod pa nas rgyal po'i khab tu chas te gshegs so// de nas rab sdug nas bcom ldan 'das dang lam du phrad nas/ 'o brgyal mi 'tshal zhes gsol to// de nas re zhig na nags lung chu dang ldan pa zhig tu phyin nas dro la bab na brgyags kyang med nas/ bcom ldan 'das nyan thos kyi dge 'dun dang bcas pa bzhugs par gsol to/ / de nas lhung bzed lag pa g.yon pa la bzhag ste tshig tu smras pa/ gal te bsod nams dag gi rnam par smin pa yod ce na/ bdag gi lhung bzed bza' ba dang bca' ba la sogs pa rnam pa sna tshogs kyis gang bar gyur cig ces byas so/ / de nas lhas lha'i bdud rtsis bkang ngo // de nas rab sdug gis gral rims bzhin dge
- 284a
slong gi dge 'dun thams cad kyi lhung bzed rnams zhal zas kyis bkang nas/ der bcom ldan 'das kyis/ dge slong rnams la bka' stsal pa/ dge slong dag pa nyan thos kyi dge slong ma bsod nams byas pa rnams kyi mchog ni 'di lta ste/ dge slong ma rab sdug ma yin no// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rab sdug mas las gang dag bgyis na/ des phyug po'i rigs su skyes te/ gzugs bzang zhing bstan sdug la mdzes pa dang / skye bo thams cad kyis bkur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag rab sdug ma nyid kyis sngon tshe rabs gzhan dag tu / tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ rab sdug ma nyid kyis las byas shing bsag pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la
- 284b
rnam par smin par 'gyur ro/ / lus can dag gi las rnams ni// bskal pa brgyar yang nud mi za// tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na/ drang srong smra ba ri dgas kyi nags ni rten cing bzhugs so// de nas yang dag par rdzogs pa'i sangs rgyas 'od srungs snga dro sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ mdun du bdar nas wA rA NA sir bsod snyoms la gshegs pa dang / re zhig na tshong dpon zhig g.yog 'khor dang bcas te skyed mos tshal nas bza' ba dang bca' ba mang po dag khyer te/ de nas re zhig na de'i mngag gzhug ma bu mo zhig 'bras chan gyi gzeb khyer te rje bo'i phyi bzhin du 'gro ba las/ bu mo mngag gzhug ma des bcom ldan 'das nyan thos kyi dge 'dun dang bcas pa la ma khar mthong nas/ de dga' bar gyur te blo skyes pa/ bdag la rje bos lan gnyis su bran mor byar ci yod kyis/ bdag gis bcom ldan
- 285a
'das shos gsol gor ma chag snyam mo/ / de nas des gsang ba dang / bcing ba dang / brdeg pa dang / bsngos nas 'bras chan gyi gzeb phye ste/ bcom ldan 'das nyan thos kyi dge 'dun dang bcas pa zhal zas sna tshogs kyis rim par byas so/ / de nas tshong dpon gyi thad du song ba dang / re zhig na tshong dpon gyi bu mo 'bras chan gyi gzeb de ga re zhes dris so// des smras pa/ bdag gis bcom ldan 'das yang dag par rdzogs pa'i sangs rgyas 'od srungs la zhal zas phul lo zhes byas pa dang / tshong dpon gyis de thos nas mchog tu ya mtshan du gyur to// de nas de dga' zhing mgu la rab tu dga' nas smras pa/ bu mo khyod deng phyin chad bran mo las phyung gis song zhig/ khyod kyis bdag gnyid kyi log pa na mel tshe byas pa yin no zhes smras so// de nas des thal mo sbyar te khyim bdag la gsol pa/ bdag bcom ldan 'das kyi bstan pa la rab tu byung bar ci snang zhes byas so// de nas khyim bdag des lhung bzed dang chos gos kyang byin nas/ de rje bos byin pa'i lhung bzed dang chos gos khyer te/ bcom ldan 'das kyi bstan pa la rab tu byung na/ des bcom ldan 'das 'od srungs kyi gsung rab la lo dgu stong gi bar du zhal ta pa'i las byas te/ 'bras can dang / skyo ma dang / thug pa btung ba dang / rtag res 'khor dang / mgron du bod pa dang / mar me'i 'phreng ba dang / chos gos sra brkyang rnams dang / sbyin pa dang / rab tu sbyin pa rnams kyang phul te
- 285b
smon lam btab pa/ bdag gis dka' bas bsgrubs te/ bcom ldan 'das 'od srungs la sbyin pa dang rab tu sbyin pa dag phul ba'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag bcom ldan 'das shAkya thub pa'i gsung rab la rab tu 'byung ba thob par gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na bu mo mngag gzhug mar gyur pa gang yin pa de ni rab sdug ma 'di yin te/ des bcom ldan 'das 'od srungs la zhal zas phul ba des na phyug po'i rigs su skyes te/ gzugs bzang zhing blta na sdug la mdzes pa/ skye bo thams cad kyis bkur bar gyur to// smon lam btab pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi
- 286a
rangs te/ bcom ldan 'das kyis gsungs pa la mngon par bstod do// / dkar mo zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ / de'i tshe shAkya rnams kyi nang na/ shAkya sngar ma zhes bya ba phyug cing nor mngal longs spyod re ba/ yongs su 'dzin pa yangs shing rgya che / rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las rlung ma blangs nas/ de de dang lhan cig tu rtse zhing dga' la dga' dpur spyod do//
- 286b
de de dang rtse zhing dga' la dga' dgur spyod kyang / bu'ang med/ bu mo'ang med de/ lag pa oM tshugs bcas nas bsams pa/ bdag gi khyim nor du ma dang ldan du zin kyang / bdag la bu'ang med bu mo'ang med pas/ bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste/ sems khongs su chud cing 'dug go// de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o// de nas de bu med de/ bu 'dod pas gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshul gyi lha dang / lam gyi bzhi mdo'i lha dang sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams la yang gsol ba 'debs so// 'jig rten na'ang gsol ba btab pa'i rgyus bu dang bu mo skye bar 'gyur ro zhes bya ba'i gtam yod mod kyi/ de'ang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor lo sgyur ba'i rgyal po bzhin du re re la'ang bu stong stong yod par 'gyur ba'i rigs so/ / ya ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags
- 287a
langs te phrad pa dang / ma dus la bab cing rtswa mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur ro// de nas de'ang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te/ de'i chung ma'i ltor zhugs nas/ des khyim thab la sbran to// de nas khyim thab kyis smras pa/ bzang mo gal te bu khye'u zhig btsas na ni legs/ de ma yin te bu mo zhig btsas na ni/ de nyid dang bcas te khyod khyim nas bskrad de gtang ngo // de nas re zhig na de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa/ gos dkar po gyon pa mngal gyi dri mas mgos pa zhig btsas so/ / de nas re zhig na shAkya snar mas khyod kyi chung ma la bu byung ste/ bu mo zhig bcas so zhes thos pa dang / de khros te nang du song ngo // de nas de'i chung mas lha'i gos gyon pa'i bu mo phul lo/ / de nas shAkya snar mas bu mo mthong nas/ mchog tu ya mtshan du gyur nas/ de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ 'di gos dkar mo gyon bzhin du btsas pas na/ de'i phyir bu mo 'di'i ming dkar mor gdags so zhes zer ro// de nas bu mo dkar mo pang na 'tsho ba'i ma ma gnyis dang / nu ma
- 287b
bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// bu mo dkar mo ji tsam du skye ba de tsam du gos de dag kyang skye ste/ dri ma can du'ang mi 'gyur la/ de'i lus la'ang dri mas gos par mi 'gyur ro// de nas gang gi tshe bu mo dkar mo mthar gyis chen mor gyur pa de'i tshe/ rgyal po'i bu rnams dang / blon po'i bu rnams dang / tshong dpon gyi bu mang po de dag de slong du 'ong ngo // de nas de dag gis gnod par gyur nas/ de'i pha lag pa la oM tshugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas sems khongs su chud cing 'dug go/ de nas re zhig na bu mo des pha sems khong su chud cing 'dug pa mthong nas smras pa/ yab ci zhig gis sems khongs su chud cing bzhugs/ de nas de'i don rgyas par bsnyad do// de nas bu mo na re/ yab thugs ngan ma mdzad cig/ bdag ni 'dod pa la don du gnyer ba ma lags te/ bcom ldan 'das kyi bstan pa la rab tu 'byung gis/ yab kyis bdag la gnang bar mdzad du gsol/ de nas re zhig na nges pa ma gnyis la gsol nas/ bcom ldan 'das kyi bstan pa la rab tu byung ste/ gos
- 288a
gang dag gyon te btsas pa de dag nyid chos gos lnga tshang bar gyur to/ / de nas nges brtson pa dang / sbyor ba dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so bo yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge/ slong dag the tsom skyes te/ the tsom thams gcod pa sangs rgyas bcom ldan 'das la zhus pa/ btsun pa dkar mos las gang dag bgyis na des phyug po'i rigs su skyes te/ gzugs bzang zhing blta na sdug la mdzes pa dang / gos dkar mo gyon pa dang / rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag dkar mo nyid
- 288b
kyis sngon tshe rab sa gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar song pa'i las de dag byas shing bsags pas sa/ dkar mo nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mo 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa nga rgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'ong srungs zhes bya ba 'jig rten du byung ste/ de grong khyer wA rA NA si na/ drang srong smra ba ri dgas kyi nags na rten cing bzhugs so// de nas re zhig na tshong dpon gyi chung ma dad pa dang ldan la/ dge
- 289a
zhing bsam pa bzang zhing 'dug pa don zhig la drang srong smra bar song ngo / / de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das 'od srungs kyis de la chos bstan nas des dad pa rnyed de bcom ldan 'das nyan thos kyi dge 'dun dang bcas pa khyim gyi nang du bshos gsol nas/ dge slong gi dge 'dun la chos gos sra brkyang phul lo/ / de nas mthar gyis pha ma la gsol te/ bcom ldan 'das kyi bstan pa la rab tu byung ngo // dge slong dag ji snyam du sems/ de'i tshe de'i dus na tshong dpon gyi chung mar gyur pa gang yin pa de ni dge slong ma dkar mo 'di yin te/ des dge slong gi dge 'dun la chos gos sra brkyang phul ba des na/ gos dkar mo gyon bzhin du btsas so// tshangs par spyod pa'i gnas bsrungs pa des ni tshe 'di la dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnog par 'gyur ro// las
- 289b
gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / zla ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas// ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sang rgyas bcom ldan 'das bsod nams chen po dang ldan pa/ na bza' dang / zhal zas dang / gzims ma dang / gdan dang / snyun gsos dang / sman zong rnams brnyes pa/ nyan thos kyi dge
- 290a
'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ bram ze phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so// de'ang rig byed gsum gyi mthar phyin te/ ming gi rnam grangs dang / shes gsal dang bcas pa dang / yi ge'i rab tu dbye ba dang / lnga pa ste/ gtam rgyud dang bcas pa rnams tshig re re nas brda sprod nus pa zhig go/ de nas de bram ze'i khye'u lnga brgya bram ze'i sngags 'don pa'i slob dpon byed do// de nas des bu dgos pa'i phyir rigs mnyam pa las rung ma blangs nas/ de de dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing mdzes pa blta na sdug pa yon lag dang nying lag thams cad dang ldan po zhig btsas so/ / de nas de btsas pa'i btsas ston byas nas/ bu mo 'di'i mong ji skad gdags zhes ming 'dogs par byed de/ nye du rnams na re/ bdag cag gi bu tsha phal cher zla ba zhes 'dogs pas na/ de'i phyir bu mo 'di'i ming zla ba zhes gdags so zhes zer ro// de nas bu mo zla ba pang na
- 290b
'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de nas bu mo zla ba mthar gyis chen mor gyur pa dang / de mkhas shing gsal la yid gzhungs pa dang / bya ba la gsal ba dang / dran pa dang ldan pa dang / thos pa 'dzin par gyur to// de nas re zhig na de'i pha bram ze'i khye'u rnams sngags slob pa na de thos pa tsam gyis lobs so/ / thos nas kyang bstan chos de dag lta 'og dang sbyor zhing 'chad nus so// de nas de'i grags pas mnyan du yod pa thams cad rgyas par gyur to/ / mu stegs can dag kyang nyin gcig bzhin du de la blta ba'i phyir 'ongs te/ de dang lhan cig tu gtan la 'bebs par byed do// de nas gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ mnyan du yod par gshegs nas mkhas pa rnams dang / mkhas par grags pa de dag las phal cher bcom ldan 'das la blta ba'i phyir der 'dong bar byed do/ / de nas de dag mi snang nas nang mi rnams la smras pa/ kye ci'i phyir de bstan chos shes pa dag mi 'ong ba 'di la
- 291a
rgyu ci zhig yod/ de dag gis smras pa/ bcom ldan 'das thams cad mkhyen pa shAkya thub pa 'dir gshegs te/ de dag thams cad de la gzhol bar gyur to// de nas sangs rgyas zhes bya ba'i sgra sngon ma byung ba thos nas/ de spu thams cad zing zhes byas so// de nas bu mo zla bas sangs rgyas zhes bya ba'i sgra thos nas/ bcom ldan 'das kyi thad du song ngo // de nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan panyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu bcom ldan 'das kyi zhabs la phyag 'tshal te/ chos mnyan pa'i/ phyir bcom ldan 'das kyi spyan sngar 'dug go// de nas bcom ldan 'das kyis bu mo zla ba'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas bu mo zla bas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas skye dgu'i bdag mo chen mo'i thad du rab tu byung ngo // de nas des brtson pa dang / bsgrub pa dang / 'bad pas phol mig lnga pa'i 'khor
- 291b
ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par gyur chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyamapa nam mkha' dang lag mthil du 'dra ba'i sems dang ldan pa/ tsan dan spangs pa lta bu bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra baba'i gnas su gyur to/ / de nas gang gi tshe bcom ldan 'das kyis dge slong rnams la dge slong dag khyed cag gis zla ba phyed phyed cing so sor thar pa'i mdo bshad pa gdon par gyis shig ces bka' sprul pa dang / de'i tshe skye dgu'i bdag mo chen mos gsol pa/ bcom ldan 'das kyis so sor thar pa'i mdo lung dbog tu gsol/ bde bar gshegs pas so sor thar pa'i mdo lung dpog tu gsol/ bcom ldan 'das kyis bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas ni dge slong ma la tshig re re nas chos kyi lung 'bog par mi mdzad de/
- 292a
gal te khyed las lan cig smras pas 'dzin nus pa 'ga' zhig yod na ni ngas lung dbog go// de nas de'i tshe dge slong ma zla ba 'khor de nyid kyi nang du 'dus par gyur 'dug go/ de nas dge slong ma zla ba stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// lan cig bka' skul pas bdag gis bzung bar 'tshal na/ bcom ldan 'das kyis so sor thar pa'i mdo lung dbog tu gsol/ bde bar gshegs pa so sor thar pa'i mdo lung dbog tu gsol/ de nas bcom ldan 'das kyis rgyas par lung dbog pa mdzad nas/ lan cig bka' stsal pa dge slong ma zla bas lobs so// der bcom ldan 'das kyis/ dge slong rnams la bka' stsal pa nga'i nyan thos kyi dge slong ma mang du thos pa rnams dang / thos pa 'dzin pa rnams kyi mchog ni 'di lta ste/ dge slong ma zla ba 'di yin no// de nas dge slong dag the tsom skyes te/ the tshom tha ma cad gcod pa sangs rgyas bcom ldan 'das la zhus pa/ btsun pa dge slong ma zla bas las gang dag bgyis shing bsags pa des na phyug po'i rigs su skyes te/ gzugs bzang zhing blta na sdug la mdzes pa dang / thos pa 'dzin par gyur lags/ bcom ldan 'das kyis bka' stsal pa/ dge slong dag zla ba nyid kyis sngon tshe rabs gzhan dag tu tshogs rnyed cing rkyen grub pa dang ldan te/
- 292b
dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ zla ba nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin// bar mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ / bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na// bskal ba bzang po 'di nyid la skye dgu'i tshe lo nyi khro thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba ri dgas kyi nags na rten cing bzhugs so/ / de nas re zhig na bram ze'i bu mo zhig bcom ldan 'das 'od srungs kyi bstan pa la rab tu byung ngo // des de la lung mnos te bslabs nas/ kha ton du byas te phung po la mkhas
- 293a
pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas so/ / mthar thug pa'i ye shes ni bskyed ma nus so// de mkhan mo gang las rab tu byung ba de ni/ bcom ldan 'das 'od srungs kyis thos pa 'dzin pa rnams kyi mchog tu bstan to// nas dge slong ma de 'chi ba'i tshe smon lam btab pa/ ji ltar bdag gi mkhan mo thos pa 'dzin pa rnams kyi mchog tu bstan pa de bzhin du/ bdag kyang ma 'ongs pa'i dus na/ bcom ldan 'das 'od srungs kyis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ / zhes lung bstan pa gang yin pa'i bcom ldan 'das de'i bstan pa la rab tu byung ste/ bcom ldan 'das shAkya thub pas bdag thos pa 'dzin pa rnams kyi mchog tu bstan par gyur cig/ ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na bram ze'i bu mor gyur pa gang yin pa de ni dge slong ma zla ba 'di yin te/ des smon lam btab pa des na/ thos pa 'dzin pa rnams kyi mchog tu bstan to// des der lung mnos te bslabs nas kha ton du byas pa des na/ da ltar dgra bcom pa nyid mngon sum du byas so// dge slong dag de
- 293b
ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spang la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // ut+pa la zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/
- 294a
na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khag na 'od ma'i tshal bya ka lan ta ka gnas pa na rten cing bzhugs so/ / de'i tshe rgyal po'i khab kyi grong khyer na/ klu'i rgyal po ri bo dang / yid 'od gnyis phrad pa zhes bya ba'i dus ston byung ste/ der grong khyer chen po drug po thams cad nas skye bo mang po 'du'o// de nas re zhig na lho phyogs nas zlos gar mkhan gyi slob dpon zhig 'ongs pa de'i bu mo ut+pa la zhes bya ba gzugs bzang zhing blta na sdug la mdzes pa/ yan lag dang nying lag thams cad dang ldan pa/ lang ro dang nad med pa'i rgyags pas dregs pa zhig yod de/ de gang gi tshe ltang mo pa'i nang du 'ong ba de'i tshe/ ltad mo pa thams cad kyis yid smon byed cing lta bar byed do// gang so sor rtog pa'i shas chung ba de dag gi yid 'phrog par byed do// der gang gi ro dus ston byung ba de'i tshe/ rdzogs byed la sogs pa ston pa drug kyang 'ong ngo / / de nas bu mo ut+pa las/ skye bo mang po la smras pa/ kye rgyal po'i khab kyi grong khyer na mir gyur pa'i nang na bdag dang byung gzugs kyis mnyam pa 'am/ khyad par du 'phags pa de lta bu 'ga' lha yod dam/ skye bo mang pos smras pa/ dge sbyong ko'u ta ma 'khor dang bcas pa yod do// ut+pa las smras pa/ cing mi yin nam/ 'od te lha yin/ skye bo mang pos
- 294b
smras pa/ mi ni yin mod kyi/ de ni thams cad mkhyen pa yin no// de nas tshig de thos nas ut+pa la rgyan thams cad kyis klubs te/ bcom ldan 'das kyi thad du song ngo // song nas kyang bcom ldan 'das kyi spyan sngar 'dug ste/ gar byed cing glu len la rol mo byed do// bud med kyi mtshan ma rnams dang / bud med kyi rtags rnams dang / bud med kyi brda rnams dang / bud med kyi rtsed mo rnams kyang ston par byed do/ / der dge slong 'dod chags dang ma bral ba gang yin pa de dag ni des ci bya gtol med par gyur to// de nas bcom ldan 'das kyis dge slong 'dod chags kyi shas che ba rnams gdul ba dang / ut+pa la'i byad gzugs dang lang chos rgyags pa bsal ba'i phyir rdzu 'phrul mngon par 'du mdzad pa gang gi sa ut+pa la rgas shing 'khogs la mgo skya ba dang / so sngo zhing phyam dgu po ltar skur bur gyur pa de lta bu'i rdzu 'phrul mngon par 'du mdzad do// de nas de ltar sprul pa'i mod la ut+pa las bdag nyid mi sdug par mthong nas/ byad gzugs dang lang chos rgyags pa de med par gyur to/ / dge slong 'dod chags kyi shas che ba rnams kyang skyo bar gyur to// de nas ut+pa la rgyags pa med par gyur nas/ bcom ldan 'das kyi zhabs la mgo bos phyag 'tshal te/ bcom ldan 'das la gsol ba btab pa/ bcom ldan 'das kyis bdag ci nas rnag can gyi lus 'di las tshegs chung ngus yongs su grol bar 'gyur pa de lta bu'i
- 295a
chos bstan du gsol/ de nas bcom ldan 'das kyis ut+pa la dang / dge slong 'dod chags dang ma bral ba de dag gi bsam pa dang / bka la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas kha cig gis ni 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// kha cig gis ni lan cig phyir 'ongs kyi 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so/ / kha cig gis ni rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// ut+pa la'ang dad pa rnyed nas/ bcom ldan 'das kyi thad du rab tu byung ste/ des brtson pa dang / bsgrub pa dang / 'bad pas pol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams rlung rnyim pa dang / srung ba dang / rnam par 'thor ba dang / rnam par 'jig pa'i chos can yin par zad cod de/ nyon mongs pa thams cad spangs nas/ dgra bcom pa nyid mngon sum du byas dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs
- 295b
pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ rnyed pa dang / grags pa dang / dkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// zlos gar mkhan de dag kyang skyo bar gyur pa de nyid kyis nyon mongs pa thams cad spangs nas/ dgra bcom pa nyid mngon sum du byas so// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis zlos gar mkhan gyi bu mo ut+pa la bad gzugs dang lang chos rgyags pa las/ rga bas skyo bar mdzad nas gzha' gsang gi mthar thug pa mya ngan las 'das pa'i bar dag tu bzhag pa ni ngo mtshar lags so/ / bcom ldan 'das kyis bka' stsal pa/ dge slong dag da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang na dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'jug pa rnams las yongs su grol ba/ thams cad mkhyen pa/ thams cad mkhyen pa'i ye shes dang shes pa thams cad la dbang thong zir ba'i cheb mo ut+pa la bang gzugs dang lang tsho'i rgyags pas dreg pa las rgas pas skyo bar byas nas/ gzha' gsang gi mthar thug pa
- 296a
mya ngan las 'das pa'i bar du bzhag pa 'di lta la ngo mtshar che ba ci yod de/ 'das pa'i dus nang 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol ba na yang / ngas bu mo ut+pa la rga bas skyo bar byas nas brtul zhugs kyi gnas lnga la bzhag pa de legs par rab tu nyon la yid la zung zhig dang / ngas bshad do// dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skya bo dang mi mang pos gang ba/ rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shi'i dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// de nas re zhig na rgyal po de btsun mo dang lhan cig tu rtse zhing dka' la dga' dgur spyod do/ / de rtse zhing dga' la dga' dgur spyod pa las/ phyis btsun mo la bu chags nas/ de zla ba brgyad dam dgu lon pa dang bu byung ste/ khye'u
- 296b
gzugs bzang zhing blta na sdug la mdzes pa/ mdog bzang po// gser gyi kha dog can/ mgo bo gdugs ltar 'dug pa/ lag pa ring ba/ dpral ba'i dbyes rtse ba/ sna mtho ba/ legs pa/ smin ma stug pa/ yan lag dang nying lag thams cad dang ldan pa zhig btsas so// de nas de btsas pa'i btsas ston byas nas/ khye'u 'di'i ming ci skad gdags zhes ming 'dogs par byed do/ / nye du rnams na re/ 'di'i yab yul ka shi'i rgyal po yin la/ 'di'ang gzugs bzang zhing blta na sdug la mdzes pas na/ de'i phyir khye'u 'di'i ming ka shi mdzes ldan zhes gdags so zhes zer ro/ / de nas khye'u ka shi mdzes ldan pa nga na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i me ma gnyis dang / rtse ba'i ma ma gnyis dang / ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mer gyi snying khu dang / gzhan yang yod byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de nas gang gi tshe de cher skyes pa de'i tshe rgyal tshab tu dbang bskur to// de nas de rgyal po byed pa ni nyes pa du ma dang ldan zhing gnod pa du ma'i rtsa ba yin par rig nas/ drang srong rnams kyi nang du rab tu byung ngo // de'ang gangs kyi sul zhig na gnas te 'bras bu dang / rtsa ba dang / chus 'tsho zhing / ri dgas kyi g.yang
- 297a
gzhi dang / shing shun gyon la me'i sbyin sreg byed do// byis re zhig na 'bras bu dang rtsa ba'i phyir ri'i sul zhig tu song ba dang / re zhig na der mi 'am ci'i bu mo zhig gis drang srong gzhon nu de mthong nas/ chags par gyur to// gar byed cing klu len la rol mo byed do// bud med kyi mtshan ma rnams dang / bud med kyi rtags rnams dang / bud med kyi brda rnams dang / bud med kyi rtsed mo rnams kyang ston par byed do// de nas re zhig na drang srong ka shi mdzes ldan gyi bu mo de la chos bshad de/ me zhe khyod rgas te/ khyod kyi nga ro dang po ni snyad cing mnyen la/ mjug ni rar por gyur to zhes byas so// de nas chos de lta bu bstan te/ de thos nas mi 'am ci'i bu mo'i byed gzugs kyi rgyags pa de med par gyur to// de nas de dad pa skyes nas smon lam btab pa/ gang gi tshe khyod bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ bdag khyod kyi slob mar gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na drang srong gzhon nur gyur pa gang yin pa de ni nga yin no// mi 'am ci'i bu mo de ni ut+pa la 'di nyid yin no// de nas bcom ldan 'das la/ dge slong rnams kyis zhus pa/ btsun pa ut+pa las las gang dag bgyis na/ des gzugs bzang zhing blta na sdug la mdzes par gyur lags/ las gang dag
- 297b
bgyis na/ des dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ut+pa la nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ ut+pa la nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can ngag gi las rnams ni/ bskal pa brgyar yang chud mi za/ tshogs shing dus la bab pa na/ 'bras bu nyid du smin par 'gyur// dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang mdzes ldan na rten
- 298a
cing bzhugs so/ / de nas re zhig na lho phyogs nas zlos kar mngan gyi slob dpon zhig 'ongs so// der gang gi tshe rgyal po mdzes pa bcom ldan 'das kyis bden pa mthong bar mdzad pa de'i tshe/ zlos gar mkhan gyi slob dpon la bsgo ba/ nga'i mdun du sangs rgyas kyi zlos gar gyi gar thabs gyis shig ces byas nas/ de dag gis rgyal po'i bka' spyi/ bos mnos te/ lha bka' bzhin 'tshal lo zhes byas so// de nas sangs rgyas kyi zlos gar sbyar te/ legs par spangs nas/ rgyal po'i blon po'i tshogs dang bcas pa'i mdun du zlos gar gyi gar thabs byas so/ / de nas der zlos gar mkhan gyi gar gyi slob dpon nyid ni sangs rgyas kyi che lugs kyis nang du 'ongs so// zlos gar mkhan gzhan rnams ni dge slong gi cha lugs kyis nang du 'ongs so/ / de nas rgyal po dga' zhing mgu la rab tu dga' nas/ zlos gar mkhan gyi slob dpon la sogs pa zlos gar mkhan gyi tshogs rnams la nor gyi phung po chen po byin no// de nas de dag bcom ldan 'das kyi bstan pa la dad pa rnyed nas/ sbyin pa dang / rab tu sbyin pa dag sbyin nas/ yang dag pa'i smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag cag kyang ma 'ongs pa'i sangs rgyas rnams mnyes par byed par gyur cig/ mi mnyes par byed par ma gyur cig ces byas so// dge slong
- 298b
dag ji snyam du sems/ zlos gar mkhan gang yin pa de dag ni ut+pa la sogs pa 'di dag yin te/ 'di dag gis der smon lam btab pa des na/ da ltar dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // bam po bcu bdun pa// / mdzes ldan ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang tshong dpon rnams dang / ded dpon rnams dang / lha rnams dang / klu rnams dang / gnod sprin rnams dang / lha ma yin rnams dang / nam mkha' lding rnams dang / mi 'am ci rnams dang /
- 299a
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa wA rA NA si na drang srong smra ba'i ri dag kyi nags na bzhugs so// de'i tshe grong khyer wA rA tA si na rgyal po tshangs pas byin rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ga dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// de nas re zhig na rgyal po de btsun mo dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod pa las/ phyis btsun mo la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes
- 299b
pa yan lag dang nying lag thams cad dang ldan pa zhig btsas so/ / de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ bu mo 'di ka shi'i rgyal po'i bu mo yin la/ byad gzugs kyang bzang bas de'i phyir bu mo 'di'i ming ka shi mdzes ldan ma zhes gdags so zhes zer ro// de nas bu mo ka shi mdzes ldan ma pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyisa'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to/ / de nas gang gi tshe bu mo ka shi mdzes ldan ma chen mor gyur pa de'i tshe/ nyi 'og gi rgyal po drug gis rgyal po tshangs pas byin la pho nya btang ste/ khyod kyi bu mo btsas zhes bdag gis thos kyis gzhan la ma sbyin par bdag gi bu la byin cig ces spring ngo / / de nas rgyal po tshangs pas byin mya ngan gyi khung bur zhugs nas/ lag pa la oM tshugs bcas te bsams pa/ gal te gcig la byin na ni gzhan rnams ni bdag gi dgrar 'gyur ro snyam nas/ sems khongs su chud cing 'dug go/ de nas re zhig na bu mo ka shi mdzes ldan ma rgyan thams cad kyis klubs te pha'i thad du song
- 300a
des pa mya ngan gyis non pa mthong nas dris pa/ yab ci'i skad du mya ngan mdzad/ de nas pas kyang de la ji ltar gyur pa bskyed do// de nas bu mo ka shi mdzes ldan mas pa la smras pa/ yab nyi 'og gi rgyal po rnams da ste zhag bdun na bu mo ka shi mdzes ldan na rang nyid kyi khyim thab 'dam par chad kyis/ khyed kyi bya ba gang yin pa de gyis shig ces pho nya gtang du gsol zhes byas so/ / de nas zhag bdun lon pa dang / nyi 'og gi rgyal po drug po rnams 'dus so// bu mo ka shi mdzes ldan ma'ang shing rnga la zhon te/ chos gos tshon can gyi ba dan bsgrengs nas/ sangs rgyas bcom ldan 'das kyi sku gzugs lag na thogs te/ rgyal po 'dus pa'i nang du song nas smras pa/ kye nyi 'og gi rgyal po rnams gson cig/ bdag ni khyed kyi gzugs dang / lang tshe dang / rigs dang / longs spyod dang / dbang phyug la mi sems kyi/ bdag ni 'dod pa rnams la don du gnyer ba ma lags te/ bdag ni ras 'di la sangs rgyas bcom ldan 'das kyi sku gzugs bris pa gang yin pa de'i slob ma lags te/ de'i bstan pa la rab tu 'byung ngo zhes byas nas/ drang srong smra bar song ste/ bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen
- 300b
par rdzogs shing dge slong ma'i dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis skye dgu'i bdag mo chen mo la gtad do/ / de nas des kyang de rab tu phyung ste bsnyen par rdzogs par byas nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so/ yang dag par rig pa thob pa/ srid pa'i rnyed pa dang / chags pa dang / bkur sti la mi lta dang / dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / de nas rgyal po'i bu de dag gis de'i gzugs dang / lang tshe dang / mdzes pa rjes su dran nas/ 'dod chags kyi rgyags pas myong te/ rab tu byung bzhin du yang gsol ba 'debs so//
- 301a
de nas de dag gis gsol ba btang nas/ ngang ba'i rgyal po 'dab ma brkyang ba bzhin du nam mkha' la mngon par 'phags te/ cho 'phrul rnam pa sna tshogs bstan to// so so'i skye bo rnam ni rdzu 'phrul gyis myur du dad par byed do/ / de nas rgyal po'i bu de dag gis lha dang mi rnams dad par byed pa'i cho 'phrul shin tu rmad du byung ba mthong nas spu zing zhes byed de/ rkang pa la phyag 'tshal nas/ bzod pa gsol te/ sru khyod kyis chos 'di lta bu dag mngon sum du byas pa las na/ khyod 'dod pa spyod pa 'di ni mi srid kyis/ bzod par mdzod cig ces byas so// de nas bu mo ka shaM mdzes ldan ma nam mkha' las babs te/ skye bo mang po'i gung la 'dug nas chos de lta bu dag bstan te/ de thos nas srog chags 'bum phrag du mas khyad par chen po thob bo// de nas dge slong dag the tsom bskyes te/ the tsom thams cad gcod pa sangs rgyas bcom ldan 'das la zhus pa/ btsun pa ka shi mdzes ldan mas las gang dag bgyis na/ des gzugs bzang zhing blta na sdug la mdzes pa dang / rab tu byung nas dgra bcom pa nyid mngon sum du bgyis pa lags/ bcom ldan 'das kyis bka' stsal pa/ dge slong dag ka shi mdzes ldan ma nyid kyis sngon gyi tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ ka shi mdzes ldan ma nyid kyis las byas shing bsags pa de dag gzhan su zhig gis nyams
- 301b
su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ / bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang de 'di nyid la skye dgu'i tshe lo sum khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med da/ lha dang mi rnams kyi ston pa sangs rgyas bcom ldan 'das gser thub ces bya ba 'jig rten du byung ngo // de ras re zhig na de na rgyal po'i bu mo de dad pa dang ldan la/ dge zhing bsam pa bzang ba zhig yod pa des gtsug lag lang zhig rtsig tu bcug ste/ yo byad thams cad kyis gang bar byas nas/ bcom ldan 'das nyan thos kyi dge 'dun dang bcas ba la phul lo/ / yang dag par rdzogs pa'i sangs rgyas 'od srungs kyi ring la'ang rab tu byung nas lo khri'i bar du byams pa bsgoms so// dge slong dag ji snyams du sems/ de'i tshe rgyal po'i bu mor
- 302a
gyur pa gang yin pa de ni ka shi'i mdzes ldan ma 'di yin te/ des gtsug lag khang phul ba des ni gzugs bzang zhing blta na sdug la mdzes par gyur to// bcom ldan 'das 'od srungs kyi ring la rab tu byung nas/ lo khri'i bar du byams pa bsgoms pa des ni/ da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnam ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / // mu tig ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / mong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye
- 302b
chen po rnams kyis bkur sti byas/ bla mar byas/ ri mor byas/ mchod par byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dong / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ tshong dpon rgyal ba zhes bya ba phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las/ phyis chung ma la bu chags nas/ de zla ba brgyad dam dgu lon pa dang bu byung ste/ bu mo gzugs bzang zhing blta na sdug la mdzes pa/ mgo bo la mu tig gi 'phreng ba btags pa zhig btsas so// de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re/ bu mo 'di btsas ma thag tu mgo bo la mu tig gi 'phreng ba byung bas na/ de'i phyir bu mo
- 303a
'di'i ming mu tig ces gdags so zhes zer ro/ / de nas bu mo mu tig pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de nas re zhig na bu mo mu tig mthar gyis chen mor gyur pa dang / de'i mu tig gi 'phreng ba de phogs na phyir zhing 'byung bar 'gyur ro// de nas bu mo des bkren pa dang 'phongs pa rnams mthong nas/ longs spyod kyi bgo bsha' byed do// de nas gang gi tshe bag mar gtang ran par gyur pa dang / rgyal po'i bu rnams dang / blon po'i bu rnams dang / tshong dpon gyi bu mang po dag de slong du 'ong ngo // de nas de'i pha mya ngan gyi khang bur zhugs nas lag pa la oM tshugs bcas te bsams pa/ gal te gcig la byin na ni/ gzhan rnams bdag gi dgrar 'gyur ro snyam nas/ sems khongs su chud cing 'dug go// de nas bu mo des/ pha la gsol pa/ yab ci'i slad du thugs ngan mdzad/ de nas des ji ltar gyur pa thams cad bsnyad do// de nas bu mo smras pa/ yab bdag ni 'dod pa rnams la don du gnyer ba ma lags te/ bcom ldan 'das kyi bstan pa la rab tu 'byung bar 'tshal lo// de nas yang re zhig na khyim bdag mgon med zas sbyin gyi bu tha chung
- 303b
rab tu sdug ces bya ba des/ pa la gsol pa/ bdag gi mchis brang du bu mo de bslang bar gsol zhes byas so// de nas khyim bdag mgon med zas sbyin gyis tshong dpon rgyal ba la po nya btang ste/ bu mo mu tige bdag gi bu la byin cig/ de ltar byas pa dang / gnyen du'ang 'gyur la/ ji srid 'tsho'i bar yang mdza' bor 'gyur ro zhes byas so// de nas khyim bdag rgyal gyis bdag gi bu mo la dor de bsnyad do/ / des smras pa/ gal te shed bye ste skyes pa na/ bdag dang lhan cig tu bcom ldan 'das kyi bstan pa la rab tu 'byung bar dam bcas na ni khyim thab tu bgyi'o zhes byas so// de nas des de ltar byas nas re zhig na skabs shig tu gnyis ka khyim nas byung nas/ bcom ldan 'das kyi bstan pa la rab tu byung / de nas de gnyis kyis brtson pa dang / bsgrub pa dang / 'bad pas po la mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar 'gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig
- 304a
pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bca ba'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa mu tig gis las gang dag bgyis na/ des mu tig gi 'phreng ba mgo bo la thogs bzhin du btsas la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mu tig nyid kyis sngon tshe rabs gzhan dag tu tshegs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las byas shing bsags pas na/ mu tig nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnam ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus
- 304b
la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong smra ba ri dgas kyi nags na rten cing bzhugs so// de nas re zhig na ded dpon zhig rgya mtsho chen po'i nang du zhugs pa las nye zho mod par grub ste phyir 'ongs so/ / de nas des mu tig gi 'phreng ba mchog tu bzang ba zhig khyer te 'ongs so// de'i chung ma'ang gzugs bzang zhing blta na sdug la mdzes pa zhig ste/ des de'i mgo bo la btags so// de nas wA rA NA si na khyim bdag dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa zhig gnas pa de'i blo skyes pa/ ma la bdag gis dad pa bsdus la/ bcom ldan 'das 'od srungs kyi bstan pa la lo lnga pa'i dus ston bya gor ma chag snyam mo/ / de nas rgyal po kri kri la gsol to// bdag gis dad pa bsdus la/ bcom ldan 'das kyi lo lnga'i bar du dus ston bgyi bar 'tshal lo zhes byas so// rgyal pos kyang
- 305a
de ltar gyis shig ces bsgo'o/ / de nas khyim bdag de glang po che la zhon te/ grong khyer wA rA tA si'i lam po che dang / bzhi mdo dang / sum mdo dag tu song nas/ dad pa sdud par byed do/ / de nas re zhig na ded dpon gyi chung mas mu tig gi 'phreng ba mgo bo las phog nas dad pa sdud pa la phul lo// de nas re zhig na ded dpon 'ongs pa dang / mu tig gi 'phreng ba mgo bo las phog par mthong nas/ bzang mo mu tig gi 'greng ba de ga re zhes dris so// de nas des smras pa/ jo bo bcom ldan 'das kyisastan pa la dad pa sdud pa la phul gyis dgyes pa bskyed du gsol/ dad pa bskyed du gsol zhes byas so// de nas re zhig na ded dpon gyis rin po ches phyir blus nas chung ma de nyid la byin na/ de nas bu mo des de blangs ma btung ste/ bdag gis 'di yongs su btang ba lags so zhes byas so/ / khyim thab kyis smras pa/ bzang mo ngas 'di gser dngul mang pos nyos na ci'i phyir 'dod/ de nas bu mo des de blangs nas me tog mang po bsags te/ spos dang me tog 'phreng la sogs pa'ang khyer nas drang srong smra bar song ngo // de nas dri gtsang khang spos kyis byugs nas/ me tog gis gtor te/ mu tig gi 'phreng ba ni bcom ldan 'das kyi dbu la bor nas/ bcom ldan 'das 'od srungs kyi dbu la gnas par gyur to// de nas dad pa skyes te smon lam btab pa/ bdag gis kyang yon tan 'di lta bu dag thob
- 305b
par gyur cig/ ston pa 'di kho na lta bu mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i cheda' dus ra ded dpon gyi chung mar gyur pa gang yin pa de ni mu tig 'di yin te/ des bcom ldan 'das 'od srungs la bkur sti byas pa des na gzugs bzang zhing blta na sdug la mdzes pa dang / de'i mgo bo la'ang mu tig gi 'phreng ba byung bar gyur to/ / rgyu de nyid kyis na da ltar yang dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / ka tsang ga la zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po
- 306a
rnams dang / pho zang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin/ rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang sman zong rnams brnyes pa/ nyan thos kyi dge 'dun dang bcas pa yul ka tsang ga wAn/ katsang ga la'i nags khrod na bzhugs so// de'i tshe yul katsang gal den rgan mo katsang ga la zhes bya ba zhig gnas pa des bum pa thogs te/ khron pa'i drung du chu chur song ba dang / der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod song la rgan mo de la bcom ldan 'das la skyems kyi chu bul tsog ces gyis shig/ de nas kun dga' bos bsgo nas/ de na re/ 'phags pa
- 306b
bdag nyid kyis 'tshal te mchi'o zhes zer ro/ / de nas re zhig na ka tsang ga las bum pa spos chus bkang ste/ bcom ldan 'das kyi thad du song ba dang / ka tsang ga las sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'di mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bu la byams pa'i sems skyes te/ nu ma gnyis las kyang 'o ma'i rgyun bab nas des bu bu zhes smras te/ bcom ldan 'das la 'khyud par byed do// de nas dge slong rnams kyis de bkag pa dang / bcom ldan 'das kyis bka' stsal pa/ dge slong dag khyed kyis rgan mo 'di a bkag cig/ de ci'i phyir zhe na/ 'di ni tshe rabs lnga brgya'i bar rgyun du nga'i mar gyur to// nga la bu yi byams pa yi// 'di ni lus la 'khyud par byed// nga yi lus la 'khyud pa la// gal te 'di la bkag gyur na// 'di ni de'u re 'phral nyid du// kha nas khrag dron skyugs par 'gyur// bu la byams pa 'di mthong nas// drin du gzo ba dran gyur te/ / snying yang rje zhing snying brtse bas// lus la yang ni 'khyud du gzhug/ de nas re zhig na de bu la byams brtse zhil nas/ chos mnyan pa'i phyir bcom ldan 'das kyi spyan sngar 'dug go//
- 307a
de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas ka tsang ga las 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas tshogs su bcad de smras pa/ dka' ba byed pa'i ma la ni// bu bzangs kyis ni gang bya ba// sems ni grol bar 'gro 'gyur ba// de ni khyod kyis bdag la byas// bdag ni khyod kyis rab bsgrims te/ / ngan 'gro dag las phyung nas kyang // mtho ris thar pa dag la bzhag/ khyad par shin tu chen por spags// de nas re zhig na des rje bo la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil pa dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/
- 307b
tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas gang gi tshe bcom ldan 'das kyis dge slong ma rnams la mdor lung dbog pa mdzad nas/ nang du yang dag 'jog las bzhengs pa de'i tshe/ ka tsang ga las dge slong ma rnams la brda sprod par byed do// der bcom ldan 'das kyis/ dge slong rnams la bka' sprul pa/ dge slong dag nga'i nyan thos kyi dge slong ma mdo sde rnam par 'byed pa rnams kyi mchog ni 'di lta ste/ dge slong ma ka tsang ga la yin no/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa ka tsang ga las las gang dag bgyis na/ de rgas nas gdod rab tu byung lags/ las gang dag bgyis na/ des bran mor gyur lags/ las gang dag bgyis na/ des bcom ldan 'das mngal na gnas pa tha mar 'dzin par ma gyur lags/ de ci'i slad du rab tu byung nas dgra bcom pa nyid mngon sum du bgyis te/ mdo sde rnam par 'byed par bgyis pa rnams kyi mchog tu bstan lags/ bcom ldan 'das
- 308a
kyis bka' stsal pa/ dge slong dag ka tsang ga la nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ ka tsang ga la nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na nga byang chub sems dpa'i spyad pa spyod pa na/ tshe rabs lnga brgyar rgyun chags par 'di nga'i mar gyur te/ gang gi tshe nga rab tu 'byung bar 'dod pa de'i tshe/ 'dis nga'i gegs byas te/ pas de'i rnam par smin pas na rgas nas gdod rab tu byung ngo // nga sbyin par byed pa na 'dis nga'i sbyin pa'i bar chad byas pa des ni dbul mor gyur to// 'dis sgyu 'phrul chen mo lta bu'i tsha bar
- 308b
grags par 'gyur ba'i las de lta bu ma byas pa des ni nga mngal na gnas pa tha ma'i tshe 'dis ma bzung ngo / / gzhan yang bcom ldan 'das 'od srungs kyi ring la rab tu byung nas/ des slob pa dang mi slob pa'i dge slong ma rnams la bran mo zhes bya ba'i chog smras te/ des bran mor gyur to// des der bslabs shing kha ton du byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar dgra bcom pa nyid mngon sum du byas te/ mdo sde rnam par 'byed par byed pa rnams kyi mchog tu bstan to/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'dra kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// // bam po bco brgyad pa//
- 309a
bde byed ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe ko sa la'i rgyal po gsal rgyal dang rgyal po tshangs pas byin gnyis phan tshun mi mthun par gyur te/ de nas re zhig na ko sa la'i rgyal po gsal rgyal rgyal po de'i yul 'dab tu song nas phrum btab ste 'dug go/ / rgyal po tshangs pas byin gyis kyang dpung yan lag bzhi pa glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs go bskon nu
- 309b
chu klung zhig gi 'gram du phru ma btab ste 'dug go/ de nas re zhig na ko sa la'i rgyal po gsal rgyal gyis de nyid du btsun mo dam pa khrid de/ de de dang lhan cig tu rtse zhing dga' la dga' dgur spyod do// rgyal po tshangs pas byin yang btsun mo dang lhan cig tu rtse zhing dga' la dga' dgur spyod do// de nas nyi ma gcig tu ko sa la'i rgyal po gsal rgyal gyi bu mo'ang btsas/ rgyal po tshangs pas byin gyi bu po'ang btsas so/ / de nas re zhig na rgyal po gnyis ka'i pho brang 'khor na dga' ba'i rnga rdung bar byed do// slong ba rnams la'ang sbyin pa dag sbyin par byed do// de nas re zhig na ko sa la'i rgyal po gsal rgyal gyis mi dag la dris te/ tshangs pas byin gyi pho brang 'khor 'dir ci zhig byung na 'di ltar dga' ston byed ces byas nas/ de dag gis kyang rgyal po tshangs pas byin gyi bu pho btsas so zhes gsol to// rgyal po tshangs pas byin gyis kyang de bzhin du dris nas/ rgyal po gsal rgyal gyi bu mo btsas so zhes gsol to// de nas rgyal po tshangs pas byin gyis rgyal po gsal rgyal la pho nya btang ste/ khyod kyi bu mo btsas pa'i phyir mchod sbyin byed do zhes bdag gis thos la/ bdag gi'ang bu pho btsas kyis/ bu mo de bdag gi bu la byin cig dang / de ltar byas na gnyen du'ang 'gyur la/ ji srid 'tsho'i bar du'ang 'khon med par 'gyur ro zhes byas so/ / de nas rgyal po gsal rgyal gyis kyang de ltar bya'o zhes khas blangs so// de nas de gnyis phan tshun du mdza' bo byas nas bde bar gyur te/
- 310a
rgyal po tshangs pas byin gyis khye'u btsas pa'i btsas ston byas nas/ khye'u'i ming bde byed ces btags so// ko sa la'i rgyal po gsal rgyal gyis kyang bu mo btsas pa'i btsas ston byas nas/ bu mo'i ming bde byed ma zhes btags so// de nas gnyis ka'ang bskyed bsrings nas/ re zhig na mthar gyis cher skyes so// de nas khye'u des bu mo de la do shal dang / se mo do dang / 'phreng ba dang / rna cha dang / mgul rgyan rnams bskur ro// de nas gang gi tshe bu mo de chen mor gyur pa de'i tshe/ des bcom ldan 'das kyi bstan pa la dad pa rnyed de/ 'dod pa rnams la'ang nyes par blta bar gyur to/ / de nas des de dag la dris pa/ kye 'di rnams gang las 'ongs zhes byas pa dang / 'khor rnams kyis kyang gtan tshigs dang bcas te rgyas par bsnyad do/ / de nas de thos nas yab la gsol pa/ yab bdag ni 'dod pa rnams la don du gnyer ba ma lags te/ bcom ldan 'das kyi bstan pa la rab tu 'byung bar 'tshal gyis/ yab kyis bdag la gnang bar mdzad du gsol/ rgyal pos smras pa/ bu mo gang gi phyir khyod btsas pa na/ nga bde bar gyur pas na 'di ni ngas bcos su med do// de nas ko sa la'i rgyal ba gsal rgyal gyis rgyal po tshangs pas byin wa pho nya btang ste/ bu mo 'di ni rab tu 'byung bar 'dod kyis/ tshur shog la 'di long zhig ces byas so// de nas re zhig na rgyal po tshangs pas byin
- 310b
gyis dus btab ste/ da ste zhag bdun na 'ong gis/ khyod kyis bya ba dang bsham par bya ba gang yin pa de dag gyis shig ces byas so// de nas bu mo bde byed mas zhag bdun na bag mar len/ no zhes zer ba'i gtam de thos so// de nas bde byed ma 'jigs shing skrag la mi dga' ste/ skyi bung zhes byas nas/ khang thog tu song ste/ rgyal bu rgyal byed kyi tshal logs su phyogs nas/ sangs rgyas bcom ldan 'das la gsol ba btab bo// yang smras pa/ drang srong chen po thugs brtse thugs rjes gnas pa bsam gtan mdzad// 'dul mdzad zhi ba'i thugs ldan rab zhi 'dul ba'i cho ga mkhyen/ / bdag ni mgon po khyod la skyabs su mchis kyis mgon khyod kyis// mgon med bdag ni tshul bzhin ngan song dag las dgrol du gsol// de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dog pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi
- 311a
mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu pabar bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang // nyam nga ba dang / gnod pa dang ldan/ su ni ngan song du gzhol/ su ni ngan song du 'bab// su ni ngan song du bab// su ni ngas ngan song nas phyung ste/ mtho ris dang / thar pa dang / 'bras bu la gzhag par bya// su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i
- 311b
rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ / 'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis bde byed ma gdul ba'i dus la bab par gzigs te/ rdzu 'phrul gyis gshegs te byon nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas bde byed mas phyir mi 'ong ba'i 'bras bu thob ste/ mngon par shes pa'ang bsgrubs so// de nas bde byed ma 'dod pa'i khams las 'das te/ gnyen po thob nas 'jigs pa med pa la gnas par gyur to/ / de nas re zhig na zhag bdun lon te/ bag ma len pa'i dus la bab pa na/ rgyal po'i bu skye bo brgya phrag du ma dang bcas nas lhags te/ mchod sbyin gyi stegs bu'i drung du 'ongs nas/ bram ze mdun na 'don gyis 'bras yos dang / mar dang / yungs kar ma grugs pa rnams byin no// de nas khye'u dang bu mo gnyis lag pa sbrel bar chad pa dang bde byed ma ngang pa'i rgyal po 'dab ma brkyang ba bzhin du nam mkha' la mngon par 'phags nas/ cho 'phrul rnam pa sna tshogs ston pa srog chags du mas mthong ngo // de nas ko sa la'i rgyal po gsal
- 312a
rgyal dang / rgyal po tshangs pas byin dang / rgyal po'i bu bde byed dang / gzhan yang sems can ltad mo la lhags pa rnams mchog tu ya mtshan du gyur nas/ rkang pa la phyag 'tshal te/ gsol ba btab pa/ bu mo khyod kyis chos 'di lta bu dag mngon sum du byas pa las na/ khyod 'dod pa spyod pa 'di ni mi srid kyis/ bzod pa mdzod cig ces byas so// de nas bde byed ma nam mkha' las babs nas/ skye bo mang po'i gung la 'dug ste/ chos gang thos na srog chags 'bum phrag du mas bden pa mthong bar 'gyur ba de lta bu'i chos bstan to// de nas bu mo bde byed mas pa la gsol te/ bcom ldan 'das kyi thad du song nas/ bcom ldan 'das kyis skye dgu'i bdag mo chen mo la gtad do// de nas de rab tu byung nas/ des brtson pa dang / sgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang
- 312b
mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ / der bcom ldan 'das kyis/ dge slong rnams la bka' stsal pa/ dge slong dag nga'i nyan thos kyi dge slong ma shes rab che ba dang / spobs pa che ba rnams kyi mchog ni 'di lta ste/ dge slong dag bde byed ma 'di yin no// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bde byed mas las gang dag bgyis na/ des shes rab che ba dang spobs pa che ba rnams kyi mchog tu bstan lags/ bcom ldan 'das kyis bka' stsal pa/ dge slong dag bde byed ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ bde byed ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin
- 313a
pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za/ tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe mo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong smra ba'i ri dgas kyi nags na rten cing bzhugs so/ / de nas re zhig na/ de na tshong dpon gyi bu mo zhig bcom ldan 'das 'od srungs kyi bstan pa la rab tu byung nas/ des bcom ldan 'das 'od srungs kyi bstan pa la sbyin pa dang rab tu sbyin pa dag sbyin te/ lo lnga nyam stong gi bar du tshangs par spyod pa'i gnas bsrungs kyang yon tan gyi tshogs ci'ang ma thob bo// de mkhan po gang las rab tu byung ba de ni bcom ldan 'das 'od srungs kyis shes rab can gyi mchog tu bstan to/ / de nas des smon lam btab pa/ ji ltar bdag gi mkhan mo shes rab can gyi mchog tu bstan pa de bzhin du/ bdag kyang ma 'ongs pa'i dus su bcom ldan 'das 'od
- 313b
srungs kyis bram ze'i khye'u bla ma la/ bram ze'i khye'u khyod kyi skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro// zhes lung bstan pa gang yin pa de'i bstan pa la bdag rab tu byung nas/ shes rab can rnams kyi mchog tu gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshong dpon gyi bu mor gyur pa gang yin pa de ni dge slong ma bde byed ma 'di yin te/ des sbyin pa dang rab tu sbyin pa dag byin pa des na rgyal po phyug po'i rigs su skyes so/ / des lo khri nyis stong gi bar du tshangs par spyod pa'i gnas bsrungs pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsung
- 314a
pa la mngon par bstod do/ / // mi sdug ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / byug po rnams dang / pho brang 'khor gyi mo rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas de'i tshe mnyan du yod pa na/ ko sa la'i rgyal po gsal rgyal rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams
- 314b
med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so// de nas re zhig na rgyal po de btsun mo zhig dang lhan cig tu rtse zhing dga' la dga' dgur spyod do/ / de rtse zhing dga' la dga' dgur spyod pa las/ btsun mo la bu chags nas/ de zla ba brgyad dam dgu len pa dang bu byung ste/ bu mo mi sdug pa'i sna grangs bco brgyad dang ldan pa zhig btsas so// de nas de btsas pa'i btsas ston byas nas/ ming ras+tha zhes btags so// de nas gang gi tshe mthar gyis bag mar gtang ran par gyur pa de'i tshe/ su la byin na'ang de mi sdug ches pas sus kyang ma blangs so// de nas re zhig na lho phyogs nas ded dpon gang+gA zhes bya ba phyug btsan zhig 'ongs so// de nas rgyal po gsal rgyal gyis blo skyes pa/ ded dpon gang+gA 'di ni 'di'i skyon gyi rgyus mi shes kyis// ngas 'di de la sbyin gor ma chag snyam mo// de nas rgyal pos mtshan mo mun sros pa dang // gang+gA pho nyas bkug nas bu mo de rgyan thams cad kyis klubs te chung mar byin no/ / de nas ras+thA gang+gA la byin nas/ gang+gA ra s+tha gang+gA ras+tha zhes bya ba'i ming byung bar gyur to// de nas re zhig na ded dpon gad+hA phyi de nyid bar nam nangs te/ bu mo de bltas na mchog tu mi sdug pa mthong ngo // mthong nas kyang sgeg par gyur kyang rgyal po las bsams te/ dor ma phod nas bdag gi khyim 'ba'
- 315a
zhig tu 'jog go/ de nas re zhig na ded dpon pang+gA dus ston zhig la chal te/ mdza' sde rnams kyi nang du song ngo // mdza' sde rnams kyis kyang nang khrims bcas te/ su chung ma dang bcas te skyed mos tshal ga ge mo zhig tu ma song ba mdza' sde rnams la chad par kar sha pa Na lnga brgya sprin du gzhug go zhes byas so/ / de nas gang+gA bdag gi khyim du 'ongs nas/ mya ngan gyi khang bur zhugs te/ lag pa la oM tshugs bcas nas/ sems khongs su chud cing 'dug go/ de nas de blo skyes pa/ ma la bdag gis chad pa 'jal ba ni ches bla'i/ bdag gis 'di dag la bstan du mi rung ste/ mthong ma thag tu gtam ngan par 'gyur du 'ong ngo snyam mo// de nas gang+gAs sgo bcad de tshad pa kar sha pa Na lnga brgya khyer nas mdza' sde rnams kyi nang du song ngo // de nas bu mo de yid mi bde ba chen po skyes nas/ bdag 'tsho ba 'di 'dra bas 'tsho ba ci rung / gson cing 'dug na khyim thab kyang sems mi bde la/ bdag kyang sems mi bdes/ da ni bdag gis bdag gsad pa'i dus la bab bo snyam mo/ / de nas thag pa khyer te khang phugs su 'gegs su song ngo // de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan
- 315b
pa/ gcig tu dpa' ba/ bla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bsgrubs pa bdul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag par gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du
- 316a
bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya// su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir smras pa/ rgya mtsho chu srin rnams kyi gnas/ / dus rlabs yol bar 'gyur yang srid// gdul bar bya ba'i sras rnams la/ sangs rgyas dus las yol ba med// de nas bcom ldan 'das rgyal bu rgyal byed kyi tshal na bzhugs pas 'od zer gser gyi kha dog can bkye ste/ des khyim de nyi ma stong shar ba bzhin du snang bar byas nas/ rdzu 'phrul gyis kyang der gshegs te mgul pa'i 'gag thag bkrol nas bu mo de dbugs phyung ngo / / 'jig rten du ngo mtshar rmad du byung ba'i gnas drug 'byung ba yod de/ de bzhin gshegs pa dang / de bzhin gshegs pas gsungs pa'i chos 'dul ba dang / mir skye ba dang / 'phags pa gnas par skye ba dang / dbang po chang ba dang / dge ba'i chos la 'dun pa dang / ngo mtshar rmad du byung ba 'jig rten du byung ba yod do// de nas bcom ldan 'das
- 316b
kyis bu mo de la de dang mthun pa'i chos bstan te/ de thos nas bu mo des 'jig tshogs la lta ba'i ri'i rtse mo mthon po zhi shu ye shes rdo rjes bcom nas/ rgyun du zhugs pa'i 'bras bu mngon gsum du byas so/ / de nas dad pa rnyed nas bcom ldan 'das bshos gsol te na bza' yang phul lo// de nas bu mo de'i mi sdug pa med par gyur te/ bzang mor gyur nas/ lha'i bu mo bzhin du khang phugs bod kyis snang bar byas te 'dug go/ / bcom ldan 'das kyang slar gshegs so// de nas mdza' sde bo rnams kyis blo skyes pa/ gor ma chag par 'di'i chung ma ni mchog tu sdug pa zhig na/ des phrag dog gi rang bzhin gyis chad pa 'jal ba dang bsngos te/ de bstan par mi 'dod kyis/ bdag cag gis 'di chang sna mi mthun pas ra ro bar byas la/ lde mig rnams blangs 'di'i khyim du song la chung ma blta'o snyam mo/ / de nas de dag gis chang gar po sna mi mthun pas gtu lum par byas nas/ lde mig rnams khyer te khyim du song nas sgo rnams phye ste bu mo de mthong ngo / / mthong nas kyang la mtshan du gyur te bsams pa/ gang gis 'di bdag cag la mi bstan pa ni lus so snyam mo// de nas de dag phyir log ste/ gang+gA chang gi dbang gis gnyid log cing 'dug pa bslangs nas smras pa/ gang+gA khyod kyi chung ma de ltar sdug pa ni khyod kyis rnyed pa legs par rnyed do zhes byas so// de nas gang+gA lhag par yang mi dga' bar gyur te/ chad
- 317a
pa'ang bdag gis btsal la/ bdag la gtam ngan par yang gyur to snyam mo// de nas mi dga' bzhin du bdag gi khyim du 'ongs nas sgo phye ste chung ma la bltas pa na nags tshal me tog rgyas pa'i nang na nags kyi lha mo 'dug pa bzhin du shin tu mdzes pa mthong nas dris pa/ bzang mo de ci zhig byas na 'di lta bu'i gzugs khyad par can du gyur ces byas so// de nas ji ltar gyur pa thams cad khyim thab la brnyad de thos nas/ des kyang bcom ldan 'das la dad pa rnyed do// de nas re zhig na bu mo des mthar gyis khyim thab la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phul mig lnga pa'i 'khor ba'i 'khor lo 'di nyid g.yo zhing mi bstan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas// gser dang bong bar mnyam pa// nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti
- 317b
la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa ra sgras las gang dag bgyis na/ des phyug po'i rigs su skyes lags/ las gang dag bgyis na/ des mi sdug par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ra spro nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ ra snga nyid kyi sa las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das
- 318a
pa'i dus na/ grong khyer wA rA NA si na tshong dpon gyi chung ma gtum zhing brlang la gzu lums can zhig 'dug go/ sangs rgyas rnams 'jig rten du mi 'byung ba'i tshe/ rang sangs rgyas sdug cing 'bongs pa rnams la snying brtse ba/ bas mtha'i gnas mal gyis 'tsho ba/ 'jig rten na yon gnas gcig pu rnams 'jig rten du byung ste/ de nas re zhig na rang sangs rgyas mi sdug pa zhig de'i khyim du song / des mi sdug pa 'di lta bu nga'i khyim du ci 'dod ces mang du spros brgyad nas khyim nas bskrad do// de nas rang sangs rgyas des de la phan gdags pa'i phyir ngang pa'i rgyal po 'dab ma brkyang ba bzhin du nam mkha' la mngon par 'phags nas/ cho 'phrul rnam po sna tshogs bstan to// de nas tshong dpon gyi chung ma 'gyod pa skyes de la bzod pa gsol te/ bshos kyang phul nas smon lam btab pa/ bdag gis rang sangs rgyas la spyos brgyad pa de'i las kyi rnam par smin pa myong bar ma gyur cig/ 'di lta bu'i chos dag kyang thob par gyur cig/ bdi las kyang khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe de'i dus na tshong dpon gyi chung mar gyur pa gang yin pa de ni ra s+tha 'di yin te/ des rang sangs rgyas la bshos phul ba de'i las kyi rnam par smin pas ni rgyal po phyug po'i rigs su skyes so//
- 318b
mi sdug pa'i tshig smras te/ khyim nas bslang ba des ni mi sdug par gyur to// gzhan yang bcom ldan 'das 'od srungs kyi ring la rab tu byung ste/ des der bslabs shing kha ton du byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa dang / tshangs par spyod pa'i gnas bsrungs pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams kyi rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las badren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ / rtogs pa brjod pa brgya pa las sdom gyi tshigs su bcad pa brgyad pa rdzogs so// sdom ni/ rgya mtsho dang ni sna ma dang / lag na gser thogs
- 319a
sde snod gsum/ / grags bshes rdzus te skyes pa dang // mdzes ldan dang ni ka bi na// bzang ldan dang ni yul 'khor srung // sde tshan dag tu bstan pa yin// rgya mtsho zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na/ ded dpon zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa
- 319b
las/ re zhig na de'i sems skyes pa/ bdag ji srid du lang tsho la bab pa de srid du ni nor spel bar bya'o// byis rgas pa'i tshe ni bde bar longs spyad par bya'o snyam mo// de nas ded dpon de g.yog 'khor tshong pa lnga brgya dang rgya mtsho'i glu nyos nas chung ma dang bcas te rgya mtsho chen po'i nang du zhugs so/ / de nas re zhig na de'i chung ma la bu chags nas/ rgya mtsho de nyid kyi nang du bu byung ste/ khye'u gzugs bzang zhing blta na sdug la mdzes pa zhig btsas so/ / de nas de btsas pa'i btsas ston byas nas/ ming rgya mtsho zhes btags so// de nas re zhig na ded dpon de'i gru'i don grub nas nye zho med par bya mtsho chen po nas phyir 'khor te/ de nas gang gi tshe khye'u rgya mtsho cher skyes pa de'i tshe/ phas ded dpon du bskos nas/ g.yog 'khor tshong pa lnga brgya dang rgya mtsho chen por btang ste/ de mthar gyis song song ba las/ grong dang / grong rdal dang / grong khyer dang / yul 'khor dang / rgyal po'i pho brang 'khor dang / tshong dus rnams mthong nas rgya mtsho'i 'gram du phyin te/ kar sha pa Na lnga brgyas gru'i gla byas nas/ zho shas 'tsho ba rnam pa lnga ste/ gru shol ba dang / chu 'phyag pa dang / mnyan pa dang / byi'u zul mkhan dang / ru skya 'dzin pa rnams kyang khrid de/ de lan gsum du dril bsgrags nas/ rgya mtsho chen por zhugs so// de nas de dag rgya mtsho chen por song ba dang / srin po nag po'i rlung gis gru de phu mdar bskor to// ded dpon rgya mtsho ni mu stegs can
- 320a
la dga' ste/ de dus ma yin par 'chi ba'i 'jigs skrag nas/ ston pa drug la gsol ba 'debs pa la zhugs kyang gru de rlung gis ye bskor to// de nas re zhig na tshong pa gzhan dag kyang lha stong snyed la gsol ba 'debs pa la zhugs te smras pa/ gu yang chu lha ku be ra dang rlung lha me lha dbang chen dang // drang srong sna tshogs lha dang sa la gnas pa'i klu mang de dag la/ bdag cag dad pa lags kyis bdag cag 'di na 'chi ba'i gnod gyur lags// myur du sdug bsngal 'di dag bsal te 'gron po rnams ni bskyab par gsol// de nas de dag gis de ltar smre sngags bton/ kyang skyabs byed pa su'ang med do// de nas re zhig na dge bsnyen zhig gru de'i nang na 'dug pa des smras pa/ kye ston pa drug dang lha gzhan dag gis kyang khyed la ci byar yang med kyis/ mngon sum du yod pa'i lha sangs rgyas bcom ldan 'das la snying nas skyabs su song zhig dang / de khyed kyi skyabs su 'gyur ro zhes byas so// de nas ded dpon rgya mtsho la sogs pa tshong pa lnga brgya po rnams kyis skad bsnyams te/ sangs rgyas bcom ldan 'das la skyabs su song ngo // de'i skabs su sangs rgyas bcom ldan 'das kyis ni mi mkhyen pa 'am/ mi gzigs pa 'am/ mi rtogs pa bam/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba
- 320b
zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ suM ni ngan song du gzhol/ su ni ngan song du 'beb/ su ni ngan song du bab/ su ni ngas ngan song nas byung ste/ mtho ris dang
- 321a
thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi/ dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ 'dir smras pa/ rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ / de nas re zhig na bcom ldan 'das rgyal po rgyal byed kyi tshal na bzhugs pas nyi ma stong pas lhag pa'i 'od gser gyi kha dog lta bu'i 'od zer bkye nas/ de dag gis tshong pa de dag kun nas snang bar byas so// bskal pa stong du yongs su bsgoms pa'i byams pa'i 'od zer dag kyang bkye ste/ de dag gis sim par byas nas/ srin po nag po'i rlung yang / zlog go// de nas re zhig na ded dpon rgya mtsho'i gru'i don grub nas/ nye zho med par rgya mtsho chen po'i nang nas phyir 'khor te/ 'chi bas skyo bar gyur pa de nyid kyis sbyin pa dang / rab tu sbyin pa dag byin nas/ nye du'i skye bo rnams dbugs phyung ste/ dge sbyong dang / bram ze dang / dkren pa dang / sdug cing 'phongs pa rnams sim par byas nas/ tshong pa lnga brgya'i 'khor ril gyis
- 321b
bcom ldan 'das kyi bstan pa la rab tu byung ste/ des brtson pa dang / bsgrub pa dang / 'ab bas rol mig lnga pa'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsang chod de/ nyon mongs pa thams cad spungs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis rgya mtsho la sogs patshong pa lnga brgya po 'di dag srog 'phangs pa sprul te/ 'phongs pa las yongs su bskyabs pa dang / gzha' gsang gi mthar thug pa mya ngan las 'das pa la bkod pa ni ngo mtshar lags so// bcom ldan 'das kyis bka' stsal pa/ dge slong dag da ltar nga 'dod chags dang bral ba dang /
- 322a
zhe sdang dang bral ba dang / gti mug dang bral ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa rnams las yongs su grol ba/ thams cad mkhyen pa/ rnam pa thams cad mkhyen pa'i ye shes dang shes bya thams cad la dbang thob zin pa'i tshe/ ngas rgya mtsho la sogs pa tshong pa lnga brgya po 'di dag srog 'phangs pa byin te/ 'phongs pa las yongs su bskyabs pa dang / gti mug gzha' gsang gi mthar thug pa mya ngan las 'das pa la bkod pa 'di lta la ngo mtshar che ba ci yod/ 'das pa'i dus na nga 'dod chags dang bcas pa// zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang // smre sngags 'don pa dang / sdug bsngal ba dang / yid mi bde ba dang / 'khrug pa rnam las yongs su ma grol ba'i tshe'ang tshong pa 'di dag nyid ngas yongasu bskyabs pa de legs par/ rab tu nyon la yid la zung zhig dang ngas bshad do/ / dge slong dag sngon byung ba 'das pa'i dus na/ rgya mtsho'i 'gram zhig na drang srong mngon par shes pa lnga dang ldan pa/ dka' thub drag po spyod pa/ zas su rtsa ba dang 'bras bu za la/ gos su ri dgas kyi g.yang gzhi dang shing shun gyon pa/ me'i sbyin sreg byed pa zhig gnas so// de yang snying rje can bdag nyid che ba/ chos 'dod pa/ skye dgu la byams pa/
- 322b
'phongs par gyur pa rnams la yongs su skyob pa zhig go// de nas re zhig na wA rA NA si'i tshong pa lnga brgya rgya mtsho chen po'i nang du 'gro 'dod par gyur te/ de dag mthar gyis song song nas/ rgya mtsho'i 'gram du phyin pa dang / de dag gis drang srong de mthong nas dad pa skyes te/ rkang pa la phyag 'tshal nas gsol ba btab pa/ bcom ldan 'das gal te bdag cag rgya mtsho'i nang du mchis pa las/ 'phongs pa 'ga' zhig byung bar gyur na/ bcom ldan 'das khyod kyis bdag cag yongs su bskyab par gsol zhes byas nas/ des kyang gnang ste/ de ltar bya'o zhes byas so// de nas tshong pa de dag gis rin po che dag blangs nas 'dzam bu'i gling logs su chas so/ / de nas re zhig na srin po nag po'i rlung gis kun tu bskor ba las/ drang srong des yongs su bskyabs so// de nas gru'i don grub ste/ / nye zho med par phyir 'khor nas drang srong gi thad du phyin te smas pa/ kye drang srong chen po dka' bas 'bad pa dang / snying rje'i rang bzhin 'dis ci zhig bsgrub cing bzhugs/ des smras pa/ 'jig rten long ba 'dren pa med cing yongs su 'dren pa med par/ sems can ma rgal ba rnams grol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las 'da' ba'i sangs rgyas su gyur cig ces byas so/ / de dag gis smras pa/ nam khyod sangs rgyas su gyur pa de'i tshe/ bdag cag kyang dgongs par
- 323a
gsol/ drang skyong gis smras pa/ de ltar bya'o// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na drang srong du gyur pa gang yin pa de ni nga yin no/ / tshong pa de dag ni rgya mtsho la sogs pa 'di dag yin te/ de'i tshe'ang ngas 'di dag yongs su bskyabs so// gzhan yang bcom ldan 'das 'od srungs kyi ring la rab tu byung ste/ der dag gis dbang po yongs su smin par byas pa des na/ da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de ltar na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyekhyod kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// sna ma zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang
- 323b
dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / glu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe mnyan/ du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las/ bu btsas so cog shi'o// de'i tshe gnas brtan ma 'gags pa ni khyim der 'grul lo/ / de nas khyim bdag de'i blo skyes pa/ gnas brtan ma 'gags pa 'di ni bsod nams kyi rnam par smin pas tsho bar grags pa yin gyis/ gal te bdag
- 324a
gi bu btsas par gyur na/ 'di'i slob mar dngul lo zhes 'di la je gsol ba gdab po snyam mo// de nas khyim bdag des gnas brtan ma 'gags pa khyim gyi nang du spyan drang te ta bshos gsol nas gsol ba btab pa / gnas brtan gal te bdag bu btsas te ma gum na gnas brtan gyi slob mar dbul lo zhes byas so// gnas brtan ma 'gags pas smras pa/ de ltar dam bcas pa ma brjed par gyis shig/ de nas phyis re zhig na yang rtse zhing dga' la dga' dgur spyod do// de rtse zhing dga' la dga' dgur sdod pa las// chung ma la bu chags nas/ de'i lus la dri bsung zhim po byung bar gyur to/ / de nas re zhig na zla ba brgyad dam dgu len pa dang bu byung ste/ khye'u gzugs bzanga' zhing blta na sdug la mdzes pa/ lha'i sna ma'i me tog gi ral chung gyon pa zhig btsas so// de nas de bcas pa'i btsas ston byas nas/ sna ma zhes ming btags so// de nas gnas brtan ma 'gags pa khyim gyi nang du bshos la spyan drangs nas khye'u de de la phul lo// de nas gnas brtan ma 'gags pas de la chos gos tshon can dag byin te/ tshe ring bar gyur cig ces legs su smon pa'ang byas so// de nas gang gi tshe btsas nas lo bdun lon pa de'i tshe/ pha ma gnyis kyis gnas brtan ma 'gags pa la phul lo/ / gnas brtan ma 'gags pas kyang rab tu phyung nas yid la byed pa'i lung phog ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo
- 324b
'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de'ang dbang po rnon po zhig ste/ gang gi tshe phyag dar khrod kyi gos 'drub pa de'i tshe/ khab lan re 'dzugs pa la rnam par thar pa brgyad la snyoms par 'jug cing ldang bar byed do// de nas phyis re zhig na gnas brtan ma 'gags pas bsgo ba/ bu gcig song la chu klung khang ldan nas chu long zhig ces byas so// de nas dge tshul pa snams bum pa khyer te chu klung khang ldan gyi 'gram du song // de nas khrus byas te/ bum pa chus bkang nas nam mkha' la byung ste/ ched 'ga' ni bum pa sngon du btang la/ dge tshul pa sna ma phyi bzhin 'ong ngo // ched 'ga' ni dge tshul pa snam sngon du 'gro la/
- 325a
bum pa phyi bzhin 'ong ngo // de'i tshe bcom ldan 'das nang du yang dag 'jog las bzhengs nas/ 'khor bzhi po rnams la chos ston te/ der bcom ldan 'das kyis/ dang ldan pa shA ri'i bu la bka' stsal pa/ shA ri'i bu dge tshul pa dran pa dang ldan pa/ dbang po shin tu mnyam par gzhag pa bum pa chus bkang ste 'ong ba 'di mthong ngam/ 'dod chags zhe sdang rab spangs shing / / ma rig pa dang bral nas ni// lus kyi tha ma 'dzin byed pa// de ni chu chun rab tu mdzes// gang gi tshe bcom ldan 'das kyis dge slong gi dge 'dun gyi mdun du dge tshul pa sna ma bstod cing bsngags pa de'i tshe/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa// btsun pa sna ma 'dis las gang dag bgyis na/ des gzugs bzang zhing blta na sdug la mdzes pa dang / lha'i sna ma'i me tog gi ral chung 'tshal bzhin du skyes la/ dbang po rno ba dang / dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sna ma nyid kyis sngon tshe rabs gzhan dag tu tshogs rnyed cing rkyen grub pa dang ldan te// dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ sna ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams
- 325b
ni phyi rol gyi sa'i khams la rnam par smin par mi 'gyur/ chu'i khams dang / me'i kham+ba dang / rlung gi kham la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'da' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen yod na rten cing bzhugs so// de nas re zhig na ded dpon zhig gnas pa de gzhon nu'i tshe nas rab tu byung ba'i sems skyes pa las/ de rab tu 'byung ma nus nas/ gang gi tshe rgas par gyur pa de'i tshe 'gyod pa skyes te/ bdag bcom ldan 'das kyi bstan pa la rab tu ma byung ba ni bdag gis ma legs par byas so snyam mo/ / de nas nges dbu skra dang sen mo'i mchod rten la sna ma'i me tog btags so// yang dag par rdzogs pa'i sangs rgyas rnam par
- 326a
gzigs nyan thos kyi dge 'dun dang bcas pa la dang bshos gsol te/ zhabs la phyag 'tshal nas skyon lam btab pa/ dag pa'i rgyu ba dang / sems bskyed pa dang / sbyin par bya ba'i chos yongs su gtong ba 'dis na/ bdag ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas bcom ldan 'das rnams mnyes par byed bar gyur cig/ mi mnyes par byed par ma gyu ci/ gang gi bstan pa la rab tu byung ba der gzhon nu'i tshe nas 'phags pa'i chos rnams rtogs par gyur cig ces byas so// gzhan yang bcom ldan 'das 'od srungs kyi ring la rab tu byung ste/ des der lo khri'i bar du tshangs par spyod pa'i gnas bsrungs pa des na da ltar dgra bcom pa nyid mngon sum du byas so// dge slong dag de ltar na las gcig tu nges par gnas pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni/ rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par
- 326b
bstod do/ / lag na gser thogs zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnam dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / gru dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de la bu'ang med/ bu mo'ang med pas/ de lag pa la om tshugs bcas te/ bdag gi khyim nor du ma dang ldan du zin gyis kyang // bdag la bu'ang med/
- 327a
bu mo'ang med pas/ bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam nas/ sems khongs su chud cing 'dug go// de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o// 'jig rten na'ang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so/ / ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur pa'i rigs so// de'ang gsol ba 'debs pa lhur byed cing 'dug la/ sems can zhig kyang sems can gyi rigs shig nas sha'i phos nas/ de'i chung ma'i ltor zhugs so// bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa'ang shes la/ ma chags pa'ang shes pa dang / dus kyang shes la/ zla mtshan yang shes pa dang / bu chags pa yang shes pa
- 327b
dang / gang las bu gnas pa shes pa dang / khye'u yang shes la/ bu mo'ang shes pa ste/ gal te khye'u yin na ni lto g.yas logs su rten cing gnas so// gal te bu mo yin na ni lto g.yon logs su rten cing gnas so/ / de nas de dga' ches nas khyim thab la sbran pa/ jo bo bdag la sras chags te/ bdag gi rum g.yas lags na rten cing gnas pa las khye'ur 'gyur bar nges kyis dgyes pa bskyed du gsol zhes byas so/ / de'ang dga' ches te ro stod ni bteg/ lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo // / bdag gi bu rung bar shog cig/ mi rung bar ma gyur cig/ bdag gi bya ba dag byed par shog cig/ gsos pa'i lan phyir gso bar shog cig/ nor skal la spyod par shog cig/ bdag gi rigs rgyun ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rung ste/ sbyin pa dag byin la/ bsod nams dag byas nas/ de gnyis gang dang gang du skyes shing 'gro ba der 'di song zhig ces yon sngo bar shog cig ces dga' ba'i tshig brjod do/ / de nas des bu chags par rig nas/ bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ta cang khab ma yin pa rnams dang / ha cang sgyur ba ma yin
- 328a
pa rnams dang / ha cang lan tshwa che ba ma yin pa rnams dang / ha cang dang rab ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha dang / skyur ba dang / lan tshwa dang / dngar ba dang / tsha ba dang / bskab med pa'i zas rnams kyis bsten cing / do shal dang se mo dos lus rnam par grubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rgyu zhing / 'og gis gzhi la mi 'bab pa dang / des yid du mi 'ong ba'i sgra skad ci'ang mi thos par byas so// de nas zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang nying lag thams cad dang ldan pa zhig bcas nas/ de'i lag pa gnyis la las kyi rnam par smin pa las byung ba'i gser gyi dong tse mtshan mas btab pa gnyis byung ste/ gang gi tshe de phyung ba de'i tshe/ yang gzhan 'byung bar 'gyur ro// de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas ma thag tu lag pa gnyis la las kyi rnam par smin pa las byung ba'i gser gyi dong ces gnyis byung bas na/ de'i phyir na khye'u 'di'i ming lag na gser thogs zhes gdags so zhes zer ro/ / de nas khye'u lag na gser thogs pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma
- 328b
gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang dad pa dang ldan la/ dge zhing bsam pa bzang ba/ bdag dang gzhan la phan pa la zhugs pa snying rje can zhig ste/ gang gi tshe srang du 'gro ba de'i tshe/ dge sbyong dang / bram ze dang / bkren pa dang / sdug cing 'phongs pa rnams mthong na lag pa gnyis brkyang nas/ de la gser dngul gyi dong tse mtshan mas btab pa'i phung po de dag la ji tsam dgos pa 'byung bar 'gyur ro/ / de nas de'i grags pas mnyan du yod pa thams cad rgyas par gyur to// de nas phyis re zhig na khye'u lag na gser thogs rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' bskyed do// dga' ba bskyed nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi
- 329a
spyan sngar 'dug go/ / de nas bcom ldan 'das kyis de la chos bstan nas/ des/ tshe dang ldan pa kun dga' bo la smras pa/ slob dpon bdag ni bcom ldan 'das nyan thos kyi dge 'dun dang bcas pa bshos gsol bar 'tshal lo/ / gnas brtan kun dga' bos smras pa/ bu kar sha pa Na dgos so// de nas khye ru la ka na ser thogs sangs rgyas la sog/ pa dge slong gi dge 'dun gyi spyan sngar 'grengs te/ lag pa gnyis brkyang nas/ gser dngul gyi phung po chen po spangs so// de nas dge 'dun gyi gnas brtan dang / dge slong gzhan dag dang / gnas brtan kun dga' bos de mthong nas/ mchog tu ya mtshan du gyur to// de nas khye'u lag na gser thogs kyis sangs rgyas la sogs pa dge slong gi dge 'dun bshos gsol nas/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa pa ni rtogs par 'gyur ba de lta bu'i chos bstan te/ de thos nas khye'u lag na gser thogs kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas/ des nye du rnams la longs spyod kyi bgo bsha' byas te/ dge sbyong dang / bram ze dang / bkren pa dang //
- 329b
sdug cing 'phongs pa rnams tshim par byas nas/ pha ma la gsol te/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang // mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa lag na ser thogs kyis las gang dag bgyis na/ des 'di'i sug pa gnyis la gser gyi dong tse mtshan mas btab pa gnyis byung la/ rab tu byung nas dgra bcom pa nyid mngon sum du bgyis lags/
- 330a
bcom ldan 'das kyis bka' stsal pa/ dge slong dag lag na gser thogs nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ lag na gser thogs nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ dge slong dag las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba// bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong
- 330b
smra ba ri dgas kyi nags na rten cing bzhugs so/ / de nas yang dag par rdzogs pa'i sangs rgyas 'od srungs sangs rgyas kyi 'phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po kri kris de'i sku gdung la sku gdung gi mchod pa byas te/ rin po che sna bzhi las byas ba'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten de'i dus ston byed pa na/ rgyan po pa zhig gis gser gyi dong tse gnyis mchod rten de'i srog shing la btags so/ / de nas zhabs la phyag 'tshal te smon lam btab pa/ bdag gang dang gang du skyes pa de dang der lag pa la gser yod pa kho nar gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyan po par gyur pa de ni lag na gser thogs 'di yin te/ des mchod rten la gser gyi dong tse gnyis btags pa des na 'di lta bu'i khyad par can du gyur to/ / smon lam btab pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro//
- 331a
las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la// las gcig tu nges par dkar ba rnams 'da' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// / bam po bcu dgu pa// sde snod gsum pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mkhan du yod
- 331b
na/ rgyal po byed kyi tshal khyim bdag mgon med zas sbyin gyi yu dga' ra ba na bzhugs sa/ de'i tshe mnyan du yon pa na ko sa la'i rgyal po gsal rgyal rgyal po byed de/ de'i ring 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi pa dang / 'khrug pa dang / nang 'khrug dang / chom rkun dang / ru ge dang / nad rnams med pa dang / 'dras sA lu dang / bu ram shing dang nga glang dang / ma he dang ldan par 'dug ste/ gnod pa med cing tsher ma dkrus la/ bu gcig pa la bya ba bzhin du rgyal srid bskyangs so/ / de nas re zhig na de btsun mo dang lhan cig tu rtse zhing dga' ya dga' dgur spyod do// de rtse zhing dga' la dga' dgur spyod pa las/ btsun mo la bu chags nas/ de zla ba brgyad dam dgu lon pa dang bu byung ste/ khye'u gos su chos gos tshon can gyon la/ dge slong gi cha lugs can tshe rabs dran pa zhig btsas so// de nas skyes ma thag tu dris pa/ ci mnyan du yod pa 'di kho na na bcom ldan 'das dang / shA ri'i bu dang / mo'u 'gal gyi bu dang / 'od srungs dang / kun dga' bo la sogs pa nyan thos chen po rnams bzhugs sam zhes zer ro// de nas de'i ma ya mtshan du gyur te/ dga' bas rgyas nas spras pa/ nga ma'an du yod pa 'di kho na na bcom ldan 'das dang nyan thos chen po rnams bzhugs so zhes byas so// de nas re zhig na don de rgyal po gsal rgyal la
- 332a
gsol te/ khyod kyi sras gos su chos gos tshon can 'tshal ba dge sbyong gi cha lugs can tshe rabs dran pa zhig btsas te/ de bcom ldan 'das dang nyan thos chen po rnams gal bzhugs pa'ang rmed do zhes byas so/ / de nas rgyal po gsal rgyal gyis bu de la phan gdags pa'i phyir bcom ldan 'das nyan thos kyi dge 'dun dang bcas pa bshos la spun drang so/ / de nas bcom ldan 'das dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ rgyal po gsal rgyal gyi bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas ko sa la'i rgyal po gsal rgyal gyis bu phang par blangs te/ bcom ldan 'das kyi spyan sngar brims so// / bcom ldan 'das bdag gi du 'di btsas ma thag te bcom ldan 'das dang nyan thos chen po rnams dran lags so zhes gsol te/ de nas bcom ldan 'das kyis bu de la sde snod gsum pa khyod nad med par gyur cig ces bka' stsal to/ / de nas de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes smras so// de nas rgyal po gsal rgyal mchog tuya mtshan du gyur to/ / de nas gang gi tshe btsas nas lo bdun lon pa de'i tshe/ chos gos tshon can de dag nyid gyon bzhin du bcom ldan 'das kyi bstan pa la rab tu byung ste/ des brtson pa dang /
- 332b
bsgrub pa dang // 'bad pas po la mig lnga pa'i 'khor ba'i khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral ba gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sde snod gsum pas las gang dag bgyis na/ des chos gos tshon can 'tshal le/ dge slong gi cha lugs can tshe rabs dran bzhin du btsas te/ rab tu byung nas kyang dgra bcom pa nyid mngon sum du bgyis lags// bcom ldan 'das kyis bka' stsal pa/ dge slong dag sde snod gsum pa nyid kyis sngon tshe rabs gzhan dag tu tshegs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pa
- 333a
na sde snod gsum pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyis sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa rgyar yang chud miza// tshogs shing dus la bab pa na/ 'bras bu nyid du smin par 'gyur/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lonyi khri thub pa na// yang dag par rdzogs pa'i sangs rgyas rig pa dang zhangs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba'i ri dgas kyi nags na rten cing bzhugs so// de nas re zhig na rgyal po kri kri'i bu drang srong spra ngar song ngo // de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad nus mdzes par byas pa/ 'od 'dom gang gis brgyan pa/ nyid stong ngas lhag pa'i 'od
- 333b
mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so// dad pa skyes nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'khor ba las skyo bar 'gyur ba de lta bu'i chos bstan te/ de thos nas 'khor ba la nyes par blta ba dang / mya ngan las 'das pa la yon tan du blta bar gyur to// de nas rgyal po la gsol te/ yab bdag bcom ldan 'das kyi bstan pa la rab tu 'byung bar 'tshal na/ gnang bar mdzad du gsol zhes byas so// rgyal pos smras pa/ khyod ring po mi thogs par rgyal tshab tu dbang bskur dgos pas/ 'di ni ngas bcos su med do/ / bus smras pa/ rgyal srid nyes pa mang po dang ldan pa/ chos kyi dgrar gyur pa bdag la mi 'tshal gyis/ bdag ni bcom ldan 'das kyi bstan pa la rab tu mi 'byung du mi gnang ngo // de nas yang kyis ma gnang nas des zhag gcig dang / gnyis dang / gsum nas/ zhag drug gi bar du kha 'chos so// de nas de'i zla grogs rnams kyis/ rgyal po la gsol to// lha mkhyen par mdzad du gsol/ sras 'di rab tu byung na legs kyi/ de'u re 'angar 'gum nam legs so// de nas rgyal pos gnang nas dam 'char bcug ste/ nam khyod sde snod gsum ma longs kyi
- 334a
/ bar dung dang 'phrad du ma 'ong zhig ces bsgo'o// de nas re zhig na de yab kyis gnang nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas ring po ma lon par sde snod gsum longs te/ rig pa dang grol bar smra ba chos ston par gyur nas/ de 'di snyam du sems te/ ma la bdag gis sngon dam bcas pa gnyer dgu mgor ma chag snyam nas/ / de yab kyi thad du song ste phrad nas dris pa/ bu cung zad lobs pa lta yod dam/ des smras pa/ sde snod gsum lebs lags so// de nas des yab la chos de lta bu bstan te/ de thos nas rgyal po mgu bar gyur to/ / de nas dga' ba skyes te smras pa/ bu gcig khyod la ci dgos// des smras pa/ bdag ni bcom ldan 'das nyan thos kyi dge 'dun dang bcas pa sngan drangs la yo byad drug 'bul lo/ / rgyal pos smras pa/ rgyal po'i pho brang ni rgya ches ci dga' bgyis shig/ de nas sde snod gsum pas bcom ldan 'das zhabs 'bring 'khor nyi khri dang bcas te/ zhal zas bzang pos tshim par byas nas/ dge slong re re la'ang yo byad drug drug phul lo// de nas zhabs la phyag 'tshal nas smon lam btab pa/ bdag da ltar dka' bas rab tu byung ba thob nas// de bzhin shegs panyan thos kyi dge 'dun dang bcas pa la bkur sti byas pa'i dge ba'i rtsa dang / sems bskyed pa dang / sbyin par bya ba'i chos yongs su gtong ba 'dis na/ bdag gang dang gang du skyes pa
- 334b
de dang der gos su chos gos tshen can gyon la/ dge sbyong gi cha lugs 'di dang ldan te/ tshe rabs dran par gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po kri kri'i bur gyur pa gang yin pa de ni snga snod gsum pa 'di yin te/ rgyu de nyid kyis phyug po'i rigs su skyes te/ gzugs bzang zhing blta na sdug la mdzes pa dang / tshe rabs dran par gyur to// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la// las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// grags bshes zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams
- 335a
dang / klu rnams dang / gnod sbyin rnams dang / lha ma yin nams dang / nam mkha' lding rnams dang / minga'am ci rnams dang / lto 'phye chen po rnams kyis bkur sti byas bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto'i bye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na ded dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas// de de dang lhan cig tu rtsa zhing dga' la dga' dgur spyod do/ / de'i tshe mu ge mi bzad pas gnod pa byung ste/ slong bas kyang mi zas mi rnyed do// ltas mkhan rnams kyis kyang char mi 'bab par bstan pa las/ re zhig na ded dpon de'i chung ma la du chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa yan lag dang nying lag thams cad dang ldan pa zhig btsas nas/ gang gi rin par khye'u de bcwa
- 335b
pa de kho na'i nyin par nas than pa med par gyur to/ / de nas de'i grags pa mnyan du yod pa mtha' dag tu rgyas par gyur to// de nas de btsas pa'i btsas ston byas nas/ bye'u 'di'i ming ji skad gdags zhes ming 'dogs par byed de/ nye du rnams na re/ 'di'i grags pa kun tu rgyas pas na/ de'i phyir khye'u 'di'i ming grags bshes gdags so zhes brer ro// de nas khye'u grags pa shes pang na 'tshe ba'i ma ma gnyis dang // nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi sti khu dang / gzhan yang yo byad kyi khyad par bzang ngo cog gis bskyang bsrings te/ mtsho'i nang gi pad+ma bzhin du skye drag par gyur to// de nas gang gi tshe khye'u grags bshes cher skyes pa de'i tshe/ rgyal bu rgyal byed kyi tshal du don zhig la song ngo / / de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mngar ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so// dad pa skyes nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de la 'khor ba las skyo bar 'gyur ba de lta bu'i chos bstan pa mdzad de/ de thos
- 336a
nas 'khor ba la nyes par blta ba dang / mya ngan las 'das pa la yon tan du lta bar gyur te/ pa ma la gsol nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig ldu da'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo ba'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de'i mche ba gnyis las chu yan lag brgyad dang ldan pa byung ste/ des na de la skom pa'i gnod pa med de/ gang gi tshe tsha ba'i dus su dge slong skom pa rnams gung skyems la dge 'dun gyi nang du 'du ba de'i tshe'ang de mi 'ong ngo / / de nas de dang bshes pa'i dge song rnams kyis dris pa/ ci'i phrir khyod la sgom pa'i gnod med ces byas so// des smras pa/ bdag
- 336b
gi mche ba gnyis las chu yan lag brgyad dang ldan pa 'byung ste/ des na bdag ni skom pa'i gnod pa med do// de nas dge slong dag the tso rgyas te/ the tsom thams cad gcod pa sangs rgyas bcom ldan 'das la zhus pa/ btsun pa grags bshes 'dis las gang dag bgyis na/ des gzugs bzang zhing blta na sdug la mdzes pa dang / mche ba gnyis las chab yan lag brgyad dang ldan pa 'byung la/ rab tu byung nas kyang dgra bcom pa 'di mngon sum du bgyis lags/ bcom ldan 'das kyis bka' stsal pa/ dge slong dag grags bshes 'di kyis sngor tshe rabs gzhan dag tu tshegs rnyed cing rgyan grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ grags bshes nyid kyis las byas sher bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za/ / tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo
- 337a
nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong smra ba'i ri dgas kyi nags na rten cing bzhugs so// de nas re zhig na tshong dpon gyi bu zhig dge slong rgan po zhig la rab tu byung ba las/ de'ang le lo can zhig ste/ gzhan la de bsnyen bkur byed mi 'dod do// de nas tshangs pa mtshungs par spyod pa rnams kyis gnas brtan de nyid kyi bsnyen bkur byed par bskos pa dang / de bdag ni bsnyen bkur byed pa yin no snyam du rgya cher 'dzin to// dge slong ches rgan pa rnams kyi bsnyen bkur len par byed pa nas/ de'i dge ba'i rtsa ba rnams zad de phyis re zhig na nad kyis btab pa dang / gnas brtan gyis sman pa'i lung bzhin du sman mar blud nas/ de mtshan mo skom ste ci bya gtol med nas chu dadung snum ste/ bdag gi chu snod kyi drung du song na chu med par mthong ngo / / de bzhin du mkhan po dang / slob dpon dang / dge 'dun gyi drung tshang du song na de dag kyang chu med par mthong ngo // de nas re zhig na chu klung zlog byed kyi 'gram du song na de yang chu med par gyur te/ de mi dga' bar gyur nas/ bdag gi tshangs pa mtshungs par spyod pa rnams skyo ba skyed pa dang / dad pas byin pa lci bar
- 337b
bstan pa'i phyir chu klung zlog byed kyi pha rol na shing zhig yod pa la 'dzegs te/ ras shig der btags nas/ rang gi las rnams bsams te/ las la rton cing 'dug go// de nas re zhig na phyi de nyin par nam nangs pa dang / gtam de tshangs pa mtshungs par spyod pa rnams la bsnyad do// de nas de'i tshangs pa mtshungs par spyod pa rnams kyis skabs de thos nas mi dga' bar gyur te/ phan tshun du bsnyad do// de nas de'i mkhan pos chu byin na de'ang ma mthong ngo // de nas de mi dga' bar gyur nas/ bcom ldan 'das 'od srungs la gsol to/ / bcom ldan 'das 'od srungs kyis gaN+DI rdungs shig ces bka' stsal to// de nas khang skyong gis gaN+DI brdungs pa dang / sangs rgyas la sogs pa dge slong gi dge 'dun rnams 'dus so/ / grong khyer wA rA NA si thog thag tu ying gtam de grags te/ sems can 'bum phrag du ma 'dus so// de nas re zhig na de'i mkhan pos gral dpon gyi mdun du 'dug tu bcug nas/ ril ba spyi blugs chus bkang ste byin nas/ bu chu 'di dge 'dun la brims shig ces byas so// de nas 'bras bu mngon sum du mthong ba des skyo bar gyur pa de nyid kyis bcom ldan 'das dang nyan thos rnams la dad pa bskyed nas bsam pa drag pos chu de dge 'dun la brims so/ / de nas bcom ldan 'das kyis de la phan gdags pa'i phyir
- 338a
phyag glang po che'i snga lta bu brkyang nas/ 'jigs pa thams cad dbugs 'byon par byed pa'i phyag gis chu de bzhes te/ nyan thos chen po rnams kyis kyang blangs na/ 'on kyang zad par ma gyur to/ / dge 'dun thams cad la brims na'ang zad par ma gyur to// de nas lha dang mi rnams dad par byed pa'i cho 'phrul ya mtshan can de mthong nas/ srog chags 'bum phrag du ma bden pa mthong bar gyur to/ / de'i rgyud la'ang dge ba'i rtsa ba rnams sor chud par gyur to// gang gi tshe nad sos pa de'i tshe// des sangs rgyas la sogs pa dge slong gi dge 'dun chus mi brel bar byas te/ lo khri nyis stong gi bar du des dge 'dun la chu drims so// de nas phyis re zhig na 'chi ba'i dus la bab pa'i tshe smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bcom ldan 'das 'od srungs kyis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro/ / zhes lung bstan pa gang yin pa de bdag gis mnyes par byed par gyur cig/ mi mnyes par byed/ par ma gyur cig/ bdag gi mche ba'i phrag nas kyang chu yin lag brgyad dang ldan pa 'byung bar gyur cig ces byas so// bcom ldan 'das kyis bka' stsal pa/ dge slong dag ji snyam du
- 338b
sems/ de'i tshe de'i dus na dge slong du gyur pa gang yin pa de ni grags bshes 'di yin te/ des lo khri nyis stong gi bar du dge 'dun la chu brims te smon lam btab pa des na/ tshe 'di la mche ba'i phrag nas chu 'byung la/ rgyu de nyid kyis na dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// rdzus te skyes pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi ri rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang /
- 339a
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / glu dang / gnod sbyin dang / lha ma yin dang nam mkha' lding dang / mi 'am dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa sum cu rtsa gsum pa'i lha yul na shing gi rgyal po yongs 'dus brtol gyi drung nas thag mi ring ba zhig na/ rdo leb snam bu dkar po lta bu'i steng du dbyar gnas par dam pa zhes te/ sku bskrun pa'i yum dang / sum cu rtsa gsum pa'i lha gzhan dag la'ang chos ston to/ / de'i tshe tshe dang ldan pa mo'u 'gal gyi bu chen po ni mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dka' rab na dbyar gnas par dam bcas so// denas 'khor bzhi po rnams tshe dang ldan pa mo ru 'gal gyi bu chen po ga la ba der dong ste lhags nas/ tshe dang ldan pa mo'u 'gal gyi bu chen po'i rkang pa la mgo bos phyag 'tshal te/ phyogs gcig tu 'khod do/ / phyogs gcig tu 'khod nas/ tshe dang ldan pa mo'u 'gal gyi bu chen pos chos kyi gtam gyis yang dag par bstan/ yang dag par 'dzin du bcug/ yang dag par gzengs bstod
- 339b
yang dag par dga' bar byed do/ / chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas cad mi zer bar 'dug go/ / de nas 'khor bzhi po rnams stan las langs te/ bla gos phrag pa gcig tu gzar nas/ tshe dang ldan pa mo'u 'gal gyi bu chen po ga la ba der logs su thal mo sbyar ba btud de tshe dang ldan pa mo'u 'gal gyi bu chen po la 'di skad ces smras so/ / btsun pa mo'u 'gal gyi bu chen po khyod kyis da ltar bcom ldan 'das gang du dbyar gnas par dam bzhes pa cung zad gsan tam// tshe dang ldan pa mo'u 'gal gyi bu chen pos smras pa/ kye bdag gis ni bcom ldan 'das sum cu rtsa gsum pa'i lha yul na shing gi rgyal po yongs 'du sa brtol gyi drung nas thag mi ring ba zhig na rdo leb snam bu dkar po lta bu'i steng du dbyar gnas par dam pazhes te/ sku bskrun pa'i yum dang / sum cu rtsa gsum pa'i lha gzhan dag la'ang chos ston cing bzhugs so zhes thos so// de nas 'khor bzhi po rnams tshe dang ldan pa mo'u 'gal gyi du chen pos smras pa la mngon par bstod cing rjes su yi rangs te/ rkang pa la phyag 'tshal nas/ stan las langs te dong ngo // de nas 'khor bzhi po rnams dbyar zla ba gsum 'das nas/ tshe dang ldan pa mo'u 'gal gyi bu chen po ga la ba dar song ste lhags nas/ tshe dang ldan pa mo'u 'gal gyi bu chen po'i rkang pa la mgo bos phyag 'tshal te phyogs gcig tu 'khod nas/ tshe dang
- 340a
ldan pa mo'u 'gal gyi bu chen pos 'khor bzhi po rnams chos kyi gtam gyis yang dag par bstan/ yang dag par 'dzin du bcug/ yang dag par gzengs stod/ yang dag par dga' bar byed do/ / chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas cang mi zer bar 'dug go// de nas 'khor bzhi po rnams stan las langs te/ bla gos phrag pa gcig tu gzar nas/ tshe dang ldan pa mo ru 'gal gyi bu chen po ga la ba de logs su thal mo sbyar ba btud de/ tshe dang ldan pa mo'u 'gal gyi bu chen po la 'di skad ces smras so/ / btsun pa mo'u 'gal gyi bu chen po mkhyen par mdzad du gsol/ bdag cag gis bcom ldan 'das kyi zhal ma mthong nas ring mo zhig lags te/ bdag cag ni bcom ldan 'das mthong bas skom lags so// bdag ni bcom ldan 'das mthong bar 'tshal te/ gal te btsun pa mo'u 'gal gyi bu chen po la gnod pa ma mchis na/ btsun pa mo'u 'gal gyi bu chen po bcom ldan 'das ga la ba der gshegs te byon nas/ zhabs la phyag bzhes te gnod pa chung ngam/ nyam nga ba chung ngam/ bskyod pa yang ngam/ 'tshe 'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes gsol la/ 'di skad ces kyang gsungs shig/ btsun pa 'dzam bu'i gling pa'i 'khor ba zhi pa
- 340b
rnams bcom ldan 'das mthong bar 'tshal te/ 'di skad du btsun pa 'dzam bu'i gling pa'i mi rnams la ni gang gis 'dzam bu gling pa'i mi rnams bcom ldan 'das blta ba dang / thad du mchi ba dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i rdzu 'phrul dang mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams bcom ldan 'das la blta ba dang / thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na/ thugs brtsa ba'i slad du bcom ldan 'das sum cu rtsa gsum pa'i lha yul nas 'dzam bu'i gling du gshegs su gsol zhes mchi'o zhes mol du gsol/ de nas tshe dang ldan pa mo'u 'gal gyi bu chen pos 'khor bzhi po rnams la cang mi smra bas khas blangs so// de nas 'khor bzhi po rnams kyis tshe dang ldan pa mo'u 'gal gyi bu chen pos cang mi smra bas khas blangs par rig nas/ tshe dang ldan pa mo'u 'gal gyi bu chen po'i rkang pa la mgo bos phyag 'tshal te stan las ladra te dong ngo / / de nas tshe dang ldan pa mo'u 'gal gyi bu chen pos 'khor bzhi po rnams dong nas ring po ma lon par rig nas/ ji ltar sems mnyam par bzhag na/ dper na mi stobs po che lag pa bskum pa las brkyang ba'am/ brkyang ba las bskum pa bzhin du tshe dang ldan pa mo'u 'gal gyi bu chen po mnyan du yod pa nas mi snang bar gyur te/ sum cu rtsa gsum pa'i lha'i yul na shing gi rgyal po yongs 'du sa brdol
- 341a
gyi drung nas thag mi ring ba zhig na rdo leb snam du dkar po lta ngur 'dug pa der son par 'gyur ba de lta bu'i ting nge 'dzin la snyoms par zhugs so/ / de'i tshe bcom ldan 'das ni lha'i 'khor brgya phrag du mi'i gung la bzhugs te chos ston te/ / de nas tshe dang ldan pa mo'u 'gal gyi bu chen pos bcom ldan 'das lha'i 'khor brgya phrag du ma'i gung la bzhugs te chos ston pa mthong ngo // mthong nas kyang 'dzum dmul te/ bcom ldan 'das ni ji ltar 'dzam bu'i gling na 'khor bzhi po rnams kyis gang ba bzhin du 'di na ni 'khor mang po dang bzhugs so snyam mo// de nas bcom ldan 'das kyis tshe dang ldan pa moru 'gal gyi bu chen po'i sems thugs kyis mkhyen te/ tshe dang ldan pa mo ru 'gal gyi bu chen po la 'di skad ces bka' stsal to// mo'u 'gal gyi bu 'di dag la ni rang dbang med de/ gang gi tshe ngas deng zhig ces bsams na ni de'i tshe 'dong bar 'gyur ro/ / gang gi tshe ngas shog cig ces bsams na ni de'i tshe 'ong bar 'gyur ro// sems kyis nga'i bsams pa shes nas 'ong ba dang 'dod par 'gyur ro/ / de nas tshe dang ldan pa mo'u 'gal gyi bu chen po bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ tshe dang ldan pa mo'u 'gal gyi bu chen pos lha'i 'khor thams cad la bltas te/ bcom ldan 'das la 'di skad ces gsol to// btsun pa kye ma lha'i 'khor sa
- 341b
tshogs 'dus shing 'khod lags so/ / lha'i 'khor gyi nang na sangs rgyas la shes nas dad pa dang ldan te/ lus dang bral nas 'dir skyes pa'i lha de lta bu dag kyang mchis so// chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa dag kyang mchis so// de nas bcom ldan 'das kyis tshe dang ldan pa mo'u 'gal gyi bu chen pos smras pa la 'thun par dgongs te/ tshe dang ldan pa mo'u 'gal gyi bu chen po la ba di skad ces bka' stsal to// mo'u 'gal gyi bu de na de bzhin te/ de ni de bzhin no// kye ma lha'i 'khor sna tshogs 'dus shing 'khod do/ / lha'i 'khor gyi nang na sangs rgyas bcom ldan 'das la shes nas dad pa dang ldan te/ lus dang bral nas 'dir skyes pa'i lha de lta bu dag kyang yod do// chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa dag kyang yod do// de nas lha'i dbang po brgya byin gyis/ bcom ldan 'das kyis gsungs pa dang / tshe dang ldan pa mo'u 'gal gyi bu chen pos smras pa la mthun par bsams te/ tshe dang ldan pa mo'u 'gal gyi bu chen po la 'di skad ces smras so// btsun pa mo'u 'gal gyi bu chen po de ni de bzhin no/ / de ni de bzhin te/ kye ma lha'i 'khor sna tshogs 'dus shing 'khod do// lha'i 'khor minang na sangs rgyas la shes nas dad pa dang ldan te/ lus dang bral nas 'dir skyes pa'i lha de lta bu
- 342a
bya/ / dag kyang yod do// chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa de lta bu dag kyang yod do/ / de nas lnga'i bu gnan zhig gis kyang bcom ldan 'das kyis gsungs pa dang / tshe dang ldan pa mo'u 'gar gyi bu chen po dang / lha'i dbang po brgya byin gyis smras pa la 'thun par bsams te/ tshe dang ldan pa mo'u 'gal gyi bu chen po la 'di skad ces smras so// btsun pa mo'u 'gal gyi bu chen po de ni de bzhin no// de ni de bzhin te/ kye ma lha'i 'khor sna tshogs 'dus shing 'khod do// 'khor gyi nang na sangs rgyas la shes nas dad pa dang ldan te/ lus dang bral nas 'dir skyes pa'i lha de lta bu dag yod do// chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas 'dir skyes pa de lta bu dag kyang yod do// de nas lha kha cig stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag ni sangs rgyas la shes nas dad pa dang ldan te// lus dang bral nas 'dir skyes pa lags so// lha gzhan dag cig gis kyang 'di skad ces gsol to/ / btsun par bdag cag ni chos dang / dge 'dun dang / 'phags pa dgyes pa'i tshul khrims la shes nas dad pa dang ldan te/ lus dang bral nas
- 342b
'dir skyes pa lags so/ / de nas der lha brgya phrag du ma dang / lha stong phrag du ma dang / lha 'bum phrag du ma bcom ldan 'das kyi spyan sngar so so'i rgyun du zhugs pa'i 'bras bu brda sprod pa byas nas/ de nyid du mi snang bar gyur to// de nas tshe dang ldan pa mo'u 'gal gyi bu chen po sa lha rnams dong bar rig nas/ bla gos phrag pa gcig tu gzar te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to// btsun pa 'dzam bu'i gling na 'khor bzhi po mchis pa rnams com ldan 'das kyi zhangs la phya 'tshal te/ gnod pa chung ngam/ bskyod pa yang ngam/ 'tshe 'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes kyang mchis lags so// bcom ldan 'das kyis bka' stsal pa/ mo'u 'gal gyi bu khyod dang 'dzam bu'i gling na 'khor bzhi po 'khod pa rnams bde bar gyur cig/ mo'u 'gal gyi bus gsol pa/ btsun pa 'dzam bu'i gling na 'khor bzhi po mchis pa rnams ni/ bcom ldan 'das kyi zhal mthong bar 'tshal te 'di skad ces kyang mchi'o// btsun pa 'dzam bu gling pa'i mi rnams la ni gang gis 'dzam bu'i gling pa'i mi rnams ba ldan 'das blta ba dang / thad du mchi ba dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i rdzu 'phrul dang mthu ma mchis la// sum cu rtsa gsum pa'i lha rnams la ni gang
- 343a
gis sum cu rtsa gsum pa'i lha rnams bcom ldan 'das la blta ba dang / thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na/ thugs brtse ba'i slad du bcom ldan 'das sum cu rtsa gsum pa'i lha yul nas 'dzam bu'i gling du gshegs su gsol zhes kyang mchi'o// bcom ldan 'das kyis bka' stsal pa/ mo'u 'gar gyi bu 'o na khyod 'dzam bu'i gling du song la 'khor bzhi po rnams la/ kye bcom ldan 'das ni da ste zhag bdun na sum cu rtsa gsum pa'i lha yul nas 'dzam du'i gling du grong khyer snang ldan gyi 'dab/ a bad dza ra'i nags su shing u dum wa ra'i drung du gshegs so zhes sgron cig/ de nas tshe dang ldan pa mo'u 'gal gyi bu chen pos bcom ldan 'das kyis bka' stsal pa mnyan te/ bcom ldan 'das kyi zhabs la mge bos phyag 'tshal nas/ ji ltar sems mnyam par bzhag na/ dper na mi stobs po che lag pa bskum pa las brkyang ba 'am/ brkyang pa las bskum pa bzhin du tshe dang ldan pa mo'u 'gal gyi bu chen po sum cu rtsa gsum pa'i lha yul nas mi snang bar gyur te/ 'dzam bu'i gling du son par gyur pa de lta bu'i ting nge 'dzin la snyoms par zhugs so// de nas tshe dang ldan pa mo ru 'gal gyi bu chen po 'dzam bu'i gling du 'ongs nas 'khor bzhi po rnams la sbran pa/ kye bcom ldan 'das ni da ste zhag bdun na sum cu rtsa gsum pa'i lha yul nas 'dzam bu'i gling du grong khyer snang ldan gyi 'dab/ a bad dza ra'i nags su shing a dam pa
- 343b
ra'i drung du gshegs so zhes byas so/ / de nas zhag bdun lon pa dang / bcom ldan 'das sum cu rtsa gsum pa'i lha yul nas 'dzam bu'i gling du grong khyer snang ldan gyi 'dang / a bad dza ra'i nags su shing u dum wa ra'i drung du gshegs so/ / gang gi tshe bcom ldan 'das grong khyer snang ldan der gshegs pa de'i tshe/ srog chags 'bum phrag du ma bcom ldan 'das la blta ba'i phyir 'dus so/ de nas der dge slong rdzus te skyes pa zhig byung ste/ des bcom ldan 'das nyan thos kyi dge 'dun dang bcas pa dang / lha dang / lha ma yin dang / nam mkha' lding dang / mi 'am cingang / lto 'phye chen po de dag bshos la spyan drangs nas/ re zhig na gdugs tshod la bab pa dang / sems bskyed ma thag tu lha'i gdan dar yug khyim chen pos g.yogs pa dag dang / lha'i zhal zas bza' ba dang bca' ba dag byung bar gyur to/ / de nas dge slong rdzus te skyes pa des bcom ldan 'das lha'i zhal zas kyis tshim par byas te/ lha dang / lha ma yin dang / nam mkha' lding dang / mi 'am ci dang / lto 'phye chen po de dag la'ang bkur sti legs par byas so// de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ de lta bu'i chos bstan pa mdzad de/ de thos nas dge slong rdzus te skyes pas phol mig lnga pa'i 'khor lo 'di 'di g.yo zhing mi brtan par rig nas/ 'du byed kyi rnam pa thams cad rnyil ba dang / ltung ba dang / rnam par 'thor
- 344a
ba dang / rnam par 'jig pa'i chos can yin par rtsad chod de/ nyan mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa rig pa sgoslonga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi b+ha da/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes de/ the tsom thams cad gcod pa sangs rgyas bcom ldan 'das la zhus pa/ btsun pa rdzus te skyes pas las gang dag bgyis na/ des rdzus te skyes par gyur la/ 'dis sems bskyed pa'i mod la tsa bsam pad ci 'tshal ba de dag thams cad grub par 'gyur ba lags/ bcom ldan 'das kyis bka' stsal pa/ dge slong dag rdzus te skyes pa nyid kyis sngon tshe rangs gzhan dag tu tshogs rnyed cing rkyen grub pa dang ldan te/ dbang rgal bzhin du 'byung la/ gdon mi za bar 'ong ba'i las de dag byas shing bsags pas na/ rdzus te skyes pa nyid kyis las byas shing bsags pa de dag gzhan su zhig gis 'ams su myong bar 'gyur te/ dge slong
- 344b
dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal par rgyar yang chud mi za/ / tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa dgu bcu rtsa gcig pa la// skye dgu'i tshe lo brgyad khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de grong khyer gnyen ldan na rten cing gnas so// de nas re zhig na grong med pa dgon pa'i gnas shig na/ dge slong lnga dbyar gnas par dam bcas pa las/ de'i nang nas dge slong gcig gis dge slong bzhi'i zhal ta byas nas/ de dag gis brtson pa dang bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas so// dge slong cig shos kyis ni de dag gi rkang pa la phyag 'tshal nas smon lam btab
- 345a
pa/ 'di ltar 'di rnams kyis bdag las brten te dgra bcom pa nyid mngon sum du byas pa'i dge ba'i rtsa ba dang / sems bskyed pa dang / sbyin par bya ba'i chos yongs su gtong nga 'dis na/ bdag rab tu byung ste/ yo byad kyi khyad par dag gis bdag brel bar ma gyur cig ces byas so// dge slong dag ji snyam du sems de'i tshe da dus na dge slong zhal ta byed par gyur pa gang yin pa de ni rdzus te skyes pa 'di yin no/ / gsol pa/ btsun pa rdzus te skyes pas las gang dag bgyis na/ des rdzus te seMs sa/ bco ldan 'das kyis bka' stsal pa dge slong dag sngon byung ba 'das pa'i dus na/ bskal pa bzang po 'di 'di la skye dgu'i tshe lo nyi khri thub pa na/ de bzhin gshegs pa dgra ba com pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi sten pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra ba ri dgas kyi nags na rten cing bzhugs so// de'i tshe de na tshong dpon zhig gnas pa de'i chung ma bu btsas pa'i tshe sdug bsngal gyi tshor bas nyen nyam thag pa'i skad 'byin cing ngu ba dang / des de'i sgra thos nas mchog tu mi dga' bar gyur te/ mya ngan gyi khang bur zhugs nas/ lag pa oM tshugs bcas te sems khongs su chud cing 'dug pa las
- 345b
de'i blo skyes pa/ ma la bdag bcom ldan 'das kyi bstan pa la rab tu byung la/ ci nas bdag gis nams kyang mngal du gnas pa nyams su myong bar ma gyur cig ces smon lam gdab gor ma chag snyam ste/ de ste de skyo bar gyur pa de nyid kyis bcom ldan 'das 'od srungs kyi gsung rab la rab tu byung nas des smon lam btab pa/ dge ba'i rtsa ba dang / sems bskyed pa 'das na/ bdag gang dang gang du skye ba de dang der rdzus te skye bar gyur cig/ nams kyang mngal du gnas pa nyams su myong bar ma gyur cig ces smras so// bcom ldan 'das kyis bka' stsal pa/ dge slong dag ji snyam du sems de'i tshe de'i dus na tshong dpon du gyur pa gang yin pa de ni rdzus te skyes pa 'di yin te/ smon lam btab pa des ni rdzus te skyes par gyur to// des der dbang po rnams yongs su smin par byas pa des ni da ltar dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de
- 346a
ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bsto do// mdzes pa zhes bya ba ni/ sangs rgyas bcom ldan 'das la/ rgyal po rnams dang // blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ / na bza' dang / zhal zas dang / gzims cha dang / gdan dang / snyun gsos dang / sman zong namra brnyes pa/ nyan thos kyi dge 'dun dang bcas pa ser skya'i gnas shing n+ya gro d+ha'i kun dga' ra ba na bzhugs so// de'i tshe ser skya'i gnas na shAkya phyug cing nor mnga' longs spyod ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig
- 346b
tu rtse zhing dga' la dga' dgur spyod do/ / de rtse zhing dga' la dga' dgur spyod pa las/ chung ma la bu chags nas/ de zla ba brgyad dam dgu lon pa dang du byung ste/ khye'u gzugs bzang zhing blta na sdug la mdzes pa/ mi'i kha dog las ni 'das/ lha'i kha dog ni ma thob pa zhig btsas nas/ de btsas pa'i tshe shin tu rmad du byung ba du ma byung bar gyur te/ de dag gis grong khyer ser skya'i gnas theg thag mdzes par byas so/ / de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re/ 'di btsas pa na grong khyer ser skya'i gnas mdzes par byas pas na de'i phyir khye'u 'di'i ming mdzes pa zhes gdags so zhes zer ro/ / de nas khye'u mdzes pa pang na 'tshe ba'i ma ma gnyis dang / nu ma bsnun pa'am ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad gyi khyad par bzang nge cog gis bskyed bsrings te/ mtsho'i nang gi pad+ma bzhin du skye drag par gyur to// de nas gang gi tshe cher skyes pa de'i tshe/ bcom ldan 'das lang lba ba'i phyir shing n+ya gro d+ha'i kun dga' ra bar song ngo / / de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od
- 347a
'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ / de dga' ba bskyed nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos ston te/ de thos nas khye'u mdzes pas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsol te bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil pa dang / ltung ba dang / rnam par 'thor ba dang / rnam par 'jig pa'i chos can yin par rtsa rmod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ bse rang bong bar mnyam pa nam mkha' dang lag mthal du 'dra ba'i sems dang tsan dam
- 347b
spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa mdzes pas las gang dag bgyis na/ des gzugs bzang zhing blta na sdug la mdzes te/ mi'i kha dog las ni 'das// lha'i kha dog ni ma thob par gyur la/ 'di btsas pa'i tshe yang shin tu rmad du byung ba du ma byung bar gyur te/ de dag gis grong khyer ser skya'i gnas kun tu mdzes par bgyis pa lags/ bcom ldan 'das kyis bka' stsal pa/ dge slong dag mdzes pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas/ mdzes pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin
- 348a
pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za tshogs shing dus la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe le bzhi dri thub ba na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i khalo// sbyar ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de rgyal po'i pho brang grong khyer mdzes ldan na rten ci bzhugs so/ / de nas rgyal po mdzes pas de'i dbu skra dang sen mo'i mchod rten brtsigs so// de nas re zhig na de'i dus ston zhig byung ba'i tshe/ mdza' sde dag cig mchod rten gyi drung du dong ba las/ de dag gis mchod rten de mthong nas dad pa skyes te/ me tog btags so// de dag gi nang na mdza' sde pa cig na re/ bdag la ni ci yang med kyi/ bdag na ci yang mi byed do zhes zer nas/ mdza' sde de dag gi nang nas phyir byung ba las de 'gyod pa skyes te/ des me tog rnam pa sna tshogs btus nas mchod rten de nyid la phul lo// bcom ldan 'das kyis bka' stsal pa/ dge slong dag ji snyam du
- 348b
sems/ de'i tshe de'i dus na mdza' sde pa 'gyod pa skyes nas yang dag par rdzogs pa'i sangs rgyas 'khor ba 'jig gi dbu skra dang sen mo'i mchod rten la me tog 'dul ba gang yin pa de ni mdzes pa 'di yin no/ / dge slong dag mdzes pas ni las gzhan dag kyang byas shing bsags te/ dge slong dag sngon byung ba 'das pa'i dus na/ grong khyer wA rA NA si na tshong dpon zhig gnas pa des rab sangs rgyas nad pa zhig mthong ngo / / de nas dad pa skyes te/ rkang pa la phyag 'tshal nas bsod snyoms kyang phul/ gos kyang phul lo// dge slong dag ji snyam du sems/ de'i tshe de'i dus na tshotshetshong dpon du gyur pa gang yin pa de ni mdzes pa 'di yin no/ / gzhan yang bcom ldan 'das 'od srungs kyi ring la mi dbul po shing thun zhig tu gyur te/ de ri sul zhig tu shing thur song ba dang des mchod rten zhig mthong na mchod rten de'i 'khor sa na rtswa dag kyang skyes so/ / de nas de dad pa skyes nas/ des rtswa rnams kyang phyung ste phyags ma thogs nas mchod rten gyi 'khor sa phyags so/ / de nas nangs la phyag 'tshal te smon lam btab pa/ dge ba'i rtsa ba dang / sems bskyed pa 'dis na bdag gzugs bzang zhing blta na sdug la mdzes par gyur cig/ ma 'ongs pa'i dus na yang dag par rdzogs pa'i sangs rgyas rnams mnyes par byed par gyur cig/ mi mnyes par byed par ma gyur cig ces byas so// bcom ldan 'das kyis bka' stsal pa/
- 349a
dge slong dag ji snyam du sems/ de'i tshe de'i dus na dbul po shing thun du gyur pa gang yin pa de ni mdzes pa 'di yin te/ des mchod rten dang / mchod rten gyi 'khor sa phyags pa des na gang dang gang du skyes pa de dang der gzugs bzang zhing blta na sdug la mdzes par gyur to/ / rgyu de nyid kyis na da ltar yang dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bam po nyi shu pa// ka po na zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / chu rnams
- 349b
gnod sbyin rnams dang / lha ma yin rnams dang / namakha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe lho phyogs na rgyal po rtogs ldan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge/ dang nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tshe ra ma dkrugs la/ bu gcig pa la bya ba bzhin du rgyal srid bskyangs so/ / de nas phyis re zhig na btsun mo dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las/ btsun mo la bu chags nas// de zla ba brgyad dam dgu lon pa
- 350a
las dbyung ste/ khye'u gzugs bzang zhing blta na sdug la mdzes pa// yan lag dang nying lag thams cad dang ldan pa zhig btsas so// de nas de btsas pa'i btsas ston byas nas/ 1 bi na zhes ming btags so/ / de nas khye'u ka pi na pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / go dang / mar dang / yun mar dang / mar gyi snying khwa dang / gzhan yang yo byad kyi khyad par bzang ngo cog gis bskyed bsrings te/ mtsho nang gi pad+ma bzhin du skye drag par gyur to/ / gang gi nyin par rgyal po'i bu ka pi na btsas pa de kho na'i nyan par blon po khri brgyad stong gi bu yang btsas te/ thams cad kyang chen po che'i stobs dang ldan pa sha stag go/ de dag gi maung yang so so'i rkyen du 'tsham par btags so/ / de nas re zhig na rgyal po rtogs ldan shi nas de'i 'og tu bu ka pi na rgyal por bcug go// blon po'i bu khri brgyad stong po de dag thams cad kyang blon por bskos so// de nas phyi zhig na rgyal po ka pin blon po chen po khri brgyad stong gis zham ring byas te ri dgas gshor du song ba dang / des mdun logs dang / rgyab logs su dpung chen po thams cad bltas nas/ blon po rnams ya dris pa/ kA ye ltar nga'i dpung chen po 'di lta bu dag gzhan su la yod ces byas so// de nas blon po snyan par smra ba rnams kyis/ lha su la'ang ma mchis so zhes byas so// de nas yul dbus nas tshong pa
- 350b
/ dgacig lho phyogs su song ba de dag gis rgyal po ka pi na chen po la skyes phul lo// de nas rgyal pos smras pa/ kye tshong pa dag yul de'i rgyal po su yin// tshong pa rnams kyis gsol pa/ lha yul kha cig nan mang po tshegs pa dbang 'gyid do/ / yul kha cig na ni rgyal po dbang bgyid do// de nas re zhig na rgyal po ka pin chen pos mnyan du yod pa la sogs pa grong khyer chen po drug tu pho nya btang ste/ gal te khyed 'greng ba la bab pa na yang ma 'dug par myur du shog cig/ de ltar ma byas na chad pas cher gcad do zhes byas so// de nas tshig de thos nas grong khyer chen po drug na gnas pa'i rgyal po rnams 'jigs shing skrag la mi dga' ste/ skyo lung zhes byas nas 'dus shing tshegs te gros 'thun par byas nas mnyan du yod par lhags so// de nas bcom ldan 'das kyi thad du song ste/ gtam de bcom ldan 'das la rgyas par gsol to/ / de nas bcom ldan 'das kyis de dag dbugs phyung ste pho nya de nga'i thad du khug cig ces bka' stsal to// de nas de dag gis pho nya la kho bo cag gi rgyal po'i yang rgyal po yod kyis/ re zhig na de'i spyan sngar mchi zhig ces bsgo'o/ / de nas bcom ldan 'das kyis pho nya 'ong bar thugs su chud nas/ rgyal po rgyal byed kyi tshal lha'i grong khyer blta na sdug dang 'dra bar ni rin po che sna bzhir sprul to// rgyal po chen po bzhin de'i sgo dpon lta bur bkod do/ / glang po ches srungs kyi bu lta bu dag dang / ta sprin gyi shugs can lta bu dag dang / shing rta dga' byed sgra lta bu dag dang / mi gnod sbyin mi bzad pa lta bu dag kyang bkod de// bcom ldan
- 351a
'das nyid ni 'a khor los gyur ba'i rgyal ro'i che thugs su sprul to/ / seng me'i khri yang du bdun can du yod pa'ang sprul te// de la bcom ldan das 'azhugs so// denas po sa de Sh+TA/ bur mdzes pa dag mthong nas mchog tu yamatshan du gyur to// de nas bcom ldan 'das kyis 'phrin yig bris nas pho nya de la bka' stsal pa/ rgyal po ka pin la ngan re/ 'phrin yig mthong ba de kho na'i tshe gal te khyod 'greng ba la bab na yang ma 'dug par myur du shog cig/ gal te ma 'ongs nang dpung gi tshogs chen po dang bong ngo zhes gyis shig/ de nas pho nya de song ste rgyal po ka pin chen po la 'phrin yig dang kha than du/ btab pa de dag thams cad byas so// de nas rgyal po ka pi na chen po blon po khri brgyad stong gis zham ring byas te mthar gyis song song nas mnyan du yod par phyin pa dang / nyi 'og gi rgyal po rnams kyis rgyal po ka ri na chen po bsu nas de dag gis bkur sti chen pos grong khyer du gshegs su gsol te/ mnyel bso nas bcom ldan 'das la gsol to// de nas bcom ldan 'das kyis de 'ong bar thugs su chud nas/ thams cad snga ma bzhin du sprul to// de nas rgyal po ka pi na chen po rgyal bu rgyal byed kyi tshal du song nas/ mthong ma thag tu de'i gzugs la gzugs kyis rgyags pa dang / dbang phyug la dbang phyug gis rgyags pa gang yin pa de med par gyur to// stobs kyis dregs pa ni da dung yod bzhin no// de nas bcom ldan 'das kyis 'jig rten pa'i dgongs pa
- 351b
bskyed de/ lha'i dbang po brgya byin gyis dbang po'i gzhu khyer te 'ongs na legs so snyam du dgongs nas bcom ldan 'das kyis dgongs pa bskyed pa'i mod la lha'i dbang po brgya byin gyis kha lo ba'i cha lugs kyis dbang po'i gzhu phul lo/ / de nas bcom ldan 'das kyis rgyal po ka pin chen po la byin na/ de rgyal po ka pi na chen pos gdeg par yang ma nus na/ brdung bar lta ga la nus/ de nas bcom ldan 'das kyis lcags kyi rnga bo che 'dun sprul te nyid kyis gzhu de zla gam bzhin bdungs nas snam mda' 'phangs te/ des lcags kyi rnga bo che bdun char thal phyung nas/ de las sgra byung ba/ nges par 'byung ba brtsam par gyis// sangs rgyas bstan la sbyor bar gyis// 'dam bu'i khyim la glang chen bzhin// 'chi bdag sde ni gzhom par gyis// gang zhig chos 'dul 'di nyid la// bag yod spyod par byed pa ni// skye ba'i 'khor ba rab spang nas/ / sdug bsngal zad par byed par 'gyur// zhes bya ba'i sgra byung nas sgra de'ang 'og min gyi rtswa'i yul man chad du grag go/ de nas rgyal po ka pi na chen po'i stobs kyis dregs pa de'ang med par gyur te/ de'i blo skyes pa/ e ma de ci zhig snyam mo// de nas bcom ldan 'das kyis rgyal po ka pi na chen po'i sems kyi rgyu ba thugs su chud nas/ 'khor los sgyur ba'i rgyal po'i cha lugs mi snang bar mdzad de mdo 'di gsungs so/ / dge slong dag de bzhin gshegs pa dgra bcom pa yang dag par rdzogs pa'i sangs rgyas ni stobs bcu dang ldan pa/ mi 'jigs pa bzhis mi 'jigs pa/ khyu mchog gi gnas
- 352a
rgya chen po la dam bcas pa/ tshangs pa'i 'khor lo bskor ba/ 'khor gyi nang du yang dag pa'i seng ge'i sgra sgrogs pa ste/ 'di lta ste/ 'di yod na 'di 'byung la/ 'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ / 'di lta ste/ 'di med na mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srod pa 'gag/ srid pa 'gags pas skye ba
- 352b
'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ / dge slong dag nga'i chos ni legs par gsungs pa/ gsal ba rnam par phye ba// rgyu ba gcod pa/ lha dang mi man chad la yang dag par legs par bstan pa yin te/ de ltar chos legs par gsungs pa/ gsal ba rnam par phye ba/ rgyu ba gcod pa/ lha dang mi man chad la yang dag par legs par bstan pa la ni rigs kyi bu dad pas rab tu byung bas ston pa'i bstan pa/ la brtson par bya ba'i rigs pa kho na'o// sbyor bar bya ba'i rigs so// bag yod par bya ba'i rigs so// lus kyi sha khrag kun bskams te/ pags pa dang / chu ba dang / rus pa 'ba' zhig lus pa ni bla'i/ chos rnams la brtson 'grus brtsams pa/ mthu dang ldan pa/ brtson 'grus dang ldan pa/ spro ba dang ldan pa/ mthu rtsal dang ldan pa/ brtson pa mi 'dor bas thob par bya ba gang yin pa de ma thob kyi/ bar ma dor brtson 'grus gtang bar ni mi bya'o// de ci'i phyir zhe na/ le lo can ni sdug bsngal bzhin du gnas pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa/ rims nad dang bcas pa/ sdug bsngal gyi rnam par smin pa dang ldan pa/ phyi ma la skye ba dang / rga shir 'gyur ba rnams dang 'dres pa yin te/ de ni don chen po'ang yongs su nyams
- 353a
bar 'gyur ro/ / brtson 'grus brtsams pa ni bde bar gnas pa ste/ sdig pa mi dge ba'i chos kun nas nyon mongs par byed pa'ang srid par skye bar byed pa/ rims nad dang bcas pa/ sdug bsngal gyi rnam par smin pa dang ldan pa/ phyi ma la skye ba dang / rga shir 'gyur ba rnams dang ma 'dres pa yin te/ de'i ni don chen po'ang yongs su rdzogs par 'gyur ro// dge slong dag 'di lta ste/ ston pa'ang mngon sum du bzhugs la/ chos kyang ston te/ nye bar zhi bar byed pa/ yongs su mya ngan las 'da' bar byed pa// rdzogs pa'i byang chub tu 'gro bar byed pa/ bde bar gshegs pas gsungs pa'i gsung rab 'di ni snying khu btung bar 'os pa yin no// dge slong dag de bas na/ bdag gi don dang // gzhan gyi don dang / gnyis ka'i don yang dag par mthong ba rnams kyis ni 'di la so so nas legs par bslab par bya ste/ ji ltar byas na bdag cag rab tu byung ba don yod pa dang / 'bras bu dang bcas pa dang / bde ba bskyed pa dang / bde ba'i rnam par smin par 'gyur la/ gang dag gi gos dang / zas dang / mal cha dang / stan dang / nad gsos dang / sman zong rnams bdag cag gis longs spyad pa de dag gi bkur sti de dag kyang ji ltar byas na 'bras bu shin tu che ba dang / phan yon che ba dang / byin che ba dang / rgya che bar 'gyur zhig gu snyam du dge slong khyed kyis de ltar bslab par bya'o// chos kyi rnam grangs 'di bshad
- 353b
pa na/ rgyal po ka pi na chen po blon po khri brgyad stong gi 'khor dang bcas pas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi ban par rig nas/ 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa// srid pa'i rnyed pa/ dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong dag the tsom skyes the tsom thams cad gcod pa sangs rgyas bcom ldan 'das la nus pa/ btsun pa ka pi nas las gang dag gyis na/ des gzugs bzang zhing blta na sdug la mdzes pa dang / blon po
- 354a
brgyad stong gi 'khor dang bcas par chen po che'i stobs dang ldan par gyur te/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ka pi na nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dnga' rgal bzhin du 'byung la/ gdon mi za bar 'ong ba'i las de dag byas shing bsags pas na/ ka pi na nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing du sa la bab pa na// 'bras bu nyi/ dusmin par 'gyur/ dge slong dag sngon byung ba 'das pa'i dus na/ bskal pa dgu bcu rtsa gcig pa la skye dgu'i tshe lo brgyad khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ 'de bar gshegs pa/ 'jig rten mkhyen pa/ skyes bu 'dul ba'i kha lo sbyor ba/ bla na med pa// lha dang ma
- 354b
rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na te thang bzhugs so// de nas re zhig na ded dpon nig gos rgya mtsho chen po'i nang nas rin po che mang po khyer te 'ongs nas/ des yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa zla ba gsum gyi bar du bshos la spyan drangs so// gtsug lag khang yang brtsigs nas phyogs bzhi'i dge 'dun la phul lo// dge slong dag ji snyam du sems/ de'i tshe de'i dus na ded dpon du gyur pa gang yin pa de ni ka pi na 'di yin no// dge slong dag ka pi nas ni las gzhan dag kyang byas shing bsags te/ dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug pa dang / chom rkun dang / mu ge dang nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ chos dang ldan pa/ chos kyi rgyal po chos bzhin du rgyal po byed do// de phyi zhig na blon po khri brgyad stong gis zham ring byas te/ skyed mos tshal gyi shing rnams me tog rgyas la/ ngang pa dang / khrung khrung dang / rma bya dang / ne tse dang / ri skegs dang / khu byug dang / shang shang te'u
- 355a
rnams skad 'byin pa'i nags khrod du song ba las/ des skyed mos tshal der rang sangs rgyas nad pa zhig mthong nas/ des de la zla ba gsum gyi bar du phan pa'i zas kyis bsnyen bkur byas so/ / yongs su mya ngan las 'das pa'i 'og tu'ang de'i sku gdung gi mchod rten brtsigs nas/ blon po'i tshogs dang bcas pas til mar gyis bskus te/ des na 'khor dang bcas pa tshan po che stobs dang ldan par gyur to/ / gzhan yang sangs rgyas 'od srungs kyi ring la rab tu byung ste/ des der dbang po yongs su smin par byas pa des na/ da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang // las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bzang ldan zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams
- 355b
dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mar byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de nas gang gi tshe bcom ldan 'das mngon par rdzogs par sangs rgyas nas lo bcu gnyis lon te/ lo bcu gnyis 'das nas/ grong khyer ser skya'i gnas su byon pa de'i tshe bre bo zas dang / bdud rtsi zas la sogs pa shAkya stong phrag du mas bden pa mthong ste rgyal po zas gtsang ma ni ma gtogs so// de nas rgyal po zas gtsang gis sras kyi legs pa de dag mthong nas/ mchog tu ya mtshan du gyur te/ de'i blo skyes pa/ gal te bdag gi bu rab tu ma byung du zin na ni 'di 'khor los sgyur ba'i
- 356a
rgyal po mtha' bzhir rgyal ba chos dang ldan pa/ chos kyi rgyal por 'gyur ba zhig na/ da ni 'di thor tsugs can rab tu byung ba'i g.yog byas pa ni rab tu mi mdzes kyis/ bdag gis shAkya rnams las khyim re mi re rab tu 'byung du gzhug go gor ma chag snyam mo/ / de nas rgyal po zas gtsang gis shAkya thams cad bsdu ba'i phyir grong khyer du dril bsgrags so// de nas shAkya thams cad 'dus pa'i nang du rgyal po zas gtsang gos smras pa/ kye shAkya khyed rnams nyon cig/ gal te gzhon nu don thams cad grub pa rab tu ma byung du zin na yang khyed kho nas 'di la bsnyen bkur bya dgos na/ da 'dir rab tu byung gis/ shAkya khyim re mi re bsnyen bkur bya ba'i phyir rab tu phyung zhig ces byas so// de nas bzang ldan dang / ma 'gags pa dang / nam grub dang / lha sbyin la sogs pa shAkya'i bu lnga brgya rab tu 'byung bar chas so/ / de nas de dag gi 'dreg mkhan bsnyen bkur byed pa nye bar 'khor des de dag rab tu 'byung ba mthong nas dus so// de nas shAkya rnams kyis nye bar 'khor khyod ci'i phyir ngu zhes dris so/ / de nas des snying rje rje skad zer ning / sdug sdug skad zer la/ gti zhing sna te/ khyed rab tu byung na de bdag la zas dang gos kyis skyong ba su zhig mchis// de nas shAkya rnams kyis smras pa// nye bar 'khor 'o na ras thing zhig byas so/ / de nas ras bting nas shAkya rnams kyis lus la thogs pa'i do shal dang / se mo do dang / nor bu dang / mu tig dang / bai tsuR+Ya dang / dpung rgyan dang / sor gdub
- 356b
rnams phung por spungs te byin no/ / de 'dreg mkhan nye bar 'khor gyis rab tu 'byung ba de dag kyang mthong la/ rgyan rnam pa sna tshogs la'ang bltas nas tshul bzhin du yid la byed pa skyes te/ shAkya 'di dag ni tshe/ rigs dang / byad gzugs dang / lang tsho dang / 'byor pa dang ldan pa yin na/ 'on kyang btsun mo rnams dang rgyan 'di dag mchil ma bzhin du bor nas/ rab tu byung na bdag ci'ang mi bdog pa zhig gis nga rgyan 'di dag khyim du bskur du ci yod de/ 'di dag btang la bdag kyang 'di dag gi rjes su rab tu 'byung gor ma chag snyam mo// de nas 'dreg mkhan nye bar 'khor bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to// bcom ldan 'das gal te bdag cag lta bu'ang legs par gsungs pa'i chos 'dul ba la rab tu 'byung ba mchis la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ de nas bcom ldan 'das kyis dge slong tshur shog ces byas pas rab tu phyung ngo // de nas bzang ldan la sogs pa shAkya lnga brgya dge slong gi cha lugs can rnams sangs rgyas la sogs pa dge slong gi dge 'dun la phyag 'tshal bar byas pa las/ / de dag gis nye bar 'khor ngo shes nas tshe rigs dang / byad gzugs dang / 'byor pa dang ldan pa'i phyir nye bar 'khor la phyag 'tshal du ma btub nas/ der
- 357a
bcom ldan 'das kyis/ tshe dang ldan pa bzang ldan la bka' stsal pa/ bzang ldan gang gi phyir nga'i bstan pa 'di la ni tshe rigs dang / byad gzugs dang / lang tshe dang / dang phyug dang / rigs bzhi rnam par dag pa dang sbyar ba med kyis/ 'di la phyag tshol cig/ de nas bzang ldan la sogs pa dag kya lnga brgyas chos nyid btsan par byas nas/ sdong po rtsa ba nas bcad pa bzhin du rkang pa la phyag byas so/ / de dag gis rkang pa la phyag byas nas mod la sa chen po 'di rnam pa drug tu g.yos so// de nas der tshe dang ldan pa bzang ldan gyis brtson pa dang / bsgrub pa dang / 'ad pas pho la mig rdza pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyol ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i
- 357b
gnas su gyur to/ / de'ang bdag nyid che ba dang / sdug cing 'phongs pa rnams la snying brtse ba zhig ste/ phyi zhig na snga dro sham thabs dang chos gos bgos te/ lhung bzed thogs nas mnyan du yod par spyod yul la chas so/ / de nas re zhig na rigs ngan zhig gi khyim du bsod snyoms la song ngo // de'i tshe ko sa la'i rgyal po gsal rgyal glang po che'i gtso bo pad+ma dkar po gcig pu zhes bya ba la zhon te kha lo pa rgyu ba'i bu ring po dang / bcom ldan 'das la blta bar phyir chas pa las ko sa la'i rgyal po gsal rgyal gyis bzang ldan dbang po zhi ba/ yid nye bar zhi ba/ sems chog tu dul zhing bar zhi ba dang ldan la/ phyag dar khrod kyi gos gyon zhing kha zas ngan pa khyer te rigs ngan gyi khyim de nas phyir byung ba mthong ngo // mthong nas kyang kha lo pa rgyu ba'i bu ring po la dris pa/ 'di dge slong bzang ldan ma yin nam/ kha lo pas smras pa/ lha bka' stsal pa bzhin te de lags so// de nas ko sa la'i rgyal po gsal rgyal 'khams nas brgyal te sa la ltung ngo // de nas chus gtor ba dang / phyir sangs te sems brtas nas kha lo pa rgyu ba'i bu ring pos bslang ngo / / de nas rgyal po gsal rgyal bcom ldan 'das kyi thad du song ste/ bcom ldan 'das kyi zhabs la phyag 'tshal nas/ bcom ldan 'das la gsol pa/ bcom ldan 'das bdag gis ni rmad du byung ba zhig mthong ste/ shAkya'i rgyal po bzang ldan de phyag dar khrod kyi gos gyon zhing kha zas ngan pa thogs te/ lha dang mi dang par bgyid pa'i spyod lam shin tu zhi bas bsod
- 358a
snyoms blangs te/ rigs ngan gyi khyim nas slar byung ba de la bdag 'di snyam bgyid do// bcom ldan 'das kyi bstan pa ni shin du dul bar bgyid pa lags te/ de la bsten na 'di lta bur skyid de bar mchis la/ bde bas bskyed pa dag kyang 'di ltar tshul dul bar gyur pa ni ngo mtshar che'o snyam bgyid do// bcom ldan 'das kyis bka' stsal pa/ rgyal po chen po bzang ldan 'ad la ni ngo mtshar che ba gzhan yang yod kyis nyon cig/ rgyal po chen po bzang ldan 'di ni dgon pa na gnas sam/ shing drung na gnas sam/ khang stong na gnas kyang rung ste/ kye ma re skyid kye ma re skyid/ bdag rab tu ma byung ba tsam na rgyal po'i pho brang gi nang na 'dug ste/ blon po dang / grong rdal gyi mi dang / yul gyi mi rnams kyis shin tu legs par bsrungs la ra ba dang / 'obs dang / sgo dang / gcan gzan rnams kyis bskyabs kyang snying gzhan la dogs shing mi dga' la kun la'ang khu 'phrig za bzhin te/ gnyid kyang mi 'ong ba las/ da ni bdag lus dang srog la'ang mi lta bas gnas gang dang gang du'ang bde bar 'du yod do zhes dga' ba'i tshig lan gsum du rjod par byed do/ / de nas dge slong dag the tsom skyes te/ des the tsom thams cad gcod pa sangs rgyas bcom ldan 'das la zhus pa/ btsun pa bzang ldan gyis sngon tshe rabs gzhan dag tu las gang dag bgyis shing bsags na/ des gzugs bzang zhing blta na sdug la mdzes pa dang / rgyal po'i rigs phyug por skyes la/
- 358b
rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag bzang ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ bzang ldan nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par sman par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa ni zon pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi la rnams ni/ bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ grong khyer wA rA NA si na sprang po zhig gnas pa lus bkres shing nyam chung bas non nas/ phan tshun du 'khor 'khor ba las bu mo 'khur ba khyer ba zhig mthong ngo // de nas sprang po des 'khur ba 'dod pa'i phyir bu mo de bsnyags te/ nan gyis 'khur ba cig phrogs nas phan tshun bros so/ / bu mo de'ang de'i phyi bzhin 'brang bzhin no// de nas sprang po des tsha mtshom med par chu klung zlog byed la 'bogs so// sangs rgyas rnams mi 'byung ba'i
- 359a
tshen/ rang sangs rgyas sdug cing 'phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas shig sprang po de'i mdun du 'ongs so// de nas sprang po des rang sangs rgyas spyod lam zhi ba de mthong nas dga' ba chen po skyes te/ de dga' ba chen pos rang gi sdug bsngal dang bsngos te rang sangs rgyas la 'khur ba de phul lo/ / de nas rang sangs rgyas des de'i dga' ba rgya chen po bskyed pa'i phyir/ ngang pa'i rgyal po 'dab ma brkyang ba bzhin du nam mkha' la mngon par 'phags nas cho 'phrul rnam pa sna tshogs bstan to/ / de nas sprang po des lha dang mi dad par byed pa'i cho 'phrul shin tu rmad du byung ba de mthong nas/ sdong po rtsa ba nas bcad pa bzhin du rkang pa la phyag 'tshal te smon lam btab pa/ bdag gis yon gnas brtul zhugs grub pa la phul ba'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag gang dang gang du skyes pa de dang der rigs mthon por skye ba dang / 'di lta bus chos thob par gyur cig/ 'di bas kyang ches khyad par du 'phags pa'i ston pa dag mnyes par byed par gyur cig/ mi mnyes par byed par ma gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na sprang por gyur pa gang yin pa de ni bzang ldan 'di yin te/ des rang sangs rgyas la 'khung
- 359b
ba phul ba'i las de'i rnam par smin pas ni shAkya'i rigs phyug por skyes so/ / gzhan yang sangs rgyas 'od srungs kyi ring la rab tu byung ste/ des der lo khri'i bar du tshangs par spyod pa'i gnas bsrungs pa des ni da ltar dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de ltabs las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// yul 'khor skyong zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang
- 360a
lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam ma lding dang / mi 'am tsa dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa yul gsus po che zhes bya ba na/ gsus po che'i nags khrod na bzhugs so// de'i tshe yul gsus po che na rgyal po sgra mi snyan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / baglang dang / ma he dang ldan par 'dug ste/ chos dang ldan pa/ chos kyi rgyal po chos bzhin du rgyal po byed do// de nas de'i nu bo'i bu yul 'khor skyong zhes bya ba gzugs bzang zhing blta na sdug la mdzes pa/ yan lag dang nying lag thams cad dang ldan pa zhig yod pa de gdul ba'i dus la bab par bcom ldan 'das kyis gzigs nas/ snga dro sham thabs dang chos gos gsol te/ lhung bzed bsnams
- 360b
nas/ dge slong gi dge 'dun gyis mdun gyis mdun du bdar zhing / dge slong gi tshogs kyis nam ring byas te/ yul gsus po cher bsod snyoms la gshegs pa dang / yul 'khor skyong gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mapar ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to// de dga' bskyes nas/ bcom ldan 'das kyi zhabs la phyag 'tshal te/ rab tu 'byung bar gsol ba btab bo// de nas bcom ldan 'das kyis/ de la bka' stsal pa/ bu khyod pa mas gnang ngam/ yul 'khor skyong gis gsol pa/ btsun pa ma gnang lags so/ / bcom ldan 'das kyis bka' stsal pa/ bu de bzhini gshegs pa rnams sam/ de bzhin gshegs pa'i nyan thos rnams ni pha mas ma gnang bar rab tu 'byung ba'am// bsnyen par rdzogs par mi mdzad do// de nas yul 'khor skyong pha ma'i thad du song ste/ phyin nas sangs rgyas kyi bsngags pa brjod de/ bdag gis ni bcom ldan 'das yang dag par rdzogs pa'i sang rgyas shAkya thub pa 'khor los sgyur ba'i rgyal srid rgyas pa dang / btsun mo drug khri spangs nas dbus dregs te/ chos gos sngam sngar gso gsas po che 'di 'din bsod soms
- 361a
bzhugs pa mthong bas/ bdag bcom ldan 'das rab tu byung ba'i rjes su rab tu 'byung bar gnang bar mdzad pa'i rigs so// de nas de'i pham gnyis kyis ma gnang ngo de nas de zhag gcig dang / gnyis dang / gsum nas/ drug gi bar du kha 'tshes so// de nas yul 'khor skyong gi pham gnyis bu yul 'khor skyong ga la ba der song ste phyin nas/ du yul 'khor skyong la 'di skad ces smras so/ / bu yul 'khor skyong shes par gyis shig/ khyod ni skyid de bar 'dug 'dug pa bde ba 'dod pa yin te/ khyod ni sdug ma myong ba yin te/ tshangs par spyod pa ni sprad par dka' 'o/ / dben par gnas pa ni dka' 'o// gcig pu 'dug pa ni dga' bar bya dka' 'o// dgon pa dang / nags khung dang / bas mtha'i gnas mal du gnas bca' ba ni yid la bsam par yang dgas/ bu yul 'khor skyong khyod 'di nyid du 'dug la 'dod pa rnams kyang longs spyad par gyis shig/ sbyin pa dag kyang byin cig/ bsod nams dag kyang gyis shig ces de skad byas nas/ khyim bdag ging dul 'khor sbyong ca mazir ro/ / de nas khyim bdag gi su yul 'khor spyong gi ma gnyis kyis nyin rnams la bskul te/ kye nye du rnams bu yul 'khor skyong srob zhig ces byas so// de nas khyim bdas kyi yul la khor skyong gi du rnams khyim bdag gi su yul 'khor srong gal ba der song ste lhags nas/ khyim bdag gi gratshul 'khor skyong la 'di skad ces smras so// buyul 'khor skyong shes par gyis shig/
- 361b
khyod ni spyod de bar 'dug 'dug pa bde ba 'dod pa yin 'os sreg ma myo nga yin latshangs pa spyod pa ni snang par dka' 'o// dben par gnas pa ni dka' 'o// gcig pur 'dug pa ni dga' bar bya dka' 'o/ / dgon pa dang / nags khung dang / bas mtha'o gnas mal du gnas bza' ya ma yid la bsam par yang dkas/ bu yul 'khor skyong khyod 'di nyid du 'dug la 'dod pa rnams kyang longs sprad par gyis shig/ sbyin pa dag kyang byin cig/ bsod nams dag kyang gyis shig ces de skad byas na'ang / khyim bdag gi bu yul 'khor skyong cang mi zer ro// de nas khyim bdag gi bu yul 'khor skyong gi pha ma gnyis kyis yul 'khor skyong gi grogs po rnams bskul te/ kye byis pa dag pu yul 'khor skyong slong zhig ces byas so// de nas khyim bdag gi bu yul 'khor skyong gi grogs po rnams yul 'khor skyong ga la ba der song ste lhags nas/ khyim bdag gi bu yul 'khor skyong la 'di skad ces smras so// des pa yul 'khor skyong shes par gyis shig/ khyod ni sgyid de bar 'dug 'dug pa bde ba 'dod pa yin te/ khyod ni sdug ma myong ba yin la/ tshangs par spyor po ni spad par dka' 'o// dben par gnas pa ni dka' 'o// gcig pur 'dug pa ni dga' bar bya dka' 'o// / dgon pa dang / nags khung dang / bas mtha'i gnas mal du gnas bca' bar ni yid la bsam par yang dkas/ nges pa yul 'khor skyong khyod 'di nyid du 'dug la 'dod pa rnams kyang longs spyad
- 362a
#par gyis shig/ sbyin pa dag kyang byin cig/ bsod nams dag kyang kyis shig ces de skad byas na'ang / khyim bdag gi bu yul 'khor skyong cang mi zer ro// de nas khyim bdag gi bu yul 'khor skyong gi grogs po rnams yul 'khor skyong gi pha ma gnyis ga la ba der song ste lhags nas/ khyim bdag gi bu yul 'khor skyong gi pha ma gnyis la 'di skad ces smras so// yab yum gnyis mkhyen par mdzod cig/ nges pa yul 'khor skyong gum na ci rung gis yang dag pa'i dad pas khyim nas khyim med par rab tu 'byung du stsol cig dang / gal te rab tu byung ba la dga' bar gyur na ni gson por mchis na khyod kyis gzigs par 'gyur grang / gal te dga' bar ma gyur na ni/ bu 'gro ba'i sa pha ma ma gtogs pa gzhan ma mchis so// pha ma gnyis kyis smras pa/ byis pa dag gal te bu yul 'khor skyong rab tu byung ba'i 'og tu nged dang 'phrad du 'ong na ni de bzhin du gnang ngo / / de nas khyim bdag gi bu yul 'khor skyong gi grogs po rnams khyim bdag gi bu yul 'khor skyong ga la ba der song ste lhags nas/ yul 'khor skyong la 'di skad ces smraso// des pa yul 'khor skyong khyod rab tu 'byung bar ni pha ma gnyis kyis gnang mod kyi/ gal te rab tu 'byung ba'i 'og tu 'phrad du 'ong ba na gdong gnang ngo zhes zer ro/ / yul 'khor skyong gis spras pa/ kye phrad par bgyi'o// de nas khyim bdag gi'u yul 'khor skyong khad kyis lus kyi mthu dang stobs bskyed nas/ bcom ldan 'das ga la ba der song ste
- 362b
phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ phyogs gcig tu 'dug nas/ khyim bdag gi bu yul 'khor skyong gis/ bcom ldan 'das la 'di skad ces gsol to/ / btsun pa bdag ni pha mas gnang lags na/ bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na bdag kyang bcom ldan 'das kyi thad du tshangs par spyod pa spyad par 'tshal lo zhes gsol nas/ rigs kyi bu yul 'khor skyong gis legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob par gyur to// de de ltar rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor bar 'khor lo 'di nyid g.yo zhing mi brtan par rig nas/ 'du byed kyi rnam pa thams cad stsol ba dang / ltung ba dang / rnam par 'thor ba dang / rnam par 'jog pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag thil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa rig pa dang / mngon par shes pa dang /
- 363a
so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang // gus par smra ba'i gnas su gyur to// der bcom ldan 'das kyis/ dge slong rnams la bka' stsal pa/ dge slong dag nga'i nyan thos kyi dge slong dgon pa rnams kyi mchog ni 'di lta ste/ dge slong yul 'khor skyong 'di yin no/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa// btsun pa yul 'khor skyong gis las gang dag bgyis na// des phyug po'o rigs su skyes te/ gzugs bzang zhing blta na sdug la mdzes pa dang / rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag yul 'khor skyong nyid kyis sngon tshe rangs gzhan dag tu tshegs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ yul 'khor skyong nyid kyis las byas shing bsags pa de dag gzhan su mig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge babyas
- 363b
shing bsags pa de rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chung mi za/ / tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na// lus 'phags kyi rgyal po pho dang 'khor gyi mi dang bcas pa pha rol gyi dmag tshegs byung ste/ ci bye gtol med nas/ nags khung du zhugs te/ de nyi mi'i gung la nyi ma'i 'od zer tsha bas gdungs nas dpung gi tshogs dang bcas te phan tshun 'khor 'khor nas lam yang ma rnyed do/ / sangs rgyas rnams 'jig rten du mi 'byung ba'i tshe na/ rang sangs rgyas sdug cing 'phongs pa rnams la snying brtse ba/ bas mtha'i gnas mal gyis 'tshe ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas shig dgon pa'i lam de na gnas pa des snying rje bskyed nas/ lus 'phags kyi rgyal po de la lam yang bstan/ chu'i lteng ka'ang bstan na/ des rgyal po de 'khor dang bcas pa'i srog 'phangs pa bskyangs so// de nas rgyal po de dad pa skyes nas/ rang gi grong khyer du khrid de zla ba gsum gyi bar du yo byad thams cad kyis bsnyen bkur byas so// mya ngan las 'das pa'i 'og tu rang de'i sku gdung gi mchod rten brtsigs nas smon lam 'ata' pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/
- 364a
bdag gis kyang yon tan 'di lta bu dag thob par gyur cig/ 'di bas kyang ches khyad par du 'phags pa'i ston pa rnams mnyes par byed par gyur cig/ mi mnyes par byed par mgyur cig ces byas so/ / bcom ldan 'das kyis bka' stsal pa dge slong dag ji snyam du sems de'i tshe de'i dus na rgyal por gyur pa gang yin pa de ni yul 'khor skyong 'di yin no// dge slong dag yul 'khor skyong gis ni las gzhan dag kyang byas shing bsags te/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lnga dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA si na drang srong sdu ba'i ri dgas kyi nags na rten cing bzhugs so// de'i tshe grong khyer wA rA NA si na/ rgyal po kri kri rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ chos dang ldan pa/ chos kyi rgyal po chos bzhin du rgyal po
- 364b
byed do/ / de nas de'i bu tha chung drang srong smra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lnga bu kun nas bzang ba mthong nas/ mthong ma thag tu bcom ldan 'das la sems dga' babar gyur to/ / dga' ba skyes nas bcom ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi sman sngar 'dug go/ de nas bcom ldan 'das 'od srungs kyis de la chos bstan te/ de dad pa skyes pas bcom ldan 'das 'od srungs 'khor dang bcas pa la bsnyen bkur byas te skyabs su 'gro ba dang / bslab pa'i gzhi rnams blangs so// yong su mya ngan las 'das pa'i 'og tu 'ang mchod rten la gdugs bu chung btags so/ / dge slong dag ji snyam du sems/ de'i tshe de'i dus na rgyal po'i bur gyur pa gang yin pa de ni yul 'khor skyong 'di 'di yin no// yul 'khor skyong gis ni las gzhan dag kyang byas shing bsags te/ dge slong dag sngon byung ba 'das pa'i dus na/ grong khyer wA rA NA saM na bram ze las su rtsa ba rko ba zhig gnas pa de re zhig la rtsa ba rkor song ste/ nags khrod du 'khor 'khor ba las/ des der rang sangs rgyas nang pa zhig mthong ngo // de nas de dang pa skyes te de la bsnyen bkur byas nas gang gi tshe nad sos pa ro'i tshe'ang bshos gsol to/
- 365a
smon lam btab pa/ bdag gis kyang yon tan 'di lta bu dag thob par gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rtsa ba rko ba'i bram zer gyur pa gang yin pa de ni yul 'khor skyong 'di yin te/ las de'i rnam par smin pas 'khor ban nams kyang sdug bsngal myong bar ma gyur la/ da ltar yang rgyal po'i rigs phyug por skyes te/ gzugs bzang zhing bstan sdug la mdzes par gyur to// rgyu de'o nas dgra bcom pa nyid mngon sum du byas so/ / dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de lnga ra na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsa nas/ dge slong de dag yi rangs te/ bcom ldan 'das kyis gsungs pa la mngon par bstod do// rtogs pa brjod pa brgya pa las sdom gyi tshigs su bcad pa dgu pa rdzogs so// /
- 365b
sdom ni/ rab 'byor dang ni rgan po dang // lag pa can dang lde gus gsos// 'khor ba dang ni sbed pa dang // mi sdug pa dang gang+gA pa// sen rings dang ni yang dag sdud// sde tshan dag/ tu bstan pa yin// rab 'byor zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' rab na bzhugs so/ / de nas gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas nas/ ljongs so sor 'dul ba'i skye bo rnams la
- 366a
phan gdags pa'i phyir nyan thos rnams bskos pa de'i tshe/ bsam gtan pa gang yin pa de dag ni ri rab kyi bang rim la bsam gtan ltar byed cing 'khod do// de nas re zhig na byabyi'i rgyal po 'dab bzangs kyis rgya mtsho chen po'i nang nas klu'i phrug gu zhig blangs te/ des ri rab kyi 'ang rim gyi steng du phyung nas bza' bar brtsams so// de nas klu'i phrug gu de 'chi ba'i tshe nyan thos chen po rnams la sems dga' bar byas te shi'o/ / de nas de shi nas mnyan du yod par bram ze 'byor po zhes bya ba de'i chung ma chen mo'i ltor zhugs nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa zhig btsas so/ / de nas btsas ston byas nas/ khye'u 'di'i ming ji skad ga dag zhes ming 'dogs par byed do// nye du rnams na re/ khye'u 'di'i ba 'byor po yin pas na de'i phyir khye'u 'di'i ming rab 'byor ces gdags so zhes zer ro/ / de nas khye'u rab 'byor bskyed bsrings te cher skyes nas/ de sngon gyi rgyu'i stobs dang shugs gyis spro thung ba dang / khro ba dang zhe gnag pa'i shas che bar gyur to/ / de nas pha ma gnyis kyis srid srung las phyung ste/ drang srong gi nang du rab tu zhugs nas/ de'ang de na bsam gtan lhur byed par gyur te/ nags khrod gcig na rtan cing 'dug go/ nags khrod de na lha bden pa mthong ba zhig kyang gnas te/ des de la snying rje bskyed nas/ rigs kyi bu 'di ni khro ba dang zhe gnag pa'i shas che bas khyad par thob par mi 'gyur gyis/ bdag
- 366b
gis 'di bcom ldan 'das la ltar gzhug go snyam mo/ / de nas lha des rab 'byor gyi mdun du sangs rgyas dang / chos dang / dge 'dun gyi bsngags pa brjod de// de nas rab 'byor bcom ldan 'das lta ba'i 'dod pa bskyed nas lha de'i rdzu 'phrul gyi mthus bcom ldan 'das kyi thad du khrid do/ / de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de sems can rnams la zhe non pa'i sems gang yin pa de med par gyur to/ / de nas dga' ba skyes te/ bcom ldan 'das kyi zhabs la phyag 'tshal nas chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan to// de thos nas rigs kyi bu rab 'byor gyis 'jig tshogs la lta ba'i ri'i rtse me thon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas de bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas byams pa bsgoms pas sems btul nas/ phol mig lnga pa'i 'khor ba'i 'khor lo 'di nyid g.yo zhing mi brtan par
- 367a
rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad ched de/ nyen mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas tshe dang ldan pa rab 'byor gyis gang nas shi 'phos pa dang / gang du skyes pa dang / las gang gis skyes pa bsams pa dang / des tshe rabs lnga brgya'i bar du klu las shi 'phos te klu' bar zhig tu skyes par mthong ngo / / de nas de'i blo skyes pa/ bdag gis 'di ltar zhe sdang gi rkyen bsgrubs pa des na bdag tshe rabs lnga brgyar klu 'ba' zhig tu skyes te/ de kho ma'i phyir sdug bsngal chen po myong bar gyur gyis/ cinas bdag la gzhan dag gis zhe sdang skye bar 'gyur zhing / de dang ldan pas lus dang bral ba'i 'og tu ngan song ngan 'gro log par ltung ba dang / sems can dmyal ba rnams su skye bar 'gyur ba de lta bur
- 367b
mi 'gyur bar bya'o snyam nas/ de nyon mongs pa med pa la gnas pa'i lam yang dag par blangs te gnas so// de gang gi tshe dge 'dun gyi nang ngam/ grong ngam/ yul lam/ ljongs su bsod snyoms kyi phyi gnas par 'dod pa de'i tshe/ thog ma kho nar spyod yul la lta bar 'dod de/ bdag mthong na tha na grog sbur yan chad su'ang sna 'ga' zhig gi phyir sems sdang bar mi 'gyur grang snyam nas/ des spyod lam de btang ste gzhan du bsgyur nas/ des sems can de dag gi sems dga' bar gyur te/ de dgra bcom pa nyid yin du zin kyang de lta bu'i nyam dang myong ngo // de nas tshe dang ldan pa rab 'byor gyis blo skyes pa/ mal bdag gis nga ni skye bo mang po la phan gdags so snyam mo// de nas rdzu 'phrul gyis nam mkha' lding lnga brgya sprul te/ de dag mjed nas klu rnams skrag cing sngangs te mi dga' nas phan tshun du ci bya gtel med par gyur to/ / de nas rab 'byor gyis yang rdzu 'phrul gyi stobs kyis yongs su bskyabs so// de nas de dag sems dga' bar gyur nas/ byams pa'i lung phog go// de nas yang klu chen po'i gzugs su sprul nas nam mkha' lding lnga brgya gtses te/ de dag kyang skrag nas byams pa'i lung phog nas// des de ltar klu dang nam mkha' lding gi rigs lnga brgya lnga brgyad tul lo// de nas der bcom ldan 'das kyis/ dge slong rnams la bka' stsal pa/ dge slong dag nga'i nyan thos kyi dge slong nyon mongs pa med par gnas pa rnams kyi mchog ni 'di lta ste/ rigs kyi bu rab 'byor 'di yin no//
- 368a
nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa rab 'byor u0f7fsa pas gang dag byas na/ des/ nyon mongs pa ma mchis par gnas pa'i mchog tu bstan lags/ bcom ldan 'das kyis bka' stsal pa/ dge slong dag rab 'byor 'di kyis sngon tshe rabs gzhan dag tu tshogs rjed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ rab 'byor nyid kyis las byas shing bsags pa de dag gzhan su zhig gis 'ams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge 'a byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za// tshogs shing dus la bab pan// 'bras bu nyid du smin par 'gyur/ dge slong dag sngon byung ba 'das pa'i dus na/ bskal pa bzang po 'ang nyid la/ skye dgu'i tshe lo to khro thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig
- 368b
rten mkhyen pa/ skyes bu 'dul ba'i kha lo sbyor ba/ bla na med pa/ lha dang mo rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sin drang srong smra pa'i ri dgas kyi nags na rten cing bzhugs so/ / de nas der 'di rang byung ste/ 'dis sbyin pa dang rab tu sbyin pa dag byin nas/ lo khro'i bar du tshangs par spyod pa'i gnas bsrungs te smon lam btang pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag ma 'ongs pa'i dus su bcom ldan 'das 'od srungs kyis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro// zhes lung bstan pa gang yin pa de'i bstan pa la rab tu byung nas/ nyon mongs pa med par gnas pa'i mchog tu gyur cig ces byas so// las gang dag gis klur skyes she na/ nyon mongs pa rnams ma spangs pa dang / dbang po rnams 'khrul ba dang / las kyi lam rnams mthar thug par ma byas pa dang / slob pa dang mi slob pa'i dge slong rnams la sdang ba'i sems bskyed nas sprul gdug pa zhes bya ba'i tshig brjod de/ des na klur skyes so// des sbyin pa dang rab tu sbyin pa dag byin nas/ tshangs par spyod pa'i gnas bsrungs pa des ni/ da ltar dgra bcom pa nyid mngon sum duHsa te/ nyon mongs pa med par gnas pa'i mchog tu bstan no//
- 369a
dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar nga rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag dengs na las gcig tu nges par gan gang rnams dang / 2sa 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslad par bya'o// bcom ldan 'das kyis de skad ces bka' stsal na dge slong de dag yi rangs te/ bcom ldan 'das kyis gsungs pa la mngon par ngastod do// dam po nyi shu rtsa gcig pa/ rgan po zhes bya ban/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lho 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lte 'phye chen po rnam
- 369b
kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / spyan gsos dang / sman mong ma brnyes pa/ nyan thos kyi dge 'dun dang bcas pa rgyal po'i khaban 'od ma'i tshal bya ka lan ta ka gnas pa na rten cing bzhugs so// de'i tshe rgyal po'i khab na tsheng dpon phyug pa nor mang la longs spyodan che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod pa las/ chung ma la bu chags nas/ bu ma byung bar re zhig na yang de nyid dang rtse zhing dga' la dga' dgur spyod do// de rtse zhing dga' la dga' dgur spyod pa las mngal na bu snga ma de 'dug bzhin du re zhig na ma'i lter de'i bu snga phyir bcu byung yang bu dang po de ni mngal nyid na 'dug bzhin no/ / de nas re zhig na khyim bdag gi chung ma de na par gyur nas/ de la rtsa ba dang // sdong du dang / lo ma dang / me tog dang / 'bras bu'i sman rnams kyis rim gro byas kyang nad de zhi bar ma gyur nas/ gang gi tshe de shi 'thug pa'i nad kyis thebs te/ 'chir nye ba de'i tshe des khyi mtha' la smras pa/ jo bo mkhyen par mdzod cig/ 'di'i nang na bdag gi bu dang po mchis kyis/ nam bdag gum pa na// glo g.yas rol mtshon gyis dral te/ khye'u dang po nas mchis pa de phyung zhig ces de skad smras nas/
- 370a
bsags pa kun ni tha mar zad// mthon po rnams ni tha mar snyil// phrad pa rnams ni tha mar 'bral// gson po rnams ni mthar 'chi'o// zhes smras te shi'o// de nas de shinas gos sngon po dang / ser po dang / dmar po dang / dkar po dag gis khyogs brgyan te/ bsil ba'i tshal gyi dur khrod du khyer nas// sman pa'i rgyal po 'tshe byed pos so// rgyal po'i khab kyi grong khyer thes thag tu'ang 'di ltar bud med che ge mo zhig la lo 'di snyed cig gi bar du bu mngal na 'dug ste/ de'i bu gzhan bcu byung yang thog ma'i bu mngal na 'dug pa de ma byung nas/ deng sman pa'i rgyal po 'tshe byed kyis shi ba de'i lto mtshon gyis dral te/ dang po'i khye'u mngal du 'dug pa de dbyung bar 'tshal lo zhes de skad du sgra grag go/ sgra grags nas kyang srog chags 'bum phrag du ma dang / rdzogs byed la sogs pa ston pa drug po rnams kyang bsil ba'i tshal gyi dur khrod du ltad mo la 'dus so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo song la dge slong rnams la 'di skad du bcom ldan 'das dur khrod du rgyu zhing gshegs par bzhed kyis/ khyed las gang rmad du byung blta 'dod pa de dag shog cig ces sgo zhig/ de nas re zhig na bcom ldan 'das tshe dang ldan pa kun shes ko ru di n+ya dang / rlangs pa dang / ming chen dang / ma 'gags pa dang / shA ri'i bu dang / mo'u 'gal gyi bu dang / 'od srungs dang / kun dga' bo dang / nam gru la sogs
- 370b
panyan thos chen po rnams kyis zham ring byas te/ bsil ba'i tshal gyi dur khrod du gshegs so// skye bo'i tshogs kyis kyang bcom ldan 'das mthong nas go bya'o// de nas sman pa 'tsho byed kyis bung med de'i glo g.yas pa dral to/ / de nas khye'u de rang byung na skra dkar zhing yan lag gnyer mas gang 'a/ lus kyi phyogs cha rnams rgan shar gyur pa/ dbang po rnyis pa ring ngeb/ nyam stobs chung ba zhig byung ngo / / de nas byung ma thag tu skye bo'i tshogs de dag la bltas nas tshig tu smras pa/ kye bla ma rnams sam/ bla ma lta bu rnams sam/ pha ma'am/ mkhan po'am/ slob dpon rnams la tshig rtsub po ma zer cig/ ji ltar bdag ma'i ltor pho ba dang long ka gnyis kyi bar du lo drug cu 'dug 'dug pa de lta bu'i khams myong bar gyur ta re zhes smras nas/ cang mi zer bar 'dug go// der bcom ldan 'das kyis/ dge slong rnams la bka' stsal pa/ dge slong dag 'di ltar srid pa tha ma pa'o sems can gyis kyang nyams 'di lta bu myong bar 'gyur gyis/ srid par skye ba thams cad kyis chog par gyis shig/ srid par skye ba thams cad kyis chog par gyis shig/ de nas bcom ldan 'das kyis/ khye'u la bka' stsal pa/ khye'u khyod rgan po yin nam/ bcom ldan 'das bdag ni rgan po lags so/ / khyeru khrod rgan po yin nam/ bde bar gshegs pa bdag ni rgan po lags so// de nas gni de las de'i ming rgan po zhes btags so// de nas bcom ldan 'das kyis gzhi de las
- 371a
de lta bu'i chos bstan pa mdzad do/ / de thos nas sems can brgya phrag mang po skyo bar gyur nas/ zad par chen po thong ngo // rgan po de'ang lo bcu'i bar du khyim gyi gnas na 'dug 'dug nas lo bdun cu lon te/ bcom ldan 'das kyi bstan pa la rab tu byung nas/ bya rgod kyi phung po'i ri la dge slong nyi shu rtsa lnga dang thabs cig tu dbyar gnas par dam bcas so// de nas der dge 'dun gyi gnas brtan gyis so so'i skye bor 'dug bzhin du gang gis kyang skabs dbye bar mi bya'o zhes khrims bcas so/ / de nas re zhig na zla ba gsum lon pa dang / dge slong nyi shu rtsa bzhis dgra bcom pa nyid thob na/ rgan po gcig pu so so'i skye bo'i sa na 'dug go/ de nas dge 'dun gyi gnas brtan gyis skabs 'byed pa byed pa'i nang du shin tu mang du brgyad bkag nas tshegs kyi nang du bskrad de btang ngo / / de nas des mtshon cha blangs te khang phugs su zhugs nas ngu zhing rnam pa du mar smre sngags bton to// smras pa/ nags tshal thams cad 'bar 'gyur te// ri rnams ser por gyur zin na/ / 'on kyang da dung sdig pa'i sems// rnam par grol bar ma gyur to// phu chu dag gi sgra yang zhi// 'bang chu dag kyang bri bzhin du// 'on kyang da dung sdig pa'i sems// rnam par grol bar ma gyur to/ / sgong las skyes bya 'di dag/ sgra skad gcom yang chung gyur na// 'on kyang da dung sdig pa'i sems// rnam par grol bar ma gyur to// nags tshal 'di dag lo ma ser// shing rnams
- 371b
'dab ma lhags gyur na/ / 'on kyang dadung sdig pa'i sems// rnam par grol bar ma gyur to// lung 'bog pa yi gnas brtan rnams// phyogs phyogs dag tu dong zin na// 'on kyang da dung sdig pa'i sems// rnam par grol bar ma gyur to// so so'i skye bor 'dug bzhin du// ston pa'i thad du ji ltar 'gro// don med gson gyis ci dgos kyis// bdag ni mtshon gyis lcebs te gtang // zhes zer ro/ / de'i skabs su sangs rgyas bcom ldan 'das rnams kyis ni mi mkhyen pa'am/ mi gzigs pa 'am/ mi rtogs pa'am/ thugs su mi chud pa ci'ang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ bsrung ba gcig pa dang ldan pa// gcig tu dpa' ba/ zla med pa/ gnyis su mi gsung ba/ ni gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las brgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dres pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa// rtag tu gnas par bya ba drug la gnas pa/
- 372a
byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgul mkhas pa/ spobs bcu'i stobs dang ldan pa/ chogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyamang bar gyur/ su ni gnod pa dang ldan/ su ni 'phongs pa dang / 'am ngang dang / gnod pa dang ldan su ni ngan song du gnol/ su ni ngan song du 'bab/ su ni ngan song dub ba/ su ni ngan song nas phyung ste/ mtho ris dang / thar pa dang / 'bras bu la gzhag par bya/ su ni 'dod pa'i 'dam du bying bar sa la gnas drang bar bya/ su ni 'phags pa'i nor 'dun med pa las 'phags pa'i nor bdun gyi dbang phyug la dbang byed du gzhug par bya/ su ni dge pa'i rtsa ban ma skyed pa las bskyed par bya/ su ni dge nga rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go// 'dir smras pa/ rgya mtsho chu srin rnams kyi gnas/ / dus rlabs yol bar 'gyur ya'i srid// gdul bar bya ba'i sras rnams la// sangs rgyas dus las sel ba med/ de nas re zhig ni bcom ldan 'das kyis dgongs te/ rdza
- 372b
'phrul gyis kyang de'i thad du gshegs nas/ de dang 'thun pa'i chos bstan te/ de thos nas tshe dang ldan pa rgan mos rol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 26 byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa 'di mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas rgan pos dgra bcom pa nyid thob nas/ bdag gis kyang gdul bar bya ba 'ga' lha yod dam snyam du sems pa dang / des tshong pa lnga brgya tsam rgya mtsho'i nang na srin po nag po'i rlung gis bskor cing 'dug pa mthong nas/ sdug bsngal dang phrad pa 'di dag bdag gis sdug bsngal de las yongs su bskyab par bya'o/ / 'on kyang de dag bdag gis 'dul bar 'gyur ro snyam mo// de nas rdzu 'phrul gyis song nas 'jigs pa de las yongs su skyabs so//
- 373a
de nas de dag dad pa skyes te thams cad rab tu byung nas de dag la yid la byed pa'i lung phog ste/ de dag thams cad kyis brtson pa dang / bsgrub pa dang // 'bad pas nyon mong pa thams cad spangs nas/ dgra bcom pa nyid mngon sum du byas so// de nas de dag gis yon tan rnams sus kyang mi shes nas/ drug sde rnams 'phya bar gyur te/ rgan blun du 'dug la mi lnga brgya dang / lhan cig 'khod cing drung du bzhag pas 'di dag kyang de dang 'dra bar dul bar mi 'gyur zhes 'dzer to// de nas tshe dang ldan pa kun dga' bo tshangs pa mtshungs par spyod pa la mnyes gshin pa// gzhan la phan 'dog pa la zhug pas/ tshe dang ldan pa gnas brtan glang bar 'dod nas/ tshe dang ldan pa gnas brtan rgan po ga la ba der song ste phyin nas/ tshe dang ldan pa dge slong gnas brtan rgan po dang lhan cig tu mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs gcig tu 'dug go// phyogs gcig tu 'dug nas/ tshe dang ldan pa kun dga' bos/ gnas brtan rgan po la 'di skad ces smras so// gal te dris nas dri ba lung bstan pa'i phyir skabs rkyen/ tshe dang ldan pa gnas brtan rgan po la bdag phyogs 'ga' zhig 'dri'o/ / tshe dang ldan pa kun dga' bo dris shig dang / ngas khyod la bsnyad par bya'o// tshe dang ldan pa gnas brtan rgan po dge slong dgon pa na gnas pa dang / shing drang
- 373b
na gnas pa dang / khang stong na gnas pas chos gang dag rgyun mi 'chad par yid la bya/ tshe dang ldan pa kun dga' bo dge slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste/ zhi gnas dang lhag mthong ngo // gnas brtan zhi gnas kun tu bsten cing bsgoms te mang du byas pas don gang dag nyams su myong bar 'gyur lhag mthong kun tu bsten cing bsgoms te mang du byas pas don gang nyams su myong bar 'gyur/ tshe dang ldan pa kun dga' bo zhi gnas kun tu bsten cing bsgoms te mang du byas pa ni lhag mthong la brten te/ rnam par grol bar 'gyur ro// lhag mthong kun tu bsten cing bsgoms te mang du byas pas ni zhi gnas la brten te rnam par grol bar 'gyur ro// tshe dang ldan pa kun dga' ngo zhi gnas dang lhag mthong yongs su bsgoms pa'i 'phags pa'i nyan thos thos pa dang ldan pa'i sems ni khams kyi sgo nas rnam par grol bar 'gyur ro/ / gnas brtan khams rnams gang dag yin/ tshe dang ldan pa kun dga' bo spong nga'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o// gnas brtan gang spangs la spong ba'i khams zhes bya/ gang las 'dod chags dang bral ba la 'dod chags dang bral ba'i khams zhes bya/ gang 'gags pa la 'gog pa'i khams zhes bya/ tshe dang ldan pa kun dga' bo 'du byed thams cad spangs pa la spong ba'i khams zhes bya'o//
- 374a
'du byed thams cad las 'dod chags dang bral ba la 'dod chags dang bral ba'i khams zhes bya'o// 'du byed thams cad 'gags pa la 'gog pa'i khams zhes bya'o// de nas tshe dang ldan pa kun dga' bo gnas brtan rgan pos bshad pa la mngon par bstod de rjes su yi rang nas/ dge slong lnga brgya po ga la ba der song ste phyin nas/ dge slong lnga brgya po rnams la 'di skad ces smras so/ / tshe dang ldan pa dag dge slong dgon pa na gnas pa dang / shing drung na gnas pa dang / khang stong na gnas pas chos gang dag rgyun mi 'chad par yid la bya// tshe dang ldan pa kun dga' bo dag slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste/ zhi gnas dang lhag mthong ngo // tshe dang ldan pa dag zhi gnas kun tu bstan cing bsgoms te mang du byas pas don gang nyams su myong bar 'gyur/ lhag mthong kun tu bsten cing bsgoms te mang du byas pas don gang nyams su myong bar 'gyur/ tshe dang ldan pa kun dga' bo ni gnas kun tu bsten cing bsgoms te mang du byas pas ni lhag mthong la brten te rnam par grol bar 'gyur ro/ / lhag mthong kun tu bsten cing mang du byas pas ni zhi gnas la brten te rnam par grol bar 'gyur ro/ / tshe dang ldan pa kun dga' bo ni gnas dang lhag mthong yongs su bsgoms pa'i 'phags pa'i nyan thos thos pa dang ldan pa sems ni khams kyi sgo nas rnam par grol bar 'gyur ro// tshe dang ldan
- 374b
pa dag khams rnams gang dag yin/ tshe dang ldan pa kun dga' de spong ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o// tshe dang ldan pa dag khams gang spangs pa la spong ba'i khams zhes bya/ gang las 'dod chags dang bral ba la 'dod chags dang bral ba'i khams zhes bya/ gang 'gags pa la 'gog pa'i khams zhes bya ste/ dang ldan pa kun dga' bo 'du byed thams cad spangs pa la spong ba'i khams zhes bya'o// 'du byed thams cad las 'dod chags dang bral ba la 'dod chags dang bral ba'i khams zhes bya'o// 'du byed thams cad 'gags pa la 'gog pa'i khams zhes bya'o/ / tshe dang ldan pa kun dga' bo dge slong lnga brgya po rnams kyis bshad pa la mngon par bstod de rjes su yi rangs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ phyogs gcig tu 'dug nas/ tshe dang ldan pa kun dga' bos/ bcom ldan 'das la 'di skad ces gsol to/ / btsun pa dge slong dgon pa na gnas pa dang / shing drung na gnas pa dang / khang stong na gnas pas tshes gang dag rgyun mi 'chad par yid la bgyis kun dga' bo dag slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste/ zhi gnas dang lhag mthong ngo // btsun pa ni gnas kun tu
- 375a
bsten cing bsgoms te mang du 'gyis pas/ don gang nyams su myong bar 'gyur lags/ lhag mthong kun tu bsten cing bsgoms te mang du bgyis pas don gar nyams su myong bar 'gyur/ lags/ kun dga' bo zhi gnas kun tu bsten cing bsgoms te mang du byas pas ni lhag mthong la brtan te rnam par grol bar 'gyur ro// lhag mthong kun tu bsten cing bsgoms te mang du byas pas ni zhi gnas la brten te rnam par grol bar 'gyur ro/ / kun dga' bo zhi gnas dang lhag mthong yongs su bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur ro/ / btsun pa khams rnams gang dag lags/ kun dga' bo spong ba'i khams yang yin pa dang / 'dod chags dang thar ba'i khams gang yin pa dang / 'gog pa'i lams gang yin pa'o/ / btsun pa gang spangs pa la spong ba'i khams zhes bgyi/ gang las 'dod chags dang bral ba 'dod chags dang bral ba'i khams zhes bgyi/ gang 'gags pa la 'gog pa'i khams nas bgyi/ kun dga' bo 'du byed thams cad spangs pa la spong ba'i khams zhes bya'o// 'du byed thams cad las 'dod chags dang bral ba la 'dod chags dang bral ba'i khams zhes bya'o// 'du byed thams cad 'gags pa la 'gog pa'i khams zhes bya'o// btsun pa ston pa dang nyan thos rnams 'di lta ste// tshig gis mchog gis 'di kho na ltar don dang don du 'thun zhing 'dra ba dang / tshig dang tshig tu
- 375b
'thun zhing 'dra ba dang / yi ge dang yi ge 'thun zhing 'dra ba ni ngo mtshar lags so// de ci'i slad du zhe na/ btsun pa 'dir bdag gnas brtan dge slong rgan po ga la ba der mchis nas/ gnas brtan dge slong rgan po la don 'di nyid tshig 'di rnams dang / yi ge 'di rnams kyis rmas na'ang da ltar bcom ldan 'das kyis ji skad bka' stsal pa kho na bzhin du des bdag la don 'di nyid tshig 'di rnams dang / yi ge 'di rnams kyis rmas pa'i lan btab la/ bdag gnas brtan dge slong rgan pos bshad pa la mngon par bstod de rjes su yi rang nas/ dge slong lnga brgya po rnams ga la ba der mchis te/ dge slong lnga brgya po rnams la don 'di nyid tshig 'di rnams dang / yi ge 'di rnams kyis rmas na'ang da ltar bcom ldan 'das kyis ji skad bka' stsal pa kho na bzhin du de dag gis kyang bdag la don 'di nyid tshig 'di rnams dang / yi ge 'di rnams kyis rmas pa'i lan btab ste/ btsun pa ston pa dang nyan thos rnams 'di lta ste/ tshig gi mchog gis 'di kho na ltar don dang don du 'thun zhing 'dra la tshig dang tshig tu 'thun zhing 'dra ba dang / / yi ge dang yi ger 'thun zhing 'dra ba de ni ngo mtshar lags so// bcom ldan 'das kyis bka' stsal pa/ kun dga' bo khyod kyis dge slong rgan po su yin shes sam/ gsol pa/ btsun pa dge slong rgan po ni dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun tu sbyor
- 376a
ba yongs su zad pa/ yang dag pa'i shes pas sems shin tu rnam par grol ba lags so// dge slong lnga brgya po de dag thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin du rnam par grol ba sha stag lags so/ / gang gi tshe bcom ldan 'das dang / tshe dang ldan pa kun dga' bos dge slong rgan po dang / dge slong lnga brgya po de dag glengs shing bsgrags pa de'i tshe/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rgan pos las gang dag bgyis na/ des lo drug cu'i bar du ma'i lto na mchis par gyur lags/ btsun pa las gang dag bgyis na/ des yid rtul bar gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong rgan po nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i la de dag byas shing bsags pas na/ rgan po nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams
- 376b
dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe le'i khri thub pa na/ de bzhin gshegs pa dgra bcom pa yang dag par rdzogs/ pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes du 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rA NA sa na drang srong smra ba'i ri dgas kyi gnas ni rten cing bzhugs so// de nas tshong dpon gyi bu zhig gnas brtan zhig las rab tu byung ngo / / gnas brtan de ni dgra bcom pa 'dod chags spangs pa zhig go// de nas re zhig na yul der dus ston zhig byas nas/ dge slong gzhon nu des gnas brtan deng bskang ste 'an la spyod yul gyi grong du bzhud do zhes byas so/ / gnas brtan gyis smras pa/ bud dung sngas kyis/ re zhig song la dge ba'i phyogs gyis shig/ lan gnyis lan gsum gyi bar du daste/
- 377a
slong gzhon nu des gnas brtan de bslang ste/ bzhengs la spyod yul gyi grong du bzhud ces byas na yang lan gnyis lan gsum gyi bar du gnas brtan gyis da dung sngas kyis song la dge ba'i phyogs kyis shig ces byas so/ / de nas dge slong gzhon nu lho mdun can des ngag gi las rtsub po smras te/ khyed lo drug cu'i bar du'ang khyim nas ma byung zhig/ nga ni song zin no zhes byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong gzhon nur gyur pa gang yin pa de ni dge slong rgan po 'di yin te/ des dgra bcom pa la sems sdang bar byas nas/ ngag gi las rtsub po smras pa'i las de'i rnam par smin pas ni lo drug cu'i bar du ma'i lto na 'dug 'dug go// gzhan yang chos la ser sna byas pa des sna byas pa des ni shes rab 'chal par gyur te/ dbang po rnams tshags chen pos yongs su smin par gyur to// des der bslab pa dang / kha ton byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar nga'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// dge slong dag de bas na ngag gi nyes pa spangs pa'i phyir 'bad par byas ste/
- 377b
ci nas rgan po de so so'i skya bor gyur pa'i tshe nyes pa de lta bu dag mi 'byung bar bya'o// de nyid kyis dgra bcom pa nyid thob pa'i yon tan gyi tshogs de lta bu thob par bya ste/ dge slong byed kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// lag pa can zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams kyis bkur sti byas bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto phye chen po rnams kyi mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman tshong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so// de'i tshe mnyan du yod ngan tshong dpon
- 378a
phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las// chung ma la bu chags nas/ zla ba brgyad dam dgu lon pa dang / bu byung ste/ khye'u gzugs bzang zhing blta na sdug la mdzes pa/ mdog bzangs gser gyi kha dog can yan lag dang nying lag thams cad dang ldan da// rang bzhin gyis tshe rabs dran pa zhig btsas so/ / de nas des rang gi lag pa gzung ste'o byed cing mthang la 'jor bar byed la 'khyud par byed de tshig tu smras pa/ kye ma bdag gi lag gu gnyis shin tu yun ring mo zhig nas gdod rnyed do// kye ma bdag gi lag gu gnyis shin tu yun ring mo zhig nas gdod rnyed do zhes zer ro/ / de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed do// nye du rnams na re/ 'di btsas ma thag tu lag pa bzung ste 'o byed cing mthang la 'dzer la 'khyud par byed pas na de'i phyir khye'u 'di'i ming lag pa can zhes gdags so zhes zer ro// de nas khye'u lag pa can pang na 'tshe ba'i ma ma gnyis dang / num bsnun pa'i ma ma gnyis dang / dri ma 'khru ba'o ma ma gnyis dang / rtse ba'i mam gnyis te/ ma ma brgyad la gtad nas/ dem ma brgyad kyis 'o ma
- 378b
dang / zho dang / mar dang / zhun mar dang / mar gyi sgying khu dang / gzhan yang yo byad kyi khyad par bzung ngo cog gis bskyed bsrings te/ mtsho'i nang gi pad+ma bzhin du skye drag par gyur to// de nas gang gi tshe yul der 'jigs pa zhig byung ba de'i tshe skye bo'i tshogs 'jigs par gyur te/ phan tshun du ci bya gtol med nas rdzas rnams sbad par byed do// khye'u lag pa can ni lag pa gnyis sbed par byed de/ skye bo'i tshogs la'ang 'di skad du/ kye yon gnas rnams la sems sdang bar ma byed cig/ tshig rtsub po ma zer cig/ kye ma bdag gi lag gu gnyis shin tu yun ring mo zhig nas gdod rnyed do zhes zer ro/ / de nas phyi zhig na khye'u lag pa can rgyal bu rgyal byed kyi tshal du seng ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' bar byas te/ dga' bskyes nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa pa ni
- 379a
rtogs par 'gyur ba de lta bu'i chos bstan te/ de thos nas lag pa can gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas pha ma la gsel te/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra pa'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbungs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de dgra bcom pa nyid thob par gyur kyang / de bzhin du dge slong rnams la chos ston te/ kye yon gnas rnams la sems sdang bar ma gyur cig/ tshig rtsu ba po mazer cig/ kye ma bdag go lag gu gnyis yun ring mo zhig nas
- 379b
gdod rnyed do zhes zer ro/ / de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa lag pa can gyis las gang dag bgyis shing bsags nades dgra bcom pa nyid tho ba lags/ de bzhin du kye ma bdag gi lag gu gnyis shin tu yun ring mo zhig nas gdod rnyed do zhes mchis lags/ bcom ldan 'das kyis bka' stsal pa/ dge slong dag gang zag 'di ni las kyi 'bras bu mngon sum du mthong ba yin no/ / des ci las bsams te de skad zer ba khyed nyan par 'dod dam// btsun pa nyan par 'tshal lags so// dge slong dag lag pa can nyid kyis sngon tshe rabs gzhan dag tu tshegs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas/ lag pa can nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'da' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshegs shing dus la bab pa na// 'bras bu 'od du smin par 'gyur/
- 380a
dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo'i khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de grong khyer wA rAN+Da sin drang srong smra ba'i ri dgas kyi nagasan rten cing bzhugs so// re zhig na de na dge sbyong gnyis shig mdza' zhing 'dug ste/ de'i nang na ga cig ni dgra bcom pa'ang yin la/ mang du thos pa'ang yin no// cig shes ni so so'i skye bo'ang yin la/ zos pa'ang nyung ngo // de la dgra bcom pa mang du thos pa de ni kun shes pa bsod nams po dang ldan pa/ gos dang / zas dang / mar cha dang / nad gsos dang / sman zong rnyed pa/ g.yar 'dren pa mang du rnyed pa nig ste/ gang du g.yar drangs pa der des dge slong mdza' bo de phyi bzhin bzang pa'i dge sbyong de khrid do/ / re zhig na nyi ma cig gcig dgra bcom pa de dag g.yar drangs te 'gro bar chad pa las/ phyi bzhin 'brang ba'i dge sbyong de btsal nam rnyed do// de nas de mi snang nas/ des dge slong gzhan zhig rjod pa dang / ri gag na dang dge slong gzhon nu sems rgod pa dag gis 'di skad ces smras so// btsun pa dag gzigs dang / des phyi nin 'drang ba'i dge blo 'di'ang nga
- 380b
ma khrod de/ gzhan khrid do zhes byas so// de nas de khros te dgra bcom pa la sems sdang bar byas nas/ ngag gi las rtsub po smras te/ bdag gis byin chad de'i lhung bzed bkrus su zin na/ bdag gi lag pa 'di gnyis med par gyur ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong mdza' bor gyur pa gang yin pa de ni lag pa can 'di yin te/ des dgra bcom pa la sems sdang bar byas te/ ngag gi las rtsub po smras pa des tshe rabs lnga brgyar lag pa med par gyur to// phyis snying nas 'gyod pa skyes te nyes pa la nyes zhes mthol zhing bshags rnam par phye zhing bsal bar byas pa des ni lag pa thob par gyur to/ / des der bslangs pa dang / kha ton du byas pa dang / phung po la mkhas pa dang / khams la mkhas pa dang / skye mched la ma bra ba dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni de ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na yas gcig tu nges par gnag pa rnams dang / las 'dren ma rnams spangs la/ las
- 381a
gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas// dge slong de dag yi rangs te/ bcom ldan 'das kyis gsungs pa la mngon par bstod do// lde gus gsos zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / drug po rnams dang / pho brang 'khor gyi mo rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang lha ma yin rnams dang / nam mkha' lding rnams dang / mi 'am tso rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal phra rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / de'i tshe mnyan du yod pa na bram ze phyug cing nor mang la longs spyod che ba/ yongs su 'dzin pa yangs shing
- 381b
/ rnamam na / mthas tsa dang pa nas parnas padas dgas ma palas rba sa thas nas/ dad na de rtse zhing dga' la dga' dgur spyod pa las/ chung ma la du chags nas/ de rna ba brgyad dam dgu lon pa dang du byung ste/ khye'u mdog ngan pa/ bldan mi sdug pa/ bya ngan po zhig btsas te/ de r+tha ma thag tu de'i ma'i nu ma gnyis la 'o ma med par gyur to/ / re zhig na bram ze des de'i ma ma gzhan zhig bkug na/ de'i 'o na'ang khye'u de'i las kyi rnam par smin pas med par gyur to// de nas gang gi tshe dedo'i phyir 'o ma byung ba'o thabs sbyar ba thams cad las kyang 'o na mi 'byung bar gyur pa de'i tshe lde gus gsos nas/ lde gus gsos lde gus gsos zhes bya bar btags so// de chung bar grags shing bsod nams chung ba zhig ste/ gang gi tshe de cher skyes pa de'i tshe lto gang yang mi rnyed do// de nas des dge slong sham thabs legs par gyon pa/ gos legs par 'gos pa dag lhung bzed rung ba'i mdog lta bur gnag pa thogs nas mnyan du yod par bsod snyoms la 'gro la/ de dag kyang lag pa'ang nga kang / lhung bzed kyang bkang ste phyir 'byung ba mthong ngo // mthong nas kyang de bcom ldan 'das kyi bstan pa la rab tu 'byung bar 'dod par gyur nas/ des pha ma la gsol te/ bcom ldan 'das kyi bstan pa la rab tu byung ngo // de rab tu drung yang lho gang mi rnyed nas de skye bar gyur pa de nyid kyis brtson pa
- 382a
dang bsgrub pa dang / 'bad pas pol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil pa dang / ltung ngab dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom dang / rig pa dang / mngon par shes pa dang / so so yang dag par rig pa thob pa/ srid pa rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas phyis re zhig na bcom ldan 'das kyi dri gtsang khang 'phyag pa la zhugs te/ des de phyags nas sham thabs dang chos gos bgos te/ lhung bzed thogs nas mnyan du yod par bsod snyoms la song ngo // de nas des bsod snyoms bzang po mang po dag rnyed de/ des de'i dbang po rnams dang / 'byung ba chen po rnams tshim par gyur to// de nas de dbang po tshim par gyur nas/ bsam gtan dang / rnam par thar pa dang / snyoms par 'jug pa rnams kyis mtshan rangs 'das par byas so// de nas nga'i blo skyes pa/ ma la thabs 'di ni 'azang po
- 382b
zhig gis bdag gis dge slong gi dge 'dun la gsel ba gdab bo snyam mo/ / de nas dge slong gi dge 'dun thams cad la gsol ba btab pa/ btsun pa bdag ni bsod nams chung sde/ gang gi tshe dri gtsang bang du phyag bdar bgyis nas bsod snyoms la mchis pa de'i tshe/ gded 'grangs par gyur te/ de bas na bdag la dge 'dun gyis thugs rje bar mdzod la/ gzhan sus kyang dri gtsang khang phyag 'dar mi mdzad par gsol zhes byas so/ / de nas bcom ldan 'das kyis dri gtsang khang du sus kyang phyag 'dar mi bya'o zhes dge 'dun gyi khrims bcas nas des ngagayangs su dri gtsang khang phyags pa'i 'og tu mnyan du yod par bsod snyoms la 'gro bar byed do/ / de'i tshe na tshe dang ldan pa shA ri'i bu'ang 'khor lnga brgya dang rgyal phra rgyar byed kyi tshal du dbyar gnas par dam bcas nas/ mnyan du yod par lhags te/ sngon pal gus pa skyes nas/ dri gtsang khang du phyag 'dar byas so// de nas tshe dang ldan pa lde gus gsos kyis tsher nas des smras pa/ gnas brtan khyod kyis dri gtsang du phyag 'dar byas pa ni bdag gi lhor bsnun parabs so/ / gnas brtan gyis smras pa/ tsinyis/ lde gus gsos pas spras pa/ gnas brtan gang gi tshe bdag gis dri gtsang khang du phyag 'dar ma byas pa de'i tshe bdag gis bsod snyoms mi rnyed do/ / de nas gnA brtan shA ri'i bus smras pa/ gal te de ldan bdag gzhig tug yar drangs kyis/ khyod snying ma chung zhig dang / bdag gis der khyod la kha zas sbyin par bya'o//
- 383a
de nas gnas brtan shA ri'i bu 'khor lngang rgyu dang bcas pa'i spyan 'dren 'ongs nas lde gus gsos kyang de dang lhan cig tu chas so// de nas gang gi tshe khyim bdag de'i sgo dang nye ba zhig tu phyin pa de'i tshe/ lde gus gsos kyi las kyi rnam par smin pas khyim der 'thab mo chen po byung ngo // de nas tshe dang ldan pa lde gus gsos 'di snyam du sems te/ bdag bsod nams chung ba'i phyir/ 'thab mo byung ngo snyam mo// de nas phyir log ste gtsug lag khang du song nas sbyang bar 'dug go// de nas phyi de nyin par tshe dang ldan pa shA ri'i bus smras pa/ khyod ci'i phyir ma 'ongs/ des smras pa bdag bsod nams chung ba'i phyir 'thab mo ji ltar byung ba gnas brtan gyis mi mkhyen tam/ de nas gnas brtan shA ri'i dus de'i nyin par mdun du bcug ste/ khyim de'i nang du song nas dag 'dun gyi khrod du 'dug nas yang g.yas g.yon du ni kha zas brims la/ de la ni 'drim pa'i mis kyang brjed pas de dga' dun gyi khrod de kho nar lan gnyis su smyung bar gyur to// de nas re zhig na gtam de gnas brtan kun dga' bos thos so/ / thos nas kyang lde gus gsos la smras pa/ 'o na rgyal bu rgyal byed kyi tshal 'di nyid du 'dug cig dang / bdag gis khyod kyi zas khyer te 'ong ngo ngo/ zhes byas so// gnas brtan kun dga' bo ni bcom ldan 'das las chos kyi phung po brgyad khri lobs pa dang / dge slong gzhan dag la sa'i khri lobs pa de lta bu'i dran pa dang ldan pa yin na/
- 383b
gus gsos kyi las kyi sgrib pas gnas brtan kun dga' bos kyang brjed par gyur te/ der yang lan gsum smyung bar gyur to// de nas zhag bzhi lon pa'i tshe/ gnas brtan kun dga' bos bsgrims te bsod snyoms byin na/ de'ang phyir 'gro ba'i tshe khyi rnams kyis phrogs te/ der yang de lan pa ni smyung bar gyur to// de nas zhag lnga lon pa'i tshe// gnas brtan mo 'gal gyi bu chen pos thos nas/ lde gus gsos kyi phyir bsod snyoms blangs nas rdzu 'phrul gyis chas pa dang / lde gus gsos kyi las kyi rnam par smin pas bya'i rgyal po nam mkha' lding gis 'dab lcug gis bsnun nas rgya mtsho'i nang du bor te der yang de lan lnga snang bar gyur to/ / de nas zhag drug lon pa'i tshe gnas brtan shA ri'i bus thos nas 'di snyam du sems te/ ma lang dag kho nas lde gus gsos kyi bsod snyoms blangs gor ma chag snyam mo/ / de nas gnas brtan shA ri'i pus de'i bsod snyoms blangs nas khyim de nyid du mi snang bar byas te/ lnga gus gsos kyi gnas khang gi sgor 'ong so// de nas lde gus gsos kyi las kyi rnam par smin pas sgo de'ang brag gis 'khor bar gyur to/ / de nas gnas brtan shA ri'i bus rdzu 'phrul gyis sgo dbye'o snyam nas lhung bzed sa la banag pa dang / de'ang lde gus gsos kyi las kyi rnam par smin pas thur du dpag tshad brgyad khri'i 'og na gser gyi sa gzhi yod pa'i steng du song nas/ de las kyang gnas brtan shA ri'i bu rdzu 'phrul gyis phyung nas zas de khar gzhug go snyam ste/ zas de khar bcug na de'i las kyi
- 384a
rnam par smin pas kha de med par phyi la bor bar gyur to/ / de nas tshe dang ldan pa shA ri'i bu lde gus gsos la skal ba med par shes nas skyo bar gyur te/ der yang btsun pa de lan drug sgyur dar gyur to/ / de nas zhag bdun 'olon pa'i nyin par tshe dang ldan pa lde gus gsos kyis sems can rnams skyo ba bskyed pa dang / las rnams chud mi za bar bstan pa dang / las kyi stobs gleng ba'i phyir lhung bzed thal bas bkang ste/ sangs rgyas la sogs pa dge slong gi dge 'dun gyi spyan sngar 'dug nas chu dang sngogs te 'thungs nas/ phung po'i lhag ma med pa'i mya ngan las 'das pa'i dbyings su yongs su mya/ ngan las 'das so// de nas dge slong rnams kyis de mthong nas skyo bar gyur te/ de'i sku gdung la sku gdung gi mchod pa byas so// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa lnga gus gsos kyis las gang dag bgyis na/ der dgra bcom pa nyid thob par gyur kyang / zhag drug sbyang bar gyur nas/ zhag bdun pa'i gdugs la phung po'i lhag ma med pa'i mya ngan las 'das pa'i dbyings su yongs su mya ngan las 'das lags/ bcom ldan 'das kyis bka' stsal pa/ dge slong dag rdzi gus gsos nyid kyis sngon tshe rangs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za ngar 'ong ba'i las de dag byas shing bsags pas na/ lde gus gsos nyid kyis las byas shing bsags pa de dag gzhan su zhig
- 384b
gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge pa dang mi dger byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa ngargyar yang chud mi za// tshegs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na grong khyer wA rA NA si na khyim bdag cig gi chung ma dad pa dang ldan la/ dge zhing bsam pa bzang ba zhig 'dug pa de rgyun mi 'chad par dge sbyong dang / bram ze dang / bkren pa dang / sdug cing 'phongs pa dang slong ba rnams la sbyin pa dag byed do/ / phyis de'i khyim thab shi nas/ re zhig na de'i bu bdag gi khyim gyi bdag por gyur to// da'ang ser sna can 'jungs pa/ yo byad la kun tu 'dzin pa/ khwa 'a'ang gtor ma mi ster ba zhig ste/ de dge sbyong dang / bram ze dang / bkren pa dang / sdug cing 'phongs pa dang / slong nga rnams mthong na sems sdang bar byed do// de'i ma ni sngon gyi lugs bzhin du dge sbyong dang / bram ze dang / bkren pa dang / sdug cing 'phongs pa dang / spong ba rnams la sbyin pa dang rab tu sbyin pa dag sbyin par byed do// de nas de'i bu ser snas non pa des smras pa/
- 385a
yum bdag ma dad kyis/ sbyin pa ma sbyin cig/ des smras pa/ bu gcig khyim 'di ni khyim gyi lugs kyis 'di yin no// de nas des logs shig tu zan phog ste bzhag na 'on kyang de zan gyi byed ni sbyin par byed do/ / phyed ni bdag nyid za'o// de nas ser snas non cing khro bas bsgribs pa'i blo can des yang dang yang du bkag ste/ thabs ji lta bus bkag kyang de dag gam nus nas ma la smras pa/ yum bgyi ba zhig mchis kyis khyim gyi phug tu bzhud cig/ de nas rang bzhin gyis drang ba de khyim gyi phug tu song ngo // de nas des sgo bcad de nyi ma gcig zan bcad nas/ des smras pa bu bdag bkres so/ / de nas des tshig rtsub po smras te/ thal ba 'gom zhig ces smras so// de nas re zhig na nyam nga zhing mi bde la gnod pa dang phrad pa des snying rje rje skad du khus btab kyang zhag drug gi bar du spyad du bcug ste/ ma btang nas shi'o// 'on kyang ser snas bsgribs pa de ma dang bral ba la 'gyod pa med do// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag gi bur gyur pa gang yin pa de ni lde gus gsos 'di yin no/ / de sa ma la gnod pa byas pa'i las de'i rnam par smin pas bskal pa gcig gi bar du sems can dmyal ba chen po mnar med par skyes so/ / rgyu de kho nas da ltar dgra bcom pa nyid mngon sum du byas nas smyung bar gyur te/ thal ba zos nas yongs su mya ngan las 'das so// dge slong dag lde gus gsos kyis ni las gzhan
- 385b
dag kyang byas shing bsags te/ dge slong dag sngon byung ba 'das pa'i dus na/ grong khyer wA rA NA sin bram ze lha la rten pa wA rA NA sin gnas pa'i bram ze dang / khyim bdag dang / skye bo thams cad kun tu bkur sti bya ba dang / bla mar bya ba dang / ri mor bya ba dang / mchod pa byed cing bkur ba zhig yod de/ chos nyid kyis na sangs rgyas rnams 'jig rten du mi 'byung ba'i tshe// rang sangs rgyas sdug cing 'phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re zhig na rang sangs rgyas cig gcig wA rA NA sa ri bsod snyoms la song ba dang / de der lag pa'ang bkang/ lhung bzed kyang bkang ste/ phyir byung ba bram ze des mthong nas/ der ser sna skyes te lhung bzed bltas tshur khyer shog ces byas so/ / nyan thos dang rang sangs rgyas rnams ni ma bsams par shes pa mi 'jug ste/ btsun pa des bstan to// de nas des sa la pho nas rkang pas gnul lo// de nas rang sangs rgyas de smyung bar 'dug kyang bram ze de 'gyod pa ma skyes so/ / dge slong dag ji snyam du sems/ de'i tshe de'i dus na bram zer gyur pa gang yin pa de ni lde gus gsos 'di yin no// gzhan yang bcom ldan 'das/ 'od srungs kyi ring la rab tu byung ste/ des der tshangs par spyod pa'i gnas bsrungs pa des na da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par
- 386a
smon pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis bsung pa la mngon par bstod do/ / 'khor ba zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / ro brang 'khor gyi mi rnams dang / tsheng dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnam dang mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mnga' ldong dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
- 386b
gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa/ yan lag dang nying lag thams cad dang ldan pa zhig btsas te/ de btsas ma thag tu khyim mi rnams la bltas nas tshig tu smras pa/ kye 'khor ba ni sdug bsngal ba'o// 'khor ba ni mchog tu sdug bsngal ba'o zhes smras nas cang mi zer bar 'dug go/ de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed do// nye du rnams na re/ 'di btsas ma thag tu 'khor ba 'khor ba zhes sgrogs pas na de'i phyir khye'u 'di'i ming 'khor ba zhes gdags so zhes zer ro/ / de nas khye'u 'khor ba pang na 'tsho ba'i ma ma gnyis dang / num bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/
- 387a
mam brgyad la gtad nas/ de mam brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings nas/ mtsho'i nang gi pad+ma bzhin du skye drag par gyur to// de nas de mthar gyos cher skyes pa dang / de rang bzhin gyis tshe rabs dran pas skye bo'i tshegs ston te/ kye bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub po ma zer cig/ 'khor ba ni sdug bsngal ba'o// 'khor ba ni mchog tu sdug bsngal ba'o zhes zer ro// de nas phyis re zhig na phan tshun du 'khyam du song song ba las/ rgyal bu rgyal byed kyi tshal du phyin nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa dpe byad bzang po brgyad cus mdzes pa/ 'od 'dom gang gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba ltar kun nas bzang ba mthong nas/ mthong ma thag tu bcom ldan 'das la sems dga' bar gyur to/ / de dga' ba skyes nas/ bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug/ de nas bcom ldan 'das kyis de la 'khor ba las skyo bar 'gyur ba'i chos ston pa mdzad de/ de thos nas khye'u 'khor ba 'khor ba la nyes par lta ba dang / mya ngan las 'das pa la yon tan du lta bar gyur te/
- 387b
pha ma la gsol nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de gra bcom par gyur kyang dge slong rnams la chos ston to// tshe dang ldan padag bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub po ma zer cig/ 'khor ba ni sdug bsngal ba'o// 'khor ba ni mchog tu sdug bsngal ba'o/ nas zer ro// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa 'khor bas las gang dag bgyis na/ des tshe rabs lnga brgya'i
- 388a
bar du ma'i lto nas gum pa'i ro byung la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'khor ba nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ 'khor ba nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i kham dang / dang me'i khams dang / rlung gi khams la rnam par smin par mi 'gyur te/ las dge ba dang mi dge byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rog pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig
- 388b
rten du byung ste/ de grong khyer wA rA NA sin drang srong sbu ba'i ri dag kyi nags na rten cing bzhugs so// de'i tshe grong khyer wA rANA si na tshong dpon gyi bu zhig gnas brtan zhig las rab tu byung ngo // gnas brtan de ni dgra bcom pa 'dod chags spangs pa zhig go/ / de nas re zhig na yul der dus ston zhig byung ngo // de nas dge slong gzhon nu des dge slong de bslang ste/ bzhengs la spyod yul gyi grong du bzhud do zhes byas so/ / gnas brtan gyis smras pa/ pu da dung sngas kyis/ re zhig song la dge ba'i phyogs gyis shig/ lan gnyis lan gsum gyi bar du dge slong gzhon nu des gnas brtan de bslang ste bzhengs la spyod yul gyi grong khyer du bzhud ces byas na yang lan gnyis lan gsum gyi bar du gnas brtan gyis bu da dung sngas kyis/ song la dge ba'i phyogs gyis shig ces byas so// de nas dge slong gzhon nu lto mdun can des ngag gi las rtsub po smras te/ khyod tshe rabs lnga brgya'i bar du yang gson por khyim nas phyir ma 'byung zhig/ nga ni song zin no zhes byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong gzhon nur gyur pa gang yin pa de ni 'di yin no// des dgra bcom pa la sdang bar byas nas tshig rtsub po byas pa'i rnam par smin pas tshe rabs lnga brgya'i bar du ma'i lho nas shing 'i ro byung nas/ da ltar mor skyes te/ de dran nas 'khor ba ni sdug bsngal ba'o// 'khor ba ni mchog tu sdug bsngal ba'o zhes zer ba yin
- 389a
no/ / de 'gyod pa skyes te gnas brtan la nyes pa bshags pa dang / tshangs par spyod pa'i gnas bsrungs pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro// las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spang la las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bam po nyi shu rtsa gnyis pa ste tha ma'o// sbed pa zhes bya ba ni sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas
- 389b
bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan rdzo kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / gang gi tshe bcom ldan 'das rgya skyegs kyi na ba can gyis spyan drangs te/ yul slob ma can gyi skye bo mang po gdul bar bya ba rnams dad par mdzad pa de'i tshe/ yul slob ma can na gnas pa'i skye bo'i tshogs thams cad sangs rgyas la gzhol la/ chos la 'ab nga/ dge 'dun la bab ste 'khod do// de'i tshe yul slob ma can na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de da dang lhan cig tu rtse zhing dga' la dga' dgur spyod do// de rtse zhing dga' la dga' dgur spyod pa las/ chung ma la bu chags nas/ de zla ba brgyad dam dgu lon pa dang bu byung ste/ khye'u zhig btsas nas/ btsas ma thag tu de'i lus thams cad pol mig gis zhu lub cu khyad
- 390a
par 'dug ste/ gang gi tshe phol mig de dag rdol ba'i tshe/ sha snag bu phyil por gyur te/ de'i lus las rnag khrag 'dzag cing dri shin tu mnam par 'byung ngo // de nas de'i phas dbang phyug gi stobs kyi shugs kyis nor dang / sngags dang / sman dang / g.yog dang ldan par bdag nyid kyis gsos na/ 'on kyang las kyi stobs kyi shugs thob pa na nad de zhi bar ma gyur te/ lus thams cad de lta bur gyur nas ngo tsha ste/ gos kyis sbed par byed pas na/ de'i ming sbed pa zhes btags so// de nas re zhig na khye'u sbed pa cher skyes nas de'i grogs po na zla rnams mnyan du yod pa'i grong khyer slob ma can du dong dong ba de dag gis/ de'i pha la smras pa/ yab gal te 'di mnyan du yod par khrid na ni de na sman pa dang / sman la sogs pa mchis te/ mod pas nad de las gso nus so zhes byas so// de nas de'i phas tshig de mnyan nas rin po che mang po dang g.yog rnams byin te mnyan du yod par btang nas de mthar gyis grogs pon zla rnams dang mnyan du yod par phyin na/ de na sman pa dang / nor dang / sman dang / g.yog kyang mang du yod mod kyi/ de'i las las skyes pa'i nad de dag gsom nus so// de nas phyis re zhig na de rgyal du rgyal byed kyi tshal du song nas/ des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang
- 390b
gis brgyan pa/ nyi ma stong pas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur te/ de dga' bskyes nas/ bcom ldan 'das kyi zhabs la phyag 'tshal te/ chos mnyan pa'i phyir bcom lda 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas nye bar len pa'i phung po lnga nad dang / phol mig dang / zug rngu dang / sdig pa dang / mi rtag pa dang / sdug bsngal yin par rtogs te/ 'du byed thams cad mi rtag par rig nas/ bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pra phol mig lnga pa'i 'khor ba'i 'khor lo'i de nyid g.yo zhing mi brtan par rig nas/ 'du byed kyi rnam pa thams cad skal ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/
- 391a
rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la maM lta ba/ dbang po dang 'i dbang dang bcas pa'i rnams kyis mchod cing rjed pa dang / gus par smra ba'i gnas su gyur to// de'i grogs po na zla de dag kyang skyo bar gyur pa de nyid kyis rab tu byung nas/ de dag tshe dang ldan pa sbed pa ga la ba der song ste phyin nas// tshe dang ldan pa sbed pa la 'di skad ces smras so// tshe dang ldan pa sbed pa 'jig rten na 'jig pa'i chos can ni gang yin/ 'jig rten na 'jig pa'i chos can ma yin pa ni gang yin/ tshe dang ldan pa dag gzugs ni 'jig pa'i chos can yin no/ / de 'gags pa'i mya ngan las 'das pa ni 'jig pa'i chos can ma yin pa'o// tshe dang ldan pa dag tshor ba dang / 'du shes dang / 'du byed rnams dang / rnam par shes pa ni 'jig pa'i chos can yin no/ / de 'gags pa'i mya ngan las 'das pa ni 'jig pa'i chos can ma yin pa'o// tshe dang ldan pa dag ji snyam du sems/ gzugs rtag pa yin nam/ 'on te mi rtag pa yin/ tshe dang ldan pa sbed pa de ni mi rtag pa yin no/ / tshe dang ldan pa mi rtag pa gang yin pa de sdug bsngal ba yin nam/ 'on te sdug bsngal ba ma yin/ tshe dang ldan pa sbed pa de ni sdug bsngal ba yin no// tshe dang ldan pa dag ci mo rtag pa dang / sdug bsngal dang / rnam par 'gyur ba'i chos can gang yin pa de la thos pa dang ldan pa'i 'phags pa nyan thos 'di snyam du 'di ni bdag gi'o/ / 'di ni bdag go/ 'di ni bdag gi bdag yin no snyam du bdag tu 'dzin par 'gyur ram/ tshe dang ldan pa sbed pa de ni ma yin no//
- 391b
tshe dang ldan pa dag ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa yin nam/ 'on te mi rtag pa yin/ tshe dang lnga pa spad pa de na mo rtag pa yin no// tshe dang ldan pa dag rtag pa gang yin pa de sdug bsngal ba yin nam/ 'on te sdug bsngal ba ma yin/ tshe dang ldan pa sbed pa de ni sdug bsngal ba yin no// tshe dang ldan pa dag ci mi rtag pa dang / sdug bsngal ba dang / rnam par 'gyur ba'i chos can gang yin pa de la zlo ba dang ldan pa'i 'phags pa'i nyan thos 'di ni bdag gi'o/ / 'di ni bdag go// 'di ni bdag gi bdag yin no snyam du bdag tu 'dzin par 'gyur ram/ tshe dang ldan pa sbed pa de ni ma yin no/ / tshe dang ldan pa dag de bas na gzugs ci'ang rung ba 'das pa dang / ma 'ongs pa dang / da ltar byung ba 'am/ phyi rol lam/ nang ngam/ rags pa'am/ cha phra ba 'am/ ngan pa'am/ bzang po'am/ thag ring ba'am/ nye ba'ang rung ste/ de dag thams can la 'di ni bdag gi ma yin no// 'di ni bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ / tshor ba dang / 'du shes dang / 'du byed rnams ci'ang rung ba dang / rnam par shes pa ci'ang rung ba 'das pa dang / ma 'ongs pa dang / da ltar byung ba dang / nang ngam/ phyi rol lam rags pa 'am/ cha za ba'am ngan pa
- 392a
'am bzang po 'am/ thag ring ba'am/ nye ba'ang rung ste/ de dag thams cad la 'di ni bdag gi ma yin no// 'di ni bdag ma yin no// 'di ni bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ / tshe dang ldan pa dag de ltar blta ba'i thos pa dang ldan pa'i nyan thos ni gzugs las kyang skyo bar 'gyur ro/ / tsher ba dang / 'du shes dang / 'du byed rnams dang / rnam par shes pa las kyang skyo bar 'gyur te/ skyon 'dod chags dang bral bar 'gyur ro// 'dod chags dang bral na rnam par grol bar 'gyur ro/ / rnam par grol ba na bdag gi skye ba zad do// tshangs par spyod pa spyad zin no// bya ba byas zin no// srid pa 'di las gzhan mi shes so snyam du rnam par grol ba ye shes mthong ba kho nar 'gyur ro/ / chos kyi rnam grangs 'di bshad pa na/ grogs po na zla de rnams chos rnams la chos kyi mig rdul med cing dri ma dang bral bas rnam par dag go/ de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sbed pas las gang dag bgyis na/ des de'i lus 'di lta bur mi sdug cing nad mang la dri nga bar gyur lags/ las gang dag bgyis na/ des blo rno zhing gsal bar gyur te/ rab tu byung nas kyang dgra bcom pa nyid mngon sum du bgyis lags/ bcom ldan
- 392b
'das kyis bka' stsal pa/ dge slong dag sbed pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la/ gdon mi za bar 'ong ba'i las de dag byas shing bsags pas na/ sbed pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni/ bskal pa brgyar yang chud mi za// tshogs shing dus la bab pa na/ / 'bras bu nyid du sbyin par 'gyur// dge slong dag sngon byung ba 'das pa'i dus na/ grong khyer wA rA NA si na tshong dpon zhig 'dug pa de/ tshong dpon gnan zhig dang mi mdza' nas des rgyal po la nor mang po phul te gsol ba btab pa/ lha tshong dpon 'dis nongs pa bgyis kyis/ 'di chad pas bcad cing tshar gcad par gsol zhes byas / de nas rgyal pos gnang ste/ de nyid chad pas gcod du bcug go// de nas des de bdag gi khyim du bkug nas lcag gis gzhus so// de nas lus las khrag byung nas/ du/
- 393a
drag po'i phye ma mang pos btab ste/ des de'i lus de sha snag bu bzhin du phyil por 'dug par gyur te/ de nas tshe dang pon de'i grogs po rnams kyis des ji ltar byas pa thos nas de dag bsdongs te yo byad kyi khyad par dag gis nad de las gsos par byas so/ / de nas de skyo bar gyur pa de kho nas khyim nas byung ste rab tu byung nas/ des slob dpon med par byang chub kyi phyogs dang 'thun pa'i chos sum cu rtsa bdun bsgoms te rang sangs rgyas kyi byang chub mngon sum du byas so/ / de nas de'i sems skyes pa/ tshong dpon des ni bdag gi rgyud las bsod nams ma yin pa chen po bskyed kyis med na/ ma la bdag de'i thad du song la skyob bskyed par bya gor ma chag snyam mo// de nas de'i mdun du song nas steng gi nam mkha' la mngon par 'phags te cho 'phrul rnam pa sna tshogs bstan to/ / so so'i skye bo rnams ni rdzu 'phrul gyis myur du dad par byed do// de sdong po rtsa ba nas bcad pa bzhin du rkang pa la phyag 'tshal nas thal mo sbyar te/ bcom ldan 'das la gsol ba btab pa/ yon gnas chen po mar gshegs/ khyod la bdag gis nongs pa 'gyis kyis/ de'ang khyed nyid las brten te byung bar bgyi'o zhes byas te/ des rang sangs rgyas de la bzod pa gsol nas/ bshos gsol te na bza' phul nas smon lam btab pa/ bdag khros te khyod la nongs pa bgyis pa de'i las kyi rnam par smin pa bdag gis myong
- 393b
pabar ma gyur cig/ bdag gis bkur sti bgyis pa 'dis ni yon tan 'di lta bu dag bdag gis thob par gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so// bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshong dpon du gyur pa gang yin// pa de ni sbed pa 'di yin te/ las de'i mthus tshe rabs lnga brgya'i bar du lcug 'og tu shi'o// rgyu de kho nas da ltar yang lus 'di 'dra ba thob par gyur to// gzhan yang bcom ldan 'das 'od srungs kyi ring la grogs po na zla rnams dang lhan cig tu rab tu byung ste/ des de dag gi tshangs par spyod pa'i gnas bsrungs pa des ni da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smon pa'ang 'dren mar 'gyur ro// dge slong dag de bas na las gcig tu nges par gnag par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skar ces
- 394a
bka' stsar nas/ dge slong de dag yi rangs te/ bcom ldan 'das kyis gsungs pa la mngon par bstod do// mi sdug pa zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan po/ na bza' dang / zhal zas dang / gzims cha dang / gdan dang / snyun gsos dang / sman zong rnams bsnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' rab na bzhugs so// de'i tshe yul b+harga zhes bya ba na khyim bdag phyug cing nor mang longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
- 394b
zhig gnas pa des rigs mnyam pa las chung ma blangs nas/ / de de dang lhan cig tu rtse zhing dga' la dga' dgur spyod do// de rtsa zhing dga' la dga' dgur spyod pa las/ chung ma la bu chag nas de zla ba brgyad dam dgu lon pa dang bu byung ste/ khye'u mi sdug pa'i sna grangs bco brgyad dang ldan pa zhig btsas nas/ pha ma gnyis bu la chags te de gsos so// de nas gang gi tsha de mthar gyis char skyes pa de'i tshe mi sdug pa'i phyir pha ma gnyis kyis khyim nas bskrad do/ / de gang dang gang du song ba de dang der yang yid du mi 'ong ba'i phyir skye bo mang pos bskrad do// de dud 'gro'i skye gnas su skyes pa'i srog chags rnams kyis kyang de la gzi brjid kyis brnyas pa byed na/ mir gyur pa rnams kyis lta ci smos te/ de grong khyer gyi nang nas bskrad nas skyed mos tshal/ dung ya gcig tu 'dug ste/ des res 'ga' na 'bras bu dang rtsa ba rnyed na za bar byed do// res 'ga' 'bras bu dang rtsa ba ma rnyed na ni rtswa dang / me tog dang / lo ma dag gis 'tsho bar byed do/ / de nas bcom ldan 'das kyis mi sdug pa gdul ba'i dus la bab par gzigs nas/ nyan thos chen po bani la bka' stsal pa/ dge slong dag tshur shog cig dang mi sdug pa gdul lo/ / de nas bcom ldan 'das nyan thos chen po rnams kyis zham ring byas te/ skyed mos tshal dung yag ga la ba der gshegs pa dang / des bcom ldan 'das mthong nas ngo
- 395a
tsha ste phan tshun du zos so/ / de nas bcom ldan 'das kyis ji ltar yang 'bros mi nus par byin gyis brlabs so// de nas bcom ldan 'das dang nyan thos chen po rnams 'gog pa'i snyoms par 'jug par zhugs so/ / de nas 'gog pa las bzhengs te bdag nyid mi sdug par sprul to// sprul nas kyang kham phor zas kyis bkang ba bsnams te/ mi sdug nga'i thad du gshegs so/ / de nas mi sdug pas mthong ba dang / dga' bar gyur nas smras pa/ grogs po chen po ga las 'ongs/ tshur shog/ bdag cag gnyis lhan cig tu 'dug go/ zhes byas so// de nas bcom ldan 'das kyis de la zas byin te dbang po tshim par gyur nas/ bcom ldan 'das nyid kyi cha lugs su bsgyur to// de nas mi sdug pas sangs rgyas bcom ldan 'das mthong nas/ gsol pa/ da ni khyod byad gzugs bzang por gyur na las gang gi mthu las gyur lags/ bcom ldan 'das kyis bka' stsal pa/ nga la sems dga' bar byed pa zhes bya ba'i rig sngags yod de/ 'di ni de'i mthu yin no// de nas des bcom ldan 'das dang / nyan thos chen po 'gog pa'i snyoms par zhugs pa de dag la sems dga' ba bskyed de/ des na de'i mi sdug pa med par gyur nas bzang por gyur te/ rab tu byung nas dgra bcom pa nyid mngon sum du byas so// de nas dge slong dag the tsom skyes te/ the tsom
- 395b
thams cad gcod pa sangs rgyas bcom ldan 'das la zhus pa/ btsun pa mi sdug pas gang las gang dag bgyis na/ des 'di ltar bur mdog ngan cing reg tu mi bzod pa dang / mi sdug/ pa'i sna grangs bco brgyad dang ldan par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mi sdug pa nyid kyis sbyin tshe rabs gzhan dag tu tshogs rnyed cing rkyen grub pa dang ldan te/ / dpa' rgal bzhin du 'byung la// gdon mi za bar 'ong ba'i las de dag byas shing bsags pas na/ mi sdug pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dag pa dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ / dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
- 396a
gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rgyal zhes ba 'jig rten du byung ste/ des phyi zhig na rgyal po'i pho brang 'khor zhigan rten cing bzhugs so// de nas yang dag par rdzogs pa'i sangs rgyas kyis dgongs pas na/ de'i tshe 'dar gyur pa'i bya chub sems dper gnyis yod de/ byang chub sems dpa' shAkya thub pa dang byams pa'o// de la byams pa ni rang gi rgyud yongs su smin par gyur la/ gdul bar bya ba rnams yongs su ma smin shAkya thub pa ni rang gi rgyud yongs su ma smin la/ gdul bar bya ba rnams ni yongs su smin par gzigs so// de nas yang dag par rdzogs pa'i sangs rgyas rgyal gyis byang chub sems dpa' thu ba'i rgyung yongs su smin par bya ba'i phyir gangs ro'i steng du gshegs shing rin po che'i zug zug tu zhugs nas/ skyil mo krung bcas te me'i khams la snyoms par zhugs so// de'i tshe byang chub sems dpa' shAkya thub pa 'bras bu dang rtsa bdag gi phyir ri'i rgyal lo/ / gangs kyi skyeng du song ste/ daphan tshun song song ba las/ yang dag par rdzogs pa'i sangs rgyas rgyal sku skyes bu chen po'i mtshan sum cu rgya gnyis kyis legs par brgyan pa/ dpe byad bzang po brgyad chus mdzes par byas la/ 'od 'dom gang gis brgyan pa/ nam stong bas lhas pa
- 396b
pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ de mthong ma thag tu des nyin mtshan bdun gyi bar du rkang pa ya gcig gis 'greng ste/ tshigs su bca pa gcig gis bstod pa de lta bu'i sems rtse gcig tu bya ba thob ste/ skyes bu khyu mchog khyod 'dra'i dge slong chen po gzhan dag lha yul sa la med// 'jig rten 'di na'ang yong gis med la rnam thos bu yi pho brang na yang med/ / lha yi pho brang gnas mchog dag na med la phyogs mtshams dag na'ang med// raM dang nags su bcas pa'i sa'i steng rgyas pa ma lus bskor kyang ga la yod// ces bstod do// de nas yang dag par rdzogs pa'i sangs rgyas rgyal gyis byang chub sems dpa' shAkya thub pa'i rgyud yongs su smin par gzigs nas legs so zhes bya ba byin te/ skyes bu dam pa legs so legs so/ / bram ze dam pa de ring du// de bzhin gshegs pa legs bstod pa'i// stobs dang brtson 'grus rdzogs pa 'dis// bskal pa dgu zhig 'dums par gyur// ces gsungs so/ / de nas bcom ldan 'das de lha che bar grags pa rnams kyis zham ring byas te/ phug de'i nang na gnas pa'i lha chung bar grags pa zhig yod pa des phug pa de'i nang du 'gro ma nus so// de nas des mig mi sdug par bsgyur te/ bcom ldan 'das la bsdigs so// des yun ring mo zhig tu bsdigs kyang / bcom ldan 'das la gnod pa byed ma nus nas/ des dab pa rnyed de
- 397a
drang srong 'di ni bzang po zhig ste/ brtul zhugs grub pa zhig gu snyam mo// de nas des lus rgyas par sprul nas/ bcom ldan 'das kyi zhabs la phyag 'tshal te/ bzod pa gsol nas/ bshos kyang gsol to// bcom ldan 'das kyis bka' stsal pa/ dge slong dag ji snyam du sems// de'i tshe de'i dus na phug de na gnas pa'i lhar gyur pa gang yin pa de ni mi sdug pa 'di yin te/ de'i rnam par smin pas 'khor bar sdug bsngal mtha' yas myong bar gyur la/ da ltar yang rgyu de kho nas mi sdug par gyur to// des phyis sems dga' ba bskyed pa des ni 'di'i mi sdug pa med par gyur te bzang por gyur nas rab tu byung la/ dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la
- 397b
mngon par bstod do/ / gang+gA pa zhes bya ba na/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang gyi mi rnams dang / tshong dpon rnams dang / ded dngon rnams dang / lnga rnams dang / glu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas// mchod pa byas te/ lha dang / gru dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdun dang / snyun gsos dang / sman zong rnams brnyes pa/ nyan thos kyi dga' du dang bcas pa grong khyer wA rA rdza sin drang srong smra ba'i ri dgas kyi nags na rjen cing bzhugs de'i tshe wA rA NA si na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig rtse zhing dga' la dga' dgur spyod do// de rtse zhing dga' la dga' dgur spyod pa las kyang du'ang
- 398a
med/ bu mo'ang med na/ de lag pa la som tshugs bcas te bsams pa/ bdag gi khyim nor du ma dang ldan du zin kyang bdag la bu'ang med/ bu mo rang med pas/ bdag 'das pa'i 'og tu ni bu'ang med/ bu mo'ang med pa'i phyir ci bdog pa thams cad rgyal po dbang bar 'gyur ro snyam ste/ sems khongs su chud cing 'dug go// de nas dge sbyong dang bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o// de nas de bu med de bu 'dod pa'i phyir lha gu lang dang chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la'ang gsol ba 'debs te/ 'di lta ste/ kun dga' ra ba'i lha dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa'i lha dang / chos 'thun pa pa dang / rtag tu phyi bzhin 'brang ba'i lha rnams la'ang gsol ba 'debs te/ 'jig rten na'ang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de'ang de lta ni ma yin te// gal te gsol ba btab rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la'ang bu stong stong yod par 'gyur ba'i rigs so// ye ni gnas gsum
- 398b
tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste/ gnas 'di gsum tshogs pa las bu dang bu mo skye bar 'gyur ro// de nas de'ang gsol ba 'debs pa lhur byed cing 'dug la/ sems can zhig kyang sems can gyi rigs shig nas shi 'phos te de'i ltor zhugs so/ / dud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa'ang shes la/ ma chags pa'ang shes pa dang / dus kyang shes la/ zla mtshan yang shes pa dang / bu chags pa shes pa dang / gang las bu chags pa shes pa dang / khye'u yang shes la/ bu mo'ang shes pa ste/ gal te khye'u yin na no lto g.yas phyogs su rten cing gnas so/ / gal te bu mo yin na ni lto g.yon phyogs su rten cing gnas so// de nas de dgar ches nas khyim thab la smras pa/ jo bo bdag la sras chags te/ bdag gi rum g.yas logs su rten cing gnas pa las na khye'ur 'gyur bar nges kyis dgyes pa bskyed du gsol zhes byas nas/ de'ang dga' ches nas ro stod ni bteg/ lag pa g.yas pa ni brkyang nas/ bdag gis yun ring po nas smon smon pa'i bu'i ngo mthong bar 'ong ngo // bdag gi bu rung bar gyur cig/ mi rung bar ma gyur cig/ bdag gi bya ba
- 399a
dag byed par gyur cig/ gsos pa'i lan phyir gso bar gyur cig/ nor skal la spyod par shog cig/ bdag gi rigs rgyun ring du gnas par shog cig/ bdag cag 'das te shi ba'i 'og tu yang bdag cag gi phyir mang yang rung / nyung yang rung ste/ sbyin pa dag byin la bsod nams dag byas nas/ de gnyis gang dang gang du skyes shing 'gro ba der 'di song zhig ces yon bsngo bar gog cig ces dga' ba'i tshig brjod do/ / de nas bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i kha zas rnams dang / ha cang kha ba'ang ma yin pa rnams dang / ha cang sbyar ba'ang ma yin pa rnams dang / ha cang lan tshwa che ba ma yin pa rnams dang / ha cang dang ra ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams dang / kha ba dang / sgyur ba dang / lan tshwa dang / dang rab dang / tsha ba dang bska ba med pa'i zas rnams kyis bstan cing / do shal dang se mo des lus rnam par grubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u'i steng du rmya zhing / 'og gi sa gzhi lami 'bab pa dang / res yid du mo 'ong ba'i sgra skad ci rang mi thos par byas so// de nas
- 399b
de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa yan lag dang nying lag thams cad dang ldan pa zhig btsas nas/ de btsas pa'i btsas sngon byas nas/ de'i ming gang+ga pa zhes btags so// de nas khye'u gang+gA pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur to// de'ang nges par 'byed pa'i cha dang 'thun pa'i dge pa'i rtsa ba dang ldan te/ khyim na gnas par mi dga' nas/ de nas pha ma gnyis kyi rkang pa la phyag 'tshal te/ gsol ba btab pa/ yab yum bdag bcom ldan 'das kyi bstan pa la rab tu 'byung bar gnang bar mdzad du gsol/ de nas de'i pha ma gnyis kyis bu gcig pa yin pa'i phyir ma gnang ngo / / de nas gang+gA pa'i blo skyes pa/ mir skye ba 'thob pa ni rnyed par dka' ba yin/ de bzhin gshegs pa 'byung ba'ang rnyed par dka' ba yin/ gzhan du dbang po phun sum tshogs pa'ang rnyed par yang dka' ba yin na/ ma la bdag bcom ldan 'das kyi bstan pa la rab tu 'byung bar bya ba'i thabs ci yod snyam mo// de nas de 'di snyam du sems te/ ma la
- 400a
bdag gis smon lam btang la/ bdag 'chi bar byas te/ ci nas mir skye ba thob nas shin tu myur ras tu 'byung bar bya'o snyam mo// des de ltar bsams nas dug 'thungs na rang ma shi'o/ / me'i nang du mchongs na 'ang ma shi// brag la mchongs na'ang ma shi/ chu klung zlog byed kyi nang du mchongs na der yang ma shi nas de'i blo skyes pa/ bdag 'chi bar bya ba'i thabs gzhan ci yod snyam mo/ / de nas de 'di snyam du sems te/ ma la rgyal po ma skyes dgra de ni yong ye gtum zhing brlang la zhe rtsub cing gzu lum can zhig yon gyis/ bdag de'i pho brang du song la mtshan mo khyim phugs gdab po snyam ste/ de rgyal po'i khab grong khyer du song nas nam sros te smag la bab pa na khyim 'bigs shing 'dug go/ de nas srungs ma rnams kyis gson por bzung nas rgyal po ma skyes dgra la phul te/ lha mi 'dis ni rkun ma pho brang sun 'byin pa nongs pa bgyis lags te/ mtshan mo pho brang du khyim phugs btab lags so zhes gsol to// de nas rgyal pos nyes pa byed byed pa'i phyir gsad par chad do/ / de nas gshed ma gos sngon po gyon pa/ ka ra wI ra'i me tog gi 'phreng ba mgul du thogs pa/ lag na mtshon cha thogs pa rnams kyis khrid de lam po che dang / srang dang / lam gyi bzhi mdo dang / sum mdo dang / bsgrags pa'i gnas rnams su 'o dod bos te grong khyer gyi lho sgo nas phyir byung ste/ bsal ba'i
- 400b
tshal gyi dur khrod du khrid do/ / de khrid pan gshad ma de dag la smras pa/ kye rgyal po'i dka' 'gyur na mi rung gis/ rings rab tu drongs shig ces zer ro// de nas gshed ma de rnams kyis rgyal po la gsol to/ / de nas rgyal pos phyir bzlog ste dris pa/ kA ye khyod ci'i phyir srog 'phangs pa yongs su gtong bar 'dod/ de nas des gtam de rgyas par rgyal po la gsol te/ de nas rgyal po ma skyes dgra ka dam pa'i me tog bzhin du spu zing zhes byas te/ mchi mas brnangs shing du ba'i bzhin gyis kye ma 'di ltar 'di rab tu byung ba'i phyir srog 'phangs pa gtong bar 'bad pa las na 'di'i blo'i rgyud ni yongs su smin to/ / 'khor ba'i nyes pa ni shin tu rtogs so// dad pa phun sum tshogs pa ni legs par thob bo zhes dga' ba'i tshig tu brjod do// de nas rgyal pos dbugs phyung ste smras pa/ bu gcig da ni khyod kyi srog la dbang gis de song la/ bcom ldan 'das kyi bstan pa la rab tu byung zhig ces byas nas/ de rgyal pos btang ste/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'dad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad stsol ba dang / ltung ba dang / rnam par 'thor nga dang / rnam par 'jig pa'i chos can yin par
- 401a
bud chod de/ nyon mongs pa thams cad spangs nas/ dgra bcom pa nyid mngon sum du byas so// dgra bcom pa khams gsum pa'i 'dod chags dang bral bar gyur nas/ gsar dang bong par mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa rig pa dang / mngon par shes pa dang // so so yang dag par rig pa thob pa/ srid pa'i rnyed pa dang / chags pa dang / bkur stil mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas bcom ldan 'das kyis/ dge slong rnams la bka' stsal pa/ dge slong dag nga'i nyan thos kyi dge slong dad pas rab tu byung ba rnams kyi mchog ni 'di lta ste/ wA rA NA si'i tshong dpon gyi bu gad+hA pa 'di yin no// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la nus pa/ btsun pa gang+gA pas las gang dag bgyis na/ de dag gi rnam par smin pas de'i lus la mes kyang mi tshugs/ dug dang / mtshon dang / chus kyang 'chi bar mi 'gyur la/ 'dis dgra bcom pa nyid kyang thob par gyur lags/ bcom ldan 'das kyis bkar stsal pa/ dge slong dag gang+gA pa nyid kyis sngon tshe rabs gzhan dag tu tshogs rnyed cing rkyen grub pa
- 401b
dang ldan te/ dbar rgal bzhin du 'byung la/ gdon mi za bar 'ong ba'i las de dag byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'bar zhig la rnam par smin par 'gyur ro// lus can dag gi las rnams ni/ / bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur// dge slong dag sngon byung ba 'das pa'i dus na/ grong khye ra wA rA NA sir rigs ngan dur khrod kyi rdzas la rku ba zhig gnas pa des re zhig na 'gron po dag bcom ste rdzas thob pa dang / de'i phyir zhin du mi rgod dag gis bsnyags pa las/ re zhig na dur khrod kyis phyogs zhig tu rang sangs rgyas shig 'gog pa'i snyoms par zhugs pa de'i mdun du rigs ngan dur khrod kyi rdzas la rku ba des rdzas de bor nas de nyid du yib bo// de nas mirgod de dag gis rang sangs rgyas mthong nas po rdo dag gis kyang bsnun/ mtshon gyis kyang btab/ mas kyang bsregs na 'on kyang de 'gog pa'i snyoms par zhugs pas na/ de'i chos gos kyis
- 402a
tsam yang bskyod ma nus so/ / de nas gang gi tshe mi rgod de dgang la bar gyur te phyir dong ba de'i tshe/ rang sangs rgyas de khad kyis ting nge 'dzin las langs so// de nas rigs ngan du khro/ kyi rdzas la rku ba des rang sangs rgyas de la bshos gsol nas smon lam btab pa/ bdag gis kyang 'di lta bu'i yon tan dag thob par gyur cig/ 'di ji ltar gzhan gyis mi tshugs pa de bzhin du bdag kyang gang dang gang du skyes pa de dang der gzhan gyis mi tshugs par shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so/ / bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rigs ngan dur khrod kyi rdzas la rku bar gyur pa gang yin pa de ni gang+gA pa 'di yin no// gzhan yang bcom ldan 'das 'od srungs kyi ring la rab tu byung ste/ des 'di tshangs par spyod pa'i gnas bsrungs pa des na da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smon pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro/ / las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig
- 402b
tu nges par dkar nga rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slongade dag yi rangs te/ bcom ldan 'das kyis gsungs pa la mngon par bstod de/ / sen rings zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' ldi'i rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa rgyal po'i khang na 'od ma'i tshal bya ka lan ta ka gnas pa na brtan cing bzhugs so// de'i tshe spang spos can gyi grong na bram ze rgyal zhes bya ba zhig gnas pa des/ bram ze ma tha ri'i du mo shwa r-i zhes bya ba thob nas/ gang gi tshe shA ri'i lhor sha ri'i bu zhugs pa de'i tshe bud med de ming po sen rings dang /
- 403a
gzhung gis brgya pa ni mang po chad pa la thug par byed do// de nas sen rings kyis blo skyes pa/ 'di'i ltor sems can bsod nams che bar grags pa zhig gis nying mtshams sbyar ba 'ang ste/ de'i mthu yin gyis// ma la bdag gis sta nas phyogs 'ga' zhig la brten par bya'o snyam mo// de nas sen rings lho phyogs su song nas bstan bcos mang po bslabs so// de nas re zhig na mthar gyis shA ri'i bu btsas te/ des lo bcu drug lon na dbang po'i brda sprod pa lobs nas gzhung gis rtsod pa thams cad tshar gcod do// de nas de mthar gyis bcom ldan gyi bstan pa la rab tu byung ngo // de nas zhig na kun tu rgyu sen rings kyis/ mu stegs pa de dag thams cad tsha bos tshar bcad nas/ de ltar dge sbyong go'u ta ma'i slob mar khas blangs so zhes thos so// thos nas kyang de shas cher de chad pa'i 'du shes skyes la/ bstan bcos thams cad la'ang mu thug pa med pa'i 'du shes skyes so// de nas mthar gyis rgyal po'i khab tu phyin pa dang / de'i tshe bcom ldan 'das nang du yang dag 'jog las banangs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston to// sha ri'i bu yang bcom ldan 'das kyi spyan sngar bsil yab thogs bcom ldan 'das la g.yob cing 'dug go/ de nas kun tu rgyu sen rings bcom ldan 'das ga la ba der song ste phyin nas/ kun tu rgyu sen rings kyis bcom ldan 'das zla ba tshes pa'i dbyibs lta bur
- 403b
'khor gyis bskor cing bzhugs te chos ston pa dang / shA ri'i bu yang bsil yab thogs te/ bcom ldan 'das la g.yob cing 'dug pa mthong ngo // mthong nas kyang bcom ldan 'das la 'di skad ces gsol to/ / kye go'u ta ma bdag ni thams cad mi 'tshal lo// bcom ldan 'das kyis bka' stsal pa/ me'i cha lugs can gyi bu bdag ni thams cad mi 'dod do zhes ltang gang yin pa 'di'ang khyod mi 'dod dam/ kye go'u ta ma bdag ni thams cad mi 'tshal lo zhes bgyi ba'i lta ba gang lags pa 'di'ang bdag mi 'tshal lo// me'i cha lugs can gyi bu 'o na ni khyod de ltar shes shing de ltar lta bar gyur na/ lta ba 'di'ang spangs pa dang / bor ba dang / bsal bar 'gyur la/ lta ba gzhan yang nying mtshams sbyor ba med pa dang / len pa med pa dang / 'byung ba med par 'gyur ro/ / go'u ta ma bdag ni de ltar shes shing de ltar lta bas na lta ba 'di yang spangs pa dang / bor ba dang / bsal bar 'gyur la/ lta ba gzhan yang nying mtshams sbyor ba ma mchis pa dang 'byung ba ma mchis par 'gyur lags so/ / ma'i cha lugs can gyi bu 'o na ni khyod skye bo mang po dang 'thun par 'gyur zhing mtshungs par 'gyur te/ skye bo mang po'ang de ltar lta zhing de skad smra la khyod kyang de skad smra bas na khyod kyang de kho na dang 'dra'o/ / me'i cha'ugs can gyi bu dge sbyong ngam bram ze su'ang rung ste/ lta ba de nges par spong la/ lta ba gzhan yang len par mi byed pa de dag ni
- 404a
'jig rten na nyung ba bas kyang ches nyung zhes bya'o/ / me'i cha lugs can gyi bu lta ba'i gnas ni 'di gsum yin te/ gsum gang zhe na/ me'i cha lugs can gyi bu 'din kha cig ni bdag na thams cad mi 'dod do zhes de ltar lta zhing de skad smra'o/ / gzhan yang 'di na kha cig ni bdag ni thams cad 'dod do zhes de ltar lta zhing de skad smra'o// gzhan yang 'di na kha cig ni bdag ni gcig 'dod la gcig mi 'dod don de ltar lta zhing de skad smra'o/ / me'i cha lugs can gyi bu de la bdag ni thams cad 'dod do zhes de ltar lta ba gang yin pa'i lta bde ni kun tu 'dod chags par 'gyur gyi/ kun du 'dod chags pa med par mi 'gyur ro/ / kun tu zhe sdang bar 'gyur gyi/ kun tu zhe sdang ba med par mi 'gyur ro// kun tu gti mug par 'gyur gyi/ kun tu gti mug pa med par mi 'gyur ro// kun tu sbyor bar 'gyur gyi/ kun tu 'bral bar mi 'gyur ro/ / kun nas nyon mongs par 'gyur gyi/ rnam par byang bar mi 'gyur ro// kun tu 'phel bar 'gyur gyi/ kun tu 'bri bar mi 'gyur te/ mngon par dga' ba dang / nye bar len pa dang / lhag par zhen par 'gyur ro// me'i cha lugs can gyi bu de la bdag ni thams cad mi 'dod do zhes de ltar lta ba gang yin pa'i ltang de ni kun tu 'dod chags med par 'gyur gyi/ kun tu 'dod chan par mi 'gyur ro/ / kun tu zhe sdang med par 'gyur gyi/ kun tu zhe sdang bar mi 'gyur ro// kun tu gti mug med par 'gyur gyi/ kun tu gti mug par mi 'gyur ro// kun tu 'bral bar 'gyur gyi/ kun tu/
- 404b
sbyor bar mi 'gyur ro// rnam par byang bar 'gyur gyi/ kun nas nyon mongs par mi 'gyur ro// kun tu 'bri bar 'gyur gyi/ kun tu 'phel bar mi 'gyur ro// mngon par dga' ba med pa dang / nye bar len pa med pa dang / lhag par zhen pa med par 'gyur ro// me'i cha lugs can gyi bu de la bdag ni gcig ni 'dod la gcig ni mi 'dod do zhes de ltar lta ba gang yin pa'i lta ba de la re zhig des 'dod pa gang yin pade ni kun du 'dod chags par 'gyur gyi/ kun tu 'dod chags pa med par mi 'gyur ro// kun tu zhe sdang bar 'gyur gyi/ kun tu zhe sdang ba med par mi 'gyur ro// kun tu gti mug par 'gyur gyi/ kun tu gti mug med par mi 'gyur ro/ / kun tu sbyor bar 'gyur gyi/ kun tu 'bral bar mi 'gyur ro// kun nas nyon mongs par 'gyur gyi/ rnam par byang bar mi 'gyur ro// kun tu 'phel bar 'gyur gyi/ kun tu 'bri bar mi 'gyur te/ mngon par dga' ba dang / nye dar len pa dang / lhag par zhen par 'gyur ro// des mi 'dod pa gang yin pa de ni kun tu 'dod chags pa med par 'gyur gyi/ kun tu 'dod chags par mi 'gyur ro// kun tu zhe sdang ba med par 'gyur gyi/ kun tu zhe sdang bar mi 'gyur ro// kun tu gti mug med par 'gyur gyi/ kun tu gti mug par mi 'gyur ro// kun tu 'dra' bar 'gyur gyi/ kun tu sbyor bar mi 'gyur ro// rnam par byang bar 'gyur gyi/ kun nas nyon mongs par mi 'gyur ro// kun tu 'bri bar 'gyur gyi/ kun tu 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med par 'gyur ro// de la thos pa dang
- 405a
bya/ ldan pa'i 'phags pa'i nyan thos ni 'di ltar so so yang dag par rig par slob par byed de/ gal te bdag thams cad 'dod do nas de ltar lta zhing de skad sman ni bdag ni thams cad mi 'dod do zhes de ltar lta zhig/ de skad smra ba gang yin pa dang / bdag ni gcig ni 'dod la gcig ni mi 'dod do zhes de ltar lta zhing de skad smra ba gang yin pa de dag gnyis dang bdag 'gyed par 'gyur ro// 'gyed par gyur na rtsod par 'gyur ro// rjod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas/ lta ba de'ang spong la/ lngang gzhan yang mi len to// de wAr na lta ba de'ang spong ba dang / dor ba dang / sel bar 'gyur la/ lta ba gzhan yang nying mtshams sbyor bar mi 'gyur// nye bar len par mi 'gyur// 'byung bar mi 'gyur ro// de la thos pa dang ldan pa'i 'phags pa nyan thos ni 'di ltar so so yang dag par slob par byed de/ gal te bdag thams cad mi 'dod do zhes de ltar lta zhing de skad smra na ni bdag ni thams cad 'dod do zhes de ltar lta zhing de skad smra ba gang yin pa dang / bdag ni gcig ni 'dod la gcig ni mi 'dod do zhes ji ltar lta zhing de skad smra ba gang yin pa de nyid dang bdag 'gyed par 'gyur ro/ / 'gyed par gyur na rtsod par 'gyur ro// rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas/ lta ba de'ang spang la/ lta ba gzhan yang mi len to// de ltar na lta ba de'ang spong ba dang / 'dor ba dang / sil bar 'gyur la// lta ba gzhan yang nying mtshams sbyor bar mi
- 405b
/ 'gyur/ nye bar len par mi 'gyur/ 'byung bar mi 'gyur ro// de la thos pa dang ldan pa'i 'phags pa nyan thos ni 'di ltar so so yang dag par slob par byed de/ gal te bdag gcig ni 'dod la gcig ni mi 'dod do zhes de ltar lta zhing de skad smra na ni bdag ni thams cad 'dod do zhes de ltar lta zhing de skad smra ba gang yin pa dang / bdag ni thams cad mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur ro// 'gyed par gyur na rtsod par 'gyur ro// rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par mthong nas// lta ba de'ang spong la/ lta ba gzhan yang mi len to// de ltar na lta ba de'ang spong ba dang / 'dor ba dang / sel bar 'gyur la/ lta ba gzhan yang nying mtshams sbyor bar mi 'gyur/ nye bar len par mi 'gyur/ 'byung par mi 'gyur ro/ / me'i cha lugs can gyi bu lus 'di ni gzugs can rags pa 'byung ba chen po bzhi'i rgyu las byung ba ste/ de la ni 'phags pa nyan thos kyis rgyun mi 'chad par skye ba dang / 'jig par rjes su lta bas gnas par bya'o/ / 'dod chags dang bral bar rjes su lta ba dang / 'gog par rjes su lta ba dang / spangs par rjes su lta bas gnas par bya'o// 'phags pa nyan thos kyis de la rgyun mi 'chang par skye ba dang / 'jig par lnga bas gnas na de'i lus la 'dun pa dang / lus la byams pa dang / lus la 'phangs pa dang / lus la gnas pa dang / lus la zhen pa dang / lus la lhag par zhen
- 406a
pa gang yin pa de dag/ de'i sems zil gyis non cing 'dug par mi 'gyur ro// me'i cha lugs can gyi bu tshor rab 'din/ 'di gsum yin te/ gsum gang zhe na/ bde ba dang / sdug bsngal ba dang / sdug bsngal ba'ang ma yin/ bde ba'ang ma yin pa ste/ thos pa dang ldan pa'i phags pa nyan thos ni gang gi tshe bde ba'i tshor ba myong ba de'i tshe// de'i sdug bsngal dang / sdug bsngal yang ma yin/ bde ba'ang ma yin pa'i tshor ba gnyis 'gag par 'gyur te/ de'i tshe 'phags pa nyan thos kyi bde ba'i tshor ba nyi tshe myong bar 'gyur la/ bde ba'i tshor ba de'ang mi rtag pa dang / 'gog pa'i chos can yin no/ / 'phags pa nyan thos ni gang gi tshe sdug bsngal gyi tshor ba myong ba de'i tshe/ de'i bde ba dang sdug bsngal yang ma yin/ bde ba'ang ma yin pa'i tsher ba gnyis 'gag par 'gyur da/ de'i tshe 'phags pa nyan thos kyi sdug bsngal gyi/ tshor ba nyi tshe myong bar 'gyur la// sdug bsngal gyi tshor ba de'ang mi rtag pa dang // 'gog pa'i chos can yin no// 'phags pa nyan thos ni gang gi tshe sdug bsngal yang ma yin/ bde ba'ang ma yin pa'i tshor ba myong ba de'i tshe/ de'i bde ba dang sdug bsngal gyi tshor ba gnyis 'gag par 'gyur te/ de'i tshe 'phags pa nyan thos kyis sdug bsngal yang ma yin// bde ba'ang ma yin pa'i tshor ba nyi tshe myong bar 'gyur la/ sdug bsngal yang ma yin/ bde ba'ang ma yin pa'i tshor ba de'ang mi rtag pa dang / 'gog pa'i chos can yin no// de 'di snyam du sems te/ tshor ba 'di rnams kyi gzhi ni gang yin// skyed pa ni gang yin//
- 406b
rigs ni gang yin/ 'byung bar byed pa ni gang yin zhe na/ tshor ba 'di rnams kyi gzhi ni rig pa'o// skyed pa ni reg pa'o// rigs ni reg pa'o// 'byung bar byed pa ni reg pa ste/ reg pa de dang de skyes na tshor ba de dang de dag skye bar 'gyur la/ reg pa de dang de 'gags na tshor ba de dang de dag 'gag par 'gyur/ nye bar zhi bar 'gyur/ bsil bar 'gyur/ med par 'gyur ro snyam nas/ des bde ba'am/ sdug bsngal ba 'am/ sdug bsngal yang ma yin/ bde ba'ang ma yin pa'i tshor ba' ga' zhig myong na/ tshor ba de dag gi skye ba dang / med par 'gyur pa dang / nyams pa dang / nyes dmigs dang / nges par 'byung ba yang dag pa ji lta ba bzhin du rab tu shes so/ / des tsher ba de dag gi slu ba dang / med par 'gyur pa dang / nyams pa dang / nyes dmigs dang / nges par 'byung ba yang dag pa ji lta ba bzhin du rab tu shes pas tshor ba bskyes so cog la mi rtag par rjes su lta ba dang / 'jig par rjes su lta ba dang / 'gog par rjes su lta ba dang / spong bar rjes su lta bas gnas so// de lus dang dus mnyam pa'i tsher ba myong ba na/ lus dang dus mnyam pa'i tshor ba myong ngo snyam du yang dag pa ji lta ba bzhin du rab tu shes so// srog dang dus mnyam pa'i tsher ba myong ba na/ srog dang dus mnyam pa'i tshor ba myong ngo snyam du yang dag pa ji lta ba bzhin/ du rab tu shes te/ srog gi mthar thug nas/ lus dang bral ba'i 'og tu de'i tsher ba thams cad ma lus par 'di nyid du 'gag par 'gyur/ ma lus par med pa dang / yongs su zad pa dang / gtugs par 'gyur
- 407a
ro/ / de'i ni snyam du sems te/ lus dang bral ba'i tshe/ bde ba'i tshor ba myong na'ang sdug bsngal gyi mthar ni de kho nar zad do// lus dang bral ba'i tshe/ sdug bsngal dang / sdug bsngal yang ma yin/ bde ba'ang ma yin pa'i tshor ba myong na'ang sdug bsngal gyi mthar ni de kho nar zad do snyam mo// de bde ba'i tsher ba myong na'ang mi ldan pa myong gi/ ldan pa ni ma yin no// sdug bsngal yang ma yin/ bde ba'ang ma yin pa'i tsher ba myong na'ang mi ldan pa myong gi/ ldan pa ni ma yin no// mi ldan pa ci dang mi ldan zhe na/ 'dod chags dang / zhe sdang dang / gti mug dang mi ldan no// skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams dang / sdug bsngal dang mi ldan no zhes nga smra'o// de'i tshe tshe dang ldan pa shA ri'i bu bsnyen par rdzogs nas zla ba phyed lon pa dang / bcom ldan 'das kyi snam logs su 'greng ste/ bsil yab thogs nas/ bcom ldan 'das la g.yob par byed do// de nas tshe dang ldan pa shA ri'i bu 'di snyam du sems te/ bcom ldan 'a das ni chos de dang de dag ni myong ba'aba' zhig brjod par mdzad/ / 'dod chags dang bral ba 'ba' zhig dang / 'gog pa 'ba' zhig dang / dor ba 'ba' zhig brjod par mdzad kyis/ mal bdag kyang chos de dang de dag spong bar rjes su lnga bas gnas par bya gor ma chag/ 'dod chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas pa bya gor ma chag snyam mo// de nas tshe dang ldan pa shA ri'i bu chos de dang de dag
- 407b
la mi rtag par rjes su lta bas gnas pa dang / 'jig par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas nas/ len pa med par zag pa rnams las sems rnam par grol lo/ / kun tu rgyu san rings kyang chos rnams la chos kyi mig rdul med cing dri ma dang bral ba skyes so// de nas kun tu rgyu sen rings kyis chos mthong / chos thos// chos rtogs// chos kyi gting bslabs te/ som nyi las 'argal// the tsom las brgal nas/ gzhan gyi dring mi 'jog cing / gzhan gyis bkring med la/ ston pa'i bstan pa'i chos rnams la mi 'jigs pa thob nas stan las langs te/ bla gos phrag pa gcig tu gzar nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// btsun pa bdag lags par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas kun tu rgyu san rings kyis legs par gsungs pa'i chos 'dul ba la rab tu byung ba dang / bstan par rdzogs shing dge slong gi dngos po thob bo// de ltar rab tu byung nas tshe dang ldan pa de gcig pu dben pa dang / ngag yod pa dang / brtun pa dang / spong ba'i bdag nyid du gnas so// gcig pu dben pa dang / bag yod pa dang / brtun pa dang / spong ba'i bdag nyid du gnas nas/ rigs kyi bu rnams gang gi phyir skra dang kha spu bregs te/
- 408a
chos gos tshen can bgos nas/ yang dag par dad pa kho nas khyim nas khyim med par rab tu 'byung bar byed pa'i tshangs par spyod pa na/ bla na med pa mthar thug pa de'i tshe 'di 'di la rang gi mngon par shes pas mngon sum du byas te/ bsgrubs nas nyams su myong ste/ bdag go skye ba zad do// tshangs par spyod pa spyad zin to// bya ba byas so// 'di las srid pa gzhan mi shes so snyam du kun shes par gyur na tshe dang ldan pa de dgra bcom pa sems shin tu rnam par grol bar gyur to/ / der bcom ldan 'das kyis/ dge slong rnams la bka' stsal pa/ dge slong dag nga'i nyan thos kyi dge slong so so yang dag par rig pa/ thob pa rnams kyi mchog ni 'di lta ste/ dge slong gsus po che 'di yin no// de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa gsus po ches las gang dag bgyis pa des gzhung gi smra ba chen por gyur la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ gsus po che nyid kyis sngon rabs gzhan dag tu tshogs rnyed cing rkyen grub pa dang ldan te/ dpa' rgal bzhin du 'byung la// gdon mi za bar 'ong ba'i las de dag byas shing bsags pas na/ gsus po che nyid kyis las byas shing bas na/ pa de dag gzhan su zhig gis thams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung
- 408b
gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams rang skye mched rnams 'ba' zhig la rnam par smin par 'gyur ro// lus can dag gi las rnams mi/ bskal pa brgyar yang chud mi za// tshogs shing dus la rab pa na/ 'bras bu nyid du smin par 'gyur// dge slong dag sden byung ba 'das pa'i dus na/ grong khyer wA rA NA si na sde dpon zhig la sogs pa mi rgod lnga brgya rkun po la chas so/ / re zhig na de dag song song ba dang / seng ldeng gi nags shig tu phyin nas/ ded dpon gyis smras pa/ pad+ma lta bu'i mig dang ldan pa dag khyed kyis 'di na gzhan gyi mi 'ga' lnga yod dam ltos dang / des bdag cag gis gnod sbyin la mchod pa gsol te 'dong ngo zhes byas so// de nas mi rgod de dag de 'khor 'khor te/ seng ldeng gi nags de na rang sangs rgyas shig 'dug pa de mthong nas bzung ste sde dpon gyi thad du khrid do/ / de nas mi rgod kyi sde dpon gyis sod cig ces bsgo'o// de nas rang sangs rgyas des de dag la phan gdags pa'i phyir dang pa'i rgyal po 'dab ma brkyang ba bzhin du nam mkha' la 'phags nas cho 'phrul rnam pa sna tshogs bstan to/ / de nas mi rgod kyi sde dpon sdong po rtsa ba nas bcad pa bzhin du rkang pa la phyag 'tshal nas/ nyes pa bshags te bshos gsol nas smon lam btab pa/ bdag cag gi kyang yon tan 'di lta bu dag thob par gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi nyes par byed par ma gyur cig ce byas so// bcom ldan 'das kyi bka' stsal
- 409a
pa/ dge slong dag ji snyam du sems// de'i tshe de'i dus na mi rgod kyi sde dpon du gyur pa de ni gsus po che 'di yin no// gzhan yang bcom ldan 'das 'od srungs kyi ring la rang tu byung nas/ des lo khri'i bar du tshangs par spyod pa'i gnas bsrungs te/ des da ltar dgra bcom pa nyid mngon sum du byas so// dge slong dag de ltar na las gcig tu nges par gnag pa rnams ni rnam par smin par nga gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro// dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// yang dag sdud ces bya ba ni/ sangs rgyas bcom ldan 'das la/ rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto
- 409b
'phye chen po rnams kyis bkur sti byas/ b+h+ra mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang // nam mkha' lding dang / mi 'am tsa dang lte 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang snyun gsos dang / sman zong rnams brnyes pa/ nyan thos kyi dge 'dun dang bcas pa grong khyer ku shin gyad kyi nyen kor shing sA la zung gi tshal na bzhugs so// de nas bcom ldan 'das yongs su mya ngan las 'da' ba'i dus la bab pa de'i tshe/ tshe dang ldan pa kun dga' bo la bka' stsal pa/ kun dga' bo de bzhin gshegs pa ni ngo nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ shing sA la zung gi bar du de bzhin gshegs pa'i gzims khri shoms la sngas byang phyogs su ston cig/ de na btsun pa de ltar 'tshal lo zhes gsol te/ tshe dang ldan pa kun dga' bos bcom ldan 'das kyis bka' stsal pa bzhin du shing sA la zung gi bar du gzims khri bshams te/ sngas byang phyogs su bstan bcom ldan 'das ga la ba de logs su ser sa phyin nas/ bcom ldan 'das kyi zhabs la mgo bos phyag 'tshal te phyogs gcig tu 'grang ngo // phyogs gcig tu 'greng nas/ bcom ldan 'das la/ tshe dang
- 410a
ldan pa kun dga' bos 'di skad ces gsol to/ / btsun pa shing sA la zung gi bar du de bzhin gshegs pa'i gzims khri ba shams te/ sngas byang phyogs su bstan lags sa de nas bcom ldan 'das gzims khrig la ba der gshegs te byon nas/ glo g.yas phyogs kyis gzims te zhabs gshibs nas snang ba'i 'du shes dang / dran pa dang shes bzhin dang ldan zhing ma na 'da' ba'i 'du shes 'ba' zhig thugs la dgongs nas/ der bcom ldan 'das nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das so// sangs rgyas bcom ldan 'das yongs su mya ngan las 'das ma thag pa de'i mod las chen po ni shin tu g.yos/ skar mda' ni lhung // mtha' nas ni ljib lam lam/ bar snang las ni lha'i rnga sgra dag brdangs so// sangs rgyas bcom ldan 'das yongs su mya ngan las 'das pa'i mod la nags kyi shing ljon pa'i mchog shing sA la zung 'dud par gyur te/ de bzhin gshegs pa seng ge'i thabs su batshams pa la me tog dag gis gtor to/ / sangs rgyas bcom ldan 'das yongs su mya ngan las 'das ma thag pa de'i tshe/ dge slong zhig gis tshigs su bcad de smras pa/ sA la'i tshal gyi ljon pa'i mchog 'di nyid mdzes par ldan pa ste/ / ston pa mya ngan 'das pa la// me tog dag gis yongs su gtor// sangs rgyas bcom ldan 'das yongs su mya ngan las 'das ma thag pa de'i tshe/ lha'i dbang po
- 410b
byin gyis tshigs su bcad de smras pa/ kye ma 'du byed rnams ni re mi rtag/ skye zhing 'jig pa'i chos can yin// skyes nas 'gag par 'gyur ba ste// de dag myur bar zhi ba bde// sangs rgyas bcom ldan 'das yongs su mya ngan las 'das ma thag pa de'i tshe/ mi mdzod kyi bdag po tshangs pas tshigs su bcad de smras pa/ 'jig rten 'di na sems cad kun// lus rnams nges par 'dor bar byed/ / 'jig rten 'di ni zla med pa'i// ston pa po ni 'di 'dra ba// de bzhin gshegs pa'i stobs brnyes pa// spyan ldan yongs su mya ngan 'das// sangs rgyas bcom ldan 'das yongs su mya ngan las 'das ma thag pa de'i tshe/ tshe dang ldan pa ma 'gags pas tshigs su bcad de smras pa/ brtan pa'i thugs ldan skyob pa'o// phyi nang rgyu ba'i dbugs chad de/ mi g.yo zhi la brten nas kyang / / spyan ldan yongs su mya ngan 'das// rnam pa kun gyi mchog ldan pa// ston pa gang tshe 'das gyur pa// de tshe 'jigs pa chen po byung // de tshe skyi yang bung zhes byed// zhum/ pa med pa'i thugs kyis ni// tshor ba dang du lon par mdzad// mar me shing ra gyur pa ltar// de yi thugs ni rnam par grol// sangs rgyas bcom ldan 'das yongs su mya ngan las 'das nas zhag bdun lon pa de'i tshe/ tshe dang ldan pa kun dga' bos/ bcom ldan 'das kyi spur zhugs la zhen pa bskor bzhin du tshigs su bcad de smras pa/ 'dren pa rdzu 'phrul chen po rin cher sku// tshangs pa'i 'jig rten
- 411a
gshegs pa gang yin te/ / nyid kyi sgra las byung ba'i me lces bsregs// de ni na bza' lnga brgya phrugs kyis dkris// na za' chos gos stong du tshang ba yis// sangs rgyas sku ni yong/ su dkris par gyur// der ni bzang zhing nang dang phyi rol gyi// rnam pa gnyis ni tshig par yongs ma gyur// sangs rgyas bcom ldan 'das yongs su mya ngan las 'das nas lo brgya lon pa'i tshe/ grong khyer pa ta li'i bur zhes bya ba na/ rgyal po mya ngan med rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba glang dang / ma he dang ldan par 'dug sta/ chos dang ldan pa dang / chos kyi rgyal po chos bzhin du rgyal po byed do// de nas phyis re zhig na btsun mo dang lhan cig tu rtse zhing dka' la dga' dgur spyod do// de rtse zhing dga' la dga' dgur spyod pa las/ phyis btsun mo la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing blta na sdug pa mdzes pa/ mig bya ku na la'i mig 'dra ba zhig btsas so// de nas de btsas pa'i btsas ston byas nas/ khye'u 'di'i ming ji skad gdagis zhes ming 'dogs par byed do// nye du rnams na re/ 'di btsas ma thag tu mig bya kun la'i mig 'dra bas na de'i phyir khye'u
- 411b
'di'i ming kun la zhes gdags so zhes zer ro/ / de nas khye'u kun la pang na 'tshe ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtsu ba'i ma ma gnyis dang / ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ / mtsho'i nang gi pad+ma bzhin du skye drag par gyur to// de nas de rgyan thams cad kyis brgyan nas rgyal po'i phang du blangs te/ yang dang yang du bltas nas/ de'i byad gzugs phun sum tshogs pas ngoms par gyur te/ 'jig rten na nga'i bu dang byad gzugs mtshungs pa med do zhes zer ro// de nas de'i tshe yul sa 'dzin na grong me tog khur chen zhes bya ba zhig yod de/ de na khyim bdag gcig gi bu mi'i kha dog las ni 'das/ lha'i kha dog ni ma thob pa zhig btsas te/ de btsas pa na rin po che'i rdzing lnga'i spos chus gang ba dang / skyed mos tshal chen po me tog dang 'bras bu phun sum tshogs pa dang ldan pa dang / 'gro shes pa zhig byung ste/ khye'u de gang dang gang du 'gro ba de dang der rdzing dang skyed mos tshel de dag byung bar gyur to// de nas khye'u de'i ming mdzes ldan zhes btags so// de nas re zhig na khye'u de char skyes pa dang / me tog khur chen gyi grong na tshong pa kha cig don dag cig la yul pa nya la'i bur dong ste/ de dag gis skyes khyer nas rgyal po mya ngan med pa'i thad du dong ngo // de nas
- 412a
de dag gis rgyal po'i rkang pa la phyag 'tshal te/ skyes phul nas mdun na 'khod do// de nas rgyal po mya ngan med kyis de dag la bu kun la bstan te/ kye tshong pa dag khyed 'byam pa na/ byad gzugs kyi khyad par dang ldan pa 'di lta bu sngan chad gang du'ang rung ste/ res 'ga' mthong ngam zhes dris so// de nas tshong pa de dag gis thal mo sbyar ba btud de/ rkang pa la phyag 'tshal te/ gyod mi rma bar gsol nas/ rgyal po la gsol pa/ lha bdag cag gi yul na khye'u mdzes ldan zhes bgying mi'i kha dog las ni 'das/ lha'i kha dog ni ma thob pa zhig mchis te/ de btsas pa na rin po che'i rdzid bulha'i spos chus gang ba dang / skyed mos tshal chen po me tog dang 'bras bu phun sum tshogs pa dang ldan pa 'gro shes pa zhig byung ste/ khye'u de gang dang gang du 'gro ba de dang dar rdzing dang skyed mos tshal de 'byung bar 'gyur ro zhes byas so/ / de nas rgyal po mya ngan med kyis de thos nas mchog tu ya mtshan du gyur te lta 'dod par gyur nas pho nya btang ste/ rgyal po mya ngan med khye'u mdzes ldan blta ba'i phyir 'ong bar 'dod kyis/ khyed kyi bya ba 'am/ bsham pa gang yin pa de gyis shig ces spring ngo // de nas skye bo phal po che skrag ste// gal te rgyal po dmag gi dpung chen po dang 'dir 'ongs su zin na/ gnod pa chen po nig tu mi 'gyur ram snyam mo/ / de nas khye'u de'i bzhon pa bzang po bshams te/ skyes su mu tig gi do shal 'bum brdzangs nas/ rgyal po mya ngan med kyi thad du btang ste/ de mthar gyis sor song ba dang /
- 412b
grong khyer pa ta la'i ngur phyin nas mu tig gi do shal 'bum khyer te/ rgyal po mya ngan med kyi zad du phyin to// de nas rgyal po mya ngan med kyis khye'u mdzes ldan gyi byad gzugs mdzes pa dang / kha dog rgyas pa dang / lha'i rdzing bu dang skyed mos tshal mthong nas/ mthong ma thag tu mchog tu ya mtshan du gyur to// de nas rgyal po mya ngan med kyis gnas brtan nye bar srung la ya mtshan du bstan pa'i phyir khye'u mdzes ldan khrid de khyim bya'i kun dga' ra bar song ngo / / kun dga' ra ba de na dgra bcom pa ni nye bar srung la sogs pa khri brgyad stong gnas so// slob pa dang so so'i skye bo dge ba ni/ de'i nyis 'gyur du gnas so// de nas des gnas brtan gyi rkang pa la phyag 'tshal nas/ chos mnyan pa'i phyir mdun du 'dug go// gnas brtan nye bar srung gis kyang de la chos bstan to// / khye'u de'ang rgyud yongs su smin pa zhig ste/ chos thos nas rab tu 'byung bar dad par gyur te/ des rgyal po mya ngan med la gsol nas/ gnas brtan nye bar srung gi thad du rab tu byung ste/ des sbyor ba dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad snyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i
- 413a
'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan ngan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas rgyal po mya ngan med the tsom skyes te/ gnas brtan 'bar srung la dris pa/ btsun pa mdzes ldan gyis las gang dag bgyis nas/ des byad gzugs 'di lta bu dang ldan par gyur lags/ las gang dag bgyis na/ des rin po che'i rdzing lha'i smos chus gang ba dang / skyed mos tshal chen po me tog dang 'bras bu phun sum tshogs pa dang ldan pa 'gro shes pa 'byung bar 'gyur lags// gnas brtan nye bar srung gis smras pa// rgyal po chen po mdzes ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal ba zhin du 'byung la/ gdon mi za bar 'ong ba'i las de dag byas shing bsags pas naHmdzes ldan nyid kyis las byas shing bsags pa de dag gzhan su zhig gis nyams su myong bar 'gyur te/ rgyal po chen po las byas shing bsags pa rnams ni phyi rol gyi sa'i khams la rnam par
- 413b
smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ rgyal po chen po sngon gang gi tshe/ bcom ldan 'das yongs su mya ngan las 'das pa de'i tshe// tshe dang ldan pa 'od srungs chen po 'khor lnga brgya dang yul ma ga d+har ljongs rgyu bar dong ste/ chos yang dag par sdud par 'dod pa las/ re zhig na tshong pa dbul po zhig gi dge slong gi dge 'dun phal po che ston pa dang bral ba'i mya ngan gyis non par gyur la/ 'gro 'gro bas dub cing lus rdul gyis yogs par mthong ngo // de nas de snying rje skyes na/ des 'od srungs chen po la sogs pa dge slong lnga brgya cho ga dang ldan pa'i khrus la spyan drangs so// de nas res chu dron po spos sna tshogs kyis bsgos pa phul te/ dge slong rnams kyi lus bkrus te/ tshwa gro rnams kyang bkrus so/ / kha zla bzang pos kyang tshim par byas nas skyab su 'gro ba dang / bslab pa'i gzhi rnams kyang blangs te smon lam btab pa/ bdag bcom ldan 'das shAkya thub pa'i bstan pa 'di nyid la rab tu byung nas/ dgra bcom pa nyid mngon sum du byed par gyur cig ces byas so/ / rgyal po chen po ji snyam du sems/ de'i tshe de'i dus na tshong dpon dngul por gyur pa gang yin pa de ni dge slong mdzes ldan 'di yin te/ de dge slong dag la cho ga dang
- 414a
ldan pa'i khrus byas pa des na 'di 'di lta bur byud gzug khyad par can du gyur la/ rin po che'i rdzing lha'i spro chus gang ba dang / skyed mos tshal chen po me tog dang 'bras bu phun sum tshogs pa dang ldan pa 'gro shes pa byung bar gyur to/ / des skyab su 'gro ba dang / bslab pa'i gzhi rnams blangs pa des ni tshe 'di nyid la dgra bcom pa nyid mngon sum du byas so// rgyal po chen po de ltar na las gcig tu nges par gnag pa rnams ni rnam par smin pa'ang gcig tu nges par gnag par 'gyur ro/ / las gcig tu nges par dkar ba rnams ni rnam par smin pa'ang gcig tu nges par dkar bar 'gyur ro// las 'dren ma rnams ni rnam par smin pa'ang 'dren mar 'gyur ro/ / rgyal po chen po debs na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ rgyal po chen po khyod kyis de ltar bslab par bya'o// de nas rgyal po mya ngan mad gnas brtan nye bar srung gis bshad pa la mngon par bstod de rjes su yi rangs nas stan las langs te song ngo / / rtogs pa brjod pa brgya pa las sdom gyi tshigs su bcad pa rdzogs te/ gang po la sogs pa'i rtogs pa